Select Section Type

pad nām ī yazadān
ēn =iz paydāg ādurbād rāy frazend tanīg_zād būd ud az ān pas abestān ō yazadān kird
dagr mad ādurbād rāy frazend =ēw būd
ēg drust_xēmīh ī zardušt ī spitāmān rāy zardušt nām nihād ud guft
āxēz pus ī man frahang abar hammōzam
pus ī man kirbag_handēš bāš wināh_handēš čē mardōm ǰāwēdān zamān zīndag čē tis ān ī mēnōy abāyišnīgtar
ān ī uzīd frāmōš kun ud ān ī mad ēstēd rāy tēmār bēš ma bar
pad xwadāy ud sālār mard wastār ud wistāx ma bāš
harw čē pad nēk =iz pad anī kas ma kun
andar xwadāyān ud dōstān ēkānag bāš
xwēš tan pad bandagīh ō kas ma abespār
harw abāg pad hešm ud kēn rawēd ēg =iš aziš dūr bāš
271
bāstān ud harw gāh ummēd ō yazadān dār ud dōst ān gīr/kun ī pad sūdōmandtar hād
pad tis yazadān ud amahrspandān tuxšāg ud gyān_abespār bāš
rāz ō zanān ma bar
harw čē āšnawē niyōš halag ma gōw
zan ud frazend ī xwēš tan ǰud az frahang ma hil =t tēmār ud bēš ī garān abar rasād bawē pašēmān
abēgāh ma xand
spaxr ud w gufsišn pad paymān kun
pad ēč kas afsōs ma kun
abāg dušāgāh mard hamrāz ma bāš
abāg hešmgen mard hamrāh ma bāš
abāg halag =iz mard hamuskārišn ma bāš
abāg was_xwāstag mard hamxwarišn ma bāš
abāg mastōg mard hamxwarišn ma bāš
az wad_gōhr mard ud wad_tōhm mard abām ma stān ud ma dah čē waxš garān abāyēd dādan
ud harw gāh pad dar ēstēd ud hamēšag paygāmbar pad dar ī dārēd u =t zyān aziš bawēd
duščašm mard pad ayārīh ma gīr
arešken mard xwāstag ma nimāy
andar pādixšāyān wizīr ī pad drō ma āwāš
az spazg ud drōzan mard saxwan ma āšnaw
pad pādifrāh ō mardōmān kirdan waranīg ma bāš
andar xwaran pahikār ma kun
mardōm ma zan
gāh rāy ma kōxš
abāg āzād_čihrag kār_āgāh ud zīr huxēm mard hampursīh kun ud dōst bāš
pad †nibard bār ī garān abar ma bāš abēr tars se
az kēnwar mard ī pādixšā dūr bāš
abāg dibīr mard hamēmāl ma bāš
abāg mard ī halag_gōwišn rāz xwad] ma kun
pēš_gāh mard dānāg grāmīg dār u saxwan purs u āsnaw
kas_ iz rāy drō ma gōw
rāy šarm nēst az =iš xwāstag ma gīr
ERROR
čašmāgāh pad tis =iz tis graw ma nih
pad rāst ud pad drō sōgand ma xwar
ka kadag kāmīh kirdan nazdist uzēnag pad mayān kun
xwēš tan rāy zan xwad xwāh
agar xwāstag bawēd naxust āb ud raz ud zamīg wēš xrīn čē agar bar dahēd ēg =iš bun pad mayān bawēd
čand tuwān hād mardōmān pad saxwan ma āzār
ma raw abar kēn ud zyān ī mardōmān
pad xwāstag čand tuwān hād rādīh kun
abar ēč kas frēftārīh ma kun =iz abēr dardōmand bawē
pēšōbāy mard grāmīg u meh dār ud saxwan aziš padīr
ǰud az xwēšāwandān ud dōstān tis =iz abām ma gīr
šarmgen zan dōst bāš ud pad zanīh ō zīrak ud dānāg mard dah čē zīrak ud dānāg mard ōwōn homānāg čiyōn zamīg ī nēk tōhm andar abgand ēstēd xwār_bār ī gōnag gōnag aziš āyēd
āškārag_gōwišn bāš
ERROR
pad ǰud az handēšišn saxwan ma gōw
pad ēwēn ēnyā abām ma dah
zan ī frazānag ud šarmgēn dōst bāš u pad zanīh xwāh
huxēm ud drust ud kārāgāh mard agar ōh =iz škōh hād pas =iz pad dāmādīh gīr ēg =iš xwāstag az yazadān rasēd
pad masātōr mard afsōs ma kun čē =iz abēr masātōr bawē
anāmurzīd mard aframān pad zēndān ma kun wizīdag ud wuzurg mardōm ud ōšyār mard abar band zēndānbān kun
ERROR
čē agar pus =ēw hād pad abornāyīh ō dibīrestān dah čē čašm rōšn dibīrīh ast
