Select Section Type

1.0
pērōzgarīh ī dādār_ohrmazd xwarrah ī wisp_dānāgīh axwīg dēn mazdēsn
2.0
panǰom abar gōwišn hufraward ādurfarnbay ī farroxzādān ,
3.0
hudēnān pēšōbāy būd pad =iz nibēg ī simrā xwānīhēd ,
4.0
hangirdīg passox ī ādurfarnbay ī farroxzādān hudēnān , pēšōbāy abar nišānagīg pursišn ē_čand ī yākūb ī xālidān ī čiyōnīh guft ōstīg nāf hammist ramān ī =šān simrā =z xwānēnd =šān ham pursag frāz awi rasišnīg
5.0
abarglriujh sālār ēr_tōhmag šud ānišān niyāgān pad spāh_sālārīh ham dōstīg_spāhīgīh ī ān ram andar spāhbedīh ī bōxt_narseh ī abar agārēnīdan ī abārōn_dādīh wad_kunišnīh ī banīsrāyēl ud garān dēw_ēzagīh ud zyān ī az =išān pad frēstīd ī dahībed kay luhrāsp az ērān_šahr abāg bōxt_narseh ō hrōm makdis ud ān kustag mānišn
6.0
ud hudēn_wurrawišn pad društag mādayān dēnīg ristag pad ramīgān ham_uskāragīh dēn_āgāhīh društag =ēw ,
7.0
did rāyēnišnīhā nihang zamānīg xwāstār pas az was ān ī pahikārišnīg uskārišnīg čim wizōyišnīg pursišn ud passox warm hāwišt wisānīg xwāyišnīhā passazag ,
8.0
abar čiyōn padīrēnd paygāmbarān ī pēš az zarduxšt ēn dēn ud čiyōn āmad ī abēzag hufraward zarduxšt ī spitāmān , ,
9.0
ud āyēnd pas pas āwurdārān ī ham abēzag weh_dēn az paygāmbarān frēstagān dēn_padīriftārān būd hangirdīg bowandag padīrift čiyōn gayōmard būd društag az =iš None čiyōn mašī ud siyāmak hōšang ud tahmōrub ǰam ud frēdōn ud mānuščihr ud sāmag kayān any =iz was pēšōbāyīh ī andar zamānag
u =šān padīrišn passazagīhā andar āwām āwām ō kardag kird
None None pad =iš dāmān petyārag spōxtan sūd frāxīh xwāst gēhān rāyēnīd ud dādār ud weh_dahišnān šnāyēnīd
ud
zarduxšt andar ān ī abēzag rōšnīh hāwend amahrspandān az bundahišn ōrōn ham hangirdīg ham ōšmurdīg bowandag afragūdazišīhā padīruftārīh ud rawāgēnīdārīh dēn andar gēhān rāy mēnōyīg tāšīd ud payrāst ēstād
ka ō gil_paymōgīh ud stī gētīyīg_paydāgīh frēstīhist wuzurg xwarrah ud rōšnīh ōwōn abar_dīdārīg būd ī ham čiyōn andar ǰam tōhmag az pōrušāsp pid ō dugdōw ī mādar mad =z zād ǰān dranā az xwēš mān gyāg franaft burzīhā ud stabrīhā brāh ātaxš homānāg ō dūr zamīg rōšnīh ud bām ud payrōg dād
ǰādūgān parīgān sāstārān kayagān ud karabān abārīg wattarān andar =iš zāyišn ud aburnāyīh ē pad murnǰēnišn_kāmīh awi škarwist hēnd
margīh None agārīh None ud =z andar_dast_ōš ud abārīg armēštīh wēnābdāg hanǰaman paydāgīhā abar mad ud =z gurgān abārīg dadān =šān az ān ī pōrušāsp xwēšāwandān ī ǰādūg dēwēzag čārīh_xwāhīh pad =iz uzmāyišn frāz awi =šān abgand
hamgōnag paydāg wahman pad =iš mehmānīh rāy pad zāyišn xandīd
mad ō pad hampursagīh ohrmazd padīrift dēn ahriman was dēwān druzān pad bīm_nimāyišnīh X ud pahikārišn_xwāyišn ud hāzišn awi frēstād hēnd
ud hamāg apadīrišnīhā ud zadagīhā stōwīhā az =iš wašt hēnd pad ān ī ōy ī abēzag frāz_gōwišnīh ī abestāg_ēwāzīg ohrmazd kām pahlomīh wirāst_zēnīh ud paydāg_mizdīh ud nērōg_xwadāyīh ud ēbgat zyān rāh_nimāyīh ud frazām ī yazadān pērōzīh ud čē ham_rāyēnišn
ud dēwān čiyōn pēš az ān andar gēhān āškārag dwārist nirfsīd hēnd
kālbod škast ō nihānīg zruftagīh ōwōn wašt hēnd wiyābānān paristagān ud frēftārīh škeft_pahikārān pad =iš xwastūgīh būd
