Select Section Type

1.0
šnōhr dādār ohrmazd niyāyišn dēn mazdēsn
2.0
nohom dar
3.0
abar hād ud pargard ī nask_nask ān ī hēnd bahrān brīnag pad čandīh ī ān andar ēk_ēk az naskān ud ayābišn_sāmān wizārišn ī abāyišnīg wizīdag ī az =iš čiyōn ast nihang ī ēw ī az was ōšmurišn ī andar
4.0
stāyišn dēn mazdēsn ī ǰud_dēw ī ohrmazd_dādestān
5.0
sūdgar ast wīst_dō pargard
6.0
fradom pargard yatā_ahū_wayryō čiyōn yatā_ahū_wayryō pad bunīh ī dēn
7.0
u =š brēhēnīdagīh ī naskān az =iš x ka abar šaš dānišn ī fradom ud abardom ī abārīg dānišnīhā ēdōn =iš pad gyāg ī xwēš nimūd
8.0
ud ēdar gōwēd abar amāwandīh ud pērōzgarīh ī az guftan ī yaϑā_ahū_vairiiō abar kārān bun
9.0
ēk ka =š tis kāmēd guftan
ēk ka =š tis kāmēd xwāstan
ēk ka ō kār šawēd
dō ka =š āfrīn kāmēd kirdan
čahār ka ō rad_franāmišnīh yazišn ī gāhānbār
panǰ ka ō druz bē_barišnīh
šaš ka ō amāwandīh
šaš ka ō pērōzgarīh ī kārezār
haft ka ō ān ī amahraspandān yazišn ud ka yazišn ī amahraspandān kāmēd kirdan
hašt ka ō ān ī ahlawān frawahr yazišn
nō ka =š tōm ō zamīg kāmēd abgand
dah ka =š gušn kāmēd hištan
yāzdah ka ō zan xwāstan šawēd
dwāzdah ka =š pad kōf =ēw ul āxēzēd šud
sezdah ka =š ō rōstāg =ēw kāmēd šud
dwāzdah ka abērāh bē šawēd
ēk ka =š pad ān ī ābān widarg bē kāmēd šud
ud abar kū pad zanišn ī dēwān fradom yaϑā_ahū_vairiiō guft
ud abar dahišnān ī weh abāyišnīg ōšmurišn saxwan ahunawar hangirdīgīh hamāg ō zarduxšt guft
ud abar_pad frāz_srāyišnīh ī frārōn_menišnīhā ahunawar harw mārīg =ēw dēw =ēw āgārīhēd ud pāsbānīh ī tan ud xwāstag az petyārag
abar bazišn ī naskān wīst_ud_ēk az =iz fradom ud didīgar ud sidīgar gāh ī ahunawar
ud abar abzōn ī dāmān az menišn ud gōwišn ud kunišn ī rād ī ahlaw hērbed wēš būd ud tarsagāhīh ān ī ōy wēš kirdan ud hamēšag_menīdārīh ī ahlāyīh ud astīh ī =š pāddāšn
ahlāyīh ābādīh pahlom ast
didīgar pargard ašem_wohū
abar stāyišn ī ahlāyīh ī dēn mizd
ud astāyišnīh puhl az ahlāyīh padēxīh
ahlāyīh pahlom ābādīh ast
sidīgar pargard yeŋ́hē_hātąm
abar kirdan ī mardōm pad dagr_zīyišnīh ud ka haftād sāl bē zīyēnd xāk dagr būd
ud ān =iz ī rāmišn_zīyišntar az mardōmān pad brīn ī =š zīndagīh ōš madan ud nēkīh ī gētī bē ān ī ahlāyīh dōšāram rāy ō arzānīgān dahīhēd abārīg sazīhēd
ud ēn =iz kū =š ān ī dēwān dād rawāg ō dēwān zūr kird bawēd tuwānīg kas kē ō arzānīg xwāstār tis nē dahēd
ahlāyīh ast pahlom ābādīh
čahārom pargard yānīm_manō
abar kū dagr_zīyišnīh ān ī pad tan ī pasēn pahlom
ud didīgar ān ī nūn ka =š xrad ud frahixt_uzwānīh ud tūxšāgīh ud pattūg_kārīh ī hēnd zīndagīh kārīgēnīdārān abāg
u =š ēn panǰ agārēnīdār abāg nēst
āzwārīh ud xuftagīh ud aǰgahānīh ud nēstīh ud abārōn_marzīdārīh
ēn =iz kū dahāg ēn panǰ āhōg būd az ān ī bē frēdōn abrōzīhist u =š pad ān ī ǰam kēn wānīd
ud abar garāīh ī ēn čahār āhōg ud garān_zīyišnīh ī az =iš ī ast mastōgīh ud dūn_hamhagīh ud ahlomōγīh ud xwad_dōšagīh
ud ēn =iz kū ǰam ēn čahār āhōg az gēhān bē ōgārd ud pas amargīh šāyīd winnārdan
ud abar pahrēz ī az ōy kē pad gōwišn ī āzād ud pad ox duzz ud abāgīh ī staft_gōwišn ī huox ī hamhāg
ud ēn =iz kū ō drōzan nēw_dilīh dahēd kē ān ī wattar framān andar gēhān rawāgēnēd
ud abar driyōš ī mustōmand pahlom darmān garzišn ud mustgar az garzišn ī mustōmand abāz pafšīrišnīh ud nē_padīrišnīh ud awābarīgānīh ud adahišnīh būdan
ud abar paywastagīh ī ō rāst ud čimīg garzišn must_wizārišnīh ud rāst garzīdārān čimīg garzišnīh az ān ī frōdtar dādwar pāyagīhā tā_ō ān ī abardom wizīrgar būd ī ast ohrmazd
ābādīh ahlāyīh pahlom ast
panǰom pargard xšmāyabī
abar framuštan ī pid ō pus ud pus ō pid ud brād ō brād ud dōst ō dōst ud mānbed ō nārīg ud nārīg ō mānbed andar zamān handāzišn pad sagrīh ud hang ud nē framuštan ī mēnōy ī gāhān ō hāwanīg ōšmurdār ud srūdār ī gāhān
abar garzišn ī mēnōy ī gāhān ka gāhān ka hērbed ud dastwar pad uzdehīgīh bē widerēd ud kirb ī ān mard abāz ō xwēš būm nē rasēd ān rāy čē az ān bē andar ān būm ī zīyišn ī stahmagīh ī ahlomōγān bawēd
ud abar abardar_zōrīh ī mēnōy ī gāhān ud ān =iz ī rādīh pad bōxtan ī ruwān az dušox
ābādīh pahlom ahlāyīh ast
šašom pargard attāwaxšī
abar pahlomīh ī panǰ ābādīh fradom pad ahlāyīh
ud didīgar pad frazend ī nēk
ud sidīgar pad zamīg ī rōyišnōmand
ud čahārom pad ramag ī mēšān
ud panǰom pad frayādīh ī pad xwēškārīh
abar baxšišn ī x tuxšāgān xwarrah
ud ō aǰgahānān škōhīh
abar windišn ī xwarrah ī
ēkānag nišīnān
ud dō_gānag rawān =iz
ud se_gānag tazān
ud čahār_gānag dawān =iz
ud panǰ_gānag barān =iz pad asp
ud šaš_gānag wāzān =iz pad rahī
ud haft_gānag pad dādestān_šnāxtārīh ud wizārdarīh
hašt_gānag pad hupānagīh ī xwāstagān =iz ud
nohom_gānag pad šnāsagīhā tuxšāgīh ī abar warzīdārīh ī zamīg
ud dah_gānag pad hammōzgārīh ī mānsr_spand
abar garān pašēmānīh ī zarmān mard az aǰgahānīh ī pad ǰuwānīh
abar čahār tis ī mard ka =š pad ǰuwānīh handōxt ēstēd pad zarmānīh pad =iš rāmišnīgtar bawēd
fradom frahang ī frārōn
didīgar xwāstag ī barōmand
sidīgar zan ī nēk
čahārom mānd ī ābādān
abar panǰ handōzišn ī ābādīh pahlom
xwēškārīh ud tuxšāgīh ud hunsandīh ud wigrād_ōšīh ud čārak_karīh
abar pahrēz ī az nišast ī abāg mastōgān
ud ēn =iz kū nē pad došišn ī ǰehān_māyēnišn ud xwārīdan kē pad māyišnān ud xwārišn ud abārōn menišn x zadār ud bēšīdār ī kasān ud sazēnīdār ī kārān bawēd
ud ēn =iz kū ān ī tān xwarišn xwarē kū arzānīgīhā
ud kū =t xward sabuk bawād ma sangīg ay kū ka =t xward kirbag kunēnd ud az wināh pahrēz
ud kū =t ān ī xwarē anōšag dahād ay kū driyōšān bahr gīrēnd u =t driyōš āfrīnēnēnd
ud driyōš ī ahlaw dādestānīhā =š pahlom ast āfrīn
ābādīh ast pahlom ahlāyīh
haftom pargard tāwrad
abar nimāyišn ī ō zardušt ēwēnag ī čahār āwām ī andar zarduštān hazangrōzim
fradom zarrēn ān kē pad =iš ohrmazd ō zardušt dēn nimūd
didīgar semēn ān kē pad =iš wištāsp az zardušt dēn padīrift
sidīgar pōlābdēn ān āwām kē ahlāyīh ārāstār ādurbād ī māraspandān andar zād
čahārom āhan_abar_gumēxt āwām ēn kē andar frāy_zīyišnīh pādixšāyīh ī ahlomōγ ud abārīg wattarān ud abar wišōbišn ī dēn ud xwadāyīh ud nizārīh ī harw gōnag wehīh ud nēkīh ud frōd waštan ī xēm ud xrad az ērān dehān
andar ham āwām x ōšmurišn ī was škeftīh ud zāmīhistan ī āwām ō ān garāīh ī wehān zīndagīh ī andar anabāyišnīg bawēd
pahlom ahlāyīh ābādīh ast
haštom pargard xwaytumayt
abar pahrēz ī az ēzišn ī gannāg_mēnōy rāy anāstawān ī dēn
ud ān ī az ēzišn ī andar ud sāwul rāy nē anaybyāst_dād
ud ān ī az ēzišn ī tāwrīč ud zārīč rāy ēw_mōg_dwārišn
ud ān az ēzišn ī akatāš rāy dušnakkīrāy_kar
ud ān ī az ēzišn ī hamāg dēwān rāy amārgen_dād mardōm šnāyēnīdan mādagwar
ud abar gišnag_menišnīh ī ōy kē drāyān xwarēd ud xwārēd
ud šādīh ī dēwān az ān mar
ud andarz ī abar nē guftan ī andar xwarišn ud xwārišn saxwan
ud pad spās ud šnāyišn ī yazadān pēš az xwarišn ud xwārišn
ud pad =iz pardāxtan ud pākīh ī dahān u =š ahlāyīh_stāyišnīh
ud abar ōy kē dastwar nē dāštan pad dād rāy nē xwēšīh ī ēč kirbag ī kunēd nē dāštan ud nē rasēd ī ō ān ī pahlom axwān
ud abar gāh ī yazišn ī srōš_ahlī abērtar pad sazišn ī fradom nēmag ī šab
ud ōy ī yaštār ō pāsbānīh ī =š az ān mēnōy ī druǰ ud niwēyēnīdagīh
ud abar gāh ī yazišn ī rašn ud aštād abērtār az ān pas pad ušahin radīh
ud ōy ī yaštār ān ī ǰōrdāyān ābādīh niwēyēnīdagīh
ud abar gāh ī yazišn ī mihr ī frāy_gāwyōd ud rāmišn xwārom mēnōy ī abērtār pad hāwan radīh
ud ōy ī yaštār ān ī gōspandān ramag niwēyēnīdagīh
ud abar gāh ī yazišn ī ašawahišt ud ātaxš =iz ī ohrmazd abērtār pad rapihwin ī radīh
ud ōy ī yaštār ān ī ahlāyīh ramag niwēyēnīdagīh
ud abar gāh ī yazišn ī burzand xwadāy ud mādagān ī ābān_nāf ud āb =iz ī ohrmazd_dād abērtār pad uzayrin radīh
ud ōy ī yaštār ān ī wīrān ramag niwēyēnīdagīh
ud abar gāh ī yazišn ī ahlawān frawahr ud mādagān ī wīr_ramagān
ud sālān =iz humānišnīh
ud amāwandīh =iz ī hutāšīd ī hurust ī pērōzgar =iz ī ohrmazd_dād
wānīdārīh =iz ī abar_rawišnīh abērtār pad aybisrūsrim radīh
ud ōy ī yaštār harwist ābādīh bun ud harwist ahlāyīh paydāgīh bar niwēyēnīdagīh
ābādīh ahlāyīh pahlom ast
nohom pargard yatāyš
abar dēwīh ud zad_xwarrahīh ud purr_rēmanīh ud garān_gandīh ud garān_wināhīh ud āzār ī ō hamāg ī mēnōyīg ud gētīyīg ī nēkīh ī kūn_marz
ud garān wināh_wizārdagīh ud wuzurg kirbag_xwēšēnīdārīh ī ōy ī uzīdār x škeft_wināhīh ī ōy ī šnāyēnīdār ī ān ī wināhgār
az haft ī pad wad ī abar wattarīh hāwand ī gannāg_mēnōy ōšmurēd
čiyōn až_ī_dahāg pad ǰādugīh ud až ī srūwar pad stahmagīh ud wadag pad wad_hunušagīh tūr ī brādarōxš pad ahlawγenīh ud ahriman pad garān_wināhīh ēk pad garān wināh gōwēd
pahlom ast ahlāyīh ābādīh
dahom pargard yāšyawayt
abar garzišn ī ātaxš mēnōy ō ohrmazd az mardōmān haft dar
fradom az kadagīgān pad xwār ud abandīh dāštan ud apaymān rōzēnīdan
ud ašust_dast kār pad =iš kirdan
ud kanīg kē ātaxš andar azēr pāy xwār kird ud xwarg škastan ud sneh andar brāh bē āwurd
didīgar garzišn az burdārān ī ātaxš az ān mān kū =šān pahrēz ī ātaxš kirdan pad dād ō ān mān kū =šān pahrēz ī ātaxš kirdan pad dād nēst
ud ānōh az ān dēwān rasišn
ud paššinǰišn ǰuwān ī ylōmand ud tābišnōmand ud afsār_ēstišnōmand mānāg stard nibast
ud bēšāzišnīh ī =š az ān xīndagīh pad frāz_burdārīh ī aw =iš ān ī pāk rāšk ayāb vohugōn ayāb vohukird ayāb hayanbāg ayāb kadāriz =ēw ān ī hubōytom az urwarān būd
sidīgar garzišn ī az ǰeh kē =š pad daštān abar rasēd gand ud rēm ī az daštān aw =iš rasēnīdan ud xīndagīh ud stardīh ī az =iš čiyōn azabar nibišt
čahārom garzišn az ǰeh kē šnūg pad ādišt andar hilēd ud gēs wizārēd
ud nam ud xwēdagīh az sar abāg rēm ud mōy =iz az =iš ō ātaxš ōbastan
ud ahunsandīhā dūd ud xīndagīh ud stardīh az =iš
panǰom garzišn az pid ud sālār ī aburnāyag pad abāz nē dāštan ī aburnāyag az ātaxš ud hixr
ud abārīg adādīh ī =š az aburnāyagān abar rasēd
šašom garzišn az petyār kē =š ān ī ayōǰdāsr āhen abar barēd u =š wād ī dahān abar damēd ud pad kār framūd yyy bawēd
haftom garzišn ī škefttar ud garāntar gōwēd az awēšān kē =š pad drō war abar warzēnd ud ka =š pad bōxt ud ēraxt paydāg kird bawēd ud pad =iš ǰud_dādestān bawēnd
ud andar_garzišnīhā ān ī rēm ud ǰomā ān ī pāk frāz grift ud az =iš waxšīdan
ud pad dādīg ud adād kār ēkānag sōxtan ud waxšīdan ēdōn čiyōn ka =š harw dō pad abāyist hē
ud akām ud awištābīg sōxtan ud waxšīdan ān ī rēm pad sōzišn an_xwarīhā ǰūdan ud andar ān ī adād kār pad waxšišn bēšistan
ud ēn =iz gōwēd kū nē ēdar bawam ud az ēdar ul uzam az zamīg abar_ō asmān
tō man =iz pus hēm framāy ō man čiyōn ān =iz ī anī dām
u =š guft ohrmazd kū ēdōn tō ātaxš abar ēstīhē pad xwēškārīh tō ān wazr barē pad mēnōy hād abzār =it =ēw ī čiyōn ān dahēm kē pad ān harwist ox ī astōmand bē wardē ō ān ī asar_rōšnīh anī ud ō ān ī asar_tārīgīh anī
ud ēn =iz kū kē ātaxš pahrēz kunēd ā =š ān ī mahist tarsagāhīh andar ohrmazd kird bawēd
ahlawān x šnāyēnīdārīh pahlom
ān ī ōy bēšišn wattom
ān ka hušnūd frāyēnēnd dād ud gēhān kū bē abzāyēnd
ka bišt ud rēšēnēnd dēw kū bē kāhēnēnd
ast ahlāyīh ābādīh pahlom
yāzdahom pargard yasn
abar hanǰaman ī mēnōyān yazadān garzišn ī ātaxš rāy
ud hanǰamanīg garzišn ī ātaxš abāg guftan ī ēn =iz kū nē ēdar bawam ud az ēdar ul uzam az zamīg abar_ō asmān
ānōh ān rōšnēnēm abar_ō haft_kišwar zamīg
čiyōn māh ud xwaršēd ud star =iz ī baγ_dād ka pad bām ī xwēš rōšnēnēnd
ud gōwišn ī ohrmazd abar rāst_garzišnīh ī ātaxš andar gumēzagīh ī dām ud ātaxš apetyārag dāštan nē šāyistan ud dahišn ī dām ō gētī abāg petyāragōmandīh
ātaxš =iz az dāštan nē šāyīdan ī adahišnīh ī abāg apetyāragīh ī ātaxš =iz weh būdan rāy
ātaxš hunsandēnīdan ud pahrēz paydāgēnīdan
ud guftan ī ātaxš kū
agar nē ān ēwēnag =ēw az ān kū ēdōn čiyōn =am xwāhišn kird kū
ēdōn ān rōšnēnēm ohrmazd āgāh hē andar dāmān kū ēdōn nē šāyēm dād
ēg man ohrmazd stan ēg man ānōh bē dah pad mayān ērān_wēz
stanēnd =iš ātaxš ī abzōnīg kē dādār ohrmazd
u =š ān bē_sūdag andar mān dād pad ham_barišnīh ayārīh
u =š ēdōn pad gōwišn guft kū
ēdōn tō kē man ātaxš hē rōyišnēnēš pad harwist mān
kū rasē ud harwist wis harwist zand ud harwist deh
ud ēdōn tō burzānd āb ud urwar ud kē =iz ahlawān frawahr ka tō pad bē_abespārišnīh zōhr frāz barēnd mardōm ka ō tō esm frāz barēnd ī hušk ī pad rōšnīh nigerīd
u =š ēdōn guft kū ēn ādur gušnasp
abar ox ī mizdīh ī drūdār ud frēšīdār ud rōšnēnīdār ī esm ka harw se dōšāram rāy kunēnd ahū ī ahlāyīh hēnd
ud abar čihrīh mizdīh ī āsnūdār ud pāk ud pādyāb kirdār ī ān ī ātaxš sraxt
ud esm abar_burdār ud frāz_āsnadār ud frāz_kirdār ī ātaxš
ud bē_burdār ī esm ī garān framūd dādīg_kār dēg yyy az =iš wināh ī ōy ǰumbēnīdār
ud abar zadār ī ān ī ātaxš sraxt
ud abar burdār ī =š ān ī tarr esm
abar āfrīn ī ātaxš ō mardōmān kē az =iš hušnūd
ud abar andarz ī abar nē burd ī ō ātaxš ān ī az duzz ud appar zōhr
ud garān dēwān ōwōn būd puhl ī ōy ī barēm ālūdan ī ud rēškenīh ī ātaxš az ān ī ka ōy =iz ī =š hubarišn yazēd az ēk gōwišn ī dēwān ōwōn būd
ud ēn =iz kū az ān ī ātaxš apahrēzišnīh ka zan az pusar_tanīh abāgēnīd nē pad harwist daštān_māh dahēnd ān ī zahag pus
ud abar tōzišn ī rawišn ud abārīg adādīh ī pad ātaxš bawēd mardōm kē ātaxš ō sālārīh mad ēstēd ud nē dādīhā sālārēnēd
ud abar andarz ī ō zarduxšt pad čēgāmiz =ēw ī xwarēd yazadān yaštan ud ān ī yašt nē xwardan
ud abar kāmag ī gannāg_mēnōy kū ma kas kunād yazišn ud niyāyišn ī yazadān ud ma xwadāy ud dastwar dārēnd kū =šān ma kāmag bawād ī ō ēč frārōnīh
ud abar andarz ī pad abāyistōmandīhā yaštan ī yazadān pad ān ī pahlom yazišn ud ān ī āsrō ī awināh
ud mayānag ān ī āsrō kē =š wināh nē frāy az ēk arduš ō bun
ud ān ī nidom ān ī āsrō kē =š nē frāy az xwar =ēw pad bun
ud kē andar wis ī mazdēsnān pas az pānzdah sāl asrūd_gāhān pad wināhgārīh čiyōn sag ōy pih abgand ud wināh ī drāyān_ǰōyišnīh ō bun būd ud apadīrišnīgīh ī =š ruwān az mānsr_spand
ud abar madan ī pad harw zamān astwihād ō ōšōmandān kē ōš mad estēd ud kē =iz nē
ud abar menišn ī druwandān kū
nē ast ān ī pahlom axwān
nē rasēd frašegird_kirdārīh
ud nē rist pad ān ul ēstēnēnd
ud nē ān wardišn rasēd
ud ēn =iz kū drō ō_ham nigerēnd druwand
čē ast ān ī pahlom axwān
rasēd frašegird_kirdārīh ī weh
ud ul rist pad ān ēstēnēnd
ud ēdōn ān wardišn rasēd
ud abar andarz ī pad šēwan ud mōy abar widirdagān nē kirdan
ud pas az bē_widerišnīh hamāg snōhišn ō menišn nē abzāyēnīdan
ud bēšišn ī mēnōy =iz ī xānag az kirdan šēwan ud mōy abar widirdagān
ud ēn =iz kū ahlawān frawahr az pas ī xwēš yazišn x āfrīn ī mardān ī ahlawān xwāhēnd nē šēwan ud mōy
ud ēn =iz kū nē harw kas tan abāg ruwān hamkāmag bawēd xwarišn ān tan kāmag ud xwāstag =iz ham_bār
ahlāyēnīdārīh ruwān kāmag
ud dāsr =iz ī bē dahēnd
abar pursišn ī ahlaw zarduxšt kū
kē ast kē harwist wehīh ud pahlomīh az xwēš appārēnīd ēstēd nē appārēnīdan menēd ud nē ān zyān garzēd
ud passox ī ohrmazd kū
ōy ast ī az ān ī xwēš uzwān zēnēnīd ēstēd pad saxwan frāz_gōwišnīh kū pad drō guftan margarzān būd ēstēd
ud ēn =iz kū zay ast gannāg_mēnōy sneh
ud ēdōn bowandag_menišnīh spandarmad ud xwadāyīh
ud ēdōn druz wēš dēn_ōzīh ka mard garān_menišnīh rāy nē passox kū garān_menišnīh rāy drō nē gōwēd
ud ēn =iz kū ān pad ān ī ēk_hazār tā zōhr dēwān yazēd kē pēš az ān ī dānāg zōt ōy ī adahm pad zōtīh ēstēnēd
ud ēn =iz kū ōy ī dahm pad zōtīh ī ēstēnēš ma ōy ī adahm
čē ēdōn tō frāz_rasišnīh ī ō garōdmān
ud ēn =iz kū dušzōt wattar az zōtīh
ud ēn =iz kū ōy ī wināh_āyōxtār pēš hād mēnōyān menišn ī ānābīhēd pas abaxšāyišn
ud pas šarm ud pas niyōšīdārīh ud pas pad ān x wināhgārīh mihrōdruǰ bawēd
ud ēn =iz kū harwist mard ī rēšīdār pēš ān ī ham_barišnīh barēnd
ud āsrō =iz ī srāyišn_āyōxtār ud āsrō =iz ī ādehīg ud āsrō =iz ī uzdehīg ud āsrō =iz ī xwēš xwēšāwand
ēdōn ō tō gōwēm spitāmān kū ma mihr abar druzēš
ma ka abāg druwandān ham_pursē kū pašt kunēnd u =š meh_dādestānīh andar nē hād
ma ka abāg xwēš_dēnān ī ahlawān pad tis =iz meh_dādestānīh
čē harw dō_ān mihr ast druwandān =iz ud ahlawān =iz
ast ābādīh ahlāyīh pahlom
dwāzdahom pargard uštawayt
abar burzišnīgīh ī zarduxšt pad hušnūdīh ī āb ud ēmēd ī aw =iš harwist dām
ud abar nē abēzag ōšmurdan ī mānsr kē mānsr nē pad dastwar gōwēd
ud ēn =iz kū mānsr ī mard ī āhōgēnīdag ā =š ō ān ī an_āhōgēnīdag gyāg barēd
nō sezdah čahār
ud ēn =iz paydāg kū mard ī āzwar ī aškam bowandag az handāzišn ēwāz ō tan rāmēnīdārīh harw wināh sar aw =iš ēdōn dārēd čiyōn dār =ēw kē šēb ī harw rēmanīh awiš
ud ēn =iz kū wāy awēšān =iz warzēd kū =šān bē ōzanēd kē pad mēhan ī stabr būd ēstēnd kē āz ī dēwān_dād
ud ēn =iz kū azbāyišn ī yazadān menīdan abāg guftan ud guftan abāg kirdan ud kirdan abēdād frēftārīh kārīg
ud abar abēzag wehīh ī amahraspandān
ud hamīh ī =šān menišn gōwišn kunišn āgenēn
ud dādārīh ud parwardārīh ud pānagīh ī =šān ābādīh ī gēhān
abar dādan ī ohrmazd zarduxšt pad wehīh čiyōn xwēš
ēn =iz kū kē ō hāwištān ī zarduxšt tis dahēd ā =š mizd ud pāddāšn ēdōn čiyōn ka =š ō zarduxšt tis dād hē
ast pahlom ābādīh ahlāyīh
sezdahom pargard tattwāpers
abar ōz ud tagīgīh ī mēnōy ī drōn
ēn =iz kū harw šab dēwān az dušox pad wināhīdan ud margēnīdan ī dāmān andar_ō gēhān dwārēnd
ud ka drōn yazēnd ān mēnōy pad zadan ud abāz dāštan ī dēwān ud āyōzīdan andar harw šab nawad ud nō bār pad kōšišn ī abāg dēwān frōd wardēd
u =šān zanēd ud stōwēnēd ud az murnǰēnīdārīh ī gēhān abāz dārēd
ud ēn =iz kū awēšān mardān kadāriz =ēw kē ēn gōwišn frāz ēzēd ān bawēd ahlaw
bē az awēšān mardān kē hunsandīhā pad kāmag ān ī dušhuwaršt framān abar barēnd
ud wiftēnd ayāb wiftēnēnd az gōwišnān ī frāz grift ō awēšān
ēdōn kē dušmat frāy kū humat u =š dušhūxt frāy kū hūxt u =š dušhuwaršt frāy kū huwaršt
ud abar bē burdan ī āstawānīh_dahišnīg kū margarzān frāz muštan ī abārīg wināh wād ī škeft ud tag mānāg ka tēz dašt frāz mālēd
ahlāyīh ābādīh ast pahlom
čahārdahom pargard atfrawaxšī
abar nimūdan ī ohrmazd ō zarduxšt ruwān ī kirsāsp sahmgenīhā
ud tars ī zarduxšt az ān sahmgenīh
ud pašēmānīh guftan ī kirsāsp az āmārīhā zadan ī =š mardōm
burzīdan ī =š pahrēxtagān ī az wināh ud čašmāgāhīh ī =š az dādār ohrmazd pad zadan ī =š ātaxš
ud abar xwāst ī kirsāsp az ohrmazd ān ī pahlom axwān pad ān kirdārīh ka =š kušt gaz srūwar ud stahmagīh ī ān petyārag
ud ka =š wānīd gandarw ī zayrī_pāšnān ud škeftīh ī ān druz
ud ka =š zad hunušag ī niwēgān ud dāštānīgān ud garān anāgīh ud wizend ī az =išān
ud ka =š rāmēnīd tagīg wād ud az gēhān zyānīh abāz dāšt ud ō dāmān sūdīh āwurd
pad ān ī ka dahāg az band harzag bawēd ud pad murnǰēnīdan ī gēhān abar dwārēd ud dām_abesīhēnīdārīh drāyēd ōy hangēzīhēd
ud pad wānīdan ī ōy ān ī was_ōz druz ī ō gēhān dām frahaxtēd
ud hamēmālīh ī ātaxš ō kirsāsp pad must ī pad =iš kird ud abāz dāštan ī =š az wahišt
ud ayārīh ī gōšurun aw =iš pad ābādīh ī pad =iš kird ud pādan ī =š az dušox
ud xwāyišn ī zarduxšt ō ātaxš abar āmurzīdan ī =š az wināh ud hanǰāftan ī ātaxš ān ī xwāyišn ud franaftan ī kirsāsp ruwān ō hammistīg_axwān
ahlāyīh pahlom ast ābādīh
pānzdahom pargard kamnamayz
abar rasišn ī astwihād pad gyāg ud kas ud abōzišn ī az =iš kas =iz az ōšōmandān
abar xwāst nē sazistan ī ōšōmand tan ud frasāwand xīr ī mardōm
ud ēn =iz kū ōšōmandān hamāg astwihād pad ān ī škeft ud frāz paydāg abd barēd
ud nē bōxtēnd az =iš kas =iz bē kē ruwān bōzēd
ud ēn =iz kū ruwān ēw_tāg wēnēd mēnōy mizd ud puhl
ud tanōmand nē ēdōn wēnēd
agar =iš tanōmand čiyōn ān dīd hē ēg =iš pad =iz tis =iz ī āsānīh ud xwārīh ī gētī wināh ham_bun =iz nē kirdan az kirbag fradom nē mōšīd hē
ud abar zištīh ud sahmgenīh ī mardōmān tan pas az marg
ud ān =iz ī pad harw abāyišnīg tisīh tis ī grāmīgdar dāšt ēstād afrasāg andar
xāk_abgandagīh ud zīndagān =iz ān ī =š nabānazdišttar anabēdānīgīh az =iš dūrīh
ud ka ēg =iz bōy pad nazdīkīh ī tan ud sag ud way pad wišōbišn ī tan frāz šawēnd bōy az =išān čiyōn mēš az gurg tarsēnīdan ud ō sag ud way abar nē wišuftan ī tan pahikārdan
ud awēšān ān gōwišn mēnōyīhā mārdan ud fradom abāz passardan ud ān tan zīndag menīdan
ud pas ka =šān ān tan_wišōb bōy rasēd ēdōn čiyōn mēš ī dēnūdag ka ō waččagān bē tazēd ō nazdīkīh ī ān wišuftag tan tazīdan pad garān ašādīh ō tan nigerīdan kū ān tan andar čē nēkīh būd nūn ō čē anāgīh mad ēstēd ōšmurdan
ud ka ān tan pad zīndagīh wināhgār būd abar nē padīrift ī =š andar ān zīndagīh ān ī bōy ī abar pahrēz ī az wināh ud warzīdan ī kirbag ō ān tan āfrāhēnīdan abāz ōgrāyēd
ēn =iz kū =t zamānag ī nēkīh gišnag būd ud ān ī anāgīh drāz ast
ud ēn =iz kū andar gētī mardōm kē sad sāl bē zīyēd kem kū ān kē sad sāl nē zīyēd
ud zīndagīh andak andak sazīhistan ud hanǰaftan ī zīndagīh
zan ud xwāstag ud abārīg gētīyīg ādān hamāg pad ēw_bār hištan ud ō anī kas madan
ud ēn =iz kū ka mardōm nihang =iz ēwarz ī pad ān ī dōstōmand ud pattānōmand rāh rāy abar wizīrišnīg tōšag wizīhēnd ud frāyīhā abar dārēnd ī =šān abērtar sazēd abārīg ān ī ǰāwēdān abāyišnīg
u =š awizīrišnīg tōšag wizīhīdan ud sāxtan abāg xwēš abar dāštan
ud abar haft ahōš xwadāy ī andar kišwar ī xwaniras dād ēstēd
u =šān abar xwarrah ud wuzurg_ōzīh ud nēkīh =iz ī ayārān ud zīndag pādixšāy ī andar harw dō axwān
wan ī ǰud_bēš abar ērān_wēz ud pad ān ī yyy gāh
ud gōbed andar anērān dehān
ud pišyōsn ī wištāspān pad kang_diz ī stēndag_drafš kē andar ān bēwar ān ī yyy kē syā samōr dārēnd ī dēn dōšīdār ī ahlaw az pasīh ī pišyōsn ī wištāspān
ud fradāxšt ī xumbīgān ī hōšang pus kē pādixšāy pad āb ī nāydāg
ud ašwazd ī pōrūdaxšt pus kē pādixšāy abar_pad bālist ī paydāgdom dašt ī pēšinās
ud barazd ī kōšišn_kirdār
ud haštom kay ī nāmīg wištāsp ast kē kay husrōy gōwēd kē ān ī tō dēn ī mazdēsnān rawāgīh =iz dahēd ud andar =iz dānēd kē ān ī man warzišn ī weh dahēd frāz wābarīgānīh kū kird ī man pad wābarīgān sahīg dārēd
ahlāyīh ābādīh pahlom ast
šāzdahom pargard spandmayt
abar wināhgarān puhl čiyōn az dēn paydāg kirdan
ud abar yašt kirdan ō mard ud zan ud zan pēš az mard framūd ēstēd
ud garōdmānīgīh pad yašt xwad ī srāyišnīg ayāb gētōxrīd būd
ud abar āzādīh ī ruwān az dušox pad ahlāyīh ud dōšāramīhā dādan ī asp ī raγ ud zamīg ī kišwzār ud zan ī nēk ō mard ī ahlaw
ud zan =iz kē tan pad zanīh ō mard ī ahlaw dahēd ud zamānān x zamānān x ud rōz rōz ān rād kirbag waxšīdan
ud abar puhl ī ōy ī niwēyīdār ud yyy pad sidōš čiyōn kē zīndag āhan ī widāxt pad galōg abāz rēzēnēnd
ud abar pādufrāh ī zan kē tan pad zanīh ō mard ī ahlaw dahēd az =iš abāz āyēd čiyōn ka =š zūzag bāstān pad haxt andar šawē ud bē āyē ud brīd_rāhīh ī =š az ān ī pahlom axwān
ud abar abōxtišnīh ī druwandān ruwān az dušox tā tan ī pasēn
ud abar pādufrāh ī druwandān ēn =iz čiyōn gōspand =ēw kē zīndag pad pāy ud sar nigōn āgust ēstē u =š angust_zahyā =ēw māyišn pad wēnīg tazē
ud abar gāhān pad mēnōy war ī pad hamāg gōnag abēpāstag mānāg ō ōy ī gāhān srūdār ahlaw nihumbīhistan
ābādīh ahlāyīh ast pahlom
haftdahom pargard yezid
abar kū kē ēn panǰ wināh kunēd az dēn wašt u =š xwēš zīndagīh ud xwarrah kāhīd bawēd ud mardōm ka dēw ud āstawān dēn ka anāstawān dēn
ud čāšīdār ka ačāšīdār adān
ud āgāh gāhān ka anāgāh gāhān anašnās
ud wizīdār_dahišn ka awizīdār_dahišn axrad ud hunsandīhā pad axwīh ud radīh ēzēd
ēn =iz kū awēšān =iz kē pah ud stōr adādīhā kušēnd ān =išān zīndagīh ud xwarrah kāhēd
ud ēdōn =iz awēšān =iz kē ohrmazd tar_menēnd abēzag ahlaw spitāmān ud xwēš dēn ān =iz ī ahlawān hāwištān ī tō
ābādīh pahlom ast ahlāyīh
haštom pargard atmāyaw
abar ābusīh ī dēw az ōy kē xward hordād ud amurdad pad wināhgārīh drāyēd
ud kē ēstān mēzēd
ud kē šusr āwēnēnēd
