Select Section Type

1.0
dahm ō dahm gōwēd ham_rad_passāg ō ōy ī ham_rad_passāg
2.0
frāz =it man mard_guhrāyišnīh ka rad amard_franāmišnīh rasād ka gāhān_bār abāyēd yaštan az būšāsp be kirdan
3.0
ka padīrift az ōy frāz_guhrāyēnišnīh ōy frāz guhrāyēnēd
4.0
sōšyans ōy radīhā sayēd gāhān_bār yašt bawēd awōyrišt ō bun nēst
5.0
u aradīhā x čār az =iš awōyrišt ōy rāy ō bun u gāhān_bār yašt bawēd
6.0
kayādurbōzēd guft hād ōy radīhā sayēd awōyrišt ō bun nēst gāhān_bār yašt bawēd
7.0
u aradīhā čār awōyrišt ēd rāy ō bun gāhān_bār yašt bawēd
8.0
pad harw čāštag ā atuwānīgīh ēn tis andar abāyēd
9.0
anī bawēd ka gāhān_bār be mānēd ka yazišn be mānēd ā xwar ō bun
čandēn mardān pad āfrāh ō zōt radīhā pad yašt =ēw rāspīg čand dastwarīhā
ahunawar frāz_niyōxšišnīh čand aϑā_ratuš abar āšnawēnd
harwisp awēšān ī abestāg pad tan =ēw ōy ī mērag pad ān ī mayānag gōwišn pad wāng ī mayānag frāz_srāyišnīh rāspīg gōwišn abar āšnawēnd ud yasn =iz pad yazišn wāz āšnawēnd
ēn az abestāg paydāg
gāhān_bār ud abārīg yazišn ǰuttar nēst
tā_ō ēn paymānag az abestāg paydāg
ka mard marag weh yazišn frā_mā_nərə marag ī pad sidōš ud frawardīgān čē
ān ī yazišn marag weh mard marag
pad šaš mard yašt =ēw weh ēk ud pad mard ēk weh se
ēd pad panǰ mard ēw yazēd čē pad ēk mard ēw yazēd
ān anī kunišn ō puhl šawēd
ast ēdōn gōwēd hād ān wāzag ay gāhān_bār
abārīg hamāg yazišn yazišn marag weh mard marag az čāštag ī wehān pōryōtkēšān dānist ud paydāg bawēd
pad drōn hamdādestān būd hēnd drōn marag weh mard marag
hauruuō_pasuščit̰ ǰuttar nēst
rōšn guft hād hōrw_pās ka ēw_kardagīh be šāyēd yaštan
ān xūbtar ka rāspīg nōg ō yazišn rasēd zōt āgāh kunišn rāspīg pad nōg ō yazišn mad u rasēd
tan =ēw šnāyišn ī nām andar abāyēd zōt pad wāz_gīrišnīh ī pad frastuyē be šawēd
ā hamāg frastuiiē bun abāz kunišn u frāz_gōwišnīh
ka zōt pad wāz_gīrišnīh ī pad frastuiiē be šawēd aṣ̌əm_vohū se frauuarānē_mazdaiiasnō čē gāh dārēd ud šnūman abāz ōšmurēnd u wāz frāz_gīrišn x az bunīh
ka rāspīg wāz gīrēd be ka harw se wēnēd šāyēd zōt ātaxš ud barsom
pas ka ēk wēnēd ā šāyēd
ast ēdōn gōwēd hād u az bunīh ēk wēnēd šāyēd
pas ka wāng āšnawēd šāyēd
ka wāz gīrēd ā wāng ēdōn kunišn ka =z pad tan =ēw kird āšnawēš ud ka pad ēw_kardagīh frāz āšnawēnd ā =z šāyēd
farrox guft rāspīg ka wāz gīrēd ān xūbtar ka abestāg andar āhang gōwēd
zōt dast pad barsom dārišn ātaxš ōh sōzēnišn
u ēd ēdōn guft pad drōn wāz ī az pas šāyēd ī pad yašt
ā =m rōšnag
