Select Section Type

1.0
pad nām ī yazadān
2.0
ēn =iz paydāg kū ādurbād rāy frazend tanīg_zād nē būd ud az ān pas abestān ō yazadān kird
3.0
dagr nē mad kū ādurbād rāy frazend =ēw būd
4.0
ēg drust_xēmīh ī zardušt ī spitāmān rāy zardušt nām nihād ud guft kū
5.0
āxēz pus ī man tā frahang abar hammōzam
6.0
pus ī man kirbag_handēš bāš nē wināh_handēš čē mardōm tā ǰāwēdān zamān nē zīndag čē tis ān ī mēnōy abāyišnīgtar
7.0
ān ī uzīd frāmōš kun ud ān ī nē mad ēstēd rāy tēmār bēš ma bar
8.0
pad xwadāy ud sālār mard wastār ud wistāx ma bāš
9.0
harw čē pad tō nē nēk tō =iz pad anī kas ma kun
andar xwadāyān ud dōstān ēkānag bāš
xwēš tan pad bandagīh ō kas ma abespār
harw kē abāg tō pad hešm ud kēn rawēd ēg =iš aziš dūr bāš
271
bāstān ud harw gāh ummēd ō yazadān dār ud dōst ān gīr/kun ī pad tō sūdōmandtar hād
pad tis yazadān ud amahrspandān tuxšāg ud gyān_abespār bāš
rāz ō zanān ma bar
harw čē āšnawē niyōš halag ma gōw
zan ud frazend ī xwēš tan ǰud az frahang bē ma hil kū =t tēmār ud bēš ī garān abar nē rasād tā nē bawē pašēmān
abēgāh ma xand
spaxr ud w gufsišn pad paymān kun
pad ēč kas afsōs ma kun
abāg dušāgāh mard hamrāz ma bāš
abāg hešmgen mard hamrāh ma bāš
abāg halag =iz mard hamuskārišn ma bāš
abāg was_xwāstag mard hamxwarišn ma bāš
abāg mastōg mard hamxwarišn ma bāš
az wad_gōhr mard ud wad_tōhm mard abām ma stān ud ma dah čē waxš garān abāyēd dādan
ud harw gāh pad dar tō ēstēd ud hamēšag paygāmbar pad dar ī tō dārēd u =t zyān aziš bawēd
duščašm mard pad ayārīh ma gīr
bē arešken mard xwāstag ma nimāy
andar pādixšāyān wizīr ī pad drō ma āwāš
az spazg ud drōzan mard saxwan ma āšnaw
pad pādifrāh ō mardōmān kirdan waranīg ma bāš
andar xwaran pahikār ma kun
mardōm ma zan
gāh rāy ma kōxš
abāg āzād_čihrag kār_āgāh ud zīr huxēm mard hampursīh kun ud dōst bāš
pad †nibard bār ī garān abar ma bāš abēr tars se
az kēnwar mard ī pādixšā dūr bāš
abāg dibīr mard hamēmāl ma bāš
abāg mard ī halag_gōwišn rāz [ī xwad] ma kun
pēš_gāh mard dānāg grāmīg dār u =š saxwan purs u =š āsnaw
kas_ iz rāy drō ma gōw
kē rāy šarm nēst az =iš xwāstag ma gīr
ERROR
čašmāgāh pad tis =iz tis graw ma nih
nē pad rāst ud nē pad drō sōgand ma xwar
ka kadag kāmīh kirdan nazdist uzēnag pad mayān kun
xwēš tan rāy zan xwad xwāh
agar xwāstag bawēd naxust āb ud raz ud zamīg wēš xrīn čē agar bar nē dahēd ēg =iš bun pad mayān bawēd
čand tuwān hād mardōmān pad saxwan ma āzār
ma raw abar kēn ud zyān ī mardōmān
pad xwāstag čand tuwān hād rādīh kun
abar ēč kas frēftārīh ma kun kē tō =iz abēr dardōmand nē bawē
pēšōbāy mard grāmīg u =š meh dār ud saxwan aziš padīr
