MPCD - Middle Persian Corpus and Dictionary

1.0

ēn ayādgār nibištag ī wizīdagīhā ī zādspram ī ǰuwānǰamān xwānēnd

2.0

šnāyišn ī dādār ohrmazd ud amahraspandān ud hamāg yazadān ī mēnōyān ud yazadān ī gētīyān

3.0

gōwišn ī hērbed zādspram ī ǰuwānǰamān ī nēmrōz

4.0

abar gumēzišn ī spennāgmēnōy ud gannāgmēnōy

5.0

hād pad dēn ōwōn paydāg kū rōšnīh azabar ud tārīkīh azēr u =šān mayānag ī harw dō wišādagīh būd

6.0

ohrmazd andar rōšnīh ahreman andar tārīkīh ud ohrmazd az astīh ī ahreman madan =iz ō pahikār āgāh

7.0

ahreman az astīh ud rōšnīh ī ohrmazd nē āgāh būd

8.0

ahreman andar tam ud tārīkīh ō frōd kustān hamē raft

9.0

did handāzišnīg ul ō abar āmad u =š tēx =ēw ī rōšnīh frāz dīd ud ǰudgōhrīh ī xwēš rāy tuxšīd kū aw =iš rasēd u =š hamōwōn pad =iš andar kāmag wārēd čiyōn pad =iz tārān

10.0

ka frāz ō wimand mad ohrmazd abāz dāštan ī ahreman az xwēš šahr rāy frāz ō hamrānīh mad u =š pad abēzag gōwišn ī dādīg stardag kird u =š abāz ō tam abgand

11.0

pāsbānīh az druz rāy mēnōyīhā andar ō bālist mēnōy ī āsmān āb zamīg urwar gōspand mardōm ud ātaxš brēhēnīd u =š 3000 sāl dāšt

12.0

ahreman =iz andar tam abzār hamē ārāst

13.0

pad sar ī 3000 sāl abāz ō wimand āmad padistād ud drāyīd kū zanam tō zanam dāmān ī tō dāmdād ī mēnōy ī tō kē spennāgmēnōy hē harwisp ān bē murnǰēnam

14.0

ohrmazd passoxēnīd kū nē druz harwispkirdār hē

15.0

did ahreman padistād kū bē hāzēm$$ harwisp ox ī astōmand ō adōstīh ī tō dōstīh ī man

16.0

ohrmazd pad mēnōyxradīh dīd kū ān =iz ī ahreman padistād tuwānīg pad kirdan agar nē brīnōmand zamānag ī kōxšišn

17.0

u =š zamān bē ō ayārīh xwāst čē =š dīd kū ahreman pad mayānǰīgīh ī ēč nērawišnīh abar ēstēd

18.0

zamān ast harw dō xūb hamayārīh ud rāstrāyēnīdārīh

19.0

aw =iš niyāz

20.0

u =š pad se zamān kird ī harw zamān =ēw se hazārag

21.0

ahreman abar ēstād

22.0

ohrmazd dīd kū ka ahreman parwastag kirdan nē šāyēd hamē ka xwāhēd abāz ō xwēš buništ ī tārīkīh šawēd

23.0

abzār wēš ārāyēd afrazāmpahikār bawēd

24.0

u =š pas az zamān kirdan ahunawar frāz srūd

25.0

u =š pad ahunawar se ēwēnag aw =iš nimūd

26.0

fradom kū harw tis ān frārōn ī ohrmazd kām

27.0

az ēn paydāg kū ka ān ī frārōn ohrmazd kām paydāg kū tis ast ī nē andar kām ī ohrmazd

28.0

ačār ān az buništ =ēw ī ǰudgōhr

29.0

didīgar ēn kū kē ān kunēd ī ohrmazd kām ā =š mizd pāddāšn xwēš ōy kē nē ān kunēd ī ohrmazd kām ā =š puhl pādifrāh xwēš

30.0

az ēn nimāyīhēd kirbakkarān mizd ud wināhkārān pādifrāh ud mādayān ī wahišt ud dušox aziš

31.0

sidīgar nimūd kū xwadāyīh ī ohrmazd ōy abzāyēnēd ī ō driyōšān wizārēd petyāragōmandīh

32.0

ī =š nimūd kū astxīrān ō niyāzīgxīrān ayār bawišn čiyōn āgāhdahišnān ō anāgāhān hammōxtan tuwānīgxwāstagān ō niyāzīgxwāstagān rādīhā dādan ī xwēš

33.0

frayād dast ī ohrmazd dāmān ēk ō did andar kōxšišnīg ardīg

34.0

čiyōn frašegirdkirdārīh pad ēn se tis šāyēd būdan

35.0

ast fradom rāstdēnīh ī xwad āstawānīh ī abar dōbuništagīh pad ān ristag brahm kū ohrmazd hamāgwehīh awattarīh u =š kām wisp frārōn ahreman wispwattarīh awehīh

36.0

didīgar ēmēd ī mizd pāddāšn ī kirbakkarān ud bīm ī az puhl pādifrāh ī bazzakkarān tuxšīdan pad kirbag pahrēxtan ī az wināh

