Select Section Type

1.0
, pad nām ud ayārīh ī dādār ohrmazd ud wispān yazadān hamāg yazadān ī mēnōyān yazadān gētīyān
2.0
paččēn nāmag ī hērbed manuščihr ī ǰuwānǰamān kē -š ō wehān ī sīrgān kird pad $ andarg wizīrkird ī hērbed zādspram ī ǰuwānǰamān kird
3.0
nām ī yazadān kē -tān dagr_zīwišnīhā druwist_rawišn_mehmānīhā ahlāyīh_waxšišn ud xrad_pānagīhā ruwān_frēstag xunak(?)_kārīhā brāzišnīg abrang andar farroxīh parwast abzōnīg ābādīh ud pad wisp dō_axwānīg abardar nēkīh spurr bahr ud meh burzišn dārānd
4.0
dānāgīhā druwistīhā ud dēnīg_wizārīhā nāmag ī -tān pad payg frēstīd framūd mad
5.0
u -m abāg -iz zarīgēnāg āgāhīh ī pad any , dar andar parwast ēstād pas -iz wuzurg mādagīh ud meh arzīh ī az ān ī ašmāh garōdmānīgīhā winnārdagīhā ud čihrīg xwarīg nāzišn ī -m ōh dānist ī drōdīg āgāhīh rāy az āgāhīh ī abar -tān awiš drōdōmandīh xūb winnārdagīh nāmčištīg rāmišn X padīrift
6.0
u -m pad -š ō yazadān spās hangārd
7.0
abar razmīg ī ēn gumēzišnīg axwān tis -iz xīrān ī gētī pad xrad ayārīh čand šāyēd X frārōn rāmišn dādīh sūd asazišnīg kirbag xwāst padīrift abzāyēnīd ōwōn sazēd čiyōn ān -iz ī abar , čihr ī dānāgān guft ēstēd kū az -iz rāyēnišn ī gumēzag xīrān ī āhōgēnīdag pad nērōg ī xrad sūd kirbag ōwōn wizīnēnd ud harrōbēnēnd ud hanǰēnd čiyōn sag xīr az āb wispgen zarr az xāk None None None
8.0
u -m rāmišn čand az ham drōd āgāhīh rāy abzūd
9.0
nōg meh ārzōg ī abar paywastīhā madan ī az -iz nūn X frāz āgāhīh ī abar druwist_winnirdagīh drōdag_xīrīh ud kirbag frayistīhā ud abzōnīgīhā ud ruwān_kāmagīh ī ašmāh kē wuzurg dēn_menīdārīh hangārd kirbagīh payrāst
huwīrīh ud yazadān wāspuhragānīh ī -tān ast rāy az abzōn ī -tān wisp_farroxīh ud tabīgīhā urwāzišnīhā kāmagtom
ud hamēyīhā ka -tān wēnišn ǰārīhā ka handāzīhēd xwēš dēn sūd ud ruwān urwāhm drōdōmandīh xūb_estišnīh čē -m andar ašmāh kām kunišn man āgāhēnīd framāyēd pad yazadān kām
enyā nibišt ī -tān mayān nāmag framūd frēstīd ēg -im nigerīd ,
u -m aziš dušox_tār zarīg wēnišn dušox_kār pad sam škeftīhā ō dil menišn abganād
u -m garānīhā aboxšist abar xwēš hammis ī pad rašnōmand tarāzūg adrōzišn passāxt andar zūr_spāhīh ī xwad ud ēč rāst nērōgīh ī hambadīg dād ēstēd ō xwāstēn kēn_wišāgīh ī padīrag was_ōz druz kē ōwōn wiyābāngar dušdānāg ud § purr_frēb kū -š ān -iz ī čihrīg ahlāyīh_dōšīdārtom ud ōstīgān rāstīh_kāmagtom dēnīg frārōn_ristagtom uskārišn_āgāhtom ruwān škeft_pahrēzišntom ud pad ast_xrad gōšōsrūd_xrad wizīdagtom pad hamāgīhā rāstīh_āhangīgtom ōwōn frēftan gumānēnīdan ast ud pad nēst None nēst pad ast homānāg awi- -š nimūdan tuwān
čiyōn ān -iz hangōšīdag ī andar dēn gōwēd kū ahlāyīh menēd pad ēd dārēd , kū -m kirbag ēw kird ud drōzišn windēd kū -š wināh ō būn bawēd kē ō nasāōmand āb bē_zōhr frāz barēd ayāb kē abar nihuftag tārīk bē_zōhr frāz barēd andar šab
ud man pad ēn nē gumān kū ōy mow kām abāg ahlāyīh nē hamwimand
čē frārāst šnāxt dānist estēd kū xwēš rāy ō tan druwist_rawišnīh ud ō ǰān dagr_zīwišnīh nē pahrēzag kū -š frārāstīh paywastagīh ī -š hammis tan abzārān ud ǰān abzārān ō ān ī padiš šnāyišn ī yazadān ud warzišn ī dēn ud rawāgīh ud wābarīgānīh ī čāštag ī rāst dastwarān abzāyišn bawēd
az -iz hamēšag_kārīh nibēg_ārayišnīh ud hanǰamanīg_gōwišnīh ī -š abar abarag ī dēn ērang ī ǰudpahikārišn paydāg ,
čiyōn -iš abar andarag ī awēšān kē ān ō ān mānāg guft ān -iš nūn , xwad nibišt ud was bōzišn ārāst ēstēd
ēn -iz āgāh ham kū bē ānōh kū pad ēč ēwēnag yōǰdāsrgar nē hāzīhēd ēg -iš wuzurg kār ī čiyōn yōǰdāsrgarīh ī ast X šustārīh ī dēnīg_nērangīhā ō āsrōnīh pēšag § abzār az dastwarān hilēnd
šustārīh ī nē dēnīg_nērangīhā andar pāyramīgān pad kardag nihād abārōn garān_bazagīhā čē mādagwar abzār ī ruwān_bōzišnīhā pāšom nēkīh X ī mardōmān yōǰdāsrgarīh ī mardōmān guft
yōǰdāsrgarīh ī mardōmān X ud pākīh ast ī pad ruwān kū pas az zāyišn ī pāšom ēw
ka be zād hēnd ā -šān tis ēw yōǰdāsrīh ī pad ruwān weh
ud any gyāg nimūd estēd kū , yōǰdāsrīh ī -iz pad ruwān pad yōǰdāsrīh ī tan šāyēd xwēšēnīd
čiyōn čē ān guft estēd kū -š yōǰdāsrgar xwāst
u -š guft abāyēd kū ēdōn pad ōy ī rist tan be estād ham
axwāstār ham pad menišn axwāstār ham pad gōwišn axwāstār ham pad kunišn ī wizārīhēd kū rēmanīh rāy pad menišn ud gōwišn kunišn kirbag xwāst nē tuwān
xwāhēd ō man yōǰdāsrīh kū -m be šōyēd
čiyōn aziš X paydāgīhēd kū ka ān kē -š tan nē yōǰdāsr tā ka -š be šōyēnd pad menišn gōwišn ud kunišn kirbag xwāst nē tuwān u -š ruwān yōǰdāsrēnīd nē tuwān ēg pad -iz yōǰdāsrīh ī ruwān awizīrišnīg ast az ān ī tan X yōǰdāsrīh kē -š yōǰdāsrēnīdārīh ī dēn ān hēnd ī āšnāg ī pad dēnīg nērang
ka ēn , ēdōn hammis dēn_burdārān dēn_dastwarān mādayān ōy kē pad dēn mazdēsnān āgāhtar kirdārtar andar harwisp mān wis ud zand ud deh wēš abērtar mard ī ahlaw ī gōwāg_uzwān ī rāst_guftār ī srūd_gāhān ī āgāh_nērang ī frahixt_kār ī husraw_xēm ud ruwān_dōst pad yōǰdāsrgarīh ī winnārdan ud menīdan abzāyēnīdan abēr čimīg
ōh -iz ka āwām ōwōn asāzīg druz ōwōn was kōxšišn ud staft zōhr_ārāstār ōwōn gōwišnīh ēw ī ka -iz hambāst menišn wehān pad winnārdan pattāyēnīdan ī hamfrārōn pēšag tuxšēm
ēg -iz nōg nōg az frahist šahrān ōwōn pad hanǰābišn estēd ī -mān padiš čimīgīhā garān bēš ud bīm
ud yazadān ō amāh frayādišnīgīhā rasānd rasēnānd ārāstār ī ēd ud abārīg -iz dēnīg ristag pad yazadān nām ud xwābarīh ud purr_xwārīh ud aboxšišnīgīh meh tuwāngarīh , tuwānīgīh
ēn -iz az ašmāh xwāyišnīg ham kū rāst_kāmīhā ud an kē īhā ī -tān ast pāzag abar nibišt nibēsam ōwōn hu_čašmīhā ud payrāstārīhā nigerīd framāyēd čiyōn gōhrān ēwēnag čē abāg man ham sahišn hēd ham passazagtom abāz āgāhēnīdan framāyēd kū -š padiš ōstīgān_menišnīgtar bawam ud agar ast ī -tān anīy ēwēnag sahēd abāg čim_bōzišn ī -tān sahēd ōwōn abāz nimūdan framāyēd čiyōn hamhāg ī āhōg abaz_guftār ud abāz nimūdār rāy guft ēstēd čē was ast čim kē rāy -itān niyābag hu_čašmīhā nigerišnīh ī abar nibēsišn
fradom ēd kū man abārīg -iz mowān dibīrīh nē pēšag ōy kē -š frahang ēw nē wāspuhragān_kārīhā bē pardaxt ī az ān ī frēzwānīgtar xwēš kārīh ēg -iš awestādīh paristagīh ī padiš nē framāyišn ān -iz rāy dānāgān rāst_xwāyišnān abar nibēsišn mowān mādayān tan ī dādestān barēnd ud čābukīh ī ēwāz passāzišn ī dibīrīh aziš kam framāyēnd
didīgar ēn kū andar ēn sezdēn āwām wišēg ān kē -š dardagīh ud was abāmīh az -iz pidarān awiš mānd az hamahlān šahr uzwāyīg ud was ziyān mad estēd ī pad a radīg darmān_barīh dādīg čārag_garīh purr_ranǰ bē pad -iz dēn_burdār kē gētīyīg_rāyēnišnīgtar āmār az hamēstārān garān bīm purr_ranǰīh ō passāzišn ī abē bahr a niyābag
sidīgar ēn kū dānāg ī mēnōy_nigerišn ī dēn dastwar ī āgāh_dādestān ka -iz xwad andar gētīy xūb_xīr abē bīm ud wābarīgān ēg -iz az -iš aboxšayišn andīhā dil_zinǰagīh pad āzārišn bēšišn ī ō weh_dahišnān paywast ēstēd ud was ēwēnag pēš wēnīhā āgāhīh ī abar gētīyīg mēnōyīg anāgīh rāy hamēšag and andar sōhišn andar menišn čand -iš dil bē ō čābuk_wāzagīh ud saxwan_passāzišnīh nē pardazēd ud čiyōn andar dēn pad pursišn gōwēd kū kē andar ox ī astōmand tēztar waxrīhēd pāsoxīhēd kū gušn ī wēnāg_xīr zarduxšt kē abar harw dō ān ī mad ēstēd ān -iz rasēd ān -iz ī wattar wōyγ wēnēd čiyōn ān -iz ī andar anīz frāz_wābarīgānīh čiyōn ēn dānēd kū az ēn nēkīh čē nēkīh ud anāgīh -iz dānēd hu_fraward hu_dēnan pēšōbāy farroxzādān nibišt hād az xwēš kardag gyān weh šnāsēd u -š meh handēmān ō čēh_widarg payrāstag ud ārzōg ī gētīy kam_niwāzišn bawēd
