Select Section Type

1.0
… ox ī astōmand āsrōnīg ud artēštārīg ud wāstaryōšīh ud xwadāyīh ud sāmānīhā ī hamīh ī pad dwāzdah_hōmāst yaštan … man hērbed dēn kunišn ān ī paydāg kū nūn =iz andar dwāzdah_hōmāst … hudēn ox ī astōmand artēstār pad pānagīh ud wāstaryōš srāyišn yaštārīh ud hutuxš pad āsāngarīh ī ōšmurišn dwāzdah_hōmāst āsrōn hamzōrīhā hamyābagīh rawāgīh … ud abzōn ī dām ud nē abesīhišn ast ī =t drāyīd kū … hāmdahišn az ēstād harwisp ox ī astōmand … ud apaywandīh ī tō ahlomōγ frēftārīhā pad … dām murnǰēnīdārīh wattar dād ān ī az gētī dād … pad mahist ōz pādag ast dām az abesīhišn ī … ān ī tō ahlomōγ wattar_dād paywandīd pad hamīh ī … pad dwāzdah_hōmāst yaštan ī zarduxšt ī man hērbed … ō frašegird abesīhēd ān =iz ī tō škeft ahlomōγ … sidīgar pursišn akwān
2.0
pursīd akwān ī yl ī yyy pad yyy ahlomōγ kū … ud ātaxšān urwarān bālist ī garān ud ān ī zofr rōdestāg ān ī ohrmazd dēn dahišnīgān meh mard ī ahlaw čiyōn … nē mān meh zōhr ī az ahlaw ox ī ahlaw az mardān … dēn kardag ud pad =iš yaštār ī ohrmazd ham bē … kardag dāštan man pad ān ī meh nikōhīd passox
3.0
… ān abar druwandīh frāz nimūdan ī =š dēn … kunišn ī gannāg_mēnōy warzīd ud anīz ahlomōγīg … gōwēd ud gētī uštānōmand dahišnān ī ohrmazd … sālārīh ī dāmān čiyōn mardōm ud u =š tan mādayān … ayārīh mardōm čiyōn gōspand ud ruwān mādayān huruwān … tan mādayān zēwarīh nērōgīh abērtar …išnīg ō mardōm ruwān abērtar pad appurdan ī =šān … ō gōspand tan abērtar pad =išān tan zēwarīh … dēn pad rēmanīh čiyōn druzīh tis ud az druz mehmāntar … wēš druz andar mardōm pad kōšīšn … ruwān rāy mehmāntar gāh pad tan griftan … …š ī mardōm zīndag ud tan hurāyišn … ud widard tan ka ruwān ahlaw ān =iz ī ō ruwān pad … ēd abāz ō tan ōbadēd tan ud rēmantar bawēd … ruwān ar dād u =š ō dušox kešēd … gōwēm ud andar gōspandān pad kōšišn siǰdīh … zēwarīh mēnōy rāy gāh pad andar tan griftan … ud druz azēnīg ud tan =iz kem gand ud mardōm tan … az mehmān druz padišīh ōšmurd ō … ruwān ud ahlawīyān ī tō pad bēšišn wistārīh ī … ud rēman zōhr abar ō āb ud ātaxš abar ō bālistān garān abar ō ān zofr rōstāg ahlomōγīhā kardag ast nē dād ī ast dūr … ohrmazd_dēn andarz ān ī gōspandān zōhr ān rēmanīh nēstīh dēn nērōgīhā wirāyīhēd ān =iz huzārag bahr ī az petyāragōmandīh pad =iš u =š pad bē_kirdārīh ud pākīh čand stāyīhād šāyēd bandag gāh padišīhīh pad frāz burd ī ō ātaxšān ābān ahlawān ahlawīyān abzōn ī dāmān šnā… dastwarīh ī ohrmazd_dēn ud hamdādestānīh =iz ī amaragān mardōm pad =iš čahārom pursišn
4.0
pursīd pōz_apāyīd ahlomōγ kū ka hixr pšpišn ō āb wināh ud wāy ī ābōmand ud mardōm pad guftan ī saxwan pad =iz āwurdan ī yyy dahān ud wēnīg hanǰišnīg amāh pad wēnīg ud pōz_pāyīdagīh ī =mān padisāy dahān ud wēnīg hanǰišnīg hēnd ud agar hixr ō ābōmand wāy mad ud bēšēd čim nikōhēd passox hād
5.0
pōz wēnīg pad =iš apāyīd ēstēd wēnīg ud pōz ābōmand wāy … wēnīg yakom ī pad wišādagīh yyy ud dahān ud ō ud wāy ī hanǰīd nē mad ud … ō stabrīh rāy andar frāxwīh ī wāy ī ō bēš ī āb ī andar wāy nē bē bastagīh ī wēnīg ud dahān az dahan ud wēnīg hanǰēd pad nišastan ī andar ān … did ō stabrīh ud paydāg tan hixrīh ud abāg rēmanīh ī az =iš … ud dahān ud wēnīg bērōn windīhistan ī pad frāyīh agar =iz ī andar wāy bēšīd … ud az ahlomōγān xōg ēn =iz abēsūd xwurdag ud pahrēzīšnīh ud hubōy garān … ašmāh menišn az parisp uzwān kē drō bast ud dahan ud wēnīg ō wāy ud ān wāy burd paygāmīh ma kunēd panǰom pursišn
6.0
pursīd ahlomōγ kū kē andar dēn abar kē pad nasā ī mardōm sag rēmanīhēd pad … pad bār gōmēz ud āb šustan ast ī ī =š yyy ī abar yyy ī ud ast ī … yōǰdahr čē gōwēd šāzdah bār ī amāh dād čim nikōhēd passox hād
7.0
weh_dēn ān ašmāh =iz bār dūr az šahr … pad ān ī wiškar gyāg ān ī yyy abar_šōyišnīh ud ēdōn yōǰdahr pad yyy … kārīh =ēw ī šab zamānīhā ud warzīkkarīhā ud raft ī pahrēzōmandīh ī … yōǰdahrgar yyy fradom gyāg kū yōǰdahrgar ī pad keš ud maγ ud abārīg … ayābēd šustan ī pad =iš guftan handāzag barsom nē ayāb ud pad drōn … abar keš yyy ud keš =iz gəuuana atuwān pad ašem_wohū se yyy =iz =ēw ud ašem_wohū se agar tuwān guftār pad ašem_wohū =iz se atuwān guftār pad guftan ī mārīg se u =š adwadād … dastwarīh ud čiyōn nē barsom_ayāb čē ō keš gəuuīna … yyy guftār tuwānīg pad yyy =ēw ašem_wohū se guftan ēwāz … ašem_wohū čahār guftār tuwānīg tuwānīg pad ašem_wohū =ēw guftan ud nē =iz se guftan tuwānīg pad mārīg ī se ī az =iš guftan ēwāz adwadād ōwōn amān ī pad weh_dēn pad nasā ī mardōm sag ānōh kū dēnīg … pad keš ud maγ ayābēd yōǰdahrgar pad keš ud maγ abārīg dēnīg … pānzdah sīh bār =iz ī dūr pad ān ī wiškar yōǰdahrgar pad keš ud maγ … yyy ī zamānag … gyāg ī pad abar_rāyēnišnīh ī guft ēstēd … nē čē yyy … ud šāzdah bār pad =iz dūr pad ān ī wiškar ud wiyābān gyāg … ahlomōγān ēn =iz pad dēnīg yyy abar yyy ī andar čiyōn =išān yyy abar =išān hē sabuk kirdan pad xwār guftan ī wināh puhl kām ud yyy ī wināh puhl āyōzēd ud ō wišād anāg āsān ō xwēš yyy gandīh paristan kešīdan šašom pursišn
8.0
pursīd ham ahlomōγ kū čim zōhr nē ān ī gurg ō ātaxšān ābān barēd wināh ahlawān ahlawīyān xwarišn handāzēd ud pad abesīhēnīdan ī xwarišn ud ō mardōm ud gōspand ēdōn meh_sūd ud wuzurg_frayād passox hād
9.0
čiyōn pad wēmārīh bē burdan ī az … tan yyy =iz az =išān kum u =šān āsānīh =iz rāy hām_tan kirdan xūb yyy … ud zyān az =išān abāz dāštan yyy hammis swhist mar ōzad dādīg bē … yyy ud pad_dūr az pākān pākīh tis ōsān pad xwēšīhā … pad waxš ēwēn swhistan gurg pad_andar hazzān wiškar gyāg abar dār abar … sazāg nē andar yyy kanār ī yyy ī pākān pākīh tis
haftom pursišn
pursīd any ahlomōγ kū ka ād … ud arešk ud abārīg wināh_āyōz druz wānīdan weh_dēn meh_andarz awēšān … wināh_āyōzīh ī mardōm frayistīhā pursān ī xwāstag ud zan zan … ō hamīh ī amaragān dād kē pad =iš āz ud waran ud arešk ud nang ud anīz wasān … az wināh_āyōzīh ī mardōm stōw bawēnd ud gannāg_mēnōy nērōg pad/az =iš čiyōn amāh pad paywand dastwarīh zarduxšt čāštag kardag čim passox hād
hamīh ī ašmāh pad xwāstag ud zan az zarduxšt … ī =šān xrōsagān =iz xwānd ī az fasāy būd frēftārīhā … čāštag kardag pad āz ud waran arešk ud nang ī amaragānīg az bē ārzōg … andar hilēnd andar gēhān ī āšuftīhā ud pad mardōm pad āsānīh … yyy pašt abāz ō ān ī xwāhēd ud kardag tis kirdan ud mōšīdan ī az xwāyišn ī kār gēhān awērāngarīhā ud pad apaydāg paywandīh ī ǰud_ǰud mardōm … āmēxtag zanīh abāg šwtl pad gumēzagīh_wanīgarīh nāmagānīh ud stūrīh ī wayūg ēk az mardōm wišuftārīhā ud pad wāspuhragān xwēšīh … xwadāyīh gāh ud pāyag ī mardōm akārēnīdan gēhān_rafsēnīdārīh … kas mād ī kastārīhā ud pad xwēšīh ud dārišn ōftārīhā dādwarīh ānābīhā ud pad ēd škeftom dēwēzagīh druz_wālēnīdārīh dām harzakkarīh ud pad paywēhag ī az =iš anērān mad any abar ērān mad any … ul_rasēnīdārīh ud pad wišōbišn ud abesīhišn ī ohrmazd … u =š petyārag nērōg dādār gēhān ud kām ī gannāg_mēnōy abar dāmān ī ānāftārīhā ud az xōg ī ahlomōγān ēk was ēwēnag ud zahr uf frēftārīhā dām ō gēhān wirēxtan pad =iš gēhān ī ahlāyīh wēmārēnīdan murnǰēnīdan haštom pursišn
pursīd any ahlomōγ kū ka andarz awināhīh ašmān xwadāyīh ud dādwarīh ud kārēzār ī abāg … yyy was kār ī awināhīh kirdan nē šāyistan nē abāg awināhīh hambasān čim kunēd passox hād … dādwarīh ud khād … dādwarīh ud kārēzār ī abāg anērān ud abārīg was ī az ēn … hamist dastwarīh andar kār dārēm meh_dādestānīh … abēr dēn abardar yyy pad sāmān ī meh_dādestānīh … yyy ud pādīrān_zyānīh kē =š andar gumēzagīh rawāg =ēw x ud pādīrān_sūdīh =ēw čiyōn amaragānīg sūdīh … īhanīh ud pādīrān_sūdīh =iz rawāgīh ān amaragānīg sūd ud andar gēhān rawāgīh ud winnārišn ī dām paywandišn ī ō frašegird ī pōryōtkēšīg weh dād u =š areštīh arawāgīh ī dam wisānišn ī az frašegird ī ahlomōγīg wattar dād nimūdār ī meh_dādestānīg kār pad ēwāzīg rawāg zyānīh pādirān_sūdīh andar =iš ōwōn bawēd čiyōn andar wāyišn ī tagīg wād pad amaragānīg srāyišn bōzišn az gand ī =š andar wāyišn widār ō hambasān rasēnēd bēšīdār ast kē ēdōn awināh čiyōn awināhīh ī dādār pad hām_dahišn sūd meh_dādestānīh dād ī dām ō kōšišn ī abāg druz ī ka =iz =išān andar kōšišn dard ud bēš ud marg wasān druwandīh =iz ud az ahlomōγān xōg ēn =iz dō ēk pad ān ī kem zyān_rawāgīh ān ī keh sūd pādīrānīh ī andar meh sūd ud kār ō awināhān anāgāhān abārōn nimūdārīhā ud ān ī meh_sūd kār akārēnīd ud āhōg pad ān ī keh_sūd rawāgīh ud ān ī keh zyān pādīrānīh ī andar meh zyānkār andar anāgāhān ud wiyābāngarīh ud ān ī meh zyān kār_rawāgīh_ēnīdan
nohom pursišn
pursīd any ahlomōγ kū ka mānsr ast ī pad gōwišn ī ast ī pad gōwišn ī frašōštar ud ǰāmāsp ud ast ī pad gōwišn ī wahunam ud sen ud ast ī pad gōwišn ī ān ī awēšān pēš az zarduxšt ud pas =iz az sen paydāg hamāg ohrmazd ō zarduxšt guft
amā pad ān ī =mān abar ān ī ohrmazd ō zardušt guftan ēwāz gāhānīg ud abārīg zarduxšt u =š hāwištān az gēhān brēhēnīd saxwan =iz az awirāstan pad waštagīh hangārd passox hād
abārīg mānsr ī ǰudā az gāhān agar ōh az gāhān az yatā_ahū_wayryō brēhēnišnīh ham mānsr ī ǰud ī az abar gugāy ān guwāyīh abāg xwad ohrmazd pad wisp_āgāhīh nērōg ud brēhēnīdan ud nē az mardōm dānišn ī ō =iz bahrān bahr ī az =iš nē rasād būdan pad was ēwāz gōwišn ī mānsr nē hamāg ohrmazd ō zarduxšt pad ān ēwāz guftan
bē gōwišn ī ǰud_ǰud kē pad =iš ēwāz guftan paydāg ohrmazd hē ān ēn mānsr čiyōn frāz gōwišn ī zarduxšt ud any wehān wattarān =iz ān =iz ī dēwān tā =iz gannāg_mēnōy az ohrmazd guft andar paydāg ān gōwišn ān =iz ī gannāg_mēnōy ud dēwān mānsr ud dād ī ǰud_dēw ham dēw guft bawē
ud mānsr ohrmazd ō zarduxšt pad was ēwāz hamāg ohrmazd ō zarduxšt xwastūgīh ud ast ī nē hambasān čiyōn gāhān kē ašmāh =iz pad hamāg ohrmazd ō zarduxšt ast ī pad ēwāz ī zarduxšt ud ast ī pad ēwāz ī amahraspandān ast ī pad ēwāz ī gōšurūn ast ī ēwāz ī abārīg yazadān guft ēstēd ō hamāg ohrmazd ō zarduxšt guft nē hambasān
ud az xōg ī ahlomōγ waranīg nigerīdārīh ī abar xwēš akōmanīg nigerīdārīh ī abar yyy gōwišn
om pursišn
pursīd ahlomōγ kū esm ī tarr abar pad ātaxš sōxtan čim wināh gōwēd xwēd nē bawēd passox hād
amāh hēmag ī tarr čē ātaxš barēd wināh adādīhā ranǰ ī pad huškgarīh ān ī hēmag ō ātaxš madan ud frōwišn =iz ī ātaxš az ān tarrīh rāy gōwēm ud az xōg ī ahlomōγān abēsūd wahāg ōšmurišnīh =iz
om pursišn
pursīd ahlomōγ kū may ī apaymān wināh čim gōwēd ud may paymānīg =iz xwardan nē šāyēd passox hād
amāh may apaymān xwardan wināh gōwēm šāyēd čiyōn dēn gōwēd kū ān ī yyy hūr xwarēd ān ī yyy sūr šāyēd xwārīd u =š māyēnīd ān gāhān pad asrāyišnīh āsterēd ud az xōg ī ahlomōγān duškirrōgīhā wāzag ī kasān wardēnīdan ud āhōg xwāstan
om pursišn
pursēd kū ēn hamāg was_band ōšmurišn ī ašmāh mānsr gōwišn ī ohrmazd būd saxwan pad ōšmurišnīh ō pādīrānīh ī az xwēškārīh rasišnīgīh čim ud ruwān bōzišnīg rāy mānsr gāhānīg dranāy ī ohrmazd guft bowandag hād
hamāg mānsr ōšmurišn ī amāh dād ohrmazd gōwišn ī paymān ī abāg mēnōy ruwān_bōzišnīh gētī =z framayišn ī frahang abzār ī abar dādār šnāsīh u =š kām_warzīdārīh mēnōyān yazadān ud dēwān =iz andar dānišnīg ud yazadān yaštārīh ud šnāyēnīdārīh ud dēwān ayaštārīh ud bēšīdārīh tā dādīg ud hādīg ud mānsrīg gāhānīg dānišn ī kunišn ī andar dādīg ud hādīg mānsrīg gāhānīg zamānag ō kār abērtar barišn u =š šnāxtan ud pad =iš xwadāyīh ud sālārīh ud dādwarīh hamāg rāyēnīdan ud dahišn paywastan druz wānīdan ud az dām bē burdan dām bizeškīh ud rāyēnīdārīh ud yyy_dahišnīh was gēhān mardōm frahixt būd bawēd ud āgāhīh ud ēd =iz rāy kū ka ahlomōγ ō dēn kōšišn rasānd pad dānišn frahang ud abzār ī az =iš hamāg hammōg ēraxtan ud škastan ud abāz abgandan az dēn xwadāyīh ud gēhān wizend abāz dāštan čār bawād
šāzdah ī hāwišt pursīd ēk pursīd
ā =m kū ka abar ān ī srūd_gāhān kirbag padisāy madan ī ō kirbag nērōg yyy weh mēnōy zōr ud rasīdan ī ō pahlom axwān adahišnīh paydāg az weh dēn abāz stāyīdan anīz margarzān ačārīh ī kirbag ī ō ān nērōg ud gyāg mad čim gōwēd passox hād
kird kirbag ī ō nērōg dād nēst nē dānam ud x kirbagīh az abāz_stāyīdan ī weh dēn ud anīz margarzān pasīh ī az spōxtan ī kirbag mizd ō tan ī pasēn nē weh dēn nēstīhīdan ī kird kirbag ast čiyōn ǰastan ī ačār andar yazišn nē nēstīh ī ān yašt bē pasīh ī az ān ī nazdist ǰast dō pursīd
pursīd kū ka guft ohrmazd nimūdan ī ō mašī mašyānī būd paydāg fradom ō_ham pursīd pas az mašī mašyānī pad and paywand būd guft čim passox hād
hampursīh ī ō ǰ̌am pad fradomīh paydāg andar mašīyīgān ī pad ēwāz ī šahr ī mardōmān bawēd pas az mašī mašyānī kē ul hambasān ō guftan nimūdan ī ohrmazd az ān ō mašī ud mašyānī nē mašī ud mašyānī bē xwad mašī ud mašyānī kē =šān mašī ud mašyānī ǰ̌am =iz az paywand būd u =š ēn čim kū ka hampursīh kamist mayān ī dō pad guftan passox bawēd ān ī az ohrmazd ō mašī ud mašyānī guft =ēw nimūdan =ēw būd nē hampursagīh ī guftīg passoxīg čiyōn amāh fradom abāg ǰ̌am būd paydāg pursīd se
ān ī guft ēstēd kū ka gōšūdāg yazēd harw xwarišn pādixšāy xwardan abārīg ān pādixsāy xwardan ī ōh yazēd ud āb yazēd āb pādixšāy xwardan čim passox hād
andar gōšūdāg urwar ud āb =iz astīh nē ka gōšūdāg yazam urwar ud āb =iz yaštagīh ud az ān bē arzānīgīh ī yaštār pad harw xwarišn ud xwārišn ī drōn ī yazēd urwarīgīh ī drōn pad sāxtagīh pad drōnīh radīh ī abar hamāg ī urwarīg sāzišnīg āb ī andar urwar rāy harw urwar ud urwarīg sāzišnīg ud āb =iz yašt ud az ān bē arzānagīh ī yaštār pad harw urwar ud urwarīg sāzišn xwardan āb xwārdan ud ka nē drōn bē any tis ī ān ī az urwar yazēd ka urwar ud āb ī andar yaštagīh ud az ān bē yaštār arzānīgīh pad ān urwar xwarišn āb xwārišn ka āb yazēd ayāb āb yaštagīh nē yaštār arzānagīh pad ud āb ēwāz xwārīdan čahār pursīd
pursīd kū ān ī guft kū az petītīg bē rāh ī ō dušox nēst čim passox hād
rāh rāh ī ō dušox pad rēmanīh ī ruwān az wināh wizārdan ud yōǰdahrīh ī darmān ī az wināh andar weh_dēn ōšmurišn u =š dastwar ī ruwān bizešk āgāhīh yyy kū dārūn ī abārīg harw wēmārīh ī andar pēšag ī tuwān bizeškīh ud āgāhīh ī ān tan bizešk rēman ud ālūdag ī pad wināh ruwān ka abāg pašēmānīh ī menišnīg ud abaxšīh ī gōwišnīg =iz az wināh petīt ī kunišnīg az weh_dēn dastwarīh ud framāyišn ī az weh_dēn dastwar ī ruwān bizešk ud čiyōn wizārdan ī bawēd kird ruwān az wināh rēmanīh ud ālūdagīh yōǰdahrīhist ud rāh ī az dušox ōwōn brīd bawēd čiyōn wēmār_tan āhuft tan wēmārīh ō bizešk ud druyistbed pad darmān_nimāyišnīhišn ī az =iš tan az wēmārīh bešāzīh ud abāz ō druyistīh mad panǰ pursīd
pursīd kū az kunišnān ī mardōm čē gēhān_sūdtar ud čē yazadān_šnāyišntar ud čē dēwān_bēštar ud čē abardar ī hamāg passox hād
az kunišnān ī mardōm gēhān_sūdtar ērīh ī andar ōy ī huxwadāy dahībed fragān ī framāyišnān winnārišn ud yazadān_šnāyišntar āstawānīh abar dēn mazdēsn kirbag dām ī dāštār … ud abardar ī hamāg xrad_rādēnīdārīh ī ō xrad_arzānīgān zahāg ī harw ahlāyīh šaš pursīd
pursīd kū hudēn kas kē =š az pēšēnīg dastwarān čāštag čāštag =ēw nē grift ēstēd andar frāz_rasišnīh ī kār ud dādestān abar ān ī pēšēnīg weh_dēn dastwarān pad =iš guft dādestānīh ān ī kadār dastwar čāštag niyōšišn gīrišn/kunišn passox hād
ōy hudēn ān niyōšišn gīrišn ud kunišn pad dastwarīh ōy kē andar āwām pēšōbāy weh_dēn ud abārīg weh_dēn burdār ī ōy hamband šāyēd ka ō ān dastwarīh anayāb ud weh_dēn bowandag_mēnīdārīhā ān ī ēk az čāštag ī awēšān pēšēnīg ud pōryōkēš ud dēn dastwar būd hēnd andar atarmēnīdārīh ī ān ī did pōryōkēš ud dēn dastwar čāšt yyy niyōšīdan griftan ud kirdan pad =iš ōstīgān winnirdan xūb haft pursīd
pursīd kū mehīh ī dēn_burdār az dēn xwadāy az xwadāyīh ud dānāg az dānāgīh čim passox hād
mehīh ī dēn_burdār az dēn čim ēk rawāgīh dēn pad dānāgīh dēn_burdār ud ān ī xwadāy az xwadāyīh čim ēk winnārišn ī dānāgīh … ud ān ī dānāg az dānāgīh čē dānāgīh čiyōn harw azišīh pad xwadīh winnīrdan šāyēd ud abāyišnīgīh ī dānišn ō sūd sūd ō xwēšāwand rāy hašt pursīd
pursīd kū dast ī hōy az barsom pad =iš kirdan andarz ī dēn pad =iš paydāg čim kē mardōm pad dast ī hōy dārēnd čē passox hād
az =iz xwaršēd ō ul_waxšišnīh az xwarāsān yyy ō xwarofrān ud dašn ō yyy abāxtar yyy ō nēm_rōz hamhangōšīdag ī mardōm ō xwaršēd wēnīhēd kū abāg ān ī =šān rōy ō xwarofrān ud dašn ō x abāxtar hōy ō rabihwintar bawēd šnāxtan šāyēd kū hōy dast kē barsom pad =iš burdan yazadān yaštan pad =iš weh dēn andarz ēn ham ī mardōm pad dast dārēnd hammis abārīg hannām ī ān_kust pad ohrmazdīg dādestānōmandīh ud ul rasišn ī ō pērōzīh guft ēstēd nō pursīd
pursīd kū ān ī abar xwaršēd ud pad ul_waxšišnīh ud pad =iz frāšm_dahišnīh ī se kišwar nēm rōšnēnīdan paydāg čim čē passox hād
zamīg abāg hām_pērāmōn parwastagīh ī harburz ī girdīh zamīg daxšag az dēn gird paydāg se kišwar ud nēm nēmag ī haft kišwar zamīg ast ī ud girdīh ī zamīg rāy xwaršēd rawānīg hamē nēm zamīg pad payrōg brāh bām rōšnēnīdan bawēd
dah pursīd
pursīd kū ka abar draxt sar kē azēr pad draxt bun pādyābīh ast nasā ī mardōm ayāb sag wēnīhēd paymānag ī az ān nasā ō ān pādyābīh pad ǰud az abar šud ī ō ān draxt ud bīm ī pad rēmanīh ud ast =iz ī margarzānīh ī pad ǰumbēnīdan ī ān nasā čār čē passox hād
ka ēd yyy čār ān ī abar šnāxtan ī wēnišnīg andarwāyīg an_abrīh paymānag u =š abzār čašm ud čōbīzag wisānēnam yāzdah pursīd kū
mardōm pad xwēš kunišn pad čē ohrmazd xwēš ud pad čē ohrmazd xwēš wāšpuhragān ud pad čē yazadān hāwand ud pad čē az ohrmazd xwēšīh ud bē pad čē bētar ud pad čē dēw hāwand bawēnd passox hād
mardōm pad xrad wizīn weh_dēn āstawānīh ohrmazd xwēš ud pad weh_dēn andartarīh ohrmazd xwēš wāspuhragān pad weh_dēn andartomīh yazadān hāwand ud pad weh_dēn anāstawānīh az ohrmazd xwēšīh bē pad wattar dēn āstawānīh az ohrmazd bētar ud pad wattar dēn andartomīh dēw hāwand bawēnd dwāzdah pursīd
pursīd kū ka ruwān ī mardōm rōšn_stī ud rōšn_stī ō tār_stī waštan nē šāyēd wīftag ud wēbēnīdag mēnōy dēw frāz būdan ān ī ahlomōγān ruwān abar andar ēn zamīg frod dwārīdan ī pad yaz_kirb ī šēbāg ī abestāg gōwēd čim passox hād
dēw bē frāz bawēnd abar wīftag ud wēbēnīdag gōwēd nē ērān wihīrišn ī =šān ruwān ō dēw bē frāztar būd ī =šān pad x grāy_warzīdārīh dēw ō ruwān čiyōn ahlawān ruwān yazadān frāz aw =iš ud dēwān abāz az =iš ōwōn druwandān ruwān dēw frāz awišīh ud yazadān abāz azišīh bawēnd ud ruwān ī druwandān andar dušox pad frāz_nazdīh ī dēwān aw =iš ast ī kerm ast ī wazaγ ud ast ī gazdum ud ast ī udrāy ud ast ī karbūg ud ast ī yaz_kirb paydāg ud ān ī wīftag ud wīftagēnīdag ruwān pad frāz_nazdtomīh ī dēwān aw =iš paydāgīh pad ān ī zištar dēw ud ahlomōγ ī frēftār ruwān frōdtom ī az dušox paydāgīh pad ān yaz_kirbīh dwārīdan ī ud nē wīftag ud wēbēnīdag frāztomīh ī dēwān ō ruwān ud nē =iz ahlomōγ ī frēftār yaz_kirbīh ī ruwān_wardišnīh ī ruwān gōhr ast sezdah pursīd
pursīd kū ka kunišn bōxtišn ī gayōmard az ān ī abestāg gōwēd kū pad =iz ān gōwišn ī aršuxt gayōmard ō ān ī amahraspandān huaxwīh abar mad ān ī =š čimīgīh ī rōšn būd kē guft kū ān xwad garōdmān dād ēstēd ō padīruftīh pad čāšt_čāštišnīh čimīg madan passox hād
dahišn ī gayōmard ō gētī andar ēbgadīg abēzagīh ī gētī čiyōn garōdmān =iz būd rāy garōdmānīg dād ēstād guftan ī gayōmard ī az ōy dastwar padīrēnd ud ō kunišn bōxtišn ī gayōmard ēbgadīgīh būd guft ēstēd nē hambasān harw dō pad rāstīh padīriftan čāštan xūb čahārdah pursīd
pursīd kū gōwišn dō dastwar abar gayōmard ēk kū andar ēbgatīh sīh sāl zīst ud ēk kū mad ēgbad pad gyāg murd ān ī ēk ō did hambasān paydāg harw dō padīriftan čāštan čim passox hād
ān gōwišn andar pāyag ī ō mardōm rōn ī āgāhīh ast az ān abestāg ī mardōm_rōnīhā āgāhīh ast harw ēk abar abar_sahišnīg andar mānāgīh ī andar šāyēd ud parwand harw dō abar ēk wimand ō hamgōwišnīh mad ēstād rāy nē hambasān guftār ud andar hampāyag ud parwand ud wimand ud parwand ud wimand ī =šān guftan ud padīriftan ud čāšīdan ēdōn čimīg čiyōn čimīgīh ī abārīg ī wurrawišnīg āgāhīh ī tis ī az weh dēn dastwarīh bē guft ēstēd šāzdah
pursīd kū mānāg ud mānāgtar =iz ī andar abestāg pad ēw_kardagīh ī dēn abāg yatā_ahū_wayryō pad nazd_gōwišnīh ī āgenēn gōwēd pad dō wašt_saxwanīh bazišn čē passox hād hād
mānāg x x ī andar abestāg pad ēw_kardagīh ī dēn abāg yatā_ahū_wayryō ud mānāgtar abar wisāndan nē šāyistan dēn az yatā_ahū_wayryō čiyōn wisāndan šāyistan ī wars az sar ī mard ud ēk ō did nē hambasān
šāzdah pursīd
pursīd kū dūrīh ī nasā ī mardōm sag az pādyābīh sīh gām ud daštān zan pānzdah gām wēš_rēmanīh ī mardōm ud sag nasā az daštān az frāy az sīh gām pad wēnišn_zanišnīh ī daštān zan ō pādyābīh ī =š handēmān wēš_rēmanīh ī daštān zan az mardōm ud sag nasā paydāg čim čē passox hād
mardōm ud sag nasā grāytar rēmanīh ī az daštān zan paydāg frāy az sīh gām pad wēnišn_zanišnīh daštān zan ō pādyābīh čim zīndag_čihrīg dwāristan ī nasuš abar daštān zan pad nasušōmand wēnišn ī ān zan bē ayāftan ī ō pādyābīh ī =š dīdār ud akārīh ī pādyābīh az =iš čiyōn abāg dām padīrag wād xwār_mādī gand saxtar ō wēnīg bē ayāftan ī az padīrag kōn wād ud škeftar =iz gand
abar zamānag rang ud čēīh rang ud kē =iz az rištan ī pad rang az nigēz ī weh_dēn x hād
zamānag rang wehīh ud wattarīh wehīh ud spennāg_mēnōyīg xwad_gōhrīhā wattarīh gannāg_mēnōy pad rasišn ī az bē gōhr ud ōšmurišn ī wehīh ī wattarīh sar az zamānag pad =iš rēxtan hašt spennāgīg ud gannāyīg ud az =išān wāyīg ud waranīg ud bagīg ud yyy ud hunihādīg ud dušnihādīg
spennāgīg ōšmurišn mādayān dēn_dānāgīh ērīh rāstīh ud xwābarīh čē =šān hamtōhmag yyy ud rāyēnīdārīh ī abar weh_dēn rāst
gannāgīg ōšmurišn mādayān sāstārīh ī āsrōnīh hamēstār agdēnīh anērīh ud kayagīh ud karbīh ud drōzanīh ud anespāsīh ud čē =šān hamtōhmag ud wišuftārīh pad =iš
wāyīg ōšmurišn mādayān artēštārīh āsrōnīh ayār tagīgīh ud arwandīh ud xwadāyīh ud dād čē =šān hamtōhmag hunar ud rāyēnīdārīh abar xwadāyīh
waranīg ōšmurišn mādayān xwad_dōšagīh x ahlomōγīh ī āsrōnīg brādarōd sāstārīh ayār ud dušdānāgīh ud agdēnīh ud čē =šān hamtōhmag āhōg wišuftārīh ī pad =iš
bagīg ōšmurišn wāstaryōšīh ī gēhān_warzīdārīh čē =šān hamtōhmag ud pad paymānag mānišnīg handōzišnīh ud wizīdārīg rādīh ī pad =iš abzāyēnīdan āsrōnīh artēštārīh ayār
yyy ōšmurišn pad duzzīh ud stahmagīh_warzīdārīh gēhān petyārēnīdan ī ud pad penīg_penēnīdārīh ud wanīgarīg_kārag kirdārīh ābādīh gēhān petyārēnīdan pad penīg padēxwīh abesīhēnīdan ud dām murnǰēnīdan čē =š hamtōhmag wāstaryōšīh ī petyār
ud hunihādīg ōšmurišn hutuxšīh ān se pēšag ayār pad hutuxšīh humat hūxt huwaršt ruwān ahlawīh
dušhunihādīg ōšmurišn duštuxšāgīh ud pad dušmat dušhūxt dušhuwaršt ud ruwān druwandīh se pēšagān petyār
ud ēd ōšmurišnān ǰud_ǰud az xwēš bun rasišnīh az ān ī abar ō ān ī =š ēr weh x spennāgīg ō wāyīg ud wāyīg ō bagīg bagīg ō hunihādīg wattar ud gannāgīg ō waranīg ud waranīg ō yyy ud ō yyy dušnihādīg
ud pad =iš ǰud_ǰud ān ī xwēš azērīg ud wehīg čērīh wattar stahmagīh ud čērīh ud stahmagīh andar gēhān amaragānīhā ud pad =iz ǰud_ǰud tan wehīg čērīh pad nēkīh ud wattarīhīg stahmagīh pad wadīh ī āwām ud mardōm paydāgīh ud az =iz ān azēr ō ān ī azabar nērōg paywandīhēd ud čiyōn az mardōm kār pad huēzagīh ō yazadān ud pad dušēzagīh ō dēwān nērōg_paywandišnīh dēn_pākīh paydāgīh
dādār ohrmazd rišt zamānag pad rang pad wehīh čim gōhrīhā abzūdan ī dahišnān az wehīh ud pad =iš ud wānīdan ī ēbgadīg wattarīh ī az dušbun ud pad wattarīh čim ēbgadīg wattarīh ī az bē pad wišōbišn ō dām mad az ēw_kardag_nērōgīg apattūgīh ī dām andar ō zamānagīhā ī az bundahišn tā frašegird wiškīd_nērōgīhā tarāzēnišnīh ud sārišnīgīh andar pattūgīh ud paywandišnīh ī dahišn ō frašegird az zōr ī wehīh ī andar zamānagīhā wattarīh ānābišnīgīh
ud zamānag ān =iz ī rang ī wattarīh wēš dārād ān ī wattarīh frayist az wehīh ī andar ham zamānāg pad sazišn ī =š druwand hamāg_wānīdārīh ēdōn frašegird gāh pad zōr ī wehīh wattarīh andar āwāmīhā ud zamānagīha hamāg_wānīdārīh ān zamānag frašegird pad wehīh abēzag_ēstišnīg ud pad =iš gannāg_mēnōy abesīhišn dām yyy_dahišnīh tan ī pasēn ud amargīh wštys ī hām_dahišn ī weh madan bawēd pad dādār frazānagīhā handāzišn kām nērōg
abar xwēšīg rang ī ērān_šahr az nigēz ī weh dēn hād
xwēšīg rang ī ērān_šahr ērān dād ud dēn mazdēsn ēwēn anūdagīg rang čand ēwēnag ērān xōg ud kēšān ēwēn ī ērān dēn mazdēsnān ēwēn petyārag ud hamē ka ērān_šahr xwēš rang ī ast ērān dād dēn mazdēsn ēwēn dārēd mēnōy ī weh andar mehmān ān ī wattar az =iš pazdag ud ārāstag ud wirāstag payrāstag pāk hučihr ud hubōy ud purr_urwāhm čiyōn tan_druyistīh pad ham pihwān paymānīg winnārišnīgīh ud ka anūdag rang ī ast čand srādag anērān xōg ud gannā_kēšān ēwēn dārēd mēnōy wattar andar mehmān ān ī weh az =iš pazdag wezestag ud wišuftag ud škōh ud rēman ud gandag ud duščihr ud purr_bēš bawēd čiyōn tan wēmārīh pad škeftagīh ī ham pih frāybūd ud aybībūd
abar sāzišnīg rang ī kustagan ī bērōn ērān_šahr az nigēz ī weh_dēn hād
ō =iz kustag hannāmān kē =šān sar ērān_šahr sāzišnīg dād dēn ān ham abērtar ī ērān ī =šān sar dād dēn u =š az abar_rasišnīh ham dād dēn wehīh ud sūd x abzōn čiyōn =išān mad az dād ī ērān pad xwadāyīh awēšān ērān kē haft kišwar ud kē =iz xwanirah xwadāy ī awēšān ērān būd hēnd az hōšang ud tahmured ud ǰ̌am ud frēdōn ud anīz ēr ī ō awēšān ōz ī =šān xwadāyīh mad ēstēd wuzurg bōzišn frāxwīh rāyēnišn fragān ī =šān sūd ī az =iš paywastag kē =iz abārīg xwadāyān ērān hamē ka awēšān dādestān padīruftan druyist dahībed dāštan nē pad stahmagīh ēmēdīh ud druxtār ud andar kōš zadār ud ōzadār ud rabūdār būd hēnd akōxšišn ī aw =iš ud dād bowandag ud čē =šān dāštan pad =iš abzāyēnīdan
ud az dēn ān ī pad rawāgīh ānōh =iz pad dēn mazdēsn ōz warz ud xwarrah bē barīhēd ī az =iz awēšān ēbgad ud winnārišnīg čē =šān sūd ud rāmišn paydāg
ān ī =šān ī az kēš aw =iš ōbast ud pad =iš škarwist ēstēnd abāz waštagīh dīdārīg =iz čiyōn kēš ī yišō ī az hrōm ud ān ī mošeh az =iz xazarān ān ī mānī az =iz turkestān tagīgīh ud čērīh ī =šān pēš būd bē burd ud ō wadagīh ud ōbastīh andar x himyārān abgand ud ān ī mānī az hrōm fīlsōfāyīh =iz ānāftan
abar frāzīh ud abāzīh ī pad bahr_dahišnīh ēwēnagān az nigēz ī weh_dēn hād
az ēwēnagān ī frāzīh ud abāzīh ī pad bahr dahišn ī ēn amaragānīhā fradom hunarāwand masādar ud abāz az ōy didīgar hunarāwand ǰuwān ud frāzīh ī hunarāwand masādar az hunarāwand ǰuwān čim amaragānīhā masādar abāg hunarāwandīh uzmūdag_hunarīh ud ōstīgānīh ī pad =iš pad =iš wēš ud wānīd pad =iš wattarīh =iz ān ī ǰuwān abāg =iz hunarāwandīh ō ān bowandagīh ī hunarāwand pad dād_mehīh bawēd nē mad ēstēd abāz az ōy sidīgar ahunar ǰuwān abāz az ōy abdom ahunar zarmān ud frāzīh ī ahunar ǰuwān az ahunar x zarman čim frayistīhā ēmēdwārīh ī ahunar ǰuwān pad madan ī ō hunarāwandīh az hanǰaftagīh ī =š zōr ī hammōg
abar frārōn_tuxšāgān ī bawēnd hunsand ud abārōn_tuxšāgān ī ahunsand az nigēz ī weh_dēn hād
kē dādīhā tuxšāg tuxšišn abar awizīrišn ī xīr pad ayābišn pad =iz anayābišn ī abespārišn ō spās rāmišn frārōn tuxšāg hunsand ud kē tuxšišn ī abar wizīrišnīg xīr pad ayābišn ud pad =iz anayābišnīh abespārišn ō garzišn bēš abārōn tuxšāg ahunsand bawēd awizīrišnīg paymān ī tan_dārišn gyān_dārišnīg yyy az frārōn wizīrišn ī ān frāy az ān ōh =iz ī az abārōnīh ruwān_bōzišn hammis az kirbag wizīrišnīg hamāg ī wināh
abar pānagīh hištan az pānagīh az nigēz ī weh_dēn hād
az yazadān amaragānīh nāmčištīg pānagīh ān ī pad pahrēz ī az wināhīh ī ud kirbakkarīh yazadān xwēš čiyōn yyy abar weh ud hilišn az pānagīh ān ī pad wināhgārīh apetīt wināhīh ud kirbag dušmenīh az yazadān xwēšīh rānīdag ud ēd =iz rāy hamē wehān ēmēd ud wattarān bīm dāštan čimīg tā andar gumēzagīh pad meh_dādestānīh ī ēmēd hāmdahišn gētīyīhā wattar =iz ast ī pānagīh ud weh =iz ast ī hilēnd az pānagīh ud ēg =iz mēnōyīhā ōy weh bōzišn burzišn rāy nēk ud frazāmīh ōy wattar škarwišn ud nigūnīh rāy wad_frazāmīh madan paydāg dānēd kū garān wizend ud zyān ī ahlwān az =iš tā hamē guftan ud drō bē ka dānēd kū wuzurg bōzišn ud sūd ī ahlawān az =iš tā hamē hagriz nē guftan weh_dēn andarz rāst_guftār ka =š ān ī rāst_guftārīh anāgāhīh ī az =iš dahišnīg ō zyān ī ahlawān zāmīhēd pad =iš abun_dahišt pad rāstīh_guftārīh stāyišnīg ud drō_guftār agar =iz =iš ān drō_guftārīh andar anāgāhīh ī az =iš dahišnīg ō sūd ī ahlawān rasē pad =iš aspās ud pad drō_guftārīh astāyišnīg hē
abar abāz az wināh ud frāz ō kirbag abāz az kirbag ud frāz ō wināh kas az nigēz ī weh_dēn hād
kē =š wahman mehmān abar ox ud ox xwadāy abar kām ud āštīh kadag_nišēm menišn rāstīh mēnōy_mānāg ī gōwišn xrad dastwar kunišn abāz az wināh frāz ō kirbag
kē =š akōman andarg ox menišn pīm ud waran pādixšāy abar kām ud xešm kadag_nišēm ī menišn drōzanīh mēnōy abar_framādār abar gōwišn ī xwad_dōšagīh dastwar ī kunišn abāz az kirbag frāz ō wināh bawēd
abar yazadān kāmagīh ī weh ī ud dēwān kāmagīh agdēnīh ēwēn az nigēz ī weh_dēn hād
weh_dēn ēwēn handāzišn ī passand ō dād ud handāzišn ī passand ō dād ēn =iz ān ī pad xwadīh hučihr ka =iz pad waštanīg kird duščihr ān ī pad xwadīh hučihr ka =iz pad waštanīg kird duščihr kirbag ast kirbag yazadān kām
ud agdēn ēwēn handāzišn ī dād ō passand ud handāzišn ī dād ō passand ēn =iz ān ī pad xwadīh duščihr ka _iz pad waštanīg kird hučihr ī ān ī pad xwadīh duščihr ka =iz pad waštanīg kird ud hučihr bazag ast bazag dēwān kām …
abar fradom āwurdār ī weh_dēn az nigēz ī weh_dēn hād
čiyōn dām az dēn awizīrišnīgīh ud az dādār pad =iš ābādīh ud andar gumēzagīh āwāmīhā zamānīhā hamē ō nōg abāz_madārīh niyāz padīš paydāgīg ān fradom dēn padīruftār ī az dādār gayōmard ī mardōm bun fradom gil_šāh būd pad kunišn ī dēn ō gēhān winnārišn ud wirāyišn rawāgīh dām abdom dēn_āwurdār ī az dādār sōšyans ī abdom mardōm sar ud xwadāy bawēd kē pad dādār kām ud warz ō frazām_burdārīh ī dēn ān ī pad gayōmard kunišn būd bowandag_wirāstār ī gēhān abēzag ud yyy yyy aštagān kirdārīh ī hamē winnārišnīg dām pad =iš čimīg xwānīhēd weh_dēn āwurdārān ud aštagān frēstagān x paygāmbarān āwišt ud ān kē pas az ōy gēhān abēniyāz bawēd az frēstīd ī dēn pad paygāmbar aw =iš
ud kēšdārān kē andar ālūdagtom ī zamān kunišn pūdagtom ī āwām ristag wattom ī hāmkišwar tam yyy ī mardōm pad dēn ud gumāntom ī pad dādīh ud mēnōy xīr ud niyāzōmandtom ī gēhānīgān ō rasišn ī tam bē burdār ud gēhān rōšngar ud abardarīg ud āgāhīh nēst_ēmēdīh ī gēhān az ān āgāhīh ud pad ān ī =šān paygāmbarān āwišt ān ī =š pad paygāmbar dārēnd kēš ī =šān az dād čimīgīh ī paygāmbarān āyišn yyy ud wizīnēnd pad =iš bē ud az nigerišn hilēnd gēhān abōzišnīgīh andar dāmān abar guft bawēd
abar pahrēz ī mazdēsnān az dēwēsnān anēr ud frēftār ahlomōγ xēm az nigēz ī weh_dēn hād
az dēn nigēz ī ān ī awēšān rēman xēm andar ruwān =išān zīndag tan abāg tan murd tan abāg ruwān ō dušox kunīhēd ēd rāy mazdēsnān bīm ī az abar_rasišnīh ī pad paywēšag ī az =išān ān rēmanīh winast_xēmīh ī az =iš az ān ī awēšān hamīh zīndag tan wēštar =iz pahrēzišn ka kū murd tan kē =šān pūdag nasā
ud ēn =iz paydāg kū az ān ī awēšān hamhāgīh nazdīkīh ī paywand damišn =iz kāhišn ī ahlāyīh ud ālūdagīh xēm winastagīh ī xōg nirfsišn ī xwarrah u =šān az taštīh ud ham padišwarīh anāštīh ud xīndagīh paywēšag hēnd pas_xradīh =iz bawēd ud pad čār az ān ī awēšān damišn =iz ēw dūr pahrēzišn abāg ēn =iz kū tašt ud padišwar ī awēšān pad =iš kunēnd/gīrēnd se bār pad ān ī garm āb šustan mazdēsn kē pad =iš xwardan xwārdan ī pahrēzišn
abar xwadāyīh ī meh ān ī hāwand ān ī keh az bowandag az nigēz ī weh_dēn hād
xwadāy ī meh az bowandag ān ī x kē xwad mādayān pad xwadīh bowandag mādagwarīhā pad ān ī ōy rāy ud xwarrah ud xrad hunar winnīrdagīh čiyōn xwad rāyēnīd abzārīh
ud ān ī hāwand az bowandag ōy kē winnārēd bowandag winnārdag =iz hāwandīhā az =iš čiyōn xwad ī rāyēnīdan abzārīh ud rāyēnīd =iz
ud ān ī keh az bowandag ān kē =š mādayānīhā winnārišn pad ān ī bowandag xrad hunar čiyōn xwad ī =š winnārišnīg ēwāzīg pad abzār
abar šādīh ī šādīh ud bēš ī bēš ud šādīh bēš =iz ud bēš šādīh =iz az nigēz ī weh_dēn hād
šādīh ī šādīh ōstīgān šādīh bēš =iz bēš ī šādīh ī ān ī tēz_sazišnīg gētī šādīh pad sazišn bēš bēš ī pad sazišn šādīh paywand
panǰāh_se abar pand ī mardōm pad =iš bōxtagīh ud ān ī az =iš ērangīh az nigēz ī weh_dēn hād
pand ī mardōm ī pad kunišnīh pad =iš bōxtagīh āhang ī ō ohrmazd kām andar xwāyišn ud pursišn ī weh_dēn ī ān ī ohrmazd kām ayāb andar weh_dēn az āgāhān ī pad =iš kunišnīg pahrēzišnīg tis ān ī anāgīh az kunišn u x pahrēzišn
ud ka =iz =iš pad ohrmazd_kāmīh čiyōn ka xwēš ox āfrāh ud xrad dastwar hē ka abar pād ī ō ān rasišn ī āgāhīh čār abar pādan ān ī az =iš ērangīh pad awurrōyīh ud pad =iz hunsand xradīg uzīd_wurrawīh dastwar waran ox xwad_dōšagīg tis
abar ast astīh ud paydāg paydāgīh az nigēz ī weh_dēn x x hād
ast xwad astīh ān ī paydāg paydāgīh xwad ō dānāgīh nērōg xwad pēš =iz az kār ōh =iz ō xwad spennāg_mēnōy paydāg būd hamē xwad astīh ud paydāgīh ān ī ast pad astīh ō =iz bē mard xwad pasīhā ud čiyōn paydāgīh ī ohrmazd pad astīh ō wahman pas az āfurrīd ī =š wahman pad kunišn būd abāg āfurrīdārīh ī wahman pad dādār fradom dahišnīh ud abāg dahišn dānāgīh ī dēn yyy ud abdīh ī =š xwadīh ud passazagīh ī wahman pad dādār pusīh ud dādār pad wahman pidarīh ī dēn nigēz ēg =iz ān ī ō xwad dādār pēš =iz az wahman dahišn paydāg būd ō wahman āgāhīh and mad ēstēd čand dādār pad =iš dānāgēnīd ōh =iz dānišn ayābišn tuwān pāyag and čand dādār az xwēš wisp_āgāhīh ud wisp_tuwānīg ud wisp_xwadāyīh bahrēnīdan nē =iz ān ī abardar pad dānišn tuwān ō ān abardomīh pad dānišn tuwān ō ā abardomīh ayābišn bawēd
ud az kēšdārān kē dādār xwad ēk pad pid pus pid nē pēš az pus pus nē pas az pid harw dō buništag ī hamēyīg kēš abāg būd nē šāyist waxr ī ēk xwad ka xwad ēk āfrāst waxr =iz kunēnd pad apēš ud apēš ud apas ēk az did abar pid pus guftan ān ī apēšīh ud apasīh ēk az did pad pidarīh ud pusarīh bawēd ī andar tōhmag ī tis_rōn ud nē abar pid ī pad pad_čihr pēš az pus ud pus az =iš ud pus ī pad_čihr pas pid ud az pid
abar dāšnīh dādārān xwēš dāšnīh padīruftārān andar abīmīh ī pad abāz appurdan ī dādār ān dāšn ī az nigēz ī weh_dēn hād
sazāg dāšnīh ī dādārān xwēš dāšnīh ī padīruftārān pad xwēšīh dāšnīh ī dādārān ān dāšn ī dahēnd ud arzānīgīh ī padīriftārān pad x x x x ān dāšn ō xwēšīh ī arzānīg padīriftārān madan ī ān dāšn ham kū dādār ān ī =š xwēš pad menišn ō ōy dāšn arzānīg rādēnīdan ud abēbīmīh ī padīruftārān pad abāz nē appurdan ī dādār ōh =iz ī pāduxšāy ī dāšn az =iš ka nē pad wināhgārān appār xwēšīh pad abēgumānīh ī abar ōstīgānīh ōy dādār pad dādār pad dānāgīh rādīh ud dādestānīh ī
ud kēšdārān kē dādār ān ī =š dād az =iz wināhgārān nē appārīhišn andar abē_wihānagīh pādixšāy abāz appurdan kēš ī =šān az dād dānāgīh rādīh ud dādestānīgīh =iz u =š bē wps adādestān =iz abar guft bawēd
abar mehīh ī ud frāzīh ī āsrōnīh abar artēštārīh wāstaryōšīh az nigēz ī weh_dēn hād
mehīh ud frāzīh ī āsrōnīh az artēštārīh wāstaryōšīh ī az was čim paydāg
u =š ēk ēn kū artēštārīh pad āsrōnīg druz ī mēnōy zadan ud wāstaryōšīh ī pad āsrōnīg yazadān yazišn sāxt harw dō andar āsrōnīh saxwan xwēš_grīwīg bē =šān ān hammōg kunišn pad rasišn ī az āsrōnīh
ēk ēn kū dānistan kirdan ī kadār =iz =ēw ī mardōm frēzwānīg čiyōn šnāxtan ī dādār ud was kirbag wināh az āsrōnīh awēšān =iz pēš ud mādagwar az harw kār ī =šān andar xwēš wimand
ēk az fradomīh ī āsrōnīh pad ham ōšmurišn mehīh ī pad =iz gāh ī daxšag ī āsrōnīh artēštārīh ud wāstaryōšīh
ēk az =iz tan ī mardōm mehīh ī sar ī āsrōnīh abar dast ī artēštārīh ud aškom ī wāstaryōšīh ud pāy hutuxšīh nišān_nimūdārīh x ud mehīh ī abardarīh ī āsrōnīg abar sar x artēštārīh ī abar dast ud wāstaryōšīh ī abar aškom ud hutuxšīh ī abar pāy nišān
ēk nazdistārīh ī āsrōnīh ī ō ruwān ī =š abar kē ka =iz ī nām pad ān ī āsrōnīh manohmed asar_ruwānīh nimūdār paydagīh ī az weh_dēn āsrōnīh pad wāspuhragāntom gāh ī ohrmazd wābar_gugāyīh ī mehīh ī āsrōnīh az artēštārīh ud wāstaryōšīh
abar ān ī az dēn andarz mardōm pad rayēnīdan pad =iš xwēšīh bawēd harw axwānīg nēkīh az nigēz ī weh_dēn hād
ka weh_dēn nigēzīg dānišnīg ādān ō xwāstag ādān ī kam_ādān dānišn pad dānišn ud xwāstag ādān ō dānišn ādān =ēw kam_ādān xwāstag pad xwāstag taftīg rād ud nērōg ādān az ādān ī =šān harw dō sazāgīhā bahrwar pad nērōg ō =šān harw dō bandag pānag bawēd ham_bāyīdag spurr xwēšēnīdār bawēnd ī dō axwānīg nēkīh ud pad =iš ārāyīhēd wirāyīhēd payrāyīhēd gēhān abzāyēnd weh_dānišnān bōzīhēnd ud burzīhēnd mardōm
abar hangāmīg āyōzišnīg ī yazadān ō wānīdan ī hamēstār ud spōxtan ī az abar dāmān petyār_madārīh az nigēz ī weh_dēn hād
yazadān az dādār framān ō wānīdan ī bē burdan ī petyārag az amaragān ēk =iz ēk pad hangām ī ān petyārag pad kam_zyānīh ī damān bē burdan ēdōn čiyōn dānāg bizešk bē burdan ī wēmārīh az tan andar winnārišn ī čihr nērōg_šnāsag warzīgar yyy ī rēman az ǰōrdā abāg anabesīhišnīh ī abāg nērōg rēman ǰōrdā bawēd ud mad ān hangām az dādār framān tēz pad huspōzīh rasēnd tagīgīhā zanēnd hamēstār pad anabāz_āxēzišnān ī yyy sūdōmand gēhān dēn frāxwīh ud xwārīh ud dagr_zamānīh āsānēnēnd dahišnān pad abēbīmīh ī az hamēstār rāmišn_mānišnīh gēhān
abar winastagīh ī mardōm pad gyān tan ud xīr rāyēnišn az nigēz ī weh_dēn hād
az dēn nigēz dādār bowandagīh ī =š pad dādārīh pad wisp mardōm pad gyān ud tan ud xīr rāyēnišn awinast ud agast ud anāhōg dahēd
āhōgōmandīh ī =šān pad gyān az dānišn_kastagīh winastagīh ī ud gyān druwandīh =iz ī wihān pad tan az =iz āmēzišnīgān wināhišn ī wēmārīh ud margīh =iz wihān ud pad xīr az xwarrah_tarwēnīdār škōhīh ud pad rāyēnišn az ristag_wišuftār frāybūd apaymānīh ud aybibūd tuhīgīh
kastan winastan ast ī dādār bowandagīhišnīh ud az appurdār ī dādār dahišn/dāšn dušmenān sazēd and_čand abar mardōm pad gyān dānišn pad tan druyistīh ī pad xīr ābādīh ud pad rāyēnišn paymān agar az dādār pānagīh ud abar_ōzīh ī =š abar appurdār zōr ud frāz nē hilēnd ī =š appurdār ō appurdan ī hamāgīhā ud abar mardōm ast pad abāyišnīgīh ī xwēš ud xwēšīgān nēkīh ud anabāyišnīgīh anāgīh ēn ī nihād nēkīh pānagīh kirdan az appurdār xēmīg appārēnīdār azišīh pahrēxtan
ud kēšdārān kē ān dahišn/dāšn dādār xwad abāz appurdan ī kēš ī =šān abar dādār appurdār =iz wināh ud druwandīh ud tabāhīh ud anāgīh_kām =iz ī dahišn/dāšn ud yyy pad dādār guftan yazadīh az =iš bē guft bawēd
abar xwēškārān xwadāyān bē burdan ī az mardōm škōhīh ud niyāz ud tangīh ud xīndagīh =iz ud waštagīh ī čand šāyēd az nigēz ī weh_dēn hād
az dēn nigēz xwadāyān čiyōn =išān anēr dušmen x xwadāyān guzastag az šahr abāz dāštan xwēškārīh ēdōn =iz škōhīh ud tangīh ud niyāz ud xīndagīh ud waštagīh az awēšān ī andar xwadāyīh spōxtan bē burdan ī pad čand andar gēhān nērōg pad čār nigerīdan kirdan
andar xwadāyān ān burzišnīgtar kē škōhīh ud wēmārīh čand čārīg az šahr mardōm ēdōn burd ēstēd ī andar ān ī ōy xwadāyīh dardēnišnīh ī bē dard wēmār ī aburd ud darmān gišnag =iz paydāg nēst rāyēnīdārīh ī abar ēn bē az dēn nigēz ud andarz
az aǰgahānīh waranīg ī az xwēškārīh ud ahunsandīh rāy bē kardīg zīyišnīg čahār frāxwēnīdan ō xwēškārīh āyōxtan pad =iš tuxšāgēnīdan
ud kē yyy ī abzār ī xwēškārīh u =š atuwānīgīh ī pad =iš nē čiyōn warzīgar gāw ī ud any abzār ī warzīgarīh ud abārīg pēškār abzār ī =šān kār ān ī kār ī pad =iš rāyēnīdār abzār dādan pad =iš abēwihānag kirdan kē perīh ayāb ārmēštīh rāy hammis wīftag zan wīftag aburnāyīg kē yyy ī niyāz az =iš abāz dāštār tuwānīg kas nē paydāg az kardag_handōz škōhīh_spōz rōšnīg
dēnīg abar rāyēnīdan rawāg dāštan framūdan kū nē niyāzīhād ō bē dardīg zīyišn_xwāhīh ud wēmarīh ud waštagīh čār rāy andar šahrīhā pad =iz deh wēmārestān ī abē_wihānag pad ruwān_dōst šnāsag bizešk ud awestwār ī pad =iš dārūg darmān
abārīg ān kār rāy abēwihānag kirdan framūdan ud hamē andar pursišn yyy ī wirāyišn dāštan
mādgwar hamāg dādestān andar šahrīhā wistardan kē pad =iš šahr ābādān yyy ud huškīh ud škōhīh ud niyāz az amaragān mardōm ī frāz_mālišnīh bawēd
pad humbōy ī abar ātaxš ud āb ud zamīg ud pahrēz ī az ōgrāy az winastagīh ud pūdagīh ī az =iš kū ō wihān ī wēmārīh ud waštagīh ī mardōm ma rasād ān ī nē bawēd bē pad ātaxš ud āb ud zamīg pahrēz
ēn weh_dēnān andarz az dahībedān framān ōstīgīhā andar gēhān
abar ān ī kēn abāg dāštan sazēd az nigēz ī weh_dēn hād
az weh_dēn nigēz ī kēn dāštan abāg ān sazāg ī abāg kōšīdan sazēd ud kōšīdan abāg ān ī sazēd ī az hamēstārīh ud zyāngarīh ī mardōm ud ān ī mardōm gyān ayār dāšn awardišnīg kē hēnd dēw ud abāg =iz ī ān ī wattar kē mardōm_ayār ayārīh nēst az =iš ō mardōm ī mardōm ī ayār hamēstār ī x dēw_ayārīh paydāg
ān pand abāg weh mardōm abāg =iz ān wattarīh ō wehīh wardēnīdan yyy ast kōšīdan nē dānāgīh bē wehīh dōšāram abāg warzīdan ud nēkīh pad =iš kirdan ud ān wattar pad dānāgīh ō wehīh wardēnīdan weh_dēn passand ud dastwar
abar ēwēnag ī ohrmazd dahišnān hamēstār u =šān wānīdārīh ud nērōg az nigēz ī weh_dēn hād
hamēstārīh ī ohrmazd dahišnān ēwēnag hangirdīgān se ēk mēnōy ud ēk pad čihr ud ēk pad tan dwārišnīg petyārag
mēnōy dwārišnīg petyārag mēnōy dēw ud druz u =šān wānīdārīh az weh_dēn nērang ī yazišn warzišnīh ī abārīg xūb_ēwēnīh nērōg agdēnīh dēw_ēzagīh ud abārīg dušēwēnīh
ud ān ī pad čihr dwārišnīg āz ud arešk ud abārīg ī čihr ī ud hunar ī pad =iš petyārag u =šān wānīdārīh az āsn_xrad pad yyy bizeškīgdār rāyēnīdārīh ud nērōg az waran abārīg druz pad čihr čērīh
ud ān ī pad tan dwārišnīg gēhān murnǰēnīdār dēwēst mar ī gurg ud xrafstar u =šān wānīdārīh abērtar pad wazr ud mārgen ī burdār ud ahlaw dahm pad pādixšāyīh nērōg az gurg ud xrafstar ǰādaggōw gēhān dēwēst ahlomōγ wēš
abar winnārišn ī šādīh ī abar abēzag mēnōyān yazadān dīd ī rēš ud bēš ī =šān hamahlān ī andar gumēzišnīg kōšišn az nigēz ī weh_dēn
winnārišnīg šādīh abar abēzag mēnōyān yazadān abāg dīd ī rēš ud bēš ī =šān hamahlān hamgōhrān ī andar gumēzišnīg kōšišnīg pad wēnišn ī =šān kōxšišn frazām ī pērōzīh ī yazadān yyy ohrmazd dahišn abar tamīg dēwān druz gētī ud ānābišn ī ēbgad =mān az dāmān ǰāwēdān winnārišn ī yazadān yyy andar hamāg ēwēnag nēkīh ī āhenǰišn ī =šān menišn ō ān ī asazišnīg rāmišn
kēšdārān kē gētīh frazām ī frayist mardōm rāyēnīd rāyēnišn ō druwandīh ud ǰāwēdān az =iš abōxtišn hamāg anāg_dušoxīgīh zāmīhēd ud kēš ī =šān abāg wad_frazāmīh ī dādār kār ud xrad =iz ī rāmišn abar frazām_āgāhān abēzag mēnōyān yazadān nūn =iz pad frazām ī abar kas =iz az =iz awēšān ī =šān kēš wahišt ēstēd pattūgīh hamkardīh ī abāg ān yyy ī =šān kēš ōwōn wad_frazāmīh ud mahist guft ēstēd
abar weh =išān wehtar ud wattar =išān wattar az nigēz ī weh_dēn hād
xwad ka xwad wehīh pad abarīgān tuwānīgān meh_zōrān nēkīh wēš_waxšišnīh rāy wehtar ud pāyag pāyag tā ān ī abardom pad ān ī abar_nēkīh ud sūd az =iš frāy kū pad ān ī azēr ōwōn kū ka pad gyān sūd yyy kū ka pad tan hēnd kē ān gyān ud čiyōn ka pad x kadag_xwadāy kadagīgān x ka pad x sālār deh ud dehīgān ka pad šahryār šahr šahrīgān ud ka pad dēn ud dahībed kē amaragānīg pad =iš ēstišnīh frāy_sūdtar ō gēhān gēhānīgān čiyōn az wehīh ī wisp_tuwān abardom dādār hamāg dahišnīh ī weh_winnirdagīh ud pāyram nēkīh ī kē rāy weh =išān wehtar wehīh ī dādār
xwad ka xwad wattarīh pad abarīgān tuwānīgān ud meh_zōrān wēš_ymišnīh ī az =iš anāgīh rāy gēhān_zyāntar ud wattar pāyag pāyag tā ān abardom ka pad ān ī abar_anāgīh ud zyān az =iš frāy ka pad ān ī azēr ōwōn kū ka pad gyān zyāngartar kū ka pad tan hēnd kē ān gyān čiyōn =iz ka pad kadag_xwādāy kadagīgān ka pad deh sālār ud dehīgān ka pad šahryār ī šahr ud šahrīgān ud ka pad dahībed ud dēn kē amaragān pad =iš ēstišnīh x x garān_ymwišntar wēš_zyāntar ō gēhān mardōm kē rāy agar pad kām ayāb pad abāz_dāštan ayāb pad uzīhišn ī az =iš tis =iz wadīh ō wisp hannām bun ud abardom dādār paywastan gōwīhēd čiyōn kēšdārān abar dādār pad ǰomāy wehīh wadīh azišīh =iz kēš ud saxwan abāg kast winast wehīh grāy_yyy ud garān_zyāntar az harw wadīh ud az hamāg wad wattar guft ēstēd kē wadīh pad =iš
abar astān ēwēnag az nigēz ī weh_dēn hād
astān ēwēnag ud ēn =iz se ēk ān kē xwadīh amarg u =š paymōzan awisānišnīh ud ēk ān kē xwadīh margōmand u =š paymōzan awisānišn
az awēnišnīh stīyān amahraspandān kē =šān xwadīh amarg u =šān paymōzan awisānišnīh amargīh ī =šān xwadīh paydāg az =iz ān ī =šān wimand ī ast amarg ī abzōnīg ud awisānišnīh ī =šān paymōzan az =iz ān ī ohrmazd wahman x x x ān ī asūdag ruwān pānag ī tan ān ī mānsr_spand paydāg ud abārīg =iz ī amahraspand pad amargīh ī xwadīh ud awisānišnīh ī paymōzan ī dādestān ān ī wahman amahraspand ud pad hamīh ī =šān xwadīh ud paymōzan xwānīhēnd amahraspand ud dārēnd dāmān baxšēnd rāy ud xwarrah ō gēhān ēdōn =iz abārīg mēnōy yazad
ud az wēnišnīg stīyān xwaršēd kē =š amarg ast stī xwadīh ud awisānišn paymōzan ī ast ān ī =iš rōšnīh_ēwēnag andar ham sāmān māh =iz ud starān ud pad amargīh ī xwadīh ud awisānišnīh ī paymōzan ī dādestān ān ī xwaršēd pad hamīh ī xwadīh ī ud paymōzan ī xwānīhēnd xwaršēd ud māh ud star ud rōšnēnēnd gēhān nērōgēnēnd čihrān ud waxšēnēnd dām
ān ī xwadīh amarg u =š paymōzan_wisānišnīh amaraganīhā mardōm ī pad ān ī =šān xwadīh ruwān amarg paymōzan ī tan andar gumēzagīh wisānišnōmand pad hamīh āgenēn xwānīhēnd mardōm ī pahlom hēnd gētī dahišnān ud andar gētī stīyān pad amargīh xwadīh wisānišnōmandīh paymōzan ī az dēn wisp gōspand =iz dādestān ān ī mardōm ud abārīg =iz gētī dahišnān pad ān ī =šān mēnōy amahraspand kē =šān ast xwadīh amarg ud pad dēsag wisānišnōmand hēnd pad hamdar dādestān ān ī mardōm ud gōspand =iz ud čimīg ōh =iz ān ī paymōzan dahišnān xwadīh čiyōn wahman ān ī asūdag ruwān ī pānag tan ī hammis mānsr_spand paymōzan hēnd ī ohrmazd wahman xwad hēnd asūdag ruwān mardōm xwadīh abar dahišnān brāh ud bām hēnd ī dādār
ud ān ī kē xwadīh margōmand u =š paymōzan wisānišnōmand dēw ud gurg ud xrafstar pad ān ī az weh_dēn ōz pad fradom frāz_srāyišnīh ī yašt_frawahr zarduxšt dēwān kālbod škast pad ān ī ušēdar gurg =iz pad ān ī ušēdarmāh xrafstar =iz kālbod škastan u =šān xwadīh pad ān ī abzār frašegird ud sūdōmand ī pērōzgar ī rasišn hamāg abesīhīdan pad hamāg_abesīhišnīh ī awēšān mardōm xwadīh amarg ruwān tan ud paymōzan hammis gōspand ān ī nē pas nē wisānīhēd abāg amarg xwadīh ruwān purr_urwāhm andar abēzag apetyārag ud gēhān_winnārišnīg bawēd az dādār dahišn nōg abāz kirdan awisānišnīh winnirdan paydāg
abar rāyēnīšn dādestān abāg dēn az nigēz ī weh_dēn hād
dādestān pad zahagīh ī āsn_xrad abāg weh_dēn ēw_kardagīh brādarīh =iz pad =iš wābarigānīgīh ud padīrišn ud rawāgiīh ud pad ān ī dādestān āsn_xrad āsn_xrad pad mardōm ī hamāg ān ī ham yyy mardōm pad =iš wāspuhragānīhā
ud ān ī agdēnān pad fragānīh ud nihumbīh x ud rawāg ī =šān agdēn ī zyānīgīh ōwōn barēnd čiyōn payālakkar pad zarr ō srub hamīh srub pad zarr nām rawāgēnēd
az ham bun ka andar handāzišn ī šnāsagān agdēnīh abēristagīh pad =iz tarāzūg ī hamdādestān wānīdārīh bawēd ān ī abēristagīh ān ī pad handāzišn ī weh_dēn ristag ō dādestān wēnīhēd ast hamzahag pad āgenēn_zahagīh ī =šān āxnxrad ī ohrmazd
sīh_nō abar pand ī mardōm pad =iš bōxtagīh āhang ud ān ī az =iš ērangīh az nigēz ī weh_dēn hād
pand ī mardōm pēš bōxtagīh āhang ī ō ohrmazd kām ud andar xwāyišn pursišn ī weh_dēn ī ān ī ohrmazd kām ayāb andar weh_dēn az āgāhān ī pad =iš kunišnīg pahrēzišnīg tis ī ān ī anāgīh kunišn pahrēzišn
ka =iz =iš pad ohrmazd_kām ī čiyōn ka xwēš ox āfrāh ud xrad dastwar hē abar pād ō ān rasišnīg ud āgāhīh čār abar pād ān ī az =iš ērangīh pad awurrōyīh ud pad =iz hunsand ud xradīg awizīd ud wurrawīh dastwar waran ox ī xwad_dōšagīg tis kirdan
abar handāzišn ī mardōm az nigēz ī weh_dēn hād
kadār =iz =ēw mardōm handāzišn ī ō ruwān_bōzišnīh sazēd ud xwadāyān abērtar pad winnārišn ud ārāyišn ud payrāyišn ud xūb_raftan ī xwadāyīh abar gēhān ǰud =iz ǰud tan dēn_burdārān abērtar pad rawāgīh ud wābarīgānīgīh wirāst paywandišnīh ī dēn mazdēsn ud pāyram mardōm abārtar pad bowandag_tuxšāgīh ī ǰud_ǰud abar ān ī =šān xwēškārīh
abar haft wāzag xwāyišn ī hāwišt az hērbed ēk kē hangadīh ī pad xīr ēk kē āsānīh ī kas ēk kē pahrēz ī az wināh ud ēk kē abzōn ī xrad ‘ ud ēk kē waxšišn xwarrah ud ēk kē dōstīh amaragān mardōm aw =iš ud ēk kē tan wirāyišn ud ruwān bōxtagīh az =iš bawēd
passox ī hērbed az nigēz ī weh_dēn hād
kāmag_warzān pay rāyēn ī ast ud hangad bawē pas xīrān ast niger andar nēst ud āsān_šādīhā pad dādār pad gyān dādār wisp_āgāh mān ud az wināh pahrēzē abēr dānišn ōš_bām handēš ud pad xrad bawē abzōnīg pad hučašmīh niger ō dāmān x x u =t xwarrah bawēd waxšišnīh mānišn pad mardōm dōstīh mardōm wirāy u =t mardōm abērtar bawēnd dōst drō az tan bērōn kun u =t tan wirāst ud ruwān bōxt bawēd
abar dēn mazdēsn dānāgīh hamāg az dēn mazdēsn astīh az nigēz ī weh_dēn hād
dēn mazdēsn dānāgīh astīh az =iz ān ī ī =š petyārag frāybūd ud aybibūd xwad ast ī paymān ī dēn xwadīh hamēstār dānāgīh frāybūd brādarōdīg ud aybibūd hamēstārīg petyārag ud az =iz ān ī weh_dēn wāspuhragān hudānāgīh mehmāntarān weh_dēn abērtar wurrawišnīh ud dānāgīh hamāg az dēn mazdēsn astīh az =iz handēšišnīg ud gōwišnīg ud kunišnīg dānāgīh ī ān kē ō dēn mazdēsn u =š ōšmurišn nē mad ēstēd harw az dēn mazdēsn astīh ud paydāgīh paydāg
abar xwadāyīh ud dēn az nigēz ī weh_dēn hād
xwadāyīh ī dēn ud dēn xwadāyīh mādayān astīh az weh_dēn nigēz andar ān wāzag ī awēšān =iz hambasān ī kēš pad =iš hamdādestānīh pad ān ī =šān xwadāyīh abar dēn dēn abar xwadāyīh winnārdagīh kēš ōh =iz wehān dēn fragān bun wāzag āstawānīh abar ohrmazd bunīgīh/bandagīh mehēnišn dēn ēk az did awisānišn
ērīh xwadāyīh mehēnīdārīhā az dēn ohrmazd bunīgīh/bandagīh mazdēsnīh dēn az xwadāyīh u =šān abērtar brāzišn sūd_mehēn paywastārīh ud ō dāmān pad hamīh ī xwadāyīh ī weh_dēn ī rāst_xwadāyīh ud pad hamīh weh_dēn rāst_xwadāyīh ī weh_dēn hamwāz čiyōn xwadāyīh dēn dēn xwadāyīh mādayān ōwōn axwadāyīh agdēnīh =iz ud agdēnīh axwadāyīh =iz
abar weh ud wehtar ud wehtom ud wad ud wattar ud wattom andar mardōm az nigēz ī weh_dēn hād
weh amaragānīhā amaragān āstawānīh abar ohrmazd dēn padisāy nazdīkīh ō dādār ohrmazd ud wehtar wehtom andar awēšān andartarān andartom ī ohrmazd dēn padisāy nazdīktarīh ud nazdīktomīh ō wisp_wehīh ī bun_dādār_ohrmazd ud wad amaragānīhā amaragān āstawānān ī abar wad_dēn nazdīkīh ī ō gannāg_mēnōy rāy ud wattar ud wattom andartom ān ī wad dēn nazdīktarīh ud nazdīktomīh ī ō hamāg wadīh bun gannāg_mēnōy rāy
ud kēšdārān kē wadīh =iz ǰomā wehīh bun yazad ast kēš ī =šān kēš wad čiyōn ǰomā weh dēn ō yazad paywand ud wadīh =iz ud wadān ō yazad nazdīkīh ī hamēdōn guft bawēd čiyōn wehān ud wehīh ī
abar xwadāyīh ī mardōm ud rāyēnišn ī pad =iš az nigēz ī weh_dēn hād
az dādār āfurrišn dahišn amaragān mardōm gyān xwadāy ast abar ān ī xwēš tan dād ēstēd ō =šān ayārīh az andarōn tan bōy ud pad =iš wīr nērōg xwāstār ud ayāftār ud pad ōš ōz dāštār ud pād_dār pad xrad zōr nigerīdār ud kārīgēnīdār ast ī dānišn
ud pākīh wišādīh ī rāh az ox ō menišn pad nazdīktomīh ī ō yazadān ō =iz mēnōy ud gōwišn ī rasēd az bērōn tan haft ǰud ud wāspuhragān āfurrīdag turgmān ī az =iš panǰ ēd ī xwānēnd sōhišnān =iz ī hēnd wēnišn āšnawišn čāšišn hambōyišn ud pahrmāhišn kē kird ēstēd az bērōn rōzan ud mānāg ī widārdār kadag_xwadāy abāyišnīg rōšnīh ō kadag ud ēk turgmān ast mādayān uzwān ān az andarōn kadag_xwadāy āwurdār āgāhīh ō bērōn ud nimūdār ī čē =š kām ud menišn
pad ēn ēwēnag kird ēstēd harw mardōm pad anāgīh_xwadāyīh ī abar ān ī xwēš tan ud wišādagīh kām pad =iš čiyōn awēšān gēhān xwadāy pad šahryārīh ī abar gēhān kāmgārān ī pad =iš ud pad huburdārīh abzārān dānāgīhā rāyēnīd ī xwadāyīh abar tan namīhēd huxwadāy ud paywandīhēd ēn xwadāyīh ō abērtar asazišnīg yyy yyy šahryār ī pad ān ī mēnōy axwān bawēd frāy ud burzišnīg xwadāy ud ka dušburdār bawēd abzārān dušāgāh wisistagīh ī ēn xwadāyīh az =iš ēw_tāg nigūnīhēd ō hamāg_anāg dušox bawēd dušfarg nikōhīdag xwadāy
abar xwadīh hannām ī dādār_ohrmazd andar gētī_dahišnān pad wahman mehmān ox ud spandarmad wārom gāh ud srōš dāštār menišn spurr xwābar bowandag_dādīh huframān xwadāy ahlaw mard ud ān ī =š hannām pad tanīg gyānīg abzār ud hannām ōy ahlaw pad ōš x ka pad āgāh yyy dāmān dahišnān parwand asmān ēwēnag ud pad wīr ka pad rāst_ayābagīh ī dānišnān tezīh ātaxš mānān ī pad xrad ka pad dānišn hukārān tisān purr pandīhēd āgāhīh ī weh_dēn ham ud čiyōn ud pad ud abzōnīgīh ud bowandag_menišnīh pad =iš parwānag pad saxwan ud kunišn pad dil ka pad abardar tagīgīh amāwand ō harw wēnāg ud yyy az ēč wēnāg
ud pad čašm ka pad hučašmīh xwaršēd pad gōš ka huniyōšīh ī srōš ud pad uzwān ka pad rāstīh ī guftārīh rašn hāwand ud pad dast ka pad huwaršt_warzīh ud pad pāy ka pad ahlāyīh abar_raftārīh hamēšag tuxšāg ud hampassazag pad =iz abārīg gyānīg ud tanīg abzār
abar wēnābdāg xwadīh ī gannāg_mēnōy az nigēz ī weh_dēn hād
wēnābdāg xwadīh ī gannāg_mēnōy pad akōman andar ox menišn rištag tarōmad tar wārom ud pēm xešm andar menišn padīdag adādestān yyy dušframān dāmān sahmēn sāstār ī druwand mar ud ān ī =š hannām pad tanīg ud gyānīg hannām ud abzār ōy druwand pad wīr ka tēz_appār ud pad ōš ka aframōš_kēn ud pad handēšišn ī wad hamēšag ud hamēšag anāgīh čēh ud pad kām ka =š harw kas rāy anāgīh abāyistan pad āz ka =š gēhān pad ēk yyy andar ōbārdan ī āhang ud pad waran ka pad wattar dēn ham āfrāhīh hām_kōs dūd_damišnīhā abrōxtag pad tarōmad pad ērmad ka suyēnīdag hambast ud pad ahlomōγīh ka dil ī kilāsāyīg_ēwēnag
gannāg_mēnōy dīdār pad aš ka frāsiyāb hāwand arešk ud abar hamāg ī weh dahišn pad karrag dahāg yyy anēkīh dēn ī weh ud pad gaw ka pad dušwaršt_warzīh ud pad azbār ka pad yyy dwāristan duzz ud gurg hāwand gēhān murnǰēnīdār
abar wihān ī dānišn rāmišn rasišn az nigēz ī weh_dēn hād
dānišn rāmišn harw dō kunīhēd az zōrān dānišn nērōg rāmišn az abāyišn zōr ī gyān dānišn ud tar ox rāmišn tar kāmag widār ō menišn rasēd pad tēz_rasišnīh ī ō menišn ān ī dānišn ka rāh ī az ox ō menišn bowandag ud pāk mēnōy_wēnišnīh =iz bawēd ān ī rāmišn yyy wazān sazīhēd
abar nērōg ī mardōm pad padīriftan rāmišn andar purr_bīm gētī az nigēz ī weh_dēn hād
rāmišn dō_ēwēnag urwāzišnīg az gyān zōr āsn_xrad_ēwēnag ul_hanǰišnīg az andarōn ō bērōn rasišnīg ō gyān gōšōsrūd_xrad_ēwēnag andar_widārānīg az bērōn ō andarōn ud bīm =iz dō_ēwēnag āxēzišnīg az andar čiyōn niyāz ī az ahunsandīh ud az bē rasišnīg ō andar čiyōn škōhīh ī az zad_xīrīh
ud wahman wihān ī rāmišn wihān ī āsn_xrad ud akōman wihān ī bīm_waxšišnīh waran wahman az spennāg akōman az gannāgīg ō mardōm rasišn ud dwārišn ud andar mardōm wahman akōman mehmānīg ud kē mehmānīg gāh_gīrišnīh ud kē widārīg abar_rasišnīgīh mardōm čand =iš wahman pad =iš abardom ud mayānag ud nidom pāyagīhā rāmišn ī az wahman_oxīh ud nēk_menišnīh ī az āsn_xrad ud pāyagīhā čand =iš akōman pad =iš bīm ī az akōman anāg_menišnīh ī az appurdagīh āsn_xrad az =iš ud pāyag ī ǰud_ǰud andar tan passazag
ōz ī rāmišn ud bīm andar mardōm ud čand az bērōn gōšōsrūd ō āsn_xrad ābādīh ud kāmag_xwadāyīh ō wahman paywastag and rāmišn abar bīm ōz ud čand dušāgāhīh ud škōhīh ud akāmag_xwadāyīh ō akōman paywast and bīm abar rāmišn ōz
čiyōn andar gētī yyy mardōm ī abēzag ud wahmanīgīh ud xrad ud abēzār az akōmanīgīh ud dušāgāhīh ud purr az akōmanīgīh ud dušāgāhīh ud anōdag az wahmanīgīh xrad nē ud agar ōwōn hamāg_rāmišn ud xrad ī tuhīg az bīm ud dušāgahīh hamāg_bīm ud dušāgāhīh ī ud tuhīg az rāmišn xrad kas nēst ud nē =iz ī ān ī abardom x pāyag ī rāmišn ud xrad abīm purr_danišn ud nē =iz ī garān_bīmtom ud dušāgāhtom kas arāmišn ud adānišn bawēd
abar frāybūd ud aybibūd ī dānišn rāmišn pad mardōm az nigēz ī weh_dēn hād
dānišn frāybūd ud aybibūd rāmišn frāybūd dānišn aybibūd ēn ēwēnag ī dēn nigēz kū pad xūb hamǰuxtagīh paymān rasišn ī dānišn rāmišn pad mardōm pāyīhēd pad dānišn az yyy ī rāmišn brādarōd ud pad rāmišn dānišn pāyīhēd az dehīg sōhišnīg brāhag ī ast ī dānišn brādarōd ud pad druyist_paymān hamīh ī im dō wehīh ī ast dānišn ud rāmišn andar mardōm bawēd ān ādehīg paymānīg ud pad_čihr ud xēm ud dādīg xwābar ud amāwand urwāhm_rāmenāg
ud and_čand rāmišn az hamīh ī dānišn ōh kāhēnēnd brāhag ī dānišn brādarōd abar dānišn ōh čērīhēd gāh ī dānišn abāz ōh gīrēd ud pad frāz =iz yyy ī dānišn az xwēš paymān ō brādarōd bawēd ān kas kam pānag_menišnīh ī bē_ristag gōwišn ud pad wēš ud ānābišnīh ī rāmišn wēš čērīh ī yyy ud frāy abāz_griftagīh ī =š gāh dānišn bawēd ān kas āhīd xōg kardag dil ud waxrōg saxwan ud halag_drāy pad hamāg yyy ī rāmišn hamāg abāz_griftagīh ud aybibūd gāh ī dānišn bawēd ān kas frāz_frāybūdīh dānišn ud aybibūd ī rāmišn ganāg ud gyān xōg ud abōy
ud and_čand dānišn az hamīh ī rāmišn ōh kāhēd ān_and yyy ī rāmišn brādarōd abar rāmišn ōh čērīhēd ud gāh rāmišn az xwēš paymān ō =š brādarōd bawēd rāmišn rāmišn abāz ōh gīrēd pad frāz =iz pasišnīh ī rāmišn az xwēš paymān ō =š brādarōd bawēd ān kas niwāg_handāz srūd_ārāy ud frāy_anīg ud wiyufsišnīh pad wēš_ānābišnīh ī dānišn wēš čērīh ī yyy ī ud frāy abāz_griftagīh bawēd ān kas nakkīrāy nēk dēn ud afsōsgar ud pad hamāg_ānābišnīh ī dānišn bowandag ud abāz_griftagīh bawēd yyy ī gāh ī rāmišn bawēd ān kas pad frāybūd rāmišn aybibūd ī danišn ud ēraxt ǰeh_barišn ašarm
abar ēwēnagān ī mardōm abāg weh_dēn ēn =iz čahār
