Sections

1.0
pad nām ī ohrmazd ī xwadāy ī mēnōyān ud gētīyān
2.0
wehdēn ī mazdēsnān , ,
3.0
ēn mādayān hazār dādestān xwānēnd kē mehīh ud wehīh ud arzōmandīh mardōmān ǰud az čiyōnīh ī =šān az tuxšišn ud dahišn yazadān pad xwad gōhrīh
4.0
mādayān ān , abzār nērang ī dādār pad harwispāgāhīh ī abesīhēnīdan ī drōzan ud abāz ō xwēš kirdan , ud dām winnārdan ahambedīgīh ud anōšag ud šēdāy ud hamāgrōšnīh purrpādixšāyīh pad frazām rāy ōwōn wuzurg mādīg dād
5.0
andar gōhr ī mardōmīh dāšt ēstād rāy būdan ān sūd kē rāy yazadān mardōm āfrīd stāyēnīdan šāyistan
6.0
pad frazām drang ēn bundārīh az dānāgīh ud dahišn ud wizīdārīh ud ōšayārīh āgāhīh
7.0
ud mardōmān pad tis az tis az harw uštānōmandān gawāgīh ud [...]āgānīh gannāgīh ōš āgāhīh wizīdārīh ī ō mardōmān dād ēstēd ud gurdagīh ī =š ast pāyagīhā ud bandīhā X
8.0
ud arz ud X sāmān ī šnāšagīh X
9.0
X frahaxtišnīgīh pad mardōmān ān sūdōmanddar pad ān tis andar gētī tan padiš dārīhēd pad mēnōy ruwān
10.0
ud ān tis kē harw bahr andar waxt pad dād dād
11.0
X X kē pad pad mahist hammōz[...]
12.0
yazadān ud abardom pānagīh ī dāmān ī ōwōn ī az dēn paydāg ēstād
13.0
ud pad āgāhīh az dēn ō saragīh pad harw šnāsagīh paydāgīh pad harw dānišn wizīdārīh ud pad harw xwēškārīh madan šāyēd
14.0
ēg ān harg ī andar dēn abar xwāhišn pursišn ī pad āgāhīh būd andar mānsr šnāxt
15.0
ud hammōxtan tis ī tis ī az harw dō šnāsagīh ī dānišn āgāhīh burzišn =iz
16.0
ud bahr ī padīrag ēd xīr ī X pad madan az yazadān rāh ud mānāgān az harw ābādīh § burzišn pad meh ud weh X ud mādagwardom sūdōmanddom ud awiš frahaxtišnīgdom u =š wizīrišnīgdom dārišn ,
17.0
bē ōy kē šāyēn bahr ī yazadān az =iš andar appurd ēstād ud ān bahr az =iš appurdārīh rāy az kāmframān ī wehān ud dād u =š menišn gōwišn ud kunišn rāh wanybūd ēstēd abārīg kas abēgumān nigēzīd bawēd
18.0
kū ōy pad farroxtar dārišn kē pad tuxšišn ud kunišn ī xwēš bahr ī anōšag ud ābādīh ī ǰāwēdānīg windād ēstēd
19.0
čiyōn az dēn yazadān āgāh būd pad xwāhišn pursišn xwēštan awināh kirdan rāh ī xwēškārīh šnāxtan menišn gōwišn ud kunišn pad rāstīh abēzag dāštan ud man farroxmard ī wahrāmān ēn ābādīh ābādīhādar
20.0
[... ...]īh ud bandagīh dahēd ōwōn bawēd čiyōn mard =ēw ī dahīgān ī šāhān šāh pad bandagīh ō mard =ēw dahēd ,
21.0
gōwēnd kū tā xwadāyīh wahrām mardōmān anšahrīg ān xwēš bawēd ī az pidar zāyēd nē ān ī az mād , ēd rāy čē sōšyans guft kū waččag pid xwēš
22.0
ud nūn gōwēnd kū mād ,
23.0
zan ud anšahrīg hamē pad dīd ud wēnišn ī xwadāy ud sālār zaxm ayāb stahm kunēnd tāwān dō ēk xwadāy ayāb sālār ēk ōy kē wināh kird ,
24.0
mard ēw ka =š anšahrīg =ēw pad dah bahr ēw bahr xwēš āzād be kunēd frazend =iz ī az ān anšahrīg zāyēd harw ēk pad dah bahr ēw bahr āzād ,
25.0
ka ātaxš ēw bandagmard , dō ud anšahrīg mard dō ast mard xwāstag ēw rāy kird kū =m ō bandagān ī ān ātaxš dād az ān čiyōn anšahrīg bandagīh ī ātaxš nē bawēd ō anšahrīg ātaxš tis =iz nē dahēd ,
26.0
gyāg =ēw nibišt kū anšahrīg ī tarsāg xwēš ka ō hudēnīh ud nazdīkīh ī hudēnān āyēd wahāg ī anšahrīg be dād ud abāyēd ud anšahrīg āzād u =š ōy abēzyān kunišn
27.0
ka ō nazdīkīh ī kas nē bē ō hudēnīh āyēd xwad wahāg xwēš be dād abāyēd ,
28.0
anšahrīg ō agdēnān frōxt nē pādixšāy
29.0
ka frōxt pad anšahrīg harw dō andar rad ī hudēn duzz bawēnd X u =šān drōš be kunišn
30.0
drahm pas agar pad rāh ī purdag ī zamān pad ōy kē dārēd be mānēd ,
31.0
anšahrīg [ī] agdēn ka abāg xwadāy ayāb pas az xwadāy ō hudēnīh āyēd hamē anšahrīg , ,
32.0
ēn X dar ī tis pad hambāyān ud hamxwāstagān [ud] hampāyēnān hišt ,
33.0
mard X se xwāstag abām stānēnd
34.0
wizīr āwāšēnd
35.0
ān kē abām be dād pas az ān ān xwāstag pad xwēšīh ō awēšān mard ō mard =ēw dahēd
36.0
ān mard ān xwāstag ān ī frāy az ān ī =š xwad niyābēd az hambāyān xwāst nē pādixšāy ,
37.0
ka tōzišn =ī pidarān abāz ō X pus pādixšāyīhā pad abarmānd xwāstagdār dahēnd čiyōn az xwadāybūd ī dibīr be gōwēnd tōzišn hišt bawēd
38.0
ud ān kē awi =š dahēnd az hambāyān xwāst nē tuwān ,
39.0
ka dō mard pad āgenēn abām stānēnd ud ān abām ast ī be hilēnd awēšān mard ēk bahr ī xwēš wizārēd ān ī be hilēnd ēdōn bawēd čiyōn ān ī pad pāyenān hilēnd ,
40.0
ka tōzišn be hilēnd pēš az brīn zamān pad pasēmāl ud pas az brīn zamān pad pāyenān hišt bawēd ,
41.0
ka tōzišn be hilēnd pēš az brīn zamān pad pasēmāl ud pas az brīn zamān pad pāyenān hišt bawēd ,
42.0
ka pad se gōwišn ō pāyenān gōwēd kū =m az pāyenānīh hišt hē ēg =iš az pāyenānīh hišt bawēd
43.0
tōzišn ud agar pēš az brīn zamān gōwēd nē hišt bawēd
44.0
ud agar pas az brīn zamān gōwēd uskārdan abāyēd ,
45.0
ka mard se xwāstag sad az mard =ēw farrox nām abām stānēnd ud pas farrox pad ān xwāstag az mard =ēw abēsaxwan bawēd farroxzurwān ud wehohrmazd guft kū bahr ī ōy ī aziš abēsaxwan bawēd ud ān ī abārīg az abārīg ud xwāst tuwān bawēd ǰuttar ,
46.0
X dar ī wizīrkird ī pēšagsālārān ud hunsandīh ud ahunsandīh ī pad wizīr ,
47.0
wizīr ī pēšagsālārān kirdan bē pad framān ī dahībedān tā nē šāyēd
48.0
ka pad wizīr hunsand būd , pas bē ka ǰuttar kirdan abāyīdan paydāg bawēd ēg =iš ahunsandīh ī pad wizīr nē padīrišn ,
49.0
ka pēšēmāl pad wizīr ī dādwar az abāmdān ī ēwar brīn ud wizārdan , abāyistan ī pasēmāl xwāstag rāy kird hunsand būd ud pas wizārd āwarēd hunsandīh ī pad wizīr nē ērangīh ,
50.0
ud xwāhišn ī drōš rāy pad tōzišn ud hunsandīh ī pad wizīr rāy pad wizārd ud pad atōzišnīh nakkīrāyīh kam nē padīrišn ,
51.0
bē pad wizīr kird ī pad azišmānd abārīg wizīr ī dādwar ī keh kunēd ahunsandīh ī pasēmāl kird ōh ō padīrišn zamān ī ō dādwar ī meh ōh dahišn , ,
52.0
, dar X ī hišt ī az zanīh ,
53.0
ka ō zan gōwēd kū =m pad xwēštan sālār pādixšāy kird hē nē hišt bē =š pāduxšāyīh pad šōy ī čagar kirdan dād bawēd ,
54.0
ka gōwēd kū duxtag pādixšāyīh ō zanīh ī man mad ud man pad hunsandīh ī duxtag duxtag az zanīh ī hišt bē čiyōn , pad ān ēwēnag gōwēd enyā abar , ēstād None ī duxtag tis nē paydāg ēg hišt nē bawēd
55.0
duxtag ōy mard zan ud mērag agar ka pad baxt šawēd zan ud frazend nēst , stūr nē gumārišn ,
56.0
gyāg ēw nibišt kū ka mard ud zan az zanīh hišt bē čiyōn ān zan pad xwēštan sālār pādixšāy kunēd enyā =š pad sālārīh ō kas nē dahēd ud ān zan pas az ān zīndagān , ān mard šōy kird frazend zāyēd frazend ōy frazend ī ān zan ōy ī xwēš kē ān zan pad ān ēwēnag az zanīh hišt
57.0
ka , mard pad hunsandīh [ī] zan zan az X zanīh hišt pad zanīh ō aburnāyīg ī xwēš dahēd aburnāyīg andar aburnāyīh pad baxt šawēd ēg =iz ān zan ōy čim rāy stūrīh ī ān mard kam awi =š nē rasēd
58.0
ka mard zan ud hambāy ud ēn =iz paymān kunēd kū ēn X xwāstag ōy kē tō xwēš būd gōwē xwēš ēd bawēd ka ziyānag az zanīh be hilēd ēg =iz ka ziyānag ān xwāstag kas xwēš būd xūb gōwēd abāz nē āwarišn , bē hambāyīh abāz āward
59.0
ud pusānōz [ud] mardag hamdādestān būd hēnd
60.0
pusānōz ēn =iz guft kū man saxwannāmag dīd ī abar hambāyīh rāyēnīd ēstād
61.0
wizīr kird ēstād u =šān hambāyīh abāz āwurd ,
62.0
hišt būd kē guft kū ǰud az sālārīh nē bawēd
63.0
u =š kardag ōwōn ī abāg kū ō ōh bawēd ,
64.0
hišt būd kē guft kū ān ī zanīh rāy andar barēd čiyōn pēšīgānwāspuhragān be barēd
65.0
ud windišn ī andar zanīh ēw be mānēd
66.0
u =š kardag ōwōn abāg kū raftag be šawēd ,
67.0
zan xwāstag ī =š šōy andar zanīh dād ka =š šōy pad hunsandīh az zanīh be hilēd be nē barēd
68.0
ud pad šōy be mānēd ,
69.0
ka gōwēd kū =m ziyānag az zanīh hišt ud pad zanīh ud sālārīh ō farrox dād ud farrox ziyānag , pad zanīh padīrēd pad sālārīh andar nē abāyistan gōwēd , būd kē guft kū hišt kār nēst ,
70.0
wahrām guft kū ēd rāy čē pad sālārīh andar nē abāyistan guftan zanīh =iz rāy guft bawēd , čē zanīh ǰud ǰud az sālārīh nē šāyēd būd
71.0
pas ōwōn bawēd čiyōn kē pad xwāstag ī awi =š dahēnd andar nē abāyistan gōwēd dād nē bawēd , ,
72.0
X dar ī dastwar , ,
73.0
wayayār nibišt kū pasēmāl ka =š xwāstag ī pad xwēšīh ī xwēš guft zamān ī ō dastwar nē bawēd
74.0
u =š ēn =iz nibišt kū ka farrox ī az gawr xwāstag ēw be ō mihrēn ī az kāzrōn frōšēd pas mihrēn pad ān xwāstag X pēš [ī] kāzrōn dādwar hamēmāl bawēd farrox nē pādixšāy bē ka be ō kāzrōn āyēd pad dastwarīh andar ēstēd
75.0
bē =š pahikārišn andar ,
76.0
būd kē guft kū pādixšāy ka nē āyēd ,
77.0
ka pēšēmāl pad ēn kū xwāstag man xwēš ud apāduxšāyīhā pasēmāl dārēd pasēmāl hamēmāl pasēmāl nē xwēšīh ī pēšēmāl pad tāšt gōwēd pas ō zamān ō dastwar xwāhēd pusānōš ī āzādmardān guft kū ka ēdōn gōwēd ēg =iš zamān ōh dahišn ,
78.0
bē ka gōwēd kū tō nē xwēš čē man xwēš zamān ī ō dastwar nē dahišn , čē dādestān be rāyēnīdan čiyōn hērbedān gōwēnd
79.0
mēdōmāh guft kū =š zamān ō dastwar nē dahišn ,
80.0
ud abarg guft kū zamān ī ō , dastwarān zamān ī ō ēwarīh bawēd ,
81.0
ka =z =iš xwēšīh ī dastwar xwēš guft ēstēd ēg =iz =iš zamān ī ō dastwar ōh dahišn ,
82.0
gyāg ēw nibišt kū ka =š pad xwēšīh būd ī dastwarān guft ka =iz ēn nē gōwēd kū =m ka pad ān dastwarīh xwēš , ēg =iz =iš pad dastwarīh ī ōy ī guft bawēd kū =m xwēš čē any ēwēnag būd nē šāyēd ,
83.0
