Select Section Type

1.0
nibēsīhēd zand pargard ī ǰud_dēw_dād
2.0
u =š guft ohrmazd kū nē ān ī sag_burd nē ān ī way_burd
3.0
nē ān ī gurg_burd
4.0
nē ān ī wād_burd nē ān ī maxš_burd nasuš mard nē āstārēnēd kū wināhgār nē kunēd
5.0
čē agar awēšān nasāy ī sag_burd way_burd wād_burd mard āstārēnīd būd hē kū mardōm pad ān rāh wināhgār būd hē pad tēz_rawšnīh kū tēz būd hē
6.0
ān ī man harwist ī axw ī astōmand zad_xwāstār ī ahlāyīh kū rāh ī ō kār ud kirbag kirdan zad būd hē
7.0
xrōsišn dād ō ruwān kū =šān ruwān andar dušox xrōsag ud xwistag būd hē
8.0
tanāpuhlagān margarzān būd hēnd az frāyīdīh wināhgārīh ī awēšān nasāy
9.0
kē abar ēn zamīg widerēnd
pursišn ka nasāy tan paydāg ī dānēnd kū nasāy dānēnd kū sag ud dad dām_burd
ēg =iš pad =iš rēman ud wināhgār ayāb nē bawēnd
ud ka nē dānēnd kū nasāy wināhgār ud margarzān bawēnd
nē
ka esm ī ātaxš rāy brīnēnd nasāy aw =iš gumēxt ēstēd ka dānēnd ayāb nē dānēnd čiyōn bawēd
passox ka esm zad ā =š ēw_bār xūb bē nigerišn
ka ō kār barēd ā =š se bār xūb bē nigerišn
ka =š ēdōn kird ēg =iš pad =iš a_wināh
az abestāg paydāg
se bār ōy ō esm frāz ēw nigerēd se =iz bār ōy ō hamāg perāmōn ud pad frōd_wardišnīh frāz ēw nigerēd
pursišn dār ī a_kār kadār
passox ān kē nasāy pad =iš barēnd ud ān kē abar wišōbēnd
ān kē mard pad =iš ō dār kunēnd ān kē handām ī zan ī daštān abar rasīd
ka bē kārēnd šāyēd ayāb nē
nē
ka a_xwēškārīhā bē rōyēd čē kunišn
passox pad hamāg šāyēd
pursišn tarr ī rustag ka =š nasāy pad =iš gumēxt čiyōn bawēd
ast dastwar kē ēn guft hād sar_ā_sar bē brīd ud hamāg nasāy
ud ast dastwar kē guft ō ēd hangārēd agar ōh ōgārīd
ka ōgārīd se pāk
ud mar bē ka ēk se bē būd u =š se sāl pad =iš bē šud pāk
čē ān dār frāz dahišn ī az bunīh az =iš bē šawēd
dād_farrox guft kū agar dār sar_ā_sar nasāy bē brīd hamāg bē_ō nasāy bawēd
ka šakar aw =iš gumēzēnd sar_ā_sar bē barēd hamāg dānišn pāk bawēd
ēn wāzag ī dād_farrox pad kār abāyēd dāštan ayāb nē
nē
tarr ī rustag ka =š nasāy aw =iš pahikafēd čiyōn bawēd tis =iz nēst
hušk ī rustag ayāb brīdag ka =š nasāy aw =iš gumēxtēd čiyōn
passox pad gyāg šōyišn kār
pursišn tarr ī brīdag kē =š nasāy aw =iš gumēxtēd
passox pad čāštag pad nē kird ēstēd
az man bē agar ān tarr gyāg
ēdōn ka frōd kārēnd bē rōyēd ēg =iš dādestān čiyōn
ān ī rustag agar dār az ān ī ka frōd kārēnd bē nē rōyēd ēg pad sāl_drahnāy ka =š
wārān pad =iš bē būd pad frasp pēšag abārīg kē =š kār nē pad āb ud ātaxš šāyēd
hušk ka rustag ayāb brīdag u =š nasāy andar gumēxtēd čiyōn bawēd
passox ān ī and gyāg bē tāšišn
abārīg pad sāl_drahnāy šōyišn kār
pursišn tarr ī rustag ka =š hixr aw =iš gumēxtēd čiyōn
passox sar_ā_sar bē brīd pad gyāg ōgārd dārišn
pursišn tarr ī brīdag ka =š hixr abar gumēxtēd čiyōn
passox agar hixr az ān ī pad rustan šāyēd
ka =š abzāyišn pad =iš būd pad hamāg kār šāyēd
ud agar dār nē az ān pas pad dar ud frasp pēšag huškwar ī nē pad xwarišn mehmān šāyēd
hušk ī rustag brīdag ka =š hixr aw =iš gumēxtēd čiyōn
ān and gyāg bē tāšišn abārīg pāk
wēšag =ēw kē esm =ēw tāg andar kē nasāy aw =iš gumēxt ēstēd nē dānēd kē kadām
dādestān čiyōn
nē warōmand
ramag ī gōspand ēd andar kē nasāy ǰūd ēstēd nē dānēd kū kadām čiyōn
nē warōmand
warōmand nē kunišn
dar ī hazzān ka =š nasāy abar rasīd čiyōn
pad ham_kār šāyēd
dar ī daštānestān ka =š nasāy abar rasīd
pad hazzān šāyēd
dar ī xwēšgāhān ka bē pohēd pad tis =iz šāyēd
pad xwēšgāhān hazzān daštānestān šāyēd
ka =š nasāy abar rasīd pad hazzān šāyēd
ka =š daštān abar rasīd pad xwēšgāhān ud daštānestān šāyēd
čē ān ī xwārtar pad ān ī grāytar šāyēd
ud ān ī grāytar pad ān ī xwārtar nē šāyēd
dar ī deh ud dar ī šahrestān ka =š nasāy abar rasīd čiyōn
tā pad ham kār dārēnd
šāyēd
pas ka bē wēzēnd ka =iz pad ham_gyāg abāz āguzēnd xāk šāyēd
dar ī ganǰag šabestān ǰāmagdān ka =š nasāy abar rasīd čiyōn
a_kār
dar ī srāy
ka =š nasāy abar rasīd čiyōn
ēdōn čiyōn sōšyans guft nē šāyēd
ēdōn čiyōn kay_ādur_bōzēd guft šāyēd
az man bē agar srāy ān kē =š kadag_xwadāy dahlīz ēk ēdōn bawēd čiyōn
dar ī ganǰ ud šabestān
agar srāy az ān ī kadag_xwadāy dō_dahlīz ud dar ī
dahlīz abāz ō ēk āwurd ēstēd
bē ō dar ī deh ud ān ī šahrestān handāzišn
dar ī bāɣ ī ayāb dar ī gumbad ī ātaxšān ka =š nasāy ayāb daštān abar rasīd čiyōn
pad ān ī daštān xwēšgāhān šāyēd
ka nasāy pad tan =ēw bē wišōbēnēd čiyōn bawēd
ka pad ēw_kardagīh bē wišōbēnēd
sōšyans guft ay ēd nē abāyēd kū dānēd kū sag_dīd ayāb nē čē rēman margarzān
u =š šōy nēst
abarg čār tuwān āmār nē kird
ud gōgušnasp guft ay pad čār ud tuwān
ka dānēd kū hambun =iz wināh ast ā margarzān
rōšn guft ay čē =š ōh abāyēd kū sag nē dīd
nasāy paymānag čand hambun =iz nē
nōit̰_maxšē_bərətō
ka nasāy dō pad band frōd bast ēstēnd wināh ī dō bawēd ayāb ēk ān ī ēk
ǰāmag ī abāg nasāy ēw_kardag ka =š pad =iš bē ǰumbēnēd čiyōn
rēman
nasāy ī ō kas =ēw framāyēd kē =š frayādišn nēst pad =iš
ēg =iš wināh ud rēmanīh ī pad rāh pardazišn bawēd
margarzān ōh bawēd
ka =š andar kanār murd ēstēd ud pad gyāg bē abganēd rēman nē bawēd
ka =š murw =ēw azabar frōd abganēd bē pad rāh ī ham_karzagīh tā rēman nē bawēd
ka murw az ān ī nasuš nē zanēd ā =iz ēdōn bawēd
ka pad stōr nišānēd pad nigerišn pad nasāy bē rāyēnēd
nē rēman
ka pad stōr ēstēd frāz āhanǰēd
rōšn guft ay ēdōn bawēd čiyōn pad zōr ī dō mard
dast ī šabēn pad āb ud ātaxš ud xwarišn ǰāmag čiyōn
xwadāy_būd ī sālīg pad āb ud ātaxš tanāpuhlagān guft
mādagwar ān ī rēman
az abestāg paydāg kū dast ī šabīn ō āb ud ātaxš burd ēdōn bawēd čiyōn hixr
ān ānōh ēdōn paydāg čiyōn ka =š nasāy ō mard ī ahlaw burd hē
pad xwarišn ī tarr ud šōr grāy ud ud pad ān ī hušk ǰāmag nē bawēd
andar hazzān šud čiyōn
abarg hazzān āmār nē kird ud gōgušnasp ī adānist
az man bē ǰud agar pad ham_nērōgīh andar šawēnd ēwēnīh pad šustan abāyēd
kē nasāy_nigānīh rāy zamīg kanēd
ka ēk ōh kanēd ēk ōh rōbēd čiyōn
tanāpuhl ēk ōy ud ēk ōy ōh ī xwāhēd
pas ka kanēd ast bē rōbēd tanāpuhlīh ī kand nē bawēd u =š ān ī ruft ōh bēd
nasāy_nigānīh pad nasāy ī zīndagān bawēd nē
andar must abāz gīrēd nasāy_nigānīh bawēd nē
pad wastarg ī tadag bawēd nē
ka nasāy ǰud az wars ud nāxun nigānēnīd bawēd
ā nē
ka wars ud nāxun nigānēnīd wars ud nāxun abāg nasāy ēg =iš nasāy_nigānīh bawēd bawēd
ka wars ud nāxun ī murdagān pad nasāy abāz nīgānīd ka =š pad =iš abāg pahikōbēd rēman bawēd bawēd
ka sag wars ud nāxun wēnēd nasuš zanēd nē
ka pēš az dō_sālag kirm bē bawēd ayāb bē pōsēd margarzān bawēd nē
bē harw kirm =ēw rāy ā =š tanāpuhl =ēw wināh
pad gyāg ī sard_ser kē wafr ud gyāg nasāy ǰud agar pad wafr frōd nihēnd ēnyā gyāg nēst
ud mardōm widerān bawēnd ān pad wafr frōd nihēnd ayāb čē kunišn
pad harw dūdag =ēw ā =šān xānag =ēw az mayān ī zamīg mānišn ī mardōmān nawad gām bērōn bē kunišn
ka pad zamestān mardōm widerān bē bawēnd nasāy bē ān gyāg barišn barišn
u =š ēdōn wistarg and kunišn kū agar hixr ud tis =ēw az nasāy bē āyēd ō zamīg nē rasēd
u =š nasāy andar ān gyāg barišn čiyōn garmīh āyēd murw bē āyēd zamīg bē hōšēd nasāy az ān gyāg bērōn bē āwarišn u =š bē_ō ī murw dahišn
drāzāy ud pahnāy ud bālāy ī xānag čand abāyēd čand frāz pāy ud dast widārdan ka nišīnēd andar ān zamān ka zīndag bawēd
ā =š pāy ō fragān sar ō aškōb nē rasēd
az abestāg paydāg
čand ān nē
ka stēndag kū zīndag nišīnišn waɣdān abar rasīhēd
ma frāz pāy ud ma widārdan dast tar =iš ma pahikafād
ka meh bawēd u =š tan andar nihēnd ayāb nē nihēnd šāyēd ayāb nē
šāyēd
čand zamān andar ān xānag pādixšāy dāštan
mard =ēw rōz ud māh drahnāy
ud ka wafr bē nē šawēd zamīg bē nē āwāsēd wēš =iz padixšāy
az abestag paydāg
ēdōn ān ī ul az bōy kē gyān andar nēst u =š tan bē ēd dahēnd andar xānag
dō_šabag ayāb se_šabag ayāb māh_drahnāy u =š kār nēst
ka andar zamīg bē kanēd āšāyēd šāyēd
az abestāg paydāg
ka andar xānag =ēw bē kunēnd u =š anī nasāy
andar nihēnd šāyēd
abēr šāyēd
pas ka mard =ēw bē kanēnd šāyēd
ka rōzgār abar āyēd ud ān gyāg xwaršēd_nigerišn bē nē kunēnd ēg =iš wināh ī nasāy_nigānīh bē bawēd bawēd
čē dēn gōwēd
hād agar nē awēšān mazdēsn ān kirb xwaršēd_nigerišn kunēnd
kū aškārag bē nē
kunēnd pad sāl_drahnāy ān ahlawɣnī ān dēw_ēzagīh ō bun bawēd
tā kay ēg =iš ēn wināh hamē rawēd
tā ka nasāy ud hixr bē barēnd ud hazzān bē kanēnd ud nasāy bē_ō murw dahēnd
ka bē kunēnd u =š nasāy andar nē barēnd pad nišāst ī mardōmān gōspand
ud xwarišn ǰāmag =ēw mardōmān šāyēd ayāb nē šāyēd
ka =š az =iš bē barēnd pad ham ān kār šāyēd
u =š andarōn bērōn hamāg pēramōn hixr ī grāy
ka nasāy az ān gyāg bē āwarēnd čiyōn šāyēd
ka bē āwarēnd
sag ī zard_gōš ī čahār_dīdag ayāb spēd ī zard_gōš bē burdan pad rāh frāz nimūdan abāg xwēš dāštan pad dō mard ō gyāg ī didīgar pardaxtan
ka =š nasāy az ān gyāg bē barēnd ān gyāg čiyōn pāk bē bawēd
ka =š wārān =ēw ēdōn pad =iš bē būd ī andarōn ud bērōn bē hošīd pāk
mard =ēw ka pad sard_ser mānēd u =š
ēn xānag nē kird ēstēd ēg =iš wināh bēd ayāb nē
nē
ka nasāy nigān bē bawēd ā =š wināh ī nasāy_nigānīh
andar ēstēd wināhgār ayāb nē
nē
ka nabānazdištān nihēnd ud āškārag nē kunēnd
awēšān wināh andar ēstēd
ka az awēšān =ēw
didīgar bē rasēd
nasāy nigān ān ī didīgarān ō bun ayāb ān ī rasēd
awēšān andar ēstēd ōy abāz nē ēstēd
ān nabānazdištān dūdag_dārā n
murd ēg =iš dādestān čiyōn
ka =š nē guft ēstēd kū nasāy āškārag kunēd ōy wināh andar ēstēd awēšān abāz nē ēstēd
ka xwāstag pad xwāstagdārīh frāz gīrēnd ud pādixšāy hēnd
ka nasāy āškārag nē kunēnd nē
ka xwāstag pad xwāstagdārīh
nē gīrēnd pādixšāy hēnd
ka āškārag nē kunēnd ayāb nē
pādixšāy hēnd
ud ka ōy wināh andar nē ēstēd ā =š andar nē ēstēd
ka wināh andar ēstēd ā =š abāz nē ēstēd
ka =š čand andar barēnd šāyēd ayāb nē
tā =š gyāg bawēd šāyēd
ka bē āwarēnd ka sag nē nimāyēnd šāyēd ayāb nē
pēšagsīr pad nē rāst gōwēnd kū ka nē nimāyēnd šāyēd
az man bē bīm ī paywēhag rāy nē pādixšāy bē ka sag nimāyēnd
ka nē nimāyēnd
u =š paywēhag rāy nē andar ǰahēd ā =š ō bun
ka pid sar bē grift ud hangām frāz mad u =š nasāy_nigānīh andar ēstād
pus bē āškārag bē kirdan wināhgār ā =š tanāpuhl ō bun bawēd
ka hangām frāz mad
margarzān bawēd ayāb nē
nē
pas ka pid nasāy_nigānīh andar nē ēstēd frāz rawēd pus dādestān čiyōn
čiyōn pid
abārīg xwāstag_dārān ham_čiyōn pus bawēd ham_ēdōn
ka =š āškārag bē kunēnd ōy kē =š kand ud nigānd ā =š abāz ēstēd
ānē
ka awēšān āškārag nē kunēnd wināhgār pid ayāb xwāstag_dārān harw dō
ka ān bē frōxšēnd ayāb gyāg zamīg bē frōxšēnd ud ān abāz bē frōxšēnd pādixšāy hēnd ayāb nē
pad ān zamān pādixšāy hēnd
ka pad ēk bē frōxšēnd
ka nē pad ēk bē frōxšēnd ka ā =šān wināh ō bun ud xrīdār pādixšāy dādan
ka pad ēk bē frōxšēnd ēn wināh kē ō bun ud kē āškārag kunišn awēšān kē xrīnēnd
ka nē pad ēk bē frōxšēnd drahm bē stānēnd ā =šān dādestān čiyōn
pad drahm duzz hēnd
xānag ka =š sar bē nē kunēnd šāyēd
nē
čē =š sar bē kunišn
astōdān ka =š zamestān sar bē kunēnd šāyēd
nē
čē rāy kū xānag šāyēd
astōdān nē šāyēd
ēd rāy čē
astōdān bē ka ēwar dānēd kū ka hangām frāz mad nasāy āškārag tuwān ham kirdan kunēd
tā do sāl sar andar nigānīh bē mānēd margarzān bawēd
ān ka bē a_wināhīh bē mānēd margarzān nē
bawēd
hixr ī pad gētī tan nē paydāg čiyōn
fragān padišwar
padišwar ī stōr ud gōspand ud āb ud ātaxš dādestān čē
pad čāštag ī hamāg tanāpuhlagān
ast kē pad āb yātagān gōwēd
ēn wārān kē pad hixr ud nasāy ud xrafstar ud daštān ud abārīg rēmanīh
hamē wārēd ka abar gīrēnd pad gyāg ī tan_tōhmag dārēnd šāyēd ayāb nē
nē
nē
nē
čē rāy
ēd rāy čē ohrmazd pad meh_dādestānīh ī
xwarišn ud xwārišn ī mardōmān
gōspand ī hudāg rāy wārēnēd kū =š zīyišn ī parwarišn ī mardōmān gōspand az =iš bawēd
andar petyāragōmandīh =ēw ēdōn šāyēd wārēnīdan
ka pad
hamāg gyāg bē wārēnīdan meh_sūdīh ī mard ī ahlaw ud wāstar ud xwarišn ī gōspandān rāy
čiyōn pad gōwišn ī zarduxšt paydāg kū guft kū ud āb gīr tō ay tō kē ohrmazd
hē abar ō hazzān wāzēnāy
abar ō nasāy wāzēnāy
tō kē ohrmazd hē abar ō ī hixr ud abar ō ast frāz hilē
ud āškārag frāz frōwēnāy ō nasāy ī nigān sūrāg ī xrafstarān
awēšān pad āgenēn frāz frōwēnāy abar ō zrēy ī pūytīg
u =š guft ohrmazd kū kunēnd ud ālag ī zrēy purr az nasāy ud hixr ud xrafstar
stān kē pad yōǰdahrīh az zrēy pūytīg ō zrēy ī frāxkard burd
yōǰdahrīh bē kunam ud az =iz ān wan ī hu_āb tōhm ī hamāg urwarān abar
kunam xwarišn xwārišn dārūn darmān ī harwisp axw ī astōmand ud gōspand ī hudāg
bē wālīnam ud sad_ēwēnag hazār_ēwēnag bēwar_ēwēnag
drustīh bēšāzišnīh ō dām baram
az abestāg paydāg
awēšān pad āgenēn bē wārēnam man kē ohrmazd ham
pas zarduxšt was_rāmišnīh meh_sūdīh ēn kār dīd rāy
ēg =iš guft kū ēn meh ud weh ēn nēktar ēn meh_dādestānīhādar čiyōn tō abēzag hē
u =š meh_sūdīh =iz ī az ān ī gannāg_mēnōy ka andar dām dwārist
ud ān wārān ī wuzurg kird ud xrafstarān kē ēn zamīg hamāg se nēzag_bālāy
frāz grift ō zrēy ī pūytīg ruft
abāz nimūdan zarduxšt pad =iš hunsand ud rāmišnīg bē kird ī amāh mardōmān
ka azidahāg ud abārīg petyārag ī gannāg mēnōy čiyōn gurg ud gurg_sardag
ka pad ātaxš ud āb abāg tuwān dāštan ayāb anēr ka pad ātaxš sōzēnd šāyēd ayāb nē
abēr abēr abēr šāyēd
pas dādār ī ohrmazd nē
tuwānīg
kē wināh ī ēdōn garān ī pad nasāy ō āb ud ātaxš burd guft ēstēd pad and čāraggarīh abāz nē
tuwān dāštan
kē ān meh_sūdīh ī xwarišn ud xwārišn ī mardōmān gōspandān ǰud az ēn kirdan nē tuwān bawēd
az ān ī ka petyārag ō dām mad andar gētī
ēč tis ī abēzag būdan kirdan
nē šāyēd
bē kirbag ān bawēd kē =š meh_sūdīh rāy kirbag az wināh wēš ayāb kirbag az
kirbag meh ayāb wināh az wināh keh
wināh ān ō bun
kē wināh az kirbag meh ayāb wināh az wināh meh
u =š dādestān ēdōn čārag bē ōzadan rāy tis =ēw
ēdōn abd čiyōn rāyēnišn ī kahas kē =š ābādānīh ī
gēhān az =iš bē kirdan
nē rāyēnīdan čāšt āb ud ātaxš az mard ī ahlaw weh nēst
mard ī ahlaw gandōmand ud pūdōmand ud margōmand ud yaskōmand ud armēšt bē_ō pāyag ī zišttom
rasēd
ud ǰādag ī wuzurg meh_sūdīh rāy ēn hamāg anāgīh ī mardōmān ō
xwēš
barēnd ud pad abāz_abespārišnīh ī ō mēnōy ud ēmēd ī tan ī pasēn pad =iš
hunsand ud rāmišnīg ham
ka wēšag awērān kē pad =iz ud nasāy ud warōmand pad ātaxš bē wirāyēnd
ud was
xrafstar ud murw ud dām ohrmazd ud dām ī ahriman pad ātaxš sōzēnd šāyēd ayāb nē
arz =ēw ābādānīh ī gētī ī meh_sūdīh ī dām ī ohrmazd rāy ēg =iš az ān sōxtan kirbag was bawēd
pad wēšag ka =š ātaxš aw =iš abganēd dānēd kū nasāy gyāg šāyēd ayāb nē
wēšag warōmand
nē pādixšāy kirdan
ud ān gyāg dānēd wēnēd ēg =iš pāk bē kunišn
ud ān gyāg kū rāy dānēd aw =iš šudan ud ayāftan nē tuwān ātaxš frāz hilišn
ka ātaxš frāz hilēnd pad nasāy frāz rasēd
čiyōn
kunišn
ka =š gyāg čiyōn tuwān būd bē nigerēd
ka =š nasāy bē tuwān burdan ayāb az =iš ātaxš abāg tuwān dāštan
pad ātaxš andar hištan pad gyāg nigerīdan a_wināh
ā =š nasāy nasāy bē pahrēzišn ud tan rēmanīh margarzānīh nē bawēd
ud ka pad ātaxš andar hištan ayāb pad gyāg nē nigerīdan wināhgār
ka =š nasāy bē tuwān burdan nasāy pad ātaxš bē sōzēd rēman margarzān ud hagriz pāk nē bawēd
ka grōh =ēw xuft ēstēnd u =šān tan =ēw andar mayān bē
widerēd hamāg rēman hēnd ayāb hēnd ī rēman ud ast ī pāk
agar ān tan weh_dēn ēdōn čiyōn guft ēstēd kū
mard hamāg āsrōn ud sag hamāg pad pasušhorw dārišn
mardōm =ēw pad hamrēh ud nō ud pad pedrēh
ka sag murd ēstēd ēk pad hamrēh ud haft
pad pedrēh ī ān ī yāzdahom ka abāg ān ī dahom ham_karzag
ā =š pad gōmēz ud āb šōyišn ud ka wastarg ēg =iš abāz ēstēd ēg =iš pad xšauuaš_mā̊ŋhō šōyišn ka nē ā =š pad gōmēz āb šōyišn
ān ī dwāzdahom ka abāg ān ī yāzdahom ham_karzag tan pāk
ka ǰāmag ā =š pad gōmēz āb šōyišn ud ka nē a_pāk ān ī sezdahom harw tis =ēw pāka
ud sag az ēn handāzag kē kust =ēw az hamāg kust
pad wars ud nāxon ōh bawēd
ud ka =š tis =ēw ī sag ayāb rubišnīh ud mayān dō ay pēš nē barēd
ēw_bar ud daštān nasāy/nisēy ud aburnāyag =ēw pēš barēd
zan ī ābustan pēš barēd ud agar barēd ēk ayāb dō
ēk barēd
kabīg čiyōn u =š daštān rēman ayāb nē
pad čāštag =ēw mēdōmāhīg ā =š daštān ā =š daštān rēman
ud ka bē rasēd ēg =iš sag bē nimāyišn
ud pad čāštag ī abargīg kē bē zanēd ud az ān zanišn bē mīrēd margarzān
rapsūy rēmanīh kunēd ayāb nē rēmanīh nē
ǰud agar bē ōzanēd bē drōbēd
ud ka pad dah mard bē drōbēnd hamāg rēman hēnd
ud ka ast ōzanēd ast drōbēd ēk =iz nē rēman hēnd
rōbāh ud raspuy ud babrag ī ābīg nasāy ī zīndagān
anērān margarzānān dēw_ēsnān rēmanīh čiyōn
gyāg frōd nē barišn xānag ud tuhīgīh nē rēman
mard pad pixag nē šōyišn pad āb
ātaxš xwardan nigān kirdan hamāg čiyōn nasāy ī grāy ∵bēd
ud ān zīndagān anērān margarzānān dēw_ēsnān ahlomōɣān gyāg rēman nē kunēd
pādyābīh az =iš čiyōn dārišn
ǰud az nasāy ī zīndagān rōbāh ud rōbāh =iz ǰud_dādestānīh ēnyā pādyābīh pad se gām dārišn
rōbāh kē xwārtar guft
wehšābuhr xwārtar guft nēryōsang guft ēd/ay harw čē pad tis =ēw nasāy pādyābīh aziš
pad se gām dārišn
ud wehšābuhr ēn =iz ǰud ay harw čē gyāg xānag rēman nē kunēd
se gām barsom a pādyāb nē kunēd
dād_farrox ham_čiyōn nēryōsang guft
sōšyans harw dād =ēw āmār kird čē =š guft ay harw kē se srōšōčarnām =ēw
wināh pad dād zīndag druwand ud murdag margarzān
amā pad nasāy ī awēšān rēman nē bawēm awēšān pad nasāy ī amāh rēman ōh bawēnd
čē awēšān margarzān hēnd čē nasuš nē pad dād šawēd
kay_ādur_bōzēd guft ay az hamāg dād mardōm ahlaw ōh bawēnd
amā pad nasāy ī awēšān rēman ōh bawēm čē šāyēd būd kū ahlaw hēnd
awēšān pad nasāy ī amāh rēman nē bawēnd čē nasuš pad dād nē šawēd
ud gōgušnasp guft ay az hamāg dād mardōm ahlaw bawēnd
andar mān ēd kē yazišn ēw sāxt ēstēd
tan =ēw andar widerān bawēd čiyōn kunišn
ān ī čiyōn zōhr =ēw ud ǰīw =ēw ud parāhom =ēw ud būrag =ēw bē_ō āb dahišn
nān ud gōšt ka poxtag ayāb brištag xwardīg a_kār bē_ō sag dahišn
ud namak_sūd ud rōɣn ud xormā ud anǰīr ud abārīg xwarišnīg ud tis ī ǰud az xwarišnīg ud tis harw čē andar ān xānag hamāg nō šab ud māh drahnāy andar abāyēd
pad ǰud xānag wiškar =ēw ēd ud pad šīr ud xwarišn ī sāxtag ī
andar se gām
hamāg a_kār
ud ān ī nē andar se gām hamāg pāk
ud ka =š azēr ayāb azabar ēwēnag =ēw paydāgenīd ēstēd pad ǰud_xānag dārišn
ātaxš agar pēš ī nasāy
bē šāyēd burdan
andar se gām ī nasāy nē barišn
ud agar dēwār gilēn dēwār bē sumbišn ud bē barišn
ka gačēn nē sumbišn bē =š gačestān =ēw andar frōdan nasāy bē barēnišn ud pas ātaxš ōh nayišn
ǰāmag ud payrāyag =ēw mardōm pad tan dārēnd pāk
xwarišn andar ān gyāg ǰāmag kē pēš az nō_šabag bē āwarēnd bē xwarēnd ud kanār framāyēnd ēg =iš dādestān čiyōn
harw čē andar ān gyāg hīxr ī grāy ud ān ī ayōxšust ān ī hīxr rasēd hamāg a_pādyāb
xwarišn ī sāxtag andar se gām hagriz pad kār ī mardōmān nē šāyēd ō sag dahišn
ān =iz ī nē sāxtag pad yazišn ī yazadān kām kunišn wehān kam xwarišn
ǰud ān ī bē az se gām ān ka nō_šabag māh drahnāy pad =iš bē šawēd pad yazišn ī yazadān xwardan ī mowbedān mowbed šāyēd
ātaxš andar nazdīkīh ī nasāy ud se gām nēst ud tabišn ō nasāy hamē rasēd čiyōn kunišn
zūd bē barišn
agar ātaxš ǰud frāz nazdīktar burdan tā bē nē šāyēd burdan
ǰāmag ī pēš ī ātaxš abar dārišn kū nazdīkīh rāy tabišn ō nasāy nē rasēd ud zūd bē barišn
ka xānag dō ēk azēr ēk azabar ayāb xānag andar xānag ud andar xānag ī bērōn murd ēstēd čiyōn kunišn
ka andar ān ī azēr ān ī azēr ī ka andar ān ī azabar ān ī azabar
ka andar ān ī bērōn ān ī bērōn ka andar ān ī andarōn ān ī andarōn rēman
ka andar ān ī azabar sūrāg ī rōzēn frōd ō xānag ī azēr barēd čiyōn
agar nasāy pāy ayāb handām =ēw andar rōzēn ēdōn ī frōd nē šud
ast ī abāz ō armag ī xānag ī azērēn ēstēd ān ī azērēn =ēw pāk
agar handām =ēw andar sūrāg frōd šud ∵estēd abāz ō armag ēstēd harw dō rēman
ka andar dargāh murd ēstēd ud dargāh mayān ī dō xānag čiyōn
ka dar dō_gānag az ān kust kē dar frāz šāyēd kirdan az ān kust nē rēman
agar =iš handām =ēw abāz ō harw dō kust ēstēd harw dō rēman
ud xānag ka =š handām =ēw ō xānag ud ān xānag kē =š handām abāz aw =iš ēstēd rēman
ka abāz harw dō ēstēd harw dō
rēman
ud ka azabar se_tāg azēr čiyōn
nēk ī hu_tuxštar ī pāpakān xānag ī rašn xwānēnd
tuhīgīh čiyōn rēman kunēd
nēk ī rašn se xānag
ka andar xānag mīrēd dargāh rēman ayāb nē
agar dar frāz kird ēstēd dargāh ēwēnag paydāgēnīd ēstēd tā pušt ī dar ud pušt =iz ī dar rēman
agar =iš ēwēnag paydāgēnīd ēstēd dargāh nē rēman ēn ān gyāg kū dar =ēw ī nē dō_gānag
ud mēdōmāhīg ka =š ēwēnag paydāgēnīd ēstēd u =š handām =ēw abāg nē ēstēd nē rēman
pad čāštag ī abargīg dargāh nēm =ēw abar ēn xānag ud nēm =ēw abar ān
az man bē ēn abar ān bawēd ī dar nē āguxt ēstēd u =š ēwēnag nē paydāgēnīd ēstēd
ka dar dō_gānag čē ǰuttar kū ka ēk frāz šāyēd kirdan kē ān kust kū =š handām =ēw abāz aw =iš nē ēstēd nē rēman
ka =š handām =ēw abāg ōh mān ēstēd az harw dō kust rēman
ka andar xānag tāgīhā ud andar tāg bē murd ēstēd dādestān čiyōn
ān tāg =ēw rēman
gumbad čiyōn bawēd
agar gumbad az ān ī pad čahār tāg abar ēstēd harw tāg =ēw ēk =ēw gumbad ham_gōnag
ud agar gumbad ǰud az čahār tāg hamāg rēman
ud agar gumbad ī ātaxšān ātaxš ān gyāg tuhīgīh rēman nē kunēd
ēdōn bawēd čiyōn wiškar ud kirdan kē gumbad ǰud xānag
xišt ud sag_tun kiš ud xāk ka =š ēwēnag paydāgēnīd ēstēd čiyōn
ka =š azabar murd ēstēd ān and rēman ud andarōn ud kiš rēman
ka azēr ī tis =ēw čiyōn talag_ēw ud kurasp_ ēw ud škāf gar =ēw kē abar stadan
šāyēd murd ēstēd čiyōn
ān and rēman
ud agar ka abar stanēnd wišāyēd kōf ud gyāg pāk
ud agar ka abar stānēnd andar xānag abāz gumēxtēd xānag rēman
ka andar xānag ud xēmag murd ēstēd čiyōn tuhīg gāh rēman
u =š dārwan madan aškōb hamāg nō_šabag māh drahnāy ōh abāyēd ī
ka andar wiyān xānag =ēw kird ēstēd andar ān murd ēstēd čiyōn xānag rēman
agar xānag ul stānēd tuhīgīh ēk_tag bē bawēd hamāg rēman
ka ān ī meh murd ēstēd ān ī meh rēman ān ī keh pāk
ka ān ī meh ul stānēd hamāg pāk
pas ka abāz nihumbēd ud pad ham_gyāg aškōb bawēd čiyōn pāk
xānag ka =š aškōb abar stānēd čiyōn
kē ham pad aškōb abāz nihumbēd čiyōn
ka ul stānēd
pāk
ka abāz nihumbēd rēman abāz bawēd
ka ān kē =š
ul stānēd pad ǰud gyāg ayāb anī dār ud anī tis pad anī gyāg abāz aškōbēd rēman ud abāz bawēd ayāb nē
nē
ka anī dō xānag andar xānag =ēw bē rasēd ayāb dēwārag az mān abar gīrēnd čiyōn bawēd
andar ān xānag kē murd ēstēd
rēman
ka dēwārag =ēw abar kunēnd abāz gumēxtēd harw dō rēman
pad čāštag ī pēšagsīr ka =iz =iš az =iš abar kunēnd pad didīgar kunēd hilēnd ān_and rēman
ka dō aškōb azēr ud azabar čiyōn
ka sūrāg abar nē šawēd ān rēman ka =š andar murd ēstēd
ka sūrāg abar šawēd and_čand sūrāg ān =iz rēman
ka mān abāz stānēd ka azēr bē mīrēd azabar pāk
ka azabar bē mīrēd azēr rēman
ka andar ān ī azabar murd ēstēd ān ī azēr hamag rēman
ka andar azēr sūrāg nazdīk ka andar ān ī azēr andar sūrāg gāh murd ēstēd u =š tis =iz tar sūrāg abāz nē ēstēd ān ī azabar hamāg rēman