ka pad bowandag ud padīrift dēn az ohrmazd ō rāmšā kay wištāsp gēhānīgān hāxtan mad
was_ēwēnag xwarrahkārīh ud dēw ud druz wānišnīh nimūdan menišn ī wištāsp šāh ud wasān was ān ī nihuftag xīr āškārag guft
ud ǰānōmand tan pad =iz bahr az =iš abē tan ham bahr ud tan ǰānōmand ud abāz kird ud padīrag was ǰādūgān dēwēzagān dēw_hampursagān ud dēw_dūdagān frēftārān škeft_pahikārān ,
ud ān dwāzdah star_gōwišn =šān nām az dwāzdah axtar hammist frazānagān ī bābēlāyīgān ēd az xwaniras sar_xwadāyān frašn pursišn frēstīd hēnd pad pahikār bōxt
ud abāg ān ēwēnag mēnōyīg ud gētīyīg widimāsīg warzkārīh ī frāz az ǰamšēd anangōšīdagīhā paydāgīhist gugāy abāgīh ī wahman ašawahišt ātaxš abārīg čand weh_mēnōy dīdārīg
pas =iz hamāg gōwišn ī ohrmazd dēn handāz ud tarāzēnišn frāz ō wištāsp ud gēhānān čiyōn škeft hamālēnīdārīhātar dāštan None frāztar =iz az ham pahikārān padīrag xwēš saxwan čiyōn hamēmālīhātar abāg ham pahikārān ēstād
ud ka =z pad xwarrahkārīh bōxt pahikārīh ud harw ēwēnag ī paygāmbarān waxšwarān daxšag ud paydāgīh ud ān ōwōn abāg ēwarīg X gugāy wābarīgānīhist
pas =iz rāmšā kay wištāsp bīm ī dēn petyārag ud any =iz būd
wihān az X dēn rawāgēnīdārīh ēg padīrift ka dīd wuzurg xwarrah rāz
hammist zarēr spandyād frašōštar ud ǰāmāsp čand kišwarīg meh paydāg hukunišn yazadān wāspuhragān mardōm ān ī ohrmazd ud amahrspandān kām ud abāyišnīgīh dāmān =ēw wizīrišnīg rawāg_dēnīh wēnābdāg be dīd
abdom dēwān hāzišn dagrēnišn be dīd pād az ōšmār X hambadīg kōšišnīhā padīrag ēstād hēnd
ud was ardīg ud ōzanišn būd ī abēzagīhā
būd gumēzagīh dēn andar gēhān raft
u hēnd ham_dēn abēzag nōg āwurdārān spurr rāyēnīdārān ušēdar ušēdarmāh sōšyans
pad bowandag rawāgīh ēn ohrmazd dēn bawēd harwisp ī weh dām apetyāragīh ud hamāg xwārīh ,
abar ān ī az abzōnīgīh pēš_xradīh purr_wēnagīh ī zarduxšt paydāgīhistan paydāg paydāgīhist az =iš gōwizār čiyōn pērōzīh ī kay wištāsp ērān abar arǰāsp ud xyōnān abārīg anērān anōšmār ēwēnag
ēk tis andar ān dar None abārīg wizīdārīh wištāsp kišwarānān andar ān ē abāyēd
ud ōzad ī tūr brādrōrēš ō xwad zarduxšt wirāstan ī srid X rah
ud čē andar ān dar nāmčištīg tisān ī andar zamānagīhā pas_pas_madan X rasēd ī az =iš wizendkarān čiyōn aleksandar ī ud aγrērad zadār malkūs ud dahāg ud abārīg wizendkarān wurrawišnwārān =iz mašīh ud mānī ud abārīg
ud āwāmīhā čiyōn polābdēn ud āhen_abar_gumēxt ud abārīg ud dēn ārāstārān winnārdārān āwurdārān čiyōn arduxšahr ādurbād husraw ud pēšyōtan ušēdarān ušēdarmāh sōšyans abārīgān , ,
ud rastag kunišn nišānīhā andar āwām āwām ō paydāgīh_madan rasēd
ēd čē ǰāmāsp az ān ī zarduxšt hammōg guft ud ast ī nibišt ǰōmā abestāg ud zand ī pad gāw_pōst_§ ud zarr nibišt ēstād pad ganǰ ī xwadāyān dāšt
dahībedān dastwarān aziš būd ī wēš pačēn kird
ud pas =iz ō =z āgāhān ud wināhīdārān =iz aziš ast ī mad būd ī ǰud_dādestānīh ǰud_wēnišnīh abar barēnd ,
abar wizīdagīh ud pahlomīh ī tōhmag ī ērān čiyōn ō dahišn ēbgad ud āhōg_gumēzišnīh mad fradom andar baxšišn ī tōhmag az frazendān ī siyāmak abērtar huxradīh ud huxēmīh ud humihrīh huspāsīh hušarmīh ud ēmēd_warzišnīh ud rādīh rāstīh āzādagīh weh_dōstīh ō abārīg hunarāwendīh ud xwarrah_xwēškārīh ō frawāg andarg_§ ud abāz waštag ō kustānīyān
