Select Section Type

1.0
fradom pargard bun
2.0
guft =iš ohrmazd ō spitāmān zardušt
3.0
man dād spitāmān zardušt gyāg rāmišn dahišn nē kū dād ēstēd āsānīh ēn kū mardōm ān gyāg kū ōh zāyēd ī =š ōh parwarēnd ā =š weh sahēd kū nēktar ud āsāntar ā man dād
4.0
čē agar man nē dād hē spitāmān zarduxšt gyāg rāmišn dahišn nē kū dād ēstēd āsānīh
5.0
harwisp ox ī astōmand ō ērānwēz frāz_šawišnīh būd hē
6.0
andar ēd kār ēstād hē tā =šān šudan nē tuwān būd hē čē az kišwar ō kišwar bē pad parwān ī yazadān šudan nē tuwān ast kē ēdōn gōwēd ay pad =iz ān ī dēwān šāyēd šudan
7.0
asō_rāmō dāitīm_nōit̰_aōǰō rāmištąm har dō ēk har dō rāmišn az gyāg ast kē anī =z rāmišn az xwēškārīh gōwēd
8.0
paōirīm_bitīm ēd āmār kū fradom kār ud dādestān ō ān gyāg brēhēnīd ud didīgar ō ān gyāg tā mēnōy ī zamīg hamāg pad ēw_kardagīh bē dād petyārag har ān gyāg kū dō bē gōwēd ēk ān pad bun dahišn ēk ān pad pas āat̰_ahē_paitiiārəm hamāg ān ī pas
9.0
gyāg ud rōstāg har dō hamgōnīh ast kē ēdōn gōwēd ay gyāg ān gyāg kū mardōm abar nē mānēnd ud rōstāg ān gyāg kū mardōm abar mānēnd maš_mā_rauua_šaϑąm_haitīm ēn pad ēn pargard paydāg hamāg gyāg gōwēd ast kē hēdōmand rōd gōwēd
fradom az gyāgān ud rōstāgān ā =m pahlom frāz brēhēnīd man kē ohrmazd ham
ērānwēz kū weh_dāytī u =š weh_dāytī ēd kū rōd ī dāytī ān gyāg bē āyēd kār pad auuaēpaēm kunēnd ast kē ēdōn gōwēd kū pad auuaēpaēm bē āyēd kār ān gyāg kunēnd
u =š pad ān ī ōy petyāragīh frāz kirrēnīd gannāg_mēnōy ī purr_marg
az =iz rōdīg was bawēd zamestān =iz ī dēwān_dād stahmagtar bawēd
dah māh ānōh zamestān dō māh hāmīnīh pas =iz hapta_həṇti_hąminō_mā̊ŋhō_paṇča_zaiiana āškār
awēšān =iz hēnd sard āb sard zamīg sard urwar ān dah māh ast kē ān dō māh gōwēd aδa_zəmahe_maiδīm_aδa_zəmahe_zarəδaēm ō nūn māh wahman ud māh šahrewar ast kē zamestān dil kū stahmagtar kū abāg =iz ēw kū hamāg stahmag pas =iz andar ēn zamān stahmagtar bawēd
ēg ka zamestān bē padēd kū šawēd ēg frahist vōiγne kū =š petyārag zamestān hamāg abāg bē šawēd ast kē ēdōn gōwēd kū nēst_čišīh pad =iš andar āyēd
didīgar az gyāgān ud rōstāgān ā =m pahlom frāz brēhēnīd man kē ohrmazd ham
gauuāi ī sūlīg_mānišn kū dašt ī sūlīg_mānišnīh daxšag u =š nē petyārag
u =š pad ān ī ōy petyāragīh frāz kirrēnīd gannāg_mēnōy purr_marg
kullag mayg ī gōspandān yyy purr_marg kū mayg bē āyēd bē ǰōrdā bē wāstar bē āyēd ud gāw bastan nē šāyēd gōspandān margīh bawēd
sidīgar az gyāgān ud rōstāgān ā =m pahlom frāz brēhēnīd man ohrmazd ham
marw ī abzār hambūd pad kār ud dādestān_kirdār kū =š was andar kunēnd
u =š pad ān ī ōy petyāragīh frāz kirrēnīd gannāg_mēnōy purr_marg
hamāl ud dōšag hamāl kū hamāl ī ayārān ān gyāg kunēnd u =š dōšag kū dōšag marz ān gyāg
tasom az gyāgān ud rōstāgān ā =m pahlom frāz brēhēnīd man ohrmazd ham
baxl ī nēk pad dīdan abrāst drafš kū drafš andar abrāst dārēnd ast kē ēdōn gōwēd ay wasīh andar abrāzēnd kū dušmen abar ōh kušēnd
u =š pad ān ī ōy petyāragīh frāz kirrēnīd gannāg_mēnōy purr_marg
gōr =iz kāt was bawēd ast kē ēdōn gōwēd ay gyāg sūrag dārēd bē nihumbēd gōr =iz kāt bē bawēd
panǰom az gyāgān ud rōstāgān ā =m pahlom frāz brēhēnīd man kē ohrmazd ham
nisā ī andarg marw ud baxl ay ān gōwam tā ān anī =z ast
u =š pad ān ī ōy petyāragīh frāz kirrēnīd gannāg_mēnōy purr_marg
gumānīgīh pad čiš ī yazadān gumān hēnd kū ma agar hād ast kē ēdōn gōwēd kū pad =iz ān ī dēwān hēnd kū ma agar hād
šašom az gyāgān ud rōstāgān ā =m pahlom frāz brēhēnīd man kē ohrmazd ham
harē ī wis_hil u =š wis_hilīh ēd kū ān amāh nō_šabag ud māh_drahnā pad pahrēz dārēm awēšān xānag pad tag bē hilēnd ud šawēnd
u =š pad ān ī ōy petyāragīh frāz kirrēnīd gannāg_mēnōy purr_marg
srask =iz dribagīh wāzag ēd hād gišnag hēm ast kē ēdōn gōwēd ay pad tamburag kunēnd
haftom az gyāgān ud rōstāgān ā =m pahlom frāz brēhēnīd man kē ohrmazd ham
kābūl ī dušsāyag u =š dušsāyagīh ēd kū sāyag ī draxtān pad tan wad ast kē ān ī kōfān gōwēd
u =š pad ān ī ōy petyāragīh frāz kirrēnīd gannāg_mēnōy purr_marg
ān ī parīg kāmagīh ān ī uzdēs paristagīh kē =š abar abāgēnīd kirsāsp kū =š ōh kird awēšān =iz ōh kunēnd nē pad dād
haštom az gyāgān ud rōstāgān ā =m pahlom frāz brēhēnīd man kē ohrmazd ham
uruue purr_wāstar mēšan u =š purr_wāstarīh ēd kū =š ǰōrdā ud wāstar was andar bawēd
u =š pad ān ī ōy petyāragīh frāz kirrēnīd gannāg_mēnōy purr_marg
ān ī wattar abar_mānišnīh ka =š mēšan ēw abar mānēnd
nohom az gyāgān ud rōstāgān ā =m pahlom frāz brēhēnīd man kē ohrmazd ham
xnąn ī gurgān mānišn kū xnąn_rōd gurgān_mānišnīh daxšag u =š nē petyārag
u =š pad ān ī ōy petyāragīh frāz kirrēnīd gannāg_mēnōy purr_marg
ān ī wattar anāpuhragān wināh kē mard waypī kū kūn_marz ay nē =šān pad dād bē kunēnd
dahom az gyāgān ud rōstāgān ā =m pahlom frāz brēhēnīd man ohrmazd ham
harahmand ī nēk pad dīdan
u =š pad ān ī ōy petyāragīh frāz kirrēnīd gannāg_mēnōy purr_marg
ān ī wattar anāpuhragān wināh kē nasā_nigānīh ay agdēn hēnd u =šān pad dād
yāzdahom az gyāgān ud rōstāgān ā =m pahlom frāz brēhēnīd man ohrmazd ham
hēdumand rāyōmand ud xwarrahōmand xwēškār ud tuxšāg mēnōy ī sīstān ast kē ān weh rōd gōwēd
u =š pad ān ī ōy petyāragīh frāz kirrēnīd gannāg_mēnōy purr_marg
ān ī wattar ǰādūgīh ay ǰādūgīh hamē wad ast kē ān ī frāsyābān gōwēd ān awēšān kirdan tuwān u =š wizārdan nē tuwān ast kē ēdōn gōwēd kū ǰādūgīh ēd ast ka nē sparānēnd ā =z ōy ōh bawēd pas guft bawēd kū pad rāh nē pādixšā
ēd ān ī ōy paydāgīh daxšag ast ēd čiš ō pēš gōwam
u =š ēd =iz paydāgīh pad abar_nigerišnīh ka nigerēnd paydāg bawēd
čiyōn kanām =iz =ēw gyāg kū rasēnd dast ī ǰādūgīh āškārīhā
ēdōn =iz hēnd ǰādūgtomist
ēdōn =iz awēšān ul rasēnēnd snēxr ud tagarg kū awēšān =iz ōh kunēnd ast kē ēdōn gōwēd ay ēdōn az awēšān bē ul rasēd snēxr ud tagarg kū wināhgārīh ī awēšān rāy wēš bawēd
čēgāmiz =ēw mayg ud čēgāmiz =ēw abāz atū
dwāzdahom az gyāgān ud rōstāgān ā =m pahlom frāz brēhēnīd man kē ohrmazd ham
rag ī sē_tōhmag
ādurbādagān ast kē ray gōwēd
u =š sē_tōhmagīh ēd kū āsrōn ud artēštār ud wāstaryōš nēk az =iš bawēnd
ast kē ēdōn gōwēd ay zardušt az ān gyāg būd u =š ēn har se pad =iš būd kē ray gōwēd
u =š sē_tōhmagīh ēd kū =š ēn se paywand az ān gyāg būd bē raft vaēδaŋhō_nōit̰_uzōiš
u =š pad ān ī ōy petyāragīh frāz kirrēnīd gannāg_mēnōy purr_marg
ān ī wattar abar gumānīgīh kū xwad gumān hēnd ud kasān =iz gumān bē kunēnd
sēzdahom az gyāgān ud rōstāgān ā =m pahlom frāz brēhēnīd man kē ohrmazd ham
čaxr ī abzār ud kirdār mazan
u =š pad ān ī ōy petyāragīh frāz kirrēnīd gannāg_mēnōy purr_marg
ān ī anāpuhragān wināh kē nasā poxt ay nē =šān pad dād bē was pazēnd ēn čiyōn rōbāh ud rasūg
čahārdahom az gyāgān ud rōstāgān ā =m pahlom frāz brēhēnīd man ohrmazd ham
warn ī čahār_gōš padišwārgar gēl ast kē kirmān gōwēd u =š čahār_gōšīh ēd kū rāh čahār andar bē ēstēd ast kē ēdōn gōwēd kū šahrestānīh dar čahār ast
kē ō ān zād frēdōn pad zanišn ī az_ī_dahāg
u =š pad ān ī ōy petyāragīh frāz kirrēnīd gannāg_mēnōy purr_marg
ān =iz abārōn daštān stahmagtar bawēd anēr =iz dehān abar_mānišnīh kē pad padišxwārgar gōwēd sarm kē kirmān gōwēd bārīč
pānzdahom az gyāgān ud rōstāgān ā =m pahlom frāz brēhēnīd man kē ohrmazd ham
kē haft_hindūgān u =š haft hindūgānīh ēd kū sar xwadāy haft ast ēd =iz rāy gōwam kū haft nēst čē az abestāg hača_ušastara_həṇduua_auui_daōšatarəm_həṇdum ast kē ēdōn gōwēd kū har kišwar =ēw ēk ast
u =š pad ān ī ōy petyāragīh frāz kirrēnīd gannāg_mēnōy purr_marg
ān =iz abārōn daštān stahmagtar bawēd ān ī abārōn garmīh freh az paymān bawēd
šāzdahom az gyāgān ud rōstāgān ā =m pahlom frāz brēhēnīd man ohrmazd ham
abar_pad oδā ī arangistān ī hrōm kē asālār abar mānišn hēnd kū zūd abāz ēstēnd ast kē ēdōn gōwēd ay xwadāy pad xwadāy nē dārēnd
u =š pad ān ī ōy petyāragīh frāz kirrēnīd gannāg_mēnōy purr_marg
zamestān ī dēwān_dād stahmagtar bawēd
hēnd anī =z gyāg ud rōstāg ī nāmčištīg nē guft ēstēd nēk pad dīdan zofr pad kār dādestān ud ārzōg kū abāyišnīg pursišn kū pursišn was kunēnd bāmīg kū xwarrahōmand ast kē nisāyag gōwēd čiyōn pārs ī abēzag bāmīg
didīgar pargard bun
pursīd zardušt az ohrmazd kū ohrmazd mēnōy abzōnīg dādār ī gēhān ī astōmandān ahlaw ay ohrmazd dādār ahlaw pad xwānišn abārīg pad stāyišn
ō kē fradom mardōmān ham_pursīd hē tō kē ohrmazd hē kū =t ham_pursagīh pad dēn fradom abāg kē kird
any az man kē zardušt ham ā =t ō kē frāz nimūd ēn dēn ī ohrmazd ud zardušt
u =š guft ohrmazd kū ō ǰam ī nēk huramag ahlaw zardušt ay huramagīh ēd būd kū =š ramag ī mardōmān ud ramag ī gōspandān drust dāšt
ō ōy fradom az mardōmān ham_pursīd ham man kē ohrmazd ham kū ham_pursagīh ī pad dēn fradom abāg ōy kird
any az tō kē zardušt hē ā =m ō ōy frāz nimūd ēn dēn ī ohrmazd ud zardušt
ēg =am ō ōy guft zardušt man kē ohrmazd ham
kū padīr az man ǰam ī nēk wīwanghānān ōšmurišn ud barišn ō dēn kū hērbedīh ud hāwištīh kun
ēg =iš ō man passox guft ǰam ī nēk zardušt
kū nē dād ham čāšīdār ōšmurišn ud barišn ō dēn kū =m hērbedīh ud hāwištīh nē tuwān kirdan
ēg =am ō ōy guft zardušt man kē ohrmazd ham
kū agar az man ǰam nē padīrē ōšmurišn ud barišn ō dēn kū hērbedīh ud hāwištīh nē kunē
ēg ān ī man gēhān frāxwēn kū wēš bē kun ēg ān ī man gēhān wālēn kū frabīhtar bē kun ēg ān ī man padīr gēhān rāy srāyišn parwarišn sālārīh framān dādan pad nigāh_dārišnīh pānagīh kirdan
ēg =iš ō man passox guft ǰam ī nēk zardušt
kū an ān ī tō gēhān frāxwēnam kū wēš bē kunam ān ī tō gēhān wālēnam kū frabīhtar bē kunam ān az tō padīram gēhān rāy srāyišn parwarišn ud sālārīh framān dādan pad nigāh_dārišnīh pānagīh kirdan kū ēd kunam ēd =iz kunam
kū nē pad ān ī man xwadāyīh bawēd ān sard wād nē ān garm wād ud nē xīndagīh waštagīh ud nē margīh ham_bun =iz
ǰam ān ī =š nē būd hērbedīh ud hāwištīh
tā weh_dēn būd ud ahlaw būd u =š daxšag mardōmān andar tan kird ēstād
ēn kū weh_dēn būd az ān gyāg paydāg mrūiδi_tat̰_mąϑβəm_yat̰_aēmčit̰_yō_daēuua
ēn kū ahlaw būd az ān gyāg paydāg yimahe_vīuuaŋhanahe_aṣ̌aōnō_frauuaṣ̌īm_yaz ǰam ī wīwanghānān ahlaw frawahr yazēm
ēn kū =š daxšag mardōmān andar tan kird ēstād az ān gyāg paydāg abarəṣ̌nauua_pasčaēta_asāra_maṣ̌iiākaēibiiō
ǰam ud kay us har dō ahōš dād ēstād hēnd wināhgārīh ī xwēš rāy ōšōmand būd hēnd ǰam rāy az ān gyāg paydāg mūṣ̌u_tat̰_paiti_akərənaōt̰_aōṣ̌aŋhat̰_huua_hizuua kay us rāy az ān gyāg paydāg am̨i_dim_paiti_fraŋhərəzat̰_am̨i_hō_bauuat̰_aōṣ̌aŋ
ēg ō ōy zay frāz baram man kē ohrmazd ham
sūrāgōmand ī zarrēn ud aštar =iz zarrēn_pēsīd muhrāg ī dastag
kē ǰam būd barišn ī xwadāyīh kū =š ān xwadāyīh ēdōn nēk pad ān abzār tuwān būd kirdan
ēg ka pad ān ī ǰam xwadāyīh ān sidīgar sadōzim ō_ham mad kū =š sar bē bawēd
ēg ēn zamīg būd purr az pahān stōrān mardōmān sagān wayān ātaxš =iz ī suxr ī sōzāg
awēšān nē abar hīm abar_pad ēn zamīg gāh windīd pah ud stōr ud mardōm
ēg =išān ō ǰam ī nēk abar paywēhīd kū awēšān kē xwēškārīh būd bē āpursīd
kū ǰam ī nēk wīwanghānān purr ēn zamīg ō_ham mad az pahān ud stōrān ud mardōmān ud sagān ud wayān ātaxš =iz suxr ī sōzāg
nē abar ēn hīm abar_pad ēn zamīg gāh windīd pah ud stōr ud mardōm
ēg ǰam frāz raft pad rōšnīh ān ī pad rōšnīh ī xwēš abar_ō rapihwintar rōn abar_pad ān ī xwaršēd rāh
kū paydāgēnīd kū kē xwēškārīhā pad kār =ēw bē kāmēd šudan ā =š se gām ō rapihwintar rōn šawišn u =š yatāahūwayryō =ēw bē gōwišn u =š ǰahišn xūbtar bawēd az gāw paydāg usəhištat̰_gāuš_barat̰_daŋ́huš
ān kū =š abestāg gōwišn az pasušhorw paydāg srīra_uxδa_vačā̊_sąsaŋhąm
ēn kū ān ī abestāg ī yatāahūwayryō =ēw az ahunō_vairiiō paydāg
ān ō ēn zamīg abar swad pad sūrāgōmand ī zarrēn u =š bē ān suft pad aštar kū =š abar frōd darrēd u =š ēdōn guft
kū dōšāramīhā kunē spandarmad kū dōšāramīhā dāmān rāy kun ēn čiš frāz raw kū wēš dārē bē hunąm kū yašt bē bawē barišn ī pahān stōrān ud mardōmān rāy kunē ēn čiš
ēg ǰam ēn zamīg bē rawēnīd ēk srišwadag az ān meh čiyōn pēš az ān būd
abar ān ānōh frāz raft hēnd pah ud stōr ud mardōm
pad ān ō xwēš dōšišn čiyōn kadāriz =ēw ān ī ōy xwēš kāmag ud dōšišn har kas =ēw ast kē ān ī ǰam gōwēd az ān ī petyārag ō dām madan nē tuwān
ēg ka ān ī ǰam xwadāyīh ān šašom sadōzim ō_ham mad kū =š sar būd
ēg ēn zamīg būd purr az pahān ud stōrān mardōmān sagān ud wayān ātaxš =iz suxr sōzāg
u =šān nē abar ēn hīm abar_pad ēn zamīg gāh windīd pah ud stōr ud mardōm
ēg =išān ō ǰam ī nēk abar paywēhīd kū awēšān kē xwēškārīh būd bē āpursīd
kū ǰam ī nēk wīwanghānān purr ēn zamīg ō_ham mad az pahān ud stōrān ud mardōmān ud sagān ud wāyān ātaxš =iz suxr ī sōzāg
nē abar ēn hīm abar_pad ēn zamīg gāh windīd pah ud stōr ud mardōm
ēg ǰam frāz raft pad rōšnīh ān ī pad rōšnīh ī xwēš abar_ō rapihwintar rōn abar_pad ān ī xwaršēd rāh
kū paydāg kird kū kē xwēškārīhā pad kār =ēw bē kāmēd šudan ā =š se gām ō rapihwintar rōn šawišn u =š yatāahūwayryō =ēw bē gōwišn u =š ǰahišn xūbtar bawēd az gāw paydāg usəhištat̰_gāuš_barat̰_daŋ́huš
ān kū =š abestāg gōwišn az pasušhorw paydāg srīra_uxδa_vačā̊_sąsaŋhąm
ēn kū ān ī abestāg ī yatāahūwayryō =ēw az ahunō_vairiiō paydāg
ān ō ēn zamīg abar swad pad sūrāgōmand ī zarrēn u =š bē ān suft pad aštar kū =š abar frōd darrēd u =š ēdōn guft kū
dōšāramīhā kunē spandarmad kū dōšāramīhā dāmān rāy kun ēn čiš frāz raw kū wēš dārē bē hunąm kū yašt bē bawē barišn ī pahān stōrān ud mardōmān rāy kunē ēn čiš
ēg ǰam ēn zamīg bē rawēnīd dō srišwadag az ān meh čiyōn pēš az ān būd
abar_ō ānōh frāz raft hēnd pah ud stōr ud mardōm
pad ān ō xwēš kāmag ud dōšišn čiyōn kadāriz =ēw ān ōy dōšišn har kas =ēw
ēg ka pad ān ī ǰam xwadāyīh ān nohom sadōzim ō_ham mad kū =š sar bē būd
ēg ēn purr az pahān ud stōrān mardōmān sagān ud wayān ātaxš =iz suxr sōzāg
u =šān nē abar ēn hīm pad ēn zamīg gāh windīd pah ud stōr ud mardōm
ēg =išān ō ǰam ī nēk abar paywēhīd kū awēšān kē xwēškārīh būd bē āpursīd kū ǰam ī nēk wīwanghān
purr ēn zamīg ō_ham mad az pahān ud stōrān ud mardōmān ud sagān ud wayān ātaxš =iz suxr ī sōzāg
nē abar ēn hīm abar_pad ēn zamīg gāh windīd pah ud stōr ud mardōm
ēg ǰam frāz raft pad rōšnīh ān ī pad rōšnīh ī xwēš abar_ō rapihwintar rōn abar_pad ān ī xwaršēd rāh
kū paydāgēnīd kū kē xwēškārīhā pad kār =ēw bē kāmēd šudan ā =š se gām ō rapihwintar rōn šawišn u =š yatāahūwayryō =ēw bē gōwišn u =š ǰahišn xūbtar bawēd az gāw paydāg usəhištat̰_gāuš_barat̰_daŋ́huš
ān kū =š abestāg gōwišn az pasušhorw paydāg srīra_uxδa_vačā̊_sąsaŋhąm
ēn kū ān ī abestāg ī yatāahūwayryō =ēw az ahunō_vairiiō paydāg
ān ō ēn zamīg abar swad pad sūrāgōmand ī zarrēn u =š bē ān suft pad aštar kū =š abar frōd darrīd u =š ēdōn guft
kū dōšāramīhā kunē spandarmad kū dōšāramīhā dāmān rāy kun ēn čiš frāz raw kū wēš dārē bē hunąm kū yašt bē bawē barišn ī pahān stōrān ud mardōmān rāy kunē ēn čiš
ēg ǰam ēn zamīg bē rawēnīd se srišwadag az ān meh čiyōn pēš az ān būd
abar_ō ānōh frāz raft hēnd pah ud stōr ud mardōm
pad ān ō xwēš dōšišn čiyōn kadāriz =ēw ān ī ōy xwēš kāmag ud dōšišn har kas =ēw ast kē ān ī ǰam gōwēd ān petyārag ō dām madan nē tuwān
frāz sadōzim sidīgar andar xwadāyīh ī ǰam sar bawēd ǰam šaš_sad sāl wēš ēn dām amarg ud azarmān dāšt ēn čand wēš dāšt ā =m nē rōšnag
u =šān hazārag sar bē kirrēnēd az ān gyāg paydāg paōiriieheča_pasčaēta_hazaŋhrō_zəmahe_ϑβarsō_ās_yi
u =š ēn gēhān pad se bār ān_and ǰam bē kird auuaiti_bązō ōh =iz ēdōn ast kū =š čiyōn kird ā =m nē rōšnag ast kē ēdōn gōwēd ay čagād =š ō gabrān hambārēd ast kē ēdōn gōwēd ay fragānīh abāz sparānīd ast kē ēdōn gōwēd ay gōspand ī nizār kē =š wāstar dād bē abzāyēd
ohrmazd ēn dām sē_hazār sāl mēnōy ēstišn dāšt sē_hazār sāl gētī ēstišn apetyārag ud sē_hazār sāl az petyārag ī dām madan tā dēn madan sē_hazār az dēn ī madan tā tan ī pasēn az ān gyāg paydāg čuuaṇtəm_zruuānəm_mainiiauua_stīš_aṣ̌aōne_dāta_as
hanǰaman =iš frāz burd kē dādār ohrmazd kū zamān bē kird abāg mēnōyān yazadān abar_ō ān ī nāmīg ērānwēz kū weh_dāytī
hanǰaman =iš frāz burd kē ǰam ī šēd ī huramag kū =š zamān bē kird abāg pahlomān mardōmān abar_ō ān ī nāmīg ērānwēz kū weh_dāytī
ō ān hanǰaman bē mad kē dādār ohrmazd kū pad zamān ī kird bē mad abāg mēnōyān yazadān abar_ō ān ī nāmīg ērānwēz kū weh_dāytī
ō ān hanǰaman bē mad kē ǰam šēd ī huramag kū pad zamān ī kird bē mad abāg pahlomān mardōmān abar_ō ān ī nāmīg ērānwēz kū weh_dāytī
ay ohrmazd ēn hanǰaman war rāy kird u =š drahnā ī zamestān rāy kird
az pēš paydāg ǰam āgāhīh az ohrmazd būd mardōmān āgāhīh az ǰam būd ǰam ī ohrmazd guft āšnūd ka =š abāyēd dīdan ā =š dīd
mardōmān =iz ān ī ǰam guft āšnūd ēn kū =šān ān ī ohrmazd guft āšnūd ay ka =šān ēd kār rāy būd ā ō gyāg =iz ī ǰam šud hēnd
u =š guft ohrmazd ō ǰam kū ǰam ī nēk ī wīwanghānān
abar_ō ox ī astōmand ān wattar zamestān rasēd
kē az ān stahmagīh ī =š sturg kū har gyāg =ēw andar šawēd mūdag zamestān kū čiš tabāh bē kunēd
abar_ō ox ī astōmand ān ī wattar zamestān rasēd malkūsān gōwēd
kē az ān bē was snōyān wafr snēšišn pad bālist abar garān pad bāš čand ird ān gyāg kū kem nišānēd ēd widest dō angust nišānēd
az se gyāgān ēdar ǰam gōspand bē rasēnd
ēd =iz kē ast pad bīmagēntar az gyāgān čiyōn spāhān
ēd =iz kē ast pad bālēn abar garān čiyōn abarsēn
ēd =iz kē ān zofr rōstāg čiyōn ērāstān abar_ō ān kird mān
kū pēš az zamestān awēšān deh būd hēnd burd wāstar kū =šān pēšōbāy ī nēk būd u =šān hambār abāz kird
pēš az āb bē_wazišnīh pas az bē_tāzišnīh ī wafr pēš ud pas
abd =iz ēdar ǰam andar ox ī astōmand sahēd ka ēdar pah anumē pay wēnīhēd ay az ān =iz pay abar dīdan tā pahast was bē mānēd
ēg ān ī war kunē aspres_drahnā pad kadāriz =ēw ī čahrušwadag dō hāsr az kust =ēw ast kē har čahār kust gōwēd
u =š pad āgenēn tōhmag abar bar az pahān stōrān mardōmān sagān wayān ātaxš =iz suxr ī sōzāg
ēg ān ī war kunē aspres_drahnā pad kadāriz =ēw ī čahrušwadag mardān abar_mānišnīh rāy
aspres_drahnā pad kadāriz =ēw ī čahrušwadag gāwān gōstān rāy
u =š pad āgenēn āb frāz tazēn hāsr_masā rāh
u =š pad āgenēn marw bē ēstēn pērāmōn ī āb
abar hamēšag zarrēn gōn kū tarr abar hamēšag xwarišn anafsinnišnīh kū ka xward mad
u =š pad āgenēn mān bē ēstēn pērāmōn ī marw =iz
kadag dēwār frāz āškōb kū bē āškōb frawār ud pērāmōn ī parwār bawēd ka ēdōn kird
u =š pad āgenēn az harwispīn narān ud nārīgān tōhm abar bar
kē hēnd pad ēn zamīg mahist pad tan pahlom pad arz nēktom pad dīdan
u =š pad āgenēn az harwispīn gōspand sardagān tōhm abar bar
kē hēnd pad ēn zamīg mahist pad tan pahlom pad arz nēktom pad dīdan
u =š pad āgenēn az harwispīn urwarān tōhm abar bar
kē hēnd pad ēn zamīg bālist čiyōn sarw ud činār hubōytom čiyōn gul ī yāsaman
u =š pad āgenēn az harwispīn xwarišnān tōhm abar bar
kē pad ēn zamīg xwarzist čiyōn xormā ud hubōytom čiyōn bēh ud wādrang
awēšān war mānišnān rāy kunē dō gānag anafsinnišn miϑβaire ast kē gumēzag gōwēd ast kē hamēšag gōwēd
hamē az ān ka awēšān mardān war mānišnān hēnd ay paydāg bawēd kū nē war mānišnān hēnd
ma ō ānōh ān ī frāz kōfag ō pēš ma ān ī abāz kōfag ō pas ā =š ō ān gyāg ma nayēd ma ān ī yyy kē =š stūnag andar war frōd škast ēstēd ma ān xalag kū dastwar nē dārēd
ma dribag kē murdag āwarēd ma ān ī frēftār
ma ān ī yyy ma ān ī yyy rēšag =iz ast kē xōnazg gōwēd
ma ān ī bē winast dandān kē afsōs kunēd ast kē ēdōn gōwēd dandān =iš pūdag ēstēd
ma pēs kē ǰud kird ēstēd tan wāzag ay dēnīg kār ast kē ēdōn gōwēd ay ma pēs ī kōft ēd =iz kē ǰud kird ēstēd tan
ma kas az ān daxšag kē hēnd kē gannāg_mēnōy daxšag pad mardōmān bē dād ēstēd ā =š ō ān gyāg ma nayēd
pad ān frāztom deh ī meh nō widarg kun nō kōyag
pad ān mayānag šaš pad ān nidom se
pad ān ī frāztom widarg deh ī meh ā =š hazār az narān ud nārīgān tōhm abar bar
pad ān mayānag šaš_sad pad ān ī nidom sē_sad ay ka deh marag paydāg hē mardōm marag =iz paydāg bawē
abar =iz awēšān war mānišnān rāy kunē pad sūrāgōmand ī zarrēn
abar =iz pad ān war dah dēwār kū =š xunak bē wēz rōzan kū =š dargāh bē hil xwad_rōšn az andarōn nēmag bawēd ka ēdōn kird būd
ēg =iš menīd ǰam kū čiyōn awēšān an war kunam kē =š ō man guft ohrmazd
u =š guft ohrmazd ō ǰam ī nēk wīwanghānān
ēn zamīg pad pāšnag bē ōspar ud
pad dast bē xafxay homānāg ī ōy kird čiyōn nūn mardōm ka ān šuhr zamīg bē rawēnēnd
ēg ǰam ēdōn kird čiyōn pad ōy xwāst ohrmazd
ēn zamīg pad pāšnag bē ōspurd ud pad dast afxast homānāg ō kird čiyōn nūn mardōm ka ān šuhr zamīg bē rawēnēnd
ēg ǰam ān ī war kird aspres_drahnā pad kadāriz =ēw ī čahrušwadag dō hāsr az kust =ēw ast kē har čahār kust gōwēd
u =š pad āgenēn tōhmag abar burd az pahān stōrān mardōmān sagān wayān ātaxš =iz suxr ī sōzāg
ēg ān ī war kird aspres_drahnā pad kadāriz =ēw ī čahrušwadag mardān abar_mānišnīh rāy
aspres_drahnā pad kadāriz =ēw ī čahrušwadag gāwān gōstān rāy
u =š pad āgenēn āb frāz tazēnīd hāsr_masā rāh
u =š pad āgenēn marw bē ēstēnīd pērāmōn ī āb
abar hamēšag zarrēn gōn kū tarr abar hamēšag xwarišn anafsinnišnīh kū ka xward mad
u =š pad āgenēn mān bē ēstēnīd pērāmōn ī marw =iz kadag dēwār frāz aškōb kū =š bē aškōb frawār ud pērāmōn ī parwār būd ka ēdōn kird
u =š pad āgenēn az harwispīn narān ud nārīgān tōhm abar burd
kē hēnd pad ēn zamīg mahist pad tan pahlom pad arz nēktom pad dīdan
u =š pad āgenēn az harwispīn gōspand sardagān tōhm abar burd
kē hēnd pad ēn zamīg mahist pad tan pahlom pad arz nēktom pad dīdan
u =š pad āgenēn az harwispīn urwarān tōhm abar burd
kē hēnd pad ēn zamīg bālist čiyōn sarw ud činār hubōytom čiyōn gul ī yāsaman
u =š pad āgenēn az harwispīn xwarišnān tōhm abar burd
kē pad ēn zamīg xwarzist čiyōn xormā ud hubōytom čiyōn bēh ud wādrang
u =š pad awēšān war mānišnān rāy kird ān ī dōgānag anafsinnišn miϑβaire ast kē gumēzag gōwēd ast kē hamēšag
hamē az ka awēšān mardān war mānišnān hēnd ay paydāg bawēd kū nē war mānišnān hēnd
nē ō ānōh ān ī frāz kōfag ō pēš nē ān ī abāz kōfag ō pas ā =š ō ān gyāg nē nayēd nē ān ī zpyl kē =š stūnag andar war frōd škast ēstēd nē ān xalag kū dastwar nē dārēd
nē dribag kē murdag āwarēd nē ān ī frēftār
nē ān ī yyy nē ān ī yyy rēšag =iz ast kē xōnazg gōwēd
nē ān ī bē winast dandān kē afsōs kunēd ast kē ēdōn gōwēd ay dandān =iš pūdag ēstēd
nē pēs kē ǰud kird ēstēd tan wāzag ay dēnīg kār ast kē ēdōn gōwēd ay nē pēs ī kōft ēd =iz kē ǰud kird ēstēd tan
nē kas az ān daxšag kē hēnd kū gannāg_mēnōy daxšag pad mardōmān bē dād ēstēd ā =š ō ān gyāg nē nayēd
u =š pad ān frāztom deh ī meh nō widarg kird nō kōyag
pad ān mayānag šaš pad ān nidom se
pad ān ī frāztom widarg deh ī meh ā =š az narān ud nārīgān tōhm abar burd
pad ān mayānag šaš_sad pad ān ī nidom sē_sad ay ka deh marag paydāg hē mardōm marag =iz paydāg bawē
u =š abar =iz awēšān war mānišnān rāy kird pad sūrāgōmand ī zarrēn
u =š abar =iz pad ān war dād dēwār kū =š xunak bē wēxt rōzan kū =š dargāh bē hišt xwad_rōšn az andarōn nēmag būd ka =š ēdōn kird
ay ōh paydāgēnēnd kū petyārag andar xwadāyīh ī ǰam ēč čārag xwāstan nē tuwān būd kāyōš tuwān būd ast kē ēdōn gōwēd ōh =iz tuwān būd bē =š pad ēd dāšt kū ka abāz rasēd stahmagtar būd
dādār ī gēhān ī astōmandān ahlaw
az čē ēdōn awēšān rōzan hēnd ahlaw ohrmazd kē ēdōn ān gyāg rōšnēnēnd andar awēšān war mānišnān ī ǰam kird
u =š guft ohrmazd kū xwadād rōšnīh ān =iz stiδāt
vīspa_anaŋra_raōčā̊_usča_usraōčaiieiti_vīspa_stiδā
ēk ēwēnag awēšān riftagīh sahēd anāgīh ī =šān az amāh ēn ēk ast kē ēdōn gōwēd ay xwad =šān ēn ēk wēnišn star ud māh ud xwaršēd ka =šān nēst
awēšān =iz rōz menēnd sāl =iz pas hapta_həṇti_hąmina_mā̊ŋhō_paṇča_zaiiana ānōh =iz kār
pad čēhel sālān zamestān az dō mardān dō mard ul zāyēnd pad gumēzag ī mādag ud nar
ēdōn =iz az awēšān gōspand sardagān ēd =iz kē ast zayēnd
awēšān mard nēktar pad gyān zīwēnd kū sad_ud_panǰāh sāl ōh zīwēnd ast kē ēdōn gōwēd kū nēktar pad gyān zīwēnd kū hagriz nē mīrēnd andar awēšān war mānišnān ī ǰam kird
dādār ī gēhān ī astōmandān ahlaw
kē ō ānōh dēn ī mazdēsnān bē burd ō awēšān war mānišnān ī ǰam kird
u =š guft ohrmazd way karšift spitāmān zardušt čāxrawāk ī pad ox ī menišn abāz šawēd
dādār ī gēhān ī astōmandān ahlaw
kē awēšān ast ox ud rad kē =šān dēn ān gyāg burd ā =šān dastwar kē
u =š guft ohrmazd
kū urwatadnar zardušt pus ī tō tō =z kē zardušt hē ay ōh paydāgēnēnd kū dastwar ka ān murd kunēd šāyēd ka ān kunēd ī nē mad ēstēd ā =z šāyēd
sidīgar pargard bun
dādār ī gēhān astōmandān ī ahlaw
kū fradom ēn zamīg āsāntom kū mēnōy ī zamīg āsānīh az čē wēš
u =š guft ohrmazd kū pad ān abar mard ahlaw franāmēd spitāmān zardušt
esm dast ud barsom dast ud ǰīw dast ast kē ēdōn gōwēd ay paywāsag hāwan dast
kē āštīh ī abāg wehān dēn pad gōwišn frāz gōwēd kū ōh yazēd mihr ī frāx_gāwyōd zayēd kū gīrēd wāz =iš rāmišn xwārom u =š bawēd ka ēdōn kunēd ast kē gōwēd kū rāmišn =iz xwārom =iz kunēd
dādār ī gēhān ī astōmandān ī ahlaw
kū didīgar ēn zamīg āsāntom kū mēnōy ī ēn zamīg āsānīh az čē wēš
u =š guft ohrmazd pad ān abar mard ahlaw mān ul dād kū xānag kird
āsrōnōmand gōspandōmand nārīgōmand pusōmand ud huramagōmand
ēg pas andar ān mān frāz padēx gōšt frāz padēx ahlāyīh frāz padēx nārīg frāz padēx aburnāyag frāz padēx ātaxš frāz padēx wastarg frāz padēx sag frāz padēx harwisp huzīwišnīh bun ud bar bē bawēd ast kē ēdōn gōwēd ay huzīwišnīh bun ud bar ast kē ēdōn gōwēd bē gīrēd
dādār ī gēhān ī astōmandān ī ahlaw
kū sidīgar ēn zamīg āsāntom kū mēnōy ī ēn zamīg āsānīh az čē wēš
u =š guft ohrmazd
kū pad ān abar frahist kārēnd spitāmān zardušt ǰōrdā wāstar urwar =iz xwarišnbar
ēd =iz kē ān anāb ān ābōmand kunēnd kū wēš freh =iz bē kunēnd
ān ābōmand ō anāb kunēnd kū ābōmand ābādān kunēnd
dādār ī gēhān ī astōmandān ī ahlaw
kū tasom ēn zamīg āsāntom kū mēnōy ēn zamīg āsānīh az čē wēš
u =š guft ohrmazd
kū pad ān abar frahist ul zāyēnd pah ud stōr
dādār ī gēhān ī astōmandān ī ahlaw
kū panǰom ēn zamīg āsāntom kū mēnōy ēn zamīg āsānīh az čē wēš
u =š guft ohrmazd
kū pad ān abar frahist mēzēnd pah ud stōr ān gyāg kū pad =iš parwarēnd
dādār ī gēhān ī astōmandān ī ahlaw
kū fradom ēn zamīg anāsāntom kū mēnōy ēn zamīg dušxwārīh az čē wēš
u =š guft ohrmazd
kū pad arzūr grīwag spitāmān zardušt pad dar ī dušox kū andar ān gyāg dēw ō_ham dwārēnd ka abāz dwārēnd ān gyāg abāz dwārēnd druz az gilistag ka abāz dwārēnd ānōh abāz dwārēnd ast kē ēdōn gōwēd ay ka bē dwārēnd kūn_marz kunēnd
dušox ī azēr ī zamīg az azabar abar asmān u =š dar ul ō zamīg ēn kū abar bērōn asmān ast ayāb nē ā =m nē rōšnag
ān gyāg abāz dwārēnd druz az gilistag ka abāz dwārēnd dēwīh druzīh har dō hamgōnīh ast kē nar mādag gōwēd ast kē wināhgārīh gōwēd kē nar mādagīh gōwēd ay dēw nar ud parīg mādag
dādār ī gēhān ī astōmandān ī ahlaw
kū didīgar ēn zamīg anāsāntom kū mēnōy ēn zamīg dušxwārīh az čē wēš
u =š guft ohrmazd
kū pad ān abar frahist nibayēd nigān sag ī rist ayāb mard =ēw ī rist azēr ī zamīg nē xwaršēd nigerišn tā zamīg mēnōy hamāg ēw_kardag bē bawēd ēdōn čiyōn mard =ēw kē az bīm dušxwārtar
dādār ī gēhān ī astōmandān ahlaw
kū sidīgar ēn zamīg anāsāntom kū mēnōy ēn zamīg dušxwārīh az čē wēš
u =š guft ohrmazd
kū pad ān abar frahist hazzān ul dēsīd kū daxmag kird ēstēd ud andar ān mard ī rist bē dād ēstēd azēr ī zamīg nē xwaršēd nigerišn ēn ēd rāy wattar gōwēd čē ēn pad xwaršēd nigerišn ummēdwārtar
dādār ī gēhān ī astōmandān ahlaw
kū tasom ēn zamīg anāsāntom kū mēnōy ēn zamīg dušxwārīh az čē wēš
u =š guft ohrmazd
kū pad ān abar frahist bawēnd ān ī gannāg_mēnōy gilistag sūrāg ī xrafstarān kū =š xrafstarān pad =iš andar bawēnd
dādār ī gēhān ī astōmandān ahlaw
kū panǰom ēn zamīg anāsāntom kū mēnōy ēn zamīg dušxwārīh az čē wēš
u =š guft ohrmazd
kū pad ān abar mard ahlaw spitāmān zardušt nārīg =iz ud aburnāyag pad wardagīh pad rāh rawēnēnd ay ēn garān bē pad rāh ī abāz madan anummēdwārtar
pad xākīh ud huškīh garzān burd gōwišn ay ka =šān hamāg pad parwandišn rawēnd u =šān xākīh ud huškīh hē ast kē ēdōn gōwēd ay xāk_dahānīh ud hušk_dahānīh az =iš bawēd
dādār ī gēhān ī astōmandān ahlaw
kē fradom ēn zamīg pad ān mahist šnāyēnišn šnāyēnēd kū kē pad rāmišntar kird bawēd
u =š guft ohrmazd
kū pad ān abar frahist ul kand kū andar ān nibayēd nigān sag ī rist ayāb mard ī rist azēr ī zamīg nē xwaršēd nigerišn ay dušox rāy nē gōwēd čē dušox ō nūn kandan nē šāyēd
dādār ī gēhān ī astōmandān ahlaw
kē didīgar ēn zamīg pad ān mahist šnāyēnišn šnāyēnēd kū kē pad rāmišntar kird bawēd
u =š guft ohrmazd
kū pad ān abar frahist hazzān ī ul dēsīd bē kand kū andar ān mard ī rist bē dād ēstēd azēr ī zamīg nē xwaršēd nigerišn
ma kas mardōm barād ēw_tāg pad tan =ēw ka rist kū murd ēd pad saxwan gōwam kū dānēd kū murd
čē agar kas mardōm barēd ēw_tāg pad tan =ēw kē rist
abar ōy nasuš gumēxtēd az nāk bē az čašm bē az uzwān bē az padišxwar bē az kēr bē az kūn ī ōy murd
awēšān srū ī wināhgārān abar_pad awēšān wināhgārān ā =šān ān druz ī nasuš abar dwārēd ast kē srū ī murdagān gōwēd
ayōǰdāsr pas bawēd tā_ō hamē_hamē_rawišnīh
ēn az abestāg paydāg ān bawēd ka dānēd kū murd bawēd ud dānēd kū sag nē dīd ǰumbānēd kū wināh margarzān
u =š ēd andar nē abāyēd kū sag nē dīd pad tan =ēw stad bē barēd ud pad ēw_kardagīh bē čandēnēd ā =z ǰuttar nēst rēman ud margarzān
u =š šōy nēst pad ēn nērang az pēš paydāg bē ōzanišn
abarg čār ud tuwān āmār nē kird ud gōgušnasp guft hād pad čār ud tuwān bawād
u =š andar nē abāyēd kū dānēnd kū wināh margarzān čē ka dānēnd kū ham_bun =iz wināh =ēw ud pas kunēnd ā =z margarzān ōh bawēd
rōšn guft ay handāzīh abāyēd kū dānēnd kū sag nē dīd ud nasā paymānag ham_bun =iz nōit̰_maxši_bərətō
ka čand bār stad nihād har bār =ēw margarzān ōh bawēd
ka ēk pad ēn dast stānēd ēk pad ēn dast nihēd margarzān dō
ka dīd pad ēw_kardagīh frōd bast ēstēd pad ēw bār abāz stanēd wēš nēst kū margarzān =ēw
har =iz abāg mard ēw_kardag ka =š pad =iš bē čandēnēd u =š tan rēman ud margarzān ōh bawēd
ka pad pāy =ēw mard bē čandēnēd u =š tan rēman kird =iz ī ōy rāy tanāpuhr ō bun
ka =š nasā andar sālārīh bawēd ka ō ōy kas framāyēd kē frahang andar nēst ā =z margarzān ōh bawēd
ka =š andar kanār bē mīrēd pad gyāg abganēd rēman nē bawēd ay ma agar pad čāštag ī mardbūd
agar ka =š murw =ēw ēw_kardag abar bē abganēd bē pad rāh ham_kirbag tā rēman nē bawēd
ay murw =iz ān āmār kē =š nasuš rāy zanēd
ka ān sārīgar ast pad nigerišn pad nasā bē rāyēnēd rēman nē bawēd
ka pad stōr frōd bast ēstēd frāz āhanǰēd ā =m nē rōšnag kū ēdōn bawēd čiyōn pad zōr ī mard =ēw ayāb ēdōn bawēd čiyōn pad zōr ī dō mard
rōšn guft ay ēdōn bawēd čiyōn pad zōr ī dō mard
pad āb ud pad gōmēz nē pad gil ud āb nē rōšnag rōšn guft ay pad āb ōh bawēd ud pad gōmēz nē bawēd pad gil ōh bawēd pad āb nē bawēd
āb ān bawēd ka =š dast andar frōd kunēnd tā ārešn andar frōd kunēnd pad ēw paywand nē bawēd
ud gōmēz ān ka az gōmēzdān abar frōd kunēnd tā ka =š andar mēzēd pad paywand ōh bawēd
gil ān bawēd ka =š pad =iš bē rawēnd
āb ān bawēd pad zamīg frōd kōst
nasā ī sag nē dīd ka pad dō bē čandēnēnd har dō tan pad baršnūm wastarg pad xšwaš_mānghō pad =iz ham_kirbagīh ǰuttar nēst
ān ī sag dīd ka pad tan =ēw bē čandēnēd tan pad baršnūm wastarg pad xšwaš_mānghō pad ham_kirbagīh pad āb ud gōmēz
ka tan ēdōn rēman kunēnd ī =š pad baršnūm abāyēd šustan ā =š tanāpuhr ō bun
yō_vīsat̰_aētaiiąm_zaōϑrąm_ātrəm_ā_frabarōit̰ ānōh paydāg kū kē dast šabīg ō āb barēd ēdōn bawēd čiyōn kē hixr ō ātaxš burd hē
yaϑa_narəm_duščā_zarətəm ānōh paydāg kū kē hixr ō āb ud ātaxš ēdōn bawēd čiyōn ka =š nasā ō mard ī ahlaw burd hē
ka rēman ēdōn kunēd ī =š pad gōmēz abāyēd šustan ā =š xwar ō bun
ka =š tanāpuhr ō bun bawēd ā =š xwar ō bun nē bawēd
ka xwar ō bun bawēd ā =š tanāpuhr ō bun nē bawēd paōriiāi_upaēta_paōriiāi_nišasta ān bawēd ka har bār =ēw bē šōyēd ud bē wizārēd
ka pad nasāyīh ēwar ka pahikōftan warōmand ā =š ōh ōy šōyišn ka
pad nasāyīh warōmand ka pad pahikōftan ēwar ā =š nē šōyišn
ka ānōh bawēd nē ānōh bawēd warōmand ēdōn bawēd čiyōn ka pad nasāyīh warōmand hē
abarg hazzān paymānag āmār nē kird ud gōgušnasp adān adīd guft
dādār ī gēhān ī astōmandān ahlaw
kē fradom ēn zamīg pad ān mahist šnāyēnišn šnāyēnēd kū kē pad rāmišntar kird bawēd
u =š guft ohrmazd
kū pad ān abar frahist ul kand kū andar ān nibayēd nigān sag ī rist ayāb mard ī rist azēr ī zamīg nē xwaršēd nigerišn ay dušox rāy nē gōwēd čē dušox ō nūn kandan nē šāyēd
dādār ī gēhān ī astōmandān ahlaw
kē didīgar ēn zamīg pad ān mahist šnāyēnišn šnāyēnēd kū kē pad rāmišntar kird bawēd
u =š guft ohrmazd
kū pad ān abar frahist hazzān ī ul dēsīd bē kand kū andar ān mard ī rist bē dād ēstēd azēr ī zamīg nē xwaršēd nigerišn
ma kas mardōm barād ēw_tāg pad tan =ēw ka rist kū murd ēd pad saxwan gōwam kū dānēd kū murd
čē agar kas mardōm barēd ēw_tāg pad tan =ēw kē rist
abar ōy nasuš gumēxtēd az nāk bē az čašm bē az uzwān bē az padišxwar bē az kēr bē az kūn ī ōy murd
awēšān srū ī wināhgārān abar_pad awēšān wināhgārān ā =šān ān druz ī nasuš abar dwārēd ast kē srū ī murdagān gōwēd
ayōǰdāsr pas bawēd tā_ō hamē_hamē_rawišnīh
ēn az abestāg paydāg ān bawēd ka dānēd kū murd bawēd ud dānēd kū sag nē dīd ǰumbānēd kū wināh margarzān
u =š ēd andar nē abāyēd kū sag nē dīd pad tan =ēw stad bē barēd ud pad ēw_kardagīh bē čandēnēd ā =z ǰuttar nēst rēman ud margarzān
u =š šōy nēst pad ēn nērang az pēš paydāg bē ōzanišn
abarg čār ud tuwān āmār nē kird ud gōgušasp guft hād pad čār ud tuwān bawād
u =š andar nē abāyēd kū dānēnd kū wināh margarzān čē ka dānēnd kū ham_bun =iz wināh =ēw ud pas kunēnd ā =z margarzān ōh bawēd
rōšn guft ay handāzīh abāyēd kū dānēnd kū sag nē dīd ud nasā paymānag ham_bun =iz nōit̰_maxši_bərətō
ka čand bār stad nihād har bār =ēw margarzān ōh bawēd
ka ēk pad ēn dast stānēd ēk pad ēn dast nihēd margarzān dō
ka dīd pad ēw_kardagīh frōd bast ēstēd pad ēw bār abāz stanēd wēš nēst kū margarzān =ēw
har =iz abāg mard ēw_kardag ka =š pad =iš bē čandēnēd u =š tan rēman ud margarzān ōh bawēd
ka pad pāy =ēw mard bē čandēnēd u =š tan rēman kird =iz ī ōy rāy tanāpuhr ō bun
ka =š nasā andar sālārīh bawēd ka ō ōy kas framāyēd kē frahang andar nēst ā =z margarzān ōh bawēd
ka =š andar kanār bē mīrēd pad gyāg abganēd rēman nē bawēd ay ma agar pad čāštag ī mardbūd
agar ka =š murw =ēw ēw_kardag abar bē abganēd bē pad rāh ham_kirbag tā rēman nē bawēd
ay murw =iz ān āmār kē =š nasuš rāy zanēd
ka ān sārīgar ast pad nigerišn pad nasā bē rāyēnēd rēman nē bawēd
ka pad stōr frōd bast ēstēd frāz āhanǰēd ā =m nē rōšnag kū ēdōn bawēd čiyōn pad zōr ī mard =ēw ayāb ēdōn bawēd čiyōn pad zōr ī dō mard
rōšn guft ay ēdōn bawēd čiyōn pad zōr ī dō mard
pad āb ud pad gōmēz nē pad gil ud āb nē rōšnag rōšn guft ay pad āb ōh bawēd ud pad gōmēz nē bawēd pad gil ōh bawēd pad āb nē bawēd
āb ān bawēd ka =š dast andar frōd kunēnd tā ārešn andar frōd kunēnd pad ēw paywand nē bawēd