pad yašt wāz az harw gyāg pādixšāy dādan be pad bišāmrūd ud srišāmrūd ud čahrušāmrūd ud šnūman_wizārišnīh ud vīspāi
ast kadāriz =ēw abestāg pad tan =ēw gōwēd
hād ān gyāg ēk bār pādixšāy dādan was bār be pādixšāy dādan be pad aṣ̌aiia_nō_paiti ǰamiiāt̰_…_aməṣ̌a_spəṇta ō pēš čē az ān gyāg was bār be pādixšāy dādan
ka zōt pēš az abestāg ī pad ātaxš sar wāz be gōwēd ā wizārd bawēd
ast ēdōn gōwēd hād wizārišnīh bawēd
ka zōt pad yašt ī pad ātaxš sar xwarišn xwarēd ā gumānīg ud wizārd bawēd
ast ēdōn gōwēd ay wizārd =iš bawēd
ka wād =ēw be āyēd u wāz be gōwišn u wāz abāz gīrišn u ēdōn bawēd čiyōn az bunīh
ast ēdōn gōwēd hād xwarišn =ēw ō pēš nēst kas ōh rāyēnišn u gumānīg wizārd bawēd
ka zōt pad yašt ī pad ātaxš sar gumānīg be bawēd ud pad kardag mad ēstēd u yašt =ēw abāz kirdan abāyēd ud ābān zōhrag pas ōh yaštan
ka zōt pad yašt ī pad ātaxš sar wāz be gōwēd rāspīg kird =iz ān zamān ud ān gyāg
pas =iz ān gyāg ēdōn bawēd čiyōn zōt aṣ̌əm_vohū se aiβi gərəδmahi_apąm_vaŋᵛhinąm
ān zamān ān gyāg bawēd ayāb pas rasēd ā be škennišn ud zōt zūd abāz bawēd
zōt zūd abāz bawēd aṣ̌əm_vohū se frauuarānē_mazdaiiasnō_zaraϑuštriš čē gāh dārēd ud šnūman abāz_ōšmurišnīh u wāz abāz_gīrišnīh
dād ī farrox pus guft hād az pōryōtkēšān ēn nērang x mānēd zōt pad yašt ī pad ātaxš sar wāz be gōwēd ud šnūman abāz ōšmārēnd
niyōxšēd zōt abar srūdārān zōt gōš dārēd kū_tā rāspīg andar dōspurrnām ī man bawānd
abar_srūdārān ōy ī zōt rāspīg gōš dārēnd
zōt radīhā u az rāspīg abar ōh āyēd
ān_and =šān abar_srūdārān čand frāz ōšmurēnd kird ī xwēš
niyōxšēnd abar_srūdārān abar ō ōy ī zōt
rāspīg gōš dārēd kū_tā andar dōspurrnām andar ōy ī zōt bawēm
zōt abar_srūdārān zōt gōš dārēd
abar_srūdārān radīhā =šān az zōt abar ōh āyēd
ān_and =iš čand zōt frāz ōšmārēd kird ī xwēš
āzād_mard guft hād ēd ka dōspurrnām ēd ka andar dōspurrnām ā =šān hamē ēk az did pad ān zamān abar šawēd ka ēk =ēw az ōy ī did gōš dārēd
māhgušnasp guft hād ēn andar dōspurrnām hamē andar dōspurrnām gōš dāštan kār nēst
ka hamē pad panǰ mard yašt =ēw andar dōspurrnām zōt ul grift ā =šān harw ēk =ēw panǰ kird bawēd pad zōt
ǰud_dādestān būd hēnd
ast pānzdah gōwēd ast wīst ēk =ēw gōwēd ud ast wīst_panǰ gōwēd
abarg guft hād mard =ēw abēgumān ka drōn =ēw pādyāb pad nērang xūb frāz sāzēd ud ruwān dōšāram rāy be yazēd ā tanāpuhr =ēw kirbag
harw ān gyāg bawēd ud drōn wāz gīrēd ud xwarišn xwarēd ā tanāpuhr =ēw kirbag
drōn ōh bawēd ka aṣ̌aiia_daδąmi andar dōspurrnām ī ōy ī zōt be gōwēd ā kirbag ī aṣ̌aiia_daδąmi dōgānag ōh bawēd ēn ī abārīg drōn
