pad nām ī yazadān ī kirbakkarān

ēdōn gōwēnd kū gizistag abāliš ī zandīg az staxr būd

mard ī weh ruwāndōst būd

ud rōz =ēw gursag tišnag ō ātaxšgāh ī pušt mad kū wāz gīrom None

ānōh , kas nē būd kē wāz dād hē None

ud bērōn bē mad

ud mard =ēw kē xēšm pad tan mehmān būd None padīrag mad

u =š guft

kū čē abāyēd ēn warzīdan ud pad ān ī mardōm nēkīh kāmag būdan None kē mard =ēw ī čiyōn tō frāz rasēd u =š wāz =ēw nē dahēnd None ud sust ud xwār ud anāzarm dārēnd

abāliš fradom dēnohrmazd nām būd

u =š menišn šuft

ud xēšm andar tan dwārist

u =š menišn az kārkirbag abāz dāšt None

ō hāmōyēn dānāgān ī wehdēnān ud tāzīgān ud ǰahūdagān tarsāgān ī pārs ēranǰēnīd rāh ō baγdād ud dar ī māmūn ud amīr mūminīn grift None

ud māmūn amīr ī mūminīn , framūd kū ham hāmōyēn dānāgān ī xwēš ud ān =iz ī ǰahūdagān tarsāgan ō pēš xwāst hēnd None

ud abāliš guft , kū mowbed nazdist tō pursā ayāb man

mowbed guft kū tō purs tā man wizārom ,

pursīd gizistag , abāliš kū mowbed āb ud ātaxš kē dād ,

mowbed guft kū ohrmazd ,

abāliš guft kū pas čim āgenēn zadār ud ōzadār hēnd

mowbed guft kū , āgāh dānišnīg bawēd kū ēč =iš nēst ī kē ohrmazd xwadāy frāz dād None , ud gizistag ahriman ī druwand petyārag awiš nē burd ō āb ud ātaxš

ud āb xwēdīh ud ātaxš sōzāgīh

ud ka ō ham rasēnd None ān druz ī abāg ātaxš ō āb rasēd

homānāg pid ud pus kē =šān harw ēk dušmen =ēw ast

griftār dārēnd ka ō ham rasēnd None

ān dušmen ī abāg pidar ō pusar zanēd None nē šāyēd guftan kū pid ō pus ī xwēš zanišn kird None

ud māmūn amīr ī mūminīn ān saxwan passandīd

ud pad xūb dāšt None

ud rāmišn ī was padīrift ,

gizistag abāliš ēn pursīd

kū āb ud ātaxš sōzāg ka =šān zanēnd wināh wēš hā az ān kē =šān nasā awiš pad gyāg be mānēd ,

mowbed guft kū āb ud ātaxš homānāg čiyōn gāw =ēw ayāb asp kē az ramag ī xwēš bērōn bē āwarēnd ō ramag gōspandān barēnd

ud ānōh giyāh ud xwarišn windēd

pānāgīh az iš kunēnd None

ud ka nasā awiš barēnd čiyōn ka =š ō ramag ī šagrān gurgān

awēšān zanēnd ud ōzanēnd be ōbārēnd

māmūn amīr mūminun passandīd ,

sidīgar pursīd kū zaxm pādifrāh ī pad mardōm ohrmazd framāyēd ayāb ahriman

čē ēn kū zanišn ud ōzanišn zaxm ud pādifrāh

ēg =išān xwadāyān pad wināh mardōmān gīrēnd ud dast burēnd pad čōb zanēnd

ēg =išān framān ī ahriman kird bawēd

ēn kū =šān mardōm kē =šān ohrmazd pādifrāh kunād pad kadām xrad sazēd wurrōyistan

ud agar pādifrāh ohrmazd framūd ēg =imān az ahriman nē must , hē ,

ī mowbed guft kū dādestān ēn ōwōn homānāg čiyōn None frazand =ēw ka angust ēw mār gazēd

ud pidar pad ēn kū None tā hamāg tan zahr nē rasēd , frazand nē mīrād angust ī frazand brīnēd ,

