MPCD - Middle Persian Corpus and Dictionary

1.0

spās ohrmazd ud niyāyišn dēn mazdēsn ī ǰuddēw ohrmazddādestān ,

2.0

haštom

3.0

abar hangirdīgīh ī ān ī andar naskīhā ī dēn mazdēsn ǰudǰud ēdar ayād

4.0

ān ī andar šādurwān ī ēn nāmag abar ōšmurišn ī wehdēn ō āgāhīh ī wasān nibišt niwēyēnīd az zand

5.0

ān ī dēn pad āgāhīhišnīh ī ō ēd pāyram dastwar pad xwad ēwāz ī dēn nibišt

6.0

bē pēš az ān nibištan ēwēn abar ōšmurišn ī dēn ī mazdēsn bazišn u =iš bazišn bahr ud bahr brīnag

7.0

nimūdan ī ōšmurišn X ka hangirdīgtar pad =iš bazišn hangirdīg pad bahr ī =iš bazišn X X X X X X ud wistarišnīgtar pad brīnag ī bahr ,

8.0

ōšmurišn ī dēn mazdēsn bazišn se gāhān ī ast , abardar mēnōydānišnīh mēnōykārīh , ud dād ī ast abardar gētīdānišnīh ud gētīkārīh , ud hadāmānsrīg ī ast abardar āgāhīh ud kār ī abar ān ī mayān ēd dō ,

9.0

ud čim ī sebazišnīh ī dēnōšmurišn nigēz ast ī wisp dānišn ud kār

10.0

ud ēwēnag ī ham dēn dānišn ud kunišn ēd ī se ī nibišt ,

11.0

ōh =iz ahunawar ī dēnōšmurišn bun se gāh ,

12.0

ān ī fradom gāhānīgīh , ud ān ī didīgar hadāmānsrīgīh , ān ī sidīgar dādīgīh abardar ud mahist ,

13.0

az =iš hād hēnd bazišn bahr wīstēk ī xwānīhēnd nask ,

14.0

haft gāhānīg čē ō gāhān kird ēstēd

15.0

u =šān nām ān ī gāhānīg hād nērang ī ast stōdyast ud sūdgar ud warštmānsr ud baγ ud waštī ud hadōxt ān ī ō gāhānīg kird ēstēd spand ,

16.0

ud haft hadāmānsrīg nām dāmdād ud waxtar ud pāzen ratuštāytī ud brih ud kaškaysraw ud wištāspsāst ,

17.0

haft dādīg čē ō dādīg kird ēstēd

18.0

u =šān nām ān ī dādīg X nigādom X X ud duzzsarnizad huspārom ud sagādom ud wīdēwdād , ud ān ī ō dādīg pad ǰudšnūmanīh kird ēstēd čihrdād bānyast ,

19.0

ud padisārag sūdgar , ud warštmānsr ud baγ ud dāmdād ud waxtar ud pāzen ratuštāytī ud brih ud kaškaysraw ud wištāspsāst ud waštī ud čihrdād ud spand baγānyast , ud nigādom ud duzzsarnizad ud huspārom ud sagādom ǰuddēwdād hadōxt ud stōdyast

20.0

andar harw se harw se

21.0

ast andar gāhānīg hadāmānsrīg ud dādīg , ud andar hadāmānsrīg gāhānīg ud dādīg ud andar dādīg x x x gāhānīg hadāmānsrīg ,

22.0

ǰudǰud ān ī xwad mādayānīhā ud mādagwarīhā x mehmānīg ,

23.0

ud ān ī didbahrīg ud andarāwurd mehmānīg

24.0

u =iš čim andar mēnōy X gētī ud andar gētī X mēnōy ud andar ān ī mayānag ī harw dō harw dō ast

25.0

ud paywastan ī frāz ō abdom ī hadāmānsr waštī bahr az gāhān čiyōn nibišt X pad paywand ī ō abdom hadāmānsrīg wištāspsāst

26.0

hadōxt ud yašt pad paywand ī ō abdom dād wīdēwdād čim

27.0

ud dahišn ī gētī dād mayānag hadāmānsrīg ō mēnōy gāhān čē mēnōy =iz kē ox bun

28.0

ud gētī čimīg ud wihānīg

29.0

ud bahr X nišīhēd čimīg ō čim ud wihānīg ō ox bahr ō bun ,

30.0

ud frazām ī dād ī ast hīm abāz ō gāhān ī ast bun paywast

31.0

nimūnag ast ī abar fradom mēnōyīgīh gāhānīgīh abēzagrāyēnišnīh būd ud abdom =iz ān bawēd gētī

32.0

ud čiyōn az mēnōy X niwinnīhist frōd āmad abāz ō mēnōy X paywastagīh

33.0

ud čim ī wīstēkbahrīh ī se bazišn ī dēnōšmurišn andar wizīdag ī x x x az kird paydāg

34.0

ōh =iz se gāh ī ahunawar ī dēnōšmurišn bun ast wīstēk mārīg

35.0

čiyōn ahunawar ī dēnōšmurišn bun segāhīh X sēbazišnīh ī dēnōšmurišn nimūnag ōwōn wīstēkmārīgīh ī se wīstēkbahrīh ī ēn se bazišn nimāyēd čiyōn paydāg kū brēhēnīd ōy ī wispāgāh dādār az harw mārīg =ēw sraw X =ēw

36.0

brīnag ī bahr čiyōn hād pargard ī andar naskīhā az dēngugāyīh āgāhīh az yaštfrawahr zarduxšt čāšišn andar ērānšahr hazār būd āšnāg ,

37.0

ud pas az wišōbišn az marg dušxwarrah xešmkird aleksandar mad u =iš būd ī ēdōn abāz nē windād pad dastwar dāštan šāyēd hē ,

38.0

ud ān ī hufraward ādurbād ī māraspandān pad =iš passāxt kirdan ud bōxtan āšnāg

39.0

tā =iz nūn andar mādayān ī ērānšahr pad čāšišn ud pašn dāšt ēstēd

40.0

pas az nibištan ī ǰudǰud nask kū pad čē abērtar abar gōwēd x x nasknask x ōšmurīhēd u =iš ān ī andar hādhād pargardpargard ō ayābišn rasēd čē andar ēn mādayān aniškannēn abāyišnīg dard društag =ēw wizārīhēd

41.0

bē fradom nask ud nask kū abar čē gōwēd nibišt

42.0

ud ēwēn ēdar nibēsīhēd sāmān ī ayābišn nē abdīh xwadīh passazag , ,

43.0

namāz xwarrah ī wehdēn mazdēsn

44.0

sūdgar mādayān abar ōz ī abēzagstāyišn ī fradom ohrmazd gōwišn pad menīdārīh guftārīh ud kirdārīh ud pahrēz ī az dād ī wattar petyāragēnīdārtar mardōm

45.0

ud stāyišn ī hunarān kirbag dēn ī weh hamgōhr u =iš X kunišnīgīh , ud nikōhīhišn ī āhōgān bazag ān wattar dēn ka hamag azišhilišnīh az yazišn ī mēnōy ud pahrēz ī gētī amahraspand was āgāhīh abar xīr ī , mēnōy ,

46.0

gānīg būd gōwā bawēd kē andar frašegird =iz sraw , ahlāyīh ābādīh pahlom ast ,

47.0

warštmānsr mādayān abar zāyišn ī zarduxšt , ud madan ī =iš ō dēn čē andar ham dar

48.0

ud mād ī hērbedīh ud hāwištīh ud ahūīh ud radīh ud āstawānīh ī pad =iš hamist hangirdīgtar gōwišn ī gāhān

49.0

abar harw tis wāzag zand ud ayārdag =iz čiyōn ān ī gōwēd kū warštmānsr

50.0

kē pad harwisp frāzgōwišnīh frāz dād ēstēd kū harw čē pad gāhān guft ēstēd ā =iš pad warštmānsr tis abar gōwēd ,

51.0

ahlāyīh ābādīh ast pahlom ,

52.0

baγ mādayān abar fradom saxwan ōšmurišn ī dēn bazišn ud fradom nām ī ān saxwan ud fradom madan ī ān ud nām passazišn ud wuzurgīh ān saxwan az =iš kē ka x nām u =iš nāmčišt mad ō gumēzišnīh

53.0

hangirdīgtar dānišn ī abar harw tis ǰudǰud xwēš zahag ud čand paywand dō aw =iš ōwōn paywastan čiyōn ān ī baγ rāy guft ēstēd kū baγ ī dahmānsrūd kū ō dahmān guft ēstēd kū kē ēn kirbag kunēd ā =iš ēn kirbag kird bawēd ,

54.0

ahlāyīh ābādīh pahlom ast ,

55.0

dāmdād mayān mādayān abar kunišnīhdādārīh ud dādan ī dām pahlom

56.0

fradom pad mēnōyīh ud čand čiyōn dāštan ī pad mēnōy waštan ī az =iš gētī čihrānīdag sāxtag ō andar ēbgadīg kōšišn pattūdan ud rāyēnīdan paywastag šāhistan ī ō frazām nērang ī ēbgadīgīh

57.0

ud ristag ēwēn dāmdahišnīh u =šān stī ud tōhmag ud srādag čihr ud kār ud čē andar ham dar ,

58.0

ud čimōčēdahišnīh ud abdomōčērasišnīh

59.0

ud abar ān dām petyār ud wizend ud anāgīh az =iš ud šōn čār abzār ī abar wānīdan abesīhēnīdan xxx bōxtan ud abēzārēnīdan ī dām az =iš ,

60.0

ahlāyīh ābādīh pahlom ast ābādīh ,

61.0

waxtar zand ō amāh rāy nē paywast ud abestāg čiyōn pad dastwarīh andar āmadag pad čāšišn ōšmurišn ēzišn dāšt ēstēd ,

62.0

ahlāyīh ābādīh pahlom ast ābādīh , ,

63.0

pāze mādayān abar gōspand dādīhā pad ēzišn ī ātaxšān ud ābān zōhr gāhānbār mazdēsnān ayārīh rā kuštan ēn =iz kū mard ō hamkār pad čē hunar ud abzār pad čīnišn ud nērang ī ēzišn ,

64.0

ud ēd kū az gōspand srādag bahr ātaxšān ābān az kadām hannām stānišn ud čiyōn wirāyišn kē pad čē abestāg frāz barišn ,

65.0

ud čē abar gāhānbār kū ān šaš yyy gāh kay gīrēd ud kay bē sazīhēd hanǰaman ī gāhānbār ud dahišn ī ō myazd kū kay kunišn tuwān passazag pad čē paymānīg bē dahišn kay sāzišn baxšišn , kū =iš sūd nēkīh ī wehdahišnān ud mēnōyīhā ud gētīyīhā čē az =iš

66.0

ud ēd kū ō radpassāsālārīh abārīg radīh ǰudǰud čē hunar abāyišnīgtar ,

67.0

abar xwēškārīh radpassāsālārīh kū =iš mazdēsnān az kird ī gāh ud frāz raft ī ō hanǰaman hammis āgāhēnišn , kū ān hanǰaman abērtar abar wirāst ī āhōg patit ud tōzišn ī wināh ud niyābagīg bē ud niyābagīg bē dād ī tis ō myazd ud čīdan ī mard ō zōtīh rāspīgīh pēš az ān rōz zōtān rāspīgān abārīg kē pad sāzišn dahišn ī bahr kār warzānd ud tan wastarg pāk kirdan pēšgāh myazd wizīdan

68.0

ēd kū pad ān pēšgāhīh ī čē hunar abāyišnīg

69.0

ud bahr baxtan ud ō kē pēš niyābag pēš dādan

70.0

radān meh weh pēš bē afsārdan ka bahr ī radān nē dahēnd gāhānbār nē pad kirddārišnīh ,

71.0

ēn =iz kū zōtān rāspīgān zōtīh rāspīgīh abārīg radān pad wināh radīh ud bahr appār ōh bawēd was andar ham dar ,

72.0

abar wardišn ī gāh rōz ud māh ud sāl āwām ī ka hamīn zamestān ud sahišn ī az rawišn ī axtarān pad xxx =iš

73.0

kū rasišn ī ahlaw frawahr ō gētī andar ān dah rōz ī zamestān frazām sāl sar čiyōn =iš ān panǰ rōz ī gāhānīg andar pad ān bawēd zamīg sazišn hamīn estišn

74.0

mehabāyišnīgīh ahlawān frawahr andar ān dah rōz yazišn ud niyāyišn wēššnāyišnīh ān yazadān az =iš ud bištīh ī =šān az apadīrišnīh ud aniyāyišnīh ud anēzišnīh xxx az gētīyān

75.0

ud wēš yyy frēzwānīgīh xxx rādīh ud bēdahišnīh andar ān hangām ud xwēškārīh rad ī šahr pad ayārīh ī ud ǰādaggōwīh ī driyōšān hammōxtan ī az frawardīgān rāy andar frawardīgān kunišn ,

76.0

ud abar hangām ī stadan ī bēšāzēnīdār urwar ud čē andar ham dar ,

77.0

ud abar kū mānīg ud wisīg ud zandīg ud dehīg xwāyišnīh šahīgān tōzišn ruwānīg wināh ǰudǰud ō kē wizārišn

78.0

abar sūd ī az wirāstan ī wināh ud kirdan ī tōzišn zyān ī az wināh awirāstan tōzišn ī kird frāz hištan

79.0

abar sīhseradīh ī nazdist pērāmōn hāwan kū kē čand mēnōy čand gētī ud kadār didīgar ud kadār sidīgar az mēnōyān gētīyān xxx

80.0

ud abar abdīh ud wuzurgkirbagīh āškāragwarzīdārīh ud škeftīh ud garānwināhīh ahlomōγīh

81.0

ud ēn =iz kū ka pad ahlomōγīh kas gumānīg ast pad rōšngarīh az yazadān kadām yazad andar kadār yazadān ō ayārīh xwāyišn

82.0

abar ēn kū kadār az nārīgān az xwāstag šōy dastwar šōy tis bē dād pad čē paymānag ud wizēn ō kē pāduxšā ud ō kē tā yyy ka bē dād šōy pāduxšā abāz āwurd ,

83.0

abar ēd kū ka hamīn be xxx rasēd zamestān ō kū dwārēd ud ka zamestān be xxx rasēd hamīn bē ō kū šawēd ,

84.0

ud abar čandīh wōyγn andar ēk sadōzim bē sazīhēd , ud drahnā ī sazišn wisp ī ō wōyγn paywast ēstēd ud čē andar ham dar ,

85.0

kū čand māh xxx hamīn čand hamīn hamčīg yyy dēnīg nām ī dwāzdah māh ud čim ī nām ī ēkēk ēn kū ēn dwāzdah māh ēkēk pad ēzišn wāspuhragānīhā kadām yazadān xwēš ud ēdōn =iz sīh rōz ī andar harw māh ud ēdōn =iz panǰ gāh andar harw kū ān panǰ rōz ī gāhānīg pad sāl sar hamāg yazadān xwēš ud ka ardāfraward yašt bawēnd ,

86.0

ahlāyīh ast pahlom ābādīh ,

87.0

ratuštāytī xxx mādayān dēnīg ud frēzwānīg yyy ēwēn dād

88.0

čim ī sazāgīh ud sazāgtarīh pad radpassāg sālār , abārīg pad =iš xwadāy =iz bahr xwēšīh kū čiyōn bē wizārišn sazāgīh az asazāgīh ud sazāgtarīh az asazāgīh pad =iš kū pad radīh xwanirah abārīg kišwar ǰudǰud fradom kē bē ēstād az mazdēsnān ,

89.0

ud abar nimāyišn āgāhēnišn ī nišastbrahmag yyy ī amahraspandān nērang ud abzār ī andar ēzišn ī yazadān gāh ud xwēškārīh ī zōtān rāspīgān andar ēzišn ew ud hamāg =iz xwēškārīh sālārān pad kār ī =šān ǰudǰud ō bun

90.0

ud mehīh ī wizīdārdahišnīh andar kirbagān ud ēwēnag ī wizīdārdahišnīh ud nazdīkīh ī ohrmazd ō menišn gōwišn kunišn ox ī astōmand ,

91.0

ābādīh ahlāyīh pahlom ast ,

92.0

brih mādayān abar zōrrāyēnišnīh rāstīh rādīh ī āsnsrūdxrad was hunarān ,

93.0

ud ān =iz ī drōzanīh ud penīh ud adānīh dušāgāhīh ud was āhōgān ī hunarān hamēstār brādarōd ,

94.0

ud ān ī wahman ud spandarmad ud srōš ud ahlišwang was yazadān , ud ān ī akōman ud waran ud xešm xwahl ud was dēwān ān ī āfrīn nifrīn huyāzagīh ud dušyāzagīh ī hunērangīh ud dušnērangīh ud husaxwanīh ud dušsaxwanīh čē andar ham dar ,

95.0

ud ān zamān baxt ud gōhr ud kāmag ud dēn ud xōg frahang ud xwēškārīh ud tuxšāgīh čē andar ham dar ,

96.0

ud andar ān ī xwadāyīh ud rāyēnīdārīh ud dastwarīh ud dādwarīh X ud mayānǰīgīh ,

97.0

ud ān ī hamīh ud āštīh ud mihrdārīh čē andar ham dar ,

98.0

ud ān ī dād ēwēn kirbag wināh ud husrawīh ud dusrawīh ahlawīh ud druwandīh čē andar ham dar ,

99.0

ud ān ī šarm ud ud xxx škōy xxx ud sam ud srōšīgīh čē andar ham dar ,

100.0

ān ī paywand ī pad xwēšīh ērmenišnīh wālanīh ud dēn ud čē andar ham dar ,

101.0

ud ān ī sāzišnīgīh ud asāzišnīgīh ud dōst ud dušmenīh ud čē andar ham dar ,

102.0

ud ān ī hučihrīh ud duščihrīh ud ǰuwānīh ud zarmānīh ud tuwānīgīh ud škōhīh ud farroxīh ud dušfargīh čē andar ham dar ,

