Select Section Type

1.0
ēn [TD 471] ayādgār nibištag ī wizīdagīhā ī zādspram ī ǰuwān_ǰamān xwānēnd
2.0
šnāyišn ī dādār ohrmazd ud amahrspandān ud hamāg yazadān ī mēnōyān ud yazadān ī gētīyān
3.0
gōwišn ī hērbed zādspram ī ǰuwān_ǰamān ī nēmrōz
4.0
abar gumēzišn ī spenāg mēnōy ud ganāg mēnōy
5.0
hād pad dēn ōwōn paydāg kū rōšnīh azabar ud tārīkīh azēr u =šān mayānag ī harw dō wišādagīh būd
6.0
ohrmazd andar rōšnīh ahriman andar tārīkīh ud ohrmazd az astīh ī ahriman madan =iz ō pahikār āgāh
7.0
ahriman az astīh ud rōšnīh ī ohrmazd nē āgāh būd
8.0
ahriman andar tam ud tārīkīh ō frōd kustān hamē raft
9.0
did handāzišnīg ul ō abar āmad u =š tēx =ēw ī rōšnīh frāz dīd ud ǰud_gōhrīh ī xwēš rāy tuxšīd kū awiš rasēd u =š hamōwōn padiš andar kāmag wārēd čiyōn pad =iz tārān
ka frāz ō wimand mad ohrmazd abāz dāštan ī ahriman az xwēš šahr rāy frāz ō hamrānīh mad u =š pad abēzag gōwišn ī dādīg stardag kird u =š abāz ō tam abgand
pāsbānīh az druz rāy mēnōyīhā andar ō bālist mēnōy ī āsmān āb zamīg urwar gōspand mardōm ud ātaxš brēhēnīd u =š 3000 sāl dāšt
ahriman =iz andar tam abzār hamē ārāst
pad sar ī 3000 sāl abāz ō wimand āmad padistād ud drāyīd kū zanam tō zanam dāmān ī tō dām_dād ī mēnōy ī tō kē spenāg mēnōy hē harwisp ān bē murnǰēnam
ohrmazd passoxēnīd kū nē druz harwisp_kirdār hē
did ahriman padistād kū bē hāzēm$$ harwisp ox ī astōmand ō adōstīh ī tō dōstīh ī man
ohrmazd pad mēnōy_xradīh dīd kū ān =iz ī ahriman padistād tuwānīg pad kirdan agar nē brīnōmand zamānag ī kōxšišn
u =š zamān bē ō ayārīh xwāst čē =š dīd kū ahriman pad mayānǰīgīh ī ēč nē_rawišnīh abar ēstēd
zamān ast harw dō xūb hamayārīh ud rāst_rāyēnīdārīh
awiš niyāz
u =š pad se zamān kird ī harw zamān =ēw se hazārag
ahriman abar ēstād
ohrmazd dīd kū ka ahriman parwastag kirdan nē šāyēd hamē ka xwāhēd abāz ō xwēš buništ ī tārīkīh šawēd
abzār wēš ārāyēd afrazām_pahikār bawēd
u =š pas az zamān kirdan ahunwar frāz srūd
u =š pad ahunwar se ēwēnag awiš nimūd
fradom kū harw tis ān frārōn ī ohrmazd kām
az ēn paydāg kū ka ān ī frārōn ohrmazd kām paydāg kū tis ast ī nē andar kām ī ohrmazd
ačār ān az buništ =ēw ī ǰud_gōhr
didīgar ēn kū kē ān kunēd ī ohrmazd kām ā =š mizd pāddāšn xwēš ōy kē nē ān kunēd ī ohrmazd kām ā =š puhl pādifrāh xwēš
az ēn nimāyīhēd kerbakkarān mizd ud wināh_kārān pādifrāh ud mādayān ī wahišt ud dušox aziš
sidīgar nimūd kū xwadāyīh ī ohrmazd ōy abzāyēnēd ī ō driyōšān wizārēd petyāragōmandīh
ī =š nimūd kū ast_xīrān ō niyāzīg_xīrān ayār bawišn čiyōn āgāh_dahišnān ō anāgāhān hammōxtan tuwānīg_xwāstagān ō niyāzīg_xwāstagān rādīhā dādan ī xwēš
frayād dast ī ohrmazd dāmān ēk ō did andar kōxšišnīg ardīg
čiyōn fraškerd_kirdārīh pad ēn se tis šāyēd būdan
ast fradom rāst_dēnīh ī xwad āstawānīh ī abar dō_buništagīh pad ān ristag brahm kū ohrmazd hamāg_wehīh awattarīh u =š kām wisp frārōn ahriman wisp_wattarīh awehīh
didīgar ēmēd ī mizd pāddāšn ī kerbakkarān ud bīm ī az puhl pādifrāh ī bazzakkarān tuxšīdan pad kirbag pahrēxtan ī az wināh
sidīgar hamayārīh būdan ī dāmān ēk abāg did ud az hamayārīh hamspāhīh az hamspāhīh pērōzīh ī abar dušmen bawēd ī xwad fraškerd
pad ēn gōwišn stard būd abāz ō tam ōbast
ohrmazd dām tanōmandīhā bē ō gētī būd
fradom asmān didīgar āb sidīgar zamīg čahārom urwar panǰom gōspand šašom mardōm
ud ātaxš andar wisp būd pargandag hammis pad šaš gōhrag ī harw gōhrag =ēw drang ī bē abar dādan and būd guft ēstēd čand miǰ =ēw ī ka ēk pad did frōd nihēnd
3000 sāl dām tanōmand ud afrāz_raftār būd
xwaršēd māh starān ēstād hēnd andar bālist awazišnīg
pad zamānag sar ohrmazd nigerīd kū čē sūd ast az dādan ī dām ka apōyišnīg arawišnīg awazišnīg
u =š pad ayārīh ī spyyhl ud zurwān dām frāz brēhēnīd
zurwān anādūg būd kū =š dām ī ohrmazd rawāg kird bē az rawāgīh ī ahriman dām
čē buništān ēk ō did wizāyišnīg ud padīrag_estišnīg būd hēnd
u =š frazām_nigerīhā abzār =ēw ī az xwad gōhr ī tārīkīh kē =š nērōg ī zurwānīg padiš paywastag pōst ēwēnag ī wazagīg ud syā ud ādurestar_gōn frāz ō ahriman burd
u =š pad frāz_barišnīh guft kū pad awēšān zēy abāgīh ā =iz ēd ī tō bē dawīd xwad pad suy frōd mīrēd agar pad sar ī 9000 sāl čiyōn =it padistād ud pašt abar kird zamān abar kird nē frazāmēnēd
pad hamzamān ahriman az hamzōrān hammis bē ō star_pāyag āmad
bun ī asmān pad star_pāyag dāšt az ānōh frōd ō tuhīgīh āhaxt ī andarōn ī buništ ī rōšnān ud tārān ud gyāg ī ardīg kē =š tazišn ī harw dō’ān padiš
u =š tārīkīh ī abāg xwēš dāšt andar ō asmān āwurd asmān ōwōn ō tam āhaxt kū andarōn ī aškōb ī asmān čand se_ēk =ēw azabar star_pāyag bē rasīd
abar andar āmadan ī ahriman ō dām
pad dēn ōwōn paydāg kū māh frawardīn rōz ohrmazd pad nēmrōz frāz ō wimand ī asmān mad
asmān ǰud_gōhrīh rāy ōwōn bē tarsīd čiyōn mēš az gurg larzēd
ahriman tābišnīg ud sōzišnīg padiš abar āmad
pas ō āb mad ī azēr zamīg winnārd u =š tārīkīh ud ǰud_mizagīh abar burd
ud mayān ī zamīg abar āmad
čiyōn mār homānāg ī az sūrāg =ēw abar āyēd ud hamāg zamīg zūd andar ēstād
ud ān widarg kū abar āmad xwad ast rāh ī ō dušox kē pad ān dwārēnd dēwān druwandān
dō šaš pas ō urwar mad
čiyōn ēk bun būd kē =š bālāy čand pay =ēw ud anazg apōstag ud tarr ud šīrēn
u =š wisp sardag zōr ī urwarān andar čihr dāšt
ud pad nazdīkīh ī mayānag ī zamīg būd
pad ham zamān bē hōšīd
pas ō gāw mad ī ēk_dād
čiyōn =iš bālāy čiyōn gayōmard pad bār ī āb ī dāytī mayānag ī zamīg ēstād
u =š az gayōmard dūrīh čand bālāy ī xwēš būd az =iz bār ī āb ī dāytī pad ham paymān dūr būd
ud māyag spēd ud rōšn būd čiyōn māh
čiyōn petyārag abar mad ohrmazd mang ī bang =iz xwānīhēd pad xwardan dād ud pēš čašm bē mušt kū tā =š az zanišn ud bazzag handraxtagīh kem bawēd
nizār ud wēmār būd
pad dašn ālag ōbast ud widard
pēš az frāz madan ī ō gayōmard ēg čiyōn se_*ēk =ēw ī zarduxšt bālāy būd rōšn būd čiyōn xwaršēd ohrmazd xwēy brēhēnīd pad mard kerb ī _sālag rōšn ud buland
u =š abar āmad ō gayōmard u =š xwēy abar awiš burd and drahnāy čand yatā_ahū_wēryō =ēw abar gōwīhēd
ka az xwēy frāz būd u =š čašm abar dāšt ā =š dīd gēhān ka tārīk būd čiyōn šab
pad hamāg zamīg mār ud gazdumb ud wazag ud was_gōnag xrafstarān čahār_pāyān abārīg ēwēnag andarwāyīgān ōwōn ēstād hēnd kū zamīg nihuft homānāg čiyōn sōzan tēx nē mānd ī =š nē dwārišn ī xrafstarān padiš būd
mihr ī abāxtarīg pad hamǰuxtīh ī abāxtarīg māh ud 5ān abāxtarān ud was tār_kerbān pad čihr ud dēs ī aǰdahāg andar wehmīh ī andarwāy tazišn dāšt
ud škeft būd xwānišn ud garrānišn ī mazanyān
abdom bē ō ātaxš mad ud tārīkīh ud dūd andar gumēxt
gōšurūn čiyōn xwad būd čiyōn ruwān =iz az widardān tan pad ān homānāg garzān wāng ō ohrmazd burd čiyōn ān ī hazāragān spāh ka pad āgenēn abar garzēnd
ohrmazd az pēš gayōmard pāsbānēnīdan abērtar tuwān būdan gumēxtag dāmān rāy az zamīg abar ō asmān šud u =š gōšurūn az pas garzān hamē šud u =š wāng burd kū =t sālārīh ī pad dāmān pad kē bē hišt
ēn būd bālist pādixšāyīh ī ahriman čē abāg wisp zōr ī =š būd bē ō āhōgēnišn ī dāmān mad
u =š bun ī asmān čand se_ēk =ēw ō frōdrōn pad bowandag_drubuštīh kird ōwōn kū hamāg tārīk bē az rōšnīh
čē xwad būd andar āmadan ī hamēstār dušmen andar kōxšišnīhā ī ō dād
ud ēn ast padīrag fraškerd_kirdārīh čē mahist ī druz ka andar āmad ud abārīg harw abzār az ham bun nērōg ēn andar ānābišn ī fraškerd_kirdārīh ān ka dušmen ī pad andar āmad bowandag abāz dārīhēd
mayān ī ēn harw kōxšišn ī gumēzag_rāyēnišnīhā
ahriman mēnīd kū =m bowandag mad pērōzīh čē =m škast asmān ud āhōgēnīd pad tam ud tār u =m kird pad drubuštīh
u =m āhōgēnīd āb u =m suft zamīg ud wināhīd pad tārīkīh u =m hōšēnīd urwar
u =m margēnīd gāw u =m wēmārēnīd gayōmard
u =m padīrag rōšnān winnārd tārān abāxtarān
u =m grift šahr nē mānd kas andar razm az ohrmazd nēmag bē ēk mard kē ēwtāgīhā čē šāyēd kirdan
u =š abar frēstād astwihād abāg hazār uzwārdān yaskān ī xwad hēnd wēmārīh ī gōnag_gōnag kū =š wēmārēnēnd ud margēnēnd gayōmard
u =šān nē windād čārag
čē wizir būd ī brīngar zurwān pad bun andar āmadan ī ahriman kū abar ō sīh zamestān gayōmard ī tbk ān ī gyān bazišn frāz brēhēnam
u =š pad spihr būd paydāgīh pad baxšišn ī az kerbakkarān ud bazzakkarān gumēzišn_rāyēnišnān
u =šān pad ān čim tā uzīdan ī sīh sāl nē ayāft čārag
čē pad bun ōwōn bē dād kū ohrmazd stārag zīndagīh tar dām nē xwēš_gōhrīhā bē andar band ī rōšnān būdan rāy ud kēwān margīh tar dām
harw dō pad bun ī dām pad xwēš bālist būd hēnd čiyōn ohrmazd pad karzang pad ul_āmadān ī gyānān =iz xwānīhēd
čē gyāg ast ī =š zīndagīh padiš baxšīhēd kēwān pad tarāzūg pad mēx ī azēr ī zamīg ī xwad zōr ī margīh padiš paydāgtar pādixšāytar bawēd ī harw dō pad bālist būdan rāy gayōmard pad xwēš zīndagīh bē kird
ud did tā sīh sāl kēwān abāz ō bālist ī ast tarāzūg nē mad
pad ān gāh ka kēwān bē ō tarāzūg mad ohrmazd pad wahīg būd ī =š xwēš nišēb ud abarwēzīh ī kēwān abar ohrmazd rāy gayōmard pad hōy ālag ōbast ud widard
abar padīrag_ēstišnīh ī ān āhōgēnišn ī ahriman abar ohrmazd dāmān burd
ka hampadisārīg =iz čiyōn =iš dāmān āhōgēnīd ēg =iš pad ān ham dranǰēnīdan xwēš wuzurg_xwarrahīh nimūd
čē čiyōn andarōn asmān āmad ēg mēnōy ī asmān artēštār homānāg baxt kē ayōšustēn zrēy paymōxt dārēd ī xwad ayōšustēn asmān ast pad burz wāng padist barišn guft ō ahriman kū nūn ka andar āmad hē ā =t abāz nē hilam
bē winnerd tā ka ohrmazd pērāmōn ī asmān anī drubuštīh =ēw ī saxttar bē winnārd ī ašō_āgāhīh xwānīhēd
u =š ašō’ān frawahr ī artēštārān pērāmōn ī ān drubuštīh asp_bārag nēzag_dast ōwōn bē winnārd čiyōn wars abar sar pad homānāgīh ī zēndān_bānān kē az bērōn zēndān pāyēnd ud dušmen az andarōn parwast_sāmānān bērōn nē hišt āmadan
pad ham zamān ahriman kōxšīd kū abāz ō xwēš bunag ī tārīkīh šawēd u =š widarg nē ayāft
u =š gumān_sahišnīhā bīm ī az frazāmōmandīh ī 9000 sāl sar būdan ī fraškerd pad čihr bē ōšmārd
čiyōn gōwīhēd pad gāhān kū ēdōn =iz ān ī harw dō mēnōy ō ham mad hēnd ō ān ī ōy ī fradom dahišn kū harw dō mēnōy ō tan ī gayōmard mad hēnd kē =iz pad zīndagīh ohrmazd pad ēd kār kū wēš zīndag dārād kē =iz pad azīndagīh ganāg mēnōy pad ēd kār kū wēš bē ōzanād kē =iz ēdōn ān ast tā ō ān ī abdom andar axwān kū mardōm =iz ī abārīg abar ōh rasēnd
ud wattomīh ī druwandān ahriman ud druwandān rāy abesīhišn bē dīd ēdōn ōy ī ahlaw pāšom_menišnīh ī ohrmazd ī ēmēd ī hamēyīgīh
ēn būd fradom ardīg ī asmānān abāg ahriman
čiyōn didīgar ō āb mad ān ham rōz ī andar dwārist asp ī karzang kē āb_tōhmag tištar ham spīg ī azarag xwānīhēd abr frāz dād ī pad rōz frōd_šudān paydāg čiyōn ul_āmadān ī dām_rawāgīh ī karzang axtar būd ī ast axtar ī čahārom ēd rāy čē tīr māh čahārom māh ī az sāl ast
tištar wād ō ayārīh xwāst u =š wahman ud hōm pad parwānagīh ud burz ī ābān nāf pad hamayārīh ud ardāy fraward pad paymān_dārīh abāg hamkārīhīd hēnd
pad se kerb wašt ī ast mard kerb gāw kerb asp kerb
pad harw kerb =ēw dah šab andar rōšnīh wazīd u =š sīh šab wārān pad zanišn ī xrafstarān abar hišt
ud sreškān būd hēnd ǰud ǰud wuzurg tašt kē āb abar āhenǰīhēd
pad ān abar bē zanīhist hēnd wispān xrafstarān bē nihang az wayendagān kē andar sūrāg ī zamīg andar šud hēnd
pas mēnōy ī wād pad mard_ēwēnag pad zamīg paydāg būd rōšn ud buland u =š pad ēwēnag ī mōg =ēw ī dārēn pad pāy dāšt
čiyōn gyān ka tan bē ǰumbēnēd tan pad hamzōrīh frāz_raftār bawēd ān mēnōy ī wād andar čihrīg wād ī andarwāyīg frāz ǰumbēnīd
hamāg zamīg ēwkardagīhā wād frāz wāyīd
u =š āb bē mušt u =š bē ō kustān ī zamīg abgand
u =š zrēy ī frāxkerd aziš būd ī dārēd se_ēk ī ēn zamīg
u =š andar bē dārišn hazār čašmag ī xānīgān ī war xwānīhēd hazār āb_xānīg kē =š āb az zrēy az war abar āmad frāz awiš rēzīhēd
harw war =ēw harw āb_xān =ēw wuzurgīh ōwōn čand ka aswār =ēw ī tagīg pad asp =ēw ī tāzīg pērāmōn hamē gardēd pad čēhel rōz bē ayābēd ī bawēd 1920 frasang ī agrī ī harw frasang =ēw kamist 20000 pay
pas ān xrafstarān ī murd hēnd wiš ī aziš andar zamīg bē gumēxt ān wiš bē zadan rāy tištar andar zrēy frōd šud u =š apaōš dēw padīrag bē tazīd
fradom ardīg stōwīh abar tištar būd u =š abar paywahīd ō ohrmazd pad yasn ud niyāyišn ud nām_barišnīh bē mad zōr ōwōn abar ō tištar burd čand dah asp ī gwšn dah uštar ī gwšn dah gāw ī gwšn dah kōf ka abganēnd dah rōd ī nāydāg ka pad āgenēn frāz ānayēnd
