Select Section Type

pursīd zarduxšt az ohrmazd ohrmazd mēnōy ī abzōnīg dādār gēhān ī astōmandān ī ahlaw
kadār az awēšān gōwišnān pad gōwišn harwisp ābādīh ud harwisp ahlāyīh paydāgīh hamāg bun bar ī paydāg frārōnīh dād ēstēd ī =m guft xwēš ōh bawēd
passox =iš ō ōy guft ohrmazd ahlāyīh_stāyišnīh zarduxšt ašem_wohū
ahlāyīh stāyēd
pad franāmišn ī was was bār ud ēn kār franaftēd ī abar menišn ī menišnīg
rawāg_dahišnīh az ox
ān ī man stāyēd ohrmazd_om
ān āb stāyēd ud ān zamīg stāyēd ud ān gōspand stāyēd ud ān urwar stāyēd
ud ān harwisp ābādīh ī ohrmazd_dād az ahlāyīh paydāg stāyēd
hamāg stāyīd bawēnd
čē ān gōwišn ī zarduxšt ī aršuxt frāz guft x x x ī rāst ī frārōn
ka pad ān gōwišn ī ōy ī ahunawar frāz gōwīhēd pad dastwar
amāwandīh ud pērōzgarīh ud ruwān ud dēn abzāyēd
arzēd spitāmān zarduxšt ēk ahlāyīh_stāyišnīh ašem_wohū ēw ayāb ēk ahlawān šnāyīdārīh
sad xwēy ud hazār gōšt_xwarišnīh ud bēwar mʾywt
čiyōn sad xwēy xufsēd ud hazār bār gōšt xwarēd ud bēwar bār mʾywt wizārēd
kadāriz =ēw az tanān ka az tan rasišn ā rasēd ān_and arzēd
kadār ahlāyīh_stāyišnīh aṣ̌əm_vohū =ēw az dah ān ī anī
ahlāyīh_stāyišnīh meh ud weh ud nēktom arz
passox =iš ō ōy guft ohrmazd ān ay ahlaw zarduxšt
ka mard frāz_xwarišnīh ī hordād ud amurdad ahlāyīh stāyēd
ān aṣ̌əm_vohū ōy gōwēd ud pas srōš_drōn xwarēd
frāz stāyēd humat ud hūxt ud huwaršt stāyēd
barēd dušmat ud dušhūxt ud dušhuwaršt burd bēd
kadār ēk ahlāyīh_stāyišnīh ašem_wohū ēw
az sad awēšān ī anī ahlāyīh_stāyišnīh ā meh ud weh ud nēktom arz
passox =iš ō ōy guft ohrmazd ān ay ahlaw zarduxšt
ka mard pas az frāz_xwarišnīh ī hōm ī hunīd ahlāyīh stāyēd ān ašem_wohū =ēw gōwēd parāhōm xwarēd
frāz stāyēd humat ud hūxt ud huwaršt
barēd dušmat ud dušhūxt ud dušhuwaršt
kadār ēk ahlāyīh_stāyišnīh ī az sad awēšān ī anī ahlāyīh_stāyišnīh meh ud weh ud nēktar arz
passox =iš ō ōy guft ohrmazd ān ay ahlaw zarduxšt
ka mard xufsēd ī pad xwēy ul_nibēmišnīh
bē_xufsišnīh ahlāyīh stāyēd ašem_wohū ēw
čiyōn guft
kadār ēk ahlāyīh_stāyišnīh az ān ī bēwar awēšān anī ahlāyīh_stāyišnīh bēwar ašem_wohū ā meh weh ud nēktar arz
passox =iš ō ōy guft ohrmazd ān ay ahlaw zarduxšt
ka mard az xwēy frāz_wigrāyišnīh
ud frāz_bōyišnīh ahlāyīh stāyēd ašem_wohū =ēw gōwēd ud ul ēstēd
čiyōn guft
kadār ēk ahlāyīh_stāyišnīh
az harwist ēn kišwar ī xwanirah
abāg ramag abāg rahī az wīr ǰud az mardōm
ā meh ud weh ud nēktar arz
passox =iš ō ōy guft ohrmazd ān ay ahlaw zarduxšt
ka mard pad ān ī abdom wardišn ī gyān ahlāyīh stāyēd
ašem_wohū =ēw gōwēd ud pas saxwan gōwēd
hūxtača huuarštača čiyōn azabar nibišt
hād im wināh ud kirbag rāst hamēstagān ud ān =ēw ašem_wohū =ēw gōwēd pad ān pāšom axwān rasēd
kadār ēk ahlāyīh_stāyišnīh az harwisp ēn ī andar andarg zamīg ud andarg asmān ēn zamīg ud ān rōšnīh ud harwisp ābādīh ī ohrmazd_dād az ahlāyīh paydāgīh ā meh ud weh ud nēktar arz
passox =iš ō ōy guft ohrmazd ān ay ahlaw zarduxšt
ōy frōd wardēd az dušmat dušhūxt dušhuwaršt
hād im wināh wēš kirbag dušoxīg
