Select Section Type

1.0
fradom pargard bun
2.0
guft =iš ohrmazd ō spitāmān zardušt
3.0
man dād spitāmān zardušt gyāg rāmišn dahišn dād ēstēd āsānīh ēn mardōm ān gyāg ōh zāyēd ī ōh parwarēnd ā weh sahēd nēktar ud āsāntar ā man dād
4.0
čē agar man dād spitāmān zarduxšt gyāg rāmišn dahišn dād ēstēd āsānīh
5.0
harwisp ox ī astōmand ō ērānwēz frāz_šawišnīh būd
6.0
andar ēd kār ēstād =šān šudan tuwān būd čē az kišwar ō kišwar pad parwān ī yazadān šudan tuwān ast ēdōn gōwēd ay pad =iz ān ī dēwān šāyēd šudan
7.0
asō_rāmō dāitīm_nōit̰_aōǰō rāmištąm har ēk har rāmišn az gyāg ast anī =z rāmišn az xwēškārīh gōwēd
8.0
paōirīm_bitīm ēd āmār fradom kār ud dādestān ō ān gyāg brēhēnīd ud didīgar ō ān gyāg mēnōy ī zamīg hamāg pad ēw_kardagīh dād petyārag har ān gyāg gōwēd ēk ān pad bun dahišn ēk ān pad pas āat̰_ahē_paitiiārəm hamāg ān ī pas
9.0
gyāg ud rōstāg har hamgōnīh ast ēdōn gōwēd ay gyāg ān gyāg mardōm abar mānēnd ud rōstāg ān gyāg mardōm abar mānēnd maš_mā_rauua_šaϑąm_haitīm ēn pad ēn pargard paydāg hamāg gyāg gōwēd ast hēdōmand rōd gōwēd
fradom az gyāgān ud rōstāgān ā =m pahlom frāz brēhēnīd man ohrmazd ham
ērānwēz weh_dāytī u weh_dāytī ēd rōd ī dāytī ān gyāg āyēd kār pad auuaēpaēm kunēnd ast ēdōn gōwēd pad auuaēpaēm āyēd kār ān gyāg kunēnd
u pad ān ī ōy petyāragīh frāz kirrēnīd gannāg_mēnōy ī purr_marg
az =iz rōdīg was bawēd zamestān =iz ī dēwān_dād stahmagtar bawēd
dah māh ānōh zamestān māh hāmīnīh pas =iz hapta_həṇti_hąminō_mā̊ŋhō_paṇča_zaiiana āškār
awēšān =iz hēnd sard āb sard zamīg sard urwar ān dah māh ast ān māh gōwēd aδa_zəmahe_maiδīm_aδa_zəmahe_zarəδaēm ō nūn māh wahman ud māh šahrewar ast zamestān dil stahmagtar abāg =iz ēw hamāg stahmag pas =iz andar ēn zamān stahmagtar bawēd
ēg ka zamestān padēd šawēd ēg frahist vōiγne petyārag zamestān hamāg abāg šawēd ast ēdōn gōwēd nēst_čišīh pad =iš andar āyēd
didīgar az gyāgān ud rōstāgān ā =m pahlom frāz brēhēnīd man ohrmazd ham
gauuāi ī sūlīg_mānišn dašt ī sūlīg_mānišnīh daxšag u petyārag
u pad ān ī ōy petyāragīh frāz kirrēnīd gannāg_mēnōy purr_marg
kullag mayg ī gōspandān yyy purr_marg mayg āyēd ǰōrdā wāstar āyēd ud gāw bastan šāyēd gōspandān margīh bawēd
sidīgar az gyāgān ud rōstāgān ā =m pahlom frāz brēhēnīd man ohrmazd ham
marw ī abzār hambūd pad kār ud dādestān_kirdār was andar kunēnd
u pad ān ī ōy petyāragīh frāz kirrēnīd gannāg_mēnōy purr_marg
hamāl ud dōšag hamāl hamāl ī ayārān ān gyāg kunēnd u dōšag dōšag marz ān gyāg
tasom az gyāgān ud rōstāgān ā =m pahlom frāz brēhēnīd man ohrmazd ham