čahārom ēn kū man wāspuhragānīhātar abar xīr ī pēšag a wizīrišnīg was kārīh ōwōn ī ān -iz ī hu_fraward ud meh_frazānag hu_denān pēšōbāy ǰuwān_ǰam šābuhrān abāg čand pus ham dūdag nāfag mowīmard hamēw rāyēnīd ān -im ēwtāgīhā ud kam_ayārīhā pad rayēnīdārīh andar bun_kamīh ī artēštārān wasīh ī hamēstārān zūd zūd_rasišnīh ī petyārag čārag_ xwastārīh ī pad abāz dāštan wizend ud aweštāb ud a dādīhā_dārišnīh ī ātaxšān mazdēsnān rāy -im hamēšag_ranǰagīh ōwōn ī -m az ham dar frayist hangām guft tōš -iz ud čēh_menišnīh wasīhā hilēd ō ōwōn čēhagōmand nibēsišn kē nigerišn ī wigrād_ōšīhā ud āsān_menišnīhā padiš andar abāyēd bē -m ō xwārēntar nibēsišn pardazišn andak wisānīg u -m nāmčišt andar ēn widarg ka nāmag ī ašmāh mad ud hangām ī rōzīg_dahišnīh ī ō paristišngarān ī hamēw pērōzgar ātaxš ud man šud abāyist ī ō sīrāb ud čand čārag_garīh ī frēzwānīg rāy kār wēš pardazišn kam būd
panǰom ēn kū agar -iz az -im hamāg kārān winnārdan rastag ud harw rāyēnišn xwēš kām ud sam pardaxtag menišn āsādag ud dil āsādag menišn urwāhmen būd hē ēg -iz -im az xwānd ī and nibišt and nōg bēš ud čēhag bē ō dil ud menišn paywast hē ī -m ōš xrad az wimandīg passāzišnīh saxwanān wizūdag māndag būd hē
šašom ēn kū ān -iz ī wigrād_ōštar mard ka az nibēsišn ī kišwar frazānag ēw ī rāst_kām ōwōn škeft ud pas wēnēd ī -š az ham škeftīh pafšīrišn abzūdan ud wattarīh rasīdan gumān rāy andar saxwanān zōrīh kam_frayādīh būd nē gumān
haftom ēn kū agar ān šaš ī -m nibišt ēč nē hē ēg -iz ašmāh wizīdag weh_gōhrīh ud stūdag hu_xradīh ud passandīdag bowandag_menišnīh burzīdag wehān frāy ud ōstīgān was dōšāramīh ōwōn ī pad čē rāstīhā rāst_sahišnīhā nibēsam hu_čašmīhā rāst_wizīngarīhā nigērīdan dōstwārīhā payrāst kerdan ud wirāstārīh tuxšīd frārāst saham
u -m wistāxwīh ī abar nibēsišnīh ī andar ōwōn a pardazišnīh mādayān az ham čim ud ašmāh kē -tān yazdān pāsbānēnānd šōyišn ī pad baršnūm az kardag bē nē hilēd čiyōn pēšēnīgān guft ēstēd kū ka az kār hilīhēd harw āb ātaxš urwar ud mard ī ašō gōspand ud harwisp dām ī ohrmazd bēšīd ud kāst ud nišēbēnīd bawēd
čiyōn gōwīhēd pad dēn kū ōy tan ī rist kē -š nasuš abar dwārīd estēd čē a hunsandīhā spitāmān zarduxšt ān kē abar rist ā -š ān xwaršēd abar bē tābēd ōwōn a hunsandīhā ān māh ēdōn a hunsandīhā awēsān stārag
šnāyēnēd spitāmān zarduxšt ān mard ī yōǰdahr ka ān abar rist ā -š frāz aziš nasuš kird kē rēman būd ēstēd šnāyēnēd ātaxš šnāyēnēd āb šnāyēnēd zamīg šnāyēnēd gōspand šnāyēnēd urwar ud šnāyēnēd nar ī ahlaw šnāyēnēd nāyrīg ī ašō harw dō čiyōn -iš abestāg
ka yōǰdahrgar nē bawēd hamāg yazdān az gētīyīg bēšīd a hušnūd bawēnd ud yōǰdahrgarān ī dēnīg ī dānāg kār ī yōǰdahrgarīh čiyōn -išān az pōryōtkēšān pad kardag awiš mad nūn -iz abāz nē dāštan u -š nē wizūdan frārōn dād kerbag nē wardēnīdan waštag ī nē drīst nē frārōn dād kerbag nē padīrift kār az -iš nē kardan abēr dānāgīhā ud drīst_xradīhā handēšīdan u -tān padiš abartarīhā stāyišn burzišn ud spās ud āfrīn xwēšīg čē guft ēstēd kū pad hamāg kār ī dādestān kardan ud dāštan ī pōryōtkēšān az harw tis ēw meh_mādagwartar ud harw ān raft ud kardag kē az awēšān andar mad estēnd pad rāst dastwarīh pōryōtkēšān āšnāg būd hēnd bē anīy_ēwēnagīh ī tāštīg dānišnīhā ud rōšn bōzišnīhā pad paydāgīh az dēn ud čāštag ī dastwarān bē āwarīhēd ēg -iš wardēnīdan nē dastwarīhā ud ōy mowīmard kē -š wizīr ī pānzdah pad nām nibēsīhēd čiyōn _agīh ud a passaxtagīh ī ham nibēsišn nē ham gōnagīh ī abāg dēn čē -š pēš xōg nē būd rāy pad ōy wizīrīh ī nē abē gumān ham
u -š andar -iz nibišt paydāgēnīd ud wizīrēnīd kū ǰār ēw tā yōǰdahrgar rasēd ī āgāh_nīrang kē ōwōn šōyēd čiyōn pad dēn paydāg guft ēstēd ōwōn šust tis ōwōn saham kē rāy az ān čiyōn yōǰdahrgar ī xūb šustār nūn -iz ast ān ī -š azēr nibišt rōšn frārāst kū nē -iz wizīrēnīd hē pad ān kam_bōzišnīh ī andar ān nibištag paydāg ud nē wābar gōwišn hē
čē agar ōh -iz ōy pad abartarīhā ud āgāh_dēnīh frazānag_dānišnīh frazānag_dānišnīh rāst_dastwarīh meh_pōryōtkēšīh stūdag paydāg az hammis nūnēnīgān dastwarān frāzīg tāyag hē būd hē ēg -iz abāg mowīmardān āwām_frazānagān ohrmazd mowbedān ī pēš būd hēnd nē hāwand hē ud ka -iz hamāg abestāg zand warm wābartom āgāh_mānsr zarduxštrōtom mow ēw pad ohrmazd ud ohrmazd_mowbedīh aγrīy saxwan_wirāy hu_dēn kay ēw pad mādayān dahībedīh mad estād hē ēg -išān pad dād kardag wardēnīdan ayāb ǰud az uskār ud ham dranǰišnīh ud ham dādestānīh ī mowān ī dēn_sarān ud sālārān ham dādestānīh ī čašmag wehān xwad sahišnīhā nē padīrišnīg nē uspurrīg hē
bē wābar gōwišn ān ī ast būd bawēd ī -šān pad anōšag_saxwanīh rāst_pahikārišnīh bowandag_zōrīg uskārišnīh abāg mehān menišn uskārd estēd az -iz čāštag ī rāst dastwarān pad wēš gugāhīh bōzišn ī ēwarīg ō hanǰamanīgān ī dād šahr nimūd frayist mowīmardān dādestān_šnāsān ī kustag kustag padiš xwastūgēnīdan āwištag ī ham šahr andar harw čahār pāygōs abar kird hē az -iš hangōšīdag paydāg az -iz ān ī anōšag_ruwān weh_šābuhr ī mowbedān mowbed ud anīz ohrmazd mowbedān guft čāštag ī u -šān pas -iz kardag padiš nē wardēnīdan gōwišn ī anīy dastwar padiš nē āgārēnīdan bē ān ī -šān pad ēwarīh padīrift az gōwišn ī abārīg dastwarān pad wābartar dāštan ud kardag ī anīy ēwēnag_gōwišnān nē wardēnīdan dādīg sahist ōwōn būd
čiyōn ān ī weh_šābuhr pad hanǰaman ī anōšag_ruwān husrōy ī šahān šah ī kawādān 21 ān bazišnīhā ōwōn nimūd ī mowān padiš ēstād hēnd u -šān nibišt āwišt kū ōwōn mowān padiš ham dādestān būd čiyōn wizīrēnīd u -šān pas ān and wizīr ī ōy ōwōn nimūd mowān padiš ham dādestān būd hēnd pad mādagwarīh ēwar_pāyagīh ud andar kardag ī ōstīgān dāštan abārīg ī -š guft ōwōn dārēd čiyōn abārīg gōwišn ī ēk ēk az awēšān dastwarān
uskārišnīg čāštan ān nibištag ī -tān mayān nibištag ī nāmag āyēd drust_bōzišnīh ēw andar nēst ī padiš ān ī frārōn_dārišnīhā kardag wardēnīdan sazēd čē agar ōh -iz ān ī -š az gōwišn ī mēdyōmāh ud abarg ud sōšāns nibišt estēd ǰud ǰud gōwišn čāštag ī ham dastwarān ast ēg -iz passāzišn_paydāgīh ī aziš nē ōwōn čiyōn ān ī -š pad frāz_sāzišnīh parwastag u -š paydāg sahist pargast kū ōy mow gām az rāstīh čaft ayāb -iš menišn ō kāmag_wizīrīh rawēd ayāb -iš āgāhīhā ān ēwēnag ī nibišt ī čiyōn -iš pad ox wurrawist kū nigēz ī dēn čāštag ī dastwarān ast bē tā rasišn ī a brādarōd sōšāns kas pad bowandag dānišn a waxr andar axwān nē ud agar nāmčišt druz pad menišn ī dēn_dastwarān uzmānīgtar kōxšēd tā wizīr ī dēn ud pattāyīh -iz brādarōdōmandīh ī xīrān ān ast ka abēzag_menišnān saxtag nigerīd purr_guftārān tēz_wīrīh ud dēnīg_čihrān hučašmīh abar bōzišn abar nigerišnīg ham mow afrēftārīh ī xwad ud saxtag_nigerišnīh kām ī -š abar purr_wistarišnīh ī dēnīg hamag rāy tēz_wīrīh ud āhang ī -š ō bōzišnīh dēnīg hammōg rāy tēz_wīrīh ud āhang ī -š ō bōzišn ī dēn ērang ī ǰud_pahikārān winnārdan rāy hučašmīh abar xwēš bōzišn ī kē -š xōg ast
ān -iz ī -š az ān bōzišnīhā parwastag passāxtag paydāgēnīdag menīd az ēn se čim abērtar abar saham ān ī -š saxtag_nigerišnīh saxtag_nigerišnīh ī mēdyōmāh pad čāštag mēdyōmāhīg ud ān ī abarg ud sōšāns harw ēk pad čāštag ēw ōšmurd u -š tēz_brīnīhā harw čē ēk az awēšān guft pad paydāgīh ī az čāštag ēw wizīr abar kird u -š hučašmīhā pad bōzišn ī xwēš uspurrīg menīd u -š nē mad estēd ī passazag ham uskār ud abāz nimūdār rāy an ēdōnīh awiš nē āhumbīhist ud ka pāsox ī rāst abāz nimūdārān ašnawēd pad bowandag_menišnīh uzwārēd xwad xwastūgīhēd kū čāštag mēdyōmāh nē hamāg gōwišn ī mēdyōmāh čē was dādestān ast mēdyōmāh ēwēnag ēw guft pad mādagwar čāštag ī mēdyōmāhīg anīy_ēwēnag wizirēnīd estēd nē harw čē mēdyōmāh guft nē xūb pad čāštag ī mēdyōmāhīg ēwar kū nē šāyēd čē was ī pad šāyistagīh guft estēd
