Select Section Type

pad nām ī dādār ohrmazd
pad nām ī dādār ohrmazd ud murwāg ǰahišn ī nēk tan_drustīh ud dagr_zīyišnīh harw wehān ud frārōn_kunišnān nāmčišt ōy rāy nibēsīhēd
ēn ayādgār ī zarērān xwānēnd pad ān gāh nibišt ka wištāsp_šā abāg pusarān ud brādarān wāspuhragān ud hamharzān ī xwēš ēn dēn ī abēzag ī mazdēsnān az ohrmazd padīrift
ud pas arzāsp xyōnān xwadāy azd mad wištāsp_šā abāg pusarān brādarān ud wāspuhragān ud hamharzān ī xwēš ēn dēn ī abēzag mazdēsnān az ohrmazd padīrift
ēg =išān garān dušxwārīh būd
u =šān wīdrafš ī ǰādūg ud nām_xwāst ī hazārān abāg bēwar spāh ī wizīdag pad bayaspānīh ō ērān_šahr frēstīd
ud pas ǰāmāsp ī pēšēnīgān sālār zūd andarōn andar šud u ō wištāsp_šā guft
az arzāsp ī xyōnān xwadāy frēstag āmad andar hamāg šahr ī xyōnān az awēšān hučihrtar nēst
ēk wīdrafš ǰādūg ud didīgar nām_xwāst ī hazārān abāg bēwar spāh ī wizīdag abāg dārēnd
ud frawardag pad dast dārēnd ud gōwēnd =mān andar ō pēš ī wištāsp_šā hilēd
wištāsp_šā guft =šān andar ō pēš hilēd
ud andar šud hēnd ud ō wištāsp_šā namāz burd hēnd ud frawardag dād hēnd
’l’hym ī dibīrān mahist abar pāy ēstād ud frawardag pad buland xwānd
ud abar frawardag ēdōn nibišt ēstād
=m āšnūd ašmāh bayān ēn dēn abēzag ī mazdēsnān az ohrmazd padīrift ud agar ān rāy abāz dārēd ka amāh garān zyān ud dušxwārīh az =iš šāyēd būdan
agar ašmāh bayān sahēd ēn dēn ī abēzag hilēd abāg amāh hamkēš bawēd ēg =itān pad xwadāyīh paristēm ēg =itān dahēm sāl pad sāl was zarr was semēn ud was asp nēk ud was gāh šahryārīh
ud agar ēn dēn hilēd ud abāg amāh hamkēš bawēd ēg =itān abar rasēm xwēd xwarēm ud hušk sōzēm ud čahār_pāy ud dō_pāy az šahr wardag gīrēm/kunēm ud u =tān pad bandagīh ī garān ud dušxwārīh kār framāyēm
pas wištāsp_šā ka =šān ān saxwan āšnūd garān dušxwārīh būd
ud pas ān tahmag spāhbed ī nēw zarēr čiyōn =iš dīd wištāsp_šā wišēg būd zūd andarōn andar sūd
u ō wištāsp_šā guft
agar ašmāh bayān sahēd man ēn frawardag passox framāyam kirdan
wištāsp_šā framān dād frawardag passox kun
ud ān tahm spāhbed ī nēw zarēr frawardag passox ōwōn framūd kirdan
az wištāsp_šā ī ērān dahībed ō arzāsp ī xyōnān_šā drōd
pad fradomīh amāh ēn dēn abēzag hilēm ud abāg ašmāh hamkēš bawēm
ud amāh ēn dēn abēzag az ohrmazd padīrift ud hilēm
ud ašmāh didīgar māh anōš xwarēm
ānōh pad hudōs ī razūr ud marw ī zarduštān kōf ī borz ud war zofr pad ān dašt ī hāmōn aspān nēw paygān wizārišn
ašmāh az ānōh āyēd amāh az ēdar āyēm ud ašmāh amāh wēnēd amāh ašmāh wēnēm
u =tān nimāyēm čiyōn zad bawād dēw az dast yazadān
