Select Section Type

1.0
tan_drustīh ud pērōzgarīh ud husrawīh ud nēkīh ān rāy kē nibištan ī nērāngestān pad bunīgīh pad čāštāg ī pēšāg_sar
2.0
farrox bawād
3.0
ēk ēk kē ō mēhan ī pad asrōgīh be rawād kū az mēhan ī wehān ō hērbedestān kirdan kē šawād
4.0
ēk dō kē ahlāyih arzōg_tom kū ruwān_dōsttom
5.0
ēk se meh ayāb keh ka meh ruwān_dōst_tar meh ēw šawēd
6.0
hād ēn any bawēd ka ēk =ēw keh tuwān šudan
7.0
ka harw dō tuwān šudan ne pādixšāy hēnd be ka šawēnd
8.0
ka ruwān ka dōstīh paydāg ōy ī abzārōmand_tar šawišn
9.0
ka aruwān ā =š hērbedestān be nē kunišn
aruwān kas paymānag ēd kū ka hērbedestān kirdan rāy weh nē bawēd ā pad aruwān dārišn
gōgušnasp guft hād mard ka hērbedestān kirdan wattar be bawēd tā hamē ōy ī abzārōmand_tar šawišn čē ēdōn nīrmad_tar
ēk čahār ayāb any az hamgēhānān ī hambāyīh brād ī hambāyīh
kār ēw bawēd kū pad dastwarīh ī awēšān šawišn ā =š xwāstag pad sālār hišt bawēd
ka baxtīg būd hēnd ka =z pad dastwarīh ī awēšān be šawēd ā =š xwāstag nē pad sālār hišt bawēd
ēk panǰ pad dōšišn pad kāmag ī xwēš ud afrāh dastwarīh ī awēšān hambrādarān ī abārīgān
dō ēk fradom ēw rawēd čiyōn ōh pēš gowēm ka be dōšēd
ast kē ēdōn gowēd hād ka ō hērbedestān kirdan šawēd
dō dō be dudīgar ēw rawēd be sidīgar ēw rawēd
dō se ka az ān ēw rawēd kū ǰuttar be ēw šawēd čiyōn =iš ōh gēhānān
bunīgīh hēnd kū xwāstag nē pad sālār hišt bawēd
dō čahār ān ī ō gēhānān rēš az =iš rēš ēw tōzēd
xwāstag ēn čiyōn bōdyōzadag ud kādyōzad
zamīg =iz ka abar be šawēd ā =z pad ēd šōn
hād pad ēd bawišn ēd rāy čē zamīg =iz war ēstēd
dādfarrox guft hād duz =ēw ēd rāy nē bawēd čē duz =ēw az gēhān be nē šawēd
dō panǰ ēn az abestāg paydāg
nē āsrōg āyēd tā az rāh ī paymān
paydāg hērbedestān ī pad dād ud zand
kat̰_dātahe_zaraϑuštrōiš abestāg čiyōn dād maγnō_mąϑrō
dō šaš ka rāh sīh frasang mānāg wēš nēst ϑrixšaparəm_haϑrākəm
ud ka =š pad xwāstag drahm =ēw zyān wēš nēst gaēϑanąm_vā_aspərənō_auuōit̰ hād ka =š arduš =ēw wēš bīm nēst yō_auuaδa_aiβiiāsti nē pādixšāy be ka šawēd
u =š nē pādixšāy ā_paiti bərəitīm_ərəščištəm
dō haft ka rāh 30 frasang wēš pādixšāy ka šawēd ud pādixšāy ka nē šawēd
ka arduš bīm pādixšāy ka nē šawēd
kat̰_dātahe_zaraϑuštrōiš abestāg čiyōn dād maγnō_mąϑrō
dō hašt ēn pādixšāy šudan hād az nōit̰_frāurusti ēdōn paydāg
yazišn ka pādixšāy hē šudan kū pad xwāstag drahm =ēw zyān rāy pādixšāy šudan u =š nē pādixšāy ā ka =š rēš ī pad xwāstag ō bun wēš
dō nō kirbag ī az hērbedestān kirdan kirbag ōh bawēd nē ēdōn bawēd čiyōn xwēdōdah čē ēn dō tis ud ān tis =ēw
ast kē ēdōn gōwēd hād hān =iz harw dō ōh bawēd
ān_and hērbedestān kirdan čiyōn yašt =ēw be kirdan ud wināh xwānēnd dast_ud_pāy_be_dāštan =iš
harw kē andar gēhān pad margīh ud raxtagīh tā nē pādixšāy
dō dah hād be kird pus ī zarduštān ān hamē abestāg abāg zand kū ast ī dānēd ud yazēd abārīg hāwišt =ēw
dō yāzdah pad frēzbān kird tis dādan
abarag nē kird ēstēd
mardbūd ud māh_ādur ud gōgušnasp guft hād sōšyans be ēdōn guft hād pad frēzbān ōh kunišn ka tis =iš nēst ā =š ōh dahišn