ān ī azēr sūrāg ud nazdīk ud ka tis =ēw tar sūrāg abāz ēstēd harw dō rēman
ud ka andar ān ī azabar sūrāg gāh murd ēstēd u =š tis =ēw tar sūrāg abāz nē ēstēd azabar hamāg rēman
ān ī azēr sūrāg nazdīk ka =š tis tar sūrāg abāz frōd ēstēd harw dō rēman
ka pad bān ī xānag ī murd ēstēd sag nimūdan ud pahrēxtan čiyōn
ka pad rāɣ ēdōn bawēd čiyōn
zamīg ka pad dār aškōb sag šāyēd nimūdan bē nimāyišn
pad dō mard pad ham_zōrīh frāz šawišn bē pahrēzišn
ud ka sag frāz nē šāyēd burdan kū bē wēnēd ǰud agar abāg
mard ēdōn gyāg bē ǰumbēd nasā bē ǰumbēd
pad dō mard ud sag frāz gīrišn frāz barišn ud frāz nimāyišn nasāy bē pahrēzišn
ud harw dō xūb ud pad pixag šōyišn
ud agar gyāg az ān ī šāyēd kirdan sag ī kūčak pad dār =ēw ud tis andar
nišānišn
tā bē wēnēd pas pad dō mard ōh
pahrēzišn
ka pad dār ud draxt =ēw murd ēstēd čiyōn sag nimāyišn čiyōn pahrēzišn
ka azēr sag nimūdan šāyēd xūb pad dō mard ul šawišn ud frōd dārišn
ud ka ǰuttar pad sang bē abganišn sag nimāyišn ud pad dō mard pahrēzišn
xānag kē =š nō_šabag ī pad zamestān māh_drahnāy ī pad hāmīn abāyēd
ka pad tēxag ī zamestān ayāb ān ī hāmīn widerān bawēd čiyōn kunēnd
ka pad hāmīn frāz rawēd sar andar zamestān ī barēd
ka māh_drahnāy pad hāmīn ayāb nō_šabag zamestān pēš šud a_pāk
ka pad zamestān frāz rawēd sar andar hāmīn barēd
ka az ān ī zamestān hāmīn hammis māh_drahnāy pēš šud pāk
ka nasāy pad draxt dūr ud sag nimūdan az azēr nē šāyēd pad sang abgandan nē šāyēd čiyōn kunišn
ān gyāg kū mardōm wēnēnd sag =iz wēnēd
ān gyāg kū mardōm nē wēnēd nē dānēd kū
nāsāy ān gyāg ayāb nē ēnyā ka abar šud u =š wēnēd az ān pas mard rēman
nasāy az ān kē tis =ēw ō ān gyāg burd ēstēd abāg =iz ēd
kū sag dīd ēwarīh ī abāyēd ka mard rēman bē būd ēg =iš dast ud handām ēdōn bē kunišn ī
se paywand bawēd āstārag pad ǰāmag ēw ēdōn frāz gīrēd ī pad se paywand ud ān tāg =ēw bē brīnēd tā bē ōbadēd sag nimāyišn
ka andar srāy =ēw ī pad bān ayāb andar xānag =ēw bān dar ī bast ēstēd
ka abāz kunēd nasāy bē ǰumbēnēd
čiyōn kunišn
ka mayān nasāy dar pad bastan ayāb dēwār
agar =iz dar pad bastan ayāb dēwār azēr šāyēd dar wišādan ud sag frāz hištan tā bē wēnēd
ka ǰuttar ka band =ēw frāz ō sag bandēnd ud sag bē aw _ištābēnd dar abāg šāyēd kirdan xūb
ka ǰuttar ud ān =iz nē šāyēd zanǰīr =ēw ī awestwār andar bandišn tā pad paywand
dar bē kišēnd ud dar ēdōn bē kunēnd ī sag andar burdan šāyēd ud sag frāz hilēnd ud kār bē rāyēnēnd
ēn ān zamān
bawēd ka az gyāg =ēw frōd nigerēnd ud wēnēd kū murd ēstēd
ud murd pad ēwarīh ēnyā
ēg =iš ka murd zīndag nē paydāg pad zīndag dārišn
ud sag frāz nimāyišn
ka dō tan xuft ēstēd ēk abar āxēzēd ud bē pēš šawēd
ka abāz nigerēd ān ī didīgar murd ēstēd ān mard rēman bawēd ayāb nē
nē
čē pad zamān abāyēd dāštan kū murd ēstēd
ka bē wēnēd tā ēwarīh pad zīndag dārišn
ka nasāy bē burd ud pādyābīh
andar ān gyāg barēnd šāyēd ayāb nē
xwarišn a_padyāb nišāst ud xwardan nē pādixšāy ud pādyābīh a_padyāb
kas ka a_xwēškār andar šawēd dādestān čiyōn framān =ēw wināh
ātaxš ud āb ō ān gyāg burdan wināh čand
ātaxš tanāpuhl ud abrōxtan tanāpuhl ud pad ǰud gyāg ǰud_bār tanāpuhl
ud āb framānīg gyāg bē rēxtan tanāpuhl pad ǰud gyāg yāt
panǰom
zan ī ābustan az ēw_māhag tā dah_māhag ka =š zāyišn zamān gumānīg kū =š andar aškamb murd ēstēd
āb xwardan
abāg zan ham_karzag bawēd čiyōn
ābustan murdan harw dō pad ēwarīh bawēd
ud tā gumānīg pādixšāy ka nē pahrēzēd
ka xōn az =iš āyēd pad čē dārišn pad daštān ī gištag kē az =iš āyēd
ka andar gōmēz abganēnd bē nē widāzēd spēd abāg nē bawēd pad čē dārišn
pad hixr
ka gištag =ēw kē kālbod ī mardomīh nē paydāg ka sag nimāyēnd ud čiyōn nimāyišn
bē nē škāfišn ham_ēdōn sag nimāyišn
pad hixr ī murdagān dārišn ayāb pad zīndagān
ka paydāg bawēd ka nasāy
hixr ī
pēš az ān ud andar ān gāh ī bē āyēd ka nasāy bē pad hixr ī murdagān dārišn
ān ī nē paydāg kū nasāy ēwāz pas az nasāy āmad āyēd pad hixr ī zīndagān dārišn
ka pad zād nē paydāg kū kōdak murd zīndag čiyōn
hixr ī pēš ān ī abāg bē āyēd čiyōn
ka nē paydāg kū murd ēstēd
pad zīndag dārišn
ka nāfag brīd ēg ō dānišn nē rasēd kū murd
ayāb zīndag ham pāk
pas ǰud az ān ī abāg kōdak ēw_kardag hamāg pad hixr ī zīndagān dārišn
ud ān ī abāg nasāy hixr ī murdagān
kas kē abāg ham_karzag rēman nē bawēd
ka paydāg kū murd ayāb nāfag nē brīd ud pas paydāg bawēd kū murd ēstēd ud mād ud gōzīgwar ud ān kē ān hangām ka bē dānist kū murd ēstēd abāg
ham_karzag hamāg rēman
ud ham āb ud xwarišn pādixšāy xwardan
hixr ī pēš ud pas ǰud az ān ī abāg kōdak ēd pad ān ī zīndagān dārišn
ka murdag_zādag čiyōn dārišn
ham ān kē =š abāg ham_karzag rēman
ud hixr ī pēš ud ān =iz ī abāg kōdak pad hixr ī murdagān
ān ī pas bē āyēd pad hixr ī zīndagān dārišn
ka dō ēk murdag ēk zīndag zāyēd čiyōn
ka ān ī zīndag pēš bē āyēd pas ka ān ī murdag āyēd nē rēman
ka ān ī murdag pēš bē āyēd rēman
kōdak a_tuwānīgīh rāy pad gōmēz ud āb šōyišn ud pas ka pēšag_ šnās bawēd pad pixag šōyišn
ud mādar hamē rēman
ud pas ka ān ī zīndag pēš bē āyēd tā ān ī murdag āmad pad ān ī zīndag dārišn
ud ka ān ī murdag pēš āyēd harw čē pēš abāg ān ī murdag āyēd pad ān ī murdagān dārišn
ud az ān ī frāz ud ka =iz ān ī zīndag zāyēd hamāg pad ān ī zīndagān dārišn
ka =š andar tan ārāst ēstēd nē dānēd kū murd ayāb zīndag ayāb ēwar dānēd kū murd ēstēd čiyōn
bē pādixšāy āhixtan
pādixšāy ka nē pāyēd kū sag rasēd
ka nē paydāg kū mīrēd nāfag zūd bē
brīnišn
ka murd zīndag nē
paydāg ān kē pas az kam_karzag nē bawēd ham =iz nē rēman
ka nāfag nē brīd mard dīdār āyēd ham ān kē abāg ham_karzag hamāg rēman
ka dānēd kū ābustan andar tan apēdag bē bawēd čiyōn
tis =iz nēst
ka xwaršēd_ nigerišn bē bawēd abāz šawēd čiyōn
ka gumānīg kū zīndag būd ka xwaršēd_nigerišn bawēd nē
paydāg kū murd ēstēd
tis =ēw ka ēwar murd kū abāz šawēd ēdōn bawēd ku hambān =ēw purr az nasāy
ud tā bē zād pādyāb az =iš pad se gām dārišn
ka andar aškamb murd ēstēd bērōn bē nē āyēd čiyōn
kunišn
tā xwaršēd_nigerišn bawēd ēg =iš
pādixšāy ka az tis =iz nē pahrēzēd
ka xwaršēd_nigerišn bē būd abāg šawēd andar tan bē hōšēd bē nē āyēd čiyōn
ka čēhel rōz bē būd pad ēd abāyēd dāštan kū andar tan bē pōsīd bē pādixšāy
šustan
ka šust bērōn bē āyēd ēg =iš
abāz šōyišn
ud ǰāmag tis ī =š dast aw =iš burd
ka =š andar ān zamān dast aw =iš burd ka =š nō_šabag bē dāšt pāk
ān ī abārīg ēdōn čiyōn andar rēmanīh nō_šabag
kē zan zēfān kē pāk bē nē būd gādan dādestān čiyōn
ka =m gāyēd ēg_īš tanāpuhl ō bun
ka
pāk bē bawēd šāyēd ayāb nē
nē
ud ka gāyēd ēg_īš wināh ēd kū nē dānam
čand =iš
bē ēn dānam kū ka =š kōdak murd ayāb rīdag kird ēstēd
ēg_īš gāyēd pādixšāy
ka xwaršēd_nigerišn būd ud paydāg kū mard abāz šawēd hixr ī ā =š az tan āyēd
čiyōn
pad nasāy dārišn
hixr ī az tan zādag bē āyēd čiyōn
tā čēhel rōz bē ka ēwar paydāg kū daštān tā pad zēfān dārišn
pas az čēhel rōz bē ka ēwar paydāg kū zēfān tā pad daštān dārišn ān =iz sāyīdag ǰudtar nēst
rōšn guft ay tā se rōz harw čē az ōy āyēd bē ān ī ka ēwar dānēd kū az ān tā pad daštān dārišn
ay čē ōy pusar_tagīh pēš bē rasēd
ka zan nasāy kunēd ēg =iš xwarišn čē xwarišn
naxust ān ī gāw
ān ī war =ēw ādurestar xwarišn
u =š pas harw čē āb ud ayāb āb ī namak pad =iš se rōz nē xwarišn
ud nē pādixšāy xwardan az =iš pahrēzišn
rēmanīhā az āb ud ātaxš
nāmčištīg mard ī ahlaw ī abārīg dāmān ī ohrmazd ō pahrēzišn
az abestāg paydāg
čē ān kē nārīg fradom az xwarišnān xwarēd
guft =iš ohrmazd kū ān ī gāw gōmēz ud ān ī ātaxš ādurestar
gōšt =iz ī pahān ī anāb ud ǰōrdā_īz ī ārdag ī anāb āb_īz ī anāb
gōmēz =iš ādurestar čand xwarišn
ka tišnag bē bawēd čē kunišn
gōmēz =iš ādurestar se āb ǰāmag ud u =š pad tišnagīh pēm ī stōrān gōspandān
xwarišn
az abestāg paydāg
se āb ǰāmag ayāb šaš ayāb nō ast pas ān =iz
mard ā šāyēd asp pēm ud ān =iz ī gāw ud mēš ud buz
agar ēdōn kū pad pēm tišnagīh bē nē nišīnēd zan bē wēmār bawēd u =š bīm ī marg
u =š āb pādixšāy xwardan ayāb nē
pādixšǎy
az abestāg paydāg
u =š guft ohrmazd kū ēd xwarēd ān kē nāyrīg āb čē ēdōn ān ast meh_dādestānīh
ka ān gyān bōzēd
ka āb abāz xward u =š pādixšay xwardan
ēg =iš wināh ō bun bawēd
u =š anī tōzišn abāyist kirdan ayāb nē
bē =š ō dahm ahlaw ud burdan ō dastwar šawišn
u =š petītīgīh ud gōwizārīhā
ud xūb bē kunišn
az abestāg paydāg
bē kadār =iz =ēw az dahmān kē dahmīh āgāh hād kū dahm ahlaw hād agar kū mard =ēw ī nēk hād bē šaw ud pēš ōy pad petīt bāš
ka =š tuwān kū āb nē xwarēd u =š pad didīgar tis tišnagīh bē nišāstan abāz xwarēd
ēg_īš wināh čand
ka pad petīt bawēd ēg_īš pad abar zanišn abar zanišn asp aštar dewīst srōšōčarnām ka nē ēg_īš rāh ō dušox
az abestāg paydāg
ka ēdōn ān kē nāyrīg
tuwānīhā āb frāz xwarēd
ān ī ō ašmā gōwam kē mazdēsnān hēd nēkīh ī ašmā rāy kū tā =tān wināh ō bun
nē bawād
ēg_īš tōzišn
frāz brēhēnēd kū pādifrāh abar nihēd
ān guft rad ī xūb hēnd srōšāwarz kū wināh wizārišn dānēd ā =š tōzišn frāz ēd
brēhēnēd kū pādifrāh
abar ēd nihēd
ka and man_īz wināh ud pādifrāh ēg =iš pad =iš čē rāy āb abāg xward
šāyēd
ēd rāy čē dō dēw ēk suy ēk tišn ān tan bē xwarēnd
ēd čim rāy kū ēn dō dēw ān tan bē xwardan nē tuwān bawēd
az
abēstāg paydāg
dādār agar =iz awēšān zyānag
ō ham_tabāhišn rasēd abar ō tan ī bazag ēwēnag kū rēman agar =iz awēšān dō yask ī wattar abar rasēd
ēd =iz kē suy
ēd =iz kē tišn
u =š guft ohrmazd kū ēd xwarēd ān kē nārīg āb čē ēdōn ān ast mēh dādestānīh kū ān gyān bōzēd
gōmēz ud ādurestar čiyōn
xwarišn
ka war andar gōmēz kunēnd ayāb gōmēz xwārēd war pas ayāb war xwārēd
gōmēz pas
ka pēš az xwarišn ī hambun =iz xwardan ā šāyēd
ǰāmag ī zan kē nasāy andar ān hangām pad tan dārēd dādestān čiyōn
šaš bār pad gōmēz bē šōyišn
harw bār =ēw xāk abar abganišn tā bē hōšēd
u =š pas pad didīgar gōmēz bē šōyišn
pas šaš bār pad āb bē šōyišn šaš māh pad rōzēn ēd kē wād pad =iš hāmē āyēd šawēd bē nihišn
pas pad armēštānīh pad ēd gyāg ī nišīnēd ayāb zan ī daštān šāyēd
az abestāg paydāg
ka andar mān ī mazdesnān nārīg ī daštān hād ayāb škōh ī zad_pēšag ī abar
dargāh nišīnēnd
ēbyānghanīh wišād_dwārišnīh pad =iš bawēd ayāb nē
ka pad ēn ēwēnag pad ēn gōmēz nē šust ēstēd
abārīg =iz wastarg pad hixr mēnōy rēman būd ēstēd ēg =iš ēbyānghānīh pad =iš nē bēd
u =š wišād_dwārišnīh pad =iš nē kunišn
ān ī pad gōmēz ud āb pad xšauuaš_mā̊ŋhō šust
ayāb pad hixr ī gētī rēman būd ēstēd
ēdōn bawēd čiyōn
ān ī pad zan ī daštān rēman ud ēw_bar būd ēstēd
ā =š ēbyānghānīh pad =iš būd ā =š ham wišād_dwārišnīh pad =iš kunišn
pad čāštag ī pēšagsīr ēbyānghānīh pad =iš nē bawēd
wišād_dwārišnīh pad =iš nē
rōšn guft ēstēd kē pad nigerišn
ǰāmag bē a_kār ayāb rēman kunēd ēg =iš wināh čand
ka pad nasāy a_kār bē kunēd
čand xwadāy =ēw pad ēd bār zan abāz āhanǰēd
ka pad gētī bē nē wizārēd ā =š pad murd ān ī pahlom axw nē baxšēnd
ka ēdōn rēman kunēd pad
xšauuaš_mā̊ŋhō abāyēd šustan ēg =iš yātīg wināh
ka ēdōn ī pad gōmēz ud āb ī abāyēd šustan ā =š se stēr wināh
az abestāg paydāg
zan ī nasāy tā čand nē pādixšāy šustan
andar se_šabag nē pādixšāy
pas az se_šabag hamē ka pāk pādixšāy šustan
gyāg kē =š tan =ēw pad =iš widerēd ud nasāy pad zamīg abāz ēstēd
ān gyāg čand gāh rēman
sāl_drahnāy
ān kē ān zamīg kār framāyēd wināh čand čiyōn ka =š nasāy_nigān kird hē ā =š tanāpuhl ud ō bun
ka a_xwēškārīhā andar ān gyāg šawēnd framān =ēw wināh čē =iz dēn nigēzēd hād
agar mazdēsn ēn zamīg šūd tā ā =š āb abar ī hilēnd
kē pad ān abar sag ud mard bē widerēd kē andarag ī zamīg
sāl_drahnāy pad nasāy_nigānīh pas āstārīhēnd awēšān kē mazdēsn hēnd
pad ǰud_ǰud pad gāw bē warzīdan tōhm ī abar abgandan āb frāz hištan ōh
bawēd ayāb pad ēwbār bawēd
dastwarān pad ǰud_ǰud guft ēstēd
ud az man bē ka pad gāw bē warzēd tōhm abar abganēd āb frāz hilēd ayāb =iš
winzin kunēd ayāb =iš kār =ēw pad =iš kunēd tanāpuhl =ēw ōh bawēd
ka pad ǰud_gāh nam kunēd pad ǰud_gāh pad gāw bē kunēd pad ǰud_gāh tōhm
abar abganēd čiyōn bawēd
se =š tanāpuhl ō bun
ēw_kardagīh ud ǰud_kardagīh ī pad ēn dādestān čiyōn
ēw_kardagīh ān ī ka az dārišn bē hilēd u =š abāz aw =iš šawēd u =š kār pad =iš kunēd
ēn rēmanīh ī gyāg pad kadām tahag bawēd
pad ān tahag kē gyān bē šawēd
ka =š
gyān bē šawēd az ān gyāg bē wihēzēnd ud didīgar gyāg
frōd nihēnd bēd ayāb nē
ud gōgušnasp guft ay pad ān gyāg tahīg/tahag bawēd
sōšyans guft ay tā sag dīd ōh bawēd
ka =š wars ud nāxun abāz ō
zamīg ēstēd
čiyōn
wad_dādestāntar rēman
ēn rēmanīh ī zamīg and čand pad zamīg ēstēd rēman ayāb tan_masāy ī hamāg nasāy
ān and rēman kē pad zamīg ēstēd
ka ēstēd
ayāb nišīnēd ayāb pad pāy ayāb pad dār =ēw ayāb gāh =ēw ayāb ward =ēw ayāb pad xafag āguxt ēstēd zamīg rēman bawēd ayāb nē
ka =š az ōftādan bīm nēst ān gyāg ēstān ēstān rēman
ān gyāg
nišīnān nišīnān rēman
ud ān gyāg nibayān nibayān rēman
ud ka az ōbastan bīm az ān kūst frōd barišn
ud ka =š az ōbastan bīm nēst pad ward =ēw ayāb dār =ēw ayāb gāh =ēw murd ēstēd
frōd nē barēd
ward ka bē kanēd bē šōyēd pad gyāg pāk
dār pad sāl_drahnāy pāk bē bawēd
ka pad xafag āguxt ēstēd
u =š az ōbastan bīm nēst
nē rēman
ka =š tan_masāy az ān ī kust kū =š bīm rēman
ka =š az ōbast bīm nē paydāg kū az kadām kust rēman bawēd ayāb nē
hamāg
pērāmōn rēman
ka bē āguxt ēstēd u =š handām =ēw abāz ō zamīg ēstēd čiyōn
ka =š az ōbastan bīm nēst ān and rēman čand =iš handām abāz ēstēd
ka ǰud =iz ān kust kū =š az ōbastan bīm rēman
ka abar dār =ēw tarr murd ēstēd čiyōn
ka pad azg =ēw murd
ast
u =š tis =iz handām abāz ō stūnag ī mayān nē ēstēd frōd nē barišn
ka handām =ēw abāz ō stūnag mayān ēstēd tan_masāy frōd barišn
pad čāštag ān handām ka tan =iz hušk ayāb nasāy abāz ō hušk =ēw ēstēd ān
hušk ō zamīg paywastag ēnyā agar draxt az ān ī pōst tarr ka handām =iz abāz
ō stūnag mayān ēstēd pas =iz rēman
pas ka abar dār =ēw hušk murd ēstēd čiyōn
ka =š az ōbastan bīm nēst u =š handām abāz ō mādagwar nē ēstēd frōd nē barišn
ka =š az ōbastan bīm ayāb handām =ēw abāz ō mādagwar frōd
barišn
ka abar gāh =ēw murd ēstēd ud ān gāh dādestān ēdōn ī taxtag pad meh bast ēstēd ayāb nē
bast ēstēd dādestān čiyōn
ka taxtag abāg gāh frōd nē grift ēstēd ayāb grift ēstēd
ēnyā tis =iz abāg ō ān taxtag kē abāg pāy frōd grift ēstēd nē rēman
ka tis =iz handām
abāz ō ān taxtag kē abāg pāy frōd grift ēstēd
pāy abāg zamīg ēw frōd grift ēstēd
frōd burd
dārwan nardag_gāh ud abārīg tis ī az ēn
gōnag az abāg zamīg frōd grift ēstēd čiyōn
frōd barēd
ka pad bān murd ēstēd ast čiyōn
ka =š tis =iz handām abāz ō pillagān nē ēstēd frōd
nē barēd
ka handām =ēw abāz ō pillagān ēstēd
tan_masāy frōd barēd
xānag andarōn pāk
ka abar bān ī wārestān murd ēstēd čiyōn
ka tis =iz handām abāz ō pillagān pillagān nē ēstēd
nē rēman
ud ka =š handām =ēw abāz ō pillagān ēstēd
frōd pad =iz āb frōd barēd āb pāk
ka andar wārestān murd ēstēd čiyōn
ka =š tis =iz handām abāz ō pillagān nē ēstēd frōd nē barēd
ka handām =ēw abāz ō pillagān ēstēd
tan_masāy frōd barēd
wārestān rēman
ud agar wārestān az ān ī čārūg u =š ādurestar abāg gumēxt ēstēd bē kanišn
ka andar xumb murd ēstēd čiyōn
ka tis =ēw andar nē šawēd u =š handām abāz ō
xumb nē ēstēd ā =š ān ī andar rēman xumb pāk
ka tis az ān ī =š andar āyēd šawēd ayāb tis =iz handām abāz ō xumb ēstēd ān ī =š
andar rēman
xumb pad tis =iz kār šāyēd
pad hušk ēwar šāyēd
ka bērōn pad xumb murd čiyōn
xumb rēman ud ān ī =š andar pāk
ǰud agar andar xumb ud tis ān kē =š andar āyēd šawēd čē ān =iz ī =š andar rēman
xumb kē =š xrafstar =ēw andar bē mīrēd čiyōn
mēdōmāhīg paristar ēwtom gōwēnd
ud ka xumb ud tis =iz andar xrafstar =ēw andar bē mīrēd
hixr =ēw ud az dumb andar nē hilēd nē rēman
pad warōmand pad ēd dārēnd kū =š nē hišt
ud abargīg garzag ǰuttar ud grāytar dārēnd čē gōwēnd kū xumb =ēw kē ēč tis
andar nēst u =š garzag =ēw ēw andar bē mīrēd pad =iz huškkar nē šāyēd
abagzand ēn gōwēd yasča_mē_tauua_aδāt̰_yat̰_sarət̰a_kaiiā̊_ϑβisrō_ur
pas dādestān ī xumb
ān kē =š andar čiyōn gōwēnd pad saxttar dārēnd kū pad nasāy
ka pad xišt ud sigad ud xāk ud gač ud čārūg ud ārd mīrēd čiyōn
frōd nē barēd and_čand ēw_kardag hamāg rēman ud xāk =iz ēdōn bawēd
gač =iz ka ō kār burd ēstēd ēdōn bawēd čiyōn zamīg ēdōn =iz xāk ud sigad
ud čārūg ka
ud čārūg az ān ī =š mōy ayāb buš pad =iš āmēxt ēstēd ēg frōd nē barēd
hangird ēd kū ka pad zamīg frōd grift ēstēd frōd barēd
ka frōd nē grift ēstēd frōd nē barēd
čōb ud mōy ud šūk ud ast čiyōn frōd nē barišn
nay ud ast wēnīdag
ǰōrdāg ī abāg xāk āmēxt ēstēd abāg zamīg frōd grift ēstēd čiyōn
ka bē frōd nē barēd
ka did ēdōnīh ī wizārišnīh
zamīg paydāg frōd barēd
kā mayānag nē dānam
zamīg kišt abāyēd
ka bē nē nigerēd kū
nasāy ān gyāg ud zamīg nam bē kunēnd ud pad gāw bē warzēnd ud tōhm abar abganēnd čiyōn
nē pādixšāy
ka nasāy ud hixr ān gyāg
pad zamīg nē nigerēd
wināhgār ēg =iš wināh ī nasāy
ud hixr ō āb burdan nigān kirdan ō bun
az abestāg paydāg
u =š guft ohrmazd kū ēdōn ōy wināh rāy kū tā nē bawād awēšān kē mazdēsn
hēnd ēn zamīg bē ēw nigerēnd nasāy rāy awēšān ast ud wars ud xōn_tāg
mūtriš ud xōn_tazišnīh az ān gyāg bē barēd
agar bē nē nigerēd rāy wināhgār ud hixr ud nasāy ī ō āb rasīd dādestān čiyōn
nasāy ud hixr ī murdagān ōh bawēd pad abārīg hixr ī grāy ud xwārtar wināh
ōh bawēd
rēg ud azg ud sargēn ī hušk ī društ xwurd tarr ud hušk kē pad =iš rasīd čiyōn
rēg ud azg ud sargēn ī hušk ī društ ud tarr ī društ ān and rēman čand =iš nasāy
aw =iš rasīd
ēstēd frōd nē barišn
ast ī hušk ī kē nazd ō xākīh ī gumēxt ī sag ud mardōm kē =š āb aw =iš
rasīd wināh
čand
pad abestāg paydāg
az angust ī keh_zahāy tā ān ī hamāg_tan ī mardōmān
ǰud_ǰud pāyag ī wināh guft ēstēd
ud pōryōtkēšān guft hēnd kū ēk =iz nē xūb čē paymānag ī hixr ud nasāy
hambun =iz nasāy pad margarzān hixr ī grāy pad tanāpuhl ud ān ī xwārtar pad yāt
paššinǰišn ud mēzišn pad se stēr guft hēnd
ud pad
čāštag ī sōšyans ud abargīg xūb
abārīg pōryōtkēšān škuft čāšt ēstēd
ka āb ī ō ǰōrdāg_kārisnīh ǰōy ud āb_tazišn pādixšāy ka nē nigerēd
ka hixr ud nasāy ān gyāg ka nigerēd
bē wēnēd ēg =iš čiyōn kunišn
se bār ǰōy kē =š āb pad =iš barēd ēg_īš ēdōn bē nigerišn ī pad ēwarīh
ēg_īš az zamīg bē_ō sar ābān šawišn u =š āb ōh wišāyišn ud ka nasāy ud hixr ī ān
gyāg ēg =iš naxust nasā ud hixr bē barišn u =š pas āb wišāyišn
ud ka nē nigerēd nasāy ud hixr ān gyāg āb bē_ō nasāy rasēd rēman margarzān
ka a_wināh ī margarzān nē bawēd tan_rēmanīh warōmand ud mar bē nē rēman
ka ǰōy ī hamēšag_āb
mēdōmāhīg pādixšāy ka nē nigerēd
abargīg hamē ka āb bē abzāyēd
u =š nigerīdan abāyēd
čiyōn bawēd kū pad ǰōy nē nigerīd wināhgār
čiyōn bawēd kū ka nē nigerēd a_wināh
ka nē nigerēd a_wināh ud rēman nē bawēd
ka se bār ǰōy ī huškān bē nigerīd
nasāy ud hixr ān gyāg nēst ayāb ast bē pahrēzišn a_wināh
ka =š pad ǰōy ī hamēšag_āb kas bē šawēd āb pad ān ǰōy pādixšāy burdan ayāb nē
ka =š hambahišn ī gyāg rōdestāg u =š bawēd pādixšāy
burdan
rāh =iz šāh ham_čiyōn ēn ka =š hambahišn ī gyāg ud rōdestāg u =š nēst
pad čāštag ī abargīg nē pādixšāy burdan
az man tā āb ēk bār
u =š abāg ōbadēd āb bē šāyēd wardēnīdan šāyēd
hixr agar nē nigerēd šāyēd ayāb nē
ud agar nigerīdan abāyēd ēdōn čiyōn ǰōy āb ayāb ǰuttar
ǰuttar
nigerīdan abāyēd u =š nigerīdan ēw bār
was u =š ān ēk bār xūb bē nigerišn
pad zyān pādixšāy ka ān_īz ēk bār bē nē nigerēd
ka pad xwēškārīh hamē šawēd pad āb ī … frāz rasēd nasāy čē kunišn
az kunišn bē wēzišn u =š ǰāmag abāg kunišn u =š nasāy bē āwarišn u =š pad gyāg ī abēbīm bē nihišn
u =š pas sag bē ōh nimāyišn
pad dō mard bē pahrēzišn
ǰāmag rēman kunēd ayāb nē
az ǰāmag wēxtan paydāg kū ǰāmag rēman ay kunēd
pēšagsīr gōwēnd kū ǰāmag rēman nē kunēd
bē =š ēn ēd rāy guft kū ma agar bē nasā abāz pahikōbēd
pad dō mard ud sag_dīd āwarišn ayāb tan =ēw pādixšāy
ka sag ud mard mad ēstēd sag_dīd pad dō mard āwarišn
ka nē mad ēstēd
pādixšāy
ka bē hilēd bē šawēd pādixšāy ayāb nē ud az =iš wināh bawēd nē šāyēd
pad gōwišn ī gōgušnasp tanāpuhl =ēw wināh
ud pad gōwišnīh ī sōšyans margarzān
ka dādīhā_sālār bē kunēd bē šawēd šāyēd
kū āb purr tā čē sāmānag pādixšāy šudan
ka =š bīm pad tan nēst tā ō nasāy rasēd ā =š hamē abāyēd šud
ka nasāy andar āb wišuft kardag
ǰud_ǰud būd ēstēd ayāb pad tan pad ēw_kardagīh ēstēd čiyōn bē āwarišn
čand pad harw dō dast ul grift
šāyēd ā =š ul gīrišn
u =š bē_ō zamīg hušk āwarišn
agar nasāy ayāb hixr tis =ēw bē hilēd bē šawēd
ā =š wināh ud margarzānīh ī hixr andar āb bē hilišn bawēd
ud čand bawēd
bawēd
nasāy hixr ī murdagān andar āb bē hilēd
wināh margarzānīh ēdōn bawēd
čiyōn ka xwad andar āb burd hē
ka nasāy bērōn ēw paydāg
ka andar āb šawēd nasāy kū ēk bē ǰumbēnēd dādestān čiyōn
ka pad ēd menišn andar šawēd kū agar nasāy wēš kū ēk bē āwaram ka bē ǰumbēnēd rēman nē bawēd
ka nē pad ēd menišn andar šawēd nasāy wēš kū ēk ǰumbēnēd rēman
ka =š andar grift bē šawēd kū abzār =ēw āwaram
atuwānīg bē u =š abāg šud
nē tuwān nasāy ān gyāg bē mānēd rēman bawēd ayāb nē
nē
ka a_tuwānīg bē nē bawēd ul nē šawēd rēman bawēd ayāb nē
rēman
čiyōn =iš
āwarišn
ēdōn čiyōn =iš weh tuwān pādixšāy āwurdan
ka =š ēdōn bē nē tuwān āwurd ī ka bē brīnēd kardag kardag bē gīrēd u =š bē āwarišn
u =š harw bār =ēw dast ud kārd pāk bē kunišn
ka pārag pārag ōh brīnēd ōh āwarišn ēg =iš kirbag bawēd ayāb =iš nē
pad harw pārag kirbag ǰud_ǰud ōh bawēd
pad nigerišn xwurd bē nē
pādixšāy kirdan kū tā =m kirbag wēš bawād
ka pārag pārag hamē kunēd
nasāy pad brīnišn ō/ān ayāb pārag ī āb bē barēd čiyōn
ka a_tuwānīg pad =iš a_wināh
ka =š zyān ayāb bīm pādixšāy ka nasāy az āb ud ātaxš bē nē āyēd
az ātaxš pad zyān az āb pad bīm ī warōmand pādixšāy
ka nē āwarēd
ka =š zyān ān ī čiyōn
rōzgār =ēw ud pādīrānīh =ēw ī az kār ī pādixšāy
ka nē āwarēd pādixšāy ayāb nē
nē pādixšāy čē ān sūd nē bawēd
ka =š zyānīg čiyōn dār =ēw ud ǰāmag =ēw kē =š nasāy
pahrēzēd pādixšāy ayāb nē
nē
ka =š bīm ī anērān ayāb ān ī paywēhag ayāb ān ī gurg ī ud zyān ān ī pad tan
xwāstag ud zan ud frazand pādīrānīh rāy az =iš bē būd ēwar ī nasāy pad āb
frōd hilēd šāyēd ayāb nē
nē
pad ul kešīdan pādixšāyīh ayāb nē
pad ān zamān pādixšāy ī ka =š stanēd
az
kust =ēw kešīdan nē šāyēd
az āb ī stabr ō tanuk az tanuk ō stabr pādixšāy kešīdan ayāb nē
mēdōmāhīg az stabr ō tanuk pādixšāy ud az tanuk stabr nē pādixšāy
abargīg harw čiyōn weh tuwān pādixšāy kešīdan
ka ul stānēd u =š dāštan nē tuwān pas abāz ō āb nihēd šāyēd ayāb nē
ul stānēd pad ān zamān pādixšāy ka nihēd kū frōd nihēd
nē abāyēd ka abāz ō āb nihēd rēman
bē burdan
az āb čand pādixšāy
tā ān ī ka dānēd kū āb ī az nasāy ul ō āb nē rasēd
ka wēš barēd rēman
pas ka kem barēd āb ī az nasāy pad ēw_kardagīh ul ō āb rasēd čiyōn
rēman margarzān
ka frōd nihēd pad ēd dārēd kū āb az nasāy abāz ō āb rasēd ā =š čē kunišn
