Sections

1.0
xšnāyišn dādār ī ohrmazd ī rāyōmand xwarrahōmand harwispāgāh ī dānā ī tuwānā ī mahist humat hūxt huwaršt pad menišn gōwišn kunišn hamāg yazadān mēnōyān yazadān gētīyān
2.0
pad nēk ǰahišn xūb murwāg xwāham nibišt pad did axtar nēk pad dastwarīh yazadāndōst hamāgxrad ahlāyīhwarzīdār kirbagdōst ī yazadānšnās ī mēnōywēn ī wehānpassend dastwar ī dēn ī weh ī mazdēsnān anōšagruwān spandyād māhwindād rōstom šahryār nibēsā bundahišnīh
3.0
az madan ī X tāzīgān ōī ērānšahr rawāgēnīd ān =šān dušdēnīh dušxwāhīh ī az kayān hudēnīh ud az dēnburdārān āzarmīgišn ānāft
4.0
rāzān būd bawēd az yazadān ǰāgāh zofr abdwān čamakīh tisān
5.0
6.0
menišnīh ī kunišn rāst § saxwan kē ayādagīh ud dānišn ī pahlom uzīd
7.0
wadzamānīh rāy ōy =iz az dūdag ī abarmānīg kayān ud kayān dēnburdārān ō rām ud ristag ī awēšān dušdēnān gumēxt
8.0
pad abarg ān ī hudēnān saxwan brahm ud paristišn ud kirdag pad āhōg ērang dāšt hēnd
9.0
ōy =iz kē =š pad ēn frahang ud rāz hammōxt kāmag būd az gyāg gyāg pad harg ud X ī halagīh ō xwēš kirdan šāyēd nē tuwān būd
10.0
ān zandāgāhīh nazdist abar buništīh ohrmazd ud petyāragīh ī ganāgmēnōy pas abar čiyōnīh ī gēhāndām az bundahišnīh tā frazām čiyōn az dēn ī mazdēsnān paydāg
11.0
pas abar =iz bun az saxwan dārēd pad wizārišnīh čēīh ud čiyōnīh
12.0
pad wehdēn ōwōn paydāg ohrmazd bālistīg pad harwispāgāhīh ud wehīh zamān ī akanārag andar rōšnīh hamē būd
13.0
ān rōšnīh gāhudgyāg ī ohrmazd ast kē asar rōšnīh gōwēd
14.0
ān harwispāgāhīh ud wehīh zamān ī akanārag čiyōn ohrmazd
15.0
wehīh ud dēn zamān ī ohrmazd būd hēnd
16.0
ahriman andar tārīgīh pad pasdānišnīh ud zadārkāmagīh zofrpāyag būd
17.0
u =š zadārkāmagīh xām ud ān tārīgīh gyāg ast kē asar tārīgīh gōwēd
18.0
u =šān mayān tuhīgīh bawēd ast kē wāy kē =š gumēzišn padiš
19.0
harw dō hēnd kanāragōmandīh ud akanāragōmandīh
20.0
čē bālistīh ān ī asar rōšnīh gōwēd kū nē sarōmand
21.0
ud zofrpāyag ān ī asar tārīgīh
22.0
ud ān ast akanārīh
23.0
pad wimand harw dō kanāragōmand kū =šān mayān tuhīgīh ēk ōī did nē paywast hēnd
24.0
did harw dōān mēnōy pad xwēštan kanārag hēnd
25.0
did harwispāgāhīh ī ohrmazd rāy , harw čē =š andar dānišn X ohrmazd ,
26.0
kanāragōmand čē ān ī harw dō awimand paymān , ānīd
27.0
did bowandagpādixšāy ī dām ī ohrmazd pad tan ī pasēn tā hamēhamērawišnīh
28.0
ud ān ast akanāragīh
29.0
dām ī ahriman pad ān zamān be abesīhēn , tā ī ka tan ī pasēn bēd
30.0
ān =iz ast kanāragōmandīh
31.0
ohrmazd pad harwispāgāhīh dānist kū ganāgmēnōy ast abar handāzēd kunēd pad areškkāmagīh čiyōn gumēzēd abar fragān abar frazām pad abar fragān abar ud čand abzārān
32.0
u =š mēnōyīhā ān dām ī pad ān abzār andar abāyēd frāz brēhēnīd
33.0
sēhazār sāl pad dām mēnōyīg estād kū būd hēnd amēnīdār ud X arawāg agriftār
34.0
ganāgmēnōy pasdānišn ī rāy az hastīh ohrmazd anāgāh būd
35.0
pas az ān zofāyag āxēzist
36.0
ō wimand ī dīdār ī rōšnān mad
37.0
ka =š dīd ohrmazd ohrmazd ān rōšnīh agriftār ud frāz padrōd zadārkāmagīh areškgōhrīh rāy pad murnǰīdan widang abar kird
38.0
u =š pas dīd čērīh ud abarwēzīh ī farrox az ān ī xwēš
39.0
abāz ō tom dwārist kirrēnīd was dēw ān dām ī murnǰēnīdār niyāz ō ardgarīh
40.0
ohrmazd ka =š dām ī ganāgmēnōy dīd rāy sahist dām sahmgen ī pūdag ī wadag ud dušīh
41.0
u =š nē burzīd hēnd
42.0
pas ganāgmēnōy dām ī ohrmazd dīd sahist was dām ī zofr ī wan hamāgpursišnīh
43.0
u =š burzīd ān ī ohrmazd dāmdahišnīh
44.0
ēg ohrmazd abāg =iz čē ēwēnag dānist ī dām ī frazām ī kār ōī padīrag ī ganāgmēnōy āšt abar dāšt guft kū ganāgmēnōy abar ō dām ī man ayārīh bar stāyišn dah tā pad ān pāddāšn amarg ud azarmān ud asōhišn apōhišn bawē
45.0
u =š čim ēn kū agar ardīg nē sārēnē xwad nē agār ud ō =mān harwdōān sūd-abgārīhā
46.0
u =š drāyīd ganāgmēnōy kū nē baram ō dām =iz tō ayārīh
47.0
ud nē daham stāyišn bē tō dām =iz ī tō
48.0
ud murnǰēnam tā hamēhamērawišnīh
49.0
bē hāzēm harwisp dām ī tō ō adōstīh ī tō dōstīh ī man
50.0
u =š wizārišn ēn kū =š pad ēd dāšt kū ohrmazd andar ōy ačārag ēd rāy āštīh pēš dārēd
51.0
nē padīrift padist =iz abar burd
52.0
u =š guft ohrmazd kū nē harwispkirdār hē ganāgmēnōy kū =t man nē tuwān murnǰīdan u =š dām =iz man ēdōn nē tuwān kirdan kū abāz ōī xwēšīh ī man nē rasēnd
53.0
pas ohrmazd pad harwispāgāhīh dānist kū agar zamān kārēzār =iz ī ī =š nē gīram ēg tuwān kirdan pad dām ī man čiyōn padist abar burd kōxšišn ud gumēzišn ī hamēyīhā
54.0
u =š andar gumēzišn ī dām nišastan ō xwēš kirdan tuwān čiyōn nūn =iz mardōm andar gumēzišn was kē ačārag wēš warzīd kū frārōnīh kū kāmag ī ganāgmēnōy wēš hamē warzēnd
55.0
u =š guft ohrmazd ōī ganāgmēnōy kū zamāngrift kārēzār pad ēn pašn ōī nōhazār sāl frāz abganam
56.0
čē =š dānist kū pad ēn zamāngīr agārēnēd ganāgmēnōy
57.0
ēg ganāgmēnōy awēnāgfrazāmīh rāy pad ān paymānag kāmuddādestān bawēd
58.0
ēdōn čiyōn dō mard hamkōxšišn zamān frāz gīrēnd kū =mān wāhmān rōz tā šab kārēzār kunēm
59.0
ohrmazd ēn =iz pad harwispāgāhīh dānist kū ē andar ēn nōhazār sēhazār sāl hamāg kāmag ī ohrmazd rawēd sēhazār sāl andar gumēzišn kāmag ī ohrmazd ahriman harw dō rawēd X X X pad ān ī abdom ardīg X ganāgmēnōy agār šāyēd kirdan az dām petyāragīh abāz dārēd
60.0
pas ohrmazd ahunawar frāz srūd kū =š yatāhūwayryō ud wīstēk mārīg bē guft
61.0
u =š frazāmpērōzīh xwēš ud agārīh ganāgmēnōy ud abesīhišn ī dēwān ristāxēz tan ī pasēn apetyārīh ī dām hamēhamērawišnīh bē ō ganāgmēnōy , nimūd
62.0
ganāgmēnōy ka =š agārīh xwēš , abesīhišn ī dēwān hammist X dīd stard ud abōy būd abāz ō tam ōbast
63.0
ōwōn čiyōn pad dēn gōwēd kū ka =š sēēk =ēw guft bawēd ganāgmēnōy az bīm tan andar hanǰīd ka =š dō bahr guft būd ganāgmēnōy pad šnūg andar ōbast ka =š bowandag guft būd agār būd ganāgmēnōy az agārīh ī pad dāmān ohrmazd kirdan
64.0
sēhazār sāl pad stardīh nibast
65.0
dām ud dahišn mēnōyīhā gōwam ud pas gētīyīhā
66.0
ohrmazd pēš az dāmdahišnīh nē būd xwadāy ud pas az dāmdahišnīh xwadāy sūdxwāstār ud frazānag ud ǰudbēš āškārag ud hamērāyēnīdār ud abzōnīg harwispnigerīdār būd
67.0
u =š nazist dahišn xwadāy dād nēkrawišnīh ān ī mēnōy ī =š tan xwēš padiš weh bē kirdan
68.0
ka =š dām ud dahišn menīd čē =š az dāmdahišnīh xwadāyīh būd u =š dīd pad rōšnwēnāgīh ohrmazd kū ganāgmēnōy hagurz az petyārag nē wardēd ān petyāragīh ǰud pad dāmdahišnīh nē agārīhēd dām ǰud pad zamān rawāgīh nē bawēd ka zamān brēhēnēd dām =iz ī ahriman rawāg be bawēd
69.0
u =š ačāragīhā petyārag agār kirdan rāy zamān frāz brēhēnīd
70.0
u =š čim ēn kū ganāgmēnōy ǰud pad kārēzār nē agārīhēd
71.0
kārēzār wizārišn ēn kū kār pad čārōmandīhā kirdan abāyēd
72.0
pas az zamān akanāragīhā ud zamān dērandxwadāy frāz brēhēnīd dād ast kē zamān kanāragōmand gōwēd
73.0
az zamān ī dērandxwadāy asazišnīh frāz dād kū tis ohrmazd nē sazēd
74.0
az asazišnīh ud axwārīh paydāg bawēd kū dēwān xwārag nē rasīd
75.0
az axwārīhgarīhrawišnīh ī mēnōy abōywarzišnīh paydāg būd ān mēnōy kū tis ī ohrmazd ān ī pad bundahišn dād nē wardēd
76.0
az mēnōy wardišnīh bowandagkāmag dāmgēhān paydāg būd frārōn dām ud dahišn hamdādestānōmandīh ,
77.0
ahriman pad abārōn dāmdahišnīh adānīh adādestān
78.0
u =š čimwizārišn ēn kū ahriman abāg ohrmazd kōxšīhēd
79.0
xwadāfrazānagīh ud hamagīh pahlomīh X asazišnīh ī ohrmazd ud agārīh ī xwaddōšagīh ud apahlomīh pasbawišnīh ī ganāgmēnōy ō paydāgīh mad ka =š dām dād
80.0
čē zamān =iz ī dērandxwadāy nazist dām ī =š frāz brēhēnīd čē akanārag bawēd pēš az gumēzišnīh
81.0
hamēyīh ī ohrmazd kanāragōmand brēhēnīd az ān akanārag kū az bundahišn ka dām dād tā ō frazām kū ganāgmēnōy agār bawēd paymānag =ēw dwāzdah-hazār sāl kū kanāragōmand
82.0
pas ō akanāragōmandīh gumēzēd wardēd kū dām =iz ī ohrmazd abēzīhā abāg ohrmazd hamēyīg bawēnd
83.0
čiyōn gōwēd pad dēn kū zamān ōz kē tar az harw dōān dāmān dām ī ohrmazd ān =iz ī ganāgmēnōy
84.0
zamān handāzag ō kār ud dādestān zamān pursišnīgtar zamān ō ayābagān ayābagtar zamān az pursišnīgān X pursišnīgtar X kū wizir pad zamān šāyēd kirdan
85.0
zamān ī mān abganīhēd brīn pad zamān pēsīdag frāz škihēd
86.0
kas az ōy nē bōxtēd az hangāmdān mardōmān nē X ō ul wāzēd nē ō nigūnīh čāh =ēw kanēd X nišīnēd nē ka azēr ī xān ī ābān ī sard frōd wardēd ,
87.0
ohrmazd az ān ī xwēš xwadīh az gētīgrōšnīh kirb ī dāmān ī xwēš frāz brēhēnīd
88.0
ā =š pad ātaxš kirb ī , rōšnīh spēd gird frāzpaydāg az ān mēnōy kē petyārag ī andar harw dō dām ā =š burdan ast tuwān ast zamān
89.0
ā =š kirb ī wāy ī weh frāz brēhēnīd čiyōn wāy abāyēd ast kē wāy dērandxwadāy frāz gōwēd
90.0
ā =š dām pad ayārīh wāy ī dērandxwadāy frāz brēhēnīd čē ka =š dām =iz dād sē =z abzār =ēw ī =š pad kār andar abāyēd
91.0
ganāgmēnōy az stī tārīkīh ān ī xwēštan dām frāz kirrēnīd pad ān ī kirb ī syāyīh ī ādurestarōn ī tamarzānīg druwand čiyōn bazagaxwtar xrafstar
92.0
u =š az stī xwaddōšagīh waran ī pāyēd kirb frāz kirrēnīd čiyōn X abāyēd
93.0
u =š nazist dēwān xwadīh dād dušrawišnīh ān mēnōy ī =š ganāgīh ī dāmān ī ohrmazd aziš būd
94.0
čē =š az stī tārīkīh ān ī asar tārīkīh dād
95.0
az asar tārīkīh drōgōwišnīh frāz būd
96.0
az anāgīh ī ōy ganāgmēnōy paydāg būd
97.0
čē =š ān dām dād ī =š , xwēštan pad =iš wattar be kird kū agār be bēd
98.0
čē az asar ī tārīkīh ān tan frāz kirrēnīd u =š xwēštan dām az kirb be dād az ān ī xwēš dāmdahišnīh agār bawēd ,
99.0
ohrmazd az stī rōšnīh ud rāstgōwišnīh ud az rāstgōwišnīh abzōnīgīh ī dādār paydāg bawēd dāmdahišnīh
