Sections

1.0
dahmō dahmāi aōxte
2.0
dahm ō dahm gōwēd hamradpassāg ō ōy ī hamradpassāg
3.0
frā mā nərə gāraiiōiš yat̰ ratufritiš ā.jasāt̰
4.0
kū frāz =it man mardguhrāyišnīh ka rad amardfranāmišnīh rasād kū ka gāhānbār abāyēd yaštan az būšāsp bē kirdan
5.0
vīsaiti dim fra.γrāraiiō nōit̰ fra.γrāraiieiti
6.0
ka padīrift az ōy frāzguhrāyēnišnīh nē ōy frāz guhrāyēnēd
7.0
aēšō ratufriš yō jaγāra
8.0
sōšyans ōy radīhā kē sayēd kū =š gāhānbār yašt bawēd awōyrišt ō bun nēst
9.0
u =š aradīhā x čār az =iš awōyrišt ōy rāy ō bun u =š gāhānbār nē yašt bawēd
10.0
kayādurbōzēd guft hād ōy radīhā kē sayēd kū =š awōyrišt ō bun nēst tā =š gāhānbār nē yašt bawēd
11.0
u =š aradīhā čār kū =š awōyrišt ēd rāy ō bun tā =š gāhānbār yašt bawēd
12.0
pad harw dō čāštag ā =š atuwānīgīh ēn tis andar nē abāyēd
13.0
any bawēd ka gāhānbār bē mānēd tā ka yazišn bē mānēd ā =š xwar ō bun
14.0
cuuaiti narąm haxtō zaōta ratufriš
15.0
čandēn mardān pad āfrāh ō zōt radīhā kū pad yašt =ēw rāspīg čand dastwarīhā
16.0
ahunəm vairīm frasraōšiiehe
17.0
ahunawar frāzniyōxšišnīh čand aϑā ratuš abar āšnawēnd
18.0
vīspaēibiiō aēibiiō yōi hē maδəmiia vaca fra.srāuuaiiamnahe vā upa.surunuuaṇti yat̰ vā yasnəm yazəmnahe
19.0
harwisp awēšān ī abestāg pad tan =ēw kē ōy ī mērag pad ān ī mayānag gōwišn pad wāng ī mayānag frāzsrāyišnīh rāspīg gōwišn abar āšnawēnd ud yasn =iz pad yazišn wāz āšnawēnd
20.0
ēn az abestāg paydāg
21.0
gāhānbār ud abārīg yazišn ǰuttar nēst
22.0
tā ō ēn paymānag az abestāg paydāg
23.0
ka mard marag weh kū yazišn frā mā nərə marag ī pad sidōš ud frawardīgān čē
24.0
ān ī yazišn marag weh kū mard marag
25.0
pad šaš mard yašt =ēw weh kū ēk ud pad mard ēk weh kū se
26.0
nē ēd kū pad panǰ mard ēw yazēd čē pad ēk mard ēw nē yazēd
27.0
ān any kunišn ō puhl šawēd
28.0
ast kē ēdōn gōwēd hād ān wāzag ay gāhānbār
29.0
tā abārīg hamāg yazišn yazišn marag weh kū mard marag az čāštag ī wehān pōryōtkēšān dānist ud paydāg bawēd
30.0
pad drōn hamdādestān būd hēnd kū drōn marag weh kū mard marag
31.0
hauruuō pasušcit̰ ǰuttar nēst
32.0
rōšn guft hād hōrwpās ka ēwkardagīh bē šāyēd yaštan
33.0
ān xūbtar ka rāspīg nōg ō yazišn rasēd zōt āgāh kunišn kū rāspīg pad nōg ō yazišn mad u =š rasēd
34.0
tan =ēw šnāyišn ī nām andar nē abāyēd tā zōt pad wāzgīrišnīh ī pad frastuyē bē šawēd
35.0
ā =š hamāg frastuiiē bun abāz kunišn u =š frāzgōwišnīh
36.0
ka zōt pad wāzgīrišnīh ī pad frastuiiē bē šawēd aṣ̌əmvohū se frauuarānē mazdaiiasnō čē gāh dārēd ud šnūman abāz ōšmurēnd u =š wāz frāzgīrišn x az bunīh
37.0
ka rāspīg wāz gīrēd bē ka harw se wēnēd tā nē šāyēd zōt ātaxš ud barsom
38.0
pas ka ēk wēnēd ā šāyēd
39.0
ast kē ēdōn gōwēd hād u =š az bunīh ēk wēnēd šāyēd
40.0
pas ka wāng āšnawēd šāyēd
41.0
ka wāz gīrēd ā =š wāng ēdōn kunišn kū ka =z pad tan =ēw kird āšnawēš ud ka pad ēwkardagīh frāz āšnawēnd ā =z šāyēd
42.0
farrox guft rāspīg ka wāz gīrēd ān xūbtar ka abestāg andar āhang gōwēd
43.0
zōt dast pad barsom dārišn ātaxš ōh sōzēnišn
44.0
u =š ēd ēdōn guft kū pad drōn wāz ī az pas nē šāyēd ī pad yašt
45.0
ā =m nē rōšnag
46.0
pad yašt wāz az harw gyāg pādixšāy dādan bē pad bišāmrūd ud srišāmrūd ud čahrušāmrūd ud šnūmanwizārišnīh ud vīspāi
47.0
ast kē kadāriz =ēw abestāg pad tan =ēw gōwēd
48.0
hād ān gyāg kū ēk bār pādixšāy dādan was bār bē pādixšāy dādan bē pad aṣ̌aiia nō paiti.jamiiāt̰ abbreviation aməṣ̌a spəṇta ō pēš čē az ān gyāg was bār bē pādixšāy dādan
49.0
ka zōt pēš az abestāg ī pad ātaxš sar wāz bē gōwēd ā =š nē wizārd bawēd
50.0
ast kē ēdōn gōwēd hād wizārišnīh bawēd
51.0
ka zōt pad yašt ī pad ātaxš sar xwarišn xwarēd ā =š gumānīg ud nē wizārd bawēd
52.0
ast kē ēdōn gōwēd ay wizārd =iš bawēd
53.0
ka =š wād =ēw bē āyēd u =š wāz bē gōwišn u =š wāz abāz gīrišn u =š ēdōn bawēd čiyōn az bunīh
54.0
ast kē ēdōn gōwēd hād xwarišn =ēw ō pēš nēst kas ōh rāyēnišn u =š gumānīg wizārd bawēd
55.0
ka zōt pad yašt ī pad ātaxš sar gumānīg bē bawēd ud pad kardag mad ēstēd u =š yašt =ēw abāz kirdan abāyēd ud ābān zōhrag pas ōh yaštan
56.0
ka zōt pad yašt ī pad ātaxš sar wāz bē gōwēd rāspīg kird =iz ān zamān ud ān gyāg
57.0
pas =iz ān gyāg ēdōn bawēd čiyōn zōt aṣ̌əmvohū se aiβi.gərəδmahi apąm vaŋᵛhinąm
58.0
ān zamān nē ān gyāg bawēd ayāb pas rasēd ā =š bē škennišn ud zōt zūd abāz bawēd
59.0
zōt zūd abāz bawēd aṣ̌əmvohū se frauuarānē mazdaiiasnō zaraϑuštriš čē gāh dārēd ud šnūman abāzōšmurišnīh u =š wāz abāzgīrišnīh
60.0
dād ī farrox pus guft hād az pōryōtkēšān ēn nērang x mānēd kū zōt pad yašt ī pad ātaxš sar wāz bē gōwēd ud šnūman abāz nē ōšmārēnd
61.0
surunaōiti zaōta upasraōtaranąm
62.0
niyōxšēd zōt abarsrūdārān kū zōt gōš dārēd kūtā rāspīg andar dōspurrnām ī man bawānd
63.0
nōit̰ upasraōtārō zaōtarō
64.0
nē abarsrūdārān ōy ī zōt kū rāspīg gōš nē dārēnd
65.0
zaōta ratufriš
66.0
zōt radīhā u =š az rāspīg abar ōh āyēd
67.0
aētauuatō upasraōtārō yauuat̰ fra.marəṇti
68.0
ānand =šān abarsrūdārān čand frāz ōšmurēnd kird ī xwēš
69.0
surunuuaṇti upasraōtārō zaōtarō
70.0
niyōxšēnd abarsrūdārān abar ō ōy ī zōt kū rāspīg gōš dārēd kūtā andar dōspurrnām andar ōy ī zōt bawēm
71.0
nōit̰ zaōta upasraōtaranąm
72.0
nē zōt abarsrūdārān kū zōt gōš nē dārēd
73.0
upasraōtārō ratufriiō
74.0
abarsrūdārān radīhā kū =šān az zōt abar ōh āyēd
75.0
aētauuatō zaōta yauuat̰ fra.maraite
76.0
ānand =iš čand zōt frāz ōšmārēd kird ī xwēš
77.0
āzādmard guft hād ēd ka dōspurrnām ēd ka nē andar dōspurrnām ā =šān hamē ēk az did pad ān zamān abar šawēd ka ēk =ēw az ōy ī did gōš dārēd
78.0
māhgušnasp guft hād ēn nē andar dōspurrnām tā hamē andar dōspurrnām gōš dāštan kār nēst
79.0
ka hamē pad panǰ mard yašt =ēw andar dōspurrnām zōt ul grift ā =šān harw ēk =ēw panǰ kird bawēd pad zōt
80.0
ǰuddādestān būd hēnd
81.0
ast kē pānzdah gōwēd ast kē wīst ēk =ēw gōwēd ud ast kē wīstpanǰ gōwēd
82.0
abarg guft hād mard =ēw abēgumān ka drōn =ēw pādyāb pad nērang xūb frāz sāzēd ud ruwān dōšāram rāy bē yazēd ā =š tanāpuhr =ēw kirbag
83.0
harw kē ān gyāg bawēd ud drōn wāz gīrēd ud xwarišn xwarēd ā =š tanāpuhr =ēw kirbag
84.0
drōn ōh bawēd ka aṣ̌aiia daδąmi andar dōspurrnām ī ōy ī zōt bē gōwēd ā =š kirbag ī aṣ̌aiia daδąmi dōgānag ōh bawēd kū ēn ī abārīg drōn
85.0
dōgānag ōh bawēd ayāb ʾpp nē ā =m nē rōšnag
86.0
rōšn guft hād mard =ēw gumānīg ka mazdēsn waččag adwadād rāy ōh yazēd ā =š tanāpuhr =ēw kirbag
87.0
sraōϑra nā gāϑanąm ratufriš
88.0
mard ī rāspīg gāhān srāyišn radīhā
89.0
paiti.astica yasnahe aδa fšūšō mąϑrahe
90.0
padēstišnīh ī ēsn ka gōš dārēd ēdōn fšūšmānsr tat̰ sōiδis ka gōš dārēd
91.0
ahe zī nā srauuaŋhō aframərəṇti āstriieite yaϑa gāϑanąmcit̰
92.0
čē mard awēšān sraw abestāg pad tan =ēw afrāzōšmurišnīh āstārēd ka manō.marətanąmca nē kunēd čiyōn gāhān =iz ka vacō.marətanąmca nē gōwēd
93.0
hād harw ān abestāg ī zōtān pad tan =ēw gōwišn rāspīg gōš dārēd ud ān ī rāspīg pad tan =ēw gōwišn zōtān gōš dārišn
94.0
ka nē dārēnd ā =šān naskhilišnīh kird
95.0
rāspīgān ēk andar did =ēw radag kird ēstēd
96.0
ka zōt srōš srūd srōšāwarz ul ō pāy ēstēd
97.0
ka ātaxš ī warahrān ān gyāg pad gyāg pas abāz nē hilišn
98.0
pad ēn tis zōt srōšāwarz
99.0
gāϑā̊ srāuuaiiō yasnəm yazəṇtəm paiti.štāiti
100.0
gāhān srāyēd ēsn pad yazišn abar niyōxšēd
101.0
vīspaṇąm gāϑanąm ratufriš
102.0
harwisp =iš gāhān radīhā
103.0
yasnəm yazāiti gāϑanąm srāuuaiiamnanąm paitišti
104.0
ēsn yazišn yazēd gāhān pad srāyišn abar niyōxšēd
105.0
yasnahe aēuuahe ratufriš aratufriš gāϑanąm
106.0
ēsn =iš ēwtāg radīhā u =š aradīhā gāhān
107.0
hād pad hamāg čāštag ān zamān bawēd ka wāzgīrišnīh ay pad hōm kōftan sar nē hišt ēstēd ēdōn čiyōn āzādmard hamdādestān bawēd kū rāspīg ka =z abestāg čand čahrušwadag ī gāhān bē hišt ā =š ān yazišn nē pēš ud nē pas nē bawēd x
108.0
ka abestāg ī =z rāspīgīh andar nē kird ēstēd ayāb pad yā š́iiaōϑənā yā vacaŋhā sar wāz bē gōwēd wāz abāz gīrēd
109.0
ēsn ka bē niyōxšēd ēd paydāg bawēd kū pad humatanąm ēd paydāg bawēd kū ka bišāmrūd bē hišt ka =š bišāmrūd pad =iš andar āyēd ud ēd ka srišāmrūd pad =iš andar āyēd ud ēd ka čahrušāmrūd pad =iš andar āyēd ud ēd ka =š wāzgīrišnīh pad =iš andar āyēd―ā =š hamāg yazišn ōh bawēd
110.0
ka =š wāzgīrišnīh bē hišt x ka wāzgīrišnīh pad =iš andar āyēd tā =š yazišn nē bawēd
111.0
gōgušnasp guft hād rāspīg and čand gōwēnd ā =šān kirbag ī yazišn ōh bawēd
112.0
u =š az ēn gyāg paydāgēnīd
113.0
yā gāϑā̊ afsmainiiuuąn srāuuaiiatō uuua ratufriš
114.0
ka dō mard =ēw gāhān gāhsrāyišn srāyēnīd zōt =ēw ud rāspīg =ēw harw dō radīhā
115.0
vacastaštiuuat̰ srāuuaiiatō aēuuatō katarascit̰ ratufriš yauuat̰ fra.marəṇti
116.0
