Sections

1.0
mādayān ī yōišt ī friyān
2.0
ēn , mādayān ī , yōšt ī , friyān farrox bawād pad yazadān īn mātīgąn , gōst ī , ayār ,
3.0
ēdōn gōwēnd kū andar ān ēd ka axt ǰādūg abāg haftbēwar spāh ō šahrīfrašnwizārān , šud , u =š , drāyīd , kū , šahrī,frašnwizārān , pīlxwast be kunam
4.0
ud ka ō ānōh mad u =š mardōm xwāst kū =šān dād freh az 15sālag nē bawēd
5.0
u =š frašn az =š pursīd
6.0
harw kē nē tuwān būd wizārdan ī u =š frāz grift ud be ōzad
7.0
ud pas andar šahrīfrašnwizārān mard ē būd mahrspand nām
8.0
u =š ō axt ī ǰādūg guft kū šahrīfrašnwizārān pīlxwast ma kun ud ēn mardōm abēwināh ma ōzan
9.0
kē andar ēn šahrīfrašnwizārān mard ē ast yōšt ī friyān nām kē dād freh az 15 sāl nēst
10.0
ud harw ān frašn ī tō pursē u =t be wizārēd
11.0
ud pas axt ǰādūg ō yōšt ī friyān paygām frēstīd kū
12.0
frāz ō dar man āy tā 30,3 frašn az tō pursēm
13.0
ud agar passox nē dahē ayāb gōwēd kū nē dānam ā =t pad hamzamān be ōzanam
14.0
ud yōšt ī friyān ō dar axt ǰādūg āmad
15.0
ud az ān čiyōn axt ī ǰādūg nasāy mardōmān azēr ī wistarg dāšt andar nē šud
16.0
u =š ō axt ī ǰādug paygām frēstīd kū
17.0
ašmā nasāy ī mardōmān azēr ī wistarg dārēd
18.0
ud ka man andar āyam amahrspandān pēš man hēnd andar ān gyāg kū nasāy ī mardōmān bawēd man andar āyam
19.0
ēg im amahrspandān az panāhīh ī man abāz estēnd
20.0
ud pas ān frašn ī tō az man pursēh man wizārdan nē tuwān
21.0
ud pas axt ǰādug framūd ān wistarg ud ǰāmag abar dāštan ud wistarg ī nōg āwurdan ud abgandan
22.0
ud u =š yōšt ī friyān rāy andar xwāst guft kū
23.0
be āy abar ēn ǰāmag bālišn be nišīn ud frašn ī =t pursam rāst be wizār
24.0
, yōšt ī friyān guft kū mar druwand sāstār abar ēn bālišn nē nišīnam čē andar ēn bālišn nasāy mardōmān ast
25.0
ud abāg yazadān amahrspandān hēnd pānāgīh ī man hēnd
26.0
ud man abar ēn bālišn be nišīnam ēg im mēnōyān az pānāgīh ī man abāz estēnd
27.0
pas frašnīhā tō az man pursē man wizārdan nē tuwān bawēd
28.0
pas axt ī ǰādūg framūd kū ān bālišn X abar dāštan nōg āwurdan
29.0
yōšt ī friyān abar ān bālišn ī nōg nišast ,
30.0
naxust frašn axt ī ǰādūg az yōšt ī friyān ēn pursīd kū
31.0
wahišt pad gētīg weh ayāb ān ī pad mēnōy ,
32.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
33.0
čē , wahišt pad gētīg weh kū ān ī pad mēnōy
34.0
u =š nišān ēn kū harw kē pad gētīg kār kerbag nē kunēd u =š ānōh frayād nē rasēd
35.0
u =š nišān didīgar ēn kū bē agar =it pad gētīg tis ī nē nēk kird kird ēnyā ō wahišt weh nē rasē
36.0
ud axt ī ǰādug čiyōn ka =š ān saxwan ašnūd stard be būd čand ka mard ē yašt ē be gīrēd stard būd estēd u =š ēdōn guft kū