100.0
čē =š asar kirb ī az asar ī rōšnīh frāz brēhēnīd dām =iz ī hamāg andar asar kirbag bē dād āsrōkirbag zamān sazišn ǰudāg bawēd
101.0
az āsrōkirbag ahunawar frāz būd
102.0
mēnōy ī yatāahūwayryō kē =š bēdahišnīh ud frazām ī dām aziš paydāgīh ast dēn čiyōn dēn abāg dāmdahišnīh dahīhist
103.0
az ahunawar mēnōy sāl frāz būd kē andar gumēzišn nūn nēmrōšn nēmtārīk sēsadudšastīpanǰ rōzšabān kē brīn ī zamān ī dērandxwadā
104.0
u =š harw dō dām pad kōxšišn padiš rawāg būd
105.0
čiyōn guft dām ī ohrmazd pad xwadāyīh ud dastwarīh dādestānōmandīh bālistīh pad xwāhrīgīh estād
106.0
dām ganāgmēnōy pad čērīh ud stahmīh ud wināhgārīh zofāyīh pad dušwārīh estād ,
107.0
ohrmazd pad amahrspandān brīnōmand mad
108.0
ka =š dād būd hēnd se rad
109.0
čē =š abāz ō gētī abāyēd dād u =š nōgtar pad tan ī pasēn anāgīh az =iš bē apaydāg burdan u =š dām ī mēnōy mēnōyīhā dārēd
110.0
u =š dām gētī ud mēnōyīhā dād
111.0
u =š did bē ō gētīyīhā dād
112.0
u =š nazist amahrspandān dād haft bun pas abārīg
113.0
ān ī haftom xwad ohrmazd
114.0
az dām ī gētī pad mēnōy dād nazist šaš
115.0
ān ī haftom xwad būd
116.0
ānōh ohrmazd harw dō ast mēnōy nazist gētī az amahrspandān
117.0
pas az wāy ī dērandxwadāy nazist wahman frāz brēhēnīd kē =š rawāgīh dām ohrmazd aziš būd
118.0
ganāgmēnōy nazist mihōxtīhā akōman az dām ī gētīyīhā nazist asmān
119.0
u =š wahman az nēkrawišnīh gētī rōšnīh nazdist frāz brēhēnīd kē =š dēn ī weh ī māzdēsnān abāg būd
120.0
ēn kū ān ī ō dām rasēd tā frašegird ā =š dānist
121.0
pas ardwahišt pas šahrewar pas spandarmad pas hordad amurdad brēhēnīd
122.0
haftom xwad ohrmazd ud haštom rāstgōwišnīh nohom srōšahlā dahom mānsrspand yāzdahom nēryōsang dwāzdahom rad ī buland rahwōbirzid sēzdahom rašn rāst čahārdahom mihr ī frāgōyōt pānzdahom ālišwang ī weh šānzdahom pārand haftdahom xwēy haštdahom wād nōzdahom dādestānōmandīh wīstom pahikār pēšēmāludpasēmālīh āštīhabzōnīgīh
123.0
az dām ī gētī nazdist asmān dudīgar āb ud sidīgar zamīg ud čahārom urwar ud panǰom gōspand šašom mardōm haftom xwad ohrmazd
124.0
u =š dām ī pad ayārīh ī wāy dērandxwadāy frāz brēhēnīd
125.0
čē ka =š wāy dērandxwadāy frāz brēhēnīd ōy =iz abzār =ēw , būd u =š pad dāmdahišnīh andar abāyēd
126.0
ganāgmēnōy pad ān petyāragōmandīh az kamālīgān dēwān nazdist akōman frāz kirrēnīd pas indar ud pas sāwul ud pas nāhwayh pas tarōmad pas tariz ud zēriz ud pas abārīgān dēwān
127.0
haftom xwad ganāgmēnōy
128.0
hagriz tisīh ī frārōn nē menēd nē gōwēd nē kunēd
129.0
u =š nēkīh ī dām ī ohrmazd nē abāyēd dām ī ohrmazd nēkīh dām ī ahriman nē abāyēd ,
130.0
ohrmazd ān tis nē menēd ī =š kirdan nē tuwān ,
131.0
ganāgmēnōy ān ī =š nē tuwān kirdan menēd pad stēz =iz abar barēm
132.0
dām ī ohrmazd pad mēnōyīh ēdōn parward kū tarrīhīh ēstād amēnīdār agriftār arawāg čiyōn šusr homānāg
133.0
pas az tarrīgīh gumēzagīh šusr xōn homānāg
134.0
pas az gumēzagīh xwurdagīh bawēd gaštag =ēw homānāg
135.0
pas az xwurdagīh wiškīdagīh ǰān dast ud pāy
136.0
pas az wiškīdagīh gabrīh bawēd čašm ud gōš ud dahān
137.0
pas az gabrīh čandišn būd ka bē ō pēš rōšn ēstād
138.0
nūn =iz pad gētī pad ān hangōšīdag andar aškomb ī mādar X hambōšēnd ud zāyēnd parwarand
139.0
ud ohrmazd pad dāmdahišnīh ud mādarīh ud pidarīh ī dahišn ast
140.0
čē ka =š dām pad mēnōy parwarēd ān būd mādarīh ka =š bē ō gētī dād ān mēnōy būd pidar
141.0
abar dāmdahišnīh ī gētīyīhā
142.0
ka ganāgmēnōy stardīhā agār būd čiyōn =im abar nibišt sēhazār sāl pad stardīh sayist X andar ān agārīh ōy ganāgmēnōy
143.0
ohrmazd dām ō gētī brēhēnīd
144.0
čē asar rōšnīh ātaxš az ātaxš wād az wād āb az āb X zamīg harwisp astōmandīh gētī frāz brēhēnīd
145.0
čiyōn gōwēd pad dēn kū fradom dām hamāg āb =ēw X srešk =ēw bawēd kū hamāg az āb būd ǰud , tōhm mardōmān gōspandān čē ān tōhm ātaxštōhm ī
146.0
u =š nazdist asemān dād pad abāzdārišnīh ast kē fradom gōwēd
147.0
didīgar āb dād pad zadan tišn druz
148.0
sidīgar zamīg dād harwisp astōmandīh
149.0
čahārom urwar dād ō ayārīh ī gōspand hudahag panǰom ō gōspand ayārīh ī mard ī ahlaw
150.0
šašom mard ī ahlaw dād ō zadārīh ud agārīh ī ganāgmēnōy ud hamist dēwān
151.0
u =š pas ātaxš dād xwarg u =š brāh az asar rōšnīh awi =š paywast
152.0
ēdōn kerb weh čiyōn ātaxš kāmag
153.0
u =š pas wād brēhēnīd pad mardkirb ǰuwān ī pānzdahsālag kē ēn āb ud urwar ud gōspand ud mard ī ahlaw harw tis =ēw burd dārēd
154.0
u =šān čiyōnīh gōwam
155.0
nazist asmān dād rōšn paydāgīh abēr dūr ud pasaggāh xwēnāhen ī ast gōhr almāst nar
156.0
u =š sar bē ō X asar rōšn paywast
157.0
u =š dām hamāg andarōn asmān bē dād āwahan homānāg drubušt kē =š harw abzār pad kōxšišn andar abāyist andarōn nihād estēd ayāb mān mānāg harw tis andar mānēd
158.0
fragānbun ī asmān čandīh pahnāy ī =š drahnāy čandīh drahnāy u =š bālā čandīh bālā ī =š zahyā hamōghandāz
159.0
X warzwar homānāg menišnōmand gōwišnōmand kunišnōmand āgāh abzōnīg wizīdār mēnōy asmān
160.0
u =š padīrift drang drubuštīh az ganāgmēnōy kū abāz dwāristan nē hišt
161.0
čiyōn gurd artēštār kē zrē paymōxt estēd kū abēbīmīhā az kārēzār bōxtēd mēnōy ī asmān asmān ēdōn dārēd
162.0
u =š dād ō ayārīh ī asmān urwāhmenīh
163.0
čē =š urwāhmenīh pad =iš frāz brēhēnīd kē nūn čiyōn gumēzagīh dām pad urwāhmenīh andar ēstēd
164.0
dudīgar az gōhr ī asmān āb brēhēnīd čand mard =ēw ka dō dast ō zamīg hilēd pad dast ud pāy rawēd ā =š tā aškomb āb be ēstēd pad ān bālā āb be tazēd
165.0
u =š dād ō ayārīh wād wārān kē muznāh ud snōyān ud snēzag
166.0
sidīgar az zamīg dād gird dūrwidarag ud anišēb anafrāz
167.0
hamōg drahnāy abāg pahnā ud pahnā abāg zahyā rāst mayān ī ēn asmān bē winnārd
168.0
čiyōn gōwēd kū =š nazist seēk =ēw ēn zamīg frāz brēhēnīd saxt čiyōn sangdār dudīgar seēk =ēw ēn zamīg frāz brēhēnīd gardāgand sidīgar seēk =ēw ēn zamīg frāz brēhēnīd wēmtangīrag
169.0
u =š gōhr andar zamīg bē dād kōfīhā kē pas az ān waxšīd rust hēnd az zamīg
170.0
u =š dād ō ayārīh zamīg āhen rōy gōgird bōrakiz harwist =iz ān ī saxt zamīgtōhmag ǰud az astdār čē ǰudtōhmag hēnd
171.0
ōwōn saxt brēhēnīd zamīg pad homānāg ī mard =ēw ka =š ǰāmag ǰāmag hamāg kust pad tan saxt andar grift ēstēd
172.0
azēr ēn zamīg hamāg gyāg āb bē ēstēd
173.0
čahārom urwar dād
174.0
nazist ō mayānag ī ēn zamīg abar rust čand pay =ēw bālā abē azg abē pōst abē xār ud tarr ud šīrēn
175.0
u =š wisp sardag zōr ī urwarān andar čihr dāšt
176.0
u =š dād ō ayārīh urwar ud āb ud ātaxš čē harw ēwan =ēw urwarān āb =ēw srešk pad sar ātaxš cahār angust pēš pad ān zōr hamē rōyēd
177.0
panǰom gāw ī ēwdād brēhēnīd andar ērānwēz pad mayānag gēhān pad bālāyīh , rōd ī wehdāytī kū mayānag ī gēhān sipēd rōšn , būd čiyōn māh kē =š bālā se nāy paymānīg
178.0
u =š dād ō ayārīh ī āb ud urwar čē =š andar gumēzišn zōr ud waxšišn az ēn bawēd
179.0
šašom gayōmart brēhēnīd rōšn čiyōn xwaršēd
180.0
u =š cahār nāy paymānīg bālā būd , pahnā čiyōn bālā rāst
181.0
pad bālā ī rōd dāytī kū mayānag ī gēhān ēstēd gayōmart pad hōy ālag ud gāw pad dašn ālag
182.0
u =šān dūrīh ēk az did dūrīh =iz ī az āb dāytī čand bālā xwēš būd ,
183.0
čašmōmand gōšōmand uzwānōmand daxšagōmand būd
184.0
gayōmart daxšagōmand ēd kū mardōm az ōy tōhmag pad ān hangōšīdag zād hēnd
185.0
u =š dād ō ayārīh ī xwēy āsānīh ī dādār
186.0
čē ohrmazd ān xwēy frāz brēhēnīd pad mardkirb ī buland ī pānzdahsālag ī rōšn
187.0
u =š gayōmart abāg gāw az zamīg brēhēnīd
188.0
u =š az rōšnīh ud zargōnīh asmān šusr mardōmān ud gāwān frāz brēhēnīd čiyōn ēn dō šusr ātaxš tōhmag nē āb tōhmag
189.0
pad tan ī gāw ī gayōmart bē dād tā =š purrrawišnīh mardōmān gōspandān aziš būd
190.0
u =š ēn šaš dahišn pad šaš gāh gāhānbār be dād ud pad sāl ī hangārd sēsadšastpanǰ rōz dwāzdah māhīgān harw māhīg sī rōz ud māhīg sīpanǰ rōz harw rōz =ēw nām =ēw amahrspand =ēw pad =iš nihād
191.0
u =š čiyōnīh gōwam
192.0
nazdist asmān brēhēnīd pad čehel rōz čiyōn az rōz ī ohrmazd māhīg frawardīn tā ēn rōz ī ābān māhīg ordwahišt
193.0
panǰ rōz abar pād tā rōz ī day pad mihr
194.0
ān panǰ rōz ī gāhānbār
195.0
u =š nām maydyōzarem
196.0
u =š wizārišn ēn kū mān ī yašt mardōmīh māništ mihr āb ud zargōnīh ō paydāgīh mad
197.0
dudīgar āb dād pad panǰāhpanǰ rōz čiyōn az rōz ī mihr māh ī ordwahišt tā rōz ābān māh ī tīr
198.0
panǰ rōz abar pād tā rōz day pad mihr
199.0
ān panǰ rōz gāhānbār
200.0
u =š nām maydyōšem kē =š wizārišn ēn kū =š āb rōšn be kird čē nazist tērag bawēd
201.0
sidīgar zamīg dād pad haftād rōz čiyōn az rōz ī mihr māh tīr tā rōz ī ard māh šahrewar ,
202.0
ān panǰ rōz abar pād tā rōz anagrān
203.0
ud ān panǰ rōz ī gāhānbār
204.0
u =š nām paytišhah
205.0
u =š wizārišn ēn kū pay rawišnīh dāmān pad zamīg paydāg bē kird
206.0
čahārom urwar dād pad wīstpanǰ rōz
207.0
panǰ rōz abar pād tā aštād rōz ud rōz anagrān
208.0
ud ān panǰ rōz gāhānbār
209.0
u =š nām ayāsrim kē =š wizārišn ēn kū =š walg ud bōy gōnag ī zargōnīh paydāg būd
210.0
panǰom gōspand dād pad haftādpanǰ rōz čiyōn az rōz ī ohrmazd ud māh ī ābān tā rōz day pad mihr ud māh day
211.0
panǰ rōz abar pād tā
212.0
ān panǰ rōz gāhānbār
213.0
u =š nām maydyāyrim kē =š wizārišn ēn kū hambār ī zamestān ud dāmān ī xwēš rāy paydāg bē kird
214.0
šašom mardōm dād kū gayōmart haftād rōz čiyōn az rōz rām ī māh ī day tā rōz ī anagrān ī māh ī spandarmad
215.0
panǰ rōz abar pād tā