baxl ī nēk pad dīdan abrāst drafš drafš andar abrāst dārēnd ast ēdōn gōwēd ay wasīh andar abrāzēnd dušmen abar ōh kušēnd
u pad ān ī ōy petyāragīh frāz kirrēnīd gannāg_mēnōy purr_marg
gōr =iz kāt was bawēd ast ēdōn gōwēd ay gyāg sūrag dārēd nihumbēd gōr =iz kāt bawēd
panǰom az gyāgān ud rōstāgān ā =m pahlom frāz brēhēnīd man ohrmazd ham
nisā ī andarg marw ud baxl ay ān gōwam ān anī =z ast
u pad ān ī ōy petyāragīh frāz kirrēnīd gannāg_mēnōy purr_marg
gumānīgīh pad čiš ī yazadān gumān hēnd ma agar hād ast ēdōn gōwēd pad =iz ān ī dēwān hēnd ma agar hād
šašom az gyāgān ud rōstāgān ā =m pahlom frāz brēhēnīd man ohrmazd ham
harē ī wis_hil u wis_hilīh ēd ān amāh nō_šabag ud māh_drahnā pad pahrēz dārēm awēšān xānag pad tag hilēnd ud šawēnd
u pad ān ī ōy petyāragīh frāz kirrēnīd gannāg_mēnōy purr_marg
srask =iz dribagīh wāzag ēd hād gišnag hēm ast ēdōn gōwēd ay pad tamburag kunēnd
haftom az gyāgān ud rōstāgān ā =m pahlom frāz brēhēnīd man ohrmazd ham
kābūl ī dušsāyag u dušsāyagīh ēd sāyag ī draxtān pad tan wad ast ān ī kōfān gōwēd
u pad ān ī ōy petyāragīh frāz kirrēnīd gannāg_mēnōy purr_marg
ān ī parīg kāmagīh ān ī uzdēs paristagīh abar abāgēnīd kirsāsp ōh kird awēšān =iz ōh kunēnd pad dād
haštom az gyāgān ud rōstāgān ā =m pahlom frāz brēhēnīd man ohrmazd ham
uruue purr_wāstar mēšan u purr_wāstarīh ēd ǰōrdā ud wāstar was andar bawēd
u pad ān ī ōy petyāragīh frāz kirrēnīd gannāg_mēnōy purr_marg
ān ī wattar abar_mānišnīh ka mēšan ēw abar mānēnd
nohom az gyāgān ud rōstāgān ā =m pahlom frāz brēhēnīd man ohrmazd ham
xnąn ī gurgān mānišn xnąn_rōd gurgān_mānišnīh daxšag u petyārag
u pad ān ī ōy petyāragīh frāz kirrēnīd gannāg_mēnōy purr_marg
ān ī wattar anāpuhragān wināh mard waypī kūn_marz ay =šān pad dād kunēnd
dahom az gyāgān ud rōstāgān ā =m pahlom frāz brēhēnīd man ohrmazd ham
harahmand ī nēk pad dīdan
u pad ān ī ōy petyāragīh frāz kirrēnīd gannāg_mēnōy purr_marg
ān ī wattar anāpuhragān wināh nasā_nigānīh ay agdēn hēnd u =šān pad dād
yāzdahom az gyāgān ud rōstāgān ā =m pahlom frāz brēhēnīd man ohrmazd ham
hēdumand rāyōmand ud xwarrahōmand xwēškār ud tuxšāg mēnōy ī sīstān ast ān weh rōd gōwēd
u pad ān ī ōy petyāragīh frāz kirrēnīd gannāg_mēnōy purr_marg
ān ī wattar ǰādūgīh ay ǰādūgīh hamē wad ast ān ī frāsyābān gōwēd ān awēšān kirdan tuwān u wizārdan tuwān ast ēdōn gōwēd ǰādūgīh ēd ast ka sparānēnd ā =z ōy ōh bawēd pas guft bawēd pad rāh pādixšā
ēd ān ī ōy paydāgīh daxšag ast ēd čiš ō pēš gōwam
u ēd =iz paydāgīh pad abar_nigerišnīh ka nigerēnd paydāg bawēd
čiyōn kanām =iz =ēw gyāg rasēnd dast ī ǰādūgīh āškārīhā