ka pad wezest srāyēnīd ānand =šān kadāriz =ēw radīhā čand frāz ōšmurēnd kird ī xwad
117.0
hād pad hamāg abestāg ī dōspurrnām kār bē āwarēd ǰudwezest
118.0
abārīg abestāg pad ǰudkardag ud pad ǰudpargard
119.0
ka ēk bun ī wezest dārēd ud ēk sar ī wezest andar dōspurrnām
120.0
māhgušnasp guft hād andar hamgāϑr =iz dōspurrnām nēst
121.0
dōspurrnām paymānag ahiiā yāsā nəmaŋhā ustāna.zastō ka ēk ahiiā yāsā ud ēk nəmaŋhā dārēd
122.0
ān xūbtar ka pad hakat̰ gōwēnd
123.0
ka dō ēk =ēw pēš ān xūbtar ka zōt pēš
124.0
ka rāspīg pēš ēd =iz šāyēd
125.0
yā yasnəm yazatō afsmainiuuąn vā vacastaštiuuat̰ vā uuua ratufriia
126.0
ka dō zōt ēsn yazēnd pad gāϑr ud wezest harw dōēn radīhā
127.0
hąm.srut̰.vācaiiāδa yazatō uuua aratufriia
128.0
ka pad hamniyōxšišnīhgōwišnīh yazēnd kū ēk ō did gōš dārēnd harw dōēn aradīhā
129.0
kat̰ hąm.srut̰.vācimca
130.0
kadār hamniyōxšišnīhgōwišnīh
131.0
yat̰ hakat̰ āmrutō afsmainiuuąnca vacastaštiuuat̰ca
132.0
ka pad ham gōwēnd gāh gāϑr ud wezest
133.0
auui aniiō surunuuaiti nōit̰ aniiō
134.0
abar ōh any āšnawēnēd nē any
135.0
aēšō ratufriš yō nōit̰ aiβi.srunuuaiti
136.0
ōy radīhā kē nē abar āšnawēnēd
137.0
ēn az abestāg paydāg
138.0
any bawēd ka dō zōt ēsn pad nigerišn pad hakat̰ bē kird u =š pad ēw sar bē kird
139.0
ud hamāg wāzag ēw gōwēnd ēd =iz ǰuttar nēst u =š yazišn sar bē kunišn
140.0
rāspīg nē bawēd ud abārīg abestāg nē ōh bawēd
141.0
ast kē ēdōn gōwēd hād pad rāspīgān ōh bawēd ud pad abārīg abestāg ōh bawēd dēwēzagīh ī tanāpuhragān
142.0
ēn kū yazišn bē kunišn ayāb nē ā =m nē rōšnag
143.0
yō gāϑanąm anumaiti vā anu.mainiiete
144.0
kē gāhān pad abarmenišn abar menēd kū ōh sahēd ōh menēd
145.0
ainiiehe vā srāuuaiiaṇtō paiti.štaṇti
146.0
ayāb ō any ōy pad srāyišn abar niyōxšēd kū kas =ēw gōwēd ud ōy gōš dārēd
147.0
aniiō vā hē dahmō srutā̊ gāϑā̊ daδāiti ratufris
148.0
ayāb ō ōy any dahm ī =š gāhān srūd dahēd radīhā hād kū =m yašt kird u =m ō tō dād
149.0
asrutā̊ daδāiti
150.0
ī =š asrūd dahēd radīhā hād fradāg tō rāy yašt =ēw kunēm
151.0
mard ka abēr tuwānīg yazišn pad mizd pādixšāy kirdan harw dōēn kirbag ōh bawēd
152.0
pad drahm =ēw bē dahēd harw dōēn radīhā
153.0
kehīhā kirbag ōh bawēd
154.0
ast kē ēdōn gōwēd hād ōy kē ōh kird ā =š pad any zamān bawēd ka =š ǰud az mizd tuwān hēh kirdan ā =z kunēh
155.0
mard ka abēr tuwānīg xrafstar ī grift pad wahāg frōxtan pādixšāy harw dōīn dō kirbag ōh bawēd ōh griftan rāy ud ōh ōzadan rāy
156.0
ōzadan kirbag kird ēstēd griftan nē kird ēstēd ān =iz xwārtar nē bawēd
157.0
ka drahm =ēw pēš bē dahēd ō harw dōēn ōh bawēd
158.0
xrafstar pad mehdādestān pādixšāy dāštan xwarišn bē pad margīh ud rixtagīh tā nē pādixšāy dādan
159.0
ēn ka dahēd ēn čiyōn xāk =ēw ud gil =ēw ka =š kas bē stānēd apparag nē bawēd bē zyān wizārišn
160.0
yō gāϑā̊ srāuuaiieiti apō vā paitiš.xᵛaine
161.0
kē gāhān srāyēd abar az ān ī ābān wāng kū wāng az āb āyēd
162.0
raōδaŋhō vā kərəsanąm vā gaδōtinąm vā
163.0
ayāb tanrōdagān kū andar rōdkadag ōftēd ud wāng az rōdkadag āyēd ayāb kilisyāgīhā kū wāng az kilisyāgīhā ud gadagistān kū wāng az dušox āyēd
164.0
gaēϑanąm vā vāsaiiatąm
165.0
ayāb gēhān abar pad āyišnīh āyēd kū uštar abar āyēd
166.0
yezi huuaēibiia ušibiia aiβi.surunuuaiti ratufriš
167.0
agar pad ān ī xwēš ōš abar āšnawēd radīhā
168.0
yezi āat̰ nōit̰ huuaēibiia ušibiia aiβi.surunuuaiti apaiiāt̰
169.0
agar ān nē pad ān ī xwēš ōš abar āšnawēd ayāb bē ayābēd kū bē ē barēd
170.0
yezi apōit̰ āat̰ nōit̰ apōit̰
171.0
agar bēayāftār kū =š bē tuwān burdan agar nē bēayāftār
172.0
aētaδa maδēmiia vaca fra.marəmnō ratufriš
173.0
ēdōn pad ān ī mayān gōwišn frāz ēw ōšmārēd radīhā
174.0
ēn az abestāg paydāg
175.0
any bawēd ka yazišn andar kirdan wāng pas rasēd ka =š bē tuwān burdan bē barišn
176.0
ka nē aētaδa maδəmiia vača ka az bunīh ī wāng ān gyāg yazišn ō puhl nē šawēd ud nē kunišn ud any ō puhl šawēd ā =m nē rōšnag
178.0
abarg guft hād x bē nē hilēnd
179.0
ēn kū čiyōn bawēd kū bēayāftār ud čiyōn bawēd kū abēayāftār
180.0
ka ātaxš ud ātaxšgāh ud barsom ud barsomdān bē tuwān burdan bēayāftār ka nē nē bēayāftār
181.0
cuuat̰ nā nitəma vaca gāϑā̊ srāuuaiiō ratufriš
182.0
mard čand nidom pad gōwišn gāhān pad srāyišn radīhā
183.0
yat̰ hē nazdištō dahmō vī.surunuuaiti yauuat̰ vā naēməm hauuaēibiia ušibiia
184.0
čand ān ī nazdišt dahm abar āšnūd kū ēk ka nazdišttar bawēd āšnawišn ayāb čand ān ī nēm ān ī xwēš ōš
185.0
griftan ī drōn
186.0
hād ēn az ān ī pas paydāg kū ēn drōn čē ān ī yat̰ hē hauuaēbiia ušibiia pad mādagwār šāyēd čē ān ī pad ēč =ēw šāyēd
187.0
drōn ēn se tis kirdan ud sāxtan ud yaštan
188.0
harw čē ǰōrdā sardag šāyēd gandumagēn weh ast az ān gyāg paydāg gaṇtumō yauuanąm ratufriš ay čē gandum ǰōrdāyān rad
189.0
ārd ī drōn rāy pad pādyābtar dārišn
190.0
ka =z az wāzār bē xrīnēd ā šāyēd
191.0
abarg guft x kū hōšag pad pādyāb bē čīnišn ud pad pādyāb bē ārišn
192.0
andar harw čē srēšēd ka nē hixrōmand ā šāyēd
193.0
ka ōh srēšēd ā =š pādyābīh
194.0
ā ul stānišn ud nō burrag andak =ēw andar kunišn
195.0
ast kē ēdōn gōwēd hād burragīh nē čē gil
196.0
drōn ānand kunišn čand andar rōz kār andar =iš šāyēd kirdan
197.0
frasast tā ō se ēk ī drōn kirbag ōh abzāyēd ud az ān frāz nē abzāyēd
198.0
sudāb ō harw dō gyāg ōh nihišn ud gōšudāg ud tarragīhā
199.0
ast kē ēdōn gōwēd hād sudāb ǰuttar nēst kū abārīg tarrag =ēw
200.0
padišxwar pēš ī drōn frāz nihišn
201.0
may šāyēd ud hur =iz šāyēd
202.0
sadagīg =iz ka trufšag ā šāyēd
203.0
ka āb abar ā šāyēd
204.0
kayādurbōzēd guft and āb andak =ēw abar kunišn hād čē =š ān sāzišn =ēw
205.0
sik nē šāyēd pad =iš
206.0
pad hamčašmīh ān xūbtar ka purr
207.0
ka wēšistagīh ān xwēš
208.0
ābgīr azēr may bē nihišn sprahm azabar may bē nihišn abarsar az kust ī dašn
209.0
ast kē az harw kust gōwēd
210.0
tarrag ud mēwag andarg ī may may ud frasast bē nihišn u =š sar ō barsom rōn kunišn
211.0
u =š esm bōy se tāg az dašn bē nihišn ud abārīg harw =iz ōh kāmēd yaštan az kust ī dašn
212.0
ka šāyēd ān xūbtar ka grih ī barsom abāg gōšudāg rāst
213.0
ka nē ā =š ēdōn kunišn kū pad bun ī barsom ud hōy abāz x tis be nē ēstēd
214.0
čē ka bun ī barsom ud hōy abāz ēstēd ā =š nē yašt bawēd
215.0
abarg guft hād harw čē pad may ud frasast bē ēstēd ā =š nē yašt bawēd
216.0
ka ōh yazēd pad kūn frāz nišīnišn u =š xwāstag bē nigerišn u =š pad menišn pas abzūdan ud kāstan nē pādixšāy
217.0
ast kē ēdōn gōwēd hād abzūdan pādixšāy ud kāstan nē pādixšāy
218.0
māhgušnasp guft hād ēdōn čiyōn ōh yazēd ā =z ōh nigerēd ā šāyēd
219.0
barsom stānišn ud ō hōy nihišn
220.0
ēk čāštag ēk kardag abrāstag nē dārišn ud nibāstag nē dārišn ēdōn frāzčašmagīh ī mard rāy čē nērang ī drōn rāy
221.0
drōn sāzag ud padišxwar ēdōn pad pādyāb bē kunišn kū ka =š barsom abar rasēd ā šāyēd
222.0
bē x hōšēnišn
223.0
hōšēnīdan nē šāyēd ā nē šōyišn čē hušk ī apādyāb weh kū xwēd ī pad pādyāb
224.0
drōn sāzag ān xūbtar ka az bunīg ǰudkardag
225.0
ka tarragīhā ul āyēd ā šāyēd
226.0
ka mēzag =ēw frōd wistarēd u =š abar bē sāzēd ā šāyēd
227.0
giyā ka bē kanēd u =š abar bē sāzēd ā šāyēd
228.0
ka nē kanēd ā nē šāyēd
229.0
tarrag ud mēwag ēdōn pad pādyāb bē čīnišn kū ka barsom abar rasēd ā šāyēd
230.0
ud az drōn ōh pahrēzišn
231.0
ka ō drōn rasēd ānand pādyābīh čand drōn ast ā ān nēst
232.0
drōn ul ō mayānag ī drōn sāzag nihišn
233.0
ēdōn kunišn kū az drōn sāzag bē nē ēstēd čē drōn ka az drōn sāzag bē ēstēd ā nē xūb
234.0
barsom ka pad wistarišn bē ēstēd ā nē šāyēd
235.0
gōšudāg ka pad pādyāb abāg drōn ul ō mayānag ī drōn nihišn
236.0
ka wēš ayāb kem ka ul ō tis =ēw nihēd ud ul ō mayān ī drōn nihēnd ā šāyēd
237.0
ka pēš drōn frāz nihēnd ā =z šāyēd
238.0
gōšudāg ka =z abēr was pas =iz drōn hamāg bē nē nihumbišn
239.0
frasast az kust ī dašn bē nihišn
240.0
ka pēš frāz nihēd ā =z šāyēd
241.0
pad kamistagīh hambun =iz wēšistagīh =iz and čand drōn pahnā
242.0
harw čē ō drōn nihišn ā =š frasast =iz ōh nihišn
243.0
ast kē ēdōn gōwēd hād ēk sīr nihišn u =š anī =z ān sudāb nihišn
244.0
drōn kanārag ul kunišn ud frasast nē kunišn ud harw dō bē abzāyišn x
245.0
drōn ud frasast ēdōn bē abzāyišn kū =š sūrāg bē kust ī did nē bawēd
246.0
čē kē =š bōdōzed =ēw gōwēd ā =š ēk =ēw gōwēd
247.0
abar harw čē brēzēd ka nē hixrōmand ā šāyēd
248.0
ka brišt pad dast ul griftan nē stānišn ud abāz ō im gyāg nē nihišn čē nūn pad pādyābtar dārišn
249.0
ka apādyāb bē bawēd ēdōn abāz šāyēd tāftan kū =š hamāg gyāg tābišn abar rasēd ā pad pādyāb dārišn
250.0
ast kē ēdōn gōwēd hād ka apādyāb bē bawēd ā pad pādyāb nē šāyēd dāštan
251.0
pas =iz pad drōn bē paydāgēnišn čē drōn =ēw afsard ī apādyāb weh kū nān =ēw garmōg ī pādyāb