ud ǰeh kē pas az hūfrāšmōdād čēgāmag ǰōyēd
ud kē šab pad asrāyišnīh ī ahunawar šūr xwārišn ō abāxtar rēzēd
ud ēn =iz kū ruwān ēw_tāg bāstān ō tan xwāhišnīg pad =iz ēn ēwāz kū
ay tan ī sazōmand
ahlāyīh stāyē pad ul_pēmišnīh ka bē xufsē
ahlāyīh pad frāz_bawišnīh ka wigrād bawē
ud ahlāyīh pad ul_ēstišnīh
čiyōn tō pad harwist āyišn ud bē_šawišnīh pad wēn āwarišn ud barišn humizdīh ud was_mizdīh ud ahlāyīh_mizdīh bawād
ud ka tan hamgōnag kunēd ruwān šādīhēd ud ō tan āfrīn kunēd kū
nēk tō bawād ēd tan ī sazōmand kē =t man buland kird ham kē =t man nazdīk rasēnīd ham ō ān ī pahlom axwān
ud ka tan ān ī ruwān āfrāh nē padīrēd
ud anāg_rawišnīh gōwēd pad ul_pēmišnīh
ud anāg_rawišnīh pad frāz_bawišnīh
ud anāg_rawišnīh pad ul_ēstišnīh
ruwān ī dēn ast ān ī garzišnīg gōwišn barēd kū
anāg tō tan ī seǰōmand kē =t man gišnag kird ham kē =t man nazdīk rasēnīd ham ō ān ī wattom axwān
ud abar kū yyy ud yyy nišān ī gišnag_zīyišnīh u =š bēšāzišnīh ahunawar ud ahlāyīh guftan
ud ēn =iz kū ka ō gōmēz nišīnē ahunawar fradom frāz srāyē ud ahlāyīh pas ka ul ēstē kū kamist tō wisinnād dēw ud druz
ud ka ō nārīg abar srawē ahunawar fradom srāyē ud ahlāyīh pas
ka andarg haxt kunē
čē ēdōn tō ān =iz ast pad ahlāyīh ahlawtar ud pērōzgartar kē tō pus kunē
ud ēn =iz kū ka andar_ō xānag šawē mēnōy ī xānag ud harwist ān ī ahlawān stī ī andar ān mān kē hēnd ud būd ud bawēnd namāz barē ud ahunawar gōw
ud abar =iz tuštan ī druwandān ān =iz sūr ī =šān pad xwadāyīh nē rāst baxt
ābādīh pahlom ahlāyīh ast
nōzdahom pargard katmōyruwag
abar kū ruwān ka ō_ham rasēnd ān ī ōy ī nēk dastwar ī ruwān_dōst ruwān burzēnd pad ān kū =š nē rēšēnēd ud az dušox pād
abar tārīgīh ud burzōmandīh ud dūr abunīh ī wisiškīh ud awehīh ī dušox ud wazag_ǰōyišnīh ud wazag_nihumbišnīh ud pēšōg_bāryōš ud snēxr abar_rasišnīh ud dardōmandīh ud bēšōmandīh ud škeft bīmīh ī dušoxīgān
ēn =iz kū =š azabar abāz abgand ēstēd az čagād ī dāytī ī abar ērānwēz ō harborz ī ast čandōg_puhl
u =š azēr ī mayān dušox dar ī widār ast ī hamāg ahlaw ud druwand warzēn
pad ahlawān widār nō nēzag pahnā ēk_ēk dagrandīh se nāy frāxwīhēd
ud pad druwandān widār čiyōn awestarag tēx bawēd
ēdōn ān tō gōwēm spitāmān kū rāstīh mard franāmēd tarist čēh_widarg ī dūr_nāmīg čandōg puhl
čē bē mard ī rāstīhōmand aštād ī weh ī frayīdār_gēhān ud mihr =iz ī frāy_gāwyōd ā =š az ān tangīh bōzēnd čiyōn ān ī hazār_gānag spāh
ēdōn ō tō gōwēm spitāmān kū mihr ma abar_druxtār bawē
ma ka abāg druwandān ham_pursē ma ka abāg xwēš_dēnān ī ahlawān
čē harw dō_ān mihr ast druwandān =iz ahlawān =iz mihr ast
gurg =iz zarduxšt abāg waččagān ān ī ǰehīg mihr škefttar ast spitāmān
ēdōn ō tō gōwēm spitāmān kū ma ǰeh hāzē ō kunišn
kū =š zan ma kun ud abāg_nibēmišnīh ma kun kū =š abāg ma xuft
ud agar ǰeh hāzē ō kunišn ud abāg_nibēmišnīh ōy ma pas frāz hilē
ma pad tangīh ud ma pad frāxwīh ud ma tan ud ma gyān dōšāram rāy
čē kē ǰeh hāzēd ō kunišn abāg_nibēmišnīh ud ōy frāz hilīhēd tan ayāb gyān dōšāram rāy
ud ān ōy ziyānēnīd mān ud wis ud zand ud deh
mihrān_druz ī az ān bawēd ān ōy ruwān ziyānēnīd
ēdōn frazendān kū =šān mihrōdruǰ abar rasēd pad dušhammōzišnīh ī ōy ī druwand andar bun ī dušox ud pad afrazendīh bē nibāyēd
hād druwandān tis =iz nēkīh nēst kē =š dād was ohrmazd ān nēkīh
pahlom ahlāyīh ast ābādīh
wīstom pargard wohuxšahr
abar stahmbagīhā kird ī dahāg xwadāyīh abar būm ī haft ud pēš_rawāgīh ī =š framān az dastān wardišn
ud abar hanǰamanīg pursišn ī dahāg
abar čim ī wēšōmandīh ī ham_bāstag mardōm pas az kirrēnīdan ī ǰam ud xwadāyīh ī dahāg
ud mardōm ō dahāg passox guftan kū
ǰam abāz dāšt ēstād az gēhān niyāz ud škōhīh ud suy ud tišn ud zarmān ud margīh šēwan ud mōy ud sarmāg ud garmāg ī apaymān ud āmēzišn ī dēw abāg mardōm
ēn =iz kū āsānīh dādār būd ǰam kū =š tis ān kird ī mardōmān āsānīh az =iš būd kāmag dādār kū =š nēkīh pad dād_šnāyēnīdārīh kū =š mardōm pad frārōnīh ōh šnāyēnīdan
abar ōdag kē ǰam ī šēd ī huramag x tan pad zūr_zanišnīh bē zad adādestānīhā
ud rag abar gēhān harzag kird niyāz ud škōhīh ud tangīh ud āz ud suy ud tišn ud xešm ī xurdruš niyāz ī awāstar ud sahm ud seǰ ī nihān_rawišn ud zarmān ī dušpid ī apid dēw_ēzišnōmand dād
ud ēn =iz kū ān ī pad kēr ud gund ā =t bē az ābusīh kird dušxwarrah hād šabestān =it kird ī abēkird seǰ kū =š čārag xwāst nē šāyēd kē nē wālēd az tan kū paywand az =iš nē rawēd
ud tō gōspand ī frāx_raftār az mardōmān siždēnīd
ud tō az amāh bē appurd ān ī bāmīg rōšn ī ǰam ī šēd ī huramag kē pad harwist xā abar_rasišnīh pad hamāg zamestān ī =š pad hutābišnīh tāft kū =š gyāg pad nēkīh kirdan bē mad
ōšōmand hē bēwarāsp tō =iz bē ških
čiyōn ēn dādestān ēdōn kū xwadāy ī wad tis =ēw ī ēdōn wad ā =m ō ōy ī weh xwadāy kāmag bahr abar_barišnīh kū tis ō ōy dahēm kē xwadāyīh ī weh abāyēd ka kunēd
ud abar wānīdan ī frēdōn dahāg ud margēnīdan rāy wazr abar frēg dil mastarg =iz zadan
ud nē murd ī dahāg az ān zanišn
ud pas pad šafšēr zadan ud pad fradom didīgar ud sidīgar zanišn az tan ī dahāg was ēwēnag xrafstar waštan
guftan ī dādār ohrmazd ō frēdōn kū =š ma kirrēnē kē dahāg čē agar =iš kirrēnē dahāg purr ēn zamīg kunē az yaz ud ōgrāg ud gazdum ud karbūg ud sōg ud wazag abāg ēwēnag bastan ī pad škeft band andar garāntom pādufrāh ī awisān
ud ēn =iz ka až_ī_dahāg bast būd ēdōn ān =iz sraw bē mad pad harwist kišwar kē haft kū bē zad až_ī_dahāg ud bē ān zad frēdōn ī āspīyān ī buland ī zōrīg
ud ān ī dahom zamestān ān mādayān wurrawist u =šān ēdōn guft kū
menēm nūn kū =šān zad ī až_ī_dahāg čē nē nūn wazēd abar_ō harwist kišwar kē haft ud ān ī weh gōwišn ud ān ī wattar ā =iz nē gōwēd ud nē pad xwāhišn xwāhēd ān ī čarātīg ud ān =iz ī ārzōg xwāstag
ud ēn =iz kū ka =š zan ud xwāstag ī =š abāyišnīg sahist dāštan āgāhīh mad ēg =iš pad sūragōmand ī zarrēn andar hāxt ud ān bowandag ud arišt pad mēnōy_gyāgīh ō gilistag bē mad ī až_ī_dahāg
ud ēn =iz kū kē =š ān ī ōy bē zad brād ayāb nāf ayāb naftī ayāb kadāriz =ēw nabānazdištān ā =šān nē pad ān ī garān sahist u =šān nē pad menišn menīd kū =šān ayād =iz abāz nē kird
u =šān ēdōn guft kū mānbed ān bē zad kē harwisp ātaxšān az dānān abāyēd ān mānbed ud dehbed ān bē zad kē harwistīn awēšān xwadāy
ud ēn =iz kū harw gyāg kū ōy bē mad āyēb ī az saf andar ōbast u =šān ān ī stabr ātaxš āyiftan pahrēz rāy
ud ēn =iz kū =š pad gumēzag warzīd huwaršt ud ān =iz ī dušhuwaršt až_ī_dahāg
ud abar ham_pursīd ī māzandarān dehān pas az wānīdan ī dahāg pad dāštan ī ō xwanirah
spōxtan ī frēdōn az =iš pad menišn frāz grift ī im gyāg ud pad was marag padīdan
u =šān bulandīh rāy zrēy ī frāxkird ast kū_tā mayān rān ast kū_tā nāfag ud ān ī zofrtar gyāg tā_ō dahan mad
ud ka ō ēn kišwar mad hēnd garān zyān ud zanišn kirdan mardōmān pad garzišn ō frēdōn madan ud guftan kū
čim =it bē zad až_ī_dahāg kē huxwadāy būd pad pāduxšāyīh kū =š bīm abāz dāšt
ud wizōstār u =š ēn kišwar bē pād az māzandarān dehān
u =šān abar wattarīh ī māzandarān yyy ī mardōm ī ēn kišwar andar awēšān ēn =iz guft kū ēg gōwēnd kū čē ēdōn awēšān dādestān čē gōšōmand kū =šān kark ast sūragōmand kū =šān sūrag ast xwānišnōmand kū ēk ōy ī didān xwānēnd wīr amāh awēšān =iz menēm pad ēd dārēm kū mardōm hēnd
ud abar hamrasišnīh ī frēdōn abāg māzandarān dehān pad dašt ī pēšānīgah ud pahikārdan ī ō awēšān kū māzandar deh ast ān bē zad až_ī_dahāg kē stūdom kē harw garān pāduxšāy būd dēwān ud mardōmān
an =iš pad ān ōy zanišn frāz dād ham ohrmazd tarwēnīdārtar az dōān dāmān pad hamēmāl ī xwēš stumb_kird
ud ēg ēn ān ī man deh bē zanēd ašmāh kē mazandār deh hēd
ud māzandarān frēdōn sabuk menīd ud pad afsōs ēwāz guftan kū
ēdōn ā bawēd kū tō bē zad až_ī_dahāg kē stī arwandtom kē harw dō_ān pāduxšāy būd dēwān ud mardōmān
u =š tō pad ān ī ōy zanišn frāz dād hē ohrmazd tarwēnīdārtar az dōān dāmān
ēg =iz amāh andar ēn nišīnēm ud andar ēn mānēm ud nē tō ī buland ī was_ārōyišn ī stabr pah ī wīr gōwišn andar abārīg kas ā =t ēdar bē nē hilēm
ēn =iz kū bē pas tazīd ud pērōzgar frēdōn ō bālist ī pēš tazīd
u =š wēnīg ān frōgīd kū =š bē daft ud az dašn wēnīg ī ōy snēxr padīd hēnd ī hamāg sard ī zamestān handaxšwand burrāg ud tēz
ud az hōy wēnīg ī ōy sag padīd hēnd ī ka yyy ī kadag ī meh ā ī ātaxš handaxšwand ī burrāg ī tēz xāk =iš barēnd
bē bast pērōzgar ī tagīg ī frēdōn az pāy ī gāw ī gušn ī barmāyūn
u =š ān pad ulīh ul dawēnīd u =š awēšān kird sag_kirb
u =š awēšān bē zad hēnd kē māzandarān deh pad panǰāhγenišnīh sadγenišnīh hazārγenišnīh amarγenišnīh
u =š ēdōn bē zad hēnd pērōzgar ī tagīg frēdōn dō srišwadag ān ī māzandar deh
ēk srišwadag bē mad ud zad ud wēmārag
ud nē =iz pas spitāmān zarduxšt kē māzandar deh abar ēn kišwar ī xwanirah raft hēnd
u =šān nē pad abar_menišnīh =iz menīd kū šawēm bē az dō kē ēdōn nām būd spityōš ī spānsnāyōš
ud arzrāspī ī spānsnāyōš
kē tazīd hēnd pad xrad_xwāhišnīh ud raft hēnd abar frašōštar ī hwōbān
pahlom ābādīh ast ahlāyīh
wīst_ud_ēkom pargard wahištōyšt
abar kū xwāhišnān pahlom dēn ī weh
ud abar mihr ī hamāg_gēhān hešm harw šab ēk
būšāsp dō ǰār pad wināhēnīdan ud kāhīdan srōš_ahlī se
ud dahmān āfrīn čahār pad frāy_dahišnīh ud wālišn_dahišnīh
ud bōxtārtom az yazadān dahmān āfrīn būd
ud ēn =iz kū kirb_huapaytom az nārīgān hōmāy ī āzād_tōhmag ī wištāspān
ud az aspān asp ī šēd ī wištāspān
ud az gāwān gāw ī gušn ī barmāyūn
ud az mēšān mēš ī frašōštar ī spar ī spēd_ērwārag ī star_passāxt ud abar_nēmag pad yyy ud zarrēn_pēsīd azabar_nēmag zard
ud ēk =iz kē awēšān ō hazār ēk =iz =ēw xwarrah hāwandīh ī dahm mard ī ahlaw kē dahmān ī wehān āfrīn pad =iš nē ayābēd
ud ēn =iz and_čand pad mard ud zan wehīh pad mar ud ǰeh wattarīh
ud abar kird ī kay us xwadāyīh pad čērīh abar būm ī haft pad dēwān ud mardōmān
rawāgīh ī =š framān tēztar az dast yyy
ud kirdan ī ān =iš haft mān pad mayānag ī harborz ēk zarrēn ud dō semēn ud dō pōlābdēn ud dō ābgēnagēn
ud was dēw ud māzanīg az wināhīdan ī gēhān abāz dāštan ud andar_ō kār ī xwēš bastan
mardōm kē zōr az zarmān tarwēnīdag ud ǰān nazd ō pazdagīh ī az tan būd ō ān ī ōy mān ayāft tēz pērāmōn ān mān ud **wāzēnīdan ud zarmān az =iš ōsānīhistan
u =š zōr ud ǰuwānīh abāz madan hād framān =iš dād ēstād kū mardōm pad dar abāz ma dārēd pānzdah sālag handēmān kunēd
pas dēwān abar ōš ī kay us hampursīdan ud hešm ān ī ōy ōš padīrēd ud ō kay us madan ī
ud ān_ōwōn wuzurg xwadāyīh ī =š abar haft būm dāšt pad =iš menišn yyy kird
u =š ō xwadāyīh ī asmān gāh ī amahraspandān ārzōgēnīdan
ud kay us az wiyābāngarīh ī xešm ud abārīg dēw ī =š hamkār ō ān agārēnīdan ēstād pad =iz pahikārišn ud yyy ī yazadān
u =š nē wašt ud tar harburz abāg was dēw ud druwand ud mardōm tā yyy ī tom ul dwāristan pad ān kanārag ī kayān xwarrah gar kirb būd
ud kay us az spāh hamist abar rēzīhistan
ud pad =iz nōg abarīg pahikārišn ī yazadān abardom az ān dušāgāhīh nē waštan
ud pas dādār kayān xwarrah abāz ō xwēš xwānd ud spāh ī kay us az ān burz ō zamīg ōbastan ud kay us ō zrēh ī frāxkird wāzīdan
ud ēn =iz gōwēd kū bē ōy az pasī wāzīd nēryōsang frāy_dādār ī gēhān ud pad wardišn ī ān ī ōy kas
ud ān ī azād husrōy ā =š ēdōn hunām ārāst wāng čiyōn ān ī hazār_gānag spāh kū
ma ē zanē nēryōsang ī frāy_dādār ī gēhān čē agar ēd mard zanē nēryōsang ī frāy_dādār ī gēhān nē pas pad windišn windīhēd bē wizēnīdār ī dastwar ī tūrān čē az ēd mard zāyēd ī siyāwaxš ast nām
az siyāwaxš ān zāyēm kē husrōy ham kē ān ī hamwīrdom az tūrān kē gund ud spāh tabāh wēš ā =š ō yyy bē rasēnam kū =š gund ud spāh tabāh bē kunam kē ān ī tūrān pāduxšāy dūr_tazišn kunam
u =š pad ān gōwišn rāmēnīd frawahr ī husrōy nēryōsang ī frāy_dādār ī gēhān u =š ān pad ān gōwišn frāz hišt ud ān pad ān ōšōmand būd kay us
pahlom ābādīh ahlāyīh ast
wīst_ud_dōwom pargard ayryaman
abar hamrasīd ī kay husrōy ud wāy ī dagrand_xwadāy nazd ō frašegird
pursīd ī kay husrōy ō wāy ī dagrand_xwadāy abar zadan ī =š čand az pēšēnīgān kē pad warz ud xwarrah abardom būd hēnd az mardōmān
ud passox ī wāy ī dagrand_xwadāy abar zadan ī =š awēšān
ud pad ān passox grift ī kay husrōy wāy ī dagrand_xwadāy ud frāz wardēnīdan ī ō ān ī uštar_kirb ud abar nišast
ud šud ī abāg ērān hanǰamanīgān ō ānōh kū nibāyēd pad xwēy haōišt ī gəuruuąn ī amarg ud hangēzēnīdan ī =š ōy
ud hammis ōy =iz šud ī ō ānōh kū nibāyēd pad xwēy tūs ī ardīg_rānēnīdār ud hangēzēnīdan ī =š ōy =iz
ud hammis ōy =iz šud ī =š ō ānōh kū nibāyēd kay abīweh ud hangēzēnīdan ī =š ōy =iz
ud raft ī =š hammis awēšān ud andarg rāh ō_ham rasīd ī ōy ī sūdōmand ī pērōzgar sōšyans
ud pursīd ī az ōy sūdīmand ī pērōzgar kū kē mard hē kē nišīnē pad wāy abar ī dagrand_xwadāy kū wāzēnē wāy ī dagrand_xwadāy frāz wašt ō ān ī uštar_kirb
ud guftan ī kay husrōy pad passox ō sōšyans kū ān ham kay husrōy
ud burzīdan ī sōšyans ō kay husrōy abar kand ī =š ān uzdēs_čār ī abar bār ī war ī čēčast ud zadan ī =š ǰādūg frāsāsp
ud stāyīdan ī kay husrōy dēn_mazdēsn
ud madan ī ast_tuwānīg kirsāsp gad_dast ō awēšān padīrag
abar ī ōy gay ǰādūg mān bē ēstād ī ardīg_rānēnīdār tūs
ud xwānd ī =š kirsāsp ō āstawānīh ī abar gāhānīgīh ud hamīh ī abāg awēšān
ud stāyīdan ī kirsāsp ahlāyīh ud abgand ī =š ān ī arm_zadār
pad ēn =iz gōwēd kū ēdōn awēšān mard ō_ham rasēnd ī frašegird_kirdār ī pad ēn pargard ud ān =iz ī abārīg gyāg guft ēstēd
harwist arwand hēnd abar_kār ud harwist tagīg hēnd nēw
ud awēšān kunēnd frašegird pad kāmag andar axwān azarmān ud amarg ud asuyišn ud apuyišn tā hamē_ud_hamē_rawišnīh
ast pahlom ābādīh ahlāyīh
warštmānsr ast wīst_se pargard
fradom āsrōpaytiš
pad pursišn ī mēdōmāh ō zardušt abar čiyōnīh ī zāyišn ī zardušt ud madan ī =š ō dēn
ud passox ī zardušt abar kōxšišnīg abar_rasišnīh ī zīyēnīdār ud margēnīdār mēnōy pad ān ī ōy zāyišn
ud ēn =iz kū ka =š ān ī burdār mād yyy ud kān suft
ardwīsūr war ud pušt
ahlišwang senūg
ud uruhbar mēnōy ī rādīh dāšt
ud dēn pahlūg
ud kayān xwarrah senūg mušt
ud guftan ī zardušt mēnōyīhā pad waγdan yyy zāyišn kū čiyōn ahū kāmag kē zōt hē frāz ō man gōw
ud passox ī az ohrmazd kū ēdōn radīhā az ahlāyīh čēgāmiz =ēw frāz ahlaw_āgāhīh gōwam
tō hē frāy =iz arztar ud tō ahlawtar ud tō āgāhtom
ud tō gōwē dēn ī mazdēsnān ō harwistīn dāmān
pad ān gōwišn ō dēwān mēnōyīhā tigr ēdōn rasīd čiyōn az tagīg aγrī ī artēštār ī kay wištāsp
mānāg ī ōy ī pad garān_mānīh wist tigr ō padīrag yyy pahikafišn
ud dawīd gannāg_mēnōy ō dēwān kū anāg ašmāh būd šāyēd bē wanī bawēd
ēdōn =iz zardušt ā =š az dēwān sālārīh bē guft ka =š ēn =iz guft kū čiyōn ahū kāmag
padīdan ī dēwān pad zanišn ō zardušt
ēstād ī padīrag ī awēšān mēnōy yazad
ud abāz dāštan ī =šān andar ān sneh az zardušt
ud did guftan kū dēn ī sūdōmandān ānōh rawēd kē andar ān pad hukirdārīh ā =š az ahlāyīh urwāhmenīh
ud pad ān gōwišn ō dēwān dah and ān ī fradom guft mēnōyīhā tigr rasīd
ud dēw pad zanišn ī zarduxšt abar padīdan
ud padīrag ōy yazadān mēnōyīhā_ēstād ān sneh az zarduxšt abāz dāšt
sidīgar guftan ī zardušt pad bāzā zāyišn kū
ān pad nigerišn ēdōn warzišn kē dād axwān ī fradom pad ōy ī rad kunišn rāzagēnišn
ud pad ān gōwišn ō dēwān sad and ān ī fradom guft mēnōyīhā tigr rasīd
ud dēw pad ōš ī zardušt abar_padīd
ud mēnōy yazad dēw az zardušt abāz dāštan
ud ka zardušt hamāg tan bē zād āyēb andar dēwān ōbast
ud dēw pad awištāb abāz ō dušox dwāristan
ud rōšnīh andar dām abzūdan
ud harwist ān ī spennāg yazad dām rāmīhistan ud nēk_rawišnīh guftan
ud ohrmazd ō zardušt pad urwāhmenīh bē kird pahrēz kirdan
ud ardwīsūr ud ahlišwang ud hamist kayān xwarrah zardušt tan muštan
ohrmazd ō zardušt guft kū ōy ī dānāg menēš
ud zardušt pad ān passox mēnōyīhā guftan kū
mazdēsn ham ud mazdēsnīh ī zardušt franāmam
ay kū ohrmazd frēstag ham ud ohrmazd_frēst =am
ud ohrmazd ō zardušt guft kū yazadān stāy u =šān hamīh xwāh ud dēwān nikōh u =šān ǰudāgīh dōš ud humat ud hūxt huwaršt kun
ud az dušmat ud dušhūxt dušhuwaršt pahrēz
ud abar =iz yazadān wēnāgīhā yaštan ud mizd pad =iš ud wattar nē nērōgēnīdan ud weh nē nizōrēnīdan ud dēn pidarīhā nigēxtan ud ō dēn padīruftārān rādīh kirdan ud tan ud gyān dōšāram_rāy az dēn nē waštan
ud padīriftan zardušt mēnōyīhā ham andarz ud stāyīdan ī =š ohrmazd pad dādārīh ud xwadāyīh ud hamāg wehīh ud amahraspand hamist abārīg dahišn ī weh ǰud_ǰud pad xwēš mādī ud xwarrah
ud pas gannāg_mēnōy pad ān bēš kēnīgīhā dawīdan kū dād =im ō ōy ī tō dēn_burdār rēšīdārīh 99999 ǰādūg 99999 gurgīzag ud 99999 ahlomōγ
guftan ī ohrmazd ō zarduxšt kū ēn dēn ōstīgān dār čē pad ēn dēn_abāgīh ā =t man abāg bawam kē ohrmazd ham
u =t bawēd xrad ī harwisp_āgāh
u =t ō hāwištīh rasēd mēdōmāh ud paršadgāw ud sen ud kay wištāsp
ud frašōštar ud ǰāmāsp ī āskārag_warz ud kāmag čāšīdār ō ahlawān
ud was ān ī xwēškār ud ān =iz ī axwēškār mardōm
u =t xwēšīhēd ān ī awēšān kirbag ud spās
ud abar gētīyīg nimūdārīh ī ohrmazd dēn ō zardušt
ud padīriftan ī zardušt dēn pad ōšmurdan ud āstawānīh
ud yaštan ī zardušt ahunawar
ud abar =iz dād ī ohrmazd dām pad mēnōy frāz brēhēnīdan ī =š ō gētī
abardarīh ī mard ī ahlaw az abārīg dām
ud andar mardōmān ōy kē pad dād winnārdārīh ud awardišnīgīh ī az wehīh ōstuwārīh yazadān hammōxtār ud hammōzgār ī weh_dēn abardom astīh
ud hangird ī āwarišnīh ī ān
ātaxš kē ātaxš ī pad xānag hanǰāmišn ō ān
ud yaštan ī ān āb ī nazdtar ō mānišn ud ān ī xwēš menē
ud kē āyišt ud ān ātaxš ud āb ud mēnōy ud hamkāmagīh rāy abārīg ātaxš ud āb ud mēnōy yazēd ēw_čand ī kē awēšān ān ēzišn nē padīrēnd
ud padīrišn abārīgān ān ī mard yazišn ēdōn būd ka =š ān se yašt ēstēd
ahlāyīh ābādīh pahlom ast
didīgar pargard yatā_ahū_wayryō
abar arzānīgīh pad gētīyīg ud mēnōyīg nēkīh pad xwadāy ud dastwardārīh dād
ud pad dēndārīh ud dastwarīh awišāyist kē abāg astīh ī =š abārīg hunar kē xwadāyīh dastwarīh pad =iš xwēšīhēd xwad =iz xwadāy ud dastwar dārēd
dōš man zardušt tō pad ahūīh ud radīh čiyōn hē zardušt ahūōmand radōmand kū tō =iz pad dastwar dārēnd čiyōn tō ēg frāz_rasišnīh hād kū be bōxtē ka =t abāg dēwān_āmēxtišnīh kū =t abāg ahlomōγān pahikār hād
xwadāy ud dastwar nē dārīh xēm ud dād ī dēwān būd
ud dāštan ī amahraspandān ud ohrmazd pad xwadāy ud dastwar
ud ohrmazd xwadāyīh abāg dādārīh ham_būd
ud ēn =iz kū pad ahlāyīh rad pad kāmag xwadāy ud dānāg ud dādār ud parwardār ud āsnīdār ī driyōšān
ud garōdmānīgīh ī hamāg awēšān kē dēn x az zardušt padīrēnd
ahlāyīh ābādīh ī ast pahlom
sidīgar pargard ašem_wohū
abar andarz ī pad ahlāyīh stāyīdārīh ī xwad ast rāst_tarsagāhīh_kirdārīh ī ohrmazd
ud astān pahlomīh ud xwāyišnān wehdarīh ud mazdēsn_ramagīh ī ahlāyīh
ud huzahagīh ud hunaftīyīh
ud mēnōy hutarsīh
wēš_urwāhmenīh ud ruwān_āsānīh
ud rōšnīh_paymōgīh ī ōy ī pad dastwar warzīdār ahlāyīh
ud yazišnōmandīh niyāyišnōmandīh ī ahlāyīh mēnōy
ahlāyīh pahlom ābādīh ast
čahārom pargard yeŋ́hē_hātąm
guft =iš ohrmazd ō spitāmān zarduxšt kū
gōw gōwišn ī amāh yazišn niyāyišn kē amahraspand hēm
čiyōn tō hād zardušt yašt āb ud yašt urwar ud yašt ahlawān frawahr ud yašt ān ī mēnōy ī yazad kē =iz ō gētī frāz brēhēnīd
u =š guft zardušt kū gōwam gōwišn ī ohrmazd ī ǰud_bēš ud ohrmazd_dādestān ān ī ašmāh yazišn niyāyišn ī kē amahraspand hēd
ahlāyīh pahlom ast ābādīh
panǰom pargard
yānīm_manō
abar nēkīh_arzānīgīh ī zardušt pad frārōnīh ī =š menišn gōwišn kunišn
ud fradomīh ī ohrmazd ud fradom_xwēšīh ī =š niyāyišn
menišnīg_kunišnīh ī niyāyišn ī yazadān ud hamāg_kirbag niyāyišn ī yazadān
pahlomīh ī mard ī ahlaw ud padīrišn
ud ātaxš_ham_barišnīh
ud weh_dēn dāštārīh ud hām_xradīh ī dādār
ud handāzišn ī harw kār ō =š kām ud dahišn
ud frāz_daxšagīh pad abzōn wizīdan ud kird ī ān ī abzōnīgān hammōg būd
ud xwad hāxtagīh ī zardušt ō dēn
ud az fradom tā abdom pad bowandag_garmōgīh ī pad ān ī yazadān niyāyišn ēkānag būd
ud ēn =iz kū
mad hē ō garōdmān ay ahlaw zardušt
āgāh hē kunišn zardušt kē =šān warzīd astōmand axwān ud kē =iz warzēnd
ud yazadān abar mardōm kirbag tuwān_ayābag nihād
ud abar abdīh ī garōdmān
ud ēn =iz kū kē andar ān mān nē kas pas az zāyišn bē widerēd
pad frašegird zamān garōdmān frōd ō star_pāyag ud zamīg ul ō ānōh wihēzēnīdan
pad hamāg kār wahman ō hampursīh xwāst
ud ka =š xwānēnd pad gyāg madan
ud dagr_gyānīh az ahlāyīh būd
ud pad ān ī rāst saxwan amahraspand ō ayārīh madan
ud pad amahraspandān ud srōš_ahlī abāgīh ī ī bēšīdārān bēš tarwēnīdan
ud ayārēnīdan ī amahraspandān ō zardušt ka pad abārōn dād ī ērān agārēnīdan frāz raft
zardušt rāy pad gōwišn ī ohrmazd ēn =iz kū
xwēš tō amāh hē zardušt ud amāh ēd ī tō
rādīh tis ō tō dahēd ā =š amāh dād bawēd
ud niwē ī ō zardušt rasēnīdan ī wištāsp ō =š ayārīh
ud ān ī ōy xwadāyīh ō =š hamnērōgīh
ud frašōštar ō =iz hāwištīh ud tarsagāyīh
ud stāyišn ī frašōštar pad rawāg kirdan ī dēn
ud rāst_widāragīh ī pad ān ī ohrmazd saxwan
ud awēšān ī frašōštar ō dēn hāxt hamāg ahlawīh
abar stāyišn ī zardušt
ēn =iz kū nē amāh āzārē nē pad gyān nē pad frašn ud nē frāz_niwēyēnišnīh ka dēn ō kasān nimāyē ud nē pad kadāriz =ēw spitāmān amāh kē amahraspand hēm
ud sūd_dahišnīh ī ō xwāstārān xwarišn ud wastarg ō amāh kē pad yazišn yazadān asūdag bawēd
ud abar dōst pād ud adōst wirāstan
ud pānagīh ud rāstīh ud frārōnīh rāy mardōm pānagīh kirdan
ud anarzānīgbahrīh ī ōy mard kē ān ī meh kār ud kirbag niyābag kirdan ān ī keh kunēd
ud ēn =iz kū āgāh =iz hē ān ud andar =iz dānē ahlaw zardušt pad ān ī man xrad frazānagīh
kē andar axwān fradom būd ud kē =iz ēdōn tā_ō ān ī abdom axwān
ahlāyīh ast ābādīh pahlom
šašom pargard xšmāyabī
abar garzišn ī gōšurun ka ō dād niwist andar amahraspandān hanǰaman ō ohrmazd az was xīndagīh ud anāgīh ī =š mēnōyīhā dīd
kū =š pad tanōmandīh abar rasīd az zadan ud ōzadan rēšēnīdan ud duzzīdan ud appurdan
ud dādan ī ān ī abārōn kunišn kāmag wattar pad pārag ō ōy ī dušpādixšāy mar ud pad =iš kirdārīh wad_xwāhīh ud dušnakkīrāyīh ud zūr_gōwāgīh
ud wardag kirdan ī ān ī xešm ī stahmag pad āz ud arešk
ud az ān ī garmōg gōstān ān ī tuwān tuxšāg pasušhorw sālārīh ō ān ī sard ī abar awištābgar gāh
ud ōy xwar xwāhēnd anaboxšīdār dast pad gurgīhā ǰudāg_kirdārīh ī az waččag
ud nizārēnīdan ud kāstan ud was ēwēnag anāgīh pad =iš kirdan
kē =šān nē bēš =ēw ka =m ān ī sard wād ud ān =iz ī garm abar rasīd
u =šān nē bēš =ēw ud ka =m bē abgand aškambag kušēnd
u =šān nē bēš =ēw ka =m yaz ud udrāy ud ān =iz ī pūdagtom xrafstar ī ǰōyēd
ud xwāyišn ī gōšurun kū =m gētī ud ān škeft ud xīndagīh ma brēhēn
ud agar =im ō gētī brēhēnē ān =im uz_uštānīhā bē dah kū amārdār bawam
ud ān dušwidār dard
ayāb =im ō tagīgān dah kē =šān pad ayārīh ud pānagīh ī man kirdan pattūgīh ast
ka =iz kay ud karab hēnd
ud abāg rāst_garzišnīh ī gōšurun aboxšāyišn ī amahraspandān pad ān garzišn
ud pas =iz dahišn ī dām kē =š andar meh ud pahlom mardōm ō kōšišn ānābišn ī ēbgad =iz ōh ham_bāstag pad rēš ud bēš garzišn
čiyōn gōšurun az adahišnīh abāg =iz apetyāragīh ī hammis gōšurun meh_dādestānīhātar būd
ud mardōm pad gōspand ayārīh zīstan ud winnirdan šāyistan rāy gōšurun ō gētī tanōmandīh ud ayārīh ī mardōm dād
ud kem mārdan ī =š gētīyīg anāgīh rāy gōspand māyēnīdan ud xwāštīh paymōxtan
ud gōšurun pad dahišn zardušt ō gōspandān ayārīh
rawāgēnīdan ī zardušt dēn mazdēsn andar gēhān
ud bōzāgīh ī gōspand ud abārīg dahišn ī weh pad bowandag_rawāgīh dēn hunsandēnīdan
ud ēn =iz ō gōšurun guftan kū
gōwam ō tō wišōbišn wizārišn kū anāgīh ī az gannāg_mēnōy čārag ast
kē =m nē dām frāz brēhēnīd hē man kē ohrmazd ham
ka =m anāgīh ī az ōy čārag nē dānist =ēw
