Select Section Type

1.0
pad nām ī yazadān
2.0
ud ǰahišn nēk bawād ān weh tan_drustīh ud dagr_zīyišnīh ud ābād_xīrīh ī harw wehān frārōn_kunišnān nāmčištīg ōy rāy nibēsīham
3.0
čiyōn az abestāg paydāg
4.0
pad ǰud_dēw_dād guft None ēstēd ēn haft pāyag ī wināh pad dēn guft ēstēd
5.0
ast ī framān āgrift awōrišt arduš ud xwar ud bāzā ud yād tanāpuhr
6.0
framān =ēw čahār stēr ud harw stēr =ēw čahār drahm sang
7.0
āgrift awōrišt ān ī kehist tāwān u arz pad nāmčišt
8.0
būd wēšist drahm =ēw guft
9.0
arduš šašt sīh xwar stēr šašt
bāzā stēr nawad ud yād stēr sad ud haštād
ud tanāpuhr stēr se_sad
pad dād ī pōryōtkēšān ast pad =iš ǰud_dādestān būd hēnd
čē gušasp az čāštag ī ādurohrmazd
sōšyans az čāštag ī ādurfarnbāgnarsē
mēdōmāh az čāštag ī gōgušasp
ud abarg az čāštag ī sōšyans guft
ud hamāg pōryōtkēšān pad ēn se čāštag ēstēnd
ud az =iš ast ī susttar ud ast ī saxttar ēstēnd
čē pad sidīgar pargard ī ǰud_dēw_dād ī mēdōmāh paydāg andar ān zamān ka gyān šawēd ka sag =ēw andar pāy bast ēstēd
pas =iz nasuš abar ōh dwārēd
ud pas ka dīd ā nasuš ōh zad
ēn sag nasuš zanēd kadār
pasušhorw ud wišhorw ud wohunazg ud tarrōg ī rōγnīg
pad rōγnīg ǰud_dādestān būd hēnd
windohrmazd az čāštag ī abarg guft zanēd
sag nasuš pad ān zamān zanēd ka gōšt wēnēd
ud ka mōy ayāb nāxun wēnēd zanēd
sag =iz ī kōr pad ān zamān zanēd ka pōzag abar nasā nihēd
ud ka abar mōy ayāb nāxun nihēd zanēd
murwag nasuš zanēd se hēnd
sārīgar ud warāγ ī syā ud kargas
murwag =iz pad ān zamān zanēd ka sāyag abar abganēd
andar āb ud ābgēnag ēwēnag ka wēnēd zanēd
zan ī ābestan windohrmazd guft pad mard barišn ud harw pad baršnūm šōyišn
ud nisēy ka barēd sar ō hazzān rōn kunišn
ud padwēšag rāy pad ēk bār barišn
ud pad ēk mardōm šāyēd
sag =ēw ud mardōm =ēw šāyēd
harw pahrēz ī nasā dānēd šāyēd
kōdag ī hašt_sālag pahrēz dānēd šāyēd
zan ī daštān ayāb ī nisēy
ayāb mard =ēw ud zan =ēw ud aburnāyīg =ēw ī hašt_sālag šāyēd
hamāg nihuftag barišn čē nasā_nigānīh
pad wārān burdan margarzānīg
ka abr hāmōn būd ēstēd az xānag burdan pādixšā
ud ka pad rāh wārān gīrēd abāz ō xānag āwurdan pādixšā
ud ka pēš dahlīz =ēw ast ānōh ēw nihēd
ān dahlīz xwēš ka bīm pādixšā ka andar hilēd
u pas bē_ō gyāg barišn
ka āb =ēw nēzag_bālā andar ēstēd pas =iz nihēd āwarēd
mēdōmāh guft hād warr =ēw azabar ān gyāg ēw bandēd azēr hušk ēw kunēd
ud nasā azēr ī ān warr ēw nihēd
ud warr stānēd āwarēd
az panǰom pargard ī ǰud_dēw_dād mēdōmāh ēdōn gōwēnd ān gyāg gyān šawēd
ka abar wistarg =ēw mīrēd ud mōy =ēw ayāb handām =ēw ō bālēn_gāh ud zamīg ēstēd hambun =iz
