andar māh wahman ī sāl šaš_sad wīst haft pas az sāl ī wīst ī ōy =ēw ī yazadgird šāhān šāh šahryārān

nāf ī ōy =ēw ī abarwēz husrawišāhān šāh ī ohrmazdān

frāz nazdist rōz ī day pad mihr ka wāzag/nāfag ī weh pad hanǰaman madār būd hēnd

pad pādixšāyīhā zanīh kird mard =ēw wāhmān nām wāhmān ī wāhmānān pus wāhmān rōstāg wāhmān deh ī wāhmān mānēd

kanīzag ēd wāhmān nām wāhmān ī wāhmānān pādixšāyīhā duxt ī ham wāhmān deh mānēd

u =š ēdōn mad ēstēd pad sālārīh ī wāhmān pid čiyōn ka =š zanīh ud duxtagānīh pad rāh ī stūrīh ēkānagīh kas padiš nē mad ēstēd

[MK_144b_ 141 ]

ēdōn wāhmān pad xwāstan ud dād az wāhmān pid hunsandīh ud hamdādestānīh ī ham wāhmān pad ahlawdād pādixšāyīhā zanīh kird

ud ham wāhmān wāhmān pid ham wāhmān rāy pad ahlawdād pādixšāyīhā zanīh pad se gōwišn bē ō wāhmān dād

ud ham wāhmān awiš bē padīrift ēdōn kū wāhmān ēn =iz padīrift kū zīndag_dranāy az zanīh ud ēkānagīh ud framān_burdārīh ud tarsagāh_warzīdārīh andar ham wāhmān az ērīh ud weh_dēnīh bē nē wardam

ud wāhmān ēn =iz guft kū

zīndag_dranāy pad zanīh grāmīg pad kadag_bānūgīh awestwār ud pad xwarišn wastarg nihuft ud paymōxt ud šōywarīh sālārīh tuwān_sāmānagīhā ud āwām_passazagīhā xūb pad āzarm dāram ud frazend ī aziš zāyēd pad pādixšāyīhā_frazendīh ī xwēš dāram

ud ka ēd xīr hamgōnag būd ham wāhmān ham wāhmān rāy pad windišn pādixšāyīhā kird

ud pas az kird ī ēn paymān ham wāhmān ī wāhmān ham wāhmān ī wāhmān ī rāy weh sahist

dōšīd 3000 drahm ī asēmēn ī šahrāwarišn u =š pad guharīg ī 3000 drahm ī asēmēn ī šahrāwarišn ī weh sahist

mar az hāmōyēn xwāstag ō dārišn ud xwēšīh mad ēstēd ī pad bē dādan pādixšāyīh būd

ud ān =iz ī az nūn frāz ō dārišn ud xwēšīh rasēd pad bē dādan pādixšāyīh ham pad dō bahr ēd bahr abaxt ō wāhmān ī wāhmān dād ham

ud ham wāhmān ī wahmānān rāy abar ham mādag pādixšā kird ham ēdōn kū harw ka wāhmān ayāb kas az wāhmān dādag rāy xwāstārīh kunēd abē_wihānagīhā awiš abēspāram ud padiš spōz ud wastārīh nē kunam

ud ham wāhmān ī wāhmān ēn mādag mādag pad guharīg ī ēn 3000 drahm bē pāyēnišnīh padīrift padiš hamdādestān būd

ud ham wāhmān ī wāhmān pid ǰādag_gōw awiš mad ēstēd ham wāhmān ī wāhmān pāyēnišnīh padīrift pad freh nē pahikārd

ud ham wāhmān ī wāhmān pad čē hamdar abārīg čiyōn paymān ī zanīh būd kē xwēškārīh būd pursīd xwāst ud wizōst ud abar mad ham

ud kē hamdādestānīh wāhmān ī wāhmān guft wāhmān ī wāhmān ōwōn ēn dib az guft ud gōwišn ī hamdādistānīh ī ham wāhmān ī wāhmān ud ham wāhmān ī wāhmān pid wāhmān ī wāhmān wābarīgānīh rāy pad gugāyīh ī ham wāhmān ī wāhmān ud wāhmān ī wāhmān ud wāhmān ī wāhmān

frazaft