216.0
ān panǰ rōz ī gāhānbār
217.0
ast kē panǰ rōz ī truftag ast kē duzīdag gōwēd
218.0
u =š nām hamaspamādim kē =š wizārišn ēn kū hāmspāhrawišnīh pad gētī paydāg būd čē frawahr ī mardōmān pad hāmspāhīh raft hēnd
219.0
ud nām ān panǰ rōz truftag ast kē panǰ gāh gāhānīg ast kē panǰag ī weh gōwēd
220.0
pad dēnīg ēn ast ahunawaytgāh ī uštawaytgāh spantmatgāh wohušahrgāh ud wahištōyštgāh
221.0
ān sī rōz ī pad māhīgān ī nihād estēd
222.0
u =š nām rōz ohrmazd wahman ordwahišt šahrewar spandarmad hordad amurdad day ī ādur ī ābān xwar ud māh tīr gōš day mihr srōš rašn frawardīn wahrām rām wād day ī dēn ard aštād asmān zāmyād mahrspand anagrān
223.0
ān dwāzdah māhīgān nām az ham amahrspandān frawardīn māh ordwahišt māh hordad māh tīr māh amurdad māh šahrewar māh mihr māh ābān māh ādur māh day māh wahman māh ī spandarmad māh
224.0
u =šān čiyōnīh ēk ēk frāztar gōwam
225.0
abar frāzbrēhēnišnīh rōšnān
226.0
ohrmazd andarag ī asmān ud zamīg rōšnān frāz brēhēnīd estēnīd hēnd X stārān axtarīg ān =iz ī nēaxtarīg pas māh ud pas xwaršēd čiyōn =iš nazist spihr brēhēnīd
227.0
u =š az =iš , starān axtarīg pad =iš gumārd hēnd mādagwar ēn dwāzdah kē =šān nām warrag gāw dōpahikar ud karzang šagr hōšag tarāzūg gazdom nēmasp wayīg dōl māyīg kē =šān hambaxšišnīh pad wīst ī haft xwurdagāmārišnīh kē =šān nām ēn ast padēwar pēšparwēz parwēz pahā abesar bašn raxwat taraha azara naxw mayān abdom māšāha spur husraw srū nūr geln grafša wanand gāw , ǰuγ muri bunza kahtsar kahtmayān kaht
228.0
u =š harwisp bundahišnān ī gētī gētī māndān awiš kird hēnd kū ka ēbgat rasēd padīrag ī hamēmāl ī xwēš kōxšēnd dāmān az awēšān petyārag bōzēnd handāzag ī spāh ud gund kē ō kārēzār baxt estēd
229.0
harw axtar =ēw az awēšān šašhazārbārhazārudčahārsadhaštādhazār xwurdagstār pad ayārīh frāz brēhēnīd hēnd ān ī nūn axtar āmārēnd ǰud az ān ī anāmārānīg čiyōn pad hamayārīh awēšān ēstēnd
230.0
pad awēšān axtarān X čahār spāhbed pad čahār kust gumārd
231.0
spāhbed =ēw abar awēšān spāhbedān gumārd
232.0
was amar stārag ī nāmčištīg pad kust kust gyāg gyāg gumārd pad hamzōrīh nērōg dādār awēšān axtarān
233.0
čiyōn gōwēd kū tištar xwarāsān spāhbed sadwēs nēmrōz spāhbed wanand xwarnifrān spāhbed haftōring abāxtar spāhbed meh gāh kē meh ī mayān ī asmān gōwēd spāhbedān spāhbed
234.0
pārand ud mazdād abārīg ēn mar kustībān sālār
235.0
ud axtarāmārān ēn stāragān nūn stārag awiyābānīg , xwānēnd
236.0
ud meh ud keh ud miyānag rāy gōwēnd kū wuzurgīh naxustēn wuzurgīh , sidīgar
237.0
ēn spihr pad homānāgīh sāl ēw nihād dwāzdah axtar čiyōn dwāzdah māhīgān harw axtar =ēw sī sus čiyōn harw māh =ēw sī rōzšabān
238.0
u =š haftōring pad kustag ī abāxtar ānōh kū ka ēbgat andar dwārēd dušox bawēd gumārd
239.0
az haft kišwar az harw kišwar =ēw band =ēw awi =š paywast ēstēd winnārdārīh kišwarān andar gumēzišn rāy
240.0
pad ān čim haftōring xwānīhēd
241.0
u =š spihr awēšān axtarān čaxragēwēnag nihād kē andar gumēzišn ō rawišn ēstēnd
242.0
ēg azabar awēšān starān agumēzišnīh winnārd kū ka ēbgat rasēd pad kōxšišn spōzēnd ō abardar gumēxtan nē hilēnd
243.0
u =š xwarrah wehdēn ī māzdēsnān pad awēšān spāhbed gumārd
244.0
ānōh xwānīhēd mādayān ī razm paydāgīh ī abēzagīh andar gumēzagīh
245.0
ēd rāy star ī agumēzīh ī xwānīhēd čē ka petyārag abar awēšān nē gumēxt , hēnd
246.0
axtarāmārān xwānēnd spihr ī azabar spihr
247.0
u =š hangārag ud wihēz padiš nēst čē =šān nē tuwān āmārd gumēzišnīgān tis ī abēzagān
248.0
azabar az ān brēhēnīd māh ī gōspandtōhmag
249.0
azabar ī ān brēhēnīd xwaršēd arwandasp
250.0
u =š māh ud xwaršēd pad sālārīh ī awēšān axtarān ī gumēzišnīg agumēzišnīg gumārd kū =šān hamāg band ō xwaršēd māh abar
251.0
azabar xwaršēd brēhēnīd gāh ī amahrspandān kē ō asar rōšnīh gāh ī ohrmazd paywast ēstēd
252.0
ēn =iz ast šaš pay ī šaš dahišn čiyōn šaš dahišn gētī
253.0
ud mayān dam spihr gumārd wād abr ud ātaxš wāzišt kū ka ēbgat rasēd pad ān ī meh mēnōy ān tuxšīdar āb ud gōspand wārān wārēnd
254.0
u =š band =iz awēšān ham ō xwaršēd māh X ud stāragān kird u =š did tištar xwarāsān spāhbed ī hamkār ud hamayār ātaxš ī wāzišt ud wād abr
255.0
az awēšān stāragān ān ī meh čand sang =ēw ī kadagmasā ān ī mayān čand čaxrag ōbadišn ān ī keh čand sar gāw kadagīg
256.0
māh čand asprēs =ēw dō hāsr čiyōn harw hāsr =ēw ī padzamīg frasang ī paymānīg homānāg ,
257.0
xwaršēd andčand ērānwēz
258.0
tā madan ī ēbgat māh ud xwaršēd awēšān stāragān estād nē raft hēnd
259.0
ud abēzagīhā zamān hamē widārd
260.0
ud hamwār nēmrōz būd
261.0
pas az madan ī ēbgat ō rawišn estād hēnd ud tā frazām az ān rawišn nē estēnd
262.0
rawišn ī xwaršēd čiyōn mehtar ī tigr sēparrag ān ī mehtar mard az ān ī mehtar kamān , wihēd
263.0
māhrawišn ōwōn čiyōn sēparrag tīr ī mayānag ka ān ī mayānag mard az ān ī mayānag kamān wihēd
264.0
starānrawišn čiyōn sēparrag tīr ī keh ka ān ī keh mard az ān ī keh kamān wihēd
265.0
az awēšān axtarān tēzrawišntar hēnd tištar ud bašn trišag ud abarag , padispar ud pēšparwēz
266.0
xwaršēd az ān ka axtar =ēw bē hilēd ud tā ān ī did be ayābēd mayān ī drang andčand māh =ēw sē abar gusānēd bē wihēd
267.0
abar čiyōnčim ī dahišnīh dām ō ardīkkarīh ,
268.0
ohrmazd nām ī sī amahrspand pad ān sī rōz ēdōn nihād kū nazist ohrmazd pas šaš amahrspand bawēd haft ud haftom day ast dādār ud pas šaš amahrspand bawēd haft ud haštom day ast dādār ud haft amahrspand ud bawēd nōhom day ast dādār ud pas haft amahrspand bawēd haštom
269.0
čiyōn nām ī xwēš pad X čahār gyāg andar māhīgān passāxt ohrmazd ud ān ī sē day ēk nām ud ēk gāh ud ēk dēn ud ēk zamān kē hamē būd hēnd
270.0
ka ganāgmēnōy ō petyārag mad ohrmazd zamān ī dērandxwadāy brēhēnīd pad mard tan ī pānǰsālag rōšn ī , spēddōysr ī buland amāwand kē =š amāwandīh az hunarāwandīh nē az duzīh ud stahmagīh
271.0
u =š xwad paymōzan ī spēd paymōxt ud brā ī āsrōnīh dāšt čē hamē dānāgīh abāg āsrōnān kē ō kasān nimūdār harw kas az =iš hammōxtār hēnd
272.0
ohrmazd =iz xwēškārīh dāmdahišnīh būd
273.0
dām pad dānāgīh šāyēd dād
274.0
ēd rāy brahmag ī dānāgān paymōxt ast āsrōnīh
275.0
wāy ī weh ǰāmag ī zarrēn sēmēn gōhrpēsīd ud hargōnagān wasrang paymōxt brahmag ī artēštārīh čē abarraftār az pas dušmenān pad petyārag zadan ud dām pānagīh kirdan
276.0
čiyōn gōwēd kū wāy ān andar harw dō dām petyār bē barēd xwēškārīh čē =š dād spenāgmēnōy kē =z ganāgmēnōy pad ēn kū kē ardīg sar be gīrēd dām ī ohrmazd hamē abzāyēd ān ganāgmēnōy abesīhēnēd kē zamānbrēhēnišnīh spihr ud zurwān dagrangxwadāy tan baγ ī baxtīh
277.0
u =š paymōzan ī āhenēn paymōxt brahmag ī wāstaryōšīh dāšt čē =š nēkbaxtārīh gēhān xwēškārīh ōwōn čiyōn wāstaryōšān gēhān warzīdan passazagīhā bē dād
278.0
čiyōn ohrmazd mayān harw šaš amahrspand dām ī xwēš passāxt
279.0
dahišn čē mēnōy gētī pad ham ēwēnag dād
280.0
čiyōn mēnōy ohrmazd ud ān šaš amahrspand wahman ordwahišt šahrewar spandarmad hordad amurdad ēdōn =iz asmān šaš pay ī nazist abrpāyag ud dudīgar spihr ī axtarān sidīgar star agumēzišnīh čahārom wahišt māh pad ān pāyag estēd panǰom garōdmān kē anagr ī rōšn xwānīhēd xwaršēd pad ān pāyag estād šašom gāh ī amahrspandān haftom asar rōšnīh gāh ohrmazd
281.0
ōwōn =iz dām ī gētī haft brēhēnīd nazist asmān dudīgar āb sidīgar zamīg ud čahārom urwar ud panǰom gōspand šašom mardōm ud haftom ātaxš kē brā az asar rōšn gāh ohrmazd
282.0
u =š ātaxš andar harwisp dahišn ēdōn bē pargand frāz brēhēnīd čiyōn kadagxwadā =ēw ka andar xānag šawēd ud ǰāmag andar xūb abāz nihād
283.0
u =š framūd ōī ātaxš andar ēbgat paristag ī mardōm kirdan xwarišn sāxtan ud dard zadan ka az tis tis bē wazēnd bērōn āyēd ka =z mard abar nihād frāz gīrēd
284.0
u =š harwisp amahrspandān pad hamkārīh ardīggarīh dām ēdōn gumārd ud estānīd kū ka ēbgat āmad harw kas ān ī xwēš hamēmāl pad kōxšišn frāz grift kū nōg framān andar nē abāyēd
285.0
u =š čiyōnīh frāztar gōwam
286.0
fradom az mēnōyān ohrmazd ān sē day
287.0
u =š az gētīyān bun mardōm
288.0
ud az xwad kird
289.0
u =š hamkār ān sē day ēk gāh ud ēk dēn ēk zamān wispdaynām kē ast mēnōy harwispāgāh
290.0
u =š mardōm ō xwēš kird dahišn
291.0
u =š mardōm pad panǰ bōzišn frāz dād tan ud ǰān ud ruwān ud ēwēnag ud frawahr čiyōn tan ān gētī
293.0
ud ǰān ān ī abāg wād paywast estēd wēn āwarišn barišn
294.0
ruwān ān ī abāg bōy andar tan āšnawēd wēnēd gōwēd dānēd
295.0
ēwēnag ān ī pad xwaršēdpāyag estēd
296.0
frawahr ān ī pēš ī ohrmazd xwadāy
297.0
pad ān čim ēdōn brēhēnīd kū andar ēbgatīh mardōm mīrēnd tan ō zamīg ǰān ō wād ēwēnag ō xwaršēd ruwān ōī frawahr paywast kū =šān ruwān murnǰēnīdan nē tuwān bawād
298.0
dudīgar az mēnōyān wahman
299.0
u =š az gētīyān daxšag gōspand sardagān ō xwēš padīrift
300.0
u =š dād ō ayārīh hamkārīh māh ud gōš ud rām ud spihr xwadāy zurwān ī akanārag zurwān ī dērandxwadāy
301.0
u =š gōspand pad panǰ bōzišn frāz brēhēnīd tan ǰān ruwān ēwēnag mēnōy kū tā andar ēbgatīh gōšurwan tōhmag gōspandān az māhpāyag padīrift pad ayār ī rām ī weh andar gēhān rawāgēnēd
302.0
ka mīrēnd tan ō gōšurwan ruwān ō rām ēwēnag ō māh mēnōy ō wahman paywast kū daxšag be murnǰēnīdan nē tuwān bād
303.0
sidīgar az mēnōyān ordwahišt
304.0
u =š az dahišn ī gētī ātaxš ō xwēš padīrift
305.0
u =š dād ōī ayārīh hamkārīh ādur srōš ud wahrām nēryōsang pad ān čim kū andar ēbgatīh wahrām ātaxš andar mān , nišast winnārd drubuštīh dahēd srōš pānagīh kunēd