pidar rāy nē adān ud dušmen abāyēd dāštan bē pad dānāg ud dōst None

bē hamgōnag mowbedān ud dastwarān ud dādwarān

ud ka xwad mardōmān wināh kunēnd ruwān rēš kunēnd None

ud rāh pahlom axwān bandēnd

ǰādag ī ān rāy kū =šān , ruwān ō dast dēwān ud druzān ma rasād None gētīgīhā ān pādifrāh kunēnd None

nē pad adān ud dušmen bē , pad dōst ud nēkīh kāmag abāyēd dāštan None

māmūn ud kādīg abd passandīd ,

čahārom ēn pursīd

kū dast pad gōmēz šustan pāktar kū pad āb

čē agar gōmēz pāktar ast dudīgar bār pad āb nē sazēd šustan ,

, mowbed guft kū ašmāh ka andar xānag sargēn tis ī gandag ud rēman gird āyēd None xwad bē barēd

ayāb ō bandagān framāyēd tā bē barēnd

abāliš ud māmūn amīr ī mūminīn ud kādīg guft

kū nē =z tis pad ān ewēnag harw kas ō bandag framāyēnd pahrēxtan ,

mowbed guft kū amāh pad šab ka druz ī nasrušt ō tan rasēd nazdist pad ān gōmēz ayāb pad āb tantōhmag framāyēm burdan None nē ō āb ī abēzag ī pāk pad ēn kū None nasrušt pad tan ī harw kas be rasēd

ud harw kas ham- dādestān None ,

čē ǰahūdān ud tarsāgān ud tāzīgān harw kas bāmdād ka az wistarg abar xēzēd None None dast nē šōyēd namāz yazad ud stāyišn ī yazadān nē kunēd

ud dast ō ēč =iš xwarišn kār nē kunēd

ud agar kas kunēd pad wināhgār nādān dārēnd None

māmūn amīr mūminīn passandīd

pad xūb dāšt None

ud rāmišn ī was padīrift ,

panǰom ēn pursīd

kū namāz ō ātaxš wahrām burdan None ud āyaft aziš xwāstan kū dah ō hangad ayār ī ohrmazd pus tēzxwārīh ud tēzsrāyišnīh ud tēzzīwišnīh kū ka āšnāg kū ātaxš xwad ēdōn nizār ud abādyāwand ud driyōš kū ka mardōm xwarišn ī ezm rōz =ēw nē dahēd None be mīrēd

az ōy kē pad xwēš tan nē šāyēd āyaft aziš xwāstan nē wizīdārīha ,

mowbed guft

kū dādestān ēn ōwōn homānāg čiyōn šahrestān =ēw hamāg pēšag andar hēnd āhangar ud kafšgar ud durgar ud darzīg

ud kafšgar az āhangar xwāhišn kunēd None

āhangar kū dastabzār ī man be wirāy

tā man mōzag ī tō xūb be kunom None

ud kafšgar mōzag ī darzīg dōzēd

darzīg ǰāmag ī kafšgar wirāyēd

hamgōnag ātaxš pad tan kirdagīh None niyāzōmand ast bē ō None amāh pad windādan ī zōhr ud bōy ud ēzm

ud amā =z pad mēnōgīg kirdārīh bē zadan ī druz ī mēnōgīg čiyōn wēmārīh ud tab ud sēǰ ud xēšm niyāzīg hom ō ātaxš

hamgōnag xwadāyān niyāzōmand ō bandagan ud bandagan niyāzōmand ō xwadāyān

ud māmūn amīr ī mūminīn passandīd

pad xūb dāšt

ud rāmišn was aziš padīrift ,

šašom ēn pursīd

kū ēn rōšn paydāg kū harw kas ham- dādestān None kū tan ī ahlawān frārōnkunišnān , pāktar ud abēzagtar kū ān ī druwandān wināhkārān

ašmā gōwēd kū nasā ī druwandān pāktar

anērān wināhgarān pāktar kū ān ahlawān

ud ēn was abēčim ud apadīriftag ast ,

mowbed guft

kū hangōšīdag ēn tis nē ēdōn čiyōn ašmāh handēšēd

čē druwandān ka be mīrēnd ān druz ī pad zīndagīh abāg būd gīrēd ō dōšox nayēd nazdīk ī ahriman

ud nasā druz abāg nēst pāk

ud ahlawān frārōnkunišnān ka be widerēnd ruwān amahrspandān gīrēnd be padīrēnd abāz ō pēš ī ohrmazd xwadāy nayēnd