103.0

ud ān ī ōz ī dēntōhmagān srādagān tisān čē andar ham dar ,

104.0

ud ān ī frazānagīh ud frašnwizārīh ud purrnēkīh ud čē andar ham dar ,

105.0

ud ān ī sūy ud tišn u =iš darmānīh čē andar ham dar ,

106.0

ud ān ī frasāwandīh ud margīh ud sāzišnīgīh ud čē andar ham dar ,

107.0

ān hammisīh tisrōnīh ī pēšīh ud pasīh ud čē andar ham dar ,

108.0

ud ān ī padīrišnīgīh apadīrišnīgīh ud rāmēnīdārīh ud bēšāzēnīdārīh ud čē andar ham dar ,

109.0

ud ān ī tagīgīh uzwānīgīh ud hanǰamanīgīh ud čē andar ham dar ,

110.0

ud ān ī ōš menišn ān ī tan ruwān ān ī wahišt dušox tan ī pasēn čē andar ham dar ,

111.0

ud ān ī harwispāgāhīh ī dādār ohrmazd hamāgwehīh ī amahraspandān xwarrah ī mard ī ahlaw čē andar ham dar ,

112.0

ud any was dādār ārāstārīh saxwanrāyēnīdārīhā ud xwadāyīhwinnārdārīhā xxx ud tandāštārīhā ud ruwānbōxtārīhā saxwan passazag ō ān ī gōwēd kū arešuxtgōwišnīh brih kaškaysraw ud wištāspsāst ,

113.0

ābādīh ahlāyīh ast pahlom ,

114.0

kaškaysraw mādayān abar nigēz ī yazadān yazišn nērang pad čē waštan ī dēwēzagīh pādyābīh ud apādyābīh āgāhīh ,

115.0

wirāyīh ud pahrēz ī yaštān daxšag ud nišān ī abarrēzišnīh ud anāgīh az dēwān ō zamānagzamānag ud wihān išān xxx ānābišn xxx frazāmpērōzīh ī yazadān

116.0

ēg abzāyēnāg srūd hammōg ī ohrmazd ō zarduxšt xwānīhēd mēnōyān sāst

117.0

ābādīh pahlom ahlāyīh ast ,

118.0

wištāspsāst abar āmōg yyy ī ō kay wištāsp mādayān ān ī ō xwadāyīh xēm ud čihr ud barišn ud dānišn frahang ud dādrāyēnīdārīh ī dāmān kāmagrawišnīh ī yazadān pad =iš abāyišnīg

119.0

ud abar frēstīd dādār ohrmazd amahraspandān ō kay wištāsp pad gugāyīh ī abar ohrmazdaštagīh spitāmān zarduxšt abēzag wehīh ī dēn mazdēsn framān ī dehbed wištāsp pad pērōzīh pad padīruftan ī dēn az zarduxšt ,

120.0

ud wēnābdāg madan ī amahraspandān ō dar ud did ō mān handēmānīh wištāsp u =iš yyy paristagān wizārdan ī ō wištāsp ohrmazd paygām padīriftan ī rāmīhā wištāsp dēn mazdēsn

121.0

sārēnīdan ī xešm dēw arzāsp ī xyōn ō kōšišn ī wištāsp petyārēnīdārīh ī zardušt ārāyišn rawišn ī wištāsp šāh ō ān kōšišn čē andar ham dar ,

122.0

ābādīh pahlom ast ahlāyīh ,

123.0

waštī yyy abestāg zand pad dastwar ō amāh nē paywast ,

124.0

ābādīh ast pahlom ahlāyīh ,

125.0

čihrdād mādayān abar tōhmag mardōmān čiyōn brēhēnīdan ī ohrmazd gayōmard fradom mard ō paydāgīhist ī kirbīh ud čē ēwēnag būd ī fradom ǰuxtag xxx mašī xxx ud mašānī ,

126.0

ud abar zahag paywand ī awēšān tā purrrawišnīh mardōm andar mayānag ī xwanirah ī kišwar ud baxšišn az =šān pad šaš kišwar ī pērāmōn xwanirah

127.0

tōhmag tōhmag ī nāmčištīg ōšmurēd pad aštag xxx āwarišnīg framān ī dādār ō ǰudǰud tōhmag ī =iš ō gyāg kū šud framūd handāxtan zīwišn ud xwarrah az ānōh baxt ēstād

128.0

u =šān wihēz ī ō kišwar kišwar ud ān =iz ī ō kustagīhā xwanirah ud ān ī =šān pad mayānag gyāg mānišn grift

129.0

xīrwizārdagīh ēwēnag ēkēk srādag ī mardōmān ī andar bun tōhmag dād ēstād

130.0

bunnihišn ī dād xxx ēwēnag ān ī yyy pad warzīdārīh parwardārīh gēnān xxx abar yyy pēšdād ān ī dehbedīh pad pānagīh ud rāyēnīdārīh dām abar hōšang ī pēšdād tōhmag

131.0

sraw ī hōšang ī fradom ud tahmōreb ī didīgar u =iš haftkišwar xwadāy ud tōhmag srawōšmurišnīh az bundahišn tā =iz ǰam ,

132.0

ud ān ī ǰam sidīgar haftkišwar xwadāy tōhmag sraw āgāhīh x ī =iš zamānag sazišn zamānag ī az bundahišn tā xwadāyīh ǰam frazām ,

133.0

ud ān ī haftkišwar xwadāyīh xxx dušxwadāy xxx dahāg sraw paywand ī =iš abāz ō tāz ī hōšang brād ud tāzīgān pid ud āgāhīh ōy u =iš zamānag sazišn ī zamānag ī az huxwadāyīh ǰam frazām tā dušxwadāyīh frazām ī dahāg paywand ī az ǰam tā frēdōn ,

134.0

ān ī xwanirah xwadāy frēdōn sraw pad wānīdan xxx ī dahāg zadan ī māzandarān deh ud baxtan ī xwanirah pad salm ud tōz ēriǰ ī =iš se pus paywast xxx ī =šān pad duxt ī pādsraw ī tāzīgān šāh ud tāz paywand ud paywand ud sraw ī awēšān ǰudǰud

135.0

ān ī mānuščihr ī ērān xwadāyīh ud ēriǰ nāf , ān ī tōzōmand frāsyāb ī tūrān dehbed ud tūmāsp xxx uzaw ī ērān dehbed mānuščihr nāf kawi kawād xxx ī kayān niyāg ērān xwadāy ud tōzōmand xwadāy kirsāsp , ud kay us ī kawād pad haftkišwar xwadāy ud kasān ud kay husrōy ī siyāwaxš pus xwanirah xwadāy ,

136.0

ud was mādayān tōhmag nāmčištīg sraw ī ērān tūrān salmān tā =iz xwadāy kay luhrāsp ud dehbed kay wištāsp , dēn mazdēsn waxšwar spitāmān zarduxšt ud sazišn ī zamānag ī az fradom xwadāyīh frēdōn tā āmad ī zarduxšt ō hampursagīh

137.0

ud was tōhmag ud sraw ī az ān frāz andar ham nask xxx būd ōšmurd ēstēd u =iš ō būd guharīhist čiyōn sāsānīyān ī =šān pad huāfrīdān xxx ōšmurēd xxx u =šān xwadāyīh , ud andar mānuščihr nōdar yōyšt xxx friyān x ī spandšēdān tōhmag , auuarəϑrabā̊ pid ādurbād ī māraspandān , ud astīh yyy ēg =iz pad bawēdīh ēstēd

138.0

abar =iz hunar ud xwarrah wasčiyōnīh xwadāyīh =iz ī frašegird rawišnīg ō tōhmagān baxt ud yyy =iz ī ō x tōhmag rēzīhēd yyy tā frašegird abrīd ,

139.0

abar bundānišn ī pēšag ud kirrōgīh ud xwēškārīh ī āwām was āgāhīh mardōm pad spōxtan ī wizend ī az petiyārag rārišn xxx ī tan bōzišn ī ruwān rāyēnīdārīh gēhān abāyišnīg pēš =iz az madan ī zarduxšt pad dādār framān az yazadān waxšburdārīh ud nigēz ō pēšōbāyān ī zamānag zamānag madan čē andar ham darīhā ,

140.0

pahlom ahlāyīh ābādīh ast ,

141.0

spand mādayān abar bawišn hambawišnīh zarduxšt stī frawahr ud xwarrah čiyōn āfrīdagīh ī ēkēk pad mēnōy ud čē ēwēnag dād ī ō gētī čiyōn paywastan ī ō zāyīdārān madan ī zāyīdārān āgenēn hambawišnīhistan ī andar mādar ud zāyišn ī az mād čē ham dar

142.0

ud abar =iz rasišn ī harw dō mēnōy ān ī weh pad waxšēnīdan , ud ān wattar pad murnǰēnīdan pērōzgarīh ān ī weh mēnōy ud parwarišn ī zarduxšt

143.0

rasišn ī ō purnāyīh pad sīhsālag ō hampursagīh ohrmazd ud būdan ī haft hampursagīh andar dah sāl

144.0

was abdīh ī az =iš pad =iš paydāgīhist čiyōn ast ī hampaywast wizīdag ud az dēnkard nibēg nišānēnīd ,

145.0

haft brīn čiyōn spand xwānīhēd haft frašn harw ǰār =ēw frašn ēw yyy baxšišn ī abārīg naskīhā pad ēd haft frašn pad frāzgōwišnīh ī andar ēkēk gyāg ī hampursagīh

146.0

abar frašn frašn hangām ī nišāstan yyy xāstan ī harw ǰār ud ēwēnag ī nišast amahraspandān frāz madan ī zarduxšt ō ān handēmānīh ud gāh ī =iš ān gyāg čē ān ī aw =iš guft ud čē ān ī aw =iš nimūd

147.0

ud frāz burdan ī abar zarduxšt xrad ī harwispāgāhīh ud dīd ī zarduxšt pad ān xrad būd bawēd hamē čandīh ī drang ī pad =iš

148.0

būd ī ān ī xrad čē ān ī =iš pas andar bē mānd abāz uzwārd čiyōn az =iš abardom pahlom ī gyāgān wahišt ud gāh mizd ahlawān pāyag pāyag čiyōn yazadān arzānīgīh ī pad kirbagwarzīdārīh , ud nigūntom ud wattom ī gyāgān dušox gyāg pādufrāh druwandān čiyōn =šān wināh , ud mayānag ī dō hamēstagān gyāg ī hāwandān ī kirbag wināh ud činwadpuhl kē pad =iš amar ī pad kirbag wināh ud tan ī pasēn kē pad =iš passāzišn xxx ī harw ahlaw ud druwand ud bōxtišn ī wisp wehdahišnān az hamāg anāgīh bawēd

149.0

anī =iz was tis ī abd ud saxwan ī ēd haft frašn hangirdīg =ēw ī az harw ēwēnag dānišn āgāhīh

150.0

abar =iz paywastan ī zarduxšt āgāhīh ī dēn mazdēsn ō gēhān hāxtan ī =iš ī mardōm ō dēn āwāmān ī pas az zarduxšt tā frašegird ,

151.0

abar čiyōnīh ī rāyēnišn ī zamānag mardōm brīn sadōzim ud hazangrōzim ud gēhān abdīh ud škeftīh ī abar frazām ī harw hazangrōzim andar gēhān andar gēhān paydāgīhēd

152.0

pad =iz zāyišn rasišn ī ušēdar ī zarduxšt pus pad frazām ī fradom hazangrōzim ud sraw ī ōy u =iš zamānag was wišuftārān ī ārāstārān ī zamānag ī mayānag hazangrōzim ī zarduxštān , ud madan ī ušēdar

153.0

ud rasišn ī ušēdarmāh zarduxšt pus pad frazām ī didīgar hazangrōzim ī āgāhīh ī ōy u =iš zamānag wišuftārān ārāstārān ī andarg hazangrōzim ušēdarān

154.0

madan ī ud rasišn ī sōšyans ī zarduxšt pus pad frazām ī sidīgar hazangrōzim wišuftārān ārāstārān ī andarg hazangrōzim ī ušēdarmāhān rasišn ī sōšyans āgāhīh ī sōšyans u =iš zamānag

155.0

pad =iz frašegird tan ī pasēn andar ān ī ōy zamānag bawēd paydāg ,

156.0

pahlom ābadīh ahlāyīh ,

157.0

bayānyasn mādayān yyy fradom abar ohrmazd yasn bayān abardom ud did abarīg apaydāg ud paydāg gētīyān =iz yazadān yasn kē =šān rōzān frāz ud ham ōz xwarrah amāwandīh ud pērōzgarīh abdīh

158.0

awēšān anī =iz was yazadān ī andar ān ī awēšān yasn guftnām hēnd

159.0

u =šān pahrēz niyāyišn ud arzānīgīh āyaftdādārīh ī ō yaštārān

160.0

xwēškārīh ī =šān ǰudǰud was ōšmurišn ī andar yazadān

161.0

xwēškārīh ī dānišn āgāhīh ī hēnd ī abar xīrān rāyēnišnān ī āwām kē dādār ohrmazd awēšān abar gumārd xwēškārēnīd ēstēnd ,

162.0

pahlom ābādīh ahlāyīh ast ,

163.0

dād bun nigādom sīh pargard

164.0

brīnag pahikārradestān , abar ēn kū ǰud =iz az mēnōy rasišnīg seǰ xīndagīh ī az ēbgad ō mardōm ud gōspand mardōm =iz pad wināhgārīh gastag bawēnd rawāgīh ud seǰ ud xīndagīh andar gēhān az adādestānīhā zanišn ī ēk abar did

165.0

ud andarz ī ō mardōm abar pahrēz ī az =iš ud dādestānīg zanišn handāzišn abāz ō kemzanišnīh ud azanišnīh ,

166.0

ud padīrag =iz apahikārradān pahikārradīhā ēstādan pad arēšagīh ud aziyānīh ī xwēš az =iz yyy zanišn ī abar =iz apahikārrad bē pahrēxtan

167.0

hamāg pahikārradīh kē ka ēk ī ast dādestānōmandīhā ēstād u =iš stī saxwan ī dō ī hēnd gōwišnīg ud nimāyišnīg ī pad ǰudbrahmnihišnīh bawēnd čahār ēwēnag gōwišnīg nimāyišnīg gōwišnīg nē nimāyišnīg nimāyišnīg nē gōwišnīg nē gōwišnīg nē =iz nimāyišnīg ,

168.0

andar x sāmān ī gōwišnīg waxt čahār ēwēnag pahikārišn ī ǰudsāmān ǰudēwāz ī ast ō apahikārradīh ō rad ī xwēš ō ahū weh mard čiyōn az =iš se abāyišnīg hēnd ō =iz yyy gugāyīh ,

169.0

ud andar ān ī nimāyišnīg waxt šaš ēwēnag , ud ō pahikārrad ēwāz čiyōn hammis ēwēnagān ī andar ham dar bawēnd dwāzdah ,

170.0

ud hamāg apahikārradīh kē ka ēk ast adādestānīhā abar raftan u =iš ēwēnagān panǰ ī hēnd andar nimūd ud kanišn zaxm ud rēš kirdan ōzad ,

171.0

ud pahikārrad hēnd dwāzdah ēwēnag baxt ēstēnd pad čahār brīnag ī seānag ,

172.0

brīnag =ēw hēnd āšnawāg ī wēnāg ēd pahikārišn ī aw =iš gōwišnīg nē nimāyišnīg , ud wēnāg ī nē āšnawāg ēd ī pahikārišn ī aw =iš nimāyišnīg nē gōwišnīg ,

173.0

ud ēn se ī andar ēk brīnag pahikārradīh abāg =šān ast ud pahikārrad bē agar bīm ī pad tan ēwar ēnyā abēpahikārišn ī čiyōn guft ēstēd pad rēš abāz dāštan nē pāduxšāy ud wizīr ī pad =iš ēn kū ka pad dādīg pahikārišn nē wardēnd ud abērēšīhā abāz dāštan nē šāyēnd pad =iz rēš abāz pāduxšāy dāštan

174.0

brīnag None anāšnawāg ī awēnāg =iz ud zan ud aburnāyīg ēn se ī andar ēk brīnag pahikārradīh abāg =šān nēst , ud wizīr ī tan pad =iš ēn kū bē agar =iš az bē waštan bīm ī pad tan ēwar ēnyā bē wardišn ,

175.0

brīnag None anēr ud margarzān ēwar az dādwarān pad ōzad wizīr pad =iš kirdan rāhdār ka andar rāh ēstēd u =iš zanišn paydāgēnīd ēstēd kird nē šāyēd ,

176.0

ud ēn =iz se ī andar ēk brīnag pahikārradīh abāg nēst bē ud wizīr ī pad =iš ēn =iz kū ka =iš gyān bē ōzanišn hēnd pad =iš kirbag hēnd ,

177.0

brīnag =ēw ēd ī abēgāh raftan abar madan pad škastag gyāg burdēnēd brāh ka =šān pad gōwišnīh pursēnd passox nē kirdan nē pad anērīh warōmand hēnd ,

178.0

ēn =iz se ī andar ēk brīnag pahikārradīh abāg nēst ud wizīr pad =iš ēn kū ka =šān bē ōzanēd pad =iš wināhgār nē bawēd ,

179.0

čē andar ham dar andar āwarēd was dādestān , ud ēn =iz kū abāzzaxm ān ī zaxm ud rēš bawēd ōwōn kunišn ka pad harw tis ī rāst abāz kirdan šāyēd ,