ast =iz kē ǰud =iz az ā_paiti_bərətim_arčištəm ōh gōwēd
ka ahriman az =iš abāz dāštan nē tuwān ā =š ō bun bawēd
se ēk pad kadār az ēd dō ī ōh pēš gōwēm ān kē āsrō pad āsrōgīh rawād kū ō hērbedestān kirdan šawād ud ān ī gēhānīgān uspurrīgānīh hayyārēnēd kū xwāstag_sālārīh kunād
se dō gēhānīgān uspurrīgīh hayyārēnēd kū xwāstag_sālārīh kunēd
hād ēdar paydāg kū xwāstag_sālārīh weh kū hērbedestān kirdan
se se ānōh paydāg kū hērbedestān kirdan weh kū daštān_māh wizārdan
se čahār ānōh paydāg kū daštān_māh wizārdan weh kū xwāstag_sālārīh kirdan
pad āmār ēd kū daštān_māh wizārdan weh az harw tis =ēw
se panǰ andar any kirdan ǰuttar nē bawēd
ast kē ēdōn gōwēd hād xwāstag_sālārīh kirdan az harw tis =ēw weh
se šaš ān hērbedestān kirdan pad margīh ud raxtagīh
se se ān xwāstag ī kasān amāh gōwēm kū xwāstag ī kasān sālārih pēš kunišn kū ān ī xwēš
se hašt u =š yāhiia_he_huuanəm xānag
čahār ēk čand pad drahist ān kē āsrō pad āsrōgīh az gēhān be rawād kū pad ēd ī pādixšāy čand any gyāg bawād
čahār dō čand pas awēšān xwāstag tā se bār andar sāl abar šawišn kū =š harw čahār māh ēk bār abāz šawišn
hād ēn andar warōmandīh ēd ka nē dānēd kū =m xwāstag_sālārīh xūb kird ēstēd harw pad čahār māh ēk bār abāz šawišn
ka dānēd kū =m xwāstag_sālārīh xūb kird ēstēd pādixšāy ka tā hērbedestān be gyāg kird ā abāz nē šawišn
ka dānēd kū =m nē xūb kird ēstēd nē pādixšāy be ka pad gyāg abāz šawēd
ēn kū pad čē hangām abāz šawišn ā =m nē rōšnag
hād dād_ādur ī ohrmazdān guft pad frawardīgān oh šawišn ud waštan
ka =š az ēn dō ēk tuwān šudan pad pursišn ōh šudan ud pad āfarīn ōh nē šudan
hād čē =š guft kū nūn bar ō gēhān mad
ast kē mēnōy ī xānag rāy gōwēd ā =š pad čahār māh se bār abāz šawišn
aϑaurunąmča ēk bār az abestāg paydāg
čahār se čand abar pad ōšmārišnīh be rawād kū rāh ī paymānag čand ān ī nē pādixšāy be ka šawēd
čahār čahār se šabag paymānag rāh kū šab ī ōrōn =iz ud parrōn =iz hād sīh frasang u =š šaš
čahār panǰ rāy u =š be šawišn ā =š ēw hāsar ēk šām ud ēk čāšt rāy u =š be šawišn dah be mānēd
hāsar pad ēn abāg ān ī pad zamīg kū rāst pas guft bawēd kū mardōmān xwarišn nē andar āyišn stōrān andar āyišn
čahār šaš ka mard az ān be rawād kū az rāh ī paymān wēš
čahār haft nē pas pad anabar_ōšmurišnīh āstarēd kū ka hērbedestān nē kunēd wināhgār nē bawēd
hād harw dō kār se šabag id sīh frasang tuwān ud ān šudan pādixšāy ka wēš nē šawēd
ka pad se šabag dah frasang tuwān šudan ā =š pādixšāy ka šawēd
panǰ ēk kadār pad āsrōgīh be ēw rawēd nārīg ayāb mānbed ī kadag_xwadāy
panǰ dō agar harw _ēn ō gēhān bunīgīh kū =šān xwāstag_sālārīh ēw_tom tuwān kirdan kadār =iz =ēw be ēw rawēd
sōšyans guft pad hērbedestān kirdan nairiiō_ratuš kār_ēw
panǰ se mānbed ō gēhān bunīgīh kū =š xwāstag_sālārīh weh tuwān kirdan nārīg be ēw rawēd
panǰ čahār nārīg ō gēhān bunīgīh kū =š xwāstag_sālārīh tuwān mānbedān be ēw rawēd
hād ēdar paydāg kū zan pad sālārīh ī ātaxšān pad mādagwar šāyēd