37.0

sidīgar hamayārīh būdan ī dāmān ēk abāg did ud az hamayārīh hamspāhīh az hamspāhīh pērōzīh ī abar dušmen bawēd ī xwad frašegird

38.0

pad ēn gōwišn stard būd abāz ō tam ōbast

39.0

ohrmazd dām tanōmandīhā bē ō gētī būd

40.0

fradom asmān didīgar āb sidīgar zamīg čahārom urwar panǰom gōspand šašom mardōm

41.0

ud ātaxš andar wisp būd pargandag hammis pad šaš gōhrag ī harw gōhrag =ēw drang ī bē abar dādan and būd guft ēstēd čand miǰ =ēw ī ka ēk pad did frōd nihēnd

42.0

3000 sāl dām tanōmand ud afrāzraftār būd

43.0

xwaršēd māh starān ēstād hēnd andar bālist awazišnīg

44.0

pad zamānag sar ohrmazd nigerīd kū čē sūd ast az dādan ī dām ka apōyišnīg arawišnīg awazišnīg

45.0

u =š pad ayārīh ī spyyhl ud zurwān dām frāz brēhēnīd

46.0

zurwān anādūg būd kū =š dām ī ohrmazd rawāg kird bē az rawāgīh ī ahreman dām

47.0

čē buništān ēk ō did wizāyišnīg ud padīragēstišnīg būd hēnd

48.0

u =š frazāmnigerīhā abzār =ēw ī az xwad gōhr ī tārīkīh kē =š nērōg ī zurwānīg pad =iš paywastag pōst ēwēnag ī wazagīg ud syā ud ādurestargōn frāz ō ahreman burd

49.0

u =š pad frāzbarišnīh guft kū pad awēšān zēy abāgīh ā =iz ēd ī tō bē dawīd xwad pad suy frōd mīrēd agar pad sar ī 9000 sāl čiyōn =it padistād ud pašt abar kird zamān abar kird nē frazāmēnēd

50.0

pad hamzamān ahreman az hamzōrān hammis bē ō starpāyag āmad

51.0

bun ī asmān pad starpāyag dāšt az ānōh frōd ō tuhīgīh āhaxt ī andarōn ī buništ ī rōšnān ud tārān ud gyāg ī ardīg kē =š tazišn ī harw dōān padiš

52.0

u =š tārīkīh ī abāg xwēš dāšt andar ō asmān āwurd asmān ōwōn ō tam āhaxt kū andarōn ī aškōb ī asmān čand seēk =ēw azabar starpāyag bē rasīd

53.0

abar andar āmadan ī ahreman ō dām

54.0

pad dēn ōwōn paydāg kū māh frawardīn rōz ohrmazd pad nēmrōz frāz ō wimand ī asmān mad

55.0

asmān ǰudgōhrīh rāy ōwōn bē tarsīd čiyōn mēš az gurg larzēd

56.0

ahreman tābišnīg ud sōzišnīg pad =iš abar āmad

57.0

pas ō āb mad ī azēr zamīg winnārd u =š tārīkīh ud ǰudmizagīh abar burd

58.0

ud mayān ī zamīg abar āmad

59.0

čiyōn mār homānāg ī az sūrāg =ēw abar āyēd ud hamāg zamīg zūd andar ēstād

60.0

ud ān widarg kū abar āmad xwad ast rāh ī ō dušox kē pad ān dwārēnd dēwān druwandān

61.0

pas ō urwar mad

62.0

čiyōn ēk bun būd kē =š bālā čand pay =ēw ud anazg apōstag ud tarr ud šīrēn

63.0

u =š wisp sardag zōr ī urwarān andar čihr dāšt

64.0

ud pad nazdīkīh ī mayānag ī zamīg būd

65.0

pad ham zamān bē hōšīd

66.0

pas ō gāw mad ī ēkdād

67.0

čiyōn =iš bālā čiyōn gayōmart pad bār ī āb ī dāytī mayānag ī zamīg ēstād

68.0

u =š az gayōmart dūrīh čand bālā ī xwēš būd az =iz bār ī āb ī dāytī pad ham paymān dūr būd

69.0

ud māyag spēd ud rōšn būd čiyōn māh

70.0

čiyōn petyārag abar mad ohrmazd mang ī bang =iz xwānīhēd pad xwardan dād ud pēš čašm bē mušt kū tā =š az zanišn ud bazzag handraxtagīh kem bawēd

71.0

nizār ud wēmār būd

72.0

pad dašn ālag ōbast ud widard

73.0

pēš az frāz madan ī ō gayōmart ēg čiyōn se*ēk =ēw ī zarduxšt bālā būd rōšn būd čiyōn xwaršēd ohrmazd xwēy brēhēnīd pad mard kirb ī sālag rōšn ud buland

74.0

u =š abar āmad ō gayōmart u =š xwēy abar aw =iš burd and drahnā čand yatāhūwayryō =ēw abar gōwīhēd

75.0

ka az xwēy frāz būd u =š čašm abar dāšt ā =š dīd gēhān ka tārīk būd čiyōn šab

76.0

pad hamāg zamīg mār ud gazdumb ud wazag ud wasgōnag xrafstarān čahārpāyān abārīg ēwēnag andarwāyīgān ōwōn ēstād hēnd kū zamīg nihuft homānāg čiyōn sōzan tēx nē mānd ī =š nē dwārišn ī xrafstarān pad =iš būd

