Select Section Type

1.0
pad nām ud šnāyišn ī wisp_sūd dādār ohrmazd , X ud harwisp mēnōy ud gētī dahišnān yazadān , X
2.0
frahangān frahang dēn māzdēsn , X kē -š ēd ēwtom bun_xān ī dānāgīh frāz_wizīdār aziš X ,
3.0
pad xwarrah ud kām dō axwānān abzōnīgān āfrāh dādār ohrmazd , X ud harwisp meh_ōzān yazadān X
4.0
ud purr_āsān_pardazišnīh ī yazadān wāspuhragān čimīg_warzišnān dānāgān X X pādbaxšišnīhā nōg nōg ō xwēšnīh ī xrad , X pad stabrīhā nirmad_windišnīh dō_axwānīg ō tan ud ruwān bēšazgartom X ,
5.0
čiyōn andar abēzag abdān abd abēgumān ud huhangōšīdag weh_dēn ī māzdēsnān pad gōwišn ī dādār ohrmazd ud spitāmān zarduxšt pad was gyāg wizīrēnīd ēstēd X X X X kū ōy ī wisp_weh , dādār ēn dām pad xrad dād X X
6.0
u -š awēn_gardīhā dāštārīh pad xrad X
7.0
ud asazišnīg ud apetyārag pad ān ī hamē_ud_hamē_rawišnīh anōšagīh nīrmadōmandtom abzār ī xrad rāy abāz ō xwēš kunēd X X X
8.0
ham čim rāy paydāg X kū dānāg ē būdan kē -š guft X kū agar ēn āšnāg kū yazadān dēn rāstīh dād frārōnīh ud abar dāmān nēk_kāmag ud abaxšāyišnīg X X X čē_rāy frahist mardōm was kēš ud was wurrawišn ud was buništ hēnd X
9.0
ud frahist ān kē kēš ud dād ud wurrawišn pad xīr ī yazadān wizendgar ud nē xūb X X
ud ēn -iz handēšīdan kū wizīdār būdan $ pad ēn , tis rāy ranǰ abar barišn X
ud pad ēn tis āgāh abāyēd būdan X X čē pad frazāmkārīh tan ō xākīh gumēzīhēd ud abestām ō ruwān bawēd X
ud harw kas ruwān rāy ranǰ abar barišn X
ud az kār kirbag āgāh bawišn X čē ān kirbag ī mard anāgāhīhā kunēd kirbag kem X X
ud ān wināh ī mard anāgāhīhā kunēd wināh pad bun ōy bawēd X
ud az abestāg paydāg X kū -š nē tis grift kē nē ruwān grift X tā nūn
bē wēš winaftagīh rāy āγištag ud pēčīdag ōwōn hēnd kū -šān gōwišn ī bun ō mayān ud mayān ō frazām abēr ahōmānāg , X X
pursīd dānāg ō mēnōy ī xrad , X kū panāh kadām drubušttar X
ud dōst kadām weh X
ud nām_burdār kadām weh X
ud rāmišn_ayār kadām weh X
ud xwāstag kadām xwaštar X
ud rāmišn ī az harw rāmišn frāztom kadām X
mēnōy xrad passox kird X kū panāh yazad drubušttar X
ud dōst brād ī nēk weh X
ud nām_burdār frazend nēk ī dēn_burdār weh X
ud rāmišn_ayār zan ī nēk ī huxēm weh X
xwāstag ān weh ud xwaštar ī az frārōnīh handōxt ēstēd ud abāg kār ud kirbag xwarēd ud dārēd X X
ud rāmišn ī az harw rāmišn frāz tan_drustīh ud abēbīmīh ud husrawīh ud ahlāyīh , X
pursīd dānāg ō mēnōy ī xrad , X kū driyōšīh weh ayāb tuwāngarīh ayāb pādixšāyīh X
mēnōy xrad passox kird , X kū driyōšīh ī pad frārōnīh weh kū tuwāngarīh ī az xīr ī kasān X X
čē guft ēstēd X kū ōy ī driyōštom ud armēšttom kas hamē ka -š menišn ud gōwišn ud kunišn frārōn ud pad kār ī yazadān dārēd az harw kār ud kirbag ī mardōmān andar gēhān kunēnd ōy -iz dādīhā bahr andar bawēd , X X X
