Sections

1.0
pad nām ud šnāyišn ī wispsūd dādār ohrmazd , ud harwisp mēnōy ud gētī dahišnān yazadān ,
2.0
frahangān frahang dēn māzdēsn , kē =š ēd ēwtom bunxān ī dānāgīh frāzwizīdār aziš ,
3.0
pad xwarrah ud kām dō axwānān abzōnīgān āfrāh dādār ohrmazd , ud harwisp mehōzān yazadān
4.0
ud purrāsānpardazišnīh ī yazadān wāspuhragān čimīgwarzišnān dānāgān pādbaxšišnīhā nōg nōg ō xwēšnīh ī xrad , pad stabrīhā nirmadwindišnīh dōaxwānīg ō tan ud ruwān bēšazgartom ,
5.0
čiyōn andar abēzag abdān abd abēgumān ud huhangōšīdag wehdēn ī māzdēsnān pad gōwišn ī dādār ohrmazd ud spitāmān zarduxšt pad was gyāg wizīrēnīd ēstēd kū ōy ī wispweh , dādār ēn dām pad xrad dād
6.0
u =š awēngardīhā dāštārīh pad xrad X
7.0
ud asazišnīg ud apetyārag pad ān ī hamēudhamērawišnīh anōšagīh nīrmadōmandtom abzār ī xrad rāy abāz ō xwēš kunēd
8.0
ham čim rāy paydāg kū dānāg ē būdan kē =š guft X kū agar ēn āšnāg kū yazadān dēn rāstīh dād frārōnīh ud abar dāmān nēkkāmag ud abaxšāyišnīg čērāy frahist mardōm was kēš ud was wurrawišn ud was buništ hēnd
9.0
ud frahist ān kē kēš ud dād ud wurrawišn pad xīr ī yazadān wizendgar ud nē xūb
10.0
ud ēn =iz handēšīdan kū wizīdār būdan pad ēn , tis rāy ranǰ abar barišn
11.0
ud pad ēn tis āgāh abāyēd būdan čē pad frazāmkārīh tan ō xākīh gumēzīhēd ud abestām ō ruwān bawēd
12.0
ud harw kas ruwān rāy ranǰ abar barišn
13.0
ud az kār kirbag āgāh bawišn čē ān kirbag ī mard anāgāhīhā kunēd kirbag kem
14.0
ud ān wināh ī mard anāgāhīhā kunēd wināh pad bun ōy bawēd
15.0
ud az abestāg paydāg X kū =š nē tis grift kē nē ruwān grift tā nūn
16.0
bē wēš winaftagīh rāy āγištag ud pēčīdag ōwōn hēnd kū =šān gōwišn ī bun ō mayān ud mayān ō frazām abēr ahōmānāg ,
17.0
pursīd dānāg ō mēnōy ī xrad , kū panāh kadām drubušttar
18.0
ud dōst kadām weh X
19.0
ud nāmburdār kadām weh
20.0
ud rāmišnayār kadām weh X
21.0
ud xwāstag kadām xwaštar
22.0
ud rāmišn ī az harw rāmišn frāztom kadām
23.0
mēnōy xrad passox kird kū panāh yazad drubušttar
24.0
ud dōst brād ī nēk weh X
25.0
ud nāmburdār frazend nēk ī dēnburdār weh
26.0
ud rāmišnayār zan ī nēk ī huxēm weh
27.0
xwāstag ān weh ud xwaštar ī az frārōnīh handōxt ēstēd ud abāg kār ud kirbag xwarēd ud dārēd
28.0
ud rāmišn ī az harw rāmišn frāz tandrustīh ud abēbīmīh ud husrawīh ud ahlāyīh ,
29.0
pursīd dānāg ō mēnōy ī xrad , kū driyōšīh weh ayāb tuwāngarīh ayāb pādixšāyīh
30.0
mēnōy xrad passox kird , X kū driyōšīh ī pad frārōnīh weh kū tuwāngarīh ī az xīr ī kasān