dōgānag ōh bawēd ayāb ʾpp ā =m rōšnag
rōšn guft hād mard =ēw gumānīg ka mazdēsn waččag adwadād rāy ōh yazēd ā tanāpuhr =ēw kirbag
mard ī rāspīg gāhān srāyišn radīhā
pad_ēstišnīh ī ēsn ka gōš dārēd ēdōn fšūš_mānsr tat̰_sōiδis ka gōš dārēd
čē mard awēšān sraw abestāg pad tan =ēw afrāz_ōšmurišnīh āstārēd ka manō marətanąmča kunēd čiyōn gāhān =iz ka vačō marətanąmča gōwēd
hād harw ān abestāg ī zōtān pad tan =ēw gōwišn rāspīg gōš dārēd ud ān ī rāspīg pad tan =ēw gōwišn zōtān gōš dārišn
ka dārēnd ā =šān nask_hilišnīh kird
rāspīgān ēk andar did =ēw radag kird ēstēd
ka zōt srōš srūd srōšāwarz ul ō pāy ēstēd
ka ātaxš ī warahrān ān gyāg pad gyāg pas abāz hilišn
pad ēn tis zōt srōšāwarz
gāhān srāyēd ēsn pad yazišn abar niyōxšēd
harwisp =iš gāhān radīhā
ēsn yazišn yazēd gāhān pad srāyišn abar niyōxšēd
ēsn =iš ēw_tāg radīhā u aradīhā gāhān
hād pad hamāg čāštag ān zamān bawēd ka wāz_gīrišnīh ay pad hōm kōftan sar hišt ēstēd ēdōn čiyōn āzād_mard hamdādestān bawēd rāspīg ka =z abestāg čand čahrušwadag ī gāhān be hišt ā ān yazišn pēš ud pas bawēd x
ka abestāg ī =z rāspīgīh andar kird ēstēd ayāb pad yā_š́iiaōϑənā_yā_vačaŋhā sar wāz be gōwēd wāz abāz gīrēd
ēsn ka be niyōxšēd ēd paydāg bawēd pad humatanąm ēd paydāg bawēd ka bišāmrūd be hišt―*ēd ka bišāmrūd pad =iš andar āyēd ud ēd ka srišāmrūd pad =iš andar āyēd ud ēd ka čahrušāmrūd pad =iš andar āyēd ud ēd ka wāz_gīrišnīh pad =iš andar āyēd―ā hamāg yazišn ōh bawēd
ka wāz_gīrišnīh be hišt x ka wāz_gīrišnīh pad =iš andar āyēd yazišn bawēd
gōgušnasp guft hād rāspīg and čand gōwēnd ā =šān kirbag ī yazišn ōh bawēd
u az ēn gyāg paydāgēnīd
ka mard =ēw gāhān gāh_srāyišn srāyēnīd zōt =ēw ud rāspīg =ēw harw radīhā
ka pad wezest srāyēnīd ān and =šān kadāriz =ēw radīhā čand frāz ōšmurēnd kird ī xwad
hād pad hamāg abestāg ī dōspurrnām kār be āwarēd ǰud_wezest
abārīg abestāg pad ǰud_kardag ud pad ǰud_pargard
ka ēk bun ī wezest dārēd ud ēk sar ī wezest andar dōspurrnām
māhgušnasp guft hād andar ham_gāϑr =iz dōspurrnām nēst
dōspurrnām paymānag ahiiā_yāsā_nəmaŋhā_ustāna zastō ka ēk ahiiā_yāsā ud ēk nəmaŋhā dārēd
ān xūbtar ka pad hakat̰ gōwēnd
ka ēk =ēw pēš ān xūbtar ka zōt pēš
ka rāspīg pēš ēd =iz šāyēd
ka zōt ēsn yazēnd pad gāϑr ud wezest barw dō_ēn radīhā
ka pad hamniyōxšišnīh_gōwišnīh yazēnd ēk ō did gōš dārēnd harw dō_ēn aradīhā
kadār ham ʾmt_niyōxšišnīh_gōwišnīh
ka pad ham gōwēnd gāh gāϑr ud wezest