ēk kē weh_dēn gōwišn ayār ud pad kunišn nērōgēnīdār ud wizīr ī pad =iš dēn_dōst ahlāyīh_ārāstār ahlaw ud ēk kē weh_dēn pad gōwišn stāyīdār ud pad kunišn nizārēnīdār ud x x x wizīr pad =iš dēn_dōstīh dēsagēnīdār frēftār ahlomōγ druwand ēk kē weh_dēn pad gōwišn nikōhīdārīh nimūdārīh ud pad kunišn nērōgēnīdār ud wizīr ī pad =iš andar druwandān was_ōzagīh pad kam_spāhīh yyy ud abāg =išān meh_dādestānīhā rāyēnīdār dēn_dōst ahlawīh_ēmēd ēk kē weh_dēn pad gōwišn nikōhīdār ud pad kunišn čandēnīdār ud wizīr pad =iš mar ī sāstār druwand
abar rasišn ud arasišnīh ī mēnōyān yazadān ō gētīyān ayārīh az nigēz ī weh_dēn hād
abrīd_kām hēnd mēnōyān yazadān az tēz_rasišnīh hamē ō gētīyān ayārīh ud ka mardōm az bazag pahrēz kirbag_warz hēnd dēwān pad zanišn ī az mardōm az widarg abāz dwarēnēnd wišād_rāhīh bawēd rasišn mēnōyān yazadān ō gētīyān ayārīh ud mardōm srāyišn bōzišn ud xwārīh ud wēš_paydāgīh ī abar gētī_dahišn kām ī yazadān pad abāz az kirbagīh ud frāz ō bazagīh ī mardōm frāz dwāristan ī dēwān ō widarg ud bastagīh bawēd rasišn ī nēkīh ī az yazadān ō mardōm kam_paydāgīh ī kām gētī_dahišnān
ka abāz az bazagīh ud frāz ō kirbagīh ī mardōm amaragānīg az rāh pākīh ud widarg frāxwīh ī az wēš zanišn ī dēwān ud ān yazadān ābādagīh ō gētīyān wēš_rasišntar az abzōn ī yazadān pērozīh ud āwām pad huxwadāyīh ud hudēnīh dānāgīh ud dād wirāstag ud hambāstag mardōm kāmag_zīyišnīh bōxtagīh abērtar bawēd hamē bawēd hamē ī čārag_rasišnīh ī dēwān pad nōg āhanǰīdan ī āwām anāgīh az frēftan ud frāz =iz ō bazagīh
ud ka abāz az kirbagīh ud frāz ō bazagīh andar gēhān amaragānīhēd dēwān frāz_dwārišntar ud rāh ī az yazadān pad rasišn ī ābādīh u =šān ō gētīyān bastagtar ud āwām pad sāstārīh ud ahlomōγīh ud kayagīh ud karbīh ud agdēnīh ud dušāgāhīh ud adād awērāntar ud wišuftagtar ud mardōm tangīh ud ērang ud dušwārīh wēš bawēd
ka andar frāz ō bazagīh ud abāz az kirbagīh ī amaragān abāz az bazagīh ud frāz ō kirbagīh ī ēwāzīg kas bawēd az frāz dwārišnīg ī dēwān pad frāz ō bazagīh ī ud abāz az kirbagīh dēwān pad frāz ō bazagīh ud abāz az kirbagīh ī amaragān bast yyy yyy ī az ham_čim arāh bawēd abar rasišn ī az yazadān ābādīh bē ēg =iz nē yyy rasišn ī az =išān pānagīh ud nēkīh ō ōy kas madan ī ān =iz nēkīh ī amarag ēwāzīg abāz az bazagīh frāz ō kirbagīh ō frazām_pērozīh ud āhang yazadān nēkīh ī amaragān mardōm
andar abāz az bazagīh ud frāz ō kirbagīh ī amaragānīg pad abāz az kirbagīh ud frāz ō bazagīh ī ēwāzīg kas wēš_bīm_tar andar amaragān ān abāz az kirbag ud frāz ō bazag kas pad pāduxšāyīh ī dēwān abarīh ud murnǰēnīdan ī =šān xwarrah ka ān =iz ī ēwāzīg abāz az kirbagīh ud frāz ō bazagīh ō anāgīh ud wišōbišn ud āhang amaragān madan bīm čiyōn az ōzārag wēmārīh mardōm tan bīm ī wēmārīh ī =š hamāg tan ud margīh =iz abērtar ka pad adarmānīh frāz mōšīhēd
abar wizīn ī menišn =iz ī abērtar menišn gōwišn ud kunišn pad kārān mādagwarīhā az nigēz ī weh_dēn hād
menišn fradomīh ud abāyišnīgīh ī pad hamāg kār dādestān xwēš bē društagīhā mādagwar wizīn menišn pad āstawānīh ī abar dēn petīt ī az wināh abar kē āstawānīhā abar dēn nē menišnīg ka gōwišnīg was =iz xwānē ud kunišnīg was =iz nimāyē ēg =iz ō dēn nē rasē
ud gōwišnīg kunišnīg =iz petīt ī az kehtar =iz wināh ka menišnīg abaxšīh ī az =iš nē abāg bē burdār nē
gōwišn pad rawāg_wizīrīh ī gētī dādwarān abar dādestānīhā gēhān čē mowbedān mowbed druyistīh ī wizīr az čim ud čim paydāgīh ī abērtar pad gōwišn bawēd
ud kunišn pad kirbag mizd xwēšīh ī az dāšn ī tis čē dāšn menišnīg rādēnīd ud ī gōwišnīg =iz niwēyēnīd dahišn ō ān ī dāšn arzānīg ka =š kunišnīg abespārd ī aw =iš nē abāg mēnōy mizd xwēšīh ī pad =iš nē bawēd
abar zamānag rāyēnīdārīh šōnag az nigēz ī weh_dēn hād
zamānag rāyēnīdārīh šōn abērtar pad xrad ud hunar rāyēnīdan ōy ī frazānag čiyōn =iš frāz_āhangīg abāz_āhangīg hunar xwēš_paymānīhā az dādār āfurrišn pad čihr hambārdag u =š xrad pēšōbāy ī hunarān pad xrad zamānag bē šnāsēd ud zamānag ī =š rāyēnišn abrāz amaragānīhā pad frāz_āhangīg ud hangāmīhā ud kasīhā pad abāz_āhangīg ān ī ī =š rāyēnišn nišēb amaragānīhā pad abāz_āhangīg ud hangāmīhā kasīhā pad frāz_āhangīg
hunar rāyēnīdan pad xūb_burdārīh ī dō_ēwēnag hunar andar dō_gōnag zamānag ō kār kārīgēnīdār ī hunarān sūd_kirdār ī kārān xūb rāyēnīdār ī zamānag handāxtār ī xwēš husrawīh ud huruwānīh ud bōzišn bawēd
ēd_ōwōn kū ān ī ī =iš abrāz zamānag xrad_pēšōbāyīhīh rāyēnīd abērtar pad abāyišn ī … az āz tagīgīh ī abēzār az xešm ud ǰumbišn ī pāk az gandāgīh ud tuxšāgīh pāk ī az waranīgīh ī ud āzād_mardīh ī pāk az karbīh rāmišn pāk az yyy ābādagīh/āzādagīh pāk az anēr yyy ī rādīh pāk az wanīgarīh ud yyy ī pāk az sturgīh ud atarsīh ī pāk az stardīh ud dādīgīh ī pāk az daftārīh ud wuzurg_menišnīh ī pāk az abar_menišnīh ud druyist_čašmīh ī pāk az duščašmīh ud ēwēn_xwāyišnīh pāk az wurrawīgīh ud čābukīh ī pāk az čīnagīh ud amāwandīh ī pāk az zišt_menišnīh ud abārīg hunarān ī pāk az brādarōd ud āhang ī ō rāyēnīdārīh ī abarmānd ud xwadīh passazag xwānēnd wuzurg ud dūr_nāmīg pattāy kār ud kirbag
ud ān ī =š nišēb zamānag rāyēnīdan xrad pēšōbāyīh abērtar pad nigerīdārīh pāk as spōzgārīh ud burdīh pāk az yyy ud xāmōšīh pāk az tušt_menišnīh ud hunsandīh pāk az aǰgahanīh ī ud driyōšīh pāk az škōhīh ud x brahmagīh pāk az rēmanīh ud čīnagīh ud xwāyišn pāk az ānābagīh ud fšūnišnīh pāk az penīh šarm ī pāk az tarsōgīh ud pahrēzgārīh ī pāk az wirēg az kirbag ud xwābarīh pāk az bōšīh ud ēr_menišnīh ī pak az ōbastagīh hučašmīh ī pāk az waran_čašmīh bārestānīh ī pāk ī az kēn hambārīh ud ānāmīgīh ī pāk az garrān abar ud passand ī pāk az wināh_hamīh ud abārīg hunarān pāk az brādarōd ud āhang ī ō rāyēnišnīgīh ī az ān ī xradīg wānīhišn rāyēnīdār ud pahrēz ī az xwurdag wināh
abar meh ī mayānag ud keh kār kār az nigēz ī weh_dēn hād
andarōn weh_dēn kār hamāg ān ī kirbag ud kirbag ān ī dahmīhā ud dahmīhā ān ī dām_abzāyēnīdārīh ud meh kār ān ī druz wānīdārīhātar ud gēhān ī ahlāyīh frāy_dahišnīhātar ān ī andar čahār pēšag ī dēn mazdēsn
andar āsrōnīh pēšagān abardom yazišn ī yazadān čāšišn ī ud ōšmurišn ī dēn wizīrīh ud dādwarīh kirdan ud abārīg āsrōnīg ud andar artēštārīh aswārān ud paygān ud abārīg arrēštārīg ud andar wāstaryōšīh x pasušhorwīh ud abārīg wāstaryōšīg ud andar x hutuxšīh nān_bāg ud xwālīgarīh abārīg ī hutuxšīg kār ud azēr āsrōnīh kār tā kārān frōd ud nidom andar abārīg se pēšag hamāg mayānag bawēd
ud frōd ud nidom ī kārān wāzargān abdom kār ī andar wāstaryōšīh pēšag u =š andar xwēš sāmān ī azabar andar dahmīh ān ī azēr kastārīh paywand ān ī =š azabar sāmān az ānōh kū padēxwīh ud dārišn ī mardōmān gōspandān frāy az ān ī mardōm gōspand pad =iš mānēnd abāyišnīg xrīnēnd/zīyēnd abar dāštan ud wāzēnīdan mardōm ud gōspand abāyišnīg padēxwīh ud dārišn ō ānōh kū hambār ud bār ī =š andar kem az ān ī pad padēxwīh dārišn ī mardōmān gōspandān ī pad =iš mānišn ast abāyišnīg abzōn ayārīh ī gōspandān mardōmān ud abzāyēnīdan ī gēhān pad paywastan ī kār warzišn ī =šān ēk ō did kirrōg andar dahmīh ēdōn pad awindišnīh az ān ī =š azabar gēhān meh_sūdtar pēšag kār ud nān ud wēš_zīyišnīh ī xwēš kē dādīg kārīh az =iz ēd ka az =iš ān =iz ī andar dahmīh parwand pad awindišnīh ī nān ud weh_zīyišnīh az ǰašn ud kār ī andar wāstaryōšīh ud āsrōnīh ud artēštārīh hutuxšīh dastwarīhā ud sāmān ī =š ō adahmīh paywand zīyēnd ud andar ham šahr pad padēxwīh ud dārišn ī mardōmān gōspand wirāstār ud garān_wināhtar pad ǰōrdā yyy az =iš niyāz ud tangīh ī amaragān pad paywand u =š wēmār =iz ud wiyēb ī mardōmān ud gōspandān =iz tay az zōrēnīdan ī anēr pad zanišn ī ērān ēd rāy čē =š tangīh ī gēhān zanišn zyān ī ēr mardōm pad =iš az dahmīh bērōn ud ō kastārīh paywand dārēd x ud pad garāntom_wināhīh weh_dēn čār
abar kirbag ī hudēn az agdēn kas padīrēd ud kunēd az nigēz ī weh_dēn hād
bē gāhān_srāyišnīh ī pad ruwān ī ōy ī frōd murd druwand tā abārīg kirbag az =iz ān ī agdēn pad =iz mizd padīrēnd kirdan xūb ka pad kirbag_menišnīh frayist ōy =iz agdēn yyy any rāst_menišnīh rāst_gōwišnīh rāst_kunišnīh ī agdēn =iz hangārdīg guft ēstēd gāhān_srāyišnīh ī =z hangārdīg ud kirbag mēnōy frahixt
dastwarīhā_kunišnīh ī pad zīndag agdēn ruwān kirbag čim ēmēd pad bōxtan ī ōy agdēn ruwān pad ān kirbag az dušox ka pad xwāyišn ud pursišn ī weh_dēn nē wināhgār handāzag wēmār_tan bēšāzišnīh ēmēd rāy dārūg dādan kirbagīh ān ī frōd murd ō dušox ōbast abāg ruwān abāg afrahaxtīh ī =š ēč kirbag pad bōxtan ī az dušox pad gāhān_srāyišnīh yaštan dēwēzīh handāzag murdag tan dārūg andar ō tan rēxtan afrahaxtīh ō ān tan rāy pad =iz akārēnīdan ī dārūg pad =iš wināhīh
abar ān ī az mardān wehtar ud weh ud az marān wad yyy ud wattar wizīn ī az nigēz ī weh_dēn hād
az mardān pad wehtomīh wizīn ān kē pad gēhān frāy_dahišnīh ī xēm ud kār ud pad gēhān amargīhišnīh ī xēm kār ō sōšyans xēm ud kār nazdisttomīh pad wehtarīh wizīn ān kē xēm ud kār ō ō mard xēm ud kār ud ayārīh ud pad wehīh wizīn ān kē xēm ud kār ō ōy mard xēm ud kār nē hamēmālīh
ud az marān pad wattomīh wizīn ān ī kē pad gēhān kastārīh xēm kār ō dahāg xēm pad kār ud pad gēhān marg_kirdārīh xēm ud kār ō malkūs xēm ud kār nazdīktar ud pad wattarīh wizīn ān kē xēm ud kār ō ō mar xēm ud kār ayārīh ud pad wadīh wizīn ān kē xēm ud kār ō ōy mar xēm ud kār hamēmālīh
abar ān ī az zanīn wizīnišn ud ān ī az =iš pahrēzišn ī az nigēz ī weh_dēn hād
abar hamdar az ud dēn ī nigēz ī weh_dēn hangirdīg =ēw ān ī abar ēwēnag ī zanīn wizīn pahrēz ī az =iš āgāhēnīd hād zanīn bawēd ēn =iz ēwēnag čahār nēk tušt ud nēk nē tušt ud nē nēk tušt ud nē nēk ud nē tušt wizīn ī az =išān kārīgīh ī andar kadag ud āsānīhišnīh ud rāmēnīdārīh ī kadag_xwadāy rāy nēk nē tušt ud abēšīh ī az =iš rāy ān ī nēk tušt ud pad awindišnīh ī ēn dō ēwēnag ī azabar ōšmurd ān ī nē nēk ka tušt az ān ī nē nēk nē tušt dūr pahrēzišnīh
abar rāyēnīdan ī dādār_ohrmazd gētī dahišnān az nigēz ī weh_dēn hād
rāyēnišn ī dādār_ohrmazd gētī dahišnān andar gumēzagīh hangirdīg pad dō zōr ēk pad awizīn čihr ud ēk pad wizīn kām_rāyēnīdārīh ud pad awizīn čihr_rāyēnīdārīh nērōgīg zahāgān ō ristagān ud ō tanān hambawēnēd ud dām pad rawāgīh ēbgad pad =iš wānīdārīhā ō frašegird paywandīhēd pad wizīn kām_rāyēnīdārīh amahraspand nērōgīg menišn gōwišn kunišn mardōm wirāyēd pad humat hūxt ud huwaršt ahlāyīh waxšēnēd ud druz nirfsēnēd ēbgad wānēd dām sūdēnēd
az dādār frazānagīhā handāzišn ka pad rasīg awizīn čihr_rāyēnīdārīh zōr dām pad rawāgīh ō frašegird paywandīhēd pad amahraspandīg wizīn kām_rāyēnīdārīh zōr dām pad rawāgīh_rāyēnīdārīh nērōg hudēnīh ud huxwadāyīh mādayān ka az humat hūxt huwaršt hammis kām warzīdārān ahlāyīh spurrīg waxšēnēd ud druz bowandag nirfsēd ud ēbgad wānēd ud ud zanēd ud yyy ud dām pad wehīh abēzagēnēd pad hamāg nēkīh winnārd bawēd
kēšdārān kē čihr ud kām_rāyēnīdārīh frazām abesīhišn ī hamāg dahišnān ud druwandīh ud ǰāwēdān az =iš abōxtišnīg dušoxīgīh frayist mardōm kēš ī =šān dušrāyēnīdārīh abar yazad guft bawēd frazānagīh az =iš bē guft bawēd
abar andar ī āsmān az nigēz ī weh_dēn hād
az dēn nigēz ī āsmān fradom dām az ān ī gētīyīg dād ud abārīg dāmān hamāg dād ēstēnd andarōn āsmān čiyōn way andarōn xāyag dād ēstēd āsmān pērāmōn wispān čiyōn xāyag abar way
ud andarōn āsmān gyāg se ēwēnag ēk rōšn ī agumēg_tam wehīh ī agumēg_wadīh ud šādīh ī agumēg_bēš gyāg ī abardar u =š nām garōdmān wahišt abardom ī =š pāyag wehīh ī dādār_ohrmazd ud pāyagīhā ī amahraspand ud abārīg yazadān azādān frawahr ī rōšnān ī wēnišnīg pad abēzagīh az ēbgad ud ēk tam ī agumēg_rōšn ud wattarīh ī agumēg_wehīh bēš agumēg_šādīh ī gyāg ī frōdtom gannāg_mēnōy yyy pāyagīhā māzanīgān ud abārīg padīrag [B 8] [M 6] kōxšišn ī dēw druz pad bazag ālūdagīh pādīrānēnīdag druwandān ruwān u =š nām dušox ēk rōšn ī gumēg_tam ud wehīh ī gumēg_wattarīh ud šādīh ī gumēg_bēš gāh ī mayān ī harw se u =š nām gētī gyāg kōxšišn ī abāg ēbgadtom wattarīh bēš ī mad ēstēd ō gēhān
ud mardōm gētī_dahišn ī pahlom kōxšāg razm_bed ud abārīg gēhān dahišnān mardōm x abzār ka az dādār frazānagīhā handāzišn ud pad abargar mēnōyān yazadān nērōg mardōm huahūīh huxwadāyīh abarīgīh az gētī dahišnān pad rōšnīh ōz tom frāz_mālišnīh ud pad wehīh zōr wattarīh bē_burdārīh ud pad šādīh nērōg bēš_spōxtārīh bawēd
ēn ī mayān ī gyāg ī ast gētī pad hamāg rōšnīh wehīh ud šādīh hāwandīhēd ān ī abardar gyāg bē wahišt garōdmān ī hamāg_rōšn ud wisp_wehīh nēk ī urwāhm pad ham xwarrah ōz wānīhēd gannāg_mēnōy bē barēnd az =iz frōdtar ī āsmān abāg ālūdagīh ī az =iš bawēd andar āsmān hamāg_rōšn hubōy pāk ud harw nēkīh wisp ud šēdāy ō abardar frazānagīh xwadāyīh ī dādār passazag
ud kēšdārān kē =šān dušox pad rāstīh mardōm ǰāwēdān pādufrāh dēw zīyišnīh hamēyīg kēš ī =šān abāg yyy adādestānīh ān garān anāg kirdār andar ī āsmān yazad kadag hagriz bowandag ud pāk nē ud hamē ālūdag bawēd guft bawēd [B 15]
abar ān ī kirbag ud wināh pēš ud pas čim kirdan mardōm nērōgīhīh ud pad =iš winnirdīh ud nigārag padīruftārīh ast az nigēz ī weh_dēn hād
pēš az kirdan kirbag fradomīg pad nērōg ī bun kirbakkar spennāg_mēnōy bazag =iz fradomīg pad nērōg ī bun bazakkar gannāg_mēnōy ud madan kāmīg ō kird ī harw dō mēnōy
kirbag az kirbag bun bawišn ō mardōm ox rasīšnīg pad =iš wizārdan ud bazag az bazag bē mardōm ō mardōm rēxtan pad ēbgadīg ag ī andar mardōm winnirdan
ud madan ō kāmag kirdan ī ō mardōm harw dō kanārag ō mēnōyīg nērōg padīruftārān rasišn
kirbag ō kirbag ud nērōg wp_tār weh mēnōy ud pad =iš ōzdār nigēz kirb ī nigārdan kaynō nāmīhistan wizārd
ruwān kē widard ō padīrag ud abāgīh ī ōy kirbag_warz madan pad frāy kirbag az bazagīh ī ahlaw ruwān
nērōg ī =š pad widār ī abar čēh_widarg ul_uzišnīh ī ō azabardar gāh ī ǰāwēdān xwāyišn ud dādārīh ī pad abāgīh
bazag =iz ī ō bazag ī nērōg padīruftār wattar mēnōy ud pad =iš yyy čarātīg ud kirb ud kārīhistan čarāitiiō nāmīhistan
ud wināh_tan ruwān kē murd tan padīrag ī ān bazag_warz pad frāy bazag az kirbagīh ī druwand ruwān madan
pad =iš ars_tan pad čēh_widarg frōd ō tam_axwān škarwēnīdan tā frašegird u =š nē wizārdan ud gardēnīdan ud nīšēnīdan weh_dēn_āgāhīh
abar āsn_xrad ud waran abzārān az nigēz ī weh_dēn hād
wisp hunarān hēnd āsn_xrad abzār ud az =iš mādagwar ēn se hamǰuxt hunar ēk bowandag_menišnīh ī pāk az yyy_menišnīh ī =š brādarōd ud tagīgīh ī pāk az xešmīh ī =š brādarōd pad hamǰuxtīh ud ēk tuxšāgīh pāk az āzwarīh ī =š brādarōd hunsandīh ī pāk az aǰgahānīh ī =š brādarōd pad hamǰuxtīh ud ēk xrad_dōšagīh ī pāk az waranīg xwad_dōšagīh ī =š brādarōd ud abāz_pursīdār_dānišnīh_āhangīh az yyy_xwāhīh ī =š brādarōd pad hamǰuxtīh ud kē āsn_xrad pad abāgīh ī ēn se hamǰuxt abzār mad ēstēd abardar_burdār ī āsn_xrad pad =iš bōxtagtar ud burzišnīgtar andar mardōm
hamāg āhōg ī hēnd waran abzār u =š māzantar az =iš ēn se hamǰuxt ud āhōg ēk yyy_menišnīh ī dūr az bowandag_menišnīh ī =š brādarōd wišmenīh ī dūr az tagīgīh ī =š brādarōd ud pad hamǰuxtīh ud ēk āzwarīh ud dūr az tuxšāgīh ī =š brādarōd aǰgahānīh ī dūr az hunsandīh ī =š brādarōd pad hamǰuxtagīh ud ēk waranīg xwad_dōšagīh ī dūr az xrad_dōšagīh ī =š brādarōd ud yyy_xwāhīh ī dūr az abāz_pursīdār_dānišnīh ī ī =š brādarōd ud pad hamǰuxtīh ud kē waran pad hamīh ī ēn se hamǰuxt āhōg dārēd škefttar burdār ī arāh waran pad =iš ērangīgtar nikōhīdagtar andar mardōmān
ud kēšdārān kē ranǰ ērang yyy ud anāgīh ī mardōm yazad andar mardōm ī kirdan kēš ī =šān harw wizend ud anāgīh ī mardōm az arāh ī waran paywast abar yazad xrad hamēstārīh =iz mardōmān dušmenīh =iz guft bawēd yazadīh az =iš bē guft bawēd
abar ān kē yazad pad čiyōnīh šnāsīh az nigēz ī weh_dēn hād
az dēn nigēz yazad_šnās mardōm pad nērōg ud pattūgīh ī =šān andar kōšišn ī abāg druz ud bōzišn ī tan ruwān u =š tuwān ī abar rāyēnīdan ī abārīg ī gētī dahišn ī az dādār handāzišn mardōm abar =išān rāyēnīdārīh ī ast dād ud nērōgēnīd
waran axwān bun pad petyāragīh ī āsn_xrad ud āyōxtārīh ī mardōm ō wināh abgand ī =šān ō yazadān bēš az ǰud_bun ō mardōm ēbgadīg mad ēstēd
āsn_xrad pad gāh ōstīgān mahist aštag ī dādār ō gētī dām ud ī pad =iš šnāsēnēnd mardōm dādār ud wēnēnd yazad pad yazadīh dēw ud pad dēwīh ud rāst pad rāstīh ud drō pad drōīh sūd pad sūdīh ud zyān pad zyānīh ud ayābēnd dēn ī weh pahrēzēnd az wināh ud āyōzēnd ō kirbag ud rāyēnēnd gēhān dārēnd tan bōzēnd ruwān
waran az wattarīh awardišnīg ud škefttom petyārag ī az ēbgad pad wišōbišn ī gētī dām mad ēstēd pad =iš anōdagīhēnd mardōm az šnāxtan ī dādār ud wiyābānīhā wēnēnd yazad pad dēwīh ī ud dēw pad yazadīh ud drō pad rāstīh rāst pad drō bazag pad kirbagīh kirbagīh pad bazagīh ud sūd pad zyān zyān pad sūd ud škarwēnd pad ān ī wattar dēn ud abāzīhēnd az kirbag ud āyōzēnd ō bazag murnǰēnēnd gēhān ērangēnēnd ud kāmag_menišn ī mardōm
pad āsn_xrad abar_ōz padišīh az abārōnīh pahrēzīg ō frārōnīh āhangīg ud pad waran abar_ōz padišīh az frārōnīh abāz āhang bawēd
kēšdārān kē ǰomā āsn_xrad waran =iz az yazad dahišn astīh kēš =išān yazad pad āsn_xrad dād pašēmān pad kirdan ī waran wināh bun_kirdār ud pad mardōm ačār spās u =šān pad wināh ham nikōhišn guft bawēd
abar dād xwābar_ristagīh ī mazdēsn dēn az nigēz ī weh_dēn hād
čiyōn hučihrag rōšnīh abar wuzurg rōšnīh wihānag ud dānāgīh rāst abar hamāg dānāgīh ud rāstīh čiyōn nimūdār ōwōn dād xwābar_ristagīh ī dēn mazdēsnīh ham nimūnag ī ēn se wāzag ī weh_dēn dād ēk ī nūn andar tanōmandīh pad gētī ud ēk ī pas az tanōmandīh pad mēnōy ud ēk ī abdom pad frašegird dād
ān ī nūn pad gētī dād pahrēz ī margīh ud bēš ī kas čār yyy abēšīdār ī pad dād kunišn hāwand pahrēz ī margīh ud bēš ī xwēš tan wisp x āsānīh ud šnāyišn_dādārīh ī ō kadār =iz =ēw kē =š āsānīh ud šnāyišn_dādārīh ō ī šnāyišn āsānīh arzānīg dād kunišn ast pad dādestānōmandīh ī yyy ī ud druwandīh =iz ǰomā ahlaw ud nē druxtan ī mihr ud abāg kas =iz
ud ān ī pas az tanōmandīh pad mēnōy dād āmār ī abar kadār =iz =ēw ruwān kām ud dānišn tuwān ī =š andar tanōmandīh būd sāmān xrīdan ī abar kirbag passazagīhā pad ylēnīdan ī abar wināh bizeškīh
ud ān ī abdom pad frašegird dād dādār frazānagīhā hudānišn ī =š hufrazānagīh ō xūb frazāmīh passazag wānīdan bē burd ī pad dahišnān abzārīh ēbgad ī wināh =iz druwandīh ud any druwandān ruwān az dušox āzādēnīdan u =šān az wināh yyy yōǰdāsrēnīdan awēšān =iz abāg ahlawān ruwān rist wirāyēd pad tanōmandīh ǰāwēdān amarg ud purr_šēdāy winnārdan ud ēč az xwēš dahišn yyy pad xāk hilēnd ud az gētīyān =iz kē rēšīdārīh bēšīdārīh nē dād kunišn ast rēšīdan bēšīdan dād kunišn adēn adādestān anēr
ud kēšdārān kē pad mēnōy ud frašegird bōxtagīh ēwēn kēš būd ud abārīgān hamāg kām dānišn tuwān wināh ud any ī =šān andar būd ō čim ī bōzišn nē kird/grift frayist mardōm pad ǰāwēdān dušoxīgīh ī az =iš abōxtišn frāz hilēnd kēš ī =šān abar dādār abāg adādestānīh ud yyy afrazānagīh =iz wad_frazām_kirdārīh abar xwēš dahišn and =iz mihr ud abaxšišnīh čand gurg abar xwēš hunušagān nēstīh guft bawēd
abar ān ī ruwān āmār pad =iš bawēd az nigēz ī weh_dēn hād
āmār ī ruwān pad kām ud dānišn ud tuwān bawēd mardōm hēnd ēn =iz ēwēnag panǰ
ēk kē āhang ī kām ō dādār u =š dēn u =š dānišn abar šāyēd šnāxtan tuwān abar xwāyišn pursišn ēdōn ēn kas pad tuxšāgīh xwāhēd ud pursēd ud ayābēd weh_dēn pad =iš āstawān pad dastwarīh ī weh_dēn kirbakkar ud az wināh pahrēz bawēd tāštīg ahlaw ud ka pad tuwān tuxšāgīhā xwāyišn pursišn ō dēn ī weh ōšmurišn nē ayābēd pad nērōg ī dādestān kirbag ī az dādār āhangīg tuwān tuxšāgīhā weh_dēn xwāyišn pursišn zōrōmand ēmēd ast ō bōxtišn ī az dušox
ud ēk kē āhang ī kām ō dādār u =š dēn u =š dānišn ī abar šnāxtan ast tuwān ī pad xwāyišn pursišn weh_dēn nēst ēn ast kas ka pad =iz wēš dānišn ayābag az wināh pahrēz ān ī dānēd kū kirbag warzēnīdār pad nērōg ī ham kunišn pahrēzišn ud āhang ī ī =š kām ō dādār u =š dēn bōxtišn ummēd
ud ēk kē āhang ī kām dādār u =š dēn tuwān ī pad xwāyišn pursišn ast dānišn ī pad šnāxtan ī weh_dēn nēst ud ēn kas pad dānišn ī =š nē yyy ī ī yyy agriftār pad nērōg ī āhang ī ī =š ō dādār u =š dānišn dēn bōxtan šāyēd
ēk kē āhang ī kām ō dādār u =š dēn ast u =š dānišn tuwān ī pad xwāyišn pursišn ayābišn weh_dēn nēst ēn kas pad dānišn tuwān ī =š nēst agriftār pad āhang ī ī =š ō dādār u =š dēn rāh ī ō bōxtan ast
ud ēk kē āhang ī kām ō dādār u =š dēn nēst ēn kas brīdagīh ī kām az āhang rāy pad ham xwēš wināh rāh ī az bōxtišn
abar hangrāyišn ī yahūd abar hērbed ī az pad xwēdōdahīh āhōg ud čim_xwāyišnīh u =š passox ī hērbed az nigēz ī mazdēsn dēn hād
čiyōn pēšēmālīg ī pad zaxm ud zyān bēš abar rasīd pad pasēmālīh dādīg aw =iš pahikārdan dādestān parwand hāmēmālīh ī awināh mardōm hangirdīgīh ud dād nām ōwōn paywandišn ī xwēš nērōg ō hamdahišnān ud xwēšān pad =išān srāyišn ud bōzišn ābādīh parwand mardōm hamayārīh hangirdīgīh ud xwēdōdah nām
xwēdōdah kē ka xwēš_dahišnīh u =š gāh paywandišn ī nērōg ō xwēšān hamdahišnān pad =išān srāyišn ud bōzišn kē andar mādayān xwēšān mardōmān pad winnārišn paywandišn ī ō frašegird narīhā mādagīhā paywandīhēd
ān paywand amaragānīhā druyistar raft rāy mardōm andar x hamsrādagān ō abāg nabānazdištān andar nabānazdištān ō abāg nazd_paywandān ud nazd_paywandtar se ēk hampaywandīh ī ast pid ud duxt ud pus ud burdār ud brād ud xwah abērtar ī handāxt_om abar im dar az dānāg dēn dastwar weh_dēn nigēz nimūdārīg gōwišn ēd
hād gōwam kū yazad [az dām ast ī] az dām ast ī nar āfrīd ast ī mādag ud ān ī nar pus ud hamǰuxt ī ān ī mādag duxt xwad pid ī wispān spandarmad zamīg az dahišn ast ī mādag
u =š āfrīd nar gayōmard ī wizārīhēd nām abar ōy ī mard ī fradom nāmčišt tā ast gayōmard zīndag ī gōwāg mīrāg wimand ī =š nāmčišt čiyōn ēn se wāzag ī ast zīndag gōwāg mīrāg wimand dō ī ast zīndag ud gōwāg pad āfurrišn az pid dādār ēk ī ast ī mīrāg abar_rasišnīg az ēbgad hamwimand abar hamāg mardōm ōy mard paywand ī tā frašegird paywastag
ud nūn agar ēw_bār pid az duxt nar āfrīd nāmīhist xwēdōdahīh ī pid ud duxt
gōwam ēn =iz az nigēz kū gayōmard ka bē widard šusr ī tōhmag xwānīhēd spandarmad zamīg parwast ī =š xwēš mād ud az =iš hambūsīhist mašī ī mašānī pus ud duxt ī gayōmard ud spandarmad nāmīhist xwēdōdahīh pus ud mād
ud mašī ud mašānī ēk abāg did warzīd narīhā ud mādagīhā pus_xwāyišnīh ud nāmīhist xwēdōdah ī brād ud xwah u =šān was dūdag zād ǰuxtag zan ud šōy būd hēnd būd hēnd hamāg mardōm ī būd hēnd bawēnd =iz az bun_tōhm ī xwēdōdah
ud ēd čim ast ī čihrīg pad āfurrišn ī az yazad kū handāzišn ast az abzōn ī hām_kišwar mardōm paydāg
ud gōwam kū dēw dušmen ī mardōm hēnd u =šān an_ast kāmag pad =iš tuxšišn ast
ka xwēdōdah warzīhēd ēg =išān ayād bawēd ān bun_warzišn ī xwēdōdah kē purr_spāhīh ī mardōmān az =iš būd ī =šān hamēstār hēnd u =šān garān bīm ud bēš ud dard abar rasēd nērōg kāhēd ud petyāragīh ud wizend ī mardōmān kirdan čim kem dārēnd ud ēwar kū bēšōmand dardōmand bīmōmand ud zūr kirdan ī dēwān kirbag ēdōn ud ēd rāh ī mizdōmandīh ud pāddāšn xwēšīh ī ōwōn kirbag warzīdārān
ud gōwam kū čihrag ud kirb ud gyān wehīh ud xrad xēm ud šarm ud mihr ud hunar nērōg wehīh ud abārīg =iz čiyōn =iš frazendān čand ō bun_tōhmag ī zāyēnīdār nazdīktar hēnd druyistarīhātar padīrēnd
ud handāzag =ēw wēnīhēd ān ī mōyēnīg =ēw ī narmag ī mēnōy_wurrawišn ī dārmag_tan ī kam_nērōg ī aboxšūdār ud tarsōg artēštār =ēw ī spar gētī dēn ī wuzurg_tan ī nērōgōmand ī nēw_dil_ayār tā zāyēd nē pad kārēzārīh ī ud ayārōmandīh spurrīg bawēnd ud nē pad pahrēzīh ud ruwān_dōstīh
čiyōn sag gurg ī nē wisp_gōspand_rafī bawēd čiyōn gurg nē gurg_ōz ud čiyōn sag ud nē =iz kirb ī druyist dārēd ud nē ān ī sag
ud čiyōn ān ī az asp ī tāzīg ud šahrīg zāyēnd ud nē tazāg bawēnd čiyōn tāzīg ud šahrīg zāyēnd nē tazāg bawēnd čiyōn tāzīg nē pattāyīg čiyōn šahrīg ud nē =iz ham_dēsag ī druyist čiyōn astar ī az asp ud xar ī ō ēč az =išān nē homānāg
ud tōhm =iz pad =iš brīnīhēd paywand ō pēš nē rāyēnīhēd ud ēd =iz sūd ī az apēd_pāyišnīh ī gōhr
ud gōwam kū xwah ud brād ō ān ī az =išān zāyēd šaš nāy_ēwēnag dōstīh bawēd ēk ēn kū frazend ī brād ud brād ud ēk ēn kū frazend ī =š brād u =šān xwah ud ēk ēn kū frazend ī xwah ud ēk ēn kū frazend ī =š brād
u =šān pad ham čim čahār nāy mihr ud kāmag ud tuxšišn ī bawēd pad parward ī frazend čahār nāy ummēd ī aw =iš ud hampassazag frazend ō zāyēnīdārān
ud ān dō rāh ī abzōnīg_mihrīh ī frazendān pad weh_parwarišnīh ī wēš hāxt
ud ēdōn =iz ān ī az pid ud duxt pus ham zāyēnd ud rōšn ǰast abrōxt hamē wēnīhēd andar āwām ī kū abēr šād ud rāmišnīg kē =š frazend =ēw ī frazend ast ka =iz ōh az kas ī ǰud_tōhmag ud ǰud_šahr ān =iz pas čand nāy ī sazēd būd ān šādīh ud šīrēnīh ud rāmišn ī az pus =ēw ī mard az xwēšīh duxt zāyēd kē brād =iz bawēd ham mādar
ud ān ī az pus ud mādar zāyēd brād =iz bawēd ham pidar ēd rāh ī wēš rāmišn ī niyāyišn ī urwāhm nē [ud agar] pad =iš ēč zyān ī frāy az sūd ī nē =iz āhōg ī frāy az hučihr
ud agar gōwīhēd kū duščihr ast ēw nigerīhēd kū kē mādar ayāb xwāhar ayāb duxtar rēš =ēw pad abzār bawēd ud az mard =ēw ī bizešk yyy ud yyy ēd aw =iš nihād čārag nēst u =š pid ayāb pus ayāb brād pad ham bizeškīh frahixt kadām duščihrtar ka awēšān ān gyāg pad dast pahrmāyēnd ud yyy =ēw nihēnd ayāb mard =ēw ī bēgānag
ud ka =šān ǰuxtīh kirdan abāyišnīg kadām pad duščihrīh kem_uzwāhīgtar ka =šān pad rāz hamǰuxtīhēnd ēdōn ka =šān pašt ī zanīh ud šōywarīh ud gugāyōmandīhā darbušt kird ēstēd ayāb ka ǰār ud sūrāyīg ud sūr wān bē hāmšahr āgāhēnēnd kū ēd mardōmān hangad bawēd kū wāhmān hrōmāy abāg duxt xwah ayāb mādar ī wāhmān mard ī pārsīg wāhmān kār kirdan kāmēd ēd rāy ī kem_duščihrīh hučihrīh ī =z ī im warzišn
ud pas x ēw wēnīhēd sūdōmandīh =iz ī pad rōzgār rāyēnišnīh ī nang_pōšīh ud hamkāmagīh ud hamsūd ud zyānīh ī ud hunsandīh pad harw čē mad ēstēd ud hamayārīh =iz kasān abāg šōy
ud tunuk_dilīh atuwānīh =išān ud tuxšāgīh ī =šān pad paristīd ī šōy awināhīhā bāristānīh =iz ī =šān pad društīh ī šōy abar kunēd abārīg =iz was was ī zan ī bēgānag
pad ēn ēwēnag =iz nē hunsand čē payrāyīg =iz nihuftan paymōxtan ī wastarg čābuk ud paristār ud rōy ud bōy ud srāy ī frāx abārīg =iz was tis ī kadag_bānūgīha ī čiyōn =iš kāmag ī xwāhēd ka padīrēnd tuwān nē x x x x x x x ud agar bōzišn nē padīrēd pad ēd gand ud dušnām ud saxwan ī zišt aweštābēd
u =š xwāstag =iz zōr abar ārāst rāz =iz āhumbēd šab ud rōz wtpčyn ud āwēnāg dārēd ud tag ō kadag ī pidar ud mādar kunēd šōy ō dādwarān kešēd šahr hangēz pad =iš kunēd ma agar gōwēd kū =m az zanīh bē hilēd ud anīz was ēwēnag wad ud zyān anāgīh ī zištīh wināh ī ō ēn paywast ēstēd
awēšān se_ēwēnag zan bē ǰahišnīg tā tis ēk =iz nē kunēnd x x x x x x x x x x x x kē rāy pad =iz sūdīmandīh ud weh_zīšnīh ud kom_čašagīh ud abrangīh ud awināh ī ham warzišn wuzurg nērōg paydāg
ud agar gōwīhēd kū abāg x x ēn hamāg ī nimāyēd pas =iz ast grōh kē zišt pad menišn ēw šnāsīhēd kū zištīh ud nēkīh frāyist ān ī nē pad xwadīh bē pad kirdan sahišn ud wurrawišn xōg ī kas
wasān zišt frazendān hēnd pad menišn ī zāyīdārīh wēšīg hučihr ud wasān hučihr_kirb hēnd pad menišn ī yyy wēšīg duščihr
ōh =iz pad ān dušmen dēn amāh ka kas brahnag andar šahr rawēd zišt x dārēm ud šahr brahnag_pōstān xwānēnd hučihr kē ǰāmag_ōftād ēstēd ī =šān zišt sahēnd
ud amāh kē wēnīg abāg rōy hamōn duščihr pad menišn kē wēnīg buland duščihr hangārēnd gōwēnd hād dēwār =iš mayānag dō čašm āhīd wizīnīg hučihr ēstēnd
ud hučihrīh ud duščihrīh nē pad xwadīh ī bē pad kird sahišn ud wurrawišn pad =iz zamānag gyāg wardišn
čē pēšēnīg x kē sar ustard pad duščihr ud pad dād ēdōn nihād ēstēd kū =šān wināh ī margarzān ēnyā =šān sar ī mard šahr_ēwēnīhā ustardan nē framūd nūn ast dānāg ī pad hučihr kirbag =iz dāšt ēstēd ud kē nē paydāg kū zišt
ud menīdan ī grōh ī ēw_čand rāy ī ān =iz nē pad xwadīh bē pad kird ī andar xwēš sahēnd kū zišt ēg =imān ān tis ī dānišnīg kū az dādār ōwōn brēhēnīhist ud kirbag pāddāšnōmand ast tōhmag pāspān gōhr druyisttar
ud čiyōn =iš x abēčār ud mihr_yyy ud frazend_sūd paywand_frahixt ud ummēd_gōhr ud rāmišn_yyy šīrēnīh_kištār ī urwāhm_drūdār ud kem_zyān wēš_sūd wānīg_āhōg ud was_hunar ud hučihr_nāfān ī paydāg_bōzišn ud ayār_handōz wizend_spōz ud čēh_burr ud kem_bīm ud pad xwadīh xwadīh bāmīg ud ōstīgān čim bē hilēnd
ud hamāg pidarān niyāg humān kē =šān garzišn dādīhā dōšēd pad kadag dāšt hučihr ud mardōmīh menīdan
bē pad bōzišn rōšn ī ōstīgān čim =ēw ī nimūdārīg ī xrad gugāy kū nē warzišn u =š nē sazēd
ud agar gōwīhēd kū yazad az ān pas framūd kū ma warzēd harw kē ān framān dānišnīg rawāg dārišn ud amāh ān framān nē dānišnīg ud ačārwārag
ud ēn =iz ēw wēnīhēd bārīkīhā pad rāst_nigerišnīh kū hamāg =iz dānišn ī mardōmān az xwēdōdah bawīhēd ud čē dānišn zāyīhēd az hamīh ī āsn_xrad ud gōšōsrūd_xrad āsn_xrad mādag ud gōšōsrūd_xrad nar ud ēd rāy čē harw dō az dādār āfurrišn xwah ud brād hēnd
ud harw =iz gētīyīg bawišn pazzāmišn winnārišn az hamīh pad paymān āb ī mādag ud ādur ī nar pad hamīhišnīh xwah ud brād hangārīhēnd
ud čiyōn az xwēdōdah abāz wišāyīhēnd bē yyy wišōbīhēd xwad tōhmag ī zahag az =iš bawēd az hampaymānīgīh ī āb ud ādur nērōg andar mazg čē agar āb frāy bē pōsēd agar ādur frāy bē sōzēd
abar ān ī andar pādrōzag niyāyišn ī dādār ohrmazd guft az nigēz ī weh dēn hād
hudēn kē yašt kird ēstēd andar pādrōzag hangām paydāg niyāyišn dādār_ohrmazd ā =š ō xwaršēd abestāg_ēwāzīg
ēd ī hambāstag hudēn ī yašt kardag ast kē yašt nē kird ēstēd tā madan ī ō yašt kardagīh andar niyāyišn ī dādār_ohrmazd ā =š ō xwaršēd saxwan ōšmurišnīg ēn ī azēr nibēsīhēd
kē ka šnāsīhā ud menīdārīhā ud pad kunišn frazām ī saxwan ahlāyīh_stāyišnīh se bār guftan pad frazām ī harw ristag zofr namāz barišn ud az nōg_dahišnīh ast ī dastwar guftan weh_dēn hād
nām_stāyišn ī ōy ī hamē būd hamē ast hamē bawēd yazad spennāg_mēnōy ī andar =iz mēnōyān mēnōy u =š xwadīh ēk ud nām ohrmazd =iz xwadāy ī mahist dānāg ud parwardār ud pānag xwābar kirbakkar ud aboxšūdār abēzag weh_dādestānīg ud hamāg zōr ī spās ōy wuzurg ī ōstīgān
kē āfrīd pad xwēš an_hambadīg zōr ud dānāgīh abardar šaš amahraspand ud abd ī was yazadān rošn wahišt garōdmān gird ī asmān xwar tābāg ud māh ud bāmīg ud star ī was_tōhmag wād ud andarwāy ud ātaxš ud āb ud zamīg ud urwar gōspand ayōxšust mardōm
yazišn ud niyāyišn ōy ī xwadāy ī kirbakkar kē =š meh kird az harw gētī dahišnān mardōm pad gōwāgīh ud kirrōgīh yazad šahryārīh ī āwām ud rāyēnīdārīh ī dāmān pad razmīg āyōzišn ī padīrag dēwān
namāz ō wisp_āgāh ī xwābar kē =š frēstīd yašt_frawahr zarduxšt ī spitamān aštīh ō dāmān dēn_dānišn wurrawišn āsn_xrad gōšōsrud_xrad ardīg šnāsagīh ud rāyēnīdārīh wisp astān ud būdān ud bawēdān frahangān frahang kū bawēd ruwān puhl_bōxtār ī az dušox ud widārdār ī ō ān ī pahlom axwān ī ahlawān rōšn ī hubōy ī hamāg_xwārīh
pad framān ī tō xwābar padīrēm ud menam ud gōwam ud warzam dēn ī abēzag ud āstawān ham pad harw kirbag ud abaxšam az was bazzag
abēzag dāram xwadīh ud āsnīdag harw kunišn ud pahrēzišn pāk šaš zōrān ī gyān kunišn gōwišn menišn ud wīr ud ōš ud xrad
pad kām ī tō kirbakkar tuwān_sāmānīhā kunam ān ī =t paristišn pad weh_menišnīh weh_gōwšnīh weh_kunišnīh ī kū dārēd =am pad rāh ī rōšn kū =m nē rasēd garān pazd ī dušox wideram pad čēh_widarg rasam ō ān mān wahišt ī purr_bōy ī harwisp_pēsīd ī hamāg_xwārīh
stāyišn ī ōy aboxšūdār xwadāy kē kām ud kirbag pāddāšn kunēd framān_rāyēnīdārān abdom =iz bōzēd druwandān az dušox abēzagīhā winnārēd wisp dām
abar wihān ēwēnagān az nigēz ī weh_dēn hād
wihān dō ēwēnag mēnōyīg ud gētīyīg mēnōyīg čiyōn druyistīh ud frāxwīh ī wihān ī az yazadān kām baγān ōz ud dahmān āfrīn ud yyy yyy ud wehān hudōysrīh wēmārīh ud tangīh ud wihān ī az dēwān stahmagīh ud yyy rēzišn kastārān nifrīn ǰādūgān yyy wattarān dušdōysrīh ud gētīyīg čiyōn druyistīh ī az hupahrēzišnīh ud frāxwīh ī az tuxšāgīh ud wēmārīh ī az apahrēzišnīh ī ud tangīh az aǰgahānīh
ud ka wihān mēnōyīg ēd ī druyistīh ud frāxwīh ud ēd ī wēmārīh ud tangīh gētīyīg ayārān petyāragān ka gētīyīg ud mēnōyīg ayārān petyāragān
ka gētīyīg aw =iš abyōzēnd ud druyistīh ud frāxwīh abzōnīg ud wēmārīh ud tangīh grāy bē kunēd čiyōn ō wihān ī mēnōyīg ka ī druyistīh gētīyīg ayār paymān_ārzōgīh ud tuwānīg tuxšišn ī ud ka ī frāxwīh gētī ayār tuxšāgīh ud ka ī wēmārīh gētīyīg petyārag frāybūd_ārzōgīh ud ud zūr_zōrīh ud ka ī tangīh gētīyīg petyārag aǰgahānīh
ud ō ud wihān ī gētīyīg ka ī druyistīh mēnōyīg ayār urwāhm ud wihānīh ī gētīyīg ka ī frāxwīh mēnōyīg ayār kārān hudāšnīh ka wēmārīh mēnōyīg petyārag bēš_menišnīh ud ka ī tangīh mēnōyīg petyārag kārān wad_dāšnīh
ud dānāgān bizešk wihān bē šnāsēd mēnōyīg ud gētīyīg ud ǰuγīg ud ǰuttarīh ud ka ud ǰuγīg pad ōstīgān winnārdan ud ka ǰuttarīg pad ǰuttarīg pad bē burd ī čārag ud tuxšāgīh abar nihēd
mēnōyīg pad yaštārīh ud šnāyēnīdārīh ī yazadān bagān ayaštārīh ud bēšīdārīh dēwān yyy gētīyīg pad pahrēz dārūg ud frārōn_tuxšāgīh ud hunsandīh harw dō ēwēnag fradom kār abar kird ī kunēd … abar āhangīg
ud kēšdārān kē =šān ēd rāyēnišn andar uskār ī kēš nē yyy ī =šān kēš az yazadīg āgāhīh brahnag ud pad =iz mardōmīg dānišn hilēnd
abar amaragānīg ud ēwāzīg rāyēnīdārīh ī gētī dahišnān az nigēz ī weh_dēn hād
az dādār handāzišn andar ēbgadīg gumēzišn gētīyīg dahišn ī čihr_rāyēnīdārīh amaragānīg kū pad ōstīgānīh ī xīrān ī pad_čihr ud awardišnīgīh ī čihrēnīdagān az ān ī pad =iš čihrēnīd ēstēd amaragānīg ēwtomīh ī pad_čihrag ud ēmēd ud bīm nērōg ī harw rāyēnīhād x dām ō frašegird ud kām_rāyēnīdārīh andar čihrag_rāyēnīdārīh ēwāzīg kū pad =iš čihr_rāyēnīdārīh ma pādīrānīhād dām rawāgīh ma bandīhād bē pad kām_rāyēnīdārīh xrad ud xēm wirāyīhēnd ud payrāyīhēnd andar čihr_rāyēnīdagān abērtar mardōm pad dēn dānagīh ud xwadāyīh ud rāyēnīdārīh ī ud kunišn pahrēzišn ud abārīg ī kām_rāyēnišnīg pad kām nērōg ud čihr_rāyēnišnīh ēbgad pad =iš bowandag wānīdārīhā ud dahišn paywastārīh pad frašegird brīn bawād
abar rāyēnīdārīh ī spennāg_mēnōy az nigēz ī weh_dēn hād
rāyēnīdārīh ī spennāg_mēnōy abar gannāg_mēnōy xwad nām ī spennāg_mēnōy ī =š wizārišn abzōnīgīh dānāgīh ī ud ganāg mazantar dušāgāhīh wizārēd
gugāy ōh =iz čand dānāgīh nērōgōmand and =iz rāyēnīdārīh abzōn čand dušāgāhīh frāyīh and_rāyēnišnīh niyāzīh
ān ī andar =iz mardōm amaragānīhā ān ī dānāg abar ān ī dušāgāh rāyēnīdārān ān ī dušāgāh az ān ī dānāg rāyēnišnīgīh x paydāg
ud az dēn nigēz ī ān mēnōy ēd xwadīh ēč az rāyēnīdār ī padišīh ī spennāg_mēnōy apargūd ān daxšag abar harw azišīh ī gannāg_mēnōy paydāg andar ō xwēš rāyēnīdārīh ī burdan ī spennāg_mēnōy
gannāg_mēnōy =iz xwadīh az was čim ēk abāg kast_nērōgīh ī gannāg_mēnōy xwadīh pad spennāg_mēnōy dahmān wizend ud zyān
wanīh ī gannāg_mēnōy az xwadān xwadīh ān ī pad frašegird paydāgtar bawēd ka pad ān rāyēnīdārīh gannāg_mēnōy xwadīh bowandag abesist bawēnd
abar dēn dōstīh ēwēnag ud wizīr pad =iš az nigēz ī weh_dēn hād
dēn ī weh dōstīh ēn =iz ēwēnag dō dānišnīg weh_dēn dōst ud wizīr ī pad =iš hudēn ahlaw wahištīg ud garōdmānīg =iz bawēd ud adānišnīg weh_dēn dōstīh ī ud wizīr ī pad =iš ka agdēn ahlawīh ēmēd
abar tuxšāgīh ī pahrēz ī frazānagan az nigēz ī weh_dēn hād
frazānagān tuxšāgīh abar ān sūd abērtar bawēd pad tuxšišn ī pad =iš anēwarīhā ayābišnīg ī pad =iš ast kirbag ud ruwānīh ahlawīh ud pahrēzišnīg az ān zyān abērtar bawēd pahrēz azišīh ēwarīg spōzīhēd ast wināh ruwān druwandīh
tā pad gētīyīg sūd ī agumēg kirbag ī ayābišn pad ma agar ka ayābēd ēg =iz az =iš tēz sazišn bawēd was tuxšēd pad gētīyīg zyān ī agumēg wināh ī ka =iz zamānīg spōzēd pas az =iš rastan ud nē šāyēd ud pad pahrēz bīm zad az ahlāyīh abērtar afsard bawēd nē frazānagīhā
abar kehist mayānag mahist hamīh ī abar dēn mazdēsn ud sūd ī az =iš az nigēz ī weh_dēn hād
kehist hamīh ī pad dēn mazdēsn menišnīg āstawānīh ī ēk mardōm abar dēn ud dāšt ī =š xwēš ox dastwarīh sūd ī az =iš nērōg ī abzōn yazadān az =iz hamīh ī ān tan nizārīh_rasišnīh ī druz pad ǰudāgīh ī ān tan az =iš
ud mayānag hamīh pad dēn mazdēsn menišnīg āstawānīh ī ram =ēw weh_dēn tan pad paywastagīh ī menišn ō ox dāštan ī =šān ān ī amāh zarduxštrōdom pad dastwarīh ud sūd ī az =iš wēš nērōgīh ī yazadān az =iz hamīh ī ān ram wēš nizārīh ī druz pad x ǰudāgīh ī az =iš
ud mahist x hamīh pad dēn mazdēsn menišnīg āstawānīh ī hām_ram mardōm abar weh_dēn ēstād hām_gēhān mardōm menišnīg abāg ox hamīhist pad radīh ī ēk zarduxštrōdom ud sūd ī az =iš hamzōrīh ī yazadān pad hām_spāhīhā hamīh ī mardōm škastan ī druz pad bowandag ud nizārīh ī az aspāhīh
az nērōg ī yazadān pad hamspāhīh ī hamāg mardōm ān ī pad frašegird pad paywastagīh ī ō ān nērōg ud hamīhā nērōg ī hamāg mardōm pad hamspāhīh ī abāg sūdīmand pērōzgar abesīhišn ī [B64] frašegird_dahišnīh ī pad dādār kām andar axwān bawēd weh_dēn nigēz
abar rawāgīh hunsandīh ud tuxšāgīh dīd šōn az nigēz ī weh_dēn hād
ka ō burzīšnīh ī hunsandīh ī tuwānīg pad =iz nidom_xīrīh ud aburzišnīgīh ī hunsandīh driyōš pad =iz abardar tuwānīh nigerīhēd wēnīhēd hunsandīh rawāgīh ud ka ō ǰāwēdānīg urwāhm mān ī mēnōy mizd pad tuxšāgīh rawāgīh
abar mizd ud puhl čimīgīh az dādār ō mardōm az nigēz ī weh_dēn hād
mizd puhl az dādār ō mardōm ud harw dō wināh_pahrēz kāmag ud tuwān ī pad =iz wināh_warzīh ud az kirbakkarīh pahrēzīh bawēd pad xwēš wizīn rāh ī ō kirbakkarīh ud az wināh_pahrēzīh griftan ud xwābarīgīh ī xwad kunišnīg dahišnīh passazagīh =iz ī az dādār ō mardōm pad dōstīh ī xwēš dahišn kardag kē =š mādayān xrad ud dēn ud hammis abārīg ī mizd xwēšīh ud any bowandag ud dādārīh čiyōn =iš xwad kird dānišn ud zōr ud ud āhang kirbag andar mardōm u =š wistarīg nimūd az bazag pahrēzīh ud kirbag warzīd ō mardōm ud bowandag ayārēnīd pad =iš ud puhl dādestānīgīh ī ō bazakkar aboxšūdār bizeškīhā ān ī ka =š wināh_warzīh wihān andar mardōm nē kird ud ud nē ēč tis ī āhangēnāg mardōm ō wināh pādīrānēnāg az kirbag dād u =š rāh ī ō šnāxtan ī kirbag ud wināh ud kirbag mizd wināh puhl ō mardōm čand andar gumēzagīh šāyēd bowandag rōšnēnīd
abar stāyišn ud spās az nigēz ī weh_dēn hād
harw stāyišn ud spās paywand ō hamāg stāyišn ī harw spās dādār čē amayānag abar mayānagōmand amayānagīh ān ī =š az āfurrāgīh ud bawēnāgīh ī dahišnān ēwāzīg xwēšīh ud mayānagōmand ān ī amahraspandān ud abārīg mēnōyān yazadān ud xwaršēd ud abārīg abardar rōšnān ud dahībedān rādīh ud abārīg
ud hammis mēnōyīg ud gētīyīg ābādīh u =šān kirdārān stāyišn ud x spās ī pad mayānagīh ī ēk_ēk ud ābādīh kirdārān u =šān ī mēnōy ud gētī ān stāyišn ī spās bun kirdārān rāy aw =iš paywandīh
abar zyānōmand anāgīh ī andar gēhān az nigēz ī weh_dēn hād
čiyōn zyānōmand x anāgīh ī andar gēhān harw ān ī pad bē burdan andar abar dahībed ī gēhān ēwēnag āhōgīg hangrāyīhēd pad =iš kunīhēd ōwōn abar dādār frāy hangrāyēd ud ēn =iz kū
paydāg kū =š abāz dāštan nē tuwān ēw_tāg ayāb_is nē kām ayāb nē dānēd ud az nē tuwān nizārēd ud az nē tuwān wattarīh ud az nē dānēd adānīh nimāyēd ī yazad ī harw ēwēnag ō dādārīh apassazag ō yazadīh wizāyišnīg ō xwadāyīh nang garān
abar wizandag ī zamīg az nigēz ī weh_dēn hād
andar zamīg wād winnārišn ī zamīg rāy bāstān pad rawišn ēdōn čiyōn andar =iz mardōm tan ud čiyōn x x x x x x andar mardōm tan rāh ud widār wād pad =iš rawēd paydāg ēdōn =iz andar zamīg čiyōn ast ī ka wād andar tan az rāh ud rawišn ī xwēš ō hannām ud gyāg ī awidarg ōbast bawēd pad bast_widargīh ēdōn =iz andar zamīg ud pad ān ēwēnag ī čiyōn andar tan kē pargūd abārōn druwandīh =iz ī ǰādūgān wināhišn kunēd ēdōn =iz andar zamīg ast ī ka az ǰādūgān abārōn nērangīh wād widarg bandīhēd ān kust ī pad =iš bast bawēd pad widarg xwāstārīh ī wād wizandīhēd čiyōn ān ǰādūg frāsiyāb ī tūr ī pad ǰādūgīh kird ud gyāgīhā pad wizandag ī zamīg anāb ud zad_mardōm ud awērān kird ud pad =iz āgāh ī weh_dēn paywastag ast ī ka wād andar zamīg az ātaxš tabīhēd wizandīhēd az x frōd nixwārīhēd ō abar ud padisāy awidargīh wināsēd ud wizandēnēd ō zamīg ud āyēb ī wād az ātaxš andar =iz mardōm tan paydāg ōh =iz harw kadār tōhmag ī =š paymān ī xwad bawēd ārāyišn az paymānīgīh ham tōhmag wišōbišn bawēd ud az dēn paydāg paymān dāštan tōhmagān pad weh mēnōy nērōg rasišn ī ō abzōn apaymānīgīh az wattar mēnōy zōr ud wād gyān ī ātaxš ud ātaxš rawāgēnīdār ī wād ud ka paymān ī pad xwēš sāmān ēstēnd ātaxš az wād zīndagīh ud waxšišn ud wād az ātaxš zōr rawāgīh ud winnirdagān ī az =iš x druyistīh ud xwārīh ud ka apaymānīhēnd az xwēš sāmān bē ēstēnd ātaxš az wād čērīh azruft ud wād az ātaxš ud āyēb āšuft ud winnirdagān ī az =iš agar zamīg wād āb ud agar urwar ud gōspand ud mardōm wizandīhēnd
abar ēwarīh āhang pōryōtkēšān gōwišn az nigēz ī weh_dēn hād ēn ēwar kū dādār tis ī wad nē kām ud ēn ēwar kū tis ī wad ast ud ēn ēwar kū dādār ān ī =š nē kām ā =š nē dād u =š nē hanǰīd ud ēn ēwar kū dādār dānāg ud ēn ēwar kū dānāg ān čē ō tis ī =š xwēš dōst zanišn nē kunēd u =š nē hanǰēd ud ēn ēwar kū dādār mardōm amaragānīhā abāyišnīg ēn ēwar kū čē ō ān ī =š abāyišnīg abāyišnīg mardōm amaragānīhā wizāyišnīg kām wizūdār =iz ast ī ōy ud ēn ēwar kū dādār xwēš kām wizūdār būd nē ud ka ast ō sāzišnīg_kāmīh wardēnīdan ud ān ī ō sāzišnīg_kāmīh awardēnišnīgān ānāft =iz kām ud ēn ēwar kū kē wizāyišn ī ō mardōm awardēnišnīg_čihr dēw ud gurg ud xrafstar zyānōmandīh ō any mardōmān amaragānīg ud kēšdārān kē ān ī ō mardōm u =šān gētī_ayārān awardišnīg zyānōmandīh amaragān dēw ud gurg ud xrafstar yazad kirdan kēš ī =šān abar yazad mardōm abāyišnīg ud dōst dušmen =iz ud apassazagīhā ud pad dēw ud gurg ud xrafstar_garīh xwad ēwēn ud wināhgar =iz pad ān ī xwēš kām wizūdār kunendagīh husazāgīh xwēš kām wizūdār =iz ān ī bawēd nē šāyēd asazāgīh ī =š pidar_dādārīh dahišnān guftan ud dādīh/yazadīh az =iš bē guft bawēd
abar ān ī az mēnōy ud gētī pad ohrmazd_dahišnīh daxšagōmand az nigēz ī weh_dēn hād
az abēzagān mēnōyān ān ī weh hēnd yazadān ud az gumēzag_gētīyān ān ī wattarīh mādayān dušāgāhīh u =š bē_burdārīh ud ō wehīh mādayān dānāgīh ud dādārīh pad čihr dārēnd čiyōn mardōm u =šān ayār gōspand_srādag pad ohrmazd_dahišnīh ī daxšagōmand
az mēnōyān ān ī wattar kē hēnd dēw ud az gētīyān ān ī wattarīh u =š bē_burdārīh ō wehīh waštārīh ud pad čēr čihrīh nē dārēnd čiyōn gurg dēw ayār ud gurg ud xrafstar_srādag pad ohrmazd_dahišnīh adaxšag ud az dādār āfrīnišn ud dahišn hangārd nē sazēd
abar xwadāyīh ud dušxwadāyīh awestām ud zamānag ud paydāgīh weh_dēn bun frazām az nigēz ī weh_dēn hād
xwadāyīh awestām dānāgīh ud rāstīh ud wehīh u =š zamānag ī ān ī yazadān u =š paydāgīh wistardagīh ī dād andar gēhān ud ābādānīh ud xwāhrīh ī az =iš dānāgīh ud rāstīh ud wehīh
ud dānāgān ud rāstān abārīg wehān abrāz mehīh sazāgīh ī mehīh ud kehīh passazagān kehīh ud amaragān mardōm ud frāxwīh ud xwārīh wehīh ī ōy xwadāy kē ān xwadāyīh pad =iš gētī spennāg_mēnōy x abdistīh
u =š bun baxšišn ast ī az ohrmazd xwadāyīh ud frazām pad bowandag pad =iš abesīhišn ī ēbgad ud dahišn ī pad =iš frašegird andar axwān ud gumēxtan ī abāz ō bun nērōg ī az =iš baxt
ud dušxwadāyīh awestām dušāgāhīh ud drōzanīh ud wattarīh u =š zamānag ud ān ī dēwān u =š paydāgīh gēhān pad adād_ālūdagīh ud dušxwārīh ud awērānīh ī az =iš dušāgāhīh ud drōzanīh wattarīh
ud dušāgāhān drōzanān abārīg wattarān abrāz mehīh sazāgān kehīh ud kehīh passazagān mehīh amaragān mardōm tangīh ud dušxwārīh wattarīh ī ōy sāstār kē ān dušāgāhān dušxwadāyīh pad =iš gētī gannāg_mēnōy abdistīh
u =š bun baxšišn ī az gannāg_mēnōy sāstārīh ud frazām ud hammist bun ī az =iš bahr ud xwadīh =iz abesīhistan weh_dēn paydāgīh
ud kēšdārān kē =šān dušxwadāyīh =iz baxšišn ī az yazad ud xwadāyīh baxt kēš ī =šān abar xwadāyīh ī yazad dušīh ud yazad dušxwadāy ud dām petyārag axwēš yazadīh abar xwēš dēwīh =iz guft bawēd
abar ēwēnagan ī mardōm ud pahlom ud wattom ī az =iš az nigēz ī weh_dēn hād
andar marōm hēn ēn =iz ēwēnag čahār ruwān_kāmag ī hudastwar ruwān_kāmag ī dušdastwar tan_kāmag hudastwar tan_kāmag ī dušdastwar
ud pahlom az =iš ruwān_kāmag ī hudastwar čē =š rāh ī ō bōzišn wišādag ānd ī ō ērang bastag wattom abārōn x tan_kāmag ī dušdastwar čē =š rāh ī ō ērang wišādag ud ān ī ō bōzišn bastag
ruwān_kāmag ī dušdastwar ud tan_kāmag hudastwar pad mayān čē ruwān_kāmag ī dušdastwar šāyēd pad ruwān_kāmagīh ud tan_kāmag ī hudastwar šāyēd pad hudastwarīh ō bōzišn madan
ud az ēn =iz darag paydāg ēdōnīh ī ān ī dastwar =ēw az pōryōtkēšān čāšīd kū az hamāg dād ahlaw ōh bawēnd čē gīrēnd andar dušdastwar agdēn ān ī ruwān_kāmag az ān ruwān_kāmagīh ō bōzišn ī pad mēnōy madan šāyēd andar =iz hudastwar weh_dēn gīrēnd ān abārōn tan_kāmag ud az ān abārōn tan_kāmagīh ō ērang ī pad mēnōy madan bīm
abar hunar ī ka dahībed mard padēd pad frāztomīh ī andar mardōmān pad =iš wāspuhragānīhēd amaragān wāspuhragān mardōm xwad =iz dahībed sūdtar az nigēz ī weh_dēn hād
ān hunar was ud ān ast ī pad =iz ēk_ēk mardōm ī gēhān padišīh ī pahlom az =iš se ī meh
ēn amaragān mardōm rāy rāst_gōwišnīh ī pad =iz wehīh pāddāšn ud wattarīh pazd kē pad =iš amaragānīg ō wehīh ud az wattarīh abāz_āhangīh bawēd gēhān pad yazad kirbag wirāyīhēd
wāspuhragānān rāy wizīdārīhišnīh ī pad =iš sazāg bahr ud pāyag_windišnīh ī bawēd ī ēk_ēk az wāspuhragānān čiyōn =išān arzānīgīh ī ast xwāyišnīh ud xūb winnirdan ud hufrāyīd ud ēkānag xwadāyīh sūd ēstēd
ud xwēš rāy pad dēn_dastwarīh yyy yyy taftīg tuxšāgīhā pad xwadāyīh nērōg was ud warzurg hamē_rawišnīg huruwānīh husrawīh ō xwēš harruftan brāh paywastārīh ī az xwēš āsnūdag xēm ō ērmenišnīh ān =iz ī awēšān kunišn ud pahrēzišn wirāstan u =šān ruwān ahlawēnīdan pad frāy_humatīh ud frāy_hūxtīh ud frāy_huwarštīh čayēn_widarg abar xwēš awēšān ī =š hamāhang ruwān frāxwēnīdan x x
abar xrad abar xrad tuwānīg tuwānīg mard az nigēz nigēz ī weh weh_dēn dēn hād
az dēn nigēz pad_xrad tuwānīg mard ōy dārišn kē =š saxwan dānāgīhā ud kār ud kirbag pad wizīdārīhišnīh rādīh awihān ud pad ohrmazd_dahišnān sūd_wēnāgīh tuxšāg ud pad =išān yaštārīh ahlaw ud pad mānsr meh ōšmurdārān ud wēš_āgāhīh azišīh ud abardar warzīdārīh ahū ud rad
abar ān ī wurrawišn ān ī nē wurrawišn az nigēz ī weh_dēn x hād
ān ī wurrawišn andar ān ī šāyēd būd ān ī sazēd ud būd ud čiyōn ohrmazd kirbag wihāngarīh wināh wināh wihān_nē_garīh ud abārīg ī ō ohrmazd wisp_wehīh sazēd
ud ān ī nē wurrawišn andar ān ī šāyēd būd ān ī nē sazēd čiyōn ohrmazd wināh wināh wihāngarīh ud kirbag kirbag wihāngarīh abārīg ī ō ohrmazd wisp_wehīh ī apassazag
ud az nē_šāyēd_būd ēč čiyōn ast būd bawēd ān ī andar ēč dānišn zōr ud nē yyy ud nē yyy ud nē yyy
abar hunar kē dādār ohrmazd yašt_frawahr spitāmān zarduxšt pad =iš ō dēn ī mazdēsn waxšwarīh ud dōšīd az nigēz ī weh_dēn hād
hunar kē dādār ohrmazd yašt_frawahr spitāmān x x x x x x x zarduxšt pad =iš ō dēn mazdēsn waxšwarīh az harwisp ox ī astōmand abardar dōšīd was u =š hangirdīg =ēw ēn bowandag_menišnīh xrad spurr_dāštār ud abardom dōstīh ī ō weh_dēn ud pad abardomīh ī az harw kas pad humenišnīh hugōwišnīh hukunišnīh abar harw dar tuwān tuxšāgīhā ranǰwarīh ī abar agōw ud armēšt niyāzōmand dahišn ī weh ǰādag_gōwīh ud pahrēz ud šnāyišn ud hamēšag_raftārīh ī ō driyōšān ayārīh wināsišn_dahišnīh ī az ēbgad
abar sūd ī az dēn mazdēsn rawāgīh ī hām_dahišn paydāgīh būd ast bawēd az nigēz ī weh_dēn hād
būd hām_dahišn sūdīh ī dēn mazdēsn paydāgīh pad fradom padīrišn ud srāyišn ī =š waxšwar yašt_frawahr spitāmān zarduxšt dēw kālbod škastan ud hām_dahišn az =iš āsānīh ud sūd būd
ud nūn =iz hām_dahišn sūdīh ī az =iš amaragān winnārišnīg sūd paywandišnīg yōǰdahrīh ī ābān ī wehān pahrēz ī ātaxš ī ohrmazd ēzišn mēnōyān yazadān
ud bawēd hām_dahišn sūdīh ī az =iš pad paywandišn ī ō ušēdar ī zarduxštān pad =iš gurgān =iz srādag kālbod škast frāybūd aybibūd az uzmān bē wišāyīdan pad paywandišn ī ō ušēdarmah ī zarduxštān pad =iš gazān =iz srādag kālbod škast suy ud tišn az uzmān bē wišāyīdan ud pad paywandišn ī ō sōšyans ī zarduxštān pad =iš ahlomōγān srādag kālbod škast zarmān =iz margīh uzmān bē wišāyīdan frašegird ud ristāxēz tan ī pasēn kirdan dēn paydāgīh
abar pahlom ud wattom kāmag ī mardōm az nigēz ī weh_dēn hād
pahlom kāmag ī mardōm ān kē pad gētī az ahlāyīh ēdōn sagr čiyōn pad mēnōy u =š ō ī handōzišn ī gētī xīr kāmag and čand ō rawāgīh padišīh ī ahlāyīh abāyišnīg
ud wattom kāmag ān ī az gētī xīr handōxtan andar abāyēd
abar wēmārīh ī gyān pad anabzōnīgīh ī pad dānišn frahang ud darmān ī ham wēmārīh az nigēz ī weh_dēn hād
wēmārīh ī gyān pad anabzōnīgīh ī pad dānišn frahang ud hunar az dō druzīh ī ēk frāybūd x frāybūd abar_menišnīh az =iš menēd kū x dānam kū man frāz ud abar ud x aybibūd tar_menišnīh ī az =iš menēd kū ān ī did nē dānēd kū man abāz ud azēr
ud kē gyān pad ēn dō druzīh āhōgēnēd ud wēmār bāstān pad handāzišn xwēš tan abāg =iz ōy ī abardar pad dānišn ud hunar ōh menēd kū man dānam ud ān nē dānēd ud man frāz ud abar ōy ān abāz ud azēr ī man
ud ēn dō wēmārīh ī gyān ud ēk tar_menišnīh ud ēk abar_menišnīh abāz dāštār bawēnd ān kē gyān pad =iš wēmār az ērīh ī andar ēč kas hammōxtan ī az =iš padīruftan ī abzōn ī pad dānišn ud hunar u =š hušk bawēd kadag ī dānišn čiyōn huškīh ī draxt az nēstīh ī āb
ud darmān ī ēd frāybūdīg ud aybibūdīg dō gyān wēmārīh bowandag_menišnīh kē pad =iš paymān_menišn bawēd abar xwēš kasān pad bowandag_menišnīhā nigerišn wēnēd dānišn hunar ī pad =iz ān ī nidar ast pad ōy nēst ayāb kam
pad ān and dānišn ud hunar ī did ast u =š ud xwad nēst ayāb kam ka =iz ān ī nidar kas nidar az xwēš frāz xwad az ōy abāz menēd ud dārēd ud u =š rāh ī ērīh ī bawēd ī =š andar ōy =iz nidar pad ān ī ān dānēd ōy nē dānēd hammōxtan ī ān ī nē dānēd az =iš
ud bōxtan ī gyān az tar ud abar_menišnīh wēmārīh ud padīruftan ī abzōn pad dānišn ud hunar
abar ast spās ī rōšn nēst spās tār mēnōy az nigēz ī weh_dēn hād
mēnōy dahišn ast ī ahambūd ēw_tāg bawišn u =š wāspuhragānīh ast ī x x x x x x x awēnišnīg ud agīrišnīg ud az dādār dahišn dām fradom pad mēnōyīg bawišn ud būd ī ahambūd awēnišnīg ud agīrišnīh ud pad hambawēnīdārīh ī bawišnīgān ō gētīyīh wašt ī wēnišnīg gīrišnīg
ān paydāgīh az =iz ēn ka gētī tis wēnišnīg ud gīrišnīg ka az gētī wēnišnīg gīrišnīg wišāyīhēd abāz ō bun bawišn awēnišnīg agīrišnīg mēnōy ast ī =š bun šawēd
ud rōšn mēnōy pad garm_xwēd nērōg zīndag_čihrīh az ahambūd mēnōy bawišn ō hambawišn ān gētī waštan wišāyēd ān ī nūn =iz hamāg gētī gētī pad gētīyīh winnirdīh az ham nērōg
ud tār mēnōy marg_gōhr sard hušk druwandīh rāy ham ō hambawišnīg gētīyīh madan nē šāyēd ud ān ī ō paydāg_gētīyīh mad nē xwēš gōhr bē ǰud_gōhr paymōg/paymānīg
čiyōn ān ī pad =iš nāmčišt ud gilistīg dēw ī kālbodōmandīh grift ān ī gurg xrafstar paymōxt dārēnd nē xwēš_gōhrīh rāy čiyōn gētī rōšn_dēsagān ō frašegird paywandēnd nē bē ān ī dēw kālbod pad hazangrōzim ī zarduxštān bē škastan ud apaydāgīhistan
ud ān ī gurg kālbod pad bun ušēdar hazārag ān gaz kālbod pad bun ī ušēdarmāh hazārag škīhēd
abārīg druzīh ī andar rōšn_tōhmag tanōmandān kirb dwārēnd pad ǰudāgīh ī ǰud_ǰud kirb gyān madan čiyōn =išān gētī abāz ō gētī ud mēnōy abāz ō mēnōy hamē gumēzīhēd andar mayān druz abesīhistan x
ud pad ušēdarmāhān hazārag frazām rasišnīg sūdōmand ī pērōzgar pad ēw_kardagīh az tanōmandān kirb frāz mālīhēd abāg bun druz škīhēd ud abesīhēd weh_dēn paydāgīh
abar pāyag ī mayān pahlom_rāyēnišnīh ī ud wattom_rāyēnišnīh ī mardōm az nigēz ī weh_dēn hād
pahlom_rāyēnišnīh ī mardōm pad čand andar gumēzagīh šāyēd spurr_wēnīh ī =š āsn_xrad ud wattom_rāyēnišnīh mardōm pad druwandīh
ud pāyag ī mayān ēn dō rāyēnišn se guft ēstēd gōšōsrūd_xrad pad kunišn ud pahrēzišn hammōz dōst ud pad pādixšāyīh az wināh abāz dāštār sālār ud gišnag_zīyišnīh
ud padisārīg abar guft ēstēd kū abar mardōm fradōm pahlomīh āsn_xrad ud kē az āsn_xrad anūdag didīgar pahlomīh gōšōsrūd_xrad ud kē az =iz gōšōsrūd_xrad bēgānag sidīgar pahlomīh ān ī pahrēz kunišn hamēšag hammōxtār dōst ud kē pad =iz ēn =iz škōh čahārom pahlomīh az wināh abāz dāštār pādixšāy ud kē ēn =iz nēst ā =š gišnag_zīyišnīh pahlom kū ma pad wēš_zīyišnīh pad tuhīgīh ī az pahlomīh wināhād rasād ō wattom_rāyēnišnīh ī ast druwandīh
abar rāh ī nazdīk bawēd ī ō yazad az nigēz ī weh_dēn hād
rāh ī nazdīk bawēd ī ō yazad ī abērtar pad dō ēk pad dānišn ēk pad wurrawišn u =šān rāh az harw dō xwār_dārišnīh ī nēkīg ī gētī ī brīdag az nēkīg ī mēnōy ud [B47] srāyišnīh āwām u =šān abzār se hunsandīh ud bārestānīh ud tuxšāgīh
ōh =iz nazdīkīh ī yazad pad yazad_šnāsīh ud šnāxtan ī yazad pad dānišn bawēd wurrawišn pad gyān ī xwadīhā wēnišn ī az apardagīh ī =š wēnišn ham mādī čim nimūnag dānišn tan sōhišnīg wēnišn ān pardag az pēš gyān wēnišn abar dāštan pad waran ud āz ud arešk ud kēn ud nang abārīg druzān ī āšuftār ud wānīdār ud appurdār =iz hēnd dānišn az tan bē kirdan ī andar nēkīg ī gētī brīdag az nēkīh x mēnōy pad rāhdārīh ēstēnd pad xwārdārišnīh ī ān nēkīg ī gētī ud xwārdārišnīh ī ān ī nēkīg ī gētī pad kōxšišnīh padīrag yyy ī āwām čiyōn pad xrad padīrag waran pad x hunsandīh padīrag āz pad srōšīgīh padīrag xešm ud pad dādīgīh padīrag ud arešk pad xwābarīh padīrag kēn
abērtar pad dānišn abzārān se ī ast hunsandīh bārestānīgīh ud tuxšāgīh šāyēd hamē tā nišīnēnd az uzmān ēn druzān xwārdārišnīh ī bawēd nēkīg ī gētī ī brīdag az nēkīh ī mēnōy wišōbīhēd ān ī druz aǰgahānīh ī andar mardōm tan huabardārišnīh ī ud huabarēstišnīh bawēd ī druzān andar tan nihuftag bawēnd az pardagīh ī gyān ī wēnišnīh ī x x ud wišāyīhēd ud gyān =iz nām ō abērtar dīdan šnāxtan yazadān dōstīhēnd ō yazad ud nazdīkīhēnd aw =iš
ud kēšdārān kē pardagān ī gyān čašm az wēnišnīh abāz_dāštār yazad andar mardōm kirdan kēš =išān yazad akām yazad_šnāsīh ī mardōm ud pad ān ī =šān kēš yazad yazad_šnāsīh ī ō mardōm framān būd saxwan framān ō kām hambasān =iz paristār =iz ī mardōm ud afsōsāg ī pad =iš guftan yazadīh az =iš bē guft bawēd [B 3]
abar astīh čiyōnīh yazadān dēw az nigēz ī weh_dēn hād
yazadān ham_wimand ī ruwān ī mardōm xwadīh pad gōhr u =šān čiyōnīh xwarrah ī agumēgīh dānāgīh ī agumēg_dušāgāhīh ud wehīh ī agumēg_wattarīh mēnōy_wāzišnīh ī srōšīg ōz ī anizār
ud pad xwarrah ī agumēgtom hučihrtom hēnd pad stī čiyōn xwaršēd pad ul_hanǰišnīh ud hukirbīh ud hudōysrīh čiyōn gēhān frāxgar ī rād ī xwadāy mardōm pad and_čand andar gumēzīšnīh kirb_wēnīh šāyēd būd
pad dānāgīh agumēg_dušāgāhīh mēnōy_wēnišnīg xwadīhā bowandag wēnēnd xīrān čiyōn rāh ī az ox ō menišn wišādag mardōm rasišn ī ō mēnōy_wēnišnīh pad čand andar gumēzagīh šāyēd būd
pad mēnōy_wāzišnīh ī srōšīg wāzēnd kū =šān hukām hāmagīh xēmān pad xwarrah_baxtārīh ō gētīyān čiyōn tēz_wazišnīh mardōm menišn abar xīrān
pad wehīh ī agumēg_wattarīh ān ī anizār ōz baxšēnd rāy xwarrah ō dāmān čiyōn purr_xrad_spurrīhīh āzād_gōhr huxwadāy dahībed waxšēnīdār gēhān pad dād ud ābādīh_kirdārīh
ud ast =iz ī ēdōn ahlaw ruwān ka =š bē tan rasišn ī pad ham_wimandīh čiyōn =iš abāg abārīg yazadān andar =iz tanōmandīh pad hunarōmandīh ī yyy az āhōg spurr_homanāgīh ī ō yazadān
ud dēw homānāg hēnd čihr ī gurg xrafstar u =šān čiyōnīh ī tam ī aǰomāy_rōšnīh ud dušāgāhīh ī aǰomāy_dānāgīh ud wattarīh ī aǰomāy_wehīh mēnōy_dwārišnīh ī xešmenīg wattar ī abārōnīh
ud pad tom ī aǰomāy_rōšnīh duščihr hēnd čiyōn ān ī bazag_ēwēntom xrafstar ī rēmantom
ud pad dušāgāhīh ī aǰomāy_dānāgīh mihōxtīg čyhynd wizēhēnd čiyōn ān ī wattar yyy xwad wizēhēnēd kasān
pad mēnōy_dwārišnīh xešmenīg dwārēnd čiyōn duzz stahmag
az wattarīh ī aǰomāy_wehīh pad dušōzīh murnǰēnend gēhān ahlāyīh čiyōn dahišn_murnǰēnīdār zynd ud ǰādūg ud wattar_saxwan petyārag druwand ahlomōγ sāstār ud gurg ud xrafstar
ēdōn druwand ruwān frōd murd tan pad dēwīg ud druzīg paymānāg ī az bazag ud kār pad dēwān hamkirbīh andar tanōmandīh pad āhōgōmandīh ī dūr az hunar mānāgīh ō dēw druz
abar mēnōy ud gētī_dahišnān ī weh_sūdtar abar az zyān_pānagtar mardōm az druwandīh bōzāg ud ān ī mardōm hammis abārīg dahišn ī weh abāz_waštīh az =iš tar az nigēz ī weh_dēn hād
mēnōy gētī weh dahišn sūdgartom ud az zyān pānagtom ud mardōm az druwandīh bōzāg pad ahlawīh burzēnāg dānāgīh
ōh =iz dānāgīh weh dēn xwadīh warzīh ud rādīh rāstīh ud spāsdārīh ērīh šarm ud hunsandīh ud xwābarīh dād ud abārīg hunarān wirāyišn ī gēhān kirbagīh ahlawīh mardōm wihān ud ān =iz ī dām pānag parwardār huxwadāy winnirdīh ud kārīgīh pad dānāgīh
mēnōy ud gētī weh dahišnān zyāngartom ud sūd pādīrānēnāgtom mardōm kirbag ahlawīh abāz_dāštārtom ud pad bazag druwandīh škarwēnāgtom dušāgāhīh
ōh =iz dušāgāhīh wattar dēn xwadīh ud penīh ud drōzanīh ud anespāsīh ud ahunsandīh ud anērīh stahmagīh drōzanīh ud anāmurzīdārīh ud sāstārīh ud kayagīh ud karbīh ud adād ud abārīg āhōgān wišōbišn gēhān x x wināh ud druwandīh mardōm wihān ud stahmagīh paydāgīh az dušāgāhīh
ud dānāgīh bun āsn_xrad dušāgāhīh ī bun arāh waran ud āsn_xrad hunarān bun dādār ohrmazd
ān kē yazad pad xwēš wāspuhragānīh ī ast abunīh ī x hučašmīh ud mēnōyān_mēnōyīh wisp_tuwānīh ud wisp_xwādāyīh wisp_wehīh ī dādār dāštār ud im agumān šnāsēd ōh =iz yazad čiyōnīh pad stī šāyēd winnirdan
wisp ī awēnišnīg fradom čiyōnīh_šnās yazad stī_šnās =iz čē čiyōnīh pad stī šāyēd winnirdan wisp ī awēnišnīg fradom čiyōnīh pas stī u =š stī az čiyōnīh šnāsīhēd
kē yazad šnāxtan gōwēd u =š čiyōnīh nē dānēd ayāb =iš grift ī pad =iš abāz_waštag az ān ī ō yazad passazag az yazad_šnāsīh dūr ud čē az čiyōnīh ī awēnišnīg ast nē dānēd ī =š wēnišn ō astīh ī ān tis madan nē šnāsēd kē =š grift čē čiyōnīh ī stī abāz_waštag az ān ī ast ī =š wēnišn nē ō ān ast ī any ast kē ān griftīg čiyōnīh rasišnīg
