dārūg ī hunsandīh pad tis ī čārīg nē baxt ēstēd

ud ān =iz ī čārīg darmān āsānīh ēn ǰahēd

dārūg ēd bawēd

ēw dram sang menišnīg āmēxtan dānišnīgīhā šnāxtan hunsandīh dāng =ēw sang

ud ka ēn nē kunēm čē kunēm dāng =ēw sang

az im rōz tā fradāg weh šāyēd būdan dāng =ēw sang

ma agar az ēn wattar šāyēd būdan dāng =ēw sang

pad ēn ī mad ēstād hunsand būdan man āsāntar dāng =ēw sang

ud ka hunsand nē bawam pad kār nē weh man dušxwārtar dāng =ēw sang

ēn dārūgīhā andar hāwan ī škēbāgīh kirdan

pad hāwan dastag ī niyāyišnīh kōstan

ud pad parnīgān wīdwarīh wēxtan

ud harw rōz azēr bāmdād dō kafčag pad kafčag ī abestān yazadān ō dahan abgandan ud āb =iz ī šāyēd kirdan az pas xwardan

pas abēgumānīhā hunsand būdan čē pad tan ud ruwān abēr sūdōmandtar