ēn =iz kū =š ēdōn kāmag būd gannāg_mēnōy kū
ma hagriz dām frāz brēhēnīd hē ohrmazd ud ma ēdar ahūīh hē ud ma radīh ud ma kāmag ī ō ahlāyīh pahlom abāyist ī ō kār ud kirbag
ud pursišn ī gōšurun kū ō kē an brēhēnīd ud tāšīd ham
ud passox ī aw =iš kū ō ōy ī tuxšāgīh paymānīg
ud xwāst ī gōšurun gōspandān rāy ayār ud srāyišn
dād ī ohrmazd ō ayārīh ī gōspand mard ī ahlaw ud srāyišn ī gōspandān rāy šīrēnīh andar āb ud urwar
kū xwardan dāštan ī gōspand ōy pāduxšāyīh kē =š ast dahēd wāstar ud ān =iz ī gōspandān dahišn tuxšāg kū =š wāstar dahēd
u =š pasušhorw =ēw az ān paydāgēnīd kē gōspand bē abzāyēnēd
ud ōy =iz kē ān ī druwand xešmen anēr wānišn dahēd kū stō kunēd
nō wīst_nō dah ud abzāyēnīdan ī ohrmazd gōspand andarz ī ō mardōmān pad paymān_xwarišnīh
ud garān puhl ī ōy ī adādīhā gōspand bēš dād
ī gōšurun pad mēnōy ham_kirb ī amahraspandān ud ham_kirb ī ān ī xwaršēd rōšnīh ud kāmag_dōysr hučašm
ud kū astān ōzōmandtar ōy kē ō yazadān paywāzēd u =š yazadān paywāzēnd
ud abar gōwišn ī ohrmazd ēn =iz kū an ān saxwan āmārēnīdār ham kē saxwan ast ī gētīyān ān ī harw dō axwān rāy gōwēnd
ud āgāh ham kunišn kē =šān warzīd andar astōmand axwān dēw ud mardōm ud kē =iz warzēnd an ham bē wizīdār xwadāy
ud ēdōn ud ast čiyōn man kāmag
pad =iz ān ī abdom axwān wardišn
ud harwist ān abar wēnam pad ān ī man xrad ud frazānagīh kē būd kē ast kē =iz hagriz bawēd
nō wīst_nō dwāzdah ud tāšīdan ī ohrmazd mizd ō gētīyān pad mānsr_spand kē būd ēstēd
pēš_raftārīh sūdōmandān kū =šān dastwar kē abzōnīgīh ud āgāhīh ī harwist sūdīmand ast ān ī mānsr
ud abar ēkīh ud dō_hamtāgīh ī zardušt ud andar mardōmān pad kāmag ī ō ahlāyīh ud čārag_šnāsīh ī abar wānīdan ī ēbgad ud hammōxtārīh ī dāmān
ahlāyīh ast pahlom ābādīh
haftom pargard attāwaxšī
az ēzišnōmandīh ud niyāyišnōmandīh ī dēn ud mānsr mēnōy
ud ēn =iz kū mēnōy ī ēzišn ī ōy ī humenīdārīh āgāh ī dānāg mard tēz abar gumēxtēd ō ān ī xwaršēd rōšnīh ud ō kāmag_hanǰāmīh ud urwāhm ī amahraspandān paywandēd
nō sīh dō ud abar wizēn ī mardōmān kām_rāh ī ō mizd pad wizēngarīh būd
abar andarz ī ō mardōmān pad xwāstan ī ān gāh kē dagr pad kāmag abar mānistan šāyēd
ud ōšmurdan ud hammōxtan ī dēn ī yazadān
ud az gōwišn ī zardušt abar drāyīdan ī arš dēw ō mardōmān
ohrmazd ud ahriman brād ī pad ēk aškom būd hēnd
ud az awēšān amahraspand ān ī wattar dōšīd pad ān ī ka =š yyy yyy dēwān_ēzišnīh guft
ud ēn kū pasīh gōspand dahēd ō abāxtarīgān dēwān
ud abar drōzanīh ī arš
dēw ud ǰud_bunīh ī rōšn ud tom
ud wehīh ī ān ī rōšnist ī pad wizēn ud waršt
ud wadīh ī ān ī tom
ud dawīdan ī gannāg_mēnōy kū
ān ī wattar menišn man ast spanāg mēnōy ud ān ī wattar gōwišn ān ī wattar kunišn
ud ān ī tamīg man ast wastarg ī was ī stabr ī dušērtar kū and čand wēš šawēnd tārīgtar
ud dušmat ud dušhūxt ud dušhuwaršt man ast xwarišn
ud ān awēšān dōšam kē andar ān ast pad dušmat ud dušhūxt ud dušhuwaršt
ud guftan ī ohrmazd kū
ān ī weh_menišn man ast gannāg_mēnōy ud ān ī weh_gōwišn ud ān ī weh_kunišn
asmān man ast wastarg kē fradom frāz brēhēnīd az ān ī gētīyān stī kē pad ān sag abar ārust sag
bē dād ēstēd kū =š hamāg_gōhr andar pēsīd ēstēd
humat ud hūxt ud huwaršt man ast xwarišn
ud ān awēšān dōšam kē andar ān ast pad humat hūxt huwaršt
ēn =iz kū nē =šān rāst bē wizīd dušdānāg dēw
ud nē hagriz rāst bē wizīnēnd kē kāmag ān ī akōman
ud abar wēmārēnīdan ī dēwān ān ī mardōmān axwān pad frēftan =iz ī mardōm ō mardōm az dēwān frēbišn
ud madan ī mardōm pad ān wihān ō āhōgīh ud dušruwānīh
ud rasēnīdan ī ohrmazd ō dāmān bōzāgīh xwadāyīh ud dēn ud dānāgīh
ud abāz paymīhistan ī pad =iš rēš ud bēš ō dēwān ud xwadāyīh abāz ō ohrmazd
ud mizd ī wahman ud abāyist ī yazadān dārēnd
ud pāduxšāyīh pad frazām mardōm abar dēw ud weh abar wattar ud ahlaw abar druwand
ud abar čiyōnīh ī awēšān ī frašegird_kirdār
ud ēn =iz kū paydāgīh awēšān hēnd spitāmān zardušt kē frašegird kunēnd andar axwān
wigrād awēšān hēnd ud zēnāwand pad xwāyišn ī ahlāyīh
ud sabuk_xwēy awēšān hēnd
ud abar_pad menišn ahlāyēnēnd tis ī frārōn kē ō awēšān
abar ān ī stūd gōwišn srūd ēstēd kū pad gāhān guft ēstēd kū
ēdōn abāg kē ī tō ham kū tō xwēš hēm ā =mān ēn frašegird kunišn andar axwān
ud abar hamēšag_hanǰamanīh ī amahraspand abar kirdan ī tan ī pasēn
ud ēn =iz kū bē waxšēnīdār ī rōzān ān ī druz
škennēnd spāh ud paymōzēnd ān ī šēd rōšnīh ud ān =iz ī nēk tan_warzišnīh ud ān =iz ī nēk tan_warzišn
awēšān hēnd āsrōn artēštār ud wāstaryōš ud mard ī xwadāy kē =šān abāg ast ahlišwang
ud mēnōy ī rādīh ud awēšān pad humenišnīh ud rāmišn menēnd
ud pad rāmišn ō xwēš dahēnd gēhān pad ān ī ohrmazd sālārīh ud ašawahišt =iz ka ohrmazd ud dēn pad xwadāy dārēnd
ēn =iz kū kē menišn pad dastwar ī ahū dārēd hamēšag ān ī frārōn menēd ā =š frazānagīh abzāyēd
ud abar andarz ī ō mardōmān pad se tis kē pad =iš bawēd frašegird ud dāmān nēk_rawišnīh
dēn rāst xwāst az wināhišn ī dāmān pahrēxtan ud pad nēkīh ī mardōmān tuxšēd
ābādīh ahlāyīh pahlom ast
haštom pargard tāwrad
abar andarz ī pad ōšmurdan ī dēn ud āgāhīh ī az =iš ō āstawānān ī pad =iš āgāhēnīdan
ud ō anāstawānān pad handāzag ī paydāgīg dānišn ī nimūdārīg guftan
ud kadāriz =ēw kē padīruftan ud kē =iz nē padīruftan menēd ō dēn xwānd
sūd ī az hāxtan ī mardōm ō dēn wēš hāwištīh =iz az wēš_hāwištīh
gētīyīgīhā abzōnīg mehīh ud mēnōyīhā frāy_mizdīh
ud rawāgīh ī dēn ī ohrmazd pad =iz ag_dēnān ud ahlomōγān =iz
ud ēn =iz kū dāmān ī ohrmazd zīndagīh ud abārīg =iz hamāg nēkīh az ohrmazd
ud ān ī ohrmazd kām_warzag pad =iš az ohrmazd mizd =iz ī ud pāddāšn rasēd
ud dām ī ahriman az ahriman sazēd ud anāgīh hamāg az ahriman
ahriman ka =š yazēnd wattar ud stahmagtar ud anāgīh_kirdārtar bawēd
ud abar ēstišn_winnārišn ī harw dō mēnōy pad xwēš stī
ud xwad_kirdārīh ī =šān xwēš abzārān harw ēk pad xwēš abzār guharīg pad ān ī did yadišnīg kār rāyēnīdan
ud ohrmazd ahūīh ud radīh ud rāst xwastūgīh weh_dēn rawāgīh
ahriman pad hamēmālīh ī dāmān ī ohrmazd hambadīg
ēn kē ohrmazd pad ān hambedīg_spōzīh ān ī rāst āgāhīh dādār uzwān ud nērang =iz ī war dād
ud xwānišn ī yazadān ō ayārīh ud rasišn ī yazad ō xwāndārān ayārīh
ud tarwēnīdan ī =šān bēš ud dād ī =šān ābādīh ud ahlāyīh =iz ud ān =iz weh xwadāy ī ohrmazd aštag
ud abāz_ārāstārīh tan ō ēmēd ī hamāg weh_dahišnān pad xwānd ī yazadān ō ayārīh rasīdan
kū ayābišn ān ī frārōn dānišn pad wahman ī dēn ī weh kē ast čēgāmiz hudānāgīh wisp astān būdān bawēdān
ud abar drāyišn ī ariš dēw ō zardušt
ud passox ī zardušt pad ān ī ohrmazd andarz ud čē andar ān dar
čiyōn =iš dēn gōwēd kū =š ō ōy guft ariš dēw kū adēn franāmam zardušt ō ān ī dēwān ōz kē kē tō rāy nišīnēnd pad ham gāh se šab ud čahār rōz pad sidōš
az ōy zardušt kū ariš =am drōzantom čē man pad ān pāddāšn ast agar ašmāh pad gōwišn yazam
u =š ō ōy guft ariš ī dēwān drōzantom kū
tō pāduxšāy bawē andar mardōmān pad kāmag_dahišnīh andar axwān
čiyōn =it xwad abāyēd ud ahōš bawē spitāmān
u =š az ōy pursīd zardušt kū
ariš ī dēwān drōzantom mardōm kē =š ašmāh yašt ud humēnīd pad =iz ān ī zahāg pus ud pad =iz ān ī pad hunsandīh xwāst ǰeh kū =š pad xwēšīh ī ašmāh dāšt čiyōn kas ud az awēšān ahōš
u =š ān ī ōy nē guft was_āgāhīh ariš ī dēwān drōzantom
guft =iš zardušt kū ōy ham ud ōy dōšam kū ōy xwēš ham ud tis ī ōy kunam
ud ān dād ud ān wābarīgānīh ōšmuram ī ohrmazd ī hudānāg ī kāmag_rāmēnīdār
ud abar bōzāgīh ī hamāg dām pad mānsr
ud and_čand az =iš rawāgīhēd ō zōr kē pad frašegird amargīh ī hām_dahišn pad =iš winnārīhēd
ud abzūdan ud pad bowandag_rawāgīh mānsr dām ī weh abēzagīhistan
ud waxšēnīdan ī ī andar gēhān wehīh ka ōy ī weh xwadāyīh rasēd
ud mēnōyīg dahišn fradom menišn ī ohrmazd būdan
ohrmazd dām fradom mēnōyīg āfurrīdan ud pas gētī kirdan
ud mēnōy ō gētī gumēxtan ud pad =iš dām rawāgēnīdan
ud pad ān ī ōy xrad wahman ahlāyīh andar dām mehmānīhistan pad =iš harwist dām ī weh ō abēzagīh ud urwāhmenīh zāmīhistan
ēn =iz kū bowandag_šnāsīh ī tisān pad wahman andar wārom ud mēhan kardagīh bawēd
ud abar wuzurg_mizdīh ī ōy kē pad gōspandān nēkīh kunēd
ud frēftārīhā ud wiyābāngarīhā paymōg_dēnīh ud dūn_menišnīh ud ahlāyīh_mōšīh ud dušwaršt_kārīh
ud pad ān ahlāyīh ōšmurdārīh yyy aniyābag_mizdīh ī awarzīdār ahlomōγ
ud abar kār ī dādār pad frazāmēnīdan pad =iš abardom šnāsīhēd
ka =š gēhān dēn tāšīd ud ka =š ō tanōmandān gyān dād
ka =š hammōg ud kunišn āfurrīd
ud ka =š ō kāmagōmandān kāmag dād kū bahr ī gētī ud mēnōy ōy wēš xwēšēnēd
kē bowandag_menišnīh pad tan mehmānēnēd ud bowandag_menišnīh ham_pursēd
ud andar hāxtārīh ī harw dō mēnōy kē weh ud kē =iz wattar ǰud_ǰud ō xwēš abzār kār ī dēn ī ohrmazd pad ox ud menišn wēš_nigerišnīh
ud agārīh ī ud čārag ī mardōm abar wišuftan ī =šān wināh
čē ohrmazd hamāg āgāh ān ī āškārag ud ān =iz ī nihānīg warzēnd
ud wuzurg_mizdīh ī ōy kē ō mard ī ahlaw kē xwēš xīr dāsr rādēnēd
ud ēn =iz kū kē ō ōy ī druwand ān ī abārōn ummēd rāy dāsr dahēd tam ayārēnēd nē rōšnīh
ud ēn =iz kū wattom xwadāy ān ī dušdēn duškunišn kē pad =iz pārag nēkīh nē kunēd
ud ān ī awināh zadār ud garān_pādufrāhīh ī ān kas pad dušox ud kē ōy druwand xwadāy kunēd
ud andarz ī ō mardōmān pad kirdan ī abar harw mān dādwar ud sālār
uzmūdan ī mard pad ān ī meh kār gumārdan
ud abzōn ō gēhān hamāg dahišn ka =š xwadāy hudānāg
ud škarwīdan ī gannāg_mēnōy ō mard ī rāst_menišn ī rāst_gōwišn ī rāst_kunišn ī wizurd ī ahlaw petyārag =iš druwand ī dušnakkīrā ī abārōn_pahikār ahlomōγ
ud wurrawēnīdan ī ahlomōγ mardōm ō abērāhīh frāy az ān ī hāzēnēd ōy ī ahlaw ō ān ī rāst rāh
ud adēn =iz pad frazām škastan kē sūdīmand mardōm ān ī druz spāh
ud andarz ī ō mardōmān abar pahrēz ī az pasī ī ōy ahlomōγ ud nē niyōšīdan ud nē xwastan ī az =iš =išān abestāg ud zand
ud dušrawišnīh ud spazgīh ud anāštīh ud margīh ud bīm az ahlomōγān andar gēhān
ud andarz ī ō dēn_burdārān abar čārag ī ahlomōγān bē šnāxtan
u =šān dēnīh sāxtan dāštan kū ān ī pāduxšāy ī abēbīm rāst_gōwišnīh niyābagtar
ud ka =š dēn ī ohrmazd dōšīd ēg =iš rāst_gōwišnīh ud abārīg ahlāyīh kāmagēnīd bawēd
ud rasīdan ī pad sidōš pad passāxt
ud ātaxš ī abzōnīg ō ayārīh ud bōzāgīh ī ahlawān
ud šēwan_rawišnīh ōy kē mard ī ahlaw frēbēd ud bēšēd
ud nīdan ī druwandān xwēš abāyēd kird ō dušox
ud ēn =iz kū bowandag_arzānīgīh ī pad hordād ud amurdad ōy bawēd kē pāduxšāyīh ī =š ast pad frārōnīh dārēd
kē kadāriz =ēw ān ī xwēš mēnōy pad kunišn ēdōn dōst abāyēd būdan čiyōn dādār ān ī xwēš dām
ēn =iz kū abar gēhān kadāriz =ēw ēdōn pahlom ka harw kas ēdōn menēd gōwēd ud kunēd čiyōn =iš ahū dastwar ud kū weh xwadāy ud ōy kē abāg nēkēnīdārīh frārōn_kunišn =iz bawēd
ēn =iz kū ohrmazd andar gētī mehmānīh pad tan ī ōy ī xwadāy wēš
ud ān mehmānīh pad =iš paydāgīg
ābādīh ahlāyīh ast pahlom
nohom pargard xwaytumayt
abar madan ī se dēw ō frēbīg lābakkarīh ī ohrmazd kū pad ān lābag ō awēšān menād mizdēnād ud ō zōr ī =šān pad murnǰēnīdan ī dāmān rasād
ud awēšān dēwān az zofr =ēw ō burz lābag_ēwāzīhā yyy
ud ēk kū xwēšīh ī adrōzišn
ud ēk =iz kū wālanīh ī adrōzišn ēk kū ērmānīh ī adrōzišn ham guftan
pad ēn kū ān mēnōy hēm ka xwēš ud ērmān
ud wālan ēk abāg did mihr nē drōzēnd amāh rāy
ud ēn =iz kū amāh abzār ī tō hēm u =mān dēn ud dād ān ī tō kāmag ī tō kunēm
ud kē tō dōst ayār ud kē dušmen wizūdār bawēm
ud az tō xwāhēm gāh ī andar ān ī pahlom axwān ud mizd ī mizd_arzānīgān
passox ī ohrmazd ō awēšān kū bē dušdānāg dwārēd ō bun ī ān ī ērand tam
ēdōn ašmāh harwist kē dēw hēd ā =tān az akōman =iz ast tōhmag az ānōh kū akōman ud waran =iz ī abesīhēnīdār ud āz =iz ī yyy ud indar =iz ī kōšīdār dēn mēnōy ī ahlomōγīh
ud frāz frēbēd mardōm ī gētī pad huzīyišnīh ud amarg_rawišnīh ud menišn awēšān fradom bē bandēd
fradom ēd kunēd kū mardōmān menišn az tis ī frārōn bē bandēd
u =šān frāz gōwišn wardēnēd frāz kunišn az ān ī amāh ēzišn ud kē amahraspand hēm
ud frāz xrad bē wisinnēnd ud frāz ahlāyīh =iz ī pahlom
ud ān ī dēwān dōšīd menēnd ud ān drō gōwišn gōwēnd
ud pad ān ī wattar kunišn mardōm ašmāh yazēnd pad zōhr
ud kē ašmāh was yazēd drōzantar abar_menišntar bawēd
ud az ān drōzanīh ud abar_menišnīh mahist yazišn abzāyēnd kū wēš wēš ōh kunēnd
ud awēšān az anāštīh pad zanišn zanēnd
pad ān =iz ī ašmāh duššnūman dēw hēd kē =tān nē pad pēšīh hunsandīh ka =tān pēšōbāy dargand_zadār bawēd
ēdōn pad pasīh =iz ast kū zanēd ka =iz =itān pad pasōbāy dagrand_zanišn kunēd
wattar dēw =ēd pad ham_barišnīh ka =tān pahrēz gōwēnd ud wattar pad yazišn niyāyišn
ka rasēd ān ī ahlāyīh guftār hamāg rōšnīh bawēd andar axwān ašmāh bē abesīhēd
ud andarz ī ō mardōmān abar pahrēz ī az dēw rāy bowandag_menišnīh pad tan mehmānīd
ud ēn =iz kū wattar ašmāh druwand =ēd kē pad ān ī weh zōhr pad gōwišn dēwān yazēd
pad awēšān zōhr ān ī wattar windēd pāddāšn ud ān =iz ī ērand dušox
ud ēn =iz kū awēšān kēnīg dēwān rāy ō tō āgāhīhā fradom gōwam
ka mad hēnd ō gēhān kū fradom ka andar dwārist hēnd ā =šān dādestān čiyōn būd
sīh sadōzim ān ī man gēhān būd hēnd amarg ud azarmān zardušt
ka ān ī _om sadōzim bē saxt būd spitāmān ēg ō ān ī man gayōmard ān ī dēwān_dād xwēy frāz mad pad bēš ān_and zamān čand mard ēn gōwišn frāz gōwēd ī ahūōmand ud radōmand yatā_ahū_wayryō
ud ka az ān xwēy frāz būd asāyag būd kū tārīgīh andar āmad būd
u =m ēg ēn gōwišn frāz guft ī ahūōmand ud radōmand
ud ka =m wāstar =im guft būd ēg dēw ō tam zkplwnyt hēnd
ud abar wizend ī az dēwān ēn =iz kū
murnǰēnīd =iš gannāg_mēnōy ān ī man dām dušhammōzišnīh ī sraw
u =š ān ī man īšt appurd paymān ī kirdan ud dāštan ī xwāstag ī ārzōg ast pad wahman
kū ka pad frārōnīh dārēnd abāyišnīg
ān ī wīwanghānān ǰam ā =š šnāyēnīd mardōm u =š šnāyēnīd gōspand ī hudahāg
ēdōn pad gōwišn zardušt ka =š guft ō mardōmān kū
ašmāh gōspand mardōm =ēd kū ašmāh xwēš pad bazišn
mardōm =ēd gōšt xwarēd u =tān pad bazišn gōšt sagr bawišn ast
mardōm =ēd ma āz rāy ud ma arešk rāy ud ma bē abgand_pid ī rōdīg ud ma bē abgand_pid ī wpyšk rāy pad kušišn kušēd kū =tān ēdōn nēk u =tān bowandag
ud ēn =iz kū ōy =iz mard ō ān ī man murnǰēnišn dād ī gannāg_mēnōy ī druwand xwēš
ān mard wanī =iš dagrand_gyān kē =š astāyišnīh ī ahlāyīh guft ud ēzišnīh ī mard ī ahlaw
kē =š guft ō kū awēšān wāstar
mardōm =ēd wisp_dādār kū bē abzāyēd wisp_ham_burdār kū rawāg bē kunēd andar awēšān wāstar
mardōm =ēd wisp mānēnd pad mehmānīh awēšān wāstar rāy mānēnd pad kušišn
ud sar ō_ham zanēnd awēšān wāstar
mardōm =ēd wisp =ēd pad ātaxš
ud wiyābānēnīd pad abārīg tis būd =iz ašmāh kū =š ān drō_gōwišn ī anāst ō_ham wurrawēnīd hēd
kē xwēšīh ī dagrand_drōd wiyābānīh bē az druz ī =tān meh mad ēstēd
ud abar wizend ī az dēwān ēn =iz
kū =šān abar ō ēn ī man dām abar_menišnīh bē kird ud anāštīh =iz mard ī ahlaw ān =iz ī čēr nasā nigānīh
ud ēn =iz kū awēšān mardān zanišntar hēnd kē nasā bē kešēnd pad ān ī dēn xwāstag andar ēn gēhān pad pah ud stōr
ēn =iz kū ān ī sahmgen dušwārīh zīndag abāgēnēd mardōmān kē nasā ī rist pad pah ud stōr dahēnd ō wis kū barēnd ud awēšān ātaxš bēšēnd ud āb =iz ī srāw_tazišn ud awēšān =iz tan ī wimēg ī dah ud awēšān yyy ī čahārag hēnd ī hazār_gānag kū pad ēd bār bē āyēnd ayār_dahišntar bawēnd kē nasā druwand
awēšān =iz rāy ō tō gōwam spitāmān zardušt kū pad ān ī nohom ud dahom sadōzim rasēnd ī ōy ī druz hunušagān hēnd yyy ī gannāg_mēnōy
ēk =iz kē awēšān zanišntar čiyōn dah dēwāst kē ōy abēzag kunēnd kū =š az xwāstag tuhīg bē kunēnd kē āsrō az ōšmurišn ud burzišn bē
ud kē ǰaw ī purr_marag wāstaryōš kē pāyēd ān ī dagrand kū az mardōmān abāz dārēd
ud ōy ī awināh mardōm āstirdagīh abar barēnd ud warzēnd ān ī dušwaršt framān
ud awēšān =iz ēk ō ān ī man murnǰēnišn dahēnd ō ēn ī man dēn kē zīyišnōmandīh gōwēnd kū ka zīstan šāyist pad rāh ī amāh druwand hēnd
ud pad mehīh kāhēnēnd wattarīh =iz kū pad pēšōbāyīh ud pasōbāyīh wināh kunēnd
ud kē tō gannāg halag gōwēnd kē ēd ī tō dēn ī gand abēzag spitāmān gannāg
awēšān =iz gōwēnd kē ēd ī tō dēn ī mazdēsnān ōšmurēnd
awēšān zardušt az ān tō ān =iz ī lyšyn windišn ēd kū apparēnd ud tar ēd ī tō yazišn menēnd ud tar niyāyišn
ud tar ān ī harw dō wābarīgānīh menēnd abestāg zand kē ō tō man frāz guft kē az mēnōyān abzōnīgtom ham
ud ān ōy ī pahlom ahlaw yazišn rēšēnd ud niyāyišn =iz kē zardušt ī spitāmān hāwišt būd ān kē bē nihād
ud lyyyh ī wattar srāyēnd pahlom kunišn ō mardōmān kē az ān ī wattar kunišn urwāhmenīh gōwēnd
ud xwadāyīh pad grāmag xwāhēnd kū pāduxšāyīh pad pārag xwāhēnd
u =šān ān ī wattar andar_gōw pad menišn kū pad ēd menišn dahēd kū sad stēr bē daham ud dewīst stēr abāz stanam
ud murnǰēnēnd ān ī pahlom axwān
ud murnǰēnēnd ān ī xwēš ruwān
murnǰēnēnd astōmandān gēhān
ēg ān xwadāyīh bē barēnd kē pāduxšāy hēnd kayag ud karab
ud ān =iz ī dušxwadāytom pad deh abar_ō ōy ī huxwadāytom andar mān ud wis ud zand ud deh
ud ēg harw dō wāng barēnd kē ān ī huxwadāy ud ān =iz kē kē ān ī dušxwadāy
ud zanīhēd ān ī dušxwadāy ud ō ōy ī huxwadāytom xwadāyīh bē abespārēd
ēg kē andar ān pad ān harw grāmag xwāhēd ī uštānōmand ud ān =iz ī uzuštān
kē zanišn ud garzišn_kāmag
ud kē ān ī man mard ī ahlaw tarist baxšēd āsānīh
ud kē awēšān pāyēd az nigēzišn ī ahlāyīh
ud kē ǰādūg ud parīg ay kū =šān pādufrāh kunēnd
ēn =iz kū was kēnīgān kēn xwāhīhēd ud kū wināhgārān pādufrāh kunēnd
ka paymōzēnd ō tan gyān kū gyān abāz ō tan dahēnd
bē ōwōn āhen abar_pad zamīg purr ēstēd frāz widāxt kē nē kēnēnēd ōy ī ahlaw ud kēnēnēd ōy ī druwand
ud frašegird andar axwān kunam man kē ohrmazd ham
ud ēdōn =iz hagriz fradom ān druyist bawēd gēhān druyist =ēw ī ēdōn ī az ān frāz wēmār nē bawēd
kē mar bē nūn =iz amarg paydāgīh =iš ast ōh nūn
ud āgāh =iz bawēnd pad ān ī man xwadāyīh kū az man bē nūn =iz amarg gēhān ī astōmand ī ahlāyīh
ābādīh pahlom ahlāyīh ast
om pargard
yatāyš
abar frašegird pad gōwišn ī ohrmazd ō zarduxšt kū
man ān dād frašegird_kirdār ahlāyēnīdār sōšyans kē gōwēnd mardōm kū nē rasēd
ud rasēd pad ān xwārīh
ud hamāg_rōšnīh bawēd ō ahlawān
ud abar nigerīdan ud ō paymān handāxtan pad dastwar kirdan ī harw kār
ud ēn =iz kū ān azadār kām ī abar kadāriz =ēw
xwēšīhā ud ērmānīhā ud wālanīhā nēkīh_kirdār kām_warz ud dōst ī ohrmazd u =š ān mēnōy pad =iš mehmān nē frēftēd
andarz ī abar dūrīh ī az ōy kē =š druz ī aniyōšīdārīh ud tarmenišnīh pad =iš stahmag xwēšān tarmen abāg wālanīn tēz drōzan ud ērmānān yyy dahišn ud gōspandān apahrēz
mustōmandān anayār
ud abar puhl kē pad =iš rasišn ī ō ohrmazd ud ān ī pahlom axwān bawēd wēnišnīg ud awēnišnīgān =iz yazadān yaštan
ud čāštan ī ohrmazd ō zarduxšt pōryōtkēš ud ahū ud rad u zōt ī gēhān ēstād
ī pad frašegird hangām zarduxšt ī az se zamānān pad zōt_gāh ī hamāg gētīyān
ud wahwast ī snōy az snōān dehān pad hāwanānīh
ud iswand ī warāzān ī az tūrān dehān pad ādarwaxšīh
ud sen ī hōmstawanān ī az senān dehān pad frabardārīh
ud wištāsp ī az nōdarān pad srōšāwarzīh
abar amāwandīh ud pērōzgarīh ī ān yazišn
būd ī pad =iz andar ān axwān hamāg_rōšnīh ī frašegird ud amargīh ī hām_dahišn
ud ēn =iz kū gannāg_mēnōy abdom =iz ōš pad wahman bawēd
ud meh mizdīh ī ōy kē pad wizīdār_dahišnīh rādīh yazadān yazēd ud_dēn_nigēz ī yazadān bawēd pad bowandag_dōstīh ud hamkārīh
ud pad āgenēn ō xwēškārīh ī āyōxtārīh amahraspandān
ud ēn =iz kū tō awēšān hēnd frazend kē awēšān yazad frāz gōwēnd hamdādestānīh kē hagriz abardom hamīh frāz guft kū hamdādestānīh =ēw ān stabrtar bawēd
u =š guft ohrmazd kū man ham xwadāy ī dānāg ī sūd_xwāstār ī frāy_dādār ī gēhān
u =m pad ēn gōwišn
yə̄_səuuištō
menišnīg pad nērang yaštār bawē
ud nēk xēm tō
āmurzēm tō u =t rasēm ō ayārīh
u =t dahēm kadāriz =ēw pad =iš pādixšāyīh ī ēdar ud ānōh
ud ēn =iz kū ka ātaxš abrōzē ēn gōwišn
frāz gōw
us_mōi
tā wezest sar
ud abar paywāxt ud yazadān se yān ī zardušt pattūgīh ī pad frārōnīh
ud frāz_daxšagīh ī dēn ud rāmišn ī andar harw dō axwān
ud ēn =iz kū sahēd =iš gannāg_mēnōy kū ahlāyīh abar ōy stahmag
ud amāwand ān zamān ka ēstēd akōman az muhrag ī wahman ka pafšīrēd akōman az wahman nē wēnēd akōman kē ān ī ōy rāmēnīdārīh gōwēd
ud abar xwāst ī zardušt az ohrmazd nimūdan ī =š kirb ī ātaxš ul waxšīd az dō yyy ī ohrmazd
ud sahist ī zardušt ān ātaxš kū hām_gēhān ī ul ō asmān waxšē menīdan ī =š kū nēk ēdōn man ka =m ātaxš ī abzōnīg pad hamīh ul waxšē
ud pad ān abāgīh frāz rawam andar astōmandān gēhān
ud guftan ī ohrmazd kū
menīd =it ēdōn zardušt kē =t amenīd būd kū =t nē abāyist menīdan čē menē ēd zardušt
ud griftār kirdan nē šāyēd kē wēnē sōzān pad ān ī čašm wēnišn
ud anāhōgēnīd zardušt ēd ātaxš
ud āhōgēnīd tō hē andar gētīyān nē tō hē hamhāgīh_kirdār pēš az axwān frašegird_kirdārīh
ud ānōh ān ī man zahāg pus āhōgēnīd andar gētīyān stī
rādēnēš ō ōy kū =š tis dah
ēzēš ud rāmēnēš ōy zardušt
ābādīh pahlom ast ahlāyīh
om pargard yāšyawayt
abar kirdan ī pad hamāg kār ud dādestān myazd =ēw ī nāmčištīg ka nōg_nāwar ēzīhēd andar ān panǰ gāh
ud ēn =iz kū ohrmazd gēhān pad dānāgīh ud pad wehīh parward ud pad u rāstīh waxšēnīd
ud abar dād ī ohrmazd ātaxš ō ayārīh ī mardōm ud paydāgīh ī abar mardōmān tan ayārīh ud rāmišn ī az ātaxš
ud pad =iz ruwān ayārēnīdan ī mēnōy ī ātaxš ō kē ātaxš ayārēnēd
ud padīrag ruwān_hamēmālīh ēstād ī kē ātaxš bēšēd
ud abar dānāg guftār dād ī ohrmazd ān ātaxš menēnd
ud ēn =iz kū ka ātaxš abar kunēm pad ān ī xwēš wēnāgīh zardušt niyōšišn dahēš spitāmān abar_pad ān ī xwēš tan tā =š wāng bē nišīnēd
ud ka =š gōwišn hangirdēnīd hād zahag pus ī ohrmazd ēg ēn gōwišn frāz gōw ān ī pērōzgar zardušt at̰_tōi_ātrə̄m_ahurāi
gāhānīg tā wezest sar
dahēd ō tō ātaxš ābādīg kē az ōy zayē spitāmān kū gētīyīhā xwāstag ud xwadāyīh ī yazadān ān ī yazadān āhang ud nēk kunišn mardōm ud yazadān ān mard ēdōn dōst čiyōn pid ō zahag pus
abar nēw_dilīhā stāyīdan ī ahlāyīh ud ǰudāgīh ī az dēwān
abēgumānīh ī abar ēn kū dādār tuwānīgtar ud pāduxšāytar az hamāg dēw ud mardōm
ud paydāgīh ī az was gētī wēnišnīg tis abar bawēd tā tan ī pasēn kū kē xwāhēd kū =š wābarīgānīh ī andar mardōmān abērtar bawēd stāyišn yazišn ī yazadān wēš kirdan
ud ēn =iz kū rādīh ī ō yazadān frārōn_kunišnīh bawēd ud ō frārōn_kunišnīh pad frārōn_menišnīh šāyēd madan
ud ēn =iz kū rawēd ān ī man wahman nigerēd ox ī astōmand menišn ud saxwan_gōwišnīh ud kunišn ān ī ō man abar abāz niwēyēd tā_ō se bār andar ham rōz kē =iz ō tō rād spitāmān kē =iz ō tō arād
ud kōšīdan ī dēwān ō ānāftan ī hamāg nēkīh az mardōmān
ud nē ayāftan ī =šān tuwān ō ān nēkīh ī mardōm pad tan ī pasēn bawēd
ud kū az harw anāgīh ī dēw ō mardōm handāzēnd anāgīh =ēw garāntar ka =šān az rāh ī yazadān āhrēnēnd ud druwandēnēnd
u =šān wēštar pad ahlomōγān ud abārīg dahīg stāyīdārān ī ahlāyīh pad ahlāyīh_stāyīdārīh ka =iz abēr was stāyēnd
abar raftan ī ārmad ud tarōmad hamē andar dām
hāxtan ī ārmad mardōm ud ahlāyīh
ud tarōmad ō drōzišn niyōšīdan ī ān ī wattar tārōmad
ud dūrīh ī ahlāyīh az ān ī wattar čiyōn gōspand siǰd az mardōm
ud ēn =iz kū pad bowandag_menišnīh zanīhēd gannāg_mēnōy starišnōmand kōšišn
čiyōn ōzōmand ān ī yyy zanēd abēzag zardušt
ud dād ī ohrmazd hordād ud amurdad zōr ī pattūgīhā ō frabīhišn ud winnārišn ī dāmān
abar ǰud_dēwīh ī ohrmazd ud handāzišn ī mardōm kunišn ō meh_dādestānīh ī ast wēš_sūdīh ī hammis dahišn ī weh
ud andar warōmandīh =ēw yazišn ī yazadān kirdan
abar kū mardōm dēn ī weh weh_kāmagīh ud bowandag_menišnīh mēnōy rasēnēd
u =šān mēnōyīg urwāhm az yōǰdāsrēnīdan ī xwēš dēn pad frārōn kām ud kunišn bawēd
abar mizd_kāmagīh ī kadāriz =ēw ud was sūd ī az mizd_kāmagīh ī mardōm