ēdōn =iz hēnd ǰādūgtomist
ēdōn =iz awēšān ul rasēnēnd snēxr ud tagarg awēšān =iz ōh kunēnd ast ēdōn gōwēd ay ēdōn az awēšān ul rasēd snēxr ud tagarg wināhgārīh ī awēšān rāy wēš bawēd
čēgāmiz =ēw mayg ud čēgāmiz =ēw abāz atū
dwāzdahom az gyāgān ud rōstāgān ā =m pahlom frāz brēhēnīd man ohrmazd ham
rag ī sē_tōhmag
ādurbādagān ast ray gōwēd
u sē_tōhmagīh ēd āsrōn ud artēštār ud wāstaryōš nēk az =iš bawēnd
ast ēdōn gōwēd ay zardušt az ān gyāg būd u ēn har se pad =iš būd ray gōwēd
u sē_tōhmagīh ēd ēn se paywand az ān gyāg būd raft vaēδaŋhō_nōit̰_uzōiš
u pad ān ī ōy petyāragīh frāz kirrēnīd gannāg_mēnōy purr_marg
ān ī wattar abar gumānīgīh xwad gumān hēnd ud kasān =iz gumān kunēnd
sēzdahom az gyāgān ud rōstāgān ā =m pahlom frāz brēhēnīd man ohrmazd ham
čaxr ī abzār ud kirdār mazan
u pad ān ī ōy petyāragīh frāz kirrēnīd gannāg_mēnōy purr_marg
ān ī anāpuhragān wināh nasā poxt ay =šān pad dād was pazēnd ēn čiyōn rōbāh ud rasūg
čahārdahom az gyāgān ud rōstāgān ā =m pahlom frāz brēhēnīd man ohrmazd ham
warn ī čahār_gōš padišwārgar gēl ast kirmān gōwēd u čahār_gōšīh ēd rāh čahār andar ēstēd ast ēdōn gōwēd šahrestānīh dar čahār ast
ō ān zād frēdōn pad zanišn ī az_ī_dahāg
u pad ān ī ōy petyāragīh frāz kirrēnīd gannāg_mēnōy purr_marg
ān =iz abārōn daštān stahmagtar bawēd anēr =iz dehān abar_mānišnīh pad padišxwārgar gōwēd sarm kirmān gōwēd bārīč
pānzdahom az gyāgān ud rōstāgān ā =m pahlom frāz brēhēnīd man ohrmazd ham
haft_hindūgān u haft hindūgānīh ēd sar xwadāy haft ast ēd =iz rāy gōwam haft nēst čē az abestāg hača_ušastara_həṇduua_auui_daōšatarəm_həṇdum ast ēdōn gōwēd har kišwar =ēw ēk ast
u pad ān ī ōy petyāragīh frāz kirrēnīd gannāg_mēnōy purr_marg
ān =iz abārōn daštān stahmagtar bawēd ān ī abārōn garmīh freh az paymān bawēd
šāzdahom az gyāgān ud rōstāgān ā =m pahlom frāz brēhēnīd man ohrmazd ham
abar_pad oδā ī arangistān ī hrōm asālār abar mānišn hēnd zūd abāz ēstēnd ast ēdōn gōwēd ay xwadāy pad xwadāy dārēnd
u pad ān ī ōy petyāragīh frāz kirrēnīd gannāg_mēnōy purr_marg
zamestān ī dēwān_dād stahmagtar bawēd
hēnd anī =z gyāg ud rōstāg ī nāmčištīg guft ēstēd nēk pad dīdan zofr pad kār dādestān ud ārzōg abāyišnīg pursišn pursišn was kunēnd bāmīg xwarrahōmand ast nisāyag gōwēd čiyōn pārs ī abēzag bāmīg
didīgar pargard bun
pursīd zardušt az ohrmazd ohrmazd mēnōy abzōnīg dādār ī gēhān ī astōmandān ahlaw ay ohrmazd dādār ahlaw pad xwānišn abārīg pad stāyišn
ō fradom mardōmān ham_pursīd ohrmazd =t ham_pursagīh pad dēn fradom abāg kird
any az man zardušt ham ā =t ō frāz nimūd ēn dēn ī ohrmazd ud zardušt