306.0
ka be marōbēd az wahrām ō srōš ud az srōš ō ādur az ādur abāz ōī ardwahišt paywast kū dēwān bē murnǰēnīdan nē tuwān bawād
307.0
čahārom az mēnōyān šahrewar
308.0
u =š az dahišn gētī ayōxšust ō xwēš grift
309.0
u =š dād pad ayārīh hamkārīh xwar ud mihr asmān anagrān sōg ī weh ardwīsūr ud hōmyazad burzyazad ud dahmān āfrīn
310.0
čē ayōxšust awestwārīh az asmān asemān bungōhr ī X ayōxšust
311.0
u =š winnārišn az anagrān
312.0
anagrān andarag rōšn mān ī zarrēn gōhr ī pēsīd ī ul gāh ī amahrspandān paywast estēd kū pad ēn hamkārīh dēwān andar ēbgatīh ayōxšust wany kirdan nē tuwān bawād
313.0
panǰom az mēnōyān spandarmad
314.0
u =š az dahišnīh gētī zamīg ō xwēš padīrift
315.0
u =š dād ō ayārīh ī hamkārīh ābān dēn ard mahrspand aršišwang ud ardwīsūr ud anāhīd čiyōn ašōnī mēnōy ī yōǰdahrgar ī zamīg ābān tōhmag
316.0
u =š pēš mahrspand mānsrspand gōwišn ī ohrmazd
317.0
ud ard dēn andar xwarrah ī mān ast az aršišwang gōwēd xwarrah ī wahištīg ardāyīh
318.0
ardwīsūr ud anāhīd pid ud mād ī ābān pad ēn hamkārīh andar ēbgatīh winnārd estēd ud ēn mēnōyān hamkār xwarrah wasīh āwarēnd
319.0
šašom az mēnōyān hordad
320.0
u =š az dahišn ī gētī āb ō xwēš padīrift
321.0
u =š dād ō ayārīh hamkārīh tīr ud wād frawardīn čiyōn tīr tištar kū andar ēbgatīh ān āb pad ayārīh frawardīn ast ī frawahr ahlawān stanēd mēnōyīhā ō wād abespārēd wād ān āb tandīhā ō kišwarīhā rāyēnēd widārēd pad abr abzār abāg hamkārān winārēnd
322.0
haftom az mēnōyān amurdad
323.0
u =š az dahišn ī gētī urwar ō xwēš padīrift
324.0
u =š dād ō ayārīh ud hamkārīh rašn ud aštād zāmyād se xwarrah ānōh pad čīngārpul kē ēbgatīh ruwān ī mardōmān pad nēk ud wad kird āmārēnd
325.0
any amar mēnōy ī dām pad awēšān hamkārīh winnārd estēnd čiyōn ān ī andar spihr axtarān rāy nibišt
326.0
u =š rōz =iz ī andar mayānagān harw ēk pad panǰ hangām ud baxt
327.0
harw hangām =ēw mēnōy =ēw pad =iš gumārd čiyōn bāmdād gāh ī hāwan mēnōy =ēw nēmrōz rapihwin mēnōy ī ēbārag gāh ī uzayrin mēnōy āpādyābān aybisrūsrim mēnōy ušahin gāh xwēšīh dārēnd
328.0
u =š awēšān =iz pad hamkārīh baxt hēnd
329.0
čē =š hāwan ō mihr ud rapihwin ō ordwahišt uzayrin ō burzyazad aybisrūsrim ō ahlawān frawahrān wahrām ušahin ō srōš ud rašn pad hamkārīh winnārd
330.0
čē =š dānist kū ka ēbgat rasēd rōz pad ēn panǰ hangām baxšīhēd tā pēš ka ēbgat mad hamēšag nēmrōz būd ast rapihwin
331.0
ohrmazd abāg amahrspandān pad rapihwin mēnōy ī yazišn frāz sāxt andar yazišn kunišn dām hamāg bē dād
332.0
abāg bōy frawahr ī mardōmān uskārd xrad ī harwispāgāh pad mardōmān frāz burd guft kū kadār =tān sūdōmandtar sahēd ka tā bē ō gētī brēhēnam ud tanīgirdīhā abāg druz be kōxšēd druz be abesīhēnēd u =tān pad frazām drust anōšag abāz wirāyēm u =tān abāz ō gētī daham hamēyīggāh amarg azarmān abē hamēmāl bawēd ayāb =itān hamēyīgpānagīh ēbgat abāyēd kird
333.0
u =šān dīd frawahr ī mardōmān pad ān ī xrad ī harwispāgāhīh anāgīh az druz ud ahriman andar gētī pad =iš rasēd abdom abēhamēmālīh az petyārag drust ud anōšag abāz bawišnīh pad tan ī pasēn tā hamēhamērawišnīh rāy pad šudan hēnd ,
334.0
dwāristan ēbgat ō dām
335.0
gōwēd pad dēn kū ganāgmēnōy ka =š agārīh xwēš hamist dēwān az mard ī ahlaw dīd stard būd
336.0
sēhazār sāl pad stardīh nibast
337.0
andar ān stardīh kamālīgāndēwān ǰud ǰud dawīd hēnd kū abar āxēz pid amāh čē ān kārēzār kunēm ān ī =š ohrmazd amahrspandān tangīh anāgīh aziš
338.0
u =šān ǰud ǰud duškunišnīh ī xwēš gugānīg ōšmurd
339.0
az =iš nē rāmīhist ōy ī druwand ganāgmēnōy nē āxist az ān , stardīh bīm ī mard ī ahlaw rāy tā ka ǰeh druwand mad pad bowandagīh sēhazār sāl dawīd kū abar āxēz pid ī abāg man andar ān ī kārēzār andčand bēš abar mard ī ahlaw gāw ī warzāg hilam kū kunišn man rāy zīwandīh nē abāyēd u =šān xwarrah bē apparam bēšēm āb bēšēm zamīg ud bēšēm ātaxš ud bēšēm urwar ud bēšēm harwisp dahišn ī ohrmazddād
340.0
u =š ān duškunišnīh ōwōn pad gugān ōšmurd kū ganāgmēnōy be rāmīhist az ān stardīh frāz ǰast sar ǰeh abar bōsīd ēn rēmanīh daštān xwānēnd pad ǰeh paydāg būd
341.0
dawīd ganāgmēnōy ō ǰeh kū =t čē kāmag hād xwāh tā =t daham
342.0
ēg ohrmazd pad xrad harwispāgāhīh dānist kū pad ān zamān čē ǰeh xwāhēd ganāgmēnōy ādūg dahēd
343.0
u =š pad ān meh sūdīh ān ganāgmēnōy kirb ī dīduddēs wazag az =iš mard ǰuwān ī pānzdahsālag homānāg ō ǰeh nimūd ān ī ǰeh menišn awi =š bast
344.0
u =š dawīd ǰeh ō ganāgmēnōy kū mardkāmagīh ō man dah kū =š pad sālārīh andar mān be nišīnam
345.0
u =š dawīd ganāgmēnōy kū tis xwāstan ō tō nē gōwam čē , abēsūd ud wad dānē xwāst
346.0
u =š dawīd ganāgmēnōy kū tis xwāstan ō tō nē gōwam čē , abēsūd ud wad dānē xwāst
347.0
be sazist ān zamān čē ka =š xwāst hād nē ādūg būd , hē dādan
348.0
pas āxēzist ganāgmēnōy abāg hamist dēwān abzārān ō padīragīh rōšnān
349.0
u =š ān asmān dīd ī =šān mēnōyīhā nimūd ka nē astōmand dād estēd
350.0
areškkāmagīhā tag abar kird
351.0
asmān pad starpāyag estād
352.0
frōd ōī tuhīgīh āhixt ahy =m ī pad bun nibišt kū andarag ī buništag ī rōšnān tomīgān būd ōwōn kū X azabar ī starpāyag az andarōn asmān tā yak sē be estād
353.0
u =š mār homānāg asmān azēr ī ēn zamīg bē ǰast frāz xwāst be škast
354.0
māh ī frawardīn rōz ī ohrmazd andar dwārist nēmrōz
355.0
u =š asmān ēdōn aziš be tarsīd čiyōn gōspand az gurg
356.0
pas ō āb mad ī =m guft kū azēr ī ēn zamīg winnārd estād
357.0
u =š pas mayānag ī zamīg suft andar āyēd
358.0
ōī urwar mad
359.0
pas ō gāw gayōmart mad
360.0
pas ō ātaxš abar mad
361.0
magas homānāg pad harwisp dahišn be dwārist
362.0
u =š gēhān pad nēmrōz ōwōn ōsttom be kird čiyōn šab ī tērag homānāg asmān ēr ud azabar zamīg tom grift
363.0
u =š guft mēnōy ī asmān ō ganāgmēnōy kū bēdom zamān ā =m pānagīh abāyēd kirdan kū =t bērōn be hilam
364.0
u =š āb ǰudmizagīh abar burd
365.0
u =š guft mēnōy ī āb kū dāšn wahman ud ordwahišt šahrewar kū ēdōn ō man rasēnīd kū nūn ka petyārag mad ān mazag kūgyāg estēd
366.0
u =š zamīg xrafstarān abar hišt
367.0
ōwōn astōmand aziš be hambūst hēnd xrafstar ī gazāg ī wišōmand čiyōn az ī mār ud gazdum karbāh ud kašawag ud wazag kū sōzantēx az xrafstarān zamīg nē pargūd
368.0
u =š guft zamīg kū awēšān kēnīgān pad ēn dahišn ī =šān dād kēn man rasād
369.0
u =š urwar zahr ōwōn abar burd hamzamān bē hōšīd
370.0
u =š guft mēnōy urwar kū pad ān ī ōy tarsāgāh ohrmazd urwar waxšēnēd
373.0
u =š āz niyāz ud sēǰ ud dard yask waran būšāsp pad gāw ud gayōmart frāz hišt
374.0
pēš az madan ī ōī gāw ohrmazd mang ī bēšāz kē ast ī banǰ xwānēd ō gāw pad xwardan dād pēš čašm bē mālīd kū tā =š az zanišn bazak wizend dušrāmīh kam bawēd pad ham zamān nizār ud wēmār būd ud pēm bē šud frāz widard
375.0
u =š guft gāw kū ān ī gōspandān dahišn awēšān kunišn kār pahlom framāyišn
376.0
pēš az madan ī ō gayōmart ohrmazd xwēy abar gayōmart frāz burd andčand dranā wezest =ēw bē gōwēd
377.0
čē =š brēhēnīd ohrmazd ān xwēy pad mardtan ī pānzdahsālag ī rōšn ī buland
378.0
ka gayōmart az xwēy frāz būd dīd gēhān tārīk čiyōn šab zamīg čiyōn sōzantēx az dwārišn xrafstarān nē pargūd estēd spihr ō gardišn xwaršēd māh ō rawišn estād ud pattānōmand gēhān az γarrānišn ī māzīgān dēwān kōxšišn ī abāg axtarān
379.0
u =š menīd ganāgmēnōy kū =m dāmān ī ohrmazd hamāg agārēnīd hēnd ǰud az gayōmart
380.0
u =š astīwihād abāg ēwhazār dēw margīhkirdārān pad gayōmart frāz hišt u =šān zamān tā brīn rāy ōzadan čār rāy ayāft
381.0
čiyōn gōwēd kū pad bun ī dahišn ka ganāgmēnōy ō petyāragīh mad zamān ān ī gayōmart zīwand ī xwadāyīh ō sī sāl brēhēnīd guft čiyōn pas az madan petyārag sī sāl zīwist
382.0
u =š guft gayōmart kū nūn ka ēbgat mad mardōm az tōhm ī man bawēnd tis =ēw ēn weh ka kār ud kirbag kunēd
383.0
pas ōī ātaxš mad u =š ǰudtāragīh andar gumēxt
384.0
haftān abāxtarān abāg was dēw =ēw hamkārān ō spihr kōxšišn ī axtarān gumēxt hēnd
385.0
u =š harwisp dahišn ōwōn āhōgēnīd čiyōn ka az ātaxš hamāg gyāg dūd abar āxēzēd ō =z abargān gāh gumēxt hēnd ud kōxšīd hēnd
386.0
nawad rōzšabān mēnōyān yazadān abāg ganāgmēnōy hammis dēwān andar gētī hamkōxšišn būd hēnd tā =šān stōwēnīd ō dušox abganēd
387.0
drubuštīh asmān kirdan kū petyārag awi =š gumēxtan nē tuwān
388.0
dōšox andar mayānag ī zamīg ānōh kū ganāgmēnōy zamīg suft padiš andar dwārist
389.0
čiyōn hamāg xīr ī gētī pad dōīhwardišnīh hamēmāl ud kōxšišn ul ud frōd ud gumēzišnīh paydāg bēd ,
390.0
ēn =iz gōwēd kū X ka gāw ēkdād frāz widard pad dašn dast ōbast gayōmart pas ān ka be widard pad hōy dast
391.0
gōšurwan čiyōn ruwān ī gāw ī ēkdād az tan ī gāw bērōn X āyēd pēš gāw be estād
392.0
čand ēkhazār mard ka pad ēk bār wāng dārēnd ōī ohrmazd garzīd kū =t sardārīh ī dām ī pad kē bē hišt ka zamīg wizandag andar sayēd urwar hušk āb bēšīd kū hēd ān mard kē =t guft kū daham tā pahrēz bē gōwēd
393.0
u =š guft ohrmazd kū wēmār hē gōšurwan az ān ī ganāgmēnōy wēmārīh ud kēn ī dēwān abar burd hē
394.0
agar ān mard andar ēn zamān frāz šāyēd dād ganāgmēnōy ēn stahmagīh nē bawēd hād
395.0
frāz raft gōšurwan pad starpāyag garzīd hamēwēnag
396.0
frāz tā māhpāyag ud garzīd hamēwēnag
397.0
tā xwaršēdpāyag hamēwēnag garzīd
398.0
u =šān pas frawahr ī zarduxšt be nimūd kū bē daham ō gētī kē pahrēz bē gōwēd
399.0
hunsand būd gōšurwan ud padīrift kū dām be parwarām kū pad gōspand abāz ō gētī dahišnīh hamdādestān būd
400.0
