Select Section Type

1.0
pad nām ī yazadān
2.0
xwāstag ī tan_drustīh weh
3.0
ud frazend ī ahlāyīh weh
4.0
ud brād ī husrawīh weh
5.0
pānag ī xwēškārīh weh
6.0
hambāz ī zan nēk weh
7.0
hambār ī kirbag weh
8.0
dōst ī ruwān ī xwēš weh rāyēnīdār ī gāhānīg
9.0
pad hamāg kār ud dādestān rāstīh bowandag_menišnīh weh
pad dō gēhān abēbīmīh weh
frazaft pad drōd
pad nām ī yazadān
pad dād ud dēn raftan
ud pid ud mād nē āzārdan
husāzagīh abāg brādarān ud dōstān ud xwēšān nazdīkān ud paywand kirdan dāštār ī zan husaxwan būdan
pad xīr ī kirbag tuxšīdār būdan
ud harw rōz abāg xwēš tan āmār bē kirdan kū
im rōz čē sūd ud čē zyān čē kirbag ud čē wināh
ud čand pad rāh ī frārōn raft hēm ud čand pad rāh ī abārōn
čē ēn gētī aspinǰ ī ēk_rōzag hōmānag ǰāwēdān ānōh abāyēd būdan
ud pad kirbag ud bazag āmār bawēd
čē harw kē =š kirbag wēš kū wināh ēg =iš srōš_ahlī dast gīrēd ō wahišt nayēd
ōy kē wināh wēš kū kirbag ēg =iš wizarš dēw dast gīrēd ō dušox nayēd
ka griyēnd nē aboxšāyēnd ud ka wāng kunēnd nē niyōxšēnd
abdom abestān pad tō kunišn ī xwēš
frazaft pad drōd šādīh ud rāmišn
pad nām ī yazadān
pad_dard ast kē xrad nē dārēd
ranǰwar ast kē zan nē dārēd
abēnām ast kē frazend nē dārēd
dušarz ast kē xwāstag nē dārēd
sust ast kē kas nē dārēd
az ēn hamāg ōy wattar kē ruwān nē dārēd
frazaft
pad nām ī yazadān
dānāgīh rāy tāg nēst
areškīh rāy nām nēst
gētī rāy pāyišn nēst
ǰuwānīh rāy nāzišn/wāzišn nēst
xwāstag rāy burzišn nēst
zīndagīh rāy rāmišn nēst
zurwān rāy dārūg nēst
margīh rāy čārag nēst
zanān rāy xrad nēst
xwadāy rāy hambāz nēst
ud kē hamāg ōy wattar kē bē mīrēd xwadāy az ōy hušnūd nēst
ud harw kē xwadāy az ōy hušnūd nēst ōy rāy andar wahišt bāmīg gyāg nēst
frazaft pad drōd ud šādīh ud rāmišn