pad nām ī yazadān

abdīh ud sahīgīh ī zamīg ī sīstān az abārīg šahrīhā ēd rāy abērtar ud weh

ēk ēn kū rōd ī hēdmand ud war ī frazdān ud zrēh ī kayānsēy ud gar usdāštār andar zamīg ī sīstān

zāyīšn ud parwarišn ī hōšīdar ud hōšīdarmāh ud sōšyans ī zarduštān ī spitāmān aziš rīst_āxēz kirdan

ēk ēn kū paywand ud tōhmag ī kayān dahībedān pad ēn kišwar wizand awiš mad

az frazendān ī frēdōn salm kē kišwar ī hrōm ud tūč kē turkestān pad xwadāyīh dāšt ēriǰ ērān dahībed būd u_ān =š bē ōzad

ud az frazendān ī ēriǰ bē kanīg =ēw ēnyā kas bē nē mānd

ud pas frēdōn ō war frazdān nīd ud pad nihān dāšt tā n_ohom paywand ka az ān kanīg pus zād

pas frēdōn ō war ī frazdān šud u =š az ardwisūr anāhīd page 230 ud abārīg yazadān kē andar sīstān gāh ud mehmānīh abardar āyaft xwāst pad abāz ārāstan ī ērān_šahr ud xwarrah ī kayān āyaft windād abāg manūščihr ud awēšān ērān āfrīn

ēk ēn kū wištāsp_šā dēn pad war ī frazdān kird rawāgīh

fradom pad sīstān ud pas pad abārīg šāhrīhā

pad hampursagīh ī zardušt ud sen ī ahūmstūdān ī bustīg čiyōn az hāwištān ī zardušt fradom pad ēw_ sad hāwištīh ōy būd

dēn andar sīstān ō čāštan rawāg dāštan rāy nask nask pad dūdag ī wehān frāz frēstīd

was =ēw baγān yasn =iz xwānd čiyōn yasn burzmihr ī zardušt pad wirastagīh ī ān būd ud windād

ka gizistag alaksandar ī hrōmā ō ērān_šahr mad page 231 awēšān kē pad brāh ī moγ_mardīh raft grift ōzad

mard ud rēdag ēw_čand ō sīstān āmad hēnd

nask =ēw būd ī zanān būd ī aburnāyīg =ēw nask =ēw yw’yyywč xwast warm kird ēstād

pad =iz pwn me ān rāh dēn andar sīstān abāz yašt ud ārāst ud wirāst nōg nōg

bē pad sīstān ēnyā ’yywš abārīg gyag nē warm

man kē pad ān gyāg hamāg dēn =ēw yazēm šādīh guharīgānīh rāy hādōxt =ēw framāyēnd yaštān

frazaft pad drōd šādīh rāmišn šād ud farrox ud dagr_zīyišn ud pērōz_gar ud ahlaw kāmag_hanǰām bawād kē nibišt kē xwēš ud kē xwānēd

ašǝm