Select Section Type

nibēsīhēd zand pargard ī ǰud_dēw_dād
u guft ohrmazd ān ī sag_burd ān ī way_burd
ān ī gurg_burd
ān ī wād_burd ān ī maxš_burd nasuš mard āstārēnēd wināhgār kunēd
čē agar awēšān nasāy ī sag_burd way_burd wād_burd mard āstārēnīd būd mardōm pad ān rāh wināhgār būd pad tēz_rawšnīh tēz būd
ān ī man harwist ī axw ī astōmand zad_xwāstār ī ahlāyīh rāh ī ō kār ud kirbag kirdan zad būd
xrōsišn dād ō ruwān =šān ruwān andar dušox xrōsag ud xwistag būd
tanāpuhlagān margarzān būd hēnd az frāyīdīh wināhgārīh ī awēšān nasāy
abar ēn zamīg widerēnd
pursišn ka nasāy tan paydāg ī dānēnd nasāy dānēnd sag ud dad dām_burd
ēg =iš pad =iš rēman ud wināhgār ayāb bawēnd
ud ka dānēnd nasāy wināhgār ud margarzān bawēnd
ka esm ī ātaxš rāy brīnēnd nasāy aw =iš gumēxt ēstēd ka dānēnd ayāb dānēnd čiyōn bawēd
passox ka esm zad ā ēw_bār xūb nigerišn
ka ō kār barēd ā se bār xūb nigerišn
ka ēdōn kird ēg =iš pad =iš a_wināh
az abestāg paydāg
se bār ōy ō esm frāz ēw nigerēd se =iz bār ōy ō hamāg perāmōn ud pad frōd_wardišnīh frāz ēw nigerēd
pursišn dār ī a_kār kadār
passox ān nasāy pad =iš barēnd ud ān abar wišōbēnd
ān mard pad =iš ō dār kunēnd ān handām ī zan ī daštān abar rasīd
ka kārēnd šāyēd ayāb
ka a_xwēškārīhā rōyēd čē kunišn
passox pad hamāg šāyēd
pursišn tarr ī rustag ka nasāy pad =iš gumēxt čiyōn bawēd
ast dastwar ēn guft hād sar_ā_sar brīd ud hamāg nasāy
ud ast dastwar guft ō ēd hangārēd agar ōh ōgārīd
ka ōgārīd se pāk
ud mar ka ēk se būd u se sāl pad =iš šud pāk
čē ān dār frāz dahišn ī az bunīh az =iš šawēd
dād_farrox guft agar dār sar_ā_sar nasāy brīd hamāg bē_ō nasāy bawēd
ka šakar aw =iš gumēzēnd sar_ā_sar barēd hamāg dānišn pāk bawēd
ēn wāzag ī dād_farrox pad kār abāyēd dāštan ayāb
tarr ī rustag ka nasāy aw =iš pahikafēd čiyōn bawēd tis =iz nēst
hušk ī rustag ayāb brīdag ka nasāy aw =iš gumēxtēd čiyōn
passox pad gyāg šōyišn kār
pursišn tarr ī brīdag nasāy aw =iš gumēxtēd
passox pad čāštag pad kird ēstēd
az man agar ān tarr gyāg
ēdōn ka frōd kārēnd rōyēd ēg =iš dādestān čiyōn
ān ī rustag agar dār az ān ī ka frōd kārēnd rōyēd ēg pad sāl_drahnāy ka
wārān pad =iš būd pad frasp pēšag abārīg kār pad āb ud ātaxš šāyēd
hušk ka rustag ayāb brīdag u nasāy andar gumēxtēd čiyōn bawēd
passox ān ī and gyāg tāšišn
abārīg pad sāl_drahnāy šōyišn kār
pursišn tarr ī rustag ka hixr aw =iš gumēxtēd čiyōn
passox sar_ā_sar brīd pad gyāg ōgārd dārišn
pursišn tarr ī brīdag ka hixr abar gumēxtēd čiyōn
passox agar hixr az ān ī pad rustan šāyēd
ka abzāyišn pad =iš būd pad hamāg kār šāyēd
ud agar dār az ān pas pad dar ud frasp pēšag huškwar ī pad xwarišn mehmān šāyēd
hušk ī rustag brīdag ka hixr aw =iš gumēxtēd čiyōn
ān and gyāg tāšišn abārīg pāk
wēšag =ēw esm =ēw tāg andar nasāy aw =iš gumēxt ēstēd dānēd kadām
dādestān čiyōn
warōmand
ramag ī gōspand ēd andar nasāy ǰūd ēstēd dānēd kadām čiyōn
warōmand
warōmand kunišn
dar ī hazzān ka nasāy abar rasīd čiyōn
pad ham_kār šāyēd
dar ī daštānestān ka nasāy abar rasīd
pad hazzān šāyēd
dar ī xwēšgāhān ka pohēd pad tis =iz šāyēd