ud gōmēz ān ka az gōmēzdān abar frōd kunēnd tā ka =š andar mēzēd pad paywand ōh bawēd
gil ān bawēd ka =š pad =iš bē rawēnd
āb ān bawēd pad zamīg frōd kōst
nasā ī sag nē dīd ka pad dō bē čandēnēnd har dō tan pad baršnūm wastarg pad xšwaš_mānghō pad =iz ham_kirbagīh ǰuttar nēst
ān ī sag dīd ka pad tan =ēw bē čandēnēd tan pad baršnūm wastarg pad xšwaš_mānghō pad ham_kirbagīh pad āb ud gōmēz
ka tan ēdōn rēman kunēnd ī =š pad baršnūm abāyēd šustan ā =š tanāpuhr ō bun
yō_vīsat̰_aētaiiąm_zaōϑrąm_ātrəm_ā_frabarōit̰ ānōh paydāg kū kē dast šabīg ō āb barēd ēdōn bawēd čiyōn kē hixr ō ātaxš burd hē
yaϑa_narəm_duščā_zarətəm ānōh paydāg kū kē hixr ō āb ud ātaxš ēdōn bawēd čiyōn ka =š nasā ō mard ī ahlaw burd hē
ka rēman ēdōn kunēd ī =š pad gōmēz abāyēd šustan ā =š xwar ō bun
ka =š tanāpuhr ō bun bawēd ā =š xwar ō bun nē bawēd
ka xwar ō bun bawēd ā =š tanāpuhr ō bun nē bawēd paōriiāi_upaēta_paōriiāi_nišasta ān bawēd ka har bār =ēw bē šōyēd ud bē wizārēd
ka pad nasāyīh ēwar ka pahikōftan warōmand ā =š ōh ōy šōyišn ka
pad nasāyīh warōmand ka pad pahikōftan ēwar ā =š nē šōyišn
ka ānōh bawēd nē ānōh bawēd warōmand ēdōn bawēd čiyōn ka pad nasāyīh warōmand hē
abarg hazzān paymānag āmār nē kird ud gōgušasp adān adīd guft
dādār ī gēhān ī astōmand ahlaw
kū ōy mard gāh kū ast ī =š rist kēš ī ēk bar
u =š guft ohrmazd kū kē hēnd pad ēn zamīg ǰud_ābtom ǰud_urwartom
yōǰdāsr_zamīgtom az hixr hušk_zamīgtom kū nam pad ān paymānag nēst yārə_narš_xᵛā aōϑrəmahe_iiato
kamist =iz pad awēšān rāh franāmēnd pah ud stōr ātaxš =iz ī ohrmazd ud barsom =iz pad ahlāyīh frāz wistard mard =iz ī ahlaw
dādār ī gēhān astōmandān ahlaw
čand drahnā az ātaxš čand drahnā az āb čand drahnā az barsom pad ahlāyīh frāz wistard čand drahnā az mard ī ahlaw
u =š guft ohrmazd
kū sīh gām az ātaxš ud sīh gām az āb ud sīh gām az barsom pad ahlāyīh frāz wistard ud se gām az mardān ahlawān
ēdōn ōy wināh rāy kū_tā nē bawād awēšān mazdēsn ēn zamīg pad pērāmōn dēsišn pērāmōn ēw dēsēnēnd kū parzīn kardag =ēw bē ēw kunēnd
u =š pad xwarišn pas ēw ēstēnēnd awēšān kē mazdēsn hēnd u =š pad wastarg pas ēw ēstēnēnd awēšān kē mazdēsn hēnd
drōzēnīdagištom wattom nyuruzdištom kamist
awēšān xwarišn ēw xwarēd awēšān wastarg ēw nihumbēnd
hamē az ān tā ka han ī panǰāh_sālag ud zarmān šast_sālag pēš pas ud pādīrān šuhr bawād šast_sālag ay kār ī =m
ka han zarmān pādīrān šuhr būd hād
sōšyans guft hē ay nērōg nē dārišn ud kayādurbōzēd guft ay zāyišn nē dārišn ud ēdōn čiyōn kayādurbōzēd guft ān bawēd ka zan =iz čiyōn ān mard ēstēd
ān ī ōzōmandtom ōy pas mazdēsnān ī tagīgtom kū nēwtom ī bē pāktom frahixttom pad ān kārīh abar ēw mānēnēd pad bālist pad sar ī kōf
pōst_pahnā ī ōy kamāl ēw kušēnd kū =š sar bē ēw brīnēnd
ō was xwardārān ī spennāg_mēnōy dāmān ī kirb_xwārān kirb bē ēw abespārēnd ō way ī kargās
ēdōn ēw gōwēd kū abar ēn zamīg bē mehēnam kū pad patit bawam az harwisp dušmat ud dušhūxt ud dušxwaršt ī =m ēk_barīh ō bun būd ēstād
agar =iz any ān ī wattar kunišn frāz warzīd kū =š anī =z wināh kird
patitīhāīh ī ōy tōzišn bawēd
tōxt bawēd sōšyans guft ay ān bawēd ka =š ān ī did nē margarzān kayādurbōzēd guft ay patitīhāīh ī ōy tōzišn u =š az abārīg wināh ǰud_ǰud patit bawišn
agar =iz ōy any ān ī wattar kunišn nē frāz warzīd
patitīhāīh ī ōy mard tā_ō hamē_hamē_rawišnīh
dādār ī gēhān ī astōmandān ī ahlaw
kē sidīgar ēn zamīg pad ān mahist šnāyišn šnāyēnēd kū kē rāmišntar kird bawēd
u =š guft ohrmazd
kū pad ān abar frahist bē kanēd ān ī gannāg_mēnōy gilistag sūrāg ī xrafstarān kū xrafstar bē ōzanēd
dādār ī gēhān astōmandān ahlaw
kē tasom ēn zamīg pad šnāyišn šnāyēnēd kū kē pad rāmišntar kird bawēd
u =š guft ohrmazd
kū pad ān abar frahist kārēnd spitāmān zardušt ǰōrdā ud wāstar urwar =iz xwarišnbar ay ōh paydāgēnēnd kū =šān kē =šān nēkīh pad =iš kunēnd
ēd =iz kē ān anāb ān ābōmand kunēnd kū wēš freh =iz bē kunēnd
ēd =iz kē ān ābōmand ān ī anāb kunēnd kū =šān ābādān zamīg kird
čē nē zamīg az ān ī āsānīh ka dagr akišt nibayēd
ka pad kešišn kešišnōmand kū anāb ēdōn kārēnd
awēšān ān weh ī abar_mānišnīh ōy abāyēd tōhm
ēdōn čarātīg hurust ka dagr abus rawēd awēšān ān weh gušn ōh abāyēd
kē ēn zamīg abar warzēd spitāmān zardušt pad ān ī hōy bāzā pad ān ī dašn bāzā pad ān ī dašn ud pad ān ī hōy pad ayārōmandīh ī ēk abāg did
abar sagrīh barēd
homānāg ī ōy čiyōn mard kē dōst ī zyānag ōy kē dōst ī zyānag mērag pad ān wistarag gāh nibayān pus āgenēn abar barēd ābustan bawēd ayāb pad gōn weh bē bawēd zamīg =iz pad bun weh bē bawēd ayāb pad bar
kē ēn zamīg abar warzēd spitāmān zardušt pad ān ī hōy bāzā pad ān ī dašn bāzā pad ān ī dašn bāzā ud pad ān ī hōy pad ayārōmandīh ī ēk abāg did
gōwēd ēn zamīg kū mard kē man abar warzē pad ān ī hōy bāzā pad ān ī dašn bāzā pad ān ī dašn bāzā pad ān ī hōy pad ayārōmandīh ī ēk abāg did
bāstān ēdar ēwēn bē barān kū =t ēwēn ī nēk az =iš kunān
u =t harwisp az xwarišnān barānd az ham_barišnīh bē ǰōrdāyān ka bē bawād kū har čiš =ēw ī nēk ōh bawād fradom bē tō āwarād ast kē az dah šāzdah gōwēd
kē ēn zamīg nē abar warzēd spitāmān zardušt pad ān ī hōy bāzā pad ān ī dašn bāzā pad ān ī dašn bāzā ud pad ān ī hōy pad ayārōmandīh ī ēk abāg did
gōwēd ēn zamīg kū mard kē man nē abar warzē pad ān ī hōy bāzā pad ān ī dašn bāzā pad ān ī dašn bāzā pad ān ī hōy pad ayārōmandīh ī ēk abāg did
bāstān ēdar abar ēstē pad ō any dar ī kasān xwarišn pursišn rāy kū_tā =m dahād
bāstān tō tarist āhąna =t ān ī stadag xwarišn barānd kū ān ī nēk barānd ud ān ī wad bē_ō tō āwarēnd
ā =t awēšān xwarišn az awēšān mardōmān barēnd az awēšān ān ī frāy_ābādīh kē =šān parrēxt hād ay čiš ēdōn garā
dādār gēhān astōmandān ī ahlaw
pad =iš kē ast dēn ī mazdēsnān uruhbar kū mehmānīh pad kē u =š rawāgīh az kē weh
u =š guft ohrmazd kū pad ōy čēr abar ǰōrdā kištan spitāmān zardušt bāzyār ī tuxšāg
kē ǰōrdā kārēd ān ahlāyīh kārēd kū =š kišt bawēd
ān dēn ī mazdēsnān frāz pad wāzišn wazēnēd kū =š rawāg kird bawēd
ān dēn ī mazdēsnān pēmēnēd kū parward bawēd
pad sad_padištānīh čiyōn pad panǰāh mard dastyārīh aburnāyag kunēnd u =šān xūb kird bawēd ōy =z kird bawēd
pad hazār_pestānīh čiyōn ka pad panǰ_sad zan dāyagānīh ī aburnāyag =ēw kunēnd ā =šān xūb kird bawēd ōy =z kird bawēd
pad bēwar yazišn kirdārīh čiyōn pad pānagīh ī aburnāyag rāy ān_and yazišn bē kunēd čand =iš yeŋ́hē_hātąm bēwar ā =šān xūb kird bawēd ōy =z xūb kird bawēd
ka ǰōrdā dād ēg dēw xwist hēnd kū ō pāy būd hēnd ay ēn hamāg ān ī pad bun_dahišn
ka suftag dād ēg dēw tuhīg būd hēnd anummēd ast kē ēdōn gōwēd ay ēd gyān andar aškamb bē nē mānd
ka pēšag dād grih ēg dēw griyist hēnd kū =šān šēwan ud mōyag kird
ka gund dād kulāčag ēg dēw pulīd hēnd kū =šān tarakag andar ōbast
ēdar mānēnd dēw pad mehmānīh bē zanēd andar_ō mān ī gundag kū =šān ǰōrdā pad wināhkārīh nē dād
u =š zafar_masā āhan ī tāftag ō_ham wašt sahēd ka ǰōrdā was bawēd
ēg mānsr ēdōn ōšmurēnd kū hērbedestān ī weh kunē
čē nē kas az axwardārīh tuwānīg kē nē xwarēd ā =š nē tuwān
kē nē čēr pad kār ī ahlāyīh ka dwāzdah_hōmāst =ēw abēr nēw ka nē xwarēd ā =š nē tuwān
nē kē čēr pad kār ī warzišnīg ud pus xwāhišnīg kē daštān_māh abēr tuwān wizārdan ka nē xwarēd ā =š nē tuwān
čē az xwardārīh harwisp ox ī astōmandān zīwēnd tā sar ī brīn zamān az axwardārīh frāz mīrēnd abarg guft hād ka murd axwardār
dādār ī gēhān ī astōmandān ahlaw
kē panǰom ēn zamīg pad ān mahist šnāyišn šnāyēnēd kū kē rāmišntar kird bawēd
u =š guft ohrmazd
kū kē ēn zamīg abar warzēd spitāmān zardušt ō mard ī ahlaw pad ahlāyīh ī weh dahēd
kē ēn zamīg abar warzēd spitāmān zardušt ō mard ī ahlaw pad ahlāyīh ī weh nē dahēd
abar ōy abganēd spandarmad ō tom ōh paydāgēnēnd kū kē andar šēdā frōdmand ǰast ēstēd ka druwand ā =š hamēmālīh kirdan =iz ī ōy rāy pēš dušox abganēnd
ī bēšōmand ox ī dardōmand ī wattom axwān ān
harwisp abar_ō tēx abganēd har čiyōn ōbadēd tēx ōbadēd
dādār ī gēhān ī astōmandān ahlaw
kē andar ēn zamīg nigānēnēd sag ī rist ayāb mard ī rist nēm sāl_drahnā anulkand
kadār ōy ast tōzišn
u =š guft ohrmazd panǰ_sad pad abar_zanišnīh abar zanišn asp_aštar panǰ_sad srōšōčarnām ay tanāpuhr ud nēm wināh
dādār ī gēhān ī astōmandān ī ahlaw
kē andar ēn zamīg nigānēnēd sag ī rist ayāb mard ī rist sāl_drahnā anulkand
kadār ōy ast tōzišn
u =š guft ohrmazd hazār abar_zanišnīh abar zanišn asp_aštar hazār srōšōčarnām panǰ tanāpuhr wināh
az ēn tā dēw_ēzagīh wēš nēst kū tanāpuhr
pad abārīg dād and čand dō tanāpuhr
ham se tanāpuhr pad abārīg dād ī čand and gōwēd ast
dādār ī gēhān ī astōmandān ī ahlaw
kē andar ēn zamīg nigānēnēd sag ī rist ayāb mard ī rist dō_sāl_drahnā anulkand
kadār ōy ast tōzišn
kadār ōy ast puhl pad aštar ud srōšōčarnām
čiyōn ast ōy yōǰdāsrīh pad ruwān
u =š guft ohrmazd kū nē ōy ast tōzišn pad xwāstag ud nē ōy ast puhl pad aštar ud srōšōčarnām ud nē ōy ast yōǰdāsrīh pad ruwān
čē anāpuhragān wināh tā_ō hamē_hamē_rawišnīh ast kē any puhl gōwēd
bē kay ēdōn
agar ast āstawān kū weh dēn dānēd kū wināh ayāb =iš abar āšnūd dēn ī mazdēsnān kū agdēn u =š pad wināh uskārd ēstēd
ēn az abestāg paydāg nihuftan āmār yōi_aiŋ́hā̊_zəmō_nikaṇte ān kandan āmār
ka se frēg bē kanēd ud rōbēd tanāpuhr =ēw ka panǰ frēg bē kanēd bē rōbēd dō tanāpuhr
ka ēk ōh kanēd ēk ōh rōbēd tanāpuhr =ēw ōy ēk kand ēstēd bē rōbēd kandan rāy wēš nē bawēd
har =iz abāg zamīg ēw_kardag ka bē kanēd kandan rāy ōh bawēd
ka kem az ēn paymānag kanēd kandan rāy pad ān zamān bawēd ka andar nihēd ud bē nihumbēd
ka ē_čand gyāg pad ēn paymānag pad ēd menišn bē kanēd kū har gyāg kū =m abāyēd niham kandan rāy wēš nēst kū ēk
farrīg guft ay har gyāg ōh bawēd čē mēnōy ī zamīg bīm dārēd
ka ē_čand gyāg kem az ēn paymānag bē kanēd ēdōn bē nihumbēd ka gyāg =ēw xwaršēd nigerišn kird ā =š hamāg gyāg kird ud kand ka gyāg =ēw ēk nihuftan rāy ud ēk kandan rāy nē abzāyēd
nihuftan rāy tā_ō ēn paymānag az abestāg paydāg abzāyēd
nasā_nigānīh pad har čiš =ēw ōh bawēd bē pad nasā ayāb ka andar must abāz gīrēd ēdōn bawēd čiyōn wattar dādestāntar
čē sag ka nasā andar ābgēnag wēnēd nasuš nē zanēd
māhgušnasp guft ham_bun pad =iz wastarg ī tadag nē bawēd
ka zan ī daštān barsom andar ābgēnag wēnēd rēman ōh kunēd
kū =š nasā andar nihēd bē nihumbēd ā =š nasā_nigānīh ōh kunišn
ka ǰud az wars ud nāxun nigān kunēd ā =š nigānīh ōh kunišn ka sag wars ud nāxun wēnēd nasuš nē zanēd ka ham_kirbagīh mard rēman ōh kunišn
ka pēš az dō sāl pōsēd ayāb kirm bē xwarēd ayāb xwaršēd nigerišn bē bawēd ka pas nigān abāz bawēd ā =z ō nasā_nigānīh abāz ēstēd
windād_gušnasp guft ay ka kirm bē xwarēd ā =š har kirm =ēw rāy tanāpuhr =ēw ō bun u =š az ān gyāg paydagēnēd yō_narš_aṣ̌aōnō_iririϑušō_zəmē_kəhrpa_nikaiṇti
agar ast anāstawān kū agdēn u =š pad kirbag uskārd ēstēd ayāb =iš anabarāšnūd dēn ī mazdēsnān kū weh dēn pad xwāhišn ud pursišn wināhgār pad abēgumānīh ud kirbag_menišnīh kunēnd
awēšān =z wināh az awēšān mardōmān abganēd āstawānīh patitīgīh pad dēn ī mazdēsnān paydāg ka awarzīdār pas ān ī abārōn kunišn kū pad ēd menišn pad patit bawēd kū az nūn ōh frāz wināh nē kunam
čē abganēd spitāmān zardušt dēn ī mazdēsnān az mard ī āstawānīh band band ī dahišnīg
abganēd drōš ay ēd dānēnd kū duzzīh nē abāyēd kirdan bē pad ēd dārēd kū ka az tuwānīgān duzam ō driyōšān dahom ā =m kirbag
abganēd ahlawganīh ay dānēnd kū =š apahikār_radīh abāz abāyēd dāštan bē ēd nē dānēd kū pahikār_radīh xūb abāg kē bē abāyēd kirdan ast kē ēdōn gōwēd ay margarzān ōh abāyēd ōzadan bē ēd nē dānēd kū ǰud az framān ī dastwarān nē abāyēd ōzadan
abganēd nasā_nigānīh ay ēd dānēnd kū nasā_nigānīh nē abāyēd kirdan bē pad ēd dārēd kū ka sag ud rōbāh ō āb ud ātaxš nē burd ā =m kirbag
abganēd ān ī anāpuhragān wināh ī margarzān ay nāmčištīg nē guft ēstēd
abganēd ān ī škoft purdagīg abām waxš ī garān ēd dānēnd kū =š ōh abāyēd stadan bē ēd nē dānēnd kū abar az dēnīg nē abāyēd stadan
abganēd harwisp awēšān wināh čēgāmiz =ēw abar warzēnd
homānāg ī ōy spitāmān zardušt dēn ī mazdēsnān az mard ahlaw frāz mālēd harwisp dušmat ud dušhūxt ud dušhuwaršt čiyōn wād ī škoft ī tag ka tēz āyēd ud dašt frāz mālēd giyāhīzagīh ud čiš =ēw bē bard
weh ēdar zardušt ān ī huwaršt kunišn warzišn kū spaiieiti čiš =ēw ī nēk ay ēdar =iz pas ēd kū spaiieiti čiš =ēw ī nēk pas =iz awināhīh weh
weh dēn ī mazdēsnān wābarīgān tōzišn brēhēnēd ka dēn gōwēd ay arduš ay pādifrāh ēd pad awestwār dārišn
ēn az abestāg paydāg spaiieiti pad har kas =ēw ō abāyēd pad har wināh ōh bawēd
sōšyans guft pad zaxm nē bawēd parā_kauuahmāt̰_nərət̰
u =š sōšyans bē_ō dādestān ēdōn bawēd kū zaxm hamāg kēn nām
weh_šābuhr guft ay wināh ī hamēmālān pad ēk =iz nē bawēd nōit̰_marąm_pairištəm
pad har dō čāšt ham_dādestān būd hēnd kū abāmīhā bē bawēd mard druwand nē kunēd
weh dēn ān pad ōy kas bawēd kē pad xwāhišn pursišn
wināhgār ān pad abēgumānīh kirbag menišn kunēd ka wināh ō bun u =š pad spaiieiti wizārišn
ka kirbag ā =m nē rōšnag ay ma agar čiš =ēw az hād spōxtan nē šāyēd ōh bawēd
ēn čiyōn anēr kē ō ērīh āyēd ud agdēn ka bē_ō weh dēnīh āyēd ud ǰud_ristagān ka bē_ō pōryōtkēšīh āyēd har ī =š pad dād ī xwēš pad kirbag uskārd ēstēd ā =š az bun bē šawēd
ān ī =š pad wināh uskārd ēstēd ā =š ōh tōzišn u =š tōzišn ēdōn bawēd čiyōn amāh u =š pādifrāh barēd nē pad burd dārišn
u =š šōy nē pad šōy dārišn māhgušnasp guft ay har ān ī kas kē pad dād ī xwēš šōy ka šust ā =š pad šust dārišn
sōšyans ay bē ka andar ērīh ud pōryōtkēšīh bē mīrēd tā ka mīrēd ay margarzān u =š ēd =iz ēdōn guft ay kē xwāhēd pursēd ā =š tuwān ka ō dād ī wattar nē rasēd vaŋhauue_manaŋhe
ud gōgušnasp guft ay andar har dād =ēw mardōm ahlaw ōh bawēd čē az tūiriianąm_dax́iiunąm paydāg
čahārom pargard bun
kē ō mard ī nihišnōmand čiš abāyēd dādan ā =š nē nihišn abāz bard kū =š nē dahēd
duzz ī nihišn bawēd ān ī =š pad ēd menišn stānēd kū abāz nē dahom apparag ī nihišn az barišn ka xwāhēd gōwēd ay ast =am u =t nē dahom
ēn az abestāg paydāg ān bawēd ka gōwēd ay čiš =iz dah ud tō =z ka abāyēd ā =t dahom ud pad ēw menišn bē stānēd kū abāz nē dahom
ka kas nē dānēd pad hāsr duzz ud ka kas dānēd pad hāsr apparag
ka xwāhēd gōwēd ay nēst =im pad gyāg duzz
ka gōwād ay ast =im u =t nē dahom pad gyāg duzz ī duzzēn ud apparag ī apparagēn frēzwānīg u =š band ud drōš
andar ān =iz druz ābus ōh kunēnd
yat̰_nā_kasuuikąmčina nē abām čē abām pad ān duzz bawēd ī =š abāz abāyēd dādan ud nē gōharīd čē gōharīd pad ān duzz bawēd ī =š bē stad ēn pad har dō duzz bawēd pad ēd šōn kū =š nē dahēd
awēšān čiyōn andar rōz ayāb ānōh andar šab mēhan pad xwēšīh abar gīrēd kū pad drubuštīh gāh ēd bē gīrēd ay bawēd ka pad gyāg gīrēd az ān gyāg paydāg yauuat̰_vā_aēte_vača_framruuānā_maēϑəmnahe_wāi_pai
dādār ī gēhān astōmandān ahlaw
čand awēšān mihr ī tō kē ohrmazd hē čandtom ka bē drōzēnd wināhgār ōh bawēnd
u =š guft ohrmazd kū šaš ahlaw zardušt ay ǰār šaš gōwēd
fradom ān pad gōwišn sōšyans ēr abāg ēr guft u =š xwadāy rōzīg guft kayādurbōzēd ēr abāg anēr u =š ǰāmag ay anuspurrīg az kust ēw guft
didīgar ān ī dast mušt kē ān ī xwadāy rōzīg guft ā =š uspurrīg az kust ēw guft kē ān ī anuspurrīg az kust ēw guft ā =š ēn uspurrīg har dō kird guft
sidīgar pah_masā se stēr
tasom stōr_masā dwāzdah stēr
panǰom wīr_masā panǰ_sad drahm
šašom deh_masā wēš az panǰ_sad drahm ham_bun =iz ast kē gōwēd ay čand wīr az stōr wēš deh az wīr wēš daxšag mihr gōwēd yō_daŋhauue__hu vaxšāi_fraδəmnahe_varəδəmnahe_xraϑβəmnahe_suiiamna kē pad huwaxš frāxwēnēd kū wēš bē kunēd sūdēnēd kū =š sūd pad =iš kunēd
pad gōwišn fradom mihr kunēd kū kunēd ēd pad saxwan gōwam kū drōzēd
dast_masā pas ēd kū abāz nihēd ka frāz mālēd ān ī pad gōwišn
dast_masā pas andar grawgān frāz ēw dahēd kū abāz ēw nihēd
pah_masā pas ēd kū abāz ēw nihēd ka frāz mālēd ān ī dast mušt
pah_masā pas andar grawgān frāz ēw dahēd kū abāz ēw nihēd
stōr_masā pas ēd kū abāz ēw nihēd ka frāz mālēd ān ī pah_masā
stōr_masā pas andar grawgān frāz ēw dahēd kū abāz ēw nihēd
wīr_masā pas ēd kū abāz ēw nihēd ka frāz mālēd ān ī stōr_masā
wīr_masā pas andar grawgān frāz ēw dahēd kū abāz ēw nihēd
deh_masā pas ēd kū abāz ēw nihēd ka frāz mālēd ān ī wīr_masā
deh_masā pas andar grawgān frāz ēw dahēd kū abāz ēw nihēd
ēn az abestāg paydāg
mihr ī griftag az bunīh nē frēzwānīg ka =š andar grift frēzwānīg
ēd xwēš ēd pidarān ā =z ǰuttar nēst
ka ān pad gōwišn bē drōzēd ā =š az ān ī dast mušt abāz nihēd u =š ēn pādifrāh az pēš paydāg andar hamēmālān bē wizārēd
ast kē andar mihr gōwēd ka abāz nē nihēd pad ān ī gōwišn wināhgār bawēd ka ēn abāz nihēd abāz nē kunēd ā m nē rōšnag
dādār ī gēhān ī astōmandān ahlaw
čand awēšān mihr pad abar_drōzišnīh āstārēnēd pad gōwišn kū čand sāl bīm dārišn
u =š guft ohrmazd kū sē_sad pad had_tōzišnīh ō mardān nabānazdištān abar barēd kū sē_sad sāl bīm dārišn
dādār ī gēhān ī astōmandān ahlaw
čand awēšān mihr pad abar_drōzišnīh āstārēnēd dast mušt
u =š guft ohrmazd kū šaš_sad pad had_tōzišnīh ō mardān nabānazdištān abar barēd kū šaš_sad sāl bīm dārišn
dādār ī gēhān astōmandān ahlaw
čand awēšān mihr pad abar_drōzišnīh āstārēnēd pah_masā
u =š guft ohrmazd kū haft_sad pad had_tōzišnīh ō mardān nabānazdištān abar barēd kū haft_sad sāl bīm dārišn
dādār ī gēhān astōmandān ahlaw
čand awēšān mihr pad abar_drōzišnīh āstārēnēd stōr_masā
u =š guft ohrmazd kū hašt_sad pad had_tōzišnīh ō mardān nabānazdištān abar barēd kū hašt_sad sāl bīm dārišn
dādār ī gēhān astōmandān ahlaw
čand awēšān mihr pad abar_drōzišnīh āstārēnēd wīr_masā
u =š guft ohrmazd kū nō_sad pad had_tōzišnīh ō mardān nabānazdištān abar barēd kū nō_sad sāl bīm dārišn
dādār ī gēhān ī astōmandān ahlaw
čand awēšān mihr pad abar_drōzišnīh āstārēnēd deh_masā
u =š guft ohrmazd kū hazār pad had_tōzišnīh ō mardān nabānazdištān abar barēd kū hazār sāl bīm dārišn
ay ēn sāl marag āmār
ān ī pad huspārom xwāstag marag āmār
ud ān ī pad nigādom mard marag āmār
sāl marag ud mard marag ud xwāstag marag paymānag āmār ud nāf marag nē āmār
tā az ēn se ēk bē šawēd ayāb kas =ēw bē wizārēd har kēn bīm dārišn
ka az ēn se ēk bē šawēd ayāb kas =ēw bē wizārēd ēk =iz bīm nē dārišn
ka ō ēk mad ōy did ēd rāy bīm kem nē dārišn
mihrōdruǰ pad zyānag bawēd nauua_druǰaiti_xšaϑraeibiiō
pad ō frazend bawēd pas az wināh kird zāyēd nərəbiiō_hō_dądrąxti u =š pad har kirbag kird ǰahišn wattar bawēd
pas =iz pairi_aōǰastarō_zī_ahmāt̰_kār
kayādurbōzēd ī kirmānīg guft ay wehān bīm kem dārišn
pad čāštag ī gōgušasp ka pid murd ahlaw frazendān bīm nē dārišn
dādār ī gēhān astōmandān ahlaw
kē mihr abar drōzēd ī pad gōwišn
kadār ōy ast tōzišn
u =š guft ohrmazd kū sē_sad pad abar_zanišnīh abar zanēd asp_aštar ud sē_sad srōšōčarnām ay pādifrāh rāy abāz āwarēd
dādār ī gēhān astōmandān ahlaw
kē mihr abar drōzēd ī dast mušt
kadār ōy ast tōzišn
u =š guft ohrmazd kū šaš_sad pad abar_zanišnīh abar zanēd asp_aštar ud šaš_sad srōšōčarnām
dādār ī gēhān astōmandān ahlaw
kē mihr abar drōzēd ī pah_masā
kadār ōy ast tōzišn
u =š guft ohrmazd kū haft_sad pad abar_zanišnīh abar zanēd asp_aštar ud haft_sad srōšōčarnām
dādār ī gēhān astōmandān ahlaw
kē mihr abar drōzēd ī stōr_masā
kadār ōy ast tōzišn
u =š guft ohrmazd kū hašt_sad pad abar_zanišnīh abar zanēd asp_aštar ud hašt_sad srōšōčarnām
dādār ī gēhān astōmandān ahlaw
kē mihr abar drōzēd ī wīr_masā
kadār ōy ast tōzišn
u =š guft ohrmazd kū nō_sad pad abar_zanišnīh abar zanēd asp_aštar ud nō_sad srōšōčarnām
dādār ī gēhān astōmandān ahlaw
kē mihr abar drōzēd ī deh_masā
kadār ōy ast tōzišn
u =š guft ohrmazd kū hazār pad abar_zanišnīh abar zanēd asp_aštar ud hazār srōšōčarnām
kē pad ān mard sneh ul ēstēd pad zanišn ī mard =ēw ēdōn ōy āgrift kū =š āgrift andar_ō bun bawēd
ka frāz raft kū bē rawēnēd ēdōn ōy awōyrišt kū =š awōyrišt andar_ō bun bawēd u =š āgrift andar šawēd ast kē ēdōn gōwēd ay nēst
ka andar_ō ōy kēn menišn bē rasēd kū =š dast abar nihēd ēdōn ōy arduš kū =š arduš andar_ō bun bawēd u =š awōyrišt andar šawēd ast kē ēdōn gōwēd ay nēst
panǰom arduš mard =iz tanāpuhr bawēd pad awōyrištīh ud pad =iz arduš ǰuttar nēst
dādār ī gēhān ī astōmandān ahlaw kē ō mard āgrift gīrēd
kadār ōy ast tōzišn
u =š guft ohrmazd kū panǰ pad abar_zanišnīh abar zanišn asp_aštar panǰ srōšōčarnām
didīgar dah pad abar_zanišnīh abar zanišn asp_aštar dah srōšōčarnām
sidīgar pānzdah pad abar_zanišnīh abar zanišn asp_aštar pānzdah srōšōčarnām
tasom sīh pad abar_zanišnīh abar zanišn asp_aštar sīh srōšōčarnām
panǰom panǰāh pad abar_zanišnīh abar zanišn asp_aštar panǰāh srōšōčarnām
šašom haftād pad abar_zanišnīh abar zanišn asp_aštar haftād srōšōčarnām
haftom nawad pad abar_zanišnīh abar zanišn asp_aštar nawad srōšōčarnām
haštom az awēšān kunišn ka warzēd ka anulwarzīd ān ī pēš kū nē wizārd ēstēd
kadār ōy tōzišn
u =š guft ohrmazd kū pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān astōmandān ahlaw agar nē ul warzēd kū bē nē wizārēd kē ō mard āgrift gīrēd
kadār ōy tōzišn
u =š guft ohrmazd kū pad ān ī ōy tanāpuhragānīh dewīst abar_zanišnīh abar zanišn asp_aštar dewīst srōšōčarnām
dādār ī gēhān astōmandān ahlaw kē mard awōyrišt warzēd
kadār ōy ast tōzišn
u =š guft ohrmazd kū dah pad abar_zanišnīh abar zanišn asp_aštar dah srōšōčarnām
didīgar pānzdah pad abar_zanišnīh abar zanišn asp_aštar pānzdah srōšōčarnām
sidīgar sīh abar_zanišnīh abar zanišn asp_aštar sīh srōšōčarnām
tasom panǰāh pad abar_zanišnīh abar zanišn asp_aštar panǰāh srōšōčarnām
panǰom haftād pad abar_zanišnīh abar zanišn asp_aštar haftād srōšōčarnām
šašom nawad pad abar_zanišnīh abar zanišn asp_aštar nawad srōšōčarnām
haftom az awēšān kunišn ka warzēd ka anulwarzīd ān ī pēš
kadār ōy tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān astōmandān ahlaw agar nē ul warzēd kū bē nē wizārēd kē mard awōyrišt warzēd kū bē nē wizārēd
kadār ōy tōzišn
u =š guft ohrmazd kū pad ān ī ōy tanāpuhragīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw kē ō mard arduš sneh zanēd rēš ī panǰwadag
kadār ōy ast tōzišn
u =š guft ohrmazd kū pānzdah pad abar_zanišnīh abar zanišn asp_aštar pānzdah srōšōčarnām
didīgar sīh pad abar_zanišnīh abar zanišn asp_aštar sīh srōšōčarnām
sidīgar panǰāh abar_zanišnīh abar zanišn asp_aštar panǰāh srōšōčarnām
tasom haftād pad abar_zanišnīh abar zanišn asp_aštar haftād srōšōčarnām
panǰom nawad pad abar_zanišnīh abar zanišn asp_aštar nawad srōšōčarnām
šašom az awēšān kunišn ka warzēd ka anulwarzīd ān ī pēš
kadār ōy tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw nē ul warzēd kū bē nē wizārēd kē ō mard ān arduš sneh zanēd
kadār ōy ast tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw kē ō mard guxrūnōmand xwar zanēd rēš ī čahrišwadag
kadār ōy ast tōzišn
u =š guft ohrmazd kū
sīh pad abar_zanišnīh abar zanišn asp_aštar sīh srōšōčarnām
didīgar panǰāh abar_zanišnīh abar zanišn asp_aštar panǰāh srōšōčarnām
sidīgar haftād pad abar_zanišnīh abar zanišn asp_aštar haftād srōšōčarnām
tasom nawad pad abar_zanišnīh abar zanišn asp_aštar nawad srōšōčarnām
panǰom az awēšān kunišn ka warzēd ka anulwarzīd ān ī pēš
kadār ōy tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw nē ul warzēd kū bē nē wizārēd kē ō mard ān guxrūnōmand xwar zanēd
kadār ōy ast tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw kē ō mard ān ī tazāg xōn xwar zanēd rēš ī srišwadag
kadar ōy ast tōzišn
u =š guft ohrmazd kū panǰāh abar_zanišnīh abar zanišn asp_aštar panǰāh srōšōčarnām
didīgar haftād pad abar_zanišnīh abar zanišn asp_aštar haftād srōšōčarnām
sidīgar nawad pad abar_zanišnīh abar zanišn asp_aštar nawad srōšōčarnām
tasom az awēšān kunišn ka warzēd ka anulwarzīd ān ī pēš
kadār ōy tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw nē ul warzēd kū bē nē wizārēd kē ō mard ān ī tazāg xōn xwar zanēd
kadār ōy ast tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw kē ō mard ān ī ast škenn xwar zanēd rēš ī nēm dašt
kadār ōy ast tōzišn
u =š guft ohrmazd kū haftād pad abar_zanišnīh abar zanišn asp_aštar haftād srōšōčarnām
didīgar nawad pad abar_zanišnīh abar zanišn asp_aštar nawad srōšōčarnām
sidīgar az awēšān kunišn ka warzēd ka anulwarzīd ān ī pēš
kadār ōy tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw nē ul warzēd kū bē nē wizārēd kē ō mard ān ī ast škenn xwar zanēd
kadār ōy ast tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw kē ō mard ān ī frāz az bōy snāh zanēd rēš ī dašt
kadār ōy ast tōzišn
u =š guft ohrmazd kū nawad pad abar_zanišnīh abar zanišn asp_aštar nawad srōšōčarnām
didīgar az awēšān kunišn ka warzēd ka anulwarzīd ān ī pēš
kadār ōy tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
dādār ī gēhān ī astōmandān ahlaw nē ul warzēd kū bē nē wizārēd kē ō mard ān ī frāz az bōy sneh zanēd
kadār ōy ast tōzišn
u =š guft ohrmazd kū pad ān ī pad ān ī ōy tanāpuhrīh dewīst abar_zanišnīh abar zanišn asp_aštar dewīst srōšōčarnām
ka wināh awēšān pas bawēnd ka =šān abar_wārag tanāpuhr ō bun bawēd pas ēd mādagwar ēd abar_wārag hamāg tanāpuhr hēnd
az abestāg paydāg ān bawēd ka sneh ō ōy gīrēd kē mihr abāg dārēd u =š ēd andar nē abāyēd kū pad ēd kār kunēd kū_tā mihr bē drōzād
abar_wārag āmār abar_wārag ī =š wēš nēst čiš nē pādixšāy kirdan kū az abestāg paydāg abāg =iz ān ī ast awōyrišt nē bawēd pad čiš ī xwēš ōh bawēd pad adād ō tanāpuhr šawēd dō ast andar ēw pāyag kū bāzā har ristag =ēw pad =iz tanāpuhr
pad ān ī ahlāyīh rāh ēd kunēd čiyōn ō pēš gōwam ast kē ēdōn gōwēd ay pad =iš ān ī ahlāyīh rāh kird bawēd ka ēdōn kunēd čiyōn ō pēš gōwam
pad ān ī ahlāyīh abar mānsr ēd kū srāyēd ōšmurišn kū hērbedestān kunēd
pad ān ī ahlāyīh frāz wābarīgānīh pad dastwar ī dēn
ka =z ēdar mard hamdēn rasānd brād ayāb hamāx
xwāstag kāmagīh rāy ayāb nārīg kāmagīh rāy xrad kāmagīh rāy hērbedestān kirdan rāy
agar xwāstag kāmagīh rāy rasānd ham ōy ēdar xwāstag ō_ham ēw barēnd kū ēw dahēnd
agar nārīg kāmagīh rāy rasānd abar ōy nārīg abar ēw wāyēnēnd kū =š zan ēw dahēnd
agar xrad kāmagīh rāy rasānd abar ōy mānsr_spand ēw ōšmurēnd kū =š wāzag ēw čāšēnd
pēš =iz nēmag rōz ud pas =iz ud pēš =iz nēmag šab ud pas =iz
ka =š waxšīd hād xrad kū =š warm kird hād u =š wigrād hād az ahlāyīh kū =š ān az =iš paydāg bē dānist hād
pad tarsagāhīh ī yazadān niyāyišnōmandīh tā yazadān ān waxšīd hād xrad ī =š warm kird hād pad āyōzišn ēstāyēnēd kū pad kār ud sūd ī yazadān ēw dārēd
pad mayān rōzān ud šabān ēw xufsēd abar_pad rōz abar_pad šab
hamē az ān ka awēšān sraw dranǰēnānd ī =š pēš hērbedān dranǰēnānd čiyōn ādurbād ī mānsrspandān
tā ham_tābišnīh ābān kū purr bē tābād yyy kirdārīh ī mardān kū kār šāyēd kirdan zardušt
ma gōšt ma wastarg ī =t hād adahišnīh gōwē hagriz ma gōw ud pas =iz andar ān zamān kem gōw
bē ēd =iz ēdōn kū ō ōy nārīgōmand tō az ēd ō pēš gōwam pēš frāz gōwam spitāmān zardušt ō ōy pēš abāyēd dādan
čiyōn kē pad maγīh frāz raft ēstēd kū zan nēst
ān ī wisōmand kū xānag ast az ān čiyōn =š ast kē ōy awis kē nēst ān ī pusōmand az ān čiyōn abus
ān xwāstagōmand az ān čiyōn ān axwāstag
čē ān az awēšān mardān wahman gyāg griftārtar ast kū =š pad tan mehmāntar kē pad gōšt uruhbar ō_ham hambārīd ēstēd ay sagr čiyōn ōy kē nē
ēdōn ōy abar margīh bawēd kū bē =z mīrēd
ōy asparon_masā ōy anumē_masā ōy stōr_masā ōy wīr_masā ōy pēš abāyēd dādan ast kē ēdōn gōwēd ay ō ōy pēš abāyēd dādan
čē ān ī mard ō padīrag rawēd ōy kē astwihād pahikārēd kū pahikār abāg astwihād
ēd =iz kē tigr huhaxt pahikārēd u =š pahikār abāg astwihād
ēd =iz kē ān ō zamestān pahikārēd pad kem wastargīh ī =š nihuft čē kē zamestān pahikārēd u =š pahikār abāg astwihād
ēd =iz kē ō mardōm druwand sāstār kamāl_zadār pahikārēd čiyōn zurwāndād u =š pahikār abāg astwihād
ēd =iz kē ō ahlomōγ anahlaw axwarišn sāstār pahikārēd čiyōn mazdak ī bāmdādān kē =š xwēš sagr xward u =š kasān pad suy marg dād u =š pahikār abāg astwihād
fradom az awēšān kunišn ka warzēd ud nē didīgar kū ōh paydāgēnēnd kū =š rawāg kirdan andar nē abāyēd ka =š se srōšōčarnām kirbag pad wināh ayāb wināh pad kirbag bē nihēd u =š čāšišn ud rāyēnišn andar nē abāyēd
ānōh ōy ēdōn pad kunišn čiyōn kē āgāh kū pad bōy andar ox ī astōmand
ā =š pad āhanēn kārd tan frōd kirrēnēnd
ōšōmand tan meh az ān
ānōh ōy ēdōn pad kunišn čiyōn kē āgāh kū pad bōy andar ox ī astōmand
ā =š pad ān āhanēn fšēy tan abar frōd fšēnēnd
ōy ōšōmand tan meh az ān
ānōh ōy ēdōn pad ān kunišn kē āgāh kū pad bōy andar ox ī astōmand
ā =š az sad wīr wēm ahunsandīhā abganēnd
ōy ōšōmand tan meh az ān
ānōh ōy ēdōn pad ān kunišn čiyōn kē āgāh kū pad bōy andar ox ī astōmand
ā =š ahunsandīhā pad ān parrōntom marz bē ēstēd kū rōbāhīzag abāz nihēd u =š nasā bē_ō grīw gīrēd ay ān pad ruwān u =š hamāg ōh kunēd ēn pad tan u =š ēk šāyēd kirdan
ānōh ōy ēdōn pad ān kunišn čiyōn kē āgāh kū pad bōy andar ox ī astōmand
āb ī gōgirdōmand zarrōmand čihragōmand pad ān ī drō_gōwišn āgāhīhā dawēd rašn =iz abar gōwēd kū rāst gōwam mihr =iz abar drōzēd kū drō gōwēd
dādār ī gēhān astōmandān ahlaw
kē āb gōgirdōmand zarrōmand čihragōmand pad ān ī drō_gōwišn āgāhīhā dawēd rašn =iz abar gōwēd kū rāst gōwam mihr abar drōzēd kū drō gōwēd
kadār ōy ast tōzišn
u =š guft ohrmazd kū haft_sad pad zanišnīh zanišn asp_aštar haft_sad srōšōčarnām war kē warzīdārīh pādifrāh gōwēd ēwāz =ēw ēn ahlāyīh ābādīh pahlom ast
panǰom pargard bun
mard ēdōn bē widerēd abar andar ān zofr rōstāg ay zofrīh az kōf ast kē ēdōn gōwēd ay pad kār ud dādestān gōwēd
ān murw ul wazēd az ān buland gar abar_ō ān zofr rōstāg
abar ān kirb frāz xwarēd ōy rist mardōm
ān murw ul wazēd az ān ī zofr rōstāg abar_ō ān buland gar
abar ān wan wazēd saxt čiyōn wan ī wādām narm čiyōn wēd ī naft
abar ān wāmīd abarg hixr guft mēdōmāh nasā abar ān rīd hixr ud abar ān paššinǰīd hixr
mard ēdōn frāz rawēd az ān zofr rōstāg abar ān buland gar
abar ān wan rawad kū ōy murw auui_dim_vaṇta kirdār ātaxš rāy esm xwāhēd
abar ān zanēd pad bun abar ān brīnēd tāg tāg abar ān tāšēd dāiiaēta_dāitiiō pairišta pad ān abrōzēd ātaxš ī ohrmazd pus
kadār ōy ast tōzišn
u =š guft ohrmazd kū nē ān sag burd nē ān way burd nē ān gurg burd nē ān wād burd nē ān maxš burd nasuš mard nē āstārēnēd kū wināhgār nē kunēd tā rēman ōh kunēd
agar =iz awēšān nasā kē sag burd way burd gurg burd wād burd maxš burd nasuš mard āstārēnīd būd hē kū wināhgār ōh būd hē
pad tēz_rawišnīh kū ēd zūd būd hē ān ī man harwisp ox ī astōmand zad xwāstār ī ahlāyīh kū =šān rāh ī kār ud kirbag zad ēstād hē xrōsišn dād ō ruwān kū =šān ruwān az garōdmān xrōstag ud xwistag būd hē tanāpuhragān kū margarzān bawānd
pad frahistīh az wasīh ī awēšān nasā kē abar ēn zamīg widerēnd
abarg guft ay ēn pursišn pad hixr ud wizīr pad nasā bē kird čē ka =š xward way hixr
mēdōmāh guft ay ēn pursišn pad har dō ud wizīr pad nasā bē kird čē tā gugārēd way pad nasā
pad har dō čāštag ham_dādestān būd hēnd kū ka =šān pad ān garā kird ā =š pad ān ī xwārtar kird bawēd
mard =ēw ka ō esm āwurdan šawēd ā =š gyāg =ēw nē āmār čē har kū ēstēd bē pādixšā brīdan ān ī ātaxš ī wahrām ka abēr pāk andak ēw bē tāšišn ān ī ātaxš kadagīg dāitiiō pairišta bē kunišn
dār akār ēn ān ī kē nasā pad =iš bē burd ud ān kē pad =iš bē wišōbēnd ud ān kē pad =iš dār kird ud ān kē čarbišn andar gumēxt ēstēd ud ān kē zan ī daštān dast abar nihēd ud ān kē ō kār wēxt ēstēd u =š nasā abar rasēd
ēk =iz nē sōzišn bē pad margīh ud rištagīh ka sōzēd ēd tanāpuhragān bē ān kē čarbišn andar gumēxt ēstēd ān ka sōzēd margarzān
farrīg guft ay ān_and gyāg bē brīnišn abārīg pad margīh ud rištagīh pādixšā sōxtan
ēk =iz nē kārišn ka kišt rustag pad esm ud barsom šāyēd bē ān kē čarbišn andar gumēxt ēstēd
abarg guft ay ka andar warg gumēxt ēstēd hamāg akār gōgušasp guft ay ōh gugard dārišn
tarr ka rust ēstēd u =š nasā abar rasēd ā čāniz nēst ud ka =š hixr abar rasēd ka paydāg ā =š az =iš bē kunišn ka nē ā čāniz nēst
ēd ka zad ēstēd u =š nasā abar rasēd hamāg vitasti drāǰō frārāϑi drāǰō ka =š hixr abar rasēd ka paydāg hamāg ān_and gyāg ka nē hamāg pērāmōn tōf =ēw bē tāšišn
hušk az tarr rust ēstēd ka ō tarr rasēd hušk pāk ka ō hušk rasēd tarr pāk ka az bun bē abganēd hamāg vitasti drāǰō frārāϑni drāǰō ān bawēd ka ō hušk rasēd esm ēw hambārišn
ka ō tāg =ēw nasā rasēd ka paydāg ān_and tāg ka nē hamāg vitasti drāǰō_frārāϑni drāǰō
gōgušasp guft ay ēd tāg warōmand tarr pad kust =ēw abāz nihišn abārīg pāk u =šān =iz zamīg ud gōspand ǰuttar nēst guft
rāh ud dar ī deh ud ǰōy ī hamēšag āb ka =š nasā abar mad wehān pōryōtkēšān pad hamkār bē hilišn az ān bē dar ī bēdom ēdōn dar ī xwēš šah gāh pad ān daštānestān šāyēd ān ī daštānestān pad ān hazzān šāyēd garā pad ān xwārtar nē šāyēd
hōšag =iz ǰuttar nēst
draxt =ēw bun ka =š pazzāmišn hamāg az hixr abarg guft ay bar =iš nē xwarišn čē pad tan garā pas guft bawēd kū pad esm ud barsom šāyēd
dādār
ka mard āb abar āšinǰēd abar_ō ǰōrdā_kirdārīh
ān pad awēšān ǰōy rawēd ud ān didīgar ud ān sidīgar ast kē ēdōn gōwēd ay ēw rawēd
u =š pas tasom nasā abar kešēnd sag ayāb rōbāh ayāb gurg
kadār ōy ast tōzišn
u =š guft ohrmazd kū nē ān sag burd nē ān way burd nē ān gurg burd nē wād burd nē ān maxš burd nasuš mard nē āstārēnēd kū wināhgār nē kunēd tā rēman ōh kunēd
agar =iz awēšān nasā kē sag burd way burd gurg burd wād burd maxš burd nasuš mard āstārēnīd būd hē kū wināhgār ōh bawē
pad tēz_rawišnīh kū ēd zūd būd hē ān ī man harwisp ox ī astōmand zad xwāstār ī ahlāyīh kū =šān rāh ī kār ud kirbag zad ēstād hē xrōsišn dād ō ruwān kū =šān ruwān az garōdmān xrōstag ud xwistag būd hē tanāpuhragān kū margarzān bawānd
pad frahistīh az wasīh ī awēšān nasā kē abar ēn zamīg widerēnd
ēn az abestāg paydāg ǰōy ud huškwar az nasā nigerišn yezi_vasən_mazdaiiasna_ząm_raōδaiiən ān zamīg ud ǰāy ud kišwzār az hixr nigerišn ud ēk andar did =ēw
mard =ēw ka ō āb dāštan šawēd ā =š tā se bār har bār =ēw pad ǰōy frōd šawēd u =š har bār =ēw ǰōy xūb be nigerišn u =š bār ī tasom āb andar gīrišn
pēš ī āb be šawēd ǰōy pad sālārīh dāštan kār nēst pad yyy pādixšā ka nē nigerēd
ka pad ǰōy nigerīdan awināh ō āb frāz rasēd ud nasā ān gyāg nibayēd ka =š bē tuwān waštan ā =š bē wardišn ka bē nē tuwān waštan ā =š āb az bun wardišn
margīh ud rištagīh ā =š nasā bē barišn ēdōn bawēd čiyōn ka az āb bē burd hē u =š tanāpuhr =ēw kirbag
ka pad ǰōy nigerīdan wināhgar ō āb frāz rasēd ud nasā ān gyāg nibayēd ka =š bē tuwān waštan ā =š bē nē barišn ka bē nē tuwān waštan ā =š nasā bē barišn ēn kū rēman ud margarzān bawēd ayāb nē ā =m nē rōšnag rōšn guft ay rēman ōh bawēd margarzān nē bawēd
ud nasā ō āb ud ātaxš ud āb ud ātaxš ō nasā barēd abarg guft ay ātaxš ān āmār kunēd kū pādixšā abganēd