u guft ohrmazd ō ǰam ī nēk huramag ahlaw zardušt ay huramagīh ēd būd ramag ī mardōmān ud ramag ī gōspandān drust dāšt
ō ōy fradom az mardōmān ham_pursīd ham man ohrmazd ham ham_pursagīh ī pad dēn fradom abāg ōy kird
any az zardušt ā =m ō ōy frāz nimūd ēn dēn ī ohrmazd ud zardušt
ēg =am ō ōy guft zardušt man ohrmazd ham
padīr az man ǰam ī nēk wīwanghānān ōšmurišn ud barišn ō dēn hērbedīh ud hāwištīh kun
ēg =iš ō man passox guft ǰam ī nēk zardušt
dād ham čāšīdār ōšmurišn ud barišn ō dēn =m hērbedīh ud hāwištīh tuwān kirdan
ēg =am ō ōy guft zardušt man ohrmazd ham
agar az man ǰam padīrē ōšmurišn ud barišn ō dēn hērbedīh ud hāwištīh kunē
ēg ān ī man gēhān frāxwēn wēš kun ēg ān ī man gēhān wālēn frabīhtar kun ēg ān ī man padīr gēhān rāy srāyišn parwarišn sālārīh framān dādan pad nigāh_dārišnīh pānagīh kirdan
ēg =iš ō man passox guft ǰam ī nēk zardušt
an ān ī gēhān frāxwēnam wēš kunam ān ī gēhān wālēnam frabīhtar kunam ān az padīram gēhān rāy srāyišn parwarišn ud sālārīh framān dādan pad nigāh_dārišnīh pānagīh kirdan ēd kunam ēd =iz kunam
pad ān ī man xwadāyīh bawēd ān sard wād ān garm wād ud xīndagīh waštagīh ud margīh ham_bun =iz
ǰam ān ī būd hērbedīh ud hāwištīh
weh_dēn būd ud ahlaw būd u daxšag mardōmān andar tan kird ēstād
ēn weh_dēn būd az ān gyāg paydāg mrūiδi_tat̰_mąϑβəm_yat̰_aēmčit̰_yō_daēuua
ēn ahlaw būd az ān gyāg paydāg yimahe_vīuuaŋhanahe_aṣ̌aōnō_frauuaṣ̌īm_yaz ǰam ī wīwanghānān ahlaw frawahr yazēm
ēn daxšag mardōmān andar tan kird ēstād az ān gyāg paydāg abarəṣ̌nauua_pasčaēta_asāra_maṣ̌iiākaēibiiō
ǰam ud kay us har ahōš dād ēstād hēnd wināhgārīh ī xwēš rāy ōšōmand būd hēnd ǰam rāy az ān gyāg paydāg mūṣ̌u_tat̰_paiti_akərənaōt̰_aōṣ̌aŋhat̰_huua_hizuua kay us rāy az ān gyāg paydāg am̨i_dim_paiti_fraŋhərəzat̰_am̨i_hō_bauuat̰_aōṣ̌aŋ
ēg ō ōy zay frāz baram man ohrmazd ham
sūrāgōmand ī zarrēn ud aštar =iz zarrēn_pēsīd muhrāg ī dastag
ǰam būd barišn ī xwadāyīh ān xwadāyīh ēdōn nēk pad ān abzār tuwān būd kirdan
ēg ka pad ān ī ǰam xwadāyīh ān sidīgar sadōzim ō_ham mad sar bawēd
ēg ēn zamīg būd purr az pahān stōrān mardōmān sagān wayān ātaxš =iz ī suxr ī sōzāg
awēšān abar hīm abar_pad ēn zamīg gāh windīd pah ud stōr ud mardōm
ēg =išān ō ǰam ī nēk abar paywēhīd awēšān xwēškārīh būd āpursīd
ǰam ī nēk wīwanghānān purr ēn zamīg ō_ham mad az pahān ud stōrān ud mardōmān ud sagān ud wayān ātaxš =iz suxr ī sōzāg
abar ēn hīm abar_pad ēn zamīg gāh windīd pah ud stōr ud mardōm
ēg ǰam frāz raft pad rōšnīh ān ī pad rōšnīh ī xwēš abar_ō rapihwintar rōn abar_pad ān ī xwaršēd rāh
