Select Section Type

1.0
šnāyišn ī dādār_ohrmazd
2.0
pad =iz wābarīgānīh ī dēn ī mazdēsnān =iz pōryōtkēšān dād kerdag
3.0
šašom abar nihang =ēw ī az pōryōtkēšān kird ud dāšt wābar
4.0
gōwišn ī dēn ī mazdēsn
5.0
pōryōtkēšān ī dānāgān pēšēnīgān ōwōn dāšt mardōmān
6.0
andar ox menišn =ēw ast yazad ī gāh dārēd ud ast druz ī rāh dārēd
7.0
ud andar menišn gōwišn =ēw ast yazad ī gāh dārēd ud ast druz ī rāh dārēd
8.0
ud andar gōwišn kunišn =ēw ast yazad ī gāh dārēd ud ast druz ī rāh dārēd
9.0
ud andar ox wārom =ēw wahuman gāh dārēd ud akōman rāh dārēd
ud andar wārom kāmag =ēw srōš gāh dārēd ud xešm rāh dārēd
ud andar kāmag menišn =ēw spandarmad gāh dārēd ud druz ī tarōmad rāh dārēd
ud andar menišn gōwišn =ēw xrad gāh dārēd ud waran rāh dārēd
ud andar gōwišn kunišn =ēw dēn gāh dārēd ud xwad_dōšagīh rāh dārēd
ud druz kōšišn abāg mardōmān pad ēn and rāh ud widarg
ud pad ēn and rāh ud widarg bōxt az harw gyāg bōxt
ud ānōh frēft ēg ō dast ī druzān rasēd
ud az ān frāz xwad pādixšāy ka ān kunēd ī druz framāyēnd
ud amāh mardōmān ōšyār bawišn az ān ī yazadān rāh ēstēm ud az pas ī druzān šawēm
u =šān ēn =iz ōwōn dāšt
xēm ēw ān weh ān čē pad xwēš nēk pad ōy ī did kunēd
ud xrad =ēw ān weh nēkīh ī mad ēstēd bar dānēd xward
ud anāgīh ī mad ēstēd rāy wahāg barēd
ud wīr =ēw ān weh ān čē dānēd dānēd dānam
u =šān ēn =iz ōwōn dāšt
harw kas dōst bāš u =t ēd xēm
u =šān pad wehīh abar bar u =t ēd xrad
u =šān pad xwēš dār u =t ēd dēn
u =šān nēkīh pad =iš kun u =t ēd ruwān
u =šān ēn =iz ōwōn dāšt
xēm ān kas frēbēd
ud xrad ān xwad frēbēd
ud dēn ān ān čē dānēd kirbag kunēd
u =šān ēn =iz ōwōn dāšt
ān čē dānēd kirbag ud kunēd
ān tar_menišnīh tar_menišnīh xēm petyārag
ud ān čē dānēd wināh ud kunēd ān waranīgīh ud waranīgīh xrad petyārag
ud ān čē dānēd kirbag ayāb wināh ud pēš ō dānišn rasēd kunēd ān xwad_dōšagīh ud xwad_dōšagīh dēn petyārag
u =šān ēn =iz ōwōn dāšt
xēm xrad andar nēst
ud xrad xēm andar
ud dēn harw andar xrad ud xēm
tis ī mēnōy pad xēm wirāstan dānīhēd
tan pad xrad dārīhēd
ruwān pad hamīh ī harw bōzīhēd
u =šān ēn =iz ōwōn dāšt
šarm ān bawēd wināh hilēd kirdan
ud nang ān bawēd kirbag hilēd kirdan
u =šān ēn =iz ōwōn dāšt
pōryōtkēšīh mādayān tis awināhīh
u =šān ēn =iz ōwōn dāšt
xwēš_kārag pad ōy bawēd šnāsag
u =šān ēn =iz ōwōn dāšt
uskārišn ī pad dēn hāmōyēn kirrōgīh
and_čand dānēd pad kunišn hamē kunēd
u =šān ēn =iz ōwōn dāšt
ohrmazd ī xwadāy ēn dām pad xēm dād ud pad xrad dārēd ud pad dēn abāz ō xwēš kunēd