āb pad hixr be nayēd abarg nē kird ēstēd nēryōsang guft ay bōdōzedīh ī wāstar wināh pad āb nigerišn pad hāwand wināh pādixšā
dādār
āb mard zanēd
u =š guft ohrmazd kū āb mard nē zanēd
astwihād ōy bandēd way wattar ōy bast nayēd āb =iš ul wazēnēd kū =š ul ō sar āwarēd u =š āb nigūn wazēnēd kū =š frōd ō bun barēd
u =š āb padīrag gumēxtēd kū pad sūrāg abāz šawēd
way ōy pas frāz xwarēnd
ka az ānōh pas frāz rasēd kū bē āyēd baxt ōy pas bē rasēnēd kū pad rāh ī brīn bawēd ka bē āyēd
dādār
ātaxš mard zanēd
u =š guft ohrmazd kū ātaxš mard nē zanēd
astwihād ōy bandēd way ī wattar ōy bast nayēd ān ham ast kē ēdōn ay way ī weh hamāg bē padīrēd
ātaxš ōy ham dazēd tan ud gyān kālbod
ka az ānōh frāz rasēd kū bē āyēd baxt ōy pas bē rasēnēd kū pad rāh ī brīn bawēd ka bē āyēd
gētī pad baxt ud mēnōy pad kunišn
ast kē ēdōn gōwēd ay zan ud frazend ud xwāstag ud xwadāyīh ud zīndagīh pad baxt ud abārīg pad kunišn
mard ān nēkīh ī =š nē brēhēnīd ēstēd ā =š hagriz abar rasēd az ān gyāg paydāg gairi masaŋhō_aētahe
ān ī =š abar brēhēnīd ēstēd ā =š pad tuxšāgīh pēš bē rasēd aniiō_ərəduuō zəṇgō_xᵛarənō
u =š pad wināhgārīh bawēd ka =š appār bawēd āat̰_xᵛarənō_frapiriieiti
u =š anāgīh ī abar brēhēnīd ēstēd pad frārōn tuxšāgīh spōxtan tuwān pouru xᵛarənaŋhō_aṣ̌auua_zaraϑuštra
u =š wināhgār nōg_nōg aw =iš ōh brēhēnēd aēšanąmča_narąm
mard =ēw ka =š pad dast ī mard ēw abāyēd murdan
bē ka pad dast ī ōy mard mīrēd tā nē šāyēd bē ōy tuwān kirdan kū pad ōzadan ī ōy awināh =ēw pahikār_radīh xūb abāg bē kunēd
dādār
ka frāz hamīn sazēd kū bē šawēd ēdōn zamestān kū andar āyēd
čiyōn ōy wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū mān_mān wis_wis xānag_xānag dastgird dastgird se kadag ul ēw dahēnd ōy rist
dādār
čand hēnd awēšān kadag ī ōy rist
u =š guft ohrmazd kū čand ān nē ka stēndag kū zīndag_āhan waγdan abar zanēd
nē ka frāz pay pay parrēxt ēstēd
nē ka widārīd dast kū =š dast abāz dāšt ēstēd
awēšān =iz hēnd dādīhā kadag ī ōy rist
ēdōn ōy ul az bōy murd ā =š tan be ēw dahēnd dō_šabag ayāb sē_šabag ayāb māh_drahnā ayāb =iš kār nēst
hamē az ān tā ka frāz way padānd kū bē āyānd ud frāz urwar waxšānd kū bē rōyānd
bē tazād kū petyārag zamestān be šawād ul wād zamīg āwāsēnād ay kār nēst
ka frāz way padīd hād frāz urwar waxšīd hād nihānen =iz bē tazīd hād kū petyārag zamestān bē šud hād ul wād zamīg hōšēnīd hād
ēdōn ōy wināh rāy kū_tā nē bawād awēšān mazdēsn ān kirb xwaršēd nigerišn ēw kunēnd
agar nē awēšān mazdēsn kirb xwaršēd nigerišn kunēnd
sāl_drahnā ān_and ašōganīh čiyōn pad pargard sidīgar paydāg ā =š ān tōzišn ēw nigēzēnd kū =š be ēw kunēnd
hamē az ān wināh šāyēd būdan tā ka ān nasā abar_warzišnīh kū be barēnd ān abar hazzān warzišnīh kū_tā be kanēnd ān abar hixr abar_warzišnīh kū be barēnd ud wayān =iz frāz_xwarišnīh
kayādurbōzēd ēn hād ēn az abestāg paydāg kadag ān pad pargard haštom paydāg andar kadag
sōšyans guft ay ēn kadag pahrēz ay ēn pahrēz zīndagān rāy abāyēd tā andar ēk abēr was pādixšā nihādan tā andar kār kunēnd pad har kār =ēw šāyēd
ka =š andar kār kird andarōn ud bērōn hixr ī garā pad āb pādixšā wirāstan
ka kand xwēd apāk
ka andar barēnd sag be nimāyišn pad dō mard andar barišn ka āwarēd sag nimūdan kār nēst ast kē ēdōn gōwēd ay pas =iz =iš ōh nimāyišn
kadag andar warōmandīh sar bē kunišn ud astōdān =iz nē kunišn
ka be abāyēd āwurdan be nē āwarēd ā =š pad gyāg nasā_nigānīh andar ēstēd
ka pid nasā nigān kird pad bē nē āwurdan pus wināhgār ōh bawēd tanāpuhr ōh bawēd margarzān nē bawēd
ka pid nasā_nigānīh andar ēstēd pus ēdōn bawēd čiyōn pid ud ān kē pas rasēd ēdōn bawēd čiyōn pid
hixr ī mānd hamāg pad āb ud ātaxš barēnd tanāpuhragān
ast kē kadag padišxwarr gōspand pad āb dādagān gōwēd
dādār
āb gīrē tō kē ohrmazd hē pad wāzag abāz ēd ō man gōwē kū kirbag kunē xwad ēn čiš kunē ī ō pēš gōwam
az zrēh frāxkard abāg wād ud abr pad ayārōmandīh ī awēšān
abar_ō nasā wazēnē tō kē ohrmazd hē abar_ō hazzān wazēnē tō kē ohrmazd hē abar_ō hixr wazēnē tō kē ohrmazd hē abar_ō ast frāz hilē tō kē ohrmazd hē anāškārān frāz frawēnē tō kē ohrmazd hē nasā ī nigān ast kē anarzān gōwēd
awēšān pad āgenēn frāz frawēnē abar_ō zrēh pūtīk
u =š guft ohrmazd kū ēdōn =iz zardušt čiyōn tō abēzag gōwē
āb gīram man kē ohrmazd ham az zrēh frāxkard abāg wād ud abr pad ayārōmandīh ī awēšān
abar_ō nasā wazēnam man kē ohrmazd ham abar_ō hazzān wazēnam man kē ohrmazd ham abar_ō hixr wazēnam man kē ohrmazd ham abar_ō ast frāz hilam man kē ohrmazd ham anāškārān frāz frawēnam man kē ohrmazd ham nasā ī nigān ast kē anarzānīgān gōwēd
awēšān pad āgenēn frāz frawēnam abar_ō zrēh pūtīk
awēšān ēstēnd andar āb_xānīg ī dūr āšixt purr andarg ālag ī zrēh
pad yōǰdāsrīh tazēnd āb pad pākīh az zrēh ī pūtīk abar_ō zrēh ī frāxkard ō rapihwintar rōn ī puhl abāz ēstēd u =š sadwēs wanand pērāmōn abāz ēstēd pūtīk az kust ī sadwēs ēstēd ēn kū az kadār kust ēstēd ā =m nē rōšnag āb pad pākīh ō sadwēs rasēd ast kē ēdōn gōwēd ay kāf ī kōf pālayēd
abar_ō wan ī xwāb abarg wan ī se bun guft mēdōmāh wēšag =ēw
ānōh ān ī man urwar rōyēnd harwisp pad marag harwisp sardag
sad ēwēnag hazār ēwēnag bēwar ēwēnag sardag ud andar_sardag čaiti_həṇti_uruuaranąm_sarəδa ān sardag mādagwar
awēšān pad āgenēn be wārēnam man kē ohrmazd ham ay kē tištar āb stānēd ōh stānēd pad =iz xān ī ābān ōh āyēd
xwarišn =iz mard ī ahlaw rāy ud wāstar gōspand ī hudāg rāy
ǰōrdā ān ī man mardōm xwarēd ud wāstar gōspand ī hudāg
ēn weh ēn nēktar čiyōn tō abēzag gōwē
ōy pad gōwišn rāmēnīd ay kē =š rāmēnīd ohrmazd ahlaw ahlaw zardušt ay zardušt ka =š ēd be dānist kū mard pad xwēškārīh kirdan wināhgār nē bawēd pad rāmišn būd
yōǰdāsrīh ī mardōm pākīh pad ruwān pas az zāyišn pahlom ka be zād hēnd ā =šān čiš ay yōǰdāsrīh pad ruwān weh
yōǰdāsrīh gōwam zardušt pad dēn ī mazdēsnān paydāg
ān ī xwēš yōǰdāsrēnēd kū az wināh pāk dārēd pad humat hūxt huwaršt ay aŋhuuąm_daēnąm har dō ēk
dādār
čand ast meh ud weh ud nēktom ēn dād ī ǰud_dēw ī zardušt abar az ān any sraw abārīg ān =iz meh ud weh ud nēk ēn dād ī zardušt
u =š guft ohrmazd
kū homānāg ōy spitāmān zardušt ēn dād ī ǰud_dēw ī zardušt abar az ān any sraw ān =iz meh ud weh ud nēk
čiyōn zrēh frāxkard abar az ān any āb
homānāg ōy spitāmān zardušt ēn dād ī ǰud_dēw ī zardušt abar az ān any sraw ān =iz meh ud weh ud nēk čiyōn ān meh āb ka ān ī keh āb frāz dāyēd barēd ka andar čāϑā ōbadēd
homānāg ōy spitāmān zardušt ēn dād ī ǰud_dēw ī zardušt abar az ān any sraw ān =iz meh ud weh ud nēk čiyōn meh wan ka ō ān keh wan abar nihumbēd sarwān šāh giyāhīzag =ēw
homānāg ōy spitāmān zardušt ēn dād ī ǰud_dēw ī zardušt abar az ān any sraw ān =iz meh ud weh ud nēk čiyōn ō ēn zamīg ān ī asmān abar =iz be nihumbēd ay hamāg pad hamāg
ast kē ēn pad nasuš ān ī pad nigādom pad wizīr ī dādwarīh ud ān ī pad huspārom pad nērang ī yazišn gōwēd
ān guft rad kū dastwar dārēd guft srōšāwarz kū wināh garzēd
az ul_gīrišnīh be sūr ān ī =š nē ul grift ān ī =š pad menišn be nē kird ā pad menišn kird
az dahišnīh be sūr ān ī =š nē be dād ān ī =š ō guft nē āwarēd ā be ō guft āwurd
az be abespārišnīh be sūr ān ī =š nē abespurd ān ī =š dārišn be nē kird ā dārišn kund
pādixšā ōy pas ān kē rad srišwadag ī ān ōy tōzišn be hišt
ay ka dastwar dārēd ud wināh garzēd ud kirbag nē frēzwānīg kunēd ā =š rad wināh ī ruwānīg pad se ēk be pādixšā hišt
ay paydāg bawēd kū andar radān wizārišn nē radān xwēš ka radān xwēš hē hamāg be pādixšā hē hišt
agar =iz ōy any ān wattar kunišn frāz warzīd kū =š anī =z wināh ēw kird
patitīhāīh ōy tōzišn tōxt bawēd sōšyans guft ay ān bawēd ka ān did nē margarzān kayādurbōzēd guft ay patitīhā ōy tōzišn u =š az =iz abārīg wināh ǰud_ǰud pad patit bawišn
agar ōy any ān ī wattar kunišn nē frāz warzīd
patitīhāīh ōy mard tā_ō hamē_ud_hamē_rawišnīh
dādār
awēšān mard kē pad hamgāh be pōyēnd pad ham wistarag pad ham bāliš
padīrag =iz ōy any ayāb dō hēnd
panǰ ayāb panǰāh ayāb sad pad hammardīh pad ham_kirbagīh
az awēšān mardān ēk be widerēd čand andarg awēšān mardān ā =šān ān druz ī nasuš pad xīndagīh waštagīh paššinǰišn rēmanīh ud āhōgēnišn akārīh frāz rasēd
u =š guft ohrmazd kū agar āsrō frāz ān dwārēd spitāmān zardušt ān druz ī nasuš
agar ō yāzdahrīn frāz mad ēstēd ō dahrīn abar gumēxtēd
agar ast kū artēštār frāz ān dwārēd spitāmān zardušt ān druz ī nasuš
agar ō dahrīn frāz mad ēstēd ō nōrīn abar gumēxtēd
agar ast kū wāstaryōš frāz ān dwārēd spitāmān zardušt ān druz ī nasuš
agar ō nōrīn frāz mad ēstēd ō haštrīn abar gumēxtēd
u =š guft ohrmazd kū agar sag pasušhorw frāz ān dwārēd spitāmān zardušt ān druz ī nasuš
agar ō haštrīn frāz mad ēstēd ō haftrīn abar gumēxtēd
agar ast kū sag wišhorw frāz ān dwārēd spitāmān zardušt ān druz ī nasuš
agar ō haftrīn frāz mad ēstēd ō šašrīn abar gumēxtēd
u =š guft ohrmazd kū agar sag wohunazg frāz ān dwārēd spitāmān zardušt ān druz ī nasuš
agar ō šašrīn frāz mad ēstēd ō panǰrīn abar gumēxtēd
agar ast kū sag tarunag frāz ān dwārēd spitāmān zardušt ān druz ī nasuš
agar ō panǰrīn frāz mad ēstēd ō čahārrīn abar gumēxtēd
u =š guft ohrmazd kū agar sag ī xūkar sukurun frāz ān dwārēd spitāmān zardušt ān druz ī nasuš
agar ō čahārrīn frāz mad ēstēd ō sērīn abar gumēxtēd
agar ast kū sag ī ǰažuš frāz ān dwārēd spitāmān zardušt ān druz ī nasuš
agar ō sērīn frāz mad ēstēd ō dōrīn abar gumēxtēd
agar sag ī aiβizuš frāz ān dwārēd spitāmān zardušt ān druz ī nasuš
agar ō dōrīn frāz mad ēstēd ō ēk abar gumēxtēd
agar ast kū sag ī vīzuš frāz ān dwārēd spitāmān zardušt ān druz ī nasuš ay ǰažuš_aiβizuš_vīzuš nē rōšnag
agar ō wasrīn frāz mad ēstēd ō wasrīn gumēxtēd ast kē ēdōn gōwēd ay ēn andar agar ō ēk frāz mad ēstēd ō ēk abar gumēxtēd
ay ēn andar zamān āmār ka =š gyān be šawēd
sōšyans guft ay tā sag dīd hamāg ēdōn tā yāzdah
ōy dahom tan pad baršnūm ud wastarg pad xšwašmānghō yāzdahom pad gōmēz ud āb ud dwāzdahom ān_and gyāg ud sīzdahom pāk
ēn yāzdahom ka hamāg zan ī ābustan ayāb hamāg ēw bār hēnd ā =z ǰud nēst
ēn az kust =ēw āmār az har =ēw čahār kust ast
ka =š čiš =ēw andar mayān kē nasuš abar nē dwārēd abāz nē burd
ān pad ēwarīh tā andar warōmandīh mardōm hamāg pad āsrōn sag hamāg pad pasušhorw dārišn
kabīg har čiš =ēw ēdōn bawēd čiyōn mardōm
mēdyōmāh guft ay bōdōzedīh pad bāzā ēstēd
dādār
agar ast kū sag rasūg
čand ān sag ī rasūg spennāg_mēnōy dāmān ō_ham gumēxtēd pad hamrēh
čand abar gumēxtēd pad padrēh
u =š guft ohrmazd kū nē ān sag ī rasūg spennāg_mēnōy dāmān ō_ham gumēxtēd pad hamrēh u =šān nē abar gumēxtēd pad padrēh
any az ān kē zanēd kū be ōzanēd frāz =iz kušēd kū be rōbēd
ān ōy āhōgēnēd tā_ō hamē_ud_hamē_rawišnīh tā šōyēd
ay ka =šān gurg =ēw ast tā be kušt rēman nē bawēd
rōšn guft ay ǰud az sar ud pāy kušt ā rēman =iz bawēd
rōbāh ud rasūg ud babrag ud nasā ī zīndagān ud nasā ī dēw_ēsnān gyāg ud kadag ud mard rēman nē kunēnd
rōbāh ud nasā ī zīndagān ud nasā ī dēw_ēsnān wastarg rēman nē kunēnd
zūzag hamrēh ōh kunēd ud padrēh nē rōšnag u =š mā_čiš_barō_aēuuō pad =iš ōh bawēd
rasūg pad esm aiβi γnixta ēk bar anaiβi γnixta
ast kē ēdōn gōwēd ay ān =iz ka =š ēw bār sušt aiβi γnixta
abārīg har čē nāmčišt nē guft ēstēd nē rōšnag
rōšn guft hād ēdōn bawēd čiyōn ān garā pad āb ud ātaxš burdan ud xwardan ud nigān kirdan hamāg ēdōn bawēd čiyōn ān garā
wehšābuhr guft ay har čē gyāg kadag ud mard rēman nē kunēd be az se gām barsom rēman nē kunēd
dādfarrōx guft ay har čē pad čiš ī nasā az barsom pad sīh gām dārišn
dādār
agar ast mar ī druwand dō_zang anēr ēdōn ahlomōγ ī anahlaw
čand ān spennāg_mēnōy dāmān ō_ham gumēxtēd pad hamrēh
u =šān čand abar gumēzēd pad padrēh
u =š guft ohrmazd čiyōn wazag ī wēš hušk tar sāl murd
čē zīndag spitāmān zardušt mar ī druwand ī dō_zang anēr ēdōn ašomōγ ī anahlaw
spennāg_mēnōy dāmān ō_ham gumēxtēd pad hamrēh kē abāg ōy ēw rasēd pad xēm wattar bawēd
u =šān zīndag abar gumēxtēd pad padrēh kē =z abāg ōy ēw rasēd kē abāg ōy ēw mad ēstēd ā =z pad xēm wattar bawēd
zīndag āb zanēd zīndag ātaxš frawēnēd ud zīndag gōspand pad wardagīh be rawēnēd ud zīndag mard ī ahlaw pad ān ī frāz az bōy sneh ǰud kirrēnīd gyān zanēd ud nē ēdōn ka murd nē rēman
čē zīndag spitāmān zardušt mar ī druwand ī dō_zang anēr ēdōn ahlomōγ anahlaw
az mard ī ahlaw sagrīh ī xwarišn ud wastarg ud dār ud namad ud āhan be bard nē ēdōn ka murd nē rēman
ēn az abestāg paydāg anēr margarzān hamē ēdōn bawēd čiyōn agdēn
sōšyans guft ay amāh pad ān ī awēšān rēman nē bawēm čē awēšān zīndag druwand murd margarzān hēnd awēšān pad ān ī amāh rēman ōh bawēnd čē nasuš pad dād āmār nē kunēnd
gōgušasp guft ay awēšān pad ān ī amāh rēman nē bawēnd čē nasuš har ān kas kē =š nē pad dād ā =š abar nē dwārēd
amāh pad ān ī awēšān rēman ōh bawēm čē andar har dād mardōm ahlaw ōh bawēd čē az tūiriianąm_dax́iiunąm paydāg
dādār
awēšān kē andar mān ō_ham barēnd ahlaw ohrmazd andar ox ī astōmand ātaxš ud barsom ud tašt ud hōm ud hāwan
ēg pas andar ān mān sag ayāb mard be widerēd
čiyōn ōy wināh rāy kū_tā nē bawād warzēnd awēšān kē mazdēsn hēnd
u =š guft ohrmazd kū ul az ān mān ēw barēnd spitāmān zardušt ātaxš ud barsom ud tašt ud hōm ud hāwan
ul ān rist ēw barēnd
homānāg ī ōy čiyōn mard kē dādīhā pad burd wāy ī ōy az dādīhā ud pad xward ā =š ēw bard ud ēw xwarēd
dādār
kay awēšān mazdēsn ān ātaxš rawān barēnd abar_ō ān mān kū mard bē_widard
u =š guft ohrmazd kū nō_šabag abar ēw mānēnd awēšān kē mazdēsn hēnd pad zamestān ud pad hamīn māh_drahnā ay ka ham_bun =iz az hamīn andar ēdōn bawēd čiyōn ān garā
pas awēšān mazdēsn ān ātaxš rawān ēw barēnd abar_ō mān kū mard bē_widard
dādār
agar =iz awēšān mazdēsn ān ātaxš rawān barānd abar_ō ān mān kū mard bē_widard
az andarōn nēmag nō_šabag ayāb az andarōn nēmag māh_drahnā
kadār ōy ast tōzišn
u =š guft ohrmazd kū pad ān ī ōy tanāpuhr dewīst pad abar_zanišnīh abar zanišn asp_aštar dewīst srōšōčarnām
ātaxš az ēn gyāg paydāg kū ka andar barēnd tanāpuhr =ēw
ud āb az pēš paydāg kū ka be rēzēd tanāpuhr =ēw ēk andar did =ēw
ēn az abestāg paydāg ān bawēd ka andar xānag =ēw ī ēw_dar yazišn =ēw sāxt ēstēd u =š sag =ēw ayāb mard =ēw andar widerēd yazišn sar čē tuhīg rēman
az dō ēk har čē pēš šāyēd burdan ā be barišn
ātaxš ka ēdōn be šāyēd burdan kū pad sē gām ī nasā be barēd ā =z be barišn ka pad rist dahēnd ā =z be dahišn
dēwār nē brīnišn rōšn guft ay gilēn ōh brīnišn ud gačēn nē brīnišn
nō_šabag ud māh_drahnā xānag andarōn ud bērōn hixr ī garā har čē ān gyāg ēstēd hixr ī garā ān ī pas rasēd apādyāb
esm kē ān gyāg ēstēd be tāšišn
xwarišn ī sāxtag andar se gām pad yazišn ī yazadān hagriz nē šāyēd farrīg guft ay wehān =iz kem xwarišn
ān ī be az se gām pas az nō_šabag ud māh_drahnā pad pādyābīh šāyēd
ān ī nē sāxtag ēstēd ēd ka andar se gām ud ēd ka be az se gām pas nō_šabag ud māh_drahnā ka be sāxtag pad hamāg kār šāyēd
xwarišn ī sāxt ēn kū nān ī poxt gōšt ī poxt ud brišt ud xwardīg ī kardag ast kē ēdōn gōwēd ay har čiš kār =ēw abar nē abāyēd kirdan asāxtag bawišn
pad wīškar ǰud_kadag pad gyāg ēdōn bawēd čiyōn andar ham xānag pas az nō_šabag ud māh_drahnā
gumbad ī ātaxšān ēdōn bawēd čiyōn wīškar
xānag ī pad kōyīg ēdōn bawēd čiyōn ǰud_kadag
ǰud_kadag ēdōn bawēd čiyōn dargāh
ud dargāh ka mayān ī rāst be ēstēd az har kust =ēw tuhīg rēman ka ō kust =ēw wēš ān kušt
ud ka xišt ī abgandag pad ēd kār abgand ēstēd pad ǰud_kadag dārišn
ast kē ēdōn gōwēd ay ka nay bastag =ēw pad ēd kār kird ēstēd pad ǰud_dārišn
ud ka azēr škanǰag ud azēr parzīn be mīrēd ān_and gyāg tuhīg rēman ka abāz stānēd pad gyāg pāk
dādār
ka andar mān ī mazdēsnān nārīg ō ābusīh rasēd
ēk māhag ayāb dō māhag ayāb se māhag ayāb čahār māhag ayāb panǰ māhag ayāb šaš māhag ayāb haft māhag ayāb hašt māhag ayāb nō māhag ayāb dah māhag u =š kār nēst
ēdōn ān kē nārīg ā =š ān abusīh be rasēd uzuštānīh
čiyōn ōy wināh kū_tā nē bawād warzānd awēšān kē mazdēsn hēnd
u =š guft ohrmazd kū andar mān ī mazdēsnān frahist yōǰdāsr zamīg tom az hixr
hušk zamīg tom kū nam pad ān paymān nēst yārə_narš_xᵛā aōϑrahe_iiatō
kamist =iz pad awēšān rāh ēw franāmēnd pah ud stōr
ātaxš =iz ī ohrmazd barsom =iz ī pad ahlāyīh frāz wistard mard =iz ī ahlaw
dādār
ahlaw čand drahnā az ātaxš ud čand drahnā az āb ud čand drahnā az barsom pad ahlāyīh frāz wistard ud čand drahnā az mardān ahlawān
u =š guft ohrmazd sīh gām az ātaxš ud sīh gām az āb ud sīh gām az barsom pad ahlāyīh frāz wistard ud se gām az mardān ahlawān
ēdōn ōy wināh rāy kū_tā nē bawād awēšān mazdēsn pad ēn zamīg pad pērāmōn_dēsišnīh pērāmōn ēw dēsēnd kū parzīn be ēw kunēnd
u =š pad xwarišn pas ēw ēstēnēnd awēšān kē mazdēsn hēnd u =š pad wastarg pas ēw ēstēnēnd awēšān kē mazdēsn hēnd
abarg guft ay ēk māhag ud dah māhag kār nēst čē ābustan ī nasāyīh pad ēwarīh bawēd
tā ēwar dānēnd kū ābustan ham hamāg ka =š čiš =ēw pad =iš paydāg bawēd ā =š pad ēd dārišn kū az daštān
ka ēwar dānēnd kū ābustan ham be ka ēwar dānēnd kū nasā tā pad čāniz nē dārišn
sōšyans guft ay andar warōmandīh =ēw ēd ōh uzmāyišn ka =š saxtag =ēw be āyēd sag be nimāyišn pad dō tan ā =š andar gōmēz abganišn ka abāz ō spēd wardēd ā =š pad nasā dārišn gəčō_yāgərə pad dō rāh rēman ōh bawēd
ud ham_kirbagīh be wizīhišn
wehšābuhr guft ay pad wizīhīdan nē bawēd čē =š andar xwēškārīh
ka andar tan be ard sag rāy nē pāyišn pad dō mard be āhanǰišn har dō pad barsom ud wastarg pad xšwaš_mānghō
pad ham_kirbagīh ǰuttar nēst
ka andar tan apaydāg be bawēd čāniz nēst
ka ham kardag_kardag ōbadēd har kardag gyāg ud tuhīg rēman ōh kunēd
gyāg ān gyāg kū be ōbadēd ud tuhīg gyāg kū paydāg bawēd
ast kē ēdōn gōwēd ay gyāg rēman nē kunēd tā hamāg be āyēd ay nē šōyišn
ka dō ast be ān ī abdom ka murd be āyēd ā =š ān ī zīndag nāfag brīnišn ōy =z ōh šōyišn
ud ka ēk =iz zīndag ast ātaxš ōh sōzišn ud ka ēk =iz zīndag nēst kē pahrēz ī aburnāyag rāy gōwēd ā =š nē sōzišn kē ān ī zyānag rāy gōwēd ā =š ōh sōzišn
ka be āyēd abāz šawēd ā =š nē šōyišn ā =š ōh pahrēzišn
zan ī ābustan ka =š az šustan bēm ā =š nē šōyišn u =š ōh pahrēzišn
aburnāyag ka az šustan bēm ā =š nē šōyišn u =š nē pahrēzišn
pid ōh šōyišn u =š kas andar nišānišn
wišuftag ud wināstag tā čēhel rōz hamē ka =š abāg čiš =ēw pad =iš paydāg bawēd bē ka ēwar dānēnd kū nē az ān ān pad ēd dārišn kū az ān
pas az čēhel rōz be ka ēwar dānēnd kū az ān nasā pad ēd dārišn kū az daštān
dādār
čē ān kē nārīg fradom az xwarišnān xwarād
u =š guft ohrmazd kū ān ī gāw gōmēz ud ān ī ātaxš ādurestar
se āb_šamag ī gōmēz ayāb šaš ayāb nō
awēšān hazzān bē_hilišnīh rāy az andarōn nēmag burdār ud uruhbar
ay fradomīh čiš ēn xwarišn az abestāg paydāg tā šōyēd hamāg kē xwarēd ā šāyēd
warr ī ātaxš wahrām šāyēd ud gōmēz ī gāw gušn bištag ud ān ī pad nāfag mādag nē šāyēd
ast kē ēdōn gōwēd ay šāyēd pad mādagwar mādag pad nāfag
warr ī ātaxš ī kadagīg šāyēd warr paymānag nē kird ēstēd
ast kē ēdōn gōwēd ay adādag
ka andar gōmēz abganēd abāz xwarēd ā šāyēd
ka ul dahān abganēd u =š gōmēz az pas abāz xwarēd ā šāyēd
pas ān ī bē āšixt asp pēm ud gāw ud mēš ud buz
ham ēn wābarīgān ān =iz ī az ēn wābarīgān ēd čiš ō pēš gōwam
gōšt ī poxt anāb ǰōrdā =z ī āmurdag ī anāb may =iz ī anāb kē =š āb andar nē bawēd
ēd andar sē_šabag wēš yyy čiš nē yyy pādixšā xwardan kū ān az abestāg paydāg sōšyans guft ay nān =iz hušk pādixšā xwardan
dādār
čand drahnā abar mānānd u =šān čand drahnā abar_mānišnīh ast ka xwarēnd gōšt ud ǰōrdā ud may
u =š guft ohrmazd kū sē_šabag abar ēw mānēnd u =šān sē_šabag_mānišnīh ast ka xwarēnd gōšt ud ǰōrdā ud may
ān pas az sē_šabag ul tan ēw šōyēd ud ul wastarg pad gōmēz pad =iz āb pad nō maγ abar bē ēdōn yōǰdāsr
dādār
čand drahnā abar mānānd u =šān čand drahnā abar mānišnīh ast pas az sē_šabag ka āyōzēd ō gāh ud āyōzēd ō xwarišn ud āyōzēd ō wastarg ud āyōzēd ō any mazdēsnān pad ham_kirbagīh
u =š guft ohrmazd kū nō_šabag abar ēw mānēnd u =šān nō_šabag abar_mānišnīh ast pas az sē_šabag ka āyōzēd ō gāh āyōzēd ō xwarišn ud āyōzēd ō wastarg ud āyōzēd ō any mazdēsnān
ān ī pas az nō_šabag ul tan ēw šōyēd ul wastarg pad gōmēz pad āb abar ēdōn yōǰdāsr
ay ka =š ēdōn be šust pas =iz har sē_šabag ēw bār tan ud wastarg pad gōmēz ud āb be šōyišn
ud wastarg ka bār abdom šōyēd ā šāyēd ka ahy šōyēd ā nē šāyēd ud ka andar āb šōyēd ā šāyēd
ka har se bār az daštān šōyēd ā šāyēd ēn be ka pad gōmēz šōyēd ud hamāg tan šōyēd tā nē šāyēd
daštān pad har čē šōyēd ud čand šōyēd ā pad šust dārišn
andar sē_šabag kār pad mehmānīh nē pādixšā kirdan ka kunēnd ā nē šāyēd ud akār
ān gōwam pad margīh ud rištagīh čē ān andar sē_šabag pādixšā
andar nō_šabag ka wāz windēd ā =š wāz gīrišn ka wāz nē windēd barsom čīnīdan ud drōn yaštan dastwarīhā
ud ka axwēškārīhā dast ō āb ud ātaxš rasēd tanāpuhr ō bun
pad andarg wēnišn čiš rēman nē kund
ud pad ham_kirbagīh ēdōn bawēd čiyōn daštān
dādār
kē awēšān wastarg ō_ham āyōzēd pas ka yōǰdāsr frāz šust ast kē ēdōn gōwēd ay čiyōn awēšān wastarg ō_ham āyōzēd pas ka yōǰdāsr frāz šust
zōt hāwanān ātarwaxš frabardār āburd āsnadār rehwiškar srōšāwarz āsrōn mardōm artēštār wāstaryōš
u =š guft ohrmazd kū ma awēšān wastarg ō_ham āyōzānd pas ka yōǰdāsr frāz šust
zōt ma hāwanān ma ātarwaxš ma frabardār ma āburd ma āsnadār ma rehwiškar ma srōšāwarz ma āsrōn nē andar yazišn ma mardōm artēštār ma wāstaryōš
ka andar mān ī mazdēsnān nārīg daštān hād
ayāb škennāg zad pēšag abar_drang_gāh ay armēšt =ēw kē yašt nē kird ēstēd
ēdōn awēšān ō wistarag ud bāliš abar nihumb
hamāg az ān ka pad dō dast franāmišn be barād kū winastag ud pūdag be bawēd
wistarag pad xšwaš_mānghō abāyēd šust ā =š āb_bēšišnīh pad =iš nē bawēd u =š wišād dwārišn ōh kunišn
ān ī pad xšwaš_mānghō šust ēstēd ā =š āb_bēšišnīh nē bawēd u =š wišād dwārišn ōh kunišn
ān ī pad hixr ī gētīīg rēman būd ēstēd ā =š har dō ōh kunišn
ān ī daštān ān =iz pad ēk_bar daštān ǰuttar nē guft
čē nē ohrmazd ān ī kōd xwāstag bē_hilišnīh dahēd ō akārīh ham_bun =iz
nē asparon_masā čiyōn drahm =ēw nē ān_and masā čiyōn ō pēš gōwam
čand ān kē čarātīg abar_pad ān paymānag pad hilišnīh hilēd ō dōk =ēw
agar =iz awēšān mazdēsn abar_ō ān rist abar_pad ān paymānag frāz hilēnd čand ān kē čarātīg abar_pad ān paymānag pad hilišnīh hilēd ō dōk =ēw
kē zīndag nē bawēd ahlaw kū be nē wizārēd ā =š murd nē baxšād ān ī pahlom axwān
tom axwān hambārēd ī druwandān kū =š hambār ō gyāg kird bawēd
tom arzānīgān kū =šān gyāg tom tōhmagān kū druz kē mardōm druwand kunēd ā =š tōhmag az gyāg
tom kū gyāg tārīg rōšn guft ay tārīgīh pad dast šāyēd griftan
tom axwān ī ašmāh kē druwand hēd ā =tān kunišn ī xwēš kē ān xwēš dēn be abespārēd ō ān wattom axwān
šašom pargard
čand drahnā zamān ēn zamīg anabēdān kū pad čāniz kār nē šāyēd kū pad ān abar sag ayāb mard bē widerēd
u =š guft ohrmazd kū sāl_drahnā ahlaw zardušt ēn zamīg anabēdān kū pad čāniz kār nē šāyēd kū =š pad ān abar sag ayāb mard bē widerēd
ma pas =iz mazdēsn ān zamīg kārēnd ma āb abar hilēnd kū pad ān abar sag ayāb mard widerēd az andarōn nēmag sāl_drahnā
pad kāmag pas mazdēsn ān any zamīg ēw kārēnd pērāmōn az =iš pad kāmag āb abar ēw hilēnd
agar mazdēsn ān zamīg kārēnd agar =iš āb abar hilēnd kū pad ān abar sag ayāb mard be widerēd andarom nēmag sāl_drahnā
čiyōn kē pad nasā_nigānīh pas āstārēnēnd awēšān kē mazdēsn hēnd āb ka bē rēzēnd zamīg ka bē kanēnd ud urwar ka bē kārēnd
dādār
agar mazdēsn ān zamīg kārēnd u =š āb abar hilēnd kū pad ān sag ayāb mard be widerēd andarom nēmag sāl_drahnā
kadār ōy ast tōzišn
u =š guft ohrmazd kū pad ān ī ōy tanāpuhragānīh dewīst pad zanišnīh abar zanišn asp_aštar dewīst srōšōčarnām
ay ēn zamīg ān āmār kē =š gyān pad =iš be šawēd
ka =š mōy =ēw tāg abāz ō zamīg ēstēd tan_drahnā ud pahnā zamīg tā_ō āb hamāg rēman ēdōn čiyōn nibayēd
ast kē ēdōn gōwēd ay bē hanǰišn sāl_drahnā nē kanišn ud nē kārišn u =š āb abar nē hilišn
ka kand ud kišt tanāpuhr =ēw wināh ud ka =š āb abar hilēd tanāpuhr =ēw ka har se kund dō tanāpuhr
ka =š dār =ēw tarr abar bē abzēnēd u =š kand bawēd u =š kišt bawēd nē nihumbišn u =š abar nē rawišn ka nihumbēd ayāb =iš abar rawad wināh nē kird ēstēd
har čē abāg zamīg ēw_kardag ka =š pad =iš bē mirēd zamīg rēman ōh kunēd ān ī ǰud_kardag nē kund bē xišt ud xāk ud rēg =iz pad ēd šōn
ēn čiyōn ādurestar ī xwurd ud sargēn ī xwurd gač ī xwurd xāk ī xwurd ārd ī xwurd ēk abāg did ay ǰud_kardag pad tis ī xwēš ēw_kardag abāg zamīg ay ǰud_kardag
sagēn ud gačēn abarg guft ay ēw_kardag gōgušasp guft ay ān ī and gyāg
sag ka bē hilēd abāg zamīg ay pad paymānag pāk bē bawēd ud ka be kanēd ud šōyēd pad gyāg pāk be bawēd ka bē kanēd ud bē nē šōyēd hagriz pāk nē bawēd
ka abar dār =ēw bē mirēd ka abar mādagwar be mirēd zamīg rēman ka abar azg bē mirēd ī =š az =iš rust zamīg pāk
ka abar ǰuwānag =ēw bē mirēd ī =š az =iš rust zamīg pāk
ka abar gāhūg bē mirēd ka tis =ēw abāz ō pāyag nē ēstēd zamīg pāk
ka tis =ēw abāz ō pāyag ēstēd ud pāyag abāg zamīg ēw nē kird ēstēd zamīg pāk
ka =š tis =ēw abāz ō pāyag ēstēd pāyag abāg zamīg ēw kird ēstēd zamīg rēman
ēdōn bawēd čiyōn bān
ka abar bān bē mirēd ka tis =ēw abāz ō pillagān nē ēstēd bān tā_ō āškōb rēman āškōb tuhīg pāk
ka =š tis =ēw abāz ō pillagān ēstēd bān tā_ō āškōb rēman zamīg tā_ō āb rēman āškōb tuhīg nē rōšn
ka andar way =ēw bē mirēd har dō rēman kunēd gyāg ud tuhīg
gyāg ān gyāg kū bē ōftēd tuhīg ān gyāg kū =š gyān bē šawēd
ast kē ēdōn gōwēd ay ān gyāg rēman nē kunēd
ka andar xumb =ēw may bē mirēd xumb akār ud may ēdōn bawēd čiyōn xwarišn andar se gām
ka =š andar may bē mirēd ka =š tis =ēw abāz ō xumb nē ēstēd xumb pad huškkar šāyēd
dādār
agar u =šān kāmag hād mazdēsnān zamīg ī ārōyišnōmand ay ka kārēnd rōyēd hixtan namb kirdan kištan kandan tōhmag abar pargandan
čiyōn ōy wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū ēdōn ōy wināh kū_tā nē bawād awēšān kē mazdēsn hēnd ēn zamīg bē ēw nigerēnd az awēšān ast ud wars ud wādag ud mūhrišn ud xōn_tazišnīh
dādār
agar nē bē nigerēnd az awēšān ast ud wars ud wādag ud muhrišn ud xōn_tazišnīh
kadār ōy ast tōzišn
u =š guft ohrmazd kū pad ān ī ō tanāpuhragānīh dō_sad pad abar_zanišnīh abar zanišn asp_aštar dō_sad srōšōčarnām
sōšyans guft ay ēn ān bawēd ka =š abar rasēd tā ka =š nē rasēd framān spōxtan rāy wēš nēst kū srōšōčarnām =ēw
kayādurbōzēd guft ay ēn tanāpuhr =ēw framān spōxtan rāy tā ka =š abar rasēd ā margarzān
dādār
kē ō ast abar hilēd ī sag widard ayāb mardōmān
ān_and čand ān ī kehist angust frāztom bazag
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū sīh pad abar_zanišnīh abar zanišn asp_aštar sīh srōšōčarnām
dādār
kē ō ast abar hilēd ī sag bē_widard ayāb mardōmān
ān_and abar čand mayānag angust
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū panǰāh pad abar_zanišnīh abar zanišn asp_aštar panǰāh srōšōčarnām
dādār
kē ō ast abar hilēd ī sag bē_widard ayāb mardōmān
ān yyy and abar čand mahist angust
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū haftād pad abar_zanišnīh abar zanišn asp_aštar haftād srōšōčarnām
dādār
kē ō ast abar hilēd ī sag bē_widard ayāb mardōmān
angust_zahā angust_drahnā ayāb pahlūg_masā
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū nawad pad abar_zanišnīh abar zanišn asp_aštar nawad srōšōčarnām
dādār
kē ō ast abar hilēd ī sag bē_widard ayāb mardōmān
dō_angust_zahā dō_angust_drahnā ayāb dō_pahlūg_masā_drahnā
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū pad ān ī ōy tanāpuhragānīh dewīst pad zanišnīh abar zanišn asp_aštar dewīst srōšōčarnām
dādār
kē ō ast abar hilēd ī sag bē_widard ayāb mardōmān
bāzā_zahā bāzā_drahnā ayāb sēnag_masā_drahnā
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū čahār_sad pad abar_zanišnīh abar zanišn asp_aštar čahār_sad srōšōčarnām
dādār
kē ō ast abar hilēd ī sag bē_widard ayāb mardōmān
ān_and čand ān ī mardōm waγdan
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū šaš_sad pad abar_zanišnīh abar zanišn asp_aštar šaš_sad srōšōčarnām
dādār
kē az harwisp pāyag ō hamāg tan abar hilēd ī sag bē_widard ayāb mardōmān
agar az ān be raft ēstēd ūϑ čarbišn ūϑ_rawišnīh mazg
kadār ōy ast tōzišn
u =š guft ohrmazd kū hazār pad abar_zanišnīh abar zanišn asp_aštar hazār srōšōčarnām ay ēk =iz nē xūb bē aētahē čē pōryōtkēšān hixr ud nasā paymānag āmār nē kird pad čāštag ī kayādurbōzēd ān =iz nē xūb
dādār
ka awēšān mazdēsn pad pāy rawānd ayāb tazānd ayāb barānd ayāb wazānd barō_aspō_vazō_raϑō tazāg āb ī nasāōmand rasānd
čiyōn ōy wināh rāy kū_tā nē bawād warzānd awēšān kē mazdēsn
u =š guft ohrmazd kū ān ī abāg mōg frāz wēzēd ān ī abāg wastarg bē yyy
abar ēw mānēnēd zardušt kū dādīhā sālār yyy ēd kund ay paydāgēnēnd kū pad abēbīmīh ud abēzyānīh bawēd
frāz ēw franaftēd ān rist ul ēw bard az āb zardušt
ān ka tā_ō zang āb ān ka tā_ō šnūg āb ān ka tā_ō mayān āb ān ka tā_ō mard bālā āb hād u =t tuwān hād ā =z bē bar
hamē az ān tā ka ēdōn bē rasād ō ōy rist tan
dādār
agar awēšān nasā winastag ud pūdag
čiyōn ōy wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū čand ān ī pad dō dast ō_ham gīrād ēdōn az āb bē ēw bard pad ān ī hušk zamīg bē yyy
yyy nē ast ud nē wars ud nē wādā ud nē muhrišt ud nē xōn_tazišnīh pad bē hilišn āb āstārēd sōšyans guft ud kayādurbōzēd guft pad abāz_ōftišnīh ō āb āstārēd pad awināhīh ī ōy
ēn az abestāg paydāg ān bawēd ka mard =ēw frāz rasēd ud nasā =ēw andar āb nibayēd frāz_abēbīmīh ud abēzyān bawēd
ka =š bē tuwān āwurdan ā =š bē āwarišn u =š tanāpuhr =ēw kirbag
ka =š bē tuwān āwurdan bē nē āwarēd ā =š tanāpuhr =ēw wināh
gōgušnasp guft ay margarzān
ēn wastarg be nihišn pahrēz ī wastarg rāy abāyēd tā ka =š abar nē rasēd ā rēman nē bawēd
ka =š andar šawēd ā =š pad ēd menišn andar šawišn kū čand ast ā bē āwaram
čē ka nē pad ēd menišn andar šawēd ēk ī did ān gyāg nibayēd u =š pad =iš pahikōbēd ā rēman
ka =š andar grift pad ēd menišn bē hilēd kū bē nē āwaram kū ka =z pas abāz šawēd bē āwurdan ā rēmān
har čiyōnīh weh bē tuwān āwurdan pādixšā stadan ud nihādan ud kēšīdan ud ǰud az āb nē pādixšāyīhā burdan ud wārān ham āb
ka =š ēdōn bē tuwān āwurdan ka kardag_kardag =ēw bē brīnēd ā =š kardag_kardag bē burišn ā =š har kardag =ēw dast ud kird az namb pāk bē wēzišn u =š har kardag =ēw rāy tanāpuhr =ēw kirbag ēd pad burdan ud ēd pad wistan hamāg and pādixšā tā az bīm ī āb bē bard
dādfarrox guft ay pad wistan dūr pādixšāy az bīm ī āb be barēd paymān ay ka āb abāz ō āb nē rasēd ud nasā abāz ō āb ōbastan bīm nēst
ka dašt pad ēw_kardagīh āb dārēd pādixšā ka az fradāb ul stānēd ud abāz ō wāš nihēd
dādār
čand awēšān āb ī armēšt ā =š ān druz ī nasuš pad xīndagīh waštagīh paššinǰišn rēmanīh ud āhōgēnišn akārīh abar frāz rasēd
u =š guft ohrmazd kū šaš gām pad kadāriz =ēw čahrušwadag
hamē az ān ān āb ayōǰdāsr kū nē pāk ud anabarxwarišn kū nē abāyēd xwardan tā ka ān nasā bē barišn
ul ān nasā ēdōn az āb bē ēw bard pad ān hušk zamīg bē yyy
ān āb bē ēw āšinǰēd nēmag ayāb srišwadag ayāb čahrušwadag ayāb panǰwadag u =š kār nēst
agar tuwānīg ud agar nē tuwānīg
pas az nasā bē_barišnīh pas az āb bē_āšinǰišnīh ast kē yyy gōwēd ān āb yōǰdāsr bawēd kāmag xwarišn pahān ud wīrān ham čiyōn pēš =iz
ēn az abestāg paydāg ān bawēd ka čarbišn andar nē gumēxt ēstēd
pad ǰud_ǰāmag āšinǰišn pad ǰud_gyāg rēzišn ud ǰāmag pad huškkar šāyēd ud gyāg ka be yyy pāk
ast kē ēdōn gōwēd ay ka pad ham gyāg āšinǰēd ud pad ham gyāg rēzēd ā šāyēd ud ǰāmag pad kār =ēw šāyēd
wehšābuhr guft ay āb ō warz pādixšā dāštan
ka andar warr =ēw bē mīrēd ka =š čiš =ēw abāz ō warr nē ēstēd warr pāk
ud ka čiš =ēw abar_ō warr ēstēd warr ka dōsēn akār ud ādūrestarēn čārūgēn ān_and gyāg sagēn gačēn pad paymānag bē bawēd
dādār
čand awēšān āb ī čāhān ī ul hanǰišn hēnd kū ōh kārēd ā =š ān druz ī nasuš pad xīndagīh waštagīh paššinǰišn rēmanīh ud āhōgēnišn akārīh abar frāz rasēd
u =š guft ohrmazd kū hamē az ān ān āb ayōǰdāsr kū nē pāk anabarxwarišn kū nē abāyēd xwardan tā ka ān nasā bē_barišnīh
tā ham ēdōn čiyōn pēš =iz
ay ēn čāhīg =ēw az bun šaš gām
ast kē ēdōn gōwēd ay čand ast ay ēdōn hēnd
az abestāg paydāg ān bawēd ka čarbišn andar nē gumēxt ēstēd
ka frōd šawēd frāz bandēd ul āyēd ul āhanǰēd ā šāyēd
ka ēk ōh bandēd ud ēk ōh āhanǰēd ā šāyēd
ka bē wisist u =š abar abāz ōftēd ā rēman
windohrmazd guft ay rēman nē bawēd čē =š pad xwēškārīh
sabaduk akār gardēnag pākīh parganēnd
ka pad yyy bast ēstēd ǰud_kardag
ka pad grih bast ēstēd ǰud_kardag sōšyans guft ay ēw_kardag kayādurbōzēd guft ay ka ēdōn šāyēd abāz wišādan ī =š rēš pad =iš nē bawēd ǰud_kardag
ka =š čarbišn andar gumēxt ēstēd pad ǰud_ǰāmag āšinǰišn ud pad ǰud_gyāg rēzišn
ǰāmag akār zamīg az huškīh bē būd abāz panǰāh sāl ōh abāyēd
tā ka bīm az āb bē bard sag nimūdan kār nēst
u =š pas āšinǰag =ēw sag bē nimāyišn
u =š pad dō mard bē barišn u =š har āšinǰag =ēw rāy tanāpuhr kirbag
čāh čiyōn ka hušk be šāyēd kirdan ā pad hušk be kunišn
ka nē ul nihumbišn ud nē hambārišn u =š ēk did pad nazdīk pādixšā kandan
dādār
čand awēšān āb ī snēxr ud tagarg u =š ān druz ī nasuš pad xīndagīh waštarīg paššinǰišn rēmanīh ud āhōgēnišn akārīh abar frāz rasēd
u =š guft ohrmazd kū se gām pad kadāriz =ēw čahrušwadag
hamē az ān ān āb ayōǰdāsr kū nē pāk ud anabarxwarišn kū nē abāyēd xwardan tā ka ān nasā bē_barišnīh
ul ān nasā ēdōn az āb bē barišn ud pad ān hušk zamīg bē yyy
pas az nasā bē_barišnīh pas az āb bē_tazišnīh ay ka ast tā widāxt ud ast tā nē widāxt ā =š andar ōh baxšišn ān āb yōǰdāsr bawēd kāmag xwarišn ī pahān ud wīrān ham ēdōn čiyōn pēš =iz
dādār
čand awēšān āb ī frāz tazāg u =š ān druz ī nasuš pad xīndagīh waštagīh paššinǰišn rēmanīh ud āhōgēnišn akārīh abar frāz rasēd
u =š guft ohrmazd kū se gām nigūn ī āb ō pēš nō gām padīrag ī āb ay paydāgēnd ō pas ud šaš gām az kust ī bālā hamāg šaš gām ay ōh paydāgēnēnd kū az har čiš =ēw bīm ī garā kū xwēš čiš =ēw bīm ī dušox čē dušox xwad čiš =ēw bīm ī garā
harwisp hamāg az ān ān āb ayōǰdāsr kū nē pāk anabarxwarišn kū nē abāyēd xwardan tā ka ān nasuš bē barišn ul ān nasā ēdōn az āb bē ēw barēnd ud pad ān hušk zamīg yyy
pas az nasā bē_barišnīh pas az se bār abar_wardišnīh ān āb yōǰdāsr bawēd kāmag xwarišn ī pahān ud wīrān ham ēdōn čiyōn pēš =iz
dādār
čiyōn awēšān hōm yōǰdāsr hēnd ahlaw ohrmazd kē nasā abar bē burd ēstēd sag ī bē_widard ayāb mardōmān
u =š guft ohrmazd kū yōǰdāsr hēnd ahlaw zardušt
čē nē hōm ī hunīd xīndagīh waštagīh u =š nē margīh akārīh ast kē ēdōn gōwēd ay nē hunišn kē xīndagīh kū zard ud nē kē margīh kū pad dō škast ēstēd
nē kē nasā abar burd kū pad zōhr_barān pahikōft ēstēd
bē ahunīd čand čahār angust dūrag
awēšān pad zamīg bē ēw dahēnd az andarg ālag ī mān
hamāg az ān tā ka awēšān sāl_drahnā bē sazād