wahrām guft kū ka pēšēmāl gōwēd kū ēn xwāstag ādurfarnbay xwēš būd [az(?)] ādurfarnbay ō mihrēn az mihrēn ō man mad ud man xwēš ud apādixšāyīhā farrox dārēd farrox pad nakkīrā pad nēēdōnīh ī ān hamāg tis ēdōnīh ī xwēš abāz abāyēd guftan ,
84.0
ka dādestān pad war [ud] pasēmāl wehdādestāndar war ēwāz pad nēxwēšīh ī ādurfarnbay warzišn
85.0
az dastwarān be gyāg ēw nibišt kū ka dastwar kē xwāstag ō kas ud kas kē ān xwāstag awi =š frōxt pad ān xwāstag pad any šahr hamēmāl hēnd § čē kū =š xrīdārīh hamēmālīh kird ēstēd nē pādixšāy bē ka šawēd u =š uzēnag az xwēš ,
86.0
ka pasēmāl pad ēd tis dō dastwar mard dō zamān ō dastwar kunēd ud dastwar ēk āyēd pad dādestān andar ēstēd ud ēk nē āyēd dastwarīh ud rāyēnišn ī pad hamāg ān dādestān kirdan nē tuwān ,
87.0
ka dastwar az dastwarīh nakkīrā bawēd pas andar ēstēd abāg pēšēmāl dādestān rāyēnīdan kār nēst ,
88.0
ka mard dō āgenēn xwāstag ēw ō mard ēw frōšēnd nibišt kunēnd kū druyist dārēm , wahrām guft kū druyist az harw kē kāmēd xwāst pādixšāy
89.0
abāg ān ī nibišt kū ka mard dō abāg mard dō paymān kunēnd kū ēn tis kunēm agar ǰuttar kunēm tāwān dahēm ka az awēšān kē ān paymān kird mard ēw ān paymān ast čē ǰuttar kird ān tāwān kū ud tōzišn ī harw dō mard rasēd
90.0
abāg =iz ān ī nibišt kū ka gōwēd kū xwāstag ī ō xwēšīh ī amā āgenēn ēd =iz čē ō xwēšīh ī amā ǰud ǰud mad ān ī āgenēn mad ud ǰud ǰud mad rāy guft bawēd nigerīdan ,
91.0
dastwar ka mādag nē mad ēstēd nē dānēd pādixšāy ka tā mādag wēnēd pad , dastwarīh andar nē ēstēd ,
92.0
pasēmāl pad xwāstag ī pahikārēd kū pad windišn ī anšahrīg ī =m az mihrēn xrīd madan =iz pad anšahrīg ī pahikārēd kū anšahrīg ī =m az mihrēn xrīd zād zamān ō dastwar ōh dahišn ,
93.0
ka pasēmāl pad xwāstag dastwar gugāy būd kē guft kū pad dō gugāy
94.0
būd kē guft kū pad dō dastwar dārišn ,
95.0
dō dastwarīhā dārišnīh rāy wizīr kunišn ,
96.0
dastwar ka āmad ud pad dastwarīh andar ēstēd ud be ēraxt pasēmāl pādixšāy ka ān ērangīh nē padīrēd bē xwad passox gōwēd dādestān rāyēnēd
97.0
bē =š nibišt ēw az =iš ō xwāhišn pad , dād zamān ō dastwar ōh bawēd
98.0
wahrām guft kū ka pasēmāl gōwēd kū harw čē dastwar [ī] man pad ēn xīr gōwēd kunēd ud rāyēnēd pad guft kird ud rāyēnīd ī xwēš dāram ka az dastwar azišmānd bawēd ma agar wināhgārīh pad azišmānd ēk dastwar bawēd ēk pasēmāl be ēdōn dānam kū ēdōn čiyōn ka az pasēmāl azišmānd būd hē wizīr abāyēd kirdan
99.0
ka dastwar gōwēd kū =m xwāstag frōxt bē az xwēš nē būd pēšēmāl wināhgārīh agar =iš kāmēd was =iz guharīg az dastwar pad xwēšīh be gīrēd pādixšāy
100.0
ka guharīg was pad grawīh gīrēd ud mādag az pasēmāl xwāhēd ka mādag guharīgān dastwar pad xwēšīh be kunēd ēg =iš abāg pasēmāl rāyēnišn nē bawēd ,
101.0
ka pasēmāl andar pēšēmāl ī fradom pad dastwar nakkīrā bawēd ud andar pēšēmāl ī dudīgar dastwar ān kunēd ī =š andar pēšēmāl ī fradom kird , pasēmāl ka abar xwēš būd dastwar ī pas gōwēd be ēstēd pad mad ī az ān dastwar pahikārēd ēd rāy ka =š andar pēšēmāl ī fradom dastwar nē ān kird ī =š andar pēšēmāl ī dudīgar guft būd kē guft kū pad waštagīh ēraxt ,
102.0
wahrām guft kū pad ān waštagīh nē ēranǰēnišn čē andar pēšēmāl ī dudīgar tis =iz waštagīh nē kird
103.0
ud waštagīh ān bawēd
104.0
ka andar pēšēmāl nakkīrā bawēd dastwar nē ān ī pēšēmāl ī kird nazdist farrox ēw ud pas mihrēn ēw pad dastwar kird
105.0
dastwar ka pad xwāstag kē padiš dastwar ō dastwarān zamān , xwāhēd zamān ōh dahišn
106.0
zamān ī ō dastwar nē mādag bē xwāhišn [ī] tan āmār
107.0
ka =z mādag az wīrōmazī kam ēg =iz sāldranāy zamān dahišn
108.0
pad kardag ka ahy šāyēd pad āwurd zamān wēš nē dahišn kū ān ī tā hangām ka pad āmad tuwānīg , ,
109.0
xīr dar ī waštagīh ud abārīg =iz ērangīh
110.0
pad xwārestān pad wizārd ud pad =iz man be hišt harw dō ēwarīh xwāst
111.0
gyāg ēw nibišt kū pad man be hišt ka andar rāyēnišn ī dādestān gōwēd warōmand kird bawēd
112.0
az =iz dibīrīh ēw ī =m dīd pad xwārestān kird , ēstād ēdōn paydāg būd ,
113.0
waštagsaxwanīh ka ō ēwarīh wardēd nē ēranǰēnišn
114.0
ud ka nē ō ēwarīh wardēd ēraxt
115.0
ud ēdōn čiyōn ud ādurohrmazd guft ka =z nē ō ēwarīh wardēd ēg =iz nē ēraxt ,
116.0
ka pasēmāl pad waštagsaxwanīh ēranǰēnīd ud pas paydāg bawēd kū pēšēmāl dādestān drō xwāst pēšēmāl xwāstag ī =š az pasēmāl be grift az bar ī =š burd hammis pad tāwānīh =iz ō pasēmāl dahišn ,
117.0
ka pasēmāl waštag bawēd pēšēmāl pad ān waštagīh pad āhōg tis nē nimāyēd ud saxwannāmag be āwāšēd pas pad ān waštagīh nē ēranǰēnišn ,
118.0
ka saxwannāmag az rāyēnišn mānēd pasēmāl ka pahikārēd kū =m pas az ān wizārd nē ērangīh
119.0
agar gōwēd kū =m pēš wizārd ērangīh ,
120.0
abāg ān pad man be hišt ī andar rāyēnišn ī dādestān rāy azabar nibišt nigerīdan ,
121.0
ka pēšēmāl pad xwāstag dō ī =š ēk xwēš ud ēk nē xwēš ud pasēmāl hambasān andar rāyēnišn ī dādestān pēšēmāl ān xwāstag az pasēmāl be apparēd ēg =iz ān xwāstag ī pēšēmāl xwēš ō pasēmāl nē rasēd
122.0
ōy appar rāy az pasēmāl kam be nē stānišn ,
123.0
ka hangām ayāb dastwar ayāb čē ēwēnag ud xwēšīh wardēnīdan ēraxt
124.0
ud hangām wardēnīdan ān bawēd
125.0
ka naxwist , gōwēd kū sāl ēk az mihrēn ō man mad ud pad ān dastwarīh dāram ud pas gōwēd kū sāl dō mad ud pad ān dastwarīh dāram
126.0
ud ka abar ān ī pad mad ī sāl ēk pahikārēd ēd nē gōwēd kū pad ān dastwarīh dāram ka =z pas hangām wardēnēd ud pad dārišn sāl dudīgar kunēd ēg =iz nē ēraxt
127.0
ud dastwar wardēnīdan ān bawēd
128.0
ka naxwist , gōwēd kū farrox xwēš būd u =š be ō man dād ud pad ān dastwarīh dāram , pas gōwēd kū mihrēn xwēš būd u =š be ō man dād ud pad dastwarīh dāram ,
129.0
ud ka ān ī pad mad ī az farrox pahikārēd ēd nē gōwēd kū pad ān , dastwarīh dāram ka =iz pas dastwar wardēnēd ud pad dārišn dastwar ān ī abdom gōwēd ēg =iz nē ēraxt
130.0
ud čē ēwēnag xwēšīh =iz dādestān ān ham ,
131.0
ka pasēmāl andar rāyēnišn naxwist gōwēd kū =m zan ī tō nē gād pas gōwēd kū =m gād bē m nē andar zanīh ī tō ēd gād waštagsaxwanīh rāy ēraxt ,
132.0
ud pad =iz zaxm ka gōwēd kū =m nē zad hē ud pas gōwēd kū =m andar abōyīh ēw zad hē ēg =iz ēraxt ,
133.0
, X , , dar ī azišmānd
134.0
ka gōwēd kū man xwēš dāram u =m pasēmāl az dārišn wizāyēd azišmānd bawēd pad ēk azišmānd pad dārišn ud dādestān sar
135.0
ka =š nōgdar wizāyēd paštag hēnd
136.0
ud ka gōwēd kū man xwēš dāram X X u =m pasēmāl aziš wizāyēd ud azišmānd bawēd ast kē ēdōn gōwēd , kū ēn =iz ēdōn bawēd , ka gōwēd kū man xwēš dāram u =m pasēmāl az , pad xwēšīh dāštan wizāyēd ud pad ēk azišmānd wizīr kunišn kū tā dādestān sar bawēd ma wizāy ud pad azišmānd ī dudīgar graw hāwand ēw be abespārišn ud pad sidīgar ēraxt
137.0
ud abar dādestānnāmag ōwōn nibišt kū ka gōwēd kū man xwēš ud dāram u =m pasēmāl aziš wizāyēd ud azišmānd bawēd wizīr kunišn kū tā dādestān sar bawēd ma wizāy
138.0
ud tā dō ǰār azišmānd bawēd wizīr hamgōnag kunišn ,
139.0
ud ǰār ī sidīgar ēraxt
140.0
ud pad xwēšīh be abespārišn ,
141.0
zurwāndād any =iz bawēd kē guft kū pad azišmānd ī dudīgar graw hāwand ēw be abespārišn ,
142.0
ka az pēšēmāl bawēd tā se ǰār harw ǰār ēw graw hāwand ēw be abespārišn ,
143.0
ka ud pad se ēraxt ud xwāstag ō pasemāl abespārišn ,
144.0
ka gōwēd kū mard se be appurd mard ēw hamēmāl ham az pasēmāl azišmānd bawēd srāy ēw ud tāwān dwāzdah be abespārišn
145.0
pad dudīgar hamgōnag
146.0
ud pad sidīgar ēraxt ud pad xwēšīh be abespārišn
147.0
ud pas az =iz awēšān ī abārīg harw ēk tāwān dwāzdah § xwāst pādixšāy
148.0
ud ka =z az pēšēmāl bawēd hamgōnag
149.0
ud ka harw se mard pad dādestān hēnd ud az harw se mard pad bahrag čiyōn =išān niyābēd be gīrišn pēšēmāl =iz hamgōnag abespārišn ,
150.0
būd kē guft kū ka gōwēd kū apāduxšāyīhā tō dārē az pasēmāl azišmānd bawēd appar
151.0
ud pad =iz srāy wizīr kunišn kū tā dādestān sar bawēd , abāz abespār
152.0
ud pad dudīgar graw hāwand ēw ud be abespārišn
153.0
ud pad sidīgar ēraxt ud pad xwēšīh be abespārišn ,
154.0
ud ka =z az pēšēmālān bawēd hamgōnag , wizārišn ,
155.0
ka gōwēd kū man anšahrīg hē u =t anšahrīgīh ī man kunišn ud azišmānd bawēd wizīr kunišn
156.0
kū tā dādestān sar bawēd kār ī pēšēmāl kunēd
157.0
ud pad =iz zan hamgōnag
158.0
ud ka =z az pēšēmāl bawēd hamgōnag
159.0
any gyāg ēw nibišt ud kū ka az pasēmāl azišmānd bawēd wizīr kunišn
160.0
kū tā dādestān sar bawēd zanīh ōwōn čiyōn zan ī xwēš ud anšahrīg ōwōn čiyōn anšahrīg ī xwēš ēd kunēd
161.0
mardag anšahrīg rāy ōwōn nibišt kū pad nazdist azišmānd rōzgār andčand dādestān rāyēnīdan rāy andar abāyēd abārīg be abespārišn
162.0
ud pad ān ī dudīgar agar =iš ādānīh ast graw abespārišn
163.0
ud pad sidīgar sar
164.0
graw agar pēšēmāl guft ēstēd kū anšahrīg čē arzēd pad ān arz ud ka ǰuttar pad panǰsad drahm be abespārišn
165.0
ud zan rāy ōwōn nibišt kū pad nazdist azišmānd wizīr kunišn kū zanīh ī ǰud az gād kunēd
166.0
ud pad dudīgar graw panǰsad drahm be abespārišn
167.0
pad sidīgar sar ,
168.0
ka gōspand dō ī farrox ud mihrēn āgenēn ayāb ǰud ǰud xwēš mihrēn dārēd ud farrox gōspand ēw pusag , dahišn ud pusag ān gōspand ān ī farrox xwēš nē šnāsēd ud mihrēn =iz ān gōspand ān ī ōy , xwēš paydāg nē kunēd u =š azišmānd aziš bawēd pusag pādixšāy ka ān gōspand harw dō pad graw be gīrēd ud bar aziš barēd ,
