Select Section Type

1.0
pad nām ī yazadān ǰadag nēk tan_drustīh
2.0
pursīd ahlaw zarduxšt az ohrmazd kū
3.0
čē rāy mardōmān māh frawardīn rōz ī hordad az abārīg rōzīhā pad meh ud weh ud grāmīgtar dārēnd
4.0
ohrmazd passox dād kū spitāmān zarduxšt
5.0
māh ī frawardīn rōz ī hordad gyān ī gēhānīgān dād ham
6.0
māh ī frawardīn rōz ī hordad ēr =iz anēr =iz bun paydāg būd
7.0
māh frawardīn rōz ī hordad gayōmard andar gēhān ō paydāgīh āmad
8.0
māh frawardīn rōz ī hordad gayōmard arzūr bē ōzad
9.0
māh frawardīn rōz ī hordad mahlī ud mahliyānī az zamīg frāz rust
māh frawardīn rōz ī hordad hōšang ī pēšdād andar gēhān ō paydāgīh mad
ERROR
māh frawardīn rōz ī hordad tahmōrab ahriman ī druwand pad bārag kird sīh sāl
māh frawardīn rōz ī hordad ǰam gēhān abēmarg kird abēzarmān kird
māh frawardīn rōz ī hordad ǰam paymānag az dušox bē āwurd ud andar gēhān ō paydāgīh mad
ERROR
māh frawardīn rōz ī hordad ǰam astōdānīhā kand ō mardōmān framūd kandan
ka =šān framūdag ī ǰam dīd rōz pad nōg rōz kird ud nōg_rōz nām nihād
māh frawardīn rōz ī hordad frēdōn baxšišn ī gēhān kird
hrōm ō salm dād ud turkestān ō tūz dād ērān_šahr ō ēriǰ dād
ud se duxtar bōxt_husrō tāzīgān_šā bē xwāst ud pad zanīh bē pusarān dād
salm ud tūz andar pidar aburd_framān šud hēnd ud ēriǰ ī brād ī xwēš rāy bē ōzad hēnd
māh frawardīn rōz ī hordad manuščihr abar kēn ī ēriǰ bērōn mad ud salm ud tūz rāy pad kēn ī ēriǰ bē ōzad
ERROR
māh frawardīn rōz ī hordad sām ī nairīmānān snāwēzag dēw rāy bē ōzad
māh frawardīn rōz ī hordad sām ī nairīmānān aǰdahāg rāy bē ōzad
māh frawardīn rōz ī hordad gayōmard arzūr ahriman hunušk bē ōzad
māh frawardīn rōz ī hordad kay_husrōy siyāwaxšān frāsyāg ī tūr pad kēn ī pid ī xwēš bē ōzad
ERROR
māh frawardīn rōz ī hordad kay_husrōy siyāwaxšān pad škōh ō garōdmān šud
māh frawardīn rōz ī hordad manuščihr ud ēriš šēbāg_tigr zamīg az frāsyāg ī tūr abāz stad
māh frawardīn rōz ī hordad kay_husrōy siyāwaxšān padixšāyīh ō lūrāsp abespurd xwad pad pērōzgarīh ō garōdmān šud
māh frawardīn rōz ī hordad zarduxšt ī spitāmān ō wēnišn ud hampursagīh ohrmazd ī xwadāy rasīd
ERROR
māh frawardīn rōz ī hordad zarduxšt ī spitāmān dēn ī mazdēsnān az ohrmazd ī xwadāy bē padīrift
māh frawardīn rōz ī hordad kay_wištāsp_šā dēn az zarduxšt bē padīrift
māh frawardīn rōz ī hordad 188612 tis pad haštdah sāl ō husrōy ohrmazdān rasīd
māh frawardīn rōz ī hordad wahrām ī warzāwand az hindūgān ō paydāgīh āyēd
māh frawardīn rōz ī hordad pišyōtan ī wištāspān az kang_diz ō ērān_šahr āyēd ud dēn ī mazdēsnān rawāg kunēd