u =šān ēn =iz ōwōn dāšt
ahriman harw tis =ēw pad zyān ī ohrmazd kird
u ka kird būd ēg xwad zyān ud ohrmazd sūd
ud ohrmazd harw tis pad sūd ī xwēš kunēd
u ka kird bawēd ēg xwad sūd ahriman zyān
u =šān ēn =iz ōwōn dāšt
mardōmān se tis ēn xwēš_kārīhātom
čašm ō gēhān dāštan
ud ān ī wināhgār pad wināh ī ǰahišnīg pēšār bawēd āwēnīdan
ud kirbag pāddāšn az mēnōyān xwāstan
u =šān čašm ō gēhān dāštan ēn guft ō xwēš tan nigerēd =m čē kāmēd ud čē hamē kunam
u =šān ēn =iz ōwōn dāšt se tis ī abēr dušwār kirdan ēn =iz ēdon
ēk ān ī wināhgār pad wināh āwēnīdan
ud ēk ān ī drōzan_dādestān mard xwadāyīh ud xwāstag rāy burzēnīdan
ud ēk kirbag pāddāšn az mēnōyān xwāstan az gētī
u =šān ēn =iz ōwōn dāšt
ān ī aboxšāyišn āwēnišn ud ān ī āwēnišn burzišn
u =šān ēn =iz ōwōn dāšt
kadāmiyān =iz mardōm andar harw gāh ud zamān tis ī mēnōy pad ayād dārišn
ud nēkīh ī wahišt ud anāgīh ī dušox andar ān gāh ka āsānīh ud nēkīh ud rāmišn awiš mad ēstēd
ēn =iz handēšišn nēk =iz hād ānōh pad wahišt ka ēdar =iz ēdōn nēk
ka az was anāgīh ī ahriman ī abāg nēkīh ānōh āmēxt ēdar =iz ēdōn nēk
andar ān hangām ka tangīh bēš ud anāgīh awiš mad ēstēd ēn =iz ēdōn handēšēd
wad =iz ānōh pad dušox ka ēdar ōwōn anāg ka az was nēkīh ī ohrmazd ī abāg anāgīh ī ānōh rāy ka ēdar =iz ēdōn anāg
u =šān ēn =iz ōwōn dāšt
mardōm ān farroxtom andar tan_druyistīh ud ǰuwānīh tis ān grift ud kird ēstēd
ī abdom rōz ka az ēn gēhān šawēd ēg =iš kāmag ōwōn =m kāč wēš kird
ud az ān tis wēš pahrēzišn ī abdom rōz kāmag ēn bawēd =m kāč ma grift ud kird
u =šān ēn =iz ōwōn dāšt
ahlāyīh pad rāyēnišn ud bazag pad ranǰ_spōz dārīšn
u =šān ēn =iz ōwōn dāšt
ahlāyīh ī mādayān ān tis ī harw kas tuwān kirdan ud ohrmazd =iz ī xwadāy az harw kas xwāhēd
ud kunēd ērangīhā
u =šān ēn =iz ōwōn dāšt
ān tis ēn guft
yazadān dōst bawēd hagriz menišn az dōstīh ī yazadān wisinnēd
u =šān ēn =iz ōwōn dāšt
ahlomōγīh bun_xān wišuft ēstēd
ud ka naxust ō gēhān rasīd mardōmān frāyist pad ruwān wurrawēnīd
ud ēd rāy čē ō pādixšāyīh mad ēstēd abzāyīd
ud ka ō pādixšāyīh mad frāyist ān wurrawišn šud
ud abāg =iz xwadāyīh ud pādixšāyīh ī abāg
pas =iz ēd rāy čē mardōmān az wurrawišn šud ēstēd abzāyēd
u =šān ēn =iz ōwōn dāšt
wehīh az harw kas gīrišn ud wattarīh az harw kas =iz gīrišn
u =šān ēn =iz ōwōn dāšt
andar dēn panǰ tis ī pahlom ēn =iz ēdōn
rāstīh ud rādīh ud hunarāwandīh ud tuxšāgīh ud ǰādag_gōwīh
rāstīh ēd pahlom andar dām ī ohrmazd ān kunēd ī ōy pad =iš kunēd ōwōn sūdōmandtar ka pad =iš kunēd