ān ōwōn wehīh ud xwarrah , did pad čīdagīh az bun gumēzišnīg čē abar_madan ī nōg nōg āhōgōmandīh ī az dēwān andar frazendān ī frawāg ō hōšyang ud wāygard čiyōn hōšyang pad abardar xwarrahīh gēhān xwadāy ud wāygard pad dahigānīh gēhān warzīdār ud parwardār būd
u =šān paywandān āwādagān waxšēnīd ān dahibedān tōhmag andar ān ī dahigān huzahag ,
pad ham_šōn ān ōwōn xwarrah wehīh andar āwām āwām wizīdagīhā pad mādayān ham paywand raft ud xadur kustagān spōzīhēd
ud andar =iz mādayān mādayān būd pad paywand čiyōn tahmōrub ud ǰam ud āspīyān frēdōn ēriǰ ī ērān niyāg ud mānuš mānušxwārwar ud mānuščihr =z ō im bay abardar xwarrah dahībed
abārīg dahibedān čiyōn andar =iz ham tōhmag wizīdag X kayān hamē mādayān ōy ī dahibed druyist dāštan ī ham nāf ud paywand ud xwarrah pad =iš mehmānīh
dādār ohrmazd nēryōsang ī xwēš aštag paydāgēnīd ēstēd ham handāzag zarduxštrōtomīh ud dēn ud xwarrah ud az ham ud abārīg =iz was čim ī ōšmurišnīg andar abestāg paydāg ud gēhān āšnāg hutōhmagtom ēr_mardōm
ud ēn =iz guft ēstēd ēd ēwēnag wuzurg xwarrah ud wehīh ī az ham tōhmag awisēnišnīg nōg =iz wēnābdāg paydāg
abar čē ud čiyōn kird abāyistan ī awēšān ram =išān simrā =z xwānēnd az amāh dēn āgāhīh ōšmurišn was ǰār =ēw čand andar ēn zamānag šāyēd
u =šān tuwān pahrēzišn andar kunišnān pahrēzišnān nāmčištīgtar dād ēwēn handāxtan čē az amāh waštag ud rāst abāz kirdan
pad hammōxtišn čand ud tan ī wīrōmand ud abzārōmandīh ud ruwān_dōst āmadan
bowandag awi pardazišnīhā hammōxtan ō ham ōy ud abāyēd hammōxtan
ka =šān šāyēd zamānīg =iz rad =ēw ī čiyōn mad ēstēd ō ham ram nayēnd , ,
abar handarz ī ahlaw zarduxšt hamāg kām ud framān ī dādār ohrmazd
az =iš nāmčišt zanišn ī dēwān ānāftan ī ēbgad ālūdagīh āhōg ī az =iš ud mehēnišn ī wisp sūd nēkīh hammist weh_dahišnān az =iš niyōšīdārīh ud parwardārīh bar mādagwarīhā ō mardōmān se frāyēnīdārīh gētī pad harw ēwēnag ēwēn , bōxtišn ī ruwān az harw ēwēnag anāgīh ud rasišn , pad =iz tan ī pasēn ,
ud bowandag mizd az =iš dādestān hangirdīg wāzag ī ēk ī ast pad fradom baxšišn ī ō bahr pahrēz kunišn pad dudīgar baxšišn ō se kunišn ud se hilišn dušhumat ud dušhūxt dušxwaršt , kunišn humat ud hūxt ud huwaršt , pad sidīgar baxšišn ō pēšagān , pad ud čahārom ō padān
pad ham padisār baxšīd spurrīg parwandišnīh ī čēgāmiz xīr
u gugān nimūdār abestāg ud zand , , ,
abar hušnūdīh dādār az kām ud framān rāyēnīdārān ahušnūdīh az kām ud framān spōzān
ēn =iz guft anambasān framān ō kām X ,
abar pād ī pās
passox šnāxtan frēftārīh ud wiyābāngarīh ī ahriman ud dēwān čiyōn gumēxtagīh ī =šān bārīgīhā andar weh_dahišnān wānīd nihuftārīh ī =šān rāh ī rastag ud rāst ud zūr_nimūdārīh ī =šān ast pad nēst rāhdārīh ī =šān andar axw menišn gōwišn kunišn ī astōmandān asūdagīh ī =šān pad wināhišnkārīh
niyāzōmandīh ī =mān ō waxšwarān rāst_āwurdārīh mēnōyīg rāz gētīyīg paydāgēnīdārīh šnāxtan grift ī ān widarg ud āsūdagīhā pād ī ān pās
sūd ī dēwān az tan kirdan ud ān =išān andar ō tan_bahr None