180.0

didīgar brīnag zaxmestān mādayān abar zaxm wināhišn az zaxm čiyōn dard ud xōn abōyīh wināh ī mard andar abōyīh =ēw kunēd ,

181.0

ud abar haft ēwēnag ī daxšag ī abōyīh ud ǰudwizīrīh ī abar zaxm ī purnāyān andar ān ī aburnāyīgān kunēnd ud andar =iz zaxm kē dard xōn ōh rawēd ud andar ān kē xešm xōgdrahnā dard xōn nišīnēd ,

182.0

ud abar xwāyišn hudahišn čiyōn ān ī pad mādagwarīh gōwēd čahār ēwēnag ka penīhīh yyy yyy ud ka yyy yyy yyy ka penīhīh penīhīh yyy ka yyy yyy yyy yyy ud any se ēwēnag ī az ēn dō pad āgenēn hampursagīh zāyēd ka penīhīh ud yyy ud penīhīh ud yyy yyy ud ka penīhīh ud yyy yyy penīhīh , ud ka penīhīh yyy yyy yyy ī bawēnd hammis haft ēwēnag anī =iz čand abāz ō ēn handāzīhēd

183.0

ud abar =iz kastār dahm ud dahm kastār yyy čē andar ham dar ,

184.0

abar sneh gīrišnīg ud sneh apparēd ēd kū čē ān tis ī pad sneh uspurrīg čē ān ī nē , ud čē ān ī pad sneh mehmān , ud čē ān ī ka kas pad sneh abāz ō kas kunēd ā =iš xwad tis appārag/āzārag , ud čē ān ī =iš guharīg appār ud čē ī =iš dādag ān xwāstag tōzišn ud ǰudīh ī wizīr ī abar mard dō sneh barēnd az sneh dō bē burdan xxx ,

185.0

ud abar šaš ēwēnag ardīgtazišnīh pad zaxm yyy mihōsāst adwadād gōwišn ī ǰādūggōwišnīhā ud gōwišn ī sahmnimāyišnīhā xxx ud kū ardīgtazišnīh ēg bawēd ka pad andar ēstādan bē ēstād ud zaxm kird ēk az ōy ī did nē pēš ,

186.0

ud ēn =iz kū purnā abāg purnā zan xxx ī yyy abāg zan ī yyy ud zan ī ābestan xxx abāg zan ī ābestan xxx ud aburnāyīg ī haftsālag abāg aburnāyīg ī haftsālag ardīgtazišnīh bawēd aburnāyīg ī haftsālag rāy pad wēnišn ī pidarān pidarān xxx ardīgtazišnīh bawēd u =iš ēd xxx ēd kū harw wināh xxx ardīgtazišnīh kunīhēd xxx tōzišn ō radān šawēd ,

187.0

abar āzārīh xwadāy pāk ī kas andar bandag abun būd ēstēd wēnēd xxx ka bandag hamē xwāhēd war xwēšīh nē pahikārēd ,

188.0

abar wināh ī hamēmālān bē andar xwad =iz hamēmāl pad any ēč kirbag nē tōzīhistan xxx ī abar kuštan ī ud bandag abāg xwadāy =iz čē andar ham dar ,

189.0

abar kuštan ī haftsālag aburnāyīg ī ahammōxt haštsālag =iz pad wēnišn ī pidarān wināhgārīh ī pidarān pad =iš ka =šān abāz dāštan tuwān abāz nē dārēnd ud ān ī ka =šān abāz dāštan nē tuwān , sidīgar brīnag rēšestān mādayān abar brīn ud darrīdan xxx awiškābišn frāzrūdag ud sumbišn ud xwahišn ud škennišn ud xwardagkirdan xxx ud tāšīdan ud hōšēnīdan čiyōn hamāg rēš xwānīhēd ,

190.0

wāhmān mārgen xxx girdrawišnīh ī abarabgan kirbabganišnīh xxx ud xōntazišnīh az mardōmān tan

191.0

čiyōn hannām hannām baxt ēstēd ō haftādšaš ī mādagwar ī parwastag andar dō ēwēnag mādayāntar xwānīhēd ay xxx dō xxx ī wastarg hēnd ī ēk az did ǰudmādī ud az barišnīh ī az hašt ī mādagwar ī parwastag andar dō ēwēnag hannām ī andar ān haftādšaš ī hamgōnag ēk az did ǰudmādī ud ēk az did ǰudčim ud ǰudwizīrōmand ,

192.0

ēn =iz kū ka kas ō kas pad zad az stardīh ayāb stabrīh ayāb nizārīh ayāb syāyīh ayāb spēdīh ayāb gišnagīh ayāb bulandīh ayāb yyy ayāb frāyxwarišnīh ayāb kemxwarišnīh ayāb paymānxwarišnīh ayāb aǰgahānīh ayāb tuxšāgīh ayāb yyy tēzīh dahēd ayāb saxwan kāmēd guftan u =iš abāz zanēnd ayāb =iš gōwišn ud wēnišn āšnawišn ayāb xrad ud ōz ud šusr ud šīr ud ābusīh bē kāhēnēd ka gabr ayāb šīr ī mādagān abesīhēnēd ayāb andar gabr pus bē ōzanēd ka abar rēš rēš kunēd u =iš yyy ud xōn rawēd ,

193.0

ud abar =iz zaxm ī pad ēk ayāb dō ayāb se sneh ayāb frāy pad ēwkardagīh ayāb ō iϑrīh ayāb hiδīh ayāb apauuarāuuarštīh kunēd ,

194.0

ud abar paymān ī rēš ka gawrag frōd abganēd srāy ud dēwār ud pērāmōn ud ud kirb ī abgand ān xwurd kird ayāb awiškāft ayāb tāšīd ayāb rūd xōn yyy yyy yyy ud mang ud dranā ud zahyā ud sōy ī sneh

195.0

ud drang ī rēšrawišnīh ud dardrawišnīh ud sešabag sāldrahnā abarpāyišnīh ud xwārtarīh ud axwārtarīh ud spurrīgīh ud anuspurrīgīh ud čē andar ham dar ,

196.0

xwurdīg ud āmārēnīdārīhā ud wizīr ī abar ǰudǰud ,

197.0

čahārom brīnag ī hamēmālestān dād =iz xwānīhēd mādayān abar hamēmālīh ī abar zōr hamēmālīh ī kas abar kas pad ǰādūgīh ud ahlawγenīh ud duzz ud appar bōdōzed ud kādōzed ī abar čand nāmčišt tis ud āgrift awōyrišt zaxm ud xwēhišn handird ud mihōsāst ud bastan ud dūn kirdan adwadād drōgōwišn ī waštaggōwišnīh ān ī dastnimāyišnīhā ud mizd ī mizdwarān ud gyān tōzišn tis kāmēd wwwlīdan ud pašāxtan ī ēk ud mistan ī ō ātaxš āb čē andar ham

198.0

abar =iz sāmānēnīdan ī hamēmālīh ī pad =iš wināh ud tōzišn ī abar x xāg ayāb āduristar ayāb ārd ō čašm abārīg tan ī mardōmān knīn az ēn frāz tā sīh sar padisārīg gōwēd

199.0

abar wināh ī ō mardōmān hixr xwarēnīdan ō tan wastarg adādīhā burdan ud ō zan ī daštān ayāb ǰādug šudan

200.0

abar zan aburnāyīg ud anšahrīg ī az xānag ī wehdēnān bē āyēd pad xūb hammōxt dāšt

201.0

abar mihōxt dušnām ī keh meh čē andar ham

202.0

abar pahrēz ī zan ī ābestan andar dādīg yyy yyy ud kār

203.0

abar mānbed kē =iš ān ī xwēš yyy nē hammōxt ō ān ī any yyy hammōzēd čē andar ham

204.0

abar ādehīg uzdehīg pad hāwand dādestānīgīh ud dādestānīh kē pēš bun kirdan

205.0

abar sazišn asazišn ī dādestān ī niwēyēnīdag ud čim ī harw dō

206.0

ud abar mard kē bīm ī abāzzaxm rāy wirēzēd

207.0

ud abar =iz apatitīgīh ud frēzwānspōzīh čē andar ham

208.0

ud ǰuttarīh wināh andar hērbedān az ān ī andar any kas pad patitīgīh

209.0

abar sazišn ī tōzišn ud paymānag ī sazišn

210.0

abarpad čē paymānag pādixšāyīh ī rad ī xwēš wināh ī any kas andar hāwišt ī ōy =iz ān =iz ī hāwišt ī ōy ruwānīg kunēd hištan

211.0

ud abar dādwar tōzišn ī wināhgārān hištan ud čē andar ham

212.0

abar pāduxšāyīh pēšēmāl pad adādīh kirdan

213.0

ud abar pākīh ō anērān dād stadan ud čē andar ham

214.0

abar margarzān yyy kirdan ud hamayārīh pad margarzān ud čē andar ham

215.0

abar xwastūgīh pad tis ud sāmān ī xwastūgīh ud čē andar ham

216.0

abar kāmagnimāyišnīh pad margarzān wināh

217.0

ud abar zanišn ī pad sneh ī uspurrīg ud anuspurrīg ka purnāyān aburnāyīgān aburnāyīgān ka hamayārīhā kunēd

218.0

abar rēšīdag ī nišāst dard az dārūg dard az dard abāz xāstan murd čē andar ham

219.0

ud abar pas az wizīr ī dādwarān graw az pasēmāl griftan

220.0

abar dādestān ī pad wināh ka atuwānīgīh pēšēmāl rāy sazišn hamē būd mard yyy yyy dastwarīh ī pēšēmāl rāyēnišn kunēd

221.0

abar ǰādaggōw gumārdan sāmān ī ǰādaggōwīh

222.0

abar zaxm ī pad hambun purrtāg

223.0

ud abar āzādzaxm ud sneh uzmūdan rāst abāz zadan ka rāst nē šāyēd ō kārwarzišnīh ayāb paššinǰīh ayāb pādufrāh wardēnīdan ud sān ī wardēnīdan ud čē andar ham

224.0

abar sāmān ī pādufrāh ī aburnāyīg pad wināh kunēd

225.0

abar yyy xwāstan sāmān ī yyy ud čē andar ham

226.0

ud abar nišān ī gōwišnpadīrišnīh kas andar bēwiderišnīh se abar tis bē dādān andarz pad =iš kirdan patitīgīh az wināh

227.0

ud abar hušnāxt kas pad hušnāsag hangām zanišn kirdan ud čē andar ham

228.0

ud abar sneh dādan anēr ī ō dādestānōmandīh kird ēstēd ōzad guftan čē andar ham

229.0

ud abar yyy ī pad mard ī ahlaw ōzad yyy kē abar kē bawēd ud ka ō ēk ayāb frāy parmāyīdan pad ayār ayāb pad pēšīh ud pasīh zanišn kirdan ud čē andar ham

230.0

ud abar sneh stadan guft kū mard ud pah ud wēnam pad =iš pad =iš zanam ud raft čē andar ham

231.0

ud abar xwāstan raft ī yyy guftan marzbān ī pad pay ī sāstārān čē andar ham

232.0

kū ka zīndag zanēd ud bēšēd ud zīndag zanēd murdag bēšēd ān ī murdag zanēd zīndag bēšēd murdag zanēd ud murdag bēšēd ud čē andar ham

233.0

abar dār ud gil ī akār ān ī ōh dārišn tā paymānag ī guft ēstēd pad =iš bē widerēd nē sōxtan ān =iz dār ī bē pad gawrīh zahyā ī pad esm rāy sōzišn paymānag ī gawr zahyā čē andar ham dar ,

234.0

abar wināh ī mard pad =iš az wizurdīh ō barsmōwarīh az barsmōwarīh ō garmōgwarīh ī zanišnarzānīgīh dāšt ī pad nīrmad āzārīh =iz ī rasēd čē andar ham

235.0

ud abar frārōnīh ī bizeškān ud kirbag ī az xūb kirdan wināh az nē xūb kirdan čiyōnīh ī ast az dārūgan ud gōspandān =iz rāy bizešk xwāstan čē andar ham

236.0

abar asp ī nōg ō kōbag yyy kird čiyōn kird wināh ī az adādīhā ud apahrēzīhā kirdan rēš zyān az =iš bawēd čē andar ham

237.0

ud abar tan ēwčand ka tis ī pad sneh uspurrīg ud anuspurrīg =iz ō awināhān wihēnd ud rēš bawēd ud sneh kadār kē wist nē paydāg uspurrīgīh ud anuspurrīgīh dānist nē šāyēd čē andar ham

238.0

ud abar abēyyn ō sneh spōxtan ēd kū =iš čand ka =iš pad zamīg ī saxt ayāb narm ayāb yyy spōzēd ka =iš andar bālā ul barēd ud čandīh bālā ka =iš pad sard =ēw abāz pahikāfēd ayāb =iš mayān pad bār ī sard ul kešēd ud čē andar ham

239.0

abar zaxm ud rēšistom bār ka ham čim dēn gīrēd pad gyāg tōzēd ud wizīr ī abar bār ī tasom

240.0

ud abar handird ī pad gyāg ī bīmōmand ud awidarg ud mayān xrafstarān ud čandīh ī xrafstar čē andar ham

241.0

abar gāw ayāb asp ī =iš abar nišīnēd dumb griftan ud abāz dāštan čē andar ham

242.0

abar dastnimāyišnīh ud ǰādūggōwišnīh čē andar ham

243.0

abar pēšēmālīh pad asparon ayāb anumē ayāb stōr ayāb wīrōmizd ayāb pēšēmāl ēk ayāb dō ayāb se ayāb čahār ayāb frāy hēnd pasēmāl čiyōn xwāstan ud zamān čand bawēd

244.0

abar ka hambasānīh pad duzz ud xwastūgīh pad appar ayāb hambasānīh pad appar xwastūgīh pad duzz ud ka hambasānīh pad bōdōzed xwastūgīh pad kādōzed ayāb hambasānīh pad kādōzed xwastūgīh pad bōdōzed ka hambasānīh pad duzz ud appar xwastūgīh pad bōdōzed ud kādōzed ayāb hambasānīh pad bōdōzed kādōzed xwastūgīh pad duzz appar ud ka hambasānīh abar ānand ud xwastūgīh abar frāy ī ǰudsrādag

245.0

ud ka hambasānīh abar ānand xwastūgīh abar kem ǰudsrādag ud ka hambasānīh ī abar ānand xwastūgīh pad frāy ī hamsrādag bawēd čē andar ham

246.0

ud abar wināh ī anayārīh ī rad ō hāwišt čē andar ham

247.0

ud abar duzz ī kasān grift ō dādwarān nayēd čē andar ham

248.0

ēn =iz kū ka weh =ēw bēš abar mad ēstēd pad ān bēš bē burd harw kas ēdōn tuxšišn čiyōn ka =iš ō xwad mad ēstē

249.0

ud ka weh =ēw pad kēn zad ēstēd harw kas pad tōzišn ōy rāy az zadār bē xwāst ēdōn tuxšišn čiyōn ka =iš ō xwad mad ēstē

250.0

ud ēn =iz kū ka =iš bīm nēst tuwān ī pad ayārīh kirdan ēdōn ayārīh awināhān pad xwāstag ī az =iš burd ēstē abāz āwurd nē kunēd pas az hāsr hāwand ōy ī burdār wināhgār tōzišnōmand bawēd

251.0

ud abar wizēn ī duzz ī ēr ud anēr pad sarm ud wastarg dād pad wēmārīh darmān burdan

252.0

ud abar anēr dast agraw nē any čim bē pahrēz ī āb ud ātaxš rāy az xōn ayāb yyy bē pahrēzīdan

253.0

abar wināh ī ababāzdārišnīh ī az dō kōšīdārān ōy ī pēš zadār hamčiyōn az =iš zadārīh wēnīhēd

254.0

abar hammōxtan ī patit āštīh ud band arzānīgīh ī ōy mehōz ka =iz pad patitīgīh ōy ī kehōz padist barēnd čē andar ham

255.0

abar čiyōn passoxgōwišnīh ābar dāštan ī ast az margarzān pad mehdādestānīh ud čim ī dāštan ud čiyōn dāštan čē andar ham

256.0

ud abar čiyōn passoxgōwišnīh ka abar mard ī ahlaw pad kēn pursēnd ka dānēd kū ka =iz nē dānēd

257.0

ud abar čiyōn dād ī sneh ō ēwēnbedān marzbānān dast

258.0

ud abar dastwarīhā wist ī tigr ō margarzān ī pad ōzad abāz ō kas kē margarzān andar kird dād ēstēd yyy bawēd ō mayān ī grōh =ēw šawēd u =iš awēšān ayārīh kunēnd ōh pādīrānēnēnd ka pad agōwišnīh ī mīrēd abāz nē abespārēnd

259.0

ud abar margarzān ī pad mehdādestānīh dāštag ka =iš pad any margarzān pēš az ān gugāyīh ī abar dahēnd ī čē andar ham

260.0

abar gugāyīh ī pad ǰādūgīh ud ahlawγenīh kū pad čē paymānag ēwar ēwāz warōmand bawēd

261.0

abar dōšāram ī ō ǰādūgīh burdan yyy pad ǰādūgīh margarzān murnǰēnišn kirdan čē andar ham

262.0

panǰom brīnag wīstčahār mādayān abar ul ēstādan ud bē raftan ī mard pad sneh ud kēnmenišnīh ō mard ud ka =iz stōr gīrēd ud zēnēnēd ud abar nišīnēd ēwām ō dast gīrēd ud rawēd ēn =iz kū ka bē ānōh rasēd ōy ayāb any kas zanēd ud čē andar ham