31.0
čē guft ēstēd X kū ōy ī driyōštom ud armēšttom kas hamē ka =š menišn ud gōwišn ud kunišn frārōn ud pad kār ī yazadān dārēd az harw kār ud kirbag ī mardōmān andar gēhān kunēnd ōy =iz dādīhā bahr andar bawēd ,
32.0
ud ōy =iz ī tuwāngar ī was xwāstag mard ka xwāstag nē az frārōnīh kird ēstēd ka pad kār ud kirbag ud ahlawdād uzēnag kunēd ēg =iš kirbag xwēš nē bawēd ,
33.0
ud ōy was xwāstag kē az frārōntuxšāgīh handōxt ēstēd ud abāg kār kirbag ud rāmišn xwarēd ud dārēd ān =iz az =iš weh nēst ,
34.0
čē ān pad pahlom abāyēd dāštan
35.0
bē ōy ī was xwāstag mard kē =š xwāstag az frārōntuxšāgīh handōxt ēstēd ud abāg kār ud kirbag ud rāmišn xwarēd ud dārēd ān meh ud weh ud pahlomtar ,
36.0
ud ān =iz pādixšāyīh rāy gōwēnd , kū deh =ē hupādixšāyīh weh kū kišwar =ē dušpādixšāyīh
37.0
čē dādār ohrmazd pānagkardārīh ī dām rāy hupādixšāyīh dād ,
38.0
ud ahriman ī druwand dušpādixšāyīh pad petyārag ī hupādixšāyīh dād ēstēd
39.0
hūpādišāhī ān bawēd kē šahr ābādān None ud driyōšān , abēmust None dād ud ēwēn rāst dārēd ud framāyēd ud dād ud ēwēn ī abārōn spōzēd ud āb ud ātaxš xūb dārēd , ud ēzišn yazadān ud kār ud kirbag pad rawāg dārēd ,
40.0
driyōšān ayārōmandīh ud ǰādag-gōwīh kunēd , ud dēn ī weh ī māzdēsnān rāy tan ud ān =iz ī xwēš gyān be abespārēd
41.0
ud agar ast kas kē az rāh ī yazadān bē ēstēd ēg =iš wirāyišn padiš kirdan framāyēd u =š griftār kunēd ud abāz ō rāh ī yazadān āwarēd ,
42.0
ud az xwāstag ī =š ast bahr ī yazadān ud arzānīgān ud kirbag ud driyōšān be baxšēd
43.0
ud tan ruwān rāy be abespārēd
44.0
hupādixšā ī pad ān ēwēnag hamtāg yazadān ud amahraspandān guft ēstēd ,
45.0
dušpādixšāyīh ān bawēd X kē dād ud ēwēn rāst ud frārōn wišōbēd , ud stahm ud appar ud adādestānīh , andar kār āwarēd , ud xīr ī mēnōy wišōbēd , ud kār kirbag pad āb bēš dārēd ,
46.0
ud kirbakkar mardōm az kirbag kirdan abāz dārēd ud pad =iš , wizend-kardār bawēd
47.0
u =š hāmōyēn handāzišn ō tan ī xwēš ud ārāyišn xīr ī gētī X ud hangadīh ud burzišn ī wattarān ud zanišn ud āwēnišn ī wehān , , X abesīhēnīšn ī driyōšān , X
48.0
dušpādixšā ī pad ān ēwēnag hamtāg ahriman ud dēwān guft ēstēd , ,
49.0
pursīd dānāg ō mēnōy xrad , X kū az xwarišn ī mardōmān xwarēnd ud wastarag ī mardōmān paymōzēnd kadām , arzōmandtar ud weh
50.0
mēnōy ī xrad passox kird kū az xwarišn ī mardōmān xwarēnd šīr gōspandān weh dād ēstēd čē mardōm ud čahārpāy ka az mād , be zāyēnd tā ān ī ka =šān xwarišn tuwān xwardan ēg =išān rōyišn ud parwarišn az šīr ,