169.0
ka gōwēd kū ēn zan man zan tō apāduxšāyīhā dārē ud azišmānd bawēd tā se ǰār azišmānd bawēd zan be nē abespārišn čē dārišn ēwar ud bunxwēšīh warōmand
170.0
ud ka pad xwāstag saxwan ud pēšēmāl hamgōnag gōwēd ēg =iš dādestān hamgōnag bawēd ,
171.0
ka mard abar mard ēw hamēmāl kū =t pad xwāstag ō man dahišn ud az pasēmāl azišmānd X
172.0
tōzišn ī pidarān hamēmāl hēnd ud pasēmāl pad tōzišn pad nē dānist ka war ī dēnīg pasēmāl war pad nēēdōnīh warzišn
173.0
ud abārīg mēnōymardān ēdōn guft kū ka war ān ī pāynišān war pad nē dānam warzišn ,
174.0
pas pēšēmāl pad ēwarīh paydāgēnišn ,
175.0
čiyōn pad nibištag dīd māraspand ī rad bawēd pad tōzišn ī kadagxwadāy az sālār ud kadagbānūg ka =šān pad nē dānist war warzīd būd be hišt ,
176.0
gyāg ēw nibišt kū ka pad dādestān pēšēmāl sālār ud kadagbānūg hamēmāl ud pad war pasēmāl az pēšēmāl wehdādestāndar ud pēšēmāl sālār ud kadagbānūg harw dō war dād X abāyistan ud sālār ud kadagbānūg sālār nē bē kadagbānūg war warzišnīh rāy pahikārēnd ud dādestān pad war ī pad sōgand sālār ud kadagbānūg ka dādestān az ān ī xwēš būd ī kadagxwadāy xwāstag ud wizārdan abāyistan ī tōzišn saxwan ka pad war xwēš būd ī kadagxwadāy ud dastwarān xwāstag ud wizārdan abāyistan ī kadagxwadāy tōzišn pad nē , dānist gōwēnd pad ān ī pad ān , ēwēnag gōwēnd war dād abāyēd ud harw dō war warzišn ,
177.0
u =šān āhang kird kū ma agar ēk warzēd ud ēk nē warzēd ,
178.0
ka pēšēmāl pasēmāl pad ēd kird ēstēd kū ašmā dūdag rāy abām stad ud nakkīrā hēnd pad ān ī nakkīrā hēnd ud harw dō pad tāšt war warzišn
179.0
ud agar war nē warzānd pad azišmānd dārišn ,
180.0
az dastwarān be gyāg ēw nibišt kū ka pēšēmāl gōwēd kū xwāstag ādurfarnbay xwēš būd az xwēš apāduxšāyīhā farrox dārēd farrox pad nēēdōnīh ī ān ī hamāg tis ēdōnīh ī xwēš abāz abāyēd guftan
181.0
ud agar dādestān pad war ud pasēmāl wehdādestāndar war ēwāz pad nē xwēšīh ī ādurfarnbay warzišn ,
182.0
pēšēmāl gōwēd kū xwāstag man xwēš ud apādixšāyīhā pasēmāl dārēd dādestān be war ī pāynišān mad pasēmāl ka war ēdōn warzēd kū nē tō xwēš pusānōš ī āzādmardān guft kū war bowandag
183.0
farroxzurwān =iz hamgōnag guft ,
184.0
ka gōwēd kū ādurfarnbay xwēš būd ud az , ādurfarnbay ō man mad
185.0
pusānōš guft kū ka war ēdōn warzēd kū ādurfarnbay xwēš nē bawēd war bowandag ,
186.0
ka dūdagsālār [ud] kadagbānūg pad tōzišn az dūdag ō mard ī šahr kirdan abāyistan xwastūg bawēnd ud xwāstag pad tōzišn be abespārēnd ud pas andar dūdag pus ō purnāyīh rasēd ud abāg ōy kē xwāstag dārēd tōzišn kirdan nē abāyistan pahikārēd ud dādestān rāyēnēd pad war pus wehdādestāndar
187.0
bē ka pēš [ī] dādwarān xwastūg bawēnd ud pēšēmāl xwāstag pad wizīr ī dādwarān be gīrēd pad ēn kū tōzišn būd pad war ōy kē xwāstag dārēd wehdādestāndar kū pus ,
188.0
X any gyāg ēw nibišt kū pad azišmānd ī pasēmāl kunēd ka graw az pasēmāl be grift būd wināhgārīh ī pasēmāl ud ēd iz rāy ka ēn guft ēstēd kū dārišn ī pad wizīr ī dādwarān bē pad ēwarīh enyā abāz nē dārišn
189.0
ka =z ōh tā ān hangām pad war pasēmāl wehdādestāndar būd ēg =iz az =iš xwāstag pad wizīr ī dādwarān be grift
190.0
dārišn bōzišn ud pad war pēšēmāl wehdādestāndar
191.0
ud abāg ān [ī] guft kū pad margarzān pad =iz ēk azišmānd sar brīd abāyistan az abestāg paydāg nigerīdan
192.0
, X , , dar ī tōzišn ī , az dūdag kunišn ud ēd čē ō dūdag xwāhišn ,
193.0
, gyāg ēw nibišt kū ka tōzišn az dūdag xwāst ud zan ud sālār ud harw dō hamēmālīh kird ud ēk nē šawēd ud azišmānd bawēd agar az sālār bawēd graw az dūdag nē
194.0
bē agar az zan ud sālār ǰud ǰud azišmānd bawēd ōwōn čiyōn ka pad ēd ǰār būd hē
195.0
graw az dūdag be abespārišn ,
196.0
ud Zurwāndād guft kū ka ǰud ǰud graw tis iz nē abespārišn
197.0
ka az dūdag tōzišn be kunišn ud zan se pad dūdag bē ka harw se hamēmālīh be kunēd enyā nē šāyēd ,
198.0
zan ī pad dūdag stūr ka tōzišn ō dūdag xwāhēd ud ka =z az dūdag tōzišn ēw xwāhēnd ǰud az sālār nē šāyēd ,
199.0
ka dūdagsālār ud pus kadagbānūg pad pēšēmālīh ī ud pasēmālīh ī xīr ī dūdag ō dādestān nē xwāhišn ,
200.0
ka sālār kadagbānūg pad tōzišn ī kadagxwadāy xwastūg bawēnd pad tōzišn xwāstag dūdag be abespārēnd pus ēw ī andar dūdag ō purnāyīh rasēd ud ōy kē xwāstag be grift hamēmāl bawēd pad pēšēmālīh dādestān xūb ,
201.0
gyāg ēw nibišt kū ka dārišn be kird pasēmāl pad ēn kū ān abām būd paydāg kunišn
202.0
ud agar =iš paydāg kirdan nē tuwān xwāstag pad ān dastwarīh be abespārišn ,
203.0
ud ka , dārišn āsn pad dūdag bē ka ēwar paydāg kunēd kū ān tōzišn ōh abāyēd kirdan enyā xwāstag dārišn az dūdag be nē kunišn ,
204.0
ka tōzišn ī pidar xwāhēnd zan ī pad dūdag ī pid ud ān =iz ī pad dūdag ī pus az sālār hammis hamēmāl kunišn ,
205.0
gyāg ēw nibišt kū az , pid ō dūdag ī pus ī padīriftag ī zīndagān pid pad baxt šawēd čiyōn pusānōš ī burzādurfarnbayān guft xwāstag pad abarmānd ōh rasēd
206.0
ud az dūdag ī pus tōzišn ī pid and kunišn čand xwāstag ī pid xwēš būd ,
207.0
ka tis ō dūdag kē kadagbānūg andar xwāhēnd andar dūdagsālār xwāstan nē kāmēd kadagbānūg xwāstan nē tuwān ,
208.0
ka kadagbānūg xwāst kāmēd dūdagsālār andar rāyēnēd ēn be gōwēd kū kadagbānūg nē kāmēd pad dādestān guft dūdagsālār ǰud az kadagbānūg dādestān dād pad xūb dāštan
209.0
ēn tā ān zamān ka rāyēnišn ī dādestān nē sar
210.0
enyā ka rāyēnišn ī dādestān sar ud ī tis ō dūdag abāyēd abespārdan pad tis padīrift kadagbānūg =iz andar abāyēd ,
211.0
ǰādaggōw ī xwastūg ī būd ī sālār rāy pad dūdag gumārēd xwastūgīh nē padīrišn ,
212.0
zan ī dūdag stūr ka zaxm kunēd ka =z stahm ud abārīg wināh kunēd ud ka =z apāduxšāyīhā abar xwāstag pahikārēd pad dādestān abar xwāst sālār andar nē abāyēd ,
213.0
wayayār nibišt kū ka az dūdag tōzišn be kunišn ud kadagbānūg nakkīrā ud sālār xwastūg bawēd xwastūgīh ī sālār be āwāšišn
214.0
ud dādestān rāyēnīdan rāy kadagbānūg sālār gumārišn
215.0
ud ka andar rāyēnišn ēw kadagbānūg xwastūg bawēd ud sālār ī ōh gumārēnd nakkīrā bawēd nakkīrāyīh ī sālār ī pas kār nēst , , , X
216.0
ādurfarnbay mad pas az ān pad ān dād ō ādurfarnbay rasēd X ,
217.0
ka gōwēd kū xwāstag ī ō man rasēd ō tō dād ān ī =š andar ān ī xwēš bawēd ka abāz rasēd nē dād bawēd
218.0
ud ka =š andar ān ī ēw nē bē =š pēš az ān pašt xwēš būd ud pas az ān pašt , rasēd dād bawēd ,
219.0
ka gōwēd kū pas az dah sāl xwāstag ī man xwēš tō xwēš ān dād bawēd ī pas az dah sāl xwēš ,
220.0
ka farrox ō mihrēn gōwēd kū X xwāstag ī ō X xwēšīh ī man rasēd tō xwēš pas kas ō farrox xwāstag , dahēd ud mihrēn andar nē abāyistan gōwēd ān xwāstag pad farrox be nē ēstēd čē mihrēn pad dād ī bun padīrišn paydāgēnīd
221.0
nē ōwōn bawēd čiyōn ka ō aburnāyīg xwāstag dahēnd ud pid gōwēd kū =m andar nē abāyēd ,
222.0
ud ka šōy xwāstag ī rasēd be dahēd pas zan ī xwēš pad windišn pādixšāy kunēd ud ka =iz =iš xwāstag dahēnd gōwēd kū =m nē abāyēd , būd kē ēdōn guft kū zan pad windišn pādixšāy nē pādixšāy kirdan
223.0
bē xwāstag ī =š dahēnd pādixšāy ka padīrēd
224.0
ud ka nē padīrēd az bun be nē āyēd ,
225.0
wahrām guft kū zan pad windišn [pādixšāy] pādixšāy kirdan čē windišn pad zan be ēstēd ō šōy nē rasēd
226.0
mēdōmāhīg ēn wāzag pad uskārišn gōwēnd
227.0
ud būd kē guft kū ka =š zan pad windišn pādixšāy kird ā =š padīrišn paydāgēnīd bawēd ,
228.0
ka gōwēd kū asēm ī ō xwēšīh ī man mad ud zarr ī ō xwēšīh ī man rasēd čand arz dwēsad wahāg arzēd tō xwēš ēd bawēd ud zarr nē rasēd asēm sad be dahišn
229.0
ud ka gōwēd kū asēm ī ō xwēšīh ī man mad ud asēm ī ō xwēšīh ī man , rasēd čand arz dwēsad wahāg arzēd tō xwēš ud pas az ān asēm nē rasēd ēg =iz dwēsad az asēm ī awi =š mad pad nāmčišt paydāg kunišn ud be abespārišn
230.0
ud ka ēk zarr ud ēk asēm gōwēd ǰuttar nē bawēd čiyōn ka gōwēd kū zarr ud asēm ī ō xwēšīh ī man mad čand arz dwēsad wahāg arzēd tō xwēš ud nēm zarr ud nēm asēm , dahišn ,
231.0
ka gōwēd kū =m ēn dastgerd ō tō dād ān dastgerd ud harw čē pad ān dastgerd dāšt ēstēd dād bawēd ,
232.0
ud ka gōwēd kū =m ēn dastgerd , ō tō dād ān dastgerd ud harw čē pad ān dastgerd dāšt ēstēd dād bawēd ,
233.0
ud ka gōwēd kū =m ēn dastgerd ud harw čē pad ēn dastgerd dāšt ēstēd ō tō dād stōr =iz ud anšahrīg ēw kē kār ān gyāg kunēd dād bawēd ,
234.0
ka gōwēd , kū =m ēn dastgerd az harw čē =š andar hammis ō tō wizīr =iz ēw ī andar ān dastgerd , ēstēd ud xwāstag =iz ēw ī pad any gyāg pad wizīr šāyēd dāštan ud kahas ēw ī az ēn gyāg rāyēnīd ēstēd ud kār pad abārīg gyāg kunēd dād bawēd ,
235.0
ka gōwēd kū ēn dastgerd az X harw čē =š andar hammis ō tō ud ān dastgerd ō tō dād ēn dastgerd ō ōy ud ān dastgerd ō ōy dād bawēd
236.0
wizīr ēw ī andar ēn dastgerd kird ēstēd u =š xwāstag ēw ī pad ān dastgerd padiš šāyēd dāštan ud kahas ēw ī az [ēn] gyāg rāyēnīd ēstēd ud kār pad ān gyāg kunēd nēm ō ōy X ud nēm ō ōy dād bawēd ,
237.0
ka gōwēd kū =m ēn kadag ō tō dād ēg =iš srāy ud stūn ud rōzbānag ud dar X ud kilēl ud hamābēr ud , čāh ī pad hamābēr dād bawēd ,
238.0
ka gōwēd kū =m ēn xānag pad mānišn , dāštan ō tō dād ǰāwēdānīg pad xwēšīh dād bawēd ,