ān ī andar ān nāmag nibišt kū pad čāštag ī sōšāns ōwōn gōwēd kū yōǰdahrgar dō ōh abāyēd harw ān šāyēd kē -š yašt kird estēd ēdōnīhā ham dādestāntar būd hēnd kū ka ēk ā -iz ast ī šāyēd abārīg ī -š pad hamband nibišt ān bē čiyōn -iš gōwišn ī abarg pad čāštag ēw ī az -iš ān rāy ān ī paydāgīh az -iš sahist ī čiyōn -iš wizīrēnīd
ēg -iš ka -š āfrāhēnāg pāsox ī abāz nimūdār rasēd rāst_kāmagīh rāy xwad xwastūgīhēd kū abarg pad ēk ī az dastwarān ō mar āyēd ud ān ī mādagwar čāštag sōšāns guft kū ham dādestāntar būd hēnd kū ka ēk ast ā šāyēd
ān gugāhīh -iz ī čand dastwar ud mādagwar ī čāštag ēw ham pāzag pad -iz čāštag mēdyōmāhīg guft estēd kū ka ōy kē hamēw šōyēd pišag šnāsēd ēg -iš yōǰdahrgar ēk was
ka pad mādagwar ī dō čāštag ka ēk ast šāyistagīh paydāg ēw tāg gōwišn ī abarg rāy bē nē a kārēnišn čē abarg bē čiyōn -iš xwad ōwōn sahist guft yōǰdahrgar dō ōh abāyēd
ēnyā anīy dastwar abāg ham gugāy būdan nē paydāg u -š xwad -iz ēn nē spēzīd kū anīy ēwēnag būdan nē šāyēd čē -š wēnišn ī xwēš čiyōn -iš sahist guft
ēk ōy abārīg wizīd pōryōtkēšān pad ēn ham dādestān bē būd hēnd kū vīkaiieha kār čiyōn -iš wizārišn ēn kū dādestān ī -š mowān abar ǰud_pahikār hēnd ān ī mow ēw ēw ēwēnag gōwēd dō mow ī -š hāwand anīy_ēwēnag gōwēd kār az ān dō gugāh kunišn
čiyōn az ham nimāyišn ēn -iz paydāgīhēd kū pad -iz xwastūgīh ī abarg ka yōǰdahrgar ēk ast pad šāyistan dārišn pattāyēš tā -š gugāhīh ān ī -t nibišt kū mēdyōmāh guft kū harw pēšag se bār šōyišn ud nūn yōǰdahrgarān ēk bār
ān hamgōnag čāšt estēd čiyōn -iš nibišt bē mēdyōmāh se bār_šōyišnīh nē tāšišnīg šōyišnīh bē uskārišnīg guft u -š ēn -iz nē guft kū ka se bār nē šōyēd ā nē šāyēd
abarg guft kū ka ēk bār šōyēd ā šāyēd ud abar ēn ēw bār mēdyōmāh dādestān pasēmālīhā ud abarg dādestān pēšēmālīh čē mardōm andar zīndagīh fradom dārišn abar pākīh nē frēzwānīgīh ī šōyišn ud pas rēmanīhīhēd ī -š andar dēn šōyišnōmandīh abar gōwēd tā čand bār_šōyišnīh paydāgīhēd ēg -iš dārišn abar ēk bār ī ast fradom mar
ōy kē wēš az ēk bār_šōyišnīh gōwēd pēšēmāl_pahikārišnīh nē paydāgīh ōy kunišn tā ka paydāgēnīd dārišn abar gōwišn ī ōy kē pasēmāl_dādestānīhā ēk bār_šōyišnīh guft
az ham bē agar -iz ōh -iz wēš_šōyišnīh ast ī xūbīh ī kār pas gōwišn ī abarg abar ēn ēk bār bōzišnīgtar paydāg ān ī mēdyōmāh ō paydāgīh niyāz
ud ān ī nibišt kū pad čāštag ī abarg ōwōn paydāg kū pv.9.32 harw tan ēw pad kemistīh āb ēw dōlag gōmēz ēw dōlag ī weh_mār ōh abāyēd ān hamgōnag pad čāštag ī mēdyōmāh guft estēd kū āb ud gōmēz ka šāyēd hamāg bē yazišn ka nē pad nidomīh ī harw tan ēw ray āb ēw dōlag ud gōmēz ēw dōlag ī weh_mār ān gyāg bē nihišn ud pas ōh gumēzišn
ud az ān čiyōn dō čāštag ōwōn guft ēštēd kār az ēn kardan bōzišnīgtar ud drīst_dādestānīhātar
u -mān bōzišn ēw ī drīst nē šnāxt ud paydāg_čimīhā bē ō dānišn nē mad kū kem az ēn paymān šāyēd
bē ēn nē tāštīg_dānišn ham kū kem az ēn nē šāyēd čē āgāhīh ī abāg az ān ī awēšān āgāhīh kē pēš dastwar uskārdār ō ōy paywastār būd hēnd ān ī -m āšnūd kū ast kē paymānag ī āb ud gōmēz kāstan rāy bōzišn ēn gōwēd kū pad harw tis ēw kār ī ēn wizārēd kū ka and čand -iš az -iš tan paydāg šāyēd
u -m wāzag drīst_bōzišnīgīh ēw nē dīd čē meh frazānag hu_dēnān pēšōbāy hu_fraward ǰuwān_ǰam ud anīz uskārdārān dādestān_hu_menišnān sahišn ōwōn būd kū ān wāzag abar ān guft estēd ī -š az dēn čāštag ī dastwarān paymānag ī pad kemistīh nē paydāg
ud pas ka hambun -iz ast šāyēd ēg -iš ān ī -š paymānag ī pad kemistīh paydāg kem az kemistīh nē xūb agar pad čāštag pad šāyist guft ēstēd wēš_gugāhīh rāy wābarīgāntar ud kār aziš kardan dādīgtar čē ān čāštag ōh xwastūg kū gōwišn ī dastwarān wēš_gugāhīh kār
ēn ān ast ham bāstag yōǰdahrgarān gyān_sahmān andar kār dāšt ud wehān menišnīgīhā pad -išān ayār ud nērōg_dādār būd abēr čimīg ud nūn -iz yōǰdahr se xwēš wāspuhragāntar ham paymānag andar kār dašt framūd estēd
ān ī -m dīd u -m ō dānišn madag abērtar ka -m xwad šust ham paymānag andar kār dāšt estēd
ud agar -iz ast yōǰdahrgar kē āb ud gōmēz ī yaštag bowandag pad kār nē rāyēnēd ēg -iz nē wattar kū ka hambun -iz nē bawēd u -š nīrang -iz ī dēnīg nē bawēd
u -š windēdād yazišnīh -iz abestāg gōwišnīh -iz wāz_gīrišn -iz čiyōn -iš pursīd zarduxšt az ohrmazd kū pv.9.33 čiyōn yōǰdahrom kū tā airiieme nē bawēd ast kē hamāg gōwēd
čiyōn pad ātaxš ud čiyōn pad āb ud čiyōn pad zamīg čiyōn pad gōspand ud čiyōn pad urwar ud čiyōn pad mard ī ašō ud čiyōn pad nārīg ī ašōnīy čiyōn pad star ud čiyōn pad māh ud čiyōn pad xwaršēd čiyōn pad ān ī asar rōšnīh ud čiyōn pad anagr rōšnīh čiyōn pad harwisp ī ābādīh ohrmazd_dād kē az ahlāyīh paydāgīh
u -š guft ohrmazd kū yōǰdahrīh srāyēš zarduxšt kū windēdād ēw bē yaz yōǰdahr pas bawēd
čiyōn -im guft kū windēdād ēw nē yazēnd kū ān ī -š nibišt nīrang pad kār dārēnd ēn ēč nē zanēd u -š ēg -iz wizīr framān ī sālārān ī dēn nē abar bē hišt
baršnūm bē abar ēn niyābag bawēd kū āb ud gōmēz ī yaštag pad paymānag dastwarān čāšt ēstēd andar kār dār
ēnyā abāg -iz ēd kū ān ī pad dō čāštag guft ēstēd ēwar drīsttar pas -iz ast kū -šān tuwān awiš nē ayābīhēd pad čāštag ēw pad šāyist guft ēstēd ud man nē šayistagīh nē wizīrēnam
ud ān -iz 300 sang ī pad pādyāb ī āwāsēnīdag ō gōmēz ud āb abgand rāy nibišt ān ham gōnāg -iz čāšt ēstēd ud ā -iz ōh -iz ka nē abganēd pad ast čāštag ī šāyēd
ēg -iz arzānīh ud āwāsīh ī sang rāy yōǰdahrgarān padiš kam_bōzišnīgtar ud ān tis ōwōn xwār pad kardan ōwōn hučār
pad ast čāštag ī nē xūb yōǰdahrgarān pad xwār dāštan abēr sūdagīhā bē -š nē šāyist nē guft estēd pad čāštag ī abarg guft estēd kū šāyēd
ud ān ī nibišt kū pad sagādom paydāg kū gōmēz ī yaštag ka gandag bawēd bē ayārdēnišn ōwōn ī frāz ō ātaxš nē barēnd kū gand bē ō ātaxš rasēd čē agar ān gand bē ō ātaxš rasēd xwēdīh rāy pad hixr abar frāz_barišnīh ō ātaxs ān āsterēd ān ham gōnag čāšt ēstēd ma agar az ān ī guft ēg -iš sahist kū hixrīh ī rēmanīh ī gōmēz gandag nē
bē -š bowandag_menišnīhātar ud uspurrīgīhā_uzwārīhātar sazēd nigerīdan čē ān ī -š guft kū pad hixr frāz_ barišnīh ī ō ataxš āsterēd nē rēmānīh ī gōmēz bē paymānag ī wināh rāy pad ēn kū -š and wināh ō būn bawēd čand ōy rēmānīh ī gōmēz bē gand ud xwēdīh rāy čiyōn kē -iz āb ī pāk yōǰdahr bē ō ātaxs barēnd padiš wināhōmand bawēd
ēn -iz wāz ēw kū paymānag ī wināh nē remānīh ī gōmēz rāy guft ēstēd hangōšīdag az -iz ān paydāg ī zōhr ī xar ud xūg rāy guft ēstēd kū ka wēš az paymānag ī framūdag bē ō ātaxš barēnd pad hixr frāz_barišnīh ī ō ātaxš āsterēd ud ēg -iz ān gōšt pad pākīh wizīrēnīd pad bē dādan ī ō gāhānbār guft ēstēd
xwad -iz gōmēz gandag frārāst kū ēd rāy framūd estēd kū bē ayārdēnišn kū tā ka bē ayārdēnīd ēg -iš kār framāyēnd ēnyā agar bē agārēnišn pas ō ayārdēnišn nē niyāz ayārdēnišn rēmanān abar yōǰdahrēnišn paydāg kū hixr bē ōwōn kū nē hixr ud ōwōn pāk kū ān -iz ī anīy yōǰdahrēnēd
ka -š xwad nibišt kū pad sagādom ōwōn paydāg kū gōmēz ī yaštag ī gandag pad ātaxš bē ayārdēnišn pas paydāg kū gōmēz ī nē ēwāz ān se rōz grift ēstēd bē ān -iz ī kahwan ī yaštag ī gandag būdag ī abāz ayārdēnīdag ka pad kār dārēnd xūb
ud ān ī sagādom paydāg mādagwar kū ēk az dastwarān ēwtāgīhā guft ān gandagīh ān rāy guft estēd tā ka -š gandagīh ēw rasēd ī ǰud_ēwēnag az ān ī -š čihrīgīhā padiš ast