263.0

ud abar čē kirdan ī ka dō mard hampursagīh ahlawγenīh ud rāhdārīh ud abāzstāyišnīh ī az =iš čē andar ham

264.0

abar čē kirdan ī ka dō mard =ēw hamrāh hēnd ēk mard =ēw ī ahlaw bē zanēd ān ī did ka abēbīm ka bīmōmand

265.0

abar dāštan ī margarzān ka pad bizeškīh andar abāyēd ka pēšēmāl ǰuddādestān bawēd čē andar ham

266.0

ud abar abēniyāzīh ī pēšēmālān pasēmālān az tan ī dādestān guftan ka gugāy ud dādwar mowbedān mowbed ud wābarīh ī wizīr ī mowbedān mowbed az xwēš dānišn gugāyīh kunēd ka =iz pad tan nē wizurdan awābarīh ī abārīg dādwar ka =iz pad tan wizurd niyāzōmandīh ī pēšēmālān pasēmālān ō tan ī dādestān guftan ka =iz dādwar az dādestān āgāh

267.0

ud abar hamwināh būd ī adādestān kōšīdārān ka ēk rēš =ēw yyštn ēk margarzān kunēd

268.0

ud abar pašn ī pad hamrāhīh az =iš bē waštan čē andar ham

269.0

ud abar tōzišnōmandīh ī pahikārradān ayār apahikārradān ō pahikārradān ayār ī pahikārradān atōzišnīh imēšān ō awēšān abar hampursagīh ī pad zaxm čē andar ham

270.0

abar atōzišnīh ī mardān ān ī ka kunīhēd wināh ud griftārīh nabānazdištān pad čē paymān pad =iš būd awināhīh dāštan nē šāyēd frēzwānīg ud čiyōn bastan ud rawēnīd =iz ud darmān xwāstan kirdan čē andar ham

271.0

abar tuwānīgīh ī pad wināh xwārēnīd kū mādagwar arzānīgīh ī ud čim ī arzānīgīh ī ud atuwānīgīh kū mādagwar anarzānīgīh ud čim anarzānīgīh ī ud kirbag az may ō maytuwānīgān wināh ī az may ō mayatuwānīgān dādan čē andar ham

272.0

ud abar pēšēmālīh ī sāmānēnīdan ud ō pasēmāl pahikārdan ud zamān ō gōw kirdan ka pasēmāl nē āyēd ayāb āyēd nē kār rāyēnīdan čand xwēšīh ī pēšēmāl ud pasēmāl zamān ī rāyēnišn andar frayar spōxt ud azišmānd ud ēraxtagīh pad =iš ud mādī andar dārišn ī pēšēmāl pādīrānēnīdan ud pašn ī andar dādestānrāyēnišnīh zan ī pāduxšāyīhā dādag šōy pēšēmālīh kirdan ud šōy az pēšēmālīh āgāhēnīdan ka =iš xwēšīh tis =iz tis andar ān xīr nē paydāg pad gugāyīh šāyistan čē andar ham

273.0

abar war ī wizurdān barsomwarān garmōgwarān pāk ī =šān ǰudǰud ērangīh ī =šān ēkēk ka war nē ān ī andar xwēš pāyag bē ān ī andar pāyag ī abārīg xwāhēnd ud čē andar ham

274.0

abar sāmān ī gugāyīh ī ud čim ī šāyistan rāy nē šāyistan ī kas =ēw pad gugāyīh čē andar ham

275.0

abar ast saxwan az war ud ō wargāh šud čand pād ī pēšmadār pasmadār rāy zamān kird ī ud gōwišn xwēš ud ēraxtagīh ī pad =iš ud ēwēnagān ēraxtagīh ī ud čiyōn pahrēxtan ī ud hannāmān ī war pad =iš warzīd ēstēd ēkēk ud drang ī pahrēz abar pāyišnīh ī ō nigerīdan ī dazišn wizīr abar bōxt ēraxt

276.0

ēn =iz kū ō wargāh fradom didīgar ud sidīgar ud čahārom ud panǰom ud šašom ud haftom haštom nohom ud dahom kē šawišn framān kē dahišn

277.0

ud abar xwēškārīh ī warōstīgān

278.0

abar ēraxtagīh pad xwastūgīh ayāb any čim abāz āstawānīh az =iš čē andar ham

279.0

abar zēndān škastan wirēxtan ī duzz gumān ī abar kas pad duzzhašāragīh az =iš čē andar ham

280.0

abar xwastūgān war nē būdan ēdōn =iz abar husrawān hamēmālīh ī pad ast ī sāmān husrawīh ān =iz ī ast abar paymānag ī yuǰyast tā dašmayt ud aswayt ud tačar ud hāsr kahist

281.0

abar pahikārišn ī pad xwāstagīg tis ka ēk dārišn gugāy =ēw abāg ēk nē dārišn abāg nē gugāy ayāb ēk dārišn abāg ēk gugāy =ēw ayāb ēk gugāy abāg =šān ēk =iz dārišn nē paydāg ka harw dō ādehīg ayāb harw dō uzdehīg hēnd ud čē ēwēnag xwēšīh astom gōwēnd

282.0

ud abar pādīrānānīdan ī dādwar wizīr ud zamān kird ī ō dādwar ī meh ud az =iz war ō ēwarīh ud čē andar ham

283.0

ud abar pahikārišn ī se kas pad xwāstag hāwand ohrmazd rōz ō wahman rōz ō ēk ardwahišt rōz ō ēk dād paydāg dārišn ēk =iz nē kird ēstēd

284.0

ud abar xwāstag ī nē xwēš frōxtan čē andar ham

285.0

abar hambasānīh pad tis ī nē šāyēd būd

286.0

ud abar pahikārišn ī mādī =ēw kas dārēd ud hamdādestān kū =m nē xwēš bē az any kas dāram ud čē andar ham

287.0

abar pahikārišn ī ēr abāg anēr abāg anērān abāg ēr bandag abāg mard ī šahr pad xwāstagīg tis čē andar ham

288.0

ud abar čand ēwāz pēšēmālīg pasēmālān ō dādwarān abar wizīr xwāst ud abar waštagsaxwanīh gumēzaggōwišnīh ī andar dādestān čē andar ham

289.0

abar zamān ī ō dastwar ī xwēšīh ud dārišn ud čē ēwēnag abāyišnīh ī dastwar ud čē andar ham

290.0

abar šāyistan ī zan pad gugāyīh ud dādwarīh ka abar tan ī xwēš sālārpāduxšāyīh pad =iz dastwarīh šōy nē šāyistan ī anēr ud margarzān pad ēk =iz čē andar ham

291.0

abar grawdār graw apēš bē nihādan čē andar ham

292.0

abar xwāstag ī hambāyān bē dādan čē andar ham

293.0

abar xwāstag ī kas dārēd u =iš pad xwēšīh ud dārišn ēč gugāy abāg nēst

294.0

ud abar war ī yyy abar mustgarzīh ī pēšēmālān pasēmālān pēš andar dādestānrāyēnišnīh ēk ō did čē andar ham

295.0

abar dādestān ī pad mādī =ēw ī az kas duzzēnd ud az duzz yyy bawēd kas pad apēdagīh kunēd az =iz ōy duzzēnd bun xwēš wēnēd nē šnāsēd ud abāz zīndag ka =iš abar hamēmāl bawēnd čē andar ham

296.0

abar xwāstag ī andar dārišn ī kas ka kas pad wēnišn ī ōy bēō any kas dahēd nē pahikārēd

297.0

ud abar abāz ō dādestān nē šud hammōxtan ī rad ō hāwišt čē andar ham

298.0

abar hambasānīh ī abar kas pad nāmčištīg xwāstag ī pad ahlawdād čē andar ham

299.0

abar dādestān kē se bār war pad =iš warzēd ud aēša āyēd čē andar ham

300.0

ud abar čand ēwēnag būd ī gōwišn ī ǰādūggōwišnīhā ān ī dast nimāyišnīhā ud abar yyy pad ǰādūgīh pad paymānag pāduxšāy kirdan ī hambasānīh ī pad =iš

301.0

ud abar war ī pad margarzān kadām bawēd ud mehīh ud kehīh ī war ud ēn =iz kū az warīgān pad war kadām wābarīgān

302.0

abar paymānag ī esm ud az kadār urwar weh šāyistan ud anī =iz čand abzār ud nērang ī andar war sāxtan abāyišnīg

303.0

ud ēn =iz kū ka mard rāstīh ī xwēš āgāh ka =iz āgāh ātaxš pad ān ī wīrān gōwišn gōwēd kū ō man abar ma raw čē tōzam aš andar šawišn

304.0

ud abar mayānǰīg ī abar dādestān ī pad duzz ud appar kird abar band ud drōš hištan pašn kirdan čē andar ham

305.0

ud abar xwāstag ī āsrōn kē =iš xwāstagdār nēst pad uzdehīgīh ayāb deh pad xwēškārīh bē šawēd ka bē widerēd ō kē čiyōn madan

306.0

abar pahikārišn pad xwāstag az abarmānd ī pidarān abar yyy ud čē andar ham

307.0

ud abar čandīh tōzišn ī band ud drōš ud pādufrāh ī asparon anumē ud stōr ī duzzīdag čē andar ham

308.0

ud abar pasēmāl kē se pēšēmāl harw se pad ēwbār ēk pad asparon ēk anumē ēk pad stōr abar pahikārēnd passox ī kē pēš dād

309.0

ud abar pahikārišn ī se kas pad xwāstagīg tis ī pad aham ēstēd ud ōy kē =iš nihād zōrtan xwēšīh ī awēšān ēk =iz nē ēwar

310.0

ud abar madan ī tōzišn ō se kas kē az ēk asparon az ēk anumē =ēw ud az ēk stōr =ēw harw se pad ēwbār duzzīd ēstēd

311.0

ud abar čim ī pāduxšāyīh ān =iz nē pāduxšāyīh mard ī šahr pad ganǰ ī xwēš bastan čē andar ham

312.0

abar paymānag ī pad āšnawišndārišnīh ī pasēmāl ēd ī pēšēmāl abar zamānag kird ī ō gōw ud paymānag and

313.0

ud abar ēn kū ka kas abar kas hamēmālīh =ēw kird ēstēd pad zamān kird abāz šawēd pēš az passox dād hamēmālīh =ēw ī did abar ham mard be kunēd passox ī kadām pēš dahišn

314.0

abar čim ī ačārīh ī dādestān abar čē mard andar dādestānrāyēnišnīh ī didīgar sidīgar ud tasom abdom gōwišn ud abar ērangīh ī andar dādestānrāyēnišnīh

315.0

ud abar pādīrānīh ī war ān =iz ī warzēd pad se gugāy ī wizurd

316.0

ud abar hangām ī war garm ud ān =iz ī sard čē andar ham

317.0

abar andar rāyēnišn =ēw ēk war xwāst ud ēk zamān ō mowbedān mowbed kird čē andar ham

318.0

abar wābarīgānīh ī mowbedān mowbed pad wizīr kirdan wardēnīdan ēn =iz kū pad čihr kadār wizīr ī kird wardēnīdan wābarīgān

319.0

ud abar gugāyīh ī abar āgrift ud awōyrišt zaxm ud rēš ud xwāstag ī yyy ud ahlawdād ud zyānag ud apēdag ud pādmālišn ud aōgaŋhən ud wahāg frōxtan

320.0

abar pahikārišn ī abar zan ud gōspand ud urwar zamīg ud xwēšīh ud čē andar ham

321.0

abar ēwarīh gōwišn ī čand az xwēškārīh sālārān pad ān ī =šān xwēškārīh pad =iš mowbedān mowbed ayāb čahār gugāy pad harw dādestān

322.0

ud abar čand ēwēnag ēraxtagīh ī andar dādestān pad saxwan čē andar ham

323.0

abar ēwēnag ī ahlomōγān ō frēzwān yyy kirdan čē andar ham ,

324.0

abar kū frārōnīh ī menišn gōwišn kunišn mardōm hamāg az frārōnīh ī spennāgmēnōy ud mardōm xwad ō xwēš kunēnd u =šān pad ān rāh mizd rasēd ud abārōnīh hamāg az abārōnīh gannāgmēnōy mardōm xwad ō xwēš kunēnd u =šān pad ān rāh puhl rasēd

325.0

ud abar yyy ī az apatitīgwināhīh kū pad fradom ud didīgar ud sidīgar ud čahārom panǰom arduš ī apatit čē āzārīhēd

326.0

ud abar kū kadār gōwišn ī andar nimāyišnīhā ud kadār āgrift ī afrōdwardišn ī tanāpuhr bawēd wināh ī az ham wināh

327.0

ud abar kū kē wizurdan kē barsmōwar wizurd ī pahlom ud garmōwar ī nidom kadār

328.0

ud abar kird ī dō mard pad āgenēn xwāstag ud andar zamān āgenēn dādwar ud war pad =iš xwāst ud ka ēk =ēw zamān xwāstag pēš kunēd ud ēk dādwar ud war pēš xwāhēd ud čē andar ham

329.0

abar kas az dārišn ī kas pad wēnišn ī ham xwāstag kas burdan ud ōy kē =iš pēš dāšt andar hāsr gugāy ī pad dārišn ayāb xwēšīh pēš dādwar ka =iz =iš andar hāsr gugāy nē mad ēstēd ud čē andar ham ,

330.0

ud abar kū dādwar wizīr az abestāg ud zand kunišn ayāb az hamdādestānīh ī wehān ud čē andar ham ,

331.0

ud abar pādixšāy frōxtan ī mard pah ud stōr ka =iš āhōg nē paydāg pad anāhōgīh ud abar =iz daxšag ī =šān āhōgān

332.0

abar kū čand dādestān ī =iš pad abarpahikārdan ēkgōwišnīh was

333.0

abar sāmān ī dādwar kirdan ud abarīh ī kirdag dādwar ud čē andar ham ,

334.0

abar sāmānīh twygarīh ud atwygarīh ī dādwarān

335.0

ud ēn =iz kū dādwarīh ō ōy āgāhdād dahišn ud sāmān ī dādāgāhīh

336.0

abar kū dād dādwar dādwarān pēšēmālīh pasēmālīh ud dādestāntāšišnīh wizurdīh pad čē wināh ačār bawēd

337.0

ud ēn =iz kū =iš dādwarīh ī abar ānand mādī ī wizīr pad =iš drō kunēd ačār

338.0

abar yyy ī kē xwāstag kē dārišn ī kas pad xwad dast stanēd ka =iš abar pahikārēnd xwēšīh gōwēd pad =iš ēraxtēd

339.0

ud abar panǰ ēwēnag ēraxtagīh ī pad xwāstag čē pad gyāg pad hāsr bawēd čē andar ham ,

340.0

abar ahamnihād ud ahamdār ud ahamapēšnihād abar pahikārdan ī pad ahamdār čē andar ham

341.0

ud ka kas xwāstag kas xwēš ō any kas pad wēnišn ī ōy kē xwēš abespārēd x ud ōy kē bē stanēd pad xwēšīh abar pahikārēd ud čē andar ham ,

342.0

abar pahikārišn ī abām ī pidarān ka ēk az hambāyān xwastūg ud abārīg mad ēstēnd u =šān tuwān pahikārdan nē pahikārēnd

343.0

abar rawāgīh ī pahikārišn ī ēk az hambāyān abar hamāg abām ī pidarān

344.0

abar šāyistan ī margarzān aburnāyīg pad ǰādūggōwīh ka =šān sālār abāg ud zan ka tan ī xwēš sālār

345.0

ud abar kū mādī asparon nidom ud wīrōmazaŋ abardom

346.0

ud abar duzzīh ud apparīh ī abar xwēš xwāstag ka abēpahikārišn az dārišn ī kas bē āwarēd

347.0

abar pērōzgarīh ōy ī drōnigerāy az adādōmandīhā frāz raft rāyēnišn dādestānōmandīhā kunēd az ōy ī rāstxwāh ud rāstnigerāy ka dādestānxwāhkunīhā rāyēnēd

348.0

abar saxwan ī pahikārišn ī mard zan ī pāduxšāyīhā āwurd ēstēd

349.0

ud ēn =iz kū ka zyānag wēnēd ayāb drubuštīh az ān ī pad dō angust bē abgand šāyēd pāduxšāy ka pahikārišn nē kunēd bē stanēnd

350.0

ud abar duxt pad šōy bē dād widard pid kē pāduxšāy būd

351.0

abar wināh kanīg az šōy pādīrānēnīdan

352.0

abar wināh ī az xwāstag pad ēd kār ēwāz dād kū kār ǰud az čāšišnīh ud pad ēd čim ēwāz kirdan kūtā =m zan dahānd ka =iz =iš ān rāy nē dahēnd

353.0

abar wināh kanīg pad kanīg ayāb any tis zīndag ayāb guftan kū tō ō ān ī man xwah duxt abar rawē man =iz ō ān ī tō abar rawam

354.0

ud abar zan man =iz tan wināh ī az ān wināh

355.0

abar abāz rasīd ī xwāstag ī kanīg rāy bē dahēd ka kanīg pad zanīh ōy xwāstag nē dahēd

356.0

abar kanīg kē pas az sālag pad šōy nē dād ēstēd u =iš pid daštānmāh wizārdan xōn abar dāštan wināhgār šawēd gādār =ēw frāz gīrēd čē andar ham ,

357.0

abar dād ī xwarišn tis ī ǰud az zan ō kas kē x dēn ī mazdēsnān stāyēd ka =iz pad bīm ēn =iz kū kē u =iš bē ka abāg dēn ī mazdēsnān hamnāf bē būd ā =iš pas dāsr dahišn ī wīrmasā zan

358.0

abar wināh ī adwadād kirdan ī ast az margarzānān

359.0

ud abar kār framūd ī ǰādūg tōzišn ī pad tanāpuhr ī ǰīw ǰīv kū =iš kār čand ud andar čand sāl bē kunišn