u =š pad stōwīh bē rānēnēd apaōš dēw u =š abāz dāšt az čašmagān ī zrēy
u =š pad ǰām ī abar_nihumb =ēw ī paymānag kē frawahrān dāštan xwēškārīh čand wēšist āb abar āhext ud čand škefttar pad zanišn abar wārānēnīd sreškān ī čand mard sar ud gāw sar meh ud keh
andar ān abr ud wārān būd tazišn ud pahikafišn ī tištar ud ātaxš ī wāzišt pad hamēstārīh ī apaōš ud spinǰagr
ātaxš ī wāzišt pad ātaxšānwazr bē zad spinǰagr andar abrān
dah rōz_šabān wārān būd u =š padiš widāzīhist wiš ī xrafstarān
pas wād bē rānēnēd ō kanārag ī zrēy ī frāxkerd
ō se bē baxšīhist u =š se zrēy aziš būd ī xwānīhēd pūidīg kam_rōd ud syāw_bun
az awēšān pūidīg xwad drayāb ī sōr ast kē =š purr ōgār padiš bawēd u =š band ī purr ud ōgār paywast ō māh
u =š hamē wardišn pad ul_āmadān frōd_šudān ī māh padiš paydāgīhīd
frāxkerd pad kustag ī nēmrōz pad harburz frāz ēstēd u =š pūidīg hamsāmān ēstēd u =šān mayān war ī sadwēs kē band ō sadwēs kē kustag ī nēmrōz zrēy andar xwēškārīh ud māh kē wardišn ī harw ērān andar abzāyišn ud kāhišn purr ud ōgār hēnd
pāymār az pēš ī māh dō wād frāz tazēnd ī andar sadwēs mānist dārēnd ēk ul_āhang ud ēk frōd_āhang
pad ān ī ul_āhang bawēd purr ud pad ān ī frōd_āhang bawēd ōgār
ud sadwēs war ast xwad pahlūg ī zrēy ī frāxkerd čē ayōǰdahrīh ud stabrīh ī az drayāb ī sōr ka andar ō frāxkerd hamē šawēd pad wād ī wuzurg ud buland =ēw abāz zanēd tā ān ī rōšn pad pākīh andar ō frāxkerd ud čašmagān ī ardīwsūr šawēd
ǰud az ēn se zrēy ī keh
u =š pas tazēnīd az harburz az abāxtar kanārag dō rōd ī arwand ud weh ud arwand ast diglit taǰan ō frōd_šudān ud weh_rōd ō ul_āmadān būd
pad dō sar bē gašt bē ō zrēy šud hēnd
pas az awēšān haštdah rōd ī wuzurg az ham harburz bē āmad hēnd
ēn wīst rōd kē =šān bunxān pad harburz andar zamīg frōd šawēnd ud andar xwanīrah abāz ō āškārīh rasēnd
pas dō čašm ī zrēy bē ō zamīg wišāyīhist ī xwānīhist čēčast war ī dūr ī garmōg_ābag ud ǰud_dad kē =š pad bār nišīnēd ādur ī gušnasp ī pērōzgar
ud didīgar sōr kē harw stabrīh bē kustān abganēd ud xwēš grīw rōšn ud pāk dārēd čē handāzag homānāg ī čašm =ēw ast kē harw gardīh ud harw rēmanīh bē ō kustān abganēd
u =š zufrīh rāy bē ō bun nē ayābīhēd čē andar ō zrēy šawēd
u =š pad nazdīkīh nišīnēd ādur sūdīg_mihr ud burzēnmihr
ēn būd didīgar ardīg ī abāg āb
čiyōn sidīgar ō zamīg mad ī =š padīrag ham zamīg bē winnārd
čiyōn pad škastan ud zēnēnīdan ī zamīg abar rust harburz ī zamīg kanārag ud abārīg kōfān ī mayān girdagīh ī zamīg abar āmad pad mar 2244 u =š zamīg padiš hamband_winnārišnīg u =š urwarān abar rōyišn ud waxšišn u =š gōspandān aziš parwarišn u =š mardōmān aziš wuzurg sūd ud ayārīh būd
ōwōn paydāg kū pēš az ēbgad ō dām madan pad hazār sāl gōhr ī kōf andar zamīg dād ēstād nāmčišt čiyōn petyārag bē ō zamīg mad pad wizendag bē waxšīd abar zamīg abar āmad čiyōn draxt homānāg kē tāg ō abar waxšēd u =š rēšag ō azēr
rēšag ī kōfān ēk ō did bē widārīhist pad hambandīh bē winnārīhist u =š rāh ī widarg ī āb azēr ud abar padiš bē dahīhist kū =š āb padiš ōwōn homānāg tazēnd čiyōn xōn andar ragān az hamāg tan ō ǰagar zōr ud āhang dārēnd
pad 18 sāl hammis hamāg kōfān ī ǰud az harburz frazāmīg būd hēnd
harburz tā hašt_sad sāl hamē rust pad dewīst sāl tā ō star_pāyag pad dewīst sāl tā ō māh_pāyag pad dewīst sāl tā ō xwaršēd_pāyag pad dewīst sāl tā ō asmān rust
pas az harburz abarsēnkōf ī meh čiyōn abursān =iz xwānīhēd kē =š bun pad sagestān u =š sar pad wimand ī pārs ō čīnestān
ēn =iz paydāg kū pas az wārān ī wuzurg ī pad bun ī dām pad bē muštan ī wād āb ō zrēy zamīg pad haft pārag andak =ēw azabar čiyōn ka zamīg pas az wārān pad ēwāz wād gyāg gyāg bē darrīhist pārag =ēw ī čand nēmag =ēw ī hamāg zamīg az mayānag wisist anīy10618 ī pērāmōn pad šaš pārag bē wisist hāwand paymān
xwānīhistan ī kišwar pad ān čim pad kēš ēk az did paydāg bawēd
pērāmōn xwanīrah kē pārag ī mayānag ast ān šaš kišwar abesar homānāg
bahr =ēw az zrēy ī frāxkerd pērāmōn ān gašt mayān ī ān šaš kišwar
ān kustag ī nēmrōz ī zrēy wēšag bē grift ān ī abāxtar kōf ī burz bē rust kū tā ēk az did ǰud bawānd paydāg
ēn būd sidīgar ardīg ī abar zamīg
čiyōn čahārom ō urwar mad ī =š pad ham urwar padīrag kōxšīd čē ān urwar bē hušk amurdad kē =š urwar gētī daxšag abar grift u =š xward bē kust u =š abāg tištarīg āb ī wārānīg bē gumēxt
pas az wārān hamāg zamīg waxšišnān paydāgīhist bēwar sardag ī mādagwar ud 100000 sardag andar sardag ōwōn waxšīd hēnd čiyōn az harw gōnag ud ēwēnag u =š ān bēwar sardag bē ō abāz_dārišnīh ī bēwar wēmārīh payrāst
pas az ān 100000 sardag urwar tōhm abar grift az hamīh ī tōhm wan ī harwisp_tōhmag mayān ī zrēy ī frāxkerd bē būd kē =š hamāg sardag urwarān aziš hamē waxšēnd u =š senmurw āšyān padiš bawēd
ka =š andar frāz frawāzēd ēg =iš tōhm ī hušk ō āb ōsānēd pad wārān abāz ō zamīg wārīhēd
u =š pad nazdīkīh ī ān wan bē būd hōm ī spēd hamēstār ī zarmān zīndakkar ī murdagān anōšakkar ī zīndagān
ēn būd tasom ardīg ī abar urwarān
čiyōn panǰom ō gōspand mad ī =š pad ham gōspand padīrag kōxšīd
ham čiyōn gāw ī ēk_dād bē widard az ān čiyōn =iš čihr ī urwarīg dāšt panǰāh ud haft sardag ǰōrdāg dwāzdah sardag urwar ī bēšaz az hannām hannām waxšīd hēnd
čiyōn gugān ī ēk ēk kū az kadār handām andar dāmdād paydāg
harw urwar az handām =ēw waxšēd abzāyēnēd ī ān handām čiyōn ān ī guft kū ānōh kū gāw ō zamīg mazg bē paššixt pas ǰōrdāy ul rust girgir ud kunǰid ud ālun ud miǰūg
čiyōn kunǰid mazg_čihrīh rāy xwad mazg =ēw ast ī abzāyēnāg ī mazg
ud ān =iz gōwīhēd kū az xōn kōdak ī raz may čiyōn may xwad xōn ast ast ī urwarīg ī ō druyist_čihrīh ī xōn ayārtar
ud ān ī gōwīhēd kū az wēnīg māš kē wēnōg xwānīhēd
wēnōg_nāmīh būd did wēnīg rāy
ud ān =iz gōwīhēd kū az suš spandān bēšazēnīdan ī spandān ī sušīg wēmārīh rāy
az mayān ī sar_bun ābešan ī wahman pad abāz_ēstišnīh ī ān ī akōman gand ān ī az ǰādūgān wināhišn rāy
u =š pas rōšnīh ud zōr az tōhm ī gāw abar grift u =š ō māh burd ud rōšnīh ī andar gāw būd bē ō māh dād ud abespārd pad gāh_bedīh ānōh ān tōhm pad rōšnīh ī māh bē pālūd
u =š pad was čihragīhā bē wirāst u =š gyānōmand bē kird az ānōh frāz ō ērānwēz brēhēnīd
fradom dō gāw ǰuxt =ēw nar ud mādag pas abārīg =iz sardagīhā tā bē ōbowandagīh ī 282 sardag
andar zamīg čand dō frasang drahnāy ī 8 hāsr paydāg būd hēnd
ud čahār_pāyān pad zamīg frāz raft hēnd ud māhīgān andar āb šnāzīd hēnd ud murwān andar andarwāy wazīd hēnd dō dō pad hangām ī gušn_hilīh hamēnīhist u =šān aziš būd ābustanīh ud zāyišn ud gōkān ī =šān baxšišn ōwōn
fradom baxšīhist ō se ī ast čahār_pāy ī zamīg_rawišn ud māhīg ī āb_šnāzišn ud murw ī andarwāy_wāzišn
pas ō panǰ ēwēnagān ī ast čahār_pāy ī gard_sumb ud dōgānag_sumb ud panǰ_čang ud murw ud māhīg kē =šān māništ andar panǰ gyāg xwānīhēd ābīg ūnīg wāyendag frāx_raftār ud čarag_arzānīg
ābīg māhīg ud pah ud stōr ud gōspand ud dad ud sag ud murw ī andar āb bawēd
ūnīg samōr ud mušk ud abārīg hamāg sūrāg_mānišnān ud sūrāg_rawišnān
ud wāyendag hāmōyēn murwān
frāx_raftārān dad ī nē dast_hammōg
čarag_arzānīgān harw čē pad ramag ud čarag dārīhēd
u =š pas bē ō bahrān baxt
čiyōn gard_sumbān ēk ī hamāg asp xwānīhēd ud dōgānag_sumbān was čiyōn uštar ud gāw ud mēš ud buz ud abārīg dōgānag_sumbān
panǰ_čang sag ud xar_gōš ud mušk ud samōr ud abārīg ud pas murw pas māhīg
u =š pas bē ō sardag baxt čiyōn asp hašt sardag uštar dō sardag gāw pānzdah sardag mēš panǰ ud buz panǰ sag dah ud xar_gōš panǰ ud samōr hašt mušk hašt murw 110 ud māhīg dah
ast kē gugān nē ōšmurd
paydāg_nāmān apaydāg_nāmān hammis 282 sardag abāg sardag andar sardag hazār ēwēnag
murwān pad hašt ristag bē dād az ān ī wuzurgtar tā ān ī kūčaktar ōwōn bē wālēnīd čiyōn mard kē ǰōrdāg hamē kārēd
fradom ān ī stabr dānag frāz parganēd pas ān ī mayānag pas ān ī kūč
az ham sardagīhā čiyōn pad dāmdād gōkān ōšmurd u =m andar nibēg ī tōhmag_ōšmārišnīh hangirdīg nibišt ud ēn gyāg hangirdīgīh =ēw ast ī nimāyīhēd
abar sardag ī aspān
fradom tāzīg u =šān rad spēd ī zard_gōš
didīgar pārsīg ud astar ud xar ud gōr ud asp ī ābīg ud abārīg
ud uštar mādagwar dō daštīg ud kōfīg ast ēk_kōf ud dōgānag_kōf
andar sardag ī gāw spēd ud xšēn suxr ud zard ud syā ud pēsag ud gawāzn ud gāwmēš ud uštar_gāw_palang ud gāw_māhīg ud abārīg
andar mēš ān ī dumbōmand ud ān ī adumb ud mēš ī tagal ud kurušk čiyōn =iš kōf se ast srū wuzurg ud pad =iz bārīh šāyēd ud bārag būd ī mānuščihr
andar buz xarbuz ud tāzīg ud rāk ud āhūg ud pāzen
andar samōr kākom ī spēd ud syā samōr ud sanǰāb ud xaz ud abārīg
andar mušk ēk mušk ī nāfag ēk bēš mušk kē bēš zahr xwarēd u =š padiš nē mīrēd
pad ān meh_sūdīh dahīhist kū tā bēš xwarād bē ō zahrīh ī dāmān kam rasād
ēk mušk =ēw ī gōnag syā kē awēšān glčk ī xār čiyōn glčk ī makōg_pēs xwānīhēd ī andar kustag ī drayāb wēš bawēd frāz gazēd ayāb tōhm bē ō xwarišn abganēd
kē xwarēd ēg =iš glčk andar tan bawēd
ka ān glčk ān handām ī gast hambōsišn glčk padiš abar mēzēd az ān wēmārīh pāk bē bawēd
andar murwān dō ǰud_čihrag bē dād az abārīgān ī ast senmurw ud šawāg kē dahan ud dandān dārēnd pad šīr ī az pestān parwarēnd baččagān
ēn būd panǰom ardīg ī pad gōspand
čiyōn šašom ō gayōmard mad ān ham gayōmard padīrag bē winnārd
čiyōn niyōxšīd gayōmard abēzag mānsrspand ī ohrmazd abēzag_menišnīhā menīd ān ī weh ahlāyīh pad zanišn ī druz
ka widard ayōšust_čihrīh rāy hašt ēwēnag ayōšust az hannām hannām bē būd hēnd ī ast zarr ud asēm ud āhen ud rōy ud arziz ud srub ud ābgēnag ud almās
pahlomīh ī zarr rāy az gyān ud tōhm dahīhist
pad widardan ī gayōmard zarr spandarmad frāz padīrift ud čēhel sāl andar zamīg būd
pad sar ī čēhel sāl rēbāh_ēwēnag mašī ud mašyānī abar rust hēnd ēk ō did paywast hambašn ud hamdēsag
u =š mayānag xwarrah abar āmad pad hambašnīh ī awēšān ōwōn kū nē paydāg būd kū kadār nar ud kadār mādag ud kadār ān xwarrah ī ohrmazd_dād
ēd ast ān xwarrah kē =š mardōm awiš dahīhist
čiyōn gōwīhēd pad dēn kū kadār pēš būd xwarrah ayāb tan
u =š guft ohrmazd kū =m xwarrah pēš dād pas ō ān ī dād ēstēd xwarrah tan dād kū xwēškārīh brēhēnīd u =š tan bē ō xwēškārīh dād
pas az urwar_kerbīh bē ō mardōm_kerbīh wašt hēnd
xwarrah mēnōyīhā andar ō awēšān šud
čiyōn haftom ō ātaxš mad ī =š pad ham ātaxš padīrag kōxšīd
ān ātaxš ō ēwēnagān bē baxt ī xwānīhēd abzōnīg weh_franāftār urwāzišt wāzišt buland_sūd
u =š ātaxš ī abzōnīg xwad andar garōdmān bē dād u =š paydāgīh pad ātaxš ī pad zamīg sōzišnīg u =š abzōnīgīh ēd kū harw sardagān ō xwēš čihrīh abzāyīhēd
ātaxš ī weh_franāftār ān ī andar mardōmān ud gōspandān u =š xwarišn gugārdan ud tan abzūdan ud čašmān rōšnēnīdan andar xwēškārīh
urwāzišt ān ī andar urwarān kē =šān andar tōm dādag u =š zamīg suftan āb ayārdēnīdan ’ptn" ptš" urwarān wiškōf hučihr ud hubōy kirdan bar pazzāftan pad was mizag gōhrēnīdan andar xwēškārīh
wāzišt ān kē =š andar abr rawišn dārēd u =š tom ud tār ī andarwāyīg zanēd
ud stabrīh ī andarwāy bārīk ud spuk čihrag kirdan ud tagarg widāxtan ud āb ī abr dārēd paymānagīhā tāftan sreškōmand ud garmōg kirdan andar xwēškārīh
buland_sūd =iz andar asmān ān xwarrah kē =š mehmānīh andar warahrān ātaxš čiyōn kadag_xwadāy abar xānag kē =š abzōnīg_ōzīh az rōšn waxšišnīh ī ātaxš frāz sōzišnīh ī bnd" ud pākīh ī gyāg stāyišn ī yazadān warzišn ī kirbagān
u =š abāg druz ī mēnōy kōxšīdan parīg ud kerbān ī az drayāb abar āyēnd ud tanīg wtīh paymōxt dārēnd ud pad gand ud āhōgēnišn ī rōšnān petyārēnēnd ud pad ǰādūgīh dāmān wināhēnd zadan ud sōxtan ud ǰādūg ud parīg wānīdan ud mādagwarīhā pad šab xuftagān pāsbānēnīdan abāg srōš_ahlī ayār būdan xwēškārīh
u =š pad bun dām ī hamāg zamīg pad pāsbānīh bē ō warzāwand ādur ī farnbay ud tagīg ādur ī gušnasp ud purr_sūd ādur ī burzēnmihr čiyōn āsrōn ud artēštār ud wāstaryōš hēnd abespārd
ādur ī farrbay pad xwarrahōmand kōf abar xwārizm gāh grift ud ādur ī gušnasp pad asnwand kōf ī abar ādurbādagān ud ādur ī burzēnmihr pad rēwand_gar ī abar pušt ī wištāspān
u =š stīh paydāgīh ī andar gēhān abērtar būd
pad xwadāyīh ī hōšang ka mardōm pad gāw ī slswk az xwanīrah bē ō abārīg kišwar hamē šud hēnd pad nēmag ī rāh šab =ēw pad wād ī škeft ādur_pāyag ī abar pušt ī gāw pad se gyāg dhytk kē =š ātaxš padiš būd ō zrēy ōbast ud guharīg ī ān ēk ātaxš ī wuzurg paydāg būd ō se xwarrah kē =šān mehmānīh abar ādur ī farrbay ādur ī gušnasp ud ādur burzēnmihr