77.0

mihr ī abāxtarīg pad hamǰuxtīh ī abāxtarīg māh ud 5ān abāxtarān ud was tārkirbān pad čihr ud dēs ī az dahāg andar wehmīh ī andarwāy tazišn dāšt

78.0

ud škeft būd xwānišn ud garrānišn ī mazanyān

79.0

abdom bē ō ātaxš mad ud tārīkīh ud dūd andar gumēxt

80.0

gōšurūn čiyōn xwad būd čiyōn ruwān =iz az widardān tan pad ān homānāg garzān wāng ō ohrmazd burd čiyōn ān ī hazāragān spāh ka pad āgenēn abar garzēnd

81.0

ohrmazd az pēš gayōmart pāsbānēnīdan abērtar tuwān būdan gumēxtag dāmān rāy az zamīg abar ō asmān šud u =š gōšurūn az pas garzān hamē šud u =š wāng burd kū =t sālārīh ī pad dāmān pad kē bē hišt

82.0

ēn būd bālist pādixšāyīh ī ahreman čē abāg wisp zōr ī =š būd bē ō āhōgēnišn ī dāmān mad

83.0

u =š bun ī asmān čand seēk =ēw ō frōdrōn pad bowandagdrubuštīh kird ōwōn kū hamāg tārīk bē az rōšnīh

84.0

čē xwad būd andar āmadan ī hamēstār dušmen andar kōxšišnīhā ī ō dād

85.0

ud ēn ast padīrag frašegirdkirdārīh čē mahist ī druz ka andar āmad ud abārīg harw abzār az ham bun nērōg ēn andar ānābišn ī frašegirdkirdārīh ān ka dušmen ī pad andar āmad bowandag abāz dārīhēd

86.0

mayān ī ēn harw kōxšišn ī gumēzagrāyēnišnīhā

87.0

ahreman mēnīd kū =m bowandag mad pērōzīh čē =m škast asmān ud āhōgēnīd pad tam ud tār u =m kird pad drubuštīh

88.0

u =m āhōgēnīd āb u =m suft zamīg ud wināhīd pad tārīkīh u =m hōšēnīd urwar

89.0

u =m margēnīd gāw u =m wēmārēnīd gayōmart

90.0

u =m padīrag rōšnān winnārd tārān abāxtarān

91.0

u =m grift šahr nē mānd kas andar razm az ohrmazd nēmag bē ēk mard kē ēwtāgīhā čē šāyēd kirdan

92.0

u =š abar frēstād astwihād abāg hazār uzwārdān yaskān ī xwad hēnd wēmārīh ī gōnaggōnag kū =š wēmārēnēnd ud margēnēnd gayōmart

93.0

u =šān nē windād čārag

94.0

čē wizir būd ī brīngar zurwān pad bun andar āmadan ī ahreman kū abar ō sīh zamestān gayōmart ī tbk ān ī gyān bazišn frāz brēhēnam

95.0

u =š pad spihr būd paydāgīh pad baxšišn ī az kirbakkarān ud bazzakkarān gumēzišnrāyēnišnān

96.0

u =šān pad ān čim tā uzīdan ī sīh sāl nē ayāft čārag

97.0

čē pad bun ōwōn bē dād kū ohrmazd stārag zīndagīh tar dām nē xwēšgōhrīhā bē andar band ī rōšnān būdan rāy ud kēwān margīh tar dām

98.0

harw dō pad bun ī dām pad xwēš bālist būd hēnd čiyōn ohrmazd pad karzang pad ulāmadān ī gyānān =iz xwānīhēd

99.0

čē gyāg ast ī =š zīndagīh pad =iš baxšīhēd kēwān pad tarāzūg pad mēx ī azēr ī zamīg ī xwad zōr ī margīh pad =iš paydāgtar pādixšāytar bawēd ī harw dō pad bālist būdan rāy gayōmart pad xwēš zīndagīh bē kird

100.0

ud did tā sīh sāl kēwān abāz ō bālist ī ast tarāzūg nē mad

101.0

pad ān gāh ka kēwān bē ō tarāzūg mad ohrmazd pad wahīg būd ī =š xwēš nišēb ud abarwēzīh ī kēwān abar ohrmazd rāy gayōmart pad hōy ālag ōbast ud widard

102.0

abar padīragēstišnīh ī ān āhōgēnišn ī ahreman abar ohrmazd dāmān burd

103.0

ka hampadisārīg =iz čiyōn =iš dāmān āhōgēnīd ēg =iš pad ān ham dranǰēnīdan xwēš wuzurgxwarrahīh nimūd

104.0

čē čiyōn andarōn asmān āmad ēg mēnōy ī asmān artēštār homānāg baxt kē ayōšustēn zrēy paymōxt dārēd ī xwad ayōšustēn asmān ast pad burz wāng padist barišn guft ō ahreman kū nūn ka andar āmad hē ā =t abāz nē hilam