xwēšīhistan ī mizd pad kār ī yazadān
pad =iz ān ī ašmāh xwadāyīh frašegird pad kāmag andar axwān daham man kē ohrmazd ham
ābādīh ast ahlāyīh pahlom
om pargard yast
abar paydāgīh ī humat hūxt huwaršt az dēn
mehmānīh ī dēn pad humat hūxt huwaršt
ud kē humat ud kē hūxt ud kē huwaršt xwēšēnēd ā =š ahlawīh ud ān ī ahlawān mizd xwēšēnīd bawēd
ud ēn =iz kū nē ōy zardušt ud nē zāyišn abar zayišn ī az pidarān kē nē ahlaw
u =š nē ān ī ahlawān paydāgīh
ud ēn =iz kū šād_menišn ud kāmag_ox ud xwār_tan ud nihādag ō awēšān menišn =iz dahē dēn kē ō tō man frāz guft kū az astān mahist ud pahlom ud nēktom
ud kū ān ī gōspandān az mardōmān niyābag āb ud wāstar ud abēbīmīh
ud ān ī mardōmān az gōspandān ast xwarišn =iz ud wastarg
ud ēn =iz kū ān ī mardōm ō yazadān abāyēd dād tan ud tuwān pad bunīgīh ud xwēšīh
ud ān ī yazadān ō mardōmān abāyēd dād hamē ān ī =šān abar weh
ud ēn =iz kū awēšān yazadān ō ōy ī huxwadāytom xwadāyīh ud pāduxšāyīh bē =iz dahē ud bē =iz čāšē kē ohrmazd ud zardušt
ud ēn =iz kū ma ka =iz pad wiškar ka frāz az āškāragīh
ud ma pad tangīh spitāmān ān ī dušwaršt_kunišn warzād
čē ohrmazd ān āgāh ī harwist_nigerīdār
kun čiyōn kadāriz =ēw ox ī astōmand menēd ud gōwēd ud warzēd
ēdōn ōy meh ast pādufrāh
ud ēn =iz kū pahlom yazišn ud niyāyišn mard ī ahlaw yazišn ud niyāyišn
ud abar zīyišn_xwāyišnīh ud padīrišnīh kū az dō dar dastwarīhā
ēk pad ahlāyīh_sālārīh ān ī paydāg kū az frārōnīh
ud ēk pad ahlāyīh_wālanīh ān ī paydāgīh =ēw nēst kū az abārōnīh
ud abar kū frārōnīh abar rāstīh ud rāstīh abar uzwān pādixšāyīh kunē kū saxwan pad kāmag ī ohrmazd gōwē
ud ēn =iz kū an ham mēnōy ī abzōnīg kē fradom
ud hamē bawam ud nē pad tis bē frēft_om
abar dād ī ohrmazd ātaxš ō srāyišn ud ayārīh ud pānagīh ī mardōmān
ud yaštan ud ayārēnīdan ī mardōm ud mēnōy ī ātaxš ō ōy kē =š urwāhmenīh az =iš urwāhm
ud ō ōy kē =š niyāyišn kunēd niyāyišn kirdan
ud ān ī meh kār ī ast passāxt ī pad tan ī pasēn kē pad =iš dām abēzag bawēd pad ātaxš bawēd
xwāst abāyistan ī mardōm az yazadān āyaft rāy
ēn =iz kū čē ēdōn tō zardušt šnāyēnīdārtom kū =mān wēš pad_rāmišn tuwān kirdan
humatārīhātar hēm kū =mān weh tuwān madan ka az amāh xwāhē zardušt kē amahraspand hēm
ud abar nimūdan ī ohrmazd ō zarduxšt dāmān pad tan ī pasēn
ud ēn =iz kū hamāg_rōšnīh ōy āb sahist ud hamāg_rōšnīh zamīg
ud hamāg_rōšnīh gōspand ud hamāg_rōšnīh urwar
ud hamāg_rōšnīh harwisp ābādīh kē az ahlāyīh paydāgīh
ud abar yaštan ī ohrmazd az yaštārān pad pēš_rawišnīh pad ān ī ohrmazd paymān dēn
kē =š gēhān ahlāyīh dād u =š xwadāyīh ud mehīh pad =iš ud hupānagīh az =iš
ud xwadāy nām dānagīh ast
u =š yazišn sūd ī dahišnān az ōy ka tanōmand ud gyānōmand zīyēnd ud hamāg gētīyān ud mēnōyān nēkīh
ud ēn =iz kū xwēš tō amāh hē ud ērmān =iz spitāmān ud abar =iz ō amāh rasē pad ān ī weh tarsagāyīh
ān tō ast zarduxšt mehīh ud bowandagīh pad kirdārīh kū =t mehīh ud bowandagīh bawēd
kū tō ān hād zardušt ud akanārag
ud abar az mayān kū =t mizd ēdōn stabr dahēm
kū ka pad mayān ēstā ō kanārag nē wēnē zamīg_pahnā ud rōd_drahnā ud xwaršēd_bālā
xwāst =iš zardušt az ohrmazd kū dah ō man ān ī mardān ī tagīgān bawēd hāwišt
ud pad abar_menišnīh ī ō dēn kē ēn ī man dēn ī mazdēsnān rawāgīh =iz dahānd
kē =iz ō ēn ī man warzišn ī weh nigēzēnd frāz wābarīgānīh =iz kird ī man pad wābarīgān dārēnd
guft =iš ohrmazd kū daham ō tō ān ī anī mardān ī tagīgān bawēd hāwišt awēšān tō hēnd xwēš ud awēšān ērmān
u =t awēšān hamhāg ud awēšān wālan kē ēd ī tō dēn ī mazdēsnān rawāgīh dahēnd
was tō awēšān zardušt ēzēš u =šān franāmēš
u =t pad ān ī awēšān yazišn ud niyāyišn dahīhēd ān ī īšt rādīh ahlāyīh tō ō ruwān abāg
u =t gyān az amāh ast ud tan =iz zardušt
frāz ō tō andar harw dō axwān rasam ō ayārīh kē dādār ohrmazd ham
arzānīg bawē zardušt pad awēšān harw dō hordād amurdad
pad rāmēnīdārīh ī man kē ohrmazd ham
pad awēšān saxwan ud kunišn kē ō tō man frāz guft ī az mēnōyān abzōnīgtom ham
guft =uš zarduxšt kū xwāstār pad ān ī tō amāwand bawān
guft =uš ohrmazd kū xwāstār ud amāwand bawē andar ox ī astōmand
guft =uš zardušt kū rāmēnīdārīh tō ō amāh pad dagr_rasišnīh ī gyān astān hudahāgtom kū =mān dahē
guft =uš ohrmazd kū rāmēnēm tō zardušt andar ān ī pahlom axwān ahlaw
ābādīh ast pahlom ahlāyīh
om pargard uštawayt
abar wuzurg_mizdīh ī ōy kē pad ān ī nēk rawišn mard ahlāyīh
ud čiyōn nēkīh kunēd
ēn =iz kū ahlāyīh dārišn ud pad warzišn abar nišānag ī mard ī ahlaw kū =š paydāg franāmišn ī ō kār ud kirbag
u =š apaydāg kastārīh kū =š wināh =ēw nē paydāg
warzīdār ān ī wahman paymān humat hūxt huwaršt
ud parwastagīh ī harw wehīh andar ahlawān šnāyēnīdārīh
ud abar mizd ī rād az kirbag ī kas pad ān ī ōy nērōg_dahišnīh kunēd
ud rōšn_rāhīh ud bālist_wāzišnīh
ud andar ān ī pahlom axwān frāx_pāduxšāyīh
ud abartar_rāyēnišnīh ud wuzurg_burzišnīh ī rāst rādān ruwān kū dahišnān dādār ān gāh pad wuzurgīh ī =š ast bunīg
ud menēnd ka frašegird ud tan ī pasēn ud gēhān hamāg rōšn ud dām amarg kunēd
abar dīd ī zardušt amahraspand pad ān ī čašm_wēnišn
ud abar dād ī ohrmazd ō kunišngarān mizd
ud ēn =iz kū pad ān ī ōy xrad ud hunar dām abdom =iz wardēd ō abēzagīh
ud bawēnd gēhān amarg ud hamē_sūd
abar hunar ī zardušt
ēn =iz kū andar axwān ahlāyīh_kāmagtar
ud āškārag_bēšīdār wattarān
čand tuwānīg ahlāyīh menīdār ud wasēnīdār ud ōy ī dawag ī druwand gannāg_mēnōy
ud wizēn ī zardušt abar rōz ī ham_pursagīh
ud ēn =iz kū =m ān ī rōšn rōz hād ohrmazd
armēšt ud wād ī xwābar kē man nē az hōšāg nē az sarmāg ud nē az suy ud nē az tišn ud nē az rōz āštīh
hōm man hād nān kē =š bōrag pad ǰomā
gōšt šīr ud hrang āb ka ham_pursēm ō ōy ī spennāg ī āgāh ī bē wizīdār ohrmazd
čē ēdōn ān ī ašmāh ham frāz_guftār
ud ka =m xward ēstēd ā =m dēn ī ašmāh weh tuwān guftan
ud ēn =iz kū mad ō ōy kadāriz =ēw ēwēnag =ēw ī =š zast
u =š mad ān ī hōm urwāhmenīh ud māyišn ud sagrīh
u =š mad xrad ī harwisp_āgāh
ud abar abdīh ī wištāsp ud zardušt
ud ēn =iz kū =m nimūd dēn ō ǰam ī huramag
u =m nimūd ō rōšn ī buland frēdōn
u =m nimūd ō kay arš
u =m nimūd ō sāmān kirsāsp
u =šān nē padīruft az stahmagīh ī druz ī aniyōšīdārīh ī =šān abar mehmān būd
ud ēn =iz kū āgāh būd ham kū rawāg nē bawēd pēš az ān tā ka ō man rasēd srōš_ahlī ī wištāsp kē =š abāg ān ī meh rād zardušt
ud abar agārēnīdan ī zardušt abāg abārīg dēn_burdārān druwandān az anāgīh ud zyān ī dāmān
ud ēn =iz kū zardušt pursīd az ohrmazd kū
čē ēdōn ō awēšān framāyēm kē nē pad dār sneh tuwānīg hēnd kū =šān zēn_abzār nēst
u =šān nē spāh ud nē abar_panāh u =šān was bēšīdār
guft =uš ohrmazd kū awēšān ī tušt_menišn mard waxšēnišn daxšag pad ōš kē nē ēdōn pad spāh tuwānīg hēnd
u =šān was bēšīdār
ud ēn =iz kū ohrmazd pad astīgīh dōšīdan
ud dēn pad menišn zōrōmand dāštan
pad =iš xwaršēd paydāgīh mizd dahēnd kē xwadāyīh ī =š ast pad bowandag_menišnīh
kē ahlāyīh pad kunišn ā =š wahman dahēd mizd
pahlom ahlāyīh ābādīh ast
om pargard tattwāpers
abar stāyišn ī dēn
ēn =iz nō kū az dēn harw kas nēkīh
ud ēn =iz kū man zahag zardušt u =š man pid parwardār ahlāyīh ī weh
man dād zardušt xwaršēd ud star rāh
ud man āgāh ham kū čiyōn waxšēd ud čiyōn nirfsēd
an pāyam zamīg asmān adārišn kū =š dāštār =ēw ī gētī nēst ud abēōftišn
man āb ud urwar dād
man dō arwand ā =m tēz ō_ham āyōzēnd wahman ud wād
kē hagriz pahlom mizd pad zamīg kunēnd kū mizd =ēw ēn weh ī awēšān dahēnd wārān
man dām dād zardušt pad wahman andar gēhān ka =m awēšān frāz dād ī purr ī purr_sardag
sīh sadōzim ān ī man dām būd azarmān ud amarg zardušt
andar sīh sadōzim nē būd suy ud tišn ud nē xwēy tan ud nē zēnāwandīh
ud nē zarmān būd ud nē margīh
ud nē ān ī sard wād ud nē ān ī garm
amarg ān ī man gēhān būd hamāg rōšn ud ān ī ahlawān stī
ēg āhōgēnišn abar mad ō gēhān ī astōmand ī ahlāyīh
pas man dād xwēy ud zēnāwandīh
u =m pas dād rōz ud šab
u =m pas dād ōš ud rapihwin
man xwadāyīh abāg bowandag_menišnīh ārzōg ō_ham tāšīd ō sūdōmandān
man windēnišn dād pus rāy ō pidar
ān windēnišn ī windēnīd gušn ud mādag gušn
u =m andar windēnišn dād pus ō pidar zardušt
ud ēdōn gannāg_mēnōy nigerīd u =š abar xwānd az ān ī zofr kū
spennāg_mēnōy ī dādār hē harwist dām kēnēnam tō spennāg_mēnōy harwist dām
ud abar rawāg bawēd ī dēn pad harw kas ud pad =iš frašegird tan ī pasēn
ud ēn =iz kū ēd ī tō dēn zardušt pahlom ast az dēnān
ēd ī tō dēn zardušt gēhān frāxwēnēd ī ahlāyīh ud bowandag_menišnīh
awēšān fradom bē dahīhēd andar wārom kē ēd ī tō dēn ī mazdēsnān
ud ōšmurēnd zardušt ēd ī tō dēn ī weh ud pahlom kē pad ahlāyīh ō xwēš šāyēd kirdan
frāz ēn gōwēš ō xwēšān ērmānān ud ō āsrōān
ud ōy ī kirdārtom pad deh kē ēd ī tō dēn ī mazdēsnān bē padīrēnd abar_ō haft_kišwar zamīg
frāz ēn gōwēš ō ōy ī frāztom az mānān ud wisān ud zandān ud dehān
frāz ēn ī man dušdēn ud franām mazdēsnīh zardušt ī ǰud_dēw ī ohrmazd_dādestān
guft =uš ohrmazd kū frāz =im ēd ī tō dōšīd ud dēn ī mazdēsnīh zardušt ī ǰud_dēw ī ohrmazd_dādestān
agar =im ēd ī tō nē frāz dōšīd hē mazdēsnīh ī zardušt ī ǰud_dēw ī ohrmazd_dādestān pad wināhišn būd hē
kū wināhīd hē franāmišn dēn ī mazdēsnān kū dēn rawāg nē būd hē
ud nē kas pas az sūdōmandān az ān bē zardušt rawāg bawēd dēn ī mazdēsnān
ēg =iz tā_ō frašegird_kirdārīh
ēg =iz tā axwān hamē_zīndagīh
ēg =iz ō rōstāgān ul_uzišnīh
ēg =iz tā_ō mēnōyān bē_wizārišnīh
abar nikōhīd andar dušox druwandān ō druwandtarān az druwandān
ast kē pas =iz az bōxtan ī abārīgān az dušox se šab dušox pazīdan
pas az ān se šab dādār awēšān =iz az anāgīh bōzēnīdan ud ō nēkīh rasēnīdan
ud ēn =iz kū zardušt pursīd az ohrmazd kū čiyōn hagriz ud ohrmazd dēw āšnāg huxwadāy būd hēnd čiyōn =išān andar gēhān menēnd ay kū =šān nēkīh az =iš būd
u =š guft ohrmazd kū būd hēnd dēw zardušt dušxwadāy ud nē huxwadāy
ud pad =iz mizd pad ān ī ahlāyīh kār frāz dahēnd
pahlom ahlāyīh ast ābādīh
om pargard atfrawaxšī
abar haft pahlomīh dēn andarz
fradom abar hamīh ī abāg dādār spennāg_mēnōy pad niyōšīdan ud hammōxtan ud warzīdan ī =š dēn
ēn =iz kū pad =iš bawēd bōxtagīh ī ān ī weh dahišn az ēbgad
didīgar abar ǰudāgīh ī az murnǰēnīdār gannāg_mēnōy
ud nikōhīdan ī =š az tar_menišnīh ud drōzanīh sar ī =š harw āhōg
sidīgar wirāstan ī xēm pad humat ud hūxt ud huwaršt
ud ēn =iz kū kē az ašmāh ēn mānsr nē ēdōn warzēd čiyōn ēn menišn gōwišn ā =š nē awēšān rōšnīh baxšēnd ud nē ān ī pahlom axwān anāg ast tā_ō ān ī abdom
čahārom abar pahlomīh ī xwēdōdah čiyōn =iš kē ka xwadīh_dahišnīh u =š dādestān dād ī xwēš zahagīg wehīh ō zahāgīg paydāgīh ud paywandišnīhīgīh ud kārīgīh ī sūdīgīh ud xwadīh_dahišnīh
xwēdōdah fradom dādār ohrmazd pad pidarīh ī wahman ī fradom zahag warzīd ud az ān warzišnīh mēnōyīg ud gētīyīg dām rawāgīh
ud was_paywandīg čiyōn az rōšn brāh h ud az brāh payrōg ud az payrōg bām būd purr_rawišnīhā wistardan ud ō frašegird paywastan
mardōm pad =iz mēnōyīg ud gētīyīg widāragīh ī andar mēnōy gētī spandarmad ān mādarīg xwarrah padīruftārīh wāspuhragēnīdan
panǰom abar kirdan dāštan ī ān ī ahūōmand ud radōmand dastwar
niyōšīdan =iš hammōg ud pad =iš ō ohrmazd dastwarīh ud kirbag mizd ud ān ī pahlom axwān paywastagīh
šašom abar stāyišn niyāyišn ud yazišn ī dādār ohrmazd
ud ēn =iz kū pad wahman frāz_ham_pursīh bawēd
ud az =iš xrad ud sūd =iz waxšēd
ud kū xwāstār tō hē tō hē ō ruwān amarg_rawišnīh zardušt kū ohrmazd dāmān xwadāy
ud mardōm šnāyišn ud warzišn ān ī ōy niyāyišn framān paymān
ud haftom abar xwadāyīh ī ohrmazd pad =iz mizd ud puhl dād ī =š andar āwāmīhā ān ī gēhān wirāstār ī wattar wišuftār ī sūdōmand
ud ēn =iz kū pad bowandag_menišnīh tō ēn ī man ēzišn hamēšag_griftār bawē spitāmān
ud abar dād ī ohrmazd ō dāmān zōr
ud ān ī zōr guxrūn ud tar_menīdan ī gannāg_mēnōy u =š abzārān ohrmazd ud dahišnān
ud ān tar_menīh abāz ō gannāg_mēnōy ud dēwān hammis kē ān ī dēwān dād waštan
ud abar stāyišn ī zardušt ēn =iz kū tō hē sūdōmand tō hē dastwar ud ped ud pad tō ast ān ī abzōnīg dēn tō brād ud hamhāg harwist hē sūdōmandān dōst tō ēdōn ast wahman
pahlom ābādīh ahlāyīh ast
om pargard kamnamayz
abar franāftan ī ō kadāriz =ēw būm pad nōg_xwāyišnīh ī xwarrah
ud ēn =iz kū ahunsandīhā mān zarduxšt nē pad dōšišn ī amāh ka nē tō šnāyēnd xwēš ud nē ērmān ud nē hamhāg ud nē wālan ud nē sāstār ī druwand kē =šān ān ī dēwān yazišn kāmagtar az ēd ī tō ēzišn niyāyišn
kū ka =iz az amāh dūr hē ēg =iz az tis ī amāh abāz ma ēst
ud ka =iz =it tis ī gētī nē xūb ēstād ēg =iz amāh ēzēš u =mān franāmēš
ud ēn =iz ēdōn kū =š ast kāmag gannāg_mēnōy kū ma kas ēzē ud ma franāmē ō amahraspandān
ud ma ēdar ahūīh ud ma radīh kū xwadāy ud dastwar ma dārēnd u =šān nē kāmag ī ō ahlāyīh ī pahlom
ud ēn =iz kū =t kem_gundīh ud kem_xwāstagīh az kem_rawišnīh ī mardān ī xwad_ramēnīdārān āgāh hē zarduxšt kē hē axwāstār ēn kū =t ēn atuwānīgīh čē nē dānē
ud wēnam tō ān ī garzišnīg gōwišn ī az =it āmārag xwāham
ud ēn =iz kū āgāh hē kāmag_rāmēnīdārīh ī amāh kē amahraspand hēm
ud dahēm ō tō rāmēnīdārīh ī zayē
u =t dahēm ābādīh kē dōst ō ōy ī dōst dahēd
ud abar rasīd ī andar āwāmān arwandān kē sūdōmand hēnd pad hammōxtišn ud warzišn ī xrad
u =šān wālīd ēstēd ān ī gušnān tuhišn
ud awēšān az bowandag_menišnīh abāgīh frāxwēnēnd gēhān ī ahlāyīh ud tangīh ō druz dahēnd
ud rasēd aw =išān sūd ī az frārōnīh
ud ēn =iz kū ān ī dušstahmag pad ān ī xwēš kunišn frōd murd bawēd
ud abar hamēstārēnīdan ī wattarān hamē pad and čand zōr ast
ud kū ān ī huxwadāy kē =š dastwar mānsr_spand abar xešm pādixšāy bawēd
ud abar stāyišn wirāstārān ēn =iz kū wābarīgān pad xūb_šnāsagīh ud pad =iz mihr ān kē wināhgārān pādufrāh kunēd pad ēd dārišn kū šnāsag mihrbān
ud abar xwēšīh kadāriz =ēw dādestān
ēn =iz kū pad rašn zīyēnišn kē ahlaw kē =iz druwand kū harw kas pad dādestānōmandīh dārišn
ud ēn =iz kū pad nēk xwēš dārišn kē =š xwēš ruwān az druwandīh bōzēnīd ēstēd
ud ēn =iz kū ēdōn tō dastwar ān ī xwēš dēn abēzag
nō sīh_nō sezdah ud abar nišān ī druz_xastag mānī ud druwandān ī =š niyōšāg zanišn ī =š az ōy ī dehbed mad
ud ēn =iz kū druwand kē ān ī man gēhān dahēd ō ān ī kēnīg ahriman ul =iš ēstēnīd bawēd ān ī xwad rēš dēw kū rawāg kird bawēd pad margīh ī ān ī ahlawīh gēhān
kē stāyēd ān ī ahlāyīh yazišn nē ēdōn ān zarduxšt stāyīd radīh ī gēhānān kū gōwēd kū pad radīh ud dastwarīh man weh šāyam
ud nē ēdōn ān zarduxšt mwtlšn bē ǰōyēnēd ō mardōmān
ud ān ō awēšān gōwēd hamē_zīyišnīh kū =š hamē_zīyišnīh az =iš bawēd awēšān kē bē ǰōyēnīd yyy
ān awēšān pas menēnd ān dēwān yazišn pahlom
ud rasēd pad padīrag_rasišnīh srōš_ahlī yazam xwadāy ō ōy tan pad bēš
ān xwadāy kē ēn pad huzīyišnīh pānagīh ud nē pad dušzīyišnīh ud pad kadāriz =ēw zamān bēšīdār druwandān
ud abar xwēšīh ī dēn_hāxtārān kirbag ī hāxtagān
abar nišān ī abdom āwām ī zarduxštān az hazangrōzim
ēn =iz kū ō xwadāyīh abar ahrāmēnd kē kay ud karab hēnd
ud ān =iz ī dušxwadāytom pad deh kē az ān ī wattar kunišn ān pad gōwišn murnǰēnēnd ān ī mardōmān axwān
ud murnǰēnēnd ān ī xwēš ruwān
murnǰēnēnd ān ī astōmand gēhān kē =šān grāmag az ahlāyīh dōšagtar
ud xwadāyīh =iz ī gišnag srāyišn andar axwān az ān ī wattar framān ka ī abārōn dahēnd
ud hammōxtišn awēšān ō ān ī abdom abespārēnd ō druzōdmān
ud ēdar =iz abar stāyišn ī friyānīyān dūdag gōwēd kū
ul rasēd ahlāyīh spitāmān az nāfān ud naftān ī tūrān ka uzīd pad friyānīyān
guft ēdōn čiyōn pad tūrān būd awēšān pad bowandag_menišnīh abāgīh frāyēnēnd gēhān ī ahlāyīh ud tangīh ō druz dahēnd
ham awēšān abar_pad wahman menēnd zarduxšt ud awēšān rāmēnīdārīh pad gōwišn zayēš az amāh kē amahraspandān hēm kū bē xwāh
ud ēn =iz kū ēd ī tō rādīh ast kē amahraspand hēm kē ō tō rādīh kunēd ā =š ō amāh kird bawēd
ud abar stāyišn ī wištāsp
ud ēn =iz kū šnāyēnēd tō andar axwān pad rād_dahišnīh kay wištāsp kē =š ō tō pad tangīh frāz_rasišnīh ast
ud pad ān ī wahman xwadāyīh frāyēnēd ōy wištāsp gēhān ī astōmand ī ahlāyīh
ud ōy menēš xūb hamēšag dōst abēzag zarduxšt kē kay wištāsp
ēdōn ān kay wištāsp ī kārīg ī ka stāyēd dēn hamdamanān =iz wardēd kū =šān bē_ō dēn āwarēd
ud abar hāxtan ī spitāmānān ō dēn
ēn =iz kū ēdōn gōwēš ō spitāmānān kū
spitāmān =ēd ahlāyīh stāyēd pad franāmišn ī was ī abar_pad menišn menišnīg
u =tān dāšn bē wizīnšn ud kē =iz adāšnīh
ud pad =iz awēšān kunišn ī ašmāh ahlāyīh ō ašmāh dād mizd kē =š dād was ohrmazd ān mizd
ud abar abdīh ī čahār ī ohrmazd_dād gyāg
ānōh kū wahman xwadāyīh
ud ānōh kū ohrmazd mehmānīh
ud ānōh kū dēn abāg bowandag_menišnīh
ud ānōh kū ān ī rādān ruwān
ud abar andarz ī ō zarduxšt pad guftan ī ō mardōmān
kird ī paymān hišt ī apaymānīh
ud xwēšēnīdan ī rādīh abāg ēr_menišnīh
ud dānāg_paymānīh ī pad kirbag
ud ēn =iz kū kē menišnīg tan pad hāwištīh bē_ō tō dahēd ō ōy tō =iz pahlom ān ī xwēš īšt bē dahēš
ud anāstīh ō ōy dahēš kē ō tō dahād anāstīh
čē ēdōn tō ō ruwān pahlom ay ahlaw zarduxšt ka ēdōn kunēd
ud ēn =iz kū ēn ī man dēn pad xrad pad =iz menišn bē wizīnēš
ud ēn =iz kū ān kē pad ahlāyīh abāyist wēš az kirdan ā =š pad kirbag kirdan dāšn weh bawēd
ud ēn =iz kū kē kirbag xwāhēd kirbag
ud kē awināhīh h xwāhēd awināhīh ayābēd
kē ō yazadān rād ā =š az yazadān rādīh awisinnišn
ud ēn =iz kū ēn ān mizd āgāh ham kē būd hēnd ud kē =iz bawēnd ud kē =iz hagriz bawēnd
pahlom ābādīh ast ahlāyīh
om pargard spandmayt
abar kū ohrmazd dām pad dānāgīh dād ud pad rāstīh dārēd
ud ēn =iz kū harw kas pahlom tis menišn pad dastwar ī ox ud uzwān pad dastwar ī menišn dāštan
ud gētī dōšāram rāy ēč abzārān ī tan andar ox nē druxtan
nō čēhel se ud kū ox hamē rāst ud uzwān ast ka drōzan gōwēd pad uzwān ān saxwan kē ōy nē wurrawēd pad ox ud az ēd =iz ka az harwist tan uzwān fradom mīrēd
ud ō tō gōwam spitāmān kū ēdōn pad uzwān gōwē čiyōn pad menišn menē
ud pad bowandag_menišnīh pad harw dō dast kunišn warzēš
ud ēn =iz kū kē ēdōn kunēd ān frazānag ud ān pid ī ahlāyīh pad dānāgīh
ud kē ān ī mad ēstēd kunēd ān ī nē mad ēstēd rāy bē nigerēd
ud ēd =iz kē ān ī dānēd kunēd ān ī nē dānēd abar abāz pursēd ā =š abzōnīg_mēnōyīh dānāgīh pad tan mehmān bawēd
ud abar dād ī ō ayārīh mardōm gōspand ud ō ayārīh ī gōspand rāmišn ud wāstar =iz
ud ēn =iz kū wināhēnd wadag dēw ud druwand mardōm
ud nē wināhēnd ahlaw mardōm ud hudānāg amahraspand
ud ēn =iz kū pad kōdag tuwānīgīh az kirbag ma mōšēd ud pad wuzurg_tuwānīh was kirbag bawēd
ud ēn =iz kū nēkīh hamāg ō wehān dahēd ud wattar nē pad abāyist ī yazadān dārēnd
ud abar dād ī ō wizārišn ī pahikārgārān
paydāgēnīdan ī bōxt ud ēraxt uzwān ī rāst_guftār
ud war ī nimūdār bōxt ud ēraxt
kē ōy ī rāst_uzwān padīruftag u =š gōwišn rawāg kunēd ā =š andar gēhān dādestān waxšēnīd ud must kāhēnīd bawēd
ud ēn =iz kū ātaxš wizārišn bē dahēd ō pahikārān kū bōxt ud ēraxt paydāg kunēd
ka =š ān kē ān ī stabr bowandag_menišnīh ud ahlāyīh =iz pad =iš war_sālār
ud ān was ka nigerēnd ā =šān wurrawēd druwandān ān nērang ī war
pahlom ast ahlāyīh ābādīh
om pargard yezid
abar astīh ēwar ud warōmand paydāgīh
ud daxšag ī abar bawēd ī tan ī pasēn
ud abar meh_škōyīh ī kirbag mēnōy ud ān =iz ī kirbakkar mardōm pad pad_mehmānīh =iš ī ān mēnōy
ēn =iz kū pad frašegird zamān stāyēnd ud ōšmurēnd ud warzēnd dēn mazdēsn
ud ān ī dēwān pad frēftārīh ud pas mardōm =iz ī druwand az ān ī dēwān frēftagīh guft kū nē rasēd
ud abar pērōzīh ī yazadān abar dēwān pad āwāmān frazām
fradom ān ī ka mardōm bōxtagīh ī az dušox rāy dēn mazdēsn stāyēnd ān ī ka yašt_frawahr spitāmān zardušt ō rām_šāh kay wištāsp mad
didīgar ka amāwandīh ud pērōzgarīh ī xwadāyīh nōg abāz ō dēn paywandīhēd
ud mardōm ān rāy abāz ō weh_dēn rasēnd
ud ēn bawēd pad nazd_rasišnīh ī zarduštān ušēdar ka čihrōmēhan ī ahlaw rasēd
sidīgar ka mardōm hunsandīhā nōg dēn mazdēsnān stāyēnd
ud ēn bawēd pad ušēdarmāh ī zarduštān rasišn
čahārom ān ī ka harw kas pad kāmag dēn mazdēsn warzēnd
ān zamān ka rasēd sūdōmand pērōzgar frašegird_kirdār sōšyans ī zarduštān
ud ēn bawēd sarōmandīh abartom pērōzīh ī yazadān
ud abar pursīd ī dēn kē ōy ī dēn_āgāh dānāg hērbed
niyōšīdan ī az =iš ud uzwārdan ī pad dānāgīh
ud abar pahrēz ī az nihān saxwan frēftār wiyābāngar ahlomōγ
ēn =iz kū ma =iz tō pad nigūn_ālagīh pad hammōzišn frēbēnd kū =t ēdōn bē frēbēnd ī ō ālag ī nigūn ōbadē ī ast dušox
ud abar rasīd ī mardōm pad xrad ud hunar ud dēn pāyagīhā ō yazad_hāwandīh
ud ēn =iz kū pad ān rāh ka =m andar dāmān wahman dādan ī widarg mardōm andar aw =iš wišād
ud kū gannāg_mēnōyīg tamēnāg abespārēnāg ud stard_gar akōman rāy
ka mardōm ō abērāhīh ud ān ī wattar dēn škarwēnd
ud ēn =iz kū pad ān ī frazānagīh xwadāyīh abdom harw kas ō ān rāh rasēnd
ud ēn =iz kū kē pad abēbīmīh kirbag ayāb wināh kunēd pad ēd dārišn kū =š menišnīg kird
ud kū mardōm pas az zāyišn pahlom tis yōǰdāsrīh ī az wināh
ud ēn =iz kū xwarišn ud dārišn ī āsrōnān abar wāstaryōšān
ud ēn =iz kū ārzōg ud rāmišn ud zōr ī mardōmān az hordād ud amurdad gōspand
ud abar stahmagīh ī xešm ud arešk ud wisinnišn ī harw dō pad pad bowandag_menišnīh ud wahmandārīh
ud ēn =iz kū man kird ahlāyīh dēn_wandag ī hām_dahišn hamāg mardōm xwēš tan andar_ō ān wandag kunišn
u =š amargīh ud akāmag_xwāyišnīh ud kāmag_xwadāyīh ud hamē_sūdīh az =iš bawēd
ud ēn =iz kū ān gōspandān pahrēz tarsagāyīh ī ohrmazd ast
ud abar wuzurgīh ī ahlāyīh
ud ēn =iz kū az =iš zāyīhēd xwāyišnān abartom pāduxšāyīh ī andar ān ī pahlom axwān xwāst ī mardōmān ān wuzurgīh
nō čēhel_ēk wīst_dō ud abar stāyišn ī frašegird zamān ēn =iz kū pad ān zamān ān ī pad =iš gumānīg hēnd hamāg ō āškāragīh wišāyīhēd abdom arzānīgān mizd ud puhl
ud abar dādīgīh ī ān ī pad wahmanīg wišōbišn ī xwad ast āhang ārāyišn
ud ēn =iz kū druwandān ān zamān az xwēš druwandīh āgāh bawēnd ka =šān tan wišuft
ud abar murnǰēnīdan ī druwandān kirbag ud ān =iz ī xwēš ruwān
ud ān =iz ī mēnōyān axwān ud ān =iz ī astōmand tan
ud ēn =iz kū pad frašegird hangām nazdīh rasēd xwadāyīh abāg dānāgīh ō ōy ī wehtom az mardōmān
u =š paymōzīhēd ān xwarrah kē pad =iš zadār ī wattarān ud waxšēnīdār ī wehān bawēd
rasēd ō ān ī ōy ayārān frazānagīh ī pad wahman
ud ēn =iz kū awēšān hēnd sūdōmand ī pad deh
ud awēšān ēg kū būd ēstēnd hamēstār ī ōy ī xešmen mardōm
ēn =iz kū pad ān brād xwah pad hamkāmagīh ul gīrēnd kū pad hamdādestānīh xwēdōdah kunēnd ud pēš_nēmag ī rōz ul zāyēnd rōšn pad mayān rōy buland_wēnīg ud arus ud rōšn ud frāz_paydāg
ud se nēzag bālā pad dagrandīh se nāy pad ulīh waxšēnd
ud pas az nēmag ī rōz rānagīh hammōxtēnd druz bē barēnd ī ēbgad pēš
ud abar aybyānghanēnēnd kū xwēškārīh kunēnd
ud ēdōn harwist nēk hēnd pad dīd
pahlom ast ābādīh ahlāyīh
om pargard atmāyaw
ud abar pānagīh ud pānag ō pānagīh_niyāzān tā frašegird
ud abar wurrawēnīdan nē šāyistan ī awēšān kē ō bun_čim ī wurrawišn nē mad ēstēnd
pēš az dānišnīg ōstīgānēnīdan ī =šān abar astīh ī dādār ī ast bun_čim ī wurrawišn
ud abar garān wēmārīh ī dēn az ōy druwand dādwar kē pad dādwarīh gāh rawēd
ud adādestān wattarīh_kāmag xrad dušmen u =š az rāstīh rēš ud az rāstān bēš
u =š gannāg_mēnōy pad =iš mehmān
ud dēn_sūdīh ud wuzurg_mizdīh ī rāst dādwarān
kāmag abar_barišnīh ī ō sālārīh ī pad frārōnīh
ud abar ǰudagīh ī az dōstīh ī druwand
dušxrad ī afrazānag ud axwēškār kē xešm ud arešk pad =iš abarwēz
ud abar hupādixšāyīh ī pahrēxtarān ī xwēš grīw az abārōnīh
ud dušpāddāšnīh ī abāz_āhangān ī az abārōnīh
ud ēn =iz kū druwandān xwad ō xwad druwandēnēnd ud dušoxīgēnēnd
pad =iz ān ī ka =šān grāmag az ahlāyīh dōšagtar ud xwadāyīh =iz ī gišnag srāyišn
ud abar stāyišn ī zardušt ēn =iz kū