abar ōh anī āšnawēnēd anī
ōy radīhā abar āšnawēnēd
ēn az abestāg paydāg
anī bawēd ka zōt ēsn pad nigerišn pad hakat̰ be kird u pad ēw sar be kird
ud hamāg wāzag ēw gōwēnd ēd =iz ǰuttar nēst u yazišn sar be kunišn
rāspīg bawēd ud abārīg abestāg ōh bawēd
ast ēdōn gōwēd hād pad rāspīgān ōh bawēd ud pad abārīg abestāg ōh bawēd dēw_ēzagīh ī tanāpuhragān
ēn yazišn be kunišn ayāb ā =m rōšnag
gāhān pad abar_menišn abar menēd ōh sahēd ōh menēd
ayāb ō anī ōy pad srāyišn abar niyōxšēd kas =ēw gōwēd ud ōy gōš dārēd
ayāb ō ōy anī dahm ī gāhān srūd dahēd radīhā hād =m yašt kird u =m ō dād
ī asrūd dahēd radīhā hād fradāg rāy yašt =ēw kunēm
mard ka abēr tuwānīg yazišn pad mizd pādixšāy kirdan harw dō_ēn kirbag ōh bawēd
pad drahm =ēw be dahēd harw dō_ēn radīhā
kehīhā kirbag ōh bawēd
ast ēdōn gōwēd hād ōy ōh kird ā pad anī zamān bawēd ka ǰud az mizd tuwān hēh kirdan ā =z kunēh
mard ka abēr tuwānīg xrafstar ī grift pad wahāg frōxtan pādixšāy harw dōīn kirbag ōh bawēd ōh griftan rāy ud ōh ōzadan rāy
ōzadan kirbag kird ēstēd griftan kird ēstēd ān =iz xwārtar bawēd
ka drahm =ēw pēš be dahēd ō harw dō_ēn ōh bawēd
xrafstar pad meh_dādestān pādixšāy dāštan xwarišn be pad margīh ud rixtagīh pādixšāy dādan
ēn ka dahēd ēn čiyōn xāk =ēw ud gil =ēw ka kas be stānēd apparag bawēd be zyān wizārišn
gāhān srāyēd abar az ān ī ābān wāng wāng az āb āyēd
ayāb tan_rōdagān andar rōd_kadag ōftēd ud wāng az rōd_kadag āyēd ayāb kilisyāgīhā wāng az kilisyāgīhā ud gadagistān wāng az dušox āyēd
ayāb gēhān abar_pad āyišnīh āyēd uštar abar āyēd
agar pad ān ī xwēš ōš abar āšnawēd radīhā
agar ān pad ān ī xwēš ōš abar āšnawēd ayāb be ayābēd be ē barēd
agar bē_ayāftār be tuwān burdan
agar bē_ayāftār
ēdōn pad ān ī mayān gōwišn frāz ēw ōšmārēd radīhā
ēn az abestāg paydāg
anī bawēd ka yazišn andar kirdan wāng pas rasēd ka be tuwān burdan be barišn
ka aētaδa_maδəmiia_vača ka az bunīh ī wāng ān gyāg yazišn ō puhl šawēd ud kunišn ud anī ō puhl šawēd
ā =m rōšnag
abarg guft hād x be hilēnd
ēn čiyōn bawēd bē_ayāftār ud čiyōn bawēd abēayāftār
ka ātaxš ud ātaxš_gāh ud barsom ud barsom_dān be tuwān burdan bē_ayāftār ka bē_ayāftār
mard čand nidom pad gōwišn gāhān pad srāyišn radīhā
čand ān ī nazdišt dahm abar āšnūd ēk ka nazdišttar bawēd āšnawišn ayāb čand ān ī nēm ān ī xwēš ōš
griftan ī drōn
hād ēn az ān ī pas paydāg ēn drōn čē ān ī yat̰_hē_hauuaēbiia_ušibiia pad mādagwār šāyēd čē ān ī pad ēč =ēw šāyēd
drōn ēn se tis kirdan ud sāxtan ud yaštan
