Select Section Type

1.0
spās ohrmazd ud niyāyišn dēn mazdēsn ī ǰud_dēw ī ohrmazd_dādestān
2.0
haštom abar hangirdīgīh ī ān ī andar naskīhā ī dēn mazdēsn ǰud_ǰud ēdar ayād
3.0
ān ī andar šādurwān ī ēn nāmag abar ōšmurišn ī weh_dēn ō āgāhīh ī wasān nibišt ud niwēyēnīdan az zand ān ī dēn pad āgāhīhišnīh ī ō ēd pāyram dastwar pad xwad ēwāz ī dēn nibištan
4.0
bē pēš az ān nibištan ēwēn abar ōšmurišn ī dēn ī mazdēsn bazišn u =š bazišn bahr ud bahr brīnag nimūdan ī ōšmurišn kē ka hangirdīgtar pad =iš bazišn hangirdīg pad bahr ī =š bazišn ud wistārišnīgtar pad brīnag ī bahr
5.0
ōšmurišn ī dēn mazdēsn bazišn se gāhān ī ast abardar mēnōy_dānišnīh ud mēnōy_kārīh ud dād ī ast abardar gētī_dānišnīh ud gētī_kārīh ud hadāmānsrīg ī ast abardar āgāhīh ud kār ī abar ān ī mayān ī ēd dō
6.0
ud čim ī se_bazišnīh ī dēn_ōšmurišn nigēz ast ī wisp dānišn ud kār ud ēwēnag ī ham dēn_dānišn ud kunišn ēd ī se ī nibišt
7.0
ōh =iz ahunawar ī dēn_ōšmurišn bun se gāh ān ī fradom gāhānīgīh ud ān ī didīgar hadāmānsrīgīh ān ī sidīgar dādīg abardar ud mahist
8.0
az =iš hād hēnd bazišn ī bahr wīst_ēk ī xwānīhēnd nask
9.0
haft gāhānīg čē ō gāhān kird ēstēd u =šān nām ān ī gāhānīg hād nērang ī ast stōd_yast ud sūdgar ud warštmānsr ud baγ ud waštī ud hadōxt ud ān ī ō gāhānīg kird ēstēd spand
ud haft hadāmānsrīg nām dāmdād ud waxtar ud pāzen ratuštāytī ud brih ud kaškaysraw ud wištāsp_sāst
haft dādīg čē ō dādīg kird ēstēd u =šān nām ān ī dādīg yyy nigādom duzd_sar_nizad huspārom ud sagādom ud wī_dēw_dād ud ān ī ō dādīg pad ǰud_šnūmanīh kird ēstēd čihrdād bayān_yast
ud padisārag sūdgar ud warštmānsr ud baγ ud dāmdād ud waxtar ud pāzen ud ratuštāytī ud brih ud kaškaysraw ud wištāsp_sāst ud waštī ud čihrdād ud spand ud bayān_yast ud nigādom duzd_sar_nizad ud huspārom ud sagādom ud ǰud_dēw_dād ud hadōxt ud stōd_yast
andar harw se harw se ast andar gāhānīg hadāmānsrīg ud dādīg ud andar hadāmānsrīg gāhānīg ud dādīg ud andar dādīg x x x gāhānīg ud hadāmānsrīg
ǰud_ǰud ān ī xwad mādayānīhā ud mādagwarīhā x mehmānīg ud ān ī did bahrīh andar āwurd mehmānīg u =š čim andar mēnōy ud gētī ud andar gētī ud mēnōy ud andar ān ī mayānag ī harw dō harw dō ast
ud paywastan ī frāz ō abdom ī hadāmānsr ud dād bahr az gāhān čiyōn nibišt ī pad paywand ī ō abdom hadāmānsrīg ī wištāsp_sāst
hadōxt ud yašt pad paywand ī ō abdom dādīg wī_dēw_dād čim ud dahišn ī gētī dād mayānag hadāmānsrīg ō mēnōy gāhān čē mēnōy =iz kē ox bun ud gētī čimīg wihānīg ud bahr ud čimīg ō čim wihānīg ō ox bahr ō bun
ud frazām ī dād ī ast hīm abāz ō gāhān ī ast bun paywastan ud nimūnag ast ī abar fradom mēnōyīgīh gāhānīgīh abēzag_rāyēnišnīh būd ud abdom =iz ān bawēd gētī ud čiyōn az mēnōy niwennīhistan frōd āmad abāz ō mēnōy ī paywastagīh
ud čim ī wīst_yak_bahrīh ī se bōzišn ī dēn_ōšmurišn andar wizīdag ī x x x az kird paydāg ōh =iz se gāh ī ahunawar ī dēn_ōšmurišn bun ast wīst_ēk mārīg
čiyōn ahunawar ī dēn_ōšmurišn bun se gāhīh ī se_bazišnīh ī dēn_ōšmurišn ud nimūnag ōwōn wīst_ēk_mārīgīh ī se wīst_ēk_bahrīh ī ēn se bazišn nimāyēd čiyōn paydāg kū brēhēnīd ōy ī wisp_āgāh dādār az harw mārīg =ēw sraw ī =ēw
abar brīnag ī bahr čiyōn hād ud pargard ī andar naskīhā az dēn_gugāyīh ud āgāhīh az yašt_frawahr zarduxšt čāšišn andar ērān_šahr hazār būd āšnāg
ud pas az wišōbišn ī az marg ī dušxwarrah xešm_kird aleksandar mad u =š būd ī ēdōn abāz nē windād ī pad dastwar dāštan šāyēd hē
ud ān ī hufraward ādurbād ī māraspandān pad =iš passāxt kird ud bōxtan āšnāg tā =iz nūn andar mādayān ī ērān_šahr ud pad čāšišn ud pašn dāšt ēstēd
pas az nibištan ī ǰud_ǰud nask kū pad čē abērtar abar gōwēd abar x nask_nask x ōšmurīhēd u =š ān ī andar hād_hād pargard_pargard ō ayābišn rasēd čē andar ēn mādayān abāyišnīg wizārīhēd
bē fradom nask ud nask kū abar čē gōwēd nibištan ēwēn ēdar nibēsīhēd sāmān ī ayābišn nē abdīh xwadīh passazag
namāz xwarrah ī weh_dēn mazdēsn
sūdgar mādayān abar ōz ī abēzag stāyišn ī fradom ohrmazd gōwišn pad menīdārīh guftārīh ud kirdārīh ud pahrēz ī az dād ī wattar petyāragēnīdārtar mardōm
ud stāyišn ī hunarān kirbag dēn ī weh hamgōhr u =š kunišnīgīh yyy ud nikōhišn ī āhōgān bazag ān wattar dēn ka hamag aziš_hilišnīh az yazišn ī mēnōy ud pahrēz ī gētī amahraspand was āgāhīh abar xīr yyy mēnōy yyy
gānīg būd gōwēd bawēd kē andar frašegird =iz sraw yyy
ahlāyīh ābādīh pahlom ast
warštmānsr mādayān abar zāyišn ī zarduxšt ud madan ī =š ō dēn čē andar ham_dar
ud mād ī hērbedīh ud hāwištīh ud ahūīh ud radīh ud āstawānīh ī pad =iš hamist hangirdīgtar gōwišn ī gāhān
abar harw tis wāzag zand ud ayārdag =iz čiyōn ān ī gōwēd kū warštmānsr
kē pad harwisp frāz_gōwišnīh frāz dād ēstēd kū harw čē pad gāhān guft ēstēd ā =š pad warštmānsr tis abar gōwēd
ahlāyīh ābādīh ast pahlom
baγ mādayān abar fradom saxwan ōšmurišn ī dēn bazišn ud fradom nām ī ān saxwan ud fradom madan ī ān x nām passazišn ud wuzurgīh ī ān saxwan az =iš kē ka x nām u =š nāmčišt mad ō gumēzišnīh
hangirdīgtar dānišn ī abar harw tis ǰud_ǰud xwēš zahag ud čand paywand dō aw =iš ōwōn paywastan čiyōn ān ī baγ rāy guft ēstēd kū baγ ī dahmān_srūd kū ō dahmān guft ēstēd kū kē ēn kirbag kunēd ā =š ēn kirbag kird bawēd
ahlāyīh ābādīh pahlom ast
dāmdād mayān mādayān abar kunišnīh_dādārīh ud dādan ī dām pahlom
fradom pad mēnōyīh ud čand čiyōn dāštan ī pad mēnōy waštan ī az =iš gētī čihrēnīdag sāxtag ō andar ēbgadīg kōšišn pattūdan ud rāyēnīdan paywastag šāyistan ī ō frazām nērang ī ēbgadīgīh
ud ristag ēwēn dām_dahišnīh u =šān stī ud tōhmag ud srādag čihr ud kār ud čē andar ham_dar
ud čim_ō_čē_dahišnīh ud abdom_ō_čē_rasišnīh ud abar ān dām petyār ud wizend ud anāgīh az =iš ud šōn čār abzār ī abar wānīdan abesīhēnīdan bōxtan ud abēzārēnīdan ī dām az =iš
ahlāyīh ābādīh pahlom ast ābādīh
waxtar zand ō amāh rāy nē paywast ud abestāg čiyōn pad dastwarīh andar āmadag pad čāšišn ōšmurišn ēzišn dāšt ēstēd
ahlāyīh ābādīh pahlom ast ābādīh
pāzen mādayān abar gōspand dādīhā pad ēzišn ī ātaxšān ud ābān zōhr gāhānbār mazdēsnān ayārīh rāy kuštan ēn =iz kū mard ō hamkār pad čē hunar abzār pad čīnišn ud nērang ī ēzišn
ud ēd kū az gōspand srādag bahr ātaxšān ābān az kadām hannām stānišn čiyōn wirāyišn kē pad čē abestāg frāz barišn
ud čē abar gāhānbār kū ān šaš gāh kay gīrēd ud kay bē sazīhēd hanǰaman ī gāhānbār ud dahišn ī ō myazd kū kay kunišn tuwān passazag pad čē paymānīg bē dahišn kay sāzišn baxšišn kū =š sūd nēkīh ī weh_dahišnan ud mēnōyīhā ud gētīyīhā čē az =iš
ud ēd kū ō rad_passāy_sālārīh abārīg radīh ǰud_ǰud čē hunar abāyišnīgtar
abar xwēškārīh rad_passāyēnīdārīh kū =š mazdēsnān az kird ī gāh ud frāz raft ī ō hanǰaman hammis āgāhēnišn kū ān hanǰaman abērtar abar wirāst ī āhōg patit ud tōzišn ī wināh ud niyābagīg bē ud niyābagīg bē dād ī tis ō myazd ud čīdan ī mard ō zōtīh rāspīgīh pēš az ān rōz zōtān rāspīgān abārīg kē pad sāzišn dahišn ī bahr kār warzānd ud tan wastarg pāk kirdan pēš_gāh myazd wizīdan
ēd kū pad ān pēš_gāhīh ī čē hunar abāyišnīg
ud bahr baxtan ud ō kē pēš niyābag
pēš dādan radān meh weh pēš bē afsārdan ka bahr ī radān nē dahēnd gāhānbār nē pad kird_dārišnīh
ēn =iz kū zōtān rāspīgān zōtīh rāspīgīh abārīg radān pad wināh radīh ud bahr appār ōh bawēd was andar hamdar
abar wardišn ī gāh rōz ud māh ud sāl āwām ī ka hāmīn zamestān ud sahišn ī az rawišn ī axtarān pad =iš
kū rasišn ī ahlaw frawahr ō gētī andar ān dah rōz ī zamestān frazām sāl sar čiyōn =iš ān panǰ rōz gāhānīg andar ān bawēd zamīg sazišn hāmīn ēstišn
meh_pāsānīgīh ahlawān frawahr andar ān dah rōz yazišn niyāyišn wēš_šnāyišnīh ān yazadān az =iš ud bištīh ī =šān az apadīrišnīh ud aniyāyišnīh ud anēzišnīh az gētīyān
ud wēš frēzwānīgīh rādīh ud bē_dahišnīh andar ān hangām ud xwēškārīh rad ī šahr pad ayārīh ī ud ǰādag_gōwīh ī driyōšān hammōxtan ī az frawardīgān rāy andar frawardīgān kunišn
ud abar hangām ī stadan ī bēšāzēnīdār urwar ud čē andar hamdar
ud abar kū mānīg wisīg ud zandīg ud dehīg xwāyišnīh šahīgān tōzišn ruwānīg wināh ǰud_ǰud ō kē wizārišn
abar sūd ī az wirāstan ī wināh ud kirdan ī tōzišn ud zyān ī az wināh awirāstan tōzišn ī kird frāz hištan
abar None radīh ī nazdist pērāmōn hāwan kū kē čand mēnōy čand gētī ud kadār didīgar ud kadār sidīgar az mēnōyān gētīyān
ud abar abdīh ud wuzurg_kirbagīh āškārag_warzīdārīh ud škeftīh ud garān_wināhīh ahlomōγīh
ud ēn =iz kū ka pad ahlomōγīh kas gumānīg ast pad rōšngarīh az yazadān kadām yazad andar kadār yazadān ō ayārīh xwāyišn
abar ēn kū kadār az nārīgān az xwāstag šōy dastwar šōy tis bē dād pad čē paymānag ud wizēn ō kē pādixšāy ud ō kē tā ka bē dād šōy pādixšāy abāz āwurd
abar ēd kū ka hāmīn bē rasēd zamestān ō kū dwārēd ud ka zamestān bē rasēd hāmīn bē_ō kū šawēd
u abar čandīh wōyγn andar ēk sadōzim bē sazīhēd ud drahnā ī sazišn wisp ī ō wōyγn paywast ēstēd ud čē andar hamdar
kū čand māh hāmīn čand hāmīn zamčīg dēnīg nām ī dwāzdah māh ud čim ī nām ī ēk_ēk ēn kū ēn dwāzdah māh ēk_ēk pad ēzišn wāspuhragānīhā kadām yazadān xwēš ud ēdōn =iz sīh rōz ī andar harw māh ud ēdōn =iz panǰ gāh andar harw kū ān panǰ rōz gāhānīg pad sāl sar hamāg yazadān xwēš ka ardā_fraward yašt bawēnd
ahlāyīh ast pahlom ābādīh
ratuštāytī mādayān dēnīg ud frēzwānīg ēwēn dād
čim ī sazāgīh ud sazāgtarīh pad rad_passāg sālār abārīg pad =iš xwadāy =iz bahr xwēšīh kū čiyōn bē wizārišn sazāgīh az asazāgīh ud sazāgtarīh az asazāgīh pad =iš kū pad radīh xwanirah abārīg kišwar ǰud_ǰud fradom kē bē ēstād az mazdēsnān
ud abar nimāyišn āgāhēnišn ī nišast_brahmag ī amahraspandān nērang ud abzār ī andar ēzišn ī yazadān gāh ud xwēškārīh ī zōtān rāspīgān andar ēzišn =ēw ud hamāg =iz xwēškārīh sālārān pad kār ī =šān ǰud_ǰud ō bun
ud mehīh ī wizīdār_dahišnīh ud nazdīkīh ī ohrmazd ō menišn gōwišn kunišn ox ī astōmand
ābādīh ahlāyīh pahlom ast
brih mādayān abar zōr_rāyēnišnīh rāstīh rādīh ī āsn_srūd_xrad was hunarān
ud ān =iz ī drōzanīh ud penīh ud adānīh dušāgāhīh ud was āhōgān ī hunarān hamēstār brādarōd
ud ān ī wahman ud spandarmad ud srōš ud ahlišwang was yazadān ud ān ī akōman waran xešm xwahl ud was dēwān ān ī āfrīn ud nifrīn huyāzagīh ud dušyāzagīh ī hunērangīh ud dušnērangīh ud husaxwanīh ud dušsaxwanīh čē andar ham dar
ud ān ī baxt ud gōhr ud kamag ud dēn ud xōg frahang ud xwēškārīh ud tuxšāgīh čē andar ham dar ud andar ān ī xwadāyīh ud rāyēnīdārīh ud dastwarīh x x x ud mayānǰīgīh
ud ān ī hamīh ud āštīh ud mihrdārīh čē andar ham dar
ud ān ī dād ēwēn kirbag wināh ud husrawīh ud dusrawīh ahlawīh ud druwandīh čē andar ham dar
ud ān ī šarm ud ud škōy ud sahm ud srōšīgīh čē andar ham dar
ān ī paywand ī pad xwēšīh ēr_menišnīh wālanīh ud dēn ud čē andar ham dar
ud ān ī sāzišnīgīh ud asāzišnīgīh ud dōst ud dušmenīh ud čē andar ham dar
ud ān ī hučihrīh ud duščihrīh ud ǰuwānīh ud zarmānīh ud tuwānīgīh ud škōhīh ud farroxīh ud dušfargīh čē andar ham dar
ud ān ī ōz ī dēn_tōhmagān srādagān tisān čē andar ham dar
ud ān ī frazānagīh ud frašn_wizārīh ud purr_nēkīh ud čē andar ham dar
ud ān ī sūy ud tišn u =š darmānīh čē andar ham dar
ud ān ī frasāwandīh margīh ud sazišnīgīh ud čē andar ham dar
ān hammisīh tis_rōnīh ī pēšīh ud pasīh ud čē andar ham dar
ud ān ī padīrišnīgīh apadīrišnīgīh ud rāmēnīdārīh ud bēšāzēnīdārīh ud čē andar ham dar
ud ān ī tagīgīh uzwānīgīh ud hanǰamanīgīh ud čē andar ham dar
ud ān ī ōš menišn ān ī tan ruwān ān ī wahišt dušox tan ī pasēn čē andar ham dar
ud ān ī harwisp_āgāhīh ī dādār ohrmazd hamāg_wehīh ī amahraspandān xwarrah ī mard ahlaw čē andar ham dar
ud anī was dādār ārāstārīh saxwan_rāyēnīdārīhā ud xwadāyīh_winnārdārīhā ud tan_dāštārīhā ud ruwān_bōxtārīhā saxwad passazag ō ān ī gōwēd kū arešuxt_gōwišnīh brih kaškaysraw ud wištāsp_sāst
ābādīh ahlāyīh ast pahlom
kaškaysraw mādayān abar nigēz ī yazadān yazišn nērang pad čē waštan ī ō dēw_ēzagīh pādyābīh ud apādyābīh āgāhīh
wirāyīh ud pahrēz ī yaštān daxšāg ud nišān ī abar_rēzišnīh ud anāgīh ī az dēwān ō zamānag ud wihan =išān ānābišn frazām_pērōzīh ī yazadān
ēg abzāyēnāg srūd hammōg ī ohrmazd ō zarduxšt xwānīhēd mēnōyān sāst
ābādīh pahlom ahlāyīh ast
wištāsp_sāst abar āmōg ī ō kay wištāsp mādayān ān ī ō xwadāyīh xēm ud čihr ud barišn ud dānišn frahang ud dād_rāyēnīdārīh dāmān kāmag_rawišnīh ī yazadān pad =iš abāyišnīg
ud abar frēstīd dādār ohrmazd amahraspandān ō kay wištāsp pad gugāyīh ī abar ohrmazd aštagīh spitāmān zarduxšt abēzag wehīh ī dēn mazdēsn framān ī dehbed wištāsp pad pērōzīh pad padīruftan ī dēn az zarduxšt
ud wēnābdāg madan ī amahraspandān ō dar ud did ō mān handēmānīh wištāsp u =š yyy paristagān wizārdan ī ō wištāsp ohrmazd paygām padīriftan ī rāmīhā wištāsp dēn mazdēsn
sārēnīdan ī xešm dēw arzāsp ī xyōn ō kōšišn ī wištāsp petyārēnīdārīh ī zardušt ārāyišn rawišn ī wištāsp šāh ō ān kōšišn čē andar ham dar
ābādīh pahlom ast ahlāyīh
waštī abestāg zand pad dastwar ō amāh nē paywast ābādīh ast pahlom ahlāyīh
čihrdād mādayān abar tōhmag mardōmān čiyōn brēhēnīdan ī ohrmazd gayōmard fradom mard ō paydāgīhist ī kirbīh ud čē ēwēnag būd ī fradom ǰuxtag mašī ud mašiyānī
ud abar zahag paywand ī awēšān tā purr_rawišnīh mardōm andar mayānag ī xwanirah ī kišwar ud baxšišn az =išān pad 6 kišwar ī pērāmōn xwanirah
tōhmag tōhmag ī nāmčištīg ōšmurēd pad aštag āwarišnīg framān ī dādār ō ǰud_ǰud tōhmag ī =š ō gyāg kū šud framūd handāxtan zīyišn ud xwarrah az ānōh baxt ēstād
u =šān wihēz ī ō kišwar kišwar ud ān =iz ī ō kustagīhā xwanirah ud ān ī =šān pad mayānag gyāg mānišn grift xīr wizārdagīh ēwēnag ēk_ēk srādag ī mardōmān ī andar bun tōhmag dād ēstād
bun nihišn ī dād ēwēnag ān ī yyy pad warzīdārīh parwardārīh gēnān abar yyy pēš_dād ān ī dehbedīh pad pānagīh ud rāyēnīdārīh dām
abar hōšang ī pēš_dād tōhmag sraw ī hōšang ī fradom ud tahmōraf ī didīgar u =š haft_kišwar xwadāy ud tōhmag sraw_ōšmurišnīh az bun_dahišn tā =iz ǰam
ud ān ī ǰam sidīgar haft_kišwar xwadāy tōhmag sraw āgāhīh x ī =š zamānag sazišn zamānag ī az bun_dahišn tā xwadāyīh ǰam frazām
ud ān ī haft_kišwar xwadāyīh dušxwadāy dahāg sraw paywand ī =š abāz ō tāz ī hōšang brād ud tāzīgān pid ud āgāhīh ōy u =š zamānag sazišn ī zamānag ī az huxwadāyīh ǰam frazān tā dušxwadāyīh frazān ī dahāg paywand ī az ǰam tā frēdōn
ān ī xwanirah xwadāy frēdōn sraw pad wānīdan ī dahāg zadan ī māzandarān deh ud baxtan ī xwanirah pad salm ud tōz ēriǰ ī =š se pus paywast ī =šān pad duxt ī pādsraw ī tāzīgān šāh ud tāz paywand ud paywand ud sraw ī awēšān ǰud_ǰud
ān ī mānuščihr ī ērān xwadāyīh ud ēriǰ nāf
ān ī tōzōmand frāsiyāb ī tūrān dehbed ud tūmāsp uzaw ī ērān dehbed
mānuščihr nāf kay kawād ī kayān niyāg ērān xwadāy ud tōzōmand xwadāy kirsāsp
ud kay us ī kawād pad haft_kišwar xwadāy ud yyy
ud kay husrōy ī siyāwaxš pus xwanirah xwadāy
ud was mādayān tōhmag nāmčištīg sraw ī ērān tūrān salmān tā =iz xwadāy kay luhrāsp ud dehbed kay wištāsp
dēn mazdēsn waxšwar spitāmān zarduxšt ud sazišn ī zamānag ī az fradom xwadāyīh frēdōn tā āmad ī zarduxšt ō ham_pursagīh
ud was tōhmag ud sraw ī az ān frāz andar ham nask būd ōšmurd ēstēd u =š ō būd guharīhist čiyōn sāsānīyān ī =šān pad huāfrīdān ōšmurēd u =šān xwadāyīh
ud andar mānuščihr nōdar yōyšt friyān x ī spand_šēdān tōhmag auuarəϑrabā̊ pid ī ādurbād ī māraspandān ud astīh ēg =iz pad bawēdīh ēstēd
abar =iz hunar xwarrah was čiyōnīh xwadāyīh =iz ī frašegird rawišnīg ō tōhmagān baxt ud yyy =iz ī ō x tōhmag rēzīhēd yyy tā frašegird abrīd
abar bun_dānišn ī pēšag ud kirrōgīh ud xwēškārīh ī āwām was āgāhīh mardōm pad spōxtan ī wizend ī az petyārag rārišn ī tan bōzišn ī ruwān rāyēnīdārīh gēhān abāyišnīg pēš =iz az madan ī zarduxšt pad dādār framān az yazadān wāxš_burdārīh ud nigēz ō pēšōbāyān ī zamānag zamānag madan čē andar ham_darīhā
pahlom ahlāyīh ābādīh ast