tō šīrēnīh ud čarbīh ō gētīyān nimūd ēstēd
tō ān ī dēn sālārīh pad wahman
tō hē pad ahlāyīh xūb šnāsag
ud abar stāyišn ī frašōštar
garmōgīh ī pad kirbag sālārīh ī pad frārōnīh
ud hammōzišn_niyōšišnīh ud rāst_gōwišnīh
ud pad fšēyīh gēhān_warzīdārīh ud sūd_tāšīdārīh
ud nē dād ī sālārīh ō wattarān
ud abar stāyišn ī ǰāmāsp kārīgīh =iz ud dastwarīh
ud abar pānagīh ī dahišnān ī weh kē wahman ud ān =iz ī ahlawān ruwān spandarmad =iz
ud abar pādufrāh ī ōy druwand kē =š pad xwadāyīh adādīhā tis stanēd
ud abar =iz garān pādufrāh ī druwand ī dušmenišn ī dušgōwišn ī duškunišn ī dušdēn ī dušxwadāy andar dušox
ud abar paywāzišn ī amahraspandān ō zardušt pad mizd ī =š xwāst ud hunsandēnīdan ī pad =iš
ast ahlāyīh ābādīh pahlom
om pargard katmōyruwag
abar xwāst ī kadāriz =ēw ō ruwān tōšag
ud pad gōwišn ī šahrewar ō zardušt kū ēdōn menē spitāmān kū ohrmazd tō ayārēnēd
ud ēn =iz kū dāmān ī ohrmazd pad hordād zīyēnd ud pad amurdad amargīhēnd ud pad spandarmad ohrmazd bowandag_menišnīh
u =š pad šahrewar pad xwadāy dārēnd
ud abar xwāst ī xwāstag az frārōnīh
ud ēn =iz kū kē az frārōnīh xwāhēd ān ī az stahmagīh ī wattarān ayāb anī petyārag rāy aw =iš nē ayābēd ēg =iš pad mēnōy guharīg ān mizd dahēnd ī meh ud weh az ān xwāstag
ud abar gōspand arzānīgīh ōy artēštār kē dād frārōn ud ōz pad kām ī yazadān ayārīh ud sūd ī ērān ud zanišn ī kāstārīh ī anērān dārēd
ud abar griftārīh ī mardōm pad andarz ud framān ī yazadān
rāyēnīdan and čand =išān az yazadān pad dānišn zōr ayārīh ast
xwēšēnīdan ī =šān ān ī pahlom axwān pad rāyēnīdan ī ān andarz framān
ud abar ayārīh ī ahlawān pad widār ī ō ān ī pahlom axwān az mēnōy ī dānāgīh ud xwadāyīh ud rādīh ud rāstīh ud ahlišwang ud hōm yazad
ud abar čim ī gām se az zōt_gāh abestāg_gōwišnīhā frāz raft ī zōt
pas az yašt pad ātaxš sar pad parwāzišn ī ō āb_zōhr_barišnīh
ul uzīdan ī amahraspandān hamē hanǰaman ī ham_pursagīh ī zardušt sar
pad se gām az zamīg ō xwaršēd_pāyag pad humat ud hūxt ud huwaršt
ud andarz ī ō zardušt ud pad =iz ān ēwēnag amahraspandān
ayād =iz ī pas az ǰudāgīh ī az wēnišn rāy yaštan
ud ēn =iz kū az =iš bawēd hamgriftārīh ī ōy ī hudānāg xōg ud čihr pad =iz passazagēnīdan ī xwēš kunišn ō ān ī ōy ēwēn
ud abar an_hangōšīdagīh ī zardušt pad =iz wasīh ī kirbag
ud ēn =iz kū ēdōn awēšān kunišn ī warzīd ud kē =iz warzīhēd harwist tō pad awēšān ahlāyīh_mizdīh ast zardušt
ud abar andarz ī ō zardušt
ud ēn =iz kū yazadān tarsagāy bāš kū =t mardōm tarsagāy bawēnd
ud abar handāxtan ī rōzān ud šabān zamān hamāg ō uzēnīh pad kirbag
ud ēn =iz kū kē hamē xwēškār hamē kirbakkar
ud kū kē čand =iš tuwān kirbag kunēd čand =iš kām mizd dahīhēd
ast ahlāyīh pahlom ābādīh
om pargard wohuxšahr
guft =iš ohrmazd kū man dād zardušt ān ī weh xwadāy kāmag
ud ēn =iz kū kē xwadāy ī weh_kāmag pad bahr ī gēhān arzānīg az bahr ī =š dahīhēd ōy ud gēhān =iz abzōn
ud kē =š az bahr_dahišnīh xwad ud gēhān =iz abzōn ā =š bahr dah wizīdār_dahišnīh pahlom kunišn
ud abartarīh ī kunišn az menišn ud gōwišn
ud abar kū pahlom xwāstag bar ī āb ud zamīg ud urwar
u =š pahlom xwāyišnīh pad dēn_garzišnīgīh
ud xwadāyīh rādīh
ud abar xwāst ī az yazadān āyaft pad =iz pahikārišnīg gōwišn
ud paywāxtan ī yazadān ān ī arzānīgān āyaft ud pahikārišn arzānīgīhā
ud abar zōr_paywastārīh ī ōšīg ayādīh ud xradīg wizēngarīh ēk ō did
abar yaštan ī mēnōy ī sālārīh ud āmurzišn āgenēn andar garōdmān pad nigerīdārīh ī abar dāmān ī weh
ud abar xwāst ī ud hammōxtan ī ān āgāhīh ī abāg kirbag abzōn handōzišn =iz ud windišn ī xwāstag pad =iš bawēd
ud ēn =iz kū kē tan pad ērīh ud tarsagāyīh bē_ō ōy ī rāst_dēn dastwar dahēd pad dēn frazānagīhēd
u =š ō ōy ī weh wehīh dād ud ō yazadān rādīh kird bawēd
ud abar dād ī ohrmazd āb urwar ud gōspand hammis dēn ud dādestān ō parwardārīh ud winnārdārīh ud paywastārīh ī dāmān
ud abar āsānīh ī mēnōy ī dēn ud mānsr ka =š ān ī dānāg ī wurrawišnīg ī wurrawēnīdār mard gōwēd
ud ēn =iz kū druwand kē frēftārīh ō kasān ān hammōzēd ī =š pad xwēš ox nē wurrawēd ka =iz wasān hammōzēd pad =iš wurrawēnēd
frazām ī ān hammōg ō brahnag_frēbīh ud āškārag_drōīh ud wišuft_wurrawišn_padišīh rasēd
ud abar passāxt ī mardōm gētīyīg pad =iz tan ī pasēn pad ātaxš ud āhen ī widāxt
ud pad gētī bōxt ud ēraxt ī abar dādestān pad =iš paydāg būd
ud pad tan ī pasēn druwandān rēšēnīdan ud ahlawān rāmēnīdan
abar xwānd ī wahman ud ašawahišt ō ayārīh pad =iz bīm ī az druwandān
abar xwēšēnīdan ī ān ī pahlom axwān pad ahlāyīh ēwāz
ud ēn =iz kū huāyišn garōdmān mardān ast ī ahlawān
ud nē kas az druwandān āyišn
abar dušmenīh ī kay waypī axt ī dušdēn ī tam_ox ō zardušt
ud škarwīdan ī ōy u =š amāwandān druwandān pad ān ī zardušt wēš
ud dušoxīgīh ī hammis awēšān
abar bastagīh ī kay ud karab menišn az frārōnīh
ud ēn =iz kū nē gētīyān abzāyēnd ud nē mēnōy ārāyēnd bē gēhān kāhēnd ud mēnōy wišōbēnd
abar xwadāyīh_arzānīgīh ī kay wištāsp wuzurg hunar_kirdārīh rāy ǰud =iz az abarmānd
ud abar stāyišn ī frašōštar pad dād ī =š hwōw pad zanīh ō zardušt
stāyišn ī hwōw pad bowandag_tarsagāyīh ī =š andar zardušt
ud andarz ī ō zardušt pad pāduxšāy kirdan ī hwōw pad kadag_bānūgīh
abar stāyišn ī ǰāmāsp pad xwarrah_xwāstārīh ud dānagīh ī pad xwēšēnīdan ī ābādīh hammis ahlāyīh_dōšagīh pad pāduxšāyīh
ud dēn_ōšmurdārīh ī pad wahman framān pad =iš ud ayārīh ī zardušt
abar stāyišn ī mēdōmāh pad padīruftan ud widārdan ī =š dēn_burdārīh ud rawāgēnīdārīh rāy
xrōsagīh ud xwistagīh ud dušxwarišnīh ud abārīg harg az druwandān pēš šab nēmag
ud ān ī zardušt ham čim rāy burdan ī ud ōšmurdan ī ān ī ohrmazd_dād pad yazadān urwāhm
ud xwēšēnīdan ī =š ān ī pahlom axwān
abar spurrīgīh ī zardušt pad frazānagīh bun bowandag_menišnīh ud abzōnīgīh
u =š sāmān =iz dānišn
u =š bar =iz ī ast xwadāyēnīdan ī wahman pad tan ud abzāyēnīdan ī gēhān pad ahlāyīh
abar pahlomīh ī ēzišn ud niyāyišn ī zardušt ud abartarīh ī =š pāddāšn
ud andarz ī aw =iš pad yaštan ī ohrmazd abartomīhā
ud hammis yazadān pad ān ī xwēš nām čiyōn =išān wuzurgīh
ast ābādīh ahlāyīh pahlom
om pargard wahištōyšt
abar xwāyišnān pahlomīh ī weh_dēn u =š āgāhīh
ud abar mad ēstād ī ō spitāmān ēč mānān dūdag xwarrah pēš =iz madan ī zardušt
awēšān ī az ān dūdag dānāgīh ud dād_ārāstārīh ud dastwarīh mānān ud wisān ud zandān ud dehān pad =iš būd
ud pad xūbīh ī saxwan ud kunišn mardōm az abārōnīh ō frārōnīh hāxtan
ud burzīdan gēhānīgān ō =iz rasišn ī weh_dēn wurrawēnīdan
ud ēn =iz kū astīh kay wištāsp ān ī zardušt kāmag
ud az hwōwān frašōštar az =iš ast
abar stāyišn ī pōručist ī zarduxštān pad dōšīdan ī weh dēn pad xrad
ud kirdan ī ān ī dēn andarz ī hunsandīhā
dād ī tan pad zanīh ō zarduxšt ud spurrīg warzīdan ī kār ud tarsagāhīh ī ōy
pas az zarduxšt zanīh =iz ud tarsagāhīh ī ǰāmāsp kirdan
ud wuzurg_mizdīh ī =š az ohrmazd pad ān dēnīgīh ud yazadān_xwēšīh
abar stāyišn ī hudōs pad rawāgīh ī dēn mazdēsn ī pad =iš būd pad waxšišn ī ahlāyīh ud wānišn ī druz
ud hammis kirbag ud sūd ī az rawāg_dēnīh gēhān būd bawēd
ud hamspāsīh ud wuzurg_gāhīh ī =š ēdar ud ānōh
ud abar nišān ī awēšān ī frazām_wirāstār ud āwām_ārāstār
ud ēn =iz kū paydāgīh awēšān hēnd spitāmān zardušt kē ēn frašegird kunēnd andar axwān
nigerīdār awēšān hēnd ud kem_bēš ud guxrūnīh
bowandag_menišn kū ka =šān pēm rasēd bē gugārēnd
ud nē awēšān bīm ud āzār
ud ān =iz ī drō_gōwišn ī anāst awēšān rāy nē gōwēnd pad ahlāyīh_xwāyišnīh kē hēnd ahlaw
ud abar daxšag ī awēšān ī frazām_wišōb ud āwām_petyār
ēn =iz kū paydāgīh awēšān hēnd spitāmān zardušt kē hēnd axwān murnǰēnīdār
tēz garān awēšān hēnd kū zūd_zūd āhīd bawēnd
ud abārōn garān =mān ud pad guxrūnīh
ud nē bowandag_menišn hēnd kū =šān pēm gugārdan nē tuwān
bīm awēšān ud āzār
ud ān =iz ī drō_gōwišn ī anāst awēšān rāy gōwēnd pad ahlāyīh_xwāyišnīh kē hēnd ahlaw
abar druz_kāmagīh ud druz_ayārīh ud druz_šnāyēnīdārīh ī ān ī dēwān paygāmbar
ud abēriyahrīh ī =š dām ī ohrmazd pad =iz hangēzišn ī garzēnd
ud āšōb ī az ān ī ōy frēftārīhā gōwišn andar gēhān
paywastan ī aw =iš ān ī škeft ud tēz marg ud ān ī garāntom dušoxīg pādufrāh
ud abar awēšān ōy druwand pasōbāy ud ayār ahlāyīh_zadārīh
ud pad =iz frāyēnēnd gēhān murnǰēnīdārīh ud ruwān druwand_garīh
ud pad frazām abar dast ī ōy ī huxwadāy mard wišōbišn mad ud gēhān ud dām az =išān āsūdan
ud ēn =iz gōwēd kū ōšīh_nērōgēnīdār ud wēšišn_ārāstār kū dard ud bēšišn andar gēhān rawāg kunēnd ud nirfsēnīdār ud arāstgar hēnd ō ahlawān
ast ān ī ahlaw xwadāy kē awēšān zanēd u =šān hamyastārēnēd kū =šān az wināh abāz dārēd u =šān pad kāmag kēnēnēd
ōy ohrmazd ēd ī tō xwadāyīh kē ōy ī rāst_zīyišn driyōš dahēd wāsān
ast ābādīh pahlom ahlāyīh
om pargard ayryaman
ērmān_xwāyišnīh ō tō mahist gōwam spitāmān az harwistīn srawān abēzag pad hāwand abestāgīh ēn weh
čē =m ān az harwistīn srawān abar_kārtar frāz dād
kē ērmān_xwāyišnīh
awēšān ēw ōšmurēnd kē sūdōmand hēnd
ud pad ān ī ōy frāz_ōšmurišnīh spitāmān pāduxšāy bawēm andar ān ī xwēš dām man kē ohrmazd ham
ud nē pad tis pāduxšāy bawēd ān ī duždēn dušmēnōy zardušt andar ān ī xwēš dām spitāmān
zamīg_nigān bawēd dušmēnōy ud andar zamīg_nigān kē dēw hēnd kū =šān kālbod bē škīhēd
ud ul rist pad ān ārāyīhēd pad ayārīh ī ōy
bē zīndagīh ō tan abāz dahēnd ud tanōmand gyān dārēnd kū pas nē mīrēnd
ast pahlom ahlāyīh ābādīh
ast pahlom ābādīh ahlāyīh
šnāyišn dādār ohrmazd ud wisp yazadān
baγ wīst_ēk pargard fradom baγān ahunawar
abar āfrīdan ī ohrmazd pēš az harw dahišn ī ǰud az amahraspand
pad bē wihēzāgīh ī amahraspand ristag saxwan ī frazānag dēn
wisp_āgāhīh andartom hangirdīgtom parwand ud dārmagtom ud kirb
tōhmagān tōhmag ud baxšišnān bun ī abārīg hammist weh_dēn gōwišn baγ ahunawar
čiyōn wizārišn ī baγ ahunawar_baxšišnīgīh
ud ān ī ahunawar ahūwayr ahū fradom nām ī abar fradom
nāmčišt ān ī az dādār ohrmazd =iz nām u =š passāzišn az mardōm
nō čēhel_haft panǰ
mit
ast abāg fradom abāg mārīg ī ast wayr kāmag ī ōy ī pad didīgar nāmīh ī abar fradom
nāmčišt hammis didīgarīh ī ān ī =š nāmčišt čimīg ī čiyōn pad čihrōmand fradom
ud didīgar nām ōwōn pad āgenēnīgīh būd hēnd
fradom nām paywandišn saxwan bawišn ī ast mānsr
ud ham_badast saxwan bawišn mad ō gōwišn_tōhmagīh ud bagīh_baxšišnīgīh ī az =iš wisp_mānsrīg srādag_gōwišnīh
u =š nām yatā_ahū_wayryō ān mēnōy kē pad =iš rawāgīhēd frazānagīh dēn andar dāmān
ud niyāzōmand hēnd dahišnān pad dānāgīh ō ān abzār
ōh =iš pad bē_niyāzagīh ī amahraspand dād
ēd =iz kū amahraspand pad gōwāgīh dānāg pad dānāgīh amahraspand hēnd
ud abar ham saxwan ēn =iz kū saxwanān saxwantom ī guft ud gōwīhēd
ud tomīh nē abar wāng ī saxwan tōhmag bē abar wasīh ī sang =iz ī ast saxwan čiyōnīh andar ud sang saxwan
ēn =iz kū mardōm pad hammōxtišn ud ōšmurišn ud warzišn ruwān az dušox ud pad padiš_ēstišnīh ī ham_bāstagīhā tan =iz az margīh pāyēd
ēn =iz kū ahunawar fradom bazišn ān =iš nām baγān ahunawar andar yazišn =ēw ka awidār ud asūdagīhā srāyēd pad sad_radīh ī gāhānān ka awidār ud asūdagīhā srāyēd kirbag
ud ka widār ud asūdagīhā srāyēd ēdōn ī ēzišn ōh bawēd čiyōn dah
ud ēn =iz kū pad ham bazišn tā hangirdīgīh ī fradom bowandagīh ī ast stōd_yast yazēd
čiyōn yašt ī nōg_nāwar bawēd
andar ān rōz ruwān ī ōy yaštār se bār ō garōdmān widārēnd
ud abar garān_wihānīh ī awidār ī baγān ahunawar
ud ēn =iz kū =š andar ohrmazd ērīh ī čiyōn fradom gām kird bawēd kē tan pad bandagīh ō ōy ī dehbed pad hāwištīh ō ōy ī dēn_dastwar dahēd
ēd rāy čē awēšān pad gētī ahūīh ud radīh abāyēd hēnd
ōy ī abardom ahū ud rad dādār ohrmazd
ud az ham čim ka ērīh ī awēšān kird ān ī dādār ohrmazd čiyōn fradom gām kird kird bawēd
ēn =iz kū =š tan pad šāhān šāh bandagīh dāšt ud hammōxt bawēd kē bun pad xwēšīh ohrmazd dārēd
ēd rāy čē ka bun pad xwēšīh ohrmazd dāšt ohrmazd abar xwēš ādān xwadāy kird bawēd
ān ī ēdōn winnarīhēd ka gētī =iz ohrmazd abāyēd pad xwadāy dārēd ud ka dāšt ud hammōxt bawēd
ēn =iz kū =š ān ī wahman mizd xwēšēnīd bawēd kē tis ī frārōn daxšagēnēd kē =iz dranǰišn ī frārōn gōwēd ud kē =iz ō mardōm pahlom pahrēz ī az wināh hammōzēd
ēd rāy čē frārōn tis daxšagēnīdan ud dānāgīhā dranǰišn guftan pahrēz ī az wināh
čiyōn gētīyīhā mehmānīh pad weh mardōm mēnōyīhā az amahraspandān ud abērtar wahman pad =iš rāyēnīdār
ud az ham čim kē ham_hunar pad =iš ast abāg wahman ham_kirbag
ud kirbag passazag ham_mizd bawēd
ēn =iz kū =š xwadāyīh ō ohrmazd dād bawēd kē ān kunēd ī az tat̰_mazda_tauua_xšaϑrəm paydāg u =š mōy ī ēn ōy ohrmazd ēd ī tō xwadāyīh ī kē ōy ī rāst zīyišn driyōš ā =šān dād bōzišn
ēd rāy čē ohrmazd xwadāyīh ō gētī abērtar bōxtārīh ī driyōšān dāmān az ēbgad nē dād ud abar čim ī kē zōr ī xwadāyīh ō driyōšān bōzēnīdārīh ī paywastag kām ī ohrmazd abar xwadāyīh rāyēnīdan xwadāyīh ō ohrmazd dād bawēd
ēn =iz kū =š driyōšān pad bōxtārīh ī az petyārag ayārēnīd bawēd kē dōstīh ō spitāmān bōzīhēnd petyārag ōwōn yyy dāmān dēn_rawāgīh pad dēn_burdārīh dōst ī spitāmān ayār ī dēn_burdārān bawēd
abar andar āmadagīh dāmān ēbgad az bē abēčārīh ī spennāg_mēnōy u =š abar ōbastagīh ī ēn gōwišn ī ohrmazd dēn pad se paymānag ast humat hūxt ud huwaršt čahār pēšag ī ast āsrōnīh artēštārīh ī wāstaryōšīh ud hutuxšāgīh panǰ radīh ī ast mānbedīh ud wisbedīh ud zandbedīh ud dehbedīh ud zarduxštrōdomīh ēk handarzīgīh yyy ī ast ān ī weh xwadāy rādīh
ahlāyīh ābādīh pahlom ast
didīgar pargard baγān ahlāyīh
hād ō =š harw kas ābādīh ī pahlom dād bawēd kē ō kadāriz =ēw ān ī pad =iš arzānīg dahēd
ēd rāy čē abar pahlom_dahišnīh rāy wēš bē_sūd_dahišnīh ud sūd_dahišnīh arzānīgīhā_dahišnīh bawēd
ud ēn =iz kū =š mizd ī harw kirbag ō mardōm dād bawēd kē mardōm pad xwēškārīh hammōzēd ud dārēd
čē čiyōn xwēškārīh hamāg kirbag ōy kē mardōm pad xwēškārīh hammōzēd ud dārēd ā =š kirbag mizd ī mardōm az xwēškārīh xwēšēnīdan šāyēnd xwēšēnīd bawēd
ud ēn =iz kū =š ō harw kirbag rawāgīh dād
ud ān ī kirbag_šnās ud xwāstār pad =iš āb anāhōgēnīd bawēd kē pādixšāyīh pad frārōnīh dārēd abērtar pad kirbakkarān mizdēnīdan
ud kē =iz wizīr ud dādwarīh rāst kunēd abērtar pad bazakkar puhlēnīdan ud az pādīrāngarīh ī kirbag spōxtan
ud kē =iz mayānǰīgīh dānāgīhā kunēd abērtar pad hufrāyēnīdārīh ī gēhān
ahlāyīh ābādīh ast pahlom
sidīgar pargard baγān yēnhē_hātām
hād ēdar =iš ān ī ohrmazd pašn čāšt bawēd kē dād ān ī ohrmazd kū =š dād frārōn
ud ēn =iz kū =š yazišn ī ohrmazd kird bawēd kē ō astīgān mardōmān zīyišn_xwāhišnīh
ud ēn =iz kū =š ahlawān narān ud mādagān yašt bawēd kē niyāyišn ō amahraspandān
wizārišn yazišn čiyōn ast šnāyišn hamāg ān ī ohrmazd az =iš xwadīhā ud az =iš pad paywand rasēd ō ohrmazd šnāyišn
ud ēdar gōwēd mādayān se saxwan andar hamāg ēwēnag yazišn ī ohrmazd
ēk ka mardōm dād frārōn čiyōn pad frārōnīh =ēw ī menišn sāmānīhēd
ēn ān ī xwadīhā rasēd ō ohrmazd yazišn ud stāyišn
ēk ka ō mardōm zīyišn_xwāhišnīh čāšēd
u =š dādestān pānagīh ud parwardārīh ud abārīg ayārīh ud šnāyēnīdārīh ī mardōm hāmist stāyišn ī mardōm ayār ud ān kird pad mardōm puhl ud paywand rasēd ō ohrmazd yazišn ud šnāyišn
ēk ka niyāyišn ī amahraspandān kunēd ī ast amahraspand ǰud_ǰud pad xwēškārīh ī pad =iš gēhān winnārišn ud rāyēnišn ud nērōgēnīdan rāy
čiyōn az dēn paydāg yaštan ēn =iz kū yazišn pad dō puhl ud paywand rasēd ō ohrmazd yazišn šnāyišn amahraspandān kē pad yazišn zōrīhīdan ēk mardōm kē pad zōr ī amahraspand waxšīhist
ahlāyīh pahlom ābādīh ast
šnāyišn dādār ohrmazd ud tar_dahišn ī gannāg_mēnōy
čahārom pargard baγ yānīm_manō
abar stāyišn ī zarduxšt kū =š dādwarīh ud yān_xwānišn ud passox_guftārīh ēdōn būd čiyōn az mānsr paydāg
ud ēn =iz kū ān ī ōy dādwarīh pēš az yān būd kū =š ēn wizīr =ēw abar xwēš kird ēstēd kū =š fradom xwēš tan pad nēkīh arzānīg kird u =š pas nēkīh xwāst
ēn =iz kū =š bun ud bar ō ohrmazd dād bawēd kē rāmišn ō ohrmazd dahēd
čē bun ud bar sūd sūd rāmišn rāmišn xwad_rāmišn rāy abāyišnīg
čiyōn rāmišn sar ī harw nēkīh ud kē =š rāmišn ō ohrmazd ustōfrīd kird
čiyōn =iš dādestān ēn kū =š kē rāmišn az ān tis bawēd ī ohrmazd kām ā =š bun ud bar ō ohrmazd dād bawēd
ud ēn =iz kū =š kirbag ī dādīg_rāmēnīdārān rāmēnīdan xwēšēnīd bawēd kē ōy ī rāst tarsagāy tarsagāyīh kunēd
ēd =iz rāy čē kē pad rāst tarsagāyīh dādīg rāmēnīdār ī kasān
kasān ōy pad warzīdan ī =š tarsagāyīh rāmēnīdan čimīg
ud ka ēdōn rāmēnīdārīh ī ōy kas kirbag ī dādīg_rāmēnīdārān rāmēnīdan xwēšēnīd bawēd
ud ēn =iz kū =š xrad ī wahman rawāgēnēd kē saxwan pad wahman gōwēd
ēd rāy čē xrad wahmanīg u =š rawāgīh pad saxwan abērtar
ud ēn =iz kū =š frāxwīh ud šnāyišn ī gōspandān hammōxt bawēd kē gōspand ī =š andar dārišn xūb dārēd
ēd =iz rāy čē amaragānīhā ēdōn ōh kē gōspand ī =š andar dārišn xūb dārēd ā =š az =iš sūd ud rāmišn windīd
kasān kē ān windišn wēnēnd anī =z ī ō xwēš sūd rāmišn rāy gōspand xūb dāštan abar hammōxtēnd
ud ēn =iz kū =š nēkīh ō nēkīh arzānīg dād hammōxt bawēd kē nēkīh ī =š ast pad xwēšīh yazadān dārēd
ēd =iz rāy čē nēkīh ī =š ast pad sūd ī yazadān dāštan rāy bē_ō arzānīgān dahēd az =iš kasān abar hammōxtēnd
ēn =iz kū =š pad harw dō axwān ābādīh ō ōy ī ābādīh arzānīg dād hammōxt bawēd kē ō tanōmand ud gyānōmand arzānīg nēkīh dahēd
ēd =iz rāy čē =š gētī ud mēnōy harw dō ast u =š gētī andar ēn axwān mēnōy andar ān axwān az ān nēkīh_dahišnīh šnāyišn rasēd
ēn =iz kū kē tarsagāhīh ī wehān kunēd ā =š ēn =iz hammōxt bawēd kū yazadān ān kē =šān kām_warz rāmēnd
ēd =iz rāy čē weh ō ōy kē =š tarsagāhīh warzēd šnāyišn passox bawēd yazadān gāh ēwar
ēn =iz kū kē pad fradomān mardōmān ēn =iz hammōxt bawēd kū =šān āyaft_xwāstārān pad paywāz =išān ōh rāmēnd
ēd =iz rāy čē az framān az dēn bē dād mehmānīh ī yazad frārōnīh andar gēhān az ān bē
ud dahišn ī rāh ī ābādīh az yazadān ō mardōmān pad =iz paywāzišn ī āyaftān bawēd
mardōm pad =iš abēgumāntar bawēnd ud pad yazadān wēš wurrawēnd
ud ēn =iz kū =š ruwān andar garōdmān dād x bawēd kē tis ō ōy dād kē yazadān wehān stāyīd
ēd =iz rāy čē pad =iz rādīh ī pad xwāstag ud dahišn ī rāh ō garōdmān paydāg tis ō stāyīdārān ī yazadān wehān dād wuzurgar rādīh
ēn =iz kū =š tarsagāhīh ī tarsagāyīh niyāzagān kird bawēd az nāzuk ō wehān čāšēd
ēd =iz x rāy čē ōy ī weh hammōg ī dēn pad tarsagāyīh ud sūd rāmišn ī yazadān wehān ō kār barēd
ēn =iz kū =š āgāhīh ī pad ān ī ohrmazd dēn ō xwēš wišād bawēd kē wahman dōšēd
ēd =iz rāy čē dānišn ī rāst andar abēpuhl wizēngarīh bawēd abēzag_rasišnīh ī wizēngardārtom ox ō menišn pad pākīh ī rāh andarg ox menišn bawēd pākīh ī ān rāh pad mehmānīh ī wahman ānōh bawēd
ēn =iz kū ahlāyīh hammōxtēd ō ahlāyīh menišn pahikustag dārēd
ēd =iz rāy čē =š menišn ō pad =iš tuxšišn nixwārēd pad tuxšišn ō ayābišn rasēd
ēn =iz kū kē framān abar_rawāgīh ī tis ī ohrmazd dahēd ā =š ō mardōmān ēn =iz hammōxt bawēd kū gāh ī ohrmazd kay wēnēd
ēd =iz rāy čē ān gāh ī pad bowandag_rawāgīh kām ī ohrmazd andar gēhān šāyēd dīd
ud kē framān abar_rawāgīh ī tis ī ohrmazd dahēd ā =š kām ī ohrmazd andar šāyēd gēhān rawāg bahr ī ān tis ō mardōmān nimūd kē pad =iz ān bunīh ī bowandagīh dīd ī mardōm gāh ī ohrmazd bawēd
ud ēn =iz kū kē ohrmazd pad tan mehmānēnēd ēg =iš az tis pad dastwar =iz dānist =iz ō mardōm hammōxt bawēd
ēd =iz rāy čē abērtar hammōg ud dānišn ān ī pad dastwar
ud kē ohrmazd pad tan mehmānēnēd ēg =iš xwāst ox ī ō ān ī hammōxtišn xwarrahōmand ud stāyīdag bawēd ud mardōm pad =iš hammōxtēnd
ēn =iz kū weh kas kē weh xwadāy paristag rāmēnīdār ā =š weh mardōm pad nēkīh frāz ō ōy ī xwadāy nayīd bawēd
ēd =iz rāy čē weh pad nēkīh ī =š rasēd abārīg wehān pad =iš ham_bāγēnēd
čihr ud xēm ud xōg ēdōn az ān bē ka =š xwēš tan pad tarsagāyīh rāmēnīdārīh xwadāyān frāz ō xwadāyān nayēd u =š abārīg =iz wehān frāz ō ān nēkīh nīd bawēd
ēn =iz kū handōzišn frārōnīhā kunēd ā =š rāh ī ābādīh az yazadān ō xwēš wišād bawēd
ēd =iz rāy čē frārōn_handōzišnīh pad abyōxt_wizīdārīhišnīh winnārīhēd ud ka ēdōn ganǰwar ī yazadān bawēd
ēn =iz kū kē sūd bē_ō amahraspandān dahēd ā =š dād ī ān ī pad hām_gēhān xwadāyīh šāyēd xwāst bawēd
ēd =iz rāy čē sūd ī ō amahraspandān dād xwēš rāy ān ī hām_dahišn sūd xwāst abardom sūd ī hammist x dāšn xwadāy ī nēk bawēd
ēn =iz kū kē stāyīdār amahraspand ā =š dēn ī weh stīd bawēd
ēd =iz rāy čē weh dēn amahraspandān stāyišn amahraspandān stāyišn weh dēn
ēn =iz kū =š dēn ī yazadān rawāg kird bawēd kē ustōfrīd ī yazadān kunēd
ēd =iz rāy čē ustōfrīd yazadān kirdan dēn_burdārān nērōgōmandēnēd ud dēn rawāgīh pad dēn_burdārān bawēd
ēn =iz kū kē mardōm pad kirbag kirdan garmōg bē kunēd ā =š mizd =iz ī kirbag ō mardōm rādēnīd bawēd
ēd =iz rāy čē bun dādār bar dādār =iz bawēd
ēn =iz kū čē amaragān mardōm spās az frārōn_kāmān ayār kē =iz dām pad frārōnīh parwardārīh kē =iz handōzišn az frārōnīh
ēd =iz rāy čē frārōn_kāmān ayār waxšēnīdār ī frārōnīh andar gēhān
ud kē dām pad frārōnīh parwardārīh pidarīh kirdār ī dāmān
kē handōzišn az frārōnīh frāx_gar ī gēhān bawēd
ēn =iz kū kē ōy ī adād ayārēnēd ā =š ō xwāstārān ān ī =šān abāyišnīg dād hammōxt bawēd
ān ī adād ayārēnēd ud ēn bawēd čiyōn šahr rōdestāg deh dūdag kirdan
wištāspān mān kadag drubuštīh xān ī kārdāg handēsīdan
rāh ī škastag wirāstan ud puhl ī abar rōdīhā bastan
rōd ud kahas ǰōy rāyēnīdan awērān ābādēnīdan
abārīg tis ī =š āsānīh ud sūd ī mardōm az =iš gēhān dagr_pattāy bawēd kirdan
ud kē ēn tis kunēd ā =š ān =iz ī pas zāyēd ayārēnīdan ān ī sūdōmandtar tis mardōm abāyišnīg kirdan ud ō =iz kasān kirdan hammōxt bawēd
ēn =iz kū mēnōy =iš ān ō ohrmazd čāšt bawēd kē xrad ō ōy kē xrad kū gōšōsrūd ō ōy hammōzēd kē āsnxrad nēk
ēd =iz rāy čē mēnōy ēd ī =š ō xwēšīh mad ēstēd ī ast gōšōsrūdārīh ā =š ō ohrmazd zahag ī ast āsnxrad pad abzāyēnīdan dād ohrmazd pad =iš šnāyēnīd bawēd
hangirdīg =ēw abar būd_ēstišnīh ud stī_rawišnīh bawēd_ēstišnīh
ēn =iz abar būd_ēstišnīh ī ast bun_gōhrīg menišn niyōšišn ī weh ud wattar stī ī =š weh wehīh ud ān ī wattar wattarīh
ud abar stī_rawišnīh ī ast mayānag_kārīg kirbakkarīh ahlawīh ud mizdōmandīh ud bazakkarīh ud druwandīh puhlōmandīh
abar bawēd_ēstišnīh ī ast abdom pad xrad_rāyēnīdārīh ī ōy abardom weh ī wisp wasīgān bun_čihrīh ī wehīh
abar wattarīh ud pāduxšāyīh wehān apāduxšāyīh ī wattarān abēzagīhā winnārišn ī ān ī weh dām
ahlāyīh pahlom ast ābādīh
panǰom pargard xšmāyabī
abar ēn kū =š gōšurun garzišn nē būd kird bawēd kē gōspand ī =š andar dārišn xūb dārēd
ēd =iz rāy čē =š gōspand abzāyēd ud kasān āhang ud ārzōg ī ō ān abzōn rāy u =š handāzag kunēnd gōspand xūb dārēnd gōšurun garzišn nē bawēd
ēn =iz kū kē framān abar_rawāgīh tis ī yazadān dahē ā =š pahrēz ī gōspand kird bawēd u =š ruwān ō yazadān rasēd
ēd =iz rāy čē gōspandān pahrēz andar rawāgīh ī tis ī yazadān pad =iz bōxtārīh ruwān mādagwar tis ast
ēn =iz kū kē gōspand pad dastwar ī gōspandān rad dārēd ā =š dōst =iz ī ōy ī gōspand ī dādār ō gōspand hammōxt bawēd
gōspandān rad x ān kē pad parwardārīh ud pānagīh ud abzāyēnīdārīh ī gōspandān dānāg
ēd =iz rāy čē ka =š gōspand pad dastwar ī parwardār pānag ud abzāyēnīdārīh gōspandān dāšt ā =š dōstīh =iz ī parardār ō parwardag pānag ō pādag ud abzāyēnīdār ō abzāyišnīg nimūd
wizīr ī dādār ō dahišn pad dōstīh ān ī parwardār ō parwardag ud pānag ō pādag ud abzāyēnīdār ō abzāyišnīg
ud ēn =iz kū kē gōspand pad frārōnīh dārēd ā =š ō yazadān dād bawēd
ēd =iz rāy čē ka =š pad frārōnīh dāšt ā =š kām ī yazadān abar rāyēnīd ud ka =š kām ī yazadān abar rāyēnīd ā =š ō yazadān dād bawēd
ēd =iz rāy čē gušn_hilišnīh gōspandān andar gōspand abzāyēnīdārīh mādayān kunišn