ud ān ī nibišt kū mēdyōmāh ud abarg sōšāns harw se mad estād hēnd ud ān rāy kē ēdōn šust čiyōn nūn hamēw šōyēnd ēwar kū šāyēd u -šān pad šāyist hē mēdyōmāh guft hē kū nē čē yōǰdahrgar ēk bawēd abārīg ī čiyōn andar ān dar nibišt ī -š tēz_nigerišnīh rāy az gōwišn ī awēšān ōwōn sahist u -š awēšān -iz az čāštag ī pad nām ī awēšān ōwōn nē wizīd čiyōn -im pēš nišānēnīd bē nē ōwōn šnāsēm kū agar awēšān harw se mādagwarān ī harw se čāštag mādagwarīh būd hē ud kas rāy kē ēdōn šust hē kū yōǰdahrgar ēk būd mēdyōmāhīg ud sōšānsīg guft hē kū šāyēd čē dastwarān ēdōn ham dādestāntar būd hēnd kū ka ēk yōǰdahrgar ast ā šāyēd ud ka -šān pad šāyēd hē kū -šān ǰud az dast abārīg pēšag ēw bār šust ud abarg guft hē šāyēd čē -š se bār_šōyišnīh pad abestāg nē guft ud ka pad šāyēd hē kū 300 sang pad āb ud gōmēz nē abganēd abargīg guft kū šāyēd čē sagīzag kār_ew nēst ud ka pad šāyēd hē kū pad ān maγ šōyīhist kē kas padiš šust ud sāl_drahnāy padiš nē uzīd estēd bē -šān stad abaz nihād mēdyōmahīg guft hē kū šāyēd čē ka -š sag abāz nihād ā -š wistarišn kird ud ka -š wārān ēw ēdōn padiš bē bawēd ī andarrōn bērōn hamāg gyāg bē xwist ā šāyēd ud agar kas ēw gōwēd kū ēn ān ast ī nīrang ēw pad dastwarīh ī čāštag ēw ud ēk pad dastwarīh ī anīy čāštag pad ēč čāštag harw nīrang ī andar ēd šōyišn ī čiyōn pad kardag dārēnd bē bōxtan nē šāyēd
ān pāsox ēn -iz kū harw nīrang ōwōn kunišn čiyōn kē guft bōzišnīgtar u -š paydāgīh ī dēn gugāhīh ī dastwarān abāg hambandtar ud nē pad ān čim kū mēdyōmāhīg pad nīrang ēw bōzišn ōmandtar pas ān tis ī abarg bōzišnōmandtar ud kār az gōwišn ī mēdyōmahīg kunišn bē harw ān čē mēdyōmāh bōzišnōmandtar az mēdyōmāh ud harw ān ī abarg bōzišnōmandtar az abarg ud ān ī anīy dastwar bōzišnōmandtar az ān dastwar padīrišn ī wēš_bōzišntar ud hangerd harw ān ī awēšān dastwarān guft kē pad rāst dastwarīh wizīn ī kišwar frazānagān framān ī dādīgīhā šahryārān abar būd ēstēd bē ān čē -š padīrag_gōwišnīh wēš_gugāhtar ud paydāg_bōzišntar ayāb az nigēz ī dēn ud čāštag ī dēn_dastwarān pad an ēdōnīh paydagīhēd ēg -iš hamāgīhā padīrēnd ud kār aziš kardan dastwarīhā ud bōzišnōmandīhā
ud ēn -iz ōwōn saham ud agar -iz ǰud ǰud čāštag pad šāyēd hē ēg -išān pad nē šāyistīh tāštīg nē wizīrēnīd hē čē mēdyōmāh bē čiyōn -iš sahišnīg guft kū harw pēšag ēw se bār ōh šōyišn ēnyā -š nē wizīrēnīd kū ka hamāg ēk bār šōyēd ā nē šāyēd pad mādagwar čāštag ī mēdyōmāhīg ud šōyišn ī pad dād ī wizārag_dēnān rāy gōwēd kū kē rēman bē bawēd pad ān dād bē šōyēd ēd kū -š šust pad šust dārišn ham nē kird ēstēd ud agar ōh -iz anīy dastwar guft kū harw kē rēman bē bawēd ud nē pad dād pōryōtkēšīh šōyēd nē pad šust dārišn ēg -iz pad mādagwar čāštag ī mēdyōmāhīg ān šōyišn ī pad dād ī pārag_dēnān šōyīhēd nē guft kū nē šāyēd ud ān ī pad dād i pōryōtkēšān šōyīhēd kē was dastwar pad xūb dārēnd čiyōn sazēd handēšīd kū se bār_šōyišnīh rāy guft hē kū nē šāyēd ōh -iz ka ōy -iz pad ēn ham dādestān būd kū gōwišn ī dastwarān pad hāwandīh ud wēš_gugāyīh ī dastwarān rāh ō xwastūgīh būd hē ī abar ān ud kū andar warōmandīh ēw dastwarīhā ud ān -iz ī abarg ud šōšans hangōšīdag tis ham dānist šāyēd
ud abārīg was ī -m gōwizār pāsox nē nibišt ud ast ī wizīrišnīgīh ī aziš ast ī nā_pardazišnīh ud ast ī a frēzwānīh ud abārīg -iz ī -m nibišt mādayān ka uškārišn ud handāzišn ī abar ōwōn rāyēnišn nē andar amaragān bē mowān āgenēn niyābag bawēd
ud ēn -iz and ī -m nibišt ēd rāy ka -tān nibišt ēw awiš mad ēstēd ī -m abāz nimāyišn passazag sahist kū pas saxtag_nigerišnīhā nibēsīhēd ōwōn -iz dānēnd az weh_kāmagān ī menišnīg ruwān_dōstān ī saxtag_nigerišnān kē -šān az ān nibēsišn ast ī gumānīgīh andar dil ud menišn bē mānād u -m az ān bē ēn and abāz nimūdan xūb sahist ud ēg -iš -im andar was ēwēnag zarīg_widārišnīg čēhišnīh ī abar ham dar ēn andar handēšišn ast kū pas ma agar ham mowīmard kē -š ān nibišt frēstīd kē -š yazdān āsnūdag_xradīh ōstīgān awezmāyišnīg zāmēnīdan ī yōǰdahrgar ī kustagīhā rāy ān nibišt kird kū tā -š aziš škōyīhēnd ud spurrīg_ paymānīgīh ī āb gōmēz bowandag_gōwišnīh ī abestāg abārīg xūb_nīrangīh spurrīgtar ō kār kunānd ud passandišnīgtar rawānd ud agar -iz az -iš ham wihān rāy nibišt nē bōzišnīg bē -š waxr_handēšišnīhā čē ān ēwēnag nibištag ēč čim nē kunišn
bē agar -iš pad ān čim nibišt pad ast ī kam_grāytar paydāg ud man nūn škeft_sahišnīh pad ān abērtar ka -m meh_frazānagīh az -iš dīd ēstādan rāy ēn gumān nē būd kū saxwan meh_dādestān ī ast dād ī āsrōnīh pēšag kardag ī hamāg kišwar hu_dēnān bē az uskār ī man ud abarīg mowān dēnīg_nigerān wizīr ēw kunēnd ēnyā sahišn ī -š andar wizīr nē ōwōn škeft dāram čē agar nūn -iz pad saxtag_nigerišnīh frāz čaft ēstēd ēg -iz bun zāyišn az ǰud_čāštagīh ī awēšān pōryōtkēšān meh dastwarān meh pēš būd hēnd awēšān būd zofrīh ud was brahmīh ī dēn rāy was sahišn uskār wizīr kardag -iz az āgenēn ǰud_wimand ēwāz ǰud_dādestānīh ī hērbedān abāg nask_ōšmārdārān bē mayān -iz xwad abartom rāst dastwarān bē andar āštīh ud ham ayārīh ud dōšāram ī -šān āgenēn was ǰud_sahišnīh ud ǰud_dādestānīh ud ǰud_čāštagīh ud ǰud_griftagīh ud ǰud_kardagīh būd čiyōn ān -iz ī abar se mowbedān mowbed ī frāztar ī -šān nām ādur ī farnbay ud windād ud ādur_bōzēd kē ǰud ǰud wirāst_dēn kišwar_dastwar ud āwām_frazānag būd hēnd
ōh -iz ī ka sahišn pas ō mow dastwar ōwōn ayābīhist čiyōn abar spitāmān zardušt guft ēstēd kū fradōm ǰār ka -š amahrspand dīd hēnd ēg -iš menīd kū hēnd endar ud sāwal ud nānghāyh ud tāwriǰ ud zāirīǰ kē hēnd mazantom az dēwān abāg waxrīh ud zēfānīh ī ān ōwōn nibištag garānīh ud ziyānīh ī ān ōwōn wizīr bun_dāštīgīh ud kam_bōzišnīh ī ōy ōwōn nibištag passāxt ud pas -iz ašmā pad dād weh_menišnīh sahišn ōwōn waxrīhist ī -š az pōryōtkēšān dastwarān ōwōn paydāgīhēd čiyōn -iš gōwišn -iz ī awēšān abāg nibištag ham dēn bowandagīhā waštag menišn az ān ī dastwarān čāštag čaft
bē čiyōn ham wizīr ud ān ī ham mānāg ī ham wizīr ud agar frayist wizirēnīd az -iš nē padīrišn ud kār az -iš nē kunišn ēnyā gāh abartom dēn_warzīdārīh ōstīgān dārišn pad frāztom āgāhīh ud wēnāgīh ī -š andar dēn ī mazdēsnān rāst_pāyagīhā menišn ud abārīg dēnīg āgāhīhā ud ruwān_bōzišnīg wizīr ī az dēn ī mazdēsnān čāštag ī rāst dastwarān āškāragēnīd paydāgēnīd sazāgīhā padīrišn wābarēnišn ud čiyōn -im hangōšīdag az -iz abarg nibišt ud abar -iz bōzišn ī ǰud_griftagīh ud ǰud_čāštagīh nē frayist az hambasān_gōwišnīh ī an ērang dēn ī mazdēsnān nē -iz az stēzag pahikār ī āgenēn bē az sahišn ī rāst_kāmīhā būd bōzišn wasīhā ast bē zamānīg az nibēsišn ī padīrag waxrīg ziyānīg nibištag ī ān mowīmard ō pardazišn kam
u -m nigerīd estēd nihangīhā mard ēw ī xwēš abāg nāmag ī gōkānīg padīrag_pahikārišnīg ziyān_nimāyišnīg bōzišn_āgāhēnišnīg ud ō wirāyišn niyāzišnīg ud ō ān mowīmard frēstīd az -im mard ī pad ham kār frēstīd paydāgīhist drang ī padiš tā frāz pardaxt ī -m ō gōkānīgtar nāmag čē ān ī az dūr wirāst abāyēd gōkān rōšngarīh padiš a wizīrišnīgtar ēnyā agar ham mow andar nazdīkīh būd hē ēg -im ham wēnišnīhā pad andak saxwan az ān waxr wardēnīd ud pad ān ī pišag pad -iz nibēsišn ī gōkānīgtar ud āgahēnišn ī was bōzišntar
u -m nūn -iz nigerišn uskār ud čārag_xwāhīh ast kū agar kārān ī a wizīrišnīg padiš čēhišnīg ōwōn winnārdan šāyēd ī -m māhīgān se pardāxtan tuwān xwad ud frēzwān_kārīhā pad wirāstārīh bē ō pēš ī ham mow šawam ud ēn wirāyišn xūbīhā handāzam ud yazdān āhīd was čim ast kē rāy wihēz ī az gyāg duš_čārag u -m ǰār ēw zamānīg nāmag ēw awiš nibišt ud abāg ēn nāmag frēstīd
yazdān_pānag_mardak ī guharīg awiš ēw frēstīd ēnyā -š ham pay abāg mard ī xwēš awestwār gōkānīgtar pahikārišnīgtar awiš nibēsam āgāhīhā -iz ī -š padiš kū -š gōwizārtar āgāhēnēm āgāhīhēm bē agar pad ēn ī -m nibišt ayāb xwad nihangīhā bē ō pārs āyēd ēnyā pad -iz wirēxtan ī xwad čārag_xwāh bawam abar nē mōšom ka yazdān abāyēd ud yazdān čiyōn nēktar pad ēn abārīg rāyēnišn handāzānd ōy mow abartar_ īhā abzār ud dēn_āgāhīh ī -š xwāst az sūd ī dēn pēš ma appārīhēd