abar hamēstārīh dō mēnōyān kē čē ēwēnag mad hēnd mēnōygāh pad hamēstārīh kamālagān dēwān ō mēnōyān yazadān čiyōn ahriman ō ohrmazd akōman ō wahman indar ō ordwahišt sāwul ō šahrewar nāhāh X kē tarōmad =iz xwānēnd ō spandarmad tawriǰ ō hordad zayriǰ ōī amurdad xēšm ō srōš drō ud mihōxt ōī rāstīh sraw ī ǰādugīh ī ōī mānsr ī abēzag frāybūd ud abēbūd ōī paymānīh ast dēn ī weh , dušmat dušhūxt dušxwaršt ōī humat hūxt huwaršt astīwihād kē wāy wattar xwānīhēd ōī rām ī ast wāy ī weh waran ī arāh ō āsnīxrad aškunīh ī ast nigerīdārīh ōī mēnōy nigerīdārīh aǰgahānīh ō tuxšāgīh būšāsp ōī xwēy kēn ōī āštīh ud bēš ōī rāmišn gand ōī hubōyīh tārīkīh ōī rōšnīh zahr ō anōšag ud taxlag ō šīrēnīh penīh ōī rādīh ud wanīgarīh ōī wizīdārdāšnīh , zamestān ōī hāmīn sard ī ōī garm ī huškīh ō xwēdīh dušoxīgīh ōī wahištīgīh ud druwandīh ōī ardāyīh ahlomōγīh ōī ahlawīh zarmānīh ōī ǰuwānīh ud šab ōī rōz , ud anāmurzīdārīh ōī aboxšišnīh ganāgīh ast , zadārīh ōī abzōnīgīh ud rēmanīh ōī pākīh ī nasruštīh , ō yōǰdahrgarīh ahunsandīh ōī hunsandīh abārīg dēwīg waxš ō yazadīg waxš čiyōn dēwān druzān dādīgān māzanīgān ōī yazadbayān amahrspandān andar gētī tam ō asmān tišn ōī āb hixr ud xrafstar ān ō zamīg ud sōg ōī urwar sūy ud tišn ō gōspandān marg ud sēǰ ōī X wišēz dard ēwēnag ō mardōmān abespārišn čiyōn wazišn ōī ātaxšān ān ī ka mardōm ud gōspand sōzēnēd pad huškīh astōmandīhā šēr ud gurg sardagān yōzān ōī sagān gōspandān wazag ī ōī māhīgān būg abāg abārīg xrafstar parrwar ōī murwān ahlomōγān ī druwandān ōī ahlawān mardān ǰeh ōī zanān abārōn zīwōmandīh ōī frārōn zīwōmandīh abaxšišnīh druz ōī paywandrawišnīg axw abārīg gētīyīg druz ō gētīmān yazadān mad hēnd
401.0
andar =iz spihr mihr ī tamīg ō xwaršēd māh tamīg ō māh ī gōspandtōhmag mad hēnd
402.0
u =šān ō rah xwēš bast hēnd pad hampaymānagīh abārīg ǰādūgān parīg abāg ragēn murnǰēnīdārān abāxtarān axtarān haft ud abāxtarān spāhbedān axtarān čiyōn tīr ōī tištar ohrmazd ī abāxtarīg ōī haftōring wahrām abāxtarīg ōī wanand anāhīd abāxtarīg ō sadwēs kēwān kē abāxtarīgān spāhbedān spāhbed ōī mēx ī mayān asmān gōčihr =iz ud mūšparīg ī dumbōmand ō xwaršēd ud māh ud stārīgān mad hēnd
403.0
xwaršēd mūšparīg ōī rah ī xwēš bast ādūg ud hampaymānagīh kū tā wināh kird kam tuwānist ka harzag bawēd tā abāzgriftan was anāgīh baxšēd
404.0
andar =iz abrpāyag spinǰarūš ō ātaxš ī wāzišt apāwš dēw ōī tištar hamkārān ō tā tištar mad
405.0
any hamčašmagān dēwān ōī wād wārān kirdārān yazadān mad hēnd
406.0
u =šān gugān dagrang u =šān rawān kōxšišn ō wihēz ud drang pad axtarmārīh =iz paydāg
407.0
abar zayǰ ī gēhān kū čiyōn ǰast
408.0
pad dēn gōwēd kū māh ī frawardīn rōz ī ohrmazd nēmrōz ka rōz ud šab rāst būd petyārag andar dwārist
409.0
ǰānān būd karezang dahnō andar (uncertain) xwurdag azarag (uncertain) dīd
410.0
andar tištar stārag az abāxtarān ohrmazd andar būd
411.0
kisagān šagr , brādarān hōšag pedištān tarāzūg kēwān andar ǰast
412.0
frazandān gazdum waštagān nēmasp dōgihr gōrdumb andar ǰast
413.0
wayōdagān wahīg wahrām andar ǰast
414.0
margān dōl kārdāgān māhīg anāhīd tīr andar ǰast
415.0
mayānasmān warrag ud mihr andar pad xwurdag farroxān gāw māh andar čēhfrehudduš dōpahikar gōzihr sar andar ǰast būd
416.0
awēšān az abāxtarān čiyōn pad ēn ēwēnag andar spihr dwārist hēnd X ud abāg axtarān ō kōxšišn , estād hēnd mihr māh tamīg ō xwaršēd māh rōšnān šahryār ohrmazd ōī haftōring abāxtar spāhbed anāhīd ō sadwēs ī nēmrōz spāhbed wahrām ōī waran ī xwarōfrān spāhbed ud tīr ōī tištar ī xwarāsān spāhbed kēwān ō mēx mayān asmān spāhbed huspāh būd
417.0
pad hamēn asmān ham hangōšīdag az abāxtarān tīr xwarāsān spāhbed wahrām xwarōfrān spāhbed anāhīd nēmrōz spāhbed ohrmazd abāxtar spāhbed kēwān spāhbedān spāhbed mihr māh tamīg šahryār ī tamīgān ǰast hēnd
418.0
gōzihr mayān asmān be ēstād mār mānāg sar pad dōpahikar ud dumb pad nēmasp čiyōn pad mayān ī sar ud dumb harw dēs šaš axtar būd
419.0
u =š dwārišn ō pas harw dah sāl ānōh kū sar dumb ānōh kū dumb sar abāz bawēd
420.0
mūšparīg dumbōmand parrwar ǰast xwaršēd ōī rah ī xwēš bast kū tā =š wināh kirdan nē tuwān bawād
421.0
ka harzag bēd tā abāz ō hamčašmānīh xwaršēd mihr ast bast was anāgīh pad gēhān kunēd
422.0
az awēšān abāxtarān mihr ī tamīg mūšparīg pad hampaymānagīh azēr xwaršēd andar gumēzišn ōī rah ī xwaršēd māh tamīg ō rah māh bast ēstād
423.0
abārīg dudīgar ō ham rah ī xwaršēdtan pad dagrangīh ud kastagīh bast estēd
424.0
u =šān az ān paymānag dāštan nē tuwān čē kēwān ohrmazd wahrām harw ēk ēwsadhaštād sus ī X X X X X X X X az mihr tīr pad dōhazārhaštsadudpanǰāh lipī anāhīd pad dōhazārudhaštsadudsīudēk lipī az mihr bast estēd
425.0
ēn abāxtarān andar spihr pad dwāzdah kadag ī axtarān harw ēk kadag ī petyārag dwārist ud nišēb marz sē sōg dahīg ud šādīh ud bēš ud abārīg was ēwēnag gyāggāh xwēš paydāgēnīd estēd
426.0
hamāg rāyēnišn ī āwām čiyōn band ō axtarān čiyōn čašmdīd paydāg wišōband ud ulfrōdēnd ud kast abzōn kunēnd
427.0
u =šān rawišn =iz nē čiyōn axtarān čē ast ka tēz ast ī dērand ud ast ka abāzrawišn ast ka ēstādag hēnd
428.0
u =šān abāxtarānnāmīh ēd kū nē axtar hēnd
429.0
u =šān ēn rōšnīh aziš paydāg ham rōšnīh ī ohrmazdīg handāzag wattarān kē paymōzan ī spāh paymōz hēnd čiyōn rōšnīh andar čašm ī xrafstarān
430.0
u =š sūdōmandīh az =iš ēk ēn kū paymōxtan ī ān rōšnīh rāy wināh kirdan kam tuwān ēk ēn kū mardōm wēnēnd az =iš nē tarsēnd
431.0
handāzag ēn axtar homānāg widerēd čē awēšān dēw hēnd zarmānīh ud anāgīh kirdār
432.0
ka andar spihr tazand ān rōšnīh spihr ǰumbīhēd paydāg bawēd
433.0
pad dēn gōwēd kū ka kas ān druz be dīd hād gōyān ī čašm bē šud hād
434.0
kōf ī harborz pērāmōn gēhān kōf ī tērag mayān gēhān
435.0
xwaršēd gardišn čiyōn abesar pērāmōn ī gēhān abēzagīh azabar kōf ī harborz pērāmōn ī tērag abāz wardēd
436.0
čiyōn gōwēd kū tērag harborz kē ān ī man xwaršēd māh ud stārag az pas abāz wardēd
437.0
čē ēwsadhaštād rōzan ast pad xwarāsān ēwsadhaštād pad xwarwarān pad harborz
438.0
xwaršēd harw rōz pad rōzan =ēw andar āyēd pad rōzan =ē bē šawēd
439.0
māh ud axtarān =iz abāxtarān hamāg band ud rawišn ō ōy
440.0
az harw rōz se kišwar ud nēm hamē tābēd
441.0
čiyōn čašmdīd paydāg kū harw sāl =ē dō ǰār rōz ud šab rāst
442.0
čē pad bunardīg ka az nazdist xwurdag ī warrag frāz raft rōz ud šab rāst būd hangām wahār
443.0
ud pas ka ō nazist xwurdag ī karzang rasēd rōzān mahist be hāmīn
444.0
ka ō xwurdag ī tarāzūg rasēd rōz ud šab rāst bun ī , pādēz
445.0
ka ōī xwurdag ī wahīg rasēd šabān mahist bun ī zamestān
446.0
nōgtar ka ō warrag rasēd šab ud rōz rāst abāz bawēd čiyōn ka az warrag frāz wardēd tā abāz ō warrag rasēd pad sēsadudšast rōz ud ān panǰ rōz ī gāhānīg pad ham rōzan be āyēd ud bē šawēd
447.0
rōz =ē nē guft estēd čē agar bē guft hād dēwān rāz bē dānist hād wizend handāxt hād
448.0
az ānōh kū xwaršēd pad rōz ī mahist abar āyēd tā pad rōz ī keh abar āyēd xwarāsān kišwar arzah
449.0
az ānōh kū pad rōz ī keh abar āyēd tā pad rōz ī keh bē šawēd kust nēmrōz kišwar ī fradadafš ud wīdadafš
450.0
az ānōh kū pad rōz ī keh andar šawēd tā pad rōz ī meh andar šawēd xwarōfrān kišwar ī sawah
451.0
az ānōh kū pad rōz ī mahist āmad tā pad rōz ī mahist andar šawēd kustag ī abāxtar kišwar ī wōrūbaršt wōrūǰaršt
452.0
ka xwaršēd abar āmad abar kišwar ī arzah ud fradadafš ud wīdadafš nēm =ēw az xwaniras tābēd
453.0
ka pad ān kustag ī tērag andar šawēd kišwar sawah āwarišn wōrūǰaršt nēm =ēw az xwaniras tābēd
454.0
ka ēdar rōz ī ānōh šab čē kōf ī tērag rāy šab paydāgīhēd
455.0
pad bun ka ēbgat andar dwārist ōwōn ǰast kū mihr ī māh ī tamīg paymānagīh abāg rah xwaršēd māh rāy wināhgārīh nē tuwān kirdan
456.0
ud haftōring ud sadwēs az ohrmazd ud anāhīd frāynērōgtar ǰast hēnd u =šān ohrmazd ud anāhīd az wināh kirdan pādīrānīd
457.0
ham čim rāy axtarāmārān awēšān rāy pad kirbaggar xwānēnd
458.0
wahrām az wanand ud kēwān az mēx ī gāh frāynērōgtar ǰast hēnd u =šān wināhgārīh paydāg
459.0
ēd rāy axtarāmārān awēšān pad bazaggar ōšmārēnd
460.0
ud tīr ast apāwš dēw ōī tištar mad
461.0
harw dō hāwandzōr ud hāwandnērōg ǰast hēnd
462.0
ēd rāy axtarāmārān gōwēnd kū tīr abāg kirbaggarān kirbaggar ud abāg bazaggarān bazaggar
463.0
ast kē ēdōn gōwēnd kū apāwš tīr
464.0
ham čim rāy gōwēnd kū ohrmazd stārag zīwandagīh ud kēwān stārag ī margīh
465.0
čē ohrmazd apādyāwandagīh andar hamēstārīh rāy ān baxšēd ī hamēstār kāmag
466.0
zīwandagīh ud rawāyīh ud xwāstag dahēd
467.0
kēwān čērīh az hamēstār rāy ān kunēd ō ēn petyār margīh wadagīh ud driyōšīhpazām petyārag
468.0
gōwēd kū anāhīd ābčihrag čē =š hamēstār sadwēs ābčihrag
469.0
ud tīr wādīg gōwēnd čē hamēstār tištar ud wād wārānkirdārān
470.0
did ēn kū tā madan petyārag ēd hazār sāl zamān widard estād sēhazār sāl mēnōyīh sēhazār sāl gētīyīh andar abēzagīh
471.0
ān šašhazār sāl az warrag tā hōšag harw axtar =ēw ēwhazār sāl xwadāyīh kird
472.0
čiyōn hazārag ī xwadāyīh ō tarāzūg mad ast šēbān šēb ī mihr petyārag az azēr andar dwārist
473.0
kēwān pad tarāzūg ǰast
474.0
pad bālist ī xwēš būd ī tarāzūg rāy kēwān hazārag xwadāyīh padīrift
475.0
čiyōn tarāzūg ul warrag kēwān xwadāy ī tārīkīh mihr xwadāy ī rōšnīh ōī tārīkīh petyārag ōwōn =iz tarāzūg bālist kēwān nišēb ī mihr warrag bālist ī mihr ud nišēb ī kēwān ǰast
476.0
drāzīh ǰuγ ī kēwān ān =iz ī tarāzūg rāy andar ān hazārag mardōm bulandtar ud mahisttar būd hēnd
