hassārīh ī āb šawišn u =š abestāg pad hassārīh ī āb gōwišn

ašemwohū se frawarāne čē gāh dārēd

aiβiiō vaŋhubiiō vīspanąmča apąm mazdaδātanąm bərəzatō ahurahe nafəδrō apąm apasča mazdaδātaiiā̊ tauua ahurāne ahurahe xšnaōϑra

u =š wāz frāz gīrišn

frā tē staōmaide ahurāne ahurahe vaŋhūš yasnąsča vahmąsča hubərəitīšča ušta.bərəitīšča vaṇta.bərəitīšča yazatanąm

abar āb ϑβā andar wardēnišn aṣ̌aōnąm pādyāb andar hilišn kuxšnaēša purr bē kunišn us.bī.barāma az āb ul dārišn raϑβasča bərəzatō andar rāh =ēw gāϑā̊sča srāuuaiiōit̰ ān gyāg bē nihēd

ka ǰīw gīrēd ā =š ō hassārīh gōspand šawišn u =š abestāg

urunō ōh gōwišn

vīspaēibiiō aṣ̌ahe ratubiiō nē gōwišn

barsom pad dast kirdan nē nērang bē kunišn

ka ōh čīnēd ās bē ō hassārīh wēšag šawišn

u =š abestāg pad hassārīh wēšag gōwēd aṣ̌əm vohū se frawarāne čē dārēd

u =š pad bē nigerišn u =š wāz frāz gīrišn

u =š pad nəmō uruuaire wēšag pad ēwkardāgīh bē nigerišn ēn kū wēšag ō wēšag čand pādixšā kē gōwēd se daxšmēst gōwēd

ast kē ēdōn gōwēd se bē ka az harw bun ēw tāg wēnēd nē šāyēd

ast kē ēdōn gōwēd se ka wāng āšnawēd ā šāyēd

u =š aṣ̌əm wāz frāz gīrišn

u =š pad vohū kārd abar nihēd

u =š pad vahištəm bē brīnišn tā se tāg pad abestāg bē čīnēd

hamē ka ēw tāg apādyāb bē bawēd u =š wāz abāz gīrišn ka =š se tāg pad abestāg bē čīnēd

ka harw se tāg apādyāb bē bawēd ā =š wāz abāz nē gīrišn ka sar hušk