ud ōy ī abzāyēnīdār sālārēnīdan =iz ī gōspandān hammōxt bawēd
ēn =iz kū kē gōspand tā_ō bowandag_waxšišnīh rasēd nē kušēd ā =š gōspandān rāy ham_bār =iz kird hammōxt bawēd
ēd =iz rāy čē az ān dād abzōnīg gōspandān sūd ī mardōmān bawēd
mardōm dōstīh ī ō sūd rāy pad gōspand warzīdan abērtar tuxšēnd u =šān ham_bār sāzēnd
ēn =iz kū kē astān ōzōmandtar kū ōz ān ī ōy pad_kārtar kē ō ōy ī xwēš rawišn kū ān ī bē abāyēd dād bē dahēd
ēd =iz rāy čē xwēš niyābag dādārīh pad dādīg_menišnīhā bawēd ud dādīg_menišnīhā pad āz ud waran ud xešm ud nang ud arešk ud abārīg druz az tan spōzīh yyy ud druz az tan spōz mard kārīg_ōz bawēd
ēn =iz kū pad xwānišn wihēzišn ud ō kirbag madan ōzōmandtar kas ast kē xwāstag pad dastwar ī hērbedān dārēd
ud kē =iz wizīr dādwarīh rāst rāst kunēd ud kē =iz wehān ēr tarsagāy bawēd
ēd =iz rāy čē mardōm amaragānīhā xwāstag pad tan ārzōg ud rāmišn dāštan wizīr ud dādwarīh ō kū =šān kām rawēd kirdan kasān ōy ēr ud tarsagāy būd ud ka =iz abārōn āhang
ud kē xwānišn rāst kunēd wehān ēr tarsagāy bawēd abāz wāxtār ast ī ān āhang
ud kē pad ān āhang abāz wāxtan pattūg ōzōmandtar kas bawēd
ēn =iz kū =š harw kas ō xwēškārīh ī kadāriz =ēw pahlom tis ēstēnīd bawēd kē xwēškārān mizd čiyōn =išān abēzag niyābag rawāg yyy
ēd rāy čē mardōm tan ō xwēškārīh ranǰēnīdan mizd ārzōg āhangēnēd
ud ēn =iz kū kē gund ud abzār pad frārōnīh ēg =iš wahman dāšt ud šnāyēnīd bawēd
ēg =iš rāy čē gund ud abzār pad frārōn dāštan ēdōn bawēd ka pad pānagīh ud ayārīh wehān zadan ud wānīdan ī wattarān wirāstārīh ī gēhān bawēd
ud ēn =iz ēdōn ka az wehān ī dōst ud wattarān dušmen ud wehān dōstīh ud wattarān dušmenīh pad šnāxtan ī weh ud wattar winnārīhēd ud ud weh ud wattar šnāxtan pad wahmandārīh ōy ī wahman_dāštārīh wahman šnāyēnīdār =iz bawēd
ud ēn =iz kū kē framān abar rawāgīh ī tis ī yazadān dahēd ā =š xwēš =iz dānišn ud hammōg_waxšēnīd bawēd
ēd =iz rāy yyy xwēš kār_framān abāyēd dānišn =iz ud hammōg ī =š pad ān kār_framānīh ud yyy abāyišnīg waxšēnēnd
ēn =iz kū kē ō wehān hammōzēd ēg =iš kirbag ī mē =iz ayārēnīdan ī zarduxšt pad dēn guftārīh xwēšēnīd bawēd
ēd =iz rāy čē zarduxšt dēn awēšān =iz ī frašegird bawēnd rāy guftan paywast pad hammōxtan ī wehān hammōxtārān hāmōyēn ō zarduxšt pad dēn guftārīh ayārēnīdan ān kirbag xwēšēnīd bawēd
ud ēn =iz kū kē tis ō ōy kas x dahēd kē yazadān wehān stāyēd ā =š pad =iz gōwišn gāh ānōh xwēšēnīd bawēd
ēn =iz kū kē ōy ī ō ī abzōnīgān hammōz ā =š zyān ī az anabzārīh ī pad dēn az gēhān bast bawēd
ēd =iz rāy čē az ān hammōg ud abzār ī dēn sūd ī az =iš andar gēhān abzāyēd
ēn =iz kū kē ōy ī ahlaw pad nēkīh frāz ō xwadāyān nayēd ēg =iš ān ī abardom ayārīh kird bawēd
ēd =iz rāy čē =š frāz ō gyāg ī windišn ēmēdīh ī ān ī abardom nēkīh paywast bawēd
ēn =iz kū kē tan pad bandagīh bē_ō ōy ī mahist šāhān šāh dahēd ā =š rāh ī humenišnīh ud rāmišn_ayārīh ud xwadāyīh_dahišnīh az ohrmazd ō xwēš wišād bawēd
ēd =iz rāy čē bun čim ī nēkīh arzānīgīh mardōm az dādār bandagīh ī =šān andar dādār
ud az ān čiyōn ōy ī huxwadāy dehbed gētīyīhā dādār padwēšag dāmān dēndār kē ōstīgānīhā tan pad bandagīh ō ōy dahēd ēg =iš ō =iz dādār dād bawēd
ud tar hammōzam bun ī nēkīh ī arzānīgīh ī az dādār ō xwēš paywast rāh ī ān ī azabar guft ud abārīg =iz nēkīh az =iš ō xwēš wišād bawēd
ahlāyīh ast ābādīh pahlom
šašom pargard attāwaxšī
ēn kū kē ān ī dānāg hērbed dēn dārīh āzarm abar burdār ā =š hērbedestān pad dēn kirdan waxšēnīd bawēd
ēd rāy čē ān ī yyy abzārān niyābag_kōxšišnīh mardōm čihr_ārzōgīhā tuxšāgēnīdār bawēd ō ān ī frahangān hammōg
ud ēn =iz kū kē =š dād frārōn ā =š stāyišn ī ohrmazd kird ud hammōxt bawēd
pad =iz ēn čim sūd rāmišn kadāriz =ēw az frārōnīh rāy ān =iz ī frārōn dād ōy =iz kē dādār ī ān ī frārōn dād ī xwad ast ohrmazd stāyēnd
ēn =iz kū kē =š rāh frārōn yazišn ī ōh kunēd u =š meh bawēd
ēd =iz rāy čē yazadān ō yazišn ī pāk_xēmān ī frārōn_rāhān abērtar rasēnd ud padīrēnd
ēn =iz kū hammōg ī dēn waxšēnīdār bawēd kē abar kirbag rawāgēnīdār niyōšīdār
ēd =iz rāy čē az nēkīh_kirdārīh ī abar kirbag rawāgēnīdārān abzōn ī kirbag
az abzōn ī kirbag frāy_rawāgīh weh_dēn waxšišn ī weh_dēn hammōg andar gēhān bawēd
ēn =iz kū kē pādixšāyīh pad frārōnīh dārēd ā =š wizēngar ī pad kārān dādestān ō mardōmān hammōxt bawēd
ēd =iz rāy čē pādixšāyīh pad frārōnīh dāštār mard wizīdār xwadāy bawēd mardōm ōn kirdan xēm ud dād ud ēwēn ī xwadāyān hammōxtēnd ud warzēnd
ēn =iz kū kē xwēš niyābagān niyābag dādār ā =š tan ō zarduxšt dād bawēd
ēd =iz rāy čē xwēš niyābagān niyābag dād rāst rādīh astīgīh ī hangirdīgīh zarduxšt dēn
ud kē pad =iš wāspuhragānīhēd ēg =iš dēn zarduxšt paymōxtan kē =š dēn ī zardušt paymōxt ā =š tan ō zardušt dād bawēd
ud ēn =iz kū kē ō ān ī sazāg pad dēndārīh dēndārīh dahēd ā =š xrad =iz ān ān dēn_dār ō mard waxšēnīd bawēd
ēd =iz rāy čē abāg xwarrah ān ī kār yyy ān waxšēd
ēn =iz kū kē dō rāh ī weh ud wad ān ī weh yyy ā =š sūdōmandān pad ātaxš ud āhen war kirdan yyy ayārēnīd bawēd
ēd =iz rāy čē ān pad xrad čašm wizēngarīh ast ī yyy rāh sūdōmandān ud pad ātaxš ud ayōšust wizēngar paydāgēnīdār hēnd ī bōxtan ud ēraxtan dō wizēngar ī weh kār =iz ǰud_ēwēnag kār ēg =iz harw dō pad wizēngarīh hambāy ud ēk ō did nērōg paywastār hēnd
ēn =iz kū kē ān tis kunēd yazadān sūd az =iš ā =š ōy ī hudānāg pad menišn gōwišn kunišn rāst bē wizīdan nērōgōmandēnīd bawēd
ēd =iz rāy čē az yazadān sūdīhā tis kirdan kāmag xwadāyīh ī yazadān andar gēhān az kāmag_xwadāyīh ī yazadān andar gēhān abēbīmīh_āwāmīh ī gēhān abēbīmīh ī āwāmīh ī gēhān ō =iz nērōg ī ōy ī hudānāg pad rāst bē wizīdan pad menišn gōwišn kunišn ōh rasēd
ēn =iz kū kē tis ī ohrmazd menēd ā =š hamēyīgīh ohrmazd ud ohrmazd xwēš hamēyīgīh menīdan =iz menīd bawēd
pad =iz ēn čim čē mardōm ohrmazd hamēyīg nēkīh az =iš ud ēmēdīh =iz rāy menēnd paristēnd kē =š pad hamēyīg nēkīh az =iš menēnd ā =šān xwad ōy ī hamēyīg nēkīh az =iš hamēyīg kū ān hamēyīg xwēš ahmēyīgīh menēd menīd bawēd
ēn =iz kū kē mardōm az niyāyišn ī dēwān abāz dārēd ā =š az wēmārēnīdan ī gēhān wizūd bawēd
ēd =iz rāy čē kē mardōm az niyāyišn ī dēwān abāz dāšt dēw az gēhān apādixšāyēnīdan az wēmārēnīdan ī gēhān wizūd bawēd
ēn =iz kū kē rādīh kunēd ā =š pad xwaršēd nēkīh kird ud kē pad xwaršēd nēkīh kunēd ā =š pad =iz kirb ud ēwēnag ī mardōm nēkīh kird bawēd
ēd =iz rāy čē xwaršēd pad ān ī rādān rāy ud xwarrah raft ud kirb ud ēwēnag ī mardōm pad xwaršēd dāšt ēstēd paydāg
ēn =iz kū kē =š abāyist ō tis ī frārōn kē =iz pādixšāyīh pad frārōnīh dārēd ā =š mardōm pad frārōnīh mānēnīdan ō mizd stadan āyōxt bawēd
ēd =iz rāy čē kē =š abāyist frārōn harw kas rāy nēkīh xwāhēd abardar abāyistan ī pad nēkīh ī mardōm_ēstišnīh mardōm pad frārōn abāyistan
ud kē ān abāyist ī bowandag čand =iš tuwān āyōxtan rasēnīd bawēd
ud kē pādixšāyīh pad frārōnīh dārēd ā =š mardōm ī andar pāduxšāyīh āwāmēnīdan pad frārōnīh mānēnīdan hammōxt ud ō kirbag āyōxt ud ō mizd rasēnīd bawēd
ēn =iz kū kē nēkīh pad xwēšīh ī yazadān dārēd ā =š mardōm pad mizd stadan ō yazadān āyōxt bawēd
ēd =iz rāy čē nēkīh pad xwēšīh ī yazadān dāštan rāy pad ayārīh ud šnāyišn ī wehān dārēd u =š mardōm handāzag az =iš gīrēnd u =šān kirbag bawēd pad mizd stadan ō yazadān āyōzēnd
ēn =iz kū kē wābarīgānīh ōy ī ēmār wizārdār ahlaw dādwar dahē ud kē =iz tarsagāyīh ī wehān kunē ā =š ahlawān sūd hammōxtan =iz kird bawēd
ēd =iz rāy čē sūd ī gēhān mādayān dō ēk az dādestān ēk az āzādagīh ud az dādwarān ud wābarīgān dārēd sūd ī az āzādagīh ī nihān andar gēhān waxšēnīdan paydāgēnīd ud ahlawān abar hammōxtēnd
ahlāyīh ast pahlom ābādīh
haftom pargard tāwrad
hād kē bar pad frārōnīh dārēd ā =š gēhān ī ahlāyīh az murnǰēnīdan pād bawēd
ēd =iz rāy čē bar pad frārōnīh dāštan pad abahrēnīdan ī dēwān ud wattarān ud bahrēnīdan ī yazadān ud wehān az =iš bawēd
ka ēdōn kunēd mēnōy ī bun ud bar ōzōmandtar bawēd pad pāsbānānīdan ī bar az murnǰēnīdārān
ēn =iz kū kē ohrmazd pad tan mehmānēnīd ā =š ahlomōγān =iz dēn ī ohrmazd rawāg kirdan kird bawēd
ēd =iz rāy čē ahlomōγān ahlomōγīh ī ahriman dēn saxtag nē bē pad ohrmazd dēn_nāmīh rawāg tuwān kirdan ud ahlomōγīh āsrōnīh ud ahlomōγān āsrōnān brādarōdīg hamēstār hēnd
ud hamē ka āsrōnīh ud āsrōnān amaragānīhā pērōzīhēnd ahlomōγīh ud ahlomōγān amaragānīhā wānīhēnd
ud ka ahlomōγīh ud ahlomōγān amaragānīhā čērīhēnd āsrōnīh ud āsrōnān amaragānīhā nizārīhēnd
ud āsrōnān abardar_ōz ud pērōzīh ēn ka =šān āsrōnīh druyist_wimandīhā u =šān druyist_wimandīhā āsrōnīh =iz ī pad mardōm šāyēd būd pad ohrmazd mehmān_padišīh bawēd
čē spurrīg pad ōy čihr nūn ka amaragān āsrōnān ohrmazd_mēhan bawēnd āsrōnīh ud āsrōnān amāwandīh waxšēd
ud ahlomōγīh ahlomōγān gurdīh wānīhēd ud ud ahlomōγān azēr brāh ī āsrōnān zwyīhēnd u =šān tuwān ī abar ahriman dēn pad ohrmazd_nāmīh rawāg kirdan āsrōnīhēd ahlomōγīh nihānīhēnd
pas awēšān =iz pad āsrōn_nāmīh dēn ī ohrmazd čiyōn =išān xwast ud warm kird ēstēd ka =iz ōh kāmag =išān ahlomōγīhā ēnyā agām rāstīhā gōwēnd ud čāšēnd rawāgēnēnd
ud ēn =iz kū abdīh ī ohrmazd paydāgēnēd kē ān ī ēwar zamān ō war kunēd
ēd =iz rāy čē pad war_warzišnīh ān ī warōmand ud tārīg ēwarīh ud rōšnīh pad mēnōy_zōrīh ō čašmān wēnābdāgīhēd ī xwad ast abdīh ī ohrmazd
ēn =iz kū kē bōxt ud ēraxt paydāg wizīr pad =iš kunēd ā =š ō ōy ī pahikār_dārišn ahlaw šnāyišn kird bawēd
ēd =iz rāy čē =š niyābag ō niyābag xwēš rasēnīd pad =iš husrawēnīd =iz bawēd
ēn =iz kū =š nērang =iz ī war nō dād bawēd kē sūd ō ahlawān
ēd rāy čē nērang ī war pad rawāgīh ī war bawēd ud dēnīg war pad xwadāyīh rawēd
ud ēn =iz ahlaw weh_dēnān hēnd u =šān sūd ān ī amaragānīg ī ast xwadāyīh
nūn harw kē pad ān sūd ō ahlawān weh_dēnān dād kirdār pad =iz nērang ī war dād kirdār bawēd
čē ān sūd_dahišnīh bun ast nērang =iz ī war
ēn =iz kū kē ō dēn_rawāgēnīdār hērbed ud ašō dahēd ā =š nērang =iz ī war paydāgēnīd
ēd =iz rāy čē čāšīdār ud ōšmurdār mānsr bawēnd ī =š nērang =iz ī war paydāg
ēn =iz kū kē dēn ī ohrmazd ōšmārēd kē =iz pad ān abzōnīg nēkīh kunēd dānāgīh waxšēnīdār bawēd
ēd =iz rāy čē mard dānāgīh pad ēn dō rāh waxšēnēd ayāb xwad gōwēd ud hammōzēd ayāb bahr ud ābādīh ō dānāgān handāzagēnēd kē guftār ud hammōxtār bawēnd ī dānāgīh
ud ēn =iz kū =š franāmišn ō ohrmazd kē ō ōy ī warzīdār ahlaw gōspand ud wīr bē čāšēd kū pad dastwar ī ōy dārēd
čē az ān čiyōn dām_dādārīh spurrīgīh pad dām_parwardārīh ī ohrmazd pad spurrīgīh ī =š xwēš dādārīh dād ān ī gēhān warzīdār ahlaw ō parwardārīh ī =š dāmān
az ān bē ērīh ud šnāyēnīdārīh ī ān ī gēhān warzīdār ahlaw paywastag ast ō ērīh ud šnāyēnīdārīh ī dādār
ud ēn =iz kū kē menišn ō dēn ī zarduxšt dahēd ā =š ruwān ō zarduxšt dād bawēd
ēd =iz rāy čē ō dād ī mard menišn ō dēn ī zarduxšt paywast ēstēd padīriftan ī zarduxšt ruwān ī ōy pad bōxtan az dušox
ud ēn =iz kū kē ō mardōmān yazadān_xēmīh hammōzēd ā =š frāz ham_pursīh =iz ī ō ohrmazd hammōxt bawēd
ēd =iz rāy čē yazadān xēm ahū_hampurs ohrmazd_hampurs =iz bawēd
ud ēn =iz kū kē gōspandān bar pad xwēšīh ī ohrmazd dārēd ā =š gōspand ō ōy ī tuxšāgīh_paymānīg dād bawēd
ēd =iz rāy čē bar pad xwēšīh ī ohrmazd dāštan pad dād ī ō kirbag ud dād ī ō kirbag pad bar xwēšīh pad bun rāstīhā dāštan
ud bun rāstīhā dāštan pad =iz gōspand čiyōn az ābādīh bun andar dastwarīh ī ān ī tuxšāgīh_paymānīg fšēy dāšt bawēd
ud ēn =iz kū kē ō rādān rād ā =š abzōn ī az abzāyēnīdārān ō gēhān rasēnīd bawēd
ēd =iz rāy čē rād ān =iz dahišn abāz ō arzānīgān dād rāy pad gēhān abzāyēnīdārīh ham_ōz bawēd ī gēhān ōy ī fradom pad =iš hamspāhīhīd
ud ēn =iz kū kē gōspandān rāy ham_bār kunēd pad =iz abzāyēnīdan ī dādār ō gōspand kirdār bawēd
čē gōspand abzōn pad astīh ī =š parwarišn būd rāy kē gōspandān rāy parwarišn sāzēd pad =iz abzāyēnīdan ī dādār ō gōspand kirdār bawēd
ud ēn =iz kū kē wāzag ō wehān čāšēd ā =š xwardārān =iz hammōxt bawēd
ēd =iz rāy čē az dēn xwardārīh =iz hammōg paydāg
ka =š dēn ō wehān čāšēd ā =š ān =iz frahang paydāgēnēd xwardārān =iz pad =iš hammōxtēnd
ud ēn =iz kū kē pah ud wīr pad xwēšīh ī amāh dārēd ā =š pad dastwar ī zarduxšt dāštan hammōxt bawēd
ēd =iz rāy čē pad xwēšīh ī yazadān ēdōn dāšt bawēd ka pad xwēšīh ī zarduxšt dārēd
ēn =iz kū kē ō gayōmard_xēmān pādixšāyīh dād ā =š zarduxšt_dēnān =iz xwadāyīh xwāst bawēd
ēd =iz rāy čē zardušt dēn gayōmard_xēm ud gayōmard_xēm zarduxšt_dēn
ēn =iz kū kē andar xwadāyān ēkānag ā =š ān ī rāst saxwan astīgīhā ō xwadāyān guftan rāh kird bawēd
ēd =iz rāy čē ēkānag pad sūd_guftārīh wābarīgān
ud ēn =iz kū kē xwadāyīh ī =š ast andar kām ī ohrmazd dārēd ā =š pahlom tis andar ohrmazd kird bawēd
ēd =iz rāy čē xwadāyīh andar kām ī ohrmazd ēdōn dāšt bawēd ka ōy ī xwadāy xwadīh kē xwadāyīh pad =iš ō ohrmazd dahēd
ud ka =š ān kird ā =š ān ī pahlom abardom tis ō ohrmazd dād bawēd
ud ēn =iz kū ka wāzag sūdōmandān čāšēd ā =š āgāhīh ī az dēn ō xwēš rōšnēnīd bawēd
ēd =iz rāy čē dēn_dānāgīh pad rādēnīdārīh ī az =iš pad =iz abāz pursīdārīh ī hāwištān waxšīhēd
ud ēn =iz kū kē ō ōy ī xwāstār rāh ud pand ī frārōn hammōzēd ēg =iš mānsr hammōxt bawēd
ēd =iz rāy čē dānāgīh pad frārōn_rāhīh ī mānsr bawēd
ud ēn =iz kū kē tis ī frārōn menēd ā =š mānsr pad frārōnīh dāštan hammōxt bawēd
ēd =iz rāy čē mānsr pad frārōnīh dāštan pad frārōn_menišnīh bawēd
ud ēn =iz kū kē parwardārīh ī dāmān pad frārōnīh kunēd ā =š wahman ohrmazd zahagīh
ud kē ān ī =š andar dārišn xūb dārēd ā =š ohrmazd wahman pidarīh gāh bawēd
ēd =iz rāy čē harw frārōn parwardār ān ī =š parwardag frazendīh andar =iš ēdōn bawēd čiyōn wahman andar ohrmazd
ud harw frārōn dām pānag abar ān ī =š pādag pidarīh ēdōn čiyōn ohrmazd abar wahman
ud ēn =iz kū kē parwardārīh ān ī weh dahišn pad frārōnīh kunēd ā =š dahišn ī weh ohrmazd_dād hammōxt bawēd
ēd =iz rāy čē paydāgīhēd az parwardārīh ī dahišn pad frārōnīh abāg wizīdār_kunišnīh ī parwardār wehīh =iz ī parwardag
ud paydāgīhēd az wehīh ī parwardag dahišn wehīh ōy ī =š dādār
ud dādār ī ān weh dahišn xwad ast ohrmazd
ud ēn =iz kū kē ohrmazd mēnōyīhā abar xwēš tan xwadāy kunēd pad kunišn xwadāy bawēd
ēd =iz rāy čē kē ohrmazd abar tan xwadāy kunēd xrad sālār
ud xrad sālār wizēngar
ud wizēngar wināh ud kirbag āmārēnāg
wināh ud kirbag āmārēnāg az wināh_pahrēz ud kirbag_warz
ud az wināh_pahrēz ud kirbag_warz abar kunišn xwadāy bawēd
ēn =iz kū =š spandarmad ō ohrmazd dād bawēd kē andar ohrmazd ēdōn tarsagāy čiyōn duxt andar pid
ēd =iz rāy čē =š spandarmadīh ī ohrmazd kird bawēd
ud ēn =iz kū kē pahrēz ī gōspandān menēd ā =š bawēd ān xrad kē gōspand pad =iš dahēd
ēd =iz rāy čē xrad ī gōspand_dādārīh =ēw ēwēnag andar mardōm kird ēstēd
ud ka mardōm menišn ō ān xrad_xwāyišnīh pardāzēnd ayābēnd
ud ēn =iz kū kē gōspandān gušn pad gāh hilēd ā =š pahrēz =iz ī gōspandān menīd bawēd
ud ēd =iz rāy čē gušn_hilišnīh dādārīh bawēd
ud kē dādārīh kunēd parwardārīh =iz menēd
ud ēn =iz kū kē tan bē_ō hērbedān ārāyēd ā =š rāh ī ō ānōh hammōxt bawēd
ēd =iz rāy čē rāh ī ō ānōh az dēn paydāg u =š nimūdār hērbed pas kē ō hērbedān pad hāwištīh ārāst ā =š ān rāh dānist ud dānēnīd =iz bawēd
ēn =iz kū kē ān ī tis kunēd ī ō frašegird ayārīh ā =š menišn ī dādārīhā bawēd
ēd =iz rāy čē dādārīh pad frašegird_menīdārīh ud frašegird_menīdārīh pad frašegird bawēd
ud frašegird bawēd pad tis ī frašegird_ayārīh kirdan ud pad frazānagīh_menišnīh
ud frazānagīh_menišnīh menišn ī dādārīhā bawēd
ud ēn =iz kū kē tis ī amahraspandān dōšēd ā =š ō mardōmān dil ud menišn ī pad nē frēbīhistan ī az rāh ī yazadān čāšt bawēd
ēd =iz rāy čē kē dēn ī yazadān dōšīd abzōnīg_ōzīh ī yazadān
ud az abzōnīg_ōzīh ī yazadān wēš pāduxšāyīh ī =šān andar mardōmān
ud az wēš pāduxšāyīh ī yazadān andar mardōmān pādyāwandīh ī dil ud menišn ī mardōmān pad =iz nē frēbīhistan ī =šān az dēwān =iz bawēd
ud ēn =iz kū kē pad wahman tarsagāyīh kunēd wināh ī andar_ō kirbag gumēxt pad =iš nihuft ēstēd wēnēd
ēd =iz rāy čē tarsagāyīh ī pad wahman ērīh ī pad frārōnīh bawēd paywast ēstēd ō frārōn_ērīh akayīh ud akarabīh ō akayīh akarabīh druyistīh ī gyān čašm kē pad =iš wēnāg wizēngar ud wizārdār bawēd ī wināh az kirbag
ud ēn =iz kū kē ō rādān rādīh kunēd ā =š ō mardōm abām dādārīh =iz hammōxt bawēd
ud ēd =iz rāy čē rād dāšn ī az kas abar xwēš abām hangārdan
ud purr_wēnābdīhā ud bowandag_rāmēnīdārīhā tōxtan abar tuxšēd
az ān bun_nērōg ī rādīh andar mardōmān waxšišnīg bawēd
pad abām ud abārīg dāsr_dahišnīgīh taftīg bawēnd
ud ēn =iz kū kē čand =iš tuwān ō tis ī ohrmazd franāmēd ā =š azadārīh =iz ī awināhān hammōxt bawēd
ēd =iz rāy čē čand tuwān ō tis ī ohrmazd franāftan ud wināh fradom nē kirbag čand tuwān kirdan pahrēz ī az wināh mādayān azadārīh ī awināhān
ud ēn =iz kū kē xwadāy ud dastwar dārēd ā =š ohrmazd mēnōyīhā abar tan ī xwēš xwadāy kird bawēd
ēd =iz rāy čē awēšān pad abāyistīh ī ohrmazd gētī ahū ud rad hēnd
ud ēn =iz kū kē kār ud dādestān bē wizīnēd ud dānēnīdār =iz bawēd ī kasān
ēd =iz rāy čē kasān dānēnēd kū xradōmand
ud ēn ān ī guft ēstēd kū xrad ī mard az wizēn ī pad tis paydāg
ud ēn =iz kū kē parwardārīh ī pad frārōnīh kunēd daxšagēnīdār =iz bawēd ī kasān
ēd =iz rāy čē parwardār ōš dārag =iz ōš daxšagēnīdār =iz bawēd ī kasān
ud ēn =iz ān ī gōwēd kū hamēšagīh ōš guxrūn kē ōy nē ped ī penān
ud ēn =iz kū xwadāy kē pad framān dād ōy ī mānsrīg gumārēd ud tis ō ōy dahēd kē abāyēd dād ā =š ō gōwišn ī rāst ī frārōn abāyist bē burdan hammōxt bawēd
ēd =iz rāy čē xwadāyān gōwišn ī rāst ī frārōn guftan andar abēbīmīh abērtar tuwān u =šān abēbīmīh az ōbāstišn xwadāyīh u =šān ōbāstišn xwadāyīh pad ēn dō abērtar huframānīh ud wizīdārīhišnīh
ud ka pad framān dād ōy mānsrīg ēstēnēnd huframānīh
ud ka tis ō ōy dahēnd ī abāyēd dād wizīdārīhišnīh winnārīhēd u =šān az huframānīh wizīdārīhišnīh ōbāstišn xwadāyīh
ud az ōbāstišn xwadāyīh abēbīmīh ī pad =iz saxwan ī rāst ī frārōn guftan
ud az abēāhōgīh ī pad saxwan ī rāst ī frārōn guftan abāyist nayišnīh ō_ī gōwišn ī rāst ī frārōn bawēd
ēn =iz kū kē tan bandagīh bē_ō šāhān šāh dahēd kē =iz bar pad xwēšīh ī ohrmazd dārēd ā =š bōxt ud ēraxt nimūdārān mēnōyān pad bōxt ud ēraxt nimūdārīh nērōgōmandēnīd bawēd
ud ēd =iz rāy čē tan pad bandagīh ō šāhān šāh dād winnārišn ī ērīh ud bar pad xwēšīh ī ohrmazd dāšt bun_awināhīh dāšt ud bar pad frārōnīh uzēnag kirdan
ud az rawāgīh ī ēn dō frārōnīh ī andar gēhān wuzurg abzōn_dādārīh bawēd ī ō hamāg weh mēnōyān ud gētīyān kē =š andar hēnd
ud ān =iz – bōxt ud ēraxt nimūdār yazadān
ud ēn =iz kū kē amarg_rawišnīh ō ōy kē amarg_rawišn bawēd ā =š hamāg_rawišnīh ō ōy ī hamāg_rawišn dād bawēd
u =š dādestān =iz ēn =iz kū kē ōy kē ruwān ī xwēš amarg kāmēd kirdan ayārīh kunēd ā =š ō ōy ī hamāg_nēkīh xwāstār ud hamāg_nēkīh dād bawēd
ōh =iz hamāg_nēkīh xwāstār hamāg nēkīh dād bawēd kē ān xwāhēd
ud hamāg_nēkīh dādār bawēd ō ōy kē ān xwāhēd pad bē_rasišnīh ī aw =iš ayārīh bawēd
ēn =iz kū kē ōy ī rāmēnišn rāmēnēd ruwān amargēnēd
ēd =iz rāy čē ruwān pad_kirbag bawēd ud kirbag hamāg ān ī rāmēnišn rāmēnēd ast
ud ēn =iz kū kē hamēšag xwēš tan andar kirbag dārēd ā =š pad kadāriz =ēw nēkīh ud arzānīgīh bowandagīh nēkīh kird bawēd
ēd =iz rāy čē hamēšag xwēš tan andar kirbag dāštan bowandag_tuxšāgīh ī pad xwēškārīh bawēd andar bowandag_tuxšāgīh ī pad xwēškārīh bawēd
ud andar bowandag_tuxšāgīh pad xwēškārīh parwast ēstēnēd bēšīh =iz ī kadāriz =ēw
ud ǰud_bēšīh ud bowandag_nēkīh ast ī harw nēkīh arzānīg
ud ēn =iz kū kē xwāstag pad dastwar ī hērbedān dārēd ā =š pāduxšāyīh =iz pad dastwar ī awēšān dāštan hammōxt bawēd
ēd =iz rāy čē xwadāyīh winnārišn ud rawāgīh pad xwāstag =iz
ēn =iz kē kasān az frārōnīh pad_rāmišn kunēd ā =š waxšišn abzōn ī az wahman dād bawēd
ud ēd =iz rāy čē ān ī frārōn_rāmišnīh dād ēstēd az dādār ō abzōn ud waxšišn ud parwardārīh ī dāmān
ud ēn =iz kū kē ohrmazd pad tan mehmānēnēd ud ō mardōm kirbag hammōzēd ā =š harw frārōn hammōg hammōxt bawēd
ēd =iz rāy čē ohrmazd pad tan mehmānēnīdan ud wināh nē kirdan ō mardōmān kirbag hammōxtan abērtar xwad kirbag kirdan
ud awināhīh ud kirbag_warzīh sar ī harw hammōg ud kē pad =iš ast hammōxtār ī harw wehīh bawēd
ud ēn =iz kū kē pad ōy ī kirbag rawāgēnīdār nēkīh kunēd ā =š paydāgīh ī ōy ī hudānāg pad hudānāgīh hammōxt bawēd
ēd =iz rāy čē meh paydāgīh ī pad hudānāgīh nēkīh pad wehān kirdan bawēd
ud ēn =iz kū kē framān pad tis ī ohrmazd dahēd ā =š ohrmazd pad tan mehmān kird bawēd
ēd =iz rāy čē ohrmazd andar gētī gāh pad xwadāy ī huframān_tan abērtar
ābādīh ahlāyīh pahlom ast
haštom pargard xwaytumayt
hād kē ō kasān xrad hammōzēd ā =š az ahlomōγ pad ahlaw_brāhīh nē frēbīhistan =iz hammōxt bawēd
ēd =iz rāy čē ān ī hammōxt nē frēbīhēd
ud ēn =iz kū kē ohrmazd ēdōn tarsagāy čiyōn duxt pid ud kē =iz frārōn_warzīdārān rāmēnīdār ā =š amahraspandān spandarmad dōšīdan =iz kird bawēd
ēd =iz rāy čē pad ān spandarmadīg ohrmazd tarsagāyīg ud wehān rāmēnīdārīh ī ōy amahraspandān ōy spandarmadīhā dōšēnd ud dārēnd
ud ēn =iz kū ān ī wahman_dōš ā =š xrad ud dēn ī ohrmazd nē wisānēnīdan hammōxt bawēd
ēd =iz rāy čē xrad dēn pad frārōnīh dārēd u =š kasān abar hammōxtēnd
ud ēn =iz kū kē tan pad hāwištīh bē_ō hērbedān dahēd kē ān ī nē dānēd abāz pursēd ā =š hammōg hammōxt bawēd
ēd =iz rāy čē kē tan pad hāwištīh ō dānāg hērbed dād abāz_pursīdārīh ī dānišnān dānāgīh waxšēd
u =š dānāgīh_dōstān handāzag az =iš gīrēnd ud hāwištīh ī hērbedān pad abāz_pursīdārīh ī ān nē dānēnd kunēnd
ud ēn =iz kū kē pad abēzag_dōšišnīh abāg zardušt ham kē amahraspandān kāmag_framān wehān ōz_dah bawēd
ēd =iz rāy čē ēn dō hunar az mādayān čiyōnīh ī zarduxšt
ud ēn =iz kū kē wahman dōšēd ā =š pad wizēngarīh ohrmazd šnāyēnīd bawēd
ēd =iz rāy čē wahman_dōš xrad_dōš ud xrad_dōš xrad_hammōxt
ud xrad hammōxt wizēngar ud wizēngar ohrmazd šnāyēnīdār bawēd
ud ēn =iz kū kē menišn ō dēn ī zardušt dahēd xrad hammōxtēd
ēd =iz rāy čē weh_dēn hamāg xrad pad menišn aw =iš dahišnīh hammōxtīhēd
ud ēn =iz kū =š xwāstag pad dastwarīh ī zarduxšt dāštan hammōxt bawēd kē sūdōmandān tarsagāy
ēd =iz rāy čē kē dēn_burdārān tarsagāy xwāstag pad dastwarīh dēn_burdārān dārēd
ka =š pad dastwarīh awēšān dāšt ā =š pad ān ī zardušt dāšt bawēd
ud ēn =iz kū xwarrahīh ō xwēš paywast bawēd kē xwēškārīh kunēd
ud ēn =iz kū =š kirbag ī dahišn_wirāstārīh xwēš bawēd kē xwēš tan bē wirāyēd
ābādīh ahlāyīh ast pahlom
nohom pargard yatāyš
hād kē ohrmazd stāyēd ā =š kunišn pad gāhānīgīh hammōxt bawēd
ēd =iz rāy čē ohrmazd =iz stāyišn pad kunišn čim ud kē kunišn =ēw burzēd ā =š ān kunišn kirdan =iz hammōxt bawēd
ud ohrmazd kunišn gāhānīgīh ī ast abēzag wehīh
ud ēn =iz kū kē kirbag_rawāgēnīdārān waxšēnēd ā =š radīg_kunišnīh =z hammōxt bawēd
ēd rāy čē rawāg_kirbagīh ud radīg_kunišnīh dō wāzag ī ēk kē ka
ud az ham čim ka rawāgēnīdārān ī kirbag waxšēnēd rawāg_kirbagīh burzēd
ud ka rawāg_kirbagīh burzēd radīg_kunišnīh stāyīdan hammōxt =iz bawēd
ud ēn =iz kū =š ō harw arzānīg ān ī arzānīg ān ī ārzōg dād bawēd kē mānsr framān pad =iš āmār ō ōy ī lyytagīg frazānag
ud ēn wāz nimāyēd =iz wizārdan xwadāyān hamāg ī gāhānīgān niyābag pad ēk hangirdīg_kārīh ī ast gumārdan ī pad hām_gēhān framādārīh ī ēk ī āwām frazānag
ud ēn =iz kū =š tan ō wehān dāmān ayārīh rādēnīd bawēd kē =š kunišn frašegird_ayārīh
ud ēn wāz nimāyēd =iz wuzurg_zōrīh čēgāmiz kirbag pad ān ī harw kirbag frašegird_ayārīh
ud frašegird_ayārīh hām_dahišn rādīh bawēd
ud ēn =iz kū kē ō pus tarsagāyīh ī andar pid hammōzēd mizd =iz ī pad tarsagāyīh andar dādār ō ōy kas hammōxt ud xwēšēnīd bawēd