pad xwēšgāhān hazzān daštānestān šāyēd
ka nasāy abar rasīd pad hazzān šāyēd
ka daštān abar rasīd pad xwēšgāhān ud daštānestān šāyēd
čē ān ī xwārtar pad ān ī grāytar šāyēd
ud ān ī grāytar pad ān ī xwārtar šāyēd
dar ī deh ud dar ī šahrestān ka nasāy abar rasīd čiyōn
pad ham kār dārēnd
šāyēd
pas ka wēzēnd ka =iz pad ham_gyāg abāz āguzēnd xāk šāyēd
dar ī ganǰag šabestān ǰāmagdān ka nasāy abar rasīd čiyōn
a_kār
dar ī srāy
ka nasāy abar rasīd čiyōn
ēdōn čiyōn sōšyans guft šāyēd
ēdōn čiyōn kay_ādur_bōzēd guft šāyēd
az man agar srāy ān kadag_xwadāy dahlīz ēk ēdōn bawēd čiyōn
dar ī ganǰ ud šabestān
agar srāy az ān ī kadag_xwadāy dō_dahlīz ud dar ī
dahlīz abāz ō ēk āwurd ēstēd
ō dar ī deh ud ān ī šahrestān handāzišn
dar ī bāɣ ī ayāb dar ī gumbad ī ātaxšān ka nasāy ayāb daštān abar rasīd čiyōn
pad ān ī daštān xwēšgāhān šāyēd
ka nasāy pad tan =ēw wišōbēnēd čiyōn bawēd
ka pad ēw_kardagīh wišōbēnēd
sōšyans guft ay ēd abāyēd dānēd sag_dīd ayāb čē rēman margarzān
u šōy nēst
abarg čār tuwān āmār kird
ud gōgušnasp guft ay pad čār ud tuwān
ka dānēd hambun =iz wināh ast ā margarzān
rōšn guft ay čē ōh abāyēd sag dīd
nasāy paymānag čand hambun =iz
nōit̰_maxšē_bərətō
ka nasāy pad band frōd bast ēstēnd wināh ī bawēd ayāb ēk ān ī ēk
ǰāmag ī abāg nasāy ēw_kardag ka pad =iš ǰumbēnēd čiyōn
rēman
nasāy ī ō kas =ēw framāyēd frayādišn nēst pad =iš
ēg =iš wināh ud rēmanīh ī pad rāh pardazišn bawēd
margarzān ōh bawēd
ka andar kanār murd ēstēd ud pad gyāg abganēd rēman bawēd
ka murw =ēw azabar frōd abganēd pad rāh ī ham_karzagīh rēman bawēd
ka murw az ān ī nasuš zanēd ā =iz ēdōn bawēd
ka pad stōr nišānēd pad nigerišn pad nasāy rāyēnēd
rēman
ka pad stōr ēstēd frāz āhanǰēd
rōšn guft ay ēdōn bawēd čiyōn pad zōr ī mard
dast ī šabēn pad āb ud ātaxš ud xwarišn ǰāmag čiyōn
xwadāy_būd ī sālīg pad āb ud ātaxš tanāpuhlagān guft
mādagwar ān ī rēman
az abestāg paydāg dast ī šabīn ō āb ud ātaxš burd ēdōn bawēd čiyōn hixr
ān ānōh ēdōn paydāg čiyōn ka nasāy ō mard ī ahlaw burd
pad xwarišn ī tarr ud šōr grāy ud ud pad ān ī hušk ǰāmag bawēd
andar hazzān šud čiyōn
abarg hazzān āmār kird ud gōgušnasp ī adānist
az man ǰud agar pad ham_nērōgīh andar šawēnd ēwēnīh pad šustan abāyēd
nasāy_nigānīh rāy zamīg kanēd
ka ēk ōh kanēd ēk ōh rōbēd čiyōn
tanāpuhl ēk ōy ud ēk ōy ōh ī xwāhēd
pas ka kanēd ast rōbēd tanāpuhlīh ī kand bawēd u ān ī ruft ōh bēd
nasāy_nigānīh pad nasāy ī zīndagān bawēd
andar must abāz gīrēd nasāy_nigānīh bawēd
pad wastarg ī tadag bawēd
ka nasāy ǰud az wars ud nāxun nigānēnīd bawēd
ā
ka wars ud nāxun nigānēnīd wars ud nāxun abāg nasāy ēg =iš nasāy_nigānīh bawēd bawēd
ka wars ud nāxun ī murdagān pad nasāy abāz nīgānīd ka pad =iš abāg pahikōbēd rēman bawēd bawēd
ka sag wars ud nāxun wēnēd nasuš zanēd
ka pēš az dō_sālag kirm bawēd ayāb pōsēd margarzān bawēd
harw kirm =ēw rāy ā tanāpuhl =ēw wināh
pad gyāg ī sard_ser wafr ud gyāg nasāy ǰud agar pad wafr frōd nihēnd ēnyā gyāg nēst
ud mardōm widerān bawēnd ān pad wafr frōd nihēnd ayāb čē kunišn