37.0
anāgīh man axt ī ǰādūg tō yōšt ī friyān
38.0
kū abar man čēr hē
39.0
čand nēw mard ē abar nēwtom mard nēw asp abar nēwtom asp ud nēw gāw abar gāw nēwtom gāw čiyōn āsmān abar zamīg pādaxšā hē
40.0
čē man abar ēn sān frašn 900 mowmard
41.0
kē =šān and yazišn ī yazadān kird estād ka =šān and xwardan ī parāhōm rāy hamāg tan zard būd estād
42.0
u =m nō duxt ī spitāmān ōzad ka =šān dēnstāyēnīdan , rāy abesar ī pad zarr ud murwārīd az dahībedān windād
43.0
ka =m az awēšān pursīd u =šān guft kū wahišt pad mēnōy weh
44.0
man guft ,
45.0
kū ašmā ēdōn weh sahēd
46.0
hamēdōn weh kū ō wahišt weh šawēd u =m frāz grift be ōzad ,
47.0
dowom frašn ī ēn pursīd kū ān tis az dām ī ohrmazd kē pad kōn nišīnēd bulandtar kū pad pāy estēd ,
48.0
yōšt ī friyān ī guft kū zīwandagān pad škōh bāš mar ī druwand ī sāstār ud murdagān ō dōšox ōft
49.0
kū ān sag ast ,
50.0
3om frašn ēn pursīd kū čē ān az dām ī ohrmazd kē rawēd ud gām nē nihēd ,
51.0
yōšt ī friyān guft kū zīwandagān pad škōh bāš mar ī druwand sāstār ud murdagān ō dōšox ōft ,
52.0
čē ān winǰišk ast kē rawēd ud gām nē nihēd ,
53.0
, čahārom frašn ī ēn pursīd kū čē ān tis az dām ī ohrmazd kē dandān sruwēn ud srū gōštēn , ,
54.0
yōšt ī friyān guft kū zīwandagān pad škōh bāš mar ī druwand ī sāstār ud murdagān , ō dōšox ōft
55.0
, čē ān xrōs xwānēnd murwag ī srōšahlaw
56.0
ud ka wāng kunēd ā =š petyārag az dām ī ohrmazd abāz dārēd ,
57.0
panǰom frašn ēn pursīd kū kōdag kārd weh ayāb andak xwarišn ,
58.0
yōšt ī friyān guft kū zīwandagān pad škōh bāš mar ī druwand sāstār ud murdagān ō dōšox ōft ,
59.0
čē kōdag kārd weh kū andak xwarišn
60.0
čē pad kōdak kārd barsom šāyēd brīdan ud čīdan
61.0
ud andak xwarišn ō aškomb nē rasēd ud agar rasēd wād hangēzēd ,
62.0
šašom ēn pursīd kū čē purr ud čē ān nēmpurr ud čē ān ī hagriz purr nē bawēd ,
63.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
64.0
čē ān ī purr hangad ī tuwānīg rad čē ud ka be widerēd ān ī ahlaw
65.0
ud nēmpurr škōh ī driyōš ī wadzīwišn ka be mīrēd ruwān ī ahlaw
66.0
ud ān tuhīg kē hagriz purr nē bawēd ān škōh ī wadzīwišn ka be mīrēd ruwān ī druwand ,
67.0
haftom frašn ēn pursīd kū čē ān tis ī mardōmān pad nihān kāmēnd kirdan u =šān nihān kirdan nē šāyēnd ,
68.0
yōšt ī friyān ī guft kū zīwandagān pad škōh bāš mar ī druwand sāstār murdagān ō dōšox ōft
69.0
čē X ān X zarwān ast kē kas nihān kardan nē tuwān
70.0
čē zarwān xwad paydāg ,
71.0
haštom frašn ēn pursīd kū kadām ān zīwindag mardōm kē astiwihād wēnēd mīrēd u =š ēdōn kāmag kū abāz ō zīwindag šawēd
72.0
ud did =iz astiwihād , wēnēd be mīrēd u =š xwār sahēd ,