ul stānišn u =š ēdōn dūr bē barišn kū āb ī az nasāy abāz ō āb nē rasēd nē rēman
ka ēdōn tuwān ī bē āyēd pādixšāy ayāb nē
pad čāštag tar pahnāg ī āb pādixšāy wistan
rōšn guft ay ān and pādixšāy wistan čand dānēd kū abāz ō āb nē ōbadēd
ud mardbūd ī dād_ohrmazd guft ay dūr bē pādixšāy a_winast
ud az az man bē ēdōn dūr bē pādixšāy wistan kū abēgumānīhā āb =iz ī az nasāy abāz ō āb nē rasēd
ka =š ēdōn tuwān ī ka bē wihēd āb pahnāy purr ud abāz ō āb ōbadēd
az ān gyāg abar gīrēd bē āwarēd ayāb az =iz ān gyāg dādestān ēdōn ī ǰud agar bē hilēd ēnyā bē āwurdan
nē šāyēd
pādixšāy wistan ayāb nē
az āb ī stabr ō āb ī tanuk ham āb pādixšāy wistan
az tanuk ō stabr ō =iz ǰud_āb nē pādixšāy wistan
az āb ō wārān pādixšāy ayāb nē
ud az azēr marz_āb ō tanuk āb ud wārān pādixšāy ayāb nē
dastwarān ēdōn guft kū wārān ham nē grift ēstēd kū ham_āb ayāb ǰud_āb
ud agar ham_āb pādixšāy ud agar ǰud_āb nē pādixšāy
ud marw bē agar
nasāy pad nihuftag andar āb ō wārān wišādag abganēd ǰud_āb
agar nasāy pad wišādag az ān čiyōn =iš wārān =iz abar hamē wārēd ham āb pādixšāy
az azēr ī marz_āb ud ō tanuk_āb burdan dādestān ān ham ī āb ī andar gawr =ēw abāz ēstēd
nasāy andar dādestān čiyōn
ka ān nasāy nē widāxt ēstēd nasāy bē āwarēd u =š hambun =iz āb az =iš ul āhanǰēnd
ud bē rēzēnd ān ān ī didīgar šāyēd
ham_ēdōn čiyōn pēš =iz ud ka =š andar widāxt ēstēd hamāg rēman
ud ka gawr kūčak u =š dādestān ēdōn =iš ka nasāy bē barēd ud abāz gumēxtēd
āb ī ēw_kardag bē bawēd hamāg rēman
ud ka gawrag wuzurg ud andar šaš gām āb ēdōn abar āhanǰēnd kē nasāy bē nē
ǰumbēnēd pad =iz xwardan šāyēd
ka pad paymānag bowandag pad =iz pādyābīh šāyēd
ud ka nasāy ul stānēnd ud āb ī ēw_kardag abāz bawēd hamāg rēman
ka hambun =iz a_šāyēd a_pāk
ud āb =ēw ī pēš az a_šāyēd zōhr =ēw ī pēš az a_šāyēd kird hamāg rēman
ǰāmag kē pad =iš a_šāyēd pad huškar šāyēd
ān āb ka ō warz barēd šāyēd
pādixšāy burdan dašt ā pahrēz pad ēw_kardagīh āb andar šawēd
nasāy az gyāg pad burdan čiyōn
ēdōn bawēd čiyōn
az āb bē burdan
u =š ul stānišn u =š abāz ōh =iš nihišn
ka andar gawr nasāy ud čarbišn andar gumēxt ēstēd čiyōn ī bē yaštan pādyābīh az =iš se gām dārišn
ud ka bē hušk bē kanišn ō =iš ēwēn gyāg barišn
ud ān az ī nasāy ī gumānīg tā ō āb frōd šawišn
ham_čiyōn hamē kanēd hamē pahrēzēd tah ī pas widest_zahyāy
ka pad waš bē pazzāfēd u =š wārān ēw bār pad =iš bē wārēd pāk
ud ka tā āb frōd šawēd ka bē hambārēd pad hamāg kār šāyēd
šašom pargard rāyēnēd ka andar war =ēw bē rasēd dādestān čiyōn
ka =š handām =ēw abāz ōh war nē ēstēd pāk
ka tis abāz ō war ēstēd ka dōsēn ā a_kār
ādurestarēn čārūg ān and rēman
sagēn gačēn pad paymānag pāk bē bawēd
ka andar čāh āb ayāb xānīg =ēw bē rasēd čāh ud xānīg dādestān čē
čāh ud xānīg tā nasā az =iš bē burdan hamāg rēman
ka nasā bē burd āb az =iš āhaxt pāk ud ham_ēdōn čiyōn
pēš =iz
nasāy az ān gyāg čiyōn bē āwarišn
ān kē nasāy āwarēd dādestān čiyōn
ka kas =ēw frōd šawēd pad rasan frāz bandēd ul āwarēd ul āhanǰēd abāz ō bār nihēd
ast kē ōh gīrēd
ast kē ōh bandēd ast kē ōh āhanǰēd ud ēk =iz nē rēman
u =šān ǰud_ǰud kirbag bē rasēd
ka andar čāh abāz ēstēd u =š nasāy pad =iš abāz pahikōbēd rēman bawēd ayāb nē
ka pad ēd menišn abāz ēstēd
kū ka abāz ōh čāh ōbadēd abāz gīram ud abāz ō āb nē hilam rēman nē bawēd
ka nē pad ēd menišn abāz ēstēd rēman ōh bēd
ka andar widāxt ēstēd ayāb =iš nasāy aw =iš gumēxt ēstēd dādestān čiyōn
akār
ka =š pad nazdikīh čāh pādixšāy burdan
paymānag =ēw nē guft ud az man bē se gām ōh abāyēd kū pad kanišn āb ī az ān ī ō ān nē
šawēd
ka =š andar widāxt ēstēd āb abar āhixtan šāyēd ayāb nē
šāyēd u =š kirbag
čiyōn =iš āhanǰišn
pad =iš ān =iz āhanǰišn
ka =š ul ō bār āwurd ā =š sag bē nimāyišn pad dō tan ōh =iš ēwēn gyāg barišn
u =š
ǰudāgīhā bē rēzišn
u =š harw bār =ēw tanāpuhl =ēw kirbag
ka ēk sag nimūd ān ī abārīg hamāg sag nē nimāyēnd šāyēd ayāb nē
pad čāštag ī sōšyans pad harw ān gyānwar bār sag ōh nimāyišn
mēdōmāhīg ka ēk dīd ēg =iš hamāg zad ēstēd
pādyāb andar pattānag ī ān čāh čiyōn dārišn
ka čāh pad hušk bē šāyēd kirdan
pādixšāy ham_burdan pādixšāy sar nihuftan pādyābīh paymānag =ēw nē abāyēd
ka pad hušk bē nē šāyēd kirdan
nē pādixšāy ham_burdan nē pādixšāy sar griftan nihuftan pādyābīh az =iš pad se gām dārišn
āb ī snēxr ī ud tagarg ka =š nasāy andar ōbadēd čiyōn
se gām pērāmōn ī nasāy ī harw gyāg =ēw rēman
ud bē se gām xwardan šāyēd
ka paymānag bowandag pad =iz pādyābīh šāyēd
ka bē widāxt čiyōn
ka =š nasāy az =iš bē burd hēnd ud bē widāzēd pāk
ka =š nasā andar ud bē widāzēd dādestān ēdōn čiyōn abārīg āb kē nasāy aw =iš
gumēxt ēstēd
ka ast widāxt ēg =iš andar ō baxšišn ud ān bawēd
ka nasāy pas andar ōbadēd tā ka pēš andar kanēd ā ǰuttar nē bawēd kū abārīg
āb ī tazāg
kē =š nasāy andar ēg =iš dādestān čiyōn
se gām pēš ī nasāy nasāy_zahyā rēman
ud se gām pas and se gām nasāy_zahyā rēman
se pēš =iš gām kustag kustag ō
abāyēd nō gām padīrag ī āb rēman
ka nasāy bē barēnd hamāg pāk
hixr ī murdagān kadām u =š rēmanīh čiyōn
hixr ī murdagān pad āb ud ātaxš wināh ī margarzān
ka ō tan rasēd nēk_mādagīhā bē šōyišn
u =š pas pad āb šōyišn
ka ō ǰāmag rasēd ān and bē brīnišn
ka hixr ī hušk ō ǰāmag rasēd pad pādixšāy šōyišn
hixr ī murdagān ān kē andar ān zamān bē āmad ka wēmār būd az ān wēmārīh
murd
bawēd kē guft kū andar se_rōzag =ēw bē mīrēd
ud būd kē =š andar ēw_rōzag_šabān
guft
ast kē ēdōn gōwēd ay ān bawēd kē =š andar ān zamān bē āmad ka =š gyān az tan
bē šawēd
pad tahag grāy bēd
nasāy ī mardōmān ān weh ka gyāg =ēw frōd nihēnd kē =š kār pad dagr bē wišōbēd
ayāb ān weh kē zūd bē wišōbīhēd
ān weh kē bē sag ud way dahēnd ud zūd wišōbīhēd
az abestāg paydāg
čiyōn
ēdōn bē =š abāyēd kirdan kū sag ud murw abar gīrēd
abāz ābādānīh ud kišt warz ī mard ī ahlaw nē āwarēd
čiyōn kunišn kū abāz nē āwarēd
ēdōn kunišn čiyōn čiyōn az abestāg paydāg
ēdōn ōy wināh rāy kū tā nē bawād awēšān kē mazdēsn hēnd ān rist bē bandišn
xwēš pāy ud pad ān xwēš wars pad āhanēn ayāb sagēn ayāb sumbēn kū nē
awēšān sag ī kirb_xwar ud way ī kirb_xwar awēšān ast ō āb ud urwar pad barišn frāz rasānd
ka =šān ēdōn bē kird ēg =išān xūb wizārd ayāb ǰuttar kunišn
ān ī tuwānīg ǰuttar čē =š astōdān =ēw bē kunišn kū tā sag ud rōbāh ud gurg bē burdan nē tuwān
u =š āb =iz ī wārān aw =iš nē rasēd
az abestāg paydāg
dādār kū mardān ī ristān ast bē barēnd ī ohrmazd kū =šān kū bē dahānd
u =š guft ohrmazd kū ul dēsēd ōy rāy bē ē kunānd astōdān =ēw abar az sag
abar az rōbāh ud abar az gurg ud an_abar_wārān kū =š aw =iš nē wārēd
az abardar zamīg az āb ī wārānīg kū =š ul aw =iš nē ēstēd
agar tuwānīg awēšān mazdēsnān pad drahm ud agar xwāstār hēnd
kirrōg
agar bē paydāgēnīdār hēnd gyāg
ud agar tuwānīg tuxšīdār sag ud gač
pas ān ī driyōš čē kunišn
pad =iš zamīg dahišn
u =š xāk bālišn kunišn zamīg wistarg ud rōšnīh ud rawišnīh xwaršēd_nigerišn
bē hilišn
az abestāg paydāg
agar nē tuwānīg hēnd awēšān mazdēsnān pad drahm ud agar nē xwāstār hēnd
kirrōg
agar nē paydāgenīdār hēnd gyāg
agar nē tuwānīg tuxšīdār hēnd sag ud gač
xwēš wistarg kū =š zamīg wistarg ud xwēš bālēn kū kardag bālišn rōšnīh abar_war xwaršēd_nigerišn
ōy abar pad ēn zamīg bē ē dahānd
ka hazzān bē awērān bawēd u =š wirāyišn abāyēd kirdan čiyōn kunišn
ka hazzān šahr kird ī nasāy was andar dēwār awērān bē bawēd
sar ī dēwār ān gyāg kū awērān bē tāšišn andarōn ud bērōn hamāg pērāmōn bē tāšišn ud xāk handūd ān ī dēwār tōf =ēw pad gōmēz bē handūdan ud pas pad xišt sabz =ēw ud sag
nōg_war rōy pad āb pādixšāy nihād
u =š ēdōn kunišn kū ān gyāg kū nē tāšēd nē handūd ēstēd
gil pad āb kardag āb ud afsardag aw =iš nē rasēd
ka ēdōn nē šāyēd kirdan u =š xišt pad xāk andar wizīnišn tā wārān pad =iš bēd
āb ō xāk rasēd
pad
darz_gāh ī frōd šawēd band kunēd
ka =š ēdōn tuwānīh ǰud agar gil ī pad_āb ān gyāg frōd gīrēd ēnyā nē šāyēd
ēg =iš ān gyāg pāk bē rōbišn u =š pad gōmēz bē handāyišn
ka dar ī astōdān abar dēsīd ēg =iš ham_ēwēnag kunišn
astōdān āškārag ud gyāg nasāy ēk nihād abāg =iz ēd kū harw gyāg kū =š nasāy
andar barēd ēg =iš andarōn bērōn harw tis =ēw hixr ī grāy
pas =iz bērōn pad āb handūd pādixšāy
ka astōdān kahwan ud awērān ān weh ka ēk nōg bē kunēnd ayāb ān ī kahwan abāg wirāyēnd
ka abāz wirāyēnd druz nasuš pad čē zamān abar tan ī widird dwārēd
pad ān zamān ka =š gyān az tan ī bē āmad
az abestāg paydāg
ka ul az tan raft gyān ān druz ī nasuš abar dwārēd
tā kay ā =š nasuš pad =iš
tā sag_dīd ayāb paristan
az abestāg paydāg
ka ōy sag abar dīd ayāb =iš frāz xward
ān ī kōr kū =š pōz abar nihēd ayāb way ī tan_xwār ōy abar ul vaziṯ
kū ā sāyag abar zanēd sār ī gar ud dālman ud warāɣ syā
ān druz ī nasuš abāz dwārēd ō abāxtar nēmag
ka andar ān tahīg/tahag ī ka gyān bē šawēd ēg =iš sag ō pāy bast ēstēd ayāb rāɣ =ēw ī ēg =iš pad sar hamē parrēd ēg =iš nasuš abar dwārēd
andar ān tahīg/tahag ēg =iš abar dwārēd pad tēzīh
ka sag hambun =iz wēnēd ayāb murw =ēw nasuš zanēd azabar parrēd bē zanēd
ka =š handām =ēw wēnēd ayāb wars ud nāxun wēnēd ēg =iš nasuš zad bawēd ayāb nē
ān ī mardōmān ka handām =ēw wēnēd ēg =iš zad bawēd
ka wars ud nāxun wēnēd ā =š nē zad bawēd
ān ī sag bē ka =š pōz ayāb azēr ī pāy ayāb rēš wēnēd ēg =iš nē zad bawēd
az man bē ka =š mōy
ēdōn guft ō bē mōy ī pōst nē paydāg ēnyā =š nasuš zad bawēd
sag ī kōr ud way ī čiyōn zanēnd
sag ī kōr ka =š pōz abar nihēd
way ka =š azabar bē parrīhēd u =š sāyag abar abganēd ā =š zad bawēd
ka sag ī kōr nimūdan ud abāyēd pad ēk tan pādixšāy ka frāz nayēd
pōz abar nasā nihēd ayāb čiyōn ud agar dānēd rēman bawēd ayāb nē
nē
ēn sag ī kōr pad a_čāragīh šāyēd ayāb xwad tā didīgar windēd ān nē šāyēd
pad mādagwarīh šāyēd
ka nasāy wišuft ast pad kardag kardag ēstēd harw ēk pad ǰudāgīh nimāyišn ayāb ka =š ēk pārag wēnēd ā =š zad bawēd
pad čāštag ī abargīg ǰud_ǰud sag ōh nimāyišn
kay_ādur_bōzēd guft ay ka zad kardag kē =š abdom gyān az =iš bē šawēd wēnēd
ā =š hamāg zad bēd
pad mēdōmāhīg ud pēšagsīrīg āmār nē kunēd čē ka ēw_kardagīh wēnēd
hamāg nasuš zad wizīrēnēnd
sag kē nasūš zanēd way ī kē =š nasuš zanēd kadām
sag pasušhorw wišhorw wohunazg tarōg
sōšyans_brūy_ohrmazd ān =iz ruwānīg guft
ud way kē nasuš zanēd sār ī gar ud dālman ud warāɣ ī syā ī ud ēč murw ī didīgar
nasuš nē zanēd
way čiyōn zanēd
ka =š azabar bē wāyēd ka =z abr ayāb azabar pōšīd ēstēd
ka way nasuš zanēd azabar ēdōn ast ī ka nē abr ayāb ud pōšīdagīh rāy ayāb azēr
war =ēw būd hē
ēg =iš a_sāyag abar ōbast hē ā =š nasuš zad bawēd
ka azabar bē šawēd ēg =iš zad bawēd ayāb nē
pad abargīg nē zad bawēd tā agar a_sāyag abar abganēd
ka andar āb ābgēnag wēnēd nasuš zanēd
nē
ka nasāy andar pusyān nasuš zanēd
pad čāštag ī pēšagsīr nē zanēd
abargīg ōh darrišn sag ōh nimāyišn
mēdōmāhīg tēx =ēw azabar bē abganēnd tā bē darrēd ud sag bē nimāyēnd
ast kē ēdōn gōwēd ay ēdōn bēd wastarg tadag
u =š guft kū ka sag nimāyēnd ā =š nasuš zad būd
ud az man bē čiyōn pušt ī sag ud sar mardōm wēnēd čiyōn
pad pēšagsīr ka pad ēw_kardagīh frāz wēnēd ā =š zad bawēd
ka nē pad ēw_kardagīh bun ī mōy wēnēd u =š zad bawēd
ud ka nē pad ēw_kardagīh ud mōy nihuft ud ō bun ī mōy nē paydāg ēg =iš nē
zad bawēd
mardōm ud sag kē =š pad dādestānōmandīh ayāb abēdād ayāb sag ud ayāb dad
dām bē ōzanēnd ayāb az stān bē gardēd pad tay abāz šawēd ud mīrēd ēg =iš pad čē zamān nasuš
abar dwārēd
ān ī ōzad ēstēd harw čē ōzad harw kē ōzad pad harw ēwēnag ī ōzad ōzanēd
ēg =iš pad gāh ī pēš pad tēx ī naxustēn
ēg =iš nasuš abar dwārēd
az abestāg paydāg
u =š guft ohrmazd kū tēz pas =iz ān anī ān a_radīh ī didīgar pad gyāg ēg =iš ān
druz ī nasuš abar dwārēd
hašt ī pad abestāg paydāg sag_zad gurg_zad ǰādūgān_zad bēš_zad bīm_zad kū az kōf =ēw bē ōbadēd mardōmān_zad pad dādestānōmandīh ī zūr_zad pad adādestānīh tang_zad frāz pad xafag pad radīh ī pēš nasuš abar dwārēd
ēg =iš handāzag pad =iš ōh āwarišn
ayāb nē
pad čāštag ī gōgušnasp ā =š aw =iš ōh handāzišn
pad ān ī abarg ēg =iš tis =ēw aw =iš nē handāzišn
tā =š gāh ī pēš pad =iš andar āyēd
ēg =iš dādestān ī sāyag čiyōn
pad mēdōmāhīg čiyōn nasā ī zīndagān
ud abargīg dādestān ud xānag ud mard nē zanēd
pēšagsīr ēdōn bawēd čiyōn nasā ī sag_dīd awēšān =iz pad gyāg xānag ud
mard ham_dādestān būd hēnd kū tā gāh ī pēš nē zanēd
awēšān kē guft kū =š handāzag pad =iš nē āwarišn
ka sag =ēw sag =ēw bē zanēd u =š ham ēdōn wizīrēnēnd
hamrēh ud pedrēh andar tāyag bawēd ka gāh ī pēš andar āyēd frōd barēd ud tuhīgīh rēman kirdan
ud sag nimūdan andar kadām hangām
andar ān hangām ka =š gāh ī pēš pad =iš andar āyēd
abārīg =iz ud harw tis =ēw kē ēdōn bēd čiyōn nasāy ī grāy andar ān zamān bawēd
wistarg bālišn kē sag ud mard pad =iš bē widerēd rēmanīh čiyōn
ān ī azabar ud ān ī azēr ān tōf =ēw hamāg rēman
az abestāg paydāg
paywastagīh ud ēw_kardagīh
ud ǰud_kardagīh āmār
ud agar āmār čiyōn
āmār
ud harw ān ī paywastag ī ēk nasāy aw =iš paywast rēman
ān ī ǰud_kardag nē rēman
ka bōb abāg mih frōd grift ēstēd ayāb nē grift ēstēd
čē bōb murd ast dādestān čiyōn
ka frōd kird ēstēd
mih =iz rēman agar nē ī kird ēstēd mih pāk
ka abar bālišn murd ēstēd čiyōn
ka nē abāg xwēš frōd grift ēstēd pašm =iz rēman
ka abāg pašm frōd nē grift ēstēd pašm pāk
ka bālišn ēw_čand ul ēk ud did nihād ēstēd čiyōn
ān ēk rēman ka nasāy aw =iš mad ēstēd
ka bālišn ēw_čand pad ēk ōy ī did frōd bast ēstēd čiyōn
hamāg rēman
ān kē pad =iš frōd bast ēstēd čiyōn
pāk
ka pad ān kē frōd bast ēstēd murd ēstēd u =š tis handām abāz ō bālišn nē rasēd ēstēd čiyōn
did bālišn rēman
ka pad kafš ud šalwār murd čiyōn
kafš ud šalwār rēman band pāk
ka pad šalwār bun band ī kafš murd ēstēd
kafš =iz šalwār rēman
ka ō mard pahikāfēd ǰāmag zay pad tan dārēd čiyōn
ān ī frāz ō tan ēstēd
ān ī pad tan bast ēstēd čiyōn
kafš ēw ud ān ī grīwbān bast bast ēstēd rēman
ǰud kustīg čē kustīg nē band ī mard ī čē band ī dēn
ud ān ī čiyōn pīrāhan =ēw kē grīwbān nē bast ast ud čādur ud gilīm abārīg ī ō tan
nē bast ēstēd nē rēman
ka ǰāmag hamāg ān dārēd ī ēč abāg tan nē bast ēstēd čiyōn
ān tōf =ēw rēman ī ham_karzag bawēd
awēšān wastarg kē =š nasāy aw =iš pahikaft ēstēd pāk bawēd ayāb nē
agar hixr ī murdagān abar šud ēstēd ān ī and gyāg bē brīnišn abārīg ōh šōyišn
ka hixr ī murdagān pad =iš nē šud ēstēd ōh šōyišn
az abestāg paydāg
agar ast kū abar raft ēstēd šusr ayāb nam xayūg ayāb =iš abar rīd ēstēd ayāb abar murd ēstēd
ēdōn awēšān kē mazdēsn hēnd ān wastarg frāz =iz ēw kirrēnānd kū bē ēw brīnānd
ud bē =iz ēw nigānānd ud pad a_kārīh
ud agar nē ast kū =š abar raft ēstēd šusar ayāb nam xayūg ayāb abar rīd ēstēd ayāb =iš abar wāmīd ēstēd
ēdōn awēšān kē mazdēsn hēnd frāz ēw šōyēnd ān wastarg pad gōmēz
wastarg kē nasāy abar barēnd ān ī abar wišōbēnd
ān kē hixr ī murdagān pad =iš
ud ān kē mard pad =iš ō dār kunēnd ud ān kē daštān pad =iš šud ast dādestān čiyōn
ān kē nasāy barēnd ud ān kē pad =iš ō dār kunēnd a_kār
ān kē pad =iš wišōbēnd tōf =ēw
ān kē hixr ī murdagān pad =iš ān and gyāg
ān kē daštān pad =iš ka pad gōmēz bē šust ud gōn abāz nē āwarīd ēk bār uzmāyišn
rāy pad =iz āb pādixšāy šustan ka gōn abāz nē āwarīd pāk
ka nē ān =iz ān and gyāg bē brīnišn abārīg pāk
ān ī pad nasāy rēman būd ēstēd bē abāyēd šustan ud čiyōn šōyišn
ēdōn čiyōn az abestāg paydāg
ud abāyēd kū pōst se bār frāz ēw šōyēd pad gōmēz se bār zamīg ō ham ēw nigānēnd
ud se bār pad āb frāz ēw šōyēd se māh abar ēw bandēd pad rōzēn abar ī mān
agar ēdōn kū ǰāmag ī tadag šaš bār frāz ēw šōyēd pad gōmēz šaš bār zamīg ō ham
ēw nigānēnd
šaš bār pad āb frāz ēw šōyēd šaš māh abar ēw bandēd ud pad rōzēn abar mān pad bān
pōstēn ka mōy pad =iš čiyōn
ka mōy az =iš bē gīrēnd ud pōstēn šōyēnd se bār čiyōn guft
ud mōy šust čiyōn tadag šaš bār
kē pad wināhgārīh nasāy ǰōyēd dādestān čiyōn
margarzān ud pad tan rēman hagriz pāk nē bēd
ud gilistag dil bē kanišn ud sar bē brīnišn
nasuš abar dwārēd tā hamē ud hamē_rawišnīh rēman
az abestāg paydāg paydāg
mardān gilistag kanišn hēnd kū =šān dil bē kanišn
awēšān =iz mardān ī spēdag ī dōysar az čašm bē barišn kū =šān sar bē brīnišn
kē nasāy pad a_wināhīh xwarēd ēg =iš rēmanīh ud wināhgārīh čiyōn
pad tan rēman
wināhgārīh nē dānam čē ka =š a_wināhīh guft wināhgārīh būd nē šāyēd
kay pādixšāy šust
andar zamān pad gugārd dārišn bē šust
ka šust bē riyēd ayāb bē ka az =iš tan paydāg ā =š nōg_war gōmēz xwarišn u =š abāz
šōyišn
ka zan ābustan xwarēd ōy aburnāyag ēg =išān dādestān čiyōn
ka =š nē hangām ī zād u =š bīm ī rēš ī pad aburnāyag nēst šustan pādixšāy ud aburnāyag =iz pad xward dārišn
nasāy paymānag hambun =iz ān bawēd ka mizag =iš dānēd ayāb ōbārēd
ka =š hangām ī zād ayāb pad aburnāyag rēš bawēd ō nūn nē pādixšāy šustan
ud ka bē zād ayāb ō tuwānīgīh rasīd ā =š ōh šōyišn
aburnāyag ō nūn a_tuwānīgīh rāy pad gōmēz ud āb šōyišn
pixag_šnās bawēd ayāb ō haft_sālagīh rasīd ā =š pad pixag šōyišn tā
tā ō haft_sālagīh ayāb pēšag_šnāsīh rasēd pādixšāy ka =š nē pahrēzēnd
hamē tā nō_šabag bē dāšt ōh pahrēzišn
ud aburnāyag ka pēšag_šnās bawēd ayāb ō haft_sālagīh rasēd ā =š pad gyāg nasuš
abar dwārēd
mard ud zan kē =š nasā xward ēstēd
mard gušn kunēd andar ābusīh xwarēd ēg =išān dādestān čiyōn
aburnāyag az ēk_bar zāyēd
ka az gušn zāyēd pad gyāg pāk
kē mādag zāyēd pad gōmēz ud āb šōyišn
kē nasāy ō āb ud ātaxš barēd ēg =iš wināhgārīh ud rēmanīh čiyōn
kē pad nigerišn ud wināhgārīh barēd nāmčišt ān kē =š āwiš abāg rēman ī margarzān hagriz pāk nē bawēd
ka sen ud malax kišt ud warz bē abesīhēnād
sahm bē āyēd mardōm ud urwar bē tabāhēnēd ayāb zamestān stahmagtar bawēd rāy mardōm ud gōspand bē tabāh bēd ā =š
ān =iz ō bun
az abestāg paydāg
čiyōn bawēd kū nasāy ō āb ud ātaxš rasēd pad =iš wināhgār nē bawēd
čiyōn mard ī xwēškār kē =š xwēškārīh ātaxš yaštan
agar =iš ātaxš pad a_wināhīh abāz aw =iš ōbadēd bē sōzēd pad =iš
nē tan rēman ud nē margarzān
mard warzīgar kē pēšag āb ō kišt warz burdan
ud agar =iš andar āb pad a_wināhīh nasāy bē šawēd
nē tan rēman nē margarzānīh ō bun
ān kē =š barsom čīdan xwēškārīh u =š pad kārd dast bē brīnīhēd dast tarr ēg =iš
dādestān ān ham
ud anī_īz was kē xwēškārīh rāy nē tan rēman nē =iz wināh ō bun
ud kē nē xweškārīhā bē pad sūdagīh nasāy bē_ō āb ud ātaxš rasēnēd
ēdōn bawēd čiyōn ān kē nasāy gyāg =ēw frōd nihēd ī nē ēdōn dādīhā
u =š ātaxš andar ōbadēd bē sōzēd ayāb =iš āb pad =iš frāz šawēd ēg =iš dādestān čiyōn rēman bē margarzān nē bawēd
ka pad nasāy fradom margarzān bawēd
pas rēman ā =š šōy abāyēd ayāb nē
pad uskārišnīh ī pōryōtkēšān šōy nēst ud az =iš dastwarān ēdōn čāšt
ōh pad nasāy ō āb ud ātaxš burdan harw čiyōn margarzān rēman u =š šōy nēst
ud ast kē guft ay pad nasāy harw čiyōn margarzān bawēd rēman šōy nēst
esm kē =š nasā aw =iš pahikafēd pāk bawēd ayāb nē
bawēd
agar nasāy ud sag nē dīd
widest_drahnāy ān ī hušk
ērd_drahnāy ān ī tarr
u =š pad harw čahār sōg āb pad =iš āšixtan ud pad sāl_drahnāy ō kār barišn
agar nasuš abar ast
ērd_drahnāy ka hušk ud bāzā_drahnāy ka ōy xwēd ā pad zamīg bē nihēnd
u =š pad harw kustag āb bē rasēd pāk ud pad sāl_ drahnāy ō kār barišn
ud ēdōn ka hušk ud ka tarr ud xwēd ka narm ud saxt
ka pāk čiyōn kū tā sāl drahnāy ō kār pādixšāy burdan
pōryōtkēšān ēdōn guft hēnd kū tā sāl_drahnāy esm ō kār nē barišn
esm pad zamīg čiyōn frōd abāyēd nihādan
sar dō’ān tāšt risīh bē kunišn tā =š āb weh pad =iš frāz šawēd
abārīg pahnāy ud ayāb drahnāy ayāb bālāy ayāb bartar nihēd šāyēd
esm ka ēdōn bē kird pad hamāg kār šāyēd ayāb ast ī šāyēd
ud ayāb ast ī nē
šāyēd
pad čāštag ī abargīg pad huškar šāyēd ān ī čiyōn kabīz =ēw ud kam =ēw ud dōlag =ēw
pad čāštag ī pēšagsīr pad kār ī āb ud ātaxš hagriz nē šāyēd
abargīg pad =iz abzār ī yazišn hagriz nē šāyēd
pad čāštag ī māh_ohrmazd pad dār ī tigrag šāyēd
ud pad čāštag ī gōgušnasp pad =iz tigr ī ābān ud esm ī ātaxš warahrān šāyēd
dār ī stabr ud bārīk dō ast
nam rēman
u =š šōyišn ēk ayāb ǰuttar
dār ī stabr ǰud_kardag ān ī xwurd ēw_kardag
ud ān ī stabr ēw_kardag pad ān zamān ka pad ēk ōy ī did frōd bast ēstēd
xwurd čiyōn zāz ud murāy harw dō šōyišn andarōn bērōn hamāg bē āwāsīd
ǰōrdāg ud wāstar ka =š nasāy abar pahikafēd pāk bawēd ayāb nē
bawēd
agar ān nasāy sag_dīd ērd_drahnāy
ka hušk bāzā_drahnāy ka narm xwēd nēm nay pad zamīg frōd nihādan tā =š wārān =ēw pad =iš wārēd ayāb =iš abar āhanǰēnd pāk
ud agar sag_dīd bāzā_drahnāy nēm nay
ud ka hušk nay
ka xwēd pad zamīg frōd nihād tā =š hamāg pērāmōn āb abar āhanǰēnd pāk
ka hušk pad hambār ēstēd ud ka tarr pad pāy ēstēd
ka tōm abgand pad gāw bē kird ayāb nē ayāb tōm nē abganēnd
kišt ayāb nē kišt drūd ayāb nē drūnēnd
ud ka xwast ayāb nē xwast
ud ka afšānēnd ayāb nē afšānēnd
ud ka xwēd ayāb kafīdag ayāb srištag ēstēd hamāg ēw_tom rēman
ka nasāy abar rasēd čiyōn
pad ēn zamīg bē ēw dahānd ud ka =š āb ēw bār pad =iš āšixt ayāb wārān =ēw pad =iš bē būd
andarōn ud bērōn hamāg pērāmōn bē āwāsīd pāk
ārd dādestān čiyōn
ka frāz srišt ā pāk
ǰōrdāy ī pāk ud kāh pad tanīhā
ān and rēman
ud ǰōrdāg kāh ī pāk nē kirdan
ud āmēxtag čiyōn rēman
pad čāštag ī sōšyans ēw_kardag hamāg rēman
pad ān ī kay_ādur_bōzēd ǰud_kardag ān and rēman
pambag ud ān ī čiyōn pambag parzīn ud abārīg ī az ēn bawīhīd ēstēd
pad čāštag ī pēšagsīr ēw_kardag hamāg rēman
mēdōmāhīg ǰud_kardag ān and rēman
ǰōrdāg nē xwast ēk ō did āward ēstēd
ud ān ī pad =iz dastag bast ēstēd čiyōn
ān ī āward ēstēd ēw_kardag ud hamāg rēman
ud ān kē pad dastag band ēstēd ān rēman kē nasāy aw =iš pahikafēd
waš ī nē kōstag ān ī kōstag čiyōn
ān ī kōstag čiyōn ǰāmag ī tadag ān ī nē kōstag čiyōn dār
ka pad pambag pahikafēd dādestān čiyōn
ka pad gōzag pahikafēd ēk rēman pambag astag ud mazg pāk
ud ka pad pambag pahikafēd pambag astag mazg rēman
gōzag ud astag šōyišn ēdōn bēd čiyōn dār ud pambag ēdōn čiyōn tadag ud mazg ēdōn čiyōn ǰōrdāy
xormāy ud anǰīr ud mēwagīhā ī čiyōn ēn rēman ud dādestān čiyōn
ka andar xwast ēstēd ēw_kardag hamāg rēman
ka ǰud_kardag ān and rēman
ud ka tarr kulāčag pahikafēd kulāčag abāg astag frōd nē grift ēstēd astag rēman xormāy pāk
ud ka tarr xormāy pahikafēd xormāy rēman astag ud kulāčag pāk
ud kulāčag ud astag
ud astag šōyišn ēdōn čiyōn dār ud xormāy ēdōn čiyōn ǰōrdāy
ud ān ī čiyōn anǰīr andarōn ud bērōn šōyišn ēdōn čiyōn ǰōrdāy
anār dādestān čiyōn
harw =iš tis =ēw rēman ud tōzag astag šōyišn ēdōn čiyōn dār
u =š pid mazg ēdōn čiyōn ǰōrdāy
u =š anārag ī pōst ud pid ēdōn čiyōn ǰōrdāy
u =š dānag ēdōn čiyōn anār
mēwag ka pad bar ud ka čīd čiyōn
ka pad bar_pazzāmišnīh abāg pāk
ka nē rēman
wādrang hamē pazzāmišn abāg ān ī čiyōn ālūg šaftālūg ud wādām ī tarr zardag_ālūg ud abārīg kē =š pōst =iz pad xwardan mehmān čiyōn