hamgōnag rēmanīh ī zamīg tā_ō āb frōd barēd
ud ka abar taxt ud pāyag abāg zamīg ēw_kardag
ka mōy =ēw ayāb handām =ēw abāz ō taxt ēstēd frōd barēd
ka abar zamīg ī gač_kird mīrēd gač rēman
ud ka ān gač kanēnd ud did abāz rēzēnd pāk
ka abar sang =ēw mīrēd sang abāg zamīg ēw_kardag
sang pad sāl_drahnā abāg zamīg pāk bawēd
ud ka ān gyāg kanēnd sang rēman ud andar zamān ōh šōyišn
ka sang abāg zamīg ast ī ēw_kardag ud ast ī ǰud_kardag ud abar mīrēd
sang ān_and gyāg čand nasā abar mad rēman
ka hilēnd pad sāl_drahnā abāg zamīg pāk bawēd
ud ka kanēnd sang hamāg rēman andar zamān ōh šōyišn
ka sang abāg zamīg grift ēstēd azabar zamīg sang hamāg rēman
andar zamān ōh šōyišn
sargen ud ādurestar
ka nisēy ud zan ī daštān handām abar rasēd harw rēman
ud namak ud gač ī pad kardag šōy ī ēdōn čiyōn sang
agar abar bān =ēw mīrēd
ka handām =ēw ayāb mōy =ēw abāz ō kanār ī bān ēstēd bān tan_masā ō tuhīg ud zamīg tā_ō āb rēman
ud hamāg barsom ī andar ān xānag az ān gyāg rēmanīh frōd barēd tā_ō barsom
sīh gām ī se pāy ast ā barsom rēman
ud ka mōy ayāb handām ō pillagān mad ēstēd bān tā_ō tuhīg rēman
ud ka abar yyy =ēw mīrēd tan_masā tā_ō āb rēman
pad sāl_drahnā abāg zamīg pāk bawēd
puhl ī bastag ēdōn bawēd čiyōn bān
ka abar bān ī warm =ēw mīrēd ān =iz ēdōn bawēd čiyōn bān
ka andar warm =ēw mīrēd
ka handām =ēw ayāb mōy =ēw ō pillagān abāz ēstēd rēmanīh frōd barēd
ud ka abāz ēstēd frōd barēd pādixšā ka kanēnd
ud did =iz abāz rēzēd pāk
ka pad xafag ay rasan andar galōg mīrēd ka ōbastan bīm [punct] nēst frōd barēd
ud ka ōbastan bīm ka ān bīm az kust =ēw pad ān kust frōd barēd
ud ka ōbast ān_and frōd barēd čand ōbast
ka rāst nišast ēstēd mīrēd ka az kust =ēw ōbastan bīm ān kust =ēw
ud ka az harw čahār kust bīm [punct] pad harw čahār kust frōd barēd
ud ka ōbast ān_and gyāg čand ōbast frōd barēd
ka abar draxt =ēw mīrēd
ka pōst tarun ud az ōbastan bīm nēst frōd barēd
ud ka bīm tan_masā frōd barēd
ud ka draxt pōst hušk
ka bīm ud ka bīm frōd barēd
ka abar tāg =ēw draxt mīrēd ī tarun
ka az ōbast bīm nēst frōd barēd
ud ka bīm ayāb tāg =ēw draxt ī hušk
ka hambun =iz mōy =ēw ayāb handām =ēw abāz ō draxt ī mādagwar ēstēd
tan_masā frōd barēd
ud ka abāz ō draxt ī mādagwar ēstēd
ka az ōbastan bīm frōd barēd
ka nasā =ēw az bērōn pad xumb =ēw abāz ēstēd may andar ā xumb rēman may pāk
ud ka andarōn andar xumb andar may mīrēd
agar =iš hambun =iz mōy =ēw ayāb yyy =ēw pad xumb abāz ēstēd
may rēman ud xumb rēman
ka xumb =ēw rōγn andar