ud ōy -iz ī tuwāngar ī was xwāstag mard ka xwāstag nē az frārōnīh kird ēstēd ka pad kār ud kirbag ud ahlaw_dād uzēnag kunēd ēg -iš kirbag xwēš nē bawēd , X X X
ud ōy was xwāstag kē az frārōn_tuxšāgīh handōxt ēstēd ud abāg kār kirbag ud rāmišn xwarēd ud dārēd ān -iz az -iš weh nēst , X X X
čē ān pad pahlom abāyēd dāštan X
bē ōy ī was xwāstag mard kē -š xwāstag az frārōn_tuxšāgīh handōxt ēstēd ud abāg kār ud kirbag ud rāmišn xwarēd ud dārēd ān meh ud weh ud pahlomtar , X X X
ud ān -iz pādixšāyīh rāy gōwēnd , X kū deh -ē hupādixšāyīh weh kū kišwar -ē dušpādixšāyīh X
čē dādār ohrmazd pānag_kardārīh ī dām rāy hupādixšāyīh dād , X
ud ahriman ī druwand dušpādixšāyīh pad petyārag ī hupādixšāyīh dād ēstēd X X
hūpādišāhī ān bawēd kē šahr ābādān ud driyōšān , abēmust dād ud ēwēn rāst dārēd ud framāyēd X X ud dād ud ēwēn ī abārōn spōzēd X ud āb ud ātaxš xūb dārēd , X ud ēzišn yazadān ud kār ud kirbag pad rawāg dārēd , X
driyōšān ayārōmandīh ud ǰādag-gōwīh kunēd , X ud dēn ī weh ī māzdēsnān rāy tan ud ān -iz ī xwēš gyān be abespārēd X
ud agar ast kas kē az rāh ī yazadān bē ēstēd ēg -iš wirāyišn padiš kirdan framāyēd X X u -š griftār kunēd ud abāz ō rāh ī yazadān āwarēd , X
ud az xwāstag ī -š ast bahr ī yazadān ud arzānīgān ud kirbag ud driyōšān be baxšēd X
ud tan ruwān rāy be abespārēd X
hupādixšā ī pad ān ēwēnag hamtāg yazadān ud amahraspandān guft ēstēd , X X
dušpādixšāyīh ān bawēd X kē dād ud ēwēn rāst ud frārōn wišōbēd , X ud stahm ud appar ud adādestānīh , andar kār āwarēd , X X ud xīr ī mēnōy wišōbēd , X ud kār kirbag pad āb bēš dārēd , X
ud kirbakkar mardōm az kirbag kirdan abāz dārēd X ud pad -iš , wizend-kardār bawēd X
u -š hāmōyēn handāzišn ō tan ī xwēš X ud ārāyišn xīr ī gētī X ud hangadīh ud burzišn ī wattarān X ud zanišn ud āwēnišn ī wehān , , X abesīhēnīšn ī driyōšān , X
dušpādixšā ī pad ān ēwēnag hamtāg ahriman ud dēwān guft ēstēd , , X X
pursīd dānāg ō mēnōy xrad , X kū az xwarišn ī mardōmān xwarēnd ud wastarag ī mardōmān paymōzēnd kadām , arzōmandtar ud weh X X
mēnōy ī xrad passox kird X kū az xwarišn ī mardōmān xwarēnd šīr gōspandān weh dād ēstēd X čē mardōm ud čahārpāy ka az mād , be zāyēnd tā ān ī ka -šān xwarišn tuwān xwardan ēg -išān rōyišn ud parwarišn az šīr , X X X
ud pad šīr šāyēnd zīwistan , X
ud agar mardōm ka az šīr ī mādar abāz kunēnd bē ō šīr gōspandān hammōzišn kunēnd , X X ēg -išān nān pad kār andar nē abāyēd X
čē paydāg X kū mardōm ī pad arzah ud sawah ud fradadafš ud wīdadafš ud wōrūbaršt ud wōrūǰaršt hēnd xwarišn pēm ī gōspandān ud gāwān X X any , xwarišn nē xwarēnd , X
ud ōy ī pēm_xwarišn mardōm tan_drusttar ud zōrōmandtar ud zāyišn -iz ī frazendān abēwizendtar bawēd X X