hād ānōh šāyēd bawēd kū ātaxš ī warhrān ān gyāg nišānīhēh
panǰ panǰ ānōh paydāg kū pad nʾyčyt šāyēd
hād ēd rāy čē ēn ātaxš ī xwēš ud ān ātaxš ī kasān
ast kē ēdōn gōwēd hād hamē pad nʾyčyt šāyēd az ān gyāz paydāg nōit̰_auuačinō_dāitīm_vīnāϑaiiāt̰
ēn any bawēd ka ātaxš ān gyāg nēst
šaš ēk kē ōy ī any nārīg ī kasān anafrāh abē dastwarīh ī bed be abāgēnēd hād guft =iš ēstēd kū ō hērbedestān karan šaw
be =š nē guft ēstēd kū abāg kē šaw
šaš dō čiyōn ēn mērag rāy awēšān tarsagāhīh ī zan šōy rāy kunēd ān ōy rāy kunād
šaš se ēw warzēd hursandīhā pad kāmag ī zyānag ma ahunsandīhā
šaš čahār pad afrāh be abāgēnēd pad dastwarīh ī šōy
šaš panǰ ēw warzēd hunsandīhīhā ahunsandīhīhā tā ō gyāg tā ka ō gyāg mad pādixšāy
ka hamxānagīh =iz nē kunēd hād ka ēn ī mardān abāyēd kirdan kunēd hān =iz ī zanān abāyēd kirdan nē pādixšāy be ka kunēd
ēn čiyōn sar ī šōy ārāstan ud wistarag šustan ud drōn yaštan ud kār =ēw az ēn bowandag pādixšāyīhā ka nē rēšēd
ka rēšēd ā šōy xwēš
šaš šaš ka gādan dōšāram rāy abāgēnēd ka āškārag apparag ud ka nihān duz
abāz haxtō ud anahaxtō
ast kē abāz ōh anahaxtō ā =š hagriz nē būdan gōwēd
ēn az abestāg paydāg
any bawēd ka =š pad gādan menišnīg nayēd u =š ǰāmag abar nē dārēd u =š andar hāsar nē gāyēd
ka pad hāsar ka āškārag apparag ud ka nihān duz
ka =š ǰāmag abar dārēd u =š rānēnēd duz pad gyāg_gyāg bawēd ud appar pad hāsar
čē duz_menišnīgīh ǰud abar pad hāsar =iz duz_menišnīgīh ǰud_appar_menišnīgīh
hād appar ī pad rēš nē bawād ka_iz ēw duz ī anappar pad ēw gyāg bawēd ay harw ān ka =š gād nē bawēd ā =š hagriz nē bawēd
ud gādan ī pad uskārišn ēdōn bawēd čiyōn =iš ēdōn bawēd čiyōn az bunīh
ka =š āškārīhā be čiyōn nayēd ud ka =š nihānīg gād appar bawēd
ka čē =š nihānīg be nayēd u =š āškārag gāyēd duz bawēd
šaš haft ka andar sālārīh ī mērag gāyēd harw ēk ēk bār tan_duz bawēd u =šān tan_duzišnīh andar ēstēd
pas ka =z =iš andar sālārīh ī mērag gāyēd
ā =z tan_duzīh ī ān ham ēk bār harw čiyōn =iš gāyīd pad tan_duz ōh bawēd
ēn ka čiyōn bawēd ka =š andar sālārīh ī mērag gāyīd bawēd
ka andar gyāg =ēw ī framān ī ōy u =š pad framān ī ōy
nē andar ān gyāg ī ōy u =š pad ēw bun
ka =š gādan menišn ēw hāsar az kār pādīrānēnēd pad čāštag ī sōšyans frārāst kū pad duz oh bawēd pad =iz ān ī kay_ādur_bōzēd ēd =iz ō bun
hād ma agar =iš pādīrānēnīd ō mar āyēd
ka čagar gāyēd duzīh čagar xwēš
abārīg dūdag xwēš pēšag tan_duzīh ī andar ōh gādan duzīh šawēd ī be dūrīh ī mard nē bawēd
paristār abāg ēd kū pad arzān duz bawēd
pas ka pad gādan gād bawēd duz ī pad šīr ī āz duz bawēd
sōšyans guft andar nō sālag ka āb pad tan mad ēstēd ā =š pad zan ōh u =š xwēdōdah ōh
u =š hām_čiyōn ī =š abāyēd u =š gāyīdan ōh kunišn
ka pad tan āb nē mad ēstēd ā =š nē gāyēd nē kunišn čē =š rēš_kunišn
daštān_māh tā pānzdah sālag pādixšāy ka nē wizārēd
paņčadasaiia_sarəide daštān hamē dār ud hamē rēman
haft ēk kē ōy ī any aburnāyag ī kasān anafrāh abē dastwarīh pad āsrōgīh be abāgēnēd
haft dō pas az hāsar tanāpuhl bawēd sāl_drahnāy margarzān