360.0

ud abar rōz ud šab ī aγrī ud mayānag nidom kū ǰudǰud čand hāsr u =šān rasišn andar kadām radīh brīnag ī =šān ēk pad zamān

361.0

abar frasang ī aγrī ud mayānag nidom ud čē az baxšišn

362.0

ud abar kār wāsān ī stōr ī zyānag andar rōzšabān

363.0

abar gōspand kē mardōm ōzanēd u =iš xwadāy pad band abar nē kird ud awināh ayāb wināhgār ud čim ī wināhgārīh ud awināhīh ī pad =iš

364.0

abar zamān ī az ēwarīh ō warōmandīh ka =iz ō mowbedān mowbed ayāb se gugāy kunēd ud čand bawēd

365.0

abar hāwandīh ī gugāy kē gugāyīh nē dahēd abāg dādwar drōwizīr

366.0

ud abar ačāragīh tis ō anarzānīgān dahīhēd ō radān

367.0

abar čē ēwēnag padīrift būd ī dāsr ī dahīhēd kū čiyōn ī ka =iš dād ka xwāhēd ā =iš abāz rasēd čiyōn pad čē paymānag ka nē xwāhēd ā =iš sazišn nē bawēd čē andar ham ,

368.0

abar kū čand ēwēnag xwāstag ast ī mard pad ahlawdād bē dād pādixšāy

369.0

ud abar kū harw čē dād ōh bawēd ka =iš dahēd ud čiyōn dād nē gōwēd ahlawdād bawēd

370.0

ud abar nē būd ī dād pad bīm az harw čē =iš bīm

371.0

abar duzzīh ud apparīh ōy kē zan ud aburnāyīg kasān az bīm bōxtan ud parwardan nē pad xwēšīh dārēd

372.0

abar baxtan ī pādufrāh pad hannām ī wināhgārān abar kadār hannām baxtan

373.0

ud abar wizārdan ī wināh kū tēztom

374.0

abar čandīh ī tōzišn ī zaxm ī abar margarzān ī pad mehdādestānīh dāšt ēstēd kunīhēd

375.0

ud abar dād ī ohrmazd hamāg ābādīh ō x zarduxšt ud hāwištān ī zarduxšt duzz appar būd ī mard ast ka ābādīh ī =iš mad ēstēd ō arzānīgān dād ud čē andar ham ,

376.0

abar čiyōn nihād ī uštānōmand pad aham ud ka pad awināhīh ud ahamdār bē mīrēd u =iš rēš pad kār ud čē andar ham ,

377.0

ud abar sūd rāmišn ī mihrdārīh ud garānīh ud zyān bēš ī az mihrōdruǰīh pāyag pāyag čiyōn mihr dāšt ēstēd

378.0

ud abar garānwināhīh ī anāštīhxwāhīh ud spazgīh ud zyān ī az =iš rawēd passazag pazd ud pādufrāh ud pad =iš čē andar ham ,

379.0

abar graw dād marzānān ō anērān pašn xwāst

380.0

ud abar tis =iz nē x arzistan ī anēr arzōmand ud abzōnīgarz būd ī ka pad nibāg bē ērān dahēnd ud frāyarzīh ī tigr =ēw ka pad gyāg ī nibāg pad graw az anērān bē stanēnd čiyōn dāštan ī harw dō

381.0

ud abar garānwināhīh ī mard nibāg az anērān abāz duzzīdan ka =iš xwēš pus

382.0

abar wināhgārīh ī dehsālār pad zyān ī andar deh az āfrāhīh ud dušframānīh ī ōy bawēd

383.0

abar duzzhašārag pad mādī nibāg hāwand duzzān būdan čē ēwēnag ud pašn abāg duzzān kirdan pad mehdādestānīh druxtan

384.0

abar duzz ī xwēšdaxšagōmandīh rāy ān ī =iš duzzīd ō gardan kirdan ō dādwarān nīdan

385.0

abar awizurdīh ī duzzān pad tis =iz tis bē pad xwastūgīh abar xwēš wināh

386.0

abar ayārīh ī xwēšīh ī xwāst ī kas az pedān ka =iš xwāstag duzzīd ayāb appurd ēstēd

387.0

abar garānwināhīh ī čand ēwēnag druxtārīh ī ka zan ī pad hamdādestānīh bē dād padīrišn paydāgēnīd ō any mard dahīhēd čē andar ham ,

388.0

abar nē pāduxšāyīh ī mard dānāgīh ī andar pahikār rāy pēš az ēwarīh az ōy ī adānāg xwāstag bē grift

389.0

abar ǰādaggōwīh kirdan dādwar abārīg pedān sālārān tā =iz ō šāhān šāh ōy ī adānāg andar pahikār ka =iš ǰādaggōw nēst

390.0

abar čim ī sazāgīh mard pad xwadāyīh ud mehmānīh ohrmazd abar didtan ī ōy ī xwadāy

391.0

abar nāmčištīg panǰ dādestān ī ēwar ēd čē pad ēwar dārišn abēwar tōzišn u =iš bē kunišn

392.0

abar nigerāyīh pas az xwastūgīh

393.0

abar nkznd xwāstag kē =iš dastwar ī dārišn ōh xwāyišn

394.0

ud abar sazišn nē būd ī dādestān ast atuwānīgīh rāy nē xwāhīhēd čandīh ī ēwēnag ān atuwānīgīh

395.0

abar zan ī asālār ka gādār =ēw gīrēd čē andar ham ,

396.0

abar saxwannāmag andar dādestānrāyēnišnīh āwurdan čē andar ham ,

397.0

abar wināh ī samēnīdan ī kas az xwēš gāh ud ka ān sam rāy bē rawēd ud čandīh ī raftan ud wizend ī =iš az ān bē abar rasīd

398.0

abāz abespārdan ī ān az dast ayāb dārišn apparīhēd kū čiyōn pad abespārd dārišn

399.0

ud abar paydāgīh dādestān ī keh az ān ī meh

400.0

ud abar frāywehīh āštīh gētīyīhā =iz pad zan ud frazend nāfān naftīyān =iz abar war ud xwāstag =iz pad =iš pahikārišn ī ast bē stadan

401.0

ud abar garānwināhīh ī xwāstag ī pad nāmgenīh mēnōyān abesīhēnīdan

402.0

ud abar dādestān =ēw kē =iš se ēwēnag dādestān abar se kas andar

403.0

abar dār =ēw ī ka bē duzzīd mādī sad nāy pāk nāy bē bawēd

404.0

ud abar wināh ī az pēš frawddrahnā frāz mistan ud dārag čand angust ī kahist frāztom bazag bē xwardan

405.0

ud abar wināh ī šusr ō mādagān ī čahārpedistān hištan

406.0

ud abar abāz dāštan ī ēk az kōšīdārān az zanišn čē andar ham ,

407.0

ud abar abāzzaxm ī hašt ēwēnag zaxm ka agdēn abar hudēn kunēd ud čē andar ham ,

408.0

abar abāzzaxm ī dušdēn ka wattardēn ōzad

409.0

abar nē hištan ī tis xwāstag andar dārišn ī margarzān

410.0

abar hāwandīh ī wināhayār abāg wināhgār ud čē andar ham darīhā

411.0

ud abar pēšēmālīh ud pasēmālīh ud xānag xwāstag myazd wehān āzārīh ōy kas kē sālārīh ī ōy yazad stāyēd kē pad sālārīh nē šāyēd

412.0

abar wināhgārīh ī dādwar ka dādestān ī kas čiyōn ān bun kunēd

413.0

abar garānwināhīh ī tan ēr ō anēr abespārdan čē andar ham ,

414.0

abar mehīh ī dāšn ī mard ahlaw az ān ī any dāšn rašn ristag andar dāmān frāz guftan padīriftan rāy

415.0

ēn =iz kū ka ahlomōγ rasēnd pahikār kirdan abāyēd ka pad dast ayāb pāy ka =iz pad sar bīm az ān ī rāst guftan abāz nē ēstišn

416.0

ēn =iz kū dōšāram xwāstag ayāb hangrāyišn ī ō xwēšān rāy ān ī nē gōwēd bēšēd āb ud ātaxš u mard ī ahlaw ud haspēn =iz amahraspandān az gāh ahrāmēd

417.0

abar garānwināhīh ī ahlawān huškābdāg awiškaftag kirdan

418.0

abar dād ī gannāgmēnōy wadxwāhīh ud zūrgugāyīh nakkīrāy ud drōdādwarīh pad petyāragīh rašn ristag pad anīdādestānīh sūd ī az rašn az awēšān zyān būdan kird nē šāyistan ī rašn gāh ī ānōh kū dādestān ī mustōmandān apādyāwandīh rāy nē dahēnd

419.0

ud abar apādyāwandīh ī rašn az pārag stadan rasēd ud šud ī pad garzišn ō ohrmazd ud čē andar ham ,

420.0

abar dādwar ī rāst ī hanǰamanīg pad hamēstārīh ī duzzān stahmagān ahlawγenān dād

421.0

ud abar madan šāyistān ī harw kas pad xwēškārīh ō ān ī pahlom axwān

422.0

abar mehīh ī rāstdādwarīh az abārīg kirbakkarān wināhīh az drōdādwarīh ud ka rāst az drō bē šnāxt ud wizīr bē nē kunēd

423.0

abar gāhān hadōxt ud dād xwastan ud warm kirdan andar dānistan ī pad =iš yyy wināh az nē dānistan čē az =iš rawēd

424.0

abar mehīh ī dād pad wizīrīh ud dādwarīh az abārīg srawān

425.0

abar haft ēwēnag xwāstag ī gōwēd kū any xwāstag rāy pad graw grift nē pāduxšāy

426.0

abar dah ī ǰud saxwan ayār ī andar ham ,

427.0

abar ēn sraw baxtan anī =iz čand ēwēnag dādestān ī bowandag ud andar ān =iz abar āyēd pad =iš andar āwarēd was dādestān ī andar ēk =iz čand ēwēnag gōwišn pahrēzēd nimāyišnīg āgāhenišnīg =iz baxt

428.0

pahlom ābādīh ast ahlāyīh

429.0

duzzsarnizad haštdah fradom brīnag mādayān abar duzz ud abāg triftārīh ī =iš pad mād ī duzz ān ī =iš trift passazag wināh ud band ud drōš ud wizārišn ī wināh rāy baxtīg pādufrāh ud kārwarzišnīh ud yyy ud čandīh ī ǰudǰud andar āhōgāhōg pākkadāmīh ud kār gyāg ī pādufrāh čē tan ud ēwēnag ī apāk čiyōn ān ī pad =iš apāk wizēhēd padsārīg kadām pēš kirdan kird

430.0

ud abar tan ī band hannām ī bandišn ud paymān ī tangīh ī band ud drōš nērang ī bastan ī wināh ī duzz

431.0

abar band ud band ī šahr hamēmālān xwēš arz ī ān ī guharīgōmand ud čē andar ham dar ,

432.0

ud čandīh ī gyāg ī drōš ud ǰudǰud ān ī kadām duzz dārēd

433.0

ud čand čiyōn pad čēdrōšišnīh duzz ylwč šahr hamēmālān xwēš arz ī ān ī guharīgōmand ud gyāg ī abāyēd drōšīh guharīg wināh ī az wēš ǰudēwēnagdrōšišnīh ud ān ī az hištan drōšišn ī šahr sāmān ī az wēš drōšarzānīgān ud čandīh pāyag ī duzzīh az sāmān ī drošarzānīgīh frāz ān =iz ī frōd az sāmān ī drōšarzānīgīh

434.0

abar ēwēnagān ī duzzīh ud abzōnīg wināhīh ī duzz pad tan ǰūdan ud rēšīdan ud apaydāgēnīdan ī mād ī pad duzz ī pad hāsr ud ān ī pad ān gyāg ud ān ī pad ēk gām bawēd ud duzz abāg appar ud bōdōzed ud kādōzed anī =iz wināh pad pēšīh ud pasīh hiδīh

435.0

abar duzzmenišnīh ī duzzīh ī nē ham ud hambahr duzzīh ud ǰudbahr duzzīh ī

436.0

abar wināh ī duzzhašārag ud nakkīrāgar ud hištan ud bōxt wizīr ud asrūdār ī duzz ān ī ayārīh dādār ī duzz pad duzzīh ud wirēg wizīr ī abar duzzīh ī aburnāyīg ud zan ī starwan ān ī ābestan u =šān dārišn windišn ī andar tōzišnīg kār ud kār ī ābestan duzz

437.0

ud abar xwāstag ī hamdādag amaragān ī az duzzān abāz dārēnd ud duzz pad dast ān ī duzz nē pad dast

438.0

abar gugāyīh duzz kū pad čē padīrišnīg čē pad duzz frāz rasēd čiyōn ān ī ka griftan bastan ud čiyōn ān ī ka niwāxtan ud frēftan abāyēd tāō kāmgārīh pad =iš rasēd

439.0

ud abar ud pašn ī abāg duzzān

440.0

abar ǰuttarīh ī duzz az appar

441.0

abar xwāstag ī barēnd abāz ō xwēšān rasēnīdan čiyōn ān ī az anērān marzānān ud ān ī az duzzān dādwar ud bahr ī az astərəϑβąn az duzzān bē gīrēd

442.0

ud abar pānagān pāsbānān ī duzz ud anī =iz wasdādestānīh andar duzzīh

443.0

didīgar brīnag hamdādag abar anāstirdagīh ī pid pad wināh ī purnā pus ka =iš pus pad hangām az wināh anāgāh kird ēstēd ān pus pad ān ī pid abārīg purnā ēk pad did ka nē wināhayār bawēnd ud ān ī šōy pad wināh ud zan ud zan ka nē ka hamayār ud anabāzdār

444.0

ud abar gāhrasišn ō aburnāyīgān hammōzišn az sālār pid ud ēwēnag ī =iš hammōzišn gāh ī ō bun būd ī aburnāyīg wināh ud paymānag ī wināh ī aburnāyīhā ud tōzišn andar aburnāyīh ud ān =iz ī andar purnāyīh ud wināh az ahammōzišnīh ī aburnāyīg ī hammōzišn čē andar ham ,

445.0

abar nē ōzanišn ī murnǰēnišn az gēhān abāz dāštan ud čē ēwēnag ī baxšišnīh xwāstag ī mard ǰuwānmard pas az ōzanišn

446.0

abar wināh ī dād ī abzār ī kušišn ō zan aburnāyīg anēr

447.0

abar zan kē andar dō mard margarzān ēk sar xwāhēd ēk pusxwāyišnīh ī andar

448.0

abar artēštār ī atōšag kē pad rawišn abar wāstar ud ǰōrdā ud gōspand frāz rasēnd kē fšēy az =iš bēgānag ud čē andar ham ,

449.0

ud abar xwāstag asazāg dāštan ud wizīr ī pad =iš

450.0

abar čandīh drang ī dādwar pad āgāh kū pēšēmāl zūrxwāh pasēmāl drōxwastūg

451.0

abar čandīh drang ī dādwar ud pad dādgāh ud čē andar ham ,

452.0

abar wizīr ī abar dādwar kē dādestān ī warōmand pad ēwarīh ān ēwar pad warōmand wizīr wizurd awizurd ud awizurd wizurd kunēd

453.0

ud abar dādestān pad ēwarīh ān ī pad warōmandīh ud wizīr kunišn čē andar ham ,

454.0

ud abar xwēškārīh gumārdag dādwarān az ān ī nidom ō ān ī abardom ēk azabar ēk

455.0

wizīr ī abar dādestān ān ī šahrīg dō āgenēn ān ī šahrīg abāg dādwar ud dō dādwar āgenēn čē andar ham ,

456.0

abar gōwišn ī wizīr ī abar yyy čē andar ham ,

457.0

ud abar paymānag ī zamān ī dādwarān pad wizīr ud ān ī ō dādwarān gugāyān xwāyišn ān ī sazišn

458.0

ud abar dādwar ī vaiiōzuš ān ī nē vaiiōzuš zamān ī az dādwar nē vaiiōzuš ō ān ī vaiiōzušt

459.0

ud abar čahār ēwēnag dādwar ud wizīr ī pad =iš ēk kē wizīr dānēd kirdan kunēd ud ēk kē dānēd nē kunēd

460.0

ud abar abarīh ī dādwar pad ānand dādestān ī pad =iš drōwizīr ud čiyōn ān ī ka pad hāsr ud čiyōn ān ī ka pad gyāg bawēd ān ī pad hāsr pad =iš abarg bawēd ka pēš az hāsr sar abāz ō rāstīh āyēd

461.0

ud abar abārīg ī az =iš paydāg drōčāšišnīh ī dādwar tōzišn ī drōčāšišnīh ud zūrxwāyišnīh ud zūrnakkīrāyīh ud zūrgugāyīh mustōmand xwēš būd ī pad tis wizārišn ī ǰud andar mustōmand wizārdan pad ēč kirbag ānāft nē būd

462.0

ud abar ud abar yyy ī dādestān ō radān

463.0

abar dānāgīh nārīg ud aburnāyīg ī āgāhdād pad dādwarīh abar az purnā mard anāgāhdād

464.0

ud abar ayārīh ī niyābagīh ī ō rad ō dranǰēnīdag dādestān xwēš hāwišt wināh az anayārīh čiyōn ān ī ka ayār niyāz mustōmand ayārōmand az anērān pāduxšāy xwāst az =iš čiyōn xwāyišn āwarišn anēr ō ayārōmandīh čē andar ham ,

465.0

abar brīnōmandīh ī rašn ahlaw

466.0

abar čand sēīh andar dādestān abar dārišn nē bōzišnīh ī axwēš xwāstag wizīr abarō kē ān ī axwēš xwāstag pad dārišn dārēd