ud az ǰōrdāyān gandum meh , ud weh guft ēstēd X čē rad ī ǰōrdāyān ast X
ud az -iz abestāg ēg -iš nām pad radīh ī ǰōrdāyān paydāg X
ud az mēwag xurmāg ud angūr meh ud weh guft ēstēd X
ud ka nān nē mad ēstēd mēwag rāy drōn abāyēd yaštan X
ud ka mēwag xurmāg , ayāb angūr yašt harw mēwag pādixšā xwardan X
ud ka ān nē mad ēstēd ān mēwag abāyēd xwardan ī yašt ēstēd , , X X
may rāy paydāg kū gōhr ī nēk ud wad pad may ō paydāgīh šāyēd madan X X
wehīh ī mard andar xešm xrad ī mard andar waran ī abārōn paydāgīhēd X X
čē kē xešm awištābēd u -š xwēš_tan wirāstan tuwān pad wehīh X
ud kē waran awištābēd u -š xwēš_tan wirāstan tuwān pad xrad X
ud kē may awištābēd u -š xwēš_tan wirāstan tuwān pad gōhr X
pad wizōstan nē abāyēd X
čē ōy ī nēk_gōhr mard ka may xwardan ēdōn homānāg čiyōn ǰāmag -ē ī barēn ud asēmēn ī and_čand wēš abrōzēnd pāktar ud rōšntar bawēd , X X X
ud menišn ud gōwišn ud kunišn frārōntar dārēd X
ud andar zan ud frazend ud hamayārān ud dōšnām čarbtar ud šīrēntar bawēd X
ud pad harw kār ud kirbag tuxšāgtar bawēd X
ud ōy wad_gōhr mard ka may xwarēd xwēš_tan az paymān freh menēd ud dārēd X X
ud abāg hamayārān nibard barēd ud čērīh nimāyēd ud afsōs ud riyahrīh kunēd X X
ud weh mardōm tar kunēd X
ud zan ud frazend ud bandag ud paristār ī xwēš bēšēd X
urwāhm ī wehān wišōbēd X ud āštīh bē barēd ud anāštīh andar āwarēd X
bē harw kas pad paymān_xwardan ī may ōšyār abāyēd būdan X
čē az paymān_xwardan ī may ēn and nēkīh awi -š rasēd X
čē xwarišn gugārēd X ud ātaxš abrōzēd X ud ōš ud wīr tōhm ud xōn abzāyēd X
ud bēš spōzēd X ud gōnag abrōzēd X
ud tis ī framušt ayād kunēd X
ud wehīh pad menišn gāh gīrēd X
ud wēnišn ī čašm ud ašnawišn ī gōš ud guftārīh ī uzwān abzāyēd X
ud kār ī kirdan ud rāyēnīdan abāyēd rawāg bawēd X
ud pad xufsan_gāh xwaš xuftēd ud sabuk āxēzēd , X
u -š ān bahrag rāy husrawīh ō tan ud ahlāyīh ō ruwān ud passand -iz ī gēhān abar rasēd X X
ud kē may az paymān freh xwarēd ēn and āhōg pad -iš paydāg bawēd X
čē -š xrad ud ōš ud wīr ud tōm ud xōn kāhēd X
ud wēmārīh handōzēd X , ud gōn wardēnēd X
ud zōr ud pattūgīh kāhēd X
ud namāz ud stāyišn ī yazadān framušt bawēd X
ud wēnišn ī čašm ud ašnawišn ī gōš ud guftārīh ī uzwān kem bawēd X
ud hordad ud amurdad bēšēd X ud būšāsp_kāmag warzēd X
u -š ān ī guftan ud kirdan abāyēd akird mānēd X
ud pad dušwārīh xuftēd ud axwašīhā āxēzēd X
ud ān bahrag rāy xwēš_tan ud zan ud frazend ud dōst ud xwēšāwand bišt ud dušrām X X ud must_abarmānd ud dušmen šād X
ud yazadān az -iš nē hušnūdag X
u -š dusrawīh ō tan ud druwandīh ō ruwān rasēd X
ud az paymōzan ī mardōmān dārēnd paymōžēnd pad tan parnagān ud pad ruwān pambag weh X