ud andar =iz hāmwār kōšišnīh padīrag druzān nāmčištīgīhātar nikōhīdag ud zadag dāštan ī dēwān dēw ganāg_mēnōy u mazan abzārān ī čiyōn akōman ud yindar ud sawul nanhēs ud tariz zēriz ak_ātaxš āz xešm ud abārīg ī māzan ī dēw
ud čand az hamāg awēšān dēwān pās pāyīhēd frāy =iz az āfrāh waran pās pādan
xrad mādayān padīrag waran mādayān hamēšag pāsīhā winnirdan winnārdan ,
ud ēdōn =iz wahman padīrag akōman None abārīg weh mēnōyān padīrag ān xwēš hamēstār druz estēnīdan rāy andar tan mehmānēnīdan ud ōstwārīhā ǰān_dranā pās pād , ,
abar wahišt dušox ristāxēz wahišt dušox nūn =iz ast
wahišt star_pāyag az ān abar ,
ud dušox azēr rōy ī zamīg
wahišt rōšn hubōy ud frāx hamāg xwārīh ud hamāg nēkīh ,
dušox tārīg tang ud gandag ud axwārīh ud hamāg anāgīh
ǰud ǰud gugān ī nēkīh ān ī anāgīh ōšmurišn was
ud andarg mayān zamīg ud star_pāyag hamēstagān u gumēzagīhā bahragdārīh ī az harw_dō
widardān ud murdān kirbag wēš rāh ō wahišt wināh wēš rāh ō dušox kirbag wināh hāwend gāh pad hamēstagān
andar harw se gyāg pāyagīhā
ud čiyōn gyāg ēdōn =iz xwārīh ud nēkīh ud axwārīh ud anāgīh abēzagīhā ud gumēzagīhā čiyōn wād
ristāxēz pad abdomīg bē_abesīhēnišnīh ī petyārag bawēd
xwābar dādār ud hamāg hušnūd zīndag abāz kunēd
ud druwandān pad yōǰdāsrēnīdārīh az wināh āhōg ǰud ǰud wināh ī kird ud gumēzišn ī awiš passazag ačārīg pādifrāh ī az yōǰdahrgarān abar rasēd
ahlawān pad kirdārīh pādāšn ǰāwēdān pattāyišnīg None ud padīrag hamāg kunišn pahrēzišn tōzišn ud mizd rasēd
ēč dām andar petyāragōmandīh be mānēd
ahriman abārīg =iz dēwān druzān wānīdan zadan ān ōzad bawēnd
ud hamāg petyārag āhōg az weh_dahišnān barīhēd
ud hammist dām čiyōn mān bun_gōhr rōšnīh pad abēzagīh ud pākīh ud anāhōgīh ud abēniyāzīh ud hanǰāftkāmīh ud apetyāragīh hamāg_šādīh winnārīhēd , ,
abar husrawīh ēdar bōzišn ī ānōh pādāšn ī andar harw abēčārīh az =iz škeft passāxt ī pad tan ī pasēn grift ī ān ī abardom mizd rāh ī awiš abēāhangīh ī az wināh frāz_āhangīh ō kirbag
wināh az ān ī garāntar ast ī nāmčišt ēn yazadān dušmenīh ud yazadān amenīh ud abārīg ī andar ham dar čiyōn pad hangirdīg dēw_čihragīh nām , ud xwadāy_dušmenīh ud xwadāy_nē_dārīh ud framān_spōzīh ī dahibedān menīdan ī sālārīh ud sālārān padīruftan ī abar pad xwēš kirdan ud abārīg dādestānōmandīh čiyōn pad hangirdīg ud bahr =iz anērīh nām , ud tar_menišnīh ī dēn abāz_stāyišnīh az =iš dāštan ī dastwar xwad_dōšagīhā raft abārīg andar ham dar čiyōn pad hangirdīg čē ag_dēnīh čē adēnīh nām padīruftan ud kirdan kōšišn ī abāg dēwān wattarān ud rāyēnīdan ī paywand warzīdan ī gēhān tuxšišnīh pad abārīg frārōnīh čiyōn hangirdīg anayārīh nām
andar bahrān anespāsīh ud penīh drōzanīh ud andar ōšmurišnān ō weh_dušmenīh wattarān šnāyēnīdārīh ud abārīg dēwēzagīh ud ahlawganīh ahlomōγīh ud kūnmarz ǰādūgīh rāhdārīh ud zanrizā ud dūdag_apparīh abārīg sālārīh_appurdārīh drō_dādwarīh ud drō_čāšīh ud stūrškanīh ud dūdag_asālārēnīdārīh wad_xwāhīh ud zūr_gugāyīh ud zūr_panāhīh pad margarzān
ātaxš ī warahrān ōzad nasā_ǰōyīh nasā ō ātaxš ud āb burdan adādīhā pahrēxtan ī tanīhā andar zamīg nigān kirdan , ud apatitīg marg_puhlīh abārīg margarzānīhā
ud babrag hammist ud sag_srādag ōzad ud ǰehīh ud daštān_marzīh ud abārīg abārōn_marzīh