105.0

bē winnard tā ka ohrmazd pērāmōn ī asmān any drubuštīh =ēw ī saxttar bē winnārd ī ašōāgāhīh xwānīhēd

106.0

u =š ašōān frawahr ī artēštārān pērāmōn ī ān drubuštīh aspbārag nēzagdast ōwōn bē winnārd čiyōn wars abar sar pad homānāgīh ī zēndānbānān kē az bērōn zēndān pāyēnd ud dušmen az andarōn parwastsāmānān bērōn nē hišt āmadan

107.0

pad ham zamān ahreman kōxšīd kū abāz ō xwēš bunag ī tārīkīh šawēd u =š widarg nē ayāft

108.0

u =š gumānsahišnīhā bīm ī az frazāmōmandīh ī 9000 sāl sar būdan ī frašegird pad čihr bē ōšmārd

109.0

čiyōn gōwīhēd pad gāhān kū ēdōn =iz ān ī harw dō mēnōy ō ham mad hēnd ō ān ī ōy ī fradom dahišn kū harw dō mēnōy ō tan ī gayōmart mad hēnd kē =iz pad zīndagīh ohrmazd pad ēd kār kū wēš zīndag dārād kē =iz pad azīndagīh gannāgmēnōy pad ēd kār kū wēš bē ōzanād kē =iz ēdōn ān ast tā ō ān ī abdom andar axwān kū mardōm =iz ī abārīg abar ōh rasēnd

110.0

ud wattomīh ī druwandān ahreman ud druwandān rāy abesīhišn bē dīd ēdōn ōy ī ahlaw pāšommenišnīh ī ohrmazd ī ēmēd ī hamēyīgīh

111.0

ēn būd fradom ardīg ī asmānān abāg ahreman

112.0

čiyōn didīgar ō āb mad ān ham rōz ī andar dwārist asp ī karzang kē ābtōhmag tištar ham spīg ī azarag xwānīhēd abr frāz dād ī pad rōz frōdšudān paydāg čiyōn ulāmadān ī dāmrawāgīh ī karzang axtar būd ī ast axtar ī čahārom ēd rāy čē tīr māh čahārom māh ī az sāl ast

113.0

tištar wād ō ayārīh xwāst u =š wahman ud hōm pad parwānagīh ud burz ī ābān nāf pad hamayārīh ud ardāfraward pad paymāndārīh abāg hamkārīhīd hēnd

114.0

pad se kirb wašt ī ast mard kirb gāw kirb asp kirb

115.0

pad harw kirb =ēw dah šab andar rōšnīh wazīd u =š sīh šab wārān pad zanišn ī xrafstarān abar hišt

116.0

ud sreškān būd hēnd ǰudǰud wuzurg tašt kē āb abar āhenǰīhēd

117.0

pad ān abar bē zanīhist hēnd wispān xrafstarān bē nihang az wayendagān kē andar sūrāg ī zamīg andar šud hēnd

118.0

pas mēnōy ī wād pad mardēwēnag pad zamīg paydāg būd rōšn ud buland u =š pad ēwēnag ī mōg =ēw ī dārēn pad pāy dāšt

119.0

čiyōn gyān ka tan bē ǰumbēnēd tan pad hamzōrīh frāzraftār bawēd ān mēnōy ī wād andar čihrīg wād ī andarwāyīg frāz ǰumbēnīd

120.0

hamāg zamīg ēwkardagīhā wād frāz wāyīd

121.0

u =š āb bē mušt u =š bē ō kustān ī zamīg abgand

122.0

u =š zrēy ī frāxkard az =iš būd ī dārēd seēk ī ēn zamīg

123.0

u =š andar bē dārišn hazār čašmag ī xānīgān ī war xwānīhēd hazār ābxānīg kē =š āb az zrēy az war abar āmad frāz aw =iš rēzīhēd

124.0

harw war =ēw harw ābxān =ēw wuzurgīh ōwōn čand ka aswār =ēw ī tagīg pad asp =ēw ī tāzīg pērāmōn hamē gardēd pad čēhel rōz bē ayābēd ī bawēd hazārnōsadwīst frasang ī agrī ī harw frasang =ēw kamist wīsthazār pay

125.0

pas ān xrafstarān ī murd hēnd wiš ī az =iš andar zamīg bē gumēxt ān wiš bē zadan rāy tištar andar zrēy frōd šud u =š apaōš dēw padīrag bē tazīd

126.0

fradom ardīg stōwīh abar tištar būd u =š abar paywahīd ō ohrmazd pad yasn ud niyāyišn ud nāmbarišnīh bē mad zōr ōwōn abar ō tištar burd čand dah asp ī gwšn dah uštar ī gušn dah gāw ī gušn dah kōf ka abganēnd dah rōd ī nāydāg ka pad āgenēn frāz ānayēnd

127.0

u =š pad stōwīh bē rānēnēd apaōš dēw u =š abāz dāšt az čašmagān ī zrēy

128.0

u =š pad ǰām ī abarnihumb =ēw ī paymānag kē frawahrān dāštan xwēškārīh čand wēšist āb abar āhext ud čand škefttar pad zanišn abar wārānēnīd sreškān ī čand mard sar ud gāw sar meh ud keh