abar āmadan ī dēn ō āwām
homānāgīh ōwōn čiyōn frazend_zāyišnīh ī pad dō hamzōrīh ī ast tōm_padīrīh ī mādagān pad zāyišn ud abāz abespārdan ī ō pidarān
zamānīg kōxšišn ī gumēzišnīh mādagwarīhā pad dō abzār ēk dahībedīh ī bē az ham_nāf dēnīh ud ēk dēn ī ō dahībedīh hamnāfīhist
dēn mazdēsnān ka āwām az gētī_rāyēnišnīh abāz ō mēnōy_čihrīh hamē wardīhist pad zamīg paydāg būd fradom pad spandarmad pas pad ohrmazd čiyōn frazend_padīrišn ī mādarān ud abāz abespārdan ī ō pidarān
paydāgīh ī dēn pad spandarmad pad ān gāh būd ka frāsyāb āb az ērān_šahr abāz dāšt ud āb abāz ānīd kanīg_kerbīhā pad xānag ī mānuščihr ī ērān_šahr dahībed ud anērān passox_guftār būd ōh paydāgīhist
u =š paymōxt dāšt rōšnīg paymōzan kē bē frōgīhist ō wispān kustagān hāsr =ēw drahnāy ī ast frasang =ēw homānāg
u =š pad mayān bast dāšt zarrēn kustīg ī xwad būd dēn ī mazdēsnān čē dēn band ast kē =š awiš paywastag sīh_se band ī abar sīh_se wināh kē =š hamāg wināh aziš baxtag
kanīgān kē =šān spandarmad bast_kustīg dīd hučihr sahistan rāy pas az ān pad bastan ī kustīg taftīg būd hēnd
ēn =iz būd mādarīh ī pad dēn ī pad spandarmad bē dahīhist pēš az zarduxšt bē ō hampursagīh mad pad 628 sāl ī =šān gōkān az dēn mādayān nibēg ī pēšēnān
nām ī zarduxšt xwānīhist abar zamīg pēš kē =š hampursagīh pad se_sad sāl
ōwōn paydāg kū andar ān ēw ka tūrān abāz
ērān pad zamīg ī niyābagīh ī hērbedān =iz pahikār būd
ohrmazd apahikārīh rāy wuzurg gāw =ēw brēhēnīd kē =š sāmān ī ērān andar tūrān pad pštk abar sumb paydāg būd
pad wēšag =ēw dāšt ēstēd
hamē ka pahikārīh būd pad ān gāw sāmān bē šnāsīhist tā ka kay_us purr_kāmagīhā bahr =ēw az zamīg ī tūrān abāz ō ērān griftan kāmag būd
u =š dīd kū tā ān gāw ast kirdan duščārtar čē abāg pādixšāyīh ī =š būd ā =š nē xwāst kū pad ān gāw sāmān paydāgīhēd
3 brād būd hēnd ud ān ī om srid ī om xwānīhēd pad tan wuzurg pad zōr agrī ud ō kay_us pad was dar frayādišnīg u =š andar wāspuhragān būd
kay_us bē ō pēš xwāst u =š framūd kū šaw ān gāw bē ōzan andar wēšag
srid šud ka =š bē ōzadan kāmist gāw mardōm_saxwanīhā awiš pahikārd kū =m bē ma ōzan čē ka =m bē ōzanē ān kē =š frawahr andar hōm ī dūr_ōš pad zamīg paydāg bawēd kē =š nām zarduxšt ī spitāmān u =t wad kirdan andar gēhān bē gōwēd u =t pad ruwān dušxwārīh ōwōn būd čiyōn pad dēn paydāg kū_š
čiyōn =iš bawēd ōy ī wadag ka =š wattarīh gōwēd u =t hāwandīh bawēd margīh ī aziš ān ī az margīh abar gumēxtēd kū =š az =iz margīh wattarīh
srid ka =š ān saxwan āšnūd abāz wašt abāz ō kay_us šud u =š az čē_ēwēnagīh āgāhēnīd
ēn =iz guft kū gāw pad škeftīh guft kū az harw kē andar zamīg ahlāyīh_kāmagtar nūn zanišn framāyēd ō gāw
ud kay_us kāmag abar ardīkkarīh guft kū nē paydāg kū ān kē =š frawahr andar hōm ī dūr_ōš xwad ast ayāb nē ud agar ast zāyēd ud paydāg bawēd ayāb nē
u =š pad saxtīh framūd kū šaw u =š bē ōzan
srid guft kū nē ādūg ham bē ōzadan čē =m az =iš garzišn bē abaxšīh pad dil
kay_us guft kū bē ō wāhmān wēšag šawēd kē padiš mānēnd was sar ī parīgān u =t bē brīnēnd abaxšīh az dil
srid abar šud ō wēšag dīd hēnd wasān parīgān kē =šān zafr wišād dāšt
u =šān abar xrōsīd kū ōzan ma abaxšāy
u =š bē šud abaxšīh az dil
abāz šud ō wēšag u =š pad mušt pušt ī gāw pad se gyāg bē škast
gāw škeft brāmag wāng dāšt
srid pas az ān ōzadan ī gāw az ān brāmag ī =š āšnūd ēg =iš garān anastīh būd
abāz šud ō kay_us u =š čiyōn būd āgāhēnīd u =š xwāst kū =š bē framāyēd ōzadan čē =š zīndagīh nē abāyišnīg būd
kay_us guft kū man tō bē nē ōzanam čē nē wčylyt az tō
srid guft kū agar tō man bē nē ōzanē ēg man tō bē ōzanam
kay_us guft kū tō man bē ma ōzan čē dahībed ī gēhān ham
srid hamē ahunsandīh kird tā =š kay_us framūd kū bē ō wāhmān wēšag šaw čē =š parīg =ēw ī sag_kerb padiš ast u =t bē ōzanēd
srid bē ō ān wēšag šud u =š ān parīg ī sag_kerb dīd
pas ō parīg zad bē ō dō būd u =š hamē zad tā bē hazār būd hēnd
u =šān srid abar gyāg ōzad ud darrīd
abar paydāg būdan ī zarduxštān xwarrah pēš =iz az zāyišn
ōwōn paydāg kū pēš az čēhel_panǰ sāl ka zarduxšt bē ō hampursagīh mad ka frēnī zarduxšt mād ī =šān dugdō xwānd zād xwarrah pad ātaxš_ēwēnag az ān ī asar_rōšnīh frōd āmad bē ō ān ātaxš gumēxt ī =š pēš būd
az ātaxš andar ō mādar ī zarduxšt gumēxt
se šab pad hamāg widārān ud kustag ī xānag pad ātaxš ēwēnag paydāg būd
rāh_widerān wuzurg rōšnīhā hamē dīd
ka =iz _sālag būd ān xwarrah ī =š padiš rāy pad rāh hamē raft ēg =iš payrōg aziš hamē ōbast
abar hambōsišn ī yašt_frawahr zarduxšt
kū =š frawahr andar hōm u =š xwarrah pēm ī gāw bē yhbwnst
pad frāz_xwarišnīh ī pidarān ud mādarān ox bē ō hambōsišn mad čiyōn =iš gōkān andar nibēg ī abar nimūdārīh ī yazišn paydāgēnīd būd
abar abāz paywandišnīh ī zarduxšt ō ohrmazd pad dō kas ī pahlom az gētīyān ǰam ud az mēnōyān nēryōsang
tōhmag_ōšmurišnīh ī zarduxšt
ēk zarduxšt ī pōrušasp ī fradarasp ī bh’wlt’sp ī haičadasp ī čyhšnwš ī pytlsp ī /arečat_aršu/ ī /xarečare/ spitāmān ī w’syšt ī ’yzym ī pl’h ī /arǰ/ ī dwlslwb ī mānuščihr ī mānušxwarnar ī mānušxwarenāg ī mānuš ī nēryōsang frēstag ī ohrmazd kē =š mād būd ngzyk ī ’lyk sridag ī bidag ī frazušag ī zušag ī fraguzag ī guzag ī ēriǰ ī frēdōn ī āspīyān
bowandagīh ī dah āspīyān ī ǰam ī wīwanghān ī ’yngh’n ī ’nwš’n ī hōšyang ī frawāg ī siyāmag ī mašī ī gayōmard
abar škeft kōxšišnīh ī druz pad zadan ī zarduxšt
ka =š nazd būd ō zāyišn ahriman tab dēw ud dard dēw ud wād dēw harw ēk abāg 150 dēw bē ō ōzanišn ī zarduxšt frēstād hēnd
u =š mēnōy frāz ō mādar šud hēnd az tab ud dard ud wād awištābīhist
ud az ānōh pad ēk frasang ǰādūg =ēw būd stlk nām ī ǰādūg bizišktom būd
pad ēmēd ī kirdan =iš az gāh abar āxist andar ō rawišn ēstād
frēstag ī ohrmazd wāng burd kū ma šaw ō ǰādūgān čē =t nē hēnd bēšazēnīdār bē abāz ō xānag šaw ud dast andar māl pad rōgn ī gāw ī abar ātaxš burd esm =iz bōy widāb pad xwēštan ud zahag kē =t pad aškamb
u =š hamgōnag kird druyist būd
u =š did abar frēstād wisp hamkārān hamzōrān u =šān nē ayāft čār abāz wašt hēnd
u =šān guft kū az hamāg kustag ātaxš būdan rāy nē ayāft ham čār
az harw kē =š ayār frāy hamēmāl ēg =iš abāg nē bawēd
abar ham šab ī ka zād ahriman spāhbedān wizīd u =š gund ārāst
ast kē abāg hazār dēw ud ast kē abāg 40000 dēw tazišnīg pahikafišnīg kōxšīd hēnd
padīrag_ēstišnīh ī yazadān mādagwarīhā xwad xwarrah ī pad ātaxš_ēwēnag pad ān zāyišn paydāg būd
u =š brāh ud payrōg dūr gyāg payrōgīhistan rāy ēg =išān nē ayāft hēnd čār
abdom ahriman akōman abar frēstīd u =š guft kū tō hē mynwktl kē andarōntom hē
šawē pad frēbišn abar ō zarduxšt menišn u =š wardēn menišn ō amāh kē dēw ham
ohrmazd wahman padīrag abar frēstīd
akōman frāz ō pēš āmad frāz ō dar mad būd andar kāmist šud
wahman č’lk_wylīhā abāz dād u =š bē ō akōman guft kū andar šaw
akōman handēšīd kū =m nē tis warzišn kē =š ō man guft wahman abāz wašt
wahman andar šud ō wārom ī zarduxšt gumēxt
zarduxšt bē xandīd čē wahman ast mēnōy_rāmēnīdār
u =š haft ǰādūg pēš nišastag būd hēnd az rōšnīh ī andar mān brāzišnīgīhā wēnīhist xandīdan ī =š pad zāyišn ī padīrag ān ī abārīg mardōmān kē pad zāyišn bē grīyēnd bē tarsīd hēnd
u =š pad ham zamān ī zāyišn dastwarīh ī abar dēn az ohrmazd padīrift
čiyōn gōwīhēd pad dēn kū =š pad zāyišn guft kū
čiyōn ox kāmag tō kē zōt hē kū pēšōbāy ī dāmān hē frāz ō man guft kū dastwar bawišn
čiyōn zarduxšt gētī_tanīh rāy gētī_ēwāzīhā guft
ohrmazd mēnōyīhā mēnōyīh rāy ā =š passox guft kū
ēdōn radīhā ēdōn frārōnīhā az ahlāyīh čēgām =iz =ēw frāz ahlawān āgāhīhā gōwēd kū dastwar ham
didīgar rōz pōrušasp šud u =š az ǰādūgān kē andar gyāg pad āfrāh dāšt hēnd pursīd kū
čē ast ka aburnāyīgān pad zāyišn bē grīyēnd ud čē ān ka bē xandēnd
u =šān passoxēnīd kū grīyistan margōmandīh ī pad frazām dīdan xandīdan ahlawīh ī xwēš dīdan rāy
abar brādarān ī zarduxšt hamēstārān ī karbān ud usixšān pus ī nylyw\’wšst’lyš būd hēnd
nylyw\’wšst’lyš az kwhlyt kwhlyt az ešm ud m’nwšk mānuščihr xwāhar_zād
pad ān gāh ka zarduxšt zād panǰ brād būd hēnd kē =šān nām bl’tlwhš bl’tlwdšn tūr ī brādrōxš ’z’n ud sm
panǰ_brādarīh ī awēšān kē ān ī mayānag tūr ī brādrōxš ī zarduxšt būd petyāragtar handāzag ī panǰ_brādarīh ī pōrušasp frazendān kē ān ī mayānag zarduxšt būd
ān čahār brādar ī zarduxšt dō pēš az zarduxšt ī =šān nām ltwštl ud loynz’tl ud dō pas wtlyk’ ud hndynš
mayānag_bawišnīh ī zarduxšt pad ān čim kū ō mayānag ī pēšēmālān pasēmālān pad ān zamānag ōwōn bē yb yhst kū =š se hazārag pēš mad ud se pas tā pad ān ī būd pad čē ēwēnag bē ō pēšēnānīgān hammōzād ud abar ān ī bawēd čē ēwēnag kunišn =iz bē ō dāmān framāyēd
čiyōn gōwīhist pad gāhān kū ān ī harw dō az tō pursēm ohrmazd kē =iz mad tā nūn kē rasād az nūn frāz
abar uzmāyišn ī padiš būd kē warz_kardīh ī yazadīg ud waxšwarīh nišān padiš wēnīhēd
ōwōn paydāg kū didīgar rōz ka zād pōrušasp az ān panǰ brād ī az karbān tōhmag ēk xwānd u =š guft kū bē niger nišān ud daxšag ī man pus
šud pēš ī zarduxšt nišast u =š sar ī zarduxšt saxt pēčīd kū tā bē ōzanīhād u =š ǰādūgān az =iš tars ud wišēg abēbīm bawānd passoxēnīd
ohrmazd čiyōn pad ān dah šab pad mehmānīh frōd ō zamīg frēstād spandarmad ud ardīwsūr ’lkdwswl ud ardāy fraward ī was ēg =iš nē mad ǰuttarīh ud frāz hušk_dast būd ōy kerb
ān ǰādūg xwāst az pōrušasp ān ī zarduxšt yān pad ān anāgīh ī =š az xwēš kunišn ǰast
hamzamān pōrušasp zarduxšt grift u =š ō kerb dād kū čiyōn =it xwēš kāmag padiš kird
ōy stad u =š abgand ō pāy ī gāwān kē pad rāh bē ō āb hamē šud hēnd
pēšōbāy ī gāwān ī ān ramag pad nazdīkīh bē ēstād u =š 150 gāw ī =š az pas raft hēnd aziš abāz dāšt
ud pōrušasp grift u =š abāz ō xānag burd
u =š didīgar rōz bē ō pāy ī aspān abgand
pēšōbāy ī aspān pad nazdīkīh ī zarduxšt bē ēstād u =š 150 asp ī =š az pas raft hēnd aziš abāz dāšt
ud pōrušasp grift u =š abāz ō xānag burd
u =š sidīgar rōz esm bē ō ham čīnīhist u =š zarduxšt abar bē dād u =š ātaxš abar abrōxt hambun =iz aziš nē sōxt u =š ān būd nišān ī passāxtan ī war u =š bōxtišn
u =š čahārom rōz bē ō āšyān ī gurg abgan*t
gurg nē pad āšyān būd
ka abāz ō sūrāg kāmist šud ka wīst_čahār pay mad hamēwēnag ēstād pad gyāg hušk būd
andar šab wahman ud srōš_ahlī mēš ī kurušk ī šīr_pestān bē ō sūrāg burd u =š tā rōz gōhrag gōhrag šīr bē ō zarduxšt hamē dād
andar bām mādar ī zarduxšt pad ān ēmēd kū =š ast az sūrāg bē āwurd šāyēd bē ō ān gyāg šud
ud kurušk bērōn āmad frāz dawīd
u =š mādar handēšīd kū gurg ast u =š guft kū =t bē ǰūd pad sagrīh az ōy bē hamē pattāy ud frāz šud
ka =š zarduxšt druyist =iz dīd ēg =iš abar grift u =š guft kū nē daham pad zīyišn ō kas nē ka ēdar harw dō deh bē ō ham rasēnd ray ud nōdar
čiyōn ēn dō deh andar ādurbādagān andar mēnōyān čiyōn az čēčast pad panǰāh frasang
zarduxšt az ray ud wištāsp az nōdar būd
ud ēn dō deh ray pad nām ī glč ī dūrīsraw ī mānuščihr kē =š zarduxšt az =iš tōhmag būd
ud nōdar pad nām ī nōdar ī mānuščihr kē =š wištāsp aziš tōhmag būd
ēn būd nišān ī =š pad zāyišn
rōz =ēw ēk az ān panǰ brād ī az karbān zarduxšt dīd u =š dagr zamān ul ō abar frōd pad hamāg kustag pad gardišn bē nigerīd
pōrušasp pursīd kū
čē ān ī ka =t ō abar nigerīd čē ān ī ka =t ō frōd čē ān ī ka =t pad hamāg kustag bē nigerīd
u =š ēdōn passoxēnīd kū
ān ī ka =m ō abar nigerīd pad ān čim ka =m dīd kū xwarrah ī im abar ō asmān šawēd az gōwišn ī im ruwān ī mardōmān abar ō wahišt šawēnd
ān ī ka =m ō frōd nigerīd ā =m dīd kū az kirdan ī im dēw ud druz ud ǰādūg ud parīg azēr zamīg_nigān bawēnd stōwīhā abāz ō dušox ōftēnd
ān ī ka =m ō hamāg kustag bē nigerīd ā =m dīd kū gōwišn ī im pad hamāg zamīg bē ayābēd
ud ka būd pad dād ī haft kišwarān āš paymōxt dāšt kb’h ī az haft pōst kē =š xwarrah ī haft amahrspandān padiš būd
tūr ī brādrōxš frāz šud
ka ō dašn ālag šud zarduxšt ō hōy bē tazīd ka ō hōy ālag šud zarduxšt ō dašn tazīd
u =š tūr ī brādrōxš padiš bē nihumbēd u =š awiš nē ayāft
abar ǰud_āhangīh ī =š abāg zādēnīdārān
ēn =iz paydāg kū dēwān ō hanǰaman ī ǰādūgān ud hamāfrāhān wāng =ēw burd kū ān ī pōrušasp frazend abōy ud harg ud yazadān_wināhīdag
kas az mardān zanān nē menēd ud āfrāh nē padīrēd
āgāhīh bē ō pōrušasp mad ud pōrušasp bē ō zarduxšt guft kū =m menīd kū =m zād pus kē bawēd āsrōn artēštār ud wāstaryōš