pōst mazg ǰōrdāy ud astag dār
ān ī čiyōn gōz ud wādām ud fandōg ud wan ī gurgānīg čiyōn mazg
pāk
tadag ud šōyišn ēdōn čiyōn dār
wan ī gurgānīg harw čē škāft ēstēd mazg =iz rēman
ān ī čiyōn gōšt ī namak_sūd ud pašm gōšt ud srīšag ud anār_sūd čiyōn
pad čāštag ī pēšagsīr rēman u =š šōy nēst
pad ān ī abargīg harw čē az ēn šōn hamāg rēman bē_ō sag dahišn
ān ī čiyōn sargēn ud ādurestar čiyōn
pad pēšagsīr =ēw sargēn ō wāstar ud ādurestar ōh wāstar handāzišn
ud az bē ādurestar ka a_pādyāb bē bawēd u =š pad pādyāb abāz nē bawēd
aspō bərəzaŋ_hąm_zbarōiš dātəm
sargēn xūb
haftom pargard
gōspand ka nasāy bē xwarēd čiyōn
tā sāl_drahnāy ā =š gōšt ud šīr ud sargēn ud mōy harw tis =ēw hixr ī grāy ud pas az sāl pāk
az abestāg paydāg
nē pašm ud nē panīr ēd kū zōhr pad zōhr nē šāyēd
ud ān ī gōšt zōhrag ō barsom abar barišn az andarag nēmag sāl_drahnāy
ēg pas az sāl_drahnāy kāmag_xwarišn ī mardān ahlawān ham_ēdōn čiyōn pēš =iz
nar ka gušn kunēd waččag šīr dādestān čiyōn
pāk
mādag ka ābustan ayāb pas ābustan bawēd dādestān čiyōn
pad čāštag ī pēšagsīr ud abargīg ka ābestan xward ud waččag abāg mād pāk bē bawēd
mēdōmāhīg ka bē zāyēd pad gyāg pāk
ka xwarēd pas ābustan bawēd pad harw zamān ka zāyēd waččag pāk
ān ī nar waččag šīr ud harw tis =ēw ǰud az gōspand
tan az xwad gōspand hamāg pāk
ka murw āluh xwarēd čiyōn bawēd
xāyag tā bē waččag būd pad čāštag ī pēšagsīr ud abargīg rēman
ka bē_ō ī waččag būd pāk
pad mēdōmāhīg xāyag =iz pāk
ud ān ī mādag ēdōn bawēd čiyōn gōspand
ud xāyag tā bē_ō gōštōmand ālag hamāg rēman
ka andar sāl_drahnāy bē rasēd čiyōn
pad čāštag =ēw pēšagsīr ud abargīg ēdōn bawēd čiyōn
hambān =ēw purr az nasāy
mēdōmāhīg andar se_šabag ēdōn bawēd
pas az se_šabag az ān čiyōn =iš pad gugārd dārišn hixr ī grāy
ka āb nasāy_pāy zōhr bē aw =iš barēd ēg =iš tis =iz wināh bawēd ayāb kirbag
wināh =iš agar nasāy ān gyāg
zōhr bē_ō ī nasāy rasēd margarzān
ka nē tanāpuhl =ēw
wināh
az abestāg paydāg
ahlāyīh menēd pad ēd dārēd kū kār ud kirbag kird
drōzišn menēd kū =š pad bun kē ōh ān ī nasā hēnd āb ud zōhr frāz barēd
ā =š šustan ī zarr ka =š nasāy pad =iš pahikafēd ā =š yōǰdahrīh čiyōn rasēd
zarr ēw bār pad gōmēz ēk bār pad xāk ēw bār pad āb ōh frāz šōyišn pāk
az abestāg paydāg
agar ast kū zarrēn ēw bār frāz ēd šōyēd pad gōmēz ēw bār pad zamīg ul ēd āsnīyēd ud ēw bār pad āb frāz ēw šōyēd ēdōn yōǰdahr
ābgēnag morwārīd ēdōn bawēd čiyōn zarr
pēšagsīr pad morwārīd ǰud_dādestān čē ast kē čiyōn zarr gōwēnd
ast kē čiyōn
gōhr ast kē gōwēnd kū =š šōy nēst
asēmēn čiyōn
dō bār frāz ēd šōyēnd pad gōmēz ud pad =iz āb ud pāk
abargīg gōwēnd kū ka ōh kār nē kird ēstēd ēn =iz ēdōn čiyōn zarr
pōlāwad čiyōn
čahār bār pad gōmēz ud čahār pad xāk čahār bār pad āb ud pāk
az abestāg paydāg
agar ast kū pōlāwad čahār bār frāz ēd šōyēd pad gōmēz u =š čahār bār zamīg
aw =iš ēd nigānenēnd čahār bār pad āb frāz ēd šōyēd ēdōn yōǰdahr
wīst_panǰ 5almās137andar ēn ast kē pad =iš ǰud_dādestān
āhanēn čiyōn bawēd
se bār
az abestāg paydāg
agar ast kū āhanēn se bār ud ayōxšust bē čē nāmčištīg gōwēd tā andar āhanēn
pēšagsīr gōhr =iz hamāg ō āhanēn handāzēnd
kahrubāy šabak ud parēnag pad gōhr dārēnd ud xrōhak ud urwarām pad dār ud sandal pad zadūg dārēnd
sagēn čiyōn
šaš bār
az abestāg paydāg
agar ast kū sagēn šaš bār
ud pad abargīg yākand ud parēnag ud šabak ud kahrubāy ud bastāg ud rāz
ud radan ud sagēn sagēn ud wādīg ud zamist bē čē uzmarrud nāmčištīg bē gōwēd tā andar sag dārēnd
mēdōmāhīg yākand ud uzmarrud bēlūr šōyišn ēdōn gōwēnd čiyōn sag
ud ast kē bastāg wafrīnag zamist gōwēd
gyāg ī was wafr was wārān ud damag ayāb damīg ayāb bīm ī ān andar rāh ud gyāg ī astōdān ōh tan wizend rasēd
tan =ēw widerān bawēd čiyōn kunišn
ēn zamīg pad frōd_kanišnīh bē kanišn bē ō mayānag padištān ka saxt zamīg
tā ō mayān ī mard ud ka narm
u =š sargēn ayāb ādurestar andar kunišn u =š azabar xišt ayāb pad sag ud andar nihišn
u =š nasāy andar sag ayāb xišt ayāb sargēn nihišn
āb xāk azabar andar
ud čiyōn hangām ī wafr ī wārān damag ud tārīkīh ud bīm ī wināhgārān bē šawēd ēg =iš nasā āškārag kunišn
u =š pad mard ī ōzōmand kē pad nērōg ō gyāg ī xwēš nasāy ōh sag ud way dahišn
nasāy az ān gyāg čiyōn bē barēnd
ham čiyōn ān ī kē az xānag bē barēnd
sag ī zard_gōš čahār_dīdag ayāb spēd zard_gōš bē nimāyēnd ud abāg xwēš bē barēnd
mardān kē nasā barēnd rēman bawēnd
u =šān tan abāyēd šustan ayāb nē
rēman u =šān tan pad gōmēz ud āb šōyišn
gōmēz az čē šāyēd
az gōspandān ud stōrān hamāg šāyēd
az =iz hamāg dāmān ī ohrmazd šāyēd ǰud az ān ī mardōmān
az =iz mardōmān ān ī xwēdōdah šāyēd
ēn nasāy az abārīg nasāy ham_čiyōn abārīg nasāy pahrēzišn ayāb ǰuttar
ēn and tis ā =š ǰuttar dar brīdan ud sag pad rāh burdan
ud brahnag burdan ud tan šustan ud yatā_ahū_wayryō =ēw guftan
ud abārīg nasāy dar brīdan ǰud_dādestān pad =iš
dar brīdan pad abārīg nasāy čiyōn
sōšyans kadag_xwadāy kadag_bānūg brīdan rāy guft kū tā xwarrah bērōn bē nē šawēd čē =š pas xwarrah ī mān abāg bē šawēd
ud gōgušnasp guft ay bē bēgānagān sagān rāy tā harw kas =ēw rāy ōh brīnišn
ka abr ēdōn abar_iz asmān ēstēd ī wārān bīm kū andar gīrēd nasāy bē burdan rēmanīh wināh bawēd ayāb nē
nē
ka andar rāh wārān gīrēd ēg =iš wināhgārīh čiyōn
wināhgārīh nēst
ka gyāg ēw aškōb kū =š nasāy pad =iš frōd nihēd ā =š ān gyāg frōd nihišn
ka =š nē hilēnd andar aškōb frāz nihād ēg =iš čē kunišn
abāz ōh pas nē pādixšāy āwurd u =š ōh pēš barišn
ka hamē barēd ka sar ayāb pāy ōh hazzān rōn kunēd šāyēd ayāb nē
sar šāyēd pāy nē šāyēd
ka abāz ōh pas barēd čē rāy nē šāyēd
bīm ī paywēšag rāy
ka wārān būd ēstēd
gyāg nam ud tarr pādixāy burdan ayāb nē
ēdōn =iš abar pādixšāy griftan ka dānēd kū =m gyāg hušk xūb bē tuwān kirdan
ka =š bē_ō gyāg burdan wārān nam ud gyāg ī hušk nē ayābēd čiyōn frāz pādixšāy nihādan
ēdōn ruwān dōstīhātar ud weh šāyēd ā =š bē nihišn
abarg guft ēd kū hazzān az āb purr ēstēd ā =š andar pādixšāy abgandan čē =š
gyāg xwad
kē nasāy pādixšāy burdan
harw ān kē pahrēzēnd nasāy dānēd
ēw_bar zan ī daštān nišistag armēštom ud aburnāyag šāyēd ayāb nē
hamāg ka dānēnd ud xūb pahrēzēnd šāyēd
ka hamāg nihuftag ēk hamāg āhuftag barēnd šāyēd ayāb čiyōn
hamāg nihuftag ud nē hamāg āhuftag ǰud az ān nasāy ī az kadag bē āwarēnd
ēnyā nē šāyēd
dō pad ēk bār šāyēd mardōm nē šāyēd
mardōm =ēw ud sag =ēw šāyēd ud sag sag was šāyēd
pad tanīhā burdan ud pad pixag šustan šāyēd ayāb nē
ǰud pad a_čāragīh ēnyā nē šāyēd
pad šab ud pad stōr ud andar wārān čiyōn
pad wārān bīm ī margarzānīh rāy nē barišn
ud pad šab nē barīšn
weh ka ēdōn bē barēd ī ka ēn abāz bawēd ōh gyāg rasēd
ka ō gyāg rasēd anī gāh nē grift andar hazzān nē pādixšāy burdan
u =š frōd nihišn tā rōz bēd
u =š pas gyāg =ēw xwēš pahrēzišn
pad stōr pad a_čāragīh šāyēd
ān zamān pādixšāy burdan ka pad mardōm pahrēxtan nē šāyēd
ka pad tis =ēw frōd bandēd āguxtag barēd čiyōn
mardōm nē šāyēd sag šāyēd
ka hamāg āhuftag nē pādixšāy
ǰāmag abgand čē gōwēnd
nē bē agar ān kē =š pad =iš andar bē murd pad ān bē burdan šāyēd
ka nē bawēd čē pad =iš murd ēstēd pad kartās ud kāk tan pōst tā dār šāyēd
pad wastarg ī tadag garān_wināhtar
ud sag brahnag =iz šāyēd burdan
ka =šān nasāy bē pahrēxt nabānazdištān ī ōy gōšt pādixšāy xwardan ayāb nē
bīm ī az paywēhag rāy se rōz nē pādixšāy hēnd xwardan
andar ān se rōz pad nāmagānīh ī ōy ēč gōšt nē pādixšāy hēnd uzīdan
u =šān pad pēm ud panīr ud tis =ēw az ēn gōnag ud drōn bē sāzišn
pēšagsīr gōwēnd tā ēn andar ān se rōz gōšt ī tābag pad kār nē kunišn
mēdōmāhīgān gōwēnd ay tā rōz ī čahārom gōšt uzēnag nē pādixšāy hēnd kirdan
pad nāmagānīh ī ōy gōšt nē sāzišn
ka =iz sāxt ēč uzēnag nē kunišn
dād_farrox guft ēw nē sāzišn ud ka sāxt uzēnag pādixšāy hēnd kirdan
nasāy ī wišuftag brahnag burdan čiyōn
ān kē =š handām pad handām čihrīh ī mardōmīh paydāg ud pōšīd barišn
u =š rōšnīh rāy sūrāg =ēw pad =iš bē kunišn
ān ān =iš čihrag nē paydāg ast pārag pārag wišuft ēstēd ka =iz brahnag barēd nē ǰuttar
nišastag burdan čiyōn
ka tan čihrag kālbod ī mardōm paydāg brahnag nē barišn
ka =š čihrag kālbod nē paydāg ka =iz bē sag dahēd šāyēd
kē ǰāmag abar nasāy abganēd u =š pad =iš bē barēd ǰāmag čiyōn
ān ǰāmag kē =iz hazār_tanag ast hamāg a_kār
ud čand ān ī ēk tan wastarg ī tadag ayāb pōstēn
hazār pad abar_zanišnīh abar zanišn asp aštar ud hazār srōšōčarnām
ka čand ān mard pāsbānīg
u =š čahār_sad pad āb_āhanǰišnīh abar āb āhanǰišn asp aštar čahār_sad
srōšōčarnām
rist pad čē bē barišn
ka gāhūg ī āhanēn ast pad ān barišn
ud ka ān nēst pad dār ī tar barišn
ka pad =iš bē barēnd ud abāz āwarēnd pad kār šāyēd ayāb nē
āhanēn šāyēd
ud dār ī tar pad pas abāz nē āwarišn
ka gyāg amaragānīg ān gyāg kū nasā frōd nihēd ka wahāg bē nē dahēd šāyēd ayāb nē
pad čāštag =ēw pēšagsīr gōwēd ēw gyāg pad wahāg xrīdan
abestāg fradāg guftan
drōn pad nazdīkīh hazzān yaštan nērang =ēw pōryōtkēšān
pad čāštag ī mēdōmāhīg gōwēd ēw ōh abāyēd kirdan
kē nasāy pad ātaxš sōzēd pazēd brēzēd ēg =iš dādestān čiyōn
ka =š abar frāz rasēnd ǰud az wizīr ī dādwarān bē pādixšāy ōzadan
naxust ōy ōzadan pas nasāy pahrēxtan abāyēd
kē ān mard ī nasāy_pāy bē ōzanēd ahlaw u =š hamāg wināh az bun bē šawēd
az abestāg paydāg
bē ān ī nasāy_pāy bē ēd zanēd
bē zadan ōy bē dēg =ēw barēd bē_ō ān ī ul dāštag tōhm
hamāg margarzān ēdōn ast ayāb ast ǰuttar
ǰud kūn_marz ud rāhdār ud nasāy_pāy tā margarzān hamāg pad wizīr ī dādwarān ōzanišn
ēn =iz ān bawēd ka andar wināh
tā ka az wināh bērōn ā =š pad wizīr ī dādwarān ōzanišn
wehšābuhr ēwāz rāhdār guft
ā =š ān zamān guft ka andar wināh dārēd andar ahlaw kirdan nē šāyēd
ka ōh pazēd ud ayāb ōh brēzēd ēg =iš wināh čand
ka ōh pazēd ka andar āb abganēd margarzān
ka =š čarbišn bē hilēd ēk didīgar ōh bawēd
ud pad harw srešk =ēw ul āyēd ul ōh āb rasēd ēk =ēw ōh bawēd
pad harw srešk =ēw ō ātaxš rasēd ēk =ēw ōh bawēd
ka ōh brēzēd ēd ka ēw xwarg rasēd ēd ka ēw brāh rasēd hamāg ēk =ēw ōh bawēd pad tabišn
ān zamān bawēd ka xōn bē wardēd
nasāy ī zīndagān ka ǰud_kardag ān =iz ēdōn bawēd
ka ēw_kardag pad ān zamān bawēd handām a_kār bē kunēd
akārīh ī ēdōn ka =iz ayāb ud grihag =ēw a_kār bē bawēd grihag ī angust ham ēdōn
ēn nasāy brēzēd pad ǰāmag kē nē bawēd
ka pad ǰāmag =ēw bē brēzēd pad ātaxš nasāy_brēzīh ayāb nē
bawēd ud abēr bawēd
ēn nasāy_brēzīh pad ān ǰāmag nē bawēd ī nē andar paymānag
ud tā harw ǰāmag =ēw andar paymānag
ātaxš ā =š nasāy_brēzīh pad =iš ōh bawēd paymānag =ēw čand
ī čiyōn abestāg gōwēd
mēdōmāhīg guft ay pad =iš ǰud tis kār abārīg čiyōn kē pad harw tis =ēw kār
ān čiyōn dēg =ēw ud tanūrag =ēw ud andar ēn paymānag
ka āhan =ēw garm pad nasāy frāz nihēd nasāy_brēzišnīh bawēd ayāb nē
nasāy_brēzišnīh pad ǰāmag nē bawēd
paymānag ī nasāy ādur brištan čand
hambun =iz abāz pazēd ayāb brēzēd
gōgušnasp guft ay ka tabišn pad ān paymānag ī ast ā ōh bawēd
ka ul āyēd ud ul ōbadēd nōg margarzān nē bawēd
pad hixr ī poxtan čiyōn
bawēd
pad harw bār =ēw ka ul āyēd ul ōbadēd ōh bawēd
mard =ēw kē pad wiyābān a_wiškar gyāg kū mardōm mānišn
nēst
pad nasāy ī sag nē wēnēd rēman bawēd
u =š kār ī warzīdārīh abāyēd kirdan yōǰdahrgar nē windēd čiyōn bawēd
sīh =iš bār pad frāz_šōyišnīh ud sīh bār pad abar šōyišn kū dast abar bē mālišn
ēg =iš bē šōyišn
ka
ōh ābādānīh ud gyāg rasēd ēg =iš pad baršnūmgar ābāz šōyišn
tā pad baršnūm ud šustan ā =š az āb ud ātaxš kamag pahrēzišn
ka nasāy ī sag_dīd čiyōn bawēd
ān ī ān sīh bār ēn pānzdah bār u =š pahrēz ān ī ham
agar abāz nē šōyēd šāyēd ayāb nē
az man =iz bē nē šāyēd
ēn šāyēd u =š ēč handām pad =iš nē āwarišn čē harw šōyišn ī pad dēn ǰudāgīhā guft ēstēd
čē =š ēn =iz abar gōwēd kū =š ān ī aɣrī ābar_šōyišnīh
ān kē =š zand kū =š ān aɣrī ābar_šōyišnīh ān ka =š pad baršnūm bē šustan bē kunišn
pas kē baršnūmgar nē windēd u =š pad ēn paymānag ī bē šōyišn ī pad abestāg gōwēd
ka =š pad ān paymānag ī bē šust harw čē kam šāyēd
harw čē kam šāyēd ā =š ōh āb ud ātaxš ham_karzag bawišn
harw ān ka nē kunēd u =š tuwān ēg =iš wināh ī āb ud ātaxš ōh bun
ud yazišn ī yazadān pādixšāy kirdan
ka āb ud ātaxš ud urwar ud mard ī ahlaw yazišn nazdīkīh ud urwar tōzišn andar ō bun bawēd
ka purdēnēd ud kū bē frašnēd pas ka nē purdēnēd ēg =iš andar druzōmān ēstišn ast āškārag andar dušox
ān ātaxš ī nasāy_pāy ā =š čē kunišn u =š čiyōn pahrēzišn
nō maɣ pēš bē zamīg bē kanišn az maɣ ōh maɣ ēd widest =ēw
u =š ān ātaxš ul ōh maɣ barišn u =š bē abrōzišn u =š pad maɣīhā esm frōd nihānišn
u =š brāh ī maɣ ī fradom ōh ān ī didīgar barišn
u =š ān ī fradom bē hilišn tā bē afsārēd u =š az ān ī didīgar ō ī ān ī sidīgar barišn
ham pad ēn ēwēnag ōh pēš barišn tā pad harw nō bē āyēd ēk ēk ō afsārišn
u =š pas bōy ul nihišn bē_ō ī nazdīkīh ī ātaxš ī warahrān barišn
u =š dwāzdah yazišn ī pad nērang bē dahišn u =š frāz ōh ātaxš ī warahrān barišn
ka maɣ bē kunēd u =š ātaxš abar kunēd ān ī did ham čiyōn hamē abrōzēd
ēg =iš ātaxš abar kunēd tā harw maɣ =ēw ham_ēdōn frāz ō pēš hamē barēd šāyēd ayāb nē
čē =š nērang ān ī ka nō maɣ pad ēw_bār bē kanēd pas ēk ēk ōh afsārēd
ēwēnag šāyēd
ka ēk widest kam ud wēš bawēd šāyēd ayāb nē
ka ēw widest wēš bawēd ēg =iš ātaxš ōzadan ōh bun
u =š ātaxš afsārdan xūb
ka kam ā =š ātaxš ōzad ō bun nē bawēd enyā ātaxš afrāsdan nē
xūb
ka ātaxš ī warahrān nasāy_pāy bawēd čiyōn kunišn
ast kē =š guft ay bīm ī margarzānīh rāy nē afsārišn
ud ast kē =š guft kū ōh afsārišn
ā =š pad pašn pasēn guft kū ōh afsārišn ēg =iš nērang ān ham bē ādur kirdan ud šustan
pad pādyāb dāštan az ādurgāh ōh ādurgāh nigerišnīgīhātar kunišn
nigerišnīgīhātar čiyōn kunišn
ēdōn =iš kū dārag pad paymānag rāst bawēd tā =š ham afsārdan xūb
u =š ham ātaxš ōzadan rāy margarzān ōh bun nē bawēd
ā =š pad wāš pasēn abēgumānīh afsārišn
rōšntar abāyēd
ō wehšābuhr ī hērbed ī sagestān pursišn kū =š pad sagestān čiyōn afsārdan
kē =š wināh ōh bun nē u =š kirbag az afsārdan ōh bawēd
ka =š bē šust u =š abāz ōh gāh nihād ēg =š mizd čand
and čand ēg =iš mizd čiyōn
ka bēwar ātaxš ī ādarōg ō ān ī dādgāh abar burd hē
ka dō ātaxš ī nasāy_pāy ī pad ēk maɣ bē afsārēnd šāyēd ayāb nē
ud ka harw dō ēwar ayāb warōmand
u =šān ēwarīh warōmandīh ēw_tom šāyēd
ēk ka ēwar ud ēk warōmand ayāb =išān ēwarīh warōmandīh nē ēw_tom ud ǰud_ǰud šāyēd
ud ka nasāy ī gandag ī tar sāl murd frāz pahikafēd rēman bawēd ayāb nē
nē
az abestāg paydāg
čē nē hušk az ān huškīh abyōzēd kū mardōm rēman nē kunēd
čē agar hušk az ān huškīh abyōzīhīd būd hē pad tēz_rawišnīh ēd kū tēz būd hē
ān ī man harwist axw ī astōmand zad_xwāstār ī ahlāyīh kū =šān rāh ō kār ud kirbag kirdan zad būd hē
harwisp dād ō ruwān kū =šān ruwān andar dušox xrōsag ud xwist būd hē
tanāpuhlagān margarzān būd hēnd az frāyīdīh ud az wasīh ī awēšān nasāy kē abar pad ēn zamīg widerēnd
huškīh ud tar sāl rasēd ud sag_dīd hamāg ǰumbīdan ēg =iš abāyēd ayāb nē
sōšyans guft ay ēn nasāy ī hušk tar sāl rasīd ham_karzag būdan nē ǰumbēnīdan
tis =ēw nēst
ka nē huškīh ud tar_sāl_rasīh nē būd hē ā =š bē gōmēz ud āb šōyišn hē ud ka hamāg ǰumbīdan margarzān
abarg guft ay harw =iš aw =iš ōh abāyēd huškīh ud tar_sāl_rasīh ud sag_dīd
mēdōmāhīg guft hād sag_dīdīh nē abāyēd
kē =š nasāy ī sag_dīd pad =iš abāz pahikafēd ī sag bē widird ayāb mardōm pāk bawēd ayāb nē
agar az nasāy anabar ast ī sag =ēw kirb_xwar ud way ī kirb_xwar
az abestāg paydāg
ēg ān ī xwēš_tan abar ēd yōǰdahrēnēd pad nō maɣ ud abar ēdōn ēdōn yōǰdahr
agar ān nasāy nasuš abar ast sag kirb_xwar ud way ī tan_xwar
ēg ān ī xwēš_tan abar ēd yōǰdahrēnēd pad gōmēz pad =iz āb abar ēdōn yōǰdahr kū pāk
gyāg kē nasāy ī anērān pad =iš šust ēstēd bē hušk ēstēd ēg =iš pākīh ud yōǰdahrīh čiyōn abāg rasēd
ka =š nam pad =iš frāz šud ēstēd
ka āb pad =iš frāz šud ēstēd bē raft ēstēd ēg angust drahnāy bē kanišn
ka gyāg gabr kē =š āb andar abāz ēstēd bē raft ēstēd ēg angust drahnāy bē kanišn
ka gyāg gabr kē =š āb andar abāz ēstēd āb pad ān paymānag ī mard masāy nēst
ud šnūg_bālāy frāz kanišn
ud ka āb pad ān paymānag ī mard_masāy mard_masāy frāz kanišn
ka āb pad ān paymānag ī bē ō wāš ēwēn gyāg pahrēzišn
ka nasāy az =iš bē šud abāg āb ēdōn gumēxt ī =š tan nē paydāg
ēg =iš dištīg xištag ēdōn bē pahrēzišn čiyōn nasāy
ka nasāy tan paydāg ān and čand tan paydāg
xištag_drahnāy ham_ēdōn bawēd hamāg pērāmōn ēdōn bawēd
ka ān murdag kē šōyēnd rēš pad tan wēmārīh
andarōnīg rāy xōn nāydāg
muhrišn pad āb paydāg bēd ān =iz ēdōn
dārišn čiyōn hixr ī murdagān pad nasāyīh warōmand
ka āb andar ō čāh ī hušk ud ayāb čāh kē =š āb andar šawēd ayāb čāh =ēw pad ēn kār rāy frōd kanēnd čiyōn bē šōyēnd
bē hambārēnd ān gyāg bē ō gyāg weh_dēnān bawēd ēg =iš čiyōn pāk abāg bawēd
ka sāl_drahnāy pad =iš bē šud
ka =z hixr ī murdagān ō ān rasīd ēstēd gyāg namgēn pad pōsīdag dārišn
ud ka gyāg nē namgēn pad se sāl pad pōsīd dārišn
ud ka gyāg kē pad huškīh ēdōn čiyōn gyāg ī garmsār ī az drayāb ud xānīg ud rōd ud āb
abēr zamīg dūr bē kanišn bē pahrēzišn čiyōn
azabar nibišt pad gyāg pāk
ud ka gyāg ud pad āb būd rōd ud rōdag kadag mehmānag andar harw dō ōh baxšišn
ud ka gyāg az ān ī anērān xwēš tis pad =iš kirdan nē šāyēd
ēg =iš az =iš ōh pahrēzišn
ud barsom ud abārīg pādyābīh se gām aw =iš nē barišn
ud mard ī ahlaw kē ō ān gyāg šud nē dastwarīhā šawēd
nē dastwarīhā šud rāy framān =ēw wināh
kē =š handām ī tarr abar rasīd hixrōmandīh
kē =š ān ī hušk abar rasīd ēdōn čiyōn wars nāxun ī hušk ud ka bē āb bē šōyēd pāk
pad čāštag ī pēšagsīr pad āb nē pādixšāy šustan
ud ka pad nasāyīh warōmand ā =š
auuasānō_razaiiā bē kunišn
u =š pad ān paymānag ī xišt bē kanišn
u =š pas ka ān paymānagīh pad =iš bē āyēd gyāg ī ān ī namgēn a_šāyēd
ka nē namgēn ā =š šnūg_bālāy bē kanišn
ud gyāg saxt ham šnūg_bālāy
ud ka gyāg sust mard_bālāy bē kanišn
ud ka saxt srešk ēw xištag
ka narm ud abārīg ān ham šnūg_bālāy
ud ādurestar ud dōs ud dār ud srū ī ān gyāg u =š āb aw =iš rasēd a_kār ud abārīg šōyišn kār
ast dastwar kē ēdōn gōwēd hād čiyōn ān hixr ī paydāg kū bē pad āb ī ātaxš tā
harw tis =ēw rēmanīh ān ī keh ka zamānīg ka bē šōyēd ud pad gyāg bē kanēd
ka ān and čand nam frōd šud ēstēd bē šust pad gyāg pāk
ud ka āb pad dēwār rēxt paššīnǰīd ēstēd bē tāšišn
kē ēwar dānēd kū mard ēd ī anēr nasāy ǰūd ēstēd weh_dēn frāz pahikōbēd rēman bawēd ayāb nē
agar andar hāsr ī nasāy ī murdagān kē gyāg ud xānag ud mard zanēd pad rēman dārišn
ka ǰuttar nē pad rēman dārišn
agar ēdōn kū nē az ǰūd_rīsīh xward čiyōn tis =ēw kē =š andar ō dahān šawēd
pad gōwišn ī rōšn_ohrmazd pad gyāg bē gugārd dārišn
ud ast kē tā se rōz ud pad nē gugārd dārēnd
ud az man bē agar kas az ān kē gugārišn paydāg u =š zamān paydāg u =š ān zamān
padiš bē mad ēg =iš pad gugārd dārišn
ka =š zamān pad =iš bē āyēd pas bē mēzēd tan ī nasā paydāg ud rēman
ud ka =š tan nē paydāg ud wizīr pad rēmanīh nē bē =š tan pad gōmēz āb šōyišn
ka xward tā se rōz pad dahān dāram kū =š az =iš ōh pahrēzēnd
gaz ud wazaɣ rēmanīh čiyōn
nasāy ī gannāg_mēnōy u =š dādestān ān ī grāytom hixr
pad āb ud ātaxš tanāpuhlagān
ka nasāy az xānag bē pahrēzīd hēnd ud awēšān nasāy_kešān abāz ōh šahr
mayān ī mardōmān āyēnd u =šān tan nē šust ēstēd šāyēd ayāb nē
bīm ī paywēhag rāy ka xwad nē šōyēd frāz ōh se gām ī nasāy ud hazzān astōdān šawēd
ud ka frāz rasēd ēg =iš petyārag abar rasēd
pad rēš ī xwad nasāy_keš wināhgār ud paywēhag bē mīrēd margarzān
ka ō šahr mardōmān rasēd u =šān tan nē šust ēstēd
kē awēšān šahrīgān ēk paywēhag abar ǰahēd pad ān rēš wināhgār hēnd
ud nasāy_kešān sālār bē framāyišn tā gōmēz ud āb ō gyāg ī sazāg āwarēnd ud nasāy_kešān bē šōyēnd
ud pas mayān ī wehān pādyābīh ud gyāg ī pāk āyēnd
ka sag pad ān rāh kū nasāy az xānag burd ēstēd nē barēnd mardōm pad =iš bē āyēnd šāyēd ayāb nē
nasāy tā čē sāmānag
nē sag awēšān abāyēd burdan kē =šān nasāy andar sālārīh
ud ka nē barēnd ā =š paywēhag wizend ǰahēd ō bun ī awēšān
ka pad gyāg ī sag āsrō mard bē barēnd yatā_ahū_wayryō kem_nā mazdāy gōwēd šāyēd
az abestāg paydāg
sag ka pad stahm frāz nimāyēnd nasuš zanēd ayāb nē
nē
ka pad frēb barēnd zanēd ayāb nē
ā nē
pad ān rāh kē nasāy az xānag pahrēzēnd sag čiyōn abāyēd burdan
mēdōmāh tar pahnāy rāh
ud abarg tar drahnāy ī rāh guft
ka =iz nasāy ēdōn garān bēd burdan dušwār frōd nihišn ud sag bē ō hazzān barišn
ud andar hazzān pērāmōn andarōn bē gardenišn
abāz āwarišn ān nasāy sag bē nimāyišn
ud ul gīrišn bē barišn nasāy sabuk bē bawēd
ka ast =ēw ayāb pid =ēw ayāb pōst =ēw pad zamīg ēstēd nē dānēd kū sag ud mardōm ayāb gāw ud gōspand pad čē dārišn
ān gyāg andar nazdīkīh ī hazzān ī astōdān ēd ēg dīd pad ān ī sag ud mardōm āwarišn
ān gyāg kū gyāg ābādānīh pad ān ī az gāwān ud gōspandān mehmān
pad ān ī gāwān ud gōspandān dārišn ēd ēg dīd ēw_sānīh ud šaš gām
zan ī daštān ka pad nasāy frāz pahikōbēd bē ǰumbēnēd ā =š rēmanīh ud margarzānīh čiyōn
ēw_bar ōh bawēd margarzān pad nē grift guft ēstēd
az man bē rēmanīh rāy ī margarzānīh
ud margarzānīh rāy rēmanīh kem nē bawēd
pad zamīg ī sōrag ka =š nasāy abar barēnd šāyēd ayāb nē
hamē ka =š nam pad ān paymānag ast ī ka =š gōspand pīh pad =iš bē abganēd
pīh ī gōspand pad zamīg paydāg bawēd ēdōn čiyōn āb ka =š pīh pad =iš paydāg bawēd
hušk ēstēd šāyēd
ud pid ud kēr ud namēg ud zīfag kē =š nasāy aw =iš barēnd čiyōn
ud pid kēr ud namēg čiyōn āb
namēg ud zīf ag =iz ka az bun zan bē nē āwurd kē =š nasāy abar barēd ēdōn čiyōn kē ō āb barēd
ud zīfag ka az bun bē āwurd ēk šust
nasāy ō kadām gyāg nē pādixšāy burdan
ō zamīg ī pahrēz ān ī
apiərəϑōm nē pādixšāy burdan
apiərəϑōm
ēn srāy ud bān abēr ī rāh ī šāh ān ī čiyōn hušk rōd =ēw gabr =ēw kē =š āb frāz aw =iš gardēd
ēdōn bawēd čiyōn pahrēz
pōst ī samōr ud sanǰāb ud palang abārīg xrafstar az ēn ēwēnag padixšāy dāštan ayāb nē
garmōgīh rāy ī pādixšāy dāštan
ka ōh wirāyēd ēg =iš pad āb ī tan tōhmag wirāyišn
ud garmōgīh rāy andar paššinǰ pādixšāy dāštan u =š az āb ōh pahrēzišn
wastarg ī hixrōmand ud daštānīg dast ī šabēn ud zan kē az daštān pāk bē bawēd
u =š bē abāyēd šust
ka frāz ō wārān nišīnēd šāyēd ayāb nē
ud ka =š abar wašt pāk bawēd ayāb nē
ān ī čiyōn sar ud duǰ_gōn wastargīg ī hixrōmand ud ān ī daštānīg ud dast ī šabēn
abārīg az ēn ēwēnag
ka pēš az ān ī ōh wārēd ka =iz abr frāz ō wišādag pādixšāy nihād
ka =š abar wašt pāk
ka andar wārānīg frāz abganēd ēdōn čiyōn ka andar āb abganēd
ud zan ī daštān pāk bē bēd ēstēd
mēdōmāh guft ay harw ān gyāg kū pēš az wārān pādixšāy nišast andar =iz
wārān =ēw pādixšāy
ka =š hamāg tan abar wašt pāk
abarg guft ay andar wārān nē pādixšāy
kē =š pad pēšag šust ēstēd u =š nō šabag bē nē dāšt
kār =ēw pad dast ud pāy hamē kunēd
ān kē abāg ham_karzag bawēd dādestān čiyōn