477.0
xwaršēd =iz xwadāy ī rōšnīh azabar ī hamāg axtarān kēwān xwadāy ī tārīkīh azabar ī hamāg abāxtarān ēstād
478.0
pas az ānōh kū xwaršēd frāz raft tā abāz ān gyāg mad pad sāl =ēw hangārēd sēsadšastudpanǰ rōz panǰ zamān ud xwurdag kē harw rōz =ēw wīstčahār zamān ud nēm =ēw tārīk ud nēm =ēw rōšn ast šab ud rōz
479.0
panǰ hangām šabānrōz paydāgīhist
480.0
čiyōn kōxšišn harw dahišn abāg xwēš hamēmāl ōwōn =iz rōz abāg šab čē šaš māh az šab abzāyēd ō rōz padīrag šaš māh abzāyēd az rōz ō šab
481.0
ud abārīg axtarāmārīh paydāgīh bē gōwizārīhātar ān kē wehdēn mazdēsnān paydāg
482.0
ēn dahišn kōf ud asmān kē rāh ī kayusān xwānēnd brēh gōzihr mār čiyōn andar spihr
483.0
ud azabar gugān kird ,
484.0
abar ardīgkunišnīh dahišnān gētī padīrag ganāgmēnōy
485.0
gōwēd pad dēn kū ganāgmēnōy čiyōn andar dwārist ud čimīgdahišnīh dām abarwēzīh yazadān ud zōr ī xwēš dīd abāz X dwārist kāmist
486.0
mēnōy ī asmān čiyōn ān ī arwand artēštār kē zrēh ayōxšustēn dārēd ī xwad ast asmān padīrag ī ganāgmēnōy bē winnārd padist barēd tā ka ohrmazd drubuštīh saxttar az asmān pērāmōn ī asmān be kird
487.0
u =š frawahr ī artēštārān ahlawān gurd asēǰnēzagdast pērāmōn ī ān drubuštīh ōwōn be gumārd čiyōn homānāgīh mōy abar sar ,
488.0
hangōšīdag awēšān kē drubuštīh pās pāyēnd ān drubuštīh awēšān ahlawān pad =iš estēnd ag ahlawān āgāhīh xwānēnd
489.0
u =š nē ayāft ganāgmēnōy widarg abāzdwārišnīh
490.0
u =š abesīhēnišnīh ī dēwān agārīh ī xwēš ōwōn rōšn be dīd čiyōn ohrmazd frazām ī pērōzīh ī xwēš ud frašegirdkirdārīh dām tā hamēhamērawišnīh
491.0
ēn nazist ardīg mēnōy ī asmān abāg ganāgmēnōy kird
492.0
dudīgar ardīg āb kird
493.0
az ān čiyōn tištar stārag pad karzang ābīg pad xwurdag ī azarag xwānēnd ǰānān būd andar ham rōz ka ēbgat andar dwārist abāz ōī ēbārag pad kust ī xwarwarān abr ōī paydāgīh āmad
494.0
ānōh harw māh =ēw ān ī xwēšīh axtar =ēw
495.0
māh tīr čahārom māhīgān az sāl
496.0
karzang čahārom axtar =ēw az warrag
497.0
čiyōn xwēšīh karzang kē =š tištar andar ǰast daxšag ī wārānkirdārīh nimūd
498.0
u =š āb ul ō abr rawēnīd pad nērō ī wād
499.0
hamkārān abāg tištar ēstād hēnd wahman hōmyazad pad parwānagīh burzyazad ud pad hamkārīh ardāfraward
500.0
pad paymānwinārišnīh tištar pad se kirb bēwašt mardkirb ī aspkirb gāwkirb
501.0
sī rōzudšabān andar rōšnīh wazīd
502.0
pad harw tan =ēw dah šab ud rōz wārān kird
503.0
čiyōn axtarāmārān =iz gōwēnd kū harw axtar =ēw se tan dārēd
504.0
ān wārān harw srešk =ēw čand tašt ēw ī wuzurg ī ābānagān āb abar ud wašt hamāg zamīg X mard bālā āb be estād
505.0
ān ī xrafstarān zamīg hamāg pad ān wārān be ōzad
506.0
bērōn huzārag ī parrwar kē pad sūrāx dādestān ī zamīg andar šud hēnd
507.0
pas mēnōy ī wād čiyōn ast =iz nē gumēxt estād čiyōn gyān andar tan ǰumbēd wād andarwāyīg frāz ǰumbīhist
508.0
u =š gyān ān āb hamāg bē mušt bē ōī kanārag ī zamīg āwurd zrēh frāxkard az =iš būd
509.0
ān xrafstar ī murdag pad zamīg andar mānd
510.0
u =š wiš ud gandagīh pad zamīg abar gumēxt
511.0
ān wiš az zamīg bē burdan rāy tištar pad aspkirb ī spēd ī drāzdumb andar zrēh frōd šud
512.0
u =š apāwš dēw pad homānāgīh anasp syā ī kūkdumb padīrag bē tazēd
513.0
u =š ē frasang tištar pad stōwīh bē rāyēnīd
514.0
tištar ōz az ohrmazd xwāst ohrmazd ōzmandīh abar burd
515.0
čiyōn gōwēd kū tištar pad ham zamān dah asp ī ǰuwān ud dah uštar ī ǰuwān dah gāw ǰuwān dah kōf dah rōd ōz abar mad
516.0
u =š ēw frasang apāwš dēw pad stōwīh bē tazēnīd
517.0
ē rāy pad ān čim tīr abāg tištar hāwendnērōg gōwēnd
518.0
pas pad abrnihumb paymānīg abzār =ēw ī ān kār ēdōn gōwēnd āb abar stanēd
519.0
mēš saxt
520.0
ud čand škefttar wārēnēd pad srešk ī gāw sar saxt zahā ud must zahā meh =iz ud keh =iz
521.0
andar ān wārānkirdārīh aspanǰarūš ud apāwš kōxšīd hēnd
522.0
ātaxš wāzišt gad abar wašt ud āb tābēnīd andar abrān
523.0
aspanǰarūš az ān gadzanišnīh karrēnīd wāng kird čiyōn nūn =iz ham ān ardīg pad wārānkirdārīh garrānā ud rōzāg paydāg
524.0
u =š dah šab ud rōz pad ān ēwēnag wārān kird
525.0
ān wiš xrafstarān ī andar zamīg būd hamāg andar ān āb bē gumēxt ān āb mahistar sōr be kird
526.0
čē andar zamīg be mānd az ān tōhmag xrafstar hamē hambūsēnēnd
527.0
pas wād ān āb pad hamēwēnag tā bandagīh se rōz pad kust kust zamīg abāz nišāst
528.0
se zrēh ī meh ud sī zrēh keh az =iš būd
529.0
dō čašmag ī zrēh az =iš ō paydāgīh mad ēk čēčast ēk sūwar kē =šān bunxān ō čašmag ī zrēh paywast estēd
530.0
u =š az kust ī abāxtar dō rōd bē tazēnīd
531.0
ēk ōī X xwarāsān ēk ōī xwarōrān šud hēnd ī ast ī arwand rōd weh rōd
532.0
čiyōn gōwēd kū pad ān ī angust zahā ī ohrmazd dō ābtazan bē frāz kišt
533.0
ud ān harwdō rōd pad harwdō sar ī zamīg be gardēnd pad zrēh Frāxkard abāz ōī ham gumēzēnd
534.0
ud ka ān dō rōd bē tazīd bēd pas az ham bunxān ī awēšān haštdah rōd ēwtāg bē tazīd
535.0
pas abārīg ābīhā az ān ēwtāgān frāz tazīd hēnd
536.0
awēšān =iz hamāg abāz ō arwand ud weh rēzēnd kē =šān xwābargarīh gēhān frāyzāyišnīh ī dāmān aziš būd
537.0
ēn fradom ardīg āb ī abāg ganāgmēnōy kird
538.0
sidīgar ardīg zamīn kird
539.0
čiyōn ganāg andar dwārist zamīg be zandīd ān gōhr ī kōf ī andar zamīg dād estād pad wizenišn ud zamīg ham zamān kōf ōī rawišn estād nazist harborz ī baγōbaxt pas abārīg kōfān mayān ī zamīg
540.0
čē čiyōn harborz frāz waxšīd harborz harwisp kōf ō rawišn estād hēnd čē hamāg az rēšag ī harborz frāz waxšīd hēnd
541.0
pad ān zamān az zamīg abar āmad hēnd draxtān homānāg kē tāg ōy rēšag ō azēr tāzēnīd u =šān rēšag ēk andar did ōwōn be widārd pad hambandišnīh be winnārd hēnd
542.0
pas az ān zamīg pad škeftīh čandēnīdan nē šāyēd
543.0
čiyōn gōwēd pad dēn kū kōf meh band zamīgān
544.0
widarg ī xān ābān andar kōf ī rēšag ī X kōfān azēr ud azabar bē hišt kū =š padiš andar tazēnd ōwōn čiyōn rēšag ī draxtān andar zamīg widerēd hangōšīdag xōn ī andar rāγān kē zōr hamāg tan dahēd
545.0
pad āmār ǰud az harborz pad haštdah sāl ī pad haštdah sālān hamāg kōf az zamīg abar āmad hēnd kē frayādišn ud sūd ī mardōmān az =iš
546.0
čiyōn gōwēd kū frāz dād estēnd pad sūr ō āsrōnān artēštārān wāstaryōšān
547.0
fradom ardīg zamīg abāg ganāgmēnōy kird ,
548.0
ud čahārom ardīg urwar kird
549.0
ān ka hušk be būd , amurdad amahrspand čiyōn =iš urwar xwēš ān urwar xwurdag kōst abāg āb ī tištar stanēd be gumēxt
550.0
tištar ān āb pad hamāg zamīg bē wārēnīd
551.0
pad hamāg urwar ēdōn bē rust čiyōn mōy pad sar ī mardōmān
552.0
u =š bēwar aziš ēk sardag mādagwar ī frāz rust hēnd pad abāzdārišnīh bēwar wēmārīh
553.0
ganāgmēnōy ō dāmān kirrēnīd az ān bēwar ēsadudsīh ,
554.0
sardag andar sardag urwar frāz waxšīd hēnd
555.0
az ān hamāg tōhm ī urwarān wan ī wastōhmag frāz dād
556.0
andar zrēh ī frāxkard abar rust ka hamāg sardag urwar pad tōhm ān wan aziš waxšēnd
557.0
nazist ō wan ī husarw draxt bē dād pad abāzdārišnīh zarmān ī dušpad
558.0
u =š purrfrahixtišn ī gēhān aziš būd
559.0
ēn fradom ardīg urwar abāg ganāgmēnōy kird ,
560.0
panǰom ardīg gāw ī ēwtāg kird
561.0
čiyōn frāz widard urwarčihrīh rāy az hannāmān ī gāw ī panǰāhpanǰ sardag ǰōrdāg dwāzdah sardag urwar bēšaz ī az zamīg waxšīd hēnd
562.0
u =šān rōšnīh wēmār ī andar tohm gāw būd ō māh abespārd
563.0
ān tōhm pad rōšnīh ī māh be pālūd pad hamāg gōnag gāh be wirāst ǰān andar kird
564.0
az ānōh ǰuxt ēw gāw ēk nar ud ēk mādag pas harw sardag =ēw se čiyōn dōsadudhaštāddō sardag pad zamīg dō frasang homānāg kē pad dēn haštdah hāsr gōwēd frāz paydāg būd hēnd
565.0
gōspandān māništ pad zamīg murwān pad andarwāy ud māhīg ō āb šnāyēn hēnd kē pad frāyparwarišnīh andar aziš būd
566.0
ēn fradom ardīg gāw abāg ganāgmēnōy kird
567.0
šašom ēn fradom ardīg gayōmart kird az ān čiyōn pad spihr ī gayōmart paydāg būd kū andar ēbgatīh pad kōxšišn axtarān sī sāl zīwist
568.0
čiyōn guft zamān pēš az ēbgat kū gayōmart tagīg ō sī zamestān zīwandagīh ud xwadāyīh brēhēnīd
569.0
pad madan ī ēbgat ohrmazd stārag pad karzang ābīg pad bālist ī xwēš pādyāwandīh ī =š andar hamēmāl rāy ō gayōmart zīndagīh ī ǰān brēhēnīd
570.0
kēwān stārag pad tarāzūg pad gyāg ī =z pas az kū mēx ī azēr ī zamīg pad bālist xwēš ǰast ī abarwēzīh ī ī =š abar hamēstār rāy margīh brēhēnīd
571.0
būd ohrmazd pad bālist ī xwēš mēx ī ǰānān abarwēzīh ī abar kēwān rāy ān margīh az gayōmart bē spōxt tā sī sāl
572.0
ka did kēwān abāz ō tarāzūg mad kū =š bālist ī xwēš pad ān hangām ohrmazd pad gāh =ēw ǰast kū =š nišast ī xwēš X
573.0
abarwēzagīh ī kēwān abar ohrmazd rāy gayōmart margīh abar mad pad hōy dast ōbast
574.0
andar bēwiderišnīh =ēw tōhm andar ō zamīg šawēd čiyōn nūn =iz andar widerišnīh =ēw hamāg mardōm tōhm bē rēzēnd
575.0
az ān čiyōn tan ī gayōmart az ayōxšust kird ēstēd az madan ī andar gayōmart haft ēwēnag ayōxšust ō paydāgīh mad
576.0
ān tōhm ī andar ō zamīg šawēd pad čehel sāl ud māšā ud māšān abar rust hēnd kē =šān purrrawišnīh gēhān abesīhēnišn dēwān wināhgārīh ganāgmēnōy aziš būd
577.0
ēn fradom kārēzār ī gayōmart abāg ganāgmēnōy kird
578.0
haftom ardīg ātaxš kird
579.0
ān padīrag ī aspanǰarūš bē estād ātaxš ī wāzišt =iz pad wārānkirdārīh ī ādur farnbay ud gušnasp burzēnmihr pad gēhānpānagīh ; ī dāmpādārīh abārīg ātaxš čiyōn andar urwar ud mardōmān gōspandān pad ǰāndāštārīh ud waxšēnīdārīh
580.0
u =š winnārdārīh ī gēhān dām aziš būd
581.0
ēn =iz fradom ardīg ātaxš abāg ganāgmēnōy kird
582.0