ERROR
māh frawardīn rōz ī hordad ōšīdar ī zarduxštān ō wēnišn ud hampursagīh ī ohrmazd xwadāy rasēd
ud dēn ī mazdēsnān az ohrmazd xwadāy pad ēw_bār bē čāšēd ud warm bē kunēd
ud xwaršēd rāy pad mayān asmān abar nēmrōz dah rōz_šabān abāz kunēd
ud mardōmān rāy pad dēn ī mazdēsnān abēgumān bē kunēd
ud hazārag ī ōšīdarān bun bawēd ud ān ī zarduxštān pad sar bawēd
māh frawardīn rōz ī hordad sām ī nairīmānān aǰ ī dahāg rāy bē ōzanēd ud xwad pad haft kišwar xwadāyīh bē nišīnēd čand kay_husrōy pad dīdār āyēd ud sām pādixšāyīh ō kay_husrōy abespārēd
panǰāh_haft sāl kay_husrōy haft kišwar xwadāy bawēd ud sōšyans mowbed mowbēdān bawēd
ud pas ān ka wištāsp_šā rāy kālbodōmand kunēnd kay_husrōy padixšāyīh ō wištāsp_šā abespārēd ud sōšans mowbedān mowbedīh ō zarduxšt pid ī xwēš abespārēd
māh frawardīn rōz ī hordad ohrmazd ī xwadāy rist_āxēz ud tan pasēn kunēd
gēhān amarg ud azarmān ud abēš ud apetyārag bē bawēd
ERROR
ahriman abāg dēwān ud druzān ud hunuškān ud sāstārān ud kaygān ud karbān akār bē bawēnd
āz dēw dēwān ud druzān rāy hamāg bē xwarēd
ud srōš_ahlaw āz dēw rāy akār bē kunēd
ohrmazd ī xwadāy ahriman rāy bē zanēd ud stard ud akār bē kunēd
ERROR
kū nē pas az ān gannāg mēnōy ud nē ān ī ōy dām ud dahišn abar zamīg pādixšā nē bawēnd
ahriman pad ān ham sūrāg ka andar dwārist ānōh nayēnd ud sar bē brīnēnd ud dušox pad haft ayōšust bē hambārēnd
ēn zamīg abāz ō star_pāyag šawēd
ud garōdmān az ān gyāg ka ast abāz ō star_pāyag āyēd ud hamāg gyāg garōdmān bē bawēd
mardōm amarg ud azarmān bē bawēnd ka pas az ān xwarišn nē abāyēd
ud ka gōšt xward ēstēd pad dād ī _sālag abar hangēzēnd
ud ka gōšt nē xward ēstēd pad dād ī _sālag ul hangēzēnd
u =šān az ān gyāg ul hangēzēnd kū =šān gyān az tan bē šud
ERROR
harw mard kē zan nēst spandarmad zan dahēd ud harw zan kē šōy nēst ohrmazd šōy dahēd
andar panǰāh_haft sālag awēšān rāy frazend_zāyišnīh bawēd
ān mard rāy kē hagriz zan nē kird ud ān zan rāy kē hagriz šōy nē kird pas az ān wēš hagriz frazend zāyišnīh nē bawēd
mard ud zan ēk abāg did āsāyēnd bē =šān frazend_zāyišnīh nē bawēd
ud pad hamāg gāh sagr ud padēx bē bawēnd ud tis =iz xwarišn ārzūg nē bawēd
ud gēhān abēzag bē bawēd ud mardōm apetyārag
tā hamāg ud hamāg_rawišnīh ahōš bē bawēnd
frazaft pad drōd ud šādīh ud rāmišn
šād ud ahlaw ud farrox ud dagr_zīyišn ud pērōzgar ud kāmag_rawāg ud kāmag_hanǰām bawād kē nibišt ud kē xwēš ud kē xwānēd ud kē kār framāyēd
ēdōn bawād
ēdōntar bawād
aṣ̌ǝm
ahlāyīh
ERROR