Sections

1.0
pursišnīhā čand dar ī mihrxwaršēd ī ādurmahān az anōšagruwān mānuščihr ǰuwānǰamān kird ud abārīg hudēnān az =iš passox gōwizārēnīd ,
2.0
pad nām ud nērōg ayārīh dādār ohrmazd wispān ud yazadān hamāg yazadān ī mēnōyān ud yazadān ī gētīyān ud hamāg dām ud dahišn ī ohrmazd ō dahišn xwēš wāspuhragānīg wuspurrwindēnīd
3.0
hudēnān ī ēd pursīdārān az stāyišnīg nērōg ī čihr ud zōr ī ǰawāhir ud daxšag ī xrad ud nišān ī hunar ud kē =z xradxwāyišnīh , ud kirbaguskārišnīhā ud dēnīgwizōyišnīhā pursišn paydāg az mānuščihr ī ǰuwānǰamān āfrīn
4.0
passox ēd kū čē =tān purrdōšāramīhā ud wuzurgabardomīhā andar ēd pursišnīg , , , , nāmag ōh āfrīnēnīd čand =itān āfrīnēnīd čiyōn =itān āfrīnēnīd purrpaymānīhā bowandagabzōnpadēxīhā ; ō =z ašmāh hamist ud hampaywandān ǰud , pad xwēš niyābag spurr rasād
5.0
ud dagr pattāyād ud ō nēkfrazāmīh paywandīhād ān ī =tān framūd nibištan abar ayāsišn ī ō hamwēnišnīh ud hampursagīh ī man ud mihrbānīh ud dēndōstīh xwad
6.0
amāh ī , hamist kē yazadān bandag ud pad kōxšišn ī druz hamspāh pad āstawānīh ī abar wehdēn ī mazdēsn hamēstišn pad ēk ān ī ahlāyīh rāh hamtuxšišn ō gāh ī andar ān ī pāšom axwān hamārzōg pad hāzišn ī ō ān ī pāšom axwān frašegird hamēmēd ham ān =imān X hamwēnišnīh ud hampursagīh čimīg az =iš šud
7.0
ud ān =iz ī dēn nigēzēd kū kē abāg ōy ī dānāg ud ahlaw pad hamwēnišnīh ud hampursagīh nazdīk ēg =iš kirbag ī ahy waxšišnīgtar
8.0
ud stāyišn ī =tān man rāy wēš az sāmān meh pāyag framūd nibišt ud čim mādayān purrdōstīh nigerišn ī pad hučašmīh u =m pad =iš rāh ī ō spāsdārīh
9.0
ān ī =tān pad dānistan ud šnāxtan rāh bē ō enyā ō any kas nē būd framūd nibišt az ašmāh dōšāramīh ud ōrōn hučašmīh bē mādagwarīh ī rāstīh rāy čimīg
10.0
nigerišnīhatar ō =z abārīg mēnōymardān pad hunar ī =šān bowandagmenīdārīhātar sazēd nibištan ,
11.0
čē abāg =iz škeft kōxšīdārīh ī druz garān wišōbišn ud zūrīh ī ō dēnīgān mad ēstēd pas =iz pad yazadān xwābarīh nūn =iz radān mowbedān ud dastwarān ud dādwarān ud abārīg =iz dēnīgan ud dēnīgbedān ī kustag kustag any =iz hērbedān mēnōymardān ōšmurdmānsr ī dranǰēnīdzand uskārddādestān ī āgāhdēn ī nimūdārčim ī wizīdārkirbag pad čand gyāg hēnd kē pad =iz ōwōn dādestān šnāxtan dānistan rāy awiš X šādag ,
12.0
ān ī =tān kāmag abāyistan xwašmenišnīh az ān ī man ud abar būd framūd nibištan ham nišān ī dōstīh hučašmīh
13.0
u =t az yazadān ham paymān dōstīh ud hučašmīh xwēš bawēd
14.0
ān ī =tān andar wēš dōstīh stāyīdārīh ud frāybūdīhā man rāy pad kišwar dastwarīh , ud ēkīh ī bē dudīgarīh ud tāgīh X , čē ham sāmān framūd nibištan agar ōh =iz ašmāh dōstīh rāy nibišt pas=iz man dušxwār , sahist az ēd ōwōn stāyišn
15.0
agar andar ēn zamānag ud šahr X šnāxtag ud āšnāg abar kas agar pad ōy ī dagr wurrōyišnīh dēnpēšōbāy pāzag man xwēš rāy nē ābrōyīg dāram ka ān stāyišn ī sālār =imān ēwāzīg hāzag abar man srawāgīhēd nē =z rāmišnīg , bawam ka =m meh ī az xwēš sālār nāmēnēnd
16.0
čē =m stāyišn ān kāmag ī pad xwēš pāyag ud tāyag wimand
17.0
u =m ābrōyīg sahēd ud ērīh ī andar xwēš ud abarīg hāwandmehīh abar kehān
18.0
ān ī =tān wistāxīhā wistāxgarīhā abar drāz nibišt ī pursišn ēn =iz nimūd kū pāsox pad hangām nibēsam ī =m andar pardazišn bawēd
19.0
ān ašmāh pad hučihrpursišnīh wistāxīh čimīgtar abar gugānīgpassoxīh ud spōzazgāhīh kām taftīg čē spōz ayāb abowandagīhāpāyišnīh handāzīhēd
20.0
ud az ān ī škeft kōxšišnīh ī druz rāy awištāb wizōyišnīgmenišnīh None ud az ān ī awizīrišnīg frēzwānīg X kār kam pardazišnīh ast
21.0
, abar pāyišn ī hangām ī pardazišn ī =mān X zamān dād ēstān andar hamāg paydāgēnīd ǰud =iz az hučašmīh ī dōstīhā ud wēšišn ī āgāhīhā ī =tān az ān ī man kampardazišnīh az =iš paydāg
22.0
u =m ēn =iz wistāxīh ast kū =tān pursišn dēnīgwurrawišnīhā dēnīgwizīrabāyišnīgīhā nibišt
23.0
andar pāyišn čimpaydāgīh ī az dēn was ō nimāyišn ī pad dānāgīh aniyāz nimūdār ēwēnag abarxwāyišnīh abēbīm
24.0
ud ham nāmag andar māh tīr pad gōr ōwōn mad ka xwāstārīh ī az šāhīgān pad sesālag ud bahr ī sālag ī hudēnān mustfrāxāyišnīh ī pad =iš awizīrišnīg ud čārakkarīh ī =m čand ādūgīh abar ān must ud sepōzišnīh frēzwānīgtar
25.0
ud čār ī abar bōxtārīh ī ud frayādišn ī hāwištān čand wihān ī handāxt ēstād rāy man ō xūbīhā nigerīd ī ham pursišn nē ayāft tā māh šahrewar ī ka ō širāz āmad ham u =m hangām hangām hangām andak ud pardazišn būd u =m ham pursišn nigerīd
26.0
ud ka =m hamǰādagīhā nibēsišnīh dīd ēg =im pursišn dar dar ǰudāg ud wizīhāgīhātar kirdan čimīgtar sahist
27.0
u =m ō dibīr =ēw dād pursišn pad ham paččēn ī =tān framūd nibištan dar dar harw pursišn =ēw pad dar =ēw nibišt ud hangirdēnīd
28.0
čand u =m az dēnāgāhīh None u =m pad ōš ayādīh None , ud az pēšēnīgān dastwarīh None ud pad xrad sahišn ast pāsox azēr ī pursišn nibišt kāmam
29.0
ka čiyōn pursēd tis andar nēst ī ān rāy ǰuttar ōwōn saham čiyōn nibēsam az ān ī čiyōn ān ī amāh āgāhīhā az ān pēšēnīgān dastwarān kē weh ud dānāgtar ud axw ud rad ud dastwar ī amāh būd hēnd
30.0
āgenēn ǰuddādestānīh būd ān man ka =z wizīr ī abar ham dar ēdōn čiyōn =imān dastwarān ī =mān ud dūdag pad mādagwar dāšt nibišt
31.0
pas =iz abar gōwišn ī ān dastwar kē any ēwēnag ēč ǰuddādestānīh nēst ud agar ast ī =m sahišn ō šnāyišn ī drust rāy ayāft az mard ī dēnāgāh kē šnāsēd kē āgāhīhā wirāst pad spās dār
32.0
ud mādayān ud rāstīh pēšēnīg ud dastwarān gōwišn ān čē pad čim andar pāyišn None ēd čē pad rōšngarīh ī wizīr , nibišt
33.0
agar ēdōn ī čim rāy bowandag None ayāb wizīr rāy rōšn nē wēnīhēd , nē pargast az abowandagīh ī dēn wizīr pad rōšnīhānimūdārīh ud druyistčimīh bē az abowandag madārīh ī amāh ō šnāyišn ī ān dēn X nigēzag pargūd az ōšīh ī ān =iz ī =mān xwāst , āgāhīhā padisā awištāftag menišnīh ī az āwām sezdēnīh
34.0
ōh =iz nūn ǰud az čihrag dānišn , baxšišnīh ī weh menišn mānsr wizārišnīg ud nigēzišn ī dēn rōšntar nimāyišn ī abar dēnīg , warzišn az dō bun abērtar az =iš paydāgīhēd
35.0
ud ēk az mādayān ī nimūdārīh ī āsnxrad dēnpēšōbāy
36.0
ud ēk ī mādayāntar nihādan tag ī hufraward pēšēnīg pēšēnīgān ī pēšōbāyān ī meh pōryōtkēšān
37.0
az ān čiyōn ān ī awēšān nibēgān ī abar čimnimāyišnīh zofrīh bārīksaxwanīh rāy ō =z bārīkwēnišnān ud dārmagdānišnān nē hušōn pad andak frāz =iz padēxīh ī saxwan , škeft gumān ī kamāgāhdān šāyēd būdan ōwōn abar čim ī ham pursišnīhā agar ast ī =tān , rōšntar ud paydāg ud čimīgtar abāyēd
38.0
ud nazdīktar rāh ō rāst wēzišn rōšn nē ǰud ō wizīr ī frazānag pēšōbāy ī dēn
39.0
ud man čand =um dānišn ud ādūgīh hamē ka pursēd u =m tuwān pāyēnēnam
40.0
ka wehān ǰawāhirān ēwēnag nigerīd wizīrēnīdār wuzurg sūd xwēš xwēšīgān druyistīh ud drōdīh ud ahlāyīh paymōgīh ud druz wišōyēnīdārīh
41.0
čē =m ašmāh kām ud kunišn man āgāhēnīd framāyēd u =tān nōg nōg =iz āfrīn ān ī =tān xwad ud andar hamāg pad bun ud sar =iz nibišt ǰud ǰud pad xwēš niyābag ud spurrīg ud šād burzišnīg
42.0
frazāmīhād abāg X ud paywastagīhā ī az bun ō frazām ud hāmhāgān =iz
43.0
, , burzišnīg paččēn ī pursišn čiyōn pāsox ēd , kū ka =š tis andar nēst ī ān čim rāy ǰuttar saham čiyōn nibēsīhēd
44.0
fradom pursēd kū mard ī ahlaw az star ud māh ud xwaršēd , ātaxš ī ohrmazd čē rāy weh dād yistēd ud andar dēn meh ud weh guft istēd az dahišn mēnōyīg az =iz ān ī gētīyīg
45.0
pāsox ēd kū frāzīh pad xrad ud rāst wizēngarīh X čē dāmān mehīh ud wehīh az hunar bawēd
46.0
abar dāmān hunar =ē rāstīh weh abzār ī ud xrad meh ud spās =ē yazad kāmišngarīh mādagwartom
47.0
čē harw se āgenēn hamband čē ,
48.0
čē rāstīh paydāgīh pad xrad u =š sūd kāmišngarīh ī dādār xrad kāmišngarīh ī ō abāyišn ī dādār
49.0
u =š zēn rāstīh ud kām ī dādār ī rawāgīh pad xrad abāg rāstīh
50.0
harw se andar dām meh
51.0
, u =š mehmānīh pad pahlomīgān
52.0
ud mardān ī ašōwān mēnōyīg pad ān ī abēzag frawahr mēnōywaxšīhā ōī druz kōxšāg spōzāg wānāg ud X ānābāg ud ān ī yazadān spāh zōrēnāg mēnōy xwadāyīh ī ohrmazd , ud gētīyīhā pad gētīyī paymōgīh ud hambandīh , ī tan ud gyān
53.0
u =šān abzārōmandīh mādayān xrad ud gētīyīgkārīh pad ān ī xradīg abargīrišnīh ī humat hūxt huwaršt bēhilišnīh arawāgīh ī dušmat dušhūxt dušhuwaršt
54.0
u =šān handāxtār gētīyīg xwadāy ī ohrmazd winnārāg ud ān ī abēzag dēn winnārāg ud rawāgēnāg , dādār ī weh ī abēzag stāyīdār ud druzōšīhestišnīh framūdār ud pad rawāgdahišnīh ī ān weh ud dēnīg mānsr rasišn ī ān weh ristāxēzēnišnīh ud frašegirdkirdārīh hamayārīh ud xwēšīg spās ud abar hamist gētī dām sālār ud nigāhdāštār ud rāyēnīdār ud meh ud abartar hēnd
55.0
ōh =iz ān mehīh nē harw mardōm bē pad , pāšomān mardān ī ašōwān rāy guft -istēd kē =š andar nazdist ān =iz pāšom se ī hēnd bun mayān frazām ī dahišn
56.0
ēk abēzag mard gayōmard kē =š fradom menišnīg stāyīdār būd
57.0
ān ī yazadān wispān dahišn az bun ud āfurišn ī tā abdom frazāmišn ī gētīyīg dām az wehīhwarzišn ī ān ī ōy zahag āwādag abar andar dārišn ī čiyōn hōšang tahmuraϑ ǰam ud frēdōn čiyōn frēstagān ī dēn čiyōn zardušt ud ušēdar ud ušēdarmāh ud frašegirdkirdārān ī čiyōn , sōšāns rōšnčašm ud xwarčašm ud hamkārān rawāgdahišnīhā
58.0
padīriftār ud yazadān pad ān ī mēnōy nērōg abēzagstāyišnīhā wirāst yaštār ud X X X X X druz az ān ī gētī kirbīhā gētīyīgkārīh agārēnīdār ud dēn ī abēzag , kē =š spurrwehīh ī spennāgmēnōy ud awehīh ī gannāmēnōy ōšpaydāgīh ud ānābišn ī druz ud pērōzīhfrazāmīh ī dādār ud akanāragrawišnīh ī dāmānīhā bawēd mahist , burdār
59.0
ud pad =iz ān ī gayōmard wehīh kē ān ī zardušt zāyišn āfurīhist pad =iz ān ī sōšāns wehīh kē =š , zardušt zahag ast pad =iz harwisp humat ud hūxt huwaršt , rawāgīhist az dām ī pad dēn ēmēd dād ud ham spās ,