haft se ka ō ōy ān kē aburnāyag pad niyōxšišn abar be tazēd āšnawēd kū =š kas =ēw ō hērbedestān kirdan šawēd u =š abāg be šawēd
haft čahār ayāb gōwēd ō ōy ēd kū abar tō be hēm kū abāg tō be ō hērbedestān kirdan āyēm
haft panǰ pas az hāsar as_frāz_srāyišnīh ī ōy be tanāpuhl bawēd sāl_drahnāy margarzān nē rōšnag
ēn az abestāg paydāg
any bawēd ka dānēd kū kē xwēš hēm
abar =iš pas pad sīh šabag šōn =ēw čiyōn apēdag u =š abāz nīdan ud āgāh_dādan ne tuwān
ud xwaš ēwāz =ēw srūdan tuwān ud nē srāyēd pad gyāg tanāpuhl
sāl_drahnāy margarzān nē rōšnag
ka =š abāz tuwān nīdan ā =š abāz nayišn
ka =š āgāhīhā nē tuwān nīdan ā =š āgāhīh dahišn
ka =š agāhīh nē tuwān dādan ā =š ōh srāyišn
ka =š abāz tuwān nīdan ud āgāhīh dahēd wināhgār nē bawēd
hād čē gōwēd kū xwad awar u =š ōh nay ka =š āgāhīhā tuwān dādan ud ōy srāyēd awināhgār ōh bawēd
hād čē bawēd ka ān srāyišn ō ōy nē rasēd
aburnāyag ud gōspand harw gyāg kū adādīhā wēnēd nē pādixšāy be ka =š dādīhā sālārīh kunēd
ast kē ēdōn gōwēd hād aburnāyag hē ōh nigērišn ka =š waxšīd ēstēd
pad hamāg čāštag nē pādixšāy be ka =š dādīhā sālārīh be kunēd yāt̰_hē_aōxte_aēšā_yeŋ́he_apərənāiiūkō kū =z brād ō ēn ī man aburnāyag wāzag ēw čāšēd
hašt ēk andar ēn mān andar ēn wis andar ēn zand ud andar ēn deh
hašt dō čand az awēšān pad ǰudāgīh hēnd kū =š be pādixšāhīhā nayēd
hašt se ēw yuǰyas az mān =ēw mēhan ēdōn wiš =ēw
ēw hāsar az zand ēdōn az deh
hašt čahār ka dādīhā pāsbān sōšyans hād guft kū bīm nēst
kay_ādur_bōzēd guft hād pahrēxt_tan ēstēd
hašt panǰ u =š ēdōn az ōy pad paydāgīh hēnd az mān ud wis ud zand ud deh
ēn az abestāg paydāg
any bawēd ka gōwēd kū rēdag saxwan čāš ud nē gōwēd kū be ma nay
u =š pad ēn paydāg az abestāg paydāg be pādixšāy nīdan
ud ka gōwēd kū wāzagīhā čāš ud nē gōwēd kū =š pad gyāg čāš harw gyāg kū dastwar kird šāh ā =š be pādixšāyīhā nīdan pad uskārišn kū andar im awestām
ka gōwēd hād wāzagīhā čāš u =š az ēdar be ma nay ā =š hambun =iz be nē pādixšāy nīdan
nō ēk ēg ka ō ōy gōwēd ān kē aburnāyag rad
nō dō abāgēnēd ān ēn ī man aburnāyag kū_s pēš pad hērbedestān kirdan nay
nō se čiyōn pad kāmag ēdōn pādixšāy hē
nō čahār ān ī =š pas pad uzdehīgīh abar =iz rāh būdan bawēd az ān ī pas paydāg kū ēw hāsar pad ādehīg dārišn
nō panǰ čand abar pad bālist ō abar pad rāh ī abar be abāgēnēd
sōšyans guft hād čand =iš be nayēd
kay_ādur_bōzēd guft hād čand =iš be nayād
nō šaš ud čand =iš pad frayar ayāb pad uzēr ī xunag abar_rasišnīh ast
sōšyans guft hād hāsar pad frayar ud dō pad uzēr ī xunag ōh abar_rasišnīh ast
kay_ādur_bōzēd guft hād xunagīh ō garmagīh hadāzišn ēdōn bawēd čiyōn mard =ēw purnāy
nō haft ka mard =ēw az ān be abāgēnēd sōšyans guft hād wēš_iš be nayēd
kay_ādur_bōzēd guft hād ǰuttar =iš be nayēd
nō hašt ā nabānazdišt pas ōy pad rēš ud adwadād āstārēnēnd kū =š az =iš be gīrēnd
abarag ēn wāz_ēs ī ōh ǰud ay ka rēš paydāg adādīhā sālārīh paydāg be ka ēwar_iš hammist abāg dārēd tā =š pad sar be passāzišn