ān ī pas az sāl_drahnā kāmag xwarišn mardān ahlawān ham ēdōn čiyōn pēš =iz ay awēšān sāl_drahnā andarōn dāštan az ēn gyāg paydāg zam āb abar adāštan az awēšān paydāg ēk andar did =ēw
dādār
kū mardān ī ristān tan barānd ohrmazd u =šān kū bē dahānd
u =š guft ohrmazd kū pad ān bālist gāh abar spitāmān zardušt pad sar ī kōf
čiyōn bāstān bē dānānd sag ī kirb_xwār ayāb way ī kirb_xwār
ēdōn ōy wināh rāy kū_tā nē bawād awēšān mazdēsn ān rist bē ēw bandēnd pad ān ī xwēš pāy ud pad ān ī xwēš wars
pas āhanēn ayāb pad sagēn ayāb pad šanēn
kū nē sag ī kirb_xwār ayāb way ī kirb_xwār awēšān ast abar_ō āb ud urwar pad barišn frāz rasēnānd
dādār
agar nē bē bandēnd ēdōn awēšān sag ī kirb_xwār ayāb way ī kirb_xwār awēšān ast abar_ō āb ud urwar pad barišn frāz rasēnānd
kadār ōy ast tōzišn
u =š guft ohrmazd kū pad ān ī ōy tanāpuhrīgānīh dewīst pad abar_zanišnīh abar zanišn asp_aštar dewīst srōšōčarnām
dādār
kū mardān ī ristān tan barānd ohrmazd u =šān kū bē dahānd
u =š guft ohrmazd kū ul dēsīd ōy rāy pas ēw kunēnd astōdān
abar az sag abar az rōbāh abar az gurg
anabar_wārišn az abartar_nēmag az āb ī wārān
agar tuwānīg hēnd awēšān mazdēsnān pad drahm agar ārāstār hēnd sagēn ud gačēn ud agar bē paydāgēnīdār hēnd gyāg agar tuwān tuxšēnīdār hēnd ud kirrōg kār
agar nē tuwānīg hēnd awēšān mazdēsnān čiyōn guft xwad wistarag ud xwad bāliš rōšnīh abar warr xwaršēd nigērišn ōy abar_pad ēn zamīg bē ēw dahēnd
haftom pargard bun
pursīd zardušt az ohrmazd kū ohrmazd mēnōy abzōnīg dādār ī gēhān ī astōmandān ahlaw ay ohrmazd dādār ud ahlaw pad xwānišn abārīg pad stāyišn
kay ān mard ī rist ā =š druz ī nasuš abar dwārēd
u =š guft ohrmazd kū tēz pas pad bē_widerišnīh spitāmān zardušt kū ul az bōy rawēd pad gyāg
ā =š ān druz ī nasuš abar dwārēd az abāxtar_nēmag pad maxš kirb ī agrand ī frāz šnūg ī abāz kūn ī akanārag drēm kū drēm ō drēm paywast ēstēd čiyōn ān bazag_ēwēntom xrafstar ī rēmantom
ay ēn andar ān zamān āmār ka =š gyān bē šawēd
ka =š sag =ēw andar pāy bast ēstēd u =š nasuš abar_ō dwārēd pas ka wēnēd ā =š zanēd
sag kē nasuš zanēd ēn pasušhorw ud wišhorw ud wohunazg ud tarunag
sōšyans guft ay rōγnīg =iz ōy zanēd
kōr ka =š pōzag abar nihēd
sār ī gar ud warāγ ī syā ud dālman ka =š sāyag abar abganēd
ka =š abar rōy dād u =š ēdōn abar bē šawēd ka =š abr nē būd hē ā =š sāyag abar abgand hē zanēd
andar har čiš =ēw ōh zanēd bē andar ābgēnag
ast kē ēdōn gōwēd ay andar =iz āb ud pusyān nē zanēd
ēn čiyōn pušt ī sag ud sar ī mard ka pad ē_kardagīh frāz wēnēd ōh zanēd
ud ka =š zīndagīhā dast ud pāy brīd ēstēd gyāg_gyāg bē nibayēd ka mirēd ā =š hamāg gyāg nasuš abar ōh dwārēd pas ka =š gyāg dīd ā =š hamāg gyāg zad bawēd
dādār
čiyōn awēšān nasā sag zad gurg zad ǰādūg zad kū ǰādūgān zad ēstēd bēš zad kū pad bēš murd ēstēd wēm zad kū az kōf bē ōbast ēstēd mardōmān zad kū pad dādestānōmandīh zūr zad pad adādestānīh tangīh zad pad xafag ā =š čand zamān ān druz ī nasuš abar dwārēd
u =š guft ohrmazd kū az nazdīk pas pad ān any radīh ka =š gāh ī pēš pad =iš andar āyēd u =š ān druz ī nasuš abar dwārēd
ay ēn pad ēwarīh tā gāh ī pēš pad =iš andar āyēd gyāg ud kadag ud mard rēman nē kunēd
pad abārīg čiš ēdōn bawēd čiyōn nasā ī sag dīd
ka gāh ī pēš pad =iš andar āyēd ēdōn bawēd čiyōn ka =š gyān andar ān zamān šud hē
abarg guft ay čāniz čiš abar handāzišn gōgušasp guft ay ōh handāzišn
dādār
awēšān mard kē pad hamgāh be pōyēnd pad ham wistarag pad ham bāliš
padīrag =iz ōy any ayāb dō hēnd
panǰ ayāb panǰāh ayāb sad pad hammardīh pad ham_kirbagīh
az awēšān mardān ēk be widerēd čand andarg awēšān mardān ā =šān ān druz ī nasuš pad xīndagīh waštagīh paššinǰišn rēmanīh ud āhōgēnišn akārīh frāz rasēd
u =š guft ohrmazd kū agar āsrō frāz ān dwārēd spitāmān zardušt ān druz ī nasuš
agar ō yāzdahrīn frāz mad ēstēd ō dahrīn abar gumēxtēd
agar ast kū artēštār frāz ān dwārēd spitāmān zardušt ān druz ī nasuš
agar ō dahrīn frāz mad ēstēd ō nōrīn abar gumēxtēd
agar ast kū wāstaryōš frāz ān dwārēd spitāmān zardušt ān druz ī nasuš
agar ō nōrīn frāz mad ēstēd ō haštrīn abar gumēxtēd
u =š guft ohrmazd kū agar sag pasušhorw frāz ān dwārēd spitāmān zardušt ān druz ī nasuš
agar ō haštwēn frāz mad ēstēd ō haftwēn abar gumēxtēd
agar ast kū sag wišhorw frāz ān dwārēd spitāmān zardušt ān druz ī nasuš
agar ō haftwēn frāz mad ēstēd ō šašrīn abar gumēxtēd
u =š guft ohrmazd kū agar sag wohunazg frāz ān dwārēd spitāmān zardušt ān druz ī nasuš
agar ō šašwēn frāz mad ēstēd ō panǰrīn abar gumēxtēd
agar ast kū sag tarūg frāz ān dwārēd spitāmān zardušt ān druz ī nasuš
agar ō panǰrīn frāz mad ēstēd ō čahārrīn abar gumēxtēd
ēdōn awēšān ast wistarag ud bālišn abar nihumb ay ēdīh rāy abāz āwarēd kū_tā nihē kū sag kē wistarag abāyēd dādan kadār
dādār
čand awēšān wistarag ud bālišn ā =š ān druz ī nasuš pad xīndagīh waštagīh paššinǰišn rēmanīh ud āhōgēnišn akārīh abar frāz rasēd
u =š guft ohrmazd kū ān ī abardom awēšān wistarag ud ān ī andardom abar nihumb ēd tang ī azēr ud ēk ī azabar ā =š ān druz ī nasuš pad xīndagīh waštagīh ud paššinǰišn rēmanīh āhōgēnišn akārīh abar frāz rasēd
ay ēn ān āmār kē =š gyān pad =iš bē šawēd
ka =š mōy =ēw tāk abar ēstēd ā ǰuttar nēst
ud tang ī azēr ud ēk ī azabar rēman
har abāg ān ēw_kardag rēman
haft dah aex_eud ēn čiyōn az abestāg paydāg bōb ud bāliš ī pašmēn tā ka abāg āgandan =ēw kird ēstēd ēw_kardag ka abāg āgandan ē|wnē kird ēstēd ā ǰud_kardag
ud bāliš ē_čand ka pad ēw_kardag frōd bast ēstēd bāliš abāg bālišn ā ēw_kardag abāg band ā ǰud_kardag
ka ō bāliš rasēd ā band pāk
ka ō band rasēd ā bāliš pāk
ēn čiyōn pašm ī buz ud pašm ī uštar ud pašm ud mōy ud pambagēn ka pad ēk andar āwurd ēstēd ēw_kardag
ud ka yyy tag ud tag kāšt ēstēd yyy ka ēdōn abāz šāyēd dāštan ī =š rēš pad =iš nē bawēd ǰud_kardag
ast kē ēdōn gōwēd ay ān ī zamīg abāg ān ī gōspandān ǰud_kardag
dādār
čand awēšān wastarg yōǰdāsr ahlaw ohrmazd kē nasā abar burd ēstēd sag ī bē_widard ayāb mardōmān
u =š guft ohrmazd kū yōǰdāsr hēnd ahlaw zardušt
bē ka ēdōn kū čiyōn pāk bē bawēd u =š wizīr
agar ast kū =š bar raft ēstēd šusr ayāb =iš abar nambīd ēstēd az xōn ayāb =iš abar rīd ēstēd ayāb =iš abar wāmīd ēstēd
ēdōn ōy wināh rāy kū nē bawād awēšān kē mazdēsn hēnd awēšān wastarg frāz ēw kirrēnēnd kū =š bē brīnēnd bē =z ēw nigānēnēnd
wastarg akār ēn ān kē pad =iš bē mirēd ān kē pad =iš bē barēnd ān kē pad =iš wišōbēnd ān kē čarbišn andar gumēxt ēstēd ān kē hixr ī murdagān abar rasēd ān kē daštān abar rasēd ān abāz nē āwarišn
ān kē zan ī daštān pad mehmānīh dārēd u =š andar bē nihēd ayāb =iš nasā abar rasēd ān kē hixr ī murdagān abar rasēd ān_and gyāg bē brīnišn ud abārīg pāk
ān kē daštān abar rasēd ān abāz nē āwarišn ān_and gyāg bē brīnišn abārīg pāk
ān kē čarbišn andar gumēxt ēstēd ān_and gyāg bē brīnišn abārīg pāk pad xšwaš_mānghō ud abārīg hamāg akār
agar nē ast kū =š abar raft ēstēd šusr ayāb =iš abar namb ī xōnīh ayāb =iš abar rīd ēstēd ayāb =iš abar wāmīd ēstēd
ēdōn ōy wināh rāy kū_tā nē bawād awēšān kē mazdēsn hēnd awēšān wastarg frāz ēw šōyēnd pad gōmēz
agar ast kū pōstēn se bār frāz šōyēnd pad gōmēz se bār pad zamīg ō_ham ēw nigānēnēnd kū nam pāk bē ēw wisānēnd se bār pad āb frāz ēw šōyēnd se māh abar ēw bōyēnd pad rōzan abar mān
agar ast kū tadag šaš bār frāz ēw šōyēnd pad gōmēz šaš bār pad zamīg ō_ham ēw nigānēnēnd kū =š nam pāk bē ēw wisānēnd šaš bār pad āb frāz ēw šōyēnd se māh abar ēw bōyēnd pad rōzan abar mān
ardwīsūr nām spitāmān zardušt ān ān ī man āb yōǰdāsrēnēd kū pāk dārēd
ān ān ī gušnān šusr ka nē abāg xōn bē āyēd ā pad rāh ī ōy
ān ān ī mādagān gabr ka bār dīd yyy bawēd ā pad rāh ī ōy
ān ān ī mādagān pēm ka and čand abāyēd čiyōn āyēd ā pad rāh ī ōy
dādār čiyōn awēšān mard yōǰdāsr hēnd ahlaw ohrmazd kē nasā frāz xwarēnd ī sag ī bē_widard ayāb mardōmān
u =š guft ohrmazd kū ayōǰdāsr hēnd ahlaw zardušt
awēšān =iz mard gilistag kirrēnišn hēnd abarg guft ay gilistag =šān bē kanišn ud dil kirrēnišn hēnd
awēšān =iz mard ān spēd dōysr az čašm bē barišn
awēšān srū ī wināhgārān abar_pad awēšān srū ī wināhgārān ā =šān ān druz ī nasuš abar dwārīd ast kē srū ī murdagān gōwēd
ayōǰdāsr pas bawēnd tā hamē_hamē_rawišnīh
ēn az abestāg paydāg ān bawēd ka =š nasā pad wināhgārīh ǰūd ēstēd rēman ud margarzān u =š šōy nēst pad ēn nērang az abestāg paydāg bē ōzanišn
ka =š pad awināhgārīh ǰūd ēstēd ā =š šōy ast u =šān pad kardag warr gōmēz ō ōy dahēd
dādār čiyōn awēšān mard yōǰdāsr hēnd ahlaw ohrmazd kē nasā kē abāg gūhīh kū =š rēmanīh ō ābān ayāb ō ātaxšān ān ī ayōǰdāsrīh frāz barēd wināhgārīhā
u =š guft ohrmazd kū ayōǰdāsr hēnd ahlaw zardušt
ēn nasā ān āmār ī stadan rāy rēman ōh bawēd margarzān nē bawēd
ay čē =š pas bē_ō āb ud ātaxš barēd rēman ud margarzān u =š šōy nēst
ka fradom margarzān bawēd pas rēman bawēd pad uskārišn kū =š šōy nēst
ast kē ēdōn gōwēd ay pad nasā ō āb ud ātaxš burdan margarzān ud rēman u =š šōy nēst
ast kē ēdōn gōwēd ay pad nasā har čiyōn margarzān bawēd rēman u =š šōy nēst
awēšān tūn mayg =iz ayār_dahišntar bawēnd kē nasā_kirrēn hēnd kū druwand hēnd abāz ōh kē nasā pad wināhgārīh ǰūd ēstēd
awēšān hušk awāstar sahm ayār_dahišntar bawēd kē nasā kirrēn druwand hēnd abāz ōh kē nasā pad wināhgārīh ǰūd ēstēd
awēšān zamestān dēwān_dād ī gōspand zan ī zofr wafr ī abar awištābgar kū kasān anāgīh u =š guxrūn kū rēš kunēnd ī wadag kū čiš =ēw wad ī dušdahišn kū pad abārōnīh dād ēstēd ayār_dahišntar bawēnd kē nasā_kirrēn druwand hēnd abāz ōh kē nasā pad wināhgārīh ǰūd ēstēd
awēšān srū ī wināhgārān abar_pad ān awēšān srū ī wināhgārān
ā =šān ān druz ī nasuš abar dwārīd ast kē srū ī murdagān gōwēd
yōǰdāsr pas tā_ō hamē_hamē_rawišnīh
dādār čiyōn awēšān esm yōǰdāsr hēnd ahlaw ohrmazd kē nasā abar burd ēstēd sag bē_widard ayāb mardōmān
u =š guft ohrmazd kū yōǰdāsr hēnd ahlaw zardušt
bē ka ēdōn kū čiyōn yōǰdāsr bē bawēd
agar ān nasuš anabarzad sag ī kirb_xwār ayāb way ī kirb_xwār
widest_drahnā dūrag ka hušk esm frāz ird_drahnā ka xwēd
pad ēn zamīg bē ēw dahēnd pad kadāriz =ēw čahrušwadag u =š ēk_bār āb abar ēw āšinǰēnd pad sāl sar ēdōn yōǰdāsr kū pāk
agar ān nasuš anabarzad sag ī kirb_xwār ayāb way ī kirb_xwār
frāz ird_drahnā dūrag ka hušk esm frāz bāzā_drahnā ka xwēd
pad ēn zamīg be ēw dahēnd pad kadāriz =ēw čahrušwadag u =š ēk bār āb abar ēw āšinǰēnd pad sāl sar ēdōn yōǰdāsr
ēdōn ka hušk esm u =š nē āmār ud ēdōn xwēd ān bawēd ka zad ēstēd
ēdōn ka saxt ēdōn ka nē saxt pad zamīg bē ēw dahēnd pad kadāriz =ēw čahrušwadag u =š ēk_bār āb abar ēw āšinǰēnd pad sāl sar ēdōn yōǰdāsr
ay ka =š ēdōn be šust pas =iz pad kār ī āb ud ātaxš hagriz nē šāyēd
māh_ohrmazd guft ay pad kār ī tagarg šāyēd
farrīg guft ay pad abzār ī yazišn nē šāyēd
dār ī stabr ǰud_kardag ud ān ī xwurd ēdōn bawēd čiyōn zāz ud murāg
ka pad ēk frōd bast ēstēd ān =iz stabr ē_kardag
dādār čiyōn awēšān ǰōrdā ud wāstar yōǰdāsr hēnd ahlaw ohrmazd kē nasā abar burd ēstēd sag bē_widard ayāb mardōmān
u =š guft ohrmazd kū yōšdāsr hēnd ahlaw zardušt
bē ka ēdōn čiyōn pāk be bawēd
agar nasuš anabarzad sag ī kirb_xwār ayāb way ī kirb_xwār
frāz_ird_drahnā dūrag ka hušk ǰōrdā ud frāz_bāzā_drahnā ka xwēd
pad ēn zamīg bē ēw dahēnd pad kadāriz =ēw čahrušwadag u =š ēk_bār āb abar ēw āšinǰēnd pad sāl sar ēdōn yōǰdāsr
agar ān nasuš abarzad sag ī kirb_xwār ayāb way ī kirb_xwār
frāz_bāzā_drahnā dūrag ka hušk ǰōrdā ud ǰud_nāy_drahnā ka xwēd
pad ēn zamīg bē ēw dahēnd pad kadāriz =ēw čahrušwadag u =š ēk_bār āb abar ēw āšinǰēnd pad sāl sar ēdōn yōǰdāsr
ēdōn ka hušk ǰōrdā u =š nē āmār ēdōn ka xwēd ān bawēd ēdōn ka drūd ēstēd
ēdōn ka kišt ēdōn ka nē kišt ēdōn ka xwast ēdōn ka nē xwast ēdōn ka baxt ēdōn ka nē baxt ēdōn ka ārd ēdōn ka nē ārd ēdōn ka srišt ǰōrdā u =š nē āmār pad ēn zamīg bē ēw dahēnd pad kadāriz =ēw čahrušwadag u =š ēk_bār āb abar ēw āšinǰēnd pad sāl sar ēdōn yōǰdāsr
ay ka āgenēn āb frāz srištag ā šāyēd
kāh andar sāl bē pad nigerišn ō stōrān nē pādixšā dādan ka =š abar ēstēd pādixšā ka abāz nē dārēd
ay ka ēdōn bē sušt pas =iz pad yazišn ī yazadān hagriz nē šāyēd
farrīg guft ay wehān =iz kem xwarišn
ud bar ī pazzāft ēstēd ēdōn =iz bawēd čiyōn ān andar kunag ud ān ī nē pad pazzāb ēstēd ka =š abar rasēd ā čāniz nēst
abarg guft ay wādrang pazzābišn hamē abāg
ǰōrdā pāk ud ǰud_kardag ka abāg kāh ā ēw_kardag kāh pad čiš ī xwēš ēw_kardag
ka andar gubān ābist ēstēd ēw_kardag
ka drēm frāz wizīd ēstēd ka ēdōn abāz šāyēd stadan kū =š rēš pad =iš nē bawēd ǰud_kardag
rōšnag guft ay ka pad warg rēš nē bawēd ǰud_kardag
ēn čiyōn anār ud xormā ēw_kardag ud ēn čiyōn gōz ud wādām ǰud_kardag
har čiš =ēw šōy ast bē gōšt pēm ādurestar ud gil
ast kē ēdōn gōwēd ādurestar ō dār handāzišn gil ō wāstar
dādār ka awēšān mazdēsn pad bizeškīh frāz wazēnd
pad kadār pēš azmāyišn pad mazdēsnān ayāb dēw_ēsnān
u =š guft ohrmazd kū pad dēw_ēsnān pēš ēd azmāyišn čiyōn pad mazdēsnān
ka fradom dēw_ēsn kirrēnād bē ān mīrād
ka didīgar dēw_ēsn kirrēnād bē ān mīrād
ka sidīgar dēw_ēsn kirrēnād bē ān mīrād
anazmūdag ān tā_ō hamē_hamē_rawišnīh
ma =z pas mazdēsn pad bē_azmāyišnīh bē azmāyānd ma =z ēw kirrēnēnd mazdēsn ma =z pad kirrēnišn rēšānd
agar pas mazdēsn pad bē_azmāyišnīh be azmāyānd agar kirrēnānd mazdēsn agar pad kirrēnišn rēšānd
bē ān ī ōy rēš čē rēšīd tōzēnd pad bōdōwaršt tōzišn
ka fradom dēw_ēsn kirrēnād bē ān rasād ka didīgar dēw_ēsn kirrēnād bē ān rasād ka sidīgar dēw_ēsn kirrēnād be ān rasād
azmūdag ān tā_ō hamē_hamē_rawišnīh
pad kāmag pas mazdēsnān pad bē azmāyišn bē ēw azmāyēnd pad kāmag ēw kirrēnēnd mazdēsn pad kāmag kirrēnišn ēw bēšāzēnēnd
āsrō bēšāzēnēd ā =š az dahmān bē āfrīn ay ahlaw bawē u =š xwāstag paymānag nē āmār ast kē ēdōn gōwēd ay ān bawēd ka =š sē_hazār stēr nēst
mān mānbed bēšāzēnēd ā =š padag stōr arz nidom se stēr
wis wisbed bēšāzēnēd ā =š mayānag stōr arz čahār stēr
zand zandbed bēšāzēnēd ā =š aγrī stōr arz sīh stēr deh dehbed bēšāzēnēd ā =š wāš ī čahār āyōzišn arz bēšāz =ēw haft stēr arzēd mowbedān mowbed har čiš kunēnd ay ēdōn
ka fradom mān mānbed nārīg bēšāzēnēd ā =š xar ī dēnōdag arz
wis wisbed nārīg bēšāzēnēd ā =š gāw dēnōdag arz
zand zandbed nārīg bēšāzēnēd ā =š asp dēnōdag arz
deh dehbed nārīg bēšāzēnēd ā =š uštar dēnōdag arz
wis wisbed pus bēšāzēnēd ā =š aγrī stōr arz
aγrī stōr bēšāzēnēd ā =š mayānag stōr arz
mayānag stōr bēšāzēnēd ā =š nidom stōr arz
nidom stōr bēšāzēnēd ā =š anumē arz anumē bēšāzēnēd ā =š gōšt_xwarišnīh arz pih =ēw
mizd ī bizešk ēdar gōwēd pad čahārdah gōwēd ī pad ratuštāytī
har ān dō gyāg gōwēd biuuakaiiahe
kār ān ǰuttar gōwēd ā =š kār ān ī pad čahārdah
ān ī awināhīh ā =š dast har dō rāy azmāyišn rastīh rāy sabukīh rāy
ān ī pad wināhkārīh ā =š abāz ēw rāstīh rāy azmāyišn stauuanō_vā_puiti_pāiδi_daēuuaiiasne_vā ay hamē ān pas kār
ast kē ēdōn gōwēd ay azmūdag anazmūdag ōh bawēd anazmūdag azmūdag nē bawēd
ka was bēšāzēnīdār ō_ham rasānd spitāmān zardušt
kē pad kārd bēšāzēnēd kū brīnēd kē pad urwar bēšāzēnēd kū dārūg dahēd kē pad mānsr_spand bēšāzēnēd kū afsōn kunēd təm_iϑra_haṇǰasā̊ṇte_yat̰_mąϑrəm_spəṇtəm_xbaēšazəm
čē ān kē ast az bēšāzēnīdārān bēšāzēnīdārtom kē mānsr_spand bēšāzēnēd weh nē kunēd wattar nē kunēd
kē mard ī ahlaw az uruhbar bēšāzēnēd kū afsōn kunēd
dādār čand drahnā zamān kū nibayēd mardōm ī rist pad zamīg be dād ēstēd rōšnīh abar warr ud xwaršēd nigerišn zamīg bawēnd pāk
u =š guft ohrmazd kū sāl_drahnā ahlaw zardušt kū nibayēd mardōm ī rist pad zamīg be dād ēstēd rōšnīh abar warr ud xwaršēd nigerišn zamīg bawēnd pāk
ay ēn zamīg ān āmār kē =š pad =iš bē wišōbēd sāl_drahnā nē kanišn ud nē kārišn u =š āb abar nē hilišn
har kē wišōbēd mard =ēw ayāb sag =ēw pad har čē wišōbēd dār =ēw ayāb sag =ēw ud har čiyōn wišōbēd pad wināhkārīh awināhīh and čand wišōbēd ham_bun =iz pad wišuft dārišn
ka =š zīndagān dast ud pay brīd ēstēd gyāg_gyāg bē nibayēd ka mīrēd ka =š gyāg =ēw wišuft ā =š hamāg gyāg wišuftan rāy zamīg rēman ōh kunēd
ka ānōh bē wišōbēd ā =š bē any gyāg =ēw barēnd ān gyāg wišuftan rāy zamīg rēman nē kunēd
dādār čand drahnā zamān nibayēd mardōm ī rist andar zamīg nigān hāwand zamīg bawēnd
u =š guft ohrmazd kū pas az panǰāh sāl spitāmān zardušt kū nibayēd u =š mardōm ī rist andar ēn zamīg nigān hāwand zamīg bawēnd
ay ka andar tabn =ēw rōyēn nihād pad gyāg ul āwarēd u =š pas panǰāh sāl abāyēd tā xwaršēd nigerišn be kunēd ā =š čāniz āmār nēst u =š sag be nimāyišn u =š kār pad dō mard abar kunišn
dādār čand drahnā zamān kū nibayēd mardōm ī rist andar hazzān bē dād ēstēd hāwand zamīg bawēnd pāk
u =š guft ohrmazd kū nē nūn pēš az ān spitāmān zardušt ā =š panǰāh sāl andar ēstēd tā ka ō xāk gumēxtēd ay zamān ī panǰāh az pas paydāg ōy xāk bē būd az ēn paydāg ēk andar did =ēw
hāzē spitāmān zardušt kadāriz =ēw ī ox ī astōmand ō awēšān hazzān bē_kanišnīh
kē az awēšān man hazzān ān_and masā bē kand čiyōn ōy tan ast
patitīhāīh ōy menišn ast patitīhāīh ōy gōwišn patitīhāīh ōy kunišn pad patit bawēd bē wizārēd ā =š wināh tanāpuhr =ēw bē kanēd kirbag ōh ēstēd ōy =iz ēdōn
ul ōy warzīd menišn ast ul warzīd gōwišn ul warzīd kunišn
čē ān nē pad mard abar dō mēnōy pad pahikār bē ēstēnd kū =š ahriman tuxšāg abar nē bawēd
ay =iz frāz franaftēd ō ān ī pahlom axwān ast kē ēdōn gōwēd ay ka frāz franaftēd ō ān ī pahlom ox
burzānd =š ōy zardušt star māh xwaršēd
an =iz burzam kē dādār ī ohrmazd ham kū nēk ēdōn tō mard kē az ān ī seǰōmand ox ī petyāragōmand abar_ō ān aseǰōmand axwān apetyārag franaft hē
ay har gyāg kū abestāg patitəm ud vačō uruuaitiš ud yauuaēča gōwēd ǰud az garzišn wināh tanāpuhr =ēw be kanēd ud kirbag ōh ēstēd
aδača_həṇti_pərətō tanunąm_š́iiaōϑənanąm_uzuuarštaiiō ānōh paydāg kū wizārišn wināh tanāpuhr =ēw rāy margarzān be ēstēd ā =š tanāpuhr =ēw wizārd ēstēd
yaϑača_dim_ǰanat̰_spitama_zaraϑuštra_yim_viptəm_vā ānōh paydāg kū kūn_marz =ēw bē zanēd u =š patitəm abar ēstēd
yasča_dim_ǰanat̰_spitama_zaraϑuštra_vəhrkəm_yim_bi tanuiie ānōh paydāg kū kē anēr =ēw bē zanēd ā =š yauuaēča abar be ēstēd ēn kū wināh bē kanēd
vačō uruuaitiš paydāg anuspurrīg nē garzišnīh
humat dušmat bē kanēd hūxt dušhūxt bē kanēd huwaršt dušhuwaršt bē kanēd
dānēd abestāg yaštan wināh hamē bē kanēd kirbag ōh ēstēd dānēd az ān gyāg paydāg haiϑīm aṣ̌auuana_bauuatəm abestāg yaštan az ān gyāg paydāg vīspəm_tat̰_paiti_framarəzaiti_dušmatəmča
yazišn ī yazadān and čand kunēnd wināh bē kanēd kirbag ōh ēstēd
abārīg har ān kirbag ī wināh wizārišn rāy kunēnd and čand kunēnd wināh be kanēd kirbag ōh ēstēd
ān ī nē wināh wizārišn rāy kunēnd sōšyans guft ay har dō tā tan ī pasēn ōh bawēd ēstēd
u =š az barsom_kōr paydāgēnēd ay čē az barsom_kōr paydāg kū zīndag ahlaw u =š wināh pad bun ēstēd pas mirēd =iz ēdōn bawēd u =š pad tan ī pasēn kirbag rāy mizd dahēnd u =š wināh rāy pādifrāh kunēnd
gōgušnasp guft ay pad sidōš ēk pad did =ēw šawēd yat̰_hē_auuat̰_pourum_ubǰiiāitē
ka =š se srōšōčarnām wināh wēš kū kirbag tā tan ī pasēn pas dušox ātara_aŋ́hā̊_vanat̰
ka =š har dō rāst pad hamēstagān hąm yā saiti
ka =š se srōšōčarnām kirbag wēš kū wināh pad ān ī pahlom axwān xᵛaŋ́hā̊_ātara_vanāt̰
ka =š yašt kird ēstēd ā =š tanāpuhr =ēw kirbag wēš kū wināh garōdmānīg aētahē_ϑnasat̰_t̰bišaŋᵛha
abarg auuauuat̰čit̰_yaϑa_huuō_parəsahe abar az tanāpuhr =ēw guft
ast kē čahār tanāpuhr gōwēd ay kē yō_tūiriiābiš pad xūb gōwēd ay kē čahār tanāpuhr
ka =š margarzān =ēw kird ēstēd pad patit bawēd ā =š sar bē brīnišn pad gyāg ahlaw u =š sidōš ōh yazišn
ka pad ōš gyān ī xwēš be mīrēd pad uškārišn kū pas az sē_šabag āmārīh sidōš pas az sē_šabag yazišn čē nē dānam kū pādifrāh pad sē_šabag bē kunēd ayāb pad sē_šabag sar
ka nē pad patit tā tan ī pasēn pad dušox u =š pad tan ī pasēn az dušox ānayēnd u =š har margarzān =ēw rāy ēw bār sar brīnēnd u =š bār abdom abāz ō dušox abganēnd u =š pādifrāh tišrąm_xšapanąm pad =iš bē kunēnd ahlaw
ast kē ēdōn gōwēd ay tišrąm_xšapanąm pad ēk margarzān nē bawēd ast kē ēdōn gōwēd ay abāz pad awēšān bawēd kē =šān ǰam kirrēnēd
dādār kū ast dēw kū ast dēw_ēzag kū yazišn dēwān kū gyāg wēš kunēnd kū dēwān ham_dwārišnīh kū āwarišn ud šawišn kū gyāg kū dēwān ham_padišnīh kū pad ē_kardagīh abāz ō ēd kū wēš dwārēnd az kū dēw ō_ham dwārēnd pad wināh kirdan pad panǰāh_zanišnīh ud sad_zanišnīh sad_zanišnīh ud hazār_zanišnīh hazār_zanišnīh ud bēwar_zanišnīh bēwar_zanišnīh ud amar_zanišnīh
u =š guft ohrmazd kū andar awēšān hazzān spitāmān zardušt kē abar_pad ēn zamīg bawēnd pad ul_dēsišnīh ul dēsīd ēstēd andar ān kē mard ī rist bē dād ēstēd
ānōh ast dēw ānōh dēw_ēzag ānōh dēw_ham_dwārišnīh ud ānōh dēw_hampadišnīh ānōh dēw ham_dwārēnd panǰāh_zanišnīh ud sad_zanišnīh sad_zanišnīh ud hazār_zanišnīh hazār_zanišnīh ud bēwar_zanišnīh bēwar_zanišnīh ud amar_zanišnīh
homānāg ī ōy spitāmān zardušt awēšān kē dēw hēnd andar awēšān hazzān ǰōyēnd bē =z wāmēnd
čiyōn andar ān ox ī astōmand ašmāh kē mardōm hēd xwarišn ī poxt xwarēd ud gōšt ī poxt xwarēd
wēnāg hēd ašmāh kē mardōm hēd bōy dānēd xwarēd frāz =iz menēd bar ēwtom
čē ān ast dēwān rāmišn
hamē az ān ka tā ka awēšān gand abar abāgēnēnd kū bē kanēnd
andar awēšān hazzān ō_ham bawēnd xīndagīh waštagīh garr āšnāg ud tābišn tab ī garm yyy yyy dard sard_ēstišnīh tab ī sard wattar_ēstišnīh abārīg anāgīh ān =iz ī pīr ast wars
andar awēšān hazzān mardōm ham marzēnīdār bawēnd
pas az hūfrāšmōdād ō ān gyāg rasēd ā =šān anāgīh wēš tuwān kirdan
awēšān kē kōdak xrad hēnd kū ǰādūg hēnd meh xradīh nē abar xwāhēnd kū hērbedestān nē kunēnd
srišwadag awēšān xīndagīh ǰeh dranǰēnēnd kū pad se ēk awēšān rāy wēš bawād tā =šān ǰādūgīh pad sardag wēš nē tuwān kirdan
pad rān abar dast ān =iz se wiškīd gēs ay nē daxšag ī ǰādūg bē pad brāh wēš kunēnd
dādār
ka andar mān ī mazdēsnān nārīg ō ābusīh rasēd
ēk māhag ayāb dō māhag ayāb se māhag ayāb čahār māhag ayāb panǰ māhag ayāb šaš māhag ayāb haft māhag ayāb hašt māhag ayāb nō māhag ayāb dah māhag u =š kār nēst
ēdōn ān kē nārīg ā =š ān abusīh be rasēd uzuštānīh
čiyōn ōy wināh kū_tā nē bawād warzānd awēšān kē mazdēsn hēnd
u =š guft ohrmazd kū andar mān ī mazdēsnān frahist yōǰdāsr zamīg tom az hixr
hušk zamīg tom kū nam pad ān paymān nēst yārə_narš_xᵛā aōϑrahe_iiatō
kamist =iz pad awēšān rāh ēw franāmēnd pah ud stōr
ātaxš =iz ī ohrmazd barsom =iz ī pad ahlāyīh frāz wistard mard =iz ī ahlaw
dādār
ahlaw čand drahnā az ātaxš ud čand drahnā az āb ud čand drahnā az barsom pad ahlāyīh frāz wistard ud čand drahnā az mardān ahlawān
u =š guft ohrmazd sīh gām az ātaxš ud sīh gām az āb ud sīh gām az barsom pad ahlāyīh frāz wistard ud se gām az mardān ahlawān
ēdōn ōy wināh rāy kū_tā nē bawād awēšān mazdēsn pad ēn zamīg pad pērāmōn_dēsišnīh pērāmōn ēw dēsēnd kū parzīn be ēw kunēnd
u =š pad xwarišn pas ēw ēstēnēnd awēšān kē mazdēsn hēnd u =š pad wastarg pas ēw ēstēnēnd awēšān kē mazdēsn hēnd
dādār
čē ān kē nārīg fradom az xwarišnān xwarād
u =š guft ohrmazd kū ān ī gāw gōmēz ud ān ī ātaxš ādurestar
se āb_šamag ī gōmēz ayāb šaš ayāb nō
awēšān hazzān bē_hilišnīh rāy az andarōn nēmag burdār ud uruhbar
pas ān ī bē āšixt asp pēm ud gāw ud mēš ud buz
ham ēn wābarīgān ān =iz ī az ēn wābarīgān ēd čiš ō pēš gōwam
gōšt ī poxt anāb ǰōrdā =z ī āmurdag ī anāb may =iz ī anāb kē =š āb andar nē bawēd
ēd andar sē_šabag wēš yyy čiš nē yyy pādixšā xwardan kū ān az abestāg paydāg sōšyans guft ay nān =iz hušk pādixšā xwardan
dādār
čand drahnā abar mānānd u =šān čand drahnā abar_mānišnīh ast ka xwarēnd gōšt ud ǰōrdā ud may
u =š guft ohrmazd kū sē_šabag abar ēw mānēnd u =šān sē_šabag_mānišnīh ast ka xwarēnd gōšt ud ǰōrdā ud may
ān pas az sē_šabag ul tan ēw šōyēd ud ul wastarg pad gōmēz pad =iz āb pad nō maγ abar bē ēdōn yōǰdāsr
dādār agar awēšān tābišn ō_ham rasēd abar tan ī bazag_ēwēn ī rēman
agar =iz ōy dō yask ī wattar abar rasād ēw =z ī suy kē tišn
xwarād ān kē nārīg āb
u =š guft ohrmazd kū xwarād
čē ēdōn ōy ast meh dādestānīh ka ān gyān bōzēd
bē kadāriz =ēw az dahmān ī sālārān ō dahmān dastwarān kē āgāh kū dahmīh ahlawīh dahmīh ī dastwar
ēdōn ān nārīg tuwānīgīh āb xward hē
ān ī ašmāh rāy kū_tā nē bawād wināh ō bun ašmāh kē mazdēsn hēd ā =š tōzišn frāz brēhēnēd kū =š wināh pādifrāh bē gōwēd
ān guft rad kū dastwar dārēd guft srōšāwarz kū wināh garzēd ā =š tōzišn frāz ēw brēhēnēd kū =š wināh pādifrāh be ēw gōwēd
kadār ōy ast tōzišn
u =š guft ohrmazd kū pad ān ī ōy tanāpuhrīgānīh dewīst pad abar_zanišnīh abar zanišn asp_aštar dewīst srōšōčarnām
ka nē atuwānīgīh zyānag rād hād ā_paydāg hē kū kē kasān rāy pad patit tuwān bawēd ā =š patitīh kār
aburnāyag haft_sālag rāy az abestāg paydāg ka =š pid pad patit bawēd ā šāyēd yezi_xaēšąm_ptarō_xišarə štāitiia
dādār čiyōn awēšān tašt ī padišxwar yōǰdāsr hēnd ahlaw ohrmazd ka nasā abar burd ēstēd sag ī bē_widard ayāb mardōmān
u =š guft ohrmazd kū yōǰdāsr hēnd ahlaw zardušt
bē kay ēdōn čiyōn pāk bē bawēd
agar ast kū zarrēn ēk bār frāz ēw šōyēnd pad gōmēz ī gāw ēk bār pad zamīg ul ēw uzdahēnd kū nam pāk bē ēw wisānēnd ēk bār pad āb frāz ēw šōyēnd ēdōn yōǰdāsr
agar ast kū asēmēn dō bār frāz ēw šōyēnd pad gōmēz ī gāw ud dō bār pad zamīg ul ēw uzdahēnd kū =š namb pāk be ēw wisānēnd dō bār pad āb frāz ēw šōyēnd ēdōn yōǰdāsr
agar ast kū āhanēn se bār frāz ēw šōyēnd pad gōmēz ī gāw ud se bār pad zamīg ul ēw uzdahēnd kū namb pāk be kunēnd se bār pad āb frāz ēw šōyēnd ēdōn yōǰdāsr
agar ast kū pōlāwad čahār bār frāz ēw šōyēnd pad gōmēz ī gāw čahār bār pad zamīg ul ēw dahēnd čahār bār pad āb frāz ēw šōyēnd ēdōn yōǰdāsr
agar ast kū sagēn šaš bār frāz ēw šōyēnd pad gōmēz ī gāw ud šaš bār pad zamīg ul ēw uzdahēnd kū =š namb pāk be ēw wisānēnd ud šaš bār pad āb frāz ēw šōyēnd ēdōn yōǰdāsr
agar ast kū zamīgēn ayāb dārēn ayāb srūwēn tā_ō hamē_ud_hamē_rawišnīh ayōǰdāsr
gōhr hamāg ō āhanēn handāzišn
ābgēnag ēdōn bawēd čiyōn zarr
kahrubā gōhr
šabag wafrēn sag
xrōhag āwars ud ābnūs dār
pad morwārīd ǰud_dādestān bud hēnd ast ēdōn gōwēd ay ēdōn bawēd čiyōn zarr ast kē ēdōn gōwēd ay ēdōn bawēd čiyōn abārīg gōhr ast kē ēdōn gōwēd ay šōy nēst
dādār čiyōn awēšān gōspand yōǰdāsr hēnd ahlaw ohrmazd kē nasā frāz xward ēstēd sag bē_widard ayāb mardōmān
u =š guft ohrmazd kū yōǰdāsr hēnd ahlaw zardušt
nē pēm panīr zōhr ud gōšt zōhrag ō barsom abar barišn az andar_nēmag sāl_drahnā
ān ī pas az sāl_drahnā kāmag xwarišn mardōm ī ahlawān ham ēdōn čiyōn pēš =iz
ay ēn gōspand ān āmār kē xward ēstēd u =š sāl_drahnā har čiš =ēw hixr ī garā
mōy ka bē hilēd abāg gōspand ay pad paymānag pāk bē bawēd ka bē burīd hagriz pāk nē bawēd
ka yyy xward ēstēd waččag abāg mād pad paymānag pāk bē bawēd ud ka =š pēš az abusīh xward ēstēd pad paymānag pāk bawēd ka pēš az abusīh xward ēstēd waččag ka bē zāyēd pāk
ka gušn xward ēstēd ā čāniz nēst
xāyag ka =š murw xāyag kird ā_pāk rēdak az ēw_bārān pad gōmēz āb bē šōyišn
kadār ān ast ohrmazd kē ahlāyīh menēd kū kunam ahlāyīh xwāhēd kū ōh kunēnd ahlāyīh appārēnēd kū =š appār bawēd ahlāyīh menēd pad ēd dārēd kū =m kirbag drōzišn windēd kū =š wināh bawēd
u =š guft ohrmazd kū ān =iz ast ahlaw zardušt kē ahlāyīh bē menēd kū kunam ud ahlāyīh xwāhēd kū ōh kunēnd ahlāyīh be appārēnēd kū =š appār bawēd ahlāyīh menēd pad ēd dārēd kū =m kirbag drōzišn windēd kū =š wināh bawēd
kē ō ān ī nasāōmand āb zōhr frāz barēnd
kē abar_pad nihuftag tārīg bē_zōhr frāz barēd
ēn nasā ān āmār bē az se gām barsom rēman nē kunēd ud zōhr andar se gām rēzēd
ast kē ēdōn gōwēd ay nasā burd ēstēd ud āb nē āšixt ēstēd
haštom pargard bun
ēg ka dār abar dāštār ayāb =iš namad abar warr wiyān =ēw
u =š sag ayāb mard andar bē widerēd čiyōn ōy wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū abar hazzān ēw xwāhēnd gyāg bē hazzān ēw paydāgēnēnd gyāg andar gyāg
agar ān rist bē barišntar andar dānēnd kū =šān weh tuwān hād burdan
bē ān ī rist ēw barēnd ēdōn ān mān ēw hilēnd
abar ān mān ēw bōyēnēnd rāsān ayāb hugōn ayāb hayanbāg ayāb kadāriz =ēw hubōytom az urwarān
agar ān mān abar bē barišntar andar dānānd kū =šān weh bē tuwān hād burdan
bē ān mān ēw barēnd ēdōn ān rist ēw hilēnd
abar ān mān ēw bōyēnēnd čiyōn guft
ēn az abestāg paydāg ān bawēd ka =š sag =ēw ayāb mard =ēw andar bē widerēd az dō ēk har čē pēš bē šāyēd burdan ā barišn ud xān az andarōn ud bērōn pad ātaxš bē bōyēnišn
ast kē az andarōn pad paywāsag gōwēd
nō_šabag māh_drahnā xān andarōn ud bērōn hixr garā ud har čē ān gyāg ēstēd hixr garā ān ī pas rasēd apādyābīh
ka ān gyāg bē kand gyāg ī did bē abzawēd tā abzūd ēstēd tuhīg rēman
ka yyy =ēw az =iš bē brīnēd pad ēk did andar abganēd ān_and gyāg tuhīg rēman
ka andar dō aškōb bē mīrēd ka azēr mīrēd azabar pāk ka azabar bē mīrēd azēr pāk
ka =š sūrāg =ēw andar ul šawēd ān ī and gyāg tuhīg rēman ud ka mayānag abāz stad ud ka azēr bē mīrēd azabar pāk ka azabar bē mīrēd azēr rēman
dādār ka andar mān ī mazdēsnān sag ayāb mard bē widerēd
ayāb pad wārān ayāb pad snēxr wafr ayāb pad buland wād damag ayāb pad tom tārīkīh ayāb pad abar_rasišnīh andar ān rōz ka wardag_fšūyīh ud wardag_wīrīh mad ēstēd kū mardōmān gōspandān fšūgān az wardagīh bīm
čiyōn awēšān wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū andar mān ī mazdēsnān frahist yōǰdāsr zamīg tom az hixr
hušk zamīg tom kū nam pad ān paymān nēst yārə_narš_xᵛā aōϑrahe_iiatō
kamist =iz pad awēšān rāh ēw franāmēnd pah ud stōr
ātaxš =iz ī ohrmazd barsom =iz ī pad ahlāyīh frāz wistard mard =iz ī ahlaw
dādār
ahlaw čand drahnā az ātaxš ud čand drahnā az āb ud čand drahnā az barsom pad ahlāyīh frāz wistard ud čand drahnā az mardān ahlawān
u =š guft ohrmazd sīh gām az ātaxš ud sīh gām az āb ud sīh gām az barsom pad ahlāyīh frāz wistard ud se gām az mardān ahlawān
pad wārān nē barišn pad bīm ī wārān nē barišn
ka mihrag abēr rōy dād ēstēd az xānag bē pādixšā burdan
ka =š andar rāh =ēw wārān gīrēnd ka =š pad gyāg tuwān nihādan andar nihišn ka nē ā =š ōh barišn u =š pad pas abāz nē āwarišn
… az pas burdan ud warr abar dāštan kār nēst
ka ō gyāg rasēd hazzān purr az āb bē ēstēd pādixšā ka =š andar abganēd
ēdōn ōy wināh rāy kū_tā nē bawād awēšān mazdēsnān ēn zamīg pad frōd_kanišnīh frōd ēw kanēnd
tā_ō mayān ī padištān ka saxt zamīg tā_ō mayān ī mardān ka narm
bē ōy az abardar_nēmag ēw barēd xišt ayāb sag ay ka nē sag rāy hē ā_paydāg bawē kū xišt abāg zamīg ē_kardag ēd =iz ōh paydāgēnēnd kū ādurestar ud sargēn šōy nēst ayāb az ān hušk zamīg xāk
ēdōn ōy ī ul_uzīd bōy murd u =š tan bē ēw dahēnd dō_šabag ayāb sē_šabag ayāb māh_drahnā
hamē az ān tā ka frāz way padānd kū bē āyānd ud frāz urwar waxšānd kū bē rōyānd
nihānēnīd =iz bē tazād kū petyārag zamestān be šawād ul wād zamīg hōšēnād ay kār nēst
ka frāz way padīd hād frāz urwar waxšīd hād nihānen =iz bē tazīd hād kū petyārag zamestān bē šud hād ul wād zamīg āwāsēnīd hād
ēdōn ōy wināh rāy kū_tā nē bawād awēšān mazdēsn ān mān pad abar_brīnišnīh abar ēw brīnēnd
dō mard ōy rāy ēw xwāhēnd zēnāwandtom tuxšāgtom bē pāktom frahixtagtom pad ān kār
brahnag anabar_wastarg abāz ōy kē ōh barēd zamīgēn ayāb sagēn abar_ō kadag ēd paydāgēnēnd dim_uxδō dāite kū =š rad =ēw pad bālēn pad har gāhūg dast ēk =ēw har gāhūg pāy ēk =ēw
ōy pad ēn zamīg bē ēw dahēnd
čiyōn abar ōy bāstān bē dānēnd sag ī kirb_xwār ayāb way ī kirb_xwār
ēn rist ān āmār az kadag ud abārīg =iz ǰuttar nēst
kayādurbōzēd guft ay ēwāz =ēw az kadag brahnag barēd
pad sūrag barēd ud sag az pas barēd ud tan šōyēd
pad čāštag ī kayādurbōzēd ēwāz =ēw ān ī az kadag pad čāštag ī rāst hamāg pad sūrag barēd pad kardag kadag_xwadāy ud kadag_bānūg pad sūrāg barišn abārīg pad dar
sūrāg and čand pēš šāyēd abāz kunišn abāz āwištan kār nēst
pad dō mard barišn ān har dō kē ast šāyēd ēk zan ēk mard šāyēd ka har dō zan hēnd šāyēd
ud pad dār ī tarr barišn ud ka bē barēd abāz nē āwarišn
ud hamāg āhuftag nē barišn ud nēm =ēw huftag nē barišn āgustag nē barišn
sōšyans guft ay ēdōn čiyōn pad pēš barēd šāyēd dō pad ēk nē barišn ud pad stōr nē barišn ud pad šab nē barišn
šab ān gōwam ka ō ān gyāg rasēd šab tā az xānag šab did pādixšā kirdan
ēn hamāg pahrēz zīndagān ray abāyēd tā ēk =iz mard rēman nē kunēd gyāg pad wahāg xrīdan abestāg az pas guftan ud drōn ān gyāg yaštan ēk =iz nē nērang ī pōryōtkēšān
ēdōn awēšān nasā kē =š ēw nišīnēnd ān ī and az rist čand se gām ay ka nazd nišīnēnd ā =š xwad bēm ka dūr =ēw nišīnēnd ā šāyēd
ēg ēw gōwēd rad =ēw ahlaw sālār ī murd kašān ō mazdēsnān kū mazdēsn hēd
ham ō awēšān gōmēz ēw barēnd kē pad ān ī awēšān nasā kēš frāz šōyēnd wars ud tan
dādār az čē awēšān gōmēz hēnd ahlaw ohrmazd
kē pad awēšān nasā kēš frāz ēw šōyēnd wars ud tan
az pahān ud az stōrān ud az narān ud az nārīgān
u =š guft ohrmazd kū az pahān ud stōrān ma az narān ma az narīgān
bē az dō kē hēnd xwēdōdah mard ud zan kū =šān kird ēstēd
awēšān mēšag ēw gumēzēnd kē pad awēšān nasā kēš frāz ēw šōyēnd wars ud tan ay padwēšag/tōšag rāy tā ka abāz ō deh āyēd ā =š tan pad gōmēz ud āb bē šōyišn
dādār ka pad awēšān rāh ul barēnd sag ī rist ayāb mard ī rist
čiyōn pad awēšān rāh franāmēnd pah ud stōr ud mardōm nar ud nārīg ud ātaxš ī ohrmazd pus barsom =iz pad ahlāyīh frāz wistard
u =š guft ohrmazd kū ma pad awēšān rāh ēw franāmēnd pah ud stōr ma narān ma nārīgān ma ātaxš ī ohrmazd pus ma barsom pad ahlāyīh frāz wistard
sag zard čahār čašm ayāb spēd zard gōš ay pad sagīh ēn abērtar tā abārīg =iz šāyēd
tā se bār pad awēšān rāh ēw wāyēnēnd
abar barēnd spitāmān zardušt sag zard čahār čašm ayāb spēd zard gōš
ān ī druz ī nasuš abāz dwārēd ō abāxtar_nēmag
agar nē abar xwihēd spitāmān zardušt sag zard čahār čašm nē spēd zard gōš kū pad kāmag ī xwēš nē šawēd tā šaš bār ōy pad awēšān rāh ēw wāyēnēnd
abar barēnd spitāmān zardušt sag zard čahār čašm ayāb spēd zard gōš ān ī druz ī nasuš abāz dwārēd ō abāxtar_nēmag
agar nē abar xwihēd spitāmān zardušt sag zard čahār čašm nē spēd zard gōš tā noh bār ōy pad awēšān rāh ēw franāmēnd
ēn se ud šaš ud noh ēd rāy abāyēd kū_tā se bār pad kāmag ī xwēš šawād
pad stahmag az abestāg paydāg kū nē šāyēd pad duškāmagīh šāyēd
abarg tar_drahnā rāh guft ud mēdōmāh tar_pahnā
abar barēnd spitāmān zardušt sag zard čahār čašm ayāb spēd zard gōš ān ī druz ī nasuš abāz dwārēd ō abāxtar_nēmag
agar nē abar xwihēd spitāmān zardušt sag zard čahār čašm nē spēd zard gōš
āsrō fradom pad awēšān rāh ēw franāmēnd ay ēk ēn weh bē dō xwēš bēm ān pērōzgartar gōwišn frāz ēw gōwēd yatāahūwayryō čiyōn ahū kāmag čiyōn ohrmazd kāmag ēdōn radīhā ēdōn dastwarīhā
az ahlāyīh čēgāmiz ay kār ud kirbag kū hamē kār ud kirbag ēdōn dastwarīhā kirdan čiyōn ohrmazd kāmag ān ī wahman dahišn har dō axwān kunišn ī ohrmazd kū ān ī mizd ud pādāšn ō wahman dahēnd ōy =z ōh dahēnd ast kē ēdōn gōwēd ay xwad =iš wahman dahēd