ān ašem_wohū =ēw gōwēd ā wahištīg bawēd
pad nām ī yazad
pursīd =iš zarduxšt az ohrmazd ohrmazd mēnōy ī abzōnīg dādār gēhān astōmandān ī ahlaw
ka ahlaw widerēd ōy pad ān šab ān ī xwēš ruwān wizārēd gāh
u guft ohrmazd
pad nazdīk ī waγdan nišīnēd ān gyāg ka gyān šawēd ā sar ēstēd
uštawayt_gāh srāyēd zand gōwēd ud nēk_rawišnīh gōwēd ay nēk_om būd nēk ōy az an ī ōy nēkīh kadāriz =ēw nēkīh az =iš pad kāmag pādixšāyīh dād ohrmazd pad abāyist xwēš
abar ōy pad ān šab ā ān_and āsānīh ruwān xwāhīhēd
čand harwisp ān ī pad zīndagīh andar axwān dīd
didīgar ōy pad ān šab ā ān ī xwēš ruwān ī wizārēd u gāh
pad kāmag pādixšāyīh dād ohrmazd pad abāyist ī xwēš
pad zīndagīh andar axwān dīd
sidīgar ōy pad ān šab ā ān ī xwēš ruwān wizārēd u gāh
pādixšāyīh dahēd
abar ōy pad =iz ān harw se šab
pad zīndagīh andar axwān dīd
pad ān ī sidīgar šab sar ā pad bē_wizīhišnīh sahēd pad ōš_bām mard ī ahlaw ruwān
andar urwar abar ud bōy ā dāšt sahēd tan ī xwēš
ān ōy wād abar wāyīd sahēd az rapihwintar nēmag az nēmag ī gyāg
az rapihwintarīgān nēmagān az nēmag ī yazadān
hubōy ud hubōytom az anyān wādān ī pad gētī āmad
ōy wād ā pad wēnīg ul grift sahēd mard ī ahlaw ruwān
ay gōwēd az dahišn ēd wād wāyēd =m hagriz wād pad wēnīg hubōytar grift
andar ān wād ōy ā franāft sahēd ān ī xwēš dēn kunišn xwēš
pad kanīg_kirb nēk ī rōšn ī abārīg tan ī arus_bāzā
ī amāwand ī hurust ī ul_ēstādag ǰuwān ud buland
ud stendag_pestān ī nēk_tan ud āzād rād
rāyōmand_tōhmag tōhmag az yazadān
_sālag ud ārōyišn
u kirb ēdōn nēk čiyōn dāmān dōšagtar nigerišn abāyišnīgtar
ōy gōwēd u pursēd mard ī ahlaw ruwān čarātīg ay dānam ān xwēš
hagriz az čarātīgān pad kirb nēktom dīd
=m hagriz kirb =ēw abāyišnīgtar dīd ī
ōy passox gōwēd xwēš dēn an =am ham xwēš ham ǰuwān ī humenišn ī hugōwišn ī hukunišn ī hudēn
=t xwēš dēn ī az ān ī xwēš tan ēdōn nēk būd ēstād
ēd kāmag kird ī rāy ēdōn meh ud weh ud nēk
ud hubōy ud pērōzgar abēbēš čiyōn man sahēd
az ēd ī kāmag ǰuwān ī humenišn ī hugōwišn ī hukunišn ī hudēn
an ēdōn meh ud weh ud nēk ud hubōy ud pērōzgar ud abēbēš čiyōn saham
ka ān ī anī =ēw dīd hēnd
ka =šān afsōs kird ud yyy =šān dēw_ēzagīh kird
u =šān pad kāmag ī xwēš kāmag hamhāgān zad tis xwāst ā =šān dād
u =šān urwar_darīh =iz kird =šān dar bast
ēg nišast u =t gāhān srūd u =t āb =iz ī weh yašt
ud ātaxš =iz ī ohrmazd u =t pahrēz kird ud mard =iz ī ahlaw ā =t šnāyēnīd
az nazdīk mad ud =iz az dūr
ēg man franāft būd ham xūb dāšt ham ēstād ham ā =t franāfttar kird ham =t xūbtar dāšt ham
ud nēk būd ham u =t nēktar dāšt ham
ud arzānīg būd ham u =t arzānīgtar dāšt ham abāyišnīgtar
pad ān ī frāztar gāh nišast ham ī čašm_gāh u =t pad ān ī frāztomtar gāh nišāst ham =m =it gāh meh kird ham
pad ēd humat pad ēd hūxt pad ēd huwaršt ī warzīd
ēg man mard pas =iz yazēnd pad ān ī ohrmazd dagr_yazišnīh ud hampursagīh
dagr zamān ka =šān ohrmazd rāy yazišn ud hampursagīh ī frārōn kird
fradom frāz burd mard ī ahlaw ruwān ud pad humat be dād
ān gyāg humat mehmānīh
didīgar gām frāz burd mard ahlaw ruwān pad hūxt dād
