Select Section Type

1.0
pad nām ī yazad dādgar
2.0
pad nām ī nērōg ī ayārīh ī dādār ohrmazd weh abzōnīg rāyōmand ī xwarrahōmand ud amahraspandān mēnōyān gētīyān mahist humat hūxt huwaršt menišn ud gōwišn ud kunišn frārōn pad nēk ǰahišn humurwāg nibēsam abestāg ī yašt abāg zand ud nērang
3.0
barsom wīst_ud_ēk tāg frāgām dō tāg barsom bastan ud parāhōm kirdan sāzišn hamāg frāz nihādan hōm pad kamistīh sē tāg ud urwarām pārag =ēw ud ǰām andak =ēw frāz nihišn ud ān kas kē zōtīh kāmēd kirdan
4.0
aṣ̌əm_vōhū ēk guftan ud dast pad pādyāb kirdan ud ō gāh ī ātarwaxšān šudan war ō ātaxš_gāh barsom kirdan
5.0
aṣ̌əm_vōhū sē guftan
6.0
pad mān ī ātaxšān
7.0
pad mān ī wehān
8.0
agar ham zōt xwēš yašt sāxtag bawēd
9.0
agar rāspīg yašt sāxtag bawēd
zōt
rāspīg
zōt ō kust ī did šudan mayān ī ādišt abāz sar barsom andar kirdan pad aṣ̌əm_vōhū sē ādišt abāz ō kust ī did šustan ud ka =š šust u =š dast pad pādyāb abāz kirdan
u =š yaϑā_ahū_vairiiō dō , andar rāh guftan , pad š́iiaōϑə̄nanąm pāy rāst andar zōt_gāh nihādan u =š tarsagāhīhā be ēstādan yazadān ō ēzišn niwēyēnīdan ud pādyāb_dān pad pādyāb abāz kirdan ud dast pad pādyāb abāz kirdan
frastuiiē bun kirdan
bun yašt abestāg ud zand huǰahišn bawād
frāz stāyēm humat hūxt ud huwaršt pad menišn ud gōwišn ud kunišn
bē_gīrišn daham harwisp humat ud hūxt ud huwaršt kū kirbag kunam
bē_hilišnīh daham harwisp dušmat dušhūxt dušhuwaršt kū wināh nē kunam
frāz ašmāh rādēnam kē amahraspand =ēd yazišn āšnāg niyāyišn ustōfrīd
zōt dast abar barsom nihišn
frāz pad menišn ud frāz pad gōwišn ud frāz pad kunišn ud frāz pad ox menišnīg ud frāz pad tan ud ān =iz ī xwēš ǰān kū tan pad xwēšīh ī ašmāh dāram pad xwēšīh ī ašmāh dāštan ēd kū agar =im tan ruwān rāy bē abāyēd dādan bē_daham
stāyēm ahlāyīh
ahlāyīh ābādīh pahlom ast
nēk ast ahlāyīh nēk ōy kē ahlāyīhēnīdār ān ī pahlom ahlāyīh
sē bār guftan
franāmam mazdēsnīh ī zarduxšt kū andarg wattarān gōwam ī ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh rad ī rōz ud asnī hangām māhīgān ud gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānīh
ohrmazd rāyōmand xwarrahōmand ud amahraspandān huxwadāyān hudahāgān mihr ī frā_gāwyōd rāmišn =iz xwārom xwaršēd ī amarg rāyōmand ī arwand_asp kū =š asp nēk ast kē ēdōn gōwēd ay asp ī nēk bē dahēd wāy ī abar_kār ud tarwēnīdārtom az anyān dāmān ēdōn tō wāy kū tō ast kū spennāg_mēnōy xwēš hē rayistag ī frazānag ī ohrmazd_dād ī ahlaw ī dēn ī weh ī mazdēsnān mānsr_spand ahlaw kāmag_ox ud dād ī ǰud_dēw ud dād ī zarduxšt ud dagr_abar_rawišnīh mēnōy spand ud dēn ī weh ī mazdēsnān āgāhīh ī mānsr_spand āsn_xrad ī ohrmazd_dād ud gōšōsrūd_xrad ī ohrmazd_dād ātaxš ī ohrmazd pus tō ātaxš ī ohrmazd pus kē pad ēn yazišn abāg harwistīn ātaxšān gar ī ōš_dāštār ī ohrmazd_dād ī ahlāyīh_xwārīh ud harwist yazadān ī ahlawān ī mēnōyān ud gētīyān ahlawān frawahr ī čērān ī abar_wēzān ī pōryōtkēšān frawahr ī nabānazdištān frawahr šnāyēm pad yazišn ud niyāyišn ud šnāyēnīdārīh ud frāz_wābarīgānīh
zōt ud rāspīg čašm pad ātaxš ud barsom dārišn
zōt guftan
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ō ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
ahlāyīh ābādīh pahlom ast
nēk ast ahlāyīh ud nēk ōy kē ahlāyīhēnīdār ān ī pahlom ahlāyīh
aṣ̌əm_vōhū sē guftan
frōd nišīnišn barsom ud barsom_dān nihādan pas
pas barsom az māhrō ul stānišn pas
šnāyēnišn ohrmazd ud tar_dahišnīh gannāg_mēnōy čiyōn āškārag_warzīdārān ō kasān kē =šān kāmag frāztom kū =šān abāyist wēš kū kirdan ā =šān dahēd ō man =iz dahēd
aṣ̌əm_vōhū sē guftan
ahlāyīh ābādīh pahlom ast
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag ān =iš ī wahman dahišn kū ān mizd ud pādāšn ī wahman dahēd ā =iz ōh dahēd kē andar axwān kunišn ī ohrmazd abāyēd ast kē ēdōn gōwēd ay ān =iš ī pad wahman dahišn kū ān mizd ud pādāšn ī wahman bē dahēnd ā =iz ōy ōh dahēnd ay ādurbād ī zarduxštān guft kū az ān ī wahman dahišn ka andar axwān kunišngar andar dānēnd xwadāyīh =iš ī ō ohrmazd kū =š X X X X X X xwadāyīh ī ast pad sūd ī ohrmazd dāšt bawēd kē ō driyōšān dahēd niyāyišn kū =šān ǰādag_gōwīh kunēd
wezest čahrušāmrūdīg gōwišn
pad š́iiaōϑə̄nanąm sāzišn ī zōhr hamāg xūb be nigerišn
pad X X ,
bōy ō ātaxš dahišn xšnūman pad X frāz kunišn yazadān ō yazišn xwānišn
niuuaēδaiiemi_hād bun
niwēyēnam ud han_girdēnam ō ēn yazišn niwēyēnam niwēyēnam kū bun kunam han_girdēnam u =š sar be kunam dādār ohrmazd ī rāyōmand xwarrahōmand mahist pad tan ud pahlom pad arz ud nēktom pad dīdan xrūždtom kū saxttom pad kār ud dādestān xradīgtom kū dānāgtom hukirbtom kū =š hannām ēk andar did passazagtom az ahlāyīh abardom az ardwahišt ast kē ēdōn gōwēd kū az yazadān kē =šān tan ahlāyīh ān meh ī hudānāg ān ohrmazd frārōn_dānāg ī kāmag_rāmēnīdār kū kasān pad abāyist pad rāmišn rāmēnēd kē amāh dād hēm u =š amāh tāšīd hēm tan ēwēnag u =š parward hēm kē az mēnōyān abzōnīgtom ohrmazd
niwēyēnam ud han_girdēnam ō ēn yazišn wahman ud ardwahišt ud šahrewar ud spandarmad ud hordād ud amurdād ān ī gōspandān tan ān ī gōspandān ruwān ud ātaxš ī ohrmazd ī madārtom az ān amahraspandān daxšag =ēw čē ōy harw dō mad ēstēd mēnōy ud gētī xwarg ud brā
niwēyēnam ud han_girdēnam asnī ahlāyīh rad ud hāwan ahlaw ī ahlāyīh rad
niwēyēnam ud han_girdēnam sawang mēnōy ī abāg hāwan ham_kār ud wīs =iz ī ahlaw ahlāyīh rad mardōm ī andar xwēš_kārīh mānbed
niwēyēnam ud han_girdēnam mihr ī frā_gāwyōd ī hazār_gōš bēwar_čašm u =š hazār_gōšīh ēd kū =š panǰ_sad mēnōy ō sar nišīnēnd u =š kār ī gōšīh kunēnd kū ēn niyōxš ud ān niyōxš u =š bēwar_čašmīh ēd kū =š panǰ_hazār mēnōy ō sar nišīnēnd ud kār ī čašmīh kunēnd kū ēn wēn ud ān =iz wēn tā mihr čašm dō gōš dō ī guft_nām yazad kū =š nām pad ēn dēn guft ēstēd rāmišn xwārom ān mēnōy ka mizag ī xwarišn dānist pad rāh ī ōy
niwēyēnam ud han_girdēnam rapihwin ahlaw ī ahlāyīh rad
niwēyēnam ud han_girdēnam frāy_dādār_fšēy mēnōy =ēw ī abāg rapihwin ham_kār ud ramag ī gōspandān be abzāyēnēd ud zand =iz ahlaw ī ahlāyīh rad mardōm ī andar xwēš_kārīh ī rad
niwēyēnam ud han_girdēnam ahlāyīh ī pahlom ud ātaxš =iz ī ohrmazd
niwēyēnam ud han_girdēnam uzayrin ī ahlaw ahlāyīh rad
niwēyēnam ud han_girdēnam frāy_dādār_ī_wīr mēnōy =ēw ī abāg uzayrin ham_kār ka ramag ī mardōmān be abzāyēnēd ud deh =iz ahlaw ī ahlāyīh rad mardōm ī andar xwēš_kārīh ī moyān_andarzbed
niwēyēnam ud han_girdēnam burz xwadāy ī mādagān ī rōšn ī ābān_nāf ud āb =iz ī ohrmazd_dād
niwēyēnam ud han_girdēnam aybisrūsrim_aybigāy ī ahlaw ahlāyīh rad
niwēyēnam ud han_girdēnam frāy_dādār_harwisp_huzīyišnīh bun ud bar ud zarduxšttom =iz ī ahlaw ī ahlāyīh rad mardōm ī andar xwēš_kārīh mowbedān mowbed
niwēyēnam ud han_girdēnam ahlawān frawahr mādagān wīr_ramagān ardā_fraward ī mardōmān ud ān =iz ī sālān humānišnīh ka andar sāl pad frārōnīh weh šāyēd mānist ā pad rāh ī ōy ud amāwand =iz ī hutāšīd ī hurustag ud pērōzgarīh =iz ī ohrmazd_dād ud wānīdārīh =iz ī pad abar_rawišnīh warahrām yazad ast kē aštād =iz yazad gōwēd
niwēyēnam ud han_girdēnam ušahin ī ahlaw ī ahlāyīh rad
niwēyēnam ud han_girdēnam burzī mēnōy =ēw ī abāg ušahin ham_kār ud ramag ī ǰōrdāyān be abzāyēnēd mānīg =iz ī ahlaw ī ahlāyīh rad mardōm ī andar xwēš_kārīh dādwar
niwēyēnam ud han_girdēnam srōš_ahlī hurustag ī tarsagāy ī pērōzgar ī frāy_dādār_ī_gēhān rašn ī rayistag hād rašnīh =š ham_gōnīh u =š rayistagīh rāstīh ud aštād =iz ī frāy_dādār_gēhān ud wālišn_dādār_gēhān
niwēyēnam ud han_girdēnam māhīgān ahlāyīh rad andar_māh ī ahlaw ahlāyīh rad panǰag ī fradom
niwēyēnam ud han_girdēnam purr_māh ī wīšaptah =iz ī ahlaw ahlāyīh rad panǰag didīgar ud sidīgar
niwēyēnam ud han_girdēnam sāl ī gāhān_bār maydyōzarem ī ahlaw ī ahlāyīh rad
niwēyēnam ud han_girdēnam maydyōšem ī ahlaw ī ahlāyīh rad
niwēyēnam ud han_girdēnam paytišahīm ahlaw ī ahlāyīh rad
niwēyēnam ud han_girdēnam ayāsrim ī pad frōd_wašt_zamānīh gušn_hilišnīh andar āyēd ī ahlaw ī ahlāyīh rad
niwēyēnam ud han_girdēnam maydyār ī ahlaw ahlāyīh rad
niwēyēnam han_girdēnam hamaspahmaydem ī ahlaw ī ahlāyīh rad
niwēyēnam ud han_girdēnam sāl ī ahlaw ī ahlāyīh rad
niwēyēnam ud han_girdēnam harwisp awēšān rad kē hēnd ahlāyīh radīh sīh_sē nazdist pērāmōn hāwan kē hēnd ahlāyīh ī pahlom ī ohrmazd frāz hamōxt ō zarduxšt ud zarduxšt frāz guft kū čiyōn abāyēd kirdan
niwēyēnam ud han_girdēnam xwadāy mihr ī buland ī aseǰ ī ahlaw ud star =iz ī spennāg_mēnōy dām ud tištar ī stārag rāyōmand xwarrahōmand ud māh ī gōspand_tōhmag ud xwaršēd ī arwand_asp ud dōysr ī ohrmazd_dād mihr ī dehān dahībed ǰud az amahraspandān ān meh ud abar yazadān ī gētīyān xwadāy
rōz , māh
niwēyēnam ud han_girdēnam ohrmazd rāyōmand xwarrahōmand
niwēyēnam ud han_girdēnam ahlawān frawahr
niwēyēnam ud han_girdēnam tō ātaxš ī ohrmazd pus tō kē pad yazišn hē abāg harwistīn ātaxšān
niwēyēnam ud han_girdēnam āb ī weh nāmčištīg pad zōhr ud harwisp =iz ī āb ī ohrmazd_dād pad ēw_kardagīh ud harwisp =iz ī urwar ī ohrmazd_dād pad ēw_kardagīh
niwēyēnam ud han_girdēnam mānsr_spand ī ahlaw kāmag_ox kū =š kāmag ī menišn abāg ān ox rāst ud ast kē ēdōn gōwēd hād ān =iz ī kasān ēdōn be kunēd dād ī ǰud_dēw dād ī zarduxšt harw ēk dagr_abar_rawišnīh mēnōy ī spand ud dēn ī weh ī mazdēsnān pad ēw_kardagīh
niwēyēnam ud han_girdēnam gar ī ōš_dāštār ī ohrmazd_dād ī ahlāyīh_xwārīh ud harwisp =iz gar ī ahlāyīh_xwārīh purr_xwārīh ī ohrmazd_dād ud kayān xwarrah ī ohrmazd_dād ān =iz ī agrift xwarrah ī ohrmazd_dād xwēš_kārīh ī āsrōnān u =š agriftīh ēd kū pad frahang ō xwēš šāyēd kird
niwēyēnam ud han_girdēnam ahlišwang weh ud frazānag ī weh ud rah ī weh ud rah_ēstišnīh ī weh xwarrah ud sūd ī ohrmazd_dād
niwēyēnam ud han_girdēnam dahmān ī wehān āfrīn ud dahm =iz mard ī ahlaw ud ān =iz ī čēr ī tagīg dahm_ī_abar_pad_menišn yazad
niwēyēnam ud han_girdēnam awēšān gyāg ud rōdestāg ud gāwyōd ud mēhan ud āb_xwar ud āb ud zamīg ud urwar ud ēn zamīg ud ān asmān =iz ud wād =iz ī ahlaw ud star ud māh ud xwaršēd ud ān =iz ī asar_rōšnīh ī xwadād hād xwadādīh ēd kū harw kas xwad ō xwēš kunēd ud harwisp =iz ān ī spennāg_mēnōy dāmān ī ahlaw ī ahlāyīh rad hēnd
niwēyēnam ud han_girdēnam rahwōbirzad ī ahlaw ī radīh ī rōz asnī ī māhīgān gāhān_bār ud sāl kē hēnd ahlāyīh rad ī pad hāwan radīh
niwēyēnam ud han_girdēnam ahlawān frawahr ī čērān ī abar_wēzān ī pōryōtkēšān frawahr nabānazdištān ī zōt ān ī xwēš ruwān frawahr
niwēyēnam ud han_girdēnam harwisp ān ī ahlāyīh radīh
niwēyēnam ud han_girdēnam harwist ān ī weh_dahāg yazad ī mēnōy kē =iz X gētī kē hēnd yazišnōmand ud niyāyišnōmand az ahlāyīh ī pahlom kū pad frārōnīh ōh abāyēnd yaštan u =šān ustōfrīd ōh kunišn hāwan ī ahlaw ī ahlāyīh rad sawang ī ahlaw ī ahlāyīh rad rapihwin ī ahlaw ahlāyīh rad uzayrin ī ahlaw ī ahlāyīh rad aybisrūsrim_aybigāy ī ahlaw ī ahlāyīh rad ušahin ī ahlaw ī ahlāyīh rad
ka =m tō bišt hē hād harw kas and bišt ēstēd kū =š ēn tis adastwarīhā ud kē pad menišn ud kē pad gōwišn ud kē pad kunišn ud ka TYPO pad dōšišn pad nigerišn ka TYPO pad adōšišnīh pad sūdagīh ān tō pad ān frāz stāyēm ud bē_ō tō niwēyēnam kū =t guharīg abāz kunam ka TYPO =m tō pad ān bē rānagēnīd hē kē yazišn ud niyāyišn
radīh ī harwisp meh ī ahlaw ahlāyīh rad ka TYPO ašmāh bišt hēd ka TYPO pad menišn ud ka TYPO pad gōwišn ud ka TYPO pad kunišn ka TYPO pad dōšišn ka TYPO pad adōšišnīh ān ī ašmāh pad ān frāz stāyēm bē_ō ašmāh niwēyēnam kē ān ašmāh rānagēnīd pad yazišn ud niyāyišn
franāmam mazdēsnīh ī zarduxšt kū andarg wattarān gōwam ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh rad ī rōz ud asnī hangām māhīgān ud gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānīh
barsām_yašt bun
zōhrag xwāyam ō ēn yazišn
barsom xwāyam ō ēn yazišn
barsom xwāyam ō ēn yazišn
zōhrag xwāyam ō ēn yazišn
zōhrag abāg barsom xwāyam ō ēn yazišn
barsom abāg zōhrag xwāyam ō ēn yazišn
ēn zōhrag ud ēn barsom xwāyam ō ēn yazišn
ān barsom ud ēn zōhrag xwāyam ō ēn yazišn
abāg zōhrag ud ēn barsom xwāyam ō ēn yazišn
ēn gyāg barsom bē_ō māhrōy nihādan
ēn barsom abāg zōhrag abāg aybyāhan bawēnd ī pad ahlāyīh frāz wistard xwāyam ō ēn yazišn
pad ēn zōhrag ud barsom ohrmazd ī ahlaw ī ahlāyīh rad xwāyam ō ēn yazišn
amahraspandān ī huxwadāyān ī hudahāgān xwāyam ō ēn yazišn
pad ēn zōhrag ud barsom asnī ī ahlaw ī ahlāyīh rad xwāyam ō ēn yazišn
hāwan ī ahlaw ī ahlāyīh rad xwāyam ō ēn yazišn
sawang mēnōy =ēw ī abāg hāwan ham_kār ud wīs =iz ī ahlaw ahlāyīh rad xwāyam ō ēn yazišn mardōm andar xwēš_kārīh ī mowbed
pad ēn zōhrag ud barsom mihr ī frāy_gāwyōd ī hazār_gōš ī bēwar_čašm ī guft_nām ī yazad xwāyam ō ēn yazišn
u =š frāy_gāwyōdīh ēd kū ka mardōm ēw_tāg pad dašt frāz rawēd pad rāh ī mihr
u =š hazār_gōšīh ēd kū panǰ_sad yazad ō sar nišīnēnd u =š kār ī gōšīh kunēnd kū ēn niyōxš ud ān niyōxš
u =š bēwar_čašmīh ēd kū panǰ_hazār mēnōy ō sar āhēnd ud kār ī čašmīh kunēnd kū ēn wēn ud ān =iz wēn tā mihr čašm dō guft_nām yazad kū =š nām pad ēn dēn guft ēstēd
rāmišn ī xwārom ud ān mēnōy ka mizag ī xwarišn dānēnd pad rāh ī ōy
pad ēn zōhrag ud barsom rapihwin ī ahlaw ī ahlāyīh rad xwāyam ō ēn yazišn
frāy_dādār_fšēy mēnōy =ēw abāg rapihwin ham_kār ud zand =iz ī ahlaw ī ahlāyīh rad ud ramag gōspandān be abzāyēnēd xwāyam ō ēn yazišn mardōm andar xwēš_kārīh ī rad
pad ēn zōhrag ud barsom ahlāyīh ī pahlom ud ātaxš =iz ī ohrmazd pus xwāyam ō ēn yazišn
pad ēn zōhrag ud barsom uzayrin ī ahlaw ī ahlāyīh rad xwāyam ō ēn yazišn
frāy_dādār_wīr mēnōy =ēw abāg uzayrin ham_kār ud ramag mardōman be abzāyēnēd , deh =iz ī , ahlaw ī ahlāyīh rad xwāyam ō ēn yazišn mardōm ī andar xwēš_kārīh moyān_andarzbed
pad ēn zōhrag ud barsom burz ī xwadāy mādagān ī rōšn ī ābān_nāf ī arwand_asp xwāyam ō ēn yazišn ud āb =iz ī ohrmazd_dād ahlawī xwāyam ō ēn yazišn
pad ēn zōhrag ud barsom aybisrūsrim_ī_aybigāy ahlaw ī ahlāyīh rad xwāyam ō ēn yazišn
frāy_dādār_harwisp_huzīyišnīh mēnōy =ēw ī abāg aybisrūsrim ham_kār ud zarduštōdom =iz ī ahlaw ī ahlāyīh rad xwāyam ō ēn yazišn mardōm ī andar xwēš_kārīh ī mowbedān mowbed
pad ēn zōhrag ud barsom ahlawān ī wehān ī abzārān ī abzōnīgān frawahr xwāyam ō ēn yazišn ud mādagān =iz ī wīr_ramagān xwāyam ō ēn yazišn ardā_fraward ramag ī mardōmān ast kē ān ī gōspandān gōwēd sālān =iz humānišnīh xwāyam ō ēn yazišn
amāwandīh =iz ī hutāšīd ī hurust xwāyam ō ēn yazišn pērōzgarīh =iz ī ohrmazd_dād xwāyam ō ēn yazišn wānīdārīh =iz ī pad abar_rawišnīh xwāyam ō ēn yazišn
pad ēn zōhrag ud barsom ušahin ī ahlaw ī ahlāyīh rad xwāyam ō ēn yazišn
ud burzī mēnōy =ēw abāg ušahin ham_kār ud nmānī =iz ī ahlaw ī ahlāyīh rad xwāyam ō ēn yazišn mardōm =ē ī andar xwēš_kārīh dādwar
pad ēn zōhrag ud barsom srōš_ahlī ī hurust ī tarsagāy ī pērōzgar frāy_dādār_gēhān ī ahlaw ī ahlāyīh rad xwāyam ō ēn yazišn
rašn ī rayistag xwāyam ō ēn yazišn
aštād =iz ī frāy_dādār_gēhān ud wālišn_dādār_gēhān xwāyam ō ēn yazišn
pad ēn zōhrag ud barsom māhīgān ī ahlaw ī ahlāyīh rad xwāyam ō ēn yazišn
andar_māh ī ahlaw ī ahlāyīh rad xwāyam ō ēn yazišn
purr_māh ud wīšaptah ī ahlaw ī ahlāyīh rad xwāyam ō ēn yazišn
pad ēn zōhrag ud barsom gāhān_bār ahlaw ī ahlāyīh rad xwāyam ō ēn yazišn
maydyōzarem ī ahlaw ī ahlāyīh rad xwāyam ō ēn yazišn
pad ēn zōhrag ud barsom maydyōšem ī ahlaw ī ahlāyīh rad xwāyam ō ēn yazišn
pad ēn zōhrag ud barsom paytišahī ī ahlaw ī ahlāyīh rad xwāyam ō ēn yazišn
pad ēn zōhrag ud barsom ayāsrim ī frōd_wašt_zamānīh gōwēd gušn_hilišnīh =iz ī ahlaw ahlāyīh rad xwāyam ō ēn yazišn
pad ēn zōhrag ud barsom maydyārīm ī ahlaw ī ahlāyīh rad xwāyam ō ēn yazišn
pad ēn zōhrag ud barsom hamaspahmaydem ī ahlaw ī ahlāyīh rad xwāyam ō ēn yazišn
pad ēn zōhrag ud barsom sāl ī ahlaw ī ahlāyīh rad xwāyam ō ēn yazišn
pad ēn zōhrag ud barsom harwisp ahlāyīh rad xwāyam ō ēn yazišn kē hēnd ahlāyīh radīh sīh_sē nazdist pērāmōn hāwan kē hēnd ahlāyīh ī pahlom ī ohrmazd frāz hamōxt ō zarduxšt ud zarduxšt frāz guft ō mardōmān kū čiyōn abāyēd kirdan
pad ēn zōhrag ud barsom xwadāy mihr ī buland ī aseǰ ī ahlaw xwāyam ō ēn yazišn
star =iz ud māh ud xwaršēd pad ān ī urwarēn barsom mihr ī harwispīn dehān dahībed xwāyam ō ēn yazišn
rōz māh
pad ēn zōhrag ud barsom ohrmazd rāyōmand xwarrahōmand xwāyam ō ēn yazišn
pad ēn zōhrag ud barsom ahlawān ī wehān ī abzārān ī abzōnīgān frawahr xwāyam ō ēn yazišn
pad ēn zōhrag ud barsom tō ātaxš ī ohrmazd pus ī ahlaw ī ahlāyīh rad xwāyam ō ēn yazišn abāg harwistīn ātaxšān
pad ēn zōhrag ud barsom āb ī weh ī pahlom ī ohrmazd_dād ī ahlaw xwāyam ō ēn yazišn ud harwist āb ī ohrmazd_dād ī ahlawī xwāyam ō ēn yazišn pad ēw_kardagīh ud harwist urwar ī ohrmazd_dād ī ahlaw xwāyam ō ēn yazišn pad ēw_kardagīh
pad ēn zōhrag ud barsom mānsr_spand was_xwarrah xwāyam ō ēn yazišn
dād ī ǰud_dēw xwāyam ō ēn yazišn
dād ī zarduxšt xwāyam ō ēn yazišn
dagr_abar_rawišnīh mānsr_spand xwāyam ō ēn yazišn
dēn ī weh mazdēsnān xwāyam ō ēn yazišn
pad ēn zōhrag ud barsom gar ī ōš_dāštār ī ohrmazd_dād ī ahlāyīh_xwārīh yazad xwāyam ō ēn yazišn harwisp gar ī ahlāyīh_xwārīh ī purr_xwārīh ī ohrmazd_dād ī ahlaw ahlāyīh rad xwāyam ō ēn yazišn
čēr ī kayān xwarrah ohrmazd_dād xwāyam ō ēn yazišn
čēr agrift xwarrah ohrmazd_dād xwāyam ō ēn yazišn
pad ēn zōhrag ud barsom ahlišwang ī weh xwāyam ō ēn yazišn ī ahlaw ī rōšn ī buland ī amāwand hurust ī xwābar xwarrah ī ohrmazd_dād xwāyam ō ēn yazišn sūd ī ohrmazd_dād xwāyam ō ēn yazišn
pad ēn zōhrag ud barsom dahmān wehān āfrīn xwāyam ō ēn yazišn dahm =iz mard ī ahlaw xwāyam ō ēn yazišn ān ī čēr ī tagīg dahm_ī_abar_pad_menišn yazad xwāyam ō ēn yazišn
pad ēn zōhrag ud barsom awēšān āb ud zamīg ud urwar xwāyam ō ēn yazišn awēšān gyāg ud rōdestāg ud gāwyōd dašt ud mēhan ud āb_xwar xwāyam ō ēn yazišn ōy =iz ī šōysrbed xwāyam ō ēn yazišn kē ohrmazd
pad ēn zōhrag ud barsom rad ī harwisp meh xwāyam ō ēn yazišn kē ohrmazd radīh ī rōz ud asnī ud māhīgān gāhān_bār ud sāl
pad ēn zōhrag ud barsom ahlawān ī wehān ī abzārān ī abzōnīgān frawahr xwāyam ō ēn yazišn
pad ēn zōhrag ud barsom harwisp ān ī ahlaw yazad xwāyam ō ēn yazišn
harwisp ān ī ahlāyīh rad xwāyam ō ēn yazišn pad hāwan abar radīh ud sawang ud wīs =iz abar radīh rad ī harwisp meh abar radīh
srōš_drōn bun sidīgar hād
pad barsom abar barēnd ī ō barsom_dān burd ēstēd abāg zōhrag pad hāwan radīh xwarišn ud myazd xwāyam ō ēn yazišn hād ēdōn abāyēd guftan kū xwarišn ī myazd hordād ud amurdād gōspand ī hudahāg pad šnāyēnīdārīh ī ohrmazd ud amahraspandān pad šnāyēnīdārīh ī srōš_ahlī ī tarsagāy ī pērōzgar ī frāy_dādār_gēhān
hōm ud parāhōm xwāyam ō ēn yazišn hād ēdōn abāyēd guftan kū hōm ud parāhōm pad šnāyēnīdārīh ī zarduxšt ī spitāmān ī ahlaw frawahr
esm ud bōy xwāyam ō ēn yazišn pad šnāyēnīdārīh ī tō ātaxš ī ohrmazd pus
hōm xwāyam ō ēn yazišn pad šnāyēnīdārīh ī āb ī weh ud nāmčištīg ābān ī wehān ī ohrmazd_dād ud abārīg āb
āb ī hōmēn xwāyam ō ēn yazišn
gōšt ī ǰīw xwāyam ō ēn yazišn
urwar ī hayanbāg ī pad ahlāyīh ul_dād xwāyam ō ēn yazišn pad šnāyēnīdārīh ī āb ī ohrmazd_dād
ēn barsom abāg zōhrag ud abāg aybyāghan ī pad ahlāyīh frāz wistard xwāyam ō ēn yazišn pad šnāyēnīdārīh amahraspandān
gōwišn humat hūxt huwaršt xwāyam ō ēn yazišn
ān gāhān srāyišn xwāyam ō ēn yazišn
ān ī huwaršt framān xwāyam ō ēn yazišn
ēn ahūīh ud ahlāyīh kār ud kirbag ī =mān wurrōyīd hamē kunam ud radīh mēnōy ī yazišn rad_franāmišnīh xwāyam ō ēn yazišn pad šnāyēnīdārīh ī yazadān ahlawān ī mēnōyān ud gētīyān =iz pad šnāyēnīdārīh ī ān ī xwēš ruwān
xwāyam ō ēn yazišn asnī ī ahlāyīh rad pad hāwan ī ahlaw ī ahlāyīh rad
xwāyam ō ēn yazišn sawang mēnōy =ēw ī abāg hāwan ham_kār ud wīs =iz ī ahlaw ī ahlāyīh rad mardōm ī andar xwēš_kārīh ī mowbed
xwāyam ō ēn yazišn mihr ī frāy_gāwyōd ī hazār_gōš ī bēwar_čašm u =š hazār_gōšīh ēd kū panǰ_sad mēnōy ō sar nišīnēnd u =š kār ī gōšīh kunēnd kū ēn niyōxš ud ān niyōxš u =š bēwar_čašmīh ēd kū panǰ_hazār mēnōy ō sar nišīnēnd u kār ī čašmīh kunēnd kū ēn wēn ān =iz wēn tā mihr čašm dō ī guft_nām yazad kū =š nām pad ēn dēn guft ēstēd rāmišn xwārom , ān mēnōy ī ka mizag ī xwarišn dānēnd pad rāh ī ōy
xwāyam ō ēn yazišn rapihwin ī ahlaw ī ahlāyīh rad
xwāyam ō ēn yazišn frāy_dādār_ī_fšēy ī mēnōy =ēw ī abāg rapihwin ham_kār ud ramag ī gōspandān be abzāyēnēd ud zand =iz ahlaw ī ahlāyīh rad mardōm andar xwēš_kārīh ī rad
xwāyam ō ēn yazišn ahlāyīh pahlom ud ātaxš =iz ī ohrmazd
xwāyam ō ēn yazišn uzayrin ī ahlaw ī ahlāyīh rad
xwāyam ō ēn yazišn frāy_dādār_ī_wīr mēnōy =ēw abāg uzayrin ham_kār kē ramag ī mardōmān be abzāyēnēd ud deh =iz ahlaw ī ahlāyīh rad mardōm ī andar xwēš_kārīh ī moy_andarzbed
xwāyam ō ēn yazišn burz ī xwadāy mādagān ī rōšn ī ābān_nāf ud āb =iz ohrmazd_dād
xwāyam ō ēn yazišn aybisrūsrim_aybigāy ī ahlaw ī ahlāyīh rad
xwāyam ō ēn yazišn frāy_dādār_harwisp_huzīyišnīh bun ud bar ud zarduštōdom =iz ī ahlaw ī ahlāyīh rad mardōm ī andar xwēš_kārīh ī mowbedān mowbed
xwāyam ō ēn yazišn ān ī ahlawān frawahr mādagān ī wīr_ramagān ardā_fraward ī mardōmān ud ān =iz ī sālān humānišnīh ka andar sāl pad frārōnīh weh šāyēd mānistan ay pad rāh ī ōy amāwandīh =iz ī hutāšīd ī hurust pērōzgarīh =iz ī ohrmazd_dād ud wānīdārīh =iz ī pad abar_rawišnīh warahrān yazad ast kē aštād =iz yazad gōwēd
xwāyam ō ēn yazišn ušahin ī ahlaw ī ahlāyīh rad
xwāyam ō ēn yazišn burzī mēnōy =ēw ī abāg ušahin ham_kār ramag ǰōrdāyān be abzāyēnēd ud nmānī =iz ī ahlaw ī ahlāyīh rad mardōm ī andar xwēš_kārīh ī dādwar
xwāyam ō ēn yazišn srōš_ahlī ī hurustag ī tarsagāy ī pērōzgar ī frāy_dādār_ī_gēhān rašn ī rayistag hād rašnīh ā =š ham_gōnīh u =š rayistagīh rāstīh ud aštād =iz ī frāy_dādār_gēhān ud wālišn_dādār_gēhān
xwāyam ō ēn yazišn māhīgān ī ahlaw ī ahlāyīh rad andar_māh ī ahlaw ī ahlāyīh rad ī panǰag ī fradom
xwāyam ō ēn yazišn purr_māh ud wīšaptah =iz ī ahlaw ī ahlāyīh rad panǰag ī didīgar ud sidīgar
xwāyam ō ēn yazišn sāl ī gāhān_bār ī maydyōzarem ī ahlaw ahlāyīh rad
xwāyam ō ēn yazišn maydyōšem ī ahlaw ī ahlāyīh rad
xwāyam ō ēn yazišn paytišahī ahlaw ī ahlāyīh rad
xwāyam ō ēn yazišn ayāsrim ī pad frōd_waštag_mehmānīh gušn_hilišnīh andar āyēd ī ahlaw ahlāyīh rad
xwāyam ō ēn yazišn maydyār ī ahlaw ī ahlāyīh rad
xwāyam ō ēn yazišn hamaspahmaydem ī ahlaw ahlāyīh rad
xwāyam ō ēn yazišn sāl ī ahlaw ī ahlāyīh rad
xwāyam ō ēn yazišn harwisp awēšān rad kē hēnd ahlāyīh radīh sīh_sē ī nazdist ī pērāmōn hāwan kē hēnd ahlāyīh ī pahlom ī ohrmazd frāz hamōxt ō zardušt ud zardušt frāz guft kū čiyōn abāyēd kirdan
xwāyam ō ēn yazišn xwadāy mihr ī buland ī aseǰ ī ahlaw ud star =iz ī spennāg_mēnōy dām ud tištar ī rāyōmand ī xwarrahōmand ud māh ī gōspand_tōhmag ud xwaršēd =iz ī arwand_asp ud dōysr ī ohrmazd mihr ī dehān dahībed ǰud az amahraspandān ān meh ud abar yazadān ī gētīyān xwadāy
rōz māh
xwāyam ō ēn yazišn ohrmazd ī rāyōmand xwarrahōmand
xwāyam ō ēn yazišn ahlawānī frawahr
xwāyam ō ēn yazišn tō ātaxš ī ohrmazd pus kē pad ēn yazišn hē abāg harwispīn ātaxšān
xwāyam ō ēn yazišn āb ī weh ī nāmčištīg pad zōhrag ud harwisp =iz ī āb ī ohrmazd_dād pad ēw_kardagīh ud harwisp =iz urwar ī ohrmazd_dād pad ēw_kardagīh
xwāyam ō ēn yazišn mānsr_spand ī ahlaw ī kāmag_ox kū =š kāmag pad menišn abāg ān ī ox rāst ast kē ēdōn gōwēd hād ān =iz ī kasān ēdōn be kunēd dād ī ǰud_dēw dād ī zardušt harw ēk dagr_abar_rawišnīh mēnōy ī spand ud dēn ī weh mazdēsnān pad ēw_kardagīh
xwāyam ō ēn yazišn gar ī ōš_dāštār ī ohrmazd_dād ahlāyīh_xwārīh ud harwisp =iz ī gar ī ahlāyīh_xwārīh ī purr_xwārīh ohrmazd_dād ud kayān xwarrah ī ohrmazd_dād ud ān =iz agrift xwarrah ī ohrmazd_dād xwēš_kārīh ī āsrōnān u =š agriftīh ēd kū pad frahang ō xwēš šāyēd kirdan
xwāyam ō ēn yazišn ahlišwang ī weh ud frazānag ī weh rah ī weh rah_ēstišnīh ī weh xwarrah ud sūd ohrmazd_dād
xwāyam ō ēn yazišn dahmān ī wehān āfrīn ud dahm =iz mard ī ahlaw ud ān =iz ī čēr ī tagīg dahm_ī_abar_pad_menišn yazad
xwāyam ō ēn yazišn awēšān gyāg rōdestāg gāwyōd dašt mēhan ud āb_xwar āb ud zamīg ud urwar ud ēn zamīg ud ān asmān ud wād =iz ī ahlaw ud star =iz ud māh ud xwaršēd ud ān =iz ī asar_rōšnīh ī xwadād hād xwadādīh ēd kū harw kas xwad ō xwēš kunēd ud harwisp =iz ān ī spennāg_mēnōy dām ī ahlaw ahlāyīh rad hēnd
xwāyam ō ēn yazišn rahwōbirzad ī ahlaw radīh rōz asnī ud māhīgān ud gāhān_bār ud sāl kē hēnd ahlāyīh rad ī pad hāwan radīh
xwarišn ud myazd xwāyam ō ēn yazišn hordād ud amurdād ud gōspand ī hudahāg pad šnāyēnīdārīh ī srōš_ahlī ī tagīg tan_framān ī škeft_zēn xwadāy pad arzah ud sawah ī guft_nām yazad
hōm ud parāhōm xwāyam ō ēn yazišn pad šnāyēnīdārīh ī zarduxšt ī spitāmān ī ahlaw frawahr ī guft_nām yazad
esm ud bōy xwāyam ō ēn yazišn pad šnāyēnīdārīh ī tō ātaxš ī ohrmazd pus ī guft_nām yazad
az xᵛarəϑəm tā ēdar dō bār guftan
xwāyam ō ēn yazišn ahlawānī frawahr ī čērān abar_wēzān ī pōryōtkēšān frawahr nabānazdištān frawahr
xwāyam ō ēn yazišn harwisp ān ī ahlāyīh radīh
xwāyam ō ēn yazišn harwisp ān ī weh_dahāg yazad ī mēnōy ud kē =iz gētī kē hēnd yazišnōmand ud niyāyišnōmand az ahlāyīh ī pahlom kū pad frārōnīh ōh abāyēnd yašt u =šān ustōfrīd ōh kunišn
franāmam mazdēsnīh ī zardušt kū andarg ī wattarān gōwam ī ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ī ahlaw ahlāyīh rad pad yazišn ud niyāyišn ud šnāyēnīdārīh ud frāz_wābarīgānī sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī rad ī rōz asnī hangām ud māhīgān ud gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānī
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
ēdōn radīhā ēdōn dastwarīhā az ahlāyīh čēgāmiz =iz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
ēn humat hūxt huwaršt kār ud kirbag ī =mān wurrōyīd hamē kunēm
ēn hōm ud myazd ud zōhr ud barsom =iz pad ahlāyīh frāz wistard ud gōspand =iz hudahāg ud hordād amurdād ud gōspand =iz hudahāg hōm ud parāhōm ud esm ud bōy
ēn ahūīh ud ahlāyīh ud radīh ud rad_franāmišnīh ud ān ī gāhān srāyišn ud ān ī huwaršt framān bē =iz daham ud ān =iz niwēyēnam pēš pas
awēšān niwēyēnam ī =m guft ohrmazd ud srōš_ahlī ud amahraspandān ud ān ī ahlawān frawahr ud ān ī ahlawān ruwān ud ātaxš =iz ī ohrmazd ud rad =iz ī buland harwisp =iz ī čēgāmiz =ēw ahlawān stī pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam ēn humat hūxt huwaršt kār ud kirbag ī =mān wurrōyīd hamē kunēm
ēn hōm ud myazd ud zōhr ud barsom =iz ī pad ahlāyīh frāz wistard ud gōspand =iz ī hudahāg ud hordād amurdād ud gōspand =iz ī hudahāg ud hōm ud parāhōm ud esm ud bōy
ēn ahūīh ud ahlāyīh ud radīh ud rad_franāmišnīh ud ān ī gāhān srāyišn ud ān ī huwaršt framān bē =iz daham ud ān =iz niwēyēnam pēš pas
awēšān niwēyēnam ī =m guft amahraspandān huxwadāyān ī hudahāgān hamē_zīwandagān ī hamē_sūdān ēk =ēw kū be nē mīrēnd ud ēk =ēw kū ōzad nē šāyēnd kē pad ān ī wahman mānēnd kū =šān mehmānīh ān gyāg kū wahman kē =iz wāhmān
awēšān niwēyēnam ō frahīdīh ī ēn mān kū tā pad ramag wēš be bawād ud frāy_dahišnīh ī ēn mān kū tā be abzāyād pahān ud mardān ud zādān =iz ud zāyišnōmandān ī ahlawān kē ēn hēnd
awēšān niwēyēnam ahlawān ī wehān frawahr ī čērān ud abar_wēzān pad ān ī ahlawān ayārīh
awēšān niwēyēnam ī =m guft dādār ohrmazd ī rāyōmand ī xwarrahōmand mēnōyān mēnōytom kū hamē ka =š kāmēd andar amahraspandān mēnōy tuwān būd pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam asnī ī ahlāyīh rad ud hāwan ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam sawang mēnōy =ēw abāg hāwan ham_kār ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam mihr ī frā_gāwyōd ī hazār_gōš ī bēwar_čašm u =š hazār_gōšīh ēd kū =š panǰ_sad mēnōy ō sar nišīnēnd u =š kār gōšīh kunēnd kū ēn niyōxš ud ān niyōxš u =š bēwar_čašmīh ēd kū =š panǰ_hazār mēnōy ō sar āhēnd u =š kār ī čašmīh kunēnd kū ēn wēn ud ān =iz wēn tā mihr čašmīh dō ī guft_nām ī yazad kū =š nām pad ēn dēn guft ēstēd rāmišn xwārom ān mēnōy kē mizag ī xwarišn dānēnd pad rāh ī ōy pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam rapihwin ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam frāy_dādār_ī_fšēy ī mēnōy =ēw abāg rapihwin ham_kār ud ramag gōspandān be abzāyēnēd ud zand =iz ī ahlaw ī ahlāyīh rad mardōm ī andar xwēš_kārīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam ahlāyīh ī pahlom ud ātaxš =iz ī ohrmazd pus pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam uzayrin ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam frāy_dādār_wīr mēnōy =ēw ī abāg uzayrin ham_kār kē ramag ī mardōmān be abzāyēnēd ud deh =iz ī ahlaw ī ahlāyīh rad mardōm ī andar xwēš_kārīh ī moy_andarzbed pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam burz ī xwadāy mādagān ī rōšn ī ābān_nāf ud āb =iz ī ohrmazd_dād pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam aybisrūsrim_aybigāy ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam frāy_dādār_harwisp_huzīyišnīh bun ud bar ud zardušttom ahlaw ī ahlāyīh rad mardōm =ē ī andar xwēš_kārīh mowbedān mowbed
awēšān niwēyēnam ān ī ahlawān frawahr mādagān ī wīr_ramagān ardā_fraward ī mardōmān ān =iz ī sālān humānišnīh ka andar sāl pad frārōnīh weh šāyēd mānist ā pad rāh ī ōy ud amāwand =iz ī hutāšīd ī hurust pērōzgar ī ohrmazd_dād ud wānīdārīh =iz ī pad abar_rawišnīh warahrām yazad ast kē aštād =iz gōwēd pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam ušahin ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam burzī mēnōy =ēw abāg ušahin ham_kār ud ramag ī ǰōrdāyān be abzāyēnēd nmānī =iz ī ahlaw ahlāyīh rad mardōm =ē ī andar xwēš_kārīh dādwar pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam srōš_ahlī ī hurust ī tarsagāy ī pērōzgar ī frāy_dādār_gēhān
rašn ī rayistag hād rašnīh ā =š ham_gōnīh u =š rayistagīh rāstīh aštād =iz frāy_dādār_gēhān ud wālišn_dādār_gēhān pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam māhīgān ī ahlāyīh rad andar_māh ī ahlaw ī ahlāyīh rad panǰag ī fradom pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam purr_māh ud wīšaptah =iz ī ahlaw ī ahlāyīh rad panǰag didīgar ud sidīgar pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam sāl maydyōzarem ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam maydyōšem ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam paytišeh ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam ayāsrim ī pad frōd_wašt_mehmānīh gōwēd gušn_hilišnīh ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam maydyār ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam hamaspahmaydem ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam sāl ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam harwisp awēšān rad kē hēnd ahlāyīh radīh sīh_sē nazdist pērāmōn hāwan kē hēnd ahlāyīh pahlom ī ohrmazd frāz hamōxt ō zarduxšt ud zarduxšt frāz guft ō mardōmān kū čiyōn abāyēd kirdan pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam xwadāy mihr ī buland ī aseǰ ī ahlaw star =iz ī spennāg_mēnōy dām ud tištar star ī rāyōmand ī xwarrahōmand ud māh ī gōspand_tōhmag ud xwaršēd =iz ī arwand_asp ud dōysr ī ohrmazd ud mihr ī dehān dahībed ǰud az amahraspandān ān meh ud abar yazadān ī gētīyān xwadāy pad yazišn ud niyāyišn ud šnāyēnīdārīh ud frāz_wābarīgānī
rōz māh
awēšān niwēyēnam ohrmazd ī rāyōmand ī xwarrahōmand pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam ahlawān frawahr pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam tō ātaxš ī ohrmazd pus tō kē pad yazišn hē abāg harwispīn ātaxšān pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam āb ī weh nāmčištīg pad zōhr ud harwisp āb ī ohrmazd_dād pad ēw_kardagīh ud harwisp urwar ī ohrmazd_dād pad ēw_kardagīh pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam mānsr_spand ī ahlaw ī kāmag_ox kū =š kāmag pad menišn abāg ān ī ox rāst ast kē ēdōn gōwēd hād ān =iz ī kasān ēdōn be kunēd dād ǰud_dēw dād zardušt harw ēk dagr_abar_rawišnīh mēnōy ī spand ud dēn ī weh ī mazdēsnān pad ēw_kardagīh pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam gar ī ōš_dāštār ī ohrmazd_dād ī ahlāyīh_xwārīh ud harwisp =iz gar ī ahlāyīh_xwārīh ī purr_xwārīh ī ohrmazd_dād kayān xwarrah ī ohrmazd_dād ān =iz ī agrift xwarrah ī ohrmazd_dād xwēš_kārīh ī āsrōnān u =š agriftīh ēd kū pad frahang ō xwēš šāyēd kirdan pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam ahlišwang ī weh frazānag ī weh ud rah ī weh rah_ēstišnīh ī weh xwarrah sūd ī ohrmazd_dād pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam dahmān ī wehān āfrīn ud dahm =iz ī mard ī ahlaw ud ān =iz ī čēr ud tagīg dahm_ī_abar_pad_menišn yazad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam gyāg ud rōdestāg ud gāwyōd dašt ud mēhan ud āb_xwar ud āb ud zamīg ud urwar ud ēn zamīg ud ān asmān ud wād =iz ahlaw ud star ud māh ud xwaršēd ud ān =iz ī asar_rōšnīh ī xwadād hād xwadādīh ēd kū harw kas xwad ō xwēš šāyēd kirdan ud harwisp =iz ān ī spennāg_mēnōy dāmān ī ahlaw ī ahlāyīh rad hēnd pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam rahwōbirzad ī ahlaw radīh ī rōz ud asnī ud māhīgān ud gāhān_bār ud sāl kē hēnd ahlāyīh rad pad hāwan radīh pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam srōš_ahlī ī tagīg tan_framān ī škeft_zēn ī xwadāy u =š šnāyēm pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam zardušt ī spitāmān ī ahlaw frawahr u =š šnāyēm pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam tō ātaxš ohrmazd pus u =š šnāyēm pad yazišn ud niyāyišn ud šnāyēnīdārīh ud frāz_wābarīgānī
pad harw xšnaōϑra esm ud bōy tāg =ēw ō ātaxš dahišn
awēšān niwēyēnam ahlawān frawahr ī čērān ud abar_wēzān ud pōryōtkēšān frawahr ī nabānazdištān frawahr pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam harwisp ān ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānī
awēšān niwēyēnam harwisp ān ī weh_dahāg yazad ī mēnōy ud kē =iz gētī kē hēnd yazišnōmand ud niyāyišnōmand az ahlāyīh pahlom kū pad frārōnīh ōh abāyēnd yaštan u =šān ustōfrīd ōh kunišn
amahraspandān ī huxwadāyān ī hudahāgān yazam
kē az astān ēdōn pad yazišn abar ō ōy weh kū yazišn ān weh ī ohrmazd ī xwadāy rāy kunēnd ohrmazd āgāh az ahlāyīh_abāgīh čēgāmiz =ēw čēgāmiz =ēw kār ud kirbag ī ā =š kird ēstēd pad mizd ud pādāšn āgāh dahēd
hanǰamanīgān narān ud mādagān yazam amahraspandān čē nar X awēšān weh hēnd ud mādag awēšān
sāzišn hamāg xūb be nigerišn
ēdar ēdōn yazam ohrmazd kē gōspand =iz ahlāyīh dād
u =š āb dād ud urwar =iz ī weh
u =š rōšnīh dād ud būm =iz ud harwisp ābādīh bun ud bar ōy kē xwadāyīh ud mehīh pad =iš u =š hupānagīh az =iš
ān ēdōn az yaštārān ī andar ēn gēhān pad pēš_rawišnīh yazam pad pēšōbāyīh kē pad gōspandōmandīh mānēnd awēšān yaštār
ān ēdōn kē xwadāy nām ud pad dānāgīh dōšīd ēstēd abzōnīgīh yazam
ōy kē amāgān tan ud ǰān zīwišn az =iš yazam
ōy kē ahlawān frawahr narān ud nārīgān nēkīh az =iš yazam
ahlāyīh ēdōn pahlom yazam ašawahišt ī nēk abzōnīg amarg ī rōšn_tan ī ōy kē harwist ābādīh ud nēkīh az =iš
ān =iz ī weh menišn wahman yazam ud ān =iz ī weh xwadāyīh xšahrewar
ān =iz ī weh dēn ud ān =iz ī weh sālārīh hordād amurdād ud ān =iz ī weh bowandag_menišnīh spandarmad
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd ohrmazd āgāh az ahlāyīh_abāgīh =iz čēgāmiz =ēw čēgāmiz =ēw kār ud kirbag mizd ud pādāšn āgāh be dahēd
hanǰamanīgān narān ud mādagān yazam amahraspandān
dādār ohrmazd yazam amahraspandān ī huxwadāyān ī hudahāgān yazam
asnī ahlaw ī ahlāyīh rad yazam
hāwan ī ahlaw ī ahlāyīh rad yazam
sawang ī mēnōy =ēw ī abāg hāwan ham_kār ud wīs =iz ahlaw ahlāyīh rad yazam
mihr ī frāy_gāwyōd ī hazār_gōš ī bēwar_čašm ī guft_nām yazad yazam u =š frāy_gāwyōdīh ēd kū mardōm ēw_tāg pad dašt frāz rawēd pad rāh ī mihr u =š hazār_gōšīh ēd kū =š panǰ_sad mēnōy yazad abāg hēnd ī kār ī gōšīh kunēnd ī gōwēnd kū ēn āšnaw ud ān =iz āšnaw u =š bēwar_čašmīh ēd kū =š panǰ_hazār yazad abāg hēnd kār ī čašmīh kunēnd ī gōwēnd kū ēn wēn ud ān =iz wēn
rāmišn xwārom yazam ān mēnōy ka mizag ī xwarišn dānēnd pad rāh ī ōy
rapihwin ī ahlaw ī ahlāyīh rad yazam
frāy_dādār_fšēy mēnōy =ēw abāg rapihwin ham_kār ud ramag gōspandān be abzāyēnēd ud zand =iz ī ahlaw ī ahlāyīh rad yazam mardōm ī andar xwēš_kārīh rad
ahlāyīh ī pahlom ātaxš =iz ohrmazd pus yazam
uzayrin ahlaw ī ahlāyīh rad yazam
frāy_dādār_wīr mēnōy =ēw abāg uzayrin ham_kār ī ramag ī mardōmān be abzāyēnēd ud deh =iz ahlaw ahlāyīh rad yazam mardōm ī andar xwēš_kārīh ī moy_andarzbed
burz ī xwadāy mādagān ī rōšn ī ābān_nāf ī arwand_asp yazam
āb =iz ī ohrmazd_dād ī ahlawī yazam
aybisrūsrim_ī_aybigāy ī ahlaw ī ahlāyīh rad yazam
frāy_dādār_harwist_huzīyišnīh mēnōy =ēw abāg aybisrūsrim ham_kār ud zarduštōdom =iz ī ahlaw ī ahlāyīh rad yazam mardōm ī andar xwēš_kārīh ī mowbedān mowbed
ahlawān wehān ī abzārān ī abzōnīgān frawahr yazam mādagān =iz wīr_ramagān yazam ardā_fraward ī mardōmīh ast kē ān ī gōspandān gōwēd sālān =iz humānišnīh yazam ud amāwandīh =iz hutāšīd hurust yazam pērōzgarīh =iz ohrmazd_dād yazam ud wānīdārīh =iz ī pad abar_rawišnīh yazam
ušahin ī ahlaw ī ahlāyīh rad yazam burzī mēnōy =ēw ī abāg ušahin ham_kār nmānī =iz ahlaw ī ahlāyīh rad yazam mardōm andar xwēš_kārīh dādwar
srōš_ahlī ī hurust ī tarsagāy pērōzgar ī frāy_dādār_gēhān ī ahlaw ī ahlāyīh rad yazam
rašn ī rayistag yazam
aštād =iz ī frāy_dādār_ī_gēhān ud wālišn_dādār_gēhān yazam
māhīgān ī ahlaw ī ahlāyīh rad yazam
andar_māh ī ahlaw ī ahlāyīh rad yazam
purr_māh ud wīšaptah =iz ahlaw ī ahlāyīh rad yazam
gāhān_bār ī ahlaw ī ahlāyīh rad yazam
maydyōzarem ī ahlaw ī ahlāyīh rad yazam
maydyōšem ahlaw ī ahlāyīh rad yazam
paytišahī ī ahlaw ī ahlāyīh rad yazam
ayāsrim ī pad frōd_wašt_zamānīh gōwēd gušn_hilišnīh =iz ī ahlaw ī ahlāyīh rad yazam
maydyārīm ī ahlaw ī ahlāyīh rad yazam
hamaspahmaydaym ī ahlaw ī ahlāyīh rad yazam
sāl ī ahlaw ī ahlāyīh rad yazam
harwisp ahlāyīh rad yazam kē hēnd ahlāyīh radīh sīh_sē ī nazdist pērāmōn hāwan kē hēnd ahlāyīh pahlom ī ohrmazd frāz hamōxt ō zardušt ud zardušt frāz guft ō mardōmān kū čiyōn abāyēd kirdan
xwadāy mihr ī buland ī aseǰ ī ahlaw yazam
ud star =iz ud māh ud xwaršēd pad ān ī urwarān barsom mihr ī harwistān dehān dahībed yazam
rōz ud māh
ohrmazd rāyōmand xwarrahōmand yazam
ahlawān ī wehān ī abzārān ī abzōnīgān frawahr yazam
tō ātaxš ī ohrmazd pus ī ahlaw ī ahlāyīh rad yazam tō kē pad yazišn hē abāg harwistīn ātaxšān
āb ī weh ī pahlom ī ohrmazd_dād ī ahlawī yazam harwisp āb ī ohrmazd_dād ī ahlaw yazam pad ēw_kardagīh harwisp urwar ī ohrmazd_dād ī ahlaw yazam pad ēw_kardagīh
mānsr_spand was_xwarrah yazam
dād ī ǰud_dēw yazam
dād ī zardušt yazam
dagr_abar_rawišnīh ī mānsr_spand yazam
dēn ī weh ī mazdēsnān yazam
gar ī ōš_dāštār ohrmazd_dād ī ahlāyīh_xwārīh yazad yazam
harwisp gar ī ahlāyīh_xwārīh ī purr_xwārīh ohrmazd_dād ī ahlaw ī ahlāyīh rad yazam
čēr ī kayān xwarrah ī ohrmazd_dād yazam
čēr ī agrift xwarrah ī ohrmazd_dād yazam
ahlišwang ī weh yazam ī rōšn ī ahlaw ī buland ī amāwand hurust ī xwābar
xwarrah ī ohrmazd_dād yazam sūd ī ohrmazd_dād yazam
dahmān ī wehān āfrīn yazam
dahm =iz mard ī ahlaw yazam
ān ī čēr tagīg dahm_ī_abar_pad_menišn yazad yazam
awēšān āb ud zamīg ud urwar yazam awēšān gyāg ud rōdestāg ud gāwyōd dašt ud mēhan ud āb_xwar yazam ōy =iz ī šōysrbed yazam kē ohrmazd
rad ī harwisp meh yazam kē ohrmazd ud radīh rōz ud asnī ud māhīgān ud gāhān_bār ud sāl
hordād ud amurdād yazam