harw kē abāg ōh ham_karzag bawēd pad gōmēz ud āb bē šōyīšn ǰud dārēn
dōsēn sangēg čē ān ī a_kār ud mardōm =iz ham_gōnag pad gōmēz ud āb šōyišn
ud ka dōk =ēw hamē rēsīd pas pad gōmēz ud āb bē šōyišn šāyēd ayāb nē
pad čāštag kay wašām ēdōn čiyōn ka rēman
ā =š xwarišn xwarišn ayāb ǰuttar
ǰuttar
čē =š pad čāštag wašām dast pad gōmēz ud āb xūb bē šōyišn
ka =š yašt kird ēstēd ka wāz windēd
ā =š wāz gīrišn ud ka nē
mēdōmāhīg barsom ōh čīnišn u =š drōn ōh yazišn
abargīg ēg =iš iϑā ašəm_vohū gōwišn
ka =š dast bē šust u =š nān xward ēg =iš ō āb ud ātaxš kirdan ayāb nē
nē pādixšāy
ka kunēd ēg =iš tanāpuhl pad bun wazēd
agar =iš dastwarīhā kird
abar ātaxš čiyōn bawēd
ka kas =ēw pāk nē mad ēstēd
ātaxš nizārīh ēdōn mad ēstēd ī =š az murdan bīm
dast bē šōyēd bē abrōzēd šāyēd
šāyēd
niyāyišn šāyēd ka kunēd ān ī xwaršēd
ātaxš ī warahrān nē šāyēd
u =š gāhānbār ud rapihwin ōh yazišn
ka pad se rōz tan bē nē šōyēd čand rōz bē bawēd pad dō bār bē šōyēd šāyēd ayāb ēk bār was ayāb ǰuttar bawēd
u =š ǰāmag harw bār ōh abāyēd šustan ayāb ka nē šōyēd šāyēd
ka was rōzgār bē bawēd bē šōyēd pas =iz harw ka bē šōyēd ēg =iš pad ōh āyēd
ud az ān frāz ēg =iš se rōz ī didīgar bun az ān gāh gīrišn
ud wastarg mēdōmāh guft ay harw bār =ēw bē šōyišn
abarg guft ay ka bār ī abdom šōyēd šāyēd
az man bē az ān čiyōn
ka harw bār =ēw ēg =iš nōg ud pākīh abar rasēd
wastarg abganēd ka rōz ī abdom šōyēd šōyēd šāyēd
haštom pargard ǰud_dēw_dād
aburnāyag ka pixag_šnās bē bawēd ǰāmag ī =š andar ān zamān ī rēman būd ā =š dāštan
ān ī nūn ka pixag_šnās bē būd dārēd ēg =iš dādestān čiyōn
agar ǰāmag ī =š andar ān zamān dāšt ka pad nasā frāz pahikafēd
ǰāmag abāg nasāy ham_karzag nē būd ǰāmag nē rēman
ka nē ǰāmag rēman
čē ka =š dādestān ēdōn kē nē rēman hamrēh ud pedrēh nē kunēd
ud pēšagsīrīg pad rēman dārēnd
ān ī nūn ka pixag_šnās būd āyēd nē rēman
ān ī pad xšauuaš_mā̊ŋhō
ud ān ī nūn āyēd ēg =iš pad gōmēz ud āb šōyišn
kē daštān pad āb bē šōyēd ēg =iš āstār wināh čand
and =iš wināh bawēd čiyōn ka =š hamāg ī āb andar gēhān pad bun bē āwāsēnīd
hē ud ān ī haft kišwar ēg =iš wināh ōh bun
ka =š ēn wināh ōh bun bawēd ān ǰeh tōzišn ast
u =š anī =iz petyārag wināhišnīh dām ī ohrmazd az =iš bawēd
u =š wināhišnīh ohrmazd dāmān čē aziš
tōzišn =iš ast
u =š wināhišnīh zīndagīh dard ast waštagīh ud wēmārīh ud garr ud ābilag sōz ī garm ud xāyišn abāz dard ud afsārišn ī tab ī sard asāg ud wāmag ud wāmag ud wānīzag
pad wēnišn ud pad pānzdah gām ud se gām bawēd ayāb nē
pad dīd ī āb framān =ēw wināh
ud pad pānzdah gām ham framān =ēw
ud ka hamāg tan pānzdah tanāpuhl
ka srešk =ēw āb ō tan ayāb grihag =ēw bē_ō āb barēd ēg =iš tanāpuhl ō bun
ud ka grihag ēk ud sōg =ēw bē āwāsēnēd ēg =iš ǰud_ǰud ō bun
hamā_paiiat̰
kē ēd wizārēd kū ōh ham ayābēd wāhmān
rōspīg =ēw ī kē hamāg bē kird nūn purr bawēd bē_ō tanāpuhl bawēd ayāb bē pānzdah tanāpuhl bēd
pad =iz wars ud nāxun ōh bawēd
pad wārān harw srešk =ēw ōh bawēd
ātaxš ka =š dast ī rēman ān ī pad šab ka az būšāsp abar āxēzēnd frāz aw =iš
kunēnd ēg =iš wināh čand
ēdōn čiyōn mard kē zarmān kē azabar nasāy bē abganēnd gandag ud pūdag
u =š azēr nasāy_nigān bē kunēnd ān mard zarmānīh rāy azēr nasāy bē āmad nē tuwān
az abestāg paydāg
didārēnēd ōy ātaxš ī ohrmazd čiyōn mard duš_zarmān kē =š zarmānīh ō gyān mad ēstēd u =š az abardar zamīg nasāy abar bē pargand ay kū =š abar frōd āyē
nē =iz pas ān mard az ān gāh anāstār hē kū frāz šud nē tuwān hē
ud pad frāz_šawišnīh ud nē ō pas pad abāz_šawišnīh se gām
āb kē =š daštān pad =iš šust ēstēd pad āfrīn =ēw mard ī ahlaw kē =š šnāyēnēdārīh ud hu_framānīh ud pahrēz gōwēnd ud ā =š drustīh ud bēšāzišnīh abāz rasēd
nē
az abestāg paydāg
nē āb mard ī ahlaw pad āfrīn wēš kunēd
kū =š āfrīn ēd kunēd u =š dušwārīh bē nē wizārd
nē ka hu_framānīh frāz padīrēd kū =š pahrēz bē gōwēd
pas ēg =iš dušwārīh čiyōn bē wizārd u =š bešāzīh abāz rasēd
pad yazišn ī yazadān
az abestāg paydāg
bē kē awēšān mardān kū ō āb dahēnd ēn tis ī ō pēš gōwēd
hōm ī hunīd ī zōhr ī kird ēstēd kē pēm ud ǰīw ayāb panīr
andar awēšān urwar kē guft kū ayābag urwarām āb =iš andar
čē =š kird bawēd kū šnāyišn bēšāzišnīh abāz ō āb rasīd bēd
yazišn =ēw pad nērang ī xūb bē kunēd zōhr bē_ō āb dahēd
az abestāg paydāg
zyānag ka =š ēn bē kird ēg =iš tōzišn kird bawēd ayāb nē
nē
čē =š hazār zōhr ī hōmōmand ud ǰīwōmand ā =š andar āb abāyēd rēxtan
u =š dah yazišn ī pad zōhr ī ātaxšān kē zōhr ud ǰīw pad =iš ōh ātaxš abāyēd burdan
ān zōhr
yōǰdahr nigerīd ī mard ī weh ī frārōn kird ēstēd
u =š ēw_sad puštag esm ud dō_sad puštag esm ī hušk ī bē ō ātaxš ī warahrān abāyēd burdan
u =š tan masāy xrafstar ī ābīg hazār maxš ī ērang syā dō hazār anagr bē abāyēd ōzadan
u =š dah mard ī tišnag ud gursnag sagr abāyēd kirdan
u =š pad abar_rawišnīh hazār abar ēw āguzēd asp aštar ud hazār srōšōčarnām
ēn tōzišn kē framūd abāyēd
ka nē kunēd ēg pad ruwān čē bēd
rad ī andar mān framūd abāyēd ka nē kunēd āškārāg =iš gyāg dušox
az abestāg paydāg
ēdōn ōy tōzišn bē ēd nigēzēd agar nē dahēd kū bē nē wizārd ā =š andar ēw druzōmān āškārag ud ast ēstišn rōšn kū =š gyāg ānōh
ēn =iš tōzišn kē hamāg tan bē_ō āb barēd ayāb srešk =ēw āb pad tan ī daštān abāz
paššinǰēd ēg =iš bē abāyēd kirdan ayāb ǰuttar
ka hamāg tan bē āwāsēnēd ēg =iš pānzdah tanāpuhl
ud ka =iz handām =ēw guft ēg =iš grihagān ī angust handām ī guft
ka dast andar āb frōd kunēd ud pad daštān abāz paššinǰēd pad harw srešk =ēw tanāpuhl ōh bawēd
ka pānzdah_sālag ēg =iš čē paššīxt ēg =iš wināh ī hamāg tan ō xōn burdan
pad ān ēwēnag hangōšīdag ō bun
ān tōzišn ī čiyōn pad hamāg tan bē āwāsēnīdan
wizārišn abāyēd kirdan ayāb nē
āsrō sparištīg/spar_dādīg ēw_kardag bē =š wizārišn az ān ī ka hamāg tan and
ǰuttar kū hamāg ka pad ēk tis =ēw gōnag bē xwāhēd ā =š pad wizārd dārišn
zōhr ka nē ō ān āb tōzišn
ka nē andar ān ātaxš bē andar anī ud āb ātaxš ud ka zōhrag hamāg az gōspand
ēg =iš ān dušxwārīh ī az āb bē barēd pad wizārd dārišn ayāb nē
ān ī pad hamāg tan nē bē ān ī ud tagīg šāyēd
bē zōhr čē zōhr ka =iz hamāg az gōspand =ēw abārīg nē ǰuttar
ka =iz nē ōh ān āb ud ātaxš bē andar anī āb ātaxš wizārd ēg =iš pad wizārd dārišn
daštān andar ō ātaxš burdan kār framūdan wināh čand
čiyōn ka =š hamāg ātaxš ī pad haft kišwar zamīg bē frōwēnīd hē
pad srāyīdan kardag ēstām ōh bawēd
ka ēstām pad ēw_dastīg frāz kunēd ēd xwārtar
daštān kē ātaxš wēnēd ayāb =iš frāz se gām ud pānzdah gām šawēd ēg =iš wināh čand
pad wēnišn framān
ka =iz čirāɣ ayāb brāh wēnēd ā =iz ōh bēd
ka frōg wēnēd nē bawēd ud pas se gām tanāpuhl ud pad pānzdah gām framān
ka =š tabišn abar rasēd ēw_kardag u =š yāt bē bun
zan ī nasāy ka pad wināhgārīh andar sīh gām šawēd ēg =iš framān =ēw wināh ud tā se gām wēš nē bawēd
ka andar se gām šawēd tanāpuhl ka =š tābišn abar rasēd
nasāy ī sag_dīd nē dīd nē āmār
čē ka andar sīh gām burd framānīg ud tā se gām wēš nēst pad se gām tanāpuhl
ud ka =š tabišn abar rasēd margarzān
az mard ī ahlaw ēg =iš pahrēzišn čiyōn kunišn
kē =š pursagīh ud se gām az aš ēg =iš pahrēzišn
u =šān a_fšūnišn az mard =ēw ahlaw ham_pursagīh se gām az ǰud_dēw_dād paydāg
ēn petyārag ī daštān ēg =iš paywēhag marnǰēnišn čiyōn
was_marnǰēnīdartar az nasāy kē pad aš hamē zanēd
az abestāg paydāg
čē ast ān druz ēdōn was_ōz spitāmān zarduxšt kē nāyrīg ī daštān petyāragēnēd
čiyōn ān az harwist axw ī astōmand bē pad marnǰēnišn abesīhēnēd kū bē ōzanēd u =š abar bē dwārēd
ast meh =iz ēw čē pad =iz aš ōh zanēd
ka se tan pad ēw gyāg nišīnēnd ēk ēw_bar ud ēk daštān ēk ān kē pad pixag šust ēstēd
u =š nō šabag dāštan abāyēd
ātaxš andar mān =ēw zarmānīh abar rasīd ēstēd u =š az marg bīm
ēg az awēšān rāy kē ātaxš bē abrōzišn
ka az awēšān dō ayāb ēk ān ī grāytar kadām šāyēd ka bē abrōzēnēd
ka az awēšān ēk šāyēd kadām weh
ān ī šāyīg nišistag se bār dast pad gōmēz se bār pad āb frāz ēw šōyēd ō ātaxš
frāz ēw barēd esm ī hūšk ī pad rōšnīh nigerēd
ka ast ān nāmčišt ī ēk_bar ud ēk ān ī rēman daštān
ān az nāmčišt se bār gawag pad gōmēz frāz ēd šoyēd se bar tan pad āb ēw
yōǰdahrēnēd ō ān ātaxš esm frāz ēw barēd
ka ēk ān ī rēman daštān bē hilēd tā ātaxš ī ohrmazd az suy ud sarmāg ranǰ bē widerēd
čē rāy ēdōn grāy ātaxš ī ohrmazd bē abāyēd hilēd tā widerēd nē šāyēd ka bē abrōzēd
ēd rāy čē andar se šabag čahār ēk ān kē dēn ī māzdēsnān dām āhōgēnēd kū pad xēm wattar bē kunēd panǰ_ēwēnag ēwēnag ī āb ud urwar bar wattar kunēd
kē ōy ham mar dast abar nīhēd ēw šab frazānagīh pādīrānēnēd kū frazām ī kār ud dādestān wattar dīd
andar se šabag kē =š pad tan_gumēzišnīh abar rawēd pānzdah šab frazānagīh pādīrānēnēd
ka =š ōh gāyēd ān ahlaw
pas ōh bawēd mērag ud zyānag
zan kē daštān ēg =iš az nīšān daštān būd ud čē ud čand ud čiyōn
ka =š xōn ēg =iš daštān grāy
ud ka =š hambun =iz zardīh ud daxšag zardīh
ka =š xōn hambun =iz wašt u =š nam ēdōn čihrag paydāg ēg =iz daštān az ān gyāg paydāg
az abestāg paydāg
čihragōmand ud daxšagōmand ud zard gōn xōnōmand ān ī grāy
čand =iš hambun =iz čiyōn =iš ēn čē =š ǰud_dādestānīh
ēn harw se gōn ka hambun =iz suxr ayāb zard ayāb gōnag wašt ēstēd
ka =iz ōh sabzīh ud asēmēnīh wašt ēstēd ā =iz ēdōn
ka =š daštān ēn andak ayāb ēwar ud nē nigerēd bē rawēd rāh ud gyāg ud tis ī pad rāh
ka =š pāy abar nīhēd aw =iš pahikōbēd čiyōn bawēd
bē =iz dār ī hušk ī ō esmīh ī
ātaxš windīd ēstēd
čē ān ī warōmand ud ābān ēč tis nē daštānīg ān az ātaxš ī warahrān pahrēxtan
nē pad ān zamān bawēd ka ēwar tā pad gumānīg rēman nē bawēd
pad =iz ēwarīh tā nigerīdan ī pad čašm nē bawēd
az abestāg paydāg
ka bē dānēd kū daštān ēg =iš pad gyāg bē nišīnišn ayāb =iš bē pēš šawišn
ān ī =š pad =iš nišast ān =iš pad =iš abar bē raft ēg =iš dādestān čē
ān =iš pas az dārišn rasēd hamē kunēd ǰuttar bawēd čē ud čiyōn
dānēd ayāb gumān kū az daštān
ēg =iš andar kār ēstišn
harw čē =š az dārišn bē hišt pāk
ud harw čē pad daštān andar bē nišast ān daštānīg
čiyōn
kū =š az dārišn bē hilēd čiyōn kū =š a_dārišn grift u =š andar bē nišast
ka =š pad bālišn daštān bē bawēd az bālišn ō bōb ud az bōb ō šādurwān az šādurwān bē_ō zamīg āyēd
ēg =iš hamāg az dārišn bē hilēd hamāg pāk
ud ka =š pad šādurwān daštān bē bawēd ul ō bōb šāwēd bōb rēman šādurwān pāk
ka pad ardīg ēstēd u =š daštān bē bēd ka pad azabar ayāb azēr āyēd čiyōn bawēd
har dō pāk
čē =š ān hamāg andar dārišn kū =mān āgāh ud šarmgāh dīd tis pāyēd kū =mān ā bē šarmgāh wēnēd šāyēd
pad čāstag =ēw abargīg ēč a_kār nēst
čē =š harw čiyōn =iš ō dānišn rasēd ēg =iš pad gyāg andar kār ēstišn u =š ǰāmag ud tis ī az xwēš ǰudāg bē kunišn
ǰāmag ud tis ī pad tan dārēd pēšīh ud pasīh nē āmār čē harw čē pēštar kunēd
šāyēd
dast ī šabēn ka ō ātaxš barēd ayāb ō ēstām barēd ud ēstām frāz ōh ātaxš barēd dādestān čiyōn
ka ātaxš barēd
xwadāy būd ī sālīg pad āb ud ātaxš tanāpuhlagān guft
mādagwar ān ī ōy pad brāh ud xwarg ōh bawēd
pad ēstām kardag agar dād ēstēd guft ēstēd pad purr_gāh ōh bawēd
rōy ud sar ī wēnīg ud čašm ud azēr ī kaš ud azēr i šnūg ud pāy
az bāmdād ka nē šōyēd ēg =iš wināh ī āb ōh bun bawēd ayāb nē
rān ud sar ī wēnīg ud čašm pad gōmēz ōh šōyišn pad =iz āb
ud ka nē šōyēd yazišn kunēd ān yazišn dādestān čē
dastwarān pad nidom guft hēnd
ud az man bē nē šāyēd
sar ka andar haftag =ēw pad gōmēz bē šōyēd abārīg rōz ka pad āb bē šōyēd pāk
ud hixr ī azēr ī kaš ud šnūg ud pāy harw čē gandag ka pad āb bē šōyēd bōdōzedīh
ī āb ud hixr ī ō āb_barišnīh =iz ōh bawēd
ka nē šōyēd ud gandag ō barsom ud mard ī ahlaw rasēd bē pad čāštag ī nēryōsang ēnyā nē šāyēd
zan ī daštān ka barsom dārēd ud yazišn =ēw hamē kunēd ayāb pādyāb =ēw dārēd
bē hilēd bē šawēd šāyēd ayāb nē
barsom ud pādyābīh rēman nē kunēd
u =š barsom abāz ōh barsom_dān abganišn
u =š pādyāb bē hilišn u =š bē šawišn
ud harw čē =š bē hišt bē šud ǰud agar abāz ōh paymānag āyēd u =š nē nigerīd ayāb andar nigerīd u =š daštān tā a_padyāb nē bawēd
ka =š nigerīd u =š daštān u =š pas nigerīd pādyābīh hamāg pāk
barsom ka bē dahēd u =š xwad aw =iš šawēd ayāb pādyābīh
az ān ī ka čēh andar zamān ka =š gāh pad =iš widašt rāy ān ī bē dahēd šāyēd
ud ān gāh pad =iš widašt šāyēd
ka =š az daštān šust u =š abāz aw =iš šawēd šāyēd
ǰāmag ud muhragōn tis pad tan dārēd čiyōn
harw čē andar ēn paymānag ī čiyōn gumānīg bawēd tā šarmgāh dīd ēwarīh ōy
nē bawēd
ka barsom čīnēd ast čīd ud ast nē čīd gumānīg bawēd
bē šawēd bē nigerēd u =š daštān čiyōn bawēd
šāyēd ayāb nē
ēč ǰuttarīh nēst
rōšn_ohrmazd guft kē ēdōn ruwān_dōstīhātar ka ēk ī nōg abāz čīnēd
ka wāz dārēd u =š gumānīg
ēg =iš ǰāmag xwēš tan čiyōn abāg kunišn
u =š wāz bē gōwišn ayāb nē ud yašt čiyōn bawēd
čiyōn gumānīg bawēd ēg =iš wāz bē gōwišn u =š pad ēw_dastīg kustīg abāz
wišāyišn u =š ǰāmag az xwēš tan abāz kunišn u =š ǰāmag pāk
u =š yašt ēdōn čiyōn =iš būd ka bē šud
wehšābuhr guft ay pad xānag ī amāh ā =šān hamē yašt =ēw nōg abāz kird
andar warōmandīh ka šarmgāh nē nigerīd pādixsāy ayāb nē
ud gōgušnasp guft ay pad =iz ēwarīh pādixšāy
ka gumānīg bē bawēd nigerīdan rāy pad šab ātaxš pādixšāy kirdan ud abrōxtan
ud ka =š nigerēd u_ š daštān sar frāz nē pādixšāy kirdan kirdan
u =š kas pādixšāy rāy framāyišn tā =š frāz kunēd
ka im_rōz danēd kū dīg ayāb dōš daštān būd ēg =iš dādestān čiyōn
ham_karzagīhā az dānistān frāz
pēšagsīr gōwēnd kū abārīg tis az bunīh
ast kē ēdōn gōwēd kū =š tuhīg az bunīh u =š abārīg tis az dānist frāz
mēdōmāh kas kē =š abāg ōy ham_karzag bawēd wastarg kē abāg ōy ham_karzag
bawēd pādyabīh ī andar pānzdah gām ēk =iz nē rēman
ud abarg guft ay pad ēw dāram ka ham_barsom =ēw abāz čīnēd
ka daštān u =š šusr ud ayāb huškān bē āyēd ēg =iš abestāg čamišn gōwišn ayāb nē
bē =š abāyēd guftan ka nē gōwēd nē šayēd
ka hixr az tan ī daštān bē_ō mard rasīd ēstēd čiyōn
dānēd kē az dōš daštān būd
hixr ī az tan ī zan bē_ō mard rasīd ēstēd
pas =iz kas tis abāg ōy ham_karzag ēk =iz nē rēman
mēdōmāhīg pādyābīh ī andar pānzdah gām pad grift ēstēd guft ēstēd
abargīg a_pādyābīh gōwēnd
daštānestān deh ud was kunišn ayāb amaragān ayāb harw kas ǰud_ǰud ōh kunišn
wehān pōryōtkēšān harw kas pad xānag ī xwēš kird hēnd
ud pad čāštag ī abargīg pad amaragān nē pādixšāy hēnd kirdan
mēdōmāhīg ud pēšagsīr pad saxtīh guft ēstēd kū pad amaragān nē kunišn
ud az man bē ēd rāy kū wināh ī rōspīgīh andar ǰastan bīm
ka =š kird ēg =iš dādestān čē pākīh ud rēmanīh čē ud čiyōn
ka a_kār nē grift pāk ud pad hamāg kār
ud ka kār grift ēg =iš tahīgīh rēmanīh u =š frāy ud pēšag ud fragān hamāg hixr ī grāy
ka =iz xānag =ēw ī pad ēn kār bē paydāg ǰud ēdōn bawēd
ka andar xānag gyāg =ēw bē paydāg ǰud ān sōg rēman bawēd
ka nē paydāgēnīd hamāg pāk
ud ka abar_zamīg =ēw pad ēd menišn andar frāz āstārēnīd kū pad daštānestān
dāram ā =iz ān and rēman
az abestāg paydāg
ka =iz wuzurg ud pad paymānag bowandag pad sar =ēw yazišn hamē kunēd čiyōn
ka daštān pādyābīh nē wēnēd xānag hamāg pad daštānestān nē paydāgēnīd ēstēd šāyēd
daštānestān ka anērān bē bawēd bīm wirāstan pādixsāy ayāb nē
bērōn pad āb pādixšāy wirāstan
andarōn ka kand ayāb ǰud šāyēd
ān tōf =ēw bārīk ā =š pad gōmēz ayāb pad āb tan_tōhmag ǰud bē kirdan
ud ān ī abārīg pad āb pādixšāy
ka barsom_dān andar dast dārēd ud pad rawišn ēstēd ud gumānīg kū =m daštān
pad rawišn az dast frōd nīhēd pādyāb bawēd ayāb nē
nē
daštānestān paymānag ī rēmanīh čand ud tā kū =š rēmanīh
pad ēw bār ī naxust ayāb se bār
pad ān ī abargīg pad naxust bār ud pad ān ī pēšagsīrīg pad se bār frāy ud pēšag
ud hamāg tis =ēw hixr ī grāy
mēdōmāhīg ēg =iš tuhīgīh ān and rēman ud pad =iz bālāy ēdōn
ka nē pad daštānestān paydāgenīd ēstēd ēg =iš dādestān čiyōn
ka =š daštān az =iš āmad pad gyāg pāk
ka tōf =ēw pad ēd kār kird ēstēd čiyōn
ka =š daštān andar nišast ēdōn bawēd čiyōn daštānestān
mēdōmāhīg tuhīgīh ān and rēman
pēšagsīrīg =iz ham ēdōn
pādyābīh ī az zan ī daštān pahrēxtan abāyēd ud ka andar paymānag =ēw šawēd ka pad sōg abāz paymāyēd šāyēd ayāb pad rāh ī nazdīktar paymānag abāyēd paymūdan
u =š dēwār anī tis ī pēš āmār ast ayāb nē
pad =iš rāh ī nazdīktar paymāyišn ud az =iš dēwār/anī tis =iz āmār nēst
ēn pahrēz kadām kē =š pānzdah gām andar abāyēd barsom ud harw čē abāg barsom kār ān ī čiyōn zōhrag ud ēbyānghan ud parāhōm ud ǰīw
ka dast pad pādyāb āwāsēnīd ēstēd a_pādyāb nē bawēd
ka nē āwāsēnīd ēstēd
pēšagsīrīg pādyāb
mēdōmāhīg pad nē kird ēstēd guft ēstēd
čē =šān nē wizīd kū āb tis =ēw ēw_kardag
pad rēmanīh a_pādyābīh wizīr nē kird
agar ēw_kardag rēman a_pādyāb
ǰud_kardagīh pad rēmanīh a_pādyābīh wizīr nē kird
rāh ud ēw =iz kaft astag bē az se gām rēmanīh nē kunēd pādyāb
ka bē šud āb pāk čē āb ǰud bē nē bawēd
pad čāštag ī mardbūd ī nihāneniz āyēnd =iz ka =š abāz wašt a_pāk
ud ka nazdīk ī warr =ēw bē nišīnēd a_pādyāb ka bē šud pad gyāg pāk
ka pad paymānag ī pad_sar =ēw daštān nišīnēd
pad sar =ēw pād_ yābīh hamē āhanǰēnēd ud nē wēnēd šāyēd
ka daštān azabar ayāb azēr ud ayāb pādyābīh azēr ayāb azabar ā =š paymānag ī ēdōn čiyōn
ān ī pad zamīg ayāb ǰuttar
ka pādyābīh azabar ā =š paymānag ī čiyōn ān pad zamīg
ka daštān azabar wirāst pad azēr ud gil ud xāk šāyēd
ka pad rawišn ham_ēdōn čiyōn pad nasāy ayāb ǰuttar
ham ēdōn se gām was
az abestāg paydāg
bē se gām ka pad bār ud tā wārestān
pad rawišn āb abar gīrēd
pānzdah gām nēst šāyēd ayāb nē
ka =š dast andar āb hamē dārēnīd barēd abar gīrēd bē rawišn ēstišn ud se gām
ast šāyēd
xwarišn ī ō zan ī daštān pad čē frāz barēnd
pad āhanēn ayāb pad srubēn ayāb ayōxšust ī nidom
wastarg ī zan ī daštān rēman ī tā čē_sāmānag ī
ān ī ān kār rāy kird ēstēd ka =š ēk bār dāšt
bē pad ān kār tā pad ēč kār ī didīgar nē šāyēd
ka dōsēn bē bawēd pad gōmēz ēdōn bē šōyēd ī =š gōmēz ī rōšn frōd āyēd
ud narmōgīh rāy pad =iz āb pādixšāy šustan
ud ka nē pad ān kār kird ēstēd ka az daštān bē šōyēd pad hamāg kār šāyēd
xwarišn ī andar se gām ī zan ī daštān dādestān čiyōn
mēdōmāhīg ān ī sāxtag pad a_pādyāb dārēnd ud sāxtag xward pādixšāy ud ān ī nē sāxtag pāk ī pēšagsīr abāz ōh ātaxš burdan gōwēnd kū =š pādyābīh abāz rasēd
mēdōmāhīg abāz ōh ātaxš burdan rāy gowēnd kū weh nēst xwarišn ī ā =š zanēd
nē ka pad se gām drōn =ēw hamē sāzand ā =iz šāyēd
ka yašt kird ēstēd ā =š čē kunišn
kē xwarišn xwarēd
mēdōmāhīg ēg =iš drōn gōwišn u =š šnūman ī srōš ayāb ohrmazd kunišn
ud abargīg šnūman ī srōš guft ēstēd
pēšagsīr ēg =iš iϑā ašəm_vohū pas az drōn guftan ēg =iš ul gōwišn
ka =š dast nē šust ēstēd drōn gōwēd šāyēd ayāb nē
dast =iš pad gōmēz ud ayāb pad āb ī tan_tōhmag bē šōyišn u =š pas drōn ōh gōwišn
ka =š daštān hamē āyēd drōn hamē gōwēd šāyēd ayāb nē
šāyēd
ka drōn nē yazēd iϑā aṣ̌əm_vohū gōwēd ayāb wāz az ī ohrmazd frāz kunēd
iϑā aṣ̌əm_vohū
ēg =iš wināh ī az nē guftan bawēd ayāb nē
nē
pas ka iϑā aṣ̌əm_vohū gowēd ayāb drōn gōwēd
abēgumān pad yaštan ka az daštān bē šōyēd ēg =iš yašt xūb bawēd ayāb nē
ka drōn gōwēd abēgumān bē āyēd ēg =iš yašt ēdōn bawēd čiyōn būd
ud ka iϑā aṣ̌əm_vohū gōwēd ēg =iš yašt =ēw nōg abāz kunišn
ka =š andar xwarišn xwardan daštān bē āyēd
yašt gumānīg bawēd ayāb nē
nē
ka =š andar xwarišn xwardan pēšyār ayāb šusr bē āyēd ēg =iš dādestān yašt čiyōn
dahān =iš pāk bē kunišn u =š wāz bē gōwišn u =š yašt gumānīg
xwarišn purr frāz zan =ēw daštan burdan pādixšāy ayāb nē
nē pādixšāy
and pādixšāy hēnd frāz burdan kū =š pad sagrīh was ud tis =iz =ēw bē nē mānēd
čē ān =iz ī bē mānēd pad =iz adwadād ī sagān ud wayān nē šāyēd
zan ī daštān harw xwarišn =ēw pādixšāy xwardan ayāb nē
sōšyans guft ay gōšt ī tābag nē pādixšāy xwardan čē =š druzīh daštān stahmagtar
bawēd
u =m ān =iz andar se šabag grāy guft ēstēd
daštānestān =ēw ka =š daštān ēw_čand andar nišīnēnd ud pad ēw gyāg xwarēnd
ud xufsēnd šāyēd ayāb nē
nē
ay pad ēw gyāg nē xwarišn nē xufsišn nē ham_pursagīh
xwarišn kē zan ī daštān hu_frayād bawēd ēg =iš dādestān čē
pad ham pīhw pad ǰud daštān pad ǰud pīhw pad ham daštān nē šāyēd
pad adwadād ēw saxwan ud anī saxwan pad =iš
padišwar ī zan ī daštān dādestān čē
pēšagsīrīg gōwēnd kū pad ǰud pīhw pad gomēz bē šōyišn
ast kē ēdōn gōwēd kū pad =iz ham pih pad ǰud bār pad gōmēz bē šōyišn
ud abargīg gōwēd kū ǰud az rān ham_karzag nē bawēd pāk
xwarišn ī zan ī daštān
ka nē dānēd kū =š was u =š frāz ōh pēš nīhēd bīm kū frayād bawēd
ka =š az pēš abar kunēnd šāyēd ayāb nē
ay kū ka =š az pēš abar kunēnd a_kār ayāb nē
nē dānam bē ēn dānam kū wehšābuhr guft kū pad xānag ī amāh =išān kas =ēw
abāg andar nišast kē =š bē xward
astag ī xormāy ud abārīg mēwag kē az dahān daštān bē ōbadēd ēg =iš rēmanīh čiyōn
mēdōmāhīg gōwēd kū frōd pādixšāy rustan bē stōr ud gōspand a_pādixšāy dādan ham nē grift ēstēd
bē mardānšā wattar =iz guftan čē =š guft ay ān =iz ašmāh wehān nē xūb saham
kay_ādur_bōzēd guft ay ān =iz ī mowbedān mowbed xward nē pādixšāy
ud pad čāštag ī abargīg ka ǰud az rān ham_karzag nē bēd ka bē_ō āb ōbadēd ā =iz šāyēd
dād_farrox ī ādur_zandān ham_čiyōn ēn guft
ān ī čiyōn xwān =ēw ǰāmag =ēw ī pēš ī zan ī daštān bē nihād ēstēd ēg =iš dādestān čiyōn
ka =š ham_karzag nē bawēd pāk
ka ham daštān aburnāyag pahrēzišn kirdan čiyōn kunišn u =š dādestān čiyōn
aburnāyag ka šāyēd az ham ōh pahrēzišn
ka nē u =š ǰāmag bē wisānišn u =š bē hilišn tā brahnag āyēd šawēd
ka damestān az sardīh ǰāmag nē šāyēd kandan kū ma agar sarmāg rāy waxšišn
abar rasēd čiyōn bawēd čē kunišn
ǰāmag az =iš andar gīrišn u =š ōh pahrēzisn čiyōn ham bē šōyēd aburnāyag ǰāmag
bē šōyišn
ud ka ham bē šōyēd aburnāyag pāk ayāb šustan abāyēd
ud ka =š az šustan bīm nēst ā =š ōh šōyišn
ka =š az šustan bīm pādixšāy ka nē šōyēd u =š nē pahrēzišn
abargīg gōwēnd kū ka =š az šustan bīm nē ast ā =š hamē ōh šōyišn
ka =š az šustan bīm ā =š wastarg ōh šōyišn xwad pahrēzišn
mēdōmāhīg gōwēnd ay pādixšāy ka nē pahrēzēd
ka ham šust ā =š aburnāyag =iz ōh šōyišn
aburnāyag ka šīr xwarēd ham daštān dast pad pestān ī mādar andar zad ēstēd
andar zaman bē āyēd dast ō dar =ēw ān kunēd ayāb frāz ōh čōbēnag tis =ēw kunēd dādestān čiyōn
harw čē hušk ǰuttarīh =ēw nēst ān ī tarr bē šōyišn pāk
kas kē abāg zan ī daštān wastarg abāg zan ī daštān wastarg
ān kē abāg kas wastarg ī daštānīg kē abāg ham_karzag bawēd dādestān čiyōn
ān kē abāg zan ī daštān ham_karzag bawēd ēg =iš tan ud wastarg pad gōmēz ud āb šōyišn
ka wastarg ham_karzag bawēd tan pāk wastarg rēman
wastarg abāg wastarg ud tan abāg wastarg daštānīg tis nēst bē pad čāštag ī sōšyans
daštān ka bē_ō tan ayāb wastarg ōbadēd ayāb az wastarg ō tan ayāb az tan ayāb az anī tis ō wastarg ōbadēd čiyōn bawēd
hame ān and rēman čand =iš daštān aw =iš ōbast ēstēd
ast kē ēdōn gowēd ay ka az tan ō wastarg ōbadēd hamāg ōh šōyišn