ēd =iz rāy čē čimīg tarsagāyīh ī andar pidarān u =šān paristišn paywastag ast ō tarsagāyīh ī andar dādār u =š paristišn
ud ēn =iz kū kē ō ōy ī xwēš xwēš rawišn kū ō kadāriz =ēw andar ān ī =š niyābag dādār nēkīh_kirdārīh ī hammis weh dahišnān bawēd
ud ān wāz nimāyēd =iz abar kē ka ī dādestān u =š rawāgīh ī pad ān ī ka dādestān dād ī ō harw kas ān ī =š niyābag bawēd ast nēkīh ī ham_bāstag
ud ēn =iz kū kē pad ōy ī warzīdār nēkīh_gar ā =š gōspand abzāyēnīd bawēd
ēd =iz rāy čē rāmēnīdār ī warz_garān abzōn ī warz ud gōspand meh_warz ī gēhān ast
ud ēn =iz kū =š ān ī ahlāyīh rāh dēn xwēšēnīd bawēd kē humenīdār pad ahlāyīh dēn
ud ēn =iz wāz nimāyēd =iz wimand ī ēstišn ī abar weh_dēn čē
kē pad weh_dēn nē humenīdār ka =iz ōšmurdār ī dēn ast ahlomōγ =iz bawēd
ud kē humenīdār nē pad weh_dēn ag_dēn =iz bawēd
ud kē rāst menēd humenīdār pad ahlāyīh dēn ēstišn ī pad weh_dēn bawēd
ud abar se wāzag frāz_burdār ī hamāg mardōm ādān ō yazadān ērīh
ēk ī bar ud ēk ī bun ud ēk ī tan ud gyān
ud ān ī bar tuxšišn kē bar az =iš
ud ān ī bun sūd kē rāy bun abāyišnīg
ud ān ī tan ud gyān menišn ī rāyēnīdār ī harw dō pad ērīh ī yazadān dāštan
ud ēn =iz kū paywastag ast ō dānāg yyy abzōnīgīh ud ō rāmēnīdārān rāmišn ud ō ērān wābarīgīh ud ō xwēškārān pattūgīh
ābādīh pahlom ahlāyīh ast
dahom pargard yāšyawayt
hād ō =š frašegird tuwān_sāmān ayārēnīd bawēd kē čand =iš tuwān kirbag_warz
ēd =iz rāy ka harw kirbag frašegird_ayārīh čiyōn paydāgēnīd kē wēš_kirbagtar frašegird_ayārtar
pas kē čand =iš tuwān kirbag_warz ā =š tuwān_sāmān ō frašegird ayārēnīd bawēd
ud ēd =iz kū =š ahlomōγ kē wiyābānēnīdan ī mardōm wizūd bawēd kē xwadīh ō ohrmazd dahēd
ēd =iz rāy čē yyy rōšnīhīd ēwēnag ī mardōm bawēd ud dušox_parwānagīh ī ahlomōγ andar wēnēnd ud ān ka =šān dīd agārīhēd
ud ēn =iz kū kē ārzōg ō dānāgīh ā =š dānāgīh grift hammōxt bawēd
ēd =iz rāy čē dānāgīh hammōxtēd pad ān ī hammōg ī harw frahang bun ārzōg ī aw =iš
ud mardōm dānāgīh ī ōy burzānd u =šān ārzōgīhēd ō hammōxtan nixwārēnd ud gīrēnd
ud ēn =iz kū =š ahlomōγ kuštan hammōxt bawēd weh kē ō weh hamīhēd
ēd =iz rāy čē ahriman ōš az hamīh ī wehān bawēd
ud ēn =iz kū kē pad wahman wišuftār ā =š pad wahmanīg xwadāyīh abzōn kirdan hammōxt bawēd
ud wināhkārān dādīg puhlēnīdan wahmanīg wišōbišn
ud az xwadāyān ud dādwarān framāyišn pad =iš ast wirāyišn ud abzōn ī gēhān
ud ēn =iz kū =š meh_dādestānīh hammōxt bawēd kē yazišn ō ohrmazd
ēd =iz rāy čē ohrmazd_šnāsīh u =š paristišn fragān bun ud xwadīh ud hangirdīgīh ī hamāg kirbag xwad ast meh_dādestānīh ī ōstīgān kē =š winnārišn pad xwadīh u =š mehmānīh abērtar pad yazišn
az ham čim bun_dahišn ī meh_dādestānīh ī yazišn ī ohrmazd xwēš
ud abārīg kirbag ka =iz ōh hāmōyēn yazišn ī ohrmazd u =š pad meh_dādestānīh paydāgīh abāyēd
ud ka pad meh_dādestānīh ayāb pad meh_dādestāntarīh paydāg bawēd ēg =iz =iš winnārišn abar ēn fragān
ēn =iz kū yaštārīh ī yazišn_niyābagān dāšn ast ī ō dāšn_arzānīgān dāšn ī ō dāšn_arzānīgān hāxtārīh ast ī yazišn ī niyābagan
ud ēn =iz kū =š rāh ī ahlāyīh ud ān =iz ī ān rāh pad =iš wēnīhēd mizd =iz ī ēwarzīgān ī pad =iš hammōxt bawēd kē kunišn yazadān sūd
ēd =iz rāy čē yazadān_sūdīh amaragān_sūdīh ud amaragān_sūdīh xwad ast dēn ī yazadān ī nimūdār ān ī ahlāyīh rāh ud ān =iz ī pad =iš ēwarzīgān mizd
ud ēn =iz kū hammōxtār ī pēšagān mizd =iz ī pēšagān sūd ō hammōxt pēšagān rādēnīdan xwēšēnīd bawēd
ēd =iz rāy čē =šān kār pad hammōg sūdīhēd
ābādīh pahlom ast ahlāyīh
yāzdahom pargard yast
hād hamāgīh ī warzīdan ud ān =iz ī warzīhēd kirbag xwēšēnīd bawēd ahlaw kē ō ahlawān čāšēd nēkīh
ēd =iz rāy az ān ī warzīd ān =iz ī warzīhēd kirbag hamāg ēk ham_bār ī az warz ī hammis dahišn ī weh ud tā frašegird nōg_nōg kē ahlawān nēkīh_čāšišnīh ō hamīh ī ahlawān ud warzīdārīh ī ān ham_bār rasēd ān =iz abāg abārīg ahlawān pad xwēšīh ī ān ham_bār hambāyīh
ud ēn =iz kū čiyōn pahlom ō xwēš kunēd kē mānsr menīdārīh pad ān ī amahraspandān kē =iz ō astīgān ōz ī =š ast pad ayārīh ī wehān dārēd
ud ēn wāz ud mahist ud meh bahrīh ī kas andar ān ham_bār čē ka =iz ō hambāyān ī abar ān ham_bār kē wēš ud kē =iz kem warzīd ān ham_bār pad rāh ī hamēīhā warzīdārīh pad čē xwēšīh ī =šān hamāg ēstēd ēnyā wēš warzīdārān pad frahist bun xwēšīh ī ān warzišn ud pad =iz ān ī ka kem warzīdārān abērtar az ān ī awēšān wēš warzīdārīh ō ān frāxwīh mad hēnd ud pad =iz rādīhā ud mehīhā ud xwadāyīhā ud xwēšīh ī wēš warzīdārān abēšīhā ud kehīhā ud bowandagīhā ud niyābagīh ī kem warzīdārān ān ham_bār andar ān xwēšīh ud wuzurgīhā frāzīh ī abar kem warzīdārān guftan ī čimīg
ud ēn =iz kū =š kunišn kirbag kē rādīh ō amahraspandān
ēd =iz rāy čē pad kem warzīdārīh ī yazadān ī xwad ast ān rādīh kār ud kirbag ǰahēd
ud ēn =iz kū =š andar harw dō axwān pahlom bawēd kē ō mardōm pad xwēškārīh zīyišn_xwāyišnīh hammōzēd
ēd =iz rāy čē bōzāg ast ī =šān tan pad zīyišn_xwāyišnīh ud ruwān pad xwēškārīh az =iš ēdar az mardōmān ānōh az yazadān pahlomīh rasēd
ud ēn =iz kū =š ān ī ohrmazd yazišn ud niyāyišn kird bawēd kē dād ī ohrmazd pad =iz rāh ī hammenišnīh ud hamspāhīh ī abāg hamāg yaštārān ī ohrmazd
ud ēn =iz kū =š pad dēn sālārīh bawēd kē gīrēd dēn_dānāgīh nōg_nōg
ēd =iz rāy čē harw dānāgīh =ēw ī gīrēd ā =š mehīh =ēw abzāyēd
ud ēn =iz kū =š pad dēn wālanīh bawēd kē xwāhēd dēn_dānagīh nōg_nōg
ēd =iz rāy čē čand wēš xwāhēd ō dēn_dānagīh nazdīktar bawēd
ud ēn =iz kū =š mardōm zīyišn_xwāyišnīh dastwarēnīd kē ō mardōm tis_dahišnīh dastwarēnēd
ēd =iz rāy čē dastwarīh abar tis_dahišnīh abāg ān ī pad zīyišn_xwāhišnīh ham_band
ōwōn kū kē tis_dahišnīh dastwarīhā ā =š zīyišn_xwāhišnīh =iz ud kē zīyišn_xwāhišnīh dastwarīhā ā =š tis_dahišnīh =iz dastwarīhā
ud ēn =iz kū =š padīrišn ud daxšag ud gōwišn ō ohrmazd dād bawēd kē az dēn ān ī nē dānēd az ān kē dānēd abāz x pursēd
ēd =iz rāy čē dānagīh pad ēn se spurrīgīhēd ud ayābišn ud daxšag ud guftārīh ud harw se pad ān ī nē dānēd abāz pursīd bawēd
ud ēn =iz kū =š saxwan ī ohrmazd hammōxt bawēd kē padīrišn ud ayādīh ud guftārīh ī dēn hammōzēd
ēd =iz rāy čē ēn ōšmurišn ī ān hangirdīgīh
ud ēn =iz kū =š pahrēz ud tarsagāhīh ī ātaxš kird bawēd kē ō ātaxš rād abar tis bē dahēd ud pahrēz ud tarsagāhīh ī ātaxš kunēnd ud ōy pad =iš ham_mizd bawēd
ud ēn =iz kū kē pad urwāhmenīh dēn ī ohrmazd čāšēd ā =š pahrēz ud tarsagāhīh ī ātaxš čiyōn az dēn paydāg kird bawēd
ēd =iz rāy čē =š ān =iz hammōxt pad kunišn ī az ān hammōzišn hambawēd
ud ēn =iz kū niyāyišn ī niyāyišn_niyābagān wizārd bawēd kē wahman dōšēd
ud ēn =iz kū =š ātaxš pad ān ī meh kār ī ast passāxt ī pad tan ī pasēn zōrēnīd bawēd kē ātaxš pad ātaxš_nāmīh xwānēd
ēd =iz rāy čē =š nām abar čiyōnīh ī stāyišnīg nihād ēstēd
ud ka =š pad ān nām xwānd ēg =iš stūd ud zōrēnīd bawēd
ud ēn =iz kū pad dēn ī ohrmazd āgāh bawēd kē dēn ī ohrmazd pad rāmišn čāšēd
ēd =iz rāy čē harw dānišn pad hammōxtārīh warzīhēd ud abzāyīhēd
ud ēn =iz kū kē gōwišn ud kunišn ī frārōn čāšēd ā =š pad ān ī weh frazānagīh ohrmazd šnāyēnīd bawēd
ēd =iz rāy čē frazānagīh bahr dō gōwišnīg ud kunišnīg
ud ēn =iz kū =š kirb ī ohrmazd pad nēktomīh x stāyīd bawēd kē xwēš ruwān ō xwaršēd_pāyagīh bālistēnēd
ēd =iz rāy čē ān kirb ast ī ohrmazd ud pad xwaršēd_pāyagīh bālist ud nēktom bawēd
ud ēn =iz kū =š harwist ābādīh abēzagīhā ō ohrmazd dād bawēd
ud harwist ābādīh bun ud bar
ud ēn =iz kū =š ohrmazd pad xwadāy nām xwānd bawēd kē =š x ohrmazd xwānēd
ēd =iz rāy čē ohrmazd wizārišn abāg meh dānāg xwadāy =iz
ud ēn =iz kū =š yazadān pad yazadān nām xwānd ā =š stāyīd ud kē =šān stāyēd ā =š nāmēnīd bawēnd
ēd =iz rāy čē =šān nām stāyišn u =šān stāyišn nām
ud ēn =iz kū andar hamgōhrān ka pad tōhmag =ēw kunēd ā =š x pad abārīg tōhmag ī andar ān gōhr ud andar hamtōhmagān ka pad srādag =ēw nēkīh kunēd ā =š pad =iz abārīg srādag ī andar ān tōhmag andar hamsrādagān ka pad kirb =ēw nēkīh kunēd ā =š pad abārīg kirb ī andar ān srādag nēkīh kird bawēd
ud ēn =iz kū =š xwadīh yazadān xwēš kē ā =tān pad ayārīh ī ahlawān dārēd
ud ēn =iz kū =š sālārīh yazadān xwēš kē =š stahmagīh pad wahman
ēd =iz rāy čē =š čērīh pad dādestān
ud ēn =iz kū =š ō mardōmān zīyišn dād bawēd kē ān kunēd ī =šān weh tuwān mānistan
ud ēn =iz kū =š dōstīh ī ohrmazd xwēšēnīd bawēd kē ohrmazd pad sālār dārēd
u =š sālārīh ī hamēīg xwēšēnīd bawēd kē ō mardōmān ān tis hammōzēd ī =šān hamēīg sālārīh ī ānōh bawēd
ud ēn =iz kū ahlāyīh kunēd kē tis ī frārōn menēd
ud ēn =iz kū huframānīh ud abzōn ī ohrmazd kird bawēd kē tan ud gyān ō yazadān dahēd
u =š tan ud gyān ō yazadān dād bawēd kē dōstīh ō dēn ī zardušt dahēd
ud ēn =iz kū kē ō ohrmazd dōstīh dahēd ā =š az ohrmazd sālārīh rasēd
u =š ān sālārīh hamēīg x paywastag bawēd kē ō kasān ān tis hammōzēd ī =šān hamē hamhāgīh ī abāg yazadān bawēd
ābādīh ast ahlāyīh pahlom
om pargard uštawayt
hād nēkīh ī ōy kadāriz =ēw nēkīh kē sūdōmandān tarsagāy
ēd =iz rāy čē az framān_burdārīh ī sūdōmand ahū hām_dahišn nēkīh
ud ēn =iz kū kē wābarīgān pad ērīh rāmēnīd az ērīgān rāmīhēd
ud ēn =iz kū kē menišn ō dēn ī zarduxšt dahēd ā =š ān ī az harwistīn pahlom ō xwēš dād bawēd
čē ō dēn mad bawēd ī pahlom az nēk =išān
ud ēn =iz kū =š ō hamāg spennāg_mēnōy dāmān nēkīh čāšt bawēd ahlaw kē ō ahlawān franāmišn
ēd =iz rāy čē spennāg_mēnōy dām hamāg ēk_gōhr hēnd plšmišn
ud awištābišn ī hannām ī ēk tan ān ī hamāg ān tan bawēd
ud ēn =iz kū =š mēnōy ō ohrmazd paywast u =š dānāgīh padīruft bawēd kē wahman dōšēd
ēd =iz rāy čē mēnōy ohrmazd bun_xān ī dānāgīh wahman ast
ud ēn =iz kū =š rāst_dahišnīh hammōxt bawēd kē saxwan pad wahman
ēd =iz rāy čē saxwan ī frārōn guftan hammōg ī dānāgīh bawēd kē =š rāst_dahišnīh =iz andar
ud ēn =iz kū =š urwāhm ī dagrand_zamānīhā ō xwēš dād bawēd kē zōr pad frārōnīh ōzēnēd ud kē =iz ōy ī azād ayārēnēd
ēd =iz rāy čē az harw dō urwāhm ī ǰāwēdānag waxšēd
ud ēn =iz kū =š rāh ī frārōn ō mardōmān hammōxt bawēd kē frārōn_rāhān ayārēnēd
ēd =iz rāy čē mardōm ō rāh ayāsēnēd
ud ēd =iz kū =š ō ātaxš garmīh dād bawēd kē ō xwāndārān rāstīh
ēd =iz rāy čē petyārag az rāstīh_nimūdār garmīh ī ātaxš passāxt abērtar pad zōr ī ān rāst ānābīhēd
ud ēn =iz kū ayārān ō frašegird wištāsp ud čērān ī pad wahman sōšyans ud kay husrōy
ēd =iz rāy čē bahrān kištārōmand ī xwēš spurrīgīh
ud spurrīgīh ī pad frašegird_ayārīh ī pad wištāsp pad ān ī ka =š dēn_rawāgēnīd kē frašegird pad =iš bawēd
ud spurrīgīh ī čērīh ī pad dādestān pad sōšyans pad ān ī ka pad dādestān ēdōn čēr ī hamāg mustōmandān bē spōzēd ud harwisp ox ī astōmand ān ī zīndag ud ān ī murd dādestān dahēd
ud ēn =iz kū kē pad framān dādan ōy gumārēd kē framān dād ōy gumārēd kē framān az dēn bē dahēd ud ōy yazēd ī abāyēd yaštan ā =š andar axwān zahag ī ohrmazd nimūd bawēd
ud ēn =iz kū =š wattarān zanišn ud wehān padīrišn čāšt bawēd kē ahlaw_dād ō arzānīgān kunēd
čē =š harw dō andar
ud ēn =iz kū =š hunar ō ohrmazd ud dām_wardišnīh =iz čāšt bawēd kē wahman dōšēd
ēd =iz rāy čē frāz_āhangīg ud abāz_āhangīg =iz zōr ī andar mardōmān pad wardišnīgīh ī kām ō wahmanīgīh kunišn =iz hunarīhēd
ud ēn =iz kū =š zōr ō ōy mēnōy kē dām pad =iš wardēd čāšt bawēd kē xrad ō ōy kē xrad
ēd =iz rāy čē ān mēnōy xrad ast ud pad hammōg andar mardōmān abzāyēd
ud ēn =iz kū kē dēn hāwištīhā stāyēd ud kē =iz hērbedīhā hammōzēd ā =š sōšyans rasīd =iz nimūd bawēd
ēd =iz rāy čē dēn az fradom stāyīdār ud čāšīdār ō ān ī abdom stāyīdār ud čāšīdār pad hāwištīh ud hērbedīh paywandīhēd
ud sōšyans sar hāwišt ud hērbed ī abdom bawēd
ud ēn =iz kū =š xrad ī ohrmazd hammōxt bawēd kē wizīr ud dādwarīh az dēn bē kunēd
ēd =iz rāy čē wizīr ī dēn xrad ī ohrmazd ast
ud ēn =iz kū =š pad xrad bowandag_menišnīh hammōxt bawēd kū nē frēftēnd kē ohrmazd ēdōn tarsagāy čiyōn duxt pid
ēd =iz rāy čē tarsagāyīh ī duxt andar pid frayistīhā pad āhang ī čihrīg pad xradīg bowandag_menišnīh ī duxt bawēd
ud ēn =iz kū =š tan ud ādān pad framān ī dādār dāštan hammōxt bawēd kē ahlaw ud druwand ān tis hammōzēd ā =šān āsānīh bawēd ahlaw pad tan druwand pad ruwān
ēd =iz rāy čē dām dōst bawēd
dām dōst dādār dōst =iz
dādār dōst tan xwāstag pad framān ī dādār dārēd kasān pad =iš hammōxtēnd
ud ēn =iz kū bē =š ōy ī ahlaw az ōy ī ōzōmand rāmišn čāšt bawēd kū =š pad nēkīh ō xwadāyān barēnd kē ōy ī ahlaw pad tuwān āyārīh kū =š tuwāngarīhā kunēd
ēd =iz rāy čē ka čand =iš tuwān ayārīh kird ā =š pad ān ī abardom nēkīh pad =iš kirdārīh spās bawēd
ud ēn =iz kū bē =š pad ān ī bawēd nēkīh xwadāyīh čāšt bawēd kē hamē tā_ō wisp_framānīh pad =iš bē čāšēd kū ō kasān ān tis hammōzēd ī =šān hamē tā_ō wisp_framān pad =iš bawēd
ēd kū =šān pad dastwarīh ī pad wanand tōhmag ō frašegird paywandīhēd
ud ēn =iz kū ō ātaxš rād bawēd kē ō ātaxš warzišn kū =š pahrēz kunēd u =š ēdōn abar_pad niyāyišn čāšt bawēd kē rādīh kū =š pad niyāyišn rād bawēd kē paydāgīh pad wahman kū x xwāstag pad frārōnīh dārēd
ud ēn =iz bē =š ēn pad ahlāyīh_menīdārīh čāšt bawēd kū menēd kē ō ahlāyīh xwāyišn nōg_nōg
ud ēn =iz kū =š dēn pursīd bawēd kē abarīgān ēr ud ērīgān hammōzāg
ud ēn =iz kū ēdar =iš ō dēn mazdēsn bē čāšt bawēd kū kē dēn rawāgīh bawēd az yōǰdāsrīh ō mardōmān
ēd =iz rāy čē dēn arawāgīh az ayōǰdāsrīh ī mardōmān pad druz
ud ka mardōm az druz yōǰdāsrēnīd dēn rawāgēnīd bawēd
ud ēn =iz kū bē =š ō ōy ī dōst rāmišn čāšt bawēd kū =š dahēd kē ō ōy ī dōst rāmišn
u =š dādestān ēn =iz kū kē ō dōstān rāmēnēd ā =š ō awēšān =iz ōy rāmēnīdan hammōxt bawēd
ud ēn =iz kū kē ohrmazd rāmišn čāšēd u =š az ohrmazd rāmēnīdārīh rasīdan hammōxt bawēd
ēd =iz rāy čē pad ān ī abardom rāmišn gētīyīhā =iz burzīhēd pad =iš hammōxtēnd mardōm
ud ēn =iz kū =š daxšag ī pad ōš ō ōy tušt_menišn mard waxšēnišn čāšt bawēd kē ōy ō =šān ī xwēš xwēš_rawišn
ēd =iz rāy čē nērōg ī xwēš ud ān =iz ī ham_bedīgān ud čērīh =iz ī zamānag bowandag menēd dādestān dahēd u =š kasān abar hammōxtēnd
ud ēn =iz kū bē =š ān ī ohrmazd mēnōy čāšt bawēd kū dōšēd kē ohrmazd ān nigēzišnīh
ēd =iz rāy čē abāg ohrmazd hamdōšišn bawēd kū …
ud ēn =iz kū =š pad xwaršēd paydāgīh mizd čāšt bawēd kē dōstīh ō spitāmān kē =š andar rōz waxšēd kū kār ud kirbag ī andar rōz abāyēd kirdan bē rōz ī didīgar nē spōzēd
ēd =iz rāy čē dōstīh ī ō dēn pad hučašmīh ud kār ī andar rōz bē_ō rōz ī didīgar spōxtan pad arwandīh bawēd
ud xwaršēd hučašmtom ud arwandtom az wēnišnīgān
ābādīh ast pahlom ahlāyīh
om pargard tattwāpers
hād
niyāyišn ī amahraspandān kird bawēd kē hufrazānag pad ān ī amahraspandān ōšmurišn ī dēn_frazānag kē ka ōšmurišn šnāxtan ud pad frārōnīh dāštan ī dēn ōšmurišn kē ka hamāl/āmār
ud ēk pad ān ī amahraspandān sāmān ast ī niyāyišn ī yazadān
čē abar ēn dar ēwēnag haft gōwēd
frazānag ayāb hufrazānag ayāb dušfrazānag ī paywandīd pad saxwan aw =iš pad ān ī yazadān
ud frazānag ī ēwtāg mādayānīhā bizešk =iz =ēw nigēzēd ī nē guft x bawēd kū xu
ayāb dušxēm
ud hufrazānag ī ēwtāg mādayānīhā bizešk =iz =ēw nigēzēd ī guft bawēd kū huxēm
ud dušfrazānag ī ēwtāg bizešk =iz =ēw nigēzēd ī guft bawēd kū dušxēm
ud afrazānag ī ēwtāg nigēzēd ī kadāriz =ēw ī adān
ud frazānag pad ān ī yazadān ōšmurišn ud kē ka guftan šāyistan ī duš abar frazānag rāy ēd ī kū pad abārōnīh dārēd pad niyāyišn ī yazadān ēstād nē tāštīg guft bawēd
ud dušfrazānag pad ān ī yazadān ōšmurišn kē ka kū pad abārōnīh dārēd ahlomōγ =iz ī āgāh_dēn bawēd
ud afrazānag pad ān ī yazadān dō ēwēnag bawēd
ayāb xu
ud tuhīg az frazānagīh ayāb duš ī tuhīg az dānāgīh
ud xu
ī tuhīg az frazānagīh awēnāgīhā yazadān pad nērang ī frārōn yazēd
ud duš ī tuhīg az dānāgīh awēnāgīhā yazadān pad nērang ī abārōn yaštan menēd ud ēč nē sāmān ī ōstīgān_ēstišn ī abar dēn ī yazadān u =šān niyāyišn
ud hufrazānag pad ān ī yazadān pad se wāzag ī hampaywandišnīh ī ast
xu
ud frazānag ud pad ān ī yazadān nigēzēd ōstīgānīhā sāmān ī yazadān niyāyišn
ud ēn =iz kū kē ō mardōmān ān tis hammōzēd ī =šān ēmēd ī hamēyīgīh bawēd ā =š mardōm ō dēn ī yazadān madan hammōxt bawēd
ēd =iz rāy čē wahmanīg rasišn ī ō ān ī yazadān dēn dānāgīhā abāyišn ī aw =iš
ud dānāgīhā abāyišn_awišīh pad ōstīgān nēkīh az =iš menīh bawēd
ud ōstīgān nēkīh az_menīh =iš pad hamēyīgīh_ēmēdīh ī ō nēkīh winnārīhēd
kē rāy ēmēd ī hamēyīg bun čim ī dēn padīrišnīh =iz
ud ēn =iz kū =š andar axwān fradom pahlomīh hammōxt bawēd kē gōwišn wahišt_xwēšēnīdārīhā
ēd =iz rāy čē wahištīgīh sar ī harw pahlomīh
ud ēn =iz kū parwardār ī kirbag bawēd kē kirbag āškārīhā kunēd
ēd =iz rāy čē kasān pad =iš hammōxtēnd ud kirbag andar gēhān abzāyēd
ēn =iz kū kē bar pad xwēšīh ī ohrmazd dārēd ā =š gēhān pad frārōnīh abzāyēnīdan hammōxt bawēd
ēd =iz rāy čē pad bar dādīg_baxtār ud rādīh_kirdār bawēd ud zōr ī dād_rādīh bun abzāyēnēnd ud bar pāyagēnēnd ud pad =iš gēhān frāxwēnīhīd mardōm abar hammōxtēnd
ud ēn =iz kū =š pad bowandag_menišnīh saxwan ud kunišn rāst hammōxt bawēd kē yazišn pad bowandag_menišnīh
ēd =iz rāy čē andar yazišn saxwan ud kunišn harw dō ast
ud ēn =iz kū frazānagīh =iš ī ohrmazd hammōxt bawēd kē ō ohrmazd ān nigēzišn ī frašegird_kirdārīh
ēd =iz rāy čē frazānagīh ī ohrmazd sūd_frazāmīh ī =š bun ud mayān pad wehīh ud dānāgīh zōr ī =š xwad čē abar dahišnān baxt ud kē ān zōr pad frašegird_ayārīh dārēd pad ān frazānagīh burzīhēd ud pad =iš hammōxtēnd
ud ēn =iz kū =š mizd ī zardušt xwēšēnīd kē kār ud dādestān bē wizīnēd
ēw =iz rāy čē abāg zardušt pad ān wizēngarīh ham
ud ēn =iz kū =š mardōm dēn ōšmurd x bawēd kē ān ī dēn rawāgēnīdārīh waxšēnēd
ud ēd =iz rāy čē az frārōn_warzīdārān rāmēnīdan frārōnīh waxšīhēd
ud ēn =iz kū =š dēn ī ohrmazd rawāg kird bawēd kē yazišn ī ohrmazd kunēd
ēd =iz rāy čē =š pad ān kunišn rasēd ān nērangēnīdār wābarīgānīh
ud ēn =iz kū =š az mēnōy ī bēšīdār pāsbānēnīd bawēd ōy pahlom ahlaw ī rāst dādwar kē yyy pad wahman kū yyy ud abzār pad frārōnīh dārēd
ēd =iz rāy čē bēš ī =š az rāst_dādwarīh andar mardōm čihrīg ham_bārīhēd pad rāmišn ī =šān az wahmanīg yyy
gugānīhēd bēšīdār mēnōy az rasīd ī ān ham_bārdag bēš ō bēšīdārīh ī ōy agārīhēnd
ud ēn =iz kū =š ān kirdārīh ī amahraspandān čāšt bawēd kē bē pattūg pad ān ī amahraspandān
ēd =iz rāy čē wīdwar frazām ēmēd bawēd ud frārōn frazām ēmēd frašegird_nimūdār =iz bawēd
ud ēn =iz kū =š gōwišn ī ōy čāšt bawēd kē zardušt kū xwāstār bawānd kē dēn ō sūdōmandān
ēd =iz rāy čē sūdōmandān wirāstagīh ī pad dēn rāy dēn ō kasān ārzōgēnēnd u =šān ō xwāstārīh nixwārēnēnd
ud ēn =iz kū kē ō mard ī ahlaw tis dahēd ā =š ēn =iz kird bawēd kū abārīg =iz kas tā =iz ān ī wattar dahēd
ēd =iz rāy čē =š šyp ī rādīh aw =iš wirāst bawēd
pahlom ahlāyīh ābādīh ast
čahārdahom pargard atfrawaxšī
yyy ān =iz ī hammōzišn niyōšišn ēdar and_čand abāyēd
ud ān ī ahammōzišn niyōšišn ēw_bār ā =š hāxt zardušt
ud ēn =iz kū kē ō kunišngarān dō zāyēnīdārīhā ā =š kunišn pahlom ēwēn ī fradom dām xwēdōdah stāyīd bawēd čiyōn kunišngarān zāyēnīdārīh mardōm pidarīh mardōm xūb_pidarīh pad xūb_kirdār_zahagīh
ud xūb_kirdār_zahagīh pad fradom dām xēmīhā zahag andar xwēš_warzīdārīh ud zahag andar xwēš_warzīdārīh xwēdōdah bawēd ud ān ī ka kunišngarān zāyēnīdār mardōm pidarīh stāyēd ā =š xwēdōdah =iz stāyīd bawēd
ud ēn =iz kū kē dām pad frārōnīh ā =š frārōn_parwardārīh dāmān rāy xwēdōdah kirdan čāšt bawēd
x x x x pad =iz ēn čim čē dām pad frārōnīh dāštan rāy ō frārōn_xēmīh ī amaragānīg handāzēd
ān ī zāyīhēd pad čihr az xwēdōdah ī amaragānīg
ēn =iz kū =š spandarmad pad duxtarīh ō ohrmazd čāšt bawēd kē xrad pad bowandag_menišnīh
ēd =iz rāy čē xrad bowandag_menišnīh andar kanārag hēnd ī ohrmazd ud spandarmad
ud xrad ān ī ohrmazd ud bowandag_menišnīh ān ī spandarmad
ud bowandag_menišnīh xrad zahag čiyōn spandarmad ohrmazd
ud az ēd bē guftan čimīg kū kē bowandag_menišnīh ō xrad paywast ā =š spandarmad pad duxtarīh ō ohrmazd čāšt bawēd
ud ēn =iz kū =š ēdōn ān duxtarīh kunišn čāšt bawēd kē ahlāyīh pad bowandag_menišnīh
ud kē =iz yazišn pad bowandag_menišnīh ud kū yazišn ud abārīg kirbag bowandag_menišnīhā kunēd
ud ēn =iz kū =š pad kunišn ud saxwan mardōm ō dēnīg huwaršt hāxt bawēd kē pad mardōmān nēkīh kunēd
ēd =iz rāy čē ān kunišn dēnīg huwaršt ast ud ka =š abar kird ā =š hammōxt =iz bawēnd
ud ēn =iz kū =š ān ī wahman tarsagāyīh čāšt bawēd kē pad čašm ān ī gumēzag āškārag kunēd kū ān ī tārīg rōšn
ēd =iz rāy čē kār ī wahman pad =iš tarsagāyīh ī wahman kirdan hammōxt =iz bawēd
ud ēn =iz kū bē yazišn pad bowandag_menišnīh čāšt bawēd kē pad bowandag_menišnīh saxwan ud kunišn čāšēd
pahlom ahlāyīh ast ābādīh
pānzdahom pargard kamnamayz
abar passox ī ohrmazd ō zarduxšt pad ān ī =š pursīd kū ō kadār zamīg ōnāmēm hād ō ānōh raftan kū mard kē ahlāyīh abāg bowandag_menišnīh pad tan mehmān ēn =iz kū nēk ōy kē garzišn az =iš nēst
ud ēn =iz kū =š mardōm pad kirbag tuxšāgēnīd bawēd kē ō kirbag_rawāgīh dahēd
ēd =iz rāy čē mardōm ō kār ī paydāg rawāgīh bawēd kē ō kirbag abērtar āyōzēnēnd
ud ēn =iz kū dēn_hammōxtan ān ī az =iš paydāg_kirdan čāšīd bawēd kē ō ahlawān kirdārīh kū pad hudēnān nēkīh kunēd
ēd =iz rāy čē wasān nēkīh ārzōgīh rāy dēn āyēnd ud hammōxtēnēnd ud warzēnēnd
ud ēn =iz kū =š andar deh ī pādīrān_dahišnīh =iz ī čāšt bawēd kē abar deh sālār ī nēk gumārēd
ēd =iz rāy čē nēk deh sālār hammōxtār bawēd ī hunar ud kirbag ō dehīgān
ud ēn =iz kū =š ātaxš hupānagīh čāšt bawēd kē saxwan pad wahman ud kē =iz ān ī warōmand zamān ō man kunēd
ēd =iz rāy čē kē saxwan pad wahman gōwišnīg kē ān ī warōmand zamān ō man kunēd kunišnīg ātaxš_pahrēz_kirdan hammōzēd az ān ka passāxt ī abar ātaxš bōxt ud ēraxt paydāg bawēd ud mardōm pad warzāwandīh ī ātaxš abērtar ud druwandān ī az =iš ayārīh ud pānāgīh wēš kunēnd
ud ēn =iz kū kē abar ōy kē tan pad hāwištīh bē_ō hērbedān rādēnīd kunēd u =š pad dastwar guftan =iz hammōxt bawēd
ēd =iz rāy čē tan pad hāwištīh bē_ō hērbedān dād dēn pad dastwar kird guftan =iz bawēd kē pad ōy kas ābādīh kunēd ān kunišn ī ast dēn pad kird guftan =iz abzāyēnīd hammōxt =iz bawēd
ud ēn =iz kū =š mard ud zan pad hāwištīh ō zarduxšt dād hammōxt bawēd kē xwēš nar ud nārīg pad dastwarīh ī zarduxšt dārēd
ud ēn =iz kū =š wehīh ō ōy ī weh čāšt bawēd kū =š dahēnd kē ō ōy ahlaw ī arzānīgān ī pad ān xwāstag dahēnd ahlaw ī arzānīg hudēn kē =š pad kirdārīh ī arzānīgīh ī pad ān xwāstag xwāst ēstēd ud ān ī ārzōg xwāstag xwāstag ī kem_ranǰ ud wēš_sūd pad wehīh ud frārōnīh ud menišnīh ī dādār ō ōy ī weh arzānīgīh padīriftār hamāl
ud ēn =iz kū pad =iš čēh_widarg čašt bawēd kū franāmānd kē pad tis āškārag bē šawēd ka pad rāh ī rāst āškāragīhā raft ā =š pad čēh_widarg widird hammōxt bawēd
ud ēn =iz kū kē yazišn pad bowandag_menišnīh ā =š čāšt bawēd kū pad bowandag_menišnīh gēhān frahīh dahēd
ēd =iz rāy čē =š pad ān ī awēšān xēm ī gēhān abzāyēnīd ān ī awēšān nimūd hammōxt bawēd
ēdarīh ō sūdōmandān hordād amurdad bē čāšt bawēd kū yazadān dahēnd
ud ēn =iz kū ēdōn ān ī druwand ān =iz ī pādixšāy apādixšāy bawēd pad ān zamān ka harw kas =ēw dānēd kū ka ul ahlāyīh
ud ēn =iz kū ka ān ī pādixšāy wištāsp ān =iz ī pādixšāy ahlaw zarduxšt ēdōn ān ī druwand arzāsp apādixšāy
ud ēn =iz kū dahišnīh ō ohrmazd čāšt bawēd kū dahēd
ud ēn =iz kū pad =iš kāmag amahraspand čāšt bawēnd kē hunsandīh pad ān ī amahraspandān kū frazām pad tis ī amahraspandān nigerēd
ud ēn =iz kū xradīh ō ōy čāšt bawēd kē zarduxšt kū =š bawēd kē menišn ō zarduxšt ō dēn ī zarduxšt
pahlom ābādīh ahlāyīh ast
šāzdahom pargard spandmayt
hād dēn pad ōy mehmān kē xwad dānāg ayāb niyōšīdār ī dānāgān bawēd