spand mādayān abar bawišn hambawišnīh zarduxšt stī frawahr ud xwarrah čiyōn āfrīdagīh ī ēk_ēk pad mēnōy ud čē ēwēnag dād ī ō gētī čiyōn paywastan ī ō zāyēnīdārān madan ī zāyēnīdārān āgenēn hambawišnīhistan ī andar mādar ud zāyišn ī az mād čē hamdar
ud abar =iz rasišn ī harw dō mēnōy ān ī weh pad waxšēnīdan ud ān wattar pad murnǰēnīdan pērōzgarīh ān ī weh mēnōy ud parwarišn ī zarduxšt
ud rasišn ī ō purnāyīh pad _sālag ō ham_pursagīh ohrmazd ud būdan ī haft ham_pursagīh andar dah sāl
was abdīh ī az =iš pad =iš paydāgīhist čiyōn ast ī hampaywast wizīdag ud az dēnkard nibēg nišānēnīd
haft brīn čiyōn spand xwānīhēd haft frašn harw ǰār =ēw frašn =ēw baxšišn ī abārīg naskīhā pad ēn haft frašn pad frāz_gōwišnīh ī andar ēk_ēk ēk gyāg ī ham_pursagīh
abar frašn frašn hangām ī nišāstan xāstan ī arw ǰār ud ēwēnag ī nišast ī amahraspandān frāz madan ī zarduxšt ō ān handēmānīh ud gāh ī =š ān gyāg čē ān ī aw =iš guft ud čē ān ī aw =iš nimūd
ud frāz burdan ī abar zarduxšt xrad ī harwisp_āgāhīh ud dīd ī zarduxšt pad ān xrad būd bawēd hamē
čandīh ī drang ī pad =iš būd ī ān xrad čē ān ī =š pas andar bē mānd abāz uzwārd čiyōn az =iš abardom pahlom ī gyāgān wahišt ud gāh mizd ahlawān pāyag pāyag čiyōn yazadān arzānīgīh ī pad kirbag_warzīdārīh ud nigūntom ud wattom ī gyāgān dušox gyāg pādufrāh druwandān čiyōn =išān wināh ud mayānag ī dō hamēstagān gyāg ī hāwandān ī kirbag ud wināh ud činwad_puhl kē pad =iš amar ī pad kirbag wināh ud tan ī pasēn kē pad =iš passāzišn ī harw ahlaw ud druwand ud bōxtišn ī wisp dahišnān az hamāg anāgīh bawēd
anī =z was tis ī abd ud saxwan ī ēd haft frašn hangirdīg =ēw ī az harw ēwēnag dānišn āgāhīh
abar =iz paywastan ī zarduxšt āgāhīh ī dēn mazdēsn ō gēhān hāxtan ī =š ī mardōm ō dēn āwāmān ī pas az zarduxšt tā frašegird
abar čiyōnīh ī rāyēnišn ī zamānag mardōm brīn sadōzim ud hazangrōzim ud gēhān abdīh ud škeftīh ī abar frazām ī harw hazangrōzim andar gēhān andar gēhān paydāgīhēd
pad =iz zāyišn rasišn ī ušēdar ī zarduxšt pus pad frazām ī fradom hazangrōzim ud sraw ī ōy u =š zamānag was wišuftārān ī ārāstārān ī zamānag ī mayānag hazangrōzim ī zarduxštān ud madan ī ušēdar
ud rasišn ī ušēdarmāh zarduxšt pus pad frazām ī didīgar hazangrōzim ī āgāhīh ī ōy u =š zamānag ud wišuftārān ārāstārān ī andarg hazangrōzim ušēdarān
madan ī ud rasišn ī sōšyans ī zarduxšt pus pad frazām ī sidīgar hazangrōzim wišuftārān ārāstārān ī andarg hazangrōzim ušēdarmāhān rasišn ī sōšyans āgāhīh ī sōšyans u =š zamānag
pad =iz frašegird tan ī pasēn andar ān ī ōy zamānag bawēd paydāg
pahlom ābadīh ahlāyīh
bayān_yasn mādayān fradom abar ohrmazd yasn bayān abardom ud did abarīg apaydāg ud paydāg gētīyān =iz yazadān yasn kē yazadān rōzān frāz ham ōz xwarrah amāwandīh ud pērōzgarīh abdīh
awēšān anī =z was yazadān ī andar ān ī awēšān yasn guft_nām hēnd u =šān pahrēz niyāyišn
ud arzānīgīh āyaft dādārīh ī ō yaštārān xwēškārīh ī =šān ǰud_ǰud was ōšmurišn ī andar yazadān
xwēškārīh ī dānišn āgāhīh ī hēnd ī abar xīrān rāyēnišnān ī āwām kē dādār ohrmazd awēšān abar gumārd ud xwēškārēnīd ēstēnd pahlom ābādīh ahlāyīh ast
dād bun nigādom sīh pargard
brīnag pahikār_radestān abar ēn kū ǰud =iz az mēnōy rasišnīg seǰ ud xīndagīh ī az ēbgad ō mardōm ud gōspand mardōm =iz pad wināhgārīh gastag bawēnd rawāgīh seǰ ud xīndagīh andar gēhān az adādestānīhā zanišn ī ēk abar did
ud andarz ī ō mardōm abar pahrēz ī az =iš ud dādestānīg zanišn handāzišn abāz ō kem_zanišnīh ud azanišnīh
ud padīrag =iz apahikār_radīhā ēstādan pad arešagīh ud aziyānīh ī xwēš az =iz yyy zanišn ī abar =iz apahikār_rad bē pahrēxtan
hamāg pahikār_radīh kē ka ēk ī ast dādestānōmandīhā ēstād u =š stī saxwan ī dō ī hēnd gōwišnīg ud nimāyišnīg ī pad ǰud_brahm_nihišnīh bawēnd čahār ēwēnag gōwišnīg nimāyišnīg gōwišnīg ī nē nimāyišnīg nimāyišnīg nē gōwišnīg nē gōwišnīg nē =iz nimāyišnīg
andar ud sāmān ī gōwišnīg baxt čahār ēwēnag pahikārišn ī ǰud_sāmān ǰud_ēwāz ī ast ō apahikār_radīh ō rad ī xwēš ō ahū weh mard čiyōn az =iš se abāyišnīg hēnd ō =iz yyy gugāyīh
ud andar ān ī nimāyišnīg baxt šaš ēwēnag ud ō pahikār_rad ēwāz čiyōn hammis ēwēnagān andar hamdar bawēnd dwāzdah
ud hamāg apahikār_radīh kē ka ēk ast adādestānīhā abar raftan u =š ēwēnagān panǰ ī hēnd andar nimūd ud kanišn zaxm ud rēš kirdan ōzad
ud pahikār_rad hēnd dwāzdah ēwēnag baxt ēstēnd pad čahār brīnag ī se_ānag
brīnag =ēw hēnd āšnawāg ī wēnāg ēd ī pahikārišn ī aw =iš gōwišnīg nē nimāyišnīg ud wēnāg ī nē āšnawāg ēd ī pahikārišn ī aw =iš nimāyišnīg nē gōwišnīg
ud ēn se ī andar ēk brīnag pahikār_radīh abāg =išān ast ud pahikār_rad bē agar bīm pad tan ēwar ēnyā abēpahikārišn ī čiyōn guft ēstēd pad rēš abāz dāštan nē pāduxšāy ud wizīr ī pad =iš ēn kū ka pad dādīg pahikārišn nē wardēnd ud abērēšīhā abāz dāštan nē šāyēnd pad =iz rēš abāz pāduxšāy dāštan
brīnag =ēw anāšnawāg ī awēnāg =iz ud zan ud aburnāyīg ud ēn se ī andar ēk brīnag pahikār_radīh abāg =išān nēst ud wizīr ī tan pad =iš ēn kū bē agar =iš az bē waštan bīm ī pad tan ēwar ēnyā bē wardišn
brīnag =ēw anēr ud margarzān ēwar az dādwarān pad ōzad wizīr pad =iš kirdan rāhdār ka andar rāh ōzanēd u =š zanišn paydāgēnīd ēstēd kird nē šāyēd
ud ēn =iz se ī andar ēk brīnag pahikār_radīh abāg nēst bē ud wizīr ī pad =iš ēn =iz kū ka =š gyān bē ōzanišn hēnd pad =iš kirbag hēnd
brīnag =ēw ēd ī abēgāh raftan abar madan pad škastag gyāg burdēnēd brāh ka =šān pad gōwišnīh pursēnd passox nē kirdan nē pad anērīh warōmand hēnd
ēn =iz se ī andar ēk brīnag pahikār_radīh abāg nēst ud wizīr pad =iš ēn kū ka =šān bē ōzanēd pad =iš wināhgār nē bawēd
čē andar hamdar andar āwarēd was dādestān ēn =iz kū abāz_zaxm ān ī zaxm ud rēš bawēd ōwōn kunišn ka pad harw tis ī rāst abāz kirdan šāyēd
didīgar brīnag zaxmestān mādayān abar zaxm wināhišn az zaxm čiyōn dard ud xōn ud abōyīh wināh ī mard andar abōyīh =ēw kunēd
ud abar haft ēwēnag ī daxšag abōyīh ud ǰud_wizīrīh ī abar zaxm ī purnāyān andar ān ī aburnāyīgān kunēnd ud andar =iz zaxm kē dard ud xōn ōh rawēd ud andar ān kē xešm xōg_drahnā dard xōn nišīnēd
ud abar xwāyišn hudahišn čiyōn ān ī pad mādagwarīh gōwēd čahār ēwēnag ka penīhīh yyy yyy ud ka yyy yyy yyy ka penīhīh penīhīh yyy ka yyy yyy yyy yyy ud anī se ēwēnag ī az ēn dō pad āgenēn ham_pursagīh zāyēd ka penīhīh ud yyy ud penīhīh ud yyy yyy ud ka penīhīh ud yyy yyy penīhīh ud ka penīhīh yyy yyy yyy ī bawēnd hammis haft ēwēnag anī =z čand abāz ō ēn handāzīhēd
ud abar =iz kastār dahm ud dahm kastār yyy čē andar hamdar
abar sneh gīrišnīg ud sneh apparēd ēd kū čē ān tis ī pad sneh uspurrīg čē ān ī nē ud čē ān ī pad sneh mehmān ud čē ān ī ka kas pad sneh abāz ō kas kunēd ā =š xwad tis appārag/āzārag ud čē ān ī =š guharīg appār ud čē ī =š dādag ān xwāstag tōzišn ud ǰudīh ī wizīr ī abar mard dō sneh barēnd az sneh dō bē burdan
ud abar šaš ēwēnag ardīg_tazišnīh pad zaxm yyy mihōsāst ud adwadād gōwišn ī ǰādūg_gōwišnīhā ud gōwišn ī sahm_nimāyišnīhā ud kū ardīg_tazišnīh ēg bawēd ka pad andar ēstādan bē ēstād ud zaxm kird ēk az ōy ī did nē pēš
ud ēn =iz kū purnāy abāg purnāy zan ī yyy abāg zan ī yyy ud zan ī ābestan abāg zan ī ābestan ud aburnāyīg ī haft_sālag abāg aburnāyīg ī haft_sālag ardīg_tazišnīh bawēd aburnāyīg ī haft_sālag rāy pad wēnišn ī pidarān pidarān ardīg_tazišnīh bawēd u =š ēd ēd kū harw wināh ardīg_tazišnīh kunīhēd tōzišn ō radān šawēd
abar āzārīh xwadāy pāk ī kas andar bandag abun būd ēstēd wēnēd ka bandag hamē xwāhēd war xwēšīh nē pahikārēd
abar wināh ī hamēmālān bē andar xwad =iz hamēmāl pad anī ēč kirbag nē tōzīhistan ī abar kuštan ī ud bandag abāg xwadāy =iz čē andar hamdar
abar kuštan ī haft_sālag aburnāyīg ī ahammōxt hašt_sālag =iz pad wēnišn ī pidarān wināhgārīh ī pidarān pad =iš ka =šān abāz dāštan tuwān abāz nē dārēnd ud ān ī ka =šān abāz dāštan nē tuwān
sidīgar brīnag rēšestān mādayān abar brīn ud darrīdan awiškābišn frāz_rūdag ud sumbišn ud xwahišn ud škennišn ud xwardag_kirdan ud tāšīdan ud hōšēnīdan čiyōn hamāg rēš xwānīhēd
wāhmān mārgen gird_rawišnīh ī abar_abgan kirb_abganišnīh ud xōn_tazišnīh az mardōmān tan
čiyōn hannām hannām baxt ēstēd ō haftād_šaš ī mādagwar ī parwastag andar dō ēwēnag mādayāntar xwānīhēd ay dō ī wastarg hēnd ī ēk az did ǰud_mādī ud az barišnīh ī az hašt ī mādagwar ī parwastag andar dō ēwēnag hannām ī andar ān haftād_šaš ī hamgōnag ēk az did ǰud_mādī ud ēk az did ǰud_čim ud ǰud_wizīrōmand
ēn =iz kū ka kas ō kas pad zad az stardīh ayāb stabrīh ayāb nizārīh ayāb syāyīh ayāb spēdīh ayāb gišnagīh ayāb bulandīh ayāb yyy ayāb frāy_xwarišnīh ayāb kem_xwarišnīh ayāb paymān_xwarišnīh ayāb aǰgahānīh ayāb tuxšāgīh ayāb yyy tēzīh dahēd ayāb saxwan kāmēd guftan u =š abāz zanēnd ayāb =iš gōwišn ud wēnišn ud āšnawišn ayāb xrad ud ōz šusr ud šīr ud ābusīh bē kāhēnēd ka gabr ayāb šīr ī mādagān abesīhēnēd ayāb andar gabr pus bē ōzanēd ka abar rēš rēš kunēd u =š yyy ud xōn rawēd
ud abar =iz zaxm ī pad ēk ayāb dō ayāb se sneh ayāb frāy pad ēw_kardagīh ayāb ō iϑrīh ayāb hiδīh ayāb apauuarāuuarštīh kunēd
ud abar paymān ī rēš ka gawrag frōd abganēd srāy ud dēwār ud pērāmōn ud ud kirb ī abgand ān xwurd kird ayāb awiškāft ayāb tāšīd ayāb rūd xōn yyy yyy yyy ud mang ud drahnā ud zahyā ud sōy ī sneh
ud drang ī rēš_rawišnīh ud dard_rawišnīh ud se_šabag sāl_drahnā abar_pāyišnīh ud xwārtarīh ud axwārtarīh ud spurrīgīh ud uspurrīgīh ud čē andar hamdar
xwurdīg ud āmārēnīdārīhā ud wizīr ī abar ǰud_ǰud
čahārom brīnag ī hamēmālestān dād =iz xwānīhēd mādayān abar hamēmālīh ī abar zōr hamēmālīh ī kas abar kas pad ǰādūgīh ud ahlawγenīh ud duzz ud appar bōdōzed ud kādōzed ī abar čand nāmčišt tis ud āgrift awōyrišt zaxm ud xwēhišn handird ud mihōsāst ud bastan ud dūn kirdan adwadād drō_gōwišn ī waštag_gōwišnīh ān ī dast_nimāyišnīhā ud mizd ī mizdwarān ud gyān tōzišn tis kāmēd wwwlīdan ud pašāxtan ī ēk ud mistan ī ō ātaxš āb čē andar hamdar
abar =iz sāmānēnīdan ī hamēmālīh ī pad =iš wināh ud tōzišn ī abar x xāg ayāb āduristar ayāb ārd ō čašm abārīg tan ī mardōmān knīn az ēn frāz tā sīh sar padisārīg gōwēd
abar wināh ī ō mardōmān hixr xwarēnīdan ō tan wastarg adādīhā burdan ud ō zan ī daštān ayāb ǰādug šudan
abar zan aburnāyīg ud anšahrīg ī az xānag ī weh_dēnān bē āyēd pad xūb hammōxt dāšt
abar mihōxt dušnām ī keh meh čē andar hamdar
abar pahrēz ī zan ī ābestan andar dādīg yyy yyy ud kār
abar mānbed kē =š ān ī xwēš yyy nē hammōxt ō ān ī anī yyy hammōzēd čē andar hamdar
abar ādehīg uzdehīg pad hāwand dādestānīgīh ud dādestānīh kē pēš bun kirdan
abar sazišn asazišn ī dādestān ī niwēyēnīdag ud čim ī harw dō
ud abar mard kē bīm ī abāz_zaxm rāy wirēzēd
ud abar =iz apatitīgīh ud frēzwān_spōzīh čē andar hamdar
ud ǰuttarīh wināh andar hērbedān az ān ī andar anī kas pad patitīgīh
abar sazišn ī tōzišn ud paymānag ī sazišn
abar_pad čē paymānag pādixšāyīh ī rad ī xwēš wināh ī anī kas andar hāwišt ī ōy =iz ān =iz ī hāwišt ī ōy ruwānīg kunēd hištan
ud abar dādwar tōzišn ī wināhgārān hištan ud čē andar hamdar
abar pāduxšāyīh pēšēmāl pad adādīh kirdan
ud abar pākīh ō anērān dād stadan ud čē andar hamdar
abar margarzān yyy kirdan ud hamayārīh pad margarzān ud čē andar hamdar
abar xwastūgīh pad tis ud sāmān ī xwastūgīh ud čē andar hamdar
abar kāmag_nimāyišnīh pad margarzān wināh
ud abar zanišn ī pad sneh ī uspurrīg ud anuspurrīg ka purnāyān aburnāyīgān aburnāyīgān ka hamayārīhā kunēd
abar rēšīdag ī nišāst dard az dārūg dard az dard abāz xāstan murd čē andar hamdar
ud abar pas az wizīr ī dādwarān graw az pasēmāl griftan
abar dādestān ī pad wināh ka atuwānīgīh pēšēmāl rāy sazišn hamē būd mard yyy yyy dastwarīh ī pēšēmāl rāyēnišn kunēd
abar ǰādag_gōw gumārdan sāmān ī ǰādag_gōwīh
abar zaxm ī pad hambun purr_tāg
ud abar āzād_zaxm ud sneh uzmūdan rāst abāz zadan ka rāst nē šāyēd ō kār_warzišnīh ayāb paššinǰīh ayāb pādufrāh wardēnīdan ud sān ī wardēnīdan ud čē andar hamdar
abar sāmān ī pādufrāh ī aburnāyīg pad wināh kunēd
abar yyy xwāstan sāmān ī yyy ud čē andar hamdar
ud abar nišān ī gōwišn_padīrišnīh kas andar bē_widerišnīh se abar tis bē dādān andarz pad =iš kirdan patitīgīh az wināh
ud abar hušnāxt kas pad hušnāsag hangām zanišn kirdan ud čē andar hamdar
ud abar sneh dādan anēr ī ō dādestānōmandīh kird ēstēd ōzad guftan čē andar hamdar
ud abar yyy ī pad mard ī ahlaw ōzad yyy kē abar kē bawēd ud ka ō ēk ayāb frāy parmāyīdan pad ayār ayāb pad pēšīh ud pasīh zanišn kirdan ud čē andar hamdar
ud abar sneh stadan guft kū mard ud pah ud wēnam pad =iš pad =iš zanam ud raft čē andar hamdar
ud abar xwāstan raft ī yyy guftan marzbān ī pad pay ī sāstārān čē andar hamdar
kū ka zīndag zanēd ud bēšēd ud zīndag zanēd murdag bēšēd ān ī murdag zanēd zīndag bēšēd murdag zanēd ud murdag bēšēd ud čē andar hamdar
abar dār ud gil ī akār ān ī ōh dārišn tā paymānag ī guft ēstēd pad =iš bē widerēd nē sōxtan ān =iz dār ī bē pad gawrīh zahyā ī pad esm rāy sōzišn paymānag ī gawr zahyā čē andar hamdar
abar wināh ī mard pad =iš az wizurdīh ō barsmō_warīh az barsmō_warīh ō garmōg_warīh ī zanišn_arzānīgīh dāšt ī pad nīrmad āzārīh =iz ī rasēd čē andar hamdar
ud abar frārōnīh ī bizeškān ud kirbag ī az xūb kirdan wināh az nē xūb kirdan čiyōnīh ī ast az dārūgan ud gōspandān =iz rāy bizešk xwāstan čē andar hamdar
abar asp ī nōg ō kōbag yyy kird čiyōn kird wināh ī az adādīhā ud apahrēzīhā kirdan rēš zyān az =iš bawēd čē andar hamdar
ud abar tan ēw_čand ka tis ī pad sneh uspurrīg ud anuspurrīg =iz ō awināhān wihēnd ud rēš bawēd ud sneh kadār kē wist nē paydāg uspurrīgīh ud anuspurrīgīh dānist nē šāyēd čē andar hamdar
ud abar abēyyn ō sneh spōxtan ēd kū =š čand ka =š pad zamīg ī saxt ayāb narm ayāb yyy spōzēd ka =š andar bālā ul barēd ud čandīh bālā ka =š pad sard =ēw abāz pahikāfēd ayāb =iš mayān pad bār ī sard ul kešēd ud čē andar hamdar
abar zaxm ud rēšistom bār ka ham čim dēn gīrēd pad gyāg tōzēd ud wizīr ī abar bār ī tasom
ud abar handird ī pad gyāg ī bīmōmand ud awidarg ud mayān xrafstarān ud čandīh ī xrafstar čē andar hamdar
abar gāw ayāb asp ī =š abar nišīnēd dumb griftan ud abāz dāštan čē andar hamdar
abar dast_nimāyišnīh ud ǰādūg_gōwišnīh čē andar hamdar
abar pēšēmālīh pad asprōn ayāb anumē ayāb stōr ayāb wīrō_mizd ayāb pēšēmāl ēk ayāb dō ayāb se ayāb čahār ayāb frāy hēnd pasēmāl čiyōn xwāstan ud zamān čand bawēd
abar ka hambasānīh pad duzz ud xwastūgīh pad appar ayāb hambasānīh pad appar xwastūgīh pad duzz ud ka hambasānīh pad bōdōzed xwastūgīh pad kādōzed ayāb hambasānīh pad kādōzed xwastūgīh pad bōdōzed ka hambasānīh pad duzz ud appar xwastūgīh pad bōdōzed ud kādōzed ayāb hambasānīh pad bōdōzed kādōzed xwastūgīh pad duzz appar ud ka hambasānīh abar ān_and ud xwastūgīh abar frāy ī ǰud_srādag
ud ka hambasānīh abar ān_and xwastūgīh abar kem ǰud_srādag ud ka hambasānīh ī abar ān_and xwastūgīh pad frāy ī hamsrādag bawēd čē andar hamdar
ud abar wināh ī anayārīh ī rad ō hāwišt čē andar hamdar
ud abar duzz ī kasān grift ō dādwarān nayēd čē andar hamdar
ēn =iz kū ka weh =ēw bēš abar mad ēstēd pad ān bēš bē burd harw kas ēdōn tuxšišn čiyōn ka =š ō xwad mad ēstē
ud ka weh =ēw pad kēn zad ēstēd harw kas pad tōzišn ōy rāy az zadār bē xwāst ēdōn tuxšišn čiyōn ka =š ō xwad mad ēstē
ud ēn =iz kū ka =š bīm nēst tuwān ī pad ayārīh kirdan ēdōn ayārīh awināhān pad xwāstag ī az =iš burd ēstē abāz āwurd nē kunēd pas az hāsr hāwand ōy ī burdār wināhgār tōzišnōmand bawēd
ud abar wizēn ī duzz ī ēr ud anēr pad sarm ud wastarg dād pad wēmārīh darmān burdan
ud abar anēr dast agraw nē anī čim bē pahrēz ī āb ud ātaxš rāy az xōn ayāb yyy bē pahrēzīdan
abar wināh ī ab_abāz_dārišnīh ī az dō kōšīdārān ōy ī pēš zadār hamčiyōn az =iš zadārīh wēnīhēd
