pad ān ī yazadān kāmag čīdag abestāg gāhānīg+ abzōnīgīh ,

ēdōn frāz gōwam andar axwān mēnōyīgīh fradom gāhānīgīh kē pad awēšān abzōnīgīh ā =š ēdōn guft ō ōy ī gannāg kū nē amāh menišn ud nē hamōxtišn nē xrad ud nē kāmag ud nē saxwan ud nē kunišn nē dēn nē ruwān ā =šān pad āgenēn ān kē abar tis ī man ēstēd ud ān kē abar abar tis ī tō ēstēd ā =šān ruwān pad ēd gyāg

abestāg ēn ast

ēdōn frāz gōwam andar axwān ī mēnōy fradom gāhānīgīh az awēšān abzōnīgīh ā =š ēdōn guft ō ōy ī gannāg , kū nē amāh menišnīh nē ān menam ī tō menē čē man ān ī frārōn menam ud tō ān ī abārōn menē nē hamōxtišn čē man ān ī tis ī frārōn hamōzam ud tō ān ī abārōn nē xrad čē man xrad pad frārōnīh dārēm tō pad abārōnīh ud nē kāmag čē man kāmag pad frārōnīh ud tō abārōnīh ud saxwan čē man saxwan pad frārōnīh gōwam ud tō pad abārōnīh gōwē ud nē kunišn čē man kunišn pad frārōn tō pad abārōn ud nē dēn čē man dēn gāhānīg tō ǰādūgīh ud nē ruwān ā =šān pad āgenēn ān kē abar dēn ī man ēstēd