Select Section Type

xšnāyišn dādār ohrmazd rāyōmand xwarrahōmand harwisp_āgāh ī dānā ī tuwānā ī mahist humat hūxt huwaršt pad menišn gōwišn kunišn hamāg yazadān mēnōyān yazadān gētīyān
pad nēk ǰahišn xūb murwāg xwāham nibišt pad did axtar nēk pad dastwarīh yazadān_dōst hamāg_xrad ahlāyīh_warzīdār kirbag_dōst ī yazadān_šnās ī mēnōy_wēn ī wehān_passend dastwar ī dēn ī weh ī mazdēsnān anōšag_ruwān spandyād māh_windād rōstom šahryār nibēsā bun_dahišnīh
az madan ī tāzīgān X ō_ī ērān_šahr rawāgēnīd ān -išān dušdēnīh dušxwāhīh ī az kayān hudēnīh ud az dēn_burdārān āzarmīgišn ānāft
rāzān būd bawēd az yazadān wehīhā ī zofr abdwān čamakīh tisān menišnīh ī kunišn rāst čam saxwan ayādagīh ud dānišn ī pāyram uzīd
wad_zamānīh X rāy ōy -iz az dūdag ī abarmānīg kayān ud kayān dēn_burdārān ō rām ud ristag ī awēšān dušdēnān gumēxt
pad abarag hudēnān saxwan brahm ud paristišn ud kirdag pad āhōg ērang dāšt hēnd
ōy -iz pad ēn frahang ud rāz hammōxtan kāmag būd az gyāg gyāg pad harg ud rōzēnšab ī halagīh ō xwēš kirdan šāyēd tuwān būd
ān zand_āgāhīh nazdist abar buništīh ohrmazd ud petyāragīh ī ganāg_mēnōy pas abar čiyōnīh ī gēhān_dām az bundahišnīh frazām čiyōn az dēn ī mazdēsnān paydāg
pas abar xīr az sān X dārēd pad wizārišnīh čēīh ud čiyōnīh
pad weh_dēn ōwōn paydāg ohrmazd bālistīg pad harwisp_āgāhīh ud wehīh zamān akanārag andar rōšnīh hamē būd
ān rōšnīh gāh_ud_gyāg ohrmazd ast asar rōšnīh gōwēd
ān harwisp_āgāhīh ud wehīh zamān ī akanārag čiyōn ohrmazd
ud gāh dēn zamān ī ohrmazd būd hēnd
ahriman andar tārīgīh pad pas_dānišnīh ud zadār_kāmīh zofr_pāyag būd
u zadār_kāmagīh xām ud ān tārīgīh gyāg ast asar tārīgīh gōwēd
u -šān mayān tuhīgīh bawēd ast way gumēzišn padiš
harw hēnd kanāragōmandīh ud akanāragōmandīh
čē bālistīh X X X , , , , , , , , X X X ān ī asar rōšnīh gōwēd sarōmand
ud zofr_pāyag ān ī asar tārīgīh
ud ān ast agāragīh
pad wimand harw kanāragōmand -šān mayān tuhīgīh ud ēk ō did paywast hēnd
did harw X dōān mēnōy pad xwēš_tan kanāragōmand
ud did harwisp_āgāhīh ī ohrmazd rāy harw čē andar dānišn ī ohrmazd ,
kanāragōmand čē ān ī harw awimand paymān ānīd
did bowandag_pādixšāyīh ī dām ohrmazd pad tan ī pasēn hamē_hamē_rawišnīh
ud ān ast akanāragīh
ud dām ī ahriman pad ān zamān be abesīhēnand ī ka tan ī pasēn bawēd
ān -iz ast kanāragōmandīh
ud ohrmazd pad harwisp_āgāhīh dānist ganāg_mēnōy ast abar handāzēd ud kunēd pad arešk_kāmagīh čiyōn gumēzēd abar fragān abar frazām pad abar čand abzārān
u mēnōyīhā ān dām ī pad ān abzār andar abāyēd frāz brēhēnīd
sē_hazār sāl dām pad mēnōyīg estād būd hēnd amēnīdār ud arawāg ud agriftār
X ganāg_mēnōy pas_dānišnīh rāy az hastīh ī ohrmazd anāgāh būd
pas az ān zofāyag āxēzist
ō wimand ī dīdār ī rōšnān mad
ka dīd ohrmazd ān rōšnīh ud agriftār padrōb zadār_kāmagīh ud arešk_gōhrīh rāy pad murnǰēnīdan tag abar kird