čiyōn ka pad šahr =ēw ī asp andar nē hē kas =ēw gōwē kū asp šnāsam ud ka čiyōnīh asp sōgōmand ud yyy nēst nēk haft pāy ayāb panǰ gōwē az šnāxtan ī ast ī =z asp bēgānag hē
ud kēšdārān kē yazad šnāxtan gōwēnd u =šān kēš abar čiyōnīh ī yazad ān ī wattarīh bun bazag ēw_gar ud pad ox dahišn murnǰēnīdārīh =iz ō gētī abar dušox az mardōm kē =š wināh ud ox xwad andar kirdan rāy frēftag ī =š xwad ō dušox purr dwārīdan ud ǰāwēdān ēk =iz az =iš nē āmurzīdan padist_bar
ī =šān šnāxt nē ān ī wehīh bun ud kirbakkar ud dām dāštār hamāg dāmān dahišn_bōz ō abēzag_yyy nēkīh zāmēnīdār yazad bē ān ī purr_bazag ud hamāg_wattarīh ud dām_murnǰēnīdār ahriman ast ud az yazad_šnāsīh ōwōn bēgānag hēnd čiyōn bēgānagīh ī ōy asp_šnāsīh gōwēnd čiyōnīh asp abāz waštag nišān_dah az šnāsīh ī asp yyy
abar kirbag xwāyišn ud ayābišn ud wināh_warzīh ēwēnagān ud wizīr ī abar ǰud_ǰud ēwēnag az nigēz ī weh_dēn hād
kirbag xwāyišn ayābišn axwāyišnīh ud anayābišnīh ēwēnag čahār xwāhāg ayābāg xwāhāg nē ayābāg nē xwāhāg ayābāg nē xwāhāg nē ayābāg ud wizīr pad =iš ēn
xwāhāg ayābāg bōzišnīg ud burzišnīg čiyōn kē =š zarr xwāst ayāft bē ēstēd bōzišnīgīh az xwāyišn burzišnīgīh az ayābišn
bē xwāhāg nē ayābāg bōzišnīg nē burzišnīg čiyōn kē =š zarr xwāst nē ayāft bōzišnīgīh az xwāyišn ud aburzišnīgīh az nē ayābišn
bē nē xwāhāg ud ayābāg burzišnīgīh aniyāz bōzišn bōxtag
nē xwāhāg nē ayābāg nē bōzišnīg nē burzišnīg
wināh_warzīh ēwēnag saxwan ōšmurišnīg čahār pad wināh_warzīh ērangīg ud bōzišnīg pad wināh ērangīg ud abōzišn pad wināh_warzīh anērang bōzišnīg pad wināh_warzīh anērang ud abōzišn
ud ān ī pad wināh_warzīh ērangīg bōzišnīg ēbgadōmand mardōm u =šān ērangīgīh az kāmag_wināh_warzīg u =šān bōzišnīgīh ān pad tan pasēn az ān čē =šān wināh pad aweštāb ī az ēbgad ud yyy andar stahmag hamēmāl ud ālūdagīh ī pad wināh ud ox ī andar kird čē paydāg kū dāhīg =iz abāg garān_wināhīh abdom ān ox ō bōzišn rasēd
ud ān ī pad wināh_warzīh ērangīg abōzišn dēw hēnd u =šān ērangīhīh az xwad_gōhrīh ud abōzišnīh az wardēnīdan nē šāyistan ī =šān tam ō rōšn_gōhrīh čē paydāg kū frāsiyābag dēw mardōmīh ō bōzišn ī az wināh pādufrāh nē mad
ud anērang bōzišnīg aburnāyīg ī azēr hašt_sālag ud abōy anērangīh aburnāyīg az amadagīh ī =š xwēš kadag ō paymān ud abōy az agārīh ī =š ōš bōzišnīg abāz_rasišnīgīh ī =š ruwān ō xwaršēd pāyag rāy
anērang ud abōzišn andar mardōmān nē windišnīg bē hēnd anērang ud aniyāz_bōzišn abēzag mēnōyān yazadān
abar ēwēnag ī dahišn ī mardōm az nigēz ī weh_dēn hād
dahišn ōh =iz mardōm ēwēnag ēn =iz čahār ēk ān ī mad ō ardīg bōxt ēk ān ī mad ō ardīg ud škarwist ēk ān ī nē mad ō ardīg zamānag pad abēzagīh ēstēd ēk ān ī ō ardīg pad warōmandīh pāyag
ud ān mad ō ardīg bōxt ud zād murd ahlaw ud ān ī mad ō ardīg škarwist zād ī murd druwand ud ān ī nē mad ō ardīg zamānag pad abēzagīh ēstēd ān ī ō zāyišn payrāstag azādag ud ān ī nē mad ō ardīg pad warōmandīh x zād ī andar gumēzagīh ahlawīh_ēmēd druwandīh_bīm
abar wārān čim ud wihān bun_hambār ud rasišn ud framādār ī kārīgar kārīgarān sālār ud xwadīh ud abzār ud petyārag spōxtār sūd ī ud zyān ud srešk ī xwurd ud stabr ud wafr x x x x x x x x x x x x x ud tagarg čim ud abzāyēnīdār ud kastār ud sūdgar zyāngar az nigēz ī weh_dēn hād
wārān az dādār čim niyāzōmandīh ī gēhān nōg nōg ō rasišn ī huškīh gēhān pad xwēdīh bēšāzēnīdār ud waxšēnīdār x
ud wihān az ēr pad garmīh nērōg ud wād ōz ul barišnīg pad bē čihr ī āb abāz madan ī āb pad xwad čihr ō ēr az rāyēnīdār yazadān tarāzišn baxšišn
u =š bun hambār mādayān warkaš zrēy
rasišn tā abr pāyag mad ō būm abāz_rasišnīh tā ō zrēy ī =š bun hambār
u =š framūdār dādār ohrmazd
ud rāyēnīdārīh ud kārīgar az dādār framān tištar ud sadwēs ud star ud wahman ardīwsūr ud wād ud hōm ud dēn ud burz ud ahlawān frawahr abērtar
kārīgarān sālār tištar u =š pad kārīgarān sālārīh abāg sadwēs star zrēyān rōdān čašmagān afšdānān pad wād abzār ō ul āyōzēnīdan āb miznēyēnīdan miznēy ō āb_burdār abr wardēnīdan ul burdan
ud wahman hamkārīhā pad wād abzārīh abr sūd ud tar wāy tadan dēn ud dahībed xwarrah ardīwsūr anāhīd ud wāy āyōzišn ātaxš hamkārīhā abāg wārān petyāragān dēwān ǰādūgān parīgān kē dēwān kamālīgān apawš dēw ud spinǰagr druz kōšēd az wārān petyāragīh spōxtan burz ī xwadāy mādagān ābān nāf ahlawān frawahr hamkārīhā ābōmand kišwarān rōdestāgān gyāgān baxtan pad paymān frōd hištan
ud x wārān xwadīh ī āb ud wārān abzār wād ud miznēy ud abr
ud srešk ī xwurd ud stabr tagarg ud wafr az ǰud_padīrišnīh ī wād čihr ī zahāgān ān ī ka wād garmīh dārēd srešk ī xwurd ka xwēdīh dārēd srešk ī x stabr ud ka sardīh wafr ka huškīh tagarg nē wārēd [ ]
wārān petyārag abāg apawš ud spinǰagr ud abārīg was dēwān ǰādūgān parīgān pen ī nanggar ud mar ī yyy duščašm ud dādwar ī drō pad abar nigerīdan ī ō abr
ud wārān abzāyēnīdār abāg yazadān ī azabar nibišt ud ātaxšān warahrān mēnōy ud abārīg yazadān rādīh wizīdār dāšn ī weh mard ī hučašm ud nāyrīg ī ahlaw ī dādwar ī weh ī rāst_čāš pad abar nigerīdan ō abr paydāg
ud sūd ī az frazām wārān amaragānīg az dādār dahišn u =š zyān ēwāzīg az ēbgad gumēzišnīg
ud amaragānīg sūd ī az wārān abzāyēnīdār ān ī ēwāzīg zyān nizārēnīdār dahībed mard pad huframānīh ud dād ōz abērtar ud ēwāzīg zyān ī az wārān abzāyēnīdār ud ān amaragānīg sūd kāstār sāstār mar pad dušframān ud adād wēš
wārān_kirdārān dahībed sūdīmand wārān_kirdārīh ōz abzāyēnīdār wārān_petyārag dēwān zōr ī pad wārān_petyāragīh nirfsēnīdār
pad weh dēn yaštārīh yazadān šnāyišn dēwān bēšīhišn abērtar az dēwīg uzdēsīg dēw_yāzagīh wārān_petyāragān dēwān mustīh ud stahmīh ī pad wārān_petyāragīh ud wārān_kirdārān yazadān bēš ud tuštīh ī az sūdōmand wārān_kirdārīh wēš bawēd
abar čim ī wēnišn ud awēnišnīh ī was_frahangīhā ī andar frazānagīh_pēsīd dēn ō nigerīdārān az nigēz ī weh_dēn hād
pad ruwān x ahlāyīh dōšāramīh nigerīdan ī dēn weh_dēn ō wēnišn abērtar rasēd gyānīg dānišn frahang
ud az nigerīdan ī pad gētīyīg ābādīh ud pādixšāyīh ud nām_xwāyišnīh ī āzwarīhā wēš parganēd az wēnišn dānišn ī andar weh_dēn
ud kē dēn ī weh ruwān dōšāram rāy nigerēd ān =iz dānišn āgāhīh ī =š pad gētī xwāstārīh ud pādixšāyīh ud nām abāyišnīg andar bowandag ayābēd
kē gētī x nē āzwarīhā nigerēd x ān =iz dānišn āgāhīh ī =š pad gētī_xwāyišnīh abzār ud abāyišnīg andar kam wēnēd
az =iz ēd dar x x x x x x pōryōtkēšān pēšīh xēm wirāstan pasīh xrad pursīdan čāšīdan
abar bōzišn ī ān ī frašegird hangām gannāg_mēnōy frōd kušīdan pad gāhān paydāg az nigēz ī weh_dēn hād
kušīdan margēnīdan ī gōhr tis nē anast_garīh ī gōhr ān ī nē šāyēd būd bē ǰudāgīh ast ī x az tis ī =š pad hamīh_kārīgīh būd ān ī pad ǰudāgīh agārīh ī hamtan bawēd xwad ast kē ka ī kuštan agārēnīdan čiyōn tan az ǰudāgīh ī gyān nē anastīh bē agārīh
ēdōn wišōbīhēd tā gannāg_mēnōy frašegird hangām hamāg kardag abzār xwad akāmag_hanǰāmīhā pad anayāftan ī tis =iz bahr ō xwad burdan az ān ī pad =iš ǰumbist abar kōšīd ud purr_burd abāz aw =iš anayārīh dard abāz ō gilistag ī az =iš ō dām škarwīd abgand frōd kušīhēd
ast ī az dēn paydāg tāčā_vispā_ahurā_ϑβahmī_mazdā_xšaϑrōi_ā voiiaϑrā ān =iz pad harwisp ohrmazd pad ēn ī tō xwadāyīh frōd kušīd gannāg_mēnōy pad harwisp wināhgārīh
ud zandīg kē ahriman tār pad frazām ō nōg zēndān ī az rōšnīh wirāst abgand hupēsīdag pad zāmēnīdan ī tār az rōšnīh ēw_kust hamsāmānīhā ō dō hamkust rōšn aškom rōšn bēšīdārtar kird yyy yyy wattar pad akanārān kirdan ō xwēš hām_pēramōn parwastag nihumb mānāg zēndān nišast akanārīh ī =š abar tār zēfān čāšēd hām_kust kanāragōmand guftan
pēš saxwan ī =š abar akanārag_tanīh ī tār pad hambasān wišuft ud pas saxwan ī =š abar akanārag dām kanāragōmand zēndān parwastan pad būd nē šāyēd awinnārd bawēd
abar šōn ī xūb_frazāmīhā abar āwurd ī kārān az nigēz ī weh_dēn hād
xūb_frazāmīhā abar āwurd ī frayist kār šōn abērtar ān ī xwadāyān dō ēk drubušt pādan ī kārān rāz ōwōn ī āhumbīhēd huzārag xīr ī nišān ī rāz ō bērōn kū ma rasād hambun =iz nišān ī kār āgāh ō kār wizūdār ud ō padīrag sāzād čār ī pādīrānīh ud wišōbišn ī kār
ud x ēk mad hangām tēz kirdārīh kū ma sāzīhād kār hangām pad akird yyy ī andar akird mānād kār ud yyy dagr_drangīg handāzišn ī pad =iš
abar ōš xrad pānag az nigēz ī weh_dēn hād
pādār ī ōš ud xrad mēnōyīg wahman ud čihrīg bōy gētīyīg hunsandīh zamīg xwāstag kē ōš ud xrad bun nērōgōmand u =š pādārīh ī az wahman bōy hunsandīh zamīg xwāstag ast pad spurr_kārīh ī ōš xrad andar harw dō axwān stāyīdag ud burzīdag bawēd
ud kē ōš xrad az pānagīh ēk az ēn se hišt ud agar az wahman pad =iš čērīhēnd akōman ud xešm u =š xrad az akōman afsard ud ōš az xešm āšuftag bawēd ud agar az bōy dēw abar ōš ud xrad pāduxšāyīhēnd ud wānēnd ud ān tan dēwānag bawēd ud agar az hunsandīh zamīg xwāstag ānōh škōhīh ī duštōhmag mehmānīhēd ud ōš guxrūn ud xrad appurd/āzurd bawēd
abar x saxwan ī madan ī ō awināhīh az nigēz ī weh_dēn hād
saxwan ī madan ī ō awināhīh ēn =iz dō frāztom_kāmīh ī mardōm abar abēzagīh ī az wināh ud passand ī pad =iš
ud čiyōn mardōm abēzagīh ī az wināh nē bawēd ǰud hamdādestānīh ī =šān andartom ox pad awināhīh ī ud passand ī pad =iš ān ōstīgtar ī az wisp_āgāh abardom ahū dādār ohrmazd pad āgāhīh ī =š az awināhīh
ōwōn abēzagīh passand ī pad =iš abāyišnīg mardōm pad ān pad ān abāyēd ō kām madan rāh ēwāz ō x gugāyīh ī =š ox pad awināhīh
čiyōn ān ī ahlaw hērbed baxt_āfrīd abar abēzagīh ī az xwad passand az yazadān xwāstan guft
abar šōn ī xwadāyīh_windišnīh ī ōy ī xwadāyīh_xwāstār mard az nigēz ī weh_dēn hād
šōn ī ōy ī xwadāyīh_xwāstār mard pad xwadāyīh_windišnīh ēn =iz šōn ō hamrasēnīdan ī abar xwēš yazadān mardōmān spāh yazadān rasišn ī ō ōy mard kē mardōm abar_ēstišnīh ī pad xwadāyīh ēmēd pad =iš paywandišnīh x x x x x x x x x x x abar ōy mard wēš ī anāgīh az =išān abāz_dāštārtar ud nēkīh pad =išān kirdārtar
u =š abestāg ēn nōit̰_zī_dī_yā_pasu vīra_xšaϑrā_ahmāt̰_aṣ̌āunō_mazištiia dī_šātōiš_mąnaiiāt̰_kasištəm_uzaiiāϑramaiia abar awēšān kē pah wīrōmand xwadāyīh ōy rāy xwāhēnd kē pad ān ī mahist āsānīh awēšān mānēnēd pad ān ī kamist ul_hanǰišnīh kū =šān anāgīh pad =iš nē nēkīh pad =iš wēš kunēd
abar paydāgīh ī dō_buništagīh ōh =iz ī xīrān x gēhān ud dōīh bun az nigēz ī weh_dēn hād
dō_buništagīh ōh =iz ī xīrān gēhān ī paydāg az =iz wihīrišnīgīh ī ī =šān ō ǰud_čihr abar āb ast ka ō čihr ī wād ud ast ka ō čihr ī zamīg wardēd ud wād =iz ast ka ō čihr ī āb ast ka ō čihr ī ātaxš wardēd ātaxš =iz ast ka ō čihr ī wād ast ka ō čihr ī zamīg wardēd ud zamīg ast ka ō čihr ī ātaxš ud ast ka ō čihr ī āb wardēd
u =šān az wardišn ī pad čihr ī buništagīh az ǰud_čihrīh ǰud_čihrēnīdār buništ az āgenēn_sāzišnīh ī pad bawišn azišīh ī dēsagān ud asāzišnīh =iz didān ī dēsagān ud ud dahišn wihān nē sazīdan ī az ēk dānāg bun xwēš čihrēnāgān abāg_sāzēnāgīh ī ō sūdōmand bawišn asāzēnāgīh =iz ī ō zyānōmand ud dahišn paydāgēnīd
az šāyēn ēdōn sazēd ī iz ī buništ wēš az ēk
čiyōn zahāgān kardagīh pēšīh ī az dēsagān ī az =iš paydāg kardag ī az dēsagān kardagīh paydāgtar =iz ud az kardagīh =išān kirdār
ud az =iz abāg_sāxtārīh ī gēhān sūd wizūdārīh =iz ī =šān zyān ī ast ī pad čihr čiyōn gurg ō gōspand ud ast ī pad kām čiyōn mardōm ō mardōm
ud ǰud az mardōm ǰuttarīh ud hambadīgīh =iz ī andar dēsagān āhang sāxtārīh ī =šān ō āgenēn az ān ī asāxtārīh ī =šān ēk ō did ud andar mardōm ud āhang dād az ān ī adād ud nē spōxtan ī
andar dēsagān zyānōmand asāxtārīh wizūdārīh wihān az ān ī sūdōmand sāxtārīh ud ayārīh wihāngar
ōh =iz ān ī dādīgīh andar mardōm kē rāy =šān kār kirbagīhēd pad =iš ahlawīhēnd az ān ī adādīh kē rāy =šān kār bazagīhēd pad =iš druwandīhēnd sazīdan paydāg ī buništ wēš az ēk
asmān ud zamīg xwar māh starān kardagīh =išān paydāg ī buništ az passāxtīh ud passāxtagīh pas ud az passāxtār
ud asmān ō drubuštīh zamīg ī star_pāyag ō kōxšišn gyāg ī kōšāgān razm kardagīh ud kōšāgān az andartom ī tan tā star_pāyag ud pad =iš paydāgīh rōšnān =iz ī abardar kē pad tan awizōn ēstēnd kār =išān wizūdagīh ud dādār xwad ō xwēš dahišn wizūdan ud andar xwēšān x razm wirāzīdan ud dām āgenēn kušēnīdan nē sazēd sazīdan paydāg ī buništ wēs az ēk
abar abdīh ī dādār ohrmazd wisp_tuwān az nigēz ī weh_dēn hād
ka nigerīhēd ō xwurdag dānag kē az =iš bawīhēd wuzurg draxt kōdag čōbīzag kē bandēd wuzurg yyy kōdag čašm kē pad wuzurg brāh ī xwaršēd zamīg nigerēd ud hambun ud xwurdag handēšišn ī gyān kē pad harwisp xīrān gardēd ud parnīgān nērōg ī pad hamkirdārīh ōwōn wuzurg nērōgīhēd čiyōn hamāg =iz asmān ud zamīg ī =šān bahr nizār ud kam ud xwār_nērōg ud pad hamnērōgīh ōwōn brāzāg wuzurg zōr wēnīhēd ī =šān ō abdīh nišānag =iz =ēw pad handēšišn madan nē šāyēd wēnīhēd abdīh ī zōr
ud ka abāg ōwōn abdīh nigerīhēd ō rāyēnišnīgīh ī zōr az dānišn_rāyēnīdārīh ī dānišn abar zōr wēnīhēd abdtarīh ī dānišn az zōr ka nigerīhēd ō dēn mazdēsn kū zahāg ast ī dānišnān wēnīhēd abdtarīh ī dēn mazdēsn
ka nigerīhēd ō xwadāyīh kū rawāgēnāg ast ī dēn wēnīhēd abdtarīh xwadāyīh ī ka nigerīhēd ō dādār ohrmazd kū bun ud āfurrāg ud kunāg ud rāyēnāg ī im gēhān hāmōyēn wēnīhēd abdtomīh ī xwadāy dādār ohrmazd wisp_tuwān
ēn =iz ēdōnīh ī abar dīd ī abdīh ī dādār
abar kām handāzišn ī ohrmazd az nigēz ī weh_dēn hād
ohrmazd handāzišn ō wizīn ī pad harwisp_āgāh xrad u =š wizīn ī pad harwisp_āgāh xrad kām ō ān ī pad =iš dām amaragānīg winnārišn paywandišn ī
ud kē ān ī ohrmazd kām pad waxšišn ī dēn mazdēsn u =š xwadāyīh ō bālist ī kārān spurr_kārīh ī =š ō hām_dahišn sūd_ēstišnīh windēd hamāg_rawāgīh bawēd ī ast frašegird ēbgad bowandag wānīdagīh ud hām_dahišn hamāg nēkīh
kēšdārān kē amaragānīg dahišn zyānīh =iz az yazad kām abdom ī kārān dahišn hamāg ō wišōbišn mardōm frayist ō ǰāwēdān dušoxīgīh az yazad kām_handāzišn ud mad kēš ī =šān abar yazad anāg_kāmīh kārān bun yyy handāzīh ud frazām ham wadīh =iz guft ud yazadīh az =iš bē guft bawēd
abar dēn ī weh ud agtōhmag ud paydāgīh rawāgīh bār sūd zyān az nigēz ī weh_dēn hād
weh_dēn āsn_xrad ud kirbān hunarān ī āsn_xrad hamzahag ud āsn_xrad u =š kirbān hunarān wahman spennāg_mēnōy zahag ag_dēn waran kirbān āhōgān ī mūdag waran hamhunušag ud mūdag waran kirbān āhōgān ī x x akōman gannāg_mēnōy hunušag kē rāy bun_tōhmag ī weh_dēn spennāg_mēnōy bun_tōhmag ī agdēn gannāg_mēnōy
u =šān paydāgīh ān weh_dēn az xradīgīh xrad_sāzīh ud xrad_mādīyīh ud xrad_kirbīh ud xrad_kārīh ud xradīg huwazīh rōšnīh x xrad passazag hamāg_sūdīh ī weh dahišnān pad spennāg_mēnōy zahagīh ud ān ī agdēn az waranīgīh waran_sāzīh waran_mādīyīh waran_kirbīh waran_kārīh ud waranīg dušwazīh tamīh waran passazag amaragānīg zyānīh ī weh dahišn pad gannāg_mēnōy hunušagīh
u =šān rawāgīh ī harw dō abēzagīhā ān ī weh_dēn andar weh abēzag_ēstišnīh amahraspandān kū āsn_xrad bowandag_pādixšāyīh ud mūdag waran sarōmandīhā apādixšāyīh ud ān ī agdēn andar dēwān kū mūdag waran hamāg_pāduxšāyīh ī āsn_xrad dūrtom azišīh gumēzagīhā harw dō andar gēhān kū āsn_xrad ud mūdag waran kōšišnīg pādixšāyīh
andar gumēzagīh čand āsn_xrad zōr pāduxšāyīh and weh_dēn padīrišn wābarīgānīh ud rawāgīh ud yazadān pāduxšāyīh wehān mehīh āwām nēkīh ud čand mūdag waran zōr wuzurgīh and agdēn padīrišn rawāgīh ud dēwān stahmagīh ud wattarān mehīh ud āwām wadīh
ud rawāgīh bar ī ān weh_dēn sūd ud ān ī x x agdēn zyān ī dāmān ud bar sūd ī weh_dēn ān ī abēzag_rawāgīh ī andar amahraspandān pānagīh ī =šān dāmān wišōbišn ī az ēbgad ud paywastagīh az =išān wehīh ōz ō mardōm čihr pad abēzag dāštārīh ī ox wānīdan ī xēm† winnārdan mardōmīh andar mardōm kē pad =iš bōxtēnd ud payrāyēnd ud waxšišn abzōn ī hunar andar gēhān wirāyišn ī gēhān pad wehīh ān ī az gumēzagīhā rawāgīh andar mardōm ud nērōgēnīdan ī weh xēm hunarān andar mardōm ud tarwēnīdan ī ud wānīdan ī druz u =š kirbagēnīdan kār pad =iš bōxtan ī ruwān pad bowandag_rawāgīh ī andar mardōmān škastan =iz ī druz spāh ud ānāftan ī ēbgad az dām ud amarg vasō xšaϑra dahišn hamāg weh_dahišn
zyān bar ī ān ī agdēn kē x wad_rawāgīh andar dēwān rēzišn ī az =išān petyārag ō gēhān wināhišn ud wizend ī dāmān ud ān ī az gumēzag_rawāgīh ī andar mardōm nērōgēnīdan ī āhōgān ud nizārēnīdan ī hunarān ud ānāftan ī mardōmīh az mardōm ud kišt ī dēwīh andar bazagēnīdan ī kār ud druwandēnīdan ī ruwān wizend awērānīh ī gēhān az adādīh az winast_mardōmīh az ān dēwīh winastagīh ud adādīh weš_nērōgīh ī dēwān pad murnǰēnīdan ī gēhān ān ī pad wišād_bandīhā harzagīh ī wattarīh ī aǰomāy wehīh andar gēhān abesīhišn būd pattūdan nē šāyistan ī dām yyy =ēw andar aǰomāy wehīh ud hamāg_wattarīh abar gugāy
ud kēšdārān kē bun ēk ēwāz ast kēš =išān hambunīh ī hamōyen bunōmandān az ān bē ag_dēnīh =iz ān ham bun ud az ōy kē =š pad yazad dārēnd ud abar ō bun gannāg_mēnōyīh guft ud spennāg_mēnōyīh az =iš bē ud bun ī hamāg bazag sar ī harw bazakkar wattarān wattom guft bawēd
abar gētī čēīh ud ō čē_dahišnīh
u =š kār ud wimand ud tōhmag ud dēsag ud ēwēnag ud kirb ud zōr ī =š bawišn
ud wihān ī =š waxšišn ud bawišn pad čē ud nihišn dahišn pad čē
ō čē_rasišnīh ī wišuftagān ud did abāz ārāstan ayāb nē ud agar abāz ārāyīhēd pad ēn ī nūn čihrēnīdag čihr abāz ārāyīhēd ayāb ǰud
ud ī astīh ī mēnōy ī andar gētī ud ō čē_abāyišnīh ī mēnōy andar gētī
ud wimand ī mēnōy kū gētī
ud zōrōmand ast mēnōy abar waxš ud čihr ud mēnōy ud hamīh ī =šān āgenēn hangadīh ī ēk az did
ud abar mēnōy ī yazadān dēwān ud ka harw dō mēnōy hēnd pad čē ǰud hēnd az āgenēn
ud abar gētī_dahišnān
ud pēš ud pas_dahišnīh ud čiyōn wēnišnīh ud wizārišnīh gētī_dahišnān pahlom
ud gōhr ī dāmān u =š āhōgēnīdagīh kū yōǰdahrīhēd gēhān az āhōg pad =iš yōǰdahrēnīdār
ud abar nērōg kē gēhān pad =iš winnirdagīh ud gēhān ud niwennišn ud frazām az nigēz ī weh_dēn hād
gētī ast stī ī pad tanōmandīh wēnišnīg ud gīrišnōmand u =š dahišn ō kōxšišnīg aweštāb aweštābāg ī xwad ast dahišn hamēstār spōzīh ud hampaywand ān ī ǰāwēdānīg nēk_rawišnīh
u =š kār ān ī aw =iš dād u =š ēn =iz paydāgīh ka nēst ēč gētī_dahišnān kār ī brahnag az aweštāb_spōzīh
wimand gētī wēnišnīg ī gīrišnōmand tis ud harw čē pad tan čašm wēnišnīg pad tan dast gīrišnōmand gētī
ud tōhmag ī gētī būdag ī az dādār āfurrišn ud dahišn pad rāh ōz_abzārīh u =š dēnīg nām bawišn ud nāmčišt garm_xwēd bun gētī_dahišnān mādī =iz dānīhēd
u =š dēsag ī fradom būdag ī pad dādār ud paymānkārīh az bawišn u =š dēnīg nām bawišn_rawišnīh u =š nāmčišt čahār zahāgān ī hēnd wād ātaxš āb gil bun gētīyān čihr ud dēsag ī didīgar būdag ī pad dādār frazānag_kārīh az bawišn_rawišnīh u =š nām bawišn_ēstišnīh u =š nāmčišt čahār ristagān āmēzišn ī zīndagān dēsag ī sidīgar az dādār ābīg_karīh frawahr ud ruwān hamristagān hamēnīdār stī u =š nāmčišt mardōm gōspand ud abārīg zīndagān ī weh
čiyōn dēsagōmand ī abdom baxt ēstēnd ō kirbān kirbān ō =iz ōy and ēw_tāg zōr ī =š ēstēd ō =iz any ǰudīh ī hamgōhr mad ēstēnd
pad dōīh ast anāgīh astān anāg hangirdīgīh ōh =iz astān anāg dō ēk rasišn ī hambedīg kunāg ī dard ēk bazišn ī xwad ud yyy =iz ī ham bawišn pad hamāg tōhmag =iz wišōbišn
pad bahr ud dēsag ī kirb gēhān bawēd
ān ī wišōbīhēd abāz ō bun wišāyīhēd ristagān ō zahāgān ēwēnag ud kirb ī ǰud_ǰud ō dādār dāštār ī bun_kārag ud ō nēstīh nē rasēd
did abāz ārāyīhēd ān ī wišōbīhēd andar paydāgīh ī tan dādār nērōg ēdōn šāyēd čiyōn fradom =iz šāyist
ud kirbān ī abāz ārāyēnd pad čihrēnīdagīh ī az abēzag bun ǰud hēnd az ēn ī čihrēnīdag az ēbgad hēnd gumēzag_bun ham hēnd ēn kirb pad abāz harrōbišnīh ī =šān ristag ī ǰud_ǰud pad dādār wisp_āgāhīh ud wisp_tuwānīh az zahāgān ī padīruft ud dārēnd ristagān ud ēwēnag kirb
andar gētī mēnōytar =iz ast ruwān andar tan ud ox andar ruwān ō dārāgīh ud rāyēnāgīh ī gētī abāyišnīg
mēnōy andar gētī čiyōn gyān tan zīyēnāg ud bōy tan wēnāgēnāg ud ruwān tan rāyēnāg
ud wimand ī mēnōy andar gētī čiyōn gyān tan zīyēnag bōy tan wēnāg ān ī nē sōhīhēd pad sōhišnān wēnīhēd pad gyān wēnišn harw čē nē sōhīhēd pad tan sōhišnān wēnīhēd pad gyān wēnišn mēnōy ast
ud mēnōy_winnārd čiyōn ruwān was zōr =iz čiyōn wīr ōš ud xrad ud gyān zōrān ī gyān ruwān ham hēnd
ruwān waxš ud čihr pad ān ī harw se mēnōy hēnd
ud ǰud hēnd ruwān frawahr az waxš pad ān ī ruwān ud frawaš stī =iz hēnd ud waxš pad stī
ud ǰud hēnd ruwān ud frawahr ēk az did pad ān ī ruwān kāmagōmand kāmīg kār frawahr čihrōmand ud čihrīg kār
ud ǰud ast waxš az ruwān pad ān ī ka ruwān xwadīh ī waxš ud waxš nērōg ī pad ruwān
ǰud hēnd harw dō =ēw pad =iz ǰud_kārīh čē kār ī waxš ud xrad =iz wizīngarīhā ud ān ī frawahr čihr ayār gyān ī pad =iš ud ān ī ruwān kāmīg_kārīh =iz ī
ud ǰud ast ruwān az frawahr čihr ud waxš ruwān winnārdārīh frawahr ud waxš winnirdag hēnd az ruwān
ud hamōmand āgenēn pad ān ī ka pad hamrasišn ī harw se abāg uštānōmand wād ī ast gyān winnārišn ī mardōm bawēd
frawahr pad ātaxš čihr uštānēnāg ī wād pad wād uštānīh zīyēnīdār ī tan
ruwān andar tanōmandīh pad waxšōmand bōy abāgīh wēnāgēnāg rāyēnāg ī tan
ham hēnd bōy waxš pad mēnōyīh ī winnārdār ī ast ī awēšān hamōmand harw pad mardōm winnārdārīh
ud pad =iz ān hamīh ī frawahr waxšōmand bōy widard_tan abāg ahlaw ruwān ǰud hēnd bōy frawahr az ruwān ka ruwān druwandīhīdag =iz ud bōy frawahr druwand az =iš wisānīhēnd
ud yazadān dēwān astīh dēn_paydāgīh abar yazadān astīh weh waxš ast xrad =iz abar dēwān astīh wattarīh waxš ī ast waran =iz ī andar mardōmān tan
azabar ān ī paydāgīh gugāyīh ēdōn harw dō mēnōy hēnd
ud pad =iz ǰud_wimandīh ǰuttar hēnd az āgenēn čē wimand yazadān mēnōy ī zīndag ī amarg ī dānāg wimand ī dēwān mēnōy zīndag ī dušmarg ī dušāgāh
az =išān ahlawān druwand ruwān mardōm ahlaw ruwān pad yazadān hamwimandīh az ān ī ka zīndag ī dānāg ī amarg ruwān pad ahlawīh yazadān hamwimand ud druwand ruwān az hamwimandīh ī abāg dēw az ān ī ka zīndag ī dušāgāh ī margōmand ruwān pad druwandīh dēw hamwimand
abar astīh ī harw dō azabar ān gugāyīh gugāy az =išān yazadān mānāg =iz dānāg dēw ud druz mānāg ī dušāgāh mardōmīhā abar astīh ī harw dō dānāgīh ī andar mardōm bun yazadān ud dušāgāhīh pad =iš bun dēw azabar hamāg ān gugāyīh gugāy
ud gētī_dahišnān hangirdīgīh hēnd šaš asmān āb ud zamīg ud urwar ud gōspand ud mardōm
asmān pad =iš dād paydāg did āb pad sāzāg hamdārišnīh ī wād nērōgīh abar wāy mēnōy asmān gōhr did zamīg did urwar did gōspand ud abdom mardōm
u =šān panǰ andarōn asmān bēdom ī =šān wisp ō hamāg abar hambandīhistan paydāg
āb tanišn wistarišn andar hamāg wāy ī azēr ī star_pāyag ud ēr ud abar hām_pērāmōn zamīg abar =iz āb nērōg kardagīh winnirdīh
urwar abar zamīg rustagīh gōspand pad urwar ud mardōm pad =iz gōspand ayārīh
ud gētī_dahišnān pahlom mardōm andar mardōmān ōy ī huxwadāy dahībed
bun stī ī gēhān baxtag ī anagr_rōšn dādār nazdtom yyy čand paywand payrōg ī az ān rōšn brāh ī az ān payrōg bām ī az ān brāh tā =iz ō ray ud az ray pad dādār āfurrišn rasīdag ō bawišn garm_xwēd gētī_dahišnān fradom bun
az bawišn garm_xwēd bawišn_rawišnīh zahāgān čahār ī ast wād ātaxš āb gil az bawišn_rawišnīh bawišn_ēstišnīh ēwēnagān ī āmēxtag az zahāgān ēwēnagān baxtag ō kirbān kirbān wizārdag pad =iz ōy abdom gētī_dahišnān kē pad =iš hangirdīgīhēd gētī_dahišnān
āhōgēnīdagīh gēhān nē az xwadīh ī anāhōg gōhr ī gēhān ud anāhōg kār dādār ohrmazd bē az āhōgēnīdārīh ī hamāg_āhōg ēbgad
ud gēhān az āhōg yōǰdāsrēnīdārīh pad bē burd ī az =iš āhōgēnīdār ēbgad šāyēd ān yōǰdahrgarīh ī dādār ī gēhān pad yān sūdōmandān abzārīh paydāg
ud amargīh ī pad tan ī pasēn ī kēšdārān pad =iš hamdādestānīh pad anāhōgīh ī gēhān šāyēd
ud nērōg kē gēhān pad =iš winnirdagīh abāg stī xwadīh ham_gōhrān hamīh pad dādār nēw_kām ud nēzūmānīg_kār rāz
u =š wāzēnīdārān ardāy_fraward wāzišnīh rōšnān ī =š andar abzārīh ōz
gētī niwennišn handāzišn brīn ī dādār pad =iš pad handēšišn ī abar ēbgad wānīdārīh ud dāmān nēk_barišnīh čār
ud gētī frazām mad ō spurrīgīh ī ān ī dādār pad =iš niwist ēbgad wānīdārīh ud hām_dahišn nēk_rawišnīh pad kirdan
abar sān ī gēhān razm razm_gāh razm_āyōz ud razm_sālār razmbed ud razm_gar ud razm_spōz ud razm_ēraxt razm_rāyēnīdār razm_frazām az nigēz ī weh_dēn hād
gēhān razm kōšišn ī ǰud_gōhr
ud razm_gāh gāh ī gumēxtag az hamēstār kōšišnīgān tā star_pāyag
razm āyōz hēnd gētī_dahišnan
razm_sālār mardōm
razmbed andar mardōmān xwadāy dahībed hudānāg dēn dastwar
razm_gar dušāgāh
razm_spōz dānāg mēnōy
razm_bōxt ud rad ahlaw
ud razm_ēraxt murd druwand
razm_rāyēnīdār dādār ohrmazd
razm frazām frazānagīhā rāyēnīdār kām pad dehīgān dahišn abzār ud kirrōg škast_spāhīh wišuft_abzārīh abesīhišn ī hamist wad_dahišnān pad ēbgad wānīdārīh pāddāšn anōšagīh ud wišīdāy ǰāwēdānīg
abar winnirdan šāyistan ī awēšān =iz ī agdēn gētīyīhā pad ōz ī weh_dēn petyāragīh ī agdēn ō =iz burdārān ud rawāgēnīdārān ī =š xwēš az nigēz ī weh_dēn hād
was yazadān ī dādār ohrmazd u =š ō winnārišn ī asmān zamīg wād wāyišn ud āb tazišn urwar waxšišn ud gōspand mardōmān bawišn parwarišn u =š ō pānagīh ī gētī dahišn az dām murnǰēnīdārān dēwān_dād paydāgēnīd ēstēnd
pad ōz ī weh_dēn pad =iš burdārān ōšmurišn ud ēzišn yazad winnārdārīh abar dēwān ī =šān pad hamēstārīh wizūdārīh kār ō gēhān wišuftārīh ud dahišn murnǰēnīdārīh ud margēnīdārīh hamēšag_āyōz hēnd čērīh az weh_dēn rawāgīh u =š burdārān ōšmurišn ēzišn pad wēš_rawāgīh ud ōšmurišn ī weh_dēn awēšān yazadān abzōnīg_ōzīh ud gētī_dahišnān yyy
ag_dēn =iz andar gēhān grāy_kārīh and dēwān wēš_zūrīh
ud pad gētī awēšān =iz ī agdēn murnǰēnīdan meh_frōgīh awēšān =iz ī agdēn xēndagīh ud margīh abzōn
kē rāy paydāg winnirdan šāyistan ī awēšān =iz ī agdēn andar gēhān pad spāh weh_dēn u =š burdārān ud hušnāsīhā rēškarīh ī awēšān abar =iz xwēš burdan ī ān ī =šān hamēstār nērōg ī pad murnǰēnīdārīh awēšān =iz abzayēnīdār agdēnīh
abar tāštīg paydāgīh ī abar abun ēk ud šāyēnd wēš az ēk az nigēz ī weh_dēn hād
tāštīg paydāgīh ī abar abun ēk šāyēn paydāg ōh =iz astīh abun ēk pad handāzišn ī abar sang
ast ēk tan sōhišnīg_wēnišnīg ēk gyān apaččēn_wēnišnīhā xwad_wēnišnīg ēk gyān paččēn_wēnišnīhā handēšišnīg_wēnišnīg ēk =iz nimūdag_dānišnīg ēk apahikār_āgāhīg ēk homanāg_wēnišnīg ēk wēnišnīg homanāg pad =iz dō ēk dušmānāg ēk nē šāyēn sang ī hamist hēnd nō
sang ī dōkān wizārišn andar darag paydāgēnīd
pad tan sōhišnīg wēnišnīg az nigerišn ī ō ōy kē pad čand mardōm ō yazad mānāgīhistan šāyēd yazad mānāg ī dānāg xwadāy mard ī ahlaw ī dēn gētī ohrmazd dahīg abdastan gōwēd
ud pad gyān apaččēn_wēnišnīhā xwad_wēnišnīg az wahman andar waxšīd ox_paywandišn ō gyān pad apardagīh andarg ān ī =š pēš az madan ī ō tanōmandīh xwadīhā pad mēnōy ox ī/hāwand wēnišnīh āfridār =iz ī gēhān ēdōn hamē dīd čiyōn andar tanōmandīh pad =iz handēšišn_gōwāgīh zōr
ud pad gyān paččēn_wēnišnīhā handēšišnīg_wēnišnīg az handēšišn ī gyān pad gōwāgīh nērōgīh
pad =iz nimūdag_dānišnīg az kardagīh ī gēhān kirdār ī gēhān
pad apahikār_āgāhīg az amaragānīg dēnīg_āgāhīh
ud pad homānāg_wēnišnīg …
… ī ud mānāg sang az ox/any gugāy dēn wurrawišn
ud pad =iz dušmānāg nē šāyēn sang az paydāgīg bunōmand dušāgāhīh ud bazzag ud nē homānāg
nē šāyēnīh az dānāgīh ud kirbag bun wihānīh aw =iš paywand paydāgīh az ān bē ēk wēš paydāgīh ud šāyēnīh ī abun wēš az ēk dušmānāg nē šāyēn sang ī ōšmurd paydāg
pad =iz mānāg ud homānāg sang ī andar šāyēn wimand weh_dēn nimāyišn
ud atawiš ī wāy ud zamān abar ēč abun bunōmand
abastagīh ast ī rāh ī ō ēdōn šāyēnīh ī abun wēš az ēk ka gyāgōmand ud ka =iz agyāg gōwīhēd
abar ān ī harw aw =iš niyāz xwad az harw abēniyāz ān ī harw andar xwad andar ēč ān ī abar harw_rāyēnīdārīh ī xwad az ēč ī bē nē rāyēnišnīg az nigēz ī weh_dēn hād
abun bunōmand pad kār ud astīh =iz ī harw ō zamān niyāz ud abē zamān ēč kirdan ud ast ud būd bawēd nē ādug hēnd ud zamān ō ēč az imēšān pad ēč tis nē niyāz
ān ī harw gōhr andar xwad andar ēč gyāg
ud abar harw rāyēnīdār xwad az ēč ī bē nē rāyēnišnīg dānāgīh ī ohrmazd
abar winnārišn ī mardōm zīndagīh az nigēz ī weh_dēn hād
mardōm zīndagīh pad gyān padišīh gyān andar tan pad čihr abāgīh
ud čihr pad ēmēd ī ō bōxt az aweštābīh az x any ēbgad ānābišn ī pad frašegird rasišn šāyēd madan
nērōg winnirdīh kē rāy zīndagīh ī mardōm pad čihrīg ēmēd nērōg ī ō bōxtišn ī az anāgīh ī pad frašegird bawēd winnirdīh ān ī agar čiyōn ast az kēšdārān abar druwandīh ud ǰāwēdān hamāg anāg dōšōxīg pādifrāhīh ī frayist mardōm pad frašegird saxwan hē ān ummēd ī ēbgadōmand dāmān brīd ud čihr az gyān wisist gyān az tan pazdīhist ud mardōm margīhīd dahišn abesist būd hē az mardōm zīndagīh ud abārīg dahišnān purrīh
paydāg drōīh awēšān kēšdārān saxwan abar =iz hamdar
abar ān ī gannāg_mēnōy kōšišn pad =iš škefttar az nigēz ī weh_dēn hād
ān ī gannāg_mēnōy kōšišn pad =iš škefttar ēk abar xwarrah ī xwadāyīh ud weh_dēn pad ēk tan abardar_zōrīhā ō_ham madan abesīhišn ī =š az ēn hamīh rāy
čē agar pad ǰ̌am abāg ān abardar_zōrīhā xwarrah ī xwadāyīh abardar_zōrīg =iz xwarrah ī weh_dēn ayāb pad zardušt abāg abardar_zōrīg xwarrah ī weh_dēn xwarrah =iz ī abardar_zōrīhā čiyōn pad ǰ̌am būd ō_ham mad hē tēz gannāg_mēnōy abesīhišn dām az ēbgad bōxtagīh ud frašegird pad kāmag andar axwān dahišn būd hē
ud hamē ka andar gēhān hudēnīh abāg huxwadāyīh pad ēk ud hudēn ud huxwadāy ō_ham rasēd pad =iš gēhān pad nizār_āhōgīh ī abzōnīg_hunarīh ud kast_petyāragīh wēš_ayārīh ud frāy_ahlawīh kam_druwandīh ī mardōm frāxīh ud pādixsāyīh ī wehān tangīh apādixšāyīh ī az wattarān ud ābādānīh ī gēhān urwāhmīh hām_dahišn ud nēkīh pāyram ārāyīhēd payrāyīhēd
pad spurr_hamrasišnīh ī im dō xwarrah pad ēk mard ēbgad bowandag_wānīdārīh bōxtagīh ī yōǰdahrīh ī dām az =iš frašegird bawēd ān ī abar sōšyans pad hamrasišnīh ī pad =iš im dō xwarrah bawēd weh_dēn paydāgīh ī az =iš pad =iz abārīg sūd ī az ēn dar ka =iz yyy amaragānīg kōšišn wēš čiyōn pad āzādīh ō rādān pādixšāyīh ō dānāgān dādwarīh ō rāstān madan ān ī az ēn ēwēnag
abar ān ī pad harw čē harw abar ud az ēč pad ēč nē ēr kū az čē rāyēnīdārīh abar harw u =š rāyēnīšnīgōmand harw az nigēz ī weh_dēn hād
ān ī pad harw čē harw abar ud az ēč pad ēč nē ēr dādār ohrmazd wisp_āgāh ud wisp_tuwān wisp_huxwadāy xwad ast xwadāy ī nē bandag ud pid nē frazend ud fšēy ī nē xwēšīg ud ahū ī nē ērmān ud rad ī nē radwī pādixšāy ī nē axwāstag ud pānag ī nē pādag ud māništag ī nē wālan zahāg xrad ud nē zahag dānišn xwad ī nē abzār winnār ī nē winnirdag ud baxtār ī nē bahrwar ud xwārēnīdār nē xwārēnīdag hamkirdār nē hamīg_kār ud handāxtār ī nē handāxtag rāyēnīdār ī nē rāyēnišnīg
ud azēr dādār ohrmazd harw čē abar tis =ēw pad tis =ēw abar az tis =ēw pad tis =ēw frōd čiyōn kē abar ēk xwadāy az ēk bandag kē abar ēk pid az ēk frazend ud kē abar ēk fšēy az ēk xwēšīg kē abar ēk ahū az ēk ērman kē abar ēk rad az ēk rad ud kē abar ēk pādixšāy ēk axwāstag kē ō ēk pānag az ēk pādag kē ō ēk māništag az ēk wālan ud kē abar ēk xwad az ēk abzār ud kē ō ēk winnār az ēk winnārdag kē ō ēk zahāg xrad az ēk zahag dānišn kē ō ēk baxtār az ēk bahrwar ō ēk xwārēnīdār az ēk xwārēnīdag kē ō ēk hamkirdār az ēk hamīg_kār ud kē ō ēk handāxtār az ēk handāxtag kē abar ēk rāyēnīdār az ēk rāyēnišnīg
kē wisp_āgāh xrad astīh dādār ōhrmazd mādagwarīhā rāyēnīdār abar harw ud nē rāyēnišnīg az ēč pad ēč az nēst_āgāhīh ēč ī ǰud az =iš rāyēnišnīgōmand az ōy wisp_āgāh mādagwarīhā harw pad harw ī =š kām
abar ān ī ō spurr_yyy abāyišnīg az nigēz ī weh_dēn hād
ō spurr_gyānīh abāyišnīg dah abardarīh zīndag =ēw ī xwaš hampaywand xwāstag =ēw ī frāx sūd rāmišn =ēw mehmanīg ud xwadāyīh =ēw ī bāmīg kāmag_hanǰāmīh =ēw ī purr_āsānīh ud huhāgīh =ēw ī bowandag_urwāhm ud dōst =ēw ī nēk panāh =ēw ī awestwār ayār =ēw ī hufrahaxt ōstīgān winnārišnīg pad =iš
zīndagīh ī xwaš tan_drustīh ī andar abēbīmīh ud xwāstag frāx_sūd mādayān āsn_xrad rāmišn ī mehmānīg nārīg ī ud tarsagāh ud xwadāyīh bāmīg āsnūdag ī dānāg ud huhāgīh ī bowandag_urwāhm ī husrawīh ī wuzurg_nāmīg kāmag_hanǰāmīh ī purr_āsānīh ī hunsandīh ī pad ān ī mad ēstēd ud dōst ī nēk rāzīg āhōg abāz_nimūdār xūb hamhāg frazānag ud panāh ī awestwār xēm ī ārāstag ayār ī hufrahaxt uzwān ī pad_xrad hufrahaxt ōstīgān pad =iš ōstīgān winnārišnīgīh ēn harw pad gyān_dranāy āstawānīh ī abar dēn ī yazadān bawēd
kē ēn dah abardarīh abar ō_ham mad ēstēd pad spurr_gyānīh frazānag burzišnīg
abar astīh ī paydāgīh ī ud ǰuttarīh ī astīh az paydāgīh az nigēz ī weh_dēn hād
čiyōn pōryōtkēšān az weh_dē nigēz guft astīh ī hamēyīg ohrmazd dādār ud dēn dānāgīh ī =š pad nērōg wehīh gyāg ī =š stī ud zamān ī =š ast hamēyīgīh
ud paydāgīh ī =šān astīh ān ī ohrmazd dādār az dahišn_kardagīh ān ī dēn dānāgīh saxwan kāmīg dānāgīhā ud kār ān ī zamān gāh pad zamān andar gyāg dād šāyīdan =iz ī dahišn
ud ǰuttarīh ī astīh ī az paydāgīh ēn =iz kū ān astīh abēpaydāg x ō mardōm ī pad xwadīh būd was būd šāyēd abun bun bunōmand ast ī apaydāg ō mardōm ud nē ēč paydāgīh abēastīh būd šāyēd
abar abardar_sūdīh ī az hunar ka pad xwadāyān bawēd az nigēz ī weh_dēn hād
kirbag waxšišn az hunar hunar ān kirbag_waxšēnīdārtar ud gēhān_sūdtar ka abar xwadāyīh ī bawēd čiyōn az čašmag ī āb ī abar kōfān sar ō daštān zargōnīh ī xwārēnāgīh rasēd ud ātaxš ī abar bālist waxšēd dūr_dādār payrōgīh ud ast az hunarān wīst_ēk ī ka pad ōy ī dahībed bawēd nēkīh ī az =iš pāyram_rasišntar az =iš
ēk xwad xwadāyīh čē dahībedān xwarrah az xwad xwadāyīh ī gēhān winnārišn abar ān ī xwadāyān xwarrah
ēk x huxēmīh čē az frārōn_xēmīh dahībedān zōr wardīhēd ān ī amaragānīg xēm ō frārōnīh
ēk hudēnīh čē az ān ī dahībedān hudēnīh bawēd ī amaragān ō dēn ī weh ī
ēk huxradīh čē az ān ī dahībedān huxradīh hufrāyēnīdārīh ud rāyēnīdārīh bawēd ī bandagān
ēk huoxīh čē dahībedān amāwandīh abērtar az huoxīh az amāwandīh ī dahībedān sahmīhēnd dušmen pānagīhēd gēhān
ēk xwābarīh čē az xwābarīh ī xwadāyān abar bandagān dōstīh bawēd ī bandagān ō xwadāyān ud ēkānagīh ī ī =šān andar framān kār ī xwadāyān druyist raftan ī xwadāyīh abar gēhān sūd ī dāmān az =iš
ēk humihrīh čē az humihrīh ī xwadāyān wistāxwīhēnd dušmen ō sālār dēbahr azērīg ō āmurzišn barīhēd āšōb az gēhān wizandag az xwadāyīh bīm az mardōm
ēk frāx_menišnīh čē az frāx_menišnīh ī dahībedān yyy andar hamdahišn astān bawēdān meh_sūd kār
ēk urwāhm_oxīh čē pad urwāhm_oxīh ī dahībedān paywas ēstēd abardom bizeškīh ī āwām
ēk bāstānīh_ayādagīh ī frasāwand_xwadāyīh čē az frasāwand xwadāyīh ayādīh ī ōy ī dahībed amōšišnīh ī bawēd ī dānāg dahībed pad bahr ī frasāwand xwadāyīh ō xwēšīh ī afrasāwand ruwān ī āwurd ī az frāx_ābādīh pāyramīg wuzurg drōd ī abar gēhān ī ōy dahībed šāyēd būd
ēk burzīdan ī hunarān čē az burzīdan ī hunarān az ōy ī dahībed hunarān ī andar dāmān ān ī paydāg waxšēd ān ī apaydāg nērōgīhēd paydāgīhēd pad =iš gēhān wirāyīhēd payrāyīhēd
ēk xrōst ī āhōgān čē az xrōsišn ī āhōgān az ōy ī dahībed āhōg ī andar mardōm ān ī paydāg nirfsēd ān ī apaydāg zad_nērōg bast bawēd gēhān az āhōg yōǰdahrīhēd
ud ek hamkamagīh ī šahr čē dahībed pad hamkāmagīh ī šahr ī axwāst xwāhēd ān ī xwāst pāyēd yyy ī wuzurg framāyēd ud šahr ī nōg fragānēd ābādānīh ī hām_gēhān ud kār kišwar sūd ud dāmān frayād ud frašegird pattāyišnīg kunēd ud frāzīh abar abārīg kišwar_xwadāyān paydāg būd rāy ō wuzurg ud kišwarīg xīr ārāstan ud rādīh ī hām_dahišn kirdan pardazēd
ēk xūb_framanīh čē gēhān winnārišn abar dād dād zāyišn az xūb_framānīh ī dahībedān
ēk ēwēnīg wišād_darīh ud kišwarīg nišast kirdan čē az ēwēnīg wišād_darīh ud kišwarīg nišast kirdan ī dahībedān abāz_pafšīrēnīh bawēd wināh_āhangān az wināh ud bastagīh ī stahmag ōwōn az āzād_āhangān xīr ud wizārd mustīh mustōmandān ēmēdwārīh ī āzādīh ī arzānīgān škōh ī kār_framānān xūb raftan ī kārīhā ud pānagīh ī driyōšān wuzurg sūd ī xwadāyīh ud gēhān ōy ī dahībedān
ēk rādīh čē čiyōn āb urwarān waxšēnīdār ēdōn waxšēnīdār ī hamāg gētī dahišn ān ī dahībedān frāx rādīh
ēk bast_āzīh čē =šān pattūdan pad ān xwad bast_āzīh tuwān ī āz ī amaragān gurgān ī gēhān az murnǰēnīdan ī gēhān abāz bast
ēk bīm abāz dāstan ī az xwēš ān =iz ī gēhānīgān ēk az did čē andar purr_bīmīh dām pattūdan nē šāyēd
ēk niwāxtan ud nazdīkēnīdan frāzēnīdan ī wehān čē az frāzīh ud abrāz ī wehān az ōy ī dahībed abāz =iš nirfsišn ī harw wattarīh waxšišn ī abrāz ī hamāg wehīh
ud ēk abdēsīdan kār_framān ī nēk x gumārdan čē pad abdistan kār_framān ī nēk frōd ō gēhānīgān paywandēd az =iš pad =iš sazāg baxtārīh bawēd ī ābādīh nēkīh ud sūd ī az dahībedān
ēk dānāgīhā tan ō yazadān_paristīh dād čē az dānāgīhā tan ō paristišnīh ī yazadān dād ī dahībed ēkānagīhā paristīdan ī gēhānīgān ō ōy ī dahībed ōz ī xwadāyīh ud framān_rawāgīh ud rawāg_dādīh ī dahībedān abar gēhān abardar sūd ī dāmān
abar paydāgīh abzār ī pad =iš winnirdīh xwadāyīh dām winnār nigēz ī az šnūman ī xšahrewar amahraspand weh az nigēz ī weh_dēn hād
šaš mārīg xšahrewar amahraspand čiyōn xšaϑrahe ast xwadāy vairiiehe ast dēn aiiōxšustahe ast zēn marždikāi ast āmurzišn ϑrāiiōi ast ganǰ_ayār drigauue ast gund kē ka dādestān xwadāyīh paydāg abzārīhā winnārišn
ōh =iz xwadāyīh winnārišn abar ēn šaš ast xwadāy dēn ud āmurzišn ud zēn ud ganǰ ud gund ud čiyōn ēn ī paydāg kū ka ēk az imēšān nēst ayāb āgenēn nē hamzōr xwadāyīh anōst ud nāyriyānīg
čē ka xwadāy nēst xwadāyīh abēnām ud dēn arawāg ud zēn akār ud āmurzišn apaydāg ud ganǰīg hambārag ud abēpānag ud gund wiškīdag
ud ka dēn nēst xwadāy abōzišn_framān ud zēn wizend_kār ud āmurzišn abar zanišn x arzānīgān ud ganǰ frāybūdīg aybibūdīg ud gund awahāg az framān_spōzīh
ud ka zēn_abzār nēst xwadāy az anērān tarsišnīg az ahlomōγān anestāg āmurzišn ō sustīh ī =š brādarōd awirāyišnīg ud ganǰ aparisp ud gund brahnag
ud ka āmurzišn nēst xwadāy was dušmen dēn nikōhīdag zēn dušmen anabzār ud ganǰ pad zadārīh wany ud gund az xwadāy ǰudāgīh yyy
ud ka ganǰ nēst xwadāy apih niyāzōmand ud zēn_abzār škastag āmurzīdārīh ī abārōn_tuwānīgān appārīg ud gund driyōš ud azōr
ka gund nēst xwadāy abandag ud dēn aburdār ud zēn anabāyišnīg ud āmurzišn xešm ud ganǰ ī asūd
ud pad hamzōrīh ī ēn šaš x anāhōgīhēd xwadāyīh pad winnārišn az paydāg abzār
abar xwāyišn ī xwarrah ud mōšišn ī az =iš ēwēnagān pahlom ud nidom ēwēnag ī az =iš az nigēz ī weh_dēn hād
az ēwēnagān ī xwāyišn ī xwarrah ud mōšišn ī az =iš ēn =iz šāzdah
ēk ān ī pad xwāyišn frārōn_tuxš pad windišn spāsdār pad awindišnīh hunsand abēš ud ēn ān ast ān ī pahlom ēwēnag ī andar frārōn_tuxšīh abar xwarrah xwāyišn
ēk ān ī pad xwāyišn frārōn_tuxš ud pad windišn spāsdār pad awindišnīh hunsand bēšōmand ēk ān ī pad xwāyišn frārōn_tuxš ud pad windišn anespās pad awindišnīh hunsand abēš ēk ān ī pad xwāyišn frārōn_tuxš ud pad windišn anespās pad awindišnīh hunsand bēšōmand x ēn se ēwēnag āmēxtag ī andar frārōn_tuxšāgīh ī abar xwarrah xwāyišn
ēk ān ī pad xwāyišn abārōn_tuxš ud pad windišn anespās pad awindišnīh hunsand bēšōmand ud ēn ast ān ī wattom ēwēnag ī abārōn_tuxšāgīh ī abar xwarrah xwāyišn
ēk ān ī pad xwāyišn abārōn_tuxš ud pad windišn anespās ud pad awindišnīh hunsand abēš ud ēk ān ī pad xwāyišn abārōn_tuxš ud pad windišn spāsdār pad awindišnīh hunsand bēšōmand ud ēk ān ī pad xwāyišn abārōn_tuxš pad windišn spāsdār ud pad awindišnīh hunsand abēš ud ēn se ēwēnag āmēxtag ast ī andar abārōn_tuxšāgīh abar xwarrah xwāyišn
any ēwēnag ud ēk ān ī az xwarrah xwāyišn frārōn_mōš pad windišn spāsdār ud pad awindišnīh hunsand abēš ud ēn ast ān ī pahlom ēwēnag andar frārōn_mōšīh ī az xwarrah xwāyišn
ēk ān ī az xwarrah xwāyišn xwāyišn frārōn_mōš ud pad windišn spāsdār pad awindišnīh hunsand bēšōmand ud ēk ān ī az xwarrah xwāyišn xwāyišn frārōn_mōš ud pad windišn anespās pad awindišnīh hunsand abēš ud ēk ān ī az xwarrah xwāyišn frārōn_mōš ud pad windišn anespās ud pad awindišnīh hunsand ud bēšōmand ud ēn se ēwēnag āmēxtag ast ī andar az xwarrah xwāyišn frārōn_mōšīh
ud ēk ān ī az xwarrah xwāyišn abārōn_mōš ud pad windišn anespās ud pad awindišnīh hunsand ud bēšōmand ēn ast ān ī wattom ēwēnag andar abārōn_mōšīh ī az xwarrah xwāyišn
ud ēk ān ī az xwarrah xwāyišn abārōn_mōš pad windišn anespās ud pad awindišnīh hunsand abēš ud ēk ān ī az xwarrah xwāyišn abārōn_mōš ud pad windišn spāsdār ud pad awindišnīh hunsand bēšōmand ud ēk ān ī az xwarrah xwāyišn abārōn_mōš ud pad windišn spāsdār ud pad awindišnīh hunsand abēš ud ēn se ēwēnag āmēxtag hēnd ī andar az xwarrah xwāyišn abārōn_mōšīh
abar ādānīg anādān az nigēz ī weh_dēn hād
wimand ī ādānīgīh ī astīh wizīngarīhā tuwān ī abar kirdan abāz_āhangīh ī az kirdan wimand ī anādānīh nēstīh ī wizīngarīhā tuwān ī abar kirdan abāz_āhangīh ī az kirdan ud andar ēn wimand saxwan_parwandīšnīg ast ēwēnag čahār ud az wizīr ī abar ēwēnagān ān ī ādānīg ud ān =iz ī anādān
ēk ēwēnag ādānīg pad mēnōy ud ādānīg pad gētī u =š wizīr mardōm ī hōšyār ī drīst pad hamāg hannāmān ī tan abzār
ēk ēwēnag ādānīg pad mēnōy ud anādān pad gētī u =š wizīr hōšyār ī armēšt pad hamāg hannāmān ī tan abzār
ēk ān ī ēwēnag anādān pad mēnōy ud ādānīg pad gētī u =š ud wizīr akār_ōš ud druyist pad hamāg hannāmān ī tan abzār ud ēn pad saxwan nē pad wimand čē anādān pad mēnōy akār_ōš ud akār_ōš gētī ādānīg nē x bawēd
ēk ēwēnag anādād pad mēnōy ud anādān pad gētī u =š wizīr akār_ōš ī armēšt pad hamāg hannāmān ī tan abzār x x x x x x x x x x x
abar gētīyīhā pad hamnērōgīh ī āgenēn winnird ēstēd mēnōy gētī wišōbišn ī =šān az wiškennišn ī zōr az hamīh az nigēz ī weh_dēn hād
andar gumēzagīh gētī ud mēnōy bahrān winnārišn kārīgīh pad hamyōxtīh paywastag zōrīh ī ēk abāg did bawēd az ān pōryōtkēš pad ahlāyīh rad hufraward ādurbād ī zarduxštān ī andar dēn pad frazānag ī tušt_menišn ōšmurišn ō ōy bay yazadkird šāhān šāh ī šābuhrān pad =iz nigārag ī azēr paydāg nimūd ud
u =šān az wiškennišn ī zōr ēk az did wišōbišn ud ud agārīh paydāg čiyōn ēd ī mardōm ī ast gēhān hangirdīgīh ī paydāg pad winnirdagīh ī gyān mayān gētīyīg ud mēnōyīg hamyōxtišn
u =š ēk hamyōxt gētī tan mēnōy ruwān ēk gētī xwāstag mēnōy kirbag ēk gētī āzarm ud mēnōy frārōn_tuxšāgīh ēk gētī pādixšāyīh ud mēnōy dēn ēk gētī hudāšnīh ud mēnōy dānāgīh
ud pad hupādixšāyīh ruwān āzarm_arzānīg ān ī frārōn tuxšāgīh xwāstag kirbag pahlom ud tan ruwān hubōy
ud hamyōxtīhā ēk ō did pad hamnērōgīh druz yyy hēnd gyān ud nizārīh ī ēk zōrīh ī ō atag ud sustīh ī =šān kadāmagān =iz aram ō tan gyān wiškennišn ī =šān az hamīh wizend ō gyān
ōh =iz gētī tan arzōmandīh pad mēnōy ruwān ahlawīh mēnōy ruwān ahlawīh pad gētī tan abzārīh bawēd
gētī xwāstag burzišn pad mēnōy kirbag_abāgīh mēnōy kirbag windišn pad gētī xwāstag abardar bawēd
ud gētī āzarm arzānīgīh pad mēnōy frārōn_tuxšāgīh ud mēnōy frārōn_tuxšāgīh waxšišn az gētī āzarm taftīgīh
ud gētī pāduxšāyīh winnārišn pad mēnōy dēn fragān mēnōy dēn_rawāgīh pad gētī pāduxšāyīh paywast awišīh abērtar
ud gētī hudāšnīh burzišn pad mēnōy dānāgīh hamīh ud mēnōy dānāgīh kārīgīh pad gētī hudāšnīh weh
ud mēnōy ruwān druwandīh gētī tanābuhlīh ud az gētī tan margīh mēnōy ruwān ēw_tāgīh
az gētī tuhīg_xwāstagīh mēnōy kirbag_pādīrānīh ud az mēnōy kirbag nizārīh gētī xwāstag anarzānīg xwēšīh
az gētī zad_āzarmīh mēnōy frārōn_tuxšāgīh_škenn gētī āzarm_axwēšīh
ud az gētī pāduxšāyīh hanǰaftagīh mēnōy dēn pādīrān_rawāgīh ud az mēnōy dēn_wināstagīh gētī_pāduxšāyīh čandīdagīh
ud az gētī hudāšnīh ānāftagīh mēnōy dānāgīh apaydāg_sūdīh ud az dānāgīh_xwāyišnīh gētī_hudāšnīh astāyišnīgīh
ud ēn ast nigārag
abar wadīh tōhmag wimand ud hamāg kirbag u wisp bazag aw =iš paywand gētīyīg bun az nigēz ī weh_dēn hād
tōhmag ī harw wehīh ān ī pēš ud wehtar az harw wehīh hukām spennāg_mēnōy dādār ohrmazd ud wimand wehīh ān ī xwadīhā sūd ī amaragān tan kadār =iz =ēw gētī kunišnīg mēnōy abar rasišnīg u =š zyān az bē xwad
ud tōhmag ī harw wadīh ān ī pēš ud wattar az harw wadīh duškām gannāg_mēnōy murnǰēnīdār ahriman ud wimand wadīh ān ī xwadīhā zīyān ī amaragān tan kadār =iz =ēw gētī ud mēnōy abar rasišnīg u =š sūd az bē xwad
ud hamāg kirbag aw =iš paywand gētī pad bun pad xrad frārōnēnīd tuwān tuxšāgīhā x hukunišn aw =iš ayāft kām harw bazag aw =iš paywand gētīyīg bun pad waran abārōnēnīd tuwān tuxšāgīhā duškunišn aw =iš ayāft kām
ud az kēšdārān kē wadīh az yazad kām ud framān būd ud kēš ī =š yazad wattar harw wadīh xwēš dām zyān az ud yazad
kām nēstīh kēš čiyōn kām nēst adānišn ī =š ōy kē pad yazad dārēd stardīh ī abar ud yazad kām nēstīh ī kēš az =iš bē guft bawēd
abar nērōg sang ī mardōm tōhmag az nigēz ī weh_dēn hād
mardōm tōhmag andar ud gumēzagīh ēn =iz se ēwēnag pahlom ud mayānag ud nidom ud ān ī pahlom abar ān ī mayānag ud nidom ān ī mayānag abar ān ī nidom frāz ān ī nidom az ān ī pahlom mayānag frāz
u =šān nērōg sang pad āstawānīh ī abar hudušdēn abērtar bawēd ōwōn kū pad āstawānīh ī abar weh_dēn amaragānīhā nidom tōhmagān pad čiyōnīh ō mayānag_tōhmagān čiyōnīh zōyšīg zōišī ō zangīg ud mayānag tōhmagān pad čiyōnīh ō pahlom_tōhmagān čiyōnīh frāzīhēnd zangīg ō waytanīg vaēčaŋī agdēn amaragānīhā
ud pahlom_tōhmagān yazadān mānāg ī āwām bawēnd waytanīg xwad pahlom_tōhmagān pad čiyōnīh ō nidom_tōhmagān čiyōnīh abāzīhēnd zangīg ō zōyšīg ud nidom_tōhmagān dēw druz mānāg ī āwām bawēnd zōyšīg xwad
abar hamīh ǰudāgīh az nigēz ī weh_dēn hād
hamīh ud ǰudāgīh ēwēnagān was
u =š ēk andar mardōmān hamīh ī abāg ērān pad ērīg xēm ǰudāgīh az anērān pad anērīg xēm
ud ēk andar ērān hamīh ī abāg hudēnān pad hudēnīg dād ǰudāgīh pad agdēnīg dād
ud ēk andar hudēnān hamīh ī abāg wehān pad dāšn ī ēzišn =iz ǰudāgīh az wattarān pad adāšnīh ī anēzišnīh =iz
ēk sar ī ēn harw se ast hamīh ī abāg yazadān pad ēzišn ī dāšn =iz ǰudāgīh ī az dēwān pad anēzišnīh ī adāšnīh =iz
abar dō azēr xrad hunarān pahlom ud dō ī azēr waran āhōgān wattom az nigēz ī weh_dēn hād
az dēn nigēz dō azēr xrad hunarān pahlom rādīh ud āštīh ud xwadīh ī =šān harw ēk pad ān ī did druyistīhēd rādīh pad āštīh ī abāg ahlaw kas pad passazag_dāšnīh ī aw =iš ud āštīh pad dōstīh rādēnīdan ī ō weh kē abāg āšt bawēd
ud dō azēr waran āhōgān wattom penīh ud anāštīh ud ēn =iz xwadīh ī =šān harw ēk pad winnārišn ī az ān ī did bawēd penīh pad anāštīh ī abāg ahlaw pad tuwān adāšnīh ī ō ān ī az =iš zayēd ud anāštīh ī pad penīh ī abar āštīh ī dāšnīh ī ō ōy ī āštīh_arzānīg weh
abar rōšnīh tārīkīh az nigēz ī weh_dēn hād
rōšnīh tārīkīh ǰomā garmīh ud sardīh ud xwēdīh ud huškīh x ud abārīg ī =šān ǰud_zahāgīh ham_tōhmag azišīg čiyōnīh hēnd ī rōšn tār ud garm ud sard xwēd ud hušk gētī rōšnī rōšn tārīkīh ī tār ud garmīh garm ud xwēdīh ī xwēd ud sardīh sard huškīh ī hušk gētī ud dō ī agenēn hambadīg_čihrīg ī ēk gētī būd nē šāyēd
bē was ǰud_ēwēnag ī nē hambadīg ī ēk gētī būd šāyēd čiyōn garmīh rōšnīh ī ud xwēdīh gētī rōšn hammist hubōyīh ud pākīh hučihragīh ud abārīg huzahagīh ī ud huwaftagīh ud tārīkīh ud sardīh huškīh ud tār gētī hammist dušgandīh rēmanīh bazag_ēwēnīh ud abārīg dušzahagīh ud x x dušwaftīh
ud hambadīg dō ēk čihrīg ēk abar_rasišnīg abāg was nērōgān ī ǰud_bun nē hambadīg pad ēk gētī kōšišnīg ud bandišnīg ud wšišnīg andar mardōm ud abārīg gētīyīg gētī andar gumēzišn ōwōn wēnīhēd čiyōn paydāg čē ēk ēwēnag huzārag_drangīg pattūdan ī =šān andar kōdag ēk tan hamparwandīh
ān ī hufraward ādur_farnbay farroxzādān ī hudēnān pēšōbāy būd az pōryōtkēšān dēn_kardag gōwišn andar dar ī hammōg ī az ēwēn_nāmag nibišt ud ō =iz ēn mādayān burd ud payrāst ēstēd ān ī ast az kēšdārān abar tārīkīh saxwan kū nēstīh rōšnīh ast
ān tārīkīh nē nēstīh ī rōšnīh bē ānōh kū rōšnīh ī abar_ōz tārīkīh ānāftag čiyōn ānōh kū tārīkīh yyy rōšnīh nē windišnīg tis nē nēstīh ī harw dō yylōmandīhā bē astīh =iz ī harw dō paydāg
ōh =iz az rāyēnišn ī hambadīgān ast ēn =iz kū dō pad ēk gyāg nē windišnīg bē bāstān ēk az did spōzišnīg ud ānābišnīg ud az ēk x wišāyišnīg ud ō ēk bandišnīg čiyōn garmīh sardīh ud xwēdīh ud huškīh x x
nē ēd rāy ka ēk az did spōzišnīg ud ānābišnīg guft sazēd kū sardīh nēstīh ī garmīh ud garmīh nēstīh ī sardīh ud xwēdīh nēstīh ī huškīh ud huškīh ī nēstīh ī xwēdīh kē rāy ēč nē az =išān pas windišn =iz kār ī paydāg nē hē ud čiyōn xīrān ī gēhān ka hambadīg_spōzišnīh andar ud pas abar hamāg nēstīh guftan sazē
ēn =iz ēdōn kū ān ī nēst nē fradom windīhēd wimandīhēd rōšnīh tārīkīh harw dō abāg windišnīgīh wimandēnīdag =iz hēnd pad ān ī tārīkīh ka az rōšnīh nē ānāftag windišnīg ud ēdōn =iz sardīh ka az garmīh nē ānāftag ud abārīg hambadīgōmand
ud wimand ī rōšnīh wišādār wēnāgīh wimand ī tārīkīh bastār ī wēnāgīh ōh =iz kār ī ān ī nēstīh guft yyy ud nē ān ī nēst wimandīdan šāyēd
ud agar tārīkīh nēst ēn =iz and ī awēšān abar saxwan kū tārīkīh nēstīh ī ast zēfān čē ēwāz ēn dārēd kū nām =ēw ī ān nēst kirdan kāmēnd ud nē =iz ān ī nēst nāmēnīdan sazēd
ud dēn mazdēsn rōšnīh ud tārīkīh harw dō ēdōn windišnīg ud wimandōmand ud ǰud_bun āgāhēnīd
abar paymān ī hamāg mardōm kunišn hangirdīgīh az bun_dahišn ēbgadīgīh ī tā ēbgadīgīh frazām az nigēz ī weh_dēn hād
hangirdīg paymān ī hamāg mardōm kunišn az bun_dahišn ēbgadīgīh ī tā ēbgadīgīh frazām az dēn nigēz ēk kē pad dēn ēwāz ruwān_āfrāhīgtarīh ǰahēnīdan gōwēd ī =š dādestān aweštāb_spōzīh ahlāyīh zēn
ān ī bun_dahišn ēbgadōmand dahīgān kunišn pahlomīh ī gayōmard fradom gōwišn ud az ēn ēk hangirdīgīh ī afragūd ast harw frārōn mēnišn gōwišn ud kunišn ī mardōm menīd ud guft ud kird ud x tā nūn menēnd gōwēnd kunēnd az nūn tā frašegird
pad hangirdīgīh az =iš ōšmurišn humēnīdārīh guftārīh kirdārīh warzīdārīh ī hambāstag mardōm škīhēd ān ī druz spāh ud wānīhēd ēbgad az dāmān dahīhēd frašegird pad kāmag andar axwān bawēd gēhān dāmān ēbgad abēaweštāb bawēnd hamāg ī weh dahišnān ǰāwēdān amarg yyy
abar hudānāgīh ud dušdānāgīh az nigēz ī weh_dēn hād
huīh ud dušīh ī pad dānāgīh az kār ī bawēd
ān ī ka kār frārōn hudānāg pad huīh burd ī dānišn ō kār rāy pad ēk_brahmīh ēstēd ī =š paymān
ud ka kār abārōn dušdānāg pad abārōnīh burd ī dānišn ō kār rāy dō ēwēnag bawēd frāybūdīg hudānāgīh brādarōd čiyōn nihān_gayg pad dādestānōmandīh nām duzīhā kešīdan kasān xwāstag ō xwēš aybibūdīg hudānāgīh hamēstār čiyōn pad āškārag gaygīh rāhdārīh appurd ī kasān xwāstag
abar ān ī gēhān pad =iš hufrāyēnišnīh bawēd az nigēz ī weh_dēn hād
gēhān hufrāyēnišnīh pad huīh ī dō x bawēd ēk dahībed ud ēk dahībed kām
čē pad huīh ī dahībed x mardōm srāyēnd ud pad huīh ī dahībed kām mardōm ruwān bōzēnēnd ud pad =iš hufrāyēnišnīh ī bawēd ī gēhān
ud pad dušīh ī kām ka ān dahībed tan_kastagīh ud ka ān dahībed ruwān nizārīh ī mardōm pad =iš tabāhīh bawēd gēhān
abar frazānagīh ud abzōnīgīh ud šnāsagīh ud dānāgīh ud abar_menišn ud wurrawišn wir ōš xrad menišn gōwišn kunišn az nigēz ī weh_dēn hād
az dēn nigēz frazānagīhā frazām ī tis abzōnīgīh x az tis =ēw was tis ud dānāgīh tis pad marag was dānist
ud šnāsagīh sūd ud zyān ī tis nēw šnāxtan x wurrawišn nišān daxšag homanāg ēdōnīh ayāb anēdōnīh ī tis menīdan ud wīr pad xwāstan ayāftan ud xrad pad nigerīdan ud wizīdan ud ōš pad dāštan pādan_abzārīh handōxtan
ud menišn pad handēšišn wizēhišn_abzārīh rāyēnīdan ud gōwišn pad uzwān nibištan_abzārīh paydāgēnīdan kunišn pad =iz hannāmān ī tan_abzārīh ō burd ī dānišn bawēd
abar hammistīh ī dānišn kām gōwāgīh az nigēz ī weh_dēn hād
az ān ī čē dānišnōmand harw kāmagōmand gōwāgīh nērōg ud kāmagōmand harw gōwāgīh nērōg dānišnōmand harw ud gōwāgīh nērōg harw dānišnōmand ud kām nērōg
ud nē yyy ī dānišnōmand ī nē gōwāgīh nērōg ud kāmagōmand x x x ī nē dānišnōmand ud gōwāgīh nērōg gōwāgīh nērōg ī nē kāmagōmand ud dānišn nērōg paydāg hamistīh dānišn ud kām ud gōwāgīh
az kēšdārān kē dādār kām nēstīh ī ī =šān kēš abar dādār adānīh ud agōwīh guftan yazadīh az =iš bē guft bawēd
čiyōn yazad kār paydāg ud kār pad ǰumbišn ǰumbišn dō ēwēnag bawēd ayāb kāmīg čiyōn az mardōm ayāb čihrīg čiyōn az ātaxš ān adwadād kām nēst
pad kār čihrīg ǰumbišn anhandāzišn hamē tā būd ǰumbišnīg būd
u =š kār nē pas az gōhr ud pēš az gōhr kār būd nē šāyēd ud pas kār ī paydāg kū ast nēst_dahišn nē handāxtag nē niwistag ud nē frazāmōmand ud dādār abar dahišn nē spās nē xwadāyīh nē =iz framān
ud čiyōn harw čihr čihrēnīdag az čihrēnīdārīh awizard_wirāstag =iz būd dādār ī dādār ud az ān bē abar dādār dahišnīh abar dahišn dādārīh ān ī bawēd nē šāyēd
kē pursīd kū čiyōn wimand ī kām ān nē hangēzīhēd bē az abāyišn ī ō tis ud abāyišn nē bawēd bē az niyāz ud niyāz nē bawēd bē az aweštāb ud aweštāb nē bawēd bē az hamēstār astīh
passox ēn būd kū čiyōn yazad abāyišnīg ud dānāgīhā ō dāmān petyārag_spōz abzār_sāzišnīh ud pad dahišn_abzārīh ēbgad wānīdan ī ud abesīhēnīdan ud pad =iš abar_ōz ud kāmgār ī =š pad abāyišnīh hangēzīh
ka =iz ōh az niyāz ī ō ēbgad az dām spōxtan būd nē kamīh bē =iz pad_wisp_āgāhīhtar abāyišn ō čār abar wānīdan dahišnān petyārag hangēxtan wisp_tuwānīh ēbgad ud wānīdan abesīhēnīdan ud pērozgarīhā =iz az hamēstār astīh
agar ayārīh nē xwad kirdan ud hangēxtan abar dāmān andar hištan ī =š kamīh =ēw nēst bē =š wānīdan pērōzgarīhātar =iz ast kū ān ī =š az wānīdan ī was az xwēš dahišnān ī az ēbgadīg wināhišn ī pad =iš ī =š wizūdār kām padīrag_kōš hēnd pērōzgarīh paydāg
abar wan ud wantom wanīh ud wānišn ud wānīdag ud wānīdagtom az nigēz ī weh_dēn hād
ēn wan pādixšāy ud wantom pādixšāyīhtom spennāg_mēnōy wanīh pādixšāyīh ī wan ud wānišn zanišn ud spōzišn ī hamēstār az wan wanīh ud wānīdag azēr purr_zōr pādaxsāytom spennāg_mēnōy wyhyn ōz gannāg_mēnōy ud wānīdagtom ham gannāg_mēnōy
čē harw weh_dahišn pad wānīdan ī ōy wan tuwān kird ēstēnd ān =iz ī nidom kōdag dahišn wānīdār ast ī ān druz
abar dēn kē wehīh ud wattrīh paymān pad =iš handāzīhē ud šnāsīhēd az nigēz ī weh_dēn hād
az dēn kē mardōm pad wehīh wattarīh paymān pad =iš handāzīhēd šnāsīhēd ēk ī mādayāntar dēn u =š ēwēnag se xēmīg dēn xōgīg dēn dānišnīg dēn čiyōn =iš wizārišn azabar andar xwēš darag paydāgēnīd
čandīh ī ēwēnag čand wardišn ī ēn se ēwēnag huīh ud dušīh ud x hašt ēwēnag
ēk kē pad x xēm ud xōg dānišn harw se hudēn
ēk kē pad xēm ud xōg hudēn ud pad dānišn mānāg dušdēn
ud ēk kē pad xēm ud dānišn hudēn pad xōg dušdēn
ēk kē pad xōg ud dānišn hudēn pad xēm dušdēn
ēk kē pad xēm ud xōg mānāg dušdēn pad dānišn hudēn
ēk kē pad xēm ud dānišn mānāg dušdēn pad xōg hudēn
ēk kē pad xōg ud dānišn mānāg dušdēn pad x x x xēm hudēn
ēk kē pad xēm ud xōg ud dānišn mānāg harw se dušdēn
ud andar nigerišn =ēw ī ēn hašt ēk ōy ī dānāg šnāxtār bawēd paymānīg ī wehīh ud wattarīh abar mardōm kē pad =iš nigerēd
abar abun ǰud az ēk ast nē šāyēn kēš yahūd ud dō ī harw ēk pad tan asmān čāštag mānīyīg ud hamāg xīrān kārān tisān abun yyy sōfistā hangirdīg andarg az nigēz ī weh_dēn hād
abun dō ī dūr az āgenēn ast nē šāyēn kēš yahūd andarg ēn =iz kū ka dō hamēstār čiyōnīh ī abun ī dūr az āgenēn guft yyy dārē čiyōnīh dō āgenēn hamēstār abrīn_zamānīhā pad ēk gētī ham abyōxt būd čim gōwē
ud dō abun harw ēk pad tan asmān čāštag mānīyīg andarg ēn =iz kū ka ēk =iz ī pad tan asmān būd nē šāyistan az =iz astīh ī ǰud az =iš tanān =iz paydāg dō harw ēk pad tan asmān būd čiyōn šāyēd x
ud hamāg xīrān kārān ī tisān abun yyy sōfistā andarg ēn =iz kū ka ēk =iz abrīn_zamānīhā pad dō gyāg guftan zēfān hangārē harw ǰud_ǰud akanārag_zamānīhā ham pad was gyāg čim gōwē
abar čērīh ī ēk az dō warzišn ī weh ud wattar andar āwām az nigēz ī weh_dēn hād
warz ī mardōm abērtar ō ān ī =šān xēm ud xēm abērtar ō ān ī =šān dēn paywastag u =š ud aw =iš wardišnīg
ud rašt ēstēd dēn kirb pad ēn =iz se rang ēk pad dādār nēk_kar ud wad_nē_kar ud ēk pad dādār ud nēk wad_gar =iz ud ēk pad dādār wad_gar ud nēk_nē_gar rang
ud dēn kē =š dādār wad_gar ud nēk_nē_gar rang az amaragānīg rawāgīh andar gēhān pad ōz ī dādār wehīh andar mardōm abāz dāštag ud ēwāzīg kas kē aw =iš raštag pad =iš škarwīdīh tabāhtar pad xēm ud wattom ī mardōm ud nazdtom ō dēw kastārtom ī gēhān hēnd u =š nām wattar ǰādūgīh
ud dēn kē =š dādār ud nēk wad_gar =iz rang pad wasān paristagīh ī pad =iš ud wēš_rawāgīh ī andar gēhān wardēnīdār xēm ī mardōm ō gumēzag wattarīh u =šān kār ō gumēzag warzīh ī huwaršt ud dušwaršt =iz pad =iš āhōg x adādīh čērīh andar mardōm ud az =iš garān awērānīh ī gēhān škeft kastārīh dām ud frayist yyy ī mardōm murnǰenišn durwandīh ī =šān ruwān wēš_stahmagīh yyy yyy dādārīh ī ō xwarrah_baxtārān yazadān ud ālūdagīh ud apādyābīh ī āwām ud wēnīšn ī was_gōnag anāgīh čiyōn paydāg u =š nām dušhammōz_sūdīh
ud dēn kē dādār nēk_gar ud wad_nē_gar rang pad amaraganīg rawāgīh andar gēhān wardēnēd xēm ī mardōmān ō wehīh ud dānāgīh u =šān az xēm_dānāgīh wehīh menišn gōwišn kunišn ō humat ud hūxt ud huwaršt ud abzāyēnīdār ī gēhān pad huwarz ud dādestān bōzāg ī mardōm ruwān pad =iz bahrīg_rawāgīh wuzurg sūd dādār ī gēhān tan ud ruwān ī mardōm ud pad hamāg_rawāgīh ī andar gēhān ud abar_ēstišnīh ī wisp mardōm abēzag weh ud gēhān apetyārag ud hamāg nēkīh bawēd paydāg u =š nām abēzag ud weh wisp_dānāgīh_pēsīd dēn mazdēsn
abar xwad xwad ud xwad nē xwad az nigēz ī weh_dēn hād
xwad xwad ōy kē =š menišn gōwišn kunišn ō xwēš ox pad weh_dēn hampaywandīh ō abardom ox dādār ohrmazd paywast ud pad rāst rāh xwad_rawišnīg rasēd ō xwēš ud hamāg nēkīh ud purr_urwāhm dānāg
ud xwad nē xwad ān kē menišn gōwišn ud kunišn az xwēš xēm ud brīdag ō axwēš waran paywastag pad paywand arāh waran wattar dēn ō gannāg_mēnōy druz kešišnīg škarwēd ō axwēš hamāg anāgīh ud purr_bēš gyāg