gōspand ī hudahāg yazam srōš_ahlī ī hurust ī pērōzgar ī frāy_dādār_gēhān ī ahlaw ī ahlāyīh rad yazam
hōm ud parāhōm yazam zardušt spitāmān ēdar ī ahlaw ī ahlāyīh =iz ud frawahr yazam
esm ud bōy yazam tō ātaxš ī ohrmazd pus ahlaw ī ahlāyīh rad yazam
ahlawān ī wehān abzārān ī abzōnīgān frawahr yazam
harwisp ān ī ahlaw yazad yazam harwisp ān ī ahlāyīh rad yazam
pad hāwan abar radīh ud sawang ud wīs =iz abar radīh ud rad harwisp meh abar radīh
kē az astān ēdōn pad yazišn abar weh kū yazišn ān ī weh ī ohrmazd ī xwadāy rāy kunēnd
tā sar
ahlāyīh ābādīh pahlom ast ābādīh ī ahlāyīh weh
sē
pad ahlāyīh bē_daham xwarišn myazd ud hordād ud amurdād ud gōspand ī hudahāg pad šnāyēnīdārīh ī ohrmazd ud amahraspandān ud šnāyēnīdārīh ī srōš_ahlī ī tarsagāy ī pērōzgar ī frāy_dādār_gēhān
pad ahlāyīh bē_daham hōm ud parāhōm pad šnāyēnīdārīh zardušt ī spitāmān ahlaw frawahr
pad ahlāyīh bē_daham esm ud bōy pad šnāyēnīdārīh tō ātaxš ī ohrmazd pus
pad ahlāyīh bē_daham hōm ud pad šnāyēnīdārīh ī āb ī weh nāmčištīg X ābān ī wehān ī ohrmazd_dād ud abārīg āb
pad ahlāyīh bē_daham āb ī hōmēn
pad ahlāyīh bē_daham gōšt ī ǰīw
pad ahlāyīh bē_daham urwar ud hayanbāg pad ahlāyīh ul_dād pad šnāyēnīdārīh ī āb ī ohrmazd_dād
pad ahlāyīh bē_daham ēn barsom abāg zōhrag abāg aybyāghan ī pad ahlāyīh frāz wistard pad šnāyēnīdārīh amahraspandān
pad ahlāyīh bē_daham gōwišn ī humat hūxt huwaršt
pad ahlāyīh bē_daham gāhān srāyišn
pad ahlāyīh bē_daham ān huwaršt framān
pad ahlāyīh bē_daham ēn ahūīh ud ahlāyīh radīh ud rad_franāmišnīh pad šnāyēnīdārīh ī yazadān ī ahlawān ī mēnōyān ud gētīyān =iz ud pad šnāyēnīdārīh ī ān ī xwēš ruwān
pad ahlāyīh bē_daham asnī ahlāyīh rad pad hāwan ī ahlaw ī ahlāyīh rad
pad ahlāyīh bē_daham sawang mēnōy =ēw abāg hāwan ham_kār ud wīs =iz ī ahlaw ī ahlāyīh rad mardōm ī andar xwēš_kārīh mowbed
pad ahlāyīh bē_daham mihr ī frāy_gāwyōd ī hazār_gōš ī bēwar_čašm u =š hazār_gōšīh ēd kū =š panǰ_sad mēnōy ō sar nišīnēnd u =š kār gōšīh kunēnd kū ēn niyōxš ud ān =iz niyōxš u =š bēwar_čašmīh ēd kū =š panǰ_hazār mēnōy ō sar nišīnēnd ud kār čašmīh kunēnd kū ēn wēn ud ān =iz wēn tā mihr čašm dō ī guft_nām ī yazad kū =š nām pad ēn dēn guft ēstēd rāmišn xwārom ān mēnōy kē mizag ī xwarišn dānēnd pad rāh ī ōy
pad ahlāyīh bē_daham rapihwin ahlaw ī ahlāyīh rad
pad ahlāyīh bē_daham frāy_dādār_fšēy mēnōy =ēw abāg rapihwin ham_kār ud ramag ī gōspandān be abzāyēnēd ud zand =iz ī ahlaw ī ahlāyīh rad mardōm ī andar xwēš_kārīh ī rad
pad ahlāyīh bē_daham ahlāyīh ī pahlom ud ātaxš =iz ī ohrmazd
pad ahlāyīh bē_daham uzayrin ahlaw ī ahlāyīh rad
pad ahlāyīh bē_daham frāy_dādār_wīr mēnōy =ēw abāg uzayrin ham_kār kē ramag mardōmān be abzāyēnēd deh =iz ī ahlaw ī ahlāyīh rad mardōm ī andar xwēš_kārīh moy_andarzbed
pad ahlāyīh bē_daham burz ī xwadāy mādagān ī rōšn ī ābān_nāf ud āb =iz ī ohrmazd_dād
pad ahlāyīh bē_daham aybisrūsrim_ī_aybigāy ī ahlaw ī ahlāyīh rad
pad ahlāyīh bē_daham frāy_dādār_harwisp_huzīyišnīh bun ud bar ud zarduštōdom =iz ī ahlaw ī ahlāyīh rad mardōm andar xwēš_kārīh ī mowbedān mowbed
pad ahlāyīh bē_daham ān ī ahlawān frawahr mādagān ī wīr_ramagān ardā_fraward ī mardōmān ud ān =iz ī sālān humānišnīh ka andar sāl pad frārōnīh weh šāyēd mānist ā pad rāh ī ōy amāwandīh =iz hutāšīd ī hurust ī pērōzgarīh ī ohrmazd_dād wānīdārīh =iz ī pad abar_rawišnīh warahrān yazad ast kē aštād yazad gōwēd
pad ahlāyīh bē_daham ušahin ī ahlaw ahlāyīh rad
pad ahlāyīh bē_daham burzī mēnōy =ēw abāg ušahin ham_kār kē ramag ī ǰōrdāyān be abzāyēnēd ud nmānī =iz ī ahlaw ī ahlāyīh rad mardōm andar xwēš_kārīh dādwar
pad ahlāyīh bē_daham srōš_ahlī ī hurust ī tarsagāy ī pērōzgar ī frāy_dādār_gēhān
rašn ī rayistag hād rašnīh ā =š ham_gōnīh u =š rayistagīh rāstīh ud aštād =iz ī frāy_dādār_gēhān ud wālišn_dādār_gēhān
pad ahlāyīh bē_daham māhīgān ī ahlaw ī ahlāyīh rad andar_māh ahlaw ahlāyīh rad panǰag ī fradom
pad ahlāyīh bē_daham purr_māh ud wīšaptah =iz ī ahlaw ī ahlāyīh rad ī panǰag ī didīgar ud sidīgar
pad ahlāyīh bē_daham sāl ī gāhān_bār maydyōzarem ī ahlaw ī ahlāyīh rad
pad ahlāyīh bē_daham maydyōšem ī ahlaw ī ahlāyīh rad
pad ahlāyīh bē_daham paytišah ī ahlaw ī ahlāyīh rad
pad ahlāyīh bē_daham ayāsrim ī pad frōd_wašt_zamānīh gušn_hilišnīh andar āyēd ī ahlaw ī ahlāyīh rad
pad ahlāyīh bē_daham maydyār ī ahlaw ī ahlāyīh rad
pad ahlāyīh bē_daham hamaspahmaydem ī ahlaw ī ahlāyīh rad
pad ahlāyīh bē_daham sāl ī ahlaw ī ahlāyīh rad
pad ahlāyīh bē_daham harwisp awēšān rad kē hēnd ahlāyīh rad sīh_sē ī nazdist pērāmōn hāwan kē hēnd ahlāyīh ī pahlom ī ohrmazd frāz hamōxt ō zardušt ud zardušt frāz guft ō mardōmān kū čiyōn abāyēd kirdan
pad ahlāyīh bē_daham xwadāy mihr ī buland ī aseǰ ī ahlaw ud star =iz ī spennāg_mēnōy dām tištar ī rāyōmand xwarrahōmand ud māh ī gōspand_tōhmag ud xwaršēd =iz ī arwand_asp ud dōysr ī ohrmazd mihr ī dehān dahībed ǰud az amahraspandān ān meh abar yazadān ī gētīyān xwadāy
rōz ud māh
pad ahlāyīh bē_daham ohrmazd ī rāyōmand ī xwarrahōmand
pad ahlāyīh bē_daham ahlawān frawahr
pad ahlāyīh bē_daham tō ātaxš ī ohrmazd pus kē pad ēn yazišn hē abāg harwistīn ātaxšān
pad ahlāyīh bē_daham āb ī weh ī nāmčištīg pad zōhrag ud harwisp āb ī ohrmazd_dād pad ēw_kardagīh ud harwisp urwar ī ohrmazd_dād pad ēw_kardagīh
pad ahlāyīh bē_daham mānsr_spand ahlaw kāmag_ox kū =š kāmag pad menišn abāg ān ī pad ox rāst ast kē ēdōn gōwēd hād ān =iz ī kasān ēdōn bē kunēd dād ī ǰud_dēw ud dād ī zardušt harw ēk dagr_abar_rawišnīh mēnōy ī spand dēn ī weh mazdēsnān pad ēw_kardagīh
pad ahlāyīh bē_daham gar ī ōš_dāštār ī ohrmazd_dād ī ahlāyīh_xwārīh harwisp gar ī ahlāyīh_xwārīh purr_xwārīh ohrmazd_dād ud kayān xwarrah ī ohrmazd_dād ān =iz ī agrift xwarrah ī ohrmazd_dād xwēš_kārīh ī āsrōnān u =š agriftīh ēd kū pad frahang ō xwēš šāyēd kirdan
pad ahlāyīh bē_daham ahlišwang ī weh ud frazānag ī weh X ud rah ī weh ud rah_ēstišnīh ī weh ud xwarrah ī sūd ohrmazd_dād
pad ahlāyīh bē_daham dahmān wehān āfrīn ud dahm =iz ī mard ī ahlaw ud ān =iz ī čēr ī tagīg dahm_ī_abar_pad_menišn yazad
pad ahlāyīh bē_daham awēšān gyāg ud rōdestāg ud gāwyōd dašt ud mēhan ud āb_xwar ud āb ud zamīg ud urwar ud ēn zamīg ud ān asmān ud wād =iz ī ahlaw ud star ud māh ud xwaršēd ud ān =iz ī asar_rōšnīh ī xwadād , hād xwadādīh ēd kū harw kas xwad ō xwēš kunēd ud harwisp =iz ī ān ī spennāg_mēnōy dāmān ī ahlaw ī ahlāyīh rad hēnd
pad ahlāyīh bē_daham rahwōbirzatō ahlaw ī radīh rōz ud asnī ud māhīgān ud gāhān_bār ud sāl kē hēnd ahlāyīh rad ī pad hāwan radīh
pad ahlāyīh bē_daham xwarišn ud myazd ud hordād ud amurdād ud gōspand ī hudahāg pad šnāyēnīdārīh ī srōš_ahlī ī tagīg tan_framān ī škeft_zēn ī xwadāy ī guft_nām ī yazad
pad ahlāyīh bē_daham hōm ud parāhōm pad šnāyēnīdārīh ī zardušt ī spitāmān ī ahlaw frawahr ī guft_nām yazad
pad ahlāyīh bē_daham esm ud bōy pad šnāyēnīdārīh ī tō ātaxš ī ohrmazd pus ī guft_nām yazad
pad ahlāyīh bē_daham ahlawān frawahr ī čērān ī abar_wēzān ī pōryōtkēšān frawahr ī nabānazdištān frawahr
pad ahlāyīh bē_daham harwisp ān ī ahlāyīh rad
pad ahlāyīh bē_daham harwisp ān ī weh_dahāg yazad ī mēnōyān ud kē =iz gētīyān kē hēnd yazišnōmand ud niyāyišnōmand az ahlāyīh pahlom
pad ahlāyīh ō amāh bē rasād pad frārōnīh
ān ī ōy sūd xwāyam ān ī ōy ohrmazd xwēš mizd pad rād_dahišnīh ka sūd abar be rādēnam
ka ō ēd ī tō stāyīdārīh mānsrīgīh ī ohrmazd abar rasān+ ud hunsand hān+ ud padīrān+ kū =š be padīrān+ ud hunsandīhā ōh kunān+ kē mizd ō manīgān frāz dahē ān ī ō dēnīgān ohrmazd ān ī ō manīgān hāwištān ī man abāyēd dād ā ō =iz man dah
wezest bišāmrūdīg gōwišn
ān ō ōy ohrmazd xwēš mizd ān ō amāh dahē pad ēn axwān pad =iz mēnōyān kū ēdōn pad ān ēdōn abar rasān+
ō ēd tō sālārīh ud ahlāyīh =iz hamē_tā_ō_wisp
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
tā gyāg , bišāmrūdīg gōwišn
pad harw š́iiaōϑə̄nanąm esm ud bōy tāg =ēw frāz ō ātaxš barišn
ahunawar yazam
ān ī rāst gōwišn yazam
dahmān ī wehān āfrīn yazam
ān ī čēr ī tagīg ī dahm_ī_abar_pad_menišn yazad yazam
hordād ud amurdād yazam None gōspand ī hudahāg yazam
hōm ud parāhōm yazam
esm ud bōy yazam pad frāz_wābarīgānīh dahmān ī wehān āfrīn
kē az astān ēdōn pad yazišn abar weh kū yazišn ān weh ī ohrmazd xwadāy rāy kunēnd ohrmazd āgāh az ahlāyīh_abāgīh čēgāmiz =ēw čēgāmiz =ēw kār ud kirbag mizd ud pādāšn āgāh dahēd
hanǰamanīgān narān ud mādagān yazam amahraspandān
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlaw āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
ahlāyīh ābādīh pahlom ast ābādīh ī ahlāyīh weh
tā gyāg , srišāmrūdīg gōwišn
esm ud bōy ō ātaxš barišn
pad ahlāyīh bē_daham xwarišn ud myazd ud hordād ud amurdād ud gōspand hudahāg hōm ud parāhōm ud esm ud bōy pad frāz_wābarīgānī ī ohrmazd ud ahunawar ud ān =iz ī rāst gōwišn ud dahmān ī wehān āfrīn ud ān =iz ī čēr ī tagīg dahm_ī_abar_pad_menišn hōm =iz ud mānsr =iz ud ahlaw =iz zardušt kū pad ahlāyīh ō amāh bē rasād pad frārōnīh
rāspīg pad gāh ī hāwanān guftan
ēd xwarēd mard ān myazd kē ān arzānīg pad ahlāyīh kū =m kār ud kirbag xwēš ōh bawēd franāmišn kū ka =š tis dahēnd ā =š xwēš ōh bawēd ast kē ēdōn gōwēd hād ahlāyīh rāy pad franāmišn arzānīg
zōt
amahraspand =ēd dēn ī mazdēsnān pad xwānišn kē weh nar ud kē weh mādag kū nar =iz ašmāh weh hēd ud mādag =iz ašmāh weh hēd ud zōhr =iz ān weh ī az mēnōy ī ašmāh
kē az awēšān mazdēsnān mazdēsnīh gōwēd ēd gōwād kū mard weh_mard ham ud pad ān ī ahlāyīh bahr zīwād kū bahr ud dāsr wehān xwarād ud kē pad ǰādūgīh gēhān ī ahlāyīh marnǰēnād kū ǰādūg hād abar ašmāh ō ōy nigēzēd daxšag =ēw tāštīg pad =iš paydāg be kunēd kē āb ud urwar zōhr =iz
kē =iz az awēšān mazdēsnān ī purnāyān abar_guftārān ēn gōwišn nē padīrēnd frāz_gōwišnīh kū aməṣ̌a_spəṇta nē gōwād ā =š hambasānīh =ēw ī ǰādūgīh rasād kū =š daxšag =ēw ī tāštīg pad =iš paydāg bawād ast kē ēdōn gōwēd ay rasēd pad nifrīn
ahlāyīh ābādīh pahlom ast ābādīh =ēw ahlāyīh weh
nihānīhā , tā gyāg srišāmrūdīg gōwišn ud dast az barsom ul hištan ud sar ī zōhr nihuftan srōš_drōn xwardan dahān pāk kirdan ud dast pad pādyāb kirdan ud ō barsom nihādan ud ašem_wohū nihānīhā časrušāmrūdīg gōwišn ud yatā_ahū_wayryō bišāmrūdīg gōwišn
pad kāmag ī tō ohrmazd pad nēkīh zzz xwēšān dāmān kū xwēšān dāmān pad nēkīh ī ast pāduxšāyī be kun
pad kāmag āb ud pad kāmag urwar ud pad kāmag harwisp ābādīh ī ohrmazd_dād kē az ahlāyīh paydāgīh bun ud bar ā =šān pāduxšāyīh bē kun
pāduxšāyīh ō ahlawān dahē ud apāduxšāyīh ō druwandān
kāmag_xwadāy hānd ahlawān ud akāmagxwadāy hānd druwandān
ān ī mad ēstēd hamēstārīh bē barānd az spennāg_mēnōy dāmān pad wardagīh ud akāmagxwadāyīh
hāzān+ an =iz kē zarduxšt ham ān ī frāztom az mānān ud wisān ud zandān ud dehān wištāspān ō ēn dēn abar_menišnīh ud abar_gōwišnīh ud abar_warzišnīh ohrmazd ud zardušt
ēn gyāg zōt ud rāspīg abāg_ham be gōwišn
frāxwīh ud xwārīh āfrīnēnam ō harwisp ān ī ahlawān stī
tangīh ud dušxwārīh āfrīnam ō harwisp ān ī druwandān stī
hōm_stawan bun
ahlāyīh ābādīh pahlom ast ābādīh =ēw ahlāyīh weh
tā gyāg , srišāmrūdīg gōwišn
hōm ī ahlaw_zahag hād zahagīh xwēš ahlaw ast kē ēdōn gōwēd ay ān =iz kasān ahlaw be kunēd šnāyēm pad yazišn ud niyāyišn ud šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ud ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnī gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
pad hāwan radīh pad hāwan_gāh hōm abar raft ō zardušt pad ātaxš_gāh pērāmōn yōǰdāsrēnišnīh ka =š ātaxš_gāh kāmist šustan gāhān_srāyišnīh ka =š ān ašem_wohū sē guft kē frawarānē ō pēš
u =š az ōy pursīd zardušt kū kē mard hē hād nē pad yašt ī fradom būd az pēš paydāg u =š dānist kū hōm ōh rasēd ka mad būd ā =š pursīdan abāyist miϑrō_upāit̰_zardušt ān paydāg kū =š šnāxt ēd rāy čē ān zamān abāg yazadān wēš būd ēstād u =š yazad āšnāgtar būd hēnd u =š ēn pargard warm būd u =š abāyist rāy abāg hōm ul guft , ast kē ēdōn gōwēd hād , ohrmazd guft ēstād kū harw dō ōh rasēnd ud ka hōm mad būd ā =š mihr šnāsēd kē man az harwisp ox ī astōmand ā =m nēktar dīd hē čē =t ān ī xwēš ǰān nēk kird ēstēd ud amarg hād ǰān pad frārōnīh amarg kird ēstēd nē ēdōn čiyōn awēšān kē gōšt ī ǰam ǰūd u =šān andar tan amarg kird ēstād tā bē az tan harw kas =ēw amarg , amərəza_gaiiehe_stūna
ō man ōy passox guft hōm ī ahlaw dūr_ōš hād dūr_ōšīh =iš ēd kū ōš az ruwān mardōmān dūr dārēd , rōšn guft hād ahōšīh pad hōm bawēd
an ham zardušt hōm ī ahlaw ī dūr_ōš
ān ān ī man ōh xwāyēd spitāmān frāz man hun ō xwarišn xwarišn rāy bē hun
abar man pad stāyišn stāy andar yazišn čiyōn man pas =iz sūdōmand stāyēnd ā =š ān ī tō tō rāy
u =š guft zardušt kū namāz hōm
kē tō fradom hōm az mardōmān andar astōmandān gēhān hunīd hē ud kē ān tarsagāhīh kird ān nēkīh kū tā =m bawād čē ō ōy mad ābādīh
ō man ōy passox guft hōm ī ahlaw dūr_ōš
wīwanghān man fradom az mardōmān andar astōmandān gēhān hunīd =am ōy ān tarsagāhīh kird ō ōy mad ābādīh ka az ōy pus ul zād kē ǰam_ī_šēd ī huramag kē xwarrahōmandtom az zādān būd xwēš_kārtom ud xwaršēd_nigerišntom az mardōmān būd hučašmtom hād xwarrah ast ī xwēš_kārīh ud ast ī pad tan ī mard ud ān ī pad tan ī ǰam ham_dādestān būd hēnd kū xwēš_kārīh , rōšn guft hād xwarrah ēd ast ī pad tan mard xwarrahōmand dārēd xwēš_kārīh ān rawāg kunēd ka TYPO =š kird pad ān ī ōy xwadāyīh amarg pah ud wīr ud ahōšišn āb ud urwar kū ān ī nē abāyēd hušk nē hušk
xwarišn xwarān anabesihišn kū ka ēk xward būd ēk mad būd
pad ān ī ǰam xwadāyīh ī arwand nē sarmāg būd nē garmāg nē zarmān būd ud nē margīh ud nē arešk ī dēwān_dād hād hamāg būd bē az wināh abāz_dāšt ēstād hēnd
pānzdah_sālag_arōyišn frāz raft hēnd pid ud pus kadāriz =ēw hād burzōg ēdōn nēk būd čiyōn pus pad stāyišn ī pusar guft kū pus ēdōn nēk būd ī pid ud pid ēdōn nēk būd čiyōn pus hamē_tā_ka pādixšāy būd huramag ǰam_ī_šēd ī wīwanghān pus ēn tis ēdōn būd
kē tō didīgar hōm az mardōmān andar astōmandān gēhān hunīd hē kē ān tarsagāhīh kird ān nēkīh kū tā =m bawād čē ō ōy mad ābādīh
ō man ōy passox guft hōm ī ahlaw ī dūr_ōš
āspīyān man didīgar az mardōmān andar astōmandān gēhān hunīd ham ōy ān tarsagāhīh kird ud ō ōy X mad ābādīh kū+ az ōy pus ul zād kē abzār_wis frēdōn hād abzār_wisīh ēd būd kū xānag ī az abar_mānd ī pidarān was būd ān =iz ī dahāg pad stahmagīh abāz grift u =š xwadāyīh ēd ud xwēšāwandīh =ēw paydāg nē būd ōy dāšt kē =š zad az ī dahāg ī sē_zafar ī sē_kamāl ī šaš_aš ī hazār_wizōstār adādag ī pad gōhrag ī was_ōz dēw druz ī wattar ō gēhānān zyāngār ud druwand kē =š was_ōztom druz frāz kirrēnīd gannāg_mēnōy abar_ō astōmandān gēhān pad margīh ī ān ahlāyīh gēhān kū =š az druz ī getī ēk ān stahmagtar būd , kō_ϑβąm_yim_ahurəm_mazdąm , ān ēd āmār kū harw ān ziyān ī =š pad dāmān ī ohrmazd tuwān būd ā =š be kird ud im būd tis ī =š tuwān būd kirdan u =š nē kird
kē tō sidīgar hōm az mardōmān andar astōmandān gēhān hunīd hē ud kē ān tarsagāhīh kird ud čē ō ōy mad ābādīh
ēg ōy ō man ōy passox guft hōm ī ahlaw dūr_ōš
srid ī sāmān ī sūd_xwāstār hād sridīh =iš ēd būd kū pus ī sidīgar būd u =š sūd_xwāstārīh =iš ēd būd kū sūd dāmān nēk dānist xwāst man sidīgar az mardōmān andar astōmandān gēhān hunīd =am ōy ān tarsagāhīh kird ō ōy mad ābādīh kū+ az ōy dō pus ul zād hēnd urwāxš ud kirsāsp dādwar anī būd urwāxš kū =š wizīr ud dādwarīh kird ud dād_ārāstār kū =š dād frārōn be nihād ān anī abar_kār ud ǰuyān gēswar ud gadwar kirsāsp kū =š kār pad gad wēš kird , māhwindād guft kū dād ī tāzīg būd u =š az gēswarīh bē guft
māhgušnasp guft hād ēd =iš nē škeftīh , čē gēs turk =iz dārēnd kē =š zad az ī srūwar ī asp_ōbār mard_ōbār ī wišōmand zard kē =š abar wiš rānēnīd ēstād asp_bālā ān ī zard hād ēn ān ī =š pad kamāl ul šud , xšuuaēpaiia_vanaiia_barəšna , ān anī ī =š pad zafar bē ōbast ast kē ēdōn gōwēd hād harw dō ēk ān_and bālā ul šud ud ān_and drahnā bē ōbast ast kē ēdōn gōwēd hād zzz abar pušt hušk ēstād kē pad ōy abar kirsāsp ā =š pad ān ī āhenēn dēg pid poxt
ān tā_ō rapihwin zamān taft mar kū =š garm būd xwist kū dō_pāy būd
u =š frāz ān ī āhenēn dēg frāz spurd ān ī ayārdēnīdag āb bē raft
parrōn pad tars bē tazīd mard_menišn kirsāsp hād mard_menišnīh ēd būd kū =š dil pad gāh dāšt
kē tō tasom hōm az mardōmān andar astōmandān gēhān hunīd hē ud kē ān tarsagāhīh kird ud čē ō ōy mad ābādīh
u =š ō man ōy passox guft hōm ī ahlaw dūr_ōš
pōrušāsp man tasom az mardōmān andar astōmandān gēhān hunīd =am ōy ān tarsagāhīh kird ud ān ō ōy mad ābādīh
kū+ az ōy tō ul zād hē tō abēzag zardušt andar mān ī pōrušāsp ī ǰud_dēw ī ohrmazd_dādestān ast kē ǰud_dēwīh abāz dō mān gōwēd
andar ān ī nāmīg ērān_wēz kū weh_dāytī tō fradom zardušt ahunawar frāz srūd kū =t yašt ī nāwar kird bē_barišnīh pad bē_gōwišnīh čahār tā_ō ān ī pas pad xrūžd frāz_srāyišnīh tuxšāgīhā
tō andar zamīg nigān kird hēnd harwisp dēw zardušt kē pēš az ān wīr_ārōyišn padīd hēnd abar_pad ēn zamīg pad dēw_kirbīh hād harw ān kē tan mēnōy tuwān būd kirdan ā =š kālbod be škast ān kē nē tuwān būd kirdan xwad bē škast kālbod škastan ēd kū az ān frāz pad dēw_kirbīh wināh nē tuwān būd kirdan tā pad stōr_kirbīh ud mardōm_kirbīh nūn =iz ōh kunēnd kē ōzōmand hē kē tagīg hē kē tuxšāg hē kē tēz hē kē ast kū pērōzgartar dād ēstē az ān ī mēnōyān dām az dām mēnōyān xwēš
u =š guft zardušt kū namāz hōm weh hōm ī hudahāg kū pad frārōnīh dād ēstē ī rāst_dahāg tis ō ōy dahē ī ōh abāyēd dādan weh_dahāg kū tis =ēw weh bē dahē ī bēšāzēnīdār kū tis =ēw ōh bēšāzēnē hukirb hē kū =t kirb nēk hukāmag hē kū =t abāyist frārōn pērōzgar ī zargōn narm_tāg kū tāg ī tō narm ka =t xwarēnd pahlomīh ō ruwān dahē ham_bārīgtom hē kū ham_bār ī ruwān pad tō weh šāyēd kirdan čē garōdmānīgīh pad tō bawēd
bē tō zarrēn māyišn gōw tis =ēw =im pad frahang gōw kū =m dānāgīh bawād bē amāwandīh ud bē pērōzgarīh u =m bawād bē drustīh ud bē bēšāzišnīh bē frāy_dahišnīh ud bē wālišn_dahišnīh bē ōz ī harwisp_tan bē frazānagīh ī harwisp_pēsīd hād kē frazām ī tis =ēw dānēd ā =š hamāg_dānāgīh pad =iš bē az ān čiyōn andar gēhān kāmag_xwadāy frāz rawēnd ud bēš tarwēnēnd ud druz wānēnd bē az ān čiyōn tarwēnānd harwisp ān ī bēšīdārān bēš ī az dēwān ud mardōmān ǰādūgān ud parīgān ud sāstārān ud kayagān ud karabān hād kayag ud karab ān kē pad tis =ēw yazadān karr ud kōr mar =iz ī dō_zang ahlomōγ =iz ī dō_zang ud gurg =iz ī čahār_zang xyōn =iz ī frāx_anīg kū =šān marag was ast kē ēdōn gōwēd hād anīg =išān frāx kē pad frēftārīh padēnd
ēn az tō fradom yān hōm zayam ī dūr_ōš ān ī pahlom axwān ahlawān ī rōšn ī hamāg_xwārīh
ēn az tō didīgar yān hōm zayam ī dūr_ōš drust_rawišnīh ī tan
ēn az tō sidīgar yān hōm zayam ī dūr_ōš dagr_zīyišnīh ǰān
ēn az tō tasom yān hōm zayam ī dūr_ōš čiyōn xwāstār ud amāwand ud padēx frāz rawān+ pad zamīg abar bēš tarwēnān+ ud druz wānān+
ēn az tō panǰom yān hōm zayam ī dūr_ōš čiyōn pērōzgar ud wānīdār pad kōxšišn frāz rawān+ pad zamīg abar bēš tarwēnān+ ud druz wānān+
ēn az tō šašom yān hōm zayam ī dūr_ōš kū pēš az duz ud pēš az gēg ud pēš az gurg wēnām māyišn čārag
ma kas pēš wēnād pēš az amāh az harwispīn pēš wēnēm man ud hāwištān ī man
hōm awēšān kē arwand hēnd ā =šān ān ī frahaxt tuxšāg kunēd asp u =šān zōr ud ōz baxšēd artēštārān
hōm āzādān =iz bē dahēd ān ī rōšn pus ud ān ī ahlaw frazend
hōm awēšān kē kadagīg pad nask_frāz_hamōxtišnīh nišīnēnd pad hērbedestān kirdan ā =šān abzōnīgīh frazānagīh baxšēd
hōm awēšān kē kanīg hēnd nišīnēnd dagr_agrift kū nē gād ēstēnd ā =šān ān āškārag ān rād baxšēd kū =šān šōy bē paydāgēnēd u =šān tēz zayīd ān ī huxrad hād ka ōy mard bē paydāgēnīd pad gyāg andar kār ēstēd
hōm awēšān kē kirsāgīg hēnd ā =šān bē az xwadāyīh nišānēd kē rust hēnd pad xwadāyīh_kāmagīh kū pad xwadāyīh ul āmad ēstēnd kē ǰōyēnd kū nē amāh rāy pas āsrō pad abar_ōšmurišnīh pad kāmag andar deh rawēnd amāh ēdōn kunēm az kird ī amāh bawēd ka nē rawēnd
ān ī harwispīn gurdīh wānēd bē harwispīn gurdīh zanēd pēš ud pas
nēk tō kū tan ī tō nēk mad ēstēd kē pad ān ī xwēš ōz kāmag_xwadāy hē hōm kū =t ōz pad ān kār ī =t abāyēd ā =t tuwān dāštan
nēk tō kē andar dānē was gōwišn ī rāst ī frārōn čē ast rāst ī nē frārōn , kānā_vaca_arəšuxδa
nēk tō kē nē az frāz_ham_pursagīh ān ī arešuxt gōwišn ham_pursag hē ast kū tis =ēw nē gōwē ī ohrmazd andar ham_pursagīh nē guft
frāz tō ān ohrmazd burd parwand aybyāghan ī star_pēsīd ī mēnōyān_tāšīd weh dēn ī mazdēsnān u =š aybyāghanīh ēd kū čiyōn kustīg abāg mard ēw_kardag dēn =iz abāg hōm ēdōn ēw_kardag u =š ēw_kardagīh ēd kū tā hōm nē xwarēd pad dēn āstawān nē bawēd hōm zzz kār andar yazišn
pad ān hē aybyāst pad bālist abar ī garān kū+ ānōh rust ēstē u =t ēn ēw_kardagīh ēdōn tā_ō ān ī drāz abar_rawišnīh tā tan ī pasēn ēstē pad mānsr kū =t andar yazišn kār ōh framāyēnd
hōm kē mānbed hē kē wisbed hē kē zandbed hē ud dahībed hē kū =t mēnōyīhā hamāg_bedīh ud abzōnīgīh ud āgāhbed hē kū =t bē tuwān dād
amāwandīh tō ud pērōzgarīh ō ēn ī man tan abar pad āfrīn ud padēxwīh =iz ī purr_bōzišn xwāstag kē nēkīh ī was az =iš
bē az amāh ān ī bēšīdārān bēš bē menišn =iz barē garān mān xwadāyīh
kē andar ēn mān kē andar ēn wīs kē andar ēn zand kē andar ēn deh kēnīg hād mardōm ī wināhgār gīrē ōy ān ī pāy zōr bē ān ī ōy uš wardēn ud škenn ān ī ōy menišn kun akār =iš be kun
ma pad harw dō zbāl frāz_pattūg hād ma pad harw dō gawē abar_tuwān bawād kū =š pad dast wināh kirdan ma tuwān bawād
ma zamīg wēnād pad harw dō aš ma gōspand wēnād pad harw dō aš kē kēnīg hād ō ān amāh menišn kū tā =mān tis ī frārōn menīdan ma tuwān bawād , ud kē kēnīg hād ō ān ī amāh kirb kū abāg kirb ī amāh kēn dārād
bē az ī zard ī sahmgēn ī wiš_bē_āšift kē =š wiš ō tan bē āšift ēstēd ka kirb nayād ō ōy ī ahlaw hōm ī zarrēn ā =š paydāgēnē zanišn kū =š čārag bē gōw
bē gēg ī ǰud_warzīdār kē ǰuttar warzēd kū ān ī ōh abāyēd warzīdan ī xwarag_xwāh kū rēš kunēd ī āzārdār bē gōw kē kirb nayād ō ōy ī ahlaw hōm ī zarrēn ā =š paydāgēnē zanišn kū =š čārag bē gōw
bē mardōm druwand ī sāstār kē abar ōšišn dād ēstēd kē kasān pad =iš ōšišn kē kirb nayād ō ōy ī ahlaw hōm ī zarrēn ud ā =š paydāgēnē zanišn kū =š čārag bē gōw
bē ahlomōγ ī anahlaw ī axwān_marnǰēnīdār ud hērbed ud dastwar kē menišn ud gōwišn dahēd ud nē pad kunišn bē ayābēd kū =š kardag ī nē bawēd menēd ud gōwēd kū kunam ud nē kunēd kē kirb nayād ō ōy ī ahlaw hōm ī zarrēn ā =š paydāgēnē zanišn kū =š čārag bē gōw
bē ǰahī ī ǰādūg ī mūdag_kirdār kū tis tabāh kunēd abar_panāhīh_burdār kū panāhīh ī wināhgārān kunēd kē ōy menišn frāz frawēd čiyōn abr ud kē zzz ka kirb bē nayād ō ōy ī ahlaw hōm ī zarrēn ā =š paydāgēnē zanišn kū =š čārag bē gōw
bōy ō ātaxš dahišn
didīgar kardag bun
bē pas az ēdar padēnd bē dēw ud bē dēw_ayār ud dēw_ēzag
ud ān ī weh srōš mānēd kū =š mehmānīh bawēd
ahlišwang ēdar mānēd ahlišwang ī weh rāmišn ēdar mehmānīh bawēd u =š rāmišn bawēd abar_andar ēn mān ī ohrmazd xwēš ud kē =iz hōm ī ahlaw_zahag u =š xwēš
pad =iz ān ī frōdtom hāwan tō pad gōwišn abar stāyēm huxrad ka =t andar ān gyāg ō_ham kunam kū andar kunam
pad =iz ān ī abardom hāwan tō pad gōwišn abar stāyēm huxrad ka =t andar ān bē zanam pad ān ī mardān ōz
stāyēm miznāh ud wārān pad =iz ēd rāh ī ō pēš gōwam kē ēn tō kirb waxšēnēd pad bālist abar garān
stāyēm gar ī buland kū ānōh hōm rust ēstē
stāyēm zamīg ī widargōmand ī pahn ī kāmag_ox ī xwābar kē burdār tō hōm ī ahlaw
stāyēm zamīg kū rust ēstē ān gyāg pad_nāmčišt
hubōyīh ud arwandīh kirdār hē pad gētī
u =t ēdōn meh ārōyišn ārōyišn ī tō tis =ēw ī meh hōm kē tō rust ēstē pad gar abar
ud ēdōn frāz dād ēstē pad wišpatah āškārag ahlāyīh xān hē rōšnag kū kār ud kirbag ōh abzāyēnē
ud wālēnē menišn gōwišn kū frārōntar be kunē pad harwisp ēwan abar pad harwisp spīg abar pad harwisp tāg abar
čiyōn guft dō bār guftan ,
bōy ō ātaxš dahišn
hōm waxšēd ka =š stāyēnd ēdōn mard kē ōy stāyēd pērōzgartar bawēd
pad =iz ān ī nidōm hōm_hunišnīh ud pad =iz ān ī nidom hōm_stāyišnīh ud pad =iz ān ī nidom hōm_xwarišnīh yašt =ēw ī ušahin ēk_hazār_γnišnīh ast dēwān kū hazār be škihēnd
nasēnēd pad āgenēn frāz kunēd ān ī abārīg az ān mān āhōgēnišn
ānōh kū bāstān abar abāgēnēnd kū be kunēnd ānōh kū bāstān abar stāyēnd hōm ī bēšāzēnīdār
paydāgēnēd drustīh ud bēšāzēnišnīh andar ān ī ōy wīs dastgird ud ēdōn andar mēhan xānag
harwisp ān anī māyišn hād māyišn abāyēd guftan ā =š xešm abāg ī xurdruš
ud ān ī hōm māyišn ā =š ahlāyīh abāg ī yyy urwāhmen kār ud kirbag kē mard pad rāmišn dārēd
sabuk ān ī hōm māyišn nē tis =ēw garān kē čiyōn pus ī tarrōg hōm wandēnd mardōm kū =š pahrēz kunēnd frāz ān ī awēšān tan hōm padīrēd bēšāzišnīh
hōm dah ō man bēšāzišnīh kē pad awēšān hē bēšāzēnīdār kū =t tuwān dād
hōm dah ō man pērōzgarīh kē pad awēšān hē pērōzgarīh bēš_tarwēnīdār
frāz az tō padīram dōstīh stāyīdārīh kū =š dōst be bawam u =t ōh stāyēm čē =š dōst ī stāyīdār rāy ō man guft ohrmazd kū =m weh dād az ahlāyīh ī pahlom kū =m dēn_burdār weh dād kū dēn čē dēn =iz rawāgīh pad rāh ī dēn_burdārān šāyēd būdan
arwand tō dānāg baγ tāšīd hē ī xwābar pad mēnōyīh
arwand tō dānāg baγ bē dād hē ī xwābar ō gētī
pad harburz abar tō ānōh pad ān ī abzōnīg ā =iz frāz_daxšagīh ka =šān pad daxšag ī murwān be kird hē ud murwān ǰud_ǰud bē burd hē abar ō škeft ī abār_sēn ēn nāfag ēw_čand zand nē guft nām ī ān kōfīhā ud daštīhā kē =š hōm andar rust ēstād
andar ān gyāg purr_tāg purr_sardag be rust hē hōm ī čarb ī zarrēn_gōn
ān tō bēšāzišnīh ǰomā pad ān ī wahman paymān and čand abāyēd , nē ēdōn čiyōn biš ud balādur čē ān bawēd ī ka wiš_bēšāzišnīh rāy mardōm be ōzanēd čē man ī ōy dušsaxwan ā =š az pas =iš , bast menišn
ān ī menišn_menīdārīh gōwam kē ō man pad dušsaxwanīh ēstēd kū =m tis =ēw ī zišt aw =iš gōwēd
namāz hōm kē kunēd ōy ī driyōš hāwand meh_menišn čiyōn ōy =iz ī rāyōmand , ka ōy az tis =ēw ī xwurdag rāmišn ēdōn čiyōn ōy az tis =ēw stabr
namāz hōm kē kunēd ōy ī driyōš hāwand meh_menišn čiyōn hunsandīh raft ēstēd čiyōn mowbedān mowbed az pāduxšāyīh rāmišn ōy =iz az yaštārīh ay rāmišn ēdōn
purr_mard tō kun mard ēdōn was kunēd ī abzōnīg ī frazānagīh_ayār kē tō bāstān hōm ī zarrēn ō gōšt gumēzed , aršuxδanąmca , baxšēd pad bahr
ma čiyōn man gāw ī drafš ā =m tēz az wārom rawē čiyōn gāw ī drafš pad ēn gyāg ēstādan nē tuwān tō =iz wināhgārīh rāy pad tan ī man mehmānīh nē bawād
frāz franāmam ēd tō zzz kū dārišn be kunam u =m ō tō kāmag_axwīh rasēn kū =m kāmag pad ox abāg ān ī pad menišn rāst be kun
bē_ō tō hōm ī ahlaw ī ahlaw_zahag daham ēn ī man tan kē wēnihēd hurust
u =t bē hilam pad zanišn kū =t bē frāyēm ūn zzz marān gilistag ī wattarān ast kē ēdōn gōwēd hād be hilēš kē menēnd kū frēbam ud frēbēnd ōy =iz ī āsrō kē hērbedestān kunēd ōy =iz hōmīg kē yazišn kunēd u =šān pad ān frēb bē nasēn kū =šān apaydāg kun kē ēdōn ān ī hōm sūr ō ǰōyišn bē nihēd hōm_drōn kū nē yazēd ōh xwarēd nē ōy ān ī āsrō pus ā =š bawēd u =š nē dahihēd hupusīh pad ān ī abārīg
pad panǰrīn ham ud pad panǰrīn nē ham pad panǰ kas mehmānīh ast pad panǰ kas nēst
pad ōy kē humat ham ud pad ōy kē dušmat nē ham
pad ōy kē hūxt ham ud pad ōy kē dušhūxt nē ham
ud pad ōy kē huwaršt ham ud pad ōy kē dušhuwaršt nē ham
pad ōy kē srōš ham dastwar dārēd ud pad ōy ī asrušt nē ham kē dastwar nē dārēd
pad ōy kē ahlaw ham ud pad ōy kē druwand nē ham
ēg =iz az ān tā_ō ān ī abdom ka mēnōyān ast bē_wizārišnīh ā =m ēn tis ēdōn
u =š guft zardušt kū namāz hōm ī ohrmazd_dād weh hōm ī ohrmazd_dād namāz hōm abāz =iš ō namāz šud
harwisp hōm abar stāyēm kē =iz pad bālist abar ī garān kē =iz andar ān ī zofr rōstāg kē =iz pad tangīh dārēnd ǰahbad hād tangīh =iš az ān kē =š tis =ēw abārōn pad =iš kunēnd
ka andar ān asemēn tašt ō ān ī zarrēn abar tazēnd kū =t az zōhr_barān bē dō padišxwar wardēnam ud nē tō abganam ō zamīg abar kē ēdōn rāyōmand ud arzōmand hād arz ī tō ēdōn čiyōn mard =ēw ī abzārōmand
awēšān tō hōm gāhān čiyōn tō ud abārīg yazadān az gāhān rāmišn tō az ēn pargard u =t awēšān hēnd stāyišn stāyišn ī tō ēn pargard
u =t awēšān hēnd čēgāmiz =ēw čāšišnīh nērang sē bār xward tis =ēw sar abganēd u =t awēšān hēnd ān rāst gōwišn drōn drōn ī tō ēn pargard ay ēn māhwindād guft
ud dādohrmazd guft hād awēšān tō hōm gāhān ān ašem_wohū sē u =t awēšān hēnd stāyišn , aϑā_nā_yō_dim_staōiti , čiyōn mard kē hōm tō stāyišn kunēnd u =t awēšān čēgāmiz =ēw čāšišnīh u =t awēšān hēnd ān ī rāst gōwišn bišāmrūd , X
drustīh ud pērōzgarīh abar_pad bēšāzišnīh bēšāzēn kū drust dār
awēšān tō =iz ō man frāz franām ēd ī tō māyišn rōšn franām ēd ī tō māyišn rōšnag ēd kū =m dahē
sabuk wazēnand māyišn
pērōzgar hē ka =t stāyēnd ham ān pad =iz gāhān guft kū kē ō gōspandān niyāyišn kū āb ud wāstar ā =š az gōspandān niyāyišn šīr ud waččag u =š az gōspandān gōwišn u =š az gōspandān pērōzgarīh u =š az gōspandān xwarišn u =š az gōspandān wastarg
hād čiyōn pad gāhān guft kū kē ō gōspandān niyāyišn ā =š az gōspandān niyāyišn , ēdar ēd gōwam kū kē hōm stāyēd pērōzgartar bawēd
ān gōspand warzīdārīh pasušhorw ān amāh rāy xwarišn fšūnēnēd kū amāh rāy abāz pardāzēd
hōm ī zargōn ī buland yazam
hōm ī frāšm ī frāy_dādār_gēhān yazam
hōm ī dūr_ōš yazam
harwisp hōm yazam
zardušt ī spitāmān ēdar ī ahlaw ā =š ahlāyīh =iz ī frawahr =iz yazam
kē az astān pad yazišn abar weh kū yazišn ān weh ī ohrmazd xwadāy rāy kunēnd
sidīgar kardag bun
bōy ō ātaxš dahišn
sē āškārag_ahlaw kē pad āfrīn_gōwišnīh rafēnd ay sēīh ast ī rōšnag kū nifrīn ōh kunēnd gāw ud asp ud hōm
gāw zōt rafēd kē andar dārišn kū ēdōn bawē afrazend u =t ēdōn dusrawīh abāg bawād kē man rāy xwāstag nē baxšē ō arzānīg ēg man tō fšūnēnē kū =m abāz pardāzē nārīgān pusarān ān ī xwēš mulān rāy
asp ō ōy burdār rafēd kū ma bawē arwandān āyōxtār kū =t tāxtan ma tuwān bawād ma arwandān abar nišastan ma arwandān abar nihaxtan kū abāz dāšt ma tuwān bawād kē pad ān ī man zōr nē zayē kār ud dādestān ka was mad ēstēnd pad ham_rasišnīh was mard ī kirdār
hōm ō xwardār rafēd kē abāyēd xward nē xwarēd kū ēdōn bawē afrazend u =t ēdōn dusrawīh abāg bawād kē man bē az hunišn dārē kū =m andar yazišn kār nē framāyē čiyōn duzz ī purdag_sar wābarīgān nē dārišn tō =iz man ēdōn awābarīgān dārē ud nē ham purdag_sar čē an ham hōm ī ahlaw ī dūr_ōš
ān ī man pidar hamēšag ān ō hōm sūr franāft ohrmazd ī ahlaw ērwārag franāft uzwān ān =iz ī hōy dōysr
kē az man ān sūr zinēnēd ayāb truftēnēd ayāb bē apparēd kē =š ō man dād ohrmazd ahlaw ērwārag abāg uzwān ān =iz ī hōy dōysr ay nē andar ān ī ōy mān zāyēd āsrōn nē artēštār ud nē wāstaryōš čē andar ān mān zāyēd ān dahišn_kāhēnīdār kē dahišn ī ohrmazd be kāhēnēd mūdag_kirdār kū tis tabāh be kunēd ī purr_sardag_warzīdār kū kār ud dādestān ī was frāz gīrēd ud ēk =iz pad frazām be nē kunēd
tēz ka ān gōšt frāz brīnēd kū gōspand kušēd tuxšāgēnēš ān ī ān hōm sūr kū hōm_drōn bē paydāgēn kū ma tō hōm bannād čiyōn =iš mar bast ī tūr frangrāsiyān pad mayān srišwadag ī ēn zamīg kē pērāmōn ān xwēnāhen asmān
ēn māhwindād guft
dādohrmazd guft az pērāmōn āwist ēstēd kū =š drubuštīh pērāmōn kird ēstēd
u =š guft zardušt kū namāz hōm ī ohrmazd_dād weh hōm ī ohrmazd_dād namāz hōm
rāspīg , parāhōm pad dast hōy abar griftan pad gāh frabardārān barišn andar čahār angušt barsom dārišn be gōwišn
kē az amāh ēk dastwar_mard =ēw gīrēd ān amāh dōrīn ud sērīn ud čahārrīn ud panǰrīn ud šašrīn ud haftrīn ud haštrīn ud nohrīn ud dahrīn xwēš šāyēd būd kē =mān az ašmāh mad ēstēd ēn nēkīh
zōt dast pad bun ī barsom frāz dārišn frabardār parāhōm ul ō dast dašn ī zōt nihišn ,
zōt
bē_ō tō hōm ī ahlaw ī ahlaw_zahag daham ēn ī xwēš tan kē man wēnihēd hurust kū tā =mān bawād huaxwīh ud hudilīh ahlawīh abēzagīh
bē_ō man tō =iz dah hōm ī ahlaw ī dūr_ōš ān ī pahlom axwān ī ahlawān ī rōšn ī hamāg_xwārīh xwāyam u =m tō =iz dah
ahlāyīh ābādīh pahlom ast , ābādīh =ēw ahlāyīh weh
wezest srišāmrūdīg gōwišn , ud parāhōm pad sē bār xwardan harw bār rāspīg ašem_wohū dō guftan ud zōt dahān pāk kirdan ud dast harw dō pad pādyāb kirdan abar barsom nihādan
ahlāyīh ābādīh pahlom ast ābādīh =ēw ahlāyīh weh
wezest časrušāmrūdīg gōwišn
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest bišāmrūdīg gōwišn
pad kāmag tō ohrmazd pad nēkīh pādixšāyēn ō xwēšān dāmān kū xwēšān dāmān pad nēkīh ast pādixšāyīh be kun pad kāmag āb ud pad kāmag urwar ud pad kāmag harwisp ābādīh ī ohrmazd_dād kē az ahlāyīh paydāgīh bun ud bar ēg =išān pādixšāyī be kun
pādixšāyīh ō ahlawān dahē ud apādixšāyīh ō druwandān
kāmag_xwadāy hānd ahlawān akāmagxwadāy hānd druwandān
ān ī mad ēstēd hamēstārīh bē barān+ az spennāg_mēnōy dāmān pad wardagīh ud akāmagxwadāyīh
hāzān+ an =iz kē zardušt ham ān ī frāztom az mānān ud wisān ud zandān ud dehān wištāsp ō ēn dēn abar_menišnīh ud abar_gōwišnīh ud abar_warzišnīh ī ohrmazd ud zardušt
frāxwīh ud xwārīh āfrīnēnam ō harwisp ān ī ahlawān stī
tangīh ud dušxwārīh āfrīnēnam ō harwisp ān ī druwandān stī
panǰom hād frastui
ahlāyīh ābādīh pahlom ast ābādīh =ēw ī ahlāyīh weh
wezest srišāmrūdīg gōwišn
franāmam mazdēsnīh zardušt kū andarg wattarān gōwam ī ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh rad ī rōz asnī hangām ud māhīgān gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
frāz stāyēm humat ud hūxt ud huwaršt pad menišn ud gōwišn ud kunišn
bē_gīrišn daham harwisp humat ud hūxt ud huwaršt kū kirbag kunam
bē_hilišnīh daham harwisp dušmat ud dušhūxt ud dušhuwaršt kū wināh nē kunam
frāz ō ašmāh rādēnam kē amahraspand =ēd yazišn āšnāg ud niyāyišn ustōfrīd
frāz pad menišn ud frāz pad gōwišn ud frāz pad kunišn ud frāz pad ox menišnīg ud frāz pad tan ud ān =iz ī xwēš ǰān kū tan pad xwēšīh ī ašmāh dāram ud pad xwēšīh ī ašmāh dāštan ēd kū agar =im tan ruwān rāy bē abāyēd dādan bē_daham
stāyēm ahlāyīh
ahlāyīh ābādīh pahlom ast ābādīh =ēw ahlāyīh weh
wezest ēwāmrūdīg gōwišn
nikōhēm dēwīh hād abāg =iz ēd kū ka =m ahlāyīh stāyīd ā =m dēw nikōhīd bawēnd ā =šān pas =iz pad ǰudāgīh bē nikōhēm
ud franāmam mazdēsnīh ī zardušt ǰud_dēw ī ohrmazd_dādestān kū =š andarg wattarān be gōwam
stāyēm amahraspandān yazam amahraspandān kū =šān andar yazišn =ēw ōh stāyēm
ō ohrmazd ī weh ī weh_paymān harwisp ābādīh čāšēm kū hamāg pad xwēšīh ī ohrmazd dāram
ahlaw ān ī ohrmazd ī rāyōmand ī xwarrahōmand
kē čēgāmiz =ēw pahlomīh ōy dād kē ōy gōspand dād kē ōy ahlāyīh kē ōy rōšnīh kē ō rōšnīh gumēxt xwārīh ast kē mizd gōwēd
spandarmad ī weh dōšēm pad astīh ān man ast kū =m pad tan mehmān bawād
ul gōspand stāyēm az duzzān ud stahmagān kū =šān nē xwēš ul az ān ī mazdēsnān wis ziyān ud wiyābānīh kū nē abāyēd kirdan
frāz pad menišn rād ham ō kāmag_āyišnān kāmag_mānišnān kē pad abāyist bē_ō dēn āyēnd ud pad dēn bē ēstēnd ā =šān menišnīg rādīh abar kunam kē abar_pad ēn zamīg pad gōspandōmandīh mānēnd daxšag gōwēd
niyāyišn ō ahlāyīh ul_daham kū tan bē_ō dēn daham abar ēdōn stāyēm kū tis =ēw nēk
nē az ān čiyōn nē abāyēd kirdan pad ziyān ud nē pad wiyābānīh rawam =iz ō ān ī mazdēsnān wis nē tan ud nē ǰān dōšāram rāy ud nē weh_zīyišnīh X rāy nē wēš_zīyišnīh rāy az dēn abāz nē ēstam
bē az dēwān ī wadagān awehdahān ī adādestānān ī wattar_dahāgān ā =šān sālārīh gōwam kū pad sālārīh nē abāyēnd dāštan kē az astān drōzantom hēnd kē az astān pūdagtom anabedāntom ī az astān awehtom hād harw dō ast astīh ud nēstīh u =šān astīh ēd kū ō nūn hēnd u =šān nēstīh ēd kū pas nē bawēnd bē az dēwān ud bē az dēw_ayārān dēw_ēzagān bē az ǰādūgān mardān ud zanān ud bē az kadāriz =ēw kē ast wattarīh bē pad menišn ud bē pad gōwišn ud bē pad kunišn kū meh kār ī abar be abāyēd kirdan bē pad paydāgīh āškārag bē az awēšān sālārīh gōwam kē ēdōn druwand ud rēšīdār hēnd pad hamāg abāz
ēdōn čiyōn guft ēdōn =iz ohrmazd ō zardušt pahikārd kū =š guft pad harwisp frašn pad harwisp ham_rasišnīh ka ham_pursīd hēnd ohrmazd ud zardušt ā =š ēd guft kū dēw pad sālārīh nē abāyēnd dāštan
čiyōn guft ēdōn =iz zardušt az dēwān sālārīh bē guft pad harwisp frašn ud harwisp ham_rasišnīh ka ham_pursīd hēnd ohrmazd ud zardušt ā =š guft kū dēw pad sālārīh nē abāyēnd dāštan
ēdōn an =iz kē mazdēsn ī zardušt ham az dēwān sālārīh bē gōwam čiyōn =iš az awēšān bē guft kē ahlaw zardušt
u =m kāmag ān ī āb u =m kāmag ān ī urwar u =m kāmag ān ī gōspand ī hudahāg u =m kāmag ohrmazd kē gōspand dād ud mard ī ahlaw u =m kāmag ān būd zarduxšt u =m kāmag ān ī kay wištāsp u =m kāmag ān ī frašōštar ud ǰāmāsp u =m kāmag ān ī kadāriz =ēw sūdōmandān ī āškārag_warzīdārān ī ahlawān
pad ān kāmag ud dādestān ēdōn čiyōn guft mazdēsn =am kū mard weh_mard =am ud mazdēsnīh ī zardušt franāmam kū andarg ī wattarān gōwam
stāyēm xwad ud franāmam kū andar gēhān rawāg be kunam
stāyēm humat ī pad menišn ud stāyēm hūxt ī pad gōwišn ud stāyēm huwaršt ī pad kunišn
ud stāyēm dēn ī weh mazdēsnān kē frāz_abgand_āyōzišnīh nihād_snehīh az =iš paydāg ēd az =iš paydāg kū pad apahikārradīh ō kasān nē abāyēd šudan kē pad apahikārradīh abar āyēd ā =š pahikār_radīh xūb abāg abāyēd kirdan
kē xwēdōdahīh az =iš paydāg kū ōh abāyēd kirdan ahlawī kē az astān būdān bawēdān mahist ud pahlom nēktom kē ohrmazd ud zardušt xwēš
ō ohrmazd harwisp ābādīh čāšam kū bun ud bar hamāg pad xwēšīh ī ohrmazd dāram ēd =iš ast dēn ī mazdēsnān āstawānīh bowandag
ohrmazd rāy gōwam , mān mānbed rad ān , wis wisbed rad ān , zand zandbed rad ān , deh dahībed rad ān ,
ud mādagān rad gōwam dēn ī mazdēsnān ahlišwang ud pārand ā =iz =išān rad ī mādagān gōwam kē =iz dō_padištān ahlawī kū zan =ēw ī nēk u =š rad ī mādagān gōwam ēn zamīg kē ān ī amāh dahišn burdār u =š rad ī mādagān gōwam
dōst burdār tan rad gōwam ī ātaxš ī ohrmazd kē ohrmazd dōst u =š pad tan mehmān u =š rad ī ātaxš gōwam
ōy ī was_ranǰ_rasišntom ī kār_warzīdārtom az mardān ī ahlawān wāstaryōšān rad gōwam
ōy kē wistārtom tigr pad ahlāyīh artēštārān rad gōwam
ōy kē mahist āgāhīh ī pad dēn ī mazdēsnān āsrōnān rad gōwam ī čāšīdārtom az awēšān
rad gōwam ud rad ēstēnam az amahraspandān ī sūdōmandān ī dānāgtom ī rāst_gōwišntom ī abar_madārtom ī was_xrad_kirdārtom
ōy kē ān ī mahist amāwandīh guft ēstēd pad dēn ī mazdēsnān mowbedān mowbed kū āsrōnān ud artēštārān ud wāstaryōšān rad ān
bē_ō ašmāh amahraspand ī huxwadāy ī hudahāg hēd daham ān ī man tan ud ān =iz ī xwēš ǰān bē harwisp huzīyišnīh bun ud bar
ēdōn pad menišn menam ēdōn gōwam ud ēdōn warzam
ēdōn čiyōn tō pad ān harw dō ohrmazd pad ān harw dō tis ī mēnōy ud gētī menišn hē kū tis =ēw tō ōh menišn ud gōwišn hē kū tis ī tō ōh gōwišn ud dahišn hē kū tan bē_ō tō dahišn ud warzišn kū tis =ēw tō ōh warzišn ī weh pad hamāg kār abāz ēdōn ō tō daham xwad ud ēdōn čāšam ō kasān ud ēdōn tō pad āyišn ka andar gēhān ōh āyam ud ōh šawam ā =t ōh yazam u =m ēdōn niyāyišnēnē nēkīh ī gētī u =m ēdōn abāmēnē kū =m abām pad tō bawād ohrmazd
wezest bišāmrūdīg gōwišn
pad ān ī weh xwēšīh ud xwēš_rawišnīh kū tō xwēš hēm ud pad ēd ī tō ēstam pad ān ī weh tarsagāyīh ō tō bē rasam kū tarsagāyīh pad tis =ēw tō weh kunam pad ān ī weh sālārīh hordād ud amurdād pad ān ī weh bowandag_menišnīh kū pad tis ī weh bowandag_menišn bē bawam
gōspand ī hudahāg ud gayōmard =iz ī ahlaw frawahr yazam
zardušt ī spitāmān ēdar ahlaw ud ahlāyīh =iz ī kār ud kirbag frawahr =iz yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
tā gyāg
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest čahrušāmrūdīg gōwišn
ahlāyīh ābādīh ī pahlom ast ābādīh =ēw ahlāyīh weh
wezest srišāmrūdīg gōwišn