51.0
ud pad šīr šāyēnd zīwistan ,
52.0
ud agar mardōm ka az šīr ī mādar abāz kunēnd bē ō šīr gōspandān hammōzišn kunēnd , ēg =išān nān pad kār andar nē abāyēd
53.0
čē paydāg X kū mardōm ī pad arzah ud sawah ud fradadafš ud wīdadafš ud wōrūbaršt ud wōrūǰaršt hēnd xwarišn pēm ī gōspandān ud gāwān any , xwarišn nē xwarēnd , X
54.0
ud ōy ī pēmxwarišn mardōm tandrusttar ud zōrōmandtar ud zāyišn =iz ī frazendān abēwizendtar bawēd
55.0
ud az ǰōrdāyān gandum meh , ud weh guft ēstēd čē rad ī ǰōrdāyān ast X
56.0
ud az =iz abestāg ēg =iš nām pad radīh ī ǰōrdāyān paydāg
57.0
ud az mēwag xurmāg ud angūr meh ud weh guft ēstēd
58.0
ud ka nān nē mad ēstēd mēwag rāy drōn abāyēd yaštan
59.0
ud ka mēwag xurmāg , ayāb angūr yašt harw mēwag pādixšā xwardan
60.0
ud ka ān nē mad ēstēd ān mēwag abāyēd xwardan ī yašt ēstēd , ,
61.0
may rāy paydāg kū gōhr ī nēk ud wad pad may ō paydāgīh šāyēd madan
62.0
wehīh ī mard andar xešm None xrad ī mard andar waran ī abārōn paydāgīhēd
63.0
čē kē xešm awištābēd u =š xwēštan wirāstan tuwān pad wehīh
64.0
ud kē waran awištābēd u =š xwēštan wirāstan tuwān pad xrad
65.0
ud kē may awištābēd u =š xwēštan wirāstan tuwān pad gōhr
66.0
pad wizōstan nē abāyēd X
67.0
čē ōy ī nēkgōhr mard ka may xwardan ēdōn homānāg čiyōn ǰāmag =ē ī barēn ud asēmēn ī andčand wēš abrōzēnd pāktar ud rōšntar bawēd ,
68.0
ud menišn ud gōwišn ud kunišn frārōntar dārēd
69.0
ud andar zan ud frazend ud hamayārān ud dōšnām čarbtar ud šīrēntar bawēd
70.0
ud pad harw kār ud kirbag tuxšāgtar bawēd
71.0
ud ōy wadgōhr mard ka may xwarēd xwēštan az paymān freh menēd ud dārēd
72.0
ud abāg hamayārān nibard barēd ud čērīh nimāyēd ud afsōs ud riyahrīh kunēd
73.0
ud weh mardōm tar kunēd X
74.0
ud zan ud frazend ud bandag ud paristār ī xwēš bēšēd
75.0
urwāhm ī wehān wišōbēd ud āštīh bē barēd ud anāštīh andar āwarēd
76.0
bē harw kas pad paymānxwardan ī may ōšyār abāyēd būdan
77.0
čē az paymānxwardan ī may ēn and nēkīh awi =š rasēd
78.0
čē xwarišn gugārēd ud ātaxš abrōzēd ud ōš ud wīr tōhm ud xōn abzāyēd
79.0
ud bēš spōzēd ud gōnag abrōzēd
80.0
ud tis ī framušt ayād kunēd X
81.0
ud wehīh pad menišn gāh gīrēd
82.0
ud wēnišn ī čašm ud ašnawišn ī gōš ud guftārīh ī uzwān abzāyēd
83.0
ud kār ī kirdan ud rāyēnīdan abāyēd rawāg bawēd
84.0
ud pad xufsangāh xwaš xuftēd ud sabuk āxēzēd ,
85.0
u =š ān bahrag rāy husrawīh ō tan None ud ahlāyīh ō ruwān None ud passand =iz ī gēhān abar rasēd
86.0