bē ǰud az xwēšāwandān ud dōstān tis =iz abām ma gīr
šarmgen zan dōst bāš ud pad zanīh ō zīrak ud dānāg mard dah čē zīrak ud dānāg mard ōwōn homānāg čiyōn zamīg ī nēk kē tōhm andar abgand ēstēd xwār_bār ī gōnag gōnag aziš āyēd
āškārag_gōwišn bāš
ERROR
pad ǰud az handēšišn saxwan bē ma gōw
bē pad ēwēn ēnyā abām ma dah
zan ī frazānag ud šarmgēn dōst bāš u =š pad zanīh xwāh
huxēm ud drust ud kārāgāh mard agar ōh =iz škōh hād pas =iz pad dāmādīh gīr ēg =iš xwāstag az yazadān rasēd
pad masātōr mard afsōs ma kun čē tō =iz abēr masātōr bawē
anāmurzīd mard aframān pad zēndān ma kun wizīdag ud wuzurg mardōm ud ōšyār mard abar band zēndānbān kun
ERROR
čē agar pus =ēw hād pad abornāyīh ō dibīrestān dah čē čašm rōšn dibīrīh ast
saxwan tēz pad nigerišn gōw čē saxwan ast ī guft weh ud ast ī pād ud ān ī pād weh az ān ī guft
rāst_gōwišn mard paygāmbar kun
zadag mard ma dār abar awestwār
ud wābarīgān mard čiyōn =it ēwēn hād uzēnag padiš kun
saxwan čarb gōw
gōwišn čarb dār
menišn frārōn dār
ERROR
xwēš tan ma stāy tā frārōn_kunišn bawē
andar xwadāyān ud pādixšāyān anāmurzīd nē bawē
az dād meh ud weh mard saxwan purs
az duzd mard tis =iz ma stan ud ma dah ud awēšān stō kun
bīm ī dušox rāy pādifrāh pad nigerišn kun
pad harw kas harw tis wastār ud wistāx ma bāš
huframān bāš kū hubahr bawē
abēwināh bāš kū abēbīm bawē
spāsdār bāš kū pad nēkīh arzānīg bawē
ēkānag bāš kū wābarīgān bawē
rāst_gōwišn bāš kū awestwār bawē
ēr_tan bāš kū was_dōst bawē
was_dōst bāš kū husraw bawē
husraw bāš kū huzīyišn bawē
hubahr ud dēn_dōst bāš kū ahlaw bawē
ruwān_pursīdār bāš kū wahištīg bawē
dādār bāš kū garōdmānīg bawē
zan ī kasān ma frēb čē pad ruwān wināh garān bawēd
xwurdag ud abēšnōhr mardōm ma dār čē =t spās nē dārēd
ERROR
hešm ud kēn rāy ruwān xwēš tabāh ma kun
ka =t pāyēnd guft ā =iz čarbīhā namāz bar čē az namāz burdan pušt bē nē škennēd ud az čarb pursīdan dahān gandag nē šawēd
fradom saxwan pad duščihr ma gōw
ka pad hanǰaman nišīnē nazdīk ī mardōm ī dušāgāh ma nišīn kū dušāgāh paydāg nē bawē
pad hanǰaman sūr harw gyāg kū nišīnē pad gyāg ī azabar ma nišīn kū =t az ān gyāg nē āhanǰēnd ō gyāg ī frōdtar nišānēnd
pad xwāstag ud xīr ī gētī wistāx ma bāš čē xwāstag ud xīr ī gētī ōwōn homānāg čiyōn murw =ēw kē az ēn draxt ō ān draxt nišīnēd ud pad ēč draxt nē pāyēd
andar pid ud mād ī xwēš tarsāgāh ud niyōxšīdār ud framān burdār bāš
čē mard tā pid ud mād zīndag ōwōn homānāg čiyōn šagr ka andar wēšag az kas =iz kas nē tarsēd
ud ōy kē pid ud mād nēst ōwōn homānāg čiyōn zan ī wēwag kē tis =iz az =iš bē stānēnd u =š tis kirdan nē tuwān ud harw kas pad xwār dārēd