abar madan ī mardōm ō sar ī frahang ud kār andar pēšag az nigēz ī weh_dēn hād
ō sar madan ī mardōm abar frahang kār ī andar pēšag ī pad čihr abērtar pad ān ka =š abāyēd menišn handēšišn yyy ī abar ān frahang pēšag ud azabar harw tis u =š āhang_nixwār ī menišn aw =iš čiyōn čihr_ārzōg ō ān ī čihr_urwāztar tis ōwōn ī =š bāstān andar =iz tan ēd az nērōgōmand daxšagīh ī pad ōš ud zōrōmand handēšišnīh ī pad =iš ō wahman ān wēnīšn rasēd u =š škefttar =iz tangīh nē abespārēd ud wuzurgtar =iz frāxwīh nē āšōbēd
abar tēz yyy did abāz abrāz ēmēdīh ī wehān yyy yyy anabāz_abrāzīh ī wattarān pāduxšāyīh az nigēz ī weh_dēn hād
wehān pāduxšāyīh winnārišn abar paymān dād ī abēzag paymān dād ī abēzag andak =iz frāybūd aybibūd čandēnēd ān ī andar mardōm yazadān
ēd čiyōn nāzuk xwaš_bōy āb u =š abar andak =iz frāyīh huškīh aw =iš ud abāz_gīrišnīh ī xwaš āb az =iš abar_rasišnīgīh ān ī winastag āb framurdagīh bawēd
u =šān did abāz abrāz ēmēdīh ī ayāsag ī mēnōyān yazadān gētīyān mardōmān ō ān ī awēšān pādixšāyīh pad nēkīh ud šnāyišn ī =šān az ān ī awēšān dādīgīh madan ham passazag čārag ud tuxšišn ī pad =iš
ud ān ī wattarān pādixšāyīh xwad frāybūd ud aybibūd u =š ānābīšn ī pad ōz ī paymān ud dād ī abar ān ī dādīg frazānag mard bawēd
ān ī andar gēhān ǰuwān mard tā =iz windīhistan ī ān mard andar gēhān az xwēš frāybūd ud aybibūd ōh =iz nirfsīhēd hōšēd ōwōn ī ka ān mard andar gēhān windišn ud paydāgīh mad ān pāduxšāyīh wizend ō margīh ī az xwēš rāy pad dast ī ōy mard xwārīhā abesīhēd
did anabāz_abrāzīh az ayāsagīh ī mēnōyān yazadān gētīyān mardōmān az was ranǰ ziyaān bēš ī =šān az ān dušpādixšāyīh mad
abar daxšāg ī xwarrah abrāz ō bālist waxšišn ān ī xwarrah nišēb ō nigūnīh nirfsišnīg ram az nigēz ī weh_dēn hād
az daxšagīh ī andar abrāz ō bālist waxšišnīg ram ēn =iz se ēwēnag
ka =šān meh ī pad dēn_āgāhīh az =iš andarz framān_barišnīh pēšōbāy keh pad dēn_pursišnīgīh ud āwēnišnīh pasōbāy
ud ēk awēšān abar frōd bowandag_menišn ud sabuk bār frōd ul abar xwaš
ud ēk ka =šān ul abar frōdīg dādīg ulīh āhang frōd andar ul ērīg frōdīh menišn
ud ān ī xwarrah nišēb ō nigūnīh nirfsišnīg ram daxšag abāz_waštagīh ī ēn se ī azabar ōšmurd ka =šān meh pad dēn_āgāhīh az =iš andarz framān_barišnīh pēšōbāy ī keh u =šān ul abar frōd yyy garān bār ud frōd ul abar axwaš u =šān ul andar frōd ōstagīhā ud frōdīh menišn frōd abar ul anērīhā ulīh āhang
abar waxšēnīdārtar nirfsēnīdārtar ī dēn mazdēsn ōšmurišn az nigēz ī weh_dēn hād
waxšēnīdārtar ī dēn mazdēsn ōšmurišn frāz_rādīh ī bē ud dahišnīh ī andar xwēš_dēnān ahlawān pad dastwarīh zarduxštōtom rad ī ahlaw ud gēhān tan dahišnīh ī aw =iš ud gōwišn_niyōšišnīh ī az =iš x x
nirfsēnīdārtar frāybūd aybibūd ēn gannāg_mēnōyīg gēhān ī weh_dēn petyārag anāštīh ud kōxšišn ī =š ram āgenēn pad tar_mēnīdārīh ī ān ī =šān pad dastwar
abar bizeškīh bun ud abāyišnīgīh čim ēwēnag baxšišn ud kār ud sūd ud ǰud_bunīh ī bizeškīh az wēmārīh ud buzišk čiyōnīh wehīh ud mādī kē kār abar ud kār ī abar mādī ud arz abar sang ud handāg ī tan bizešk pad tan_bizeškīh ruwān bizešk pad ruwān_bizeškīh uzmāyišn ī abar harw dō uzmūdan šāyēd ud uzmūdan nē šāyēd ud niyābag kunišn ī bizešk abāg dehīg mardōm ī awēšān bizešk uzmūd ud aframūd ud bizeškīh kirdan puhl ud kē bizešk uzmūd ud ō bizeškīh wizīdan xwēškārīh ud bizeškīh ud druyist pad =iš nām arzānagīh ud pēšag kē bizeškīh andar ān ī ruwān bizešk az tan bizešk tan bizīškīh az ruwān bizešk ud harw az pāduxšāyīh abāyišn wēmārīh bun_xān čēīh ēwēnag ud nām dārūg ēwēnag nērōg druyistīh winnārišn ud ān ī tan rastagīh pad druyistīh winnārdārīh ud sāzēnāg gyān nērōgān pad sūd_gārīh hamēnāg ud niyāz ī mardōm ō tan dārišn gyān wirāyišn xwarišn dārūg ōšmurišn ī x x x winnārišn ī dārūg sāmān kē kār ī pad tan_bizeškīh abar bizeškīh kunišn ud frazāmišn hangirdīg =ēw pad x dēn sang az nigēz ī weh_dēn hād
bizeškīh bun ōwōn_māyag frazānagīh kē bizeškīh =iz u =š nazdtar aw =iš dānišn ī abar čihrag ī gumēzagīh
ud bizeškīh abāyišnīh čim niyāz ī čim az ēbgad ud any gētī_dahišnān ō pād ī pad druyistīh bēšāzēnīdan ī az wēmārīh
biziskīh az wēmārīh ǰud_bun čiyōn ǰud_bunīh ī dānāgīh
bizeškīh ēk gētī_bizeškīh ud ǰud_ǰud andarzīgīh ēk ud ud mēnōy_bizeškīh andarzīgīh pad weh_dēn nērang ēbgad dām wēmārīh ud any zwl yyyt ī az dām bē barēd ud abesīhēned gētī_bizeškīh andarzīgīh pad weh_dēn dānāgīh gētī dām tan az ēbgad wēmārīh pahrēxtan bēšāzēnīdan
andar harw ēk baxšišn dō amaragānīg ud ēwāzīg amaragānīh ī mēnōy bizeškīh kē =š dēn wisp amaragān mardōm ruwānīh bizeškīh ī abērtar pad xwēš xēm wirāstan ī gēhān ahū dahībed ud gēhān rad zarduštrōdom bawēd u =š ēwāzīg ēk mardōm ruwān_bizeškīh pad abāz_āhangīh ī az dušmat ud dušhūxt ud dušwaršt ud frāz_āhangīh ī ō humat ud hūxt ud huwaršt ud pad wirāst xēm dānāg dēn_burdārān ī az weh_dēn nigēz abērtar bawēd
ud amaragānīgīh ī gētī bizeškīh mardōm tan bizeškīh ī weh_dēn nigēzīg az zarduxštrōdom dastwarīh ud dahībed huframānīh nigāh pād ī zahāgān ī tanān bun az winastagīh u =š ēwāzīg ēk mardōm tan_bizeškīh ī az druyist_bed hannām x pād ī =šān ristagān az winastagīh bawēd
abāyišnīg ruwān_biziskīh ī čār ī az weh_dēn hammōg ud ruwān bizešk nimūdan bizešk abāyišnīg niyāz_bēšāzīh tan_bēšāzīh čār nimūdan bizeškīh hammōg u =šān harw dō az dahībed abāyišnīg abē_āhōgīh ī =šān pad xwēškārīh ud ōsmurišn ī sāmān kē kār ī tan_bizeškīh abar ēn =iz pānzdah tōhm hambawišn ud winnārišn ud tazišn āmēzišnīg hambawišnīh ud wihīrišnīh ud kištagīh ud kārišn ī pad =iš ud zāyišn parwarišn ud čihr ud xōg ud dād hangām ud šahr_bizeškīh tan_bizeškīh kunišn abar čahār zahāgan ī gēhān pad pād ī az winastagīh u =š frazāmišn pad ristagān ī tan frāybūd ud aybibūd u =š bē burd pad paymān winnārdan tan_druyistīh ud ruwān_biziskīh kunišn abar čahār zōrān ī gyān pad xūb hamyōxt passāxtārīhā az brādarōd hamēstār pānagīh frazāmišn pad menišn gōwišn ud kunišn az dušmat dušhūxt ud dušwaršt pādārīh ī pad humat hūxt ud huwaršt payrāstagīh ruwānān bōzišn
abar stūdag ud nikōhīdag kār ud pahrēz az nigēz ī weh_dēn hād
kār ud pahrēz ēn =iz ēwēnag dō dānišnīg ud adānišnīg andar dānišnīg ēwēnag čahār ud andar adānišnīg ēwēnag hašt ud wizīr ī pad =iš azēr ī ēk_ēk nišānēnīd čiyōn paydāg
dānišnīg kirbakkar ud az wināh pahrēz wizīr ī pad =iš yazadān hāwand tāšt ahlaw
ud dānišnīg wināhgar ud az kirbag pahrēz ud wizīr pad =iš dēw hāwand tāšt druwand
ud dānišnīg harw dō_warzōg kirbag wināh wizīr ī pad =iš ēn kū pad kirbag_warzīh mizdōmand ud pad wināhgarīh puhlōmand
dānišnīg ēč_nē_gar nē kirbag ud nē wināh wizīr pad =iš ēn kū pad wināh_nē_garīh abun_dāšt ud pad kirbag_nē_garīh ān ī frēzwānīg bun_dāštīg ān ī afrēzwān abundāšt
abar stūdag ud nikōhīdag kār ud pahrēz az nigēz ī weh_dēn hād
kār ud pahrēz ēn =iz ēwēnag dō dānišnīg ud adānišnīg andar dānišnīg ēwēnag čahār ud andar adānišnīg ēwēnag hašt ud wizīr ī pad =iš azēr ī ēk_ēk nišānēnīd čiyōn paydāg
dānišnīg kirbakkar ud az wināh pahrēz ud wizīr ī pad =iš yazadān hāwand tāšt ahlaw
ud dānišnīg wināhgar ud az kirbag pahrēz ud wizīr ī pad =iš dēw hāwand tāšt druwand
ud dānišnīg harw_dō_warzōg kirbag wināh wizīr ī pad =iš ēn kū pad kirbag_warzīh mizdōmand ud pad wināhgarīh puhlōmand
dānišnīg ēč_nē_gar nē kirbag ud nē wināh wizīr pad =iš ēn kū pad wināh_nē_garīh abun_dāšt ud pad kirbag_nē_garīh ān ī frēzwānīg bun_dāštīg ān ī afrēzwān abundāšt
adānišnīg pad frārōn_mēnišnīh kirbakkar az wināh pahrēz ud wizīr ī pad =iš ēn kū wehīh_āhang ud pad kirbag_dahišnīh burzišnīg ud pad awēnāg_warzīdārīh nē burzīšnīg ud pad ān ī az wināh pahrēzīhist bōzēnīdag nām
adānišnīg pad abārōn_mēnišnīh kirbakkar ud az wināh pahrēz wizīr ī pad =iš ēn kū wattarīh_āhang ud pad kirbag_dahišnīh amizd ud pad wināh ī =š aǰast agriftār
adānišnīg pad frārōn_mēnišnīh wināhgar az kirbag pahrēz ud wizīr ī pad =iš ēn kū pad frārōn_menišnīh wehīh_āhang ud pad wināh_dahišnīh puhlōmand ud pad az kirbag pahrēzīhist bun_dāštīg
adānišnīg pad abārōn_menišnīh wināhgar ud az kirbag pahrēz ud wizīr ī pad =iš ēn kū wattarīh_āhang ud pad wināh_dahišnīh wēš_padufrāh ud pad az kirbag pahrēzīhistan wēš_bun_dāšt
adānišnīg pad frārōn_mēnišnīh harw_dō_gar kirbag ud wināh ud wizīr ī pad =iš ēn kū wehīh_āhang ud pad kirbag_dahišnīh burzišnīg ud pad wināh awēnāgīh_warzīdārīh aburzišn pad wināh_dahišnīh griftārīg
adānišnīg pad abārōn_menišnīh harw_dō_gar kirbag ud wināh ud wizīr ī pad =iš ēn kū wattarīh_āhang pad kirbag_dahišnīh aspās ud pad awēnāgīhā_warzīdārīh aburzišn ud pad wināh_dahišnīh wēš_bun_dāšt
adānišnīg pad frārōn_menišnīh az_harw_dō_pahrēz wizīr ī pad =iš ēn kū wehīh_āhang pad az_wināh_pahrēzīhistan burzišnīg ud pad az_kirbag_pahrēzīhistan nē bun_dāštīg
adānišnīg pad abārōn_menišnīh az harw dō pahrēz ud wizīr ī pad =iš ēn kū pad abārōn_menišnīh wattarīh_ahang ud pad az_wināh_pahrēzīhistan appār_burzišn ud pad az_kirbag_pahrēzīhistan bun_dāštīg_mēnišnīh_gar az … pahrēz wizīr ī pad āhang frārōn kirbag wināh wehīh abārōn kirbag wināh wattarīh frārōn wināh kirbag wehīh abārōn wināh kirbag wattarīh frārōn harw_dō wehīh abārōn harw_dō kirbag/wināh wattarīh frārōn harw_dō wehīh abārōn harw_dō wattarīh
abar ān ī mardōm amaragānīhā rāyēnīhēnd ud hambāstagīhā rāyēnēnd ud hamāgīhā aw =iš rāyēnīhēnd az nigēz ī weh_dēn hād
mardōm andar ēbgadīgīh amaragānīhā az baxt rōn pad harw ǰumbišn ō ōš rāyēnīhēd purr_daxšag ud hambāstag az xwad rōn kārīg pad weh mēnōy hāzišn kirbag abāgēnīdārīg ō ahlawīh ud az wattar mēnōy frēbišn pad bazag škarwišnīg ō druwandīh rāyēnīd pōryōtkēšān čimīg gōwišn
ud hamāg az dādār wisp_āgāhīh rāyēnīdārīh ī az bun_dahišn kunišn druz abesīhēnīdārīg ud druz pad =iš abesīhišnīh ō frašegird frazām_bōxtagīh tan ī pasēn wisp_xwārīh ud purr_šēdāy ud wuzurg paydāgīh
abar pad čand wāzišn xwaršēd abāz ō asmān bālist kū dādār pad bun_dahišn dād az nigēz ī weh_dēn hād
xwaršēd abāz ō bālist asmān kū dādār pad bun_dahišn brēhēnīd pad čahār wāzišn rasēd ōh =iz az dēn nigēz dādār xwaršēd bun_dahišn pad bālist asmān ēstādag frāz dād ud az bālist čahār angust čiyōn angust angust ērīhā andarak_gāh ān ī ultar pad andarak_gāh nērōgōmandtar paydāg frōdīhīhēd
andar ham sāmān pad hām_dahišnīh sūd hamēšag_rawišnīh tā frašegird rawāg bē kird u =š andar hamēšag_rawišnīg dāmān az dādār āfurrišn hamāg_ōz āhang abāz madan ī ō ān ī bālist ī =š bun_dahišn kū pad =iš fradom frāz dād
ud andar franāmīg hām_dahišn sūd rawišn tā frašegird pad ōz ī xwēš āhang and and ul_franāmišnīh ī ō ān bālist u =š āhang ī az ān ōz az dēn mazdēsn rawāgīh pad ahlaw zarduxšt frāz
ōwōn ī zarduxštān hazangrōzim frazām abāz ō ēk angust ī az ēr ō abar ī fradom andarak_gāh ī xwānīhēd xwaršēd fradom wāzišn ī abāz ō asmān bālist_ēstišn ī pad ham andarak_gāh dah rōz ud šab drang
ušēdarān hazangrōzim frazām pad wēš_āhangīh ōz abāz ō dō angust ī az ēr ō abar ī didīgar andarak_gāh xwānīhēd xwaršēd didīgar wāzišn ī abāz ō asmān bālist_ēstišn ī pad ham wēš_nērōg andarak_gāh wīst rōz ud šab drang
ušēdarmāhan hazangrōzim frazām abardar_āhangīh ī =š ōz abāz ō se angust az ēr ō abar ī sidīgar wēš_nērōgtar andarak_gāh ī xwānīhēd xwaršēd sidīgar wāzišn ī abāz ō asmān bālist_ēstišn pd ham wēš_nērōgtar andarak_gāh sīh rōz ud šab drang
ud panǰāh_haft sāl ī sōšyans frazām pad abardom ō ī =š āhang abāz ō čahār angust ī az ēr ō abar ī xwad ast asmān bālist kū =š pad bun_ēstišnīg brēhēnišn ud dahišn būd ud hām_dahišn sūd_ēstišnīh pad bun ud yyy ī =šān az ēbgad rasišn ī tan pasēn abēzag abāz_kirdārīh dām pad čahārom xwaršēd wāzišn ō asmān bālist mad bawēd
ēd ast kē ka ka tā xwaršēd pad čahār wāzišn ō asmān bālist madan
abar abardar_šnāsag ī pad čahār dād ī mazdēsn dēn hād
abardar_šnāsag ī pad se dād ī mazdēsn dēn ōy pōryōtkēš kē andar weh_dēn ōwōn =iz wēnāgīh kū az dād hadāmānsrīg ud gāhānīg ud az hadāmānsrīg dādīg gāhānīg ud az gāhānīg hadāmānsrīg ud dādīg wāzag wizīdan paydāgēnīdan dānēd
ōh =iz andar dād ī abardar_dānišn ī abar gētīyān gētīyīgīh hadāmānsrīg ud gāhānīg =iz ud andar gāhān ī abardar_dānišn ī abar mēnōyān mēnōyīgīh hadāmānsrīg ud dādīg =iz ud andar hadāmānsr ī abardar ī dānišn ī abar mayānagān ī mēnōy ud gētī ud mayānīgīh gāhān dādīg =iz wāzag waxt
abar kirrēnīdan ī gannāg_mēnōy petyārag ō spennāg_mēnōy dahišnān āhang ud rāyēnīdārīh ī dādār abar petyārag ǰud_ǰud az nigēz ī weh_dēn hād
gannāg_mēnōy abar ēk_ēk az petyārag ī ō spennāg_mēnōy dahišnān kirrēnīd āhang pad ān ēk ēk petyārag spennāg_mēnōy dahišn hamāg abesīhēnīdan ud spennāg_mēnōy rāyēnīdārīh ī pad =iš ēn =iz ēwēnag panǰ
ēwēnag =ēw petyārag az ān ēwēnag ī gannāg_mēnōy āhang pad =iš būd bē wardēnīdan
čiyōn ēd ī gannāg_mēnōy pad hamēstārīg rasēnīdārīh ī sardīh ō abēzag garmīh ī huškīh ō abēzag xwēdīh garmīh pad sardīh ud xwēdīh pad huškīh sarōmandīhā ānāftan zīndagān ī weh_bawišn agārēnīdan dām dām_rawāgīh pādīrānēnīdan āhang būd
spennāg_mēnōy sardīh az hamēstārīg_rasišnīh ī ō abēzag garmīh brādarōdīg abāz ō xwēdīh ud huškīh az hamēstārīg_rasišnīh ō abēzag xwēdīh brādarōdīg abāz ō garmīh bastan kū gumēgīh ī garmīh abāg xwēdīh sardīh ud abāg huškīh abāg garmīh nē garmīh andar abar_rasišnīh ī =š hamēstār sardīh ayār_dahišnīh ī =š az xwēdīh ī garmīh ham_gōhr ī abāg sardīh hād pad abar_rasišnīh ī =š hamēstār huškīh ayār_dahišnīh ī =š az garmīh xwēdīh ham_gōhr ī abāg huškīh gumēxtag winnārišn
andar gumēzagīh winnārišn garmīh ud xwēdīh bawišn_nērōgīhtom ēstišn ud pattūgīh bawēd ud gannāg_mēnōy pad ohrmazd dahišn pādīrānīh ī =š az ēn kirrēnišn āhang būd ō kām ma rasād
ēwēnag =ēw druz kirrēnišnān ast ī andar gumēzagīh ō =iz dahišnān ī kām weh ayārīh ud sūd āwurd ēd ī andar gumēzagīh gannāg_mēnōyīg =iz sardīh huškīh ud ayārīh ud sūd azišīh ī spennāg_mēnōy dahišnān gumēg_garmīh ud xwēdīh pad ast
čē paydāg čiyōn spennāg_mēnōyīg xwēdīh ō garmīh ī az ēbgad frāybūdēnīd pad sardīh ud ēdōn =iz garmīh hamīhišn ud xwēdīh pad huškīh ast ka abāz ō paymān_kārīgīh sūd ī weh_dahišn madan az druz kirrēnišn xrafstarān anīz petyārag pad mardōm dānāgīh was sūd āwurd
ud ēwēnag =ēw wēš pattūgīh rawāgīh ud paywandišn ī dahišn andar gumēzagīh rāy petyārag kē pad ēw_bār ud ham gyāg ēk āwām madan ō dahišnān āwām gāh ǰud_gyāgīhā baxtan ud wisārdan
čiyōn ān ī āz druz az sahmagīh ī pad ēk hamīh pad srišwadagīh abar dahišnān abārīg druzīh hamāwāmīhā ud gyāgān šōysrān baxtan paydāg
ud ēwēnag =ēw druz ō wišōbišn ī dahišnān kirrēnīd petyārag abar xwad druz abāz wardēnīdan mānāgīhistan ī dušmenān wazr abar =išān sar škastan ān ī dēw pad druz zadan čiyōn dēw yyy pad druz frāsiyāb ud pad zamestān xrafstar ud čiyōn ān ī az dādār rāyēnīdārīh frašegird hangām gannāg_mēnōy kirrēnīd āz abar xwad gannāg_mēnōy abāz waštan u =š kirrēnišnān hamāg ǰūdan ud murnǰēnīdan wišuft paydāg
ud abardom ēwēnag az dādār wisp_āgāhīh rāyēnīdārīh ud wisp_tuwānīhā ōz andar drang ī ō frašegird hangām druzīh hamāg anabāz_bawišnīg wišuftan bun druz anabāz did ārāyišnīg abāyistan weh_dēn āgāhīh
abar zarduxštōtom_xēmīg mardōm dōstīh az ēk zarduštrōdom gōwišn az nigēz ī weh_dēn hād
weh_dēn nigēzīhā zarduxštōtom_xēmīg mardōm dōstīh mardōm ān =iz ī bētom āhang xwēš dēn drubuštīh ud gēhānīg hambārestānīh
ud andar mardōmān ān ī ēr āhang xwēš mān wis zand ud deh
ud andar ērān ān ī hudēn kē āsrōn āhang xwēš payrāyag ud brāh ud kē artēštār āhang xwēš zrēy winnirdīh kē wāstaryōš āhang xwēš dašt ī purr_xwārīh ud kē hutuxš āhang xwēš paymōzan ud nihumb
ud andar āsrōnān ān ī hāwišt ud hērbed āhang xwēš pōst ud pid ud ān ī mānd ud dastwar ud āhang xwēš ast ud bōy ud andar awēšān ān awēšān ān ī pad wehīh andartomīh pahlom āhang xwēš dil ud ǰagar
ud ān ī abardom ī hamāg dām pānag dahībed āhang xwēš mizd/mazg ud bōy dōst ǰud_ǰud pāyagīhā grāmīg u =šān nēkīh ud anāgīh =iz pad ān ī xwēš dāštan
ud padīruftan rawāgēnīdan paymān ī mardōm dahībed framan az nigēz ī weh_dēn hād
mardōm xwēš xwadīh abēzag ox ī abar =iz gyān xwadāyīh wizīngar xrad abar ox dastwarīg ud āzād_kām andar harw dō bowandag ohrmazdīg dēn abar harw x se abarīg dām_pānag dahībed framān bandag ud tarsagāyīg bowandagīhā abar xwēš gyān ud tan hammis gētīyīg ādān padīriftan ud tēz rawāgēnīd andar dādīgīh pad =iz band ī abar hamāg wināh ōstīgān dāštārīh ud wisp kirbag_nērōgīhišnīh abardom warzišn
abar čim ud paydāgīh ī ēk abar did ī se dād ī mazdēsn dēn hād
az hadāmānsrīg ud dād gāhānīg gōwišnīg paydāgīh ud az gāhān abar hadāmānsrīg ud dād gōwišn čim =iz bawēd
ēd ī xwadāy dušmen framān_spōz ī hadāmānsrīg ud dādīg =iz was gyāg margarzānīh paydāg čim andar nihang gāhānīg wāzag
ēn =iz hād ō =m ōy ī weh xwadāy kāmag bahr abar_barišnīh ōh =iz gēhān hamāg xwadāyān xwēš ud pad dāštan ōy ī dastwar būd ēstēnd awēšān ēr u =šān framān_warz
kē =šān dušmen framān_spōz az ērīh ī awēšān dastwarīhā dāštan ī gēhān xwēš tan xwāstag u =š andar gēhān ēč gyāg tis =iz bahr ī az =iš nēst kē rāy az gēhān yyy bawēd
hadāmānsrīg ud dādīg paydāgīh abar gāhānīg gōwišn čim ēd ī andar ud dēn ī gāhānīg wāzag hād kū nē ōy ī rāst ruwān frāz_abesīhišnīh paydāgīh az hadāmānsrīg
ēn =iz ī gōwēd kū ayārēnēd mard rāstīh čiyōn ān ī _ānag spāh ōh =iz rāstīh paymān andar xwadīh ēč wišōbišn nēst
ud az wināhīhišn az bē ēdōn pādag čiyōn frēzwān kirdan abēbīmīh ī az abēdruwandīh ī dušmen andar aw =iš pad wizendgarīh pad =iš ud abardar
ōh =iz gāhān mēnōy_dānišnīh abar hadāmānsrīg mayānag dād ud frōd_dānišnīh rāy gāhānīg ō dādīg mānsrīg gōwišn čim ud hadāmānsrīg dādīg ō gāhān gōwišn paydāg būd passazagīh
abar pahlom ud wattom āwām nišān daxšāg bar ī harw dō az nigēz ī weh_dēn hād
āwām pahlom hangirdīg pad nišān āsnūdagīh ī frayist mardōm xēm pad frahang ān ērān dēn u =š bar wirāstagīh peyrāstagīh ī āwām pad dānāgīh ud hammis hunar ud wehīh ud āzādīh ud ahlāyīh ud hamāg ēwēnag gētīyīg mēnōyīg nēkīh rāmišn
ud āwāmān wattom hangirdīg daxšagīh ālūdagīh ī frayist mardōm puhl ī ān ī yahūdān kēš u =š bar wišuftagīh ud zištīh ī āwām pad dušāgāhīh ud abārīg āhōg wattarīh ud škōhīh ud drōzišn harw_gōnag gētīyīg ud mēnōyīg anāgīh bēš
abar ān ī guft ēstēd kū druzīh ka =š bē abāyēd abesistan ud stahmagtar bē bawēd az nigēz ī weh_dēn hād
druzīh az druz ō ohrmazd dahišn kōšišnīg mad ēstēd
ān ī čiyōn dādār ohrmazd pad bun_dahišn frazām_pērōzīh ī =š dahišnān abar druz wišōbišn ī hamāg ī druz winnirdīh abāyistan ī xwad =iz wišuft abzār druz pad dahišnān ī weh nērōg frazānagīhā āgāh būd
druz bun mayān =iz anāgāh frazām u =š abesīhišnīh pad nazd frazāmīh ka =š kardag ud abzār frayist wišuft bawēd āgāhīh ī =š az abesistan gāh handēmānīg pad āhang ī az hamāg zōr škefttar kōšīdan paydāg čiyōn uzmāyīgtar kōšīdan ī hamāg dušmenān ēmēdīh ī hangām ud brāh =ēw nērōgtar kirdan ī ātaxš hanǰāmišn gāh
ud ān ī stahmagtarīh ī druz abesīhišn ud zamān nē az ān ī =š pad bun dwārišn stahmagīh ka hamāg abzārīh rāy stahmagtar sazist ud bē az ān ī =š pad mayān ka abzār =ēw was ī =š andar zamānīhā abesist bawēd
abar gyāg ī mardōm grift_menišnīh ī pad =iš ud anayāsagīh ī az =iš hamē ast ud ān ī =šān grift_menišnīh ī pad =iš hagriz anayāsag ī aw =iš ahambuniz =iz nē bawēd az nigēz ī weh_dēn hād
mardōm andar hamāg nēkīh abēzag u =š anāgīh gyāg grift_menišnīh pad =iš hamē ud anayāsagīh az =iš hagriz =iz u =šān pad hamāg anāgīh ī anēkīh ud gyāg grift_menišnīh pad =iš hagriz ud ayāsag ī aw =iš fradom =iz nē bawēd
ud hamāg_nēkīh abēzag az =iš anāgīh ān ī pahlom ud hamāg_anāgīh anēkīh ān ī wattom ox mayān ēd dō gyāg gētī mardōm mehmān ud yyy widārīg_menišn =iz bawēd
mehmān_menišn ānōh kū =šān zāyišnīg x mānišn ī mādagwarīhā ka =iz kam_xwārīh ud was_petyarag gyāg ud mehmān_menišn ka az ānōh kū zāyišnīg mānišn ī madagwarīhā āhang ī ō kār sūd ayāb any čim rāy ō any gyāg rasēnd ka =iz az ān ī kam_xwārīh was_petyārag gyāg ō ān ī purr_xwārīh ud kam_petyārag gyāg hē frayistīhā ayāsag ī =šān bāstān abāz ō ān ī xwēš zāyišnīg būm kam_xwārīh was_petyārag nē
ud widerīg_menišnīh rāhēn ud nihān_menišn kas ka =iz purr_xwārīh ud kam_petyārag yyy widār ī abāz ō xwēš zāyišnīg būm ka =iz kam_xwārīh ud was_petyārag ud gyāg wēš_āhangīh ī ō xwēš būm rāy
abar wizēhišn ī andarg yazadīg frārōn_nērang war abdīh dēwīg abārōn_nērang ud ǰādūgīh widīmās ud kirrōgīg čārag az nigēz ī weh_dēn hād
wizēhišn ī andarg yazadīg frārōn_nērang war abdīh dēwīg abārōn_nērang ǰādūgīh u =š widīmās ēn =iz kū
ān ī yazadīg war nērang pad āstawān ī abar dādār ohrmazd ud dahībed framān pākīh ī gyāg tan wastarg az harw ēwēnag rēmanīh ud gand bōyēnīdan ī ān ī pērōzgar ī gand_spōz ī druz_tarwēnīdār urwar ēzišnīg nām_barišnīh ī yazadān ō ānōh burdan ī was ān ī rōšn ud pāk ud hubōy tis andar kārīh ī awēšān pad hudēnīh ud āsrōnīh wahman_menišnīh rāšt_guftārīh ud frārōn_warzīdārīh husraw mardōm hamāg ō yazadīh passazag ud az dēwīh dūr ud abāz_waštag
dēwīg abārōn_nērang ǰādūgīh widīmās stāyīdārīh murnǰēnīdār ahriman nihānīgtom_dwārišnīh ud rēmanīh ud gandagīh ī gyāg tan ud wastarg ud pad ādur burd ī nasā ud hixr ōsēnīdan ī yazadān bēš dēwān rāmēn ī dēwēzagīg drāyīdan ud xwānd ī dēwān pad nām ī andar kārīh awēšān ī pad dēwēsnīh ud agdēnīh ud akōman_menišnīh drō_drāyīdārīh ud abārōn_warzīdārīh dušsraw ǰādūg mar x abārīg ī passazag ō dēwīg ud dūr az yazadīh
ud ān ī =š wizēhēnīdār az kirrōgīg čārakkarīh ēn =iz kū yazadīg war az dō ǰud_pahikār war_warzīdārān agar war garm ka rōy ī widāxtag war az widāxtag rōy ud agar gāh uzwān az hām agar gāh ud agar čār pāy az purr xwarg čār ēč asōzišnīh
ud agar tabāhīh ud anāg_kārīh ī tan hannām bē ōy ī rāst_gōwišn bōxtagīh nišānīgīhā ī war ud uzwān pāy hambuniz =iz dazišn ān ī drōzan yyy_ dazišn ērangīh daxšag abar war ayāb uzwān ayāb pāy paydāgīh
andar hamdar dō ēwēnag yazadīg abdīh ō nigerīdārān dīdārīgīh ēk ēd ī pad yazadīg nērang az ātaxš andar pādagīh ī =š mādī sōzāg huškīh bē burdan ud ēk wizēhēnīdārīh ī rāst_gōwišn az drō druxtār war =iz abar burdan ī bōxt az ēraxt paydāgēnīdan
ud ān ī kirrōgīg 2 ēwēnag bawēd agar kirrōgīg bowandag frahixt rastan ī =š hannām az sōxtan ud agārēnīdan ī pad ātaxš ud agar kirrōgīg afrahaxt agārēnīdan ī ī =š hannām pad ātaxš čiyōn ān ī paydāgīhist abar frēftār kardag ahlomōγ
abar dōstīh ī pid ō frazend ud kast abzōn ī pad =iš az nigēz ī weh_dēn hād
az weh_dēn nigēz amaragānīha dōstīh ī pidarān ō frazendān az zāyišn tā ō hašt_sālag ī frazend wēš ham mād ud andar ham wimand ō ān ī dō_sālag ud se_sālag ud frāy šīr tarrīh ī frazend az āsnūdagīh ī az wināh čē aburnāyīg tā madan ī tā ō hašt_sālag spurrīgīh wināh fradom =iz ō bun nē bawēd az ān frāz hamē az ān dōstīh wināh handāzag ī frazend ōh kāhēd
ud tuxšāgīh_abzōn ī frazend pad pid abāyišnīg frahang tarsagāhīh ī =š andar pid sāmān abāz ōh abzāyīdan pad xwarrah xwēš pāyag ud spurr_rasišnīh ō frahang ud bowandag_tarsagāhīh rāmēnīdārīh ī pid dōstīh ī pid aw =iš abāz =iz ō abardom pāyag ī pad aburnāyīh būd ōh rasēd
čiyōn ān ī mēnōy_wēnišnīh pad nōg_zādag aburnāyīg pas dēwān appurdan gōwēd abāz ō_ham mardōm dēw_menišn ī abāz hilišnīg ud frāz zarmānīh kunišnīg ī hamē mardōm pēš =iz az ān pad bowandag_wānīdan ī druz az pad_tan pākīh u =š spurr_āgāhīh kirdārīh ī abar dēn mazdēsn rasēd
abar mizd ī ahlawān u =šān puhl puhl ī druwandān u =šān mizd az nigēz ī weh_dēn hād
mizd ī šnāyišn ī az kirbag ud puhl bēš ī az bazag ud az weh_dēn nigēz pad mēnōy hambuniz =iz kirbag ud wināh ī kadāmagān =iz xwēškārīh ud pad =iš x x kirbag mizd wināh puhl_rasišnīh
mizd druwandān abar ān huzārag kirbag bawēd ī =šān pad gētī kird ud az puhl pēš pēš ud widārīg ō pādufrāh wardišnīg pādufrāh dušoxīg tā frašegird
ud puhl ī ahlawān abar huzārag wināh ī =šān pad gētī ō bun būd az mizd pēš widārīg čand pad =iš ruwān yōǰdahrīh ī az wināh ud yyy ī ō pahlom axwān u =šān mizd wahištīg ǰāwēdānīg gētī =z mēnōy paččēn dahišnīg
hambuniz =iz kirbag mizd wināh puhl dēn mazdēs paydāgīh
ud ahlawān wināh puhl āškārag hāmīhā hunsandīhā pad gētī xwad_wizārišnīh ud kirbag mizd ō ān ī =šān pad mēnōy rasēd ayāsišnīh ud čand =išān gētīyīhā =iz rasēd pad =iš hunsandīh
ud druwandān wināh puhl anhunsandīhā pad gētī_wizārišnīh ī =šān ān ī mēnōyīg az pādixšāy pad =iš griftārīh abar_burdārīh ud mizd ud spās nēkīh anayād mēnōyīhā āzwarīg pad xwad_xwāyišnīh
abar petyāragīh ī ō dādār kū tis =iz yyy ayāb nē az nigēz ī weh_dēn hād
dādār kadār =iz =ēw abar weh_dēn āstawānīh kām ud framān =iz ka hamāg mardōm ī andar gētī ō āstawānīh ī abar weh_dēn rasēnd ēbgad abesīhēd ud hām_dahišn weh_dēn ō pad apetyāragīh abēzagīh ud hamāg_xwārīh rasēd weh_dēn āgāhīh
ān ī āstawānān abar weh_dēn abērtar ān kē pad xwāyišn pursišn ī weh_dēn āgāhīh ud wināhgār pad wēš_druwandīh ī ēbgad andar sāmān rēš ud bēš ī dahišnān u =š nām pad kām ud framān ī dādār_spōzīh dādār petyāragīh =iz ast
ud kēšdārān kē ō dādār tis =iz petyārag nēstīh kēš ī =šān kām ud framān_spōz ī dādār wināhgar andar gētī ēč nē yyy
ud agar wināhgārīh mizd xwēš nē puhl niyābag ud agar =iz nē kām ud framān_spōz ī dādār bē kām framān_warzīdār pad wināhgārīh mizd xwēš nē puhl niyābag ud agar wināhgār framān nē kām spōzēnd ī dādār gōwēnd dādār framān ō kām hambasān =iz frēftār guft yazadīh az =iš bē guft bawēd
abar ān ī bun az bar ud ān ī bar az bun paydāgīh az nigēz ī weh_dēn hād
bun az bar paydāgīh ī abar astīh ud čiyōnīh ī bun čiyōn rōymānān pad rōyišn ī =šān xwad u =šān gōnag pad hučihrīh duščihrīh bōyišn =iz pad hubōyīh ud dušgandīh ud čāšišnīg pad humizagīh ud dušmizagīh ud zōr pad bēšāzīh ud zahrīh paydāgīh hēnd ī =šān tōm astīh ud čiyōnīh =iz
ud bar az čēīh abar hammis astīh ud waxšišn az bun čiyōn rōymānān ī abāg ān ī pad =iš ud az =iš az būn tōm hēnd
kē rāy agar dušāgāh dušāgāhīh bazakkar bazagīh ī andar gētī paydāg gumēg dānāg dānāgīh ud kirbakkar kirbagīh az any ud hambun ēwāz hē čiyōn yahūdān kēš ān ī būd nē šāyēd az hambun ud ēk xwad dānāgīh ud dušāgāhīh ud nē =iz ēk xwad ka xwad dānāg dušāgāh paydāgīhē ān bun u =š dušāgāhīh xwad =iz dušāgāh u =š bazgīh =iz xwad =iz bazakkar nē abēzag spennāg_mēnōy bē gannāg_mēnōy =iz hē
abar āzād_kām u =š abestāgīg nām ud āzād_kām_kirdār ud āzād_kām_kirdārīh čim āzād_kām ud nē ēw_āhang kirdārīh u =š hamēmāl ud az kē ō čē u =š sūd ud zyān dāmān meh_sūdīh ī az =iš az nigēz ī weh_dēn hād
āzād_kām andar gētī mardōm u =š abestāyīg nām ox ī astōmand ī =š zand xwadāy ī tanōmand
ud dādestān ī xwadāy xwadāyīh āzād_kām mardōm ī abar xwēš kām_rāyēnīdārīh warzīdārīh ī =š abar abārīg gētī_dahišn ī nē ōwōn xwēš kām xwadāyīh hēnd čiyōn xwadāy mardōm u =šān ēk =iz nē ast rāyēnīdārīh ī abar ox =ēw čiyōn rāyēnīdārīh mardōm abar awēšān
ān ī tanōmand bē wizārdan ī az mēnōyān yazadān pad ān ī mēnōyān =iz yazadān xwadāy bē nē tanōmand hēnd
ud āzād_kām kirdār dādār ohrmazd ud āzād_kāmīh xwadāyīh ī abar mardōm abar kām pad padīruftan nē padīruftan ī =šān kirbag wināh
ud čim dādār āzād_kām ud nē ēw_āhang kirdan ī mardōm ōstīgān kirdan ī =š xwēš spāh mardōm pad xwadāyīh ud ōz_dādārīh ī az xwadāyīh
ud pad hamōz ud ō =iz abardom purr_ōzīh ī abar wānīdan ī hamāg ān ī druz spāh ud ānāftan ī x hammis druz az ohrmazd dahišnān košidārīh madan rāy u =š ayār yazadīg āsn ud srūd_xrad weh_dēn ud hamēmāl waranīgīh āsn_xrad hamēstār ud dušāgāhīh srūd_xrad hamēstār druzīg wattar_dēn
ayār az spennāg_mēnōy ō padīruftan ud menīdan guftan warzīdan ī kirbag rāy nē padīruftan nē menīdan ud nē guftan nē warzīdan ī wināh
hamēmāl az gannāg_mēnōy ō padīruftan menīdan guftan warzīdan wināh nē padīruftan nē menīdan nē warzīdan ī kirbag
sūd ī nē padīruftan nē menīdan nē guftan nē warzīdan wināh ud padīruftan ud menīdan guftan warzīdan ī kirbag xwad pad xwadāyīh ī abar xwēš bōxtan ud abārīg gētī_dahišnān pad pādixšāyīh ī abar =išān bōzēnīdan ī az druz
ud zyān ī pad padīruftan menīdan guftan warzīdan wināh nē padīruftan nē menīdan nē guftan ud nē warzīdan kirbag škarwistan ī xwad pad xwadāyīh ī abar xwēš ud škarwistan ī abārīg dahišnān pad pādixšāyīh ī abar =išān az druz
dāmān meh_sūdīh ī az =iš abēzagīh ī kām_āzād hamāg mardōm ī pad xwadāyīh ī abar xwēš bē āhangīh ī az druz kām ān ī wattar dēn frāz_āhangīh ī ō dādār kām weh dēn
wirāstagīh ī pad =iš pad nē padīruftan ud nē menīdan ud nē guftan ud nē warzīdan wināh padīruftan menīdan guftan warzīdan ī kirbag
dādār_kāmīg xūb_sālārīhā dāmān hamēstārīk x ēbgad abēsīhēnīdan hām_dahišn ō amargīh abēzagīh ud hamāg_xwārīh zāmēnīdan x x
kēšdārān kē frayist kām_āzād mardōm pad padīruftan menīdan guftan warzīdan ī wināh nē padīruftan nē menīdan ud nē guftan ud nē warzīdan kirbag pad frazām ǰāwēdān x došoxīgīh az =iš ēč abōxtišnīg kēš ī =šān yazad kām_āzād kirdan ī mardōm nē ō sūd mardōm bē ō =šān garāntom zyān frazām wattarīh ud ganāgīh ī hamāg gētī dahišnān nē bōzēnāg bē murnǰēnāg ī =š dahišn guftan ud yazadīh az =iš bē ud druzīh abar guft bawēd
abar margarzān wināh wizārišn puhl ēwēnagān ēn =iz šaš az nigēz ī weh_dēn hād
margarzān wināh wizārišnīg puhl ēwēnagān ēn šaš
ēk ān ī xwastūg ud petīt_wināh pad wizīr ī dēn dastwar framān xwadāyān ōzanīhēd
ud ēk ān ī dēn dastwarān petīt_wināh andar ō kārēzār ī abāg anērān hilēnd gyān_abesparīhā kōšīdan ōzad andar kārēzār ruwān az wināh bōxt u =š tan =iz az griftārīh ī pad =iš abēčārīh paydāg
ēk ān ī az xwēš mādagwarīhā mānišn pad framān ī pādixšāy pašēmān_wināh hunsandīhā ō kū =š framāyēnd dah sāl awiškāftag ud uzdehīg bawēd u =š pad dah sāl ylkwišnīh ī sazīdan abēčārīh ī az =iš paydāg
ēk ān ī pad aburd_framānīh ī andar xwadāyān margarzānīhēd u =š ōy ī xwadāy az ān wināh āmurzēd ud u =š āzādīhēd
ēk ān ī zan ī kē pad atarsagāhīh andar šōy margarzānīhēd šōy nē āmurzīdan paydāg
ēk ān ī pad meh_dādestānīh dāštan dēn dastwarān wizīr andar xwēškārīh petīt_wināhīh widard bawēd ud pad sidōš wizārdan ruwān u =š abēčārīh paydāg
abar hunar az uzaōw ī tohmāspān ān ī awēn mēnōy zōrīg abdīh ī =š pad wānīdan ī dahīg az ān ī ōy spāh pad =iš paydāg būdag ān passazag mēnōy zōrīg abdīh ī abar any anēr ud dēwēsn az ērān dehān pazdēnīdan abāz ārāstan ī ēran šahr u =š xwadāyīh ud ristag yyy ēr tōhmag mard az nigēz ī weh_dēn hād
az weh_dēn nigēz ōr az uzaōw ī tohmāspān ān awēn mēnōy zōrīg abdīh ī =š pad wānīdan ud škastan ud abēd kirdan ī dahīg nūman ud ān ī ōy spāh pad =iš dīdārīhist did ān ī passazag mēnōy zōrīg abdīh abar any anēr ud dēwēsn ī andar dēn pad buland pāyag turk dēw ī wizārd_wars tāzīg wištāsp ī yyy hrōmāy nām barēnd
ud was ān ī awēšān ud spāh ud ayār ud abzār ī nāfag wēš frāy az ān ī abāg dahīg nūman uzaōw ī x az ērān dehān pazdēnīdan ud škastan wānīd ud abaydāgēnīdan abāz ārāstan ī ērān šāhr u =š xwadāyīh ud ristag frāz az šahr ī ān ī uzdēš ud wiyābānīh ud dēw_ēzagīh ud hammis rēmanīh nasuš ud tabāhīh wērānīh az ābān ātaxšān zamīgān abārīg weh dahišnān andar ērān dehān pad abāz paywastan ī amāwandīh pērōzgarīh ī ō ān ī ohrmazd dēn zartuxštān hazangrōzim nazd frazāmīh abar =iz yyy ahlaw kē pad any nām pišyōtan =iz xwānēd ī wištāsp pus xwad ud sad ud panǰāh ī ōy hāwišt abzārīh bawēd pad dādār kām ud framān
yyy ī andar mardōm nērōg anāgīh harw az xwad ud gēhān bē burdan xwad ud abārīg =iz ī ham_gōhrān nēkēnīdan az nigēz ī weh_dēn hād
mardōm harw dōstīh ī ō xwēš tan frazend =iz čihrīg u =š az wihān xwēš ud frazendān anāgīh nē nēkīh abāyišnīg
u =š az tōhm ī dōstīh ī ō xwēš tan frazendān rōyēnīdan waxšēnīdan tan hudōstīh ō yyy =iz harw mardōm nē abāyistan ī anāgīh ī ēč ud abāyistan ī ud nēkīh harw mardōm čiyōn ān =iz ī xwēš tan ud frazendān pad ēd_ōwōn čihr harw mardōm abāz_āhangīh ī az anagīh ud frāz_āhangīh ī ō nēkīh
ud harw mardōm bawēd pad hambāstag mardōm ī gēhān šnāsagīhā anāgīh ī xwēš ōy did anabāyišnīgīh ud axwāyīšnīh ud pad =iš nē rawišnīh ī nēkīh ī xwēš ōy ī did abāyistan xwāstan pad =iš tuxšīdan bawēd bē burdan ī az mardōm anāgīh ēk az did paywastan nēkīh ēk ō did
pad ēd ēdōnīh yyy bawēd ī mardōm nērōg az gēhān petyārag druz ayārīh ud zad bawēnd druz u =šān wānēnd gēhān ayārān yazadān pad xwēšān ānābīhēd ān =iz ī druz anāgīh az gēhān abērtar wišāyīhēd az yazadān nēkīh ō gēhān
pad ēn dō ēwēnag anāgīh ēk ī gētī mardōm pad druz abzārīh ēk mēnōy druz pad =iz xwad_zōrīh az gēhān bē burdan ud dō ēwēnag nēkīh ēk ī az gētī mardōm ud ēk ī az mēnōy yazadān ō gētīyān rasēd bawēd gēhān abēanāgīh ud purr_nēkīh
ān ī andar abdom panǰāh_haft sāl ī sōšyans ud rist_āxēz nazdīh az wirāyišn ī hamāg mardōm xēm kunišn pad āstawānīh ī abar dēn mazdēsn ud dād gāhānīgīh bawēd weh_dēn āgāhīh
abar mardōm ēmēdīh ī az zīndagīh ī bīm az margīh ud abāz_waštagīh ēk az did az nigēz ī weh_dēn hād
mardōm kāmag ī ō zīndagīh dādār āfurrišnīg pad čihr ud bē_ayāsagīh ī az zīndagīh ō margīh aweštāb rasišnīg ī az ēbgad
amaragānīhā tā =šān frazend_xwāyišnīh nērōg ī ōz ī pad abārīg pad_kār xrad_abzōn az ēw_kardagīh xwānīhēd xwarrah
gumēzagīh abāg aweštāb ī az petyārag ō zīndagīh ī ēmēd ī az margīh bīm pad čihr purr ud az zīndagīh bē_ayāsagīh nē ō margīh ayāsagīh
fradom =iz ud ka =šān ōz ī abar kār warzišnīg ō wēšīh rasēd az xwarrah ī =šān ayār škwy padišīh ī =šān az zīndagīh_ēmēdtom az margīh bīm kāhēd ud kam_škeftīh ī andar ēbgadīg aweštāb rāy az zīndagīh ast ī kā =šān bē_ayāsagīh =ēw ōh bawēd
ud ka =šān xrad =iz ō nigūnīh wardēd ud az xwarrah bahr wēš_kāhišnīh ud pad =iš apādyāwandīh rāy ēg =išān pad ēmēd ī az zīndagīh ī bīm az margīh harw dō kamīh ud agar apādyāwandīh az ēbgadīg aweštāb rāy az zīndagīh bē ayāsagīh ō margīh ayāsag abzāyēd
ud ka =šān az frazend_xwāyišnīh =iz nērōg pad =iz abāz_pēmenišnīh anēmēdīh rasēd ō kast_ādānīh ī frāy hāmīhēnd ī =šān ēmēd ī az zīndagīh bīm az margīh harw dō ō nizārīh ōwōn rasēd ī az zīndagīh bē_ayās ō margīh frāz_ayās bawēnd
čiyōn dušoxīg mardōm rāy paydāg kū =šān az garānīh ī pādufrāh xwēš mārišn astīh =iz abāyišnīgīh ī =šān pad čihr ō kū anabāyišnīg ōwōn wašt bawēd ī =šān ārzōgīhēd kū kāč nē zād būd_ēnd
andar dēn druwandān ast kē rāy gōwēd kū =š az mādar azād weh
abar pahlomīh ī xwadāyān az nigēz ī weh_dēn hād
pahlomīh ī xwadāyān pad ǰamīhīh ī wištāspīgīh ī ōy ī xwadāy bawēd ud pad ǰamīgīh ēn kū bawēd ān ī xwadāy xwaršēd_nigerišntom az mardōmān hučašmtom abar hamāg kē =š ēr hēnd az weh_dahišnan čiyōn ǰamšēd ud pad wištāspīgīh ēd kū dōsttom ud padīruftārīhtom pad =iš āstawāntom rawāgēnāgtom ī dēn mazdēsn čiyōn kay wištāsp bawēd paydāg
abar ēd ī ruwān bōzišnīg tan winnārišnīg az dādār dāšn ō mardōm az nigēz ī weh_dēn hād
ast ō mardōm pad ruwān_bōzišnīh ud tan_winnārišnīh ī az dādār dāšn ēn =iz šaš se abērtar pad ruwān bōzišn ud se abērtar pad tan winnārišn pad ruwān
ēk harw mardōm xwēš ox_a_wināhīh bun ī mardōm pad handāzīh ō bōzišn ud agriftārīh pad tōzišn ruwān bōxtārtom az dušox
ud ēk gētī dēnīg rad kē pad hammōzišn ī dēn ī mazdēsn āgāhīh ō mardōm kirbag bōzišn wināh tōzišn ī =šān ruwānīh kē ōh weh ud bōxtār ud ō ulīh franāftār
ēk ristag rašn ud abārīg ī mēnōy rad kē mardōm kird az =iš petīt ī gētīyīhā ō wizārišn ī mad awināh wizārtom az tan pad sidōšīg ud āmār ud puhl az wināh yōǰdahrēnīdār ud tar čēh_widarg ō pahlom axwān widārdār
se ī abērtar pad tan winnārišn ēk xwadād spihr kē mardōm pad tan paywandišn ī pad čihr aw =iš tan_gōhr ud ēk yazad mihr kē pad ǰān_dādārīh ī ō mardōm ī =šān zīndag ud dāštār ī tan ud ēk dām srāyēnīdār dahībed kē mardōm pad =iz tan wināh_pānag nibardār ud bōxtār
abar ǰuttarīh ī frēzwānīg az ān ī afrēzwānīg dāšn az nigēz ī weh_dēn hād
ǰuttarīh ī frēzwānīg az ān ī afrēzwānīg dāšn ēn =iz kū ān ī frēzwānīg dād abāyēd ō ōy ī arzānīg azast =iz rāmēnīdārīhā dād dādīg ka nē dahēd wināh bawēd
ān ī afrēzwānīg ud azast ast ī ka nē dahēd ō =iz ōy ī arzānīg wināh =ēw nē ud pad zayišn ka tuwānīg nē dahēd gāhānīg drūǰō huuō dāmąm abar gōwēd u =š zand ēn kē ān ī mad ēstēd nē ō mard kē pad xwāyišn āyēd dahēd druz ān dām kū =š dāmīh druz kird bawēd ēn ī šahr ēwāzīg gōwēnd kū pad ganǰwar ī ahriman
abar mardōm ud gēhān sūdtar tis az nigēz ī weh_dēn hād
mardōm ud gēhān sūdtar tis ēn =iz šaš
ēk handāxtan ī āškārag wināhišn ēwēnīg pādufrāh ō gēhān yyy
ēk ōstīgānīh ī hambāstāg mardōm pad abāyišnīg pōryōtkēš kirdan dāštan
ud ēk wēš_tuxšāgīh ī weh_abzārtar āsrōnān pad kirdan ī hērbedestān
ēk padīruftan ī hāwišt ān ī xūb hērbed xēm pad druyist ud puhlīhā widārdan ī dēn mazdēsn ōšmurišn paywandīg az =iš
ud ēk passazagīh ī ō ān ī pēš sazāgīhā dastwar ī dēn mazdēsn ān ī pas dastwar ī ohrmazd dēn pad weh_dēn_rāyēnīdārīh
ud ēk hamīh ī ān ī pas gēhān xwadāy abāg ān ī pēš kišwar dādīg dahībed pad xūb_rāyēnīdārīh ī dāman
abar yyy ī andar tuwān čār hād ēd_ōwōn az =iš čār numūdār mardōm xīndagīh ī az gēhān nimūdār bār ud hamāg =iz bē barēnd az nigēz ī weh_dēn hād
ēd_ōwōn čār bowandag bizešk dēn mazdēsn ēn ī az =iš paydāg kū ka mardōm nasā ud hixr ud rēmanīh az yyy ī zamīg bē barēnd ud čārīg pahrēxtan dō srišwadag xīndagīh az dām ānābīhist =ēw
ud ēdōn =iz pahrēxtan ī ātaxšān pad sōxtan ī pad =iš ān ī ābān pad abar burdan ī aw =iš bē burdan az =iš rēmanīh ud pad ātaxšān hamāg rōšnēnīdan dō srišwadag waštīh az dāmān bē burdan paydāg
ōh =iz mardōm xīndagīh waštagīh az ēbgadīg madārīh ī ān ī asāzag rēmanīh ud gand asāzagīh ō mardōm yyy ud tan paydāg
ud agar ātaxš abar zamīg ud mardōm tan bun_mādī nibardār hēnd pad čār az =išān pahrēxtan ī weh_dēn andarz ud az =išān abar burdan ī rēmanīh ud ālūd ī pad =iš wēmārīh ud pahrēxtan az =iš bē burdan ī rēmanīh ud gand bēšāzišnīh ud drustīh ī mardōmān tanān hištan pad xwēš čihr ī pākīh āb pādārīh ī mardōm tan az xīndagīh ud waštīh
ud pad āstawānīh pēšēnīg ud mardōm abar dēn mazdēsn frāz burdan ī weh_dēn dastwar az dēn ī mazdēsn ō hudēn dahībed framān padišīh ī mazdēsn dahībed ō hambāstag hudēn mardōm ud padīruftan ud kirdan ī mardōm ham framān paydāg būd
ēn dānom az bowandag bizešk dēn mazdēsn abar gēhān mardōm pad pākīh hučihrīh xwarrahōmandīh ī mardōm pad čihr ud mehīh mehīh bowandagīh pad =iz tan ud nērōg urwāhmīh =iz ī andar gēhān az ān amaragānīg pahrēz kār
ān ī az hištan ī =šān ān bowandag bizešk az dastwarīh ud ud parwast ī ō mādī parwarišn =iz ī mardōm tan apahrēz_hammōz zūr_bizešk dušrāyēnīdārīh abāz waštagīh ī mardōm pad =iz tan ud brāh ud dīdan ud purr_bēšīh ī gēhān paydāgīg
ēn =iz nigēz ī ast ī dēn mazdēsn kū pad padīruftan kirdan ī hamāg mardōm ēn ī bowandag bizešk čār ī abar gēhān druyistīh ud bēšāzišnīh kirdan ī ī =šān hambāstag āfrāh ī ham bowandag bizešk
ud čār ī ham bowandag bizešk pad =iz āgenēnīh ēk abar did ud āštīh ī āgenēn ud rādīh ī mayān hamāg axīndagīh ud awaštīh ud azarmānīh ud amargīh bawēd ī wisp mardōm ud hamāg nēkīh hām_dahišn ī weh
abar paymān_menišnīh ud apaymān_griftagīh bun yyy u =šān wizārišn ud nērōg ī az =iš pad =iš dādestān ī handāzag sūd ō paymān_menišnīh zyān ī ō apaymān griftagīh paywand az nigēz ī weh_dēn hād
paymān_menišnīh bun az paymān_mēnīdārīh ī ohrmazd bārīg
u =š wizārišn menišn ī pad xwēš sāmān dāštan
ud nērōg ī andar mardōm az =iš pad =iš winnārišn wahman āsn_xrad ī andar mardōm
u =š dādestān xwēš tan ān hunar ud nērōg menīdan ī =š ast pad bahr ī az =iš hunsandīh ud yyy pad ān ī =šān hunar ud nērōg ast bowandag_mēnīdan ud abar bahr ī =šān az =iš anareškīh ud pad =iš abištīh awišān pēšēmālīg akōšīdārīg ud ān =iz ī yyy hunar ud nērōg bahr ī =šān az =iš abērtar ān ī ham_gōhrān sazāgīhā pad ān ī xwēš dāštan ud pad =iš šādīh ud aw =iš nērōg paywandišnīh =iz
handāzag stāyīdan ī paymānīg dēn mazdēsn kadār =iz =ēw pad ān ī =š mādī čiyōn hōšang pad pēš_dādīh ud dahāg pad wizōstārīh uč pādasraw pad bahrōmandīh ud kay_us pad yyy ud sāmān pad tagīgīh zarduxšt pad rāyōmandīh ud pad yyy pad pahrēzōmandīh ud kadāmagān =iz dahišn tā =iz sag =ēw ud xūg =ēw pad ān ī =šān hunar mādī
ud ēd =iz ī čiyōn az weh_dēn pad gōwišn ī yašt_frawahr zarduxšt ō burzāwand kay wištāsp paydāg kū ma ōy hē tarmenišn kē tō hād paristag čē az =iz ōy ī nidar tō bē_hammōxtišnīh
ud sūd ī ō paymān_menišnīh paywastag hangirdīg ēd =iz ī weh_dēn pad paywand ahm gōwišn ī zarduxšt ō wištāsp gōwēd kū čē ēdōn tō amāwandīh ān ka ēdōn kunē u =t ēdōn ast perōzgarīh
apaymān griftagīh bun az druz apaymān menīdārīh ēbgadīg ō mardōm
u =š wizārišn menišn pad waran ud azabar xwēš nērōg astīh sāmān bē burdan
u =š dādestān xwēš tan pad ān hunar ud nērōg menīdan ī =š nēst tarmēnīdan ī ān ī yyy hunar ud nērōg ī =šān ast pad bahr ī =šān az =iš arešk ud wad_kamagīh ud pad =iš bēšāzīh awis pēšēmālīg adād_kōšīdārīh =iz
handāzag purr_wattarīh andar huǰadag pad menīdan ī =š ān ī xwēš nērōg azabar hamāg ast huzōr ud tarmēnīdan nērōg tā =iz ān ī ōy ī yazadān abardom ud ān ī dēwān mazantom nērōg
u =š zyān ī az =iš gišnag zīndagīh čiyōn tēz_wanīyīh ī ān ī yyy druz abar dast ī mard mānišn sāmān karisāsp paydāg
abar nē ast ud nē bawēd sazīdan ī ēč atuwānīg abar wehīgān buništ dādār ohrmazd ud kanāragōmandīh ud akanāragīh =iz ī =š tuwān az pōryōtkēš gōwišn az nigēz ī weh_dēn hād
abun wehīgān buništ dādār ohrmazd wisp_āgāh ud wisp_tuwān wisp_xwādāyīh nē ast ud nē bawēd nē būd abar ōy weh_kām ī kirbakkar ast tuwān
ēn =iz paydāgīh ka tuwān harw andar šāyēd ud parwand ōy ī wispān hambuništ šāyēn harw tuwān u =š tuwān pad ān ī andar šāyēn parwastag kanāragōmand ud pad ān ī abrīn akanārag čiyōn kanāragōmandīh =iz ī =š pad stī ud akanāragīh ī ī =š pad zamānag
abar dādār wizīn mardōm passand ud mardōm wizīn dādār passand kunišn az nigēz ī weh_dēn hād
ān ī kas az weh_dēn āgāhīh pad =iš wurrawišnīg kunēd kunišn ast ī dādār wizīn mardōm passand ān ī az xwēš xrad rāst_dōšagīg dastwarīhā kunēd mardōm wizīn dādār wizīn passand =iz guftan ī xūb tā padisāy fradomīh ī dādār pad =iz harw xradīh pad =iz ān ī kas az xwēš rāst_wizīn xrad kunišn wizīn ī dādār pēš
abar weh_dēnīg pahrēz ī ātaxš ud āb =iz az tārīk bōzišn ī anar xwēš wimand az nigēz ī weh_dēn hād
gētī xīrān hamāg āhang ī abāz ō xwēš bun_ox čihrīg ud ātaxš bun_ox wāyīg ātaxš āb bun_ox būmīg zrēy ast čihrīg ul_hanǰišnīh ātaxš ō wāy ud frōd_wirāyišnīh ī āb ō būm pad =iš nāmčištīg daxšag ud zrēy pad mwyhišnīh ō wāy ud wāy pad garmīh ud xwēdīh_dahišnīh ī ō tanōmandān mardōm ud abārīg ī gētī tanōmandān zāyišn winnārišn azišīh paydāg ān ātaxš āb apahrēzišnīg ālūdagīh ārāyēnd ham ālūdagīh az zrēy pad xwēdīh_dahišnīh ī hamē ud ō wāy ud az wāy pad garmīh_dahišnīh paywastagīhā ō gētī tanōmandān hambadīg ān ī ka garmīh ud xwēdīh ud anālūdag ud pāk būd hē pas paywandišn ō tanōmandān mardōm =iz tan u =š bēšāzīh ud druyist būd pad ālūdagīh rēmanīh ud mardōm =iz tan u =š wēmārīh wisp_argīh bawēd ud purr_bēš ud purr_bīmīh az ēd bē čimīg ast ātaxš ud āb pahrēz ī weh_dēn andarz az kēšdārān kē arzīh ī ātaxš ud āb pad ālūdan ī abar rēmanīh ud nēkīh kēš mardōm wēmārgarīh ud margēnīdārīh ud ān kēš dastwar mardōm dušmenīh =iz daxšag
abar dēn andarzīg ēwēnag ī rāyēnīdārīh ī hudēn mardōm andar āwāmīhā az nigēz ī weh_dēn hād
hudēn mardōm abrāz_āwām ī =šān xwēš ud nišēb_āwām ī padīragān pad frāz xrad hunarīg yyy arwandīhā tuxšāgīh ud āškārag grīwīh wuzurg_menišnīh ud tagīgīh ud abrāst_drafšīh ud abrāz_āwām ī =šān padīragān ud nišēb_hangām xwēšīh pad xradīg abāz tuštīh ud nihān_grīwīh ud ēr_menišnīh hunsandīh bārestānīh ud nigūn_drafšīh rāyēnīdan dēn andarz ēd ēk pad =iz murwān ud xrafstarān =iz tarr ast ī paydāg čiyōn mad šab ī tāb tamīgān ud abrāz rōšnīgān nišēb parastīhā rōšnīg murwān bast_*wāngīh tamīg xrafstarān wišād_čaragīh ud nazd ō rōz ī rōšnīgān abrāz ud tamīgān nišēb parastīhā tamīg xrafstarān hušk ud tuštīh ud rōšnīg murwān wišād_wāngīh paydāgīg
abar āstawānīh ī pad dēn abāz stāyīdan ī az =iš gēhān az nigēz ī weh_dēn hād sāmān ī āstawānīh ī abar weh_dēn azabar andar xwēš darag paydāgēnīd abāz stāyīdan ī hangirdīg dō ēwēnag ahrimanīg čiyōn anast menīdan ag_dēnīg čiyōn aweh menīdan ī weh_dēn
abar weh_dēnīh ud agdēnīg adēnīh xwadīh nām ud čē =šān az nigēz ī weh_dēn hād
weh_dēn asnxrad ham ud wisp_frazānag_pēsīd mādayān abar āgāhīh hambār weh_mēnōyīg warz_dāštār abardom yazad pad yazadīh ud hamēyīg hamāg_wehīh ud dādārīh ud dāštārīh ud čē aw =iš hamsāzag ud stāyīdārīh ud ērīh bun paymān mādī dādestān xwadīh ahlāyīh kadag ud xwadāyīh ham_nāf pad =iš āstawānān xēm wirāstār ud xrad abzāyēnīdār ud xwarrah waxšēnīdār pad abāgīh ī ān ī =š ham_nāf ud abar_ēstišnīh amaragān mardōm āwām wehīh ud gēhān xwāhrīh ud ēbgad wānišn ud dām bōzišn az =iš āsrōnīh ud artēštārīh ud wāstaryōšīh ud hutuxšīh ud mazdēsnīh ud dahmīh abārīg =iz hunar ud kirbag ud wehīh andar
ud agdēnīh waranīgīh mād ud frazānagīh hamēstār ud drō afsān ī hambār ud wattar mēnōyīg škeftīh nihištār ud dēw pad yazadīh brāh dahīgēnīdār ud druz pad yazadān nām yaštār ud adādestānīh pad dādestānīh nām rawāgēnīdār ud frāybūd ud aybibūd mād ī ud drōzanīh gilistag sāstārīh ham_nāf ud āstawānīh pad =iš xēm dušēnīdār ud xrad nigūnēnīdār ud xwarrah kastār pad anabāgīh ī =š ham_nāf sāstārīh ud frēftagīh pad =iš amaragān mardōm wattarīh gēhān dušxwārīh ud ēbgad zōrēnīdārīh ud dahišnān ī weh škarwēnīdārīh az =iš ahlomōγīh ud sāstārīh ī ud gurgīh ud frēftārīh ud dahīg dēwēsnīh ud kastārīh ud abārīg ī āhōg bazag ud wattarīh andar
ud agdēnīh xwad_dōšagīh ham ud frazānagīh brādarōd āgāhīh hamēstār ud mēnōy wurrawišn petyārag yazad_nēstīh drāyistār u =š anēmēdīh ud adahmīh ud anērānīh ud ǰādūgīh =iz andar
abar yyy āfurrišn dahišn ī dādār ohrmazd dām az nigēz ī weh_dēn hād
afurrišn ēwāz ī dām fradom pad mēnōyīh
ast mād ī ud tōhmag mēnōyīg ud pad nērōg gētī nimāyišn čiyōn pašm kē rištag ud wahān =iz ud zarr kē abesar ud sem kē ǰām =iz ud āhen kē bēl =iz ud dār kē dar =iz ud bun kē bar =iz ud zāhāg kē zahag abārīg mād ī kē xwēšīg dahīg pad nērōg dahišn ī ēwāz ī dām az mēnōyīh ō gētīyīh wardēnīdan
ud ast dahīg az mād ī ī =š pad nērōg būd
čiyōn rištag az pašm ud abesar az zarr ud ǰām =iz az sem ud bēl =iz az āhen ud dar =iz az dār ud bar =iz az bun ud zahag az zāhag abārīg dahīg ud az ān ī =š xwēš mādī bun_mādī dahīg pad nērōg xwānīhēd =iz tōhmagān tōhmag ud adēsīdag ud stī ud dahīgān buništ u =š dēnīg nām bawišn =iz
ud mayānag =iz mādī dahīg ud pad nērōg čiyōn ādur āb kē =šān pad nērōg zīndag =iz dēsagān xwānīhēd tōhmag dēsag =iz fradom azišīh stī buništ u =š dēnīg nām bawišn_rawišnīh
ud abdom mādī pālūdag az =iš mādī čiyōn mardōm u =š mādīyīh ān ī xwad hamkirb čiyōn pid ud mādī ast ān ī xwad hamkirb pus xwānīhēd čiyōn hudēsag u =š sūd nām bawišn_ēstišnīh kē =š abēr ēwāzīg tan and and mardōm kār ī and yyy
abar se ēwēnag abzār frazānag brīngar dādār ohrmazd pad kanāragōmand zamān ō čahār ēwēnag kunišnīg abāz_kird az nigēz ī weh_dēn hād
čahār_abzārīh frazānag brīngar dādār ohrmazd pad kanāragōmand zamān ō čahār ēwēnag kunišngarān baxt dō ī huīh nērōg pad rawāgīh ī abzōn ī pad =iš uskār ī =šān pad nērōg ud dō dušīh nērōg pad sazišn agārīh ī dušīg_kār ī =šān pad zōr
čiyōn hēnd hangirdīg ī wisp_rāyēnišn kār ī andar zamānag ī šaš hazangrōzim kanāragōmand zamān pad =iš waštan wardīdan ud paydāgīg brahm ī āwām az kunišn tā frazām ī gētī
u =š ēk āsrōnīh brahm weh abēzag_rāyēnišnīgīh kē ka spennāg_mēnōy zay ō xwēš xwadīh dōšišn pad =iš baxt kē =š xwēš bazišn pad kanāragōmand ka frazām_pērōzīh ī =š abar ēbgadīg bowandag_wānīdārīh ud abesīhēnīdārīh az xwēš dām ēn brahm xwānīhēd spennāg_mēnōyīh =iz ohrmazd xwad xwadīh ī =š ast paymōg
u =š sazīg andar abardar mēnōyān mādayān pad wahman mānsrspand ud andar bālist_wāzišnān rāyēnāg xūb rōšnān bagān andar waxšīgān pad rawāgīh ruwān andar mardōm tan andar hunarān pad xrad andar barišnān pad ērīh ud hunsandīh andar xēmān pad ān ī āsnūdag menišn ān ī arišūxt gōwišn
ud gētī dēsagān pad mard ī ahlaw andar pēšagān pad āsrōnān paymān pad ōy kē gētīyān abardom yyy ud andar paymōgān pad ān ī rōšn spēd paymōzan ud andar hugārān pad weh waxšēnīdan wattar zadan
ēk sāstārīh brahm wattar anabēzag_rāyēnišnīh kē ka gannāg_mēnōy zay ō xweš xwadīh dōšišn kē aw =iš baxt pad zamān az brīngar rāyēnāg bazišn abesīhišn wanī_frazāmīh ī gannāg_mēnōy ī dōšīdār ī ham zay ēn brahm xwānīhēd gannāg_mēnōy xwadīh ī =š ast paymōg
u =š škefttar wirāstagīh andar māzan ī dēwān pad akōman ān ī wattar dēn andar bagān baxtārīh appurdārān kē hēnd abāxtarān pad ān ī abāxtar ī star_ōšmur kēwān xwānēnd u =š dēnīg nām dūr_petyārag andar āhōgān pad dušāgāhīh ud andar barišnān pad anērīh ud ahunsandīh ud andar xēmān pad ān ī dūn_menišn ān ī mihōxt gōwišn
gētī dēsagān pad druwand mar pēšag petyāragān pad sāstārīh ud andar pad =iš petyāragān pad ōy ī dušdēn ud dušoxīgān ud andar paymōgān pad ān ī ēr_dēn paymōzan ud andar duškārān pad weh zadan wattar waxšēnīdan
ud ēk artēštārīh brahm weh gumēzag rāyēnīdārīh kē ka hangirdīg hufrāyēnīdārīh ayārīh āsrōnīh hudānāgīh zahāg amāwandīh ud wirāstārīh ī dādestān ayābēnīdār ī ō kadār =iz =ēw ān ī ō meh_dādestānīh xēm dahišn sūdīh ayār kē aw =iš baxt pad zamān az brīngar rāyenāg bazišn ō xwēš frazām_sūdīh hambunīh ī wāy abar andar harw dō tā frazām padīruftār ī andar zay ud ēn brahm abarkār wāy xwadīh paymōg
u =š mādayān andar yazadān mehmānīh pad wāy ī mēnōyīh ī rah =iz nām xwad ast ud spihr ud spihr =iz xwānīhēd abar =iz tagīg wād_wāyīh ī =z mardōm ud andar hunarān abar_tagīgīh ān ī mardān ham mardāzūgīh ud andar barišnān pad wirāymān dādestānīgīh ud andar xēmān pad kāmag ī frārōn ud ān ī meh_dādestānīhā kār
ud andar gētī_dēsagān pad ān ī tagīg ud arwand tan ud andar pēšagān pad artēštārān ud andar paymān pad arwand spāhbed ud andar paymōgān pad ān ī yyy yyy paymōzan kē pad harwist pēsišn_pēsīd ēstēd pad sem ud zarr ud yyy ān =iz ī bē widābāg yākund ud andar kārān pad meh_dādestānīh ī hām_dahišn zadan ud waxšēnīdan ī harw dō weh ud wattar
ēk xwad_dōšagīh wattar gumēzag rāyēnišnīh kē ka hangirdīg ī dušrāyēnīdārīh ham yyy sāstārīh dušāgāhīh hamēstār ī hamēstār ī rāyēnīdārīh passazagīh ud anēwēnīh ud hištan škōyīh ud abrāstagīh brādarōd gušnīh ud anāštīh ud ahlomōγīh čihr kē aw =iš baxt pad kanārōmand zamān brādarōd az brīngar rāyēnāg ō xwēš frazāmīh sūdīh čērīh ī harw kāmīg kunišngar kē abāyēd pad =iš
ud ēn brahm waran druz xwadīh u =š škefttar wirāstagīh andar dēwān kē abāyēd abar xurdruš xešm andar bagān baxtarīh appurdārān pad abāxtar ī =š star_ōsmur ī wahrām xwānēnd u =š dēnīg nam yyy andar āhōgān pad xwad_dōšagīh ud andar barišnān pad anayābīh ud āhidīh ud andar xēmān pad ān ī abārōn kāmag ān ī xwad_dōšagīh dēn ud ān ī frazām ī wišōb_kār
ud andar gētī_dēsagān pad xwad_dōšagān abārōn stēz_marān andar pēšagān hamēstarān pad ahlomōγān andar pad =iš petyāragān pad ān ī huox ud xrad zad dastwar anēr ud andar paymōgān pad ān ī xwad_dōšagīhā brahmag
abar zamān xwad u =š xwadīh ud kanārag az nigēz ī weh_dēn hād
zamān xwad hamē u =š xwadīh drang ud pad =iš ast kirdārīh nērōg stī ast hamēyīg ud ān ī =š pad nērōg az =iš kanārag
ud ǰumbišn ī stī andar wāy pad spāš čiyōn rōšnān wāz bawēd ud wād wāyišn āb tazišn urwar rōyišn ud harw winnir kār andar wāy ud hangirdīg būd bawēd hamāg
abar bawišn bawišn_rawišnīh ud bawišn_ēstišnīh ud stī pad abestāg paydāg wizārišn az nigēz ī weh_dēn hād
bawišn_wimandīg tōhmag ī dēsagān parwand čiyōn ast tisān parwand ud čihrīg zahāg ī zahagān bun čiyōn garm_xwēd wād ud pad griftagīh ristagān bun ud kirrōgīg mādī az ud kirrōg pad =iš dārēd ud dahišn čiyōn zarr mādī az ud kirrōg zarrīgar pad =iš dārēd abesar ud andar gāh dēs ud āhen mādī az ud kirrōg pad =iš dārēd taxt ud dar gāh
ud ēn =iz bawišn xwad ast tōhmagān tōhmag ī gētī bun būdag ī az rah čiyōn dēn gōwēd kū az rah bē bawišn frāz būd ud bawišn_rawišnīh wimandīg dēsag ī andar tōhmag parwastag čiyōn tis andar ast ud čihrīg škōy andar zahāg čiyōn ristagān andar bunān kirrōgīg dēsag ī kirrōgīg dārēd pad mādī čiyōn abesar ud ǰām az dēsag kē kirrōgīg zarrīgar dārēd abar zarr ī =š mādī ud bēl ud tiš dēsag kē kirrōg āhengar dārēd abar dār ī =š mādī ēn bawišn_rawišnīh dēsag ud tōhmagān dēsag ī tōhmagān tōhmag ī =š azēr fradom būdag ī az bawišnān x čiyōn dēn gōwēd kū az bawišn bē bawišn_rawišnīh frāz būd ud bawišn_ēstišnīh wimandīg ēwāz parwastag ī andar tōhmagān ī =š azabar xwēš čiyōn kas andar tis ud čihrīg tōhm andar zahāg dištagīh čiyōn mardōm tōhm andar mādar zahr ud kirrōgīg dast_kārīh ī kirrōg abar mādī čiyōn ayōšust ī tābišn widābišn ud kōwišn dār burrišn ud tāšišn bawišn_ēstišnīh būdag ud ast ī az bawišn_rawišnīh čiyōn dēn gōwēd kū az bawišn_rawišnīh bē bawišn_ēstišnīh frāz būd ud stī wimandīg ēw_tāyag tanān čiyōn wāhmān tis ud wāhmān kas ud čihrīg čiyōn bowandag nigārdagīh ī zahag andar burdār uruspar ud kirrōgīg nāmčištīg abesar ud sem kirrōg ud zarrīgar az zarr nāmčištīg taxt dar ī kirrōg durgar az dār kunēd ud stī_būdag ast ī az bawišn_ēstišnīh bē stī frāz būd ud az stī nāmčištīg tis ud kas kār ī ān tis ud kas čiyōn bawēd kū az stī bē ān ī andar harw dō mēnōy ō_ham būd frārōnīh abārōnīh
abar pahlom dah andarz ī ahlaw zarduxšt ō mardōmān az nigēz ī weh_dēn hād
pahlom dah andarz ī ahlaw zarduxšt ō mardōmān
ēn ēk ērīh winnārišn rāy ēr āstawānīh ī abar dādār ohrmazdud āstawānīh abar gētī_xwadāyīh ī ān ī dām_panag weh_xwadāy ērīh_fragān
ēk ahlāyīh mehēnišn āstawānīh abar ān ī weh_dēn ahlāyīh bun
ēk dām_rawāgīh rān ōz ī ahūīh xwadāyīh ud radīh dēn_dādestān andar gēhān winnārišn
ēk kadār =iz =ēw ō kadār =iz =ēw mardōm nē nēkīh madan rāy kas =iz rāy anāgīh rāy harw kas nēkīh abāyistan
ēk pazdagīh ī druz az tan rasišn ī yazadān aw =iš rāy xēm wirāstan kārīgīh ī wirāstāg xēm rāy frārōn ī dānēd kār u =š kirdan ān ī nē dānēd abāz pursīdan
ēk pākīh ī az wināh ud payrāstagīh pad kirbag rāy ǰudāgīh ī az wattarān pad harw wattarīh ud hamīh ī abāg weh_dēn pad hamāg wehīh
ud ēk wēš_sahmīh ī dēwān az =iš wēš mehmānīh ī dahmān āfrīn pad tan rāy xwēdōdah warzišn
ēk dušīh wad ī az wināh ud frāx_rāhīh ō kirbag mizd rāy dēn dastwar ī rāst dāštan
ud ēk spāsdārīh ī pad ān ī madan arzānīgīh pad ān ī nōg nēkīh rāy yazišn ud niyāyišn ud paristišn ī dādār ohrmazd amahraspandān abārīg yazadān menišnīg kird
abar dah dušdānāg yyy yyy yyy druwand axt drāyišn padīrag dah rōšn_menišn mēnōy_wēnišn mānsrīg ahlaw zarduxšt andarz kē būd ohrmazd aštag pad āwurdārīh az =iš ō mardōmān ān ī weh_dēn hād
ēk padīrag ān ī ahlaw zarduxšt ērīh winnārišn rāy āstawānīh ī abar xwadāyīh ān ī dām pānag xwadāy andarz dušdānāg druwand axt ērīh petyārag yyy drāyīd
ēk padīrag ān ī ahlaw zarduxšt ahlāyīh mehēnišn rāy āstawānīh ī abar ān ī weh_dēn andarz ud tam_ox druwand axt pad dēn petyāragīh ān ī wattar dād ǰādūgīh rawāgēnīdan drāyīd
ēk padīrag ān ī ahlaw zarduxšt dām rawāgīh winnārišn rāy dādestān andar gēhān winnārdan andarz dušdānāg druwand axt yyy pad anaxwīh yyy gēhān drāyīd
ud ēk padīrag ān ī ahlaw zarduxšt az kadār =iz =ēw ō kadār =iz =ēw mardōm anāgīh nē ud nēkīh paywastan rāy kas =iz rāy anāgīh ud nē ud harw kas rāy nēkīh abāyistan andarz tam_ox ǰādūg druwand axt pad ǰādūgīg mardōm dušmenīh kas =iz rāy nēkīh nē ud harw kas rāy anāgīh abāyistan drāyīd ēk
ēk padīrag ān ī ahlaw zarduxšt pazdagīh ī az druz az tan rasišn ī yazadān aw =iš rāy xēm wirāstan andarz tam_ox druwand axt ud mardōm dušmenīhā pad rasišn ī yazadān ō tan mehmānīh ī dēwān andar tan xēm winastan drāyīd
ēk padīrag ān ī ahlaw zarduxšt kārīgīh wirāstag xēm rāy frārōn ī dānēd kār u =š kirdan ān ī nē dānēd az dānāgān abāz pursīdan ud hammōxtan andarz ǰādūg druwand axt pad dām dušmenīh frārōn ī dānēd az warzišn hištan ān ī nē dānēd nē pursīdan nē hammōxtan
ēk padīrag ān ī ahlaw zarduxšt pākīh ī az wināh payrāstagīh ud pad kirbag rāy ud payrāstagīh ī pad kirbag rāy ǰudāgīh ī az wattarīh pad harw wattarīh ud hamīh ī abāg wehān pad hamāg wehīh andarz ǰādūg druwand axt tom_axwīhā pad yyy ī ālūdagīh ī gēhān pad bazag ud pad =iš ǰādūgīh wēš murnǰēnīdan ī gēhān rāy hamīh abāg wattarān wattarīh ud ǰudāgīh az wehān pad hamāg_wehīh drāyīd
ēk padīrag ān ī ahlaw zarduxšt wēš_sahmīh ī dēwān az mardōm tan ud mehmānīh ī dahmān āfrīn pad tan rāy xwēdōdah warzišn andarz ǰādūg druwand axt ud weh dušmen škeft_zīyišnīh ī =š az xwēdōdah_warzišnīh rāy awarzīdārīh ī xwēdōdah drāyīd
ēk padīrag ān ī ahlaw zarduxšt yōǰdahr az wināh ud frāx rāh ī kirbag mizd rāy dānāg dastwar griftan andarz dušdānāg druwand axt pad afrayādīh ī kirbag mizd ud abōzišnīh az bazag puhl adāšt_srōšīh ud zad_dastwarīh ī drāyīd
ēk padīrag ān ī ahlaw zarduxšt spāsdārīh pad ān ī mad arzānīgīh ī pad ān ī nōg nēkīh az yazadān rāy yazišn ud niyāyišn ud paristagīh ī dādār ohrmazd ud amahraspandān abārīg yazadān kirdan andarz tam_ox x ǰādūg druwand axt pad yazadān dušmenīh dēwān dōšāramīh yazadān yazišn abgandan was ēwēnag dēwēzagīh kirdan drāyīd
abar dah andarz ī ahlaw sen abar dād ī mazdēsn dēn az nigēz ī weh_dēn hād
dah andarz ī ahlaw sen abar dādīh dēn mazdēsn
ēk winnārišn ī azūdār andar gēhān rāy dādīg abāz zadan ǰādūgīg tōzēnīdan ī ōy ī adād zadār
ēk pad xwēš hangārišn ōstīgānēnīdan rāy adād frāz muštār ī xīr ī az dārišn ī xwēšān abāg ān ī xīr u =š abāz ō xwēšān dārišn kirdan sazāg pādifrāh ī pad =iš dādīg tōzēnīdan ī =z ō xwēšāwand ī ham xīr
ud ēk pad bowandag dād rasišnīh ī ō dād xwēšān rāy abāg dādwar ī dādestānīg ud gugāy ī rāst_wizīn weh_dēn warzīg =iz war dōšīdan ud ārāst dāštan