saxwan tēz pad nigerišn gōw čē saxwan ast ī guft weh ud ast ī pād ud ān ī pād weh az ān ī guft
rāst_gōwišn mard paygāmbar kun
zadag mard ma dār abar awestwār
ud wābarīgān mard čiyōn =it ēwēn hād uzēnag padiš kun
saxwan čarb gōw
gōwišn čarb dār
menišn frārōn dār
ERROR
xwēš tan ma stāy frārōn_kunišn bawē
andar xwadāyān ud pādixšāyān anāmurzīd bawē
az dād meh ud weh mard saxwan purs
az duzd mard tis =iz ma stan ud ma dah ud awēšān stō kun
bīm ī dušox rāy pādifrāh pad nigerišn kun
pad harw kas harw tis wastār ud wistāx ma bāš
huframān bāš hubahr bawē
abēwināh bāš abēbīm bawē
spāsdār bāš pad nēkīh arzānīg bawē
ēkānag bāš wābarīgān bawē
rāst_gōwišn bāš awestwār bawē
ēr_tan bāš was_dōst bawē
was_dōst bāš husraw bawē
husraw bāš huzīyišn bawē
hubahr ud dēn_dōst bāš ahlaw bawē
ruwān_pursīdār bāš wahištīg bawē
dādār bāš garōdmānīg bawē
zan ī kasān ma frēb čē pad ruwān wināh garān bawēd
xwurdag ud abēšnōhr mardōm ma dār čē =t spās dārēd
ERROR
hešm ud kēn rāy ruwān xwēš tabāh ma kun
ka =t pāyēnd guft ā =iz čarbīhā namāz bar čē az namāz burdan pušt škennēd ud az čarb pursīdan dahān gandag šawēd
fradom saxwan pad duščihr ma gōw
ka pad hanǰaman nišīnē nazdīk ī mardōm ī dušāgāh ma nišīn dušāgāh paydāg bawē
pad hanǰaman sūr harw gyāg nišīnē pad gyāg ī azabar ma nišīn =t az ān gyāg āhanǰēnd ō gyāg ī frōdtar nišānēnd
pad xwāstag ud xīr ī gētī wistāx ma bāš čē xwāstag ud xīr ī gētī ōwōn homānāg čiyōn murw =ēw az ēn draxt ō ān draxt nišīnēd ud pad ēč draxt pāyēd
andar pid ud mād ī xwēš tarsāgāh ud niyōxšīdār ud framān burdār bāš
čē mard pid ud mād zīndag ōwōn homānāg čiyōn šagr ka andar wēšag az kas =iz kas tarsēd
ud ōy pid ud mād nēst ōwōn homānāg čiyōn zan ī wēwag tis =iz az =iš stānēnd u tis kirdan tuwān ud harw kas pad xwār dārēd
duxt ī xwēš ō zīrak ud dānāg mard dah čē zīrak ud dānāg mard ōwōn homānāg čiyōn zamīg ī nēk tōhm padiš abganēnd u was ǰōrdā andar āyēd
ERROR
agar xwāhē az kas dušnām āšnawē ō kas dušnām ma dah
tund ud halag_gōwišn ma bāš čē tund ud halag_gōwišn mardōm ōwōn homānāg čiyōn ātaxš ka andar wēšagestān ōftēd ud hamāg murw māhīg sōzēd ud ham xrafstar sōzēd
abāg ān mard pid ud mād aziš āzurd ud hušnūd hamkār ma bāš =t dād pad dawāl dārād u =t abāg kas dōstīh ud dōšāram bawēd
šarm ud nang ī wad rāy ruwān ī xwēš ō dušox ma abespār
saxwan ī dō_ēwēnag ma gōw
pad hanǰaman gyāg nišīnē nazdīk ī drōzan ma nišīn čē =iz abēr dardōmand bawē
āsān_pāy bāš rōšn_čašm bawē
šab_āxēz bāš kār_rawāg bawē
dušmen ī kahwan dōst ī nōg ma gīr čē dušmen ī kahwan ōwōn homānāg čiyōn mār syā ! sad sālag kēn frāmōšēd
dōst kahwan dōst ī nōg kun čē dōst kahwan ōwōn homānāg čiyōn may kahwan ka harw čand kahwantar pad xwarišn ī šahryārān wēš weh ud sazāgtar šāyēd
yazadān āfrīn kun ud dil pad rāmišn dār =t az yazadān abzāyišn ī pad nēkīh windē
dahībed mard rāy nifrīn ma kun čē pad šahr pāsbān hēnd ud nēkīh ō gēhānīgān handāzēnd
ud rāy gōwam pus ī man ǰahišn_ayār pad mardōmān tis ī xrad weh čē agar pargast xwāstag šawēd ayāb čahārpāy mīrēd xrad mānēd
pad āstawānīh ī dēn abar tuxš čē hunsandīh mahist dānāgīh ud čē wazurgtom ummēd ī mēnōy
harw gāh ruwān ī xwēš andar ayād dār
nām ī xwēš rāy xwēškārīh ī xwēš ma hil