duxt ī xwēš ō zīrak ud dānāg mard dah čē zīrak ud dānāg mard ōwōn homānāg čiyōn zamīg ī nēk kē tōhm padiš abganēnd u =š was ǰōrdā andar āyēd
ERROR
agar xwāhē kū az kas dušnām nē āšnawē ō kas dušnām ma dah
tund ud halag_gōwišn ma bāš čē tund ud halag_gōwišn mardōm ōwōn homānāg čiyōn ātaxš ka andar wēšagestān ōftēd ud hamāg murw māhīg sōzēd ud ham xrafstar sōzēd
abāg ān mard kē =š pid ud mād aziš āzurd ud nē hušnūd hamkār ma bāš kū =t dād pad dawāl nē dārād u =t abāg kas dōstīh ud dōšāram nē bawēd
šarm ud nang ī wad rāy ruwān ī xwēš ō dušox ma abespār
saxwan ī dō_ēwēnag ma gōw
pad hanǰaman gyāg kū nišīnē nazdīk ī drōzan ma nišīn čē tō =iz abēr dardōmand nē bawē
āsān_pāy bāš kū rōšn_čašm bawē
šab_āxēz bāš kū kār_rawāg bawē
dušmen ī kahwan dōst ī nōg ma gīr čē dušmen ī kahwan ōwōn homānāg čiyōn mār syā ! kē sad sālag kēn nē frāmōšēd
dōst kahwan dōst ī nōg kun čē dōst kahwan ōwōn homānāg čiyōn may kahwan ka harw čand kahwantar pad xwarišn ī šahryārān wēš weh ud sazāgtar šāyēd
yazadān āfrīn kun ud dil pad rāmišn dār kū =t az yazadān abzāyišn ī pad nēkīh windē
dahībed mard rāy nifrīn ma kun čē pad šahr pāsbān hēnd ud nēkīh ō gēhānīgān handāzēnd
ud tō rāy gōwam pus ī man kē ǰahišn_ayār pad mardōmān tis ī xrad weh čē agar pargast xwāstag bē šawēd ayāb čahārpāy bē mīrēd xrad bē mānēd
pad āstawānīh ī dēn abar tuxš čē hunsandīh mahist dānāgīh ud čē wuzurgtom ummēd ī mēnōy
harw gāh ruwān ī xwēš andar ayād dār
nām ī xwēš rāy xwēškārīh ī xwēš bē ma hil
dast az duzdīh ud pāy az axwēškārīh raftan ud menišn az waran abārōn abāz dār čē kē kirbag kunēd pāddāšn windēd ud kē wināh kunēd pādifrāh barēd
harw kē hamēmālān rāy čāh kanēd xwad andar ōfted
ERROR
nēk mard āsāyēd ud wad mard bēš ud andōh ī garān barēd
zan ǰuwān pad zanīh gīr
may hs paymān xwar čē kē may apaymān xwarēd was_ēwēnag wināh aziš rawēd
ka was afsōn mār tō weh dānē dast zūd zūd ō mār ma nih kū tō bē nē gazād ud abar gyāg mīrē
agar was āšnāg āb tō weh dānē zūd zūd ō āb ī stahmag ma šaw kū āb tō bē nē barād ud pad gyāg mīrē
pad ēč ēwēnag mihr_druzīh ma kun kū =t dast_brīn [MK f
šast_se missing] awiš nē rasād
xwāstag kasān ma appar ud ma dār ud pad ān ī xwēš ma āmēz čē ān ī xwēš wanī ud apaydāg bawēd čē kē xwāstag ī nē xwēš apparēd dārēd ud pad ān ī xwēš
ERROR
šād nē bawēd čē mardōm ōwōn homānāg čiyōn xīk ī purr az wād ka wād aziš bē šawēd tis =iz ānōh bē nē mānēd
mardōm ōwōn homānāg čiyōn šīr_xwārag kē xūg andar gīrēd padiš abar ēstēd
ohrmazd rōz may xwar ud huram bāš
wahuman rōz wastarg ǰāmag ī nōg paymōz