ahunawar yazam
ahlāyīh ī pahlom ī nēk ī amarg ī abzōnīg yazam
frawred_hād yazam ēn pargard
franāmišn ud āstawānīh ī dēn ī mazdēsnān yazam , ān mēnōy ī ka bē dēn āyēnd ud pad dēn āstawān be bawēnd pad rāh ī ōy
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
šašom hād frīd bun
padīram az ašmāh amahraspandān stāyišn ud zōtīh ud xwānišnīh ud yaštārīh franāmišn abar_gīrišnīh ān ī ašmāh yazišn ud niyāyišn kē amahraspand hēd ōh kunam ān amāh huaxwīh ud ahlawīh kē sūdimand ī ahlaw hēm
bē_ō ašmāh amahraspand huxwadāy hudahāg daham ān ī man tan ud ān =iz ī xwēš ǰān bē harwisp huzīyišnīh bun ud bar
pad ēn zōhrag ud barsom harwisp ī ān ī ahlaw yazad xwāyam ō ēn yazišn
ud harwisp ī ān ī ahlāyīh rad xwāyam ō ēn yazišn pad hāwan abar radīh ud sawang ud wīs =iz abar radīh rad ī harwisp ī meh ī abar radīh
franāmam mazdēsnīh ī zardušt kū andarg wattarān gōwam ī ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh rad ī rōz ud asnī hangām ud māhīgān ud gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ud ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
zōt ud rāspīg harw dō be gōwišn
barsom hašt pad dōgān =ēw az dašn ōšmurdan
barsom abar gīrišn ēk tāg rāsttar ī stabrtar pad datuš gīrišn be abrāzēnišn barsom ō māhrō barišn
pad hamōxtišn ka tis frārōn hamōxt ēstam ud ayārīh ī amahraspandān rāmišn ī xwēš amahraspandān pad ān ī weh nēk nām xwānam frāz yazam pad ārzōg ī ān weh ahlāyīh abāyist ī ō kār ud kirbag ārzōg ī dēn ī weh mazdēsnān abāyist ī ō ēn dēn rāy
skūrag abāz rāst gīrišn ǰīw abāz baxšišn
ōy kē man az ahlāyīh_abāgīh ī pahlom kū abāgīh az ahlāyīh rāy az yazadān ān meh ī man yazišn abar ō ōy āgāh ohrmazd kē būd hēnd ud kē =iz bawēnd awēšān yazam pad ān ī xwēš nām u =šān abar rasam ō ayārīh kū =šān hamāg ayārōmandīh ōh kunam ud ōh daham
ōy ī weh xwadāy pad kāmag bahr abar_barišnīh kū bahr ō ōy daham kē xwadāyīh ī nēk abāyēd
frāgām ud ǰām ō war ī grih ī barsom burdan
ēdōn ēdar niyōxšišn ēd ast ohrmazd ō yazišn kū bē_ō ēn yazišn rasād ī sūdimand ī ahlaw ān ī ohrmazd kē amāh xwāstār nēkīh čiyōn fradom menišnīg andar_ō ēn yazišn ēstād =am ā =š abdom =iz ēdōn menišnīg sar be kunam
ēdar ēdōn niyōxšišn =ēw ast ohrmazd ō yazišn kū bē_ō ēd yazišn rasād ī sūdimand ī ahlaw ān ohrmazd kē amāh xwāstār nēkīh
čiyōn ahū kāmag čiyōn ohrmazd kāmag ādarwaxš frāz ō man gōw ēdōn radīhā ēdōn dastwarīhā az ahlāyīh čēgāmiz =ēw frāz ahlaw āgāhīhā gōwam
ohrmazd ī ahlaw ī ahlāyīh rad yazam xwadāy ī mahist yazam ī sūd_xwāstār ān ī ohrmazd ī frāy_dādār_gēhān
ā =iz dādār ī wehīgān dāmān pad awēšān ī rādēnīd zōhr andar zōhr_barān ān =iz ī rāst gōwišn abestāg ī rāst ud harwisp =iz ān ī ahlaw mēnōy yazad yazam
zardušt ahlaw ī ahlāyīh rad yazam
pad awēšān rādēnīd zōhr ī andar zōhr_barān ud ān =iz ī rāst gōwišn abestāg ī rāst ud harwisp =iz ī ān ī ahlaw gētī yazad yazam
zardušt ī ahlaw frawahr yazam
ān ī zardušt sraw yazam
ān ī zardušt dēn yazam
ān ī zardušt kāmag ud dādestān yazam kē andar axwān ahlāyīh_kāmagtom būd az pēš_dādān dāmān ī ahlawān
dādār ohrmazd rāyōmand xwarrahōmand yazam
ān ī weh menišn wahman yazam
ahlāyīh ī pahlom yazam
xwadāy_kāmag xšahrewar yazam
spandarmad weh ī bowandag_menišnīh yazam
hordād yazam
amurdād yazam
dādār ohrmazd yazam
ātaxš ī ohrmazd pus yazam
āb ī weh ī ohrmazd_dād ī ahlaw yazam
xwaršēd ī arwand_asp yazam
māh ī gōspand_tōhmag yazam
tištar star ī rāyōmand xwarrahōmand yazam
ān ī gōspand ī hudahāg ruwān yazam
dādār ohrmazd yazam
mihr frā_gāwyōd yazam
srōš_ahlī yazam
rašn ī rayistag yazam
ahlawān ī wehān ī abzārān ī abzōnīgān frawahr yazam
pērōzgarīh ī ohrmazd_dād yazam
rāmišn ī xwārom yazam
wād ī abzōnīg hudahāg yazam
dādār ohrmazd yazam
dēn ī weh ī mazdēsnān yazam
ahlišwang ī weh yazam
aštād yazad yazam
asmān yazam
zamīg ī hudahāg yazam
mānsr_spand yazam
anagr ī asar rōšnīh ī xwadād yazam
ān ī nēk_kird ahlāyīh warzišn yazam garōdmān kē andar ān ān ī widardagān ruwān āsāyēnd kē ahlawān frawahr
pahlom axwān yazam ī ahlawān ī rōšn ī hamāg_xwārīh
šīrēnīh ud čarbīh yazam kē tazišn ī āb ud waxšišn ī urwar āz ī dēwān_dād hamēstārīh rāy ud ān mūš ud ān parīg abāz_ēstišnīh rāy kū tā ān ī mad ēstēd abāz ēstēnād abāz_wisinnišnīh rāy abāz_tarwēnišnīh rāy kū ān ī andar rāh ēstād hād abāz dārād ud padīrag_rasišnīh ī bēš rāy kū tā az bun bē nē hilād ud ahlomōγān =iz ī anahlaw rāy ud sāstār =iz ī purr_marg rāy kū tā anāgīh ī az awēšān abāz dārād
yazam harwisp āb ,
yazam harwisp urwar pad ēw_kardagīh
yazam harwisp kē weh nar hēnd ,
ud yazam harwisp kē weh mādag hēnd
yazam harwisp kē mēnōy yazad ud kē =iz gētī kē weh_dahāg ud ahlaw hēnd
yazam abardom mēhan ud abardom gēhān kē spandarmad pad kadag_bānūgīh
yazam abardom mēhan ud abardom gēhān kē ped ahlaw ohrmazd pad kadag_xwadāyīh drust_ramag ud drust_wīr az ōy be drust drust_ahlāyīh_paydāgīh az ōy be drust
čiyōn az ōy bē kadāriz =ēw kē tanān drāztar amāh pad mānišn mānēm ēdōn pad hāmīn ud ēdōn pad zamestān kū =m apagaiiehe , ma bawād
ohrmazd ī ahlaw ī ahlāyīh rad yazam
amahraspandān ī huxwadāyān ī hudahāgān yazam
asnī ī ahlaw ī ahlāyīh rad yazam
hāwan ī ahlaw ī ahlāyīh rad yazam
sawang mēnōy =ēw ī abāg hāwan ham_kār ud wīs =iz ī ahlaw ī ahlāyīh rad yazam
mihr ī frāy_gāwyōd hazār_gōš ī bēwar_čašm ī guft_nām yazad yazam
u =š frāy_gāwyōdīh ēd kū ka mardōm ēw_tāg pad dašt frāz rawēd pad rāh ī mihr
u =š hazār_gōšīh ēd kū =š panǰ_sad yazad abāg hēnd kē kār ī gōšīh kunēnd ud gōwēnd kū ēn āšnaw ud ān =iz āšnaw
u =š bēwar_čašmīh ēd kū =š panǰ_hazār yazad abāg hēnd ī kār ī čašmīh kunēnd ī gōwēnd kū ēn wēn ud ān =iz wēn
rāmišn xwārom yazam ān mēnōy ī ka xwarišn mizag dānēnd pad rāh ī ōy
rapihwin ī ahlaw ī ahlāyīh rad yazam
frāy_dādār_fšēy mēnōy =ēw ī abāg rapihwin ham_kār ud ramag gāwān bē abzāyēnēd ud zand =iz ahlaw ī ahlāyīh rad yazam mardōm andar xwēš_kārīh rad
ahlāyīh ī pahlom ud ātaxš =iz ī ohrmazd pus yazam
uzayrin ī ahlaw ī ahlāyīh rad yazam
frāy_dādār_wīr mēnōy =ēw ī abāg uzayrin ham_kār ud ramag mardōmān bē abzāyēnēd ud deh =iz ī ahlaw ī ahlāyīh rad yazam mardōm ī andar xwēš_kārīh moy_andarzbed
burz ī xwadāy mādagān rōšn ī ābān_nāf arwand_asp yazam ud āb =iz ī ohrmazd_dād ī ahlawī yazam
aybisrūsrim_aybigāy ahlaw ī ahlāyīh rad yazam
frāy_dādār_harwisp_huzīyišnīh mēnōy =ēw ī abāg aybisrūsrim ham_kār ud zarduštōdom =iz ī ahlaw ī ahlāyīh rad yazam mardōm =ēw andar xwēš_kārīh mowbedān mowbed
ahlawān ī wehān ī abzārān ī abzōnīgān frawahr yazam ardā_fraward ī mardōmīh
ast kē ān ī gōspandān gōwēd
sālān =iz humānišnīh yazam
amāwandīh =iz ī hutāšīd ī hurust yazam
pērōzgarīh =iz ohrmazd_dād yazam
wānīdārīh =iz ī pad abar_rawišnīh yazam
ušahin ī ahlaw ī ahlāyīh rad yazam
burzī mēnōy =ēw ī abāg ušahin ham_kār nmānī =iz ī ahlaw ī ahlāyīh rad yazam mardōm andar xwēš_kārīh dādwar
srōš_ahlī ī hurust ī tarsagāy ī pērōzgar ī frāy_dādār_gēhān ahlaw ī ahlāyīh rad yazam
rašn ī rayistag yazam
aštād =iz ī frāy_dādār_gēhān ud wālišn_dādār_ī_gēhān yazam
māhīgān ī ahlaw ī ahlāyīh rad yazam
andar_māh ī ahlaw ī ahlāyīh rad yazam
purr_māh ud wīšaptah ī ahlaw ī ahlāyīh rad yazam
gāhān_bār ahlaw ī ahlāyīh rad yazam
maydyōzarem ī ahlaw ī ahlāyīh rad yazam
maydyōšem ī ahlaw ī ahlāyīh rad yazam
paytišah ī ahlaw ī ahlāyīh rad yazam
ayāsrim ī pad frōd_wašt_zamānīh gōwēd gušn_hilišnīh =iz ī ahlaw ī ahlāyīh rad yazam
maydyār ī ahlaw ī ahlāyīh rad yazam
hamaspahmaydaym ī ahlaw ahlāyīh rad yazam
sāl ī ahlaw ī ahlāyīh rad yazam
harwisp ahlāyīh rad yazam kē hēnd ahlāyīh radīh sīh_sē nazdist pērāmōn hāwan kē hēnd ahlāyīh ī pahlom , ohrmazd frāz hamōxt ō zardušt ud zardušt frāz guft ō mardōmān kū čiyōn abāyēd kirdan
xwadāy mihr ī buland ī aseǰ ī ahlaw yazam
ud star =iz ud māh ud xwaršēd pad ān ī urwarēn barsom
mihr ī harwispīn dehān dahībed yazam
rōz ud māh
ohrmazd ī rāyōmand ī xwarrahōmand yazam
ahlawān ī wehān ī abzārān ī abzōnīgān frawahr yazam
tō ātaxš ī ohrmazd pus ī andar yazišn yazam
ātaxš ī buland_sūd yazam warahrān pad ēw_kardagīh
ātaxš ī weh_franāftār yazam ān ī andar tan ī mardōm
ātaxš ī frāx_zīwišn yazam ān ī andar urwar
ātaxš ī wāzišt yazam ān ī dēw ī spinǰarūš zanēd
ātaxš ī abzōnīg yazam ān ī andar garōdmān pēš ī ohrmazd pad mēnōyīh ēstēd
xwadāy ī nāf ud nēryōsang yazad yazam
ātaxš ī harwispīn ī mān mānbed ī ohrmazd_dād ī ohrmazd pus ī ahlaw ī ahlāyīh rad yazam abāg harwispīn ātaxšān
āb ī weh ī pahlom ī ohrmazd_dād ī ahlawī yazam
ud harwisp ī āb ī ohrmazd_dād ī ahlawī yazam pad ēw_kardagīh
harwisp urwar ī ohrmazd_dād ī ahlawī yazam pad ēw_kardagīh
mānsr_spand ī was_xwarrah yazam
dād ī ǰud_dēw yazam
dād ī zardušt yazam
dagr_abar_rawišnīh ī mānsr_spand yazam
dēn ī weh mazdēsnān yazam
gar ī ōš_dāštār ī ohrmazd_dād ī ahlāyīh_xwārīh ī yazad yazam
ud harwisp gar ī ahlāyīh_xwārīh ī purr_xwārīh ī ohrmazd_dād ī ahlaw ī ahlāyīh rad yazam
čēr ī kayān xwarrah ī ohrmazd_dād yazam
čēr ī agrift xwarrah ī ohrmazd_dād yazam
ahlišwang ī weh yazam ī rōšn ī ahlaw ī buland ī amāwand ī hurust ī xwābar
xwarrah ī ohrmazd_dād yazam
sūd ī ohrmazd_dād yazam
dahmān ī wehān āfrīn yazam
dahm =iz mard ī ahlaw yazam
čēr ī tagīg dahm_ī_abar_pad_menišn yazad yazam
awēšān āb ud zamīg ud urwar yazam
awēšān gyāg ud rōstāg ud gāwyōd ud dašt ud mēhan ud āb_xwar yazam
ōy =iz ī šōysrbed yazam kē ohrmazd
rad ī harwisp meh yazam kē ohrmazd radīh ī rōz asnī māhīgān ud gāhān_bār ud sāl
ahlawān ī wehān ī abzārān ī abzōnīgān frawahr stāyēm ud xwānam ud xwēšēnam ud yazam ī mānīgān ud wisīgān ud zandīgān ud dehīgān zarduštrōdomān
harwisp ān ī ahlaw yazad yazam
ud harwisp ān ī ahlāyīh rad yazam
pad hāwan abar radīh ud sawang ud wīs =iz abar radīh ud rad ī harwisp meh abar radīh
kē az astān ēdōn pad yazišn abar weh kū yazišn ān weh ī ohrmazd xwadāy rāy kunēnd
tā , gyāg
ahlāyīh ābādīh pahlom ast ābādīh =ēw ahlāyīh weh
wezest srišāmrūdīg gōwišn
dahē ō man mizd ud pādāšn kē gōspand tāšīdār hē ud āb ud urwar ā =iz tāšīdār hē ud amurdād ud hordād ā =iz tāšīdār hē abzōnīg mēnōy ohrmazd ud tuhišn tuwānīg hē ā =iz tāšīdār hē kē pad wahman hamōxtišn kū ka pad frārōnīh hamōxt ēstēnd ō xwēš šāyēd kirdan
passox_gōwišnīh ohrmazd
az abzōnīg_mēnōyīh ud pahlom_menišnīh ka ān ī mad ēstād ā =iz =m be kird ud ān ī nē mad ēstād rāy ā =m be nigerīd ud az ān ī ahlāyīh kunišn ud gōwišn ud kunišn ī frārōn rāy ī =m ōh kird ud gōwišn ī frārōn rāy ī =m ōh guft u =m ō xwēšān dād hordād ud amurdād mizd ō mardōmān ān ī ohrmazd xwadāy pad bowandag_menišnīh
wezest bišāmrūdīg gōwišn
passox_gōwišnīh ohrmazd
ōy ī mēnōy ī abzōnīg ī pahlom gāhānīgīh pad =iš kē pad uzwān dahān ān ī pad wahman saxwan kū pad uzwān dahān ān ī frārōn gōwēd ud pad bowandag_menišnīh pad harw dō dast kunišn warzēd ud ān mard ī gāhānīg kū tis bowandag_menišnīhā kunēd ān frazānag kū frazām ī tis pad frārōnīh dānēd ud ān pid ī ahlāyīh pad dānāgīh kū parwardārīh ī dāmān pad frārōnīh kunēd
gōwišn zardušt
passox_gōwišnīh ohrmazd
ān mēnōy ī abzōnīgīh pad tō ast gāhānīgīh kē =t ō xwēšān gāw ī az ī rādīh_kirdār ō_ham tāšīd u =t ēdōn ō ān wāstar ud rāmišn =iz dād pad bowandag_menišnīh ka ham ohrmazd pad ān ī wahman frāz_ham_pursagīh ka =š wahman dād būd ā =š harw čē kird pad ham_pursagīh wahman kird
frāz_gōwišnīh ī zardušt
az ān ān ī mēnōyān rādīh rēšēnēnd kē druwand hēnd az ān čiyōn =išān dēw pad tan mehmān nihādag ī weh_dēn pad frārōnīh nihād be abganēnd ahlomōγ ohrmazd ān ī ōy abzōnīg mard be nihād nē ēdōn ān ī ahlaw čē ān nē abganēd pad kōdagīh =iz mard ī ahlaw xwāstār ast pad =iz kōdag_pāyagīh kār ud kirbag ōh kunēd ud ka xwāstār hēd kū pāduxšāy ast was zadār druwandān
frāz_gōwišnīh ī zardušt
passox_gōwišnīh ohrmazd
az ēd =iz ka rādīh nē rēšēnd abzōnīg mēnōy ohrmazd ā =š ō ahlawān čāšīd čēgāmiz =ēw pahlomīh kū =š ān rāy nēkīh hamāg ō wehān dād ǰud az ēd ī tō dōšišn druwand baxšēnd kū xwāstag nē pad abāyist ī tō dārēnd kē ān ī ōy kunišn ā =š az akōman mānišn kū mehmānīh ī akōman pad tan ī ōy rāy ka wināh kunēd
frāz_gōwišnīh ī zardušt
passox_gōwišnīh ohrmazd
ō harw dōān bē dahēd abzōnīg mēnōy ohrmazd ātaxš wizārišn bē dahēd ō pahikārdārān kū bōxt ud ēraxt paydāg kunēd ka =š ān kē ān ī stabr bowandag_menišnīh ahlāyīh =iz pad =iš war_sālār čē ān was ka nigerēnd ā =šān wurrōyēnēd druwandān ān nērang ī war tā ahlawān rāy nē pahikār
gōwišn zarduxšt
gōwišn ohrmazd
az abzōnīg_mēnōyīh ud pahlom_menišnīh ka ān ī mad ēstād ā =m be kird ān ī nē mad ēstād rāy ā =m be nigerīd ud az ān ī ahlāyīh kunišn ud gōwišn ud kunišn frārōn rāy ī =m ōh kird ud gōwišn frārōn rāy ī =m ōh guft ā =m X X ō xwēšān dād hordād ud amurdād mizd ō mardōmān ān ohrmazd xwadāyīh ī pad bowandag_menišnīh
wezest bišāmrūdīg gōwišn
ahlāyīh ābādīh pahlom ast ābādīh ahlāyīh weh
wezest srišāmrūdīg gōwišn
pad spandmayt_hād yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
yazišnīgīhā ēwāmrūdīg gōwišn ,
sar zōhr stānēd
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd abāyēd
časrušāmrūdīg gōwišn az pāy pad buland wāng ī gōwišn , frāgām abrāstan
ahlāyīh ābādīh pahlom ast ābādīh =ēw ahlāyīh weh
srišāmrūdīg gōwišn
ahunawar yazam
ahlāyīh ī pahlom ī nēk ī amarg ī abzōnīg yazam
kē az astān ēdōn pad yazišn abar weh kū yazišn ī ān weh ī ohrmazd ud xwadāy rāy kunēnd
baγān ahunawar bun
pursīd zardušt az ohrmazd kū ohrmazd mēnōy ī abzōnīg dādār ī gēhān astōmandān ahlaw
ēd ohrmazd dādār ahlaw abārīg pad stāyišn ast kē dādār ahlaw gōwēd čē ān saxwan būd ohrmazd ī =t ō man guft pēš az asmān pēš az āb pēš az zamīg pēš az gōspand ī hudahāg ud pēš az urwar pēš az ātaxš ī ohrmazd pus pēš az mard ī ahlaw gayōmard pēš az dēwān kē xrad stard ēstēd ud mardōmān pēš az harwisp ox ī astōmand dahišn ī xwadāyīh pēš az harwist ābādīh ī ohrmazd_dād ī az ahlāyīh paydāg
u =š guft ohrmazd kū baxtārīh ān būd ī az ahunawar spitāmān zardušt ān mēnōy kē dēn rawāg kunēd kē ān dēn az ahunawar brēhēnīd ēstēd kē =m ō tō frāz guft kū pēš az asmān pēš az āb pēš az zamīg pēš az gōspand pēš az urwar pēš az ātaxš ī ohrmazd pus pēš az mard ī ahlaw gayōmard pēš az dēwān kē xrad stard ēstēd mardōmān pēš az harwisp ox ī astōmand dahišn ī xwadāyīh ud pēš az harwisp ābādīh ī ohrmazd_dād ī az ahlāyīh paydāgīh
kē ān baxtārīh az ahunawar spitāmān zardušt pad abēgōwišnīh kū =š abestāg =ēw ī tang andar mayān be nē gōwēd abēsūdagīh kū be nē xufsēd srāyēd pad ēk_sad abar awēšān ī anī radīh ī gāhān ka pad abēgōwišnīh abēsūdagīh srāyēd ēdōn yazišn ōh bawēd
ud kē pad bē_gōwišnīh ud bē_sūdagīh srāyēd ēdōn ī yazišn ōh bawēd pad dah abar awēšān ī anī radīh gāhān =ēw =iz
kē andar ān ī man ox ī astōmand spitāmān zardušt baxtārīh ahunawar ōšmurēd kū ōh xwahēd frāz ān ī ōšmurēd dranǰēnēd kū warm bē kunēd frāz ān ī dranǰēnēd srāyēd kū =š nērang be dānēd frāz ān ī srūd yazēd kū yašt bē kunēd sē bār tarist čēh_widarg ān ī ōy ruwān ō ān ī pahlom axwān frāz widāram man kē ohrmazd ham ay andar ān rōz kē yašt ī nāwar kunēd ā =š sē bār ruwān bē_ō ānōh nayam u =š nēkīh pad =iš kunam ō ān ī pahlom axwān ud ān ī pahlom ahlāyīh ud ān ī pahlom rōšnīh
kē =iz andar ān ī man ox ī astōmand spitāmān zardušt baxtārīh ī az ahunawar dranǰēnēd kū warm bē kunēd bē abārōyēnēd kū bē ǰōyēd
čand nēmag ayāb čand srišwadag ayāb čand časrušwadag ayāb čand panǰwadag =ēw pad panǰwadag pāyag nihād ud pad nēmag purr be bawēd ud ka hamāg be ǰōyēd dō tanāpuhr bē ōy tanam man kē ohrmazd ham ruwān az ān pahlom axwān kū =š bē kunam pad ān_and zahyā pahnā bē_tanišnīh čand ēn zamīg
ast =iz ēn zamīg ān_and zahyā čand =iš pahnā
frāz ēd gōwišn ī guft dēn ī ahūōmand ī radōmand kē ēd az =iš paydāg kū xwadāy ud dastwar dārišn
ēd =iz guft kū pēš az ān asmān dād pēš az āb pēš az zamīg pēš az urwar ud pēš az gāw ī čahār_padištān dahišn ī gāw ēk_dād pēš az mard ī ahlaw ī dō_padištān dahišn ī gayōmard pēš az ān ī xwaršēd brīn kirb tan xwaršēd pad bē_ayābagīh ī amahraspandān dād
frāz man pad abzōnīgīh ud mēnōyīh ā =m guft abzōnīgīh ud mēnōyīh rāy ā =m tuwān būd guftan harwisp ān ahlawān stī rāy ō zardušt guft kē hēnd ud kē būd hēnd ud kē bawēnd pad kunišn_rawišnīh kū tā =š ān ī az =iš paydāg ōh kunēnd u =šān kirbag bawād ēn kunišn andar axwān ō ohrmazd kū ān kunēd ī ohrmazd abāyēd ā =š ēdōn kunēd čiyōn az ēn pargard paydāg
ēd =iz az awēšān saxwanān saxwantom pahikārtom kē hargriz frāz guft tā nūn frāz gōwēd ō nūn frāz gōwihēd az =iz nūn frāz čē ast ān_and saxwan ēdōn pad kār čiyōn ān ī harwisp ox ī astōmand ān ī dō hamōxt hamōxtēnd kū warm be kunēnd ud dārēnd kū =š abar be ēstēnd ay bē az widerišnīh_ēstišnīh sālārēnē kū amarg bawēnd
ēd =iz gōwišn amāh frāz guft dēn māhwindād ēn =iz pargard guft kē hamōxtēd kū warm bē kunēd ud ōšmurēd kū andar yazišn =ēw ōh gōwēd
ēdōn kadāriz =ēw az astān kē ahlāyīh ī pahlom kū yazišn =ēw ēn gōwēd ā =š ruwān amarg bawēd
čiyōn frāz ēdar guft kū xwadāy ud dastwar dārišn čiyōn ēn tis ēdōn guft čiyōn ēn dādestān ēdōn
ka =iz ō ōy ahū rad dahēd kū tan bē_ō hērbedestān dahēd ēdōn =iš ō ōy čāšīd bawēd ohrmazd menišn_menīdārīh ī fradom dām kū =š gāhānīgīh rawāg kird ēstēd
kē ēn tan ō ōy ī šāhān šāh ī az harwispīn mardān mahist čāšt kū tan pad šāhān šāh dārēd ēdōn =iš ō ōy dahm čāšt bawēd kū =š gāhānīgīh rawāg kird bawēd
kē ō ohrmazd huzīyišnīh kū bun pad xwēšīh ī ōy dārēd pad vaŋhə̄uš , ī pad baγ , ēdar ān ī sidīgar dādwarīh bun bawēd kē dranǰišn dahēd pad wahman kū dranǰišn ī frārōn gōwēd u =š kird bawēd u =š bē ēdar ān ī pad wahman čāšt bawēd kū ān mizd ud pādāšn kē wahman dahēnd ō =iz ōy ōh dahēnd
kē frāz_daxšagīh ī pad wahman kū tis ī frārōn pad daxšag be kunēd u =š kird bawēd ēdōn pad ēn han_girdīgīh būd kū =š sar be būd pad , š́iiaōϑananąm ,
ēdar andar axwān han_girdīgīh būd kū =š sar būd
kē ō ōy dahm čāšēd kē ohrmazd ēdōn ōy čiyōn ōy ān ī xwēš dahm kū ay mardōmān =iz tis ān gōwēd ī ēdōn abēzagīhā abāz ō xwēšīh ī ohrmazd rasēd čiyōn ohrmazd abēzagīhā bē dād
xwadāyīh ō ohrmazd čāšīd bawēd kū =š ohrmazd abar tan ī xwēš xwadāy kird bawēd kē ān kunēd kē az abestāg paydāg u =š ay driyōšān wāsān čāšīd bawēd kū =š nēkīh pad =iš kird bawēd kē dōstīh ī spitāmān dēn ī spitāmān panǰ dādwarīh būd kū =š wizīr panǰ andar būd harwisp gōwišn frāz_gōwišnīh būd hamāg gōwišn ān ī ohrmazd būd
waxšēnīdārīh rāy ohrmazd parwardārīh ī dāmān rāy ahunawar frāz guft u =š pad waxšēnīdārīh han_girdīgīh būd kū =š sar be būd
tēz zanišn būd kū ēbgad andar dwārist andarg =iz ī druwandān guft ǰudāgīh ān andarg_gōwišnīh
nē amāh menišn ud nē hamōxtišn man ān nē hamōxt ēstam ī tō hamōxt ēstē ud nē xrad čē man xrad pad frārōnīh dāram ud tō pad abārōnīh dārē ud nē kāmag čē man kāmag abāyist frārōn ud tō abārōn ud nē saxwan čē man ān ī frārōn gōwam ud tō ān ī abārōn gōwē ud nē kunišn čē man kunišn frārōn ud tō abārōn nē dēn čē man dēn gāhānīgīh ud tō ǰādūgīh , nē ruwān ā =šān pad āgenēn xwēš čē ān kē pad tis ī man ēstēnd ud ān kē pad tis tō ēstēnd ā =šān ruwān nē pad ēd gyāg , ōy kē ēd guft kū awēšān ruwān ast ēdōn abāyēd guftan kū nē ruwān ā =mān pad āgenēn
ēd =iz gōwišn ohrmazd guft sē_paymān , čahār_pēšag , āsrōn ud artēštār ud wāstaryōš ud hutuxš panǰ_radīh mānbed ud wisbed ud zandbed ud dahībed ud zarduštōdom u =š pad rādīh han_girdīgīh bowandag ud ēdōn ō xwēš šāyēd kirdan ka tan bē_ō hērbedān rādēnēnd kadār ān ī ōy paymān humat ud hūxt ud huwaršt hād čē frārōnīh andar paymān ī dēn kadār pēšag āsrōn ud artēštār ud wāstaryōš ud hutuxš kē pad hamāg rōz ud šab abāg mard ī ahlaw ī rāst_menišn ī rāst_gōwišn ī rāst_kunišn ī rad ōšmurd kū dastwar dārēd ī dēn_hamōxt kū =š yašt kird ēstēd kē pad ān ī ōy kunišn gēhān ī ahlāyīh frāy_dahišnīh az kird ī ōy , bawēd
kadār rad mānbed ud wisbed ud zandbed ud dahībed ud zardušt panǰom awēšān deh kē anī az raγ zardušt čahār_radīh raγ zardušt kadār ān ī ōy rad mānbed ud wisbed ud zandbed ud zardušt tasom hād ka pad deh ī xwēš būd ā =š zamān_kird =iz ī tasom abar būd
čiyōn ka pad humat kū dēn pad humat_pāyag ēstād ka pad ahlaw ī menīdār fradom būd pad gayōmard būd ā =š ōh menīd čiyōn ka pad hūxt ka mānsr_spand ō nūn čiyōn ka pad huwaršt ka stāyišn ī ahlāyīh =iz ī fradom dām kū yazišn ud abārīg =iz kirbag pad gāhānīgīh kunēnd
ohrmazd frāz guft čē =š rāy frāz guft ahlaw mēnōy ud gētī , nēkīh ī mēnōy ud gētī rāy
čē_kāmagīh =iš rāy frāz guft čē abāyist rāy frāz =iš guft kū tā ān ī waxšēnīdār pādixšāy bawād ōy kāmag_xwadāy
čand ahlawān rāy ōh abāyēd guft kū tā waxšēnīdār bawēd ān =iz ī akāmagxwadāy ay kē ēwāz ōh paydāgēnēnd kū xwarrah ī kayān ēdōn čiyōn abāg xwadāyān ēdōn =iz abāg dušxwadāyān ay abāg huxwadāyān pad ēd kār kū tā nēkīh wēš kunēnd abāg dušxwadāyān pad ēd kār kū tā anāgīh kem kunēnd
baxtārīh az ahunawar yazam nēkīh az ēn pargard
ahunawar yazam pad frāz_srāyišnīh kē abestāg X pad srāyišn mehmān ā =š andar frāz_ōšmurišnīh hād bē čē nāmčištīg gōwēd tā andar ēn frāz_wāngīh abestāg pad tan =ēw frāz_yazišnīh
kē az astān ēdōn pad yazišn abar weh kū yazišn ān weh ī ohrmazd xwadāy rāy kunēnd
didīgar kardag bun
frāz_gōwišnīh būd ī ohrmazd , aṣ̌əm_vohū_vahištəm_astī , ahlāyīh ābādīh pahlom ast bē =š ō ōy ābādīh ī pahlom čāšt bawēd kū =š nēkīh pad =iš kird bawēd kē ān ī xwēš xwēš_rawišnīh kunēd kū ān ī abāyēd dād be dahēd
pad , vohū_vahištəm_astī , ēdōn dādwarīh han_girdīgīh būd kū =š sar būd
nēk_barišnīh ī harwispīn ahlawān ōh abāyēd būd harwispīn ahlawān bē čāšt bawēd kū nēkīh pad =iš kird bawēd kē mard_ēstišnīh xwēš_kārīh ī harwispīn ahlawān ōh abāyēd kirdan ō harwispīn ahlawān bē čāšt bawēd kū =š nēkīh pad =iš kird bawēd
bē =š čāšt bawēd harwisp kār ud kirbag pad mānsr paydāg ō ōy harwisp mānsr kē abestāg ud zand warm kū ān ī harwisp mānsr hamāg kār ud kirbag ī pad abestāg ud zand paydāg kunēd
kē ō ahlāyīh xwadāyīh čāšēd kū pādixšāyīh pad frārōnīh kunēd hād dādestānīh ēd kū pad frārōnīh xwadāyīh čāšēd kū pādixšāyīh pad frārōnīh dārēd ud kē =iz ō ōy xwāndār ahlaw rāstīh čāšēd kū wizīr ī rāst kunēd kē =iz ō ašmāh rāstīh čāšēd kū sūdimand hēd kū dādwarīh rāst kunēd sē dādwarīh būd kū =š wizīr sē andar būd harwisp gōwišn frāz_gōwišnīh būd hamāg gōwišn ān ī ohrmazd būd
ohrmazd frāz guft čē =š rāy frāz guft ahlaw ī mēnōy ud gētī nēkīh mēnōy ud gētī rāy čē_kāmagīh =iš rāy frāz guft čē abāyist rāy frāz =iš guft kū tā ān ī waxšēnīdār pādixšāyīh bawād ōy ī kāmag_xwadāy čand ahlawān rāy ōh abāyēd guftan kū tā waxšēnīdār bawēd ān =iz ī akāmagxwadāy ay kē ēwāz paydāgēnēnd kū xwarrah ī kayān ēdōn čiyōn abāg huxwadāyān ēdōn =iz ī abāg dušxwadāyān ay abāg huxwadāyān pad ēd kār kū tā nēkīh wēš kunēnd abāg dušxwadāyān pad ēd kār kū tā anāgīh kem kunēnd
baxtārīh ī az ahlāyīh ī pahlom yazam
ahlāyīh ī pahlom yazam nēkīh az ēn pargard
ahunawar yazam pad frāz_srāyišnīh kē abestāg ī pad srāyišn mehmān ā =š andar frāz_ōšmurišnīh bē čē nāmčištīg gōwēd tā andar ēn frāz_wāngīh abestāg ī pad tan =ēw frāz_yazišnīh
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
sidīgar kardag bun
yazišn_gōwišn būd ī ahlaw zardušt kē az astān ēdōn pad yazišn abar ēdar ī =š ohrmazd yazišn čāšt bawēd kū ān ī ōy kunēd kē dād ī ohrmazd kū =š dād ī frārōn az =iš yazišn astīh čāšt bawēd kū ān ī ōy wēš kunēd
kē bāstān mardōmān zīyišn_xwāyišnīh u =šān ān tis gōwēd ka =šān weh tuwān zīwistan
ēdar =iš ān ī ahlawān narān mādagān pad bowandag_menišnīh ī fradom yazišn bē čāšt bawēd kē niyāyišn ī amahraspandān kū ustōfrīd ī amahraspandān kunēd sē dādwarīh būd kū =š wizīr sē andar būd harwispīn gōwišn yazišn būd abar ōy kē yazišn būd amahraspandān pad ān yazišn
u =š guft ohrmazd kū nēk ōy kē az ān ī ōy nēkīh kadāriz =ēw nēkīh u =š pad kāmag_pādixšāyīh dahēd ohrmazd pad abāyist ōy
čē pad ān saxwan_gōwišnīh passox guft čē ān tis abar guft
nēk_rawišnīh passox guft nēk_rawišnīh ī harwispīn ahlawān kē =iz hēnd ud kē =iz būd hēnd ud kē =iz bawēnd
waxšēnīdār ān mard pad waxšēnīdārīh passox guft mizd pad waxšēnīdārīh ohrmazd passox guft ān waxšēnīdār ahlaw gōwam kē waxšēnīdārīh ō ahlawān
baxtārīh ī az , yeŋ́hē_hātąm , ī pad xūb_frāz_yazišnīh mehmānīh ī ahlawī yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
tā , gyāg
hōmāst_hād bun
ahlāyīh ābādīh pahlom ast ābādīh ahlāyīh weh
srišāmrūdīg gōwišn ,
esm ud bōy ēw tāg az dašn be nihišn hōm pad kamistīh sē tāg ud urwarām pārag =ēw nihādan
pad barsom ī abar burd ō barsom_dān burd ēstēd abāg zōhrag ī dādār ohrmazd ī rāyōmand xwarrahōmand ud amahraspandān rāy sāxt ēstēd ēn hōm pad ahlāyīh ul_dād pad frārōnīh sāxt ēstēd xwāyam ō ēn yazišn
ēn gōšt ī ǰīw ī pad ahlāyīh ul_dād kū pad frārōnīh sāxt ēstēd xwāyam ō ēn yazišn
ēn urwar ī hayanbāg ī pad ahlāyīh ul_dād kū pad frārōnīh sāxt ēstēd xwāyam ō ēn yazišn
āb ī weh kū āb ī weh rāy sāxt ēstēd awēšān zōhr hōmōmand gōštōmand ī hayanbāgōmand pad ahlāyīh ul_dād kū pad frārōnīh sāxt ēstēd xwāyam ō ēn yazišn
āb ī weh kē āb ī weh rāy sāxt ēstēd ud āb =iz ī hōmīgān xwāyam ō ēn yazišn
ān =iz ī asēmēn hāwan xwāyam ō ēn yazišn
ān =iz ī āhenēn hāwan xwāyam ō ēn yazišn ān =iz ī urwarēn barsom ī mad ēstēd pad rad_franāmišnīh ōšmurišn ud warzišn dēn ī weh ī mazdēsnān ud ān =iz ī gāhān srāyišn ud gāwšudāg ī mad ēstēd pad rad_franāmišnīh ī ahlaw ī ahlāyīh rad
ēn esm ud bōy xwāyam ō ēn yazišn ī tō ātaxš ī ohrmazd pus rāy sāxt ēstēd
harwisp =iz ābādīh ī ohrmazd_dād az ahlāyīh_paydāgīh xwāyam ō ēn yazišn pad šnāyēnīdārīh ī ohrmazd ud amahraspandān pad šnāyēnīdārīh ī srōš_ahlī ud ātaxš ī ohrmazd pus ud rad ī buland kē ahlaw
xwāyam ō ēn yazišn asnī ī ahlāyīh rad pad hāwan ahlaw ī ahlāyīh rad
xwāyam ō ēn yazišn sawang mēnōy =ēw ī abāg hāwan ham_kār ud wīs =iz ī ahlaw ī ahlāyīh rad mardōm andar xwēš_kārīh ī mowbed
xwāyam ō ēn yazišn mihr ī frāy_gāwyōd ī hazār_gōš ī bēwar_čašm u =š hazār_gōšīh ēd kū =š panǰ_sad mēnōy ō sar nišīnēnd u =š kār ī gōšīh kunēnd kū ēn niyōxš ud ān niyōxš u =š bēwar_čašmīh ēd kū =š panǰ_hazār mēnōy ō sar āhēnd u kār čašmīh kunēnd kū ēn wēn ud ān =iz wēn tā mihr čašm dō ī guft_nām yazad kū =š nām pad ēn dēn guft ēstēd rāmišn xwārom ud ān mēnōy ī ka mizag ī xwarišn dānēnd pad rāh ī ōy
xwāyam ō ēn yazišn rapihwin ī ahlaw ī ahlāyīh rad
xwāyam ō ēn yazišn frāy_dādār_ī_fšēy mēnōy =ēw ī abāg rapihwin ham_kār ud ramag gōspandān be abzāyēnēd ud zand =iz ī ahlaw ī ahlāyīh rad mardōm andar xwēš_kārīh ī rad
xwāyam ō ēn yazišn ahlāyīh ī pahlom ud ātaxš =iz ī ohrmazd
xwāyam ō ēn yazišn uzayrin ahlaw ī ahlāyīh rad
xwāyam ō ēn yazišn frāy_dādār_ī_wīr mēnōy =ēw abāg uzayrin ham_kār kē ramag mardōmān be abzāyēnēd ud deh =iz ī ahlaw ī ahlāyīh rad mardōm andar xwēš_kārīh ī moy_andarzbed
xwāyam ō ēn yazišn burz ī xwadāy mādagān ī rōšn ī ābān_nāf ud āb =iz ohrmazd_dād
xwāyam ō ēn yazišn aybisrūsrim_aybigāy ahlaw ī ahlāyīh rad
xwāyam ō ēn yazišn frāy_dādār_harwisp_huzīyišnīh bun ud bar ud zarduštōdom =iz ī ahlaw ahlāyīh rad mardōm ī andar xwēš_kārīh mowbedān mowbed
xwāyam ō ēn yazišn ān ī ahlawān frawahr mādagān ī wīr_ramagān ardā_fraward ī mardōmān ud ān =iz ī sālān humānišnīh ka andar sāl pad frārōnīh weh šāyēd mānistan ay pad rāh ī ōy ud amāwandīh =iz ī hutāšīd ī hurust ud pērōzgarīh =iz ī ohrmazd_dād ud wānīdārīh =iz ī pad abar_rawišnīh warahrān yazad ast kē aštād =iz yazad gōwēd
xwāyam ō ēn yazišn ušahin ī ahlaw ī ahlāyīh rad
xwāyam ō ēn yazišn burzī mēnōy =ēw abāg ušahin ham_kār ud ramag ī ǰōrdāyān be abzāyēnēd ud nmānī =iz ī ahlaw ī ahlāyīh rad mardōm ī andar xwēš_kārīh ī dādwar
xwāyam ō ēn yazišn srōš_ahlī ī hurust ī tarsagāy ī pērōzgar ī frāy_dādār_ī_gēhān ud rašn ī rayistag hād rašnīh ā =š ham_gōnīh u =š rayistagīh rāstīh ud aštād =iz ī frāy_dādār_gēhān ud wālišn_dādār_gēhān
xwāyam ō ēn yazišn māhīgān ī ahlāyīh rad andar_māh ī ahlaw ī ahlāyīh rad panǰag fradom
xwāyam ō ēn yazišn purr_māh ud wīšaptah =iz ī ahlaw ī ahlāyīh rad panǰag ī didīgar ud sidīgar
xwāyam ō ēn yazišn sāl gāhān_bār ī maydyōzarem ī ahlaw ī ahlāyīh rad
xwāyam ō ēn yazišn maydyōšem ī ahlaw ī ahlāyīh rad
xwāyam ō ēn yazišn paytišahī ī ahlaw ī ahlāyīh rad
xwāyam ō ēn yazišn ayāsrim ī frōd_wašt_mehmānīh gušn_hilišnīh andar āyēd ī ahlaw ī ahlāyīh rad
xwāyam ō ēn yazišn maydyārī ahlaw ī ahlāyīh rad
xwāyam ō ēn yazišn hamaspahmaydem ī ahlaw ī ahlāyīh rad
xwāyam ō ēn yazišn sāl ī ahlaw ī ahlāyīh rad
xwāyam ō ēn yazišn harwisp awēšān rad kē hēnd ahlāyīh radīh sīh_sē nazdist ī pērāmōn hāwan kē hēnd ahlāyīh ī pahlom ī ohrmazd frāz hamōxt ō zardušt ud zardušt frāz guft ō mardōmān kū čiyōn abāyēd kirdan
xwāyam ō ēn yazišn xwadāy mihr ī buland aseǰ ī ahlaw ī ahlāyīh rad spennāg_mēnōy dām
ud tištar star ī rāyōmand ī xwarrahōmand ud māh ī gōspand_tōhmag ud xwaršēd =iz ī arwand_asp ud dōysr ī ohrmazd ud mihr ī dehān dahībed ǰud az amahraspandān ān meh abar yazadān ī gētīyān xwadāy
rōz ud māh
xwāyam ō ēn yazišn ohrmazd ī rāyōmand xwarrahōmand
xwāyam ō ēn yazišn ahlawān frawahr
xwāyam ō ēn yazišn tō ātaxš ī ohrmazd pus tō kē pad yazišn hē abāg harwispīn ātaxšān
xwāyam ō ēn yazišn āb ī weh nāmčištīg pad zōhrag ud harwisp āb ī ohrmazd_dād pad ēw_kardagīh ud harwisp urwar ī ohrmazd_dād pad ēw_kardagīh
xwāyam ō ēn yazišn mānsr_spand ī ahlaw ī kāmag_ox kū =š kāmag ī pad menišn abāg ān ī ox rāst ast kē ēdōn gōwēd hād ān =iz ī kasān ēdōn be kunēd dād ī ǰud_dēw dād ī zardušt harw ēk dagr_abar_rawišnīh mēnōy ī spand ud dēn ī weh mazdēsnān pad ēw_kardagīh
xwāyam ō ēn yazišn gar ī ōš_dāštār ī ohrmazd_dād ī ahlāyīh_xwārīh ud harwisp =iz ī gar ī ahlāyīh_xwārīh ī purr_xwārīh ohrmazd_dād kayān xwarrah ī ohrmazd_dād ud ān =iz agrift xwarrah ī ohrmazd_dād xwēš_kārīh ī āsrōnān u =š agriftīh ēd kū pad frahang ō xwēš šāyēd kirdan
xwāyam ō ēn yazišn ahlišwang ī weh frazānag ī weh ud rah ī weh ud rah_ēstišnīh ī weh xwarrah ud sūd ī ohrmazd_dād
xwāyam ō ēn yazišn dahmān ī wehān āfrīn ud dahm =iz mard ī ahlaw ān =iz ī čēr ī tagīg dahm_ī_abar_pad_menišn yazad
xwāyam ō ēn yazišn awēšān gyāg ud rōdestāg ud gāwyōd ud dašt ud mēhan ud āb_xwar ud āb ud zamīg ud urwar ud ēn zamīg ud ān asmān ud wād =iz ahlaw ud star ud māh ud xwaršēd ud ān =iz ī asar_rōšnīh ī xwadād hād xwadādīh ēd kū harw kas xwad ō xwēš kunēd harwisp =iz ī ān ī spennāg_mēnōy dāmān ī ahlaw ī ahlāyīh rad hēnd
xwāyam ō ēn yazišn rahwōbirzad ī ahlaw radīh ī rōz asnī ud māhīgān ud gāhān_bār ud sāl kē hēnd ahlāyīh rad ī pad hāwan radīh
ud ēn hōm ī pad ahlāyīh ul_dād ud pad frārōnīh sāxt ēstēd xwāyam ō ēn yazišn
ēn gōšt ǰīw pad ahlāyīh ul_dād kū pad frārōnīh sāxt ēstēd xwāyam ō ēn yazišn
ēn urwar ī hayanbāg pad ahlāyīh ul_dād kū pad frārōnīh sāxt ēstēd xwāyam ō ēn yazišn
āb ī weh kū āb ī weh rāy sāxt ēstēd awēšān zōhr ī hōmōmand ī gōštōmand ī hayanbāgōmand pad ahlāyīh ul_dād kū pad frārōnīh sāxt ēstēd xwāyam ō ēn yazišn
āb ī weh kē āb ī weh rāy sāxt ēstēd ud āb =iz ī hōmīgān xwāyam ō ēn yazišn
ān ī asēmēn hāwan xwāyam ō ēn yazišn
ān ī āhenēn hāwan xwāyam ō ēn yazišn
ān =iz ī urwarēn barsom ī mad ēstēd pad rad_franāmišnīh ōšmurišn ud warzišn ī dēn ī weh ī mazdēsnān
ud ān =iz ī gāhān srāyišn gāwšudāg ī mad ēstēd pad rad_franāmišnīh ī ahlaw ī ahlāyīh rad
ēn esm ud bōy xwāyam ō ēn yazišn ī tō ātaxš ī ohrmazd pus rāy sāxt ēstēd
harwisp =iz ābādīh ī ohrmazd_dād az ahlāyīh_paydāgīh xwāyam ō ēn yazišn pad šnāyēnīdārīh ī ohrmazd ī rāyōmand ī xwarrahōmand ud amahraspandān huxwadāyān ī hudahāgān mihr ī frāy_gāwyōd ud rāmišn =iz xwārom xwaršēd ī amarg ī rāyōmand ī arwand_asp kū =š asp nēk ast kē ēdōn gōwēd ay asp nēk be dahēd ud wāy ī abar_kār tarwēnīdārtom az anyān dāmān ēdōn tō wāy kē tō ast kū spennāg_mēnōy xwēš hē rayistag ī frazānag ī ohrmazd_dād ī ahlaw dēn ī weh ī mazdēsnān mānsr_spand ī ahlaw ī kāmag_ox ud dād ī ǰud_dēw dād ī zardušt ud dagr_abar_rawišnīh ī mēnōy ī spand ud dēn ī weh ī mazdēsnān āgāhīh ī mānsr_spand ud āsn_xrad ī ohrmazd_dād ud gōšōsrūd_xrad ī ohrmazd_dād ātaxš ī ohrmazd pus tō ātaxš ī ohrmazd pus kē pad ēn yazišn abāg harwispīn ātaxšān gar ī ōš_dāštār ī ohrmazd_dād ī ahlāyīh_xwārīh ud harwisp yazadān ī ahlawān ī mēnōyān ud gētīyān ahlawān frawahr ī čērān ī abar_wēzān pōryōtkēšān frawahr nabānazdištān frawahr ī guft_nām ī yazad
iməm_haōməm , tā sar dō bār guftan
xwāyam ō ēn yazišn awēšān frawahr kē fradom būd hēnd ī mānīgān ud wisīgān ud zandīgān ud dehīgān kē =šān asmān winnārd kē =šān āb winnārd kē =šān zamīg winnārd kē =šān gōspand winnārd kē =šān andar burdār pus winnārd abar_nihuft abēwidard kū zīndag
xwāyam ō ēn yazišn frawahr ī ohrmazd ud amahraspandān abāg harwispīn ahlawān frawahr ī mēnōyān yazadān
xwāyam ō ēn yazišn frawahr ī gayōmard ud zardušt ī spitāmān ud kay wištāsp ud isadwāstar ī zarduštān abāg harwispīn ahlawān frawahr ī pōryōtkēšān
xwāyam ō ēn yazišn harwispīn ahlawān frawahr kē ast kadāmiz =ēw pad ēn zamīg bē_widard hēnd dahm ud nāyrīg ud aburnāyīg ud kanīg ī kār_warzīdār kē abar mānist hēnd ud az ēn mān bē šud hēnd kē =šān ummēdēnīd mizd ud pādāšn ud abar arzānīg hēnd pad ān ī weh yazišn ud niyāyišn
xwāyam ō ēn yazišn ahlawān frawahr ī čērān ī abzōnīgān abar_wēzān pōryōtkēšān frawahr ud nabānazdištān frawahr ī zōt ud ān =iz ī xwēš ruwān frawahr
xwāyam ō ēn yazišn harwisp ān ī ahlāyīh radīh
xwāyam ō ēn yazišn harwisp ān ī weh_dāg yazad ī mēnōy ud kē =iz gētī kē hēnd yazišnōmand ud niyāyišnōmand az ahlāyīh ī pahlom kū pad frārōnīh ōh abāyēnd yašt u =šān ustōfrīd ōh kunišn
franāmam mazdēsnīh ī zardušt kū andarg wattarān gōwam ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
rad ī rōz ud asnī hangām māhīgān ud gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
taštag kē =š hōm ud urwarām andar ud ān =iz ī =š ǰām andar dast stānišn abāg abestāg ul dārišn
ō ohrmazd hōm niwēyēnam
ēn hōm ud myazd ud zōhr ud barsom =iz ī pad ahlāyīh frāz wistard ud gōspand =iz ī hudahāg ēn gōšt ī ǰīw ī pad ahlāyīh ul_dād kū pad frārōnīh sāxt ēstēd ēn urwar ī hayanbāg ī pad ahlāyīh ul_dād kū pad frārōnīh sāxt ēstēd āb ī weh kū āb ī weh sāxt ēstēd awēšān zōhr ī hōmōmand ī gōštōmand ī hayanbāgōmand ī pad ahlāyīh ul_dād kū pad frārōnīh sāxt ēstēd āb ī weh kē āb ī weh rāy sāxt ēstēd ud āb =iz ī hōmīgān ān =iz ī asēmēn hāwan ān =iz ī āhenēn hāwan ān =iz ī urwarēn barsom ī mad ēstēd pad rad_franāmišnīh ōšmurišn ud warzišn dēn ī weh mazdēsnān ān =iz ī gāhān srāyišn ud gāwšudāg ī mad ēstēd pad rad_franāmišnīh ī ahlaw ī ahlāyīh rad ēn esm ud bōy tō ātaxš ī ohrmazd pus rāy sāxt ēstēd harwisp =iz ābādīh ī ohrmazd_dād ī az ahlāyīh_paydāgīh bē =iz daham ud ān =iz niwēyēnam
ud awēšān niwēyēnam ī =m guft ohrmazd ud srōš_ahlī ud amahraspandān ān ī ahlawān frawahr ud ān ī ahlawān ruwān ud ātaxš =iz ī ohrmazd ud rad =iz ī buland ud harwisp =iz ī čēgāmiz =ēw ahlawān stī pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam ī =m guft zardušt ī spitāmān ī ahlaw frawahr pad yazišn ud niyāyišn ud šnāyēnīdārīh ud frāz_wābarīgānīh
kē andar axwān ahlāyīh_kāmagtom būd az harwispīn ahlawān frawahr ī bē_widardān ahlawān kē =iz zīndagān ahlawān kē =iz mardān ī azādān frašgird_kirdārān ī sūdimand
ēn hōm ud myazd ud zōhr ud barsom =iz ī pad ahlāyīh frāz wistard ud gōspand =iz hudahāg
az imąmca_gąm_jīuuiiąm , tā , pairica_daδəmahi_āca_vaēδaiiamahi , bē =iz daham ān =iz niwēyēnam
awēšān niwēyēnam ī =m guft amahraspandān ī huxwadāyān ī hudahāgān ī hamē_zīndagān ī hamē_sūdān ēk ēd kū be nē mīrēnd ud ēk ēd kū ōzad nē šāyēnd kē pad wahman mānēnd kū =šān mehmānīh ān gyāg kū wahman ud kē =iz wahman
awēšān niwēyēnam ō frayīdīh ī ēn mān kū tā pad marag wēš bē bawād ud frāy_dahišnīh ī ēn mān kū tā bē abzāyād pahān ud mardān zādān =iz zāyišnōmandān kē ēd hēnd
awēšān niwēyēnam ahlawān ī wehān frawahr ī čērān abar_wēzān pad ān ahlawān ayārīh šnāyēnīdārīh
ēn gyāg taštag kē =š hōm ud urwarām andar pad datuš abāz nihišn pad urwēs be nihišn hāwan az kustag ī hōy ō kustag dašn X āwarišn pad rōy frāz nigūn kunišn
awēšān niwēyēnam ī =m guft dādār ohrmazd rāyōmand ud xwarrahōmand ī mēnōyān mēnōytom kū hamē ka =š kāmēd andar amahraspandān mēnōy tuwān būd pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam asnī ī ahlāyīh rad ud hāwan ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam sawang mēnōy =ēw abāg hāwan ham_kār ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam mihr ī frāy_gāwyōd ī hazār_gōš ī bēwar_čašm u =š hazār_gōšīh ēd kū =š panǰ_sad mēnōy ō sar nišīnēnd u =š kār ī gōšīh kunēnd kū ēn niyōxš ud ān niyōxš u =š bēwar_čašmīh ēd kū =š panǰ_hazār mēnōy ō sar nišīnēnd u =š kār ī čašmīh kunēnd kū ēn wēn ud ān =iz wēn tā mihr čašm dō guft_nām yazad kū =š nām pad ēn dēn guft ēstēd rāmišn xwārom ān mēnōy ka mizag ī xwarišn dānēnd pad rāh ī ōy pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam rapihwin ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam frāy_dādār_fšēy mēnōy =ēw ī abāg rapihwin ham_kār ud ramag gōspandān bē abzāyēnēd ud zand =iz ī ahlaw ī ahlāyīh rad mardōm ī andar xwēš_kārīh ī rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam ahlāyīh ī pahlom ud ātaxš =iz ī ohrmazd pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam uzayrin ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam frāy_dādār_wīr mēnōy =ēw ī abāg uzayrin ham_kār kē ramag mardōmān bē abzāyēnēd deh =iz ī ahlaw ī ahlāyīh rad mardōm ī andar xwēš_kārīh ī moy_andarzbed pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam burz ī xwadāy mādagān ī rōšn ī ābān_nāf ud āb =iz ī ohrmazd_dād pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam aybisrūsrim_aybigāy ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam frāy_dādār_harwisp_huzīyišnīh bun ud bar ud zarduštōdom =iz ahlaw ī ahlāyīh rad mardōm ī andar xwēš_kārīh ī mowbedān mowbed pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam ān ī ahlawān frawahr mādagān ī wīr_ramagān ardā_fraward ī mardōmān ān =iz ī sālān humānišnīh ka andar sāl pad frārōnīh weh šāyēd mānist ā pad rāh ī ōy ud amāwand =iz ī hutāšīd ī hurust ud pērōzgarīh =iz ī ohrmazd_dād ud wānīdārīh =iz ī pad abar_rawišnīh warahrān yazad ast kē aštād gōwēd pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam ušahin ahlaw ī ahlāyīh rad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam burzī mēnōy =ēw ī abāg ušahin ham_kār ramag ī ǰōrdāyān bē abzāyēnēd ud nmānī =iz ī ahlaw ī ahlāyīh rad mardōm ī andar xwēš_kārīh ī dādwar pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam srōš_ahlī hurust ī tarsagāy ī pērōzgar ī frāy_dādār_gēhān ud rašn ī rayistag hād rašnīh ud ham_gōnīh u =š rayistagīh rāstīh ud aštād =iz ī frāy_dādār_gēhān ud wālišn_dādār_gēhān pad yazišn ud niyāyišn šnāyēnīdārīh ud frāz_wābarīgānīh
awēšān niwēyēnam māhīgān ī ahlāyīh rad andar_māh ī ahlaw ī ahlāyīh rad panǰag ī fradom pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam purr_māh ud wīšaptah ahlaw ī ahlāyīh rad panǰag ī didīgar ud sidīgar pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam sāl ī gāhān_bār maydyōzarem ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam maydyōšem ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam paytišahī ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam ayāsrim ī pad frōd_wašt_zamānīh gōwēd gušn_hilišnīh ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam maydyāyr ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam hamaspahmaydem ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam sāl ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam harwisp awēšān rad kē hēnd ahlāyīh radīh sīh_sē ī nazdist ī pērāmōn hāwan kē hēnd ahlāyīh pahlom kē ohrmazd frāz hamōxt ō zardušt ī zardušt frāz guft ō mardōmān kū čiyōn abāyēd kirdan pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam xwadāy mihr ī buland aseǰ ī ahlaw star =iz ī spennāg_mēnōy dām ud tištar star ī rāyōmand xwarrahōmand ud māh ī gōspand_tōhmag ud xwaršēd =iz arwand_asp ud dōysr ī ohrmazd ud mihr dehān dahībed ǰud az amahraspandān ān ī meh abar yazadān ī gētīyān xwadāy pad yazišn ud niyāyišn ud šnāyēnīdārīh ud frāz_āfrīgānīh
