pursišn

kārwānsrāy ē ka =š hudēn ǰuddēn andar ham xānag mānēnd u =š mayān pārag ē dēwār ēdōn abar āwurd ēstēd ī zamīg ō aškōb nē paywast ēstēd mard andarōn ī ān dēwār drōn yazēd dādestān čē

passox

ka azabar mard dēwār burd ī ēstēd ǰudkirdag drōn yašt dastwarīhā

pursišn

ud andar kārwānxānag ē mayān ī sargēn ī stōrān drōn yaštan pādixšāy ayāb nē None

passox

hamē ka ǰud az sargēn ī stōrān damišn ī xwēš ud sargēn hāwand nēst yaštan dastwarīhā

pursišn

drōn pad čirāg tāwātrō tauua , āϑrō , abar guftan čiyōn

passox

čiyōn =imān pad wasuskārišnīh mad čirāg čōbīzag ē andar kirdan tāwātrō abar guftan xūb sahēd

pursišn

niyāyišn abar stōr pad kird dārišn ayāb nē None

xwad tā kū bawēd andarāmadan ēd saxwan abarguftan pad čē dārēd

passox

ka ēdōn šāyēd kirdan ayāb kē pad zamīg āwāmīhā kirdan bīm =ē ayāb pādīrānīh bawēd kirdan dastwarīhā

ān ī andar gāh ī hāwan kirdan saxwan guftan dastwarīhā

pursišn

gyāg kū ātaxš warahrān nēst ayāb ast ōh niyāyišn kirdan nē tuwān , yasnəmca , guftan nāmčišt wāz griftan pad čē ō mar āyēd

passox

yasnəmca , ǰud az wēnišn ī ātaxš guftan pad abestāg , aiiašta , ō mar āyēd

pursišn ,

ēn kū šnūman drōn kūgyāg paydāgēnišn kūgyāg nē paydāgēnišn ud čiyōn paydāgēnišn

passox

čiyōn guft ēstēd xšnūman pad bun ī drōn paydāgēnišn

būd kē guft kū tā šnūman gāh hamē ka apaydāgēnīdan šāyēd

pursišn

mard ē ustōfrīd ē be kirdan rāy gōwēd kū ka ēn X tis ēdōn bawēd ēn ustōfrīd wāhmān mard be ē yazēd

ka ō ōy mard yaštan rāy gōwēd mērag gōwēd kū ān kē yaštan az man weh mad ēstēd man nē yazam

kirdan čiyōn sazēd

passox

čiyōn pad čāštag guft ēstēd ustōfrīd pad yašt ī abēgumān yazišn

ka abēgumān nē mad ēstēd būd dastwar kē pad yašt ī gumānīg yašt guft

ud ōy kē drāyīd , xward ham ōy dastwar guft kū pad drāyīd ēč ēwēnag yaštan nē šāyēd

pursišn

mard ē xāyag ēwčand pad drōn ē be paydāgēnēd

ka andar drōn yaštan ē ān xāyag uzihēd xāyagēnag ayāb andar any xwarišn ē uzēnag kunēd pas frāz drōn nihēd ud be yazēd dādestān čē

passox

ēdōn guft ēstēd kū ustōfrīd harw čiyōn =iš be tuwān uzēnīdan pādixšāy kirdan

pursišn

mard ē andar wiyābān drōn yazēd wād gard abar dast nišānēd dādestān ī barsom čē ,

#COMMENT ,

ēdōn čiyōn guft ēstēd ka ǰud az gard any tis padiš nē paydāgīhēd pad ast čāštag ē šāyēd

pursišn

mard ē andar rāh ud kārwān az rōz ān rasēd kē =š drōn andar xānag ī tārīk abāyēd yaštan X

ka yazēd dādestān čē ,

passox

pad šab andar xānag ē pad ǰud az ātaxš pad ēč ēwēnag drōn yaštan nē pādixšāy

pursišn

xwaršēd andar xānag niyāyišn kirdan

bēd dādestān čē agar ōh =iz andar rāh ud kārwān

passox

niyāyišn xwaršēd kirdag bawēd

pursišn

mard ē gyāg ē rasīd ēstēd

u =š barsom abāyēd kirdan

ud barsom abar ēstēd

ud aybyāhān nē mad ēstēd

čiyōn abāyēd kirdan

passox

barsom ǰud az aibyāghan nē šāyēd drōn padiš yaštan

pursišn

mard ē andar zēndān ē kē gyāg pad nasāyōmandīh warōmand pad hixrōmandīh mehmān drōn yaštan weh ayāb ēwāz wāz ē abar guftan