252.0
hamāg nān ēk nān ā =š any frasast rāy az =iš bē nē škennišn čē kē =š bōdōzedīh gōwēd ā =š ēk =ēw gōwēd
253.0
ka bē tābīhēd ayāb bē sōzēd ayāb bē hōšēd pādyābīh wehīh pas dīdan ud pas xwārom
254.0
ast kē ēdōn gōwēd hād xwāromīh weh kū dīdan
255.0
ādurbād ī dādfarroxān guft hād kū garmōgīh weh
256.0
hāwištān ī baxtāfrīd guft hād ēwkardagīh weh
257.0
gōgušnasp guft ay ka wēšārdīh ān gyāg ēč tis āmār nēst čē pad dō kirbagīh uskārd ēstēd ēk yazišn ud ēk myazd
258.0
ka ōh sāzēd gyāg ka =z abēr pāk pas =iz andak =ēw bē rōbišn ud bē paššinǰišn
259.0
ud bāliš =ēw dōnāy x ān gyāg bē nihišn
260.0
nē =z kāmag ī mard rāy bē nērang ī drōn rāy āyēd ā šāyēd
261.0
abarg nōg gyāg harw se guft wehšābuhr kardag =ēw
262.0
ēdōn čiyōn wehšābuhr dādestān būd pad drōn ī nōg gyāg pas kār pad yaštan ī ān ī pēš
263.0
ka =š yašt u =š gāh ī pēš pad =iš andar āyēd ēn kū čand bē pādixšāy pādan ay aṣ̌aiia daδąmi xᵛarəϑəm miiazdəm hauruuata amərətāta
264.0
ast kē se drōn drahnā gōwēd
265.0
māhgušnasp guft hād ka ēdōn x ōh rasēnd kū wāz gīrēnd ǰuttar nē
266.0
pad ān ī dō yatāhūwayryō frasast ud abzār ī frasast bē nigerišn
267.0
ast kē ēdōn gōwēd hād tā ō ān gyāg ka bun nē bawēd ā =z šāyēd
268.0
pad frasasti ahurahe mazdā̊ frasast abar gōšudāg abāz widārišn
269.0
ka drōn purr gōšudāg bē ēstēd frasast ul ō mayān ī drōn nihišn
270.0
pad aṣ̌aiia nō paiti.jamiiāt̰ rāspīg abāz ō pāy ēstēd u =š xᵛarata narō bē gōwišn harw yazišne
271.0
ast kē harw myazd =ēw gōwēd
272.0
ka ō aṣ̌aiia nō paiti.jamiiāt̰ čē barsom nē pad nigerišn apādyāb bē bawēd ast rāspīg ī čāšnīg kird ast ī nē kird ēstēd barsom bē šōyēd ud bē rāyēnišn
273.0
zōt ān ī čāšnīg kird ā pad xūb ud ān kē nē kird ā nē kunišn
274.0
barsom ī drōn hamāg bē šōyišn ud ān ī yašt ānand gyāg kū hixrōmandīh bē rasīd
275.0
ān kē čāšnīg kird ā =š bē omission ud ān kē nē kird ā =š nē kunišnīh
276.0
ka ō aētąm ā yātumanahe mad u =š xwaršēd nē yašt ēstēd u =š ul ō pāy ēstišn u =š nəmō ahurāi bē gōwišn u =š x frōd nišēnišn u =š aṣ̌əmvohū se bē gōwišn
277.0
pad harw dō ō mar āyēd pad ōy kas bawēd kē =š bārestān ēn frōdmānd ī kamist ēstēd ayāb pad ačāragīhā bawēd
278.0
ka =š drōn sar bē kird barsom nē pad nigerišn apādyāb bē bawēd ā šāyēd
279.0
ka hixrōmandīh bē rasēd ka =z nē pad nigerišn ā nē šāyēd
280.0
gōgušnasp guft hād ka =š drōn sar bē kird barsom nē āmār
281.0
ast kē ēdōn gōwēd hād čāšnīg kirdan kār ī pad barsom pas guft bawēd kū nē šāyēd
282.0
ka =š sar kird ud barsom gyāg =ēw bē kāmēd burdan ā =š harw tis =ēw abāg bē omission ast kē ēdōn gōwēd ay ka apādyāb =ēw čāšnīg burd ā šāyēd
283.0
ka =š drōn sar kird ud tis az ān rasēd ī =š čāšnīg kirdan nē šāyēd drōn pad drōnīh nē šāyēd ud barsom ud drōn pad =iš nē hangārišn
284.0
kirbag ī drōn ōh bawēd ka =š drōn sar kird
285.0
ēn kū =š čand bē pādixšāy pādan tā čāšnīg kunēd
286.0
ay āwarišn ud barišn
287.0
ast kē se bār gōwēd ast kē ēdōn gōwēd hād wehšābuhr pad myazd bē mad u =š pas čāšnīg omission
288.0
ka dārūg =ēw ōh kāmēd xwardan ud ka dārūg az ān kē pad xwardan mehmān ā =š pēš drōn frāz nihišn ud fradom čāšnīg az dārūg kunišn
289.0
abarg guft hād ānand čāšnīg čand az drōn kird
290.0
ōh drōn nē yazīhēd
291.0
barsom az dašn stānišn ud pad hōy nihišn
292.0
ēk čāštag ēk kardag abrāstag nē dārišn ud nigūn nē dārišn
293.0
ēdōn frāz dārišn u =š baččag abar andar nihišn
294.0
ēn kū čand pad dast abāz ēstēd ā šāyēd
295.0
ast kē gōwēd ā šāyēd x
296.0
u =š xšnaōϑra bē gōwišn
297.0
ka =š nē ranǰagīhā ā =š abestāg hamāg az pāy gōwišn bē xšnaōϑra ud aməṣ̌a spəṇta
298.0
ka =z =iš ranǰagīhā ēn and az pāy gōwišn bišāmrūd ud srišāmrūd ud šnūmanwizārišnīh ud wāzgīrišnīh ud iϑā āat̰ yazamaide kardag =ēw
299.0
ka =š ranǰagīhātar ka hamāg nišīnān gōwēd ā =š nē tarmenišnīhā
300.0
u =š pad xᵛarəϑəm miiazdəm fradom harw tis =ēw bē nigerišn
301.0
pad hauruuata amərətāta drōn ud frasast pad gāuš hudā̊ gōšudāg pad āpe may pad uruuara ān ham ī hauruuata amərətāta ast kē tarrag ud mēwag gōwēd pad aēsma baōiδi esm ud bōy u =š pad xᵛarəϑəm miiazdəm kē šnūmanwizārišnīh ō pēš ēstēd ǰud az frasast ud abzār ī frasast harw tis nigerišn pad ima humatāca hūxtāča pad āsāyišn harw tis =ēw bē nigerišn
302.0
pad iϑā harw tis =ēw pad xwarišn mehmān bē nigerišn pas ka nihuft ēstēd ā =š weh
303.0
ast kē ēdōn gōwēd ay hād āsāyišn ast bē nigerišn ayāb pad wāzag gumānīg bawēd ayāb tis =ēw ō drōn rasīd ī =š ōh kāmēd yaštan
304.0
ka az wezestdrahnā bē šawēd ā =š drōn bun abāz kunišn
305.0
ka wezestdrahnā šawēd u =š abāz gōwēd wezestdrahnā
306.0
yatāhūwayryō pad gōwišn tā šnūman harw ul pāy ēstēd
307.0
u =š ēn kū =š čāšnīg az čē pēš kunišn ā =m nē rōšn
308.0
pēš az drōn ud gōšudāg pas az frasast ud gōšudāg ud pas az may
309.0
ast kē ēdōn gōwēd hād čē az harw čē kunēd ā šāyēd
310.0
ast kē ēdōn gōwēd ay ka harw se pad ēk bār kunēd ā šāyēd
311.0
ka zōt az anī =z tis čāšnīg pēš kunēd kū az drōn ayāb anī =z kas az drōn čāšnīg pēš kunēd kū zōt ayāb nōit̰ hiš barōit̰ upa karšəm kird ayāb =iš pāy azabar abāz nihēd x x andar sūrāg =ēw abāz nihišn ayāb =iš sar ō abāxtar rōn kird ēn hamāg nē xūbīh
312.0
gōgušnasp guft ēn se nē šāyēd ka zōt az anī =z tis čāšnīg pēš kunēd kū az drōn ayāb anī =z kas az drōn čāšnīg pēš kunēd kū zōt ayāb =iš nōit̰ hiš barōit̰ upa karšəm kird
313.0
ēn se ud čahār aṣ̌əmvohū anēraxt čāšt ēstēd
314.0
zōt ka iϑā aṣ̌əmvohū gōwēd ā nē šāyēd
315.0
ka aṣ̌əm iϑā gōwēd ā nē šāyēd
316.0
rāspīgān pēš ud pas
317.0
ān ī čahār aṣ̌əmvohū čahār ud nēm gōwēd ā nē šāyēd
318.0
ast kē pēš ud pas gōwēd
319.0
vasasca ud aməṣ̌a ka nē pad nigerišn ud ka dō bār abāz gōwēd ā nē šāyēd
320.0
abārīg abestāg wezestdrahnā ā nē šāyēd
321.0
ast kē ēdōn gōwēd hād ka gāh =ēw rōz māhīgān ud ardāfraward gōwēd ān ī abārīg ka ēk nē pad nigerišn bē gōwēd ā šāyēd
322.0
sōšyans guft hād ka =z ahurahe mazdā̊ gōwēd šāyēd
323.0
yōi aēte maiδiianąm parō xᵛarətōit̰ gāϑā̊ nōit̰ srāuuaiieiṇti
324.0
awēšān kē az mayxwarišnīh bē gāhān nē srāyēnd
325.0
may xwarēnd mast be bawēnd ud gāhānbār nē yazēnd
326.0
paōiriia varšta aēšąm š́iiaōϑanəm aciϑōirištəm
327.0
pad fradom warzišn awēšān kunišn atōzišn kū margarzān
328.0
ā bē kunēnd abāz u =šān ō bun nēst
329.0
tat̰ xᵛarənō bāδa asti
330.0
ān =iz xwarišn ast kū ōh agar ēdōn xwardan
331.0
dahmō hurąm xᵛaraiti maδō aspiia paiiaŋhō
332.0
ka dahm hur xwarēd may ī han =iz asp pēm
333.0
dāitiia draōnā̊ xᵛarō maδaite
334.0
dādīhā sūr xwarēd pad paymān dādīhā sūr xwarēd xwēškārīhā az =iš mayēnēd
335.0
nōit̰ gāϑanąm asruiti āstriieiti
336.0
nē gāhān pad asrāyišnīh āstārēd kū ka gāhānbār nē yazēd wināhgār nē bawēd
337.0
frāiiā̊ draōnā̊ xᵛarō maδaite
338.0
frahist sūr xwarēd apaymān frahist frahist sūr xwarēd axwēškārīhā az =iš mayēnēd
339.0
gāϑanąm asruiti āstriieiti
340.0
ān ī gāhān pad asrāyišnīh āstārēd kū ka gāhānbār yazēm wināhgār ōh bawēd
341.0
sōšyans guft hād se abismag ī xwarišnīh xwarēd ud se abismag ī abzāyišnīg andak =ēw abāz kāhišn
342.0
kayādurbōzēd guft ay hād dō abismag xwarēd ud andak =ēw ōh ō abzāyišn andak =ēw andak =ēw abāz kāhišn
343.0
gōgušnasp guft hād purr xwarišn purr abzāyišn
344.0
yō biš.hastrəm srāuuaiieiti ratufriiō
345.0
awēšān kē gāhān ī pad hanǰaman srāyēnd pad dō gundīh ast kē ēdōn gōwēd ay hād az kust =ēw ka dō wēš radīhā
346.0
ϑriš.hastrəm srāuuaiieiṇti aratufriiō
347.0
pad se gund srāyēnd ast kē ēdōn gōwēd ay hād kust =ēw ka se wēš aradīhā
348.0
cuuat̰ nitəməm hastrəm aŋhat̰ ratufritə̄e ϑriš
349.0
čiyōn nidom hanǰaman ast pad radfranāmišnīh pad gāh ī baxt
350.0
se mard
351.0
ēn az abestāg paydāg
352.0
gāh =ēw pad wisperad ī dwāzdahhōmāst ud rahwōbirzad ud ardāfraward bawēd
353.0
ast kē ēdōn gōwēd ay ēwāz =ēw pad wisperad ī ardāfraward bawēd
354.0
pad xānag yazdānīgān pad ēkhōmāst ō sar baxšēnd
355.0
ka ayār šaš mard ā nē baxšišn
356.0
ka ayār šaš mard ast zōt hāwanān ud frabardār az kust =ēw ātarwaxš āburd ud srōšāwarz az kustag =ēw
357.0
ka dō wēš ā šāyēd
358.0
ka se wēš ā nē šāyēd
359.0
ka az kustag ēk =ēw wēš ān xūbtar ka az kustag ī zōtān
360.0
ka ayār bowandag mad ēstēd ud az bunīh ān čahār yatāhūwayryō nē srāyēnēd ā =š pas nē srāyišn
361.0
ka pas āyēd harw gyāg kū āyēd wāz frāz gīrēd bē srāyēd bē šawēd ā šāyēd
362.0
ka čahār yatāhūwayryō srāyēnēd ud gāh ī andar grift ēstēd srāyēd pēš pēš =iz šāyēd pas =iz šāyēd
363.0
andarg hištan nē šāyēd
364.0
andarg hištan ān bawēd ka ahunawaytgāh uštawaytgāh nē srāyēd pas spandmaytgāh srāyēd
365.0
andar grift bē ka bē srāyēd tā nē šāyēd bē ahunawaytgāh čē ān ka se hād srāyēd ā šāyēd
366.0