ēk ān ī dādīg dād ud rad pānag =iz ī abar ō hadāmānsrīg gāhānīg dast ī pad =iš abēzagīh ī weh_dahišnān bawēd rāy ōstīgāntar mehēnīdan ud waxšēnīdan
ēk pad =iz ān ī fragān ī gēhān stūn ī xwadāyīh winnārišn iz dēn mazdēsn ōstīgāntar mehēnīdan
ēk čiyōn gēhān frāyēnīdār dād ī dēn mazdēsn gēhān murnǰēnīdār dād ī yahūdīh kēš ān ī dahībedān framān abēzag dādīg u =šān dād ān ī dēn mazdēsn u =šān az ān ī yahūdīg dād pahrēxtan =išān andarz ēdōn =iš guftan
ēk pad dādestān abar =iz ōy ī xwadāy ud dahībed ī gēhān dēnīg xwadāyīh az ān dahībed dādestān abar xwēš abardar xwadāy xwad andar dādestān ērtar bandag būd guftan
ēk abdīh ī wuzurgīh ī dādestān pad =iz ān ī awēšān agdēn pad čand =išān dādestānōmandīh padīruftanīg gōwēd pad =iš ēstēnd az dēn mazdēsn stāyīdan padīruft ēstēn menīdan guftan
ēk dādīg az dādār pad adād_spōzīh ud yyy ī murnǰēnīdārīh ēbgad būd guft
ēk x pad ōz ī dādār dād hamāg adādīh az murnǰēnīdār xwad =iz ēbgad bowandag_wānišnīh mad guft
andarz dah ī dād_wišōb rašn_rēš ahlomōγ u =š ham yyy yyy akwān u =š frēbāgān padīrag dād_ārāstār ahlaw sen drāyīd
ēk padīrag ān ī ahlaw sen winnārišn ī azadārīh andar gēhān rāy dādīg abāz zadan tōzēnīdan ī adād_zadār andarz rašn_rēš ahlomōγ awināh zad kirdan pad wēš zaxm padišīh ud frāz ō adād_zadār wināhgār hunsandīhā abespārd abāyēd wirāst
ēk padīrag ān ī ahlaw sen xīr andar dārišn ī dādīg xwēšān ōstīgānēnīdan rāy adād frāz muštār ī xīr az dārišn ī xwēšān dādīg tōzēnīdan ud puhlēnīdan andarz rašn_rēš ahlomōγ adād wimuštīg awināh anīz xwāstag xīr ō adād frāz muštār wināhgār dād abāyistan drāyīd
ēk padīrag ān ī ahlaw sen rāst dādwar wābar gugāy ud dēn ud nērangīg wizīdan ud ārāstan andarzēnīd rašn_rēš ahlomōγ abgand ī dādīg dādwar ud gugāy ud war az gēhān drāyīd
ēk padīrag ān ī ahlaw sen ēn ī gētī dād pad =iz ud rad_pānagīh ī ō ān ī mēnōy dād stāyīdan ōstīgānēnīdan waxšēnīdan andarzēnīd ud rašn_rēš ahlomōγ gētī dād pad mēnōy petyāragīh drāyīd
ēk padīrag ān ī ahlaw sen dād pad fragān ī gēhān stūn ī xwadāyīh winnārišn ī dēn stāyīd rašn_rēš ahlomōγ gēhān awarzīdan awērān ud yahūd wehīh ud dād pad gēhān abzāyēnīdārīh dēn petyāragīh ud xwadāyīh pad dād nērōgēnīdārīh wattarīh drāyīd
ēk padīrag ān ī ahlaw sen gēhān frāxwēnīdār dādestān dahībed anāmēxt dōšīdan ud abar gēhān rāyēnīdan ud gēhān nirfsēnīdar ǰādūg ast dahībedān az =iš pahrēxtan az gēhān ānāftan framūdan andarzēnīdan rašn_rēš ahlomōγ gēhān nirfsēnīdār dād stāyīdan ud dahībedān ham dād dōšīdan ud abar gēhān rāyēnīdan ud gēhān frāxwēnīdār ǰadūg ēdōn dahībedān az ham dād pahrēxtan ud az gēhān abgandan ānāftan abāyistan
ēk padīrag ān ī ahlaw sen dahībedān dādestān abar xwēš abardar xwadāy xwēš tan ērtar bowandag ī dādestān ī dāštan andarzēnīdan rašn_rēš ahlomōγ gētī ārāyišn bazag u =š ārāstār dahībed bazakkar drāyīd
ēk padīrag ān ī ahlaw sen abdīh ī dād pad =iz ān ī agdēn =z čand =išān dād padīruftan pad =iš ēstēnd az dēn mazdēsn stāyīdag padīruftag guft rašn_rēš ahlomōγ dēn kē =š gētī ārāstār dād andar wād nē dādār kām ud dēn astīh drāyīd
ēk padīrag ān ī ahlaw sen dād bun kunišn ud ox pad =iš ānāftan ī adād_must ī az ān ī murnǰēnīdār guft ud rašn_rēš ahlomōγ gētī ārāstār dād xwad az murnǰēnīdār ahriman būd drāyīd
ēk padīrag ān ī ahlaw sen dād frazām pad =iš ānāftan ī hamāg must ī az ān ī murnǰēnīdār ēbgad uč xwad =iz ēbgad pad =iš wānīdan ud ānāftan guft rašn_rēš ahlomōγ gēhān az ōy ī dādār ō wanīhišn winastagīh ud pad frazām ō bowandag winastagīh ud nēstīh =iz madan drāyīd
abar dah andarz ī hufraward ādurbād ī māraspandān anīz pōryōtkēšān ī ahlaw zarduxšt dēn hād
dah andarz ī hufraward ādurbād ī māraspandān anīz pōryōtkēšān ī ahlaw zarduxšt dēn hād ēn =iz hād
abārōn kēn pad menišn ma dārēd kū =tān stahmag dušmen abar nē rasād
appurrīhā hambār ma sāzēd kū =tān sahmgen niyāz abar nē rasād
weh mehmān padīruftār bawēd kū =tān ānōh weh padīrēnd
zan az tōhmag kunēd kū =tān paywand rāsttar rawād
pad pēšēmālīh ud pasēmālīh dādestān rāšt rāyēnēd ud kū pad dādestān bōxtār bawēd
az adādīhā kuštan ī gāwān gōspandān kuštan pahrēzēd čē =tān āmār škeft pad =iš bawēd
gētī pad buništag ma dārēd čē dīg nē būd
xīr ī gētī pad yazadān bē hilēd ud abar kār yazadāh rawēd ud abēgumān nazd =išān bawēd ō ašmāh ēdōn yyy čiyōn =tān pad tan ud ruwān pahlom bawēd
ud xīr ī mēnōy xwēš rāy xwad gīrēd čē ka =tān az xwēš tan bē kird ēg =itān az hamāg gēhān bē kird bawēd
yazadān pad xwēš tan mehmān kunēd ud ka =tān pad xwēš tan mehmān kird ēg =itān pad hamāg gēhān mehmān kird bawēd ud gyāg =ēw wāy andar =ēw wāy xwēš tan bē wirāyēd u =tān hamāg gēhān wirāst bawēd
dah ī druz astag mānī ud padīrag ān ī ahlāyīh ārāstār ādurbād ī māraspandān andarz drāyīd
ēk padīrag ān ī ahlāyīh ārāstār ādurbād ī pad menišn nē dāšt andarzēnīd druz astag mānī kēn abārīg druzān gilistag mardōmtan andarzēnīd druz astag mānī pad ud awarzišnīh čāštagīh ud yyy hambār ī mardōm ī gēhān xwarišn ud dārišn abesīhēnīdan ī yyy ī yyy ī =š niyōšāgān nāmēnīd appurīhā hambārd dawīd
ēk padīrag ān ī ahlāyīh ārāstār ādurbād weh mehmān padīruftan andarzēnīd druz astag mānī mān =iz ī =š mehmān andar padīrišn bawēd yyy dawīd
ēk padīrag ān ī ahlāyīh ārāstār ādurbād ī zan az tōhmag kirdan andarzēnīd druzistag mānī zan ud zan az =iz bē_tōhmag pad paywand rāyēnīdan ō =š paristagān bazagīh dawīd
ēk padīrag ān ī ahlāyīh ārāstār ādurbād pad pēšēmālīh pasēmālīh dādestān rāst rāyēnīdan andarz druz astag mānī dādestān dād dādwar az gēhān ānāftan dawīd
ēk padīrag ān ī ahlāyīh ārāstār ādurbād az adādīhā kuštan ī gāwān gōspandān pahrēz andarz druz astag mānī pad gēhān_awarzišnīh ī dawīdan dārišn ī hammis mardōm ānāftan gōspand abāg mardōm abesīhēnīdan dawīd
ēk padīrag ān ī ahlāyīh ārāstār ādurbād gētī buništag rāy dāštan andarzēnīd druz astag mānī fragān pad stūn ī kundag druz ī =š buništag wirāstan dawīd
ēk padīrag ān ī ahlāyīh ārāstār ādurbād xīr ī gētīh pad yazadān frāz hištan andarzēnīd druz astag mānī gētī xīr abēstūn wināh u =š kirdār ud dādār bazakkar dawīd
ēk padīrag ān ī ahlāyīh ārāstār ādurbād xīr ī mēnōy xwad xwāst andarzēnīd druz astag mānī weh mēnōy andar drōzišn ārāstagīh u =š anēmēd ud bōxtišnīh =iz dawīd
ēk padīrag ān ī ahlāyīh ārāstār ādurbād duz az tan bē kirdan andarzēnīd druz astag mānī mardōm tan druz dawīd
ēk padīrag ān ahlāyīh ārāstār ādurbād yazadan pad tan mehmān kird andarzēnīd druz astag mānī yazadān pad tan mehmān nē bawēd bē andar tan bastag ast dawīd
ēk padīrag ān ī ahlāyīh ārāstār ādurbād andarzēnīd druz astag mānī
ēk padīrag ān ī ahlāyīh ārāstār ādurbād ēw wāy andar ēw wāy xwēš tan gēhān wirāstan andarzēnīd druz astag mānī gēhān hagriz wirāstār bawēd bē =iz pad ādur ī ǰāwēdān_sōz wišōbīhēd dawīd
abar dah andarz ī anōšag_ruwān husrawišāhān šāh ī kawādān ō ērān hanǰamanīgān pad dastwarīh ī ohrmazd dēn
ēk menišn tar xwēš ox widār ō abardar gētī ox dēnīg dahībed ud tar ōy ox widār ō abardom mēnōy dādār ohrmazd abēzag dōstīhā paywastag ud pad paywastagīh ī menišn pad abēzag dōstīh abēzag dōstīhā paywastan pad paywstagīh ī menišn pad abēzag dōstīh ō abardar abardar abardom ox ī dānāgīhā bowandag ud tuxšāgīg gōwišn kunišn ayārīhā dō axwānīg nēkīh spurr xwēšēnīdan
ēk weh_dēn pad ox paywand menišn rāstīh pad hudānāgīhā gōwišn ud rādīh pad pahlom wizīn kunišn ōstīgānīhā ss kirdan
ēk dēn mazdēsn čiyōn abar pōryōtkēšān druyist puhl andar mad ō čār pad ham wābarīgān puhl paywastan
ēk ahlomōγān čāštag ud kardag az ērān_šahr bowandag wānīdārīhā abesīhēnīdan
ēk čāšišn ī dēn mānsr ud ēzišn ud kardagān ī yazadān hammis dād ēwēn pad čāštag ud kardag ī hāwištān ī ādurbād ī māraspandān ī az yyy deh būd kirdan
ēk padīrišn ī mardān ī ahlawān hubarišnīh ī ātaxš ī abzōnīg yōǰdahrīh ābār ī wehān az ērān dehān nē wisānīdan
ēk dēn ud dānāgīh yyy menišn aw =iš dahišn pad bowandag tuxšāgīh waxšēnīdan ud ō awestwār_xēmān frāxīhā rādēnīdan ud az wadag ahlomōγān darbušt pād
ēk yazišn kardagān ī yazadān purr_paymānīhā andar ērān dehān abzāyēnīdan
u =š hambadīg dēwīg x uzdēs asrušt zadan škastan abgand
ēk ō ān ī amāh dād pad rawāgīh ud frāx_wistarišnīh menišn nērōg tan =iz gyān abespārdan
ēk zōr ud ādān ō xwēšīg xwadān ayārīh paywastan ud az yyy ud hamēmāl brīd
abar dah gurgīh ī dehān ō wardag tuxšāgīhā rasēnīdār wēš ruwān bandag pad kāmīg zaār gišnag xwadāyīh ī dušdēn druwand mar pad petyāragīh ī ērān dehān ān ī weh_dēn
ēk frēftār ahlomōγīg purr_zafar_hixr āz_andarōn_pōst ud ānāftan yyy abar =iš ī gētīh xwadāyīh ud xwāstag frāy_hunsandīhā ī =š bē xēm ō bērōn āhuftan nimūdan
ēk ō_ham gurgīh frēb ayārīh ānāftan ī xwadāyīh paymōg ud brāh ud bām mādī ud abrang ud niyābag
ēk dēn ī ohrmazd rawāgēnīdārīh pēšōbāy abar xwēš nāmēnīdan ud pad harwist ox ī astōmand ahuīh ud radīh pahikārdan ud pad ēd frēb was gursag ud brahnag wizārd_wars dēw ō xwēš hāxtan ud ham kirdan pad rōb ud ēwar ud wardag_tuxšišnīh ī ērān dehān andar hištan
ēk dād pad gōwišn was ud wuzurg stāyīdan pad kunišn abāz_waštag kirdan
ēk ātaxš zadārīh yyy bēšīdārīh ud zamīg ayōǰdahrēnīdārīh ud gōspand apaymān anēwēn kušīdārīh mardōm gōspand yyy kirdārīh ohrmazd dahišn kāhēnīdārīg andarz
ēk nizārēnīdan ī ahūīh xwadāyīh ud radīh dēn andar ērān_šahr
ēk andar ērān būm ān ī ēstišnīh wināh yyy yyy kirdan ud mardōm ī ham būm u =šān dēn ō dēw_xēm ud ahōg ud brāh wardēnīdan u =šān āz ō dānišn dušmenīh ud ǰud_šnōhrīh hištan šarmgāh yyy madanīh ud widāxt ēmēdīh mardōmīh zāmēnīdan pad yyy yyy abārīg anāgīh ō murnǰēnišn ī gannāg_mēnōy dād
ēk pad ulīh ān ī keh ud pad nigūnīh ān ī meh kirdan
ēk āzādīh zahag rādīh anastīh ud padīh gumēg ud azēragānīh ast_īgīh hammōxtan
ēk sūdōmand dahišnān petyāragīh ud ud gurgān yyy dōstīh ud stāyīdārīh hammōxtan
ēk band abar wināh yyy bīm ī az dušox yyy
ēk ō dahišn waxsēnīdār ham dah andarz abārīg frārōn dād wēmārīh_škenn ud ō dahišn nirfsēnidār dah dahāg andarz hammis ī abārōn dād zūr dād
abar wehīh wehīh ud wehīh bun ud wehīh rawāgīh ud wehīh wimand ud wehīh wahān wehīh čim hangirdīgīh u =š zahag ōšmurišn ud wehīh yyy ud wattarīh rawāgīh ud wattarīh wimand ud wattarīh čim ud wattarīh hangirdīgīh ī u =š hunušag ōšmurišn ud wattarīh rāyēnišn pad bun ud mayān frazām az nigēz ī weh_dēn hād
wehīh ōstīgān wehīh spennāg_mēnōy
ud wehīh bun ham ō weh_dēn ast ān ī kadār =iz =ēw ī pad abar_rasišnīh ud pad =iš kirdārīh sūd
ud wehīh ī rawāgīh ī ōy hašt =iz xwadīh ī ast dānišn ī rōšnīh ī dānišn pad ǰud_nihādagīh hamwimand ud kām nērōg abzār ud tuxšāgīh ud weh_dēn ud dmān
u =š paydāg az hamāg mēnōyīg ud gētīyīg ud wehīh rāyēnāg ōst ī ī =šān pad wehīh rāyēnāgīh awizīrišnīg ast dānāgīh ī awisānišnīg az rōšnīh ī abar dīd kē pad =iš astwand ud wmwydwd weh_dēn ud gāh kām kē pad =iš abāyēd wehīh ud nērōg abzār ud tuxšāgīh ud amāwandīh kē wehīh nērōg stī pad =iš andar kunēnd weh_dēn
wimand ī wehīh ān ī =š plšmišn az xwēš aplšmišnīh az bē xwēš čiyōn zīndagīh ī pad xwadīh abāyišnīg u =š anabāyišnīgīh az bē xwēš ast wēmarīh ud waštīh ud zarmānīh wināh druwandīh
ud wahān ī wehīh andar dahišnān xwadīg wehīg rādīh ī dāmān yyy xwadāy dādār ohrmazd
u =š čim abāyišn kām ī =š abar dahišnān sūd madan ī =š wehīh ō dahišnān
ud wehīh hangirdīg paymān
u =š zahag dād zahag ōšmurišn xrad xēm ud šarm ud mihr ur rādīh ud rāstīh spāsdārīh abārīg ī hunarān pad =iš amahraspand hammis abārīg mēnōyān yazadān x pad =iš amahraspand hammis abārīg mēnōyān yazadān x xwadīh mardōm zīndagīh ud druyist_ābādīh ud xwadāyīh ud dēn_dānāgīh ud kirbag_ahlawīh ud hammis gētī weh_dahišnān nēkīh_winnārišnīh
ud wehīh rāyēnišn pad bun_dādārīh ī rawāgīh ī dām pad mayān dām winnārišn paywandišn ī
ud wattarīh wānīdārīh pad frazām ēbgad bowandag wānīdārīh az =iš ud hām_dahišn bōzišn abēzagīh ǰāwēdānag nēkīh ud wišīdāy
ud wattar ōstīgān wattarīh xwadīg dušāgāh gannāg_mēnōy
wattarīh bun ān ham ud wattarīh ast ān ī kadār =iz =ēw pad abar_rasišnīh zyān
wattarīh rawāgīh ī ōy wattar gannāg_mēnōy zūr_mihōxtīh ī ud tam zūr_mihōxtīh ǰud_nihādagīh hamwimand ud kām nērōg ud tuxšāgīh ud abzār ud gyāg ud dmān
u =š paydāgīh az ān ī wattar_kirdārān pad wattar_kirdārīh dārēnd tamīg mihōxt kē pad =iš wattar čēhēnd ud menēnd ud kam kē pad =iš wattar abāyēd nērōg wizandišn abzār ud dmān gyāg kē wattarīh pad stī pad =iš ud andar kunēnd
wimand ī wattarīh ān ī pad xwadīh aplšmīgīh u =š plšmišn az bē čiyōn margīh pad xwadīh anabāyišnīg ud ēstišnīg u =š abāyišnīgīh ud stāyišnīgīh az bē ī ast wēmarīh waštīh zarmān škōhīh ud bēš ī wattar az marg
wahān ī wattarīh andar gētī ud mēnōy dāmān hamāg_wadīh bun gannāg_mēnōy ēbgad
ud čim ī rasišn ī ō dāmān wehīh ebgadīg anāgīh kām ī ōy druz pad zyān ī spennāg_mēnōy dāmān āhōgēnīdan ī =šān pad ān ī wattarīh bun wahān ī harw anāgīh
ud wattarīh hangirdīgīh frāybūd ud aybibūd
wattarīh hunušag adād ud hunušag ōšmurišnān āz ud xešm kēn ud arešk ud druxtārīh druwandīh ud penīh ud anespāsīh ud abārīg ī āhōgān ī pad =iš dēw druz dušxwadīh u =š mardōm sāstārīh ud ahlomōγīh wēmārīh ud škōhīh ud dušāgāhīh ī wināh druwandīh ud hammis abārīg gētī dahišnān anāgīh wišōbišn
ud wattarīh rāyēnišn pad bun dāmān āhōgēnišn pad mayān kōšišn ī ud āšōb ī andar gumēzagīh pad frazām frazānīhā rāyēnīdārīh ī weh spennāg_mēnōy wānīdagīh ī pad wehīh nērōg
kēšdārān kē bun ēk kēš ī =šān ān bun spennāg gannāy ud weh ud wattar stāyīdag nikōhīdag guft bawēd
abar wāspuhragānīh ī abestāg ān ī zand az nigēz ī weh_dēn hād
yazadān pad hampursagīh ī āgenēn āgāhīh mēnōy barišnīg pad dānišn xwadīh u =šān ō mardōm āgāhīh waxš abar barišnīg az ān čē =šān gōwišn ō amaragān mardōm ī =šān waxš abar_barišnīh ō mardōm pad xēm srādag ēwāz hambarišnīg yyy bawēd
az abestāg wāspuhragānīh ēk xēm srādag mardōm hambarišnīg gōwišn ī yazadān andar mazdēsn ēwāz az zand wāspuhragānīh ēk wēnēnd andar =iš ēk_ēk wāzag šarmgen mayānag stabr wēnišnān =iz dānišn ī frayādišnīg pad bōzišn ī ǰud_ǰud
abar dēn ī mazdēsn xwēš axwēš pad madī ast pad =iš šnāsīhēd az nigēz ī weh_dēn hād
xwēš x abērtar ān ī dōst ud dōstīh ēwēnag dō menišnīg nimāyišnīg
ud kē dōstīh menišnīg ud nimāyišnīg ō mazdēsn hamāg_xwēšīh ī mazdēsn axwēš ī dēwēsn ud kē dōstīh menišnīg ō mazdēsn ud nimāyišnīg ō dēwēsn frāy_xwēšīh ī mazdēsn ud kem_xwēšīh dēwēsn kē dōstīh menišnīg ō dēwēsn ud nimāyišnīg ō mazdēsn frāy xwēš ī dēwēsn kem xwēš ī mazdēsn ud kē dōstīh menišnīg ud nimāyišnīg ō dēwēsn hamāg_xwēšīh ī dēwēsn axwēš mazdēsn
ud mazdēsn ēn dēn bē šnāxtan ud wistāxwīh ī abar kas mādī xwēšīh passazag kirdan mādayān rāyēnīdārīh zamānag
abar ohrmazd xwad xwadīh u =š mēnōy ud gētī ud nām paydāgīh ud any ī ǰud az =iš az nigēz ī weh_dēn hād
ohrmazd xwad abzōnīg mēnōy wisp_wehīh nērōg stī
u =š xwadīh passazag xwad x harw mēnōyīg ud gētīyīg weh wehīh azišīh
u =š mēnōy andar azišīh harw dō wēnišnīg agīrišnīg tis ī weh pad hamāg mēnōy ud mēnōytomīh mēnōyān menēnd
u =š gētī andar azišīh harw wēnišnīg gīrišnīg tis ī weh pad hamāg gētīyīg ī ud weh ud gētīytomīh gētīyān xwadāy
u =š mēnōy gētī andar azišīh harw wēnišnīg agīrišnīg ud gīrišnīg awēnišnīg tis ī weh pad hamāg mēnōy gētīyīh ī weh mēnōy ud gētīyān menēnd gētī
u =š xwadīh arzānīgīh spennāg_mēnōy dādār ohrmazd ud yazad abārīg ham passazag u =š paydāgīh xwadīhā
any ǰud hamāg azišīg ī ǰud az ōy azišīh ud ō ōy ī azišīh xwad apassazag pad azišīh
harw azišīh pad xwadīh winnirdan šāyēd rāy ān azišīh az any aw =iš ham passazag xwad sazēd ī =š nām xwadīh arzānīg gannāg_mēnōy ud murnǰēnīdārīh ud dēw ud druz abārīg ī hampassazag u =š paydāgīh az xwad azišīh
ud kēšdārān kē wad ǰōmāy nēk yazad azišīh kēš ī =šān abar yazad gannāg_mēnōyīh =iz guftan spennāg_mēnōyīh az =iš bē guft bawēd
abar ǰuttar tis ī pad āgenēn_barišnīh nē sazēd ud ān ī sazēd az nigēz ī weh_dēn hād
az ǰuttar tis ī pad āgenēn_barišnīh nē sazēd ēk x xwad abāyišnīgīhā dādārīh ud murnǰēnīdārīh ud waxšēnīdārīh ud zadārīh ī ud hammis ī ēk plšmišnīg ēk aweštābāg ī xwad xwēšīg
ēdōn =iz abar ēk ī pad ēkīh ōstīgānīhā dānāgīh ud dušāgāhīh ud rāstīh ud druwandīh bowandag_menišnīh ud tar_menišnīh ud dādīgīh az mustīg_garīh xwābarīh x x anāmurzīgīh ud rōšnīh ud tārīkīh
ud abārīg =iz ī ēk dānāgīhā ud hučihr pad =iš stāyišnīgīh ēk dušāgāhīhā ud zišt ud pad =iš nikōhišnīg
ud ān ī ka pad ēk mardōm ham ǰuttarīh paydāg az ān čē pad mardōm gumēxtag ast ǰud_wahānīh ī hambadīg ud nē =iz ōstīgān pad ēkīh dānāgīh bē az ōy ēk dānāg xwadīh
pad dānāgīh xwadīh ōstīgān awardišnīgīh ī =š az xwadīh rāy ān ī zišt ī nikōhišnīg nē hamāg ān ī hučihr ud stāyišnīg sazīdan
ud ǰuttar tis ī pad āgenēn_barišnīh sazēd pad =iz ēk dānāg stī ōh bawēd čiyōn kištan ud drūdan ī ēk az did ǰuttar ud nē hambadīg bē winnārdār hēnd ēk ō did pad ān ī kišt abāyišnīgīh az drūdan drūdan spurrīgīh kištan
nē čiyōn zīndagīh ud margīh ī guftan yyy kū zīndagīh abāyišnīgīh ī az margīh ud margīh spurrīgīh zīndagīh
ud kēšdārān kē abāg dādārīh murnǰēnīdārīh =iz ud abārīg ǰuttarīh ī pad āgenēn_barišnīh abar ēk dānāg stī nē sazēd pad az yazad ast kēš ī =šān
abar yazad čiyōn pad dādārīh dānāgīh pad murnǰēnīdārīh dušāgāhīh ud čiyōn pad rāstīh stāyišnīgīh pad druwandīh nikōhišnīgīh ud čiyōn pad bowandag_menišnīh stāyišnīgīh pad tar_menišnīh nikōhišnīgīh ud čiyōn pad dādīgīh stāyišnīgīh pad adādīh nikōhišnīgīh ud pad āmurzīdārīh stāyišnīgīh pad anāmurzīgīh nikōhišnīgīh ud čiyōn pad rōšnīh hučihrīh pad tārīkīh ud zištīh guft bawēd
nē čiyōn asmān zamīg dādārīh ēk az did ǰuttar ud pad harw dō stāyišnīg ud ēdōn =iz pad xwar ud māh ud starān ēdōn =iz pad āb ud urwar ud ēdōn =iz pad mardōm ud gōspand ud ēdōn =iz pad dēn xwadāyīh ud ēdōn =iz pad huwīr ud xrad ud ēdōn =iz pad gyān ud tan ud ēdōn =iz pad šarm ud mihr ēdōn =iz pad spās ud ēmēd
wasān xīrān ī ēk az did ǰuttar hamāg_sūdān kē stāyišnīg
abar xrad kām ud kār ud zamān ī ohrmazd az nigēz ī weh_dēn hād
ohrmazd pad harwisp_āgāhīh xrad kāmīg handāzišn brīd pad kār zamān kanārag pad zamān kār kanārag az fradōm tā abdom kanārag madan ī bawēd kār pad spurrgarīh abāz ō bun āsān
zamān pad spurr_kanārag sazišnīh abāz ō bun akanāragīh madan ī ast frašegird druz abesīhīg ud ristāxēz tan ī pasēn hām_dahišn bōzišnīg ud ǰāwēdānīg wišīdāy
u =š xrad ud kām ud kār ud zamān awardišnīg ast az fradomīg handāzišn abar ō ān kam ud handāzišn ud sāzišnīg rawāg
u =š andar mādayān rawāgīh ī dēn mazdēsn hammis dām pad paywandišn ī ō frašegird abar asāzišnīh ī harw ānābišnīg ī abērtar ān ī dēn mazdēsn ud dām wisistagīh ī az frašegird bawē ud mardōm kām ud kār dastwar dēn mazdēsn harw ohrmazdīg frazām_sūd ka =iz pad gētī az petyārag nikōhišn zyān =ēw andar hē ud bē ān dastwarīh hamāg ganāgīg_frazām zyān ka =iz pad gētī az petyārag frēbišn sūd yyy_ andar hēnd
ud ōh =iz ohrmazd xrad ud kām handāzišn hām_dahišn sūd ud awardišnīg sazēd
ud kēšdārān kē kām ī yazad wardišnīg harw rōz pad ǰašn =ēw u =š saxwan padestīg ud dušox purr az mardōm =iz kirdan kēš ān ōy kē =š pad yazad dārēnd kām pad anōstīh yyy ī dāmān saxwan pad anāg padest_burdārīh gannāg_mēnōy mānāg
abar ān ī hambāstag mardōm az bun abarmānd az nigēz ī weh_dēn hād
hambāstag mardōm az bun abarmānd ēwēnag dō ī ast baxtīg ud yyy
baxtīg xwadīh ud wimand ī ōstīgān awardišnīg ud yyy čiyōn =iš wardišnīg ō kārān wardišnōmand
yyy winnārišn abar ōstīgān baxtīg ud ōstīgān baxtīg kārīgīh ud sūd az wardišnōmand yyy
ōh =iz mardōm xwadīh abar dō wimand ēk mēnōyīg ud ēk gētīyīg mēnōyīg ox ruwān u =š wimand ēn ox ī yyy ēd ī hamwimand abāg amahraspandān ud gētīyīg astōmand tanōmand ān ī ka nē abāg ox pad tanōmandīh hamwimand gōspandān anīz gētī_dahišnān ī tanōmand bē nē oxōmand
ud ox amahraspand ahūīh xwadāyīh
ud pad wardišnōmand ō astōmandīh tanōmand ud pad gētī abzārīh abāyišnīg xwānīhēd ox ī astōmand ī mardōm xwadīh u =š wimand andar anēbgadīg ox ī astōmand amarg čiyōn gayōmard pēš az ēbgadīgīh būd hammis mardōm pad tan ī pasēn bawēd
ēd ī pad oxīh ǰud az gōspand pad ān ī gōspand =iz tanōmand nē oxōmand ud pad tanōmandīh ǰud az amahraspandān pad ān ī amahraspand ox bē nē tanōmand kē rāy wimand =iz mardōm andar abēzagīh ox ī astōmand amarg andar ēbgadīg gumēzagīh ox ī astōmand margōmand ud ēn ast xwadīh ud wimand ī baxtīg kē mardōm bun az abarmānd
čiyōn xwadīh ī mardōm ox ī astōmand u =š ud wimand ī andar abēzagīh ox ī astōmand amarg ān ī andar ēbgadīg gumēzagīh ox ī astōmand mīrāg
kē wimand ī mardōm zīndag ī gōwāg ī mīrāg guft brāh =ēw ī az ham bun u =š brāh ī zīndag ī mīrāg az astōmand tanōmand ī ēbgadīg gumēzagīh ud ān ī gōwāg az ox abāz grift čē gōwāgīh dānāgīh abāg yazadīh ahūīh ham
ud ēn =iz brāh andar wizārišn ī gayōmard nām ān ī andar ēbgadīgīh baxt pad ān ī ka gayōmard nām wizārišn zīndagīh gōwāgīh ī mīrāg andar abēzagīh x nām būd ast zīndagīh ī gōwāgīh nērōg
ud az yyy čiyōnīh ī mardōm az bun abarmānd ēk tarsagāyīh ērīh andar dādān bun ī dēn ud dādestān ud ēn čiyōnīh pad abarmānd ī az =iz mašī ōh =iz mašī nām wizārišn tarsagāy ēwāz ī narīh ud mašyānī nām wizārišn tarsagāy ī ēwāz ī mādagīh
ud any ī =šān abarmāndīg čiyōnīh az bun sūdōmand purr_paywandīh ī ō frašegird pad ān ī ka pad weh_dēn ō frašegird paywandēnd ud pad =iš hām_dahišn sūd ī frašegird dahēnd mardōm ēn čiyōnīh pad abarmānd ī az =iz siyāmak ud frawāg ōh =iz siyāmak ud frawāg nām wizārišn sūd frāz_paywandišnīh ī =š dādestān sūdīmand frašegird purr_paywandīh
ud any ī =šān abarmāndīg čiyōnīh az bun gēhān_warzīdārīh ud gēhān_rāyēnīdārīh dām winnārišn paywandišn ī ud gēhān_warzīdārīh pad gēhān_rāyēnīdārīh šāyēd gēhān_rāyēnīdārīh pad gēhān_warzīdārīh winnārišn pad harw dō dām parwarišn winnārišn paywandišn ī ō frašegird ud ēn čiyōnīh pad bun abarmānd ī az waēgirid ud hōšang ōh =iz waēgirid nām wizārišn warzišn_kirdārīh ud hōšang nām wizārišn ō šāhīh_xwāh ī
wāspuhragānīg čiyōnīh ī pad mardōm xwadīh mahist ōh =iz mardōm pad ēn panǰ abarmānīg mādayān čiyōnīh āstawānīg dānāgīh az gayōmard ud ērīh ī az mašī ud mašyānī ud sūdōmand_paywandīh ī az siyāmak frawāg ud gēhān_warzīdārīh gēhān_rāyēnīdārīh ī az waēgirid ud hōšang
winnārēnd dām rāyēnēnd gētī paywandēnd purr_rawišnīhā ō frašegird ud wānēnd druz kunēnd hām_dahišn sūd frašegird andar gēhān
abar madan ī mardōm ō frazānagīh az nigēz ī weh_dēn hād
āhang mardōm xwadīh andar =iz tanōmandīh abēzag wēnišn
ud madan ī mardōm ō frazānagīh tā =iz ō mēnōy_wēnišnīh pāyag abāg srūd_xrad hammōg pad ōstīgān paywastagīh ī menišn ō āsn ud srūd_xrad hammōg
ān frazānagīh ī abarwēztar az wisp_frazānagīh_pēsīd dēn mazdēsn paywastagīh ī menišn ō ox pad āsnūdagīh ī menišn az wināh ud yōǰdahrīh ī pad kirbag āsnūdagīh ī menišn az wināh pad dūrīh ī āz arešk waran ud nang kēn abārīg wināh ud ox_āyuxtār ud druz u =š ayōǰdahrīh ī pad kirbag pad bowandag_mehmānīh ī kirbag ud ox hāxtār wahman ud abārīg yazadān pad =iš bawēd hiiat̰_haϑrā_manā̊_buuat̰
abar arzānīgīhā hupadisār rasišn ī ō mardōm farroxīh paywandīg haft ī pāyagīh ī ō bālist az nigēz ī weh_dēn hād
arzānīgīhā hupadisār rasišn ī ō mardōm farroxīh paywandīg haft_pāyagīh ī ō bālist az dēn nigēz ristag ēn
fradom ruwān ahlawīh az weh_dēn āfrāhīg kām_warzīdārīh ī yazadān arzānīgīh ī bun ī mardōm pad farroxīh pad ān ī arzānīgīh
didīgar tan druyist_rawišnīh ī pad =iš abāyišnīgīhēd zīndagīh
ud sidīgar gyān dagr_zīyišnīh kē pad =iš pattāyīhēd tan druyist_rawišnīh
čahārom amāwand xwāstag kē pad =iš kārīgīhēd ud širēnīhēd harw dō
panǰom wānīdārīh pērōzgarīh kē pad =iš pāyīhēd az hamēmālān xwāstag ud tan
šašom pēš_wēnišnīhā čārag ī abar hamēmālān kē pad =iš windīhēd pērōzīh ī abar =išān
ud ān ī haftom pad haftomīh ī andar mardōmān abar ēn šaš pāyag kē pad =iš x burzīhēd pad farroxīh abardar az abārīg kas
abar čim ī hugōhr andar rāyēnišn abrāz wehīh ud andar nišēb rāyēnišn wattarīh abzōn ud paydāg dušgōhr abzōn abāz_waštag andar abrāzīgīh wattarīh andar nišēbīh wehīh abzōn paydāgīh az nigēz ī weh_dēn hād
hu ud dušgōhrān hunar dušāhōg rāy ud hunar xwarrah ud āhōg dušfargīh_paywand
ud xwarrah spennāg_mēnōyīg u =š āhang ō hugōhrān dušfarg gannāg_mēnōyīg u =š āhang ō dušgōhrān
andar hugōhr mardōm ān ī xwarrahōmandtar pad hunar hambārīgtar ud hutōhmag nām
ud andar hutōhmagān ān ī xwarrahōmandtom pad pahlom xwarišn āsn_xrad ud bowandag_menišnīh rādīh ud rāstīh abārīg hunarān payrāstag bawēd u =š nām āzād_kām
ud dušfargīh rēzišn ō dušgōhrān andar dušgōhrān ōy kē dušfargīh zay āhōg yyy ud duštōhmag nām
andar duštōhmagān ōy kē rēzišn ī awābarīh aw =iš frāy pad āhōg ōgrāyīdan waranīgīh ud appurīh tar_menišnīh ud xešmenīh ud penīh ud drōzanīh ud marīh ud kayagīh ud karbīh abārīg āhōg agdēnīgtar ud wēs nām
andar gumēzagīh ī spennāg_mēnōyīg xwarrah_paywand āzādagīh bun_hunar ganāg_mēnōyīg dušpaywand wēsīh bun_āhōg
andar mardōm ōwōn ī āzādag =iz abāg abardar_hunarīh az āhōg nē pāk ud wēs =iz abāg grāyīd_āhōgīh az hunar nē tuhīg
ōwōn āzādag andar rāyēnišn abrāz spennāg_mēnōyīg xwēš xrad bowandag_menišnīh ud rādīh ud rāstīh hammis hunarān pad abrāzīgīh purr_waxšišnīg ud dūr_dīdār brāzīhēd ān ī ganāg_mēnōyīg ēbgad gumēzišn huzārag x āhōg ī pad =iš wišēbīhēd ud pad wišēbīg_nirfsišnīh ō apaydāgīh rasēd
u =š andar rāyēnišn wišēb xwēš wuzurg hunar wišēbīhēd ān huzārag āhōg ī pad =iš abrāzīhēd ud andar wišēbīg nirfsišnīg ō nizār_rasišnīh wuzurg ī ud abrāzīgīh ī āhōg ān ēbgad gumēzišnīg huzārag āhōg ō paydāg_garīgīh ī rasēd
ud dušgōhr ud duštōhmag wēs andar rāyēnišn abrāz waranīgīh appurīh ud xešmenīh ud tar_menišnīh ud penīh ud drōzanīh ud kayagīh karbīh abārīg āhōg ī =š xwad yyy u =š yyy yyy yyy bawēd ān andak hunar ī pad =iš wišēbīg nirfsīhēd andar ān yyy āhōg ō apaydāgīh rasēd
u =š andar wišēbīgīh ī rāyēnišn stahmag āhōgān ī =š xwad wišēbīg nirfsīhēd ud andak hunar ī pad =iš abrāzīhēd ud andar wišēbīg nirfsišn ī =š āhōgān ud abrāzīgīh ī hunar ān huzārag hunar ī tan pad =iš ō paydāg_grīwīh rasēd
ēd rāy ō āzādagān gāh ud grāmīg ud tuwān_pādixšāyīh ud āsānīh rāmišn ō yyy nigūnīh ud xwārīh ud škōhīh apādixšāyīh ud harg ud bār baxt
ud andar stāyišn ud yazišn ī yazadān pad paddahišn ī az =išān wehān frāxwīh xwārīh ud wattarān tangīh ud dušxwārīh āfrīnēnīd ud pad sūd ī harw dō axwān dēn andarz
ud āzādag ud wēs paydāgīh ī =šān āzādagīh ud wēsīh
āzādag fradom abar xwēš pad =iz rāyōmandīh ud xwarrahōmandīh ī tan pad_xwāyišn ud padīrišn dōstīh rāmišn ud husrawīh ud huruwānīh
ud didīgar abar kasān pad rāmēnīdārīh ī abarīgān pad tarsagāyīh ī andar ērīgān pad xwābarīh pad =iš ud hamalan pad xūb_sāzišnīh abāg =išān
sidīgar abar gēhān pad ān ī ka āwām ī pad =iš āzādagān abrāz dēn mazdēsn bālist agdēnīh wišēb ud huxwadāyīh mehmānīh xwadāyān huframānīh ud gēhān dād_wistarišn ud ābādānīh ud hubōyīh hučihrīh mardōm frāxwīh ud rāmišn abzōn bawēd
wēs =iz fradom paydāgīh abar xwēš pad =iz dušfargīh ud apad_xwāyišnīgīh ud anabāyišnīgīh bēšōmandīh ud dušsrawīh ud dušruwānīh
ud didīgar abar kasān pad bēšīdārīh abarīgān pad tar_menišnīh tar_mēnīdārīh ud ērīgān pad dušfargīh hamahlān pad asāxtārīh ī awišān
ud sidīgar abar gēhān pad ān ī ka āwām ī pad =iš wēsān abrāz dēn mazdēsn nišēb ud agdēnīh abrāz dušxwadāyīh mehmānīh ud xwadāyān dušframānīh ud gēhān must ud wistardagīh ud awērānīh ud dušfargīh ud mardōm tangīh wēš bawēd
abar ud gēhān ī sarīhistag dumb kū az sar dumbīh ayāb xwad xwad dumbīh sarīhist az nigēz ī weh_dēn hād
sar sarīh čim tōhmag paywandišnīg pahlom hunarān ī az hunar bun ō mardōm kē rāy čimīg būd
ud nāmīhist ān mardōm hugōhr āzād ud raft pad =iš paywand ud tōhmag ud āzād_gōhrīh āzādagīh
dumb dumbīh čim grāy āhōgān ī az āhōg bun ō mardōm rēzīhēd kē rāy čimīg būd
ud nāmīhist ān mardōm dušgōhr zōš ud wēs =iz ud raft pad =iš paywand ud tōhmag zōšīh ud wēsīh
uč čiyōn amaragānīhā hugōhrān āzādagān az nigūnīh nihuftagīh ud apaydāgīh ō āhuftagīh ud ulīh ud paydāgīh mad ud zōšān ud wēsān az āhuftagīh ud ulīh paydāgīh ō nihuftagīh ud nigūnīh ud apaydāgīh madan andar weh āwām
ud amaragānīhā zōšān ud wēsān az nihuftagīh ud nigūnīh ud apaydāgīh ō āhuftagīh ud ulīh ud paydāgīh ud hugōhrān āzādagān ō nigūnīh nihuftagīh ud apaydāgīh madan andar grāy āwām
ān nišān ī sarīhistag dumb abāg āwām ī pad =iš gugāyīh ān ī wad āwām nazd frazāmīh ud weh āwām nazd_kunišnīh az sar dumb abāz sarīhīstan ī
čiyōn andar wad āwām az sarīhist xwābarīh =iz hučašmīh ērīh ud dādestānīgīh ud rādīh abārīg hunar ud wehīh ī ōy az dumbīh rāst sarīhistag ud mahist
ān ī agar az xwad dumbīh sarīhist čiyōn amaragānīhā andar wad āwām ud ēwāzīg andar =iz ud weh āwām ǰahēd dumb az sar bawēd wēnīhist =ēw ōy kas yyy ud duščašm ud yyy yyy kēnwar pen adādestān
abar wēš_rawāgīh ī hamē andar gēhān weh_dēn u =š ōz kār az nigēz ī weh_dēn hād
wēš_rawāgīh ī hamē andar gēhān weh_dēn paydāgīh az =iz rawāgīh hamāg kēšān pad weh_dēn nāmīh andar =išān ōšmurišn stāyišn ī ud rāstīh ud wehīh ud nikōhišn ī drō ud wattarīh ud ān =iz ī nām =iz škeftar az agdēnīh
dādār dād ud pad hamēyīgīh ud dād pad nēkīh ud adād pad wattarīh ud xwadāyīh ud dastwar_dārīh ud driyōšān srāyišn bōzišn gōspandān dārišn ud anīz x wasīh rāst kirbag ī =š baxšišn az weh_dēn pad fragānīh ī =šān andar ud dāštan ud guftan
ud drō bazag ī =šān andar kēš andar ēn rāst kirbag kam_zōrīh
ud ōz ī weh_dēn andar gumēzag_rawāgīh dām winnārišn rawāgīh paywandišn ī padišīh pad abēzag_rawāgīh andar hām_dahišn ēbgad abesīhišn yōǰdahrīhišnīh dām az hamāg āhōg ī petyārag winnārdan ī ǰāwēdān purr_wišīdāy ud ēdōnīh paydāgīh
ēd =iz ī =š andar gumēz_rawāgīh ud wehīh waxšēnīdan ud wattarīh tarwēnīdan ī ud dādestān_zōrīh ī =š andar abēzag_rawāgīh ī ayābag ō hamāg tarwēnīdan ī ud wattar_nikōh winnārdan ī wehīh andar dahišnān pad abar_ēstišnīh ī hamāg mardōm pad =iš
ud ēd rāy gannāg mēnawiškefttar kōšišn ō weh_dēn armēštīhišnīh ud brīdan az frašegird x spennāg_mēnōy harw kār ud tis handāzišn ō weh_rawāgīh ī dēn mazdēsn paywandišn ī ō frašegird
abar wizīn ī mardōm pad paywand awišīh ud pahrēz azišīh ō dōstīh ud kār az nigēz ī weh_dēn hād
ēwēnag ī mardōm az frāztom tā abāztom pāyagīhā ōšmurišnīg ēn =iz šaš fradom frāztom ōy kē pad wehīh ōstīgān ud bē az wattarīh didīgar ōy kē pad wehīh ōstīgān pad wattarīh anōst sidīgar ōy kē pad wehīh wattarīh harw dō ōstīgān čahārom ōy kē pad wattarīh ōstīgān ud pad wehīh anōst panǰom ōy kē pad wehīh ud wattarīh harw dō anōst šašom abāztom ōy kē pad wattarīh ōstīgan ud az wehīh tuhīg
ōy kē pad wehīh ōstīgān bē az wattarīh andar abardom mardōm wizīn ī ō dōstīh kār ud paywand awišīh hamē pahrēz azišīh hagriz
ud ōy kē pad wattarīh ōstīgān az wehīh tuhīg ōbastag az wizīn ī abar dōstīh ud kār ud paywand awišīh hagriz ud pahrēz azišīh hamē
ud kē čahār ī mayān ēn dō ēwēnag
ōy kē pad wehīh ōstīgān ud pad wattarīh anōst nazd ō abardom wizīn ī abar dōstīh ud kār ō paywand awišīh nixwārišn ud pahrēz azišīh nē menišn
ōy kē pad wehīh wattarīh harw dō ōstīgān pad frazānagīhā rāyēnīdārīh az bēš az wattarīh pahrēxtan pad šādīh ī =š az wehīh bahrwarīhēd šāyēd
ōy kē pad wattarīh ōstīgān pad wehīh anōst pad pahrēz azišīh hamēšag_menišn paywand awišīh ǰārīhā ud pad_zamānag wisānag kār dōšišn
ōy kē pad wehīh wattarīh harw dō anōst andar =iz dōšišn ī ǰārīhā ud pad_zamānīg kār x az frēftagīh ī pad ān ī meh kār pahrēzišn
abar must bun ud amustīh ud must_wizārīh čār az nigēz ī weh_dēn hād
must xwad ast adādestānīh ī =š kē ka adād_astīh u =š dādestān ō kadār =iz =ēw ī =š nē niyābag madan pad =iš kirdan ān ī =š brahm frāybūd
ud pad any nihišn dād ī astīh ī =š kē ka ō kadār =iz =ēw ī =š niyābag nē madan ud pad =iš nē kirdan ēd ī =š brahm aybibūd
harw dō brahm ī frāybūd ud aybibūd dēwān_dād dādestān petyārag dādestān
kē ka dād astīh ā =š wizārišn ō kadār =iz =ēw ān ī =š niyābag madan pad =iš kirdan ān ī =š nē niyābag nē madan pad =iš nē kirdan ēd ī_s brahm paymān ī yazadān_dād
must ī xwad frāybūd ud aybibūd adādestānīh būn ān ī dušāgāhīh ud abārīg =iz wattarīh bun gannāg_mēnōy čiyōn paymān dādestān bun ān ī dānāgīh ud abārīg =iz wehīh bun spennāg_mēnōy
ud must ān =iz ī mardōm ēk abar did kunēnd ǰomā ān ī rasišnīg paywand abāz ō_ham gannāg_mēnōy bun
pad ān ī must ī mardōmān kunēnd az dušāgāhīh ud dušāgāhīh bun gannāg_mēnōy x x x x x x x x x x čiyōn dād ān =iz ī mardōm kunēn az dānāgīh ud dānagīh bun spennāg_mēnōy
ud amustīh ud must_wizārīh nērōg dād ī weh_dēn u =š čār dahībed
weh_dēn_āfrāh dō fradom xwēš xēm az adādīh nigāh pād ān ī pad =iš pāyīhēd x amaragān mardōm xēm az adādīh did dād amāwandēnīdan weh_dēn andarzīg hamkōs wināh_bān wizārdārān pad =iš bowandag nērōgēnīdan ān ī pad =iš pāyīhēd amaragān mardōm kunišn gōwišn az must
ud abāg ān ī šāh_must ud šāh abēmust paydagēnīdan šāh_must dādestān ēn kū az ān čiyōn abar dahībed ī mādayān ast mādayān ī pad =iš ped ud xwadāy ud ast amāwand pād ī abar kas =iz čand andar dahībed huzār must fradom nē bawēd ān harw must ī abar kas ī andar dahībedīh kamīh ī ān amāwandīh nē bawēd az dahībed
ud šāh_must xwēškārīh ēn must ī kas wizōstan ī ud dānist ān ī passazag_garzišn mustōmand az paydāgēnīdag must wizārdārān =iz xrad ud šāh yyy
šāh ī abēmust az šāh framān ēdōn bowandag_wizārdār bawēd ī mustōmand ān =iz bēš ud pādīrān_xwēškārīh ī az ān must_garzīh mad yyy ōwōn wizārīhēd ī az =iš amust bawēd ud šāh az ān wināh āzādīhēd
ēd ast dādestān kē pad =iš adādestānīh must az gēhān yyy yyy ud bē burd bawēd
ud az kēšdārān kē adādestānīh must frārāst az yazad ud kēš dušāgāh_frēftag az ašemōγ ud kē adād bahr ī meh pad dād nām az yazad kām ud kār madan bahr ī keh az mardōm kird būd saxwan nihuftag_xēm frēftār ahlomōγ harw dō ēwēnag abar yazad drō drāyīdār ud az yazad dānāgīh ud dād spennāg_mēnōyīh bē dušāgāhīh ud adād gannāg_mēnōyīg dēwīh abar guft bawēd
abar ān ī pad gēhān ud ān ī pad tan ud ān ī pad ruwān ud ān ī mayān mardōm ud ān ī pad kār ud dādestān weh az nigēz ī weh_dēn hād
kē weh_dēn gōwišn pad gēhān xwadāy ī nēk ud pad tan ī mard xrad ud pad ruwān rādīh ud mayān mardōmān rāstīh ud pad hamāg kār ud dādestān bowandag_menišnīh abāg tuxšāgīh weh
abar mēnōyān ī andar mardōm u =šān kārīkkar u =šān kār az nigēz ī weh_dēn hād
az weh_dēn nigēz andar šāyēd yyy sāmān az āfurrišn dahišn mēnōyān ī andar mardōm tan kārīkkar mādagwar ēn =iz čahār ī ast ruwān gyān frawahr bōy
ruwān ast ahū xwadāy ī abar tan čiyōn kadag_xwadāy kadag ud aswār asp rāyēnīdārīh tan ud gyān bōy ud frawahr hammis waxš ī ud pad =iš ud andar =išān abzārōmand ī ruwān
gyān wād ī az frawahr čihr uštānēnīdag pad uštānīh uštānōmand dāštār ī ast ī tan čiyōn druyist_xwārdār ī kadag xwadāy ud kārīg_dāštār ī asp aswār ēd ī ka az tan ǰud bawēd tan margīhēd čiyōn ka stūn ī kadag škīhēd kadag hambahēd
ud frawahr čihr_dāštār ud parwardār =iz ī tan čiyōn wirāstār ud ābādān_dāštār ī kadag_xwadāy ud kadag ud mādayār ī aswār asp ēd ī ka az tan ǰud bawēd tan šud zōr ud akār mānēd čiyōn kadag ka az wirāyišn hilīhēd awērānīhēd
ud bōy rōšn_dāštār ī tan čiyōn kadag_xwadāy kadag wēnāgīh aswār asp ud wēnāgēnīdār ī kadag_xwadāy andar kadag aswār abar asp čiyōn rōšnīh ī gēhān xwaršēd ud čarāg ī andar kadag ud ēd ī ka az tan ǰudāgīhēd ruwān andar tan anāgīh ud tan andar =iz zīndagīh āmālišn bawēd
ud ruwān pad frawahr ud bōy ud gyān tan abzārīh pad xwēškārīh ī aw =iš frēstīd abēwihānagīh u =š xwēškārīh ud kōšišnīg wānīdārīh ī druz čiyōn aswār pad asp zēn abzārīh zadārīh ud wānīdārīh dušmen
ud dušmen ī ruwān čiyōn dušmen =iz ī =š abzārān kirrēnīdag ī druz ō murnǰēnīdārīh ī dām āz waran xešm ud kēn ud nang ud arešk =iz ī mad ēstēd ō tan kōxšišn ī abāg razm =iz ī tan ud ruwān pad yyy ī ud tarwēnīdan ī az razm kū pad ān ī ōy wānīdārīh murnǰēnānd ud agārēnānd abārīg kōšišnīg dahišnān ī wehīh
ahū xwadāy ud razm_bed ruwān ka pad frawahr ud bōy ud gyān ud tan abzārīh amahraspand ī ī =š ayār āhang ī kōšišn ī abāg druz wīrād ud arwand pad x xwēš tagīgīh druz wānīdār ud az tan bē_kirdār druz az gēhān bē gannāg_mēnōy zadan ud wānīd ud apādixšāyīh kird xwad az druz bōxt ahlaw
ka =š pad =iz škenn ī rah ud dō ī asp az hamēmāl az tan wihēz bawēd pad xwēš xūb_kārīh hamnērōgīh ō bun franāmīdan ud az ōy ī xwadāy frēstīdār ī ō kōšišn framān abesar ī pērōzān madan pad ǰāwēdān āsān purr_urwāhm gāh nišastan
ka pad frēb ī az hamēmāl aǰgahānīg āsānīh_dōšagīhā andar kōšišn wīdwār ud az amahraspand bē_āhang ud ō druz x frāz_āhang bawēd druxt ud ud druwandīhēd ud druz pad =iš abarwēzīhēd ud ēw_tāg andar drōzišn ī halagīhēd ud dast_grawīg ō druz gyāg x kešīhēd ud tā frašegird yyy zēndānīhēd ud weh_dēn paydāgīh
ān ī =š nēk ahlawīh gētī husrawīh ud gēhān_bedīh anāg druwandīh gētī dušsrawīh daxšag passazagīhā
abar xwēšēnīdan ī mardōm paydāgīh stōd_yast šōn az nigēz ī weh_dēn hād
mardōm pahlom paydāgīh ī stōd_yast xwēšēnīdan šōn az weh_dēn_āgāhīh xwēš_šnāsīh ud dōstīh mādagwar xwēš ruwān kū nē dānēnd pad framušt xwēšīh adōst_xwēš ud pad adōst_xwēšīh xwēš_rēš ud pad xwēš_rēšīh ī yazadān bēš ud pad yazadān bēšīh yazadān x xwēšīh_burr ud pad yazadān xwēšīh_burrīh pānagīh ī az yazadān yyy ud pad pānagīh ī az x yazadān_yyy ōbastag ī ō yyy anāg druz parwand ōh =iz az weh_dēn_āgāhīh xwēš_šnāsīh ud az xwēš_šnāsīh xwēš_dōstīh az xwēš_dōstīh arēš_xwēšīh ud az arēš_xwēšīh yazadān abēšīh ud az yazadān abēšīh yazadān awisist_xwēšīh ud az awisist_xwēšīh yazadān pānagīh az yazadān pānagīh dō pahlomīh ī mardōm bawēd ī ēdar ud ānōh
abar ān tan ī mardōm pad pēšōbāyīh sūdgar ud ān ī zyāngar ud kirdār ud āyōxtār sūdgar ud zyāngar pēšōbāy ī ud sūd zyān az =iš az nigēz ī weh_dēn hād
ān tan ī mardōm pad pēšōbāyīh sūdgar xrad ud ān ī pad pēšōbāyīh zyāngar waran
ud pēšōbāygar ī xrad ud waran andar tan ī mardōm xwadīh xrad pad hāzišn ī az spennāg_mēnōy ud aštag wahman ud waran az frēbišn az gannāg_mēnōy aštag akōman
sūd ī mardōmān az pēšōbāyīh xrad kāmag winnārišn menišn gōwišn kunišn kirbagīh ruwān ahlawīh ud zyān ān =išān az pēšōbāyīh ī waran kāmag_winnārišn menišn gōwišn kunišn bazagīh ud ruwān druwandīh
abar zamān nihangīh ud dagrīh az nigēz ī weh_dēn hād
zamān ī kanaragōmand tā frašegird pad sazišnōmandīh nihang ud dagrīh ud nihangīh ō menišn yyy yyy
ud ō ōy kē andar frāxwīh xwārīh was =iz sāl nihang ud ō ōy kē andar tangīh ud dušwārīh andak =iz zamān dagr
abar čē ud pad čē ud ō čē ud az kū ud ō kū abāz ō kū ud abdom ō čē rasišn ī xwad mardōm az nigēz ī weh_dēn hād
mardōm az dādār dahišn hangirdīgēnīdag ī pad čihr ud nērōg az wisp mēnōyīg ud gētīyīg dahišn pad spurr_ōz_kardagīh ī abar abārīg gētī dahišnān sālārīh ō rāyēnīdārīh ī hamāgīhā pad hammis dahišnan zōr bowandag_wānīdārīh ī druz
u =šān xwadīh ruwān čand pad dādār_spāhīh ō druz bowandag_wānīdārīh abāyišnīg pad mēnōy hammis dahišnīhā pad ēd bār ō gētī abzār_paymōgīh ǰud_zamānīhā gōhrag_handāzišnīg az =išān mēnōy xwadīh ud gētī abzār hamīh ī hamāg wēšīhā ud kemīhā druz bowandag_wānīdagīh
ud xwadīh =išān mēnōy ruwān pad =iz ān ī škefttar kōšišn ī druz awisānišnīh abzār =išān gētī tan paymōg andar gumēzag_kōšišnīh az xwadīh ruwān wisānišnīgīh ud brahnag mēnōy xwadīh az gētī abzār paymōg xwadīh abāz ō mēnōy bun mān āhangīgīh ud paymōg andar gētī hilišnīgīh ud tar widār ī abāz ō bun
kē andar kōšišn ī abāg hamēstār druz tuwān_tuxšāgīhā rānēd pad bōxtagīh ī az druz ō bun ēwarzīdan ud kē sūdag tuwān wanīgarīh hamēstār abar xwēš ōzēnēd andar dranǰišn ī yyy wizārišn ī az =iš pad bowandag_wānīdagīh ī druz az hamāyīh dādār spāh bawēd
ud frašegird hangām pad dādārīh kām hamāg mardōm xwadīh gētī paymōg abēzagīhā abāz_dahišnīh hammis purr_wišīdāyīg ǰāwēdān winnārdan weh_dēn paydāgīh
abar wizīn ī ō sālārīh az nigēz ī weh_dēn hād
ō wizīn ī harw sālārīh awizīrišnīgīhā abāyišnīg ēk hunarān hangirdīg ud pahlomīh ast xrad pad wizārišn ud bowandag_garīh u =š dō ast xēm awestwārīh ud kār_abāyišnīg frahang
ō āsrōnīg sālārīh wizīn azabar awizīrišnīg se mādayān bun_ōšmurd pad panǰ ī pad =iš ast frāx_ōšīh ī pad dēn dārišn ud wizīrgarīh frāx_menišnīh pad =iz dēn hammōzišn dādwarīh ud dād mehīh ud uzmūd_kārīh āsrōnān abarmānd rasēd ōh hašt
ō wāstaryōšān sālārīh wizīn pad dō abzōn ī abar hašt ast fšūnišn ud rādīh ī pas xwāstag rasēd ō dah
ō artēštārān sālārīh wizīn pad se abzōn ī abar hašt ī ast abāg frāx_ōšīh tan_wuzurgīh ud nērōg_aγrīyīh ud dil_nēwīh rasēd ō 11
abar spās ī ohrmazd pad =iz kirbag mizd ud amustīh ī =š pad wināh puhl az nigēz ī weh_dēn hād
spās ī ohrmazd pad =iz kirbag mizd abar mardōm az rastēnīdan ī andar mardōm ox pad nayišn āsn_xrad pad wēnišn x ud kām pad āhang ī kirbag ud menišn gōwišn kunišn abzārīg framānbar ī kām pad kirbag_rawāgīh kē hēnd anādāsr ud ādāsr ud paydāg dāsr ī andar mardōm
anādāsr ox āsn_xrad ud ādāsr kām ud patī_dāsr ī menišn gōwišn kunišn
čiyōn kirbag pad x wēnišn ud āhang ud kunišn pēš_kird āzādīhā az ohrmazd ēdōn =iz pad kirbag ud mizd ōy pēš spās ast abar mizd niyābag ī kirbag_warzīdārān
ud amustīh ī =š pad wināh puhl az ān ka =š pad yyy ī rāh ī az yazadān ox ō menišn bastār wināh bawēnīdār ud waran ī āsn_xrad az kirbag nēkīh wizūdār ud kirbag pad wināh wināh pad kirbag dahīgēnīdār
ud kām ō wināh frāz_āhangīh ud az kirbag abāz_āhangīh hāxtār ud menišn gōwišn kunišn ō wināhgārīh frāz nišēb az kirbakkarīh abāz dārēnd hēnd dušādāsr ud paytī_ādāsr abērastagān
kirbag rastag ī andar mardōm nē wišuft ud čiyōn az bazag pad wināhēnīdan wāyēnīdan ud dahīgēnīdan ud frēftan ī mardōm aw =iš āzād ēdōn =iz pad wināh puhl ī ō mardōm rasēd amustīh
ud kēšdārān kē dušādāsr abērastagīh bazag ud āhang anādāsr kirbag rastag ī andar mardōm pad =iš āšuft ud wišuft ēstēd az dād kām ud dahišn kēš ī =šān yazad kirbag_pādīrānēnāg ud bazag_rawāgēnāg kirbag_dušmenišn ī wināh_dōstīh ud dēwīh abar ud yazadīh az =iš bē ud pad =iz bazakkarīh ī mardōm puhlōmandīh ī pad =iš abar mardōm mustgar =iz guft bawēd
abar dēn andar mehmān dēn ī aw =iš widārīg rasišn ud dēn grift_bōy dēn pad =iš yyy tan az nigēz ī weh_dēn hād
dēn andar tan mehmān ōy kē =š weh_dēn abāg ōwōn hučihr čiyōn nēk_kirbtom kanīg pad_kanīg_kāmagtom čašm ud pad =iš čašm čiyōn xwaršēd abar dāmān ī ohrmazd ōwōn aw =iš dōst čiyōn humihr pid ō huzahag
ud ān =iz ī dūr az dīdār nigēz ī az =iš pad ēdōnīh ōwōn abar_dāštār čiyōn ān ī =š ō čašm dīdārīg tis
ud az ōšmurišn ud čāšišn āšnawišn ud yazišn dēn ēdōn waxšišnīg čiyōn nēw warz az xwārēnišn xwaš āb
u =š hamīh dēn ōwōn kāmag čiyōn rāmišn zīyišn tan waxš abāg dēn ōwōn hampursag čiyōn dō xūb hamhāg gyāg āgenēn hampursēnd
dēn ōwōn wāzag nigēz čiyōn abzōnīg hērbed ō wāzag_dānāg ī xūb hāwišt u =š dēn abar xwēš abardom xwadāy xwad andar dēn ērtom bandag
ud ēn tan andar dēn pad nām xwānīhēd zarduštrōtem ī dēn tan ast u =š xēm xēm ī dēn kām kām ī dēn ud kird kird ī dēn bawēd
ud dēn andar tan mehmān ān ī dēn xōgīg dāštār pad menišn dōšidār u =š druz andar tan kam_zōr
u =š dēn pad menišn ōwōn hučihr čiyōn abārīg xīrān abāyišnīg ō wēnišn ud pad =iš ōwōn hučašm čiyōn abar kē az =iš hušnūd aw =iš ōwōn dōst čiyōn ō hamzahag brād
kē dēn pad xwāyišn windišnīg ast ī dānāgīh ud griftār ī āgāhīh ud ranǰ mizd ōšmurdār ud čāšīdār ud yaštār ī dēn u =š dēn hamīh ōwōn kāmag čiyōn sūdōmand gētī ramag niyōšidār ast az dēn pad =iz ān ī =š pad warzišnwār čiyōn nēk mehmān pad hunsandīh ī abar dušmizag xwarišn ī andar kadag_xwadāy kadag
ud ēn tan andar dēn āsrōn xwānēd dēn_burdār ī x dēn rawāgēnīdār pad xēm ud kāmag kunišn pad dēn wirāstag bawēd
ud dēn widārīg aw =iš x x rasīd ān ī pad hāzišn ī menišn gōwišnīg ud nimāyišnīg dēn_dāštār andar kōšišn ī druz pad menišn ǰārīhā abāz ō dēn šawēd ō xwadīh ī dēn wēnišn nē mad ēstēd bē pad nām dōst ī dēn pad =iš wurrawišn pad axwāstār_dānāgīh az =iš
u =š hamīh ī dēn abāg xwāstag_grāmīgīh kāmag niyōšišn ī az =iš ān ī =š arg =ēw ī wēš pad tan xwāstag nēst
ud ēn tan andar dēn nām pad mazdēsn ud weh_dēn =iz barēd ēn ī pad ēwāz ī šahr bast_kustīg =iz xwānēnd
ud dēn_grift_bōy ān kē agdēnīh pad weh_dēn menišnīh dārēd u =š xēm ī tan nēk pahrēz ī weh_dēnān ān =iz ī =š ō xwēš kēš asāzag hučihr stāyišnīg wēnēd dōst ī weh_denan
ud andar dēn az =iš yyy tan ān ī pad astīh dādār ohrmazd u =š dēn ud waxšwar ā druwandān pad dastwar ī dēnān abar_ēstišn u =š andar dēn nām pad dēwēsn ahlomōγ anēr barēd ēn ī pad ēwāz ī šahr sōfistā dahrīg =iz xwānēnd
abar ān ī kadār =iz =ēw pad =iš arzānīg ān ī kas =iz pad =iš nē arzānīg az nigēz ī weh_dēn hād
ān ī kadār =iz =ēw pad =iš arzānīg ān ī ō kadār =iz =ēw pad rasišn abēdān ud ān ī ō kadār =iz =ēw rasišn abēdān ud ān ī ō kadār =iz =ēw x dādār kadār =iz =ēw rāy dōšīd
ud ān ī dādār kadār =iz =ēw rāy dōšīd āhōg_spōz hunar mādayān ašnxrad nixwārāg mardōm ō huhammōg xwāyišn ī waxšēnāg ud kārīgēnāg āsn_xrad
ān ī kē xwāhēd pad =iš waxšēnīd kārīgēnīd pad az bazagīh_pahrēzīh pad x kirbag_tuxšāgīh nērōg ōwōn =iz bawēd ī pad =iš bōxtēd az hamēstār dušmen rasēd ō ān ī dagr_xwārīh
ān ī kas =iz pad =iš nē arzānīg ān ī ō kadār =iz =ēw pad rasišn anābēdān ud ān ī ō kadār =iz =ēw pad rasišn anabēdān ān ī dādār kas =iz rāy nē dōšīd
ud ān ī dādār kas =iz rāy nē dōšīd hunarān ōš āhōgān mār mūdag waran aweštābāg mardōm ō dušhammōg_xwāyišn abrōzāg mūdag waran
ān ī kē xwāhēd padis abrōzēd mūdag waran pad az kirbag_mōšīh ud pad bazag_tuxšāgīh nērōg kastār bawēd xwad abar xwēš čērgar ī hamēstār druz kē =š kešāg abganāg ō ān ī dagr_dušwārīh
x kē abāyišn_āhōgēnīdār ud xrad_wizūdār mardōm ud az kirbag_afsārāg pad bazag_abrōzāg ud ō ērand dušox ud ān ī az =iš abōz dušwārīh škarwēnāg mūdag waran yazad mardōm kirdan kēš ī =šān
yazad pad mūdag waran dādārīh anabēdāngar ud pad abāyišn_āhōgēnīdārīh bazag rawāgēnāg pad āsn_xrad_wizūdārīh kirbag pādīrāngar ud abar mardōm ō ērand dušox ān ī az =iš abōxtišnīg škarwēnīdan mustgar
ud spennāg_mēnōyīh ud gēhān az =iš bē ud ganāg_mēnōyīh daxšag abar guft bawēd
abar hudēn dušdēn bun azišīh az nigēz ī weh_dēn hād
weh_dēn bun wāzag =ēw dādār hamāg wehīh azišīh ud ēč wad u =š rāh kē andar baxt hamāg dāmān nēkīh ī az bun_dahišn tā frašegird
ōh =iz az āstawānīh ī abar ēn bun_wāzag ī weh_dēn xēm wirāyišn az xēm wirāyišn paymān az paymān dād zāyišn az dād humat ud hūxt ud huwaršt az humat ud hūxt ud huwaršt mardōm nēkīh az mardōm nēkīh yazadān šnāyišn ōz dēwān bēš ud wānišn ud az yazadān šnāyišn ōz ud dēwān bēš ud wānišn mēnōy ārāyišn gētī wirāyišn
ud pad mēnōy ārāyišn gētī wirāyišn paywandīhēd dām ō frašegird bawēd frašegird_dahišnīh ud abēzag nēk_winnārišnīh ī hām_dahīšn
ud agdēn bun wāzag =ēw dādār wadīh azišīh kē andar baxt hamāg dāmān anāgīh az bun_dahišn tā frašegird
ōh =iz az frēftagīh ī abar ēn bun_wāzag ī agdēn xēm mūdagīh az xēm mūdagīh frāybūd ud aybibūd az frāybūd ud aybibūd adād az adād dušmat dušhūxt dušhuwaršt az dušmat dušhūxt dušhuwaršt mardōm anāgīh az mardōm anāgīh dēwān šādīh ud yazadān bēš ud az dēwān šādīh ud yazadān bēš dēwān čērīh
ud pad dēwān čērīh nišēbišn āšuft ī āwām ud anāgīh ud wizend ī gēhān
ud dēn mazdēsn ud āgāhīh kū ǰ̌am az dādār nimēz ud framān pad paymān ī dād ī hamāg wehīh ī asar_wehīh ī ohrmazd xēm zahag ō dāmān amargīhišn ī ēstād
dēwān pad ān ī petyārgarīh kāmist mardōm ō škefttom xwāstag/anāstag ī abar wisp wehīh bun dādārgarīh dagr_wehīh azišīh ud driyōš frēftan kū tā yazadān pad =iš winastag bawād xēm ud az xēm winastagīh zāyīhād andar gēhān frāybūd ud aybibūd paymān dād wišōbāg ud ma tuwān bawād ǰ̌am dāmān amargīh ī pad paymān dād ī andar mardōm winnārdan šāyēd
ud ǰ̌am ānāftan ī ī =šān frēb az mardōmān rāy mardōm ud dēw ō hanǰaman xwāst ō dēwān pursīd kū ēn gēhān kē dād kē murnǰēnēd dēwān passox drāyīd kū amāh dād amāh ud amāh ud amāh murnǰēnam kē dēw hēm ǰ̌am pad dēwān passox guft kū ēn man nē wurrawēnīdār dušdānāg dēw =ēd čē rāy awēšān gēhān dādār kē awēšān murnǰēnīdār nē harw dō tuwān pad āgenēn_barišnīh sazēd dādārīh murnǰēnīdārīh az ēk bun nē bawēd u =š pad ēd ī yazadīg gōwišn ān ī dēwān frēb wišuft dāmān amargīh winnārd
ān paymān dād ahlawīh bun yazadīg gōwišn az ǰ̌am pad paywand_raftārān xēm būd dahībed ud huxwadāyān rāyēnīdan pad =iš petyārag az dāmān spōxtan kišwar pad paymān dād ārāst wirāst payrāst ud ham yazadīg bun ērīh dādestān hangirdīgīh ud dēn mazdēsn fragān
pad ān ī meh_tom dādestān ud ān ī abardom kirbag andar dēn ōšmurdag az yašt_frawahr zarduxšt pad pōryōtkēšān paywand raft u =šān pad =iš dēn mazdēsn andar āwāmīhā winnārdan xwadāyīh druyist_sāmānīhā rāyēnīdan gēhān wirāstan dām pad nēkīh mehēnīdan ō sūdīmand ī pērōzgar ud frašegird meh_abzārīh paywastan weh_dēn paydāgīh
ud ān bun dēwān frēb wirāyišn ō tāz_tōhmag dahišn_kāhēnīdār dahāg wirēxtan ud dahāg xēm pad =iš wināstan ō kār kirdan az =iš frāybūd ud aybibūdīg sāstārīh ud ahlomōγīh wyhwēnīdan ud pad =iš mardōm xēm winastan gēhān wizandēnīdan dām margēnīdan ud ōraytā ud yahūdīh bun_nibēg kirdan ud urušlim dēsīdan pad =iš dāštan
ud dahāg fradom ō abrāhām ī yahūdān dastwar ud az abrāhām ō mašīh ī ōy paywand kē yahūd pad payγambar ud kēš āwurdār dārēnd madan ud āsān burd ī ō mašīh āš_kirdan yahūdagīh kēš rawāgēnīdan
ud az ān pas ēd dēwān frēb ud dahāg pad wizend ī dāman dōšīd/ǰōšīd ag_dēnīh bun_wāzag yahūdagīh stūn andar zamānag zamānag abērtar andar dēn ī mazdēsn ud ērān nišēb pad ahlomōγīg čār yyy brāhīhā didīgarīg ud sidīgarīg andar gēhān nōgīhistan
pad =iš dēwān čērīh mardōm xēm winastagīh gēhān ālūdagīh ud dāmān frašēb anāgīh ud wehān nigūnīh ud tangīh ud dušwārīh ud wattarān abrāz frāxwīh ud pādixšāyīh
ud hamē tā ēd zamān petyārag bun andar būm rēšag dārēd wizend ud anagīh dāmān az =iš rustan az dādār kām ud framān pad ōz ī dēn mazdēsn ī ō bālist waxšišnīg az būm kand_rēšagīh az gēhān ahlāyīh frāz az šahr bē burdan ud dāmān az =iš yōǰdāsrēnīdan pākēnīdan weh_dēn paydāgīh
abar sūdīmand gēhān frāx_gar mardōm ud zyānōmand gēhān tundgar az nigēz ī weh_dēn hād
sūdōmand frāx_gar mardōm ān kē āsn_xrad nēk pad xwēškārīh tuxšāg hudēn ēd rāy čē xwad pad tuxšāg_xwēškārīh gētīyīhā u =š dēn pad zōr_dādārīh ī ō yazadān mēnōyīhā gēhān abzāyēd
ud zyānōmand gēhān tundgar abar_ōz waran ī hamēšag pad axwēškārīh abar_raftār mar dušdēn ēd rāy čē xwad pad hamēšag_abar_raftārīh pad axwēškārīh gētīyīhā u =š dēn pad zōr_dādārīh ō dēwān mēnōyīhā gēhān kāhēnēd
abar uzmāyišn ud uzmāyišn_niyāz ud aniyāz uzmāyišn uzmōg uzmāyišn sar az nigēz ī weh_dēn hād
uzmāyišn abar tis nihuftag az dānišn pad nišān daxšag ī pad =iš kārīg ud hangāmīg ō uzmūd_gār āgāhīh rasišn
ud uzmāyišn_niyāz ān ī nē wisp_āgāh ud aniyāzān uzmāyišn wisp_āgāh dādār ēwāz
ud uzmōg ān ī az nišān daxšag ī ēwar ēdōnīh ayāb anēdōnīh ō uzmūdār āgāhīh madan uzmāyišn sar se bār uzmūdag kas tis
čiyōn abar ān ī ēwāzīg bizešk fradom pad bōxtan ī =š az darmān_burdārīh se tan az wēmārīh pad hubizeškīh wizīrēnīdan pad =iš hilēnd ud pad murdan ī =š az darmān_burdārīh fradom se tan pad zūr_bizeškīh wizīrēnīdan ud az =iš wizūdan
ud abārīg =iz ēk_ēk kār ī gēhān pad uzmāyišn handāzag ān ī bizešk rāy nibišt az ān ī paydāgtar xwadāyīh ud dēn pad uzmāyišn ī se_tōhmagīh ud se_ǰārīh
uzmāyišn sar ān weh ō pad =iš āstawānīh ud abar_ēstišnīh az =iš awardišnīh ī amaragānīg ān ī wattar abāz_hilišnīh ī az hambāstag wināstagīh ud abesīhišn az dāmān gēhān paydāg
huxwadāyīh andar ǰ̌am tōhmagān pas az frēdōn pad ǰār_wihīrišnīh fradom pad manuščihrān ud didīgar pad kayān ud sidīgar pad huāfrīdān ī az ham kayān ī sāsānīyān ī ōǰ xwānīhēd andar harw rasišn ī ud wihīrišn pad ǰ̌am passazagīg abzōn ī paymān dād nēkīh gēhān hangirdīg āzād_xwadāyīh
pad xwadāyīh ō uzmāyišn sar_rasišnīh mardōm abāz aw =iš ayāsišn ī ud pad ham tōhmag abāz_paywandišnīh ō frašegird paywastan paydāg
andar dušxwadāyīh dahāg_tōhmagān nohom ud dahom sadōzim andar wihīrišn ī pad se tōhmag pad dahāg asāg frāybūd ud aybibūd ud adād wizend anāgīh ud awērānīh ī gēhān hangirdīg wis_xwadāyīh
ud pad dušxwadāyīh ō uzmāyišn sar_rasišnīh ud mardōm az =iš bē ayāsagīh widāzišn nirfsišn wināstīh ud paydāgīh
ud weh_dēn dād_bahr ōr az bun_dahišn pad gayōmard mardōm tōhmag pad =iš raft pad hōšang xwadāyīh dād pad =iš winnārdan pad ǰ̌am amarg_dahišnīh ī gēhān pad =iš būd az ān pas andar ǰ̌am tōhmag xwadāyān tā zarduxšt ērān dahībedagīh ārāstan
pad spurrīg_padīrišnīh rawāgīhišnīh fradom pad zarduxšt dēw kālbod didīgar pad abāz ārāstan ī pad zarduxštān ušēdar čahār_zangān kālbod ud sidīgar pad abāz ārāstan ī pad zarduxštān ušēdarmāh yaz_tōhmagān kālbod škast ud čahārom pad abāz ārāstan ī pad zarduxštān sōšyans dō_zang_tōhmag =iz druz kālbod škast
ud harw ǰār pad =iš paymān dād gēhān_paywandagtar abāz waxšēnīdan dām pad =iš srāyēnīdan ud bōzēnīdan pad se_uzmāyišnīh sar frazām rasišn hām_dahišn rawāgīh ud hamāg mardōm pad =iš āstawānīh ud abar_ēstišnīh pad dādār kām ud framān frašegird tan ī pasēn abar kirdan paydāg
ud agdēn adādīh az dēwān pad frēb rēzišn fradom dahišn_kāhēnīdār dahāg dōšīdan ud ōrāyt agyahūdīh bun_nibēg kirdan gēhān pad frāybūd ud aybibūd ud adād wizandēnīdan ud margēnīdan
az dahāg ō abrahām ī yahudān dastwar madan az ōy pad fradom ud didīgar sidīgar yahūdīh wihīrīhistan
pad harw nōg ērān gēhān mardōm pad ēwēnag ēwēnag frāybūd ud aybibūd adād wēš čandēnīdan ud tabāhānīdan pad se uzmāyišn sar škastan ud abesistan ud gēhān az =iš yōǰdahrīh ud dām az =iš bōxtan paydāg
abārīg =iz amaragānīg tis pad se ǰār uzmāyišnīh ān ī weh ōstigāntar winnirdan pad wattarīh škastan wišuftan handāzag ēn ī abar xwadāyīh dēn ī hu duš paydāgēnīd
abar čim ī andar dēn_burdār pad čiyōn nām xwānd az nigēz ī weh_dēn hād
čiyōn ōšmurišn ī dēn ī mazdēsn pad ān ī =š dēn mazdēsn xwadīh andar dēn mazdēsn xwānd ēdōn čimīg čiyōn harw dēsag pad =iz nām ī tōhmag ī andar =iš ēdōn =iz dēn burdār pad barišn ī dēn ōšmurišn dēn mazdēsn xwānd čimīg
abar spās ruwān pad pahrēz ī =š tan az wināh ud kirdan ī kirbag bun_dāštan ī az abāz_waštīh čimīg
tan ō ruwān abzār ēdōn dād ēstēd čiyōn asp ō aswār ud bārag ud ruwān pad andarzīh ī tan ō pahrēz ī az wināh ud kirbag kirdan ī az ōy xwadāy ud dādār ī tan ō =š abzārīh arzānīg_mizdīh
ud pad āsānīh_dōšagīh ī aǰgahānīhā wistārīh sūdagīhā frāz hištan pad apahrēzīh ī az wināh ud nē kirdan ī kirbag puhl arzānīg ōwōn čimīg čiyōn kē bārag ī šāh frahanǰēnīdan xwēškārīh pad xūb frahanǰēnīdan ī bārag ī pad rawišn xōg spās ud pad nē xūb frahanǰēnīdan bun_dāštan ī az šāh madan sazēd
abar hudaxšagtar ud dušdaxšagtar az mardōmān az nigēz ī weh_dēn hād
andar mardōmān pad madan ī xwarrah pād ī az dušfargīh hudaxšagtar ān kē pad xwēškārīh tuxšāgtar =iz
ōh =iz čiyōn yazadān pad xwēškārīh tuxšāgtom hē andar mardōmān ān kē pad xwēškārīh tuxšāgtar pad xwēšīh ud hamčiyōnīh ud hamkārīh ī abāg yazadān ō yazadān nazdīktar
ud pad =iz arzānīgīh u =šān az spāsdārīh pad kārīgēnīdan ī ān ī =š mad nērōg az yazadān pad rasišn ī xwarrah pānagīh ī dušfargīh ēmēdwārtar
az weh_dēn pad gōwišn ī ohrmazd paydāg kū ō ōy ī tuxšāg baxt xwarrah ud dūrtar az xwarrah nazdtar ō dušfargīh dahāg
pad ān kē az xwēškārīh aǰgahāntar brīdan ī az yazadān hamkārīh ud anespāsīh =iz pad agārēnīdan ī ān ī az =išān mad nērōg rāy
az weh_dēn pad gōwišn ī ohrmazd paydāg kū ō ōy ī bazm ī aǰgahān baxt dušfargīh
ēn =iz kū nē ān ī axwāstār ī aǰgahān rāy awēšān ǰōrdāg nē brēhēnīd
abar padīrišnīh ud apadīrišnīh nihuftag az dānišn apaydāg_čim āgāhīh dēnān gōwišn az nigēz ī weh_dēn hād
andar mardōmān xrad dādwar čiyōn dādwar mard abar nihuftag az =iš tis pad wizīr pad =iš kirdan wizurd ud gugāy wābarēnīdan ud pad wizurdīh ān dōšēd kē =š dānāgīh ud rāst_gōwišnīh paydāg ōwōn dādwar xrad nihuftag tis pad ēdōnīh ayāb anēdōnīh x x az āgāhīh ī ān dēn padīrēd kē pad dānāgīh ǰud az =iš dānišnīg tis harw pad rāstīh paydāg
ud dēn kē pad dānišn škōh u =š gōwišn ast ī ēč pad drōīh paydāg ān ī abar nihuftag az xrad āgāhīh gōwēd dādwar xrad pad wābarīh ēdōn nē padīrēd čiyōn nē padīriftan ī dādwar mard gugāyīh ī dušāgāhīh drōzan kas abar ān ī gōwēd az ān ī nihuftag ō dādwar
abar kunišn akunišnīh az nigēz ī weh_dēn hād
kunišn kirbag akunišnīh wināh
ud kirbag dō ēwēnag ēk ān ī pad xwadīh kirbag čiyōn šnāyēnīdan ī wehān ēk ān ī meh_dādestānīh rāy kirbag čiyōn šnāyēnīdan ī wattarān pad meh_dādestānīh ī wehān
ud wināh =iz dō ēwēnag ēk ān ī pad xwadīh wināh čiyōn bēšīdan ī wehān ud ēk ān ī adādestān rāy wināh čiyōn bēšīdan ī wattarān ka pad meh_dādestānīh wehān šnāyišnōmand
abar tan andarōn bērōn ud gyān bōy ud gand az nigēz ī weh_dēn hād
tan andarōn xwadīg bōy az čihr u =š gand az āz ud az ān ī bērōn ō andarōntom tan az xwarišn rasād bōy az paymān nān ud gōšt xwarišn ud may dādīg xwārišn
ud gand az nasā ud hixr ǰōyišn
u =š bērōn bōy az ān ī hubōytom az urwarān bōyēnišn =iz
ud gand x x az nasā ud hixr abar_gumēzagīh ud pad =iš rēmanīh wēš
ud gyān bōy az wahman pad =iš mehmānīh bōyān bun u =š gand az akōman abar_dwārišnīh gandān grāyist
aṣ̌ahiiā_āat̰_sairī_aṣ̌ahiiā_vərəzə̄nē
abar dahībedān pahlomīh ud wattomīh az nigēz ī weh_dēn hād
az weh_dēn nigēz dahībedān pahlomīh pad huabarīh humāništagīh gēhān abērtar ud wattomīh pad dušabarīh dušmaništagīh gēhān wēš bawēd
ud huabarīh ēn pad abarīh ī gēhān gēhānīgān ī ōy ī dahībed ud ērīgān pānagīh ud hufrāyēnīdārīh ud humāništagīh ēn ī gēhān gēhānīgān ī ōy ī dahībed wālan pad dādestān wistarišnīh ī abar =išān sūdēnīdan rāmēnīdan