u az bērōn nasā pad =iš abāz ēstēd ēč ka andarōn ēstēd ēd rāy čē rōγn bērōn āyēd ud abāz ō andarōn šawēd
harw rēman xumb ud rōγn ud hambun =iz pad huškkar tis andar kird šāyēd
ka garzag =ēw andar xumb =ēw may andar harw akār ud rēman čē padwēšag kunēd
ud ka ǰōrdā andar ā xumb rēman ud ǰōrdā pāk
ud ka andarōn ī xumb hambun =iz abāz ō xumb ēstēd ǰōrdā ān_and gyāg čand garzag šēbēnīd mālišn ī garzag abar šud ēstēd ay mālišn ī garzag šusr ast
ān mālišn stānišn abganišn
ud ka mōy ayāb nasā hambun =iz abāz ō xumb ēstēd
xumb rēman pad huškkar šāyēd
xišt ud xāk ud čārōg pad tis ī xwēš ǰud_kardag ud abāg zamīg ēw_kardag
ud pad tis ī xwēš ǰud_kardag būdan
ēd ān_and gyāg čand nasā abar rasēd rēman
abāg zamīg ēw_kardag būdan ēd rēmanīh tā_ō āb frōd barēd
sargen ud ādurestar ud ārd ud abārīg tis ī ārdag pad tis ī xwēš ēw_kardag ud abāg zamīg ǰud_kardag
pad tis ī xwēš ēw_kardag būdan
ēd ka nasā abar rasēd hamāg rēman
ud abāg zamīg ǰud_kardag būdan
ēd ka nasā abar rasēd zamīg rēman kunēd
ud xānag =ēw yazišn andar sāxt ēstēd
u sag ayāb mardōm andar widerēd
naxwist kār ēn kunišn ātaxš az anāgīh bōxtišn
agar =iz ātaxš ēdōn tuwān burdan pad se gām ī nasā barēd
pas =iz barišn
dēwār burrišn
rōšn guft ay gilēn ōh brīnišn
ud gačēn brīnišn
ud azēr ud azabar_pad bōdōzedīh ī dēwār āmār
ātaxš andar se gām ī nasā burdan tanāpuhr =ēw wināh
ud ka tābišn ō nasā rasēd margarzān
xwarišn ī sāxtag andar ān xānag hamāg akār
ud ān ī sāxtag šab māh_drahnā andar abāyēd
wastarg =iz hamgōnag ān ī pad tan dārēd
ān =iz ī andar ān zamān pāk čē andar kār ēstēd
ud zōhr =iz ī stad ēstēd ud ān gyāg ēstēd zamānīg bē_ō āb barišn
ǰīw =iz ǰum hamgōnag
yašt ǰāmag
windohrmazd guft nō_šabag māh_drahnā andar abāyēd
dibīr guft hād ka dast_šōy kunēnd ud šōyēnd andar zamān pāk bawēd
agar andar xānag =ēw ast ay ganǰēnag =ēw ud andar dargāh mīrēd
agar ēdōn dar frāz kunēd ud nasā ō ēn kustag āyēd
tuhīg ī ēn kustag rēman
ud agar nasā ō ān kustag āyēd
tuhīg ī ān kustag rēman
ka ō harw kustag āyēd
ēwāz tuhīg ī dargāh tanīhā rēman
ganǰēnag ud xānag harw pāk
ud gumbad ī ātaxšān ī wahrām tuhīg rēman bawēd
agar pad wiškar mīrēd
xwarišn ī sāxtag ī andar se gām hamāg akār
ud az čahār gām rēman
xwarišn ī sāxtag ēn čiyōn nān ud gōšt ī puxtag ud brištag ud xwardīg ī kardag
ud warr ī ātaxš ī wahrām pad paymānag rēman ōh bawēd
ātaxš ī pad ān xānag andar barēd
nō_šabag ud māh_drahnā pad pāk būdan andar abāyēd
pad andar burdan tanāpuhr =ēw wināh
ud pad abrōxtan tanāpuhr =ēw
ud harw xwarg ī mīrēd mānēd tanāpuhr =ēw wināh