xwadāyīh ō ohrmazd dād bawēd kū ohrmazd pad tan ī xwēš xwadāy pādixšā kird bawēd kē ō driyōšān dahēd srāyišn parwarišn kū =šān ayārōmandīh ud ǰādaggōwīh kunēd
kē =t ō man ohrmazd pānāgīh dād kē kār ud kirbag kunam ā =m pānagīh kē kunēd
ka man ān druwand ahriman pad dārišn kēn kū =m kēn pad menišn abāg dārēd
any az tō ātaxš wahman ay ašmāh rāy dānam kū kunēd ā =m pānagīh bē ǰud az ašmāh kē kunēd
ka pad awēšān kunišn ahlāyīh franāmam ohrmazd kū kār ud kirbag kunam ā =m pānagīh kē kunēd
ān ī ō man dēn pad dastwar frāz gōwē ēd gōwam kū dēn pad dastwar gōw
kē pad pērōzgarīh zadār ast pad ēw tō pānagīh ud hammōxtišnīh kū ēdōn čiyōn az abestāg dēn paydāg wināhgārān rāy pādifrāh kē kunēd
pad paydāgīh ō man dahišn andar har dō axwān radīh ud čāšišn kū =t dastwarīh ēdar ud ānōh be ō man abāyēd dādan ēdar ān ī weh srōš rasišn pad wahman kū =t wištāsp pad ayārīh be ō man abāyēd dādan ohrmazd ān =am ō kāmag kē ān ō kāmag kadāriz =ēw rasišn sōšyans ay har kas =ēw abāyēd kū =š anāgīh u =š be barēnd anāgīh az har kas =ēw ōy be tuwān burdan
pād az ēdar bēšīdārān bē az wināhgarān ohrmazd spandarmad kū =mān anāgīh ī gannāg_mēnōy az =iš abāz dār
nas dēw druz čiyōn ō pēš gōwam nas dēw tōhmag kū tōhmag az ān gyāg nas dēwān frāz kirrēnīd ō akārīh nas dēwān frāz dād pēš ud pas ay bē =šān dād u =šān bē akārīh dād
bē druz nas kū wany bawē bē druz dwār kū az ēdar bē dwār andar rāh =ēw wany bāš bē druz ǰud nas kū andar rāh =ēw abāz ma ēst ō abāxtar abāz nas ay rāh guft bawēd kū abāxtar rōn šaw ma murnǰēn gēhān ī astōmandān ī ahlāyīh
pad kāmag pas awēšān mazdēsn pad awēšān rāh ēw franāmēnd pah ud stōr ud nar ud nārīg ud ātaxš ī ohrmazd pus barsom =iz ī pad ahlāyīh frāz wistard
pad kāmag pas mazdēsn andar ān ī ōy mān mēzd ēw dahēnd rōz ī tasom gōštōmand ud mayōmand yōǰdāsr kū pāk anāstard kū az ēn čiš xwēš ham ēdōn čiyōn pēš =iz ay ka nē may rāy būd hē paydāgēnēd kū andar se rōz ud_šabag gōšt ī tāzag pad kār nē kunišn
ēn az abestāg paydāg sidōš har tan =ēw rāy yašt =ēw ud drōn =ēw pad ēw pādixšā
ka rēdak bē bawēd u =š ǰuttar nēst gōgušasp guft ay tā haft_sālag pādixšā ka nē kunēd
ān se rōz yazišn hamāg ān ī srōš kunišn u =š nērang hamāg ēdōn bawēd čiyōn abārīg yazišn be hamāg_zōhr būd
ast kē ēdōn gōwēd ay pad =iz drōn xᵛarata_narō_nē gōwišn
ud andar ān sē_šabag ka har gāh yazišn =ēw kunēd weh čiyōn ka pad ēw gāh abēr bē kunēd ud pas nē kunēd
andar sē_šabag gōšt ī tāzag pad kār nē kunišn
farrīg guft ay nabānazdištān =iz kē ān gyāg rasišn būd ā =šān kem xwarišn
farrīg guft ay andar sē_šabag čiš tarr pad drōn nē nihišn farrīg =iz ǰud az tarr mēwag guft
ka nihādag =ēw čiš =ēw nihād ēstēd ka šāyēd pad any gyāg bē kunišn ka nē andar ham xānag nē pad ham gōšag ī ōy bē kunišn gōšt tāzag pad kār nē kunišn
u =š pad =iš sidīgar drōn se bē yazišn ēk rašn ud aštād ud ēk way ī weh ud ēk ardā_fraward
u =š čiš =ēw dramanag pad drōn ī ardā_fraward frāz nihišn ka čiš =ēw pad ruwān ī ōy bē kāmēd dādan ā =š pad ān drōn bē paydāgēnišn
u =š rōz ī tasom gōspand =ēw pad zōhr bē kunišn ka šab ī sidīgar rōz ī tasom rāy kušt šāyēd
pad dah rōzag ud māhīgān har ēk yašt =ēw pad sālīgān yašt =ēw
māhīgān abarg pad sīh rōz guft ud wehšābuhr pad sīh ud ēk rōz
ka šāyēd har dō andar rōz =ēw kunišn yazišn mēzd ud ka nē yazišn pēš mēzd pas wehšābuhr pēš pas guft
ka gyāg =ēw bē mirēd ka =šān ān gyāg yašt =ēw srōš kird ā ēdar yazišn hamāg ardā_fraward ka nē sidōš az bunīh
ka =š ān panǰ rōz andar bē āyēd māhīgān čiyōn dādestān būd u =š sālīg rōzag pad gāh ī xwēš
ka andar ān panǰ rōz bē mīrēd ā =š māhīgān čiyōn dādestān bawēd u =š rōzag frawardīn rōz u =š sālīg pad gāh ī xwēš
ka =š sīh rōzag nē dānēd ā =š sīh rōzag pad frawardīn rōz ka sālīg nē dānēd ā =š sālīg ādur māh frawardīn rōz
ēn kū kay ēdar hēnd pad dah rōzag ud māhīgān ud dah rōz ī frawardīgān
ast kē ēdōn gōwēd ay ādur māh tā bālist ēdar hēnd
ast kē ēdōn gōwēd ay har frawardīn rōz =ēw ēdar hēnd ud nē hēnd
ast kē ēdōn gōwēd kū ān dah rōz tā nē ēdar hēnd
amāh ēn wēš kū ēdar hēnd az ān gyāg paydāgēnēd yaϑa_maxšiiā̊_parənəm_yaϑa_vā_parənahe homānāg ōy čiyōn maxš parrag
ēn pad nīrmad xwēš tā nīrmad gētīān hamē ka =šān abāyēd ā ēdar hēnd
dādār kē wastarg abar hilēd abar_ō ān rist tadag ayāb pōstēn ān_and čand mard pāywāf gīwag
kadār ōy ast tōzišn
u =š guft ohrmazd kū čahār_sad pad abar_zanišnīh abar zanišn asp_aštar čahār_sad srōšōčarnām
dādār kē wastarg abar hilēd abar_ō ān rist tadag ayāb pōstēn ān ī and čand rānbān ī har dō griftār
kadār ōy ast tōzišn
u =š guft ohrmazd kū šaš_sad pad abar_zanišnīh abar zanišn asp_aštar šaš_sad srōšōčarnām
dādār kē wastarg abar hilēd abar_ō ān rist tadag ayāb pōstēn ān ī and čand wīr wastarg
kadār ōy ast tōzišn
u =š guft ohrmazd kū hazār pad abar_zanišnīh abar zanišn asp_aštar hazār srōšōčarnām
dādār kē ahunsandīhā wiyāftīd yyy ayāb wiyāftēnīd yyy
kadār ōy ast tōzišn
u =š guft ohrmazd kū hašt_sad pad abar_zanišnīh abar zanišn asp_aštar hašt_sad srōšōčarnām
dādār kē hunsandīhā wyāftīd yyy ayāb wyāftēnīd yyy
kadār ōy ast tōzišn pad xwāstag
kadār ōy ast puhl pad aštar ud srōšōčarnām
kadār ōy ast yōǰdāsrīh pad ruwān
u =š guft ohrmazd kū nē ōy ast tōzišn pad xwāstag nē ōy ast puhl pad aštar ud srōšōčarnām nē ōy ast yōǰdāsrīh pad ruwān
čē anābuhlagān wināh tā_ō hamē_hamē_rawišn ast kē any puhl gōwēd
dādār kē ast dēw kē ast dēw_ēzag
kē dēwān xabzag kē dēwān xumbag kū =šān kār ī narīh ud mādagīh kē kunēd
kē dēwān kām =iz =ēw čiyōn nārīg ī šōy tarsagāh ā ān dēwān tarsagāh kē hāwand dēw pad wināhgārīh
kē hamāg dēw pad wattarīh kē pēš az marg dēw kē pas az marg mēnōy dēw frāz bawēnd
u =š guft ohrmazd kū gušn ī wiftag ud gušn ī wiftēnīdag spitāmān zardušt
ān dēw ān dēw_ēzag ān dēwān xabzag ān dēwān xumbag
ān dēwān kām =iz =ēw čiyōn nārīg ī šōy tarsagāh ān ī dēwān tarsagāh ān hāwand ī dēw pad wattarīh ān ī hamāg dēw pāk
ān pēš az marg dēw ān pas az mard mēnōy dēw frāz bawēnd
mardōm kē ō mardōmān šusr abar frāz hilēd pad kun ayāb mardōm kē az mardōmān šusr bē gīrēd pad kun
dādār čiyōn awēšān mard yōǰdāsr hēnd ahlaw ohrmazd kē pad nasā abar bē ēstēd hušk tar sāl murd
u =š guft ohrmazd kū yōǰdāsr hēnd ahlaw zardušt
čē nē hušk az ān huškīh paššinǰišn kū čiš rēman nē kunēd
čē agar hušk az ān huškīh paššinǰišn būd hē kū =š čiš rēman ōh kird hē
pad tēz_rawišnīh kū ēd zūd būd hē ān ī man harwisp ox ī astōmand zad xwāstār ī ahlāyīh kū =šān rāh ī kār ud kirbag zad ēstād hē xrōsišn dād ō ruwān kū =šān ruwān az garōdmān xrōstag ud xwistag būd hē tanāpuhragān kū margarzān bawānd pad frahistīh az wasīh ī awēšān nasā kē pad ēn zamīg widerēnd
abarg guft ay har se ōh abāyēd huškīh tar sāl murdīh ud sag dīdīh
mēdōmāh guft ay sag dīdīh andar nē abāyēd
dādār čiyōn awēšān mard yōǰdāsr hēnd ahlaw ohrmazd
kē =š nasā abar burd ēstēd sag ī bē_widard ayāb mardōmān
agar ān nasuš anabarzad sag ī kirb_xwār ayāb way ī kirb_xwār
fradom ōy wināh rāy kū_tā nē bawād ōy mazdēsn pad ēn zamīg se maγ bē ēw kanēnd
ēg ān ī xwēš tan abar ēw yōǰdāsrēnēd pad gōmēz ma pad āb
pad ān ī man sag ēw gīrēd pad bē_barišnīh ma pad abēbarišnīh pad bē_barišnīh tā_ō pēš =iz
agar ān nasuš anabarzad sag ī kirb_xwār ayāb way ī kirb_xwār
fradom ōy wināh rāy kū_tā nē bawād ōy mazdēsn pad ēn zamīg se maγ bē ēw kanēnd
ēg ān ī xwēš tan abar ēw yōǰdāsrēnēd pad gōmēz ma pad āb
pad ān ī man sag ēw gīrēd pad bē_barišnīh ma pad abēbarišnīh pad bē_barišnīh tā_ō pēš =iz
didīgar ōy wināh rāy kū_tā nē bawād awēšān kē mazdēsn hēnd pad ēn zamīg se maγ bē ēw kanēnd
ēg ān ī xwēš tan abar ēw yōǰdāsrēnēd pad gōmēz ma pad āb
frāz ēw pad ān ī man sag ēw gīrēnd pad bē_barišnīh ma pad abēbarišnīh pad bē_barišnīh tā_ō pēš =iz
hamē az ān abar ēw mānēnd tā ka ōy abar_pad waγdan ān ī and abardom wars hušk bawād
sidīgar ōy wināh rāy kū_tā nē bawād ōy mazdēsn pad ēn zamīg se maγ bē ēw kanēnd ān ī čand az ān ī pēš čand se gām
ēg ān ī xwēš tan abar ēw yōǰdāsrēnēd pad āb ma pad gōmēz
dast ōy fradom frāz ēw šōyēd tā ārešnīzag
ēg ka ān dast nē frāz šust ēg harwisp ān ī xwēš tan ayōǰdāsr kunēd rēman
ēg ka ōy dast frāz šust hēnd tā ārešnīzag se bār pas ka frāz šust dast būd hād
bālist waγdan ī ōy pēš abar āšinǰē čand mōy rust ēstēd
dādār agar =iz āb weh bālist waγdan ī ōy pēš bē rasēd
ō kū az awēšān pēšagān ī abārīgān ā =š ān druz nasuš abar dwārēd
u =š guft ohrmazd kū padīrag ō mard az andar_nēmag brūgān az awēšān pēšagān ā =š ān druz nasuš abar dwārēd az ān gyāg kū mōy stabr rust ēstēd tā abāz ō gōš ud lab har dō azēr
dādār ī gēhān ī astōmandān ī ahlaw
agar =iz āb ī weh padīrag ōy mard az andar nēmag ī brūgān be rasēd ō kū az awēšān pēšagān abārīgān ā =š ān druz nasuš abar dwārēd
u =š guft ohrmazd kū pas waγdan ōy az awēšān pēšagān abārīgān ā =š ān druz ī nasuš abar dwārēd az ān gyāg kē mōy stabr rust ēstēd stūnag pad čahār ēk ī tā_ō muhrag
dādār ī gēhān ī astōmandān ī ahlaw
agar =iz āb ī weh pas ī waγdan ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū padīrag padišxwār ōy az awēšān pēšagān abārīgān ā =š ān druz nasuš abar dwārēd
dādār ī gēhān ī astōmandān ī ahlaw
agar =iz āb ī weh padīrag padišxwar ōy be rasēd ō kū az awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn gōš ōy az awēšān pēšagān abārīgān ā =š ān druz nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn gōš ōy be rasēd ō kū az awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy gōš ōy az awēšān pēšagān abārīgān ā =š ān druz nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy gōš ōy be rasēd ō kū az awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn suft ōy az awēšān pēšagān abārīgān ā =š ān druz nasuš abar dwārēd frēg ēdōn čiyōn gašt ēstēd tā_ō āranǰ āfš tā_ō suft ud nēm ō war
dādār ī gēhān ī astōmandān ī ahlaw
agar =iz āb ī weh dašn suft ī ōy be rasēd ō kū az awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy suft ī ōy az awēšān pēšagān ī abārīgān ā =š ān druz nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy suft ī ōy be rasēd ō kū az awēšān pēšagān ī abārīgān ā =š ān druz ī nasuš abar dwārēd
u =š guft ohrmazd kū dašn kaš ī ōy az awēšān pēšagān ī abārīgān ā =š ān druz nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn kaš ī ōy be rasēd ō kū awēšān pēšagān ī abārīgān ā =š ān druz nasuš abar dwārēd
u =š guft ohrmazd kū hōy kaš ī ōy az awēšān pēšagān ī abārīgān ā =š ān druz nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy kaš ōy be rasēd ō kū az awēšān pēšagān abārīgān ā =š ān druz ī nasuš abar dwārēd
u =š guft ohrmazd kū padīrag war ōy az awēšān pēšagān abārīgān ā =š ān druz ī nasuš abar dwārēd az dūrag čahār angust ā tā_ō dʾmk
dādār ī gēhān ī astōmandān ī ahlaw
agar =iz āb ī weh padīrag_war ī ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū pušt ī ōy az awēšān pēšagān abārīgān ā =š ān druz ī nasuš abar dwārēd muhrag dō se tā_ō sūrāg
dādār ī gēhān ī astōmandān ī ahlaw
agar =iz āb ī weh ō pušt ī ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn ī pestān ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn pestān ī ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy pestān ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy pestān ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn pahlūg ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn pahlūg ōy be rasēd ō kū awēšān pēšagān abārīgān ā =š ān druz ēw nasuš abar dwārēd
u =š guft ohrmazd kū hōy pahlūg az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy pahlūg ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn srēnag ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh ō dašn srēnag ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy srēnag ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy srēnag ī ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū haxti ōy az awēšān pēšagān abārīgān ā =š ān druz ī nasuš abar dwārēd
agar nar ast pas ō pēš abar āšinǰē padīrag ō pas
agar mādag ast padīrag ō pēš abar āsinǰē ud pas pas ay haxtag nēm ō pēš ud nēm ō pas u =š mālišn andar_ō pēš
dādār ī gēhān ī astōmandān ī ahlaw
agar =iz āb ī weh haxti ō pēš be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn rān ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh ō dašn rān ōy be rasēd ō kū az awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy rān ī ō az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh ō hōy rān ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn šnūg ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn šnūg ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy šnūg ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy šnūg ō be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn srān ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn srān ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy srān ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh ō hōy srān ō be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn zang ōy az awēšān pēšagān abārīgān ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh ō dašn zang ī ō be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy zang ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh ō hōy zang ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū dašn frabd ī ōy az awēšān pēšagān abārīgān ā =š ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh dašn frabd ī ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū hōy frabd ī ōy az awēšān pēšagān abārīgān ān druz ī nasuš abar dwārēd
dādār ī gēhān ī astōmandān ī ahlaw
agar =iz āb ī weh hōy frabd ōy be rasēd ō kū awēšān pēšagān abārīgān ā =š ān druz ī nasuš abar dwārēd
u =š guft ohrmazd kū ēr ī hax ī ōy ud nigūn wardēd homānāg ōy čiyōn maxš parr
pad āgenēn be grift angust abāg zamīg ul grift pāšnag az zamīg dašn hax ī ōy abar āšinǰē
ēg ān druz ī nasuš hōy hax ī ōy abar dwārēd
hōy hax ī ōy abar āšinǰē
ēg ān druz ī nasuš ēr angust ī ōy nigūn wardēd homānāg ōy čiyōn maxš parr
pad āgenēn pāšnag be grift abāg zamīg ul grift angust az zamīg dašn angust ōy abar āšinǰē
ēg ān druz ī nasuš hōy angust ōy abar dwārēd
hōy angust ōy abar āšinǰē az keh tā_ō meh ast kē az meh tā_ō keh gōwēd
ēg ān druz ī nasuš nigūn wardēd az abāxtar nēmag pad maxš kirb ērang frāz_šnūg ī abāz_kūn ī akanārag balgam kū balgam ōh balgam paywast ēstēd čiyōn ān bazagtom xrafstar ī rēmantom
dādār ī gēhān ī astōmandān ī ahlaw
ka awēšān mazdēsn pad pāy rawān ayāb tazān ayāb barān ayāb wazān barō_aspō_vazō_raϑō ō ātaxš ī nasā_pāk frāz rasānd nasā ō āgenēn pazēnd ayāb nasā ō_ham hāwēnd čiyōn ō wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū be ān nasā_pāk ēd zanēnd
be zad ōy be ān dēg ēw barēd
be ān ī ul dēsīd be ēw barēd kardag
ēn az abestāg paydāg ān bawēd ka mard ī frāz rasēd ud nasā ī tāg pazēnd ayāb tāg brēzēnd
nasā_pāk be kušišn čiyōn ka =š gyān be stānēnd nasā_kadag be barišn
ka az dō ēk šāyēd kirdan nasā_pāk ōzanišn
nasā ī murdagān ka =š hambunīh poxtagīh ayāb brištagīh pad =iš paydāg margarzān
ud ān ī zīndagān tā be wisānēd bē pad ātaxš tā nē bawēd
gōgušnasp guft ay ka =š tōzišn pad ān paymānag ast yat̰_ami_auua_nōit̰_aošəm_naẟō_saosunčaiiō ōh bawēd
ka ul āwarēd ud u =š abar abāz šawēd nūn margarzān nē bawēd
pad hixr har bār =ēw ōh bawēd dāg ōh nihišn čē wehān pōryōtkēšān ōh nihād
har bār pad gōmēz be šōyišn u =š nam pāk be wisānišn
gōgušnasp guft ay dāg nē nihišn
nasā_pāk ud rāhdār ud kūn_marz ka dast andar wināh_kārīh dārēd pad ǰud az wizīr ī dādwarān har kas ī pādixšāy ōzadan
wehšābuhr ēwāz =ēw rāhdār guft u =š ān =iz pad ān zamān guft ka dast andar wināh dārēd ka dastgīr/drō nē šāyēd kirdan
ān gōwam ka mar_garzān nē bawēd
tā ka margarzān būd abārīg =iz margarzān pādixšāy ōzadan
az bāzā ī ātaxš esm frāz ēd sōzēnīd kū ēw tāg frāz ō ātaxš ēw dahēd
ayāb awēšān urwar ātaxš tōhmag ēw tāg frāz ō ātaxš dahēd
ayāb ka ēdōn ātaxš ō hambast hād kū =š andar grift hād awēšān urwar ātaxš tōhmag
be ēw barēd ō pēš be ēd rawēnīd kū be ēw afsarēd ast kē ēdōn gōwēd ay be =iz ēw barēd kū abāz ēw gīrēd be =iz ēw rawēnēd kū be ēw afsārēd čiyōn tēztar frawēnīd kū pēš be afsārēd
ka =š ēdōn fradom ātaxš ō hambast hād kū =š andar grift hād pad zamīg be ēd dād
ān_and az ātaxš nasā_pāk čiyōn =iš frāz widest be =iz ēw barēd ō pēš be =iz ēd rawēnēd kū be ēw afsarēd ast kē ēdōn gōwēd be ēd barēd kū abāz ēw gīrēd be =iz ēd rawēnēd kū be ēw afsārēd čiyōn tēztar frawēnēd kū pēš be afsārēd
ka ēdōn didīgar ātaxš ō hambast hād ka ēdōn sidīgar ātaxš ō hambast hād ka ēdōn čahārom ātaxš ō hambast hād ka ēdōn panǰom ātaxš ō hambast hād ka ēdōn šašom ātaxš ō hambast hād ka ēdōn haftom ātaxš ō hambast hād ka ēdōn haštom ātaxš ō hambast hād
ka ēdōn nohom ātaxš ō hambast hād kū andar grift hād pad ēn zamīg ān be ēd dād
ēn az abestāg paydāg ān bawēd ātaxš ī kadagīg pad pēšīh ud and pad pasīh gīrēd
ka ēw bār afsārēd ēw šāyēd
ka ān didīgar pēš afsārēd ud kū ān tā fradom ā =š ān sidīgar abāz ō ān didīgar āwarišn pad har dō ō mar āwarišn
ka andar widest afsārēd ā =š ātaxš nē xūb afsārēd bawēd u =š ātaxš ōzadan ō bun nēst ud ka bē az widest afsārēd ā =š ātaxš xūb afsārēd bawēd u =š ātaxš ōzadan ō bun
wahrām nē rōšnag ud ast kē ēdōn gōwēd kū ōh afsārišn pad pēšēn afsārišn
kē esm pad ahlāyīh burd spitāmān zarduxšt abāz ō ān ī dahom rāsān ayāb hugōn ayāb hukird ayāb hayanbāg ayāb kadāriz =ēw hubōytom az urwarān
az ān ī ō kadāriz =ēw nēmag kū wād ān ātaxš bōy be barēd
az ān ī ō kadāriz =ēw nēmag pad hazār_zanišnīh be rasēd ātaxš ohrmazd pus dēwān mēnōyān tom tōhmagān ī druwandān dō_zangān ān_and ǰādūg ud parīg
abarg hazār_mard_zanišnīh guft
wahrām pad nēm_šab aoǰaiti wahrām nē pad nēm_šab kadagīg pad nēm_šab ēd nē pad nēm_šab hamē hazaraγna
ast kē ēdōn gōwēd ay kadagīg nē pad nēm_šab tom brīnēd
dādār ī gēhān ī astōmandān ī ahlaw
kē ātaxš ī nasā_pāk ō ān ī dādīhā gāh abar barēd čand ān mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand bēwar ātaxš sōzāg ō ān ī dādīhā gāh abar burd hē kū =š bēwar ādurōg frāz ō ātaxš wahrām nišast hē
dādār ī gēhān ī astōmandān ī ahlaw
kē ātaxš ī rōd_pāk ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand hazār ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš ī sarāsp ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand panǰ_sad ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš ī xumbag be zamīg_pazān čārūgarān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand čahār_sad ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš ī xumbag be ǰām_pazān dōsēnkārān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn kē pad hamē ǰud_ǰud srask ān_and ātaxš sōzāg hambārišn ō ān ī dādīhā gāh abar barēd sē_sad
dādār ī gēhān ī astōmandān ī ahlaw
kē ātaxš az ōnakīh be pēš arzuk_rīzān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š pad hamē ǰud_ǰud ān urwarān ān ī and ātaxš sōzāg hambarišn ō ān dādīhā gāh abar barēd
dādār ī gēhān ī astōmandān ī ahlaw
kē ātaxš az pitār be zarrēn pahikārān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand sad ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az pitār be asēm pahikār asēmkārān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand nawad ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az pitār be āhan pahikārān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand haštād ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az pitār be pōlāwad pahikārān ahangarān ud čēlāngarān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand haftād ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az tanūr be ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand šast ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az dēg be ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand panǰāh ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az ōnakīh be ī pēštīgān pēš spahāgān ō ān ī dādīhā gāh abar barēd čand ō mard mizd ast pas az tan ud bōy bē_wardišnīh
u =š guft ohrmazd kū čiyōn ka =š andar ox ī astōmand čēhel ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az rāh be ī stōrbānān ō ān ī dādīhā gāh abar barēd čand ō mard mizd ast pas az tan ud bōy wardišnīh
u =š guft ohrmazd kū čiyōn ka =š andar ox ī astōmand sīh ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az skayrya kū šubān ō ān ī dādīhā gāh abar barēd čand ō mard mizd ast pas az tan ud bōy wardišnīh
u =š guft ohrmazd kū čiyōn ka =š andar ox ī astōmand wīst ātaxš sōzāg ō ān ī dādīhā gāh abar barēd
dādār ī gēhān ī astōmandān ī ahlaw
kē ātaxš az nazdīk be šabestān abar ān dādīhā gāh abar barēd čand ō mard mizd ast pas az tan ud bōy wardišnīh
u =š guft ohrmazd kū čiyōn ka =š andar ox ī astōmand hazār ātaxš sōzāg ō ān ī dādīhā gāh abar barēd kū =š dah ādurōg frāz ō ātaxš wahrām nišāst hē ēn hamāg ādurōg az dasa paydāg
dādār ī gēhān ī astōmandān ī ahlaw
čiyōn awēšān mard yōǰdāsr hēnd ahlaw ohrmazd kē nasā abar be ēstēd pad ān ī dagr gyāg abar_pad wiškar
u =š guft ohrmazd kū yōǰdāsr hēnd ahlaw zarduxšt
bē kay ēdōn kū čiyōn pāk be bawēd
agar ān nasuš abar_zad sag ī kirb_xwār ayāb way ī kirb_xwār ēg ān ī xwēš tan abar ēd yōǰdāsrēnēd pad gōmēz
sīh bār pad gōmēz frāz šōyišnīh u =š sīh bār pad abar_šōyišnīh u =š dast abar be mālēd
ī =š aγrī abar_šōyišnīh kū =š šōy sar ān ī ēn pad hušk kunēnd nē garā
agar ān nasuš anabarzad sag ī kirb_xwār ayāb way ī kirb_xwār ēg ān ī xwēš tan yōǰdāsrēnēd pad gōmēz
pānzdah bār frāz šōyišn pānzdah bār pad abāz_šōyišnīh u =š dast abar be mālēd
tazēd fradom hāsr
frāz pas ēd tazēd ka =š paŋča_dasa kird hād
ka ōy kadāriz =ēw ox ī astōmand ēdōn padīrag be ēstēd pad buland_rasišnīh gōwišn =ēw ārāst kū ēdōn pad ān ī rist tan be ēstād ham axwāstār ham pad menišn axwāstār ham pad gōwišn axwāstār ham pad kunišn kū =m pad šustan nē tuwān xwāhēd ō man yōǰdāsrīh kū =m be šōyēd
ka tazēd fradom be ayābēd
agar ān nē yōǰdāsrīh dahēnd srišwadag ān ī ōy kunišn baxšēnd kū har ān wināh ā =š nē tuwān bē ka kunēd pad sē_ēk awēšān ō bun
tazēd didīgar hāsr tā_ō ēd tazēd
tazēd didīgar bār be ayābēd
agar ō nē yōǰdāsr dahēnd nēmag ī ān ōy kunišn baxšēnd kū har ān wināh ī =š nē tuwān be ka kunēd pad nēmag awēšān ō bun
tazēd sidīgar hāsr tā_ō ēd tazēd
ka tazēd sidīgar be ayābēd
agar ō ōy nē yōǰdāsrīh dahēnd hamāg ān ōy kunišn baxšēnd kū har ān wināh ī =š nē tuwān be ka kunēd hamāg ō bun
frāz pas ēd tazēd
kē ōy nazdist az mān ud wis ud zand ud deh ēdōn padīrag be ēstēd pad buland_rasišnīh gōwišn ēw ārāst kū ēdōn pad ōy rist tan be ēstād ham axwāstār ham pad menišn axwāstār ham pad gōwišn axwāstār ham pad kunišn kū be šustan nē tuwān xwāhēd ō man yōǰdāsrīh kū =m be šōyēd
agar ō ōy nē yōǰdāsrīh dahēnd ēg ān xwēš tan abar ēd yōǰdāsrēnēd pad gōmēz pad =iz āb abar ēdōn be yōǰdāsr
tā se hāsr be šawēd abāz ō deh nē pādixšāy raftan tā pad se kas be pahikārēd ud har ān wināh ī =š nē tuwān be ka kunēd ā =š ō bun
ka =š ēdōn be šust ā =š pas =iz kār ān kunišn frauuairi_frakərənaot̰_vāstre_vərəzoit̰
ast kē ēdōn gōwēd ay kārīh hamē ōh kunišn u =š az yazišn ī yazadān ōh pahrēzišn
dādār ī gēhān ī astōmandān ī ahlaw
agar ast kū āb az andarōn nēmag ōy rāh
āb tōzišn frōd wardēd kū =š pāy andar nihēd kadār ōy ast tōzišn
u =š guft ohrmazd kū čahār_sad pad abar_zanišnīh abar_zanišn asp_aštar čahār_sad srōšōčarnām ud nē xūb sōšyans guft ēw xūb čē =š pad pēšīh ud pasīh andar nihād
dādār ī gēhān ī astōmandān ī ahlaw
agar ast kū urwar az andarōn nēmag ān rāh ay urwar ātaxš āmār
ātaxš tōzišn frōd wardēd kadār ōy ast tōzišn
u =š guft ohrmazd kū čahār_sad pad abar_zanišnīh abar zanišn asp_aštar čahār_sad srōšōčarnām
ān ōy ast tōzišn pad xwāstag ān ōy ast puhl pad aštar ud srōšōčarnām
ka abar puhlist kū be wizārēd ēdōn ahlaw ka nē apuhlist
andar druz wad mān andar dušox āškārag dēwān ast ēstišn ast kē ēdōn gōwēd ay āškārag kū ēstišn rōšnag kū gyāg ān gyāg
nohom pargard bun
pursīd zarduxšt az ohrmazd kū ohrmazd mēnōy abzōnīg dādār ī gēhān ī astōmandān ī ahlaw ay ohrmazd dādār ahlaw pad xwānišn abārīg pad stāyišn
čiyōn ka andar ox ī astōmand mardōm pāk ō rēman ham wēnēnd
awēšān kē ham nasušōmand ham rēmanīh ud az ōy rist tan ā =š čiyōn pāk yōǰdāsrēnēnd kū čiyōn pāk bē kunēnd
u =š guft ohrmazd kū mard ahlaw spitāmān zarduxšt yōǰdāsrgar
kē ast guftār kū =š tuwān guftan rāst guftār kū =š drō kem guft ēstēd mānsr pursīdār kū =š yašt kird ēstēd ahlaw
kē ān ī frahist andar dānēd dēn ī mazdēsn yōǰdāsrgarīh kū nērang dānēd
ān ī pad ān ī widargōmand abar ēd zamīg brīnēd urwar
nō ǰud nāy_drahnā pad kadāriz =ēw ī čahrušwadag
kē ast pad ēn zamīg ǰud_ābtom ǰud_urwartom yōǰdāsr zamīgtom az hixr hušk zamīgtom kū nam pad ān paymānag nēst
kamist pad awēšān rāh franamēnd pah ud stōr ātaxš =iz ī ohrmazd ud barsom pad ahlāyīh frāz wistard mard =iz ī ahlaw
dādār ī gēhān ī astōmandān ī ahlaw
čand drahnā az ātaxš čand drahnā az āb čand drahnā az barsom pad ahlāyīh frāz wistard čand drahnā az mardān ahlawān
u =š guft ohrmazd kū sīh gām az ātaxš sīh gām az āb sīh gām az barsom pad ahlāyīh frāz wistard se gām az mardān ahlawān
fradom abar maγ bē_brīnišnīh pad gōmēz pas az hāmīn abar_rasišnīh dō angust pad nigūnīh pas az zamestān ī snehōmand/snēxr abar_rasišnīh čahār angust dūrag
čand ān maγ az any maγ čand ēk gām
čiyōn ēk gām čand se pāy
se ān any maγ bē_brīnišnīh pad āb pas az hāmīn abar_rasišnīh dō angust pad nigūnīh pas az zamestān snēxr abar_rasišnīh čand čahār angust
čand az ān pēš pad gōmēz čand se gām
čiyōn se gām čand gāmān ham_čamišnīh stānēd ud nihēd
čiyōn gāmān ham_čamišnīh čand nō pāy
kiš =iz frāz kārē pad tēx abar šahrewar
čand az maγ čand se gām
čiyōn se gām čand gāmān ham_čamišnīh stānēd ud nihēd
čiyōn gāmān ham_čamišnīh čand nō pāy
ēg pas dwāzdah kiš frāz kārē
se az andarg ǰud andar se maγ frāz kārē
se az andarg ǰud andar šaš maγ frāz kārē
se az andarg ǰud andar nō maγ frāz kārē
se az andarg ōrōntar pad āb parrōntar pad gōmēz andar se maγ frāz kārē
se abar_ō ān ī nō pāy gyāg sang āwarišn maγ āwarišn ēw barišn
sumb ayāb bandwar ī frabīh ayāb zamīg wištāsp/kabārag ayāb kadār =ēw =iz ān saxt zamīg
pas ō ān āwarišn ī maγ ō āyišn ēd rasēd ān kē abar rist
ēg tō zarduxšt bē ēstišn az kustagtar abar kiš
ēg ēn gōwišn dranǰēnē kū niyāyišn spandarmad ī abzōnīg
passox ō ōy ēd gōwēd ān kē abar rist kū niyāyišn spandarmad ī abzōnīg
ēg ān druz akār bawēd pad kadāriz =ēw gōwišn az harw drō
snāh gannāg_mēnōy druwand ā =š az =iš bawēd
snāh xešm xurdruš ā =š az =iš bawēd
snāh māzanīgān dēwān ā =š az =iš bawēd
snāh harwisp dēwān ā =š az =iš bawēd
gōmēz pas abar āšinǰē pad āhanēn ayāb pad srubēn
agar srubēn abar āhanǰē graw xwāhē zarduxšt nay ēw_tāg kē nō pixag drāzīd ēstēd nō grih
ān srub pēš nēmag graw be band
dast ān fradom frāz ēw šōyēd tā ārešn
ka ān dast nē frāz šōyēd ēg harwisp ān xwēš tan ayōǰdāsr kunēnd rēman
ka ōy dast frāz šust hād tā se bār
pas ka frāz šust dast būd hād ōy bālist waγdan ōy pēš abar āšinǰē and čand mōy rust ēstēd
ēg ān druz ī nasuš padīrag ōy mard az andarōn nēmag ī brūgān abar dwārēd
padīrag ōy mard az andarōn nēmag ī brūgān abar āšinǰē az ān gyāg kū mōy rust ēstēd tā abāz ō gōš_lāb harw dō ō azēr
ēg ān druz ī nasuš pas ī waγdan ī ōy abar dwārēd
pas waγdan ī ōy abar āšinǰēd az ān gyāg kū mōy rust ēstēd stūnag čahār ēk ī ō muhrag
ēg ān druz ī nasuš padīrag padišxwar ī ōy abar dwārēd
padīrag padišxwar ī ōy abar āšinǰē lāb ī harw dō abāz ō gōš stūnag pad čahār ēk =ēw tā_ō dūlag
ēg ān druz ī nasuš dašn gōš ī ōy abar dwārēd
dašn gōš ī ōy abar āšinǰē
ēg ān druz ī nasuš hōy gōš ī abar dwārēd
hōy gōš ī ōy abar āšinǰē gōš ēdōn čiyōn gašt ēstēd stūnag pad čahār ēk ō āfš
ēg ān druz ī nasuš dašn ī suft ī ōy abar dwārēd
dašn suft ī ōy abar āšinǰē
ēg ān druz ī nasuš hōy suft ō abar dwārēd
hōy suft ī ōy abar āšinǰē padīrag frēg ēdōn čiyōn gašt ēstēd tā_ō ārešn
ēg ān druz ī nasuš dašn ī kaš ī ōy abar dwārēd
dašn ī kaš ī ōy abar āšinǰē
ēg ān druz ī nasuš hōy kaš ōy abar dwārēd
hōy kaš ōy abar āšinǰē and čand mōy rust ēstēd
ēg ān druz nasuš padīrag war ī ōy abar dwārēd
padīrag war ī ōy abar āšinǰē āfš nēm ud suft nēm ō war ī dūrag se angust tā_ō dʾmk
ēg ān druz ī nasuš pušt ī ō abar dwārēd
pušt ī ōy abar āšinǰē muhrag bārīg tā_ō sūrag
ēg ān druz ī nasuš dašn pestān ī ōy abar dwārēd
dašn pestān ī ōy abar āšinǰē
ēg ān druz ī nasuš hōy pestān ī ōy abar dwārēd
hōy pestān ī ōy abar āšinǰē pestān ēdōn čiyōn gašt ēstēd ay ān ī zanān ul dārišn
ēg ān druz ī nasuš dašn pahlūg ī ōy abar dwārēd
dašn pahlūg ī ōy abar āšinǰē
ēg ān druz ī nasuš hōy pahlūg ī ōy abar dwārēd
hōy pahlūg ī ōy abar āšinǰē ay čē nāmčištīg bē gōwēd tā hamē ō pahlūg
ēg ān druz ī nasuš dašn srēnag ī ōy abar dwārēd
dašn srēnag ī ōy abar āšinǰē
ēg ān druz ī nasuš hōy srēnag ī ōy abar dwārēd
hōy srēnag ī ōy abar āšinǰē ēdōn čiyōn gašt ēstēd tā_ō xāyag ōy azēr ī rān
ēg ān druz ī nasuš haxt ī ōy abar dwārēd
haxt ī ōy abar āšinǰē agar nar ast pas ō pēš abar āšinǰē ud padīrag ō pas
agar =iz mādag ast padīrag ōy pēš abar āšinǰē pas pēš ay haxt nēm ō pēš nēm ō pas mālišn andar_ō pēš
ēg ān druz ī nasuš dašn rān ī ōy abar dwārēd
dašn rān ī ōy abar āšinǰē
ēg ān druz ī nasuš hōy rān ī ōy abar dwārēd
hōy rān ī ōy abar āšinǰē az gōšag ī azēr rān tā šnūg
ēg ān druz ī nasuš dašn šnūg ī ōy abar dwārēd
dašn šnūg ī ōy abar āšinǰē
ēg ān druz ī nasuš hōy šnūg abar dwārēd
hōy šnūg ī ōy abar āšinǰē azabar ēdōn čiyōn gašt ēstēd azēr bārīg ast kē ēdōn gōwēd ay čand azabar ān_and azēr
ēg ān druz ī nasuš dašn sān ī ōy abar dwārēd
dašn sān ī ōy abar āšinǰē
ēg ān druz ī nasuš hōy sān ī ōy abar dwārēd
hōy sān ī ōy abar āšinǰē az šnūg tā_ō ān gyāg kū zang_pāy bandēnd
ēg ān druz ī nasuš dašn zang ī ōy abar dwārēd
dašn zang ī ōy abar āšinǰē
ēg ān druz ī nasuš hōy zang ī ōy abar dwārēd
hōy zang ī ōy abar āšinǰē ēdōn čiyōn zang_pāy bandēnd dō angust =ēw tā abāz ō zamīg
ēg ān druz ī nasuš dašn frabd ī ōy abar dwārēd
dašn frabd ī ōy abar āšinǰē
ēg ān druz ī nasuš hōy frabd ī ōy abar dwārēd
hōy frabd ī ōy abar āšinǰē az ān gyāg kū zang_pāy bandēnd tā ōy sar angust
ēg ān druz ī nasuš ēr hax nigūn wardēd homānāg ōy čiyōn maxš kirb parr
fradom abar maγ frāz az nasuš mard bawēd kū tanuk =ēw az =iš bē šawēd čiyōn pah =ēw ka ōh p’hčnd … tā … šašom abar maγ …
pas ān ēw nišīnēd ān kē abar rist az andarg ī ālag ī maγ frōdtar az ān_ān maγān ī pad gōmēz ān_and az ān ī pēš az gōmēz čand čahār angust
awēšān =iz ī ēn zamīg purr frāz_kanišnīh frāz ēw kanēnd xūb bē ēd kanēnd
pānzdah dast zamīg ō_ham ēd kanēnd kū nam pāk bē ēw nigānēnēnd
u =š hamē az ān abar ēw mānēnd tā ka ōy pad waγdan ō and abardom wars hušk bawād
tā ka pad ōy tan ān ī xwēd xāk hušk bawād
pas ān ō any maγ ī pad āb ōh āyišn ēd rasēd ān kē abar rist
fradom abar maγ ēk bār pad āb ēg ān ī xwēš tan abar ēd yōǰdāsrēnēd
didīgar abar maγ dō bār pad āb ān ī xwēš tan abar ēd yōǰdāsrēnēd
sidīgar abar maγ se bār pad āb ēg ān ī xwēš tan abar ēd yōǰdāsrēnēd
pas ān ēw bōyēnēd rāsān ayāb hugōn ayāb hukird ayāb kadāriz =ēw ān hubōytom az urwarān
wastarg pas ēw aybyānghanēnēd
pas ān ō āyišn mān ō āyišn ēw rasēd ān kē abar rist wastarg hamē pad xšwaš_mānghō
abarg guft yōǰdāsrgar dō ōh abāyēd ud harw dō ān šāyēd kē yašt kird ēstēd ud ēdōn ham_dādestāntar būd hēnd
ka ān kē kiš kārēd pad pēšag ōy šōyēd ud abestāg gōwēd ud yašt kird ēstēd
ān ī did ka nē kird ēstēd ašāyēd
ka ēk ā_z šāyēd wendīdād =ēw pad ēd kār pad šnūman ī srōš bē yazēd
harw tan =ēw rāy pad kamistīh āb ud gōmēz =ēw dōlag ī šmār ān gyāg bē nihišn
u =š pad yašt bun bē nigerišn u =š pad ǰud_dēw_dād bē nigerišn
pas ka nihuft ēstēd weh =iz ud sag =iz ī andar abganēd ud abāz ō zōhr barēd kār nēst
ka bē yašt tā gandag bē bawēd hamē šāyēd
ud az ēk_bar daštān ōh pahrēzišn
ud ka abēr nazdīk ēstēd šāyēd
u =š nauua_vībāzuua_drāǰō pad wiškar wēš bē kunišn ka andar_ō deh kunēd u =š rāh =ēw ayāb ǰōy =ēw ayāb dēwār =ēw andar bē_ō āyēd šāyēd
u =š dār ī xwurd pāk bē čīnišn ud ān ī stabr andar maγ nēst šāyēd
maγ harw kē kanēd ud pad harw čē kanēd hamē ka kanēd šāyēd
čahār angust ud dō angust kār nēst
harw maγ =ēw pad kamist ī ēw_pāy pad_wišast and čand =iš tan andar bē wēzēd
u =š az abāxtar andar kunišn u =š pad sōg bē_ō rapihwintar_rōn kanišn
andar rōz kiš yōǰdāsrgar kārišn ud pad tēx kārišn ud pad abestāg kārišn andar ān rōz kārišn
ka kiš kārēd aṣ̌əm_vohū se frauuarānē čē gāh dārišn šnūman ī srōš
u =š wāz frāz gīrišn u =š az abāxtar andar gīrišn u =š sar pad sar abāz widārišn
harw kiš =ēw pad kamistīh ī yatāahūwayryō ud pad_wišast and čand =iš abāyēd
kiš abāz ō kiš nē kārišn tā andar_ō kār gīrišn hamē ka bē āšōbēd ā =š pad abestāg abāz kārišn ka ō kār gīrēd abāz kārēd kār nēst
ēk_bar bērōn tan az hixr ī rist ēw pāk bē kunišn
wars abar bast ud nāxun brīdan kār nēst
u =š az abāxtar andar ōh maγ āwarišn
yōǰdāsrgar az kust ī dašn bē ēstēd ud ka az kiš_kārišnīh wāz dārēd šāyēd ka nē ā =š wāz frāz gīrišn
nəmasčā_yā_ārmaitiš_īžāčā ōy bē gōwišn
ōy =iz bē gōwišn ud ka nē tuwān guftan harw dō bār ōh bē gōwišn
u =š dast se bār nē pad andar bē šōyišn
abārīg pēšag abarg se bār nē pad andarg guft mēdōmāh ēw bār
u =š āb ud gōmēz ēdōn čiyōn abāyēd ā =š abar ōh barišn u =š bārag az tan ōh pahrēzišn
ka =š tis =ēw abar rasēd ā =š gōmēz andak =ēw abar frōd hilēd
u =š pēšag tā šust az ān ī nē šust ōh pahrēzišn
ka =š abar rasēd ašāyēd
ka abzūdag =ēw abar bē ēstēd ā =š dast abar bē mālišn
ka andar ham maγ ud pad pēšag =ēw gumān bawēd ka dānēd ā =š abāz šōyišn
u =š az ān ī frāz hamē abāz šōyišn
ka nē dānēnd ā =š maγ bun abāz kunišn
ud ka bē_ō ān ī pēš āyēd ka dānēnd ā =š abāz ō ān pas šawišn u =š maγ bun abāz kunišn
ka pad maγ gumān bawēd ā =š abāz ō ān ī abēgumān šawišn
ka az maγ ō maγ šawēnd ēk_bār sag gīrēnd
yōǰdāsrgar abestāg gōwišn u =š ēdōn kunišn ka ō ān gyāg rasēd ā =š kird ka nē sar bē kunišn ast kē ēdōn gōwēd ay andar ham maγ sar bē kunišn
u =š sag pāy harw čahār andar_ō maγ nihišn u =š pad čahār angust bē nišīnišn
u =š panča_dasa_zəmō_haṇkanaiiən xūb bē kunišn u =š bē pāyišn tā xūb ōbast ā =š pas bē_ō maγ ī pad āb šawišn
ǰud_bār pad āb ēdōn bawēd čiyōn ǰud_maγ pad gōmēz bē sag griftan
ud sag =iz andar ōh kunēnd
ka =š ōh vet̰ ā =š bē tābišn ka =š ōh gursēd ā =š nān dahišn ka =š pēšyār āyēd ā =š tis =ēw andar dārišn ud ka =š wad_zūrīh rāy bē nē tuwān šustan ā =š kas =ēw abāg andar bē nišīnišn
ka čiyōn tā šust u =š gāh ī pēš pad =iš andar āyēd ā =š wāz bē gōwišn u =š wāz abāz gīrišn u =š pēšag šust pad šust dārišn