60.0
ēk tankirdār frašegar sōšāns kē ān ī druzīhā dēwān stāyišnīh ud yazadān kōxšišnīh andar ahlomōγīh ud agdēnīh ī sardag sardag waxt X purrānābišnīhā az , gēhān ānāftār ud pad bowandagrawāgīh ī yazadānstāyišnīh ud spurrrawāgīh ī X ān abēzag dēn frašegirdfrazāmēnīdār ;
61.0
ud pad ān ī pāšom kunišn ī anāhōgēnīd ī brādarōd abar xwaršēd ī arwandasp hamist rōšnān ud hamāg tār ud spōzišn frāšm ī rōšnēnišn ī gēhān tazišn ī rōzān šabān wēnīhad
62.0
ham frazāmišn ī frašegird rāy andar dēn ī mazdēsnān guft ēstēd kū ēn meh rōšnīh ham mardān ī ašōwān paymōgīhēd
63.0
, dudīgar ān ī pursīd kū mard ī ašō ō gētī pad čē kār rāy dād ēstēd
64.0
u =š andar gētī pad čē ēwēnag abāyēd būd
65.0
pāsox ēd kū dādār dām dād ō rawāggarīh ī =š kām
66.0
u =mān abāyēd rawāgēnīd ān čē =š kām kū tā windam ān čē =mān kām ,
67.0
čē ōy xwābar dādār tuwān ān čē =mān kām ud čand ōstīgāntar ēstam ōwōn čiyōn =iš kām arzānīg ī =m pad windišn ī ān čē =mān dāmag ēn dām abd bē ahāmtāg āfurrīd ēstād wēnābdāg
68.0
az =iz ham abdāfurrišnīh paydāg kū āfurrāg dānāg kū =š āfurrišn pad čim u =š kām wehīh
69.0
ka čimīgāfurrišnīh ī =š dām ud wehīh =iz ī =š kām ēwar ud az =iz spurrtuwānīgīh ī dādār rāy kām āfrīd paydāg pas wizīrīhist az xrad kū =š āfurrīd ud dām ō bowandagrawāgīh ī =š kām pad spurrēnīd tā wattarīh bawēd
70.0
čē ka wattarīh ast wehīh ānābišn ī wattarīh bawēd
71.0
čē ka , wattarīh nē spurrīg ud pas čimīg gōwīhēd kū =š dām dād ō xwēš kāmagrawāgīh ī az wattarīh ānāftagīhā wehīh spurrēnīd rāy hamgugāhīhist abāg ān ī pēšēnagān guft kū āfurrīhist , dām ō kāmišngarīh ī dādār
72.0
ud ān ī dādār kāmišngarīh bāyīhist ō dō ī ast paristišnkunišn , kōxšišn
73.0
čiyōn paristišn ān ī dādār ī xwābar kē dōst ō xwēš ud dām kōxšišn ān ī abāg druz kōxšīdār kē dušmen ō dahišn ī dādār
74.0
ān wuzurg paristišn ud kōxšišn =iz ī abartom paymān ī xwēštan nazdīktom
75.0
ud paymān ī ō āzādīh ī az dōst āfurrāg must ī az dušmen X kōxšīdār kadārizē margōmandān abarestišnayāftārān meh tuxšišn
76.0
čē ka xwābarān spurrtom ud purrabdīhā passāxt ī dahišn ī xwadāy u =š aǰumbišn stī pad abarrasānīh ī X gannāmēnōy ǰumbišnīg None awēnišnīg mēnōy agumēzišn ī ō wēnābdāg stī None ud wēnišnīg nimūnag mēnōy ī waxšag ruwān andar gētī rawišnīg tan nēk xwadāy kird
77.0
u =š gyān zīyēnāg ud frawahr ī dārāg ud wīr ī ayābāg ud ōš ī pāyāg ud xrad ī wizīnāg ud čihr ī xwadbizešk ud zōr ī rāyēnāg ud čašm az dīd ud gōš az āšnūd ud wēnīg az hambōyīd ud dahān az mizag dānistan ud kirb az pahrmāyišn ōšmārdan ud dil az menīd uzwān az guftan ud dast az warzīdan pāy az raftan ēd kē gyān frāxēnēd ēd waxšišnān pōyādan ēd kē tan paywast ud ēd kē frayādāg dārišn rawāg rāyēnīd
78.0
ud xwēškārīh hamist ō tanabzārān ǰānkārīgīhā wirāyīhēd
79.0
pad frārōndādīh ud humat ud hūxt huwaršt pāddāšn ān rōšngar ud hamēyīg ud nēkrawišnīh niwēyēnīd ud payrāst
80.0
ān frēzwānīg abar windādār mardōmān rāst bowandagīh ī xwēš ud druyist wimand dāštan abartom xwadāyīh ī dādār nē framušt ud pad rawāggarīh ī =š kām ō ōy wispweh dōst abēzag stāyīdār ud abēzag ud spāsdār būd
81.0
čiyōn dōstīh ī abēzag az ēwarmenišnīgīh None ī pad harw nēkīh az =iš būd ud ēč anāgīh az =iš nē būd stāyīdārīh abēzag az stāyišn None ī pad harw wehīh az =iš būd ud ēč wattarīh az =iš nē būd ud spāsdārīh ī abēzag az hamāg āzādīh az =iš būd ēč must az =iš nē būd wābarīgān wizīr ud ham abēzag dōstīh ud rāst ud stāyīdārīh ud čimīg spāsdārīh ōstīgānīhēd ud aǰudīhēd pad =iz , ān ī ka wahman pad menišn None srōš pad gōwišn None ud ard ud pad kunišn mehmān dārīhēd
82.0
ōh =iz az mehmānīh ī wahman pad menišn az dil wehīhā ō rāst , šnāyišnīh nixwārišnīg ud az waranīgīhā xwaddōšagīh dūr dāštan srōš mehmānīh ī pad gōwišn az ān ī āgāh ī rāst guftār ān ī anāgāh az rāst ud dastwarān niyōšīdār būdan ard mehmānīh ī pad kunišn az ān ī wehīh dānīhēd rāyēnāg ān ī nē , dānēd pahrēzāg būdan paydāgīhēd
83.0
ud ēd se wehīh ī ōšmurd parwastag andar dō rāh ī pēšēnīgān guft ī ast dānišnīg grift ud dānišnīg hištan ī =š abzār xrad ud frārōn tuxšāgīh
84.0
u =š dastwar ān ī rāyēnīdārīh ān abāg dēn ī yazadān rāstīhā dāštan
85.0
u =š bun abēzagmenišnīh ī rāstīhā pad wahmanīgīhā wehīh
86.0
čiyōn pēšēnīgān dēnīgān dēnīgīhā guft kū kē ān ī wahmanīg wehīh pad menišn mehmān dārēd ēg =iš ān ī weh mēnōy rāh ī rāst nimāyēd
87.0
pad rāh ī rāst kām ī dādār šnāsēd
88.0
ud pad kāmišngarīh ī dādār waxšēd ud windēd kē nēkīh ī frašgirdīg ud ayābēd
89.0
hangirdīgtar pāsox ēd kū mard ī ašō dām ast kē =š grift ān xwēškārīh ī aw =iš āfurrīhist
90.0
u =š andar gētī pad nēfrēbīhist ī hāzāngar druz purrpās
91.0
ud pad wizīdārīh az xrad ān ī dādār kām kē xwad šnāyēnīdār ud šnāxtār ud ān ī wehīh šnāxtag rawāgēnīdār ud az čē awiš aziš pahrēzīhīdār
92.0
u =š ēdōn abāyēd būdan čiyōn =iš ān mehīh wehīh pad =iz mēnōy ōstīgāntar bawēd
93.0
, sidīgar X pursišn ān pursēd kū mard ī ašō ēn mehīh čē čim rāy ast ,
94.0
pāsox ēd kū mazdēsn kāmišngarīh ī dādār rāy
95.0
čē tāšt agumān kū rāh ī ō kāmišngarīh ī dādār šnāyišn ī =š kām
96.0
ud ān kāmšnāyišnīh pad xrad ī druyist druyist bawēd
97.0
ān xrad kē =š kām ī mēnōyān yazadān abar šnāsēd nē waxt bē dēn ī rāst ī abēzag ī ast mēnōyān dānišn frahangān frahang ud awestādīhān awestādīh ud tōhmag ī wispdānišnān
98.0
ud ān =iz ī abēzag dēn ī mazdēsnān rawāgīh pad mard ī ašō ī čiyōn =iš nimūd pad dēn kū man dād spitāmān zardušt mard ī ašō ī kirdxrad
99.0
u =š bē pāyam dast az dušhuwaršt
100.0
u =š X hāzēnam tā ō ān ī pas ašō ī dānāg ī kirdxrad ,
101.0
u =š hamōšmur dēn kē =š dād xwēšēnišn dahibed windišn ast ī wardēnišn kē hutāšīd frašegird
102.0
čiyōn pad xrad dād ān ī ahlāyīh gēhān pad xrad ānābīhēd harw wattarīh ud pad xrad spūrrīgīhēd harw wehīh ud pahlom xrad dēn ī abēzag kē =š rawāgīh pad dēnburdārān ; ān āfurrīhist mehīh pāšomān mardān ī ašōwān kē andar waxt ān ī čiyōn nimūd abar gayōmard ud zardušt , sōšāns ,
103.0
čahārom pursišn ān ī pursīd kū ēn zaxm ud tars ī =mān az āwāmpādixšāyān ud abārīg anāgīh ud āhōg ī wehdēn kārān hamē rasēd u =š dādestān čē ēwēnag bawēd
104.0
u =mān pad mēnōyān wehdādestānīh ast ayāb nē
105.0
pāsox ēd kū andar dēn ī mazdēsnān guft ēstēd kū rāhbandīh kē =š pad ahlāyīh bēš čiyōn =iš ēn wizārišn ast kū ān saxtīh ud andōh ud dušxwārag ī pad kirbag rawāgēnīd rāy rasēd nē pad saxtīh ud ranǰ ud dušxwārag ī was abāyēd hangārd
106.0
ka nē pad andōh ud saxtīh abāyēd hangārd ēg =iš aziš paydāgīhēd kū =š pad ān pāddāšn ān and āsānīh rāmišn bē ō ruwān rasēd čiyōn nē kas az ān saxtīh ud dušxwārīh ī =š pad hāwand ān kirbag abar mad az ān čiyōn dēn weh ōstīgān dāšt menēd ud stāyēd
107.0
ud dušxwārīh ī =mān ham wehdēn dāšt rāy az hamēstārān ī dēn abar rasēd mihr ī dēn rāy be gugārēm
108.0
ud az dēn wardišnīg andar yazadān aburdšnōhr nē bawam
109.0
ēg =imān hāwandīhā spās passazagīhā rasēd ud az yazadān ō ruwān šnāyišn ī urwāhm ud āsānīh ud xwārīh None
110.0
panǰom ān pursēd kū čē rāy wehān anāgīh wēš hamē rasēd kū ō wattarān
111.0
, pāsox ēd kū nē harw hangām ud harw gāh nē harw wehān anāgīh wēš rasēd
112.0
čē mēnōyīg wēš nēkīh ī wehān ēwar bē gētīyīg ud abērtar paydāgtar
113.0
u =š čim was
114.0
ēk ī hangirdīg ēn =iz kū dar ud wihān ī rasišn wēš
115.0
čē rasišn ī anāgīh az dō dar abērtar az dēwān anāgīhbaxtārān ēk az wattarān , anāgīhkirdārān ēk
116.0
ud agar ōh =iz ǰahišnīg wattarīh ud wattarān bēšēnd pas =iz amaragānīhā anāgīh ī ō wattarān az dēwān None ud ān ī ō wehān az dēwān az , wattarān =iz rasēd
117.0
u =š pad ham rāh rasišn , ēwēnag bē gāh dō
118.0
ēn =iz abērtar ēdōn čiyōn pēšēnīgān guft kū weh kār X ud ranǰ abērtar pad gētī u =šān mizd pāddāšn ēwarīgtar pad mēnōy
119.0
ud wattarān āsānīh ud rāmišn pad gētī wēš u =šān dard , pādifrāh ī pad mēnōy garāntar
120.0
ud ēn =iz ast kū , wehān tars ī az dard ud pādifrāh ī az dušox rāy āsānīh ud xwārīh ī pad gētī hilēnd tis =iz abārōnīh nē menēd ud gōwēd ud kunēd ud ēmēd ī ō ān āsānīh ud rāmišn ī pad wahišt rāy was ranǰ tars pad frārōnīhwarzīdārīh ī pad menišn gōwišn kunišn kāmagīhā ō grīw padīrēnd
121.0
wattarān ruzdīh ī pad rāmišn ī zamānīg rāy ān =iz rāmišn ī abārōnīhā ī =š padisārīg dušox ast ēg =iš xwēštan zamānīgīhā , padiš rāmēnēnd
122.0
ud waranīgīhā ud xwaddōšagīh rāy ān =iz kār X kē =š rāh ī ō wahišt padiš , šāyēd būd xwēštan pad =iš nē ranǰēnd
123.0
ud pad ēd rāh andar gētī wattarān āsānīh ud rāmišn frāy ud wehān andōh ud bēš ud zarīg ud anāgīh wēš būd dīdārag paydāg čim
124.0
, šašom pursišn , ān ī pursīd kū amāh mardōm bē ō gētī čē rāy dād ēstēd
125.0
u =mān andar čē abāyēd kirdan
126.0
pāsox ēd kū pad =iz pāyišn ī ham pursišn nibišt kū dām āfurrīhist be rāstīh ud kāmišngarīh ī dādār ud purrwehīhā winnārdan ī ān ī akanārag ud nēkrawišnīh ī dāmān kē =š bīm ud bēš čiyōn ast frašegird abrādarōd
127.0
ud ān ī winnārišn bawēd az spurrpādixšā ī dādār apādixšā druz
128.0
čiyōn =iš guft pad dēn kū andar ān zamān spurrpādixšā bawam man kē , ohrmazd ham nē pad tis =iz pādixšā bawēd gannāmēnōy
129.0
ud abar =iz nēkrawišnīh ī dāmdahišnīh ōšmurd kū nēk man ka =m ēdōn dām dād ud čiyōn man kadārizē kāmag
130.0
ō man xwadāyīh dahēnd ud xwadāyīh čāšēnd ka ō kāmišngarīh ī pad =iz mehēnišn ī =š xwadāyīh dād ēstam
131.0
u =mān andar gētī ēdōn abāyēd būdan čiyōn =mān rāst bowandagīh xwēš abartom xwadāyīh ī dādār drustwimandtar dāšt bawēd
132.0
rāh ī ō ān rāst bowandagīh pad xrad dānīhēd pad rāstīh wābarīhēd pad wehīh sūdīhēd
133.0
u =š widarg ī awi =š abērtar ud weh mēnōy rāstīhā pad menišn gāh kirdan dānišnīgīhā grift dānišnīgīhā hišt