dēn ī dēn mazdēsn ārāyišn ud wirāyišn ud wābarīgānīh abrāz rasād ašmāh hammis dēn_niyōxšīdārān andar sarīg abartar_farroxīh pad hamāg nēkīh burzišnīgīh bawād ēnyā pad ōwōn menišnīg dōstīh dušwār čēhīdārīh rawāgīhā āgāhēnišn ī -tān ō man ān -im wazurgīhā spāsdārīh abzūd ud ō ašmā āfrīnēnīd agar padiš nigerēd uskārēd ān -itān čimīg sahēd ka -tān wēnišn bawēd ō rāst nibištār dibīr ēw kē mārīg bē nē wardēnēd framūd tā -m ēn nāmag ī -m ō ašmā nibišt ān ī sazēd paččēn nibēsēd ō ham yazdān_pānag_mardak ud abāg ān nāmag dād framāyēd tā awiš frēstēd čē ast ī ka āgāh saham kū xūbtar
u -tān yazdān nōg nōg purr_paymānīhā ud spurr_abrāzīhā abzāyēnānd mehēnānd rāmišn ud drōd ahlāyīh ud ābādīh ud burzišn farroxīh paywandānd wisp ō nēk_frazāmīh
mānuščihr ǰuwān_ǰamān nibišt rōz māh spandarmad andar ahlāyīh_urwāzišnīh ud dēn_stayišnīh ud yazdān_abestāmīh spāsdārīh ī andar dādār ī ohrmazd ud amahrspandān hamāg yazdān mēnōyan ud yazdān gētīyān niyāyišn ō hamag māh kē -š ham rōz pad frāz_nām
paččēn ī nāmag ī hērbed manuščihr ǰuwānǰamān kē -š ō hērbed brād zādspram kird ,
nām ī yazadān kē hērbed ī xwadāy abardom pērōzgarīh ī andar harw dō axwān kāmag_hanǰām burzišnīh dārānd
[yazadān] kāmīhā az frazendān hammis druwist_tan rawāg_xwēškārīh ud ō hērbed ī xwadāy anōšēn_wēnišn drōd_āgāhīh purr_ārzōg ud pad harw dar andar yazadān spāsdār ham
nāmag ī -tān andar māh ābān az nēwšābuhr nibištan framūd X mad
u -m az kišwar arz ud druyistīh ud drōdōmandīh ī hērbed ī xwadāy andar yazadān spāsdārīh abzūdan be abāyist hē ī ka -tān āgāhīh ī xwēš ast nibišt hē čē -tān nibēsišn ī nāmag nē ōwōn čiyōn dūrān kē gōkanīg nibēsēnd bē čiyōn nazdīkān kē , menēnd kū nōg nōg hamwār āgāhīh āmēzē
ān -iz ī -tān nibišt framūd pad nišānag ōwōn nihuftag ī -m X wizēhišn awiš nē čiyōn , gōkān mayān nāmag paydāg
ud az nūn frāz āgāhīh rōšntar framāyād nibišt čē -m apardazišnīgīh ī abar was darīhā rāy bē ō nišān_šnāsīh dil nē pardāxt
hērbed xwadāy āgāhēnēm kū andar ēn tāhīg nibišt ēw bē ō man mad ī -tān be wehān sīrgān bēš ud zarīg ud čēhag ōwōn paymōzīhist ī -š hangōšīdag ī ka hufraward pidarān az astōmand axwān ēwarzīd
čē ēdōn čiyōn akārīh ī čašm hamāg zanišnīh ī hāwand ēdōn -iz gazišn X ud āhōgēnišn ī ō ōš ud xrad rasēd hamāg zanišnīh ī hāwand
abar wimand ī , abēzag āstxrad ī ārāstīh bowandag ī mānsr paywehag(?) kē -š ān ī mahist āgāhīh ī dēn ī mazdēsnān abāgēnīd ēstēd
andak -iz pas_xradīh ud waxr_wēnišnīh garān_awrandīhātar ud zišt_ārangīhatar
u -m fradom -iz andōh pad ka -tān spurrīg ul-matīh fradom rōšnīh xwēš be wināhīd u -tān dudīgarīh ī man be ānāft
ud ān wizīr ī ka -iz rāst hē ēg -iz az ān čiyōn dād ēw ī kišwar ud dādestān ēw ī gēhān_masāy X ast
ka -iz pad šādurwān ī mōyān X hanǰaman ī pārs dar abārīg was hamrasišnīh uskārd ud ēw_hazār hudēn mōy padiš hamsahišnīh āwišt ēstē ēg -iz ǰud_uskārišnīh padīrag_handāzišnīh ī abāg man abārīg sarān mōyān ī dēn frārāst wizīr padiš brīnēnīd ud dād padiš nihād ud framān abar dād nē sazist hē
u -tān ēn -iz andar abāyist nigerist hē kū ka magīhā ī tan pad wizēn ī čahār pāšomān ī zamānag winnārīhēd ēg -iz ān ī dēn ī dastwar dādestānīh az harw dādestān meh ud ēwēnag ud dād ī kišwar
bē pad uskār ī ham pāšomān X ēnyā wizīrēnīdan nē xūb
u -tān ān āmārēnīdan abāyist hē ī guft kū ma ān warzē zarduxšt ka tō se ayāb čahār hambrādag andar wis ī stāyīdār ī hanǰamanīg ēd gōwānd ēdōn ast duš_menišnīh
ēg -iš -tān ēn wāzag nē āmārēnīd
u -tān saxtagīhā ud tēz_nigerišnīhā ; wizīrēnīd
u -tān ō xwēš bōzišnīg menīd kū -m abar hanǰaman ī abar sīrāz uskārd wināh -iz andarag nē paydāgēnīd
ēd framāyēd dānist kū agar -tān pad hanǰaman ī tuγzγuz guft ē hē andar andarag_guftār kam -iz būd hē
saham kū ašmāh abar ēn xīr andar xwēš ōwōn wēš hēd čiyōn zarduxšt ī ādurfarnbay ka -š waxšagīhā winnārd
aziš ādurfarnbay xwad wēšīhīd
u -š bē ōh nibišt kū musalmānān X ka -šān āšnūd ēg -išān nēk passandīd
ud rāzīgān pāsox nibišt kū agar -itān andar dūr -iz nihād hē ēg -išān weh -iz passandīd hē
ēn ī ašmāh az ān ī ōy kird wasyār garādar
pāsox ī az kustān anāgdar
dusrawīh ī andar mardōmān uzwāyišnīgdar
ud bār ī pad ruwān garān xwarānīhādar
ud darrišn , pahikārišn ī ohrmazd ud zarduxšt škeft āmārīhātar bawēd
u -m ēn -iz abēr ka -tān xwēš dēn_āgāhīh ud ruwān_bōzāgīh ōwōn zūr pad ān hangōšīdag ī ōy tan_buzišk kē ka -šān dandān_dard zad rāy pursīd ēg -iš pāsox dahēd kū bē kan
u -šān pāsoxēnīd kū amāh buzišk ān hamē abāyēd kū , dandān -iz ī wēmār druyist kunēd
ēg -iš dandān kanam az ān frāxīhādar wasyārdar
ud agar hudēnān -iz ī ērānšahr frazānagīh ud dēn_āgāhīh ī hērbed ī xwadāy pad ān hamē pad abāyēd kū tā pēšag -iz ī wēmār darmān wirāyišn ārāyišn handāzēd ēg -iš pad pēšag bē abganēd was niyāz ēw ō xrad dānāgīh ī hērbed xwadāy nēst
čē āwāmīg hēnd ī pādixšāyīhā kē pad was gōnag hu-ērīh nāmgānīh nē passand hamē kunēnd
wasīhā gōnag ī gētīyīhā xwārdar ud āsānīhādar ī pad nibišt barēnd wēš az ēn ī hērbed hamē dahēnd
ud abdom kas -iz nē hamē padīrēd ǰud ān ī dušdānāg druwand
u -m ān nibištag pad xwurdag nigerīd
ud abēr apassazag , ō gōwišn frazānagān ud dēn_āgāhān čē saxwan saxtag bōzišn ud nizōr nimāyišn aparwast
ēdōn saham kū nē frēstēnišn ī abar ōwōn rāh X bē samēnišn ēw ī yōǰdāsrgarān ōwōn nibišt kū tā ham sam rāy abērtar škōyīhēnd ud spurrīg andar_kār_dārišnīh ī āb ud gōmēz ud pahrēz ud rawišn ud kunišn nērang čiyōn kār passazag ō dastwarān abērtar kunānd
az -iz ān abērtar saham kū -tān hamdādestānīh xwēšīhišnīh ēn X nimāyišn kird
ka -m andar wizīr dīd ān ōwōn ī -tān nibišt ēstēd kū ǰār ēw tā yōǰdāsrgar rasēd ī ōwōn šōyēd čiyōn pad dēn paydāg ī az bē ka yōǰdāsrgar ī dēnīg astīh az -iz nērang_šnāsīh ī hērbed ī xwadāy paydāg az ham bē wizīr kār nēst ,
bē ēg -iz ōwōn nibēsišn X kirdan abēr saxtag_nigerišnīh čē az sam_padīrišnīh ī yōǰdāsrgarān ān wirāyišn abar xwēš xēmag ud rawišn paydāg kirdan was zyān adādīh škeft_handēšišnīh ī mardōmān dusrawīh ī wizīrgar aziš zāyīhēd
ud ān sam wišeg ī yōǰdāsrgarān pad any rāh hangāštan čimīgtar būd hē
ān ī -tān ēdōn nimūd čiyōn ka spurrīg ēstē pad paydāgīh hē
u -tān nibišt ēn mānāg kū ast ī az čāštag ēw ēwēnag nē šāyēd
čē ēdōn kunišn ī kāmist pad -iz čāštag ēw harw nērang andar ān kār šāyēd mānāg passāzišn ō saxwan ī zūr_pahikārdārān mānāgdar nē druyist
čē ka ast ī mēdyōmāh xūbtar az čāštag ī abarag frārāst xūb ka X harw nērang ēw pad čāštag xūb
u -š nērang nē wēš paydāg kū bōzišn frārāst pad dārišn
ōh -iz ān ī ka mēdyōmāh se_bār_šōyišnīg abarag ēw_bār_šōyišnīg guft , mēdyōmāh pasēmāl ud abarag pasēmāl
ud ān rāy paydāgīh kunišn tā ka mēdyōmāh bōxtēd
abar ān ī dādestān ī gōwišn ī abarag dārišn pad bōxtagīh
ān ī abarag guft kū dō yōǰdāsrgar ōh abāyēd mēdyōmāh -iz guft kū ēk was
az ān čiyōn -iš čāštag sōšyans hamgugāh pad ān ī -š guft ēdōn hamdādestāndar būd hēnd kū ka ēk ast ašāyēd
čiyōn , hamgugāh -iz čand dastwar paydāgēnīd bawēd xwad abarag abārīg hērbedān hamdādestān būd hēnd kū bi.vīkaiiehe kār
mēdyōmāh bōxtag nē ēd rāy kū abarag pad ēw_bār_šōyišnīg bōzišnīgdar ud kār az čāštag ī abarag kunišn bē ēw_bār_šōyišnīg az abarag ī pēšēmāl ēk , yōǰdāsrgar az mēdyōmāh ī wēš gugāh padīrišn ud rāyēnišn
ud star_hangārān -iz , estišn ī axtarān ǰast ka ān ī mihr māh az zīg ī šahriyārān None ān ī kēwān az zīg ī hindūg None ud ān ī warahrān az zīg ī ptalmayōš kunēnd estišn abēr xūb , āyēd
zūr_passāzišn anārangak abar X āwurd guft tuwān kū ēn estišn pad ǰast ud zīg ī nē šāyēd
čē agar X zīg ī šahryārān druyist az ān čiyōnīh kēwān warahrān nē az zīg kirdan nē xūb_tan