ka bē drāyēd pad ēw šōy ka nē pāk ēw nē šāyēd
ka sīh_šōy nē abāyēd nē šāyēd
ka war ō abāxtar nē kunišn nē šāyēd
ka ǰud_dēw_dād nē yazēd nē šāyēd
ka yōǰdāsrgar yašt nē kird ēstēd nē šāyēd
ka yōǰdāsrgar nē mard nē šāyēd
ka nē pad pēšag šōyēd nē šāyēd
ka abestāg nē gōwēd nē šāyēd
ud ka sag nē grift nē šāyēd
ka maγ nē kanišn nē šāyēd
ka panča_dasa_zəmō_haṇkanaiiən nē kunēd nē šāyēd
kiš ka nē yōǰdāsrgar kārēd ud nē pad tēx kārēd ud nē pad abestāg kārēd ud nē andar rōz kārēd nē šāyēd
ka andar maγ rēman wēnēd nē šāyēd
ka andar maγ pad gōmēz wārān gīrēd nē šāyēd
ka =š šab pad =iš andar āyēd nē šāyēd
ka pad hamāg sāzišn bē pad tis =ēw gumān bawēd pad ān sāzišn nē šāyēd
pad ān ī armēštān_gāh bē nišīnēd az andarg ālag mān parrōntar az ān_ān mazdēsnān
ma pad pādixšāyīh rasād ō ātaxš ma ō āb ma ō zamīg ma ō gōspand ma ō urwar ma ō mard ī ahlaw ma ō nārīg ī ahlaw hamē az ān tā ka ō sē_šabag bē sazād
ān pas az sē_šabag ul tan ēw šōyēd ud ul wastarg pad gōmēz ud pad =iz āb abar ēdōn yōǰdāsr
pad ān ī armēštān_gāh ēd nišīnēd az andarg ālag mān parrōntar az ān_ān mazdēsnān
ma pad pādixšāyīh rasād ō ātaxš ma ō āb ma ō zamīg ma ō gōspand ma ō urwar ma ō mard ī ahlaw ma ō nārīg ī ahlaw hamē az ān tā ka ōy šaš_šabag bē sazād
ān pas az šaš_šabag ul tan ēw šōyēd ud ul wastarg pad gōmēz ud pad =iz āb abar ēdōn yōǰdāsr
pad ān ī armēštān_gāh ēd nišīnēd az andarg ālag mān parrōntar az ān_ān mazdēsnān
ma pad pādixšāyīh rasād ō ātaxš ma ō āb ma ō zamīg ma ō gōspand ma ō urwar ma ō mard ī ahlaw ma ō nārīg ī ahlaw hamē az ān tā ka ōy nō_šabag bē sazād
ān pas az nō_šabag ul tan ēw šōyēd ud ul wastarg pad gōmēz ud pad =iz āb abar ēdōn yōǰdāsr
pas pad pādixšāyīh ēd rasād abar_ō ātaxš abar_ō āb abar_ō zamīg abar_ō gōspand abar_ō urwar abar_ō mard ī ahlaw abar_ō nārīg ī ahlaw
āsrōn yōǰdāsrēnēd ā =š az dahmān bē āfrīn ay ahlaw bāš u =š xwāstag paymānag nē āmār ast kē ēdōn gōwēd ay ān bawēd ka =š sē_hazār stēr nēst
deh dehbed yōǰdāsrēnēd ā =š uštar ī gušn aγrī
zand zandbed yōǰdāsrēnēd ā =š asp abar gušn ī aγrī
wis wisbed yōǰdāsrēnēd ā =š gāw abar gušn aγrī
mān mānbed yōǰdāsrēnēd ā =š gāw abar buz
mān mānbed nārīg yōǰdāsrēnēd ā =š gāw ī abar frawād
wis paristag yōǰdāsrēnēd ā =š gāw abar vaz
ān čē nidom aburnāyag yōǰdāsrēnēd ā =š pah garbuš anumē
agar tuwānīg hēnd awēšān mazdēsnān pad awēšān pah ud stōr ō ōy mard frāz ēd barēnd
agar nē tuwānīg hēnd awēšān mazdēsn pad awēšān pah ud stōr ān ī any xwāstag pad ān paymānag ō ōy mard frāz ēd barēnd hamē az ān tā ka yōǰdāsrgar az ān ī ōy mān hušnūd abišt bē rawēd
agar =iz ān mard yōǰdāsrgar az ān ī ōy mān bišt ahušnūd bē rawēd bē ōy az pas =iš frōd wardēnēd spitāmān zarduxšt ān druz ī nasuš kū abar abāz bē dwārēd bē az nāy bē az čašm bē az uzwān bē az padišxwar bē az kēr bē az kūn ī ōy murd
awēšān srū ī wināhkārān abar_pad ān ī awēšān srū ī wināhkārān ā =šān ān druz ī nasuš abar dwārēd ast kē srū ī murdagān gōwēd
ayōǰdāsr pas bawēd tā_ō hamē_hamē_rawišnīh
mizd ī ka pad pašt kird ēstēd ēdōn čiyōn =iš kird ēstēd ka nē dēnīg
ka =š az dō ēk bē dād ēw xwad weh dānēd
ka az ēk bē nē dahēd ā =š nasuš abar dwārēd
ud pas bē ka šōyēd ayāb yōǰdāsrgar hušnūd bē kunēd tā u =š bē nē dwārēd
ast kē ēdōn gōwēd ay bē ka šōyēd nasā u =š bē nē dwārēd
ast kē ēdōn gōwēd ay bē ka hušnūd kunēd nasā ā =š bē nē dwārēd
čē ahunsandīhā spitāmān zarduxšt ān kē abar rist ā =š ān ī xwaršēd tābēd ahunsandīhā ān māh ahunsandīhā awēšān star
čē šnāyēnēd spitāmān zarduxšt awēšān mard ī yōǰdāsrgar ka ān ī kē abar rist ā =š frāz az nasuš kird
šnāyēnēd ātaxš ud šnāyēnēd āb ud šnāyēnēd zamīg ud šnāyēnēd gōspand ud šnāyēnēd urwar ud šnāyēnēd mard ī ahlaw ud šnāyēnēd nārīg ī ahlaw
abāz az ōy pursīd zarduxšt kū dādār ī gēhān ī astōmandān ahlaw čand ōy mard mizd ast pas az tan bōy bē widerišnīg kē ān ī ōy abar rist ā =š frāz az nasuš kird
u =š guft ohrmazd kū nigēzēnd ō ōy mard ān ī and mizd bē ān ī nazdīk ox wazdwarīh nēkīh ī ān ī pahlom axwān ay pahikār nē pad tanāpuhrīgānīh
abāz az ōy pursīd zarduxšt kū dādār ī gēhān ī astōmandān ahlaw čiyōn pad ōy druz pahikāram kū čiyōn stō bē kunam kē az ōy rist ō ōy zīndag abar dwārēd pad hamrēh
čiyōn pad ōy nasuš pahikāram kū čiyōn stō bē kunam kē az ōy rist ō ōy zīndag abar gumēxtēd pad padrēh
u =š guft ohrmazd kū ēn gōwišn frāz gōw kē hēnd pad gāhān bišāmrūd ǰud_dēw_dād =ēw bē yaz
ēn gōwišn frāz gōw kē hēnd pad gāhān srišāmrūd
ēn gōwišn frāz gōw kē hēnd pad gāhān čahrušāmrūd
homānāg ī ōy spitāmān zarduxšt bē ān nasuš ǰat̰
čiyōn tigr ī huhaxt ayāb čiyōn kē namad ī tar sāl ayāb čiyōn pad ān ī frārōn warr
dādār ī gēhān ī astōmandān ī ahlaw
agar =iz ān mard abar āhanǰēd ān ī nē andar dānēd dēn ī mazdēsnān yōǰdāsrgarīh kū nērang nē dānēd
čiyōn ān druz pahikārēd kū =š stahmagīh čiyōn bē bawād ast kē ēdōn gōwēd ay čiyōn pad ān druz pahikārīhād kū =š stō bē kardīhād kē az ōy rist ō ōy zīndag abar dwārēd pad hamrēh
ast ka ēdōn gōwēd čiyōn bē bād čiyōn pad ōy nasuš pahikārīhād kū =š čiyōn stō bē kardīhād kē az ōy rist ō ōy zīndag abar gumēxtēd pad padrēh
u =š guft ohrmazd kū homānāg ī ōy spitāmān zarduxšt ān druz ī nasuš was ōztar waxšēd čiyōn pēš az ān būd ay čē nūn nē pahrēzēd
ān ī ōy yask ān ī ōy marg ān ī ōy petyārag ham_ēdōn čiyōn pēš =iz ay ōh paydāgēnēnd kū dēw_ēzagīh pad =iz awināhīh ōh bawēd
dādār ī gēhān ī astōmandān ī ahlaw
kadār ōy ast tōzišn
u =š guft ohrmazd kū pad ham_bandišnīh ō_ham ēd bandišn awēšān kē mazdēsn hēnd
dast ōy fradom ō_ham ēd bandēnd bē az ōy wastarg ēd barēnd
pōst_pahnā ōy kamāl ēd kešēnd kū =š sar bē ēd brīnēnd
ōy was xwardārān ī spennāg_mēnōy dāmān ī kirb_xwarān ā =š kirb bē ēd abespārēnd ō way ī kargās
ēdōn ēw gōwēd kū abar ēn hīm abar ēn zamīg bē misīnam kū pad patit bawam az harwistīn dušmat ud dušhūxt ud dušhuwaršt ī =m az yōǰdāsrgarīh ō bun būd ēstēd
agar =iz ān any wattar kunišn frāz warzīd kū =š anī =z wināh =ēw kird patitīhā ōy tōxt bawēd
sōšyans guft ay ān bawēd ka ān ī did nē margarzān kayādurbōzēd guft ay patitīhā ōy tōzišn u =š čē abārīg wināh ǰud_ǰud pad patit bawād
agar ōy any ān ī wattar kunišn nē frāz warzīd patitīhā ōy mard tā_ō hamē_hamē_rawišnīh
čē ān būd ohrmazd kē man abar sahist kū =š frāy_dahišnīh bē burd u =š wālišn_dahišnīh bē burd u =š yask abar burd u =š marg abar burd
u =š guft ohrmazd kū ān ān ast ahlaw zarduxšt ahlomōγ ī anahlaw kē andar ox ī astōmand abar āhanǰēd ān ī nē andar dānēd dēn ī mazdēsn yōǰdāsrgarīh kū nērang nē dānēd
bē nūn ān ī amāh gyāg ud rōstāg rawēd spitāmān zarduxšt šīrēnīh ud čarbīh bē drustīh ud bēšāzēnišnīh bē frāy_dahišnīh ud wālišn_dahišnīh ud waxšišn ǰōrdāyān ud wāstarān =iz ārōyišn
dādār ī gēhān ī astōmandān ī ahlaw
kay ō ān ī amāh gyāg ud rōstāg abāz rasēd šīrēnīh ud čar_bīh ud kay drustīh ud bēšāzēnišnīh ud kay frāy_dahišnīh ud wālišn_dahišnīh ud waxšišn ǰōrdāyān ud wāstarān =iz ārōyišn
u =š guft ohrmazd kū nē nūn pēš az ān spitāmān zarduxšt ō ān ī ōy gyāg ud rōstāg abāz rasēd šīrēnīh ud čarbīh ud nē drustīh ud bēšāzēnišnīh nē frāy_dahišnīh ud wālišn_dahišnīh ud waxšišn ud nē ǰōrdāyān wāstarān =iz ārōyišn
pēš az ān tā ka ēdar ašemōγ ī anahlaw rāy pad āgenēn_zanišnīh bē zanēnd abāg wināhīh
ayāb andar ān deh srōš_ahlaw frāz yazēnd se rōz se šab pad sōzišn abar ātaxš frāz_wistarišnīh abar barsom ul dahišn ī abar hōm
pas ō ān gyāg ud rōstāg abāz rasēd šīrēnīh ud čarbīh ud pas drustīh ud bēšāzēnišnīh pas frāy_dahišnīh ud wālišn_dahišnīh ud waxšišn pas ǰōrdāyān wāstarān =iz ārōyišn ay ēn harw čē rāy kunēd u =š šnūman ī srōš kunēd šāyēd ān bē ka pad ēn kār kunēnd u =š šnūman ī ardā_fraward kunēd tā nē šāyēd
dahom pargard bun
zand čiyōn pad any gyāg nibišt
čiyōn pad ōy druz pahikārēm kū =š čiyōn stō bē kunom kē az ōy rist ō ōy zīndag abar dwārēd pad hamrēh čiyōn pad ōy nasuš pahikārēm kū =š čiyōn stō bē kunom kē az ōy rist ō ōy zīndag abar gumēxtēd pad padrēh
u =š guft ohrmazd kū ēn gōwišn frāz gōw kē hēnd pad gāhān bišāmrūd ǰud_dēw_dād =ēw bē yaz
ēn gōwišn frāz gōw kē hēnd pad gāhān srišāmrūd
ēn gōwišn frāz gōw kē hēnd pad gāhān časrušāmrūd
ēn gōwišn frāz gōw kē hēnd pad gāhān bišāmrūd =iz srišāmrūd =iz časrušāmrūd =iz ēk ān ī pad gāhān ēk ān ī pad ǰud_dēw_dād
dādār kadār awēšān gōwišn kē hēnd pad gāhān bišāmrūd
u =š guft ohrmazd kū ēn awēšān gōwišn kē hēnd pad gāhān bišāmrūd
ēn gōwišn dō bār frāz gōw
ān ī pas az bišāmrūd gōwišn ēn gōwišn frāz gōwē ī pērōzgar ī bēšāzēnīdār
bē purdēnam gannāg_mēnōy az mān az wis az zand az deh az ī xwēš tan az mard kē abar rist az nārīg kē abar rist az mān mānbed az wis wisbed az zand zandbed az deh dehbed az harwisp ān ī ahlawān stī
bē purdēnam nasuš bē purdēnam kē pad hamrēh rēman būd ēstēd bē purdēnam kē pad padrēh rēman būd ēstēd az mān az wis az zand az deh az xwēš tan az mard kē abar rist az nārīg kē abar rist az mān mānbed az wis wisbed az zand zandbed az deh dehbed az harwisp ān ī ahlawān stī
dādār kadār awēšān gōwišn kē hēnd pad gāhān srišāmrūd
u =š guft ohrmazd kū ēn awēšān gōwišn kē hēnd pad gāhān srišāmrūd
ēn gōwišn se bār frāz gōw
ān ī pas az srišāmrūd gōwišn ēn gōwišn frāz gōw ī pērōzgar ī bēšāzēnīdār
bē purdēnam indar dēw bē purdēnam sawr bē purdēnam nā̊ŋhaiϑ dēw az mān az wis az zand az deh
bē purdēnam tawriz dēw bē purdēnam zāriz dēw az mān az wis az zand az deh
dādār kadār awēšān gōwišn kē hēnd pad gāhān časrušāmrūd
u =š guft ohrmazd kū ēn awēšān gōwišn kē hēnd pad gāhān časrušāmrūd
ēn gōwišn čahār bār frāz gōw
ān ī pas az časrušāmrūd gōwišn ēn gōwišn frāz gōw ī pērōzgar ī bēšāzēnīdār
bē purdēnam xešm ī xurdruš bē purdēnam agdaš dēw az mān az wis az zand az deh
bē purdēnam waranīg dēw bē purdēnam wādīg dēw ī wādīgar az mān az wis az zand az deh
ēn awēšān gōwišn kē hēnd pad gāhān bišāmrūd ēn awēšān gōwišn kē hēnd pad gāhān srišāmrūd ēn awēšān gōwišn kē hēnd pad gāhān časrušāmrūd
ēn awēšān gōwišn kē hēnd kū gannāg_mēnōy sneh
ēn awēšān gōwišn kē hēnd kū xešm ī xurdruš sneh
ēn awēšān gōwišn kē hēnd kū māzanīgān dēwān sneh
ēn awēšān gōwišn kē hēnd kū harwisp dēwān sneh
ēn awēšān gōwišn kē hēnd ōy druz ōy nasuš hamēstār kē az ōy ī rist ō zīndag abar dwārēd pad hamrēh
ēn awēšān gōwišn kē hēnd ōy druz ōy nasuš hamēstār kē az ōy ī rist ō zīndag abar gumēxtēd pad padrēh
ǰud_urwartom
anabarxwarišn pah ud wīr ān ī ēw rōz sāl_drahnā pad hamkār nē šāyēd pad abārīg kār šāyēd ka kand xwēd apāk
yōǰdāsrīh mardōmān pākīh ī pad ruwān pas az zāyišn pahlom ka bē zād hēnd ā =šān čiš =ēw yōǰdāsrīh ī pad ruwān weh
ān yōǰdāsrīh gōw zarduxšt kē pad dēn ī mazdēsnān paydāg
kē ān ī xwēš dēn yōǰdāsrēnēd kū az wināh pāk dārēd pad humat ud hūxt ud huwaršt ay daēnąm_aŋhuuąm har dō ēk
dēn abēzag yōǰdāsrēnēd čē ēdōn ōy ast yōǰdāsrīh kadāriz =ēw ox ī astōmand ān ī xwēš dēn abēzag
kē ān ī xwēš dēn yōǰdāsrēnēd pad humat ud hūxt ud huwaršt ay daēnąm_aŋhuuąm har dō ēk
ahlāyīh ābādīh ī pahlom ast
yāzdahom pargard bun
čiyōn pad mān yōǰdāsrēnam kū_tā airime nē bawād ast kē anusō gōwēd
čiyōn pad ātaxš čiyōn pad āb čiyōn pad zamīg čiyōn pad gōspand čiyōn pad urwar čiyōn pad mard ī ahlaw čiyōn pad nārīg ī ahlaw čiyōn pad star čiyōn pad māh čiyōn pad xwaršēd čiyōn pad ān ī asar_rōšnīh čiyōn pad harwisp ābādīh ī ohrmazd_dād kē az ahlāyīh paydāgīh
u =š guft ohrmazd kū yōǰdāsrīh srāyišn zarduxšt kū ǰud_dēw_dād =ēw bē yaz
yōǰdāsrīh pas bawēd pad mān
yōǰdāsrīh pad ātaxš yōǰdāsrīh pad āb yōǰdāsrīh pad zamīg yōǰdāsrīh pad gōspand yōǰdāsrīh pad urwar yōǰdāsrīh pad mard ī ahlaw yōǰdāsrīh pad nārīg ī ahlaw yōǰdāsrīh pad star ud māh ud xwaršēd yōǰdāsrīh pad asar_rōšnīh yōǰdāsrīh pad harwisp ābādīh ī ohrmazd_dād kē az ahlāyīh paydāgīh
panǰ ahunawar frāz srāyišn yatāahūwayryō panǰ bē gōw
nawad ahunawar pad tan pānagīh rāy ēk ud did
ka ēdōn pad mān yōǰdāsrēnē ēg ēn gōwišn frāz gōw
ēdōn man hamē tā_ō ān ī bēdom zamān pānagīh mahist kū =m tā tan ī pasēn hamē pānagīh ī dāmān kirdan ast kē ēdōn gōwēd ay hamē kū nūn kē andar āmad hē ā =t bē man hilam
ka ēdōn pad ātaxš yōǰdāsrēnē ēg ēn gōwišn frāz gōw
ēdōn ō ēd ī tō ātaxš fradom pad warzišn bē rasam ohrmazd pad pahrēz ud šnāyēnīdārīh
ka ēdōn pad āb yōǰdāsrēnē ēg ēn gōwišn frāz gōw
āb ēdōn yazam kē xᵛarāča nām
ka ēdōn pad zamīg yōǰdāsrēnē ēg ēn gōwišn frāz gōw
ēn zamīg abāg mādagān yazam abāg ardā_fraward ī mādagān ī wasγniiehe
ka ēdōn pad gōspand yōǰdāsrēnē ēg ēn gōwišn frāz gōw
ān ī gōspandān dahišn āb ud wāstar ān ī awēšān kunišn pahast ī awēšān mardōmān pahlom framāyišn kū =šān gōspandān rāy pahlom kār ēn kird bawēd pahast =ēw bē kunēnd u =š āb ud wāstar dahēnd
ka ēdōn pad urwar yōǰdāsrēnē ēg ēn gōwišn frāz gōw
ēdōn pad ān ī ōy tarsagāhīh ka gāw ī ēk_dād tan bē dād ohrmazd urwar waxšēnīd kū =š be abzāyēnīd
ka ēdōn pad mard ī ahlaw yōǰdāsrēnē ēdōn pad nārīg ī ahlaw yōǰdāsrēnē ēg ēn gōwišn frāz gōw
ān ērmān_xwāhišnīh ā =t ō rāmišn rasišn kū abāyēd madan u =t pad rāmišn abāyēnd kirdan narān ud nārīgān ī zarduxšt
wahman rāmišntom hēnd kū tō =z abāyēd madan u =t pad rāmišn abāyēnd kirdan kē ān ī dēn kāmag arzānīg bawēd pad mizd ī ēdar ud ān ī ānōh
ān ī ahlāyīh tarsagāh xwāstār hēnd hāwišt kū =m pad ān tarsagāhīh ān ī ohrmazd mehīh bawād mowbedān mowbedīh
hašt ahunawar frāz srāyišn yatāahūwayryō nō bē gōw
purdēnam xešm purdēnam nasuš pēš ud pas ay fradom ōh pahikārēm u =š pas ōh purdēnam
purdēnam kē pad hamrēh rēman būd ēstēd purdēnam kē pad padrēh rēman būd ēstēd
purdēnam būšāsp ī zahr_gar ay zahr_garīh ēd kū kē was xufsēd zahr bē bawēd
purdēnam būšāsp ī dagrand_gaw ay dagrand_gawīh ēd kū pad har kas =ēw bē rasēd
purdēnam ān ī parīg kāmagīh ān ī uzdēs paristagīh kē āhōgēnēd ātaxš āb zamīg gōspand urwar
purdēnam ān āhōgēnišn abzār ī ōy kē āhōgēnēd ātaxš āb zamīg gōspand urwar
purdēnam tō duǰdānāg gannāg_mēnōy az mān az wis az zand az deh az ātaxš az āb az zamīg az gōspand az urwar az mard ī ahlaw az nārīg ī ahlawī az star az māh az xwaršēd az ān ī asar_rōšnīh az harwisp ābādīh ī ohrmazd_dād kē az ahlāyīh paydāgīh
čahār ahunawar frāz srāyišn yatāahūwayryō panǰ bē gōw
pahikārēm kē pad hamrēh rēman būd ēstēd pahikārēm kē pad padrēh rēman būd ēstēd
pahikārēm būšāsp ī zahr_gar ay zahr_garīh ēd kū kē was xufsēd zahr bē bawēd ast kē ēdōn gōwēd ay kē =z nē xufsēd zahr bē bawēd
pahikārēm būšāsp ī dagrand_gaw ay dagrand_gawīh ēd kū pad har kas =ēw bē rasēd
pahikārēm ān ī parīg kāmagīh ān ī uzdēs paristagīh kē āhōgēnēd ātaxš āb zamīg gōspand urwar
pahikārēm ān āhōgēnišn abzār ī ōy kē āhōgēnēd ātaxš āb zamīg gōspand urwar
pahikārēm ō tō duǰdānāg gannāg_mēnōy az mān az ātaxš āz āb az zamīg az gōspand az urwar az mard ī ahlaw az nārīg ī ahlawī az star az māh az
čahār mazdā_at̰_mōi frāz srāyišn
panǰ ahunawar frāz srāyišn yatāahūwayryō šaš
ahlāyīh ābādīh ī pahlom ast
dwāzdahom pargard bun
ēg kē pid bē mīrēd mādar ayāb bē mīrēd
čand awēšān abar_mānišnīh
pus az pid duxt az mādar
čand dahmān čand tanāpuhragān
u =š guft ohrmazd sīh dahmān šast tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd yōǰdāsr
u =š guft ohrmazd se bār šōyēd tangān se bār šōyēd wastarg se bār frāz srāyēd gāhān
ēn ātaxš yazēd barsom bandēd āb weh zōhr bard
yōǰdāsr pas būd mān kāmag [space] āb kāmag [space] urwar kāmag [space] amahraspandān spitāmān zardušt
ēg kē pus bē mīrēd duxt ayāb bē mīrēd
čand awēšān abar mānēnd pid az pus mādar az duxt
čand dahmān čand tanāpuhragān
u =š guft ohrmazd sīh dahmān šast tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
se bār šōyēd tan se bār šōyēd wastarg se bār frāz srāyēd gāhān
ēn nūn ātaxš yazēd barsom bandēd āb weh zōhr bard
yōǰdāsr pas būd mān kāmag āb kāmag urwar kāmag amahraspand spitāmān zardušt
ēg kē brādar bē mīrēd xwah ayāb bē mīrēd
čand awēšān abar mānēnd brādar az ān brādar brādar az brād
čand dahmān čand tanāpuhragān
u =š guft ohrmazd sīh dahmān šast tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd yōǰdāsr
u =š guft ohrmazd se bār tan šōyēd se bār šōyēd wastarg se bār frāz srāyēd gāhān ēn ātaxš yazēd barsom bandēd zōhr bard yōǰdāsr
pas būd ān mān kāmag rawad āb kāmag rawad urwar kāmag rawad amahraspandān spitāmān zardušt
ēg mānbed bē mīrēd mānbedag ayāb bē mīrēd
čand awēšān abar pāyišnag čand dahmān čand tanāpuhragān
šaš māh dahmān dwāzdah tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ohrmazd se bār šōyišnag tan se bār šōyišnag wastarg se bār frāz srāyišnag gāhān
ēn nūn ātaxš yazēd barsom bandēd āb weh zōhr bard pāk pas būd mān
ēg kē niyāg bē mīrēd niyāgīg ayāb bē mīrēd čand awēšān abar pāyišnag čand dahmān čand tanāpuhragān
u =š guft ohrmazd wīst_ud_panǰ dahmān panǰāh tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ohrmazd se bār šōyēd tan se bār šōyēd wastarg se bār frāz srāyišnag gāhān ēn nūn ātaxš yazēd barsom bandēd āb weh zōhr bard pāk pas būd mān
kāmag rawad āb kāmag rawad urwar kāmag rawad amahraspand spitāmān zardušt
ēg kē [space] bē mīrēd [space] ayāb bē mīrēd čand awēšān abar pāyišnag niyāg az [space] niyāgīg az [space] čand dahmān čand tanāpuhragān
u =š guft ohrmazd pānzdah dahmān sīh tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ohrmazd se bār šōyēd tan se bār šōyēd wastarg ēn nūn ātaxš yazēd barsom bandēd āb weh zōhr bard yōǰdāsr pas būd mān
kāmag rawad āb kāmag rawad urwar kāmag rawad amahraspandān spitāmān zardušt
ēg kē [space] bē mīrēd [space] ayāb bē mīrēd čand awēšān abar mānišnag čand dahmān čand tanāpuhragān
u =š guft ohrmazd wīst dahmān čēhel tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ohrmazd se bār šōyišnag tan se bār šōyišnag wastarg se bār frāz srāyišnag gāhān ēn nūn ātaxš yazēd barsom bandēd āb weh zōhr bard pāk pas būd mān
kāmag rawad āb kāmag rawad urwar kāmag amahraspandān spitāmān zardušt
ēg kē [space] bē mīrēd [space] ayāb bē mīrēd čand awēšān abar mānišnag čand dahmān čand tanāpuhragān
u =š guft ohrmazd wīst dahmān čēhel tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ohrmazd se bār šōyēd tan se bār šōyēd wastarg se bār frāz gāhān ēn nūn ātaxš yazēd barsom bandēd āb weh zōhr bard pāk pas būd mān
kāmag rawad āb kāmag rawad urwar kāmag rawad amahraspandān spitāmān zardušt
ēg kē čahārome pus rāy pus bē mīrēd ayāb čahārome duxt rāy duxt bē mīrēd čand awēšān abar mānišn tā čand dahmān tā čand tanāpuhragān
u =š guft ohrmazd tā dah dahmān tā wīst tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ohrmazd se bār šōyēd tan se bār šōyēd wastarg se bār frāz srāyišnag gāhān ēn nūn ātaxš yazēd barsom bandēd āb weh zōhr bard pāk pas būd mān
kāmag rawad āb kāmag rawad urwar kāmag rawad amahraspandān
ēg kē yyy bē mīrēd yyy čand awēšān abar mānēnd čand dahmān čand tanāpuhragān
u =š guft ohrmazd panǰ dahmān dah tanāpuhragān
dādār gēhān astōmandān ahlaw
čiyōn mān yōǰdāsrēnēd čiyōn būd pāk
u =š guft ī ohrmazd se bār šōyēd tan se bār šōyēd wastarg se bār frāz srāyišnag gāhān ēn nūn ātaxš yazēd āb weh zōhr bard pāk pas būd mān
kāmag rawad āb kāmag rawad urwar kāmag rawad amahraspandān
spitāmān zardušt
ēg kē kadāriz =ēw ayāb tōhmān bē mīrēd čiyōn ān [space] ān [space] čand spennāg_mēnōy dāmān ham gumēxtēd čand abar gumēxtēd
u =š guft ohrmazd čiyōn wazaγ =iz wēš_hušk tar sāl mīrēd
zīndag and spitāmān zardušt mar druwand dō zang ēdōn ašemōγ anašō spennāg_mēnōy dām ham gumēxtēd
zīndag abar gumēxtēd zīndag āb zanad zīndag ātaxš frāz zīndag gōspand [space] zīndag mard ahlaw frāz bōy sneh bē kunēnd gyān zanēd
nē ēdōn mīrēd zīndag and spitāmān zardušt
mar druwand dō zang ēdōn ašemōγ anašō
mard ahlaw ud xwarišnag ud āhan =iz bē bard
nē ēdōn [space]
ahlāyīh ud ābādīh ast
u =š guft ohrmazd čiyōn wazaγ =iz wēš_hušk tar sāl mīrēd
zīndag and spitāmān zardušt mar druwand dō zang ēdōn ašemōγ anašō spennāg_mēnōy dām ham gumēxtēd
zīndag abar gumēxtēd zīndag āb zanad zīndag ātaxš frāz zīndag gōspand [space] zīndag mard ahlaw frāz bōy sneh bē kunēnd gyān zanēd
nē ēdōn mīrēd zīndag and spitāmān zardušt
mar druwand dō zang ēdōn ašemōγ anašō
mard ahlaw ud xwarišnag ud āhan =iz bē bard
nē ēdōn [space]
ahlāyīh ud ābādīh ast
sīzdahom pargard bun
kadār ān dām ī spennāg_mēnōy dām ī xwēš az awēšān dāmān kē hēnd kū spennāg_mēnōy dām dād
kē pad harwisp ōš pad nēm_šab ul āyēd ān tā_ō hū_waxš pad hazārγenišnīh ō gannāg_mēnōy bē rasēd
u =š guft ohrmazd kū sag ī sezdīg kōfīg ī dārmag sarag kū =š sar ī pōzag bārīg ī vaŋhāparəm nām kē mardōmān abar_pad dušgōwišnīh zūzag nām gōwēnd ay ka nē gōwēnd ā =š weh tuwān hē kirdan
ēdōn ān dām ī spennāg_mēnōy xwēš az awēšān dāmān kē hēnd spennāg_mēnōy dām dād
pad harwisp ōš pad nēm_šab ul āyēd ān tā_ō hū_waxš pad hazārγenišnīh ō gannāg_mēnōy bē rasēd ay har pad ēn and zamān ēn and kund ēn kū čiyōn kund ā =m nē rōšnag ast kē ēdōn gōwēd ay andar rōz ud šabān se bār wēš nē kund
kē =z ōy zanēd spitāmān zardušt sag ī sezdīg kōfīg ī dārmag sarag kū =š sar ī pōzag bārīg ī vaŋhāparəm kē mardōmān abar_pad dušgōwišnīh zūzag nām gōwēnd ay ka nē gōwānd ā =š weh tuwān hē kirdan
ān =iz ī nohom naftīg ī ōy gyān ruwān bē murnǰēnēd kū pad kār ud kirbag kirdan dahišn wattar bawēd
kē awēšān hēnd dušrawag pad čēh_widarg abāz ō ōy kē ōh zanēd
kē nē pad zīndag srōš pāk ul warzēd kū bē nē wizārēd
dādār kē sag zanēd ī sezdīg kōfīg ī dārmag sarag kū =š sar ī pōzag bārīg ī vaŋhāparəm kē mardōmān abar pad dušgōwišnīh zūzag nām gōwēnd ay ka nē gōwēnd ā =š weh tuwān hē kirdan
kadār ōy ast tōzišn
u =š guft ohrmazd kū hazār pad abar_zanišnīh abar zanišn asp_aštar hazār srōšōčarnām
kadār ān dām ī gannāg_mēnōy xwēš az awēšān dāmān kē hēnd kū gannāg_mēnōy dām dād
kē pad harwisp ōš pad nēm_šab ul āyēd ān tā_ō hū_waxš pad hazārγenišnīh ō spennāg_mēnōy dām bē rasēd
u =š guft ohrmazd kū dēw ī zarimangur nām spitāmān zarduxšt kē mardōm abar_pad dušgōwišnīh zairimiiāk nām gōwēnd ay ka nē gōwēnd ā =š kem tuwān hē kirdan
ēd =iz pad ān dām ī gannāg_mēnōy xwēš az awēšān dāmān kē hēnd kū gannāg_mēnōy dām dād
kē pad harwisp ōš pad nēm_šab ul āyēd ān tā_ō hū_waxš pad hazārγenišnīh ō spennāg_mēnōy bē rasēd ay har pad ēn and zamān ēn ōh kund ēn kū čiyōn kund ā =m nē rōšnag ast kē ēdōn gōwēd ay ō āb mēzēd ast kē ēdōn gōwēd ay rōz ud šabān sē bār wēš nē kund
kē =z ōy zanēd spitāmān zardušt dēw kē zarimangur kē mardōm abar_pad dušgōwišnīh zairimiiāk nām gōwēnd ay ka nē gōwēnd ā =š kem tuwān hē kirdan
patitīhā ōy menišn ast patitīhā ōy gōwišn patitīhā ōy kunišn čiyōn ka tanāpuhr =ēw menišnīg ud gōwišnīg ud kunišnīg pad patit bawēd kū bē wizārēd ā =š wināh tanāpuhr =ēw bē kanēd kirbag ōh ēstēd ōy =iz ēdōn
ul warzīd ōy menišn ast ul warzīd ōy gōwišn ul warzīd ōy kunišn sōšyans guft ay ēn rōšk ān =iz rōspīg ēn xūb ud ān nē xūb ast kē ēdōn gōwēd ay ēn mādagwar ud ān abar_wārag kayādurbōzēd guft ay ēn rōšk ud ān warg _mār har dō xūb
kē awēšān sagān zanēd ī pasušhorw ud wišhorw ud wohunazg ud draxt_hunar ay pasušhorwīh ud wišhorwīh pad frayādišn ud draxt_hunarīh ēd kū ka =š hammōzēnd ā kunēnd
xrōsīdtar az ān ī amāh garōdmān xwistagtar ruwān ī xwēš bē rawēd bē pad ān ī nazdīk ox
čiyōn gurg xwēhišn tuwānīg kē xwēhišn tuwān kirdan az ān ī buland wēšag az zahā ī wēšag ka pad razūr gōspand
nē ōy ān ī any ruwān abārīg ruwān ān ī xwēš ruwān pad bē_widerišnīh wārēnēd kū =š ayārōmandīh kirdan nē tuwān az xrōstagīh ud xwistagīh ī =š andar ox ōh kird
nē sag ī puhl_bān sag ī sagān ast kē abzōnīg puhl_bān gōwēd yaiiā̊_asti_aniiō_rašnuš_razištō pad bē_widerišnīh wārēnēd kū =š ayārōmandīh kirdan nē tuwān az xrōstagīh ud xwistagīh ī =š andar ox ōh kird
kē sag pēšag zanēd ī pasušhorw
ul ān ī ōy gōš brīnēd ayāb bē ān ī ōy pāy kirrēnēd
agar az ān čiyōn =iš pēšag bē škast az ān ī ōy gēhān duzz ayāb gurg pad animāyišnīh ka =š bē škast āgāhīh dādan nē tuwān az gēhān bē barēd
pas pad ān ī ōy fšēy tōzēd
tōzēd ān ī ōy sag rēš pad bōdōwaršt tōzišn
kē sag pēšag zanēd ī wišhorw
ul ān ī ōy gōš brīnēd ayāb bē ān ī ōy pāy kirrēnēd
agar az ān čiyōn =iš pēšag bē škast ān ī ōy wis duzz ayāb gurg pad animāyišnīh ka =š āgāhīh dādan nē tuwān az wis bē barēnēd
pas pad ān ī ōy fšēy tōzēd
tōzēd ān ī ōy sag rēš pad bōdōwaršt tōzišn
dādār kē sag zanēd ī pasušhorw pad ān ī frāz az bōy sneh ǰud kirrēnīd gyān
kadār ōy ast tōzišn
u =š guft ohrmazd kū hašt_sad pad abar_zanišnīh abar zanišn asp_aštar hašt_sad srōšōčarnām ay ēn sag ī pasušhorw ān bawēd ka pad gyān bōdōzed kund ka pad pēšag ud pahlūg hamē_zanišn kunēd ā =z ǰuttar nēst ud ēn čahār tanāpuhr and čand bāzā =ēw hamēmālān xwēš ud abārīg ruwānīg pēšag hamēmālān pad xwar ēstēd u =š pahlūg pad arduš ēstēd pas guft bawēd kū pad sag kādōzed nē bawēd
dādār kē sag zanēd ī wišhorw pad ān ī frāz az bōy sneh ǰud kirrēnīd gyān
kadār ōy ast tōzišn
u =š guft ohrmazd kū haft_sad pad abar_zanišnīh abar zanišn asp_aštar haft_sad srōšōčarnām
dādār kē sag zanēd ī wohunazg pad ān ī frāz az bōy sneh ǰud kirrēnīd gyān
kadār ōy ast tōzišn
u =š guft ohrmazd kū šaš_sad pad abar_zanišnīh abar zanišn asp_aštar šaš_sad srōšōčarnām
dādār kē sag zanēd ī tarunag pad ān ī frāz az bōy sneh ǰud kirrēnīd gyān
kadār ōy ast tōzišn
u =š guft ohrmazd kū panǰ_sad pad abar_zanišnīh abar zanišn asp_aštar panǰ_sad srōšōčarnām
ēdōn ǰažuš_vīzuš ēdōn xūkur ēdōn rasūg ī tēz_dandān ēdōn rōbāh ī xwad_āyōxtār ay xwad_āyōxtārīh ēd kū zandag =iz ōh dawēd ēdōn ān ī harwisp spennāg_mēnōy dām sag_tōhmag any az udrag ī ābīg čē ān garā bawēd
dādār kū ast sag ī pasušhorw dādīhā_gāh
u =š guft ohrmazd kū yūǰist az gēhān bē rawēd ud abyōzēd duzz ud gurg kū abāz dārēd ay ēn bīm ī gētī gētīyīhā wēnēd ān ī pad duz gētīyīhā ud mēnōyīhā wēnēd katārəm_biiō ud ān ī mēnōy mēnōyīhā wēnēd
dādār kū ast sag ī wišhorw dādīhā_gāh
u =š guft ohrmazd kū hāsr_masā rāh az wis bē rawēd ud abyōzēd duzz ud gurg kū abāz dārēd ay ēn xwāstag pad drubuštīh ast kē ēdōn gōwēd ay tan_zōrtar az wis bē šawēd
dādār kū ast sag ī wohunazg dādīhā_gāh
u =š guft ohrmazd kū nē čiš xwāhēd az hunarān čē ōy tan xwāhēd srāyišn ay ān ī pasušhorw ud wišhorw kund ēn nē kund bē ēn xrafstar ēw gīrēd ud nasuš ēw zanēd
dādār kē sag tar_pihīh dahēd ī pasušhorw čand pad awēšān kunišnān āstārēd
u =š guft ohrmazd kū čiyōn ka =š andar ox ī astōmand ān ī frāzdom mān mānbed abar tar_pihīh dād hē ēdōn āstārēd ay adwadād har kas ī tōm bē zam kār ud dādestān wēš bē kirdan
dādār kē sag tar_pihīh dahēd ī wišhorw čand pad awēšān kunišnān āstārēd
u =š guft ohrmazd kū čiyōn ka =š andar ox ī astōmand ān ī mayānag mān mānbed abar tar_pihīh dād hē ēdōn āstārēd
dādār kē sag tar_pihīh dahēd ī wohunazg čand pad awēšān kunišnān āstārēd
u =š guft ohrmazd kū mard ēdar ahlaw ka mad ēstēd andar ān ī ōy mān u =š abāg daxšag čiyōn āsrō kū brāh ī wehān dārēd u =š abar tar_pihīh dād hē ēdōn āstārēd
dādār kē sag tar_pihīh dahēd ī tarunag čand pad awēšān kunišnān āstārēd
u =š guft ohrmazd kū čiyōn ka =š andar ox ī astōmand aburnāyag ī dahmān_kird kū az wehān zād ēstēd ī kunišn_warz kū kund ā =š ō bun ka warzēd kunišn ka margarzān =ēw bē kunēd ā =š yāt =ēw ō bun ī gyān abar tar_pihīh dād hē ēdōn āstārēd
dādār kē sag tar_pihīh dahad ī pasušhorw
kadār ōy ast tōzišn
u =š guft ohrmazd kū pad ān ī ōy tanāpuhragānīh dō_sad pad abar_zanišnīh abar zanišn asp_aštar dō_sad srōšōčarnām ay ēn tanāpuhr =ēw rāy garā bawēd čē pad adwadād ōzad ēstēd
dādār kē sag tar_pihīh dahad ī wišhorw
kadār ōy ast tōzišn
u =š guft ohrmazd kū nawad pad abar_zanišnīh abar zanišn asp_aštar nawad srōšōčarnām
dādār kē sag tar_pihīh dahad ī wohunazg
kadār ōy ast tōzišn
u =š guft ohrmazd kū haftād pad abar_zanišnīh abar zanišn asp_aštar haftād srōšōčarnām
dādār kē sag tar_pihīh dahad ī tarunag
kadār ōy ast tōzišn
u =š guft ohrmazd kū panǰāh pad abar_zanišnīh abar zanišn asp_aštar panǰāh srōšōčarnām
dādār kē sag tar_pihīh dahad ī tarunag
kadār ōy ast tōzišn
u =š guft ohrmazd kū panǰāh pad abar_zanišnīh abar zanišn asp_aštar panǰāh srōšōčarnām
čē abar ox ī astōmand spitāmān zarduxšt az spennāg_mēnōy dāmān az =iš tēztar zarmānīh abar rasēd kē sag
kē ēstēd pad axwardārīh abar andar xwardār ay šīšag =iš gōwēd
pēš pāsbān kū xwāstag pānagīh kund ud awindišn kū čiš ī wad dahēnd
bē ān šīrēn ud čarb nān ud spēdbāg abāg gōšt ēw barē xwarišn
sag ēdōn dādīhā_pih
dādār ka andar mān ī mazdēsnān sag aguftār bawēd az adādīhā_xradīh kū tāiiuš bawēd
čiyōn ōy wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū bē_ō ōy ēw barēnd ān ī tāšīd dār abar_pad mars =iš
astāmag ōy rāy bē ēw abyōzēnd xištag_masā ka saxt ud dō ān ī and ka narm
az ān astāmag ī uuaēibiia_naēmaēibiia bē ēw bandēnd
frāz pas ān im ān =iz mars ī uuaēibiia_naēmaēibiia bē ēw bandēnd
agar nē kū nē bē bandēnd sag ī aguftār az adādīhā_xradīh pah ayāb mard rēšēd
bē ān ī ōy rēšēd rēš tōzēd pad bōdōwaršt tōzišn
ka fradom pah zanēd ayāb fradom mard rēšēd dašn gōš ī ōy abar ēw brīnēnd
ka didīgar pah zanēd ayāb didīgar mard rēšēd hōy gōš ī ōy abar ēw brīnēnd
ka sidīgar pah zanēd ayāb sidīgar mard rēšēd dašn pāy ī ōy abar ēw kirrēnand
ka tasom pah zanēd ayāb tasom mard rēšēd hōy pāy ī ōy abar ēw kirrēnand
ka panǰom pah zanēd ayāb panǰom mard rēšēd dum =iz ī ōy abar ēw brīnēnd ay ēn ēd rāy panǰom gōwēd čē =š az čiš =ēw pad weh tuwān xwāstan
ay ēn gōspand ī kadagīg bē ōzanēd ayāb pad mardōmān rēš ham_bun =iz kund yō_aδāitiiō xratuš_bauuaiti ān pad kōfīg rēš kund ēd ēn ī hamē pad gētī ō kušišn ōh rasēd ka ēwēn kund ud ēwān ī ō kušišn ōh rasēd ka fradom ān kund ud pas ēn kōfīg az kadagīg wardēd bē az ān ī ōzadan wardēd
dādār ka andar ān mān ī mazdēsnān sag abōy bawēd adādīhā_xradīh
čiyōn ōy wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū ēdōn ōy rāy bēšāzēnišnīh ēw xwāhēnd čiyōn dahmān =iz ī ahlaw ān pas abarg guft ay bē ōzanēd mēdōmāh guft ay darmān =iš barišn
dādār agar xwāhēnd ud nē windēnd
čiyōn ōy wināh rāy kū_tā nē bawād warzānd awēšān kē mazdēsn hēnd
agar nē kū nē bē bandēnd sag ī abōy pad miznē čāh ayāb wēm ayāb rōd ayāb ō āb ī nāydāg ōbadēd
az ān bē rēšēd
agar az ān bē rēšēd kū bē rēšēd ud kū bē āyēd pas bē mīrēd
az ān kunišn_warz ēdōn bawēnd tanāpuhr bawēd ka dēn bawēd ka margarzān
sag =am dād zarduxšt man kē ohrmazd ham xwēš_wastarg xwēš_mōg kū bē nē az =iš wizārēd
zēnāwand tuxšāg gubrāg kū dēnīg xufsēd tēz_dandān
wīr_sūr kū =š sūr ān ī wīrān gēhān sālār kū xwāstag pānagīh kund
ēg man kē ohrmazd ham ā =m sag bē dād
kē ān zēnāwand pad kirb abar tūrān kū wināhgārān abāz dārēd ay ōh paydāgēnad kū tūrīh wināhgārīh
agar ast ahlāyīh kū =š xrad nēk agar ast kū =š ō gēhān bunīgīh kū pad frārōnīh dārēd
kē =z pad ān ī ōy gōwišn spitāmān zarduxšt abar zēnāwand ast ka ān wāng kund az būšāsp bē bawēd
nē az ān ī ōy wis duzz ayāb gurg pad animāyišnīh kū =š āgāhīh dādan nē tuwān az wis bē barēd
zanišn gurg ka mad ēstēd wisinnišn kū pad dō bē wisinnišn ud rānēnišn gurg snēxrēnīdār kū =š pad ēd kār az pas ōh dawēd ast kē ēdōn gōwēd ay āyišn ō ān ī gurg snehišn
dādār kadār awēšān gurgān zanišntar hēnd ahlaw ohrmazd ka sag andar gurg kunēd ka gurg andar sag
u =š guft ohrmazd kū az awēšān gurgān zanišntar hēnd ahlaw zarduxšt ka sag andar gurg kund kū čiyōn gurg andar sag
ul az ēstišn sag padēnd pasušhorw ud wišhorw ud wohunazg ud draxt_hunar
ka pad zanišn ō gēhān āyēd gurg
awēšān =iz kē andar šud bawēnd kē abōy sag
ōš_xwāstārtar wad_zōrtar ud wad_tagtar ud dušrawišntar wattar_tagtar ud gēhān zadārtar wad_xēmtar čiyōn ān =iz ī any sag
ul az ēstišn gurg padēnd pad zanišn ō gēhān
awēšān =iz kē andar šud bawēnd kē abōy gurg
ōš_xwāstārtar wad_tagtar ud wad zōrtar ud dušrawišntar wattar_tagtar ud gēhān zadārtar wad_xēmtar čiyōn ān =iz ī any gurg ay ēk =iz sneh nē zanēd har dō nēw sneh abar dwārēd ān kē ham gurg ī wad_xōgīh bē ōzanēd
sag ēdōn hašt barišn hašt xēm
ast =iš ēd xēm čiyōn āsrōnān ast =iš ēd xēm čiyōn artēštārān ast =iš ēd xēm čiyōn wāstaryōšān ast =iš ēd xēm čiyōn wēsān ast =iš ēd xēm čiyōn duzān ast =iš ēd xēm čiyōn disān ast =iš ēd xēm čiyōn ǰehān ast =iš ēd xēm čiyōn aburnāyagān
abar xwarišn xwarad čiyōn āsrō kū bē nišīnēd
hušnōhr čiyōn āsrō kū pad ōzārak abar_pad rāmišn bē bawēd
xwāzār čiyōn āsrō wāzag ast kē ēdōn gōwēd kū xūb wāzār čiyōn āsrōān darāγ
kas kū har čē dahēnd bē padīrēd kōdak_sūr kū =š sūr ī wad dahēnd čiyōn āsrō
ast =iš ēd xēm čiyōn āsrōān
raftār ō pēš čiyōn artēštār kū wizēn gīrēd
bē zadār gōspand ī hudāg čiyōn artēštār kū duzz ud gurg abāz dārēd
pēš az =iš pas mān čiyōn artēštār ka gōspand az pahast bē āyēd ā =š pas andar ēstēd
ast =iš ēd xēm čiyōn artēštārān
zēnāwand tuxšāg sahmgēn kū gyāg xufsēd čiyōn wāstaryōš
pēš az =iš pas mān čiyōn wāstaryōš ka gōspand az pahast bē āyēd ā =š pēš andar ēstēd
pas az =iš pēš mān čiyōn wāstaryōš ka gōspand andar_ō pahast šawēd ā =š abāz ō pas andar ēstēd
ast =iš ēd xēm čiyōn wāstaryōšān
huniyāg_gar čiyōn wēs kū ōh dązad duzēd
az nazdīk rēš čiyōn wēs kū abāz wizīrēd
nizār paymān kū frahang wad kunēd rastag paymān kū ān ī kunēd zūd bē hilēd čiyōn wēs
ast =iš ēd xēm čiyōn wēsān
šab_āyōxtār čiyōn duzz
apišmān_xwar čiyōn duzz
ēdōn =iz dušxēm čiyōn duzz ka =š pad čiš =ēw bē gumārēnd bē xwarēd
ast =iš ēd xēm čiyōn duzān
tārīg_kāmag čiyōn dis
šab_āyōxtār čiyōn dis
apišmān_xwar čiyōn dis
ēdōn dušxēm čiyōn dis ka =š čiš =ēw frāz dahēnd abāz nē dahēd
ast =iš ēd xēm čiyōn disān
huniyāg_gar čiyōn ǰeh
az nazdīk rēš čiyōn ǰeh
pad rāh riyag čiyōn ǰeh ast kē ēdōn gōwēd ay andar xwēš_āgāh abāz ō maγ nē nišīnēd
nizār paymān rastag paymān čiyōn ǰeh
ast =iš ēd xēm čiyōn ǰehān
xuftag čiyōn aburnāyag
snēxrēnīdār čiyōn aburnāyag
uzwān drāyēnīdār čiyōn aburnāyag ast kē dagrand_uzwān gōwēd
bē tazad ō pēš čiyōn aburnāyag ka kadag =ēw rōbišnīh ō frēg abganēd ā =š pēš andar ēstēd
ast =iš ēd xēm čiyōn aburnāyagān ay ēn hamē pad sag nē šāyēd būdan ān pad spānahe šāyēd būdan
ka awēšān ī man mān rawānd kū pad rāh šawānd dō ma pas bē rānēnd kū bē ma hilānd ast kē ēdōn gōwēd ay ka =z az awēšān ī man mān rawēnānd kū āhōg kunānd ma pas bē šawānd kū pad dar ma kunānd
kē =z sag ī pasušhorw kē =z sag ī wišhorw
nē ān ī man mān winārd ēstišn būd hē pad zamīg abar ohrmazd_dād kū xwāstag pānagīh nē šāyist hē kirdan ast kē ēdōn gōwēd ay mān winārišn nē būd hē agar man nē dād hē sag ī pasušhorw ud wišhorw
dādār ka sag bē_widard šud mazg kū čāniz nē arzēd pādīrān_šusr kū gādan nē tuwān kū ō ān ī awēšān bōy rasēd
u =š guft ohrmazd kū xān abar ābān rawad spitāmān zarduxšt ānōh az awēšān ō_ham bawēnd dō udrag ī ābīg
kē az hazār sag ī mādag nām az hazār sag ī nar nām pad gumēzag mādag ud nar
ān ī udrag zadār hušk kund ī awāstar sahm