467.0

abar kunišn ī anhambasān ān ī hambasān hēnd

468.0

abar wizīr hanǰamanīg kunišnīh dādwar

469.0

abar wināh ī hamēmālān abar dādestān dādestān rāy kunēnd pad xwad dast kird nē pādixšāy kas =iz xwāstag kē pad =iš pahikār ka =iz =iš ēwarīh pad xwēšīh abāg

470.0

dwāzdah brīnag pasušhorwestān abar fšēy ī gōspandān pasušhorw wizēn ī ud fšēy pad pasušhorw pasušhorw abar fšēy šnāxtan ī =šān sazāgīh ēk abāg did čē andar ham ,

471.0

ud paymānag ī dārēd dārīgīh bē būd ī pasušhorw pasušhorwīh pas az gumārd ī =iš az fšēy

472.0

ud abar ǰāmag abzār yyy ī fšēy ō pasušhorw dahišn yyy ī mizd ī rōzīg ī pasušhorw ud pih ī sag pad zamestān pih =iz pēšēn ī ātaxš andar pahast abāyēd kirdan

473.0

abar ēwēnag ī wirāyišn ī dādīhā pahast ud gāh ī pasušhorw sag ātaxš ud yyy tōšag abzār pasušhorw andar pahast wināh ī az ka ēwēnag kirdan rawēd čē andar ham dar

474.0

abar tuxšāgīh ī pasušhorw ud abar sālārēnīdan gōspandān xuft pad šab andar pasīuuąn mustwārān sag pānag nē wastargōmand bālišnōmand ud xwaš and harw šab se bār pad hamāg ram madan ǰud az ān ī ka pattān =ēw ī bīmōmand ōšmārēd harw rōz bāmdād bē raftan ī pad wehgōwišnīh andar gōspandān nigerīdan ān ī wēmār ud rišt ud rēzag āhōgōmand gōspand dādīhā darmānēnīdan sālārēnīdan wināh az sūdagīh čē abar ham

475.0

abar ān ī =iš andar zāyišn ī gōspandān ham waččag rāy kunišn wināh ī ka nē ayāb ǰuttar kunēd

476.0

abar bē šnāxtan ī =iš waččag kū kadām gōspand

477.0

abar šōn ud čār ī =iš pad abāz dāštan ī duzz ud gurg az gōspandān bōxtan ī =šān gōspandān ka abr ud wād ud wārān ī škeft bawēd ud ka ō widarg ī rōdān yyy wiyābān gyāg ī dušpay padīrag wyyišn rasēd ud ka =iš hamāg nē tuwān ān meharztar ayāb wēšmaragtar bōxtan

478.0

ud abar pād ī =iš gōspand ī az wāstar kasān ud wināh tōzišn az nē pād pad xwardan zyānēnīdan ī gōspand ǰōrdā ud wāstar ī kasān

479.0

abar paymānag ī dāštan ī rāyēnīdan pasušhorw gōspandān az ǰōrdā wāstar ī kasān srādag srādag čiyōn ān ī ywltl xūg gōwēd hād čē ān az awēšān pahān paydāg wāstar xūg kē ān ī xwēš pahdān frāz xwarēd ān =iz any wināh ī kunēd čē zahag =iz pad zāyišn frāz frāz xwarēd

480.0

abar drang ī gōspandān pad garm sard gyāg yyy ī pasušhorw

481.0

abar gōspandān az ēk tā čahārsālag daxšag

482.0

abar wis ī fšēy kū pasušhorw ka rasēd šnāsēd čiyōn ān ī ka pasušhorw gōspand frāz pahāzīd dārišn čiyōn ān ī ka =iš ō wis ī pahrēz fšēy rāyēnišn

483.0

ud abar madan ī fšēy abar gōspand rāh ī az wis fšēy ōy ramag passazag

484.0

abar fšēy ka rōzīg ī pasušhorw abāz kunēd wāxšrawišnīh ī pad =iš pas az tasom adwadād pādixšāy kuštan ī pasušhorw gōspand pih rāy

485.0

abar gōspand andar ram ačārīhā ō kušt rasēd bahr ī kuštār az =iš ān ī pasušhorw ān ī sag ud kardag mar ī ēk gōspand

486.0

abar paymānag ī rawišn u =šān bahr wāsān

487.0

abar wināh ī fšēy andar pasušhorw pad adādīh ī abar kār ud mizd tōzišn pasušhorw andar fšēy pad asazāgīhā dāštan gōspand sūdagīh pad kār u =iš tōzišn ud ān ī pad =iš āzārkārīh anarzānīgīh mizdīh bawēd ud dādestānīhā mayān fšēy pasušhorw

488.0

abar frahang ī fšēy ō pasušhorw pad adādīhā sālārēnīdan ī gōspand ka pasušhorw srūdsaxwan ān frahang pad saxwan ēwēn būd ud ka nē srūdsaxwan pad =iz zaxm sāmān ī ān frahangīg zaxm

489.0

abar xwēšīh ī pasušhorw az rōzgār zamānag ī daštānmāh wizārdan gāhānbār yaštan abārīg frēzwānīg kirbag

490.0

sīhpanǰ fradom brīnag stōrestān mādayān abar ruwānīg wināh ī az adādīhā zanišn ud rēš ī abar stōrān gōspandān tōzišn ud tāwān ī ō gōspand xwēš pad =iš ud ān ī ka stōr ān ī ka anumē pad gyān

491.0

ān ī ka =šān pad daxšag ān ī ka =šān pad pahlūg zanēd ān ī ka =šān pēšag ān ī ka =šān pahlūg ēdōn zad hamāgzanišnīh bawēd

492.0

zanišn =iz abārīg awāhmān ān ī pēšagzanišnīh ī ka zanišn ud ān ī ka ēdōn zanēd ī ō pahlūgzanišnīh nē hamāgzanišnīh

493.0

ud ān ī ka ēdōn zanēd ī ō pahlūgzanišnīh hamāgzanišn hāwand rasēd ud ān ī x x ka pōst ud ān ī ka gōšt az =iš bē abganēd ān ī ka =iš brīn ān ī ka =iš yyy ayāb yyy

494.0

ān abar =iz sag ī pasušhorw gung kirdan

495.0

abar murwān ō hamzanišnīh ud parrrūnišnīh čiyōn ān ī ka hamāgzanišnīh ud čiyōn ān ī ka nē hamāgzanišnīh

496.0

ud adādīhā zanišn ī abar māhīgān ān ī ka =šān gōšt axwarišn kunēd

497.0

āmār ī andar nigerišnīg ud sūdagīhā zanišn ī sūdagīhā zanišn ī gōspandān abar čēēwēnagīhā dādestān ī ǰudǰud sūdagīhā zanišn ī pad nigerišnīgzanišnīh dārišn was dādestān ī čē andar ham

498.0

abar tōzišn ī kird ud pōstīg ud tadagwastargīh kas wināh ī az frōgīdan ī ātaxš pad =iš brištan ī gōšt ī duzzīdag ud appurdag

499.0

abar kirbag hamāg kū dānāgkārīh ud nēk gyāg mizd wināh ī harw kū dušāgāhkārīh ud wad gyāg puhl aw =iš paywastag abzāyēnāgēnīdan ān ī ahlaw pad dānāgīh ud kāhēnīdan ī ān ī druwand pad dušāgāhīh gēhān

500.0

didīgar brīnag arzestān mādayān abar arz ī uštānōmand ud ān =iz ī uzuštān xwāstag xwurdīgxwarišnīh ǰudǰud abāyišnīgīh ī āgāhīh ī pad =iš

501.0

ō =iz wizīr ud dādwarīh nē yyy ī mard ahlaw ātaxš ī warahrān bōdōzed wizārišn arz

502.0

sidīgar brīnag artēštārestān mādayān abar zanišnarzānīgīh gurg andar gurgān zanišntarīh ī ān ī dōzang az ān ī čahārzang

503.0

abar wizēn ī artēštārān rōzīg artēštārān stōr ud ǰāmagabzār ud abyōhānagīh ī aw =šān dahišn wizēn ī asp zēnabzār ēkēk

504.0

abar frahanǰēnīdan ī mard asp pēš az frēstīdan ī ō dušmenān zanišn

505.0

abar čār pahrēzišnkārīh ī artēštār pad zanišn ī dušmenān kunēnd laškar ud razm kōšišn

506.0

ud abar wināh ī wis ud mān ī artēštārān andar rasišn ī kārēzār ud čē ān ī rēš ud zyān tōzišn čē ān ī pad =iš apayrāyag ud čē ān ī pad =iš margarzān

507.0

abar daxšag ī zēnāwandīh ud azēnāwandīh artēštārān

508.0

abar pāyag ī spāhbed abārīg pedān ī abar spāh pad rōzīg bahr ud āzarm u =šān azērag ud mar ī gund ēkēk az pedān

509.0

abar baxšišn ī gund ō pānagīh ī drafš ud bunag

510.0

ud abar marag ī gund ka šāhān šāh ō kārēzār šawēd

511.0

ud abar paymān ī rōzīg pih ī dō artēštār gōšt ud pēm ud nān nimāyēnišn čandānēnag ī artēštārān andar ān wehxwarišnīh rāy az =iš u =iš čim waxšišn ud tarāzēnišn yyy ud stōr ī bunagōgīh ud paristag abzār abar spāh

512.0

ud abar brīnag ī wašag ī stōr bizešk ud ganǰ zēnabzār abārīg ī abāyišnīg abāg laškar

513.0

ud abar xwardan ī artēštārān rōz ī kārēzār gōšt ud kadāmīh ī =šān xwardīg ēdōn =iz ān ī aspān xwarišn

514.0

abar xwāstag ī anērān bē āwarēnd ud ēd ī az =iš paydāg kū man čē gurg čē ayār

515.0

abar mihr ī dōšāram ī artēštārān āgenēn hamīh ī ayārīh ī ēk abāg did framānburdār ī =šān andar spāhsālār ud menišnīg abespārdan ī tan ō ōš ud dōšīd ī mēnōy mizd abēgumānīh pad tan ī pasēn

516.0

ud abar wizēn ī spāhsālār abar spāh pad =iz āyišn dād šnāxtan ī =iš spāh ǰudǰud pad hunar šāyendagīh ī =šān ast

517.0

abar handāzišn ī spāh nērōg abzār abāg ān ī dušmenān kū čiyōn ān ī ka kārēzār kunišn čiyōn ān ī ka pahrēzišn

518.0

abar ān ī artēštārān ka bīm az dūr drubuštīh pad nazdīkīh ayāb bīm nazdīk drubuštīh az dūr pad bōxtan hištan xwāstag tis kunišn

519.0

abar kū ka kārēzār abāyēd kirdan artēštār asp nē mad ēstēd az ramag =ēw aspān čand asp bē pāduxšāy grift

520.0

abar yyy pāsbān čē ēwēnag āgāhīhišnīh ī ō laškar ud spāhsālār ēd az =iš paydāg kū dušmen murd weh ayāb wirēxt

521.0

abar nimāyišn ī ō dušmenān ī az =iš samīhēnd ud āhrīhēnd

522.0

abar pahikārišn ī spāhsālār ō anērān pēš az kārēzār pad =iz paygāmbar ud xwāndan ī =šān ō šāhān šāh bandagīh ud dēn ī yazadān

523.0

pahikārišn abar andarz ō spāh ud paydāgēnīdan ī nāmčištīg kār ī andar kōšišn ēkēk bahr agarāīh niwēyēnīdan ī ō spāh pāddāšn ī kirdārān guftan āgāhēnīdan ī ō spāh čim ī margarzānīh zanišn arzānīgīh ī anērān framān ī yazadān abar zanišn ī awēšān ka ērīh nē padīrēnd

524.0

ud mānāg wuzurg mizd pāddāšn ī abar zanišn ī awēšān az dēn paydāg ud dādestānīgīh ērān

525.0

ud abar nē guftan ī andar rōz ī kārēzār saxwan ī bēšīdārīh nē ēč āgāhīh kē spāh ud āhr dahēd andar spāh bē ān ī xwaš rāmenāg ī dildādārīhā ī nērōgabzūdārīhā guftan

526.0

ud abar yazišn ī rōz ī kārēzār razm duškunišn ud urwar ī barsom ī ān yazišn ud abestāg andar kōšīdan ān ī fradom tigr andar wist nišān yaštan ī pad =iz zōhrbarišnīh āb ī ō kārēzār gyāg nazdtar

527.0

ud padisār kōšišn kū fradom pad kadām zēnabzār kōšišn ud padisārīg tā ān ī abdom

528.0

abar paymānag ī awēšān kē kōšīdārān rāy zay dārēnd az kōšīdārān pas az pērōzīh ī abar anērān graw ud wardag az anērān abāz stadan

529.0

abāz waštan ī az =šān pad čand paymānag ī dūrīh ī az =šān zēnabzār xastagān ud wistagān darmān burdan ud zēnabzār bē nihād garmābag kird ud tan āsānēnīdan ud kirdspāsān mizd dād

530.0

wināhgārān pazdēnīdan ud xastagān wistagān darmān burdan ud zēnabzār abāz ō ganǰ abespārdan graw abāz ō xwēšān rasēnīdan bahr baxtan ud anī =iz was ī andar ham

531.0

čahārom brīnag hamdādag abar garmābag pad čē ēwēnag ud xānag ud gyāg ī pahrēz ī ātaxšīhā ud yyy ī ānōh barišn čē andar ham

532.0

ud abar zōr ī zamīg rāy āyēb kirdan ud ān ī ātaxš rāy andar ān dar kunišn

533.0

abar xwarišn abārīg kār ī pad ātaxš kunīhēd pahrēz ī ātaxš andar ham

534.0

abar ātaxš ī pad =iz rāh az frōgišn ud hixr ud nasā ud wizend ud zyān ī az =iš ud pahrēz pahrēz ī ātaxš az dād ī ō agdēn ud aburnāyīg paymānag ī ātaxš az ǰōy ud tōzišn ī frōgišn abārīg wināh ī pad =iš paymānag ī pih ud yyy ī ātaxš pad hamīn pad =iz zamestān

535.0

abar bē nišāstan ī āyēb kū čiyōn ī ka pad āb ud xāk ud čiyōn ān ī ka pad =iz hixr ī xwārtar ud čiyōn ān ī ka pad =iz hixr garā pāduxšāy

536.0

abar paymān ī pih ī mardōm ātaxš ud gōspand

537.0

abarpadīruftan ī mehmān stāyišn ī rādīh ud mehīh ī rādān ud nikōhišn ī penīh ud yyy ī penān

538.0

abar ǰāmagīhā ī andar mān ī mazdēsnān dāštan ēwēn tā =iz wand =ēw ī čahārrōd ī pānagīh ud pahrēz ī =šān ǰudǰud mizd kirdārān ud ārāstārān ī ēkēk čē andar ham

539.0

ud abar āwarīd ī mazdēsnān kōybān xwēškārīh ī kōybān u =iš čē andar ham

540.0

ud abar sāxtan ī zamestān rāy pad hamīn hambār

541.0

abar wāstar ī ǰōrdā drūdan abestāg ī fradomdrūnišnīh ud yašt ī dastag ī fradom pad šnūman ī ohrmazd ī xwadāy

542.0

ud abar hamīh ī hudēnān āgenēn pad =iz spōxtan ī niyāz ud hamīh ī abāg =iz agdēnān pad ān ī ō dēn nē wizāyišnīg čē andar ham

543.0

ud abar kār ī abar urwarān gōspandān bar fradom arzānīgxwarišnīh did paymānxwarišnīh ud pahrēz ī az frāybūd

544.0

ud abar xwēšīh ī wāspuhragānīg ān ī amaragānīg čē ēwēnag ān ī amaragānīg ō wāspuhragān xwēšīh madan čē andar ham

545.0

ud abar zēwarīh ī stōr gāw ud gōspand ud mardōmān =iz kū amaragānīhā ǰudǰud pad čand dād bawēd ud čē andar ham

546.0

ud anī =iz was dādestān ud āgāhīh ī andar ham ,

547.0

pahlom ast ahlāyīh ābādīh

548.0

huspārom sīh brīnag =ēw hērbedestān mādayān abar kū ō hērbedestān kirdan kē šawišn čiyōn ān ka šud frēzwānīg ud čiyōn ān ka pad xwēš ēstēd čiyōn ān ka šud nē pādixšāy ud čiyōn ī abar hērbed paymānag ī āsrō ī pahlom ān ī mayānag ān ī nidom pad abarōšmurišnīh ī ahlawān xrad

549.0

ud abar āsrō ī frēstīdag ud rāhēn ǰāmag abzār ī aw =iš dahišn

550.0

abar ān ī hāwišt padtarsagāhīh andar hērbed ān ī pad padīriftan wāzag čāšīdan ō hāwišt kunišn andarz ī hērbed ō āsrōān dranǰēnīd sraw wisēyīh hangām

551.0

ud abar čē pad abāzrasišnīh ī āsrō ō deh kē az =iš frēstīd deh sālār ud dehīgān āsrō rāy āsrō ō deh kē az =iš pad čāšišn hammōzišn ī andar deh kunišn

552.0

ud abar panǰ xēm ī āsrō rāy kadām ōšmurd ī āsrō fradom az srawān pad padisār tā ān abdom stāyišn ī yazad sraw čē andar ham ,

553.0

abar darīhā kē āsrō ī nihānzāyišn xwāyišn pēšīh ud pasīh ham ,

554.0

abar puhl ī āsrō ī pad wināhgārīh ǰudpargard

555.0

ud abar āsrō az hērbedestān kirdan rāy uzēnag az deh stadan pad kirdan sūdag bawēd