nūn hlk ud yazadān_wināhīdag hē
raw ō karbān tā bēšāzēnēnd
zarduxšt passox dād ēd men kū ast ān ī tō pus āsrōn artēštār ud wāstaryōš
u =š pad framān ī pōrušasp dō asp andar ō wardyōn bast ud abāg pōrušasp šud
ka ō ān gyāg mad hēnd pōrušasp dādestān čiyōn būd pēš ēk karb ī az ān panǰ brādarān guft
ōy ǰādūg ǰāmag =ēw stad u =š awiš mst u =š guft kū ē xwarēd ēd ī tō pus tā druyist bawēd
u =š pad ēn dādestān kird kū tā ō hamčihrīh ī awēšān wardād
zarduxšt bē ō pōrušasp guft kū ō ōy ī =t pānag ud dastwar abāz dahē
ud āxist ud abāz ō gyāg šud
zarduxšt andar rāh dō aspān tišnagīh rāy āb dād u =š menīd kū abēsūd būd rawišn ī =m ō dar ī karbān bē ēn ēk ī ka =m pad āb_dahišnīh ī aspān ēg =im abzāyēnīd ruwān
abar andarg_gōwišnīh ī =š ō wattarān
ēn =iz paydāg kū rōz =ēw dūrīsraw ī kerb čiyōn az ham panǰ brādarān bē ō xānag ī pōrušasp mad
pōrušasp šīr ī asp_ēw ǰāmag pēš nihād u =š guft kū frāz yaz d
zarduxšt ō pōrušasp pahikārd kū nē yazam
pōrušasp guft kū ōy ēw yazēd ’pyt u_šān tā se bār andarg pahikārd
ul ēstād zarduxšt u =š ān ī dašn pāy ō ǰāmag pahikōft u =š bē rēxt
u =š guft kū ’hldīh yazam ahlawān driyōšān mardān zanān yazam pōrušasp bahr ō ōy rāy kē =š padiš arzānīgīh
ud dūrīsraw bē ō zarduxšt guft kū čiyōn =it fradom ham bahr ud rōzīg bē abgand ham āt ān harw dō ā =š abar baram u =t bē murnǰēnam
zarduxšt andarg guft kū =t ān pad bowandag_menišnīh pad harw 2 dōysr abar nigeram u =t bē murnǰēnam
u =šān ēk ō did pad nigerišn =ēw ī tēz dagr zamān hamē nigerīd ud yazadān_čihrīh ī zarduxšt abar ǰādūgīh ī ōy čērīhist
dūrīsraw frāz āšuft u =š asp xwāst ud guft kū =m im rāy ēstād nē tuwān
abar ō asp nišast
ka andak =ēw šud būd garān dardīhā az asp bē ōbast ud murd
u =š frazend ud frazendān frazend pad ham gyāg murd hēnd
abar aziš ahlāyīh ārzōgīh
ēdōn paydāg kū ka _sālag būd pusarān ī pwlwšp az pidar bahr xwāst hēnd u =šān pōrušasp bahr padiš baxt hēnd
andar ǰāmagīhā kustīg =ēw būd dō_kird ī =š pahnāy čahār angust ud se bār pērāmōn kustag frāz āwurdan šāyist
zarduxšt abar wizīd u =š frāz bast
ēn būd az parwānagīh ī wahman kē =š pad zāyišn ō wārom bē mad u =š az harw čē nē ēwēnag menišn bē bast u =š pad ān ī ēwēnag taftīg bē kird
abar abaxšīdār_čihrīh bāristānīhā
ēn =iz paydāg kū rōd =ēw būd u =šān brahnag zan han xwānd pad ān čim kū stabrīh ud tēzīh ī rōd rāy zan bē ka brahnag bē būd tā =š padiš widard nē tuwān būd ud mardōm ī pīr čiyōn pad dēn ān kē =š haftād sāl ast han xwānīhēd apadyāwandīh rāy pad xwēš zōrīh padiš abāz šudan nē tuwān būd
zarduxšt pad bār ī āb bē mad az zan ud mardōm ī pīr haft tan mad būd hēnd u =š puhl ēwēnag bē widārd hēnd
būd nišān ī puhlīh ī kunišngarān kū =šān widārgar ī ō wahišt
abar aziš rād_čihrīh
paydāg kū wāstar ī pōrušasp stōrān rāy hambārd ēstād nē andar tang_sārīh abar stōrān ī pōrušasp bē pad abaxšišn abar stōrān ī abārīg kē =šān tang_sārīh rāy az gurs ēg =išān dumb ēk ān ī did hamē xward ā =šān frāxīhā awiš dād
abar ul_šbkwnpšety ī =š gētī ārzōg griftan ī =š ahlāyīh rāh
ēn =iz paydāg kū ka _sālag būd andar akāmagīh ī pid ud mād frāz wašt az xānag bē šud
u =š bē pursīd kū kē ast ahlāyīh_kāmagtar driyōšān frawardārtar
u =šān guft kū ān ī kehist pus ī tūr ī ’wlwytwydy kē harw rōz ǰāmag ī ’snyn ī asp_bālāy ast purr az nān ud pēm ud abārīg xwarišn bē ō driyōšān dahēd
zarduxšt bē ō ān gyāg šud u =š hamayārīh abāg driyōšān parwardārīh rāy čand dō mard ī agrī pad xwarišn frāz ō driyōšān burd ud kār kird
abar abaxšišnīh ī =š nē ēwāz abar mardōm bē =š abārīg =iz dāmān
ēn =iz paydāg kū =š sag =ēw dīd kē haft bazzag zād ēstād ud hašt rōz būd tā =š ēč xwarišn nē ayāft
harw čē =š dīd ēg =iš dahan frāz awiš burd ud stard homānāg būd
zarduxšt čārag kird tēzīhā abar burdan ī nān awiš ka =š yblwnpšety bē murd būd
abar xūb_wizīnīh ī zan ārzōg ī xwēš ud kāmag ī pidarān rāy pēš az ān ī sazāg windišnīh xwēš tōhmag nē gumēxtan
ēn =iz paydāg kū ka pidar ōy rāy zan xwāst zarduxšt bē ō zan pahikārd kū =m rōy bē nimāyē kū tā =š čihrag ēwēnag brahm dīd hād ēn =iz kū =š čihrag huārzōg ayāb nē šnāsīhād
u =š zan rōy aziš abar wašt
ud zarduxšt guft kū kē wēnišn az man abāz kunēd nē warzēd ān ī man tarsagāyīh
abar padīriftan ī =š āfrāh az =iz wattarān ud bčk’n xwāyišnīhā āšnūdan kē ān and čand swtōmandīh paydāg ān padīriftan
ēn =iz paydāg kū bē ō grōh =ēw mad kē andar gyāg pad wēš_dānišnīh āšnāgtar būd hēnd
az =išān pursīd kū čē ast ō ruwān frayādišnīgtar
u =šān guft kū driyōšān parwardan ud wāstar ō gōspandān dādan esm ō ātaxš burdan ud hōm ō āb rēxtan ud was dēwān pad gōwišn yaštan pad gōwišn ī dēn gōwīhēd
ēg parward zarduxšt driyōšān ud wāstarēnīd gōspandān ud esm burd ō ātaxš ud hōm hwynd ō āb
nē hagriz čēgām =ēw zarduxšt dēwān pad gōwišn yašt hēnd
abar madan ī =š ō _sālagīh
ōwōn paydāg kū uzīd sīh sāl az bawišn frāz māh spandarmad ud rōz ’ngl’n pad ān kustag az nōg_rōz frāz čēhel_panǰ rōz ǰašn ī wahār būd xwānd ō gyāg =ēw pad nāmčišt paydāg būd kū mardōmān az was kustag bē ō ān ǰašn_zār šud hēnd raft ēstād
zarduxšt čiyōn bē šud ō ǰašn_zār pad raft ēstād andar rāh pad dašt =ēw ēwtāk bē xuft
u =š pad xwamn dīd kū mardōm ī gētī was ārāyišn bē ō abāxtar dāšt tā hamāg mardōm ī pad zamīg pad abāxtar paydāg bē būd hēnd u =š pad tīh ī awēšān mēdōmāh ī ārāstīyān čiyōn ārāstī pōrušasp brād būd pēšōbāy az hamāg mardōm mēdōmāh bē tā pēš ī zarduxšt šud hēnd
nimūdār bwtr kū fradom mēdōmāh pas harwisp ox ī astōmand hāxtēnd
abar madan ī =š bē ō hampursagīh
uzīd ān čēhel_panǰ rōz ī ǰašn_zār māh ardwahišt rōz day pad mihr bāmdād zarduxšt hōm hunīdan rāy frāz ō bār ī dāytī āb šud čiyōn hampursagīh ī zarduxšt padiš rāy rad ast ī ābān
āb pad čahār xānag būd ēstād u =š zarduxšt padiš bē widard u =š fradom tā zang būd ud didīgar tā ō šnūg ud sidīgar tā ō wizārišn ī tlyn rān ud 4wm tā ō gardan
ēn nimūdār būd kū =š dēn pad čahār bār ō bālist rasēd kē =š paydāgīh pad zarduxšt ud ōšīdar ud ōšīdarmāh ud sōšyans
ka =š az āb abar āmad u =š ǰāmag pōšīd ēg =iš dīd wahman amahrspand pad mard ēwēnag ī hučihr ī rōšn ī brāz_dāg kē =š wars wčymk dāšt čiyōn wčymk nišān ī 2īh ptmwzn =ēw ī abrēšom homānāg būd paymōxt dāšt kē =š nē būd ēw =iz brīn ud darz padiš čē xwad būd rōšnīh u =š būd bālāy nō and_čand zarduxšt
u =š pursē az zarduxšt kū kē hē ud az kē’ān hē u =t čē_kāmagtom u =t pad čē ast tuxšišn
u =š passoxēnīd kū zarduxšt ham ī spitāmān andar axwān ahlāyīh_kāmagtar u =m kāmag kū āgāh bawam ān ī yazadān kāmag ud ān_and ahlāyīh warzam čand =am nimāyēnd pad ox ī ’pčyk
u =š framūd wahman bē ō zarduxšt kū abar raw ō hanǰaman ī mēnōyān
and_čand wahman pad nō gām bē raft zarduxšt pad nawad gām ud ka 90 gām šud būd āš dīd hanǰaman ī haft amahrspandān
ka bē ō wīst_čahār pay ī amahrspandān mad wuzurg rōšnīh ī amahrspandān rāy ēg =iš sāyag ī xwēš pad zamīg nē dīd
hanǰaman gāh būd andar zīrān ud pad kustag ī mynhn pad bār ī āb ī dāitī
zarduxšt namāz burd u =š guft kū namāz ō ohrmazd namāz ō amahrspandān ud frāz šud pad gāh ī pursišnīgān bē nišast
abar frašn_pursīdārīh ī zarduxšt
pursīd az ohrmazd kū kadār ast andar tanōmand gēhān fradom ī pahlomān kadār ud sidīgar kadār
ohrmazd passoxēnīd kū fradom pāšomīh humat didīgar hūxt sidīgar huwaršt
pursīd zarduxšt kū kadār ast weh kadār spyltl ud kadār az harwispīn pahlom
ohrmazd passoxēnīd kū nām ī amahrspandān weh u =šān wēnišn wehtar u =šān framān_burdārīh az harwispīn pāšom
u =š pas nimūd dō’īh ī buništān ud ǰudāgīh ī abar harw rāyēnišn
guft kū
az awēšān mēnōyān ā =š dōšīd kē druwand ān ī wattar warzišn
ahriman ān ī wattar warzišn kāmag būd
ahlāyīh mēnōy ī abzōnīg
ohrmazd ahlāyīh dōšīd ”
mādagwarīhā nimūd ǰudāgīh ī abar harw rāyēnišn ī rōšnān az tārān
u =š guft kū
nē amāh mēnōyān nē kāmag nē gōwišn nē kunišn nē dēn nē axwān pad āgenēn ” kē rōšnīh dōšēnd ā =š gyāg abāg rōšnān kē tārīkīh abāg tārān
u =š andar ham se rōz xrad ī harwisp_āgāh abar burd
andar ham frašn ī naxwistēn bē nimūd asmān pad wuzurg rōšnīh ud bām
u =š pad nimūdārīh ī abāz dāštan ī tom az wēnišnīh awiš padīrag_ēstišnīh ī ān tom rāy
u =š nimūd xwēš čihrag asmān handāzagīhā ka =š sar pad abardomīh ī asmān dāšt ud pāy pad asmān ī frōd dast ō harw dō ālag ī asmān bē ayāft
u =š asmān pad ēwēnag ī warr =ēw nihuft dāšt ud šaš amahrspand pad =iš hambašnīh paydāg būd hēnd ōwōn kū padisārīg harw ēk az ān ī did angust =ēw homānāgīh paydāgīhist
amahrspandān nimūd se ēwēnag passāxt ī pad dēn
fradom čār ī ātaxšān ud zarduxšt pad humat hūxt huwaršt se gām frāz raft nē sōxt
didīgar ayōšust ī garm ō war abar rēzīhist padiš afsard pad dast ynsbwnpšety ō amahrspandān dāšt
ohrmazd guft kū pas az abēzag_dēnīh ka pahikār ī pad dēn būd ān ī tō hāwišt ō y’n abar rēzēnd pad dast abar gīrēnd pad ān harwisp ox ī astwand bē wurrawēnd
sidīgar brīd pad kārd ’n paydāg būd ī andarōn aškomb tazīd xōn ud pas dast abar mālīhist druyist būd
ēn nimāyīhist kū tō u =t hamdēnān mkblwnpšety abēzag dēn pad ōstīgān ewwswaā̊ ōwōn kū pad čiyōn sōzišn ī ātaxš ud tazišn ī ayōšust ī garm ud brīnišn pad tēx nē wardišn az weh dēn
abar haft frašn ī dēn hndčk ī haft amahrspandān pad haft gyāg būd
frašn ī fradom ān ī ohrmazdīg būdan rāy zarduxšt
ohrmazdīg burdār tan bē ō hampursagīh mad pad bār ī āb ī dāitī
didīgar wahmanīg būdan rāy abāg zarduxšt
az panǰ ēwēnag gōspand kē gētī daxšag hēnd ī wahman panǰ ō hampursagīh mad hēnd pad hugar ud usind
pad ān rōz pēš =iz az madan ī =šān bē ō hampursagīh uzwān bē wišāyīhist mardōm_saxwanīhā guft
az ābīgān māhīg =ēw sardag =ēw ’lzw’ nām
az ūnīgān kākom ī spēd samōr ī spēd
az wāyendagān karšift murw =iz senmurw
abārīg sardag =ēw az frāx_raftārān
xar_gōš kē dadān rāh_nimūdār ō āb ud az čarag_arzānīgān xarbuz ī spēd
u =šān mardōm_saxwanīhā dēn az ohrmazd padīrift
pad radīh ī panǰ ēwēnagān gumārd hēnd kū tā hamgōspandān =iz pad xwēš ēwāz čand =išān dānišn ud tuwān_nērōgīh dēn ōšmurēnd
u =š ō zarduxšt azadārīh abēšīdārīh ud hangārišnīh ī panǰ ēwēnag gōspandān =iz dēn_škeft_handarzīhātar framūd
sidīgar frašn ardwahištīg būdan rāy mēnōyān ātaxšān abāg zarduxšt bē ō hampursagīh mad hēnd pad twč’n āb
pad ān frašn abar hangārišnīh ī warahrān ātaxš pahrēz ud šnāyēnīdārīh ī hamāg ātaxšān awiš nimāyīhist
4wm frašn šahrīwarīg būdan rāy mēnōy ī ayōšustān abāg zarduxšt ō hampursagīh mad hēnd pad srāy rōdestāg ī mynhn
abar hangārišnīh ī ayōšustān rāy dādan ī zay ud zēn ud abzār bē ōh handarzēnīd
5wm frašn spandarmadīg būdan lad mēnōy ī kišwarān ud kustagān ud awestāmān ud rōstāgān ud dehān čand abāyišnīg būd abāg zarduxšt bē ō hampursagīh mad hēnd pad sadwēs ī p’dls dmnn’n čiyōn xānīg =ēw ast az asnwand kōf bē āyēd bē ō dāytī šawēd
u =š abar pahrēz ud šnāyēnīdārīh ī zamīg ēn =iz handarzēnīd kū
deh gugāh ī wābar ud rōdestāg rōdestāg dādwar ī dād_āgāh
ud awestām awestām mowbed ī rāst_kāmag
ud kustag kustag rad ī abēzag gumārdan
azabar hamāg mēnōyān handarzbed =ēw mowbedān mowbed =ēw paydāgēnīdan u =š xwadāyīh ī ohrmazd padiš winnārdan
šašom frašn hordadīg būdan rāy mēnōy ī zrēyān rōdān abāg zarduxšt ō hampursagīh mad hēnd pwd asnwand kōf
u =š abar pahrēz ud šnāyēnīdārīh ī āb guft
7wm frašn amurdadīg būdan rāy mēnōy ī urwarān lwze zarduxšt bē ō hampursagīh mad hēnd pad dlčyn zbār pad bār ī āb ī dāytī ud ǰud gyāg
u =š abar pahrēz ud šnāyēnīdārīh ī urwarān paydāgēnīd
ēn 7 frašn andar drahnāy ī zamestān nimāyīhist ī ast panǰ māh andar dah sāl
abar bowandagīh ī dēn
kū pad sar ī dah sāl mēdōmāh ī ārāstīyān pad zarduxšt āstawān būd
pas pad ayāft frašn abāz ō hampursagīh ī ohrmazd mad u =š guft kū =m pad dah sāl mard =ēw hāxt
ohrmazd guft kū bawēd rōzān ka =tān ān and ī nē hāxt ī xwad gēhān dādārīh ī ristāxēz ka bē az dahāg harw kas bē dād ī fraškerd_kirdārīh hāxtēd ud dahāg apatītīgīh rāy zanīhēd
pad ham frašn ka az pēš ī ohrmazd bē mad bē ō spandarmad u =š dēn bowandag pad ōš abar daxšagēnīd
pas az ān pad dō sāl wištāsp kaygān karbān hamēstārānīh sīh_se ’n’stk abar =iš guft
az framān ī wištāsp pad 33 band bast
ān sīh_se ’n’stk nimūdār būd ī sīh_se dēn ī ō hamēstārīh ī dēn ī yazadān mad
paydāgīh ī az dēn ān sīh_se band nišān ī bastan ī sīh_se dād ī wattar pad sīh_se kirbag ī pāšom
gōkān andar dyn