ka gāhān hamāg bē srāyēd harw čē gāhānīg bawēd ā =š bē x srāyišn ēn čiyōn isat̰.vāstrahe zaraϑuštrōiš nəmō
367.0
ka gāhān hamāg bē srāyēd ā =š pad wisperad hōm pad vīspā̊ gaēϑā̊ hunišn ayāb pad gāhān ī ušt pad dwāzdahhōmāst pad šaš pargard ǰud az kird bun
368.0
pad ēkhōmāst pad kardag ī mad ēstēd tā ō tāvə̄uruuātāhād
369.0
ud agar ān bē hilēnd ast kē tā ān gāhān ēstišn kirbag nē kird ēstēd x gōwēd ay ānand gōwēnd
370.0
ān ī dah rōz ī frawardīnagān ān panǰ rōz ī fradom šnūman ahurahe mazdā̊ raēuuatō xᵛarənaŋhatō abbreviation aṣ̌āunąm
371.0
sōšyans guft hād rōz šab abāg bē kunišn
372.0
ān panǰ rōz ī andar gāh šnūman ahurahe mazdā̊ abbreviation gāϑābiiō abbreviation aṣ̌āunąm
373.0
ān panǰ rōz ī andar gāh ā hamē pādixšāy kirdan
374.0
ast kē ēdōn gōwēd ay hād gāϑābiiō bē ān panǰ rōz tā nē pādixšāy kirdan
375.0
ān panǰ rōz bē yašt ī padīriftag ī gāhānbār ud sidōš ud gētīxrīd ud hōmdrōn tā pādixšāy
376.0
ān panǰ rōz ardāfraward pad yašt abāg gāϑābiiō abāg nēst ēn ēsn ustōfrīd bāzā
377.0
drōn ka ardāfraward nē pad yašt pad xwar
378.0
ān dah rōz ī frawardīgān panǰ rōz ī fradom šnūman ahurahe mazdā̊ abbreviation aṣ̌āunąm abbreviation yā̊ vīsāδa āuuaiiaṇti hād pad harw 2 šnūman abāz ōšmārēnd ēk ān ī bun andar frawardīgān ud ēk ān ī sar ī frawardīgān
379.0
ēk abarg guft hād ōh gōwišn ud ēk wehšābuhr ēk guft ōh gōwišn
380.0
āmār kū ay harw dō ōh gōwišn
381.0
ān dah rōz ī frawardīgān ka zōt pad yašt ī pad ātaxš sar ī wāz bē gōwēd ā =š ašemwohū se bē gōwišn u =š esmbōy tāg frāz ō ātaxš barišn
382.0
šab ud rōz ǰuttar nēst
383.0
ast kē ēdōn gōwēd ay hād ēwāz =ēw pad šab pad yazišn ī ardāfraward bawēd
384.0
ān ī dah rōz ī pad frawardīgān ān ī panǰ rōz ī fradom nōgnāwar šnūman ahurahe mazdā̊ abbreviation miϑrahe abbreviation vīspaēšąm aṣ̌aōnąm
385.0
ān panǰ rōz andar gāh ēd ahurahe mazdā̊ abbreviation miϑrahe abbreviation vīspaēšąm gāϑābiiō abbreviation aṣ̌aōnąm
386.0
ādurbād ī dādfarrox guft hād nōgnāwar pad frawardīgān wāz ǰuttar nēst kū pad rōz
387.0
yō gāϑā̊ pairi.uxšaiti srāuuaiiaṇti
388.0
awēšān kē gāhān abar pad abāgwāz pas srāyēnd
389.0
abar pad pattān ay yazišn ēdōn sāxt
390.0
ast kē ēdōn gōwēd hamtāg šawēnd
391.0
yezi arastrəm pairi.aōxta pairi.āδa vā
392.0
agar tanbān bē gōwišn bē gōwēnd
393.0
vaca vā apaiiēiti aratufriia
394.0
ud gōwišn ō gōwišn bē ayābēnēš kū =šān nē ranǰagīhā aradīhā
395.0
pasca vā parō vā pairi.āδa aratufriiō
396.0
pas ka pēš ud pas gōwēd kū fradom xšmaibiiā gōwēd ud ahiiā yāsā bē nē gōwēd aradīhā
397.0
hād harw ān abestāg ī andar wēn wēn dārišn ud barišn ud āwarišnīhā ayāb xuftagān gōwēd ā =š abāz gōwišn
398.0
ka nē gōwēd ay nē xūb ān rōz rāy
399.0
ka nē dānēd ā nē šāyēd
400.0
kaϑa zaōtā gāϑā̊ frasrāuuaiiāiti naēmō.vacastašta maδəmiia vaca zaraϑuštri mana
401.0
az kū zōt gāhān frāz srāyēd
402.0
nēmag ī wezest az bun ī wezest pad ān ī mayānag gōwišn pad gōwišnīh ī mayānag pad ān ī zardušt sāmān pad gāh ud wezest
403.0
yezica aēte vacō apaiieiti yōi həṇti gāϑāhuua bišāmrūta ϑrišāmrūtaca caϑrušāmrūtaca
404.0
ā agar awēšān gōwišn abar rawēd kū bē hišt kū kē hēnd pad gāhān bišāmrūd =iz srišāmrūd =iz čahrušāmrūd =iz
405.0
daēuuanąm kərəta
406.0
ay kē =z dēwān kirrēnišn ast ān ī bišāmrūd
407.0
ast kē ēdōn gōwēd hād kē =z gāhān kirrēnišn būd hēh ka =š guft hēh ān ī bišāmrūd
408.0
aētaēšąm vacąm aratufriiō
409.0
awēšān =iš gōwišn aradīhā
410.0
pad hamāg abāz
411.0
kaiia həṇti vaca bišāmrūta
412.0
kadār hēnd gōwišn ī bišāmrūd
413.0
ahiiā yāsā humatanąm aṣ̌ahiiā āat̰ yaϑā tū ī humāīm ϑβā īžīm ϑβōi staōtarascā uštā ahmāi spəṇtā mainiiū vohū xšaϑrəm vairīm vahištā īštiš
414.0
kaiia ϑrišāmrūta
415.0
kadār ast srišāmrūd
416.0
aṣ̌əm vohū yə̄ səuuištō huxšaϑrōtəmāi dužuuarənāiš
417.0
kaiia caϑrušāmrūta
418.0
kadār awēšān gōwišn kē hēnd pad gāhān čahrušāmrūd
419.0
yaϑā ahū vairiiō mazdā at̰ mōi vahištā ā airiiə̄mā
420.0
ēn abestāg ī pēš
421.0
any bawēd ka bišāmrūd srišāmrūd ud čahrušāmrūd pad gāhān hamē bē hišt
422.0
ā =š yazišn nē pēš nē pas nē bawēd
423.0
ka bišāmrūd hamē x ayāb srišāmrūd hamē ayāb x čahrušāmrūd x ayāb šnūmanwizārišnīh ayāb wāzgīrišnīh ayāb srōšbarišnīh ayāb srōšdrōn ayāb hōmyašt ayāb hōm kōftan ayāb yasn ayāb tat̰ sōidiš ayāb čahrušwadag ī gāhān ayāb gāh =ēw ī pad bun be hišt ā =š yazišn nē pēš nē pas nē bawēd
424.0
ēn hamē pad sūdagīh
425.0
tā hamē pad nigerišn wāzag =ēw bē hišt ā =š az ān frāz nē bawēd
426.0
ka pad tarmenišnīh wāzag =ēw bē hišt yazišn nē pēš nē pas nē bawēd
427.0
ka bišāmrūd bē hišt ēd ka bišāmrūd pad =iš andar āyēd tā =š wāzgīrišnīh bē andar āyēd ā =š hamāg yazišn ōh bawēd
428.0
ka wāzgīrišnīh bē hišt ka =š wāzgīrišnīh pad =iš andar āyēd tā =š yazišn nē bawēd
429.0
ka zōt wāzgīrišnīh =ēw bē hišt ā =š wāz abāz gīrišn u =š az ān frāz hamāg abāz gōwišn
430.0
ka zōt frāz ō wāzgīrišnīh mad ā =š bē pāyišn tā hamāg frāz rasēnd
431.0
ka nē pāyēd ud bē rāyēnēd wāzag ī tom guft guft ēstēd
432.0
abarg guft hād wāzag =ēw =š bē gōwišn u =š wāz gīrišn u =š ō abestāg ī zōt ēstišn
433.0
ast kē ēdōn gōwēd ay pad =iš tis ī xwēš ōh rāyēnišn harw ān gyāg kū frāz rasēd ā =š wāzgīrišnīh
434.0
ast kē ēdōn gōwēd ay harw gyāg kū mad ēstēd ā =š wāzgīrišnīh u =š bē ō abestāg ī zōt ēstēd
435.0
ka zōt wāz =ēw bē hišt ka dānēd ā =š wāz abāz gōwišn u =š abāz ō abestāg ēstišn
436.0
ka nē dānēd ā =š bun abāz kunišn ēd hampargard ēd ǰudpargard ā =z ǰuttar nēst
437.0
guft andar hampargard
438.0
ka dānēd ā =š abāz gōwišn u =š az ān frāz abestāg hamāg abāz gōwišn
439.0
ka nē dānēd ā =š pargard bunabāz kunišn pad ǰudpargard
440.0
ān =iz hamdādestān būd
441.0
kaŋhąm nā gāϑanąm srutanąm aratufriš
442.0
mard kadār gāhān pad srāyišn aradīhā
443.0
yā maēzō vā fra vā šāimnō srāuuaiieiti
444.0
ka mēzān ayāb riyān srāyēd
445.0
ka mēzēd ud riyēd pas srāyēd
446.0
aētaēšąm vacąm aratufriš
447.0
awēšān gōwišn aradīhā pas
448.0
aδaca uiti yaϑa kaϑaca dahmō staōta yesniia hauruua daδāiti
449.0
be ā =z ēdōn čiyōn ōh kadāriz =ēw dahm ī rāspīg stōdyasn hamēīgīh dahēd
450.0
kū abar dastwar būd ud bawēd
451.0
ast kē dahm zōt gōwēd
452.0
pauruuat̰ vā naēmāt̰ vā aparāt̰ vā
453.0
pēšnēmag yašt ī pad ātaxš ayāb pas yašt ī pad āb
454.0
aiiō vā taca vā hištəmnō vā ā̊ŋhānō vā paϑānō vā barəmnō vā vazəmnō vā aiβiiāstō aϑa ratufriš
455.0
ka rawān ayāb tazān ayāb ēstān ayāb nišīnān ayāb sayān ayāb barān ayāb wazān barō.aspō vazō.raϑō ka =š abar warm ēdōn radīhā
456.0
kayādurbōzēd guft hād ēn az abestāg paydāg
457.0
any bawēd ka zōt barsom nē pad sālār bē hišt
458.0
yazišn ī any sar kird aradīhā tā ka zōt barsom sālār bē hišt ā =š hamāg ō sar bē kunišn
459.0
sōšyans guft hād bē harwīn kār wizārīd ēstēd tā =š ō sar nē kunišn
460.0
wehšābuhr guft hād ka harw dōēn kār wizārd u =š ō sar kunišn =iz ī nēawestwārīh paydāgēnīd
461.0
pad harw se čāštag bawēd ka =š ō sar bē kunišn nōgnāwarǰadag rāy ayāb awēšān ān sraw nē warm ayāb ān ī abēgumān awēšān gumānīg hēnd
462.0
ēn kū čiyōn bawēd kū zōt barsom pad sālār bē hišt bawēd ka rāspīg =ēw abēgumān wāz gīrēd ud ātaxšgāh pad pādyāb bē kunēd ud dast bē šōyēd ul ō barsom nihišn
463.0
ast kē ēdōn gōwēd ay hād ka dast bē šōyēd ul ō barsom nihišn ā šāyēd
464.0
ast kē ēdōn gōwēd ay hād ka gōwēd ay ōš dār ā šāyēd u =š wāz pad war ī barsom bē gōwišn
465.0
sōšyans guft hād ka awištāb rāy pad rāh =ēw bē gōwēd ā šāyēd u =š nask ī pad čamišn ōh gōwišn
466.0
ka =š xwaršēd nē yašt u =š ōh yazišn ka yazišn ō sar bē kird ā =š sraw kem gōwišn
467.0
ka abāz ō yazišn āyēd ašemwohū se frauuarāne čē gāh dārēd āϑrō ahurahe mazdā̊ puϑra tauua ātarš puϑra ahurahe mazdā̊ xšnaōϑra tā sar u =š wāz gīrišn u =š aṣ̌əmvohū se bē gōwišn u =š ātaxšgāh pad pādyāb bē kunišn u =š abāz ō gāh ī zōtān šawišn u =š dast ul barsom nihišn u =š aṣ̌əmvohū se frauuarāne az =iš šnūman abāz ōšmārišn u =š wāzgīrišnīh ī pad yašt ī keh
468.0
abarg guft hād yaϑā ahū vairiiō yō zaōtā pad ān ī meh
469.0
wehšābuhr guft hād yaϑā ahū vairiiō yō ātarəuuaxšō abbreviation aϑā ratuš ēn kū ōy pad ān čiyōn ā =m nē rōšnag
470.0
ast kē ēdōn gōwēd yaϑā ahū vairiiō yō ātarəuuaxšō abbreviation yō zaōtā abbreviation aϑā ratuš
471.0
ka rāspīg sar bē kunēd ka wehīh hamē ōy weh
472.0
ka nē ātarwaxš yō bitiiō zaōtā
473.0
ka wēšabestāgīh ān gyāg tis =iz āmār nēst
474.0
u =š aṣ̌əmvohū se bē gōwišn u =š ātaxšgāh pad pādyāb bē kunišn u =š ō gāh ī zōtān šawišn u =š dast bē šōyišn u =š ul ō barsom nihišn u =š ō abestāg ī zōt ēstišn
475.0
ast kē ēdōn gōwēd ay ān =iz =iš aṣ̌əmvohū abbreviation yaϑāahūvairiiō dō andar rāh ōh gōwišn
476.0
ast kē ēdōn gōwēd ay hād frauuarāne dōīhā ōh gōwēd čē =š pad zōtīh nē guft ēstēd
477.0
