Select Section Type

farrox mard =ēw az ēn paydāg
ranǰ wehīh ud hunar nigerēd abzār kirdan rāy tuxšāg pad frārōnīh rawēd
kirbag pad ārzōg xwāhēd
waran akār az menišn abēzār kunēd
waštagīh ī tan_kāmagīh az xwēš tan abganēd
az kōdak_nāmīh pahrēzēd
sūd ud zyān ī xwēš dānēd
nām ud hunar frahang rāy tan abespārēd
ud dānēd az nām čē sūd
az ranǰ wehīh čē payrāyag
abzār čē kund
stāyišn ī tan passand čē kund
dānišn ud xrad čē
mard pad čē mayān ī wehān stāyišn bawēd
mard ī pad_hunar u ranǰ wehīh pad_hunar nigerēnd
pad guft ud uskārd ud wīr ud xrad pas ranǰ wehīh wēš menēd az axwēškārīh
nām ul stānēd frāz ō wuzurgīh arzōmandīh pad xrad xēm šawišn
čē [DP 162 missing] abēzag mard wizīdār az ēn paydāg
dōst handōzēd ud xrad xwāhēd stāyīdagtar bawēd =iz ān ī xwēškār ud husraw
frārōn_zād az āhōg pas šād_ dil ud šād_menišn pas čarb_nihādag
abāg harw kas dānēd rāftan u brād bawēd ud hamtāg u dōst bēd hamhāg ud hamtan
mard ī baxt az abargarān ayār xwad hunar xwāstan tuxšēd
ēd rōšn wēnābdāg nām ud abrang bēd ī dūdag
az halagīh ud abēsūdīh hunar abzāyēd dōst handōzēd ud xrad xwāhēd
čē tar bawēd mard ī nēst abzār mayān wehān xwār
ud zīrak dānāg mard ēdōn nēk bawēd ud stūdag
ēdōn weh stāyēnd pad hamāg gyāg
ēdōn weh burzēnd pad hamāg kišwar
čiyōn ān draxt =ēw ī raz barōmand tāg hušk ud sāyag hamēšag bār ī šīrēn paydāg
harw gāh sūd ud bar harw gāh stūdag burzīdag
ān ī dušāgāh ī wiyābān ēg =iz ān draxt hōmānāg
čē ān draxt hōmānāg tāg tarun raz bar āwarēd asūd az =iš kunēd
fradom čē waxšišn bawēd [DP 163] mān mēhan stūn ī parwārān ud frasp ī nēk
ān grift ī xwēš_uskār griftag wēštar hunar
čiyōn ān gōr ī stāγ andar dašt dām dīd kird ēstēd andar ān warrag ī pas =ēw grift
=iš dīd šagr ī šnāzag ī mast kōf frawāzēd ud dad gīrēd
mayān razūrān zōr uzmād pad xwēš mān sturd bahr pad xwēš nērōg šād ud huram
u hunar pas paydāg ka šagr frōd āyēd az kōf ud darr gōr ka wēnēd šagr ī wēšag ēw =iz hambun ānōh pattāyēd
wizārišn ān ī xrad pad tan ī mard āmēzēd ud rawāg bawēd
gyān_abespār dušmen pad xwēš tan =iz afsārēnēd
čē sālārīh padiš hučašmtar kas u kār pad dast pušt pānag
u gētī pad kāmag ud mēnōy =iz paydāg rasēd
ān ī dušāgāh ī wiyābān xwēš tan rāy zūr drāyēnēd u āhōg pad xwēš wattar
čē az axwēškārīh dušnām az †drāyīdan nang ī wattar_zīyišnīh xwēš tan xwad kunēd ōbastag ud dusraw ud duščašm bawēd
pad xwēš abāyist bawēnd [DP end] ēraxtag
ka ranǰ wattar mard andar stadag =tān az ranǰ wattarīh kirdan čē sūd bān ō dar ǰastan
ǰār ud kušt ud arm ud nār ud zan ī kasān dāman ǰast
ayāb =itān pad hunar abzāyēd ayāb =itān pēš xūbtar bawēd
ayāb =itān passand ī pad ruwān ayāb =itān hangārd ī pad kēsag
hangār
spōzēd klyn =ēw pad abēsūdīh nām ī wad abdom
frazām ī saxwan šnās =mān abēsūdīh bar čē bawēd
u =tān abdom rāh ud ō xrad ud xēm
u =tān ačāragīhā rāh ō pēš wardē
čihr az abēsūdīh dil ud tan ēn ārzōg ī stambag ī menišn abāz ō xwēškārīh āwarēd
ud čašm ul kunēd ud šahr wēnēd ud mardōm wēnēd pad xēm xrad
=šān čē passand bawēd az xēm
ud čē bar bawēd az axwēš_kārīh
abzār čē kūnēd dānišn ud xrad
čē was raft ham andar āwām
was =im wizīd kustag kustag
was =im wizōst az dēn mānsar
was =im az nibēg ud nāmag grift ham
dastwar wizārdār kird ham
hampursagīh stāyīdag dīd dānāg ī xrad ābād
=iz wizīdār dīd ačārag husraw andar ’wlsp
ud pad niyāz mard ī pad_xrad
u =m hanǰaman dīd wuzurgān pad guft uskār ud wīr xrad
u =m dēn dastwarān pursīd xwāstag weh ayāb xēm xrad
u =šān pad hamāg čāštag guft
nām_dārišnīh ī zōr ī xrad
čē xwāstag ud ganǰ amar
xēm pahrēzēd ud xrad dārēd
pad mard hangadīh ī xrad weh handōxt =ēw pēšag arzōmandtar
čē xwāstag xēm ī hamuskār xrad pahrtar
mardōm =iz ī kōr ud wiyābān pad bun ī kār stard widārd aziš
harw gāh pad frahang wistāx pad pēš stūdag
harw rōz kamar abrāzēnd ud abrōg zanēnd
andar bun šalwār gulēn dārēnd mōzag tang ī paštag ud saxtag
sahīg kamar nigerēnd ud senag stabr mānēnd =mān nēst kas handāzag
kōr pašēmān ān rōz bawēnd ī ka pad dād ī xwēš azērtar šawēnd
xwāstag xward ī pidar kird
ud handōxt ī dūdagān yāft wanī būd šud
pylk ī kēsag nigerēnd slk ’šm
tāg hušk pāyag ī kanīg andar mān ud mēhan nigerēnd
tis tis dīd ī gard andar xumb =ēw ī hušk ī tuhīg wēnēnd
andar bun māndag ywz’lyk ksm ī škastag ka frāz ō nišast ud hanǰaman rasēd
u =šān zang azōr ud škastag az wad_xradīh ī xwēš yhllwnd
nēst_abzārīh ī pēšag abzār pad dēnār wīhēd pad waxš ud pad lābag
harw ēn nāmag xwānēd nigerēd
harw čē sūdīhātar kunēd
harw ranǰ ud wattarīh wēš pad frazām ōy pašēmāntar bawēd
frazaft pad drōd šādīh ud rāmišn