ēd rāy čē parnagān az xrafstar bawēd X ud pambag parwarišn az āb ud rōyišn az zamīg ud pad xīr ī ruwān meh ud weh ud arzōmandtar guft ēstēd X X
pursīd dānāg ō mēnōy ī xrad X kū kadām ān šādīh ī az dušrāmīh wattar X
mēnōy xrad passox kird X kū kē xwāstag az bazag handōxt ēstēd u -š padiš šād bawēd ēg -iš ān šādīh az dušrāmīh wattar X X
pursīd dānāg ō mēnōy ī xrad X kū čē rāy mardōmān ēn čahār tis ī -šān pad daxšag wēš abāyēd menīdan ēn kamtar menēnd , X X X wardišnīh ī tis ī gētī ud margīh ī tan ud āmār ī ruwān ud bīm ī dušox X
mēnōy ī xrad passox kird X kū wiyābānīh ī āz dēw ud axursandīh rāy X
pursīd dānāg ō mēnōy ī xrad , X kū pad bīm ud mihōxt zīwistan wattar ayāb margīh X
mēnōy ī xrad passox kird X kū pad bīm ud mihōxt zīwistan az margīh wattar X
čē harw kas zīndagīh , rāmišn ud xwašīh ī gētī rāy abāyēd X
ud kas rāmišn ud xwašīh ī gētī nēst u -š bīm ud mihōxt abāg az margīh wattar guft ēstēd X X
pursīd dānāg ō mēnōy ī xrad X kū pādixšāyān tis -ē čē sūdōmandtar ud čē zyāngārtar X
mēnōy ī xrad passox kird X kū pādixšāyān rāy tis -ē hampursagīh ī abāg dānāgān ud wehān sūdōmandtar X X u -šān gōwišn ud hampursagīh ī abāg spazg ud dō_saxwanān zyāngārtar X
pursīd dānāg ō mēnōy ī xrad X kū gētīgārāy ud mēnōywišōb mard frazām čē X
ud ōy ī afsōsgar mard frazām čē , X
ud ōy ī axwēškār X mard frazām čē , X
ud ōy kēnwar mard frazām čē , X
ud ōy aǰgahān mard frazām čē X
ud ōy mihōxt_menišn , mard frazām čē X
ud ōy ī tar_menišn mard frazām čē , X
mēnōy ī xrad passox kird X kū ōy ī gētīgārāy ud mēnōywišōb mard andar pādifrāh ī stōš ēdōn tabāhīhēd čiyōn ātaxš ī waxšendag ka -š āb abar rasēd , X X
ud ōy ī afsōsgar mard pad tan ud ruwān xwarrah nē bawēd X
ud harw bār ka zafar abāz kunēd ēg -iš druwandīh abzāyēd X
u -š harw druz pad tan ēdōn mehmān bawēnd kū -š ēč wehīh ō tan nē hilēnd , X X
ud wehān riyahrīh ud wattarān stāyišn kunēd X
u -š pad gētī tan dusraw , ud mēnōy ruwān druwand bawēd X
u -š andar dušox pādifrāh_kirdan rāy bē ō druz ī afsōsgar abespārēnd , X X
ōy druz harw pādifrāh -ē afsōs -ē ud riyahr -ē pad -iš kunēd , X X
ōy ī axwēškār mard ǰud -iz az druwandīh was ka pad gētī anāgīh ud margīh abar rasēd u -š az ān dīd xwaš zāyēd , X X
ōy kēnwar mard puhl ī pad ruwān garāntar kū abārīg druwand ī pad dušox , X X
ēd rāy čē kēn pad paywand rawēd X
ud harw wināh wirāstan weh šāyēd kū kēn X čē kēn pad paywand be mānēd X
ud ast ka tā frašegird paywandēd X
čē az ēn abēzag dēn rōšn paydāg X kū anērīh ī hrōmāyīgān ud turkān -iz abāg ērānagān bun az ān kēn būd ī -šān pad ōzanišn ī ēriǰ zād X X
ud tā frašegird hamē paywandēd X
ud ōy ī aǰgahān mard anarzānīgtom mardōmān guft ēstēd X
čē az ān dēn paydāg X kū dādār ohrmazd ōy ī aǰgahān mardōm rāy ǰōrdā nē brēhēnīd X X