ud mastīh ud duzan_stahm ud wanīgarīh ud spazgīh ud frēftārīh ud hixr_X ud drāyān_ǰōyīh wišād_dwārišnīh ud az_pāy_mēzīh ud adādīhā srūd hammist adādīhā kārīh ud abārīg ī pad ham šōn
kirbag čiyōn meh_dādestānīh paydāg hamē ān ī meh_dādestānīhātar ān ī meh ast ī nāmčišt ēn yazadān_dōstīh ud xwadāy_dōstīh xwadāydārīh xwadāyparistīh ud hammist ērīh ud hudēnīh ud weh_dōstīh dām_dōstīh ud abārīg ī padīrag ān ī abar wināh guft paydāg
andar hudēnīh āstawānīh pad =iz yašt_kirdan
andarōn ēd se āstawānīh ī ast ērīh hudēnīh ud yašt_kirdan xwēdōdah ud abestāg_yaštan ud gāhānbār ud abārīg X ī yazadān wehān ud mādagwarīhā ahlawān šnāyēnīdārīh ud dēwān xrafstarān abārīg wattarān zadārīh ud hamēstārīh ud pahrēz patitīg ī az wināh čiyōn nāmčištīgtom abzār ī bōxtišn ī rādīh ud rāstīh ud spāsdārīh =iz pad xwad bunōmand ī ahlāyīh , ,
abar tōzišnīh wināh ud šōyišn yōǰdāsrīh ī az =iš
fradom abaxšīh xwastūgīh ud patitīg
ud čiyōn wināh marag was ēdōn =iz wizārišnīhā
ast ī nāmčišt ēn framān_spōzīh dahībedān abārīg anērīh ud abāz_stāyīdan ī az weh_dēn stāyīdan ī nōg agdēnīh ud adādīhā ōzad ī mardōm ud kūnmarz ǰādūgīh rāhdārīh ud nasāy_pazīh ud abārīg margarzān puhl marg ud appārīh hamāg xwāstag ud zaxm ud appar_ud_gād truft
ud apetyāragīh apaydāg_kārīh abāg xwāstag tōzišnīh ēwēnag ēwēnag andar pāyag ud kār_warzišnīh =iz pādufrāh
ud ast ī band =iz ud drōš ,
abar abēčim zanišnīh ud drōšišnīh ī mardōm abāz_zaxm =iz
appar az mādīh hammis bāy ud apatitīg_wināhīh =iz hamgōnag duz_mard
nakkīrā_wināhīh =iz hamgōnag apaydāg_kirdan gōhrīg ud adādīhā kird appār_mādīyīh nasuš_gīrišnīh ud wardišnīh ud sam_nimāyišnīh drō_gōwišnīh ud dušnām_xwānišnīh ud =z ō X =ēw tāg abēčim ō X ēw zanēd ayāb harg X =iz mih gōwēd
tōzišn čandīh gōwizār paydāg hamāg tōzišn pad wizīr ud framān ī radān dādwarān
ōzad ī mardōm ān ī andar kōšišn ēd rēš kunišn pad framān ī xwadāyān guft ēstēd
pad xwad dast tōzišn kird apparagīh ud abārīg =iz wināhgārīh čand ēwēnag andar ēdar wizārēd pad stōš ud dušox tan ī pasēn gyān hammis abēr škeft tōzēd ,
abar šōyišn ī tan yōǰdāsrēnīdan ī az nasuš dāštan andar pākīh az awiš gumēxtagīh ālūdagīh
ud abar pahikaftagīh harw_dō ēwēnag murdag ēk nasāy ēk abārīg hixr čiyōn daštān šusr ud xōn ud mēšag xayūg abārīg ī az mardōm ud sag abārīg ǰānwar ī rēman pid andar zīndagīh bahrīhā mīrēd pad pākgarīh pākīh ud āb ud kam_ālāyišnīh ud kam_āzārīh ī pahrēz ī āb tan čiyōn tanōmandān ān gumēzag kam_ōšmārāg ālūdagīh ī hambadīg ān ī kam_ālūdag āb čiyōn gōmēz ayāb urwar_tōhmag
šustan az ēwēnagān ī šōyišn ast ī nāmčišt ēn daštān pas az se_šabag apaydāgīh ān ālūdagīh pād ī tuhīg ī rōzān_šabān abestāg nērangīg X
nasāy gumēzišn abārīg pad nasāy rēman pas az gugārišn ī andarōnīg ud apaydāgīh bērōnīg čēgāmiz ālūdagīh
ud dast ud šabēn ēn andar bām =ēw ud pad =iz pih_gāh ud ka ō niyāyišn šawīhēd ōh =iz ān ī pad barsom None hamāg tan wastarg az ālāyēnēnag hixr ud rōzgārīg =iz tan wastarg ud gyāg ud harw tis pāk dāštan ud az ālūdagīh pahrēxtan , ,