agar zīg ī hindūg rāst az ān čiyōnīh mihr māh warahrān nē az ān X zīg kird nē xūb
agar X zīg ī ptalmayōs rāst az ān čiyōnīh mihr ud māh ud kēwān [nē] az ān X zīg ē X kirdan nē xūb kē rāy pad ēč X zīg ē nē rāst
ēn sah-warzišn passāxt tuwān saxt_menišn -iz wurrawēnd bē rāstān ud dānāgān wizīn kunēnd X gōwēnd kū ēn ē estišn abēr xūb
čē ān ī pad X zīg ī šahryārān rāsttar -iz az ān [ī] X X X X šahryārān None ān [ī] pad X zīg ī ptalmayōš xūbdar ān kird estēd
ašmāh šnāsēd kū hamgōnag ān hangōšīdag ī se čāštag ī -tān nibišt abāg ēn ī -m nišānēnīd hangōšīdag kirdan handāxtan framāyēd tā awiš rōšntar wēnēd
az hučašmīh ī abar xwēš bōzišn ud tēz_wīrīh ī anuskārdag abāg āhōg abāz-nimūdārān hambarīh ī pad ān pēšēnīgān dād ōstīg framāyēd pahrēxtan
čē kē abdīh ud abardarīh ī ān X ī pēšēnīgān uskārd winnārd menīd nē šnāsēd xwad dānišn andar ān pēšēnīgān xrad nē pad ēr ud hammōzišnīg dārēd xwēš_tan_menīh wēšīh -iz ī pad xwēš ud frahang azīš paydāg xwēš_tan dādestān čiyōn framāyēd šnāxtan
ēn -iz abar dušxwār ī -tān andar nibišt tēz_kāmīh ud ruzdīh ī ō nōg dād ud nām ud ārzōg ī paygāmbarīhā dād_nihišnīh abar paydāgīhēd čiyōn ān -iz ī -tān abar gōwišn ī az se čāštag xwurdag_čīnīh abar dād ī nōg tēz_brīnīh ud kird
u -tān ruzdīh ud wadag rāy frasnātə̄e ud upasnātə̄e ul hišt pānzdah
mard ēk ī -š pas abāz ō pānzdah ī ēk ēw āwurd ud se bār ī harw bār ī ēk hāsr tā -iz ka ayābēd , yōǰdāsrgar tazēd
čiyōn ma X agar sīh frasang -iz frāy bawēd wisp , kirbag abgarīhā čahār frasang ud frāy nibišt
ud ān -iz ī ōwōn dastwarān dād ēstēd ka ō se kas pad ān ēwēnag pahikārd ayāb X ōy wināh ud tōzišn awi- -š baxšīhēd sanǰīhēnēd čiyōn ān kunišn ud tōzišn ī wināh X nūn ma agar ō hērbed X baxšīhēd
čē agar , pargast ēč kas nēst kē čiyōn abāyēd yōǰdāsrgarīh xūb kunēnd ēg ašmāh yōǰdāsrgarīh kirdan frēzwānīg būd
čē ān kār ēdōn awizīrišnīg kū ān kē abar rist kū rēman būd estēd ud ā -š star -iz ud māh ud xwaršēd ahunsandīhā padiš tābēnd
ōwōn frayādišnīg ka meh šnāyēnīdārīh ī ātaxš āb ud zamīg ud gōspand nar ahlaw ud nārīg ī ahlaw ē padiš ast
ōwōn , wuzurg arz kū yōǰdāsrīh ī tan nēst ā -š ruwān yōǰdāsrēnīdan nē tuwān
ka andar kišwar ēw mard ēw ast kē -š tuwān kirdan ān mard nē pādixšāy bē ka kunēd
pas ka ān ī abardom kirdārīh ī abar andar dēn ud ān ī pāšom āgāhīh ī az dēn ān ud [ī] mahist sālārīh ī pad dēn ōwōn hamē pahikārēd ī -tān pad -iz xwurdag ī andar nām ī sālārīh pahikārišn ud spurrīg ēg ka -tān xwad nē tuwān ē kirdan ēg -it kas pad dīd ašmāh kunišn hē kirdan
ēd kū nērang_āgāh hēd ǰud -iz az wuzurg abzārīh frāzdom dēn_āgāhīh ī -tān hamīg
az -iz ān ī -tān nērang_šnāsīhā andar harw se čāštag nibišt nibišt paydāg
ān nērangīhā ān -iz ī saxtar guft ēstēd nē ān ast ī kirdan nē šāyēd
ašmāh padiš ast ī be tuwānīg hēd ī -t pad ēč ēwēnag bē madan nē tuwān ka ēwāz_kārīhā ud āb ud gōmēz and ayābē čand se mard ayāb mard ēw padiš šāyē šustan
ēg -iz ān ī sar_dārišn , sāmān padiš nē bōzišnīg
u -tān āb gōmēz pad ān nērang ī pad harw se čāštag šāyēd yašt ud drōn_yāz ī xwēš abārīg ī andar -itān passand hēnd pad hamayārīh grift
ud yōǰdāsrgar ēw ī purr passand kird abāyist gumārdan pas ō šahr āwištan kū yōǰdāsrēnīdārīh čiyōn man framūd ud man hamē kunam passandīdagtar az ān ī abārīg yōǰdāsrgarān
čē -m āb gōmēz hamāg yašt u -m tīrēst sang čiyōn framūd ēstēd awiš abgand u -m andar se rōz ī ka kird kār framūd u -m harw pēšag se bār šust u -m harw tan ēw rāy maγ nōg ēw ārāst u -m maγ ēw padiš šust kār nē framūd u -m šustārīh ī pad yōǰdāsrgar ud harw nērang ōwōn kird ī čiyōn harw se čāštag pad wehīh guft ēstēd X
ašmāh weh ī kustag abar yōǰdāsrgarīh ī -tān X andar xwēškārīh bārestān bawēd tā kū dīdag rāyēnēnd kē -tān ahy pad šustārīh rāh ō man wišādag , tā ka -tān pad ēn ēwēnag kird hē hambāstīhā ān ī ašmāh kunišn burzīd ān ī ašmāh nibēsišn stūd hē
ēg -iš ka X nibēsēd kū ān ī čiyōn nūn None hamē kunēnd drōzišnīgar andar ast
ud man ēk wattar , dānam čē ēn šōyišn ud pēšag yōǰdāsrēnīdārīh ī čiyōn az dēn paydāg ud dastwar čāštag ud pōryōtkēšān ī passandišnīg andar kār dāštan az mayān abar dārēd
ān xwad šnāsēd kū andar ohrmazd hammist , weh dāmān čiyōn ērixtag pad čašm ī wehān dānāgān čiyōn anāg wāy , padišnāsēnīg
u -tān saxwan ān abar bawēd ī čiyōn ud gāzar ēw rāy gōwēnd kū ǰāmag ēw awi- -š dād kū -š ālūd padiš pāk bē šōy
ōy ǰāmag grift abar , ātaxš nihād sōxt
u -š guft kū -m ālūd anālūdīh harw dō abāz wizārd
hangird agar wizīr az dād ī zarduxšt ēdōn wizīrēnēd čiyōn -iš guft ud agar nē az ān hamē kunēd abestāg čāštag ō mayān ma āwarēd
čē pānzdah bār ī -tān nibišt ud agar az dēn ī zarduxšt ā -š pānzdah bār ī ulīg ud pānzdah bār ī frōdēn ud ēk ī frārāst guft
agar az nihād xīr ēw ēg -iš ēn ēč nē hamē abāyēd
čē mar ēw be zanēd ān ī pad , angust frāz gīrēd ud pāk ayāb zard ēw ī zargōn be zanēd pāk ayāb gēk ē be zanēd pāk
bē nē pāk ēw yōǰdāsr bē X dēw ēw pāk
u -m ēn -iz abēr škeft kū ka -tān ēn nē āmārēnīd kū ka yōǰdāsrgar nē hē ayābihē ēg -iš xwad ud abāyē kirdan
ēg -itān ēn dānišn čiyōn ayāft kē -tān padiš āgāhī mad kū hamāg yōǰdāsrgarān ī ērānšahr yōǰdāsrgarīh čiyōn hamē kunēnd
ka čiyōn man saham ēg -itān rāyēnišn ī xānag kadag_xwadāy ī xwēš bowandag āgāhī nēst ēg -itān wizōyišn , āmār āgāhīh ī X abar hamāg yōǰdāsrgarān ī ērānšahr čiyōn , be ayābīhist
agar -itān ān frēzwānīgtar be hišt u -tān wizōyišn āmār abar ān ī hamāg kišwar kird nē dēn_framānīhā ud druwist_xradīhā agar -itān čiyōn šōyišnīh ī yōǰdāsrgarān [ī] ērānšahr bowandag ō dānišn nē mad ēstēd čiyōn ka -šān nām -iz marag nē dānēd ēwar kū -šān xēm ud xōg kunišn kam -iz šnāxtan
ēg -itān čim wizīrēnīdan abāyist kū pad ērānšahr hamāg yōǰdādgar ōwōn hamē šōyēnd čiyōn pad nē šahist paydāg az čē ēwarīh be guft nibišt
agar ēn ī -tān guft dānišn ēw ī sūd_abgār ēg -itān az man pad nihān dāštan , čim rāy abāyist
ka ēdōn saham kū agar -itān dānišn ēw druwist ayāft hē ēg -itān pad fradom meh ī az harw kē āwām bē ō man āhuftan niyābag būd hē
agar -itān ēn wizīr pēš ēdōn sahist andar ka pad pārs ud ēd ka pad sīrgān būd hēd abāg dēn_āgāhān dānāgān dastwarān nē uskārd nē āhuft
čē agar -itān pēš nē šnāxt ēg -itān pad saraxs sarāz kadām frazānag ud dēn_āgāh ayāft kē -š abar rōšnēnīd hēd
agar -itān pēš uskārišnīg andar nigerišn handāzišn būd [u] [-tān] [xūbtar] [handāxtan] [rāy] [abar_pād] [kird] [ēg] [-itān] pad sarāz kadām dastwar ayāft ī -tān ka abāg ōy uskārd būd pad spurrīg xwad tan pad bōzišn az uskār ī abāg man abārīg mowān ud dastwarān wizīrišnīg dāšt
agar -itān andar pārs škand ī az man rāy nē wizīrēnīd ān ka xwad šnāsēd kū man xwēš_tan andar ašmāh nē -iz pad pāyag ī hašāgirdīh bē pad ān ī bandagīh mānāg dāšt
u -m madan ī ašmāh rāy hambār -iz ī zyān tars ī ī -tān ō xwēš handōxt pad nibišt kird xwēš_tan andar wīdwarēnīd ēstēd
ān agar -itān dēn_bōzišnīhā bē ō man nimūd hē ēg -im ōstīgānīhā padīrift ud rāyēnīd hē
agar -itān hamayārīh ī man rāy ān ī dādīg wizīr rawāgēnīd hangirdtar -iz būd hē
ud agar nimāyišn ī dēnīg padiš bōzišnīg druyist ēg -itān ō man nimūdan kam_ranǰtar būd hē kū ō abārīg kē az wizīr paydāgīh ī dēn āgāhīh ī kam
agar ǰuttarīh ēw andar būd hē ēg -itān pāsox ī druwist az man abērtar mad hē
ud agar šnāsēd kū pad paydāgīh ī pad dēn ō man nimūdan nē šāyēd ān bōzišn ī paydāgēnidan nē šāyēd pad -iz abārīg ud gyāg ōwōn nē wizīrēnišn
ud čiyōn pad -iz pārs agar -itān pad sīrgān ān rāy nē wizīrēnīd ka -tān šnāxt kū -tān aziš nē padīrēnd ān -itān dānist abāyist kū -tān pad nimūdārīh was X , winnārdan nē tuwān