239.0
ka gōwēd kū =m xānag ēw ō tō dād az pusānōš ī āzādmardān be guft kū ka =š ast ēw bun dād bawēd
240.0
ka gōwēd kū =m zamīg ō tō dād ēg =iš ēwkardagīhā dād bawēd ,
241.0
ēwkardagīhā ōwōn bawēd ka =š zamīg ī hambaragān zamīg ī kasān ud ǰōy kē āb ō any X xwāstag barēd ud kadag ud sālār ud rāh X andarg nēst ,
242.0
ka , xwāstag ō aburnāyīg kē sālār ud zan kē šōy ast dahēnd ud šōy ud sālār gōwēnd kū =mān andar nē abāyēd ēg =iz ān ī ō aburnāyīg dahēnd aburnāyīg ka ō purnāyīh mad ud ān ī ō zan dahēnd zan xwēš ,
243.0
gyāg ēw nibišt kū ka ō aburnāyīg xwāstag dahēnd ud pid andar nē abāyistan gōwēd pas aburnāyīg X ud pid =iz pad baxt šawēd ān xwāstag ō dūdag ī pid rasēd
244.0
ud abāg ān ī gyāg ēw nibišt kū ka mard abāg zan kē az šōy stūrīh ud sālārīh nēst kird kū ēn xwāstag frazend ī nazdist az tō zāyēd xwēš ud pas az ān zan frazend zāyēd ud andar aburnāyīgīh pad baxt šawēd ud ān xwāstag abāz ō ōy rasēd kē be dād
245.0
ud abāg =iz ān ī mardag nibišt kū ud harw ān ī pad nīrmad ēstēd pad ēn dārišn kū aburnāyīg andar abāyēd
246.0
ān =iz ī guft ēstēd kū niyāg xwāstag ō farrox dahēd ud farrox padīrišn nē paydāgēnīd ud mīrēd padīrišn pad paydāgēnīd dārišn farrox pad ān xwāstag stūr gumārišn nigerīdan ,
247.0
ka mard xwāstag ī =š rasēd aburnāyīgīh mard ēw xwēš būd rāy gōwēd xwāstag ī andar apurnāyīh ī ān aburnāyīg rasēd pid xwēš
248.0
ud abāg ān ī nibišt kū pad dād ī bun padīrišn paydāgēnīd
249.0
ud ēn =iz nigerīdan kū =š rāh pad xwēšīh pad gyāg dād bawēd
250.0
nē ōwōn bawēd ka =š xwāstag pas az dah sāl ō aburnāyīg dād būd ēstād ,
251.0
ka gōwēd kū =m xwāstag ī widard man ō dūdag ī man rasēd ō tō dād ān ī az kadagxwadāy abar zan ud frazend mānd nē dād bawēd ,
252.0
wahrām guft kū ka pid mad ud rasēd be ō zan ud frazend xwēš dahēd ud pas anšahrīg āzād kunēd , siyāwaxš guft kū anšahrīg az šāhān šāh bandagīh abāz āwurd nē šāyēd
253.0
man =iz hamgōnag gōwam bē rādohrmazd ǰuddādestānīh ēw andar ōh kird ,
254.0
siyāwaxš guft kū ka mard ēw abāg farrox paymān kunēd kū =m ēn xwāstag [pas] az dah sāl ō tō dād farrox andar dah sāl be mīrēd ān xwāstag ō zan ud frazend ī dūdag ī farrox nē rasēd
255.0
ka pid pad aburnāyīg ayāb šōy pad zan wizīr āwāšēd kū xwāstag ī ō xwēšīh ī man rasēd tō xwēš pas az ān kas ō ān zan ud , aburnāyīg xwāstag dād ān ī ō zan dahēd pad zan ud ān ī ō aburnāyīg dahēd pad aburnāyīg be ēstēd
256.0
ka farrox , sāl ēk abar mihrēn kird kū xwāstag ī man xwēš ud ēd =iz ō xwēšīh ī man rasēd tō xwēš ud sāl panǰ andar kērēn kird kū xwāstag ī man xwēš ud ēd čē ō xwēšīh ī man rasēd tō xwēš xwāstag ī mihrēn pas az pašt ī andar mihrēn , ō farrox ān ī andar panǰ sāl frāz bawēd pad rāh ī rasēd kērēn xwēš , ,
257.0
, dar ī ayōgēn , ẏōhē pascaēta , ayōh pasačēta ,
258.0
nibišt kū mard zan ud frazend bē duxt ēw any kas nēst ud ān ī ān duxt šōy ān duxt az zanīh be hilēd pad sālārīh abāz ō pid nē dahēd ēg =iš stūrīh ī pid pad xwāhišn
259.0
ud ka =š pad sālārīh abāz padīrēd ēg =iš abar ōh mānēd
260.0
ud xwāhišn pad kār abāyēd ,
261.0
sōšyans guft kū duxt ī bayaspān ka =š be hilēd ka =iz =iš murd pid be hilēd ēg =iz =iš ayōgēn abar ōh bawēd
262.0
nibišt kū ka frazend ī pas zād duxt ud zīndag pid šōy kunēd az zanīh hilēd ud abāz šawēd widard stūr ī kardag ān stūrīh abar ān duxt ōh mānēd
263.0
ud ka =š dādestān ōwōn ī pidar ī stūr andar abāyēd pad ān ī pid ōh gumārišn
264.0
ud ast kē ēdōn gōwēd kū ka =iz =iš andar ān ēw ka stūr ī kardag pad baxt šawēd šōy kird ud nē hišt ēstēd ēg =iz yōhē pasčēta ,
265.0
wahrām guft kū ka =š andar ān ēw šōy kird ēdōn abāyēd dāštan čiyōn ka nē zīndag hē ,
266.0
duxt ī pas zād kē stūrīh abar mānēd az čiyōn xwēš ka stūr abarmānd ī pidar nē bawēd
267.0
andar =iz abarmānd ī pad stūrīh abarmānd ī pad xwēšīh būd nē šāyēd ,
268.0
pad guft ī dastwarān ōwōn nibišt kū yōhē pasčēta ka zīndag pid šōy kunēd xūb
269.0
ud šud aziš ān stūrīh pad ān dastwarīh awi =š nē rasēd
270.0
ud ēn =iz ōwōn nibišt ud ēn =iz ōwōn nibišt kū yōhē pasčēta ka duxt abarmānd ī pid nē bawēd
271.0
ud ka pus ā =š ōh bawēd ,
272.0
ka =š brād dō ud xwah ēw ān gyāg ud ān xwah abāg brād ēw hambāy u =š brād ī did abar sālār ī ud brād dō harw pad ēw ǰār pad baxt be šawēnd pad čāštag ī abarg sālār pad ān ī mēdōmāh hambāyīh gōwēnd kū ka =š ast ā =š abar ōh mānēd ,
273.0
ka mād andar dūdag xwah stūrīh ī brād abar nē mānēd
274.0
u =š čim ēn kū X xwah pad zanīh mād be pāduxšāy dād pad ān čim sālārīh ī andar brād nē bowandag ,
275.0
yōhēpasčēta abar ud pus [ud] duxt ī pādixšāyīhā ud zahag mānēd
276.0
duxt ī pid pad sālārīh ō mard ī šahr dād , ēstēd ayōgēn ī pid ud brād kam abar nē mānēd
277.0
ka =š ayōgēn ī pid abar mānēd sālār ān ham
278.0
ud ka =š ān ī brād abar mānēd sālār az nabānazdištān ī brād bawēd ,
279.0
ka pad sālārīh [ī] brād be dād ēstēd ēg =iz =iš ayōgēn abar ōh mānēd
280.0
ud sālār az xwēšāwandān ī brād ēw bawēd ,
281.0
ka brād dō ud xwah ēw ān gyāg baxtīgīh kunēnd ud brād ī keh ud xwah āgenēn bahr kunēnd xwah sālārīh =iz be ō brād ī keh rasēd
282.0
abāg =iz ān
283.0
pas =iz ka brād ī meh pēš , mīrēd ēd rāy čē xwah sālārīh az brād nē pad dād ī brād bē nē pahikārdan ī ka ud bazišn kird brād abar sālārīh ī xwah rāy az =iš appār būd ēstēd ī xwah ayōgēn brād ī meh
284.0
ud ka naxwist brād ī keh mīrēd ud ka =iz harw dō pad ēd tāg mīrēnd xwah ayōgēn ī brād ī keh ,
285.0
wayayār nibišt kū ka duxt pad dastwarīh ī pid andar kas kunēd kū tā dah sāl zan ī tō ham ud pid pēš az dah sāl mīrēd pid tā dah sāl stūr yufsišn
286.0
ud ka dah sāl uzīd duxt zanīh ī kas nēst ud ayōgēn ī ud pid
287.0
u =š ēn =iz ōwōn nibišt kū xwah ayōgēn ī brād andar hambāyīh ēw ēg abar mānēd ,
288.0
ka brād pad baxt šawēd u =š zan ud frazend ud bē xwah ēg =iš ayōgēn ī brād abar nē mānēd
289.0
ud ka baxtīgīh kird ān ī ōy brād abar mānēd , kē =š bahr pad hambāyīh abāg stad ayāb =iš pad abarmānd ī dastwarīh abar sālār būd
290.0
ka baxtīgīh kird ud brād ēw ī kē bahr pad hambāyīh abāg stad ud brād ēw kē =š pad abarmānd dastwarīh abar sālār būd frāz raft ayōgēn ī ōy brād abar mānēd kē =š abar sālār būd
291.0
ud ka =š abāg brād dō pad hambāyīh bahr stad ēstēd az pēš paydāg ,
292.0
ka brād dō ud xwah ēw ān gyāg xwah sālārīh pad brād ī meh
293.0
ud būd kē guft kū ka xwāstag nēst ēg =iz hambāy ōh bawēd
294.0
ud ka ast ēg =iz pad rāh ī hamwindišn abāz gumēxtēd
295.0
abāg =iz ēd kū ayōgēn xwāstag xwāst nē āmār
296.0
pas =iz ōwōn čiyōn pid kē pus ast ayōgēn abar duxt nē mānēd brād =iz ka brād ī hambāy ast ayōgēn abar xwah nē mānēd
297.0
, bē =šān ōwōn dāšt kū hambāy ī dēnīg ō kardag nē kird ēstēd
298.0
hamē sālārīh kār
299.0
ud ka brād ī meh mīrēd ēg =iš ayōgēn abar ōh mānēd ud ka ān [ī] keh mīrēd ā =š /nē mānēd ,
300.0
ka pid duxt ēw ud dūdag ī pus ēw ud pad ān dūdag xwāstag haštād ast duxt sālārīh pad pid ud ka pid frāz rawēd ayōgēn ī brād čē widard pid abāg dūdag ī pus hambāy ,
301.0
manuščihr guft kū hambāy ī dēnīg ō kardag nē kird ēwāz pad rāyēnišn ī stūr
302.0
būd kē guft kū duxt ī andar xānag ī pidarān zād ēstēd ka =š mād andar zīndagānīh ī pid ī mād šōy kird ayōgēn ī pid ī mād abar nē mānēd ,
303.0
māhwindād guft kū duxt ī pad ān ēwēnag ka =š mād andar zīndagānīh ī pid ī mād šōy ayāb margarzān ayāb paratacaiti , paratačaiti(?) kird ā =š nēm bahrag ī mād abar nē mānēd ēg =iš ka pad ayōgēn andar abāyēd ā =š ayōgēn abar ōh mānēd ,
304.0
ka duxt abēdastwar ī pid ī gādār kunēd agar gādār nē az ān ī hamēyīg kunēd ēg =iš sālārīh [ud] abarmānd ī pidar ǰuttar be nē bawēd
305.0
ud ka gādār az ān [ī] hamēyīg kunēd ā =š abarmānd ī pidar , awi =š nē rasēd ud pid =iz kārwindišn ī duxt az =iš appār be bawēd ,
306.0
, dar X ī sālārīh ,
307.0
ka xwāstag ruwān rāy paydāg kunēd ud pad dāštan ō kas nē dahēd az X frazend ī ōy ēk ī sazāgdar dārišn čē ēdōn bawēd čiyōn sālārīh ī ātaxš ,
308.0
ka xwāstag ruwān rāy paydāg kunēd ud pad dāštan ō mard ēw dahēd kū uzīd ī ān mard kē =š ān , xwāstag awi =š dahēd ān xwāstag pad paywand ī ōy mard be rawēd kē =š awi =š dād ēstēd
309.0
ud hamē ēk ī sazāgdar dārišn ,
310.0
gyāg ēw nibišt kū ka gōwēd kū =m ēn xwāstag ruwān rāy paydāg kird zan ud frazend ī ōy mard pad āgenēn dārišn ,
311.0
ka xwāstag ruwān ī xwēš ud any =iz kas rāy paydāg kunēd ēg =iz ān xwāstag pad paywand ī ōy mard be rawēd kē pad ān ēwēnag dāštan rāy paydāg kunēd |
312.0
gyāg ēw ōwōn nibišt kū ka farrox xwāstag any pad ruwān ī xwēš ī [ud] mihrēn dāštan rāy paydāg kunēd ud kas dāštan rāy framān nē bawēd ān xwāstag pad ān ēwēnag ī paydāg kird xwāstagdārān ī farrox [ud] xwāstagdārān [ī] mihrēn pad āgenēn dārišn ,
313.0
gyāg ēw nibišt kū ka xwāstag ruwān rāy paydāg kunēd ud pad dāštan ō zan ēw dahēd ud ān zan šōy kunēd ān xwāstag pad ān ēwēnag ī ō ān zan mad be ō ān mard rasēd ud pad paywand ī ān mard be rawēd
314.0
ud abāg ān ī gyāg ēw nibišt kū ka ātaxš pad sālārīh ō duxt ī xwēš dahēd ud duxt šōy kunēd andar ō šōy barēd
315.0
ud ka =š šōy az zanīh be hilēd ayāb be mīrēd ēn kū sālārīh ānōh be mānēd ayāb abāz ō bun šawēd saxwan ud pahikār padiš nigerīdan ,