134.0
čiyōn pad dēn gōwīhēd kū ohrmazd bē ō zardušt guft kū wahman pad axw ī tō abēzag abāgenā kū =š mehmān be kunē
135.0
čē ka wahman pad axw ī tō abēzag abāgēnē kū =š mehmān be kunē ēdōn dō rāh X be dānā kē hurawišn ud kē =iz dušrawišn
136.0
, haftom pursišn ān pursēd kū ka mard =ēw widerān , bawēd pas az widerānbūdan ī ōy ī kirbag ī kas ōy rāy kunēd kē az gētī bē šud ēstēd ud pad šab ī sidīgar andar bām =ē bē ō X X tarāzūg šawēd ēg =iš čiyōn awiš šawēd
137.0
frayādēd ēdōn čiyōn mehīh pad dast ī xwēš kird ēstēd ayāb anī ēwēnag None
138.0
pāsox ēd ka kas ōy bēwidordag , rāy pas az bēwiderišnīh kirbag kunēnd ud agar ōy ī bēwidardag andar zīndagīh =ēw ān kirbag nē framūd u =š nē X handarzēnīd ud nē bunkirdār , u =š nē =z pad dād būd ēg =iš bē ō tarāzūg nē šawēd ud nē rasēd
139.0
pad =iz hangām rawāgīhistan ; rāy ka ān kirbag nē frayādēd ud nē , xwēšīhēd čē ān ī pad dād ī az kas , xwēšīhēd pad padīrišn ī az kas xwēšīhēd ka =š nē pad dād ēg =iš nē padīrift bawēd
140.0
agar ān kirbag ōy widordag nē framūd u =š nē =z wahman handarzēnīd bē =š pad dād hamdādestān būd ān ī andar zīndagīh kunīhād ēg =iš pad sidōš bē ō abzōn ī gāh rasēd
141.0
ān pas az widordagīh kunīhēd nē pad āmār ī sidōš ud tarāzūg bē pad hangām ī kirbag rawāgīhēd bē ō rāmišn ī ruwān rasēd
142.0
ud agar ān kirbag ōy ī widordag andar zīndagīh ī xwēš ud framūd ayāb =iš handarzēnīd ayāb bunkirdār ud wihān ī ruwānwarzīdārīh būd ka pas az bēwiderišnīh rawāgīhēd ēg =iš bē ō rāmēnīdārīh ī =š ruwān rasēd
143.0
čē bun spās ud framūdār ud xwēšīgkirbagīh ēwar
144.0
čēgāmizē kirbag ī rawāgīhēd andar ān āmārgarān rōšnīhā abāg ōy ī kirdār hamkirbag
145.0
u =š pad āmār ī ruwān kirbag abāg ōy kē kird hāwand
146.0
bē ān kē =š kirbag pad dast ī xwēš kird az ān kē =š framūd ruwān hučihrtar ud amāwandtar
147.0
u =š hangōšīdag ōwōn čiyōn X X ka mard =ēw wastarg =ēw dast ī hučihr ud abāyišnīg xwēš ud pad tan dārēd any mard =ēw wastarg =ēw dast ī pad hamēwēnag xwēš pad X ganǰ dārēd hučihrtar bāmīg abāyišnīgtar , bawēd
148.0
, haštom pursišn , ān ī pursīd , kū ān ī =š az xwāstag , xwad bē ō kas framūd kū =m pad ruwān uzēnag kunēd tā ān ī kas X ōy rāy kunēd az ān xwāstag ranǰkird ī xwēš ēk az did ǰuttar ast ayāb nē
149.0
pāsox ēd kū ēk az did ǰuttar
150.0
čē ān ī az xwāstag ī xwēš framāyēd mādagwartar kū ān ī kas bē az framāyišn ī ōy ōy rāy kunēnd X X X X X X X X X X X X X X X X X X
151.0
ud andar ēkānag ī kirbag ān mādagwartar ī xwad ud pad xwēš ranǰ warzēd pas az ān az xwēš =iz pad xwēš , framāyišn rawāgēnēd ī pas az xwēš rāy handarzēnēd framāyēd bē ō rawāgīh rasēd ud pastar ān ī kas ōy rāy kunēnd
152.0
čiyōn =iš ēdōn X xwēš ān ī =š pad dād
153.0
ka kas ōy rāy andar =uš , zīndagīh rāyēnēd ēg =iš gāh abzāyēd ruwān bōzīhēd
154.0
ka ud pas az ōy rāy rāyēnēd ēg =iš rāmišn bē ō ruwān rasēd
155.0
ka pad ān kirbag nē hamdādestān , u =š nē pad dād ka =z kas ōy rāy kunēnd ēg =iš bē ō xwēšīh nē rasēd
156.0
, nohom pursišn , ān ī pursīd kū =š wēš ī kirbag az ān ī ka kirbag kird , ēstēd tā ān ī ka zīndag čand abzāyēd
157.0
, , pāsox ēd kū az ān ī ka X kirbag bē ō rawāgīh rasēd waxš andar ō abzāyišn ēstēd
158.0
ud tā ka zīndag bē ka =š ān kirbag aziš apparīhēd tā waxš ī waxš abāz nē ēstēd ēdōn waxšēd čiyōn frazend andar aškamb ī mādarān abzāyīd bawēd
159.0
dahom , pursišn ān ī pursīd kū waxš ī abzāyēd pad šab ī tasom ēdōn frayādišnīg bawēd , čiyōn bun kirbag pad , xwadīh ayāb ǰuttar bawēd
160.0
, pāsox ēd kū ǰuttar
161.0
čē bun kirbag padīrag wināh bē ēstēd ud waxš kirbag padīrag ī waxš ī wināh bē ēstēd ,
162.0
yāzdahom pursišn ān pursēd kū waxš ī kirbag wināh ēdōn kanēd čiyōn ān kirbag ī bun ayāb nē
163.0
pāsox ēd kū bē ōh kanēd hā čiyōn ān kirbag rasēd ī wināhwizārišnīh rāy pad tōzišn ī wināh , rāy kunīhēd ān wināh kanēd ī andar dēn nāmčištīg guft ēstēd
164.0
ēg =iš abārīg kirbag gāh ruwān paydāg X būdan rāy abāg wināh ī pad bun ēstēd ō āmār gīrīhēd
165.0
pad kirbag ud waxš ī kirbag ruwān pāddāšn tā
166.0
ud ān , kirbag tā wināhwizārišnīgīh kunēd ud wināh kand , rāy guft ēstēd bun kirbag tā ud bunwināhīh ud waxš ī kirbag ud waxš ī wināh kanēd
167.0
dwāzdahom pursišn ān , pursēd kū pad šab ī tasom wināh pad kirbag bē hangārēnd ud az bun šawēd ayāb =iš wināh ī =š ǰast pādifrāh kunēnd ud kirbag ī =š kird mizd ud pāddāšn dahēnd
168.0
pāsox ēd kū šab ī sidīgar kū šab sidīgar andar bāmag āmārkird guft ēstēd ud abar wināh ī =š wizārd kirbag ī =š appār ō āmār nē niyāz
169.0
čē āmār abar kirbag bawēd ī =š xwēš
170.0
ēd xwēšīhēd ud abar wināh ī =š pad bun ēstēd
171.0
ēd čē =š bun ǰud ēstēd u =š pad =iš āstird ēstēd pad =iš tarāzēnd
172.0
ud wēšīh ud kamīh ī kirbag wināh čiyōn bawēd sanǰēnd ǰānōmandān pad rāst tarāzūg ī ačafsišn
173.0
ōy ī frārōndād ī wēš kirbag ka =š ǰast wināh zamānīg pādifrāh widārēd ud pad kirbag ǰāwēdān šnāyišnōmand bawēd
174.0
ud ōy ī abārōndād ī X wēš wināh ī kirdagkirbag pad ān kirbag zamānīg rāmišn rasēd pad wināh ī =š ast tā be ristāxēz , pādifrāhōmand bawēd
175.0
sēzdahom pursišn ān ī pursīd āmār ī pad ruwān pad wināh ud kirbag kē kunēnd u =š kūgyāg abar kunēnd
176.0
ka =šān , pādifrāh kird ēg =išān gyāg kū bawēd
177.0
pāsox ēd kū āmār ī abar kunišngarān pad kirbag wināh tā kunišngar zīndag bawēd harw rōz se bār wahman amahrspand kunēd čiyōn =iš menišn ud gōwišn ud kunišn ī harwist ox ī astōmand āmārēnīdan andar xwēškārīh ast
178.0
ud abar wināh ī hamēmālān ī ō mihrōdruǰān gīrīhēd gētīyīh =iz abar tan nāf ud āwādag ī mihrōdruǰān madan guft ēstēd
179.0
pad čandīh ud pad =iz wēš kūgyāgīh kayzamānīh āmārgar mihr
180.0
pad sidōš abar paymān ī kirbag wināh sāmān ī ahlawīh ud druwandīh srōšahlī rašn
181.0
rist pad tan ī pasēn pad spurrīgīh ī harw āmār āmārēnēd xwad dādār ohrmazd kē =š ān =iz ī sidōš hammis āmār ud hamāg menišn ud gōwišn ud X kunišn ī dāmān āškārag andar ān ī ōy harwistāgāh , xrad
182.0
pādifrāh ī pad ruwān ī wināhgārān az ān mēnōy wināh ī =š kird hambandīhist rasēd az ān bazagkunišnīh warzīd ud parward
183.0
ān pādifrāh fradom pad zamīg ud pas pad dušox abdom pad passāxt ī tan ī pasēn abar ruwān ī wināhōmandān ud druwandān rasēd
184.0
ka pādifrāh pad sidōš widārd bawēd ān ī ahlawān ruwān ō wahišt pāšom axwān ān druwandān ruwān ō dušox ud wattom axwān rasēd
185.0
ka =šān pādifrāh ī frašegird widārd bawēnd pad passāxt yōǰdāsr az harw wināh rasānd bē ō hamēyīgīhārawišnīh ud nēkrawišnīh pāšomrawišnīh ī ān ī pāšom axwān apetyārag
186.0
čahārdahom pursišn , ān ī pursīd kū kand ī gyān darrēnišn ī sag ud way pad nasāy bawēd
187.0
ud az wināh ōgārēnd wināh az bun bē šawēd ayāb nē ,
188.0
pāsox ēd kū wināhkāhišnīh ud kirbagabzāyišnīh az humat hūxt huwaršt az =iz ān saxtīh ud dušxwārīh bawēd ī dēn ruwān warzīd rāy abar rasēd
189.0
pad stūrīh ī andar saxtīh ud āstawānīh ī dēn ud pānag ī ruwān ōstīgān dārēnd
190.0
ān anāgīh ī ka kirbakkar ī ēd ka bozakkar ud ka tuxšēd ēd ī ka nē tuxšēd ēd ka hunsend ud ēd ī ka nē hunsend ud pas akām
191.0
u =š ēč wihān ī kirbagīh abāg nēst čiyōn akām rasēd
192.0
spās ud mizd rāy ēwar kandan ī gyān abar ahlawān ud druwandān ēwtom bawēd
193.0
harw kas mizd stad , ēstēd ān mizd zīndagīh ī tā widord hangām
194.0
bē darrēnišn ī sag ud way nē abar harw kas ud harw tan bawēd ǰuttar kirdan šāyēd
195.0
kē šnāxt ī kirbag az xūb pahrēxtan ī nasāy ud zūd wardīhistan ī ān rēmanīh ud kāmag ī abar wināhwizārišnīh rāy widord kirdan , bē ō kōf X ud gyāg ī ēwēnagīhā barēnd handarzēnāg hamdādestān kū =š az dādīhā gyāgīh sag ud murw darrēnēnd
196.0
az ān čiyōn ān tars ud dēnframānīh ud rawāgkāmagīh rāy tuxšāgīhā ō grīw ī xwēš padīrift ēstēd ī pad =iš xwēšag pāddāšn
197.0
u =š pad ān rāh rasēd ō wināhnirfsišn ō ruwānšnāyišn
198.0
pānzdahom pursišn ān ī pursīd kū ka =š sag ud way darrēnd ruwān dānēd u =š dušxwārīhā bawēd ayāb čiyōn bawēd
199.0
pāsox ē kū tan ī mardōmān az darrišn ud darrēnišn dard ōwōn mārēd kū ka ruwān hamkadag ī tan ,
200.0
ēg =š ruwān kē xwaš ud axwaš dānēd abāg gyān zīyēnāg ud bōy ī sōhēnāg abārīgān gyānabzārān az tan šawēd tan , akār ud aǰumbāg ud amārišn ēč dard frazāmiz nē mārēd ud nē sōyīhēd
201.0
ud ruwān abāg gyān az tan bērōn u =š , darrēnišn ud awiš nē abyōxtag bē pad ān ī mēnōyīg , sōhišn wēnēd dānēd ,
202.0
ān ī druwand ka =šān wēnēd kū abdpassāxt tan ī =š paymōg būd wišōbīhēd ud ān xōg ī =š dagr abāg būd ud ēd =iz rāy , kū čē =m andar tanōmandīh ud gētīrawišnīh X wināh nē wizārd ud ahlāyīh nē hambārd pad =iz handēšišn ī abar ēd kū =m pad wēš būdan ī =m abāg ēn tan , wināh wizārdan ruwān bōxtan šāyist hā ud nūn az harw kas ud rāmišn ī gētī ī meh ēmēd ī mēnōy ǰudāg ham ud ō škeft āmār ud garāntar bīm windist ēstam ēg =iš abāz ō tanōmandīh ārzōgīhēd
203.0
u =š darrēnišn ōwōn garān bawēd ān tan , rāy čiyōn abzārxānag ī bēdom ud nišān wastarg ī andartom abāg zay ud zēnabzār handēmānīhā agārīhēd ud wišōbīhēd
204.0
ud ōy =iz ī ahlaw abāg wuzurg urwāhm ī az ēwarz ī ō pāšom axwān pas =iz , xōg ī =š abāg tan būd wuzurg frayādišnīg ahlāyīh ī =š hamē abāg tan hambārd rāy abar hutāšīd , tan ī abdpassāxt sahmgenīhā wišōbīhēd
205.0
ud X čimīgīhā ka =š abaxšišn pad =iš bawēd
206.0
ud bōy ī mardōmān čiyōn se šab bērōn ī tan pad nazdīkīh ī tan nišīnēd ān rāstīhā bīm ud āhr bē ō dēwān mizdag ud drōd ud nuwē bē ō wehān mēnōyān ayādēnīdan ud ēmēdēnīdan ud X aboxšišn ud X az tan rāy mēnōyīhā ēwāz gōwēd kū čim darrēnēnd sag ud way ēn X tan ī passāxt ka abdomiz abāg hamīhēd tan gyān pad āxēzēnišn ī rist
207.0