rādīh ēd pahlom dāšn ō kas kunēd az ōy pad =iš kunēd pad gētī tis =iz pāddāšn ēmēd awiš rasēd
u ēn =iz andar nēst ōy pad =iš kunēd wēšīgān pad spās ud ābādīh dārēd
ud hunarāwandīh ēd pahlom abāg druz ī mēnōy kōšēd
ud kadāmī =iz druz nāmčišt ēn panǰ druz andar ō tan hilēd
āz ud arešk ud waran ud xešm ud nang
tuxšāgīh ēd pahlom kār ī abar ēstēd pad kirdan ōwōn kird ēstēd
harw gāh pad tan ī xwēš abēgumān
agar pad ham zamān mīrēd ēg =iz =iš tis =iz ǰuttar abāyēd kirdan ān ī kird ēstēd
ǰādag_gōwīh ēd pahlom ōy kas rāy saxwan gōwēd ī agōw u must ud gilag ī xwēš guftan tuwān
ud ān kas ēwāz ī ruwān ī xwēš ud ān ī driyōš nā_kas mardōm ī gētī ud ēn šaš amahrspand rāy gōwēd
u =šān ēn =iz ōwōn dāšt
xrad andar kār ud xēm andar pādixšāyīh ud dōst andar widang paydāg
u =šān ēn =iz ōwōn dāšt
xrad ī xradān pahlom ān tuwān ēn tan ēdōn dārēd ruwān rāy tis =iz anāgīh ō tan rasēd
ud ruwān ōwōn dārēd tan rāy tis =iz anāgīh ō ruwān rasēd
ud ka ǰuttar ōwōn tuwān kirdan tan hilēd ud ruwān dārēd
u =šān ēn =iz ōwōn dāšt
xwadāyīh magind ī xwāstag xwāstag magind ī tan ud tan magind ī ruwān
ud mardōmān anāgīh awiš rasēd ī ēn čahār tis ēdōn az =iš appār būd bīm xwadāyīh ēw hilēd
ud ka pad xwadāyīh wizīrēd xwāstag =iz abāg ēw hilēd
ud ka pad xwāstag =iz wizīrēd tan =iz abāg ēw hilēd
ud pas ō ruwān ma ēw spōzēd
u =šān ēn =iz ōwōn dāšt
ahlāyīh ud dēn mehmānīh ēd ’wŷ’lsny ud hubahrīh ud hunsandīh
u =šān ēn =iz ōwōn dāšt
harw kas tan ī xwēš ustōfrīd kunišn ud ō yazadān abespārišn
ud az ān frāz wistāx bawišn hagriz tis awiš rasēd ī awiš madan rāy zyān
u =šān ēn =iz ōwōn dāšt
gilag_ōbār ud wīdwar pad kirbag tuxšāg ud wistāx bawišn ud spās az mēnōyān xwāhišn
u =šān ēn =iz ōwōn dāšt
ox ōwōn pad xwadāy dārišn ud framān_burdār bawišn čiyōn ān ī xwadāy ud dahībed
az ox dastwar tis =iz kār kunišn
u =šān ēn =iz ōwōn dāšt
ohrmazd az mardōmān xwāyišn ēn =m šnāsēd
čē ēn dānēd =m agar šnāsēnd harw kas pas ī man bawēd
ud ahriman xwāyišn ēn =m ma šnāsēd
čē ēn dānēd =m agar šnāsēnd kas =iz az pas man bawēd
u =šān ēn =iz ōwōn dāšt
ohrmazd az mardōmān ēn xwāhēd
harw čē kunēd xwēš rāy kunēd u =tān čand kāmag kunēd
ud ahriman ēn xwāhēd
xwēš rāy ma kunēd u =tān čand kāmag kunēd
u =šān ēn =iz ōwōn dāšt
harw kas tis =ēw ast ī az abārīg tis āzarmīgtar ud garān_māyagtar
ud ka ān tis hamahl dārēd ka abārīg tis mānd ud pad mayān ēg =iz pad rāmišn
u ān tis dēn
u =šān ēn =iz ōwōn dāšt
dēn ān ī hamē kunēd
u =šān ēn =iz ōwōn dāšt