129.0

andar ān abr ud wārān būd tazišn ud pahikafišn ī tištar ud ātaxš ī wāzišt pad hamēstārīh ī apaōš ud spinǰagr

130.0

ātaxš ī wāzišt pad ātaxšānwazr bē zad spinǰagr andar abrān

131.0

dah rōzšabān wārān būd u =š pad =iš widāzīhist wiš ī xrafstarān

132.0

pas wād bē rānēnēd ō kanārag ī zrēy ī frāxkard

133.0

ō se bē baxšīhist u =š se zrēy az =iš būd ī xwānīhēd pūdīg kamrōd ud syāwbun

134.0

az awēšān pūidīg xwad drayāb ī sōr ast kē =š purr ōgār pad =iš bawēd u =š band ī purr ud ōgār paywast ō māh

135.0

u =š hamē wardišn pad ulāmadān frōdšudān ī māh pad =iš paydāgīhīd

136.0

frāxkard pad kustag ī nēmrōz pad harburz frāz ēstēd u =š pūidīg hamsāmān ēstēd u =šān mayān war ī sadwēs kē band ō sadwēs kē kustag ī nēmrōz zrēy andar xwēškārīh ud māh kē wardišn ī harw ērān andar abzāyišn ud kāhišn purr ud ōgār hēnd

137.0

pāymār az pēš ī māh dō wād frāz tazēnd ī andar sadwēs mānist dārēnd ēk ulāhang ud ēk frōdāhang

138.0

pad ān ī ulāhang bawēd purr ud pad ān ī frōdāhang bawēd ōgār

139.0

ud sadwēs war ast xwad pahlūg ī zrēy ī frāxkard čē ayōǰdahrīh ud stabrīh ī az drayāb ī sōr ka andar ō frāxkard hamē šawēd pad wād ī wuzurg ud buland =ēw abāz zanēd tā ān ī rōšn pad pākīh andar ō frāxkard ud čašmagān ī ardīwsūr šawēd

140.0

ǰud az ēn se zrēy ī keh

141.0

u =š pas tazēnīd az harburz az abāxtar kanārag dō rōd ī arwand ud weh ud arwand ast diglit taǰan ō frōdšudān ud wehrōd ō ulāmadān būd

142.0

pad dō sar bē gašt bē ō zrēy šud hēnd

143.0

pas az awēšān haštdah rōd ī wuzurg az ham harburz bē āmad hēnd

144.0

ēn wīst rōd kē =šān bunxān pad harburz andar zamīg frōd šawēnd ud andar xwanirah abāz ō āškārīh rasēnd

145.0

pas dō čašm ī zrēy bē ō zamīg wišāyīhist ī xwānīhist čēčast war ī dūr ī garmōgābag ud ǰuddad kē =š pad bār nišīnēd ādur ī gušnasp ī pērōzgar

146.0

ud didīgar sōr kē harw stabrīh bē kustān abganēd ud xwēš grīw rōšn ud pāk dārēd čē handāzag homānāg ī čašm =ēw ast kē harw gardīh ud harw rēmanīh bē ō kustān abganēd

147.0

u =š zufrīh rāy bē ō bun nē ayābīhēd čē andar ō zrēy šawēd

148.0

u =š pad nazdīkīh nišīnēd ādur sūdīgmihr ud burzēnmihr

149.0

ēn būd didīgar ardīg ī abāg āb

150.0

čiyōn sidīgar ō zamīg mad ī =š padīrag ham zamīg bē winnārd

151.0

čiyōn pad škastan ud zēnēnīdan ī zamīg abar rust harburz ī zamīg kanārag ud abārīg kōfān ī mayān girdagīh ī zamīg abar āmad pad mar dōhazārdōsadčēhelčahār u =š zamīg pad =iš hambandwinnārišnīg u =š urwarān abar rōyišn ud waxšišn u =š gōspandān az =iš parwarišn u =š mardōmān az =iš wuzurg sūd ud ayārīh būd

152.0

ōwōn paydāg kū pēš az ēbgad ō dām madan pad hazār sāl gōhr ī kōf andar zamīg dād ēstād nāmčišt čiyōn petyārag bē ō zamīg mad pad wizendag bē waxšīd abar zamīg abar āmad čiyōn draxt homānāg kē tāg ō abar waxšēd u =š rēšag ō azēr

153.0

rēšag ī kōfān ēk ō did bē widārīhist pad hambandīh bē winnārīhist u =š rāh ī widarg ī āb azēr ud abar pad =iš bē dahīhist kū =š āb pad =iš ōwōn homānāg tazēnd čiyōn xōn andar ragān az hamāg tan ō ǰagar zōr ud āhang dārēnd

154.0

pad 18 sāl hammis hamāg kōfān ī ǰud az harburz frazāmīg būd hēnd

155.0

harburz tā haštsad sāl hamē rust pad dewīst sāl tā ō starpāyag pad dewīst sāl tā ō māhpāyag pad dewīst sāl tā ō xwaršēdpāyag pad dewīst sāl tā ō asmān rust