316.0
ka gōwēd kū ēn dūdag pad sālārīh [ī] tō dār [ud] dūdagsālārīh bē ō pēš dahēd ud dūdagsālār ī dudīgar be mīrēd sālārīh ī dūdag abāz ō bun šawēd ,
317.0
ka gōwēd kū =m ēn dūdag pad sālārīh ī ō tō dād ayāb gōwēd kū =m ēn dūdagsālār kird hē ud dūdagsālār dūdagsālārīh ī bē ō pēš dahēd dūdagsālār ī dudīgar be mīrēd sālārīh ī dūdag abāz ō ōy ī fradom rasēd ,
318.0
ka gōwēd , kū ēn ātaxš sālārīh , tō kun sālārīh pad paywand be barēd ,
319.0
ka gōwēd kū ēn ātaxš pad sālārīh , tō dār sālārīh pad paywand be barēd
320.0
sālārīh ī pad paywand be rawēd ān ī ātaxš ud ān ī xwāstag ī ō ruwān dahēnd ,
321.0
ka pad dūdagsālār gumārdan pus ēw ō purnāyīh rasēd ud ān pus frāz rawēd būd kē guft kū dūdagsālār ī pus gumārišn ,
322.0
dūdagsālār ī gumārdag ka kadagbānūg zan , kunēd ud pas pus ō purnāyīh rasēd ēg =iš pad zanīh hamdādestānīh ī pus andar abāyēd ,
323.0
sālār ī kadagxwadāy , gumārd pādixšāy ka zan ud frazend pad sālārīh be dahēd
324.0
pad čāštag gōwēnd kū sālār ī būdag sālārīh ō pēš pādixšāy dādan u =š and dād bawēd čand dahēd ,
325.0
pus ka xwāstag ī pidar gīrēd ud dārēd nē pādixšāy kū sālārīh ī aburnāyīgān nē kunēd ,
326.0
gyāg ēw nibišt kū sālār ī dūdag kē sālārīh ō pēš pādixšāy dād ēwāz ān ēk ī kadagxwadāy gumārēd
327.0
ud stūr ī kardag andar zīndagānīh ī xwēš ō harw kē kāmēd pādixšāy dād ,
328.0
čāšt ēstēd kū dūdagsālār ī būdag ēn čahār bawēd pus [ī] pādixšāyīhā ud padīriftag ud stūr ī kardag ud brād ī hambāy ,
329.0
gyāg ēw nibišt kū sālārīh ī dūdag ī pid ō pus ī padīriftag nē rasēd ,
330.0
ka ātaxš pad sālārīh ō dō mard dahēd ud ēk gōwēd kū =m andar nē abāyēd ō ōy ī did nē rasēd čē =š awestwārīh ēw ī ō dō mard dād bawēd ,
331.0
ka ātaxš nišānēd ud sālārīh rāy framān nē dahēd sālārīh pad pus ī meh
332.0
ud ka ān ī meh ud pad dād hāwand dō ast ō ān ī pad dēn kirdārdar ud weh
333.0
ud ka =iz pad dēn kirdārīh ud wehīh hāwand hēnd pad āgenēn dārišn ,
334.0
ādurōg ī kas nišānēd kas pad wahrāmīh ō dādgāh nišāst pad dūdag ī ōy kē pad wahrāmīh ō dādgāh nišāst rawēd ,
335.0
sālār ī gumārdag sēnūgmasāy ud bāzāymasāy ōh bawēd
336.0
ud ān kē sālārīh abar frāz mānēd nē bawēd ,
337.0
ān =iz kē sālārīh abar frāz mānēd bē ka abarmānd gīrēd dārēd enyā =š ōh bawēd
338.0
ud ka gīrēd ā =š nē bawēd ,
339.0
ka gōwēd kū =m dūdag pad sālārīh ō tō dād ātaxš =iz dād bawēd ,
340.0
gyāg ēw nibišt kū ka ādurfarnbay ādurōg nišāst ud xwāstag awi =š dād ud sālār pad =iš gumārd u =š pas zōhrxward be kird ud pad wahrāmīh ō dādgāh nišāst , wayayār guft kū būd kē pahikārišn ēn būd kū tis ī sālārīh ǰuttar be būd čē ān zamān ādurōg būd bē =šān ǰuttar be nē kird ,
341.0
ātaxš ī wahrām ī čand mard pad āgenēn nišānēnd ud awēšān kē pad āgenēn nišānēnd bahr ud dāštārīh nē dahēnd nē bahr bē dāštārīh ,
342.0
ud ān ī mard tanīhā nišānēd ka =š bahr sūdōmanddar bahr ud ka =š dāštārīh sūdōmanddar dāštārīh abāyēd dād ,
343.0
ka mard xwāstag ruwān rāy paydāg kirdan nibišt kū =m zan ī xwēš dāštan rāy framān dād zan az framān ī šōy be ēstād nē pādixšāy X u =š sālārīh kunišn ,
344.0
pad sālārīh ī dūdag kē aburnāyīg andar pus ī čagar nē gumārišn čē =š abāg aburnāyīg ī pad ān dūdag paywand nēst ,
345.0
ātaxš ī zan kē šōy ud frazend ast ud anandarz murd nišāst ō frazend nē bē ō šōy rasēd ,
346.0
ka mard dūdag pad sālārīh ō mard ēw dahēd andar dūdag tā aburnāyīg , purnāy
347.0
ud ka purnāy dahēd pid ī ōy [ud] pid ī sālārīh nabānazdišt hēnd ud dūdagsālār ān ham kadagxwadāy kird kū =m dūdag pad sālārīh ō mihrēn dād būd kē guft kū =m ān čiyōn sālārīh pad dād [ī] pid būd ēstēd ham pad duxt [ī] pad šōy be dād kārag nēst ,
348.0
pusānōš ī burzādurfarnbayān , guft kū ka pad ān ēwēnag pad ān tis dādestān ǰuttar nē bawēd čiyōn ka sālār būdag hē ,
349.0
gyāg ēw nibišt kū ka ātaxš rāy gōwēd kū =m pad sālārīh ō awēšān [ī] man ud pusdād ō awēšān ī man brāddād hēnd ēk ī pad dād ī meh dād ō awēšān ī az dādestānpus dādestānbrād ī čagar zād ēstēd nē rasēd
350.0
abāg ān ī guft kū ka gōwēd kū =m ǰomā zan ud frazend hambāy kird hē ka pādixšāyīhā padīriftag ast dō čagar nē kunišn ka nē ān =iz ī čagar ōh kunišn nigerīdan ,
351.0
az dastwarān ōwōn nibišt kū pid sālārīh ī aburnāyīg ī =š pad sālārīh be dād hamē ka =š kāmag kāmēd abāz stad pādixšāy ,
352.0
pid sālārīh ud [ī] duxt ǰāwēdānag ud brād ān ī xwah tā zīndagīh ī xwad be pādixšāy dād
353.0
ka dūdag pad sālārīh ō dō mard dahēd ud ēk nē padīrēd ayāb harw dō padīrēnd ēk pad baxt šawēd sālārīh aframān ,
354.0
ka kunēd kū =m ēn ātaxš az xwāstag hammis nēm pad sālārīh ō tō dād sālārīh xūb u =š ān nēm pad paywand be rawēd ,
355.0
[ī] pus ōwōn wēš gōwēnd kū ka zyān kunēd ā =š sālārīh appār nē bawēd
356.0
mard pad guft ī zurwāndād nibišt kū ka nē hambārēd kirdan ud nē wizārdan rāy aburnāyīg sālār gumārišn ,
357.0
sālār ī gumārdag ka zyān kunēd ā =š sālārīh appār ,
358.0
ud ka abāz nē hambārēd ud dūdag pad sālārīh ōh dārēd ka sāldranāy abar guft dūdag asālār kirdan rāy margarzān
359.0
ud ka andar sāldranāy ān zyān be wizārēd abāz , gumārišn ,
360.0
ka xwāstag ruwān rāy paydāg kunēd ud pad dāštan ō farrox dahēd ud farrox gīrēd ud dārēd ud widard farrox ud pad paywand ī farrox be rawēd u =š ō ī sālār wināh padiš kunēd ud appār bawēd ud čiyōn dādfarrox guft sālārīh abāz ō bun šawēd nē ō farrox ,
361.0
gyāg ēw nibišt kū ka ātaxš nišānēd ā =š ud pus ī pāduxšāyīhā ud padīriftag ast ud sālārīh rāy framān nē dahēd widard kadagxwadāy ka pus ī padīriftag pad dād meh sālār pus ī padīruftag
362.0
ud agar =iš nīrmad ēw andar abāg hamdūdagān ,
363.0
ka xwāstag ruwān rāy paydāg kunēd u =š yazišn ud nihādag abar nihād ud pad dāštan framān nē dahēd widard pid pus ī meh pad sālārīh dārišn
364.0
ud agar =iš nīrmad ēw andar abāg hamdūdagān
365.0
X , , dar ī āgrawīh pēštōzišnīh , dād pādixšāy būd pādixšāy nē būd
366.0
mard abām ud tōzišn ī =š pad kasān ud xwāstag ī =š tā any ēwēnag sahēd ud ēd čē =š andarz ud xwāstag =iz ī =š dastwarz ud tāg ud any ēwēnag dād paymān abar kird ēstēd pad abām tōzišn ī ō kas
367.0
ka =š any =z xwāstag ast xwad u =š xwāstagdār =iz pādixšāy hēnd ka be nē abespārēnd
368.0
, ud ka =š any =z xwāstag nēst ēg =iz tā zīndagānīh pādixšāy ka be nē abespārēd ,
369.0
, ka mard kē ō kas tōzišn ud dahišn hamēwēn xwāstag ī xwēš rāy kunēd kū =m nēm tā dah sāl ō farrox ud nēm pas az dah sāl ō mihrēn dād ud andar dah sāl abām xwāhēnd xwāstag nēmbāy ī tōzišn nēm tā dah sāl ud nēm pas az dah sāl be abespārišn ,
370.0
ka mard kē ō kas xwāstag ud tis tōzišn ud dahišn kunēd kū =m xwāstag ī man xwēš frāz az man ō ādurfarnbay dād az ān frāz be kunēnd ān xwāstag bawēd
371.0
any xwāstag awi =š nē rasēd
372.0
ud agar and bawēd čand pad tōzišn bowandag ud hamēwēn , pad xīr ī xwēš uzēnag kird ēg =iz xwāstag pad arz ī tōzišn az ādurfarnbay , abāz āwurd ,
373.0
ka waxš ud anwān(?) ī pad paymān ī sāl ēk kird ud sāl se ō tōzišn mad abām ī sāl dō ast pad kardag pad abām ī sāl dō be abespārd , ,
374.0
ka xwāstag pad dād be dahēd ka =iz =iš ōh zan ēdar ēg =iz xwarišn ud dārišn ī zan [ud] aburnāyīg abāz āwarišn ,
375.0
ka pad andarz be dahēd ēg =iz abāz āwarišn ,
376.0
ka xwāstag pad dād be dahēd ud zaxm kunēd abāz nē āwarišn
377.0
ud ka pad X andarz be dahēd abāz āwarišn ,
378.0
duxt ud zan ud aburnāyīg xwāstag ī pēš az ān ka =šān šōy kird ud pid abām stad az pid ud šōy ud šāhān šāh ō xwēšīh mad pad tōzišn ī šōy ud pid be nē wizārišn ,
379.0
gyāg ēw nibišt kū wizīr ī mard andar zan ud frazend āwāšēd rāy abām tōzišn ī pas az ān az xwāstag ī agar ēwbār ān wizīr āwišt ān mard dāšt kam nē tōzišn ,
380.0
gyāg ēw nibišt kū pēštōzišnīh rāy pad waxš ud anwān(?) abārīg =iz ān ī az ān šōn xwāstag kē dārišn be kird abāz nē āwarišn ,
381.0
bawēd kē guft
382.0
kū bē pad abām ud ahlawdād ud margarzān enyā pad abārīg harw tis pēštōzišnīh ēg kār ka xwāstag dārišn be nē kird ,
383.0
wayayār guft kū ka kunēd kū =m xwāstag ī man xwēš frāz az man ō wāhmān ī mard dād pad kardag ōwōn kunēnd
384.0
kū parwarišn ī zan [ud] aburnāyīg abāz āwarišn
385.0
ud abārīg hamgōnag čiyōn dād ī frāy rāst
386.0
u =š ēn =iz guft kū ka kunēd kū frāz az man ēn xwāstag tō xwēš ēd bawēd mardagpusānōš guft kū pad X kardag ka mad , ēg =išān ōwōn kird čiyōn dād nē ōwōn čiyōn andarz ,
387.0
wahrām guft kū ka farrox xwāstag hamāg ō zan ud frazend ī pādixšāyīhā dād u =š pas ādurōg dād , nišāst ud xwāstag hamāg awi =š dād ud nē wizīr āwišt ka ādurōg dāštārīh pad mayān xwāstag az zan ud frazend abāz stad ud ō ādurōg dād
388.0
ud man wizīr padiš kird ud nē āwišt aziš xwad dādestān nēst čē ēn ǰuttar bawēd kū ka xwāstag be ō zan ud frazend ī dahēd ud pas be frōšēd ayāb graw kunēd ayāb abām stānēd
389.0
čē zan ud frazend kē xwāstag X awi =š dād pad =iz rāh ī xwāstagsālārīh ān abām be abāyēd tōxt ud ān xwāstag druyist abāyēd dāštan ,
390.0
u =š ēn =iz guft kū ka kadagxwadāy xwāstag mad ud rasēd ō zan ud frazend dahēd ud pas anšahrīg āzād kunēd siyāwaxš guft anšahrīg az šāhān šāh bandagīh abāz āwurd nē šāyēd
391.0