abar hammōxtan ī patit āštīh ud band arzānīgīh ī ōy meh_ōz ka =iz pad patitīgīh ōy ī keh_ōz padist barēnd čē andar hamdar
abar čiyōn passox_gōwišnīh ābar dāštan ī ast az margarzān pad meh_dādestānīh ud čim ī dāštan ud čiyōn dāštan čē andar hamdar
ud abar čiyōn passox_gōwišnīh ka abar mard ī ahlaw pad kēn pursēnd ka dānēd kū ka =iz nē dānēd
ud abar čiyōn dād ī sneh ō ēwēnbedān marzbānān dast
ud abar dastwarīhā wist ī tigr ō margarzān ī pad ōzad abāz ō kas kē margarzān andar kird dād ēstēd yyy bawēd ō mayān ī grōh =ēw šawēd u =š awēšān ayārīh kunēnd ōh pādīrānēnēnd ka pad agōwišnīh ī mīrēd abāz nē abespārēnd
ud abar margarzān ī pad meh_dādestānīh dāštag ka =š pad anī margarzān pēš az ān gugāyīh ī abar dahēnd ī čē andar hamdar
abar gugāyīh ī pad ǰādūgīh ud ahlawγenīh kū pad čē paymānag ēwar ēwāz warōmand bawēd
abar dōšāram ī ō ǰādūgīh burdan yyy pad ǰādūgīh margarzān murnǰēnišn kirdan čē andar hamdar
panǰom brīnag wīst_čahār mādayān abar ul ēstādan ud bē raftan ī mard pad sneh ud kēn_menišnīh ō mard ud ka =iz stōr gīrēd ud zēnēnēd ud abar nišīnēd ēwām ō dast gīrēd ud rawēd ēn =iz kū ka bē ānōh rasēd ōy ayāb anī kas zanēd ud čē andar hamdar
ud abar čē kirdan ī ka dō mard ham_pursagīh ahlawγenīh ud rāhdārīh ud abāz_stāyišnīh ī az =iš čē andar hamdar
abar čē kirdan ī ka dō mard =ēw hamrāh hēnd ēk mard =ēw ī ahlaw bē zanēd ān ī did ka abēbīm ka bīmōmand
abar dāštan ī margarzān ka pad bizeškīh andar abāyēd ka pēšēmāl ǰud_dādestān bawēd čē andar hamdar
ud abar abēniyāzīh ī pēšēmālān pasēmālān az tan ī dādestān guftan ka gugāy ud dādwar mowbedān mowbed ud wābarīh ī wizīr ī mowbedān mowbed az xwēš dānišn gugāyīh kunēd ka =iz pad tan nē wizurdan awābarīh ī abārīg dādwar ka =iz pad tan wizurd niyāzōmandīh ī pēšēmālān pasēmālān ō tan ī dādestān guftan ka =iz dādwar az dādestān āgāh
ud abar hamwināh būd ī adādestān kōšīdārān ka ēk rēš =ēw yyštn ēk margarzān kunēd
ud abar pašn ī pad hamrāhīh az =iš bē waštan čē andar hamdar
ud abar tōzišnōmandīh ī pahikār_radān ayār apahikār_radān ō pahikār_radān ayār ī pahikār_radān atōzišnīh imēšān ō awēšān abar ham_pursagīh ī pad zaxm čē andar hamdar
abar atōzišnīh ī mardān ān ī ka kunīhēd wināh ud griftārīh nabānazdištān pad čē paymān pad =iš būd awināhīh_dāštan nē šāyēd frēzwānīg ud čiyōn bastan ud rawēnīd =iz ud darmān xwāstan kirdan čē andar hamdar
abar tuwānīgīh ī pad wināh xwārēnīd kū mādagwar arzānīgīh ī ud čim ī arzānīgīh ī ud atuwānīgīh kū mādagwar anarzānīgīh ud čim anarzānīgīh ī ud kirbag az may ō may_tuwānīgān wināh ī az may ō may_a_tuwānīgān dādan čē andar hamdar
ud abar pēšēmālīh ī sāmānēnīdan ud ō pasēmāl pahikārdan ud zamān ō gōw kirdan ka pasēmāl nē āyēd ayāb āyēd nē kār rāyēnīdan čand xwēšīh ī pēšēmāl ud pasēmāl zamān ī rāyēnišn andar frayar spōxt ud azišmānd ud ēraxtagīh pad =iš ud mādī andar dārišn ī pēšēmāl pādīrānēnīdan ud pašn ī andar dādestān_rāyēnišnīh zan ī pāduxšāyīhā dādag šōy pēšēmālīh kirdan ud šōy az pēšēmālīh āgāhēnīdan ka =š xwēšīh tis =iz tis andar ān xīr nē paydāg pad gugāyīh šāyistan čē andar hamdar
abar war ī wizurdān barsom_warān garmōg_warān pāk ī =šān ǰud_ǰud ērangīh ī =šān ēk_ēk ka war nē ān ī andar xwēš pāyag bē ān ī andar pāyag ī abārīg xwāhēnd ud čē andar hamdar
abar sāmān ī gugāyīh ī ud čim ī šāyistan rāy nē šāyistan ī kas =ēw pad gugāyīh čē andar hamdar
abar ast saxwan az war ud ō war_gāh šud čand pād ī pēš_madār pas_madār rāy zamān kird ī ud gōwišn xwēš ud ēraxtagīh ī pad =iš ud ēwēnagān ēraxtagīh ī ud čiyōn pahrēxtan ī ud hannāmān ī war pad =iš warzīd ēstēd ēk_ēk ud drang ī pahrēz abar pāyišnīh ī ō nigerīdan ī dazišn wizīr abar bōxt ēraxt
ēn =iz kū ō war_gāh fradom didīgar ud sidīgar ud čahārom ud panǰom ud šašom ud haftom haštom nohom ud dahom kē šawišn framān kē dahišn
ud abar xwēškārīh ī war_ōstīgān
abar ēraxtagīh pad xwastūgīh ayāb anī čim abāz āstawānīh az =iš čē andar hamdar
abar zēndān škastan wirēxtan ī duzz gumān ī abar kas pad duzz_hašāragīh az =iš čē andar hamdar
abar xwastūgān war nē būdan ēdōn =iz abar husrawān hamēmālīh ī pad ast ī sāmān husrawīh ān =iz ī ast abar paymānag ī yuǰyast tā dašmayt ud aswayt ud tačar ud hāsr kahist
abar pahikārišn ī pad xwāstagīg tis ka ēk dārišn gugāy =ēw abāg ēk nē dārišn abāg nē gugāy ayāb ēk dārišn abāg ēk gugāy =ēw ayāb ēk gugāy abāg =išān ēk =iz dārišn nē paydāg ka harw dō ādehīg ayāb harw dō uzdehīg hēnd ud čē ēwēnag xwēšīh ast_om gōwēnd
ud abar pādīrānānīdan ī dādwar wizīr ud zamān kird ī ō dādwar ī meh ud az =iz war ō ēwarīh ud čē andar hamdar
ud abar pahikārišn ī se kas pad xwāstag hāwand ohrmazd rōz ō wahman rōz ō ēk ardwahišt rōz ō ēk dād paydāg dārišn ēk =iz nē kird ēstēd
ud abar xwāstag ī nē xwēš frōxtan čē andar hamdar
abar hambasānīh pad tis ī nē šāyēd būd
ud abar pahikārišn ī mādī =ēw kas dārēd ud hamdādestān kū =m nē xwēš bē az anī kas dāram ud čē andar hamdar
abar pahikārišn ī ēr abāg anēr abāg anērān abāg ēr bandag abāg mard ī šahr pad xwāstagīg tis čē andar hamdar
ud abar čand ēwāz pēšēmālīg pasēmālān ō dādwarān abar wizīr xwāst ud abar waštag_saxwanīh gumēzag_gōwišnīh ī andar dādestān čē andar hamdar
abar zamān ī ō dastwar ī xwēšīh ud dārišn ud čē ēwēnag abāyišnīh ī dastwar ud čē andar hamdar
abar šāyistan ī zan pad gugāyīh ud dādwarīh ka abar tan ī xwēš sālār_pāduxšāyīh pad =iz dastwarīh šōy nē šāyistan ī anēr ud margarzān pad ēk =iz čē andar hamdar
abar graw_dār graw apēš bē nihādan čē andar hamdar
abar xwāstag ī hambāyān bē dādan čē andar hamdar
abar xwāstag ī kas dārēd u =š pad xwēšīh ud dārišn ēč gugāy abāg nēst
ud abar war ī yyy abar must_garzīh ī pēšēmālān pasēmālān pēš andar dādestān_rāyēnišnīh ēk ō did čē andar hamdar
abar dādestān ī pad mādī =ēw ī az kas duzzēnd ud az duzz yyy bawēd kas pad apēdagīh kunēd az =iz ōy duzzēnd bun xwēš wēnēd nē šnāsēd ud abāz zīndag ka =š abar hamēmāl bawēnd čē andar hamdar
abar xwāstag ī andar dārišn ī kas ka kas pad wēnišn ī ōy bē_ō anī kas dahēd nē pahikārēd
ud abar abāz ō dādestān nē šud hammōxtan ī rad ō hāwišt čē andar hamdar
abar hambasānīh ī abar kas pad nāmčištīg xwāstag ī pad ahlaw_dād čē andar hamdar
abar dādestān kē se bār war pad =iš warzēd ud aēša āyēd čē andar hamdar
ud abar čand ēwēnag būd ī gōwišn ī ǰādūg_gōwišnīhā ān ī dast nimāyišnīhā ud abar yyy pad ǰādūgīh pad paymānag pāduxšāy kirdan ī hambasānīh ī pad =iš
ud abar war ī pad margarzān kadām bawēd ud mehīh ud kehīh ī war ud ēn =iz kū az warīgān pad war kadām wābarīgān
abar paymānag ī esm ud az kadār urwar weh šāyistan ud anī =z čand abzār ud nērang ī andar war sāxtan abāyišnīg
ud ēn =iz kū ka mard rāstīh ī xwēš āgāh ka =iz āgāh ātaxš pad ān ī wīrān gōwišn gōwēd kū ō man abar ma raw čē tōzam aš andar šawišn
ud abar mayānǰīg ī abar dādestān ī pad duzz ud appar kird abar band ud drōš hištan pašn kirdan čē andar hamdar
ud abar xwāstag ī āsrōn kē =š xwāstag_dār nēst pad uzdehīgīh ayāb deh pad xwēškārīh bē šawēd ka bē widerēd ō kē čiyōn madan
abar pahikārišn pad xwāstag az abarmānd ī pidarān abar yyy ud čē andar hamdar
ud abar čandīh tōzišn ī band ud drōš ud pādufrāh ī asparon anumē ud stōr ī duzzīdag čē andar hamdar
ud abar pasēmāl kē se pēšēmāl harw se pad ēw_bār ēk pad asparon ēk anumē ēk pad stōr abar pahikārēnd passox ī kē pēš dād
ud abar pahikārišn ī se kas pad xwāstagīg tis ī pad aham ēstēd ud ōy kē =š nihād zōr_tan xwēšīh ī awēšān ēk =iz nē ēwar
ud abar madan ī tōzišn ō se kas kē az ēk asparon az ēk anumē =ēw ud az ēk stōr =ēw harw se pad ēw_bār duzzīd ēstēd
ud abar čim ī pāduxšāyīh ān =iz nē pāduxšāyīh mard ī šahr pad ganǰ ī xwēš bastan čē andar hamdar
abar paymānag ī pad āšnawišn dārišnīh ī pasēmāl ēd ī pēšēmāl abar zamānag kird ī ō gōw ud paymānag and
ud abar ēn kū ka kas abar kas hamēmālīh =ēw kird ēstēd pad zamān kird abāz šawēd pēš az passox dād hamēmālīh =ēw ī did abar ham mard be kunēd passox ī kadām pēš dahišn
abar čim ī ačārīh ī dādestān abar čē mard andar dādestān_rāyēnišnīh ī didīgar sidīgar ud tasom abdom gōwišn ud abar _ērangīh ī andar dādestān_rāyēnišnīh
ud abar pādīrānīh ī war ān =iz ī warzēd pad se gugāy ī wizurd
ud abar hangām ī war garm ud ān =iz ī sard čē andar hamdar
abar andar rāyēnišn =ēw ēk war xwāst ud ēk zamān ō mowbedān mowbed kird čē andar hamdar
abar wābarīgānīh ī mowbedān mowbed pad wizīr kirdan wardēnīdan ēn =iz kū pad čihr kadār wizīr ī kird wardēnīdan wābarīgān
ud abar gugāyīh ī abar āgrift ud awōyrišt zaxm ud rēš ud xwāstag ī yyy ud ahlaw_dād ud zyānag ud apēdag ud pād_mālišn ud aōgaŋhən ud wahāg frōxtan
abar pahikārišn ī abar zan ud gōspand ud urwar zamīg ud xwēšīh ud čē andar hamdar
abar ēwarīh gōwišn ī čand az xwēškārīh sālārān pad ān ī =šān xwēškārīh pad =iš mowbedān mowbed ayāb čahār gugāy pad harw dādestān
ud abar čand ēwēnag ēraxtagīh ī andar dādestān pad saxwan čē andar hamdar
abar ēwēnag ī ahlomōγān ō frēzwān yyy kirdan čē andar hamdar
abar kū frārōnīh ī menišn gōwišn kunišn mardōm hamāg az frārōnīh ī spennāg_mēnōy ud mardōm xwad ō xwēš kunēnd u =šān pad ān rāh mizd rasēd ud abārōnīh hamāg az abārōnīh gannāg_mēnōy mardōm xwad ō xwēš kunēnd u =šān pad ān rāh puhl rasēd
ud abar yyy ī az apatitīg_wināhīh kū pad fradom ud didīgar ud sidīgar ud čahārom panǰom arduš ī apatit čē āzārīhēd
ud abar kū kadār gōwišn ī andar nimāyišnīhā ud kadār āgrift ī afrōd_wardišn ī tanāpuhr bawēd wināh ī az ham wināh
ud abar kū kē wizurdan kē barsmō_war wizurd ī pahlom ud garmō_war ī nidom kadār
ud abar kird ī dō mard pad āgenēn xwāstag ud andar zamān āgenēn dādwar ud war pad =iš xwāst ud ka ēk =ēw zamān xwāstag pēš kunēd ud ēk dādwar ud war pēš xwāhēd ud čē andar hamdar
abar kas az dārišn ī kas pad wēnišn ī ham xwāstag kas burdan ud ōy kē =š pēš dāšt andar hāsr gugāy ī pad dārišn ayāb xwēšīh pēš dādwar ka =iz =iš andar hāsr gugāy nē mad ēstēd ud čē andar hamdar
ud abar kū dādwar wizīr az abestāg ud zand kunišn ayāb az hamdādestānīh ī wehān ud čē andar hamdar
ud abar pādixšāy frōxtan ī mard pah ud stōr ka =š āhōg nē paydāg pad anāhōgīh ud abar =iz daxšag ī =šān āhōgān
abar kū čand dādestān ī =š pad abar_pahikārdan ēk_gōwišnīh was
abar sāmān ī dādwar kirdan ud abarīh ī kirdag dādwar ud čē andar hamdar
abar sāmānīh twygarīh ud atwygarīh ī dādwarān
ud ēn =iz kū dādwarīh ō ōy āgāh_dād dahišn ud sāmān ī dād_āgāhīh
abar kū dād dādwar dādwarān pēšēmālīh pasēmālīh ud dādestān_tāšišnīh wizurdīh pad čē wināh ačār bawēd
ud ēn =iz kū =š dādwarīh ī abar ān_and mādī ī wizīr pad =iš drō kunēd ačār
abar yyy ī kē xwāstag kē dārišn ī kas pad xwad dast stanēd ka =š abar pahikārēnd xwēšīh gōwēd pad =iš ēraxtēd
ud abar panǰ ēwēnag ēraxtagīh ī pad xwāstag čē pad gyāg pad hāsr bawēd čē andar hamdar
abar ahamnihād ud ahamdār ud ahamapēšnihād abar pahikārdan ī pad ahamdār čē andar hamdār
ud ka kas xwāstag kas xwēš ō anī kas pad wēnišn ī ōy kē xwēš abespārēd x ud ōy kē bē stanēd pad xwēšīh abar pahikārēd ud čē andar hamdar
abar pahikārišn ī abām ī pidarān ka ēk az hambāyān xwastūg ud abārīg mad ēstēnd u =šān tuwān pahikārdan nē pahikārēnd
abar rawāgīh ī pahikārišn ī ēk az hambāyān abar hamāg abām ī pidarān
abar šāyistan ī margarzān aburnāyīg pad ǰādūg_gōwīh ka =šān sālār abāg ud zan ka tan ī xwēš sālār
ud abar kū mādī asparon nidom ud wīrō_mazaŋ abardom
ud abar duzzīh ud apparīh ī abar xwēš xwāstag ka abēpahikārišn az dārišn ī kas bē āwarēd
abar pērōzgarīh ōy ī drō_nigerāy az adādōmandīhā frāz raft rāyēnišn dādestānōmandīhā kunēd az ōy ī rāst_xwāh ud rāst_nigerāy ka dādestān_xwāh_kunīhā rāyēnēd
abar saxwan ī pahikārišn ī mard zan ī pāduxšāyīhā āwurd ēstēd
ud ēn =iz kū ka zyānag wēnēd ayāb drubuštīh az ān ī pad dō angust bē abgand šāyēd pāduxšāy ka pahikārišn nē kunēd bē stanēnd
ud abar duxt pad šōy bē dād widird pid kē pāduxšāy būd
abar wināh kanīg az šōy pādīrānēnīdan
abar wināh ī az xwāstag pad ēd kār ēwāz dād kū kār ǰud az čāšišnīh ud pad ēd čim ēwāz kirdan kū_tā =m zan dahānd ka =iz =iš ān rāy nē dahēnd
abar wināh kanīg pad kanīg ayāb anī tis zīndag ayāb guftan kū tō ō ān ī man xwah duxt abar rawē man =iz ō ān ī tō abar rawam
ud abar zan man =iz tan wināh ī az ān wināh
abar abāz rasīd ī xwāstag ī kanīg rāy bē dahēd ka kanīg pad zanīh ōy xwāstag nē dahēd
abar kanīg kē pas az _sālag pad šōy nē dād ēstēd u =š pid daštān_māh wizārdan xōn abar dāštan wināhgār šawēd gādār =ēw frāz gīrēd čē andar hamdar
abar dād ī xwarišn tis ī ǰud az zan ō kas kē x dēn ī mazdēsnān stāyēd ka =iz pad bīm ēn =iz kū kē u =š bē ka abāg dēn ī mazdēsnān ham_nāf bē būd ā =š pas dāsr dahišn ī wīr_masā zan
abar wināh ī adwadād kirdan ī ast az margarzānān
ud abar kār framūd ī ǰādūg tōzišn ī pad tanāpuhr ī ǰīw ǰīv kū =š kār čand ud andar čand sāl bē kunišn
ud abar rōz ud šab ī aγrī ud mayānag nidom kū ǰud_ǰud čand hāsr u =šān rasišn andar kadām radīh brīnag ī =šān ēk pad zamān
abar frasang ī aγrī ud mayānag nidom ud čē az baxšišn
ud abar kār wāsān ī stōr ī zyānag andar rōz_šabān
abar gōspand kē mardōm ōzanēd u =š xwadāy pad band abar nē kird ud awināh ayāb wināhgār ud čim ī wināhgārīh ud awināhīh ī pad =iš
abar zamān ī az ēwarīh ō warōmandīh ka =iz ō mowbedān mowbed ayāb se gugāy kunēd ud čand bawēd
abar hāwandīh ī gugāy kē gugāyīh nē dahēd abāg dādwar drō_wizīr
ud abar ačāragīh tis ō anarzānīgān dahīhēd ō radān
abar čē ēwēnag padīrift būd ī dāsr ī dahīhēd kū čiyōn ī ka =š dād ka xwāhēd ā =š abāz rasēd čiyōn pad čē paymānag ka nē xwāhēd ā =š sazišn nē bawēd čē andar hamdar
abar kū čand ēwēnag xwāstag ast ī mard pad ahlaw_dād bē dād pādixšāy
ud abar kū harw čē dād ōh bawēd ka =š dahēd ud čiyōn dād nē gōwēd ahlaw_dād bawēd
ud abar nē būd ī dād pad bīm az harw čē =š bīm
abar duzzīh ud apparīh ōy kē zan ud aburnāyīg kasān az bīm bōxtan ud parwardan nē pad xwēšīh dārēd
abar baxtan ī pādufrāh pad hannām ī wināh_gārān abar kadār hannām baxtan
ud abar wizārdan ī wināh kū tēztom
abar čandīh ī tōzišn ī zaxm ī abar margarzān ī pad meh_dādestānīh dāšt ēstēd kunīhēd
ud abar dād ī ohrmazd hamāg ābādīh ō x zarduxšt ud hāwištān ī zarduxšt duzz appar būd ī mard ast ka ābādīh ī =š mad ēstēd ō arzānīgān dād ud čē andar hamdar
abar čiyōn nihād ī uštānōmand pad aham ud ka pad awināhīh ud aham_dār bē mīrēd u =š rēš pad kār ud čē andar hamdār
ud abar sūd rāmišn ī mihrdārīh ud garānīh ud zyān bēš ī az mihrōdruǰīh pāyag pāyag čiyōn mihr dāšt ēstēd
ud abar garān_wināhīh ī anāštīh_xwāhīh ud spazgīh ud zyān ī az =iš rawēd passazag pazd ud pādufrāh ud pad =iš čē andar hamdar
abar graw dād marzānān ō anērān pašn xwāst
ud abar tis =iz nē x arzistan ī anēr arzōmand ud abzōnīg_arz būd ī ka pad nibāg bē ērān dahēnd ud frāy_arzīh ī tigr =ēw ka pad gyāg ī nibāg pad graw az anērān bē stanēnd čiyōn dāštan ī harw dō
ud abar garān_wināhīh ī mard nibāg az anērān abāz duzzīdan ka =š xwēš pus
abar wināhgārīh ī deh_sālār pad zyān ī andar deh az āfrāhīh ud dušframānīh ī ōy bawēd
abar duzz_hašārag pad mādī nibāg hāwand duzzān būdan čē ēwēnag ud pašn abāg duzzān kirdan pad meh_dādestānīh druxtan
abar duzz ī xwēš_daxšagōmandīh rāy ān ī =š duzzīd ō gardan kirdan ō dādwarān nīdan
abar awizurdīh ī duzzān pad tis =iz tis bē pad xwastūgīh abar xwēš wināh
abar ayārīh ī xwēšīh ī xwāst ī kas az pedān ka =š xwāstag duzzīd ayāb appurd ēstēd
abar garān_wināhīh ī čand ēwēnag druxtārīh ī ka zan ī pad hamdādestānīh bē dād padīrišn paydāgēnīd ō anī mard dahīhēd čē andar hamdar
abar nē pāduxšāyīh ī mard dānāgīh ī andar pahikār rāy pēš az ēwarīh az ōy ī adānāg xwāstag bē grift
abar ǰādag_gōwīh kirdan dādwar abārīg pedān sālārān tā =iz ō šāhān šāh ōy ī adānāg andar pahikār ka =š ǰādag_gōw nēst
abar čim ī sazāgīh mard pad xwadāyīh ud mehmānīh ohrmazd abar did_tan ī ōy ī xwadāy