’l’hym ī dibīrān mahist frawardag āwišt ud wīdrafš ǰādūg nām_xwāst ī hazārān frawardag padīrift ud ō wištāsp_šā namāz burd raft hēnd
ud pas wištāsp_šā ō zarēr ī brād framān dād
pad garān bašn kōf ī borz ātaxš framāy kirdan
šahr azd kunēd ud bayaspān azd kunēd mowmard āb ud ātaxš ī wahrām yazēnd ud pahrēzēnd ēnyā az dah sāl _sālag ēč mard pad xānag ī xwēš ma pāyēd
ēdōn kunēd didīgar māh ō dar ī wištāsp_šā āyēd
ud agar ka āyēd ān dār abāg xwēš tan āwarēd ānōh pad dār abar framāyēm kirdan
pas harw mardōm az bayaspān azd mad ō dar ī wištāsp_šā āmad hēnd pad ham spāh
ud tumbag zad ud nāy pazdēnd ud gāwdumb wāng kunēnd
u kārawān ēwarz kunēnd ud pīlbān pad pīl rawēnd ud stōrbān pad stōr rawēnd ud wardyūn_dār pad wardyūn rawand
was ēstēd šifarg ī rōdastahm was kantigr ī purr tigr ud was zrēh ī rōyēn ud was zrēh ī čahār_kird
ud kārawān ī ērān_šahr ēdōn ēstēnd ka wāng ō asmān šawēd ud pattān ō dušox šawēd
pad rāh šawēnd widarg ēdōn brīnēnd abāg āb špynd ī ēw māh āb xwardan šāyēd
panǰāh rōz rōšn bawēd
murw =iz nišēm windād ka ō aspān bašn nēzag =iz tēx ayāb ō kōf ī sar borz nišīnēnd
az gard ud dūd šab ud rōz paydāg
pas wištāsp_šā ō zarēr ī brād framān dād
wiyān kun ērān =iz wiyān kunēnd amā =iz dānēm šab ast ayāb rōz
pas zarēr az wardyūn bērōn āmad ud wiyān kird ud ērān wiyān kird hēnd
ud gard dūd nišast star ud māh pad asmān paydāg būd
pas zanēnd se_sad mēx ī āhenēn ī padiš bandēnd se_sad xirs harw xirs =ēw se_sad darāγ ī zarrēn padiš āgust ēstēd
pas wištāsp ō kay_gāh nišīnēd ud ǰāmāsp ī bidaxš ō pēš xwānēd gōwēd
man dānēm ǰāmāsp dānāg ud wēnāg šnāsag
ēn =iz dānē ka dah rōz wārān āyēd čand srešk ō zamīg ud čand srešk abar srešk āyēd
ud ēn =iz dānē urwarān wiškōfēd ud kadām ān gul ī rōz wiškofēd ud kadām ān ī šab kadām ān ī fradāg
ēn =iz dānē miharg kadām ān āb dārēd ud kadām ān dārēd
ēn =iz dāne fradāg rōz čē bawēd andar ān azdahāg razm ī wištāspān az pusarān ud brādarān ī man kay_wištāsp_šā zīyēd ud mīrēd
gōwēd ǰāmāsp bidaxš
kāč ka man az mādar zād ham
ayāb ka zād ham pad xwēš baxt pad rahīgīh murd
ayāb murw =ēw būd ō drayāb ōbast
ayāb ašmāh bayān ēn frašn az man pursīd
ka =tān pursīd ēg =im kāmē ka rāst gōwam
agar ašmāh bayān sahēd dašn ī xwēš grawān barēd
pad xwarrah ī ohrmazd dēn ī mazdēsnān ud gyān zarēr ī brād sōgand xwarēd
šamšēr ī pōlāwadēn ud šēd ī tigr ērwār ō druwāsp se bār māl =t zanam ud ōzanam ud =iz =iz pad dēbahr dārēm gōwēd čē bawēd andar ān razm ī wištāspān