harw čē ǰōrdā sardag šāyēd gandumagēn weh ast az ān gyāg paydāg gaṇtumō_yauuanąm_ratufriš ay čē gandum ǰōrdāyān rad
ārd ī drōn rāy pad pādyābtar dārišn
ka =z az wāzār be xrīnēd ā šāyēd
abarg guft x hōšag pad pādyāb be čīnišn ud pad pādyāb be ārišn
andar harw čē srēšēd ka hixrōmand ā šāyēd
ka ōh srēšēd ā pādyābīh
ā ul stānišn ud burag andak =ēw andar kunišn
ast ēdōn gōwēd hād buragīh čē gil
drōn ānd_and kunišn čand andar rōz kār andar =iš šāyēd kirdan
frasast tā_ō se ēk ī drōn kirbag ōh abzāyēd ud az ān frāz abzāyēd
sudāb ō harw gyāg ōh nihišn ud gōšudāg ud tarragīhā
ast ēdōn gōwēd hād sudāb ǰuttar nēst abārīg tarrag =ēw
padišxwar pēš ī drōn frāz nihišn
may šāyēd ud hur =iz šāyēd
sadagīg =iz ka trufšag ā šāyēd
ka āb abar ā šāyēd
kayādurbōzēd guft and āb andak =ēw abar kunišn hād čē ān sāzišn =ēw
sik šāyēd pad =iš
pad hamčašmīh ān xūbtar ka purr
ka wēšistagīh ān xwēš
ābgīr azēr may be nihišn sprahm azabar may be nihišn abar_sar az kust ī dašn
ast az harw kust gōwēd
tarrag ud mēwag andarg ī may may ud frasast be nihišn u sar ō barsom rōn kunišn
u esm bōy se tāg az dašn be nihišn ud abārīg harw =iz ōh kāmēd yaštan az kust ī dašn
ka šāyēd ān xūbtar ka grih ī barsom abāg gōšudāg rāst
ka ā ēdōn kunišn pad bun ī barsom ud hōy abāz x tis be ēstēd
čē ka bun ī barsom ud hōy abāz ēstēd ā yašt bawēd
abarg guft hād harw čē pad may ud frasast be ēstēd ā yašt bawēd
ka ōh yazēd pad kūn frāz nišīnišn u xwāstag be nigerišn u pad menišn pas abzūdan ud kāstan pādixšāy
ast ēdōn gōwēd hād abzūdan pādixšāy ud kāstan pādixšāy
māhgušnasp guft hād ēdōn čiyōn ōh yazēd ā =z ōh nigerēd ā šāyēd
barsom stānišn ud ō hōy nihišn
ēk čāštag ēk kardag abrāstag dārišn ud nibāstag dārišn ēdōn frāz_čašmagīh ī mard rāy čē nērang ī drōn rāy
drōn sāzag ud padišxwar ēdōn pad pādyāb be kunišn ka barsom abar rasēd ā šāyēd
be x hōšēnišn
hōšēnīdan šāyēd ā šōyišn čē hušk ī apādyāb weh xwēd ī pad pādyāb
drōn sāzag ān xūbtar ka az bunīg ǰud_kardag
ka tarragīhā ul āyēd ā šāyēd
ka mēzag =ēw frōd wistarēd u abar be sāzēd ā šāyēd
giyā ka be kanēd u abar be sāzēd ā šāyēd
ka kanēd ā šāyēd
tarrag ud mēwag ēdōn pad pādyāb be čīnišn ka barsom abar rasēd ā šāyēd
ud az drōn ōh pahrēzišn
ka ō drōn rasēd ānd_and pādyābīh čand drōn ast ā ān nēst
drōn ul ō mayānag ī drōn sāzag nihišn
ēdōn kunišn az drōn sāzag be ēstēd čē drōn ka az drōn sāzag be ēstēd ā xūb
barsom ka pad wistarišn be ēstēd ā šāyēd
gōšudāg ka pad pādyāb abāg drōn ul ō mayānag ī drōn nihišn