hād pad hamāg čāštag pad ān zamān bawēd ka zōt pad frastuiiē ī bun bē šawēd tā ka zōt pad wāzgīrišnīh pad frastuiiē ī bun bē šud zōt ay ka bē namēd ay ka bē drāyēd ay ka kār =ēw wizārdan šawēd hamāg yazišn sar
478.0
māhgušnasp guft hād ka =š abestāg ī pad rāspīgīh andar kird ā =š yazišn sar bē kunišn
479.0
sōšyans guft hād zōt harw gyāg =ēw kū bē drāyēd az harw kas =ēw yazišn sar
480.0
ēdōn hamdādestāntar būd hēnd kū az zōt sar tā rāspīg ōh sar bē kunišn
481.0
ka gōspand pad yašt zōt ay ka bē namēd ay ka bē drāyēd ay ka ō kār wizārdan šawēd gōspand ka nē kušt ā nē kušišn
482.0
ka kušt ā zōhr nē dahišn
483.0
mard ka bē namēd ayāb ō wizārdan šawēd zōhr ōh dahišn
484.0
ka bē drāyēd ā nē dahišn
485.0
mard ka abestāg ī yašt ī drōn =ēw bē hišt zōhr dahišn
486.0
yaštdrahnā spandarmad pad šōn az =iš hamuruhbarīh ōh kunišn
487.0
ka yašt pad zōhr =ēw zōt ay ka bē namēd ay ka bē drāyēd ay ka ō kār wizārdan šawēd zōhr ka nē dād nē dahišn
488.0
ka yašt ay ka bē namēd ay ka bē ō kār wizārdan šawēd ā az =iš bāzā ud drōn ōh yazišn
489.0
ka bē drāyēd ā nē yazišn
490.0
hād wehšābuhr ay pāyag ī xwārtar guft
491.0
pas guft bawēd kū bāzā drōn pad ǰud az yazišn hamē ōh yazišn
492.0
any tōm ka ōh gumānīg awēšān abēgumān hēnd ka bāzā
493.0
drōn sar andar šab barēd ā šāyēd
494.0
abarg āca nica ōh kird
495.0
dahmō zaōta tanu.pərəϑa upa.sraōtārō
496.0
ka dahm zōt u =š tanāpuhr abarsrūdār kū margarzān hēnd
497.0
yezi diš tanu.pərəϑō vaēδa
498.0
agar ān az awēšān tanāpuhragīh āgāh
499.0
aētauuatō ratufriš yauuat̰ framaraiti
500.0
ānand =iš radīhā čand =iš frāz ōšmārēd kird ī xwēš
501.0
yezi āat̰ diš nōit̰ tanu.pərəϑō vaēδa
502.0
agar ān nē az awēšān tanāpuhragīh āgāh
503.0
vīspanąm gāϑanąm ratufriš
504.0
harwisp gāhān radīhā
505.0
tanu.pərəϑa zaōta dahma upa.sraōtārō
506.0
tanāpuhr zōt u =š dahm abarsrūdār kū zōt margarzān
507.0
yezi dim tanu.pərəϑəm vīδarə
508.0
agar =iš awēšān az āy xxx tanāpuhragānīh āgāh hēnd
509.0
aētauuatō ratufriš yauuat̰ framərəṇti
510.0
ānand =šān radīhā čand frāz ōšmārēnd kird ī xwēš
511.0
yezi āat̰ dim nōit̰ tanu.pərəϑəm vīδarə
512.0
agar awēšān nē az ān ī ōy tanāpuhragānīh āgāh hēnd
513.0
vīspanąm gāϑanąm ratufriš
514.0
harwisp gāhān radīhā
515.0
hād nē xūb kē pad xūb gōwēd margarzān
516.0
ud az ān patit u =š dast pad pādyāb ōh bawēd u =š kār ud kirbag ōh bawēd ud yazišn az ān ō puhl šawēd
517.0
ast kē ēdōn gōwēd ay hād margarzān ud az ān ōh pad bīm ud zōr
518.0
zurwāndād pas guft bawēd kū yaštag ka atuwānīgīh rāy nē rawēd ēd =iz pad raft dārišn margarzān
519.0
ka pad patitīg būd ēstēd nē šāyēd
520.0
ā =š dast pad pādyāb ōh bawēd u =š az ān yazišn ī kasān ōh pahrēzišn
521.0
ast kē ēdōn gōwēd ay hād yazišn =iš bun nē bawēd
522.0
ast kē ēdōn gōwēd ay tis =iz =iš kār ud kirbag nē bawēd
523.0
dahmō zaōta dahmō upa.sraōtārō vīspe ratrufriiō
524.0
dahm zōt u =š dahm abarsrūdār hād harwisp radīhā
525.0
tanu.pərəϑō zaōta tanu.pərəϑō upa.sraōtārō vīspe aratufriiō
526.0
tanāpuhr zōt u =š tanāpuhr abarsrūdār harwisp aradīhā
527.0
kahiiācit̰ nā dahmanąm zaōϑrāδa ratufriš
528.0
mard kadāriz =ēw az dahm pad zōtīh radīhā
529.0
nāirikā̊scit̰ apərənāiiūkahecit̰
530.0
nārīg =iz pad ān ī xwēš aburnāyag =iz pad ān ī kasān
531.0
yezi vaēϑa hāϑanąm ϑβarəsə̄sca frataurunā̊sca
532.0
agar ēdōn āgāh ī hādān brīn sar ud frāzgīrišnīh bun
533.0
aṇtarə hāitišu yasnəm frāiziš
534.0
andarg ī hādān andarg dānēd ud yasn =iz frāzyazišnīh
535.0
dānēd kūgyāg abāyēd guftan
536.0
ā =z aburnāyag ka zīrak u =š yašt warm ud abēgumān pad kār ī yazišn ā pad harw kār =ēw šāyēd
537.0
zan tā daštān bawēd
538.0
ā =š yazišn ī pad zōhr ōh kunišn daštān bawēd andar gumbad nē hilišn az kadag pad pānzdah gāmīh dārišn
539.0
ast kē ēdōn pad sīh gām gōwēd
540.0
ay nōit̰ tā nāirika kasu.xraϑβa
541.0
ān ī zōhr ī ābān gōwēd ī yazišn hamē hēnd ā nē šāyēd
542.0
kē ān ī ātaxšān gōwēd ka nē pad zōhr ā šāyēd
543.0
ādurfarnbāgnarsē guft hād zan ī bē pad ān kār abestāg guft kū šāyēd tā nē šāyēd
544.0
wehdād ādurohrmazdān guft bē gōwēd kū nē šāyēd tā šāyēd
545.0
gōgušnasp guft hād kū ān abestāg gōwēd kū nē šāyēd ān =iz drāyišn
546.0
ay ēd ēdōn gōwēd hād xwaršēd šnāyišn nē kunišn u =šān māh niyāyišn nē kunišn u =šān saxwan ī xūbdār nē gōwišnīh u =šān xwadāy ī rōzēn nēst u =šān pēšgāhīh nēst
547.0
aṣ̌əm vohū vahištəm astī
548.0
ahlāyīh ābādīh ī pahlom ast ēn kū hambār =ēw ī kirbag weh
549.0
uštā astī uštā ahmāi
550.0
nēk ast ahlāyīh ī ōy =iz ī nēk hamērawišnīg
551.0
hiiat̰ aṣ̌āi vahištāi aṣ̌əm
552.0
kē ahlāyīh ahlāyēnīdār any ayāb amāh pahlom ahlāyīh kū ōh kunēnd
553.0
fradom pargard sar
554.0
dudīgar bun
555.0
pad nām ud ōz ī xwābar ī dādār ī kirbagkar
556.0
nērangestān dudīgar pargard pad čāštag ī sōšyans
557.0
farrox bawād
558.0
yō gāϑā̊ asrāuuaiiō ąsta vā tarōmaiti vā tanūm piriieiti
559.0
kē gāhān nē yazēd anastīh rāy ka gōwēd ay dēn nēst ayāb tarmenišnīh rāy ka gōwēd ast u =š nē āzādīh dādār bē tanāpuhr bawēd
560.0
kō ąstō kā tarōmaitiš
561.0
kadār anastīh kadār tarmenišnīh
562.0
yā haca daēnaiiāt̰ māzdaiiasnōit̰ apastūitiš
563.0
ka dēn ī mazdēsnān abāz stāyēd
564.0
ēd gōwišn tan ī xwēš wizīr hād abestāg ān gōwēd
565.0
bawēd ka pad se gōwišn ud menišn gōwēd hād dēn nēst pad gyāg tanāpuhr sāldrahnā margarzān
566.0
tanāpuhr az ēn gyāg paydāg se gōwišn sāldrahnā ōh margarzān az any gyāg paydāg yō haca daēnaiiāt̰ māzdaiiasnōit̰ apastuuōit̰ ϑriš vaγžibiš hakərət̰ vīpaiticit̰
567.0
ka nē menišnīg gōwēd margarzān nēst
568.0
nē bawēd ka pad menišn abēr was menēd pad guftan nē gōwēd margarzān nē bawēd
569.0
rōšn guft hād ēn griftārīh āmār tā se bār pad menišn menēd margarzān ōh bawēd x ud ka se gōwišn ayāb pad gōwišn gōwēd margarzān
570.0
pad any zamān bawēd ka =š kird ud ēd abāg bē kunēd
571.0
kird abāg kunišn drāyānǰōyišnīh pad bun
572.0
ka sāl pad patitīgīh bawēd x u =š yašt ī nōgnāwar abāg kunišn u =š tanāpuhrīh ī ruwānīg bē wizārišn u =š kār ud kirbag ī pēš az ān kird abāg rasēd ān ī andar ān xwēš nē bawēd
573.0
ka pad patitīgīh nē bawēd rad =iz pādixšāy škastan kū pad patit bawēd rad
574.0
ka škastrad rāy bē mīrēd margarzān
575.0
ka zardušt rāy gōwēd u =š dēn rāy guft bawēd
576.0
ka ohrmazd rāy gōwēd xwārtar nē bawēd ma agar garān bawēd
577.0
abārīg dād rāy gōwēd ā =z pad ēd šōn
578.0
dād ī wattar pad ēč mehdādestānīh nē pādixšāy stāyīdan
579.0
ka xwadāygāh ud xwāstag rāy stāyēd margarzān
580.0
ka bīm ī tan rāy stāyēd ā =m nē rōšnag
581.0
hād čē dād ī weh kē =š ōh stāyēd x u =š menišnīg stāyēd
582.0
kē az dād ī weh ō wattar šawēd margarzān
583.0
ān ī wattar ō ān ī wattar margarzān nē bawēd
584.0
wehšābuhr guft hād pad ān zamān nē bawēd ka any gyāg ōh šawēd ud ēk wattar kū any nēst
585.0
az ǰudristagān wāz nē gīrišn u =š ōh nē dahišn ka ān gyāg ōh šawēd
586.0
ka šāhānšāh gōwēd kū drōn ma yaz ay nē yazišn ka gōwēd ay nē abāyēd yaštan ā =š pad gōš dārišn
587.0
yō gāϑā̊ asrāuuaiiō yārə.drājō apa tanūm piriieiti
588.0
ka gāhān nē srāyēd gāhānbār nē yazēd sāldrahnā ōy bē tanāpuhr bawēd
589.0
yezi ā̊ŋhąm ōiium pe vācim fra.maraiti
590.0
agar ān ēk paymān gōwišn frāz ōšmurēd
591.0
sōšyans guft hād wāz frāzgīrišnīh ud wāzag =ēw bē gōwišnīh
592.0
kayādurbōzēd guft hād wāz frāz gīrišn
593.0
pairi.še hō parətō.tanunąm stā̊ŋhaiti
594.0
abāz az ān ī ōy tanāpuhragānīh ēstēd
595.0
yahmat̰ haca təm auua.raōδəṇti
596.0
ka az ān bē abārōnēnišn
597.0
ay az ān bē tanāpuhr bawēd gāhānbār ēn gyāg az abestāg
598.0
any bawēd ka =š gāhānbār panǰ abēr nē yašt ēstēd ān ī šašom
599.0
sōšyans guft hād wāz frāz gīrēd wāzag =ēw bē gōwēd ay bē drāyēd
600.0
kayādurbōzēd guft hād wāz bē nē gīrēd
601.0
u =š gāhānbār nē yaštan rāy tanāpuhr ō bun
602.0
any bawēd ka =š xwarišn abēr nē xwarīd ēstēd tā ka =š xwarišn abēr xwarīd ēstēd
603.0
ā =š drāyānǰōyišnīh ō bun
604.0
ka drāyīd ēstēd ā =š yašt =ēw tuwān kirdan
605.0
nē kunēd wināh ī garān garzišnīg wināh nē kird ēstēd
606.0
rōšn guft hād ēn any bawēd ka =š pad wināhgarīh drāyīd ēstēd ud drāyēd any wattom ka nē yazēd xwarēd ud apādyāb drōn yazēd ud abārīg hamē andar ēn
607.0
ka =š drāyīd ēstēd ā =š gāhānbār nē bawēd u =š rapihwin nē bawēd u =š ustōfrīd nē yazišn
608.0
u =š xwarišn ka gumānīg ā =š gāhānbār yašt u =š rapihwin nē yašt bawēd u =š ustōfrīd nē yazišn u =š ōh xwarišn
609.0
wehšābuhr ōh ēd pāyag xwārtar guft ka yašt nē kird ēstēd
610.0
u =š wāz nē dahišn
611.0
ka =š kird u =š nē warm ā =š wāz =iš nē gīrišn u =š ōy ī pad kirbag ōh dādan
612.0
ēwčand gyāg =ēw mad ēstēd hamāg abēgumān hēnd ayāb hamāg gumānīg hēnd
613.0
ka wehīh paydāg hamē ōy ī weh drōn yazišn ud abārīg wāz gīrišn
614.0
