kay bawād ka payk =ēw āyēd az hindūgān ka mad ān ī šā_wahrām az dūd kayān

ka pīl ast hazār abar_sarān sar ast pīlbān

ka ārāstag drafš dārēd pad ēwēn ī husrōyān pēš laškar barēnd pad spāh_sālārān

mard =ēw payk abāyēd kirdan zīrak targmān ka šawēd bē gōwēd pad hindūgān ka amā čē dīd az dast ī tāzīgān abar

ēk grōh dēw nizār kird ud bē ōzad šāhān šāh ī amāh

ud kē ēr awēšān čiyōn dēw

ud dēn dārēnd čiyōn sag

xwarēnd nān ī bē stad hēnd

pādixšāyīh az husrōyān nē pad hunar nē pad mardīh bē pad afsōs ud riyahrīh bē stad hēnd

gīrēnd pad stahm az mardōmān zan ud xwāstagīhā ī šīrēn bāγ bōyestān gazīdag abar nihād hēnd

bē baxt hēnd abar_sarān abāz

asarīg xwāst hēnd sāγ ī garān

bē niger ka čand wad abgand ān druz pad ēn gēhān ka nēst wattar az ōy †andar gēhān

az amāh bē mad ān šā_wahrām ī warzāwand az dūdag kayān

bē āwarēm kēn ī tāzīgān čiyōn rōdastahm āwurd ēk_sad kēn ī siyāwaxšān

mazgitīhā frōd hilēm bē nišānēm ātaxšān uzdēsčārīhā bē kanēm

ud pāk kunam az gēhān tā wanī šawēnd druz wišūdagān az ēn gēhān

frazaft pad drōd šādīh