ān druz ī nasrušt ī abāg nasā būd pad xānag tan bandmān bawēd

ud ān nasā rēman kunēd None

homānāg dušmen ēw ka ō šahrestān =ēw mad ud agar =šān šahryār ī ān šahrestān ō dast āyēd None gīrēd barēd nazdīk ī šahryār ī xwēš barēd

ud agar =šān šahryār ī ān ī šahrestān griftan nē tuwān anummēdīhā pad ham šahrestān andar šawēnd ud šahrestān awērān kunēd

māmūn amīr ī mūminīn ka ān saxwan āšnūd was passandīd

u- =š abd sahist ,

haftom ēn pursīd

kū kustīg bastan čim čē

agar pad kustīg bastan kirbag bawēd ēg xarān ud uštarān ud aspān pēštar šawēnd ō wahišt kē šab ud rōz haft bār ud tang pad aškomb bastag dārēnd None

mowbed guft kū abēčim tis nēst

pad adānān ud dušāgāhān abēčim sahēd kē anāgāh hēnd kē čim ī tis nē dānēnd

ud čim , ī tis nēst ī rōšn bē =t man rōšn kunom None ,

amāh ēdōn gōwēm kū čiyōn =mān wurrōyišn pad dō buništagīh None

u =t =imān pad ān ī xwēš tan be paydāgēnīd estēd

bahr ī ohrmazdīh ast rōšnīh ud garōdmān pad hangōšīdag

ēdōn harw čē azabar nēmag ī tan , čiyōn ašnawišn ud hambōyišn gyāg ī xrad ud gyān ud awx ud menišn ud ōš ud wīr ud āsn xrad ud gōšosrūd xrad gyāg ī yazadān ud amahrspandān

ud ka mardōm azabar nēmag pad hangōšīdag ī wahišt dārēnd None bundahišn rāy čimīh ast

ud āzēr nēmag ast čiyōn gandagīh ud rēmanīh gyāg gōmēzdān sargēn ud gandagīh homānāg ud gilistag ī gyāg ī ahriman ud dēwān

ud agar kas āškārāg dārēnd None ā =š bundahišt gīrēd

ud pad āhōg abar nigerēnd

ud kustīg sāmāngar ast tanān

ēd rāy None kustīg xwānēnd čē =š tan pad dō kust be paydāgēnīd estēd

hamgōnag čiyōn ašmāh čiyōn gyāg nišast ud az ān gōmēz paydāgēnīd ast

ud ēn dēwār =ēw pad mayān abar estēd

māmūn amīr mūminīn ud kādīg passandīd

pad xūb dāšt None

rāmišn was padīrift

u =šān pas ō abāliš guft

kū šaw

čē =t ēraxtan nē tuwān

čē harw čand wēš pursēh nēktar ud rōšntar pad čimīgtar None wizārēd

druwand abāliš kast škast ud bast ud ēraxt homānāg bawēd ,

anōšag ruwān bawād ādur farrōbāy ī farrōxzādān kē gizistag abāliš rāy škast

ēdōn bawād

ēdōntar bawād

ud warz ud xwarrah abzāyād ohrmazd xwadāy rāy abāg amahrspandān ud abarīg yazadān

zad ud škast nifrīd bawād ōy gannāg mēnōg None druwand ī adān dušdān frēftār abāg dēwān ud druzān ud ǰadūgān ud parīgān ud sāstārān

, frazaft pad drōd šādīh rāmišn

pad nām ī yazadān

dahišn ī nēk bawād ān ī weh ,

ēdōn gōwēnd kū gizistag