nērang ī āb ud pādyāb yaštan fradom kār ēn kū ōy kē āb ud pādyāb kunēd naxust xwēštan pad baršnūm bē abāyēd šustan

ka =š nōšabag dāštan bawēd āb pad kirbās ī pad pādyāb pālūdan ud pad ǰāmag pad pādyāb andar kunišn

gōmēz az gāw ī gušn kē ānī wādag sahēd bē kunišn

ud andar ǰāmag pad pādyāb xūbīhā andar kunišn

u =š sar bē nihumbišn

az xrafstar ud ābārīg rēmanīh pad pāhrēz dārišn

awēšān kē āb ud gōmēz yazand yaštan

tan pad baršnūm bē šōyišn

ka nōšabag dāštan adēn dāšn sīh gām frāz kunišn

yašt ī sepaywand abāg kas ī huxēmtar ī awestwārtar rāst abastāgtar ōy yyy abastāgtar xūb nērangtar ǰīw agāhtar bē kunišn

ān kas kē zōtīh kunēd šabīg kūstīg nōg pad pādyāb

ōy =iz kē rāspīg srōšbarišnīh kunēd hamgōnag ǰāmag nōg kūstīg nōg ābād ,

ōy tan kē abestāg ōytar zōtīh kunēd ōy ayār

u =šān ēk ābād kū =š ǰuddēwdād warm ud ēkbār pad zōtīh xwēš yašt ēstēd sāzišn xxx pādan xxx yāzdah xxx

ān =iz xxx dām rāy mādagwarīhā ābād xxx ka yazišn sāxt āb ud gōmēz kē be awārišn az kustag tā dašn zōt az sar ī barsom ādišt xxx andarg bē nihišn

ōy kē zōtīh/zōtag kāmēd kirdan dast pad pādyāb bē kunišn

ēkbār gōmēz ud āb bē nigerišn

hamāg gyāgīhā pēš gōmēz ud pas āb nigerišn

hamāg gyāgīhā ānī wāzag kē ō pēš nibēsam bē gōwišn

bē ēstišn gōmēz

ud āb bē nigerišn

pas abestāg bē rāyēnišn

dudīgar bār pad gāh ādarwaxšān ān gyāg kū , humāiiehe pairi ǰaϑnō bē ēstišn

u =š war andar hamāg sāzišn kunišn

aṣ̌əm bē gōwišn

dudīgar bār hamāg xūb bē nigerišn

u =š ātaxšgāh šustan

u =š dast pad pādyāb āwāz kirdan ,

yatāahūwayryō dō andar rāh ēd bē gōwišn

ōy pas barsom šawēd

u =š tarsagāhīh bē ēstišn

ud sidīgar bār sāzišn gōmēz

āb xūb bē nigerišn

u =š , frastuiiē bē gōwišn

u =š čahārom xūb bē nigerišn

būd kē guft kū pad yatāahūwayryō pad š́iiaōϑininąm

čahārgānag pad harw ēk bār bē nigerišn

pas abestāg bē rāyēnišn

pad ńiuuaēδaiiemi bun bē nigerišn

pas abestāg bē rāyēnišn

pad ān , aṣ̌əmvohū segānag pad bun hōmāst bē nigerišn

pas barəsmana bun kunišn

bawēd kē šašgānāg gōwēd čahār kē azabar nibišt dō kē pēš gōwam

panǰom pad ān wāzgīrišnīh pad hōmāst sar hamāg xūb bē nigerišn

pas pad bun ī pargard wāzag pad bun ī ǰuddēwdād mraōt̰ bē gowišn bē ēstišn

hamāg xūb bē nigerišn

hamāg gyāg pēš gōmēz pas āb nigerišn

pas ka nihuft ēstēd weh =iz ud bawēd tā yazišn sar ān ī gyāg dārišn

pad šāst nē šāst hamāg ud zand andar yazišn rasēd