rōz māh
awēšān niwēyēnam ohrmazd ī rāyōmand ī xwarrahōmand pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam ahlawān frawahr pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam tō ātaxš ī ohrmazd pus tō kē pad yazišn hē abāg harwispīn ātaxšān pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam āb ī weh ī nāmčištīg pad zōhr ud harwisp =iz āb ī ohrmazd_dād pad ēw_kardagīh ud harwisp =iz urwar ohrmazd_dād pad ēw_kardagīh pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam mānsr_spand ahlaw ī kāmag_ox kū =š kāmag ī pad menišn abāg ān ī ox rāst ast kē ēdōn gōwēd hād ān =iz ī kasān ēdōn bē kunēd dād ī ǰud_dēw ud dād ī zardušt harw ēk ud dagr_abar_rawišnīh mēnōy ī spand ud dēn ī weh ī mazdēsnān pad ēw_kardagīh pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam gar ī ōš_dāštār ī ohrmazd_dād ī ahlāyīh_xwārīh ud harwisp =iz gar ī ahlāyīh_xwārīh ī purr_xwārīh ī ohrmazd_dād ud kayān xwarrah ī ohrmazd_dād ud ān =iz agrift xwarrah ī ohrmazd_dād xwēš_kārīh ī āsrōnān u =š agriftīh ēd kū pad frahang ō xwēš šāyēd kirdan pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam ahlišwang weh frazānag ī weh ud rah ī weh ud rah_ēstišnīh ī weh xwarrah sūd ī ohrmazd_dād pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam dahmān ī wehān āfrīn ud dahm =iz mard ī ahlaw ud ān =iz ī čēr ī tagīg dahm_ī_abar_pad_menišn yazad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam gyāg ud rōdestāg ud gāwyōd ud dašt ud mēhan ud āb_xwar ud āb ud zamīg ud urwar ud ēn zamīg ud ān asmān ud wād =iz ī ahlaw ud star ud māh ud xwaršēd ān =iz ī asar_rōšnīh xwadād hād ud =š xwadādīh ēd kū harw kas xwad ō xwēš kunēd ud harwisp =iz ān ī spennāg_mēnōy dāmān ahlaw ī ahlāyīh rad hēnd pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam rahwōbirzad ī ahlaw radīh ī rōz ud asnī ud māhīgān ud gāhān_bār ud sāl kē hēnd ahlāyīh rad ī pad hāwan radīh pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam ohrmazd ī rāyōmand ī xwarrahōmand ud amahraspandān ī huxwadāyān ī hudahāgān mihr ī frāy_gāwyōd ī rāmišn =iz xwārom xwaršēd ī amarg ī rāyōmand ī arwand_asp kū =š asp nēk ast kē ēdōn gōwēd ay asp ī nēk bē dād ud wāy ī abar_kār ud tarwēnīdārtom az anyān dāmān ēdōn tō wāy kē tō ast kū spennāg_mēnōy xwēš hē rayistag ī frazānag ī ohrmazd_dād ahlaw ī dēn ī weh ī mazdēsnān mānsr_spand ī ahlaw kāmag_ox ud dād ī ǰud_dēw dād ī zardušt ud dagr_abar_rawišnīh ī mēnōy ī spand ud dēn ī weh ī mazdēsnān ud āgāhīh ī mānsr_spand ud āsn_xrad ī ohrmazd_dād ud gōšōsrūd_xrad ī ohrmazd_dād ātaxš ī ohrmazd pus tō ātaxš ī ohrmazd pus kē pad ēn yazišn abāg harwispīn ātaxšān gar ī ōš_dāštār ī ohrmazd_dād ī ahlāyīh_xwārīh harwisp yazadān ī ahlawān ī mēnōyān ud gētīyān ahlawān frawahr ī čērān abar_wēzān ī pōryōtkēšān frawahr ud nabānazdištān frawahr šnāyēnam pad yazišn ud niyāyišn ud šnāyēnīdārīh ud frāz_wābarīgānīh
awēšān niwēyēnam ahlawān frawahr ī čērān ī abar_wēzān ī pōryōtkēšān frawahr nabānazdištān frawahr zōt ān ī xwēš ruwān ud frawahr pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam harwisp ān ī ahlāyīh rad pad yazišn ud niyāyišn ud šnāyēnīdārīh ud frāz_āfrīgānīh
awēšān niwēyēnam harwisp ān weh_dāg yazad ī mēnōy ud kē =iz gētī kē hēnd yazišnōmand ud niyāyišnōmand az ahlāyīh pahlom kū pad frārōnīh ōh abāyēnd yašt u =šān ustōfrīd ōh kunišn
hāwan abāz wardēnišn
amahraspandān huxwadāyān ī hudahāgān yazam
hōm ud urwar andar hāwan abganišn
ēn hōm pad ahlāyīh ul_dād kū pad frārōnīh sāxt ēstēd yazam
ēn gōšt ī ǰīw ī pad ahlāyīh ul_dād kū pad frārōnīh sāxt ēstēd yazam
ēn urwar ī hayanbāg pad ahlāyīh ul_dād kū pad frārōnīh sāxt ēstēd yazam
ēn āb ī weh kū āb ī weh rāy sāxt ēstēd awēšān zōhr ī hōmōmand gōštōmand hayanbāgōmand pad ahlāyīh ul_dād kū pad frārōnīh sāxt ēstēd yazam
āb ī weh kū āb ī weh rāy sāxt ēstēd āb =iz ī hōmīgān yazam
ud ān =iz ī asēmēn hāwan yazam
ud ān =iz ī āhenēn hāwan yazam
ān =iz urwarēn barsom ī mad ēstēd pad rad_franāmišnīh ōšmurišn ud warzišn ī dēn ī weh mazdēsnān ān =iz ī gāhān srāyišn ud gāwšudāg ī mad ēstēd pad rad_franāmišnīh ahlaw ahlāyīh rad ēn esm ud bōy yazam ī tō ātaxš ī ohrmazd pus rāy sāxt ēstēd harwisp =iz ābādīh ī ohrmazd_dād ī az ahlāyīh_paydāgīh yazam
ohrmazd ī rāyōmand ī xwarrahōmand yazam
amahraspandān ī huxwadāyān ī hudahāgān yazam
mihr ī frāy_gāwyōd yazam ,
rāmišn xwārom yazam
ud xwaršēd ī amarg ī rāyōmand arwand_asp yazam
wāy ī ahlaw yazam wāy ī abar_kār yazam ud tarwēnīdārtom az anī dāmān
ēdōn tō wāy yazam kū tō hē spennāg_mēnōy ud ōy xwēš hē
rayistag ī frazānag ī ohrmazd_dād yazam
dēn ī weh ī mazdēsnān yazam
mānsr_spand was_xwarrah yazam
dād ī ǰud_dēw yazam dād ī zardušt yazam
dagr_abar_rawišnīh yazam mēnōy spand
dēn ī weh mazdēsnān yazam
rawāg_dahišnīh ī mānsr_spand yazam
ōš_dāštārīh ī dēn ī weh ī mazdēsnān yazam
āgāhīh ī dēn ī mānsr_spand yazam
āsn_xrad ī ohrmazd_dād yazam
gōšōsrūd_xrad ī ohrmazd_dād yazam
ātaxš ī ohrmazd pus yazam
tō ātaxš ī ohrmazd pus ī ahlaw ī ahlāyīh rad yazam ī andar ē yazišn
harwisp ātaxš yazam
gar ī ōš_dāštār ī ohrmazd_dād ī ahlāyīh_xwārīh yazad yazam
harwisp =iz ahlaw mēnōy yazad yazam
harwisp =iz ahlaw ī gētī yazad yazam
ahlawān ī wehān ī abzārān ī abzōnīgān frawahr stāyēm ud xwānam xwēšēnam ud yazam ī mānīgān ud wisīgān ud zandīgān ud dehīgān zarduštrōdomān kū kē ahlaw frawahr gāh ušahin abāg hāwan ud rapihwin ud uzayrin ud aybisrūsrim
harwispīn awēšān frawahrān fradom ēdar yazam frawahr ī ān ī ohrmazd ī mahist pad tan ud pahlom pad arz ud nēktom pad dīdan xrūždtom saxttom pad kār ud dādestān ud xradīgtom dānāgtom ud hukirbtom kū =š handām ēk ō did passazagtom ud az ahlāyīh abardom az frārōnīh kū =š az yazadān kē tan ahlāyīh ān meh
ahlawān wehān abzārān ud abzōnīgān frawahr yazam kē =iz amahraspand ī huxwadāy ī kāmag_dōysr kū nēkīh pad abāyist kunēnd ī buland ī abar_madār ō kār ud dādestān tagīg xwadāy kē aseǰōmand ud ahlaw pōryōtkēšān fradom niyōšišn_hamōzišnān kē fradom hāwišt ī zardušt būd hēnd ēdar ahlawān narān ud nāyrīgān axwān gāh ud dēn ud kunišn bōy āšnāg ruwān ud frawahr yazam kē weh_mard ud ahlaw būd hēnd
gōspand hudahāg ruwān yazam
kē weh_mard ud ahlaw būd hēnd gayōmard ī ahlaw frawahr yazam
zardušt ī spitāmān ēdar ī ahlaw ā =š ahlāyīh kār ud kirbag ud frawahr =iz yazam
kay wištāsp ahlaw frawahr yazam
isadwāstar ī zarduštān ī ahlaw frawahr yazam
nabānazdištān ēdar ī ahlawān ī ahlawān ī narān ud nāyrīgān axwān gāh ud dēn kunišn ud bōy āšnāg ud ruwān frawahr yazam kē weh_mard ahlaw būd hēnd abāg harwispīn ahlawān frawahr ī bē_widardān ahlawān ud kē =iz zīndagān ī ahlawān kē =iz mardān ī azādān frašgird_kirdārān ī sūdīmandān
ud ēdar ān ī bē_widardān ruwān yazam kē ahlawān frawahr
harwist kē az ēn mān nabānazdištān ī bē_widardān ī hērbedān ud hāwištān ud zand_čāšīdār ud narān ud nāyrīgān ēdar ī ahlawān frawahr yazam
harwistīn hērbedān ī ahlawān frawahr yazam
harwispīn hāwištān ī ahlawān frawahr yazam
harwispīn narān ahlawān frawahr yazam
harwispīn nāyrīgān ī ahlawān frawahr yazam
harwispīn aburnāyīgān ī dahmān_kirdān ī ahlawān frawahr yazam
ādehīgān =iz ī ahlawān frawahr yazam
uzdehīgān =iz ī ahlawān frawahr yazam
narān =iz ī ahlawān frawahr yazam
nāyrīgān =iz ī ahlawān frawahr yazam
harwispīn ahlawān ī wehān ī abzārān ī abzōnīgān ī frawahr yazam ī az gayōmard tā_ō sūdīmand ī pērōzgar sōšāns
harwispīn frawaš ī ahlawān yazam
ān ī widardagān ruwān yazam kē ahlawān frawahr
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
rāspīg , esm ud bōy nihād ēstēd ō ātaxš barišn
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd kāmag
abar_hāwan be abrāzēnišn
abar_hāwan pad arwēs be nihišn
ēdōn ān ī az harwispīn mahist pad ahūīh ud radīh kū ahūīh ud radīh rāy az yazadān meh daham kē ohrmazd pad sneh ī gannāg_mēnōy ī druwand pad sneh ī xešm ī xurdruš pad sneh ī māzenīgān dēwān pad sneh ī harwispīn dēwān ī kēnīgān ī druwandān pad frāy_dahišnīh ī ohrmazd ī rāyōmand ī xwarrahōmand pad frāy_dahišnīh ī amahraspandān pad frāy_dahišnīh ī tištar star ī rāyōmand ī xwarrahōmand pad frāy_dahišnīh ī mard ī ahlaw pad frāy_dahišnīh ī harwisp spennāg_mēnōy dāmān ī ahlaw
pad harw fradaϑāi abar_hāwan čahār angušt be abrāzēnišn ēdōn kū pad panǰ fradaϑāi gōš bālā dast abar dārēd pad dāmanąm_aṣ̌aōnąm abar_hāwan ō dar ī hāwan nihišn
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest čahrušāmrūdīg gōwišn
abar_hāwan pad yatāhūwayryō fradom abar_hāwan pad dar ī hāwan čiyōn xwaršēd gardēd be gardēnišn
pad yatāhūwayryō fradom pad š́iiaōϑə̄nanąm ēk ud pad aŋhə̄uš ēk bār pad mazdāi ēk bār kōftan pad didīgar ham ēdōn
pad ēn wāzag harw ēk dō bār pad sidīgar yatāhūwayryō ham pad ēn wāzīhā harw ēk sē bār kōftan ēdōn kē fradom bawēd sē bār pad didīgar šaš bār pad sidīgar noh bār
pad xšaϑrəmcā ī sidīgar abar_hāwan gōš bālā be abrāzēnišn
pad yatāhūwayryō čahārom hōm ud urwarām hamē kōbišn
mazdā_at̰_mōi_vahištā , čiyōn pad gāhān nibišt , tā , haiϑiiə̄m_då_ahūm , čahrušāmrūdīg gōwišn ,
hōm ud urwarām kōftan hāwan škeftan
ā_airiiə̄mā_išiiō , čiyōn pad gāhān nibēsam , tā , masatā_mazdå , čahrušāmrūdīg gōwišn ,
hōm ud urwarām kōftan hāwan škeftan ,
ašem_wohū sē guftan
pad harw ēk =ēw zōhr andak =ēw pad , vōhū , andar hāwan kunišn
abar_hāwan čiyōn xwaršēd gardēd andar hāwan sē bār gardēnīdan ,
weh srōš_ahlī wištāsp kē =š ahlāyīh abāgēnēd ān ī meh rad abāg pad =iz dastwarīh ī zardušt ,
ān =iz ī ēdar az tō nēkīh =iz ī ēdar az tō
huxūbframānīh ud pānagīh čāšam ō kasān ēd gōwam kū xūb_framānīhā rawēd ahunawar kē pad ahlāyīh frāz srūd hōm ud urwarām pad abar_hāwan stadan srešk =ēw andar jīv.dąn abganišn hāwan =iz kē pad ahlāyīh frāz rawēnīd ud ān =iz ī rāst gōwišn abar_hāwan abāg hōm ud urwarām pad sar ī barsom nihādan pad war ī zōhrag ī andar hōy čē ēdōn amāh xūb_framāntar hēm kū =mān xūbtar kird bawēd
čiyōn ahū kāmag čiyōn ohrmazd kāmag
čahrušāmrūdīg gōwišn
pad ān ī fradom pad š́iiaōϑə̄nanąm zōhr andar hōm_pālag kunišn ,
pad xšaϑrəmcā bē afšārišn
pad ān ī didīgar ud sidīgar ud čahārom ham ēdōn be afšārišn
yə̄_səuuištō_ahurō_mazdā̊scā , ciyōn pad gāhān bawēd , sē guftan
pad harw , paitī , be afšārišn ,
us_mōi_uzārəšuuā , zōhr ul dārišn pad ēd wezest pad dašn pad ēd wezest az hōy pad ēd wezest pad war ī zōhrag dārišn pad čahārom wezest abar barsom nihišn pad sar māhrōy dārišn , tā , sə̄raōšəm_xšaϑrəmcā
kē sūdēnēd ohrmazd spandarmad , čiyōn pad gāhān
taštag kē =š zōhrag andar pad sar ī barsom datuš dārišn
pad urwēs be nihišn ,
aṣ̌əm_vohū sē
frauuarāne , ud , hāuuanə̄e , ud , sāuuaŋhə̄e , ud , raϑβąm , ud , frasastaiiaēca , ud wāz_gīrišnīh
yānīm_manō gāhān bun
huǰahišn xūb_frazām bawād pad dādār dōšišn šnāyišn dādār ohrmazd ī rāyōmand ī xwarrahōmand abestāg ī gāhān ud zand huǰahišn ud xūb_murwāg xūb_frazām bawād
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag ān =iš wahman dahišn kū ān mizd ud pādāšn ī wahman dahēd ā =iz ōy dahēd kē andar axwān kunišn ī ohrmazd kū ān kunēd ī ohrmazd abāyēd ast kē ēdōn gōwēd ay ān =iš ī ō wahman dahišn kū ān mizd ud pādāšn kē ō wahman dahēnd ā =iz ōy ōh dahēnd ast kē ēdōn gōwēd ay ān =iš ī pad wahman dahišn kū ān mizd pādāšn ī pad wahman bē dahēnd ā =iz ōy =iz dahēnd ay ādurbād ī zarduštān guft kū az ān ī wahman dahišn andar axwān kunišngar andar dānēnd xwadāyīh =iš ō ohrmazd kū =š xwadāyīh ēdōn pad sūd ī ohrmazd dāšt bawēd kē ō driyōšān dahēd wāsān kū =šān ǰādag_gōwīh kunēd
wezest čahrušāmrūdīg gōwišn
ahlāyīh ābādīh pahlom ast ābādīh =ēw ahlāyīh weh nēk ast ān ahlāyīh ud nēk ōy mard =iz nēk kē ahlāyīhēnīdār ān ī pahlom ahlāyīh kū ōh kunēnd
wezest srišāmrūdīg gōwišn
ahunawar yazam
ud ahlāyīh pahlom ī nēk ī amarg ī abzōnīg yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd ohrmazd āgāh az ahlāyīh_abāgīh ī čēgāmiz =ēw čēgāmiz =ēw kār ud kirbag mizd ud pādāšn āgāh dahēd hanǰamanīgān narān mādagān yazam amahraspandān , ān gāhān čiyōn ast panǰ gāh ī ast , ahunawayt_gāh , uštawayt_gāh , spandmayn_gāh , wohuxšahr_gāh , wahištōyšt_gāh , u =š bazišnīg ast , abazišnīg , yazamaide_vaŋhuca , andargīg azēr ēn nibēsihēd
gāhān bun
frāgām pad dast frāz nihišn ō barsom barišn pad =iz abārīg ham_gōnag kunišn , hāwan škeftan
ud yān menišn ud yān gōwišn ud yān kunišn frārōn rāy pad nēkīh arzānīg būd ahlaw zardušt menišn gōwišn kunišn frārōn pad nēkīh arzānīg būd
frāz amahraspandān gāhān grift kū =šān pad stī frāz dāšt
niyāyišn ō ašmāh gāhān ī ahlawī
ān mizd ī ōy ohrmazd xwēš xwāyam pad niyāyišn ī ka ǰādag_gōwīh ī yazadān ud wehān kunam ustān_dast menišnīg pad rāmišn ī xwēš pad mēnōyīgīh ī ohrmazd ī fradom pad gāhānīgīh abzāyēnišn ahlāyīh ī pad harwist kunišn kū kunišn tis hamāg pad gāhānīgīh kunišn pad ān ī wahman xrad pad āsn_xrad šnāyēnišn =iz gōšurun kū pahrēz ī gōspandān pad dānāgīh kunišn
wezest bišāmrūdīg gōwišn
pahikārišn
kē ō ašmāh ohrmazd bē rasān+ pad wahman kū pad frārōnīh bowandag bē_ō xwēšīh ī ašmāh mad hān+ ō man dahēd pad harw dō axwān ī astōmandān ud kē =iz mēnōyān nēkīh ī ēdar ud ān =iz ī ānōh ābādīh az ahlāyīh_abāgīh kū =m padēxwīh pad frārōnīh dahēd kē ō ōy ī rāmēnīdār dahēd xwārīh ī pad rāmišn be abāyēd kirdan
frāz_gōwišnīh franāmišn
kē ašmāh ašawahišt xwēš hān+ ud wahman =iz ī fradom kū pad xwēšīh ī ašmāh ēstān+ ud ohrmazd =iz ā =š xwēš hān+ kē =š ān ī awēšān xwadāyīh pad anizār_windišnīh kū =š pāduxšāyīh ī abar amahraspandān stabr ōy =iz ī wālišn_dādār spandarmad ā =š xwēš hān+ ān ō man pad rāmišn pad xwānišn rasēd ka =tān ōh xwānān+ ā =m pad rāmišn abar ōh rasēd
frāz_gōwišnīh franāmišn
kē ruwān andar garōdmān dahēd ā =š pad abāgīh ī wahman ay harw kē dahēd ā =š pad abāgīh wahman dād bawēd ā =š tarsagāyī =iz ō kunišngarān kē ōy rāy kunēd ī sazēd āgāh bawēd pad ān ī ohrmazd dēn ī ohrmazd čand xwāstār ud tuwānīg ham ān_and hamōxtam xwāyišn ī ahlāyīh kār ud kirbag
frašn hāzišn ī pad abar_xwāyišnīh
ašawahišt kay tō wēnam pad ān ī wahman āgāh_dahišnīh ēn dānam kū =t andar ān zamān wēnam ka harw kas pad frārōnīh āgāh be kay bawēd ud gāh =iz ī ohrmazd kay wēnam ī sūd_xwāstār ān gāh ī pad srōš dānihēd kū ka dastwar dārēnd šāyēd dānist kū nēkīh ī az ān gāh čē ān mānsr ī mahist ā =š wurrōyēnišn ud dahišn ōy kē xrad stard ēstēd pad uzwān ā =š tis =ēw ēn pahlom ka hērbedestān kunēd
hāzišn yān
yān frāz_gōwišnīh
rasišn ī wahman ō tan ī kasān dahē =m , ašawahišt dahišn dēr_ǰānīh kū =m ān tis ma dahād ī pad tan ī pasēn abāz abāyān+ ōzad pad ān ī rāst saxwan tō ohrmazd ī ō zardušt nimūd ēstēd ā =t az ōy ī ōzōmand wištāsp ast kū =t rāmēnišn ham kū =t pad nēkīh frāz ō xwadāyān nayišn ham ud manīgān =iz ohrmazd hāwištān man ā =iz =it pad nēkīh frāz nayišn hēnd kē bēšīdārān bēš ī bawēd ka ēdōn kunēd tarwēnišn kū bēš ī az awēšān akār bawēd
dahē =im ašawahišt ān tarsagāyīh ī pad wahman ābādīh kū =m tarsagāyīh =ēw ī ēdōn dahād ī pad tan ī pasēn abāz nē abāyānd ōzad dahē tō spandarmad ān ī az wištāsp xwāyišn mowbedān mowbedīh ud manīgān =iz hāwištān ī man ā =šān mowbedān mowbedīh dah u =m dahē stāyīdār ī pāduxšā ī ohrmazd wištāsp ka ēd ī ašmāh mānsr srāyēnd kū dēn ī ašmāh gōwānd ārāyišn dahēd kū rawāg kunēd
pahikār
ka pahlomīh ī tō dēn ī tō ī pahlom az abārīg tis pad ahlāyīh ī pahlom ō_ham dōšān+ pad frārōnīh ohrmazd ā =m pad xwāyišn windēnē mard ī frašōštar kū =m frašōštar pad hāwištīh bē dahē ud manīgān =iz frašōštar u =š hāwištīh dah ō =iz awēšān ēg rād hē hamē_tā_ō_wisp pad wahman kū frašōštar ud hāwištān ī frašōštar tā tan pasēn hamē nēkīh pad =iš kun
nayišn frāz_gōwišnīh
frāz_gōwišnīh
anāyišnīh rāy ō ašmāh ohrmazd ēn nē kunam kū bē_ō ašmāh nē āyam ud ašawahišt =iz pad yān nē āzāram yān =iz =ēw nē xwāyam ī ašawahišt dušxwār sahēd wahman =iz pahlom ā =š nē āzāram kē ō ēd ī ašmāh hassārīh dahēd stāyīdārān kū ušēdar ud ušēdarmāh ud sōšāns bē_ō ham_pursagīh ī ašmāh ānayēd ašmāh dōšag hēd pad xwāyišn ī xwadāyīh sūdimand kū xwadāyīh ī sūdimand be dōšēd ud be dahēd
yān frāz_gōwišnīh
ka ēdōn ahlāyīh āgāh hān+ ud ān ī wahman dahišn kū pad rāstīh ud frārōnīh bowandag āgāh be būd hān+ ī frārōn ohrmazd ā =m pad awēšān purr han_bārēd kāmag kū =m nēkīh pad =iš kunēd ka ēdōn pad ān ī ašmāh asūdag windēnēd xwarišn u wastarg pad ān X srāyišn ka pad yazišn ī ašmāh sūdag nē bawēd ā =š xwarišn ud wastarg windēnēd
pahikār
frašn
ka pad nigerišn ahlāyīh bē pāyam ud wahman =iz tā hamē_rawišnīh kū rāstīh ud frārōnīh pānagīh kunēd tō ān ohrmazd frāz ō man hamōzē ēd ī tō pad gōwišn mēnōyīgīh gāhānīgīh ī az ēd tō pad dahān paydāg ī az ān paydāg ī tō pad dahān be gōwē kē andar axwān fradom būd kū ān ī fradom ā =š dād gāhānīgīh būd
ahiiā_yāsā , bišāmrūdīg gōwišn
yaϑā_ahū_vairiiō , čahrušāmrūdīg gōwišn ,
aṣ̌əm_vohū , srišāmrūdīg gōwišn
pad ahe.yāsā_hād yazam
yeŋ́hē_hātąm , yazišn pad hād sar , gāhānīg ēwāmrūdīg
brīn hādān yazišn pad hād sar
yāzdah wezest sīh_ud_sē gāh
xšmuaybī_hād bun
ēn gyāg ud harw gyāg gāh =ēw ǰīw ō barsom barišn
frāz_gōwišnīh zardušt
frašn ud garzišn gōšurun
yān ī gōšurun
ō ašmāh amahraspandān gōšurun garzīd ast kē ēdōn gōwēd ay xwadāyīh =iš guft ō ohrmazd rōn kū ō kē man brēhēnīd ham pad xwardan ud dāštan ud ō kē man tāšīd ham kū ō kē dād ham ān man ān ī xešm kē =m pad xešm zanēd kē stahmag kū =m bē apparēd ī rēšken kū =m apaymān kušēd ā =m āhōgēnēd pad hamāg abāz ud darrīdār =iz kū =m bōdōzed bē kunēd ud truftār =iz kū =m bē duzzēd nē man wāsanīdār anī az ašmāh kū kas =ēw nē dānam kē =m nēkīh ēdōn az =iš čiyōn az ašmāh ēdōn man rāy sāzēd ān ī weh wāstar
frāz_gōwišnīh zardušt
frašn ī ohrmazd
ēdōn ān ī gōspand tāšīdār ohrmazd pursīd kū ašawahišt kē tō gōspand rad kū ēn dādestān čiyōn kū rad ī gōspandān kē ud kē ēn dād pāduxšāyī xwardan ud dāštan kē =š ast dahēd wāstar ud ān =iz ī gōspandān dahišn tuxšāg kū =š wāstar dahēd u =š pasušhorw =ēw az ān paydāgēnīd kē gōspand bē abzāyēnēd kē ōy pad nēkīh xwadāy ī ka =š parwarišn nē kunēd ā =iz pāduxšāy xward kē ōy druwand ī xešmen anēr wānišn dahēd ēn passox kū =š stō kunēd
frāz_gōwišnīh ašawahišt
frāz_gōwišnīh zardušt
frāz_gōwišnīh ašawahišt
ōy kē ān ī gōspandān tan_sālārīh nē pad abēšīdārīh čē =š pad bēšīdārīh ašawahišt passox guft kū pādufrāh kunēnd awēšān nē āgāh hēnd ān āštīh ī rōšn ud rāst awēšān druwand pādufrāh ī pad ruwān čē ud čand kunēnd nē dānēnd az astān ān ōzōmandtar kū ōz ī ān ī ōy pad zzz kē ō ān pad xwānišn rasēd ō kirdārīh kū ka =š xwānēnd kū kār ud kirbag kun kunēd
frāz_gōwišnīh zardušt
frāz_gōwišnīh ašawahišt
ohrmazd saxwanān āmārēnīdār kū pad wināh ud kirbag āmār kunēd kē =šān warzīd pēš =iz dēwān mardōmān kē =iz warzēnd pas ān bē wizīdār xwadāy kār ud dādestān bē wizīnēd ēdōn amāh hēm čiyōn ōy kāmag kū amāh =iz abāyist ān ī ōy
ēdōn az ašmāh amahraspandān pad ustān_axwīh menišnīg ud ustān_dastīh tuxšāgīhā franāmam ō ohrmazd ān kū az amahraspandān ō tis ohrmazd wēš franāmam ud tis ī ohrmazd wēš kunam kū ān man ruwān gāw ī az abāg bawād kū =m ruwān mizd dahānd ud ō ohrmazd ān ī pad gumānī ham_pursēnd kū ān ī gumānīg bawān+ ā =m az ohrmazd abāg tuwān bawād pursīdan nē ōy ī rāst zīwišn frāz_abesihišnīh kū kē pad rāstīh zīwēd ā =š abesihišnīh pad ruwān nē bawēd ud nē ōy fšūnēnīdār kū ōy ī fšūnēnīdār kē tis pad frārōnīh dārēd nē ēdōn čiyōn bē az ōy ī druwand čē ōy ī druwand ōh bawēd
frāz_gōwišnīh zardušt
ēdōn =iš pad dahān guft ohrmazd āgāhīhā wišōbišn wizārišn kū =š dānišnīg guft kū anāgīh az gannāg_mēnōy čārag ast nē ēdōn ahūīgīh windišn kū ān ī pad gyāg čārag kirdan nē šāyēd ēd rāy čē xwadāy pad xwadāy nē dārēnd ud nē dahišn ī radīh az ahlāyīh čēgāmiz =ēw kū dastwar =iz ēdōn čiyōn abāyēd dāštan nē dārēnd ēdōn tō ō ōy ī fšūnēnīdār warzīdār brēhēnīd hē ud tāšīd hē kū ō ōy ī tuxšāg ī paymānīg dād hē
frāz_gōwišnīh zardušt
frašn ī ohrmazd
ān ī abzōnīgīh ī pad mānsr ohrmazd ō ōy tāšīd pad ahlāyīh ham_dōšišnīh kū ān mizd ī az mānsr paydāg ō ōy dahēnd kē kār ud kirbag kunēd ohrmazd gōspand waxšēnēd kū =š be abzāyēnēd ō xwardārān kū pad paymān xwarēd ōy ī abzōnīg ohrmazd hamōxt pad sēnūg_masā ud bāzā_masā kē tō ēd wahman kū ēd ī =t ōh ānayēd kē pad harw dō abestāg ud zand dahān dahēd ōšmurdārān hērbedān
passox_gōwišnīh wahman
frāz_gōwišnīh zardušt
ēd man dahišn windīd kū =m ān ī ēdōn ēd ēk windīd ō ān ī amāh hamōxtišn ēd ēk kē niyōšāg zardušt ī spitāmān ōy ān ī amāh ohrmazd kāmag ahlāyīh =iz kū abāyist ī ō kār ud kirbag bowandag ud čārag_kirdārīh =iz srāyēd kū čārag ī druz andar gēhān be gōwēd kē ō ōy hudamanīh dahēd pad gōwišn kū gōwišn ī frārōn rāy ī ōh gōwēd ā =š ānōh pad mēnōy gāh ī nēk dahēnd
garzišn yān gōšurun
frašn ī gōšurun
yān_frāz_gōwišnīh gōšurun
ēdōn =iz gōšurun garzīd kū ōy ī axwāstār rāy ī atuwān zardušt ā =m bawēd ašād_menišnīh pad ān ī arād_dahišnīh ka =š bowandag abar bē nē rādēnēnd ud gōwišn =iz ī ō mardān anabzārīh rāy ka dēn bowandag nē rawāg kē =m awēšān kāmag xwāyišn ī ō xwadāyīh kū =š awēšān rāy mowbedān mowbedīh abāyēd čiyōn hagriz ān dahišn ast kū ān zamānag hagriz rasēd ka ō ōy dahihēd pad tuwān_xwāyišnīh ayārīh ō ōy zardušt
frašn frašnīgīha
ašmāh ō awēšān ohrmazd ayārīh dahēd ud ašawahišt ud xšahrewar kū zardušt hāwištān ī zardušt nēkīh pad =iš kunēd ēdōn =iz wahman kē humānišnīh gāh ānōh ud rāmišn =iz ā =š dahād an =iz ōy ohrmazd ōy zardušt ā =š az tō menam fradom windišn kū =š fradom nēkīh az tō bawēd
yān ēw_tāg yān ī zardušt
kū dahišn ašawahišt wahman ud xšahrewar kē ēdōn ō man rasēnēd gōwišn zardušt kū ān mizd kū gyāg ēstēd ašmāh =im ohrmazd was pad ēd meh_maγīh pādāšnēnēd kū =m pad ēd abēzag wehīh pādāšn kunēd ohrmazd nūn amāh kāmag ān ī amāh rādīh ī az ašmāh nūn ka abdīh ī ašmāh wēš dānam ā =m nēkīh ī az ašmāh kāmagtar , būd kē guft ay nūn ka dēn rawāg be būd man ud hāwištān ī man mizd ī az tō kāmag
brīn hādān
ahiiā_yāsā , bišāmrūdīg gōwišn ,
yaϑā_ahū_vairiiō , čahrušāmrūdīg gōwišn ,
aṣ̌əm_vohū , srišāmrūdīg gōwišn ,
yazišn pad hād sar
pad xšmāyabī_hād yazam
yeŋ́hē_hātąm , yazišnīgīhā ēwāmrūdīg gōwišn
yāzdah wezest sē gāh
attāwaxšyā-hād bun
hāzišn frāz_gōwišnīh
ēdōn ān ī harw dō gōwišn xwāyišn ī ohrmazd dād abestāg ud zand kē =iz āgāh kū dānāg ā =š hērbedestān kunišn kē stāyišn ī ohrmazd ud yazišn ī wahman az =iš paydāg ān abestāg ud zand kē humenīdār pad ahlāyīh ān =iz ī kē tis ī frārōn menēd ā =š kirbag yazišn meh bawēd kē =šān andar rōšnīh pad wēnišn urwāhmenīh kū yazadān ka mēnōy yazišn wēnēnd ā =šān rāmišn bawēd
tāšt_gōwišnīh hassārīhā ud xwānišn ud hāzišn
gōšōsrūd_waxšēnišnīh kū =š hērbedestān kunišn kē =š awēnābdāg ān rōšn pad menišn kū ān ī hērbedān rōšn ōy tārīg kāmag amāh bē wizīnišn kē mard ud zan hēm ō ān ī xwēš tan kū =mān tis ī frārōn az ān ī abārōn bē wizīnišn u =mān ān ī frārōn ōh kunišn kū bē pad ān ī meh kār pad passāxt ī pad tan pasēn ō ān hamōxtišn amāh nigēzēnd pādāšn kū =mān tis frārōn hamōxtan rāy pādāšn kunēnd
frāz_gōwišnīh ohrmazd
ēdōn ān harw dō mēnōy ohrmazd ud gannāg ā =šān fradom ān ī ǰomā xwad srūd kū =šān wināh ud kirbag xwad be guft menišn ud gōwišn ud kunišn ān harw dō kē weh ud kē =iz wattar ēk ān weh menīd ud guft ud kird ud ēk ān ī wattar az awēšān ōy ī hudānāg ohrmazd rāst bē wizīd ud nē ān ī dušdānāg gannāg_mēnōy
frāz_gōwišnīh zardušt
passox_gōwišnīh ohrmazd
ēdōn =iz ān harw dō mēnōy ō_ham mad hēnd ō ān ī ōy fradom dahišn kū harw dō mēnōy ō gayōmard mad hēnd kē =iz pad zīwandagīh ohrmazd pad ēd kār kū wēš zīwandag dārānd u kē =iz pad azīwandagīh gannāg_mēnōy pad ēd kār kū weh bē ōzanānd kē =iz ēdōn ān ast ō ān ī abdom andar axwān kū mardōm =iz abārīg abar ōh rasēd wattomīh druwandān ahriman druwandān rāy abesihēnišnih bē dīd frāz_gōwišnīh ān ahlaw pahlom_menišnīh ohrmazd ēmēdag hamēyīgīhā
frāz_gōwišnīh
hāzišn ohrmazd
az dōān mēnōyān ā =š dōšīd kē druwand ān ī wattar warzišn ahriman ān ī wattar warzišn kāmag būd ahlāyīh mēnōy ī abzōnīg ohrmazd ahlāyīh dōšīd ud ka =iz =iš ān ī saxt sag nihuft asmān =iz pad ēd kār pērāmōn gēhān be kird kū tā ahlāyīh rawāg bawād kē =iz šnāyēnēd ohrmazd u =iš kāmag ān ī ohrmazd ud pad ān ī āškārag kunišn ō ohrmazd kū pad ān kāmag ud kunišn ō ohrmazd šāyēd mad
frāz_gōwišnīh zardušt
awēšān nē rāst bē wizīnēnd kē dēwān hēnd čēgāmiz =ēw kū dēw tis ī frārōn nē kunēnd kē =iz awēšān frēft awēšān =iz kē dēwān frēft ēstēnd ā =iz nē kunēnd ō pursišn abar mad hēnd kū =šān abāg dēwān ham_pursīd bawēd kē =šān dōšīd ān ī wattar pad menišn ēdōn abāg xešm ō_ham dwārist hēnd u =šān wēmārēnīd axwān mardōmān kū abāg xešm mardōmān āhōgēnēnd
frāz_gōwišnīh
ō ōy xšahrewar rasēd ud wahman ud ašawahišt =iz kū ōy ī gāhānīg ā =š pad nēkīh pad =iš kirdan abar ōh rasēnd u =š ēdōn kirb ud tuhišn dahēd spandarmad pad astōwīh kū tā =š dahēd stō nē bawēd awēšān ī tō ān ast kū ō ōy kas ēdōn rasēnd kē ēdōn āyišn čiyōn dahišn ī fradom kū =š kāmag ud kunišn ān ī gayōmard
ēdōn =iz pad ān dahišn pad tan ī pasēn ō awēšān kēnīgān wināhgārān rasēd kēn kū =šān pādufrāh kunēnd ēdōn ohrmazd kē ō tō xwadāyīh ā =š wahman bē dahēd mizd
hōm ud urwarām andar hāwan abganišn
pad awēšān hamōxtišn ī ohrmazd pad dēn ī ohrmazd ka ō ōy kē ahlāyīh kū pad tis ī frārōn hamōxt ēstēd ā =š ō dast dahihēd druz druz ī ahlomōγīh
hāzišn
ēdōn =iz amāh kē ī tō hēm kū tō xwēš hēm ā =mān ēn frašgird kunišn andar axwān ohrmazd =iz ān hamāg_hanǰamanīgīh barišn ud ašawahišt =iz kū =šān hamēšag hanǰaman ī abar tan ī pasēn kunišn kē hassār menišn bawēd kū menišn pad dastwarīh ī ahū dārēd ā =š ānōh frazānagīh ast kū frazām ī tis pad frārōnīh bē dānēd andar mēhan
ēdōn pad ān dahišn pad tan ī pasēn ōy druz gannāg_mēnōy pad frōd_bandišnīh ka =š tis bē_ō nizārīh ēstād škihēd spāh ēdōn tēz āyōzēnd ō mizd stad ān pad humānišnīh ī wahman ka pad frārōnīh mānist ēstēnd ō ohrmazd ud ašawahišt =iz āyōzēnd kē gīrēnd ān ī weh_nāmīgīh kū ān kas šawēd ō mizd stadan kē husraw ast
hāzišn frāz_gōwišnīh abyōxtagīhā
ān harw dō wābarīgānīh hamōxtišn ī ohrmazd dād ō mardōmān ud kē xīnāhen , ā =iz hamōxtišn ān tis kū tā =m pad passāxt dazišn nē bawād kē =iz dagr rēš az ān passāxt druwandān sūd =iz ī ahlawān kū čiyōn abāyēd kirdan ēdōn pas awēšān ast nēk ka ān sūd bowandag be mad
brīn hādān
ahiiā_yāsā , bišāmrūdīg gōwišn ,
yaϑā_ahū_vairiiō , časrušāmrūdīg gōwišn ,
aṣ̌əm_vohū , srišāmrūdīg gōwišn
yazišn pad hād sar
pad attāwaxšag_hād yazam
yeŋ́hē_hātąm , yazišnīgīhā ēwāmrūdīg gōwišn ,
yāzdah wezest sē gāh
tāwrad_hād bun
frāz_gōwišnīh
ān harw dō wābarīgānīh ī ašmāh ōšmurom abestāg ud zand ud ōy =iz ī aniyōxšīdār ahlomōγ pad gōwišn hamōzam andar warōmandīh =ēw sē bār ōh gōwišn ud ka ēwar dānēd kū nē hamōxtēd ē_bār awēšān kē pad wābarīgānīh ī druz ān ī ahlāyīh gēhān bē murnǰēnēnd ka druz pad wābarīgān dārēnd ēg =iz awēšān pahlom hē ka rawāg dahišn hānd pad ān ī ohrmazd kū awēšān =iz ahlomōγān tis =ēw ēn pahlom hē ka dēn ī ohrmazd rawāg kunēnd
frāz_gōwišnīh rawišnīh
kē pad nigerišn nē wurrōyēd ā =š pad ān agumānīgīh ka pad tis ī yazadān nē =iz gumān kū ast abar_nigēzišnīh weh ka =š pad handāzag ī gētī bē nimāyēnd ēdōn ō ašmāh harwist āyēnd kū harw kas bē_ō xwēšīh ī ašmāh āyēnd ka ēdōn radīh ī ohrmazd āgāh bawēnd kū abdīh ī ohrmazd bē dānēnd az ohrmazd az awēšān ān rasišn ka az ahlāyīh_abāgīh zīwam az amahraspandān ā =m ēn nēkīh az ohrmazd ka abāg kār ud kirbag ī =m ast ōh zīwam
pahikār frašn zardušt
passox_gōwišnīh ohrmazd
ka =t dād pad mēnōyīgīh ātaxš ī ašawahišt u =t čāšt ō pahikārdārān šnāxtārīh kū =t bōxt ēraxt paydāg kird u =t kē wābarīgānīh ō ōy ēmār_wizārdār ā =iz dād nērang ī war dād ān ō amāh ohrmazd āgāhīhā gōwē dānāgīhā ān nērang ī war pad uzwān ī tō pad dahān zīndagān harwistīn wurrōyēnd u =š pas guft bawēd kū gōwam
pahikārišn frāz_gōwišnīh
ka pad ān dahišn pad tan ī pasēn ašawahišt xwāndār hānd ud ohrmazd =iz kū =m wehīh ēdōn bawād ī =m ohrmazd ud ašawahišt tuwān bawād xwand ōy =iz ī tarsagāy spandarmad ā =š xwāndār hānd pahlomīh xwāyam wahman mizd hōm ud urwarām kōftan ud hāwan škeftan tā wezest sar bawēd āb andar kirdan ud afšārdan manīgān =iz hāwištān ī man xwadāyīh az ōy ī ōzōmand kū =šān pādixšāyīh az sōšāns dād kē ān ī ōy gurdīh kū =š pad abzār ī xwēš tuwān bawēd kirdan wānihēd druz ay ēn dānam kū andar ān zamān druz stō šāyēd kirdan
ān ō man wizurd gōwē rōšnag gōwē kū ān mizd čiyōn ō xwēš šāyēd kirdan kē ō man pad ahlāyīh ka =m kār ud kirbag kird ēstēd dahišn ī weh kū =m ān mizd ī weh ōh dahišn āgāh_dahišnīh pad wahman ō man ān dahē kū =m ān dānāgīh pad frārōnīh bē gōwē kē man pad ān ī ōy ān ī ō areš kū =m pad ān dānāgīh ī frārōnīh passox ī ō areš tuwān bawād dādan ān =iz ohrmazd nē ast ān ī ast rāy gōwēd kū gāhānīgīh rāy ī ast gōwēd kū nēst
ōy ast pahlom kē ō man āgāhīhā gōwē āškārag rōšnag kū hērbed weh kū hāwišt mānsr ī hamāg_rawišn kū hamāg dām pad rāh ī mānsr abāz ō xwēšīh ī ohrmazd rasēd ī ka pad ahlāyīh dārēnd ō nūn ā =š amarg_rawišnīh az =iš bawēd andar ān panǰāh_ud_haft sāl ohrmazd ān_and xwadāyīh čand andar ōy waxšēd wahman kū =š pāduxšāyīh pad tan ī mard ān_and čand =iš wahman pad tan mehmān
wīst_panǰ frašn
passox_gōwišnīh ohrmazd
mad =iš paymān ī fradom kē =š ō rōšnīh gumēxt xwārīh ohrmazd kē ēn kird kū nēkīh ī =š ēdar ā =š ānōh abāg ā =š ēn tis mad ēstēd kū =š gāhānīgīh abāz rasēd ōy dām kū dām ī frārōn ōy xwēš kē pad xrad ahlāyīh dārēd pahlom_menišnīh kū pad rāstīh ud frārōnīh dārēd ān harw dō ohrmazd pad mēnōyīgīh waxšēnēd kū tis ī mēnōy ud gētī ōy bē abzāyēnēd kē nūn =iz ham xwadāy
frāz_gōwišnīh
frāz_gōwišnīh
ēdōn =im tō rāy menīd ohrmazd kū =t pad zahagīh ēstēd wahman fradom ud ka =m wahman dīd ā =m ēdōn menīd kū zahag ī tō wahman pid hē tō pid ī wahman hē ka =m tō pad ham_čašmīh ō_ham grift hē kū =m pad harw dō čašm dīd hē ā =m ēdōn menīd kū pid ī wahman hē āškārag ān ī ahlāyīh dām rōšnag kū dām ī frārōn tō dād ud andar axwān pad kunišn xwadāy hē pad wināh ud kirbag āmār kunā
frāz_gōwišnīh
andarg_gōwišnīh
tō ast spandarmad kū tō xwēš ud pad tō ast ān ī gōspand tāšīdār xrad pad mēnōyīgīh ohrmazd ā =t ō ōy dād rāh kū =t rāh ī ēdar ō ōy dād kē pad warzīdārīh āyēd kū =š kār ud kirbag kird ēstēd kē nē ast warzīdār ā =t nē dād
frāz_gōwišnīh
andarg_gōwišnīh
ēdōn ān harw dō bun ud bar ā =t az awēšān mardōmān ō ōy franāft ī warzīdār ī fšūnēnīdār kū =t gōspand bun ud bar ō ōy dād ī tuxšāg paymānīg xwadāy ahlaw kē fšēy pad wahman kū sālārīh ī gōspandān pad frārōnīh kunēd nē ohrmazd ō ōy ī awarzīdār ahlomōγ , dauuąscin , pad ān ī xūb_ōšmurišnīh baxšēd pad dēn ī xūb , ī ōh gōwēd kū ān_and =iz mizd čand ō , dauuąs , dahēnd ō ahlomōγān rāy dahēnd
frāz_gōwišnīh
ka =t ō amāh ohrmazd fradom gēhān tāšīd dēn ud pad ēd ī tō menišn ud xrad ā =t dād ka =t ō tanōmandān ǰān dād kū =t ǰān ō gāw ud gayōmard dād ā =iz pad ēd ī tō menišn ud xrad dād ka =t kunišn ud hamōxtišn dād kū =t kunišn ud hamōxtišn ī frārōn dād ā =iz pad ēd ī tō menišn ud xrad dād ud ka kē ō ānōh kāmag ā =t =iš kāmag dād kū ān kē abāyēd ka bē_ō ānōh rasēd ā =t =iš abāyist =ēw ī ēdōn dād ī pad ān rāh bē_ō ānōh rasēd ā =iz pad ēd ī tō menišn ud xrad dād
frāz_gōwišnīh
ānōh wāng ī buland ān ī drō_guftār gannāg_mēnōy ud ān =iz rāst_guftār ohrmazd ān ī āgāh ohrmazd ud ān =iz ī anāgāh gannāg_mēnōy tā_ō ān ī ōy dil ud menišn ī zardušt pad hāzišn kū tā =š be hāzēm kē pad bowandag_menišnīh pad ān ī mēnōy ham_pursēd pad dēn ī mēnōy ā =š ānōh mēhan kē hērbedestān bowandag_menišnīhā kunēd ā =š gāh ānōh bawēd
kē ham_pursēd pad ān ī āškārag kirbag āškārag abāyēd kirdan ohrmazd ud kē ham_pursēd pad ān ī nihānīg wināh nihānīg wēš kunēnd kē pad ān ī kōdag kēn ān ī meh uzmāyēd bōzišn rāy kū wināh =ēw xwurdag be kunēd ud pas ēk ī stabr be kunēd kū tā ān paydāg nē bawād ān pad harw dō čašm ēd kū wēnē ud ān ī pad gumēzag sālār hē wināh ī andar ō kirbag gumēxt ēstēd abar ahlāyīh ā =iz sālār hē ud abar wēnē harwist
frašn
ān harw dō az tō pursēm ohrmazd kē mad ud kē =iz rasēd kē abām dahēd az dāsrān az ān ō ōy ī ahlaw az ān čiyōn abāyēd dād ohrmazd ud kē =iz ō druwandān čiyōn awēšān hēnd han_girdīgīh ēdōn ēn kū ōy dādestān čē , ōy dādestān čē ā =m be gōw
frašn zardušt
pursihād =iš ēdōn ōy pad ān wināhišn pādufrāh =uš kunēd kē ō ōy ī druwand xwadāyīh kunēd ī duškunišn ohrmazd kē nē zīndagīh pad =iz mizd niwēyēnēd kū ka =š pārag dahēnd ā =iz mardōm zīndag be nē hilēd ōy =iz ī warzīdār kēnēnēd kē pad pah u wīr adrōzišn kū mard =iz =ēw ī nēk kē mardōm ud gōspand xūb dārēd ā =š kēn abāg dārēd
frašn ī zardušt
passox_gōwišnīh
pursihād =iš ēdōn ōy mizd =uš dahihād kē =š ān ī hudānāg andar daman xwadāy kū =š ohrmazd pad mēnōyīh andar tan xwadāy kird ēstēd ā =š andar šōysr ān andar deh ān kē pad ahlāyīh frāy_dahišnīh akušīdār kū =š pad gētī ān kas xwadāy ī ka kār ud kirbag kunēd nē kušēd tō hāwand ohrmazd pad ān dahišn kē ēdōn ān ast pad kunišn
frašn ī ohrmazd
passox_gōwišnīh xrad_xwāyišnīh ī zardušt
kadār ayāb ahlaw ayāb druwand wurrōyēnēd meh kū kasān ayāb ān ī ahlaw tuxšāgīhātar wurrōyēnēd ayāb ān ī druwand āgāhīh ōy ī āgāh rāy gōwē ud nē ōy ī anāgāh bawē az pasīh tā =t bē gōwam azdēn amāh ohrmazd kū =mān be dānēn u =mān pad wahman frāz daxšagēn kū =mān pad frārōnīh pad daxšag be kun
ma kas ēdōn az ašmāh az ōy ī druwand mānsr niyōxšād ud hamōxtišn kū az ahlomōγān abestāg ud zand ma niyōxšēd čē andar ān daman ud wis ud šōysr ud deh dahēd dušrawišnīh ud margīh ān ahlomōγ ēdōn awēšān ahlomōγān rāy sāzēd sneh
hāzišn ohrmazd
gōwišnīh zardušt
niyōxšišnīh kē paymān ī ahlāyīh pad =iš pad harw dō axwān ēdōn āgāh ohrmazd kū ān kē paymān ī ahlāyīh pad =iš tis ī mēnōy ud gētī dānēd kirdan arešuxt gōwišn ōy ī pāduxšāy ī abēbīm pad uzwān kāmagēnišn kū =š ōh gōwišn ī rāst ī frārōn abāyist bē barišn ēd ī tō ātaxš ī suxr ī ohrmazd wizārišn bē dahēd ō pahikārdārān kū bōxt ud ēraxt paydāg be kunēd
passox_gōwišnīh
frāz_gōwišnīh
passox_gōwišnīh
kē āyēd ō ahlawān pad frēbišn ōy az pasīh šēwan kū =š pad ruwān šēwan bawēd u =š dagr āyišn andar tam kū =š dagr zamān ānōh abāyēd būd ud dušxwarišn kū =š vīšācā dahēnd ud anāg_rawišnīh gōwēd kū =š anāg mad ēstēd ō tam_axwān ašmāh kē druwand hēd ā =tān kunišn ān ī xwēš dēn nayēd kird abāyist
passox_gōwišnīh ohrmazd
ohrmazd dād hordād ud amurdād bowandag ō ōy kē ahlāyīh ān kū =š kār ud kirbag kird ēstēd u =š xwēš_pedīh pad ān ī ōy ī xwadāy_sālārīh kū pāduxšāyīh ī =š ast pad dastwar dārēd ān =iš ī wahman wazdwarīh kū ān mizd ī wahman be dahēd ā =iz ōy dahēd kē ō ān ī xwēš mēnōy pad kunišn dōst
passox_gōwišnīh ohrmazd
frāz_gōwišnīh zardušt
paydāgīh =iš ōy ī hudānāg ka čiyōn =iš āgāhīh dahēd menēd kū pad menišn ān menēd ī =š ox dastwar weh ān xwadāy kē ahlāyīh pad gōwišn pad =iz kunišn bē hāzēd kū pad ān ī frārōn gōwēd pad =iz kunišn ōh kunēd ān tō ohrmazd burdār tan ast kū =t andar gētī mehmānīh pad tan ī ōy
brīn hādān yazišn pad hād sar
ahiiā_yāsā , bišāmrūdīg gōwišn ,
yaϑā_ahū_vairiiō , čahrušāmrūdīg gōwišn ,
aṣ̌əm_vohū srišāmrūdīg gōwišn ,
pad tāwrad_hād yazam
yeŋ́hē_hātąm , yazišnīhā ēwāmrūdīg gōwišn ,
wīst_dō wezest sē gāh
xwaytumayt_hād bun
frāz_gōwišnīh zardušt
frāz_gōwišnīh zardušt
ān ǰān ī ōy pad xwēšīh xwāst ān ōy wālanīh abāg ērmānīh ān mizd ohrmazd xwēš dēwān =iz pad ēn kū wālan ud ērmān ī tō hēm ā =šān ōh xwāst ān ōy dēwān pad man menišnīh kū =mān menišn ēdōn frārōn čiyōn zardušt ān ī ohrmazd urwāhmenīh ā =šān ōh xwāst tō gōwāg bawēm kū rāyēnīdār ī tō bawēm ud awēšān dārēm kē ašmāh bēšēnēnd kū =šān az ašmāh abāz dārēm
dōšišn ī amahraspandān ud yān sūdimandān
ō awēšān dēwān ohrmazd pad sālārīh ī wahman ka =š wahman pad tan mehmān bawēd az xšahrewar bē passox guft ud ahlāyīh =iz ī xūb_hamhāg nēk kird u =iš pad tan mehmān būd kū spandarmad ašmāh rāy ī weh dōšēm bowandag_menišnīh ān amāh ast kū =mān pad tan mehmān bawād
passox_gōwišnīh ohrmazd
ēdōn ašmāh harwist kē dēw hēd ā =tān akōman ast tōhmag kū =tān tōhmag az ānōh kū akōman =iz kē =iz ašmāh dēwān was yazēd drōzantar ud abar_menišntar bawēd rawēnīd =imān az pasīh ī ān frēbišn kū =mān zardušt dād pad būm ī haft kē =tān asrāyišnīh dahēd
frāz_gōwišnīh ohrmazd
frāz_gōwišnīh ohrmazd
kē az āyōzišn ān frārōnīh ī ēstēd pad ān harw dō tis ī mēnōy ud gētī ā =š frāz menišn wardēnēd kū =š be frēbēd u =š menišn bē_ō wināh kirdan wardēnēd mardōm ī wattar_dānišn bawēd ī dušāgāh kē gōwēnd ān ī dēwān_dōšīd kū tis pad abāyist dēwān gōwēnd ā =šān wahman siǰd kū =šān az dūr ud ān ī ohrmazd xrad wisinnēnd ud ahlāyīh =iz kū tabāh bē kunēnd
frāz_gōwišnīh ohrmazd
pad ān harw dō frēbēd mardōmān pad huzīwišnīh ud amarg_rawišnīh kū ō mardōmān gōwēd yyy zīwistan šāyēd , apagaiiehe , nē bawēd pad rāh ī amāh kē ašmāh wattar menišn kē dēw hēd ā =tān wattar menišn u =tān wattar kunišn ud gōwišn kē frāz čāšēd ō kasān kū az ōy druwand gannāg_mēnōy pāduxšāyīh
frāz_gōwišnīh zardušt
was_kēnīgān ī kēn xwāyihēd kū wināhgārān pādufrāh kunēnd kē srūd ēstēd kē guft ēstēd kū ka awēšān hassār kū pādufrāh pad ān zamān bowandag be kunēnd ka ruwān abāz ō tan dahēnd āškārag_āmārēnīdār ohrmazd kū pad wināh ud kirbag āmār kunēd ān ī pahlom āgāh ī pad wahman mizd dānēd kū ō kē abāyēd dād pad ēd tō ud ašmāh ohrmazd xwadāyīh ān ī ahlāyīh hamōxtišn bē dānihēd ka ašmāh pāduxšāyīh bowandag be bawēd , harw kas pad frārōnīh āgāh be bawēd
frāz_gōwišnīh zardušt
awēšān kēnīg nē tis āgāh hēnd ān zanišn ī rōšn kū pādufrāh pad ruwān čē ud čand nē dānēnd kē zanišn hamōxtēnd ān tis hamōxtēnd ī =šān pad ruwān zanišn bawēd kē srūd ēstēd kū pad ān ī xwīnāhen ā =šān dazēd kē awēšān tō ohrmazd ōy =iz ī zzz āgāh hē kū ōy =iz ī wināhgārtar pādufrāh dānē
frāz_gōwišnīh
awēšān dēwān kēnīg wināhgār ān ī wīwaghānān ǰam srūd kē ō mardōmān čāšīd kū amāgān gōšt pad bazišn xwarēd hamāzag mardōm pad sēnūg_masā ud bāzā_masā awēšān =iz andar ān gāhān man pad gāhānīgīh bē dōšīd ud tō ohrmazd bē wizīd pas kū tō =iz pad xūb dāšt
garzišn ī zardušt
pad dušhamōzišnīh ī sraw ā =šān murnǰēnēd dēw =iz ōy kē ān ī zīwišnōmand xrad hamōxt ō kasān ast kē ēdōn gōwēd ay sraw ā =šān murnǰēnēd ī ōy kē =šān bē ān ī man īšt appurd paymān_kird dāšt xwāstag pad dastwar ī man abāyēd dāštan ī ka šāyēd dāštan pad ān rāh šāyēd dāštan ī ārzōg ast pad wahman , kū ka pad frārōnīh dārēnd abāyišnīg pad awēšān saxwan ī mēnōyīhā ohrmazd ī ašawahišt ō ašmāh garzēd kū =m gāhānīgīh nē rawāg man =iz garzam
garzišn ī zardušt
ōy mard ō ēn ī man sraw murnǰēnišn dād kū =š arawāgīh ō dēn dād kē =š wattar pad wēnišn guft gōspand pad harw dō X aš ud xwaršēd =iz ka =iz =iš dahišt ō druwandān dād u =š murnǰēnišn dād ud ka =iz =iš wāstar wiyābānēnīd kū =š tabāh bē kird u =iš murnǰēnišn dād ka =iš pad paydāgīh xwēhišn dād ō ahlawān kū =š āškārag ōh xwist hēnd u =iš murnǰēnišn dād
garzišn ī zardušt