ka wehīh =ēw nē paydāg ka nē paydāg kē drōn yazēd ud abārīg wāz gīrēnd ā šāyēd ka hamāg drōn yazēnd
615.0
weh =iz ka harw dō drāyīd ēstēd harw dō drōn yazēnd weh čē ēk =iz ī pad zōtīh ō did nē šāyēd
616.0
wehšābuhr guft hād šāyēd
617.0
ka yaštwarm ud abēgumān pad yašt ī keh pad harw kār =ēw šāyēd ud pad zōtīh ī harw kas =ēw šāyēd
618.0
ka hadōxtwarm u =š wisperad =ēw ayāb sraw =ēw yašt ēstēd pad =iz ān ī meh pad hamāg kār šāyēd
619.0
wehšābuhr guft hād hadōxtwarmīhā andar abāyēd
620.0
kār ī pēš az yaštan ī pad abestāg abāyēd kirdan hamē abēgumān kunišn
621.0
ān ī andar yazišn =ēw az =iš bunīh ka ayār ī bowandag mad ēstēd ēn and abēgumānīhkunišnīh ud zōtīhwēnišnīh barsom bastan ud parāhōm griftan ud hōm hunīdan ud zōhr andar dāštan ud abestāg ī pad tan =ēw
622.0
ka az ān kem mad ēstēnd hōm hunīdan ud zōhr andar dāštan ka =z ān ī gumānīg kunēnd ā šāyēd
623.0
ēwkard ka garmądāri frāz burd ay ast kē ǰīw =iz gōwēd ka abēgumān ēk frāz sāzēd ud xwēš ul kunēd ā šāyēd
624.0
ka frāz sāzēd ud bē šawēd ud ēk ī did ul kunēd ā šāyēd
625.0
hād dādīh pad dōšišnīh andar nē ēstēd
626.0
āzādmard guft pad harw yazišn =ēw ǰud az ōy ī zōt mard =ēw abēgumān ōh abāyēd
627.0
ka hamāg gumānīg yazišn ō puhl šawēd ud nē kunišn
628.0
any ō puhl šawēd ayāb nē ā =m nē rōšnag
629.0
abarg guft hād hōm bē nē hilēnd
630.0
yašt ī fradom šnūman ī nōgnāwar kunišn
631.0
pas ka gumānīg bē bawēd nōgnāwar šāyēd sīhrōzag šāyēd
632.0
sīhrōzag wēšabestāgīh weh =iz ast
633.0
ast kē ēdōn gōwēd ay az bunīh sīhrōzag kunišn ā šāyēd
634.0
pas ka ardāfraward kunēnd ā šāyēd
635.0
sōšyans guft hād ka ahurahe mazdā̊ raēuuatō xᵛarənaŋᵛhatō gōwēd ā šāyēd
636.0
hadōxt ī fradom šnūman ī rahwōbirzad kunišn
637.0
sraw pad hamāg šnūman pādixšāy bē pad rahwōbirzad
638.0
ast kē ēdōn gōwēd ay hād harw =iz fradom yazēd ā =š šnūman ī nōgnāwar kunišn
639.0
āzādmard guft hād mard kē dēn ōh yazēd yašt ī dwāzdahhōmāst =ēw rahwōbirzad abēr bē yazišn u =š dahišn xūbtar bawēd
640.0
gōspand pad hamāg yazišn pādixšāy kuštan
641.0
nōgnāwar gumānīg ud yašt ī pad war ast kē hadōxt =iz ī fradom gōwēd ast kē rapihwin =iz ī fradom gōwēd omission srōšdrōn pad hamāg yazišn pādixšāy xwardan bē pad nōgnāwar ī gumānīg zōtīh ī zanān ud bāzā drōn
642.0
any pādixšāy
643.0
gāhānbār ud panǰag ī fradom weh yazišn
644.0
pad panǰag ī abdom weh xwardan
645.0
panǰ ud panǰ ast kē čahār ud čahār gōwēd
646.0
sārahe ǰuttar nēst
647.0
ast kē sārahe ǰuttar gōwēd
648.0
mard kē xwēškārīhā pad kār =ēw kāmēd šudan pad ēd dārēd kū =m andar gāh abāz madan nē tuwān u =š paṇca tišrō dasa ud raϑβąm abāzhilišnīh u =š gāhānbār bēyazišnīh u =š hazaŋrəm maēšanąm kirbag ōh bawēd
649.0
ka andar gyāg abāz āyēd ud bē yazēd ā =š hazaŋrəm gauuanąm kirbag ōh bawēd
650.0
ka tuwān yaštan ud nē yazēd ēn kū =š awōyrišt ō bun bawēd ayāb nē ā =m nē rōšnag
651.0
rōšn guft hād kū andar ān paymān ōh yazēd ā =š raϑβąm abāzhilišnīh
652.0
ka nē ā =š raϑβąm =ēw =z abāz nē hilišn yazišn ō puhl šawēd
653.0
ēn yašt ī padīriftag gāhānbār ud rapihwin ī fradom ī pad sidōš ud yašt =ēw pad frawardīgān ud yašt =ēw nōg māh harw māh se bār xwaršēd harw rōz se bār
654.0
yašt ī padīriftag az abestāg kū ēn az abestāg paydāg kū pad awōyrišt ēstēd ud bārīg nē rōšnag
655.0
ast kē ēdōn gōwēd ay hād ēdōn bawēd čiyōn gāhānbār
656.0
xwaršēd harw se bār awōyrišt ēstēd ast kē harw bār =ēw gōwēd
657.0
ast kē ēdōn gōwēd ay hād barsom awestwārān stānišn ud ō awestwārān dahišn
658.0
ka bē dād ā dastwar abāz stānišn
659.0
dādweh guft hād man pad barsom bē pad stōš nē kird ēstēd
660.0
ast kē bayaspānīh gōwēd
661.0
yō gāϑanąm ōiiəm vācim apaiiāiti aēuuąm vā vacastaštīm
662.0
kē gāhān ī ēk gōwišn abar raft kū bē hišt ayāb ēk wezest
663.0
ϑri vā āzāiti aiiarə.drājō vā vāstriiāt̰
664.0
se zanišn ayāb rōzdrahnā wāstarēnišn ud yazišn xūb
665.0
aϑa bitiiā̊ aϑa ϑritiiā̊
666.0
ēdōn dudīgar ud ēdōn sidīgar sōšyans guft
667.0
kayādurbōzēd hād ast ka dō ast ka se
668.0
aϑa vīspəm ā ahmāt̰ yat̰ hē haṇjasaiti yaϑa caϑrušum yārə gāϑā̊ asrāuuaiiō hiiat̰ arəδuš hē š́iiaōϑanəm
669.0
ast kē ēdōn gōwēd hamāg az ān ka pad ōy abar ōy ōham rasēd
670.0
andčand čahrušwadag ī gāhān andar sāl =ēw asrūdār ast arduš ōy wināh
671.0
ϑrišum tarō xᵛaraiia naēməm tarō bāzujataiia vīspəm tarō yārə.drājehīm yātəm āstriieiti
672.0
srišwadag tarist xwarnēmag tarist bāzāzanišnīh ka hamāg tarist sāldrahnā pad yāt āstārēd
673.0
yāt̰.cit̰ pascaēta aēuuąm ratufritīm auua.raōδaiieiti tanūm piriieiti
674.0
ka =z pas ēk ratufrīd bē abārōnēnēd kū bē hilēd bē tanāpuhr bawēd
675.0
yō gāϑanąm aēuuąm ratufritīm auua.raōδaiieiti ϑri vā āzāiti aiiarə.drājō vā vāstriiāt̰
676.0
kē gāhān ēk ratufrīd bē abārōnēnēd se zanišn ayāb rōzdrahnā wāstaryōš ud yazišn xūb
677.0
hād ēd =iš rāy abāz āwarēd kūtā dānād kū ratufrīd ud wezest harw dō ēk
678.0
aϑa vīspəm ā ahmāt̰ yat̰ hē haṇjasaiti yaϑa ϑrišum yārə gāϑā̊ asrāuuaiiō tanūm piriieiti
679.0
čiyōn x guft ēstēd ēn az abestāg paydāg
680.0
any bawēd naskhilišnīh pad yazišn ī padīrift bawēd
681.0
zōt hamāg yazišn ī padīriftag ud rāspīg ī drust ēn ka gōwēd ay ēn yazišn =ēw tō rāy kunēm tā ō čahrušwadag ī gāhān harw wāzag =ēw pad pēšīh ud pasīh bē hilēd
682.0
sōšyans guft hād harw ēk =ēw se srōšōčarnām
683.0
x kayādurbōzēd guft hād āgenēn wēš nēst kū se srōšōčarnām
684.0
ay ō čahrušwadag mad arduš pāyag kunēd pad srōšōčarnām hamdādestān būd hēnd kū nēst
685.0
srišwadag xwar nēmag bāzā hamāg yāt
686.0
ka andar sāl abēr was hišt wēš nēst kū yāt =ēw
687.0
sāl ī dudīgar gāhān wezestdrahnā ayāb abārīg abestāg ī hōmāst gāhdrahnā bē hišt tanāpuhr =ēw
688.0
ka andar ān sāl abēr was bē hišt wēš nēst kū tanāpuhr
689.0
u =š arduš ud xwar ud bāzā ud yāt ud tanāpuhr andar hamēmālān bē wizārišn ud yazišn gōhrīg abāz kunišn harw dō kirbag ōy bawēd
690.0
ast kē ēdōn gōwēd ay hād ān nē
691.0
kē ōh kunēd u =š ānand bawēd čand az yazišn ōh bē hišt ēstēd
692.0
ast kē ēdōn gōwēd ay hād ka az yazišn ī kasān wāz frāz gīrēd ān ī and ul gōwēd ā šāyēd
693.0
ka dwāzdahhōmāst =ēw bē padīrēd ud bē nē yazēd wēš nēst kū xwar =ēw
694.0
ka hōmāst =ēw bē padīrēd ud ka guft ēstēd kū pad čand barsom bē yazēm harw barsom =ēw rāy xwar =ēw
695.0
ka and čand pad barsom =ēw bē šāyēd yaštan wēš nēst kū xwar =ēw
696.0
ka yašt =ēw padīrēd ay kū =š pad čand mard čand padīrift bawēd ā =m nē rōšnag
697.0
abarg guft hād pad =iš panǰ mard ī abēgumān andar dōspurrnām padīrift bawēd
698.0
gōgušnasp guft hād pad =iš dō mard ī abēgumānīg nē andar dōspurrnām padīrift bawēd
699.0
yō gāϑā̊ asrāuuaiiō naēməm yārə.drājō
700.0
kē gāhān nē yazēd gāhānbār nē yazēd nēm sāldrahnā
701.0
tat̰ paiti ainim dahməm gāϑanąm sraōϑrāt̰ pairi.štaiieiti
702.0
az ān bē ō any dahm gāhān srāyišn pādīrānēnēd kū any kasān nē hilēd yaštan
703.0
yā̊ōit̰ naēməm yā̊ gāϑā̊ asrāuuaiiō hiiat̰ aϑa āstriieiti
704.0
čand ka pad nēm sāl gāhān asrūdār būd hē ēdōn āstārēd
705.0
paōurum vā naēməm yārə aparəm vā pairi.štaiieiti pəšō.tanuš
706.0
ka pēš nēmag ī sāl xwad nē yazēd pas kasān nē hilēd yaštan ayāb pas xwad nē yazēd pēš kasān nē hilēd yaštan pādīrānēnēd tanāpuhr bawēd
707.0
ēn az abestāg paydāg
708.0
any bawēd ka gāhān =ēw fradom xwad nē yazēd ud ān hamāg kasān nē hilēd yaštan u =š xwar ī awōyrišt andarō bun bawēd
709.0
ēd ka fradom x xwad nē yazēd ud dudīgar kasān nē hilēd yaštan ayāb ēd ka dudīgar xwad nē yazēd ud ān ī fradom kasān nē hilēd yaštan tanāpuhr =ēw bawēd
710.0
ēwkardag gāhānbār nē yazēd pad ǰud
711.0
gāhānbār ī ēwkardag pad hamayā nēm tanāpuhr pāyag
712.0
pairi auuat̰ varštə̄e xə̄t̰ ast kē ēdōn gōwēd hād pad =iz yāt pāyag ast
713.0
yō gāϑā̊ asrāuuaiiō naēməm yārə
714.0
kē gāhān nē yazēd gāhānbār nēm sāl
715.0
tat̰ paiti ainīm dahməm jaiṇti
716.0
kē az ān bē ōy ī any dahm zanēd
717.0
arəduš vā aγriiō.staōrəm vā bi.staōrəm vā yat̰ xxx (yāt̰?) mazaŋhəm vā xᵛarəm
718.0
arduš ayāb aγrīstōr ayāb dōstōr ayāb yāt ud meh xwar
719.0
xᵛarō nōit̰ hē aŋhat̰ ciϑaiiaēca upabərətaiiaēca
720.0
xwar nē ast tōzišn pad abarbarišnīh kū wināh ī pas az ān kunēnd abāg zaxm afrawaršt nē bawēd
721.0
gāhānbār nē yaštan pad tis =iz ī tiz ast afrawaršt nē bawēd
722.0
pad tis ī xwēš ōh bawēd
723.0
abāg zaxm az abestāg paydāg kū nē bawēd
724.0
abāg naskhilišnīh ā =m nē rōšnag
725.0
kahmāt̰ haca ušahinanąm gāϑanąm ratufritiš frajasaiti
726.0
az kū bē ušahin gāh radfranāmišnīh frāz rasēd kū yazišn ī ušahin pad čē hangām kunišn
727.0
haca maiδiiaiiāt̰ xšapat̰ hū vaxšāi pairi.sacāiti
728.0
az mayān ī šab x huwaxšišn bē sazēd
729.0
aϑa aiβi.gāme
730.0
ēdōn pad zamestān
731.0
āat̰ hami yezi para hū vaxšāt̰ ahunauuat̰ca gāϑanąm srāuuaiieiti