ud kē may az paymān freh xwarēd ēn and āhōg pad =iš paydāg bawēd
87.0
čē =š xrad ud ōš ud wīr ud tōm ud xōn kāhēd
88.0
ud wēmārīh handōzēd X , ud gōn wardēnēd X
89.0
ud zōr ud pattūgīh kāhēd X
90.0
ud namāz ud stāyišn ī yazadān framušt bawēd
91.0
ud wēnišn ī čašm ud ašnawišn ī gōš ud guftārīh ī uzwān kem bawēd
92.0
ud hordad ud amurdad bēšēd ud būšāspkāmag warzēd X
93.0
u =š ān ī guftan ud kirdan abāyēd akird mānēd
94.0
ud pad dušwārīh xuftēd ud axwašīhā āxēzēd
95.0
ud ān bahrag rāy xwēštan ud zan ud frazend ud dōst ud xwēšāwand bišt ud dušrām ud mustabarmānd ud dušmen šād
96.0
ud yazadān az =iš nē hušnūdag X
97.0
u =š dusrawīh ō tan None ud druwandīh ō ruwān rasēd
98.0
ud az paymōzan ī mardōmān dārēnd paymōžēnd pad tan parnagān None ud pad ruwān pambag weh
99.0
ēd rāy čē parnagān az xrafstar bawēd ud pambag parwarišn az āb ud rōyišn az zamīg ud pad xīr ī ruwān meh ud weh ud arzōmandtar guft ēstēd
100.0
pursīd dānāg ō mēnōy ī xrad X kū kadām ān šādīh ī az dušrāmīh wattar
101.0
mēnōy xrad passox kird X kū kē xwāstag az bazag handōxt ēstēd u =š padiš šād bawēd ēg =iš ān šādīh az dušrāmīh wattar
102.0
pursīd dānāg ō mēnōy ī xrad kū čē rāy mardōmān ēn čahār tis ī =šān pad daxšag wēš abāyēd menīdan ēn kamtar menēnd , wardišnīh ī tis ī gētī ud margīh ī tan ud āmār ī ruwān ud bīm ī dušox
103.0
mēnōy ī xrad passox kird kū wiyābānīh ī āz dēw ud axursandīh rāy
104.0
pursīd dānāg ō mēnōy ī xrad , kū pad bīm ud mihōxt zīwistan wattar ayāb margīh
105.0
mēnōy ī xrad passox kird X kū pad bīm ud mihōxt zīwistan az margīh wattar
106.0
čē harw kas zīndagīh , rāmišn ud xwašīh ī gētī rāy abāyēd
107.0
ud kas rāmišn ud xwašīh ī gētī nēst u =š bīm ud mihōxt abāg az margīh wattar guft ēstēd
108.0
pursīd dānāg ō mēnōy ī xrad kū pādixšāyān tis =ē čē sūdōmandtar ud čē zyāngārtar
109.0
mēnōy ī xrad passox kird kū pādixšāyān rāy tis =ē hampursagīh ī abāg dānāgān ud wehān sūdōmandtar u =šān gōwišn ud hampursagīh ī abāg spazg ud dōsaxwanān zyāngārtar
110.0
pursīd dānāg ō mēnōy ī xrad kū gētīgārāy ud mēnōywišōb mard frazām čē
111.0
ud ōy ī afsōsgar mard frazām čē ,
112.0
ud ōy ī axwēškār X mard frazām čē ,
113.0
ud ōy kēnwar mard frazām čē , X
114.0
ud ōy aǰgahān mard frazām čē
115.0
ud ōy mihōxtmenišn , mard frazām čē
116.0
ud ōy ī tarmenišn mard frazām čē , X
117.0
mēnōy ī xrad passox kird kū ōy ī gētīgārāy ud mēnōywišōb mard andar pādifrāh ī stōš ēdōn tabāhīhēd čiyōn ātaxš ī waxšendag None ka =š āb abar rasēd ,