73.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft
74.0
čē mardōm ast kē yašt nē kird estēd ud parāhōm nē xward estēd
75.0
ud didīgar ān mardōm ō gāh zanān mad estēd u =š zan nē kird estēd
76.0
ud sidīgar ān mardōm kē zīwandagānruwān nē yašt estēd ud ahlawdād nē dād estēd ud yazišn ī yazadān nē kird , estēd
77.0
u =š ahlawdād ō wehān mardōmān u =š guft kū daham ud nē dād estēd
78.0
u =š frēstēd kāmag ōwōn kū abāz zīwandag šawam
79.0
ud did =iz mīrēd ud astiwihād wēnēd u =š xwār sahēd
80.0
nohom frašn ēn pursīd kū pīl ud asp ud uštar ud xar ud gāw ud gōspand ud zan ud sag ud xūk ud gurba pad čand māh zāyēnd ,
81.0
yōšt ī friyān ī guft kū zīwandagān pad škōh bāš mar ī , druwand sāstār murdagān ō dōšox ōft ,
82.0
čē pīl pad se sāl zāyēd ud asp ud uštur ud xar pad dwāzdah māh zāyēd ud gāw ud zan pad noh māh zāyēd , gōspand pad panǰ māh zāyēnd ud gurba pad čihl rōz zāyēnd sag ud hūk pad se māh zāyēd
83.0
dahom frašn frašn ēn pursīd kū mardōm kadām pad rāmišntar ud āsāntar zīwēd ,
84.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
85.0
čē mardōm ān pad rāmišntar āsāntar zīwēd ī abē bīmtar ud hunsand ud xīrtar ,
86.0
yāzdahom frašn ēn pursīd kū čē tis ī pad gētīg ō ohrmazd amahrspandān homānāg ast ,
87.0
yōšt ī friyān guft kū zīwandagān pad škōh bāš mar ī druwand sāstār murdagān ō ōft ,
88.0
čē ān gētīg dahībed ō ohrmazd ud amahrspandān homānāg ast
89.0
ī dahībedān homānāg ī rōšn garōdmān ,
90.0
ud pāsānīgān ī dahībedān homānāg ast ō amahrspandān
91.0
ud darbānān andar dar homānāg ast ō ān stārag parwēz xwānēnd
92.0
abārīg mardōm ka xwēškār ud awestwār ast homānāg hēnd ō abārīg stārag ī xwurdag pad āsmān hēnd ,
93.0
dwāzdahom frašn ēn pursīd kū xwarišn kadām xwaštar ud pad mizagtar ,
94.0
yōšt ī friyān guft kū zīndagān pad škōh bāš mar ī druwand sāstār ud murdagān ō dōšox ōft
95.0
čē ān xwarišn xwaštar ud pad , mizagtar kē az dar frārōnīh tuxšāgīh handōxt estēd ud u =š abāz kār ud kirbag xwarēd dārēd , yōšt ī ,
96.0
sēzdahom frašn ēn pursīd kū ēk čē dō čē se čē čahār čē panǰ čē šaš čē haft čē hašt čē nō čē dah čē ,
97.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft
98.0
čē ēk xwaršēd weh kē , hamāg gēhān rōšn dārēd ,
99.0
dō āwurišn ud barišn ī wēn ,
100.0
ud se humad ud hūxt ud huwaršt ,
101.0
ud čahār āb ud zamīg ud urwar ud stōr
102.0
ud panǰ panǰag weh
103.0
ud šaš šaš šaš gāhānbār
104.0
ud haft haft amahrspandān
105.0
ud hašt haštīh nāmīh weh ,
106.0
nō nō sūlāg ī pad tan mardōm
107.0
ud ud dah dah angust ī pad dast ī mardōm ,
108.0
23om frašn ēn pursīd kū čē sardtar ,