pas gōwēd wištāsp_šā pad xwarrah ī ohrmazd ud dēn ī mazdēsnān ud gyān zarēr brād sōgand xwarēm =t zanam ud ōzanam ud =iz pad dēbahr daram
pas gōwēd ǰāmāsp bidaxš agar ašmāh bayān sahēd ēn wuzurg spāh ērān_šahr az mašk ī pādixšā ēw tigr_yāb frāztar framāyēd nišāstan
pas wištāsp_šā ān wuzurg spāh ērān_šahr az mašk ī abarzēn ī wištāspān ēw tigr_yāb frāztar framāyēd nišast_an
pas gōwēd ǰāmāsp ī bidaxš
ōy weh az mādar zād ayāb ka zād murd
ayāb az rahīgīh ō paymān mad
fradāg rōz ka pahikafēnd nēw pad nēw ud warāz pad warāz
was mād abāg_puhr abēpuhr was puhr abēpid ud was pid abēpuhr
ud was brād abēbrād ud was zan šōyōmand abēšōy bawēnd
was āyēnd bārag ērānagān wišād arwand rawēnd andar ān xyōnān xwadāy xwāhēnd ud windēnd
ōy weh wēnēd ān wīdrafš ǰādūg ka āyēd ud razm tābēd ud wināh kunēd
ud ōzanēd tahm spāhbed zarēr ī brād u bārag barēnd ān syā āhenēn_sumb ī zarēr bārag
ud ōy nāmxwāst ī hazārān āyēd ud razm tābēd ud wināh kunēd
ōzanēd ān pād_husrō ī ardāy mazdēsnān ī brād u bārag =iz barēnd ān zarrēn_grī_kaft
ōy nāmxwāst ī hazārān āyēd ud razm tābēd ud wīnāh kunēd
ud ōzanēd ān frašāward ī pus ī tal zād pad nēm_wēčag kay_bāg ud =iz az abārīg frazendān dōsttar
u =t az pus brād wīst_se murd bawēnd
pas wištāsp_šā ka ān saxwan āšnūd az pl’w_ōšīh ō zamīg ōbast
u pad hōy dast kārd ud pad dašn ī dast šamšēr gīrēd ud tag ō ǰāmāsp kunēd ud gōwēd
ma drust awar semspār ī ǰādūg čē mād ǰādūg u =t pid ī drōzan būd
u =t ān guft bawēd ka =m pad xwarrah ī ohrmazd_bay ud dēn ī mazdēsnān ud gyān ī zarēr ī brād sōgand xward ēg =im pad ēn tēx ī šamšēr kārd sar brīd zamīg abgand
pas ǰāmāsp gōwēd agar ašmāh bayān sahēd az ēn xāk abar āxēzēd ud abāz ō kay_gāh nišīnēd
čē šāyēd būdan ka šāyēd būdan ka ēn man guft bawēd
wištāsp_šā abar āxēzēd ud abāz nigerēd
pas ān tahm spāhbed nēw zarēr šawēd gōwēd
agar ašmāh bayān az ēn xāk abar āxēzēd ud abāz ō kay_gāh nišīnēd
čē man fradāg šawam abāg ān ī xwēš zōr xyōn pānzdah bēwar ōzanam
wištāsp_šā āxēzēd abāz nigerēd
pas ān pād_husrō ī ardāy mazdesnān šawēd ud gōwēd
agar ašmāh bayān sahēd az ēn xāk abar āxēzēd ud abāz ō kay_gāh nišīnēd
čē man fradāg rōz šawam ud ōzanam abāg ān ī xwēš zōr xyōn čahārdah bēwar
wištāsp_šā abar āxēzēd ud abāz nigerēd
pas ān frašāward ī wištāsp_šā pus šawēd gōwēd
agar ašmāh bayān sahēd az ēn xāk abar āxēzēd ud abāz ō kay_gāh nišīnēd
čē fradāg rōz šawam ud ōzanam abāg ān ī xwēš zōr xyōn sezdah bēwar
wištāsp_šā āxēzēd ud abāz nigerēd
pas ān yal ī nēw spandyād šawēd ud gōwēd
agar ašmāh bayān sahēd az ēn xāk abar āxēzēd abāz ō kay_gāh nišīnēd
