pad nām ī yazadān

gōwēnd kū baxt_āfrīd guft kū

ēč mardōm nēst az man tuwāngartar ǰud az ōy kē az man hunsandtar

ēn čē guft agar hamāg mardōm ī gētī ō ham rasēnd ēg =iz man tuwāngar kirdan nē tuwān

čē ka pad ēk dast stanam ud pad didīgar dast daham rōz pad man bē mānēd

ādurbād ī zarduštān rāy paydāg kū sad panǰāh sāl zīndagīh būd ud az ān nawad sāl mowbēdān mowbedīh kird būd

guft kū

ō tuwāngarīh ud driyōšīh ud pādixšāyīh mad hēm

andar tuwāngarīh rād ud wizīdār_dahišn ud andar driyōšīh tuxšāg ud paymānīg ud andar pādixšāyīh ērmen āzādwār būd hēm

kirdan āštīh nē kirdan ǰang

griftan ummēd weh bē hištan kēn

padīriftan rāmišn weh ud abāz dāštan hešm

xwardan ’mym weh ud nē sōgand

dādan bahr xwāstag weh ud nē gugāhīh pad_drō

pursīdār mard abērāh nē bawēd ud niyōxšīdār mard dušāgāh nē bawēd

ud hampursag mard frēftār nē bawēd

pad ān ī mad ēstēd hunsand bāš nē ī bawēd

kē yazadān ōy rāy ayār ōy az hamāg wad bōxt