ud ēn ān ayādēnišn ī ristāxēz ud rēzišn ud mēnōy ī tan abārīg weh mēnōyān urwāhmenīh ud ēmēd ud dēwān druzān bīm bēš rasēd ,
208.0
šāzdahom pursišn , ān ī pursīd kū nasāy bē ō murwān dād wihān čē ast
209.0
pāsox ēd kū passāzišn ī widordān tan ōwōn škeft kū ō ham mad ēstēd ud dō hambedīgīh ēk dagr pattāyēnīd ud ēk tēz wardēnīdan
210.0
u =š ēwēnag ēn ō yazadān pādan dēwān wardēnišn
211.0
pas az ōsānd gyān tā ka kirb wehīh pad gyāg ud dēwān ī xradstardān az tan tarsand čiyōn mēš ī gurgānxwist ka az gurg bōy frāz , tarsand
212.0
mēnōy ī tan xōg ī dagr rāy andar tan būdan rāy awišōbišn ōwōn kāmag ī pad =iš mānist ka =z =uš hilēnd az māništ
213.0
pad hamrāh ān ī widordān tan čand awināhīhātar šāyēd druyisthā widord dašn
214.0
ud ham passazag andar čiyōn stāyīd ēstēd awēšān frawahrān kē abar nigāh dārēnd ān kirb ī sāmān girsāsp any =iz spāhān
215.0
az būdan ud bē ān čim rāy ka hamīhēd , ēbgadīg wināyišn ō , widordān tan paywēšagōmand nasuš dwārēd pad =iš
216.0
ud az ān stahmagīh ka čēr bawēd ud abar X gyān ī ān ahlaw ud mardōm u =š stōwēnēd az ān hukirdīhā gāh ud tan xwad andar tan gāh gīrēd
217.0
ēg ān tan pad ān čim xwānīhēd nasāy
218.0
ud ēd hambedīgīh ī tēz wardēnīdan ud ēwēnag ud grāyīh ī ham nasuš rāy ka =z pad wišōbišn ī ān tan šāyēd pas =iz ānāftan ud wardēnīdan bēšazdārīhā
219.0
az ān čiyōn ī mardōmān tan passāxtag ī az ast ī saxt pid ī sust ān ēstīhēd rāyēnišn ī ast az ān ī pid
220.0
čē X saxtīh ka =š pid ī tarr nē abāg , u =š nē bawēd tarrdāštār xwadčihrīgīhā hōšīhēd ud ačarbišn ud dagrpattāyišn bawēd
221.0
pad X huškīh az nasāyīh bē ō hixrīh wihurīhēd
222.0
pid ī pērāmōn ast kē pad wāsēnīdārīh ī zīyēnāg gyān tarr waxšišnīg ud būd ud pas az gyānšawišnīh tars ud adōstīh rāy ō pūdagīh ud gandagīh rasēd u =š xrafstarān andar hambēšēnd
223.0
ud saxt =iz ud ast pūdag wišuftag , agār kird ud payrāst ēstēd
224.0
abar abāzēstīd ī ān ī wināhgārān nazdīkrāhtar čār ān bē az mardōmān āstār pid az ast ǰud ud stēndag ud gugārd bawēd čiyōn pad ǰudīh pid ō gugārišn az nasāyīh bē hixrīh ud ast bē ō X , kālbod ō tāyišn abērtar rasēd
225.0
čiyōn ān pid mardōmān xward rāh nēst čē =šān garāntom ud rēmanīh ud pihag awiš abyōxtīhēd āstārd garān purrīhā az =iš āstārēnd brēhēnīd ud dād ēstēnd dād nē sazāg čē =š ālūdagīh ī ān yōǰdahrišn gōspandān ud pihagīg abāzpaywandišnīh ī ō mardōmān rāy garā ud anēwēn bawēd
226.0
pad rōšnān ātaxšān bēsōxtan nē sazāg čē āzārišn ī ān ī purr pākīhā ātaxš az =iš bawēd
227.0
čiyōn xwad bē ō sōxt madan nē šāyēd ud ēg ān ī sōxtār pad garāntom āstār az =iš X
228.0
bē ō ǰōyišn ī xrafstarān hangāštan nē sazāg čē mēnōy ī tan ka X mēnōyīh ī andar tan ī wināstišn xrafstarān abar weh kirbān nigerēd ud wišōbēd ud agārēnēd ud ēg škeftīh bēšīhēd
229.0
ud pas ōwōn čārīgtar rāh bawēd ka čiyōn andar dēn framūd ēstēd ān ī nasušōmand tan pad rōšn kōfwaxš būm nihīhēd
230.0
nēburdan ī ō āb ud urwar ud mardōmān māništ rāy ēwēnīhā bandīhēd tā kirbxwārān sagān ud kirbxwārān wayān kē nē dasthammōg ī mardōmān hēnd nē =z pad xwarišn mehmān hēnd , u =šān nē =z mardōmān bē ō nasāyxwarišnīh nayēnd čē xwad tazān wāzān šawēnd ān pid xwarēnd
231.0
ud pad gyānīg ātaxš ī andar zīstan ī ohrmazd dāmān gugārīhēd
232.0
az pidkirbīh nasāyīh bē ō gilkirbīh ud hixrīh hilīhēd ō =z xākīh gumēzīhēd payrāstag bawēd
233.0
ōh =iz ān sagān ud wayān murwān xwadčihrag X yazadān kirbxwār dād ēstēnd
234.0
ud stardxradīh rāy pad =iz ān wināh anāstarīd hēnd
235.0
az ān pid ī ō tan zīndag ud ohrmazd dām gumēzīhēd ēg ān =iz dēwān snah ī čiyōn nimūd andar ān dar ī abar čim ī sag ī ō murdag nimūdan kū , widordagān tan ka bēāstārīhā ō ohrmazd dām ud zīndag gyān , tan gumēzīhēd bahrīg ristāxēzišnīh ud daxšag nimāyēd
236.0
u =š pad =iš dēwān andar dārēnd ud dardīhēnd pad yazadān kām ,
237.0
haftdahom pursišn ān pursēd kū ān weh ī ka ō murwān dahēnd ayāb čē ēwēnag ud weh
238.0
pāsox ēd kū pas az sag nimūdan čiyōn =iš čim pad dar ī xwēš paydāg ān nasāy ī ō kōfwaxš būm ēwēn barēnd ān =iz rāy kū tā sagān murwān ān nasāy bē ō ābōmand ud warzōmand ud māništōmand gyāg nē āwarēnd
239.0
any ēwēn ud bastan ka murwān ī kirbxwārān ān pid ī ka nē xwarīhēd pid pūdag ud wināstag ud xrafstarōmand bawēd
240.0
ān pid ī xward bawēd ud ēg ān ast dādīhā bē ō astōdān kē X az būm ēdōn abar dāštan az abar ēdōn aškōb ēstēd tā pad ēč ēwēnag wārān ō nasāy nē wārēd u =š āb ul awiš nē ēstēd u =š nam ul awiš nē dahēd u =š ud sag ud rōbāh awiš šud nē šāyēnd u =š rōšnīh ō mad rāy sūrag pad =iš kird ēstēd barēnd abēr dastwarīhā guft ēstēd
241.0
ān astōdān ast kadag az ēk sēg
242.0
u =š nihumbag , az ēk X ī sūrāgōmand tāšīd passāxtan
243.0
u =š pērāmōn pad sang ud gač hambārēnīdan ,
244.0
haštdahom pursišn ān ī pursīd kū ruwān ī ahlawān ruwān ī druwandān ka bē ō mēnōyān šawēnd ēg =išān ohrmazd ahriman be abāyēd dīd ud wēnēnd ayāb nē
245.0
pāsox ēd kū ahriman rāy guft ēstēd kū =š gētī nēst
246.0
ohrmazd čiyōn mēnōyān mēnōy pad ān ī gētīyīg ud ān =iz ī mēnōyīg šnāyišn kirb wēnišnīg
247.0
spurr nē bē pad xrad ud zōr hangōšīdag wēnīhēd ī čiyōn guft bē ō spitāmān zarduxšt ka =š dastdahišnīh zāyist
248.0
u =š guft kū dast ī mard ī ašō gīr
249.0
čē =m pad tō xwēš dēn hučašmkunišnīh and kū gīrēš ud wēnēš ān kē az ān ī man xrad ud xwarrah mehmānīh wēš
250.0
ud abar ruwān ī ahlawān ud druwandān pad ān ī mēnōyīg sōhišn ān gāh wēnēnd kē ohrmazd dīd sahēnd
251.0
ud ēdōn =iz ān ī ahriman X , pad ān xrad ī =š dādār abar burd bārīkīhā be šnāsēnd tā ohrmazdudahrimanīh
252.0
ud ān ī ahlawān pad bōxtan az ahriman madan ī ō ohrmazdīg axwān šād bawēd
253.0
ud ō ān ī ohrmazd xwarrah namāz barēd
254.0
ud ān ī druwand pad frēbīhist ī az ahriman windādan ī az ohrmazdīg pand bišttar pašēmāntar bawēd
255.0
zayišn ud āmurzišn X handēšēd ud pattāyīh dastgrawīh ī =š pad xwēš dastdahišnīh andar druz
256.0
ud mēnōy ān paywāzišn ī az xwābarān xwābartom rasēd pad ristāxēz ud zamānag ,
257.0
nōzdahom pursišn ān kū , ahlawān ud druwandān ī ō kūgyāg šawēnd ,
258.0
pāsox ēd kū ēdōn guft ēstēd kū widordān murdagān ruwān se šab pad zamīg hēnd
259.0
u =šān fradom šab az humat šnāyišn az dušmat bēš ud dudīgar šab az hūxt , rāmišn az dušūxt dušxwārīh ud pādifrāh sidīgar šab az huwaršt frayādišn az dušhuwaršt pādifrāh rasēd
260.0
ud ān sidīgar šab andar bāmag ō harburz gyāg ī āmār šawēnd
261.0
kird āmār ō pul rawēnd
262.0
ud ān ī ahlaw pad puhl widerēd pad ulīh
263.0
ud agar hamēstānīg ud tā ō ānōh kū =š gāh ud agar , abāg wēškirbagīh frārōndād tā =z ō wahišt ud agar abāg wēškirbagīh frārōndādīh srūdgāhān tā =iz ō garōdmān šawēd ,
264.0
ān ī druwandān az tēx ī puhl ayāb az mayān ī puhl ōbadēd
265.0
pad nigūnīh ō dušox ōbadēd tā ān pāyag ī =š druwandīh nigūnīhēd
266.0
wīstom pursišn , ān ī pursīd kū činwad puhl ud čagād ī dāytī ud rāh ī ahlawān ud druwandān čiyōn
267.0
ud ka ahlaw čiyōn ud ka druwand čiyōn bawēd
268.0
pāsox ēd kū dastwarān ēdōn guft kū čagād ī dāytī andar ērānwēz pad mayān ī gēhān
269.0
tā nazdīgīh ī ān čagād ayāft ān dārkirb mēnōy ī činwad puhl ī az war ī harburz abāz ō čagād ī dāytī abgand ēstēd
270.0
čiyōn ān puhl dār homānāg ī was pahlūg kē =š pušt ast ī frāx ud ast ī bārīk ī tēz X u =š frāxsōgīhā ast ēdōn wuzurg ī =š wīsthaft nāy pahnāy u =š tēzsōgīhā ēdōn tund ī pad bārīkīh ēdōn čiyōn , awestarag tēx ud ka ahlawān ud druwandān ruwān rasēnd ō ān sōg ī =šān niyābīhā ast gardēd pad wuzurg xwarrah dādār , ud framān ī ōy ī rāstāmār puhlbān ahlawān frāxpuhlīh bawēd and čand nō nēzag bālāy ud drahnāy kē =š ǰud ǰud dērandīh se nāy , ud druwandān tundpuhlīh bawēd ī tā =z hangōšīdag ī ān ī awestarag tēx
271.0
ud ān ahlawān pad puhl widerēd u =š rāh xwašīh ī pad ān hangōšīdag ī gētīyīg ka andar wahār ī zargōn ud tan ī anǰīr wiškuft ī hubōy pad ān ī X mēnōy pōst xwašarz wehīhārzōgīhā wāzārīhā rawāh
272.0
ān ī druwandān čiyōn gām ō puhl nihēd dabrīh ud tēzīh rāy az mayān ī puhl ōbadēd ud nigūn gardēd
273.0
u =š ō dušox rāh axwašīh pad ān hangōšīdag čiyōn gētīyīg andar mayān ī ān gandag murdag astān ānōh , kū ān ī tēz mōgdōz nigūn bē ud ul tēx abzist ēstēd
274.0
ud nākāmtazišnīhā āyēnd abāz ēstād ud drang kirdan nē hilēnd
275.0
and meh ān xwašīh ud axwašīh abar ruwānān hangōšīdag ī gētīyīg čand meh ēdōn mēnōy sazišnīg az gētīyīg ī sazišnīg
276.0
wīstdōwom pursišn ān ī pursīd kū ka ān ī ahlaw bē widerēd kē =š was yazišn ī yazadān was kār ud kirbag kird ēstēd mēnōy ī dāšn mēnōy ī yazišn ud dēn , mazdēsnān āb ud zamīg urwar ud gōspand bē ō ohrmazd garzišn , kunēnd az bēwiderišnīh ī ān ī ahlaw
277.0
u =šān dušxwār bawēd ka az gētī bē šawēd ayāb čiyōn bawēd
278.0
pāsox ēd , kū ān ī ahlawān ī , pad andar bēwiderišnīh gētīyīg dardwidār , ud pas =iz az bēwiderišnīh tā bēwidošt ī =š pad ān , škeft āmār čēhdār
279.0
ud pas az āmār pad ān ī xwēš [gāh] urwāhm
280.0
ud pad ān ī X ka =š hamnāfān ī andar gētī kē =šān ān ī mēnōyān nē =z anayāft ud ān ī ōy gāh ašnāxt gētīčihrīhā andar dranāyīg andōhōmand abar yazadān abaxšāyišn ganāg menišn
281.0
ud mēnōy ī dāšn dēn mazdēsnān mēnōy ī weh ī andar gētīyīg kē =šān ōy =iz ahlaw andar gētī stāyīdār ud warzīdār ud rāyēnīdār ud pānag ud pahrēzēnāg ayār bawēd abar ān ī ahlaw ī az gētīyīg pānagīh ud ōpahrēz ud ayārdahišnīh ud apparīhēd appurdār garzišn abar abar pāddāšn paywandišn abar =iš ud nōg pānag ud ārāstār ud xwāyišn ō dādār kunēnd
282.0
ud dādār wisptuwān paywāzēd ō druz wānišn ō ahlawān šnāyišn ō ān ī weh dāmān pānag , frayādāg baxšēd
283.0
čiyōn guft ēstēd kū andar harw zamānag dēndastwar ud rāyēnāg ī dām paydāgēnēd kē andar ān zamānag dām pānag ud yazadān , kāmagīh abar rawāgīhēd