tā padīriftan ī wištāsp ī dēn az zarduxšt pas az abāz nimūdārīh dādestānānōmanīhā ud was gōnag waxšwarīh ud mēnōy_gōhrīh ī abar wēnīhist pad gugāhīh ī se abar_gōwišnān amahrspandān gētī_paydāgīhā bē ō wištāsp ud hanǰamanīgān darīgān paydāg būd hēnd ī ast wahman ardwahišt ud ādur ī burzēnmihr
abar ān ī pēš az nēkīh ī zarduxšt wēnīhist čiyōn =iš pad nimūdārīh az ohrmazd ō gēhānīgān nimūd
kū pad _sālagīh mēdōmāh hāxtēd pad gōspandestān wēšag kē hzwlya ud warāz gāh
pad _sālagīh hāxtēd kndk ī kwnd’ pus
pad _sālagīh rasēnd xyōn ō ērān dehān wardag gīrēnd ān ī hutōhmagtar az kanīgān
pad _sālagīh zād wahunēm ī ’wlwšt’l’n
pad _sālagīh widerēd zarduxšt kē bawēd haftād_haft sāl čēhel rōz ardwahišt māh xwar_rōz pad hašt māh wihēzag ō day māh xwar_rōz yblwnty/īhist čiyōn yazišnīg ham ardwahišt māh
pad _sālagīh frašōštar bē widerēd
pad _sālagīh ǰāmāsp čiyōn pas az zarduxšt mowbedān mowbed būd
pad _sālagīh hngwhlwš ī ǰāmāsp pus
pad _sālagīh asmōxwanwad
pad _sālagīh
ī ǰādūg xwānīhist ōzanīhist šaš az dēnwarān ī meh ī ast dō duxt ī zarduxšt kē =šān nām frēn ud srid ud ahlawstūd ī mēdōmāh ud anī se kē =šān nāmčišt az dēn
pad _sālagīh az wahunēm kē pad _sālagīh ī dēn zād gywn zād ud pad _sālagīh bē widerēd pad sad_hāwištīh
pad _sālagīh andar rōz_šabīh bawēd pas dēn āšōbīhēd ud xwadāyīh čandīhēd
abar se dād ī zarduxšt pad pahlomīh čāšt
fradom ēn pahikār_radīhā pad kasān ma šawēd
didīgar ka =tān adādestānīhā abar rawānd dādestānānōmandīh pēš dārēd
sidīgar xwēdōdah ī abēzag tōhmag_rawišnīh rāy zīndagān pāšom_kunišnān kē ptl’nyk" ō huzāyišnīh ī frazendān
abar panǰ xēm ī āsrōnān ud dah handarz kē =š hamāg handarz ī dēn abar paywastag
ān panǰ xēm fradom awināhīh
didīgar wizīn_kirdārīh ī andarg menišnān ud gōwišnān
mādayān bē wizīdan ī zanišn az azanišnīh čiyōn xrafstarān az gōspandān ud dahišn az adahišn čiyōn ahlawān arzānīgān az druwandān anarzānīgān
sidīgar dastwar_dārīh čiyōn hamē ān ī rad ī dānāgtar ud rāst_gōwišntar kē dēn_āgāhīhā hammōxtēd ud rāstīhā hammōzēd
čahārom yazišn čiyōn yazišn ī ohrmazd mādayān pad hamāg wehīh dādārīh xwadāyīh šnāxtan menīdan pad =iš dēn āstawān būdan ud kustīg nišān ī =š dēn rāy bastag čāštan
yazišn ī rōšnān niyāyišnōmandīhā
yazišn ī 4ān zahagān ī ast ātaxš wād zamīg ud āb kē kālbodōmand dāmān aziš passāzīhist pāk yōǰdāsrēnīdan az nasāy ud daštān ud hixr ud abārīg wināhišn dāštan tā čihrān ī aziš passāzīhēnd druyist_čihrtar ud hubōytar ud pāktar ud kam_āhōgtar bawēnd
yazišn ī mardōm rādīhā ī abar dānišn xwāstag
yazišn ī gōspandān wāstar ud kam_bēšišnīh ud paymān_dārišnīh
yazišn ī urwarān zlytwnpšetan pazzāftan ō xwarišnīh ī arzānīgān handāxtan
yazišn ī stāyišnīg hamāg yazadān rōšnān gētī_dahišnān husazāgīhā stāyīdan u =šān hamēstār kōxšīdan čiyōn bowandag stāyišnīh pad bowandag ōšmurišnīh ī dēn šāyēd
yazišn ī kadār =iz =ēw xwēš_pēšagīhā xwēškārīh čand kam_wināhīhātar šāyēd rawāg dāštan
5wm rōzān_šabān xwāyišnīhā abāg xwēš druz kōxšīdan zīndagīh drahnāy az āstawānīh ī dēn bē nē waštan xwēškārīh az dast nē šbkwnty
ān dah handarz fradom husrawīh ī xwēš sālār ud hammōzgār ud rad ud pt abāyistan rāy husrawīhāraftan
didīgar dušsrawīh ī xwēšān sālārān nē būdan rāy az dušsrawīh škeft pahrēz būdan
sidīgar ān ī xwēš hammōzgār pad ān ī darāztar čōb nē zadan ud nē bēšīdan rāy ān ī =š nē āšnūd az xwēš hammōzgār pad =iš nām nē srawēnīdan
4wm nām_paydāgīh az ahlawān nē appurdan rāy čē hammōxt az xwēš hammōzgār rādīhā abāz ō arzānīgān abespārdan
5wm rawāg_dēnīh rāy kerbakkarān mizd ud bazzakkarān tōzišn pad dād nihādan
6wm ahlāyīh daxšag andar xwēš mān mehmān kirdan rāy rāh ī wehān ō xānag wišādagīhā dāštan
7wm druz andar wārom ahōšīhā nē ēstādan
8wm druz az wārom brīdan rāy kēn az menišn ōgārdan ud az wināh tēz ptykyk būdan
9wm pēš_rawišnīh ud pas_rawišnīh ī dēn bē šnāxtan ud pēš_rawišnīh ī dēn frāz ō pēš dāštan u =š kār ud bahr padiš xwāstan pas_rawišnīh ka petyārag bē ō dēn rasēd dēn abāz ō pēš dāštan ud tan pad mkndīh ī dēn dāštan
wm srōš_dārīh rāy andar xwadāy ud rad ud dastwar ī dēnīg huniyōxš būdan
abar se bazišn ī dēn ī ast hangirdīg ud mayānag ud gwk’nyk kē =š baxšišn ēk ristag hambrahmīh kū xwad ast ahunwar nišān ī naskān
pad fradomīh ahunwar baxšīhist ō se paymān čiyōn pad anī dar nimūd
pad hamristag ī gāhān_iz ō se ī ast se_gāh ud čahār_gāh ud panǰ_gāh
ēdōn =iz naskān ō se ī xwānīhēd gāhānīg ud hādamānsrīg ud dādīg
pas baxšīhēd ahunwar ō šaš ī nym_gāh xwānēnd ēdōn =iz gāhān ō šaš ī xwānīhēd ahunwar gāh ud yasn hafthād ud uštwad gāh ud spandmad gāh ud wahuxšahr gāh ud wahištōšt gāh
ēdōn =iz naskān ō šaš čiyōn gāhān ō dō ī xwānīhēd ēk gāhān ī gāhānīg ī ast yašt ud ēk abārīg gāhān
hādamānsr =iz ō dō ēk mānsr ī purr_daxšag ī ārāstār ī ast pāzen ud ratuštāitī ud ēk mānsr ī purr_daxšag ī weh ī ast abārīg hādamānsr
dād =iz ō dō ēk dād ī ǰud_dēw ī ast widēwdād ud ēk dād ī zarduxšt ī ast abārīg dād
pas baxšīhist ō dō =ēw čiyōn ahunwar dō =ēw mārīg ud gāhān dō =ēw ī ast ahunwar ahlāyīh_stāyišnīh ud yazadān_kirdārīh az yānīman tā ō ērman ī āgenēn dō =ēw ud naskān wīst_ēk
pas baxšīhist gāhān rad_homānāgīhā abar čē’īh ud čiyōnīh ī nimūd čiyōn pahikār_radestān kē dādīg pahikārišn īg padiš paydāg zaxmestān kē =š tōzišn ud zaxm aziš paydāg ud stōrestān kē =š wināh ud čand_tōzišnīh ī rēš abar stōrān gōspandān aziš paydāg artēštārān kē =š kārēzār aziš paydāg pasušhorestān kē =š gōspand pad sālārīh_ēwēnīhā dāštan aziš paydāg ǰōrdāy_kārestān kē =š warzīgarīh aziš paydāg ud warestān kē =š war ud passāxt aziš paydāg ud abārīg ī hamšōn
pas baxšīhist gāhān ō 1016 gāh ud naskān ō hazār ēk pargard čiyōn hādōxt rad ast ī naskān ērman ī pahlom gōwišn ī abar ristāxēz rad ast ī pargardān ud abar abārīg lglt’n ōwōn bē hambūd čiyōn hazār glym ǰōrdāy ud wāstar ī bastag ka azabar ān hazār ēk wuzurg bē dahēnd kē harwispīn bē pāyēd az tagarg ud wārān ān ī garm wād ud ān ī sard
ud pas baxšīhist gāhān ō 6666 mārīg naskān =iz hammis 6666 dādestān padiš brīdag
6666 mārīg ī pad gāhān nimūdār ast ī az petyārag ō dām madan tā bē ō frazām ī šaš hazārag harw hazārag =ēw dah sadōzim ī bawēd šašt sadōzim ud harw sadōzim =ēw dah wwygn kē =š padiš rasēd sarmāg ud tangīh ī škeft bawēd šaš_sad wōign ud harw wōign =ēw dah sāl ī ǰahēd 6000 sāl
gāhān šaš mārīg ī fradom nimūdārīh ast ī šaš hazārag ud pas šašt anī 60 sadōzim ud pas šaš_sad anī šaš_sad wōign ud pas 6000 anī 6000 sāl
ērman ī ašawahišt hamwāz abar sar ī gāhān ān ī panǰāh_haft sāl ī sōšyans ān =iz rāy ērman az ahlāyīh_stāyišnīh ī pad sar ī ērman_yazišnīh hammis panǰāh_haft mārīgān čiyōn ērman wīst_čahār ahlāyīh_stāyišnīh dō ud ērman_yazišnīh wīst_ēk hammis panǰāh_haft
pad nām ī yazadān
gōwišn ī zādspram ī gušnǰamān
abar passāzišn ī mardōmān az tan gyān ud ruwān
kū homānāg ast tan kē =š passāzišnān hēnd gōšt ud astag ud pih ud abārīg ō xānag kē =š passāzišn az gil ud sang ud dār ud abārīg
frāz waxšēnīdār frawahr kē dast ud pāy waxšēnēd ud narīh ud mādagīh paydāgēnēd ud rahag ud pay passāzēd ud astān ō ham barēd ud rāh ud widarg paydāgēnēd ud dar ud rōzan wišāyēd bē ō rāz_kirrōg kē kadag dēsēd
ud gyān kē tan zīndag dārēd bē ō ātaxš ī andar gumbad abar gāh nišīnānd
ēd rāy čē čiyōn ātaxš mānišn abar ādur_gāh ud pad hamāg kustagān tabišn bē rasēnēd brāh ud payrōg pad dar bē abganēd ō sl’d’n dīdārīh =it ud xwad pad xwarišn zīyēd ka az xwarišn frāz mānēd nizār apadyāwand šawēd fradom kustagān ī gumbad afsarēnd ka bowandag bē afsard hamāg gumbad sard bawēd ān =iz brāh ud rōšnāgīh ī wēnīhist awēnābdāg bawēd hamgōnag gyān gōhr rōšnīh ud garmīh u =š māništ andar dil čiyōn ātaxš abar ātaxš_gāh ud xōn andar rahagān widāxtag hamāg tan garm dārēd brāh ud payrōg abar barēd pad dō rōzan ī abar sar ī xwad hēnd čašmān bē abganēd wēnāgīh ī čašmān ud hambōyāgīh ī wēnīgān ud āšnawāgīh ī gōšān ud mizag_dārīh ī dahan ud ptlm’h’kīh ī tanān ud ǰumbāgīh ī ēwēnīg az ham čihr
u =š winnārišn ī zīndagīh pad xwarišnān āb ud ātaxš ī andar tan wizārdag paymānīg pad ān ristag nišāndārh čiyōn ka dēg =ēw xwarišn sāxtan rāy kē =š xwarišn ud āb andar azabar ātaxš nihādak ud ātaxš az bērōn āb az andarōn tābēd tā xwarišn bē ō paymān rasēd ān ī abāyišnīg az dēg bērōn gīrīhēd
čē kumīg homānāgīh ast dēg ī xwarišn ud āb andarōn dārēd ud pad gyānīg ātaxš ēwēnīhā tābīhēd
ka ō sāmān ī xwēš mad pad zōr ī čihr ān ī rōšn ī zōrōmand bē ō ǰagar āhenǰēd az ǰagar pad rahagān ud az rahag pad xōn bē ō sar ud abārīg tan sgēnīd ud abar mazg ī sar abzōn bawēd wēnāgīh ī čašmān ud abārīg šnāsagān u =š dast =iz ud pāy aziš zōr padīrifty/ ud ān ī anabāyšnīg pad zōr ī spōzāgīh bē ō bērōn spōzēd
abdom frāz widerišnīh ī gyān axwardārīh wihān ud nizārīh ī gyānīg ātaxš az ham bē afsardan ī dast ud pāy ud ul uzīdan ī az dil ud sard būdan ī hamāg tan ud ǰud būdan ī rōšnāgīh ī čašmān pad ham homānāgīh ī afsardan ī ātaxš
ud spāhbed ruwān ī xwadāy ud rāyēnīdār ī tan mswš xwēš rad buništ padiš homānāg ō ātaxš_waxšēnīdār az gumbad pāk druyist pad nigerišn dāštan ud ātaxš abrōxtan andar xwēškārīh
ud ān ī ka tan xuftag ruwān bērōnīhēd ast ka nazdīk ast ka dūr bē šawēd xīrān nigerēd pad wigrādagīh hangām abāz ō tan šawēd pad ān homānāgīh čiyōn ka ātaxš nihuft dar ī gumbad bast ast ka nazdīk ast ka dūr šawēd
bē čiyōn ātaxš ī gētīyīg gumbad az passāzišn ī gētīyān ud ātaxš_waxšēnīdār mardōm gyān ī mēnōyīg pad āfurišn ī az dādār rāyēnīdār ī tan ud ruwān ī mēnōyīg
pad hamāg čim bazišn ud wāspuhragānīh ēwēnag bē kird ud pad =iz ’č’lyk_dānišnīh bē ō čim_xwāstārān nimūdan nē šāyēd
bē mēnōy ō gētīyīgān pad čim ud handāzag homānāg ī nišānag ī nē šāyēd būdan šāyēd nimūdan
ōwōn čiyōn ka mard =ēw pad būm ī hindūgān klg =ēw ī ēk_srū dīd u =š griftan bē ō ērān_šahr ydblwnty/ nē tuwān būd u =š abāz nimūdan ī ō ērān_šahrīgān rāy abar dēwār pad pahikar nēk ham homānāg bē nigārd
abar passāzišn ī mardōmān
kū =š homānāgīh ōwōn mardīhā čiyōn asmānīg spihr ī gardišnīg ī ast čahār mīh ī harw myh =ēw se axtar čē hammis passāzišn ī mardōmān mādagwarīhā pad se ī ast tanīg ud gyānīg ud ruwānīg
harw ēk =ēw se bazišn
tanīg se ī ast tanīgerdīg ud ābīg ud wādīg
tanīgerdīg pad haft twb uspurrīgīhist ī ast ān ī andartom mazg ud pērāmōn mazg ast ud pērāmōn ast gōšt ud pērāmōn gōšt pih ud pērāmōn pih rahag ud pērāmōn rahag pōst ud pērāmōn pōst mōy
ud nyd’pīhist mazg ō māh kē =š petyārag māh ī abāxtarīg kē čiyōn māh_bay pad waxšišn handām druyist_čihragīhā ’ptwn abar mazgān kerdy/ māh ī abāxtarīg bē wināhēd andar abāxtarān plsp ī andarōntom dārēd
azabar māh tīr u =š mehmānīh abar ast
azabar tīr anāhīd u =š mehmānīh abar gōšt
azabar anāhīd mihr u =š mehmānīg abar pih
azabar mihr warahrān u =š mehmānīh abar xōnīg rahag
azabar warahrān ohrmazd u =š u =š mehmānīh abar pōst hučihrgar ī tanān
azabar ohrmazd kēwān u =š mehmānīh abar mōy
u =š ēn ast nigārag
gardišn ī māh pad māh =ēw
tīr pad se māh
anāhīd pad šaš māh ud nēm
mihr pad sāl =ēw
warahrān pad sāl =ēw ud nēm
ohrmazd pad dwāzdah sāl
kēwān pad sīh sāl
āb andar tan mādagwarīhā čahār ī ast xōn ud drēm ud wiš ī suxr ud wiš ī syā
xōn gōhr garm ud xwēd u =š gōn suxr u =š mizag šīrān u =š kadag pad ǰagar
drēm sard ud xwēd ud gōn spēd ud mizag sōr u =š kadag pad suš
wiš ī suxr garm ud hušk ud suxr ō zardīh wardišnīg u =š mizag taxl apš kadag pad zahrag
wiš ī syā sard ud hušk u =š gōn syā u =š mizag tlwpš u =š kadag pad spurr
pēšōbāy az āmēzišnān xōn ō ǰagar šawēd ud pas andar ayārdēnišn kaf bē ǰagar abganēd ēg =iš čēnīd ud bē ō blgm gw’hlēnīd
pas zahrag ī azabar ǰagar bē ēstēd ān ī b’lyk ī tēz ul āhenǰēd bē ō wiš ī suxr bawēd
b’st’n dahan wišād dārēd qš ī suxr abar kumīg rēzēd ī xwarišn gugārēd pas stabrīh ī abāz mānēd frōd ō spurr afsānīhēd bē ō wiš ī syā bawēd
pas az ēn harw čahār āmēzišnān tōhmagān kē pad bālist ī sar andar mazg gāh pad ān rahag pad pušt abar šawēd zōr =ēw ī az_harw_čahār_passāxtīh rāy paymānagīg abāz ō ǰagar āhenǰēd
az hamāg kerb ī tan =ēw abar čēnīd andar čihrag ōstīgān bē kunēd/ pad tōhm ēwēnag frāz rēzīhēd u =š bawišn ud zāyišn ī mardōmān aziš bawēd
ān čahār āmēzišn ī ǰud_čihrag ǰud_kār bē ō čahār pēšag ī mardōm ī hēnd
hammōzgār āsrōn
ud zadār artēštār
ud parwardār wāstaryōš