haštom ardīg axtarān kird padīrag druzān abāxtarān
583.0
harw kas abāg xwēš hamēmāl pad kōxšišn estād padīrag hambadīg winnārd hēnd tā frašegird čiyōn =im zayǰ ī gēhān nibišt
584.0
ēn fradom ardīg mēnōy yazadān abāg ganāgmēnōy kird
585.0
nohom ardīg mēnōyān yazadān abāg ganāgmēnōy kird ka =šān zad stōwēnīd ō dōšox abgand
586.0
čiyōn gōwēd čahār rōz šab axwēb ud apōyišn būd hēnd mēnōyān yazadān pad ān ardīgkirdārīh
587.0
dahom starān agumēzišn ī kird ka =šān tārīkīh ud bazzagīh ō abargar gumēxtan nē hišt
588.0
čiyōn gōwēd kū xwarrah ī wehdēn ī māzdēsnān pad ēbyāhān homānāg ī ast kustīg homānāg starpēsīd ī mēnōyān tāšīd se tāg pad se grih pērāmōn asmān pad ān pāyag be dāšt
589.0
awēšān starān abāg pad kōxšišn estād hēnd tā frazām čiyōn xwēš nibišt
590.0
ānōh mayān axw razm barēnd
591.0
abēzagīh andar gumēzagīh xwānīhēd
592.0
, abar ēwēnag ī awēšān dahišnān ,
593.0
gōwēd pad dēn kū ka ganāgmēnōy andar dwārist nē pad sāl ud māh ud rōz čē tēz pad zamān be nazist ō seēk ī ēn zamīg dudīgar ō panǰēk ī ēn zamīg sidīgar ō ēn zamīg hamāg be mad pas ō urwar
594.0
ast ī ohrmazd ān ī awēšān kirb abar grift abar awēšān stāragpāyag burz ud frāz ō stāragān dād
595.0
YḆLWNt ast rōšnīh awēšān stāragān kē nūn abāz ō gētī tābēnd
596.0
čiyōn gōwēd kū axtarān ī ābčihrag ud zamīgčihrag ud urwarčihrag hēnd
597.0
awēšān ābčihrān tištar ud trišag padispar ud pēšparwēz šaš stārag kē parwēz xwānēnd awēšān ābstāragān
598.0
ān ī zamīgčihr haftōring ud meh mayān asmān awēšān zamīgsardagān
599.0
ān ī urwarčihrag abārīg ǰud az awēšān
600.0
pas ganāgmēnōy ō gāw mad
601.0
gāw ō nēmrōz ālag pad dašn dast ōbast
602.0
nazist ān ī dašn pāy ō ham burd
603.0
ohrmazd ān ī gāw tan ud ēwēnag abar grift ōī māh abespārd čiyōn ast ēn rōšngar māh abāz ō gēhān tābēd
604.0
čiyōn gōwēd kū māh ī gōspandtōhmag kū ēwēnag gāwān gōspandān pad māhpāyag estēd
605.0
pas ka ō gayōmart mad gayōmart ō nēmrōz rōn hōy ālag ōbast
606.0
ud nazist =iz ān ī hōy pāy ō ham burd
607.0
ohrmazd ān ī ōy kirb , grift ō xwaršēd abespārd čiyōn ast ēn rōšnīh ī xwaršēd kē ō gēhān padiš tābēd abar
608.0
gāw ōwōn būd čiyōn māh ud gayōmart ōwōn būd čiyōn xwaršēd
609.0
ohrmazd pad gētī frāz brēhēnīd
610.0
ka ēbgat mad ul ō azabar burd kū tā abāz ō xwēš bundahišt tābēnd dēwān =iz ān xwarrah ō xwēšīh nē rasēd kū padiš pādixšā bawēnd
611.0
agar nē ēdōn kird hād ān rōšnīh ō gētī nē tēzist handāzag ī ātaxš ka brā az asar rōšnīh awi =š paywast estēd ka abrōzēnd rōšnīh ō azabar ī dād ō xwēš buništ ī =š aziš āmad
612.0
ēn =iz gōwēd kū ō gayōmart margīh abar mad nazist pad ān ī dašn pāy pad ān ī keh ōwōn angust ganāgmēnōy frāz dwārist pas ō X dil gursagīh ī padiš frāz hišt
613.0
ud ohrmazd ud ganāgmēnōy ānōh bē ēstēd tā =š gōšt rōγn ō gayōmart xwārēnīd kū tā =š dēwān axwarišnīh nē kirrēnēnd pad ān čim ǰān andar tan ī gayōmart pad war saxttar be būd
614.0
pas abar ō bālist sar dwārist
615.0
az tan ī gayōmart rōšnīh ōwōn bē šud čiyōn āhen ī garm ī suxr ī ka =š putak abar zanēnd ud syā be bawēd
616.0
nūn =iz mardōm andar gētī pad ēn hangōšīdag mīrēnd kē nazist pāy pas abārīg handām ud war ō tā kas hōšīd ud pas ǰān andar war saxttar be būd xwarišn xwarēd was
617.0
ka mardōm mīrēd ka mīrēd gōn be wardēd
618.0
abar čiyōnīh zamīgān ,
619.0
gōwēd pad dēn kū ast zamīg sīudse sardag
620.0
čiyōn ān hampēš pad dar ī zamīg nibišt ka tištar ān wārānīh kē X zrēyīh ī az =iš būd hēnd zamīg hamāg gyāg nam be kird
621.0
pad šaš pārag bē wisist azērdārišn azabardārišn be būd
622.0
X ud nišast pārag =ē čand nēm =ēw mayān ud šaš pārag pērāmōn
623.0
ān šaš pārag čand xwaniras
624.0
u =š kišwar nām nihād kū kiš be būd
625.0
čiyōn pārag =ē pad kust ī xwarāsān arzah kišwar pārag =ē pad kust ī xwarōrān sawah kišwar dō pārag pad kustag nēmrōz fradadafš ud wīdafš kišwar dō pārag ī pad kust ī abāxtar wōrūbarišn wōrūǰarišn kišwar xwānēnd ān ī mayān ī awēšān andčand kū awēšān xwaniras
626.0
az kišwar ō [kišwar] ǰud pad parwānagīh yazadān warzānagīh tā šudan nē šāyēd
627.0
čiyōn gōwēd kū mayān ī arzah ud sawah ud xwaniras zrēh dārēd čē bahr =ēw az zrēh frāxkard pērāmōn be dāšt
628.0
az mayān ī fradadafš wēšag dārēd
629.0
mayān ī wōrūbarišn wōrūǰarišn kōf ī buland bē rust kū tā az kišwar ōī kišwar paywand bē bawād kū tā ēk ōī did šudan nē šāyēd
630.0
az ēn šaš kišwar hamāg nēkīh andar xwaniras wēš dād
631.0
ganāgmēnōy ō =z xwaniras wēš kōxšīd anāgīh ōī xwaniras wēš dād
632.0
zadārīh rāy ī =š aziš wēnēd čē kayān wīrān andar xwaniras dahēd
633.0
dēn =iz weh ī māzdēsnān pad xwaniras dahīhēd
634.0
pas ō abārīg kišwar burdan
635.0
sōšāns =iz andar xwaniras zāyēnd kē ganāgmēnōy abesihēnand ud ristāxēz ī tan ī pasēn kunēnd
636.0
čiyōn gōwēd frahist mardōm andar xwaniras ōzmandtar
637.0
andar kišwar xwaniras ēn druz wattom
638.0
az ēn kē awēšān =iz kišwar ī abdom druz bē burd
639.0
, abar čiyōnīh kōfān , ,
640.0
gōwēd pad dēn kū nazist kōf frāz rust harborz ī baγōbaxt az ān ī pas hamāg kōf ī frāz rust hēnd pad haštdah sāl
641.0
harborz tā bowandagīh haftsad sāl hamē rust dwēsad sāl ō starpāyag dwēsad sāl tā ō māhpāyag dwēsad tā xwaršēdpāyag dwēsad sāl tā ōī bālist ī asmān
642.0
čiyōn abārīg kōfīhā az X harborz frāz rust estēnd pad marag dōhazāruddwēsadudčeheludčahār kōf ī ast hugar ī buland harborz ī tērag ī ud čagād ī dāytī arzur garīwag usindām kōf kōf abursēn kē ast abarsēn gōwēd kōf zərəδaz kē ast kōf manuš kōf ēriǰ kōf kaf kē ast kōfag kē ast kōf ī ušdāštār kōf ī arwadarbūm kōf ī rōyišnōmand kōf ī padišxuwār kōf ī kē mahist xwarrah ud xwārīh kōf =iz xwānēnd kōf ī rēwand kōf ī dārspəṇt ud baygar kōf ī wasškuft kōf ī gyāhōmand kōf ī wafrōmand kōf ī spandyād kudrawasp kōf ī asewand kōf ī kaykarās kōf ī sēzdah kōf andar kangdiz kē gōwēd āhen yazadānmand awēšān wehxwarrah ud X xwurdag kōf ī afšāndōgān
643.0
gōwēd harborz pērāmōn ēn zamīg ō asmān paywast estēd
644.0
tērag ī harborz ān kē =š star ud māh ud xwaršēd padiš andar wardēnd ud padiš abāz āyēnd
645.0
hugar ī buland ān kē =š āb ardwīsūr aziš frōdīhēd ēwhazār mard bālā
646.0
usindām kōf ī ān az xwenāhan kē gōhr asmān zrēh frāxkard kē =š āb az hugar ī pad =iš frōd rēzēd
647.0
čagād dāitī ān ī mayān gēhān ēwsad mard bālā kē =š činwad puhl padiš estēd
648.0
ruwān pad ān gyāg āmārēnd
649.0
grīwag čagād =ēw pad dar ī dōšox kē =š āmār
650.0
hamdwārišnīh ī dēwān pad =iš kū hamāg dranǰišn ānōh kunēnd
651.0
čiyōn gōwēd kū kadār gyāg mustōmandtar guft hād arzūr arzūr grīwag pad dar ī dōšox kē =š hamdwārišnīh ī dēwān padiš bawēd
652.0
ēn =iz gōwēd kū čiyōn az harborz abarsēn kōf ī meh ast kū abarsēn gōwēd kōf ī hamāg pārs
653.0
u =š bun pad sīstān u =š sar pad hūzestān pad =iz xwarāsān tēx ast
654.0
dudīgar ī kōf ī mān ī āb ān kōf ī kē =š mānuščihr padiš zād
655.0
abārīg kōfān mārīg kē awēšān frāz rust hēnd
656.0
čiyōn gōwēd kū frōdābīg ud ābsārīg deh pērāmōn awēšān se kōf ī wēš ǰast estēd
657.0
kōf ī ēriǰ pad māy ud hamadān ī xwārizm az kōf ī abursēn rust estēd
658.0
kōf ī manuš pad xwarāsān pad wimand turkestān ō =iz abarsēn paywast estēd
659.0
kōf ī kaf ham kōf ī abursēn rust estēd
660.0
kōf ī ušdāštār pad sīstān
661.0
arzūr kōf ī ān ī pad kust ī hrōm
662.0
padišxwārgar kōf ī ān ī pad tabarestān ud gēlān
663.0
ud ān pad kustag rēwand kōf ī pad xwarāsān kē =š ādur burzēnmihr padiš nišīnēd u =š rēwandīh ay kū rāyōmand
664.0
wādgāh kōf ī ān pad wādišān wimandān
665.0
ān kustag purrdār ud purrdraxt
666.0
baγgar kōf ī ān ī frāsyāb ī tūr pad drubuštīh dāšt
667.0
u =š ān mān andar andarōn kird
668.0
u =š imrōz šahr rāmpērōz bēwar šahrestān abar abgand estēd
669.0
kōf ī wasškuft ān ī pārs az ham kōf ī abursēn
670.0
kōf ī gyāhōmand kōf ī wafrōmand ān ī =šān kāwul ān kustagīhā aziš rust estēd tā ōī kust ī čīn
671.0
spandyād kōf ī pad war ī rēwand kōf ī
672.0
kudrawasp kōf ī pad tūs šahr X X kē =š war ī sūwar pad sar ī
673.0
kōf ī kōykarās pad ērānwēz
674.0
usend kōf ī pad ādurpādagān
675.0
rōyišnmand kōf ān kē =š urwar padiš rust
676.0
būm kōf ī ān ī hamāg gyāg pad būm ud būm ud šahr šahr u =š warz ābādānīh padiš kunēnd
677.0
was nām W was marag az ham ēn kōfīhā ī ōšmurd rust estēd čiyōn ān ī =š nām pad ayādgārīhā ud šahrīhā paydāg
678.0
kōf ī wanāft kōf ī aspranǰ kōf ī pahrgar kōf ī dambāwand kōf ī rāzag kōf ī zarrēn kōf ī gēsbaxt kōf ī dahnād kōf ī mēzan kōf ī marag ī kē hamāg az abarsēn manuš abārīg kōfīhā ōsmurd rust estēd
679.0
abar dahnād kōf ō hūzestān paywast estēd ham az abursēn kōf ī
680.0
dambāwand kōf ān ī ī =š bēwarasp padiš bast , estēd
681.0
az ham padišxwar kōf =iz ī kōmīš gurgān paywast estēd čiyōn kōf ī kōmīš kōf ī madōfrayād xwānēnd ān kē =š wištāsp ī arzāsp ī padiš stōwēnīd
682.0
kōf ī =ēw mayān ī , dašt az ān kōf ānōh wisist estēd
683.0
gōwēd pad kārēzār ī dēn ka stōwīh pad ērānagān būd az ān kōfīhā bēwisist mayān ī dašt frōd ōbast
684.0
ērānagān padiš bōxt hēnd
685.0
u =šān madōfrayād xwānēnd
686.0
wanād kōf ī pad ham pušt wištāspān ānōh ō rēwand kū mān ī ādur burzēnmihr nō frasang ō xwarōrān rōn
687.0
rāzag bašn pad zarābād
688.0
ēn gyāg ast kē zarābād ast kē rāzag bašn ud ast kē karā xwānēd
689.0
az dō kust kōf ī ud rāh mayān diz ī frōd
690.0
ēd rāy diz kū ānōh kird estēd ast karā diz xwand
691.0
ēn gyāg andar sirāb
692.0
ud būm kōf ī aspranǰ azabar ī čīnestān
693.0
gēsbaxt pad pārs
694.0
pahrgar pad xwarāsān