az man bē agar az tan ōh wastarg ōbadēd wastarg hamāg šustan abāyēd ka az tan ōh tan ōbadēd wattar dādestāntar
ān kē aburnāyag dast aw =iš nīhēd bē škennišn bē tāšišn
mēdōmāhīg guft agar tarr ud šōl ēnyā pad tis =iz nē dārēnd
ud tarr ud šōl ān and gyāg gōwēnd
ka daštān wēnēd ēg =iš čand frōd nišīnišn ka pāk bē būd bē šōyēd
se šabān_rōz nē pādixšāy nigerīd rōz ī čahārom ā =š bē nigerēd
ka pāk ā =š tahīg gīrišn
az ān frāz ēw šabān_rōz tay_ō_tay bē pāyišn u =š pas bē šōyišn pāk
ud tā nō šabān_rōz hamē ka nigerēd pāk ham ēdōn tahīg gīrišn bē pādixšāy šōyēd
ud ka se šabān_rōz pad pākīh ayāb māh_drahnāy =ēw pad daštānestān nišast
ēg =iš daštān az bunīh
ka andar se šabag pāk bē bawēd tahīg andar se_šabag ayāb tā se rōz abāg šab az ān frāz gīrišn
kay_ādur_bōzēd ēdōn guft kū andar se_šabag nē nigerēd čē ka azēr pāk ā =iz nē pādixšāy šustan
rōz tasum bē nigerišn pāk rōz ī panǰom pad gyāg pādixšāy šustan
sōšyans guft ay andar se_šabag tahīg kār ud tā nō šabān_rōz hamē ka pāk bē bawēd ēw rōz tay_ō_tay bē pāyišn u =š pas ōh šōyišn
pas az nō_šabag tahīg kār nēst čē hamē ka pāk pad gyāg pādixšāy šustan
bē ān ēw_tom ka se_šabag pad pākīh nišīnēd u =š daštān abāz āyēd čē ān daštān az bunīh
ud gōgušnasp guft ay tahīg ka andar se_šabag bē āyēd ā =iz šāyēd
pas rōz ī sidīgar bē ka nigerēd pāk ka rōz ī tasum ka tahīg bē widard bē pādixšāy šustan
tā nō rōz hamē ka bē nigerēd pāk ā =š tahīg ō dārisn
ka pad hašt ud nēm pāk bawēd ēd ka nēm_rōz was ayāb =iš ēw roz ī tay_ō_tay ōh abāyēd ā =m nē grift ēstēd ī guft ēstēd
az man bē ka pad hašt ud nēm pāk pad nō pādixšāy šustan
ud tarr nē bawēd kū pad nō pāk zamānīg bē šust pādixšāy
andar tahīg pad wanīgarīh ayāb pad rēman ayāb pad ast tis ī pāk ud pad ast tis ī rēman abāyēd dāštan
pēšagsīrīg harw tis ēn ast čiyōn daštān
ast kē čiyōn wattar dādestāntar čē pad harw dō ō mar āyēd
ka tahīg pad =iš bē šud tis az ān rasēd ī =š bē šust nē tuwan ā =š dast ōh šōyišn u =š
wāz ōh gīrišn u =š drōn ōh yazišn
abargīg tahīg nē pad pāk mar āyēd u =š tis =ēw ēdōn bawēd čiyōn ān ī grāy
ud mēdōmāhīg tahīg čiyōn wattar dādestāntar
u =šān pad ēn abar guft kū ka =š šustan abāz abāyēd ka ān hamist ī pad tahīg
nišast se rōz tahīg ud tay šawēd ǰud_daštān
ud ka nē ham_daštān ka ēdōn pad padisār ōh wēnēd abāz ō ān tahīg rasēd ī az bunīh
ka pad daštān nišīnēd ā ham_daštān ka nē ā ǰud_daštān
ud ka =š tahīg pād ud gōmēz nē mad ēstēd ā =š dast ud rōy bē šōyišn u =š ǰāmag bē guhrāyēnišn u =š wāz ōh gīrišn u =š drōn ōh yazišn
kē abāg zan ī daštān ham_karzag bawēd ā =š abāg frāz nišīnēd ēg =iš wināh čand
pad fradom abar_rawišnīh ud fradom abar_nišīnišnīh ēg =iš sīh pad abar_zanišnīh abar zanišn
ud pad didīgar ǰār panǰāh ud pad sidīgar šast ud pad čahārom haftād abar_rawišnīh abar_nišīnisnīh
ka =š frāz ō wastarg rasēd ayāb =iš frāz ō rān rasēd u =š šusr andar nē hilēd
ā =š nawad pad abar_zanišnīh abar zanišn asp aštar ud navad srōšōčarnām
zan ī daštān kē =š bē abāyēd šustan ēg =iš čiyōn šōyišn
padiš dō maɣ frāz ēw šōyēnd pad gōmēz pad ēw maɣ pad āb az abestāg paydāg
pad čāštag ī mēdōmāhīg ēdōn čiyōn az abestāg paydāg
pēšagsīrīg ud abargīg gōwēnd kū weh_kird ēd tā ka ēk ān bawēd ēk ānī šāyēd
ka pad rāh ō šust pāy abar urwar nīhēd šāyēd ayāb nē
u =š wināh ī urwar ōh bun bawēd ayāb nē
rāh nihišn ud kē =š nīhēd ēg =iš wināh ō bun az abestāg
bē az urwar ī pad esmīh nē paydāgēnīd ēstēd
ān =iz wašt ō esmīh kū pad esmīh paydāgenīd ēstēd
sōšyans az ēn ā =iz paydāgēnīd kū kē hixr ī hušk pad dast frāz gīrēd ā =š pad gōmēz šōyišn
zan kē ō šustan šawēd pāy abar urwar nīhēd ēg =iš tozišn čē
pad hāmīn mōr ayāb abārīg xrafstar ud pad damestān
and_čand pad tanāpuhl ēstēd
az abestāg paydāg
xrafstar bē ēw zanēd mōr ī dān_keš pad hāmīn ayāb kadār =iz =ēw ān ī gannāg_menōy xrafstar bē ēw zanēd pad damestān
awēšān kē mazdēsn hēnd and_čand pad tanāpuhl ēstēd
daštān armēštān ud wastarg ud ayōšust ud abārīg tis ī šustan abāyēd gōmēz nē āb ēstēd
pad āb ī tan_tōhmag bē šōyēnd šāyēd ayāb nē
ēk_bar ud armēštom ud wastarg ī pad xšauuaš mā̊ŋhəm abāyēd šustan ud pad gōmēz ī gāw šāyēd abārīg ka pad didīgar gōmēz ud ayāb āb ī tan_tōhmag ā =iz šāyēd
az abestāg paydāg
ka zan ī daštān bē gāyēd ēg =iš wināh čē ud čiyōn
ka =š mard ī ahlaw hu_zādag ō ud sīx poxt hē u =š čarbišn ōh ātaxš burd hē
az abestāg paydāg
kē kūn_marz kunēd ēg =iš wināh čē u =š tōzišn čē
kē a_kāmag ēg =iš asp aštar ud srōšōčarnām abar zanišn
dastwarān guft nē xūb
sōšyans guft xūb čē =š abistab/abdast =ēw ī abārōn bē būd
ka pad xwēš kāmag kunēd ēg =iš nē tōzišn pad xwāstag ī u =š nē pad puhl ud asp_aštar ud srōšōčarnām u =š nē yōǰdahrīh ī pad ruwān tā hamē ud hamē_rawišnīh
ud pad mēnōyān ēdōn čiyōn dēwān andar dušox hamē dwārēd
ēn =iš wināh ī garān az čē
az ēd ka =š xwad dēw ud dēw_ēzag ud ēzišn ī dēwān ōy wēš kird bawēd
ud kār ī narīh ud mādagīh ī dēwān ōy wēš kird bawēd čiyōn kadām =iz =ēw nāyrīg ud šōy ī tarsagāh ān dēwān ast tarsagāh
ān hāwand dēw pad wattarīh
ān hamē dēw ud dōšīdag dēw ud ān pēš ud pas az margīh pad mēnōy čē dēw frāz bawēnd
abāg zanān kūn_marz bawēd azēr bawēd
kē zan ī ābustan ayāb kē =š kōdak pad šīr dārēd ud gāyēd čiyōn
harw rēš ud zyān ī pad kōdak bawēd ēg =iš ō bun
agar kōdak ī šīr zad bē bawēd ayāb rēš rasēd bē mīrēd margarzān
agar ēn kōdak šīr zādag bē mīrēd pidar ī ēn kōdak nē dānēd kū wināh ī margarzān
bawēd dādestān čiyōn
agar pad xwāhišn pursišn wināhgār margarzān
ud agar a_wināh ēg =iš tanāpuhl ōh bun
ud agar dānist kū bun ast bē =š nē dānist kū tā čē sāmānag ī tōzišn čē
hamāg =iš xwāstag
pad ahlawdād bē_ō mardān ī ahlawān dādan ud tā zīyēd
pēš paristagīh kirdan
az pas ō zanān šud abēwastarg ud mōzag dīd kūn dīd
ud ēk pāy abar grift tan ud ham_duzzagīh ud ham_basagīh
ud abāg šalwār ud pad nihuftag ud tārīk gyāg dar ī xānag zamīg brahnag wišādag
ud mayān ī rān ī ābustan nibēmēnīd kūn uzwān ō dahān burdan
ud šarmgāh handēmān bawēd tan pad =iš andar nigerīdan
ka gāyēd šusr abāz ōh pas griftan frazand nē xwāst šāyēd ayāb nē
nē šāyēd
hamāg abārōn wināyīg_kārīh ud nē šāyīdagīh ud az =iš ast dēw_ēzagīh bawēd
zan ī čagar gādan tāwān bawēd kē xwēš
bawēd
šōy čagar xwēš u =š was drōš sālag xwēš
čiyōn bawēd kū =š andar sālārīh gāyēd bawēd
hamē ka =š ān gyāg gāyēd kū šōy guft ēstēd kū ān gyāg bāš ā =š andar sālārīh
gād būd
ka =š az anī gyāg bē gāyēnd ā =š sālārīh bē burd bawēd
zan ī čagar az xānag bē pādixšāy burdan
nē pādixšāy ǰud hērbedān aswārān
čē hērbedān pad nāf ōst ōh hērbedestān
aswārān ōh marzunag kārēzār pādixšāy barēd u =š kōdak abāg
duxt ǰud az pid sālār gād pādixšāy pad zanīh kirdan
pādixšāy ayāb nē
mēdōmāhīg ēk bārag dō bār pādixšāy gād
būd kē guft ay nē pādixšāy tan pad zanīh bē dād
fraškerdīg bē dādan pad sālār pādixšāy
ka =š kas pad stahm ayāb pad frēb gāyēd ēg =iš gād tāwān kē xwēš
pid xwēš
ka =š pid pad stahm gāyēd gād tāwān =iš xwad xwēš
anšahrīg gāyēd čiyōn bawēd
ka =š pad frēb ayāb pad stahm gāyēnd ēg =iš gād tāwān
kē =š xwēš anšahrīg gād pad xwad ēstēd fraškerdīg =iz bē pādixšāy dādan
ka =š bē dād ēstēd kas pad stahm gāyēd ēg =iš gād tāwān xwadāy xwad xwēš
ka =š bē dād ēstēd ōy xwēš kē =š abar dād
ka zan ī anēr gāyēd kē ābustan bawēd wināh čand
zan ī anēr gād xwar
kē ābustan bawēd tanāpuhl
ud aburnāyag dārišn bē_ō anērān kirdan
mēdōmāhīg az ān hangām gōwēd ka aburnāyag bē zāyēd
abarg guft ēd ka bē kēr dārišn bē gīrēd ēd ka pad dast dārišn bē_ō anērān kunēd
pad gyāg tanāpuhl ud pad sāl_drahnāy margarzān
dād_ohrmazd guft gādār margarzān pad ān zamān bawēd ka aburnāyag bē_ō purnāyīh mad pad anērīh ēstēd
az man bē ān wināh pad āb ud ātaxš ud uzdēs_paristagīh andar anērīh kunēd
kē ōh bē rawēd gādār ēdōn bawēd čiyōn kē =š pad dast ī xwēš kird hē
zan ī ag_dēn gādan ābustan būdan wināh čand
ǰud_ǰud xwar =ēw tā ō purnāyīh
harw wināh ī andar ag_dēnīh kirbag andar amāh wināh
ud aburnāyag kunēd u =š pid ī ag_dēn abāz nē dārēnd gādār ōh bun
ud ān ī andar amāh ag_dēnān wināh ēg =iš ōh bun nēst
ān ī andar amāh kirbag ud andar awēšān wināh ā =š nē bawēd
ud ān ī andar ag_dēnān amāh wināh kirbag az ān čiyōn =iš pad frārōnīh kird
ēg =iš ān nē bawēd
ka aburnāyag ō purnāyīh mad ā =š dānišnīg bē kunišn kū pad gād az man zād hē
ud ēd ka =š dānišnīg nē kunēd gādār margarzān
ka aburnāyag bē_ō weh_dēnīh āyēd agar =iz nē az pahikārd ī gādār bē bawēd
pas =iz gādār margarzān nē bawēd
ka aburnāyag ēwar bē dānēd kū pad gād az weh_dēnān zād ēstēd weh_dēn bē nē bawēd gādār ud aburnāyag margarzān hēnd
dād_farrox guft ay aburnāyag zād ud pidar dastwarīhā grift gādār margarzān nē bawēd
ka pad ēč dād nē ēstēd pad rāh ī anāstawānīh ī aburnāyag rāy harw dō pad sāl_drahnāy margarzān hēnd
zan ka ō anērān ag_dēnān margarzānān dahēd čiyōn
ka ō anērān margarzānān dahēd pad gyāg margarzān
ka ō ag_dēnān dahēd pad gyāg tanāpuhl ud pad sāl_drahnāy margarzān
ka zanīh xwad pad rōspīgīh bawēd pad gyāg tanāpuhl pad bun
ka andar sāl_drahnāy pad petīt nē bēd pad sāl_drahnāy margarzān
ka andar sāl ayāb pas az sāl dahēd ka čahār bār tan pad ham_rōz_yazišnīh ō ag_dēnān dād margarzān
ka petīt kunēd abāz ō wināh šawēd ēg =iš petīt nē kār
ka bār bār menišnīg petīt ōh kunēd ōh gāyēd ēg =iš harw bār =ēw tanāpuhl =ēw pad bun
ēd kū čahār_bārīh rāy margarzān bawēd ayāb nē ā =m nē grift ēstēd
ka gād fraškerdīg bē_ō ag_dēnān dahēd
aburnāyagān zāyēnd ud pad dād ī ag_dēnīh bē ēstēd ayāb bē_ō weh_dēnīh
ēstēnd ayāb ka frāz ōh dānišn rasēnd pad weh_dēnīh ēstēnd ēg =išān dādestān čiyōn
ka aburnāyagān pad dād ī ag_dēnīh ēstēnd ka frāz ōh purnāyīh rasēnd pasiz
pad dād ī ag_dēnīh ēstēnd aburnāyag margarzān hēnd ud mādar =iz margarzān pad harw ēk ōh bawēd
ka pad nēstēn_dēnīh rawēnd pad rāh ī anāstawānīh pad ēk =iz ēk aburnāyag
mādar ī aburnāyagān ǰud_ǰud margarzān ōh bawēd
ka aburnāyagān weh_dēnīh gīrēnd mādar pad rāh ī aburnāyagān margarzān nē bawēd
wināh ī ahammōzišnīh ud anēr_dārišnīh ī aburnāyag kirbag ī aburnāyag kunēnd
harw dō mādar ōh bawēd
ka az hāzišn ī zan mard weh_dēn bawēd ēg =iš wināh pad wizārd dārišn
ēd kū kirbag az hāxtan bawēd
pid mād grift ēstēd kū ān ī az hāxtan frāz ā =š ōh bawēd
wināh =ēw ī andar amāh wināh ud pad dād ī ag_dēnīh kirbag
kē mērag ī ag_dēn škōh ī zan rāy nē kunēd ēd zan xwēš bawēd ī az nē grift ēstēd
bē az ēd ī grift ēstēd ān ī andar amāh kirbag andar ag_dēnīh wināh
ka ī mērag ī ag_dēn škōh ī zan rāy ōh gīrēd zan xwēš ōh bawēd
wināh ud kirbag ī andar āmāh ān ī pad awēšān kirbag ī zan ud pad škōh ī mard
ōh kunēd harw dō zan ōh xwēš
u =š pad =iš wināhgār u =š ōh bun bawēd
kē guft ay čahār wināh abāz ō xwāhēd pad =iš druwand ōh bawēd
andar weh_dēn kē aburnāyag anēr gāyēd ēg =iš wināh čand
agar aburnāyag nar čē ēr ud čē ēraxt agar mādag ud ō gyāg ī zanān mad ēstēd
ēdōn bawēd čiyōn zan
ud agar ō gyāg zanān nē mad ēstēd ēg =iš a_kārīh ī tom ud hixr ō ēg āb_barišnīh ōh xwāhēd
agar ī ān hixr pad āb bēd šōyēd pad hixr ī grāy ō āb_barišnīh āstarīhēd
agar kūn_marz kunēd margarzān
ka dō kōdak ī weh_dēn kūn_marz kunēnd ayāb ēk purnāy ud ēk aburnāyag
ā =šān wināh čiyōn
purnāyag margarzān aburnāyag ān ī narīh ud an ī mādagīh ka haft_sālagīh
rasēnd ō purnāy_rawišnīh ēg =išān harw ēk =ēw tanāpuhl =ēw ō bun
ud ka ōh purnāyīh rasēnd u =šān petīt nē kird margarzān hēnd
ud ka =šān petīt kird nē margarzān hēnd u =šān tanāpuhl passazagīhā tōzišn u =šān ruwānīg tōzišn
zan kē kunēnd ā =šān wināh čand
ēd ka kunēnd ēd ka kunēnd
agar =išān mard pad daštān_māh nē wizārd wināhgār hēnd ā wēš nēst kū stēr
ud agar =išān mard pad daštān_māh wizārd nē wināhgār hēnd
ud wad_xōgīh rāy kunēnd ā =šān xwar pad bun
ka sāl_drahnāy pad kird dārēnd ā =šān tanāpuhl pad bun
ka =šān būšāsp nē dīd pad aburnāyagīh ī kunēnd ēg =išān ēn wināh bawēd
ān ī kē kār ī mādagīh kunēnd ā =šān hamē ōh bun
ud ān ī kē kār ī narīh kunēnd tā =šān nē tuwān gād ā =šān ēn wināh nē bawēd čē
tā šusar nē bawēd kār ī gādagīh kirdan nē bawēd
bē agar =išān wināhīh āšnūd ēstēd u =š gād nē tuwān pas a_dastwarīhā kirdan
rāy ēg =išān framān =ēw wināh
ka pad wināhgārīh nē uskārd ēstēd ā tis =ēw nēst
ka =šān pidar pad a_hammōzišnīh wināhgār hēnd pidar ud mādar ēn wināh ōh bun
kē zan =ēw šōy nēst ayāb =iš ast pad xānag ī pidar pad šōy bē dād ēstēd ayāb nē dād ēstēd bē ābustan kunēd
ud ān zan šarm rāy bē šawēd pad daštānestān bē nišīnēd ān xwarišn xward
ān mard ī gādār az šarm ī mardōmān bē tarsēd tā ān zan az pidar ud brādarān
ud
šōy =iz kōdak bē marnǰēnēd ēg =iš wināh čiyōn
ka pad daštānestān bē nišīnēd ēg =iš tanāpuhl ō bun
wināh ī az wināhīh xwarišn andar daštānestān xwarēd sāmānag nē paydāg
agar az šarm ī mardōmān aburnāyag bē rēšēd pidar ud brādarān āgāh hēnd
nē gōwēnd kū =t az amāh az =iš šarm bē nē barēnd kōdak bē rēšēnēd ud bē tabāhēnēd ud pidarān brādarān ham_ēdōn wināhgār hēnd čiyōn gādār
ud ka nē dānēnd zyānag wināh ōh bun ud ōy gādār wināhgār hēnd
ka pidar ud brādarān āgāh kunēnd u =š wāng abar zanēnd u =š gōwēnd kū ōh =išān zīwišn_āsnīdārān ōh hampurs kū abāg gugānag frāz kāhīdārān bē uskārd
ōy šawēd ō zīwišn_āsnīdārān u =š mang ī zarduxštān ayāb wištāspān ayāb pōlād
ud ayāb haft warg ud sudāb ayāb kadār =iz =ēw ān ī bē abgandār kē kōdak bē abganēd
urwar dahēd pus bē marnǰēnēd wināhgār bawēnd ayāb nē
mard ud kanīg pid brād bē abgandār hamāg wināhgār hēnd
pas agar bē nē marnǰēnēd frazand bē zāyēd ēg kē čiyōn dārišn
andar warōmandīh =ēw zan pad gugāyīh šāyēd
ud gādār ēdōn čiyōn pad frazandestān paydāg ā =š ōh parwarišn
gādār ka =š pad wināhgārīh gād ēstēd
ka =š aburnāyag stēr ī gād tāwān bē dahēd ka =š aburnāyag dahēnd pādixšāy
ka =š dārišn nē dahēd u =š zyān ī ābustagīh ōh bun nē bawēd u =š nē wizārišn
agar zan nē gōwēd nē paydāg kū az kē ābustan pidar wināhgārīhā ud aburnāyag andar dūdēn zād bawēd
ka gādār pad dīdār āmad andar deh bē ka ēwar paydāg kū didīgar kas kird ēg =iš parwardār ōy
ka aburnāyag abāz dahēnd ō gādār zyān ī ābustanīh rāy tōzišnōmand bawēd pādixšāy ayāb padīriftag
ka =š aburnāyag abāz dahēnd nē pādixšāy bē ka abāz stanēd zyān ī ābustanīh nē tōzišnōmand
ud aburnāyag pādixšāyīhā čē =š az kas xwāst nē abāyēd
ka =š pid bē mīrēd u =š abāz nē stānēd bawēnd mardōm ī dūdag gādār
ka =š abāz nē stanēnd pādixšāy hēnd ayāb nē
u =š bahr frazandīh az xwāstag ī gādār rasēd ayāb nē
nē pādixšāy hēnd
bē ka =šān abāz stānēnd u =š nēk dōšāramīhā ōh dārēnd
ka =iz bahr baxt ā =iz abāz gumēzišn bahr ī ōy dahišn
kē pahrēzišn gāyēd wināh čānd
ka āb nē āwarēd pad naxust ǰār dah zanišn u =š xwar wināh ka āb āwarēd čiyōn ka ōh āb rēxt hē ayāb =iš rēšīd hē stēr wināh ud pad didīgar ǰār zanišn u =š bāzā_zanišnīh wināh ud pad sidīgar ǰār pad yāt āstarīhēd ud pad čahārom ǰār tanāpuhl bawēd
zan ī ābustan ka tan rāy ayāb dārūn rāy ayāb darmān ōh tan xwāhēd kirdan
pādixšāy kirdan ayāb nē
harw čē bīm kū pad pus zyān nē pādixšāy kirdan
nāmčištīg ud rag ud rag wišādan kār ī pad gardan kirdan =ēw
čahār rag ud xōn az gōš abārīg gyāg hilēd
u =š sarāz rag ud wīrāz rag ud sazag nibišt darmān nē kunišn
u =š dārūn ī wišāyīdag dārūg ī pad haftag ud dārūg ī tēz nē xwarišn
u =š dāg nē nihišn
ka gumānīgīh kū ābustan u =š wēmārīh ōh bawēd dāg pādixšāy ayāb nē
sōšyans guft āy kū ka =š ēk bār gād ēg =iš kār ī dārūg ī … sarāz rag ud wirāz rag ud sazag pušt darmān nē pādixšāy kirdan
ud dārūg ī tēz pādixšāy xwardan
ka wars ud nāxun bē brīnēnd ēg =išān čiyōn pahrēzišn
ka zamīg ast =ēw dištīg ka saxt zamīg widest ka narm maɣ bē ēd kanēd
dah gām az mard ī ahlaw wīst gām az ātaxš ud sīh gām az āb ud panǰāh gām
az barsom
u =š wars az hixr ī gētīyīhā pāk bē kunišn
u =š
pad at̰_ax́iiāi_aṣ̌a_mazdā̊_uruuarā̊_vaxšat̰ andar ō gawr nihišn
u =š hušk ō ī hušk pad =iš andar hambārišn u =š āb šēb az =iš bē gīrišn
u =š pad ayōxšust kiš se ayāb šaš ayāb nō pad iϑā
yatā_ahū_wayryō ī pērāmōn ud bē kārišn
ka nāxun kārēd ēg =iš maɣ čand ān ī kehist angust ayāb bāzēn ēg =iš ēg =iš bē kanišn
u =š pad
aṣ̌ā_vohū_manaŋhā_yā_sruiiē_parə̄_magaōnō
ka =š az hixr ī gētīyīhā pāk bē kird ēg =iš balādur brādarwār andar nihišn
u =š paiti_tē_marəɣa tā gyāg ul gōwišn
u =š huškān ī huškīh pad =iš andar abganišn u =š āb šēb az =iš bē kunišn
u =š kiš se ayāb šaš ayāb nō
pad iϑā yatā_ahū_wayryō pērāmōn bē kārišn
ēn maɣ kū mehtar ayāb kehisttar bē kanēd šāyēd ayāb nē
pad bālay nē pad drāzāy ud pahnāy čand xwāhēd
pad kamistīh nē šāyēd
gawrīh čiyōn kanišn u =š čiyōn bē hambārišn u =š čānd andar nihišn
bālāy čiyōn abestāg gōwēd
pahnāy ēdōn kunišn ka bē hambārišn abāz zamīg rāst
ast kē ēdōn gōwēd ay pad gyāg wēš kū ēd must nē nihišn
az man bē ēn ān gyāg bawēd kū ān gyāg maɣ kanēnd ka gyāg hušk wēš =iz šāyēd
wāz_gīrišnīh abāyēd ayāb nē
kē ruwān_dōstīhā ēg =iš wāz az srōš frāz gīrišn
ka ēdōn kunēd ēg =iš kirbag čē
az wars giyāh rōyēd kē harw gōspand kē bē xwarēd pad dō ābustan bawēd
az pēm ī ān gōspand druyistīh ud bēšāzēnišnīh ī az was wēmārīh ōh dāmān rasēd
ud kē nāxun ud aštar ud kārd kamān tigr ī āluh_parr ud sag ī kabēnīg bē bawēd
bē ō dēwān ī māzanīgān ōbadēd
ka ēdōn nē kunēnd ēg =iš bazag ud wināh čē
wars ka andar sūrāg =ēw ayāb darm =ēw abāz nihēnd dēw ēg =iš az =iš abar bawēnd
u =š xrafstar az =iš abar hāzēnd spiš kē ān ī mardōmān ǰōrdāy ud wastarg ī mard ǰōyēnd
ud ka ǰud az ān ī dēnīg nērang pad zamīg nē nigānēnd gazdum ud narān mār ud rešk ham bawēnd
ka pad āb pōsēnd mār šēbāg bawēd
ka pad ātaxš sōzēnd garr ud azarag ud tab ī garm ud sard didīgar ud sidīgar
pad mardōmān gōspandān kunēd
nāxun ī ham_čiyōn az dēn paydāg nē kunēd bē aštar ud tigr ud kamān kārd
kābēnīg ī dēwān bawēd u =š mardōm ud dām ohrmazd pad =iš zanēnd
wišōbēnd wināhēnd
kē wars ud nāxun pad nigerišn bē abganēd ēg =iš dēw_ēzagīh čiyōn kird bawēd
ān mardōm kē pad =iz sūdagīh kunēd ēg =iš dēw_ēzagīh ēdōn kird bawēd čiyōn
ōh pēš gōwam
kē ōzōmandīhātar ud nērōgōmandīhātar az margōmandān mardōmān pad gōwišn yazēd čiyōn ōy kē pad gōwišn yazēd ōy pad kunišn yašt bawēd
az abestāg paydāg
wars ud nāxun kē pad nigerišn bē abganēd ayāb pad ēd menišn bē abganēd kū ul stānam ayāb ka =š pad sūdagīh bē abāzīh az =iš bē ōbadēd ayāb kē nē pad ēn menišn bē abganēd kū ul stānēm ayāb pad a_wināhīh bē abganēd ēg =iš dādestān čē
ka pad nigerišn bē abganēd ēg =iš dēw_ēzagīh rāy tanāpuhl pad bun ud pas
wināh ī az wināh
ud ka nē pad nigerišn bē abganēd u =š tanāpuhl pad bun
ka pad ēd
menišn kū ul stānam wēš nēst kū se srōšōčarnām
bē agar bē pōsēd ayāb ōh āb rasēd bē_ō xrafstar bawēd čē
ēg =iš tanāpuhl ōh bun
pad sūdagīh wēš kū se srōšōčarnām
ka pad yazadān dušmenīh bē_ō ātaxš ayāb āb abganēd margarzān
pad a_wināhīh čē
tis =iz nēst
ka pad tan bē hilēd pāk bē nē kunēd ēg =iš dādestān čē
rōšn guft ay ka ēw_tag pad tan dārēd yazišn ōy kunēd nē bawēd
pēšagsīrīg gōwēnd ay ka abēr was pad tan dārēd ā =iz yazišn ī ōh kunēd ōh bawēd
az man bē ka =š amāh ayāb ka ān ī wēnīg kūn =ēw kas =ēw buništag bē būd
ēdōn čiyōn rōšn guft
abārīg gyāg =ēw pad mōy nē ēwēnīg grāy nē bawēd
mardān rāy pāyag =ēw xwārtar ud aswārān =ēw pad marz
ud ān zamān grāy bawēd ka =šān nišastagīh and bawēd
ī =šān pardaxtagīh ēd ēdōn bawēd ka =šān xwarišn xwārišn xwardan būšāsp =ēw
dēnīg kird
u =šān daštān_māh wizārdan u =šān xwēš tan and pardaxt čand ān kē =šān amāh
tuwān awestardan ud čīdan
ud ka pardazišn ēdōn nē ast ēg =iš pad =iš a_wināh
ud ka pad ēn a_pardazišn bē bawēd anēr andar āyēd wizend kunēd harw
čand wizend kunēd artēštār tōzēnēnd
ka frāz ēstēd amāh pāk bē kunēd
anēr rasēnd nē pādixšāy bē ka abar āxēzēd bīm abāz dārēd
ka nē kunēnd zyān wizend kunēnd ēg =išān ōh bun
āsrōn nē pādixšāy bē ka pāk kunēd ud wāstaryōš ka =š āb ō warz grift ēstēd ēdōn
bawēd čiyōn artēštār ka dušmen ēstēd
ka =š āb frāz nē rasīd ēstēd ēdōn bawēd čiyōn āsrōn
būd kē guft ay kēšān hanǰaman drūnān ēdōn bawēd čiyōn artēštār ka =š dušmen
mad ēstēd
seǰ ī nihān_rawišn andar deh ud gētī mehmānīh rawāgīh pad tan ī kē
dēn gōwēd ay pad ōy ī wattar dēn_nimūdār spitāmān zarduxšt ahlomōɣ kē
pad ān ī se zarmān radīh ēbyānghan nē ēbyānghanēnēd kū kū šābīg kustīg
nē dārēd nē gāhān srāyēd kū yašt ī pad ātaxš nē kunēd nē āb ī weh yazēd kū yašt ī pad āb nē kunēd u =š dād =iz ēd kū nē abāyēd kirdan
az čē paydāgīh ahlomōg ī čē tis gōwēd kē =š ahlomōgīh az =iš paydāgīh bawēd
padām ud mārgan ud barsom ud aštar ǰuttar grift kū ān ī hērbedān gowēd
čē gōwēd ay padām sagēn ud čarmēn ud mārgan āhanēn rōyēn barsom čiyōn ān wāhmān wāhmānag wāng barēd
ud aštar ud srōšōčarnām čahār pādifrāh ud panǰ pādifrāh gōwēd
ā ēbyānghanēd pad weh_dēn ahlomōɣ
mard mard =ēw čiyōn ōy kē =š nibištag pad ahlomōɣīh pad =iš kird ēstēd kōšēd kū =š az nibištag rastār kunēd ēg =iš wināh čand
and =iš wināh bawēd čiyōn ka =š ān ī ahlomōɣ ī sar_brīdag ā =š zīndag abāz kird
hē u_ š pad frēbēnišn ān ī ohrmazd dām ēstīd hē ēg ān and čand az ān
ahlomōɣ rawēd az grīw raft hē
gannāg_mēnōy ud dēwān ābusīh az gušn ī nar ud mādag frāz ēk ōy ī did zāyišnīh
ud ayāb anī ēwēnag ayāb harw dō ēk bawēd ān ī nar_marzīh ud ān =iz ī mādag_marzīh ud ān =iz ī az kunišn ī mardōmān bē bawēnd čiyōn ast čahār gušn ī stahmbag kē gannāg_mēnōy az =iš ābustan bawēd
būd kē xešm guft
abārīg wināhīhā ābustanīh dēwān bawēd
ān čahār gušn ēk ka andak =iz xwāstag ī mard ī ahlaw pad ahlāyīh weh xwāhēd
u =š nē dahēd
didīgar ka pēš frabd_drahnāy bē mēzēd
sidīgar ka mard xuft xuftag =išān šusr frāz hilēd
tasum ka mard ud zan pas az pānzdah sāl ī sl’tyk pad zamīg frāz padēnd
anēbyāghanēnīd kū šabīg kustīg nē dārēnd ud anabar_raft kū nē gād ēstēd
kē pēšīh pāy čahār angust bē u =š čē kunišn
kē ābustanīh ī druzīh bē barēd
ka pēš az se gām yatā_ahū_wayryō =ēw gōwēd pānagīh ī tan rāy
ud ka az pēšyār bē āxēzēd andar se gām se ašemwohū dō humatanām ud se xšaϑrōtemāy
čahār yatā_ahū_wayryō ahunəm_vairīm tā gyāg bē gōwēd
ān ī ābustanīh ēdōn bē barēd čiyōn gurg ī čahār zang ka az mād pus pad darrišn darrēd
ka čiyōn hamē mēzēd abestāg pad čamišn ayāb anī abestāg gōwēd šāyēd ud ayāb nē
nē šāyēd dēw_ēzagīh
az abestāg paydāg
mard kadār gāhān pas a_srāyišnīh srāyēd ud a_radīhā dēw_ēzagīh
ka mēzān ayāb ud frāz_narān srāyēd awēšān gōwišn a_radīhā dēw_ēzagīh
dūr bē mēzēd dūr bē kanēd was srešk bē paššinǰēd ēg =iš wināh čand
čiyōn ka abestāg azabar guft nē gōwēd
ēg =iš gabr bē mištan rāy tanāpuhl bē bun
ka dūr pad ān paymānag bazag ayāb ān ī kehist grih
ā =š kird ī ā =š nūn tanāpuhl ō bun
ud harw srešk =ēw ī az sar mēzag frabd_drahnāy bē_ō pēš šawēd ēg =iš pad harw
srešk =ēw tanāpuhl =ēw ōh bawēd
ka abestāg gōwēd ēg =iš druz ī ābustanīh škast u =š tanāpuhl ōh bun nēst