ud ōy ī aǰgahān mard rāy ēg -iš tis zīwišn ī pad dahišn ud ahlaw_dād nē dahēd X X
u -š aspinǰ ud padīriftārīh nē kunišn X
ēd rāy čē ān xwarišn ī mard aǰgahān xwarēd az abārōnīh ud adādestānīh xwarēd X X
u -š aǰgahānīh ud adādestān_xwarišnīh rāy tan dusraw ud ruwān druwand bawēd X X
ud ōy ī mihōxt_menišn mard pad wehān ēdōn warōmand čiyōn pad wattarān X
ud pad xīr ī mēnōy ī gētī ud pad -iz yazišn ud azbāyišn ud paristišn ī yazadān warōmand X X
u -š ān bahrag rāy yazadān amahraspandān yazišn ud azbāyišn ī kunēd kem padīrēnd X X
ud āyaftag -iz ī xwāhēd awi -š kem dahēnd X
ud pad dahān ī wehān hamwār dusraw X
u -š ruwān druwand bawēd X
ud ōy ī tar_menišn mard dōst andak u -š dušmen was X
ud dahišn -iz ī ō kas dahēd ud yazišn -iz ī yazad rāy kunēd tarmenišnīh rāy kem padīrēnd X X
ud āyaftag -iz ī xwāstan kem dahēnd X
u -š andar dušox pādifrāh ī ruwān kirdan rāy ō druz ī tarmenišnīh abespārēnd X X
ud druz -iz ī tarmenišnīh gōn gōn pādifrāh pad -iš kunēd ud nē āsāyēd X
pursīd dānāg ō mēnōy ī xrad X kū pad tuxšāgīh xīr ud xwāst ī gētī ō dast šāyēd kirdan ayāb nē X
mēnōy ī xrad passox kird X kū pad tuxšāgīh ān nēkīh ī nē brēhēnīd ēstēd ō xwēš kirdan nē šāyēd , X
bē ān ī brēhēnīd ēstēd tuxšāgīh rāy ahy be rasēd X
bē tuxšāgīh ka -š X X yazad nē abāg pad gētī abēbār bē pas -iz pad mēnōy ō frayād rasēd ud pad tarāzūg abzāyēd X X
pursīd dānāg ō mēnōy ī xrad , X kū pad xrad ud dānāgīh abāg brēh kōxšīdan šāyēd ayāb nē , X
mēnōy ī xrad passox kird X kū abāg -iz tagīgīh ud zōrōmandīh ī xrad ud dānāgīh pas -iz abāg brēh kōxšīdan nē šāyēd X X
čē ka brēhēnišn pad nēkīh ayāb pad ǰuttarīh frāz rasēd dānāg pad kār wiyābān bawēd
dušāgāh pad kār āgāh bawēd X X
ud wad_dil dilērtar bawēd ud dilērtar wad_dil bawēd X
ud tuxšāg aǰgahān bawēd ud aǰgahān tuxšāg bawēd X
ēdōn čiyōn pad ān tis brēhēnīd ēstēd wihānag pad -iš andar āyēd X ud abārīg harw tis bē spōzēd , X
pursīd dānāg ō mēnōy ī xrad X kū āyaft_xwāstārīh ud kirbag_warzīdārīh ud arzānīgīh rāy yazadān ō mardōmān did -iz tis baxšānd ayāb nē X X
mēnōy ī xrad passox kird X kū baxšēnd X
čē ēdōn čiyōn gōwēnd kū baxt ud baγōbaxt X
baxt ān bawēd ī az fradomīh baxt ēstēd , X
ud baγōbaxt ān ī did -iz baxšēnd , X
bē yazadān , ān baxšišn ēd rāy kem kunēnd ud mēnōy kem paydāgēnēnd čē ahriman ī druwand pad nērōg ī haft abāxtar xwāstag ud abārīg -iz harw nēkīh ī gētī az wehān ud arzānīgān apparēnd ud wattarān ud anarzānīgān abēr baxšēnd , X X X X X
pursīd dānāg ō mēnōy ī xrad X kū az tuwāngarān kē driyōštar ud az driyōšān kē tuwāngartar X
mēnōy ī xrad passox kard , X kū az tuwāngarān ōy driyōštar kē pad ān ī -š hast nē hunsand , X wēš_būdan ī tis rāy tēmār barēd , X