abar nāmčištīg panǰ dādestān ī ēwar ēd čē pad ēwar dārišn abēwar tōzišn u =š bē kunišn
abar nigerāyīh pas az xwastūgīh
abar nkznd xwāstag kē =š dastwar ī dārišn ōh xwāyišn
ud abar sazišn nē būd ī dādestān ast atuwānīgīh rāy nē xwāhīhēd čandīh ī ēwēnag ān atuwānīgīh
abar zan ī asālār ka gādār =ēw gīrēd čē andar hamdar
abar saxwan_nāmag andar dādestān_rāyēnišnīh āwurdan čē andar hamdar
abar wināh ī samēnīdan ī kas az xwēš gāh ud ka ān sam rāy bē rawēd ud čandīh ī raftan ud wizend ī =š az ān bē abar rasīd
abāz abespārdan ī ān az dast ayāb dārišn apparīhēd kū čiyōn pad abespārd dārišn
ud abar paydāgīh dādestān ī keh az ān ī meh
ud abar frāy_wehīh āštīh gētīyīhā =iz pad zan ud frazend nāfān naftīyān =iz abar war ud xwāstag =iz pad =iš pahikārišn ī ast bē stadan
ud abar garān_wināhīh ī xwāstag ī pad nāmgenīh mēnōyān abesīhēnīdan
ud abar dādestān =ēw kē =š se ēwēnag dādestān abar se kas andar
abar dār =ēw ī ka bē duzzīd mādī sad nāy pāk nāy bē bawēd
ud abar wināh ī az pēš frawd_drahnā frāz mistan ud dārag čand angust ī kahist frāztom bazag bē xwardan
ud abar wināh ī šusr ō mādagān ī čahār_pedistān hištan
ud abar abāz dāštan ī ēk az kōšīdārān az zanišn čē andar hamdar
ud abar abāz_zaxm ī hašt ēwēnag zaxm ka ag_dēn abar hudēn kunēd ud čē andar hamdar
abar abāz_zaxm ī dušdēn ka wattar_dēn ōzad
abar nē hištan ī tis xwāstag andar dārišn ī margarzān
abar hāwandīh ī wināh_ayār abāg wināhgār ud čē andar ham_darīhā
ud abar pēšēmālīh ud pasēmālīh ud xānag xwāstag myazd wehān āzārīh ōy kas kē sālārīh ī ōy yazad stāyēd kē pad sālārīh nē šāyēd
abar wināhgārīh ī dādwar ka dādestān ī kas čiyōn ān bun kunēd
abar garān_wināhīh ī tan ēr ō anēr abespārdan čē andar hamdar
abar mehīh ī dāšn ī mard ahlaw az ān ī anī dāšn rašn ristag andar dāmān frāz guftan padīriftan rāy
ēn =iz kū ka ahlomōγ rasēnd pahikār kirdan abāyēd ka pad dast ayāb pāy ka =iz pad sar bīm az ān ī rāst guftan abāz nē ēstišn
ēn =iz kū dōšāram xwāstag ayāb hangrāyišn ī ō xwēšān rāy ān ī nē gōwēd bēšēd āb ud ātaxš u mard ī ahlaw ud haspēn =iz amahraspandān az gāh ahrāmēd
abar garān_wināhīh ī ahlawān hušk_ābdāg awiškaftag kirdan
abar dād ī gannāg_mēnōy wad_xwāhīh ud zūr_gugāyīh nakkīrāy ud drō_dādwarīh pad petyāragīh rašn ristag pad anī_dādestānīh sūd ī az rašn az awēšān zyān būdan kird nē šāyistan ī rašn gāh ī ānōh kū dādestān ī mustōmandān apādyāwandīh rāy nē dahēnd
ud abar apādyāwandīh ī rašn az pārag stadan rasēd ud šud ī pad garzišn ō ohrmazd ud čē andar hamdar
abar dādwar ī rāst ī hanǰamanīg pad hamēstārīh ī duzzān stahmagān ahlawγenān dād
ud abar madan šāyistān ī harw kas pad xwēškārīh ō ān ī pahlom azwān
abar mehīh ī rāst_dādwarīh az abārīg kirbakkarān wināhīh az drō_dādwarīh ud ka rāst az drō bē šnāxt ud wizīr bē nē kunēd
abar gāhān hadōxt ud dād xwastan ud warm kirdan andar dānistan ī pad =iš yyy wināh az nē dānistan čē az =iš rawēd
abar mehīh ī dād pad wizīrīh ud dādwarīh az abārīg srawān
abar haft ēwēnag xwāstag ī gōwēd kū anī xwāstag rāy pad graw grift nē pāduxšāy
abar dah ī ǰud saxwan ayār ī abar hamdar
abar ēn sraw baxtan anī =z čand ēwēnag dādestān ī bowandag ud andar ān =iz abar āyēd pad =iš andar āwarēd was dādestān ī andar ēk =iz čand ēwēnag gōwišn pahrēzēd nimāyišnīg āgāhenišnīg =iz baxt
pahlom ābādīh ast ahlāyīh
duzz_sar_nizad haštdah
haštdah fradom brīnag mādayān abar duzz ud abāg triftārīh ī =š pad mād ī duzz ān ī =š trift passazag wināh ud band ud drōš ud wizārišn ī wināh rāy baxtīg pādufrāh ud kār_warzišnīh ud yyy ud čandīh ī ǰud_ǰud andar āhōg_āhōg pāk_kadāmīh ud kār gyāg ī pādufrāh čē tan ud ēwēnag ī apāk čiyōn ān ī pad =iš apāk wizēhēd padsārīg kadām pēš kirdan kird
ud abar tan ī band hannām ī bandišn ud paymān ī tangīh ī band ud drōš nērang ī bastan ī wināh ī duzz
abar band ud band ī šahr hamēmālān xwēš arz ī ān ī guharīgōmand ud čē andar andar hamdar
ud čandīh ī gyāg ī drōš ud ǰud_ǰud ān ī kadām duzz dārēd
ud čand čiyōn pad čē_drōšišnīh duzz ylwč šahr hamēmālān xwēš arz ī ān ī guharīgōmand ud gyāg ī abāyēd drōšīh guharīg wināh ī az wēš ǰud_ēwēnag_drōšišnīh ud ān ī az hištan drōšišn ī šahr sāmān ī az wēš drōš_arzānīgān ud čandīh pāyag ī duzzīh az sāmān ī droš_arzānīgīh frāz ān =iz ī frōd az sāmān ī drōš_arzānīgīh
abar ēwēnagān ī duzzīh ud abzōnīg wināhīh ī duzz pad tan ǰūdan ud rēšīdan ud apaydāgēnīdan ī mād ī pad duzz ī pad hāsr ud ān ī pad ān gyāg ud ān ī pad ēk gām bawēd ud duzz abāg appar ud bōdōzed ud kādōzed anī =z wināh pad pēšīh ud pasīh hiδīh
abar duzz_menišnīh ī duzzīh ī nē ham ud hambahr duzzīh ud ǰud_bahr duzzīh ī
abar wināh ī duzz_hašārag ud nakkīrā_gar ud hištan ud bōxt wizīr ud asrūdār ī duzz ān ī ayārīh dādār ī duzz pad duzzīh ud wirēg wizīr ī abar duzzīh ī aburnāyīg ud zan ī starwan ān ī ābestan u =šān dārišn windišn ī andar tōzišnīg kār ud kār ī ābestan duzz
ud abar xwāstag ī hamdādag amaragān ī az duzzān abāz dārēnd ud duzz pad dast ān ī duzz nē pad dast
abar gugāyīh duzz kū pad čē padīrišnīg čē pad duzz frāz rasēd čiyōn ān ī ka griftan bastan ud čiyōn ān ī ka niwāxtan ud frēftan abāyēd tā_ō kāmgārīh pad =iš rasēd
ud abar ud pašn ī abāg duzzān
abar ǰuttarīh ī duzz az appar
abar xwāstag ī barēnd abāz ō xwēšān rasēnīdan čiyōn ān ī az anērān marzānān ud ān ī az duzzān dādwar ud bahr ī az astərəϑβąn az duzzān bē gīrēd
ud abar pānagān pāsbānān ī duzz ud anī =z was dādestānīh andar duzzīh
didīgar brīnag hamdādag
abar anāstirdagīh ī pid pad wināh ī purnāy pus ka =š pus pad hangām az wināh anāgāh kird ēstēd ān pus pad ān ī pid abārīg purnāy ēk pad did ka nē wināh_ayār bawēnd ud ān ī šōy pad wināh ud zan ud zan ka nē ka hamayār ud anabāzdār
ud abar gāh_rasišn ō aburnāyīgān hammōzišn az sālār pid ud ēwēnag ī =š hammōzišn gāh ī ō bun būd ī aburnāyīg wināh ud paymānag ī wināh ī aburnāyīhā ud tōzišn andar aburnāyīh ud ān =iz ī andar purnāyīh ud wināh az ahammōzišnīh ī aburnāyīg ī hammōzišn čē andar hamdar
abar nē ōzanišn ī murnǰēnišn az gēhān abāz dāštan ud čē ēwēnag ī baxšišnīh xwāstag ī mard ǰuwān_mard pas az ōzanišn
abar wināh ī dād ī abzār ī kušišn ō zan aburnāyīg anēr
abar zan kē andar dō mard margarzān ēk sar xwāhēd ēk pus_xwāyišnīh ī andar
abar artēštār ī atōšag kē pad rawišn abar wāstar ud ǰōrdā ud gōspand frāz rasēnd kē fšēy az =iš bēgānag ud čē andar hamdar
ud abar xwāstag asazāg dāštan ud wizīr ī pad =iš
abar čandīh drang ī dādwar pad āgāh kū pēšēmāl zūr_xwāh pasēmāl drō_xwastūg
abar čandīh drang ī dādwar ud pad dād_gāh ud čē andar hamdar
abar wizīr ī abar dādwar kē dādestān ī warōmand pad ēwarīh ān ēwar pad warōmand wizīr wizurd awizurd ud awizurd wizurd kunēd
ud abar dādestān pad ēwarīh ān ī pad warōmandīh ud wizīr kunišn čē andar hamdar
ud abar xwēškārīh gumārdag dādwarān az ān ī nidom ō ān ī abardom ēk azabar ēk
wizīr ī abar dādestān ān ī šahrīg dō āgenēn ān ī šahrīg abāg dādwar ud dō dādwar āgenēn čē andar hamdar
abar gōwišn ī wizīr ī abar yyy čē andar hamdar
ud abar paymānag ī zamān ī dādwarān pad wizīr ud ān ī ō dādwarān gugāyān xwāyišn ān ī sazišn
ud abar dādwar ī vaiiōzuš ān ī nē vaiiōzuš zamān ī az dādwar nē vaiiōzuš ō ān ī vaiiōzušt
ud abar čahār ēwēnag dādwar ud wizīr ī pad =iš ēk kē wizīr dānēd kirdan kunēd ud ēk kē dānēd nē kunēd
ud abar abarīh ī dādwar pad ān_and dādestān ī pad =iš drō_wizīr ud čiyōn ān ī ka pad hāsr ud čiyōn ān ī ka pad gyāg bawēd ān ī pad hāsr pad =iš abarg bawēd ka pēš az hāsr sar abāz ō rāstīh āyēd
ud abar abārīg ī az =iš paydāg drō_čāšišnīh ī dādwar tōzišn ī drō_čāšišnīh ud zūr_xwāyišnīh ud zūr_nakkīrāyīh ud zūr_gugāyīh mustōmand xwēš būd ī pad tis wizārišn ī ǰud andar mustōmand wizārdan pad ēč kirbag ānāft nē būd
ud abar ud abar yyy ī dādestān ō radān
abar dānāgīh nārīg ud aburnāyīg ī āgāh_dād pad dādwarīh abar az purnāy mard anāgāh_dād
ud abar ayārīh ī niyābagīh ī ō rad ō dranǰēnīdag dādestān xwēš hāwišt wināh az anayārīh čiyōn ān ī ka ayār niyāz mustōmand ayārōmand az anērān pāduxšāy xwāst az =iš čiyōn xwāyišn āwarišn anēr ō ayārōmandīh čē andar hamdar
abar brīnōmandīh ī rašn ahlaw
abar čand seīh andar dādestān abar dārišn nē bōzišnīh ī axwēš xwāstag wizīr abar_ō kē ān ī axwēš xwāstag pad dārišn dārēd
abar kunišn ī anhambasān ān ī hambasān hēnd
abar wizīr hanǰamanīg kunišnīh dādwar
abar wināh ī hamēmālān abar dādestān dādestān rāy kunēnd pad xwad dast kird nē pādixšāy kas =iz xwāstag kē pad =iš pahikār ka =iz =iš ēwarīh pad xwēšīh abāg
dwāzdah brīnag pasušhorwestān abar fšēy ī gōspandān pasušhorw wizēn ī ud fšēy pad pasušhorw pasušhorw abar fšēy šnāxtan ī =šān sazāgīh ēk abāg did čē andar hamdar
ud paymānag ī dārēd_dārīgīh bē būd ī pasušhorw pasušhorwīh pas az gumārd ī =š az fšēy
ud abar ǰāmag abzār yyy ī fšēy ō pasušhorw dahišn yyy ī mizd ī rōzīg ī pasušhorw ud pih ī sag pad zamestān pih =iz pēšēn ī ātaxš andar pah_ast abāyēd kirdan
abar ēwēnag ī wirāyišn ī dādīhā pah_ast ud gāh ī pasušhorw sag ātaxš ud yyy tōšag abzār pasušhorw andar pah_ast wināh ī az ka ēwēnag kirdan rawēd čē andar ham dar
abar tuxšāgīh ī pasušhorw ud abar sālārēnīdan gōspandān xuft pad šab andar pasīuuąn mustwārān sag pānag nē wastargōmand bālišnōmand ud xwaš and harw šab se bār pad hamāg ram madan ǰud az ān ī ka pattān =ēw ī bīmōmand ōšmārēd harw rōz bāmdād bē raftan ī pad weh_gōwišnīh andar gōspandān nigerīdan ān ī wēmār ud rišt ud rēzag āhōgōmand gōspand dādīhā darmānēnīdan sālārēnīdan wināh az sūdagīh čē abar hamdar
abar ān ī =š andar zāyišn ī gōspandān ham waččag rāy kunišn wināh ī ka nē ayāb ǰuttar kunēd
abar bē šnāxtan ī =š waččag kū kadām gōspand
abar šōn ud čār ī =š pad abāz dāštan ī duzz ud gurg az gōspandān bōxtan ī =šān gōspandān ka abr ud wād ud wārān ī škeft bawēd ud ka ō widarg ī rōdān yyy wiyābān gyāg ī dušpay padīrag wyyišn rasēd ud ka =š hamāg nē tuwān ān meh_arztar ayāb wēš_maragtar bōxtan
ud abar pād ī =š gōspand ī az wāstar kasān ud wināh tōzišn az nē pād pad xwardan zyānēnīdan ī gōspand ǰōrdā ud wāstar ī kasān
abar paymānag ī dāštan ī rāyēnīdan pasušhorw gōspandān az ǰōrdā wāstar ī kasān srādag srādag čiyōn ān ī ywltl xūg gōwēd hād čē ān az awēšān pahān paydāg wāstar xūg kē ān ī xwēš pah_dān frāz xwarēd ān =iz anī wināh ī kunēd čē zahag =iz pad zāyišn frāz frāz xwarēd
abar drang ī gōspandān pad garm sard gyāg yyy ī pasušhorw
abar gōspandān az ēk tā čahār_sālag daxšag
abar wis ī fšēy kū pasušhorw ka rasēd šnāsēd čiyōn ān ī ka pasušhorw gōspand frāz pahāzīd dārišn čiyōn ān ī ka =š ō wis ī pahrēz fšēy rāyēnišn
ud abar madan ī fšēy abar gōspand rāh ī az wis fšēy ōy ramag passazag
abar fšēy ka rōzīg ī pasušhorw abāz kunēd wāxš_rawišnīh ī pad =iš pas az tasom adwadād pādixšāy kuštan ī pasušhorw gōspand pih rāy
abar gōspand andar ram ačārīhā ō kušt rasēd bahr ī kuštār az =iš ān ī pasušhorw ān ī sag ud kardag mar ī ēk gōspand
abar paymānag ī rawišn u =šān bahr wāsān
abar wināh ī fšēy andar pasušhorw pad adādīh ī abar kār ud mizd tōzišn pasušhorw andar fšēy pad asazāgīhā dāštan gōspand sūdagīh pad kār u =š tōzišn ud ān ī pad =iš āzār_kārīh anarzānīgīh mizdīh bawēd ud dādestānīhā mayān fšēy pasušhorw
abar frahang ī fšēy ō pasušhorw pad adādīhā sālārēnīdan ī gōspand ka pasušhorw srūd_saxwan ān frahang pad saxwan ēwēn būd ud ka nē srūd_saxwan pad =iz zaxm sāmān ī ān frahangīg zaxm
abar xwēšīh ī pasušhorw az rōzgār zamānag ī daštān_māh wizārdan gāhānbār yaštan abārīg frēzwānīg kirbag
sīh_panǰ fradom brīnag stōrestān mādayān abar ruwānīg wināh ī az adādīhā zanišn ud rēš ī abar stōrān gōspandān tōzišn ud tāwān ī ō gōspand xwēš pad =iš ud ān ī ka stōr ān ī ka anumē pad gyān
ān ī ka =šān pad daxšag ān ī ka =šān pad pahlūg zanēd ān ī ka =šān pēšag ān ī ka =šān pahlūg ēdōn zad hamāg_zanišnīh bawēd
zanišn =iz abārīg awāhmān ān ī pēšag_zanišnīh ī ka zanišn ud ān ī ka ēdōn zanēd ī ō pahlūg_zanišnīh nē hamāg_zanišnīh
ud ān ī ka ēdōn zanēd ī ō pahlūg_zanišnīh hamāg_zanišn hāwand rasēd ud ān ī x x ka pōst ud ān ī ka gōšt az =iš bē abganēd ān ī ka =š brīn ān ī ka =š yyy ayāb yyy
ān abar =iz sag ī pasušhorw gung kirdan
abar murwān ō hamzanišnīh ud parr_rūnišnīh čiyōn ān ī ka hamāg_zanišnīh ud čiyōn ān ī ka nē hamāg_zanišnīh
ud adādīhā zanišn ī abar māhīgān ān ī ka =šān gōšt axwarišn kunēd
āmār ī andar nigerišnīg ud sūdagīhā zanišn ī sūdagīhā zanišn ī gōspandān abar čē_ēwēnagīhā dādestān ī ǰud_ǰud sūdagīhā zanišn ī pad nigerišnīg_zanišnīh dārišn was dādestān ī čē andar hamdar
abar tōzišn ī kird ud pōstīg ud tadag_wastargīh kas wināh ī az frōgīdan ī ātaxš pad =iš brištan ī gōšt ī duzzīdag ud appurdag
abar kirbag hamāg kū dānāg_kārīh ud nēk gyāg mizd wināh ī harw kū dušāgāh_kārīh ud wad gyāg puhl aw =iš paywastag abzāyēnāgēnīdan ān ī ahlaw pad dānāgīh ud kāhēnīdan ī ān ī druwand pad dušāgāhīh gēhān
didīgar brīnag arzestān mādayān abar arz ī uštānōmand ud ān =iz ī uzuštān xwāstag xwurdīg_xwarišnīh ǰud_ǰud abāyišnīgīh ī āgāhīh ī pad =iš
ō =iz wizīr ud dādwarīh nē yyy ī mard ahlaw ātaxš ī warahrān bōdōzed wizārišn arz
x sidīgar brīnag artēštārestān
mādayān abar zanišn_arzānīgīh gurg andar gurgān zanišntarīh ī ān ī dō_zang az ān ī čahār_zang
abar wizēn ī artēštārān rōzīg artēštārān stōr ud ǰāmag_abzār ud abyōhānagīh ī aw =išān dahišn wizēn ī asp zēn_abzār ēk_ēk
abar frahanǰēnīdan ī mard asp pēš az frēstīdan ī ō dušmenān zanišn
abar čār pahrēzišn_kārīh ī artēštār pad zanišn ī dušmenān kunēnd laškar ud razm kōšišn
ud abar wināh ī wis ud mān ī artēštārān andar rasišn ī kārēzār ud čē ān ī rēš ud zyān tōzišn čē ān ī pad =iš apayrāyag ud čē ān ī pad =iš margarzān
abar daxšag ī zēnāwandīh ud azēnāwandīh artēštārān
abar pāyag ī spāhbed abārīg pedān ī abar spāh pad rōzīg bahr ud āzarm u =šān azērag ud mar ī gund ēk_ēk az pedān
abar baxšišn ī gund ō pānagīh ī drafš ud bunag
ud abar marag ī gund ka šāhān šāh ō kārēzār šawēd
ud abar paymān ī rōzīg pih ī dō artēštār gōšt ud pēm ud nān nimāyēnišn čandānēnag ī artēštārān andar ān weh_xwarišnīh rāy az =iš u =š čim waxšišn ud tarāzēnišn yyy ud stōr ī bunagōgīh ud paristag abzār abar spāh
ud abar brīnag ī wašag ī stōr bizešk ud ganǰ zēnabzār abārīg ī abāyišnīg abāg laškar
ud abar xwardan ī artēštārān rōz ī kārēzār gōšt ud kadāmīh ī =šān xwardīg ēdōn =iz ān ī aspān xwarišn
abar xwāstag ī anērān bē āwarēnd ud ēd ī az =iš paydāg kū man čē gurg čē ayār
abar ud mihr ī dōšāram ī artēštārān āgenēn hamīh ī ayārīh ī ēk abāg did framān_burdār ī =šān andar spāh_sālār ud menišnīg abespārdan ī tan ō ōš ud dōšīd ī mēnōy mizd abēgumānīh pad tan ī pasēn
ud abar wizēn ī spāh_sālār abar spāh pad =iz āyišn dād šnāxtan ī =š spāh ǰud_ǰud pad hunar šāyendagīh ī =šān ast
abar handāzišn ī spāh nērōg abzār abāg ān ī dušmenān kū čiyōn ān ī ka kārēzār kunišn čiyōn ān ī ka pahrēzišn
abar ān ī artēštārān ka bīm az dūr drubuštīh pad nazdīkīh ayāb bīm nazdīk drubuštīh az dūr pad bōxtan hištan xwāstag tis kunišn
abar kū ka kārēzār abāyēd kirdan artēštār asp nē mad ēstēd az ramag =ēw aspān čand asp bē pāduxšāy grift
abar yyy pāsbān čē ēwēnag āgāhīhišnīh ī ō laškar ud spāh_sālār ēd az =iš paydāg kū dušmen murd weh ayāb wirēxt
abar nimāyišn ī ō dušmenān ī az =iš samīhēnd ud āhrīhēnd
abar pahikārišn ī spāh_sālār ō anērān pēš az kārēzār pad =iz paygāmbar ud xwāndan ī =šān ō šāhān šāh bandagīh ud dēn ī yazadān
pahikārišn abar andarz ō spāh ud paydāgēnīdan ī nāmčištīg kār ī andar kōšišn ēk_ēk bahr agarāīh niwēyēnīdan ī ō spāh pāddāšn ī kirdārān guftan āgāhēnīdan ī ō spāh čim ī margarzānīh zanišn arzānīgīh ī anērān framān ī yazadān abar zanišn ī awēšān ka ērīh nē padīrēnd ud mānāg wuzurg mizd pāddāšn ī abar zanišn ī awēšān az dēn paydāg ud dādestānīgīh ērān