paydāgēnīd xwēškārīhā pad kār =ēw kāmēd šudan ā se gām ō rapihwintar rōn šawišn u yatāahūwayryō =ēw gōwišn u ǰahišn xūbtar bawēd az gāw paydāg usəhištat̰_gāuš_barat̰_daŋ́huš
ān abestāg gōwišn az pasušhorw paydāg srīra_uxδa_vačā̊_sąsaŋhąm
ēn ān ī abestāg ī yatāahūwayryō =ēw az ahunō_vairiiō paydāg
ān ō ēn zamīg abar swad pad sūrāgōmand ī zarrēn u ān suft pad aštar abar frōd darrēd u ēdōn guft
dōšāramīhā kunē spandarmad dōšāramīhā dāmān rāy kun ēn čiš frāz raw wēš dārē hunąm yašt bawē barišn ī pahān stōrān ud mardōmān rāy kunē ēn čiš
ēg ǰam ēn zamīg rawēnīd ēk srišwadag az ān meh čiyōn pēš az ān būd
abar ān ānōh frāz raft hēnd pah ud stōr ud mardōm
pad ān ō xwēš dōšišn čiyōn kadāriz =ēw ān ī ōy xwēš kāmag ud dōšišn har kas =ēw ast ān ī ǰam gōwēd az ān ī petyārag ō dām madan tuwān
ēg ka ān ī ǰam xwadāyīh ān šašom sadōzim ō_ham mad sar būd
ēg ēn zamīg būd purr az pahān ud stōrān mardōmān sagān ud wayān ātaxš =iz suxr sōzāg
u =šān abar ēn hīm abar_pad ēn zamīg gāh windīd pah ud stōr ud mardōm
ēg =išān ō ǰam ī nēk abar paywēhīd awēšān xwēškārīh būd āpursīd
ǰam ī nēk wīwanghānān purr ēn zamīg ō_ham mad az pahān ud stōrān ud mardōmān ud sagān ud wāyān ātaxš =iz suxr ī sōzāg
abar ēn hīm abar_pad ēn zamīg gāh windīd pah ud stōr ud mardōm
ēg ǰam frāz raft pad rōšnīh ān ī pad rōšnīh ī xwēš abar_ō rapihwintar rōn abar_pad ān ī xwaršēd rāh
paydāg kird xwēškārīhā pad kār =ēw kāmēd šudan ā se gām ō rapihwintar rōn šawišn u yatāahūwayryō =ēw gōwišn u ǰahišn xūbtar bawēd az gāw paydāg usəhištat̰_gāuš_barat̰_daŋ́huš
ān abestāg gōwišn az pasušhorw paydāg srīra_uxδa_vačā̊_sąsaŋhąm
ēn ān ī abestāg ī yatāahūwayryō =ēw az ahunō_vairiiō paydāg
ān ō ēn zamīg abar swad pad sūrāgōmand ī zarrēn u ān suft pad aštar abar frōd darrēd u ēdōn guft
dōšāramīhā kunē spandarmad dōšāramīhā dāmān rāy kun ēn čiš frāz raw wēš dārē hunąm yašt bawē barišn ī pahān stōrān ud mardōmān rāy kunē ēn čiš
ēg ǰam ēn zamīg rawēnīd srišwadag az ān meh čiyōn pēš az ān būd
abar_ō ānōh frāz raft hēnd pah ud stōr ud mardōm
pad ān ō xwēš kāmag ud dōšišn čiyōn kadāriz =ēw ān ōy dōšišn har kas =ēw
ēg ka pad ān ī ǰam xwadāyīh ān nohom sadōzim ō_ham mad sar būd
ēg ēn purr az pahān ud stōrān mardōmān sagān ud wayān ātaxš =iz suxr sōzāg
u =šān abar ēn hīm pad ēn zamīg gāh windīd pah ud stōr ud mardōm
ēg =išān ō ǰam ī nēk abar paywēhīd awēšān xwēškārīh būd āpursīd ǰam ī nēk wīwanghān
purr ēn zamīg ō_ham mad az pahān ud stōrān ud mardōmān ud sagān ud wayān ātaxš =iz suxr ī sōzāg
abar ēn hīm abar_pad ēn zamīg gāh windīd pah ud stōr ud mardōm