āb =iz pad andar burdan framān =ēw wināh
ud pad ān gyāg gyān šawēd āb rēxtan tanāpuhr =ēw wināh
ud pad ǰud_gyāg rēxtan yād =ēw wināh
ud pādyābīh pad andar burdan hamāg apādyāb
ud axwēškārīhā andar aw =iš šawēd
harw bār =ēw tan wastarg šōyišn
u tanāpuhr =ēw wināh
ud ka xwēškārīhā andar šawēd
kirbag ud wināh
ud ēn rēmanīh hamāg andar ān tāyag āmār ī ka gyān šawēd
tuhīg rēman
ham_karzagīh ī pad gōšt ud pad =iz mōy ud nāxun ōh bawēd
ham_karzagīh ī pad abestāg paydāg az kust =ēw āmār
ud hamē ōh kunēd
pih ī pad abestāg paydāg az harw čahār kust ōh bawēd
sōšyans guft hād
sag nimāyišn ēdōn čiyōn andar ān zamān bawēd ka gyān šawēd
āsrōn artēštār wāstaryōš kār nēst čē ēwāz sag paydāg
kayādurbōzēd guft hād
andar ān zamān āmār ka gyān šawēd
ud mādagwar ān ī kayādurbōzēd guft
ka tis =ēw andarg rēmanīh tā_ō ān gyāg ān tis ēstēd
ud ka sag =ēw ayāb gōspand =ēw ayāb xūg =ēw dārnā bawēd šāyēd
čē ānōh frāz pahikōbēd
ud aburnāyīg ī andar aškomb rēmanīh abāg mād
zūzag hamrēh ōh kunēd ud padrēh
hamrēh ān bawēd ka tan abāg nasā ham_karzag bawēd
ud padrēh ān abāg ān pad nasā pahikōft ham_karzag bawēd
ud az ham_karzagīh ī abāg ōy ī yāzdahom hamgōnag padrēh ōh kunēd
kabīg ud daštān padrēh ham kird ēstēd
sag ī pasušhorw ud ān =iz ī wišhorw ud abārīg =iz hamgōnag ham_karzagīh hašt ōh barēd
ud ka pad zamīg frōd barēd andar ham zamān pāk
ān =iz ī pad aškōb mīrēd tā_ō tuhīgīh frōd barēd sāl_drahnā rēman
nasā pad tan =ēw barēd margarzān
ay margarzān pad ān zamān bawēd
ka nasā sag dīd
ud pad čār ud tuwān
ud axwēškārīhā ǰumbēnēd
ud ēw_kardagīhā ǰumbēnēd
ud dānēd wināh ī margarzān
ud nasā ī sag dīd ud sag dīd
ēdōn weh āmār dānišn
ud mard ī nizār tuwān margīh ud rištagīh
abarg guft hād
čār ud tuwān āmār nēst
čē wināh ī margarzān pad margīh ud rištagīh pādixšā kirdan
ud nasā ī sag dīd ka pad hazār mārd ǰumbēnand pas =iz hāmōyēn tan rēman
u =šān pad pixag ōh šōyišn
ud ān ī sag dīd ān ēwtom ka mard ēw_kardagīhā hamāg ǰumbēnēd ēnyā
pad pixag šōyišn
ud ka ham_karzag bawēd ǰumbēnēd ā pad gōmēz āb šōyišn
ud ka nasā =ēw sag dīd pad dār =ēw ǰumbēnēd ān ēwtom ka hamāg ǰumbēnēd pad pixag šōyišn
ud ka nasā =ēw ī sag dīd mard =ēw pad dast ī anī mard =ēw ǰumbēnēd
az dast ī mard ǰumbēnēd ān =iz dast xwēš nērōg andar
harw dō_ān tan rēman u tanāpuhr =ēw xwad ud tanāpuhr =ēw ōy ī did rāy ō bun
ēd rāy čē tan ī xwēš ud ān =iz ī ōy harw pad wināhgārīh rēman kird
ud ka nērōg ī ōy dast xwēš hambun =iz andar nēst ēdōn bawēd čiyōn ka pad dār =ēw ǰumbēnīd
ud ōy pad dast dāšt pad rāh ī ham_karzagīh pad pixag šōyišn