ud abar nē guftan ī andar rōz ī kārēzār saxwan ī bēšīdārīh nē ēč āgāhīh kē spāh ud āhr dahēd andar spāh bē ān ī xwaš rāmenāg ī dil_dādārīhā ī nērōg_abzūdārīhā guftan
ud abar yazišn ī rōz ī kārēzār razm duškunišn ud urwar ī barsom ī ān yazišn ud abestāg andar kōšīdan ān ī fradom tigr andar wist nišān yaštan ī pad =iz zōhr_barišnīh āb ī ō kārēzār gyāg nazdtar ud padisār kōšišn kū fradom pad kadām zēn_abzār kōšišn ud padisārīg tā ān ī abdom
abar paymānag ī awēšān kē kōšīdārān rāy zay dārēnd az kōšīdārān pas az pērōzīh ī abar anērān graw ud wardag az anērān abāz stadan
abāz waštan ī az =išān pad čand paymānag ī dūrīh ī az =išān zēn_abzār xastagān ud wistagān darmān burdan ud zēn_abzār bē nihād garmābag kird ud tan āsānēnīdan ud kird_spāsān mizd dād
wināhgārān pazdēnīdan ud xastagān wistagān darmān burdan ud zēn_abzār abāz ō ganǰ abespārdan graw abāz ō xwēšān rasēnīdan bahr baxtan ud anī =z was ī andar hamdar
čahārom brīnag hamdādag
abar garmābag pad čē ēwēnag ud xānag ud gyāg ī pahrēz ī ātaxšīhā ud yyy ī ānōh barišn čē andar hamdar
ud abar zōr ī zamīg rāy āyēb kirdan ud ān ī ātaxš rāy andar ān dar kunišn
abar xwarišn abārīg kār ī pad ātaxš kunīhēd pahrēz ī ātaxš andar hamdar
abar ātaxš ī pad =iz rāh az frōgišn ud hixr ud nasā ud wizend ud zyān ī az =iš ud pahrēz pahrēz ī ātaxš az dād ī ō ag_dēn ud aburnāyīg paymānag ī ātaxš az ǰōy ud tōzišn ī frōgišn abārīg wināh ī pad =iš paymānag ī pih ud yyy ī ātaxš pad hamīn pad =iz zamestān
abar bē nišāstan ī āyēb kū čiyōn ī ka pad āb ud xāk ud čiyōn ān ī ka pad =iz hixr ī xwārtar ud čiyōn ān ī ka pad =iz hixr garā pāduxšāy
abar paymān ī pih ī mardōm ātaxš ud gōspand
abar_padīruftan ī mehmān stāyišn ī rādīh ud mehīh ī rādān ud nikōhišn ī penīh ud yyy ī penān
abar ǰāmagīhā ī andar mān ī mazdēsnān dāštan ēwēn tā =iz wand =ēw ī čahār_rōd ī pānagīh ud pahrēz ī =šān ǰud_ǰud mizd kirdārān ud ārāstārān ī ēk_ēk čē andar hamdar
ud abar āwarīd ī mazdēsnān kōy_bān xwēškārīh ī kōy_bān u =š čē andar hamdar
ud abar sāxtan ī zamestān rāy pad hāmīn ham_bār
abar wāstar ī ǰōrdā drūdan abestāg ī fradom drūnišnīh ud yašt ī dastag ī fradom pad šnūman ī ohrmazd ī xwadāy
ud abar hamīh ī hudēnān āgenēn pad =iz spōxtan ī niyāz ud hamīh ī abāg =iz ag_dēnān pad ān ī ō dēn nē wizāyišnīg čē andar hamdar
ud abar kār ī abar urwarān gōspandān bar fradom arzānīg_xwarišnīh did paymān_xwarišnīh ud pahrēz ī az frāybūd
ud abar xwēšīh ī wāspuhragānīg ān ī amaragānīg čē ēwēnag ān ī amaragānīg ō wāspuhragān xwēšīh madan čē andar hamdar
ud abar zēwarīh ī stōr gāw ud gōspand ud mardōmān =iz kū amaragānīhā ǰud_ǰud pad čand dād bawēd ud čē andar hamdar
ud anī =z was dādestān ud āgāhīh ī andar ham
pahlom ast ahlāyīh ābādīh
huspārom sīh brīnag
ēw hērbedestān mādayān abar kū ō hērbedestān kirdan kē šawišn čiyōn ān ka šud frēzwānīg ud čiyōn ān ka pad xwēš ēstēd čiyōn ān ka šud nē pādixšāy ud čiyōn ī abar hērbed paymānag ī āsrō ī pahlom ān ī mayānag ān ī nidom pad abar_ōšmurišnīh ī ahlawān xrad
ud abar āsrō ī frēstīdag ud rāhēn ǰāmag abzār ī aw =iš dahišn
abar ān ī hāwišt pad_tarsagāhīh andar hērbed ān ī pad padīriftan wāzag čāšīdan ō hāwišt kunišn andarz ī hērbed ō āsrōān dranǰēnīd sraw wisēyīh hangām
ud abar čē pad abāz_rasišnīh ī āsrō ō deh kē az =iš frēstīd deh sālār ud dehīgān āsrō rāy āsrō ō deh kē az =iš pad čāšišn hammōzišn ī andar deh kunišn
ud abar panǰ xēm ī āsrō rāy kadām ōšmurd ī āsrō fradom az srawān pad padisār tā ān abdom stāyišn ī yazad sraw čē andar hamdar
abar darīhā kē āsrō ī nihān_zāyišn xwāyišn pēšīh ud pasīh hamdar
abar puhl ī āsrō ī pad wināhgārīh ǰud_pargard
ud abar āsrō az hērbedestān kirdan rāy uzēnag az deh stadan pad kirdan sūdag bawēd
abar frāzīh ī āsrōān ēk az did pad dānišn abzār paymānag ī frāzīh kē pad =iš sazāgtarīh ī ēk x bawēd čē andar hamdar
brīnag =ēw nērangestān
mādayān abar nērang ī ēzišn ī yazadān ān ī frēzwānīg ō puhl šawēd abzōnīg kirbagīh az wēš_marīh ī rāspīgān andar ēzišn abestāg zōr rāspīg harw dō ōh gōwišn ān ī ēk ōh gōwišn ēk ōh niyōšišn
abar drōn čē andar hamdar
abar pahrēz ī az xwārišn ī māyēnišn andar ham hangām ī ēzišn
abar sāmān ī wāng pad abestāg_gōwišnīh ī andar ēzišn =ēw ud abestāg ī bišāmrūd ud srišwadag časrušāmrūd
abar ēzišn rāyēnišn ī ēzišn kē zōt ayāb rāspīg tanāpuhragān
abar zōtīh ī zan aburnāyīg
abar wizīr ī abar ōy kē az dēn mazdēsn abāz stāyīd bawēd
abar wināh ī ōy kē gāhānbār nē yazēd čiyōn ān ka =š yašt bawēd
abar sāmān ī panǰ gāh rōz ud šab ud ēzišn ham gāhīhā
abar ēwēnagān ī xwēšīh tis ō gāhānbār abārīg kirbag dād dastwarīhā
abar čandīh ī zōhr ī az ēk gōspand nigerišn handāzišn ī andar kirdan ī gōspand pad =iz dād pākīh az padwēšag ud abārīg āhōg awēmārīh ud anabzārīh ud aǰastagīh ī az xrafstar ud nērang ī kirdan ud wizēn ī abar kirdār ud sāxtār ud abar_burdār xwardār aw =iš dādār
ud čim ī kuštan čē andar hamdar
abar gāh ud kār ī zōt rāspīgān andar ēzišn
abar pahlom ēzišn dāšn ī mard ī ahlaw ī čāšīdār abāz pad windīdār xrad ī ahlawān būd čē andar ham_darīhā
abar šabīg ud kustīg kū az čē šāyēd čē andar hamdarīhā
ud abar barsom čīdan bastan andar hamdar
abar paymānag ī esm andar x ēzišn ēwēnag ī frāz barišn yyy ān ī ātaxš ī kadagīg ādarōg ī ātaxš warahrān
abar ēzišn ī andar meh ud ān ī andar mayānag ān ī andar keh tuwānīgīh ud wizīr ī abar atuwānīg
abar yaštan ī yazadān hamē pad yyy mad ēstēd abāz nē hištan pad ēč ēwēnag
abar kū mardōm wēnāgīhā ud awēnāgīhā =iz yazadān ēzēnd kū ān ī wēnāgīhā ud ān ī awēnāgīhā kadām andarz ī abar wēnāgīhā yaštan ī yazadān
abar pākīh ī yaštār tan wastarg āsnūdagīh ī =š menišn az wināh ud pādyābīh ī abzār ī yyy ud pākīh ī gyāg ī ēzišn dūrīh az ānōh pad paymānag ī paydāg rēmanīh ud gand čē andar hamdar
abar ēzišn ī ābān u =šān nām zōr ī bēšāzišnīh warzāwandīh ud adād_dārišn dādārīh ī ābān mēnōy ud čē andar hamdar
abar ēzišn ī kārān dādestān xūb_fragānīh ud xūb_frazāmīh rāy kunišn ud anī =z was ōšmurišn ī andar hamdar
ēzišn pad šāyēd nē šāyēd xūb nē xūb
abar zarduxštān huuōuuą wištāspān dūdag pad ōšmurišn ēzišn ī dēn u =šān čiyōnīh
brīnag =ēw guharīgestān
mādayān abar guharīg wābarīgānīh ud nē saxtag bē dādīg pašnīg =iz dēnīg ī wābarīgānīh nē ham_bārīg pad twd_karīh ī gēhān bē weh_zīyišnīh_xwāyišnīh pad frāxwēnīdārīh harw mardōm kirdan dastwarīhāīh ī abargānīh paymān ī sūd ī pad =iš
abar abargānīh aniuruzd abāg aniuruzd abāg wywlyh anuruzd abāg anuruzd abāg ud niuruzd ud niuruzd abāg niuruzd ud sāmān ī niuruzdīh ud aniuruzdīh kū abāg kē pad frāy_arz nē dastwarīhā abāg kē dastwarīhā abāg kē az bē pad frāy_arz nē dastwarīhā pad anāgīh frāy_arzīh rāy kū abāg kē čiyōn xūb abāg wināh plyyttk
abargānīh frāy =iz ast zīndag_gyānīh ud paymānag ī guharīg pad =iš bē bawēd
abar ōy kē xwāstagīh nē xwēš frōšēd ōy kē xrīnēd
abar frōxtan ī pah pāhrdmān ud apāhrdmān
abar pahrēz pahrēz ī tis tis nimūnag
abar stōr ud gōspand ud bandag paristār abārīg xwāstag kē srādag čiyōn =iš āgāh pad ǰud_srādag čiyōn =iš abar_gōwišnīh frōxtan wināh tōzišn ī čē andar hamdar
ān ī ka stōrān paydāg bawēd pad āhōg_frōšišnīh paydāg paymān ud ān ī hamē pad frōxtan āhōgōmand
abar kadag kē mardōm ud sag pad wēmārīh padwēšagōmand andar bē_widird wastarg ī mard az ān wēmārīh dāšt kū čiyōn ān ī ka se čiyōn ān ī ka dō čiyōn ān ī ēk sāl pad frōxtan āhōgōmand
abar kadag kē mardōm ud sag pad ān ī padwēšagōmand wēmārīh andar nišast nē widird pas az wihēzag ī az =iš wastarg ī mard andar ān wēmārīh dāšt kū čiyōn ān ka dō čiyōn ān ī ka ēk sāl čiyōn ān ī ka sīh šab pad frōxtan āhōgōmand čē andar hamdar
abar guharīg abāg anērān kirdan kū čiyōn ān ī ka pādixšāy
abar gōspand guharīg andar se_šabag pas az se_šabag kuštan anī =z was dādestān andar abargānīh ud gōspand guharīg
brīnag hamdādag
abar tis ī nē xwēš stadan ān ī ka nē menēd kū =š wēnēnd u =š wēnēnd ān ī ka menēd kū =š wēnēnd u =š nē wēnēnd ān ī ka menēd kū =š wēnēnd u =š wēnēnd
abar ahlaw_sāst dahišn kū čē čiyōn bawēd ān ī ka fšēy abāz xwāhēd
abar niyābagān_windagīh zūr_āfrāhīh ud druxt_padīrišnīh wināh
abar kār ud framān kē dahišn ī x rād ō kas kāhēnēd wardēd
abar sāmān ī wišād_dastīh zan ī pāduxšāy kē andar šōy tarsagāh az tis šōy nē mad ēstēd ud čiyōn ān ī ka šōy yyy čiyōn ān ī ka dādīhā ud čiyōn ān ī frōd az dādīhā xwāstag čiyōn ān ī aniuruzd xīr sāmān ī tarsagāhīh ud zan andar šōy ī čē andar hamdar
abar wāyēnīdan ī kanīg az pidarān sālārān kadag ō šōy wis kadag_bānūgīhā dāštan ī šōy zan ka =š tarsagāy šnāyēnīdār bawēd handarzēnīdan ī ka gōwēd kū tō zan ham zanīh ī tō nē kunam šōy ō zan pahikārišn ud puhl abar barišn
ud abar xōn ī pad zan ī šōyendag ud puhl ī abar ōy kē zan ī šōyendag ud ān ī anēr ud abārīg kē nē dastwarīhā gād gāyēd ud zan kē gād ō anērān dahēd šusr_gumēzišnīh abārīg wināh ī abar hamkār kunēd
abar zan az anērān xwāst kū čiyōn ān ī ka pādixšāy
abar ārāyišn zan pad pus_radīh hangām ō pēm ud pus_xwāyišnīh ī abāg šōy
abar wināh ī mard x rānēnīdan ī xwah duxt ī purnāy pus_radīh
abar se tis kē mardōm pad =iš wināhgār appār_xwēšīh bawēnd u =šān dārišn bē nē stānišn
abar kē dādīg tōzišn stahm_barišnīhā nē kunēd
abar ān ī mard andar zāyišn ī =š nārīg pad myazd dāšn ī ō ganǰ ī kirbag kunišn
čiyōn ān ī ka ān mard arad čiyōn ān ī ka hāwišt čiyōn ān ī ka zāyišn nar čiyōn ān ī ka mādag
ud sūd ud xūbīh ī az =iš ud dēnīg frāz_dahišnīh ī nām ō zāyišn narīhā mādagīhā kirbag ī az x dēnīg nām_nihišnīh ī abar zahag ī x ī az abāz_dahišnīh ī =š ān ī dēwāstān nām
abar nērang ud ēwēn ī andar gušn hištan gōspandān kē az =iš gušn rāmēnīdār ud arišt_mādagīh ud pānagīh_mādagīh ud dōānagīh anāhōgīh ī zahag ud druyist_ramagīh =iz bawēd pad =iz yaštan ī yazadān myazd_dahišnīh pasušhorw =iz az =iš āfrīn
abar ān ī fšēy andar zāyišn gōspandān yān
abar yazišn myazd_dahišnīh kunišn ud sūd ī bar gōspandān az hamdar
abar ān mazdēsn ī deh_zāyišnīh sag ī andar deh pad pahrēz_parwarišnīh sag kunišn ī kirbag az hamdar
abar sāmān ī mizd zōtīh_čāšišnīh ud ātaxš_sālarīh ud ǰast_āškāragīh pāsbānīh abārīg mizdwarīh čē andar hamdar
abar dādīg sālārīh ī aburnāyīg aburnāy ī čirāyīh ud pid ī ātaxš ud čē andar hamdar
abar wēmārīh ī az wēnišn ī sūr_čašmīh ud nazdīkīh ī daštān čiyōn ān ī sūr_čašmān daštān pad =iš wināhgār
ud abar čē_ēwēnag pāsbānēnīdan ī bīm_padīruftārān rāy bīmōmandān čē andar hamdar
ud ān ī az wihēz ī az xānag ō bērōn
abar pašn dādīg rāyēnišnān pad hamīh ud ayārīh ēk ō did abar az ān ī andar dādīg_rāyēnišnīh kunišn čē andar hamdar
ud abar xwāstag bar ī pad amaragān ān =iz ī pad hambāyīh xwēš kū čiyōn ān ī ka dastwarīhā stanēnd ān ī ka nē čē andar hamdar
mādī rādīh ī dādwarān pad abāz burdārīh xwāstag ō xwēšān sūd ī az rāst dādwarān zyān ī az drō_wizīrīh drō_wizīrān
ēdōn =iz sūd ī az rāst_xwāhīh rāst_passoxīh rāstān ayārīh ud ahamēmālīh ud zyān ī az drō_xwāhīh ud zūr_nakkīrāyīh ud zūr_xwāh ud zūr_nakkīrāyīh ayārīh ud nē hamēmālīh ud zyān ī ud šōn ī mustōmandān garzišn
andarz ī ō dādwarān abar rāst_wizīrīh ud pahrēz ī az drō_wizīrīh u =šān dō_ānag rāst_wizīrīh mizd drō_wizīrīh puhl škeft_āmārīh pad mēnōy abar dādwarān ud stāyišn ī rāstīh ud nikōhišn ī drōzanīh šnāyišn ī yazadān bēšišn ī dēwān az rāst_dastwarīh ud abāz_waštīh ī az drō_wizīrīh čē andar hamdar
abar kadām gyāg brēhēnīdan ī ohrmazd pad bun_dahišn ǰōrdā āwurd ī ō kār pad parwarišn_ayārīh ī mardōm ud gōspand ō =m =it nimūdan ī mašī mašyānī ǰōrdā_kārišnīh čē andar hamdar
abar kār pad ǰōrdā kištan warzīdan čē andar xwēškarīh warzīgarān dārīgīh pad warzīgarīh ud sāmān ī =š bahr az warz arzānīg bahrīgīh ud appār_bahrīh čē abar fšēy čē abar warzīgar ud dādestān ī =šān mayān
abar yyy ǰōrdā ī kišt ān ī kand ān ī pad nasā ud yyy abārīg tis
abar rāyēnišn ī yyy u =š yyy
abar ēwēnagān ī xwēšīh ī zamīg abārīg tis ān ī pahlom
abar ōy kē wēnēd ka =š adastwarīhā zamīg kārēd āb ō warz nayēnd ud andar abēbīmīh ud tuwān_pahikārišnīh pad =iš nē pahikārēd
abar pih dād frōxtan pad yyy ud bīm kunīhēd čē andar hamdar
abar apparīh wināh ud ān ī pad gyāg ud ān ī pad hāsr bawēd čē andar hamdar
abar wizārišnīgīh ī harw wināh ud puhl ī ahlawγenagīh ud ǰādūgīh ud agīh yyy ō ātaxš ud āb burdan
abar wizārišn ī ǰād bāzā ud war ud arduš yyy ud awōyrišt yyy ud āgrift yyy ud adwadād yyy wināh pad paššinǰagīh pšnčys ud kār ud pādifrāh ud ēwēnag ī asp_aštar ud srōšōčarnām ud čiyōn abāgizišnīh ī harw dō
wināhgār paššinǰagīh pšnčys tōxtan ayāb kār kirdan ayāb kār pādufrāh abāgōzīdan rāy bē mīrēd ka mard pašēmān wināh tōzišn_kāmag atuwānīg margīhēd gētīyīhā wizārd nē bawēd čē ēwēnag abēčārīh ī =š ruwān az wināh
ud abar kē =šān wināh tōzišn aw =iš nē bawēd
ud abar čē ēwēnag pahikārdan ī driyōš appurd_xwāstag fradom abar stahmag ī appurdār ud pas xwāst ī pad dādwarān wināh_rawišnīh ī =š abar stahmag tā abāz tōxtan ī =šān xwāstag
abar dād ī andar tangīh wōyγn ud wizīr pad =iš
abar stahmagīh yyy ī =š az harw druzīh_rāyēnīdārīh ī dādār pad =iš pad abāz dāštan ī hamdruz az murnǰēnīdan ī x
atuwānīgīh meh_dādestānīgīh pad gyān_bōzišnīh ī xwēš ud parwarišnīg kirdan xūb
wīst brīnag ēw mādayān abar nērang ī war passāxt u =š ēwēnagān ī bōxtan ēraxtan ī pad =iš čē andar hamdar
brīnag =ēw abar ēwēnag sāmān band abar stōr ud gōspand ud sag ī dēwānag ud wāsišn kār u =šān wirāyišn tā čē paymānag ka nē wirāst ō kušišn mad pahrēz ī =šān andar =iz band čē andar hamdar
abar wināh ī stōr ud gōspand sag kunēd
abar wināh ī nē wināhgār zad
abar pahrēz darmān sag ī wēmār čē andar hamdar
brīnag =ēw āmēxtag abar sāmān ī xwāstag handōxtan fraδāt̰ dādīhā frōd az dādīhā xwāstagīh dastwarīhā kirdan ān ī frōd az dādīhā xwāstag ān ī dādīhā xwāstag kirdan nē dastwarīhā u =š yyy ōst abar abēr ud frārōn abārōn dādestānīhā ī =š andar
ud abar dādīg hangām ī kanīg pad šōy bē dādan ān ī dārišn bē kirdan čē andar hamdar
abar pādīrānīh ī az dād_dārišnīh bē kirdan čē andar hamdar
abar pid kē pusarān kadām pēš zan_xwāyišnīh
ud abar pusarān kadām pad šōy bē_dahišnīh ud čē andar hamdar
abar rawāg_kirbagagīh ī ahlaw_dād ī pad zan garān_wināhīh ī az wišuftan
abar xīr ī pad ahlaw_dād niwēyēnīdan ī paydāg padīrišn ān ī padīrišn pad gōwišn paydāgēnīdan pad kunišn ī frazāft kū čand pādīrān
abar anērān ka ēr ō ayārōmandīh pad kārēzār ī =š abāg hamsrādagān pad mizd xwāhēd anēr ka ō ērān āzādīh paywēhišn nē āzād bawēd
ud abar saxwan abar dāšn ān ī dād nimūdār ud ān ī nē nimūdār ān ī hamāg_dahišnīh ān ī bahr_dahišnīh nimūdār ān ī wizēhēnāg wizēhēnāg abām az ahlaw_dād tis az tis pad čēīh ud kadāmīh ud yyy ī wizēhēnāg dāšn ī nar az mādī ud ān ī nimūdār nar mādag ī harw dō ud ēwāz ī wizēhēnāg uštānōmand uzuštān az uzustān ān ī nimūdār tōhmag =ēw ān ī andar tōhmag =ēw ēk srādag ān ī andar srādag =ēw ēk kirb paymān ī dād bē būd čim kē rāy dād nē būd čē andar hamdar
ud abar panǰ ī pahlom ud panǰ ī wattom kār ud panǰ wināh ī garā se wināh ī dušwizārtar
ud abar rang_razī ī pad hixr bōdōzed yyy ud kirdan ī wastarg wināh
abar wināh az axwēškārīh ka =iz ān ī kunēd xūb
abar wizīr ī pad pāduxšāyīh yyy zēn_abzār ud tis ō anērān dād u =šān paristišn ud kār_rāyēnīdārīh ud čēgāmiz ayārīh ud šnāyišnīh ī ān =iz ī abar ayārīh ud šnāyišn ī ō mastōgān
ud abar adādīhā zadan brīdan ī urwar ud wizīr ī pad =iš
abar wināh ī nasā_nigānīh rāy gawr kandan ān ī dēw_ēsnān ud adēwēsn ud wastarg ō nasā ī dēw_ēsnān murd
abar ān ī mazdēsnān rēman kirdan hixr ō ātaxš āb ud gyāg ud ǰāmag ī nē dastwarīhā abgand čē andar hamdar
āmār ī āb pad srādag paymānag ī xwēdīh ī zamīg abar wināh ī az akārēnīdan ī tis ī pad āb ātaxš abar dō_srišwadag xīndagīh bē burdan ī az gēhān pad kandan ī az dāmān pad hamāg rōšnēnīdan ī ātaxšān hamāg petyārag bē burdan ī az dāmān āwām pad akēnīh ī mardōm ēk abāg did purr_dōšāramīh ī āgenēn