sidīgar gām frāz burd mard ahlaw ruwān pad huwaršt dād
tasom gām frāz burd mard ī ahlaw ruwān pad ān ī asar_rōšnīh dād
ōy gōwēnd u pursēnd ān ī pēš widird ahlaw čiyōn ahlaw widird čiyōn ahlaw mad ō ēn gyāg
az ān ī mānišnōmand ī gōspandōmand
xwēyišnōmand =šān kasān andar ōh xwēyēnd
māywadōmand daštān māh andar wizārēnd
daxšag ī gēhān gōwēd
az ān ī astōmand axwān abar_ō ēn ī mēnōyān axwān
ud az ān seǰōmand axwān ī petyāragōmand abar_ō ēn ī aseǰōmand apetyārag
ēdōn dagr nēk bawēd
az ān čiyōn ēdar āmad ā =t dagr zamān nēk bawēd
u gōwēd ohrmazd
ma az im pursēd pursēd saxwan ma pursēd
čē pad ān ī bīmgen ī tārīg ī sahmgen rēšken rāh abar rawēd
ka az tan bōy bē_wardišnīh ka az tan āmad ā dušxwār būd
xwarišn ō ōy barēdān ī zlmʾywy rōγn
čē ān ī ast ǰuwān ī humenišn ī hugōwišn ī hukunišn ī hudēn
xwarišn pas az bē_widerišnīh
ēdōn nāyrīg ī frāy_humat ī frāy_hūxt ī frāy_huwaršt ī xūb hammōxt ī rad_xwadāy šōy pad sālār dārēd ī ahlaw xwarišn pas az bē_widerišnīh
čiyōn guft
druwand mīrēd ōy pad ān šab ān ī xwēš ruwān wizārēd gāh
u guft ohrmazd ēdōn ahlaw zarduxšt pad nazdīkīh ī kamāl ō_ham dwārēd
ān ī gāhānīg gōwišn ī srāyēd ō kadār zamīg ānāmēd ohrmazd pad niyāyišn rawam ō gyāg šawam ud nēkīh az xwāham
abar ōy pad ān šab ā ān_and anāsānīh ruwān xwāhīhēd čand harwisp ān ī pad zīndagīh andar axwān dīd
didīgar ud sidīgar
čiyōn guft
ān ī sidīgar šab sar ahlaw zarduxšt ā pad bē_wizīhišnīh sahēd pad ōš_bām mard ī druwand ruwān andar snēxr ud gand dāšt sahēd čiyōn tan ī xwēš
ān ōy wād abar wāyīd sahēd az abāxtar_nēmag az nēmag ī gyāgān az abāxtarān nēmag az nēmag dēwān
dušgand ud dušgandtom az anī wādān ī pad gētī āmad
ōy wād pad wēnīg ul grift sahēd mard druwand ruwān ēd gōwēd az dahišn ēd wād wāyēd =m hagriz wād pad wēnīg ud dušgandtar ōh
tasom gām frāz burd mard ī druwand ruwān ī ān ī asar_tārīgīh dād
ōy gōwēnd u pursēnd ān ī pēš druwand ī frōd murd čiyōn druwand frōd murd čiyōn mad
az ān ī mānišnōmand ī gōspandōmand ī xwēyišnōmand ī māywadōmand ay daxšag ī gētī gōwēd
az ān astōmand axwān abar_ō ēn mēnōyān axwān ud az ān ī seǰōmand axwān abar_ō ēn seǰōmandtar petyāragōmandtar axwān ēdōn dagr_anāgīh bawēd
dawīd =iš gannāg_mēnōy ma az ōy pursēd čē pursēd ān ī guxrūn ī sahmgen ī rēšken rāh abar rawēd ka az tan bōy bē_wardišnīh būd ā dušxwār būd
xwarišn ō ōy barēd wiš ān =iz ī gandagtar čē ēdōn ast ǰuwān ī dušmenišn ī dušgōwišn ī duškunišn ī dušdēn xwarišn pas az ōy frōd_mīrišnīh
ēdōn ǰeh ī frāy_dušmat ī frāy_dušhūxt ī frāy_dušhuwaršt ī dušhammōxt ī arad_xwadāy ī druwand xwarišn pas az frōd_mīrišnīh frazaft pad drōd ud šādīh ud rāmišn pad nām ī yazad
ōy ī mard ī ahlaw frawahr yazom asmōxwanwad nām
pas awēšān ī anī ahlawān was yazam frauuaš
ōš ī ohrmazd yazom dārišn ī māraspand rāy
xrad ī ohrmazd yazom ōšmurišn ī māraspand rāy
uzwān ī ohrmazd yazom frāz_gōwišnīh ī māraspand rāy
ān gar yazom ōš_dādār abzāyēnēd ōš_dāštār drust dārēd
abar_pad rōz ud abar šab pad ān ī mad ēstēd barišn ī zōhr