ēn ān ī bawēd ī az sar ī kēr bē_ō zamīg rasēd
tā srešk ī az srešk nē bawēd ōh pēš bawēd ōh pas kustag nē bawēd
srešk ī az srešk ka pad šēb frōd šawēd ā nē bawēd
ka =š abestāg nē andar se gām gōwēd šāyēd ayāb nē
šāyēd
dibīr guft ay ka pēš frabd ud nē mēzēd ud pad =iz ašemwohū wizārd
az abestāg paydāg
ka az pāy mēzēd ēg =iš wināh čand
ka az pāy mēzēd pad mayān ī dō frōd ayāb pad bān abrāz ēstēd ud mayān i pāy
frōd mēzēd ēg =iš tanāpuhl pad bun
u =š pad abestāg guftan wizārēd pēš ud pas
pad kustag pad harw ēwēnag pad harw srisk =ēw bawēd
ka pēš frabd_drahnāy drahnāy ī pāy frāz mēzēd ēg =iš tanāpuhl =ēw ī didīgar ō
bun
u =š pad abestāg paydāg ōh wizārēd
ka az bān frōd nišast pad mayān ī dō pāy frōd hilēd ayāb az frāz =ēw ham_gōnag
frōd ō azēr mēzēd ēg =iš wināh i frabd_drahnāy bawēd ud ayāb nē
nē
pad čāštag =ēw abargīg abestāg hamāg bē gōwišn
mēdōmāhīg frōd nišīnēd pānagīh ī tan rāy yaϑā_ahū_vairiiō
ēk ud ka pardaxt
ā =š se ašem_wohū ud bē gōwišn xūb
ka kēr bē_ō zamīg rasēd ēg =iš wināh čē
ka pad nigerišn bawēd ka pad sar ī kēr nam ēg =iš tanāpuhl pad bun
u =š tanāpuhl ruwānīg wizārišn
pad gōhrag harw kirbag ī tanāpuhl =ēw ast ēg =iš wizārd dārišn
kē xuft ēstēd u =š rānag bawēd čē tis ō gannāg_menōy az =iš ābustanīh bē widārēd
ašemwohū se humatanām dō huxšaϑrōtemāy se yatā_ahū_wayryō čahār ahunəm_vairīm yaz
ka bē spandarmad hamē abespārēd ēg =iš pad mēnōyān pad tan ī pasēn pus =ēw abāz dahēnd
āgāh_stāyišn āgāh_yazišn kū =š yašt kird ēstēd u =š nām ī ātaxšān nihišn
čiyōn bē abespārišn ōh spandarmad
abestāg ī pad čamišn abar gōwēd
āat̰_aōšite abar gōwēd
kē =š zand ēn kū spandarmad ōh tō abespāram
ēn kū ō man abāz abespārād pad ān ī abzār ī fraškerd_kirdārīh pad tan ī pasēn
āgāh_stāyišn kū =š yašt kird ēstēd āgāh_yazišn kū =š abestāg pad stāyišn yazišn
mehmān ōy abāz_pursīdār kū ān ī nē dānistan abāz pursēd
menīdār kū ohrmazd ud dēn ud yazadān menēd
ast hunar kū abzārōmand tan_framān kū tan pad framān ī yazadān dārēd
ka abestāg pad čamišn ayāb abestāg ī
āat̰_aōšəte
ēk tuwān guftan ēg =iš
ābustanīh ī druz dād ī pus bawēd ayāb nē
ka =š abestāg gowēd ēg =iš druz škast
ka =š āat̰_aōšəte
gōwēd ēg =iš pus abāz dahēnd
ka āat̰_aōšəte
nē gōwēd ēg =iš pus nē dahēnd
ka abestāg ī pad čamišn nē gōwēd ka =iz was bār āat̰_aōšəte
gōwēd ēg =iš pus nē dahēnd
ud pad wināhgārīh ayāb ayāb abēwināhīh pad rānag kunēd ēg =iš druz škast
ud pus abāz dād čiyōn
abargīg guft ka pad a_winahīh ēg =iš druz škast xūb u =š pus abāz dahēnd
ka pad wināhgarīh bē āyēd ēg =iš tanāpuhl ō bun
abestāg abar gōwišn u =š abestāg guftan nē wizārēd
pēšagsīr =ēw ēd ka wināhgārīh ud ēd ka pad a_wināhīh ā =š hamē frazand abāz nimāyēnd
ast kē ēdōn gōwēd ay tan rāy pus wēš kū nē dahēnd u =š abestāg hamē ōh gowišn
āaţ aōšəte
ān zaman gowišn ka xuftan bē āyēd
mēdōmāhīg gōwēnd ay pus hamē ōh nimāyēnd
ka abestāg āat̰_aōšəte
gōwēd ā =š abāz dahēnd ka nē gōwēd ā =š nē dahēnd
abestāg druz škastan rāy āat̰_aōšəte
pus abāz dād rāy
ud ka abestāg nē gōwēd āat̰_aōšəte
guftan kār =ēw nēst
ka =š kār wizārd ayāb =iš saxwan guft čiyōn bawēd
čiyōn =iš ō dānišn rasēd ā =š bē gōwišn
ka =š kār wizārd u =š bē gōwišn pad harw dō ō mar āyēd
ka =š saxwan =ēw guft u =š bē gōwišn
sōšyans guft kū =š hamē pad wināhgārīh rānag kird bawēd ka xwad rānag kunēd
wināhgārīh pus abāz dād čiyōn
mēdōmāhīg ka =iz abestāg gowēd u =š tanāpuhl =ēw pad bun
būd kē guft kū nē gōwēd ā =š dō pad bun
kē šabīg kustīg nē dārēd pas az pānzdah sāl čiyōn
pas az se gām barišnīh ēg =iš dēw āhōgēnišn abar barēnd u =š āhōg abar abganēnd
ud pad pādixšāy čiyōn ud zand ud ǰādūg dēwān ī astōmand ī ahlāyīh bē murnǰēnēnd
u =š tōzišn čē
nē ōy pad ān ul_warzišnīh kū =š tōzišn nēst čē =š pas az pānzdah sāl čiyōn zand ud ǰādūg ā =š gēhān marnǰēnēd
u =š pas marnǰēnišn ō dēwān dād u =š ohrmazd marnǰēnīdan nē šāyēd
u =š pad ān ī mahist drahm_nēnd ohrmazd marnǰēnīdan nē šāyēd
u =š pad ān mahist bēšišn bēšēnīdan kāmist ēg =iš ohrmazd bēšēnīdan nē šāyēd
ǰeh kē abāg anērān ud ērān tan_gumēzišnīh kunēd dādestān čiyōn
kē šusr bē_ō ham gumēzēd dahmān ud a_dahmān dēw_ēsnān a_dēw_ēsnān
tanāpuhlagān a_tanāpuhlagān pad abar_nigerišnīh
se ēk ābān ī sraw_tazišn tagīgīh pādīrānēnēd
se ēk urwarān ī rōyišnōmandān nēk ī zargōn pad abar_nigerišnīh waxšišn bē apparēd
se ēk ī spandarmad zamīg pad abar_rawišnīh ābusīh bē appārēd
se ēk ī mard ī ahlaw frāy_humat frāy_hūxt ī frāy_huwaršt
pad ham_pursagīh abāg_pēmēnišnīh ēg =iš amāwandīh ud pērōzgarīh =iz ahlawīh =iz bē apparēd
ān ǰeh pēštar bē abāyēd ōzad kū az ī šēbāg čiyōn gurg ī šagr ī wiškar dahišn
ka ō gēhān frāz padēd čiyōn ān ī hazār_hunušak ka ō āb frāz padēd ōy =iz ǰeh ā =š marnǰēnišn ēdōn aziš
ǰeh ka nē gād ēstēd
wišād_dwārišnīh kunēd ā =š marnǰēnišn az =iš čiyōn ān ī mardān ayāb ǰuttar
dēwān ēg =iš āhōg abar abganēnd u =š warmag tis =ēw ō drāyēnd pas pad marnǰēnišn ī gēhān andar ēstēnd
ud čiyōn zand ud ǰādūg awēšān =iz rāy kē ǰeh ō frēbēnd
mardān rāy dēwān ham_ēdōn frēbēnd ayāb nē
mard ka wišād_dwārišnīh kunēd ēg =iš wināh čē
mard nē čiyōn zan čē wišādag brahnag marnǰēnišn az =iš rawēd u =š dēwān frēbēnd
mard kam tuwān hēnd frēftan brahnag raft nē wināh
ud pad fradom gām ī bē rawēd framān pad dō framān ud pad se framān ud pad čahārom tanāpuhl ī ud pas tā bē ēstēd ā =š wēš nēst kū tanāpuhl
ud pas ka did ōh rawēd ēg =iš handāzag az bunīh
u =m ǰud_dādestānīh =ēw pad =iš nē āšnūd
ēw_mōg_dwārišnīh rāy čē gōwē
ham_ēdōn čiyōn wišād_dwārišnīh
mard grāytar ayāb zan
harw dō ēw_tom
kē pad nasāy rēman būd ēstēd u =š pad pixag abāyēd šustan
nāmčištīg ān kē wiyābān andar āyēd u =š mard ī yōǰdahrgar abāyēd xwāst
mard čiyōn xwāhišn
mard =ēw ī rāst_guftār ī hu_xēm ī yašt_kird ī ahlaw kē az weh_dēn ī mazdēsnān
nērang ī yōǰdahrgarīh xūb dānēd
ān mard ī yōǰdahrgar pad čē nērang ōy ēk_bār ī rēman bē šoyēd
gyāg ī zamīg ī hušk ī pāk kū āb ud urwar kam ayāb ka =š urwar pad =iš bē drūnēd ayāb pāk bē kanēd
nō nay drahnāy pad drahnāy ud se pad pahnāy pērāmōn bē ēw kanēd
ka pad wēšīh kanēd šāyēd pad kam ī nē šāyēd
sīh gām az ātaxš ud sīh gām az āb ud sīh gām az barsom ud se gām az mard ī ahlaw
ka hāmīn tā sar ud andar zamestān čahār angust pad zofrīh
ud ka zamestān tā sar hāmīn andar dō angust pad nigūnīh ud zofrīh
ud ka šaš ī harw maɣ =ēw dō pay az maɣ ō maɣ ēk gām ī se pay
ud pas se maɣ ī didīgar bē brīnišn az maɣ ō maɣ
ān šaš maɣ ī pad gōmēz ud pad dūrīh
čand se gām se pay
maɣ pad sang ayāb kulox ī saxt bē wistarišn ud pas yōǰdahrgar wāz ī az srōš frāz gīrišn
u =š pas sezdah kiš bē abāyēd kištan ayāb pērāmōn pad dūrīh ī az hamāg maɣ
čand se gām ī se pay
pas maɣ ī fradom se kiš pērāmōn bē kārišn ud šaš fradom se pērāmōn bē kārišn
ud harw nō
pērāmōn bē kārišn ud se ī mayān se pērāmōn bē kārišn
pas xāk ayāb šumēz ī kustag ayāb … ī kustag ayāb warmag ī nāzīg =iz
kārēnd
pad mayān ī maɣ ī gōmēz ud ān ī āb frōd kirdan
ud ēw_bar nar gōmēz xwardan petīt kirdan ud tan az hixr ī gētīyīhā pāk kirdan
pad gōmēz frāz šustan
ōh maɣ ī naxustīn šudan yōǰdahrgar wāz bē guftan wāz az srōš abāz griftan
ka =iz pad ān ham wāz_gīrišnīh ōh gīrēd šāyēd
u =š
nəmasča_yā_ārmaitiš_īžāčā bē guftan
ka yoǰdahrgar guft ēw_bar =iz bē gōwišn
pad gōwišnīh ōy druz nasuš a_kār bē bawēd u =š sneh ī gannāg_mēnōy ud ān ī xešm ī xurdruš ud ān ī māzanīgān dēwān ēg =iš az =iš bēd
pas gōmēz abar āšinǰišn pad āhanēn ayāb pad srubēn
ud agar pad srub nay ēw tāg kē =š nō grih frāz aw =iš ēw bandēd
fradom dast ēdōn čiyōn šōyēnd se bār ud frāz ēw šōyēd pas tā pad ārašnīzag se
bār ī didīgar frāz ēw šōyēd harw bār =ēw ēk ān ī ēk ān ud pas sar ēdōn čiyōn mōy rust ēstēd frāz ēw šoyēd
pas burūw burūyān azabar tā mōy stabr ud azēr tā lāw ī suxr čiyōn wizīnišn ī ērwārag abāz šawēd tā girdag ī gōš čiyōn rōy šōyēnd
ud pas waɣdān abar āšinǰišn az ān gyāg kū mōy rust ēstēd frōd tā muhrag ī sidīgar abāz tā bē gōš ud stūnag pad čahār bahr ēw bahr
ud padīrag ī padēxwar ōy abar āšinǰišn ud az muhrag ī sidīgar frōd
az lāw ī dēwārag ī čambarag ī āsāy čiyōn wizīnišn ī ērwārag abāz šawēd tā
girdag ī gōš ud stūnag pad čahār ēk =ēw
dašn gōš ī ōy abar āšinǰišn girdag ēdōn čiyōn
gašt ēstēd andarōn ud bērōn tā
ō čambarag ī āsāy ud stūnag ī gird pad čahār ēk =ēw
hōy gōš ī ōy abar āšinǰišn ham_ēdōn
dašn suftag ī ōy abar āšinǰišn
gawrag ī pušt čiyōn wizīnišn ī aw _iškāftag bē gardēd
az sar ī suft frōd tā ārašnīz ud abāz tā astag harw dō abar bahr ī pas ud azēr
ārōyišn ī mōy ī kaš
padīrag ī war ī abar ōy āšinǰišn az suftag ī čahār angust =ēw ēdōn čiyōn bē āyēd
andarag ī pestān ī ōh bun ī kēr
pušt ī ōy abar āšinǰišn az muhrag ī stabr čiyōn čēbag frōd šawēd bārīk ī tā bun ī kūn
dašn kaš ī ōy abar āšinǰišn and_čand mōy mōy rust ēstēd
ān kē =š mōy nēst čand mōy gāh ud ān ī hōy ham_ēdōn
dašn pestān ōy abar āšinǰišn ēdōn čiyōn bē gardēd hōy =iz ham_ēdōn
dašn pahlūg ōy abar āšinǰišn azabar tā mōy ī kaš frēg ud az pas tā gund_pak ī pušt
az pēš tā čahār angust ī war hōy =iz ham_ēdōn
dašn srēnag ōy abar āšinǰišn azabar tā frēg ud azēr tā čīnišn ud az pas tā bun ī kūn ud az pēš tā bun ī kēr hōy ham_ēdōn kūn ī ōy abar āšinǰišn agar nar pas ī ōy pēš abar āšinǰišn padīrag ud pas
ud agar mādag ast padīrag ī ōy pēš abar āšinǰišn ud pas gaštag ud ham abar ān nēm
narān ī ōy abar āšinǰišn azabar tā čīnišn ud azēr tā šnūg az šak ī kūn frāz hōy =iz ham_ēdōn
dašn šnūg ī ōy abar āšinǰišn čiyōn wādag bē gardēd bārīk =ēw abāz ōh pas ān =iz ī hōy ham_ēdōn
dašn srān ī ōy āšinǰišn azabar tā šnūg azēr tā zang_guzag harw abar bahr ī pas
ud ān =iz ī hōy ham_ēdōn
dašn ī zang ōy abar āšinǰišn čiyōn zangbān bandēnd dō angust az pēš se angust
az kustag čahār angust az pas hōy =iz ham_ēdōn
dašn ī frabd ī ōy abar ī āšinǰišn ēdōn čiyōn zamīg kanēd az zangbān tā bun ī angust andarag ī angust frōd ō zamīg hōy =iz ham_ēdōn
ēg ān druz ī nasuš ī azēr
hax
ī ōy nigun wardēd homānāg ōy čiyōn maxš
parragišn
haxt
ī ōy abar āšinǰišn az pāšnag tā bun ī angust ān =iz ī hōy ham_ēdōn
āgenēn bē pāšnag abāg zamīg ul grift angust az zamīg
dašn angust ī ōy abar āšinǰišn angust az meh ō keh =iz
gyāg ī dahēnd būd kē az keh ōh meh guft hōy =iz ham_ēdōn
ēg ān druz ī nasuš nigūn wardēd ō abāxtar nēmag pad maxš kirb ī ērang ī syā ī frāz_šnūg abāz_kūn ud a_kanārag drēm kū =š drēm ēw_kardag čiyōn ān ī bazag_ēwēntom xrafstar rēmantom
ud ēk_bar sag ōh dast grift baršnūmgar ēn gōwišn frāz gōwišn
kē ast kē pērōzgar ī bēšāzēnīdār pāk yatā_ahū_wayryō kem_nā mazdāy
ēk_bar čiyōn sag pad dast dārēd frāz ō maɣ ī didīgar šawišn tā šaš maɣ ī pad gōmēz bē šawēd ī ēg =iš hamāg ham_čiyōn ēn kunišn
pas ēk_bar sag gīrišn yōǰdahrgar abestāg gōwišn u =š pas az maɣ ī pad gōmēz
and bē nišinišn čand čahār angust u =š pānzdah must purr xāk ayāb narmag ī ābīg abar u =š ēd wišānēnd u =š bē pāyišn tā =š wars ī pad sar hamāg
handām ī xāk hušk bawēd
abarg čand xwāhēd pad wēšīh šāyēd ud pad kemīh nē šāyēd
pad čāštag ka sag nē gīrēd ōh maɣ šawēd šāyēd
ud pad kardag sag ōh gīrēnd u =š bē_ō maɣ ī pad āb šawišn
yōǰdahrgar ōy harw dō čiyōn pad ān ī fradom ēg =išān
nəmasča
bē gōwišn
u =š pas čiyōn ān ī =š pad gōmēz šust ēg =iš pad āb bē šōyišn u =š sag frāz gīrišn
yōǰdahrgar abestāg bē gōwišn
ka =š pad maɣ ī didīgar bē šust ēg =iš ēk_bār didīgar pad ham maɣ bē šoyišn u =š
sag gīrišn yōǰdahrgar abestāg bē gōwišn
u =š frāz ō maɣ ī sidīgar ī pad āb šawišn
u =š se bār bē šōyišn u =š sag bē gīrišn u =š az maɣ ī bērōn bē āwarišn ud pad harw
bār =ēw yōǰdahrgar ud ēk_bar abestāg bē gōwišn
ka bērōn bē āmad pas ēw bōyēnēnd pad paywēhag rāsn ayāb hugōn ayāb hangirdag ayāb hayanbāy ayāb kadār =iz =ēw bōy ī hu_bōy ud pas wastarg kustīg
mōg ēd pōšēd u =š se rōz ī tay bē pāyišn
u =š pas pas ka nē pēšag pēšag bē ēdōn čiyōn zan ī daštān pad gōmēz ud āb bē šōyēd ā =iz šāyēd
u =š pad nō rōz se bār pad ēn ēwēnag bē šōyišn
yōǰdahrgar pāk ēdōn čiyōn pēš =iz
baršnūmgar čē kunišn
ōy kē barsnūmgar ēg =iš fradom kār ēn kunišn kū gōmēz ud āb abar gīrišn u =š
ǰud_dēw_dād =ēw pad ēd kār pad šnūman ī srōš ayāb ardwahišt bē yazišn
u =š gōmēz ud āb az kustag ī fraberdārān bē nihišn u =š ǰud_dēw_dād ēdōn čiyōn
yašt ī gumānīg wizār bē yazišn
u =š pad bun yašt pad mraōt̰
gōmēz āb xūb bē nigerišn
pas ka nihuft ēstēd weh =iz bawēd tā yašt ī pad yašt ī pad ātaxš sar ān gyāg dārišn
pad yašt ī pad āb sar ō kār nē barišn
u =š sang ī xwurd pad pādyāb bē kunišn bē āwāsēnišn
u =š andar ǰāmag =ēw ī pādyāb kunišn
u =š pad ān ašemwohū yatā_ahū_wayryō pad pargard ī nōzdahom ō gōmēz
ōh =iz āb ōh abganišn
abargīg ud pēšagsīrīg sang aw =iš abgand kār =ēw nēst mēdōmāhīg nē šāyēd
harw tan =ēw rāy gōmēz āb dōlag ī ēw ōšmār ī ast se mušt ēk ī mušt panǰ ēk ī mušt
ka wēš šāyēd ka kem nē šāyēd
u =š pas ān ī nē yaštag abāz ōh āmēzišn
ka bē yašt tā čand gāh ka ēstēd šāyēd u =š a_kārīh az čē
gōmēz tā bē pōsēd ayāb srešk =ēw andar ōbadēd āb ud gōmēz tā hixrōmand bē šāyēd
pōsīdagīh paymānag ān ī ka čiyōn rāg rāg bē wīsād/nīsād ayāb čiyōn hangēzēn pad drāzāy bē āyēd
maɣ pad čē čiyōn kanišn
harw kē kanēd pad harw čē kanēd harw čiyōn kanēd šāyēd bē ka ēk_bar ayāb ka az abāxtar rabipwintar ō kanēnd ud pad kardag az abāxtar ōh rapihwintar
kanēnd
kiš kē pad čē ud kay kārišn
yōǰdahrgar kārišn u =š pad tēx kārišn u =š pad abestāg kārišn andar ān rōz kārišn
u =š pad yašt ī abēgumān kārišn az rapihwintar ō abāxtar rōn kārišn
ud abargīg az abāxtar rōn rapihwintar kārišn
ka pad yašt ī gumānīg ā =iz šāyēd
u =š wāz az srōs frāz gīrišn harw kiš =ēw yatā_ahū_wayryō =ēw bē gōwišn
pad wēšīh šāyēd pad kemīh nē šāyēd
kiš abar kiš nē šāyēd
ka abar dēwār =ēw ayāb urwar =ēw ayāb wastargīg ayāb šusr =ēw ayāb hixr =ēw bē āyēd
mēdōmāhīg nē šāyēd
abargīg ka frōd ōh zamīg brīnēd šāyēd ka nē ānē šāyēd
ka abar sag =ēw bē āyēd abāz zamīg frōd grift ēstēd
u =š ēwēnag ī kiš abar paydāgīhēd ka nē ānē šāyēd
ka =š kišt agar bē āšōft
abargīg ud mēdōmāhīg šāyēd
pēšagsīr =ēw gōwēnd kū ān and pad yatā_ahū_wayryō abāz kārišn
pad =iz ēn ham_dādestān hēnd kū ka andar ō kār grift ka =iz abāz nē kārēd šāyēd
čē nērang bē būd ka az kiš kišt wāz bē nē gōwēd andar kār ēstēd šāyēd
ēk_bar tan nē pāk dādestān čiyōn
kē bē nē kanēd ānē šāyēd
kadām paywēhag/paywēšag
hambun =iz spiš ud rišk ud xrafstar ǰādag kē =š zahr andar mānd ēstēd ayāb gōn andar
rēš ka =š nam xōn andar nē ā šāyēd
abargīg ka =š rēš ud xōn hamē āyēd hamē awestarēd tā bē_ō āb rasēd šāyēd
ka ōh maɣ ī āb mad u =š nam ud xōn abāz nē ēstēd nē šāyēd
ka tan az hixr ī gētīyīhā nē pāk nē šāyēd
ka yōǰdahrgar wāz nē gīrēd ayāb abestāg nē gōwēd nē šāyēd
ka baršnūmgar bē drāyēd kār ī =š andar ān mehmānīh kird nē pad kird dārišn
kay_ādur_bōzēd guft ay kār ī =š kird pad kird dārišn
pēšagsīrīg kār ī kird pad kird dārēnd
ud ka ēk_bar bē dārēd u =š abestāg abāz ōh dahan dahišn
ka =š gāh ī pēš pad =iš andar āyēd yōǰdahrgar ī wāz bē gōwišn u =š abāz gīrišn
ka gāh ī rabihwin yōǰdahrgar rabihwin nē yašt ēstēd nē šāyēd pad šab nē šāyēd
ka ēk_bar nē dānēd šustan ayāb gursag ayāb tišnag ayāb sarmāg_zadag ayāb rīdag_mištagīh abāyēd
ka nē dānēd ā =š kas =ēw abāg andar nišīnišn tā =š bē šōyēd
ka gursag tišnag ēg =iš nān ud āb frāz dahišn tā bē xwarēd u =š dahan pāk bē kunišn u =š wāz bē gōwišn u =š pas kār rāyēnišn
ud ka =š sard ēg =iš ǰāmag =ēw frāz dahišn tā frāz nihumbēd garm bē bawēd u =š pas ō šōyišn
ka =š rīdan ayāb mištan pad maɣ ī pad gōmēz ayāb
paṇča dasa
ēg =iš ǰāmag =ēw
frāz dahišn tā =š kār andar wizārēd u =š tan az hixr pāk bē kunišn u =š kār rāyēnišn
ān ī andar āb nē šāyēd
ud ka =š wars ud nāxun rišt ēstēd baršnūm kunēd šāyēd ayāb nē
ka nē pad hixr rišt ēstēd šāyēd
ka bē griyēd dādestān čiyōn
ka andar maɣ ī pad gōmēz griyēd ēg =iš abestāg abāz ōh dahān dahišn ōh rāyēnēd
ka andar ān ī āb u =š ars bē nē āyēd ēg =iš abestāg abāz ōh dahan dahišn xūb
ka gōmēz āb kē ān ī nē šust ō ān ī šust rasēd ayāb az ān ī šust ō ān ī nē šust
rasēd ayāb wād hušk_āb =ēw andar ōbadēd āšāyēd ayāb nē
ka az ān ī nē šust ō ān ī šust rasēd nē šāyēd
ka az ān ī šust ō ān ī nē šust rasēd nē šāyēd
ka az ān ī šust ō ān ī nē šust rasēd šāyēd
ud ka wād hušk_āb =ēw bē bawēd
mēdōmāhīg gōmēz frāz hilēnd ud abargīg dast hamē pad =iš bē mālēnd
ka pēšag =ēw ka gyāg gōmēz āb bē nē rasēd nē šāyēd
ka abāg dast bē rasēd šāyēd
ka dast ud abārīg handām pad harw maɣ =ēw ēk_bār šāyēd ayāb nē
dast se bār ōh šōyišn andarag šōyišn
mēdōmāhīg gōwēnd kū harw handām =ēw se bār ōh šōyišn
ud az dast paydāg dast ud andarag šōyišn abārīg handām az padisār šōyišn
abargīg dast se bār ka bē šust abārīg handām ēw_bār gōwēnd
ka zan ābustan sarmāg saxt rēman bē bawēd ud bīm kū kōdak wizend rasēd
bē pādixšāy šustan ayāb nē
bīm ī kōdak wināhīdan pad margarzānīh ī warōmand nē pādixšāy šustan
agar šōyēd wizend andar =iš ǰahēd margarzān
ka kōdak nē mīrēd rēšēd
pad rēš nē ǰahēd ēg =iz a_dastwarīhā kirdan rāy tanāpuhl =ēw ōh bun
ka ēk_bar handām nē pāk ayāb war gōmēz nē xwarēd ayāb se_šabag nē dārēd ayāb gōmēz āb nē pad ǰud_dēw_dād yašt ēstēd ayāb yōǰdahrgar yašt nē kird ēstēd ayāb maɣ nē kanēd ayāb kiš nē pad tēx kārēd ayāb nē pad abestāg
kārēd ayāb nē andar rōz kārēd ayāb nē pad pēšag šust ayāb sag nē kunēd ayāb kiš ud maɣ nē pad nērang ayāb andar maɣ ī pad āb rēman wēnēd ayāb andar maɣ ī pad gōmēz wārān gīrēd ayāb šab pad =iš andar āyēd ayāb čahār
angust paṇča dasa nē kunēd ayāb ēk_bar nē andar čahār angust ī maɣ ī pad gōmēz nišīnēd ayāb ka pad hamāg sāzišn bē āyēd pas tis =ēw gumānīg bawēd ayāb yōǰdahrgar
nē hušnūd ā =iz nē šāyēd
ka az paṇ_ ča dasa ōh maɣ ī pad āb sag nē gīrēd ayāb yōǰdahrgar abestāg nē
gōwēd ā =z šāyēd pad kōdak sag frāz gīrē n d yōǰdahrgar abestāg gōwēd
ka bē ō maɣ ī bē āb šawēd ud pad ēd dārēd kū =m andar maɣ ī pad gōmēz pēšag =ēw hišt ā =š čē kunišn
ka =š maɣ pad āb ō kār nē kird dānēd kū =š pad kadām maɣ bē hišt ā =š abāz ō
ān maɣ šawišn u =š ān bē šōyišn wāz az ān gyāg frāz hamāg abāz šōyišn xūb
ud ka nē dānēd ā =š maɣ hamāg bun abāz kunišn
ka =š maɣ ī pad āb ōh kār grift āb abar āšixtan
ud ka yōǰdahrgar dō hēnd harw ēk ǰud =iz ǰud kār =ēw hamē kunēnd šāyēd ayāb nē
pad čāštag xwad =iz yōǰdahrgar dō ō abāyēd bē gōmēz āšixtan ud pad paṇča_dasa
kirdan
ōy kunišn kē kiš ōy kārēd abārīg kārīhā pad dast ka yōǰdahrgar yašt nē kird ēstēd wāz nē gīrēd abestāg nē gōwēd šāyēd
ka =š wād =ēw ayāb nam =ēw bē āyēd šāyēd ayāb nē
agar yōǰdahrgar bē āyēd pad čāštag ī ōy kē =š guft kū kār =iš andar ān mehmānīh kird nē pad kird dārišn nē šāyēd ēdōn čiyōn guft
ud pad ān ī ōy kē =š guft kū kār ī =š kird pad kird dārišn šāyēd u =š wāz bē gōwišn
u =š abāz gīrišn u =š ōh rāyēnišn
az man bē ka =š nam =ēw ud gand =ēw ud wāng =ēw nēst wāz bē gōwēd abāz kunēd ēg =iš ēč ǰuttarīh nēst
ēk_bar ka =š wād =ēw bē āyēd ayāb bē drāyēd ayāb =iš āb andar dahān šawēd ēg =iš
abestāg abāz ō dahan dahēd abēr āyēd
ka =š gōmēz andar dahān šawēd gōmēz nē xwarišn šāyēd bē =š pas =iz abestāg
abāz ōh dahan dahēnd u =š kōdak abāg
ka pad bān srāy ud azēr xānag puhl ud kaštīg ud rāh šah ud tāg ud dargāh ud dahlīz ud marz_āb xān_tāgīhīh dar ud dēwār ud taxt_gāh ud azēr zamīg
sūrāg čāh ud dār ud draxt ud ākwar ud rōd_kadag gabr ud ganǰag bān ī wārestān škeft ud baršnūm kunēnd
bān srāy ud azēr ī xānag kaštīg ud dar ud dargāh ud dēwār ud tazan ud sūrāg ka wistarišn bē šāyēd kirdan
taxt ka ēdōn bē šāyēd kirdan ī =š gil ayāb gil_sardag ēdōn frōd šāyēd kirdan
ud kiš bē paydāgēnīdan ēdōn bawēd čiyōn bān_gāh
ka gilēn ayāb gačēn u =š ēwēnag bē šāyēd paydāgēnīdan ud wistarišn šāyēd kirdan
ud ka gāh čiyōn čōbēn ēdōn bawēd čiyōn taxt azēr_zamīg
ud ka wistarišn šāyēd kirdan ēdōn bawēd azēr puhl ī brīdag čiyōn zamīg
ān ī bastag kaštīg ēdōn bawēd čiyōn bān
pad rah ī šāh ān zamān pādixšāy kirdan tā ka =š wārān pad =iš bē āyēd ayāb sāl drahnāy bē šawēd
ēg =iš widār pad =iš nē kunēnd ud dargāh ka =š wistarišn pad =iš bē šāyēd kirdan
ham ēdōn škaft =ēw ēdōn bawēd čiyōn xānag gawr ud čāh ud bān ī wārestān
ka =š āb andar nēst ī pad gōspandān pad =iš paydāg bawēd u =š āb aw =iš nē gardēd
ud wistarišn pad =iš šāyēd kirdan šāyēd
bān ī wārestān ka =š āb šēčand az bun ēdōn bē šāyēd kirdan ī āb ī az bān ī ō wārestān nē šawēd
marz_āb =iz ud ēw_tāg_gāh ēdōn šāyēd
āgur ka =š az parr wistarišn bē šāyēd kirdan ān =iz ēdōn bawēd čiyōn bān ka nē bē kanišn
dahlīz ēdōn čiyōn rāh ī šāh
pad dār ud draxt xwad gyāg kirdan dušwār ud nē =iz šāyēd
ka andar maɣ ud kiš bē nē āyēd andarōn ī kiš ī wuzurg ēk ayāb dō bawēd šāyēd
ka kiš dō nē šāyēd čāh ud sūrāg ham_ēdōn
dār ka dēwār ka bē sumbēd u =š kiš bē šawēd šāyēd
ka pad dar bē āyēd nē šāyēd
ka pad dargāh ud dar ī āgustag wišādag ud āstān nēst šāyēd
ka =iz tāg_āb nē šāyēd dahlīz ham_ēdōn
tāg dargāh ud azabar ēdōn bawēd čiyōn rīd
ēn ān bawēd ka wistarišn hamāg bē šāyēd kirdan ēnyā ka wistarišn ast ī bērōn
tāg ud dargāh nē šāyēd
draxt ī andar ī maɣ rust ēstēd ā pad čāštag ī ōy kē =š guft kū sar bē barēd
ēg =iš wehān xwarišn ud nē =iz šāyēd
pad =iz čāštag ī ōy kē =š guft kū bē_ō gōspand handāzišn ud pad gugārdan
wizārd pad =iš kunišn šāyēd
maɣ ka kand ō kār nē grift ka ō kār grift ēg =iš dādestān čiyōn
ka kand ō kār nē grift pad hamāg kār šāyēd
ka ō kār grift pēšagsīrīg rōz_drahnāy
pah ud wīr ī sāl drahnāy pad ham kār nē šāyēd
pad abārīg kār ka kand hād ā pāk
ud abargīg pah ud wīr ēw māh ān gyāg nē yazišn nē xwarišn sāl_drahnāy nē kārišn
ka =š ēk bār pad =iš šust ī āb rōy ayāb =iš wārān =ēw abar bawēd ā =š abar nē šōyišn
mēdōmāhīg ka =š wistarišn ēd ī nōg pad =iš abāz kird ēg =iš pad =iš pādixšāy šustan
wistarišn ī nōg ka =š ul stad u =š abāz nihād ēg =iš wistarišn kird bawēd
ka =š wārān pad =iš bē būd andarōn bērōn hamāg gyāg bē āwāsēd pad wistarišn bē rāyēnēnd
ka yōǰdahrgar mizd xwāhēd ēg =iš mizd čand
awēšān kē =šān pad abestāg mizd paydāg ēg =iš ān ī pad abestāg paydāg bē dahišn
ka =šān nēst ā =šān pad arz ī mizd anī xwāstag ī bē dahišn
ud ka ān =iz nēst ā =š ābāmīhā pad =iš
ud ka ō tuwānīgīh rasēd ā =š bē dādan
awēšān kē =šān dēnīg mizd nē paydāg ka yazišn =ēw kird ēstēd ayāb dād =ēw dāšt ēstēd
ēdōn čiyōn yazišn ka nē dahēd ayāb yōǰdahrgar hušnūd nē kunēd ēg =iš nasuš abar abāz dwārēd
ka =š nasuš abar abāz dwarēd
ud ka =š nasuš abar abāz dwārēd ā =š čē kunišn kē pāk abāz bawēd
ayāb =iš yōǰdahrgar hušnūd kunišn ayāb =iš abāz šōyēd
ka =š az ēn dō ēk kird pāk
pēšagsīrīg ǰud_dādestānīh pad =iš čē ast ī kē ēdōn gōwēd ay ka abāz šōyēd ān yōǰdahrgar nē hušnūd ēg =iš nē pad šust dārišn