u pas yalīh ud abarwēzīh ī farrox az ān ī xwēš
abāz ō tom dwārist kirrēnīd was dēw ān ī dām ī murnǰēnīdār niyāz ud ardīggarīh ,
ohrmazd dām ī ganāg_mēnōy astwand sahist
dām ī hēn ī pūdag wadag_dōšīh burzīd hēnd
ud pas ganāg_mēnōy dām ī ohrmazd dīd sahist was dām ī zofr ī wan hamāg_pursišnīh
u burzīd ān ī ohrmazd dām_dahišnīh
ēg ohrmazd abāg -iz čē ēwēnag dānistan dām ī frazām ī kār ō padīrag ī ganāg_mēnōy āštīh abar dāšt guft ganāg_mēnōy abar ō dām ī man ayārīh bar , ud stāyišn dah pad ān X pāddāšn amarg ud azarmān asōhišn bawē
u čim ēn agar ardīg sārēnē xwad agār ud ō -mān harw_dōān sūd abgārīhā
u drāyīd ganāg_mēnōy baram ō dām ī ayārīh daham stāyišn
ud dām -iz ī murnǰēnam hamē_hamē_rawišnīh
hāzām harwisp dām ī ō adōstīh ud dōstīh ī man
u wizārišn ēn pad ēd dāšt ohrmazd andar ōy ačārag ud ēd rāy āštīh pēš dārēd
padīrift padist -iz abar burd
u guft ohrmazd harwisp_kirdār ganāg_mēnōy -t man tuwān murnǰēnīdan u dām ī -z man ēdōn tuwān kirdan abāz ō xwēšīh man rasēnd
pas ohrmazd pad harwisp_āgāh dānist agar zamān ī kārēzār -iz ī ī gīram ēg tuwān kirdan pad dām ī man čiyōn padist abar burd ud kōxšišn ud gumēzišn ī hamēyīhā
u andar gumēzišn dām nišastan ō xwēš kirdan tuwān čiyōn nūn -iz mardōm andar gumēzišn was ačāragīh wēš warzīd frārōnīh kāmag ī ganāg_mēnōy wēš hamē warzēnd
u guft ohrmazd ō ganāg_mēnōy zamān_grift ī kārēzār pad ēn pašn nō_hazār sāl frāz abganam
čē dānist pad ēn zamān_gīr X agārēnēd ganāg_mēnōy
ēg ganāg_mēnōy awēnāg_frazāmīh rāy pad ān paymānag ham_dādestān būd
ēdōn čiyōn mard hamkōxšišn zamān frāz gīrēnd -mān wāhmān rōz šab kārēzār kunam
ohrmazd ēn -iz pad harwisp_āgāhīh dānist andar ēn nō_hazār sē_hazār sāl hamāg kāmag ī ohrmazd rawēd sē_hazār sāl andar gumēzišn kāmag ī ohrmazd ahriman harw rawēd ud pad ān ī abdom ardīg , ganāg_mēnōy agār šāyēd kirdan ud az dām petyāragīh abāz X dārēd
pas ohrmazd ahunawar frāz srūd yatā_ahū_wayryō ēk wīst_ēk mārīg guft
u frazām_pērōzīh ī xwēš agārīh ī ganāg_mēnōy ud abesīhišn ī dēwān ud ristāxēz tan ī pasēn ud apetyāragīh ī dām ud hamē_ud_hamē_rawišnīh ō ganāg_mēnōy nimūd
ganāg_mēnōy ka ud agāragīh ī xwēš abesīhišn ī dēwān hammist dīd sturd ud abōy bawēd abāz ō tam ōbast
ōwōn čiyōn pad dēn gōwēd ka ēk -ēw guft būd ganāg_mēnōy az bīm tan andar hanǰīd ka bahr guft būd ganāg_mēnōy pad šnūg andar ōbast ka bowandag guft būd agār būd ganāg_mēnōy az agāragīh pad dāmān ī ohrmazd kirdan
sē_hazār sāl pad sturdīh nibast
dām_dahišnīh ī mēnōyīhā gōwam ud pas gētīyīhā
ohrmazd pēš az dām_dahišnīh būd xwadā ud pas az dām_dahišnīh xwadā ud sūd_xwāstār X frazānag ǰud_bēš ud āškārag hamē_rāyēnīdār ud abzōnīg ud harwisp_nigerīdār būd
u nazdist dahišn xwadā dād nēk_rawišnīh ān ī mēnōy ī tan ī xwēš padiš weh kirdan