ud az driyōšān ōy tuwāngartar kē pad ān ī mad ēstēd hunsand , X ud wēš_būdan ī tis rāy nē handēšēd X
pursīd dānāg ō mēnōy ī xrad , X kū kōr_čašm wattar ayāb kōr_dil X
dušāgāh wattar ayāb wad_xēm , X
mēnōy ī xrad passox kard , X kū ōy ī kōr_čašm ka -š šnāsagīh ī tis hast ud hammōzišn kunēd pad drust_čašm dārišn X X
ud ōy ī drust_čašm ka -š dānišn ī tis nēst ud ān -iz ī -š hammōzēnd nē padīrēd ēg -iš ān az -iz kōr_čašm wattar , X X X
dušxēm weh kū dušāgāh X čē dušxēm ǰud az dādestān az kas be stadan nē tuwān X
ud dušāgāh mard ēg -iš hāmōyēn kām ō stahm ud appar X
pursīd dānāg ō mēnōy ī xrad X kū čē rāy mardōm ī az gayōmart ān iz ī az hōšyang ī pēšdād xwadāyān ud dahibedān ī tā ō wištāsp šāhān šāh ēdōn kāmag_widār būd hēnd , X X X
u -šān az yazadān nēkīh wēš windād X ud frahist ān ī andar yazadān anespās būd hēnd X
ud hast -iz kē abēr anespās ud mihrōdruǰ ud wināhgār būd hēnd X X
ēg awēšān ǰud ǰud čē nēkīh rāy dād hēnd , X
u -šān bar ud sūd aziš čē raft X
mēnōy ī xrad passox kard X kū ān ī awēšān rāy nēkīh ayāb pad ǰuttarīh pursē āgāh bāš ud be dān , X X
čē kār ī gēhān hāmōyēn pad brēh ud zamānag ud wizīr ī brīn rawēd ī xwad ast zurwān ī pādixšā ud dagrand_xwadāy , X X
čiyōn andar āwām āwām ō harw kē rāy baxt ēstēd čiyōn ān ī abāyēd madan abar rasēd X X
čiyōn az -iz ham paywand ī awēšān pēšēnag ī widardag paydāg X kū abdom ān nēkīh ī az awēšān dām ī ohrmazd abāyēd madan be mad , X X
čē az gayōmart sūd ēn būd X kū fradom ōzadan ī arzūr ud abespārag_kirdan ī tan ī xwēš dādestānīhā ō ahreman X
ud dudīgar sūd ēn būd X kū mardōm ud hamāg frawahr ī frašegird_kardārān ahlawān narān ud nārīgān az tan ī ōy dād X X
ud sidīgar ēn sūd kū ayōxšustag -iz az tan ī ōy brēhēnīd X
ud az hōšyang ī pēšdād sūd ēn būd X kū sē bahrag dēw māzandar ī gēhān_murnǰēnīdār dō bahrag be ōzad X X
ud az tahmōrub ī hurust sūd ēn būd X kū -š gizistag gannāg ī druwand sīh sāl pad bārag dāšt , X X
ud haft ēwēnag nibēg ī dibīrīh ī ōy druwand pad nigān dāšt be ō paydāgīh āwurd , X
ud az huramag ǰamšēd ī šēd ī wiwanghānān sūd ēn būd X kū -š šaš_sad sāl ud šaš māh sēzdah rōz amargīh pad hāmōyēn dām ud dahišn ī dādār ohrmazdag be winnārd , X X ud adard ud azarmān ud apetyārag kird hēnd X
ud dudīgar ān sūd kū -š war ī ǰam_kird kird X ī ka ān wārān ī malkūsān bawēd
čiyōn pad dēn paydāg kū mardōm ud abārīg dām ud dahišn ī ohrmazd xwadāy frahist be abesīhēd X X X
ud pas ān war ī ǰam_kird dar be wišāyēnd X ud mardōmān ud gōspandān ud abārīg dām ud dahišn ī dādār ohrmazd az ān war bē āyēnd , X X ud gēhān abāz ārāyēnd , X
ud sidīgar ēn sūd X kū paymān ī gētīyān ī ōy dušdahag druwand ī ahriman ōbārd ēstād ā -š az aškom abāz āwurd , X X