passox

bē ka ēwarīh ī nasāy ayāb nēšāyistan ī tis paydāg tā drōn yaštan weh

pursišn

wēmār ē kē drōn yaštan nē tuwān ān aziš zamānīg dārūn ē be abāyēd xwardan

kas dagrtar rasīd wāz ē grift

dārūn xwardan šāyēd

passox

agar nē bawēd kas rāy čē drōn yazēd pad tan dušwārīh ī saxt abzāyēd dārūn xwardan atuwānīg wāz abar guftan

pursišn

az kōrān wāz stad dādestān čē

passox

ka =š yašt warm ud awestwār abāg ast dastwarīhā

pursišn

barsom andar rawišn ī rōbāh pōst andar ē gām frāz mad dādestān čē

passox

pad ēč čāštag kem az se gām nē šāyēd

pursišn

barsom az gōr ī murdagān ǰudkēšān pahrēzand čē sāmānag

passox

pad rawišn ī se gām ud pad astdān sīh gām abāyēd

bawēd kē se gām guft

pursišn ēn kū drōn ī māh ī day ud rōz daypadmihr šnūman čē abāyēd kirdan

passox

šnūman ābān guft ēstēd

pursišn

drōn andar xānag pad šab yazēnd kē war wišād bawēd asmān pad dīd dādestān čē

passox

andar xānag ē ǰud pad ātaxš ud ēč ēwēnag nē pādixšāy drōn yaštan ,

ud pad wēnōg ī war wišād kē star ud māh ud xwāršēd andar ōbadēd būd ke guft kū dastwar bē =š ǰuddādestānīh padiš

pursišn

andar xānag ē drōn hamē yazēnd ud gurbag wāng kunēd dādestān čē

passox

gurbag bē az se gām ka wāng kunēd barsom nē rēman ,

ud andarōn ī se gām wāng kunēd nam ō barsom nē rasēd ē šāyēd

pursišn

ka drōn ē sar kird bawēd ud barsom abāz gyāg xwāhēd kirdan barsom ō zamīg ōbadēd šāyēd ayāb nē

passox

guft ēstēd kū ka =š drōn sar kird barsom nē [pad] nigerišn apādyāb be bawēd šāyēd

ka hixrōmand be bawēd ka =iz nē pad nigerišn nē šāyēd

pursišn

mard ē drōn sar kird bawēd ašemwohū ē bē gōwēd ud saxwan bē gōwēd šāyēd ayāb nē

passox

ka pad wāz gōwēd nē pad nigerišn šāyēd

pursišn

mard ē drōn hamē yazēd

ud az ōy wāz gīrēnd pēš kū ōy be nihādan ī barsom čāšnīg kunēd

ud barsom apādyāb šawēd

dādestān yašt ē čē

passox

ka kas wāz grift ud barsom apādyāb be bawēd barsom be šōyišn ud be rāyēnišn

zōt ān kē čāšnīg kird xūb

ān kē nē kird nē kunišn

pursišn

andar xānag xwaršēd niyāyišn kunēd šāyēd ayāb nē

passox

ka dardōmandīh ayāb bīm ē ayāb any āhōg rāy ī rōz ayāb rēš =ēw ā =š pādixšāy

pursišn

nān ud gōšt ud abārīg =iz xwarišn ī sāxtag ī ǰuddēnān xrīnēd dādestān čē

passox

xwarišn ī sāxtag ī ǰuddēnān sāzēnd hixrōmandīh padiš

bē awizīrānīh ayāb pad aputtūgīh ī rawēnd nē pādixšāy xwardan

pursišn

anasāyīh ī mardōmān ō ǰuddēnān frōxtan dastwarīhā ōh ka mard ī hudēn nē mad ēstēd

passox

hixr ī tanōmand ka =š tan ud gand ud gōn bē šawēd šaš māh abar uzīd wārān ēdōn abar ī hamāg be xwīsēd ēg pas šāyēd

pursišn

mard ī hāwišt pad ǰud az wināh ī margarzān ō bun ē būd ēč wināh ō bun šāyēd bīd kē nē yazišn kirdan ī =š pad nīrmad ud ačār

passox

pad apatitīh ān az patitīg bawēd ka =š ačār ōh bawēd ,

čiyōn gōwēd pad nigādom kū mard pad tasom arduš ī warzēd kū =š wizārd ēstēd apatit