ruwān rāy ǰādag_gōwīh wurrawēd kam wattar ast tis =iz wurrawēd
u =šān ēn =iz ōwōn dāšt
dēn ān bawēd pad harw dām xwārīh kunēd
u =šān ēn =iz ōwōn dāšt
bazag ān bawēd ī pad dād
ud wināh ān bawēd ī pad sūdagīh
ud tar_menišnīh ud māndag ān bawēd ī mānād
u =šān ēn =iz ōwōn dāšt
wināh mādayān frāybūd ud aibībūd
ud kirbag mādayān paymān
u =šān ēn =iz ōwōn dāšt
dēn paymān
u =šān ēn =iz ōwōn dāšt
harw tis anāhōgīh ī paymān
ud az ēn dēn ōwōn paydāg mahist paymān kirbag
ud paymān ēn humat ud hūxt ud huwaršt
u =šān ēn =iz ōwōn dāšt
harw ahlaw bawēd pad dēn ahlaw bawēd
u =šān ēn =iz ōwōn dāšt
frāybūd ēd ān ī menišn ud gōwišn ud kunišn menēd gōwēd kunēd
ud aibībūd ēd ān ī menišn ud gōwišn ud kunišn menēd ud gōwēd kunēd
ud paymān ēd ān menēd ud gōwēd kunēd ī menišn ud gōwišn ud kunišn
u =šān ēn =iz ōwōn dāšt
andar dēn se tis ēn mādagwartar hamīh ud paymān ud wizīhīdagīh
hamīh ēd bawēd pad menišn ud gōwišn ud kunišn pad harw frārōnīh abāg yazadān ud wehān ham bawēd ān hamīh hagriz wišōbēd
ud wizīhīdagīh ēd bawēd pad harw abārōnīh ud wināh az ahriman ud dēwān ud wattarān ǰud bawēd
ud paymān ēd bawēd ōy hamīh ud wizihīdagīh abar pānag bawēd hagriz wišōbēd
u =šān ēn =iz ōwōn dāšt
mardōmān pahrēz was ēwēnag
ud ān ī mahist ēd yazadān andar xwēš tan ōwōn wistāx ud abēbīm kunēd harw čē kāmēnd awiš nimāyēnd
u =šān ēn =iz ōwōn dāšt
ātaxš pahrēz was ēwēnag ud pahrēz ēn meh
ēk ka abēwināhīhā ud rāstīhā pahrēzēnd
ud ēk ēn ka ān ī pad =iš kunīhēd arzānīg
u =šān ēn =iz ōwōn dāšt
pad kār ī frāz rasēd mehgārīh nigerišn
ud mehgārīh dānēd mih_kārīh nigerišn
u =šān ēn =iz ōwōn dāšt
ka ahriman az ēn čahār rang ēk abar abganēd ēg =iš ō xwēš barēd
xwadāy_dēnīh ayāb xwāstag_dēnīh ayāb pwč_abāyistīh ayāb ahlomōγīh
u =šān ēn =iz ōwōn dāšt
az_mehān =iš tarsagāhy ud az_kehān =iš dāštār bawišn
ud ō hamahlān sōg dahišn
ud az ēn se ēk ēn weh ō hamahlān sōg dahēd
čē ō hamahlān sōg dahēd ān paydāg sāzišn ī abāg az_mehān =iš andar ud bīm rāy ud az =iš kehān gung tarsagāhīh rāy
u =šān ēn =iz ōwōn dāšt
pad dārišn ī tan tis =ēw ēn weh az_keh =iš pad hamahl ud hamahl pad az_meh =iš ud az_meh =iš pad xwadāy dārēd
u =šān ēn =iz ōwōn dāšt
az petītīgīh rāh ī ō dušox nēst
ud az apetītīgīh rāh ī ō wahišt nēst
ud petītīgīh ēd az wināh ī kird abaxš ud pad_petīt bawēd ud did ān wināh kunēd
u =šān ēn =iz ōwōn dāšt
se kas pad ahlāyīh ēn arwandtar
ēk andar gursagīh =ēw rad
ud ēk andar garān_menišnīh =ēw rāst_guftār
ud ēk andar ōy zadag zanēd
u =šān ēn =iz ōwōn dāšt