ka rēš paydāg ud adādīhā sālārīh nē paydāg warōmand u =š ōh bōxtišn
ka wināhgarīh wēš nēst kū ān pad brīn ī zamān pad ōš xwēš be mīrēd ā =š awināhī
rōšn guft hād ka adādīhā sālārīh ka =z ōh rēš nē paydāg warōmand u =š ōh bōxtišn
ka =š wināhgarīh wēš nēst kū ān pad brīn ī zamān abāz nē nayēd ud pas az brīn ka pad zamān ī awināhīh gurg =ēw pad waštan xwarēd ā ān awināh
weh_dōst guft ēk =iz nē paydāg warōmand ud az pasušhorw and ǰuttar bawēd kū ōy pad tan ēs ēwar be kunišn
nō nō ud kē hāwand_nāfōmand ud ān kē hērbed
sōšyans az ēn gyāg paydāgēnīd kū pad sālārīh ī pus ud duxt ī čagarīhā pid ī čagarīhā sazāg_tar
agar =iš ō ōy pad be_abespārišnīh wāz dād kū brīn ī zamān kird
ān ōy pad anabāz_abespārišnīh āstarēd ka =z =iš nē xwāhēd
ēn kū pad čand āstarēd
hād pad wēš panǰ_sad drahm
agar =iš kār handraxtīhā_zadag sahēd
ā =š mizd afrasāh
ast kē ēdōn gōwēd hād mizd =iš kār nēst
agar =iš ō ōy nē pad abespārišnīh wāz dād kū =š brīn ī zamān nē kird
nē ōy pad anabāz_abespārišnīh āstarēd ka =z xwāhēd ānēd
brīm ānōh kū rad ud abīm ānōh kū abunāyag
nē pad anabāz_abespārišnīh āstarēd ka =z xwāhēd
abīm ānōh kū rad ud bīm ānōh kū aburnāyag
ān ōy pad anabāz_abespārišnīh āstarēd ka =z nē xwāhēd
ēg ka harw dō ēwēnag bīm ayāb abīm hād az abīm paydāg kū bīm warōmand
sōšyans guft ka abīm ēwar nē pādixšāy ka nayēd
sōšyans pad ān zamān guft ka az kust =ēw weh_dādestānih =ēw nē paydāg nē ōy pad anabāz_abespārišnīh āstarēd kū xwāhēd
ān ī ōy ī dēwēsnān anēr ayāh ān ī ōy ī tanāpuhlagān ī margarzān aburnāyag be abāgēnēd
pad be abespārišnīh āstarēd ka abāz dahēd nē pad anabāz_abespārišnīh ka =š nē dahēd
ēn az abestāg paydāg
any bawēd ka haxtōit̰ ud ka nisritōit̰ paydāg
ka nē dānēd haxtōit̰ ā =z ǰuttar nēst u =š dahēd pad gyāg tanāpuhl pad sāl _drahnāy margarzān
ka danēd kū nē haxtōit̰ ka =š be tuwān ōzadan ā =š be ōzanēd ud ka =š be nē tuwān ōzadan ā =š awiš abāz dahišn yaϑa_dahmahe_fraŋharəzōit̰
mardōm_ēw ka ō anērān dahēd ēd ka ō agdēnān dahēd ēd ka ō margarzānān dahēd hamāg pad gyāg tanāpuhl sāl_drahnāy margarzān
mard ī purnāy purr_wināh_tom ka ō margarzān dahēd ud ka ō anērān dahēd
ka ōzadan rāy dahēd ā =z ǰuttar nē bāwēd
ka andar sāl be mīrēd margarzān nē bawēd
sōšyans guft hād ka ōzadan rāy dahēd pad gyāg margarzān hād =iz az ān be āyēd
aburnāyag ī harw =iz nāfag nē brīd ēstēd ā =š dārēnēd xānag
az ān gyāg paydāg yauuata_hē_nāfō_anauuaϑβarǝštō
u =š zanīh ōh nēst ān kē =š zan bawēd
sōšyans guft hād pādixšāy
kay_ādur_bōzēd guft hād xwasrāyēn
ka harw dō pad ēw hār ēn kū =š nōg abāyēd xwāstan ayāb nē ā =m nē rōšnag
ast kē ēdōn gōwēd hād nē abāyēd xwāstan
aburnāyag ī agdēn ka pad wehdēnīh āyēd ka kas_iš be āwarēd ā =š sālārīh pad ōy kē xwāst be ā =š sālārīh pad ōy kas kē andar ān deh meh ud weh u =š kār windēd xwad pad xwad ay parwarišn nē pādixšāy be ka =š dahēd
xwāstag pādixšāy ka =š dahēd ud abāg awēšān be hambāyēnēd pad hambāyīh ud kār ēw bawēd kū ka awēšān be mīrēnd ā =šān xwāstag pad im ī be mīrēd ā =š stūr be gumārišn