kū abaxš abāz bawēd frāz ō huhamīhān rasēd andar mazdēstān kū =š yašt ī pad nīrmad ud ačār

pursišn

ka pad sidīgar pargard ī ǰuddēwdād paydāg kū nasāy pad tan ē nē abāyēd burdan

kē barēd ud kē burdan ā =š nasuš abar dwārēd

pas az āb pad tan ē čē rāy pādixšāy burdan

kē pad tan ē nasāy az āb bē barēd čē rāy nē rēman ,

passox

ēd rāy čē pad šašom , pargard gōwēd kū , X , X , X , X , X , X , frāz ē franāmēd ō rist ul ē barēd az āb zardušt

ud =m , fraiiōit̰ , uzbarōiṭ , ēdōn paydāg čiyōn ka ēk rāy guft ēstē ,

čē ka ēk nasāy hē franāmēd barēnd ayāb ē būdan hamē ka =š dēnframānīhā kird bawēd ā =š rēmanīh nēst

pursišn

ān kār ī pad tan abestāg pad xūb kirdan wizīr ī margarzān abar kird ēstēd ān kār nē kirdan xūbtar ud padbōzišntar ayāb andar warōmandīh ē madan dēn rāy be kirdan ud be rāyēnīdan

čē =mān ašnūd kū pad abestāg čand gyāg paydāg kū ān tis kē nē dānē kū kirbag ayāb wināh nē kunišn

passox

ka tis andar nēst ān rāy ǰuttar ōwōn saham kū kār ī frārōn tuwānsāmānīhā rāyēnišn pad ēn čim kū kār ī kirbag ka nē xūb rāyēnīhēd , wināh bawēd

az kār ī kirbag nē (...)išn čē harw kirbag ka nē xūb rāyēnīhēd ast kamkirbagīh ast čē ī wināh bawēd

čiyōn abar =iz yazišn ī yazadān ka adādīhā kunēnd dēwyazagīh ē būdan =iš

čiš ōwōn wizīrēnīd čiyōn ān ī guft kū ka nē ast kū padīrēnd yazadān dēwān , ast

u =šān ēn xwad ēwar kū kunišnān rāyēnišnān hamāg ayāb kirbag ast ayāb wināh

ēn =iz rāy abar kār ī kirbag wēš tuxšišn pad xūbīh čāraggarīh wēš kunišn

ān wāz andar dēn guft ēstēd kū ka nē dānēd kū kirbag ayāb wināh nē kunišn pad sāmān ī mardōmīg dānišnīh mayānagīhā

ud nē abar ān guft ēstēd kū tā mayānagīh pad gētī be ayābēd nē kunišn bē sāmān ī wurrōyišn ī mardōm dānišnīhā ,

ān ī dastwarān ī meh kē =šān pad paydāgīh ī az dēn awiš rōšnīhīd ,

ud sāmān ī dānišn ī dastwarān zamānag ān ka =šān dastwarān abartar rāst dastwar aziš paywast

sāmān ī dānišn ī , wehdēnān ān ka =šān az rāst dastwarān ī zamānag pad kirbagīh wizīr mad

saham kū =tān āšnūd kū ka yōǰdāsrgarīh ud ōy kunēd kē az dēn ī mazdēsnān nērang nē dānēd druz nasuš stahmagtar bawēd ud druyistīh ud bēšazēnišnīh ud abzōn =iz ī ǰōrdāgān kem bawēd , ān mard be ōzanišn

ēd framāyēd šnāxtan kū ān nērang nē dānistan ka abar awēšān framāyēd handēšīdan kē ēč nērang ī dēn ān nē šnāsand axwēškārīh hamē kunēnd

čimīgtar kū ka abar awēšān handēšīdan kē nērang ī kirdagān čand az ān pēšēnīgān andar zamānag ēdōn tuwān sāmān andar āgāhīh warzišn yašt ēstēd

čē ka ān čāragōmand ayāb kunēnd pad ān ī ačār bōzišnīh

ēn kū drōn ī sāl ī nōg ud frawardīn māh ud hordad rōz

fradom drōn ī pad xšnūman ōwōn yazišn rōz ud sāl ud māhīgān pad ēwēnag čiyōn nibēsam rōz andar kunišn None , X , X , X , X , X ,

pad , yazamaide , gōwēd , X , X , X , X , X , X , X , X , X , X , X , X , X , X , X , X , X , X , X , X , X , X , X , X , X ,

rōz ud gāh aiiaranąmča , tā vīspaēšąm , gōwišn

huǰastag xūb murwāg bawād ,