ēg ǰam frāz raft pad rōšnīh ān ī pad rōšnīh ī xwēš abar_ō rapihwintar rōn abar_pad ān ī xwaršēd rāh
paydāgēnīd xwēškārīhā pad kār =ēw kāmēd šudan ā se gām ō rapihwintar rōn šawišn u yatāahūwayryō =ēw gōwišn u ǰahišn xūbtar bawēd az gāw paydāg usəhištat̰_gāuš_barat̰_daŋ́huš
ān abestāg gōwišn az pasušhorw paydāg srīra_uxδa_vačā̊_sąsaŋhąm
ēn ān ī abestāg ī yatāahūwayryō =ēw az ahunō_vairiiō paydāg
ān ō ēn zamīg abar swad pad sūrāgōmand ī zarrēn u ān suft pad aštar abar frōd darrīd u ēdōn guft
dōšāramīhā kunē spandarmad dōšāramīhā dāmān rāy kun ēn čiš frāz raw wēš dārē hunąm yašt bawē barišn ī pahān stōrān ud mardōmān rāy kunē ēn čiš
ēg ǰam ēn zamīg rawēnīd se srišwadag az ān meh čiyōn pēš az ān būd
abar_ō ānōh frāz raft hēnd pah ud stōr ud mardōm
pad ān ō xwēš dōšišn čiyōn kadāriz =ēw ān ī ōy xwēš kāmag ud dōšišn har kas =ēw ast ān ī ǰam gōwēd ān petyārag ō dām madan tuwān
frāz sadōzim sidīgar andar xwadāyīh ī ǰam sar bawēd ǰam šaš_sad sāl wēš ēn dām amarg ud azarmān dāšt ēn čand wēš dāšt ā =m rōšnag
u =šān hazārag sar kirrēnēd az ān gyāg paydāg paōiriieheča_pasčaēta_hazaŋhrō_zəmahe_ϑβarsō_ās_yi
u ēn gēhān pad se bār ān_and ǰam kird auuaiti_bązō ōh =iz ēdōn ast čiyōn kird ā =m rōšnag ast ēdōn gōwēd ay čagād ō gabrān hambārēd ast ēdōn gōwēd ay fragānīh abāz sparānīd ast ēdōn gōwēd ay gōspand ī nizār wāstar dād abzāyēd
ohrmazd ēn dām sē_hazār sāl mēnōy ēstišn dāšt sē_hazār sāl gētī ēstišn apetyārag ud sē_hazār sāl az petyārag ī dām madan dēn madan sē_hazār az dēn ī madan tan ī pasēn az ān gyāg paydāg čuuaṇtəm_zruuānəm_mainiiauua_stīš_aṣ̌aōne_dāta_as
hanǰaman =iš frāz burd dādār ohrmazd zamān kird abāg mēnōyān yazadān abar_ō ān ī nāmīg ērānwēz weh_dāytī
hanǰaman =iš frāz burd ǰam ī šēd ī huramag zamān kird abāg pahlomān mardōmān abar_ō ān ī nāmīg ērānwēz weh_dāytī
ō ān hanǰaman mad dādār ohrmazd pad zamān ī kird mad abāg mēnōyān yazadān abar_ō ān ī nāmīg ērānwēz weh_dāytī
ō ān hanǰaman mad ǰam šēd ī huramag pad zamān ī kird mad abāg pahlomān mardōmān abar_ō ān ī nāmīg ērānwēz weh_dāytī
ay ohrmazd ēn hanǰaman war rāy kird u drahnā ī zamestān rāy kird
az pēš paydāg ǰam āgāhīh az ohrmazd būd mardōmān āgāhīh az ǰam būd ǰam ī ohrmazd guft āšnūd ka abāyēd dīdan ā dīd
mardōmān =iz ān ī ǰam guft āšnūd ēn =šān ān ī ohrmazd guft āšnūd ay ka =šān ēd kār rāy būd ā ō gyāg =iz ī ǰam šud hēnd
u guft ohrmazd ō ǰam ǰam ī nēk ī wīwanghānān
abar_ō ox ī astōmand ān wattar zamestān rasēd
az ān stahmagīh ī sturg har gyāg =ēw andar šawēd mūdag zamestān čiš tabāh kunēd
