Select Section Type

1.0
pad nām ī yazadān
2.0
weh_dēn mardōm rāy paydāg kū dastwarān guft ēstēd kū
3.0
mardōmān harw rōz pad ōšbām se druz pēš āyēd čiyōn nasrušt ud aǰgahānīh ud anāstawānīh
4.0
pad dēn guft ēstēd
5.0
ka pēš az ān kē xwaršēd ul āyēd dast pad gōmēz gāwān šōyēd pad āb šōyēd u =iš druz ī nasrušt zad bawēd ud pad ruwān ōwōn sūdōmand čiyōn ka =š pad baršnūm šust hē
6.0
ud ka ō mān ātaxšān šawēd ud ātaxš niyāyišn kunēd u =š druz ī aǰgahānīh zad bawēd
7.0
ud ka niyāyišn ī xwaršēd pad nērang ī yazadān kird u =š druz ī anāstwānīh ī dēn zadag bawēd
8.0
dastwarān guft ēstēd kū
9.0
se hēnd andar gētī kē awēšān rāy rōzīg nē baxt ēstēd pad stambagīh az gētī hamāg stanēnd ud xwarēnd u =šān pad tan ī pasēn āmār ī saxt awiš bawēd
ēk ān drāyān_ǰōyišn mardōm ud didīgar ān ī aǰgahān ud sidīgar ān duščašm
drāyān_ǰōyišn ōwōn škeft kū
ka ān ī drāyān_ǰōyišn mardōm hamē xwarēd ud hamē drāyēd hazār dēw pad nērōg ōy ābustan bawēd bēwar dēw pad nērōg ī ōy bē zāyēd
ud damišn ī az zafar ud gandagīh ī ōy bē ō garōdmān ō pēš ī ohrmazd šawēd ud mizag ī čāšnīg ī ān xwarišn bē ō ahriman ud dēwān rasēd
ud hordad ud amurdad abar tan ī ōy nifrīn kunēnd kū tō az hordad ud amurdad wēš drāyān ma ǰōy
didīgar dastwarān guft ēstēd kū
margarzān mardōm pad zīndagān xwarišn ēwēn dādan ud aǰgahān nē ēwēn dādan
sidīgar duščašm mardōm ōwōn škeft kū xwaršēd ud māh rōšnīh kem ud āb tazišn kem ud urwarān waxšišn kem
duščašm ān bawēd kē az nēkīh ī kasān dušxwārīh bawēd
sōrag_čašmān rāy ōwōn paydāg kū pad harw kas ōh bawēd weh pad tan ud tis ī xwēš wattar pad ān ī kasān
pursīd kū andar xrafstarān gyān kē kird
guft hād ohrmazd
u =š ēd rāy kird čē ahriman tan ī xrafstar dēsīd haštdah paymān ō ohrmazd drāyīd kū gyān andar awēšān kunē ayāb ēnyā pašt nē āwāšam
ud ohrmazd meh_dādestānīh šāyist kirdan ī tan ī pasēn rāy xrafstar gyān andar kird
hamāg ka xrafstar zanēnd guft abāyēd kū zanam ōzanam wināh wizārišn ud kirbag ī ruwān dōšāram rāy
ka pad ān ēwēnag gōwēd čand zanišn ud arz ī ān xrafstar wināh ī ān mardōm kird ēstēd az bun bē šawēd čand zanišn ī ān xrafstar kirbag ō bun bawēd
ud pad_iz8644harw kār ud kirbag ī kunēnd ēn guftan abāyēd kū wināh wizārišn ud kirbag ruwān dōšāram rāy hamē kunam tā kirbag dō ēwēnag bawēd
pursīd kū
abar_sar ud dandān_friš dagr ō zamīg abāyēd mālīdan ayāb nē
ERROR
guft hād abāyēd
ēd rāy čē mēzd ī wehān pad nērōg yazadān kunēnd tā mardōmān pēš az freh_būd_xwarišnīh abar_sar ud dandān_friš dārēnd ahriman ud dēwān wišūdagān pad garānōmandīh anāgīh ēstēnd