awēšān =iz ō ēn ī man murnǰēnišn dahēnd kū arawāgīh ō dēn dahēnd kē zīwišnōmandīh gōwēnd kū ka zīwistan šāyēd pad rāh ī amāh ud druwand hēnd ud pad mehīh kāhēnēnd wattarīh =iz kū pad pēšōbāyīh ud pasōbāyīh wināh kunēnd kadag_xwadāy mard ud zan gōwēnd kū mānbedān mānbed hēm ud apparēnd ān ī , rēxn , windišn kū mardōm pad stahm gīrēnd kū xwāstag bē_ō hamīh dahēd kē ān ī ōy ī pahlom ahlaw ohrmazd be nihād ā =š rādīh rēšēnēnd ī pad wahman kū nihādag wehān pad frārōnīh nihād be abganēnd ahlomōγ
kē rēš srāyēnd pahlom kunišn ō mardōmān ā =iz sāstārān apaymān_kušišnīh ō awēšān ohrmazd zanišn guft kē az ān ī gōspandān murnǰēnišn urwāhmenīh gōwēnd ud zīwišnōmandīh
hōm ud urwarām kōftan ud hāwan škeftan zōr andar kirdan pad hōm_pālag kirdan kē abar sar ǰīw_dān ēstēd
awēšān grāmag az ahlāyīh dōšagtar kē karab hēnd kū =šān xwāstag weh sahēd kū kār ud kirbag ud xwadāyīh xwāyēnd pad drōzišn pad abārōnīh
garzišn ī zardušt
kē xwadāyīh pad grāmag xwāyēd kū pāduxšāyīh pad pārag xwāyēd ā =š ān ī wattar andar daman pad menišn kū pad ēd menišn xwāyēd kū ēk_sad bē_daham ud dō_sad abāz stānam axwān murnǰēnīdār hēnd kū gāh ī ānōh bē tabāhēnēnd kē pad ān ī ōy ān =iz ohrmazd zanišn ud garzišn kāmag kū pad ān pāduxšāyīh ī =š ast ā =šān ān abāyēd ka mardōm ēk abāg did ōh kōxšēnd kē pad ēd ī tō mānsr gōwāg hēnd kū pēšōbāy ī pad dēn hēnd awēšān pāyēnd az nigēzišn ī ahlāyīh kū =š ahlomōγ az kār ud kirbag kirdan ōh pādīrānēnēnd
garzišn ī zardušt
ōy pad grāmag mehīh bē pad ān ī kayagān xrad bē dahēd kē pāduxšāyīh pad pārag dahēd pad xrad ī awēšān bawēd kē pad tis ī yazadān karr ud kōr pad ān ī warzānān abārōn_dānāgān ud frāy_dādestānān ā =iz kē pad abārōnīh hanbōh pad bun dārēnd ud ka =iz padīrēnd ō druwandān ayārīh ā =iz pad xrad ī awēšān bawēd ud ka =iz ō gāw zanišn guft kē =š ān ī andar ān ī dūr_ōš guft ō ayārīh ā =iz pad xrad ī awēšān bawēd
frāz_gōwišnīh zardušt
anāyišnīh rāy ka bē_ō ēn dēn nē āyēnd bē wanī bawēnd kē kayag ud karab hēnd ēdōn awēšān abar ka dahēnd kū =šān ēn tis ō xwēš dād kē =šān nē zīndagīh pad pādixšāyīh kāmag kū =šān pad pādixšāyīh ī xwēš zīndagīh ī kasān nē abāyēd ō ōy ī tō awēšān harw dō barēnd ō ōy ī tō āsrōn hordād amurdād andar ān ī wahman daman andar garōdmān
hāzišn
frāz_gōwišnīh zardušt
ham_ēdōn čiyōn pahlom pad frāx_ōšīh pad dānāg_ōšīh hamōxtišn ān ī dahmīhā ī weh_mardīhā pad pāduxšāyīh ī ohrmazd ka pad ān ī ōy zamān ān ī man hāwišt āškārag bawēd ān ī pad gumānīgīh ka kēn ō druwandān kū wināhgārān pādufrāh kunēnd ōy ī dahān xwāstār kē abestāg ud zand gōwēd arzānīgīh kū =š mizd dahēnd
brīn hādān yazišn ī pad hād sar
ahiiā_yāsā , bišāmrūdīg gōwišn
yaϑā_ahū_vairiiō , časrušāmrūdīg gōwišn
aṣ̌əm_vohū , srišāmrūdīg gōwišn
pad xwaytumayt_hād yazam
yeŋ́hē_hātąm , yazišnīgīhā ēwāmrūdīg gōwišn
šāzdah wezest sē gāh
yatāyš_hād bun
hāzišn ī zardušt frāz_gōwišnīh
ān pad nigerišn ēdōn warzišn kē dād axwān ī fradom ā =š paydāg gāhānīgīh kū bē nigerišn ud tis hamāg pad gāhānīgīh kunišn pad ōy ī rad kunišn rāzēnišn pad dastwar kē druwand u =š ahlaw kāmēd būdan kē =iz ahlaw u =š ahlawtar kāmēd būd kē =iz ōy ō_ham mad ēstēd ān ī drō , ud kē =iz ō ān ī abēzag kū hamestānīg
ēdōn zanišn hēnd druwand pad gōwišn ān ud ēdōn pad menišn ān pad harw dō dast warzišn kū pad harw dō dast ōh zanišn hēnd ud ō ōy ī weh tan čāšišn kū tan bē_ō hērbedān dahēd ō awēšān pad kāmag rādīh dahišn pad ān tō dōšišn ohrmazd
hāzišn ī zardušt
kē ahlaw waxšēnišn kū =š tis dahišn pad xwēšīh ān ud ēdōn pad wālanīh ān kū pad xwēš wālan dārišn ud pad ērmānīh ān ohrmazd u =š bē dānēnišn ān gōspandān tuxšāgīh pahrēz ī gōspandān ēdōn ōy kē ahlāyīh ast kū =š kār ud kirbag kird ēstēd ā =š wahman ēdōn warzīdār kū =š nēkīh pad =iš kunēd
abyōxtagīhā frāz_gōwišnīh andarg_gōwišnīh
kē tō ohrmazd aniyōxšīdār ud akōman =iz bē az yazišn ham hōm ud urwarām kōftan hāwan škāftan tā wezest sar ud kē =iz xwēš ud tar_menišn ud kē =iz wālan az nazdīk ud drōzišn ham_sāyagān ud kē =iz ērmānān nāyihišn_dahišn kū =šān wad dārēd ud kē =iz ān ī gōspandān kār wattom paymān kū pahrēz ī gōspandān nē kunēd
xwānišn_hāzišn zzz
hāzišn zardušt
andar rasišn ān ī az harwistān mahist rāy tan ī pasēn rāy srōš xwānišn ō ayārīh bē =m ayābēnē pad dagr_zīwišnīh ān pad xwadāyīh ī wahman kū =m ān tis ma dahād ī pad tan ī pasēn abāz abāyēnd ōzad az ahlāyīh ēdōn az frārōnīh ān ī abēzag rāh ō xwēš kunišn kū andar ān ohrmazd mānēd
frāz_gōwišnīh
yān kāmagīhā zardušt
yān_rawišnīh zardušt
kē zōt ī pad ahlāyīh abēzag kū ahlāyīh rāy abēzag būd ēstēd ān mēnōyān az wahišt xwāyēd gīrēd ō yazišn az ān ayārēnēd pad wahman az ān čiyōn mard weh_mard warzišn dahēd ī pad paymān kār kū tan ī pasēn ōy rāy weh šāyēd kirdan ān =im harw dō ī tō kāmag ohrmazd wēnišn ud ham_pursagīh
yān_passox_gōwišnīh ohrmazd
ān man pad āyišn ka bē_ō ašmāh āyam dahišn pahlom pad dahān ohrmazd nigēzišn ka ān ī pad dahān abāyēd guftan ā =m bē gōwēd ud ān ī pad dast abāyēd nimūdan ā =m bē nimāyēd ašawahišt wahman kē srūd ēstēd pad parrōn_maγīh pad abēzag_wehīh āškārag amāh andarg hēd niyāyišnōmand kū =š tis =ēw abāg hād paydāg rād kū =tān rādīh ī ō amāh paydāg bawād
yān framāyišn ī hamēyīgān
frāz_gōwišnīh zardušt
frāz ō man pad frāz_niwēyišnīh ka tan bē_ō ašmāh niwēyam dahēd pad harw dō dādestān abestāg ud zand kū =m rawād wahman kū =m pad tan mehmān bawād ēzišn ohrmazd ī ašmāh ā =m tuwān bawād kirdan ēdōn ašmāh ašawahišt stāyīdār hān+ pad gōwišn dahēd ašmāh amahraspandān ān ī amurdād tuhišn ud ān =iz ī hordād sūr mizd
hāzišn framāyišn hamēyīg
frāz_gōwišnīh zardušt
ēdōn tō kē ohrmazd mēnōy tō kē wahman hē ahlāyīh waxšēnišn pad tan ī mard u =t sālārīh dahišn pāduxšāyīh u =tān xwārīh mānēnišn pad paymān čand abāyēd ī pahlomīh barēnd wahman mizd az ān awēšān bowandag ham_kirdārīh ka awēšān pad āgenēn ruwān kū ham_dādestānīh ī amahraspandān ēk abāg did rāy ka =šān ruwān pad ēk gyāg
pahikārišn ī zardušt
ka pad harwist ēstānd huzīwišnīh kū ō ēn kār ēstānd kū bun pad xwēšīh ī ašmāh dārānd kē =em būd hēnd abar_mānd az pidarān kē =iz =im hēnd handōxt xwēš ohrmazd kē =iz =im bawēnd az nūn frāz pad ēd ī tō dōšišn awēšān baxšānd kū =m pad abāyist ī tō tuwān bawād dāštan weh =im waxšēnē menišn xwadāy kū =m frārōntar be kun ud az ahlāyīh_abāgīh nēkīh =iz ō tan ā =m dah
pahikār ī zardušt
ka sūdēnānd ohrmazd ud spandarmad kū sūd kunēnānd ahlāyīh ī frāy_dādār_gēhān wahman ud xšahrewar niyōxšēd man kū ān ī gōwān+ ā =m be niyōxšēd ud āmurzēd man kū wināh =ēw ī =m ō bun būd ēstēd ā =m be āmurzēd u =m bē dahēd kadāriz =ēw pedīh pāduxšāyīh ī ēdar ud kē =iz ī ānōh
wezest srišāmrūdīg gōwišn ud , pad harw paitī hōm ud urwarām be afšārišn skūrag andar mayān hōm_pālag nihišn rāspīg bē sar čahār angust abar kunišn ō dast ī hōy zōt barišn
ǰīw_dān abar sar zōhr nihādan
yān ī zardušt
pahikār yān ī zardušt
framāyišn ohrmazd
ul man az ān ī rēšīdār ahriman ohrmazd ēd kū =m bōzā u =m bowandag_menišnīh ud tuhišn dahē abzōnīg mēnōy ohrmazd wahman griftār hān+ pad ān dahišn kū =m pad tan mehmān bawād ahlāyīh abar ōy ī stahmag gannāg_mēnōy amāwand hād pad ān ī wahman sālārīh
frašn =ē framāyišn ī ohrmazd
frāz_gōwišnīh ud rād_gōwišnīh zardušt
ka rāmišn pad kāmag čāšānd kū kasān pad abāyist pad rāmišn ōh kunēnd dahēd ō man mizd ud pādāšn ud kē =m pad ān ī ašmāh bē pad pattūgīh kū =m pad kār dādestān ī ašmāh pattūgīh bawād u =m dahēd ān pad xwadāyīh ī ohrmazd ud kē pad wahman tarsagāy , hāwišt u =m dahēd frāz spandarmad ā =š pad ahlāyīh dēn frāz daxšagēn kū =š pad frārōnīh pad daxšag be kun
ēdōn pad rādīh kē zardušt ham tan ān =iz ī xwēš ǰān daham pad pēš_rawišnīh pad pēšōbāyīh ō wahman ud ohrmazd =iz pad kunišn ō ašawahišt kū kunišn ān kunam ī ašawahišt abāyēd ud saxwan niyōxšišnīh ō xšahrewar ēk andar did =ēw
brīn hādān
ahiiā_yāsā , bišāmrūdīg gōwišn
yaϑā_ahū_vairiiō , čahrušāmrūdīg gōwišn
aṣ̌əm_vohū , srišāmrūdīg gōwišn
yazišnīhā pad hād sar
pad yatāyš_hād yazam
yeŋ́hē_hātąm , yazišnīhā ēwāmrūdīg gōwišn
čahārdah wezest sē gāh
yāšiyawayt_hād bun
frāz_gōwišnīh zardušt
frāz_gōwišnīh zardušt
kē =m kunišn kē =m gōwišn kē =m yazišn pad amarg_rawišnīh kunišn ēdōn kunam ud gōwišn ēdōn gōwam ud yazišn ēdōn kunam kū =m ruwān ī xwēš pad =iš amarg bawēd ud ō ašawahišt ud ō =iz tō daham ohrmazd ud xšahrewar ud hordād ud az awēšān ō tō ohrmazd amāh pēštar dahēm man hāwištān ī man
frāz_gōwišnīh zardušt
ēdōn =iz ān harw dō ī tō ā =m pad wahman ud mēnōy =iz ī weh harwist dād ast kū =m dād ēdōn kū kunišn hamāg pad gāhānīgīh ud frārōnīh kunam ā =m pad ān ōy abzāyēnīdār mard kunišn pad dastwar kū =m pad ān ī ōy ahlāyīh ō ruwān abāg bawād kū =m pad ruwān mizd dahānd bē rasam ō ān ī ašmāh niyāyišn ohrmazd kū ǰādag_gōwīh ī ašmāh kunam u =tān andar garōdmān stāyēm
ēdōn ō tō myazd ohrmazd kū bar pad xwēšīh ī tō dāram ud niyāyišn ō ašawahišt =iz daham ǰādag_gōwīh ud gēhān harwist ō xšahrewar ēk andar did =ēw kē pad wahman srāyišn kū =š parwarišn az frārōnīh bowandag ān ī hudānāg kē pad harwist ohrmazd ō ašmāh sūd dānāgīh bowandag dārēnd ud pad ōy kas kē harw tis ān kunēd ī yazadān az =iš sūd
frāz_gōwišnīh zardušt
ēdōn ēd ī tō ātaxš ī ōzōmand ohrmazd ā =š pad ōy kē ahlāyīh hunsandīh kū =š hunsandīh pad ān zamān ka war_sālār ān kē kār ud kirbag kird ēstēd ī tēz ī amāwand ān ātaxš ud kē ēstēd ō ayārīh ā =š paydāgēnēd rāmišn ēdōn ohrmazd ān ī bēšīdār kē ātaxš bēšēd ā =š pad tuwān_xwāyišnīh dārēd kēn
frašn ī pahikārišn
frāz_gōwišnīh zardušt
kadār ān ī ašmāh xwadāyīh kū čē tis kunam ī =m xwadāyīh ī ašmāh abzāyēnīd bawēd ud kadār īšt kū čē tis kunam ī =m xwāstag pad xwēšīh ī ašmāh dāšt bawēd kū pad kunišn ohrmazd ēdōn ō ašmāh hān+ kū tis ān kunān+ ī =m xwadāyīh ī ašmāh abzāyēnīd bawēd u =m xwāstag pad xwēšīh ašmāh dāšt bawēd ka ahlāyīhēnān+ wahman kū kār ud kirbag kunān+ srāyišn dahēd ō driyōšān ašmāh pēš ašmāh az harwistīn pēš guft hēd kū tuwāngartar hēd az dēwān kē xrad stard ēstēd ud mardōmān
agar ēdōn ān stī āškārag kū rōšnag kū tan ī pasēn ōh bawēd ohrmazd ud ašawahišt wahman ān ēdōn ō man daxšag dahēd kū =m daxšag X be gōwēd abēgumāntar bawān+ kū pad ān ī ōy axwān pad harwisp mānān+ kū tan ī pasēn man =iz rāy šāyēd kird ēdōn ō ān ī ašmāh yazišn pad wābarīgān_dahišnīh ud stāyišn rawam abar
frašn ī frāz_gōwišnīh zardušt
pahikār yān
kadār ēd ī tō rādīh ohrmazd kē pad wahman āgāh_dahišnīh ēn dānam kū rādīh ī ō tō pad frārōn_dānāgīh bē šāyēd dānist bē kadār ī hamōxtišn ī ō rēxn ī ō kār ud kirbag kē =iz pad āsānīh ud kē =iz pad tangīh kunēnd frāx_ōšīh dānāg_ōšīh kū kār ud kirbag ī tangīhā kunēnd ud ān ī āwāmīhā kunēnd ā =š dānāgīh az =iš bawēd nē kas ī abar anī az ašmāh āgāh ham kū kas nē dānam kē =m nēkīh ēdōn az =iš čiyōn az ašmāh ud ka ahlāyīhēnān+ kū kār ud kirbag kunān+ ēdōn ō amāh srāyišn dahēd
frāz_gōwišnīh zardušt
az ān ī awēšān kunišn amāh bīm az kunišn ī ahlomōγān kē andar ān abar ast was seǰ ka ast ān ī ōzōmand ahlomōγ ōy kē nāyēn_dahišn hāwišt pad ēd ī tō ohrmazd anastīh wurrōyēd pad dēn ī tō awēšān kē nē ahlāyīh menēnd az awēšān bē dūr ast wahman
frāz_gōwišnīh zardušt
awēšān abzōnīg bowandag_menišn hēnd kē ēd ī tō ohrmazd ārzōg ud āgāh hēnd dēn ī tō ōy ī duškunišn bē hilēd az awindišnīh ī wahman ka =š wahman pad tan nē mehmān az awēšān was ahlāyīh siǰd čand az ān ī aramag ī xrad_stard
frāz_gōwišnīh zardušt
ōy kē wahman kunišn ud gōwišn gīrēd huxradīh dānāgīh spandarmad dām ī āgāhīh ud asahmišn ī ahlāyīh kū spandarmad dām ud weh_xwarišn ī kār ud kirbag ān =iz pad harwist ohrmazd pad ēd ī tō xwadāyīh frōd_kušihēd gannāg_mēnōy pad harwist wināhgārīh
frāz_gōwišnīh zardušt
passox_gōwišnīh ohrmazd
ēdōn az tō bē harw dō ān ī hordād xwarišn ud ān =iz ī amurdād āb pad ān ī wahman xwadāyīh ašawahišt abāg bowandag_menišnīh waxšēd kū bē abzāyēd tuhišn ī tuwānīgīhā ō awēšān ohrmazd tō dād ǰud_bēš tō hē
frašn ī zardušt
xrad_hāzišnīh zardušt
xrad_xwāyišnīh ī zardušt
kadār ēd ī tō wirāyišn kū kār ud dādestān ī tō kadār meh_dādestānīhātar u =t kadār kāmag kū kadār abāyēd kadār ān ī ašmāh stāyišn ud kadār ān ī ašmāh yazišn niyōxš =im ohrmazd u =m frāz gōw ēn kū kadār meh_dādestānīhātar ā =m bē dānē kū ān ī ahlāyīh ārāyišn hamē bē niger ud ān ī mad ēstēd meh_dādestānīhātar ān ōh kun hamōzē ō amāh ān ī ahlāyīh rāh rāh ī pōryōtkēšīh kē pad wahman xwēšīh kū pad frārōnīh ō xwēš šāyēd kirdan
passox_gōwišnīh ohrmazd
ān rāh ī pad wahman ō man gōwē ohrmazd rāh ō ānōh ā =m bē gōw kū dēn ī sūdōmandān ānōh rawēd kē andar ān pad hukirdārīh ka =š dēn ī xwēš xūb kird ēstēd ā =š az ahlāyīh urwāhmenīh kē =t čāšt ō ōy hudānāg mizd ī ohrmazd kū =t guft kē andar ān ō ōy tō dahihēd andar ān garōdmān ēd kū ō =iz man dahē
frāz_gōwišnīh zardušt
čē ān ohrmazd ā =m kāmag ī ō ōy ī tanōmand ud ǰānōmand ī āsrōn dahihēd kē pad wahman kunišn artēštār ud kē pad gāw az warzišn wāstaryōš ud pad ān ī ašmāh hufrazānagīh ohrmazd ud pad xrad kē ahlāyīh frāz dād warzihēd dēn
frašn ī ǰān_gōwišnīh ī zardušt
ohrmazd ēdōn ō man ān ī pahlom sraw kunišn gāhānīgīh gōwē ān ī tō wahman ud ašawahišt abām dahēd pad ān stāyišn ēd kū ašmāh =um dahēd pad ān ī ašmāh xwadāyīh ohrmazd frašgird pad kāmag āškārag andar axwān dahihēd
wezest čahrušāmrūdīg gōwišn
brīn hādān
ahiiā_yāsā bišāmrūdīg gōwišn
yaϑā_ahū_vairiiō , časrušāmrūdīg gōwišn
aṣ̌əm_vohū , srišāmrūdīg gōwišn
yazišn pad hād sar ahunawat_gāh
pad yāwšiyawayt_hād yazam
pad ahunawayt_gāh ī ahlaw ī ahāyīh rad yazam
brīn X hādān
pad ahunawayt_gāh ham_dahišnīh yazam
yeŋ́hē_hātąm yazišnīhā ēwāmrūdīg gōwišn
pānzdah wezest sē gāh
yast ī haft_hād
fradom hād bun
ohrmazd ī ahlaw ī ahlāyīh rad yazam kē radīh pad frārōnīh
amahraspandān ī huxwadāyān ī hudahāgān yazam
harwist ān ī ahlawān stī yazam kē mēnōy ud kē =iz gētī pad ārzōg ī ō ān ī weh ahlāyīh abāyist ī ō kār ud kirbag rāy ud ārzōg ī dēn ī weh ī mazdēsnān abāyist ī ō dēn rāy
yazišn abar_kunišnīh hamēyīgīh_gōwišnīh zardušt
humatān hūxtān huwarštān kē ēdar dahišn u =š pad =iz ān ī anī dahišn kū =š ēdar ud ānōh =iz nēkīh az =iš ān ī warzīd tā nūn ud ān =iz ī warzihēd az nūn frāz ham abar_griftār kū ō xwēš kunam ān ī mard ō mard bē abespārdār kirbag pad dād rāh čiyōn weh ham kū čiyōn pahlom ō xwēš kunam
wezest bišāmrūdīg gōwišn
yazišn ī dōšišn ī hamēyīg ī zardušt
ō ēn ēdōn ēg kāmag daham kē ahlāyīh nēk dēn
ēdōn ēn menam =iz ud gōwam =iz ud warzam =iz kū =m az astān mardōmān pad kunišn pahlom hād andar harw dō axwān kū mizd dahānd
ahlāyīh yazišn hāzišn framāyišn
ān ī gōspandān dahišn ud āb ud ān ī awēšān kunišn pahast awēšān mardōmān ī andar ēn gēhān kār pahlom framāyišn u =šān rāmišn =iz ud wāstar =iz dahišn gōspandān rāmišn ud abēbīmīh
kē =iz āšnawāg kū =š hērbedestān kird ēstēd ud kē =iz anāšnawāg kū =š nē kird ēstēd ā =š ēdōn kunišn kū =š bīm nēst ud kē =iz pāduxšā ud kē =iz apāduxšā
yazišn ī zardušt
ō pad ōy ī huxwadāytom ēg xwadāyīh az ān ka =m abar kū =m nēkīh az =iš daham xwad ud čāšam ō kasān kū be dahēd ud ān =iz ī kunam kū dārišn be kunam ō kē ohrmazd ud ašawahišt =iz
wezest srišāmrūdīg gōwišn
frāz_gōwišnīh zardušt
ēdōn ān ī harw dō nar ud nāyrīg āgāh bawēnd āškārag
ēdōn ān ast wehīh dēn ud ān =iz āgāhīhā dahēnd ō kasān kū bē čāšēnd ud warzēnd =iz anī frāz ō ōy anī āgāhēnēnd
awēšān =iz ī ānī hērbed ēdōn ast čiyōn ān warzēnd kū ān ī hāwišt kunēd ā =š abar ōh šawēd ud ān ī hāwišt az kasān abar šawēd ā =š abar nē šawēd
yazišn ī zardušt
ān ī ohrmazd yazišn ud niyāyišn ēdōn az ān ī ašmāh pahlom menam ud ān =iz ī gōspandān kār kū az kār ī gētī pahrēz ī gōspandān pahlom menam ēdōn ān ī ašmāh warzam dēn ud frāz =iz āgāhēnam ō kasān ān_and čand pad tuwān xwāstār hēm
frāz_gōwišnīh zardušt
kē pad ahlāyīh ēdōn sālārīh u =š pad ahlāyīh wālanīh kū dēn pad sālārīh ī wālan dārēd
kadāriz =ēw az astān mardōmān kē zīwišnōmandīh ēdōn čiyōn guft pahlom dahišn pad harw dō axwān
wezest bišāmrūdīg gōwišn
yazišn ī zardušt
ēn ēdōn saxwan_gōwišnīh ohrmazd dēn ī ohrmazd pad ahlāyīh_menīdārīh ī weh frāz gōwam pad frārōn_menišnīh
ud tō ēg az awēšān padīrišn_ēstišnīh ud frāz_daxšagīh daham kū az amahraspandān tis ī tō wēš padīrēm ud pad daxšag be kunam =iz
yazišn ī zardušt
az ahlāyīh_abāgīh az ašawahišt hammis ān =iz ī weh_menišn wahman ud ān =iz weh_xwadāyīh xšahrewar stāyišn ī tō ohrmazd ā =m az stāyišnān abar ud saxwan ī tō ohrmazd ā =m az saxwanān abar ud yazišn ī tō ā =m az yazišnān abar
yeŋ́hē_hātąm , yazišnīgīhā bišāmrūdīg gōwišn
noh wezest sē gāh
yast didīgar hād
ēdōn ō ēd ī tō ātaxš pad warzišn fradom bē rasam ohrmazd pad pahrēz ud šnāyēnīdārīh pad ēd ī tō gāhān
pad ēd ī tō mēnōy ī abzōnīg čiyōn az dēn paydāg kē ō ōy xīndagīh kū pad ātaxš anāgīh kunēd
ān =iz ō ōy xīndagīh dahēd kū ān =iz pad ōy anāgīh kunēd
pad urwāhmenīh ō ōy mard pad tuwān bē rasēd ātaxš ī ohrmazd pad urwāhmenīh ō ōy kē =š urwāhmenīh az =iš ud pad niyāyišnōmandīh ō ōy ī niyāyišnōmand mard pad ān ī meh kār bē rasēd pad passāxt ī pad tan ī pasēn
yazišn ī zardušt
ātaxš pad ān ī ohrmazd āgāh ast pad dēn ī ohrmazd ud pad mēnōyīh āgāh ast ī =š ast ka =š pad warahrānīh be nišānēnd
abzōnīg ast xwad tā_ka ōy ī tō nām čiyōn ī wāzišt
ō ātaxš ī ohrmazd ī tō pad ān ī harw dō bē rasam kū =š hixr ī mēnōy ud gētī az =iš abāz dāram
yazišn ī zardušt
pad ān ī weh menišn ō tō ān ī weh tarsagāyīh ō tō
pad ān ī weh frazānagīh ō tō pad =iz kunišn ud gōwišn bē rasom
yān_yazišn ī zardušt
yazišn ī zardušt
niyāyišnēnē u =m abāmēnē tō ohrmazd kū =m abām pad tō bawād pad harwist humat ō tō ud pad harwist hūxt ō tō ud pad harwist huwaršt bē rasom
nēk ō ēd ī tō kirb u =t ān az kirbān niwēyēnišn daham ohrmazd kū andar gēhān ōh gōwam kū kirb ēd ī tō nēktar
ēn ruwān ō ān rōšnīh ī bālist az ān ī pad čašm paydāg bālēnēnd ānōh kū xwaršēd guft
yazišn pad hād sar
yeŋ́hē_hātąm , yazišnīgīhā ēwāmrūdīg gōwišn
šaš wezest sē gāh
yast sidīgar hād
yazišn ī zardušt
ēdar ēdōn yazam ohrmazd kē gōspand ud ahlāyīh =iz dād
u =š āb =iz dād ud urwar =iz ī weh
u =š rōšnīh dād ud būm =iz ud harwist =iz ābādīh bun ud bar
yazišn ī zardušt
ōy kē xwadāyīh ud mehīh pad =iš u =š hupānagīh az =iš ān ēdōn az yaštārān ī andar ēn gēhān pad pēš_rawišnīh yazam pad pēšōbāyīh kē pad gōspandōmandīh mānēnd awēšān yaštār
ān ēdōn kē xwadāy nām ud pad dānāgīh dōšīd ēstēd abzōnīgīh yazam
ōy kē amāgān tan ud ǰān zīwišn az =iš yazam
ōy kē ahlawān frawahr narān nāyrīgān nēkīh az =iš yazam
ahlāyīh ēdōn ī pahlom yazam ašawahišt ī nēk ī abzōnīg ī amarg ī rōšn tan ī ōy kē harwist ābādīh nēkīh az =iš
yazišn ī zardušt
ān =iz ī weh menišn wahman yazam ud ān =iz ī weh xwadāyīh xšahrewar ān =iz ī weh dēn ud ān =iz ī weh sālārīh hordād amurdād ud ān ī weh_dōysr bowandag_menišnīh spandarmad
yazišn pad hādān sar
yeŋ́hē_hātąm , yazišnīgīhā ēwāmrūdīg gōwišn
panǰ wezest abāg iϑā sē gāh
yast čahārom hād
yazišn ī zardušt
ēn zamīg abāg mādagān ēdōn yazam kē amāh burdār kē =iz tō mādag ohrmazd kū tō xwēš
az ahlāyīh_abāgīh az ašawahišt hammis pad kāmag awēšān yazam
yazišn ī zardušt
ka pad abzōn āyōzānd ud pursišn bowandag_menišnīh kū ān tis pursēnd ašmāh abzōnīg bawād ud man bowandag_menišnīh bawād
ān ī weh tarsagāyīh pad awēšān ā =m dahēd ud ān ī weh xwāyišn xwāstag
ud ān ī weh abzōn ud ān ī weh frāz_wābarīgānīh ud ān ī weh pārand yazam
yazišn ī zardušt
āb ēdōn yazam ī maikiiąti paššing ī , pad urwar abar ēstēd miznāh ud ān =iz ī hēbuuaįnti , girān_tazišn ān =iz ī frauuāzi , ī wārānīg
ud ān ahurānīš , armēšt ud čāhīg abārīg =iz āb ī , anāmčištīg , ud ān ī ahurahiiā , ī šusr , ud ān ī hauuapaŋhå , mēšag huwidargīh ašmāh ā =mān dahēd kū =mān nam andar tan rawāg bawād
hudāgīh ars ud hušnāyišnīh kū =mān xwēy az tan bē āyād , ud ān ī andar harw dō axwān kāmag rōγn
yazišn ī yān ī zardušt
ēdōn ašmāh kē weh hēd ā =tān ohrmazd nām dād ī weh_dahāg ud kē =š ō ašmāh dād pad awēšān ašmāh yazam
u =m pad awēšān franāmād u =m pad awēšān niyāyišnēnād u =m pad awēšān abāmēnād
yazišn ī zardušt
āb ī ašmāh ān ī azīš ašmāh xayūg ud ān ī mātrə̄š , ašmāh āb ī andar ham_bawišnīh ī narān ud mādagān tōhm ud ān ī agəniiå , xōn ud ān ī driyōš_dāyagānēnīdār āb andar pusyān ud ān ī vīspō.pit ān guft āb ī pad urwarān ēwan ī urwar pad =iš waxšihēd ān ī pahlom , ud nēktar āb ī tan_tōhmag ī az urwar ēdōn ō ašmāh kē weh hēd rād ham
kē pad dērang_bāzāyīh nayēd ān gēhān tan pad ǰud_dahišnīh ud ǰud_gōwišnīh , mātarō_jītaiiō , šīr
yeŋ́hē_hātąm , yazišnīgīhā ēwāmrūdīg gōwišn
panǰ wezest sē gāh
yast panǰom hād
yazišn zardušt
ēdar ēdōn yazam kē ān ī gōspandān ruwān tan ǰān dād ohrmazd ud ān ī amāgān ruwān ud paswīgān =iz kē amāh zīwišn_xwāstār hēnd nēkīh ā =š dād awēšān =iz ī tō ān ī artēštār awēšān kē hēnd wāstaryōš ā =š dād
dadīgān =iz ī ayārān kē ruwān ā =šān yazam
ān ī ahlawān ruwān ēdōn yazam kū zāydagān =iz narān =iz nāyrīgān =iz
kē awēšān weh_dēn hēnd pad ēw_kardagīh wānīdār hēnd artēštār ud windišn hēnd wāstaryōš ud weh_mard hēnd āsrōn
yazišn ī zardušt
yazišn ī yān ī zardušt
ān ēdōn yazam weh nar ān ī weh mādag anī amahraspandān kē abzōnīg hēnd ud amarg ud hamē_zīwandag ud hamē_sūd kē pad wahman mānēnd pad frārōnīh ud kē =iz ēdōn wahman ā =š yazam
yazišn ī ǰān ī zardušt
čiyōn tō pad ān ī harw dō tis ī mēnōy ud gētī ohrmazd menišn hē kū tis ī tō ōh menišn ud gōwišn hē kū tis ōh gōwišn ud dahišn hē ud warzišn hē ī weh
ēdōn ō tō daham xwad ud ēdōn čāšam ō kasān kū be dahēd ud ēdōn tō pad āyišn ud ka andar gēhān ōh āyam ud ōh šawam yazam
u =m ēdōn niyāyišnēnē u =m ēdōn abāmēnē tō ohrmazd kū =m abām pad tō bawād
wezest bišāmrūdīg gōwišn
yazišn ī zardušt
pad weh xwēšīh ka tō xwēš ham xwēš_rawišnīh ka pad xwēšīh ī ašmāh ēstam
pad ān ī weh tarsagāyīh ō tō bē rasam
pad ān ī weh sālārīh ka sālārīh pad frārōnīh kunam ud pad ān ī weh bowandag_menišnīh ka tis bowandag_menišnīhā kunam
yazišn ī pad hādān sar
yeŋ́hē_hātąm , yazišnīgīhā bišāmrūdīg gōwišn
panǰ wezest sē gāh
yast šašom hād
pahikār
rād_gōwišnīh yān ī zardušt
ka =tān andar ān axwān ēdōn abar dahānd ohrmazd mehīh bowandagīh pad kirdārīh kū ān tis kunānd ud gōwānd ī =tān mehīh ud bowandagīh paydāgtar bawād
rād ham ō ēd ī tō xrad_pānagīh ō dēn ī tō az ān ka =m abar kū =m nēkīh az ān
kē mizd ō manīgān frāz dahē ān ō dēnīgān abāyēd dād ohrmazd
yān ī zardušt
ān ī ōy ān ō amāh dahē pad =iz ēn axwān ud pad =iz mēnōyān kū ēdōn pad ān ēdōn abar rasēm ō ēd ī tō hamhāgīh ham_kirdārīh ahlāyīh =iz hamē_tā_ō_wisp tā tan ī pasēn
yān ī zardušt
dahē =m ēdōn ān ī mardān ohrmazd hāwištān ī mardān hērbedān ahlaw ī ahlāyīh_kāmag ān hērbedān ī ka =šān hāzānd ā =m ō ān ī dagr rasišn ud abzōn tan ī pasēn pad ān ī stabr pad kār hamhāg rasānd ō amāh ān amāh rāmēnīdār dahē
frāz_gōwišnīh ohrmazd
ēdōn xwēš ud ēdōn wālan ēdōn hamhāg ā =m hād kū =m dahād
ka =šān hāzān+ ēdōn pad ān ī ašmāh ēdōn hād ohrmazd ahlaw ud rāst hād pad īšt rād hād pad xwāstag
yazišn pad hād sar
yeŋ́hē_hātąm yazišnīgīhā ēwāmrūdīg gōwišn
čahār wezest ī sē gāh
yast haftom hād
yazišn zardušt
stāyišn ud gīrišn ud niyāyišn ō ohrmazd ud ašawahišt =iz daham xwad ud čāšam ō kasān ud ān =iz niwēyam pad guft
hāzišn ī zardušt
ān ī weh xwadāyīh tō ohrmazd bē ayābēnd hamē_tā_ō_wisp
ān ī huxwadāy tō ō amāh kē nar ud nāyrīg hēm ā =t pāduxšāyēnēd , andar harw dō axwān astān hudahāgtom
ka huframānīh ī tō kū framān ī tō barān+ ud abzōn kū tis ī tō abzāyēnd u =t yazišn az ahlāyīh_abāgīh dahān+ kū =t az ašawahišt hammis ōh yazān+
ēdōn az tō amāh tan ud ǰān hād kū =mān apagaiiehe ma bawād
andar harw dō axwān astān hudahāgtom ōy dahē
wezest bišāmrūdīg gōwišn
yān ī zardušt
pahikār yān ī zardušt
arzānīgēnā =im pad mizd pādāšn u =m zēnāwandēnā ohrmazd
tō pad rāmēnīdārīh pad dagr_rasišnīh pad tan ī pasēn xwāstār pad ēd ī tō pad dēn ī tō amāwand bawān+
rāmēnīdārīh tō ō amāh pad dagr_rasišnīh ī ǰān astān hudahāgtom ā =mān dahē
ka ō ēd ī tō stāyīdārīh ud mānsrīgīh ohrmazd abar rasān+ ud hunsand hān+ ud padīrān+ kū bē padīrān+ ud hunsandīhā ōh kunān+ ay mizd ī ō manīgān frāz dahē ān ī dēn ō dēnīgān abāyēd dād ohrmazd
wezest bišāmrūdīg gōwišn
yān ī zardušt
yān ī zardušt
ān ī ōy ān ō amāh dahē pad =iz ēn axwān pad =iz mēnōyān kū ēdōn pad ān ēdōn abar rasēm ō ēd ī tō sālārīh ud ahlāyīh =iz hamē_tā_ō_wisp
yazišn pad hād sar
yeŋ́hē_hātąm , yazišnīgīhā ēwāmrūdīg gōwišn ,
yaϑā_ahū_vairiiō , čahrušāmrūdīg gōwišn ,
aṣ̌əm_vohū , srišāmrūdīg gōwišn
brīn yast haft_hād
pad yast ī abzār ī haft_hād ī ahlaw ī ahlāyīh rad yazam
yeŋ́hē_hātąm , yazišnīgīhā ēwāmrūdīg gōwišn
šaš wezest sē gāh
abar_wārag ī haft_hād yast yazišnīg
yazam ašmāh kē amahraspand hēd pad yast ī haft_hād ham_dahišnīh
ān =iz ī ābān xān yazam ,
ud ān =iz ī ābān widarg yazam
ud ān =iz ī rāhān ǰud_rawišnīh yazam
ud ān =iz ī rāhān ham_rasišnīh yazam
gar =iz ī āb_tazan yazam ,
ud war =iz ī afšdān yazam
ud abzōn =iz ī ǰōrdāyān yazam ,
ud pānag =iz ī brīngar yazam
ohrmazd =iz ud zardušt yazam ,
zamīg =iz ud asmān yazam
ud wād =iz ī škeft ī ohrmazd_dād yazam ,
ud tērag =iz ī harburz yazam
ud būm ud harwist =iz ābādīh yazam
ud ān ī weh menišn wahman ud ahlawān ruwān =iz yazam
wās =iz ī panǰā_sad_warān yazam
ud xar =iz ahlaw yazam kē ēstēd mayān zrēy ī frāxkard
zrēy ī frāxkard yazam
hōm =iz ī zargōn ī buland yazam
hōm ī frāšm ī frāy_dādār_gēhān yazam
hōm ī dūr_ōš yazam
ān =iz ī ābān frāz_tazišnīh yazam
ud ān =iz ī wayān frāz_frawāyišnīh yazam
ān ī āsrōnān abāz_rasišnīh yazam kē rawānd az dūr pad ahlāyīh_xwāyišnīh ō deh
harwist =iz amahraspandān yazam
yeŋ́hē_hātąm , yazišnīgīhā ēwāmrūdīg gōwišn ,
yasn čehel wezest sē gāh
uštāyt_hād bun
niyāyišn ō ašmāh gāhān ī ahlaw
yazišn_gōwišnīh ohrmazd
yān ī zardušt
yān ī zardušt
nēk ōy kē ān ī ōy nēkīh kadāriz =ēw kū kadāriz =ēw mardōm az nēkīh ōy nēkīh , ast kē ēdōn gōwēd ay nēkīh =iš az dēn ud az dēn harw kas nēkīh u =š pad kāmag_pādixšāyīh dahēd ohrmazd pad abāyist ī ōy tuhiš ī tuwānīgīhā zōr ī pattūgīhā ā =m pad rasišn ī az tō kāmag ān ī ahlāyīh dārišn dahišn ān =im ī pad ahlāyīh_dārišnīh be dahēnd ān ō man dahād spandarmad ān ī rāyōmand tarsagāy hāwišt wahman ǰān kū =m , apagaiiehe , ma bawād
wezest bišāmrūdīg gōwišn
hāzišn ī ohrmazd
frāz_gōwišnīh zardušt passox_gōwišnīh ohrmazd
ēdōn =iz ān ī az harwistīn pahlom ō ōy ī xwārīhōmand mard xwārīh dahišn mizd tō paydāgēn kū tō gōw kū xwārīhōmand mard kē čē =š pad tō paydāgīh abzōnīg mēnōy ohrmazd kū tō dānē kū xwārīhōmand mard kē kē dahēd rāst pad ān ī wahman paymān pad =iš hamāg rōz pad dagr_zīyišnīh urwāhmenīh dahišn
ēdōn ō ōy ī weh_mard wehīh abar rasēnišn mizd kē ān ī amāh ī abēzag ī sūdōmand rāh hamōzēd ō kasān andar ēn axwān ī astōmand kē =iz mēnōyān andar panǰāh_haft sāl ka āškārag ān stī kū rōšnag kū tan ī pasēn bawēd andar ān mānēd ohrmazd ī rād ī xūb_šnāsag tō hāwand abzōnīg ohrmazd
frāz_gōwišnīh zardušt
passox_gōwišnīh ohrmazd
ēdōn =im tō rāy menīd tagīg abzōnīg ohrmazd kē ān harw dō pad tuwān tō xwad ayārīd kū tis mēnōy ud gētī tō bē abzāyēnīd kē dahēd , rāst druwandān ud ahlawān =iz kū bōxt ud ēraxt paydāg kunēd ēd ī tō ātaxš ī garm ka =š ān kē pad ahlāyīh ōz kū =š war_sālār ān ī nēk ka ō man ān ī pad wahman stahmag rasēd sōšāns
abzōnīg =im ēdōn tō menīd hē ohrmazd ka =m ān ī tō zahag andar axwān dīd fradom ka =t dād ō kunišngarān mizd ud kē =iz pad saxwan ud zanišn ī ōy ī zadār u =t dād ān ī weh tarsagāyīh ō ōy ī weh pad ēd ī tō hunar dām abdom =iz wardēd
frāz_gōwišnīh zardušt
frāz_gōwišnīh zardušt
pad tō abzōnīg mēnōy wardišn rasēd az wattarīh ō wehīh pad ān ī ohrmazd xwadāyīh andar ān wahman kē pad ān ī ōy kunišn gēhān ī ahlāyīh_frāy_dahišnīh awēšān kē rad hamōzēd pad bowandag_menišnīh sōšiyans kē ēd ī tō xrad pad =iš nē pad tis bē frēbihēd
frašn ī wahman
ud ān ī ohrmazd frāz_gōwišnīh
abzōnīg =im ēdōn tō menīd hē ohrmazd ka ō man wahman bē mad pursīd =iz =iš az man kū kē hē az kēān hē čiyōn ān rōz daxšag rōz ī frāz ō ham_pursagīh nimūd ēstēd kū daxšag čiyōn kunam ī abar ēd tō gēhān ud tan rāy nimūd ēstēd
ēdōn =iš ō ōy guft kū zardušt ham fradom āškārag_bēšīdār kū wattarān āškārag ōh bēšēm ud čand xwāstār ham kēnēnam ōy ī druwand gannāg_mēnōy ud ēdōn ōy ī ahlaw az ōy ī ōzōmand ast kū =š rāmēnam kū =š pad nēkīh frāz ō xwadāyān baram ka ān bawēd nēkīh kū tan ī pasēn bawēd pad kāmag xwadāyīh dahihēd kū pādixšāyīh pad abāyist ōh dahihēd ēdōn tō ohrmazd stāyišn hē ud xwēšēnišn hē kū pad xwēš dārišn hē būd kē ō xwēš yyy guft
frāz_gōwišnīh zardušt
frašn ī ohrmazd
passox_gōwišnīh zardušt
pad abzōnīg =im ēdōn tō menīd hē ohrmazd ka ō man wahman bē mad ōy ohrmazd pursīd kū ān =it ī kē āgāh_dahišnīh kāmag kū =t pahrēz ī kē abāyēd kū dānē ēdōn ō ēd ī tō ātaxš rād ham pad niyāyišn ahlāyīh čand man xwāstār ham menam
frašn ī ohrmazd
frāz_gōwišnīh zardušt
framāyišnīh ī ohrmazd
ēdōn tō ō man dahē ī ahlāyīh ka =tān ham pad xwānišn xwānam pad bowandag_menišnīh_abāgīh ka ān ī ōy ī anī bowandag ō xwēš kunihēd kū ān =iz ī pad dād rāh ēdōn ō xwēš šāyēd kirdan ka hērbedestān bowandag_menišnīhā kunēd būd kē hamōxtišn guft pursē =iz az amāh kē tō pad ān pursišn dēn čē pursišn tō kē =t ēdōn pad ān amāwandīh pad ān pursišn ka ō tō ī pādixšā ohrmazd pad xwāyišn dahēd amāwandīh kū ka dēn gōwē ā =t amāwandīh bawēd
fraz_gōwišnīh zardušt
abzōnīg =im ēdōn tō menīd hē ohrmazd ka ō man wahman bē mad ka ašmāh saxwan pad nigēzišn nigēxt fradom dēn wad =itān ō man guft andar mardōmān rawāg_dahišnīh kū =tān ēd guft kū dēn rawāg kirdan dušxwār ēdōn warzišn daham kē =tān ō man guft pahlom pas =iz ōh kunam
frāz_gōwišnīh zardušt passox_gōwišnīh ohrmazd
frāz_gōwišnīh zardušt
frāz_gōwišnīh ohrmazd
kē =iz =itān ō man guft kū =t ō ahlāyīh rasišn was ēdōn tō nē az ān ī man aniyōxšīdārīh abar guft nē aniyōxšīdārīh man rāy būd ka =tān ēd guft kū ō nūn dādan nē šāyēd ul_uzišnīh pēš az ān ī ka ō man ān rasēd srōš_ahlī wištāsp kē =š ān ī meh rād abāg zardušt kē bē rāst ō pahikārdārān sūd dahēd ān wištāsp
frāz_gōwišnīh zardušt
abzōnīg =im ēdōn tō menīd hē ohrmazd ka ō man wahman bē mad ān ī ōy dādestān niwēyēnīdār kāmag kē dādestān ō kasān niwēyēnēd ān ō man dahēd mizd pad dagr_rasišnīh ī ǰān pad tan ī pasēn kē ō ēd ī ašmāh nē kas pad nigēzišn raft pad kāmag ēstād u =š ēd ī tō xwadāyīh guft kū ēdōn čiyōn man ēstād kas nē ēstād
pahikār yān ī zardušt
framāyišn ī xšahrewar
ka ō mard ī dōst ī āgāh dahišn sūd dahēd kū sūd kunēd ō man ohrmazd ēd ī tō rāmēnīdārīh was ā =m dahē kē ō tō xšahrewar az ahlāyīh_abāgīh framūd kū ul ōz raw ō sālār ī dānāg dastwar ī guftār dēn kū zardušt bē dahē abāg harwistīn awēšān kē ēd ī tō mānsr ōšmurēnd abāg dēn_burdārān
frāz_gōwišnīh ī zardušt hāzišn ud pahikār niyāyišn ud passox_gōwišnīh zzz
dōšišn zardušt
abzōnīg =im ēdōn tō menīd hē ohrmazd ka ō man bē mad wahman daxšag pad ōš ōy ī tušt mard kē ō nūn abāg wattarān tušt abāyēd būd menišnīg waxšēnišn kū zōt ayād kunišn kū tā =m pad daxšag ēstād pas ka tis šāyēd kirdan kunānd ma mard was druwandān hād čēgāmiz =ēw šnāyēnīdār ēd kū pad rāmišn nē abāyēnd kirdan kē ēdōn tō harwistīn ahlawān pad gannāg dārēnd kū =tān pad čēr dārēnd
ēdōn ān ī ohrmazd mēnōy kē zardušt ham dōšam kū wahman pad astīgīh be dōšam ohrmazd kē =š mad ēstēd čēgāmiz =ēw abzōnīgīh dānāgīh kē tanōmandān ud ǰānōmandān ahlāyīh ast kū ōzōmandīhātar dōšam pad =iš xwaršēd paydāgīh mizd dahihēd kē xwadāyīh ī =š ast pad bowandag_menišnīh kē ahlāyīh pad kunišn ā =š wahman bē dahēd mizd
brīn hādān
uštā_ahmāi , bišāmrūdīg gōwišn
aṣ̌əm_vohū , srišāmrūdīg gōwišn
pad uštawayt_hād yazam
yeŋ́hē_hātąm , yazišnīgīhā ēwāmrūdīg gōwišn
šāzdah wezest sē gāh
tattwāpers_hād bun
frašn ī yān ī zardušt
passox_gōwišnīh ohrmazd
passox_gōwišnīh ohrmazd
ān ī az tō pursēm rāst ō man gōwē ohrmazd , ēd kū man rāst pursēm ast kē ēdōn gōwēd kū awestwār =it saham ud ast kē ohrmazd ī rāst gōwēd ast kē rāst_passaxwīh pursīdan gōwēd ud ast kē ēdōn gōwēd ay pad =im gyāg be gōwē niyāyišn ān kē ēdōn niyāyišn ī ašmāh dēn ohrmazd dōst =im dahēd ašawahišt tō =im hāwand hunsandīh hād pad amāwandīh kū =m hunsandīh pad zamān ka pad kirdārīh čand tuwān hāwand tō būd ēstam ēdōn amāh pad ahlāyīh ā =t dōst dahēm ī ham_kirdār kū =t pad frārōnīh hāwišt dahēm ēdōn ō ān ī amāh pad wahman rasihēd
frašn ī zardušt
frāz_gōwišnīh zardušt
ān ī az tō pursēm ī rāst ō man gōwē ohrmazd kadār andar axwān pahlomīh ī fradom kū fradom tis =ēw ī ōh xwāyēnd čē pahlom kē pad xwāyišn sūd dahišn ka ōh xwāyēnd sūd dahēd kē pad ān ī harw dō nōg_nōg xwāyēd abestāg ud zand čē ān ast kū ka pad ahlāyīh dārēnd pad frārōnīh abzāyēnād ōy =iz ī zzz ī X wināhgārtar pad harwist zamān sālār pad mēnōyīh pad harw dō axwān , dēn dōst ohrmazd zzz wehān
frašn ī zardušt
ān ī az tō pursēm ī rāst ō man gōwē ohrmazd kē zahag ān ašawahišt zahag kē u =š kē pid ahlāyīh fradom kū =š fradom parwardārīh kē kird kē xwaršēd ud star dād rāh kū rāh ī awēšān kē dād az kē ka māh waxšēd ud nirfsēd ī tō kū =š abzāyišn ud kāhišn az kē ān =iz =im ohrmazd kāmag ān =iz ī anī āgāh_dahišnīh kū be dānam
frašn ī frāz_gōwišnīh zardušt
ān ī az tō pursēm ī rāst ō man gōwē ohrmazd kē dārēd zamīg pad adārišnīh kū =š dāštār =ēw ī gētī nēst abēōftišn ay ēn dānam kū bē nē ōftēd kē āb ud urwar dād az kē ka wād ud abr āyōzēnd tēz ō xwēš_kārīh kē ohrmazd wahman dām kū wahman dām ī kē
frašn ī frāz_gōwišnīh zardušt
ān ī az tō pursēm ī rāst ō man gōwē ohrmazd kē pad huayābagīh rōšnīh dād ud kē tārīgīh kē pad huayābagīh xwēy dād ud zēnāwandīh tuxšāgīh ud kē ōš ud rapihwin ud šab ušahin ud rapihwin ud zamānag ī šab kē dād kē paymān ī ōy ī zzz pad dādestān kū ān zamānag ī ka sōšāns rasēd kē dād
frašn ī frāz_gōwišnīh zardušt
ān ī az tō pursēm ī rāst ō man gōwē ohrmazd ān harw dō frāz gōwē tis ī ahlawān ud druwandān ā =t ēdōn ān āškārag kū tan ī pasēn bawēd ast kē čiyōn rōšnag gōwēd kē =š ahlāyīh pad kunišn ā =š ān stabr bowandag_menišnīh bawēd kē ō tō xwadāyīh ā =š wahman čāšēd mizd ō kē gāw ī az ī rādīh_kirdār tāšīd
frašn ī frāz_gōwišnīh
ān ī az tō pursēm ī rāst ō man gōwē ohrmazd kē ārzōg tāšīd abāyist ī ō kār ud kirbag xwadāyīh abāg bowandag_menišnīh kē dōstīh kird ka windēnēd pusar pid kū =š pahrēz kunēd an awēšān az tō was ayārīh menam ohrmazd awēšān dāmān abzōnīg mēnōy kē harwistīn dādār hē nēkīh
frašn ī zardušt
ān ī az tō pursēm ī rāst ī ō man gōwē ohrmazd ān panǰ dahišn ā =m be gōwē kē ī tō ohrmazd ān nigēzišnīh kū tan ī pasēn pad ān rāh šāyēd kird kē =iz pad wahman saxwan frāz_ham_pursagīh kū dēn rawāg kay bawēd ud kē =iz pad ahlāyīh andar axwān bowandag_āgāhīh tis ī ahlawān ud druwandān čiyōn ēn ī man ruwān ān weh urwāhmenīh rasēd pad ān harw dō ka tis ī mēnōy ud gētī xūb kunam
frašn ī zardušt frāz_gōwišnīh ohrmazd ān =iz ī zardušt
ān ī az tō pursēm ī rāst ō man gōwē ohrmazd čiyōn ēn ī man dēn ī yōǰdāsr ī abēzag ī yoǰdahrēnam kū dēn čiyōn rawāg kunam kē ān ī hudānāg nōg_nōg hamōxtēd pad pāduxšāyīh kē dēn ēn nōg_nōg tis ī frārōn ōh hamōxtēd rāst pad xwadāyīh tō hāwand ān ī tēzīh ī ohrmazd pad dēn ī ohrmazd kē pāduxšāyīh ī =š ast rāstīhā dārēd pad =iš ham_damanīh ašawahišt wahman =iz mānēd pad hamhāgīh
frašn ī zardušt frāz_gōwišnīh ohrmazd
frāz_gōwišnīh ohrmazd
ān ī az tō pursēm ī rāst ō man gōwē ohrmazd ān dēn az astān pahlom ā =m bē gōwē kē ān ī man gēhān pad ahlāyīh_frāy_dahišnīh abāgēnēd kē dēn ēn xwāstag az frārōnīh kunēd pad bowandag_menišnīh ud saxwan ud kunišn rāst dahēd kū tis bowandag_menišnīhā gōwēd kunēd kē ān ī man frazānagīh kū frazām ī tis pad frārōnīh dānēd ā =š ēd tō īšt bar kū ān mizd ī ō tō dahēnd , ō =iz ōy dahēnd hunsand ham ohrmazd ka man kam nē dahēnd
frašn ī yān andarg_gōwišnīh zardušt
ān ī az tō pursēm ī rāst ō man gōwē ohrmazd kay ō awēšān ān bē rasēd bowandag_menišnīh , kū hāwištān ī man bowandag_menišnīh bawēd kē awēšān ohrmazd ēd ī tō dēn gōwēnd ō man tō az awēšān fradom frāz_niwēyēnišnīh dahē kū =m az amahraspandān fradom nēkīh tō dah az harwist ān ī anī mēnōy pāsbānēnam bēšīdār kū az gannāg_mēnōy ud dēwān ǰudāg bawam
frašn ī zardušt
ān ī az tō pursēm ī rāst ō man gōwē ohrmazd kadār ahlaw kē ham_pursēd ud kadār druwand kadār ān gannā ud ān ān gannā kē man druwand pad ēd ī tō sūd petiyārēnēd pad ēd ī tō dēn az čē ka xwad awēšān pad āyišn nē gannāg menam kū čē rāy ka awēšān nē wēnam ā =šān pad dēwīh nē šnāsēm
tāšt_gōwišnīh
frašn ī zardušt
ān ī az tō pursēm ī rāst ō man gōwē ohrmazd kay druz bē nayēd az ān pad bē_nayišnīh druz ī sāstārīh awēšān ēdōn kē pad aniyōxšīdārīh pahikārēnd pad akirdhērbedestānīh ud nē ahlāyīh ka =šān nē nigēzēnd abāgēnēnd kū tis ī frārōn ka =šān gōwēnd ā =iz nē kunēnd u =šān nē frāz_ham_pursagīh kāmag ī pad wahman kū =šān ham_pursagīh =iz ī frārōn nē abāyēd
tāšt_gōwišnīh
frašn ī zardušt
ān ī az tō pursēm ī rāst ō man gōwē ohrmazd kay ka ōy kē ahlāyīh kird ēstēd ā =š ō dast dahihēd druz ud druz ī ahlomōγīh kē bē ēn murnǰēnēnd kē ēd ī tō mānsr hamōzēnd dēn_burdārān bē murnǰēnēnd ud amāwandīh wisānišn dahēnd ōy ī gund+ ī druwand gannāg_mēnōy ān awēšān frēft bawēnd ohrmazd ud pas dānēnd kū frēft ēstēm kē anāyišn hēnd kū bē_ō ēn dēn nē āyēnd ud anastgar kū gōwišn ī kasān akār kunēnd
frašn ī zardušt
ān ī az tō pursēm ī rāst ō man gōwē ohrmazd ka pad ān ī ōy zamān az ahlāyīh_abāgīh pad paydāgīh pāduxšā bawē kū =t andar ān zamān pāduxšāyīh bowandag bawēd ham ān spāh ī ay_āhōg rasēd kū ruwān abāz ō tan dahēnd awēšān wābarīgānīh kē tō ohrmazd pad nigēzišn nigēxt kū dēn rawāgīh bowandag bawēd andar ān zamān kē az awēšān pādufrāh kunihēd ud ō kē wehīh dahihēd pāduxšāyīh
frašn ī zardušt
rād_gōwišnīh ī zardušt
ān ī az tō pursēm ī rāst ō man gōwē ohrmazd az kē pad pērōzgarīh ī =š ast zadār ī wināhgārān pad ēd ī tō pānagīh_hamōxtišnīh kū pad dēn ī tō wināhgārān pādifrāh kē kunēd pad paydāgīh ō man dahišn ī dāmān andar harw dō axwān radīh_čāšišnīh rōšnag kū ēdar ud ānōh pad dastwar dārišn ham ēdōn ān ī weh srōš wištāsp ā =š rasišn pad wahman kū pad wahman ō dēn āyēd ohrmazd ān =im ī ōy kāmag kū =m rasišn sōšāns abāyēd kē ān ī ōy kāmag kadāriz =ēw kū harw kas ōh abāyēd
frašn ī zardušt
passox_gōwišnīh ohrmazd
ān ī az tō pursēm ī rāst ō man gōwē ohrmazd kay ohrmazd zamān_kirdārīh ī ašmāh kū zamān ī tan ī pasēn kay bawēd ud ān kirdārīh ī ašmāh kū kār ud dādestān ī ašmāh kay bowandag kunēnd ud kē =iz ān ī man gōwišn hēnd xwāstār kū dēn_rawāgīh bowandag kay bawēd ud sālār_bawišnīh ī abar hordād ud amurdād ēdōn pad mānsr kū mizd ēdōn dahēnd čiyōn az mānsr paydāg kē bahr az ahlāyīh_abāgīh
frašn ī zardušt
ān ī az tō pursēm ī rāst ō man gōwē ohrmazd čiyōn rāstīhā pad ān mizd arzānīg bawam kū =m afrēftārīhā xwēš bawēd dah asp ī gušn ud uštar ka an ohrmazd andar dānam hordād ud amurdād ēdōn ān harw dō tō dād
frašn ī zardušt
ān ī az tō pursēm ī rāst ō man gōwē ohrmazd kē ān ī mad ēstēd mizd ō ōy ī arzānīg zardušt nē dahēd kē ast kū ō ōy ī rāst mard dahēd ī weh_mard kadār ōy pad ān wināhišn ast fradom kū =š pad ān wināhgārīh pādifrāh fradom čē āgāh ham ān kē ōy ast abdom čiš ī druwandīh
frašn ī zardušt
passox_gōwišnīh ohrmazd
čiyōn hagriz ohrmazd dēw huxwadāy būd hēnd ēdōn ēn pursēm kū awēšān kē pāyēnd kū mardōmān az kār ud kirbag kirdan ōh pādīrānēnēnd awēšān kē hēnd kayagān karabān ud kē gōspand gōwēnd kū karab usixš , ud xešmenān =iz dād dēwān =iz ud kē =iz kayag ī astō ud rānagīh_dādār kū az tis ī abārōn stō nē bawēd ā =iz gōwēnd kū =šān dād ān =imān nē =iz pad =iz mizd ān ī ahlāyīh kār ud kirbag frāz dahēnd kū ka =šān mizd dahēnd ā =iz tis ī frārōn nē kunēnd