bandag =ēw ī agdēn ka be ō wehdēnīh āyēd šāhān_šāh bandag ā =š wahāg abāmīhā pad =iš
bandag ī hudēn ka be ō agdēnān frōxt ā =š bunīgīh ō radān appār
ēn kū pad drahm duz ayāb nē ā =m nē rōšnag
hād agar ān dānēd ā =š nē dastwarīhā frōxt u =š be ēč nē abāyēd dād
mard zand paymān hērbedestān abar xwāhād
sāl _drahnāy andar ān paymānag ī *3 šabag 3⁰ frasang
se_zarmaēm xrad ī ahlawān abar be gīrēd
purs =iz ī margarzān ud pus ī anēr and ǰuttar bawēd kū ka dānēd be nē rasēd ā =š spaiiēiti pad =iš nē bawēd
abarag guft ka pid pad nōg tarsāgīh nē kird ēstēd ā =š pus ōh āyēnišn
abarag tā ō ēw paywand guft
mard =ēw agdēn ka ō wehdēnīh āyēd aburnāyag ī harw =iz ī az gādan ōh zād ēstēd ā =š ānīd bawēd
az ān gyāg paydāg vīspaēibiiō_apǝrǝnaiiūbiiō noit̰_čahmāi_apǝrǝnāiiunąm
u =š zan az zanīh nē appār čē weh_dārišnīh rāy wattar_dādestān_tar nē bawēd u =š gādan nē pādixšāy čē wināh
u =š zadan ī zan nē pādixšāy kū agdēn be hil hād čē =š az dād nē pādixšāy zadan
ud rōzgār nē pādixšāy ka nē ka =š nē dahēd u =š ō kilīsyā nē hištan
hād =iz rōzgār amāh xwēš
ka ēdar be mīrēd ka kas =ēw ast kē =š xwāstag pad xwēšīh ayāb pad stūrīh abar mānēd ān az ān gyāg āyēd tis kāy nēšt
ka ast kē xwēšīh abar ud ast kē pad stūrīh ān az ān gyāg āyēnd tā bahr baxšēnd ud bahr ō mēhan āyēd
ka bahr baxt ōh bahr rawēd ud āyēd
ka kas stūr be gumārišn be ān ī ēw_tom ka ēdar mard gumārēd ayāb zan nē xwandan az ān gyān
hān kas āyēd kē =š xwāstag pad xwēšīh ayāb stūrīh abar mānēd tā hamē pad im be hilišn
zan ī agdēn ka be ō wehdēnīh mad ēstēd ka andar sāl be mīrēd margarzān ōh bawēd hād barō nē šāyēd kirdan
amāh gōwēm kū ka murd az dārišn ī awēšān āmad ī margarzān ud anērān ud ēd mardōm ēd xwāstag hamē duzīdan ud appurdan pādixšāy
az agdēnān mardōm hāxtan rāy duzīdan padixšāy appurdan nē pādixšāy ka hāxt abāz šawēd appurdan =iz pādixšāy
hād =iz kūndār xwāstag nē duzīdan ud nē appurdan nē pādixšāy
rōspīg ī anēr ī margarzān ī agdēn gādan pad xwar ēstēd
rōspīg abāg mādagān ī čahār_padištān paydāgēnēm
awēšān ān gyāg paydāgēnēnd yeŋ́he_aētaδa_mazdaiiasnanąm nāirika_uuaiiā̊ xsudrā̊_hąmraēϑβiieiti mazdaiiasnanąmča daēuuaiiasnanąmča
māzdēsn kār ī rōspīg ī agdēn wattar nē bawēd kū weh nē
ka rēsng anēr harw paydāg mard ēdōn bawēd
rōspīg ka =z ābustan bawēd ā =z wēš nēst kū xwar =ēw
agdēn ī anēr ī margarzān ka ābustan bawēd tanāpuhl =ēw margarzān
ka ōy rāy ēw hāsar drāz nē šāyēd ōzadan wēš nēst kū tanāpuhl =ēw
ka ōy rāy ēw hāsar šāyēd ōzadan margarzān
agdēn ī anēr ī aburnāyag ka frāz ō panāh rašēd hambun =iz pād dād wattar bawēd ud pid margarzān
hād ēn gōwēm kū pānzdah sāl margarzān ān gōwēm kū pad drahnāy hād ēd rāy čē dārišn uzdehīgānīhā
ud ōšmārēd kū hērbedestān ī pad dād ud zand ēw kunēd
agar az andar nēmag ī ōy paymānag dranǰēnēd kū warm kunēd u =š pas abāz rawēd kū be dawēd
ēdōn nūn =iz dudigar abar ēw xwāhēd ēdōn sidīgar abar ēw xwāhēd ēk_ēwēnag tasum abar ēw xwāhēd