109.0
yōšt ī friyān guft kū zīwandagān pad škōh bāš mar ī druwand sāstār ud murdagān ō dōšox ōft
110.0
čē nē ēdōn čiyōn tō handēšē bē ēdōn čiyōn man dānam
111.0
ud tō ēdōn handēšē kū wafr sardtar ī X abar kōf nišīnēd ud hagriz xwaršēd awiš nē tābēd
112.0
bē nē ēdōn čiyōn tō handēšē čē druwand mard menišn sardtar
113.0
u =š nišān ēn kē tō axt ī ǰādūg rāy brād ē ast druwand
114.0
u =š zahr pad dil čand mušt ēw andar estēd tō nē pad xwaršēd ,
115.0
ud nē pad ātaxš widāxtan nē tuwān
116.0
ud man ka pad mušt gīram be widāzēd
117.0
ud pas axt ī ǰādug framūd brād ī xwēš rāy āwurdan ōzadan ud zahr az dil bē stadan
118.0
nē pad xwaršēd nē pad ātaxš widāxtan nē tuwān būd
119.0
yōšt ī friyān andar mušt frāz grift u =š be widāxt ,
120.0
24om frašn ēn pursīd kū čē garmtar ,
121.0
yōšt ī friyān guft kū zīwandagān pad škōh , bāš mar ī druwand sāstār murdagān ō dōšox ōft ,
122.0
čē ahlaw mard mušt garmtar
123.0
ud u =t nišān ēn kū ān tō axt ī ǰādūg brād zahr nē pad ātaxš ud nē pad X xwaršēd nē tuwān būd widāxtan
124.0
ud man pad mušt frāz grift be widāxt ,
125.0
25 frašn ēn pursīd kū frōd šawēd čē weh ud be afsard estēd čē , ud weh kē be mīrēd čē weh ,
126.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
127.0
čē frōd šawēd āb ud čē afsard estēd ātaxš weh ud kē be mīrēd mar ī druwand sāstār čiyōn tō weh ,
128.0
čē agar āb frōd nē šawēd ud ātaxš nē afsarēd ud mar ī druwand ī sāstār čiyōn nē mīrēd
129.0
ēg iš hamāg gēhān purr az āb ud ātaxš ud purr mar ī druwand sāstār čiyōn tō hē ud gēhān ud dāštan nē tuwān ,
130.0
26om frašn ēn pursīd kū az kōf čē garāntar
131.0
ud az , kārd pōlābdēn čē tēztar
132.0
ud az angubēn čē šīrēntar
133.0
ud az dumbag mēš čē čarbtar
134.0
ud az rādān kē rādtar
135.0
ud az rāstān kē rāsttar ,
136.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
137.0
čē az kōf zūr ānāstag garāntar
138.0
ud az kārd pōlābdēn uzwān ī mardōmān tēztar
139.0
ud az angabēn pidar ud mādar rāy frazend ī rōzweh šīrēntar
140.0
ud az dumbag ī mēš spandarmad zamīg wārān , čarbtar
141.0
ud az rādān tištar yazad rādtar
142.0
ud az rāstān wāy ī weh rāstar kē ēč kas āzarm nē ud pārag nē stanēd xwadāy bandag rāy abāg didīgar rāst dārēd ,
143.0
27om frašn ēn pursīd kū pāy kadām nēktar ud nēkōgtar
144.0
ud az was pāy ī man dīd ēg iš pāy ān ud nēkōgtar ud nēktar , ī man , dīd hufrīh ī tō xwah ī man zan ,
145.0
yōšt ī friyān guft kū zīndagān pad škōh bāš mar ī druwand sāstār murdagān ō dōšox ōft ,
146.0
čē pay ī āb nēkōgtar
147.0
u =t nišān ēn kū ānōh kū āb pāy nihēd xwēd be rust
148.0
ud ānōh hufrīh pāy nihēd hušk be bawēd ,