ud dušabarīh ud ēn pad abarīh gēhān gēhānīgān ōy ī dahībed ud ērīg apānagīh ud yyy_rāyēnīdārīh ud dušmāništagīh ēn ī pad māništagīh ī gēhān gēhānīgān ōy dahībed wālan pad adādestānīh abar =išān zyānēnīdan ud bēšīdan
abar abām ī mardōm abar dādār bōzišn az nigēz ī weh_dēn hād
čiyōn agar āzādag šnāyišn ī az kas abar xwēš abām hangārēd pāddāšn handāzēd kird =iz was pāddāšn hamē ān dāšn bar ī šnāyēnīdār az xwēš warzīdan bun dārēd ōwōn āzādagtom abēzag weh dādār kām ud kunišn ī ān ī =š dāšn bowandag pad paristišn šnāyišn xwad_dāšn mardōm
ka =iz ōh pad nērōg ī ōy dād šāyist kirdan ēg =iz ān kird ud pāddāšn niyābagīh pad =iš rāy abar xwēš abām hangārdan pāddāšn handāxtan
ud kird pāddāšn ān dāšn bar ī az xwēš warzīd kunišn ī ōy mardōm dāštan guft and_čand ēn ēwar kū nē kas az dāšnān ēw_tāg pad ēč kār tagīg
abar sāmān ī weh_dēn ud agdēn ud agdēnīh nidom ud mayān ud abardom hudēn ud sang ī ēk_ēk az nigēz ī weh_dēn hād
weh_dēnīh sāmān abar mardōm ox kām_menišnīh abar weh_dēn xwadīh u =š sang rōšn_menišn abar rāh ī dō ox
ud agdēnīh sāmān abar mardōm akām_menišnīh ī abar weh_dēn xwadīh homānāgīh u =š sang tom_menišn ud axrad rāh ī az ox
ag_dēnīh sāmān anast_mēnīdārīh ī dēn u =š sang rāh az ox ō menišn bastan brīd_pand az ox
ud nidom hudēn ox kām ud nidom ōšmurdār ud warzīdār ī weh_dēn u =š sang nidom ahlaw
ud mayānag hudēn ox kām mayānag_mēnīdār ud ōšmurdār ud warzīdār ī weh_dēn u =š sang mayānag ahlaw
ud abardom weh_dēn ox kām abardom menīdār ud ōšmurdār ud warzīdār ī weh_dēn u =š sang abardom ahlaw
abar astīh ī dām hamēstār ud pēšīh hamēstār az dām
abar yān xwāyišn xwāstag šōn az nigēz ī weh_dēn hād
xwāyišn ī yān az yazadān xwāstag šōn pad abēzag_dōstīhā tan_dahišnīg kām_warzīdārīh ī yazadān čiyōn xwāst yašt_frawahr spitaman zarduxšt az yazadān yān
kām ī yazadān hamāg_kirbag u =šān paywāzišn ī yān wahmanīg xrad paymānīhā weh_dēn passand ān ī pad yān xwāstār weh čiyōn =išān paywāxt ān ī zarduxšt yān
ēd ī gētīyīhā paydāgīh abar weh_dēn dastwar dahībed yazadān_xēmīg baxšišn ī rāy xwarrah ō ēkānag warzīdārān ī =šān kām frašegird winnārišnīg pad =iz tōhmag
ud ān ī az dēwān pad dēwēzagīhā kām_warzīdārīh ī dēwān dušfarg mar bawēd čiyōn =iš xwāst dahišn_kāhēnīdār mar dahāg
ud kām dēwān hamāg_bazag u =šān paywāzišn yān akōmanīhā ud waran rēzišnīg ān ī pad yān xwāstār wad_frazāmīhātar čiyōn =išān paywāxt ō dahāg ān ī =š pad frazām wattom būd
ēd ī gētīyīhā paydāgīh abar wattar_dēn dastwar druwand sāstār druz_xēmīg frēftārīhā baxšišn ī āzādīh nām ō ēkānag kām_warzīdārān abāz_appurdārīg pad ast_frazāmīh
ud kēšdārān kē abāz_appurdārīh nēst_frazāmīh =iz ī āzādīh abar yazad saxwan ī =šān nišān ī dēwīh ud druwand_sāstārīh =iz abar yazad guft ud yazadīh ud huxwadāyīh az =iš bē guft bawēd
abar mardōm sang az nigēz ī weh_dēn hād
wēnīhēnd mardōm pad ēn =iz dō sang ēk nērōgīg_xrad ud ēk nizār_xrad
nērōgīg_xrad pad čēgām =iz tis xrad āhang ud xrad dastwar ud xrad nigerišnīg ud druyist_wēnišn bawēd
ud nizār_xrad čašm āhang ud čašm āhang dastwar čašm ud pad čašm dastwarīh ast ka ōwōn =iz wahār_gōn bawēd kū māh dōānag ud yyy wēnēd ud dārēd
gōš_āhang ān =iz ast ī ēdōn tuhīg az dānišn ī bōy ud gand nē az hubōyān ud šīrēn taxl nē az čāšišn ī xwēš bē az āšnawišn ī az wiyābān ud wiyābāngarān bōy pad gand ud gand pad bawišīrēn pad taxl ud taxl pad šīrēn dārēd gōwēd ēd ī wasān awizīn wurrawišn
kēšdārān was ēn mānāg kird saxwan čiyōn dušāgāhīh ud adād abārīg wattarīh wēnābdāg kū az dānāgīh ud adād wehīh hambun ud az hamāg dānāg ud wisp_weh yazad guft
abar stāyišn ud paristišn ī dādār az nigēz ī weh_dēn hād
stāyišn ī paristišn ast ī wāspuhragānīhā dādār xwēš pad dahišnān nē sazēd čiyōn stāyišn ī dādār pad mēnōyān_mēnōyīh ud wisp_āgāhīh ud wisp_tuwān ud wisp_xwadāyīh ud hammist ī =š hangōšīdagīhā xwēš fradom_stāyišnīh andar niyāyišn pēš_šnūmanīh ī andar ēzišn
ast ī abāg dādār dahišn ōz xwēš čiyōn stāyišn ī pad dānāgīh rāstīh ud rādīh ī čiyōn spurrīgīhā pad dādār agar bahrīg pad =iz mardōm
ud agar pas_stāyišnīh ī andar niyāyišn pas_šnūmanīh ī andar ēzišn ī dādār ī xwad spēzišn ī dādār ān hunar ud kirbakkarīh ud nērōg ō dahišn gugāy
ast ī abar xwēšīh ī dahišn =iz ān stāyišn ud niyāyišn ud yazišn pad pasīh az dādār stāyišn ud niyāyišn ud yazišn
ud ast ī nē ō dādār rasēd ud nē =iz ō dahišnān bē =iz dādār tarmēnīdārīhā ud dahišn bēšīdārīhā čiyōn abar dādār anastīh ud abar dahišn xwēš_bunīh ud guftan ud dēw pad yazad_nāmīh yaštan
ud kēšdārān kē dahišn aniyāyišnīh ud ayazišnīh ēk az did kēš hanbasān_kēš hēnd pad =iz ān ī =šān kēš yazad pad bun_dahišn frēstag ō mardōm namāz burdan āgāhēnīdan ān ī nē pad ān ōwōn garān wizend ud āhōg xwāstārīh abar frēstagān ō ahriman ud dēw ud druz wardēnīdan gēhān pad =iš āšuftan sazēd
bē az āzādīh ī yazad pēš_gēhānīhā_dahišnīhā ō mardōm x x dād ān ī =šān xwadīh dānišn nērōg kē mardōm niyāyišn paristišn ī yazad pad =iš kunēnd paydāg ī az =iš wēnīhēd pēš_niyāyišnīh yazad ō mardōm pad =iz pēš_kirdārīh ī ān āzādīh
abar dānāg dānagtar ud dānāgtom andar mardōm az nigēz ī weh_dēn hād
dānāg andar mardōmān ōy kē ān ī ō menišn mad wināh ō guft x kirdār nē hilēd
ud dānāgtar ōy kē ān ī ō kāmag mad wināh ō menišn nē hilēd
dānāgtom ōy kē wināh ō =iz kāmag nē hištan čār kunēd
abar mardōmīh ud dēwīh ud mardōm ī dēw abar gētī paydāgīg_stīyān az nigēz ī weh_dēn hād
weh_dēn_nigēzīg az frazānag dahībed gōwišn
ēn se ēwēnag wēš_nērōgīhātar andar gētī stīyān pad mardōm ud mardōm_dēsagān paydāgīh ī mardōmīh pad ōy mardōm az ēn šaš pad =iš hunar xrad ud xēm ud šarm ud mihr ud spās ud ēmēd
ud kē ēn šaš hunar aγrīyīhā pad =iš pad meh_mardōmīh abardom ī mardōm kē mayānagīhā mayānag kē nidōmīhā nidom mardōm
ōy mardōm dēsag kē az ēn šaš hunar ēč pad =iš nēst pad tuhīg_mardōmīh amardōm
ud ka =š āhōg ī padīrag ham hunarān ī ast waranīgīh ī xrad ud frēftārīh ī xēm ud sturgīh ī šarm ud druxtārīh mihr nērōg_hambārīh spās ud brīd_ēmēdīh ī ēmēd petyārag pad =iš pad dēwīh ud dēw
ud ka az hunar ud āhōg āmēxtag pad mardōm_dēwīh dēw mardōm
ud pad abēzag mardōm andar gēhān ī yyy ud ēdōn =iz pad hām_dēwīh hām_dēw kas
ud wēš_hunar stāyīdan frāzēnīdan wēš_āhōg nikōhīdan abāzēnīdan ō =iz ī kam_hunar pad hunar ī frāztar nē menīdan ud ān =iz ī kam_āhōg az āhōg ī pad =iš awihānagīh nē būd weh_dēn andarz
abar bēšāzišnīh ī gēhān az wēmārīh az nigēz ī weh_dēn hād
bēšāzišnīh ī gēhān az wēmārīh pad purr_zōrīhā paywandišn ī hām_gēhān wēmārīh darmān ī ast dādīh bawēd ud paywastag ast kehān ī gēhān pad mehān ī gēhān mehīh pad wehīh bawēd čiyōn wehīh winnārišn pad dānāgīh ud dānāgīh xwad ast dādīh
ān wēmārīh ī gēhān darmān dādīh hām_gēhān purr_nērōgīhā paywastag ud pad =iš gēhān az wēmārīh bēšāzišnīh bawēd
abar ōy kē =š nēk ud ān kē =š anāg az nigēz ī weh_dēn hād
az pōryōtkēšān weh_dēn_nigēzīg gōwišn
ōy nēk kē hamē nēk u =š tan druyist abar xwēš tan pādixšāy u =š pih ī ēw_rōzag nē zad ēstēd u =š x abāg mānīgān āštīh u =š xwarrah waxšēnīd ēstēd
ōy hamē nēk kē hamē pad_rāmišn ōy tan druyist kē ruwān druyist ōy abar tan ī xwēš pādixšāy kē druz az tan bē kird ēstēd ōy pih ī ēw_rōzag nē zad ēstēd kē pad ān ī mad ēstēd hunsand ud ōy abāg mānīgān āštīh kē ātaxš ud āb ud gōspand mardōm ī =š andar sālārīh xūb dāšt ēstēd ud ōy xwarrah waxšēnīd ēstēd kē xwēš kār
ōy anāg kē hamē anāg u =š tan wēmār ud abar xwēš tan nē pādixšāy u =š pih ī rōzīg zad ēstēd abāg manīgān anāštīh u =š xwarrah zad ēstēd
ud ōy hamē anāg pad_pīm ud ōy tan wēmār kē ruwān wēmār ud ōy abar xwēš tan nē padixšāy az druz andar tan stahmag ud ōy pih ī rōzīg zad ēstēd kē pad ān ī mad ēstēd ahunsand ōy abāg mānīgān anāštīh kē ātaxš ud āb ud gōspand mardōm ī =š andar sālārīh wad dāšt ēstēd ōy xwarrah zad ēstēd kē axwēškār
abar nē sazīdan ī wihān ī wināh ud wišōbišn ī mardōm az dādār ohrmazd az nigēz ī weh_dēn hād
ka dādār ohrmazd dām az ēk_gōhr dād mardōm az ēk abun zāyēnīd ēd =iz kū tā dām ham_gōhrīh =iz rāy ēk ō did parwarānd ud winnārānd ud ayārēnānd
ud mardōm hamzāyēnīdārīh =iz rāy ēk_ēk ōy ī did pad xwēš dārēnd ud handāzag mihrbān brādarān ēk abāg did nēkīh kunēnd ēk az ōy ī did anāgīh bē barēnd
u =š dānišn bowandag_menišnīh ud xrad was hunarān andar mardōm kirdan wahman spandarmad srōš was yazadān ō mardōm rasēnīdan pad =iš mehmānēnīdan
ēd =iz rāy kū tā mardōm kirbag kāmānd ud menānd ud gōwānd ud warzānd ud pad =iš ahlāyīhānd ahlawīhānd ān sazēd kū =š āz waran ud xešm ud arešk ud nang ud kēn abārīg ī wināh ud druwandīh ud any winastagīh ud dōšāram ī mardōm wināhāg aweštābāg ī ō zadan ud bēšīdan ī ēk ōy did ō mardōm nē abgand mardōm pad =iš nē x ālūd
ōh =iz ka =š andar dēn abāz zanēm ud bēšēm ā =mān dādīg zanēnd bēšēnd u =mān ān zadārīh ud bēšīdārīh abāz ō xwad hamē rasēd zadārīh ud abārīg ī bēšīdārīh kas pad ān ī xwad dārēnd
ud bīm ī az dādīg zadārīh bēšīdārīh ī =šān abāz ō xwad rasēd rāy azadārīh abēšīdārīh winnārīhēd
daxsāg ast ī anabāyišnīg ī ī =š zadārīh ud bēšīdārīh andar mardōm ud ka yazad āhang ī azadārīh ud kirbag andar mardōm kirdan ud dēnīg =iz pad =iš andarzēnīdan
ēn andar =iz kēšdārān xwastūgīh ān wihānag ī adād_zadārīh wināh čiyōn āz ud waran ud nang ud kēn ud arešk ud ōy yazad andar mardōm kirdan ī čiyōn kēšdārān saxwan hanbasān_guftārīh ud drōīh rōšn
abar wihān ī ōstīgān būd ī pad tis az nigēz ī weh_dēn hād
wihān ī ōstīgān būd ī pad tis ēn =iz se ēk dānišn ud ēk wurrawišn ēk uzmāyišn
ēk dānišn ēd =iz ī čiyōn ka az kardagīh ī gēhān ōstīgān dānēm kū ast ī kirdār ī gēhān
ēk wurrawišn ēd =iz ī ka az gugāyīh ī purd kas abar nihuftag apaydāg =iz x tis ōstīgān wurrawēm ēdōnīh ān ī gugāyīhēd pad =iš
ēk uzmāyišn ēd =iz čiyōn ka az ul_āmad ī xwaršēd im rōz pēš =iz ōstīgān hēm abar ul āmad ī fradāg =iz xwaršēd
abar abēdānīh ud anābēdānīh mardōm az nigēz ī weh_dēn hād
abēdānīh mardōm =iz wēš dānišn_nērōg hammōg ud kē pad dānišn ahlāyīh bālist pad abardar arzagīh kē mayānag pad mayānag_arzīh ud kē nidom pad nidom_arzīh abāyišnīg kē dānišn ahlāyīh fradom pad =iš nē yyy anabēd anast andar garōdmān
abar daxšag ī dānagīh dušāgāhīh az nigēz ī weh_dēn hād
az dānāgīh daxšag ēd =iz āštīh ud pād_uzwānīh šād_menišnīh ud weh_dōstīh ud rādīh az ēn panǰ daxšag abāg passazag awišīhā mādī dānišn pad =iš pad frāzīg dānāgīh dānāg dārišn ō dōstīh ud nazdīkīh ī tuxšišn ud stīyān bawišn
ud az dušāgāhīh daxšag ēn =iz anāštīh ud halag_uzwānīh ud bēš_menišnīh ud weh_dušmenīh ud penīh az ēn panǰ daxšag pad =iš pad zay dušāgāhīh dušāgāh dārišn az =iš dūr pahrēzišn
abar rōšnīh ud tārīkīh ēk_ēk ēwēnag az nigēz ī weh_dēn hād
rōšn dō ēwēnag ēk tan čašm wēnišnīg rōšnīh ēd ī ast wišādār ī tan čašm ō dīd ud ēk gyān čašm wēnišnīg rōšnīh ēd ī ast wišādār ī gyān čašm ō dānist
ōh =iz srūd_dānišn hammis wahman abārīg weh waxš rōšnīh ī hēnd ī wišādār ī āsn_dānišn ī pad gyān čašm nērōg ō dānist ī xīrān
čiyōn x xwadādīh ud stī_dādīg rōšnīh wišādār hēnd ī wēnāgīh pad tan čašm nērōg ō dīd ī tisān ī wēnābdāg
ud tārīkīh ō wēnišn ī tan čašm rāy ō dānišn dō ēwēnag rasēd ēk ān ī bastār ī gyān čašm az dānist čiyōn akōman āz ud waran ud xešm ud arešk watter wēš ēk ān ī bastār tan čašm az dīd čiyōn ēd ī pad nē handēmānīh xwadādīg ud stī_dādīg rōšnīh ud wēnāgīh pad tan čašm x bandīhēd
abar wāspuhragānīg frāzīg tan pasēn az wahišt ud gētī az harw dō az nigēz ī weh_dēn hād
wāspuhragānīg frāzīh ān wahišt pad tan ī pasēn az ēn wahišt ī nūn =iz bowandag rāmišn ī az hām_bahr ham_rāmišnīh ī ham_gōhrān winnārīhēd ī pad tan ī pasēn bawēd ān ī wahištīg =iz abēšīh ī ēw_tāg ruwān pad āhang menišn ī wahištīgān ō ān ī hamāgīg purr_rāmišnīh pad tan ī pasēn winnirdan paydāg
ud wāspuhragānīgīh pad az =iš gētī abar harw dō az ēd ī ka ān =iz asazīg/aseǰīg rāmišn ī pad wahišt ud tan ī pasēn az ēbgad wānīdār kār ī dahišnān pad dādār nērōg andar ēn ī kōxšišnīg razmgāh ī gētī bawēd
ud kēšdārān pad gētī tarmēnīdan tarmēnīdār =iz hēnd wahišt ud tan ī pasēn pad tan ī pasēn mardōm frayist druwand ǰāwēdān dušoxīg hamāg_pādufrāh bawēd ī =šān kēš abāg wad_frazāmīh ī yazad kār kunišn ī winnārišnīh =iz ī ēč rāmišn frāz yaštīg škeft_bēšīh =iz ī huzārag =iz mardōm ī wahištīg gōwēnd guft bawēd
abar abardom čār ī pad rasīdan ī ō ān ō aseǰ axwān dīd az nigēz ī weh_dēn hād
abardom čār ī abar madan ī ō ān ī aseǰ axwān dīd ī ān axwān pad druyist wēnišn nimūdār dēn mazdēsn ud dīd pad druz az tan bē kirdan
ud ka dīd abardar_sāmānīhā ārzōgīhist pad passazag ī ān ārzōg dānišnīg tuwān_tuxšāgīh ī pad xwāyišn kird bawēd
abar dānāg ud dānāgīh ud dānišn dānist az nigēz ī weh_dēn hād
dānāg ōy kē =š dānāgīh pad gyān nērōg čiyōn wēnāg ān kē =š wēnāgīh pad tan čašm nērōg ād
dānāgīh ān ī pad nērōg ī dānāg čiyōn wēnāgīh ān ī pad nērōg ī wēnāg čašm u =š handāzag ēd =iz ī xwāstagōmand ud xwāstag ān ī xwāstagōmand pad =iš xwāstagōmand bawēd
dānišn ān andarg handēmānīh ī ō dānāgīh nērōg dānāg =iz band/bōy dānīhēd bē bawīhēd čiyōn wēnišn ān ī andarg handēmānīh ō wēnāgīh nērōg čašm ud tis ī wēnīhēd bē bawīhēd
ōh =iz dānišn pašn ast ī andarg dānāg ud ān ī dānīhēd ud wēnāg ān ī wēnīhēd handāzag šnāyišn ī andarg šnāyēnīdār šnāyēnīdag zanišn andarg zadār ud zadag abārīg kunišn ī andarg kirdār ud kardag
harw dānāg pad dānāgīh ī =š pad nērōg dānāg hambast paywand dānāg pad dānāgīh ī =š pad nērōg ō ān ī wēnīhēd dānišn dānist =iz bawēd ān ī dānīhēd dānistag
se ēwēnag hēnd dānāg
ēk kē pad xwadīg dānāgīh dānāg ud ēn ēwāz dādār ohrmazd ast akanārag_zamānīg dānāgīh abardomīhā_nērōg
ēk kē pad xwadīgēnīdag x dānāgīh dānāg čiyōn gyān pad xwadēnīdag zīndagīh zīndag ud ātaxš pad xwadēnīdag garmīh garm
ēk kē pad dānāgīh ī bē xwēš dānāg čiyōn tan kē pad gyān zīndagīh zīndag ud āhen ud dār ud sang kē pad ātaxš garmīh garm bawēd
ud yazad nē x pad dānāgīh dānāg gōwēnd az kēšdārān ī =š yazad nē pad tuwān tuwānīg ud nē pad xwadāyīh xwadāy ud nē pad dahišn dādār guft dānāgīh ud tuwānīgīh ud xwadāyīh ud dādārīh =iz az yazad bē guft bawēd
abar dānišnōmandīh čihr ud čihrōmandīh ī dānišn az nigēz ī weh_dēn hād
dānišnōmandīh čihr az =iz madan ī ǰārīhā čihrīg yyy wāng ud mayān tan čamišn ud pad handēšišn menišn abar_barišnīh
ud čihrōmandīh dānišn az =iz frāz_rasišnīh ī bāstān hammōxtag dānišn pad čihrīgānīg ō ayād_menišn paydāg
abar hučašmīh ud duščašmīh bun ud zōr ud sūdēnīdan ī harw dō pad xrad šōn az nigēz ī weh_dēn hād
hučašmīh bun wahman u =š zōr azērtar hunar dīd duščašmīh bun akōman u =š zōr azērtar āhōg dīd =iz
sūdēnīdan ī harw dō pad xrad x x šōn duščašmīh ī āhōg nigerīdan ō kasān pad xwēš bē wirāstan hučašmīh ī hunar nigerīdan ō xwēš ud pad =iz kasān bē hangārīdan bawēd
abar ōzōmandīh ī zahag zōr andar mardōm az nigēz ī weh_dēn hād
abar mardōm čihr amaragānīhā fradom ān ī zāyēnīdār mād xōg did ān ī parwardār pid ud sid ka ō frahang_bed rasēd ān ī frahang_bed ud čahārom pad pornāyīh ān ī andar āwām abarwēz xōg zōrōmandtar madan ō mehtarīh abdom ō zahag pid xōg xēm āhanǰīhistan paydāg
abar spās ī mardōm menīdan ud guftan kirdan frēzwānīg az nigēz ī weh_dēn hād
spās ī mardōm hamēšag_tuxšāgīhā menīdan ud guftan ud kirdan frēzwānīg mādagwar čahār ī ohrmazd mādayān pad dādārīh ud dahībed mādayān pad gētīyīg pānagīh_kirdārīh ud pidarān mādayān pad parwardārīh ud dānāgīh_hammōz pad pad =iš šnāxtan ī ēn čahār
abar tuwānīgīh ī harw ox ī astōmand pad bōxtan ī ruwān az nigēz ī weh_dēn hād
az ān čē meh čār ī ruwān ruwān_bōzišnīh awināhīh ud abzōnīgīh ox pad wināh šnāsīhēd ud nē hamdādestānīh ī pad wināh weh_dēn nigēz
abāg dād ī dādār aw =išān āsn_xrad ud harw ōšyār mardōm pad abāz_āhangīh ī az wināh tuwānīgīh ēdōn čiyōn pad =iz āhangīh ī ō kirbag
ōwōn ox ī astōmand mardōm hamāg pad ruwān bōxtan ud tuwānīgīh tāštīg
abar panǰagān ī māh az nigēz ī weh_dēn hād
ast māh andar harw māh_ēstīg bazišn māh dēn bazišnīg šaš panǰag se nām u =š ēk andar_māh ī =š fradom naxust ud abdom ud panǰom rōz ī az nōg_māh ud ēk purr_māh ī =š fradom yāzdahom ud abdom panǰdahom rōz az nōg_māh ud ēk wīšaptah fradom wīst_ēk ud abdom om rōz az ham nōg_māh
ud ēn se panǰag ī xwānīhēd panǰag ī weh ud dōšīdag ast amaragānīha mādagwarīha abar frāz griftan ī ǰōrdā ud wāstar ud abārīg urwar_kārišnīh ī ud mardōm pus_xwāyišnīh ud gōspandān gušn_hilišnīh ī ud hammis frārōn gētī bundārīh ud handāzišn =iz aw =iš rad_passāg ud ēzišn sāzišn myazad
ud se panǰag ī didīgar nām ēk padīrag andar_mah ī =š fradom šašom x x ud abdom om rōz ī az nōg_māh ēk padīrag purr_māh i =š fradom šāzdahom ud abdom x om rōz ī az nōg_māh ēk padīrag ī wīšaptah ī =š fradom om abdom tā om az ham nōg_māh ham paywast ān ī did nōg_māh kunišn pad ēn =iz se andarg ud frōd_gāh
ān se panǰag ī mādagwar az xwēškārīh nē muštan tuwān_tuxšāgīhā kirbag andar warzīdan ud xwurdag =iz ī zaman ī az =iš az kirbag nē tuhīgēnīdan ud pad =iz abārōn bazag mēnōy ān zaman nē bēšīdan
ud ān =iz bun_kārīh ī ān se panǰag pad =iš mādagwar dōšīd ēstēd ka andar ān pādīrānīhīhēd andar ēn xwēš gāh menīdārīhā ud sazāg handām dāštārīhā čiyōn rōz hamāg pad kār ud dādestān buland guft ēstēd rawāgīh taftīg handāxtan
ud ka šāyēd hambun =iz nē pādīrānēnīdan weh_dēn dastwarīh pōryōtkēsān dād kardag
abar abar ān ī yazadān_xēm mardōm ān ī dēw mānāg mardōm kirb az nigēz ī weh_dēn hād
čiyōn yazadān_abēzag_xēmīhā mardōm zīndag ud tan dōstīh ud pānagīh pad sūd_rāyēnīdārīh pādan ruwān pad hamē_abāgīh ud šnāyēnīdārīh ud murd =iz humihr nēk kām az =iš nē wisānēnīdan abar =iz x abdomīg bōxtagīh amōšīdārīhā tuxšīdan
ōwōn ān ī yazadān_xēm mardōm awisānīšnīh ī dōst az dōst mardōm ud pad frāxwīh ī xwēš tangīh ī ī =š dōst az xwēš frāxwīh nērōgēnīdan ud rāmēnīdan pad frāxwīh ī dōst rāmišn_kāmag ī pad abzōn ī ud hamē ud pad =iš pattūdan ī =š frāxwīh bawēd
ud čiyōn dēw ohrmazd dahišn dušmenīhā mardōm zīndag tan xastēnīdan bēšīdan ud margēnīdan ruwān frēftan ud druwandēnīdan ō dušox ud škarwēnīdan ān ī māzan dēw mardōm =iz tan ō ōbadišn gyān kešīdan ān ī ōzad ān ī ahlaw kēnīgīhā pad tan dwārist ud nasušēnīdan ud pōsēnīdan ud gandēnīdan
ān ī druwand abar =iz ruwān andar yyy ud ō dušox kešidan ud hamē garzēnīdan ud bēšēnīdan ān kōdag dēw pad =iš abesīhistan
ōwōn dēw mānāg mardōm kirb pad tangīh ī xwēš frāxwīh ī =š dōst ō dōst dōstīh yaskēnīdan u =š pērāmōn gaštan abāg ǰūdan ī =š az āzādīh penīh frāxwīh frāxwīh areškīhistan anāg_kāmīhā pattūdan pad =iš nē hištan abārōn čārag handāxtan pad frāxwīh ī xwēš tangīh dōst dōst bwyčīdan ud amihrīhā tarmenišnīhā az nazdīkīh pahrēz ud pahrēzēnīdan bawēd
abar ān ī harw kadār pad =iš arzānīg ud ān ī ēč pad =iš nē arzānīg ud ān ī ast kē pad =iš arzānīg ud ast ī nē az nigēz ī weh_dēn hād
ān ī harw kadār pad =iš arzānīg dādestān ud ān ī ēč pad =iš nē arzānīg adādestānīh ud ān ī ast kē pad =iš arzānīg ud ast ī nē āzādīh kē fradom =iz az pāyagīhā
abar wizīn ī ō šahr ud mardōm wirāstārīh az nigēz ī weh_dēn hād
az dēn nigēz wirāyišn ī šahr ud mardōm pad rāstīh_gōwišnīh abērtar pad hamrasišnīh ī ēn čahār rāstīh pad mard wizīn ī abar =iš pad šahr ud mardōm wirāstagīh bawēd
fradom pad rāstīh_kāmagīh kū tā =š ān ī šahr wirāstārīh xwarrah pēš mehmān bawād didīgar pad nēw_dilīh pad rāstīh_guftārīh kū tā frāz_āhang bawād ō guftan ī ān ī rāstīh ud sidīgar pad hangāmīg dānāgīhā guftan ī ān ī rāst tā kū rāstīh ōz rasād čahārom pad padīriftan gōwišnīh ī andar mardōm pad rāstīh kū tā =š kārīgīhād rāst_gōwišnīh kē pad =iš ast wirāyišn ī šahr mardōmān
abar gēhān tan u =š āmēzišnīg tan ristagān ān ī =š ruwān =iz ārāyēnāg ud sūdēnāg u =š wišobāg ud zyānēnāg ārāyišn sūd_wišōbišn zyān čē =š ud bun az nigēz ī weh_dēn hād
gēhān tan ātaxš āb ud zamīg ayōšust urwar gōspand ud mardōm čiyōn mardōm tan mazg ud xōd rāg ud pay ud ast ud pid ud mōy
ud gēhān āmēzišnīg tan ristagān ādur wād ud nam ud gil čiyōn mardōm tan ristagān wād xōn wiš draēm
ud gēhān ristagān rāyēnāg ud kārigēnāg čihr ātaxš ud wād pad paymān_sāzišnīh hamīh čiyōn mardōm tan hamēnāg ud kārīgēnāg ristagān frawahr čihr wād gyān pad hamīh
ud gēhān zīyēnag gyānwar gyān abar_kār wāy ī pad ēwāz ī gēhān xwānēnd =iz wāy ud dēn/day mēnōy ī wāy ī =z rāyēnīdār gōwēd čiyōn mardōm tan zīyēnāg ātaxšōmand wād ī ast gyān
gēhān rāyēnāg ruwān čihr spāš ī rah =iz pad gēhānīg ēwāz ī x x spihr =iz xwānīhēd čiyōn mardōm tan rāyēnāg bōyišnōmand ruwān
ud gēhān ārāyēnāg ud sūdēnāg rah_rawišn rōšn bagan čiyōn mardōm ārāyēnāg ud sūdēnāg wahman pad ox mehmānīh
x x ud gēhān wišōbāg ud zyānēnāg azēr_rah_rawišn bagān pad =išān kārīh petyāragīh dwārāg yyy ī abāxtar xwānīhēd čiyōn mardōm wišōbāg ud zyānēnāg akōman pad rāhdārīh ī andarg ī ox ud menišn
gēhān ārāyišn ud sūd bagīh paymān zahag zīndagīh ud druyistīh ud rōyišn ud x waxšišn ud pazzāmišn čiyōn mardōm ārāyišn ud sūd wahmanīg dānāgīh ud kirbag ud husrawīh ud ahlawīh
ud x gēhān wišōbišn ud zyān yyy frāybūd ud aybibūd wēmārīh ud margīh nirfsišn ud pūdagīh ud gandagīh =iz riyahr čiyōn mardōm wišōbišn ud zyān akōman dušāgāhīh ud bazag ud druwandīh ud dušsrawīh
ud gēhān mardōm_ārāyišn sūd bun dādār ī gēhān pad frāxwīh ud wuzurgīh ud mardōm pad hangirdīgīh ī gēhān_ēwēnag ud gēhān gōhr ārāyišn nē mardōm wišōbišn ud zyān bun abar_rasišnīh ī ǰud_gōhr ī dēnīg ēbgad nām
ēd ī gēhān az xwēš hamgōhr ārāyišn ud nē wišōbišn astīh paydāg az dādār ī gēhān pad frāxwīh ud wuzurgīh ud mardōm pad hangirdīgīh ī gēhān_ēwēnag gēhān mardōm wišōbišn būd guftan =iz nē sazēd
ud kēšdārān kē =šān any bun ī anāgīh az =iš nēstīh kēš ī =šān anāgīh bun ō ud ān ī nēkīh bun paywastan ham bun az hamāg anāg anāgtar ud az harw was wattar guft bawēd
x x abar frāz_čār ud abar_čār kē ka tā dēn wāspuhragānīg_nāmīhā ī spennāg_mēnōy ī ohrmazd ōšmurdag az nigēz ī weh_dēn hād
frāz_čār kē ka hambun_čihrīh ī ō dādār ō harw čār abāyišnīg tis ī =š kē wisp_āgāhīh ōh =iz hambunīh ī ō harw čār pad astīh harw āgāhīh šāyēd
abar_čār kē ka hamāg ī ǰud az =iš čār ēr
ān ī čār astīh ī abāg wisp_āgāhīh pad abar_kārīh bawēd ōh =iz abar_čārīh pad abar_kārīh ud harw dō pad wisp_āgāhīh
abar gēhān dēn sūd ēmēd zyān bīmtom az nigēz ī weh_dēn hād
gēhān ud dēn sūd_ēmēdtom paywandišn ī pādixšāyīh ō ōy ī bunīh kāmag dānāg dād abar ud dēn ōšmurišn ō ōy ī dēn xwadīh ox_abzōnīg ahlāyīh_waxšēnīdār
čē az madan ī pādixšāyīh ō ōy ī bunīh_kāmag dānāg dād abar =iz ud dēn_ōšmurišn ō ān dēn xwadīh ox_abzōnīg ahlāyīh_waxšēnīdār amāwandīhēd pērōzīhēd xwadāyīh ud dēn ud pānagīhēd ud frāyīhīhēd wālīhēd wēšīhēd gēhān mardōm
ud gēhān zyān_bīmtom paywandišn ī pādixšāyīh ō ōy ī wānīdag menišn_bunīh dād_afsār ud dēn_ōšmurišn ō ī ān ī ox az dēn xwadīh tuhīg ahlomōγ ahlāyīh_nirfsēnīdār
čē az rasišn ī pāduxšāyīh ō ōy ī wanīdag menišn_bunīh dād_afsār ud dēn_ōšmurišn ō ān ī ox az dēn xwadīh tuhīg ahlomōγ ahlāyīh_nirfsēnīdār nigōnīh ud nizōrīharmēštīh ī xwadāyīh ud dēn hištan az pānagīh ud kāhišn ud nizārīh āwēnagīh bawēd ī gēhān mardōm
abar wēnāgīh ī mardōm u =š winnārišn ud abzāyišn ud kāhišn ud appurd_nērōgīh ud ēwēnagān ī mardōm wizārišn ī ēk_ēk az nigēz ī weh_dēn hād
wēnāgīh mardōm az āsn_xradōmandīh āsn_xrad xwad ast wēnāgīh nērōg ī gyān čašm u =š winnārišn pad mehmānīh ī wahman pad ox abzāyišn abērtar az srūd_dēn_dānāgīh ud hamīh
ud kāhišn az ǰudāgīh srūd_dānāgīh az =iš ud appurd_nērōgīh az stahmag padišīh akōman bawēd x x x
mardōm ēn =iz ēwēnag panǰ ēk hamāg_wišād ēk frāy_wišād ud ēk nēm_wišād ud ēk frāy_bast ud ēk hamāg_bast čašm
hamāg_wišād čašm pad spurr_mehmānīh wahman pad ox ud siyāgīh akōman az andar ox menišn ud aγrīyīh ī pad dēn dānāgīh srūd ud ēn pāyag ast ī frazānagīh mēnōy_wēnišnīh ī =z
ud frāy_wišādag čašm pad brāh_dāštārīh ī wahman pad ox ud x mehmānīh ī pad dēn_dānāgīh srūd abāg tam_abganišnīh =ēw ī akōman andarg ox menišn ud ēn pāyag ī ast ī šnāsagīh ud abzōnīgīh pēš_kēdānīgīh
ud nēm_wišādagīh čašm pad bām_dāštārīh wahman pad ox ud nidomīh pad dēn dānāgīh srūd abāg sāyag_wēš_abganišnīh ī akōman andarg ox menišn ēn pāyag ast ī dānāgīh āgāhīh
ud frāy_bastagīh ī čašm pad nizār_bāmīh ī wahman pad ox ud widangīh pad dēn dānāgīh srūd abāg stahmagīh ī akōman andarg ox menišn ud ēn pāyag ast ī wizēhišn ud handēšišn parmān ud mihōxt
ud hamāg_bastagīh ī čašm pad hanǰaftagīh ī wahman bām =iz az ox az škeft_yyy ī akōman andarg ox menišn arasišnīh ī fradom =iz dēn_dānāgīh aw =iš ud ēn payag ī xrad_stardīh ud guxrūn_ōšīh ud adānīh
abar ān ī pad gardišn abāz ō bun ud ān ī pad rastag az bun ō sar paywand az nigēz ī weh_dēn hād
az weh_dēn nigēz az ān ī pad gardišn abāz ō bun paywand zamān az ān ī az bun ō sar paywand dānāgīh
ud zamān rāy ōwōn nigēzēd kū az kār nērōg bun_tōhmag ī abestāgīg aršnōtačin nām pad dādār āfurrišn fradom kār_kunišn ān =iš zamānag_kunišn hambadist az kār_kunišn kār_frazāmišn ī =š zamān brīn_kanārag hambadist
zamān_frazāmišn brīn_kanārag paywand abāz ō akanārag zamān ī ast hamēyīgīh xwadīh ud asazišnīh ī pad tan ī pasēn ōy xwēšīgān čiyōn dastwarān zamān rāy guft kū zamān az bunīh akanārag būd pas bē ō kanāragōmandīh wašt ud pad sarīh abāz ō akanāragīh wardēd
u =š dādestān zamān az akanāragīh pad bunīg brīn_kanāragīh ī kārīg_rawišnīg ud sazišnīg abāz ō akanāragīh ī frazāmīg paywast
ud dānāgīh rāy ēd ōwōn nigēz kū pad dādār abdīh az dānāgīh akanārag_zamānīhā pad =iš nērōg afrāz_sazišnīh ī ohrmazd xwadīh xwēšīg ī pad zamān ī akanārag bawēd ō dānist madan
az ān bē akām_uzišnīh ēbgad abar ān ī =š mihōxtīg anast_garīh ī ān ī ōy xwadīh ud xwēšīg paywastēd
az ān bē paywand frāz_yaštīhā ōy xwadīh ud xwēšīg pad xwēš awestām dānist hambadist ān and dānist abāyist ul_hanǰišnīh ōy dādār ō dām_dahišn
ud az ān ul_hanǰišnīh fradom azišīg ān ī anagr rōšn x x x x x x x ud az ān anagr rōšn rāstīh mēnōy pad paywand az dānāgīh ī pad nērōg_abzōnīgīh ō dānist ī wisp az dānist ī wisp tuwān pad kirdan ī wisp ī =š kām
az ān bē dām_dahišnīh ud ēbgad pad =iš wānīdārīh ud dām abāz_ō_xwēš_kirdārīh ud ǰāwēdān ēbgadīg andar hamāg_šādīh winnārdārīh ī ohrmazd
ōh =iz huīg xīrān bun weh_bun weh_tōhmag ī wisp_xuī nērōg wehīg weh dahišnān hamāg az =iš hēnd
ōy čē fradom azišīg pad āfurrišn ud čē ō ān pad paywand čiyōn bām az payrōg ud payrōg az brāh ud brāh az rōšnīh az bun rōšn
abar māništag_menišnīh ud sūd ī az =iš az nigēz ī weh_dēn hād
māništag_menišnīh ī kārwān_ēwarzīg mardōmān andar gētī čihr_kardīg rāmišn zahag ī =š zahāg abāyišn ī ō tuxšišn ī mardōm pad gētī_warzīšnīh ābādānīh ī gēhān bun ud sūd ī az =iš parwarišn ī dāmān paywandišn ī ud druz_wānīdārīhā ō frašegird
u =šān kārwānīg_menišnīh menišn_hāzišnīg az xrad_zōrīh bawēd ud sūd ī az =iš pad hamēšag_handēmānīh ī tan frasāwandīh pahrēz ī az wināh ud tuxšāgīh pad kirbag bōzišn burzišn ī ruwān
ōh =iz pad ēn dō zōr ī ēk čihr_mēnīdārīg māništag_menišnīh ī pad gētī ēk xrad_handēšišnīg ēwarz ī nihangīhā az =iš āhang_tuxšāgīh bawēd ī mardōm pad gētī
ud mēnōy sūd_xwāyišnīh ī handōzišnīh abzōn_winnārišn wisp dō_axwānīgān huparistagīh
abar rāyēnīdārīh ī mardōm pad gētī ud mēnōy rāyenišn az nigēz ī weh_dēn hād
gētī rāyēnišn abērtar pad brēh ud mēnōy rāyēnišn abērtar pad kunišn
az ēd marōm mēnōy bōzišn mādagwarīhā pad xwēš tuxšišn xwāst ān ī ka xwāhēd pad =iš tuxšēd ī pad =iš tuxšēd ēwarīg āyābēd
gētī mādayān pad yazadān frāz_hištan ī ān ī yazadān abar gētī xwāyišn čē ruwān wizāyišnīg ī pahrēz pad ān ī ruwān sāzišnīg tuxšāg mardōm gētī =iz xīr čiyōn pad =iš sūdīmandtar handāxtan az weh_dēn nigēz pōryōtkēšān čāštag
abar sāmān ī andarg mehīh ud kehīh az nigēz ī weh_dēn hād
wizīhēnīdār sāmān ī andarg mehīh ud kehīh xrad
ud hamē amaragānīhā ǰud =iz ǰud yyy mehīh ī xwadāyīh ud dastwar_paristišnīgīh framān_barišnīh ud ērīh ud niyōxšišn_gōwišnīh pad ōy ī aγrī handāzag xrad
mehīh ī xrad abar abārīg hunarān andar =iz ēk tan ud az dēn nigēz ka =iz dō ō_ham rasēnd ān ī meh_xrad_tar abar ōy ī did rad
abar wattarīh ud wehīh u =š stī_nērōg rawāgīh az nigēz ī weh_dēn hād
wehīh dād u =š ōšmurišnān ī dānāgīh rāstīh ud hammis hunar rōšnīh hubōyīh ud pākīh andak/huīg bawišn ud kirbag_nērōgīh ud abārīg ī dād hamsāzag
wattarīh adād u =š ōšmurišnān ī dušāgāhīh ud mihōxt ud druwandīh ud hammis āhōg ud tārīkīh =iz gandagīh ud rēmanīh nōg_dahišn bazag_wihānīh ud abārīg dušīh adād hamtōhmag
ud wehīh yazadīg u =š gētī stī nērōg ast nūn paydāgīg čiyōn gētī stī_nērōg ī rōšnīh xwaršēd =iz
ud wattarīh druzīg u =š stī_nērōg anast ud apaydāgīh čiyōn tārīkīh
ud wattarīh rawāgīh gētīyīhā pad axwēš gētī stī nērōg ī ud wehīh ud nām xwēš hištan ī wispān rāyēnīdārīh pad gētī stī nērōg ī =š xwēš xwēšīgān xwēšēnīdag axwēš
wattarīh rawāgīh čim wānīdan ī wattarīh gumēzag ud ham kōšišnīg pad ōz ī pad wehīgān stī ud abesistan ī wattarīh bun gannāg_mēnōy pad wišuftan ī =š hamāg nērōg abzār
ud kēšdārān kē wattarīh abzār adād ud hammis ī adād ōšmurišnān hamtōhmag bun kirdārīg pad_kām frāz hištan ī ō rawāgīh az dād kēš ī =šān az yazad dād hammis ī dād hamtōhmag ud ōšmurišnān spennāg_mēnōyīh bē adād hammis ī adād_tōhmag ōšmurišnān gannāg_mēnōyīh abar guft bawēd
abar rōšn_stī ruwān tam bun wināh kirdan pad =iš druwandīhistan čim az nigēz ī weh_dēn hād
kāmagōmand_dānišn nērōg ruwān xwad ud pad hamīh ī =š hamgōhr abzār tan_paymōg mardōm andar abēzag_ēstišnīh awināh
abārīg gēhān andar gumēzagīg ēbgadīgīh az tan ud gyān ǰud_gōhr_tamīg waxš gumēgīh wihān ī =š dānišn az dahīg_sōhišnīh ī ud kām az waran petyāragīhēd dahīg_sōhišnīhā kirbag_menišnīg wināh_gar =iz ud pad āsānīh_dōšagīhā aǰgahanīh az kirbag_mōš =iz bawēd
u =š rōšn_stī ruwān az kār ud wināhīh wizendīhēd ud awērānīhēd az ulīg kirbag bēgānīhēd wizārd nimūdan pad ān garānīh ō druz gilistag dušox yyy frōd_kaftag bawēd
pad frazām_pērōzīh ī yazadān škastan ī druz nērōg dādār_kāmīg az dušox ul burdan pad mēnōy yōǰdahrgarān šōyišn az wināh wizend pākēnīdan u =š ham_gōhr paymōg tan ī pākēnīdag az ēbgad ālūdagīh nōg abāz paymōxtan ud ǰāwēdān anōšag ud purr_urwāhm winnārdan weh_dēn paydāgīh
ud zandīg pad tan ǰud_gōhr ī gyān guftan ī az ham_gōhrīg druyist zīndag dāštār ī gyān ō tan drōīh paydāg
ud pad gyān fradom wināh nē bē wināh druz kirdan guftan hambasān guftār ō druwandīh ud petīt_niyāzīh ī abar gyān gōwēd
ōh =iz gyān pad wināh ī druz kird druwand būd škeft ud az wināh ī =š nē xwad kird petīt būd
drō_petīt =iz daxšag čiyōn agar gyān gōwē kū xwaršēd tār pad tanīg abzār nē gyān bē druz guft bawē ka did gōwē kū az ān ī =m guft kū xwaršēd ud tār pašēmān ud petīt hēm x agar gyān gōwēd pad ān ī =š nē guft guftan kū =m guft drōzan wināhōmand hē ud agar druz gōwēd ī az zandīg gōwišn druz pad rāst_guftārīh petīt_wināhīh stāyīdan
wašt_gōhrīh ī az wattarīh az ān handāzag ī zandīg abar gyān zēfān gōwēd kū agar wināh kunē ēg =iš gōhr wašt bawē abar guft bawēd
x abar xwadāyīh abāyišnīgīh az nigēz ī weh_dēn hād
xwadāyīh abāyišnīg ō dām pānagīh abērtar ud xwadāy pad dām pānagīh meh_rāyēnīdārīh amaragān ī =š ēr xwadāyīh kām ō xwēš kām xwēš kām ō xwēš xrad xwēš xrad ō dēn ī pad ohrmazd dādestānīh az abar_xrad ī xrad ī frazānagān wizīn handāxtan ud ōwōn xwadāy andar dēn_mazdēsn weh_xwādāy nām ud pad gēhān pahlom pad ān ī ka dastwar ī gēhān weh_dēn ī ohrmazd xrad
ud any ēwēnag xwadāy ān kē amaragānīg kam ō xwēš kām ud xwēš kām ō xwēš xrad handāzēd ud ēn ēwēnag andar dēn huxwadāy nām ud pad gēhān mayānag az ān ī ka dastwar ī gēhān xrad ī pad mardōm
ud any ēwēnag xwadāy amaragān kām ō xwēš kām handāxtan xwēš kām pad gēhān rāyēnīdan ud ēn ēwēnag andar dēn dušxwadāy nām ud pad gēhān nidom
wizīn ī abar axwadāyīh andar ān ī =š azabar pad gēhān nidom az ān ī ka dastwar ī gēhān ēk kām ī bē_xrad paywand ī =š abēr wišād ud kāmīh ī amaragān ēk =iz yyy ī dām az rāyēnīdārīh sarōmandīha ō druz parwand dām_abesīhišnīh ān ī nē būd nē =iz bawēd
bē paywandīhēd pad awisānīhīdārīhā rāyēnīdārīh ī abar gēhān dām ō frašegird pad weh_xwadāyīh ud huxwadāyīh ud pad =iz dušxwadāyīh =iz čiyōn paywastan paydāg hazār sāl andar dahāgān dušxwadāyīh
ōh =iz čimīg dušxwadāyīh abar axwadāyīh wizīn čē pad dušxwadāyīh hazār sāl gēhān rāyēnīhistan pad nēst_xwadāyīh rōz =iz ēw ī dām rāyēnīdan nē šāyēd
abar frārōn kār ud ud āsān frārōn ul_hanǰišnīh ō kār ud nišēm ī āsān sāmān ī kār ud āsān az nigēz ī weh_dēn hād
frārōn kār ān ī az tuxšāgīh ī āzād az āzwarīh ī tuxšāgīh brādarōd ud frārōn āsān ān az hunsandīh ī bōxtag az aǰgahānīh ī hunsandīh brādarōd ud frārōn ul_hanǰišnīh ī ō kār az wahmanīg ārzōg ud sūd frārōn nišēm ī āsān hunsand_xēmīg anabāyišnīgīh ī az abēniyāzīh ī pad x x x anaweštābīh winnārīhed ī az ahamēstārīh bawēd ud sāmān ī kār tuwān_tuxšāgīh pad xwēškārīh ud ān ī āsān zōr ī tan pad kār paymān
ud weh_dēn sāmān ī kār āsān amaragānīhā rōz_šabān srišwadag xrad ī ahlawān pursīdān srišwadag ān ī xwāst xrad kār az =iš kirdan srišwadag tan nērōg pādārīh ī pad kār rāy āsāyēnīdan ud ān =iz ī huxwadāyān abar ud āsān ēwēnag kardag az ēn ī weh_dēn nigēz
abar anōšmārīh ī dēn mazdēsn dānāgīh dar pad mardōm dānišn az nigēz ī weh_dēn hād
az ān čē dēn mazdēsn nigēz āgāhīh_pēsīd ast ī pad spās dādār ohrmazd xrad az dānišn abar harw tis hamāg mardōm abāyišnīg dānišn wizīdag ō ēk mādayān hangirdīgēnīd
u =š anōšmārīh pad dahišnān dānišn nērōg dānāgīh dar ēwar ōwōn =iz ān ī āgāhtom az dahišnān ōšmārōmand ast dānišn ī =š ayāft ēstēd andar mardōm āgāhīh az ōšmār darīhā dēn mazdēsn dānāgīh
abar dām mēnōyīg āfurrišn ud gētī dahišn xwad handāzag tōhmag ī az nigēz ī weh_dēn hād
dām mēnōyīg x āfurrišn xwad apaydāg dahīg nērōg tōhmag ī az =iš handāzag gardišn ud wafišn ī pašm rištag ō was ǰāmagīhā az =iš
tisān hamāg mēnōyīg āfurrišn pad tōhmag ud tan gētīyīg dahišn ī ō dahīg hangōšīdag ēd ī abar pašm ǰāmagīhā ī az =iš guft
abar ān ī pēs ud ān ī abāg ud ān ī x pas az dādārīh az nigēz ī weh_dēn hād
ān ī pēš az dādārīh xwad dādār ān ī abāg xwad dādār dahišn hambadast kanāragōmand zamān ān ī pas az dādārīh dahišn =iz kār tā frašegird
abar kargar ī ō ān ī pahlom ud kešāgtom ī ō ān ī wattom axwān az nigēz ī weh_dēn hād
kargar ī ō ān ī pahlom axwān srōš_dārīh ī =š bun ērīh framān_barīh ī ōy ī dahībed dastwarīh ī zamānag zarduxštrōdom
ud kešāgtom ō ān ī wattom axwān abāg frēftagīh pad agdēnīh anērīh ud aburd_framān ī andar ōy ī dahībed zad_dastwarīh zamānag zarduštrōdom
abar xwadāyīh rasišn ī ō tōhmag wardišn ī az =iš daxšag az nigēz ī weh_dēn hād
rasišn ī xwadāyīh ō tōhmag waxšišn ī xwarrah_mēhan āsn_xrad ud āštīh niyāyišnōmand abzōnīg xwābarīh meh abar keh ud huniyōšīh ī keh andar meh abardar_zōrīhā abāg wehīh ī wēšīh ī zāyišn ī nar pus ud kam_margīh andar =išān
ud wardišn ī xwadāyīh az tōhmag daxšag frōd_wardišnīh xrad xēm az =iš mehmān ī ǰud_gand ud kāhēnīdār anāštīh andar =išān
yyy ī meh abar keh ud aniyōšīd keh az meh ud meh kam_zōrīhā … kam_zāyišnīh ī nar ud frazend andar stahmag margīh padišn
abar saxwan_bowandagīh ud padīrišn az nigēz ī weh_dēn hād
saxwan_bowandagīh ud padīrišn frazaftag x ka =š ud hutāšt_kirbīh ud abēzag_rāstīh az awestwār dastwarīh guftārīh ud pad wābar_uzwān widāragīh ud pad frazānagān hamrasišnīg nigerīdārīh bōxtagīh ud pad xwēš gāh gōwišnīh
abar ahlawīh ud druwandīh daxšag az nigēz ī weh_dēn hād
amaragānīhā daxšag ahlawīh husrawīh ud ān ī druwandīh dušsrawīh
ān ī wāspuhragānīha ō mēnōy yyy abar ahlawīh waxšišn ī ahlāyīh pad rōšnīh kirb yyy bālist ruwān_gāh ō ul
abar druwandān ul_hanǰišnīh tam dūd_kirb az kamāl bālist ud ān abar_waxšišnīh ī rōšnīh az ahlawān ul_hanǰišnīh ī dūd az druwandān kamāl ān az ahlawtar ud ān ī =z ī druwandtar wēšist mard_bālay būd dēn paydāg
abar tōhmag ī mardōmān andar mardōmān wāspuhragān wāspuhragāntar ud wāspuhragāntom xwadāyān tōhmag az nigēz ī weh_dēn hād
tōhmag ī hamāg mardōm gayōmard ud andar gayōmard wāspuhragān tōhmag ī xwadāyān
ud az frawāg baxtagīh abar čahār ī zahag pus hōšang wahudād/ud angād ud ašōdād/ayangād ud tāz
ud wāspuhragāntar andar hōšang tōhmag ēriǰ ērān niyāg zahag az nēryōsang yazad kird ud ī abar mānuščihr ērān dahībed
wāspuhragāntom andar mānuščihr tōhmag az ham nēryōsang yazad warz_kardīh abar kay_kawād ī kayān niyāg =iz ud dagr_pattāy xwadāyīh harw kū bawēd
ud az ēn čahār zahag ka az =iš bahrīg ānābīhēd ēg =iz abāz ō ēk az ēn čahār zahag ī xwadāyīh gumēxtan
ud ān ī kayān xwadāyīh čiyōn =iš ān =iz ī mānuščihr ud hōšang harw dō andar ō frašegird awisānišnīg paywastan
pad ān nazdīh ān =iz ī se tōhmag ī xwadāyīh andar abāz aw =iš gumēxtag ud ō hām_haft_kišwar_xwadāyīh abar kay_husrōy bālistīhistan paydāg
abar ān ī xwadāyān pad xwadāyīh pahlom ud ān ī wattom az nigēz ī weh_dēn hād
ān ī xwadāyān pad xwadāyīh pahlom xwarrah_mēhan ud āsn_xrad dād zahāg ud ābādānīhēnišn xwadāyīh twš wtwy purr_šnāyišn gēhān frāx_gar ud dām srāyēnīdār rāmišn bun ud bōzišn bar dūr_brāz rādīh
ud ān ī =šān pad xwadāyīh wattom fradom dušfargīh_āgōš āz ud ud škuft arāh waran adād =iz riyahr ud škōhīh tom ud dām nizārēnīdār xwadāyīh ōš ud bazag bun ud ērangīh bar widang purr_bēšīh ud gēhān tangēnīdār ayār nizārēnīdār ud hamēmāl nērōgēnīdār ud tēz škarwēnāg penīh
ōh =iz guft frazānag xwadāy kū xwadāyān pad wuzurg_nigerišnīhā rādīh xwadāyīh amāwandīh ud anōšagēnēnd ud dām parwarēnd ud abzāyēnd ud kišwar ārāyēnd ud payrāyēnd ud nazdīkān abrōzēnd ud abrāzēnd ud dušmen pafšārēnd ud abāzēnēnd ud xwēšēnēnd abardar burzāwandīh ud gētī ud mēnōy hamāg nēkīh
ud pad gišnag_menišnīhā penīh ud xwadāyīh wadagēnēnd hōšēnd ud dām nizārēnēnd ud nirfsēnēnd ud kišwar wišōbēnd ud zištēnēnd ud nazdīkān azrōbēnd ud nigōnēnēnd ud dušmen yyy ud frāzēnēnd ud nigōnīg wišōbēnd wisp dōānag rāyēnišn
abar sāmānōmandīh ī dānišn tuwān akanāragīh ud kanaragōmandīh =iz ī zamān ud yyy ī zamān ī akanārag ud ān ī kanāragōmand az nigēz ī weh_dēn hād
čiyōn dānišn abar ast bawēd x wisp =iz sāmānōmand ud tuwān harw andar šāyēd būdan šāyēd būd kanaragōmand paydāg ōh =iz sāmānōmandīh ī dānišn ī wisp =iz tuwān ī abar =iz wisp ud nigēzāg akanāragīh
ōh =iz ī zamān dahišnān bun ohrmazd hamēyīgīh u =š kanāragōmandīh būd šāyēd yyy ī dahišn andar brīnōmand zamān
ud yyy ī zamān ī akanārag drang ī hamēyīg ī abrīn pad būd bawēd ān ī kanāragōmand drang sazišnīg ī brīnōmand pad bawēd būd
abar ān ī pad kirbag mizd pad =iš niyābagīg ō kird madan abāyišnīg az nigēz ī weh_dēn hād
ān ī pad kirbag mizd pad =iš niyābagīg ō kird madan abāyišnīg čahār
fradom šnāxtan ī kār pad kirbagīh čē ka kār pad kirbagīh nē šnāsēd kirdan nē dastwarīhā ud ka kunēd ka =iz kirbag ēg =iz ōy pad =iš mizd xwēš nē bawēd
ud didīgar kām ī pad =iš čē ka kām pad =iš nēst ud ka =iz kār pad kirbagīh šnāsēd ud kunēd akām kirdan rāy amizd bawēd
ud sidīgar tuwān ī abar kirdan čē ka =iz kār pad kirbagīh šnāsēd u =š kām pad =iš ast tuwān ī abar kirdan nēst kirbag ō kardag nē rasēd
ud čahārom tuxšāgīh ī pad kirdan čē ka kār ud pad kirbagīh šnāsēd u =š kām ud tuwān ī pad kirdan kirdan nē x tuxšēd ud kirbag ō kird nē rasēd
ud ka kār pad kirbagīh šnāsēd u =š kām tuwān ī abar kirdan ast ud kirdan čand tuwān abar tuxšēd ud mizd pad =iš niyābag kirbag ō kird mad bawēd
hangirdīgtar ī pad kirbag ō kirdan abāyišnīg dō ī ast tuwān tuxšāgīh čē kirbag_šnāsagīh kām ī pad =iš andar tuwān parwand u =š tuxšāgīh abāyēd čiyōn abestāg gōwēd kū tuwān_tuxšāgīh wīrān pahlom
ud ō =iz wēš az čahār gugānēnīd ēstēd ast dānišn ud kām ud tuwān abzār ud wišād_rāhīh tuxšāgīh ī hēnd šaš
abar ān ī dēwān az mardōmān appurdan paymān ǰ̌am abāz ō mardōm āwurd ī paydāg az nigēz ī weh_dēn hād
harw kār tis sūdōmandīh pad paymān u =š az frāybūd ud aybibūd tabāhīh agdārīh ud paymān winnārišn pad āsn_xrad ī dādār andar dahišnān
ǰud_dādestān nām =iz nāmīh frāybūd ud aybibūd dēwīg waran āsn_xrad petyārag ud hamē ka andar mardōmān āsn_xrad yazadīg abar waran dēwīg čēr paymān dādestān andar mardōm pērōzīh ud frāybūd ud aybibūd nizārīgīhišn xūb_ēstišnīh bawēd
ud dādār andar mardōmān āsn_xrad abar ōy ī dahībed aγrīyēnēd kū pad =iš ān ī stahmagtar waran druz wānād pad amāwandīh yyy xūb_rāyēnīdārīh ī mardōm āsn_xrad ī pad =išān az zruftagīhā ī xīr ud waran hangēzēnād kū =š padīrišn bawād āsn_xradīg andarz andar mardōm ud rawāgīhād andar =išān dādestān paymān winnārīhād dām pad nēkīh
ud pēš az madan ī ǰ̌am ō xwadāyīh az dēwān appurdārīh āsn_xrad andar xwadāyān nizārīh waran abar_ōzīh ud dād āsn_xradīg paymān andar dēw waranīg frāybūd ud aybibūd zruftagīh ōwōn būd ī mardōm dad ī yyy manāg az =iz šud ī andarz andar gōš ōbastag ēstād az škeft_čērīh ī frāybūd ud aybibūd abar =išān anōdag būd hēnd az paymān ī pad kirdan āšnūdan dādan dāštan abārīg rāyēnišn wišuft ēstād gēhān
az ham bun čiyōn ēd ī paydāg kū az yazadīg āsn_xrad frōd waštagīh az mardōm ī dēwīg waran čērīh ud āsn_xradīg paymān dādestān az gēhān ānāftagīh waranīg frāybūd ud aybibūd adādīh andar mardōm wēš mehmānīh ud gēhān awērānīh wišuftagīh būd
ǰ̌am madan ō xwadāyīh az dādār kām ud nimēz fradom dēw ud mardōm apādixšāyēnīdan yazadīg āsn_xrad az dēwīg arāh waran bōxt ud yazad āsn_xradīg paymān az dēw waranīg frāybūd ud aybibūd čārag nigerīd kū pad dēw az mardōm apāduxšāyīh arāh nizārīh ud yazadīg āsn_xrad abāz_waxšišnīh ud dēwīg frāybūd ud aybibūd wānīdagīh ud āsn_xradīg paymān dādestān pad wānīdagīh ī frāybūd ud aybibūd ud adādīh andar gēhān nērōg burz_brāhīh ud pad =iš gēhān wirāyišn payrāyišn frāxwīh bawād
az wuzurg warz ud xwarrah ī dādār abar burdan pad tanōmandīh ō dušox madan ud sezdah zamestān andar dušox pad dēw_kirbīh raftan nē =iz abzār kē pad =iš dēw wānīhēnd az mardōm apādixšāyīhēnd
warzāwand nēzūmān_čārīhā az dēwān ul burdan ud dēwān pad xwad abzār zad ud wānīd az mardōm apādixšāyēnīd ud durēnīd
ud az ān bē dēwīg waran az čērīh abar mardōm bē burdan waranīg frāybūd ud aybibūd nizārēnīdan ud yazadīg ī āsn_xrad andar mardōm waxšēnīdan ud āsn_xradīg paymān dādestān andar dām pērōzēnīdan pad =iš ohrmazd dām margēnīdan ud pad abāzīh kirdan
ud paydāg_wizārišn dādestān ī ān ī ǰ̌am rāy dēn gōwēd kū =š ul burd az dēwān harw dō īšt ud sūd harw dō fšūnišn ud ramag ud harw dō padēxwīh ud frāz_wābarīgānīh ī dādār ī āsn_xrad ō mardōm harw xwārīh ud paymān dādestān zahāg abāz appurdan ī az =išān kirdan ī andar =išān arāh waran hamāg_anāgīh frāybūd ud aybibūd =iz riyahr ī ǰāwēdān kē =š nē mānāg
abar andarz ī huramag ǰ̌am ō mardōm dah ī dahišn_kāhēnīdār ud dahāg padīrag andarz wirāst az nigēz ī weh_dēn hād
āsn_xrad zahag dām_sūd weh_dēn_passand dādār kām dah ī andarz ī huramag ǰ̌am ō mardōm
ēk dādār ī gēhān menīdan amurnǰēnīdārīh gēhān menīdan guftan pad =iš ōstīgān ēstād
ud ēk dēw pad tis_ābādīh ī gēhān nē yaštan
ud ēk dād mayān mardōm mehēnīdan ōstīgān dāštan
ēk abar harw tis paymān rāyēnīdan ud frāybūd ud aybibūd az =iš ānāftan
ēk xwardan brādarwār čiyōn brādarān
ēk ō kirdan pidwār čiyōn pid frazendān rāy wēš kird kām hammōxt
ēk dād ī ō arzānīgān xwēšwār čiyōn kadār =iz =ēw az dād ī ō xwēš nē sagrīhēd andarzēnīd
ēk zamčīg uzēnag rāy dast andar hāmīn hambār mardōmān gōspandān frabihīhišn sāxtan
ēk tis ī gāw buz mēš ān ī pad dušwārīh andar nē abāyēd ud meh_sūdīh ī mardōm rāy gund baxtan andarzēnīdan
ēk gōspand pēš az madan ī wazdwarīh sāmān čiyōn mēš ud buz pad čahār sāl ō wazdwarīh rasēnd nē kuštan ud dādestān ī wazdwarīh_abzōn ī pad tan gōspand mēš ud buz tā čahār sāl ud pad čahār sāl čihrīg abzōn bālist madan ud čahār sāl pad wazdwarīh ēstādan az ān frāz abāz ō kāhišn ēstād
ud dām x zyān_būdīh ī kēš ī dastwar dēw kām dah ī dahišn_kāhēnīdār dahāg pad petyāragīh ī im dah dāmān_sūd andarz ǰ̌am huramag
ēk padīrag ān ī ǰ̌am dādār ī gēhān amurnǰēnīdārīh ī gēhān guft dahāg dādār gēhān murnǰēnīdārīh guft gēhān
ēk padīrag ān ī ǰ̌am dēw pad tis ābādīh gēhān nē yaštan andarzēnīd dahāg yaštan ī dēw pad harwisp_ābādīh ī gēhān drāyīd
ēk padīrag ān ī ǰ̌am dād mayān mardōm mehēnīdan andarzēnīd dahāg dād_wišōb wizīr guft pad dādestān nām ī adādestānīh kirdan ud nihād drāyīd
ēk padīrag ān ī ǰ̌am paymān abar harw tis rāyēnīdan guft dahāg frāybūd ud aybibūd andar harw tis abgand ud drāyīd
ēk padīrag ān ī ǰ̌am abar xwardan andarzēnīd ud dahāg rōzag hammōxt
ēk padīrag ān ī ǰ̌am … ud dahāg yyy dāštan andarzēnīd
ēk padīrag ān ī ǰ̌am abar dād ī ō arzānīgān andarzēnīd dahāg ōy rāy appurdan az harw kas framūd
ēk padīrag ān ī ǰ̌am … ān ī gōspand pēš az madan ī ō wazdwarīh nē kuštan andarzēnīd dahāg harzag_kušišnīh ī gōspandān yahūd ēwēn hammōxtan
ēk padīrag ān ī ǰ̌am gōspand ān ī pad dušwārīh andar nē abāyēd mardōm ud gōspand =iz meh_sūdīh rāy gund baxtan andarzēnīd ud dahāg šābestān kirdan ī mēwag ud mēwag ī mardōm sar drōšīd bun andarzēnīdan čiyōn yahūdān kēš
ēk padīrag ān ī ǰ̌am pad hāmīn zamestān uzēnag rāy hambār sāxtan andarzēnīd dahāg anāmurzīgīhā kēn pad menišn hambārdan pad =iz nō āwādag tōxtan guft
pad im dah dām_zyān andarz padīrag dah ī ǰ̌am dām_sūd andarz ōraytā nibēg bun kird andar ūrišlim dāštan framūd ud az ān pas abrāhīm ī yahūdān dastwar kār pad =iš kirdan mūšāg ī =š sridag ī yahūd pad waxšwar dārēnd frazāmēnīdan ud yašuwag bar nōh ōy mūšāg āšnūd būd rawāgēnīd gōwēnd ud harw yahūd sridag andar xwēš bahr dārēnd ud pad =iš wurrawēnd
abar xwadāyīh dāšn hu duš ī pad =iš az nigēz ī weh_dēn hād
xwadāyīh dāšn ast ī dādār ō kāmōmand dānišn_nērōgān čiyōn andar mardōm sridag ī az ham tōhmag sāmānēnīd ēstēd
az ham čim pad abestāg mardōm ox ī astōmand gōwēd ī =š wizārišn ahū_mand xwadāyōmand tan ī xwad ast druyist_wāspuhragānīh ī mardōm ōh =iz harw mardōm xwadāy ud tanōmand ud harw xwadāy ī tanōmand mardōm bawēd
ud dāšn ī xwadāyīh čim ō mardōm ēn =iz kū pad sālārīh ī abārīg gētī dahišnān ī abāz hēnd pad kām ud dānišn_nērōgīh az x mardōm ud frāz_hammōxtārīh ī abārīg ox ī astōmand pad wānīdārīh ī druz hām_spāhīhā ō frašegird paywandād ud dahād frašegird andar axwān pad kām dādār ī wisp_tuwān
xwadāyīh ī mardōmān ān =iz ī abar kadag deh šāhr ud kišwar az xwābar wisp_āgāh bag tāšišn dāšn ōwōn čiyōn ān ī =š abar xwēš tan
ud hu duš abar =iš kār bawēd ān ī ka =š kār frāyistīhā kirbag huxwadāy nām čiyōn ǰ̌am =iz ka =š kār frāyistīhā bazag dušxwadāy nām čiyōn dahāg =iz
abar dādestān ī āzādīh hangirdīgīh az nigēz ī weh_dēn hād
dādestān hangirdīgīh ī pēšēmālīh pad bēšīdārīh ī ō gyān =iz nē raft ud kē pēšēmālīg pad bēšīdārīh adād abar rasēd pēš az dādīg pahikārdan ī aw =iš pad čār tuwān nē bēšīdan
ud āzādīh ī hangirdīgīh xwēšān hamdāšnān ān ī pad axwēškārīh az xwēšān spāhīh ō axwēšān ī ayārīh nē mad ēstēnd pēš dāšnīg =iz sazāgīhā šnāyēnīdan ēd ī abestāg yyy manohmedīg pad dārmagtom hangirdīg ud hamīh xwēdōdah gōwēd
abar kū ka dām anāgīhōmand ud dādār abar dām aboxšūdār pad anāgīh az =išān spōxtan tuwānīg anāgīhōmandīh dām =iz az nigēz ī weh_dēn hād
dādār dām xwēštar ud pad =iš aboxšūdārtar az =iz pid zahag frazend ud čiyōn pid xwēš frazend rāy anāgīh fradom nē ud čihrīgīhā nēkīh kām ēdōntar dādār xwēš dahišn rāy ud dōānag anāgīh ī andar dām nē az dahišn xwēš dām dōst dādār bē az dušmen ī dādār hamēstār ī =š dahišn ōwōn sazēd čiyōn anāgīh ī ō frazend rasēd nē az frazend dōst pid bē az dušmen ī pid ud frazend
ud tuwān tar šāyēd būd abāz widaštan nē šāyēd dām andar kōšišn abēanāgīh nē bē =šān bōxt az aweštābīh ud mad ō āsānīh ǰāwēdānīg
kōšišn frazām_wānīd ī aweštābāg ēbgad pāddāšnīg pad dādār ayārīh ī bawēd dādār dām spurr_zēnīhā ō wānīdan ī =šān bēš bēš bun dād az =iz ǰud_bun aweštāb spōzīh ī harw dahišn pad =iz čihr paydāg
ud kēšdārān kē dōānag anāgīh ī andar gētīh dahišnān az dādār ī dahišn yahūd kēš hambasān_kēš hēnd ō ān ī =šān abar aboxšūdārīh ī dādār āgāhēnīd ud abar anāg bazag =iz nē nēkīh ī kirbag =iz kirdan andarzēnīdan
abar ǰud_bunīh ī dād must az nigēz ī weh_dēn hād
čiyōn dād bun dānāgīh dānāgīh bun āsn_xrad āsn_xrad āfurrišn ast ī dādār andar dahišnān ud must bun dušāgāhīh dušāgāhīh bun waran ud waran ī dušāgāhīh ud must bun dādār ud dādār andar dahišn kirdan nē bē az any sazēd būd
ān dād hammis ī dād zahag az xwarrah dād hammis ī adād hunušag ǰud_bunīh paydāgīg ān bun ān ī wehīh wehtar az wehīh ī az =iš ān ī wattarīh wattar az wattarīh ī az =iš
čiyōn āsn_xrad kē dānāgīh az =iš weh az dānāgīh ī az āsn_xrad dānāgīh kē dād az =iš weh az dād ī az dānāgīh
ud dād kē zahagān ī ast wisp_mēnōyīg ud gētīyīg ahlāyīh ud ābādīh az =iš weh az wisp_mēnōyīg ud gētīyīg ahlāyīh ābādīh ī az dād
ud bun kē āsn_xrad abardōm ī harw nēkīh ī ud pad paywand ī abārīg ēd hamāg nēkīh az =iš weh az āsn_xrad ī harw nēkīh ī az =iš
ud waran kē dušāgāhīh az =iš wattar az dušāgāhīh ī az waran
ud dušāgāhīh kē adād az =iš wattar az adād ī az dušāgāhīh ud adād kē hunušagān x x ī ast drōzišn škōhīh ud wisp_mēnōyīg ud gētīyīg anāgīh az =iš wattar az wisp_mēnōyīg ud gētīyīg zyān anāgīh ud bēš ī az adād
bun kē waran garāntom ī hamāg anāgīh ud pad paywand abārīg harw anāgīh az =iš wattar az waran ī harw anāgīh az =iš
ud kēšdārān kē bun ī xīrān ēk kēš ī =šān dād adād hambun ān bun wattar az harw wattarīh guft ud yazadīh spennāg_mēnōyīg az =iš bē dēwīh gannāg_mēnōyīh abar guft bawēd
abar wattarīh andar dām paydāg nē az yazad astīh az nigēz ī weh_dēn hād
bowandag_pākīh kām pad ān kū =š nē kām kū bawēd u =š bawēd u =š kām kū nē bawēd fradom =iz wattarīh ī =š abēzag pāk ast kām az wadīh ud čiyōn yazad abēzag pāk ast kām az wadīh wadīh ī andar dām paydāg nē az kām ud dahišn ī yazad astīh ēwar
ud čiyōn yazad az wad_bunīh abēzag pākīh ud wadīh =iz bun ōwōn sazēd čiyōn wehīh ān paydāg ī any bun ī ōstīgān kē wadīh az =iš čiyōn bun ī pad bunīh ōstīgān kē wehīh az =iš
ud kēšdārān kē wadīh ī andar dām paydāg az yazad astīh xwadīhā ud pad tis =iz rāh aw =iš paywastagīh kēš ī =šān yazad kām pad wadīh ālūdag čiyōn yazadīh pad abēzag pākīh ī kām x winnārīhistan dēwīh pad ālūdagīh ī kām pad wadīh bawēd u =šān yazadīh az =iš bē dēwīh abar guft bawēd
abar kāmag ī yazad pad kū mardōm šnāsēnd ud kām ī mardōm pad šnāxtan az nigēz ī weh_dēn hād
kāmag ī dādār ohrmazd pad šnāxtan ī mardōm ō ōy =iz az =iz ān ī ka =š harw mardōm pad dādār_šnāsīh nērōg bahrēnīd u =š andar dēn dādār šnāxtan fradom ud pahlom andarz paydāg
ud kāmag ī amaragān mardōm nē ēwāz ī ō dādār šnāxtan bē ō dānistan ī abārīg ān ī nē dānēnd āhangīg
ud pōryōtkēš ī az =išān az wizūdagīh harw dō nērōg az āhōgēnīdan ī mardōm pad āz waran ud yyy aǰgahānīh ud sūdagīh ud abārīg druzīh āsn_xrad yazad_šnāsīh nērōg pahrēz appurd ēstēd ī pad =iš āsn_xrad ud tuxšāgīh pad hammōg az mardōm ud dādār ī āsn_xrad tuxšāg_hammōgīh ī ō mardōm andarz āsn_xrad ud tuxšāg_hammōgīh pad waran abārīg āhōgān abāz appurdan ud wizūdan nē sazēd
ud kēšdārān kē waran abārīg āhōgān ī apparāg ud wizāyāg āsn_xrad tuxšāg_hammōgīh nērōg yazad_nē_šnāsīh bazakkarīh ud niyāz yazad andar mardōm kirdan kēš ān yazad zyān_yazad yazad_šnāsīh ud kirbag_warzīdārīh ī mardōm nē yazad_nē_šnāsīh ud bazakkarīh mardōm kāmag guft bawēd
abar panǰ druzīh ī andar ēbgadōmand tanān rāhdārīh u =šān winnārišn ud ānābišn az nigēz ī weh_dēn hād
panǰ druzīh ī andar harw ēbgadōmand mardōm rāhdārīh ud ast kē pad =iš stahmagtar hēnd sāstārīh ud ahlomōγīh ud margīh ud ǰehh ud ǰādūgīh u =šān winnārišn x sāstārīh abērtar pad appurīh ahlomōγīh abērtar pad nihān xēmīh ud margīh abērtar pad kenwarīh ud ǰehh abērtar x x pad areškenīh ǰādūgīh abērtar pad duščašmīh
ud ānābišn ī pad sāstārīh x abērtar hunsandīh andar tan mehēnīdan ka hunsandīh hunar andar tan mehēnīd ud āzwarīh āhōg andar tan wānīd ud sāstārīh druzīh az tan ānāft bawēd
ud ān ī ahlomōγīh abērtar āškārag_warzīdārīh andar tan mehēnīdan ud ka āškārag_warzīdārīh hunar andar tan mehēnīd nihān_xēmīh ahōg wānīd ud ahlomōγīh druzīh ānāft bawēd
ud ān ī margīh abērtar xwābarīh andar tan mehēnīdan ka xwābarīh hunar andar tan mehēnīd kenwarīh āhōg wānīd ud margīh druzīh az tan ānāft bawēd
ud ān ī ǰehh abērtar bowandag_menišnīh andar tan mehēnīdan ud ka bowandag_menišnīh hunar andar tan mehēnīd areškenīh āhōg wānīd ud ǰehh druzīh az tan ānāft bawēd
ud ān ǰādūgīh abērtar hučašmīh andar tan mehēnīdan ud ka hučašmīh hunar andar tan mehēnīd ud duščašmīh āhōg wānid ud ǰādūgīh druzīh az tan ānāft bawēd
ud kē pad tuxšāgīhā xwāyišn ham āgāhīh az ān ī weh_dēn burdār ud pursīdār ō dānišn āwurdār ud pad =iš ēd panǰ druz wānīdār bawēd ī =š az weh_dēn ān ī pahlom sraw ayāftan ān ī meh kār kird ud az ān ī x škefttar anāgīh bōxt ān ī abērtar nēkīh xwēšēnīd bawēd
abar xwadīh ī mardōm az nigēz ī weh_dēn hād
xwadīh ī mardōm x andar mardōm tan abar kām xwadāy dārēd kām ud frāzēnēd ō xīrān ud kārān abāzēnēd az =iš winnārēd pad =iš čiyōn aswār asp pad ligām frāz_sōyīh ud abāz_āhanǰīh winnārišn ī ēr rānān =iz ōzōmand
xwadīh ān ī xrad aswār ud xrad aswār kām pad bōzišn ī xwēš ud wānišn ī hamēmāl dānāgīhā rāyēnīdan abar hamēmāl pērōzgar bawēd čiyōn x nēw aswār asp pad zanišn ī dušmenān frāz barēd ud pad pahrēz ī az =iš abāz āwarēd
ān ī xrad_appurd xwadīh adānīhā kām pad zyān ī xwēš ud sūd ī hamēmāl āgraw harwisp bawēd čiyōn wadag aswār kē =š hamēmāl pad xwēš asp ō ōš kešēd
x x abar hangirdīg kār ī weh mazdēsn dēn az nigēz ī weh_dēn hād
hangirdīg kār ī weh ī mazdēsn dēn frāybūd ud aybibūd ī ēbgadīg andar dām abāz ō paymān āwurd bōzišn xwārīh ī hām_dahišn
ōh =iz dādār ohrmazd dēn mazdēsn ō wānīd ī ēbgad āsānīhišnīh dām az =iš hilēd pad ān ī abāyišn ō wānīdārīh ī ēbgad abēzag_kirdārīh ī damān az =iš hamāg frazānīgīh ǰud_ǰud xūb_winnārišnīh ohrmazd dahišnān ī pad hangirdīg ēk ast wisp_zōr ī paymān
u =šān wišobišn az ēbgad pad dō ī hamāg nērōg ī druz dāštār frāybūd aybibūd ī ēk az paymān frāz ēk abāz kešīdarān paymānīg ohrmazd dahišn ud astārīh ud margīh az =iš
ka dahišn az frāybūd abāz ō paymān āwurd az aybibūd frāz ō paymān burd ī dēn mazdēsn frazānagīh kār az harw anāgīh bōxt ud ō hamāg nēkīh abēzag yazadīgīh rasēnīd bawēd
ōh =iz guft pōryōtkēšān az weh_dēn nigēz kū dēn ī ohrmazd wāzag ēk ast paymān ud ān ī ahriman wāzag dō ī ast frāybūd aybibūd
abar ēk dānišn pad =iš hām_dahišn bōzišn burzišn az nigēz ī weh_dēn hād
ēk dānišn ī pad =iš wisp dahišn ohrmazd bōzišn ī az harw anāg ud burzišn ī pad hamāg nēkīh bawēd šnāxtan ī dādār abdīh ī ōh =iz pad šnāxtan ī harw mardōm dādār abdīh madan ī =šān wisp ō ān ī dādār dēn pad madan ī hamāg mardōm ō ān ī dādār dēn abesīhišn ēbgad abēzagīh dām ud frašegird tan ī pasēn bōxtagīh ud purr_wišīdāyīh ī hām_dahišn ī ohrmazd bawēd
abar druyist_*manohmedīg ārāyišn wirāyišn ī im dēnkard nibēg daragīhā az nigēz ī weh_dēn hād
druyist_*manohmedīg ārāyišn wirāyišn ī im dēnkard nibēg daragīhā pad weh_dēn sūdīh ī abēzag_menišnīh az xwad dēn wāzag yyy aǰomāy_xwad_dōšagīh handāzīšnīg ō pōryōtkēšān dastwarīh ud yyy dānāg hērbed hamwēnišnīh kirdan ī wirāstār ī hamnibēg
abar ān ī =š ō paymān mādī frāybūd az aybibūd ud ān ī =š aybibūd az frāybūd wizāyišnīgtar ud ān ī_s frāybūd ast u =š aybibūd nēst ud ān ī =š frāybūd nēst aybibūd ast ud ān ī =š frāybūd ud aybibūd ud ēč nēst az nigēz ī weh_dēn hād
ō paymān mādī ān ī ō mardōm ō andarōn tan pad frabīhīhišn_dārišn barēnd frāybūd wizāyīšnīgtar az aybibūd ud ō ān ī =šān ō mēhan_abzārīh abāyišnīg aybibūd wizāyīšnīgtar az frāybūd
gētīyīha ān ī =š frāybūd nēst abāyišnīg aybibūd wizāyišnīgtar ud gētīyīhā ān ī =š aibibūd ast dāšn ō arzānīg kirbag
ān ī =š frāybūd aybibūd x nēst mānsr abēzag_gōwišn ī ohrmazd dēn mazdēsn
abar āhanǰišn rasišn ī dēnān az nigēz ī weh_dēn hād
gētī_dēnīh āhanǰišn ud rasišn tā gētī ayābišn ī gētī dēn pad =iš dēn dahīgēnīd ud ka ō ān yyy mad gētī dēn dahīgēnīdār ān dēn abāz hišt/hilēd
ud mēnōyīh dēnīh dāštār tā mēnōy ōh burd/barēd ud mad ō mēnōy ka hudāštār ō rōšn ud ka dušdāštār ō tam axwān abespārēd ud ān ī hu pad šnāyēnīdārīh ān ī pad duš bēšīdārīh x ramān abāg dāštār bawēd
abar wizīr handāzišn ī mēnōy dādwar ud ān ī gētī dādwar az nigēz ī weh_dēn hād
mēnōy dādwar wizīr handāzišn ō ān ī pad xwadīh bōzišn ērang ēwar čē =š ō wēnišn rōšn kē xwēš tis ud kē appar_kām kē duzišn_menišn ud kē rāst ud kē drōzan
gētī dādwar wizīr handāzišn ō ān ī pad saxwan bōzišn ud ērang pad ēwar dārišn
čē ān ī mēnōy dādwar pad mēnōy_wēnišnīh ō wēnišn rōšn ud gētī dādwar nē harw ō wēnišn āhuftag u =š az pēšēmāl ud pasēmāl ud gugāyīh saxwan ān ī pad ēwar_dārišnīh ī bōzišnīh ud ērangīg dādīg ud adādīg wizīr kirdan ēwēn
abar az nigēz ī weh_dēn hād
saxwan druyistīh pad spurrīg_gōwišnīh čiyōn ān se saxwan ī andar pahikār ērān anērān anērān ǰādag_gōw ēk ast hupahlomīh ī ahlāyīh ud ēk gōspandān rāy wāstar ud ēk ēwarzīgān tōšag rāy ābādīhōmand rāh
pahlomīh guft ī abowandag gōwišn rāy mānuščihr ērān dahībed ud ǰādag_gōw bowandagēnīd abar ahlāyīh ān ī pad_dastwar ud gōspandān wāstar rāy ān ī abēbīm ō ēwarzīgān tōšag ābādīh ān ī andar dārišn ī rādān guft
ud pad spurrīg_gōwišnīh abar anērān ǰādag_gōw bōxtagīh ud ēr abar anērān pērōzīh mad
čē ahlāyīh ī nē pad_dastwar ī rāst ō ruwān bōzišn ud wāstar ī nē andar abēbīmīh ō gōspandān srāyišn ābādīh ī andar dārišn ī wattar frāz_wahāg dād ō apādyāwand ēwarzīgān tōšag nē rasēd
abar ahlāyīh ī pad_dastwar az nigēz ī weh_dēn hād
ahlāyīh ī pad_dastwar ān ī pad rāstīh ōstīgān ud ān ī pad rāstīh ōstīgān az ān ī az agumān anāhr bowandag_frazānag wisp_āgāh dādār ohrmazd
abar zīndag ī abīm az nigēz ī weh_dēn hād
ōšyār mardōm andar petyāragōmand axwān abīm_zīyišn būd nē šāyēd čē kē =iz gurg ud xrafstar abīm az duz ud gayg ud sāstār ud ahlomōγ mar nē abēbīm ud kē az ān =iz abēbīm az astowihād ud anīz was mēnōyīg petyārag abīm zīyist nē šāyēd bē ōstīgān abīm_zīyišnīh ī mardōm ān ī andar apetyāragīh bawēd ī pad tan ī pasēn