ka dahišnīh menīd čē az dām_dahišnīh xwadāyīh būd u dīd pad rōšn_wēnāgīh ohrmazd ganāg_mēnōy hagriz az petyāragīh wardēd ān ī petyāragīh ǰud pad dām_dahišnīh agārīhēd dām ǰud pad zamān rawāgīh bawēd ka zamān brēhēnēd dām -iz ī , ahriman , rawāg be bawēd
u ačāragīhā petyārag agār kirdan rāy zamān frāz brēhēnīd
u čim ēn ganāg_mēnōy ǰud pad kārēzār agārīhēd
kārēzār wizārišn ēn kār -ēw pad čār ud čāragōmandīhā kirdan , abāyēd
pas az zamān ī agāragīhā zamān ī dērand_xwadāy frāz dād ast zamān ī X kanāragōmand gōwēd
az zamān ī dērand_xwadāy asazišnīh frāz dād tis ohrmazd sazēd
az asazišnīh axwārīh_rawišnīh paydāg būd dēwān xwārag rasēd
az axwārīhgarīh_rawišnīh mēnōy abē_wardišnīh paydāg būd ān mēnōy tis ī ohrmazd az ān ī pad bundahišn dād wardēd
az mēnōy abē_wardišnīh bowandag_kāmag ī dām_gēhān paydāg bawēd frārōn dām_dahišnīh ud hamdādestānōmandīh
ahriman pad abārōn dām_dahišnīh ud adānīh adādestānīh
u čim_wizārišn ēn ahriman abāg ohrmazd kōxšīhēd
xwadā ud farroxagīh ud hamagīh ud pahlomīh ud asazišnīh ī ohrmazd ud agārīh xwad_dōšagīh ud apahlomīh , pas_dānišnīh ī ganāg_mēnō ō paydāgīh X mad ka dām dād
čē zamān -iz ī dērand_xwadāy nazdist dām ī frāz brēhēnīd čē agārag būd X pēš az gumēzīh
hamēyīh ī ohrmazd kāragōmand brēhēnīd az ān akanārīh az bundahišn ka dām dād ō frazām ganāg_mēnōy agār bawēd , paymānag -ēw dwāzdah-hazār sāl kanāragōmand
ud pas ō , akanāragōmandīh gumēzēd ud wardēd dām -iz ī ohrmazd abēzagīhā abāg ohrmazd hamēyīg bawēnd
čiyōn gōwēd pad dēn zamān ōzōmandtar az harw dōān dāmān dām ī ohrmazd ud ān -iz ī ganāg_mēnōy
zamān ayābag ō kār dādestān zamān az ayābagān ayābagtar zamān az pursišnīgān pursišnīgtar wizār pad zamān šāyēd kirdan
zamān ī mān abganīhēd ī brīn pad zamān pēsīdag frāz , škihēd
ud kas az ōy bōxtēd az ōšōmandān mardōmān ka ō ul wāzēd ka ō nigūnīh čāh -ēw kanēd andar nišīnēd ka azēr xān ī X ābān ī sard frōd wardēd ,
ohrmazd az ān ī xwēš xwadīh az stī_rōšnīh kirb ī dāmān ī X xwēš frāz brēhēnīd pad ātaxš_kirb ī rōšn ī spēd ud gird frāz_paydāg
az stī ī ān mēnōy petyārag ī andar harw dām ā burdan tuwān ast zamān
ā kirb ī way weh frāz brēhēnīd čiyōn way abāyēd ast way ī dērand_xwadā gōwēd
u dām pad ayārīh way ī dērand_xwadā frāz brēhēnīd čē ka dām -iz dād way -iz abzār -ēw ī pad kār andar abāyēd
ganāg_mēnōy az stī tārīkīh ān xwēš_tan dām frāz kirrēnīd pad ān kirb ī syāh ī ādurestarōn ī tam_arzānīg druwand čiyōn bazag_axwtar , xrafstar
u az stī xwaddōšagīh waran ī X frāz kirrēnīd čiyōn waran abāyēd
u nazdist dēwān xwadīh dād dušrawišnīh ān mēnōy ī ganāgīh ī dāmān ī ohrmazd abēr būd
čē az stī tārīkīh ān ī asar tārīkīh dād
az asar tārīkīh drō_gōwišnīh frāz būd
az anāgīh ī ōy ganāg_mēnōy paydāg būd
čē ān dām dād ī xwēš_tan pad -iš wattar be kird , agār be bawēd