abar radīhā harw frārōnīh az nāmčišt ēn dēn paygāmbarān be šnāxtan wināh kirbag čand šāyēd pad dastwar kirdan ud xwēškārīh nigāh dāštan ud az xwēškārīh zīwistan ud āb_tazišnīh ud urwar_waxšišnīh ud abārīg ābādānīh ī gēhān padiš tuxšīdan ud pēšag grift ud zad_pēšagīhā ud aǰgahānīhā raftan zan dāštan frazend dranǰēnīdan ud paywand rāyēnīdan mardōm ud gōspand ud abārīg dahišn ī weh čand frārōnīhā šāyēd abzāyēnīdan abesēnīdan ud xwāstag az frārōnīh kird niyāz ī driyōšān bahr ī arzānīgān dād
ud weh tuwān pad xwurdag harw_kas pad društag az kirbag wināh
ud astīh ī dādār ud abdīh ī dahišn ud sahīgīh ud wuzurgīh ī mēnōyān yazadān pahrēz ī gētī dahišn nēkīh ohrmazd ud anāgīh az ahriman yaštārīh ud stāyīdārīh ī yazadān handāzišn , ,
ud nikōhišnīgīh ī dēwān aparistišnīh ī uzdēsīh ud payrāstagīh ī kirbag mizd wināh puhl ud wahišt dušox ristāxēz āgāh būd ,
, , ud =z pad yašt_kird atuwānīg ēg =iz iϑā aṣ̌ǝm_vohū , yaϑā_ahū_vairiiō warm kird
abārīg ōšmurišn abestāg paydāg ,
abar xwarišn ān ī xwēš ud arzānīgīhā niyābag_bahrīhā ud pāk pad paymānag kār ī X ī gēhān az tan_kāmīh ast ī āb ud urwar ud bar ī xwarišnīg ī pad meh_dādestānīh ī az gōšt ī panǰ ēwēnag gōspand srādag ǰud az ān se murw ī ast ī sār ī gar ud warāγ ī syā ud dālman ka X X dādīhā ud pēm ī awēšān gōspandān māyēnišnān ī pāk amastīhā ud abārīg ī pad xwarišn mehmān
anaxwarišn harw čē ō xwarišn abāz_waštag čiyōn paywand mardōm sag ud rōbāh abārīg nasāy ud xrafstarān ud hammis hixrīhā ud zahrīhā ud hangirdīg harw čē rēman ayāb zyāngār ,
abar brahmag wastarg ān ī awizīrišnīg čiyōn ēbyāstišnīh ast ī šabīg tōf =ēw pad kirbag
kustīg azabar ham šabīg bastan
pad čār brahnag būd
wišādag raftan
ud šarm nihuftan
sarmāg ud garmāg abāz dāštan abārīg
payrāyišn čiyōn ēwēn ō kār ud pēšag ud X kirdan dāšt passazag ud tan passazag
X abēčim drōšīdan
ud pad =iz brahmag ī anēwēn anašnāsag kirdan
ud čand ō kār abārīg tis wizāyēd pāk ud čābuk ud andar frārōn_rāyēnišnīh nēk dāštan , ,
abar čandīh ī xwāstag zan_dāštan xwāstag az frārōnīh ud aǰomā penīh None bun pad warz ābādān dāštan
bar pad kirbag uzēnag kirdan
ud zan ān xwēš pāduxšāyīhā ud čagar ud X pad paristār ān ī nē_pāduxšāyīhā dād
dāštan paymānag čand šāyēd tuwān daštān_māh kunišn
ān ī pad rāh ī nē_pāduxšāyīh ī harw māh ē bār
ud pad čār zan šōy kirdan None ud mard zan kirdan pāduxšāy ,
abar dāšn ēwēnag was
ud ast ī nāmčišt ēn ō frāxīh arzānīgān wuzurgīhišnīhā ud ruwān rāy ō dēnīgān wēš ō kadāmagān =iz hudēn
ān ī pad rāh ī nē_pāduxšāyīh ud suy ud tišn ud sarmāg ud garmāg az abāz dāštan
ud az bar ō bar ud rasišn ō rasišn ī sālīg parrēxt ī az awēšān ī ōy rād frēzwānīg andar parwarišnīgīh ī xwēš ud frāy =iz az andar sāl pih bārestānīh driyōšān rāy
ō ag_dēnān ka =šān az rēštagīh madan bīm gursagīh ud tišnīh ud sarmāg ud garmāg abāz dāštan
ud ō =iz margarzān pad meh_dādestān ayāb bīm ayāb ačār ud pāduxšāy
xwarišn ō arzānīgān dād rāy xwad xward ud gyān_dārišnīh parwarišnīgān ī dēnīg andar sālārīh dād pāduxšāy
ud any abārīg xwurdag abestāg gōwēd hangird pad nē_rād būd , ,
abar xwēdōdah akunišnīh pahikārēd pēšēmālīh ēwarīg paydāgēnīdan
čim čimīg ud padiš griftār
ān ēč ēwēnag X pad kunišnīh čim
mardōm warzišnīh =iz ī az bun pad ham ēwēnag az dādār ēdōn dahišnīhā ōstīgān paydāgīhā