284.0
wīstseyom pursišn , ān ī pursīd kū gyān ka az tan ī mardōmān frāz stānēnd čiyōn bē šawēd
285.0
pāsox ēd kū pad ān homānāg guft ī čiyōn ka az ātaxš suxrīh ul uzīhēd čē ātaxš ka sōzišnīg sōxt abrāh mānd ud ka nōg sōzišnīg nē ayābed ud ayāb , wizāyišnīg abar rasēd ēg =iš suxrīh garmīh aziš bē šawēd
286.0
gyān =iz pad X andar tan nē ēstēd ud homānāg bē šawēd
287.0
hampassazag dēndastwarān ēn =iz guft kū margōmandān mardōmān pad dānišn hangām X wēnēnd ka mēnōyīhā band =ēw ō grīw kird
288.0
ka =š X zamānag frāz , mad ēg =iš pad ham bar rāyēnēd u =š ō ōbadišn gyāg ī marg ud wihān ī marg az =iš būšāsp abespārēd
289.0
u =š tab āšōbēnēd ōš u =š zarmān stānēd nērōg
290.0
pad ān abespārēd anōšrawišn tazišn ī abzārān kē =šān zōrēnāg hēnd abāz ēstēd
291.0
wizīr kē xwadīg andarōnīg bizešk , ast widarg ī rōšn nē ayābed
292.0
u =šān āšuftōšīh rāy ō čārān šnāsišn šudzōrīh rāy ō čārīg , kār ud rāh bast bawēd
293.0
pad agārīh ī abzārān rawēd ud ruwān ī tan ī kadagxwadāy abāg gyān ī zīyēnāg az tan ī agār ō ruwān ī amarg čiyōn kadagxwadāy dānāg az kadag ī awērān ō mān ī hupēsīd
294.0
ōh =iz guft pēšēnīg frazānagān kū gyān kū ast mēnōy ī zīyēnāg ī andarg ruwān tan tā ruwān hamkadag tā X tan zīndag wišādan
295.0
widord tan zīndagīh ī ruwān ast
296.0
wīstčahārom pursišn , ān ī pursīd kū ka ān ī ahlaw bē widerēd ruwān šab ī fradom ud dudīgar ud sidīgar kūgyāg nišīnēd čē kunēd
297.0
pāsox ēd kū ēdōn guft ēstēd kū ruwān ī mardōmān xwad mēnōy ī tan pas az bēwiderišnīh se šab pad zamīg bawēd
298.0
gumān ī abar xwēš gāh ud andar bīm ī az āmār ud tars X bīm pašag ī az puhl ī činwad rāy sōhist ud čēhān nišīnēd abar xwēš kirbag wināh nigerēd
299.0
ud ruwān ī andar rāh =ēw ō ham mēnōy ī tan kē =š hamsōhišn ud hammārišn ast abar wināh ī =š kird ud kirbag ī =š kam kird čašmagāh bawēd
300.0
u =š fradom šab az xwēš humat ud dudīgar šab az hūxt ud sidīgar šab az huwaršt rāmišn ō ruwān hāzēd
301.0
ud agar abāg =iz ahlawīh wināh ast ī =š pad bun ēstēd fradom pad tōzišn ī dušhuwaršt pādifrāh ham sidīgar šab rasēd
302.0
ham sidīgar šab andar bāmag nigāhbed ganǰwar ī kirbag čiyōn hučihr kanīg =ēw bē ō padīrag āyēd
303.0
abāg hambār ī xwēšīg kirbag ud frēg čand atōxt wināh ud bazag bē ō āmār rasēd rāstīhā , āmārīhēd
304.0
pad mānd wināh puhl ud pādifrāh , widārēd
305.0
ud tōxt dušmat ud dušhūxt ud dušhuwaršt ud abāg frayādāg ud rāmēnāg mēnōy ī xwēš ud humat ud hūxt ud huwaršt bē ō garōdmān ayāb ō wahišt ayāb ō hamēstagān ī ahlawān ānōh kū =š andar ahlawīh gāh ast awiš franāmēd ,
306.0
wīstčahārom pursišn , ān ī pursēd kū ān ī druwand ka be mīrēd ruwān šab ī fradom ud dudīgar kūgyāg nišīnēd gōwēd ud kunēd
307.0
pāsox ēd kū ān šab se ruwān pad zamīg bawēd
308.0
abar menišn gōwišn ud kunišn ī ān xwēš tan nigerēd
309.0
ud gumān ī abar xwēš gāh ud garān bīm ī az āmār ud meh tars ī az puhl ud škeft ud bīm dušox rāy sōhist menišn garān čiyōn bīm nimūdār
310.0
ud ruwān andar rāh =ē mēnōy ī tan abar kirbag ī =š nē kird , ud wināh ī =š kird hangrāyīdār ud čašmagāhdādār
311.0
ud fradom šab az xwēš ud dušmenišnīh ī dudīgar šab az xwēš dušgōwišnīh ud sidīgar šab az xwēš duškunišnīh awištābōmand
312.0
bē az kirbag ī =š andar gētī kird ēstēd fradom šab mēnōy ī humenišīh ud dudīgar šab mēnōy ī hugōwišnīh ud sidīgar šab mēnōy ī hukunišnīh bē ō ruwān ī rasēnd u =š rāmišnīg frayādāg bawēnd
313.0
ud sidīgar šab , andar bāmag nigāhbed ī =š wināh pad čarātīg kerb ī samgen ī rēman ī āzārdār abāg hambār ī =š wināh ō padīrag rasēd
314.0
ud gandag wād ī abāxtarīgīhā bē ō padīrag āyēd
315.0
ud astwisistīhā ud pīmišnīhā ud agāmtazišnīhā bē ō āmār rasēd
316.0
ud pad frēftagīh frēftārīh ud abārōndēnīh ud ašōgenīh zūrgō hamē wehdēnwār nikōhagīh ud druzstāyīh frāywināhīh ēraxtēd ud az puhl ōbadēd ō dušox , ud nigūnīhēd
317.0
wīstpanǰom pursišn ān ī pursīd kū čiyōnīh ī wahišt ašōyīh ud xwašīh ī andar wahišt čiyōn ast ,
318.0
pāsox ēd kū ulīg ud abrāzīg bālistīg rōšntom hubōytom ud pāktom ud hučihrīhātom ud abāyišnīgtom ud wehtom ud gyāg māništ ī yazadān
319.0
u =š andar ast hamāg āsānīh ud rāmišn urwāhm ud wišīdāyīh ud nēkīh , wēš weh az =iz ān ī mahist ud abartom nēkīh rāmišn ī pad gētī
320.0
u =š nēst ēč niyāz dard bēš ud dušxwārīh
321.0
u =š xwašīh ud nēkīh yazadān az ān ī hamēšagsūd gāh ganǰ ī purr ī akāhišn anabesīhān ud akanārag
322.0
ud wahištīgān andar wahišt abēbīmīh ī az anāgīh čiyōn ō apetyāragīh ud rasišn ī nēk yazadān čiyōn ō xwēš kirbag passazag
323.0
ēd frāyist ud nēkīh mēnōy az ān ī gētī čand ān ī akanārag hamēyīg az ān ī kanāragōmand ud gēhānīg
324.0
wīstšašom pursišn ān ī pursīd kū čiyōnīh ī dušox dard dušxwārīh ud pādifrāh ud gand ī dušox čiyōn ast ,
325.0
pāsox ēd kū frōyīdīg zofāyīg ud nigūnīg tārīktom ud gandagtom ud samgentom anabēdāntom ud wattom gyāg ud gilistag ī dēwān druzān
326.0
u =š nēst andar ēč āsānīh ud xwašīh ud urwāhmenīh
327.0
u =š andar ast hamāg gandagīh ud rēmīh ud dard pādifrāh bēš ud zarīg anāgīh dušxwārīh aziš
328.0
u =š nē hangōšīdag X ēč gandagīh rēmanīh ud dard anāgīh ī gētīyīg
329.0
čē nē hangōšīdag gumēzag anāgīh ī gētī ō ān ī =š aǰomā nēkīh u =š damišn az bunkadag ī anāgīh
330.0
ud and garāntar ān anāgīh ī andar dušox az =iz garāntom anāgīh andar gētī čand mehīh ī mēnōy az gētī ud wēšgarān tars ī pādifrāh ī abar ruwān az ān ī pad tan wattarīh ī dēwān
331.0
ud pādifrāh ī abar ruwān az ān ī māništ az dēwān widār mānāgīh ī ān anāgīh ō dušox ī =šān kamālag ahriman ī purrmarg
332.0
ud čimīg guftan ī dastwarān saxwan ēd kū X abārīg harw tis bīm wēš kū xwad tis
333.0
ud dušox xwad tisē wattar kū bīm
334.0
wīsthaftom pursišn ān ī pursīd kū sidōš čim ud čē ast ka andar se rōz yazišn drōn ī srōš framāyēnd kunēnd
335.0
pāsox ēd kū gyān ud ruwān X ka az mēnōywaxšīh bē ō gētīpaymōgīh rasēd u =š dard ud wizāyišn abar widord ēstēd ud nāzuktar
336.0
u =š parwarišn zāyišn paristišn ud pānagīh ud pāsbānīh abāyišnīgtar ud awizīrišnīgtar
337.0
ud pēmxwarišnīh ud ātaxš X ud hamēšag pākīhā andar abāyēd
338.0
ēdōn =iz ka az tanōmandīh bērōnīhēd u =š dard ud gyānkanišnīh abar mad ēstēd hamgōnag nāzuktar
339.0
u =š pānagīh ud pāsbānīh frayādišn ī az mēnōyān , gētīyān abāyišnīgtar
340.0
u =š mēnōyčihrīh rāy dāšn ī yazadān , frayādišn ī mēnōy nērangīg frayādišnīgtar
341.0
ud ātaxš =iz X ān ī andar yazišn ēwēntar
342.0
ud pad ham čim se rōz ka ruwān paywastagīhā yazišn ud ātaxšsōzišnīh ud pāk§ abārīg dēnīg nērangīg , pāsbānīh pēmxwarišnīh X framūd ēstēd
343.0
az ān čiyōn yazišn pāsbānīh ud pānagīh ī gētīyān az dādār framān srōšahlī xwēškārīh ud āmārgar =iz ī pad sidōš ud ēk srōšahlī ān ruwān se rōz ud šab mēnōywaxšgāh andar gētī ud pānagīhēd ud pad ān srōš pādārīh ud āmārīhēd pad =iz ān ī srōš āmārīh
344.0
ud pad ān čim se rōz ud šab yazišn ī srōš kirdan framūdan paydāg čim
345.0
ud rōz ī tasom yazišn ī ardāyfraward framūdan kirdan ham ruwān abārīgān ardā frawardān ī astān būdān bēdān az gayōmard ī abzōnīg ō sōšāns ī pērōzgar
346.0
, wīsthaštom pursišn ān pursēd kū yazišn ī srōš any šnūman ī did abāg kirdan nē pādixšāy
347.0
čē čim rāy ka =š ǰudāgīhā yazēnd
348.0
pāsox ēd kū wispān xwadāy dādār kē xwābar abar xwēš dām ud grāmīgdār xwēš rāst bowandagīh ī =š dād ō srōšahlī ī ǰudāgīhā yaštan
349.0
ka nē ān ī ōy nām wasīhā gōwīhēd ud nē =z ān ī amahrspandān nām abāg ōy yaštan pad ēn čim
350.0
, wīstnohom pursišn , ān ī pursīd kū šab ī sidīgar pad ōšbām ān drōn , se pad se šnūman ǰudāgīhā yaštan čim čē ast ,
351.0
pāsox , ēd kū drōn ē kē =š šnūman rašn aštād šnāyišn ī ōšbām ud gāh ī ušahin rāy čē gar ī ušdāštār andar šnūman aštād yazad gōwīhēd abāg ud aštād gāh ī ušahin šnūman ud xwarrah xwadāy ī ān hangām ka ān āmār bawēd
352.0
ruwānān andar ušahin bām ī ōš ka ō āmār šawēnd ā =šān widār pad ōš ī bāmīg
353.0
drōn ē kē pad šnūman ī wāy ī weh
354.0
ēd =iz rāy ka čiyōn wāy ī wattar appurdār ud zadār ī ēdōn =iz wāy ī weh X kōxšīdār ud ham padīrag ī wāy ī wattar u =š wizūdār az gyānapparišnīh
355.0
ud padīriftār ud pānag ī gyān drōn rāy
356.0
, sīhom pursišn ān ī pursīd kū ruwān ī ahlawān ka bē ō wahišt šawēd pad čē ēwēnag šawēd
357.0
u =š kē padīrēd kē nayēd
358.0
u =š handēmān ī ohrmazd kē kunēd
359.0
u =š az ahlawān ī pad wahišt kas bē ō padīrag rasēd
360.0
u =š kas pursišn aziš kunēd ayāb čiyōn
361.0
u =š āmār ī pad wināh kirbag abar kunēnd
362.0
u =š andar wahišt āsānīh ud xwašīh čiyōn nimāyēd
363.0
u =š xwarišn čē
364.0
u =šān ayārišn ī bē ō gētī bawēd ayāb nē
365.0
ud sāmān ī wahišt paydāg ast ayāb čē ēwēnag ,
366.0
pāsox ēd kū ruwān ī ahlawān bē ō wahišt pad zōr ī ān mēnōy ī kirbag abāg wehīh mēnōy ī ruwān parwānag pad paymān pāyag ud tāyag ī =š xwēš kirbag abāg kirbag mēnōyīg bē ō gētī ud raγ wardyūn ud wāš ud čahārag bārag ǰāmag , payrāyag abzārān ī abāyišnīg mēnōywāzišnīhā bē ō wahišt ayāb ō garōdmān ānōh kū =š gāh ast franāmēd
367.0
u =š wahman amahrspand ō ohrmazd ī dādār handēmānēd
368.0
az ohrmazd framān gāh ud mizd paydāgēnēd
369.0
ān ohrmazd X handēmānīhā pad ān ī wēnēd dānēd ud ayābed šād bawēd
370.0
ohrmazd ī wehdahāg hudādār andar =iz mēnōyān mēnōy
371.0
u =š mēnōyān =iz wēnišn ōh dīd ī mēnōyān abar gētīyān paydāg
372.0
bē ān ī ka pad wuzurg ud xwēš ī dādār mēnōyān gētīyīgwēnišnīhā paymōzēnd ayāb ō gētī ud mēnōysōhišnīg ud wēnišn abyōzēnd ēnyā ox pad gētī sōhišn , mēnōyān dīd pad ān hangōšīdag tuwān ī čiyōn ka tanīhā wēnēnd ī kē =š ruwān andar ayāb ka ātaxš wēnēnd kē =š warahrān andar ayāb X āb wēnēnd kē =š xwēš mēnōy andar ast