695.0
kōf ī marag pad lārān
696.0
kōf ī zarrēn pad turkestān
697.0
kōf ī behistūn pad spāhān garmēnišān
698.0
abārīg X az ēn mar kē pad rawišn hēnd kōf ī būm hangārd
699.0
ud andar dēn ī māzdēsnān xwurdag kōf ī ān ī pārs pad gyāg ud gyāg rust estēd
700.0
, abar čiyōnīh ī zrēyān ,
701.0
gōwēd pad dēn kū zrēh frāxkird pad kust ī nēmrōz ī kanārag ī harborz ī seēk =ēw ēn zamīg dārēd
702.0
ēdōn frāxkird kū =š ēwhazār war andar dāšt estēd ast kē čašmagān ī ardwīsūr ud ast kē xānīgān ī war gōwēd
703.0
harw war =ēw rāy ābxān dō ast kē āb pad =iš abar āyēd andar ō war rēzēd
704.0
harw war rāy harw ābxānīg andčand pahnāy ud drahnāy ast ī ka huasp mard tāzēnēd pad čehel rōz ud šab pērāmōn be gardēd bawēd ēwhazārhaštsad frasang ī meh
705.0
az ān čiyōn ān āb pad garm rōz xwēdīh yōǰdahrīh frāy az abārīg ābān harw rōz az čašmagān ī ardwīsūr hamēw tazēnd ō nēmrōz
706.0
kōf ī harborz ī ānōh ēwsad ēwhazār nāyīzag ī zarrēn kird estēd
707.0
ān āb ī pad garmīh ud čihrīg pad ān nāyīzag ī abar ō hugar ī buland šawēd pad bālist ān ī war =ēw ast andar ān war rēzēd yōǰdahr be būd pad ǰud nāyīzag ī zarrēn abāz āyēd
708.0
pad hazār mard bālā az ān nāyīzag ī tāg =ēw wišādag ī zarrēn frāz ō kōf ī usindām ǰahēd
709.0
mayān zrēh ī frāxkard az ānōh bahr =ēw yōǰdahrīh zrēh rāy frāz ō zrēh rēzēd bahr =ēw pad hamāg ēn zamīg pad nam ud paššinǰag be rasēd
710.0
hamāg dahišnān xwēdīh bēšāzēnišnīh az =iš ayābēnd ud huškīh ī andarwāy bē zanēd
711.0
čiyōn gōwēd kū hugar ī buland kē hamāg sūrag zarrēn kē padiš frāz ǰahēd ardwīsūr ī awinast ēwhazār wīr bālā
712.0
zrēyīhā ī sōr se ast
713.0
mādagwar ī ast ēk syāwbūm
714.0
harw se puytīk meh kē purr ud ōgār pad =iš ham kustag ī zrēh frāxkard ō [frāxkard] paywast estēd
715.0
mayān ī ēn zrēh ī frāxkard ān ī pūytīk pahlūg ī zrēh dārēd kē war ī sadwēs xwānēnd
716.0
harw stabrīh ud sūrīh nēpākīh az zrēh ī pūytīk ō zrēh ī frāxkard wurrōyēd šawēd
717.0
pad wād ī wuzurg ī buland az ān war ī sadwēs abāz zanēd
718.0
harw čē pāk ud rawišn andar ō frāxkard čašmag ī ardwīsūr šawēd ān ī dudīgar abāz ō pūytīk rēzēd
719.0
band ī ēn zrēh ō māh wād paywast estēd pad abzāyišn ud kāhišn
720.0
ul āmad ud frōd šawēd čē =š gardišn ō nēmrōz
721.0
band ō sadwēs ō sadwēsstārag bast estēd kē =š zrēyīhā kust nēmrōz andar pānagīh ōwōn čiyōn , haftōring kustag ī abāxtar andar pānagīh
722.0
purr ud ōgār rāy gōwēd kū az X pēš ī māh harwgāh dō wād hamēw wazēd kē =šān X māništ andar war ī sadwēs
723.0
ēk frōdāhang ud ēk ulāhang wazēd ōgār xwānēnd
724.0
ka ān ulāhang wazēd purr ka ān ī frōdāhang wazēd ōgār būd
725.0
pad abārīg zrēyīhā az ān čiyōnīh gardišn ī māh pad =iš nēst purr ōgār nē bawēd
726.0
zrēh ī kamrōdīg ān ī abāxtar pad turkestān widerad
727.0
ān ī gēhānbun pad hrōm
728.0
zrēyān ī keh ān ī warm zrēh ī kayānsē čiyōn pad sistān
729.0
fradom xrafstar ud mār ud wazaγ andar nē būd āb šīrēn
730.0
abārīg =iz zrēh ī keh ast meh šīrēn
731.0
ēn =iz zrēyīhā sōr pad nazdīk gandagīh rāy tā hāsr ō wazaγ nē šāyēd šudan
732.0
and and pad zanišnīh X ōy ān ī gandagīh ud sōrīh ānābēd ka frašegird šīrēn abāz bawēnd
733.0
abar čiyōnīh X rōdīhā ,
734.0
gōwēd pad dēn kū ēn dō rōd az abāxtar nēmag az harborz ohrmazd frāz tāzēd
735.0
ēk ōī xwarōrān kū alwand ud ēk ōī xwarāsān šud kū weh xwānēnd
736.0
az pas ī awēšān haštdah rōd az ham bunxān frāz tazīd hēnd
737.0
pad ham harborz andar zamīg frōd šud hēnd
738.0
pad xwaniras ō paydāgīh hēnd čiyōn abārīg āb az awēšān pad was marag frāz tazīd estēnd
739.0
čiyōn gōwēd kū ēdōn zūd ēk az pas ōy ī did bē tazīd hēnd čiyōn mard =ēw ašemwohū =ēw az , padisār bē gōwēd
740.0
awēšān āb hamāg abāz ō ēn dō X rōd gumēzēnd ast arwand rōd wehrōd
741.0
awēšān harw dō pad kanārag ī zamīg gardēnd ud pad zrēyīhā widerēnd
742.0
ud hamāg kišwar xwārēnd az ān zahābīh
743.0
ud pas harw dō pad zrēh ī frāxkard ō ham rasēnd ud abāz ō bunxān rasēnd az =iš bē tazīd hēnd
744.0
čiyōn gōwēd kū ōwōn čiyōn rōšnīh ī pad harborz andar āyēd ud pad harborz bē šawēd
745.0
ēn =iz gōwēd kū mēnōy arwand az ohrmazd xwāst kū fradom harwispīn šnāyēnīdārīh kē wehrōd nēkīh az =iš be dah ud pas pad [man] amargīh be dah
746.0
mēnōy =iz ī wehrōd az ohrmazd arwand rōd rāy ēdōn xwāst
747.0
dōšāram ayārīh ēk andar ō did rāy pad ham zōrīh frāz tazēnīd hēnd čiyōn pēš az madan ī ēbgat atazišn būd hēnd
748.0
ka druz bē zanēnd atazišn abāz būd
749.0
ān haštdah rōd ī mādagwar ǰud az arwand ud weh abārīg rōdīhā az awēšān bē tazēnīd ān ī nāmčištīgtar gōwēm arwand rōd wehrōd diglit rōd kē digtil =iz xwānēnd frād rōd dāytī rōd dargam rōd zand rōd harēw rōd marw rōd hēdōmand rōd axwšīr rōd wataēnī rōd zišmund rōd xwaǰand rōd baxl rōd mihr rōd hindūgān rōd =iz xwānēnd spēd rōd turd rōd kē kūr =iz xwānēnd ulē rōd kē misragān =iz xwānēnd araz rōd turmid rōd wandīš rōd dārāǰa rōd kāsag rōd šēd rōd paydāgmēhan rōd čihrōmēhan āb makurestān rōd
750.0
u =šān gugān gōwam ,
751.0
abar nāmčištīg rōdīhā
752.0
arwand rōd ān ī guft kū az harborz bē tazīd āyēd pad sūrag būm kē šam =iz xwānēnd ud pad yegiptos būm kē misr =iz xwānēnd bē widerēd
753.0
u =š ānōh rōd tang spitōis xwānēnd
754.0
wehrōd pad xwarāsān bē widerēd pad sind būm šawēd pad hindūgān ō zrēh rēzēd
755.0
u =š ānōh mihrān rōd xwānēnd
756.0
frād rōd bunxān kē gōwēnd hrōm pad asūrestān widerēd ō diglit rēzēd
757.0
u =š frādīh ēd kū abar zamīg xwārišn kunad
758.0
paydāg kū ān ī bunxān manuščihr kand āb hamāg abāz ō ēk abganēd
759.0
čiyōn gōwēd kū yazam frād ī purrmāhīg kē xwēš ruwān rāy manuščihr kand āb stad xwārēnīd
760.0
diglit rōd az daylmān bē āyēd pad xūzestān ō zrēh rēzēd
761.0
dāytī rōd az ērānwēz bē āyēd pad gōwedestān bē šawēd
762.0
az hamāg rōd xrafstar andar ān wēš
763.0
čiyōn gōwēd kū dāytī rōd purrxrafstar
764.0
dargām rōd pad sugud
765.0
zand rōd pad kōf ī panǰestān widerēd abāz ō harēw rōd rēzēd
766.0
harēw rōd az abursēngar bē tazēd
767.0
hēdōmand rōd pad sistān u =š bun ī xān pad az abursēngar
768.0
ēn ǰud az ān ī frasyāb spurd
769.0
rōd ī axwšīr pad kōmīš
770.0
zišmund rōd pad kust ī sūt abāz ō xwaǰand rōd rēzēd
771.0
xwaǰand rōd pad mayān ī sumarkand fragān bē šawēd
772.0
u =š rōd =iz X xwānēnd
773.0
marw rōd xwarrahōmand pad xwarāsān az abursēngar bē tazēd
774.0
baxl rōd az abursēn kōf ī bāmīgān andar āyēd bē ō weh rōd rēzēd
775.0
spēd rōd pad ādurbādagān
776.0
gōwēnd kū dahāg āyaft az ahriman ud dēwān ānōh xwāst
777.0
turd rōd kē kūr =iz xwānēnd az zrēyīh šīrāb bē āyēd ō zrēyīh gurgān rēzēd
778.0
zahābag ī ān rōd az ādurbādagān bē āyēd pad pārs ō zrēyīh rēzēd
779.0
ulē rōd bē xān az spāhān bē xūzestān bē widerēd frāz ō diglit rōd rēzēd
780.0
u =š pad spāhān misragān rōd xwānēnd
781.0
araz rōd pad tabarestān
782.0
u =š bunxān X az kōf ī dambāwand
783.0
turmid =iz rōd X X abāz ōī weh rōd rēzēd
784.0
wandasiš rōd ān pārs kē sagān xwānēnd
785.0
kāsag rōd pad X šahr bē āyēd
786.0
u =š ānōh kasīb rōd xwānēnd
787.0
ud ēn ham rōd weh
788.0
ud ānōh kāsag xwānēnd pad =iz sind kāsag xwānēnd
789.0
ud wataēnī rōd pad sistān bunxān az kayānsē būd
790.0
paydāgmēhan rōd čihrōmēhan āb pad kangdiz
791.0
dārāǰa rōd pad ērānwēz kē =š mān ī pōrušasp ī pidar zardušt pad bār būd
792.0
abārīg amar āb ud rōd xānīg ud kahasīhā ast kē awēšān zahābag frāz xwārīd estēd
793.0
ēn rōdīhā bun ēk pad šahr šahr ud gyāg ud gyāg pad nām nām xwānēnd
794.0
frāsyāb rāy gōwēnd kū =š andar zrēh ī kayānsē ēwhazār xān ābān bē wispurd ud asp zahā ud uštar zahā ud gāw zahā ud xar zahā ud meh =iz ud keh =iz
795.0
u =š wispurd andar ham zrēh =ē xān zarrōmand kē hēdōmand rōd taft
796.0
u =š xān wataēnī rōd ud šaš āb ēwtāg andar ham zrēyīh wispurd mardōm nišāstag be kird
797.0
pad dēn haftdah sardag āb gōwēd čiyōn ēk nam abar urwarān nišīnēd dudīgar ān garān tazišn ast rōdīhā sidīgar ān ī wārānīg āb čahārom ān ī čāhīg ī armēšt abārīg anāmčištīg panǰom šusr ī gōspandān mardōmān šašom gōmēz gōspandān ud mardōmān haftom xayūg gōspandān mardōmān haštom āb andar pōst gōspandān mardōmān nohom nam nālīh gōspandān mardōmān dahom xōn ī gōspandān mardōmān yāzdahom rōγn ān ī andar pad harw se axwān kām dwāzdahom āb ī andar hambowišnīh gōspandān mardōmān sēzdahom xwē ī gōspandān mardōmān čahārdahom ān ī andar pusyān gōspandān mardōmān kē pus pad =iš parwarēnd pānzdahom ān ī azēr ēwan ī urwarān ī čiyōn guft X kū harw ēwan =ēw āb =ēw srešk pad tah ātaxš čahār angust pēš šāzdahom ān ī andar urwarān gumēxt estēd kē āb ī tan tōhmag gōwēd haftdahom šīr ī gōspandān ud mardōmān
798.0
ēn harwisp pad waxšīg ayāb tanīgardīg abāz ō ēn rōdīhā gumēzēnd čē āb tanīgardīg waxšīg harw dō ast
799.0
ēn =iz gōwēd kū se rōd marw rōd ud hēdōmand rōd ahunsand būd hēnd mēnōy awēšān kū andar gēhān nē tazēnd az anāgīh āhōgēnišn armēštīh ī =šān dīd kū =šān andar ēbgatīh hōm ud zōhr awiš rēzēd drust abāz kunēd ud pahrēz bē gōwēd
800.0
ēn =iz gōwēd kū āb kē xīr kam ud zōr wēš awi =š mad estēd ud pad se sāl abāz ō bunxānīg šawēd kē xīr ud zōr harw dō rāst abar mad estēd pad šaš sāl abāz rasēd kē xīr wēš ud zōhr kem pad nō sāl abāz rasēd
801.0
ōwōn =iz urwarān rōyišn pad ēn paymānag nērō ō bunī dahēnd
802.0
ēdōn =iz āfrīn ī ahlaw kunēnd pad ēn paymānag abāz ō xwad rasēd
803.0
rōd X kataēnī rāy gōwēd kū frāsyāb bē ō wazr abgand
804.0
ka X rasēd aspzahā abāz , tazēd ēdōn =iz čašmagīhā ī zrēh ī kayānsē ,