pad harw dūdag =ēw ā =šān xānag =ēw az mayān ī zamīg mānišn ī mardōmān nawad gām bērōn kunišn
ka pad zamestān mardōm widerān bawēnd nasāy ān gyāg barišn barišn
u ēdōn wistarg and kunišn agar hixr ud tis =ēw az nasāy āyēd ō zamīg rasēd
u nasāy andar ān gyāg barišn čiyōn garmīh āyēd murw āyēd zamīg hōšēd nasāy az ān gyāg bērōn āwarišn u bē_ō ī murw dahišn
drāzāy ud pahnāy ud bālāy ī xānag čand abāyēd čand frāz pāy ud dast widārdan ka nišīnēd andar ān zamān ka zīndag bawēd
ā pāy ō fragān sar ō aškōb rasēd
az abestāg paydāg
čand ān
ka stēndag zīndag nišīnišn waɣdān abar rasīhēd
ma frāz pāy ud ma widārdan dast tar =iš ma pahikafād
ka meh bawēd u tan andar nihēnd ayāb nihēnd šāyēd ayāb
šāyēd
čand zamān andar ān xānag pādixšāy dāštan
mard =ēw rōz ud māh drahnāy
ud ka wafr šawēd zamīg āwāsēd wēš =iz padixšāy
az abestag paydāg
ēdōn ān ī ul az bōy gyān andar nēst u tan ēd dahēnd andar xānag
dō_šabag ayāb se_šabag ayāb māh_drahnāy u kār nēst
ka andar zamīg kanēd āšāyēd šāyēd
az abestāg paydāg
ka andar xānag =ēw kunēnd u anī nasāy
andar nihēnd šāyēd
abēr šāyēd
pas ka mard =ēw kanēnd šāyēd
ka rōzgār abar āyēd ud ān gyāg xwaršēd_nigerišn kunēnd ēg =iš wināh ī nasāy_nigānīh bawēd bawēd
čē dēn gōwēd
hād agar awēšān mazdēsn ān kirb xwaršēd_nigerišn kunēnd
aškārag
kunēnd pad sāl_drahnāy ān ahlawɣnī ān dēw_ēzagīh ō bun bawēd
kay ēg =iš ēn wināh hamē rawēd
ka nasāy ud hixr barēnd ud hazzān kanēnd ud nasāy bē_ō murw dahēnd
ka kunēnd u nasāy andar barēnd pad nišāst ī mardōmān gōspand
ud xwarišn ǰāmag =ēw mardōmān šāyēd ayāb šāyēd
ka az =iš barēnd pad ham ān kār šāyēd
u andarōn bērōn hamāg pēramōn hixr ī grāy
ka nasāy az ān gyāg āwarēnd čiyōn šāyēd
ka āwarēnd
sag ī zard_gōš ī čahār_dīdag ayāb spēd ī zard_gōš burdan pad rāh frāz nimūdan abāg xwēš dāštan pad mard ō gyāg ī didīgar pardaxtan
ka nasāy az ān gyāg barēnd ān gyāg čiyōn pāk bawēd
ka wārān =ēw ēdōn pad =iš būd ī andarōn ud bērōn hošīd pāk
mard =ēw ka pad sard_ser mānēd u
ēn xānag kird ēstēd ēg =iš wināh bēd ayāb
ka nasāy nigān bawēd ā wināh ī nasāy_nigānīh
andar ēstēd wināhgār ayāb
ka nabānazdištān nihēnd ud āškārag kunēnd
awēšān wināh andar ēstēd
ka az awēšān =ēw
didīgar rasēd
nasāy nigān ān ī didīgarān ō bun ayāb ān ī rasēd
awēšān andar ēstēd ōy abāz ēstēd
ān nabānazdištān dūdag_dārā n
murd ēg =iš dādestān čiyōn
ka guft ēstēd nasāy āškārag kunēd ōy wināh andar ēstēd awēšān abāz ēstēd
ka xwāstag pad xwāstagdārīh frāz gīrēnd ud pādixšāy hēnd
ka nasāy āškārag kunēnd
ka xwāstag pad xwāstagdārīh
gīrēnd pādixšāy hēnd
ka āškārag kunēnd ayāb
pādixšāy hēnd
ud ka ōy wināh andar ēstēd ā andar ēstēd
ka wināh andar ēstēd ā abāz ēstēd
ka čand andar barēnd šāyēd ayāb
gyāg bawēd šāyēd
ka āwarēnd ka sag nimāyēnd šāyēd ayāb
pēšagsīr pad rāst gōwēnd ka nimāyēnd šāyēd
az man bīm ī paywēhag rāy pādixšāy ka sag nimāyēnd
ka nimāyēnd
u paywēhag rāy andar ǰahēd ā ō bun
ka pid sar grift ud hangām frāz mad u nasāy_nigānīh andar ēstād
pus āškārag kirdan wināhgār ā tanāpuhl ō bun bawēd
ka hangām frāz mad
margarzān bawēd