pad nām ī yazadān

pursēd kū dādār

kuua.ciϑra zī həṇti iristanąm uruuąnō yā̊ aṣ̌āunąm frauuaṣ̌aiiō

kū az kū paydāgīh hēnd ān ī widardagān ruwān kē ahlawān frawahr kū =šān mizd az čē dahēnd

paiti šē aōxta ahurō mazdā̊ spəṇtat̰ haca mańiiaōt̰ zaraϑuštra aēšąm ciϑrəm vahištāat̰ca manaŋhat̰

passox =iš ō ōy guft ohrmazd kū az abzōnīg menišn zardušt awēšān paydāgīh pahlomīg =iz menišnīh ka ān ī dānēnd be kunēnd ān ī nē dānēnd abāz pursēnd

harwispīn bēraftārān mardōmān ātaxš dast nigerēd

ud ēd gōwēd kū čē dōst ō dōst barēd frāzraftār mardōm ō armēšt ātaxš

agar ōy ī barēd esm pad ahlāyīh burd barsom pad ahlāyīh frāz wistard urwar hayanbāg ān ī ōy pas āfrīnēd ātaxš ī ohrmazd kū āfrīn kunēd kū hušnūd ud abišt ud sagr

abar ō tō hāxtād ān ī gōspandān ramag pad axwān hāxtād kū =t pad menišn ān ī kē rōz abāyēd ī =t ox dastwar hād urwāhmenox pad gyān zīwē tā ān šab ka zīwē ay pad rāmišn zīwē ēdōn ātaxš āfrīnēd čiyōn =am guft ēn

ān ī ātaxš āfrīn =ēw bāstān ēn gōwēd kē ōy bāstān esmān barēd ī hušk ī pad rōšnīh nigerēd ahlāyīh ārzōg abāyist ī ō kār kirbag rāy yōǰdahr kū pāk

pad fradom srišwadag ī šab ātaxš pahikārēd mān mānbedān

kadagxwadāy kū mānbed ul ēst

abar wastarg aybyāhan kū kustīg frāz abzāyē ud frāz dast šōy dēnīgīhā ud didiz frāz abzāyē kustīg

ud ān ī esm stān

abar ō man bar kū =m abāz kun bē urwar bar esm

abar ō man abrōz pad esm yōǰdahr ud frāz šust dast pad kadāriz esm ī hušk pad rōšnīh nigerēd

čē bē āz ī dēwāndād rāy ā =m pēš tōzišn ī ox ī bē dard sahēd kū =m dušxwār ēdōn kirrēnīd man gannāgmēnōy ān ī andartom ox ī gyān

āat̰ ušaŋhąm para frə̄retōit̰ aēšō mərəγō yō parō.darš

ēg pēš az ōš franāmišn ī pad nēmšab ān murw ī parōdarš u =š parōdaršīh ēd kū =š fradom parr hušk xazēd pas wāng kunēd

aēšō mərəγō yō karətō.dąsuš

ān murw ī kartanšu kē andar kird ēstēd

āϑrō vācəm surunaōiti

ān ī ātaxš gōwišn āšnawēd

ud pas parr hušk xazēd

buland wāng gōwēd kū ul ēstēd narān ud hērbed ud purnā aburnā čiyōn nibišt

weh kustīg abzāyēd ud dast šōyēd

did kustīg abzāyēd ud frāz ō gōspandān abar barēd ud tuxšišnīhā srāyēd ān ī abzōnīg gāhān ī panǰ ī spitāmān zardušt

āat̰ maire fraduuaraiti bušiiąsta darəγō.gauua apāxtarat̰ haca naēmāt̰ apāxtaraēibiiō haca naēmaēibiiō

ēg ān mar frāz dwārēd būšāsp dagrandgawag az abāxtar nēmag az abāxtarīgān nēmagān ān ī harwisp ox ī astōmand pad gaw abar mālēd

uiti aōjəmna uiti daōmna xᵛafsata maṣ̌iiākā̊ŋhō xᵛafsata mərəzu.juuā̊ŋhō xᵛafsata mərəzu.jītaiiō

ēdōn guft ēdōn dawēd kū xufsēd mardōm xufsēd gišnagzīwišn kū =tān ma se pahlomīh abar xwēš bawād humat pad menišn hūxt pad gōwišn huwaršt pad kunišn