brīn hādān
uštā_ahmāi , bišāmrūdīg gōwišn ,
aṣ̌əm_vohū , srišāmrūdīg gōwišn ,
yazišn pad hād sar
pad tattwāpers_hād yazam
yeŋ́hē_hātąm , yazišnīgīhā ēwāmrūdīg gōwišn ,
wīst wezest šaš gāh
atfrawašag_hād bun
hāzišn padīrag_wisānišnīh
frāz_gōwišnīh zardušt
ēdōn frāz gōwišn dēn ud nūn niyōxšišn dahišn ud nūn āšnawišn kū gōš andar_dārišn ud warm be kunišn ud ōh gōwišn kē =iz az nazdīk ud kē =iz az dūr xwāyēd ō hērbedestān kirdan u =š ēdōn kunišn čē nūn ēn harwisp paydāg kū ohrmazd dād , kū ēn dām hamāg ohrmazd dād kū nē pad ān ī didīgartar zamān pad tan ī pasēn ōy ī dušīh_hamōxtār gannāg_mēnōy axwān murnǰēnād ī =š wattar kāmag ud ān ī druwandīhā pad uzwān , wurrōyēnēd gannāg_mēnōy
frāz_gōwišnīh zardušt
andarg_gōwišnīh ohrmazd
ēdōn frāz gōwam andar axwān mēnōyīgīh ī fradom gāhānīgīh kē pad awēšān abzōnīgīh ā =š ēdōn guft ō ōy ī gannā kū nē amāh menišn man nē ān menam ī tō menē , čē man ān ī frārōn menam ud tō ān ī abārōn menē , ud nē hamōxtišn čē man tis ī frārōn hamōzam ud tō ān X ī abārōn , ud nē xrad čē man xrad pad frārōnīh dāram ud tō pad abārōnīh ud nē kāmag čē man kāmag frārōn ud tō abārōn , ud nē saxwan čē man saxwan ān frārōn gōwam ud tō ān ī abārōn gōwē , ud nē kunišn čē man kunišn frārōn ud tō abārōn ud nē dēn čē man dēn ī gāhānīgīh ud tō ǰādūgīh , ud nē ruwān ā =šān pad āgenēn ān kē abar dēn ī man ēstēd ud ān ī kē abar dēn ī tō ēstēd ā =šān ruwān nē pad ēk gyāg
frāz_gōwišnīh hāzišn ī zardušt
ēdōn frāz gōwam andar axwān ān ī ōy ohrmazd xwēš ī fradom xēm wirāstan kū harw kas fradom xēm be abāyēd wirāstan kē =š ō man āgāhīhā guft ohrmazd kū az ašmāh kē ēn mānsr nē ēdōn warzēnd čiyōn ēn menišn ud gōwišn pad =išān awēšān andar axwān anāg ast tā_ō ān ī abdom
frāz_gōwišnīh ī zardušt
ēdōn frāz gōwam andar axwān ān ī ōy ohrmazd xwēš ī pahlom xwēdōdah kirdan az ahlāyīh_abāgīh ohrmazd āgāh kē ēn dād xwēdōdah kirdan u =š pad pidarīh ī wahman warzīd kū =š frārōn_parwardārīh ī dāmān rāy xwēdōdah kird
ēdōn ān doxt ī hukunišn ī bowandag_menišn ī spandarmad kū az xwēdōdah kirdan abāz nē ēstād nē frēft kū az xwēdōdah kirdan abāz nē ēstād čē harwist_nigerīdār pad ān ī ohrmazd kū pad dēn ī ohrmazd hamāg kār ud dādestān ōh bawēd
nigērišn zarduxšt
ēdōn frāz_gōwišnīh kē =š ō man guft ōy ī abzōnīgtom dastwar dāštan gōwišn srāyišn_dahišnīh kē mardōmān pahlom kū mardōmān tis =ēw ēn weh ka abar dēn ēstēnd kē ō ōy ī man srōš ō ōy man dastwar dahēd tan ī xwēš ud čāšēd ō kasān kū be dahēd abar rasēd ō hordād ud amurdād pad mizd stad ān ī wahman kunišn ō ohrmazd ā =iz rasēd pad mizd stad
frāz_gōwišnīh xwānišnīh
xrad_xwāyišnīh zardušt
ēdōn frāz gōwam ān ī az harwistīn mahist yazišn ī yazadān kirdan stāyišn ī ahlāyīh ī ōy ī hudānāg ohrmazd xwēš kē hēnd spennāg_mēnōy niyōxšā =im ohrmazd kū ān gōwān+ ā =m bē niyōxš kē ān ī ōy niyāyišn pad wahman frāz_ham_pursagīh kū ǰādag_gōwīh ī yazadān pad frārōn_ham_pursagīh bē šāyēd dānistan ān ī ōy xrad frāz ō man hamōz ī pahlom āsn_xrad
frāz_gōwišnīh zardušt
passox_gōwišnīh ohrmazd
ān ī ōy sūd xwāyam pad rād_dahišnīh ka rādīh kunam kē hagriz az zīwandag hēnd ud būd hēnd ud kē =iz bawēnd an bowandagtar ō xwēš kunam amarg_rawišnīh ān ī ahlawān ō ruwān xwāstār ka pad tan ī pasēn abāz nē abāyēd ōzad ud tuhišn ka mard widang ī druwand ēdōn =iz ohrmazd dāmān xwadāy
hāzišn , frāz_gōwišnīh ī zardušt
ān ī ōy stāyišn ud niyāyišn ān amāh bē warzišn čē nūn ēn pad čašm bē paydāg kū nēkīh hamāg az ohrmazd kē pad wahman kunišn ud gōwišn āgāh bawēd pad rāstīh ī ohrmazd pad dēn ī ohrmazd ēdōn ān ī ōy niyāyišn ka andar garōdmān ā =š bē dahēnd
gōwišnīh zarduxšt
hāzišn frāz_gōwišnīh
yān ī zardušt
ān ī ōy amāh pad abāgīh wahman čēgāmiz =ēw šnāyišn kū pad rāmišn bē kunišn kē =š ō amāh pad hunsandīh kird āsānīh ōy =iz ī anāsān kū ōy =iz ī druwand āsānīh and čand =iš ast az ohrmazd pad ān ī ohrmazd xwadāyīh warzīdār ō amāh dahē ohrmazd hamēšag_kār pad pah ud wīr kē =mān pah ud wīr pānagīh kunēd ud amāgān kē frā_dahišn hēm kū tis bē abzāyēnēm pad ān ī wahman tarsagāhīh frārōn_tarsagāhīh rāy ī =m ast huzandīh pad wahman ā =mān dahē
hāzišn frāz_gōwišnīh ī zardušt
ān ī ōy yazišn amāh pad bowandag_menišnīh hamēšag mehēnišn kē pad anī_nāmīh srūd ēstēd xwadāy ī dānāg kē ō ōy ašawahišt ud wahman čāšīd kū =š guft xšahrewar ō ōy hordād ud amurdād ōy ēstēd spandarmad pad duxtarīh kē dahēd tuhišn ī tuwānīgīhā zōr ī pattūgīhā
frāz_gōwišnīh ī zardušt
mad =išān dēwān ud pas mardōmān tar_menišnīh kē =šān ēn tar_menīd ēn dām anī az ān kē ēn bowandag menēd ēn dēn sūdimandān dastwar ped xwadāy ān ī abzōnīg dēn dōst ud brād ud pid ohrmazd
brīn hādān
uštā_ahmāi , bišāmrūdīg gōwišn ,
aṣ̌əm_vohū , srišāmrūdīg gōwišn
yazišn pad hād sar
pad atfrawaxšī_hād yazam
yeŋ́hē_hātąm , yazišnīgīhā ēwāmrūdīg gōwišn
yāzdah wezest panǰ gāh
kamnamēz_hād bun
frašn garzišn ī zardušt
ō kadār zamīg ōnāmam ohrmazd pad hāwišt ō man kē pad niyāyišn rawam pad tis xwāst ka bē xwēšān ud ērmānān dād ham kū =šān bē kird ham ud nē man šnāyēnēnd kē wālanīg =iz ham_sāyag =iz nē andar deh kē sāstār ud druwand deh_sālār čiyōn tō ohrmazd šnāyēnam
garzišn ī zardušt
garzišn yān ī zardušt
āgāh ham ān kē ham ohrmazd axwāstār ēn kū =m ēn atuwānīgīh čē rāy dānam man ka kam_ramag kū =m xwāstag kam , ud ka =iz kam_mard ham kū =m gund ud abzār kam ā =iz dānam kū čē rāy garzam ō tō ān ēn wēn ohrmazd kū =m čārag xwāy rāmišn =im kāmag kē dōst ō ōy dōst dahēd pad hamōxtišn wahman ka pad frārōnīh hamōxt ēstam ān ahlāyīh īšt ā =m dahē
frašn ī dōšišn zardušt
kay ī ān dahišn ohrmazd kū ān zamānag kay rasēd ka waxšēnīdār ī rōzān frašgird_kirdār kū andar rōz kār ud kirbag abzāyēnēnd andar axwān pad paydāgīh āškārag frāz pad ahlāyīh franāmēnd pad warzišn ud hamōxtišn ī ān ī sūdōmandān xrad ēdōn čiyōn az dēn paydāg ō kē ān sūd ī pad wahman rasēd kū ān mizd ī pad frārōnīh bē dahēnd ō kē dahēnd man ēd ī tō hamōxtišn dōšam ohrmazd
frāz_gōwišnīh hāzišn ī zardušt
ēdōn awēšān kē druwand hēnd ōy ī ahlāyīh warzīdār kē kār ud kirbag kunēd ā =š pāyēnd gōspand az franāmišn kū =š az dād ī ō kasān ōh pādīrānēnēnd andar šōysr ān ud andar deh ān pad dušstahmag ast kū pad ān ī xwēš kunišn frōd_murd bawēd kū =š apagaiiehe bawēd pad ān ī mad ēstēd xwadāyīh ohrmazd hamēstārēnišn hēnd kū az wināh abāz abāyēnd dāštan ud zanišn hēnd ōy kē awēšān frāz ō gōspandān han_bār xūb_frazānagīhātar kunišn kū =š pahrēz gōspandān dānāgīhātar kunišn
hāzišn ī zardušt
hāzišn ī zardušt
pad ān ī ašmāh pāduxšāyīh andar ēn gēhān kū ašmāh pāduxšāyīh =ēw adahišn ast kū =š tis nē dahišn ān ī darrīdār āyišn kē pad rēš kirdan āyēd wābarīgān pad xūb_šnāsagīh ud pad =iz mihr ān kē wināhgārān pādifrāh kunēd pad ēd tō dārišn kū šnāsag ud mihrbān pad rašn zīwēnišn kē ahlaw ud kē =iz druwand kū harw kas pad dādestānōmandīh dārišn wizurd ān ēdōn kū rōšnag ān mard weh_mard ud ān frāz ō xwēš gōwišn kū pad xwēš dārišn kē ul_uzīd ēstēd ān ohrmazd az huxrūnīh az druwandīh
frāz_gōwišnīh zardušt
passox_gōwišnīh ohrmazd
kē ān ī mad ēstēd nē ō mard kē pad xwāyišn āyēd kū pad kār ud kirbag zzz dahēd druz ī ān dām kū dāmīh ī druz kunēd ā =š āsahmihēd+ kū =š bīm wimāyihēd u =š zanihēd čē ān ī druwand kē ō druwandān pahlomīh ud ān ahlaw kē ō ahlawān franāmišn andar warōmandīh =ēw kē ō druwandān tis dahēd pad druwand dārišn ud kē ō ahlawān dahēd pad ahlaw dārišn tā_ka dēn ī fradom dahišn ohrmazd tā ān ka sōšāns rasēd hamē pad ēd dārišn
tāšt_gōwišnīh frašn ī zardušt
kē ō man ohrmazd ud manīgān hāwištān ī man pānag dād ka man ān druwand ahriman pad dārišn dārēd kēn kū =m kēn abāg dārēd ā =m pānagīh kē kunēd anī az tō ātaxš ud wahman čē ašmāh rāy dānam kū =m pānagīh kunēd kē pad awēšān kunišn ahlāyīh parwaram ohrmazd kū kār ud kirbag kunam ā =m pānagīh kē kunēd ān ō man dastwar dēn frāz gōwē ēn gōwē kū dēn pad dastwar dār
frāz_gōwišnīh andarg_gōwišnīh
hamēyīg_gōwišnīh ī zardušt
kē ān ī man gēhān dahād ō ōy ī kēnīg kū xwāstag pad dastwar ī ahlomōγān dahēd ā =š pādufrāh kunēnd nē pad ān ī ōy kunišn an ōy ī asar_rēš kē pad tan ud ruwān rēš kunēd frāz_rānēnīdār ham kū =m pādufrāh bowandag be kirdan nē tuwān pad padīrag_rasišnīh pad ān harw dō ka tis ī mēnōy ud gētī nē xūb kunēd rasēd ō ōy ī ahlomōγ pad bēš ō tanān mard xwadāy rasēd kū =šān pādufrāh kunēd kē ēn pad huzīwišnīh pānagīh kū =š ēn dādestān ēdōn kū pānagīh ī dāmān pad frārōnīh kunēd nē pad dušzīwišnīh ud pad kadāriz =ēw zamān ohrmazd bēšīdār wattarān
frašn frāz_gōwišnīh zardušt
kadār ān kē ō man rādīh čāšēd fradom kū =m fradom hāwištīh kē kunēd ka pad ēd ī tō dōšišn ul_uzam pad kunišn abzōnīg xwadāy ahlaw čiyōn ō tō ašawahišt tan pad hāwištīh dād ō man kē dahēd čiyōn ašawahišt ān ī gōspand tāšīdār rāy guft kū abāyēd dād xwāyam ān harw dō ī tō pad wahman mizd
hāzišn ī zardušt
ō man kē mard ud zan hēnd ohrmazd ā =šān dahišn andar axwān pad hāwištīh pad ēd ī tō , āgāhīh ī pahlom pad dēn ī tō pad tarsagāyīh ō ōy ī tarsagāy zardušt pad ān ī wahman xwadāyīh frārōn_pāduxšāyīh rāy ī =m ast kē =iz hāzam ō ān ī ašmāh niyāyišn ō dēn ī ašmāh frāz awēšān harwist pad čēh_widarg franāmēnd kū awēšān ī zardušt hāwišt hēnd hamāg garōdmānīg hēnd
frāz_gōwišnīh zardušt
frāz_gōwišnīh ī zardušt
ō xwadāyīh āyōzēnd kē kayag karab hēnd ō xwadāyīh ī abārōn pad ān ī wattar kunišn axwān murnǰēnēnd mardōmān kū gāh ī ānōh bē murnǰēnēnd ō ān ī xwēš ruwān xrōsišn dahēnd ud ān ī xwēš dēn ka abar rasēnd ō ānōh pad čēh_widarg xrōsišn ud xwēhišn dahēnd u =šān hamē_tā_ō_wisp tā_ō tan ī pasēn andar druzōdmān ēstišn ast
ka ul ahlāyīh az nāfān ud naftīyān ī tūrān uzihēd pad friyānān ān guft kū =š ānōh padīrišn bawēd ud pad bowandag_menišnīh gēhān frāy_dahēnd pad tuxšāgīh ēdōn awēšān ham pad wahman mānēnd pad frārōnīh awēšān ān ī ohrmazd rāmēnīdārīh gōwēnd ān tis gōwēnd ī =šān rāmēnīdārīh az =iš bawēd
frāz_gōwišnīh zardušt
frāz_gōwišnīh zardušt
kē ō ōy ī spitāmān zardušt rād dahišn u =š andar mardōmān šnāyēnēd ān mard pad frāz_srāyišn_dahišnīh ka =š bē husrawēnēnd frārōn ēdōn ō ōy ohrmazd axwān dahēd gāh ī ānōh ud ān ī ōy gēhān wahman frāy_dahēd kū be abzāyēnēd ōy ī wištāsp pad ān ī ašmāh ahlāyīh hamēšag menam xūb_hamhāg kū frārōnīh dōst
frašn ī ohrmazd
passox_gōwišnīh
xwānišn zardušt
zardušt kē tō ahlaw dōst pad ēd meh_maγīh pad ēd abēzag wehīh ā =t ō kē frāz_srāyišn_dahišnīh kāmag kū =t dēn ō kē abāyēd ka gōwē ēdōn ōy kay wištāsp ī kārīg ī ka stāyēd ohrmazd ham_daman =uz wardēnēd kū ham_dūdag =uz bē_ō dēn ānayēd awēšān xwānam ō ān ī wahman saxwan kē az spitāmān hēnd ā =šān bē_ō ēn dēn hāzam
hāzišn ī zardušt
hāzišn ī zardušt
hēzadaspān ēd gōwišn =itān , ašmāh kē spitāmān hēd u =tān dahišn bē wizīnišn kē =iz adahišnīh kū =tān tis ī frārōn az ān ī abārōn bē wizīnišn pad awēšān kunišn ī ašmāh ahlāyīh ō ašmāh dahihēd mizd kē =š dād was ohrmazd ān mizd
hāzišn ī zardušt
passox_gōwišnīh ohrmazd
frašōštar ānōh tō ō rādīh rawišn kū =t rādīh andar garōdmān kunišn kē az hwōwān hē ud kē pad awēšān hunsandīh kū =š ān mizd abāyēd ā =š pad nēkīh ēstišn kū =š ānōh nēkīh bawēd ānōh kū ašawahišt abāg bowandag_menišnīh ānōh kū wahman xwāst ēstēd xwadāyīh ānōh kū ohrmazd pad kāmag andar daman mānēd
hāzišn ī pahikār_wisānišnīh
frāz_gōwišnīh zardušt
ēdōn ān ī ašmāh paymān gōwišn kū dēn ī ašmāh gōwišn ud nē apaymānīgīh dastwar ǰāmāsp ī hwōwān =iz kū ān ī az dēn nē paydāg nē gōwēd pad ast_dahišnīh ō ān ī ašmāh niyāyišn rawēd pad srōš rād_dahišnīh ay ast_dahišnīh ēd kū dēn ī ašmāh gōwēd ud tan =iz rādēnēd ō hērbedān ud bē wizīnēd kē dahišn ud kē =iz adahišnīh ō ōy dahēd kē abāyēd dād dānāg_paymān pad rāstīh ī ohrmazd ēd kū pad dēn ī ohrmazd āgāh
frāz_gōwišnīh zardušt
kē ō man ǰān kū hāwištīh ī man kunēd ōy pad =iz tan pahlom kū =š pad gētī tis =ēw ēn pahlom kē ō man īšt kū =m xwāstag dahēd u =š wahman čāšēd kū =š mizd dahēd ud anastīh ō ōy kē ō amāh anastīh dahēd ohrmazd ud ašawahišt pad kāmag ašmāh šnāyēnam ān man pad xrad pad =iz menišn bē wizīnam dēn
passox_gōwišnīh ī zardušt
gōwišn zardušt
kē ān ī man ahlāyīh āškārag az ān warzēd ī ō zardušt nimūd ēstēd kē =š kāmag frāztom kū =š abāyēd wēš kū kirdan ān pad mizd arzānīg bawēd andar harw dō axwān kē ō man niwēyēd kū =m tis =ēw dahēd ā =š abāg bawēd pad harwist zamān gāw ī az ān =iz man hunsandīh ka ēd ī tō ohrmazd āgāh ham dēn ī tō
brīn hādān yazišn pad hād sar
uštā_ahmāi , bišāmrūdīg gōwišn
aṣ̌əm_vohū , srišāmrūdīg gōwišn
kamnamēz_hād yazam
pad uštāyt_gāh ī ahlaw ahlāyīh rad yazam
pad uštawayt_gāh ham_dahišnīh yazam
yeŋ́hē_hātąm yazišnīgīhā ēwāmrūdīg gōwišn
nōzdah wezest panǰ gāh az ēk wezest čē ān čahār gāh ast , haēcat̰.aspā_vaxšiiā
spandmayt bun
niyāyišn ō ašmāh gāhān ī ahlaw
passox_gōwišnīh ohrmazd
az abzōnīg_mēnōyīh ud pahlom_menišnīh ka ān ī mad ēstād ā =m be kird ud ān ī nē mad ēstād rāy ā =m be nigerīd ud az ān ī ahlāyīh kunišn ud gōwišn ud kunišn ī frārōn rāy ī =m ōh kird ud gōwišn ī frārōn rāy ī =m ōh guft ā =m ō xwēšān dād hordād ud amurdād mizd ō mardōmān ān ī ohrmazd xwadāyīh pad bowandag_menišnīh
wezest bišāmrūdīg gōwišn
passox_gōwišnīh ohrmazd
ōy ī mēnōy ī abzōnīg ī pahlom gāhānīgīh pad =iš kē pad uzwān ud dahān ān ī pad wahman saxwan kū pad uzwān ud dahān ān ī frārōn gōwēd ud pad bowandag_menišnīh pad harw dō dast kunišn ī warzēd ān ī mard gāhānīg kū tis ī bowandag_menišnīhā kunēd ān frazānag kū frazām ī tis pad frārōnīh dānēd ān ī pid ī ahlāyīh pad dānāgīh kū parwardārīh ī dāmān pad frārōnīh kunēd
gōwišn zardušt
ān mēnōy ī abzōnīg pad tō ast gāhānīgīh kē =t ō xwēšān gāw ī az ī rādīh_kirdār ō_ham tāšīd ā =t ēdōn ō ān wāstar ud rāmišn =iz dād pad bowandag_menišnīh kē ham ohrmazd pad ān ī wahman frāz_ham_pursagīh ka =š wahman dād būd ā =š harw čē kird pad ham_pursagīh ī wahman kird
frāz_gōwišnīh zardušt
passox_gōwišnīh ohrmazd
az ān ān ī mēnōyān rādīh rēšēnd kē druwand hēnd az ān čiyōn =išān dēw pad tan mehmān nihādag ī wehān pad frārōnīh nihād be abganēnd ahlomōγ ohrmazd ān ī ōy abzōnīg mard bē nihād ud nē ēdōn ān ī ahlaw čē ān nē abganēd pad kōdagīh =iz mard ī ahlaw xwāstār ast pad =iz kōdag_pāyagīh kār ud kirbag ōh kunēd ud ka xwāstār ast kū pādixšāy ast was zadār druwandān
frāz_gōwišnīh zardušt
passox_gōwišnīh ohrmazd
az ēd =iz ka rādīh nē rēšēnd abzōnīg mēnōy ohrmazd ā =š ō ahlawān čāšīd čēgāmiz =ēw pahlomīh kū =š ān rāy nēkīh hamāg ō wehān dād ǰud az ēd ī tō dōšišn druwand baxšēnd kū xwāstag nē pad abāyist ī tō dārēnd kē ān ī ōy kunišn ā =š az akōman mānišn kū mehmānīh ī akōman pad tan ī ōy rāy ka wināh kunēd
frāz_gōwišnīh ī zardušt
passox_gōwišnīh ohrmazd
ō harw dōān dād abzōnīg mēnōy ohrmazd ātaxš wizārišn bē dahēd ō pahikārdārān kū bōxt ud ēraxt paydāg kunēd ka =š ān kē ān ī stabr bowandag_menišnīh ud ahlāyīh =iz pad =iš war_sālār čē ān was ka nigerēnd ā =šān wurrōyēnēd druwandān ān nērang ī war tā ahlawān rāy nē pahikār
spəṇtā_mainiiū , bišāmrūdīg gōwišn
aṣ̌əm_vohū , srišāmrūdīg gōwišn
pad spandmayt_hād yazam
yeŋ́hē_hātąm , yazišnīgīhā ēwāmrūdīg gōwišn
šaš wezest čahār gāh
yezī_hād bun
frāz_gōwišnīh ī zardušt
passox_gōwišnīh ī ohrmazd
ka pad ān dahišn pad tan ī pasēn ahlāyīh druz wānēd ašawahišt anēr ka ān rasēd kē =šān pad frēftārīh frāz guft kū nē rasēd amarg_rawišnīh dēwān ud mardōmān ēdōn ēd ī tō sūd niyāyišn waxšēd ohrmazd dēn ī tō
pahikār
frašn ī zardušt
ka gōwānd man ēd ī tō āgāhīh ohrmazd dēn ī tō pēš az ān ī ka ō man ān ī pad zamīg widarg rasēd ud rāh ī wahišt ud dušox tā zīndagīh čiyōn ahlawān ohrmazd wānānd druwandān az kird ī man čē ān andar axwān paydāg ān ī weh kirdārīh rōšnag kū tan ī pasēn ōh bawēd
passox_gōwišnīh ohrmazd
frāz_gōwišnīh ī zardušt
ēdōn ōy ī āgāh dahišn hāwišt ā =š pahlom hamōxtišn ān ka =š ān ī hudānāg hērbed hamōzēd rāstīh ī ohrmazd dēn ī ohrmazd abzōnīg āgāh ān hērbed kē ān =iz ī nihānīhā saxwan ī ahlomōγīh ā =š čārag bē gōwēd tō hāwand ohrmazd pad ān tis kē ān ī wahman xrad kū =š āsn_xrad nēk pad frārōnīh dārēd
passox_gōwišnīh ohrmazd
kē dahēd menišn ohrmazd ō wehīh ud kē =iz ō wattarīh ōy dēn pad kunišn ud gōwišn ud kunišn ī ōh kunēd ud gōwišn ī ōh gōwēd ā =š dēn be bawēd kē ān ōy dōšišn pad nēkīh ā =š kāmag =iz abāg kē kār ud kirbag pad abēbīmīh kunēd pad ēd dārišn kū =š menišnīg kird pad ēd ī tō xrad abdom =iz mard ud zan hēnd kū gāhānīg bē bawēnd
passox
hāzišn ī padīrag_wisānišnīh ī zardušt
passox_gōwišnīh zardušt
ān =it huxwadāy pāduxšāyēnišn ud ma amāh ān ī dušxwadāy pāduxšāy bawād kū =mān xwadāy ī nēk bawād ma ān ī wad ī weh frazānag kū frazām ī tis pad frārōnīh dānēd ān kē kunišn pad bowandag_menišnīh kū tis bowandag_menišnīhā kunēd yōǰdāsrīh mardōmān pas az zāyišn ud pahlom pas az zāyišn awināhīh pahlom ān ī gōspand warzīdār wāstaryōš ān amāh rāy xwarišn fšūnēnišn kū =š xwarišn ī man kē zardušt ham ud hāwištān ī man bē sāzišn
frāz_gōwišnīh zardušt
framāyišn padīrag_wisānišnīh
čē ān amāh xwārīh az gōspandān ud ān amāh tuhišn nērōg dahēd tuhišn ān ī wahman ārzōg ēdōn pad ān ī ōy tarsagāhīh ka gāw ēk_dād tan bē dād ohrmazd urwar waxšēnīd kū =š bē abzāyēnīd ohrmazd andar axwān zahag ī fradom rāy daxšag wahman rāy
frāz_gōwišnīh ī zardušt
bē xešm bē dahēd padīrag arešk padīrag wisinnēd kē =tān pad wahman dahišn dārišn bawišn kū =tān tan ī xwēš pad frārōnīh dārišn ō ān ahlāyīh niwē ā =š ān xešmenišn mard ī abzōnīg kū =š xwēš tan ō ān niwē kunišn ēdōn ān dām tō dām ohrmazd
frašn ī zardušt
kadār tō ohrmazd ān ī weh xwāyišn ī xwadāyīh kū xwadāyīh ī weh ī tō ā =š abzāyišn az čē kadār ēd ī tō tarsagāyīh kē az tō manīgān ohrmazd kū hāwištān ī man ā =šān mizd pad =iš rasēd kadār tō ašawahišt āškārag rād_xwāyišnīh kū rādīh ī ō tō āškārag kadār kē pad wahman kunišn dārīdārīh kū pad frārōnīh dārīdārīh ō xwēš šāyēd kirdan
frašn ī yān ī zardušt
kay ān dahišn āgāh bawam ka =tān pad čēgāmiz =ēw pāduxšāyīh nēkīh be dād kū ān zamānag kay rasēd ohrmazd ašawahišt ka pad ān ī ōy zamān ān ī man hāwišt āškārag bawēd ān ī pad gumānīgīh rāst man pad ān rāst_zīwišnīh ān ī pad wahman wišōbišn kū ka pad frārōnīh zīwēm ā =m gundag ī wattarān tuwān bawēd wišuftan āgāh bawānd sūdōmand mardōm čiyōn ān ī awēšān yazadān tarsagāhīh ast
frašn zardušt
passox_gōwišnīh ohrmazd
passox
kay ān dahišn ohrmazd ka ōy ī man mard andar mardān padīrišn kū ān zamānag kay rasēd ka hāwištān ī man rawāgīh bowandag bawēd kay ān dahišn ka =šān ǰōyēnēnd muhrišn awēšān pad ān maγīh pad ān abēzag wattarīh kē gannāg hēnd kū zadār hēnd ud karab hēnd kū tis ī yazadān karr ud kōr hēnd ud rānēnēnd pānagīh kū pānagīh dāmān nē kunēnd ud kē =iz pad xrad dušxwadāy hēnd pad deh
frašn zardušt
kay ān dahišn ohrmazd ka ašawahišt abāg bowandag_menišnīh xšahrewar rasēd pad humānišnīh ō kār kē ō druwandān huxrūnīh rēš ud armēštīh akārīh dahēd ud ō kē ān frazānagīh ī pad wahman rasēd
passox ī ohrmazd
frāz_gōwišnīh zardušt
ēdōn awēšān hēnd sūdōmand ī pad deh frašgird_kirdār kē =šān šnāyēnīdārīh ī pad wahman abāg kū mardōm pad frārōnīh ōh šnāyēnēnd ud pad kunišn rāst hēnd ud ēd ī tō ohrmazd hamōxtēnd dēn ī tō čē awēšān dād ēstēnd hamēstār ī ōy xešmen
brīn hādān yazišn pad hād sar
spəṇtā_mainiiū , bišāmrūdīg gōwišn
aṣ̌əm_vohū , srišāmrūdīg gōwišn
pad yezid_hād yazam
yeŋ́hē_hātąm , yazišnīgīhā ēwāmrūdīg gōwišn
dwāzdah wezest čahār gāh
atmāyyaw_hād bun
frāz_gōwišnīh hāzišn ī zardušt
ēdōn man hamē tā_ō ān ī bēdom zamān pānagīh mahist kū =m tā tan ī pasēn hamē pānagīh ī dāmān ōh kunišn tā ān ī ka dušnakkīrā ahlomōγ čāšēd rāstīh ohrmazd dēn ohrmazd ān =it ī weh dahišn rasēnišn wahman ō tan ī kasān kū man ān =iz ī man arāmēnīdār rāmēnīdār bawād ān ī awēšān ōš bē dānišn pad wahman kū čārag ī ahlomōγān pad frārōnīh bē dānišn
frāz_gōwišnīh zardušt
ēdōn ān ī man pad ōy kunišn wēmārīh mānēnēd kū dēn wēmār bē kunēd ēd kas ī ō pēš gōwam dādwar ī druwand ī frēftār kē =š az rāstīh rēš kū ka =š wizīr rāst abar kunēnd u =š rēš bawēd kē nē spandarmad ka =š nigēzēnd ō ān ēstēd pad bowandag_menišnīh kū tis bowandag_menišnīhā nē kunēd nē =iz dahēd ohrmazd pad ān ī pad wahman frāz_ham_pursagīh kū =š ham_pursagīh =iz =ēw ī pad frārōnīh abāyēd
frāz_gōwišnīh , yān , kāmagīhā
andarg_gōwišnīh ī zardušt
ēdōn =iz ān ī ōy ohrmazd kāmag bē dād ēstēd ēd kas ī ō pēš gōwam kē pad ahlāyīh sūd dahišn dādwar ā =š mizd dahēnd kē rēšēnēd pad druz ā =š pādufrāh kunēnd ān =im sālārīh kāmag ī pad wahman andarg ī harwistīn druwandān az hamhāgīh andarg gōwam , kū az dōstīh abāg awēšān ǰudāg bawam
frāz_gōwišnīh ī zardušt
awēšān dušxrad hēnd kē =šān xešm wālīd ēstēd ud arešk =iz kū =šān andar tan frabīh kird ēstēd ud ān ī xwēš uzwān fšūnēnēnd az ān ī afšūnišn abāz nē abāyēd fšūnēnīdan awēšān nē huwaršt kāmag kē dušwarzīdār hēnd andar warōmandīh =ēw pad ēd dārišn awēšān dēw dastwar hēnd kē =šān ān ī druwandīhā dēn
frāz_gōwišnīh ī zardušt
ēdōn ōy ohrmazd šīrēnīh ud čarbīh kū =š mizd dahēnd kē ān ī dēn sālārīh pad wahman kū ān ī az dēn paydāg pad frārōnīh kunēd pad bowandag_menišnīh kadāriz =ēw ahlāyīh xūb_šnāsag kū kadār =ēw kār ud dādestān šnāsagīhā kunēd awēšān harwistīn ēd ī tō xwadāyīh ohrmazd awēšān kē sālārīh pad frārōnīh kunēnd ā =šān pāduxšāyīh az tō
tāšt_gōwišnīh
framāyišn ī zardušt
frāz ō ān ī ašmāh framāyēm ohrmazd kār ud dādestān ī ašmāh ašawahišt =iz rāy gōwam kū =š ǰādag_gōwīh kunam ān ī ašmāh pad xrad ud ān pad menišn dēn ī ašmāh pad xrad menišn bē wizīnam rāst bē wizīnam ud ēdōn ēn srāyēm ān ī dēn ī ašmāh ohrmazd
pahikār frašn ī zardušt
passox_gōwišnīh ohrmazd
ēdōn =iz ohrmazd ka =m niyōxšēd wahman u =m niyōxšēd ašawahišt u =m niyōxšē tō kē ohrmazd hē kū ān ī gōwam ā =m bē niyōxšēd ā =m kē ērmānīh ud kē xwēšīh dādār ast kū =m xwēšīh ud ērmānīh kē kunēd kē =tān warzišn weh dahēd frāz_wābarīgānīh kū kird ī tō pad wābarīgāntar dārēd ā =t ān xwēš ud ērmān
yān ī zardušt
ō frašōštar urwāzišn ī pad ahlāyīh dahē kū =š pad kār ud kirbag kirdan garmōg bē kun ud sālārīh ān ī az tō xwāyēd ohrmazd dar_andarzbedīh u =š dahē manīgān =iz hāwištān ī frašōštar kē pad wehīh ēd ī tō xwadāyīh bē abzāyēnēnd hamē_tā_ō_wisp framānbed hān+ kū frašōštar ud hāwištān ī frašōštar tā tan ī pasēn hamē pāduxšāyīh dah
pahikār andarg_gōwišnīh
hāzišn ī zardušt
ka niyōxšēd hamōzišn ān fšēy sūd_tāšīdār kū frašōštar dēnīg niyōxšēd ud nē ān ī rāst_gōwišn sālārīh dahēd ō druwandān kū frašōštar pāduxšāyīh ō druwandān nē dahēd kē pad dēn ī pahlom āyōzēd mizd kū =š mizd dahēnd pad =iš ahlāyīh āyōzišn_kārīg dastwar ǰāmāsp kū =š pad frārōnīh rawišn
frāz_gōwišn zardušt
frāz_gōwišnīh zardušt
ēdōn =iz ohrmazd ēd ī tō dām bē pāyēnd wahman ud ān =iz ī ahlawān ruwān ān ī niyāyišnōmand spandarmad ī abzōnīg hād niyāyišnōmandīh kū tis be dahēd kē menišn ō xwadāyīh wāzēnēd ī abārōn frōd_murd bawēd , kū =š apagaiiehe bawēd
frāz_gōwišnīh zardušt
passox_gōwišnīh ohrmazd
ēdōn ān ī dušxwadāy ī duškunišn ī dušgōwišn ī duždēn ī dušmenišn ī druwand ā =š ān ī wattar xwarišn padīrag ruwān padīrag rawānd , vīšāat̰cā dahēnd u =š andar druzōdomān andar dušox āškārag ast ēstišn ud āškārag dēwān ud druzān
frašn ī yān ī zardušt
čiyōn tō ašawahišt xwānam ō ayārīh kē zardušt ham čiyōn tō wahman kē pad ān ī ašmāh stāyīdārīh franāmam ohrmazd ēdōn xwāyān+ ān ī ašmāh īšt ī pahlom kū =m tuwān bawād xwāst
brīn hādān yazišn pad hād sar
spəṇtā_mainiiū , bišāmrūdīg gōwišn
aṣ̌əm_vohū , srišāmrūdīg gōwišn
pad atmāyyawwī_hād yazam
yeŋ́hē_hātąm , yazišnīgīhā ēwāmrūdīg gōwišn
dwāzdah wezest čahār gāh
katmōyruwag_hād bun
frašn ī xwānišn ī zardušt
čiyōn ō ēn ī man ruwān xwāstār ham čēgāmiz =ēw tōšag kū =m kār ud kirbag tuwān kirdan kē =m mizd pad =iš dahēnd kē ō man pah kū =m pah kē dahēd ud kē ō man mard srāyišn windēnēd abārīg ayārōmandīh anī az ašawahišt ud tō =iz ohrmazd čē ašmāh rāy dānam azdēnā =im pad xwānišn pahlom_menišnīh ka ōh xwānān+ ān tis ī ka menēnd pahlom hād ā =m bē dānēn
frašn ī zardušt
passox_gōwišnīh ohrmazd
čiyōn ohrmazd ān rādīh_kirdārīh ī gōspand xwāyam kē ēn hīm kē rādīh pad =iš kunihēd ēn gōspand ā =š pad ōy warzīdār hunsandīh kū =š hunsandīh pad ān zamān ka =š ān ī wāstaryōš dārēd pad rāst_zīwišnīh ān ī ahlaw =ēw dārēd u =š pad was xwārīh pānagīh =ēw xwāyēd pad was nēkīh āškārag stī ud ān ī ōy zzz ō man zzz andar axwān dahišn dahēd frāz zzz
frāz_gōwišnīh ī zardušt
ēdōn =iz ōy ohrmazd pad ahlāyīh arzānīg kū ān ī artēštār ahlāyīh rāy pad gōspand arzānīg kē ō ōy xšahrewar ud wahman =iz čāšēd kū =š xwēš kē pad ān ī amāh tarsagāhīh ōz wālēnēd kū ōz pad tarsagāhīh ī amāh dārēd ud ān ī nazdist gēhān kē ōy ī druwand baxšēd kū =š ān ī andar dārišn bē stānēd
passox zardušt
ēdōn ašmāh stāyēm ud yazam ohrmazd pad ast_dahišnīh ašawahišt ud wahman =iz kū =t abāg awēšān ōh yazam xšahrewar =iz kē ōy xwāstār kū kār ud kirbag xwāyēd ā =š ēstēnēd ō rāh kū =š andar ō rāh ī frārōn ēstēnēd āškārag ōy ī rād ohrmazd ka andar garōdmān ā =š srāyēm kū yazišn ī ōy āškārag kunam
pahikār yān ī zardušt
ka bowandag pad ān ī ašmāh tarsagāyīh hān+ ohrmazd kū =m tarsagāyīh ī ašmāh bowandag kird hād ā =m pad ān ī ašmāh mānsr_nayišnīh urwāhmenēd kū ka dēn ašmāh rawāg kunān+ ā =m pad rāmišn ōh kunēd u =m abar nigēzēd āškārag ayārīh pad tuwān_xwāyišnīh kū =m pad tuwān ayārīh kunēd kē ō amāh xwārīh dahihēd
pahikār , wāzēnīdagīhā , yān , zardušt
xrad_xwāyišnīh ī zardušt
ka pad mānsr gōwišn barēnd ohrmazd kū yazišn kunēnd X dōst ī yazadān ud wehān ud ahlāyīh ōnaftār kū ō kār ud kirbag franāmam kē zardušt ham dahē xrad ud uzwān rahīg_ēstišnīh frahaxtīh kē ō man ārāyišn kū hāwištīh ī man kunēd ā =š ān ī pad wahman hamōxtišn bawēd
framāyišn ī zardušt
tāšt_gōwišnīh
ēdōn ān ī ašmāh āyōzam ō kār ud dādestān ī ašmāh kē dōšag abāyišnīg ud arwand hēd abar_kār pad rasišn ī ō widarg niyāyišn ī ašmāh rāy kū tā_ka ō ānōh rasān+ ā =m niyāyišn ī ō ašmāh tuwān bawād kirdan ohrmazd ud ašawahišt ud čēr wahman čēr abāz =ēw wahman griftār bawān+ ān =im ī az ašmāh ast ayārīh kū =m ān ayārīh ī ašmāh ō xwēš tuwān bawād kirdan
franāmišn ī zardušt
X X
abāg pay ašmāh frāz srāyēm pad abzōn ka ō zōhr dād šawam abestāg ōh gōwam bē rasam ō ohrmazd pad ustān_dastīh menišnīg ēdōn rād ham pad niyāyišn ō ašmāh ašawahišt ēdōn ō ašmāh pad ān ī wahman hunar_rawišnīh ī frārōn_hunarīh rāy ī =m ast
frāz_gōwišnīh yān ī zardušt
ō awēšān ī ašmāh yazišn padīrag pad stāyišn rawam ohrmazd ud ašawahišt kē =tān pad wahman kunišn ēdōn pad ān dahišn pad tarsagāyīh ka tarsagāyīh ī ašmāh kunam pad kāmag ham pāduxšāy kū =m pāduxšāyīh pad kāmag ast ēdōn ān yyy hudānāg pad xwāyišn griftār hān+ mizd
tāšt_gōwišnīh
franāmišn ī yān ī zardušt
franāmišn ī yān ī zardušt
ēdōn ān warzam kē yyy awēšān kird kē =šān pad wahman čašm rōyēnīd kū =šān pad frārōnīh pad daxšag be kird pad rōšnīh ī xwaršēd andar rōz ud ōš ān ī arus andar bām =ēw ā =šān pad daxšag be kird ān ī ašmāh tarsagāyīh ud niyāyišn ohrmazd ā =šān pad daxšag be kird
ō =m ašmāh stāyišn ōz zzz ōh =iz ast kū ōz pad stāyišn ī ašmāh dāram ud ān_and ahlāyīh čand pad tuwān xwāstār ham ōh kunam dahē =m andar axwān bowandag_dahišnīh ī pad wahman čiyōn āškārag_warzīdārān zzz kē kāmag frāztom kū =šān abāyist wēš kū kird ā =šān mizd ud pādāšn dahēd ō man =iz kē zardušt ham dahēd ō man =iz kē zōt ham
brīn hādān
spəṇtā_mainiiū , bišāmrūdīg gōwišn
aṣ̌əm_vohū , srišāmrūdīg gōwišn
yazišn pad spennāmayt_gāh sar
pad katmōyruwag_hād yazam
pad spennāmed_gāh ī ahlaw ahlāyīh rad yazam
pad spennāmed_gāh ham_dahišnīh yazam
yeŋ́hē_hātąm , yazišnīgīhā ēwāmrūdīg gōwišn
yāzdah wezest čahār gāh
wohuxšahr_hād bun
bōy ō ātaxš dahišn
niyāyišn ō ašmāh gāhān ī ahlaw
frāz_gōwišnīh hāzišn ī zardušt
ō =m ōy ī weh xwadāy kāmag bahr abar_barišnīh kū bahr ōy kas daham kē xwadāy ī nēk abāyēd pad bē_dahišnīh abzōn rāst andarg kunēd kū dahišn rāstīhā bē dahēd ān mard kē xwadāy ī nēk abāyēd kunišn ī ohrmazd pahlom ān amāh nūn =iz ka dēn rawāg be būd warzišn
wezest bišāmrūdīg gōwišn
frāz_gōwišnīh yān ī zardušt
abyōxtagīhā xwānišn hāzišn ī zardušt
ān ī ašmāh ohrmazd ī fradom gāhānīgīh pad ahlāyīh ān =iz ud pad =iz tō spandarmad pad frārōnīh bowandag_menišnīh ōh kunam dahād ō man īšt ī pad xwadāyīh bē šāyēd dād pad ašmāh wahman niyāyišn dahēd sūd kū ǰādag_gōwīh kunēd ud sūd kunēd
ān ō ān ī ašmāh ō dēn ī ašmāh niyōxšīdār ō_ham rawišn kē ašmāh pad kunišn sālār hēd kū pad wināh ud kirbag āmār kunēd ohrmazd ud ašawahišt kē =tān ān ī pad uzwān saxwan pad wahman kē =m az awēšān tō ohrmazd fradom frāz_daxšagēnīdār hē kū =m az amahraspandān tis ī frārōn fradom tō pad daxšag be kunē
frašn ī zardušt
frašn ī zardušt
frašn ī zardušt
kū bowandag_sālārīh rad dēn_burdārān kū sālārīh bowandag kū gyāg kirdan kū āmurzišn rawēd kū ān mizd ī mēnōy kū gyāg ēstēd ud kū rasišn ī ahlāyīh kū ašawahišt kū gyāg ud kū spandarmad kū wahman ī pahlom ud kū ēd ī tō xwadāyīh ī ohrmazd
passox_gōwišnīh ohrmazd
harwisp ān pursē kē =t ēdōn az ahlāyīh_abāgīh gōspandān windišn kū =t abāg kār ud kirbag kirdan gōspandān bawēd kē warzīdār pad kunišn ud rāst pad uzwān ud huxrad hād pad niyāyišn ā =š az ōy ī huxrad ohrmazd ast niyāyišn kū =š nēkīh pad =iš kunēd kē dahišn ō ōy ī rāst rad pad pāduxšāyīh kū pad pāduxšāyīh ī =š ast tan bē_ō hērbedān dahēd ā =š pad ahlāyīh frazānagīh kū frazām ī tis pad frārōnīh bē dānēd
frāz_gōwišnīh zardušt
kē wehīh ō ōy ī weh dahēd mizd ud kē =iz ō ōy pad kāmag rādīh dahēd ō ōy ohrmazd pad ān ī ohrmazd xwadāyīh ēdōn ān ī ō ōy ī wadag ī ahlomōγ wattarīh kū az kird ī ōy pādufrāh kunēnd kē ō ōy nē bē dahihēd tā_ō ān ī abdom axwān wardišn kū =š tā tan ī pasēn pādufrāh bowandag be nē kunēnd
yān ī zardušt
dahā ō man mizd ud pādāšn kē gōspand tāšīdār hē ud āb ud urwar =iz tāšīdār hē ud amurdād ud hordād ā =iz tāšīdār hē abzōnīg mēnōy ohrmazd ud tuhišn ī tuwānīgīhā ā =iz tāšīdār hē kē pad wahman hamōxtišn kū ka pad frārōnīh hamōxt ēstēd ō xwēš šāyēd kirdan
frāz_gōwišnīh zardušt
frāz_gōwišnīh ī zardušt
čē ēdōn ēd ī tō gōwišn ohrmazd dēn ī tō ka =š ān ī āgāh mard gōwēd ī dānāg zadār druwandān pad nēkīh ahlāyīh dārišn bawēd pad abēbīmīh čē ān mānsr āsānīh ka =š ān ī āgāh gōwēd ī dānāg
kē šnāxtārīh ō pahikārdārān dahēd kū bōxt ud ēraxt paydāg kunēd dahēd ēd ī tō ātaxš ī suxr ohrmazd āhen ī widāxt abar_pad harw dō axwān dazišn dahēd ān passāxt ī pad tan ī pasēn rēšēnēd druwandān ud sūdēnēd ahlawān
frāz_gōwišnīh xwānišn ī zardušt
ēdōn ān mard kē man murnǰēnēd anī_ēwēnag =ēw az ān ohrmazd ā =m bē kunēd gētī ham u =m mēnōy bē kunēd ān dām druz hunušag ī ān dušdānāg kē hēnd kū pad anāgīh pad dāmān ī ohrmazd kirdan hāwand hunušag ī gannāg_mēnōy hēnd man xwānam ahlāyīh ī weh kū ašawahišt ras tō
frašn ī zardušt
frašn ī zardušt
kadār ān kē ōy ī spitāmān zardušt mard dōst ohrmazd kē pad ān ī ašmāh ahlāyīh ham_pursēd ud kē pad spandarmad kū pad rāstīh ud bowandag_menišnīh ham_pursēd kē X pad ān ī ašmāh wahman frazānag kū frazām ī tis pad frārōnīh dānēd ud pad maγīh rāst kū pad abēzag_wehīh rāst
frāz_gōwišnīh zardušt
nē =m pad ān harw dō šnāyēnēd kay ī vaēpi andar widarg ī zamestān pad xwarišn ud wastarg kē zardušt ī spitāmān ham kē ast kē =m pad rānagīh rānagēnēd pad aštag kū kas āyēd u =m be girēd kē =mān ān ēn pad =iz ān ī sard ī bazzag_ēwēn zamestān pad rawišn wāyēnēd
frāz_gōwišnīh zardušt
frāz_gōwišnīh zardušt
ān harw dō mar ud ǰeh ī druwand ōšmurēnd dēn ī abēzag āškārag kē pad ān ī ōy ka ān dēn ōšmurēnd ō ruwān xrōsišn dahēnd pad čēh_widarg āškārag ud pad ān ī xwēš kunišn uzwān wisinnēnd pad ahlāyīh rāh kū rāh ī frārōn be wisinnēnd
frāz_gōwišnīh
nē dōstīh dahēnd kē karab hēnd ō kār bowandag kū ō tis ī frārōn abāyist bowandag nē barēnd ud ān ī gōspandān abowandagīh hamōxtēnd apaymān_kušišnīh pad ān ī xwēš kunišn ud hamōxtišn tis ī abārōn kunēnd ud pad ān ī abārōn hamōxt ēstēnd ud kē awēšān hamōxtišn awēšān ī ō ān ī abdom druzōdmān dahēnd ruwān ī xwēš
frāz_gōwišnīh ī zardušt
zzz mizd kē zardušt ham ō maγwandīn čāšam pēš pad hāwand_kirbagīh kū ō garōdmān ī ohrmazd rasān+ pēš ān ašmāh wahman pad ahlāyīh sūd čāšēd kū sūd pad frārōnīh kunēd
frāz_gōwišnīh hāzišn ī zardušt
ān kay wištāsp maγīh =iz rāy abēzagīh =iz rāy pad xwadāyīh arzānīgēnēd =iz az abar_mānd pad ān ī wahman pedīh frārōn_pāduxšāyīh rāy ī =š ast kē frazānag pad ān ī ahlāyīh paymān kū frazām ī tis ī pad frārōnīh ēdōn čiyōn abāyēd dānist dānēd abzōnīg ohrmazd ēdōn =it amāh rāy sāzišn nēkīh
frāz_gōwišnīh yān ī zardušt
ān ī ārzōg ō man frašōštar ī hwōwān pad nigēzišn nigēzād kirb X kū =m duxt pad zanīh be dahēd pad dēn ī weh ēstēd ī pad dēn ī weh rāy ud ān ī ōy pad xwāyišn dahād kū hwōw tan pad zanīh bē dahād pad pāduxšāyīh ī ohrmazd ān ī ahlāyīh ārzōg gīrād kadag_bānūgīh
frāz_gōwišnīh yān ī zardušt
ān frazānag dastwar ǰāmāsp ī hwōwān xwāyēd xwarrah ud xwēš_kārīh ahlāyīh dōšēd ān pad xwadāyīh pad ān ī wahman āgāh_dahišnīh frārōn_dānāgīh rāy ī =š ast ān ō man dahē ohrmazd kē ēd ī tō rāmēnīdārīh mizd
hāzišn ī zardušt
ōy mard ēdōn maydyōmāh zzz spitāmān zzz xwēš dahišn mizd ud pādāšn u =š ān ī dēn ī āgāh_dahišnīh andar axwān abar xwāyišn āgāhīh pad dēn u =š ān ī ohrmazd_dād ōšmurišn dēn ī ohrmazd pad ǰān kunišn ī weh kū =š tuxšāgīhā ōh gōwišn ud ōh kunišn
hāzišn ī frāz_gōwišnīh ī yān ī zardušt
passox_gōwišnīh ohrmazd
ān ašmāh ō amāh pad ham_dōšišnīh pad ham_abāyistīh harwistīn dahišn sūd ašawahišt ud wahman kē =tān saxwan pad bowandag_menišnīh ō yazišn ōnāmam ud ān ī ohrmazd rāmēnīdārīh kunān+ mizd
abyōxtagīhā
ān ī bowandag_menišn mard ī abzōnīg kē frazānag pad saxwan ud kunišn ōy dēn ī ahlāyīh_abzāyēnīdār pad ān ī wahman xwadāyīh ohrmazd dād mizd ud pādāšn ud az ōy xwāyam pad ān ī weh tarsagāyīh
frāz_gōwišnīh
yazišn ǰudāgīhā
yazišn rād_gōwišnīh zardušt
ōy kē az ahlāyīh_abāgīh pahlom kū az yazadān ān pahlom man yazišn abar āgāh ohrmazd mizd ud pādāšn kē būd hēnd ud kē =iz hēnd awēšān yazam pad ān xwēš nām amahraspandān u =šān abar rasam ō ayārīh
brīn hādān yazišn ī pad wohuxšahr_gāh sar
ō =m ōy ī weh xwadāy kāmag bahr abar_barišnīh kū bahr zzz ōy kas daham kē xwadāy ī nēk yyy pad bē_dahišnīh abzōn rāst andarg kunēd kū dahišn rāstīhā bē dahēd ān mard kē xwadāy ī nēk abāyēd kunišn ohrmazd ī pahlom ān amāh nūn =iz ka dēn rawāg be būd warzišn
wezest bišāmrūdīg gōwišn
aṣ̌əm_vohū , srišāmrūdīg gōwišn
pad wohuxšahr_hād yazam
pad wohuxšahr_gāh ī ahlaw ī ahlāyīh rad yazam
pad wohuxšahr_gāh ham_dahišnīh yazam
kē az astān ēdōn pad yazišn abar weh kū yazišn ān weh kū ohrmazd xwadāy rāy kunēnd
wezest ēwāmrūdīg gōwišn
wīst_ud_dō wezest sē gāh
vaŋhuca_hād bun
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest bišāmrūdīg gōwišn
weh narīh ud weh mādagīh āfrīnēnam ō harwist ān ī ahlawān stī kū =šān ǰān bawād kē hēnd ud kē bawēnd ud kē =iz būd hēnd ahlišwang ud rah_ēstišnīh ī dagr pad kāmag pad hamēšag_abāgīh ud xūb_abar_abāgīh pad hamēšag_abāgīh ud afrāzsazišnīh
ud barānd harwist bēšāzišnīh ō āb ud gōspand ud urwar tarwēnānd harwist bēš ī az dēwān ud mardōmān zzz kunānd andar ēn mān ud ān =iz ī mān mānbed
ān ī weh dahišn ī ānōh rāy ān ī weh tarsagāyīh ī ēdar pad hupēšīh hērbedīh ī weh ud pasīh hāwištīh ud rāh_ēstišnīh ī dagr pad kāmag čiyōn amāh mahist ud pahlom ud nēktom tarsagāyīh kunānd
frāz_gōwišnīh ī yān ī hāzišn zardušt
pad ān ī amahraspandān yazišn ud niyāyišn ud šnāyēnīdārīh ud frāz_wābarīgānīh frāy_dahišnīh ī ēn mān ud frāy_dahišnīh ī harwist ān ī ahlawān stī ud hamēstārīh ī ān ī harwist druwandān stī pad stāyišn ahlāyīh ka yazišn kunēnd kē hēnd kū ōy hudānāg ohrmazd xwēš ān yazišn
pad kāmag tō ohrmazd pad nēkīh pāduxšāyīh xwēšān dāmān kū xwēšān dāmān pad nēkīh ī ast pāduxšāy bē kun pad kāmag āb ud pad kāmag urwar ud pad kāmag harwist ābādīh ī ohrmazd_dād kē az ahlāyīh_paydāgīh bun ud bar ēg =išān pāduxšāyī bē kun pāduxšāyīh ō ahlawān dahē ud apādixšāyīh ō druwandān
kāmag_xwadāy hānd ahlawān ud akāmagxwadāy hānd druwandān
ān ī mad ēstēd hamēstārīh bē barān+ az spennāg_mēnōy dāmān pad wardagīh ud akāmagxwadāyīh
hāzān+ an =iz kē zardušt ham ān ī frāztom az mānān ud wisān ud zandān ud dehān wištāsp ō ēn dēn abar_menišnīh ud abar_gōwišnīh ud abar_warzišnīh ohrmazd ud zardušt
frāxwīh ud xwārīh āfrīnēnam zzz harwist ān ahlawān stī tangīh ud dušxwārīh āfrīnēnam ō harwist ān ī druwand stī
wahištōyšt_hād bun
niyāyišn ō ašmāh gāhān ī ahlaw
pahlom_xwāyišnīh ī sraw ī zardušt kū az ān ī ōh xwāyēnd tis =ēw ēn pahlom abestāg ud zand ī spitāmān ān =im ōy dahād ābādīh kū =m wištāsp mowbedān mowbedīh dahād az ahlāyīh ohrmazd ā =m hamē_tā_ō_wisp huaxwēnād kū =m tā tan ī pasēn hamē nēw_dilīh dahād kē ān ōy =iz ī frēftār ahlomōγ hamōxtišn dēn ī weh pad saxwan ud kunišn
wezest bišāmrūdīg gōwišn
gōwišn ohrmazd
ēdōn =iz ōy hamōxtišn pad wahman saxwan ud kunišn ēd kas ī ō pēš gōwam u =š pad šnāyēnīdārīh ō ān ī ohrmazd niyāyišn franāmišn =iz ud yazišn =iz kay wištāsp zardušt ī spitāmān ud frašōštar =iz dahišnīh ān ī abēzag rāh rāh ī ō ānōh kē dēn ī ohrmazd ō sūdōmandān dahēd kū wāzag ō wehān čāšēd
ān =iz ī ōy ī tō pōručist kē haēcaţ.aspą spitāmān hē kē =t zahag duxt kē zardušt hē pad ān ī wahman pad_ēstišnīh frārōn_padīh ī =t ast pad ahlāyīh ud dānāgīh ī =š ast ā =š ō tō dahišn sālārīh u =š ēdōn ō_ham ham_pursišn pad ēd ī tō xrad pad dēn ī tō u =š pad abzōnīgīh ud bowandag_menišnīh ān ī hudānāgīhā dēn dōšišn
čē ōy ān ī ašmāh uspurrīg dōšišn dēn u =š ō pidar bē dahišn tan pad zanīh ān pōručist u =š ōy =iz ī pid rāy wāstaryōš kār ī kadag_xwadāy rāy ud ēdōn =iz ō xwēšān ā =š tan pad zanīh be dahišn ahlawī ī pōručist ō ōy ahlaw ǰāmāsp pad ān ī wahman xwēš frārōn_xwēšīh rāy ī =š ast sērīh bowandagīh ī xwarišn ud wastarg mizd ud pādāšn ud mehēnīdār_ōšīh ud dānāg_ōšīh ohrmazd dahišn pad dēn ī weh hamē_tā_ō_wisp ān ēstād ī pad dēn ī weh rāy
ān ī saxwanān wāzišn pad kanīgān gōwišn kū dēn_rawāgīh pad hudōs ān =iz ī ašmāh āgāhīh ān =itān andar daman dānāgīh ī =tān andar tan ā =iz pad rāh ī ōy menišn =iz ō ān harw dō menišn dahišnīh ka tis ī mēnōy ud gētī dānēd ā =iz pad rāh ī ōy āgāh_dahišnīh pad dēn pad harw dō axwān ī pad wahman kū ān ī harw dō axwān rāy abāyēd kirdan ka pad dānāgīh be bawēd ā =iz pad rāh ī ōy ud ka ahlāyīh ašmāh anī az ōy ī anī pad windišn windēd kū kirbag ī pad dād rāh ā =tān ēk az did abar ōh āyēd ā =iz pad rāh ī ōy čē ēdōn ōy zzz ast ōy hudōš gāh ī ānōh ā =š pad ān rāh
frāz_gōwišnīh ī zardušt
frāz_gōwišnīh zardušt
ēdōn čiyōn pad ān harw dō tis ī gētī ud mēnōy āškārag mard ud zan pad wehīh ēdōn ǰeh ud mar pad wattarīh druz az ān bahr kū =š nīrmad az ōy kē =š hamēšag pāsbānīh pad frāy_dahišnīh kū =š xwēš tan ēdōn tuwān dāštan ka pad abārōnīh hanbōh pad dar dārēd kē ō druz xwāyēd kū ō nazdīkīh ī druz xwāyēd ā =š hupatit ō tan ōš pēš kū =š , apagaiiehe , bawēd ō xwēhišn barēd ruwān ī xwēš dušxwarišn ī ān gyāg kū =š xwarišn ī wad dahēnd kū wisinnīd ēstēd xwārīh kū tis =iz xwārīh ānōh nēst druwand ī dastwar_zadār bowandag kū nām dastwarīh bowandag zad ēstēd anāyišnīh rāy ka bē_ō ēn dēn nē āyēnd ān ī mēnōyān axwān murnǰēnišn dahēnd kū gāh ī ānōh bē tabāhēnēnd