bē nūn az ān ī amāh gyāg ud rōstāg rawad spitāmān zarduxšt šīrēnīh ud čarbīh bē drustīh ud bēšāzēnišnīh bē frā_dahišnīh ud wālišn_dahišnīh ud waxšišn bē ǰōrdāgān wāstarān =iz ārōyišn
dādār kay ō ān gyāg ud rōstāg abāz rasēd šīrēnīh ud čarbīh kay drustīh ud bēšāzēnišnīh kay frā_dahišnīh ud wālišn_dahišnīh ud waxšišn kay ǰōrdāgān wāstarān =iz ārōyišn
u =š guft ohrmazd kū čiyōn guft
pēš az ān ka ēdar ān ī udrag zadār pad ham_zanišnīh bē zanēnd abāg wināh ayāb ān ī udrag ruwān abar dahm frāz yazēnd se rōz se šab
pad sōzišn abar ātaxš frāz_wistarišnīh abar barsom čiyōn pad hōm =ēw ay ēn bē ka pad ēn kār kund u =š šnūman ī ardā_fraward kund nē šāyēd ān ī har dō nē kund u =š šnūman ī srōš kund šāyēd ay udrag ēn =iz ast ān =iz pad dar ī bun_dahišn ēdōn har dō ōzanēnd u =š ōh rawad ud ēn pādifrāh ī az pēš paydāg pad har dō ōh bawēd ast kē ēdōn gōwēd ay ēwāz =ēw pad ān bawēd az sagān būd ēstēd
ahlāyīh ābādīh ī pahlom ast
čahārdahom pargard bun
pursīd zarduxšt az ohrmazd kū ohrmazd mēnōy abzōnīg dādār ī gēhān ī astōmandān ī ahlaw ay ohrmazd dādār ahlaw pad xwānišn ud abārīg pad stāyišn
kē udrag zanēd ī ābīg kē az hazār sag ī mādag nām ud az hazār sag ī nar nām bawēd pad ān ī frāz az bōy sneh ǰud kirrēnīd gyān
kadār ōy ast tōzišn
u =š guft ohrmazd kū bēwar pad abar_zanišnīh abar zanišn asp_aštar bēwar srōšōčarnām sad_haftād tanāpuhr ay pad =iš tuwānīgīh ēdōn wizārišn čiyōn az abestāg gōwēd pad atuwānīgīh ka hamāg yazišn kund šāyēd ka dwāzdah_hōmāst bē kunēnd ā =z šāyēd
bēwar puštag ī ēzm ī saxt ī hušk ī pad rōšnīh nigerīd ō ātaxš ī ohrmazd pad ahlāyīh ī weh ruwān pad tōzišn bē ēw abespārēd
bēwar puštag ī ēzm ī narm bōy rāsān ayāb hugōn ayāb hukird ayāb hayanbāg ayāb kadāriz =ēw ān ī hubōytom az urwarān ō ātaxš ī ohrmazd pad ahlāyīh ī weh ruwān pad tōzišn bē ēw abespārēd
bēwar pad frāz_wistarišnīh ī barsom frāz ēw wistarēd
bēwar zōhr ī hōmōmand ī gōštōmand ī yōǰdāsr kū pāk nigerīd kū pad sālār dāšt ēstēd ī dahmān yōǰdāsrēnīd kū dahmān kird ī dahmān nigerīd kū dahmān pad sālār dāšt kē =š hamgumīh ī awēšān urwar kē guft kū hayanbāg ō āb ī weh pad ahlāyīh ī weh ruwān pad tōzišn bē ēw abespārēd
bēwar az ī uδra_dēsag ul srāyišn bē ēw zanēd ay ul uδra_dēsagīhā ul_srāyišnīhā ēd kū pad aškom dwārēd
bēwar az ī sag karbunag bē ēw zanēd mār_bānūg ay sagīhā ēd kū abāz ō kūn nišīnēd
bēwar kašawag bē ēw zanēd
bēwar wazaγ ī zamīg bē ēw zanēd ay har čē ǰud az āb tuwān nazdīk ī zamīg
bēwar wazaγ ī ābīg bē ēw zanēd
bēwar mōr ī dān_keš bē ēw zanēd abarg mōr ī aswār guft
bēwar mōr ī harg ī kōdak ī agōwišn dušbarišn bē ēw zanēd dārag
bēwar pazūg ī gūh_ward bē ēw zanēd
bēwar maxš ī ērang bē ēw zanēd
bēwar maγ ī rēman az ēn zamīg bē ēw kanēd ān kē andar šust ēstēd ast kē ān ī xwēš dād_gāh gōwēd
dō haft ān ī ātaxš daxšag ō mardān ī ahlawān pad ahlāyīh ī weh ruwān pad tōzišn bē ēw abespārēd
ātaxš kirdār ī abar arzānīgān dō azēr ud dō azabar
yōǰdān astāmag_nigerišn ān kē ātaxš az tanūr pad =iš āwarēnd
ātaxš wazēnīdār =ēw ī gird kūk =ēw
ǰud_kustag az azēr nēmag kū =š bun frāx abāz šawēd ud hamkustag az azabar nēmag kū =š sar andar āyēd
tēš ī tēz tēx ī tēz_šnūg kardēnag ī tēz tēx ī tēz_šnūg xwarg ō mardān ī ahlawān pad ahlāyīh ī weh ruwān pad tōzišn bē ēw abespārēd
kū pad awēšān abzār awēšān mazdēsn ātaxš ī ohrmazd rāy ēzm abar xwāhēnd
harwisp zay ī āsrōnān ō mardān ī ahlawān pad ahlāyīh ī weh ruwān pad tōzišn bē ēw abespārēd
az awēšān zay ī āsrōnān
aštar āšnāg gōšt_dān paywāsag padām
xrafstarγen mārγen srōšōčarnām āšnāg
gumēzag ǰīw_dān gumēzag baxš ān kē hōm urwarān az hāwan pad =iš āwarēnd
hāwan ī dādīhā kird abāg abar_hāwan =ēw tašt ī hōmīg ud barsomīg kē kār abāg hōm ud barsom ud zōhr_brām ast kē tašt ī hōm_pālā gōwēd
harwisp zay ī artēštārān ō mardān ī ahlawān pad ahlāyīh ī weh ruwān pad tōzišn bē ēw abespārēd
az awēšān zay ī artēštārān
fradom aršt čiyōn nēzag didīgar kārd čiyōn šamšēr sidīgar wazr
tasom sanwar kamān
panǰom zēn abāg kantigr abāg sīh ān ī āhanēn sar
šašom kōfēn ī sanwar_bāzā abarg guft ay az sanwar pēš kird ēstēd mēdōmāh guft ay az dōzēnag kird ēstēd abāg sīh ān ī kōfēn sar
haftom zrāy haštom grīw_pān ān ī az targ abāz ō zrāy bast ēstēd
nohom pay_dān ān ī azēr zrāy āwarēnd dahom sārwār ī targ
yāzdahom kamar dwāzdahom rānbān šafšēr
harwisp zay ī wāstaryōšān ō mardān ī ahlawān pad ahlāyīh ī weh ruwān pad tōzišn bē ēw abespārēd
az awēšān zay ī wāstaryōšān
eš u ǰun sēm
ēk =iz āb_waččag bast ān ī az ēš abāz ō ǰuγ bast ēstēd
šānag wārāsīg ud gāw_wazēnīdār gāw_ǰuγ
ān ī asēmēn hāwan gō_band hamāg abzār abāg takōk kamar ī azērīg
ǰōrdā xar ī gird waγdan āsyāg ī pad dast
kas ān kē nērōg pad =iš kanēnd ud kunand bēl
ēk asēm ud ēk zarr
dādār čand ān ī asēm
u =š guft ohrmazd kū čand asp ī gušn pēšag ay barišn
dādār čand ān ī zarr
u =š guft ohrmazd kū čand uštar ī gušn pēšag waččag =ēw
ǰōy ī tazāg āb ō mardān ī ahlawān pad ahlāyīh ī weh ruwān pad tōzišn bē ēw abespārēd
dādār čand ān ǰōy
u =š guft ohrmazd kū pay_bālā ud pay_pahnā ast kē ēdōn gōwēd ay ēdōn čiyōn ōh ēstēd
zamīg ī kišwzār ō mardān ī ahlawān pad ahlāyīh ī weh ruwān pad tōzišn bē ēw abespārēd
dādār čand ān zamīg
u =š guft ohrmazd kū čand awēšān āb tā dō bār pad dō ālagīh pad dō kānagīh abar_pad bālēn frāz ham būd māϑ abar dār
mān =ēw ī gōstān ī nō_hāsr ī nō_namad kū =š wāspuhr nō_tēzag abar nibayist ō mardān ī ahlawān pad ahlāyīh ī weh ruwān pad tōzišn bē ēw abespārēd
dādār čand ān ī mān
u =š guft ohrmazd kū dwāzdah widest ī abardom ud nō widest ān ī mayānag ud šaš widest ān ī nidom
gāh ī xūb wistarag abāg bāliš =ēw bōb =ēw ud bāliš ēw_tāg ō mardān ī ahlawān pad ahlāyīh ī weh ruwān pad tōzišn bē ēw abespārēd
kanīg ī aškand kū drust ud anabarraft kū nē gād ēstēd ō mardān ī ahlawān pad ahlāyīh ī weh ruwān pad tōzišn bē ēw abespārēd
dādār kadār ān ī kanīg
u =š guft ohrmazd kū xwah ayāb duxt abāg wāspuhragān pēšagān abāg gōšwār payrāst pas az pānzdah sāl ō mardān ī ahlawān pad nārīgīh abar wāyēnēd
dō haft pah ī anumē ō mardān ī ahlawān pad ahlāyīh ī weh ruwān pad tōzišn bē ēw abespārēd
dō haft ān ī sag pus ul rasēnēd kū bē parward
dō haft puhl ī rōd frōd ēw wardēd kū frāz ēw abganēd tarist āb ī nāydāg kahas ī ābdān pad dān
dō nōzdah pahast ī adādīhā_kird awērag dādīhā ay kund kū abēdān abāz ēw kund ān =iz ēw sālārēnēd kū gōspand ī xīndag bē ēw nihēd tā panǰ māh pad dān
dō nōzdah sag ēw yōǰdāsrēnēd kū randīd bē kunēnd staft_karāg gyānwar ud ān =iz ī anard_ast viaŋhuua rawag harwisp =iz wattarīh ī pad sagān abar bawēd
dō nōzdah mardān ī ahlawān ēw wāstarēnēd kū =šān sagr bē kund pad gōšt ud xwarišn nān ud hur ud may ay ān =iz ī pad har =iz kund sagr šāyēd ēn bē ka pad ēn sagr nē kund tā nē šāyēd
ān ī ōy ast tōzišn pad xwāstag ān ī ōy ast puhl pad aštar ud srōšōčarnām
ka abar puhlēnīd kū bē wizārēd ēdōn nē anabarpuhlēnīd
andar druz wad mān andar dušox āškārāg dēwān ast ēstišn ast kē ēdōn gōwēd ay āškārāg kū =š ēstišn rōšnag kū gyāg ān gyāg
ahlāyīh ābādīh pahlom ast
pānzdahom pargard bun
čand awēšān kunišnān warzišn kē andar ox ī astōmandān warzānd kū kunānd
ka franāft kū kird apatit kū =š nē pad patit anabāzwarzīd kū nē wizārd ēstēd
az ān ān ī kunišn_warz ēdōn bawēd tanāpuhr bawēd ka dēn bawēd ka margarzān
u =š guft ohrmazd kū panǰ ahlaw zardušt ay ǰār ī panǰ gōwēd
fradom az awēšān kunišnān kē warzānd mardōm
kē mard ī ahlaw ō anī_kāmag kē kāmag nē ān ī amāh ayāb anī_dādestān kē dādestān nē ān ī amāh keh dad ay saxwan ī awēšān hamāg keh
āgāh ēdōn pad ān ī xwēš xrad kū dānad kū wināh bē raft kū dārišn kund har xrad
az ān ān ī kunišn_warz ēdōn bawēnd tanāpuhr bawēd ka dēn bawēd ka margarzān
didīgar az awēšān kunišnān kē warzānd mardōm
kē sag ī pasušhorw ayāb wišhorw ast ī ahmaršt dad ayāb ān ī garm xwarišn
agar =iz awēšān ast andar dandān ayāb andar galōg windad
ayāb ān ī garm xwarišn ud astāmag ay nay ayāb uzwān dazad
az ān bē rēšēd
agar az ān bē rēšēd kū bē āyēd ud pas mīrēd
az ān ān ī kunišn_warz ēdōn bawēd tanāpuhr bawēd ka dēn bawēd ka margarzān
sidīgar az awēšān kunišnān kē warzānd mardōm
kē sag ī ābus zanēd ayāb xwēhēd kū =š az pas ī ōy ōh dawēd ayāb xrōsēnēd kū =š wāng az pas kunēd ayāb pazdēnēd kū =š dast az pas škāfēd
agar =iz ān kē sag pad miznē ayāb čāh ayāb wēm ayāb rōdagišn ayāb ō āb ī nāydāg ōbadēd
az ān bē rēšēd
agar az ān bē rēšēd kū bē āyēd ud pas bē mīrēd
az ān ān ī kunišn_warz ēdōn bawēnd tanāpuhr bawēd ka dēn bawēd ka margarzān
tasom az awēšān kunišnān kē warzānd mardōm
kē nārīg ī čihrōmand ī daxšagōmand ī xōnōmand šusr abar frāz hilēd
az ān ān ī kunišn_warz ēdōn bawēnd tanāpuhr
panǰom az awēšān kunišnān kē warzānd mardōm
kē nārīg ī ābus ōy =iz pēmēnīdag kē šīr andar pestān ōy =iz apēmēnīdag kē nēst šīr saxt ka =š anī =z paymānag pad =iš bē nē šawēd pēš šusr abar frāz hilēd
agar az ān bē rēšēd kū bē āyēd ud pas bē mīrēd
az ān ān ī kunišn_warz ēdōn bawēnd tanāpuhr bawēd ka dēn bawēd ka margarzān
mard zan ī xwēš ābustīh ud pēmēnīdagīh nē kunišn
ka az mard gādan ābustan u =š ōh kunišn
ka aburnāyag pad dāyag bē dahēd šōy nē kunišn
mard gādan ōh kunišn ay čē bawēd ka abāz rasēd
ka aburnāyag bē mīrēd mard =iz gādan nē kunišn
ān kē az =iš ābustan hagriz nē kunišn
zan ī murdag šōy pādixšāy ka aburnāyag pad dāyag bē dahad xwad šōy kunad
kē ō kanīgān abar rawad kū =šān ōh gāyēd
āstāyēnīd_radān kē andar xānag pidarān ud šōy ast ud anāstāyēnīd_radān kē nēst
bē_dādān kē az xānag ī pidarān pad šōy bē dād ēstēd ud abēdādān abāz ō āstāyēnīd_radān pus ōy andar dahēd
ma ān ī amāh kanīg az ān ī mardōmān šarm bē tarist daštān rawēd tarist āb ud urwar rawād pad daštānestān
agar =iz ān kanīg az ān ī mardōmān šarm bē tarist daštān rawēd ud tarist āb ud urwar xwarēd pad daštānestān
pad ōy kunišn_warz abar wināh =ēw
ka pad wiškar pad ēd kār abāz nišīnēd ā =š pad gyāg dēw_ēzagīh tanāpuhr =ēw andar_ō bun bawēd pas wināh ī az wināh gādār
ka čiš pad awināhīh gād ēstēd pas =iz har ān kas kē dānad kū šarm az =iš bawēd ā =š šarm az =iš bē barišn
u =š andar warōmandīh ī az ēn and kas bē barišn az pid ud mād ud xwah az brād ud šōy az sālār ud bandag ud paristār az xwadāy ud bānūg
ka =š šarm az =iš bē barēnd ā =š hamāg ēdōn gōwišn ēn az man abestān u =š nēk dōšāramīhā dārēm
awēšān ēdōn gōwišn kū amāh dānēm u =mān xūb ud nēk sahist
kū =š šarm az =iš burd ā =š pas čand ō ān paymānag pad sālār dārišn auuauuata_aōǰaŋha_yaϑa_yat̰_paṇča_narō
gōgušnasp guft ay ka =š šarm az =iš bē barēd tā anawestwārīh ī paydāgēnīd pādixšāy ka =š pad sālār nē dārišn
kē ō kanīgān abar rawad kū =šān ōh gāyēd
āstāyēnīd_radān kē andar xānag pidarān ud šōy ast ud anāstāyēnīd_radān kē nēst bē_dādān kē az xānag ī pidarān pad šōy bē dād ēstēd ud abēdādān abāz ō āstāyēnīd_radān pus ōy andar dahēd
ma ān kanīg ī amāh az ān ī mardōmān šarm bē ān ī xwēš gabr rēšēd kū rēdak abganēd
agar =iz ān kē kanīg az ān ī mardōmān šarm bē ān ī xwēš gabr rēšēd
pidarān āstārēnēd pid ud mād pidarān rēšēd ān bawēd ka =šān padīrift ēstēd pid ān ī ōy rēš čē rēšēd tōzēd pad bōdōwaršt tōzišn
gādār ka =š pad wināhgārīh gād ēstēd ka =š sē_sad bē dād bē ka =š aburnāyag abāz dahēnd tā pādixšāy ka =š parwarišn nē dahēd
u =š zyānag ābustanīh nē bawēd nē wizārišn
ka =š aburnāyag abāz dahēnd ā =š pādixšāy bawēd nē padīriftag
u =š zyānag ābustanīh nē bawēd ōh wizārišn tā pid zīndag hamē ka =š abāz dahēnd nē pādixšāy bē ka abāz stānēd
ka pid mīrēd abāz dādan kār nēst
ka gādār mīrēd u =š abāz dahēnd mardōm pad dūdag ī gādār nē pādixšāy hēnd bē ka abāz stānēd
u =š nēk dōšāramīhā ōh dārēnd ud ka bahr baxt abāz gumēzišn bahr ī ōy bē dahišn
kē ō kanīgān abar rawad kū =šān ōh gāyēd
agar =iz gōwēd ān kanīg kū pus =ēw mard ī =t warzēd ay az tō ābustan hēm
agar ēdōn gōwēd ān mard kū hanān awēšān zīwišn zīwidārān kē zīndagīh ī mardōmān kāhēnd hampurs
ēdōn ān kē kanīg ō hąn awēšān zīwišn zīnīdārān ham_pursēd
ān kē hąn frāz bard mang ayāb šēd ēk ān ī wištāspān ēk ān ī zarduštān
zanēd kū andar aškomb bē ōzanēd ayāb frāz_abganišnīh kū bē āyēd ud pas bē mīrēd ayāb kadāriz =ēw ān ī bē_tāzišnōmand urwar dārūg =ēw ud čiš =ēw
kū pad ēd pus bē murnǰēnēd
ēdōn ān kē kanīg pad ān pus bē murnǰēnēd
hāwand pad awēšān kunišn_warz bawēnd mard ud kanīg ud hąn
zan ī ābustan sōg nē stānišn
u =š dāyag nē nihišn
u =š sar ā_barag nē kunišn
u =š pušt darmān nē kunišn
u =š dārūg ī pad haftag nē xwarišn
u =š dārūg ī nišāstag nē xwarišn
ka ō gyān mad ēstēd dārūg ī tēz pādixšāy xwarišn
gōgušnasp guft ay ka =š ēk bār gād u =š kār ō dārūg ābustanīhā
kē ō kanīgān abar rawad kū =šān gāyēd
āstāyēnīd_radān kē andar xānag pidarān ud šōy ast ud anāstāyēnīd_radān kē nēst
u =š hamē az ān sālārīh ēw kund tā ka ān kē aburnāyag ul rasēd
u =š nē sālārīh bard
ēdōn ān kē aburnāyag az adādīhā_sālārīh rēšēd
bē ān ī ōy rēš čē rēšēd tōzēd pad bōdōwaršt tōzišn
dādār agar =iz frāz rasēd kū nibayēd warzišn ī aburnāyag =ēw
ā =š kē az mazdēsnān sālārīh barīhēd
u =š guft ohrmazd kū kē ān kanīg abar rawēd ān ham gōgušnasp guft ay andar warōmandīh ēw kund rāmišn ēw kunišn u =š andar_ō bun kunišn
u =š hamē az ān sālārīh ēw kund tā ka ān kē aburnāyag ul rasēd
u =š nē sālārīh bard
ēdōn ō harwispīn mādagān frāz šawišn kū =š ēd =iz kār ōh kunišn dō_padištān =iz čahār_padištān
ān dō_padištān kē kanīg ān čahār_padištān kē sag
dādār agar =iz frāz rasēd kū nibayēd warzišn sag
ā =š kē az mazdēsnān sālārīh barīhēd
u =š guft ohrmazd kū kē ān ōy nazdist mān ul dād ēstēd kū =š xānag dar nazd ā =š pad ōy abar sālārīh
u =š hamē az ān sālārīh ē kund tā ka ān kē sag ul rasēnd
u =š nē sālārīh bard
ēdōn awēšān sag az adādīhā_sālārīh rēšēnd
bē ān ī awēšān rēš čē rēšēnd tōzēnd pad bōdōwaršt tōzišn
ay ēn sag =ēw pad rāh ī šahr būd ēstēd ēk kē xānag dar nazd ōy bē parwarišn
ka mīrēd ōy bē barišn
ān ī pad čahār ī huspārom ēw_čand hēnd āgenēn dar rāst har ēk se šab bē parwarišn
ud pas ka tuwāngarīh paydāg bē_ō ōy ī tuwāngar abespārišn
ka nē bē_ō ōy ī weh abespārišn
gōgušnasp guft ay hamē bē_ō ōy ī weh abespārišn ud ān pad gyāg hambārišn ā =šān pad āgenēn bē parwarišn
ka bē mīrēd ā =šān pad āgenēn bē barišn
ān pad gyāg hambārišn ā =m nē rōšnag kū ēdōn bawēd čiyōn pad rāh ī šahr ayāb ēdōn bawēd čiyōn pad gyāg hambārišn
dādār agar ān kē sag andar uštarestān frāz rasēd
ā =š kē az mazdēsnān sālārīh barīhēd
u =š guft ohrmazd kū ān kē uštarestān ul dahēd kū ōy kird ōy ī xwēš ayāb uštarestān nē ōy kird bē ōy ī xwēš
ā =š pad ōy abar sālārīh
dādār agar =iz ān kē sag andar aspestān frāz rasēd
ā =š kē az mazdēsnān sālārīh barīhēd
u =š guft ohrmazd kū ān kē aspestān ul dād kū ōy kird ōy ī xwēš
ā =š pad ōy abar sālārīh
dādār agar =iz ān kē sag andar gōstān frāz rasēd
ā =š kē az mazdēsnān sālārīh barīhēd
u =š guft ohrmazd kū ān kē gōstān ul dād kū ōy kird ōy ī xwēš ayāb =iš ān gōstān kird ōy ī xwēš ayāb nē kird bē ōy ī xwēš ā =š pad ōy abar sālārīh
dādār agar =iz ān kē sag andar pahestān frāz rasēd
ā =š kē az mazdēsnān sālārīh barīhēd
u =š guft ohrmazd kū kē ān pahestān ul dād kū ōy kird ōy ī xwēš ayāb =iš ān pahestān ast nē ōy kird bē ōy ī xwēš
ā =š pad ōy abar sālārīh
dādār agar =iz ān kē sag ul dēsīd frāz rasēd ēdōn pās =ēw
ā =š kē az mazdēsnān sālārīh barīhēd
u =š guft ohrmazd kū kē ān ul dēsīd kū ōy kird ōy ī xwēš ayāb =iš ān ul dēsīd ast nē ōy kird bē ōy ī xwēš
ā =š pad ōy abar sālārīh
dādār agar =iz ān kē sag andar frōd_kanišnīh frāz rasēd sargēnišn =ēw
ā =š kē az mazdēsnān sālārīh barīhēd
u =š guft ohrmazd kū kē ān frōd_kanišnīh frōd kand kū ōy kand ōy ī xwēš ayāb =iš ān frōd_kanišnīh ast ōy nē kand bē ōy ī xwēš
ā =š pad ōy abar sālārīh
dādār agar =iz ān kē sag abar_pad mayānag ī wāstar frāz rasēd
ā =š kē az mazdēsnān sālārīh abar barīhēd
u =š guft ohrmazd kū kē ān wāstar ul dēsīd kū ōy kišt ōy ī xwēš ayāb =iš ān wāstar ast nē ōy kišt bē ōy ī xwēš
ā =š pad ōy abar sālārīh ay ōh paydāgēnēd kū petyārag ī ō bar rasēd ō grawagān_dār mad bawēd ān ī ō bun rasēd ō fšēy
bē =z ō ān ī ōy gāh ēw barēnd namad vanaza ān ayāb kadāriz =ēw ān ī wistarišnōmand urwar suftag =ēw pardazag =ēw
dādār kay awēšān sag xwēš_zēn xwēš_sūr bawānd
u =š guft ohrmazd kū_tā awēšān sag dō haft mān pērāmōn bē tāxtār bawēnd
pad kāmag pas frāz ēw hilēd pad zamestān ēdōn pad hāmīn
šaš māh sag srāyišn kū =š pānagīh ǰuttar abāyēd kirdan haft sāl aburnāyag
ātaxš ī ohrmazd pus hamāg nārīg
hamāg ay tā =š pad ēn paymānag bē tuwān šudan
hamāg ka bē šawēd nē pādixšāy bē ka abāz ānayēd
tā šaš māh hamē ka bē šawēd nē pādixšāy bē ka abāz hilēd
ka zam frōd ēstēd ā =š ēn ayārōmandīh az pēš paydāg hamē ōh kunišn
dādār agar_ašān kāmag hād mazdēsnān ān ī zīndag sag daxšag mehēnīdan gabr kirdan
čiyōn awēšān wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū ēdōn ōy wināh rāy kū_tā nē bawād awēšān kē mazdēsn hēnd ēn zamīg pad frōd_kanišnīh frōd ēw kanēnd andar mayān ī pahestān
tā_ō mayān ī padištān ka saxt zamīg tā_ō mard mayān ka narm
fradom =iš bē ēw bandēnd az aburnāyag ēd kū_tā =šān nē gazād ēdōn kē ātaxš ī ohrmazd pus kū_tā =š andar nē rēšēd
u =š hamē az ān sālārīh ēw kund tā ka ān tā ān ī any sag bē rasēd
abar ka az pas kū ān kas abāz wardēd kū nē ān ī pas ōy ī pēš ēdōn rēšēd
kē sag ī abus sēyēn burdār tan ī xwēš pus ud pēm raft =iz araft =iz ēdōn =iz pus bard čiyōn sagān burdārīh
dādār kē sag ī abus sēyēn burdār tan ī xwēš pus ud pēm raft =iz araft =iz ēdōn =iz pus bard čiyōn sagān burdārīh
kadār ōy ast tōzišn
u =š guft ohrmazd kū haft_sad pad abar_zanišnīh abar zanišn asp_aštar haft_sad srōšōčarnām ay ēn sag ī wohunazg ābusīh rāy garā būd kē ǰuttar gōwēd wišhorw
ahlāyīh ābādīh ī pahlom ast
šāzdahom pargard bun
dādār ī gēhān ī astōmandān ahlaw
ka andar mān ī mazdēs_nān nārīg ī čihrōmand kū zard daxšagōmand tahīg xōnōmand daštān nišīnēd
čiyōn ō wināh rāy kū_tā nē bawād warzānd awēšān kē mazdēsn hēnd
u =š guft ohrmazd kū ēdōn ō wināh rāy kū_tā nē bawād warzānd awēšān kē mazdēsn hēnd rāh bē ēw wizīnēnd rāh ī ō daštānestān
bē az urwar ān =iz ī wašt ēstēd ō esmīh ēk ān ī ō esmīh wašt ēstēd ud ēk ān ī nē wašt ēstēd
ān hušk xāk pad ān ī ō gāh/rāh bē ēd dahēnd
ay ka pad gyāg bē šawēd ud ka =iz dast ō barsom dārēd ā_z rēman nē kunēd
ka ēdōn bē tuwān šudan ud ka abāz ō paymānag āyēd ōh kunēd
ka pad gyāg andar_ō kār ēstēd wastarg ī pad tan dārēd rēman nē kunēd
pad andar gyāg ō kār ēstēd ud ān ka wāz dārēd ā =š wāz bē gōwišn ā =š kustīg pad angustag/naxustag abāz wisāyišn
ka =š dar ī ayāb rōzānag =ēw ī ō pēš ā =š pad angustag abāz kunišn andar warōmandīh =ēw tā_ō šarm_gāh pādixšāy ka nē nigerēd gōgušnasp guft ay pad =iz ēwarīh pādixšāy
ka ēn rōz dānēd kū man did daštān būd ham ā =š ham_karzag az dānistan frāz abārīg tis ast kē ēdōn gōwēd ay tahīg az bunīh abārīg tis az dānistan
frāz pad šab ka gumānīg bē bawēd nigerīdan rāy ātaxš pādixšāy abrōxtan ud pas daštān ā =š frāz nē kunišn
ka wāz dārēd ā =š daštān bē āyēd ā =š wāz bē gōwišn u =š gumānīg nēst ud ka šusr ayāb pēšyār bē āyēd ā =š nask pad čamīh ōh gōwišn u =š drāyēd
frāztar az awēšān mān =ēw warzānd kū daštānestān bē ēd kunēnd
ayāb nēmag ayāb srišwadag ayāb čahrušwadag ud panǰwadag u =š kār nēst daštānestān ōh kunišn
wehān pōryōtkēšān ōh kird pad hambaragān nē kunišn čē =šān kird wināh
andar dast tā andar_ō kār kunēd pad harw kār =ēw šāyēd ud ka =š andar_ō kār kunēd andarōn bērōn hixr ī pad āb pādixšāy wirāstan
ka kand xwēd pāk ka nē pad ēd kār kird ēstēd ka =š azēr was andar āhīt̰ā_z hamē ka bē āyēd pāk
sōšyans guft ay ka se daštān māh pad mehmānīh andar āhīd tahīg ī rēman u =šān wistarag =iz ǰuttar nē guft
ka hošt pand =ēw pad ēd kār kird ēstēd ān ī and gyāg tahīg rēman
agar nē nārīg ātaxš abar wēnēd brāh xwarg ka wēnēd wināh ud wināh nē kird ēstēd
ātaxš andar se gām tanāpuhr =ēw ud ātaxš bē az se gām ud āb andar se gām ēd bē az se gām hamē ka wināh
ud wināh nē kird ēstēd ast kē panǰ srōšōčarnām gōwēd ēk garzišnīg ud ēk nē garzišnīg ān ī garzišnīg āb bē ēd dānam kū xwarg brāh ka wēnēd wināh bē ka nē wēnēd
dādār ī gēhān ī astōmandān ī ahlaw
čand drahnā az ātaxš čand drahnā az āb čand drahnā az barsom pad ahlāyīh frāz wistard čand drahnā az mardān ī ahlawān
u =š guft ohrmazd kū pānzdah gām az ātaxš pānzdah gām az āb pānz_dah gām az barsom pad ahlāyīh frāz wistard se gām az mardān ahlawān
ay pad wēnišn ēn and tis rēman kunēd barsom ud aybyānghan ud zōhrag ǰīw =iz pad ēd =šān
sōšyans guft ay pādyāb =iz ōh kunēd ēdōn čiyōn sōšyans guft ka =š dast pad pādyābīh ōh paymānag ud paymānīh pad rāh ī nihangtar ptmšn hamē ka pad paymānag rāst šāyēd bē ān ēw_tom ka apādyābīh azabar ud pādyābīh azēr rāst ān ka_z abēr was ā_z nē šāyēd
nišāpuhr guft ay wars ud handām bē az se gām rēman nē kunēd ud paywāsag =iz pad ēd_šān
dādār ī gēhān ī astōmandān ī ahlaw
čand drahnā bē ēstād ān kē nārīg čihrōmand daxšagōmand ī xōnōmand xwarišn frāz barād
u =š guft ohrmazd kū se gām bē ēd ēstēd ān kē ō nārīg čihrōmand daxšagōmand ī xōnōmand xwarišn frāz barād
u =š pad čē xwarišn frāz barād u =š pad čē ǰōrdā frāz barād
pad āhanēn ayāb pad srubēn ayāb pad nidom šahrewar
u =š čand xwarišn frāz barād u =š čand ǰōrdā frāz barād
dō dānar ān ī tayar nān ud ēd dānar ān ī šusr may
agar nē nārīg nīnirīzīh kū sagr
ay ēn dānar kār =ēw nē dānam harw čē bērōn pādixšāy xwardan andarōn =iz pādixšāy pad =iz sagrīh pādixšāy
sōšyans guft ay andar sē_šabag gōšt ī tābag nē pādixšāy xwardan čē daštān stahmagtar bawēd
ē_čand pad ēk gyāg nišastan xwardan xuftan pādixšāy hēnd u =šān pad pih gāh dast pad gōmēz bē šōyišn u =šān drōn pad šnūman ī srōš ul gōwišn ast kē iϑā aṣ̌əm_vohū gōwēd
xwarišn az zan ī daštān bē pardazēd pad =iz ān =iz kār nēst nē šāyēd pad ǰud_pih pad ōy ham nē šāyēd
nišāpuhr guft ay pad xānag ī amāh ā =šān kas =ēw abāz nišast kē bē xward padixšwar ī zan ī daštān pad ǰud_pih pad gōmēz bē šōyišn ast kē ēdōn gōwēd ay pad =iz ham pih zan ī daštān xwarēd astag pad āb pādixšāy mihr kayādurbōzēd guft ay ān ī mowbedān mowbed xwarēd nē pādixšāy
agar aburnāyag frāz rasēd kū az daštān bē āyēd
dast ī ōy fradom frāz ēw šōyēd kē aburnāyag
ōy aburnāyag ān tan ī xwēš u =š bē šōyišn
ka az daštān bē āyēd ka az daštān šustan bīm nēst ā =š šōyišn hamē ka az šustan bīm ā =šān nē šōyišn ud u =š pahrēzišn ud kē abāg zan ī daštān ham_karzag bawēd ā =š tan ud wastarg pad gōmēz ud āb bē šōyišn kē tan abāg wastarg ud wastarg abāg wastarg bē pad čāštag ī sōšyans čān =iz nēst
daštān ēd ka az tan bē_ō wastarg ōftēd hamē ān_and gyāg ast kē ēdōn gōwēd ay ka az tan bē_ō wastarg ōftēd hamāg kayādurbōzēd guft ay
agar nārīg xōn ham wēnēd ham_bun =iz ka ō sē_šabag bē sazēd pad ān armēštān_gāh ān ēw nišīnēd hamē az ān tā ka ō čahār_šabag bē sazād sōšyans guft
agar nārīg xōn ham wēnēd ka ō čahār_šabag bē sazēd pad ān armēštān_gāh ān ō nišīnēd hamē az ān tā ka ō panǰ_šabag bē sazād
agar nārīg xōn ham wēnēd ka ō panǰ_šabag bē sazēd pad ān armēštān_gāh ān ō nišīnēd hamē az ān tā ka ō šaš_šabag bē sazād
agar nārīg xōn ham wēnēd ka ō šaš_šabag bē sazēd pad ān armēštān_gāh ān ō nišīnēd hamē az ān tā ka ō haft_šabag bē sazād
agar nārīg xōn ham wēnēd ka ō haft_šabag bē sazēd pad ān armēštān_gāh ān ō nišīnēd hamē az ān tā ka ō hašt_šabag bē sazād
agar nārīg xōn ham wēnēd ka ō hašt_šabag bē sazēd pad ān armēštān gāh ān ō nišīnēd hamē az ān tā ka ō nō_šabag bē sazād
agar nārīg xōn ham wēnēd ka ō nō_šabag bē sazēd
kayādurbōzēd guft ay andar sē_šabag nē nigerišn čē ka abēr pāk u =š nē pādixšāy šustan u =š rōz ī čahārom bē nigerišn ka pāk rōz ī panǰom pad gyāg pādixšāy šustan
sōšyans guft ay andar sē_šabag tahīg kār tā nō_šabag hamē ka pāk bē bawēd ā =š ēd rōz šabān tahīg rāy bē pāyišn u =š pas ō šōyišn
pas az nō_šabag tahīg kār nēst čē hamē ka pāk bē bawēd pad gyāg bē pādixšāy šustan bē ān ēw_tom ka se šab pad pākīh nišast ayāb =iš daštān māh abāz ō bun āyēd čē =š ān daštān az bunīh tahīg ud harw tis ēdōn bawēd čiyōn daštān ast kē ēdōn gōwēd ay ēdōn bawēd čiyōn wattar dādestāntar čē pad harw dō ō mar āyēd ka =š ka tahīg pad =iš bē šud tis ān rasēd ī =š bē šustan nē tuwān ā =š dast ōh šōyišn u =š wāz ōh gīrišn
ēg ō ōy petyārag abar burd dēw ān ī dēwān yazišn ud niyāyišn ay az nūn frāz hamē nīrmad dēwān
ēdōn ō wināh rāy kū_tā nē bawād awēšān mazdēsn rāh bē ēw wizīnēnd rāh ī ō šustan bē az urwar ān ī wašt ēstēd ō esmīh ēk ān ī esmīh wašt ēstēd ēk nē wašt ēstēd
ēdōn ō wināh rāy kū_tā nē bawād warzānd awēšān kē mazdēsn hēnd ēn zamīg se maγ bē ēw kanēnd
dō maγ frāz ēw šōyēnd pad gōmēz ēk pad āb ēd xūb kird sōšyans az ēn gyāg paydāgēnēd kū hixr nē abzōnišn hēnd tis rēman ōh kunēd kayādurbōzēd guft ay nē kunēd ēn ēdōn bē šawēd ka ō ān gyāg rasēd ā =š tahīg pad =iš bē šud
xrafstar bē zanēd mōr ī dānag_keš ka pad hāmīn dō_sad
ayāb kadāriz =ēw ān gannāg_mēnōy xrafstar bē ēw zanēd ka pad zamestān
ka ān kē mazdēsn ān nārīg čihrōmand daxšagōmand xōnōmand daxšag ul warzēd kū daštān nihān abāz kunēd
kadār ō ast tōzišn
u =š guft ohrmazd kū pad ān ōy tanāpuhrīgānīh dō_sad pad abar_zanišnīh abar zanišn asp_aštar dō_sad srōšōčarnām
ay ka pad wiškar pad ēd kār ul menēd ā =š pad gyāg dēw_ēzagīh rāy tanāpuhr =ēw andar_ō bun bawēd ud pas wināh az wināh
dādār ī gēhān ī astōmandān ī ahlaw
ka nārīg čihrōmand daxšagōmand xōnōmand was bār pad kāmag_kunišnīh tan gumēzēd kū =š was bār abāg ham_karzag bawēd
tā ka ān ī ōy čihrag daxšag bawēd kū az zardīh abāz ō tahīg wardēd ayāb ān ī ō daxšag čihrag bawēd kū az tahīg abāz ō zardīh wardēd
kadār ō ast tōzišn
u =š guft ohrmazd kū pad fradom abar_rawišnīh ud fradom nišīnišnīh sīh pad abar_zanišnīh abar zanišn asp_aštar sīh srōšōčarnām
pad didīgar abar_rawišnīh ud didīgar abar_nišīnišnīh panǰāh pad abar_zanišnīh abar zanišn asp_aštar panǰāh srōšōčarnām
pad sidīgar abar_rawišnīh ud sidīgar abar_nišīnišnīh haftād pad abar_zanišnīh abar zanišn asp_aštar srōšōčarnām
tasom abar_rawišnīh tasom abar_nišīnišnīh ēn wastarg andar frāz rasēd ēn andar ī āhōgēnišnīh rānag frāz rasēd abāz hilēd bē az šusr
kadār ō ast tōzišn
u =š guft ohrmazd nawad pad abar_zanišnīh abar zanišn asp_aštar nawad srōšōčarnām ay ēn ka bār ī fradom kird ay az ēdōn hē
kē nārīg čihrōmand daxšagōmand xōnōmand šusr frāz hilēd
nē weh az ān kunišn warzēd čiyōn ka pus ī xwēš_zādag frāz pad āgenišn nasā poxt hē
u =š abar_ō ātaxš us burd ay nē pad handāzag bē čiyōn ān =iz nē weh ēn =iz nē weh
harwisp druwand hēnd u =šān andar tan druz dārēnd kē adāšt_dādwar kū dādwar pad dādwar nē dārēnd
harwisp kē adāšt_dādwar hēnd awēšān asrōš hēnd kū =šān xwadāy pad xwadāy nē dāšt bawēd
harwisp kē asrōš hēnd awēšān anahlaw hēnd kū druwand hēnd
har_wisp anahlaw hēnd kū az ēn tis druwand būd ēstēd
awēšān tanāpuhrīgān hēnd margarzān hēnd
haftdahom pargard bun
pursīd zarduxšt az ohrmazd kū ohrmazd mēnōy ī abzōnīg dādār ī gēhān ī astōmandān ahlaw
pad kadār margīh pad kadār wināhkārīh ōzōmandīhātom tuxšāgīhātom kē mardōmān čiyōn kē dēwān pad gōwišn yazēd ōy pad kunišn yašt bawēd
u =š guft ohrmazd kū pad ān ahlaw zarduxšt
ka andar ox ī astōmand wars =iz ī ō_ham ārāyēnd kū bē wizārēnd wars =iz abar brīnēnd srū =iz abar brīnēnd
ēdōn ān abar tōšēnēnd andar ūnān andar sūrāg ayāb andar rēšišn andar drēm
ēg pad ān ī ǰud_dēnīgīh ka ǰuttar kunēd kū ān ī abāyēd kirdan andar zamīg dēw ō_ham bawēnd
ēg pad ān ǰud_dādestānīh ka ǰuttar kunēd kū ān ī ōh abāyēd kirdan andar zamīg xrafstar ō_ham bawēnd
kē mardōmān spiš nām gōwēnd
kē ān ī mardōmān ǰōrdā andar ǰōrdāyān bē ǰōyēnd wastarg andar wastargān
ēg ka tō zarduxšt andar ox ī astōmand wars =iz ō_ham ārāyē kū ōh wizārē wars =iz ōh ham brīnē srū =iz abar brīnē ay ast kē mōy ud nāxun gōwēd
ēg tō pas bē barē dah gām az mardān ī ahlawān
ay ka spiš =ēw ayāb rišk =ēw tāg pad ēd menišn bē abganēd kū ul nē stanam ā =š pad gyāg dēw_ēzagīh rāy tanāpuhr =ēw andar_ō bun bawēd ud pas wināh ī az wināh
ka nē pad ēd menišn bē abganēd wēš nēst kū se srōšōčarnām =ēw ast kē ēdōn gōwēd ay ka bē sōzēnd ayāb bē pōstēnd wēš nēst kū se srōšōčarnām
ka abēr was pad tan dārēd yazišn kunēd ōh bawēd rōšn guft ay ka ēd hixtag pad tan dārēd yazišn kunēd nē bawēd
wīst gām az ātaxš sīh gām az āb panǰāh gām az barsom ī pad ahlāyīh frāz wistard ay ēn rāy garā bawēd čē pad mehmānīh bē nihēd
ēg ānōh ōh maγ bē kanē ēw dišt kū saxt zamīg ēw widest ka narm
abar_ō ānōh ān barē
ēg ēn gōwišn frāz gōwē pērōzgar zarduxšt
ēdōn pad ān ī ōy tarsāgāhīh ka gāw ēk_dād tan bē dād ohrmazd urwar waxšēnēd kū bē abzāyēnēd
pad ēw šahrewar pad pērāmōn_kārišnīh pērāmōn =ēw kārē se ayāb šaš ayāb nō
ahunawar =iz frāz srāyē se ayāb šaš ayāb nō
ēn kū fradom aṣ̌əm_vohū se frauuarāne čē gāh dārēd ud šnūman ī srōš u =š wāz frāz gīrišn
dūrag bālā ēdōn kunišn čiyōn abestāg gōwēd u =š pahnā ēdōn kunišn ka bē hambārēd abāg zamīg ay rāst ast kē ēdōn gōwēd ay pad gyāg wēš kū ēd must nē nihišn
ka =š ēw bār pad abestāg nigān kird hamē ka paydāg bawēd ā =š nē pad abestāg nigān abāz kunišn ay dād ōš ān ī murdagān ōh kird u =š abestāg nē guft
srū rāy maγ bē kanišn az kustagtar nēmag ī mān
ān ī and abar čand ān ī kehist angust frāztom bančag
abar_ō ānōh barē
ēg ēn gōwišn frāz gōwē pērōzgar zarduxšt
ašawahišt wahman kē srūd ēstēd pad ān ī fradom maγīh pad ān ī fradom abēzag wehīh
pad šahrewar pad pērāmōn_kārišnīh pērāmōn ēd kārē se ayāb šaš ayāb nō
ahunawar =iz frāz srāyē se ayāb šaš ayāb nō
ēn kū fradom aṣ̌əm_vohū se frauuarāne čē gāh dārēd ud šnūman ī srōš u =š wāz frāz gīrišn
dūrag bālā ēdōn kunišn čiyōn az abestāg gōwēd u =š pahnā ēdōn kunišn ī =š ēk_ēk andar bē ēstēd paiti_tē_mərəγa_ašō_zušta
ǰud_dādestān hēnd ast kē pēš gōwēd ast kē pas
abar_ō tō murw ī ašōzušt ā =t ēn srū niwēyēnam kū ēn srū bē_ō tō niwēyēnam
u =t ō ēn srū niwēyēnam kū tō bē_ō ēn srū niwēyēnam
awēšān srū tō murw ašōzušt ā =t bawād arštar kārd ud sanwar ud tigr =iz ī xrōs_parr ud sag =iz ī kōfēn abar_ō dēwān māzanīgān
agar nē abar niwēyēnam kū paiti_tē_mərəγa nē gōwēnd awēšān srū pas bawēnd māzanīgān dēwān arštar kārd ud sanwar tigr =iz xrōs_parr ud sag =iz ī kōfēn ō dēwān ī māzanīgān
harwisp druwand hēnd u =šān andar tan druz dārēnd kē adāšt_dādwar hēnd kū dādwar pad dādwar nē dārēnd
harwisp kē adāšt_dādwar hēnd awēšān asrōš hēnd kū =šān xwadāy pad xwadāy nē dāšt bawēd
harwisp kē asrōš hēnd awēšān anašō hēnd kū druwand hēnd
harwisp kē anahlaw hēnd kū az ēn tis druwand būd ēstēd awēšān tanāpuhrīgān hēnd kū margarzān hēnd
haštdahom pargard bun
was mardōmān hēnd ēd =šān guft =iš ohrmazd kū ēd ahlaw zarduxšt ay mardōmān andar gēhān was ast kē ēdōn gōwēd ān ī čiyōn ēn was
padām any barēd anaybyāst pad dēn kū =š yašt nē kird ēstēd ast kē ēdōn gōwēd ay pad dēn nē menišnīg ēstēd
az frēbišn bē kas_ān āsrōīh gōwēd xwēš ēw gōwēd kū mard weh mard ham
ma ō rāy gōwē āsrō ēd_šōn guft ohrmazd kū ēd ahlaw zarduxšt
padām az harw tis =ēw šāyēd tā pad dahān abāz dārēd dō angust ōh abāyēd az ān gyāg paydāg baē_ərəzu_fraϑaŋhəm
padām =ēw dō tā pad grih bē āyēd dō bāy šāyēd ast kē ēdōn gōwēd ay dāštār =ēw pas guft bawēd kū harw tis ast šāyēd
taškanag az ān gyāg šāyēd kustīg =iz šāyēd pad padām =ēw wēnīg ēwēnag taškanag drōn bē adwadād rāy tā nē pādixšāy yaštan yazišn pādixšāy sāxtan
xrafstarγen any barēd mārγen anaybyāst pad dēn
az frēbišn be kas_ān āsrōīh gōwēd
ma ō rāy gōwē āsrō ēd_šōn guft ohrmazd kū ēd ahlaw zarduxšt
padām az harw tis =ēw šāyēd tā pad dahān abāz dārēd dō angust ōh abāyēd az ān gyāg paydāgēnīd baē_ərəzu_āi_ašāum_zaraϑuštra
mārγen az harw tis =ēw šāyēd čarmēn weh az ān gyāg paydāg vohu_manaŋha_ǰanaiti_apəmčit̰_aŋrō_maińiiuš
urwar any barēd barsom ast kē kwtynˈ gōwēd anaybyāst pad dēn
az frēbišn be kas_ān āsrōīh gōwēd xwēš ēw gōwēd kū mard weh mard ham
ma ō rāy gōwē āsrō ēd_šōn guft ohrmazd kū ēd ahlaw zarduxšt
aštar ud mārγen kū ōh garzēd ast kē ēdōn gōwēd ay ōh wizārēd anaybyāst pad dēn
az frēbišn be kas_ān āsrōīh gōwēd xwēš ēw gōwēd kū mard weh mard ham
ma ō rāy gōwē āsrō ēd_šōn guft ohrmazd kū ēw ahlaw zarduxšt
kē nibayēd hamē tarist šab ayaštār ud asrūdār kū abestāg pad yazišn srāyišn mehmān nē gōwēd
ašmurdār awarzīdār asaxwan u =š ō dēwān kāmag pad gyān zanēd nēkīh ī činwand_puhl
az frēbišn be kas_ān āsrōīh gōwēd xwēš gōwēd kū mard weh mard ham
ma ō rāy gōwē āsrō ēd_šōn guft ohrmazd kū ēw ahlaw zarduxšt
ōy rāy gōwē āsrōīh ēd_šōn guft ohrmazd kū ēd ahlaw zarduxšt
kē hamāg tarist šab xrad pursēd ī ahlawān kū hērbedestān kunēd kū tis ī frārōn hammōzēd
ā az tangīh bōxtārīh ān ī xrad frāxwīh_dādār pad čēh_widarg huaxwīh_dādār nēw_dilīh pad čēh_widarg
axw_arzānīg gyāg ī ahlāyīh_arzānīg kār ud kirbag pahlom_arzānīg mizd pādāšn andar ān ī pahlom axwān
abāz az man abēzag pursē kē dādār ham kū dām man dād abzōnīg_tom kū az tis ī was tis man dānam āgāhtom kū pad marag man wēš dānam passox_guftārtom pad pursišn kū az ān kē pursišn az =iš kunēd u =š passox man weh daham
čē ēdōn tō ast weh ēdōn bawē abzōnīg agar az man abāz pursē
pursīd zarduxšt az ohrmazd kū dādār ī gēhān ī astōmandān ī ahlaw pad =iš kē ast seǰ ī nihān_rawišn kū =š mehmānīh pad kē u =š rawāgīh az čē wēš
u =š guft ohrmazd kū pad ō wattar dēn nimūdār spitāmān zarduxšt ašemōγ ī frēftār
kē sē_zarmay radīh aybyānghan nē aybyānghanēd kū se sāl šabīg ud kustīg nē dārēd ast kē ēdōn gōwēd ay kē andar ān sē_zarmay radīh aybyānghan nē aybyānghanēd ān sāl ī tasom ast ālest ast kē plnbč ud ‘plnbč ā =š ēd pad dād kū šabīg kustīg nē abāyēd dāštan
nē gāhān srāyēd nē āb ī weh yazēd
kē =iz ān man mard ō tangīh grift ēstēd kū =š paštag pad =iš grift ēstēd ā =š ō frāxwīh ul barēd kū =š rahag kunēd
nē weh az ān kunišn warzēd čiyōn ka =š pōst_pahnā kamāl kird hē kū =š sar brīnēd ēstēd u =š zīndag abāz kird hē
čē ēk ahlomōγ ī wadag ī anahlaw ā =š zānag_drahnā ast āfrīn nifrīn
didīgar uzwān_drahnā sidīgar nē ēč
kē ēk ašemōγ ī wadag ī anahlaw ā =š hōm hunīd dahēd zōtīh
ēg ān ī ul franāft myazd ēd gōwēd ay ān myazd wehān arzānīgān
nē weh az ān kunišn warzēd čiyōn ka =š ān ī hazāragān asp hēn dušmen panǰ_sad mard ī dō asp az artēštārān paydāg rawēnīd hēnd abar_ō ān ī mazdēsnān wis zanēd mardōm bē gōspand pad wardagīh rawēnēd ay ka =š ō zōtīh dahēd tanāpuhr ud ka rawāg bē kunēnd margarzān
pursīd zarduxšt az ohrmazd kū dādār ī gēhān ī astōmandān ī ahlaw
kē =š ast srōš_ahlī tagīg tan_framān kū tan pad framān ī yazadān dārēd škeft zēn barōiϑrō_taežim_xᵛatā_fraš́ušaiti_sraōšō_aṣ̌iiō srōšāwarz kū rāyēnīdār ī gētī kē
u =š guft ohrmazd kū murw ī parōdarš nām spitāmān zarduxšt ay parōdaršīh pēš daxšagīh u =š pēš daxšagīh ēd kū fradom bārag kū parr škāfēd pas wāng kunēd
kē mardōmān abar_pad dušgōwišnīh kark nām gōwēnd ast kē xrōs gōwēnd ay ka nē gōwēnd ā =š weh tuwān hē kirdan