149.0
28om frašn ēn pursīd kū zanān wuzurgīh rāmišn az čē ,
150.0
yōšt ī friyān kū zīndagān pad škōh bāš mar ī druwand sāstār murdagān ō dōšox ōft
151.0
čē nē ēdōn čiyōn tō handēšē bē ēdōn čiyōn man dānam
152.0
kū tō ēdōn handēšē kū zanān wuzurgīh rāmišn az paymōzan gōnag gōnag ud kadbānūgīh ī sazāgwār ka =šān dārēnd ,
153.0
čē nē ēdōn zanān wuzurgīh rāmišn az būdan abāg šōy ī xwēš
154.0
axt ǰādug guft kū drō gōwēd u =t pad ēn frašn be ōzanam
155.0
nūn be āy tā bē nazdīk ī hufrīy šawam u =š tō xwah man zan ud
156.0
u =š hagriz drō nē guft nē gōwēd ud pad gōwišn ī ōy be estam yōšt ī friyan hamdādestān būd ud axt ī ǰādūg abāg , yōšt ī friyān pad nazdīk ī hufrīy šud hēnd ud
157.0
u =šān pursīd kū be nišīn ēn frašn ī rāstīhā be wizār ,
158.0
yōšt ī friyān guft kū zanān wuzurg rāmišn az paymōzan ī gōnag gōnag ud kadagbānūgīh ī sazāgwār ka =šān dārēnd
159.0
ayāb wuzurg rāmišn az būdan ī abāg šōy ī xwēš
160.0
ud pas hufrīy handēšīd kū škoft =iz ud ō man mad kē tis =iz mar ī druwand ī sāstār ī ǰādūg ka =m be nē hilēd tā be ōzanēd
161.0
čē agar drō gōwam ēg im brādar rāy be ōzanēd ud man druwand be bawam ud bē ēdōn weh kū rāst gōwam
162.0
ud čē agar drō gōwam xwad druwand be bawam ud dād ud dēn ud , ēwēn be wišōbēd bē X ka man pad rāstīh ōzanēd ahlawtar be bawam
163.0
u =š čādur abar sar nihuft ud be guft kū
164.0
zanān wuzurg rāmišn az paymōzan gōnag gōnag ud kadagbānūgīh ī sazāgwār
165.0
bē ka =šān X gāyīdan abāg nēst pad dard dušramīh ud tis =iz rāmišn ī ān nēst bē dard ud dušxwārīh ,
166.0
ka =šān gāyīdan abāg ast ēg išān pad rāmišnīgtar bawēnd ,
167.0
pas axt ǰādūg ka =š ān saxwan ašnūd hešm grift ud hufrīy rāy pad ham zamān be ōzad
168.0
ruwān ī hufrīy pad ham zamān ō garōdmān šud ,
169.0
u =š wāng kird kū xunak man tā nūn ahlaw būd ham ud nūn =iz ahlawtar ham
170.0
bē anāg tō axt ī ǰādūg tā druwand būd hē ud nūn =iz druwandtar šud ,
171.0
29om frašn ēn pursīd kū čē ī pāy dah ud sar se ud čašm šaš ud gōš šaš ud dumb dō ud gund se ud dast dō ud wēnīg se ud srū ud čahār ud pušt čahār ud hamāg gēhān zīwišn ud az ōy ,
172.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
173.0
čē az dēn paydāg kū kē pēšyār āyēd frašn pursēnd nē ēwēn wizārdan
174.0
ud axt ī ǰādūg guft kū šaw pad nazdīk gyāg be nišīn ud pēšyār be kun ud zūd be āy ud frašn rāst wizār
175.0
bē čē agar None drō gōwēd ayāb gōwēd kū nē dānam ēg it pad ham zamān be ōzanam ,
176.0
yōšt ī friyān be šud ud abar maγ be nišast
177.0
u =š pad menišn handēšīd kū škuft =iz ō man mad estēd kē ēn mar ī druwand ī sāstār ud kē nē hilēd tā be ōzanēd