ud az az ī dahāg bēwarasp ud gizistag frāsyāg ī tūr sūd ēn būd X X kū agar xwadāyīh ō bēwarasp ud frāsyāg nē mad hē ēg gizistag ganāg_mēnōy ān xwadāyīh bē ō xēšm dād hē X X
ud ka bē ō xešm mad hē tā ristāxēz ud tan ī pasēn nē šāyist hēd az -iš bē stad X X ēd rāy čē -š tanōmandīh nēst X
ud az frēdōn sūd ēn būd , X čiyōn ōzadan ud bastan ī azdahāg bēwarasp ud ēdōn garān_wināh X
u -š any -iz was māzandar dēw zad ud az kišwar xwaniras bē kird X
ud az manuščihr sūd ēn būd X kū salm ud tūǰ ī -š niyāg būd pad kēn ēraǰ be ōzad X az petyāragīh ī gēhān abāz dāšt , X
ud az padišxwārgar tā bun ī dušox čiyōn paymān ī frāsyāg kard ēstād az frāsyāg abāz stad ud ō xwēšīh ī ērān_šahr āwurd , X X X
ud az kay_kawād sūd ēn būd X kū andar yazadān spāsdār būd X
u -š xwadāyīh xūb kird , X
ud paywand ud tōhmag ī kayān az ōy abāz raft X
ud az sām sūd ēn būd X kū -š mār ī srūwar ud gurg ī kabōd kē pehen -iz xwānēnd ud dēw ī gandarw ud murw ī kamag ud dēw ī wiyābānīg be ōzad X X X
ud pad burdārīh ōy passandišnīgtar kē anāgīh ud petyārag ī -š az ahreman ud dēwān ud wattarān abar rasēd hursandīhā ud pad_kāmag ō grīw padīrēd X X X
ud pad ēč rāh ruwān ī xwēš nē āzāred , X
ud ōy pad awestwār nē dārišn kē az yazadān bīm ud mardōmān šarm nē dārēd X
ud ān ī abāg harw kas sazēd dāštan āštīh ud dōšāram X
ud ān ī abāg kas -iz nē dārišn kēn ud anāštīh X
ēn sē pad hampursagīh dārišn humat ud hūxt ud huwaršt pad menišn ud gōwišn ud kunišn ī xwēš X
ēn sē pad gugāy nē padīrišn zan ud rēdag ī aburnāy ud bandag_mard , X
ēn and tan framān_burdār būdan ud paristišn kirdan abāyēd X X zan andar šōy X ud frazand andar pid ud mād ud sālār ud dastwar ud awestād ud ātaxš ud stūr ud paywand ī armēšt , X X
ud andar xwadāyān ud sālārān ud awestādān framān_burdār -iz bawišn X X
ud yazadān wēš abāyēd menīdan ud spās dāštan X X
ud ruwān ī xwēš pad ēč dar anāzarm nē dārišn X ud hamēšag andar ayād dārišn X
ud dādwar kē dādwarīh rāst kunēd ud pārag nē stānēd pad pāyag ī xwēš hāwand ohrmazd ud amahraspandān guft ēstēd X X
ud ān kē dādwarīh drō kunēd pad pāyag ī xwēš hāwand ahriman ud dēwān guft ēstēd X X
pursīd dānāg ō mēnōy ī xrad , X kū čē sardtar ud čē garmtar X
čē rōšntar
čē tārīktar X
čē purrtar ud čē tuhīgtar X
čē frazām abēbartar X
čē ān tis kē kas az -iš sagrīh nē bawēd X
čē ān ī kas appurdan nē tuwān X
čē ān tis ī pad wahāg xrīdan nē šāyēd X
čē ān tis ī harw kas az -iš hušnūdag X
čē ān ī kas-iz az -iš nē hušnūdag X
čē ān ēk kāmag ī ohrmazd ī xwadāy az mardōmān sahēd X
ud čē ān ēk kāmag ī ahriman ī druwand az mardōmān sahēd X
čē frazām ī gētīg ud mēnōy X
mēnōy ī xrad passox kird , X kū dil ī ahlawān garmtar ud ān ī druwandān sardtar X
ahlawīh rōšntar
druwandīh tārīktar X
ēmēd ud panāh ī ō yazadān purrtar ud ān ī ō dēwān tuhīgtar X