556.0

abar frāzīh ī āsrōān ēk az did pad dānišn abzār paymānag ī frāzīh kē pad =iš sazāgtarīh ī ēk x bawēd čē andar ham ,

557.0

brīnag =ēw nērangestān mādayān abar nērang ī ēzišn ī yazadān

558.0

ān ī frēzwānīg ō puhl šawēd

559.0

abzōnīg kirbagīh az wēšmarīh ī rāspīgān andar ēzišn

560.0

abestāg zōr rāspīg harw dō ōh gōwišn ān ī ēk ōh gōwišn ēk ōh niyōšišn

561.0

abar drōn čē andar ham ,

562.0

abar pahrēz ī az xwārišn ī māyēnišn andar ham hangām ī ēzišn

563.0

abar sāmān ī wāng pad abestāggōwišnīh ī andar ēzišn =ēw

564.0

ud abestāg ī bišāmrūd ud srišwadag časrušāmrūd

565.0

abar ēzišn rāyēnišn ī ēzišn kē zōt ayāb rāspīg tanāpuhragān

566.0

abar zōtīh ī zan aburnāyīg

567.0

abar wizīr ī abar ōy kē az dēn mazdēsn abāz stāyīd bawēd

568.0

abar wināh ī ōy kē gāhānbār nē yazēd čiyōn ān ka =iš yašt bawēd

569.0

abar sāmān ī panǰ gāh rōz ud šab ud ēzišn ham gāhīhā

570.0

abar ēwēnagān ī xwēšīh tis ō gāhānbār abārīg kirbag dād dastwarīhā

571.0

abar čandīh ī zōhr ī az ēk gōspand

572.0

nigerišn handāzišn ī andar kirdan ī gōspand

573.0

pad =iz dād pākīh az padwēšag ud abārīg āhōg awēmārīh ud anabzārīh ud aǰastagīh ī az xrafstar

574.0

ud nērang ī kirdan

575.0

ud wizēn ī abar kirdār ud sāxtār ud abarburdār xwardār aw =iš dādār

576.0

ud čim ī kuštan čē andar ham ,

577.0

abar gāh ud kār ī zōt rāspīgān andar ēzišn

578.0

abar pahlom ēzišn dāšn ī mard ī ahlaw ī čāšīdār yyy abāz pad windīdār xrad ī ahlawān būd čē andar ham darīhā

579.0

abar šabīg ud kustīg kū az čē šāyēd čē andar ham

580.0

ud abar barsom čīdan bastan andar ham

581.0

abar paymānag ī esm andar x ēzišn ēwēnag ī frāz barišn yyy ān ī ātaxš ī kadagīg ādarōg ī ātaxš warahrān

582.0

abar ēzišn ī andar meh ud ān ī andar mayānag ān ī andar keh tuwānīgīh ud wizīr ī abar atuwānīg

583.0

abar yaštan ī yazadān hamē pad yyy mad ēstēd abāz nē hištan pad ēč ēwēnag

584.0

abar kū mardōm wēnāgīhā ud awēnāgīhā =iz yazadān ēzēnd kū ān ī wēnāgīhā ud ān ī awēnāgīhā kadām andarz ī abar wēnāgīhā yaštan ī yazadān

585.0

abar pākīh ī yaštār tan wastarg āsnūdagīh ī =iš menišn az wināh ud pādyābīh ī abzār ī yyy ud pākīh ī gyāg ī ēzišn dūrīh az ānōh pad paymānag ī paydāg rēmanīh ud gand čē andar ham

586.0

abar ēzišn ī ābān u =šān nām zōr ī bēšāzišnīh warzāwandīh ud adāddārišn dādārīh ī ābān mēnōy ud čē andar ham

587.0

abar ēzišn ī kārān dādestān xūbfragānīh ud xūbfrazāmīh rāy kunišn ud anī =iz was ōšmurišn ī andar ham

588.0

ēzišn pad šāyēd nē šāyēd xūb nē xūb

589.0

abar zarduxštān huuōuuą wištāspān dūdag pad ōšmurišn ēzišn ī dēn u =šān čiyōnīh

590.0

brīnag =ēw guharīgestān mādayān abar guharīg wābarīgānīh ud nē saxtag bē dādīg pašnīg =iz dēnīg ī wābarīgānīh nē hambārīg pad twdkarīh ī gēhān bē wehzīyišnīhxwāyišnīh pad frāxwēnīdārīh harw mardōm kirdan dastwarīhāīh ī abargānīh paymān ī sūd ī pad =iš

591.0

abar abargānīh aniuruzd abāg aniuruzd abāg wywlyh anuruzd abāg anuruzd abāg ud niuruzd ud niuruzd abāg niuruzd ud sāmān ī niuruzdīh ud aniuruzdīh kū abāg kē pad frāyarz nē dastwarīhā abāg kē dastwarīhā abāg kē az bē pad frāyarz nē dastwarīhā pad anāgīh frāyarzīh rāy kū abāg kē čiyōn xūb abāg wināh plyyttk

592.0

abargānīh frāy =iz ast zīndaggyānīh ud paymānag ī guharīg pad =iš bē bawēd

593.0

abar ōy kē xwāstagīh nē xwēš frōšēd ōy kē xrīnēd

594.0

abar frōxtan ī pah pāhrdmān ud apāhrdmān

595.0

abar pahrēz pahrēz ī tis tis nimūnag

596.0

abar stōr ud gōspand ud bandag paristār abārīg xwāstag kē srādag čiyōn =iš āgāh pad ǰudsrādag čiyōn =iš abargōwišnīh frōxtan wināh tōzišn ī čē andar ham

597.0

ān ī ka stōrān paydāg bawēd pad āhōgfrōšišnīh paydāg paymān ud ān ī hamē pad frōxtan āhōgōmand

598.0

abar kadag kē mardōm ud sag pad wēmārīh padwēšagōmand andar bēwidard wastarg ī mard az ān wēmārīh dāšt kū čiyōn ān ī ka se čiyōn ān ī ka dō čiyōn ān ī ēk sāl pad frōxtan āhōgōmand

599.0

abar kadag kē mardōm ud sag pad ān ī padwēšagōmand wēmārīh andar nišast nē widard pas az wihēzag ī az =iš wastarg ī mard andar ān wēmārīh dāšt kū čiyōn ān ka dō čiyōn ān ī ka ēk sāl čiyōn ān ī ka sīh šab pad frōxtan āhōgōmand čē andar ham

600.0

abar guharīg abāg anērān kirdan kū čiyōn ān ī ka pādixšāy

601.0

abar gōspand guharīg andar sešabag pas az sešabag kuštan anī =iz was dādestān andar abargānīh ud gōspand guharīg

602.0

brīnag hamdādag abar tis ī nē xwēš stadan ān ī ka nē menēd kū =iš wēnēnd u =iš wēnēnd ān ī ka menēd kū =iš wēnēnd u =iš nē wēnēnd ān ī ka menēd kū =iš wēnēnd u =iš wēnēnd

603.0

abar ahlawsāst dahišn kū čē čiyōn bawēd ān ī ka fšēy abāz xwāhēd

604.0

abar niyābagānwindagīh zūrāfrāhīh ud druxtpadīrišnīh wināh

605.0

abar kār ud framān kē dahišn ī x rād ō kas kāhēnēd wardēd

606.0

abar sāmān ī wišāddastīh zan ī pāduxšāy kē andar šōy tarsagāh az tis šōy nē mad ēstēd ud čiyōn ān ī ka šōy yyy čiyōn ān ī ka dādīhā ud čiyōn ān ī frōd az dādīhā xwāstag čiyōn ān ī aniuruzd xīr sāmān ī tarsagāhīh ud zan andar šōy ī čē andar ham

607.0

abar wāyēnīdan ī kanīg az pidarān sālārān kadag ō šōy wis kadagbānūgīhā dāštan ī šōy zan ka =iš tarsagāy šnāyēnīdār bawēd handarzēnīdan ī ka gōwēd kū tō zan ham zanīh ī tō nē kunam šōy ō zan pahikārišn ud puhl abar barišn

608.0

ud abar xōn ī pad zan ī šōyendag ud puhl ī abar ōy kē zan ī šōyendag ud ān ī anēr ud abārīg kē nē dastwarīhā gād gāyēd ud zan kē gād ō anērān dahēd šusrgumēzišnīh abārīg wināh ī abar hamkār kunēd

609.0

abar zan az anērān xwāst kū čiyōn ān ī ka pādixšāy

610.0

abar ārāyišn zan pad pusradīh hangām ō pēm ud pusxwāyišnīh ī abāg šōy

611.0

abar wināh ī mard x rānēnīdan ī xwah duxt ī purnā pusradīh

612.0

abar se tis kē mardōm pad =iš wināhgār appārxwēšīh bawēnd u =šān dārišn bē nē stānišn

613.0

abar kē dādīg tōzišn stahmbarišnīhā nē kunēd

614.0

abar ān ī mard andar zāyišn ī =iš nārīg pad myazd dāšn ī ō ganǰ ī kirbag kunišn

615.0

čiyōn ān ī ka ān mard arad čiyōn ān ī ka hāwišt čiyōn ān ī ka zāyišn nar čiyōn ān ī ka mādag

616.0

ud sūd ud xūbīh ī az =iš ud dēnīg frāzdahišnīh ī nām ō zāyišn narīhā mādagīhā kirbag ī az x dēnīg nāmnihišnīh ī abar zahag ī x ī az abāzdahišnīh ī =iš ān ī dēwāstān nām

617.0

abar nērang ud ēwēn ī andar gušn hištan gōspandān kē az =iš gušn rāmēnīdār ud arištmādagīh ud pānagīhmādagīh ud dōānagīh anāhōgīh ī zahag ud druyistramagīh =iz bawēd pad =iz yaštan ī yazadān myazddahišnīh pasušhorw =iz az =iš āfrīn

618.0

abar ān ī fšēy andar zāyišn gōspandān yān

619.0

abar yazišn myazddahišnīh kunišn ud sūd ī bar gōspandān az ham

620.0

abar ān mazdēsn ī dehzāyišnīh sag ī andar deh pad pahrēzparwarišnīh sag kunišn ī kirbag az ham

621.0

abar sāmān ī mizd zōtīhčāšišnīh ud ātaxšsālarīh ud ǰastāškāragīh pāsbānīh abārīg mizdwarīh čē andar ham

622.0

abar dādīg sālārīh ī aburnāyīg aburnāy ī čirāyīh ud pid ī ātaxš ud čē andar ham

623.0

abar wēmārīh ī az wēnišn ī sūrčašmīh ud nazdīkīh ī daštān čiyōn ān ī sūrčašmān daštān pad =iš wināhgār

624.0

ud abar čēēwēnag pāsbānēnīdan ī bīmpadīruftārān rāy bīmōmandān čē andar ham

625.0

ud ān ī az wihēz ī az xānag ō bērōn

626.0

abar pašn dādīg rāyēnišnān pad hamīh ud ayārīh ēk ō did abar az ān ī andar dādīgrāyēnišnīh kunišn čē andar ham

627.0

ud abar xwāstag bar ī pad amaragān ān =iz ī pad hambāyīh xwēš kū čiyōn ān ī ka dastwarīhā stanēnd ān ī ka nē čē andar ham

628.0

mādī rādīh ī dādwarān pad abāzburdārīh xwāstag ō xwēšān sūd ī az rāst dādwarān zyān ī az drōwizīrīh drōwizīrān

629.0

ēdōn =iz sūd ī az rāstxwāhīh rāstpassoxīh rāstān ayārīh ud ahamēmālīh ud zyān ī az drōxwāhīh ud zūrnakkīrāyīh ud zūrxwāh ud zūrnakkīrāyīh ayārīh ud nē hamēmālīh ud zyān ī ud šōn ī mustōmandān garzišn

630.0

andarz ī ō dādwarān abar rāstwizīrīh ud pahrēz ī az drōwizīrīh u =šān dōānag rāstwizīrīh mizd drōwizīrīh puhl škeftāmārīh pad mēnōy abar dādwarān ud stāyišn ī rāstīh ud nikōhišn ī drōzanīh šnāyišn ī yazadān bēšišn ī dēwān az rāstdastwarīh ud abāzwaštīh ī az drōwizīrīh čē andar ham

631.0

abar kadām gyāg brēhēnīdan ī ohrmazd pad bundahišn ǰōrdā āwurd ī ō kār pad parwarišnayārīh ī mardōm ud gōspand ō =m =t nimūdan ī mašī mašyānī ǰōrdākārišnīh čē andar ham

632.0

abar kār pad ǰōrdā kištan warzīdan čē andar xwēškarīh warzīgarān dārīgīh pad warzīgarīh ud sāmān ī =iš bahr az warz arzānīg bahrīgīh ud appārbahrīh čē abar fšēy čē abar warzīgar ud dādestān ī =šān mayān

633.0

abar yyy ǰōrdā ī kišt ān ī kand ān ī pad nasā ud yyy abārīg tis

634.0

abar rāyēnišn ī yyy u =iš yyy

635.0

abar ēwēnagān ī xwēšīh ī zamīg abārīg tis ān ī pahlom

636.0

abar ōy kē wēnēd ka =iš adastwarīhā zamīg kārēd āb ō warz nayēnd ud andar abēbīmīh ud tuwānpahikārišnīh pad =iš nē pahikārēd

637.0

abar pih dād frōxtan pad yyy ud bīm kunīhēd čē andar ham

638.0

abar apparīh wināh ud ān ī pad gyāg ud ān ī pad hāsr bawēd čē andar ham

639.0

abar wizārišnīgīh ī harw wināh ud puhl ī ahlawγenagīh ud ǰādūgīh ud agīh yyy ō ātaxš ud āb burdan

640.0

abar wizārišn ī ǰād bāzā ud war ud arduš yyy ud awōyrišt yyy ud āgrift yyy ud adwadād yyy wināh pad paššinǰagīh pšnčys ud kār ud pādifrāh ud ēwēnag ī aspaštar ud srōšōčarnām ud čiyōn abāgizišnīh ī harw dō

641.0

wināhgār paššinǰagīh pšnčys tōxtan ayāb kār kirdan ayāb kār pādufrāh abāgōzīdan rāy bē mīrēd ka mard pašēmān wināh tōzišnkāmag atuwānīg margīhēd gētīyīhā wizārd nē bawēd čē ēwēnag abēčārīh ī =iš ruwān az wināh

642.0

ud abar kē =šān wināh tōzišn aw =iš nē bawēd

643.0

ud abar čē ēwēnag pahikārdan ī driyōš appurdxwāstag fradom abar stahmag ī appurdār ud pas xwāst ī pad dādwarān wināhrawišnīh ī =iš abar stahmag tā abāz tōxtan ī =šān xwāstag

644.0

abar dād ī andar tangīh wōyγn ud wizīr pad =iš

645.0

abar stahmagīh yyy ī =iš az harw druzīhrāyēnīdārīh ī dādār pad =iš pad abāz dāštan ī hamdruz az murnǰēnīdan ī x

646.0

atuwānīgīh mehdādestānīgīh pad gyānbōzišnīh ī xwēš ud parwarišnīg kirdan xūb

647.0

wīst brīnag =ēw mādayān abar nērang ī war passāxt u =iš ēwēnagān ī bōxtan ēraxtan ī pad =iš čē andar ham

648.0

brīnag =ēw abar ēwēnag sāmān band abar stōr ud gōspand ud sag ī dēwānag ud wāsišn kār u =šān wirāyišn tā čē paymānag ka nē wirāst ō kušišn mad pahrēz ī =šān andar =iz band čē andar ham

649.0

abar wināh ī stōr ud gōspand sag kunēd

650.0

abar wināh ī nē wināhgār zad

651.0

abar pahrēz darmān sag ī wēmār čē andar ham

652.0

brīnag =ēw āmēxtag abar sāmān ī xwāstag handōxtan fraδāt̰ dādīhā frōd az dādīhā xwāstagīh dastwarīhā kirdan ān ī frōd az dādīhā xwāstag ān ī dādīhā xwāstag kirdan nē dastwarīhā u =iš yyy ōst abar abēr ud frārōn abārōn dādestānīhā ī =iš andar

653.0

ud abar dādīg hangām ī kanīg pad šōy bē dādan ān ī dārišn bē kirdan čē andar ham

654.0

abar pādīrānīh ī az dāddārišnīh bē kirdan čē andar ham

655.0

abar pid kē pusarān kadām pēš zanxwāyišnīh

656.0

ud abar pusarān kadām pad šōy bēdahišnīh ud čē andar ham

657.0

abar rawāgkirbagagīh ī ahlawdād ī pad zan garānwināhīh ī az wišuftan

658.0

abar xīr ī pad ahlawdād niwēyēnīdan ī paydāg padīrišn ān ī padīrišn pad gōwišn paydāgēnīdan pad kunišn ī frazāft kū čand pādīrān

659.0

abar anērān ka ēr ō ayārōmandīh pad kārēzār ī =iš abāg hamsrādagān pad mizd xwāhēd anēr ka ō ērān āzādīh paywēhišn nē āzād bawēd

660.0

ud abar saxwan abar dāšn ān ī dād nimūdār ud ān ī nē nimūdār ān ī hamāgdahišnīh ān ī bahrdahišnīh nimūdār ān ī wizēhēnāg wizēhēnāg abām az ahlawdād tis az tis pad čēīh ud kadāmīh ud yyy ī wizēhēnāg dāšn ī nar az mādī ud ān ī nimūdār nar mādag ī harw dō ud ēwāz ī wizēhēnāg uštānōmand uzuštān az uzustān ān ī nimūdār tōhmag =ēw ān ī andar tōhmag =ēw ēk srādag ān ī andar srādag =ēw ēk kirb paymān ī dād bē būd čim kē rāy dād nē būd čē andar ham dar

