Select Section Type

draxt =ēw rust est tar ō šahr asūrīg
bun =iš hušk ast sar =iš ast tarr
warg =iš nay mānēd bar =iš mānēd angūr
šīrēn bār āwarēd mardōmān sneh
ān =um draxt ī buland buz ō ham nibardīd
az az abardar ham pad was gōnag xīr
u =m pad xwanirah zamīg draxt =im nēst hamtan
čē šāh az man xwarēd ka nōg āwaram bār
makkōgān taxt ham frasp ham wādbānān
gyāg_rōb az man kirrēnd wirāzēnd mēhan ud mān
yawāz =im az man kirrēnd kōbēnd ǰaw ud brinǰ
damēnag az man kirrēnd ādurān wzn’y
mōg ham [MK 126b] warzīgarān nālēn ham brahnag_pāyān
rasan az man kirrēnd pāy bandēnd
čōb az man kirrēnd grīw māzēnd
mēx az man karēnd sar_nigōn āgōzēnd
esm ham ādurān seǰ brēzēnd
tābestān sāyag ham pad sar šahryārān
šīr ham warzīgarān angubēn āzād_mardān
tabangōg az man kirrēnd dārūg_dān wasnāδ
šahr ō šahr ī barēnd bižišk ō bižišk
āšyān hēm murwīžagān sāyag kārdāgān
astag abganēm pad nōg būm rōδēd
ka hirzēnd mardōmag =m wināsēnd
bašn =um est zargōn yad ō rōz yāwēd
ān_iž mardōmag nēst may ud nān
az man bār xwarēnd yad amburd awištēnd
ka ān wāxt būd draxt āsūrīg
buz im passux karēd dagr =um frāž āšnawēd
tō_iž ō man rānēh tō_iž ō man nibardēh
ka ēd az man kirdagān šanīd
buwēd nang ō halag saxwan_at padkārēd
burz dēw ī buland bašn_at mānēd dēwān_dēw
pad sar šēd yam pad haw farrux āwām
ud rōž ī dēwān bandag būd hēnd mardōmān
draxt =ēw hušk_iž dārū draxt =ēw sar =iš būd zargōn
ēd kirdagān sar_at est zargōn
bār burdan sažēd dānāg dušāgāh
yad ō barēm bār buland abēsūd
agar_at passux =ēw karēm nang =um buwēd garān
wāžēnd im pad afsān parsīg mardōm
kūwāy_ō mandhēudwadxrad
abēsūd draxtān
yad bār āwarēh mardōmān wasnāδ
gušn_at abar hirzēnd pad ēwēnag čē gāwān
xwad gumānīg ahēm rōspīg zādag
āšnaw dēw ī buland ī =t az padkārēm
ka dādār baγ_waržāwind bāmīg xwābar ohrmazd
abēžag dēn ī māzdēnān ! čē čāšt xwābar ohrmazd
yud az man buz hēm yaštan šahēd kēč
čē ǰīw az man karēnd andar yazišn ī yazδān
gōš_urūn yazad harwīn čahār_paδān
haw_iž hōm ī tagīg nērōg az man est
haw_iž bār_ǰāmag čē pad pušt dārēnd
yud az man buz hēm kirdan šahēd
kamar az man karēnd aznāyēnd pad murwarīd
mōžag hēm saxtag āzādan wasnāδ
angustbān ī husrōgān šāh ud hamharzān
mašk =um karēnd āb_dān pad dašt ud wiyābān
pad garm rōz ud rabih sard āb az man est
maškīžag az man karēnd sūr abar wirāžēnd
stabr sūr ī wuzurg az man seǰ wirāžēnd
maškīžag az man karēnd wasnāδ šahrδārān
xwadāyān ud dahibēdān sar ud rēš wirāžēnd
pad škōh ud āzarm andar kanār =um dārēnd
nāmag az man karēnd frawardag dēwān
daftar ud pādixšīr abar man nibēsēnd
zih az man karēnd bandēnd abar dron
warak man karēnd waxšīg buz_pašmēn
āzādān ud wuzurgān abar doš dārēnd
škanǰ az man karēnd bandēnd zēnān
rōdistahm ud spandayād abar nišīnēnd
pad haw mih pīl ud zand_pīl dārēnd
bawum zunnār pad was kārizār andar kār dārēnd
hambun wišāyēd band zēnān
pīlkahn ud kaškanǰīr ān =um xīrān ēwēn
yud az man buz hēm kirdan šahēd
hambān az man karēnd wāzārgānān wasnāδ
nān ud pist un panīr harwīn rōγn_xwardīg
kāpūr ud mušk ī syā ud xaz ī tuxārīg
was ǰāmag šāhwār padmōžan kanīgān
pad hambān āwarēnd frāž ō šahr čē ērān
kustīg az man karēnd ān =um spēδ pašm
haw taškanag šāhwār padmōžan wuzurgān
ān =um zanān ud kanīg_an pad warud grīw stāyēnd
ēw =um hamsardag amāh padwand
tan hubōδ bōdād čiyōn gul ī gētī
sru =ēw dah widist abāz ō pušt dārēm
kōf ō kōf šawēm wuzurg kišwar būm
kust ī hindūgān tar ō war_kaš zrēh
yud sardag mardōmag mānēnd tar haw būm
widistīg ud war_čašm čašm pad war est
sar =šān sag mān =ēd brūg_aš_ānmān_ēdmardōm !
dār warg =ēw xwarēnd buz šīr dōšēnd
haw_iž mardōmag zīyišn az man est
pēš_pārag az man karēnd anōšag_xwar =mān
xwarēd šahrδār kōf_δār ud āzād
ēw =um bēd abardar δraxt āsūrīg
ud man šīr panīr bēd afrōšag ud māst
dūγ =um kašk karēnd wasnaδ šāhīgānān
māzdēsnān pādyāb pad man pušt dārēnd
čang ud win ud kinnār haw barbut ud tambūr
hamāg zanēnd pad man srāyēnd
ēw =um bēd abardar draxt āsūrīg
ka buz ō wāžār barēnd ud pad wahāg dārēnd
harw dah drahm dārēd frāž ō buz āyēd
xurmā pad pašīz kōdakān xrīnēnd
dān ud astag šawēd frāž ō kōy murdān
ēn =um sūd ud nēkīh ēn =um dahišn ud drōd
az man buz rawēd tar im čē pahn būm
ēn =um zarrēn saxwan man ō wāxt
čiyōn pēš xūg_warāž murwārīd afšānēd
ayāb čang zanēd pēš ī uštar ī mast
band abāz karēnd pad bun_dahišnīh
kōfān čarag šawēm ō hubōδ kōfān
giyāh tarrag xwarēm ud xānīg sard āb
gurhagān_mēx kust ēdar
buz pad pērōžīh šud xurmā andar ō stō
srōd =um srāyīd nibišt xwēš dagr zīwād pad harw srōdān sar dušmin murd wenād nihād ud nibišt haw_iž pad hamēwēn pad gētī tan husraw ud mēnōy bōxtag ruwān
ēdōn bawād