732.0
pad hāmīn ēdōn agar pēš ī hūwaxš ahunawaytgāh srāyēd
733.0
yasnəmca haptaŋhāitīm uštauuaitīm hāitīmca
734.0
yasn =iz ī hafthād ud uštawayt =iz hād ī az =iš kār nēst
735.0
anāstərətō pascaēta auuā̊ yā̊ aniiā̊ srāuuaiiōit̰ ā maiδiiāt̰ fraiiarāt̰
736.0
anāstārīd pas kū awināh kē awēšān any srāyēd x x tā ō mayānag ī frayar
737.0
tā =z ō šab ǰuttar nēst
738.0
hād yazišn hamē ān xūbtar kē x x x andar gāh sar bē šāyēd kirdan az bunīh ka frāz ēstēd
739.0
ka dānēd kū =m yasn andar gāh ul tuwān guftan frāz pādixšāy ēstēd ka ul pādixšāy
740.0
ast kē yašt nēmag gōwēd
741.0
ay ast kē hōmāst gōwēd
742.0
ān kē hangām nē paydāg hamē ka frāz ēstēd ā šāyēd
743.0
ast kē ēdōn gōwēd ā šāyēd hād ān =iz ān ī xūbtar kē ēdōn frāz ēstēd
744.0
ast kē ēdōn gōwēd parāhōm pad gāh tuwān xwardan ka =š andar grift
745.0
tis az ān rasēd rāyēnīdan nē šāyēd
746.0
u =š gāh ī pēš pad =iš andar āyēd ka =š parāhōm xward ā =š ōh rāyēnišn u =š gumānīg wizārd bawēd
747.0
ka gōspand pad yašt u =š gāh ī pēš pad =iš andar āyēd gōspand ka nē kušt ā nē kušišn
748.0
ka kušt zōhr ōh dahišn ka yašt pad zōhr u =š gāh ī pēš pad =iš andar āyišn
749.0
āzādmard guft hād ka hōm harw čahār bār hunēd ā =š zōhr ōh dahišn
750.0
ka ēk bār ayāb dō bār hunēd ā =z pad ēw šōn
751.0
ka ēč bār nē hunēd zōhr nē dahišn
752.0
ka srōšdrōn xwarēd u =š gāh ī pēš pad =iš andar āyēd u =š dast az barsom ul dārišn u =š wāz bē gōwišn
753.0
u =š sāzišn ēk =iz pad kār nē āyēd bē parāhōm pad ǰudyazišn kē =šān andar kār kird andar kār kirdan drust hēnd
754.0
ka =š srōšdrōn xward ka ēk bār ayāb dō bār xwarēd ā =z pad ēwbun x x x u =š gāh ī pēš pad =iš andar āyēd dast az barsom ul dārišn u =š wāz bē gōwišn
755.0
ud sāzišn hamē pad kār šāyēd bē parāhōm pad ǰudyazišn kē =šān andar ō kār kird nē kirdan barsom did bandišn ud parāhōm did gīrišn
756.0
abar barsom ī pad ǰudgāh bast ēstēd ud parāhōm ī pad ǰudgāh kird ēstēd ān ī ēk šāyēd pad rapihwin ī fradom
757.0
ast kē ēdōn gōwēd ay ān =iz nē šāyēd
758.0
kē meh sāxt ēstēd u =š keh kāmēd kirdan u =š abāz āhanǰišn u =š grih saxt bē kunišn
759.0
ka keh sāxt ēstēd u =š meh kāmēd kirdan u =š abāz wišāyišn u =š did bandēd
760.0
ast kē ēdōn gōwēd ay hād ān =iz ka bē bandēd u =š nē andar ul bandēd ā šāyēd
761.0
barsom ǰudšōy nē šāyēd ǰudšōy ǰudātaxš
762.0
ast kē ǰudwistarišn gōwēd
763.0
bulandohrmazd guft kū ǰuddādestān abar ēd kū barsom ān gyāg kū ōh bandēd abāz x abāyēd wišādan
764.0
tā abar ēd ǰuddādestānīh nēst barsom šāyēd
765.0
barsom bastan gāh =ēw nē paydāg
766.0
pad kardag pad x x bandišn u =š sar ō ātaxš rōn kunišn
767.0
aṣ̌əmvohū se frauuarānē mazdaiiasnō gāh ān ī bawēd ahurahe mazdā̊ raēuuatō xᵛarənaŋhatō xšnaōϑra tā frasastaiiaēca wāz frāzgīrišnīh
768.0
aṣ̌əmvohū čahār bē gōwišn u =š harw se bār az bun ō sar šōyišn u =š ēk =ēw did bē gōwišn u =š ēk bār az sar ō bun šōyišn u =š ēdōn kunišn kū harw gyāg harw tāg pas ud pēš pādyāb abar bē rasēd
769.0
ast kē ēdōn gōwēd ay ka harw čahār bār rasēd ā šāyēd
770.0
ast kē ēdōn gōwēd ay hād andar x se bār šōyēd ā šāyēd
771.0
frāgām aybyāhan ud zōhrag kē abāg barsom kū mad ēstēd šōy ān ī barsom
772.0
ka pas rasēd frāgām šōy ud ān ī barsom aybyāhan ud zōhrag pādyāb andak =ēw abar frōd hilišn
773.0
ka bē šust u =š abāz nē abrāzišn abāz ō gāh ī zōtān šawišn
774.0
ka =š az barsomdān ul stad ā =š pādyāb andak =ēw abar frōd hilišn u =š frōd ō barsomdān nihišn
775.0
xšnaōϑra ahurahe mazdā̊ u =š kār nēst hād pad kōrān ōh gōwēnd u =š bē ēd gāh ī frabardārān šawišn
776.0
ud aybyāhan abar wistardan nē nērang
777.0
u =š ēkbār humatanąm hūxtanąm huuarštanąm abar ēw gōwēd u =š zōhr az kust ī dašn hamē abāg kunišn
778.0
nā yašta kār nēst
779.0
ast kē ēdōn gōwēd ay hād kār =ēw ka ēk bār pad abestāg abar abāg kird hamē ka bē ōftēd u =š nē pad abestāg abar abāg kunišn
780.0
ka x abāg nē šāyēd kirdan ā =š abāz šōyišn ud āb ī šōy az =iš bē nē āhōgēnišn
781.0
ka pas rasēd harw gyāg kū rasēd rāspīg ī abēgumān wāz frāz gīrēd u =š pad abestāg abāg kunišn
782.0
ka harw dō pad ēk bār rasēnd meh pēš keh pas xwēš zōhrag abar dāštan
783.0
angust u =š čahār angust gāh ī xwēš ǰīw abar čahār angust u =š angust gāh ī xwēš
784.0
pēmīh hamē pad zōhrag dō angust u =š dō angust abar čahār u =š abar šaš u =š abar hašt
785.0
u =š dō abar dah
786.0
u =š dō abar dwāzdah
787.0
dō abar yašt ī keh
788.0
čahār u =š dō abar wisperad =iz ud ōh ēkhōmāst ud hadōxt ī ēkhōmāst
789.0
šaš u =š dō abar dōhōmāst
790.0
8 u =š dō abar dahhōmāst ud dwāzdahhōmāst
791.0
dah u =š dō abar wisperad ī artōkartin
792.0
dādweh guft hād x x wisperad ī aratō.kərəϑən nē pad čāštag u =š haft abar wisperad ī dwāzdahhōmāst
793.0
barsom ī pad ačār tuwān ka se tāg ī abārīg kē bē az frāgām rasēd ā šāyēd
794.0
u =š frāgām azabar frōd nihišn
795.0
dādweh guft hād barsom ī pad ačār tuwān hamāg rāst abāyēd
796.0
pad ačār ka se tāg rāst ud abārīg pad grih bē rasēd šāyēd
797.0
u =š frāgām pad sar abāz nihišn u =š aṣ̌əmvohū ēk =ēw bē gōwišn u =š aybyānghan =ēw pērāmōn āwarišn u =š yaϑāahūvairiiō dō bē gōwišn u =š pad š́iiaōϑananąm grih ī gaštag bē kunišn
798.0
barsom pad panǰ se azēr ud dō azabar grih pardazišn ō bahr ī azēr
799.0
ast kē ēdōn gōwēd ay hād andar srišwadag ī mayānag harw gyāg =ēw kū bast ēstēd ā šāyēd
800.0
ast kē ēdōn gōwēd ay hād az ān dō bahr ī azabar ka ašem =ēw wohū =z kem ā nē šāyēd
801.0
wišād ō dašn ud bālēn ō hōy
802.0
ka nē owōn ā nē xūb
803.0
ka dō grih ā nē šāyēd
804.0
hōm pad abestāg čīdan nē nērang
805.0
ast kē gōwēd pad abestāg abāyēd čīdan
806.0
u =š čīnišn ān ī barsom
807.0
ka az wāzār bē xrīd ā šāyēd
808.0
u =š ka abēr pad pādyāb čīd ēstēd pas grihgrih kunišn u =š pad abestāg bē šōyišn
809.0
ka ēw pēšag ayāb dō pēšag ast nē pad grih
810.0
škast ēstēd ā šāyēd
811.0
dādweh guft hād u =š bunīh ka pad hōšag bē šust ā šāyēd
812.0
pas grihgrih bē kunišn u =š pad abestāg bē šōyišn
813.0
ka ēw pēšag ayāb dō pēšag ast nē pad nērang
814.0
škast ā šāyēd
815.0
ēd ka ōh šōyēd aṣ̌əmvohū se frauuarānē mazdaiiasnō čē gāh dārēd haōmahe aṣ̌auuazaŋhō xšnaōϑra tā frasastaiiaēca u =š wāz frāz gīrišn
816.0
u =š aṣ̌əmvohū čahār bār gōwišn u =š harw bār =ēw dast ī ǰāmag pad pādyāb bē šōyišn tā andarō kār kird
817.0
ka hamāg apādyāb bē bawēd ā =š pad abestāg abāz šōyišn
818.0
ka =š andarō kār kunēd abāg šustan kār nēst
819.0
ka parāhōm xwarēd ā =š esmbōy ēw tāg az kust ī dašn bē nihišn u =š hōm ud urwarām pad čandīh bē paydāgēnišn
820.0
hōm pad kamistīh se grih pad wēšistīh sīh grih
821.0
urwarām andar ān ī pad nēmag
822.0
u =š hamē xwarišn tā abāz ō bahrag ī hōm āyēd pādyāb
823.0
ka az ān zōhr abāg šōyēd ā šāyēd
824.0
ka ēk =ēw did ul stānēd ā šāyēd
825.0
aṣ̌əmvohū se frauuarānē čē gāh dārēd
826.0
zaraϑuštrahe spitāmahe aṣ̌aōnō frauuaṣ̌ə̄e xšnaōϑra tā frasastaiiaēca u =š wāz frāz gīrišn
827.0
u =š ahurāi mazdāi bun kunišn u =š sar bē kunišn u =š pad harw tis ēw xūb bē nigerišn u =š pad iməm haōməm hōm ud urwarām andar abganišn pad yā̊ŋhąmcā ān esmbōy ēw tāg frāz ō ātaxš barišn
828.0
wāz griftan kār nēst ay pad kōrān ōh gīrēnd
829.0
pad ān čahār yaϑāahūvairiiō se ud šaš ud nō škāftan dādan nērang
830.0
dādweh guft hād škāftan nē nērang
831.0
pad ān se aṣ̌əmvohū harw ēk pādyāb andak =ēw andar kunišn
832.0
pad haōma pairi harəšiiaṇte abar hōm abāg gardēnišn
833.0
pad ān ī čahār yatāhūwayryō pad š́iiaōϑananąm fradom bē wardēnišn ud pad xšaϑrəmcā bē afšārēnišn
834.0
pad ān ī dō mayān ēw gāh ōh hunišn ud ēw gāh pādyāb andar kunišn bē wardēnišn ud ēwgāh bē afšārēnišn
835.0
pad ān ēk ī abdom pad xšaϑrəmcā bē wardēnišn ud pad ādāi kahiiācit̰ paitī bē afšārēnišn
836.0
ka parāhōm kird barsom ēw tāg kem ayāb pādyāb srešk andar ōftēd ā šāyēd
837.0
ka apādyāb bē bawēd pad barsom =ēw was bār abāg pādixšāy kirdan
838.0
keh ō meh ēk meh ō keh kē mān ī wehān ō mān ī ātaxšān ayāb mān ī ātaxšān ō mān ī wehān hamē šāyēd
839.0
ast kē ēdōn gōwēd ay hād mān ī wehān ō mān ī ātaxšān nē šāyēd
840.0
az bunīh ēn and tis ōh abāyēd barsomdān wistarišn
841.0
any kār nē dānēm
842.0
abārīg pad gāh ī xwēš rasēd ā šāyēd
843.0
dādweh guft hād ka parāhōm kird andar ān pad ān čahār yaϑāahūvairiiō pādyāb ān gyāg abāyēd
844.0
dādweh guft ay bē nigerišn
845.0
pad ān se aṣ̌əmvohū gōspand ān gyāg abāyēd ka andar nayēd ā bē nē nayišn
846.0
zōt ka andar ō yazišn āyēd az kust ī dašn pad gāh ī ātarwaxšān bē ēstišn u =š war ō ātaxš ud barsom rōn kunišn aṣ̌əmvohū se frauuarānē čē gāh dārēd pad mān ī wehān tauua ātarš puϑra ahurahe mazdā̊ xšnaōϑra
847.0
ast kē ēdōn gōwēd ay hamē āϑrō ahurahe mazdā̊ puϑra tauua ātarš puϑra ahurahe mazdā̊ xšnaōϑra