brīnag =ēw mādayān abar dānišn ī pusar_xwāyišnīh andarz pad =iš az dēn sūd ī zahag pad_dēn_handarzīg wizārdan ī mayān_tan zyān ī az mād hišt_handarzīh
abar ān ī andar pus_warzišnīh fradom gušn ō mādag frāz hilišn ān ī didīgar ud sidīgar ud čahārom panǰom būdan ī pus pad gēhān pēm =iz az gušn
ud ka ēdōn ī pus ōh bawēd az nar ud mādag kadām pēš šusr frāz hilēd ō gāh madan pad gāh harw dō čiyōn čand pad šusrīh ud čand pad gumēzagīh ud čand pad xōnīh ēstād ēmēd ēmēd kay az kū dād ēstēd čandīdan
ud kay az čē nišān paydāg būdan ī narīh ayāb mādagīh ī zahag ud kay sayīhistan ī abar saxtag ud hannām fradom kadām hannām pad =iš ud kārīhistan pas pas tā bowandag kār pad =iš
kadām pad čē gāh sayīhistan ī hannām pas az bowandag_dahišnīh ī tan kālbod kār ī abar gāh sayīhistan ī hannām pas az bowandag_dahišnīh ī tan kālbod
kār ī abar zahag ī abāg andar kašuspar tā spurr_kārīh ī =š andar sāmān pad =iš radagīh zamān ī ān ī zahag abāg mādag ud gāh ī frōd_wardišnīh ī =š ō zāyišn rasišn ī zāyišn hamhangām
abar waxšišn ī abāg tan gyān =iz kadām fradom ast mazgōmand būd az ān abārīg ast čiyōn srūwīhēd
abar pāduxšāyīh ī ahlawān frawahr andar ān ō panǰom māh warzēnīdan ud rafēnīdan narīh mādagīh ud yaštan ī ahlawān frawahr ān ī nar pus rasišn ī rāy
abar pēš_dahišnīh zāyišnīh ī ābustan zan kār ǰud ān ī abar nāfag ī purnāyag u =š xwarišn fradom ud didīgar ud kay_dahišnīh ī =š mādar pēm čē ēwēnag pahrēz ī aburnāyag pad gāh ud bandišn ud xwābišn parwarišn ud pānagīh ud wināh ī az adādīhā kirdan ī andar hamdar
ud abar čand_māh_burdārīh ī zahag pad aškam uštar ud asp ud xar ud gāw ud nārīg ud čē andar hamdar
abar mēnōy_wēnišnīh nōg_zādag aburnāyag tā sāmān ī gētī_šnāsīh madan andar hamdar
ud abar dād ī amaragān mardōm pad =iš ō bālist ī hučihr_kirbīh ān ī zan_kāmagīh ān ī tēzīh ī pad ān ī pāy zōr ān =iz ī ōzōmandīh ī pad ān ī tan ōz ān ī xwāstag_kāmagīh ān ī hanǰamanīg guftārīh ud ān ī dūr yyy ud ān ī pad =iš xrad arad ō nigōnīh rasēd ud ān ī pad =iš padīrišn yyy ān ī pad =iš abāz_pēmenišnīh ī tōhm bawēd
abar abārōn_kāmagīh wiyēbēnag ud wiyēbēnīdag yyy stahmag waranīh ud garā_kārīh wīd_dast pūdag ōy tan meh pad yyy gyān_zadārīh ī tisān ī wēnēnd ud appār harw mehīh arzānīg margīh wirāyēd meh ī pad wināhgārīh čiyōn až_ī_dahāg pad stahmagīh ud sruwar_gaz pad ǰādūgih ud tūr ī brādrōrēš kirb pad ahlawγenīh frēftār ahlomōγ pad drōzanīh
abar garān wināhīh ī pus nibēmēnīdag zan kē =š tōhmag ī zahag az ǰud_gušn marzīdan ud čē andar hamdar
abar abzōnīg_zōrīh mādag az gušn abar_rawišnīh ud kast_zōrīh ī gušn az abar_rawišnīh ī ō mādag
čahārdah brīnag =ēw šaš pargard
mādayān abar ōšmurišn ēwēnagān ī xwēšīh frāzīh ī =šān ēk abar did ān ī weh_saxwanīh andar dādestān_rāyēnišnīh
ud abar xwāstag ī frāz ō dādwarān āwurd ī az hamēmāl ō dādwar pahikārišn bawēd
abar wizīr ī pad dārišn abāz kirdan pad dārišn dāštan ī čē andar hamdar
ud abar xwāstag ī az dārišn ī pasēmāl bē x āwurd xwāstag ī az mard pad sūdagīh ayāb pad nigerišnīg ud wināh ī pad =iš appārīhēd ud saxwan pad =iš
abar windišn ī ham kārēzārīg yyy ham azērigān saxwan ī pad =iš
ud abar madan ī zamīg xwāstag ī tis anērān dāšt ō wāspuhragān xwēšīh ī ēk az ērān
abar dūdag sālārīh u =š ēwēnagān ī mard pad =iš
abar xwad dūdag čē andar hamdar
abar windišn ī zan aburnāyīg
ud abar ačārīh kār windišn ī zan u =š zanīh =iz az šōy rāyēnišn ī pas az ačārīh
abar sālār ud gādār čē andar hamdar
abar paymān ī zan dāštan frazend xwāstan paymān ī daštān_māh wizārdan
abar stūrīh u =š ēwēnagān sazāgīh ī pad =iš stūr_škennīh wināh ī pus padīruftag čē andar hamdar abar hambāyīh ī brādarān būdag ud kardag ud bōxtīg ud abōxtīgīh ud abarmānd xwāstagīh xwāstag ī zadag bē bawēd čē andar hamdar
abar xwāstag ī pad xwēšīh ud ān ī pad stūrīh ō nabānazdištān bawēd
abar abarmānd ī pad rāh ī yyy bawēd
abar pāduxšāyīh ī pad duxt pad šōy bē dād pas az pid kū pad kē
brīnag =ēw šaš ī sar
mādayān abar rōzīg ī mard ī purnāy zan ī ābestan ud ān ī yytlwww aburnāyīg dād passazagīhā ān ī sag ī pasušhorw wišhorw ud wohunazg ud nišān ī ēn se srādag sag
abar nišān ī hāxtagīh mardōm ō dēn
abar čand ēwēnag hamīh u =š ēk ān ī pedān abāg ramān ramān pad ēw_kardagīh abāg pedān ud čē ēwēnag arzānīgīh pad sālārīh ī ud hammōg ī paymān ōy ram ud niyōšišn ī ram ān ī ped hammōg ud sūd ī az ēd hamīh ud čē andar hamdar
ēk hamīh ī rad ud ltww ī āgenēn arzānīgīh ān ī rad nām pad radīh ān ī hāwišt pad hammōg ī az rad ud hammōg ī rad ō ltww ī niyōšišn ī rad hammōg andar hamdar
ēk hamīh ī rad_passāgān arzānīgīh ī mard pad rad_passāg sālārīh ud pašn ī ham rad_passāgān čē andar hamdar
ud abar abardom ī hamāg hamīh ud abar dādīg ud frārōn būd ī ēn =iz hamīh ka dō mard pad kū hamē ān ī tuwānīg ō ōy kē pad awināhīh abāyist xwāstag ān ī xwāhēd dād ayāb kū ka ēk wināh kunēd xwāstag ō ōy ī did appārīh ayāb pad ān ī ēk windīd ān =iz ī did hāwand ōy xwēšīh ayāb pad bē_widerišnīh ō ān ī did xwāstag gumēxtan čē andar hamdar
abar wināh pādifrāh ī ōy ō kē ō ān ī =š pad menišn ayāb pad gōwišn ō ī ōy ī arzānīg dād pašn kird drōzēd
abar āgāh_kunišnīh ī pid purnāyīg pad hangām az wināh ī ān wināh
abar wināh ī az drō_nimūdār_rāhīh ud zūr_āfrāhīh čē andar hamdar
wināh ī appurdan ī yyy tōšag az ēwarzīg kas
abar frēzwānīg dahišn ī ō arzānīgān ud adwadād_wizārišnīh niuruzdān ōy ī dādīhā ud ōy =iz ī frōd az dādīhā xwāstag andar niuruzd xwāstārān adwadād ān ī pēš_wizārišnīh ud kē kē pad raš zayišn kē kē pad =iz azayīdārīh pad ōz xrad adwadādīh tuwānīg mard pad =iš āstārēd xwarišn pad adwadād_wizārišnīh šāyēd ān ī nē šāyēd
abar ān kē =š frēzwānīg_dahišnīh abām bawēd čē andar hamdar
kū bēšāzēnīdārīh wēmārīh ān ī mēnōyīg abar ašawahišt amahraspand ān ī gētīyīg abar bizešk yyy
abar arzānīgīh weh bizešk pad harw nēkīh anarzānīg wattar bizešk pad ēč nēkīh
abar dād ī ohrmazd harw ēk az urwarān pad kamistīh ō ēk wēmārīh ānāftārīh
abar yyy arzōmandīh ī passāg ī bazdānīh ud sūd ud nīrmad ī bizešk az bizeškīh frāz_barišnīh ō bazdān ān ī xwaš xwarišn ān ī čābuk wastarg ud ān ī tēz bārag ud xwāstag čand ān ī mayānag mard andar mān wis ud zand deh
abar tuxšāgīhā āwām menišnīhā ud darmān dēm dar =iz tōzišnīh bizešk ō wēmārān
abar wināh ī bizešk pad sūdagīh ud wistārīg pad abar_rawišnīh ī ō wēmārān čiyōn ān ī ka pad nē šud awināh
abar seǰ meh ān ī keh
ud abar mizd ī bizešk pad bēšāzēnīdan ī wēmār az wēmārīh ī hamāg tan ān ī ēk_ēk az hannāmān ud ān =iz kē sālārān bēšāzēnēd az ān ērtar ān ī abardom šāhān šāh pāyagīhā ud ēdōn =iz tuhīg ud ud tāyag mardōm
ud abar drang paymānag ī mizd bē_abespārišnīh ō bizešk pas az druyist paydāgīh ī wēmār kū bizešk pad bēšāzēnīdārīh az kē mizd niwēyēnīdag ān =iz ī nē niwēyēnīd az kē ān ī =š niwēyēnīd ayāb az kē pašn =ēw ud az kē tis =iz mizd ī gētī nē rasēd
abar bizešk kē =š šnāyīd ō bizeškīh xwāhēd
abar uzmāyišn ī abar šāyistagīh ī bizešk kū čiyōn kunišn ud čiyōn ān ī ka uzmūdan šāyēd čiyōn ān ī ka uzmūdan nē šāyēd
abar wināh bizešk ī nē uzmūd ān =iz ī uzmūd nē šāyēd ka bizeškīh ī kasān kunēd
abar hannām ī kas tis kē =š anī =ēw uzmāyišn ān =iz ī =š anī =ēw nē uzmāyišn ān ī =š uzmāyišn nēst
abar čand drahnā xwāst ī bizešk andar ērān ka pas pad awindišnīh az =iz anērān pāduxšāyīhā xwāst wināh ī ka bizešk andar ērān windēd az anērān xwāst
abar mizd ī ō anēr bizešk ud anī was andar hamdar
mardōm bizeškīh ud abar =iz bizeškīh stōrān gōspandān
abar wināh ī az gumārdan ī ān ī asazāg pad kār
ud abar sazāgtarīh ī pad kār ud gāh hērbed az hāwišt wābar =iz frēzwānīg yyy az frēzwānīg ayāb yyy ud tā =iz yyy az axtar_āmār ud pahrēzān az yyy u =š čim
abar wirāstan ī pad gyāg ī kasān adastwar xānag čē andar hamdar
abar sāmānīhā kū gyāg_mānišnīh ī mardōm ud čē andar hamdar
abar hudēn abar ag_dēn ag_dēn abar hudēn pad x gugāyīh čē ēwēnag
ud abar mehīh ī frāzīh mān ī radān pad ruwān pad =iz xwāstān wišād_darīh ī rad ud anabzūdīh ī kas pad hammōg ī ō kasān wināh ī =š az bast_darīh ud dušabzōnīh ī pad hammōg čē andar hamdar
abar paymān ī yyy windišn ud yyy az mān ī ātaxšān wirāyišn ī abar ōy kē andar paymānag yyy yyy abganēd
ud abar burdan ī ō mān ī ātaxšān harw kas tuwān_passazagīhā padēxwīh
abar sāmān ī āb yyy ud ān ī ēw_tāg
abar daxšag ī paydāgīh_kunišnīh ī ham sāmān pad gyāg andarg dō marz
abar ud wizīr ī pad gōspand az adādīhā sālārīh ud ān =iz ī adādīhā sālārīh ud kē ō wāstar ī kasān šawēd ān ī xwad pad duzz_menišnīh ī ān ī nē pad duzz_menišnīh frāz hištan
abar čandīh ī kirdan ī andar drang ī ēk rōz_šabān abar wāstar ǰōrdā az ēk gāw ī yyy ayāb anī ēwēnag ayāb ēk asp ayāb ēk mēš ayāb ēk buz ayāb ēk xūg ayāb anī ēk ēwēnag gōspand andar hištan
abar paymānag ī mānišn ī mardōm az rōd ī ēw_tāg
abar gāh ī gōspand andar wāstar kāmagīhā čarēnīdan ān ī abāz griftan hangām draxtān nē brīdan ān ī gōspand kem kuštan
abar ǰāmag tis ī bīm ī dušmenān rāy ō drubuštīh yyy yyy apaydāg xwēšāwand bē bawēd
abar dār ī stūn kandan kū čiyōn pāduxšāy
abar čē ēwēnag rawēnīdan ī sālār mardōm pad rawišn ī pad bīm ud gōspand awizēn rāy abāg laškar rāyēnēnd wizīrēnīdan ī gōspandān pad wāstar ī nazd ō rāh andar paymānag wāstarīh fradom az gōspand srādag frāz ō čarag_hilišnīh pad paywand ī tā ān ī abdom u =š čim
ud abar mardōm az wisān ī xwāstag rāy čē andar hamdar
ud abar ēn ham_gumēzišnīh pad rāh frāz āb padīrag āb ud bārōmand ud abār ud ābān rawān wiyābān kū az rāh kē bē wardišn kadām pēš yyy az ābān rawān wiyābān u =m čim
abar frōd_dārišnīh ī hāwišt andar hērbed pad xwarišn xwārišn ud frāxwīh ud kehīh ud grāmīgīh čē andar hamdar
abar ān ī ka anēr ō wimand ī ērān rasēnd abar ērān wizend kunēnd marzbānān yyy pad zanišn abāz dāštan ī anērān bōxtan ān ī ēr tan ud xwāstag kē anērān kunišn čē andar hamdar
abar sūd ī az hanǰamanīgān yyy rāyēnīdan ī duzz stahmag ān ī az ōstīgānīh pad kirdan dāštan ī pēšēnīgān ān ī az wēš hērbedestān kirdan ān ī az passazagīh hāwišt ō hērbed ān ī pas dastwar ān ī pad bē dastwar pad bē_widerišnīh ān ī pēš anī =z abzār was āgāhīh andar hamsraw
pahlom ast ābādīh ahlāyīh
sagādom sīh brīnag =ēw
mādayān abar mizd dēn framān puhl ī huframānišn zadārān passazag ī =šān zadārīh
abar frēzwānīgīh ī mard pas az x dō_sālagīh ka =š āšnūd ēstēd kū dād =ēw ī weh ast xwāst pad pursīd ī ān dād
abar nigerīdan ī mard kār pēš az kirdan ka nē dānēd kū wināh ayāb kirbag ka =š tuwān bē spōxtan nē kirdan
abar andarz ī pad andar šudan andar_ō xānag pad šab pad rōšnīh ātaxš ayāb ka =š andar ēn gyāg nigerīd ēstēd ka ǰuttar šawēd mardōm ayāb gōspand ayāb ǰāmag rēšēd wēnāg_zanišnīh rēš_tōzišnīh
abar paymānag ī zahyā =ēw ī fragān pahnā bālā ī darīhā ī ān dādīhā kird kardag
abar nōg_zādag aburnāyīg pad čiyōn kirdan ī =š gāh paywastag dādīhā rōšnēnišn abērtar se šab fradom
abar burdan ī ātaxš ān ī druz tarwēnīdār bē wizāyīdan ī ō aburnāyīg fradom parāhōm čandīh andarōn rān bē yyy ud did rōγn ī maydyōzemīg ān ī pad =iš frāz barišn ud pāsbānīh se nām ō aburnāyīg ud paymānag ī nibastan ī =šān az dō kust ī zādag
abar čand ēwēnag dādīhā kird gāh ī aburnāyīg sāmān šōn ī šīr_dahišnīh ham ō aburnāyīg čē andar hamdar
abar frāz burdan zōr yyy yyy ō ātaxš kū yōǰdāsr frāz_šust ud dast wināh ī az ayōǰdāsr afrāz_šust dast frāz burdan
abar pahrēz ī yyy ud abārīg ī =š kār abāg ātaxš az hixrōmandīh ka abar_dazišnīh rāy hixrōmandīh bawēd kas anāgāhīh ō ātaxš burdan ōy ī apahrēz pad =iš āstārēd dādīhā gāh yyy pad =iš nihīhēd
abar_wirāyišnīh ān ī dādīhā kird gāh ud ālag andar kadag ān ī aburnāyīgān ān =iz ī purnāyān rāy ud wizīr ī abar ka durgar gāhwārag dādīhā kunēd kē xwēš wizīr adādīhā dārēd ud ka harw dō adādīhā ud ka harw se dādīhā īwas ī čē andar ham dar
abar čē ēwēnag kirdan ī dādīhā stūn ka stūn nē dādīhā dīdbān pad =iš gumārdan kē āhōg ī stūn ō mardōmān kē pad =iš kāmēnd uzīdan āgāhēnēd agar nē mardōm abar šawēnd ud rēšēnd rēš_tōzišnīh ud čē andar hamdar
abar nē_framāyišnīh ī kār_hugarān ō wārān ud aburnāyīg ān =iz ī purnāy mard kē adwadād pid =ēw pad padisār būd ān =z ī čahārom frāz mad hād čē az ān ī tasom adwadād mard ān ī abōyīhā kunišn warzīdan čē andar hamdar
abar pahrēz ī tēx tis kū čiyōn ō mān barišn andar mān čiyōn bē nihišn wināh ī az ǰuttar dāštan mard nihādan
ud abar harw ǰāmag abzār tā =iz ān ī čiyōn kafč dēg =ēw ud pywy =ēw ud xwānag kū andar mān čiyōn bē nihišn wināh ī mēnōyīhā nihādan pahrēxtan
abar ān ī dādīhā kird dar ud čiyōn ān ī ka bē kafēd az =iš rēš bawēd durgar pad =iš awināh čiyōn ān ī ka wināhgār
abar sar šustan pahrēz ī āb ud dēnīg nērang ī pad =iš ud čē andar hamdar
abar gāh wars_wirāy kē =š wars wirāyēnd ud abar wirāyīh ī aburnāyīg ǰār ī fradom ud nērang ī pad =iš frahixtag wirāy afrahaxtag wirāy pad =iz awesturag tēz kirdan ī abar awesturag ī yyy ān =iz ī aburnāyīgān awesturag aburnāyīgān framūd kār čiyōn bē nihād bēšāzišnīh kas
abar šōn pahrēz =iz ī awestar
abar čandīh ī gyāg ī mard kē =š garā garāīh abar kunēd yyy ī gyāg ī garā čē andar hamdar
abar yyy ī kirrōg_kārān ēk_ēk ud ristag ī wāzār u =šān pahrēz ī az rēšīd ī ēk ōy ī did pad tēx abārīg abzār kē kār pad =iš kunēnd wināh ī az apahrēzišnīh
abar dādīhā frāz dād ī tyd tis ud rēš ī az nē dādīhā frāz dād dādīhā stadan bē dād ī tašt ī padxwar ud rēš ī az adādīhā čē andar hamdar
abar dādīhā paymānag ī asprēs az mayānag ī šahr ēwēnag ī asprēs frahang pedān ī frahangān ka andar ud wistan ī tigr andar asprēs rēš ī pad mardōm gōspand bawēd čiyōn ān ī ka wināhgār =iz ān ī ka awināh
ud abar gušn hištan kū čim čiyōn hilišn wināh ud awināh ī abar rēš ī az =iš
abar ēwēnag ī kustīg kirdan ud wizend gyān az anēwēn_kirdārīh
abar dādīhā bastan nē yyy nē framūd framūd kār ka nē dādīhā bandēnd ud gardīdan war_kešīd rišt yyy az wazišnīh ud čē andar hamdar
abar dādīhā zadan ī wihān wizend ī az adādīhā zadan adādīhā zadan
abar dādīhā pahrēzišn ī ātaxš ī andar rāh ud ka ō āb widarg rasēd wināh ī az adādīhā_pahrēzišnīh abar ātaxš az ātaxš bawēd
abar artēštārān ī pad miznē ud tam ō_ham gumēzēnd ēk az did wizend rasēd ud āmār paydāg guftan samīh čē andar hamdar
abar rawišn ī laškar ī pad bīm ān ī pad abēbīmīh ī paymānag ī laškar ērān az ān ī anērān
abar dādīhā ud šōnīg abāyistan ī bahr ud wizend ī az adādīhā ud abēšōn abāyistan
abar esm az kōf bē āwurd andar_ō mān burdan az dast_pānag hammis bē nihādan pāsbānēnīdan gardan ud parīšīdan ō ātaxš abar burdan kū čiyōn dādīhā wināh ī az adādīhā kirdārīh čē andar hamdar
abar dādīhā tāftan ī gōmēz pad ātaxš wināh ī ka nē dādīhā
abar wāstar wizīdan ēk abar did nihād kū čiyōn dādīhā wināh ka ǰuttar kunēd az ān bē wizendīhēd wizendēnēd
ud abar čē ēwēnag kirdan ī dādīhā kird yašt_kadag ud ān ī mānišn ī mardōmān gyāg ī stōrān gōspandān wināh ī ka ǰuttar kunēd az ān bē wizendīhēd wizendēnīdan
wizīr ī abar ka ēk dādīhā kirdan stōr az adādīhā sālārīh mardōm adastwarīhā andar šawēd pad =išān ham_bahēd
ud ka adādīhā kird u =š stōr az adādīhā_sālārīh ud mardōm dādīhā andar šawēd ud ka harw dō adādīhā ka harw dō dādīhā
ud abar dādīhā band ī tisān pad =iš āgōzīhēd wināh ī ka adādīhā bandīh āgustag tis x wizendīhēd ud wizendēnēd
abar adādīhā dārišnīh ī aspān pad āxwar wināh ī az x adādīh
ud az brīdan ī dār wīrād kū čiyōn dādīhā ud wizend ud wināh ī az nē dādīhā brīdan
abar ēwēn ī wastarg šustan wināh ī az ǰud_ēwēnagīh
ud abar ēwēn ī raftan ī andar wināh ī az anēwēn_rawišnīh andar
abar ēwēn ī šnāgarān mardōm pad āb widārdan ud wizend wināh ī az ǰuttar kirdan
abar ēwēn ī nāy ud widārag az ān ī dō mard widārdār ud tā ān ī wēš paymānag ī =šān meh ud ǰud_ǰud čand zamīg bē yyy ī ka zamīg saxt ud čand ka narm
paymān ī =šān band ī drang ī nigerīdan ī abar bandān ka āb sūr ud garm tazāg ud čand ka bērōn az āb ud čand ka andar āb
ud ka sūr ud sard tazāg ayāb sūr ud garm armēšt ayāb šīrēn ud garm tazāg čand ka andar āb ud čand ka bērōn