abar_ō ox ī astōmand ān ī wattar zamestān rasēd malkūsān gōwēd
az ān was snōyān wafr snēšišn pad bālist abar garān pad bāš čand ird ān gyāg kem nišānēd ēd widest angust nišānēd
az se gyāgān ēdar ǰam gōspand rasēnd
ēd =iz ast pad bīmagēntar az gyāgān čiyōn spāhān
ēd =iz ast pad bālēn abar garān čiyōn abarsēn
ēd =iz ān zofr rōstāg čiyōn ērāstān abar_ō ān kird mān
pēš az zamestān awēšān deh būd hēnd burd wāstar =šān pēšōbāy ī nēk būd u =šān hambār abāz kird
pēš az āb bē_wazišnīh pas az bē_tāzišnīh ī wafr pēš ud pas
abd =iz ēdar ǰam andar ox ī astōmand sahēd ka ēdar pah anumē pay wēnīhēd ay az ān =iz pay abar dīdan pahast was mānēd
ēg ān ī war kunē aspres_drahnā pad kadāriz =ēw ī čahrušwadag hāsr az kust =ēw ast har čahār kust gōwēd
u pad āgenēn tōhmag abar bar az pahān stōrān mardōmān sagān wayān ātaxš =iz suxr ī sōzāg
ēg ān ī war kunē aspres_drahnā pad kadāriz =ēw ī čahrušwadag mardān abar_mānišnīh rāy
aspres_drahnā pad kadāriz =ēw ī čahrušwadag gāwān gōstān rāy
u pad āgenēn āb frāz tazēn hāsr_masā rāh
u pad āgenēn marw ēstēn pērāmōn ī āb
abar hamēšag zarrēn gōn tarr abar hamēšag xwarišn anafsinnišnīh ka xward mad
u pad āgenēn mān ēstēn pērāmōn ī marw =iz
kadag dēwār frāz āškōb āškōb frawār ud pērāmōn ī parwār bawēd ka ēdōn kird
u pad āgenēn az harwispīn narān ud nārīgān tōhm abar bar
hēnd pad ēn zamīg mahist pad tan pahlom pad arz nēktom pad dīdan
u pad āgenēn az harwispīn gōspand sardagān tōhm abar bar
hēnd pad ēn zamīg mahist pad tan pahlom pad arz nēktom pad dīdan
u pad āgenēn az harwispīn urwarān tōhm abar bar
hēnd pad ēn zamīg bālist čiyōn sarw ud činār hubōytom čiyōn gul ī yāsaman
u pad āgenēn az harwispīn xwarišnān tōhm abar bar
pad ēn zamīg xwarzist čiyōn xormā ud hubōytom čiyōn bēh ud wādrang
awēšān war mānišnān rāy kunē gānag anafsinnišn miϑβaire ast gumēzag gōwēd ast hamēšag gōwēd
hamē az ān ka awēšān mardān war mānišnān hēnd ay paydāg bawēd war mānišnān hēnd
ma ō ānōh ān ī frāz kōfag ō pēš ma ān ī abāz kōfag ō pas ā ō ān gyāg ma nayēd ma ān ī yyy stūnag andar war frōd škast ēstēd ma ān xalag dastwar dārēd
ma dribag murdag āwarēd ma ān ī frēftār
ma ān ī yyy ma ān ī yyy rēšag =iz ast xōnazg gōwēd
ma ān ī winast dandān afsōs kunēd ast ēdōn gōwēd dandān =iš pūdag ēstēd
ma pēs ǰud kird ēstēd tan wāzag ay dēnīg kār ast ēdōn gōwēd ay ma pēs ī kōft ēd =iz ǰud kird ēstēd tan
ma kas az ān daxšag hēnd gannāg_mēnōy daxšag pad mardōmān dād ēstēd ā ō ān gyāg ma nayēd
pad ān frāztom deh ī meh widarg kun kōyag
pad ān mayānag šaš pad ān nidom se