čē man fradāg rōz šawam xwarrah/dast ī ohrmazd_bay ud dēn ī mazdēsnān ud gyān ašmāh bayān sōgand xwaram zīndag xyōn ēč hilam az ān razm
pas wištāsp_šā abar āxēzēd ud abāz ō kay_gāh nišīnēd ud ǰāmāsp ī bidaxš ō pēš xwāhēd ud gōwēd
ašmāh bād ēdōn čiyōn ǰāmāsp gōwē
čē man diz =ēw ī rōyēn framāyam kirdan ud ān diz dar_band ān ī āhenēn framāyam kirdan
awēšān pusarān ud brādarān ud wispuhragān andar ān diz framāyam kirdan ud nišastan
šāyēd ō dast dušmenān rasēnd
gōwēd ǰāmāsp bidaxš agar diz =ēw rōyēn framāyē kirdan ān =iz ī dar_band āhenēn framāyē kirdan
awēšan pusarān ud brādarān wispuhragān ī rām_šahr kay_wištāsp_šā andar ān diz framāyē nišastan
pas ān_and dušmen az šahr abāz dāšt tuwān
čē ān ī tahm spāhbed ī nēw zarēr ī brād šawēd ōzanēd xyōn pānzdah bēwar
ud ān pād_husrō ī ardāy mazdēsnān šawēd ud ōzanēd xyōn čahārdah bēwar
ud ān frašāward ī pus šawēd ud ōzanēd xyōn sezdah bēwar
wištāsp_šā gōwēd
nūn čand āyēnd xyōn az bunag
ud ka aswār āyēnd čand mīrēnd ud čand abāz šawēnd
gōwēd ǰāmāsp bidaxš
sad ud sīh ud ēk bēwar xyōn az bunag āyēnd
ka aswār āyēnd ēč zīndag abāz šawēnd ān ī ēk arzāsp ī xyōnan xwadāy
ōy =iz yal spandyād gīrēd
u dast =ēw ud pāy =ēw ud gōš =ēw brīnēd u čašm =ēw pad ātaxš dazēd
u pad brīd_dumb xar =ēw abāz ō šahr ī xwēš frēstēd ud gōwēd
šaw ud gōw čē dīd az dast ī man yal spandyād
ud pas gōwēd kay_wištāsp_šā
agar hamāg pus ud brād ud wispuhragān ī man kay_wištāsp_šā ud ān =iz ī hudōs ī =m xwah ud zan az pus duxt sīh aziš zād ēstēd ud hamāg murd bawēnd ēg =im ēn abēzag dēn ī māzdēsn čiyōn =im az ohrmazd padīrift hilam
pas wištāsp_šā ō kōf sar nišīnēd zōr abāg būd dwāzdah dwāzdah bēwar
arzāsp ī xyōnān xwadāy ō kōf sar nišīnēd u zōr būd dwāzdah bēwar bēwar
ud ān tahm spāhbed ī nēw zarēr kārezār ōwōn nēw kunēd čiyōn ka ādur_yazad andar ō nayestān ōftēd u wād =iz ayār bawēd
ka šamšēr frāz zanēd dah ud ka abāz wēzēd yāzdah xyōn ōzanēd
ka gušnag tišnag bawēd xōn ī xyōn wēnēd šād bawēd
ud pas arzāsp ī xyōnān xwadāg az kōf sar nigāh kunēd ud gōwēd
az ašmāh xyōnān ast šawēd abāg zarēr kōxšēd u kušēd ān ī tahm spāhbed ī nēw zarēr
zarr_stūn ī man duxt pad zanīh awiš daham andar hamāg šahr ī xyōnān zan =ēw az ōy hučihrtar nēst
u hamāg šahr ī xyōnān bidaxš kunam
čē agar šab zīndag zarēr ēg dagr_zamān bawēd ka az amāh xyōnān ēč zīndag abāz pāyēd
pas ān ī wīdrafš ī ǰādūg abar ō pāy ēstēd gōwēd
man rāy asp zēn sāzēd man šawam
ud asp zēn sāzēnd u wīdrafš ī ǰādūg abar nišīnēd
ud stanēd ān fraš ī afsūdag ī dēwān andar