u tanāpuhr =ēw ōy rāy dast xwēš
ud xwar =ēw xwad rāy ō bun
ka pad dast ī mard =ēw nasā ǰumbēnēd ud nasā az ān ī sag dīd
ān ēw_tōm ka hamāg čandēnīd pad pixag šōyišn
ud ka pad šab gyāg =ēw hamē šawēd ud fradāg ānōh abāz āyēd ud nasā =ēw ānōh nibayēd dānēd dōš ka man mad ham ānōh būd ayāb ā pad ēd dārišn ānōh būd
ramag =ēw gōspand =ēw andar nasā xward ēstēd
ud wēšāg =ēw draxt =ēw andar nasā andar gumēxt ēstēd
ud esm_dān =ēw esm =ēw tāg andar čarbišn andar gumēxt ēstēd
abarg guft
ēw ramag ud wēšāg warōmand kirdan šāyēd ud esm akār
dar =ēw nasā =ēw pad =iš pahikōbēd
pad dar ī deh ud šahrestān hamdādestān būd hēnd pad hamkār hilišn
pad dar ī bēdom ǰud_dādestān būd hēnd
ud nēwgušasp guft ay pad ham kār hilišn čē šāyēd
ud sōšyans guft ay šāyēd
pad abārīg dar hamdādestān būd hēnd šāyēd
dar ī xwēšīhā_gāh pad ān ī daštānestān šāyēd
ud ān ī daštānestān pad ān ī hazzān šāyēd
ān ī hazzān pad tis =iz kār šāyēd
ān ī xwārtar pad ān ī garāntar šāyēd
kas pad wināhgārīh nasā =ēw ō āb abganēd pad gyāg margarzān
ka ēk =ēw abganēd margarzān ēk
ka dah pad ēw bār abganēd ēg margarzān ēk
ud ka ǰud_ǰud abganēd harw ēk rāy margarzān =ēw
āb nasā aw =iš abganēd handāzag ī rēmanīh
se gām ī se pāy pēš ī āb
ud gām ī se pāy azabar ī āb
ud šaš gām ī se pāy az kustag ī āb
ud šaš gām ī se pāy pad zofā āb
ud 3 gām ī 3 pāy pad āb abar nasā zahyā zofā rēman
ka mayān ī āb =ēw ī wuzurg ī ēstādag abgand ēstēd ā paymānag hamgōnag
čand hamē āyēd šawēd paymānag abāg hamē barēd
ud ka mard =ēw frāz rasēd ud nasā =ēw andar āb nibayēd ka tuwān āwurd u az =iš zyān =ēw nēst pādixšā hištan ka āwarēd
sōšyans guft ka zyān ast pādixšā ka āwarēd
ud ka zyān nēst āwarēd ā tanāpuhr =ēw wināh
kayādurbōzēd guft pad =iz zyān pādixšā hištan ka āwarēd
ka āwarēd margarzān
ud gōgušasp guft hād pad =iz zyān pādixšā ka āwarēd
ud ka pad zyān āwarēd ā tanāpuhr =ēw wināh
ud ka zyān nēst ud āwarēd margarzān
ud ka kāmēd āwurdan ā wastarg nihišn
čē wastarg rēman kunēd
ud harw čē pēš tuwān ud weh tuwān ā āwarišn
ka =iz =iš pad pahnā ī āb tuwān āwurdan ēg =iz =iš āwarišn
ud ka tuwān pad drahnā ī āb āwarišn
ud sag nimūdan dō_mardīh rāy pāyišn
u az nazdīk ī āb ēdōn barišn ka nihēd āb ī yyy az nasā āyēd abāz ō āb rasēd
čē ka āb ī az nasā āyēd ēw_kardagīhā abāz ō āb rasēd margarzān
u az ān frāz sag nimāyišn ud pad mard barišn
ud ka az āb abgandan kāmēd
mardbūd guft
hād ēdōn abgandan pādixšā āb ī yyy az nasā ēw_kardagīhā abāz ō āb rasēd
rōšn guft
hād dūr abgandan pādixšā
kešīdan ī abar āb pādixšā
