pursišn panǰ az anōšagruwān farrbaysrōs ī wahrām u =š ēk nē šāyist nibištan

pursišn ēn kū wihēzag ī ašmāh xwarrahabzūdān andar farrox būm ī abaršahr frāz padīrift ham ,

yazišn pad ān nērang ī framūdan be kird ham

ēk hāwišt X X dahmān gōwēd kū tā man rāy druyist šawēd kū ēn wihēzag xwad čiyōn kird hēnd ēg =iš man padiš nē ēstēd

čē man mowbed farrahsrōš rāy dīd ud ōy ī wizurdag ē be nibišt hēd wasān uskārišn be kird hēd

man nē dānam kū ēn čiyōn kird ast

pas nāmag ē az xwarrahabzūdān ; awestād abūmiswar yazadānpādār ī marzbān , frāz rasīd az būm ī bagdād kū amāh pad nāmag ī dēn dīd ud hudēnān pēšōbāy wihēzag frāz padīrift

ud ēn kas ān nāmag dīd ud abar xwānd

ōy gōwēd kū awestād abūmiswar mard ē ī sultānīg ast andar dēn nē dānēd abar asrōšīh

pad xānag ī , xwēš nēst kas ī xwēš , yazišn ī kasān kunēd ud abar padisār ī pēš None

ud ēn kū ān yazišn kunēd čē bawēd

ēn kas andar mayān ī wehān čiyōn abāyēd dāštan

wizīrēnīdan framāyēd pad yazadān kām

passox

padiš nigerīdan man nūn =iz pad andak framāyišn ī abar xwār pāk ī was wasān uskārišn padiš kirdan u =š xwēštan xōgēnīd ēstēd

xrad ud hamāfrāhīh ī aburnāy ud nōgmad ud pīr ud uzmūdxīr ud § kasān ī andar wehdēn § ī § ud frahangīh , dārēnd ōh =im uskārišnīh kird pad mādagwar dāšt ēstēd

ēn dēn ud framān dastwarān handāzag pidarān =mān griftag

ud ōy kē nigerišnīg tis ī xūb ud passandišnīg dēn ud dastwar hupassand pad āhōg abar nigerēd duščašmīhā andar wehān pad nēxūbīh uzwāhēnīdan kas pad =iš wiyābānīhēd ud mardōm az rāh ī dašn passandišnīg abāz dārēd harw wināh ī aziš uzīhēd padiš griftār ud āstārōmand

ud wināh =iz wināh guftan nē šāyēd

čē nē dānist ham kū čē az =iš uzīhēd

ud awestād abūmiswar yazadānpādār ī marzbān pad rāstšōnī arwandzōrišn rāy āfrīnagān gōwišn u =š nē ačār

ud kē pad nēxūbīh ī ēn wehdēn drōzišn gōwēd kē =š čimīgīh az dēn wēzag ud gōwizār paydāg ī =š hannām ē nasā ī wehān dūrīh ī az pōryōtkēšān rāy druwand wināhgār

u =š ōzadagīh andar ruwān ī tā yazišn framūdārān dēwyazagīh ud asrōšdārīh , wizīr ān ī dēn gōwēd , X , X , X , X , X , X , X , X , X , X , X , X , X , X ; , čē =š ōy rāy guft ohrmazd ō spitāmān zarduxšt kū zīndag ud tanōmand ud ǰānōmand ud ǰān pad ān ēwēnag kār tan abar frōd kirrēnišn

pursišn ēn kū ka hudēnān pēšōbāy ē mōymard ē rāy mowbedīh šahr ē dahēd pad passand ud hamdādestānīh ī wehdēnān pas az ān pad ēčand radīh ī kustag ē dahēd gumārd ī sazāg pad ēwēn nibēsēd ud wehān ī ān kustag frāz , padīrēnd abar be ēstēnd u =š pad rad mowbed dārēnd ud andar aw- =š framānburdār bawēnd ān rad pad harw šahr abestān gumārd pas ān hudēnān pēšōbāy ī widerān bawēd u =š ruwān ō pahlom axwān rasēd

u =š ē gōwēd kū hudēnān pēšōbāy widurd ēn rad ō nūn rad mowbed nēst

harw kē ōy rāy mowbed xwānēd tā nōg gumārd ē az nōg hudēnān pēšōbāy , ē nē bawēd u =š wināh ī garān bawēd

sāldrahnāy abar ān gōwišn be ēstēd ēn kū ān gōwišn ayāb drāyišn

u =š wināh ud puhl ī pādifrāh čē

weh abāg =š hamīh čiyōn abāyēd kirdan

passox

kārīh adādīhā (rāy) sālār bē nē hilišn

adādīhā sālār hilēd harw ǰuttarīh ud zyān ud wizend ī andar =iš rawēd ēg =iš wināh ōī bun ,

kē ān ī drāyišn kunēd wehān az rāh ī rāst abāz dārēd garānwināhīhā ud padiš tōzišnōmand

ud kē abāg =iš hamgōwišn hamayār bawēd abāg =iš hamwināh ud hamdād

ka nigerišn ēstēd garānwināhtar

pursišn ēn kū mard kē abar stūrīh zād ēstēd , pad stūrīh any kas šāyēd ayāb nē

ud ham mard , kē xwēštan pad pusarīh bē ō any kas dahēd čiyōn bēd

ōy kē padīrēd az =iš gētīyīhā ud mēnōyīhā pus ī , padīriftag xūb bawēd ayāb nē

passox

agar tis andar nēst ān rāy ǰuttar abar stūrīh zād pad stūrīh šāyēd

pus pad was duxt pad ēk šāyēd

pursišn ēn kū ka ēk duxt ast ayōgēn ī pid xwēš ud šōy hamē xwāhēd kirdan , šōy ī sazāg ēdōn hamē windēd ī ka xwēštan pad pādixšāy zanīh be dahēd

ka az xīr ī xwēš ud pad guharīg tan ī xwēš nāyrīg ē ī ruwāndōst ī husraw ī ēdōn kē =š stūrīh ud ayōgēnīh ī kas awi =š nē mad ēstēd ud pad mayān kunēd ēdōn čiyōn xwah ī meh kē ō xwah ī keh abespārēd ayōgēnīh pid ī xwēš awi =š abespārēd xwad pad pādixšāy zanīh šōy kunēd šāyēd ayāb nē

passox

nē kunišn ēd rāy čē =š kardag ī pēšēnagān ud pōryōtkēšān abāg nēst