118.0
ud ōy ī afsōsgar mard pad tan ud ruwān xwarrah nē bawēd
119.0
ud harw bār ka zafar abāz kunēd ēg =iš druwandīh abzāyēd
120.0
u =š harw druz pad tan ēdōn mehmān bawēnd kū =š ēč wehīh ō tan nē hilēnd ,
121.0
ud wehān riyahrīh ud wattarān stāyišn kunēd
122.0
u =š pad gētī tan dusraw , ud mēnōy ruwān druwand bawēd
123.0
u =š andar dušox pādifrāhkirdan rāy bē ō druz ī afsōsgar abespārēnd ,
124.0
ōy druz harw pādifrāh =ē afsōs =ē ud riyahr =ē pad =iš kunēd ,
125.0
ōy ī axwēškār mard ǰud =iz az druwandīh was ka pad gētī anāgīh ud margīh abar rasēd u =š az ān dīd xwaš zāyēd ,
126.0
ōy kēnwar mard puhl ī pad ruwān garāntar kū abārīg druwand ī pad dušox ,
127.0
ēd rāy čē kēn pad paywand rawēd X
128.0
ud harw wināh wirāstan weh šāyēd kū kēn čē kēn pad paywand be mānēd
129.0
ud ast ka tā frašegird paywandēd
130.0
čē az ēn abēzag dēn rōšn paydāg kū anērīh ī hrōmāyīgān ud turkān =iz abāg ērānagān bun az ān kēn būd ī =šān pad ōzanišn ī ēriǰ zād
131.0
ud tā frašegird hamē paywandēd
132.0
ud ōy ī aǰgahān mard anarzānīgtom mardōmān guft ēstēd
133.0
čē az ān dēn paydāg X kū dādār ohrmazd ōy ī aǰgahān mardōm rāy ǰōrdā nē brēhēnīd
134.0
ud ōy ī aǰgahān mard rāy ēg =iš tis zīwišn ī pad dahišn ud ahlawdād nē dahēd
135.0
u =š aspinǰ ud padīriftārīh nē kunišn
136.0
ēd rāy čē ān xwarišn ī mard aǰgahān xwarēd az abārōnīh ud adādestānīh xwarēd
137.0
u =š aǰgahānīh ud adādestānxwarišnīh rāy tan dusraw None ud ruwān druwand bawēd
138.0
ud ōy ī mihōxtmenišn mard pad wehān ēdōn warōmand čiyōn pad wattarān
139.0
ud pad xīr ī mēnōy ī gētī ud pad =iz yazišn ud azbāyišn ud paristišn ī yazadān warōmand
140.0
u =š ān bahrag rāy yazadān amahraspandān yazišn ud azbāyišn ī kunēd kem padīrēnd
141.0
ud āyaftag =iz ī xwāhēd awi =š kem dahēnd X
142.0
ud pad dahān ī wehān hamwār dusraw X
143.0
u =š ruwān druwand bawēd X
144.0
ud ōy ī tarmenišn mard dōst andak u =š dušmen was
145.0
ud dahišn =iz ī ō kas dahēd ud yazišn =iz ī yazad rāy kunēd tarmenišnīh rāy kem padīrēnd
146.0
ud āyaftag =iz ī xwāstan kem dahēnd
147.0
u =š andar dušox pādifrāh ī ruwān kirdan rāy ō druz ī tarmenišnīh abespārēnd
148.0
ud druz =iz ī tarmenišnīh gōn gōn pādifrāh pad =iš kunēd ud nē āsāyēd
149.0
pursīd dānāg ō mēnōy ī xrad kū pad tuxšāgīh xīr ud xwāst ī gētī ō dast šāyēd kirdan ayāb nē
150.0
mēnōy ī xrad passox kird kū pad tuxšāgīh ān nēkīh ī nē brēhēnīd ēstēd ō xwēš kirdan nē šāyēd ,
151.0
bē ān ī brēhēnīd ēstēd tuxšāgīh rāy ahy be rasēd