čē az asar ī tārīkīh ān kirb , frāz brēhēnīd u xwēš dām andar ān kirb dād az ān ī xwēš dām_dahišnīh agār būd ,
ohrmazd az stī rōšnīh rāst_gōwišnīh az rāst_gōwišnīh abzōnīgīh dādār paydāg būd dām_dahišnīh ,
čē asar kirb az asar rōšnīh frāz , brēhēnīd dām -iz hamāg andar X āsrō_kirbag dād āsrō_kirbag zamān sazišn ǰudāg būd
ud az āsrō_kirbag ahunawar frāz būd
mēnōy ī yatā_ahū_wayryō bē_dahišnīh ud frazām ī dām aziš paydāg ast dēn čiyōn dēn abāg dām_dahišnīh dahīhist
az ahunawar mēnōy sāl frāz būd andar gumēzišn nūn nēm_rōšn nēm_tārīk se_sad_šast_panǰ rōz_šabān brīn ī zamān ī dērand_xwadā
u harw dām pad kōxšišn padiš X rawāg būd
čiyōn guft dām ī ohrmazd pad xwadāyīh ud dastwarīh dādestānōmandīh bālistīh pad xwāhrīgīh estād
dām ī ganāg_mēnōy pad čērīh stahmīh wināhgārīh zofāyagīh pad dušwārīh estād ,
ohrmazd pad amahrspandān brīnōmand mad ka dād būd hēnd
se rad čē abāz ō gētī abāyēd dād
u nōgtar pad tan ī pasēn anāgīh az -iš apaydā burdan
u dām ī mēnōy mēnōyīhā dārēd
u dām ī gētī mēnōyīhā dād
u did ō gētī dād
u , nazdist amahrspand dād haft bun pas , abārīg
ān ī haftom xwad ohrmazd
az dām ī gētī pad mēnōy dād nazdist šaš
ān ī haftom xwad būd čē ohrmazd harw ast mēnōy nazdist gētī az amahrspandān
pas way ī dērand_xwadā nazdist wahman frāz brēhēnīd rawāgīh ī dām ī ohrmazd aziš būd ,
ganāg_mēnōy nazdist mihōxtīhā akōman az dām ī gētī nazdist asmān
u wahman az nēk_rawišnīh gētī ī rōšnīh nazdist frāz brēhēnīd dēn weh ī māzdēsnān abāg būd
ēn ān ī ō dām rasēd frašegird ā dānist ,
pas ardwahišt ud pas šahrewar pas spandarmad ud pas hordad amurdad brēhēnīd
haftom xwad ohrmazd haštom rāst_gōwišnīh nohom srōš_ahlaw ud dahom mānsr_spand yāzdahom nēryōsang dwāzdahom rad ī buland rahwōbirzid sēzdahom rašn ī rāst čahārdahom mihr ī frāgōyōt pānzdahom ālišwang ī weh šānzdahom pārand haftdahom xwēy haštdahom wād nōzdahom dādestānōmandīh wīstom pahikār pēšēmāl_pasēmālīh āštīh_abzōnīg ,
az dām gētī nazdist āsemān dudīgar āb ud sidīgar zamīg ī ud čārom urwar ud panǰom gōspand šašom mardōm ud haftom xwad ohrmazd ,
u dām ī pad ayārīh way ī dērand_xwadāy frāz brēhēnīd
čē ka way ī dērand_xwadāy , frāz brēhēnīd ōy -iz abzār -ēw būd ī pad dām_dahišnīh andar abāyēd ,
ganāg_mēnōy pad ān ī petyāragōmandīh az kamālāgān dēwān nazdist akōman frāz kirrēnīd pas indar pas sāwul ud pas nāhwayh ud pas tarōmad ud pas tariz ud zēriz ud pas abārīgān dēwān
haftom xwad ganāg_mēnōy ,
ganāg_mēnōy hagriz tis ī frārōn menēd ud gōwēd ud kunēd
u nēkīh ī dām ohrmazd abāyēd dām ī ohrmazd nēkīh ī dām ī , ahriman , abāyēd ,
ohrmazd ān ī čiš menēd X ī kirdan tuwān ,
ud ganāg_mēnōy ān ī tuwān kirdan menēd pad stēz -iz abar barēm
dām ī ohrmazd pad mēnōyīh ēdōn parward tarrīhā ēstēd amēnīdār ud agriftār ud arawāg čiyōn šusr homānāg
pas az tarrīgīh gumēzagīh šusr xōn homānāg
ud pas gumēzagīh xwurdagīh