ka wēš ayāb kem ka ul ō tis =ēw nihēd ud ul ō mayān ī drōn nihēnd ā šāyēd
ka pēš drōn frāz nihēnd ā =z šāyēd
gōšudāg ka =z abēr was pas =iz drōn hamāg be nihumbišn
frasast az kust ī dašn be nihišn
ka pēš frāz nihēd ā =z šāyēd
pad kamistagīh hambun =iz wēšistagīh =iz and čand drōn pahnā
harw čē ō drōn nihišn ā frasast =iz ōh nihišn
ast ēdōn gōwēd hād ēk sīr nihišn u anī =z ān sudāb nihišn
drōn kanārag ul kunišn ud frasast kunišn ud harw be abzāyišn x
drōn ud frasast ēdōn abzāyišn sūrāg be kust ī did bawēd
čē bōdyōzed =ēw gōwēd ā ēk =ēw gōwēd
abar harw čē brēzēd ka hixrōmand ā šāyēd
ka brišt pad dast ul griftan stānišn ud abāz ō im gyāg nihišn čē nūn pad pādyābtar dārišn
ka apādyāb be bawēd ēdōn abāz šāyēd tāftan hamāg gyāg tābišn abar rasēd ā pad pādyāb dārišn
ast ēdōn gōwēd hād ka apādyāb be bawēd ā pad pādyāb šāyēd dāštan
pas =iz pad drōn be paydāgēnišn čē drōn =ēw afsard ī apādyāb weh nān =ēw garmōg ī pādyāb
hamāg nān ēk nān ā anī frasast rāy az =iš be škennišn čē bōdyōzedīh gōwēd ā ēk =ēw gōwēd
ka be tābīhēd ayāb be sōzēd ayāb be hōšēd pādyābīh wehīh pas dīdan ud pas xwārom
ast ēdōn gōwēd hād xwāromīh weh dīdan
ādurbād ī dādfarroxān guft hād garmōgīh weh
hāwištān ī baxt_āfrīd guft hād ēw_kardagīh weh
gōgušnasp guft ay ka wēš_ārdīh ān gyāg ēč tis āmār nēst čē pad kirbagīh uskārd ēstēd ēk yazišn ud ēk myazd
ka ōh sāzēd gyāg ka =z abēr pāk pas =iz andak =ēw be rōbišn ud be paššinǰišn
ud bāliš =ēw dō_nāy x ān gyāg be nihišn
=z kāmag ī mard rāy be nērang ī drōn rāy āyēd ā šāyēd
abarg nōg gyāg harw se guft wehšābuhr kardag =ēw
ēdōn čiyōn wehšābuhr dādestān būd pad drōn ī nōg gyāg pas kār pad yaštan ī ān ī pēš
ka yašt u gāh ī pēš pad =iš andar āyēd ēn čand be pādixšāy pādan ay aṣ̌aiia_daδąmi_xᵛarəϑəm_miiazdəm_hauruuata_amərətā
ast se drōn drahnā gōwēd
māhgušnasp guft hād ka ēdōn x ōh rasēnd wāz gīrēnd ǰuttar
pad ān ī yatāhūwayryō frasast ud abzār ī frasast be nigerišn
ast ēdōn gōwēd hād tā_ō ān gyāg ka bun bawēd ā =z šāyēd
pad frasasti_ahurahe_mazdā̊ frasast abar gōšudāg abāz widārišn
ka drōn purr gōšudāg be ēstēd frasast ul ō mayān ī drōn nihišn
pad aṣ̌aiia_nō_paiti ǰamiiāt̰ rāspīg abāz ō pāy ēstēd u xᵛarata_narō be gōwišn harw yazišn_e
ast harw myazd =ēw gōwēd
ka ō aṣ̌aiia_nō_paiti ǰamiiāt̰ čē barsom pad nigerišn apādyāb be bawēd ast rāspīg ī čāšnīg kird ast ī kird ēstēd barsom be šōyēd ud be rāyēnišn
zōt ān ī čāšnīg kird ā pad xūb ud ān kird ā kunišn