pad ān ī frāztom widarg deh ī meh ā hazār az narān ud nārīgān tōhm abar bar
pad ān mayānag šaš_sad pad ān ī nidom sē_sad ay ka deh marag paydāg mardōm marag =iz paydāg bawē
abar =iz awēšān war mānišnān rāy kunē pad sūrāgōmand ī zarrēn
abar =iz pad ān war dah dēwār xunak wēz rōzan dargāh hil xwad_rōšn az andarōn nēmag bawēd ka ēdōn kird būd
ēg =iš menīd ǰam čiyōn awēšān an war kunam ō man guft ohrmazd
u guft ohrmazd ō ǰam ī nēk wīwanghānān
ēn zamīg pad pāšnag ōspar ud
pad dast xafxay homānāg ī ōy kird čiyōn nūn mardōm ka ān šuhr zamīg rawēnēnd
ēg ǰam ēdōn kird čiyōn pad ōy xwāst ohrmazd
ēn zamīg pad pāšnag ōspurd ud pad dast afxast homānāg ō kird čiyōn nūn mardōm ka ān šuhr zamīg rawēnēnd
ēg ǰam ān ī war kird aspres_drahnā pad kadāriz =ēw ī čahrušwadag hāsr az kust =ēw ast har čahār kust gōwēd
u pad āgenēn tōhmag abar burd az pahān stōrān mardōmān sagān wayān ātaxš =iz suxr ī sōzāg
ēg ān ī war kird aspres_drahnā pad kadāriz =ēw ī čahrušwadag mardān abar_mānišnīh rāy
aspres_drahnā pad kadāriz =ēw ī čahrušwadag gāwān gōstān rāy
u pad āgenēn āb frāz tazēnīd hāsr_masā rāh
u pad āgenēn marw ēstēnīd pērāmōn ī āb
abar hamēšag zarrēn gōn tarr abar hamēšag xwarišn anafsinnišnīh ka xward mad
u pad āgenēn mān ēstēnīd pērāmōn ī marw =iz kadag dēwār frāz aškōb aškōb frawār ud pērāmōn ī parwār būd ka ēdōn kird
u pad āgenēn az harwispīn narān ud nārīgān tōhm abar burd
hēnd pad ēn zamīg mahist pad tan pahlom pad arz nēktom pad dīdan
u pad āgenēn az harwispīn gōspand sardagān tōhm abar burd
hēnd pad ēn zamīg mahist pad tan pahlom pad arz nēktom pad dīdan
u pad āgenēn az harwispīn urwarān tōhm abar burd
hēnd pad ēn zamīg bālist čiyōn sarw ud činār hubōytom čiyōn gul ī yāsaman
u pad āgenēn az harwispīn xwarišnān tōhm abar burd
pad ēn zamīg xwarzist čiyōn xormā ud hubōytom čiyōn bēh ud wādrang
u pad awēšān war mānišnān rāy kird ān ī dōgānag anafsinnišn miϑβaire ast gumēzag gōwēd ast hamēšag
hamē az ka awēšān mardān war mānišnān hēnd ay paydāg bawēd war mānišnān hēnd
ō ānōh ān ī frāz kōfag ō pēš ān ī abāz kōfag ō pas ā ō ān gyāg nayēd ān ī zpyl stūnag andar war frōd škast ēstēd ān xalag dastwar dārēd
dribag murdag āwarēd ān ī frēftār
ān ī yyy ān ī yyy rēšag =iz ast xōnazg gōwēd
ān ī winast dandān afsōs kunēd ast ēdōn gōwēd ay dandān =iš pūdag ēstēd
pēs ǰud kird ēstēd tan wāzag ay dēnīg kār ast ēdōn gōwēd ay pēs ī kōft ēd =iz ǰud kird ēstēd tan
kas az ān daxšag hēnd gannāg_mēnōy daxšag pad mardōmān dād ēstēd ā ō ān gyāg nayēd
u pad ān frāztom deh ī meh widarg kird kōyag
pad ān mayānag šaš pad ān nidom se
pad ān