stadan ud nihādan pādixšā
ud ka ēdōn tuwān kirdan az āb =ēw ī meh ō āb =ēw ī keh barēd
ka āb ēw_kardag pādixšā ud ka ǰud_kardag pādixšā
abarg guft
hād pad āb frōd kešīdan pādixšā ud abar kešīdan pādixšā
čē ēn ān āb ī bīm mad ēstēd ān ān ī bīm abar mad ēstēd
mēdōmāh guft
hād ul kešīdan pādixšā frōd kešīdan pādixšā
čē ān āb tar bīm šud ēstēd u nūn bīm abar barišn
ud ān ī azēr ān bīm mad ēstēd abdom ān bīm abar rasēd
ud ka andar āb šawēd u pad ēn menišn andar šawišn ka azēr/abēr was
ā =iz pas =iz hamāg āwaram
čē pad ēn menišn andar šawēd ud ēk =ēw ī did ānōh nibayēd ǰumbēnēd ā rēman bawēd
ud agar nasā garān ud pad tan =ēw āwurdan tuwān
pad ēn menišn šawēd šawam ud abzār sāzam ud ēn nasā az āb āwaram
ud ka pad wināhgārīh abāz šawēd ā tan rēman margarzān
ud ka pad abāz šudan atuwānīg rēman
ka nasā ēdōn pūdag ī ka ēdōn tuwān āwurdan ī ka kardag kardag brīnēd ā pas =iz brīnēd āwarišn
u harw kardag rāy dast ud kārd pad gōmēz šōyišn ud pad xāk ud nam pāk az =iš wēzišn
ud harw kardag =ēw rāy ī āwarēd ā tanāpuhr =ēw kirbag
ud ka wārān hamē wārēd ud nasā andar āb nibayēd az ān āb stadan ō wārān nihādan pādixšā
wastarg ī akār ēn
ān nasā pad =iš barēd ud ān ka =iz abēr was hamāg akār
ud ān abar nihumbēnd
ud ān hixr ī murdagān abar rasīd
ān_and gyāg brīnišn ud abārīg pad xšwaš_mānghō šōyišn
ān zan ī daštān pad mehmānīh dārēd pad hamkār hilišn
wastarg ī pad xšwaš_mānghō šōyišn
ēdōn čiyōn az abestāg paydāg
agar ǰāmag pōstēn bawēd
se bār pad gōmēz šōyišn harw bār =ēw pad xāk hušk kunišn
ud se bār pad āb šōyišn
ud se māh pad gyāg ī xwaršēd_nigerišn nihišn
ud pas pad armēšt =ēw šāyēd
yašt kird ēstēd ayāb pad zan ī daštān šāyēd
abārīg wastarg ka mōy abar ēdōn bawēd čiyōn tadag
pašm ud kaǰ ud abrēšom ud mōy ud uštar pašm hamāg šōy ēdōn bawēd čiyōn tadag
wastarg ī tadag šaš bār ō šōyišn
pašm ī ēw_kardag ka ēk abar didīgar pēčīd ēstēd u nasā abar pahikōbēd ēw_kardagīh rāy hamāg rēman
ud ka mišmiš ēstēd ēg ān_and gyāg čand nasā abar pahikōft rēman
ka abar bōb =ēw mīrēd
ka bōb abar namad ēw_kardag kird ēstēd namad ud bōb harw rēman
ud ka ǰud_kardag namad pāk
ud ka bālišn ēw_čand ēk abar didīgar nizīd ēstēd ēw_kardag kird ēstēd u nasā abar rasēd hamdādestān būd hēnd ān ēw tāg rēman nasā abar mad
ud bālišn abāg pašm ēdōn bawēd čiyōn bōb abāg namad
u bālišn ēw_čand pad ham frōd bast ēstēd
ka nasā ō band rasēd harw rēman rasan ud bālišn
ud ka nasā ō bālišn rasēd ud ō band rasēd bālišn ēw_kardagīh rāy hamāg rēman ud band pāk
zan ī ābustan nasā pad wināhgārīh =iz ǰōyēd rēman ud margarzān u šōy nēst
