pad nām ī yazadān ud ǰadag ī nēk

ēdōn gōwēnd kū anōšag_ruwān husraw ī kawādān andar ēd ka purr_gāh būd pēš az ān ka gyān az tan ǰudāg būd pad handarz ō gēhānīgān guft kū

čiyōn ka ēn gyān az tan ī man ǰudāg bēd ēn taxt ī man abar dārēd ud pad aspānūr barēd ud pad aspānūr bē nihēd ud pad sar ī gēhānīgān wāng kunēd kū

mardōmān! az wināh kirdan bē pahrēzēd ud pad kirbag_warzišnīh tuxšāg bawēd ud xīr ī gētī pad xwār dārēd

ka ēn ān tan ast kē yad_fradāg bē ēn tan būd ēn mardōm pad se gām nazdīktar būd

pad harw gāh ud zamān ahlayīh ud xīr ī getīg bē abzūd ī im rōz bahr ī rēmanīh rāy harw kē dast abar nihēd ēg =iš pad baršnūm bē abāyēd šustan ayāb pad yazišn ī yazadān ō hampursagīh ī wehān nē hilēnd

ud yad_fradāg škōh ī xwadāyīh rāy dast ō kās nē dād ī im rōz bahr ī rēmanīh rāy kas dast abar nē nihēd

mardōmān gēhān drōd_ōmand bawēd rawēd rāyēnišn pad menišn ī rāst ud kanār_warzīgarīh pad kār gēhānīgān tuxšāg zēnāwand bawēd

268

ēwēnag ud paymān pad kār dārēd ud pad kār ud dādestān rād ud rāst ud rāstān ham_saxwan bēd

handarz_guftārān gyān handarz_niyōxšīdar bawēd pad handāzag ō kār ud paymān kunēd

pad bahr ī xwēš hunsand bēd ud bahr ī anī kas ma apparēd

pad dahišn ī driyōšān spōz ud wastār ma kunēd bē nigerēd kū čiyōn appār bawēd xwadāyīh xwāstag bē šawēd xīr ī stabr ud dōšāram ud dušxwārīh ud driyōšīh bē widerēd

ēdar zīndagīh andak ānōh rāh dūr ud hamēmāl ī škeft ud dādwar rāst kirbag pad abām nē windēnd drōd ud pārag kār nē kunēd ud tan ud ruwān rāy nē padīrēd bē ka was kirbag kird ēstēd ēnyā frāz ō činwad puhl widārdan nē tuwān

ānōh dādwar ī rāst čiyōn mihr ud rasn

wehān bāš tā garōdmānīg bawē

afsōs ma kun tā xwarrahōmand bawē čē nēkīh ud ǰuttarīh pad harw gāh ud pad harw kas šāyēd būdan

gētī pad aspinǰ dār ud tān pad āsān

nēkīh pad kirdan 269 dār

bazag pad ranǰ spōz

mēnōy pad xwēš kunišn

ēn =iz guft ēstēd kū harw kas bē abāyēd dānistan kū

az kū bē mad ham ud čim ēdar ham

u =m abāz ō kū abāyēd šudan u =m čē aziš xwāhēnd

ī man ēn dānēm kū

az pēš ī ohrmazd xwadāy bē mad ham ud stōwēnīdan ī druz rāy ēdar ham

ud abāz ō pēš ī ohrmazd xwadāy abāyēd šudan u =m ahlāyīh aziš xwāhēnd

ud xwēškārīh ī dānāgān hammōzišnīh xrad ēk wirāyišn xēm

anōšag_ruwān bawād husrō ī šāhān šāh kawādān kē =š ēn handarz kird u =š ēn framān dād

ēdōn bawād

frazaft pad drōd šādīh

ERROR