156.0

pas az harburz abarsēnkōf ī meh čiyōn abursān =iz xwānīhēd kē =š bun pad sagestān u =š sar pad wimand ī pārs ō čīnestān

157.0

ēn =iz paydāg kū pas az wārān ī wuzurg ī pad bun ī dām pad bē muštan ī wād āb ō zrēy zamīg pad haft pārag andak =ēw azabar čiyōn ka zamīg pas az wārān pad ēwāz wād gyāg gyāg bē darrīhist pārag =ēw ī čand nēmag =ēw ī hamāg zamīg az mayānag wisist anī ī pērāmōn pad šaš pārag bē wisist hāwand paymān

158.0

xwānīhistan ī kišwar pad ān čim pad kēš ēk az did paydāg bawēd

159.0

pērāmōn xwanirah kē pārag ī mayānag ast ān šaš kišwar abesar homānāg

160.0

bahr =ēw az zrēy ī frāxkard pērāmōn ān gašt mayān ī ān šaš kišwar

161.0

ān kustag ī nēmrōz ī zrēy wēšag bē grift ān ī abāxtar kōf ī burz bē rust kū tā ēk az did ǰud bawānd paydāg

162.0

ēn būd sidīgar ardīg ī abar zamīg

163.0

čiyōn čahārom ō urwar mad ī =š pad ham urwar padīrag kōxšīd čē ān urwar bē hušk amurdad kē =š urwar gētī daxšag abar grift u =š xward bē kust u =š abāg tištarīg āb ī wārānīg bē gumēxt

164.0

pas az wārān hamāg zamīg waxšišnān paydāgīhist bēwar sardag ī mādagwar ud 100000 sardag andar sardag ōwōn waxšīd hēnd čiyōn az harw gōnag ud ēwēnag u =š ān bēwar sardag bē ō abāzdārišnīh ī bēwar wēmārīh payrāst

165.0

pas az ān sadhazārsardag urwar tōhm abar grift az hamīh ī tōhm wan ī harwisptōhmag mayān ī zrēy ī frāxkard bē būd kē =š hamāg sardag urwarān az =iš hamē waxšēnd u =š sēnmurw āšyān pad =iš bawēd

166.0

ka =š andar frāz frawāzēd ēg =iš tōhm ī hušk ō āb ōsānēd pad wārān abāz ō zamīg wārīhēd

167.0

u =š pad nazdīkīh ī ān wan bē būd hōm ī spēd hamēstār ī zarmān zīndakkar ī murdagān anōšakkar ī zīndagān

168.0

ēn būd tasom ardīg ī abar urwarān

169.0

čiyōn panǰom ō gōspand mad ī =š pad ham gōspand padīrag kōxšīd

170.0

ham čiyōn gāw ī ēkdād bē widard az ān čiyōn =iš čihr ī urwarīg dāšt panǰāh ud haft sardag ǰōrdāg dwāzdah sardag urwar ī bēšaz az hannām hannām waxšīd hēnd

171.0

čiyōn gugān ī ēk ēk kū az kadār handām andar dāmdād paydāg

172.0

harw urwar az handām =ēw waxšēd abzāyēnēd ī ān handām čiyōn ān ī guft kū ānōh kū gāw ō zamīg mazg bē paššixt pas ǰōrdā ul rust girgir ud kunǰid ud ālun ud miǰūg

173.0

čiyōn kunǰid mazgčihrīh rāy xwad mazg =ēw ast ī abzāyēnāg ī mazg

174.0

ud ān =iz gōwīhēd kū az xōn kōdak ī raz may čiyōn may xwad xōn ast ast ī urwarīg ī ō druyistčihrīh ī xōn ayārtar

175.0

ud ān ī gōwīhēd kū az wēnīg māš kē wēnōg xwānīhēd

176.0

wēnōgnāmīh būd did wēnīg rāy

177.0

ud ān =iz gōwīhēd kū az suš spandān bēšazēnīdan ī spandān ī sušīg wēmārīh rāy

178.0

az mayān ī sarbun ābešan ī wahman pad abāzēstišnīh ī ān ī akōman gand ān ī az ǰādūgān wināhišn rāy

179.0

u =š pas rōšnīh ud zōr az tōhm ī gāw abar grift u =š ō māh burd ud rōšnīh ī andar gāw būd bē ō māh dād ud abespārd pad gāhbedīh ānōh ān tōhm pad rōšnīh ī māh bē pālūd

180.0

u =š pad was čihragīhā bē wirāst u =š gyānōmand bē kird az ānōh frāz ō ērānwēz brēhēnīd

181.0

fradom dō gāw ǰuxt =ēw nar ud mādag pas abārīg =iz sardagīhā tā bē ō bowandagīh ī 282 sardag

182.0

andar zamīg čand dō frasang drahnā ī 8 hāsr paydāg būd hēnd

183.0

ud čahārpāyān pad zamīg frāz raft hēnd ud māhīgān andar āb šnāzīd hēnd ud murwān andar andarwāy wazīd hēnd dō dō pad hangām ī gušnhilīh hamēnīhist u =šān az =iš būd ābustanīh ud zāyišn ud gōkān ī =šān baxšišn ōwōn