373.0
bē pad ān handēmānīh ohrmazd ān ī ruwān dīd ēwar
374.0
čē ohrmazd wispān wēnēd
375.0
ud ān =iz druz ruwān čandīh ī az ān ī ohrmazd andar mēnōyīg sōhišn abyōzīhēd pad nimūdan ī az ān ī ohrmazd urwāhmānīhēd
376.0
u =š ahlawān ī andar wahišt kē =š andar , gētī paywand dōst ud hamdēn ud hamgāh būd hēnd dōšāramnimāyišnīh šnūmanpursišnīh mānāg burzišnīgīh ī az madan ī ō wahišt u =š hamēyīg ud nēk būd ī andar wahišt gōwēnd
377.0
ud āmār ī pad wināh ud kirbag abar wahištīgān nē bawēd xwad andar ēn mādayān škeftpursišnīh
378.0
čē ruwān ī widordagān bē ō wahišt kirdāmārīh ud tōxtwināhīhā ; ēdōn rasīd ī ka =š tā frašegird ānōh gāh
379.0
ud ō nōg āmār aniyāz
380.0
ud ān ī āmār bawēd pad hangām ī āmār
381.0
bawēd āmārgar ohrmazd wahman ud mihr ud srōš ud rašn
382.0
ud harw ēk pad xwēš hangām hamāg pad rāstīh āmār kunēd čiyōn pad dar ī xwēš pāsox nibišt
383.0
ān ī xwarišn rāy pursēd gētī xwarišnān pad dō rāh bawēd ēk ačaxšišn ī az aweštāb ī az āz ud ēk pad urwāzišn ī ō frazāmišn
384.0
ud andar wahišt aweštāb ī az āz nēst ud pad wēšrāmišnīh urwāz
385.0
pad , ān mānāgīh čiyōn gētīyān az xwarišn ī urwāzišnīgīh , frazāmīhēnd ān =iz ruwān mēnōyīg frazāmišn rāmišn hamhandāzagīhā awiš rasānīg
386.0
ud u =š pad nimāyišn ī ō gētīyān nām mēdyōzarm rōγn
387.0
u =š čim ī ān nām ēn kū andar gētī gētīyīg xwarišn ān ī az gōspandān bar pāšom guft ēstēd
388.0
andar ān ī gōspandān bar pad xwarišnīh šīr rōγn
389.0
ud andar rōγn ān pad wehīh stāyīd ēstēd ī dudīgar māh ī az sāl ka mihr pad gāw axtar bawēd kunēnd čiyōn ān māh dēnīg zarmiyā xwānīhēd
390.0
ud nām ī āmārišn nimāyišn ēn kū =š handāzag ī gētīyīg ān ī pāšom ud xwarišn ī andar gētī
391.0
ud ān ī ahlawān ruwān az wahišt ud garōdmān bēayārīhišnīh nē bawēd čē ān purr urwāhm oxān
392.0
ēg =iš nē aziš ayāsišnīh bē =š harw kas awiš purr ayāsišn ast
393.0
bē ruwān gētī gētīyīgān xwēšīgān hamnāfān ayādīhēd
394.0
ud ān ī huayād ud abrādarōd apetyārag ud hamāgrāmišn stī ī čiyōn pad frašegird bawēd urwāzēd
395.0
pad xwēš hangām ud madan awi =š ayāsēd
396.0
ud ham ruwān āsānīh ud rāmišn ud urwāhm ī andar wahišt ud garōdmān pad paymān ristag ud ēwēn ī xwēš kirbag ī hamāgēwēnīg
397.0
āsānīh ud rāmišn ī čiyōn gētīyīhā az mard ī dōst ī dānāg ān ī paristag ī tarsagāh ud abārīgān mardān ī frayādišnīgān ēd =iz kē nāyrīg ī hukirb ī hušarm šōykāmag ān ī xīrpānag ī ārāstār ud abārīgān nāyrīgān ī sūdabgārān ēd =iz az stōrān pahān ud dadān murwān māhīgān ī ud abārīg gōspandsardagān ēd čē az rōšnān ātaxšān hutazišnān wādān brāzyāgān ayōšustān ud huniyāgān sagān ēd =iz ī az fragān būm xānag hammis zamīgān ī hudahāgān ēd =iz ī az rōdān ud xānīgān čāhān hammis ābsardagān ēd =iz ī az dārān ud draxtān mēwagān ud ǰōrdāyān ud wāstarān ud tarragān ud spramagān abārīg urwarān ēd =iz ī zamīgpassāzišnīh ī imišān dām hammis dahišnān ēd čē az ēwēnagān ud mizagān bōyān ud wēnišn ī xwaš ī hamāg čihrān zōrān kārān wihānān wihānān abzārān bē ō margōmandān madan šāyēd
398.0
ud az ān mēnōy ī kirbagīg pad hangōšīdag homānāgīh ī dīdārag ud narān nāyrīgān ud gōspandān , ātaxšān ud ādurān hāmōyēn ayōšustān ud sagān zamīgān ābān urwarān passazagīhā kirbag mēnōyīg ō ān ruwān abyōxt
399.0
ud pad pāyag ud paymān ī =šān zōr ī az kirbagrāyēnīdārīh ī ān ī ahlaw ō ān ī ahlaw pad rāmēnīdārīh sazāg hangāmīhā ud abāyišnīgīhā sāzišnīh ud hamēšag rāmišn paywastagīhā ud aǰomābēšīhā ayābēd was =iz urwāhmenīhēd
400.0
ē ī =š andar gētī az bun handāzag nē waxt bē ō ān ī wahištīgān garōdmānīgān ēdōn rasēd ud ī =š ān =iz ī abartom nēkīh ud rāmišn ī gētīyīg nē hangōšīdag
401.0
bē pad āgāhdārīh ī ō gētīyān nimūnag guftan ud nimūdan ī az gētī ēnyā kanāragōmand abāg akanārag None ud asazišnīg abāg sazišnīgīh None kāhišnīg abāg akāhišnīgīh hamhangōšīdag nē bawēd
402.0
ud gētī ast kanāragōmand ud sazišnīg ud kāhišnīg
403.0
ī ān ī asar rōšnīh ast asazišnīg akāhišnīg
404.0
ud ān ī hamāgsūd ud ganǰ hamēyīgsūd anabesīhišn ;
405.0
ud ān ī rōšn garōdmān wispurwāhm aǰomābēš
406.0
ud ān ī ahlaw andar wahišt ud garōdmān gāh ān mizd ī fradom hāzēd
407.0
u =š tā ristāxēz ka gētī =z abēzag apetyārag bawēd xwad ud az =iš awardišnīg
408.0
ud pad ristāxēz ān ī meh ud weh ud pāšom hāzēd ǰāwēdān xwārīhēd
409.0
, sīhēkom pursišn , ān ī pursīd kū ān ī druwand ka ō dušox šawēd čiyōn šawēd čē ēwēnag šawēd
410.0
u =š kē ō padīrag āyēd
411.0
u =š kē nayēd ō dušox
412.0
u =š az dušoxīgān kas ō padīrag āyēd ud ayāb čiyōn bawēd
413.0
u =š pādifrāh ī wināh ī =š kird pad ēwbār abar kunēnd ayāb =iš tā tan ī pasēn ān ham pādifrāh ast
414.0
u =šān andar dušox xwarišn čē bawēd
415.0
u =šān dard dušxwārīh pad čē ēwēnag X
416.0
dušox sāmān paydāg ast ayāb čiyōn ast ,
417.0
pāsox ēd kū ān ī druwandān ruwān pas az bēwiderišnīh šab tasom kird āmār az puhl ī činwad nigūn gardēd ud kafēnēd az =iš
418.0
u =š wizarš dēw sezdēnīhā bastag nayēd u =š X nayēd bē ō dušox
419.0
u =š abāg bawēnd mēnōy dēw ī hambūst az ān ī ōy wināh pad was čihrag ud gāh mānāg ī wimuštārān =iz rēšīdārān ōzanišngarān murnǰēnīdārān marān ud duškirbān ud bazagēwēnagān ud anabāyistān anačarātīgān rēmanān ud gazāgān darrāgān ud xrafstarān ud gandagān wādān tārīkān gandagān sōzāgān ud tišnīgān ud gušnēnāgān anāpuhrān ud abārīg frahist wināhēnāgān ud dardēnāgān kē =š pad hangōšīdag ī gētī bēškirdārān mēnōyīg abāg bawēnd
420.0
u =š handāzag zōr nērōg , ī =šān az ān ī ōy wināh wēxt ān tā bē ō , frašegird zamān xwāyišnīhā dardēnēnd bēšišnēnēnd
421.0
ud pad ān ī wizarš nīdārīh akāmagīhā āyēd bē ō dušox handēmānīhēd ō druz ud gannā pašēmānīhēd az frēbišn ī wirēgīhā kāmagīh
422.0
ud az dušox abāzayāstār ō gētī ud škeft ārzōg ō kirbag
423.0
u =š xwarišn pad handāzag ī ān ī andar gandagtom pūdagtom ud rēmantom ud axwašīhtom
424.0
u =š xward nē urwāzišn ud frazāmišn bē pad niyāz ī =š az āz awištābīhēd , gursag ud tišnag dārēd ǰuxt az ān bazagēwēnagīh
425.0
u =š nē bawēd sagrīh bē =š abzāyēd awištāb
426.0
u =š ān dard pādifrāh ud aweštāb
427.0
ud wadgyāgīh ī andar dušox nē sāmānīhēd
428.0
pēš az ristāxēz tā frašegird zamānag andar dušox
429.0
u =š wināh frāzag ān ī pādifrāh paywastag
430.0
u =š ān pādifrāh az druz mēnōy ī xwēš wināh ī X pad ān ēwēnag ud handāzag abar rasēd ī =š āzārīd ud bēšīd ud ān ī wattar yašt ud stōd paristīd
431.0
ud pad frašegird zamānag ka X druz ud ān ruwānān ī druwandān se rōz andar āhun ī widāxtag widārēnd ud hamāg druzān ud dušmenišnān ī =šān az wināh ud pad X ud škennišn ī ān āmēxtagīh ī ān ī druwandān ruwān wināh passazagīhā dard dārēnd ud awištābīhēnd
432.0
ud pad ān ī abartom šōyišnīh ī pad ān ī widāxtag āhun bē yōǰdahrīhēnd az gast ud rēbag
433.0
ud pad xwābarīh ud aboxšīdārīh ī xwābarān abartom āmurzīhēnd
434.0
ud az didom abēzagān bawēnd čiyōn hangōšīdag , guft ēstēd kū abēzagān bawēnd dō ēwēnag ēk ī anālūd ēk ī āsnūd
435.0
ud pas az ān yōǰdahrīh nē bawēnd dēwān nē pādifrāh nē dušox ī , abar druwandān
436.0
ud awēšān =iz wirāstag bawēd rāst bawēnd ahlaw adard ud amarg ud abīm ud abēanāgīh
437.0
u =šān abāg rasēd mēnōy ī ān kirbag ī =šān kird rāyēnīd ēstēd andar gētī
438.0
az =iš hurāmišn ud urwāhm ayābēd pad pāyag paymānag ī ān kirbag
439.0
bē ruwān ī ahlawān pādāšn wehdādīh ud wēš bawēd
440.0
sīhdōwom pursišn , pāsox ān ī pursīd kū dušox pad kadām kustag ud kadām zamīg čiyōn ast ,
441.0
pāsox ēd kū gyāg ī druwandān ruwān pas az frōdmīrišnīh ī tan pad se wimand
442.0
ud az =iš ēk hamēstagān ī druwandān xwānīhēd
443.0
ud gumēzag , ast bē anāgīh wasīhā ud frāxīhā wēš az nēkīh
444.0
ud gyāg samgen tārīk gandag ud garānanāgīh
445.0
ud ēk ān ī wattom axwān , xwānīhēd
446.0
ud ast fradom nixrōyišn
447.0
ud ud dēw mān ānōh dārēnd
448.0
ud anāgīh ud pādifrāh purr ud āsānīh ud rāmišn ēč nēst
449.0
ud ēk druzaskān xwānīhēd ,
450.0
ud ast pad bun ī ox ī tom kū dēwān kamālāg dwārēd
451.0
ānōh hamāg tār ud hamāg anāgīh ābād mān
452.0
ēd se gyāg pad hangirdīg dušox xwānīhēd
453.0
ast abāxtarīg ud nigūnīg ud azērīg ī ēn zamīg ud tā =z abardom nigūnīh ī asamān
454.0
u =š dar pad zamīg az , abāxtar nēmag
455.0
gyāg =ē ast ud arzūr grīwag xwānīhēd
456.0
kōf =ē ī pad ham kōf ī , arzūr nām X kē andar kōfīg kōfān pad dēwān meh nām andar dēn guft ēstēd
457.0
ud dēwān andar gētī hamdwārišnīh ud hanǰaman pad sar ī ān kōf , čiyōn ān ī arzūr kamāl xwānīhēd ,
458.0
sīhseyom pursišn pāsox , ān ī pursīd kū az čagād ī dāytī rāh =ēw ī ašō’ān ō wahišt ud ēk ī , druwandān ō dušox
459.0
u =š čiyōnīh pad čē ēwēnag ast
460.0
pāsox ēd kū ēk ō ulīh ud ēk ō nigūnīh ud harw dō az ēk mayānag
461.0
ēn was ō šnāsišn bēčīšišn rāy nibēsam kū ān ī ahlawān ruwān pad činwad puhl widerēnd pad mēnōywāzišnīh
462.0
ud ān ī kirbag zōr ul ō star ayāb ō māh ayāb ō xwaršēd pāyag ud ayāb ān ī asar rōšnīh franāmēnd ,
463.0
ān ī druwandān ruwān az puhl ōbadišnīh u =š druxtār dēw ud rēman ud az ān ī ōy wināh hambūsīd u =š andar zamīg ō nigūnīh nayēd čiyōn harw dō rāh az ān X puhl ī abar dāitī čagād ,
464.0
sīhčahārom pursišn , ān ī pursīd kū ēn gētī abē mardōm be bawēd ēdōn kū ēč astōmand andar nē bawēd ud pas ristāxēz kunēnd ayāb čiyōn bawēd ,
465.0
pāsox ēd kū ēn gētī hamēšag az , āfurrišn tā =z ō abēzag frašegirdārīh hagurz abē mardōm nē būd ud nē =z bawēd
466.0
ud gannāmēnōy aweh ēn rawāgkāmagīh nē hāzēd
467.0
ud nazd ō zamānag frašegird astōmandān az xwardārīh bē ēstēnd pad axwarišnīh zīyēnd
468.0
ud frazend ī az awēšān zāyēnd ān ī anōšag
469.0
ēd čē dagrpattāy ud huwirāy kirb dārēnd
470.0
ēdōn az astōmandān mardōmān ast ī pad gētī hēnd
471.0