ud plst’l hutuxš
tōhmag abar awēšān čiyōn šahryār abar čahār pēšagān
ēd =iz rāy dahībedān pušt ī ērān xwānīhēd čē čiyōn tōhmag az hamāg kerb ī tanān zōr =ēw ō xwēš āhenǰēd ud pad frāz_rēzišnīh daxšag ī kālbod =ēw ham homānāg aziš dārīhēd ōwōn amaragānīhā kadār =iz =ēw ō dād rāh kāmag kunēd ī dahībedān warzēnd
wād kadag pad dil
ēdōn_čihragīhā nē garm nē sard pad ātaxš ī andar dil kē =š sardīh ud xwēdīh ī az suš abāg āmēxtag hamēwēnag paymānīgīhā bē tābēd ud hamāg tan garm dārēd
4ān zōrān ī tan ham =iz ōwōn padiš frāz rawēnd čiyōn tazāgān āb pad wād
ka pad tābišn ātaxš ī az dil freh az paymān garm bawēd ān nērōg ī ul_āhang pad gōwišn bē ō bērōn tazēd ud az frawahr ī andarwāy xunagīh padīrēd/ pad plwd_āhang abāz ō dil šawēd
pad padīrišn ud abespārišn ī paymānīg zōr wād ī plwltšn zīndag dārēd tan
gyānīg se ast gyān bōy frawahr
ud gyān rōšn garm ud hamgōhr ī ātaxš
pēšōbāy abāg tōhm ī ātaxš_tōhmag andar ō gāh šawēd 4wm māh pad tābišn ī pad kālbod ī tan paydāg bawēnd
fradom čašmān nigārīhēd ud ātaxšīg rōšnīh ī xwēš pad čašmān ō dīdār āwarīhēd pas pad bowandag_dahišnīh ī sar pad abardomīh ī mazg gāh gīrēd
didīgar pad ātaxš ēwēnag bē ō dil šawēd u =š ānōh ’wst’n ī mādagwar ast
sidīgar az hambaxšišn ātaxš_kerbīhā frōd ō kumīg šawēd ānōh gāh =ēw bē gīrēd ud harw se pad hambandīh bē winnārēd čē fradom xwarišnān xwārišnān zīndakkar ī gyānān andar ō kumīg šawēd
pad pahikār ī hordad amurdad ātaxš bē abrōzēd
az ānōh brāh abar ō dil šawēd ātaxš ī andar dil zōrōmand bē kunēd ud az dil wād ī garmōg ī ēk_čihrag
gyān pad 3 ātaxš ī andar tan gāh dārēd
u =šān ǰud ǰud xwēškārīh paydāg
čē az ān ī andar mazg ī sar baxšīhēnd swhšn’n ī hēnd wēnāgīh ud āšnawāgīh ud hambōyāgīh ud čaxšāgīh ud ptlm’h’kīh
ud ān ī andar dil mādayān kār pad wād ī ul_āhang ud frōd_āhang pad ātaxš ī wuzurg tāftan ī hamāg tanān ǰumbišn homānāg az hamzōr
ud ān ī andar kumīg bē baxt ō čahār zōr ī ast āhenǰāg ud gīrāg ud gugārāg ud spōzāg
homānāg ast zōr ī ahnč’k kē xwarišnān xwārišnān andar ō kumīg ī xwēšīg kadag āhenǰēd čiyōn kār_framān kē abzār gōšt xwarišnān xrīnēd bē ō xānag frēstēd
ud gīrāg az sūrāg ī kumīg tābēd ud āb ī rōšn ī zōrōmand abar čēnīd ud ō čahār baxšēd ud xōn ō ǰagar ud drēm ō suš ud wiš ī suxr ō zahrag ud wiš ī syā ō spurr frēstēd ō xwarišn_baxš homānāg
spōzāg bē ō gyāg_rōb
ud ēn 3 ātaxš ān ī andar sar āsrōn čihrag u =š ādur farnbay ayārtar ān ī andar dil artēštār čihrag u =š ādur gušnasp ayārtar ud ān ī andar kumīg wāstaryōš čihrag u =š ādur burzēnmihr ayārtar
bōy andar gyān gumēxtag
gyān m’lšn wizīdārīhā az bōy wēš abāg ruwān tanīg zōr
ka tan ēd kunēd gyān andar tan ruwān bērōn ud bōy mayān ī awēšān paygāmbarīh kunēd ud āgāhīh az ruwān padīrēd ud ō gyān nimāyēd gyān ō nigāhbed ōš abespārēd
ud abdom ka tan widerēd ātaxš_suxrīh rāy ka az zamīg bē ō mēnawišawēd fradom ō ātaxš gumēxtēd ud ān se rōz ī pas az marg pad nazdīkīh ī tan pādag ō kālbod ī tan hamē nigerēd padiš grīyēd
ud ka sag ud way frāz šawēnd ud tan darrēnīd kāmēnd frāz tarsēd ōwōn čiyōn mēš az gurg ud ō sag ud way pahikārēd kū ma ēn ī man kerb frāz xwarēd kē =m ohrmazd abdom =iz abāz kunēd pad tan ī pasēn
šab ī sidīgar andar bām ruwān ud tan ī druwand ka ēk az did frāz wardēnd ruwān ō bōy pahikārēd kū bē tō bawišawē ō ān ī pāšom axwān bē man ēdar frāz šbkwnty/
agar ahlaw abāg ruwān az yazadān bahr ī kardagārān bčyhwnyt čiyōn meh_āfrāh ud hamdastwar kē pad ardīg frazām abāg spāhbed bē ō dar ī šahryār šawēd ud dāšn ī huāfrāhān windēd
frāz_waxšēnīdār frawahr abāg tōhm andar ō gāh šawēd ud pad ham gām az tōhmīh bē ō gumēzagīh ud az gumēzagīh bē ō freh_xōnīh wardēnēd
u =š pas =iz čašm ud abārīg handāmān nigārēd ud pas drubuštīhist
az pušt pahlūg frāz waxšēnēd čiyōn tāgān pad spēzišn az draxt
ud pas abzārān ī andarōnīg ī aškamb kardag pad xwēškārīh paydāg bē kunēd
ud pas dast pāy angustān bē rōyēnēd az sar mazg bē ō angustān rawēd čiyōn ān ī afsard ddn’l
pas mizag brūg ud mōy nigārēd
u =š mādagwarīhā kār se ī ast waxšēnīdan abzūdan pādan
waxšēnīdan ān čiyōn ka dast ud pāy ud abārīg handāmān ī abzārīg pad waxšišn bē ō dīdār āwarēd
abzūdan ān ī ka handām =ēw abzāyēd tā bē spurrīgīh sāmān
pādan ān ī ka ōstīgānīhā pad xwēš sāmān gāh pāyēd
dānišnīg se wīr xwāhēd ōš pāyēd ud xrad wizīnēd
ruwānīg se ī ast ruwān ī andar tan ruwān ī bērōn ruwān ī pad mēnōyān axwān
ruwān ī tanīg čiyōn tan =iz xwānīhist čē xwad mēnōy ī tan ast spāhbed homānāg ī ō dušmenān razm frēstīhist u =š hamāg spāh abzārān ristagōmand dāštan xwēškārīh ud im ast kē menēd ud gōwēd ud warzēd kāmag
ast ī ka =š frārōn pad hu’īh ud ast ī ka =š abārōn pad dušīh
ud im_iz ast kē pad hukunišnīh pāddāšn ud pad duškunišnīh pādifrāh mēnōyīg hampaymānīhā abāz nimāyēd
u =š buništ pad dō wihān kū dānišnōmand ud tuwān_nērōg bawēd u =š dānišn tuwān nē čimīgīhā bē ō kār burdan ayāb =iš xwāyišn pursišn būd u =š nē xwāst andar adēnīh parwand raft čiyōn mahist parwānag ī ō dušox
handāzag nha ī nimāyīhēd pad dēn kū ān ī kōdak_xrad mardōm xwēš xradīh wattom
ēn =iz kū hunsandīh ī pad kōdak_xradīh parwānag =ēw ast ī ō dušox
ēn =iz kū az dušdanāgīh ī az dušāgāhīh frahist mardōm druwand bawēnd ud dušoxīg bē kē murd tā nūn bē =iz kē mīrēnd az nūn frāz
u =šān druz pad dō wihān frēbēd ō xwēš kunēd
fradom pad ārzōg_wizārišnīh ī čihr ud griftan ī andak gētīyīg rāmišn ī gumēxtag abāg wināh ī ruwān
didīgar ahlawīhā grīw pahrēxtan az ardīg ī ast anayārīh ī abāg razmyōzān
čihr bowandagīhā wl_sdkwnišnīh rāy pad čē kunēd ēraxtag bawēd pad wināhišn ī dāmān
ahlawīhā kunišnīh rāy ērangīg pad anayārīh ī hamgōhrān
u =š spās =iz kē =š pāddāšn padiš windēd pad dō wihān
fradom pad bowandag_menišnīhā b’rist’n_čihrīhā āz ud waran ud ešm ud kēn andar xwēš čihrag zadan ud nē warzīdan ī asazāg
didīgar pad tuxšāgīhā abzāyēnīdan ī weh_dahišnān ud šnāyēnīdan ī ahlawān
ka az āwām ī widerāgān frāz rawēd agar ahlaw bōxt pad pērōzīh u =š harwist hamgōhrān ī mēnōy_čihragān abāg frāz rawēnd
pas āmār ī sidōš nēryōsang frēstag bē āyēd gyān bōy frawahr ud ruwān ī astwihād wāy ī wattar abārīg margēnīdārān frāz āšuft az hamzōrīh bē wisānd abāz ō ēk passāzēd ud čihrīg_ēwēnag bē winnārēd
ud nēkīh ī ō ruwān rasēd hamhāgān padiš hambāy bawēnd ud ēk az did nērōg ud rāmišn padīrēnd
ud agar druwand gyān bōy frawahr ud ruwān ī andar rāh ud ruwān nigāhbed hamhāgān aziš frāz wardēnd
ruwān ān ī tanīg pašēmānīhā ēwtāg bē ō dušox šawēd ōwōn čiyōn widēmušt ēstēd dušmenān
ruwān ī andar rāh mēnōy ast ī weh ud abēzag_čihrag padīrag tan ōwōn winnārd ēstēd ōwōn čiyōn tan kāmag_xwarišn xwarēd ud wastarg nihumbēd ān ī ruwān kāmag ka pad tan xwarišn bē ō gursagān wastarg bē ō brahnagān pad rāstīh bē baxšēd dahēd
čiyōn tan kāmag kū kāmagīhā pad rōz šab bē xufsēd ān ī ruwān kāmag ka pad tan rōzān_šabān xrad ī ahlawān xwāhēnd
ka tan xuftag ruwān ī andar tan bērōnīhēd ruwān ī andar rāh frāz wēnēd ī =š arsōmand garān_menišnīhā pad wināh ī kird čašmgāhēnīd u =š huāfrāhīhā nimāyēd ān ī abēzag rāh ī rāst ud pad harw kār ī =š tan padiš āmad kāmēd
pēšōbāy ruwān ī andar rāh frāz rawēd ō hanǰaman pēš az ʽzk ī tan bē rasēd
ka awēšān arzānīgān pad xwāyišn frāz šawēnd ruwān ī andar rāh ō ruwān ī pad tan āfrāh gōwēd kū ǰahišn fradom passox gōwē ud ma gōwē ān ī =t hād aǰahišnīh
ud ka tan ān weh menēd ud gōwēd ud warzēd ruwān ī andar rāh az ham humenišnīh hugōwišnīh ud hukunišnīh paymōg =ēw paymōzēd ud az nēmrōz ālag frāz rawēd ul ō abar šawēd ō tan āfrīn kunēd
ka ān ī wad menēd gōwēd warzēd az ham dušmenišnīh dušgōwišnīh ud duškunišnīh ā =š paymōg =ēw ī tārīk paymōzēd az abāxtar nēmag frāz rawēd andar tom frōd šawēd ud abar tan nifrīn kunēd
ruwān ī ān gyāg nigāhbed ud ganǰwar ast ī kirbag baxšēd ō dwāzdah kerbān ud daxšagān ī ast mard kerb ud kanīg kerb ud āb kerb ud urwar kerb ud abārīg
ēd rāy čē dāmān ī gētī haft hēnd kē =šān baxšišn ō dwāzdah šnāyēnīdārīh ī dwāzdah weh_dahišn kirbag ī az ham tan bē bawēd hamdaxšagān mēnōyān bē padīrift ud pād nigāh dārēnd
hamēstār ī ēn ruwān ast mēnōyīg druz ī _kerbīhā andar dušox dwārēnd ud bazzag ī az bēšīdārīh ī weh_dahišnān bawēd padīrift padīrag ān dwāzdah mēnōy ī weh hēnd pad homānāgīh duščihr mard ud ǰeh zan ud hlbstl’n narān ud mādagān ātaxš ī az hamēstārīh ī druzān sōzāg abāxtarīg wād ī gandag ud abārīg wināhišngarān čiyōn guharīg ayōšust kerb ud sang burrišn ī pad tēx ud zanišn ī mnsk guharīg zamīg kerb ud daxšag mān ī andar dušox ī zēndān homānāg padīrag kōf kerb sang_garānīh abar ruwān padīrag āb kerb ud urwar kerb ān ī wattar xwarišnān xwārišnān pad homānāgīh ī *tar* xwarišnān ī homānāg ō ōsānišn ī az tan
ka tan widard šab ī sidīgar andar bām ōy ī ahlaw fradom wād_kerb az nēmrōz ī rōšnān ālag čiyōn hubōytom wād ā =š bē ō padīrag āyēd
ān wād ast niwēygar ī ō šādīh kē mizdag ī wahištīg dārēd
pas āb_kerb ud urwar_kerb pad ēwēnag ī bōyestān homānāg ī ābōmand ī was_nh’l ī purr_škōf bē ēstēd kē =š ruwān andar frāz rawēd
pas kanīg_kerb ud mard_kerb ud pas gāw_kerb ī spēd nar ud mādag pas ātaxš_kerb kē =š pad činwadpuhl frāz widārēd ud tom ud tār ī dušoxīg zanēd
ud pas kōf homānāg bē ēstēd kē =š ruwān padiš abāz uzīyēd
ud pas ayōšust_kerb ud sang_kerb pad homānāgīh ī gāh ī zarrēn_kird
abdom zamīg_kerb kē =š xwad mān bawēd ī ǰāwēdānag
pas ēn dwāzdah mēnōyān hamkirrōgīhā ō ham passāzīhēnd
pēšōbāy zamīg mān homānāg bawēd ī was_kadag ī bāmīg kē =š kadag andarōn ud bērōn ud aškōb azērīg ud azabarīg čiyōn ō čihr sāzišnīgtom ud ruwān wuzurg_urwāhmtom
ud pas āb_kerb ud urwar_kerb pad ēwēnag ī bōyestān homānāg bē ēstēd čašmag čašmag awiš tāzān aziš frāz tazēnd
gōnag gōnag az wisp urwar_kerbān gul bōy wahār ud škōf spēzēnd ud bar pazzāmēnd
u =š ātaxš kerb andar mān pēš frāz waxšēd ud hamēšag bōy ī az hubōyān urwarān aziš frāz damēnd ud sag_kerb ayōšust_kerb bē ō was_ābīg gōhrān ayōšustān wardēd kē =š mān padiš hučihr ud xunyāg bawēd
ud ǰāmagān ud pērāyagān ī pad_was_čihragīhā tāšīdag az ham baxšišn andar mān paydāg bawēnd
gōspand_kerb ō panǰ ēwēnag wasān sardagān wardēd
pad būm čahār_pāyān andar āb māhīg ud andar andarwāy murw_kerb bawēnd pad wāng ī xwaš ruwān urwāhmenēnd
ud čiyōn zīndagān az pēm gōšt urwāhmenīh ruwān az gōspandān kerbān pēm frāz dōšīhēd ud rōgn ud abārīg was gōnag aziš bawēnd ōwōn kū gōspand kerb nē ašādīh ud az gōspand_murw_kerbīh bē ō gōšt_kerbīh az gōšt_kerbīh abāz ō gōspand_murw_kerbīh andar wardišn hēnd
wād pad wād ēwēnag čihragīhā frāz wāyēd andar mān bōyestān čašmag ī ābān az wisp kustagān bōy ō ruwān barēd
mard kerb was_kerbīhā ō ruwān paydāg bawēd
ast ī ka pad čihrag ī masādarān čiyōn pid abar frazendān
ast ī ka pad dād ī mayān čiyōn brād abāg brādarān
ud ast ī ka pad rāh ī aburnāyīgān čiyōn pus andar pidarān
ast ī ka pad ēwēnag ī hamsāyagān čiyōn hamāfrāh hammizd
ēdōn =iz kanīg kerb pad čihr ī kanīgān
ast ī ka čiyōn mādar ud ast ī ka čiyōn xwāhar ast ī ka čiyōn duxtar ast ī ka čiyōn nārīg ud ast ī ka čiyōn paristišngar ud abārīg rāmēnāgān
abar mard kerb ud kanīg kerb ī ō padīrag ruwān rasēnd
kū ēd rāy čē dō axwān ’n’spyn ēk ō did pad warzišn ōwōn homānāg čiyōn narān nāyrīgān hēnd ud zāyišn ī ō gētī widerišn ī az mēnōyān widerišn ī az gētī zāyišn ī ō mēnōy
čiyōn ka az mēnōy ō gētī hamē zāyēd pad ayārīh ī pidarān ud mādarān ud az tan ī mādarān pad widarg ī tang bē ō bērōn āyēd
ast ī az mādarān frāz ōftēd ast ī čihrīg zāyīhēd asōhāg agōwāg araftār ud niyāzōmand ō parwardār
ham pas andar rōzgārān pad wēš_gīrišnīh ī gētīyīg zōr saxwan_šnās bawēd frāz_raftār
pas az parwardārīh ī mādarān abāz ō hammōzgārīh ī pidarān abespārīhēd
ud mad ō pornāyīh_pēšagān wizīnēd kār pad xwēš pēšag kunēd
ōwōn =iz ka az gētī bē widerēd ham pad ayārīh ī mard kerb ud kanīg ī šāyēd ō b’st rasēd ī xwad hēnd pid ud mād ī ruwān
rōz pas az marg ka ruwān andar bīm handāzag se rōz ī pēš zāyišn ka wād andar tan kōxšīdār
4wm rōz kanīg kerb ruwān padīrift u =š pad činwadpuhl ī čēh_widarg ī bīmgen ōwōn bē widārēd čiyōn mādar pad zāyišn ī aburnāyīgān
ān kē druwand murdag ōwōn homānāg ān ī az tan frāz abganīhēd ud ō dušox ōftēd
ān kē ahlaw pad ayārīh ī kanīg kerb ō mēnōyān axwān šawēd
u =š ham kanīg kerb ā =š bawēd parwardār u =š hammōzēd saxwan ī mēnōyān