agar -itān nūn čim menīd ka az sarāz pad nibēg zišt windišn § ud bōzišn ēw ī škastag be nibēsēd rawāg bawēd āhōg_wigrās ī ēn dar was
az- -iš ēk druxt_paštīh ī abāg man
čē , šnāsēd kū -tān čiyōn sōgandīg az man padīrift kū ō paǰasāhi zarduxšt ud nē šawēd u -š abāg nē kōxšēd hamēmālīh nōg_dādīh nē tuxšēd , mēnōy gētī anāgīh nē abzāyēd čē hambār ī ruwān warzēd
u -t pad abāz_waštag ān kird ī -m aziš nišēb ī gyān
čē dahīg ka nē_rāstīhā ī ud wizīr rāy rēš ī ruwān frārāst
ud bē agar -iz rāst , bōzišnīg hē ēg -iz guft duš_āgāhīh xwad wizūdārīhā hē
čē -m nē gumānāg bē agar ǰahišnīg saxtag dānišn ud ē_čand ī ān -iz -šān andar wēnišn hē
u -šān pad was_gōwišnīh ī čiyōn vīsariš ud was_ranǰīh ī čiyōn ǰān_kanišnīh hamē nimāyēh
ēnyā andar ērānšahr harw gyāg kū ēn āgāhīh be rasēd ēg -it pad ahlomōγ ud dēn_dušmen dārēnd
u -tān pad ēn waranīg_kārīh was spāh andar šahrān kē xwēš āyēbēnīd ud ō ādurbād paywast
čē tā -iz wāspuhragāntom šustārān sīragān kē -šān pad frāxīh ī az amahrspandān hamē menīd hē pad ēn § § abāg hamēmālān guft hamgugāh
ud ōwōn wašt hēnd , [ī] [-šān] [nām] [ī] [ašmāh] [bē] [az] [hērbed] [ī] [nibišt]
[u] [-šān] [ō] [man] [nibišt] kū ēn garāntom wizend tō čārag abāyēd xwāst
ud nē šnasēm tis ēw ī pad škorwišn ī ašmāh ud nērōg ī hamēstār spurrīgtar az ēn rāh ī -t grift
u -m ān -iz rāy abar dušxwārtar ka bun ēn škefišn burz X paywehag ī -š aziš šāyēd būd harw āgāh ham
ašmāh ēdōn hamē nigerēd čiyōn nē pas_ayād ud nē pēš_wēn bē zamānīg nigerišn
ān -iz pad xwahlgen hangōšīdag ān kē pad frāz xwist_čašmīh nigerēd
u -š was gōn wahāg ō wēnišn ī čašm handēmānīhēd
ēč nēst
ud agar -iš xrad nē wizēngar škeftīhā padiš frēbīhēd
ud ast -iz ī ka dō māh ast -iš gōwēd , padiš drāytar būd
§ -m abēr garān taxl ud dušxwār ka man kē rāmēnīdārīh āsāngarīh ī ašmāh rāy tan -iz gyān bē ō škeft puhl abespārd ud taftīg_menišnīhā wurrawam dād
u -m apardazišnīh rāy āgāhīh -iz ī drōd_pursišnīg āgāhīh dāšnīg_menišnīhā wurrawam dād
u -m apardazišnīh rāy āgāh ud sūd ud zyānīg_dil
u -šān nibištan aziš pargūdag
ēg -im kē pad apardazišnīh and nibēsišn ī āzārdārīh ī bēšīdārīhā ī padīrag_pahikārīhā bē ō ašmāh hamē abāyēd nibištan ī -š frazām nē handāsišn andar dil ī man ast
ka pad hangām nibēsam xūbtar ēd framāyēd šnāxtan kū abāg -iz ōstīgān_mihrīh ud čihrīg ēr_menišnīh ī man pas -iz ān ī ka -m ašmāh frāy az rāh ī brādarīh ud abartar -iz az pid ud rad ud sālār xwadāy dastwar dāšt hēd
u -m tan ǰān nām ud rāmišn , nē mihr ī čihrag bē gāh ī dēn framān ī yazadān
ān rāy ka abēzag_dēnīh frazānag_dānišnīh ačaftišnīg rāstīh ī ōwōn aziš dīd hēd ī -m dil gugāhīhist kū pad -iz noit̰ astača , spitāmān zarduxšt guft ōstīgān hēd
ud az ān čiyōn -im ō dēn wašt kē -t parwānag ī ō ān ī pahlom axw ast mahist pānag ārāstār ašmāh šnāxt hēd ān -im menīd pad ēmēd ī ān ī abartom pādāšn hamāg tars ī āwāmīh widāram ud gāh ī ān dēn dād kē -m ān rāy ašmāh ōwōn pad abartarīh menīd hēd
ud agar pargast az ašmāh ayāb any kas hamēstārīh ī hamdēn ud kastārīh ī ud wišuftārīh ī dād pēšag wēnam padīrag_ēstišn ī ud hamēstārīh ud ōwōn ōstīgān kunam čiyōn -im zrēh ēr_tanīh ud rāmēnīdārīh ī hērbed ī xwadāy kird ,
u -tān , abēgumānīhā frārāst ēd bawēd kū agar az ēn wizīr ī nē bōzišnīg bē nē wardēd bē ud agar az ērānšahr bērōn bawam ēnyā -tān mahist hampahikār bawam
ud ēdōn saham kū az hamēstārīh ī man abar ašmāh zyān wēš šāyēd būd kū az was hamēmāl ī čiyōn hudēnān pēšōbāy was None ī čiyōn hamnām ī man
ud az -iz bē_šud ī man ud nē_būd ī -tān ayār ēw ī čiyōn man ziyān ī ašmāh nē kam šāyēd būd kū ān ī az was hamēmāl kē -šān man ast ī abāz-dāštār ham
ēd dānēd kū man mihr dōšāram ī kas ud āzarm ī kas rāy
az warzišn ī dēn nē čaftom ud gāh ī dēn rāy ō ēč kas petyārdār bawam
ka -iz -im dōšihist dōst bawēd ēg -iš hampahikār bawam
zīg meh taxšn rāstīh hangām ī gyān rōšn ayāft
ēn -iz ān šnāxtan tuwān ī -m pad andarg pad nibištag bē ō wehān ī sīrgān nibišt čiyōn ma agar -itān paččēn ēw frēstēnd
u -m ān ēwēnag nibēsišn nazd ō kas kunišn mānāg būd ō , darrišn ud darrēnišn ī xwēš hannām ud abar_barišnīh ī ān darmān rāy ān ī sōzāg dardgar dārūn
kē dēnīg ī -iš čārag az ōstīgān estādan tā pad ān ī dēn framān
[ā] [-m] ēn nāmag ī apardazišnīh ēw ī abēr was ud čiyōn menišnīh ēw ī abēr garān hamčiyōn -im azd ī abar ham dar mad abēr widangīg nibišt
ud hampay ī ēn nāmag mard ī xwēš abāg nāmag ī gugānīgtar ud [dagrīhātar] [ud] [pahikārišnīgtar] [frēstam]
[ka] [-šān] [abāyēd] [xwad] [-iz] [andar] čārag_xwāhīh ; ī abar ān ham kū kārīhā hāmōyēn ōwōn winnāram ī -m se_māhag ē pardāxt tuwān xwad ō [kū] ašmāh hēd āyam
ud ān ī passazag_wizīrīh abāz wirāyīhēd None ka -šān abāyēd ,
ašmāh nūn -iz passāzišn ī soxanān ī tuwān padiš hamnišīdār ud tēz_wirāstār būd ud čand pēšist rōšnīhā ud wizard abar wardēnīdan ī ān wizīr čim kē rāy -itān pad meh_dādestānīh_sahišnīh sahišnīh nibišt
bē šnāxt ī -tān sazāgīhā ud nē_wardēnīdan ; ī ān ī abestāg nērangīhā yōǰdāsrgarīhā frārāst , nibištan ud abar yōǰdāsrgarān kār ī yōǰdāsrgarīh čiyōn pad kirdan ī wehān andar āmad pad čāštag ī dastwarān šahistagīh paydāg
čand šāyēd xūbtar kirdan pēš pad wehīh tuxšīdan
abar -iz dād ī pānzdah bār wardēnīdan čiyōn ērān rāy kē yōǰdāsrgar ayābišn hēnd bē yōǰdāsrgarān ayābišnān rāy framūd estēd andar ērān dehān , kū yōǰdāsrgarān ast ō kardag nē kird rāy framān dād
abārīg ī -tān waxr nibišt pad padīrīh abāz wirāstan nāmag pad , pēšīh ō sīrgān ud sīrāz abārīg kū -tān wizīr kird , ēdōn nibištan ī wināhišn ī būd abāz wirāyīhēd
čē agar ašmāh pargast ēn raft ī nōg winnārd aziš bē nē wardēd pad padīragīh bēšāzēnīdārīh abāz nē rawēd ēn abārīg -iz čiyōn -it nūn § rasīdag bē nē hilēd pas frazendān xwēš grāmīgān ī dōšist kē dānam X kū -šān ašmāh srāyēnēd ud pad pānagīh nē čēhēd ašmāh X hamēmāl hē
ān man pad apanāhīh asālārīh pad panāh ud sālār pad yazadān abestāmīh hišt
ādurān ātaxšān kē rāyēnīdār pāsbān pānag ī čiyōn man ma agar ēdōn zūd nē ayābēnd pad xwad pāsbānīh ud sālārīh abāz , ō mān sirāz ī kirdan
ud xwad az ērān dehān ēwarzīdan ō dūrtar kišwar kū sraw ī abar wad_kird ī ašmāh nē ašnawam franāftan
andar xwēškārīh čē -m hil pad āb bē ō čīn None ayāb pad būm bē ō hrōm franāftan bē -m pad wāy ō abargar uzīd abēr kāmagtar kū ka ānōh bawam kū ašmāh rāy az -išān stāyišn ān ašnawam ī -m pāsox ul ayāft rāy ēg -im margīh hāwand
u -m abar_wārag [ī] ān andarg_pahikārīh frēzwānīhēd ī čiyōn kē abāg xwēš gyān kōxšēd
ud X ēn -iz ēd framāyēd uzwārd kū rēmanān ī ērān X dehān ka any šustār nē ayābēnd ēg -išān pad be šustan rāh ō ašmāh kē nērang_šnās ud šōyišn_tuwānīg hēd frāztom_āgāh ī dēnīgān hēd
tā ka ašmāh pix_šustārīh huayārīh rāh dil_gišnīg nāmag hamāg -iz ān ī awēšān wināh ašmāh ō xwēš X , baxšēd ī -šān pas rāh ēdōn ō šōyišn ī paṇcadasa , ān hangām abar-wārag ān wināh be hilēnd ī upasnātə̄e rāy nōg_waxšīdārīh wināhgārīh ōy xwēš kē -šān ān dād nihād ,
u -tān gōšt dahmān rāstīhā ī -m wihānag rāy ān abar hamē gōwēnd čiyōn -išān bē ō hērbed ēw guft kū -t čē rāy § gāušdāg frāmōš nē būd
u -t ēsm ud bōy ān rāy ka be xward nē šāyēd be framušt
u -tān tis hangōšīdag hamē gōwēnd kū čiyōn ka bahr ī sālārīh ēdōn abāy_mānīdīhā hamē xwāhišn kū tā -iz xwurdagān xwurdag ī ast mayānag ēw ī az nām ī pēšōbāyīh tā dastwarīh ī -š bē nām ēw ī sādag dēnīgān nē rawāzišn ēč tis andar nēst
ōwōn sāxtan pahikār ēw pad kār ī ō sālārīh kunēd
ōwōn xwār_bār hē kū ān ī abartom kār ī xwad yōǰdāsrēnīdārīh xwad ud kirdan ayāb hammōzēnīd ayāb uzēnag az šahr xwāst ī rawāgēnīd
abāz_āhang hē ānāftan ēdōn ruzdīhā hamē wizīrēnē