dast az duzdīh ud pāy az axwēškārīh raftan ud menišn az waran abārōn abāz dār čē kirbag kunēd pāddāšn windēd ud wināh kunēd pādifrāh barēd
harw hamēmālān rāy čāh kanēd xwad andar ōfted
ERROR
nēk mard āsāyēd ud wad mard bēš ud andōh ī garān barēd
zan ǰuwān pad zanīh gīr
may hs paymān xwar čē may apaymān xwarēd was_ēwēnag wināh aziš rawēd
ka was afsōn mār weh dānē dast zūd zūd ō mār ma nih gazād ud abar gyāg mīrē
agar was āšnāg āb weh dānē zūd zūd ō āb ī stahmag ma šaw āb barād ud pad gyāg mīrē
pad ēč ēwēnag mihr_druzīh ma kun =t dast_brīn [MK f
šast_se missing] awiš rasād
xwāstag kasān ma appar ud ma dār ud pad ān ī xwēš ma āmēz čē ān ī xwēš wanī ud apaydāg bawēd čē xwāstag ī xwēš apparēd dārēd ud pad ān ī xwēš
ERROR
šād bawēd čē mardōm ōwōn homānāg čiyōn xīk ī purr az wād ka wād aziš šawēd tis =iz ānōh mānēd
mardōm ōwōn homānāg čiyōn šīr_xwārag xūg andar gīrēd padiš abar ēstēd
ohrmazd rōz may xwar ud huram bāš
wahuman rōz wastarg ǰāmag ī nōg paymōz
ardwahišt rōz ō mān ī ātaxšān šaw
šahrīwar rōz šād bāš
spandarmad rōz warz ī zamīg kun
hordad rōz ǰōy kan
amurdad roz dār ud draxt nišān
day pad ādur rōz sar šōy ud mōy ud nāxun wirāy
ādur rōz pad rāh šaw ud nān ma paz čē wināh ī garān bawēd
ābān rōz az āb pāhrēz kun ud āb ma āzār
xwar rōz kōdak ō dibīrestān kun dibīr ud frazānag bawēd
māh rōz may xwar ud abāg dōstān wiyufsišn kun ud az māh ī xwadāy āyaft xwāh
tīr rōz kōdak ō tigr wistan ud nibard ud aswārīh hammōxtan frēst
ERROR
gōš rōz parwarišn gōšurūn kun ud gāw ō warz hammōz
day pad mihr [MK f
64] rōz sar šōy ud mōy ud nāxun wirāy ud angūr az razān abāz ō karxoš abgan weh bawēd
ERROR
mihr rōz agar =it az kas mustōmandīh =ēw abar mad ēstēd pēš mihr est az mihr dādwarīh xwāh ud garzišn kun
srōš rōz bōxtārīh ī ruwān ī xwēš rāy az srōš_ahlī āyaft xwāh
rašn rōz rōzgār sabuk ud harw kār ī kāmē kirdan andar frārōnīh kun
frawardīn rōz sōgand ma xwar
ud ān rōz yazišn frawahr ī ahlawān kun hušnūdtar bawēnd
wahrām rōz bun ī xān ud mān abgan zūd pad frazām rasēd
ud ō razm ud kārezār šaw pad pērōzīh abāz āyē
rām rōz zan xwāh ud kār ud rāmišn kun ud pēš dādwarān šaw pad pērōzīh ud bōxtagīh āyē
wād rōz dranǰišn kun ud kār nōg ma paywand
day pad dēn rōz harw kār kāmē kirdan kun ud zan ō xānag āwar ud mōy ud nāxun wirāy ud ǰāmag pōš
ERROR
dēn rōz xrafstar ōzan
ard rōz harw tis ī nōg xrīn ud andar xānag bar
aštād rōz asp gāw ud stōr ō gušn hil pad drustīh abāz āyēd
asmān rōz pad rāh dūr šaw pad drustīh āyē
zamyād rōz dārūg ma xwar
māraspand rōz ǰāmag abzāy ud dōz ud pōš ud zan pad zanīh gīr frazend ī tēz_wīr ī nēk zāyēd
angrān rōz mōy ud nāxun wirāy ud zan pad zanīh gīr frazend ī nāmčištīg zāyēd
čē nēkīh rasēd ma abēr šād bāš
ka anāgīh rasēd ma abēr pad bēš bāš
čē nēkīh ī zamān anāgīh ud anāgīh ī zaman nekīh
ud ēč abrāz nēst šēb az pēš ud ēč šēb nēst abrāz az pas
pad xwarišn xwardan waranīg ma bās
ud az harw xwarišn ma xwar ud zūd zūd ō sūr ud xwaran ī wuzurgān ma šaw =t stō bawē
čē čahār tis pad tan ī mardōmān ēn wattar ī dušāgāh abāg xwēš tan kunēd
ēk pādyāwandīh nimūdan
ēk škōh ī abar_menišn abāg hangad mard nibard barēd
ēk masātōr ī rahīg xēm zan ī abornāy pad zanīh gīrēd
ēk ǰuwān mard zan ī pīr pad zanīh gīrēd