u =š pas mard_kerb frāz hammōzēd ristag ud nišān ud ēwēnag ud brahmag ī mēnōyīg kār_rāyēnišn
ox ka bawēd hammōxtag ud frahixtag abar wizīnēd pēšagān kē mādayān andar čahār parwand ī hēnd āsrōnīh a artēštārīh ud wāstaryōšīh ud hutuxšīh
abar čahār pēšagān ud abar did kunēd ī dahībedīh wattarīh
čiyōn nimūd pad handāzag andar nibēgān ī hambadīgān kū ōy kē =š andar gētī kunišn =ēw ayāb tuwān_nērōgīh =ēw ayāb mehīh =ēw ayāb xwēškārīh =ēw padiš sazāgīg u =š awiš bandīhēd pad rāstīh ī dārēd pad sūd sazēnīdan ān ēwēnag dānišn tuwān_nērōgīh mehīh ud xwēškārīh ō ān ī ōy ruwān paywandēnd u =š pad =iz mēnōy hambrahmagīhā padiš bawēd
čiyōn ǰam abāz_dārišnīh ī sahm ud tangīh ud seǰ rāy ruwān ī ōy yazīhēd ud xwānīhēd pad abāz_ēstišnīh ī dēwān_frāz_kirrēnīd hēz =iz awāstār sahm ud seǰ =iz ī nihān_rawišn
ēdōn =iz frēdōn bastan ī ažidahāg rāy xwānīhēd pad abāz_estišn ī az_kirdārān bēš
ud karsāsp zadan ī rāhdārān ud gaygān rāy xwānīhēd pad abāz_ēstišnīh ī gayg_kirdārān bēš
abar =iz rāst rād frašōštar
gōwīhēd kū frašōštar ānōh tō ō rādīh rawišn kū =t rādīh andar garōdmān kunišn
čiyōn gētīyīhā dar_handarzbed ī wištāsp būd ān ī mēnōyīg ham dar_handarzbedīh bawēd paydāgīh az dyn
abārīg =iz pad ham brahm ud ēwēnag
ōwōn čiyōn kē pad gētī āb_tāzīdār būd ān ī mēnōyīg wārān_kirdār
abar fraškerd_kirdārīh
kū andar dēn ōwōn nimūd ēstēd kū zarduxšt az ohrmazd pursīd kū tanōmandān ī pad zamīg bē widard hēnd pad fraškerd tanōmand abāz bawēnd ayāb asāyag homānāgīhā
ohrmazd guft kū tanōmand abāz bawēnd ’wzynd
ud zarduxšt pursīd kū ān kē bē widard sag ud way bē wisānd ud gurg ud dālman bē burd čiyōn abāz ō ham rasēnd
ohrmazd guft kū ka tō kē zarduxšt hē agar =it kēbūd =ēw ī dārēn kirdan abāyē ā =t pad kirdan čiyōn hugartar bawē ka =t dār nē būd u =t brīdan ud passāxtan abāyēd ayāb ka kēbūd būd u =š taxtag ēk az zwb bē wišuft abāz passāxtan abāyēd
zarduxšt guft kū ka dār būd hē hugartar būd hē kū ka dār nē būd hē ud ka kēbūd taxtag wišuft hē ā =m hugartar būd hē
ohrmazd guft kū awēšān dāmān ka nē būd hēnd ā =m brēhēnīdan tuwān būd ud nūn ka būd ud wišuft abāz passāxtan hugartar
čē =m hēnd 5ān hnb’lt’l’n padīriftār ī widardān tanōmandīh
ēk zamīg kē abar_nigāh_dāštār ī gōšt ud ast ud pay ī mardōmān
ēk āb ī nigāhbed ī xōn
ēk urwar ī dāštār ī wars ī mōy
ēk rōšnīh ī padīriftār ī ātaxš
ēk wād ī =m gyān xwāyišn ī dāmān pad fraškerd hangām
abar xwānam zamīg ud aziš xwāham ast ud gōšt ud pay ī gayōmard ud abārīgān
gōwēd zamīg kū čiyōn rasēnam ka nē ēn bē dānam kū kadār ān ī ōy ast ī kadār ān ī ōy
abar xwānam āb ī arwand ī ast daglit az rōdān kū abar rasēn xōn ī ōy ī ristag mardōm
gōwēd āb kū čiyōn rasēnam ka nē ēn dānam kū kadār ān ī ōy xōn ud kadār ān ī ōy
abar xwānam urwar ud az ōy xwāham wars ī rist mardōm
gōwēd urwar kū čiyōn rasēnam ka nē ēn bē dānam kū kadār ān ī ōy wars ud kadār ān ī ōy
abar xwānam wād ud az ōy xwāham gyān ī ōy ī ristag mardōm
gōwēd wād kū čiyōn rasēnam ka nē ēn bē dānam kū kadār ān ī ōy gyān ud kadār ān ī ōy
man kē ohrmazd ham ka abāz nigeram pad zamīg āb urwar rōšnīh ud wād pad rōšn_dānišnīh bē dānam ēk az did bē šnāsam čē pad wisp_dānišnīh pad rōšn_menišnīh ēk az did ōwōn wizēham čiyōn ka šīr ī mādagān dōxt ud pad zamīg pad ham ǰōy frāz tazēnd ēk andar did
ēd kū =m kadār mādag ōwōn bē šnāsam čiyōn ka mard =ēw sīh asp hē harw ēk rāy ǰāmag =ēw ī nišān =ēw padiš kū kadār asp rāy ān sīh ǰāmag āgenēn ēstēnd ēg kāmēd dānistan harw ǰāmag =ēw abar gīrēd ud nišān ī pad ǰāmag bē šnāsēd kū =m kadār asp
abar frēstam ērman frēstag kē =š frazām_kārīh andar xwēškārīh
bē rasēnēd ast ud xōn ud wars ud rōšnīh ud gyān ī gayōmard ud mašī ud mašyānī
u =š pēšōbāy abāz passāzam ast ī gayōmard u =š ān ī mašīy ud mašyānīy hampaywast dašnag ud hōyag bē daham
u =m ō ham passāxtan ud abāz dādan hugartar dwāzdah dāmān ī =m pad bun bē dād
fradom ka =m asmān winnārd astūn anabar_dāštār kē =š az ēč kust nē hēnd gētīyān bē dāštār
ud didīgar ka =m zamīg winnārd asmān kū ō kadār =iz =ēw nēmag nē nazdīktar būd homānāgīh ī zardag ī xāyag mayān xāyag
ud sidīgar ka =m xwaršēd brēhēnīd 4wm ka =m māh brēhēnīd
5wm ka =m andar urwarān was gōnag rang ud čaxšišn bē būd
6wm ka =m andar urwar ātaxš pad asōzišnīh bē dād
7wm ka =m hušk ō zamīg bē burd ud pad hangām ī frāz waxšišn barōmand bawēnd ō xwarišn ī mardōmān ud gōspandān rasēnd
wm ka =m
9wm ka =m andar mādagān zahag bē winnārd abar nihuft tā bē nē widard u =m ǰud andar ān ārōyišn paydāgēnīd ast xōn mōy drēm pih ud srū
dahom ka =m tanōmand murwān pad_parr andar andarwāy wāyēnīd
yāzdahom ka =m āb pāy ēdōn homānāgīh ī frāz_raftār dād
dwāzdahom ka =m abr dād ul abar burdār ī āb ī wārēnīdār ī wārān
homānāg bawēd dām_dahišnīh dēn_rawāgīh fraškerd_kirdārīh ō dēsīdan ī xānag
čiyōn kadag pad se abzār frazāmīhēd ī ast būm dēwār ud aškōb
ud ān ī dām_dahišnīh būm dēn_burdārīh dēwār fraškerd_kirdārīh aškōb
čiyōn ka mard xānag kāmēd wirāstan ud mard se bē wizīnēd kē ēk pad būm wirāstan ēk pad dēwār āhextan ud ēk pad aškōb kirdan frahixtagtar
ud ǰud ǰud pad ān kār bē ēstēnēd
tā būm wirāst dēwār āhextan nē šāyēd
ōy kē =š xānag framūd rōšn āgāh kū pad čand ō frazām rasēd
ud pad =iz frahixt_kārīh ī ōy ī aškōb_kirdār abēgumān būdan rāy dagr_wistāx
ka dēwār ō frazām mad ōy kē =š aškōb andar xwēškārīh aškōbēnīdan ōwōn hugar čiyōn awēšān =iz dō pad kār ī =šān pāymār
ud did homānāg būd fraškerd_kirdārīh ō šab ī tār
ka šab ō sar šawēd xwaršēd se kanārag ī gēhān uzīd ud abāz ō xwēš gyāg mad ud gardišn frazāmēnēd nōg pad spēzišn bawēd ud tam ud tār zanēd
homānāg būd ō māh kē pānzdah andar waxšišn pānzdah andar nirfsišn bawēd
ka bowandag būd awēnābdāg nōg abāz zāyēd az xwaršēd šahryār ī rōšnān pad bām paydāg bawēd
gēhān ristāxēz abāz_dahišnīh padiš paydāgīhēd
homānāg būd ō sāl kē pad wahārān draxt wiškuft bawēnd pad hāmīn bar dahēnd pad pādēz frazām bar dahēnd pad zamestān hušk ud murd homānāg bawēnd
ka widerišn ī sālān spurrīgīhēd mihr abāz ō gyāg ī naxwistēn mad rōz ud šab hāwand paymān drahnāy s’lyk paymānīg bawēnd
ud murdāxēz homānāg az hušk_dārān draxtān nōg warg spēzīhēnd ud nh’l wiškōfīhēnd
ōstīgānīh ī abāz_dahišnīh rāy harw čihrān frazām ō bun hamhangōšīdag bawēnd čiyōn mardōm kē =šān bawišn az tōhm tazēnd čiyōn urwarān kē =šān bawišn az tōhmag bowandag_frazāmīh pad hamtōhmīh
pad dēn ōwōn paydāg kū ahriman ka andar ō dām dwārist dušdēn ǰeh_sardag ōwōn pad hambāz dāšt čiyōn mard zanīhā =ēw hambayān
ānōh xwad ast ī dēw gāh u =š dušdēn ǰeh_sardag b’n’stn
xwad ast sar ī hamāg ǰehhā dēwān garān_petyāragtar ō mard ī ahlaw
u =š dušdēn ǰahī hamǰuxt āhōgēnīdan ī mādagān rāy abāg hamǰuxtīhist kū tā mādagān āhōgēnād
ud āhōgēnīdagīh ī mādagān rāy narān āhōgēnānd ud az xwēškārīh wardānd
u =š pas wizīd spāhbed sālār ī xwad ast āz
u =š čahār spāhbed pad hamkārīh frāz dād hēnd ī ast ešm ud zamestān ud zarmān ud seǰ pad homānāgīh ī xwarāsān ud xwarofrān ud nēmrōz ud abāxtar spāhbed
abar wazīd ō āz dašnag sālār ud hōyag sālār ī ast sūy tišn ēdōn =iz zarmān šēwan mōyag ēdōn =iz seǰ frehbūd ud aibībūd
pad fraškerd fradom čār ī āz xwāhīhēd
ast ēd rāy čē spāhbed sālār ast ī abārīgān druzān ahriman ī dušdēn nērōg az ōy wēš
pad =iz bun_rawāgīh ī dām ka zurwān wazag kerb paymōg ī tārīk ud ādurestarēn rawāgīh rāy frāz ō ahriman burd pad ēn pašt kū ēn ast ān zay ī ātaxš homānāg sōzišnīg ud hamāg dāmān padiš awištābōmand xwad gōhr ī āz dārēd
ka zamānag ī 9000 sāl bē ō frazām mad ān čē =t pad bwm bē padīrift kū bē hāzē harwisp ox ī astōmand ō adōstīh ī ohrmazd dōstīh ī xwēš xwad wurrawišn ī abar ēk_buništagīh kū
ham ān kē abzāyēnīdār zadār bowandag nē frazāmēnēd pad awēšān zay abāgīh āz ēd ī tō bē ǰōyēd dām ī tō xwad pad sūy frāz mīrēd
čē nē ayābēd az ohrmazd dāmān xwarišn homānāgīh ī wazag =ēw kē andar āb zīndag ud tā āb hamē āhōgēnīd āš xwad padiš hamē zīyēd ud ka =š āb aziš abāz grift murdag hušk bawēd
ud āz ēk_čihrīhā nē tuwān būd āhōgēnīdan tā dāmān plkndk bawēd
u_š zōrān pad ǰomā rawāg būdan andar dām rāy ō se baxt ī ast čihrīg bē čihr ud bērōn az čihr
čihrīg ān ka andar xwardārīh kē =š gyān awiš bastag
bē_čihrīg kāmagōmandīh ī abar gumēzišn kē xwad waran xwānīhēd kē pad wēnišn ī ō brazy ī andarōn hangēzīhēd ud čihr ī tan awištābīhēd
bērōn az čihr ārzōg ī ō kadār =iz =ēw nēkīh ī wēnēd ayāb āšnawēd
harw twp =ēw ō dō baxt
ān ī čihrīg ast sūy tišn
ān ī bē_čihrīg ast rēzāg padīrāg
ān ī bērōn az čihr ast abarīhā handōxtan pēnīhā bē nē dādan
ēd ast kē =š wattarīh andar parwand ud paydāg kū abdom čārgarīh ī āz rāy ašawahišt pad hamzōrīh ī ērman frēstag bē ō zamīg āyēd ō dāmān abar garān_wināhīh ī gōspand_sardagān zadan ud kam_sūdīh ī aziš nimāyēd
ēn =iz framāyēd kū mard hēd
ma ēdōn gōspand bē kuštār bawēd čiyōn =tān pēš frāz pad kunišn kušt
ka nazd ō fraškerd_kirdārīh bawēd niyōxšīdārān ī ašawahišt framān az gōspand_zadārīh ud gōšt_xwarišnīh bē wardēnd ud čahār_ēk nērōg ī āz bē kāhēd nēkīh ī andar tan ī ōy ast bē ānābīhēd tam =iz ud tār_bahrīhā zanīhēd mēnōyīgīh ō čihr abērtar paymōzīhēd dānišnān rōšntar ayābīhēd
frazendān ī az awēšān zāyēnd āz andar tan apadyāwandtar tan kam_gandagtar ō yazadān čihr hampaywandtar
pad hammōxtārīh ī yazadān az pēm_xwarišnīh wardēnd ud nēmag nērōg ī āz bē kāhēd
awēšān =iz zāyišnān axwarišnīh rāy hubōy kam_tārīk mēnōy_čihr ud azāyišnōmand bawēnd
ud pas āz dēw nē ayāftan ī nērōg az ohrmazd dāmān rāy bē ō ahriman kē =š pad spāhbedān sālār paydāgēnīd ruzdīhā andar ō dāmān rad pahikārd kū =m sagr hamburd kunēd čē nē ayābam az ohrmazd dāmān xwarišn zōrān
pad framān ī ahriman dēw ī xwurdag bē abesīhēnīd
abdom ān čahār spāhbedān frāz mānēnd ud anīy dō ī ahriman ud āz
frāz ō zamīg āyēnd ohrmazd ahriman srōš āz
ōy ohrmazd ahriman zanēd
tā baxtīg būd āz abāg ahriman čār nē ayābēd ān =iz rāy ka ohrmazd wisp_dādār ī rōšnīh u =š tārīkīh ī ahriman petyārag srōš_ahlī ī paymānīg ast mēnōy ī paymān u =š frehbūd ud aibībūdīh ī āz petyārag hambarīhā hēnd pad kōxšišn
bē čiyōn āz abāg baxtīg la bawēd ahriman ēwtāk u =š hamēmāl se dō ī ǰud_gōhr ī ast ohrmazd ud srōš ud ēk ī hamgōhr ī ast āz ī baxtīgtar
ka =š ayār bē ō hamēmālīh gašt hambadīg pērōzēnīd
ka panǰāh_haft sāl ō fraškerd_kirdārīh abāz ō zāyišn bawēd ī sōšyans ān ī pad spurrīg_karīh ud zarduxšt bē dahīhēd
abar zarduxšt ōwōn paydāg kū pad _sālagīh bē ō hampursagīh ī ohrmazd mad u =š dēn padīrift u =š dādīgīh rawāgēnīd pad panǰāh_haft sāl dēn pad haft kišwar bahragīhā bē mad
čiyōn dēn ō rawāgīh mad druz az āškārag_paydāgīh bē ō azēr zamīg wirēxt bahrīhā nērōg =išān agārīhist
ka ān spurrgar frēstag ī ast sōšyans parwānag ī ērman pad zamīg paydāg bawēd pad hamhandāzagīh pad _sālagīh bē ō mēnōyān hampursēd
dād ī fraškerd_kirdārīh ham pad panǰāh_haft sāl bowandag_rawāgīhā pad haft kišwar bē rawēd pad bowandag_rawāgīh anābīhēd druz az dāmān
ka ēbgad ō dām mad frāz 6000 sāl ī ōšmurdīg ī ast az frawardīn māh ohrmazd rōz tā rōzgār abāz ō frawardīn māh ohrmazd rōz gašt mānd ēstēd ō uspurrīgīh ī 6000 sāl ī wihēzagīg čahār sāl homānāgīh abzāyīhēd čē harw čahār sāl rōz =ēw ī wihēzag nē abzōn pad 6000 sāl čahār sāl homānāg bawēd
pad ān gāh nišān bawēd ī ristāxēz ud spihr bē ǰumbēd rawišn ī xwaršēd mān starān wnyt ud ēk bawēnd
čiyōn spihr wardišnīg andarwāy ud zlyh’h hammis zamīg_mānišnān az čihrīg bē wardēd pad zamīg pad homānāgīh ī čšmhīhā ī āb wasān gyāgān čašmag ī ātaxš ul ’wzynd
ēd rāy čē ohrmazd pad āb bē dād pad ātaxš frazāmīhēd čē āb čihr dārēd ī rōšnāg ud waxšāg ātaxš sōzāg ud pādīrāngar ī tōhm čiyōn ka tom ī urwarān bē ō āb rasēd ā =š zōr ī whškīh aziš xwēd bawēd
ka ān ātaxš pad zamīg paydāg bawēd ābān andar ō ’wp’līhišn ēstēnd ud wayān =iz az wārišn abāz ēstēnd tā āb pad zamīg frahistān abāz ō awērānīh abespārīhād ud čihrān ī abar zamīg ātaxš_hamīgīh rāy gōnag ō rōgn_ywaxšēnēd wardād ud nizār apadyāwand bawēnd
ka se māh ō ristāxēz abāz ō ardīg bawēd ī wuzurg čiyōn pad bun dām_dahišn andar kōxšišnīh ī druz nawad rōz_šabān kārēzār būd
ardīg ī ast sīh rōz šab pad wārān ī xrafstar_zadār
sīh rōz šab pad tāzišn az mznydy kē =š urwar padiš waxšēd
sīh rōz šab pad wād kē āb bē rānēnēd zamīg ēr_dārišn ul_dārišn gawr ud čagād bē kird