ardwahišt rōz ō mān ī ātaxšān šaw
šahrīwar rōz šād bāš
spandarmad rōz warz ī zamīg kun
hordad rōz ǰōy kan
amurdad roz dār ud draxt nišān
day pad ādur rōz sar šōy ud mōy ud nāxun wirāy
ādur rōz pad rāh šaw ud nān ma paz čē wināh ī garān bawēd
ābān rōz az āb pāhrēz kun ud āb ma āzār
xwar rōz kōdak ō dibīrestān kun tā dibīr ud frazānag bawēd
māh rōz may xwar ud abāg dōstān wiyufsišn kun ud az māh ī xwadāy āyaft xwāh
tīr rōz kōdak ō tigr wistan ud nibard ud aswārīh hammōxtan frēst
ERROR
gōš rōz parwarišn gōšurūn kun ud gāw ō warz hammōz
day pad mihr [MK f
64] rōz sar šōy ud mōy ud nāxun wirāy ud angūr az razān abāz ō karxoš abgan tā weh bē bawēd
ERROR
mihr rōz agar =it az kas mustōmandīh =ēw abar mad ēstēd pēš mihr est az mihr dādwarīh xwāh ud garzišn kun
srōš rōz bōxtārīh ī ruwān ī xwēš rāy az srōš_ahlī āyaft xwāh
rašn rōz rōzgār sabuk ud harw kār ī kāmē kirdan andar frārōnīh kun
frawardīn rōz sōgand ma xwar
ud ān rōz yazišn frawahr ī ahlawān kun tā hušnūdtar bē bawēnd
wahrām rōz bun ī xān ud mān abgan tā zūd pad frazām rasēd
ud ō razm ud kārezār šaw tā pad pērōzīh abāz āyē
rām rōz zan xwāh ud kār ud rāmišn kun ud pēš dādwarān šaw tā pad pērōzīh ud bōxtagīh āyē
wād rōz dranǰišn kun ud kār nōg ma paywand
day pad dēn rōz harw kār kāmē kirdan kun ud zan ō xānag āwar ud mōy ud nāxun wirāy ud ǰāmag pōš
ERROR
dēn rōz xrafstar ōzan
ard rōz harw tis ī nōg xrīn ud andar xānag bar
aštād rōz asp gāw ud stōr ō gušn hil tā pad drustīh abāz āyēd
asmān rōz pad rāh dūr šaw kū pad drustīh āyē
zamyād rōz dārūg ma xwar
māraspand rōz ǰāmag abzāy ud dōz ud pōš ud zan pad zanīh gīr kū frazend ī tēz_wīr ī nēk zāyēd
angrān rōz mōy ud nāxun wirāy ud zan pad zanīh gīr kū frazend ī nāmčištīg zāyēd
čē nēkīh rasēd ma abēr šād bāš
ka anāgīh rasēd ma abēr pad bēš bāš
čē kē nēkīh ī zamān anāgīh ud anāgīh ī zaman nekīh
ud ēč abrāz nēst kē šēb nē az pēš ud ēč šēb nēst kē abrāz nē az pas
pad xwarišn xwardan waranīg ma bās
ud az harw xwarišn bē ma xwar ud zūd zūd ō sūr ud xwaran ī wuzurgān ma šaw kū =t stō nē bawē
čē čahār tis pad tan ī mardōmān ēn wattar ī dušāgāh abāg xwēš tan kunēd
ēk pādyāwandīh nimūdan
ēk škōh ī abar_menišn kē abāg hangad mard nibard barēd
ēk masātōr ī rahīg xēm kē zan ī abornāy pad zanīh gīrēd
ēk ǰuwān mard kē zan ī pīr pad zanīh gīrēd
mardōm dōstīh az bowandag_menišnīh ud huxēmīh az xūb_ēwāzīh bē šāyēd dānistan
ud tō rāy gōwam pus ī man kē ǰahišn_ayār pad mardōmān tis ī xrad weh
[MK f
šast_panǰ lost]
anōšag_ruwān bawād ādurbād ī māraspandān kē =š ēn handarz kird u =š ēn framān dād
ēdōn bawād
ERROR