ast kē ēdōn gōwēd ay ēdōn tasum abar ēw xwāhēd
agar ēdōn āgāh hād kū agar wēnēm ān hērbed az andarēn nēmag ī ōy paymānag dranǰēnēm warm be kunēm ud nē =z pas be abārōnēnēm kū be nē dawēm
ay ka pad wināhgārīh dawīd ēstēd ka pad wināhīh hamē bār ī tasum pad ān zamān pādixšāy abāz xwāstan ka dānēd kū warm be kunēm ud be nē dawēm
rōšn guft hād ēn any bawēd ka pad wināhgārīh dawīd ēstēd
tā ka =š pad wināhgārīh dawīd ēstēd ay ka =š hamāg nē pādixšāy be ka hamāg abāz kunēd
hād wināh ēd kū wizārišn ēn ī ān and zamān čand =iš ka guft hē ud be nē dawīd hē
hamāg ka harmāg dwāzdah_hōmāst hē ā =š aǰgahānīh kird hē
ka tis =iz nē kird hē u =š aǰgahānīh dōgānag nē kird ay aǰgahānīh paymānag handraxt
ēn kū čiyōn bawēd ka =š pad awināhīh dawīd ēstēd
ϑrixšaparǝm_dąždrǝm ā =š pas awināhīh dawīd bawēd
ud ēn kū čiyōn bāwēd ka =š pad dawīd dārišn
āzādmard guft hād harw tis =ēw frāz nē āyēd ā =š pad dawīd darišn
ēdōn hamdādestān_tar būd hēnd kū ka =š se bār abāg frāz gōwēd ud bār čahārom abāg dānēd guftan ā =š pad warm dārišn
kadār ēdōn hērbed abar rawād
ōy ī abar_tom dabm ī kirdār_tom
ka =z pad ōy andar dānēd kū =m čāšt
ast kē ēdōn gōwēd hād andar kirdār_tar parrōn_tar xwāhēd hād be ō ōy ī ēk_tom šawēn čē warm_kārīh ī hudēn man andar
ān and čand ōy andar ān zamān stōd_yasnān dranǰēnišnīh būd hē kū warm kird hē
čiyōn afrāz_ōšmurdār būd hē ēdōn āstārēd
ēdōn =iz ān āstārēd hērbed
kē ō ōy pahikārēd gōwēd hād wāzag ā =m čāš
u =š nē padīrēd frāz_gōwišnīh kū nē čāšēd
hād pad wāzag čāštan az ēn gyāg paydāg kū be ka be pahikārēd tā pādixšāy ka =š hayyārōmandīh ǰuttar nē kunēd
kay_ādur_bozēd pad abārīg hayyārōmandīh ǰuttar nē guft
sōšyans guft hād pad =iš zaxm pahikārdan nē abāyēd adwadād =iz
ka dānēd kū šarm rāy nē zayēd nē pādixšāy be ka =š dahēd
kē ōh az wasān hērbedān afrāz_gōwišnīh āstārēd
ā =š nabānazdišt
ud hāwand_nāfōmand ud ān kē pad =iš pahikārēd
pad harwispīn pahikār harwispīn ō ōy afrāz_gōwišnīh āstārēnd
hād ka nabānazdišt pahikārēd harwīn wināhgār ōh bawēnd
ka fradom mard ī šahr pahikārēd dahīg =iz wināhgār
ka aniyōxšāg_gōšīh rāy karrīh rāy ayāb afrāz_guftārīh rāy gungīh rāy nē ēk =iz gōwišn abar_ōšmurdār kū =š ašem =ēw nē guft
ast kē zand gōwēd
nē pas pad anabar_ōšmurišnīh āstārēd kū ka hērbedestān nē kird wināhgār nē bawēd
agar ān ēk =ēw paymān gōwišn abar_ōšmurīdār kū =š ašem =ēw tuwān guftan ān pad anabar_ōšmurišnīh =ēw āstarēd kū ka hērbedestān nē kird wināhgār ōh bawēd
hād ka =š yašt pad wināhgārīh nē kird ēstēd ud ka =z harw bār =ēw iϑā_āat̰_yazamaide ud aṣ̌əm_vohū ēw gōwēd rāy nē tuwān guftan ud nē gōwēd ā =z =iš drāyān_ǰōyišnīh kunišn
ka harw dō ēk =ēw tuwān guftan iϑā_āat̰_yazamaide gōwēd ayāb aṣ̌əm_vohū gōwēd
ka =š aṣ̌əm * =ēw tuwān būd guftan ud nē gōwēd ēdōn wināhgār bawēd čiyōn ka =š hamāg tuwān būd guftan u =š ēk =iz nē guft
rōšn guft hād ēn any bawēd ka =z xōg tuwān kirdan ud nē kunēd tā ka =š xōg nē tuwān kirdan
hān and ǰuttar bawēd tā =š drāyān_ǰōyišnīh nē kunišn