bē čiyōn ān ī wuzurg ardīg pad bun pad wārišn ī āb ud wād ī āb_rānēnāg būd ān ī pad tābišn ud tazišn ī az ātaxš ud škeft wād ī ātaxš_abrōzāg
čiyōn ān ardīg abar nawad rōz_šabān yazadān abāg dēwān čangīhā būd ān ī pad abdom āškārag paydāgīhā wēnīhēd šabān andar andarwāz ātaxš_kerb ī mard_dēs mēnōyān menēd ātaxšīg pad bārag ī asp homānāg škeft abēgumān bawēnd
abar fraškerd_kirdārīh kū mādayān az hamāg haftān
čiyōn nimāyīhēd pad dēn kū haft hēm ī hammenišn ī hamkunišn ī az ān hammenišnīh hamgōwišnīh hēm azarmān ud amarg ud asūyišn ud apūyišn
ka ašmāh kē mardōm bawēd hammenišn hamgōwišn hamkunišn ā =tān azarmānīh ud awēmārīh ud asūyišnīh ud apūyišnīh ēdōn čiyōn amāh kē amahrspand hēm
ān hamē pad zamīg winnārdag būdan rāy frāz dād dahībedān ī ahōš kē ǰud andar drubuštīh ī ōstīgān kū ast kē =š pad was kē azabar zamīg rāh ī awiš pad drayāb ī tom ud tār ast kē =š kōf ī wuzurg ō tēx
nām ī haftān andar dēn ōwōn paydāg kū ast kē az tōhmag ī ēriǰ ī ast wan ī ǰud_bēš ud ašem yahmāi ušt ud yōšt ī friyānān ud gōbed_šah ud ast kē az tōhmag ī tōzān ī ast ašwazdād =iz ī pōrdaxštiyān ēk kē =š nām fradaxšt ī xumbīgān kē bīm az ešm rāy andar xumb parwarīhist ud pišōtan ī wištāspān
čiyōn haftān baxšišn ō dwāzdah ī ast
ohrmazd dō_bazišnīh ī wizārīhēd xwadāyīh ud mahist_danāgīh
ud wahuman dō ī ast wēnīh ud menišn
ud ardwahišt dō ī ast rāstīh ud tarsāgāhīh pāšomīh
ud šahrīwar dō ī ast xwadāyīh ud kāmag
ud spandarmad dō ī ast abzōn ud bowandag_menišnīh
ud hordad ud amurdad kē amargīh rāy ǰuxtag =ēw hēnd hamē_rawišnīh zōr bē dahīhēd ō dō_ān pad fraškerd_kirdārīh
čiyōn aziš se ahōšīh andar wpl pad šaš wyčstk ī ast tūs ud gēw ud ān kē =š ahōš ī ast garišāsp kē =š bālāy panǰ_sad nāy ī zarduxšt ud nāy ī zarduxšt čiyōn =im handāzag kē hāwand zarduxšt abar grift pad ātaxš plmkl ēstād se nāy ud nēm ī abāg būd bawēd 1759 frawahr ī ašō’ān pad druyist dāštan padiš gumārdag hēnd
6wm kay husrōy hwslwk kē awēšān harwispīn abar hangēzēnīd
čiyōn pad haftān dahībedān xwadāyīh ī haftān amahrspandān ō fraškerd_kirdārīh payrāstag winnārīhistag ān =iz pad dēn bē winnārīhēd haft_īh ī haftān amahrspandān
handāzag ī zarduxšt ī padīrift ohrmazd čiyōn wisp_āgāh dēn ī ohrmazd dānišn hammōxt u =š padiš ēstād wisp_āgāh būd frahixtīh
kē =š fradom dēn padīrift ašawahišt stāyīd ahū’īh ud radīh ī ohrmazd
ōy ī pēšōbāyīhā bē ō hāwištīh ī zarduxšt tazēd mēdōmāh ī ārāstīyān čiyōn ārāstī ud pōrušasp brād būd hēnd
čē tahmagtar būd huxwadāy kay wištāsp šahrīwarīh
hudōs ī wištāsp nārīg zarduxšt meh ayār spandarmadīh
ud rād_čihrīg frašōštar ud ǰāmāsp kē =šān hambandīh ī ēk abāg did rāy pad =iz xwānišn andar ēd stāyišn gōwēd hordadīh ud amurdadīh pad ān ī hamē winnārīhist amargīh ī dēnīgān
pad dēn zarduxšt ohrmazd handāzagīh rāy čiyōn ohrmazd šaš amahrspandān kē xwēš menišn gōwišn kunišn bowandag_menišnīh bowandag_gōwišnīh bowandag_kunišnīh abzār brēhēnīd ān zarduxšt az xwēš čārag se pus zād handāzag ī wahman ardwahišt ud šahrīwar
u =šān radīh abar se būm padiš baxt ī ast zamīg ud war ī ǰam_kird ud kang_diz
ud se duxtag pad handāzag ī spandarmad hordad ud amurdad
ān =iz ī wuzurg hamīh ī fraškerd_kirdārān ham pad haft mard kē =šān xwarrah az haftān amahrspandān
pēšōbāy zāyīhēd sōšyans andar xwanīrah
rōšn_čašm ud xwarčašm pad arzah ud sawah kē =šān xwaršēd čašm ī gēhān padiš āyēd ud šawēd
fradad_xwarrah ud widad_xwarrah pad fradadafš widadafš
wourunēm ud wourusūd pad wōrubaršt wōruǰaršt
ka fraškerd frazāmēnīd kāmēnd yazišn abar fraškerd yaštan rāy az slhtk’n amarg dāmān bē ō ham āwarīhēd pad handāzag ī ān ī yazišn yašt ī zarduxšt padiš āstawānīhīd
pad guharīg hōm ān ī zīndakkar ī ast hōm ī spēd ī andar zrēyān kē =š murdagān padiš zīndag ud zīndagān padiš amarg yhd
guharīg šīr ān ī gāw ī hadāyōš ī andar drubuštīh =ēw ī ayōšustēn pad sālārīh ī gōbed_šah pādag
guharīg ātaxš ī wuzurg ātaxš ī zīndag_dāštār ī gyānwarān
guharīg yašt yazišn stāyišn ī abar fraškerd_kirdārīh ī wehīh paydāgīhā
sōšyans pad xwanīrah nišīnēd pad zōtān gāh ān =iz šaš fraškerd_kirdār ī pad šaš kišwar pad handāzag hāwanān ādarwaxš fraburdār ud ābard āsnūdār rehwiškar
ud haftān amahrspandān pad wārom ī haftān fraškerd_kirdārān gāh gīrēnd
ohrmazd zōt abāg sōšyans
wahman hāwanān abāg rōšn_čašm
ardwahišt ādarwaxš kē =š daxšag ātaxš abāg xwarčašm
šahrīwar fraburdār abāg frādadxwarrah
spandarmad ābard abāg widadxwarrah
hordad āsnūdār abāg wōrunēm
amurdad rehwiškar abāg wōrusūd
harw ēk pad kišwar ī xwēš ud hamkāmagīh ī haftān amahrspandān rāy ān čē ēk handēšēd10643 ēg hamāgān dānēnd ān ī ēk gōwēd hamāgān xwānēnd ān ī ēk kunēd hamāgān wēnēnd
čiyōn ān ī gōwēd pad spand kū ēg awēšān mard pad ān ī abzōnīg xrad pad menišn ō ham wēnēnd čiyōn nūn mardōm pad čašm ēg awēšān mard pad ān ī abzōnīg xrad pad menišn ō ham pursēnd čiyōn nūn mardōm pad uzwān
māh spandarmad rōz aštād pad uzayrin gāh pad zōtīh ī sōšyans ud hamīh ī šaš_ān hamān fraškerd_kirdārān ul uzīyišnīh ī wispān rōšn_tōhmagān rāy yašt ī fraškerd_kirdārīh frāz srāyēnd
kird yašt pad homānāgīh ī ǰam ka =š pad sūrāgōmand ī zarrēn ān sumbāg bē wardēnīd
abar xwānēd sōšyans ī pērōzgar kū ul ēstēd tanōmand hēd yazadān dāšt hēd widurd hēd
abar zamīg abar āyēd ērman ī tan*_kirdār ud fraškerd_kirdār sōšyans pad nērōgīh ī rōšnān
ud ērman frēstag band =ēw pad dast dārēd kē harw mardōm =ēw rāy ī bē widurd ā =š band =ēw aziš āgustag pad homānāgīh ī dām_wandag kē =š murw ud māhīg padiš gīrīhēd ud azēr zamīg andar dušox wistard dārīhēd
pad xwānišn ī paywāzag panǰ_ēk widurdān az zamīg ul uzīhēnd kālbodōmand ud gyānīg pad bašn čihrag čiyōn ka bē widurd hēnd az ān ī zamīg kū =šān gyān az tanōmandīh bē āmad
dō_dō uzīhēnd pid pus zan šōy hērbed hāwišt framādār niyōxšāg
nām ī uzayrin gāh az ul uzīyišnīh
aybisrūsrim ’ybslwtlym ēbgayān ’ybykdy’n ī wispān rōšn tōhmagān rāy pad hamēwēnīg yašt kunēd panǰ_ēk ul uzīyēd ā =š gyān dahēd u =š aibī ’ybyh nām az gyān ast
ušahin gāh ahōšīh ī wispān rōšn_tōhmagān rāy pad hamēwēnag yašt kunēd ahōš bawēnd ud ušahin nām az ahōšīh
hāwan gāh hamīh ī wispān rōšn_tōhmagān rāy pad hamēwēnag yašt kunēd wād ī w’nkkl kē kunišngarān ō hanǰaman xwānēd ān panǰ_ēk az =iš hamēyīg bē ō isadwāstarān hanǰaman ī mayānag zamīg nayēd
ud hāwan nām az hamīh
rabihwin gāh rāmišn ī wispān rōšn_tōhmagān rāy pad hamēwēnag yašt kird pad ān gāh ēk abāg did bē šnāsēnd nām pursēnd hangirdīg čē =šān abar mad ō gyān abāz uzwārēnd ēk ōy ī did rāmēnēnd
ud rabihwin nām az rāmišn
asmān zāmyad mārspand anagrān rōz ī ahunwad gāh tā ō uzayrin gāh harw rōz pad uzayrin gāh panǰ_ēk az widurdān ul uzīhēnd pad aybisrūsrim gyānōmand pad ušahin ahōš bawēnd pad hāwan ō hamīh ī hanǰaman xwānīhēnd pad rabihwin ēk ōy ī did rāmēnēnd
ud ahunwad gāh ka dō zamān ī ast _ēk ī rōz_šabānīg ō šab abāz ohrmazd pad abāgīh ī srōš_ahlī az nēmrōz ālag sāmān frāz ō hanǰaman rasēd abar hamēšag_sūd gāh ī xwadād nišīnēd
paydāgīh ī ahlawān andar druwandān ōwōn čiyōn asp ī spēd andar asp ī syā
frēstag kē =š xwēškārīh šspīh zanēd ahlaw az druwand bē wizārīhēd ašōān az kustag =ēw druwandān az didīgar kust ōwōn ēstēd čiyōn šabān kē ramag ī gōspandān spēd az syā wizīnēd ud ǰud kunēd
hamāg dāmān ’pdīh bē šnāxt ī ohrmazd az wisp_wattarīh ī ahriman_kāmagīh bowandag abaxš ud pad ohrmazd ōstīgānīhā āstawān
ahriman ud māzanīgān ud āz spāhbed ī abārīg dēwān stard homānāgīhā pad xwēš hamēstārīh wānīdagīhā bē ō mardōmān dīdārīg bawēnd
ud ān wēnišn rāy mardōm az nmyk ī ahriman bē ō ohrmazd wardēnd
ud rōšnān ǰud ǰud hamēstār ī xwēš zanēnd čiyōn wahman akōman ardwahišt endar šahrīwar sawul swl spandarmad nānghait ud hordad amurdad tāriǰ zariǰ gōšurūn druz ī gurg_tōhmag mēnōy ī zōhr abēzōhrīh az zarmānīh
čiyōn gōwēd pad dēn kū wānīhēd pad āštīh anāštīh pad rādīh ārādīh pad bowandag_menišnīh tar_menišnīh pad ān ī rāst_gōwišn ān ī drō_gōwišn pad ahlāyīh druz pad ahlawīh druwandīh
ka gāh ī šab andar āyēd amahrspandān ō gētī daxšagān gumēxtēnd ohrmazd ō sōšyans ud hammis mardōmān kū tā abēzag_kām nēk_dahišn ōstīgān_gāh awardišnīg_hambār bawēnd wahman ō gōspandān ašawahišt ō ātaxšān šahrīwar ō ayōšustān spandarmad ō zamīgān hordad ō ābān amurdad ō urwarān kū tā ǰud ǰud pad xwēš čihrīh abēzagīhā ud ōstīgānīhā tā spntmt gāh mēnōyīg andar xwēš daxšagān hēnd spntmt gāh az daxšagān bērōn bē rasēnd ohrmazd pad xwanīrah šaš amahrspandān pad ān šaš kišwar paydāg bawēnd
pas ān gāh ātaxš ī wuzurg az ān ī asar_rōšnīh frōd āyēd pad hamāg zamīg payrōg bē abganēd
tāg =ēw pad dast dārēd pad homānāgīh ī draxt =ēw kē =š tāgān azabar rēšag ō frōd harw ahlaw =ēw rāy tāg =ēw harw druwand =ēw rāy rēšag =ēw ud ahlišwang ī mādag_čihrag pad sar ī draxt ud xār dēw pad bun ī draxt ēstēd ud ahlišwang harw ahlaw =ēw rāy tāg =ēw ud xār harw druwand =ēw rāy rēšag =ēw ō dast dahēnd ēk az did ǰud bē bawēnd druwand az ahlaw
pad ān gāh hamāg mardōm pad ēw_bār garzēnd ud ars pad zamīg frāz rēzēnd čē pid wēnēd kē =š pus abāz ō dušox abganēnd ud pus pid brād kē =š brād zan kē =š šawišōy kē =š zan dōst kē =š dōst
abar xwānēnd druwandān ō ahlawān kū ān ī man pid ud brād ud šōy ud zan ud dōst čiyōn kū =t pad zamīg nē hammōxt ō man ān ī abēzag rāh ī rāst u_t bē nē wardēnīd ham az wināh u =t nē hāxt ham ō kirbag kū =m nūn pad ǰudāgīh ī az xwēšān hamhāgān abāz ō dušox abāyēd šud bē hamrāhīhā bē ō wahišt ī bāmīg šud ham
ud agar =iš nimūd būd hē āštīh az xwēš menišn kū =m čim ān dōst kē =m pad zamīg arzānīg dāšt pad xwarišn wastarg kadag u =m pad mēnōy arzānīg nē dāšt pad ān ī az xwarišnīhā xwaštar ud wastarg čābuktar ud az xānag drubušttar ud az asp ī arwand tēztar
abārīg =iz ruwānān kē ān ī dōstān āhōg nē abāz nimūdār būd bē āwēnēnd ud agar =iš nimūd būd ā =š abāz čašm āwurd pad ān bahrag garān_dardtar bawēd
ān tāgān pad homānāgīh ī gardūn =ēw bawēd ī se_pāyag ī zarrēn homānāg u =š ahlawān padiš abar ō wahišt šawēnd pad weh_menišnīh abar ō star_pāyag pad weh_gōwišnīh abar ō māh_pāyag pad weh_kunišnīh abar ō xwaršēd_pāyag
druwandān pad ǰumbēnišn ī ān tāg ō dušox ōftēnd pad se dar frōd ōftēnd harw dar =ēw čiyōn tan =ēw ī spš_’pstk
pad dušmad dušhūxt dušxwaršt ō dušox šawēnd
wčk_šabān ašō’ān andar wahišt hēnd az xwēš menišn gōwišn kunišn šādīhēnd druwandān andar dušox az dušmad dušhūxt dušxwaršt bēšīhēnd
ka druwandān az dušox abar āmad hēnd ǰam_kirrēnīdārān wazag_kerbīhā abāz ō dušox ōftēnd ud ān gyāg bawēnd
rōz ī ohrmazd bāmdād mēnōy ī zamīg xwad bowandag_menišn spandarmad mād ī wispān zāyišnōmand ī abar zamīg kē hamčihrīh az fradomīh ī druz andar ō dām dwārist tā abdom ī rōzān humihrīhā harwisp dām čē hamāg frazend hēnd abaxšāyēd abar ahlawān dušxwārīh ī =šān abar tan rāy ud abar druwandān pādifrāh ī =šān abar ruwān rāy
u =š hagriz nē xwāst xwāyišn az ohrmazd čē bowandag_menišnīh rāy tā spurr_frazāmīh ī kārān burd mān ud ham šahr pad ān gāh pēš ohrmazd bē ēstēd ud gōwēd kū pādifrāh ā =šān was bowandag
pad ham zamān ērman hamāg druwandān abar āwarēd
ahlawān =iz abāz ō zamīg āyēnd ud nē pad ān čihrag ī ka bē widurd hēnd ud nē az ān āmēzišn ī ka pēš passazīhist bē rōšn gil ī bē az tārīkīh āb ī bē az zahr ud ādur ī bē az dūd hubōy wād ī purr drūdīh passāxtag bawānd tanōmandān
u =šān ast pad rōšnīh ōwōn homānāg čiyōn bēlūr az gōhrān u =šān gōšt abar ast homānāgīh ōwōn čiyōn wst az draxtān u =šān pīh abar ast ōwōn homānāg paywastag čiyōn zanǰīrag ī zarrēn pad bēlūr wirāstag u =šān xōn andar rahagān ōwōn homānāg tazēnd čiyōn may ī bōyāg pad ǰām ī zarrēn u =šān āmēzišn andar tan hubōytar hēnd kū mušk ud anbar ud kāpūr kē buland bawēnd ud sahīg ud paymānīg bawēnd pad paymān ī gayōmard pad bašn ud čihrag homānāg ō _sālān
harw mard =ēw kē pad zamīg zan ēk būd ā =š ān ēwēnag kē =š was būd ā =š ān was bawānd kē =š nē būd ā =š zan =ēw hambašn hamčihrīh pēš ēstādag mard ān ēk zan hamčihrīh rāy ā =š dōsttar dārēd kū wisp kanīg ī abar zamīg zan =iz mard hamīhēd ud nē urwāzēnd ō anīz
u =šān nigerišn ī ēk ō did ōwōn pad hamdādestān hučašmīhā čiyōn meh abar keh ōwōn nigerīdār nēkīh_kāmag čiyōn pid abar frazendān keh andar meh ōwōn framān_burdār ēgānag niyōxšīdār čiyōn dahišn andar dādār ohrmazd
u =šān petyāragīh
wirāyīhēd ātaxš
gāw ī ēk_dād kirbag ast ī passazagīhā xwarišn