ud aburnāyīg ka pixag_šnās bawēd ā warr ud gōmēz ōh xwarišn u ōh šōyišn
aburnāyīg ī az ēk_barān zāyēd ka pid ud mād harw nasā pad wināhgārīh ǰūd ēstēd ān ī zāyēd pad gyāg pāk čē zāyišn rēman bawēd
rōšn guft ay harw pad wināhgārīh nasā rāy rēman būd ēstēd margarzān u tan rēman
hagriz pāk bawēd
čē xwārtar ēn rōbāh ī zīndag andar āb abganēd ud andar āb mīrēd
margarzān hagriz pāk bawēd
ēk_bar az pādyābīh pad sīh gām dārišn
gōspand_sardagān harw čē =šān nasā xward ēstēd ā šīr ud sargen ud mōy pašm sāl_drahnā rēman
ud ābustan ka xward ēstēd waččag =iz xward bawēd
ud waččag ī sāl_drahnā az mādar zāyēd frāz pāk
ka gušn xward ēstēd abar mādag šawēd mādag rēman
ka nasā xward ud ahanūz gugārd ēstēd mīrēd ēdōn bawēd čiyōn hambān =ēw nasā andar
zarr ka nasā abar rasīd ēk bār pad gōmēz šōyišn ud ēk bār pad xāk hušk kunišn ud ēk bār pad āb šōyišn ud pāk
asēm bār pad gōmēz šōyišn ud pad xāk hušk kunišn ud bār pad āb šōyišn ud pāk
ud āhen se bār
pōlābdēn čahār bār ud sang šaš bār
abarg guft
hād ābgēnag ēdōn bawēd čiyōn zarr ud kahrubā ēdōn bawēd čiyōn sang ud gōhr hamāg ēdōn bawēd čiyōn āhen
murwārīd ud kahrubā ud yāgand gōhr yyy ud šabag was_sadēn sag ast
abārīg gōhr ī nāmčištīg guft ēstēd
šōyišn ēdōn bawēd čiyōn dār
ud ka andar_ō kār kird ēstēd šōy nēst
ud ka kird ēstēd ā šōy ēw_bār
zamīgēn ud srūwēn šōyišn nēst
ud abārīg gōhr ī ō kār kird ēstēd ā šōyišn ēw_bār ud az kār paydāg
esm ka tarun ēk_ēk and_čand bawēd widest_drahnā brīnišn
ud ka hušk ēw widest ud angust
sāl_drahnā gyāg =ēw nihišn ud āb abar hilišn
ud uzīd sāl_drahnā
sōšyans guft pad esm ī ātaxšān šāyēd
ud kayādurbōzēd guft ēdōn čiyōn az abestāg paydāg šust
pas =iz pad ǰāmag ī huškkar šāyēd
pad ǰōrdāg hamdādestān būd hēnd ān_and gyāg rēman čand =iš nasā abar rasīd
ud ān ī andar gōbān parwastag ayāb xwast ud ān ī ō anī gyāg yyy ēstēd ǰud_dādestānīh
sōšyans guft
hād ān_and gyāg rēman čand =iš nasā abar mad
ud gōgušasp guft
hād hamāg rēman
kāh hamāg rēman
gōz pad rāh ī ēw_kardagīh hamāg rēman
u pōst ud mazg harw šōy ēdōn čiyōn dār
anār =iz ōwōn čiyōn gōz
xormā ka abāg kulāčag ēw_kardag xormā rēman ud kulāčag astag pāk
xormā šōy ēdōn čiyōn ǰōrdāg
ud ka pad kulāčag pahikōft ka kulāčag ud astag ud xormā ēw_kardag hamāg rēman
xormā ka abāg kulāčag ēw_kardag ō kulāčag pahikōft xormā pāk
kulāčag ud astag šōy ēdōn čiyōn dār
anār ud wādrang ud bīh ud seb ud ambrōd ud abārīg mēwag
ka pad_bar u pazzāfišn abar paydāg ka nasā abar rasīd ā rēmanīh =ēw nēst
ud ka pazzāmišn abar