184.0

fradom baxšīhist ō se ī ast čahārpāy ī zamīgrawišn ud māhīg ī ābšnāzišn ud murw ī andarwāywāzišn

185.0

pas ō panǰ ēwēnagān ī ast čahārpāy ī gardsumb ud dōgānagsumb ud panǰčang ud murw ud māhīg kē =šān māništ andar panǰ gyāg xwānīhēd ābīg ūnīg wāyendag frāxraftār ud čaragarzānīg

186.0

ābīg māhīg ud pah ud stōr ud gōspand ud dad ud sag ud murw ī andar āb bawēd

187.0

ūnīg samōr ud mušk ud abārīg hamāg sūrāgmānišnān ud sūrāgrawišnān

188.0

ud wāyendag hāmōyēn murwān

189.0

frāxraftārān dad ī nē dasthammōg

190.0

čaragarzānīgān harw čē pad ramag ud čarag dārīhēd

191.0

u =š pas bē ō bahrān baxt

192.0

čiyōn gardsumbān ēk ī hamāg asp xwānīhēd ud dōgānagsumbān was čiyōn uštar ud gāw ud mēš ud buz ud abārīg dōgānagsumbān

193.0

panǰčang sag ud xargōš ud mušk ud samōr ud abārīg ud pas murw pas māhīg

194.0

u =š pas bē ō sardag baxt čiyōn asp hašt sardag uštar dō sardag gāw pānzdah sardag mēš panǰ ud buz panǰ sag dah ud xargōš panǰ ud samōr hašt mušk hašt murw 110 ud māhīg dah

195.0

ast kē gugān nē ōšmurd

196.0

paydāgnāmān apaydāgnāmān hammis 282 sardag abāg sardag andar sardag hazār ēwēnag

197.0

murwān pad hašt ristag bē dād az ān ī wuzurgtar tā ān ī kūčaktar ōwōn bē wālēnīd čiyōn mard kē ǰōrdāg hamē kārēd

198.0

fradom ān ī stabr dānag frāz parganēd pas ān ī mayānag pas ān ī kūč

199.0

az ham sardagīhā čiyōn pad dāmdād gōkān ōšmurd u =m andar nibēg ī tōhmagōšmārišnīh hangirdīg nibišt ud ēn gyāg hangirdīgīh =ēw ast ī nimāyīhēd

200.0

abar sardag ī aspān

201.0

fradom tāzīg u =šān rad spēd ī zardgōš

202.0

didīgar pārsīg ud astar ud xar ud gōr ud asp ī ābīg ud abārīg

203.0

ud uštar mādagwar dō daštīg ud kōfīg ast ēkkōf ud dōgānagkōf

204.0

andar sardag ī gāw spēd ud xšēn suxr ud zard ud syāh ud pēsag ud gawāzn ud gāwmēš ud uštargāwpalang ud gāwmāhīg ud abārīg

205.0

andar mēš ān ī dumbōmand ud ān ī adumb ud mēš ī tagal ud kurušk čiyōn =iš kōf se ast srū wuzurg ud pad =iz bārīh šāyēd ud bārag būd ī mānuščihr

206.0

andar buz xarbuz ud tāzīg ud rāk ud āhūg ud pāzen

207.0

andar samōr kākom ī spēd ud syā samōr ud sanǰāb ud xaz ud abārīg

208.0

andar mušk ēk mušk ī nāfag ēk bēš mušk kē bēš zahr xwarēd u =š pad =iš nē mīrēd

209.0

pad ān mehsūdīh dahīhist kū tā bēš xwarād bē ō zahrīh ī dāmān kam rasād

210.0

ēk mušk =ēw ī gōnag syā kē awēšān glčk ī xār čiyōn glčk ī makōgpēs xwānīhēd ī andar kustag ī drayāb wēš bawēd frāz gazēd ayāb tōhm bē ō xwarišn abganēd

211.0

kē xwarēd ēg =iš glčk andar tan bawēd

212.0

ka ān glčk ān handām ī gast hambōsišn glčk pad =iš abar mēzēd az ān wēmārīh pāk bē bawēd

213.0

andar murwān dō ǰudčihrag bē dād az abārīgān ī ast sēnmurw ud šawāg kē dahan ud dandān dārēnd pad šīr ī az pestān parwarēnd baččagān

214.0

ēn būd panǰom ardīg ī pad gōspand

215.0

čiyōn šašom ō gayōmart mad ān ham gayōmart padīrag bē winnārd

216.0

čiyōn niyōxšīd gayōmart abēzag mānsrspand ī ohrmazd abēzagmenišnīhā menīd ān ī weh ahlāyīh pad zanišn ī druz

217.0

ka widard ayōšustčihrīh rāy hašt ēwēnag ayōšust az hannām hannām bē būd hēnd ī ast zarr ud asēm ud āhen ud rōy ud arziz ud srub ud ābgēnag ud almās

218.0

pahlomīh ī zarr rāy az gyān ud tōhm dahīhist

219.0

pad widardan ī gayōmart zarr spandarmad frāz padīrift ud čēhel sāl andar zamīg būd