ān murw wāng barēd abar_pad ōš ī abzār pad nēm_šab ul āyēd
kū ul_ēstīd mardōm =ēd stāyēd ahlāyīh ī pahlom nikōhēd dēwān ka =šān ahlāyīh stāyīd ā =šān dēw nikōhīd bawēnd
čē ēd kē ō ašmāh dwārīd ēstēd būšāsp ī dagrand gaw ast kē ēdōn gōwēd ay čē ēd ō ašmāh dwārīd ēstēd būšāsp ī dagrand gaw
kē ān ī harwisp ox ī astōmand pad āgenēn frāz gubrāsišnīh ka harw kas =ēw az būšāsp bē abāyēd būdan ā =š bē xufsēnēd
ēd gōwēd ay xufsēd daregōš mardōmīd čē nē ān ī ašmāh sazēd kū =tān kār ud dādestān bē nē mānēd
u =tān ma se pahlomīh abar xwēš bawād humat pad menišn hūxt pad gōwišn huwaršt pad kunišn ast kē ēdōn gōwēd ay dēn gōwēd kū būšāsp ēd rāy gōwēd kū_tā =tān se pahlomīh abar xwēš bawād humat pad menišn hūxt pad gōwišn huwaršt pad kunišn
ut_ān se wattomīh abar xwēš bawād dušmat pad menišn dušhūxt pad gōwišn dušhuwaršt pad kunišn
ēg ān ī man fradom srišwadag ī šab ātaxš ī ohrmazd mān mānbed xwāhēd ō ayārīh
kū mān mānbed ul ēst
abar wastarg aybyānghan frāz dast šōyīd esm xwāh man barēd padīrag man abrōz pad esm ī yōǰdāsr frāz šust dast
čē bē man āz ī dēwān_dād ā =m =š pēš tazišn ī ox bē darrīdan sahēd
ēg ān ī man didīgar pad srišwadag šab ātaxš ī ohrmazd wāstaryōfšē xwāhēd ō ayārīh hamēšag kār_ē
kū fšēy wāstar ul ēst
abar wastarg aybyānghan frāz dast šōyīd esm xwāh abar man barēd padīrag man abrōz pad esm ī yōǰdāsr frāz šust dast
čē bē man āz ī dēwān_dād āmīh pēš tazišn ī ox bē darrīdan sahēd
ēg ān ī man sidīgar srišwadag šab ātaxš ī ohrmazd srōš_ahlī xwāhēd ō ayārīh kū ēd srōš_ahlaw ī hurust
ēg man kadāriz =ēw ox ī astōmand esm andar barēd yōǰdāsr frāz šust dast
čē bē man āz ī dēwān_dād āmīh pēš tazišn ī ox bē darrišn sahēd
ēg srōš_ahlī ān murw frāz gubrāst ī parōdarš nām spitāmān zarduxšt kē mardōmān abar_pad dušgōwišnīh kark nām gōwēnd ast kē xrōs gōwēnd ay ka nē gōwēnd ā =š weh tuwān hē kirdan
ān murw wāng barēd abar_pad ōš ī abzār pad nēm_šab ul rasēd
ēg gōwēd dōst ō ōy dōst ān ī pad bāliš nibayānd
kū tō ul ēst čē wigrād man
yatār =ēw kē pēš ul ēstād ā =š bē_rawišnīh ō ān ī pahlom axwān ay ōh paydāgēnēd kū pad se srōšōčarnām kirbag ō ān pahlom axwān šāyēd madan
yatār =ēw kē pēš ō ātaxš ī ohrmazd esm abar burd yōǰdāsr frāz šust dast
ō ātaxš āfrīnēd ka hušnūd abišt sagr
kū abar_ō tō haxtād ān ī gōspandān ramag kū =t bawād
abar ān ī wīrān purr_rawišnīh frazend ī was
abar tō kāmag pad menišn ā =t ō kāmag ī pad ox haxtād kū =t pad menišn ān tis bawād ān =it ox dastwar hād
urwāxt_axw pad gyān zīwē tā ān šab ka zīwē pad rāmišn zīwē
ēn ān ī ātaxš āfrīn bāstān ēn kunēd kū hamē ēn kē ō ōy esm barēd hušk pad rōšnīh nigerēd
ahlāyīh ārzōg rāy abāyist ī kār ud kirbag rāy yōǰdāsr kū pāk
kē čē ān man murw ī parōdarš spitāmān zarduxšt pad gumēzag mādag ud nar ō mard ī ahlaw pad ahlāyīh weh dahēd
mān az ān menēd kū =m bē dahēd ka =š mizd pādāšn dahēnd pad ēd dārēd kū ka =m xānag =ēw čiyōn ēn bē dād =ēw ā =iz stabr hē
hazār stūn ī hazār frasp bēwar meh bēwar xwardag
kē ān ī man murw ī parōdarš tan_masā gōšt dahēd abāg frāy ast kē zōrag gōwēd ast kē ēdōn gōwēd ay gōšt pad ān ī paymānag bē_ō mard ī ahlaw dahēd
nē ōy hagriz man kē ohrmazd ham ā =š ān ī didīgar gōwišn abāz pursīdār bawam ay ēw bār harw kas ī pursēnd
čē frāz franaft ō ān ī pahlom axw
srōš_ahlī az druz pursīd az ōdag ast kē ēdōn gōwēd kū az xešm ast kē az gannāg_mēnōy
bē az āyōzišn ī wazr kū =š wazr bē nihād ay ōh paydāgēnēd kū xwastūgīh ī pad bīm nē pad xwastūgīh dārišn
kū druz ī axwārīh kū =t nēkīh =iz ān =iz az =iš nēst awarzišn kū tis ī frārōn nē warzē
tō ēdōn harwisp ox ī astōmand pad anabar_rawišnīh hunušagēnē ay ka =t nē gāyēnd ābustan bawē
u =š ōh passox dawīd kē dēw druz kū srōš_ahlī ī hurust
nē ham harwisp ox ī astōmand pad anabar_rawišnīh hunušagēnam
hēnd frēz čahār gušn
awēšān man ēdōn ābusēnēnd čiyōn ān any gušn ka šusr andar mādagān ō_ham ābusēnēd ābustan bawam
srōš_ahlī az druz pursīd az ōdag ast kē ēdōn gōwēd kū az xešm ast kē az gannāg_mēnōy
bē az āyōzišn ī wazr kū =š wazr bē nihād ay ōh paydāgēnēd kū xwastūgīh ī pad bēm nē pad xwastūgīh dārišn
kū druz ī axwārīh kū =t nēkīh =iz ān =iz az =iš nēst awarzišn
kadār tō az awēšān gušnān fradom
u =š ō ōy passox dawīd kē dēw druz kū srōš ī ahlā hurust
ān pad man az awēšān gušnān fradom
ka mard kōdak =iz ān kōd xwāstag ka zast kū ast ō mard ahlaw pad ahlāyīh ī weh nē dahēd
ān ī man ēdōn ābusēnēd čiyōn ān any gušn ka šusr andar mādagān ō_ham ābusēnēd čiyōn ka ābustan bawam
srōš_ahlī az druz pursīd az ōdag
bē az āyōzišn ī wazr kū druz ī axwārīh awarzišn čē ōy pad ān ast ul_warzišnīh
u =š ō ōy passox dawīd kē dēw druz kū srōš_ahlī ī hurust
ān ōy pad ān ast ul_warzišnīh
ka mard kōdak =iz ān kōd xwāstag ka nē zast ō mard ī ahlaw pad ahlāyīh weh dahēd
ān ī man ēdōn ābusīh bē zanēd čiyōn gurg ī čahār zang ka az burdār pus bē pad darrišn darrēd
ēn az abestāg paydāg ān bawēd ka ōy az pardāxt amāh pad weh_zīwišnīh andar abāyēd ka ā =m xwāstag bē_ō ā =m mard dahēd druz bē škennēd ka_z ān xwāstag bē_ō ān mard dahēd druz bē škast ka ā =m xwāstag bē ān =iz mard dahēd ma agar =iz garā bawād ast kē ēdōn gōwēd ay pas škast
srōš ī ahlā az druz pursīd az ōdag bē az āyōzišn wazr kū druz ī axwārīh awarzišn
kadār tō az awēšān gušnān didīgar
ō ōy passox dawīd kē dēw druz kū srōš_ahlī ī hurust
ān pad man az awēšān gušnān didīgar
ka mard pad wināhkārīh pēš ī frabd frabd_drahnā frāz mēzēd
ān ī man ēdōn ābusēnēd čiyōn ān any gušn ka šusr andar mādagān ō_ham ābusēnēd čiyōn ka ābustan bawam
srōš_ahlī az druz pursīd bē az ōdag
bē az āyōzišn ī wazr kū druz ī axwārīh awarzišn čē ōy pad ān ast ul_warzišnīh
u =š ō ōy passox dawīd kē dēw druz kū srōš_ahlī ī hurust
ān ōy pad ān ast ul_warzišnīh
ka mard pas az ul_ēstišnīh se gām ast kē bē az se gām gōwēd se ahlāyīh abar stāyišn dō humatanām se huxšatrōtemāy čahār ahunawar frāz srāyēd yeŋ́hē_hātąm frāz yazēd
ān ī man ēdōn ābusīh bē zanēd čiyōn gurg ī čahār zang ka az burdār pus pad darrišn darrēd
ēn az abestāg paydāg ān bawēd ka mard pad wināhkārīh pēš frapad frapad_drahnā frāz mēzēd u =š tanāpuhr ō bun u =š pad abestāg wizārēd
ka ul stēn mēzēd ā =š tanāpuhr ō bun u =š pad abestāg nē wizārēd az pēš bawēd pas kustag nē bawēd pad ān bawēd ī az tan bē āyēd čuuat̰_yat̰_hē_kasištahe_ərəzuuō_fratəməm_t̰baēšiš ān ī dūrag āmār amarasp xwarg ōh kunišn
warāzgušnasp guft ay pahrēz ī wastarg rāy dagr bē pādixšāy mistan ka kār ī dādīhā xūb wizārēd ka frōd nišīnēd ā =š yatāahūwayrī =ēw bē gōwišn
sōšyans guft ay awištāb rāy ka andar rāh ēw gōwēd ā_z šāyēd ud ka ul ēstēd ā =š abestāg hamē andar se gām gōwišn ast kē bē az se gām gōwēd u =š pad ǰud_čamišn hamē abestāg ōh gōwišn
ēn čamišn ān bawēd ka az se gām bē šawēd ayāb =iš abestāg andar grift
ka kār ī dādīhā xūb wizārēd abestāg pad wināhkārīh nē gōwēd ā =m nē rōšnag tanāpuhr ēk dō srōšōčarnām
gōgušnasp guft ay ka kār ī dādīhā xūb wizārēd u =š aṣ̌əm_vohū nē tis tasom xwad rēzēd/rawēd kū xwad bawēd
srōš_ahlī az druz pursīd az ōdag
bē az āyōzišn ī wazr kū druz ī axwārīh awarzišn
kadār tō az awēšān gušnān sidīgar
u =š ō ōy passox dawīd kē dēw druz kū srōš_ahlī ī hurust ān ī pad man az awēšān gušnān sidīgar
ka mard xuft ā =š šusr frāz rānag bawēd kū =š šusr bē āyēd
u =š ō ōy passox dawīd kē dēw druz kū srōš_ahlī ī hurust
ān ī ō pad ān ast ul_warzišnīh
ka mard pas az xwāb frāz_bawišnīh ahlāyīh abar stāyēd kū se ašem_wohū bē gōwēd dō humatanąm se huxšatrōtemāy čahār ahunawar yatāahūwayryō frāz srāyēd yeŋ́hē_hātąm frāz yazēd
ān ī man ēdōn ābusīh bē zanēd čiyōn gurg ī čahār zang ka az burdār pus pad darrišn darrēd
ēg ēd gōwēd ō spandarmad kū spandarmad
ēn ō tō mard bē abespāram ēn ō man mard abāz abespārīh
abar_pad ān abzār frašeird_kirdārīh pad tan ī pasēn
āgāh gāhānīh ud āgāh yazišn az man abēzag purs ay frašn abdom būd u =š pad ēd dāšt kū ma agar tis =ēw bē mānād
srōš_ahlī az druz pursīd az ōdag
bē az āyōzišn wazr kū druz axwārīh awarzišn
kadār tō az awēšān gušnān tasom
ō ōy passox dawīd dēw druz kū srōš_ahlī ī hurust ān pad man az awēšān gušnān tasom
ka mard ǰeh pas az pānzdah sāl frāz padēd an_aybyānghanīh ayāb anāgāhīh
tasom gām_barišnīh tēz pas amāh kē dēw hēm ā =š pad āgenēn amāh bē wināhēm pad uzwān paššinǰišn
ay tā gām ī tasom wēš nēst se srōšōčarnām ud u =š pad gām ī tasom tanāpuhr ay andar_ō bun bawēd ast kē ēdōn gōwēd ay andar =iš ōh baxšišn =ēw pad rawišn ka abēr was bē rawēd ā_z wēš nēst kū tanāpuhr =ēw hamē ka abāz ēstēd az bunīh
srōš_ahlī az druz pursīd bē az ōdag
bē az āyōzišn ī wazr kū druz ī axwārīh awarzišn čē ōy pad ān ast ul_warzišnīh
u =š ō ōy passox dawīd kē dēw druz kū srōš_ahlī ī hurust nē kadāriz =ēw ast pad ān ul_warzišnīh
ka mard ǰeh pas az pānzdah sāl frāz padēd anaybyāstīh ayāb anāgāhīh
pas =iz tasom gām_barišnīh tēz amāh kē dēw hēm ā_š pad āgenēn amāh bē wināhēm pad uzwān paššinǰišn
srū rāy maγ bē kanišn az kustagtar nēmag ī mān
ān ī and abar čand ān ī kehist angust frāztom bančag
abar_ō ānōh barē
ēg ēn gōwišn frāz gōwē pērōzgar zarduxšt
ašawahišt wahman kē srūd ēstēd pad ān ī fradom maγīh pad ān ī fradom abēzag wehīh
pursīd zarduxšt … ahlaw
kē tō kē ohrmazd hē agar pad ān mahist kēn kēnēnēd kē pad ān ī mahist bēš bēšēd ay ēn hamāg ān ēd bār
u =š guft ohrmazd kū ǰeh ahlaw zarduxšt kē šusr ō_ham gumēzēd ī dahmān adahmān dēw_ēsnān adēwēsnān tanāpuhrīgān atanāpuhrīgān =iz u =š kār nēst čē ka =š gādan se bār bē dād margarzān gōgušnasp guft ay ēn rōspīg =ēw pad wimand
srišwadag ī ābān ī sraot_tazišnān ā =š tagīgīh pādīrānēnēd pad abar_nigerišnīh zarduxšt
srišwadag ī urwarān ārōyišnōmand nēk ī zargōnēn ā =š waxšišn pādīrānēnēd pad abar_nigerišnīh zarduxšt
srišwadag ī spandarmad ā =š ēw nēwīh bē apparēd pad abar_nigerišnīh kū abar_rawišnīh zarduxšt
srišwadag ī mard ī ahlaw frāy_humat frāy_hūxt frāy_huwaršt ā =š amāwandīh škōh pērōzgarīh xwēdīh ud ahlāyīh =iz bē apparēd pad abāg pamišn zarduxšt
awēšān čē rāy ō tō gōwam spitāmān zarduxšt
kū zanišntar hēnd čiyōn az ī šēbāg ast kē mār ī šēbāg gōwēd
čiyōn gurg ī šēd
čiyōn gurg wiškar_dahišnīh ka ō gēhān frāz padēd ō gōspandān
čiyōn wazaγ ī hazār_hunušag ka ō āb abar frāz padēd kū pad ēw bār andar_ō āb hilēd ast kē az nar ō mādag gōwēd
pursīd zarduxšt … ahlaw
kē nārīg ī čihrōmand ud daxšagōmand xōnōmand wēnāgīhā kū wēnēd kū daštān āgāhīhā kū dānēd kū wināh tōzišnōmandīhā kū gōwēd ay kū tōzišn bē kunam pad ān wēnāgīh āgāhīh tōzišnōmandīh šusr abar frāz hilēd
kadār ō ast tōzišn pad xwāstag kadār ō ast puhl pad aštar ud srōšōčarnām čiyōn ān ī pad kunišn warzišn tōzišn rawēd kū čiyōn bē wizārēd
u =š guft ohrmazd kū kē nārīg ī čihrōmand ī daxšagōmand ī xōnōmand wēnāgīhā kū wēnēd kū daštān āgāhīhā kū dānēd kū wināh tōzišnōmandīhā kū gōwēd kū tōzišn bē kunam pad ān wēnāgīh ud āgāhīh ud tōzišnōmandīh šusr abar frāz hilēd
hazār anumē frāz ēw kušēd
harwisp =iz awēšān pahān ān ī guuārāz zōhr abāg yat̰_aṇtarə_vərəẟka_asmarəǰa
ō ātaxš pad ahlāyīh ī weh frāz ēw barēd
bāzā ō āb ī weh frāz ēw barēd
hazār puštag esm ī saxt hušk ī nigerīd ō ātaxš pad ahlāyīh weh frāz ēw barēd
hazār puštag esm ī narm ud bōy rāsān ayāb hugōn ayāb hukird ayāb hayanbāg ayāb kadāriz ān ī hubōytom az urwarān ō ātaxš pad ahlāyīh ī weh frāz barēd
hazār pad frāz_wistarišnīh barsom frāz ēw wistarēd
hazār zōhr ī hōmōmand gōštōmand ī yōǰdāsr kū pāk nigerīd kū pad sālār dāšt ēstēd dahmān yōǰdāsrēnēd kū dahmān kird dahmān nigerīd kū dahmān pad sālār dāšt kē ham_gumēzīh awēšān urwar kē guft hayanbāg ō āb ī weh pad ahlāyīh weh frāz ēw barēd
hazār az ī ul sāyišn bē ēd zanēd ud dō_hazār awēšān any ay mār_bānūg
hazār wazaγ ī zamīg bē ēw zanēd ud dō_hazār ān ī ābīg
hazār mōr ī dān_keš bē ēw zanēd dō_hazār awēšān any dārīg
sīh pad frāz_abganišnīh frasp abganēd tarist āb ī nāydāg kahas ī ābāndān pad dān
hazār pad abar_zanišnīh abar zanišn asp_aštar ēw_hazār srōšōčarnām
ān ī ōy ast tōzišn pad xwāstag ān ī ōy ast pad puhl pad aštar srōšōčarnām ud ēdōn pad ān kunišn_warzišn tōzišn ēw rawēd kū bē ēw wizārēd
agar rawēnēd ō ān pahlom axwān hambārēd ī ahlawān kū =š hambār ō ān gyāg kird bawēd
agar nē rawēnēd ō ān axwān hambārēd ī druwandān kū =š hambār ō ān gyāg kird bawēd
tom arzānīgān kū =šān arzānīgīh ō ān gyāg tom tōhmagān kū ān druz kē mardōm druwand kunēd ā =š tōhmag az ān gyāg tom kū gyāg ī tārīg
nōzdahom pargard bun
az abāxtar nēmag az nēmag ī gyāg az abāxtar nēmag az nēmag ī dēwān frāz dwārīd gannāg_mēnōy purr_marg dēwān dēw
u =š ēdōn dawīd ōy kē dušdānāg frēftār gannāg_mēnōy purr_marg
kū druz abar dwārēd u =š murnǰēnēd ahlaw zarduxšt
druz ō ōy abar dwārīd hēnd būt dēw ud seǰ ī nihān_rawišn ī frēftār
zarduxšt ahunawar frāz srūd ān ī dō yatāahūwayryō kē_hušiti ō pēš kē ēstēd u =š āb ī weh frāz yazīd kē weh_dāytī u =š dēn ī mazdēsnān franāft kū =š frauuarāne kird
druz az ōy stard abāz dwārīd hēnd būt dēw ud seǰ ī nihān_rawišn ī frēftār
druz ō ōy passox dawīd kū tarwēnīdār hē gannāg_mēnōy ay tō hē kū tis bē nē nigerīd ud ān ī =t xwad nē tuwān kirdan amāh framāyē
nē mān ān ī ōy ōš abar dīd kē spitāmān zarduxšt
az purr_xwarrahīh az was xwēškārīh ī ahlaw zarduxšt ay ōh paydāgēnīd kū kē andar xwēškārīh ēstēd ā =š petyārag kem abar rasēd
zarduxšt pad menišn abar dīd kū dēw druwand ī dušdānāg ā =m pad ōš ō_ham pursēnd
ul ēstād zarduxšt frāz raft zarduxšt
az afsarišnīh ī akōman ka =š akōman pad tan afsard ēstēd pad ān ī xrūžd bēš pursišn pad ān pursišn ōwōn saxt ī ōy rāy kird ēstēd ast kē ēdōn gōwēd ay u =š afsard akōman ka ān ī xrūžd bēš pursīd
u =š sag pad dast dāšt ī kadag_masā būd ahlaw zarduxšt sag ī sagēn ast kē mēnōy yatāahūwayryō gōwēd
kē =š windīd az dādār ohrmazd
kū ān dāšt pad ēn zamīg ī pahn ī gird dūr_widarg pad draziya zibāl andar mān ī pōrušāsp ast kē ēdōn gōwēd ōy dāšt pad ēn zamīg and pahn ī gird ī dūr_widarg u =š ān ī gyāg dāšt pad draziya zibāl andar mān ī pōrušāsp
ul uzwāst zarduxšt kū padist burd ō gannāg_mēnōy kū dušdānāg gannāg_mēnōy
zanam dām ī dēwān_dād zanam nasuš dēwān_dād
zanam ān ī parīg_kāmagīh ān ī uzdēs_paristagīh tā ka ul zāyēd sūdōmand ī pērōzgar az āb ī kayānsē ham man zanam u =t hāwištān ī man zanēnd ud pas ān rasēd u =t pad kird xwad bē abesīhēnēd
az ōšastar nēmag az nēmag gyāg kū xwaršēd pad rōz ī mahist ul āyēd tā ān gyāg kū pad rōz ī kehist ul āyēd ōšastar az ān gyāg kū pad rōz ī kehist ul āyēd tā ān gyāg kū pad rōz ī kehist frōd šawēd rapihwintar az ān gyāg kū pad ān ī kehist frōd šawēd tā ān gyāg kū pad ān ī mahist frōd šawēd dōšastar ud abārīg abāxtar ast kē ēdōn gōwēd ay abāxtar tah
passox =iš ō dawīd dušdānāg gannāg_mēnōy
kū ma ēn ī man dām murnǰēnē ahlaw zarduxšt
tō hē pōrušāsp pus u =t burdār mād az zawišn ēw šnāsēm =it ast kē ēdōn gōwēd ay niyāgān =iz tō ōh yašt ham u =m tō =iz ōh yaz
abāz stāy weh_dēn ī mazdēsnān windē ān nēkīh čiyōn =iš windīd wadaγan ī dahibed
passox =iš ō ōy guft kē spitāmān zarduxšt
kū nē ān ī ōy ohrmazd xwēš abāz stāyam weh_dēn mazdēsnān
nē tan nē gyān dōšāram rāy nē wēš/weh_zīwišnīh rāy nē az tan bōy bē_wardišnīh rāy ay ka =m sar bē brīnēnd ā_z abāz nē stāyam
passox =iš ō ōy dawīd dušdānāg gannāg_mēnōy
pad_im kadār gōwišn wānē kū =m stō bē kunē u =m pad kadār gōwišn bē appārēnē kū =m az dām ǰudāg bē kunē pad zay ī hukird ēn ī man dām kē gannāg_mēnōy
passox =iš ō ōy guft kē spitāmān zarduxšt
kū pad hāwan ud tašt ī hōm ud gōwišn =iz ohrmazd frāz guft abestāg
man zay ī ast pahlom
pad_it ān gōwišn wānam kū =t stō kunam pad_it ān gōwišn appārēnam kū =t az dām ǰudāg bē kunam pad ān zay ī xūb kird ay dušdānāg gannāg_mēnōy
kē =m =iš dād spennāg_mēnōy u =š dād pad zamān ī akanārag ast kē ēdōn gōwēd ay kē =m =iš dād spennāg_mēnōy u =m =iš dād pad zamān ī akanārag
u =m =šān frāz dād amahraspandān xwadāyān hudāgān kū az awēšān pad dādan ayārōmand būd hēnd
zarduxšt ahunawar frāz srūd kū yatāahūwayryō
frāz guft ahlaw zarduxšt kū ān ī az tō pursam rāst ō man gōwē ohrmazd awestwār saham ast kē ēdōn gōwēd rāst ān ō man gōwē
pursīd zarduxšt az ohrmazd kū ohrmazd mēnōy abzōnīg dādār ī gēhān ī astōmandān ī ahlaw pad draziya zibāl kū ohrmazd wahman ī weh paymān āhist hēnd ay paymānīgīh abāz ō wahman
ašawahišt šahrewar ud spandarmad
čiyōn az awēšān ā =m kunam az ōy druz ī az ōy dušdānāg gannāg_mēnōy kū =š čiyōn stō bē kunam
čiyōn ka pad hamrēh rēman būd ēstēd čiyōn ka pad padrēh rēman būd ēstēd čiyōn nasuš bē appāram az wis ī mazdēsnān
čiyōn mard ī ahlaw yōǰdāsrēnam čiyōn nārīg ī ahlaw yōǰdāsrīh abar baram
u =š guft ohrmazd kū bē xwānē tō zarduxšt weh_dēn ī mazdēsnān kū ǰud_dēw_dād =ēw bē yaz
bē xwānē tō zarduxšt pad awēnābdāgīh amahraspandān abar haft_kišwar zamīg ay ka =šān nē wēnē u =šān ōy yazišn
bē xwānē tō zarduxšt spāš ī xwadād ay xwadādīh ēd kū pad ān ī =š andar xwēškārīh ā =š az bē tis andar nē abāyēd zamān akanārag way ī abarkār
bē xwānē tō zarduxšt wād ī tagīg ī ohrmazd_dād ud spandarmad ī nēk duxt ī ohrmazd ā_z xwān
bē xwānē tō zarduxšt frawaš ī man kē ohrmazd ham
kē ān ohrmazd mahist pad tan pāšom pad arz nēk_tom pad dīdan xroši_tom saxtag_tom xradīg_tom dānāg_tom hukirb_tom kū handām ēk ō did passazag_tom pad ahlāyīh abardom
kē ī =š ō ruwān mānsr_spand xwad xwānē zarduxšt ēn dām ī ohrmazd ay az dast ma gumār
gōwišnīh ī man sahist zarduxšt kū =š ast kē ēdōn gōwēd ay gōwišnīh ī man abar sahist zarduxšt kū bē ēd dāšt kū bē abāyēd dāštan niyōšīdan
bē xwānam ohrmazd ahlaw dām dādār
bē xwānam mihr ī frāx_gāwyōd ī huzēn ī xwarrahōmand az zayān pērōzgartom az zayān ay ēn weh ān ī wahrām yazad wēš
bē xwānam srōš_ahlī ī hurust ka sneh pad dast dārēd pad kamāl abar dēwān andar ān zamān ā =š wēš xwānam
bē xwānam mānsr_spand ī was_xwarrah
bē xwānam spāš ī xwadād zamān ī akanārag ud way ī abarkār
bē xwānam wād ī tagīg ī ohrmazd_dād spandarmad ī nēk duxt ī ohrmazd ā_z xwānam
bē xwānam weh_dēn ī mazdēsnān dād ī ǰud_dēw_dād ī zarduxšt ā_z xwānam
pursīd zarduxšt az ohrmazd kū dādār ābādīhā ohrmazd kū nēkīh was az =iš
pad kadār gōwišn yazam u =t pad kadār gōwišn frāz yazam hāwištān ī man ud ēn dām ī ohrmazd
u =š guft ohrmazd kū ka ō urwar ī ārōyišnōmand bē rasē spitāmān zarduxšt
nēk ī hurust ī amāwand ēn gōwišn frāz gōw
niyāyišn ō urwar ī weh ohrmazd_dād ahlaw aṣ̌əm_vohū
barsom ō yazišn rāy ul barē ēš_drahnā ǰuγ_pahnā
ma ān barsom pad abar_kirrēnišnīh abar kirrēnē kū bē darrē mardān būd ahlawān u =šān pad ān ī hōy dast bē dāšt
u =šān yašt ohrmazd u_šān yašt hēnd amahraspandān
hōm =iz zarrēn ī buland ud ān =iz nēk wahman rādīh =iz weh ī ohrmazd_dād ahlaw ī pāšom ā_z šān yašt
pursīd zarduxšt az ohrmazd kū harwisp_āgāh hē ohrmazd
axwāb hē ohrmazd ud amast tō kē ohrmazd hē
wahman mardōm ō_ham gumēxt pad hamrēh wahman mardōm pad padrēh abar gumēxt az tan dēwān zad rēman u =š dēw ō_ham gumēzēnd kū rēman bē kunēnd būd wahman yōǰdāsr
u =š guft ohrmazd kū gōmēz xwāhišn zarduxšt gāw abar gušn bēxrag =iz ī dādīhā kird
yōǰdāsrīh frāz barē pad zamīg abar ohrmazd_dād kū nauua_vībāzuua_drāǰō pad wiškar bē kunēd
pad pērāmōn_kārišnīh pērāmōn ēw kārēd ān mard ī yōǰdāsrgar
sad ahlāyīh_stāyišnīh abar stāyišn ašem_wohū
dō_sad ahunawar frāz srāyēd
čahār bār frāz_šōyišnīh frāz šōyēd ān mard ī yōǰdāsrgar pad gōmēz ī gāw_dād dō bār pad āb ī ohrmazd_dād xūb kird se
yōǰdāsr bawēd wahman mardōm yōǰdāsr bawēd mardōm kē abāg ōy ēw rasēd
ul gīrišn wahman wastarg pad ān ī hōy bāzā pad ān ī dašn pad ān ī dašn bāzā pad ān ī hōy pad ayārōmandīh ī ēk abāg did
ēg wahman bē xwānēd pad ān abzār brēhēnīd rōšnīh kū ō star ī bay_dād rōšnēnēd
hamē az ān tā ka ōy nō_šabag bē sazād abāz ō mard
ān ī pas az nō_šabag ō ātaxš zōhr frāz barē ān ī saxt esm ō ātaxš frāz barē hugōn bōy ō ātaxš frāz barē
kē wahman mardōm ān ēw bōyēnēd wastarg
yōǰdāsr bawēd wahman wastarg yōǰdāsr bawēd mardōm kē ān ī wastarg dārēd
ul gīrišn wahman wastarg pad ān ī hōy bāzā pad ī ān dašn pad ān dašn bāzā pad ān hōy pad ayārōmandīh ī ēk abāg did
frāz gōwēd wahman kū niyāyišn ō ohrmazd niyāyišn ō amahraspandān niyāyišn ō awēšān ō ān_ān ahlawān abarg az ēn gyāg paydāgēnīd kū kē =š dast nē šust ā =š xwaršēd nē yašt bawēd u =š wāz nē grift bawēd
pursīd =iš zarduxšt az ohrmazd kū harwisp_āgāh hē ohrmazd
hāzēnē mard ī ahlaw hāzēnē nārīg ī ahlaw hāzēnē druwandān dēw_ēsnān āhōg zīwišnān mardōmān
zamīg ī ohrmazd_dād bē rawēnēd be dādan āb ī tazag ǰōrdā rustag ān =iz any ī xwāstag bē rawēnēd be dādan
u =š guft ohrmazd kū hāzē ahlaw zarduxšt
dādār ī gēhān ī astōmandān ī ahlaw
kū awēšān dāsar bawēnd pad mehmānīh kū awēšān dāsar bē rawēnd kū =šān āyišn ud šawišn kū gyāg kū awēšān dāsar abar bawēnd pad ēw_kardagīh kū awēšān dāsar abāz ō_ham gyāg rasēnd ō mard kē mardōm andar ox ī astōmand ō ān ī xwēš ruwān bē dahēnd
u =š guft ohrmazd kū pas az bē_widerišnīh ī mardōmān pas az ān frāz_sazišnīh ī mardōmān ka =šān sazišn gētī bē bawēd pas az pēš tan ud gyān bē_darrišnīh ī dēwān druzagān dušdānāgān ay harw kas =ēw tā =š ān bē darrēnd ā bē nē mīrēd
pad ān ī sidīgar šab bē_wizīhišnīh ka ōš rōšnēnēd ī bāmīg
pad gar ī ahlāyīh xwārīh kū wizīhēnēd mihr ī huzēn
xwaršēd =iz pad ul_uzišnīh ānōh ul uzēd
wizarš dēw nām spitāmān zarduxšt ruwān bast wādēnēd druwandān dēw_ēsnān āhōg_zīwišnān mardōmān ay kas =ēw pad band andar gardan ōftēd ka bē mīrēd ka ahlaw ā =š az =iz ōy bē ōftēd ud ka druwand ā =š pad ān ham band bē_ō dušox āhanǰēnd
ō rāh zamān_dād rasēd kē =iz druwand kē =iz ahlaw har kas =ēw bē_ō ān gyāg rasēd ohrmazd ud ahriman bē wēnēd ān ī ahlaw namāz burdan ud ān ī druwand namāz burdan nē tuwān abaxš abāz bawēd u =š az ān abaxšīh rist abāz wirāyēnd
čagād_widarg ī ohrmazd_dād kū bōy ud ruwān bahr ī gēhānān bē zayēnd
kē =šān dād andar astōmand axwān
ān ī nēk pad dīdan hukird kū =š kār =ēw abar nē abāyēd kirdan tagīg kū nēw hurust kū pad frārōnīh rust ēstēd rasēd
sagōmand kū =š pānag abāg bē wizārišnōmand kū paydāg kū kadār az kadār pusōmand kū wēš waččag abāg kāmagōmand kū čiyōn mard abāyēd hunarōmand
ān ō druwandān wadag ruwān andar tom kū gyāg ī tārīg čiyōn dušox bē nayēd
ud ān ī ahlawān ruwān tarist harborz wizīnēd tarist čēh_widarag widerēnd kē yazadān xwēš ī mēnōyān yazadān dō sar =iš ō čagād ī dāytī ēstēd ud ēk ō harborz
ul ēstād wahman az gāh ī zarrēn_kird ay kār ī handēmāngarān sālārīh kunēd
frāz gōwēd wahman kū čiyōn ēdar ahlaw bē mad hē anōš_xwar
az ān ī seǰōmand axwān petyāragōmand abar_ō ēn aseǰōmand axwān apetyārag
hušnūd ān ī ahlaw ruwān bē raft az wahman
abar_ō ohrmazd ud abar_ō amahraspandān ud abar_ō gāh ī zarrēn_kird
abar_ō garōdmān mēhan ī ohrmazd mēhan ī amahraspandān mēhan ī awēšān anī =z ahlawān
az yōǰdāsrīh ī ōy ahlaw az pānāgīh ud pākīh pad ruwān pas az bē_widerišnīh dēw druwand dušdānāg ā =š az bōy bē tarsēnd
čiyōn mēš ī gurg xwist ka az bōy gurg frāz tarsēd
mard ī ahlaw ō_ham bawēnd har kas =ēw ast kē ušēdar ušēdarmāh ud sōšyāns gōwēd
u =šān nēryōsang ō_ham bawēd
ašt ī ohrmazd gōwēd nēryōsang
xwad bē xwānišn zarduxšt ēn dām ī ohrmazd ay az dast ma gumār
gōwišnīh man sahist zarduxšt kū =š bē niyōšīdan ast kē ēdōn gōwēd ay gōwišn ī man sahist zarduxšt pad ēd dāšt kū bē abāyēd niyōšīdan
bē xwānam ohrmazd ahlaw dām_dād
bē xwānam zamīg ī ohrmazd_dād ud āb ī ohrmazd_dād ud urwar ī ahlaw
bē xwānam zrēh ī frāxkard
bē xwānam asmān ī nēk kird ay ham_bāmīhā kird ēstēd
bē xwānam ān ī asar_rōšnīh ī xwadād ay xwadādīh =iš ēw kū harw kas xwad ō xwēš kunēd
bē xwānam ān ī pahlom axwān ī ahlawān rōšnīh ī hamāg_xwārīh
bē xwānam garōdmān mēhan ī ohrmazd ud mēhan ī amahraspandān ud mēhan ī awēšān any ahlawān
bē xwānam hamēšag_sūd gāh ī xwadād ay hamēšag_sūdīh ay kū_tā ēd bār būd ā =š hamē sūd az =iš būd čēh_widarag ī ohrmazd_dād ā_z xwānam
bē xwānam sōg ī weh kāmag dōysar hučašm mēnōy hučašmīh
bē xwānam čēr ahlawān ī frawahr kē harwisp dāmān sūdēnēd
bē xwānam pērōzgar ī ohrmazd_dād wahrām yazad kē barēd xwarrah ī ohrmazd_dād drafš
bē xwānam tištar star ī rāyōmand xwarrahōmand ka pad gāw kirb ī zarrēn srūg andar ān zamān ā =š wēš xwānam
bē xwānam gāhān ī abzōnīg ī rad xwadāy ahlaw ay rad xwadāyīh ēd kū abārīg =iz pad ēn šāyēd yaštan
bē xwānam ahunamayt_gāh bē xwānam uštawayt_gāh bē xwānam spandarmad gāh bē xwānam wohuxšahr_gāh bē xwānam wahištōyšt_gāh
bē xwānam ān kišwar ī arzah ud sawah bē xwānam ān kišwar fradadafš widadafš bē xwānam ān kišwar ī wōrūbaršt wōrūǰaršt bē xwānēm ēn kišwar xwanirah ī bāmīg ay ōh paydāgēnēnd kū andar ēn =ēw ābist hēnd
bē xwānam hēdōmand ī rāyōmand ī xwarrahōmand
bē xwānam aršišn ī weh bē xwānēm rāstag ī frazānag ī weh
bē xwānam xwarrah ī ērān dehān bē xwānam xwarrah ī ǰamšēd ī huramag
ka yašt sidōš hušnūd srōš ud franāft kū dārišn bē kird padīrift srōš_ahlī ī hurust ī pērōzgar srōš_ahlī
ō ātaxš zōhr frāz barišn ān saxt esm ō ātaxš frāz barē ān ī hugōn bōy ō ātaxš frāz barē
ātaxš ī wāzišt frāz yazišn kē dēw zanēd spinǰagr
xwarišn ī poxtag frāz barišn purr ī bē āšixt šakar_pāk
srōš_ahlī frāz yazē
srōš_ahlī kē dēw ī kund ud mast ǰud_mast bē zanēd ay ǰud az may mast
u_šān ō druzaskān ō_ham padēnēd druwandān dēw_ēsnān āhōg_zīwišnān mardōmān abāz ō wizarš
dēw ēdōn dawīd ō ōy kē dušdānāg gannāg_mēnōy purr_marg kū čē amāh pad ham_barišnīh ō_ham barēm dēw druwand dušdānāg abar_ō ān arzūr kamāl ay ka abāz šawēm srawag čē abāz barēm
dwārīd hēnd u =šān dawīd dēwān dawišn pad tis ī awēšān wattar būd dēwān druwandān ī dušdānāgān
ēn amāh pad ham_barišnīh ō_ham barēm abar_ō ān arzūr kamāl
kū zād ahlaw zarduxšt andar mān ī pōrušāsp
kū ān ī ōy ōš windēm čē ān ī dēwān sneh ud ān dēwān petyārag
ān ī druz bē az druzīh kunēd kū =š stahmagīh bē stanēd ud nihānēd dēw_ēzagīh kū nizār bē kunēd
nasuš ī dēw_dād ā =š pahrēz bē gōwēd ān drō_gōwišn mihōxt ā =z nizār bē kunēd
dawīd dēwān dwārīd hēnd dēwān druwandān dušdānāgān ō bun ī axwān ī tom kē ērang dušox abāz ō_ham dūd
wīstom pargard bun
pursīd zarduxšt az ohrmazd kū fradom kē az mardōmān ī pahrēzōmandān kē pahrēz ī tan nēk dānēd kirdan čiyōn spandād ast kē ēdōn gōwēd tēx kār abar nē kird
warzōmandān dānāgān čiyōn kay us
kāmagōmandān čiyōn ǰamšēd
bahrōmandān tuwānīgān čiyōn pādsrōb
rāyōmandān abzārōmandān čiyōn zarduxšt
tagīgōmandān čiyōn kirsāsp
pēš_dādān čiyōn hōšang ay pēš_dādīh ēd būd kū dād ī xwadāyīh fradom ōy rawāg kird
ā =š yask ō yask dāšt u =š marg ō marg dāšt kū =š az band nē hilēd
wazān aštar dāšt kū =š andar rāh ī bē ēstēnēd
u =š ātaxš tābišn dāšt az tan bē mardōmān
u =š guft ohrmazd kū srid fradom spitāmān zarduxšt az mardōmān pahrēzōmandān ay srid ī sāmān ud nē srid ī sirazān ān gyāg kū mad ēstēd ā =š tuwān būd kirdan ast kē ēdōn gōwēd ay ǰam būd u =š sridīh ēd būd kū xwadāy sidīgar būd
wiš_čihr ōy xwāst bē āyaft az šahrewar ast kē ēdōn gōwēd āyaft ēstād pad šahrewar kū =š sar bun pad zarr bast ēstād
pad abāz_ēstišnīh yask pad abāz_ēstišnīh marg pad abāz_ēstišnīh dard pad abāz_ēstišnīh tab
pad abāz_ēstišnīh aγaiš ī pūdag ī āhōgēnīdār sōr_čašmīh kē gannāg_mēnōy frāz kirrēnēd abar_ō tan ī mardōmān har kas =ēw weh pad xwad wattar pad kasān
ēg man kē ohrmazd ham ā_m urwar bēšāzēnīdār ul burd
purr ud purr_sad purr ud purr_hazār purr ud purr_bēwar
u =š ēk gōkirn hōm ī spēd
ān ī harwispīn franāftār ō kār ān harwispīn framānbed dastwar ud ān ī harwispīn niyāyišnōmand kū gyān_bēšāzēnišnīh dahēd abar_ō tan ī mardōmān
yask ō tō abar gōwam kū bē dwār marg ō tō abar gōwam kū bē dwār dard ō tō abar gōwam kū bē dwār ud tab ō tō abar gōwam kū bē dwār
aγaiš ō tō abar gōwam kū bē dwār
kē pad ān ī ōy gurdīh u =m wānīhēd druz ān druz gurdīh wānīhēd abzār ī ōy
kē ān ī ōy xwadāyīh ōz man kē ohrmazd ham
bē purdēnam yask bē purdēnam marg bē purdēnam dard bē purdēnam tab
bē purdēnam aγaiš ī pūdag ī āhōgēnīdār sōr_čašmīh kē gannāg_mēnōy frāz kirrēnēd abar_ō tan ī mardōmān har kas ī weh ō pad xwēš wattar ō pad kasān
bē purdēnam harwisp yask ud marg harwisp ǰādūg parīg ud harwisp ǰeh ī druwand
ān ī ērmān_xwāhišnīh ast ō man rāmišn rasišn kū =t abāyēd madan pad rāmišn abāyēnd kirdan ō narān ud nārīgān ī zarduxšt
wahman rāmišn hēnd kū tō =iz abāyēd madan kū =t pad rāmišn abāyēnd kirdan kē ān dēn kāmag arzānīg bawēd pad mizd ēdar ud ān =iz ānōh
ān ī ahlāyīh tarsāgāhīh xwāstārōmandīh hāwišt kū =m pad ān tarsāgāhīh ān ī ohrmazd mehīh bawād mānbedān mānbedīh
zanēd ān ī ērmān_xwāhišnīh harwisp yask ud marg harwisp ǰādūg ud parīg ud harwisp ǰeh ī druwand
wīst_ēkom pargard bun
namāz ō tō gāw ī abzōnīg kū =t abzōn was az =iš namāz ō tō gāw ī hudāhag kū pad frārōnīh dād ēstēd namāz ō tō frā_dahišnīh kū =t wēš bē kunē namāz ō tō warišn_dahišnīhā kū frabīhtar bē kunē namāz ō tō kē pad dāsar bē baxt ēstē pad sēnag_masā ud bāzā_masā ō ōy pahlom ahlaw ōy =iz ī azādag ahlaw
kē =t ǰeh murnǰēnēnd ahlomōγ ī anahlaw ay daxšagīh gōwēd mardōm =iz druwand ī sāstār
rawēd abr pad rawišnīh
frāz āb kū ul nigūn āb kū bē wārēnēd
abar ān mitrag āb hazār wārān ka srešk ōftēd ud hazār =iz ōftēd bēwar wārān =iz
gōwam ahlaw zarduxšt yask bē_šawišnīh rāy marg bē_šawišnīh rāy
zanēd yask pad bē_šawišnīh zanēd marg pad bē_šawišnīh
ān gada abāg gada bē_šawišnīh zanēd marg pad bē_šawišnīh abzār ī awēšān
agar pad uzīr murnǰēnēd pad abēzag_wardišnīh bēšāzēnēd
agar pad abēzag_wardišnīh murnǰēnēd pad šab bēšāzēnēd
agar pad šab murnǰēnēd pad ōš bēšāzēnēd
ka bē wārēd ēdōn čiyōn guft bē az ān wārān ēd tis bawēd ō pēš gōwam
nōg āb nōg zamīg nōg urwar nōg bēšāzēnišnīh nōg bēšāzēnišnīh_kirdārīh abzār ī ōy
čiyōn pad zrēh ī frāxkard ābān ast ham_rasišnīh ēd =iz tis ēdōn
ul ēst āyōz abar_ō zamīg ay čiyōn ka gyāg ī ēw ābist hēnd
zamīg =iz abar āyōz kū pad zamīg ul ma ēstēd
ul ēst parrōn haz ay rāh guft būd kū ō ān rōn šaw
kē pad ān ī ōy zāyišn ka bē zād ud waxšišn ka meh bē būd ā =š āyōzišn dād ohrmazd āyōzišn ō kār ī dādestān
pad ul_uzāyišnīh uzēd xwaršēd ī arwand asp tarist ī harborz rōšnīh kunēd ō dāmān
pad =iz ul uzēd kū tō =iz rāy weh hād agar hē garōdmān dāštār kū mard ī weh hē ast kē ēdōn gōwēd ay tō ēdar ul uzē
pad ān ī ohrmazd_dād rāh pad ān ī bay baxt āyōzišn pad ān ī frāz brēhēnīd ī ābōmand ay āb ī weh azēr
ēg ān ī pad mānsr_spand bē barēd
frāz ēd ī tō zāyišn ud waxšišn az ēdar frāz asānam kū pāk bē kunam
frāz ēd tō kirb ud tuhišn yōǰdāsrēnam kū pāk dāram
kunam tō abāg pusīh abāg pēmīh kū =t xwad dōxt u =t pēm bawēd
kārōmand kū =t kār bawēd pēmōmand kū =t pēm bawēd šīrōmand kū =t šīr bawēd ēk ān ī mardōmān ēk ān ī gōspandān rōγnōmand ud mazgōmand frazendōmand
frāz tō rāy ēw hazār xān az frāz asānam kū bē ānayam
u =t ō sēn ēn ō_ham tazēn ham dašt/gašt kē ast kū pus srāyišn
čiyōn pad zrēh ī frāxkard ābān ast ham_rasišnīh ēd =iz tis ēdōn
ul ēst ā =m āyōz abar_ō zamīg ay čiyōn ka gyāg ī ēw ābist hēnd
zamīg =iz abar āyōz kū pad zamīg ul ma ēstēd
ul ēst parrōn haz ay rāh guft būd kū ō ān rōn šaw
kē pad ān ī ōy zāyišn ka bē zād ud waxšišn ka meh bē būd ā =š āyōzišn dād ohrmazd āyōzišn ō kār ī dādestān
pad ul_uzāyišnīh ul uzēd māh ī gōspand tōhmag ay gōspand tōhmagīh ēw kū ēwēnag ī gōspandān pad māh_pāyag ēstēd tarist ī harborz rōšnīh kunēd ō dāmān
pad =iz ul uzēd kū tō =iz rāy weh hād agar kē garōdmān dāštār kū mard ī weh hē ast kē ēdōn gōwēd ay tō ēdar ul uzē
pad ān ī ohrmazd_dād rāh pad ān bay baxt āyōzišn pad ān ī frāz brēhēnīd ī ābōmand ay āb ī weh azēr
pad ul_uzāyišn ul uzēd stār ī zofr ī āb_tōhmag ay āb_tōhmagīh ēd kū ēwēnag ī ābān pad stār_pāyag ēstēd
tarist ī harborz rōšnīh kunēd ō dāmān
pad =iz ul uzēd kū tō =iz rāy weh hād agar hē garōdmān dāštār kū mard ī weh hē ast kē ēdōn gōwēd ay tō ēdar ul uzē
pad ān ī ohrmazd_dād rāh pad ān ī bay_baxt āyōzišn pad ān ī frāz brēhēnīd ī ābōmand ay āb ī weh azēr
pad ul_uzāyišnīh ul uzēd ham pad bē_xrōsišnīh ī ōy xwarrah kastār ahriman pad bē_xrōsišnīh ī ōy anabēdān ahriman pad bē_xrōsišnīh ī ōy anabēdān ǰādūg ǰeh
wīst_dōwom pargard bun
guft =iš ohrmazd ō spitāmān zarduxšt
az kē ohrmazd ham az kē dādār ī weh ham
ka_m ān kird garōdmān ī nēk ī rōšn frāz paydāg kū =t paydāg ast kē ēdōn gōwēd bē =iš kust ī did paydāg
ul uzīd ham bē raft ham
ēg =iš ān ī man mar kasīd kū =š andar nigerīd
ēg =iš ō ān ī man mar frāz kirrēnīd gannāg_mēnōy purr_marg nō yask nawad ud nō_sad ud nō_hazār ud nō_bēwar
ēg ān ī man tō bēšāzēnē mānsr_spand ī was xwarrah
daham ō tō pad ān pādāšn pad āgenēn ēw_hazār asp ī arwand škeft tag kū andar hāsr tag abāz nē kāhēd
yazam sōg ī weh ī ohrmazd_dād ī ahlaw ay pad ayārōmandīh ī tō
daham pad ān pādāšn pad hazār uštar ī hurawānag ī saxt kōf kū =š kōf drust
yazam sōg ī weh ohrmazd_dād ahlaw ay pad ayārōmandīh ī tō
daham ō tō pad ān pādāšn pad āgenēn hazār gāw ī xašēnēn atan_puhl kū =š wināhkārīh rāy tan ō bōy nikōhišn nē mad ēstēd
yazam sōg ī weh ohrmazd_dād ī ahlaw ay pad ayārōmandīh ī tō
daham ō tō pad ān pādāšn pad āgenēn ēw_hazār anumē ī dabr ī hamāg_mōy kū az ēk mōy
yazam sōg ī weh ohrmazd_dād ahlaw pad ayārōmandīh ī tō
ēdōn az tō āfrīnam az ān ī nēk dahmān āfrīn pad ān ī franāft ī dahmān āfrīn kū dārišn bē kunam
kē ān ī kem purr kunēd kū ka andar sāl nēm xumb sāl ī pēš ēw xumb
ān =iz purr bē āhanǰag kunēd ka andar sāl xumb =ēw bawēd sāl ī pēš ēd xumb nēm
ayārēnēd ōy awimār kū_tā wimār nē bawēd ōy =iz ayārēnēd ōy wimār drust kunēd
passox =iš ō ōy guft mānsr_spand ī was xwarrah
kū čiyōn ay tō az bēšāzēnam čiyōn ēd tō az bē āwaram nō yask nawad ud nō_sad ud nō_hazār ud nō_bēwar ay dānist kū amāh nē tuwān kirdan bē =iš ēd =iz dānist kū harw kē kunēd ā =š pad ayārōmandīh ī amāh tuwān kirdan
u =š ō nēryōsang guft kē dādār ohrmazd kū nēryōsang hanǰamanīg
bē raw az ēdar abar_ō ānōh andar mān ī ērmān u =š ēn gōwišn gōwē
ō ērmān kē ēn ō tō guft ohrmazd ahlaw
u =m kē ohrmazd ham u =m kē dādār weh ham ka =m ān kird garōdmān nēk rōšn frāz paydāg kū =tān paydāg ast kē ēdōn gōwēd bē =iš kust did paydāg ul uzīd ham bē raft ham
ī =š ōy gōwišn_padīrē bē raft nēryōsang ī hanǰamanīg abar_ō ān mān ī ērmān u =š guft
ō ērmān kū =š ēn ī ō tō guft =iš ohrmazd ahlaw
u =m kē ohrmazd ham u =m dādār weh ham
ka =m ān kird garōdmān nēk rōšn frāz paydāg kū =t paydāg ast kē ēdōn gōwēd bē =iš kust did paydāg ul uzīd ham bē raft ham
tēz ān būd nē dūr ka frāz mad pad tuxšāgīh ērmān xwāstār gar abar kū abzōnīg frāz ham_pursīd ohrmazd zarduxšt ud wēšag abar kū abzōnīg frāz ham_pursīd ohrmazd zarduxšt
u =š nōīh asp gušn mōy barēd ērmān xwāstār
u =š nōīh uštar ī gušn sūd barēd ērmān xwāstār
u =š nōīh gāw ī gušn sūd barēd ērmān xwāstār
u =š nōīh anumē gušn sūd barēd ērmān xwāstār
u =š nōīh tāg wēd barēd frāz nōīh kēš frāz kārīd u =š nērang bē kird ī =š xwarrah