ud ka sūr ud sard armēšt ayāg šīrēn ud sard tazāg ayāb šīrēn ud garm ud armēšt čand ka andar āb ud čand ka bērōn az āb
ud čē ēwēnag_kunišnīh ī abar band_nigerīdārīh ud čiyōn ēstēnīdan ī andar zrēyestān nāy ud sang ī andar az ān ī _mard ī widārdār nāy tā ān ī wēš čiyōn bē bastan ī andar az nāy ēstēnīdan ī andar zrēyestān ayāb wēšag ka yyy ud buland bawēd
čē ēwēnag čārag ī abar nigāh_dāštan ī nāy ud kadām ān nāy ī ka yyy nēmag ka nē srišwadag ud kadām ān ī ka yyy srišwadag ka nē čahrušwadag abar az āb dārēd nāy ī kē uštānōmand uzuštān pas ān ī uzuštān pēš uštānōmand pas andar nišīnišn wizend wināh ī ka ǰuttar kunēd az ham
čē ēwēnag widārdan ī gōspandān ī srādag_srādag pad āb tar šnāz wināh az ǰuttar kirdan ka wizend bawēd
abar abar_pāyišnīh ī pad widarg ī āb ka nōg hamē abespārēd ud ka sūr tazāg ka sūr armēšt ka šīrēn tazāg ka šīrēn armēst šōn ī widirdan ī pad =iš and and ō kāmag_rawišnīh ī pad =iš ēdōn =iz nigerišn ī abar ān āb ī abāz ō tāzišn ēstād ud wizend ud wināh ī ka dādīhā nē nigerēd ud abar rawēd
abar dō ī artēštār ī āgenēn pad rāh hāzēnd kadām abar pānagīh asp kadām abar sāzišn ī xwarišn būd ēwēn abārīg ī andar hamdar
xwarišn xward wināh ī xwārīdan ī abar rāh kū čiyōn ēwēn wināh ī ka ǰuttar kunēnd
abar darmān ī pah ud stōr kē wišūd x abāz rēzēd x ud paymānag ī dāštan ī mēš ud buz gāw ud asp ud hwl ud ān ī ls ud nārīg pad gušn
abar stōrān anumēān ud nārīgān kē =šān tangīh ī sūrāg rāy abzār kār abar kirdan nē ādūg
abar paymānag ī dūrīh ī stōr ī gušn az ān ī mādag ka abāyēd pādan
abar paymānag ī dūrēnīdan ī mard gāw ī blks ī gāy_wišuft az gāy ī kasān ka =š pahikārēnd čiyōn ān ī ka abāz ō mayān pāduxšāy āwurdan čē andar hamdar
abar pahrēz ī mard az ān ī pidarān ōš u =š būd bīm ī az dahan murwāg ī wad
abar wināh ī pid az aburnāyīg ka =š ō tisag =ēw dād xwānēd ka rasēd šāyēd būd wināh ī az adādīhā samēnīdan ī pah ud stōr yyy čē andar hamdar
ud abar urwar ī bēšāzēnīdār urwar kandan čē andar hamdar
ud abar hammyazdīh ī abāg dēwāstān kū čiyōn ān ī dastwarīhā ud čiyōn ān ī ka nē ka hammyazdīhīhēd čiyōn ān ī agrāmīg ud čiyōn ān ī ka az =iz ērān grāmīgtar dārišn hēnd
ud abar_padxwar kē dēwāstān pad =iš xward xwārīd
abar paymānag ī gōšt abāg nān pad adwadād_wizārišnīh
abar war kē yašt ayašt =iz bōxtišn paydāgīh ī az gāhān pad =iš
abar rāz ī dēn ud wināh ī az āhuft
abar wināh ī yyy saxwan ō zan kasān guftan
abar paymānag ī mān wis zand deh ī nidom ān ī abardom
ud bar čē ēwēnag mānistan ī frašōštar ud ǰāmāsp pad yyy yyy laškar u =šān dād
brīnag =ēw apēdagānestān
mādayān abar saxwan ī apēdag xwāstag_dārīgīh pad =iš čiyōn band būd ān uštānōmand čiyōn ān ī ka pad pasušhorwīh ud čiyōn ān ī pad apēdagdārīh dārēd
ud ka apēdag asp ī artēštārān čiyōn dāštan ka pad ī band ēč ēwēnag dāštan nē šāyēd ud wizend ī az =iš būd bīm čē pad =iš kirdan čiyōn ān ī ka az hamāg kustag čiyōn ān ī ka az kust =ēw srāyišn tā x kay srāyišn andar paymānag ī srāyišn čand čiyōn srāyišn
ka apēdag stōr pas az madan ī ō dārišn ī apēdag_dār pad čand pad nīrmad ī fšēy kār framūdan čiyōn ān ī ka apēdag_dār pēš kū =š bahr andar bē bawēd pad =iz nīrmad ī xwēš kār framūd dastwarīhā čiyōn čē ēwēnag framūdan ī =š kār
ud ka apēdag zahagōmand čē ēwēnag dōxtan ī ham čiyōn parwardan ī waččag ud čē andar hamdar wināh ī az adādīhā kirdan
ud abar apēdag_dār ka =š stōr ī apēdag ō dārišn rasēd čiyōn ān ī ka =š mādī ēwāz ī saxtag čiyōn ān ī ka =š abāg kār ud bar rasēd
abar dāštan ī apēdag_baxš =ēw ī apēdag pad ramag =ēw čiyōn ēwēn dād u =š pēm ō myazd āgāhēnīdan ī myazd ēn pah ī abēzag ka pad =iz ramag nē šāyēd dāštan čē ēwēnag bastan ka =iz pad band nē šāyēd dāšt čē pad =iš kirdan
abar mōy ī pah ī apēdag kū čiyōn ān ī ka pēš =iz az gāh paydāg burrišn wināh ī brīdan ī ka pēš az gāh paydāg ka čim ī brīd nēst burrīd
abar drōšīd ī gōspand abēzag wināh ī az nē drōšīdan
abar yyltn apēdag pad gyāg ī paydāgtom andar mān wis zand deh
abar wināh ī fšēy ka abēbōzišn ī ō apēdag_dār pad awināhīh ī apēdag_dār mādī stanēd wināh ī az wināh ī abar fšēy ī az apēdag ō yyy adādīhā zadan rēšīdan abārīg wināh ī pad =iš
abar zamān kird ī mayān fšēy ud apēdag_dār pad nīdan burdan ī apēdag_dār mādī ō gyāg ī pad =iš zamān kird bawēd ān ī ka fšēy rasēd apēdag_dār nē ān ī apēdag_dār ud čiyōn madan ī ō xwēšīh ī apēdag_dār ud kay ud ka pah stōr ī apēdag_dār ud čiyōn madan ī ō xwēšīh ī ō apēdag_dār ka pah ud stōr ī apēdag andar dārišn ī apēdag_dār mīrēd čiyōn čand srūd ī drōš ud mōy ī ham pah pah wināh ī ka nē ayāb ǰud srāyēd
ud abar pah ī andar_ō ramag ī kas gumēxtēd kū pad apēdagīh čiyōn ān ī ka fšēy čiyōn ān ī ka pasušhorw xwēš ud ka andar ramag =ēw gumēxtēd az apēdagīh čiyōn ān ī ka fšēy čiyōn ān ī ka pasušhorw x x x x x ō anī ramag šawēd čiyōn ān ī ka ramagōmand fradom čiyōn ān ka ān ī didīgar xwēš
abar kuštan ī pasušhorw pah apēdag pad abāyist tōšagīh kū čiyōn pāduxšāy ud čē ēwēnag kunišn
ud abar ōy kē pah ud stōr ī apēdag andar ka andar_ō deh rasēd āgāhēnīdan ī apēdag_dār deh sālār kē pah ud stōr ī apēdag andar ram pad srādag ud gōn ud drōš_om
ud abar_pāyišnīh mard pad gōspand kē wēmārīh az ān ī =š rēš pad kār az kuštan andar agārīh ud kār ka nišān nimūdār ud ast pānag ka xwardār nēst pānag ud ka axwardār ud ast pānag ud ka axwardār nēst pānag
abar niyābag ī apēdag_dār andar pah ud stōr ī apēdag ka čahār ēwēnag ēk ud ka se ēk ka nēmag ī sāl ka sāl_drahnā parwarēd ud ka ān ī windēd aburnāyīg =ēw ud ka ān ī windēd wuzurg kū =š srāyišn čē u =š pahrēz čiyōn ān ī ka čihrag =ēw ān ī ka dār =ēw ud čiyōn ān ī ka warān =ēw ī kuštag čiyōn ān ī ka panīr =ēw ī anuspurrīg ī škastag ayāb anuspurrīg ud druyist ayāb spurrīg ī druyist
abar xwāstag ī andar parwast ī mān ān ī pad sāmān ī mān ī kas windēnd
abar nigānīg xwāstag ka pad kustag ī rāh windīhēd zamīg saxt čiyōn ān ī ka ēk angust čiyōn ān ī ka dō angust frōd ēstēd x ud ka zamīg narm čiyōn ān ī ka dō angust ud čiyōn ān ī ka se angust frōd ēstēd
ka mayān rāh windīhēd ud zamīg saxt čiyōn ān ī ka dō angust ud čiyōn ān ī ka se angust frōd ēstēd ka zamīg narm čiyōn ān ī se anguyst ud čiyōn ān ī ka čahār angust frōd ēstēd
ka pad abrāz ud nišēb ānōh kū az rāh bē wardēd ud zamīg saxt čiyōn ān ī ā auuat̰ ud čiyōn ān ka tā mayān pedištān frōd ēstēd ka zamīg narm čiyōn ān ī ka tā mayān pedištān čiyōn ān ī ka tā šnūg frōd ēstēd
ud ka ān ī ābān yyy ud zamīg saxt čiyōn ān ī ka tā šnūg čiyōn ān ī ka tā mayān rān frōd ēstēd ud ka zamīg narm čiyōn ān ī ka tā mayān rān čiyōn ān ī ka tā gund frōd ēstēd
ud ka pad ān ī ābār widarg ud zamīg saxt čiyōn ān ī ka tā gund čiyōn ān ī ka tā nāfag frōd ēstēd ud ka zamīg narm čiyōn ān ī ka tā nāfag ud čiyōn ān ī ka tā dahan frōd ēstēd
ud ka andar āšiyān ud yyy ud pah_ast kū čiyōn ān ī ka afrāz az tan mānišn čiyōn ān ī ka frāz_mānišn
ud abar kē pah ī apēdag parwarēd kū čiyōn ān ī ka =š frāz duzz
čiyōn ān ī ka =š parwarēd rasīd abar pahikār ī abar pah ī apēdag ka ēk gōn ī mādar zād ēk drōšom gōwēd harw dō rāst ayāb ēk daxšag =ēw rāst ēk was daxšag ī u =š nē rāst gōwēd ān ī ka pad čē ēwēnag xwēšīh ǰuttar gōwēnd ud čē andar hamdar
abar fšēy apēdag kē pad bālist ī andar dādīhā srāyišn bē widārd ud čiyōn se sāl se xān ud se gyāg ud nō bār ud anī =z was dādestān andar hamdar
brīnag =ēw zyānagestān
abar zyānag ī uštānōmand ud ān ī uzuštān pad dādīhā zastan dādan padīriftan abāz abespārdan pānagīh ud pahrēz kār ī harw dō ēwēnag ān ī uštānōmand parwardārīh ud bārēnīdārīh ud ayārdārīh ud rawēnīdārīh ī ēstēnīdārīh ud āsānēnīdārīh ud rāmēnīdārīh =iz wināh tōzišn ī az adādīh ī andar ham dar
abar handāzag ī zyānag_dahišnīh ud ān ī ka pad_brīn ka abrīn zamān gyāg kas tis dahēd ān ī ka =š abzōn dahēd kū čē ast abzōn
wizīr ī abar fšēy az brīn ka zyānag abāz barēnd ān ī abar zyānag winast ka pad brīnag zamān abāz nē abespārēd ka =š kār abar az dēnīg frāmāyēd ka pad xwēšīh dārēd
abar ān ī uzuštān xwāstag kē brīn ka pad kār ud ka pad armēšt dārēd ǰud_ǰud meh ud keh arzīhā kū pad čand yyy arzānīgīhā pad čand wāxš_barišnīh ud bun hamarz abzōn waxšān_waxšišnīh
abar čim kē rāy zyānag abāz nē abespārdan awināh was dādestān ī andar ham dar abar aw =iš kird ēstēd
wīst_dō brīnag =ēw waxšestān
mādayān abar wāxš_rawišnīh
abar wizārišn abespārišn ud tōzišn tis pad pādīrānēnīdan ī az tōxtan wizārdan abespārdan ī ō kē =š xwēš ān ī zamān abar nē kird ēstēd
ka ōy kē tōzišn wizārišn abespārišn xwēš zayīdan ān ī zamān abar kird ēstēd pas az brīnag zamān kardagīhā rustan ī wināh waxš
abar waxš ī kardag ud ān ī zayīdag čiyōn ān ī ka zayīdag kardag bē bawēd ud čiyōn ka harw dō armēštīhēd
abar ān ī waxšišn ī abar_wazišnīh ī ō hāwandīh kunēd kū kadām
abar ahlaw_dād kū čiyōn ān ī ka pad pādīrānēnīdan āstārēd čiyōn ān ī ka =š waxš ā =iz rawēd
ud abar raftan ī waxš abar tuwān xwāstag ka =š ast waxš waxš pad =iš ōh rawēd ud ān ī nē rawēd čiyōn ān ī ka abāmōmand xwāstag pad =iz abāz burdan tuwānīg abām xwēš pad xwāst tuwānīg ud čiyōn ān ka harw dō tuwānīg abāmōmand pad xwāst nē tuwānīg čiyōn ān ī ka abām xwēš pad xwāst ud tuwānīg abāmōmand pad xwāstag nē tuwānīg
abar kū ka abām yyy zayistan ēk bār widird bēd čiyōn ka pad zayišn sar nōg ōh zayišn ud čiyōn ān ī ka pad ēk zayišn ī widirdag zayist kardagīhā waxš ōh rawēd
ka abāmōmand widerēd čiyōn ān ī ka waxš andar xwāstag ī kas pad stūrīh kunēd čiyōn ān ī ka andar harw dō axwān ī xwāstag_dār waxš
abar xwēšīh tōzišn xwēš tōzišn ī tōzišnōmand pad kasān tōzišn sāmān ī =š xwēš
abar tāwān ōy kē ō x gušnīh xrīdār gušn wad dahēd ka ābus nē ka kunēd ud čē andar ham dar
abar hangām ī gušn_hilišnīh stōr ud anumē ud uštar ud hangām ī abespārdan ī ǰud_ǰud gušn ō kē padīruft ud ēstēd ān ī ka hangām gušn_hilīh ān ī ka ēdōn abespārdan ī ka zamānag ī gušn_hilīh ham_bun =iz pād ēstēd
ka pad hangām nē abespārdan ī gušn rāy was agušn bē šawēd gāw asp uštar ud mēš ud buz xūg ǰud_ǰud ābusīh nē tāwān čand waččag kunēnd
abar uštar ud asp ud gāw mēš ī zyānag aγrī pēm x abar az brīnag zamān abāz gīrēd asp gāw ud buz mēš ān =iz ī mayānag nidom pēm kū ǰud_ǰud paymān ī =šān ēk dōšišn
abar uštar kū =š andar sāl mōy čand kunišn ān ī uštar paymān pad =iš andar gōspandān frāzīg awēšān xar =iz kū pad čand arz ī =šān ān gāwān tā abar yyy
ud ēwēnag ī =šān abar_zanišnīh kū čiyōn ān ī ka uštar ud asp mādayān ō ahunsandīh abzōn gāw ud mēš ud buz waxšān =iz waxš rawēd az awēšān ān ī mādag kū =šān abar_wāzišnīh abzōn ō ahunsandīh waxšān waxš az ān ī nar čand kem kunišn
ud uštar ī rēš zyānag az brīn zamān sar frāz ka =š kār adādīhā ud rāh wad ud ka kār adādīhā rāh xūb ka pad čarag āsān dārēnd kū =š abar_wāzišnīh ō ahunsandīh pad čand bawēd awēšān ǰud_ǰud ka =iz aosaŋhə_ən ayāb wahāg xrīd hēnd
ud sag =iz xūg aosaŋhə ān ī ud wahāg xrīnēnd pad čand waxšān waxš bē ēstēd u =šān waxš ud waxšān waxš kay andar ārōyišn ēstēd čiyōn ān ī ka hamē pad =iz frazendān āwādagān xwāstag kē ān abarmānd ud rasišn waxš ōh rawēd
ud kē =š pih abar kas ayāb bē xrīnēnd ud frōxtār ud frēzwānīg yyy ōh pādīrānēnēd kū ān ī pādīrān_gar čand pad rōz ī hāmīnīg ud čand pad ān ī zamčīg adwadād pad bun dādīhā pihīh ī mardōm ud ātaxš pad ēk rōzag šabān hāmīnīg ān ī zamestānīg
abar wastarg ka kē az dahišn pādīrānēnīd
abar tāwān ī fradom adwadād ud waxš ī =š tāwān ān ī didīgar ud sidīgar tā dahom
ud abar pēšēmālīh ī pasēmālīh ī abar abām u =š waxš wizīr pad =iš ud čiyōn ka pad frāz dāštan ī tōzišn abāmān abar abāmān ī rawāgīh ī waxš pādīrānīhēd čē andar ham dar
ud abar akārīh ī pih kē dēn nē dastwar
ud abar xrīdan bē zid dēnūdag pah =ēw ka frōxtār az abespārdan pādīrānēnīd waxš ud waxšān waxš ī pad =iš pad dō sāl hammis mādī ī ō čand pah madan
abar kū čē ān ī waxš nē čē ān ī ōh kunēd ud abar mādī ud waxš ud waččag ud šīr yyy ud mōy kār ud abar_wāzišnīh ō ahunsandīh ud waxšān waxš madan ī weh ī ēk gōspand x ud dādestān ī ēk_ēk
abar abāmōmand abām čiyōn ēwēn niwēyēnīdan abām xwēš pad sūdagīh padīrēd ud ka abāmōmand se_zayišnīh kardag kird ēstēd ka =iz pad dō_zayišnīh ka =iz pad ēk_zayišnīh ēstēd fradom sāl az niyābag ī hangām xwēš
abar abāmōmand abar abāz kāhēd ka sāl_sāl niwēyēnēd ān nē padīrēd pad čand abāz_kāhišnīh ud sazišn ī hamāg ī abām xwēš abar abāmōmand čiyōn bawēd
abar pādīrāngarīh ī ēk drafš kirdan ud nigēzišn az gēhānīg kār kū pad ēk māh az ān frāz pad didīgar sidīgar šašom ud nohom sāl ō gēhānīg kār kū ēk čand drafš abzōn_dahišnīh ī abar ān ēk drafš rasēd čē andar ham dar
abar pādīrāngarīh ī ēk nawad pad zamestān ēk mašk ī ābdān pad hāmīn abar kē xwēš kū pas az wizāyišn ī pad zamestān bun nawad pad hāmīn bun mašk pad bē_yazišnīh ī fradom dah šab ud az ān hammis māh_drahnā ī ǰud_ǰud az ān hammis zamestān frazām haštād hāmīn sar mašk kū abar ān ēk haftād mašk čand abzōn pādīrāngar ō x xwēš tōzišn čē andar ham dar
ud abar waxš ǰōrdāyān ān ī gōspandān zahag ud pēm ud mōy kū ǰud_ǰud kunēd
ud abar pādīrāngarīh ī ǰāmagīhā ud abzārīhā az abāz abespārdan ī ō kē xwēš was nāmčištīg ōšmurēd kū čiyōn ān ī ka uspurrīg čiyōn ān ī ka anuspurrīg kār framāyēd čiyōn ān ī ka pad agārīh dārēd waxš waxšīdan
ud abar waxš ī zamīg ī abar abgandan ān ī anabarabgand ǰōrdā ka az abespārdan ī ō kē xwēš pādīrānēnēd
ud ēdōn =iz waxš payrāyīgīhā az zarr ud sem ud yyy tisīhā abāg was dādestān ī andar ham dar čē aw =iš paywandēd
brīnag ī warestān
mādayān ān ka pad kas ī paydāg bawēd pad ǰādūgīh daxšagōmand ud darmān_barišnīh ān ī pad ǰādūg wēmārēnīd kas ōzad ī ǰādūg pad dādestān dēnīg nērang čē ān ī ka pad dādestān dēnīg nērang
abar ān ī ka pad adādestānīh nē pad nērang ī dēnīg ōzanīhēd ud abar ān ī ka pad kas ōš xwēš mīrēd
abar war passāxt ī mēnōy_zōrīhā bōxtan ēraxtan ī hambasānōmandān ī pad ǰādūgīh ahlawγenīh abārīg wināh rāyēnišnīhā nihuftag pad =iš paydāgīh bawēd hangām ī =š sāzišn ud ud yyy
gāh ī =š sazišn abar passāxt gāh čē ēwēnag yyy ud sāmānēnīdan ud grāyīd wirāst ī mān kē war saxtīhēd ān ī frāz ō ān mān barišn ān ī az burdan ī aw =iš pahrēzišn kē ō ān mān hilišn kē nē hilišn ān ī ka ānōh bawēd ud wišōbišn ī kār az =iš ud wizend ī
abar warestānīgān abārīg kārīgarān ī ānōh ud nērangīhā ud ēwēnīhā ī pad =iš ēzišn ī andar mān kunišn xwānišn ī yazadān ō ayārīh
ud čē ēwēnag sāxtan ī garm ud sard war čiyōn frāz nīdan warzīgarān aw =iš u =šān yyy ōšmurišnīh pad čē abestāg čiyōn warzīdan ī garm ud sard war paydāgīh bōxtan ud ēraxtan ī pad =iš was gōkān andar ham dar
brīnag ī āmēxtag
abar ayārōmand xwāst ī burd kū pad čē ēwēnag xūb mizd ī ayārōmand ī dahm ud ān ī anēr andar ham dar
abar čiyōn madan ī mard pad ān ī xwēš xwāstag ō band ud drōš ud čē andar ham dar
ud abar xwastūgīh ī pad ēk_dō_sē_gōwišnīh čē pad =iš
abar tarmenišnīh hāwišt andar rad kē pad =iš ačār xwāstagīh ī ō rad ud āstirdagīh ī andar bawēd
wināh ī tōzišn xwēš andar tōzišnōmand abērāh ī tōzišn kas ka tōzišnōmand adādīhā tōzišn abar burdan ayāb =iš pad ān tōzišn kunēd ī āgāh kū pad =iš nē pūdag ud zamān ī tōzišnōmand pad tōxtan ī ān ī =š tōzišn tā madan ō tuwānīgīh ka pas az tōzišn abar brēhēnīdan pad wizārišn ī pattūg bawēd
abar duzzīh ī wināh ī pad ān ī garmagān abzār ī ō was ī ahlawγenīh paywandēd
abar wināh ī pad ān ī garmagān u =š kē az čāh ī pad rāh widarg xward āb nihumbišn rāy nihumbēd
abar wināh ī dādwar kē wināhgār pad awināhīh ud awināh pad wināhgārīh ī wizīrēnīdan
abar āgāh_dād dādwar dah ud ān ī yāzdah ān ī dwāzdah ud ān ī sezdah ud ān ī čahārdah ān ī _sālag kū =šān ǰud_ǰud wizīr ī pad čand mādī wābarīgān sāmān ī āgāh_dādīh abar wizīr ud dādwarīh
abar duxt kē andar zīndagīh ī =š pid dēnīg sālārīh pad mād pad mād šōy mād bē pāduxšāy dādan nē pid
abar duxt kē akird šōy kē nē pid ud nē mar ud nē =iz widurd_pidarān ā =iz az brādarān pad šōy ud nē =iz xwēš tan pad sālārīh bē dād pādixšāy