ud ēn =iz kū =š pad bowandag_menišnīh kunišn warzīd ud hammōxt kē xwad bowandag_menišn bawēd
ud ēn =iz kū kirbag āškārīhā kunēd parwardār ī kirbag bawēd
ud ēn =iz kū =š mēnōy ī pidarīh pad =iš mehmān bawēd kē dām pad frārōnīh parwarēd
ud ēn =iz kū =š wāstar ō gōspandān dād hammōxt bawēd kē gōspandān pahrēz kunēd
čē =šān wāstar_dahišnīh abāg pahrēz sūdōmand
ud ēn =iz kū kē ān ī =š mad ēstēd nēkīh ō ōy ī weh bawēd ā =š ō hamāg weh harw nēkīh ī ō ōy ī weh bawēd ā =š hamāg weh harw nēkīh dād bawēd ō hamāg weh pad rāh ī hamīh ī pad gōhr sraxtag ud čiyōnīh ud harw nēkīh dād bawēd pad rāh ī bowandag_dahišnīh ī =š tuwān
ud ēn =iz kū kē wizīr ud dādwarīh rāst kunēd pad =iz paydāgīh ī abar bōxt ud ēraxt spāsōmand bawēd
ēd =iz rāy čē dādwarīh bun nērang ī war
ud ēn =iz kū kē ō ōy ī dānāg ān ī =š niyābag dahēd ā =š ō frazānagīh bun ī stabr ud nērōg dād ud dānāgīh andar gēhān waxšēnīd bawēd
pahlom ābādīh ast ahlāyīh
haftdahom pargard yezid
hād kē dēn wābarīgān dārēd u =š framān barēd ā =š kasān =iz pad =iš hammōzēnīd bawēd
ēd =iz rāy čē =š kasān pad ēn x ō dēn abērtar tuwān hāxtan ud bun ud abzār ī hāxtārīh
hāxtarīh ēn kū xwad dēn wābarīgān dārēd
ud abzār ī hāxtārīh ēn kū framān_burdār ī dēn bawēd
ud ēn =iz kū kē nērang ī war ī passāxt ī kunēd ā =š čēh_widarg āgāhēnīd bawēd
ēd =iz rāy čē ān =iz passāxt ī mēnōy_warzīh ēk abar did pad astīh gugāy bawēnd
ud ēn =iz kū kē ān tis kunēd ī pad =iš wardišn ī az wattarīh ō wehīh bawēd ā =š x ān =iz ī wardišn ī frašegird āgāhēnīd bawēd gugāyīh =iz ī bahrīg ī wardišnīh abar hamēīg_wardišnīh rāy
ud ēn =iz kū kē pad gēhān_warzīdārān ābādīh kunēd x ēg =iš abzāyēnīd bawēd
ēd =iz rāy čē pad warzīdan ī gēhān tuxšāgdar bawēnd
ud ēn =iz kū kē pad driyōšān nēkīh kunēd ā =š yazadān gēhān waxšēnīdan kird bawēd
ēd =iz rāy čē pad ān čim wēš waxšēnd
ud ēn =iz kū =š dāmīh ī ohrmazd kird bawēd kē xwadāyīh ō ohrmazd
ēd =iz rāy čē griftār ud paristār ī kirbag bawēd
ud ēn =iz kū =š wišōbišn ī pad wahman čāšt bawēd kē xwadāyīh ō ohrmazd
ēd =iz rāy čē wināhgārān zanēd x ud wattarān wišōbēd
ud ēn =iz kū =š mardōm ī nēk andar deh abzāyēnīd bawēd kē deh_sālār ī nēk gumārēd
ēn =iz kū =š hammōg ī frārōn kird ud nimūd bawēd kē wahman dōšēd
ud ēn =iz kū =š x kunišn ī frārōn rawāgēnīd bawēd kē ō ān ī weh frazānag gōwišn ud kunišn ī frārōn čāšēd
ēd =iz rāy čē padīrišn ud rawāg_dahišnīh ī frārōnīh pad frazānagān abērtar bawēd
pahlom ast ahlāyīh ābādīh
haštdahom pargard atmāyaw hād
pad =iš bowandag_menišnīh mardōm pad frārōnīh hammōxt pad =iš xūb_šnāsag bawēnd kē ān ī duxtarīhā kunišn kū andar ohrmazd ēdōn tarsagāy čiyōn duxt andar pid
ēd =iz rāy čē =š ān ī āsnīg bowandag_menišnīh pad kunišn nimūdan ān kunišn srūdīg ō menišn ī mardōm payrōgīhēd pad =iš xub_šnāsagīh būd
ēn =iz kū xūb_šnāsagīh ī tisān pad bowandag_menišnīh bawēd
ōh =iz duxt ō pid pad ān ī āsnīg bowandag_menišnīh kē pad =iš spōzīhēd ān waran ī pad yyy x stahmagtom tarsagāyīhēd
ud az ān bē ān tarsagāyīh nērōgōmandtom hangōšīhēd aw =iš tarsagāyīh ī andar dādār
ud ēn =iz kū =š pad xrad tis ī yazadān wizīdan hammōxt bawēd kē frazānagīh pad tis yazadān
ēd =iz rāy čē tis ī yazadān wizīdan mādayān ān ī frazām_sūd ud frazām_sūdīh pad frazānagīh wēnīhēd
az ān bē ōy kē pad tis ī yazadān frazānag ā =š pad arz tis ī yazadān wizīdan hammōxt bawēd
ud ēn =iz kū =š ō frašōštar urwāhmenīh ī pad ahlāyīh čāšt bawēd kū =š pad kār ud kirbag kirdan garmōg kunēd kē ō frašōštar hordād amurdad bē čāšt kū pad dastwar ī ōy dārēd
ud ēn =iz kū =š pad kār ud kirbag garmōg būd hammōxt bawēd kē nōg_nōg kirbag kunēd
ud ēn =iz kū =š ohrmazd sālārīh dahēd kē ō ohrmazd rāmišn dahēd
ēd =iz rāy čē rāmišn ō ohrmazd dādār kas ohrmazd rāst bandag ohrmazd rāst bandag sālār bawēd
ud ēn =iz kū =š hamē ō wisp framānbed bawēnd kē ō ān ī bawēd nēkīh xwadāyīh
az =iz ēd čim čē pad nihād ud rāyēnīdan ī ān ī aškenn frārōn dād framān kardag ī abārīg frāz nigerīdārīhā dāmān_sūdīh ān ī hamē pattāyišnīg nēkīh andar dāmān winnārēd
kē rāy pas =iz az zīndagīh ī =š tan ud gēhān pad ān ī ōy dād ēwēn wuzurg_kunišnīh rāyēnīhēd u =š framānbedīh ud xwadāyīh paywastag bawēd
ud ēn =iz kū dāmīh ī ohrmazd wahman pād hammōxt bawēd kē xwadāyīh ō ohrmazd
pad ēn čim čē padisāy pād hammōxt bawēd kē xwadāyīh ō ohrmazd pad ēn čim čē padisāy pād ī ōy xwadāy dām pad zōr ī wehīh pāyīhistan ī dām pad wehīh zōr ō amaragān āškāragīhēd zōr ī wehīh ī wahman ast
ēdar abar passox ī ō zardušt druwandān rāy kū andar druzōdmān pad rasišn pad hām_margīh apādixšāy hēnd kū =šān hamāg anāgīh ast u =šān čārag xwāst nē tuwān
ēn =iz kū =š mēnōy ī tarsagāyīh ī pad xwānišn ō ayārīh rasēd kē andar sūdōmandān tarsagāy
ēd =iz rāy čē mēnōy ō ān xwāndār abērtar paywāzēnd ī =šān wāspuhragānīhā dādār bawēd
ud ēk x x az mēnōyān ast wāspuhragānīhā yazišn
čiyōn mēnōy ī rādīh pad wizīdārīhišnīh mēnōy ī rāstīh pad hurāstīh
ud mēnōy mihr pad humihrīh ud mēnōy ī xwadāyīh pad huxwadāyīh abērtar yazīhēd
ud ōwōn =iz mēnōy ī tarsagāyīh wāspuhragānīhā yazišn pad tarsagāyīh ī andar sūdōmandān bawēd
ud ēn =iz kū ān ī ohrmazd īšt xwāstār bawēd kē xwadāyīh ō ohrmazd
ēd =iz rāy čē dānāgīhā xwāst ī yazadān xwadāyān pad arzānīgēnīdan ī xwēš tan pad nēkīh ī az yazadān xwadāyān bawēd
abar passox ī ohrmazd ō zardušt ka =š abar xwēš ērmān wālan pursīd kū
ān tō xwēš yyy ērmān ān wālan ka =iz kū zādag ahlaw kē ēd ī tō dēn ī mazdēsn rawāgīh dahēd andar =iz dānēd frāz ōšmurēd az ēd ī tō warzišn ī weh dahēd frāz wābarīgānīh kū kird ī tō pad wābarīgān dārēd
pahlom ast ābādīh ahlāyīh
nōzdahom pargard katmōyruwag
hād
pah =iš ō ōy ī gōspand čāšēd ēd =iz rāy čē gōspand pah =iz andar
ud ēn =iz kū kē gōspandān rāy wāstar sāzēd ā =š mardōm pad gōspand srāyēnīd bawēd
ēd =iz rāy čē mardōm pad gōspand ud gōspand pad wāstar srāyišn
ud ēn =iz kū ēdar =iš gōspand ō ōy čāšt bawēd kē pah ō zardušt kū pad dastwar ī zardušt dārēd
ēd =iz rāy čē pah =iz gōspand
ēn =iz kū =š pad frārōnīh ōz abzāyēnīd ud hammōxt bawēd kē pad dagr_zīyišnīh xwāyišnīh urwāhmenīh dahēd kū ān tis kunēd ī =š urwāhmenīh dahēd kū ān tis kunēd ī =š urwāhm ī dagrand_zamān bawēd
ēd =iz rāy čē abzōn ī ōz abērtar az rāmišn rāmišn ān ī dagr_pattāy bawēd
ud ēn =iz kū kē yazišn ī yazadān kunēd ēg =iš urwāhmenīh ī az yazadān ō xwēš paywast bawēd
ēd =iz rāy čē rasišn ī yazadān aw =iš bawēd
ud ēn =iz kū =š xrad ī zardušt hammōxt ud nimūd bawēd kē menišn ō dēn ī zardušt dahēd
ud ēn =iz kū =š pad gōwāgīh uzwān frahanǰēnīd bawēd kē pad xrad wizēngar bawēd
ud ēn =iz kū =š ārāyišn ō ōy čāšt bawēd kē zardušt kē dēn_sūdōmandān
ēd =iz rāy čē az ān ī awēšān ī nūn bawēnd kunišn ud xēm ud hāxtārīh ī mardōm ō dēn ī zardušt ārāyēnd
ud ēn =iz kū kē ō kasān rāh ī frārōn hammōzēd ā =š pad dānāgīh ī frahanǰēnīd bawēnd
ēd =iz rāy čē pad rōšnīh ī ān rāh wēnēnd ud kunēnd ud pad =iš frahanǰīhēnd
ud ēn =iz kū =š niyāyišn ī amahraspandān kird bawēd kē stāyīdār ī amahraspandān
ud ēn =iz kū =š ayārīh az yazadān grift bawēd kē ō ōy ī xwāstār ān ī =š dōšag dahēd
čē =š xwēš_tan pad ayārīh arzānīgēnīd ud ka =š arzānīgēnīd ēg =iš grift bawēd
ud xwāstār ān bawēd kē =š xwāstār ī nē pad dahān bē pad arzānīgīh ud dōšag ud ān ī =š abar weh
ud ēn =iz kū =š andar rōz ō ōš čāšt bawēd kū pad daxšag gīrēd kē andar niyāyišn kū kār ud kirbag ī =š andar rōz bē abāyēd kirdan bē_ō didīgar rōz nē spōzēd
ēd =iz rāy čē =š ōš az ēr_hambahīh ī kārān bōzēnīdan abar kārān burzēnīd bawēd
ud ēn =iz kū =š andar axwān bowandag_dahišnīh čāšt bawēd kē andar axwān menišn kū ān tis kunēd ī andar gēhān weh šāyēd mānistan čiyōn winnārdan ī huxwadāyīh ud hudēnīh ud dād ī ēwēn ī frārōn ud abārīg kē mānišn winnārišn ud zīyišn ī mardōm andar gēhān pad =iš bawēd ud xwēšēnīdan ī ān kirdār ud bowandag_dahišnīh aburzīh ast ī =š az ān wuzurg kirdārīh
ast ahlāyīh ābādīh pahlom
wīstom pargard wohuxšahr
u =š guft ohrmazd ō spitāmān zarduxšt kū kē nūn pad xwadāyīh pādixšāy hēnd mardōm ī sāstār ī druwand ud drōzan nē nūn pad xwadāyīh ud ōy =iz ī druzēnīd andar ox ī astōmand az šēwan bē wānēnē ud margīh ud seǰ ud drōzišn bōzēnēnd čē =š x nē bōzēnēnd
ud ēn =iz kū ka =šān xwadāyīh bē_ō ōy ī weh dād hē bōzīhist =ēw pad ān ī ōy xwadāyīh ān =iz ī druzēnīdag az šēwan bē wānēnē ud margīh ud seǰ ud drōzišn
ud ēn =iz kū kē bowandag_menišnīh ō xwēš kunēd ā =š ahlāyīh kird bawēd
ēd =iz rāy čē pad bowandag_menišnīh rōšnīhēd ān ī ǰān čašm ī wēnāg ī ahlāyīh
ud ēn =iz kū =š īšt ī pad xwadāyīh bē šāyēd dād čāšt bawēd kē xwadāyīh ō ōy ī hamāg rōšn kunēd
ēd =iz rāy čē ōy ī hamāg rawišn xwadāy nigerišn ud handāzišn ud kunišn abar ān ī amaragān īšt ud sūd ī pad xwadāyīh ī šāyēd kirdan
ud ēn =iz kū =š pad wahman saxwan dād hammōxt bawēd kē yazišn ī yazadān wahman_menišnīhā kunēd
ēd =iz rāy čē menišn pad wahman_menišnīh ōstīgān ud uzwān pad wahman_saxwanīh xōgēnīdag bawēd
ud ēn =iz kū =š awināhīh az amāwand kirbagīh hammōxt bawēd kē pad frārōnīh mānēd
ēd =iz rāy čē =š wizārd frēzwānīg kirbag =iz andar
ud ēn =iz kū =š hammis wehīh kirdārīh pad wehīh kirdārīh ayārēnīd bawēd kē andar axwān bun_dahišn kū =š ān ī bē abāyēd dād bē dahēd
ēd =iz rāy čē kār =ēw ī pad hazār mard abar ēstēd ka ēk zōr ī xwēš pad =iš ō kār barēd ā =š nō_hazār nō mard pad ān kār ayārēnīd bawēd
ud ēn =iz kū =š ān ī ahlāyīh rāh nē nihānēnīd ud hammōxt bawēd kē humēnīdār pad ahlāyīh
ēd =iz rāy čē =š ēwān ud rēšag ī ahlāyīh az menišn
ud ēn =iz kū =š bowandagīh ī pad ān ī gōspandān nē abāyēd kirdan hammōxt bawēd kē gōspand pad dastwar ī sūdōmandān dārēd
ēd =iz rāy čē =š hammōzēnd ud framāyēnd
ud ēn =iz kū =š kadag_bānūgīh kird hammōxt bawēd ān zan az tarsagāyīh ī šōy urwāhmenīh kunēd
ēd =iz rāy čē =š kadag_bānūgīh pad hušnūdīh ī šōy ud hušnūdīh pad =iš tarsagāyīh ud tarsagāyīh pad rāmišn bawēd
ud ēn =iz kū =š dēn pad dānāgīh dōšīdan hammōxt bawēd kē =š paymānīg ud wahmanīg
ēd =iz rāy čē wahmanīg paymānīgīh šnāsīhēd dēn
ud ēn =iz kū =š ān ī ohrmazd rāmēnīdārīh kird bawēd kē ō ohrmazd čāšēd
ast ahlāyīh pahlom ābādīh
wīst_ud_ēkom pargard wahištōyšt
frāz =iš ān guft ahlaw zardušt kū =š yazišn kird kē ān ī amāh yaštan humenišnīh az =iš
ud ēn =iz kū kē dēn pad tan mehmān ā =š wahman ud mānsr pad tan mehmān ud mēnōy ī wehīh ī ud paymān
ud ēn =iz kū =š dēn ī weh pad saxwan ud kunišn hammōxt bawēd kē yazišn wahman_menišnīhā kunēd
ud ēn =iz kū =š amahraspand pad tan mehmān bawēnd kē wahman dōšēd
ēd =iz rāy čē =šān mehmānīh pad rōšnīh ud pākīh ud hubōyīh ud pad wahman rōšnīhēd pākīhēd hubōyīhēd tan
ud ēn =iz kū =š mardōm pad kirbag kirdan tuxšāgēnīd bawēd kē dāšn ō kirbag_garān kunēd
ud ēn =iz kū kē rāh ī sūdōmand dōšēd ā =š kasān =iz hamrāh grift ud hammōxt bawēd
ud ēn =iz kū =š duxt pad duxtarīh ō pidar dahēd kē ō duxt tarsagāyīh ī andar pidar hammōzēd
ēd =iz rāy čē =š pad duxtarīh ōstīgānēnīd bawēd
ud ēn =iz kū =š pādixšāyīh ī wahman hammōxt bawēd kē hunar ī =š ast pad frārōnīh dārēd
ēd =iz rāy čē az pādixšāyīh ī wehīh bawēd sūd ud apahikārīh ī hunarān
ud ēn =iz kū =š ō pid duxt pad zanīh dād bawēd ēdōn =iz ō abārīg mard zan kē ō duxt ud abārīg zan tarsagāyīh ī andar pid ud šōy hammōzēd
ud ēdōn =iz kē zan ī mard =ēw pad kadag_bānūgīh frahanǰēnēd čē zan sūdōmand zanīh ī mard pad tarsagāyīh ī andar šōy ud xūb_frāhaxtīh ī pad kadag_bānūgīh bawēd
ud ēn =iz kū =š tarsagāh =iz zan ō šōy dād bawēd kē zan =ēw bē_ō mard dahēd čē xwadīh dādār pad =iz kār ī ān xwadīh dād spāsōmand bawēd
ud ēn =iz kū =š bun ud bar ō ohrmazd dād bawēd kē abāyēd bē_ō ohrmazd dahēd ud bōxtišn ī hamēīg hammōzēd ud frārōn abāyēd bun ī bōxtišn bar ī frārōn abāyēd
ud ēn =iz kū =š ō hukadag_xwadāyīh ham_bārīd bawēd kē dar ī kadag ō dānāgān wišādīh dārēd
ēd =iz rāy čē kadag tan dar ī kadag gōš ud čašm ud dahān
ast ābādīh ahlāyīh pahlom
wīst_ud_dōwom pargard ayryaman bun
abdom frašn tarist panǰ gāhān bē =š ō ohrmazd xwadāyīh čāšt bawēd kū =š tan ī xwēš xwadāyīh kunēnd kē ān kunēd ī az ān gyāg paydāg
yā_ərəžəǰiiōi_dāhī_drigauuē_vahiiō
kē ō ōy ī rāst zīyišn driyōš wāsān dahēd bōxtišn ī az ēbgad ud hangirdīgīh ī harw nēkīh
ast ābādīh pahlom ahlāyīh
wizīdag ī az hamāg hād
abar wizīdag ī az hamāg hād
waxšēnīdārōmand awēšān sūdōmand kē waxšēnēnd ōy waxšēnīdār kū nēkīh pad ōy kunēnd kē ān ī pad kasān nēkīh kunēd
ēdōn ahlaw ī pahlom menišn dahēd kē ān pad wahman abar rasēd nēkīh ī ōy ī āškārag_bēšīdār mard ī ahlaw ī zadār druwandān
kē pad ān ī ohrmazd ud pad ān ī zardušt waxšēnēd kū pad paymān kušēd
ōy ī stahmag mard ī ahlaw rāy passox guft
mizd ī zadār ud waxšēnīdār ān mard kē zadārīh ud waxšēnīdārīh dānēd ī =š wattar mizd ōy ī druwand
ēdōn čiyōn =iš zadārīh ā =š pad dušmizdīh
az dōān mēnōyān ā =š dōšīd kē druwand ān ī wattar warzišn
ēd =iz rāy harw ahlaw kas =ēw gāhānīg čē ka pāduxšāy ān ī druwand ēdōn ān ahlaw ān =iz ī pādixšāy apāduxšāy
zardušt pad zadārīh ō druwandān raft
pad ān rawišn ohrmazd guft kū
tō ēdōn pad zadārīh ō druwandān rawē pad dādestān čē ēdōn tō ud harwistīn ahlaw pad xwadāy dārēnd
pad =iz az wizīr nērang ī war kē ān ī ast yyy ǰud dahēd kū =š ān ī tārīg rōšn bē kunēd
tō yyy hāwand ān ohrmazd ēdōn pad yaštan xwadāyīh kū =š yyy yyy yyy xwāstag ud pāduxšāyīh ēdōn pad frārōnīh dāšt bawēd čiyōn tō kē ēdōn ō gēhānīg anāgīhēd man pad ahlāyīh frāy_dahišnīh wālišn_dahišnīh
meh =iz ān ī ahlaw pad ahlāyīh wurrawēd meh ān ī druwand pad druwandīh
pad ān framāyišn ā =š guft zardušt kū āškārag_bēšīdār mard ī ahlaw
ohrmazd hāxt sūdōmand kū dōšīd gēhān ī astōmand ī ahlāyīh
ud ān ī ōy abar xwāhēd tarsagāyīh kē paymān ī ahlāyīh pad =iš kū paymān ī kār ud kirbag dānēd
gētī rāy passox guft kū ān ī dēwān abāz gumēxtēd čand bawēd tā ka ān ī dēwān ō dēwān abāz gumēxtēd tā ka waxšēnīd bawēnd ō ān ī xwēš stī kū =šān nēkīh ō xwēš tuwān xwāst ud zadār hēnd ahlawān
ān ī zadār ī dānāg rāy passox guft sōšyans kū pad rāh ī ōy bawēd ka abāz gumēxtēd
pad ān drōzišn ā =š guft ohrmazd kū nēk ōy kē drōzišn az =iš nēst
ōy kē rah ǰam mad ēstēd rāy ā =š guft kū =š mizd rasēd kē nē zadār ud nē waxšēnīdār ud nē pāduxšāy ud nē apāduxšāy
pad ān hāzišn ā =š guft wahman kū ān ahū ud ān rad kē man ahlāyīh pad tan abzāyēnam
pad ān framāyišn ā =š guft spandarmad kū ēdōn ān ī āgāh_dahišnīh bawēd mard =ēw ī dānāg bawēd kē man dēn pad daxšag bē kunam ōy ān ī amāh īšt kū xwāstag pad xwēšīh ī amāh dāšt ēstēd kē pad gōwišn gēhān ī ahlāyīh frāy_dahišnīh
ān ān ī man wirāyišn u =m ān kāmag kū =m ān abāyēd ud ān dōšam kē bē dānē kū ān ī ahlāyīh wirāyišn
kē =z tō az amāh zardušt sraw ud kunišn ī pahlom pursē pad bowandag_menišnīh nūn pad harw =ēw dast kunišn warzam bē niger ān ī man kunam tō =iz ōh kunē
pad īšt tō zardušt rād hē kē pad yazišn rād hē tō kē =t tan wurrawēd dād xwāstag rāy pahikār rād nēst
ud zardušt ī waxšēnīdār pad waxšēnīdārīh mizd
zardušt zadār pad zadārīh mizd
zardušt ī zadār ud waxšēnīdār pad zadārīh ud waxšēnīdārīh mizd
abar puhl ī ōy kē ātaxš pad yyy nām xwānēd čiyōn ka =š āhen ī widāxt pad galōg abar abāz tazēnēnd
ud ān ōy zīndag yazē ōy kē dōšišn pad nēkīh kū kār ud kirbag pad abēbīmīh kunēd ā =š kāmag =iz abāg šāyēd dānistan kū =š abāyist rāy kird
pad ān framāyišn ā =š guft ohrmazd kū ēdōn ō ān ī amāh šahrewar ul_uzišnīh
pad ān frašn ā =š guft ohrmazd kū ēdōn ō ān ī amāh pad wahman rasīhēd ō dēn ī amāh pad frārōnīh šāyēd mad
rāst ān zardušt pad xwadāyīh pāduxšāy kē yōǰdāsrēnēd ēn dēn kū rawāg bē kunēd kē pad ēn dahīhēd amargīh ud kāmag_hučašmīh
ān ān ī man dēn zardušt ī pahlom kē ēn ī man gēhān pad ahlāyīh frāy_dahišnīh abāgēnēd
pad ān ī ōy ā =š guft ohrmazd kū az ān ī meh gannāgīh ka druwand ō ōy ī druwand xwad pad agannāg dārēnd kē ān ī ōy kunišn ā =š az akōman mānišn
az ēd =iz ka ō tō harw dō dahīhēd hordād amurdad pad ān rāh ka abzōnīg_mēnōy ud pahlom_menišn hē kū ān ī dānē bē kunē ud ān ī nē dānē abāz pursē
az ōy ī ast xrad ohrmazd ōy ī bawēd xrad
zardušt pursīd ōy ī anāst rāy kē pas nē bawēd kē =šān nē ēdōn hagriz stī būd ī kust ī frārōnīh u =šān nē bawēd az nūn frāz
pad ān padīrag_wisānišnīh ā =š guft ohrmazd kū andarg harwistīn mardān ī ahlawān ī zadār druwandān ōh gōw pad =iz ān ī pēm_barišn zōhr šīr =ēw paymān šnāyēnēnd frāxwēnēm was yān nēkīh kirdan
pad ān framāyišn ā =š guft ohrmazd kū nēk ōy kē garzišn az =iš nēst ud yān ī čiyōn ēn xwāhēd
gərəzōi
āxsō
mānsr
ō tō zarduxšt ā =m pānag dād passox ī kə̄mnā
kē pēš kay wištāsp hamhāgīh ān man ahlaw dōst tis ī āškārag az ān ī warzīd az ān čiyōn ōh abāyēd warzīd
ān ī apaymānag mard_gōwišnīh hād drō hamāg apaymān hād
ēd rāy hamāg nē ān ī weh mard dārēd čē ka pādixšāy ān druwand ast ān ī ahlaw ān =iz ī pāduxšāy apāduxšāy bawēd ān ī ahlaw
ēdōn ān ī druwand ān =iz ī pādixšāy ud apāduxšāy bawēd kū bē ēraxtēd u =š dārišn bē stanēnd
sūdōmandān rāy passox guft az ān ī mizd ī zadār ud waxšēnīdār hēnd awēšān sūdōmand kē zadārīh ud waxšēnīdārīh hēnd
ōy ī waxšēnīdār ohrmazd kē zadārīh ud waxšēnīdārīh dānēd
ka pad zadārīh az ohrmazd druwandān rāy abar frašn būd pad zadārīh ī ēdar ōy ī xwadāy rāy passox guft mizd
kē ān ī pahlom dādwarīh ēdōn čāšēd kū wizīr kunēd ān ī zadār ud waxšēnīdār sōšyans
zarduxšt passox guft kū mizd ān dahēd
ud ān zadār ī dānāg passox guft sōšyans kū pādifrāh ān kunēd
ān čand gōspandān ān =iz ī gōspand paydāg paydāg ahlaw rāy garzīhēd ēn garzišn čand tā ka waxšēnīdār bawēd ān =iz ī akāmag_xwadāy
čand zamān tā ān bawēd tā ka druwand ī zadār ī āhōgēnīdār pādixšāy ān apāduxšāy
čē_kāmagīh =iš rāy garzēd kū_tā waxšēnīdār bawād ān =iz ī akāmagxwadāy kū_tā ān ī waxšēnīdār pādixšāy bawād
pad ān garzišn ī =š guft ohrmazd kū nē ēdōn ahūīgīh windišn ēn garzišn ēd rāy ka xwadāy pad xwadāy nē dārēnd ud nē dahišn ī radīh az ahlāyīh čēgāmiz =ēw
čand ahlawān rāy ōh abāyēd guftan az nūn frāz tā ka waxšēnīdār bawēd ān =iz ī akāmagxwadāy
čand saxwan ī mēnōyān rāy ī pad menišn ud gōwišn ud kunišn =iz ōh abāyēd guftan kū āmār ōh kunēd hamē tā kadāriz =ēw windišn zadār ud waxšēnīdār ud pādixšāy ud apādixšāy
čand bawēd ī ēn frašn ōh abāyēd pursīdan tā ōy ī ahlaw ān ī druwand agannāg ast ān ahlaw ā =š pad gannāgīh paydāgēnēnd pad zadārīh ān ī ahlaw petyāragēnēnd
čand bawēd ka ēn passox ōh abāyēd guftan tā zadārīh pahikārdār ud xwēšāwand
čand bawēd tā ān kas =ēw dōšēd ka ahlaw waxšēnīdār bawēnd nēkīh_kirdār
čand druwandān =iz ahlawān =iz rāy ōh abāyēd kirdan tā ka druwand ī zadārīh ī pahikārdār pāduxšāy
čē_kāmagīh =iš rāy frāz guft kū_tā bē dānānd kū ohrmazd rāst wizīd ahriman rāst nē wizīd
ud kū_tā bē dānānd kū pādufrāh ī druwandān ōh hammōxtišn kū ō tam axwān ōh rasēnd
kū ōy =iz ī hammēstānīg ā =š mizd dahēnd ud kū druwand ōh zanišn hēnd
kū yazad tuwāngartar hēnd kū ahriman bē kušēnd
ud kū az wattarīh bē_ō wehīh wardēnēnd
ud kū ān ī druwandīhā pad uzwān wurrawēnēd
ud kū frārōn parwardārīh ī dāmān rāy xwēdōdah kirdan
ud kū dēwān tar_menīd
ud kū ēdōn ān ī dušxwadāy druwand
ud kū anāyišn hēnd
kū ohrmazd wināh ud kirbag āmār ōh kunēd
ud pad kār ud kirbag kirdan tuxšāgtar bawānd
ud az wināh wēš pahrēzēnd
hamē tā kadāriz =ēw windišn ān pad zīndagīh ud ān pad azīndagīh ōh rasēd
u =šān pādufrāh pad tanōmandīh bowandag nē kunēnd ud druz gētī nē abesīhēd
ud harw kas =ēw ul ōšmurēd ud harw kas ō tis ī ohrmazd bowandag frazāmēnēd
ud druz nē wānīhēd ud pādufrāh bowandag nē kunēnd
ud harw kas ohrmazd abzōnīg nē menēd ōh mānē
ud harw kas tan nē bowandag dahēd pad druz ōh rēšēnd ud dušxrad ōh bawēnd
ud harw kas ō ōy ī weh wehīh nē bawēd
ud wattarīh druz weh ōh murnǰēnēnd
ud wattar weh nē šnāyēnēnd
ud druwand dēn ōh ōšmurēnd dōstīh ō kār nē dahēnd
ud dušwarzīdār ōh bawēnd
ud ahlaw ī mēnōy gētī pahlom pādixšāy waxšēnīdār bawēd ān =iz ī akāmagxwadāy
ud ēdōn ān ī druwand ān =iz ī pādixšāy apāduxšāy bawēd pad ān zamān ka harw kas ruwān andar garōdmān dahēd
ud ka harw kas dānēnd kū bēšīdārān bēš bawēd kū ka =šān az =iš xwāhēnd bē dušox tā bē dahēnd
ud ka harw kas ēzišn ī amahraspandān asūdagīhā kunēnd
ud ka harw kas dānēnd kū
gōšurun garzīd kū ān ī gōspand tāšīdār pursīd kū kē gōspandān zēnhārīh
nē pad abēšīdārīh ašawahišt passox kū =š pādufrāh kunēnd
harw kas dānēd kū =šān andar rōšnīh pad wēnišn urwāhmenīh
ud ka harw kas =ēw radīh ī ohrmazd āgāh bawēd
ud ka harw kas =ēw dānēd kū =š wišōbišn ī az gannāg_mēnōy čārag dānišnīg ast guft
ud ka harw kas =ēw dānēd kū ān abzōnīgīh ī pad mānsr ohrmazd tāšīd
ud ka harw kas dānēd kū hērbed pahlom
ud kū ān harw dō ohrmazd pad mēnōyīhā waxšēnēd
ud kū wahman zahag ī ohrmazd
ud kū spandarmad ohrmazd xwēš
kū ān harw 2 ā =š ōy ī franāft
ud kū pad ān ī xwēš menišn ud xrad ā =š dād
ud kū =šān wāng barēnd
ud ka harw kas ān ī ēn axwān ān axwān rāy abāyēd kird ud dānēd kirdan
ud ka harw kas ān ī xwēš mēnōy pad kunišn yyy
ud ka harw kas ohrmazd burdār tan bawēd
ud ka harw kas =ēw dānēd kū ōy kē =š dēw ī aniyōšīdār pad tan mehmān ā =š mizd nē dahēnd
ud ka harw kas ruwān ī xwēš amarg kunēd
ud ka harw kas bar pad xwēšīh ī ohrmazd dārēd
ud ka harw kas zōt ī pad ahlāyīh abēzag bawēd
ud ka harw kas sūr ō amahraspandān dahēnd
ud ka harw kas dānēd kū az ān ī awēšān bowandag hamkirdārīh ud ka awēšān pad āgenēn ruwān
ud ka harw kas =ēw tan dahēd
ud ka harw kas ōh yazišn ud stāyišn ī awēšān rawēd
ud ka harw kas =ēw dānēd kū anī az awēšān naēčīt̰_tə̄m_ańiīm
ud ka harw kas dānēd kū pad ān ō ōy xwadāyīh frašegird pad kāmag andar axwān dahīhēd
ud ka harw kas dēn rōšn dānēd
ud ka harw kas dēn pad sālār ud wālan dārēd
ud ka harw kas dānēd paydāgīh ī im pad awišāyēd būd
ud ka harw kas dānēd ohrmazd abzōnīg menēd
ud ka harw kas dānēd kū ka ān bawēd nēkīh pad kāmag_xwadāyīh dahīhēd
kū ud ka =š pad kār ud kirbag kirdan ō xwānēd ā mizd dahēd
ud ka harw kas gōspand yazadān wehān bawēd
ud ka harw kas dānēd kū kē ahlāyīh pad kunišn ā =š ān ī stabr bowandag_menišnīh ōh bawēd
ud ka harw kas az ohrmazd was ayārīh menēd
ud ka harw kas xēm wirāstan gōwēd
ud ka harw kas pašn kirdan gōwēd
ud ka harw kas ān sūd pad rād_dahišnīh dahēd
ud ka harw kas dānēd kū ān ī ōy niyāyišn ka andar garōdmānīgīh ā =š dahēd
ud ka harw kas dānēd kū =šān pad ān ī ohrmazd xwadāyīh kird
ud ka harw kas =ēw dānēd kū_tā ka dēn ī fradom dahišn ā ēn daxšag ēdōn dārišn huuō_zī_drəguuā̊
ud ka harw kas =ēw xwāstag pad dastwar ī ahlomōγān nē dārēd
ud ka harw kas dānēd kū ka ul ahlāyīh
ud ka harw kas =ēw ǰādag_gōwīh awēšān kunēnd
ud ka harw kas =ēw āgāh bawēd
ud ka harw kas =ēw wēnēd kū ān pid ī ahlāyīh
ud ka harw kas =ēw dānēd kū ān mēnōy ī abzōnīg pad ōy ast
ud ka harw kas dānēd kū ka xwāstār ast was zadār ī druwandān
ud ka harw kas =ēw niyāyišn ī ohrmazd gōwēd
ud ka harw kas =ēw dānēd kū ān amāh xwārīh
kū ān nām ohrmazd xwēš
ud ka harw kas =ēw hammōxtēd
harw kas =ēw pad dēn ī pahlom āyōzēd
ud ka harw kas =ēw dānēd kū wahman dām pāyēd
ud ka harw kas =ēw pad ān mizd pad kāmag pāduxšāy bawēd
ud ka harw kas =ēw dānēd kū pad bun_dahišnīh abzōn
ud ka harw kas =ēw tis ī amahraspandān kunēd
ud ka harw kas =ēw dānēd kū ka =š ān ī āgāh gōwēd pad nēkīh ahlāyīh dārišn bawēd
ud ka pad hāwand kirbagīh ō mow_mardān pēš abāyēd dād
kū ān ī kay wištāsp maγīh =iz rāy pad xwadāyīh arzānīg
ud kū zardušt ā =š zan frašōštar dād
ud kū ān frazānag ǰāmāsp kū ohrmazd dād
ud kū harw kas =ēw yazišn ī ohrmazd kunēd
ud ka harw kas =ēw dānēd kū pahlom_xwāyišnīh ī sraw ī zardušt
ud ēdōn =iz =iš pad ān ī ašmāh gyāg mizd ast
ast pahlom ahlāyīh ābādīh