pēšēmālīg dārišn ī padiš bowandag
ud pas X dagr_uzmōgīh ī pad =iz hudahišnīh abzāyišn ī pad ān ōwōn bun_warzišnīh az ēk ō was_maragīh mad
ud meh_xwarrahīh ud meh_xwēškārīh ud any abārīg wehīh ud pahlomīh mardōmān =šān amaragānīhā ham warzišn druyist dāštan hukārīh ī paywand xūb_paywastārīh ud kam_wizendīhā ud xūb_darišnīh mihr ud weh_parwarišnīh ī frazendān weh_pānagīh ī zādagān pad dō_bandīg xwēšāwandīh ud hunsandīh ī =šān ēk abar did ud husāzagīh ī =šān āgenēn ud akārdāgīh ud hukadagīgīh ī =šān xwēš zādagān ham pad tan būm ud ham pad zamīg būm ud ham nēk xōg ud dōšāramīh ī ō ham
ham_pādan ī ka =z ēk ud anigerīd , ēk pad dēn menišnīg menišnīh ī =šān ēk_did
ud nang nigerēd abēnangīh =iz ī az ān frāz_šawišnīh ī bēgānag kas awi
ud garān tarsišn ud zanišn ī mardōm dušmen ud dēwān az dīd ī ēd ōwōn nēkīh
ud was_ummēdīh abārīg xūbīh ud paydāg sūdīh ī andar ham dar pad mardōmān druyist pāyišnīgīh =iz ī hunar
ud šāyendagīh wāspuhragānīhā andar tōhmag tōhmag
X rāy pad wizīdagīh ud paydāg
ud abārīg was āhōg hupaydāg bōzišn
ud mādagwarīhā abar_istišnīh ī bun dēn , padīruftār ēč hupaydāg sālār az =iš ǰud_dādestān čand , paygāmbarān ud waxšwarān mādagwarīhātar handarz ī abēzag ahlaw zarduxšt az dādār ohrmazd xwad pad ham_rasišnīh ud rasišnīg framān ,
abar paristišn bowandag menīdārīhā ud guftārīhā warzīdārīhā tuwān_sāmān ān ī xwābar spennāg_mēnōy pad dahišn āfrīdārīh ud abārīg ān stāyišn hammis paristišn ī dahišnān xwēš
hamāg pad =iš bowandag_spāsīhā pad ham stāyišnīgīh ham paristišnīh
ud fradom šnūmanīh ī andar ēzišnīhā namāz ān ī padīrag xwarxšēd fradom ō dādār ohrmazd ud pas dahišnānīh se bār andar rōz pad huwaxš ud nēmrōz ud hūfrāšmōdād
čiyōn menišnīhātar huparistagīhātar ēzišn pad šnūman ī rahwōbirzad abārīg warzišn ī gāhānbār niyābag
pad_andar sāl pad šaš hangām ī gāhānbār harw ǰār =ēw panǰ rōz ud frawardīgān dah rōz
paristišnīh andar frawardīgān niyābag ,
ud rōzgārīg ān ī pad nāmčišttar
andar sāl dwāzdah māh ud harw māh sīh rōz rōz
ud andar rōz panǰ gāh
ud hamē pēš ud pas az xwarišn paristišn
ud abārīg paristišnīhā čiyōnīh gugān az abestāg paydāg
ud ān ī dahišnān bowandag_menišnīhā ud rāstīhā ǰud ǰud pad xwēš čiyōnīh abdīhā ud wuzurgīhā stāyīdan ud azbāyīdan
ud wuzurg_dahišnīh ud abd_dahišnīh ī dādār pad =iš guftan
hamdahišnīh ī =šān amāh dōšāramīhā paydāgēnīdan awi =šān padīrag niyāyišn ,
ud čand šāyēd pēš niyāyišn būd ,
ōh =iz ī abēzag rōšnān ī wēnišnīg ham_rasišn
čiyōn mardōm ud gōspand ud ātaxš ud ayōšust zamīg ud āb urwar abāg stāyišn ud paristišn
čiyōn guft pahrēz =iz parwarišn ī dādīhā ud ēwēnīhā čiyōn abar mardōm anāgīh ud nēkīh čand šāyēd kirdan
ud mihr dōšāram ī hamdahišnīh ud hamčihragīh ud hamdēsīh ud abārīg hampaywandīh ōstīgān dāštan
abērtar ān čahār hampaywandīh pad xwēšīh ud ērmānīh ud wālanīh ud dēn guft
guft ēstēd az ōy ī abardom dahībed ud =z ān ī abāzīgtom mardōm ud ēč ī weh_dahišn tar harw kas ud harw tis bowandag menīdan
ān ōwōn menīdārīh ō menīdārīh ī xwābar dādār pad ān ī ōwōn abd_dahišnīh abzūdan
u =šān pad kirdārīh spās dāštan pad stāyišn ud niyāyišn ud āfrīn waxšēnīdan