harw mardōm ka murd ēstēd u xwēš tan aziš pahrēzīhēd pad =iš pahikōbam ud rēman bawam
ud ka pad =iš pahikōbēd xwēš tan pad rēman dārēd
zīndag =iz mardōm az āzār ud bēš ī ōy ī did mardōm ōwōn pahrēzišn čiyōn pad murd az nasāy ī ōy mard
u =šān ēn =iz ōwōn dāšt
harw mardōm dānag ī kirbag xwāyišn
u ka dānag =ēw kirbag pad mayān kird az ān frāz kirbag was ud wināh nihang bawēd
u =šān kirbag dānag ī ēd guft
dēn dastwar ī dānāg ud hamīh ī frārōn ī grift
u =šān ēn =iz ōwōn dāšt
kirbag pad ēn čahār tis rāy kunēd ēg =iš kirbag bawēd
nām ī abārōn ayāb waran ayāb nang ayāb tars ī ōy ī did rāy
u =šān ēn =iz ōwōn dāšt
wāzag ō awestwārān gōwišn
ud dēn andar hamdēnān uskārišn
ud kirbag ud bazag ō harw kas gōwišn
u =šān ēn =iz ōwōn dāšt
wāzag ōy gōwišn wīr ōwōn frāz kunēd
ud ōš ōwōn ǰōyēd
ud xrad ōwōn ōy did weh tuwān kirdan
u =šān ēn =iz ōwōn dāšt
tis ān ast ī
ān andar ēstēd az =iš ayāsēd
ud ān andar ēstēd aw =iš ayāsēd
u =šān ēn =iz ōwōn dāšt
harw pad dēn ēstēd az ānōh ī ēstēd ayāsēd
u =šān ēn =iz ōwōn dāšt
mardōmān ōšyār bawišn ud az ān druz abēr pahrēzišn ī ēmēdag ud wistāxwīh ud dastwarīh ast ī harw wināh
ud ān druz ēd drōzanīh
čē frāyist ān wināh ī mard ka kunēd pad ēmēdag ud wistāxwīh ud dastwarīh kunēd kas dānēd ud an gōwam
ud agar kas dānēd pad =iš nakkīrā bawam
ud agar bōxt =am ēnyā abar ēstam ud gōwam =m ōh abāyist kirdan
u =šān ēn =iz ōwōn dāšt
agar uzwān adrō hād ka ō kōf =ēw rōn gōwē frāz raw ēg frāz rawēd
u =šān ēn =iz ōwōn dāšt
hamē ka ēw gām padīrag ī dēn frāz šawēd ēg dēn hazār gām padīrag ō abāz āyēd
u =šān ēn =iz ōwōn dāšt
xwad ayāb niyāgān kirbag =ēw ī pad nāmčišt kird ēstēd ēnyā sar ō pōryōtkēšīh bawēd
u =šān ēn =iz ōwōn dāšt
rōy ō dēn kunēd ud xēm ī xwēš wirāyēd ēg dēn hazār dranǰišn nimāyēd ī hagriz az kas āšnūd
ud ka abāg dastwarān ud dānāgān uskārēd rāst
u =šān ēn =iz ōwōn dāšt
wīr kār ēd
tis xwāst
ud ōš kār ēd
ganǰwarīh kirdan ud tis ī wīr xwāhēd nigāh dāštan
ud xrad kār ēd
wizīdārīh kirdan ud weh ud wattar šnāxtan
ud ān ī weh griftan ud ān ī wattar hištan
u =šān ēn =iz ōwōn dāšt
harw tis ōy rāy bawēd rāy kunēnd
ud mizd ud pāddāšn az ōy abāz windēnd rāy kunēnd
ud mardōmān abēr tuxšāg bawišn kirbag kunēm tā_ =mān mizd az ohrmazd ī xwaday bawēd
čē mizd az ahriman ēg =iš mizd anāgīh
u =šān ēn =iz ōwōn dāšt
dānēd ēn and darag ī abar ēn nāmag nibišt ēstēd nigerīdan ud xwēš tan ud ōy ī did weh šnāsēd
u =šān ēn =iz ōwōn dāšt
tis ī mādayān ēn panǰ gōhr ud kālbod ud kirrōg ud ātaxš ud kadāmagān =iz gōhr