ud ka abar_sar ud dandān_friš dagr ō zamīg nē mālēnd ō zēn_abzār ī ahriman ud dēwān rasēd
ast =išān pad ān nērōg drust tuwān kirdan
pursīd kū
pad dušox az ān ī ohrmazd kas gumārd ēstēd kē ruwān ī druwandān pādifrāh nimāyēnd ayāb nē
guft hād az ān ī ohrmazd andarōn ī dušox kas nē gumārd ēstēd bē wēnišn ī yazadān tištar ud sadwēs wanand ud haftōring
ēn =iz gōwam kū awēšān wēnišn ōwōn tēz kū ān ī arγandtom dušox ōwōn wēnēnd čiyōn mard =ēw kē čašm abēr wēnāg andar ēwēnag nigerē tan ī xwēš wēnē awēšān =iz weh abērtar wēnēnd
ud ka nē pānāgīh awēšān rāy hē ahriman ud wišūdagān hāmōyēn ruwān ī druwandān andar dušox bē marnǰēnd =ēw
ERROR
ēn =iz paydāg kū druwand rāy pad harw wināh puhl ud pādifrāh čand abāyēd burd
ud ka niyābag ī ān puhl ud pādifrāh burd agar pad ǰud az ān aštar =ēw ī asp ō ruwān ī awēšān zanēnd =ēw pad hamgyāg rist_āxēz ud tan ī pasēn bawēd
harw rōz se wāng az wahišt ud saxwan ī amahrspandān āšnawēnd kū
ma tarsēd čē =tān rist abāz wirāyēm u =šān čand bār pad gētī saxwan ī ruwān_dōstīhā wehān ō ašmāh guft ud rāh ī rāst ō ašmāh nimūd ud nē padīrift hēd
u =š harw rōz se bār hōm ō gōš gōwēd kū
rāmišnīg kunam ud ma tarsēd čē =tān ōš az ruwān abāz dāram u =tān ruwān nē ōšōmand čiyōn tan ōšōmand
pursīd kū pad ēn kirbag ud wināh_wizārišn xwad xwābarīg kadām
guft hād
xrafstar ōzadan ud ātaxš dādīhā pahrēxtan čē xrafstar hamāg az tan ī ahriman u =š ahriman bēšīd bawēd
ahlawdād ka ō wehān dahēnd kirbag kam nē bē dō ēwēnag kirbag bawēd
ēk bun ī kār didīgar ahlawdād dahišn čē ahlawdād ō ganǰ ī dādār ohrmazd rasēd
pursīd kū gōšt murdār čē rāy ka nē xwarēnd
guft hād
ēd rāy čē dēwān padiš petyāragēnēd pad zyān ī mardōmān yārīd bawēd
ka mardōmān bē xwarēnd ēw petyārag ō tan ī mardōmān rasēd andar tan ud ruwān ud amahrspandān anespās ud mihrōdruz ud wināh_kār bawēd
pursīd kū pad xānag ī mardōm ka widerān bawēd andar se_šabag gōšt tāzag čē rāy ka nē xwarēnd ud ka xwarēnd čē ǰuttarīh bawēd
guft hād
ēd rāy čē nasrušt ī petyārag ī andar ān xānag ka abar ān widaštag ristag rasīd bawēd harw kē az ān xwarišn bē xwarēd ān druz ī nasrušt ī petyārag ī ān ī [MK 136 end] widaštag ō tan ī ōy bē rasēd
az ān ǰādag rāy ōš pēštar ud margīh saxttar tēztar andar rasēd
ud gyān dādan ōy rāy dušxwārtar bawēd ud andar gyān kandan anāgīh wēš andar āyēd abar ōy
frazaft pad drōd ud šādīh ud rāmišn
ERROR