152.0
bē tuxšāgīh ka =š X X yazad nē abāg pad gētī abēbār bē pas =iz pad mēnōy ō frayād rasēd ud pad tarāzūg abzāyēd
153.0
pursīd dānāg ō mēnōy ī xrad , X kū pad xrad ud dānāgīh abāg brēh kōxšīdan šāyēd ayāb nē ,
154.0
mēnōy ī xrad passox kird kū abāg =iz tagīgīh ud zōrōmandīh ī xrad ud dānāgīh pas =iz abāg brēh kōxšīdan nē šāyēd
155.0
čē ka brēhēnišn pad nēkīh ayāb pad ǰuttarīh frāz rasēd dānāg pad kār wiyābān bawēd
156.0
dušāgāh pad kār āgāh bawēd
157.0
ud waddil dilērtar bawēd ud dilērtar waddil bawēd
158.0
ud tuxšāg aǰgahān bawēd ud aǰgahān tuxšāg bawēd
159.0
ēdōn čiyōn pad ān tis brēhēnīd ēstēd wihānag pad =iš andar āyēd ud abārīg harw tis bē spōzēd ,
160.0
pursīd dānāg ō mēnōy ī xrad kū āyaftxwāstārīh ud kirbagwarzīdārīh ud arzānīg rāy yazadān ō mardōmān did =iz tis baxšānd ayāb nē
161.0
mēnōy ī xrad passox kird kū baxšēnd X
162.0
čē ēdōn čiyōn gōwēnd kū baxt ud baγōbaxt
163.0
baxt ān bawēd ī az fradomīh baxt ēstēd ,
164.0
ud baγōbaxt ān ī did =iz baxšēnd ,
165.0
bē yazadān , ān baxšišn ēd rāy kem kunēnd ud mēnōy kem paydāgēnēnd čē ahriman ī druwand pad nērōg ī haft abāxtar xwāstag ud abārīg =iz harw nēkīh ī gētī az wehān ud arzānīgān apparēnd ud wattarān ud anarzānīgān abēr baxšēnd ,
166.0
pursīd dānāg ō mēnōy ī xrad X kū az tuwāngarān kē driyōštar ud az driyōšān kē tuwāngartar
167.0
mēnōy ī xrad passox kard , kū az tuwāngarān ōy driyōštar kē pad ān ī =š hast nē hunsand , wēšbūdan ī tis rāy tēmār barēd ,
168.0
ud az driyōšān ōy tuwāngartar kē pad ān ī mad ēstēd hunsand , ud wēšbūdan ī tis rāy nē handēšēd
169.0
pursīd dānāg ō mēnōy ī xrad , X kū kōrčašm wattar ayāb kōrdil
170.0
dušāgāh wattar ayāb wadxēm ,
171.0
mēnōy ī xrad passox kard , kū ōy ī kōrčašm ka =š šnāsagīh ī tis hast ud hammōzišn kunēd pad drustčašm dārišn
172.0
ud ōy ī drustčašm ka =š dānišn ī tis nēst ud ān =iz ī =š hammōzēnd nē padīrēd ēg =iš ān az =iz kōrčašm wattar ,
173.0
dušxēm weh kū dušāgāh X čē dušxēm ǰud az dādestān az kas be stadan nē tuwān
174.0
ud dušāgāh mard ēg =iš hāmōyēn kām ō stahm ud appar
175.0
pursīd dānāg ō mēnōy ī xrad X kū čē rāy mardōm ī az gayōmart ān iz ī az hōšyang ī pēšdād xwadāyān ud dahibedān ī tā ō wištāsp šāhān šāh ēdōn kāmagwidār būd hēnd ,
176.0
u =šān az yazadān nēkīh wēš windād ud frahist ān ī andar yazadān anespās būd hēnd
177.0
ud hast =iz kē abēr anespās ud mihrōdruǰ ud wināhgār būd hēnd
178.0
ēg awēšān ǰud ǰud čē nēkīh rāy dād hēnd ,
179.0
u =šān bar ud sūd aziš čē raft