u =šān ēn =iz ōwōn dāšt mardōmān gōhr se ēwēnag
ēk hutōhmagīg ēk duštōhmagīg
ud ēk sidīg
ud ān ī hutōhmagīg ka ōh frahang awiš barēnd ēg =iz bawēd
ud ān ī duštōhmagīg ka was frahang abar barēnd ēg =iz bawēd
ud ān ī sidīg pad frahang weh ud wattar bawēd
pad frahang ī frārōn weh ud pad ān ī abārōn wattar bawēd
ast az =iš ān =iz ī frārōn frahang pad abārōnīh ō kār barēnd čiyōn ahlomōγān ōšmurišn ī dēn
u =šān ēn =iz ōwōn dāšt
handēšišn ud tarsišn rāy mard čār xwāyišn az abārōnīh
u =šān ēn =iz ōwōn dāšt
handēšišn ī mēnōyīg az druwandīh gāhānīgān
ud ān ī gētīyīg az dusrawīh hāda_mānsrīgān
ud tars ī az puhl ud pazd ī pādixšāy dādīgān
az wināh pāyēnd
u =šān ēn =iz ōwōn dāšt
mard ka pad mādayān tis wizōyīhēd ud šnāsīhēd ēnyā
ēwāz tuwāngarīh ud was_xwāstagīh rāy az wehīh ōgārišn
ud andak_xwāstagīh ud niyāzōmandīh rāy pad wehīh ōh stāyišn
čē ka mādayān wehīh ud wattarīh ī mard andak_xwāstagīh ud was_xwāstagīh kunīhēd
ēg andar gēhān bawēd was_abzār mardōm ī wad_čihrag pw w č_bāyist
ud wināhgār ud abārōn nām_kāmag ān nām_kāmagīh rāy xwāstag ī kam dārēd
ud ān ī niyāzōmand ka pad ahunsandīh ud āzār andar škōhīh zīyēd
ud ān ī wanīgar ān dārēd abesīhēnēd
ud ān aǰgahān xwāstag kunēd
ud anīz was_ēwēnag wadag mardōm stāyēd
ud ān ī angad xwāstag ud rād mard tar menēd
ud ōy ī škōh xwēš tan andar ōy ī angad wirāstag paydāg kunēd
ud ān āhōg ī ast kam wirāyēd
ud az ān bahr ōy ī angad ud rād mard ast ī pad ān ī hamē kunēd pašēmān bawēd
ud ōy ān stāyišn kunēd pad bahr ī xwēš rādīh az gēhān kāst
ud ān and āhōg ī andar gēhān stāyēd mehmān kird bawēd
u =šān ēn =iz ōwōn dāšt
zan ī šōyēndag marzēd/gāyēd ka =iz ōh wināh ī anābuhlagān andar bawēd
ēg =iz az kunišn ī ōy mard anāštīh ud dardagīh andar gēhān abzāyēd
ud pad anāštīh ud dardagīh ī az kunišn ī ōy mard andar gēhān abzāyēd
pad ān mard ōh tōzēnīdag
u =šān ēn =iz ōwōn dāšt
hupattūg bawēd pad astānag ud škeftīh ī awiš rasēd
čē abēastānag mard dēwān xwēš bawēd
u =šān ēn =iz ōwōn dāšt
tis =iz az dēn sūdōmandtar nēst
čē ān ī xwarrah ī dēn abar abganēd hagriz az mardōmān appār bawēd
u =šān ēn =iz ōwōn dāšt
kas =iz az tištar rādtar nēst
čē kas =iz nēst rādīh ōwōn weh ud abēragānīhā ud bowandag kunēd čiyōn tištar
u =šān ēn =iz ōwōn dāšt
pad hāmōyēn ēn dēn wāzag ī hamē ēk ēn
harw kas čim ī hamē ēkānag ud ān hamē ēkānag abāyēd pursīdan
u =šān ēn =iz ōwōn dāšt
kas =iz mardōm nēst az mād zāyēd u ēn šaš mēnōy abar kōšēnd
wahuman ud akōman