661.0

ud abar panǰ ī pahlom ud panǰ ī wattom kār ud panǰ wināh ī garā se wināh ī dušwizārtar

662.0

ud abar rangrazī ī pad hixr bōdōzed yyy ud kirdan ī wastarg wināh

663.0

abar wināh az axwēškārīh ka =iz ān ī kunēd xūb

664.0

abar wizīr ī pad pāduxšāyīh yyy zēnabzār ud tis ō anērān dād u =šān paristišn ud kārrāyēnīdārīh ud čēgāmiz ayārīh ud šnāyišnīh ī ān =iz ī abar ayārīh ud šnāyišn ī ō mastōgān

665.0

ud abar adādīhā zadan brīdan ī urwar ud wizīr ī pad =iš

666.0

abar wināh ī nasānigānīh rāy gawr kandan ān ī dēwēsnān ud adēwēsn ud wastarg ō nasā ī dēwēsnān murd

667.0

abar ān ī mazdēsnān rēman kirdan hixr ō ātaxš āb ud gyāg ud ǰāmag ī nē dastwarīhā abgand čē andar ham dar

668.0

āmār ī āb pad srādag paymānag ī xwēdīh ī zamīg abar wināh ī az akārēnīdan ī tis ī pad āb ātaxš abar dōsrišwadag xīndagīh bē burdan ī az gēhān pad kandan ī az dāmān pad hamāg rōšnēnīdan ī ātaxšān hamāg petyārag bē burdan ī az dāmān āwām pad akēnīh ī mardōm ēk abāg did purrdōšāramīh ī āgenēn

669.0

brīnag =ēw mādayān abar dānišn ī pusarxwāyišnīh andarz pad =iš az dēn sūd ī zahag paddēnhandarzīg wizārdan ī mayāntan zyān ī az mād hišthandarzīh

670.0

abar ān ī andar puswarzišnīh fradom gušn ō mādag frāz hilišn ān ī didīgar ud sidīgar ud čahārom panǰom būdan ī pus pad gēhān pēm =iz az gušn

671.0

ud ka ēdōn ī pus ōh bawēd az nar ud mādag kadām pēš šusr frāz hilēd ō gāh madan pad gāh harw dō čiyōn čand pad šusrīh ud čand pad gumēzagīh ud čand pad xōnīh ēstād ēmēd ēmēd kay az kū dād ēstēd čandīdan

672.0

ud kay az čē nišān paydāg būdan ī narīh ayāb mādagīh ī zahag ud kay sayīhistan ī abar saxtag ud hannām fradom kadām hannām pad =iš ud kārīhistan pas pas tā bowandag kār pad =iš

673.0

kadām pad čē gāh sayīhistan ī hannām pas az bowandagdahišnīh ī tan kālbod kār ī abar gāh sayīhistan ī hannām pas az bowandagdahišnīh ī tan kālbod

674.0

kār ī abar zahag ī abāg andar kašuspar tā spurrkārīh ī =iš andar sāmān pad =iš radagīh zamān ī ān ī zahag abāg mādag ud gāh ī frōdwardišnīh ī =iš ō zāyišn rasišn ī zāyišn hamhangām

675.0

abar waxšišn ī abāg tan gyān =iz kadām fradom ast mazgōmand būd az ān abārīg ast čiyōn srūwīhēd

676.0

abar pāduxšāyīh ī ahlawān frawahr andar ān ō panǰom māh warzēnīdan ud rafēnīdan narīh mādagīh ud yaštan ī ahlawān frawahr ān ī nar pus rasišn ī rāy

677.0

abar pēšdahišnīh zāyišnīh ī ābustan zan kār ǰud ān ī abar nāfag ī purnāyag u =iš xwarišn fradom ud didīgar ud kaydahišnīh ī =iš mādar pēm čē ēwēnag pahrēz ī aburnāyag pad gāh ud bandišn ud xwābišn parwarišn ud pānagīh ud wināh ī az adādīhā kirdan ī andar ham dar

678.0

ud abar čandmāhburdārīh ī zahag pad aškam uštar ud asp ud xar ud gāw ud nārīg ud čē andar ham dar

679.0

abar mēnōywēnišnīh nōgzādag aburnāyag tā sāmān ī gētīšnāsīh madan andar ham dar

680.0

ud abar dād ī amaragān mardōm pad =iš ō bālist ī hučihrkirbīh ān ī zankāmagīh ān ī tēzīh ī pad ān ī pāy zōr ān =iz ī ōzōmandīh ī pad ān ī tan ōz ān ī xwāstagkāmagīh ān ī hanǰamanīg guftārīh ud ān ī dūr yyy ud ān ī pad =iš xrad arad ō nigōnīh rasēd ud ān ī pad =iš padīrišn yyy ān ī pad =iš abāzpēmenišnīh ī tōhm bawēd

681.0

abar abārōnkāmagīh wiyēbēnag ud wiyēbēnīdag yyy stahmag waranīh ud garākārīh wīddast pūdag ōy tan meh pad yyy gyānzadārīh ī tisān ī wēnēnd ud appār harw mehīh arzānīg margīh wirāyēd meh ī pad wināhgārīh čiyōn ažīdahāg pad stahmagīh ud sruwargaz pad ǰādūgih ud tūr ī brādrōrēš kirb pad ahlawγenīh frēftār ahlomōγ pad drōzanīh

682.0

abar garān wināhīh ī pus nibēmēnīdag zan kē =iš tōhmag ī zahag az ǰudgušn marzīdan ud čē andar ham dar

683.0

abar abzōnīgzōrīh mādag az gušn abarrawišnīh ud kastzōrīh ī gušn az abarrawišnīh ī ō mādag

684.0

čahārdah brīnag =ēw šaš pargard mādayān abar ōšmurišn ēwēnagān ī xwēšīh frāzīh ī =šān ēk abar did ān ī wehsaxwanīh andar dādestānrāyēnišnīh

685.0

ud abar xwāstag ī frāz ō dādwarān āwurd ī az hamēmāl ō dādwar pahikārišn bawēd

686.0

abar wizīr ī pad dārišn abāz kirdan pad dārišn dāštan ī čē andar ham dar

687.0

ud abar xwāstag ī az dārišn ī pasēmāl bē x āwurd xwāstag ī az mard pad sūdagīh ayāb pad nigerišnīg ud wināh ī pad =iš apparīhēd ud saxwan pad =iš

688.0

abar windišn ī ham kārēzārīg yyy ham azērigān saxwan ī pad =iš

689.0

ud abar madan ī zamīg xwāstag ī tis anērān dāšt ō wāspuhragān xwēšīh ī ēk az ērān

690.0

abar dūdag sālārīh u =iš ēwēnagān ī mard pad =iš

691.0

abar xwad dūdag čē andar ham dar

692.0

abar windišn ī zan aburnāyīg

693.0

ud abar ačārīh kār windišn ī zan u =iš zanīh =iz az šōy rāyēnišn ī pas az ačārīh

694.0

abar sālār ud gādār čē andar ham dar

695.0

abar paymān ī zan dāštan frazend xwāstan paymān ī daštānmāh wizārdan

696.0

abar stūrīh u =iš ēwēnagān sazāgīh ī pad =iš stūrškennīh wināh ī pus padīruftag čē andar ham dar

697.0

abar hambāyīh ī brādarān būdag ud kardag ud bōxtīg ud abōxtīgīh ud abarmānd xwāstagīh xwāstag ī zadag bē bawēd čē andar ham dar

698.0

abar xwāstag ī pad xwēšīh ud ān ī pad stūrīh ō nabānazdištān bawēd

699.0

abar abarmānd ī pad rāh ī yyy bawēd

700.0

abar pāduxšāyīh ī pad duxt pad šōy bē dād pas az pid kū pad kē

701.0

brīnag =ēw šaš ī sar mādayān abar rōzīg ī mard ī purnā zan ī ābestan ud ān ī yytlwww aburnāyīg dād passazagīhā ān ī sag ī pasušhorw wišhorw ud wohunazg ud nišān ī ēn se srādag sag

702.0

abar nišān ī hāxtagīh mardōm ō dēn

703.0

abar čand ēwēnag hamīh u =iš ēk ān ī pedān abāg ramān ramān pad ēwkardagīh abāg pedān ud čē ēwēnag arzānīgīh pad sālārīh ī ud hammōg ī paymān ōy ram ud niyōšišn ī ram ān ī ped hammōg ud sūd ī az ēd hamīh ud čē andar ham dar

704.0

ēk hamīh ī rad ud ltww ī āgenēn arzānīgīh ān ī rad nām pad radīh ān ī hāwišt pad hammōg ī az rad ud hammōg ī rad ō ltww ī niyōšišn ī rad hammōg andar ham dar

705.0

ēk hamīh ī radpassāgān arzānīgīh ī mard pad radpassāgsālārīh ud pašn ī hamradpassāgān čē andar ham dar

706.0

ud abar abardom ī hamāg hamīh ud abar dādīg ud frārōn būd ī ēn =iz hamīh ka dō mard pad kū hamē ān ī tuwānīg ō ōy kē pad awināhīh abāyist xwāstag ān ī xwāhēd dād ayāb kū ka ēk wināh kunēd xwāstag ō ōy ī did appārīh ayāb pad ān ī ēk windīd ān =iz ī did hāwand ōy xwēšīh ayāb pad bēwiderišnīh ō ān ī did xwāstag gumēxtan čē andar ham dar

707.0

abar wināh pādifrāh ī ōy ō kē ō ān ī =iš pad menišn ayāb pad gōwišn ō ī ōy ī arzānīg dād pašn kird drōzēd

708.0

abar āgāhkunišnīh ī pid purnāyīg pad hangām az wināh ī ān wināh

709.0

abar wināh ī az drōnimūdārrāhīh ud zūrāfrāhīh čē andar ham dar

710.0

wināh ī appurdan ī yyy tōšag az ēwarzīg kas

711.0

abar frēzwānīg dahišn ī ō arzānīgān ud adwadādwizārišnīh niuruzdān ōy ī dādīhā ud ōy =iz ī frōd az dādīhā xwāstag andar niuruzd xwāstārān adwadād ān ī pēšwizārišnīh ud kē kē pad raš zayišn kē kē pad =iz azayīdārīh pad ōz xrad adwadādīh tuwānīg mard pad =iš āstārēd xwarišn pad adwadādwizārišnīh šāyēd ān ī nē šāyēd

712.0

abar ān kē =iš frēzwānīgdahišnīh abām bawēd čē andar ham dar

713.0

kū bēšāzēnīdārīh wēmārīh ān ī mēnōyīg abar ašawahišt amahraspand ān ī gētīyīg abar bizešk yyy

714.0

abar arzānīgīh weh bizešk pad harw nēkīh anarzānīg wattar bizešk pad ēč nēkīh

715.0

abar dād ī ohrmazd harw ēk az urwarān pad kamistīh ō ēk wēmārīh ānāftārīh

716.0

abar yyy arzōmandīh ī passāg ī bazdānīh ud sūd ud nīrmad ī bizešk az bizeškīh frāzbarišnīh ō bazdān ān ī xwaš xwarišn ān ī čābuk wastarg ud ān ī tēz bārag ud xwāstag čand ān ī mayānag mard andar mān wis ud zand deh

717.0

abar tuxšāgīhā āwām menišnīhā ud darmān dēm dar =iz tōzišnīh bizešk ō wēmārān

718.0

abar wināh ī bizešk pad sūdagīh ud wistārīg pad abarrawišnīh ī ō wēmārān čiyōn ān ī ka pad nē šud awināh

719.0

abar seǰ meh ān ī keh

720.0

ud abar mizd ī bizešk pad bēšāzēnīdan ī wēmār az wēmārīh ī hamāg tan ān ī ēkēk az hannāmān ud ān =iz kē sālārān bēšāzēnēd az ān ērtar ān ī abardom šāhān šāh pāyagīhā ud ēdōn =iz tuhīg ud ud tāyag mardōm

721.0

ud abar drang paymānag ī mizd bēabespārišnīh ō bizešk pas az druyist paydāgīh ī wēmār kū bizešk pad bēšāzēnīdārīh az kē mizd niwēyēnīdag ān =iz ī nē niwēyēnīd az kē ān ī =iš niwēyēnīd ayāb az kē pašn =ēw ud az kē tis =iz mizd ī gētī nē rasēd

722.0

abar bizešk kē =iš šnāyīd ō bizeškīh xwāhēd

723.0

abar uzmāyišn ī abar šāyistagīh ī bizešk kū čiyōn kunišn ud čiyōn ān ī ka uzmūdan šāyēd čiyōn ān ī ka uzmūdan nē šāyēd

724.0

abar wināh bizešk ī nē uzmūd ān =iz ī uzmūd nē šāyēd ka bizeškīh ī kasān kunēd

725.0

abar hannām ī kas tis kē =iš any =ēw uzmāyišn ān =iz ī =iš any =ēw nē uzmāyišn ān ī =iš uzmāyišn nēst

726.0

abar čand drahnā xwāst ī bizešk andar ērān ka pas pad awindišnīh az =iz anērān pāduxšāyīhā xwāst wināh ī ka bizešk andar ērān windēd az anērān xwāst

727.0

abar mizd ī ō anēr bizešk ud any was andar ham dar

728.0

mardōm bizeškīh ud abar =iz bizeškīh stōrān gōspandān

729.0

abar wināh ī az gumārdan ī ān ī asazāg pad kār

730.0

ud abar sazāgtarīh ī pad kār ud gāh hērbed az hāwišt wābar =iz frēzwānīg yyy az frēzwānīg ayāb yyy ud tā =iz yyy az axtarāmār ud pahrēzān az yyy u =iš čim

731.0

abar wirāstan ī pad gyāg ī kasān adastwar xānag čē andar ham dar

732.0

abar sāmānīhā kū gyāgmānišnīh ī mardōm ud čē andar ham dar

733.0

abar hudēn abar agdēn agdēn abar hudēn pad x gugāyīh čē ēwēnag

734.0

ud abar mehīh ī frāzīh mān ī radān pad ruwān pad =iz xwāstān wišāddarīh ī rad ud anabzūdīh ī kas pad hammōg ī ō kasān wināh ī =iš az bastdarīh ud dušabzōnīh ī pad hammōg čē andar ham dar

735.0

abar paymān ī yyy windišn ud yyy az mān ī ātaxšān wirāyišn ī abar ōy kē andar paymānag yyy yyy abganēd

736.0

ud abar burdan ī ō mān ī ātaxšān harw kas tuwānpassazagīhā padēxwīh

737.0

abar sāmān ī āb yyy ud ān ī ēwtāg

738.0

abar daxšag ī paydāgīhkunišnīh ī ham sāmān pad gyāg andarg dō marz

739.0

abar ud wizīr ī pad gōspand az adādīhā sālārīh ud ān =iz ī adādīhā sālārīh ud kē ō wāstar ī kasān šawēd ān ī xwad pad duzzmenišnīh ī ān ī nē pad duzzmenišnīh frāz hištan

740.0

abar čandīh ī kirdan ī andar drang ī ēk rōzšabān abar wāstar ǰōrdā az ēk gāw ī yyy ayāb any ēwēnag ayāb ēk asp ayāb ēk mēš ayāb ēk buz ayāb ēk xūg ayāb any ēk ēwēnag gōspand andar hištan

741.0

abar paymānag ī mānišn ī mardōm az rōd ī ēwtāg

742.0

abar gāh ī gōspand andar wāstar kāmagīhā čarēnīdan ān ī abāz griftan hangām draxtān nē brīdan ān ī gōspand kem kuštan

743.0

abar ǰāmag tis ī bīm ī dušmenān rāy ō drubuštīh yyy yyy apaydāg xwēšāwand bē bawēd

744.0

abar dār ī stūn kandan kū čiyōn pāduxšāy

745.0

abar čē ēwēnag rawēnīdan ī sālār mardōm pad rawišn ī pad bīm ud gōspand awizēn rāy abāg laškar rāyēnēnd wizīrēnīdan ī gōspandān pad wāstar ī nazd ō rāh andar paymānag wāstarīh fradom az gōspand srādag frāz ō čaraghilišnīh pad paywand ī tā ān ī abdom u =iš čim

746.0

ud abar mardōm az wisān ī xwāstag rāy čē andar ham dar

747.0

ud abar ēn hamgumēzišnīh pad rāh frāz āb padīrag āb ud bārōmand ud abār ud ābān rawān wiyābān kū az rāh kē bē wardišn kadām pēš yyy az ābān rawān wiyābān u =m čim

748.0

abar frōddārišnīh ī hāwišt andar hērbed pad xwarišn xwārišn ud frāxwīh ud kehīh ud grāmīgīh čē andar ham dar

749.0

abar ān ī ka anēr ō wimand ī ērān rasēnd abar ērān wizend kunēnd marzbānān yyy pad zanišn abāz dāštan ī anērān bōxtan ān ī ēr tan ud xwāstag kē anērān kunišn čē andar ham dar

750.0

abar sūd ī az hanǰamanīgān yyy rāyēnīdan ī duzz stahmag ān ī az ōstīgānīh pad kirdan dāštan ī pēšēnīgān ān ī az wēš hērbedestān kirdan ān ī az passazagīh hāwišt ō hērbed ān ī pas dastwar ān ī pad bē dastwar pad bēwiderišnīh ān ī pēš anī =iz abzār was āgāhīh andar hamsraw

751.0

pahlom ast ābādīh ahlāyīh

752.0

sagādom sīh brīnag =ēw mādayān abar mizd dēn framān puhl ī huframānišn zadārān passazag ī =šān zadārīh

753.0

abar frēzwānīgīh ī mard pas

Sections