ast kē ēdōn gōwēd ay ka yōǰdahrgar hušnūd bē kunēd ā =z tā nōg abāz šōyēd pāk abāz nē bawēd
amāh gōwēm kū ka pad petīt bē wizārēd ēg =iš pad ruwān tōxt bawēd
ka yōǰdahrgar tōzišn aw =iš rasēd ā =š pad mēnōy nē wināh pad =iz gētī tan nē rēman
ka =š ēwēnag šahr ud šahr ī pēš dārēd yōǰdahrgar gōwēd ay nē hušnūd ham
ēg =iš nasuš abar dwārēd ayāb pāk
pāk ud yōǰdahrgar sar ōh sōg
ka =š mizd nē dahēd yōǰdahrgar widerān bawēd
ka yōǰdahrgar widerān bawēd xwāstag_dārānīh yōǰdahrgar hušnūd kunēd ēg pad šust dārišn
čē rāy ēg =iš nasuš abar abāz dwārēd
ēd rāy čē xwaršēd māh ud stārag ēg =išān a_hunsandīh pad abar tāft abar
ōy ēw_bar nasuš az =iš bē kunēd ud šnāyēnēd ātaxš ud āb ud zamīg ud gōspand
urwar ud mard ī ahlaw ud nāyrīg ī ahlawēnī
u =š ān_and mizd bē ruwān nigēzēnd pad ān ī nazdīk axwān pad sedōš ud ēwarīh
ud nēkīh ī ān ī pahlom axwān pahikār nē pad tanāpuhl =ēw
ud az man bē kirbag ī az ān paydāgīh bē kunēd ōy =iz yōǰdahrgar ōh bawēd
ka aburnāyag pad nasāy abāz pahikōbēd ēg =iš dādestān čiyōn
u =š ǰāmag pad čē pāyag ēstēd
abargīg ēg =iš az tis =iz nē pahrēzišn u =š ǰāmag pad xšauuaš mā̊ŋhō šōyišn
ka ō tuwānīgīh mad pad pixag šōyišn u =š ǰāmag pad gōmēz ud āb šōyišn
mēdōmāhīg bē ka ǰāmag =ēw pad nasāy abāz pahikōbēd
ēg =iš ka kas az ān kē =š tan nē rēman ēg =iš ǰāmag =iz nē rēman
pid ī ka pad nasāy abāz pahikōbēd ēg =iš dādestān čiyōn
abargīg rēman
ka ēdōn bē šāyēd šustan ka =š kas =ēw abāg andar nišīnēd ā =š bē šōyišn
ka nē rēman u =š az harw tis ōh pahrēzišn
ud az man bē rēman čē guft ēw
haṇm_baōiδimnąm_ačiϑa_šyiiaōϑni ud ān kas
kē wināh ōh bun nē bawēd ēg =iš nasuš abar nē dwārēd
abāg ōy kē =š wizīrēnēd kū nasāy_iš pad dād šawēd ōh ōwōn =išān
čē pid ī šahr ī nē paydāg ā ud pid gyān dād āmār nē kunēd
čiyōn kunēd kū druz ī nasuš bē zanēd
āb ud ataxš kunēd
stōw kird ī druz ī nasuš gōwišn pad gāhān =ēw bišāmrūd srišāmrūd čahrušāmrūd
ka ǰud_dēw_dād bē yazēd ēn gōwišn ī gāhānīg frāz gōwēd
ēg =iš ān druz ī nasuš ēdōn bē zad wānīd bawēd čiyōn tigr ī huhaxt ī az mard ī čiyōn spandyād pad nērōg kamān ī ōy bē_ō mad ī kahwan ī tanuk ī sūdag ayāb rōyēn =ēw ī tanuk ī ēwtan =iz pad nērōg pad =iš widerēd
ān druz ī nasuš kē bišāmrūd srišāmrūd čahrušāmrūd ī pad ēn ǰud_dēw_dād ī pad barsom yazēnd ā =š zanišn čiyōn
ēdōn bawēd
ka yōǰdahrgar nērang nē dānēd ayāb čiyōn abāyēd nē kunēd ēg =iš wināhgārīh čiyōn
ān druz ī nasuš was_ōztar ud stahmagtar wālēd čiyōn ān ī pēš az ān būd ān ōy
yask ud ān ōy marg ud ān ōy petyārag garāntar ud az ān dard ud waštīh ī ud wēmārīh čiyōn pēš =iz
u =š nimāyēd ān ahlomōɣ anahlaw pad ham_bandišnīh ōy ō ham ēd bandēnd
dast
u =š ǰāmag az tan bē ēw barēnd u =š bē ēw kušēnd u =š pōst_pahnāy bē ēw gīrēnd
ka pad petīt ā =š az =iš wizard ka nē pad petīt tā tan ī pasēn pad dušox
čē petyārag ī nasraš az ān ō dāmān dwārēd
yask ud marg az šahr rōdestāg šīrēnīh ud čarbīh ud frāy_dahišnīh ud wālišn_dahišnīh drustīh ud bēšāzišnīh ud waxšišnīh ǰōrdāyān ārōyišn ī bar
bē wināhēd
kay ō šahr rōdestāg šīrēnīh čarbīh wālišn_dahišnīh ud drustīh ud bēšāzišnīh ud waxšišnīh ǰōrdāyān ārōyišn ī bar abāz rasēd
tā ān zamīg ka ān ahlomōɣ ī anahlaw pad kēn_zanišnīh bē zanēnd abāg wināh
šaš rōz ud se šab andar ān deh paywastag pad sōzišn abar ātaxš frāz_wistarišnīh ī barsom ul_dahišnīh ud abar ī hōm ud srōš ahlaw frāz yazēnd pas abāz rasēd
ka =š ēn bē kird ēg =iš deh yōǰdahrgar pāk ud ēn anāgīh guft az =iš bē šud
nēkīh ī bowandag abāz rasēd
nē
čē ka =š ān ī kird ēg =iš ǰud_dēw_dād =ēw pad srōš bē yazišn tā druz ī nasuš az mān ud wis ud zand ud deh
hēnd abāz ayārān druz ī sneh_zadārān bē dwārēnd
ud kadām druz hēnd kē az wināhišnīh druz ī nasuš abāg druz ī nasuš pad wināhišn ī mān ud zand ud deh bē dwārēnd
awēšān hēnd tīr petyārag ī ardwahišt
druz ī nasāyīgdārīh ud sāwul petyārag ī šahrewar
druz ī duš_hudāgīh wināhīh petyārag ī spandarmad druz ī tarōmad
tāywriǰ zāyriǰ petyārag hordād amurdad
druz ī zahrag ud taxlīh ud xešm ī xurdruš akataš dēw ud waranīg dēw ud wādēn dēw
ka ǰud_dēw_dād bē yazēnd ēg =iš gōwišn gāhānīg pad nērang rāy
ēg =iš sneh ī gannāg_mēnōy ud ān ī xešm ī xurdruš ud ān ī māzanīgān dēwān ān ī harwispīn dēwān ā =š az =iš bawēd
hamēstārīh ī druz nasuš pad ham_rasišnīh ī zad_amargīh ud padīrag_rasišnīh ī zad_pedrēs hamrēs kē az ōy rist ō ōy ī zīndag abar dwārēd az ōy rist ōh ōy ī zīndag abar gumēxtēd
kadār gōwišn kē sneh ī dēwān druzān wēš u =š az =iš wēš tarsēnd
ud druz ī nasuš hamēstārīh bišāmrūd srišāmrūd čahrušāmrūd gāhānīh ud sneh gannāg_mēnōy ud sneh ī xešm ī xurdruš ud sneh māzanīgān dēwān ud sneh ī harwispīn dēwān
ēn hamēstārīh ī ān ī druz sneh kē az ōy rist ōh ōy ī zīndag pad hamrēs ud padrēd abar gumēxtēd
pas čiyōn kū ka ēn gōwišn frāz gōwēnd druz ī nasuš kē pad hamrēh ud pedrēh
ō mardōmān gumēxtīd ēstēd
ēn gōwišn az xwad abāz dāštan nē šāyēd tā pad and saxtīh ud ranǰ ī baršnūm kird
az mardōmān guft ēstēd kū abāz dārīhēd
ham pad ēn gōwišn abāz dārīhēd bē =š maɣ ī kār ī andar baršnūm nērang
yōǰdahrgar ruwān pad yōǰdahrgarīh dēn čiyōn pad humat hūxt huwaršt
anī dēn yōǰdahr šāyēd kirdan ī dēn gōwēd kū ēg ā tō zarduxšt nō maɣ bē brīnišn kē hēnd pad ēn zamīg ǰud_ābtom ǰud_urwartom anabar_xwarišn
pad pah ōh wīrān kē yōǰdahrgarīh ast mardōmān pahlom
pas az zāyišn yōǰdahrgarīh ud pad ruwānīg yōǰdahrgarīh
gōwam ī pad dēn ī mazdēsnān paydāg kē ān ī xwēš dēn yōǰdahrēnēd pad humat
hūxt huwaršt
yōǰdahr šāyēd kirdan
dēn ī abēzag yōǰdahrēnē čē =š ēdōn ast yōǰdahrīh
kadār =iz =ēw mardōm ān ī xwēš dēn ī abēzag kē ān ī xwēš dēn yōǰdahrēnēd pad humat hūxt huwaršt
yōǰdahr šāyēd kirdan tā menišn az dušmat dušhūxt dušhuwaršt
pāk ud yōǰdahr bē nē kunēd ēg =iš dēwān druzān druz ī az xwad spōxtan abāz dāštan nē tuwān
ēd ka petīt nē kunēd ēg =iš šōyišn nē kār čē =š naxust wihān menišn wirāyišn u =š
pad dēn ōstīgān bawišn u =š pas pākīhā bēšāzišnīh rasēd u =š pas pākīh az dēw ud druz pad =iš škennīhēd u =š az xwēš mardōmān abārīg dām ī ohrmazd
bē zanēd abāz dārēd ruwān pad =iš bōzēd
wināhišn ī az mard ī ahlomōɣ kē nērang baršnūm nē dānēd ayāb dānēd nē xūb kunēd čiyōn kunēd kū yōǰdahrgarīh ī tis pad bēšāzišnīh =iz bē rasēd
ka ǰud_dēw_dād =ēw bē yazēd ā =š harw tis =ēw yōǰdahrīh dād bawēd
yatā_ahū_wayryō panǰ kem_nā mazdāy
tā ašahē ka pad mayān yōǰdahrgarīh bawēd
ēg ēn gōwišn frāz gōwēd kū ēdōn man hamē tā tan ī pasēn pānagīh ān ī bēdom
zamān ī tan ī pasēn pānagīh ī dāmān abāyēd kirdan
ay nūn ka andar āmad hē ā =t bērōn abāz nē hilam
ud ka ātaxš yōǰdahrēnēd ēn gōwēd kū ēdōn ī tō ātaxš ī pad warahrānīh
nazdīkīh bē rasam pad pahrēz tarsagāh kirdan
ka pad āb yōǰdahrēnēd gōwišn frāz gōw kū āb ēdōn yazam kē ēd dām
ka pad zamīg yōǰdahrēnēd ēn gōwišn frāz gōw kū yazēm _om ēn zamīg mādagān
ka gōspand yōǰdahrēnēd ēn gōwišn frāz gōw kū ān ī gōspandān dahišn āb ud wāstar ud ān ī awēšān kunišn pahast awēšān mardōm andar gēhān kār pahlom framāyišn
ka pad urwar yōǰdahrēnēd ēn gōwišn frāz gōw kū ēdōn pad ān ī ōy tarsagāhīh ka gāw ī ēw_dād tan bē dād ohrmazd urwar waxšēnīd kū =š bē abzāyēnēd
ēdōn ka pad mard ī ahlaw yōǰdahrēnē ēdōn ka pad nāyrīg ī ahlaw yōǰdahrēnē
ēn gōwišn frāz gōw ān ērmān_xwāyišnīh ōh rāmišn ras nar ud nāyrīgān ī zarduxšt ā =šān pad rāmišn bē kunam ān ī dēn kāmag arzānīg bawēd
pad mizd ān ī ahlāyīh tarsagāhīh ān ī ohrmazd mehīh bawād
mowbedān mowbedīh ēn gōwišn dranǰēnē ī ast kū pērōzgartom
bēšāzēnīdārtom hašt yatā_ahū_wayryō kemnā tā ašahē frāz_srāyīh
bē purdēnam xešm bē purdēnam nasuš bē purdēnam kē pad hamrēh bē purdēnam kē padrēh
bē purdēnam būšāsp ud zahrgar bē purdēnam būšāsp dērang_gaw bē purdēnam framāydar ī ǰud_kardag
bē purdēnam ān parīg_kāmagīh ud ān dēw_ēzagīh kē āhōgēnēd ātaxš ud āb
zamīg ud gōspand ud urwar ud stōr ud māh ud xwaršēd az ān ī asar_rōšnāgīh
ud az harwisp ābādīh ī ohrmazd_dād kē az ahlāyīh paydāgīh
čahār yaϑā_ahū_vairiiō frāz_srāyē
pahikāram xešm pahikāram pad nasuš pahikāram kē hamrēh pahikāram kē
pad padrēh pahikāram pad būšāsp ud zahrgar pahikāram pad būšāsp ī dērang_gaw pahikāram pad ān ī parīg_kāmagīh ud ān ī dēw_ēzagīh kē āhōgēnēd gētī āb ud zamīg ud gospand urwar
pahikāram pad tō duš_dānāg gannāg_mēnōy
čahār mazdā_at̰_mōi_vahištā čahār ērmān_xwāyišnīh
bē purdēnam xešm čiyōn guft
panǰ yaϑā_ahū_vairiiō
ān ān druz kē gannāg_mēnōy pad petyāragīh ī dām ī ohrmazd ud rēmanīh ī tan
mardōmān frāz kirrēnīd kē az nasāy ǰūdan abar āxēzēd
nasāy ǰūdan pad xwēš kāmag nē pad xwēš_kāmagīhā
ud andar ǰast rēmanīh ud wināh ī nasāy_ǰōyišnīh čiyōn
nasāy pad xwēš kāmag ǰūd xwad paydāg čē dil kandan abāyēd ān ī a_kāmag ud nē pad kām andar ǰast rēman ud margarzān nē bawēd
nasāy paymānag hambun =iz
hād mēdōmāhīg ka mizag dānēd ayāb ōbārēd
abargīg ka ōh pad čē madan ka kas =ēw kas =ēw pad dandān frāz gīrēd
mēdōmāhīg ēd ka pad dandān ud ēd ka nē pad sneh ud nasāy bē šud ēstēd rēman
ud ka xōn abar bē rawēd nasāy bē šud ēstēd ka pad sneh ka nē sneh
abargīg gōwēnd xōn
abēnasāy nē bawēd rēman
mēdōmāhīg ǰuttar gōwēnd
ay ka nasāy nē šud ēstēd xōn nē pad stahm bē xward ēstēd nē rēman ka stahm rēman
mēdōmāhīg kē xōn ī pad stahm nē pad stahm āmār kunēd
xōn ī pad stahm nē pad stahm kadām
mēdōmāhīg xōn ī pad stahm nē pad stahm ud tēx =iz āmār kunēnd
ud xōn ī pad stahm ān bawēd kē pad kirbag bē kešēnd ud pad tis =ēw ayāb pad dast frāz afšārēnd ud xōn bē āyēd
ud ka =š tēx pad =iš andar zanēnd
gōwēnd kū tēx sneh nē barēd
ka tēx sneh nē barēd nē rēman
čē nē nasāy bē abdom ēg =iš wināh ī hixr_xwarišnīh ō bun
abargīg gōwēnd se tēx
sneh ōh barēd čiyōn
abargīg gōwēnd rēman ka pad wināhgārīh margarzān ōh bawēd
ān ka pad sneh pad dandān frāz gīrēd ēdōn čiyōn ka =š tēx andar ast bawēd
kē tēx =ēw pad handām ī mard dō andar zanēd xōn abar āwarēd ēg =iš sneh ud rēmanīh ī tēx bawēd ayāb čiyōn
mēdōmāhīg ēč dō nē bawēd ǰud_ǰud pad xešm
abargīg harw dō ōh bawēd tēx rēman
mēdōmāhīg tēx hixrōmand
ka pad dast frāz afšārd xōn abar āyēd ān xōn nasāy
ud ka nē pad stahm abar āyēd
mēdōmāhīg nē nasāy gōwēnd
ka ān tēx nē pad =iš andar zanēd
čē =š abar zanēnd tēx rēman bawēd ayāb nē
ka =š rāst andar zanēnd nē bawēd
ka pad pahnāy =iz andar zanēnd ōh bawēd
abargīg āmār nē kunēd čē harw čiyōn zanēnd ud harw kē zanēd ud pad harw
čē zanēd ka xōn abar āyēd pad nasāy dārēnd
mēdōmāhīg ān pad nasāy dārēnd čiyōn sang =ēw ayāb dār =ēw ayāb gad =ēw pad xōn abar āyēd ud šafšēr ud kārd
ud hamē ka pad pahnāy zanēnd ān =iz ēdōn bawēd
ka xrafstarīg rāy zanēd čiyōn bawēd
ān xrafstar hixr ayāb nasāy ī grāy ayāb xwār
xrafstar harw čiyōn zanēd harw kē zanēd pad harw čē zanēd frārōnīh ud kirbag
ka =iz ēdōn šāyēd ī pad ātaxš sōzēnd ayāb pad āb rōbēnd ā =iz kirbag
ka ōzad ēstēd pad wināhgārīh ō āb ayāb ōh ātaxš barēnd gaz ud wazaɣ ud sahm ī gannāg_mēnōy
ka pad yazadān dušmenīh pad wināhgārīh barēd tan rēman margarzān bawēd
ka nē pad wināhgārīh tan_rēmanīh ud margarzānīh nē bawēd
abārīg wināh čiyōn nasāy ud zīndagān
anērān margarzānān sar pad dāštan pādixšāy
u =š az āb ud ātaxš ōh pahrēzišn
ān =iz ī anērān gaygān margarzānān ham_ēdōn
gurg ud gurg_sardag az mār nūn pāyag =ēw kem ud xwārtar
kayk ud spiš ud rišk hixr ī grāy
ēdōn čiyōn gurg_sardag ī gandag way ī zīndag dunward kasab ud pīr ud gōn ī larzum kadag ī gōn ī kasab ud astagānān ī pīr pāyag =ēw xwārtar
mōr ī zīr ud ān ī dānag_keš ud ān ī šabīg rēman =iz
wāy ī halag ān ī ǰōrdāgīh rēmanīh ō gurg handāzišn nasāy ī gannāg_mēnōy
mār ī parr grāytar ud gaz ud gaz_sardag ud magas ud magas_sardag ud sardag ī nē gandag xwārtar
pad darmān ud dārū g xwurdan ī nasāy ī hixr ī xrafstar pādixšāy xwurdan ayāb nē
nasāy ī ēč gannāg_mēnōy hixr ī murdagān pad ēč meh_dādestānīh xwurdan nē pādixšāy
pad margīh ud rēštagīh ī pad armēštīh pāyag =ēw ēwar
ka dārūn anērān uzmāyišn pad =iš kird ēstēd mard ī čiyōn šāhān šāh ayāb mowbedān mowbed ayāb ādurbād ī māraspandān ayāb ān kē andar
ān zamān pēšōbāy ī dēn kē =š az nē būd marnǰēnišn ī dām ka ēk ī čiyōn ān ma
meh_dādestānīh nē šāyēd nasāy ī gannāg_mēnōy ud hixr ī xrafstarān
ān ī grāy ka dārūn uzmūd ēstēd pad margīh ud rištagīh ud armēstīh ud pad =iz
abārīg wehān pādixšāy
hixr ī xwārtar xwad šāyēd
ud hixr ī grāy ān ī mardōmān ud sagān
stabr az čašm ud gōš ud dahan ud wēnīg ud kūn mēwag xōn ud šusr ud šīr ī xwārtar čiyōn ars ud tanuk ī az gōš ud dahān ud wēnīg ud mēšag_āb ī pusdān ī spēd ud tanuk ān ī az kūn kē tanuk u =š gand nēst ān =iz ēdōn bawēd
tanukīh paymānag ēdōn bawēd čiyōn āb gandagīh paymānag
hambun =iz ān =iz ī tan ka az dahišnīh ī xwēš bē gašt gandag būd grāy bawēd
āb =iz xwarišn ī az gōspandān urwarān ka az dahišn ī yazadān bē wardišt gandag
bē būd ān =iz ēdōn bawēd
āb ka andar dahān gīrēnd ud pad zamīg bē rēzēnd ā =š rasišn az ān tā tan ī pasēn
ēg =iš yōǰdahrīh abāz nē rasēd
ud kē anērān ud margarzānān gaygān duzzān stahmagān pad stahm pādifrāh
nasāy ud hixr ī murdagān xwardan ud ō ātaxš ud āb ud mard ī ahlaw burdan
farmāyēnd
ud ēd ēwar dānēd kū agar nē kunēd ēg =iš bē ōzanēnd ayāb pādifrāh ēdōn
kunēnd ī škāftan nē šāyēd ēg =iš dādestān čiyōn
ka =š bīm ēwar pad ōzadan ayāb armēštīh tā ēk margarzān ēk bār framāyēnd
xwēš_tan az marg bōxtan rāy pādixšāy ud pad dō margarzān dō bār
āy ā =m nē kunēd ēstēd
ud pad se margarzān nē šāyēd
hixr =iz murdagān ēdōn pōst ī … ī brīdag ud stabr ī az dast pāy pōst spuš az sar abārig handām ud mōy ud nāxun kandag ud bridag dādestān čiyōn
hamē hixr ī grāy ǰud az mōy ud nāxun kandag čē az ān ka =š bun abāg nasāy
kē mōy bē kanēd ān bun pad dandān bē ǰōyēd bē abganēd ēg =iš dādestān čiyōn
rēman ud pad harw bār =ēw ka =š bun abāg bawēd nōg margarzānīg ō bun bawēd
ka bē brīnēd u =š bun abāg nēst nē bawēd ayāb bun pad dandān nē bē pad mayān ayāb tan ī mōy brīnēd ēg =iš dādestān čē
harw ēk tāg ēg =iš hixr_xwarišnīh gīrišn u =š stēr pas ō sarīhā
wināh tōzišn ka pad zīndag bē nē wizārēd ēg =iš murdag bē nē baxšēnd ān ī pahlom axwān
kē =š xwēš_tan rang abzūd ēstēd ud rang andar hilēd ēg =iš dādestān čiyōn
ka rēman bē bawēd ēg =iš šōyišn kār ayāb nē
ka rang pad āb andar hilēd rēman margarzān
ka rang pad gōmēz ayāb āb ī tan_tōhmag ayāb pad hušk andar hilēd ēg =iš sīh
stēr wināh ud tan rēmanīh margarzānīh nē bawēd
pad darmān_barišnīh wād ī druwand pādixšāy
ud ka =š rōzgār ēdōn pad =iš bē nē šud ēstēd ī =š rang abāg tan ēdōn gumēxt ēstēd
ī abāg tan ēw_kardag bē būd ēstēd pad baršnūm abāyēd šustan u =š az rēmanīh =iz abāyēd šustan nē šāyēd
ka =š rōzgār pad =iš bē šud abāg tan ēw_kardag bē būd mēdōmāhīg šāyēd abargīg
nē dāštan
ka =š pad wināhgārīh mēdōmāhīg =iz nē šāyēd
pas agar pad petīt bē_ō a_wināhīh gardēd
ud abargīg ēg =iš kanišn u =š bē hilišn tā rēš drust bē bawēd ayāb =iš pad sang
garm gōmēz bē dazišn u =š pas ōh šōyišn
ka gyāg az ān kē bē kand bīmgēn pad dārūn bē burd nē šāyēd
ēg =iš bē šōyišn u =š az āb ud ātaxš ud barsom mard ī ahlaw ōh pahrēzišn
pad zūdīh ī xwēš šāyēd
kē =š pad baršnūm abāyēd šustan u =š wars rušt ēstēd ēg =iš šāyēd ayāb nē
ka nē pad hixr rušt ēstēd šāyēd
ka pad hixr rušt ēstēd nē šāyēd ud hixr paymānag hambun =iz
wastarg ǰāmag ī pad kirm =iz ud abārīg xrafstar rangēnīd rōyēnīd ēstēd šāyēd ayāb nē
harw čē pad xrafstar rust ēstēd nē šāyēd ān =iz ī pad hixr ī nasāy nē šāyēd
ka gannāg_mēnōy was xrafstar az a_pahrēzišnīh ī ud rēmanīh mardōmān kē
pākīh ēdōn čiyōn abāyēd kirdan nē kunēnd bē hangēzēnēd ud pad petyārag ī dām ī ohrmazd ud frāz kirrēnīd
dādār ī ohrmazd pad bē abesīhēnišnīh ī xrafstarān dad dām dād kē xrafstarān
bē zanēd
was =iš dād čē =š pad ēk tan ī sag ī dārmag_sar ī gardan bārīk kē mardōm zūzag
xwānēnd pad ēk šab pad hazār_zanišnīh bē_ō dām ī ahriman rasēd
u =š and murw māhīg ī xrafstar_xwār bē dād ēstēd ī agar nē ān rāy būd hē ēg
xrafstar ī was kē būd hē hamāg mardōm pad wiš ud zahr tabāh būd hē
ud ēdōn =iz sag ī pasušhorw ud wišhorw ud wohunazg ud tarrōg udrag ī ābīg
mēnōyīhā druz ī nasuš ud abārīg was frāxīd dēw ud druz ǰādūg gētīyīhā
hamē zanēnd ud dām ī ohrmazd hamē az gēg ud gurg abāz hamē pāyēnd
kē sag =ēw ī pasušhorw ayāb wišhorw ayāb wohunazg ayāb tarrōg bē ōzanēd
ēg =iš pad mēnōy dādestān čiyōn
ruwān ī ōy pad činwad puhl pad =iz dušox xrōsagtar ud ōbastagtar čiyōn mēš
pad hāsr wīdārag
pad pīm ayārd ēstēd gurg hamē wēnēd kū =š ōh xwardan šawēd ruwān ī ōy
duš_farrag az was_arsagīh ōbastagīh
kē =š andar axwān kird ā =š pad bē_widerišnīh was sag ī puhl_bān ā =š ōh padīrag
rawēd u =š ōh puhl nē hilēd
kē sag nē dārēd šāyēd ayāb nē
ud sag kadām meh
kē sag nē dārēd nē šāyēd nāmčišt ān kē =š mān gōspand
pasušhorw ud wišhorw meh ud mad frāytar čiyōn dēn gōwēd kū ka =iz awēšān ān ī man mardōm mān kunēnd ā ma bē rawānd kē =iz sag ī pasušhorw ayāb wišhorw
nē ān ī mān winnārd ma ēstišn būd hē pad ēn zamīg ī abar ī ohrmazd_dād agar
man nē dād hē sag ī pasušhorw ud wišhorw
udrag ī ābīg ast sag ī ābīg bē ōzanēd ēg =iš dādestān čiyōn
ān ī udrag_zadār ēč kunēd ī xōn āstār ud sahm
az gyāg ud rōdestāg šīrēnīh ud čarbīh ud druyistīh bēšāzišnīh frāy_dahišnīh
ud rasišnīh waxšišnīh ud bar ud sar ī ǰōrdāān ud wāstārān bē wirēzēd bē wirobēnēd
ka ān ī udrag zadār pad āgenēn_zanisnīh bē zanēnd abāg wināh =ēw ayāb ōy
udrag abar dahm ruwān frāz yazēnd se rōz ud se šab pad sōzišn abar ī ātaxš
frāz_wistarišnīh ī barsom ud ul_dahišnīh abar ī hōm pad šnūman ardāy fraward
kē sag ī siāsar ayāb ī zūzag bē ōzanēd ēg =iš dādestān čiyōn
nōhom pad =iš ōy ā =š ruwān bē marnǰēnēd kū =š pad kār ud kirbag kirdan dāšn wattar dahēd
awēšān hēnd duš_ a yābag pad čīnwidarg
ka pad zīndag bē nē wizārēd ā =š murd ān ī pahlom axwān nē baxšēnd
kē nasāy ī sag nē wēnēd pad tan =ēw pad čār ud tuwān ka hamāg ǰumbēnēd margarzān
pad tan ī rēman hagriz pāk nē bēd
ka nē pad čār ud tuwān hambun =iz ka ōh kas ǰumbēnēd framāyēd ēg rēmanīh
bawēd margarzānīh nē bawēd
ān ī sag wēnēd bē ka ēw_kardagīh hamāg ǰumbēnēd tā rēman nē bawēd sag_dīd abāyēd ka sag ōh nimūdan ī nasāy barēnd pad stahm nē šāyēd ud pad frēb šāyēd
kē nasāy pad dār =ēw ayāb čōb =ēw ǰumbēnēd ud dō_paywand u =š ōh abāyēd šustan
bē agar pad bēl =ēw ayāb tabar_ēw tis =ēw ī az ēn gōnag ǰumbenēd ud se paywand nē rēman
kē pad wināhgārīh tan ēdōn rēman kunēd ī =š pad pixag abāyēd šustan ēg =iš tanāpuhl =ēw wināh
kē ēdōn rēman kunēd ī =š pad gōmēz āb abāyēd šustan xwar =ēw wināh ōh bawēd
nasāy rōbāh ud ān ī zīndagān pad barsom ud pādyābīh se gām was ud abārīg hamāg sīh gām ōh abāyēd ka pad rōšn hamāg se gām ud was
tan =ēw ka andar xānag bē mīrēd xānag ud tuhīgīh hamāg rēman
pad zamestān nō šab ud pad hāmīn māh_drahnāy az ān xānag mardōm
andar šudan ud abārīg tis ōh ān gyāg burdan wināh u =š wināh tanāpuhl
ud xwarišnīg tis ōh ān gyāg būd a_kār ī
abārīg tis ī nē xwarišnīg ka andar ō ān gyāg ka =iz pad gyāg pad gōmēz āb bē šōyēd ā =iz tā nō šabag ayāb māh_drahnāy widerēd nē pādixšāy kār framūdan
ka xānag ǰud_kadag =ēw kird ēstēd ayāb ān kār rāy ēwēnag =ēw paydāgēnīd ēstēd šāyēd
ka =iz band ēw_tāg pad ān kār bē bandēd šāyēd
ka =iz abar_zamīg =ēw pad ān kār bē kunēd šāyēd
summary
paydāgīh ī hāmīn az ān ī zamestānān ēn kū hamē ka rapihwin hāmīn
ka rabihwin nēst zamestān
ka kas andar abdom ī hāmīn bē widerēd sar andar ōh zamestān barēnd
ka nō šabag ī zamestān az zamestān bun šud āhōgēnīd kadag pāk
ud ka andar abdom ī zamestān bē widerēd
ka az ān ī zamestān hamist tā bowandagīh ī māh_drahnāy az hāmīn šud xānag
ǰud_kadag pāk
gyāg =ēw kē tan =ēw bē widerēd
kirb nasāy ī murdagān andar ān hangām ka =š kas bē šud ōh zamīg ēstēd
ān zamīg and gyāg rēman pad sāl_drahnāy pāk bē bawēd
āb ud ātaxš ud xwarišnīg tis ī mardōm =iz az ān gyāg pahrēxtan abāyēd ud xūb tan ī ān gyāg kū az āb ud ātaxš abēbīmtar bawēd šāyēd
kē nasāy_ēw nigān kunēd ēg =iš pad gyāg tanāpuhl =ēw wināh
ka māhīgān panǰ guft kird dō tōhm_wār nēm
ka sāl_drahnāy panǰ tanāpuhl
ud pad bowandagīh ī dō sāl agar nasāy pad nasāyīh mānd ēstēd mērag margarzān
ud agar nasāy ōh xākīh nasāy_nigānīh pad harw tis =ēw ōh bawēd
bē pad nasāy ayāb wastarg ī tadag gyāg zamīg ud tis =ēw kē nasāy andar nigān kunēd ka nasay ōh xākīh gumēxt ayāb nasāy az ān gyāg bē barēnd pas =iz
gyāg zamīg ud tis tā haftād sāl pad tis =iz kār nē šāyēd
āb ud ātaxš ōh ānōh burdan wināh ī garān zamīg kištan warzīdan nē dastwarīhā
kē nasāy pad wināhgārīh xwarēd rēman ī margarzān šōy nēst
ka a_wināhīh xwarēd rēman pad pixag šōyišn
wastarg ka hixr ī daštān šud ēstēd pad gōmēz gōn abāz nē dārēd
ān and gyāg bē brīnišn
abārīg ka šust pāk
paymānag ī nasāy xwurdan hambun =iz ka =š mizag dānēd ayāb ōbārēd
ka kas xwarišn xwarēd ayāb pad xwarišn ayāb pad dandān dahān brīnēd xōn
āyēd tahm_tahm =iz sneh āgāhīh bawēd xwarišn ān ī andar dahan bē abganēd
pad ān brīn nasāy šud pādixšāy ka pixag nē šōyēd
ēdōn =iz ka az garmīh ī xwarišn dahān bē sōzēd
ka pad ham zamān xwarišn az dahan bē abganēd hamgōnag
bē agar az ān garmīh dahan ābilag kunēd aw _iškāftan kū āb ī =š andar bē āyēd
abāg ēwēnag bē abganēd kū az bīm ī rēmanīh rastag bawēd
wastarg kē kas andar bē mīrēd
harw čē frāz ōh nasāy ēstēd andar ān hangām ka gyān az =iš šawēd pad =iš ast akār ud abārīg pāk
wastarg kē pad =iš bē kešēnd agar hazār_tōf ast hamāg a_kār
wastarg kē =š čarbīh ī murdagān pad =iš šud ēstēd ān and gyāg bē brīnišn abārīg pāk ud ōh šōyišn
ēdōn =iz ān kē =š hixr ī murdagān pad =iš šud ēstēd ān and gyāg bē brīnišn abārīg pāk
nasāy pahrēxtan pad kem az zōr ī dō mard nē šāyēd abārīg ka wēš bawēd šāyēd
ka frōd abāyēd nihād čiyōn
pahrēzōmandīhātar frōd nihišn
ka =iz ul abāyēd stad ham_gōnag ēdōn kunišn
kū āmār pad stadan ud nihādan zōr ī dō mard ān gyāg bawēd
ka pad ham_zōrīh ōwōn kird ka dast ō dast dahēnd šāyēd
ud pāy_ā_pāy nihādan kār =ēw nēst
awēšān ī nasāy_keš ka =šān nasāy ōh astōdān pahrēxt pēš kū abāz ōh deh mayān ī wehān rasēnd ān xūbtar ka tan ud wastarg pad gōmēz ud āb šōyišn
ud an ī frēzwānīgtar ud abērtar pahrēzand paywēhag ud kam_nērōgīh ī petyārag ī seǰ rāy
ud pad =iz abārīg hangām hamāg mardōm frēzwānīg a_āmār
tan ud wastarg az hixr ī gētīyīhā pād dāštan abāyēd kē =iz harw rōz tan šōyēd
ēg =iz andar māhīgānīg čahār bār hamāg tan pad gōmēz ud āb šustan abāyēd
ud ka ān čahār rōz ud dēn dēn ēdōn kird abārīg rōz ka gyāg ī hixrōmand pad gōmēz ayāb āb ī tan_tōhmag
abārīg tan pad āb šōyišn šāyēd
tan andar gawr ud rōd nē pādixšāy šustan andar gawr šustan
zan ī ābustan ka ābusīhā bē mirēd ka sag nimāyēnd pad ham_zōrīh ī čahār mard barēnd šāyēd
ka xūbīhā pahrēzēnd pādixšāy hēnd ka nē šōyēnd
ud ham_zōrīh
dō mard andar pahrēxtan ī nasāy ī zan ābustan čiyōn ham_zōrīh ī dō mard andar abārīg nasāy