848.0
ka az ān kē barsom bandēd parāhōm kird wāz dārēd wāz az ōy gīrišn ka nē ēn wāzag =ēw ka az xwēš gīrēd weh =iz ast
849.0
āzādmard guft hād harw yazišn =ēw ān xūbtar ka az rāspīg ī abēgumān wāz frāz gīrēd ud ātaxšgāh pad pādyāb bē kunēd
850.0
harw kē andar ān yazišn kār =ēw kāmēd kirdan wāz az ōy gīrēd
851.0
u =š wāz frāz gīrēd u =š az kust ī frabardārān šawišn u =š ātaxš sar ī barsom andar kunišn u =š pad se aṣ̌əmvohū ātaxšgāh pad pādyāb bē kunišn
852.0
andar bōxtan nē nērang
853.0
ast kē pad čahār gōwēd
854.0
ātaxšgāh az gilēn šāyēd ud gačēn šāyēd ān pad pādyāb bawēd
855.0
ast kē ēdōn gōwēd ay hād nērang =ēw pas guft bawēd kū =z dārēn šāyēd
856.0
ka sarāsar darrīd ēstēd ā nē šāyēd
857.0
ka =š kāh =ēw andar sarāsar andar bē ēstēd ēdōn bawēd čiyōn sarāsar darrīd ēstēd
858.0
ast kē ēdōn gōwēd ay hād ka bē škihēd yazišn sar
859.0
ast kē ēdōn gōwēd ay hād pad ēk frāzgīrišnīh yazišn sar bē kunišn
860.0
tā srōšdrōn xwarēd ka apādyāb bē bawēd u =š yašt bun abāz kunišn
861.0
ka srōšdrōn xwarēd ā =š pādyāb andak =ēw abar frōd hilišn
862.0
u =š ān dō yatāhūwayryō ā andar rāh bē gōwišn u =š abāz ō gāh ī zōtān šawišn
863.0
u =š =ēw gām az barsom abāz ēstišn u =š andarō kār kunišn
864.0
u =š frastuiiē bun bē kunišn tā staōmi aṣ̌əm frāz gōwišn
865.0
u =š pad staōmi pāy ī dašn andar gāh ī zōtān nihišn u =š aṣ̌əmvohū ī dudīgar ī barsom gōwišn
866.0
ast kē ēdōn gōwēd ay hād staōmi aṣ̌əm ka nē pad barsom gōwēd ā nē šāyēd
867.0
barsom ōšmurdan nē nērang
868.0
ka =š nē ranǰagīhā ā =š abestāg hamāg az pāy gōwišn x x bē vasasca tū ahura mazda ud aməṣ̌a spəṇta
869.0
ka =š ranǰagīhā ēnand az pāy gōwišn bišāmrūd ud srišāmrūd ud čahrušāmrūd ud šnūmanwizārišnīh ud wāzgīrišnīh ud srōšbarišnīh az yašt bun tā imat̰ barəsma haδa zaōϑrəm az ahurāi mazdāi tā daϑušō ud az aētat̰ dim tā ān yašt sar hādān sar hamāg tā vaŋhucā vaŋhā̊scā abestāg
870.0
pad ranǰagīhātar ka nišīnān gōwēd nē tarmenišnīhā
871.0
pad haiϑiiā.varštąm barsom frōd ō barsomdān nihišn ka nē nihēd ā nē šāyēd
872.0
tā ka pad imat̰ barəsma bē šawēd hamē ka barsom ēw tāg kem andar barišn ud ka wēš ā abāz āhanǰišn
873.0
ka pad imat̰ barəsma bē šawēd ka kem andar barišn ka wēš ā bē hilišn
874.0
ka ǰuxt dō tāg bē gīrišn ka pad nihān
875.0
ast kē ēdōn gōwēd ay hād ēdōn bawēd čiyōn pad srōšdrōn
876.0
pad abāz guftan ēdōn čiyōn pad abārīg abestāg
877.0
pad srōšdrōn drōn ud gōšudāg ān gyāg bē nihišn
878.0
frasast kār nēst u =š esm bōy se tāg az kust ī dašn bē nihišn
879.0
u =š pad āsāyišn =ēw harw tis =ēw bē nigerišn ka āsāyišn =ēw ast bē x nigerēd
880.0
agar pad wāzag =ēw gumānīg bawēd ka az wezestdrahnā bē nē šawēd ā =š az =iš abāz gōwišn
881.0
ka az wezestdrahnā bē šud ā =š x x yašt bun abāz kunišn
882.0
yašt bun abāz kirdan ud ātaxšgāh šustan
883.0
ast kē ēdōn gōwēd az frastuiiē x
884.0
ast kē ēdōn gōwēd ay hād srōšdrōn bun abāz kunišn ā šāyēd
885.0
tā srōšdrōn xwardan wars ud hōmīzag az barsom ōh pahrēzišn
886.0
ka abar rasēd ā šāyēd
887.0
pad ān dō yaϑāahūvairiiō ka pēš frāz barēd ā šāyēd ud ka pas frāz barēd ā šāyēd
888.0
pad aṣ̌aiia.nō paiti.ǰamiiāt̰ hāwanān ul ō pāy ēstišn u =š xᵛarata narō bē gōwišn
889.0
ka nē gōwēd ēn kū šāyēd ayāb nē šāyēd ā =m nē rōšnag
890.0
ka srōšdrōn xward ud barsom nē pad nigerišn apādyāb bē bawēd ā =š bē šōyišn u =š bē rāyēnišn u =š gumānīg pardāxt bawēd
891.0
ka gōspand pad yašt ā =š ōh kušišn
892.0
ka yašt pad zōhr ā =š zōhr ōh dahišn
893.0
abarg guft hād pad barsom ī apādyāb gōspand nē kušišn ud az =iš zōhr ōh nē bawēd
894.0
ka pad kardag mad ēstēd u =šān pad nērang garān dāšt
895.0
ka srōšdrōn xward ud parāhōm nē pad nigerišn apādyāb bē bawēd u =š ōh rāyēnišn u =š apādyābān abāz xwarišn
896.0
ka hixrōmand bē bawēd ayāb bē rēšīhēd nadatum guft ēstēd
897.0
ast kē ēdōn gōwēd ay ka wars bē šōyēd ud abāg xwarēd ā šāyēd
898.0
ast kē ēdōn gōwēd ay hād ka ǰąm frāz afšārēd ud abāg xwarēd ā šāyēd
899.0
dādweh guft hād nar ka wars pad parāhōm kird ēstēd ēwtom ān ī xūbtar az rāspīg ī abēgumān wāz frāz gīrēd
900.0
ēk pad abestāg frōd kunēnd ud zōt hōmstōd bun abāz kunēd pad hōmstōd bun bē nigerišn
901.0
pad nəmō haōmāi mazdaδātāi vaŋhuš haōmā huδātō bē nigerišn
902.0
pas ka nihuft ēstēd weh =iz ast
903.0
x ka hāuuanānəm āstāiia nē gōwēd ka nē pad kardag mad ēstēd u =šān pad yašt ī keh bē rāyēnīd
904.0
pad wisperad ud bayānyasn šāyēd būdan
905.0
rāspīg ka azəm vīsāi nē gōwēd ī pad kār andar yazišn pad tis =iz kār nē šāyēd
906.0
ka ēk pad gāh =ēw hamē bē gōwēd pad hamāg kār šāyēd
907.0
pad yō nō aēuuō at̰ te parāhōm pad war ī zōhrag barišn u =š yō nō aēuuō pad war ī zōhrag gōwišn
908.0
ast kē ēdōn gōwēd ay ka andar rāh =ēw bē gōwēd ā šāyēd
909.0
zōt ka =š taškanāgīhā xūb bast ēstēd pas dagr ǰār xūb pad im šōn u =š dast pad bun ī barsom frāz dārišn
910.0
frabardār parāhōm ul ō dast nihišn ud pairi tē haōma aṣ̌əmvohū se bē gōwišn
911.0
nēmag =ēw abāg xwarišn ud bār ī did az ān ī abāg nēm =ēw abāg xwarišn ud bār ī sidīgar hamē abāg xwarišn
912.0
ka čahār bār xwarēd ā =š drāyīd bawēd
913.0
ka ēk bār ayāb dō bār xwarēd ayāb rāspīg abestāg nē gōwēd ayāb =iš ātaxš =ēw abd ī ōh nišīnīhād wāzag =ēw bē gōwēd ayāb zōt dast nē pad barsom dārēd aṣ̌əmvohū bē ēk omission nē rōšnag
914.0
ēdōn uskārd kū hamāg šāyēd bē ān ī ēwtom kū zōt dast nē pad barsom dārišn
915.0
aṣ̌əmvohū bē gōwēd čē ān kē abāg gōwēd u =š gumānīg
916.0
ast kē ēdōn gōwēd ay hād vaŋhuca vaŋhā̊sca ōh rāyēnišn u =š gumānīg wizārd bawēd
917.0
kayādurbōzēd guft hād pōryōtkēšān abestāg anēraxt nē čāšt ēstēd pad ēn wāzag ā hamdādestān bawēd
918.0
ast kē ēdōn gōwēd pad =iz abārīg nē bawēd
919.0
ast kē ōwōn ēdōn gōwēd ay pad =iz ēn nē bawēd
920.0
pad yeŋ́hē mē aṣ̌āt̰ hacā ǰīw bē baxšišn pad se bahr
921.0
dō bahr ān ī zōhrag ud ēk ān ī barsom ay tāg ī bastag kē az kust ī dašn =iš zōhrag pad =iš
922.0
pad ān čahār yatāhūwayryō pad š́iiaōϑananąm ī fradom andak =ēw grih bē sōhišn u =š pas tāō sastica bē hilišn
923.0
ast kē ēdōn gōwēd ay xwad =iš tāō sastica bē hilišn
924.0
u =š pad sastica barsom and dašn paydāg bēgīrišnīh az =iš ēw tāg ī stabrtar ud rāsttar pad datuš bē abrāzišn
925.0
ka az dō ēk =ēw ān ī stabrtar
926.0
ast kē ān ī rāsttar gōwēd
927.0
ka datuš bē škīhēd ka barsomdrahnā bē mānēd u =š any pad āsāyišn ēw tāg az kušt ī dašn abāz abrāzišn
928.0
ast kē ān ī hōy gōwēd
929.0
ka barsomdrahnā bē mānēd u =š ān bē nihišn u =š ēk =ēw did bē bandišn ud andar barišn u =š ēw tāg az kust ī dašn abāz abrāzišn
930.0
ast kē az ān ī hōy gōwēd
931.0
ka datuš ul āyēd ayāb aybyāhan bē wisinnēd ayāb grih abāg rahēd ayāb pad barsom abāz āyēd ā ēk =iz nē rōšnag
932.0
ēdōn uskārd kū kār ī xūb bē kunēd bē nē rāyēnēd ā šāyēd
933.0
pad hōmāst bun esm ud bōy ēw tāg az dašn bē nihišn u =š hōm ud urwarām pad čandīh bē paydāgēnišn hōm pad kamistīh se grih ud pad wēšištīg 5 ṣ̌ōpaϑ pad dwāzdahhōmāst =ēw tašt =ēw
934.0
enyā urwarām ī andar ān pad nēmag
935.0
u =š hamē xwarišn
936.0
abāz tāō bahrag ī hōm āyēd u =š pad āsāyišn harw tis =ēw xūb bē nigerišn
937.0
u =š pad ahurāi mazdāi hōm urwarām be war ī ǰīuu ul dārišn
938.0
ēn kū čiyōn ud čand dārišn ā =m nē rōšnag
939.0
dādweh guft hād gōš bālā dārišn frāz ō pēš dārišn u =š x bē nigerišn
940.0
ka =š ahurāi mazdāi bē guft hāwan bē šōyišn pad aməṣ̌ā spəṇtā hāwan abāg wardēnišn u =š pad iməm haōməm hōm ud urwarām andar hāwan abganēd
941.0
pad yā̊ŋhąmcā ān esmbōy ēw tāg frāz ō ātaxš barišn u =š wāz gīrišn
942.0
u =š pad ān čahār yatāhūwayryō se ud šaš ud nō pad xšaϑrəmcā ī sidīgar gōš bālā ul dārišn az ān gyāg paydāg āϑritīm xšaϑrō.kərətahe gaōšō.bərəzō us.šāuuaiiōit̰
943.0
ka ōh škafēd ān ī xwēš barsom zōt ātaxš škāfišn ā =š ēdōn kunišn kū abar harw se ōh rasēd ō hōm ud urwarām āhōg
944.0
u =š pad ān se aṣ̌əmvohū pādyāb andak =ēw andar kunišn pad yeŋ́hē mē aṣ̌āt̰ hacā keh abāz ō meh wardēnišn
945.0
pad haōmanąmca harəšiiamnanąm abar hāwan abāz gardēnišn
946.0
pad aršuxδanąmcā vacaŋhąm ēw srešk andarō ǰīuu abganišn
947.0
pad aϑā zī nə̄ humaiiōtara aŋhən bē war ī zōhrag barišn ud pad barsom dārišn
948.0
pad ān čahār yatāhūwayryō pad š́iiaϑiananąm ī fradom bē wardēnišn
949.0
pad ādāi kahiiācīt̰ paitī bē afsārišn
950.0
pad us mōi uzārəšuuā ahurā ārmaitī təuuīšīm dasuuā ul se wezest az dašn ēk hōy ēk pad war ī zōhrag dārēd
951.0
ka ǰīw ī bahr ī barsom apādyāb bē bawēd ka az ān ī zōhrag abāz šāyēd dāštan abāz dārišn
952.0
ka nē ā =š ōh rāyēnišn ud az =iš apādyābān abar barišn
953.0
ka bahr ī zōhrag apādyāb bē bawēd ka az ān ī barsom abāz šāyēd baxtan abāz baxšišn
954.0
ka nē ay ka ǰīuu apādyāb bē