kē ān =iz ī mardōm andar petyāragōmand gētī kam bīmīhēd abīm_zīyišn ast abērtar az čihrīg āhang menišn ō abdomīg apetyāragīhā pad tan ī pasēn
abar mardōm srāyišn bōzišn az nigēz ī weh_dēn hād
mardōm bōzišn ān ī pad ruwān pahlomīh ud pad ahlāyīh bawēd ī az weh_dēn hammōg pad dēn_burdār gōwišn nimāyišn abērtar ud srāyišn ān ī tan pad ābādīh bawēd ī andar ābādīhōmand rād dārišn
ud rād hēnd ēn =iz se ēwēnag ud ēk =ēw awēšān ī ahlāyīh dōšāramīg u =šān nām dēnīg rād ud ēk =ēw awēšān kē pad hamgōhrīh dōšāram dādār u =šān nām āzādag rād ud ēk =ēw awēšān ī abām dōšāram rāy dādār u =šān nām naxčīragān rād
bērōn ēn se ēwēnag ī dādār bawēnd ī =šān nām wattar pen
abar ān ī pad mardōm pahlom ud ān ī wattom az nigēz ī weh_dēn hād
ān ī pad mardōm pahlom āgāhīh ī az weh_dēn čē ahlāyīh pad ruwān pahlom guft ēstēd pad =iš bōxtišnīh ī az dušox windišn ī ān ī pahlom axwān pad āgāhīh ī az weh_dēn abērtar bawēd
ud ān ī wattom pad mardōm anāgāhīh ī az weh_dēn rāy wēš bawēd ud ahlomōγ ī andar mar ī awēšān ī hāwand gannāg_mēnōy gōwēd andar dēn anāgāh ōšmurēd ōh =iz az abdīh ī dēn mazdēsn āgāh ahlomōγ nē bawēd
abar xwānišn ī az mēnōyān ō ayārīh paywāz az nigēz ī weh_dēn hād
xwānišn ī mēnōyān ī weh_yazadān ō mardōm paywāz ān bawēd ī =šān andar harw dō axwān pahlom čiyōn zarduxšt az yazadān xwāst paydāg kū ān ō man dahēd kē =m pad dahišn abar weh
ud ān ī az mēnōy wattar dēwān ka =iz bawēd ān ī abar mardōm andar harw dō axwān wattom čiyōn ō sriftag sraw ī pas kermān dūd =iz nāmīhist pad xwānišn az xešm dēw ud ō dahišn kāhēnīdār tāz tōhmag dahāg az gannāg_mēnōy madan paydāg
abar xwarrah ud zad_xwarrahīh ud dahāg az nigēz ī weh_dēn hād
xwarrah_dahāg abar mardōm abarīgtar ēn dō ēwēnag ēk ī purr_nērōgīh ī āsn_xrad pad =iš ud ēk awestwārīhā tuxšāgīh ī pad xwēškārīh
ud ān ī dušfargīh ī dō padīrag ēn ēk ud čēr_padišīh ī mūdag waran ud ēk xwarrah_murnǰēnīdār aǰgahānīh ī az xwēškārīh
abar harw hunar yazadīg dēn mazdēsn hamzahāg harw āhōg dēwīg ǰādūgīg ham_wišūdag ēdōn az nigēz ī weh_dēn hād
harw hunar āyēd yazadīg dēn mazdēsn hamzahāgīh harw āhōg dēwīg ǰādūgīh ham_wišūdagīh paydāg az ān ī dēn mazdēsn gēhān frāy_dādārīh ud ǰādūgīh gēhān murnǰēnīdārīh
ud hunsandīh ud xwēškārīh ud tuxšāgīh ud bowandag_menišnīh ud šarm ud arwandīh ud xwābarīh ud dādīgīh abāz pursīdārīh ī xrad huniyōšīh ērīh wuzurg_menišnīh ud rādīh rāstīh ī spāsdārīh hučašmīh ud abārīg hunarān pad āsn_xrad hamnāf dēn mazdēsn hamzōrīh gēhān frāy_dādār
ud āzwarīh ud kēnwarīh axwēškārīh aǰgahānīh ud tar_menišnīh ud nang_warīh ud sturgīh ud areškenīh adādīh ud anabāz_pursīdārīh ī xrad xwad_dōšagīh ī ud anērīh ud karbīh ud penīh ud drōzanīh ud anespāsīh ud duščašmīh ud abārīg āhōgān pad waran ham_wišūd ud ǰādūgīh hamzōrīh gēhān murnǰēnīdār
abar dō_axwānīg hām_šādīh winnārišn hām_bēšīh dānag az nibēg ī weh_dēn
hād dō_axwānīg ān hām_šādīh_winnārišn gētī abēāhōg xwadāyīh kē =š purr_nērōg dād xwābarīh aγrī āsn_xrad zahag
ud zahāg hām_kišwar frāxwīh urwāhm burz ud dūr_sraw ī ahlāyīh abāg yyy ud hām_bēšīh dānag gētīyīg zad_xwārīh škōhīh ī ō mēnōy druwandīh dušoxīg paywastag
abar fradom aštag ī az dādār ohrmazd ō mardōm az =iš ud ān waxš_barišnīh az nibēg ī weh_dēn
hād az ohrmazd āsn_abar_barišnīg hammōzišn andar ox ī astōmand fradom ō gayōmard menišn būd
ud did gōwišnīg nimāyišnīg =iz ō mahlī ud mahliyānī
ud ān ī aštag_frēstišnīg andarz fradom ō siyāmak ī mašī pus u =š frazendān pad aštagīh wahman ud srōš
ud ān waxš_burdār ī abar wihēz ī mardōm az ērān_wēz ō gēhān pādagīh zrēy franāmišnīg pad srisōg gāw zamīg_rawišnīg =iz ō kustag kustag
az ān ī =š bē mad hē ox ī astōmand ō haft kišwar purr_rawišnīh būd ī x x mardōm andar gēhān
abar hamnērōgīh ī dēn mazdēsn ud āsn_xrad az nibēg ī weh_dēn hād
az =iz šnāsagīh ud padīrišn ī dēn mazdēsn pad āsn_xrad niyāyišn abzāyišn ī āsn_xrad pad dēn mazdēsn srūd paydāg ī hamnērōgīh ī dēn mazdēsn āsn_xrad ōh =iz dēn mazdēsn gōwišn xwad ast āsn_xrad
āsn_xradīg gōwišn ī kadār =iz =ēw astān būdān bawēdān az dēn mazdēsn kē rāy āsn_xrad xwad ast dēn mazdēsn dēn mazdēsn xwad ast āsn_xrad būd ēdōn bawēd dēn mazdēsn āsnīg pad čihr ī hamāg mardōm ud pad ān zōr rāstīh ud wehīh andar ox ī astōmand winnārišn
ka ōšmurišnīg pad =iz gōwišn warzišnīg pad =iz kunišn ī hambāstag mardōm rasēd x ō hamāg rāstīh ud wehīh ud rasīdan ī ud harwisp ox ī astōmand
ud pad =iš ānābīhēd drōzanīh ud wattarīh az dāmān škennīhēd ān ī druz spāh abāg druz ud bawēd frašegird andar axwān hamāg_nēkīh ī ohrmazd dahišnān
ud kēšdārān pad ān ī =šān padīrišn ī kēš az arasišnīh ō āsn_xrad handēmānīh ud nigerišn ī pad waran u =šān kēš srūd nirfsēnāg ī āsn_xrad abzāyēnāg waran ī =šān kēš az āsn_xrad dastwarīh ud ohrmazd dādestānīh dūr ud pad waran dastwarīh ud druz dādestān paydāg
abar hučihrīh ud duščihrīh bun ud hučihrīh ud hučihr pad hučihrīh duščihr ī pad duščihrīh ōstīgān ān ī anōst az nigēz ī weh_dēn hād
hučihrīg hamāg yazadīg duščihrīg hamāg dēwīg ud yazadān hamāg pad hučihrīh dēw harw pad duščihrīh ōstīgān
ud mardōm andar petyāragōmandīh pad hučihrīh ud duščihrīh wardišnīgīh pad ān ī =šān ruwān az hučihrīh ī az ahlawīh ō duščihrīh ī az druwandīh ud az duščihrīh ī az druwandīh ō hučihrīh ī ahlawīh
ud tan =iz az hučihrīh ī az druyistīh ud ǰuwānīh ud ābādīh ud pākīh ud hubōyīh xwēškārīh ud tuxšāgīh ud rādīh rāstīh abārīg hunarōmandīh ō duščihrīh az wēmārīh ud zarmānīh ud škōhīh ud rēmanīh ud gandagīh ud axwēškārīh aǰgahānīh ud penīh drōzanīh abārīg āhōgōmandīh
ud az =iz ēd hamāg ēwēnag duščihrīh ō and ēwēnag hučihrīh ī padīrag ōšmurēd tēz =iz gaštan šāyēd ud hamandāz gōspandān abārīg =iz kirbān ī andar gumēzagīh ī tēz_wardišnīh ī az nēkōgīh ō zištīh ud az zištīh ī ō nēkōgīh pad ān =išān kirb pad =iš wardēd
abar sūd_rawāgīh ī az saxwan_gōw frazānag saxwan šnās niyōšīdār az nigēz ī weh_dēn hād
andar tan sūd_rawāgīh ī az saxwan_gōw frazānag pad rasišn ī =š niyōšīdār saxwan_šnās bawēd
ōh =iz saxwan_gōw frazānag pad arasišnīh ī =š saxwan_šnās niyōšīdār pādīrān_sūdīh ī az saxwan ō mardōm ōwōn čiyōn warzān asūdīh az was =iz āb ī andar awider gawrān abē_āb
ud pad rasišn ī saxwan_šnās niyōšīdār ō saxwan_gōw frazānag rawāgīh ī gēhān sūd az šyyp̄ōmand_ēwāzīgān xwaš saxwan
abar ōšōmandīh ī gyān pad xwarišn ud xwārišn dārišn tanān az nigēz ī weh_dēn hād
andar gumēzagīh amaragānīhā gyān pad tan winnārišn pad tan pattāyīšn ī čihr pad x pattāyišn ī čihr pad tan pad ačāragīh āz čihr bawēd
ud āz az čārīh ī abar čihr pad ānābišn ī čihr az =iš abāz_dāštār hordād amurdad xwarišn ud xwārišn az čihr bandīhēd čihr ayār ī āz hamēstār
ud ka hordād amurdad xwarišn ud xwārišn az čihr bandīhēd čihr pad anayārīh az āz čihr padišīh ānābīhēd
ud gyān pad tan winnirdan nē šāyēd az awinnārišnīh ī gyān pad tan ōšōmandīh bawēd ī tan
abar ōšōmandīh ud anōšīh bawišn ī mardōm tan az nigēz ī weh_dēn hād
ōšōmandīh ud anōšīh ōšōmandān tan az ǰud_gōhr ēbgad gumēzišn azēr star_pāyag bawišn andar ēbgadīg gumēzišn abāz nē dāštan ī dādār az dahišnān ī andar gumēzišn čim pad amaragānīg rawāg paywandīh ī andar gumēzišn abāg ōšōmandīh bawēd sūd ī dahišnān pad bē paywastan ī ō frašegird abāz wardēnīdan ī =š zyān abar kām ōš_wihān ēbgad
pad frazām_ōšīh xwad ēbgad az =iš ahōšīh az abar star ud māh ud xwaršēd pāyag bawišn az amahraspandān bawēnīdārīh ēwāzīg ō āwām srāyēnīdārān frašegird_kirdārān pad frašegird hām_dahišn sūdīh
abar škeft_nērōgīh ī ōš wihān az nigēz ī weh_dēn hād
škeft_nērōgīh ī ōš wihān ēn =iz kū ān =iz ī ōš wihān āgāh mad ōš ud zay pad apaydāg kušišn ī kas =iz az gētīyān xwad ō ōš wihān dawēd
čiyōn dahāg ō xwēš ōš wihān ī az yyy yyy pad dādār framān āgāhēnīd ēstād xwad_kāmīhā pad afrazām afrēzwān padišīh ī kas az gētīyān tazēnīdan paydāg
abar abar_ōzīhā frazām_pērōzīh spennāg_mēnōy abar gannāg_mēnōy az nigēz ī weh_dēn hād
andar purr_ōzīhā frazām_pērōzīh ī spennāg_mēnōy abar gannāg_mēnōy čiyōn ōzōmandtom abar ān ī waxšišn_ōztar ēk wisp_āgāhīg ī harw čārīh spennāg abar gannāg_mēnōy pad anāgāhīh ī gannāg_mēnōy čār ī čē =š pēš =iz az handēšišn ī gannāg_mēnōy abar_čār
abar mehtar_mizdīh ī wehān dāštan šnāyēnīdan az ān ī wattarān zad ud bēšīdan garāntar_puhlīh ī wehān zad bēšīdan az ān ī wattarān dāštan šnāyēnīdan az nigēz ī weh_dēn hād
az =iz ān ī dāštan ī ud šnāyēnīdan ī ēk =iz weh ka =iz pad dāštan ī ud šnāyēnīdan x was =iz wattar šāyēd dastwarīhā ud nē dastwarīhā ud zad ud bēšīdan ī was =iz az wattar ka pad zadan bēšīdan ī ēk =iz weh šāyēd
paydāg amaragānīhā mehtar_mizdīh ī wehān dāštan ud šnāyēnīdan az ān ī wattarān zad ud bēšīdan ud garān_puhlīh ī wehān zad bēšīdan az ān ī wattarān dāštan ud šnāyēnīdan
abar āfrīn nifrīn rasišn az nigēz ī weh_dēn hād
āfrīn nifrīn rasišn pad hamrasišnīh ī ēn se bawēd wābarīgān_gōwišnīh_kirdār pad āfrīn ud nifrīn arzānīgīh ī pad =iš kirdān ī āfrīn ayāb nifrīn rasišn hangām ī ān āfrīn ayāb nifrīn kirdār ō arzānīg pad =iš
wābarīgān_gōwišnīh ī kirdār čiyōn ān ī abar wābarīgānīh ī frēdōn ud pad āfrīn nifrīn az =iz ān ī nēryōsang ō frēdōn guft kū amāwand man sahē čiyōn mard ī xwābarān az ān ī gōwēd bē bawēd
arzānīgīh ī pad =iš kirdār čiyōn arzānīgīh ī ī =š pusarān pad āfrīn ō ēk_ēk ud riyahrag pad nifrīn
rasišn hangām abāyišnīgīh ō bē madan ī āfrīn az =iz ān ī frēdōn ō pusarān guft kū ēdōn ō ašmāh pādixšāy ham se ābādīh dād čand dast frōd_wardišnīh ud čiyōn ašmāh kadār =iz =ēw kadār =iz =ēw ābādīh xwāhēd ān ō ašmāh kadār =iz =ēw daham ud ō ašmāh kadār =iz =ēw rasēd ān ī ō ašmāh kadār =iz =ēw baxt
ēdōn wābarīgān nifrīn ham ān bawēd ī pad =iz āfrīn wābarīgān čiyōn yyy ī nifrīn dahmān āfrīn xwēškārīh
kē =š āfrīn =iz paywāxt xwēškārīh u =š nifrīn =iz az ān ī ka nifrīn ō nifrīn arzānīg rasēnēd
ud nifrīn arzānīg ān ī wattar bawēd ud wattar zanišn ud bēšīd ēdōn arzānīg sūdōmand čiyōn weh dārišn šnāyišn
abar handāzag ī ēwēnag pus pādixšāyīhā ud zahāg pādixšāyīhā ud nē zahag ud zahag nē pādixšāyīhā az nigēz ī weh_dēn hād
pādixšāyīhā ud zahāg ud pus handāzag ī xwēš tom andar zamīg kišt ud pad ud xwēš abzār warzīd rustag ī az =iš dādīg hamāg xwēšīh ī zamīg ud tōhm abzār xwēš čiyōn frēdōn ō āspīyān
ud pādixšāy ud nē zahāg ud zahāg nē pādixšāyīhā pus ēn dō ēk čiyōn andar axwēš zamīg xwēš tom dastwarīg ud ka =iz az adastwarīhā abgand rustag az =iš dādīg mādwar xwēšīh ī zamīg xwēš ud bahr azišīh ī tom abgandār čiyōn barmāyōn ud kadāyōn ō āspīyān rōn pādixšāyīhā ud nē zahāg ō dahāg rōn zahāg ud nē pādixšāyīh pusīh
abar šādīh ī ud bēš ī ōstīgān asazišn ud ān ī anōst ud sazišnīg az nigēz ī weh_dēn hād
šādīh ī ōstīgān asazišn gētīyīg šādīh ī ō mēnōyīg urwāhm x paywastag ān ī anōst ud sazišnīg gētīyīg šādīh ī az mēnōyīg rāmišn brīdag
ud bēš ī ōstīgān gētīyīg bēš ō mēnōyīg pīm paywastag ud ān ī an_ōst sazišnīg gētīyīg bēš ī az mēnōyīg pīm brīdag
abar huxwadāy ud dušxwadāy abespārišn ī xwadāyīh frazām az nigēz ī weh_dēn hād
huxwadāy abespārišn ī xwadāyīh frazām ō rāmišn ī az ān huxwadāyīh bōzišn burzišn ī pad =iš pad dād nēk_kirdārīh ī abar gēhānīgān čiyōn ǰ̌am rāy
ud dušxwadāy abespārišn ī xwadāyīh frazām ō bēš ī az ān dušxwadāyīh ud ērang ud pašēmānīh ī az =iš abē_dād anāg_kirdārīh ī abar gēhān čiyōn dahāg rāy az dēn paydāg
abar ohrmazd_gōwišnīh daxšag ī mazdēsn dēn az nigēz ī weh_dēn hād
ohrmazd_gōwišnīh daxšag ī mazdēsn dēn was se ī mehtar ēn ēk dānišn ī wisp ud ēk rāstīh abar wisp ud ēk niyābag_dānišnīh ī ō wisp ī xwad ast dādār xēm
abar mēnōy_zōrīhā wardišnīh āwām rāyēnišn az ōy ī gēhān dahībed wardišnīh az nigēz ī weh_dēn hād
az dādār dahišn ēwēnag andar mardōm ī ast ohrmazd gētī dahāg ud wisp mardōm ēwēnag ud zōr andar ēk huxwadāy dehān dahībed
ud az ham paywand ud bastagīh wardīhēd pad ān ī ōy wardišn āwām rāyēnišn čiyōn ēd ī paydāg kū az ān ī dahībed nēk_kāmīh āwām huāhrīh ud az wad_kāmīh gēhān dušāhrīh
ud az =iš xrad_āhangīh amaragānīhā mardōm ō dānāgīh nixwārišn ud az waran_āhangīh ō dušāgāhīh škarwīdagīh
ud az =iš xēm wirāstagīh ud dēn huīh mardōm pad wirāst_xēmīh ud hudēnīh bōxtišn ud burzišn az xēm ālūdagīh ud dēn dušīh pad winast_xēmīh ud dušdēnīh ī ērang ud nigōnīh
u =š az rādīh mardōm ō dahišn taftagīh ud pad =iš gēhān frāxwīh ud az penīh ō adahišnīh āhang ud pad =iš dām tangīh
ud az rām šāyīh rāmišn andar gēhān waxšišn pad =iš dām abzāyišn ud az bēš_menišnīh pīm andar gēhān mehmānīh ud pad =iš dām kastārīh
andar =iz wād ud abr wmyčwīh ud wārān abar =iz bag yyy kār wuzurg nērōg_dārīh
ud hangirdīg čiyōn huxwadāy ahlaw wisp mēnōyīg ud gētīyīg rāyēnišn zōr az yaēšąm_zī_xšnuniti_aēšąm_t̰bišaiia andar amahraspandān pargard pad fradom kardag paydāg
abar hamīh ī āgenēn ǰudāgīh ī ēk az did ī mardōm ud ān =iz ī dēwān wihān az nigēz ī weh_dēn hād
hamīh ī mardōm x x x x wihān hamdōšāramīh u =šān ǰudāgīh ēk az did az wisistagīh ī dōšāram az āz ud xešm ud arešk ud kēn čērīh ī andar pad =iz appurdārīh ī dēwān xrad az =išān
ud hamīh ī dēwān ēk abāg did pad ārāyišn ī =šān ō wizend ud zyān ī abar mardōm ud ka =šān ān wizend wišōbišn kird abāz ō ǰudāgīh rasēnd ī =šān wattarīh gōhr
ud ka mardōm hamīh āgenēn pad dōšāram ōstīgān dārand dēw az anāg_garīh tuwān ī abar mardōm anēmēd bawēnd ud az ǰudāgīh ō hamīh nē rasēnd
ud pad frašegird awardišnīg ōstīgān dōšāramīh ī mardōm āgenēn az ān bē sarōmandīhā anēmēdīh ī dēwān az anāg_garīh tuwān ī abar mardōm abesīhišn ī dēwān bastagīh ī =šān az nōg rasišn ī ō hampursagīh ud ārāyišn ī ō abāz dwāristan ī pad anāgīh ō dāmān ī ohrmazd winnārišn ī bawēd ī hām_dahišn pad abēbīm hamāg nēkīh ī ǰāwēdān
abar ān ī xwadāyān passazag rāmišn az nigēz ī weh_dēn hād
xwadāyān nāmčištīg rāmišn az ān sazīdan ī ō xwadāyīh passazag ān ī ō xwadāyīh passazag rāmišn ān ī pad wuzurgīh ōstīgān ud rāmišn ī pad wuzurgīh ōstīgān ān ī asazišnīg čiyōn ān ī andar dēn pad guftan ī kay usadīgān usaδą paydāg ēd ān ī =šān az gēhān xōb_dānīh pad abēbīm zīyišnīh ī gēhānīgān u =š pad menišn urwāhm waxšēd
čē frašegird pattāyišnīgtar kār ī pad hām_dahišn wuzurg sūd meh_dādestānīhā rāmīhēnd ud ān =iz ī x pāyrōz kirdan parwarišnīg rāmišn pad handāzišn ī ō meh_dādestānīh ī az rawāg_padišīh ī ān ī hamēyīg šāyēd bawēd
abar yazadīg nērōg ēbgad zōr ī az bun tā frašegird az nigēz ī weh_dēn hād
yazadīg nērōg abar ēbgad zōr was wāy_ōzīh ud hamīh pad xwēš abardar_ēstišnīh ud pad rasišnīh ō gēhān bun akast_nērōgīh
ud frāyīh ud kamīh pad paydāgīh ō gētīyān nē pad mādī ān ka ēbgad nērōg kastag wēš pad yyy ī druz kam az ān paydāgīh tā pad =iz wēš_yyy ī druz paydāgīh and čand ast wēš az hamāg ī druz nērōg
handāzag xwaršēd rōšnīh pad was_wāy_nērōgīh ī abardom_ēstišnīh hamē pad xwēš abardarīh rasišn ī az =iš pad āgustagīh ī bun ud ka az gōčihr ayāb abr nē pardagōmand ō gētīyān wēš ud ka pardagōmand kam paydāgīh ud pad =iz kam_paydāgīh pad bē spōxtan ī hamāg ī =š handēmān tom
ōzōmandīh ēbgad zōr andar yazadīg nērōg hamēyīg ān mānāg ī tam andar rōšnīh ud pad rēxtagīh az bun bun_nērōg kastagīh ud ān ī az bun rēzīhēd
andar gumēzagīh pad yazadīg nērōg zadagīh abesistagīh ud abāz ō bun hamzōrīh kam_paywandišnīh pad hamāg_rēxtagīh ī az bun hamāg_abesistagīh ī hammis bun ī az =iš rēxt bawēd u =š yyy ī andar gēhān az wēš_yazagīh ī mardōm ī dēwān pad dušmat dušhūxt ud dušhuwaršt kam_yazišnīh ī yazadān pad humat hūxt huwaršt
u =š drang ī andar gētī pad dahišnān petyāragīh 6000 sāl paydāg fradom ī xwānīhēd ǰamān hazārag az yazadīg purr_xwarrahīh ī petyārag andar gēhān škastagīh ud kam_zōrīh
ud andar didīgar ī dahāgān hazārag pad garān dēw_ēzagīh ī wattar ī dahāg ī yyy … pad sidīgar ī …
pad čahārom ī xwānīhēd zarduxštān hazārag pad x nazd ō sar hamāg ēbgad zōr kamāl ī ast sāstārīh ud ahlomōγīh druzīh bālist rasišn ī pad abdomīh ī ham hazangrōzim nišēbīgīh ī sāstārīh ud ahlomōγīh
pad nišēbīgīh nirfsān nirfsān andar panǰom ī xwānīhēd ušēdarān šašom ī xwānīhēd ušēdarmāhān hazangrōzim ō hamāg_abesīhišn hammis bun rasēd ohrmazd dahišn az =iš bōxtagīh ud abēčārīh ud frašegird tan ī pasēn bawēd dēn paydāgīh
abar rōšnīh ud tārīkīh astīh az nigēz ī weh_dēn hād
astīh ī rōšnīh paydāg xwadīhā ōh =iz rōsnīh wišādār ī wēnāgīh ud wišāyišn ī wēnāgīh hambadast xwadīhā rasīhēd ō mardōm čašm
ud astīh tārīkīh ī paydāgīh xwadīhā nē rasēd ōh =iz tārīkīh ī bastār wēnāgīh ud ān rāy xwadīhā nē wēnīhēd bē =š paydāgīhēd ast ī ō dānišn az wēnāgīh čašm bastagīh
abar artēštārīh ud sāstārīh ud āsrōnīh ud ahlomōγīh ud daxšāg az nigēz ī weh_dēn hād
artēštārīh daxšag abāg tagīgīh wahmanīgīh dānāgīh ud dādestānīgīh ud xwābarīh x zahāg sāstārīh daxšag abāg čērīh xešmenīh dušāgāhīh ud adādīh ud anāmurzīdārīh yyy
āsrōnīh daxšag wahmanīg āškārag_warzīdārīh ud ahlomōγīh daxšag akōmanīg nihān_xēmīh
abar čim ī pad harw rāyēnišn_āyōgīh ohrmazd nē pad harw rāyēnīšn_āyōgīh mardōm ī rāstīh ud dādestānīh az nigēz ī weh_dēn hād
ohrmazd pad wisp_wēnīh rāst hamāg dādestān ud dādestān harw rāst mardōm az ān čē nē wisp_wēn hēnd rāst nē harw dādestān ud dādestān nē harw rāst
pad ān ī awēn niyāzōmandīh hēnd ō yst yyy ud dādār mardōm rāy pad yst yyy ī abar ān ī nē wēnēnd dādestān wizīd ī =šān āgāh būd tuwān =ēw
wēnāg ō ānōh rawišn ī =š dastwar wizīn yst yyy ānōh abāg dādestān rāstīh =iz pad ān ī abāg kām ī yazadān rāst kē ōwōn āyēd huwizīn_rawišnīh rāy dastwarīhā rawišn dastwarīhā rāy rawišn bōxtag
abar bun_paydāgīh ī weh ud wattar dēn az nigēz ī weh_dēn hād
weh_dēn brāh ast ī ohrmazd xēm u =š bun pad ox menišn paydāgīh pad ōšmurišn warzišn ī mānsr ī xwad ast ī paymān
ōh =iz weh_dēn bun ox menišn handāzag urwarām āywan ud rēšag ī apaydāgīhā x ēr būm u =š paydāgīh pad ōšmurišn warzišn handāzag urwarām tāg wēšag ud warg ud wēšag ī pad_bar ī paydāgīhā azabar zamīg
wattar dēn dūd ast ī druz tom u =š bun andar paristār ahlomōγ ud paydāgīh pad drōīh ī drāyišn ud kār ī agdēn xwad ast druzīg frāybūd aybibūd
ōh =iz wattar bun andar wattar paristār ahlomōγ handāzag zahr andar mār u =š paydāgīh pad drōīh drāyišn ud dušīh kār ī handāzag paydāgīg dard marg =iz ī ǰastag ī az mār
abar xwarrah pānag ud rānēnāg az nigēz ī weh_dēn hād
xwarrah pānag nigāh_pādārīh ī menišn ud gōwišn ud dast dahan ud mayānag dranǰišn
ud xwarrah rānēnāg harzag wišādār ī mān wizīn wēn ą dam ud yyy ō dranǰišn
abar se abardar zōr ī andar gēhān az nigēz ī weh_dēn hād
x x x ēn =iz se abardar zōr ī andar gēhān ēk zōr ī danišn u =š bun_xān dastwar weh_dēn ēk zōr ī kunišn u =š ud abrozāg xwadāyīh ud ēk zōr ī pad tisān u =š awestām gēhān
ōh =iz pad dānišn šnāsīhēd ud pad xwadāyīh abērtar kārīgīhēd zōr ī pad tisān ī andar gēhān pad kārīgīh ī tisān zōr rawāgīh dām ud winnārišn ī andar gēhān bawēd
ud ēn se zōr dādār ohrmazd bowandag dād andar dahišnān būd ī az ēbgad zōr ī pad tisān nūn =iz mānd ēstēd tā =š appurdagīh
ud pad dānišn kunišn ī mardōm nizārīh ud az ān nizārīh zōr ī pad tisān nūn =iz mānd ēstēd was ī az mardōm āgāhīh fragūdagīh ud az kunišn māndagīh
appurdagīh ēd =iz ī az ātaxš ud wād ud āb ud zamīg urwar =iz ō =iz xrafstar tan burdagīh ān mānāg ī pādzahr ō mār ud was dārūg ud darmān ō any xrafstarān ud tan abāg =iz ān appurdagīh ud nizārīh pad and_čand zōr andar tisān dānišn ud kunišn ī mardōmān abāz waxšēnīdārīh ud ān pad tisān zōr abāz ō xwēš bun ud mādī rāyēnīdārīh ohrmazd_dād weh_dēn huxwadāyīh pad ān xwarrah abāz_rasišnīh bawēd ī zōr ī pad tisān ō xwēš bun waxšišn ī pad xwēš bun ud āhuftagīh ō mardōm bowandag ud āgāhīh ud spurr_kārīh pad =iš ud pad =iš frašegird_dahišnīh ī andar axwān bōxtagīh ohrmazd dahišnān az ēbgad ud purr_urwāhm wišidāy ǰāwēdānīg
abar frāz_āhangīg ud abāz_āhangīgān hunarān sar ud āhōgān kamāl az nigēz ī weh_dēn hād
frāz_āhangīg hunarān artēštārīh_xwadāyīh_xēmīh sar u =š ōšmurišn ēn =iz dādīgīh tagīgīh ud ayārwandīh ud arwandīh ud rādīh ud yazadān_kām handāzišnīg rāst_guftārīh wuzurg_menišnīh ud tuxšāgīh ud āškārag_warzīdārīh hammis abārīg xwadāyīh xēm frāz_āhangīg hunarān
x x abāz_āhangīg hunar āsrōnīg_bandag_xēmīh sar u =š ōšmurišn ēn =iz xwābarīh ī dādīg ud bowandag_menišnīh ī tagīgīh ud šarm ī ayārwandīh ud yyy ī arwandīh fšūnišn ī rādīh ud sūd_guftārīh ī rāst_guftārīh ī ēr_menišnīh ī wuzurg_menišnīh hunsandīh ī ud tuxšāgīh ud pōryōtkēšīh ī āškārag_warzīdārīh hamǰuxt hammis abārīg bandag xēm abāz_āhangīg hunarān
frāz_āhangīg āhōgān kamāl ud sāstārīh xēm u =š ōšmurišnān ēn =iz dabrīh ī dādīgīh brādarōd ud xwābarīh hamēstār ud xešmenīh ī tagīgīh brādarōd bowandag_menišnīh hamēstār sturgīh ī ayārwandīh brādarōd šarm hamēstār widang_kārīh ī arwandīh brādarōd ud yyy hamēstār wanīgarīh ī rādīh brādarōd ud fšūnišn hamēstār ud rāst pad saxwan wizīn zyān_guftārīh ī yazadān_kām handāzišnīg sūdīmand rāst_guftārīh brādarōd sūd_guftārīh hamēstār ud abar_menišnīh ī wuzurg_menišnīh ī brādarōd ud ēr_menišnīh hamēstār ud appurīh ī tuxšāgīh brādarōd hunsandīh hamēstār ud pad and_čand garān wināh was kirbag ī xwurdag āškārag_dēsagēnīdārīh āškārag_warzīdārīh brādarōd pōryōtkēšīh x xēmīh hamēstārīh ud hammis abārīg frāz_āhangīgān āhōgān brādarōd ud hamēstār hēnd dō_ēwēnag hunarān
ud abāz_āhangīg āhōgān x ahlomōγīh x x x u =š ōšmurišn x ēn =iz bwšīh ī xwābarīh brādarōd ud dādīgīh hamēstār ud ēw_menišnīh bowandag_menišnīh brādarōd ud tagīgīh hamēstār ud nangwarīh ī šarm brādarōd ayārwandīh hamēstār ud yyy ī yyy brādarōd ud arwandīh hamēstār ud penīh ī fšūšišn brādarōd rādīh hamēstār ud ōbastag_menišnīh ēr_menišnīh brādarōd wuzurg_menišnīh hamēstār ud āǰgahanīh ī hunsandīh brādarōd tuxšāgīh hamēstār ud hammis abārīg abāz_āhangīg āhōgān ī brādarōd hamēstār hēnd dō_ēwēnag hunarān
abar dēn mazdēsn xwadīh u =š frazānagīh_baxšišn mādī xwēškārīh ud kār hangirdīgīh nērōg sūd az nigēz ī weh_dēn hād
dēn mazdēsn xwadīh x ohrmazd u =š frazānagīh_baxšišn dānišn_kunišn
u =š mādī dānišn wisp ud rāstīh ī abar wisp ud niyābag_dahišnīh ī ō wisp ī xwad ast ohrmazd xēm
u =š xwēškārīh dām_bizeškīh u =š kār hangirdīgīh pad dānišn zōr ī andar tisān dād ēstēd šnāxtan pad kunišn sazāgīhā ō kār burdan
u =š kār nērōg pad passazagīhā_barišnīh ī zōr ī andar tisān dād ēstēd ō kār ī ēbgad gumēzišnīh wināhišn ī andar dahišnān bē burdan ud dahišnān gētīyīha ud mēnōyīhā az =iš bēšāzēnīdan
ud sūd pad čand_šnāsagīh ud kunišn ī andar zamān hangām_rawāgīh ī winnarišn andar zamānān drang tā frašegird pad hamāg šnāxtan ī ān ī andar tisān nērōg bowandag ō kār burd ī pad kunišn hām_dahišn bēšāzēnīdārīh ī az ēbgad bowandag ud druyist ud purr_urwāhm winnārdan ī ǰāwēdān
abar pōryōtkēšīh ahlomōγīh az nigēz ī weh_dēn hād
pōryōtkēšīh wurrawišnīh ī pad āstawānīh ohrmazd abar ān ī ōy dēn awestwārīh ī abar =iš ōšmurišn pad druyist_xēmīhā_hammōxtišnīh ī pad hāwištīh ī az ōy pēš_madār ahlaw rāst frāz hammōxtārīh ī pad hērbedīh ō ōy ī pas madār passazag hāwišt
pad xūb hamhāgīh ī abāg ōy ī huxwadāy dahībed xēm wirāstan ud ō wābarīgānēnīdan ī weh_dēn sūdēnīdan ī gēhān mardōm yyy
zīndag tan xūb hamhāg widard tan anōšagīh ruwān frašegirdīg husrawīh ī ōy ī pōryōtkēš ahlaw
ahlomōγ awirrōyišnīh ī pad ohrmazd ud anāstawīh abar ān ī ōy dēn dahāg nimūdārīh pad =iš duzzīh abar =iš ōšmurišn pad dušxēmīh hammōxtan ī pad hāwištīh ud ārāstan ud frāz hammōxtārīh ī pad hērbedīh nām ō dušāgān
pad paristārīhā paywand ī sāstār ān ī sāstār xēm dušēnīdan u =š wināhišn čandēnišn ī dēn ud zyān anāgīh ī mardōm ud gēhān yyy
abar tuwān harw kas pad bōxtan ī az druwandīh ud xwēšēnīdan ahlawīh az nigēz ī weh_dēn hād
bōxtan ī az druwandīh ud xwēšēnīdan ahlawīh pad ēk tis dō bawēd ī ast awināhīh ud kirbakkarīh
kirbakkarīh mādayān dahišn ī ō ahlaw mard ud ī pad =iš abāyišnīg ast ī dahišn tis ud āgāhīh ī az dēn dastwar pad dahišn ayāb adahišnīh ī ān tis ō kas
awināhīh mādayān anappurdārīh az ahlaw mard ud ī pad =iš xwāstag ud any tis ī dahišn nē abāyēd āgāhīh harw kas andar xwēš hāwandīhēd
ud kirbag ān =iz ast ī harw mardōm tuwānīg čiyōn menīdan ī frārōnīh ān ī abar =iz ān armēštar pad tan niyābag kē rāy kadār =iz =ēw az mardōmān tuwānīg pad bōxtan ī az druwandīh xwēšēnīdan ī ahlawīh
abar pad čār brahnag nē būd wišādag raft čim ī andarz ī az nigēz ī weh_dēn hād
az weh_dēn wāspuhragānīh ēk dānišn ī wisp_bowandagīh ī ast gētīyīg_šnāsagīh ud mēnōyīg_āgāhīh u =š hamāg gētīyīg rāst_dānišnīh wābarēnāg ī abar ēdōnīh ī ud mēnōyīg āgāhīh wisp
u =š az mēnōyīg āgāhīg wisp abar čār brahnag nē būdan čim ǰādūg ān ī ōy brahnag tan pad wēnišn wēš tuwān murnǰēnīdārīh az ān ī pad ēwēnīg paymōg
ud brahnag ōh =iz hamāg tan_brahnagīh ī mardōm zištīh ud anēwēnīh zištīh ud an_ēwēnīh ī mardōm zōr_dādārīh ō dēw ud druz mardōm dušmen az ān zōr_dādārīh čērtar bawēnd pad murnǰēnīdan ī mardōm tan
ud wišādag nē raft andarz mēnōyīhā murnǰēnišn ī gēhān az =iš būd ī ōy ī wišādag_raftār čiyōn gētīyīhā zyān anāgīh ī az abēband anērīh ī xwad ast xwadāy nē weh_dēnīh
abar ristag ī hudēnīh ud agdēnīh ēwēnag az nigēz ī weh_dēn hād
hudēnīh ēwēnag ān ī abar mēnōy kār ud arg ī pad tan āhangīgīhā andarg xwēš dahībed āškāragīh ō mēnōyān x yazadān
ud ān ī gētī ārāyišn āsānīh paymānīg ud ud ēwēnīg āškārag gētīyān pad dōšāramīg rādīhā hamrāmišnīh ī amaragān mardōm ābādānīh ud sūd ī gēhān
ud az agdēnīg ēwēn ī abar mēnōy dām arg ud ranǰ ī pad =iš burz_wāngīhā pursīdan ud awurrōyišn āškārag gēhānīgān dēsag nimūdārīg pad frēb ud wiyabāngarīh ī mardōm
ud āsānīh rāmišn ī tan pad duzīhā nihuftag ud andarōnīgīh pahrēz nimūdārīh ī az =iš ast ī frāybūdīg =iz
abar ān ō ud dēn rawāgīh abāyišnīg az nigēz ī weh_dēn hād
ān ī pad dēn_rawāgīh abāyišnīg čahār āsn_xrad ud dēn_āgāhīh ud nimūdārīh ud padīriftārīh čiyōn ō ram_rāyēnīdārīh ī mardōm abāyišnīg pēš_gāh hanǰamanīg mardōm ud andarz ī pēš_gāh ud ō ān ī gōspandān šabān ram ud ram rawišn ud čarag_čār
āsn_xrad homānāg ō pēš_gāh ud šabān dēn_āgāhīh ō hanǰaman ī mardōm ud ram ī gōspand ud nimūdārīh ō andarz ī pēš_gāh ō hanǰamanīgān ud rawišn ī ram ō čarag_čār padīriftārīh xwad ast padīrišn ī hanǰamanīgān čarag_čār ī gōspandān
ud ka āsn_xrad nēst dēn_āgāhīh apad_wizīn nimūdārīh šēftag padīruftārīh pad zyān čiyōn ka pēš_gāh nēst hanǰamanīg pargandag nimūdārīh awindišn ud ka šubān nēst āšuftag ud rawišn asūd ud čarag_čār afrayād
ud ka dēn_āgahīh nēst āsn_xrad anabzār nimūdārīh bastag padīruftārīh awindišn čiyōn ka hanǰaman nēst pēš_gāh ēw_tāg u =š nimūdārīh apaydāg padīruftārīh yyy ud ka ram nēst šabān axīr ud rawišn hanǰaftag ud čarag_čār asūd
ud ka nimūdārīh nēst āsn_xrad abēsūd ud dēn_āgāhīh ud padīruftārīh anōst hamčiyōn ka andarz nēst ud pēš_gāh abēsūd hanǰamanīg abahr ud ka rawišn nēst ud šubān asūd ram wirēg ud čārag_čār afrayād
ud ka padīruftārīh nēst āsn_xrad akār ud dēn_āgāhīh awiškinn ud nimūdārīh yyy čiyōn ka padīriftārīh nēst pēš_gāh yyy andarz akār hanǰamanīg arasišn_sūd ud ka čarag_čār nēst ud šubān arešken ud ram wirēg u =šān rawišn abēsūd
abar pahlom ud wattom mardōmān az nigēz ī weh_dēn hād
az weh_dēn nigēz pahlom ī mardōmān hamē mardōm huxwadāy dahībed dānāg dēn_dastwar ī zamānag ud wattom dušxwadāy sāstār ud ahlomōγ ī āwām
ud andar ān ī būd pahlomān huxwadāyān huxwadāy ǰ̌am pahlom būd kirdārtom stī ī pad ruwān ī mardōm pad tan
ud az pahlomān dēn_dastwarān spitāmān zarduxšt pahlom būd kirdārtom stī ī pad ruwān mardōm
ud az wattom sāstārān dahāg wattom būd ī ǰ̌am ōš
ud andar wattomān ahlomōγān tur ī brādrōrēš karb wattom būd ī zarduxšt tan ōš
ud andar ān ī bawēnd az pahlomān huxwadāy ud dēn_dastwar sōšyans pahlom bawēd ī frašegird_kirdār ud ān ī ōy pad frašegird_kirdārīh hamhāg kay_husrōy
ud andar wattomān tūr ī brādrōrēš tōhmag gaδarōs wattom sāstārīh ud ahlomōγ kē sūdōmand ud pērozgar awēšān zad abesīhēnīdan weh_dēn āgāhīh
abar dēn passand ōstīgānīh ud wardišnīh kām az nigēz ī weh_dēn hād
ham pad kirbag kāmag ōstīgan dāštan ud andar madagān kirbagān ō ān ī meh kirbag az wināh kāmag wardēnīdan weh_dēn andarz
abar se ī škefttar astānag ī dēn mazdēsn az sāstārān se az ahlomōγān andar zarduxštān hazangrōzim az nigēz ī weh_dēn hād
se ī škefttar astānag ī dēn mazdēsn az sāstārān andar zarduxštān hazangrōzim fradom ān ī xyōn arzāsp ud xyōn and abāg ōy ud didīgar ān ī mar ī dušdām alksandar hrōmāyīg ī abāg ōy ud sidīgar ān ī wizārd_wars dēw ōy ī ōy
ud ān ī az ahlomōγān ham hazangrōzim fradom ān ī sahmgen srādag ahlomōγ didīgar ān ī az dušwārīh abāgēnīdār mazdak ahlomōγ ud sidīgar ān ī az kundag ahlomōγ
abar hamīh ī āsn_xrad ud weh_dēn az nigēz ī weh_dēn hād
az =iz was dānāgīhā saxwan ī awēšān pēš az rasišn ī dēn mazdēsn ān =iz ī pas anāgāhān u =š az āsn_xrad guft kē andar was ān ī ǰud_kišwar dānāgān abāg dēn mazdēsn rāstīh ud ēdon astīh ī čiyōn ān ī dēn mazdēsn ōšmurišn nigēz paydāg hamīh āsn_xrad ud weh_dēn
abar wehtom ud wattom ī āwām az nigēz ī weh_dēn hād
hamē ka andar gēhān xwadāyīh pad weh_dēn fragānīh abāyišnīg winnirdagīh ud weh_dēn pad xwadāyīh nērōg wābarīgān_rawāgīh āwām pad dād wistardagīh ud gēhān ābādānīh pāyram abēbīmīh huzīyišnīh ud pad dānāgīh abzōn pad hufrahangīh wirāstagīh ud pad xūb_ēwēnīh payrāstagīh ud pad mardōm rādīh rāstīh ud spāsdārīh ud was hunar ud wehīh pahlom
ud ka sāstārīh pad ahlomōγīh fragān winnārdag ud ahlomōγīh pad sāstārīh nērōg wābarīgān rawāg āwām pad must wistardagīh ud gēhān awērānīh ud pāyram dušzīyišnīh ud purr_bēšīh pad dušāgāhīh kastagīh ud pad dušfrahangīh wišuftagīh ud pad wad_ēwēnīh duščihrīh ud pad mardōm drōzanīh ud penīh ud anespāsīh duščašmīh ud sturgīh ud was āhōg wattarīh ud wattom
abar ān ī weh mard pad gyān bīm yyy ī andar wattarān šang kunišn az nigēz ī weh_dēn hād
ān ī weh mard pad gyān bīm yyy ī andar wattarān šang kunišn fradom pad paywastan ī menišn ō tan čihr tan druyistīhā andar rawišn ayādīh ērīh nimāyišn pad tan wādān niyābagōmandīhātom lābagīh pad uzwān ō awēšān wattarān niyābag_dāštārīh ī ummēd ud bōzišn andar xwēš tan mēnōy
nē ud pad anēmēdīh menišn az tan čihr wisānd ud ō ruwān xwadīh paywastan tā zōrōmand bawēd menišn az ruwānī ahlawīh ud xwadīh bōxtagīh az dēwān šang
ud abardar_zōrīh ī az hamāg wattarān purr_spāhīh ī az yazadān u =š wēnāgīhēd xrad nērōgīhēd dil ud wišāyīhēd uzwān ō amāwand dāmān sūd dēwān bēš ud wattarān sahm ud yazadān yyy ud dūr_nāmīg ud dagr_abrang dādār kām nēk saxwan
abar dagr_pattāyīh ī xwadāyīh pad tan abāg dēn mazdēsn ud gišnag zamānīh ī abāg ahlomōγīh az nigēz ī weh_dēn hād
az ēd čē tan pad čihr gētī ābādīh ud ārāyišn ud čābukīh ud abrang ud huniyāgīh ud rāmišn x xwāhēd ka xwadāyīh aw =iš paywandīhēd ham abāyēd was_wāy nērōgīhēd dēn mazdēsn dādīh ābādīh ārāyišn payrāyišn ud čābukīh ud abrang ud huniyāgīh ud rāmišn ī gētī dastwar ān dādīh xwadāywār ārāyišn payrāyišn ud čābukīh ud huniyāgīh ud rāmišn ō xwadāy pad tan xwadāyīh čihr kunēd dēn mazdēsn nērōg xwadāyīh fragān čand dēn mazdēsn nērōg ī xwadāyīh abzōn xwadāyīh ōz winnārišn pattāyišnīh ud ahlomōγān nērōg ī frēbīg abar kešīdan ī kaftān ō xwēš niwandag ud pad =iš winnārdan xwadāyīh rāyēnīdan ī gētī kām gētī anabāyišnīg nikōhīdan ī =š ārāyišn ud payrāyišn ud čābukīh ud huniyāgīh ud rāmišn stāyīdan ī =š awērān ud škōhīh ud brahnagīh ud bēš ī pad tan ud ka =š kaftēd ō x pad =iš ud winnārd bawēd xwadāyīh hamē čiyōn =iš čihr āhang kām ī pad gētī ārāyišn ud tan huniyāgīh ud rāmišn frāz ō kaftān ī =š andar yyy ī =š ahlomōγīh ī ōy xwadāyīh fragān andar pad kaftān ī andar niwandag nizārīhēd xwadāyīh čandīhēd ud niyāz bawēd ō abāz winnārdan ī pad any ēwēnag ahlomōγīh brahm ud az =iz hambadīgīh ān =iz ī ahlomōγīh brahm ka ō tan xwadāyīh čihr ud anawestwārīh pad xwadāyīh fragān ān =iz čandīhēd xwadāyīh čandēnīdan čandān frēftagān kaftagān ī andar niwandag ahlomōγīhā abāz ōh hilēnd ud az niwandag ō yyy tā x hamāg az niwandag yyy ahlomōγīh az fragānīh ī ān xwadāyīh akār bawēd xwadāyīh az =iš awisānīhēd
abar ōstīgān bun ī xwadāyīh ī az =iš mardōm abērtar ud ān ī abar xwad āzādīh az dušox tā madan ō hammistagān ud … az nigēz ī weh_dēn hād
fradom xwadāyīh …
ud didīgar xwadāyīh … abzōn ī pad did madan ī az hammistagān ō wahišt ud abāgīh ī mēnōyān yazadān
ud sidīgar xwadāyīh bālist madan ī az wahišt ō garōdmān abāgīh ī amahraspandān bawēd
abar xwēšēnīdan ī mardōm xwābarīh ud āmurzišn az yazadān xwadāyān az nigēz ī weh_dēn hād
yazadān xwābarīh ud āmurzīdārīh x huxwadāy dahībed x x ān ī yazadān dārēd ān =iz ī druxt mānd mardōmān ka =š tan wādān frāz ō xwadāyān ēwēnag ēkānagīhā dāštan ud ī =šān xwābarīh ud x āmurzīšn ī az =išān xwēšēnīd ud ud yazadān dahībed dādīg ān ī yazadān xwābarīhā ud āmurzīdārīhā abar tan ud xīr ī ōy mardōm čiyōn ōy gēhān meh_sūdtar framān bawēd
abar xōg ī dānāg ud dušāgāh pad rasišn ī yān az yazadān ābādīh az mardōm ud arasišnīh =iz ī az nigēz ī weh_dēn hād
dānāg pad čand =iš rasēd gētīyīg yān az yazadān ān sāmān abar =iš sūd astīh pad arasišnīh abar ēdōn weh menīdan
ud pad čand =iš rasēd az mardōm ābādīh ān ī mādī ōy ābādīh_gar pad abāz_gīrišnīh ī az xwēš awizīrišnīg tōšag ō ayārīh ī ōy menīdan pad arasišnīh menēd nē az kām bē az kām bē az tuwān ī ōy kas kē ān ābādīh az =iš sazīhēd menīdan
ud hamē pad yān ī az yazadān ābādīh az mardōm arasišnīg ud rāmišnīg ud spāsdār pad arasišnīg hunsand ud abēš
ud dušāgāh pad čand =iš rasēd az yazadān gētīyīg yān az mardōm ābādīh frāy_rasīd sazistan ud pad arasišnīh gumānīg ī abar yazadān mēnōy ī az mardōm andar menīdan bāstān pad yān ī az yazadān ābādīh ī az mardōm rasišn bēšōmand ud anespās pad arasišnīh anhunsand ud gilakkar
ud ēd =iz rāy hamē ī dānāg pad ābādīh az yazadān mardōmān arzānīgīh ud ēmēdwārīh ud dušāgāh anarzānīgīh ud brīd_ēmēdīh
abar kāmag paymān frāybūd ud aybibūd az nigēz ī weh_dēn hād
kāmag paymān abāyistan ān ī awizīrišnīg ō xwēš tan kār ud pāyag
awizīrišnīg harw čē kirbag xwad ast hunsandīh sāmān tuxšāgīh bun kāmag frāybūd burdan ī abāyist ō ān ī wizīrišnīg ō xwēš tan kār ud pāyag
wizīrišnīg harw čē wināh xwad ast anhunsandīh ud sāmān ud āzwarīh bun ud kāmag aybibūd nē abāyistan ī ān ī awizīrišnīg ō xwēš tan ud kār pāyag afsardagīh ī kirbag bawēd ud zad_bōy =iz xwānīhēd ī xwad ast aǰgahānīh bun
abar se andarz ī ǰ̌am ō mardōm az nigēz ī weh_dēn hād
se andarz ī ǰ̌am ō mardōmān andar petīt ī az tar_menišnīh ī =š dādār
ēk ēn kū =tān ēw bawēd abērtar rāmišn az mēnōy frayād ast kirbag ud ma az hanǰābišn ī =tān kāmag pad tuhīg gētī xīrān
ēd ēkānagēnēd uzwān ō rāst_gōwišnīh ī =tān xwarrah ud pādār ud waxšēnīdār ud ma fradom =iz ō drō_guftārīh ī =tān andar nirfsēnīdār ud ānāftār
ud ēd bawēd hamē ōstīgān pad madan ī x x x mēnōyān yazadān ma ēd wisānēd madan pad dagr_rasišnīh aw =iš ud drangīg durīh ī =šān az wēnišn
kū ma bawēd mūdag tabāh čiyōn mūdag būd ǰ̌am ka =š dōšīd rāmišn ī az sazišnīg xwadāyīh abar az ān asazišn kirbag u =š burd uzwān az rāst_gōwišnīh ī xwarrah_pānag ō drō_guftārīh ī xwarrah_murnǰēnīdār u =š wisānd madan ī mēnōyān yazadān ka =š tar_mēnīd ān ī xwēš rāy ud xwarrah baxtār bag ī xwābar dādār ohrmazd
abar xwarrah pānagēnāgtar ud rānēnāgtar tis az nigēz ī weh_dēn hād
pānagēnāgtar ī xwarrah bowandag_mēnīdan xwarrah baxtār ōstīgān dāštan ī =š spās ud tuxšāgīh ī pad xwēškārīh
ud rānēnāgtar tar_mēnīdan ī xwarrah baxtār framōšīdan ī =š spās ud waštan ō axwēškārīh
abar xwarrah xwadīh ud mādī paydāgīh az nigēz ī weh_dēn hād
dādār dahišn ō kār dād ō harw dahišn xwēškār paydāgēnīd ān kār pad dahišn rawāgīh xwarrah ast ī ōy dahišn
u =š mādī čand rawāgīh ī kār pad =iš ān ī tan =ēw pad =iš rawāgīh ud winnārišn mādī čand =iš čand ān ēk tan ān ī mān =ēw čand ān ēk mān ud ān ī wis =ēw čand ān ēk wis ud ān ī zand =ēw čand ān ēk zand ud ān ī deh =ēw čand ān ēk deh ud ān ī kišwar =ēw čand ān ēk kišwar ud ān ī haft kišwar zamīg pad =iš rawāgīh winnārišn mādī čand hamāg kišwar
u =š paydāgīh az winnirdagīh ī ō dahišn rawāgīh az ānābišn ī pādīrānīh ī ān kār az kār ī ēk tan tā ān ī hamāg tanān az ān ī mān =ēw tā ān ī haft_kišwar būm
abar ādān pāduxšāyīh ī mardōm sūt ud ān ī =š zyān az nigēz ī weh_dēn hād
ēbgadōmand mardōm ī gumēxt ēstēd aw =iš ēbgadīg āz pad murnǰēnīdan ī xwarrah dād ēstēd az dādār xrad pad pānagīh ī xwarrah az āz
ud āz brādarōd ī abāyist ud abāyist sāmān čand abāyist pad ādān pāduxšāyīh hanǰāmīhēd āz frāy nērōgīhēd ud xrad niyāz wēš bawēd pānagīh ī xwarrah az āz
ka abāyist pad pādixšāyīh ud ādān azēr paymān ī nērōg ī ōy mardōm xrad hanǰāmīhēd padin bawēd ōy mardōm xrad pad pānagīh ī xwarrah az tarwēnīdan ī az āz sūdōmand ān pādixšāyīh ud ādān pad ān mardōm
ud ka abāyist azabar paymān ī nērōg ī ōy mardōm xrad hanǰāmīhēd frāy_ōzīhēd āz ud nizārīhēd andar =iš xrad ud az xrad nizārīh čandēd xwarrah pad abowandagīh ī =š pānag
ud mastīhēd ōy mardōm az frāy_būdīg pāduxšāyīh ud ādān u =š tarwēnēd āz xwarrah ud ānābēd az =iš zyānīhēd abar =iš ān pāduxšāyīh ud ādān
abar ān ī mardōm xwēš rāy xwad kunišn ud ān ī pad ǰud az xwad frāz hilišn az nigēz ī weh_dēn hād
ān ī mardōm xwēš rāy xwad abērtar kunišn ān ī ka xwad xwēš rāy nē kunēd ēč ī ǰud az ōy ōy rāy kirdan nē tuwān
u =š mādagwar nāfag ī astwihād az tan ō ruwān gardan pad pahrēz ī az wināh ud warz ī kirbag nē hilēnd kū barēnd astwihād ōy tan ō ōš ud any gyāg ōzad ān band ō ruwān gardan tar yyy kū pad =iš astwihād ō ruwān ō dušox kešād ud tā frašegird pādīrānēnād dardēnīd ud bēšēnād pad ān ī škefttar dard bēš bē ōzad tan ruwān wišād ō ul ahrāmādan pad hamzamanīh ī abāg ahlawān āsānīhād ud šnāyīhād pad ān abardom āsānīh šnāyišn
ud ān ī ī =š abērtar pad any =ēw ī ǰud az xwad frāz hilēd ān ī xwad pad ān ī ō xwēš rasēnēd ēw_tāg nē bowandag čiyōn gētīyīg xwadāyīh x x ud xwāstag ud kāmag_hanǰāmīh ud rāmišn ud ān frāz hišt abar yazadān sazēd pad abēgumānīh ī abar yazadān wistāxwīh ī abar ēn kū yazadān ō ōy mardōm ōwōn rasēnēnd čiyōn pad =iš ud weh ud sūdōmandtar bawēd
abar ačār ī xwarrah dādār xwarrahōmand xwarrah tarmēnīd az nigēz ī weh_dēn hād
dādār dahišn ō kār dād dahišn kārīgar hēnd dādār u =šān xūb_rawāgīh kār pad xwarrah xwēškārīh pad xwarrah bowandag_mēnīdārīh xwēškārīh az xwēškārīh_rawāgīh dādār kār_rawāgīh dādār kār_sāzišn ī ō =š kām šnāyišn ī pad =iš ud ka pad axwēškārīh tar_mēnīdār bawēd xwarrah pādīrānīh bawēd ī dādār kār ud asāzišnīg ō =š kām ud ačār pad =iš
abar pānagīh_pāsīh ī dām az nigēz ī weh_dēn hād
kadār =iz =ēw pāsīh ī xwēš dām xwarrah pad abēzag dōstīh ud stāyišn ud spās ī xwarrah dādār
ud ka framōšīdār bawēd ī dōstīh stāyišnīh ud spās ī xwarrah dādār ā =š hišt bawēd xwarrah apās u =š murnǰēnīd xwarrah pad apāsīh ud ān ī xwarrah murnǰēnīdārīh druz
abar mardōm abzōnīg ud kast_arzīh az nigēz ī weh_dēn hād
arzīh mardōm čand =iš xwarrah mādī u =š xwarrah ī mādī čand xwēškārīh u =š xwēškārīh nimāyēd abar xwarrah mādī ud xwadīh arz
čiyōn ān ī mard ī ahlaw pad mehīh arz keh az āb ud zamīg ud gōspand ud urwar ud mayānagīhā hāwand āb ud zamīg gōspand ud urwar ud abardarīhā meh az āb ud zamīg ud gōspand ud urwar
ud tā =iz ān ī =š srišwadag arz asmān zamīg ud dō srišwadag arz amargīh ī zīndagān ul_hanǰišnīh ristagān ud hamāg arz čand harwisp tyl ud šōr andar weh_dēn abar mard ī ahlaw ī huxwadāy dahībed ōšmurēd
ud kastagīh ī =š arz az kamīh ī =š xwarrah ud kamīh ī =š xwarrah čan =iš axwēškārīh u =š axwēškārīh nimāyēd abar zad_xwarrahīh sāmān xwadīh kast_arzīh
tā =iz appārīh ī =š hamāg xwarrah mādī ud ōzadagīh gēhān arz ān ī ka pad xwēškārīh margarzān bawēnd u =šān tan pad anabēdānīh azīndag ud ruwān pad pūdagīh dušoxīg bawēd
abar bawišn hambawišn az =iš ud bawēnīdārīh ud hambawēnīdārīh čim az nigēz ī weh_dēn hād
bawišn stī pad hamīh nērōg waxš zōr ō mēnōy gōhr az dādār mēnōyīg bawēnīdārīh x x x x x x x x x ud hambawišnīh stī pad hamīh ī waxš az dādār hambawēnīdārīh ō gētīyīg dēsag ud kirb
ud čim ī abāyišnīgīh ī dahišn ō harw kār ud kār kōšišn ī abāg hamēstār ēbgad ān ī andar dahišn ī paydāgīh wānīd ēbgad ī kird kār bawēd stī ō stī nērōg ud waxš ō waxš zōr bun gōhr abāz_gumēzišnīh ud pad hamāg wānīdārīh ī ēbgad čiyōn pad bunīgīh_dahišnīh kār
ud frašegird hangām bawēd dādār ēk_ēk stī az bun ī stī nērōg waxš as bun ī waxš zōr abāz xwāstan ēwēnagōmand ud kirbōmand pad abēzagīh ō =iz ruwān hambunēnīdan abāg =iz ruwān anōšagēnīdan ud ǰāwēdān purr_wišīdāyīh yyy abāz winnārdan weh_dēn paydāgīh
ud nē ēč ēwēnag az nēst bawēnīdan abāz ō nēst burdan šāyēd čiyōn nē =iz šāyēd xwadīhā būsīdan ī tis
ud nē =iz bawēnīdār ud hambawēnīdār dānāg dādār xwēšīh bawēnīdag ud hambawēnīdag pad čār winastan ud wišuftan sazēd bē xīrān tis bawišn hambawišnīh ēwēnag =ēw ōwōn manāg čiyōn az hambawišn ī xāk ud āb ud gil xišt bawišn az hambawišn xištān ēk didān
u =šān dahišn wihān nē az xwēš bē az ǰud_ǰud gōhr čiyōn čēgām =iz xīr ud ud dahišn nē az xwad xwēšīgān bē az hamīh ī ǰud gōhr paydāg
ud kēšdārān kē xīrān az nēst bawēnīdan abāz ō nēst burdan ud did az nēst abāz ham bun ham xīr bawēnīdan nōg dahišn ī bawēnīdag az =iz ān ī =š bawēnīdār astīh kēš
ud ān ī =šān xwadīhā būd šāyēd yyy xīrān az nēstīh rāh nē kam az kirdan ī xīrān az nēstīh ōh =iz ān ī būd nē šāyēd čiyōn xwadīhā būd ī xīrān az nēstīh kirdan =iz nē šāyēd az nēstīh xīrān az nēstīh kirdan nē šāyēd az nēstīh xīrān čiyōn ēk tis andar ham gyāg pad ham zamān ham ast ham nēst ī čiyōn būd nē šāyēd kirdan =iz pad ud ēč zōr nē šāyēd
ō harw passāxtag tis awizīrišnīg mādī passāzišn ud passāxtār ud agar passāxtag tis abēpassāxtār guft wēšīgān škeft abēastīh ī passāzišn mādī guftan škeftīh nē kam
az nēstīh nōg ham xīr ī az astīh ō nēstīh madan zēfān gōwēnd abāz būd hambasān azišīhā nēstīh astīh guft bawēd
ēdōn =iz pad dādār xwēš bawēnīdag hambawēnīdag ēdōn =iz pad dādār ud pad winast ī guftan dahišn dušmenīh dādār
abar xwarrah āfurrāg tōhmag ud dārāg hām ud baxtār ī ō gētīyīg tōhmag ud baxšišn framān parwarāg pāyāg ī pad tōhmag ud andar tōhmag tan u =š kār ud abāz padīruftārīh ud abāz paywastār ī ō xwēšāwand az nigēz ī weh_dēn hād
xwarrah āfurrāg dādār ohrmazd
tōhmag kē az =iš wizārīhād ān ī anagr_rōšnīh
u =š dārāg ī hām mēnōyīg ādur ud āb ud gil mēnōy ud gētī ādur āb ud gil gētī
ud baxtār ī ō gētīyīg tōhmag x x x x mēnōyān yazadān hēnd
baxšišn framān ī ō tōhmag andar tōhmag ō tan mad zamān ī ān ī kār pad ān xwarrah andar ān tōhmag pad ān tan rāyēnīdan abāyišnīg
ud parwarāg ud pāyāg ī xwarrah abar tōhmag ud tan ī andar xrad pēšōbāy ud rādīh ud rāstīh ud spāsdārīh ud hunsandīh ud tuxšāgīh ī pad xwēškārīh
u =š kār bōzāgīh ud bōzēnāgīh ud burzāgīh ud burzēnāgīh ī xwarrahōmand pad xwarrah xwēš ud xwēšīg čand =iš xwarrah sāmān
ud abāz padīruftārīh kird kār ud hanǰaftag ud kārīgar awēšān ī bun_dārāg hām
abāz paywastār ī ō ī xwēšāwand ān ī bahrīg ō tōhmag tōhmag ud tan tan ud hamāgīhā frašegird zamān ō frašegird_kirdārān xwarrahōmandān āwādag pad pad =iš kirdan ī frašegird ud pad tan ī pasēn ō harwist ox ī astōmand dādār ohrmazd wisp_āgāh wisp_tuwān
abar sūd ī az gōwāgīh ō xwēš kirdan ud zyān ī az =iš az xwēš tan spōxtan az nigēz ī weh_dēn hād
uzwān dād ēstēd pad abzārīh ī mardōm ō xwēšēnīdan ī pad =iš wuzurg sūd ī az gōwāgīh ud nixwārag ī uzwān ō gōwāgīh kām
akōman āz xešm ud abārīg druzān ī andar tan rāhdārīh bāstān kōšāg hēnd pad kird ī kām ō xwēš abzārīh kū pad kām_abzārīh nixwārēnēnd uzwān ō sūd ī az gōwāgīh az mardōm ačārēnāg zyān ī az =iš aw =iš rasēnāg gēhān saxwan
dād ēstēd wahman ard ud ārmad ud ud srōš ud anīz weh mēnōy ō dēsag_kārīh ī andar mardōm tan pad pānagīh ī kām uzwān az druzān
ka ōdāyēd mardōm pad ōdāyīh ī =š abar xwēš tan weh mēnōyān pad hamhāgīh dōšēd ka =š kām uzwān ō gōwāgīh nixwārēd ān saxwan andar wārom dārēd bowandag pad =iš nigerēd ud wēnēd kū kām ān nixwārišn ī uzwān ō gōwāgīh az xrad ud abārīg ī weh mēnōy dastwarīh ayāb az waran abārīg ī wattar mēnōy wiyābān_kārīh
uzwān az guftan abāz āhanǰēd ī =š sūd ī az gōwāgīh ō xwēš kird zyān ī az =iš az xwēš spōxt bawēd ud ka =š bowandag_nigeridārīh gōwēd hamē ud purr_bīm pad ačārēnīdan ī wuzurg sūd ī az gōwāgīh az xwēš ud kešīdan ī garān zyān ī az =iš ō xwēš
abar bun_bawišn ī gētī dahišn dahišn az nigēz ī weh_dēn hād
abzār kē dādār az ān ī anagr_rōšnīh brēhēnīd ud dām andar hangirdīgēnīd ud paydāgīh ī =š abestāgīg nām āsrō_kirbag dō ēk ān ī mēnōy dahišn ēk ān ī gētī dahišn andar hangirdīgēnīd
andar ān ī mēnōy dahišn andar hangirdīgēnīd mēnōy ī waxš nērōg ud andar ān ī gētī dahišn andar hangirdīgēnīd mēnōy ī čihr nērōg wayīhist
ud abzār ī mēnōy dahišn hangirdīg kird spurrīg ud pad =iš kār ī pad dahišn ī andar ān abzār abāyišnīgīh
u =š wizārd waxšōmand mēnōyān yazadān ēk_ēk ō ān ī =šān x xwēškārīh
ud andar abzār ī gētī dahišn hangirdīgīh pad dādār kām ud ud tar čihr nērōg mēnōy pad waštan ī waxš nērōg mēnōy_hamīhīhā ō dārmagtom gētī grīw paydāgīh
fradom nihang ī =š abestāgīg nām yyy pad ēwāz ī gēhān yyy srišag srišwadag =iz xwānd kē nihang ī yyy srišwadag =iz nām yyy ī =š abestāgīg nām yyy yyy =iz ud pad ēwāz ī mardōm stūnag ud yyy =iz xwānēnd yyy yyy ī yyy u =š kird andar
ud az yyy ī yyy yyy ud stūnag ud yyy =iz andar yyy ī =š abestāgīg nām yyy pad ēwāz ī mardōm wistardagīh =iz xwānēnd yyy yyy ī yyy u =š yyy ud yyy =iz andar
az yyy ī yyy wistardagīh =iz nām waxš nērōg mēnōy_hamīg fradom tan ī =š abestāgīg rah ud spihr =iz nām pad ēwāz ī mardōm spihr =iz xwānēnd ī =š zahag andar hēnd rōšnān xwaršēd māh ud starān hambun ō wisp dām ī =š ēr rāyēnīdār ast ī čihrān xwad čihrān abardom
ud az rah bawišn garm ud xwēd wādōmand ud pad hambastagīh druz mēnōy waxš hamzōrīhā zahāg gētī dahišnān ud tōhmagān tōhmag az bawišn_rawišnīh zahāgān ī dahīg ī bawišn xwānīhēd ristagān =iz az bawišn_ēstišnīh zīndagān ī =š andar gōspand ud mardōm stī kē hēnd gētī dahīg ud kirb
abar xwarrah zīndagīh ud margīh ud rasišn ānābišn daxšag az nigēz ī weh_dēn hād
xwarrah zīndagīh az xrad frazānagīh u =š margīh az waran xwaddōšagīh u =š waxšišn az dōstīh ud nazdīkīh ud hampursagīh ō ān xradīg ud frazānag abzōnīg mard u =š nirfsišn az dōstīh ud nazdīkīh ud hampursagīh ī ān ī karb dušāgāh ud kastag mar u =š rasišn daxšag az srōšīgīh xrad āfrāh wahmanīg kārīh u =š hanǰābišn nišān az xešmīgīh waran āyīft akōman_kārīh
abar rōšnīh ud tārīkīh ud sūd ud zyān az nigēz ī weh_dēn hād
rōšnīh sūd xwadīg ud amaragānīg ēmēd urwāhm waxšišn druyistīh ud wēnāgīh ud kārīgīg ud āškārīh ud paydāgīh ud amaragān čiyōn amaragānīg sūd ī az dānāgīh ud rāstīh ud xwaršēd māh ud starān zamīg āb ud urwar ud gōspand ud mardōm ud wārān abārīg dahišn ī weh
zyān ēbgadīg andar sūd ī az =iš ēwāzīg čiyōn hōšāg sōzišn ud āyēb_hambāhišn brādarōdīg ō xwaršēd tābišn ud hambāhišn yyy =ēw bastkārīh =ēw ī az wārān frāyīh
ud tārīkīh zyān xwadīg amaragānīg bīm ud pīm kōrīh ud akārīh nirfsišn nihānīgīh ud apaydāgīh ī amaragānīg zyān ī az adānīh ud drōīh ud pādīrānīh xwaršēd az rawišn ud tābišn awārānīh ud abārīg wattarīh
u =š sūd yazadān kārīg andar gumēzišn ud ēwāzīg andar zyān ī az =iš
abar ul_hanǰišnīh ohrmazd ō petyārag ī gēhān dēn wānīdan hangām az nigēz ī weh_dēn hād
ohrmazd dād gēhān dēn mazdēsn ō wānīdan ud abesīhēnīdan ī ēbgad ud tā frašegird pad =iš ēbgad bahrīhā hamē wānīhēd ud frašegird hangām hamāg ēbgad pad =iš wānīdan abāyist būdan
hamē ka ēbgad pad wihān =ēw az wihānīhā abar gēhān weh_dēn ōwōn čērīhēd ī weh_dēn ud gēhān andar =iš yyy ud abēsīhišn_bīmīh ul_hanǰišnīh bawēd dādār ohrmazd ō spōxtan ud bē burdan ān wihān abāz winnārdan ī gēhān ud abrāzēnīdan ī dēn mazdēsn pad abāz paywastan ī amāwandīh ud pērōzgarīh aw =iš
ud ēn hangāmīhā andar weh_dēn guft ēstēd ud andar any darag kē hamǰuxt abrāz nišēb hangām dēn mazdēsn paydāgēnīd
abar ǰadag wihīrīh az nigēz ī weh_dēn hād
afurrišnīg bawišn ī fradm pad mēnōy frāz dahišn hamāg ham_bandišnīh ǰadag wihīrīh ast paywandišn ī stī ō hamwihīrišn ī mehīh ēwēnag ō ēwēnag kirb ō kirb u =š ōšmurišn ēn =iz se čihrkārīg ud kāmkārīg ud pad hamīh harw dō
ān ī čihrkārīg čiyōn ayōšust az xāg ud urwar az zamīg ud āb ud urwarān bar az urwarān bun ud gōspandān šīr ud hammist zīndag xwāstag ud pay ud xōn ud pid ud mōy az xwarišn ī urwarān xwārišn ī āb wihīrišn abārīg ī čiyōn ēn
ud kāmkārīg čiyōn nay ud kēbūd ud dar az dār x x pad kām ī durgar yyy yyy gōšwār ud angustarīg az zarr pad kām ī zarrīgar tāšišn abārīg čiyōn ēn
pad hamīh ī harw dō čihr ud kām čiyōn mardōm az čihr wihīrišnīg ī az zamīg yyy kāmīg nišāštag az čihr wihīrišnīg az zamīg nay šakar kāmīg šakar ud az čihr wihīrišnīg ī az zamīg kunǰid nām ī kāmīg rōwn ud az hamīh harw dō nišāstag ud šakar ud rōwn pad hamīh ī az čihr wihīrišnīg zamīg kurkum kāmīg pālūdag kunēnd
ān ī warzāwandīg ud mēnōyīg čiyōn ān ī abar yazadān warzēnd mardōm ud dēwān =iz ud ǰādūg mar karb yyy wardišnīh az dēn paydāg ēn bun parwandēd hamāg ēwēnag gētīyīg mēnōyīg kirrōgīh čiyōn pēšēnīg ud dānāg gōwišn kū ǰadag_wihīrīh harw kirrōgīh andar
bar mahist ōz kē … az nigēz ī weh_dēn hād
yazadān pad wehīh waxšišn ī ud wattarīh nirfsišn ī andar gētī_dahišnān wehān pad sūd abzāyišn ud wattarān pad zyān murnǰēnišn ī gēhān ī ahlāyīh dō wisān ōz saxwan ud ān ī mahist abardom ōz kē dō
ēk ān ī pad bun_dahišn ohrmazd abāg ruwān ud bōy frawahr mardōm pad kār ud sūd kunišn ī hām_dahišn būd
ud ēk ān ī pad tan ī pasēn pad kār frazām ud bowandag_pērōzīh dahišn abar ēbgad ud hamāg wānīdārīh ud abesīhēnīdārīh ī ēbgad abāz_wirāyišnīh harwist ox ī astōmand rist ud hām_dahišn sūd_ēstišnīh pad frašegird wisp mardōm hangēxt rist pad ham šōysr pēš dādār ohrmazd bawēd paydāg
abar handāzišn dahišn u =šān nērōg az nigēz ī weh_dēn hād
handāzišn ān ī ēk_ēk kār ud pad =iš ǰumbišnīh dahišn ān ī hamāg ī ǰud az ōy pad_passāzišn ayāb asāzišnīh ī ō ān ēk kār pad =iš ǰumbišnīh bawēd
handāzišn pad ast čē ōwōn ōzōmand kū ātaxš kām ōstīgānīg ō kirbag ayāb wināh handāzēd pad ēč mēnōyān gētīyān nērōg ī ǰud az =iš kām ī ōy kas az ān ī aw =iš handāxt wardēnīdan nē tuwān
dahišn abar_ōzīh ī abar handāzišn nērōg az =iz ān ī pad ēk handāzišn ī ō kār hištan pad hamāg mēnōyīg ud gētīyīg nērōg ka ō ān handāzišn hambadīg kār az bē az =iz ān ī ēk nērōg
pad hambadīg_ǰumbišnīh ī ō ēk handāzišn hambadīg ǰastan šāyēd ī ō ān ǰumbišnān hamāg pad tuxšāgīh pad xwēškārīh ōstīgānīg ud az =iz ān ī pad =iš čihrēnīd ēstēd hamdahišnīh čiyōn rah ī xwānēnd spihr =iz ud rōšnān ī andar xwaršēd māh ud starān ud čihrān ī hēnd ātaxš =iz āb az wād ayār_dād az tuxšāgīh ī pad xwēškārīh fradom nē mōšīd hēnd
ud kāmīg ǰumbišn az xwēškārīh mōšēnd ō axwēškārīh wardēnd ud az axwēškārīh mōšēnd ud ō xwēškārīh wardēnd ud andar kāmīg ǰumbišn mardōm pad tuxšāgīh abar xwēškārīh ān ī frazānag pahlom abēzagān yazadān hamāg pahlom hēnd pad amōšišnīh ī az xwēškārīh
abar se wābarīgān muhr kē pad =iš āwištag pad ohrmazd dādestān mazdēsn dēn az nigēz ī weh_dēn hād
se wābarīgān muhr kē pad =iš āwištag pad ohrmazd dādestān dēn mazdēsn hangirdīg ēn
ēk ohrmazd dādestān rāstīh ī =š az =iz nē wināstan ī andar ēč ī drō az saxwanān paydāgīh
ēk ohrmazd passazag frazānagīh ī =š az bowandagīh ī pad harw mardōm abāyišnīg āgāhīh nimāyišn
ud ēk yazadīg warz padišīh brāh ud az nigēz ī ohrmazd purr_warzīh
abar dēn ī ohrmazd ahriman xwadīh ud paymōzan winnārāg rawāgēnāg xwēš ud burdārān arzānīgīhā nām az nigēz ī weh_dēn hād
dēn ī ohrmazd xwadīh dānāgīh u =š paymōzan wehīh ud winnārāg rāstīh u =š arzānīgīhā nām ī xwad mazdēsn ī =š wizārišn ohrmazd_ēzagīh ud ān ī =š burdār nām mazdēsn ī =š wizārišn ohrmazd … u =š rawāgēnāg dānāg x dahībed zarduštrōdom ahlaw andar wēnāgān
dēn ī ahriman xwadīh dušāgāhīh u =š paymōzan ahlomōγīh ud winnārāg ahlomōγīg frēftārārīh xwēš nām dēwēsnīh ī =š wizārišn dēwēzagīh u =š burdār nām dēwēsn ī =š wizārišn dēwēzag u =š rawāgēnāg sāstār karb frēftār ahlomōγ andar kayān
abar fradom ud didīgar ud sidīgar druz ī mardōm pad zāyišn ud petyāragēnīdār ud hamēstār ī ān druzān az dādār handāzišn az nigēz ī weh_dēn hād
mardōm pad zāyišn fradom petyāragēnīdār druz akōman pad anāg pēš_frazāmīh ī bēš ī ō zahag pad zāyišn nimūdārīh ī ast tan ī pasēn margīh u =š nišān zamānīg grīyag ī aburnāyag pad zāyišn hamēstār ī ēn druz wahman pad nēk abdom_frazāmīh rāmišn nimūdārīh ī ast tan ī pasēn hamē_zīndagīh u =š nišān mehmānīg rāmišn ī aburnāyag
didīgar petyāragēnīdār druz āz pad tan nizārēnāg ud sur ud tišn abzārīh ud bōzāg ī az dādār āfurrišn abāyišn pad xwāstārīh ud mizagīh ī suy ud tišn_spōz ud pēm ayār ī čihr ud zadār ī āz srāyēnāg ī tan
sidīgar petyāragēnīdār druz sustgar murnǰēnāg ī tan apaymān būšāsp abāz ī dāštārīh wizend az =iš ud āsānēnīdār ī tan paymān xwāb
abar daxšag ī abar tis wizīr ī pad =iš az nigēz ī weh_dēn hād
daxšag ī abar tis čahār ēwēnag ēk xwad_tisīg ēwar ud ēk xwad_tisīg warōmand ud ēk xwad nē tisīg warōmand ud ēk nē xwad_tisīg nē =iz warōmand daxšag
xwad_tisīg ēwar daxšag čiyōn ka hangām zamestān wēnišnīg tadagān franāmišn ud armēšt wād ud abr xwad_tisīg wārān daxšag ud wizīr ī pad =iš abar tēz madan ī wārān
xwad_tisīg warōmand daxšag čiyōn ka hangām hāmīn tadagān franāmišn armēšt wād ud abr warōmand wārān daxšag
ud nē xwad_tisīg warōmand čiyōn ka hangām zamestān yyy ud murw ud daxšag ī wārān wizīr ī pad =iš abar wārān madan warōmand bawēd
nē xwad_tisīg daxšag nē =iz warōmand čiyōn ka hangām hāmīn yyy murw ud daxšag ī wārān wizīr ī pad =iš nē =iz warōmand madan ī wārān sazīdan
abar ātaxš ī adūd ātaxš dūdōmand dūd ī anātaxš ud ān ātaxšōmand az nigēz ī weh_dēn hād
ātaxš ī adūd ān ī andar abēzagīh waxšēd ī =š spaēništ
ud ātaxš dūdōmand ān ī andar gumēzagīh az tis ī gumēzag pad ānābišn ī tam dūd azis waxšēd ēd rāy hamē abāg dūd
dūd ī anātaxš dušoxīg dūd
dūd ī ātaxšōmand huškīg_sōzišn ī andar zamīg yyy bawēd huškīhā hušk garmīg =iz kē rāy ātaxšōmand ud pad =iz xwēd_barišnīh ul hanǰēd
abar garāntar mihōxt ī gannāg abērtar rāyēnīdār ī spennāg ud pērōzīh spennāg abar gannāg_mēnōy az nigēz ī weh_dēn hād
garāntar mihōxt ī gannāg_mēnōy ī kū pad abesīhēnīdan dām ī ohrmazd az kōšišn bē wardam ud abērtar rāyēnīdār ī spennāg_mēnōy abar ēn kū gannāg_mēnōy pad anabesīhišn ī ī =m xwēš dām az ān ī =m xwēš dām bē abesīhēnam
ud pērōzīh ī spennāg_mēnōy abar gannāg_mēnōy pad abesīhēnīdan ī gannāg_mēnōy az xwēš dām anabesīhišnīh spennāg_mēnōy dām paywastan ī ō frašegird abāg paydāgīh ī az weh_dēn wisp_āgāhīh frazānagīg rāyēnīdār ī spennāg_mēnōy ud anāgīh wispīhā ganāyīg čandīg tā ān druz daxšag čiyōn rāyēnīhēd kōr az ōy ī wēnāg ō ōbadišn gyān kū =š ōš ka nē mālēd tā ōbastan ī ō =iz anahrām čāh
abar zōr ī šnāxtan ī harw dō mēnōy az nigēz ī weh_dēn hād
šnāxtan ī harw dō mēnōy ēdōn ōzōmand kū ka spennāg mēnawišnāxtan aw =iš mad wahišt āyaft ka gannāy_mēnawišnāxt az =iš wašt az dušox bōxt pērozīh mad bawēd
abar wāspuhragānīh ī spennāg_mēnōy dahišn ud gannāg_mēnōy kirrēnišn az nigēz ī weh_dēn hād
wāspuhragānīh ī spennāg_mēnōy dahišn ān ī hamē and_čand ast pad paymān abāyišnīg ud ān ī gannāg_mēnōy ān ī hamē and_čand ast pad xwad_tisīh ud xwēš nērōgīh frāybūd anabēdān
ud zyān ī anabēdānīh ān =iz ī dahišnān wēnīhēd bun wihān az ud gannāg_mēnōy kirrēnišn sūd ud abāyišnīgīh ān =iz ī andar gannāg_mēnōy kirrēnišnān wēnīhēd az spennāg_mēnōy dahišn
abar rawāgīh paywandišn ī gētī_dahišnān andar petyāragōmandīh az nigēz ī weh_dēn hād
dahišnān ī dādār ohrmazd ast winnārišn ud ǰumbišn čihrīg ud ast ī kamīg az =iš pad gētī andar petyāragōmandīh az =iš abardar az gētī ud ō ān abardar az gētī ēbgad arasišnīh az xwēš nērōgīh awardišnīh ud anizār ud awišōbōmand ud awisān nērōgīh az ān ī apetyāragān kāmīg čiyōn amahraspand abērtar ō ēn ī petyāragōmand kāmēnīdag čiyōn mardōm az ān ī apetyārag čihrīg čiyōn rah abērtar ō ēn ī petyāragōmand čihrīgēnīdag čiyōn wād ud ātaxš āb gil nē im gētī_dahišnān andar petyāragōmandīh ī bīm ī az gannāg_mēnōy winnārišn rawāgīh ud paywandišnīh ast
abar bowandag harwisp_šnāyēnīdārīh mardōm az nigēz ī weh_dēn hād
bowandag ī šnāyēnīdārīh ī mardōm pad abar barēnd harw nēkīh aw =išān bawēd ud nēk =išān sar se ī ast abēniyāzīh ud amargīh ud kāmag_hanǰamīh
ud abēniyāzīh pad ōgārdan ī niyāz az =iš frāz burdan xīrān ī abāyišnīg aw =iš bawēd andar petyāragōmandīh =iz čand az frāz burdan xīrān ō mardōm niyāz ōgārīhēd frāy =iz az ān abzāyēd pad =išān āz ī yyy ud niyāz ī āz hunušag
ēdōn =iz frāyīh ī zyān pīm ī must_paywandīh abar sūd šnāyišn ī az amargīh
ud abrīnīhā paywastagīh ī ō kāmag_hanǰāmīh abar xīr hangēz ī kāmag ō xīr rāy čand wēš ōzīhēd kām ī abar xīr wēš ud frāxtar ud nērōgīgtar hangēzīhēd ō xīrān ī zāmīhēd mardōm ō anhanǰāmīh kām ud rasišn ō anāgīh ud bēš ī az kām ī anhanǰām frāy ud wēš az nēkīh ud rāmišn ī =š az hanǰāmišn ī kām ī mad
az =iš paydāg kū andar petyāragōmandīh ud bowandag šnāyišn ud šnāyēnīdārīh mardōm kirdan nē šāyēd ud harwisp šnāyēndīdārīh ī mardōm frāz burdan ī ō harwisp ān ī =šān abāyišnīg az nēkīh
ud ka andar petyāragōmandīh šnāyēnīdan ī dō =iz pad frāz burdan aw =išān ān ī =šān abāyišnīg az nēkīh ōwōn nē x šāyēd ān dō ayāb harw dō hāwand_pāyag ayāb ēk meh x x x ud ēk keh ud pāyag menēnd xwēš tan ud dō ī harw dō hāwand pāyag menēnd xwēš tan andar gēhān yyy ud frāyist ān ī ek meh payāg menīdan xwēš tan az ān ī did
ud az ān bē nē pad hāwand dahišnīh ud nē =iz pad wēš ud kam_dahišnīh harw dō pad āgenēn hušnud kirdan nē šāyēd