ēdōn =iz =iš pad ān ī ašmāh gyāg mizd ast ōy zan pad ān ī maγīh pad ān abēzag wattarīh kū =š pādifrāh be kunēnd ka =š ā_zūzag rawēd pad bun ī haxt zan =ēw ka pašn bē kunēd ud abāz ēstēd u =š parrōn =iz murnǰēnēd ōrōn =iz kū hamē pad tan andar šawēd bē āyēd az ān ānōh mēnōy druwandān arasišn bē u =š abar gīrēnd ōy pad ān maγīh pad ān abēzag wattarīh ēdōn =iz =iš pad ān gyāg pad dušox xwēhišn ast tā ān ī abdom pad gōwišn
frāz_gōwišnīh ī hāzišn ī zardušt
zzz anāyišn hēnd kū bē_ō ēn dēn nē āyēnd ud dušwarzīdār hēnd kū tis ī abārōn kunēnd frēbišn hēnd ud zanišn hēnd pad harwisp zamān xrōsišn hēnd abar ān ī huxwadāy ō ōy ǰeh ud mar guxrūnīh rēš ud armēštīh akārīh ud pad āyišn dahišn ka ō mānišn ud wes āyēnd yyy awēšān az mizd ud frēft bawēnd awēšān ān ī škeft margīh ī garān ī mahist az abārīg anāgīh tēz ast kū =šān , apagaiiehe , bawēd
frāz_gōwišnīh frašn ī
passox_gōwišnīh zardušt
dušīh_wurrōyēnīdār hēnd ud bēšišn_ārāstār kū dard ud bēšišn rawāg kunēnd kē ō tō dastwar nirfsēnēnd u =š rēšēnēnd u =šān xwāst ēstēd zad_dastwarīh_ud_bowandagīh kū =šān dastwarīh ud bowandagīh zad ēstēd ud tanāpuhragān hēnd kadār ahlaw ī xwadāy kē awēšān zanēd u =šān hamēstārēnēd kū =šān az wināh abāz dārēd u =šān pad kāmag kēnēnēd ōy ohrmazd ēd ī tō xwadāyīh kū pāduxšāyīh az tō ast kē ō tō xwadāyīh gōwēd kē ōy ī rāst_zīwišn driyōš wāsān dahēd kū =š nēkīh pad =iš kunēd
wezest srišāmrūdīg gōwišn
pahlom_xwāyišnīh ī sraw zardušt kū az ān ōh xwāyēnd tis =ēw ēn pahlom abestāg ud zand
wezest bišāmrūdīg gōwišn
brīn hādān yazišn pad wahištōyšt_hād sar
ahlāyīh ābādīh pahlom ast ābādīh =ēw ahlāyīh weh
wezest srišāmrūdīg gōwišn
pad wahištōyšt_hād yazam
pad wahištōyšt_gāh ī ahlaw ī ahlāyīh rad yazam
pad wahištōyšt_gāh ham_dahišn yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
wezest yazišnīgīhā ēwāmrūdīg gōwišn
nō wezest čahār gāh ǰud az ēk wezest čē ān panǰ gāh ast iϑā_ī_haiϑiiā.narō
gāhān bun ahiiā_yāsā , u =š sar drəgaōuuē_vahiiō , dō_sad_ud_haftād_hašt wezest hazār_ud_šāzdah gāh čiyōn ahiiā.yāsąm_hāitīm_yazamaidē , nē andar mar
ayraman_hād bun
xwānišn hāzišn hamīg_frāz_gōwišnīh yān ī zardušt
ān ērmān_xwāyišnīh ō rāmišn ras ō narān ud nāyrīgān ī zardušt kū =šān pad rāmišn bē kun wahman rāmišn =iz tō =iz ēn kār ōh kunišn kū ka ān ī dēn kāmag ī dēn_burdār arzānīg bawēd pad mizd mizd mēnōy ān ī ahlāyīh tarsagāyī hāwišt xwāstār hān+ hāwišt ī nēk pad ān xwāyišn ān ohrmazd mehīh kunān+ kū =m dēn pad paywand bē rawād , būd kē mowbedān mowbedīh guft
wezest čahrušāmrūdīg gōwišn
ahlāyīh ābādīh pahlom ast , ābādīh =ēw ahlāyīh weh
wezest srišāmrūdīg gōwišn
yazišn pad gāhān sar
ērmān_xwāyišnīh yazam amāwand ī pērōzgar ī ǰud_bēš kē mahist az ān ī ahlāyīh sraw
gāhān ī abzōnīg ī rad_xwadāy ay xwadāy =ēw ī pad radīh šāyēd ī ahlaw yazam
stōdān_yasnān yazam kē dād axwān fradom u =š paydāg gāhānīgīh
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
wispā_gāh_hād bun
harwisp gēhān ud tan kē =m pāduxšāyīh abar tan ud ǰān ud kirb ud tuhišn ud bōy ud ruwān frawahr bē =iz daham ān =iz niwēyēnam
awēšān niwēyēnam ō gāhān ī abzōnīg ī rad_xwadāy ī ahlawī
kē amāh hēnd gāhān sālār_srāyišn ud pānag_srāyišn ud ān gāhān ī mēnōy_xwarišn kē amāh hēnd ō ruwān harw dō xwarišn ud wastarg čē awēšān amāh hēnd gāhān sālār_srāyišn ud pānag_srāyišn ud mēnōy_xwarišn awēšān amāh hēnd ō ruwān harw dō xwarišn ud wastarg ud pad awēšān amāh bawēm humizdīh ud frārōnīh ud was_mizdīh ud ahlāyīh_mizdīh az kār ud kirbag bē pad ān ī nazdīk axwān pas az tan ud bōy bē_wardišnīh
awēšān ō amāh amāwandīh ud awēšān ō amāh pērōzgarīh awēšān drustīh ud awēšān bēšāzišnīh awēšān frāy_dahišnīh ud awēšān wālišn_dahišnīh ud awēšān huaxwīh zzz ud pad awēšān hāwandagīh kū ruwān_dōst be bawēm pad awēšān hudāgīh ud pad awēšān ahlāyīh ud pad awēšān frāz_rādīh ud pad awēšān bē_dahišnīh ā =mān ul rasānd kē stōd_yast kū pad ēn panǰ ān haft ud bē zzz xwēš kunēd kē =š awēšān frāz dād ohrmazd sūd_xwāstār ud pērōzgar ud frāy_dādār_gēhān pānag ī ān ī ahlāyīh gēhān sālār ī ān ī ahlāyīh gēhān sūd ō sūdōmandān kū pad mardōmān sūd kunēnd harwisp =iz ahlawān stī
ud harwisp =iz ahlawān pad ān rad_franāmišnīh ka yazišn kunam ō xwēš ka rasēnd ō yazišn u =mān ul barēnd pad humat ud hūxt ud huwaršt
ardwahišt ud wahman yazam
gāhān ī abzōnīg ī rad_xwadāy ī ahlaw ī yazam
stōd_yasn yazam kē dād axwān ī fradom ōšmuram ud warzam ud hamōxtam ud hamōzam ud dāram bē nē ǰōyam ud abar xwāyam nōg_nōg abar ōšmuram frāz ōšmuram kū ōh gōwam ud frāz yazam ud frašgird pad kāmag andar axwān daham
baxtārīh ī stōd_yasn yazam ēn pargard
ud stōd_yast yazam gāhān pad frāz_srāyišnīh ī ān ī pad srāyišn mehmān frāz_ōšmurišnīh bē čē nāmčištīg gōwēd X tā hamē andar ēn frāz_wāngīh ī ān ī pad tan =ēw ud frāz_yazišnīh ī ān ī pad yazišn mehmān
kē az astān ēdōn pad yazišn abar weh kū yazišn ān ī weh ī ohrmazd ī xwadāy rāy kunēnd
wezest tā sar
srōš_yašt ī keh
niyōxšišn ēdar ē ast ohrmazd ō yazišn kū yazišn ēdōn bawād ī ohrmazd gōš dārād ī sūdīmand ahlaw ān ohrmazd kē amāh xwāstār nēkīh čiyōn fradom ēdōn abdom čiyōn =iš fradom andar ēstād ham abdom sar be kunam ēdar ēdōn niyōxšišn ēd ast ī ohrmazd yazišn ī sūdīmand ī ahlaw kē amāh xwāstār nēkīh
niyōxšišn ēdar nēkīh ī ābān ī wehān ud yazišn ī ahlaw frawahr kē amāh xwāstār hēnd ō ruwān nēkīh čiyōn fradom ēdōn abdom čiyōn fradom andar ēstād ham abdom sar be kunam
niyōxšišn ēdar nēkīh ābān ī wehān ud yazišn ī ahlaw frawahr kē amāh xwāstār hēnd ō ruwān nēkīh
zzz ēdar ēd ast ābān ī wehān ō yazišn kē weh nar ud weh mādag hēnd amahraspandān ī huxwadāyān ī hudahāgān kē weh hēnd ud pad ān ī weh tarsagāhīh yazišn ī nēk kunēnd kē amāh bowandag_tarsagāyīh kirdār hēnd kē ahlaw hēm ēdōn ēdar niyōxšišn ēdar ēd ast ī ābān ī wehān yazišn kē weh nar ud weh mādag hēnd amahraspandān ī huxwadāyān ī hudahāgān ī weh hēnd pad ān ī weh tarsagāhīh ud yazišn kē amāh kirdār hēm yazišn kū =mān tuwān bawād kirdan ud pad tarsagāhīh ka ōh kunēm ā =mān pad ahlāyīh arzānīg pad mizd
niyōxšišn ēdōn ēd ast ī ābān ī wehān yazišn pad ān ī weh tarsagāhīh čiyōn fradom ēdōn abdom čiyōn =iš fradom andar ēstād ham abdom sar be kunam
ēdōn ēdar niyōxšišn ēdar =ēw ast ī ābān ī wehān yazišn kē weh nar ud weh mādag hēnd ud amahraspandān ī huxwadāyān ī hudahāgān ī weh hēnd pad ān ī weh tarsagāhīh ud yazišn kē amāh kirdār hēm yazišn kū =mān tuwān bawād kirdan pad tarsagāhīh ka ōh kunēm ā =mān pad ahlāyīh arzānīgīh pad mizd
niyōxšišn ēdōn =ēw ast ī ābān ī wehān yazišn pad ān ī weh tarsagāhīh
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest čahrušāmrūdīg gowišn
ahlāyīh ābādīh pahlom ast ābādīh =ēw ahlāyīh weh
wezest srišāmrūdīg gōwišn
srōš_ahlī ī hurust ī pērōzgar ī frāy_dādār_ī_gēhān ī ahlaw ī ahlāyīh rad yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
wezest yazišnīgīhā ēwāmrūdīg gōwišn
ātaxš abar abrōxtan
srōš_yasn ī meh bun
srōš_yašt bun
ahlāyīh ābādīh pahlom ast ābādīh =ēw ahlāyīh weh
wezest srišāmrūdīg gowišn
srōš_ahlī ī tarsagāy ī tagīg ī tan_framān kū tan pad framān ī yazadān dārēd ī škeft_zēn kū =š zēn_abzār škeft , barōiϑrō.taēžəm , ud xwadāy pad arzah ud sawah , fraš́ūsaite , šnāyēnam pad yazišn ud niyāyišn ud šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam
srōš_ahlī ī hurust ī pērōzgar ī frāy_dādār_ī_gēhān ī ahlaw ī ahlāyīh rad yazam kē =š fradom andar ohrmazd dāmān pad frāz_wistarišnīh ī abar barsom ā =š yašt ohrmazd u =š yašt amahraspand u =š yašt pānag ī brīngar mihr kē harwistān brēhēnīdār dāmān nēkīh
pad ān ī ōy rāy ud xwarrah rāy ud xwarrah ī srōš pad ān ī ōy amāwandīh ud pērōzgarīh pad ān ī awēšān yaštārīh ōy yazam pad ān ī niyōxšišnōmand yazišn ī pad dastwar srōš_ahlī pad zōhr ud ahlišwang =iz ī buland ud nēryōsang =iz ī hurust ān =iz amāh rasād ō ayārīh ud pērōzgarīh ī weh srōš_ahlī
srōš_ahlī yazam
rad ī buland yazam kē ohrmazd kē az ahlāyīh abardom kū az yazadān kē =šān tan ahlāyīh ast ā ān meh kē az ahlāyīh madārtom kū ān kār ī pad xrad abāyēd kirdan pēš kird ēstēd
harwisp -iz sraw ī zardušt yazam abestāg ud zand harwisp =iz huwaršt_warzišnīh yazam ī warzīd tā nūn ud ēd =iz ī warzihēd az nūn frāz
kē az astān pad ēzišn abar weh
tā gyāg
didīgar kardag bun
srōš_ahlī ī hurust ī pērōzgar ī frāy_dādār_gēhān ī ahlaw ī ahlāyīh rad yazam kē fradom barsom frāz wistard sē_tāg panǰ_tāg haft_tāg noh_tāg čand šnūg ud čand mayān pedištān pad ǰud_wēzišn+ būd ka ēdōn būd ud būd ī ka ēdōn pad ān ī amahraspandān yazišn ud niyāyišn ud šnāyēnīdārīh ud frāz_wābarīgānīh
pad ān ī ōy rāy ud xwarrah
tā sar
sidīgar kardag bun
srōš_ahlī ī hurust ī pērōzgar ī čiyōn nibišt
kē =š fradom gāhān frāz srūd kē panǰ ī spitāmān ī ahlaw zardušt abāg gāϑ abāg wezest ud abāg šnāsagīh zand ud abāg abāz_pursišnīh ī nērang pad ān ī amahraspandān yazišn ud niyāyišn ud šnāyēnīdārīh ud frāz_wābarīgānīh
pad ān ī ōy rāy ud xwarrah ī srōš
tā sar
kē az astān pad yazišn abar weh
tā gyāg
čahārom kardag bun
srōš_ahlī ī hurust ī pērōzgar kē driyōšān mardān ud zanān ā =šān amāwandān andar mān ō_ham tāšēd kū =šān dahēd kē pas az hū_frāšmōdād xešm pad ān wistarišnōmand snē ud ān guxrūn xwar zanēd u =š ēdōn ōy bāstān kamāl pad zanišn abar āhōgēnēd kū =š andar škennēd čiyōn ōzōmand ōy ī nāyēn_dahišn
pad ān ī ōy rāy ud xwarrah srōš
tā
kē az astān ēdōn pad ēzišn abar weh
panǰom kardag bun
srōš_ahlī ī hurust ī pērōzgar ī tagīg ud tēz ud ōzōmand ud škeft abzār ud buland kē az harwisp ardīg az hamāg kārēzār wizārd bē rasēd bē ānōh ō hanǰaman amahraspandān
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
šašom kardag bun
srōš_ahlī ī hurust ī pērōzgar kē az ǰuyānān ōzōmandtom kē az ǰuyānān tagīgtom kē az ǰuyānān tuxšāgtom kē az ǰuyānān tēztom kē az ǰuyānān pēš_kāmagtom abar xwāyēd mazdēsn zzz ān ī srōš niyāyišn kū dūr az ān mān ud dūr az ān wis ud dūr az ān zand ud dūr az ān deh ān ī wattar seǰ ud wōyγn rawānd kū andar ān mān srōš_ahlī ī pērōzgar padēx ast padīrift ud mard =iz ī ahlaw ī frāy_humat ī frāy_hūxt ī frāy_huwaršt
pad ān ī ōy rāy ud xwarrah ī rāy ud xwarrah ī srōš
kē az astān ēdōn pad yazišn abar weh
haftom kardag bun
srōš_ahlī ī hurust ī pērōzgar kē wānīdār kastārān mardān kē wānīdār kastārān zanān kē zanēd dēw ud druz ī zzz axwān murnǰēnīdār kē sālār ud abar_nigāh_dāštār harwispīn frāz ō gētīyān kē pad axwēyīh ud zēnāwandīh bē pāyēd ohrmazd dāmān kē pad axwēyīh ud zēnāwandīh bē sālārēnēd ohrmazd dāmān kē harwisp ox ī astōmand abrāst_sneh bē pāyēd kū sneh abrāst pas az hū_frāšmōdād
kē nē pas xwaš xuft pēš_tā mēnōyān dām dād ē_bār tā mēnōyān dām dād kē spennāg_mēnōy ud kē =iz gannāg sālār ī ahlāyīh gēhān kē hamāg rōz ud šab āyōzēd pad kōxšišn abāg māzenīgān dēwān ud ān nē pad tars frāz ānāmēd kū stō nē bawēd az bīm bē ī dēwān frāz az ān bē čiyōn ān stō nē bawēd harwisp dēw ahunsandīhā pad tars ānāmēnd kū pad tars ō tam dwārēnd
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
haštom kardag bun
srōš_ahlī ī hurust ī pērōzgar kē =š yašt hōm ī frāšm ī bēšāzēnīdār ī nēk xwadāy ī zargōn_dōysr kū =š čašm tarrōg pad bālist abar ī buland pad harburz abar ī xūb_gōwišn kū ān ī frārōn gōwēd ī pānag_gōwišn kū ān ī gōwēd ā =š pānagīh az =iš ī abar_pad_hangām_gōwišn ī ān gāh gōwēd ī ōh abāyēd guftan pāduxšā pad frazānagīh ī harwisp_pēsīd bē dād ī purr_šnāsag pad abārīg kār ī pad mānsr pēš_raftār ā =iz šnāsag ān hōm
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
nohom kardag bun
srōš_ahlī ī hurust ī pērōzgar kē ōy mān ī pērōzgar ī hazār_stūn winnārd ēstēd pad bālist abar buland pad harburz abar kē xwad_rōšn az andar_nēmag ud star_pēsīd az kustagtar_nēmag kū az kustag_kustag pad gōhr wirāst ēstēd kē ōy ahunawar pad snehīh padīrift ēstēd ī pērōzgar ud yast =iz ī haft_hād ud fšūšmānsr =iz ī pērōzgar u =š padīrift ēstēd ud harwisp =iz yazišn_kirdārīh
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
dahom kardag bun
srōš_ahlī ī hurust ī pērōzgar kē pad ān ī ōy amāwandīh ud pērōzgarīh ud huzandīh ud āgāhīh ī srōš rawēnd amahraspand abar ō haft_kišwar zamīg pad dēn_nimūdārīh ō dēnīgān ušēdar ud ušēdarmāh ud sōšāns
ud kāmag_xwadāy frāz rawēnd abar_ō astōmandān gēhān kē ān ī ōy dēn ā =š franāft ohrmazd ī ahlaw kū =š rawāg be kird , hād dēn ī srōš dastwar dāšt , ud ān ī mihr mihr nē druxtan
frāz wahman frāz ardwahišt ud frāz xšahrewar ud frāz spandarmad ud frāz hordād ud frāz amurdād ud frāz ān ī ohrmazd pursišn zzz ud frāz ān ī ohrmazd dādestān pēšēmālīh ud pasēmālīh frāz ēg andar harw dō axwān amāh bē pāyē ay srōš_ahlī ī hurust ī andar ēn axwān ī astōmandān ud kē =iz mēnōyān andar =iz panǰāh_ud_haft sāl bē az ōy ī druwand margīh ud bē az ōy ī druwand xešm ud bē az ōy ī druwand hēn dušmen kē pad ulīh drafš nayēnd pad pēšōbāyīh ī xešm u =šān zzz dušdānāg dārēd u =šān abāg wihād ī dēwān_dād
ēdōn tō amāh srōš_ahlī ī hurust zōr dahē ō frahaxtān aspān drust_rawišnīh ī ō tan purr_pāsbānīh ī az bēšīdārān bē_zadārīh ī dušmenān pad āgenēn_wānīdārīh ī hamēmālān ī adōstān ī bēšīdārān
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
yāzdahom kardag bun
srōš_ahlī ī hurust ī pērōzgar kē ōy čahār arwand ī arus rōšn frāz paydāg ud abzōnīg ud āgāh wi_sāyag ā =š pad mēnōy_gyāgīh wazēnd srūwēn ān ī awēšān sumb u =š zarr abar brēhēnīd kū zzz kird ēstēd abar kafšag ī tēztom az asp ī gētī ud tēztom az wād ud tēztom az wārān ud tēztom az miznāh ud tēztom az wāy ī wāyendag ud tēztom az ān ī ōy hutan wihēd tigr
awēšān harwispīn pasīh ayābēd kē ōy pas hilēd ud nē ōy az zzz ayābēd kē ōy sneh harw dō frāz rasēd pad wazišn kē weh srōš_ahlī kē pad ōšastār hindūgān gīrēd ud kē =iz pad dōšastar ud nē zanēd ud kē =iz bē zanēd ā =iz rasēd
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
dwāzdahom kardag bun
srōš_ahlī ī hurust ī pērōzgar kē buland pad tan buland_ēbyāst pad kār dādestān ī stabr andar ohrmazd dāmān nišast ēstēd kē tā sē bār andar ham rōz ud ham šab ō ēn kišwar wazēd ī xwanires ī bāmīg sneh pad dast dārēd ī burrāg ī tēz ī huāwēxtār+ pad kamāl abar X dēwān
pad sneh ī gannāg_mēnōy druwand ā =š az =iš bawēd sneh ī xešm ī xurdruš ā =š az =iš bawēd sneh ī māzenīgān dēwān ā =š az =iš bawēd sneh ī harwispīn dēwān zzz zzz az =iš bawēd
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh
sēzdahom kardag bun
srōš_ahlī ī hurust ī pērōzgar
kē ēdar ud anēdar =iz anī =z gyāg pad harwist zamīg pad harwist zamān srōš_ahlī ī tagīg ī tan_framān tagīg ud ham_mardābūg ud bāzā_ōz ī artēštār kū frahaxt kamāl_zadār dēwān wānīdār pad wānišn ōy kē wānīdār ahlawān ōy kē wānīdār pad wānišn ud wānīdārīh =iz ī pad abar_rawišnīh yazam kē =iz srōš_ahlī kē =iz aštād yazad harwist mān ī srōš_pānag yazam kē =šān wehīh rāy srōš pānagīh kunēd kē srōš_ahlī dōst ud franāft X padīrēnd ud mard =iz ī ahlaw frāy_humat ī frāy_hūxt ī frāy_huwaršt
pad ān ī ōy rāy ud xwarrah rāy ud xwarrah ī srōš
kē az astān ēdōn pad yazišn abar weh ohrmazd āgāh az ahlāyīh_abāgīh čēgāmiz =ēw kār ud kirbag pad mizd ud pādāšn āgāh dahēd hanǰamanīgān narān ud mādagān yazam amahraspandān
čiyōn ahū kāmag čiyōn ohrmazd kāmag ēdōn radīhā ēdōn frārōnīhā čiyōn ohrmazd kāmag
wezest bišāmrūdīg gōwišn
agar xšnūman srōš bawēd sraōšahe , nē abāyēd guftan
tatsōydiš_hād bun
ō ān sūd ō ān niyāyišn kāmag daham kē niyāyišn ī hutōhmag abāyist bē_ō dēn dahēd ud sūd ī az ān bē_ō xwēš kunēd u =š pad tarsagāhīh_ham_rasišnīh ō xwēš ōwōn šāyēd kirdan ka tarsagāhīh hērbedestān kunēnd u =š pad bowandag_menišnīh_ham_rasišnīh ka hērbedestān bowandag be kunēd kē zzz niyāyišn tōhmag az humat ud hūxt ud huwaršt kū =š tōhmag az ān gyāg kū humat mehmānīh
ān niyāyišn ī amāh bē pāyēd bē az ān dēwān bēš ud ān =iz ī mardōmān ī wadag ō ān niyāyišn niwēyišn daham gēhān tan bē_pānagīh ud bē_sālārīh sālārīh abar_nigāh_dārišnīh
niyāyišn xwāyam ohrmazd az kasān u =m pad niyāyišn kū hunsandīh ī pad ān zamān ka kār ud kirbag kunēnd
niyāyišn padīram ud niyāyišn niwēyēnam gēhān tan bē_pānagīh ud bē_sālārīh zzz ud abar_nigāh_dārišnīh niyāyišn ud ān ka ēdōn niyāyišn ī ašmāh
fšūšōmand ast ahlaw ud pērōzgar ī pahlom u =mān fšūš kirdār nēkīh
ān ī pid ī gōspandān kū ōy dād ud ahlāyīh zzz ud ahlawān ud abārīg yazadān ahlāyīh_kāmagān =iz stī ān hamāg stī kē ahlāyīh abāyēd ā =šān pid ān
āškārag weh_dahāg kē ašmāh mehīh ud wehīh ud nēkīh kirdār hēd
ān =iz amāh fšūnišn bē sālār pad mēnōyīh u =mān abar_nigāh_dāštār pad tis ī gētī pad ast_dahišnīh ī ahlāyīh yazišn kār kār ī abārīg frāz_rādīh ud bē_dahišnīh ud akēnīh ud ātaxš =iz ī ohrmazd_dād
čiyōn =itān amāh dād hēm amahraspand ēd ēdōn amāh srāyišn dahēd
srāyišn dahēd ō amāh weh narīhā srāyišn dahēd ō amāh weh mādagīhā srāyišn dahēd ō amāh amahraspand ēd ī huxwadāy ī hudahāg hēd
nē kas anī az ašmāh āgāh hēd kas =ēw nē dānēm kē nēkīh ēdōn az =iš čiyōn az ašmāh tarsagāhīh ī ōh kunam ēdōn amāh srāyišn dahēd
bē pad menišn ud bē pad gōwišn ud bē pad kunišn bē pah bē wīr ō spennāg_mēnōy daham ī ān ramag ān ī ohrmazd ī druwist_gēhān kū az ōy be druwist ī druwist_ramag ī druwist_wīr ī druwist_hamāg_ahlāyīh_paydāgīh ī dādār dād rōšnīh ō dahišnōmandān hād yyy dād ud dahēd ō ōy dahēd ī ōh abāyēd dād andar =iš ō_ham wēnānd kē ohrmazd
niyāyišn ō tō ātaxš ī ohrmazd ī kē pad ān ī mahist kār bē rasē pad passāxt ī pad tan ī pasēn pad ān ī meh ayārīh ud pad ān ī meh rāmišn dahišn ī hordād ud amurdād
hamāg ham_dahišnīh ī stōd_yasnān yazam
nēk ast ēd ī tō kirb u =tān kirbān niwēyišn daham ohrmazd kū andar gēhān ōh gōwam kū kirb =ēw ēd ī tō nēktar ēn ruwān ō ān ī rōšn bālistān bālist rasēnān+ kū ān bē xwaršēd guft kū =mān ruwān bē ānōh rasād
stōd_yasn yazam kē dād axwān fradom kū ān kē fradom būd ā =š dād gāhānīgīh būd
ēn gyāg zōt dast pad pādyāb kirdan ud āb andar skūrag kirdan
ohrmazd ī ahlaw ī ahlāyīh rad yazam
amahraspandān ī huxwadāyān ī hudahāgān yazam
asnī ahlaw ī ahlāyīh rad yazam
hāwan ahlaw ī ahlāyīh rad yazam
sawang mēnōy =ēw ī abāg hāwan ham_kār ud wīs =iz ī ahlaw ī ahlāyīh rad yazam
mihr ī frāy_gāwyōd ī hazār_gōš ī bēwar_čašm ī guft_nām yazad yazam , u =š frāy_gāwyōdīh ēd kū ka mardōm ēw_tāg pad dašt frāz rawēd pad rāh ī mihr , u =š hazār_gōšīh ēd kū =š panǰ_sad mēnōy X yazad abāg hēnd kē gōwēnd kū ēn āšnaw ud ān =iz āšnaw , u =š bēwar_čašmīh ēd kū panǰ_hazār yazad abāg hēnd ud kār ī čašmīh kunēnd ī gōwēnd kū ān wēn ud ān =iz wēn
rāmišn xwārom yazam ān mēnōy ī ka xwarišn mizag dānēnd ī pad rāh ī ōy
rapihwin ī ahlaw ī ahlāyīh rad yazam
frāy_dādār_fšēy mēnōy =ēw ī abāg rapihwin ham_kār ud ramag ī gōspandān bē abzāyēnēd ud zand =iz ahlaw ī ahlāyīh rad yazam , mardōm ī andar xwēš_kārīh ī rad
ahlāyīh ī pahlom ud ātaxš =iz ī ohrmazd pus yazam
uzayrin ī ahlaw ī ahlāyīh rad yazam
frāy_dādār_wīr mēnōy =ēw ī abāg uzayrin ham_kār ud ramag mardōmān bē abzāyēnēd deh =iz ī ahlaw ī ahlāyīh rad yazam mardōm ī andar xwēš_kārīh ī moy_andarzbed
burz ī xwadāy ī mādagān ī rōšn ī ābān_nāf ī arwand_asp yazam āb =iz ī ohrmazd_dād ī ahlaw yazam
aybisrūsrim_aybigāy ī ahlaw ī ahlāyīh rad yazam
frāy_dādār_ī_harwisp_huzīyišnīh mēnōy =ēw ī abāg aybisrūsrim ham_kār ud zarduštōdom =iz ī ahlaw ī ahlāyīh rad yazam mardōm andar xwēš_kārīh ī mowbedān mowbed
ahlawān ī wehān ī abzārān ī abzōnīgān ī frawahr yazam mādagān =iz ī wīr_ramagān yazam ardā_fraward ī mardōmīh yazam sālān =iz ī humānišnīh yazam amāwandīh =iz ī hutāšīd ī hurust yazam pērōzgarīh =iz ī ohrmazd_dād yazam wānīdārīh ī pad abar_rawišnīh yazam
ušahin ī ahlaw ī ahlāyīh rad yazam
burzī mēnōy =ēw ī abāg ušahin ham_kār ud nmānī =iz ī ahlaw ī ahlāyīh rad yazam mardōm ī andar xwēš_kārīh ī dādwar
srōš_ahlī ī hurust ī tarsagāy ī pērōzgar ī frāy_dādār_gēhān ī ahlaw ī ahlāyīh rad yazam rašn ī rayistag yazam aštād =iz ī frāy_dādār_gēhān ud wālišn_dādār_gēhān yazam
māhīgān ī ahlaw ī ahlāyīh rad yazam
andar_māh ahlaw ī ahlāyīh rad yazam
purr_māh ud wīšaptah ī ahlaw ī ahlāyīh rad yazam
gāhān_bār ī ahlaw ī ahlāyīh rad yazam
maydyōzarem ī ahlaw ī ahlāyīh rad yazam
maydyōšem ī ahlaw ī ahlāyīh rad yazam
paytišah ī ahlaw ī ahlāyīh rad yazam
ayāsrim ī pad frōd_wašt_zamānīh gōwēd gušn_hilišnīh ī ahlaw ī ahlāyīh rad yazam
maydyārīm ī ahlaw ī ahlāyīh rad yazam
hamaspahmādem ī ahlaw ī ahlāyīh rad yazam
sāl ī ahlaw ī ahlāyīh rad yazam
harwisp kē ahlāyīh rad yazam kē hēnd ahlāyīh radīh sīh_sē nazdist pērāmōn hāwan kē hēnd ahlāyīh ī pahlom ī ohrmazd frāz hamōxt ō zardušt ud zardušt frāz guft ō mardōmān kū čiyōn abāyēd kirdan
xwadāy mihr buland ī aseǰ ī ahlaw yazam ud star =iz ud māh ud xwaršēd pad ān ī urwarēn barsom mihr ī harwispīn dehān dahībed yazam
rōz ud māh
ohrmazd ī rāyōmand ī xwarrahōmand yazam
ahlawān ī wehān ī abzārān ī abzōnīgān frawahr yazam
tō ātaxš ī ohrmazd pus yazam ī andar yazišn
ātaxš ī buland_sūd yazam warahrān pad ēw_kardagīh
ātaxš ī weh_franāftār yazam ān ī andar tan ī mardōm
ātaxš ī frāx_zīyišn yazam ān ī andar urwarān
ātaxš ī wāzišt yazam , ān ī dēw spinǰaruš zanēd
ātaxš ī abzōnīg yazam , ān ī andar garōdmān pēš ī ohrmazd pad mēnōyīh ēstēd
xwadāy nāf nēryōsang yazad yazam
ātaxš ī harwisp mān mānbed ī ohrmazd_dād ī ohrmazd pus ī ahlaw ī ahlāyīh rad yazam abāg harwispīn ātaxšān
āb ī weh ī pahlom ī ohrmazd_dād ī ahlawī yazam , ud harwisp āb ī ohrmazd_dād ī ahlaw yazam pad ēw_kardagīh harwisp urwar ī ohrmazd_dād ī ahlaw yazam pad ēw_kardagīh
mānsr_spand was_xwarrah yazam
dād ī ǰud_dēw yazam
dād ī zardušt yazam
dagr_abar_rawišnīh ī mānsr_spand yazam
dēn ī weh ī mazdēsnān yazam
gar ī ōš_dāštār ī ohrmazd_dād ahlāyīh_xwārīh yazad yazam
ud harwisp gar ī ahlāyīh_xwārīh ī purr_xwārīh ī ohrmazd_dād ī ahlaw ī ahlāyīh rad yazam
čēr ī kayān xwarrah ī ohrmazd_dād yazam
čēr ī agrift xwarrah ī ohrmazd_dād yazam
ahlišwang ī weh yazam ī rōšn ī ahlaw ī buland ī amāwand ī hurust ī xwābar
xwarrah ī ohrmazd_dād yazam
sūd ī ohrmazd_dād yazam
dahmān ī wehān āfrīn yazam
dahm =iz mard ī ahlaw yazam
ān ī čēr ī tagīg dahm_ī_abar_pad_menišn yazad yazam
awēšān āb ud zamīg ud urwar yazam ,
ud awēšān gyāg ud rōdestāg ud gāwyōd dašt ud mēhan āb_xwar yazam
ōy =iz ī šōysrbed yazam kē ohrmazd
rad ī harwisp meh yazam kē ohrmazd radīh ī rōz asnī ud māhīgān ud gāhān_bār ud sāl
ahlawān ī wehān ī abzārān ī abzōnīgān frawahr ēn gyāg āb bē sar ī barsom kirdan stāyēm ud xwānam ud xwēšēnam ud yazam ī mānīgān ud wisīgān ud zandīgān ud dehīgān ud zarduštrōdomān
az harwistīn awēšān frawahrān fradom ēdar yazam frawahr ī ān ī ohrmazd ī mahist pad tan ud pahlom pad arz ud nēktom pad dīdan xrūždtom saxttom pad kār ud dādestān ud xradīgtom dānāgtom ud hukirbtom kū =š handām ēk ō did passazagtom ud az ahlāyīh abardom az frārōnīh kū az yazadān kē tan ahlāyīh ān meh
ahlawān ī wehān ī abzārān ī abzōnīgān frawahr yazam kē =iz amahraspand ī huxwadāy ī kāmag_dōysr kū nēkīh pad abāyist kunēnd ī buland ud abar_madār ō kār ud dādestān ud tagīg xwadāy kē aseǰōmand ahlaw
pōryōtkēšān ī fradom niyōxšišn_hamōzišnān kē fradom hāwišt ī zardušt būd hēnd ēdar ahlawān ī narān ud nāyrīgān axwān gāh ud dēn kunišn ud bōy āšnāg ruwān ud frawahr yazam kē weh_mard ud ahlaw būd hēnd
gōspand ī hudahāg ruwān yazam
kē weh_mard ud ahlaw būd hēnd gayōmard ī ahlaw frawahr yazam
zardušt spitāmān ēdar ī ahlaw ā =š ahlāyīh kār ud kirbag ud frawahr =iz yazam
kay wištāsp ahlaw frawahr yazam
isadwāstar ī zarduštān ī ahlaw frawahr yazam
nabānazdištān ēdar ī ahlawān ī ahlawīyān narān ud nāyrīgān axwān gāh ud dēn kunišn ud bōy āšnāg ud ruwān ud frawahr yazam kē weh_mard ud ahlaw būd hēnd
abāg harwistīn ahlawān frawahr ī bē_widardān ahlawān kē =iz zīndagān ahlawān kē =iz mardān ī azādān ī frašgird_kirdārān ī sūdōmandān
ēdar ān ī bē_widardān ruwān yazam kē ahlawān frawahr
harwist kē az ēn mān nabānazdištān ī bē_widardān hērbedān ud hāwištān zand čāšīdār narān ud nāyrīgān ēdar ahlawān ud ahlawīyān frawahr yazam
harwistīn hērbedān ī ahlawān frawahr yazam
harwistīn hāwištān ī ahlawān frawahr yazam
harwistīn narān ī ahlawān frawahr yazam
harwistīn nāyrīgān ī ahlawān frawahr yazam
harwistīn aburnāyīgān ī dahmān_kirdān ī ahlawān frawahr yazam
ī ādehīgān ahlawān frawahr yazam
uzdehīgān =iz ī ahlawān frawahr yazam
narān =iz ī ahlawān frawahr yazam
nāyrīgān =iz ī ahlawān frawahr yazam
harwistīn ahlawān ī wehān ī abzārān ī abzōnīgān frawahr yazam ī az gayōmard tā sūdimand ī pērōzgar sōšiyans
pērōzgarīh ī ohrmazd_dād yazam
sōšiyans ī sūdimand pērōzgar yazam
ēn gyāg barsom az māhrōy ul stānišn datuš be nibāyišn abāg gyāg xwēš bandišn frāgām pad bun ī barsom abāz+ kunišn abāg māhrō nihišn
ēn barsom abāg zōhrag abāg aybyāgehan ī pad ahlāyīh frāz wistard yazam
ān ī xwēš ruwān yazam ,
ud ān ī xwēš frawahr yazam
harwist ān ī ahlaw yazad yazam
harwist ān ī ahlāyīh rad yazam
pad hāwan abar radīh ud sawang ud wīs =iz abar radīh ud rad ī harwisp rad meh abar radīh
kē az astān ēdōn pad yazišn abar weh kū yazišn ān ī weh ī ohrmazd ī xwadāy rāy kunēnd
wezest ēwāmrūdīg gōwišn
rāspīg pad gāh ī frabardārān az pāy guftan
weh tō tō rāy ā =t az wehīh ī ast ī wehtar bawād ō xwēš kē hē zōt arzānīg
tō tō rāy pad ān mizd arzānīg bawē kē hē zōt arzānīg ī frāy_humat ī frāy_hūxt ī frāy_huwaršt
zōt
rasād ō ašmāh ān ī az wehīh wehtar ahlawīh
ma ō ašmāh rasād ān ī az wad wattar
ma ō amāh rasād az wattarīh wattar
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
tā sar dō bār
ahlāyīh ābādīh pahlom ast ābādīh =ēw ahlāyīh weh
tā sar dō bār gōwišn
ahunawar yazam
ahlāyīh ī pahlom ī nēk ī amarg ī abzōnīg yazam
fšūšmānsr ī hadōxtīg yazam
hamāg ham_dahišnīh ī stōdān_yasnān yazam
stōd_yasn yazam kē dād axwān X fradom
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest bišāmrūdīg gōwišn
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
ēdōn ō ōy weh_mard wehīh abar rasēnišn mizd kē ān ī amāh ī abēzag ī sūdimand rāh hamōzēd ō kasān andar ēn axwān ī astōmandān kē =iz mēnōyān andar panǰāh_haft sāl ka āškārag ān stī kū rōšnag kū tan ī pasēn bawēd andar ān mānēd ohrmazd ī rād ī xūb_šnāsag tō hāwand abzōnīg ohrmazd
awēšān ō ēn mān rasānd kē ahlawān šnāyēnīdārīh tarsagāyīh ud bē_dahišnīh ud bē_padīrišnīh ul nūn ō ēn wis rasād ahlāyīh ud xwadāyīh ud sūd ud xwarrah ud xwārīh ān ī dagr frāztom_pedīh pēšōbāyīh ī pad ēn dēn ī ohrmazd ud zardušt čē paydāg kū az harw dūdag =ēw mānbedān mānbedīh nē šāyēd ud andar ēn mān frazend zāyād kē pad mānbedān mānbedīh nām barād
zzz ī nūn az wis gōspand bawād kū ramag ī gōspandān bē ma abesihād zzz ahlāyīh zzz ān ī mardān ī ahlawān ōz pattūgīh zzz ohrmazd_dādestānīh pēšēmālīh ud pasēmālīh būd kē ohrmazd_dādwarīh guft wizīr ud dādwarīh kirdan
rasānd ō ēdar ahlawān ī wehān ī abzārān ī abzōnīgān frawahr u =šān ān ī ahlišwang bēšāzišnīh abāg bawād tuwānīgīh ī az frārōnīh zamīg_pahnā ud rōd_drahnā ud xwaršēd_bālā ān nēkīh az ahlišwang bē rasād ēstēnīdār hānd wehīgān kū ō xwēš kunānd abāz_ēstēnīdār hānd wattarīgān kū abāz ēstēnānd frāz waxšād rāy ud xwarrah ī ohrmazd xwēš_kārīh ud tuxšāgīh
wānihād az ēn mān pad srōš asruštīh ud pad āštīh anāštīh ud pad rādīh arādīh ud pad ēr_menišnīh tar_menišnīh ud pad ān ī rāst gōwišn ān ī drō gōwišn ud pad ahlāyīh druz
kē =iz andar ān ī amahraspandān yazišn ud niyāyišn ī srōš pad dastwar ān ī weh yazišn ud niyāyišn ī narīhā yazadān ī narān rāy ōh kunēnd ān ī weh yazišn ud niyāyišn ī mādagīhā yazadān ī mādagān rāy ōh kunēnd pad hubarišnīh ud nēk_barišnīh ud ayār_barišnīh ān dagr_xwad_burdār bawēm ān mizd
ma hagriz az ēn mān ān ī xwārīhōmand xwarrah frāz abesihād ma ān ī xwārīhōmand īšt xwāstag ma ān ī xwārīhōmand ī āsnūdag frazend xwārīh zzz zzz ī ēdar u =m abar ahlišwang dagr abāg hamhāg bawād
pad kāmag tō ohrmazd pad nēkīh pāduxšāyēnē =iz xwēšān dāmān kū xwēšān dāmān pad nēkīh ī ast pādixšāyīh bē kun pad kāmag āb ud pad kāmag urwar ud pad kāmag harwisp ābādīh ī ohrmazd_dād kē az ahlāyīh_paydāgīh bun ud bar ēg =išān pādixšāyīh bē kun pāduxšāyīh ō ahlawān dahē ud apāduxšāyīh ō druwandān
kāmag_xwadāy hān+ ahlawān ud akāmagxwadāy hān+ druwandān ān ī mad ēstēd hamēstārīh bē barān+ az spennāg_mēnōy dāmān pad wardagīh ud akāmagxwadāyīh
hāzān+ an =iz kē zardušt ham ān ī frāztom az mānān ud wisān ud zandān ud dehān wištāsp ō ēn dēn abar_menišnīh ud abar_gōwišnīh ud abar_warzišnīh ī ohrmazd ud zardušt
čiyōn amāh hēm šād_menišn ud kāmag_ruwān ā =mān dahād ā =mān bawād ān ī pahlom axwān
āškārag ō ohrmazd rasam
ahlāyīh ī pahlom ahlāyīh ī nēk wēnān+ tō ud abar_ō tō rasān+ ham ō tō pad hamhāgīh
ahlāyīh ābādīh ī pahlom ast ābādīh =ēw ahlāyīh weh
az aṣ̌a_vahišta , tā vahištāi_aṣ̌əm , sē bār guftan , yatā_ahū_wayryō čahār , ud ašem_wohū sē guftan
ahunawar yazam
ahlāyīh ī pahlom ī nēk ī amarg ī abzōnīg yazam
ahunawar framāyēm ēn tis ī ō pēš gōwam andarg zamīg ud andarg asmān
ahlāyīh ī pahlom framāyēm ēn tis ī ō pēš gōwam andarg zamīg ud andarg asmān
yeŋ́hē_hātąm pad xūb_frāz_yazišnīh mehmān framāyēm ēn tis ī ō pēš gōwam andarg zamīg andarg asmān
dahm =iz mard ī ahlaw ud dahmān ī wehān āfrīn framāyam ēn tis ī ō pēš gōwam andarg zamīg ud andarg asmān pad hamēstārīh ud bē_barišnīh ī gannāg_mēnōy abāg zzz dušdām ī purr_marg pad hamēstārīh bē_barišnīh xwarrah_kāstārān mardān ud xwarrah_kāstārān zanān pad hamēstārīh ud bē_barišnīh ī xwarrah_kāstārīh ī mardān ud xwarrah_kāstārīh ī zanān pad hamēstārīh ud bē_barišnīh ī zzz =iz zzz ud zzz zanān pad hamēstārīh ud bē_barišnīh ī kāstārīh ī mardān ud kāstārīh ī zanān pad hamēstārīh ud bē_barišnīh duzzān ud stohmagān pad hamēstārīh ud bē_barišnīh ī zand ud ǰādūg hād zand paygāmbar ī ǰādūgān ud pad zand ǰādūgīh šāyēd kirdan pad hamēstārīh ud bē_barišnīh mihr_zanān ud mihrō_druzān pad hamēstārīh ud bē_barišnīh ī ahlawγenān =iz ud ahlaw_bēšān pad hamēstārīh ud bē_barišnīh ahlomōγān ī anahlawān ud sāstārān =iz ī purr_marg pad hamēstārīh ud bē_barišnīh ī kadāriz =ēw anāgīh ī az kadāriz =ēw druwandān ī abārōn_menišnān ī abārōn_gōwišnān ud abārōn_kunišnān spitāmān zardušt
kē druz az ān pad bē_nayišnīh nayēd az ēn gēhān druz ī sāstārīh pad nayišn nayēnd sūdōmand druz čiyōn pad nayišn nayēnd sūdōmand druz čiyōn ī pad ēn hīm pad ēn dēn zanēnd pad pāduxšāyīh ōy ī apāduxšā az harwisp kišwar abar kē haft pad bē_hamēstārīh ud bē_barišnīh ī harwisp ī ān ī druwandān stī pad stāyišn ī ahlāyīh ud yazišn ī ōy ī hudānāg ohrmazd zzz hēnd kū ōy xwēš hēnd yazišn ud zōhr ud niyāyišn
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest bišāmrūdīg gōwišn , tā , gyāg
ātaxš_niyāyišn bun
barsom az barsom_dān ul dārišn namāz ō ātaxš barišn yasnəmca tā sar az pāy gōwišn
yazišn ud niyāyišn pad hubarišnīh ud nēk_barišnīh ud ayār_barišnīh āfrīnam ō tō ātaxš ī ohrmazd pus , yazišn āšnāg ud niyāyišn ustōfrīd hubarišnīh tis dād ud nēk_barišnīh ābādānīh ud pānagīh kirdan ud ayār_barišnīh pad hamāg rāh ayārīh ud ǰādag_gōwīh kirdan
yazišnōmand =ē ud niyāyišnōmand yazišnōmand bawē ud niyāyišnōmand andar mān mardōmān ēk pad stāyišn ud ēk pad āfrīn
nēk bawād ōy mard nēk bawād kē tō bāstān frāz yazād esm_dast barsom_dast gōšt_dast ǰīw ast kē paywāsag gōwēd hāwan_dast dādīhā_esm bawē ud dādīhā_bōy bawē
ud dādīhā_pih bawē ud dādīhā_pasišn bawē purnā_sālār bawē ud dahm_sālār bawē ātaxš ī ohrmazd pus
sōzāg bawē andar ēn mān hamēšag_sōz bawē andar ēn mān rōšn bawē andar ēn mān ud waxšag bawē andar ēn mān tā_ō ān ī zzz zamān ān ī abzār frašgird_kirdārīh tā_ō frašgird_kirdārīh ī weh
dah ō man ātaxš ī ohrmazd pus tēz_xwārīh ud tēz_srāyišnīh ud tēz_zīyišn purr_xwārīh ud purr_srāyišn ud purr_zīyišn kū tā =mān apagaiiehe ma bawād ā =mān tēz dah u =mān was dah frazānagīh kū tā frazām ī kār ud dādestān dānam ud abzōnīgīh kū az tis =ēw was tis dānam šēbāg_uzwānīh kū tā =mān uzwān pad kār dādestān šēbāg bawād ruwān kū tā =mān ruwān ahlaw bawād ōš kū tā =mān ōš pad gāh bawād xrad pas gōwam ī meh gōšōsrūd ī abēguft kē hērbedestān nē kird ēstēd saxwan ī dānāgīhā nē dānēd guftan ast kē ēdōn gōwēd hād kē =š andar nē kird ēstēd ā =š andar nē bawēd wīr ān bawēd kē pad =iš kunēnd ōš ān bawēd kē pad =iš dārēnd ud xrad ān bawēd kē pad =iš ō kār āwarēnd ud ān =iz ī mardān ham_mardābūgīh pattūgīh ī pad kār ud dādestān stēndag_zangīh kū =m kār ī az pāy weh tuwān =ād kirdan axwēyīh kū tā abar az zzz nē xufsam tēz_az_gāhīh kū tā =m tēz az būšāsp be tuwān =ād būdan zzz ud ǰaγārīh ān ī pad dast abāyēd kirdan ud ān ī nām_burdār āsnūdag frazend ī kišwar_wirāy ī hanǰamanīg ham_rust xwābar ī az tangīh bōxt az dušox huwīr kū abāyišnīg ī purr_šnāsag pad ān ī pas abāyēd kirdan kē ān ī man frāyēnād mān ud wis ud zand ud deh ud rōdestāg
dah ō man ātaxš ī ohrmazd pus ān kē man hād afrāzsazišn nūn =iz tā_ō hamē_rawišnīh pahlom axwān ī ahlawān ī rōšn ī hamāg_xwārīh
griftār bawān+ kū ō xwēš kunān+ ān ī weh mizd ī ānōh ud ān ī weh husrawīh ī ēdar ud ān =iz ī ruwān ī dagr_huaxwīh nēw_dilīh ī pad čēh_widarg
harwistīn gōwišn barēd ātaxš ī ohrmazd kē awēšān pad ān ō_ham pazēnd šām ud sūr ān ātaxš kē ān ī andar xānag nišānēd ā =š han_ǰāmišn ān ātaxš az harwisp kāmag hubarišnīh ud nēk_barišnīh ud ayār_barišnīh bē čē nāmčištīg be gōwēd tā andar ēn nēk_barišnīh gumbad ud ayār_barišnīh ǰādag_gōwīh kirdan spitāmān
ō harwistīn bē_frāz_raftārān mardōmān ātaxš ō dast nigerēd kū čē hamhāg ō ōy ī hamhāg barād dōst ō dōst frāz_raftār mardōm ō ōy =iz ī armēšt ātaxš , gyāg =ēw artēštār gōwēd
ātrəm_spəṇtəm_yazamaide_,_taxməm_həṇtəm_raϑaēštārə , ātaxš ī abzōnīg yazam kē tagīg ast kē artēštār gōwēd tan =iš armēšt u =š mēnōy artēštār
hōm ud urwarām kōstag ō ātaxš dahišn
agar ō ōy ān bard esm ī pad ahlāyīh burd barsom =iz ī pad ahlāyīh frāz wistard urwar hayanbāg
ān ī pas āfrīnēnēd ātaxš ī ohrmazd ka hušnūd ud abišt ud sagr
kū abar ō tō rawād ān ī gōspandān ramag ud ān ī wīrān purr_rawišnīh mard ī ǰuyān
abar_ō tō haxtād kāmag ī pad menišn ud kāmag ī pad ox kū abāyist pad menišn abāg ān ī pad ox rāst bawād
urwāhmen_ox pad ǰān zīwē tā ān šab ī zīwē axīndag zīw ēn ān ātaxš āfrīn ī bāstān ōh kunēd kē ō ōy barēd esm ī hušk ī pad rōšnīh nigerīd ahlāyīh dōšāram ārzōg ī ō kār ud kirbag rāy ī yōǰdāsr kū pāk
āb_zōhr bun
pas barsom frōd ō māhrō nihādan zōhr sar abar griftan ud zōhr bē nigerīdan
ahlāyīh ābādīh pahlom ast ābādīh =ēw ahlāyīh weh
wezest srišāmrūdīg gōwišn
abar_griftār hān+ ān ī wehān zzz franāmišn ud padīrag_rawišnīh ud abar_gīrišnīh xwāyam ō ēn yazišn
franāmam mazdēsnīh ī zardušt kū andarg ī wattarān gōwam ī ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh rad ī rōz ud asnī hangām ud māhīgān ud gāhān_bār ud sāl pad yazišn ud niyāyišn ud šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
fragām pad ǰīw kunišn pad vaṇtā az dast dašn pad datuš barišn pas zōhr abar griftan
ōy kē az ahlāyīh_abāgīh ī pahlom kū abāgīh ī az ahlāyīh rāy az yazadān ān meh ī man yazišn abar ō ōy āgāh ohrmazd kē būd hēnd ud kē =iz hēnd awēšān yazam pad ān ī xwēš nām u =šān abar rasam ō ayārīh kū =šān hamāg ayārōmandīh ōh kunam ud ōh daham ōy ī weh xwadāy pad kāmag bahr abar_barišnīh kū bahr ō ōy daham kē xwadāyīh ī nēk abāyēd
niyōxšišn ēdar =ēw ast ābān ī wehān
pad mayānag barsom abar ē barēd
abar war zōhrag az sar ī barsom pad čahār angust frāztom sar barsom
ohrmazd ī ahlaw ī ahlāyīh rad yazam ,
amahraspandān ī huxwadāyān ī hudahāgān yazam
abar hōytar ī barsom pad war ī zōhrag az sar barsom pad čahār angust ō dašntar ī barsom pad war ī zōhrag ham ēdōn pad čahār angust
āb ēdōn yazam ahlawān ruwān =iz ud frawahr yazam
pad mayānag barsom sar ī war ī zōhrag
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
tā gyāg
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest tā gyāg časrušāmrūdīg gōwišn ,
zōhr abar mayānag barsom ud māhrō nihādan ud pad š́iiaōϑə̄nanąm , frāztar barišn ō sar barsom
andar axwān pad paydāgīh āškārag frāz pad ahlāyīh franāmēnd
ka pad mānsr gōwišn barēnd ohrmazd kū yazišn kunēnd ud dōst ī yazadān ud wehān ud ahlāyīh zzz kū ō kār ud kirbag franāmam kē zardušt ham dahē =m xrad uzwān rāst_ēstišnīh frahaxtīh kē ō man ārāyišn kū hāwištīh ī man kunēd ā =š ān ī pad wahman hamōxtišn bawēd
ēdōn ān ī ašmāh āyōzam ō kār ud dādestān ī ašmāh kē dōšag abāyišnīg ud arwand hēd abar_kār pad rasišn ī ō widarg ud niyāyišn ašmāh rāy kū tā_ka ō ānōh rasān+ ā =m niyāyišn ō ašmāh tuwān bawād kirdan ohrmazd ašawahišt čēr wahman čēr abāz zzz wahman
barsom az māhrō ul stānišn az zōt_gāh gām =ēw pad kustag ī frabardārān frāz nihišn
griftār bawān+ ān =im ī az ašmāh ast ayārīh kū =m ān ayārīh ī ašmāh ō xwēš tuwān bawād kirdan
ēn gyāg barsom az barsom_dān ul stānišn bē_ō gāh ī frabardārān šawišn , mat̰_vå_padāiš , be kunišn pad rawišn ī ō bun ī ātaxš_gāh , tā , haiϑiiāuuarštąm be gōwišn , mat̰_vā̊ , gām =ēw frāz nihišn namāz ō zōhr barišn , padāiš , gām =ēw namāz ō zōhr barišn , yā_frasrūtā_īžaiiā̊ , gām =ēw frāz nihišn bē_ō gāh āburdān šawišn
abāg pay ašmāh frāz srāyēm pad abzōn ka ō zōhr_dād šawam abestāg ōh gōwam bē rasam ō ohrmazd pad ustān_dastīh menišnīg ēdōn ō ašmāh ašawahišt rād ham pad niyāyišn ēdōn ō ašmāh pad ān wahman hunar_rawišnīh frārōn_hunarīh rāy ī =m ast
ō awēšān ī ašmāh yazišn padīrag pad stāyišn āyam ohrmazd ud ašawahišt kē =tān pad wahman kunišn ēdōn pad ān dahišn pad tarsagāyīh ka tarsagāyīh ī ašmāh kunam pad kāmag ham pāduxšā kū =m pāduxšāyīh pad kāmag ast ēdōn ān ī ōy ī hudānāg pad xwāyišn griftār hān+ mizd
ēdōn ān warzam kē pēš =iz awēšān kird kē =šān pad ān ī wahman čašm rōyēnīd kū =šān pad frārōnīh pad daxšag be kird pad rōšnīh ī xwaršēd andar rōz ud ōš ān ī arus andar bām ā =šān pad daxšag be kird ān ī ašmāh tarsagāyīh ud niyāyišn ohrmazd ī =šān X pad daxšag kird
ō ān ī ašmāh stāyišn ōz zzz ōh =iz ast kū ōz pad stāyišn ī ašmāh dāram ān_and ahlāyīh čand pad tuwān xwāstār ham ōh kunam dahē =m andar axwān bowandag_dahišnīh ī pad wahman
namāz ō ātaxš barišn bē_ō zōt_gāh be šawišn ,
čiyōn āškārag_warzīdārān zzz kē kāmag frāztom kū =šān abāyist wēš kū kirdan ā =šān dahēd mizd ud pādāšn ō man =iz kē zzz ham dahēd ō man =iz kē zōt ham
āb be nigerišn
yazam āb ī aredwisūr ī aniwast hād aniwastīh =iš ēd kū pad aniwastīh ān gyāg pad star_pāyag ēstēd ī purr_frāz_tay kū harw gyāg =ēw andar šawēd , bēšāzēnīdār kū tis ōh bēšāzēnēd , ǰud_dēw kū =š dēw abāg nēst , ohrmazd_dādestān kū =š dādestān ān ī ohrmazd ī yazišnōmand ō axwān ī astōmand kū tis =ēw dahēd ī niyāyišnōmand ō ox ī astōmand kū ǰādag_gōwīh kunēd ī dān_frāxwēnīdār ī ahlaw xwāstag , ramag_frāxwēnīdār ī ahlaw mardōm ī gēhān_frāxwēnīdār ahlaw , gōspand , ud xwāstag_frāxwēnīdār ahlaw xwāstag ī uz_uštān ī deh_frāxwēnīdār ī ahlaw pad ēw_kardagīh
kē harwispīn gušnān ō šusr yōǰdāsrīh dahēd kū ka pāk ud xūb nē abāg xōn ud rēm bē āyēd ā pad rāh ī ōy ī harwispīn mādagān pad zāyišn ō gabr yōǰdāsrīh dahēd kū ka bār ī did ābustan bawēd pad rāh ī aredwisūr kē harwispīn mādagān pad zāyišn huzāyišnīh dahēd kū ka frārōn ud xūb bē āyēd ā pad rāh ī ōy kē ō harwispīn mādagān ān ī dādīhā čand abāyēd ud frārōn kū xwaš pēm abar barēd ī meh ān ī aredwisūr ī dūr_frāz_nāmīg kū =š nām dūr gyāg šud ēstēd kē ast kū =š ān_and mehīh čand harwisp awēšān āb kē pad zamīg abar frāz tazēnd hād aredwisūr meh az abārīg āb X ǰud az arwand ud arang abāg aredwisūr ud aredwisūr abāg arwand ā =m nē grift ēstēd kē pad amāwandīh frāz tazēd az hugar ī buland abar ō zrēy ī frāxkard ud āyōzēd harwisp kanārag ī zrēy ī frāxkard , kū bē kōbēnēd