178.0
čē agar ān ī zīwandag ud čē ān ī murdag abāz zīwandag bawēd ēn frašn wizārdan nē tuwān hād ,
179.0
pas ohrmazd xwadāy nēryōsangyazad pad paygām ō yōšt ī friyān
180.0
guft kū frašn passox dah kē ēn gāw ǰuxt ast ī abāg mard kē kār warz kunēd
181.0
ud yōšt ī friyān čiyōn wāng ašnūd ud ēg aš kas nē dīd gumān būd
182.0
u =š pad menišn handēšīd kū ma agar ahriman ud dēwān hēnd ud u =šān abāyist kāmag ēn kū man be ōzanēnd
183.0
ud agar man ēn frašn hamgōnag passox daham ēg im ān mar ī druwand sāstār be
184.0
pas nēryōsangyazad ō nazdīk ī yōšt ī friyān āmad kū
185.0
u =š guft kū ma tars tars čē man hom nēryōsangyazad ō tō mad hom
186.0
u =š guft ohrmazd ud xwadāy kū ēn frašn passox dah čē frašn gāw ǰuxt ast ī abāg mard ēw kē warz kunēd
187.0
yōšt ī friyān ka ān saxwan ašnūd ēg saxt pad rāmišnīg būd
188.0
pad hamzamān ō nazdīk ī axt ī ǰādūg šud guft kū
189.0
ēd mar ī druwand ī sāstār ēn frašn passox ēn ast čē ēn , gāw ēw ǰuxt ast ī abāg mard ēw kē kār ī warz , kunēd
190.0
ud axt ī ǰādūg ka =š ān passox ašnūd pad hamzamān sturd be būd estād ud se rōzšabān stard būd estād
191.0
ud pas az se rōzagudšabān abāz ō ōš āmad ō yōšt ī friyān guft kū
192.0
farroxīhā tō yōšt ī friyān kē ummēd ō ohrmazd xwadāy kird kē pad hamzamān ō pušt ud ayārīh rasīd ,
193.0
30om frašn ēn pursīd kū asp kadām nēktar ,
194.0
yōšt ī friyān guft kū zīwandagān pad škōh bāš mar ī druwand sāstār W murdagān ō dōšox ōft ,
195.0
čē asp ī gušn gušt ī frahixtag pad gōhr nēk , ka =šān dārišn abāg aspān ī šāhīh šāyēd ,
196.0
30om ēkom frašn ēn pursīd kū čē ān ī hušk be nē sōzēd ud čē ān ī xwēd be sōzēd ,
197.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft
198.0
čē ān xāk ast ī kē hušk nē sōzēd ud pih ast ī xwēd be sōzēd ,
199.0
sīh ud 2om frašn ēn pursīd kū pādixšā kadām weh ,
200.0
yōšt ī friyān , guft kū zīndagān pad škōh bāš mar ī druwand sāstār murdagān ō dōšox ōft :
201.0
kū pādixšā ān nēktar ud āmurzīdārtar ud xrad ud dānišn nēk u =š gāhān ayārīh abāg ,
202.0
sī ud 3om frašn ēn pursīd kū tō yōšt ī friyān xwāstag čand ,
203.0
yōšt ī friyān guft kū zīwandagān pad škōh bāš mar ī druwand sāstār murdagān ō dōšox ōft ,
204.0
čē man rāy xwāstag se ast ēk ān ī xwaram ud ēk ān ī paymōzom ud ēk ān driyōšān , ud arzānīgān daham ,
205.0
pas yōšt ī friyān guft , kū 33 frašn az man pursīd hamāg rāstīhā wizārd
206.0
ud nūn man az tō se frašn pursēm agar , passox nē dahē pad hamzamān be ōzanam
207.0
ud axt ī ǰādūg guft kū purs tā wizārom
208.0
ud yōšt ī friyān guft kū zamīg ēw dast tōhm arz čand
209.0
ud didīgar ēn pursīd kū gāw ēw warzāg arz čand