ka widordān mardōmān ast ī abāz hāzēnd ud abāz zīyēnd
472.0
sīhpanǰom pursišn , ān ī pursīd kū awēšān kē andar frašegirdārīh andar abāyēnd kē hēnd
473.0
kē bawēnd
474.0
čiyōn hēnd
475.0
pāsox ēd kū X abāyišnīgān ī pad ān ī pāšom kār gugān ī ōšmurd drāz
476.0
čē gayōmart =iz ǰam ī šēd ud zardušt spitāmān ašō’ān rad ud wasān wuzurgspāsān abzār ī frašegird frazāmēnīdan rāy brēhēnīd
477.0
u =šān wuzurg abd ud awizīrišnīg , rāyēnīdārīh abar raft ī ō kirdan ī frašegird gīrēd
478.0
pad =iz ān ī frašegird nazdīkīh sāmān kirsāsp kē dahāg wānēd ud kayhusrōy kē az wāy ī dagrendxwadāy widārēnīd ud tūs ud wēw X abārīg čand wuzurgkunišnān , ayār hēnd frašegirdkirdārīh
479.0
bē ān ī wāspuhragānīgtar frašegirdkirdār haft guft ēstēd ī =šān nām ī rōšnčašm ud xwarčašm ud frādadxwarrah wīdadxwarrah ud kāmagniyāyišn kāmagsūd sōšāns
480.0
čiyōn guft ēstēd kū andar panǰāhhaft sāl ī ristāxēzišnīh zamānag rōšnčašm pad arzah ud xwarčašm pad sawah ud frādadxwarrah pad fradadafš ī wīdadxwarrah pad wīdadafš ud kāmagniyāyišn pad wōrūbaršt kāmagsūd pad wōrūǰaršt tā sōšāns pad xwanireh ī bāmīg abēzag
481.0
paywastaxwīh bowandag ud hamwēnišnīh ud X spurrīgīhādānišnīh ud purrxwarrahīh ī ān , haftān frašegirdkirdārān ēdōn abd kū az kišwar bē ō kišwar harw ēk ō šaš ud āgenēn ēdōn hampursēnd nūn mardōm ō hamwēnišnīh hamgōwišnīh ud hamkunišnīh pad uzwān ēk ō did saxwan gōwēnd ud hampursīh kunēnd
482.0
ham pāšomkunišnān pad šaš sāl andar šaš kišwar ud pad panǰāh sāl andar , xwanireh ī bāmīg ud amargīh winnārēnd
483.0
ud hamēzīndagīh ud hamēsūdīh , rawāgēnēnd pad ayārīh ud zōr ud xwarrah ī wispāgāh spennāgmēnōy dādār ohrmazd ,
484.0
sīhšašom pursišn ud pāsox ān ī pursīd kū ristāxēz čiyōn kunēnd ud rist čiyōn wirāyēnd
485.0
ka =šān rist wirāst bawēd čiyōn bawēnd
486.0
ka =šān kird bawēd waxšišn rōšnīh ī star ud māh xwaršēd andar abāyēd bawēd ayāb nē
487.0
ud drāz rōd kōf , bawēd ayāb nē ,
488.0
ud gēhān hamčand ēn bawēd ayāb wēštar ud frāxtar bawēd
489.0
pāsox ēd , kū wirāst ud kirdan ī , ristāxēz abāg abd passāxtīh ud wuzurgīh
490.0
ud pas =iz škeftsahišnīh abar dāmān kē anāgāh hēnd ān ī xwābar dādār rāzān ud tisān čiyōn harw nihuft ud rāz bē xwad ōy ī harwdānišn ī purrāgāh ud wispān wisp ēnyā ēč az gētīyān ud mēnōyān ī anuspurr nē dānist
491.0
rāst gōwišn andar šnāsišn gētīyān ī āškārag kū čiyōn hammōxtag framuštag frahang abāzāmōxtan az ān ī anāmōxt āsāntar pad āmōxtan ud dēsīdag hambastag xānag abāzwirāstan az ān adēsīdag dēsīd ud āsāntar ēdōn =iz ān ī brēhēnīd ud brēhēnišnīh hugartar ud škeftīh kam az dāmdahišnīh
492.0
ud pad xrad ud xwarrah wispāgāh ud wisptuwān dādār kē =š X ud dām dād ān ī škast nōg abāzdād nē škeft bē andak huzārag
493.0
ōh =iz dādār ī gāhān dād ān ī mēnōy dām abēzag anāhōgēnīd ud ān =iz ī gētīyīg dām amarg ud azarmān asōyišn ud apōyišn abēš ud adard tā ka čandīd andar tam dušīh druz kē ud xrad rāst wizīngar nē gāh ī spenāgīg bē astškennāg margēnāg ud dušāgāh frēbāg , ud purrkēn ud wiyābānēnāg ud wišōbāg ud nanggar wanygar ud purrarešk
494.0
u =š ēdōn purr ast kēn ud frēb ud wiyābāngarīh wanyīdārīh ud wišōbišngarīh ud zadārīh kū nē ēwāz bē ō hambadīgān ud padīragīgān bē ō =z xwēšīgān hamgundān hamsarān anāgkām ud wiyābānēnāg wišōbāg wanyēnāg ud kēnēnāg areškburdār
495.0
u =š az xwēš bun ud zofāy ī purrtār nihād ud ō tār sāmān rōšnān wimand
496.0
u =š pad samgenīh ud uskār ud dēwīg nigerīd ō rōšn ud anāhōg ud dām ī ohrmazd spennāg
497.0
u =š pad arešk ī purrkēnwarīh ; ī spurrdruxtārīh nixwārīd ō griftan wišuftan ud wanyīyēnīdan abesīhēnīdan ī ham hukird dām ī yazadān
498.0
u =š az zūrag nigerišn pad waran zūrmihōxtīhā framūd ī =š pad wanykirdan ī xwēš pērōzīh windād šāyist
499.0
ud andar drang ī =z nō hazangrōzim ān ī pad =iš wanyīhēd xwad druz
500.0
ud ōy ī ī abartom rōšnān xwadāyān xwadāytom ud mēnōyān mēnōytom ud wispagān , ohrmazd ī dādār kē =š ō harw čār tuwān ayāftag xwad tuwān būd pad andarnēhištan ī ōy druz ō parwast ī rōšnān
501.0
u =š pad xwēš harwistdānāgīh šnāxt ān ī ōy druz wattarīh menišn zūrmihōxtīhā handēšišn
502.0
ud āgāh būd pad xwēš ud xwēš āgāhīhā
503.0
ud ōy druz ōšīh nē padīrēd ud ān ī spenāgīg framāyišn ān rāstīhā dānišn
504.0
čē =š nēst ān ī wehīg gōhr ud ān ī abzōnīg ud xrad
505.0
ud nē wardēd az rōšnīgān wimand ud wehīgān kōxšišn tā ka rasēd ō dām ud kōxšēd pad uzmān parwandīhēd andar asemān ud drōšīhēd andar razmān ud dardīhēd purrpaymān uzmānīhēd spurrsāmān
506.0
u =š wišōbīhēd abzārān ud ānābīhēd zōr ī angramenīh
507.0
ud wanyīhēd zēn ī druxtārīh ud abesīhēd čār ī frēbāgīh
508.0
ud pad bowandagīh uzmūdagīh ud spurrdardīh ud škastspāhīh ud wisistrazmīh ; ud abesīhīdčārīh ulwāzīd ō bērōn parwast ī rōšnān pad anayāsišn anayāragīh ī did abāz awiš
509.0
ud ham wispwēn dādār ka =š andar nē hišt ahreman rōšnān ranǰ akanāragzamānīhā ēstād ī druz pad handēmānīh ō wimandīgān pad andarnēhilišnīh ǰāwēdānranǰīhā ō dāmān hamēyīg druzhandēmānīh hamēšagpīmīhā hā sahist
512.0
u =š pēškōxšišn =iz ī druz ka =š any ō rōšnān nē kōxšīd X zadan ī ka =š rōšnān nē zad ud tōzēnīdan ī pēš az wināh ud kēnēnīdan ī pēš az kēn ō rāstīh ud dādestānīgīh kē =š awardišnī ud nām ud xwābarīh ud akēnīh kē =š ōstīgān čihr ēdōn nē hamāg hangārd
518.0
ō ān ī pēšag dādār druz pas az drōzišn kōxšišn zanišn ī rōšnīgān dādīg abāzdārišnīh ī az rōšnān zadārīh rāy abarwēzīh ī xwēš ud spāh kōxšišn ud ān ī zanišnarzānīg zadār abāzzanišnīh ud ān ī , kēnēnīdār kēnīg abāzkēnišnīh ān ī xwēš gāh ēbgad abāz ān ī anērmanīg wattarīh ud akārēnišnīh framūd
525.0
spenāgkārīhā dīd ī =š pad ān ī ohrmazdīg xrad ān ī mēnōyīg xrad andar ān ī brīnōmand zamānag ān ī kanāragōmand gāh ud ān ī sāmānōmand razm ud ān ī paymān ranǰ ān ī frazāmōmand kār padīrag druz ī adādagdāštār dādag kōxšīd
529.0
ud andar saxt asemān zēndānīgīh ōbastan tā purrdardīhā ud spurruzmūdīhā bērōn abāz nē hilēnd
532.0
pad ān brīn zamān ī ān druz zūrmihōxtīhā pērōzīh framūd ud ham druz hamist dēwān ālūdagīhā ud ānāstīhā ud pašēmānīhā ud apērōzīhā ud purrmaddardīhā , bowandagīhā uzmūdīhā ud ēd čē zūrīhā X ud hanǰāftabzārīhā ud ānāftnērōgīhā ud abesistfrēbīhā wišuftčārīhā ud stardīhā ud agārīhā bērōn abgand
536.0
andar wišuftahrimanīh ud wanydruz ud abesīhīddēwīh ud nēstpetyāragīh ān ī weh dām nōg ud abēzag abāz tāšīd
537.0
ud ǰāwēdānīg ud frāz dāštan andar abēzag ud nēkrawišnīh anōšag winnārdan ud andarnēhilišnīh ī hambadīg az nōg nōg padistīh ī =š pad drōzišn hamēšag handēmānīh ī =š ō dām ī yazadān ǰāwēdān tarsānīh ī rōšnīgīh aziš būd hā mehsūdtar dāšt
541.0
u =š abzār nē ān ī andarnēhilišnīh bē =š ān ī frazāmpērōzīh ārāst
542.0
u =š ān ī asarrōšnīh ī akanārag frāz brēhēnīd
543.0
ud ān ī hamēšagsūd ganǰ ī xwadād kē wisp gōhrān tōmagān čihrān ud zōrān kārān abzārān
544.0
ī az bunāfurrišn ī wehān dāmān andar dwārišnīh ī druxtār ēbgad
545.0
tā abdom dādīg/yazdīg pērōzīh ī huframān dādār
546.0
ud frazāmišn ī wispān kōxšišnān pad pānagīh
547.0
ud pāddāšn ī kirdspāsān šnāyišn ī ahlawān bēšazišnīh ī druwandān
548.0
ud winnārišnīh ī fraškerd abāyišnīg
549.0
ēd čē abzāyišnīhā
550.0
ud ēd čē pusyānīhā ud ēd čē zahagnērōgīhā
551.0
ud ēd čē zāyišnīhā ud ēd čē tōhmagīhā
552.0
ud ēd čē dāyagīhā ud ēd čē čihrīgīhā
553.0
ud ēd čē dānišnīhā
554.0
ud ēd čē rāyēnišnīgīhā ud rāyēnāgīhā
555.0
ud ēd čē ǰudgarīhā ēd čē ǰudōšmārīhā
556.0
ud ēd čē abārīg wasān frahīdagān ēwēnagān ud ristagān ī andar āwām āwām [T6035v čont ] zamānag zamānag
557.0
pad kayīh kū’īh čandīh ud čiyōnīh ī abāyišn bowandag az =iš rasānīh spurr u =m andar wht
558.0
u =š baxt nēkkird asmān pad se srišwadag
559.0
ī ēk pad ulīh paywast ō ān ī asarrōšnīh kē ān ī hamēšagsūd ganǰ andar
560.0
ud ēk pad frōdīh ayāft ō ān ī zofāy tom kē ōy purrwattarīh druz andar
561.0
ud ēk mayān ī ān dō srišwadag ēr ud abar az =iš
562.0
ān abartom srišwadag xwānīhēd garōdmān
563.0
darbušt kird pad abēzagīh ud hamāgrōšnīh ud wisprāmišn ud druzawišnēayābišnīh
564.0
u =š payrāst ān ī srišwadag ī ō apetyāragīhā xwānišn ī abēzagān amahrspandān kirdspāsān ahlawān
565.0
kē čiyōn āznāwar gurdag ī hambadīg ī awirāst bowandagīhā kōxšēnd andar ardīg
566.0
ud wānēnd hambadīg
567.0
ud wizārd xwēš guharīg ēwarzēnd ō haspīn
568.0
pad ān ī amahrspandān abāgīh ud ān ī dādār xwarrah
569.0
ud did =iz andar ō abēbīmīh ō dēwān zanišn ud ō wehān dāmān frayādišn xwāhēnd
570.0
čiyōn kē az darbušt čand abīm kē tigr ud sneh anayābag ud ō ērpānag tigr wihēd ud ō dōstān ayārēd
571.0
u =š ō ān ī ērtom srišwadag ī asmān pad ān yazadīg warz xwarrah wizārēnīd ǰuttarīh ud pad radīh
572.0
kū tā druz ī awehīh rasēd ud ān srišwadag purrtār ud purrdēw kunēd
573.0
ud škeft andar ān saxtīh ka [T6036r bačk to sīhēk 1] hazangrōzim bawēd
574.0
zēndān ī pōzēnag ristag ī dēwān ān =iz ī druwandān
575.0
kē dēw frēft ud az razm wirēxt pad wināh āsterīd bawēnd ud pattūgīhād andar
576.0
bē nē hilišn druz az parwastār ī rōšnān tā zamān ī brīn
577.0
ka spurrīhēd ān ī dēwān pādifrāh ud ān ī druwandān pašēmānīh
578.0
u =š ō ān ī mayānag srišwadag brēhēnīd ān ī gētī dām pēšradag ī az gētī ud mēnōy
579.0
u =šān andar awēšān dāmān dād ān ī rāyēnāg mardōm sālār ī dāmān ud ān ī wizīngar xrad abzār ī mardōmān ud ān ī rāst dēn ī pāšomdānišnān
580.0
u =š sāxt ān srišwadag ō razmgāh ī kōxšišn ī dōān ǰudgōhrān
581.0
u =š pad abartomīh ī ham srišwadag ēstēnīd rōšn xwar ud bāmīg māh ud xwarrahōmandān starān
582.0
u =š payrāst kū mad petyārag wāzēnd ud gardēnd pērāmōn ī dām
583.0
ud spīzišn ī dūr būm ud rōšnīh ud wārān wasān nēk yazadān zanēnd
584.0