ān ī harwispīn ō mayān āyōzēd ka ān ī ō awēšān abar frāz tazēnēd pad ǰud_kardagīh ka ān ī ō awēšān abar frāz rēzēd pad ēw_kardagīh aredwisūr aniwast kē andar ān hazār war ud hazār zzz war ān kē =š āb ī az xān zzz ān kē =š andar abāz ēstēd andar ān aredwisūr ast kē andar ān zrāy gōwēd kadāriz =ēw az awēšān warān kadāriz =ēw az awēšān āb_xān pad čehel rōz barišn ka ān ī huasp mard barēd az kust =ēw ast kē az hamāg kustag gōwēd
ān man ēk az ābān kē pad zzz bē rasēd pad hangadīh abar ō harwispīn kišwar kē haft
ān man ēk zzz ābān ān ka ō_ham barēnd kū ēwtom barēd pad hāmīn ud pad =iz zamestān
ān ān ī man X āb yōǰdāsrēnēd kū pāk dārēd ān ān ī gušnān šusr ān ān ī mādagān gabr ān ān ī mādagān pēm
astān ān ī andar tag būdān ān ī bawēd murd ud zādān ān ī nūn =iz ast azādān ān ēg ō aškamb nē ōbast
ō ēdar rasād frawahr , kē awēšān burdār būd hēnd , ō padīrag ān ī az ān ī nazdist āb stad ēstēd zōhr ā =šān ō ān dād hād kē =š nāmčištīg kird ēstēd ā =š az ān stānišn ud ō ān dahišn ud ka nē ēk =ēw ī pēš rasēd ka =š pad tar_menišnīh ud ka nē bē šawēd ud dēw_ēzagīh tar_menišnīh ān bawēd ka gōwēd hād ēn āb ī rōyēnāg u =š pad hāwandīh ō ōy armēšt dahišn
ma amāh āb abāg ōy ī dušmenišn ud ma amāh āb abāg ōy ī dušgōwišn ud ma amāh āb abāg ōy ī duškunišn ud ma amāh āb abāg ōy ī duždēn ā =mān kār ud dādestān =ēw bawād ma abāg ōy ī hamhāg_bēš kē dōstān bēšēd ma abāg ōy ī mow_bēš kē mow andar bēšēd ma abāg ōy ī wālan_bēš kē ham_sāyagān bēšēd ma abāg ōy ī nāf_bēš kē paywandān bēšēd ma amāh āb abāg ōy frāz dahē āb ī weh pahlom ī ohrmazd_dād ī ahlaw kē amāh kē arēšīdār hēm ā =mān rēšēnēd gēhān xwāstag ma amāh āb abāg ōy frāz dahē āb ī weh ī pahlom ohrmazd_dād ī ahlawī kē amāh kē arēšīdār hēm ā =mān rēšēnād tan
kē duzz ud kē stahmag ud kē ahlawγen kē ǰādūg ud kē nasā_nigān ud kē kuštār ǰuyān kē arād pad kē =iz ahlomōγ ī anahlaw kē mardōm ī druwand ī sāstār abar ō ōy pad bēš ō padīrag raw kū =š abāz dār ī seǰ_xwāstār awēšān az dušox ud zzz dādār ō gēhān hēnd seǰ_xwāstār hēnd dādār guft
āb pad gāh āram kū pad rāmišn bē bāš hamē_tā_ka =t zōt X yazād
čiyōn zōt pad ān ī hamōxt gōwišn kū abestāg warm bē kunēd
čiyōn bawād agar pad adādestānīh yazād kū =š wāzag zēfān
čiyōn =iš gōwišn abar bawād kē ōy čāšād hērbedān kū abestāg rāst be kunād hād ka =š zand dādestān bē nē barēd ā šāyēd
čiyōn pad awēšān kunišn ka ōh kunam franāft bawam kū =mān dārišn be kird hād
čiyōn pad awēšān ī ōh kunām ā =mān abām bawād kū =mān tarsagāyīh andar yazadān ēdōn kird ēstād kū yazadān pad ān pādāšn nēkīh abar ō amāh ēdōn āwurd ēstād kū =mān andar yazadān abām hād
abarg guft hād harw X kas andar yazadān abām
čiyōn pad awēšān yazišn ī ōh kunam ā =mān rādīh bawād kū =mān tis dād bawād kē ohrmazd frāz guft ō zardušt ud zardušt frāz guft andar gēhān ī astōmandān
pad bē_zayišnīh ī pēš az ān ī ka =šān ān zōhr hamāg bē nē rēxt pad ān yatā_ahū_wayryō dō kē =š hušiti ō pēš ēstēd az āb zayēš zardušt ud pas ō āb zōhr frāz zzz yōǰdāsr ī dahmān_nigerīd kū pad sālār dāšt ēstēd
ēn pad gōwišn frāz gōwēš kū āb yān az ašmāh zayēm ud ān ī meh nēkīh xwāyam ēn ō man dah pad dahišn abar ī weh az ān ī meh az ān ī weh pad bē_abespārišnīh ka =š dārišn be aw =iš kird hād anabardrōzišn bawād kū =mān pad =iš bē ēstād
āb īšt az ašmāh zayēm ud xwāstag ī purr_sardag kū =š srādag ī harw tis =ēw andar amāwand kū kē xwāstag ī was ā =š škō az =iš
frazend ī xwābar kē awēšān frazend was mardōm burzānd xwābarīh pad yazadān ast ud pad =iz mardōmān ast xwābarīh ī yazadān ēd kū =šān areduš =ēw pādufrāh panǰ nihād ka nē ka ham_bun =iz wināh kird hē marg_arzān bawē u =šān āmurzīdārīh ēd kū ka =šān be wizārd ā =šān pad xwēš dārēnd xwābarīh pad mardōmān ēd kū tōzišn ī pad kasān be hilēnd u =šān āmurzīdārīh ēd kū pad pedīh xwāyēnd
ma kas awēšān rāy xwāyād ziyān kū =šān ma tuwān bawād kird xwāst ma =iz sneh ud ma margīh ud ma kēn ud ma apparišn
ēn az ašmāh zayēm nēkīh ēn az zamīg ēn az urwar ēn az amahraspandān ī huxwadāyān kū xwadāyīh pad xūbīh kunēnd ī hudahāgān kū tis pad xūbīh bē dahēnd weh nar ī weh mādag kū ān wehīh ī pad narān ud mādagān ast dō pad awēšān =iz ast ī wehīgān dāštār
ēn az ahlawān ī wehān frawahr kē čēr ud abar_wēz hēnd hād čērīh ān bawēd ī pad wad čēr abar_wēz ān bawēd kē čiyōn rasēd pad gyāg stō kunēd abar_wēzīh ud abar_ōzīh harw dō ēk , amāwand ān bawēd kē =š kas andar aw =iš nē ayārēd pērōzgarīh huǰadagīh tagīgīh nēwīh warzāwandīh dānāgīh xwarrahōmandīh xwēš_kārīh farroxīh harw nēkīh andar drōd ud sar ī harw āfrīn , zōr ān ī pad pāy , ōz ān ī pad bāzā , nērōg ī ān ī pad hamāg tan , pāδauuē_zāuuarə_gauua_aspa_srūmi , rāyōmandīh abzārōmandīh arwandīh abar_kārīh ēn az mihr ī frāy_gāwyōd kū dašt abēbīm dārēd ēn az srōš_ahlī ī hurust kū pad frārōnīh rust ēstēd ēn az rašn ī rayistag kū abēzag ēn az ātaxš ī ohrmazd pus ēn az burz ī xwadāy mādagān ī rōšn ī ābān_nāf ī arwand_asp ēn az harwisp yazadān kē weh_dahāg ahlaw hēnd
ēn ō man dah ēn zamīg ud ēn urwar
čiyōn abar nibišt , tā_ō aṣ̌auuanō , bišāmrūdīg gōwišn
kē =iz az ān hād meh pad tan ud kē az ān hād weh pad xrad ud kē =iz az ān hād nēktom pad dīdan ud kē =iz az ān hād zzz čiyōn ō amāh dahād ašmāh kē yazad ī ahlaw
pāduxšāy ī xwāstār ī zzz zzz
tēz az gāh ud pad gāh kū pad xwāst bē xwāst ō mardōmān dād tuwāngar hēd čiyōn āškārag_warzīdārān xwāyišn kē kāmag frāztom pad kār ud kirbag harw kas mizd ud pādāšn dād
dahē ō man mizd ud pādāšn kē gōspand tāšīdār hē ud āb ud urwar ā =iz tāšīdār hē ud amurdād ud hordād ā =iz tāšīdār hē abzōnīg mēnōy ohrmazd tuhišn ī tuwānīg hē ā =iz tāšīdār hē kē pad wahman hamōxtišn kū ka pad frārōnīh hamōxt ēstēnd ō xwēš šāyēd kirdan
ōy kē az ahlāyīh_abāgīh ī pahlom kū abāgīh ī az ahlāyīh rāy az yazadān ān meh ī man yazišn abar ō ōy ī āgāh ohrmazd kē būd hēnd ud kē =iz bawēnd awēšān yazam pad ān ī xwēš nām u =šān abar rasam ō ayārīh kū =šān hamāg ayārōmandīh ōh kunam ud ōh daham ōy weh xwadāy pad kāmag bahr abar_barišnīh kū bahr ō ōy ī daham kē xwadāyīh ī nēk abāyēd
niyōxšišn ēdar =ēw ast ī ābān ī wehān ō yazišn kē weh nar ud weh mādag hēnd kē amahraspand ī huxwadāy ī hudahāg kē weh hēnd ud pad ān ī weh tarsagāyīh ud yazišn ī nēk kunēnd kē amāh bowandag_tarsagāyīh kirdār hēnd kē ahlaw hēm
niyōxšišn ēdōn =ēw ast ī ābān ī wehān ō yazišn pad ān ī weh tarsagāyīh čiyōn fradom ēdōn abdom čiyōn =iš fradom andar ēstād ham abdom sar be kunam
čiyōn nibišt tā , yasnāi_vaŋhuš_aṣ̌iuuå , bišāmrūdīg gōwišn
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh kār ud kirbag čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
ahlāyīh ābādīh pahlom ast ābādīh =ēw ahlāyīh weh
tā sar srišāmrūdīg gōwišn
zōr be nigerišn
pad ahlāyīh bē_daham ēn zōhr ī hōmōmand ī gōštōmand ī pad ahlāyīh ul_dād ō tō ahurānē_ahurahe pad šnāyēnīdārīh ī ohrmazd ud amahraspandān ud srōš_ahlī ātaxš ī ohrmazd ud rad ī buland kē ahlāyīh
pad ahlāyīh bē_daham asnī ī ahlāyīh rad pad hāwan ī ahlaw ī ahlāyīh rad
pad ahlāyīh bē_daham sawang mēnōy =ēw abāg hāwan ham_kār ud wīs =iz ī ahlaw ī ahlāyīh rad mardōm ī andar xwēš_kārīh ī mowbed
pad ahlāyīh bē_daham mihr ī frāy_gāwyōd ī hazār_gōš ī bēwar_čašm u =š hazār_gōšīh ēd kū =š panǰ_sad mēnōy ō sar nišīnēnd u =š kār ī gōšīh kunēnd kū ēn niyōxš ud ān =iz niyōxš u =š bēwar_čašmīh ēd kū =š panǰ_hazār mēnōy ō sar nišīnēnd ud kār ī čašmīh kunēnd kū ēn wēn ud ān =iz wēn , tā mihr čašm dō ī guft_nām yazad kū =š nām pad ēn dēn guft ēstēd ud rāmišn xwārom ān mēnōy ī ka mizag ī xwarišn dānēnd pad rāh ī ōy
pad ahlāyīh bē_daham rapihwin ī ahlaw ī ahlāyīh rad
pad ahlāyīh bē_daham frāy_dādār_fšēy mēnōy =ēw abāg rapihwin ham_kār ud ramag ī gōspandān bē abzāyēnēd ud zand =iz ahlaw ī ahlāyīh rad , ud mardōm ī andar xwēš_kārīh rad
pad ahlāyīh bē_daham ahlāyīh ī pahlom ud ātaxš =iz ī ohrmazd
pad ahlāyīh bē_daham uzayrin ī ahlaw ī ahlāyīh rad
pad ahlāyīh bē_daham frāy_dādār_wīr mēnōy =ēw abāg uzayrin ham_kār kē ramag ī mardōmān bē abzāyēnēd ud deh =iz ī ahlaw ī ahlāyīh rad , mardōm ī andar xwēš_kārīh ī moy_andarzbed
pad ahlāyīh bē_daham burz ī xwadāy mādagān ī rōšn ī ābān_nāf ud āb =iz ī ohrmazd_dād
pad ahlāyīh bē_daham aybisrūsrim_aybigāy ī ahlaw ī ahlāyīh rad
pad ahlāyīh bē_daham frāy_dādār_harwisp_huzīyišnīh bun ud bar ud zarduštōdom =iz ī ahlaw ī ahlāyīh rad mardōm ī andar xwēš_kārīh ī mowbedān mowbed
pad ahlāyīh bē_daham ān ī ahlawān frawahr mādagān wīr_ramagān ardā_fraward ī mardōmān ud ān =iz sālān humānišnīh ka andar sāl pad frārōnīh weh šāyēd mānist ā pad rāh ī ōy ud amāwandīh =iz ī hutāšīd ī hurust ī pērōzgarīh ī ohrmazd_dād ud wānīdārīh =iz ī pad abar_rawišnīh warahrān yazad ast kē aštād =iz yazad gōwēd
pad ahlāyīh bē_daham ušahin ī ahlaw ī ahlāyīh rad
pad ahlāyīh bē_daham burzī mēnōy =ēw ī abāg ušahin ham_kār ud ramag ī ǰōrdāyān bē abzāyēnēd nmānī =iz ī ahlaw ahlāyīh rad mardōm andar xwēš_kārīh ī dādwar
pad ahlāyīh bē_daham srōš_ahlī ī hurust ī tarsagāy ī pērōzgar ī frāy_dādār_gēhān ud rašn ī rayistag hād rašnīh ā =š ham_gōnīh u =š rayistagīh rāstīh ud aštād =iz frāy_dādār_gēhān ud wālišn_dādār_gēhān
pad ahlāyīh bē_daham māhīgān ī ahlāyīh rad andar_māh ī ahlaw ī ahlāyīh rad panǰag ī fradom
pad ahlāyīh bē_daham purr_māh ud wīšaptah =iz ī ahlaw ī ahlāyīh rad , panǰag ī didīgar ud sidīgar
pad ahlāyīh bē_daham sāl ī gāhān_bār maydyōzarem ī ahlaw ī ahlāyīh rad
pad ahlāyīh bē_daham maydyōšem ī ahlaw ī ahlāyīh rad
pad ahlāyīh bē_daham paytišah ī ahlaw ī ahlāyīh rad
pad ahlāyīh bē_daham ayāsrim ī pad frōd_wašt_mehmānīh gušn_hilišnīh andar āyēd ī ahlaw ī ahlāyīh rad
pad ahlāyīh bē_daham maydyār ī ahlaw ī ahlāyīh rad
pad ahlāyīh bē_daham hamaspahmaydem ī ahlaw ī ahlāyīh rad
pad ahlāyīh bē_daham sāl ī ahlaw ī ahlāyīh rad
pad ahlāyīh bē_daham harwisp awēšān rad kē hēnd ahlāyīh radīh sīh_sē nazdist pērāmōn hāwan kē hēnd ahlāyīh ī pahlom ohrmazd frāz hamōxt ō zardušt ud zardušt frāz guft ō mardōmān kū čiyōn abāyēd kirdan
pad ahlāyīh bē_daham xwadāy mihr ī buland ī aseǰ ī ahlaw ud star =iz ī spennāg_mēnōy dām ud tištar ī rāyōmand ī xwarrahōmand ud māh ī gōspand_tōhmag ud xwaršēd ī arwand_asp dōysr ī ohrmazd mihr ī dehān dahībed ǰud az amahraspandān ān meh ud abar yazadān ī gētīyān xwadāy
rōz ud māh
pad ahlāyīh bē_daham ohrmazd ī rāyōmand ī xwarrahōmand
pad ahlāyīh bē_daham ahlawān frawahr
pad ahlāyīh bē_daham tō ātaxš ī ohrmazd pus tō kē pad yazišn hē abāg harwispīn ātaxšān
pad ahlāyīh bē_daham āb ī weh ī nāmčištīg pad zōhr ud harwisp =iz āb ī ohrmazd_dād pad ēw_kardagīh ud harwisp =iz urwar ī ohrmazd_dād pad ēw_kardagīh
pad ahlāyīh bē_daham mānsr_spand ī ahlaw ī kāmag_ox kū =š kāmag ī pad menišn abāg ān ox rāst ast kē ēdōn gōwēd hād ān =iz ī kasān ēdōn bē kunēd dād ī ǰud_dēw dād zardušt dagr_abar_rawišnīh mēnōy ī spand dēn ī weh ī mazdēsnān pad ēw_kardagīh
pad ahlāyīh bē_daham gar ī ōš_dāštār ī ohrmazd_dād ī ahlāyīh_xwārīh ud harwisp =iz gar ī ahlāyīh_xwārīh ī purr_xwārīh ī ohrmazd_dād ud kayān xwarrah ī ohrmazd_dād ud ān =iz ī agrift xwarrah ī ohrmazd_dād , xwēš_kārīh ī āsrōnān u agriftīh ēd kū pad frahang ō xwēš šāyēd kirdan
pad ahlāyīh bē_daham , ahlišwang ī weh ī frazānagīh weh rah ī weh ud rah_ēstišnīh ī weh ud xwarrah ud sūd ī ohrmazd_dād
pad ahlāyīh bē_daham dahmān ī wehān āfrīn ud dahm =iz mard ī ahlaw ud ān =iz ī tagīg dahm_ī_abar_pad_menišn yazad
pad ahlāyīh bē_daham awēšān gyāg ud rōdestāg ud gāwyōd dašt ud mēhan ud āb_xwar ud āb ud zamīg ud urwar ud ēn zamīg ud ān asmān ud wād =iz ī ahlaw ud star ud māh ud xwaršēd ān =iz asar_rōšnīh ī xwadād hād xwadādīh ēd kū harw kas xwad ō xwēš kunēd ud harwisp =iz ān ī spennāg_mēnōy dāmān ī ahlaw ahlāyīh rad hēnd
pad ahlāyīh bē_daham rahwōbirzad ī ahlaw radīh ī rōz asnī ud māhīgān ud gāhān_bār ud sāl kē hēnd ahlāyīh rad ī pad hāwan radīh
pad ahlāyīh bē_daham ēn zōhr hōmōmand ī gōštōmand ī hayanbāgōmand ī pad ahlāyīh ul_dād zzz zzz zzz pad šnāyēnīdārīh ī ohrmazd ī rāyōmand xwarrahōmand ud amahraspandān ī huxwadāyān ud hudahāgān mihr ī frāy_gāwyōd rāmišn =iz xwārom xwaršēd ī amarg ī rāyōmand ī arwand_asp kū asp nēk ast kē ēdōn gōwēd hād asp ī nēk be dahēd ud wāy ī abar_kār ud tarwēnīdārtom az anyān dāmān ēdōn tō wāy kē tō ast kū spennāg_mēnōy xwēš hē rayistag ī frazānag ī ohrmazd_dād dēn ī weh ī mazdēsnān mānsr_spand ahlaw ī kāmag_ox ud dād ī ǰud_dēw ud dād ī zardušt ud dagr_abar_rawišnīh ī mēnōy ī spand ī dēn ī weh mazdēsnān rawāg_dahišnīh ī mānsr_spand ōš_dāštār ī dēn ī weh ī mazdēsnān ud āgāhīh mānsr_spand āsn_xrad ī ohrmazd_dād ud gōšōsrūd_xrad ī ohrmazd_dād ātaxš ī ohrmazd pus tō ātaxš ī ohrmazd pus kē pad ēn yazišn abāg harwistīn ātaxšān gar ī ōš_dāštār ī ohrmazd_dād ī ahlāyīh_xwārīh ud harwist yazadān ī ahlawān mēnōyān ud gētīyān ud ahlawān frawahr ī čērān ī abar_wēzān ī pōryōtkēšān frawahr ī nabānazdištān frawahr ī guft_nām yazad
aṣ̌aiia_daδąmi , imąm_zaōϑrąm , tā , yazatahe , dō bār guftan
pad ahlāyīh bē_daham awēšān frawahr kē fradom būd hēnd ī mānīgān ud wisīgān ud zandīgān ud dehīgān kē =šān asmān winnārd kē =šān āb winnārd kē =šān zamīg winnārd kē =šān gōspand winnārd kē =šān andar burdār pus winnārd abar_nihuft abēwidard kū zīndag
pad ahlāyīh bē_daham frawahr ī ohrmazd ud amahraspandān abāg harwistīn ahlawān frawahr ī mēnōyān yazadān
pad ahlāyīh bē_daham frawahr ī gayōmard ud zardušt ī spitāmān ud kay wištāsp ud isadwāstar ī zarduštān abāg harwispīn ahlawān frawahr ī pōryōtkēšān
pad ahlāyīh bē_daham harwistīn ahlawān frawahr kē ast kadāmiz =ēw pad ēn zamīg bē_widard hēnd dahm ud nāyrīg ud aburnāyīg ud kanīg ī kār_warzīdār kē abar mānist hēnd ud az ēn mān bē šud hēnd kē =šān ēmēdēnīd mizd ud pādāšn ud abar_arzānīg hēnd pad ān ī weh yazišn ud niyāyišn
pad ahlāyīh bē_daham ahlawān frawahr ī čērān ī abar_wēzān ī pōryōtkēšān frawahr nabānazdištān frawahr nabānazdišt ī zōt ud ān ī xwēš ruwān frawahr
pad ahlāyīh bē_daham harwist ī ān ī ahlāyīh radīh
pad ahlāyīh bē_daham harwisp ān ī weh_dahāg yazad ī mēnōy ud kē =iz gētī kē hēnd yazišnōmand ud niyāyišnōmand az ahlāyīh ī pahlom kū pad frārōnīh ōh abāyēnd yašt u =šān ustōfrīd ōh kunišn
pad ahlāyīh ō amāh rasād pad frārōnīh ,
āb ēdōn yazam ī mākaiiṇt , paššing ī pad urwar abar ēstēd miznāh , ud ān =iz ī hə̄bauuaṇti garān_tazišn , ud ān ī frauuaz ī wārānīg ud ān ī ahurānīš ī armēšt čāhīg ud abārīg āb ī anāmčištīg , ud ān ī ahurahiiā šusr ud ān ī hauuapaŋhå mēšag huwidargīh ašmāh ā =mān dahēd kū =mān nam andar tan rawāg bawād
hudāgīh ars hušnāyišnagīh kū =mān xwēy az tan bē āyād ān ī andar harw dō axwān kāmag rōγn
ēdōn ašmāh kē weh hēd ā =tān ohrmazd nām dād ī weh_dahāg ud kē =š ō ašmāh dād pad awēšān ašmāh yazam u =m pad awēšān franāmād u =m pad awēšān ā =iz niyāyišnēnād u =m pad awēšān abāmēnād
āb ān ī ašmāh ān ī azīš ašmāh zzz ān ī mātarə̄š ašmāh āb ī andar ham_bawišnīh ī narān ud mādagān tōhm ud ān ī agəniiå , xōn , ud ān ī driyōš_dāyagānēnīdār āb ī andar pusyān ud ān ī vīspō.pit , ān guft āb ī pad urwarān ēwan ī urwar pad =iš waxšēnēd , ān ī pahlom nēktar āb ī tan_tōhmag ī az urwar ēdōn ō ašmāh kē weh hēd rād ham
darəgō.bāzāuš , zōhr andak =ēw andar āb kunišn ,
nāšū , paitī , zōhr abar āb nihišn , viiādå , paitī , abar barsom , sə̄ṇdå , abar āb , mātarō , abar barsom , jītaiiå , abar āb
dērang_bāzāyīh zzz andar ān gēhān tan pad ǰud_dahišnīh ud ǰud_gōwišnīh ān ī mātarō_jītaiiō , šīr
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
tā , gyāg , guftan
zōhr abar barsom nihādan
aētat̰_tē , zōhr čahār angust az āb ul dārišn barsom čahār angust az zōhr ul dārišn
ēdōn tō ahurānē_ahurahē ā =t pad ān ayārīh daham ka =m tō bēšīd hād harw kas =ēw bēšīd ēstēd kū =š ēn saxwan dastwarīhā guft ēd zōhr abar ō tō rasād čiyōn guft ō tō ahurānē_ahurahyā ī hōmōmand ī gōštōmand ī hayanbāgōmand
ī zzz ud zzz man =iz kē zōt ham abar rasād pad drustīh ud bēšāzišnīh ud frāy_dahišnīh ud wālišn_dahišnīh huaxwīh ahlawīh husrawīh ud xūb_ruwānīh ud pērōzgarīh ud frāy_dādār_gēhānīh
yazam tō ahurānē_ahurahe pad ān ī weh_menišnīg zōhr
yazam tō ahurānē_ahurahe pad ān ī weh_gōwišn zōhr
yazam tō ahurānē_ahurahe pad ān ī weh_kunišn zōhr pad rōšn_menišnīh ud rōšn_gōwišnīh ud rōšn_kunišnīh abēgumānīh ī pad tis ī yazadān huaxwīh ī ruwān ud frāy_dahišnīh ī gēhānān huaxwīh ī X ahlawīh
dahē ō man ahurānē_ahurahē ān ī pahlom axwān ī ahlawān ī rōšn ī hamāg_xwārīh
dah ō man ahurānē_ahurahē mardān ān āsnūdag frazend kē ān ī man frāxwēnād mān ud wis ud zand ud deh ud rōdestāg
tō ahurānē yazam
zrēy ī frāxkard yazam
harwisp āb yazam kē pad zamīg abar ān =iz ī armēšt ud ān =iz ī frāz_tazāg ud ān =iz ī pad xān bun_xān ud ān =iz ī girān_tazišn ud kadasīg ud paršag ud wārānīg
pad ān yazišn ud niyāyišn čiyōn awēšān ābān ast andar tan mardōmān kē dādīhātom yazišn ud niyāyišn ud az ahlāyīh ī pahlom čiyōn az dēn paydāg āb ī weh ī pahlom ī ohrmazd_dād ī ahlawī yazam
ābān =iz ī wehān yazam
šīrēnīh ud čarbīh yazam ī az tazišn ī āb ud waxšišn ī urwar be dād ēstēd āz ī dēwān_dād hamēstārīh rāy ān mūš ān parīg abāz_ēstišnīh rāy kū tā =š wināh ma tuwān =ād kirdan hād ēdōn abāyēd guftan ān mūš ī parīg abāz_wisinnišnīh rāy kū tā pad dō bē wisihād abāz_tarwēnišnīh rāy kū ān ī andar rāh ēstād hād akār bawād ud padīrag_rasišnīh =iz ī bēš rāy kū tā az bun bē nē rawād , ud ahlomōγān =iz ī anahlaw rāy ud sāstārān =iz ī purr_marg rāy kū tā anāgīh =iz ī awēšān abāz dārād pad abāz_ēstišnīh ī ān ī dēwān bēš ud ān ī az mardōmān ī wadag
srešk =ēw zōhr andar ǰīwām_dān rēzišn pas ǰīw pad zōhr kunišn
niyōxšē ān ī amāh yazišn ahurānē_ahurahē
hušnūd hē pad ān ī amāh yazišn ahurānē_ahurahē
ud abar ān ī amāh yazišn nišīnē kū gōš dārē
zōhr abāg skūrag kunišn
ān amāh rasād ō ayārīh pad was_yazišnīh ī zōhrān pad marag ud xūb_yazišnīh ī zōhrān pad nērang ud xūb_frāz_barišnīh ī zōhrān az tis =ēw ī xwēš
kē ašmāh āb ī weh yazēd ahurānē_ahurahē pad ān ī pahlom zōhr ī gāwān pad ān ī nēk zōhr pad ān ī dahmān_nigerīd zōhr ast kē dahmān pālūd gōwēd pad ōy rāy ud xwarrah ō ōy tan drust_rawišnīh ō ōy tan wazdwarīh ō ōy tan pērōzgarīh ō ōy īšt ī purr_xwārīh xwāstag ō ōy ān ī āsnūdag frazend ō ōy ān ī dagr dagr_zīyišnīh ō ōy ān ī pahlom axwān ī ahlawān ī rōšn ī hamāg_xwārīh
dahēd ān ī weh āb ō man kē zōt yaštār ham ud ō amāh =iz kē mazdēsn ī frāz_yaštār hēm ud dōstān hamhāgān ud hērbedān ud hāwištān ud narān ud nāyrīgān aburnāyīgān ud kanīgān =iz ī kār_warzīdārān kē weh ahlāyīh rāy frāz menēnd kū =mān kirbag bawād pad bē_tarwēnišnīh ī tangīh ud abar_pad_tarwēnišnīh ī bēš ud bē hēn ī wōiγn_rānēnīdār nēst_tisīh ud bē ān ī adōst ī bēšīdār ān ī ristag rāh xwāyišn ud wāzišn kē ast ān ristag ahlāyīh ān ī pahlom axwān ī ahlawān ī rōšn ī hamāg_xwārīh
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
wezest bišāmrūdīg gōwišn
X humānišnīh ud rāmišn_mānišnīh ud dagr_mānišnīh ō awēšān harwisp wis ī mazdēsnān āfrīnam kē az awēšān ēn zōhr be stad
humānišnīh ud rāmišn_mānišnīh ud dagr_mānišnīh ō harwisp wis ī mazdēsnān āfrīnam
hubarišnīh nēk_barišnīh ud ayār_barišnīh ō ātaxš āfrīnam
xūb_yazišnīh ō tō ahurānē āfrīnam
rāmišn xwārom ō awēšān deh āfrīnam
drustīh ud bēšāzišnīh āfrīnam kē ašmāh dahm mard ī ahlaw
X harwisp mard ī ahlaw āfrīnam kē ast weh ī ahlaw ī andarg zamīg ud asmān =iz
āb andar kunišn , baēšazanąm , āb andar zōhr kunišn , baēuuarə , āb andar kunišn , baēšazanąm , āb andar zōhr kunišn
pad , hazār_bēšāzišnīh , ud bēwar_bēšāzišnīh
pad kāmag ī tō ohrmazd pad nēkīh pādixšāyēn xwēšān dāmān pad nēkīh ī ast pāduxšāyī be kun pad kāmag āb ud pad kāmag urwar ud pad kāmag harwisp ābādīh ī ohrmazd_dād kē az ahlāyīh_paydāgīh bun ud bar ēg =išān pāduxšāyīh bē kun
pāduxšāyīh ō ahlawān dahē ud apāduxšāyīh ō druwandān
kāmag_xwadāy hān+ ahlawān ud akāmagxwadāy hān+ druwandān ān ī mad ēstēd hamēstārīh bē barān+ az spennāg_mēnōy dāmān pad wardagīh ud akāmagxwadāyīh
hāzān+ an =iz kē zardušt ham ān ī frāztom az mānān ud wisān ud zandān ud dehān wištāsp ō ēn dēn abar_menišnīh ud abar_gōwišnīh ud abar_warzišnīh ī ohrmazd ud zardušt
frāxwīh ud xwārīh āfrīnēnam ō harwist ān ī ahlawān stī
tangīh ud dušxwārīh āfrīnēnam ō harwist ī ān ī druwand stī
ǰām purr az āb be kunišn
ēdōn rasād čiyōn =imān āfrīnēnīd čiyōn =imān guft
humatān hūxtān ud huwarštān kē ēdar =iz dahišn az =iš pad =iz ān ī anī dahišn kū ēdar ud ānōh =iz nēkīh az =iš ān ī warzīd tā nūn ud ān =iz ī warzihēd az nūn frāz
ham abar_griftār kū ō xwēš kunam ān ī mard ō mard bē abespārdār kirbag ī pad dād rāh čiyōn weh ham kū čiyōn pahlom ō xwēš kunam =iz
bišāmrūdīg gōwišn ,
āb az ǰām ō didīgar gyāg pad pādyāb rēxtan
ǰām ēdōn kū xwaršēd gardēnīd abar sar ī ān ǰām kē =š āb andar gardēnīdan
ān =iz ī weh dahišn ī ēdar ān =iz ī weh tarsagāyīh ī ānōh
āca abar āb , nica andar wardēnišn , mrūmaide purr be kunišn
ān =iz yyy gōwam xwad ud bē =iz gōwam ō kasān
īžå , abāz gardēnišn čiyōn xwaršēd gardēd , yaōštaiiō , čahār angust az āb ul stānišn , apō , abar āb nihišn , at̰ , andar rāh =ēw , yazamaide , pad war ī zōhrag , ūitī_yā_və̄_vaŋᵛhīš , pad bun ī barsom čahār gyāg pad hōy ud dašn azabar ud azēr apascā_vā̊ , pad war ī zōhrag , āb abāz ō_ī āb kunišn
abzōnīg āyōzam ud āb ēdōn yazam
ēdōn kē weh hēd āb , ud az ašmāh kē weh hēd āb
zayēm amāh u =mān dahēd ašmāh kē pāduxšāy hēd rāy ud xwarrah ud bē dād
az vaŋᵛhīm , tā , vā̊ , srišāmrūdīg gōwišn ǰām purr az āb be kunišn abar dast nihišn
āb dahēd ō amāgān ān nēkīh ī =mān az ašmāh pēš =iz frāz windīd pad yašt ī pad ātaxš sar guft kē pad yašt ī pad āb bun guft
namāz ō ohrmazd
ohrmazd guft kū niyāyišn ō man ōy kird bawēd kē wehān parwardārtom ud wattarān zadārtom
namāz ō amahraspandān
amahraspandān guft kū niyāyišn ō amāh ōy kird bawēd kē paymānīg xwarēd ud paymānīg dārēd ud harw čē az paymān be pardazēd ō wehān ud arzānīgān dahēd
namāz ō mihr ī frāy_gāwyōd
mihr ī frāy_gāwyōd guft kū niyāyišn ō man ōy kird bawēd kē mihr ī ruwān ī xwēš xūb ud nēk dārēd čē ka =š mihr ī ruwān ī xwēš xūb ud nēk dāšt bawēd ā =š hamāg dām ī ohrmazd xūb dāšt bawēd
namāz ō xwaršēd ī arwand_asp
xwaršēd ī arwand_asp guft kū niyāyišn ō man ōy kird bawēd kē ranǰ ī pad kār ud kirbag kirdan padīrēd nē pad ranǰ dārēd čē man =iz pad ēn rāh ī āyam ud šawam nē pad ranǰ dāram
namāz ō dōysr ī ohrmazd
dōysr ī ohrmazd guft kū niyāyišn ō man ōy kird bawēd kē hamāg dām ī ohrmazd pad hučašmīh abar nigerēd ud ēč kas pad duščašmīh abar nē nigerēd ud hixr ō āb nē barēd
namāz ō gāw ud namāz ō gayōmard
ud gāw ud gayōmard guft niyāyišn ī man ōy wēš padīrēd kē meh andar keh ud keh andar meh wizēn dānēd kirdan ka brād ī keh andar brād ī meh wināh kunēd brād ī meh brād ī keh rāy be āmurzēd
ud namāz ō zardušt ī spitāmān ī ahlaw ī frawahr
zardušt guft niyāyišn az ōy wēš padīrift kē pad ēn dēn ī weh mazdēsnān wēš weh ēstēd
ān az dēn paydāg wēš menēd wēš gōwēd wēš kunēd ī ahlaw frawahr
namāz ō harwist ān ī ahlawān stī kē ast ud kē =iz būd hēnd ud kē =iz bawēnd
sē bār
weh =im waxšēnā menišn xwadāy kū =m frārōntar be kunēd ud kē =iz ahlāyīh kār ud kirbag ī =m kird ēstēd nēkīh =iz ō tan ā =m dah
sē bār
ēn ruwān ō ān rōšnīh bālist bālēnānd kū =m ruwān bē_ō xwaršēd_pāyag rasād
sē bār
pad tō abar abzōnīg mēnōy wardišn rasād az wattarīh ō wehīh tan ī pasēn
ahlāyīh ābādīh ī pahlom ast kū ham_bār =ēw ēn weh kār ud kirbag ast kē ēdōn gōwēd ay ābādīh =ēw ahlāyīh ,
nēk ast ahlāyīh nēk ōy kē ān ī pahlom ahlāyīh ahlāyīhēnīdār kū ōh kunēnd kār ud kirbag
wezest srišāmrūdīg gōwišn
franāmam mazdēsnīh ī zardušt kū andarg ī wattarān gōwam ī ǰud_dēw kū =š dēw abāg nēst ī ohrmazd_dādestān kū =š dādestān ān ī ohrmazd hāwan ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh sawang ud wīs =iz ī ahlaw ī ahlāyīh rad pad yazišn ud niyāyišn ud šnāyēnīdārīh ud frāz_wābarīgānīh rad ī rōz ud asnī hangām ud māhīgān ud gāhān_bār ud sāl pad yazišn ud niyāyišn šnāyēnīdārīh ud frāz_wābarīgānīh
zōt
čiyōn ahū kāmag čiyōn ohrmazd kāmag zōt frāz ō man gōw
rāspīg
čiyōn ahū kāmag čiyōn ohrmazd kāmag kē zōt hē frāz ō man gōw
zōt
ēdōn radīhā ēdōn dastwarīhā az ahlāyīh čēgāmiz =ēw frāz ahlawān āgāhīhā gōwam kū dānišnīg gōwam kū hamāg kār ud kirbag ēdōn dastwarīhā kirdan čiyōn ohrmazd abāyēd
niyāyišn ō ašmāh gāhān ī ahlawī
az abzōnīg_mēnōyīh ud pahlom_menišnīh ka ān ī mad ēstēd ā =m be kird ud ān ī nē mad ēstēd rāy ā =m be nigerīd ud az ān ī ahlāyīh kunišn ud gōwišn ud kunišn ī frārōn rāy ī =m ōh kird gōwišn ī frārōn rāy ī =m ōh guft ā =m ō xwēšān dād hordād ud amurdād mizd ō mardōmān ān ī ohrmazd xwadāy pad bowandag_menišnīh
wezest bišāmrūdīg gōwišn
ōy mēnōy ī abzōnīg ī pahlom gāhānīg pad =iš kē pad uzwān ud dahān ān ī pad wahman saxwan kū pad uzwān ud dahān ān ī frārōn gōwēd ud pad bowandag_menišnīh pad harw dō dast kunišn warzēd ān ī mard gāhānīg kū tis ī bowandag_menišnīh kunēd ān frazānag kū frazām ī tis pad frārōnīh dānēd ān pid ī ahlāyīh pad dānāgīh kū parwardārīh ī dāmān pad frārōnīh kunēd
ān mēnōy ī abzōnīg pad tō ast gāhānīgīh kē =tān xwēšān gāw ī az ī rādīh_kirdār tāšīd u =t ēdōn ō ān wāstar ud rāmišn =iz dād pad bowandag_menišnīh kē ham ohrmazd pad ān ī wahman frāz_ham_pursagīh ka =š wahman dād būd ā =š harw čē kird pad ham_pursagīh ī wahman kird
az ān ān ī mēnōyān rādīh rēšēnēnd kē druwand hēnd az ān čiyōn =išān dēw pad tan mehmān nihādag ī wehān pad frārōnīh nihād be abganēnd ahlomōγ ohrmazd ān ī ōy abzōnīg mard be nihād ud nē ēdōn ān ī ahlaw čē ān nē abganēd pad kōdagīh =iz mard ī ahlaw xwāstār ast pad =iz kōdag_pāyagīh kār ud kirbag ōh kunēd ud ka xwāstār ast kū pādixšāy ast was zadār druwandān
az ēd =iz ka rādīh nē rēšēnēnd abzōnīg mēnōy ohrmazd ā =š ō ahlawān čāšīd čēgāmiz =ēw pahlomīh kū =š ān rāy nēkīh hamāg ō wehān dād ǰud az ēd ī tō dōšišn druwand baxšēnd kū xwāstag nē pad abāyist ī tō dārēnd kē ān ī ōy kunišn ā =š az akōman mānišn kū mehmānīh ī akōman pad tan ī ōy rāy ka wināh kunēd
ō harw dōān dād abzōnīg mēnōy ohrmazd ātaxš wizārišn bē dahēd ō pahikārdārān kū bōxt ud ēraxt paydāg kunēd ka =š ān kē ān ī stabr bowandag_menišnīh ud ahlāyīh =iz pad =iš war_sālār čē ān was ka nigerēnd ā =šān wurrōyēnēd druwandān ān nērang ī war tā ahlawān rāy nē pahikār
spəṇtā_mainiiū , bišāmrūdīg gōwišn
aṣ̌əm_vohū , srišāmrūdīg gōwišn
spandmayt_hād padīrag ī āb yazam
kē az astān ēdōn pad yazišn abar weh kū yazišn ān weh ī ohrmazd xwadāy rāy kunēnd
ōy kē az ahlāyīh_abāgīh ī pahlom kū abāgīh ī az ahlāyīh rāy yazadān ān meh ī man yazišn abar ō ōy āgāh ohrmazd kē būd hēnd ud kē =iz bawēnd awēšān yazam pad ān ī xwēš nām u =šān abar rasam ō ayārīh kū =šān hamāg ayārōmandīh ōh kunam ud ōh daham
wahman pahlom
ēwāmrūdīg gōwišn
ōy kē az ahlāyīh_abāgīh ī pahlom kū abāgīh ī az ahlāyīh rāy yazadān ān meh ī man yazišn abar ō ōy āgāh ohrmazd kē būd hēnd ud kē =iz bawēnd
aṣ̌əm_vohū_vahištəm_astī , tā , gyāg
awēšān yazam pad ān ī xwēš nām u =šān abar rasam ō ayārīh kū =šān hamāg ayārōmandīh ōh kunam ud ōh daham
ahlāyīh ābādīh pahlom ast , ābādīh =ēw ahlāyīh weh
bišāmrūdīg gōwišn
ōy kē az ahlāyīh_abāgīh ī pahlom kū abāgīh az ahlāyīh rāy az yazadān ān meh ī man yazišn abar ō ōy āgāh ohrmazd kē būd hēnd ud kē =iz bawēnd awēšān yazam pad ān ī xwēš nām u =šān abar rasam ō ayārīh kū =šān hamāg ayārōmandīh ōh kunam ud ōh daham
ōy ī weh xwadāy pad kāmag bahr abar_barišnīh kū bahr ō ōy daham kē xwadāyīh ī nēk abāyēd
srišāmrūdīg gōwišn
andak =ēw āb pad sar ī barsom frāz hilišn
ō awēšān yazam ān abar rasam ō ayārīh kē amahraspand ī huxwadāy ī hudahāg
ō ōy abar gīram ō ōy baγ ō ōy rad yazam kē ohrmazd ī dādār rāmēnīdār ī tāšīdār harwisp ābādīh
ōy rad yazam kē zardušt spitāmān
ān ī awēšān amāh dād kū =mān dād ān awēšān u =mān ān abēzagīh kū pad tis ī awēšān abēzag be bawēm frāz gōwam ud frāz =iz čāšam ō kasān kē ohrmazd ud kē wahman ud kē ašawahišt kē šahrewar ud kē spandarmad ud kē hordād ud amurdād kē gōspandān tan ud gōspandān ruwān ud kē ātaxš ī ohrmazd kē srōš_ahlī ud kē rašn ī ristag ud kē mihr ī frāy_gāwyōd ud kē wād ī ahlaw X ud kē dēn ī weh ī mazdēsnān kē dahmān ī wehān āfrīn ud kē dahmān ī wehān adrōzišnīh ud kē dahmān ī wehān arānagīh
čiyōn abzōn pad gōwišn niwēyēnam nīwēyēnam kū pad kāmag bawād čiyōn sūdōmand ī pad tō deh ān ī sūdōmand gōwišn barēnd bawēm sūdōmand ud bawēm pērōzgar ud bawēm ohrmazd dōst ī burdār tan kē mard ī ahlaw pad humat_menišnīh ahlaw būd ēstēd pad hūxt_gōwišnīh ud pad huwaršt_kunišnīh
čiyōn amāh ān ī weh menišn rasād wahman u =mān ān ī weh urwāhmenīh rasād pad ān ī harw dō ka tis ī mēnōy ud gētī xūb kunam čiyōn ān ī man ruwān ān ī weh urwāhmenīh rasād
ābān ī wehān yazam pad franāmišn ud padīrag_rawišnīh ud abar_gīrišnīh burz ī xwadāy ī mādagān ī rōšn ī ābān_nāf ī arwand_asp yazam harwisp ān ī ahlawān stī pad yazišn ud niyāyišn ud šnāyēnīdārīh ud frāz_wābarīgānīh
niyōxšišn =ēw ast
srōš_ahlī yazam
rad ī buland yazam kē ohrmazd kē az ahlāyīh abardom kū az yazadān kē =šān tan ahlāyīh ast ā ān meh kē az ahlāyīh madārtom kū ān kār ī pad xrad abāyēd kirdan pēš kird ēstēd
harwisp sraw ī zardušt yazam abestāg ud zand
harwisp =iz huwaršt_warzišnīh yazam ī warzīd tā nūn ud ēd =iz ī warzihēd az nūn frāz
kē az astān ēdōn pad yazišn abar weh kū yazišn ī ān weh ī ohrmazd ī xwadāy rāy kunēnd ohrmazd āgāh az ahlāyīh_abāgīh čēgāmiz =ēw čēgāmiz =ēw kār ud kirbag ud mizd ud pādāšn āgāh dahēd hanǰamanīgān narān ud mādagān yazam amahraspandān
wisp_yašt bun
ēn gyāg āb hamāg abar sar ī barsom rēzīdan
pursīd frašōštar ī ahlaw ō ahlaw zardušt kū passox gōw pēštar zardušt ay pēš az+ dēn tō mad hē kadār radīgān frāz_ōšmurišnīh ud kadār gāhānān han_girdīgīh
u =š guft zardušt kū ohrmazd ī ahlaw ī ahlāyīh rad yazam
zardušt ahlaw ī ahlāyīh rad yazam
zardušt ahlaw frawahr yazam
amahraspandān ī ahlawān yazam
ahlawān ī wehān ī abzārān ī abzōnīgān ī frawahr yazam
kē =iz astōmandān ud kē =iz mēnōyān ōy ī abardom rad yazam
kē =iz madārtom az yazadān ud arzānīgtom az ahlāyīh radān abar_madārtom pad rasišn ī ahlaw ī ahlāyīh rad pad rad_franāmišnīh yazam
ohrmazd ī ahlaw ī ahlāyīh rad yazam
harwisp =iz kirb ī ohrmazd yazam
harwisp =iz amahraspandān yazam
harwisp =iz ān ī ahlāyīh rad yazam
harwisp =iz dēn ī mazdēsnān yazam
harwisp =iz paymān yazam
harwisp =iz mānsr_spand yazam
harwisp =iz dād ī ǰud_dēw yazam
harwisp =iz dagr_abar_rawišnīh yazam
harwisp =iz ān ī ahlaw kē mēnōy ud kē =iz gētī yazad yazam
harwisp =iz ahlawān wehān ī abzārān ī abzōnīgān frawahr yazam
harwisp =iz dām ī ohrmazd_dād ī ahlawī yazam kē pad ahlāyīh dād ud pad ahlāyīh frāz brēhēnīd u =š pad ahlāyīh dādwarīh u =š pad ahlāyīh frāz_yazišnīh ōy ī ahlaw kē andar ahlawān pad ahlāyīh āšnāg
harwisp =iz panǰ gāh ī ahlaw yazam
harwisp =iz yazišn franāmišn ud padīrag_rawišnīh ud abar_gīrišnīh yazam
harwisp =iz stōd_yasn yazam ud harwisp =iz gōwišn ī ohrmazd frāz guft yazam kē hēnd dušmat_zadār kē hēnd dušhūxt_zadār kē hēnd dušhuwaršt_zadār kē hēnd abar_kirrēnīdār ī kirdār dušmat kē hēnd abar_kirrēnīdār ī dušhūxt kē hēnd abar_kirrēnīdār ī dušhuwaršt kē hēnd abar_kirrēnīdārtom harwisp dušmat kē hēnd abar_kirrēnīdārtom harwisp dušhūxt kē hēnd abar_kirrēnīdārtom harwisp dušhuwaršt mānāg ī ēn čiyōn ka ātaxš ān ī hušk esm ī yōǰdāsr ī X xūb_nigerīdag abar_kirrēnēd pad hāwan dazišn kū ātaxš bē nihād kū sōzēd harwisp awēšān gōwišnān yazišn ōz ud pērōzgarīh ud xwarrah ud zōr yazam
harwisp āb ī pad xān ān =iz ī garān_tazišn yazam
harwisp urwar pad rēšag ud ēwan abar X ārōyišn yazam
harwisp =iz zamīg yazam
harwisp asmān yazam
ud harwisp star ud māh ud xwaršēd =iz yazam
harwisp ān ī asar_rōšnīh ī xwadād yazam
harwisp =iz gōspand ī ābīg ūnīg ud wāyendag ud čarag_arzānīg ud frāx_raftār yazam
harwisp awēšān ī ohrmazd ī xwābar ī weh dām ī ahlawī yazam kē =š dād was weh kē awēšān hēnd yazišnōmand ud niyāyišnōmand az ahlāyīh ī pahlom
harwisp =iz gar ī ahlāyīh_xwārīh yazam
harwisp =iz war ī ohrmazd_dād yazam
harwisp =iz ātaxš yazam
harwisp =iz gōwišn arešuxt yazam
harwisp =iz awēšān kē pad tarsagāhīh ham_rasišnīh , ud pad bowandag_menišnīh ham_rasišnīh , ud kirb_tuhišn yazam pad pānagīh bē_sālārīh , sālārīh abar_nigāh_dāštārīh huaxwīh man rāy būd
gāhān ī abzōnīg ī rad_xwadāy ī ahlaw xwānam u =šān yazam pad bē_pānagīh ud zzz . sālārīh abar_nigāh_dārišnīh
zzz man ān ī xwad ruwān xwānam u =š yazam pad bē_pānagīh bē_sālārīh sālārīh abar_nigāh_dārišnīh
hordād ī ahlaw ī ahlāyīh rad yazam
amurdād ahlaw ahlāyīh rad yazam
ān ī ohrmazd pad pursišn ī ahlaw ī ahlāyīh rad yazam abestāg zand
ān ī ohrmazd dādestān ī ahlaw ī ahlāyīh rad yazam wizīr dādwarīh
pad yasn ī abzār ī haft_hād ī ahlaw ī ahlāyīh rad yazam
ōy ī ahlaw zardušt ō dōstīh ud ayārīh ud sālārīh_xwāyeš kē ahlaw tō az ahlawān xwēštar gōwam dōst az dōstān čē =t ān weh čē ān druwand kē ō druwandān pahlomīh ān ī ahlaw kē ō ahlawān franāmišn čē awēšān =iš gōwišn pahlom frāz guft ohrmazd ō zardušt yazišn ast kē ēn pargard gōwēd
awēšān gōwišn zardušt tā_ō ān ī abdom wardišn ī ǰān frāz gōw kū yazišn kun ast kē ēdōn gōwēd hād pad ān ī abdom wardišn ī ǰān frāz gōw ēn pargard čē agar zardušt awēšān gōwišn tā_ō ān ī abdom wardišn ǰān frāz gōwē ast kē ēdōn gōwēd ay pad abdom wardišn ǰān frāz gōwē bē tō ōy zzz man kē ohrmazd ham ruwān az ān ī wattom axwān pad ān_and zahyā ud pahnā bē_tanišnīh čand ēn zamīg , X X X X X X X
ast =iz ēn zamīg ān_and zahyā čand =iš pahnā
čiyōn =it kāmag ahlaw ēdōn hē ahlaw frāz widārēnā+ ruwān tarist čēh_widarg ō ān ī pahlom axwān ī ahlawān rasē
uštwed_gāh srāyē ud nēk_rawišnīh bē gōwē kū nēk ōy kē az ān ī ōy nēkīh kadāriz =ēw nēkīh
az uštā_ahmāi , tā , manaŋhō , wezest dō bār guftan
kāmag humenišnīh yazam humenišnīh ud kāmag yazam pad abāz_ēstišnīh tam pad abāz_ēstišnīh ī šēwan ud mōyag
varəzəmca čiyōn guft sē bār guftan
drustīh ud bēšāzišnīh yazam frāy_dahišnīh ud wālišn_dahišnīh yazam pad abāz_ēstišnīh ī xīndagīh ud stardīh
gōwišn ī han_girdīg yazam
gāhān awārōyīh yazam
gāhān ī abzōnīg ī rad_xwadāy ahlawī yazam
stōd_yasn yazam kē dād axwān X fradom u =š paydāg gāhānīgīh
hamāg dahišnīh ī stōd_yasnān yazam hamāg sar ī hādān
ān ī xwēš ruwān yazam ān ī xwēš frawahr yazam
dahmān ī wehān āfrīn yazam
dahm =iz mard ī ahlaw yazam
ān ī čēr ī tagīg dahm_ī_abar_pad_menišn yazad yazam
awēšān āb ud zamīg ud urwar yazam
awēšān gyāg ud rōdestāg ud gāwyōd dašt ud mēhan ud āb_xwar yazam
ōy =iz ī šōysrbed yazam kē ohrmazd
rad ī harwisp meh yazam kē ohrmazd radīh ī rōz ud asnī ud māhīgān ud gāhān_bār ud sāl
ahlawān ī wehān ī abzārān ī abzōnīgān frawahr stāyēm ud xwānam ud xwēšēnam ud yazam mānīgān ud wisīgān ud zandīgān ud dehīgān ud zarduštōdomān
ātaxš ī ohrmazd pus ī ahlaw ī ahlāyīh rad yazam
abāg zōhrag ud abāg aybyāhan ud abāg ēn barsom ī pad ahlāyīh frāz wistard ī ahlaw ī ahlāyīh rad yazam
ābān_nāf yazam
nēryōsang yazam
tagīg dahm_ī_abar_pad_menišn yazad yazam
ān ī widardagān ruwān yazam kē ahlawān frawahr
rad ī buland yazam kē ohrmazd kē az ahlāyīh abardom kū az yazadān kē =šān tan ahlāyīh ast ā ān meh kē az ahlāyīh madārtom kū ān kār pad xrad abāyēd kirdan pēš kird ēstēd
harwisp sraw ī zardušt yazam abestāg ud zand
harwisp =iz huwaršt_warzišnīh yazam ī warzīd tā nūn ud ān =iz ī warzihēd az nūn frāz
kē az astān ēdōn pad yazišn abar weh kū yazišn ān weh ī ohrmazd xwadāy rāy kunēnd
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
bišāmrūdīg gōwišn
gauue , datuš barsom bun tā sar šustan , aδāiš , ēk tāg frāgām az pas ī barsom datuš az dast hōy ul widārišn , tāiš , ān ī didīgar az pas ī barsom datuš az dast ī dašn ul widārišn
ān ī gōspandān dahišn āb ud wāstar ud ān ī awēšān kunišn pahast awēšān pahlom framāyišn
at̰_ax́iiāi_aṣ̌ā_mazdā̊ , bun ī barsom ō urwēs nihišn
uruuarā̊_vaxšat̰ , sar ī barsom ō urwēs nihišn ud didīgar bār bun ī barsom ō urwēs nihišn
ēdōn pad ān ōy tarsagāhīh ka gāw ēk_dād tan bē dād ohrmazd urwar waxšēnīd kū =š bē abzāyēnīd
pad kāmag tō ohrmazd pad nēkīh pāduxšāyēnē xwēšān dāmān kū xwēšān dāmān pad nēkīh ī ast pāduxšāyīh bē kun pad kāmag āb ud pad kāmag urwar ud pad kāmag harwisp ābādīh ī ohrmazd_dād kē az ahlāyīh_paydāgīh bun ud bar ēg =išān pāduxšāyīh bē kun
pāduxšāyīh ō ahlawān dahē apāduxšāyīh ō druwandān
kāmag_xwadāy hānd ahlawān ud akāmagxwadāy hānd druwandān
ān ī mad ēstēd hamēstārīh bē barānd az spennāg_mēnōy dāmān pad wardagīh ud akāmagxwadāyīh
hāzān+ an =iz kē zardušt ham ān ī frāztom az mānān wisān ud zandān ud dehān wištāsp ō ēn dēn abar_menišnīh ud abar_gōwišnīh ud abar_warzišnīh ī ohrmazd ud zardušt
čiyōn amāh hēm šād_menišn kāmag_ruwān X ā =mān dahād āsānīh ī tan ā =mān zzz ān pahlom axwān
āškārag ō ohrmazd rasam
ahlāyīh ī pahlom ahlāyīh ī nēk wēnān+ tō ud abar_ō tō rasān+ ī ham ō tō pad hamhāgīh
ahlāyīh ābādīh pahlom ast ābādīh =ēw ahlāyīh weh
az aṣ̌a_vahišta , tā , vahištāi_aṣ̌əm , srišāmrūdīg gōwišn
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
čahrušāmrūdīg gōwišn
ahlāyīh ābādīh ī pahlom ast ābādīh =ēw ahlāyīh weh
wezest srišāmrūdīg gōwišn
ahunawar yazam
ahlāyīh ī pahlom ī nēk ī amarg ī abzōnīg yazam
kē az astān ēdōn pad yazišn abar weh kū yazišn ān weh ī ohrmazd ī xwadāy rāy kunēnd
ēn gyāg ō pāy bawišn rāspīg dast pad pādyāb be kunišn pad gāh frabardārān šawišn abāg zōt abestāg be gōwišn
ahunawar framāyēm ēn tis ī ō pēš gōwam andarg zamīg ud andarg asmān
ahlāyīh ī pahlom framāyēm ēn tis ī ō pēš gōwam andarg zamīg ud andarg asmān
yeŋ́hē_hātąm ī pad xūb_frāz_yazišnīh mehmān framāyēm ēn tis ī ō pēš gōwam andarg zamīg andarg asmān
dahm =iz mard ī ahlaw ud dahmān wehān āfrīn framāyēm ēn tis ī ō pēš gōwam andarg zamīg ud andarg asmān
ēn gyāg pad harw hamistaiiaēca , grih =ēw abar zanišn pad zōt rāspīg dō abar abar ēk =ēw abar azēr
pad hamēstārīh ud bē_barišnīh ī gannāg_mēnōy ī abāg dām dušdām ī purr_marg pad hamēstārīh ud bē_barišnīh ī xwarrah_kāstārān mardān ud xwarrah_kāstārān zanān pad hamēstārīh ud bē_barišnīh ī xwarrah_kāstārīh ī mardān ud xwarrah_kāstārīh ī zanān pad hamēstārīh ud bē_barišnīh xwarrah_kāstārān =iz mardān ud xwarrah_kāstārān zanān pad hamēstārīh ud bē_barišnīh kāstārīh ī mardān ud kāstārīh ī zanān pad hamēstārīh ud bē_barišnīh ī duzzān ud stahmagān pad hamēstārīh ud bē_barišnīh ī zand ud ǰādūg hād zand paygāmbar ī ǰādūgān ud pad zand ǰādūgīh šāyēd kirdan pad hamēstārīh ud bē_barišnīh ī mihr_zanān ud mihr_druzān pad hamēstārīh ud bē_barišnīh ī ahlawγenān ahlaw_bēšān pad hamēstārīh ud bē_barišnīh ahlomōγān ī anahlawān ud sāstār =iz ī purr_marg pad hamēstārīh ud bē_barišnīh ī kadāriz =ēw anāgīh az kadāriz =ēw ī druwandān ī abārōn_menišnān ī abārōn_gōwišnān ī abārōn_kunišnān spitāmān zardušt
kē druz az ān pad bē_nayišnīh nayēd az ēn gēhān druz ī sāstārīh pad nayišn nayēnd sūdimand druz čiyōn pad nayišn nayēnd sūdimand druz čiyōn ēn zanēnd pad pāduxšāyīh ōy ī apāduxšāy az harwisp kišwar abar kē haft
barsom ō dast ī rāspīg dahišn
pad hamēstārīh ud bē_barišnīh ī harwisp ān ī druwandān stī pad stāyišn ī ahlāyīh ud yazišn ī hudānāg ohrmazd kē hēnd kū ōy xwēš hēnd yazišn ud zōhr ud niyāyišn
čiyōn ahū kāmag čiyōn ohrmazd kāmag ēdōn radīhā ēdōn frārōnīhā az ahlāyīh kār ud kirbag čēgāmiz =ēw kār ud kirbag ēdōn frārōnīhā čiyōn ohrmazd kāmag
bišāmrūdīg gōwišn , ud wāz čiyōn xšnūman yazišn bawēd u =š be guftan
aṣ̌əm_vohū , sē , yaϑā_ahū_vairiiō , dō
dast pad ādur_gāh abāz nihišn barsom ō urwēs nihišn
aṣ̌əm_vohū , tā , sar ,