ud srōš ud xešm
ud spandarmad ud druz ī tarōmad
u =šān ēn =iz ōwōn dāšt
wahuman pad tan mehmān ēg =iš ēn daxšag
taftīg bawēd pad kirbag
ud hupaywand bawēd abāg wehān
ud hugar bawēd pad āštīh
ud waxšēnīd_yazadān ud ǰādag_gōw
xwad rād bawēd
ud akōman pad tan mehmān ēg =iš ēn daxšag
afsard bawēd pad kirbag
ud dušpaywand bawēd abāg wehān
ud dušwār bawēd pad āštīh kirdan
ud waxšēnīd_petyārag xwad pen bawēd
ud srōš pad tan mehmān ēg =iš daxšag ēn
andar harw gāh saxwan abāg šāyēd guftan
ud ka gōwēnd ōh niyōšēd
ud ka āhōg abāz gōwēnd padīrēd ud wirāyēd
ud kasān rāy drō gōwēd
ud ān ī abēwināh zanēd
ud ān ī wināhgār pad paymān zanēd
ud xešm pad tan mehmān ēg =iš daxšag ēn
harw gāh tis šāyēd abāg guftan
ud ka gōwēnd niyōšēd
ud ka kōdag =iz āhōg gōwēnd ēg =iš āhīd bawēd ud wirāyēd
ud kasān rāy drō was gōwēd
ud ān ī abēwināh was zanēd
ud spandarmad pad tan mehmān ēg =iš daxšag ēn
bowandag_menišn bawēd
u ka sārēnēnd sārīhēd
u ka was =iz pad xīr ī gētīyān bahr abar rasēd ēg =iz az xīr ī yazadān wardēd
ud kirbag pāddāšn az mēnōyān xwāhēd az gētī
ud druz ī tarōmad pad tan mehmān ēg =iz daxšag ēn
sabuk_menišn bawēd
u ka sārēnēnd sārīhēd
u ka andak =iz pad xīr ī gētī bahr rasēd ēg =iz az xīr ī yazadān ēstēd
ud kirbag pāddāšn az gētīyān xwāhēd az mēnōyān
u =šān ēn =iz ōwōn dāšt
ardwahišt haft māh pad gētī ud panǰ māh pad mēnōy
ud pad panǰ māh ka pad mēnōy andar tan ī urwarān mēnōyīhā nišīnēd
urwarān bun pāyēd parwarēd ud abzāyēnēd
ud pad ān panǰ mah urwar dahēd
ud pad ān haft māh ka pad gētī ō bērōn tan ī urwarān āyēd
ud urwar spīzēd ud wiškōbēd
ud bar dahēd
ēd rāy ka rapiϑwin ī ardwahišt yazad gāh andar sāl haft māh paydāgīh ud panǰ
u =šān ēn =iz ōwōn dāšt
harg ud ranǰ ī dēn ēwēn kāmīhā ō grīw padīrēd
ēg =iš ǰud az ān kirbag ī šāyēd dānist ēn =iz kirbag az =iš wēš bawēd
pad =iz wināh ī kunīhēdud bīm ī az ān harg ud ranǰ rāy ō mrčynk’nyh/mltynk’nyh ud anī wināh ī ēwēn ī kird ēstēd wardēd
čē pad bahr ī xwēš harg ud ranǰ ī andar gēhān wizīrēd ka barīhēd ō grīw padīrift ēstēd
u =šān ēn =iz ōwōn dāšt
harw pad gētī harg ud ranǰ ī pad ān ēwēnag ō grīw padīrēd
ēg ǰud =iz az kirbag ī az dīd ī ān harg ud ranǰ
pad mēnōy mēnōyān pad =iz =iš ī burd dārēnd ud az abārīg wināh ī kird ōgārēnd
u =šān ēn =iz ōwōn dāšt
būd ēn pursīd
kadām ān mēnōy mard az frārōnīh ō abārōnīh ud az abārōnīh ō frārōnīh barēd
ud hērbedān guft
ragīh
ud wehān pursīd
ragīh andar tan ī mardōmān čē ast dil/sar ayāb čašm ayāb gōš
ud hērbedān guft