180.0
mēnōy ī xrad passox kard X kū ān ī awēšān rāy nēkīh ayāb pad ǰuttarīh pursē āgāh bāš ud be dān ,
181.0
čē kār ī gēhān hāmōyēn pad brēh ud zamānag ud wizīr ī brīn rawēd ī xwad ast zurwān ī pādixšā ud dagrandxwadāy ,
182.0
čiyōn andar āwām āwām ō harw kē rāy baxt ēstēd čiyōn ān ī abāyēd madan abar rasēd
183.0
čiyōn az =iz ham paywand ī awēšān pēšēnag ī widardag paydāg kū abdom ān nēkīh ī az awēšān dām ī ohrmazd abāyēd madan be mad ,
184.0
čē az gayōmart sūd ēn būd X kū fradom ōzadan ī arzūr ud abespāragkirdan ī tan ī xwēš dādestānīhā ō ahreman
185.0
ud dudīgar sūd ēn būd kū mardōm ud hamāg frawahr ī frašegirdkardārān ahlawān narān ud nārīgān az tan ī ōy dād
186.0
ud sidīgar ēn sūd kū ayōxšustag =iz az tan ī ōy brēhēnīd
187.0
ud az hōšyang ī pēšdād sūd ēn būd kū sē bahrag dēw māzandar ī gēhānmurnǰēnīdār dō bahrag be ōzad
188.0
ud az tahmōrub ī hurust sūd ēn būd kū =š gizistag gannāg ī druwand sīh sāl pad bārag dāšt ,
189.0
ud haft ēwēnag nibēg ī dibīrīh ī ōy druwand pad nigān dāšt be ō paydāgīh āwurd ,
190.0
ud az huramag ǰamšēd ī šēd ī wiwanghānān sūd ēn būd kū =š šašsad sāl ud šaš māh sēzdah rōz amargīh pad hāmōyēn dām ud dahišn ī dādār ohrmazdag be winnārd , ud adard ud azarmān ud apetyārag kird hēnd
191.0
ud dudīgar ān sūd kū =š war ī ǰamkird kird ī ka ān wārān ī malkūsān bawēd
192.0
čiyōn pad dēn paydāg kū mardōm ud abārīg dām ud dahišn ī ohrmazd xwadāy frahist be abesīhēd
193.0
ud pas ān war ī ǰamkird dar be wišāyēnd ud mardōmān ud gōspandān ud abārīg dām ud dahišn ī dādār ohrmazd az ān war bē āyēnd , ud gēhān abāz ārāyēnd ,
194.0
ud sidīgar ēn sūd kū paymān ī gētīyān ī ōy dušdahag druwand ī ahriman ōbārd ēstād ā =š az aškom abāz āwurd ,
195.0
ud az az ī dahāg bēwarasp ud gizistag frāsyāg ī tūr sūd ēn būd kū agar xwadāyīh ō bēwarasp ud frāsyāg nē mad hē ēg gizistag ganāgmēnōy ān xwadāyīh bē ō xēšm dād hē
196.0
ud ka bē ō xešm mad hē tā ristāxēz ud tan ī pasēn nē šāyist hēd az =iš bē stad ēd rāy čē =š tanōmandīh nēst
197.0
ud az frēdōn sūd ēn būd , čiyōn ōzadan ud bastan ī azdahāg bēwarasp ud ēdōn garānwināh
198.0
u =š any =iz was māzandar dēw zad ud az kišwar xwaniras bē kird
199.0
ud az manuščihr sūd ēn būd kū salm ud tūǰ ī =š niyāg būd pad kēn ēraǰ be ōzad az petyāragīh ī gēhān abāz dāšt ,
200.0
ud az padišxwārgar tā bun ī dušox čiyōn paymān ī frāsyāg kard ēstād az frāsyāg abāz stad ud ō xwēšīh ī ērānšahr āwurd ,
201.0
ud az kaykawād sūd ēn būd kū andar yazadān spāsdār būd X