barsom ī drōn hamāg be šōyišn ud ān ī yašt ānd_and gyāg hixrōmandīh be rasīd
ān čāšnīg kird ā be ud ān kird ā kunišnīh
ka ō aētąm_ā_yātumanahe mad u xwaršēd yašt ēstēd u ul ō pāy ēstišn u nəmō_ahurāi be gōwišn u x frōd nišēnišn u aṣ̌əm_vohū se be gōwišn
pad harw ō mar āyēd pad ōy kas bawēd bārestān ēn frōdmānd ī kamist ēstēd ayāb pad ačāragīhā bawēd
ka drōn sar be kird barsom pad nigerišn apādyāb be bawēd ā šāyēd
ka hixrōmandīh be rasēd ka =z pad nigerišn ā šāyēd
gōgušnasp guft hād ka drōn sar be kird barsom āmār
ast ēdōn gōwēd hād čāšnīg kirdan kār ī pad barsom pas guft bawēd šāyēd
ka sar kird ud barsom gyāg =ēw be kāmēd burdan ā harw tis =ēw abāg be ast ēdōn gōwēd ay ka apādyāb =ēw čāšnīg burd ā šāyēd
ka drōn sar kird ud tis az ān rasēd ī čāšnīg kirdan šāyēd drōn pad drōnīh šāyēd ud barsom ud drōn pad =iš hangārišn
kirbag ī drōn ōh bawēd ka drōn sar kird
ēn čand be pādixšāy pādan čāšnīg kunēd
ay āwarišn ud barišn
ast se bār gōwēd ast ēdōn gōwēd hād wehšābuhr pad myazd be mad u pas čāšnīg
ka dārūg =ēw ōh kāmēd xwardan ud ka dārūg az ān pad xwardan mehmān ā pēš drōn frāz nihišn ud fradom čāšnīg az dārūg kunišn
abarg guft hād ānd_and čāšnīg čand az drōn kird
ōh drōn yazīhēd
barsom az dašn stānišn ud pad hōy nihišn
ēk čāštag ēk kardag abrāstag dārišn ud nigūn dārišn
ēdōn frāz dārišn u bačag abar andar nihišn
ēn čand pad dast abāz ēstēd ā šāyēd
ast gōwēd ā šāyēd x
u xšnaōϑra be gōwišn
ka ranǰagīhā ā abestāg hamāg az pāy gōwišn be xšnaōϑra ud aməṣ̌a_spəṇta
ka =z =iš ranǰagīhā ēn and az pāy gōwišn bišāmrūd ud srišāmrūd ud šnūman_wizārišnīh ud wāz_gīrišnīh ud iϑā_āat̰_yazamaide kardag =ēw
ka ranǰagīhātar ka hamāg nišīnān gōwēd ā tar_menišnīhā
u pad xᵛarəϑəm_miiazdəm fradom harw tis =ēw be nigerišn
pad hauruuata_amərətāta drōn ud frasast pad gāuš_hudā̊ gōšudāg pad āpe may pad uruuara ān ham ī hauruuata_amərətāta ast tarrag ud mēwag gōwēd pad aēsma_baōiδi esm ud bōy u pad xᵛarəϑəm_miiazdəm šnūman_wizārišnīh ō pēš ēstēd ǰud az frasast ud abzār ī frasast harw tis nigerišn pad ima_humatāča_hūxtāča pad āsāyišn harw tis =ēw be nigerišn
pad iϑā harw tis =ēw pad xwarišn mehmān be nigerišn pas ka nihuft ēstēd ā weh
ast ēdōn gōwēd ay hād āsāyišn ast be nigerišn ayāb pad wāzag gumānīg bawēd ayāb tis =ēw ō drōn rasīd ī ōh kāmēd yaštan
ka az wezest drahnā be šawēd ā drōn bun abāz kunišn
ka wezest drahnā šawēd u abāz gōwēd wezest drahnā
yatāhūwayryō pad gōwišn šnūman harw ul pāy ēstēd