ud man =iz ēdōn dānam bē =š rādohrmazd ǰuddādestānīh ēw andar ōh kird ,
392.0
ǰāmāsp guft kū čiyōn =am āšnūd , xwāstag ī mard ō zan ud frazend dād ēstēd ud pas be frōšēd az mard ī rād ud abāz nē āwurd
393.0
ān =iz ī čagar rāy framān būd ēstēd ,
394.0
ka mard dō ēk pad muhr ī ēwar ēk pad muhr ī wizurd ī pēš az ān wizīr dārēd ud zan ēw rāy ǰud ǰud pahikārēd kū man zan ud dādestān abāg ziyānag kunēnd ud ziyānag dārišn andar ēk =iz nē paydāg gōwēd kū ōy zan hom kē wizīr ī warōmand dārēd dārišn , ast kē ēdōn gōwēd kū be ō ōy kunišn kē wizīr ī pēš dārēd
395.0
ud X X X X X X X X X X X X X X ast kē ō ōy guft kē wizīr ī ēwar dārēd
396.0
bē ka dādestān mard ēk abāg did kunēnd harēwēnag dārišn ō wizīr ī ēwar kunišn ,
397.0
X , , dar ī xwarišn ud dārišn ī kas az kas ,
398.0
pus tā purnāy bawēd duxt tā šōy kunēd zan tā zīndag ān ī pādixšāyīhā xwarišn ud dārišn
399.0
ka az ān [ī] pad X pid pad mayān kirdan šāyēd az ān ī pid
400.0
ud ka az ān ī pid pad mayān kirdan šāyēd ōwōn kū š guharīg az ān ī pid abāz rasēd az ān ī pus ,
401.0
aburnāyīg ī čagarīhā ka az dūdag nēst az ān ī pid ī čagarīhā ān =iz ī purnāy hamgōnag ,
402.0
pid ka =š az xīr ī ud xwāstag ī xwēš nēst az xīr ī pus duxt [ud] zan [ī] pāduxšāyīhā , pid ī čagarīhīhā az wāspuhragān ī zan ud frazend [ī] čagarīhā u =š guharīg abāz dahišn ,
403.0
duxt ka pad wināhgārīh ī pid ī gādār kunēd xwarišn ud dārišn ka =š az kārwindišn ī xwēš ast az kārwindišn ī xwēš ud ka =š kārwindišn ī xwēš nēst az ān ī pid ē bawēd
404.0
aburnāyīg kē =š pid pad wināhgārīh xwarišn ud dārišn nē dahēd kas be parwarēd parwardār ,
405.0
pādixšāy ka kārwindišn čand parwarišn guharīg ī parwarišn rāy abāz gīrēd
406.0
ud ka kārwindišn pad parwarišn nē bowandag ān ī nē bowandag guharīg pid be dahišn ,
407.0
zan aburnāyīg pusagānīh duxtagānīh stūrīh zanīh ud tarsagāhīh sālārīh bē pad adwadād
408.0
ēg =iš nē pad =iz adwadād pid pad ān ī xwēš pad =iz ān ī abārīg awēšān ud mād andar abāyēd ud pad ān ī xwad pad ān ī ōy kē abar [mad] ēstēd frōxt pādixšāy
409.0
ud zan ī pādixšāyīhā ī tarsagāy sāl sāl az xwāstag ī šōy xwēš ud šōy nē guft ēstēd kū ma dahēd ǰud az āb zamīg ud urwarān xānag , ud anšahrīg tā dō bowandag bawēd be dād pādixšāy ,
410.0
duxt ud zan [ud] anšahrīg ī mard X ud pad wināh warōmand kird ēstēd uzēnag ī =š pad xwarišn ud dārišn ud ēd čē =š pad passāxtan andar abāyēd xwadāy ud sālār dahišn ,
411.0
frazend pad anšahrīgīh ēwāz pid pādixšāy frōxt
412.0
ud pad margīh ud rēštagīh pādixšāy frōxt ēwāz pad ān ī ōy ī pādixšāy frōxt
413.0
pad adwadād pid pad ān ī xwēš pad =iz ān ī ōy ud mād pad ān [ī] xwad ud pad ān ī xwad ōy kē abar mad ēstēd
414.0
ud abārīg sālār pad ān ī xwad [ud] ōy kē abar mad ēstēd frōxt pādixšāy , ,
415.0
X dar ī yazišn X nihādag ī abar xīr ī ātaxš ud xwāstag ī ruwānnihād paydāg kird ,
416.0
xwāstag ī ō ruwān dahēnd agar barōmand bar agar abar bun ān ī az harg [ud] bār ud uzēnag ī pad bun ud mizd ud rōzīg ī sālārān be pardazēd
417.0
ōwōn nibišt kū =m ruwānyazišn rāy paydāg kird ēwāz pad ēzišn
418.0
ud agar ōwōn nibišt ēstēd kū =m ruwān rāy paydāg kird pad ān ī ōy ī kē pad dāštan awi =š dahēd pad ruwān rāy paydāg kird sūdōmanddar sahēd dahišn ud uzēnag kunišn ,
419.0
ka xwāstag ruwānyazišn rāy paydāg kunēd yazišn pad nāmčišt , nihādag nihēd bar ān ī az nihādag pardazēd sālārān xwēš
420.0
ud ka ōwōn nibēsēd kū =m ruwān rāy paydāg kird yazišn pad nāmčišt nihādag nihēd bar ān ī [az] nihādag pardazēd , yazišn kam aziš nē kunišn ,
421.0
ud ka xwāstag ruwān rāy paydāg kird ud pad dāštan ō kas ud bar ast ī ōy kē awi =š dād ō xwēš burd rāy framān dād ka =iz nē ēstēd kū kirdan ī sālārīh rāy ēg =iz ō kē awi =š dād bar frāy az ān ī =š burd rāy framān dād nē xwēš ,
422.0
ka kird kū =m xwāstag ruwān rāy paydāg kird , xwāstag ī =m ruwān rāy paydāg kird mihrēn ēd dārēd ēg =iš az ruwān abāz nē stad bawēd čē ahlawdād =iz andar ruwān
423.0
ud mihrēn tuwān guftan kū pad ahlawdād dād ,
424.0
ka gōwēd kū ēn xwāstag pad grawīh ayāb gōwēd kū pad ruwānyazišn dāštan ō man mad ud man xwāstag ī =m ō man mad ud guft ō mihrēn dād ka =iz nē nibēsēd kū pad ān ēwēnag ī =m ō man mad ud guft xūb ud pad hāwand dahēd
425.0
ud ka gōwēd kū ēn xwāstag ruwān rāy yazišn nē paydāg xwāstag ī =m paydāg kird mihrēn ē dārēd ēn =iz nē nibēsēd kū =m pad ān ēwēnag ī =m paydāg kird nē xūb
426.0
ud ka gōwēd kū =m xwāstag ruwān rāy paydāg kird ud pad dāštan ō mihrēn dād mihrēn ud any =z , kas ān xwāstag frōxt ud be dād nē pādixšāy ēg =iz bar pādixšāy frōxt
427.0
ud bun pad =iz ān ēwēnag ī =š awi =š mad be dād nē pādixšāy
428.0
u =š pad paywand ōh rawēd ,
429.0
ka mard xwāstag ī =š pad ruwānyazišn dāštan awi =š mad wināh ud zyān be wizārišn sālārīh appār nē bawēd čē =š pad paywand ō rawēd
430.0
ud abāg ān ī azabar pad guft ī dādfarrox nibišt nigerīdan ,
431.0
ka kird kū az bar ud waxt ē az xwāstag māh frawardīn pad ruwān [ī] farrox ī ud māh tīr pad ruwān ī mihrēn ēn yazišn ud harw sāl pad ān , rōz ka man frazām bawēd yazišn čand šāyēd ēd kunēd ka waxt and nē bawēd čand ān yazišn hamēwēn aziš kirdan šāyēd ān kunišn ī ka kunēd kirbag wēš bawēd
432.0
ǰuttar nē bawēd čiyōn ka kunēd kū māh ādur pad ruwān ī man wisperid ēw rōz ohrmazd ud yašt ēw rōz wahman ud drōn ēw rōz ardwahišt ēd yazēd ,
433.0
ud agar ka wisperid yazīhēd yašt ud drōn kirdan nē šāyēd pad ēn čim kū abāz ō saxwan ud framān ī pas ēstād wisperid kam nē yazišn
434.0
ud yazišn ī pad ruwān ī mard mard nihēd ud kunēd pad =iz ruwān ī xwēš nihād kird bawēd ,
435.0
ka kunēd kū rōz ohrmazd aštād ēw kē xšnūman ohrmazd xwadāy ud rōz srōš yašt ēw xšnūman srōš ēw yazēd ka ēk šāyēd kirdan aštād kirdan
436.0
, X dar ī zanīh [ī] zan [ī] pādixšāyīhā
437.0
abar dādestānnāmag ōwōn nibišt ēstēd kū xwah ud duxt ka ǰud az hunsandīh ī sālār tan pad zanīh be dahēd zanīh nē xūb ,
438.0
ud ka =š ǰud az hunsandīh ī sālārān frēbēnd ud nayēnd būd kē guft kū =š dādestān dahišn ,
439.0
bē pad kardag nē dārēnd ,
440.0
ka mard zan kē sālār ī pad nāmčišt ud stūrīh ī kas nēst gāyēd ud pad ān gād frazend zāyēd ud ān zan xwāstag ōwōn nēst kū =š xwēštan , ud frazend dāštan tuwān ōy mard ān frazend tā purnāy bawēd ud ān zan tā ān frazend purnāy bawēd pad parwarišn ud xwarišn ud wastarg dārišn ,
441.0
zurwāndād ī ǰuwānǰam guft kū ka mard ō duxt ī xwēš gōwēd kū šaw ud stūrīh ī wāhmān kas kun duxt pādixšāy ka nē kunēd čē ēn =iz ōwōn bawēd čiyōn ka =š gōwēd kū šaw ud zanīh ī wāhmān mard kun ud ka nē kunēd pādixšāy ,
442.0
ud abāg ān ī guft kū mard duxt ī xwēš pad akāmagandīh ī ān duxt pad stūrīh be dād pādixšāy ud pad zanīh be dād nē pādixšāy , ud pad stūrīh ēd rāy be pādixšāy dād čē X =š windišn pad pid ēstēd ud pad zanīh ēd rāy nē pādixšāy čē duxt gād pad , xwad ēstēd nigerīdan ,
443.0
ud xwēšīh ī duxt gād abāg ān ī nibišt kū zan ud duxt ī pādixšāyīhā ī pad windišn pādixšāy gād ud tāwān pid ud šōy ud zaxm tāwān X
444.0
arzīh and ka handranǰ(?) ō nidranǰ(?) dahēd ān ī frāy ahlawdād
445.0
ud ka ǰuttar hamē frāy arz be dahišn ,
446.0
ka šōy ō zan gōwēd kū guharēn kunēd zan guharēn rāst pādixšāy kirdan
447.0
ud ka šōy nē guft ēstēd ka pad čahār bahr ēw bahr pad šōy nīrmaddar pādixšāy kirdan
448.0
ud ka frāy kū pad čahār bahr ēw bahr az wēš pad ān ī az wēš duzz čē guharēn ēdōn pādixšāy kirdan ka frāy kū čahārēk ēw az wēš nēst
449.0
ud ziyānag abāz nē pādixšāy ēstād ,
450.0
ud ān kē guharēn abāg hamē kunēd se šabag abāz pādixšāy ēstād ī paydāg kū ka mard ēw ō kas ēw gōwēd kū guharēn kun ān kē awi =š gōwēd guharēn rāst pādixšāy kirdan ud andar =iz se šabag abāz nē pādixšāy ēstād ,
451.0
ud ēn kū ān kē ōy kas pad guharēn kirdan pādixšāy kunēd andar se šabag [abāz] pādixšāy ēstād ōh abāyēd uskārdan ,
452.0
, X , , None dar ī grawgānīh ,
453.0
ka grawgāndār xwāstag ēw ī pad wīst(?) pad graw dārēd nēm pad dah(?) pad farrox pad graw be nihēd ud farrox dah(?) be padīrēd ud xwāstag az grawīh be hilēd grawīh nē wišuft bawēd
454.0
ka grawgāndār zamīg māh ādur graw kunēd ud bunxwēš māh tīr abāz wēzēd dastgarīh ōwōn kunišn čiyōn barxwēš ,
455.0
ka kird kū =m drahm wizārdan ud ēn xwāstag az graw ud abāz wēxtan rāy mihrēn pādixšāy kird ud mihrēn ān xwāstag az grawīh wēzēd drahm pad dastwarīh wizārd bawēd
456.0
ān ī abāz āwarēd ān ī be wizārēd rāy pad grawīh dāštan pādixšāy ,
457.0
gyāg ēw nibišt kū pādixšāy kirdan pad tis ī xwēš kār ,
458.0
mard kē xwāstag ī kasān az anērān abāz xrīnēd tā ān ī be wizārd abāz dahēnd pad grawīh dāštan pādixšāy ,
459.0
xwāstag ī grawgān ka az ān ī harw sāl bar dō gīrēd pad šaš māh ud ka harw sāl bar ēk gīrēd pad dwāzdah māh ,
460.0
ka pad ēw sāl ēk gīrēd , ka tangīh ī zamīg rāy kam gīrēd az ān čiyōn zamīg ka =iz abēr tanuk ēg =iz hamē bar tis ēw bawēd pad ēw sāl ud ka nē bawēd tā āb rāy kam gīrēd pad dō sāl baxšišn ,
461.0
ka farrox pad abām stad [ī] xwāstag ud grawgānīh ī xwāstag andar mihrēn wizīr āwāšēd pas mihrēn xwāstag xwāhēd az siyāwaxš be guft kū tā ān wizīr abāz dahēd pādixšāy ka drahm nē wizārēd ,
462.0
ka ān kē xwāstag xwēš graw az grawgānīh be duzzēd xwāstag ō radān appār