ud wānēnd ǰādūgān parīgān kē azēr ī awēšān dwārēnd pad wināhišn ō dāmān
585.0
ud škeft kōxšānd ud abāzēstēnīdār bawānd ān gast ud seǰ
586.0
u =šān pad gardišn abrāz nišēb ud waxšišn ud nirfsišn ī dāmān bawād
587.0
ud purr ud ōgār ī zrēyān ud waxšišn ī rōymānān ud wālišn ī dāmān
588.0
u =šān aziš ud padiš wizīhād brīn ī rōzān ud šabān māhān sālān
589.0
āwāmān sadōzimān hazangrōzimān
590.0
u =š brēhēnīd bē ō pidānpaymōzīh ī xwad ast stīpaymōgīh čēr ī tagīg ahlawān frawahrān
591.0
u =š payrāst kū zamānag zamānag pad xwēš gōhrag ēstēnd
592.0
ud rasēnd bē ō gētīpaymōgīh
593.0
ud ān ī yalān ramag čand bowandag ō ān ī zamānag kār zāyēnd andar tōmag
594.0
ān ī purrfrazend čiyōn frawāg
595.0
ān ī pēšdād čiyōn hōšang
596.0
ud ān ī dēwzadār čiyōn tahmureh
597.0
ān ī purrxwarrah čiyōn ǰam
598.0
ud ān ī purrbēšaz čiyōn frēdōn
599.0
ud ān ī harwdōxrad čiyōn ahlaw manuščihr
600.0
ud ān ī purrōz čiyōn garišasp
601.0
ud ān ī xwarrahtōmag čiyōn kaykawād
602.0
ud ān ī purrxrad čiyōn ōšnar
603.0
ud ān ī āzādag čiyōn siyāwaš
604.0
ud ān ī abarkār čiyōn kay husrōy
605.0
ud ān ī burzāwand čiyōn kay wištasp
606.0
ud ān ī purrweh čiyōn ašō zarduxšt
607.0
ud ān ī gēhānwirāy čiyōn pišyōtan
608.0
ud un ān ī dēnabarg čiyōn ādurbād
609.0
ud ān ī mānsrīg čiyōn ōšīdar
610.0
ud ān ī dādīg čiyōn ōšīdarmāh
611.0
ud ān ī gāhānīg frazāmīg čiyōn sōšyans
612.0
andarg awēšān wasān warzāwandān xwarrahkārān dēnburdārān wehrāyēnīdārān
613.0
kē āzwar ō wānišn ī druz/drōzan ud kāmišn ī dādār
614.0
u =š ō kōxšišnīgān dāmān dād ud wīdwarīh baxt ī andar kōxšīšn pad wuzurg rāz ō ān ī pāšom nēkīh ī az wahišt pad fraškerd
615.0
u =š wāspuhragānīhā hunsand kird menišn ī āhōgēnīd zīndagān pad guharīg wihēz ī az anāgīh
616.0
ud ēn ōh =iz hunsand pad marg kū =šān sāmān dānēnd brīnōmand
617.0
ud frazāmōmand bawād anāgīh ī gētī pad zīndagīh brīnōmand
618.0
ud ma asāmān abrīn bawānd andar anāgīh ī gētī pad hamēyīg zīndagīh ī abāg dard
619.0
u =š pad wuzurg rāz ī purrabdīh guharīg amargīh ō zīndagān dād škeft
620.0
tā =š ān ī weh ud abartom ast amargīh ī petyāragōmandīh
621.0
čē hamēzīndag ī petyāragōmand ǰāwēdāndard
622.0
ud ōy škeft zōr ī ayāft paywand hamēǰuwān pad paywand ud nāf āwādagān ī weh andar petyāragōmandīh
623.0
ud hamēyīgīh ī zīndagīh kū =šān pad xwēš frazend āwādag ud zīndagīh paywandīhēd ī ǰāwēdān
624.0
ōwōn kū harw windēnd kahwanīh ī az wēmārīh zarmānīh
625.0
abāz nōgīhēd ǰuwānīhā pad xwēš frazend ud gōhrag hamē ka purr bawēd
626.0
ēk =iz az razmīg ī =šān kōxšišn pad wānišn ī =š hamnibard windēd
627.0
pad tarāzūg ālag ī āsān
628.0
ēn ōh =iz franāmišn ī ō wahišt
629.0
čiyōn ōy =iz abartom ī ašō’ān mahist ī paygāmbarān ud farroxtom ī zāyišnān gētīyān rad ahlaw zarduxšt spitāmān
630.0
ka =š az ohrmazd sp abar mad xrad ī harwispāgāh
631.0
u =š dīd ōy ī ahōš afrazend ud ōy =iz ōšōmand ud frazendōmand
632.0
ēg =iš ān ī hamēzīndagīh ī afrazendīhā samgen ud ān ī rawāgpaywandīhā ī ōšōmandīhā burzišnīg sahist
633.0
kū ān ī āsnūdag frazend rasišn ī ōšīdar ud ōšīdarmāh ud sōšyans ārzōgtar ud kāmagtar bawēd ud margīh az hamēzīndagīh ī ān ī xwēštan
634.0
ud ka ōy ī wispwehīh wispāgāh ārāst būd abzārān ī padīrag druz
635.0
čiyōn spar ō =šān mad [K35139v end] ān druz ī frēbāg gōhrag ud ganāg ud dwārāg ud anāgkām ud pēškōxšīdār
636.0
abāg akōman ud xešm ud zarmān būšāsp ud niyāzēnāg tangīh ud but baxt wāy ud waran ud astwihād ud wizariš dēw ud hamist māzandarān amar dēwān ud druzān
637.0
u =š tār tom ud waγ gazdum wyyp̄l spiš ud wiš ud zahr ud hammistīhā wināhišn andar ān ī ēr srišwadag
638.0
ul padīd dušdānāg ō ān mayānag srišwadag kē =š andar =uš dām ī ōhrmazd dād
639.0
u =š zad gāw u =š margōmand kird gayōmard u =š čandēnīd zamīg ud škast būm
640.0
ud tārīk būd dahišn
641.0
dwārist hēnd dēw ēr abar ud kustag
642.0
u =šān nixwārīd ō =iz ān ī abartom srišwadag kū garōdmān ī abēzag
643.0
ud mad hēnd ō abarīg asmān ī mayān srišwadag
644.0
ud ānōh haspīhist ēstēd mēnōywaxšīg ān ī banddrubuštīh
645.0
kē =š harwist bandān nigāh awiš
646.0
ī xwad ast wuzurg xwarrah ī kē =š harwist bandān nigāh
647.0
dēn abēzag gumānwizār
648.0
brāzīhist bāmīg ud dūrpayrōg čiyōn aibyānghan ī starpēsīd ī mēnōyāntāšīd wehdēn ī mazdēsnān
649.0
ēdōn =iz brāzīd rōšnān ī purrxwarrahān
650.0
u =š nē būd ādūgīh ēč dēw ud druz nē =iz ōy =iz dēwān dēw mazantom
651.0
pad ēč gurdīh tar ān wimand ul dwāristan
652.0
abāz kaft hēnd
653.0
nūn ka nē ayāft az tamīggōhr druz ud tār tohmagān dēwān abēzag mēnōyān yazadān rōšn garōdmān gāh
654.0
ī =š framūd pad zūrag mihōxt pērōzīh ī xwarrah gētī dām pad dō zay
655.0
ēk abesīhēnīd ī zīndagān pad margīh zōr
656.0
ud ēk dastgraw kirdan ī ruwānān pad druwandīh rāh
657.0
u =š gardīd ō margēnīdārīh
658.0
u =š pad =iš sālār kird ān ī dušdānāg ī xwānīhēd astwihād ud wizārīhēd astōmandān wišōbēš
659.0
u =š būšāsp dēw pad nizārēnīdan ī wēn abespārd
660.0
ud tab dēw pad stardēnīdan ud ōš āšōbēnīdan
661.0
ud āz dēw pad zōr ōgārdan ud pēš tanišn darrišnēnīdan
662.0
u =š zarmān dēw pad kerb wināhīdan ud tōš appurdan
663.0
wattar wāy wisānišn gyān az tan stōwēnīdan
664.0
xešm dēw pad kōxšišn sārēnīdan ōzanišn abzāyēnīdan
665.0
tamīgān xrafstarān pad gazišn kirdan ud wināhēnīdan
666.0
zāyriǰ dēw pad xwarišnān zahrēnīdan ud margīh wihānēnīdan
667.0
abāg niyāz ī nihānrawišn ud sam ī bīmkun ud xīndagīh tabišnafsār
668.0
was wināhišnīg zōrān wināstārān dēwān hamayār kird ō astwihād pad margēnīdārīh
669.0
u =š ō druwandēnīd dušoxīg kirdan ī =šān ruwān pad sālārīh ud drō
670.0
kē pad ēwāz ī dēnīg xwānīhēd mihōxt
671.0
čiyōn guft pad dēn kū ast ānand wattarīh čand harwisp dēw abāg dēwān dēw akōman kē abāg gannāymēnōy az ān mihōxtgōwišn
672.0
u =š pad ān ī drōdēnīh ud dām ayāftēnīd spazg frēftār ud waran xwaddōšag ud kēn ud arešk ān =iz ī čēr nangrawišnīh ud ān ī abārōn dāmārzōgīh ud aǰgahānīh ī pad xradxwāyišnīh ud purd ī pad ān ī nēstfrahang nimāyišnīh ud spōz ī pad ahlawčayēnīh
673.0
ud abārīg was wiyābānīg zōr wiyābānēnāg dēw hamayārīh kird ō ān ī drō dēn pad dāmān frēft
674.0
u =š kirrēnīd ō abārīgān =iz ēwēnag ēwēnag dāmān petyāragīh frahīdān dēwān druzān
675.0
u =š ō ayārīh ī ān razmīgān ēstēnīd
676.0
ud gugān =iz wasān parīgān ī tamīgān gōhrān kē =šān paymōxt rāh ī rōšnīgān
677.0
kū padēnd dwārēnd ud gardēnd azēr rōšnān ī wāzišnīgān
678.0
pad rāhdārīh ī andak mēnōyān ud gētīyān nihumbišn
679.0
ud ān ī awēšān rōšnīh ud xwarrah apparānēnd
680.0
ān ī az awēšān xwarrah baxšišnīh ud damišnīh az xwēš ud ō dāmān ud xīndag =iz ast dard marg ud hamist anāgīh ī mān ō =šān dēw
681.0
ud awēšān dēwān kamālīg ud māzanīgān dēwān hamist druzān
682.0
adādestānīhā ud pēšrawišnīhā ud pēšǰōyīhā
683.0
ud nē pad sūd frayād ī xwēš bē pad asazāg kēn ud anēwēn arešk wizārdan
684.0
wizāy ud anabāyišnīg kām ī abar rōšnān abesīhēnišn škeft yyzšn kōxšišn kōxšēnd ō wehān dāmān ī yazadān
685.0
ud ān ī yazadān spāh dādestānōmandīhā ud paskōxšišnīhā
686.0
ud nē pad pēškēnīh ud pēšwizāyīh bē pad xwēš zyān abāzdārišnīh
687.0
ud gundagān az kēnwizūdārīh gurdīhā ud amāwandīhā
688.0
frārōnīhā ud spurrabarwēzīhā pērōzīhabarwēzīhā kōxšēd
689.0
ud kōxšēnd ō ahriman ud dēwān tā frazāmkōxšišnān pērōzīh ī wehīgān
690.0
ka wanīyīhēd druz ud abēzagīhēd dām
691.0
ud čiyōn gētīyan andar gētī ān ī mēnōyān kār ud ristag šnāxtan az rāst nigerišn ī pad xrad ān ī zyk šāyēd
692.0
ī ka pad hangōšīdag ī rāst zōr ī xrad ān ī wēnābdāg ud zyk awēnābdāg
693.0
az ān ī mad ud ān ī pahrist nigerēnd šnāsēnd paydāgēnēnd
694.0
ōwōn frazām =iz ī hamkōxšišn dānišngugāhīhā ēwarpaydāgīhā dīdārīg daxšag wēnābdāg ud nišān ī āškārag
695.0
kē ō xrad ī pēšēnīgān
696.0
agar ōh =iz dānišn ī abar ēd abartom dar frahīd nihuft
697.0
druzān ī nihuftār az ayābišn ī gētīyan
698.0
az =iz ī mad ō gētīyan ayābišn
699.0
ud dānistan frazānag dastwarān ī pēšēnīgān u =šān abespārdan ō pasēnīgān ān bahrīhā ī paywast ō im zamānag padisāy appurdārān anāst abespārdārān frēftārān ī būd hēnd zamānagzamānag
700.0
andar =iz ān ī abyōxt ō =m dānišn ud mehīhā mānd pad =im ayādīh pad framāndahišn ox ī gētīyīg wizīrīg az =iz dēn ī =m ayādīh ast ī nē frazām ō nibēsišn parwāy frārōnkār ī awizīrišnīg
701.0
pas rōšn paydāg zōrīh ī ān druz andar amāh ēr
702.0
ud ān ī dādār payrāstrāhīh ī =š ō wanībūdagīh ud akārīh
703.0
ud ēdōn =iz purrnērōgīh ī spāh ī yazadān
704.0
ēwarīgīhā frazām pērōzīh ī wehīgān dādār
705.0
ud wisptuwānīhā spurrēnīdan ī =š bar ī xwēš wisp
706.0
ud dahišn pad hamēyīg bowandag nēkrawišnīh ī =š āfrīdagān pad =iš dīdārīg ud paydāg
707.0
was daxšag ud nišān az =iš paydāgīhā rōšn
708.0
ēk ēn kū dādār xwēš māništīg bagdādag ud druz abarrasišnīg andardwārīdag
709.0
u =š abarrasišnīh ō ānābišnīh daxšag
710.0
ēk ēn kū dām ī ohrmazd mēnōy ud gētī =iz
711.0
ōy druz nēst gētī bē wadmēnōyīh abyōzēd ō gētī
712.0
čiyōn andar hāwand =iš čēr ā =iz andar ēk ōwōn abarwēzīh paydāg ī mēnōyān gētīyān ī weh abar mēnōyān ī wad
713.0
ēk ēn kū =š az kōxšīdārīh pēšzadārīh paydāgzadīh ī pad frazām
714.0
čē druz adādkōxšišnīh pēšzadār
715.0
ud ān ī ohrmazd spāh pasīhā dādīg/yazdīg abāz zadārškenn
716.0
ān ī ka zūr druz andar dast ī dādār
717.0
bē agar =iz hāwandspāh ud hāwandnērōg hē
718.0
agar =iz harw ǰār ī dāmān zanēd ēk ǰār hāwandīhā dādīg/yazdīg abāz zanīhist
719.0
ēwarīgīhā az =iš paydāgīhēd kū ka =šān zadārīh zadagīh ud āgenēn hāwandīh
720.0
fradom ōy ī pēšdastzadārīh ud paskōxš zadag būd
721.0
abdom ōy ī paskōxš zadār ud ān ī pēškōxš zadag bawēd
722.0
čē ka pēšpahikār zanēd zanīhēd paspahikār abāz u =š dušmen zadag bawēd