u ēn čāšnīg az čē pēš kunišn ā =m rōšn
pēš az drōn ud gōšudāg pas az frasast ud gōšudāg ud pas az may
ast ēdōn gōwēd hād čē az harw čē kunēd ā šāyēd
ast ēdōn gōwēd ay ka harw se pad ēk bār kunēd ā šāyēd
ka zōt az anī =z tis čāšnīg pēš kunēd az drōn ayāb anī =z kas az drōn čāšnīg pēš kunēd zōt ayāb nōit̰_hiš_barōit̰_upa_karšəm kird ayāb =iš pāy az_abar abāz nihēd x x andar sūrāg =ēw abāz nihišn ayāb =iš sar ō abāxtar rōn kird ēn hamāg xūbīh
gōgušnasp guft ēn se šāyēd ka zōt az anī =z tis čāšnīg pēš kunēd az drōn ayāb anī =z kas az drōn čāšnīg pēš kunēd zōt ayāb =iš nōit̰_hiš_barōit̰_upa_karšəm kird
ēn se ud čahār aṣ̌əm_vohū anēraxt čāšt ēstēd
zōt ka iϑā aṣ̌əm_vohū gōwēd ā šāyēd
ka aṣ̌əm iϑā gōwēd ā šāyēd
rāspīgān pēš ud pas
ān ī čahār aṣ̌əm_vohū čahār ud nēm gōwēd ā šāyēd
ast pēš ud pas gōwēd
vasasča ud aməṣ̌a ka pad nigerišn ud ka bār abāz gōwēd ā šāyēd
abārīg abestāg wezest drahnā ā šāyēd
ast ēdōn gōwēd hād ka gāh =ēw rōz māhīgān ud ardā_fraward gōwēd ān ī abārīg ka ēk pad nigerišn be gōwēd ā šāyēd
sōšyans guft hād ka =z ahurahe_mazdā̊ gōwēd šāyēd
awēšān az may_xwarišnīh be gāhān srāyēnd
may xwarēnd mast be bawēnd ud gāhān_bār yazēnd
pad fradom warzišn awēšān kunišn atōzišn margarzān
ā be kunēnd abāz u =šān ō bun nēst
ān =iz xwarišn ast ōh agar ēdōn xwardan
ka dahm hur xwarēd may ī han =iz asp pēm
dādīhā sūr xwarēd pad paymān dādīhā sūr xwarēd xwēškārīhā az =iš mayēnēd
gāhān pad asrāyišnīh āstārēd ka gāhān_bār yazēd wināhgār bawēd
frahist sūr xwarēd apaymān frahist frahist sūr xwarēd axwēškārīhā az =iš mayēnēd
ān ī gāhān pad asrāyišnīh āstārēd ka gāhān_bār yazēm wināhgār ōh bawēd
sōšyans guft hād se abismag ī xwarišnīh xwarēd ud se abismag ī abzāyišnīg andak =ēw abāz kāhišn
kayādurbōzēd guft ay hād abismag xwarēd ud andak =ēw ōh ō abzāyišn andak =ēw andak =ēw abāz kāhišn
gōgušnasp guft hād purr xwarišn purr abzāyišn
awēšān gāhān ī pad hanǰaman srāyēnd pad gundīh ast ēdōn gōwēd ay hād az kust =ēw ka wēš radīhā
pad se gund srāyēnd ast ēdōn gōwēd ay hād kust =ēw ka se wēš aradīhā
čiyōn nidom hanǰaman ast pad rad_franāmišnīh pad gāh ī baxt
se mard
ēn az abestāg paydāg
gāh =ēw pad wisperad ī dwāzdah_hōmāst ud rahwōbirzad ud ardā_fraward bawēd
ast ēdōn gōwēd ay ēwāz =ēw pad wisperad ī ardā_fraward bawēd
pad xānag yazdānīgān pad ēk_hōmāst ō sar baxšēnd
ka ayār šaš mard ā baxšišn
ka ayār šaš mard ast zōt hāwanān ud frabardār az kust =ēw ātarwaxš ābard ud srōšāwarz az kustag =ēw
ka wēš ā šāyēd
ka se