202.0
u =š xwadāyīh xūb kird ,
203.0
ud paywand ud tōhmag ī kayān az ōy abāz raft
204.0
ud az sām sūd ēn būd kū =š mār ī srūwar ud gurg ī kabōd kē pehen =iz xwānēnd ud dēw ī gandarw ud murw ī kamag ud dēw ī wiyābānīg be ōzad
205.0
ud pad burdārīh ōy passandišnīgtar kē anāgīh ud petyārag ī =š az ahreman ud dēwān ud wattarān abar rasēd hursandīhā ud padkāmag ō grīw padīrēd
206.0
ud pad ēč rāh ruwān ī xwēš nē āzāred ,
207.0
ud ōy pad awestwār nē dārišn kē az yazadān bīm None ud mardōmān šarm nē dārēd
208.0
ud ān ī abāg harw kas sazēd dāštan āštīh ud dōšāram
209.0
ud ān ī abāg kas =iz nē dārišn kēn ud anāštīh
210.0
ēn sē pad hampursagīh dārišn humat ud hūxt ud huwaršt pad menišn ud gōwišn ud kunišn ī xwēš
211.0
ēn sē pad gugāy nē padīrišn zan ud rēdag ī aburnāy ud bandagmard ,
212.0
ēn and tan framānburdār būdan ud paristišn kirdan abāyēd zan andar šōy None ud frazand andar pid ud mād ud sālār ud dastwar ud awestād ud ātaxš ud stūr ud paywand ī armēšt None ,
213.0
ud andar xwadāyān ud sālārān ud awestādān framānburdār =iz bawišn
214.0
ud yazadān wēš abāyēd menīdan ud spās dāštan
215.0
ud ruwān ī xwēš pad ēč dar anāzarm nē dārišn ud hamēšag andar ayād dārišn
216.0
ud dādwar kē dādwarīh rāst kunēd ud pārag nē stānēd pad pāyag ī xwēš hāwand ohrmazd ud amahraspandān guft ēstēd
217.0
ud ān kē dādwarīh drō kunēd pad pāyag ī xwēš hāwand ahriman ud dēwān guft ēstēd
218.0
pursīd dānāg ō mēnōy ī xrad , kū čē sardtar ud čē garmtar X
219.0
čē rōšntar
220.0
čē tārīktar
221.0
čē purrtar ud čē tuhīgtar X
222.0
čē frazām abēbartar
223.0
čē ān tis kē kas az =iš sagrīh nē bawēd
224.0
čē ān ī kas appurdan nē tuwān X
225.0
čē ān tis ī pad wahāg xrīdan nē šāyēd
226.0
čē ān tis ī harw kas az =iš hušnūdag
227.0
čē ān ī kas-iz az =iš nē hušnūdag
228.0
čē ān ēk kāmag ī ohrmazd ī xwadāy az mardōmān sahēd
229.0
ud čē ān ēk kāmag ī ahriman ī druwand az mardōmān sahēd
230.0
čē frazām ī gētīg ud mēnōy
231.0
mēnōy ī xrad passox kird , kū dil ī ahlawān garmtar ud ān ī druwandān sardtar
232.0
ahlawīh rōšntar
233.0
druwandīh tārīktar
234.0
ēmēd ud panāh ī ō yazadān purrtar ud ān ī ō dēwān tuhīgtar
235.0
mēnōy ī xrad passox kird X kū ohrmazd ī xwadāy ud amahrspandān ud wahišt ī hubōy ī hurām ō xwēš kirdan ud ahriman ī druand ud dēwān stō kirdan ud az dušox tārīk dušgand rastan ēdōn šāyēd ī ka mēnōy ī xrad puštībānīh gīrēnd , ud mēnōy ī hursandīh zrēh ud gurdīh homānāg pad tan paymōzēnd ,