ud ka andar petyāragōmandīh hāwand šnāyēnīdārīh dō =iz tis uskārdan nē sazēd bē bowandag šnāyēnīdan ī mardōm u =šān harwisp šnāyēdīdan pad burdan ēbgatīh ī az hām_dahišn šāyēd būd ī pad tan ī pasēn paydāg
abar ōzōmandtar andar dahišnān az nigēz ī weh_dēn hād
ka ō gōspand nigerīhēd kū mardōm winnārišn ī pad frabīhišn ī ud dārišn abzārīh wēnīhēd wuzurg_ōzīh ī gōspandān
ud ka ō urwar nigerīhēd kū gōspand pad winnārišn ī frabīhišn ī az =iš niyāz aw =iš wēnīhēd meh_ōzīh ī urwarān
ud ka zamīg nigerīhēd kū urwarān pad az =iš rōyišnīh ud mardōmān gōspandān pad =iz abar_winnārišnīh aw =iš niyāzīh wēnīhēd frāy_ōzīh ī zamīg
ud ka ō wād nigerīhēd kū burdār ast ī āb ud zamīg ud urwar ud gōspand ud mardōm wēnīhēd abardar_ōzīh ī ast wād
ud ka ō rah nigerīhēd kū rāyēnīdār =iz ast abar =iz wād ud wēnīhēd ud abardom_ōzīh ī rah spihr
ka ō paydāgīh ī az weh_dēn abar rah rāyēnīdārīh ī ardāy_fraward pad ān ī awēšān rāy ud xwarrah winnārdan ī asmān wād ud āb ud zamīg ud wāzišn =iz ī xwaršēd x māh ud starān nigerīhēd wēnīhēd ōzōmandtarīh ī ahlawān frawahr andar dahišnān ōh čiyōn mardōm gētīyīhā dahišnān meh ud sālār ud xwadāy ōwōn =iz meh_ōzīh ī =šān mēnōyīhā abar dahišnān gētī =z
abar dō buništ az nigēz ī weh_dēn hād
kār ī mardōm kirbag ayāb wināh ud kirbag az mardōm kār wihānīg kirbag wihān ī andar mardōm ī ast wahman xrad wināh az mardōm kār ī wihānīg ī wināh wihān ī andar mardōm ī ast akōman waran
wahman xrad andar mardōm āfurrišnīg az dādār ō kirbag ahlawīh ud sūd ud rāmišn wihanīh akōman waran ī andar mardōm ō bazag ud druwandīh ī ud zyān bēš ī mardōm kū nē az dādār ī
wahman xrad ō kirbag ahlawīh ud sūd ud rāmišn ī mardōm ēwar kē rāy akōman waran ō bazag druwandīh ud zyān bēš ī mardōm wihān andar mardōm kirdan az any bun ī =š ō kirdan xēm ō xēm ī bun kē wahman xrad wihān ī kirbag ud ahlawīh ud sūd ud rāmišn andar mardōm āfurrīd hambadīg
ud az =iz ēn paydāg dō bun ēk wihān bunišn ī kirbag ud ahlawīh ud sūd ud rāmišn nēkīh ud ēk wihān buništ ī bazag ud druwandīh ud zyān bēš anāgīh ī mardōm =iz
ud kēšdārān kē bun ēkēwāz astīh kēš ī =šān kēš abar ān ēk bun ud azišīh ī wihān =iz ī bazag druwandīh ud zyān bēš ud anāgīh ī mardōm ud hamēstārīh ī ō dāmān bē guft =iz ī az =iš yazadīh ud dādārīh ud dōstīh ī ō dāmān guft bawēd
abar kirbag mēhan wināh gilistag az nigēz ī weh_dēn hād
kirbag mēhan andar mardōm ēn =iz čahār ēk saxtag āhangīg ēk āhang_kāmīg ud ēk kām_āhangīg ud ēk saxtag_kāmīg burztom ud nazd ō burztom ud nazd ō ērtom ud ērtom mēhan ī kirbag
saxtag_āhangīg čiyōn wehān šnāyēnīdan ī ayāb ahlāyīh dōšāram rāy ud ēn ast burztom mēhan ī kirbag
āhang_kāmīg čiyōn wehān šnāyēnīdan pad dōšāram ī ō ahlāyīh ud mizd =iz ī gētī ēn ast nazd ō burztom mēhan ī kirbag
ud kām āhangīg čiyōn wehān šnāyēnīdan ī pad mizd ī gētī ahlāyīh =iz dōšāram ud ēn ast nazd ō ērtom mēhan ī kirbag
saxtag_kāmīg čiyōn wehān šnāyēnīdan ī ēwāz mizd ī gētī dōšāram rāy ud ēn ast ērtom mēhan ī kirbag
wināh =iz gilistag andar mardōm ēn =iz čahār ēk saxtag_agīg ud ēk agkāmīg ud ēk kām_agīg ud ēk saxtag_kāmīg nigōntom ud nazd ō nigōntom ud nazd ō abar ud abar wināh gilistag
saxtag_agīh wināh čiyōn weh_bēšīh ī ēwāz wehān dušmenīh rāy ud ēn =iz ast nigōntom gilistag ī wināh
ag_kāmīg wināh čiyōn weh_bēšīh ī pad wehān dušmenīh ud gētī =z mizd ud ēn =iz ast nazd ō nigōntom gilistag wināh
kām_agīg wināh čiyōn weh_bēšīh ī pad gētī mizd ud wehān dušmenīh =iz ud ēn ast nazd ō abar gilistag ī wināh
saxtag_kāmīg wināh čiyōn weh_bēšīh ī ēwāz pad mizd ī gētī ud ēn ast abar wināh gilistag
abar čim ī asūdīh ī mardōm hunarān abēwizīngarīh ud sūdōmandīh ī abārīg zīndagān ēw_tāgīg hunar ī ǰud_ǰud čihrēnīd guft ēstēd az nigēz ī weh_dēn hād
mardōm dahišn hēnd ī xwadāyēnīdag abar xwēš tan pad sālārīh abārīg ī gētī dahišnān nērōgēnīd ēstēd pad wizīngarīh kū az wizīngarīh nērōg pad xwadāyīh abar xwēš kunēnd ān ī menišn gōwišn kunišn hilēnd ān ī nē menišn nē gōwišn nē kunišn bōxtānd xwad az druz bōzānd kē pad =iš sālār hēnd
abārīg gētī dahišnān abzār hēnd ud čihrēnīdag ǰud_ǰud pad ēw_tāg x hunar abāyišnīg ō ēk_abzārīh mardōm
čiyōn sag pad raxšagīh ud mēš pad humōšīh ī awizīngarīhā ō abzārīh ī mardōm ī šubān ud ka šubān pad sālārīh ī abar harw dō wizīngarīg hufrāyēnīdārīhā mēš andarōn sag bērōn dārēd
sag az bērōn pad čihrīg raxšagīh awizīngarīhā abardar_zōr tarsēnēd ud abāz pafšārēd duz az truftan burdan gurg az rabūdan darrīdan ī mēš ud mēš ud sūdēnīdan kadag pad šīr ud yyyl ud pašm
ud mēš ud ka pad srōš_rāyēnīdārīh sag andarōn ud mēš bērōn dārēd sag andarōn ud zyānēnēd kadag ud mēš bērōn truft ud burd bawēnd az duz ud rabūd ud darrīd az gurg ud šubān abesist_xwāstag ud mwt ruwān bawēd
abar dēn ī pāyag ī nē pālūdag az yazadīh ud ān ī nē pālūdag az dēwīh az nigēz ī weh_dēn hād
dēn ī nē pālūdag az yazadīh ān ud ī =š andar čāšīd ēstēd ud tis =iz ī kirbag pad kirbagīh ud kunišnīh ayāb tis =iz ī wināh pad wināhīh az =iš pahrēzišnīh
ud dēn ī nē pālūdag az dēwīh ān ī =š andar čāšīd ēstēd tis =iz ī kirbag pad wināhīh ud az =iš pahrēzišnīh ayāb tis =iz ī wināh pad kirbagīh_kunišnīh
abar nigerišn handāzišn ud wizīn ī dēn gāh az nigēz ī weh_dēn hād
čiyōn nigerišn handāzišn ī abar xwadāyīh ud dādwarīh ī kas pēš az abrāstišnīh ī pad xwadāyīh ud gumārdan ī pad dādwarīh ī ōy kas ēwēn ī ma kū hād ōy kas dušxwadāy ud zūr_dādwar ēstēd pad xwadāyīh ud gumārd pad dādwarīh amāwandīh ī ō xwadāyīh ud yyy ī az dādwarīh wizāyīdan wēnišn ī amaragān az did ī =š dušxwadāyīh ud zūr_dādwarīh ud ka =iz wēnānd nē ayārānd wardēnīdan ud awiškāftan ī az =iš padisāy stahmagīh ī ān ī dušxwadāy ud zūr_dādwar mānānd dušxwadāy ud zūr_dādwar pad x murnǰēnīdan ī gēhān ōwōn =iz nigerišn ud handāzišn ī abar dēn pēš az paywastan ī aw =iš xwadāyīg amāwandīh pērōzgarīh sazēd ma kū hād ān dēn drō ud brāh ud bām ī xwadāyīh nihumbād az amaragān wēnišn duščihrīh xwadīh ī ān dēn ud dawānd aw =iš pad čihr_wēnišnīh paymōg ī =š az xwadāyīh wēnišn madan aw =iš būd pad =iš xōg pad =iz nigerišn ī pad =iš frāyistān nē wēnānd ī =š āhōg nēkīh_čihrīh ud kē =iz pad bowandag_nigerišnīh ī pad =iš wēnānd anāstīh ud dušīh ī =š xwadīh ud abaxšīhānd az dawistan ī aw =iš u =šān kāmag bawēd abāz wizārdan ī az =iš harwisp bawēnd andar =iš pad xwadāyīh zōr u =šān ērangīhād druwandīhād ruwān
abar abōy zanišn ud bowandag zad az nigēz ī weh_dēn hād
az dēn nigēz abōy zanišn ān ī kāmag_zanišn ī harw mardōm hēnd dēw ud druz dēwīg druzīg āz waran ud xešm ud kēn arešk abārīg ī wināh ud zanišn āyōxtār dēwīh gētīyīg dēw druz abzār gurg ud xrafstar ud bowandag zad ān ī xrad pad zad wizīn bawēd čiyōn az mardōm ān ī az dahišn sūdīh ō dām zyānīh ud az yazadān zēnīh ō x dēwān abzārīh waštan rāy az dēn wizīr ud dahībed framān zad =iz bawēd ud az gōspand čand pad meh_dādestānīh ī meh_dānān mardōmān awizīrišnīg pad meh_zanišnīh dēwān weh_dēn dastwar dēn_nērangīg zad ō meh_nērōg ī mardōmān ud meh =išān zanišn ī dēwān handāxtan ud kēšdārān kē =šān abar amaragān sūd gōspand abōy_zanišnīh ud abar amaragān zyānīh ud abārōnīh ud dēwīh ud dūrīh az amaragānīg sūdīh ud frārōnīh ud yazadīgīh ham passazag ī kēš wizīr
abar haft pahlomīh ō kay wištāsp šāh mad ēstād tuwānīgīh kadār =iz =ēw hudēn abar xwēšēnīdan pāyagīhā hampahlomīh az nigēz ī weh_dēn hād
az dēn nigēz haft pahlomīh ī ō burzāwand kay wištāsp šāh pad frāzīh az dahībedān ī pēš az ōy mad ēstād frāz ōy tōhmag dahībedān ī xwadāyīh bawēd pad =iz yyy kē yyy ī frīyāniyān nūn =iz ast paydāg
fradom pahlomīh druyist_xwadāyīh ī gētīyīg farroxīh kē =š ahlāyīh mēnōyīg burzišnīg abāg
ud didīgar pahlomīh hušnūdīh ī hamāg gēhānīgān ī =š ēr_xwadāyīh az =iš pad wistardagīh ī =š dādestān hām_gēhān
ud sidīgar pahlomīh ān ī abardom amāwandīh ud pērōzgarīh
ud čahārom pahlomīh sūr_dahišnīh ī abar dar ī dahlīz pad hamāg rōz
ud panǰom pahlomīh wasīh ud abzārīh ī asp mard ud zēn_abzār ud pad =iš wānīdārīh dušmen
ud šašom pahlomīh wuzurg_ēwēnīg ōrrōn andarōn šāhīgān xānag
ud haftom pahlomīh padīrišn wāspuhragānīh dānāgīh wehān andar =iš hubarišnīh ī ātaxšān yōǰdahrīh ī ābān hām_kišwar ī =š xwadāyīh
xwēš pāyagīhā kadār =iz =ēw hudēn ka pad kām xwadāyīh ī =š abar xwēš gētī ud mēnōy xūb dārēd rāyēnēd ēg =iš ān pahlomīh ī abar gētī xwadāyīh az mēnōyīg burzišn abāg abar gētīyīg xwadāyīh az mēnōyīg burzišn abāg
ud ka mardōmān dōst ud čand tuwān ayār bawēd ud ka mardōmān dōst ud čand tuwān ayār bawēd ēg_is ān pahlomīh ī dōstīh mardōm aw =iš hušnūdīh az =iš ēg_is ān pahlomīh dōstīh ī mardōm aw =iš hušnūdīh ī az =iš
ud ka druz ō tan nē hilēnd ān ī andar tan druz abāg kōšēd ud wānēd ud ka druz ō tan nē hilēd ān ī andar tan druz abāg kōšēd ud wānēd ud ī ēg =iš ān pahlomīh abar amāwandīh ud pērōzgarīh ēg =iš ān pahlomīh ī abar amāwandīh ud pērōzgarīh
ud x x x x x x x ka driyōšān rāy tuwān_passazagīhā hamēšag nān ud āb pad dahlīz dahēd dārēd ud ka driyōšān rāy tuwān_passazagīhā hamēšag nān ud āb pad dahlīz dārēd dahēd ēg =iš ān pahlomīh ēg =iš ān pahlomīh ī pad hamāg rōz tōšag dādārīh sūr ī abar dar ī dahlīz
ud ka čand =iš ādūgīh kirbag warzēd ud az wināh pahrēzēd pad =iš ruwān bōzēd ud ud husrawīh wistarēd ēg =iš ān pahlomīh abar wasīh ī spāh ud abzār ud pad =iš zadārīh ī dušmen
ud ka weh mehmān padīruftārīh ud pad čē =š mad ēstēd šnāyēnīdār bawēd ēg =iš ān pahlomīh ī abar ān ī yyy ōrrōn andar wis
ud ka mardōm ud gōspand ātaxš ud āb ī =š andar kadag_sālārīh xūb dārēd ēg =iš ān pahlomīh ī abar padīrišn ī mardān ī ahlawān hubarišnīh ī ātaxš ī ohrmazd ud yōǰdahrīh ī ābān ī wehān
ud ka ēd harw haft tuwān_tuxšāgīhā xwāstār ud xwēšēnīdār bawēd ēg =iš ān haft pahlomīh abar kay wištāsp šāh būd paydāg ud meh hāwand mizd pad =iš pāyagīhā =iz xwēšēnīd bawēd
abar frāy_dādār murnǰēnīdārīh ī gēhān az nigēz ī weh_dēn hād
harw čē ō tis =ēw frāy_dādār ī ham tis hambadīg ōy murnǰēnīdār ī ham tis ud ēdōn =iz harw čē ō tis =ēw murnǰēnīdār hambadīg frāy_dādār ī ham tis čiyōn garmōg xwēd ī urwar waxšēnīdār hambadīgīh sard hušk sahm ī urwarān hōšēnīdār ud sard hušk sahm ī urwar hōšēnīdār hambadīgīh garmōg xwēd ī urwar waxšēnīdār ōh =iz murnǰēnīdārtar ī gēhān ēn =iz čahār weh_dēn paydāgīh
u =š ēk agdēnīg wināstišnīh ī pad āb ud ātaxš abārīg bunān ud zahāgān ī gēhān ī ī =š paywand wināstagīh ud wišōbišn ō zahagān ī gēhān ī az =iš ān ī andar mādīyān mardōm
ud ēk awizīngarīh pad ōšmurdār ud čāšīdār ī dēnīg hammōg kē az =iš zāyišn ī ahlomōγīh dēn_dānāgīh petyār ud xwadāyīh az =išān wināstār ud wišuftār
ud ēk duzzīh apparīh ī az =iš xīr ud az ēn kē xwēš xīrān tisān dārišn mōšīdār tabāhēnīdār
ud ēk dādwarīh dād_rēš dādwarān ī gēhān zōr čērīh kē az =iš gēhān awērānīh ud duščihrīh ī xwadāyīh stūn hambāyīhišn
ud čahār ī gēhān frāy_dādārtar
u =š ēk hambadīg ag_dēnīg wināhišn ī pad āb ud ātaxš ud abārīg bunān zahāgān ī gēhān weh_dēn dādīg yōǰdahrīh ātaxšān hambarišnīh abārīg bunān sān arzānīg dārišnīh kē pad paywand zahagān ī az =iš u =š druyist_čihrīh ud pākīh ud x xūb_winnārišnīh ī =š andar mādīyān mardōm bawēd
ud ēk wizīngarīh ī pad ōšmurdār ud čāšīdār ī dēnīg hammōg kē az =iš bawēd pānagīh ī dēn_dānāgīh az ahlomōγān wināhišn rāstīhā pad dastwar xūb raft ī dēn ud ārāyišn ī xwadāyīh wirāyišn ī gēhān
ud ēk hambadīg duzzīh wābarīh āštīh ud rādīh frāxwīhēd hužīrīhēd gēhān wirāyānd ud payrāyēnd mardōm rāmēnd dāmān šnāyīhēnd yazadān
ēk hambadīg dād_rēš ī kē dušdādwarān ī gēhān āz zūr_čīrīh dād ārāyišn ī az hudādwarān ī gēhān rāst wizīrīh kē az =iš bawēd gēhān abēbīmīh ābādānīh hučihrīh ud mardōm pānagīh ud huzīyišnīh xwadāyīh stūn xūb winnirdagīh
abar hunarān winnārišn ud wišōbišn az nigēz ī weh_dēn hād
hunarān winnārišn pad paywandīšn ī frazām ī =šān ǰud_ǰud ō xwēš xēm ī =šān ast hamǰuxt =iz čiyōn xradīg handāzišn frazām_paywandišnīh ō huxēmīhā kunišn huxēmīhā kunišn frazām paywandišn ō xradīg handāzišn ud bowandag_menišnīh frazām paywandišn ō tagīgīh tagīgīh frazām paywandišn ō bowandag_menišnīh ud abāyišnīg frazām paywandišn ō nigerīdārīh ud nigerīdārīh frazām paywandišn ō abāyišn hunsandīh frazām paywandišn ō tuxšāgīh ud tuxšāgīh frazām paywandišn ī ō hunsandīh ud dādīgīh frazām paywandišn ō xwābarīh xwābarīh frazām paywandišn ō dādīgīh ud āzādagīh frazām paywandišn ō dādīg_barišnīh ud dādīg_barišnīh frazām paywandišn ō āzādagīh ud wuzurg_menišnīh frazām paywandišn ō ēr_menišnīh ud ēr_menišnīh frazām paywandišn ō wuzurg_menišnīh ud fšūnišn frazām paywandišn ō rādīh ud rādīh frazām paywandišn ō fšūnišn ud abāz_pursīdār_xradīh frazām paywandišn ō hunsand_xradīh ud hunsand_xradīh frazām paywandišn ō abāz_pursīdār_xradīh x x ud srōšīgīh frazām paywandišn ō wizīn_wurrawišnīh ud wurrawišn_wizīnīh frazām paywandišn ō srōšīgīh ud xrad_dōšagīh frazām paywandišn ō čimīg_kārīh ud čimīg_kārīh frazām paywandišn ō xrad_dōšagīh ud šarm frazām paywandišn ō … ud … frazām_paywandišn ō šarm ud awināhīh frazām_paywandišn ō tuxšāg_kirbagīh ud tuxšāg_kirbagīh frazām paywandišn ō awināhīh ud abārīg =iz hunar frazām ēk_ēk paywandišn ō ān ī =š xwēš ud xēm
ud hunarān wišōbišn pad abāz_grift ī brādarōd ī hunar gāh ī xwad hunar čiyōn dahīg sōhišnīh gāh ī dānišn frēftārīh gāh ī xēm ud ēwēn_menišnīh ī gāh bowandag_menišnīh ud xešmenīh gāh tagīgīh ud waranīgīh ī gāh abāyišn ud spōz_kārīh gāh nigerīdārīh ud aǰgahānīh ī gāh hunsandīh ud āzwarīh ī gāh tuxšāgīh ud dabrīh gāh dādīgīh bušīh gāh xwābarīh ud yyy gāh ī āzādīh ud wināhīh ī gāh dādīg barišnīh ud karbīh gāh wuzurg_menišnīh ud ōbastagīh ī gāh ī ēr_menišnīh ud wanīgarīh gāh rādīh ud penīh ī gāh ī fšūnišn ud yyy gāh … ud abāz_pursīdārīh_xradīh gāh ī hunsand_xradīh xwad_dōšagīh ī gāh ī xrad_dōšagīh ud nērangīgīh gāh ī čimīg_kārīh ud nang gāh ī šarm ud sturgīh gāh ī ayārwandīh ud awizīn_wurrawīh gāh srōšīgīh ud awurrōyīh gāh ī wizīn_wurrawīh ud pādīrān_kirbagīh gāh ī awināhīh wināhēnīdār_kirbagīh gāh ī kirbag_warzīdārīh ud abārīg =iz ī hunarān brādarōd gāh ī ham hunar
abar tis kē =š čim pas az paydāgīh ud ān ī =š paydāgīh az čim dānīhēd az nigēz ī weh_dēn hād
wēnišnīg harw ud awēnišnīg =iz ān ī =š astīh ō mardōmān ox amaragānīgīhā paydāg ō dānāgān čim ud anabāyišnīg =iz pas az oxīg paydāgīh bawēd
čiyōn astīh ī xwadīg dānāg dānāgīh =iz buništ dādār ohrmazd ī amaragān mardōm ox paydāgīh ud pad =iš wurrawišnīh =iz ud dānāg yyy az pēšīhā oxīg paydāgīh ī u =š xwāyišnīg =iz windīd čim was ī az =iš ēk_kardagīh gēhān
ud ī =š astīh ō mardōm ox paydāgīh nē amaragānīha ō dānāgān paydāgīh az čim bawēd
čiyōn ast xwadīg dušāgāh dušāgāhīh buništ paydāgīh ī az čim was u =š ēk abāyišnīgīh ī dahišn
ōh =iz abāyišn nē bawēd bē az niyāz az aweštāb ō aweštāb_spōzīh ī nē az ēk xwad u =š abēzag xwēšīg bē az xwad u =š xwēšīg sazēd
bunōmand dānāgīh ud dušāgāhīh čiyōn =išān āgenēn xwēšīh ud hambāyīh =iz nēstīh paydāgīh ōwōn =išān nēst hambunān pad hambunīh xwēšīh ud hambāyīh =iz ast
ud kēšdārān kē =šān bun_astīh ēk kēš ī =š ǰomīg harw azišīh abāz ō hambun paywast ud āgenēn pad hambunīh xwēš ud hambāy =iz čiyōn paydāg drōīhā guft ēstēd
abar nēkīh ud anāgīh ī mardōm u =š bun ud bar az nigēz ī weh_dēn hād
ōstīgān nēkīh ī mardōm ud abārīg dahišn ī weh hangirdīg yyy u =šān ōstīgān anāgīh hangirdīg adād kadār =iz =ēw mardōm pad and_čand =iš rāyēnīd dād ī =š nēkīh pad ān ī =š adād ī =š anāgīh ud dād nēkīh bun dānāgīh ud adād anāgīh bun dušāgāhīh
ud dānāgīh ī abar mardōm kē dād az =iš bun xwadīg dānāg dānāgīh buništ xwad ast dādār ohrmazd ud dušāgāhīh abar mardōm kē adādīh az =iš bun xwadīg dušāgāh dušagāhīh buništ ān ī nē ōy yazad sazēd kē abēzag az dušāgāhīh ud adād
ōh =iz az buništ ī dānāgīh ud dād dušāgāhīh ud adād_kunišnīg az =iš xūb_kunišnig =iz būd nē šāyēd
bar ī dād nēkīh ānābīhistan ī pad =iš adād anāgīh andar zamānān drang az mardōm sūd ī mardōm ud abārīg ī weh dahišn ud bar ī adād anāgīh škand dād nēkīh ud zyān ī mardōm ud abārīg dahišn ī weh
pad bowandag ānāftan ī pad dād nēkīh adād anāgīh az mardōm ud abārīg weh dahišn abēzag sūd_ēstišnīh ī hām_dahišn bawēd ī st ān ī weh frašegird
ud kēšdārān kē buništ ǰud az ēk būd nē šāyistan kēš ī =šān dād ud adād dānāgīh ud dušāgāhīh hambuništ guft ud az hambun pad dušāgāhīh ud adād_bunīh yazadīh bē guft ud ud dēwīh abar guft bawēd
abar mayānagīh ī mardōm dahišn andar dahišnān abzōn ī =š tā =iz ō ul abardom ud kāst ī tā =iz ō frōd nidom az nigēz ī weh_dēn hād
mardōm dahišn ast kē =š azabar amahraspand frāztom ud azēr gōstand abāztar pad dānišn xwad mayān im dō
kē āsn_xrad aγrī ud pad frāztom_waxšišnīh ī pad srūd_xrad ud pad =iš bowandag_wirāstārīh ī xēm andar mardōmān ō abardomīh ī pad dānāgīh rasēd amahraspand ud kē pad nidomīh āsn_xrad ud awaxšišnīh ānāmagīh ī gōšōsrūd_xrad ud xēm xēmīh ōbastag bawēd gōspand
ud ast =iz ī xrad_stard homānāgīhēd andar mardōmān
abar abardar ud mayānag nidom arz ud ačār_arz ud anabēdān andar mardōmān az nigēz ī weh_dēn hād
abardar_arz ān ī xēm aγrī xrad srūd_gāhān kē =š abāgēnīd ēstēd ān mahist āgāhīh ī pad dēn mazdēsn ud mayānag_arz ān weh xēm ud wuzurg xrad srūd_gāhān kē =š abāgēnīd ēstēd ān ī mayānag āgāhīh ī pad dēn mazdēsn ud nidom_arz ān ī xēm wirāst āsnūd xrad srūd_gāhānīg kē =š abāgēnīd ēstēd ān ī nidom āgāhīh ī pad dēn ī mazdēsn
ud ačār_arz ān kē xēm ud xrad weh_dēn =iz āgāhīh pad ahlomōγīh dūd_āludag frēftag ahlomōγ amad_dānišn pad ahlomōγīh pad meh_dādestānīh ōh darišn
ud anabēdān ham ahlomōγ ī frēftag mad_dānišn pad ahlomōγīh ud pad pad =iš ēstišnīg ud dēn mazdēsn ud wizūdār ud pad tanābuhlīgan bē ōzanišn xwad =iz frēftār ahlomōγ hammis abārīg margarzān kē pad meh_dādestān =iz nē dārišn hēnd
abar ān ī abāg zamān ī kanāragōmand sazišn nē wardišnīg ud ān ī wardišnīg az nigēz ī weh_dēn hād
ān ī abāg zamān ī kanāragōmand sazišn az ōyīh nē wardišnīg xwad ud xwadīg ī andar apetyāragīh ud ān ī ahū kāmag ud stī ud tōhmag ud čihr ī andar petyāragōmandīh ud az stīyīh ud tōhmagīh ud čihrīh čihrēnīdagīh ud dēn ī weh az wehīh ud ān ī wad az wadīh ud stāyišnīgīh ī wehīh ud mizdōmandīh ī kirbag nikōhišnīgīh ī wadīh ud puhlōmandīh ī wināh
ud abārīg ī ōwōn ān ī wardišnīg āwāmīhā ud kārān rāyēnišn wasīh andar ud ham =iz tan az aburnāyīh ō ǰuwānīh az ǰuwānīh ō pērīh ud az adānīh ō dānāgīh ud az wattarīh ō wehīh az druwandīh ō ahlawīh
ud ān ī awardišnīg hamē pad ēw_sānīh ēstēd čiyōn māh pad xwad māh āwām pad xwad āwām
ud ān ī wardišnīg ō ǰud_ēwēnagīh wardēd čiyōn māh az andar_māhīh ō purr_māhīh ud az purr_māhīh ō wīšaptahīh ud āwām ī zarrēn ō āwām ī āsēmēn ud āwām ī āsēmēn ō āwām ī pōlābdēn āwām ī pōlābdēn ō āwām ī āhen abar gumēxt
ērān andar wasīh ī ud šahr ō =iz astīh ī mad ud čiyōn dahīg ud wasān mardōm abārīg ǰānwarān ō nēstīh ī nūn pad ān ī =š stī ī pēš būd hēnd
ud kēšdārān kē yazad kāmag ō harw rōz ō sān =ēw waštan kēš ān čiyōn wardišnīg ō any ud any wehīh ud wattarīh bawēd ī =šān būd kām =iz yazadīh az =iš bē pad hudōstīh ī =š kāmēd fradāg kām pašēmān im rōz kām hudōst guft ēstēd
abar wēnāg nērōgīh ī mardōm u =š winnārišn ud abzāyišn ud kāhišn ud appurd nērōgīh ēwēnagān ī mardōm u =š pad =iš ud ēk_ēk wizārišn az nigēz ī weh_dēn hād
nērōgīh wēnāgīh mardōm az āsn_xradōmandīh ān ī xwad astīh gyān čašm u =š winnārišn pad zōr ī wahman abar ox ud abzāyišn abērtar az srūd_dēn_dānāgīh
ud kāhišn az dūrīh ī srūd az =iš ud appurd_nērōgīh az stahmag padišīh ī akōman bawēd ēk hamāg wišādag ēk yyy_wišād ud ēk nēm_wišādag ud andar hamdar ī kunēnd
mardōm ēn =iz ēwēnag panǰ ēk hamāg_wišādag ēk yyy_wišād ud ēk nēm_wišād ud ēk frāy_bast ud ēk hamāg_bast čašm
ud hamāg_wišādagīh čašm az purr_mehmānīh ī wahman abar ox ud siǰdīh akōman az andarg ox menišn ud aγrīyīh ī pad dēn dānāgīh srūd hamīh ud ēn pāyag ast ī abardar_xradīh ud frazānagīh ud mēnōy_wēnišnīh ī =z
ud frāy_wišādagīh ī čašm pad brāh_daāštārīh ī wahman abar ox abāg tam_abganišnīh ī akōman andarg ox menišn abzār āgāhīh pad dēn_dānāgīh srūd hamīh ud ēn pāyag ī ast ī šnāsagīh ud abzōnīgīh ed pēš_kēdīgīh
ud nēm_wišādagīh čašm abāg bām_dāštārīh ī wahman pad ox wēš sāyag ud abganišnīh ī akōman andarg wišādagīh ox menišn ud mayānag āgāhīh ī pad dēn_dānāgīh srūd hamīh bawēd ēn pāyag ast ī dānāgīh wurrawišn āgāhīh
ud frāy_bastagīh ī čašm abāg nizār_bāmīh ī wahman abar ox frāy_sāyag abganišnīh ī akōman andarg ox menišn ud nidom āgāhīh ī pad dānāgīh srūd hamīh ud ēn pāyag astīh handēšišn wizēhišn parmāyišn mihōxt
ud hamāg_bastagīh ī čašm az hanǰaftagīh wahman bām =iz az ox ud škeft yyy ī akōman andarg ox ud menišn bēgānagīh ī dēn_dānāgīh srūd az =iš ud ēn payag astīh zad_wīrīh ud wyšt_ōšīh ud tuhīgīh_xradīh ud čandīdag_bōyīh
abar dahībed ēwēnagān nām wizārišn az nigēz ī weh_dēn hād
dahībed ēwēnag abāg nām ēn =iz čahār ēk ud ārāstag ud ēk ēmēdwār ēk bīmōmand ud ēk wišuftag dahībed ast ī xwānīhēd wizārišn
ārāstag husnūd dahībed ān ī xwad dānāg u =š zamānag nēw pad fradom ī andar nēstīh ī =š wišōbišn wihān
ēmēdwār dahībed ān ī xwad dānāg u =š zamānag anāg pad ēmēdwārīh ī az dānāgīh ī ōy dahībed ān zamānag az anāgīh ō nēwīh waštan
bīmōmand dahībed ān ī xwad dušāgāhīh u =š zamānag nēɛ pad bīmōmandīh ī az dušāgāhīh ī ōy dahībed ān zamānag az nēwīh ō anāgīh wihīrihistan
wišuftag dahībed ān ī xwad dušāgāh u =š zamānag anāg pad fradom nēstīh ī =š andar ārāyišn
abar dādār āfurrišnīg gētī_warzīdārīh ud mēnōy_ārāstārīh ud ēbgad kirrēnišn wišuftārīh ī harw dō andar mardōm wihān az nigēz ī weh_dēn hād
andar mardōm dādār_āfurrišnīg gētī_warzīdārīh čihr mēnōy_ārāstārīh wihān ox ōh =iz čihrīg zīndagīh ud oxīg dānāgīh ī andar mardōm mardōmīh ud kām pad padīruftārīh ī az čihr ud gētī parwardārīh tan srāyēnīdārīh az ox dānišn kirbag husazāg ast menišn ō tuxšāgīh abar harw dō
ēbgad kirrēnišnīg ud wišuftārīh wihān ī harw dō pad mardōm āz ōh =iz yyy dušāgāhīh ud dahīg_sōhišnīh ud āzīg frāybūd ārzōgīh waranīgīh u =šān zamān_yyy ī ēbgatīh pad mardōm ālūdār duščihrēnīdār
mardōm pad dēw ud druz_kārīh ud āz pad apaymān_kirdārīh ī čihr arz ī agārēnīdan ī az mēnōy sūd ī gētī_warzīdārīh ud tan_srāyēnīdārīh ud zāmēnīdan ī ō mēnōy zyānīh harw dō andarg čihr ud kām yyy
pad brādarōdēnīdan ī bawēd dānišn pad dahīg_sōhišnīh ī hamēstārēnīdan ī pad dušāgāhīh rēxtan bazag pad kirbag rang ud agārēnīdan ī har dō az mēnōy_ārāstārīh ud ruwān_bōzišnīh … ud zāmēnīdan ī ō mēnōy wišōbišn ud ruwān ērang andarag āhōg kām ud rāhdārīh … ud srōš pad zad ī āz spōxtan ī az rāhdārīh andarag čihr ud kām abar čihr ud wahman pad wānīdan ī akōman spōxtan ī az rāhdārīh ī andarg ud ox wihān kām abar ox gāh_dārīh … ud ka mardōm xwadīh mādayān mādayān bōyōmand ruwān pad srōš gurdīh āz az andarg čihr ud kām … ud pad wahman hamāg xūb hamhāgīh akōman az andarag ox ud kām bawēd az čihr paymān ārzōg ī ō gētī_warzīdārīh ud tan_srāyēnīdārīh … ud az ox srōšīg dānišn kirbag ō kām paywandēd … kām menišn gōwišn ud kunišn ō dādīg gētī_warzīdārīh ud tan_srāyēnidārīh … ud dēnīg dānišn kirbag tuxšāgēnīd … gētī ud mēnōy ārāstārīhā warzīhēd ābādān āwurdan ruwān hambāyīhā srāyīhēd ud bozīhēd rāmīhēd … ud ka pad sūdag rāst hamōgīh aǰgahānīg āsānīh dušīh az rāhdārān ī andarag čihr ud kām wānīdan mōšēd ī =š āz pad āz stahmagīh čihr ārzōg apaymān frāybūdīhēd … ud agārēnīdan ī harw dō az mēnōy ārāstār ud ruwān_bōzišnīh ud zāmēnīdan ī ō mēnōy wišōbišn ruwān ērang ērang āhōg kām ud rāhdārīh
ud srōš pad zad ī āz spōxtan ī az rāhdārīh andarg čihr ud kām abar čihr ud wahman pad wānīdan ī akōman spōxtan ī az rāhdārīh ī andarg ud ox kām abar ox gāh_dārīh
ud ka mardōm xwadīh mādayān mādayān bōyōmand ruwān pad srōš gurdīh āz az andarag čihr ud kām ud pad wahman hamāg xūb_ham_hāgīh akōman az andarg ox ud kām wsūdār bawēd az čihr paymān ārzōg ī ō gētī_warzīdārīh ud tan srāyēnīdārīh
ud az ox srōšīg dānišn kirbag ō kām paywandēd kām menišn gōwišn ud kunišn ō dādīg gētī_warzīdārīh ud tan_srāyēnidārīh ud dēnīg dānišn kirbag tuxšāgēnīd
gētī ud mēnōy ārāstārīhā warzīhēd ābādān dāštan ruwān hambāyīhā srāyīhēd ud bozīhēd rāmīhēd
ud ka pad sūdag rāst hammōgīh aǰgahān āsānīh dušīh az rāhdārān ī andarg čihr ud kām wānīdan mōšēd ī =š āz stahmagīh čihr ārzōg apaymān frāybūdīhēd pad agčihrīh dānišn pad dēsag_sōhišnīh brādarōdīhēd az dušāgāhīh čandīhēd xēm hōšīhēd az =iš huškīh ō kām paywandīhēd ud xēm hōšīhēd u =š huškīh ō kām paywandīhēd … az kām_dōšagīh wināhīhēd … pad gētī_warzīdārīh frāybūdīh ud aybibūdīh … ud pad mēnōy_ārāstārīh sustīh … ud abāzīh ī pad ruwān tan harw dō rēš ud bēš ud zyān bawēd … az kām_dōšagīh yyy yyy wināhīhēd pad gētī_warzīdārīh frāybūdīh ud aybibūdīh ud pad mēnōy ārāstārīh sustīh ud ābādīh ī pad ruwān tan harw dō rēš ud bēš ud zyān bawēd
abar dānāgīh ud dušāgāhīh mādī wāspuhragānīh u =š bun ud baxtār ud padīruftārīh ud winnārāg waxšēnāg wuzurgīh ī dānāgīh ud garānīh ī dušāgāhīh az nigēz ī weh_dēn hād
dānāgīh mādī ān ī =š wimand =iz xwad ast wišādār ī gyān čašm ō dīd ī gyān wēnišnīg xīrān čiyōn rōšnīh mādī ān ī =š wimand =iz xwad ast wišādār ī tan čašm ō dīd ī x tan_wēnišnīg tisān
ud wāspuhragānīh dānāgīh huxwadāyīh ī dānāg abar =iz xwēš kām ud xēm wirāyišn ud hunar waxšēnāg ud kirbag ud ahlawīh ud husrawīh ī mardōm ud gēhān ī ahlāyīh frāy_dahišnīh wihān
ud u =š bun dādār xwadīg dānāgīh
u =š baxtār dādār ō =iš xwēš dahišnān
ud padīrāg xwad dahišn pad =iš xwēš nērōg
winnārāg waxšēnāg ī pad =iš mēnōy weh wahman
u =š wuzurgīh ēn =iz kū kē mad ēstēd yazadīg dānāgīh ēd mādī pad =iš burzīhēd pad mānāgīh ō dādār čiyōn tis pad rōšnīh ī pad =iš and mādī rōšnān kas pad rāstīh pad =iš and mādī rāstān abardom mānāgīhēd ēdōn =iz mihr rādīh ud xwābarīh ud abārīg hunar wehīh
ud dušāgāhīh =iz mādī ān ī =š wimand xwad ast bastār ī gyān čašm az did ī gyān_wēnišnīg xīrān čiyōn tārīkīh mādī ān ī =š wimand xwad ast bastār ī tan čašm az dīd ī tan_wēnišnīg tisān
wāspuhragānīh ī dušāgāhīh ī dušxwadāyīh ī dušāgāh abar xwēš kām ud any dušīh ud āhōg zāyišn bazag druwandīh ud dušsrawīh ī mardōm ud gēhān ī ahlāyīh murnǰēnīdārīh wihān
ud u =š bun xwadīg ī dušāgāhīh ud dušāgāh
ud kirrēnāg ī ō dādār ī dahišn ī gumēzagīh kē andar mādīyān mardōm
u =š padīrāg mādīyān xwad =iz mardōm pad dušxwadāyīh ī abar xwēš kām az dušāgāhīh ud mastīh
u =š winnārāg abzāyēnāg pad =iš mēnōy ī wattar akōman
u =š garānīh ēn =iz kū kē ālūdag ēstēd pad druzīg dušāgāhīh pad and čand pad =iš ast nikōhišnīg pad mānāg ī ō dēw ud druz
ud kēšdārān kē dušāgāhīh =iz ǰomā dānāgīh wihān dādār andar mardōm kirdan kēš ī =šān az kēš nimāyišn dādār dānāgīh pad dušāgāhīh kastār winastār ud wišuftārīh ud pad kirdan ī dušāgāhīh wihān andar mardōm zyān ī mardōm ud gēhān az dušāgāhīh rāy abar mardōm ud gēhān mustgar andar harw dō ērangīg
x čiyōn ka =š dānāgīh pad dušāgāhīh nē winast pad kirdan ī dānāgīh andar mardōm abar mardōm ābādīh_gar ud spāsōmand būd hē
u =šān kē gōwēnd kū dānāgīh andar mardōm az yazad dušāgāhīh az xwad mardōm kird ān =iz dēn =išān dušāgāhīh ī andar mardōm būd šāyistan saxwan ēg =išān dānāgīh =iz az kirdan ī xwad mardōm andar xwēš būd nē kam šāyistan az yazad kird ānāftan šāyistān guft bawēd
ud kē abar hamdar dād nē šāyistan ī mardōm ō xwēš wēnāgīh nērōg čiyōn kirdan tuwānīh ī =šān ō xwēš awēnāg ud kōr pad bōzišn gōwēnd ān mardōm awēnāg gōr kirdan ī xwēš az kardagīh ī andar =išān ud dušāgāhīh wihān čiyōn =išān abzōn ī pad wēnāgīh wēnāgīh az andar kardagīh ī āyēnīg wēnāgīh
kē rāy paydāg kardagīh ī ēn dō wihān nērōg ēk ī dānāgīh ud ēk dušāgāhīh andar mardōm
ud az kirdan ī dušāgāhīh wihān nērōg andar mardōmān kardagīh paydāg u =šān nē az kardagīh xwad andar xwēš ōwōn čiyōn nē az xwad kardagīh ī =šān andar xwēš dānāgīh wihān nērōg
ud nē az yazad kardagīh pākīh ud dād az dušāgāhīh āhōg nimūdār paydāg
ōh =iz any kirdār nērōg bun kē kirdan andar mardōm dušāgāhīh ud any nērōg =iz dēn kirdār nērōg bun kē kird andar mardōm dānāgīh wihān
abar azišīg dānāgīh ī andar mardōm nigēzēd dēn mazdēsn ıu az xwadīg dānāgīh dānāg spennāg_mēnōy abar azišīg dušāgāhīh ī andar =išān kū az xwadīg dušāgāhīh dušāgāh gannāg_mēnōy
ēd =iz rāy dādār spennāg_mēnōy pad kirbag mardōm menēnd ud gōwēnd ud kunēnd spās pad =iz mizd_dahišnīh ī pad =iš abar =išān ābādīhgar az wināh ī mardōm menēnd gōwēnd kunēnd aspās abēčār pad puhl ud tan kirdārīh abuništ
ān čiyōn awēšān kēšdārān saxwan kū dušāgāhīh wihān nērōg andar mardōm yazad kird yazad =iz pad wināh ī mardōm az dušāgāhīh menēnd ud gōwēnd kunēnd ērangīg u =šān pad pulhl_kirdārīh ī pad =iš mustgar
čiyōn kirbag wihān kirdār andar mardōm pad kirbakkarīh mardōm kunēnd mādayān spās pad meh mizd_dahišnīh pad =iš abar =išān ābādīhgar guft
abar ān ī druz ō mardōm pad =iš kōšišn ast az nigēz ī weh_dēn hād
druz kōšišn abāg mardōm xwadīh ī ast ruwān u =š zay ī ast tan ī ruwān paymōg ud mardōm abzārōmand gōspand ud abārīg gētī dahišn
pad anastēnīd ī mardōm xwadīh ud zay abzār ud āhōgēnīdan ud ǰudāgēnīdan ī az hamīh ī pad =iz ān ī grāytar āhōgēnīdan ī mardōm xwadīh ud zay abzār ud škeft wisānišn ī az āgenēn nē madan ī ō anastgarīh ī ēč az =išān madan nē šāyēd tā ēč xwadīh azišīhīg =iz az astīh ō nēstīh pad =išān wābar gugāy
bē =š andar kōšišn škeft ōz ō ǰudāgēnīdan ī zay abzārān az xwadīh škefttar tā =iz ō wēmārēnīdan yyy āgrawēnīdan bastan ī xwadīh rasēd
wisp mardōm xwadīh hamē astīh u =šān xwadīh yyy abzār ǰudāgēnīd =iz az =iš nēstīh nē madan bē harw dō pad wiškennišn ī =šān passāxtag xwurdagān az hamīh abāz ō bun ī az =iš hamēnīd passāxtag abespārišnīh ud pad =iš gāh_dārišnīh yyy
ān ī andar kōšišn pad asūdag_pāsīh ī az druz ud amustīh az =iš yyy ī az kōšišn ranǰ mardāzūgīhā druz wānīdār bawēd pad bōxtagīh ī az druz ō ul xwēš dānāg rāmišn yyy ud mehmānīhā ānōh bawēd
ud ān ī pad sūdag_pāsīh az druz mustīh ī az =iš yyy az kōšišn ranǰ ī az abāg druz az druz wānīhēd pad abar_ōzīh druz kōšišn ī ō frōd purr_bēš druz gilistag škarwīdan tā frašegird ānōh az druz yyy
ud frašegird zamān wānīd ēbgad yazad xwābarīh ōz ī dādār ō hamīhišn ayābēd ud bōxtagān burzēnīdan ud škarwīdagān bōxtan
u =šān zay abzār xwurdagān az pargandagīh abāz hamēnīdan ud zay tan abāz ō ruwān xwadīh pattaxtan abzār aw =iš dād ud hammis ǰāwēdān purr_urwāhmīhā šādēnīdan burzēnīdan weh_dēn paydāgīh
abar bōyēnīdan ī az spennāg_mēnōy dō bōy u =š zōr az nigēz ī weh_dēn hād
bōyēnīdan ī az spennāg_mēnōy dō bōy ēk ī frazānagīhā ud ēk ī abzōnīgīh bōy u =šān zōr ān ī frazānagīh bōy kunišn ī dām ō frazām_pērōzīh pad kōšišnīg bowandag wānīdan ī ēbgad druz ud hām_dahišn hamāg nēkīh winnarišn ī pad tan ī pasēn
ud ān ī abzōnīgīh ī bōy paywastan ī dām waxšēnīdārīhā pad abzāyēnīdārīh ī ō ān ō abzār frašegird
ud kēšdārān kē yazad stāyīhišn pad kōšēnīdan ī ēk abāg did haft ud škōhīh wēmārīh ud dahišn hamāg margīh ī hām_dahišn ǰāwēdān dušoxīgīh u =š abōxtišnīh ī frayist mardōm winastan ī gēhān az ōy kē =š pad yazad dārēnd nē frazānagīh ud abzōnīgīh bōy bōyēd bē x afrazānagīh dahišn kastārīh gand gandēd guft yazadīh ud hamāg wehīh az =iš bē dēwīh ud hamāg wattarīh abar guft bawēd
abar ō_ham madan rōšn ud tār awizīrišnīg nē gumēxtan ī āgenen gētī wēnābdāg paydāgīh az nigēz ī weh_dēn hād
ō ham madan ī rōšn tār awizīrišnīg nē gumēxtan ī āgenēn gētī wenābdāg paydāgīh abar ātaxš pad ham madan ī rōšnīh ud dūd pad =iš nē gumēxtan ī ēbgadīg dūd ī ō wād rōšnīh ō xwēš rōšnīh ī ātaxš
ōh =iz paydāgīh ud ast pad ātaxš wahišt dušox tā =šān wahišt pad =iš xwēš hučihr bāmīg dahišn waxšēnāg ī ud urwāhmgar ud rōsnīh garmīh ud dušox pad zišt ud byčk_ēwēnag dahišn kāhēnāg
bēšāzēnāg ī dūd ī ēbgadīg ō ātaxš rōšnīh ud sōzāg wināhāg ud wišōbāg huškīh ī brādarōdīg ō ātaxš garmīh mad ēstēd
ud kēšdārān kē šyyptagīhā xwad ātaxš dušoxīg gōwēnd ān =išān mādagwar hučihr ud bāmīg dahišn ud waxšēnāg ī urwāhmgar wahištīg rōšnīh ud garmīh ī ātaxš dušox wahišt mādayān zēfān guft bawēd
abar ān yazadān ān ī dēw homānāg mardōm az nigēz ī weh_dēn hād
paydāg ōh =iz ān ī yazadān ud ān ī dēw homānāg mardōm ud andar =iz hangirdīg ud andar =iz ōšmurišnān ī mardōm
andar hangirdīg āsrōn ī pāk az ahlomōγīh ud artēštārīh pāk az sāstārīh ud wāstaryōšīh pāk az penīh ud hutuxšīh ī pāk az dahīg_kārīh yazadān
ud āsrōn brādarōd pad ālūdagīh pad ahlomōγīh artēštārīh brādarōd pad ālūdagīh pad sāstārīh wāstaryōšīh brādarōd pad ālūdagīh pad penīh ud hutuxš brādarōd pad ālūdagīh pad dahīg_kārīh [B m387] dēw
ud andar ōšmurišnān xwadāy ī xwābar rāst_wizīr ud āzād ī rād ud driyōš hunsand ud rādīh wizīdār_dahišn ud yyy ī huspās ud hangad_xīr ī ēr_menišn abārīg ī hamrāyēnišn kē =iz andar tangīh rād ud andar garān_menišnīh rāst_guftār ud andar pādixšāyīh akēn yazadān
spās_dīdār ī kēnīg ud dādwar ī drō_wizīr tuwānīg_xīr ī pen škōh ī ahunsand wanīgar ī wattarān tuxšēnīdār ānābag anespās ud ādānīg ī karb ud abārīg hamrāyēnišn kē andar ud frāx_xīrīh pen ud andar =iz husnūd_menišnīh spazg ud andar =iz pādixšāyīh ud kēn_zadār dēw ud druz mānāg andar mardōmān
ud andar gumēzagīh nē bawēd abēzag yazadān nē =iz dēw abēzag bē pad čand =iš dānāgīh abārīg hunar yazadān pad čand =iš dušagāhīh abārīg āhōg dēw homānāg bawēd mardōm
ud kēšdārān kē bun ī wisp ēk ēwāz ast kēš ī =šān ham bun dušāgāhīh =iz u =š pad =iz dušāgāhīh dēw homānāg guft bawēd
abar madan ī mardōm ō abardar dānāgīh ud ud anāgīh wēnāgīh az nigēz ī weh_dēn hād
rang ī mardōm dānāgīh ud wēnāgīh ēn =iz čahār ēk āsn_xrad ī zīyendagēnīdag pad mardōm gyān az dādār āfurrišn ēk srūd_dēnīg āgāhīh waxšēnāg ī āsn_xrad ēk xwarrah ī tōhmagīg xwēšāwand ī āsn ud srūd_xrad ud ēk wahman amahraspand dārāg parwarāg ī harw se mehānīh ī abar ox
ud kē āsn_xrad dānišn huzahāg frāx_oxīg ud pad weh_dēn āgāhīh abzāyēnāg āsn_xrad aγrī ud pad tōhmagīg xwarrah ī āsn_srūd_xrad nazd xwēšāwand hangadīh sālār u =š az zōrōmand mehmānīh ī wahman pad ox ud spurr_wānagīh ī pad =iš druz mēnōyīg āgāhīh ō menišn paywastag pad abardar dānāgīh wēnāgīh ud pad =iš xwēšēnīdārīh ī dō_axwānīg meh nēkīh burzīhēd andar xwadāyān
abar dahībed ēwēnagān az nigēz ī weh_dēn hād
dahībed ǰud_zamānagīhā ēwēnag ēn =iz hašt u =š čahār andar stāyīhišnān ud čahār andar nikōhišnīg pāyag
čahār ī andar stāyīhišnīg pāyag hamāg_pānag ud wēš_pānag x x x xwad_pānag
dahībed kē xwad frazānag u =š abzārān dānāg zamānag nēw ud hamāg_pānag pad xešmgenīh pādagīh ī =š xwadāyīh u =š nām ārāstag dahībed pad ān ī =š nēst ast ī wišōb kunēd
ud dahībed kē xwad frazānag u =š abzārān dānāg zamān anāg wēš_pānag pad ān ī ka abāg xwad frazānagīh az =iz ān ī abzārān dānāgīh pādag ast xwad_āsāyīh u =š nām purr_ēmēd dahībed pad ān ī ka az ān ī =š xwad frazānagīh u =š abzārān dānāgīh purr_ēmēd ast ud ī =š waštan ī =š anāgīh az zamānag ō nēwīh ī ud xwad_āsāyīh ō bowandag_ārāstagīh
ud dahībed kē xwad frazānag u =š abzārān dušāgāh ud zamānag nēw mādagwar_dahišn_pānag pad ān ī ka az ayārīh ī =š zamānag nēwīh az xwad_frazānagīh pādag xwad_āsāyīh u =š nām wuzurg_ēmēd dahībed pad ān ī ka =š az zamānag nēwīh xwad =iz frazānagīh ud wuzurg_ēmēd ast waštan ī =š abzārān ō dānāgīh ud xwad_āsāyīh ō bowandag_ārāstagīh
dahībed kē xwad frazānag u =š abzārān dušāgāh ud zamānag anāg xwad_pānag pad ān ī ka az ān ōy frazānagīh ēwāz pād ēstēd xwad_āsāyīh u =š nām ēmēdwār dahībed pad ān ī ka ēmēdwār ast az ān ī ōy frazānagīh waštan ī =š abzārān ō dānāgīh ud zamānag ō nēwīh ud xwad_āsāyīh ō bowandag_ārāstagīh
čahār ī andar nikōhišnīg pāyag apānag ud tēz_wišōb ud nizār_pānag nazd_wišōb ud anōst_pānag zūd_wišōb ud hišt az pānag xwad_wišuft
dahībed kē xwad afrazānag u =š abzārān dušāgāh ud zamānag anāg apānag tēz_wišob pad apāsīh ī =š xwadāyīh ud tēz_wišuftīh ī =š az harw kust u =š nām purr_bīm dahībed pad purr_bīmīh ī =š az xwad afrazānagīh ud abzārān dušāgāhīh ud zamānag anāgīh ud tēz_wišōbīhīdan ī =š xwadāyīh anahrām
ud dahībed kē xwad afrazānag u =š abzārān dānāg ud zamānag anāg nizār_pānag nazd_wišōb ud pad ān ī ka nizār ast pānagīh ī =š xwadāyīh az abzārān dānāgīh andar zōr ī wišōbišn ī =š az xwad afrazānagīh ud zamānag anāgīh u =š nām škeft_bīm dahībed pad ān ī ka az ān ī ōy afrazānagīh u =š zamānag anāgīh škeft bīm abzārān ō dušāgāhīh waštan ud xwadāyīh ō apāsīh dušdarmān wišuftagīh
ud dahībed kē xwad afrazānag u =š abzārān dušāgāh x x x ud zamānag nēw ud anōst_pānag zūd_wišōb ud pad ān ī ka abāg anōstīg wardišn ī zamānag az =iz ān ī ōy afrazānagīh zūd wardišn paydāg zamānagīh ō anāgīh waštan xwad_āsāyīh ō wišōbišn madan u =š nām garān_bīm dahībed pad ān ī ka garān bīm ast az xwad afrazānagīh u =š abzārān dušāgāhīh zamānag ō anāgīh waštan u =š xwadāyīh ō anahrām wišuftagīh ud madan
dahībed kē xwad afrazānag u =š abzārān dānāg zamānag nēw hišt az pānag xwad_wišuft pad ān ī ka zōr ī ōy afrazānagīh pad wišuftan ī xwēš xwadāyīh abar ast az āz zōr ī abzārān dānāgīh ud ī =m ī =š zamānag nēwīh pad pānagīh ī =š xwadāyīh u =š nām bīmgen ud dahībed pad ān ka az ān ī ōy afrazānagīh abzārān ō dušāgāhīh ud zamānag ō anāgīh waštan ud xwad_āsāyīh ō anahrām wišōbišn madan bīmgen
abar zamānag bāy bāy druz ō spennāg_mēnōy dāmān škefttar kōšišn az nigēz ī weh_dēn hād
druz pēš az kanārag paydāgīh ī zamān pad tar_mēnīdan dādār u =š dahišnān nērōg ud abar mad menīdan ī ān xwēš zōr fradom kōšišn abar anastgarīh ī dādār u =š dahišnān būd
ud ka pad dādār wisp_āgāhīh šnāxtan druz ī abar bowandag_stōwīh druz az kōšišn and drang čand ham pad =iš kirdan ān ī =š zōr mihōxtīhā paywastēd ō uzmāyišnīg kōšišn druz hišt
ud zamān abar drang pad rawēnīdan ī xwaršēd az bālist ud hāwandīh kanāragōmandēnīdan niwist druz kōšišn abāz ō pādīrān_sazišn ī hamdrang pad abāz ud hāxtan ī xwaršēd az rawišn abgand škefttar pad bun_dahišn kōšīd ud nawad rōz_šabān frazām pad dādār ōz abar az ham kōšišn stōwīhist ud xwaršēd az bālist hāwandīh bē rawēd
ud did pad zarduxštān hazangrōzim nazd frazāmīh abāz ō_ham kōšišn mad ud škeft kōšīd ud ān =iz rāy dah rōz_šabān drang zarduxštān hazangrōzim frazām rasišn ī ušēdar bun ō ohrmazd hampursagīh ī ēstišnīh xwaršēd pad bālist hāwandīh pad dādār ōz az =iz ān kōšišn stōwīhist ud xwaršēd az ham gāh abāz ō rawišn sazēnīdan ī ān drang madan
ud az ān pas pad ušēdarmāhan hazangrōzim nazd frazāmīh abāz ō kōšišn mad ud škeft kōšīd ud ān =iz rāy wīst rōz_šabān drang ī ušēdarān hazangrōzim frazām ud rasišn ī ušēdarmāh ō ohrmazd hampursagīh bun_ēstišnīh xwaršēd pad bālist ud hāwandīh pad dādār ōz az =iz ān kōšišn stōwīhistan ud xwaršēd az ham gāh abāz ō rawišn ī ud sazēnīdan ī ān drang madan
ud az ān pas pad ušēdarān hazangrōzim nazd frazāmīh abāz ō kōšišn mad ud ud škeft kōšīd ān =iz rāy wīst rōz_šabān ham drang ī ušēdarān hazangrōzim frazām ud rasišn ī ušēdarmāh ō ohrmazd hampursagīh bun ud ēstišnīh xwaršēd pad bālist hāwandīh pad dādār ōz az =iz ān kōšišn stōwīhistan ud xwaršēd az ham gāh abāz ō rawišn ud sazēnīdan ī ān drang madan
ud az ān pas pad ušēdarmāhan hazangrōzim nazd frazāmīh abāz ham kōšišn mad ud škefttar kōšīd ud ān =iz rāy sīh rōz_šabān drang ī ušēdarmāhān hazangrōzim frazām rasišn ī sūdōmand pērōzgar bun ō hampursagīh ī ohrmazd ud ēstišnīh xwaršēd pad bālist ud hāwandīh pad dādār ōz az kōšišn bowandag stōwīhistan ud xwaršēd az bālist ud hāwandīh bē raftan uzīd šast_haft sāl andar xwadāyīh ī sūdōmand ī pērōzgar pad ān ī ōy dādār abar burd gurdīh hamāg druz winnirdīh wānīdan ud druz škast_abzārīha xwad agārīhā abāz ō bun_gilistag ud abgand weh_dēn āgāhīh
ud hamē andar ān kōšišn ī druz and drang ī azabar nibišt ēstišn ī xwaršēd az rawišn nazdīkīh az druz škefttar_kōšišnīh sāxtagīh āwām ud anāgīh ī abar mardōm abārīg dāmān ī ohrmazd wēš madan bawēd
abar kār ī dādār abar mardōm az nigēz ī weh_dēn hād
fradom kār ī dādār mardōm =iz āfurrišn pad stī
ud didīgar dahišn pad dēsag
ud sidīgar wuzurgīh pad kār
ud čahārom pānagīh andar =iz zahāgān pad abāz abespurd awišīh mardōm tan ristagān
ud panǰom uzaiierīh ī =š zand tan abāz kirdan pad abāz xwāyīšnīh ristagān az zahāgān
ud šašom aibigaiiehe ī =š zand zīndagēnīdan ī pad gyān abāz ō tan paywast bawēd
ud haftom ušahīh ī =š zand anōšagēnīdan =iz ī āgenēn gyān ud tan pad hamīh
ud haštom hāuuanīh ī =š zand amargēnīdan hamāg mardōm zīndag pad hamšōysr
ud nahom rapihwīh ī =š zand abēzag_rāmišnīhā awisānišn hām_dahišn purr_urwāhmīg rāmēnīdārīh hangirdīgēnīd_dāmīh passazag dādār nēk frazām_kārīh
kēšdārān kē =šān fradom ī dādār kār niwistan ī dahišn ud ō dahišn mayān wēmārīh wināh ī dahišnān pad zāyišn ī az dušnihišnīg bun marg ud druwandīh ud ǰāwēdān dušoxīgīh frayist mardōm az hambun ī =šān kēš abar dādār afrazānagīg duškunišnīg wad_frazāmīh_kārīh ud hām_dahišn bištīh ud xwad pašēmānīh =iz guft ud frazām_pērōzīh ud yazadīh ud kirbakkarīh az =iš bē guft bawēd
abar arang ud weh manohmed az nigēz ī weh_dēn hād
arang abestāgīg raiŋi x u =š zand rāy ud wāzag zand tuxšāgīh ud weh abestāgīg vaŋhi u =š zand ābādīh xwarrah =iz xwānīhēd xwarrah ham xwēškārīh =iz bawēd čiyōn pad āgenēn tuxšāgīh ud xwēškārīh
ud rāy tuxšāgīh amargīh abzār ī =š az dādār dahišn mēhan pad arang gōwēd ud xwarrah xwēškārīh harwisp šnāyēndīdārīh abzār ī =š az dādār dahišn mēhan pad hrang gōwēd ud xwarrah xwēškārīh pad =iš paydāg
ud im dō hunarān hamist abārīg ī nēkīg zahāg ī ast rāy ud xwarrah zrēy pad dādār ohrmazd rāyōmand ud xwarrahōmand u =š brāh ud bām_paywandišnīh ō dahišnān pad =iš wardišnīg ud rāyēnišnīg ēbgad wānīdārīhā dām ō x frašegird wardišnīgān hangirdīgīh
čiyōn gōwēd ohrmazd rāy pad weh_dēn kū pad ēn ī tō ō man dām abdom =iz wardīd bawēd tan ī pasēn ī =š manohmed amargīh šnāyēnīdārīh harwist ox ī astōmand ōh_ōh =iz amargīh ī dahišnan ō šnayēnīdārīh ī =šān hamāg abāyišnīg u =šān spurrīg šnāyišn pad amargīh ud xwārišnīg
ud kēšdārān kē =šān az kēš nimāyišn frašegird pad margīh ī hamāg dahišnān harw bēšīh pad ǰāwēdān dušoxīgīh ī frayist mardōm ī =šān kēš abar dādār duškunišnīg wad_frazāmīh guft ud frazāmīh ud yazadīh az =iš guft bawēd
abar ahlawtomīh weh_dēn burdār ud druwandtomīh ī frēftār ahlomōγ az nigēz ī weh_dēn hād
ahlawtom andar mardōmān šnāyēnīdārtom ī dādār ud šnāyēnīdārtom ī dādār ōy kē dādār dām sūdēnāgtom ud dādār dām sūdēnāgtom ōy kē dahišn pad astīh ī wehīh ī dādār āstawēnēnīdārtom u =š ō gēhān warzišn paywandišnīh ud tuxšāgēnīdārtom ī xwad ast weh_dēn burdār dānāg ōy ast az dādār_šnāyēnīdārtomīh pad ahlāyīh_ahlawtomīh andar mardōmān
ud druwandtom andar gēhān bēšīdārtom ud dādār ud bēšīdārtom ī dādār ōy kē dādār dām zyānēnīdārtom ud dādār dām zyānēnīdārtom ān kē dahišnān pad astīh dādār gumāngartom u =šān az gēhān_warzīdārīh wardēd ud pad paywēhagīh mōšāgēnīdārtom ī xwad ast wattar dēn burdār ahlomōγ ān ast pad dranǰišn druwandtom andar gēhān
abar stūdag tis ī ast ka wizendōmand ō ahlawān ud nikōhīdag tis ast ka sūdōmand ō ahlawān az nigēz ī weh_dēn hād
ka stūdag tis ī ast ka wizendōmand ō ahlawān rāst_guftārīh čiyōn ēd ī paydāg kū andar gumēzagīh bawēd ī az halag rāst_guftārīh =ēw zyān ī ahlawān ud wišōbišn ī gēhān ī ahlāyīh
ud nikōhīdag tis ī ast ka sūdōmand ō ahlawān drō_guftārīh čiyōn ēd ī paydāg kū andar gumēzagīh ast ī ka az xrad_āfrāh ud dēn dastwar meh_dādestānīhā drō_guftārīh =ēw bawēd sūd ahlawān ārāyišn ī gēhān ī ahlāyīh
abar dōsttom ud šnāyēnīdārtom ī yazadān mahistom ud rāmišnīgtom andar wahišt ud dušmentom bēšīdārtom ī yazadān nigūntom ud bēšōmandtom andar dušox az nigēz ī weh_dēn hād
dōsttom ud šnāyēnīdārtom yazadān xwēš ruwān x x x x ōy kē čand =iš dānišn tuwān kirbakkar u =š kām ān kū =š wēš kird hē čiyōn yašt_frawahr spitāmān zarduxšt
dušmentom bēšīdārtom ī yazadān xwēš ruwān ōy kē čand =iš dānišn tuwān bazakkar u =š kām ān kū =š wēš kird hē čiyōn mar ī tūr ī frangrāsiyāg
abar ān čē druz kōšišn pad =iš škefttom az nigēz ī weh_dēn hād
ān čē druz kōšišn pad =iš škefttom xwarrah kayān ān ī zarduxštrōdomān ēd rāy čē gēhān winnārišn pad xwadāyīh ud xwadāyīh winnārišn pad kayān xwarrah ud dahišn yyy ī az ēbgad pad dēn mazdēsn ud dēn mazdēsn rawāgīh pad ān ī zarduštrotomān xwarrah kū tā pad kayān xwarrah ānābišn xwadāyīh wišōbīhād pad xwadāyīh wišōbišn dām abesīhād pad zarduštrōdomān abesīhišn dēn mazdēsn rawāgīh pādīrānīhād pad pādīrānīh ī dēn mazdēsn az rawāgīh yyy dām ī ohrmazd az ēbgad ma bawād druz pad dām ō kām rasād
abar xīrān handāzišn az nigēz ī weh_dēn hād
xīrān handāzišn ī amaragānīg wihānōmand ān ī abdomīg meh_winnārišnīh ī ast ān ī weh frašegird tan ī pasēn
ud ān ī ēwāzīg wihānōmand ī ān ī abdom ō weh ēwāzīg tan meh handāzišn ān pad handāzišn ī abāz ō ān ī amaragānīg meh_handāzišn ī ast frašegird az handāxtārīh ī ōy ī abardom frazānag wisp_tuwān dādār ohrmazd
abar rādīh ud penīh ud mēnōy mehmānīh daxšag ī mardōm tan pad =iš az nigēz ī weh_dēn hād
rādīh mēnōy ast ī garm pad čihr ud penīh mēnōy ast ī sard pad čihr u =šān harw dō bun ast pad mardōm ox
ka rādīh mehmān pad ox garmōg ast ōy fradom ox pad ātaxšīgīh ī rādīh mēnōy u =š daxšag paydāgīh pad čihrīg garmōgīh ī xwarrah/dast ī ōy mardōm ast az rādīh daxšag ī abar mardōm
ka penīh mehmān pad ox absard ast ōy mardōm ox pad snexrīgīh ī penīh mēnōy u =š daxšag paydāgīh pad čihrīg sardīh ī gand/gaw ī ōy mardōm ud ēn =iz ast az penīh daxšag ī abar mardōm
abar ān pad mardōm bawēd ān ī mardōm kunēd stāyīhišn ud nikōhišn ud spās bun_dāšt ī pad =iš az nigēz ī weh_dēn hād
ān ī pad mardōmān bawēd čihrīg bē_čihrīg čihr čiyōn xūb_āmēzišnīh ud druyistīh bē_čihr čiyōn wad_āmēzišnīg wēmārīh
ud pad čihrīg xūb_āmēzišnīh druyistīh čihr stāyišnīg ud dādār čihr spās
ud bē_čihr wad_āmēzišnīh wēmārīh ī tan az axwānīg čihr kār ī pad xūb_āmēzišnīh ud druyist_dāštārīh ī tan bērōn ōh =iz ēwānag tis dōānag hambadīg kār nē bawēd ud nē =iz az dādār nē čihrīg ō xūb_āmēzišnīh ud druyist_dāštārīh ī tan wad_āmēzišnīg wēmārīh ī tan sazēd
ud ān ī mardōm kunēnd kāmīg kirbag wināh kirbag wahmanīg ud xrad_wizīn wināh akōmanīg ud waran_dōšagīg ud pad kirbag wahmanīg xrad_wizīn wināh akōmanīg waran_dōšagīg x x x x x ud ān =iz ī wahmanīg ud xrad_wizīn kirbakkar mardōm stāyišnīg mizd xwēš ud dādār wahman ī kirbag_āhang xrad ī kirbag_wizīn spās ud pad wināh ī akōmanīg waran_dōšagīg ud ān =iz ī akōman waran_dōšag wināhgar mardōm nikōhīdag ud dādār ī wahmanīg kirbag_āhang ud xrad ī kirbag_wizīn ō mardōm akōman ī wināh_āhang ud waran ī wināh_dōšag andar mardōm kirdan nē sazēd
abar dām mēnōyīg āfurrīdan az mēnōyīh ō gētīyīh rasīd paydāgīh az nigēz ī weh_dēn hād
mēnōy āfurrišn bawišn ast ī aham_būd wāspuhragānīh ast ī awēnišnīg agīrišnīg ud bun ast ī gētī
ud gētī dahišn hambawišnīg bawišn ī mēnōy ud dēsag ud paydāgīh ud ast ī mēnōy u =š wāspuhraganīh ast ī wenišnīg gīrišnōmand ud ēd paydāg kū mēnōy ud bun ī gētī
ēn =iz paydāgīh ka gētī tis az hambawišnīh tis wišāyīhēd abāz ō bawišn mēnōy rasēd ī =š ast bun
ud mēnōy bawišn ēk ast ī dō bahr ōh =iz mēnōy dādār fradom azišīg āfurrišn ī xwānīhēd bawišn gētī hambawišnīh dahišn astīh dādār az fradom azišīg āfurrišn bawišn hambawēnīdan ud dām fradom pad mēnōy dād az mēnōyīh ō gētīyīh āwurd ī weh_dēn nigēz ēn =iz paydāgīh
abar nērang abar dēnkard nibēg az nigēz ī weh_dēn hād
nērang rāyēnišnān rawāgīh ud čiyōn gētīyīg rāyēnišn ud kārēnīd ǰud nērang =ēw ast pad =iš rawāgīh ān rāyēnišn ud kār ast =iz mēnōy rāyēnišn
ud ast ī andar gētī winnārišn ī gētī pad mēnōy rāy ān gētīyān abāg nērang ī gētīyīg rāyēnišn pad =iš rawēd abāyišnīg =iz ast nērang ī mēnōyān ī pad =iš gētī rāyēnišn ud winnārišn
ud ēd ī zamīg gētī nērangīg pad āb ud wād ōz ud āb wād pad asmān mēnōy nērangīg pad amahraspand warz xwarrah winnārišn
ud tan gētī nērōgīg pad āmēzišnān ī tan passāzišn mēnōy nērangīg pad ruwān zīndagīh
ud gēhān hammōg pad āsrōnīh ud pānagīh pad artēštārīh ud warzišn pad wāstaryōšīh ud āsānīh pad hutuxšagīh nērang ud hamāg gētī nērang pad xwadāyīh ud mēnōy nērangīg pad dēn winnārišn
mardōm tan gētī nērangīg abērtar pad ābādīh winnārišn ruwān mēnōy nērangīg pad kirbag bōzišn
ud ēd =iz čiyōn nihuftag rāyēnišn ēdōnīh ud anēdōnīh paydāgīh pad dēnīg war nērang ī pēšēnīg ud pad kardag dāštan tāštīg āgāhīh
ud ān =iz ī čiyōn āfrīn nifrīn ī pad wābarīgānīhistan dēn paydāgīh ud andar gēhān āgāhīh
ud ān =iz ī az axtarān abāxtarān rasišn wardišn
afsōn ī xrafstar uzwān ud gazišn ud zahr darmān wasīh wēmārīh bē_barišnīh xōg wišōb yyy
nērang ī pad ātaxšān ābān urwarān zangān ud ayōšustān zamīgān ān ī andar bawišn hambawišnīh ī ǰānwarān pad axtarān abāxtarān yyy yyy ān ī andar wēmārīh ud druyistīh pad haftagān ud nēm_haftagān andar_māh purr_māh ud wīšaptah
ān ī az dēn nērangīh abestāg ēzišn pad šnāyišn yazadān ud bēšēnīdār dēwān dēn paydāgīh
ud anīz was nimūdār andar gētī ud mēnōy zōrīg nērang ǰud az ān pad čihr
ud kam_paydāgīh ī andar gētī mēnōyīg nērang abarwēzagīh ī čihr andar gētī axwān ud zōr paydāgīh ī mēnōy_kārīh andar čihr_kārīh ān ī andar mēnōyān axwān was wāy_ōzīh mēnōy warz abar čihr rāy nērang abar čihr abarwēzīh ud čihr andar nērang ī mēnōy warz zōr paydāgīh
ud andar =iz gētī pad kišwarān ud šahrān ī ēk az did dūr tis ast ī andar kišwar =ēw šahr =ēw čihrīg pad any kišwar ud šahr nērangīg hangārēnd ān ī wasīhā paydāg
abar gētīyīhā daxšag paydāgīh spennāg_mēnōy ud gannāg_mēnōy ud az nigēz ī weh_dēn hād
gētīyīhā daxšag paydāgīh spennāg_mēnōy abērtar abar ōy ī huxwadāy ahlaw pad abzōnīgīh ox ud abēzagīh ī xēm ud nēk_kām ī abar dāmān xrad_zahag huframānīh nērōgēnīdan ī dēn dādestān hufrāyēnīdan ī gēhān pad =iš huzīyišnīh ī dāmān abēbīmīh ī šahrān rāmišn_menišnīh mardōm ud wābarīgānīh ud ēmēdīh ī =š kām_warzīdārān ō gētīyīg mēnōyīg nēkīh ī xwad ud paywandīg =iz pad nāf_tōhmag anōšmār abzōn sūd ī dāmān pad kunišn ōzīhišn ī az =iš spennāg_mēnōy čiyōn =iš mānāg pad frāy_bahrīh ī az gētīyān
gētīyīhā daxšag paydāgīh ī gannāg_mēnōy wēštar abar sāstār druwand pad āgenēn must_madagīh ī padīrag ox winastagīh ī xēm anāg_kām ī =š abar dāmān ud waranīg dušframānīh ud nizārēnīdan ī dēn dādestān wišēbišn awērānīh ī gēhān dušzīyišnīh dāmān tangīh ī ud purr_bīmīh ī šahrčīg ud bēš ī mardōm az nōg nōg rēzišn ī abar =išān ēwēnag anāg ī az ān ī ōy dušframānīh framurd_ēmēdīh ī =š nazdīkān kām_warzīdārān az purr_kēnīh ī =š dil ī anast_madanīh ī =š menišn ābādīh =iz ī zamānīg yyy ī ō nazdīk_rēzišnīh ī yyy ǰast bawēd anāgtar frazāmīh ī ān ī =š ēkānagtar kām_warzīdārāntar ud anōšmār anāgīh ud zyān pad kunišn ōzīhišn ī az =iš gannāg_mēnōy čiyōn =iš mānāg pad frāy_dārīh ī az gētīyān
abar ān ī xwaršēdīg ud ān ī māhyyyytīg sāl čim ud ōz ud kār az nigēz ī weh_dēn hād
xwaršēdīg sāl dō ēwēnag rōz_wihēzagīg ī andar sāl ud zaman_wihēzagīg ī az sālān
rōz_wihēzagīg ī andar sāl ān ī dwāzdah māh ī harw māh sīh rōz ud panǰ rōz ī az frāyīh ī xwaršēd pad dwāzdah māh andar axtarān rawišn ī bawēd āgenēn 365 rōz
ud az ān čē panǰ rōz ī az zamānīhā ī andar māhān ī sāl hambawēd ō abdom māh ī sāl dāšt ēstēd
rōz wihēzagīg ī andar sāl az ān čē andar ōšmār ī amaragān dāšt ēstēd ōšmurdīg =iz xwānīhēd ud gōwīhēd
ud zaman_wihēzagīg ī az sālān ān ī az šaš zaman ud xwurdag ī zaman ī abar sar ī 365 rōz hamīh ī harw sāl ud društagīhā pad čahār sāl ēk rōz ud pad čēhel sāl dah rōz ud pad 120 sāl ēk māh pad šaš_sad sāl panǰ māh pad 1440 sāl sāl =ēw bawēd
u =š zaman wihēzagīgīh ī az sālān ēn čē az šaš zaman ud xwurdag ī zaman ī abar rōzān ī sāl sar az sālān ī was hamīh bawēd
ud rōz wihēzagīg xwad ast ān ī ōšmurdīg sāl ōz ud kār
abar nōg rōz ud mihragān abārīg ǰašnīhā kahwan ast ī az bun_dahišn ī =š nōgīh ī fradom [DH250v] nihādag ud čiyōn nōg rōz amaragān mardōm abar_ēstišnīg xōgēnīdag hēnd u =š xwarrah ī az pēš kahwan_dādīh hām_kišwar wistarišnīg ud mardōm pad =iš āsānīhēnd ud rāmīhēnd pad ēmēd ī āsānīh andar ān ǰašnīhā andar kār ud ranǰ wīdwarīhēnd
ud ka az ān hangām wihēzīhēd ēg =iš ōz ī az pēš_dādīh nizārīhēd abar_ēstišnīh ī amaragān =iz čandīhēd āsānīh ud šādīh ī mardōm ud sūdagīh ī =šān andar kār kāhēd ud pad ān nērōg ī bun_nihādag abāz nē winnārīhēd
ud was xwadāyīh amaragān sūd tis ī pad ham ǰašnīhā paywastag nizārīhēd ud ō sustīh ī mardōm abar ranǰ ī pad kār ud warzišn ud ābādānīh ī gēhān rasēd
yyy ī sālān māhān ud rōzān ī abar zēg ī axtarān zāyišn ī mardōm sāl_mar ī xwadāyān ud čand yyy ī sālān ī az bun_dahišn ī andar dast ī amaragān zamān ī mayān mardōmān abar pašn ud stad ud dād ud dādestānīhā pad ōšmurdīg sāl paywast ēstēd az gāh nē wišuftan ud abar pāyram mardōm nē āšuftan
ud ka sāl ī ōšmurdīg mayān mardōmān az gāh wihēzīhēd was rāyēnišn ī gēhān šēbīhēd
ud sāl ī zaman wihēzagīg ī az sālān ī was ham bawēd ōz abar kār ī tis abāg hangāmān ī sāl čihr handāxtag
sāl hangām bun wahār ān ī ka xwaršēd ō fradom xwurdag ī warrag ast yyy rasēd u =š se māh ān ī ka xwaršēd pad warrag gāw ud dōpahikar axtar rawēd xwēš
u =š didīgar hāmīn ān ī ka xwaršēd ō fradom xwurdag ī karzang axtar rasēd ī ast yyy u =š se māh ān ī ka xwaršēd pad karzang ud šēr ud hōšag axtar āyēd xwēš
ud sidīgar pādēz ān ī ka xwaršēd ō fradom xwurdag ī tarāzūg ī ast ī spwl rasēd u =š se māh ān ī ka frāyist pad tarāzūg ud gazdom ud nēm_asp axtar rawēd xwēš
ud čahārom ud abdom zamestān ān ī ka xwaršēd ō fradom xwurdag ī wahīg ī gāw xwānēnd rasēd u =š se māh ān ī ka xwaršēd pad wahīg dōl māhīg axtar rawēd xwēš
čiyōn ēn čahār hangām ī sāl band ī ō rawišn ī xwaršēd pad axtarān ud andar sālān was drang az hamīh ī zaman ī abar ēk sāl sar ō rōzān ud rōzān ō māhān ud māhān ō sālān ud sālān ō brīnagān ī meh rasišnīg ud pad =iš hangām wihīrišnīg
abāg wihīrišn ī hangām ān ī ō čihr ī hangāmān čihrīg paywastag čiyōn bawišn ud rōyišn ud waxšišn pazzāmišn ud rasišn ī ǰōrdāyān urwarān ud wihēz ī mardōm ud ēwarz ī xwadāyān ō ōstān ī hāmīnīg ud zamčīg wardišn ī wādān rawišn ī pad zrēyān ī ō wādān handāxtag
ud dēnīg ēwēn ud kār ī pad hangāmān frēzwānēnīdag az ōšmurīšnīg ī amaragān hangām ud dāštag bawēd
ān pad dahībed framān hamkārān abāz ō hangāmān čihr ud abar_ēstād abāz ō rasišn ī urwarān bar ō mardōmān dast dādīg handāxtan
ud rōz wihēzag tā māh =ēw bowandag bawēd nē kirdan az panǰ māh frāy nē spōxtan weh_dēn andarz
ud čim andar darag ī abar rōzān māhān sālān nišānēnīdag
ud sāl ī māh_sistīg az rawišn ī māh abāg xwaršēd ān ī društagīh harw māh dah zaman abāz ō pas ōh āyēd ī pad sāl =ēw društagīhā 120 zaman ī bawēd panǰ rōz ud panǰ rōz ī gāhanīg ī bawēd dah rōz pad se sāl ud pad se sāl māh =ēw ud pad sīh_šaš sāl sāl =ēw bawēd
u =š kār abērtar pad yyy ud yyy ud yyy ud paydāgīh ī az =iš xwurdag andar gētī yyy pēšag ud društag =ēw andar darag ī abar =iz sālān ēwēnag nišānēnīd
abar dēnkard nibēg az nigēz ī weh_dēn hād
dēnkard nibēg kardag ast ī az wisp_dānāgīh_pēsīd dēn mazdēsn paydāgīh
ud naxust kardag ī az weh_dēn pōryōtkēšān ī waxšwar yašt_frawahr spitāmān zardušt fradom hāwišt pad pursišn ud āšnawišn ī az im yašt_frawahr weh_dēn paydāgīg dānišn āgāhīh ī abar harw dar hangōšīdag rōšnīh ī az bun rōšn
ud ān bun pursišn ud wizīr dahībed burzāwand kay_wištāsp nibēgēnīdan bun ud bun ō ganǰ ī šasabīgān abespārdan ud paččēn passazagīhā wistardan framūdan ud az ān pas paččēn ō diz ī nibišt frēstīd ud ānōh =iz dāštan āgāhīh
ud andar wizend ī az mar ī dušxwarrah alaskandar ō ērān_šahr ud dēn ud xwadāyīh mad ān ī pad diz ī nibišt ō sōzišn ud ān ī pad ganǰ ī šasabīgān ō dast ī hrōmāyān madan ud ō =iz yōdnāyīg uzwān wizārdan pad āgāhīh ī az pēšēnīgān paywastag
ud ōy bay ardaxšahr šāhān šāh ī pābagān mad ō abāz ārāstārīh ī ērān xwadāyīh im nibēg az pargandagīh ō ēk gyāg āwurd ud pōryōtkēš ahlaw tansar ī hērbedān hērbed būd abar madan ud abāg paydāgīh ī az abestāg abāz handāxtan ud az ān paydāgīh bowandagēnīdan framūd ud ham_gōnag kird ud hangōšīdag brāh ī az bun rōšn pad ganǰ ī šasabīgān dāštan ud paččēn passazagīhā frāxēnīdan framūdan āgāhīh
ud pas az wizend ud wišōbišn ī az tāzīgān ō =iz dīwān ud ganǰ ī kišwar mad hufraward ādurfarnbay ī farroxzādān ī hudēnān pēšōbay būd ān paččēn ī kustagīhā pargandag būd nōg_abzār az pargandagīh abāz ō hamīh ud dīwān ī =š dar āwurd andar nigerišn ud handāzišn ī ō wehdēn abestāg ud zand ud pōryōtkēšān gōwišn hangōšīdag payrōg ī az ān brāh abāz kird
pad škeft aram ud wizend ī ō zardušt ī ādurfarnbayān ī hudēnān pēšōbāy būd ǰast ān =iz diwān ō wišōbišn ud ān nibēg ō wisistagīh ud pargandagīh ud az =iš ō kahwanīh yyy ud pūdagīh madan
ud az ān pas ān ādurbād ī ēmēdān ī hudēnan pēšōbāy az yazadān nixwārišn ud dēn mazdēsn ayārīhišnīh nōg_abzār pad xwāyišn ud wizōyišn ud ranǰ ī wēš im nibišt čē az ān wisāndag ud zruftag ud sūdag ud xāk_āmēg dīwān abāz windīd ud ēd čē az abāz kardagīh ud burdagīh ud triftagīh abāz āwurd az =iš wizīd yyy yyy ī hampursagīg xrad ayārīh pad abāz handāxtārīh ī ō pōryōtkēšān ī pēšānīgān gōwišn ud kardag ud abestāg paydāgīh ud abzōn ī az wehdēn dānāgīh daragīhā pad =iš ārāst ud ristagēnīd bām =ēw ī az payrōg ī ān brāh ī az rōšnīh ī bun rōšn ud hammistīhā kird pad wehdēn nimūdārīh ēn ī nāmēnīd pad stūrīh mānāgīh ān wuzurg bun ud dēnkard hazār darag ud payrāst ēstēd pad yazadān nērōg_dahišnīh frēstīd ī ō =iz abar mad ī pahlom dēn_burdārān ī andar zamānag ud madan =iz ī ō hudēnān dānišn ud ruwān_ayārīh ud abāz paywastan =iz ī ō abārīg ērān nigēz ī dēn mazdēsn āgāhīh ud hambun abzārtar abāz kirdan ī az =iz ān ī abardom kird hāwištān ī ušēdar ī zarduštān pad abāz pursīdārīh ī az ušēdar wehdēn paydāgīh