210.0
sidīgar ēn pursīd kū xwēdōdah ēw kār ud kerbag arz čand ,
211.0
axt ī ǰādūg nē dānist u =š kū pēšyār āyēd frašn pursēnd nē ēwēn wizārdan ,
212.0
yōšt ī friyān guft kū šaw ud pad nazdīk gyāg be nišīn ud pēšyār be kun ud zūd be āy ēn 3 frašn rāst be wizār
213.0
čē agar gōwēd kū nē dānam ēg it pad hamzamān be ōzanam ,
214.0
ud axt ī ǰādūg pad ǰādugīh andar dōšox dwārist
215.0
u =š ō ahriman drāyīd kū gizistag zamīg ēw dast tōhm arz čand
216.0
ud didīgar kū gāw warzāg arz čand
217.0
ud sidīgar xwēdōdah kār kerbag arz čand ,
218.0
gizistag ahriman ō axt ī ǰādūg drāyīd kū man ēn frašnīhā tō rāy passox nē tuwānam , kardan
219.0
čē agar be gōwam dām ī man hamāg bērōn šawēd abāg dēwān druzān ud parīgān
220.0
man tō rāy dōsttar nē dāram kū dām ī xwad rāy
221.0
ēn frašnīhā ī tō az man pursīd hē u =t passox daham
222.0
hamāg ī dām ī man akār be bawēd ud petyārag tis =iz be nē mānēd
223.0
az abar dām ī ohrmazd be kār āyēd ud pad hamzamān ristāxēz tan pasēn bawēd
224.0
šaw gardan pēš kun mihrōdruzīh rāy ka kardag dārēd
225.0
ka zamān frāz mad wardēnīdan , nē tuwān
226.0
čē gyāg ī tō dōšox ud pādifrāh tō saxttar kū hamāg druwandān
227.0
ud axt ī ǰādūg abar dwārist az dōšox anummēd ud ōš ī ōy rāy hamē āwurdand tā None pēš yōšt ī friyān
228.0
ud axt ī ǰādūg ō yōšt ī friyān guft kū
229.0
farroxīhā tō ī yōšt ī friyān kē ohrmazd Amahrspandān abāg tō būd hēnd ān ī nē dānist hē tō rāy be guft hēnd ,
230.0
ud man kē ummēd ō ahriman dēwān estād se frašn az ahriman ud dēwān pursīd man rāy passox nē dād hēnd
231.0
u =š pas yōšt ī friyān rāy pad hamzamān kārd ī barsomčīn pad nērang ī dēnīg akār be kird ud druz andar tan ī ōy akār be kird ,
232.0
ēn mādayān None kē paywandihbowandagīhā be xwānēd ud pad sar yatāahūwairyō ēw be gōwēd pad ruwān ī ōy kerbag ēdōn bawēd čiyōn mār ēw pad nērang ī , abestāg be ōzanēnd ahūn pad ruwān ī ōy ēdōn čiyōn ka se sāl yašt ī āb srūd ābsrūd gāhān yazēd būd dastwar kē guft kū ahūn sāl ēw wināh ī ayazišnīh ō bun nē bawēd
233.0
frazaft frazāmīhēd ēn mādayān yōšt ī friyān abāg ēn ardāwirāz andar , rōz rašn ud māh dēn šal ī 690 yazdgerdīg
234.0
man dēn bandag hērbedzād mihrābān kayhusrōy ī mihrābān spandyād ī mihrābān ī marzbān az dast nibēg hērbed mihrpanāg ī srošyār ī nīšāpūr ī hērbed nibišt
235.0
pad yazadān kamag bawād :
236.0
ud gēhān sāyag ī nēmrōz nibēsam farrox bawād xwaršēd pad karzang panǰ ēk pā ī mard 15om karzang ēk pāy :
237.0
xwaršēd pad šēr ēk pāy ud nēm 15om šēr dō pāy :
238.0
xwaršēd pad hōšag dō pāy ud nēm 15om hōšag se pāy ud nēm o tarāzūg se pāy ud nēm 15om tarāzūg