463.0
ud rad hamēmālīh ī ōy kē xwāstag ōy radān xwēš pādixšāy kirdan
464.0
kū drahm be X wizār ud xwāstag abāz stān čē man xwēš ,
465.0
mard xwāstag ī =š pad kas graw frōxt nē pādixšāy
466.0
ān bawēd ka =š any =z xwāstag nēst čē , xwāstag ī āgraw frōxt nē ud ān ī grawgān frōxt pādixšāy ,
467.0
ka dastgerd ud anšahrīg graw ud xwāstag pad zamān ī nāmčišt ud dād rāy ud ēn =iz abāg ān mard paymān kird kū uzīd ān zamān ka ān xwāstag nē wizārd ēstēd ān dastgerd ud anšahrīg ōy xwāstag rāy tō xwēš ud pēš az zamān anšahrīg mīrēd čiyōn siyāwaxš guft grawgāndār pādixšāy ka xwāstag pad xwēšīh pādixšāy ka pad grawīh gīrēd ,
468.0
ka dastgerd graw kunēd u =š sraw ud čanār abzāyišn nē bē hambāhišn grawgāndār xwēš čē dastgerd ēwkardagīhā dādestān ēdōn čiyōn draxt ī barōmand ,
469.0
ka anšahrīg [ī] graw āzād kunēd bē agar xwadāy anādān enyā anšahrīg pad gyāg āzād
470.0
ud xwāstag ī grawgānagīh xwadāy pad grawgāndār
471.0
ud agar anšahrīg wizārēd guharīg pad anšahrīg wizārišn
472.0
ud tā drahm wizārēnd grawgāndār anšahrīg pad grawīh dāštan pādixšāy ,
473.0
ka anšahrīg pad grawgān pad kār ō any X šahr frēstēd ud drahm wizārēd tā abāz abespārdan ī anšahrīg guharīg anšahrīg ō ōy ī abespārišn kē anšahrīg xwēš
474.0
ka grawgāndār nē anšahrīg mad ēstēd zan ud frazend ī grawgāndār pādixšāy ka tā grawgāndār abāz āyēd drahm nē padīrēnd anšahrīg az dārišn nē hilēnd ,
475.0
ka xwāstag ēw ī grawgān kunēd hamē andar ān sāl ka bar hambun =iz nē āwarēd se sāl abāz ō pas kunišn
476.0
ud andar ēd sāl ka =š bar mayānag āwurd zyān ī ōy ī grawgāndār be wizārišn ,
477.0
ka bunxwēš drahm kē xwāstag padiš graw pad zamān ī nāmčišt be dād rāy abāg ān mard paymān kunēd ayāb ka grawgāndār drahm xwāhēd abāz nē dahēd ud pas grawgāndār andar āgāhīh ud dānišn ī bunxwēš xwāstag graw kunēd ud agar ēwbār grawgāndār xwāstag graw kird bunxwēš dārišn ī xwāstag ī xwāhēd , grawgāndār pādixšāy ka gōwēd kū drahm xwad wizār xwāstag xwad wēz
478.0
grawgāndār kē graw apēdag bawēd ān ī kadagxwadāy kird guharīg nē ud ān ī dādwar kird guharīg pādixšāy xwāst ,
479.0
ka mard xwāstag ēw ī =š padiš graw az grawīh be hilēd xwāstag rāy tis =iz nē gōwēd , būd kē guft kū =š xwāstag nē hišt bawēd
480.0
u =š bōzišn ēn guft kū ka grawgān kunēd bar grawgān kird bawēd
481.0
ud ka āgraw kunēd bun āgraw kird bawēd ,
482.0
ud ka az grawīh hilēd bar hišt bawēd ,
483.0
ka ādurfarnbay az mihrēn abām stānēd ud xwāstag grawgān ud paymān kunēd kū harg =iz bār ī ēn xwāstag rāy az tō xwāhēnd rāy xwāstag pad grawgānīh dāštan pādixšāy hē būd kē guft kū ka xwāstag be wizārēd ud harg bār rāy pad grawgānīh nē pādixšāy dāštan
484.0
čē ka =š guft kū harg =iz rāy xwāstag ī abāmdān ud harg ud bār rāy guft bawēd kū pad tō grawgān
485.0
xwāstag ī abāmdān nē pādixšāy be ka stānēd čē nazdist abām būd ud pas harg ud bār
486.0
u =š pad harg ud bār pad grawgān dāštan tā ān tāyag guft ka abām be wizārēd ,
487.0
ud būd kē guft kū ka =iz abām abāz stānēd ēg =iz harg ud bār rāy pad grawgān dāštan pādixšāy ,
488.0
ud ēn =iz pādixšāy ka abām ud harg ud bār pad ēw ǰār abāz stānēd ,
489.0
ka draxt ēw graw kunēd kē bar ast grawdār ēwāz bār xwēš
490.0
ka =š bar nēst agar ka zanēnd abāz nē rōyēd čiyōn sraw grawgāndār ēwāz hambāhišn agar ka zanēnd abāz rōyēd čiyōn čanār ud xormā hambāhišn =iz ud abzōn xwēš
491.0
ud tā ān ī ka andar abzōn ēstēd bē hunsandīh ī ōy kē graw kird ēg =iš zadan nē pādixšāy
492.0
u =š abzōn =iz ī andar grawīh ēw wahāg ayāb guharīg stānišn ,
493.0
ka , X
494.0
anšahrīg ī ābestan be frōšēd ka ābustanīh āšnāg ābustanīh =iz frōxt bawēd ,
495.0
būd kē guft kū ka panǰāh abām stānēd ud xwāstag ēw graw kunēd , harw ēw drahm ī be wizārēd xwāstag drahm marīhā čand ān ī abāz stad niyābēd az grawīh be hilišn ,
496.0
ka zamīg ēw graw kunēd u =š pas xānīg andar āxēzēd xānīg =iz grawgāndār dārišn ,
497.0
xwāstag pad dō mard grawān ka drahm wizārēd dārišn ī xwāstag az harw kē kāmēd pādixšāy xwāst , , X , ,
498.0
X [...]št nibēsēd ēg =iš nē šāyēd
499.0
ud ka kadagxwadāy kird kū ō ān ī sazāgdar nē rasēd dādestān kardagīhā ,
500.0
ka farrox stūr gumārišn mihrēn andar dūdag ī pusag ī az pus ī farrox mad ēstēd ud wasag az paywand ī ō farrox pad duxtdādīh ud zahag frāz āmad ēstēd dūrpaywanddar mad ēstēd ud ān ī stūrīh xwāhēnd pad ān stūrīh mihrēn sazāgdar
501.0
ud pusānōš ud wehohrmazd ud siyāwaxš hamdādestān
502.0
būd kē pad hangōšīdag frazend ī čagar ī pus ī ōy mard duxtdād guft
503.0
ka pad stūrīh purnāy ud ǰud az purnāy aburnāy sazāgdar ka =iz purnāy stūrīh andar nē abāyistan rāy gōwēd ēg =iz aburnāyīg ud ān ī az aburnāyīg kam sazāgdar nē gumārišn ,
504.0
ud mardag guft kū stūrīh =iz nīrmad ēw ud ān ī nīrmad ōwōn dārišn čiyōn ka aburnāyīg ōh abāyē be gumārišn ,
505.0
duxt ī bayāspāndād kē duxt ī pad xwasrāyūnīh zād ēstēd sazāgdar
506.0
ka =š brād pad baxt šawēd u =š xwah se ast any kas nēst ān ī meh stūr
507.0
ud ka pid pad baxt šawēd u =š duxt se ast ud any kas nēst ka ān ī meh abāyēd ān ī meh ud ka nē ān kē abdom šōy kunēd stūr ,
508.0
ka duxtdād ī andar xānag ī pid ī mād andar abāyēd bahr ī mād pad xwēšīh hamēwēn duxt abar ōh mānēd
509.0
ud ēn kū ka ān ī meh šōy kunēd ō ān ī dudīgar rasēd ayāb nē uskārdan ,
510.0
ka stūr ī kardag abāz ō bun šawēd [ud] duxt dō ān gyāg ān ī meh ōh abāyēd xwāst ,
511.0
ka kunēd kū =m ēn X xwāstag pad stūrīh paydāg kird u duxt dō ast ān kē framān abar nē dād ēstēd pad xwēšīh pad duxt harw dō ud ān ī paydāg kird pad stūrīh duxt ī meh dārišn ,
512.0
ka mard padīriftag xwāstag pad stūrīh [ō] padīriftag nē rasēd nē =z gumārišn ,
513.0
wayayār nibišt kū [ka] [pus] [ī] padīriftag pad , dād meh kū ān ī pādixšāyīhā pad stūrīh pus ī padīriftag gumārišn
514.0
ud ka pid ī pādixšāyīhā xwāstag pad stūrīh paydāg kunēd pus ud ī =š pad pusagānīh be dād ēstēd pad ān xwāstag pad stūrīh ōh gumārišn ,
515.0
andar dūdag zād pad kird guft ēstēd kū pad stūrīh [ī] pid nē gumārišn ,
516.0
wayayār guft kū ōh abāyēd gumārdan
517.0
ud pad , ardaxšīrxwarrah ōh gumārēnd ud pad =iz dārābgird ōh gumārēnd
518.0
ud mardagpusānōš =iz hamdādestān būd hēnd kū =šān ōh gumārd
519.0
ud dādestānbrād =iz ōh abāyēd gumārdan ud dādestānxwah , =iz ōh abāyēd gumārdan ,
520.0
rādohrmazd guft kū dādestānduxt ǰuttar nēst kū pus ī padīriftag čē ān =iz pad zanīh padīrift ī mād rāy
521.0
ud ka =š dādestānduxtīh ast pus =iz ī padīriftag pad pašt bawēd ,
522.0
u =š ēn =iz guft kū dādestānduxt ka =š ōh abāyēd , xwāst ud nē ēn kū =š abar mānēd pas pus ī čagar sazāgdar
523.0
ud wayayār hamdādestān nē būd
524.0
u =š ēn =iz pad bōzišn guft kū agar dādestānduxt tis =iz nēst pas stūr čim abāyēd gumārdan ka ān ōh zāyēnd hamāg dādestānpus ud hamāg dādestānduxt hēnd ,
525.0
ka dūdagdād kadagxwadāyīhā ud harg ī paywand ud tōhmag abar nē mānēd ,
526.0
gyāg ēw nibišt kū pad stūrīh ud sālārīh dādestānbrād az brād ud pus ud duxt ī andar dūdag ī brād zād ēstēnd az ān ī abārīg brādarān sazāgīh ud dādestān ǰuttar nēst ,
527.0
pēšagsīr gōwēnd kū dādestānbrād ka =šān zahagīh az ēd gyāg pad uskārišn kū ēk andar did šāyēnd ,
528.0
zan ī pad stūrīh sazāgdar ka =š ōh xwāhišn kird bahr ud pēšīgān be dād pādixšāy
529.0
ud ka ān [ī] kam sazāgdar xwāhēd be hišt ī pādixšāy
530.0
ud ka pad hunsandīh ī ōy ān ī kam sazāgdar ō xwāhišn kird ēg nē gumārēd
531.0
ud ān ī sazāgdar xwāhēd ēg =iz ān [ī] sazāgdar gumārišn ,
532.0
ka brād stūrīh ahy ō xwāhišn kird kū xwah pad ān stūrīh xwah nē bē brād gumārišn
533.0
pusānōš =iz ī āzādmardān hamgōnag guft ,
534.0
ka brād stūrīh andar xwāhišn dāšt ud xwah rāy ud ēn nibišt ēstēd kū pādixšāy kas zan gumārēd pad xūb dāštan
535.0
pursišn ī az xwah kār nēst ,
536.0
ka mard pad baxt šawēd u =š xwāstag haštād nēst ham xwah ud brād ast ud ham pad dūdag ī kas stūr ud xwah kas zan ān xwāstag ō brād
537.0
ud abāg =iz ān kū zan kē šōy ast pad stūrīh pad sazāg ud ān ī stūr pad asazāg dārēnd
538.0
pas =iz ō xwah nē bē pad xwēšīh ō brād rasēd ,
539.0
xwāstag ī pad dūdag kē stūr gumārišn ud arz ī šahr rāy az haštād abāz kast ka pēš az ān ī ka stūr gumārēnd abāz kast stūr nē gumārišn ,
540.0
ud agar pas kast stūrīh ǰuttar be nē bawēd ,
541.0
ka kadagbānūg be widerišnīh stūrīh be dahēd agar ōwōn nibišt kū =m frāz az man dād būd kē guft kū pad ēn čim čē pad ān zamān hamē dahēd ka dādwarān stūr gumārišn nē xūb
542.0
ud ka kird kū =m pad be widerišnīh dād pad xūb dāštan ,
543.0
ka stūr ī kardag stūrīh be ō aburnāyīg ī xwēš dahēd ud aburnāyīg andar aburnāyīgīh pad baxt šawēd ǰuttar nē bawēd čiyōn ka =š zan abar kird hē
544.0
ka =š zan abar kunēd ēdōn uskārišn kū ēdōn bawēd čiyōn ān =iz ī gumārdag ,
545.0
stūrīh ka xwēšāwand hēnd ud nē xwāhēnd ādehīg čiyōn az dādestānnāmag ī pad gurgān kardag sahist kū paydāg ōh gumārišn ,
546.0
ka mard xwāstag pad stūrīh ī xwēš zan ī pādixšāyīhā ī xwēš dāštan rāy ud ēn =iz framān dahēd kū kas pad ziyānag ud ān xwāstag sālārīh ud pādixšāyīhā ma ēd bawēd ziyānag pad pēšēmālīh ud pasēmālīh ī xīr ī ān stūrīh sālār andar nē abāyēd ,
547.0