ud hangirdīg ān ī pad xwēš nēk pad anyēčān kirdan
ud abārīg ī čiyōn andar frārōn_dādīh paydāg nāmčišt xwārīh ēč ēwēnag =z menīdan ,
ud pad zanišn ud apparišn ud wiyābānēnīdārīh ō dādestānōmandān šud mihr druxtan ud spās X framōšīdan
ud penīh abārīg dēwān_dādīh abar burdan
ud akēnīh ud xwābarīh ī abar harw weh_dahišnān abērtar mardōmān xwēš hāwand nigerišnīhā dāštan
ud gōspand andar abēbīmīh ud pānagīh pad āb ud wāstar ud abārīg paristišn ēwēnīhā dāštan
ud čiyōn kuštan pad meh_dādestānīh ī meh_dānān čiyōn mardōm ud meh_zanišnīh dēwān čiyōn ātaxš ī warahrān awizīrišnīgīhā nihād ēstēd , apaymān adādīhā kuštan az anarzānīgān ,
ud apaymān ǰōyišnīh ud wanīgarīh ud duzān gurgān suy tišn sarmāg garmāg abārīg petyārag zanišn ud pahrēxtan
ud kār ud ranǰ bār ī garān adādīhā abar_nišast ī wattarān framūdan
ud adādīhā sālār hištan
ud aboxšūdārīhā ud ēwēnīhā dāštan ,
ud ātaxš ǰud =iz az ān ī čiyōn abārīg rōšnān padisāy =iz bahrīh ī gētīyān stī az āb ud wād hammis mādayān bun_mādī abāyēd ī ēdarīg gyāndārīh ud parwarišn abāg pahrēz ī az zad ōzad ,
ud nasāy az sīh gām ī se pay None daštān az pānzdah gām None niwinnišn , ud gand az se gām None ud abārīg hixr az tan ud az =iz ādurestar ud sraxt ud tābišn nazdīkīh ud harw rēmanīh ud adādīh az =iš abāz dāštan ī brāh ī xwaršēd
ud suy nizārīh ud sarmāg ud garmāg ī ud apaymān ranǰ ud kār anēwēn paristišnīh anarzānīgān
hubarišnīh ud ayār_barišnīh ud nēk_barišnīh abar_barišnīh ān ī hušk ud pāk ud passazag ud esm ud bōy ud hupānagīh ud dādīhā sālārīh ud ka nērangīg šāyēd zōhr abārīg ī čiyōn pōryōtkēšān kardag
ayōšust pāk pahrēxtag pad kār ud payrāyag xūb dāštan
ud X pad nāmčišt ud abārīg =iz ayōšust az dād ī ō anērān adādestān_kunišnān None pad dāštan ī andar nigānagīh ud agārīh wizend_abrāzyāgīh ud anarzānīgān pad =iš brāzēnīdārīh ud kār wattarān pahrēxtan , ud ēwēnīhā dāštan
zamīg az nasā_nigānīh ud dēwān xrafstarān abārīg wattarān mānišnīh ud dārišnīh ud bar az =iš ǰōyišnīh abar dwārišnīh čand šāyēd abar nigerišnīh ud X ud abār ud amānišn hilišnīh ud abārīg adādīh ud pahrēxtan
ud mardōmōmand ud gōspandōmand None ud āb ud urwar waxšišnīh ud weh_dahišnān pad =iš winnārišnīh ud huzīyišnīh ud frārōnīh rāyēnīdārīh dāštan ,
ud āb ǰud =iz az ān ī čiyōn abārīg rōšnān pad ān ī abāg ātaxš ham čim pahrēz paristišn čiyōn ātaxš
ud pad hangirdīg az harw rēmanīh ud gandišn šōyišn ud abārīg ayārīh ud paristišn ī anarzānīgān pahrēxtan ud pāk ud dādīhā ud hušnūd dāštan ,
ud urwar pad ān ī abāg zamīg ham čim ǰomā ud pad ān ī abāg āb ham čim ǰomā ud pad ān ī abāg ātaxš ham čim ǰomā ātaxš ud pad ān ī mayānag mayānagīhā pahrēz ud dārišn
ud dārišn parwarišn ud stāyišn abārīg šnāyišn čiyōnīh niyābag
ǰud ǰud čiyōn =išān ōšmurišn dēn gōwēd ēdōn =iz ēk awēnišnīg mēnōyān yazadān az xwār_dārišnīh ud nikōhīdārīh ud abārīg tar_menišnīh pahrēxtan
ud pad sahīgīh , ud abdīh ud kirdārīh ud spās ī =šān ast bowandag stāyīdan
ud wēnišnīg rōšnān az =iz abar nigerišnīh ī daštān wattarān , pahrēxtan
ud huniyāyišnīhā wehān frāz awi =šān dīd ,
, abar pahrēxtan ī sag ud mardōm ī widard sag nimāyišn pad mard ayāb wēš pahrēzišn , ud