ka stī_xrad nē bawēd tā =š drāyān_ǰōyišnīh nē kunišn
drāyān_ǰōyišnīh paymānag tanāpuhl =ēw
ēn kū harw gazišn =ēw ayāb harw pārag =ēw ayāb harw mizag =ēw ā =m ne rōšnag
gōgušnasp guft hād ka yašt awināhīhā nē kird ēstēd drāyān_ǰōyišnīh wēš nēšt kū se srōšōčarnām
ān kē ēdōn nē abar ōšmurēd az ašādīh be arduš_hāwand xīndagīh kū =š dard arduš ast
dard rāy ayāb ōh_tabišnīh rāy
huškīh ayāb sarmāg ayāb tišn rāy ayāb wārān ast
ayāb_iš hē abar pīh pih pad im abar kū =š adwadād pīh padistān būd ēstēd
nē pad anabar_ōšmurišnīh āstarēd kū ka hērbedestān ne kird wināhgār nē bawēd
ranǰ ud ašādīh rāy ayāb any rāy pad anabar_ōšmurišnīh āstarēd kū ka hērbedestān nē kunēd wināhgār bawēd
čiyōn mard az awēšān ī dēwēsnān anērān ayāb tanāpuhlagān margarzānān hērbed abar ēw ōšmurēd
ay ēd =iš ošmurēd wāzagīhā u =š xwahād ēw xwahēd
frāz =iš ēw srāyēd ān dāsar ān mizd_windišn ī dānēd kū ǰud az mizd rāy čāšt
ma ān ka paydāg hād ka dānēd kū =m az mizd čāšt
ma ōy tarsagāhīh az ān kunišnān warzād kū =š pad ēd ī xwadāy ranǰ ud ganǰ =ēw ma ēw gīrēd
ēn az abestāg paydāg
any bawēd ka dānēd kū =m čāšt u =š uzēnag nē āmār
ēn kū ēn čiyōn bawēd ka dānēd kū =m rāst čāšt hād warm =iš bawēd
u =š dawīd ēstēd
ayāb kas =ēw ān gyāg nišīnēd kē warm
u =š čāšīdan nē tuwān
čiyōn mard ō ōy ī dēwēsnān anērān ayāb ō tanāpuhlagānān margarzānān hāwišt ēw čāšēd ay ēd =iš čāšēd
pad ān zamān ka dahm niyuruzd adādīhā sūrīh kū nē nān ud nē gōšt nēst
ān ī dādīhā sūr_abar_rasišnīh rāy kū tā =m bawād
abar_be_grift mizd ēw čāšēd kū pušt pad =iš grift ma anabar_be_grift mizd kū =š nē grift
čand ōy pad ān mizd ast
čiyōn gāw =ēw frawād mizd ī ēk rōzīg =ēw
kē gurg uzwān dahēd kē ō ōy ī arawāg_dahišn ī anēr mānsar čāšēd
ast kē gurg ahlamōg gōwēd
ēn az abestāg paydāg
any bawēd ka nē nān ud nē gōšt nēst u =š pad anī =z tis xwāstan nē tuwān
tā ō gāw =ēw frawād mizd ī ēk rōzīg pādixšāy čāšīdan
ka be stad tā xwardan nē pādixšāy
ka andar griftan pad anī =z tis tuwān xwāstan nē pādixšāy be ka be hišt
ast kē ēdōn gōwēd ay hād pādixšāy ka nē hišt
ay ēn andar warōmandīh ay ka nē dānēd kū wināh pad =iš kird ayāb nē
ka danēd kū wināh pad =iš kird be paz margīh ud raxtagīh tā nē pādixšāy čāšīdan tā =z dārūg ǰuttar nēst ō ahlamōgān ī pad margīh ud raxtagīh tā nē pādixšāy čāšīdan
farrox guft ēn pad ēwarīh ka dānēd kū =š wināh pad =iš nē kird tā warōmandīh
ay ka nē dānēd kū =š wināh pad =iš kird tā warōmandīh ay be ka pad margīh ud raxtagīh tā nē pādixšāy čāšīdan tā =z dārūg =ēw ǰuttār nēst ō ahlamōgān ī pad margīh ud raxtagīh nē pādixšāy čāšīdan
čiyōn mard ō ōy ī dēwēsn ayāb ō anēr ayāh ō tanāpuhlagān pad gōšt_adahišnīh āstārēd ay nē āstānēd
any az ān ī kār_warzīdār margarzānīg =ēw ī pad_mizd_dādestānīh ī ān dārēd ēw dahēd ō ōy margarzān pad suy ud tišn nē padixšāy ōzadan ka ōzad wēš nēst kū se srōšōčarnām be ǰādūg ēk bār čē ān ka nē pad nērang ōzanēd ay margarzān weh kirdan ud wēš kirdan rāy sūr ī stabr pādixšāy dādan mehmānīh ud čarbišn kirdan nē pādixšāy