mard ka =š bē zan ayāb ān ī anērīh dārēd ayāb =iš bē aburnāyīg ī ō agdēnīh šawēd any frazend nēst stūr ōh gumārišn ,
548.0
ka mard bē duxt dō any kas nēst xwāstag ud xān pad bahr ud xwēšīh ō duxt ī meh dahēd anandarz mīrēd būd kē guft kū duxt ī meh bahr ī duxtīh rāy bahr pad stūrīh kam abar nē mānēd
549.0
ud ǰuttar nē bawēd čiyōn , ka =š naxwist bahr ī duxtīh dād ud pas pad zanīh grift
550.0
ud bahr ī zanīh kam nē rasēd ,
551.0
ud būd kē guft kū ka bahr =iz ī stūrīh duxtīh rāy hamē rasēd ,
552.0
duxt ka =š , zan kunēd bahr ī zanīh nē duxtīh rāy hamē rasēd
553.0
u =š abārīg , xwāstag abar nē mānēd ,
554.0
ud abar dādestānnāmag ōwōn nibišt kū duxt ī meh stūr
555.0
ud xwāstag ī ka kadagxwadāy pad baxt šawēd pad kadagxwadāy ēstād , ō duxt ī keh rasēd
556.0
ka gōwēd kū =m ēn xwāstag pad stūrīh paydāg kird u =š duxt ī dō ast ān kē framān abar nē dād ēstēd pad xwēšīh pad duxt harw dō ud ān ī paydāg X X kird pad stūrīh duxt ī meh dārišn ,
557.0
ud wayayār =iz hamgōnag gyāg ēw nibišt kū ka pid xwāstag haštād pad stūrīh paydāg kunēd ud pad nām(?) dāštan ō kas nē dahēd u =š duxt dō ud any =z xwāstag ast ān haštād pad stūrīh ō duxt ī meh ud abārīg pad xwēšīh nēm ō ān duxt ud nēm ō ān duxt rasēd čē pid xwāstag pad stūrīh ān and paydāgēnēd
558.0
duxt xwāstag andar ō stūrīh nē barēd čē pad ān and xwāstag stūr ,
559.0
ka gōwēd kū =m ēn xwāstag pad stūrīh ō ziyānag ayāb ō mērag dād ud ka ēdōn dād ī pad nāmčišt paydāg nē kird kadagxwadāy mīrēd xwāstag ō ziyānag rasēd čē pad dūdag ēdōn nīrmaddar ,
560.0
ka mard xwāstag pad stūrīh paydāg kird u =š duxt nē pus ī pādixšāyīhā ast ud ān xwāstag kas dāštan rāy framān nē dahēd ud pus ud abārīg nabānazdišt pad ēn kū ka ōy mard xwāstag pad stūrīh ō man dād hē man nē kird tā ān stūrīh pādixšāybūd hē mard ān stūrīh ī ǰud az framān ī kadagxwadāy pad rāh ī nabānazdištīh kunišn enyā nē kirdan pādixšāy hēm ān stūrīh nē kunēnd , būd kē guft kū frazend ud nabānazdišt ī ān mard ī andar , ān ēw ka =š ān xwāstag paydāg kird ud ēd čē pas az ān būd hēnd nē pādixšāy hēnd bē ka kunēnd
561.0
ud ǰuttar nē bawēd čiyōn ka ātaxš nišānēd ayāb xwāstag ruwān rāy paydāg kunēd ud pus ud abārīg nabānazdišt nē pādixšāy hēnd bē ka =š sālārīh kunēnd
562.0
ud ka =z mard ēw xwāstag pad stūrīh ō kadagxwadāy dahēd kadagxwadāy be padīrēd ī pādixšāyīhā ī kadagxwadāy pas az ān naxwist zāyēd ka dādestān ōwōn ī pad ān stūrīh andar abāyēd ān stūrīh nē pādixšāy bē ka kunēd ,
563.0
ka ātaxš pad stūrīh nišānēd ud ātaxš wizend ēw pad sazišn rasēd ōwōn sahēd kū pēš =iz az abāz abāznišāst ī ātaxš stūr nē gumārišn
564.0
wayayār nibišt kū ka mard xwāstag haštād rāy kird kū =m harw dō sāl sāl ī nazdist stūrīh ud sāl ī dudīgar ruwān rāy paydāg kird ud ān xwāstag kas dāštan rāy framān nē dād ud murd u =š pus ēw ud duxt ēw ast any kas nēst pad ān xwāstag fradom duxt pad stūrīh be gumārišn
565.0
ud harw dō sāl sāl ī nazdist pad stūrīh duxt ud sāl ī dudīgar pad ruwān pus dārišn
566.0
duxt hamē stūr ud dūdag ud ān xwāstag sālār pus
567.0
u =š ēn =iz guft kū ka kird kū =m ēn xwāstag harw dō sāl ēd sāl pad stūrīh dāštan X ō mihrēn dād u =š zan ud frazend ud any xwāstag nēst stūr ēw pad ham xwāstag be gumārišn
568.0
ud harw dō sāl ēd sāl stūr ī gumārdag ud ēd sāl stūr ī kardag dārišn
569.0
abāg ān ud ī =š gyāg ēw nibišt kū ka kunēd kū =m az dah sāl frāz ēn X xwāstag pad stūrīh ō tō dād ā =š tā dah sāl stūrīh pādīrānēnīd nigerīdan ,
570.0
gyāg ēw nibišt kū pad zan hamdādestān būd hēnd kū tanstūr ud zīndagstūr harw X dō ōh bawēd ,
571.0
ka kunēd kū =m ēn xwāstag pad stūrīh dāštan ō se mard dād ast kē ōwōn gōwēd kū šāyēd čē awēšān harw se mard hamdādestān dādestān bawišn ud mard ēw ud zan ēw ō dūdag nayišn
572.0
ka hamdādestān nē bawēnd ud mīrēnd ast kē pus ast kē duxt duxt ī pas zād čē pad būdagīh ō duxt [ī] pas zād rasēd ,
573.0
ka mihrēn xwāstag haštād harw dō sāl ēd sāl pad xwēšīh ō farrox dahēd farrox ud mihrēn harw dōān anandarz pad baxt šawēnd u =šān zan ud frazend ud any xwāstag nēst harw dō stūr gumārišn
574.0
ud ka pad ān ēwēnag kird ēstēd ud farrox ud mihrēn harw dō zīndag hēnd mihrēn abāg farrox ēn rāyēnišn , nē bawē kū baxtīg ud bahr ī man nāmčištīgdar paydāg kun
575.0
ud būd kē guft kū ōwōn bawēd čiyōn xwāstag haštād ī pad dō mard xwēš ,
576.0
wayayār nibišt kū ka mard ēw xwāstag pad stūrīh ī xwēš paydāg kird ud pad dāštan harw dō sāl ēw sāl ō farrox ud ēd sāl ō mihrēn dād farrox ud mihrēn ǰud ǰud pad ān xwāstag yōhē pasčēta ōh bawēd
577.0
čē ēd =iz pādixšāy ka frāz az xwēš be dahēd ǰud ǰud zan padiš kird xūb ud čē ēd =iz pādixšāy ka be ō zanān dahēd
578.0
yōhē pasčēta ān bawēd ī pad ān sāl zāyēd ka =š stūrīh pad ō zan pad ān sāl kunišn ka =š stūrīh padiš ēstēd
579.0
ka az kust ēw būdag be bawēd ud andar būdagīh pad xwēšīh be ō mard ēw rasēd az ēn kust pad xwēšīh ud az kust ī did pad stūrīh rawēd ,
580.0
ka ādurfarnbay xwāstag dwēsad pad X stūrīh ō mihrēn dahēd ud mihrēn ān xwāstag nēm pad stūrīh ī X ādurfarnbay ō farrox dahēd ud pas az ān farrox ud mihrēn frazend zāyēd ān X xwāstag rāy framān nē dahēnd ud pad baxt šawēnd ān xwāstag widard awēšān ō frazend ī mihrēn ud nē be ō frazend ī farrox rasēd ,
581.0
ud mihrēn bē čiyōn tā zīndag ud ān xwāstag nēm bar burd dastwarīhā būd enyā =š pas az ān stūrīh nēst ,
582.0
pid xwāstag pad stūrīh ō duxt ī čagar ī aburnāy kē abar sālār frāz az xwēš dahēd
583.0
ud ka duxt purnāy būd sālār , any =z mard bawēd , būd kē guft kū ka dādestān ōwōn ī pid ī čagar stūr andar abāyēd ud ān sazāgdar hamdādestānīh ī sālār ī pas ī andar nē abāyēd ,
584.0
ud ka ǰuttar ōwōn bawēd čiyōn ka ǰud az dastwar ō zanīh ud stūrīh ī kasān kirdan šud hē ,
585.0
mard andar ān šahr kū pad uzdehīgīh pad baxt šawēd stūr ud dūdagsālār ōh gumārišn
585.5
ud andar ān šahr kū =š xwāstag ka =z xwad nē mad ēstēd ud kārframān nēst pad kārframān gumārdan abāyistan ,
586.0
ǰuddādestānīh ī padiš
587.0
ud uzdehīgīh kē stūr ud dūdagsālār gumārišn mānišn nē āmār
588.0
mard zīndagān dūdag ōh bawēd čē pad zan hamdādestān būd hēnd kū tanstūr ud zīndagstūr harw dō ōh bawēd
589.0
ud aburnāyīg murd =iz pid dūdagīh ōwōn čiyōn nūn =iz čē =š tis =iz tis ǰuttar be nē bawēd ,
590.0
ka šōy pad zan stūrīh ōh xwāhišn kird , pēš tā gumārēnd šōy be mīrēd zan pad ān stūrīh be gumārišn ,
591.0
ka anšahrīg ēw ō farrox mad ud farrox nēm āzād kird ud abārīg pad xwēšīh ō mihrēn dād , stūr ōh gumārišn ,
592.0
būd kē guft kū az wā̆hmān abestāg ēdōn paydāg kū farrox , sazāgdar ud pad =iz xwēšīh hamgōnag ,
593.0
ka stūr ud dūdagsālār gumārd ud ān ī sazāgdar az ān rasēd ī pas az ān zād stūrīh nē sālārīh be kanišn ud pad sālārīh ān ī sazāgdar [gumārišn?]
594.0
X pus rasēd X kē andar [...]šnīg pad haft bahr ō pusarān ēdōn bahr ō ān duxt rasēd ,
595.0
zan ī čagar ka barwar ā =š ayōgēn abar ōh bawēd
596.0
tā dād ī panǰāhsālag pad barwar dārišn ,
597.0
ka mard zan ī =š pādixšāyīhā zan rāy stūrīh xwāhēd ō ān stūrīh hilēd , būd kē guft , kū =š sālārīh ī ān zan būdagīhā čē =š az sālārīh be nē hišt ,
598.0
ud būd kē guft ud kū =š gumārdagīhā
599.0
ud pad kardag ōwōn dārēnd kū =š būdagīhā ,
600.0
ka duxt ēw ī aburnāyīg rāy stūrīh xwāhēd sālārīh az paywand ī ōy bawēd kē =š pad stūrīh gumārēnd ,
601.0
pus rāy ēdōn wēš gōwēnd kū sālār pid bawēd ,
602.0
gyāg ēw nibišt kū ka mard xwāstag pad stūrīh ō mard ēw ayāb ō zan dahēd abāz stad pādixšāy
603.0
u =š bōzišn ēn guft kū ka xwāstag pad stūrīh be dahēd ud pas =iz abām stanēd ud mīrēd xwāstag pad ān abām abāz āwarišn ,
604.0
ud būd kē guft abāz stad nē pādixšāy
605.0
u =š bōzišn ēn guft kū ka pad xwāstag pad stūrīh be dahēd ud pas abām stanēd ān kē ān xwāstag awi =š dahēd pas iz az ān xwāstag bar burd dastwarīhā
606.0
ud ka xwāstag pad ān abām nē bowandag ēg =iz bar abāz nē āwarišn ,
607.0
az rādohrmazd be ōwōn guft kū ka zan [ī] ādurfarnbay pad hunsandīh ī ādurfarnbay stūrīh [ī] mihrēn pad xwāhišn dārēd ka dādwarān abarmad kird az ān ī ka dādwarān abarmad kird frāz stūr ī mihrēn
608.0
ud xwāstag awi =š ōh abespārišn
609.0
u =š ēn =iz guft kū ka gōwēd X xwāstag tā dah sāl pad stūrīh X dārēd ud zanbūd andar dah sāl frazend zāyēd ān xwāstag pad xwēšīh be ō ān frazend rasēd ,
610.0
ka abām az ādurān ud ātaxšān stūr nē gumārišn čē pad abām ī , ādurān ātaxšān hišt dād būd nē šāyēd , ud xwāstag abām be abespārišn ,
611.0
gyāg ēw nibišt kū mard ka hāmbun =iz ast ī nē bowandag pad stūrīh šāyēd ,
612.0
u =š xwad =iz stūr ōh gumārišn ,
613.0
ud abāg ān ī nibišt kū mard ēw pad was stūrīh šāyēd nigerīdan ,
614.0
ka xwāstag pad stūrīh ō zan ēw mard ēw dahēd ast kē ōwōn gōwēd kū , ka xwāstag dō stūrīh ast stūr dō ōh bawēd ēk ziyānag ud abārīg mērag dārišn
615.0
ud ka ēw stūrīh ast ziyānag abāg mērag dārišn ,
616.0
ud ast kē ōwōn gōwēd kū ka dō stūrīh ast ēg =iz stūr ēk bawēd ud ziyānag ud mērag dārišn ,
617.0
ud ast kē ōwōn gōwēd kū ka ēw stūrīh ast ziyānag dārišn bē ēwar kū ān zan , pādixšāy ka zanīh [ī] ān mard nē kunēd ,
618.0
gyāg ēw nibišt kū ka xwāstag pad stūrīh ō zan ēw ud mard ēw