u -m ēn društīha hamāg ān rāy nibišt X čē ān ī any kas pad duš_homānāgīh ōwōn padīrag ārāyēd ud gōwēd ī wirāst kam šāyēd
ka hangāmīg ud X āfrāhīg dōstīhā ud burādarīhā nibēsam pad wirāstārīh framāyēd tuxšīd čimīgtar kū bahr abar bahr ēdōn uzīhēd
pad hukahwanīh meh_dād ī pas wirāstan duš_čār
ud pad ān hangārišn kū -šān az se_čāštagīh parwastan nimūd xwad pad rāst_hangāmīh xrad_uzwārīg nigerēd xwad dānēd kū nē čimīg ud pēš tis
ǰudwurrrawišnān ī sardag sardag was xānag_wiškinn ī škeft pad -iz passāzišn nimāyišn ī gōwišn ī , dastwarān abar ēn dar abar dōnānīh abar -iz yazišngarīh ud abar xwad dēn passāxtan
ašmāh dānāgīhā bōzišn ī hamdēn pēšag ārang ǰudristagān ān nibišt ī frārāst kū -tān nūn -iz ayād padīrag xwad ud xwēš ārāst dānēd
duš_kāmagān ēn -iz gōwēnd kū agar ān rāy kū yōǰdāsrgarān yōǰdādrgarīh ēdōn nē hamē kunēnd ī pad harw se čāštag ayāb harw nērang ī pad čāštag ēw šāyēd yōǰdāsrgarān yōǰdāsrgarīh be abāyēd hišt
pas abar dōnānīh yazišngarīh wasīhā ēn ī čiyōn ēn šāyēd guft
abar čiyōn šāyēd guft kū ka hudēnān nē ēdōn hamē rawēnd čiyōn pad abestāg zand , čāštag guft ēstēd pas dēn be abāyēd hišt
ud abārīg was saxwan ī im mānāg tis be zāyīhēd
ud ān ī ādurbād nišānag az ašmāh nāmēnīd ēstēd
pad ēn čim andar menišn ī mardōmān abarīhēd
u -m andar tund awištāb ēn and nibišt bowandag saham
u -tān hamēyīgīhā drōd ud harw farroxīh mehmānīhā padiš pattāyišnīg winnārišnīg bawēd
pad garān dard dušxwārag andōh bēš ud zarīg ud tēmār ud čēhag mānuščihr ǰuwān_ǰamān ī pārs ud kirmān āsrōnān pēšag framādār nibišt
andar šnāyišn ud spās ud āfrīn ī dādār ohrmazd ud amahrspandān hamāg yazadān ī mēnōyān ud yazadān ī gētīyān hamāg frawahr ī ašō’ān namāz ō rad ī buland az dādār ohrmazd ud aštag aštagtom spitamān zarduxšt
xwāyišnīg windišnīg az tis ahlāyīh
meh ud weh ud pāšom zarduxšt
ēk ast rāh [ī] ahlāyīh [ud] [abārīg] [ān] [ī] [ǰudrāh] [ī] wisp any ān ē ahlāyīh
nām ī yazadān
paččēn ī wišādag ī hērbed xwadāy manuščihr ī ǰuwān_čimān garān wināhīh ī nē_šāyist ī šōyišn ī pad pānzdah bār X ī
nām ī yazadān
man manuščihrān ī ǰuwānǰamān pārs kermān rad be ō ašnawišn mad kū pad ast kustag ī ērānšahr awēšān kē nasā any rēmanīh ōwōn čiyōn andar any pēšag_šōyišnīh wizīrēnīd ēstēd pānzdah bār pad gōmēz ī ēk bār pad āb hamē šōyēnd xwēš_tan pad pāk hamē dārēnd ud ō āb ātaxš ud pādyābīh X barsom pādyābīh hamē šawēnd
ēdōn hamē gōwēnd kū zādspram ǰuwānǰamān ēn ēwēnag šōyišn framūd
dastwarān dād , abēr škeft , garān ō ēn ī man sahišn ud grift ud passand ud āwāzag sahist
u -m niyābag ī dāštan āgāhīhā ī hudēnān ī kustagīhā ī ērānšahr ōstīgēnēnīdārīh ī -š abar šōyišn ī pad baršnūm rāy xwēš sahišn pad -iz nibištag hangirdīg rōšnēnīdan
u -m pēš -iz abar frēzwānīgīh ī baršnūm čand paččēn ōwōn ī nibištag āwišt čiyōn ō āgāhān rōšn
nōgīhā -iz nibēsam kū man az dēn ud wizīr dastwarān čāštagīhā pōryōtkēšān kardag āgāhīh sahišn ōwōn kū šōyišn ī az rēmanān az āb rēmanīh pad nasā(?) ud any gētīyīg paywēšagīh dahēnd
ān ī ast ī pad xwarrah ī , amaragān āšnāg baršnūm pad pēšag -iz xwānīhēd ka nērang ī ēwēnīhā pādan tan az paywēšag asar ī gētīyīg pāk kunēnd ast andar nō mag(a)k ud kiš pad yaštan -iz gōmēz ud āb ud abārīg abzār ud nērang ī čiyōn andar dēn čāštag paydāg
ud nūn -iz yōǰdahrgarān ī čiyōn azēr , nibēsīhēd pad kardag dārēnd
šōyišn ka ēdōn šōyēnd čiyōn pad gōwišn ī se čāštag ī pad [mēdyōmāhīg] [abaragīg] [sōšānsīg] āšnāg ayāb gōwišn ī ēk az ān se čāštag ayāb pad gōwišn ī ēk az dastwarān ī ān se čāštag pad šāyistīh , paydāg ayāb pad kardag ī pōryōtkēšān ī ham ān se čāštagīhā andar -am āmad ēstēd
hamāgīhā passandišnīg ī bōzišn saham ān ēwēnag šōyišn pad baršnūm ī dādīhā ān ēwēnag šustār pad yōǰdahrgar ī passandišnīg dāram
ud har ēwēnag rēmanān ī čiyōn nibišt kē pad čegāmiz , frēzwānīg čārag yōǰdahrgar ī čiyōn nibišt kē nūn -iz šahr šahr gyāg gyāg gumārd passandīd ēstēnd ayāft pad baršnūm čiyōn nibišt šust tuwān
ēg -išān šōyišnīh pānzdah bār pad ēč ēwēnag nē bōzišn
u -šān tēzīhā pad baršnūm ī čiyōn nibišt šust frēzwānīg
az ham ēwēnag šōyišn ī pad , baršnūm ī čiyōn menīhēd āb ud ātaxš ud abārīg ī pahrēzišn ī nē kirdan , adastwarīhā garān wināhīhā
ka ham šōyišn ī pad any šōyišn ī ǰud az baršnūm rāy xwēš tan pad pāk dārēnd garān wināhīhādar
čiyōn ka pad baršnūm čiyōn nibišt nē šōyēnd pad pānzdah bār ī čiyōn nibišt ayāb kadām -iz ēw šōyišn ī ǰud az baršnūm X X X X X X X X X X X X X X X X X X X X X X X X X X X X X X ī čiyōn nibišt šōyēnd az ān rēmanīh ī pad pēšag_šōyišn ī wizīrēnīd ēstēd pāk nē bawēnd
ka bē az ačārīh meh_dādestānīh be ō āb ātaxš šawēnd wināh garān
ka ō paymān ī barsom pādyābīh šawēnd apādyāb
āgāhīhā yazišn ī padiš kirdan nē dastwarīhā
ud ham ēwēnag rēmanān kē pad ēč frēzwānīg čārag pad baršnūm ī čiyōn nibišt šōyišn nē tuwān abar ān kū čiyōn čārag ī padiš ayābēm pad baršnūm ī čiyōn nibišt šōyam menišn ōstīgān dāštan madan ō čār pad baršnūm ī čiyōn nibišt šōyam frēzwānīg
hangird baršnūm ī čiyōn nibišt dād ast ī -iz awizīrišnīg az bun ī frahīd kirbag
ud yōǰdahrgarīh ī tan ruwān awiš paywastag
awēšān pōryōtkēšān ī pēšēnīgān winnārd nimāyēnīd kē -šān gāh abar amāh pasēnīgān ī nūnēn ī axwīhā ud hammōzgārīhā xwadāyīhā -iz amāh andar awēšān , pāyag hašāgirdīhā ud radīhīhā ud niyōxšīdārīhā bandagīhā
abar ham ud abārīg -iz dādestān kirdan dāštan ī awēšān pōryōtkēšān kird čāšišn ī ēk -iz az awēšān , dastwarān meh abardar az ān ī amāh gōwišn ud wizīr
ud harw ast ristag ī , andar ērānšahr abar bē abgand ī baršnūm ī čiyōn -am nibišt abar -iz hamāg rēmanān ī čiyōn nibišt kē pad čegāmiz ēw frēzwānīg čārag pad baršnūm ī čiyōn -am nibišt , šust tuwān , pad baršnūm ī čiyōn -am [nibišt] nē šōyēd ud pad pānzdah bār ī čiyōn -am nibišt šust framūd pad pāk wizīrēnīd ud pad dād nihād pad kirdan rāyēnīd
agar zādspram ayāb any kas pad nām ī dastwarīh kirdan framūd guft ayāb wizīrēnīd pad dād nihād rawāg kird u -š padiš dastwarīhā dād , X , sahišn ud wizīrkird ī man ēn kū hamgōwišn anēwēnag hamframān , adādīhā hamwizīr drō_čāšišnīh ud hamdād abārōn kām rawāg_garīh garān_wināhīhā
ud ham dastwarīh nē padīrišn kār az -iš nē kunišn
kē -š kird aziš tēz petīt bawišn
ud ān kē andar ērānšahr pad nām ī dastwarīh hamāg čāragōmand ī rēmanān ī čiyōn nibišt rāy [ān] ēwēnag šōyišn wizīrēnīd ān ēwēnag dād , nihād pad ahlomōγ margarzān hangārišn
ēdōn ka -š andar kāmagōmandīh bē az bīm ačārīh ān ēwēnag wizīrēnīd ān ēwēnagīh dād nihād čiyōn nibišt rēman_būd pānzdah bār pad gōmēz X ēk [bār] pad āb ayāb any kadāmagān -iz ēwēnag ī ǰud az baršnūm ī čiyōn -im nibišt šust u -š pad čegāmiz frēzwānīg čārag pad baršnūm ī čiyōn nibišt šust tuwān ēg -iš kird patitīh andar nō maγ pad baršnūm ī čiyōn -im nibišt abāz šōyišn
tā abāz šust ī , čiyōn -im nibišt ō āb ud ātaxš paymān ī pādyābīh nē šawišn
u -m ēn nāmag āgāh_bawišnīh ī kadāmagān -iz hudēnān ī ērānšahr framān ī dēn sahišn grift , passand ī man mānuščihr ǰuwānǰamān rāy pad xwēš nibēg X X X {nibišt} {čand07} , paččēnīhā āwišt māh hordad ī pērōzgar ī sāl dwēsad_ud_panǰāh ī yazdgird andar yazadān abestāmīh , ud spāsdārīh ,
namāz ō rad buland kē dādār ohrmazd ud aštag ašōtom , yašt_frawahr spitāmān zarduxšt X
az xwāhišnān windišnān tis ēw ahlāyīh meh weh pāšom , ast X zarduxšt
ēk ast rāh ī pāšom ahlāyīh kē rāh ī pōryōtkēšān
wisp ān ē any abāz waštag arāhīh , ,
āftābā bār e digar xāne rā por nur kun dustān rā šād_gardān došmenān rā kur kon
gar kas -i benahad qadam z īn xāne bī nām e xodā
zīnhār az zāhed e šab_zendedār andiše kon None pašše az šab_zendedārī xūn e mardom mixorad
guš e u rā por magas kon None čašm e u rā mur kon None
§