abar xwāstag ī pad andarz ī bē_widerišnīh kū čiyōn ān ī ka dād čiyōn ān ī ka nē dahēd
ud abar pāduxšāyīh ī pid pad dād ī ō frazendān xwāstag čiyōn =iš kāmag ud pus kē andar pid atarsagāh kū az xwāstag ī pid tā mādī arzānīg ka atarsagāyīh ī andar pid baxt gēhān kunēd kū wizīr ī abar xwāstag ī pid abar baxt čē andar ham dar abar sāmān ī atarsagāyīh pus andar pid u =š wināh
abar wināh ī pus padīriftag ka az ān padīriftagīh abāz ēstēd zīndag ud widird =iz pid padīruftār čiyōn kāmagīh mardōm ud ān =iz ī widirdagān ruwān ud āmēgīh ī gētī yazišn niyāyišn ōh =iz ān ī =šān andar ān ī xwēš mān az ābādīh ī =šān frāz hištan kunēnd
abar dād būd ī ān =iz ī xwāstag kē rād kas nē dīd ast kas az rād nē zast
abar dād būd ī kanīg xwāstag tis ka =iz pad menišn ēwāz ō ōy arzānīg dahēd
abar kanīg kē dēwāst az xwēš ped āfrīd ō mazdēsn =ēw dahēd kū čiyōn pāduxšāy ō mazdēsn ān kanīg pad xwēšīh dāšt pus andar xwāstan tā kay sālārīh ī ān zan pad ōy mard
ud abar mād kē az pus zīndag pid abar sālār
abar pašn xūb bē kirdan ī pad gōwišn ud gōwišn dādestān abardom dādwar būdan hagriz ǰuttar nē būd ī pašn kē dēn dastwar
abar wināh ī pid pad daštān_māh nē wizārdan ī duxt ī mad pus radīh čē ān ī ka pad daštān_māh rāy wizārdan ī duxt wināhgār ud čiyōn ān ī ka duxt radīh xwad wināhgār ud madan ī duxt radīh daxšag
abar wināh kū kadām ān ī awināhīhā kirdārīh pad =iš ō bōzišn ēdōn rasēd ka =š ō dānišn rasēd pad patit =ēw ī saxtag az bun bē šawēd kadām ān ī ōy ī ōšyar awināhīhā kirdārīh pad =iš nē rasēd
ud abar čahār garātar dēw_ēzagīh ud se wattom wināh ī abar kunēnd ud dah ī frāyīhišn ud 9 ī murnǰēnīdār gēhān
abar rāst ī ka gōwēd pad =iš druwand margarzān
abar kust ī mēnōy baxšišnīg nēkīh az gēhān ka ān ī ahlawγen andar gēhān šād rawēd ud čiyōn brīnag =ēw mēnōy zamīg ān ī ahlawγen mardōm ud garzišn ī ātaxš āb ud urwar mēnōy az =iš čiyōn baxšišn ī sālār mard bahr abar azērīgān
abar se ēwēnag mard ī ahlaw ēk ī meh az āb zamīg ud gōspand urwar ēk ī hāwand ud ēk ī keh ud čē rāyēnišn ī čiyōn abāg kunišn ī awēšān ī az ēn se ēwēnag bērōn
abar garān_puhlīh ī frāz_burdārīh ō āb ayāb ō ātaxš nasā kē =š abāg gugāyīh ud garānīh ī mēnōy az nasā ī andar āb
abar kirbag ī ōy kē nasā mardōm ud sag ud ān ī gaz wazag kē az āb bē āwarēd
abar zanišn ī gaz wazag ud abārīg xrafstar andar āb ka ēdōn šāyēd bē_barišnīh ī az =iš ka šāyēd
abar šnāyišn mēnōy ī gēhān bēš ī dēwān az zanišn ī ān ud frāyēnišnīh wānišn
tuštīh ī hām_šahr ud ān kū čē daxšag
abar wināh ī ōy kē pas tuštīh az hūfrāšmōdād āyōzīdan dawēd dar wišād wāng ī adādīhā kunēd
abar ohrmazd pad hunsandīhā dād ī gāw ī ēk_dād tan pad ayārīh ō mardōm ān ī gōspandān tan hannām čiyōn gōkānēnīd ēstēd pad pānagīh ud ēzišn =iz ō nāmčišt paydāg yazadān dād
abar ustōfrīd ī yazadān čim kirdan ō ōz abzōn ī xwarrah_baxtārān pad xwarrah_baxtārīh paywastan ī ān padīrišn paywandīhišn nēkīh sūd ī az =iš druyist dāštan ān padīrišn pad čār ud tuwān ud mēnōyīg wināh_puhlīh ud gētīyīg wizend ud zyān_bīmīh az druyist nē dāštan ī hamē padīrišn andar pattūgīh pad =iš ān ī spōz abar kirdan sāmānīg dastwarīh ī pad =iš ustōfrīdān ī ēk_ēk az yazadān ō čē ēwēnag hunarīg dahm pad yaštan_abespārišnīh nē dād ī ō stahmagān abērtar ō awēšān ī hamčištīg ōšmurd wināh ud tōzišn ī az dād ī ō awēšān ī pad ān ēwēnag ud was ī andar ham dar
abar wizend ī gēhān az āz u =š hamwišudagān ān ī =šān burdār ayār dēwāst ud was ēwēnag gurg ud xrafstar ī srādag srādag čiyōn padīdan ī =šān druzīh az bun_druz čār ī pad zōrēnīdan ī awēšān druzīh az murnǰēnīdan ī wisp mardōm hammis abārīg gētī dahišnān ī mardōm ayār
andarz ī ō mardōm abar wānīdan ud zadan ī awēšān yōǰdāsrēnīdan ī gēhān u =šān kirbag ī pad =iš paydāg sāmān mēnōyīg mizd ī abar zadan ōzad ī ēk_ēk az gurgān xrafstarān andar ham mizd pahlomīh ī ān ī abar zanišn ī dō_zang gurg čē andar ham dar
abar andarz ī pad nē yaštan ī gannāg_mēnōy ud dēwān kū =šān yazišn ud šnāyišn ī ǰud_ǰud pad kadār ēwēnag anēwēnwarz abērtar ud wizend ī zyān ī az awēšān anēwēn dušwarz pad ān anēwēnagīh dušwarzīdārīh padisāy stahmag_padišīh ī dēwān abar dāmān rasēd ud ēk ī drāyān_ǰōyīh ud wizend ī az =iš rāmišn ī dēwān az ham abārīg ī anēwēn
andarz abar adrāyišnīh abārīg xūb_ēwēnīh andar xwarišn xwārišn čim šōn hammis kār šnāyišn ī yazadān az ān hammis xūbēwēn_kārīh mardōm ud axwēšīhag ān ī adāštan dastwar ēč kirbag
panǰ gāh rōz_šabān ēk_ēk pad ēzišn ī kadām yazadān mehmāntarīh ud mizd ud sūd ī az yaštan ī awēšān ǰud_ǰud andar xwēš gāh ud anī =z abzār dādestān ī andar hamsraw ast ahlāyīh ābādīh pahlom
ǰud_dēw_dād
mādayān abar dād ī ohrmazd rāmišn ī mardōm az ān gyāg kū mānišn mādagwarīhā kunēnd ud sūd ī az ham_dahišn
abar šāzdah gyāg ī pahlom brēhēnīd ud nāmčištīg ōšmurēd petyārag =iz ī ō ǰud_ǰud mad ēstēd
abar nimūdan ī ohrmazd dēn mardōmān fradom ō ǰam nē padīriftan ī ǰam az pēšagān dēn āsrōnīh padīriftan abārīg pad =iš frāyēnīd winnarēnīdan ud frāxwēnīdan ī gēhān
abar čim ī abāyišnīgīh war ī ǰam_kird kirdan framūdan hammōxtan ī ohrmazd ō ǰam kirdan ī ǰam čiyōn ohrmazd framūd hammōxt čē andar hamdar
abar zamīg mēnōy āsānīh az čē wēš ud anāsānīh az čē abērtar ud mahist šnāyišn az čē būd
abar wināh ī rēmanīh ī az nasā ōh =iz ān ī sag nē dīd pad tan =ēw burdan
abar xwarišn wastarg wehīh ī kē pad nasā ēk_barīh rāy rēman ud margarzān bawēd
abar čiyōn čand pahrēzišnīh ī mardōm abārīg pākān az nasā kē pad nasā anī rēman būd ēstēd
abar rāmišn ī mēnōy ī zamīg az kišt ud warzīdan bēš az nē kištan nē warzīdan ud āfrīn ī abar kištārān sūd kirbag ī az kištārīh mādayān abar parwardārīh ud panāgīh dēn az =iš rāy
abar zanišn ī dēwān az rōyišn waxšišn pazzāmišn ī ǰōrdā bawēd awizīrišnīh ī mardōm az xwarišn
ud abar abar wināh ī nasā pad wināhgārīh nigānēnīdan čand zamān agārīh zamīg andar nigān kunīhēd
abar zōr ī weh_dēn pad bē muštan ī wināh az mardōmān
abar wināh ī druxtan ī pašt ī abar xward ud dād ud garānīh ī abārīg mihrōdruǰ bīm ī pad =iz gētī az =iš dārišn tōzišn ī pad =iš kirdan frēzwānīg
abar kū āstawānīh ī pad dēn ēd =iz paydāgīh ka pad harw nēkīh ī =š ast ō hamdēnān kē pad xwāyišn frāz āyēn rād bawēd
abar paymān ī xuft andar rōz_šabān abārīg pad xwēškārīh rōzag bawēd
abar garān_wināhīh sōgand ī drō xward kū ǰud =iz az guwā_tōzišnīh ī xwāstag sōgand pad =iš xward ō hamēmālān tar kirdan =iz ī mihr srōš ud rašn rāy škeft ēbgad petyārag ō xwēš tan zan ud frazend ud xwāstag garān puhl ī ō xwēš ruwān paywastan
abar wināh ī esm nasā aw =iš gumēxt ēstēd ō ātaxš burdan ēn =iz kū čiyōn ka pad =iš awināh bawēd
abar ǰōy ī nē hamēšag_āb ka āb pad =iš widārdan ud ān =iz ī hamēšag_āb ka āb pad =iš abzūdan kāmēd bīm ī az nasā ānōh būdan rāy čand bār čiyōn nigerīdan
abar margīh ī pad xān ī āb ud ātaxš nē āb ud ātaxš bē az =išān pad brīn bawēd
ud abar meh_sūdīh ī wārān abāg wārīdan ī pad nasā ud hazzān hixr
ud abar ham mehīh ud wehīh ǰud_dēw_dād pad šōyišn az abārīg sraw
abar rēmanīh ī az ham_karzagīh ī abāg nasā ud ham_karzagīh ī abāg ān kē abāg nasā ham_karzag
abar abar mar ī druwand ahlomōγ ī anahlaw zīndag ud az abāgīh =iš pahrēxtan
abar čand zamān rēmanīh ud aw =iš šudan tis aw =iš burdan pahrēzišn ī āhōg kē sag ayāb mardōm andar widerēd gyāg kē kas pad =iš bē šawēd ud warišnīg abārīg tis ī andar ān xānag andar se gām čē andar ham dar
abar zan kōdag andar aškom mīrēd ka nasā bawēd čē andar ham dar
abar wastarg ī akār ud rēman ān ī pad xšauuaš_mā̊ŋhō šust ēstēd
abar garān_wināhīh ī wastarg čand ēk čōvana anēwēnīhā pad nasā frāz hištan
abar zamīg kē mardōm ayāb sag pad =iš widerēnd čand zamān az āb abar hištan ud kišt anabēdānīh ud hamāg zamīg bīm ī az nasā ānōh būd rāy nigerīdan pas āb hištan wināh ī ka nē nigerē nasā ān gyāg u =š āb bē aw =iš rasēd čē andar ham dar
abar nasā az āb čiyōn āwurdan paymānag ī rēmanīh ī āb ī pērāmōn nasā pākīh pas az nasā az =iš bē burdan čē andar ham dar
abar kū nihadan ī tan ud ast ī widirdagān čē andar ham dar
abar_pad čand dwārīdan ī nasuš druz abar mardōm ud sag ī pad brīn ud ēd kē pēš az brīn pad axwīhā ī gētī widird bawēd ēd ī kū wastarg ī akār ān ī ōh šōyišn kadār čiyōn šōyišn
ud abar garā_rēmanīh ud garān_wināhīh nasā ǰūdan ō ātaxš āb pad wināhgārīh burdan
ud abar zamestān ī dēwān_dād sahm ud widang ud yyy čand ēwēnag wēmārīh abārīg was anāgīh az nasā kirrēnīdan andar gēhān garā bawēd
abar čiyōn šustan dār ud ǰōrdā wāstar kē nasā abar rasīd
abar bizeškīh pad mānsr ud kārd ud urwar ud čiyōn uzmūdan bizešk mizd_bēšāzēnīdārīh čē andar ham dar
ud abar gyāg ī nasā pad =iš klwīhēd ān =iz ī pad wināhgārīh andar nigānīhēd ǰud_ǰud pad čand_zamānīgīh bawēd
abar nasā mehmānīh dēwān ānōh kū nasā nigān kirbag ī nasā_nigānīh āškārēnīdan
abar drang ī axwārišnīh ī zan ī wisistag āb axwārišnīh =iz ī ān ī ābōmand xwarišn
abar šustan ī ayōšustīg ud sagīg anī =z ǰāmag tis kē nasā abar mad nē akār wizīrēnīd ēstēd
abar gōspand ī nasā xward urwar ī nasā aw =iš gumēxt ēstēd
abar wināh ī zōr ō āb nasāōmand burd
abar xān kē sag ayāb mardōm andar bē widerēd
abar čim ī nasā rāy andar mān kadag čand čiyōn kirdan nasā aw =iš burdan ka =š hangām rasīd āškārēnīdan pahrēxtan čē andar hamdar
abar yyy garān_wināhīh ī marg_wizīrīh kūn_marz
abar nasā ī hušk ī tar sāl murd
ud abar kirbag ātaxš ī nasā_bāg ō pākīh āwurd ātaxš ī hixr_bāg ud yyy ān =iz pēšag_gugārān ǰud_ǰud andar kār dārēnd kird kār ō dād_gāh pahrēxt
ud abar šustan ī rēman and pad nasā ham_karzagīh ud ǰumbišn anī anī wizēn ī yōǰdāsrgar nērang ī šōyišn mizd ī yōǰdāsrgarān gētīyīg ud mēnōyīg =iz
ud abar ǰam ahunsandīhā tāftan ī xwaršēd māh ud star abar rēmanān
abar šnāyēnīdan ī yōǰdāsrgar hamāg dām ī ohrmazd ka ō rēman yyy huyōǰdāsrīh dahēd u =š mizd
abar zōr_ayārīh ī ō nasuš_druz dād ī ōy kē yōǰdāsrgarīh nē dānēd ōh ud andar wināh ī puhl pad =iš
abar pērōzgarīh ī yatā_ahū_wayryō pad druz_zadārīh ud bēšāzēnīdārīh
abar abar srādag ī sagān arzānīgīh ī sag ī pasušhorw wišhorw abārīg =iz čiyōn dāštan srāyišn srāyēnīdan ī wināh ī az ōzadan adādīhā dāštan =iz ī =šān ǰud_ǰud čē andar hamdar
ud ēn =iz kū ka sag yyy wināhgār bawēd čē abāg kunišn čiyōn dārišn
ud abar dastwarīhā ōzad ī sag gurg
abar =ēw xēm ī andar sagān ī čiyōn andar se pēšag ī mādayān anī anī panǰ ēwēnag bawēd
abar garān_wināhīh ī ōzad ī babrag ābīg tōzišn
abar wināh ī ēr ō anērān dād
abar wināh ī ō ān ēw gušn ud nārīg ī ābestan ān waččag pad pestān zan duxt kasān gād wināh az ham wināh
aburnāyīg ī adādīhā sālār wēnīhēd sag asālār ka zāyēd sālārīh ud parwarišn kē frēzwānīh kirdan čē andar hamdar
abar daštān garāīh ī =š rēmanīh ud čand parhēxtan ī az =iš kas tis pad daštān rēman ud ān ī akār bawēd
šōyišn ī az daštān hangām šōyišn čiyōn šōyišnīh čē andar hamdar
ud abar garān_wināhīh ī daštān_marz
abar marg_puhlīh ī adāšt_dādwarān
abar pahrēz ī wars ud naxun wināh ī az apahrēzišnīh
abar ahlomōγīh ī az xwēš xrafstarγen barsom_barsom aštar ud srōšōčarnām ǰuttar burdan ud dārēd kū ān ī abāyēd
abar yyy ud puhl ī abar ōy kē hamāg šab bē xufsēd xwēškārīh nē warzīdan
ud passand ī mizd ī ōy kē abar az dēnīg nē xufsēd xwēškārīh warzīdan
abar rawāgīh seǰ ī nihān_rawišn pad ān ī wattar dēn nimūdār kē kustīg nē dārēd u =š nē dāštan čiyōn pad_dād
abar xwēškārīh ud wuzurg_arzīh ī pērōzgarīh az rōn rawāg_nibēgīh ī az gōšt dahēd ī =š tan_masā rādēnīdan ī kē yyy hammis pad ahlāyīh ī ō mard ī ahlaw
abar awištāb ī ātaxš ō abrōxtan ī pad abēšīd šab pāsbānīh ud kirbag ī az dādīhā abrōxtan āfrīn ātaxš ō mardōm ka hušnūd abēšīd
abar nāmčištīg čahār wināh ī druz az =iš nērōg_ābusīh padīrēd wizārišn ī ǰud_ǰud
ud abar garān_wināhīh ī rōz nibēgīh ud zyān az ǰōy āb rawēd zanišn_arzānīgīh
abar tōzišn ī daštān_marz wināh
abar kōšišn ī gannāg_mēnōy ō zarduxšt pērōzīh zarduxšt pad =iš čē andar hamdar
abar pursīd ī zarduxšt az ohrmazd čiyōn pad čē abzār stōwēnīdan ī gannāg_mēnōy abārīg dēwān u =š passox
abar šnāyišn ī wahman amahraspand az šustan abāz ō kār āwurdan ī rēman wastarg spās ī andar ohrmazd pad guftan ī =š pahrēz wastarg
abar dāsr ī mardōm ruwān dōšāram rāy bē dahēnd ō kū čiyōn ō frayād ī ōy kē būd madan
abar raft ī wahman ō padīrag ahlawān ruwān paydāgēnīd ud ān =išān gāh niwēyēnīdan ī ō mizd ud hušnūd raft ī ahlawān ruwān ō ī =šān ō ohrmazd amahraspandān gāh ī zarrēn_kird
abar tars ī dēwān az bōy ī ahlawān bīm ī =šān az zāyišn zarduxšt būd
ud abar wuzurg_nērōgīh ī bēšāz_dār urwar pad nērangīg abāz_dāštārīh ī was petyārag būd ī ohrmazd purr_srādag urwar ō bēšāzēnīdārīh ī dāmān az xīndagīh ud pērōzgarīh ī gōkirn urwar ī ast ī ān hōm ī spēd az abārīg urwarān pad bēšāzēnīdārīh ud xwēškārīh ī ayryaman pad bizeškīh ī yazadān
āgāhīh ī abar ān nērang ī =š pad bun_dahišn stahmagīh ī duzz pad =iš bē kāstan wuzurg_nērōgīh ī ērmān_xwāyišnīh ud ahunawar ud anī gāhānīg abestāg pad abāz dāštan ī dēwān az murnǰēnīdan ī gēhān ī ahlāyīh
ast ahlāyīh pahlom ābādīh ast ābādīh ahlāyīh pahlom
hadōxt
čiyōn ast se bazišn ā =š andar sad_ud_sīh_ud_se brīnag fradom sezdah brīnag mādayān abar čiyōnīh ī ahunawar ōšmurišn ī =š mēnōy sūd ī az frāz_srūdārīh ud čē andar hamdar
andarz ī abar wizīdan dāštan ī mēnōyīg ud gētīyīg dastwar pad dastwar kirdan ī harw kār dāštan ī ān =iz ī dastwar dastwar ī
abar wīst_ēk radīh ī mēnōyīhā pad ohrmazd ud gētīyīhā pad zarduxšt kē awēšān ast yazadān ēzišn dahmān_rādēnīdārīh
abar kār ī andar ǰud_ǰud panǰ hangām rōz ud šab ud puhl ī ōy kē andar ēzišn ī gāhānbār bē drāyēd ān kē myazd ī gāhānbār sāzišn nē sāzēd kē =iz andar abārīg ēzišn ī yazadān sūdag bawēd
abar čiyōn dāštan čē abāg dah tan ī rad_passāg sālār mard pēšag ān anyān ān kē wināh ī ǰud_frēzwānīg wizārēd ud ān kē pad =iz frēzwān nē wizārēd čē andar hamdar
abar sāmān kē dahmīh pad =iš winnārīhēd
abar paydāgīh ī weh_mardīh ud kirbag ī sūd ī az wāz xūb bē guftan ī xwardan xwārēd xwarišn xwārišn ud nikōhišn ud andarg_gōwišnīh ī dēwān
abar ōšmurišn ī panǰ gāh ud ēzišnīg guft nāmīh ī was yazadān andar ǰud_ǰud wuzurg āgāhīh ī andar hamdar
ud sazāgīh mard pad xwadāyīh niwandišn ud tan_dahišnīh ō yazadān huxwadāyān u =šān azbāyišn ud šnāyišn āfrīn ud āyift ud gōwišnān ī pad ān ī az druz bēš bē_burdārīh pērōzgartom
abar wispān weh dādārīh ud wisp_āgāhīh ud harw pēšī ud pasī raftārīh ud yyy ud arzānīg rādīh ud wēnāgīh ud druyist hamāg ahlāyīh bun barīh ud ahlāyīh_xwadīh ud ǰud_dēwīh ohrmazd dēn ī ud anī =z was āgāhīh andar ham brīnag
mayānag sad_ud_dō brīn mādayān abar mēnōyīg ud gētīyīg xwēškārīh sālārīh xwēškārān u =šān amāwand abzārān hamāg ahlāyīh_kārān hammis
ahlāyīh ārzōg_abrōz kirbag mizd harw ēk abar ēk u =š passazag ō ān ī gōwēd kū hadōxt kē ahlāyīh dārišn kū ahlāyīh pad tan ī mard mehmāntar bē kunēd
abdom nōzdah brīnag bēšāz wābarīhist bēšāz wābarān frāz_gōwišnīh abzārtom pad yazadān dām
čiyōnīh =iz ī yyy gōwišnān hučihr wizēntom passazag ān ī gōwēd kū ān rad yazam nēk ī buland hadōxt kē az ōy bē harwisp sraw ī zarduxšt zōhr_barišnīh abar ēmēdēnēnd
ast ābādīh pahlom ahlāyīh
yašt ī gāhān čiyōn fradom zahag ī ahunawar tōhmagān tōhmag ī dēn_ōšmurišn u =š pad parwastārīh ī gāhān hamāg andarōn mārīg bun_mārīg ast
bun_mārīg ahū abāg ahiiā gāhān bun sar_mārīg ī ast vāstārəm abāg vahiiō gāhān sar hamang nām kē ka čiyōnīh ēwēnag =ēw andar wizīdag ī az =iš wāxt andar hangirdīgīh ī hamāg bahrān ī dēn mazdēsn apargūd
u =š gāh āfrāhīhistān ud hammis wisperad mādayān franāmišn ud stāyišn ud ēzišn ud xwānišn ud ayāftan āfrīn ī pad dādār frazānagīh ristagēnīd pad pidīh mehmānīh ī ēzišn ī yazadān ī mēnōy rōšnēnīd ud brāzēnīd ēstēd
harw se passazag ō fradom abdom dādīh ī stōd_yast rāy gōwēd
ast pahlom ahlāyīh ābādīh
ast pahlom ābādīh ahlāyīh