220.0

pad sar ī čēhel sāl rēbāhēwēnag mašī ud mašyānī abar rust hēnd ēk ō did paywast hambašn ud hamdēsag

221.0

u =š mayānag xwarrah abar āmad pad hambašnīh ī awēšān ōwōn kū nē paydāg būd kū kadār nar ud kadār mādag ud kadār ān xwarrah ī ohrmazddād

222.0

ēd ast ān xwarrah kē =š mardōm aw =iš dahīhist

223.0

čiyōn gōwīhēd pad dēn kū kadār pēš būd xwarrah ayāb tan

224.0

u =š guft ohrmazd kū =m xwarrah pēš dād pas ō ān ī dād ēstēd xwarrah tan dād kū xwēškārīh brēhēnīd u =š tan bē ō xwēškārīh dād

225.0

pas az urwarkirbīh bē ō mardōmkirbīh wašt hēnd

226.0

xwarrah mēnōyīhā andar ō awēšān šud

227.0

čiyōn haftom ō ātaxš mad ī =š pad ham ātaxš padīrag kōxšīd

228.0

ān ātaxš ō ēwēnagān bē baxt ī xwānīhēd abzōnīg wehfranāftār urwāzišt wāzišt bulandsūd

229.0

u =š ātaxš ī abzōnīg xwad andar garōdmān bē dād u =š paydāgīh pad ātaxš ī pad zamīg sōzišnīg u =š abzōnīgīh ēd kū harw sardagān ō xwēš čihrīh abzāyīhēd

230.0

ātaxš ī wehfranāftār ān ī andar mardōmān ud gōspandān u =š xwarišn gugārdan ud tan abzūdan ud čašmān rōšnēnīdan andar xwēškārīh

231.0

urwāzišt ān ī andar urwarān kē =šān andar tōm dādag u =š zamīg suftan āb ayārdēnīdan ʾptn" ptš" urwarān wiškōf hučihr ud hubōy kirdan bar pazzāftan pad was mizag gōhrēnīdan andar xwēškārīh

232.0

wāzišt ān kē =š andar abr rawišn dārēd u =š tom ud tār ī andarwāyīg zanēd

233.0

ud stabrīh ī andarwāy bārīk ud spuk čihrag kirdan ud tagarg widāxtan ud āb ī abr dārēd paymānagīhā tāftan sreškōmand ud garmōg kirdan andar xwēškārīh

234.0

bulandsūd =iz andar asmān ān xwarrah kē =š mehmānīh andar warahrān ātaxš čiyōn kadagxwadā abar xānag kē =š abzōnīgōzīh az rōšn waxšišnīh ī ātaxš frāz sōzišnīh ī bnd" ud pākīh ī gyāg stāyišn ī yazadān warzišn ī kirbagān

235.0

u =š abāg druz ī mēnōy kōxšīdan parīg ud kirbān ī az drayāb abar āyēnd ud tanīg wtīh paymōxt dārēnd ud pad gand ud āhōgēnišn ī rōšnān petyārēnēnd ud pad ǰādūgīh dāmān wināhēnd zadan ud sōxtan ud ǰādūg ud parīg wānīdan ud mādagwarīhā pad šab xuftagān pāsbānēnīdan abāg srōšahlī ayār būdan xwēškārīh

236.0

u =š pad bun dām ī hamāg zamīg pad pāsbānīh bē ō warzāwand ādur ī farnbay ud tagīg ādur ī gušnasp ud purrsūd ādur ī burzēnmihr čiyōn āsrōn ud artēštār ud wāstaryōš hēnd abespārd

237.0

ādur ī farrbay pad xwarrahōmand kōf abar xwārizm gāh grift ud ādur ī gušnasp pad asnwand kōf ī abar ādurbādagān ud ādur ī burzēnmihr pad rēwandgar ī abar pušt ī wištāspān

238.0

u =š stīh paydāgīh ī andar gēhān abērtar būd

239.0

pad xwadāyīh ī hōšang ka mardōm pad gāw ī slswk az xwanirah bē ō abārīg kišwar hamē šud hēnd pad nēmag ī rāh šab =ēw pad wād ī škeft ādurpāyag ī abar pušt ī gāw pad se gyāg dhytk kē =š ātaxš pad =iš būd ō zrēy ōbast ud guharīg ī ān ēk ātaxš ī wuzurg paydāg būd ō se xwarrah kē =šān mehmānīh abar ādur ī farrbay ādur ī gušnasp ud ādur burzēnmihr

240.0

abar āmadan ī dēn ō āwām

241.0

homānāgīh ōwōn čiyōn frazendzāyišnīh ī pad dō hamzōrīh ī ast tōmpadīrīh ī mādagān pad zāyišn ud abāz abespārdan ī ō pidarān

242.0

zamānīg kōxšišn ī gumēzišnīh mādagwarīhā pad dō abzār ēk dehbedīh ī bē az hamnāf dēnīh ud ēk dēn ī ō dehbedīh hamnāfīhist

243.0

dēn mazdēsnān ka āwām az gētīrāyēnišnīh abāz ō mēnōyčihrīh hamē wardīhist pad zamīg paydāg būd fradom pad spandarmad pas pad ohrmazd čiyōn frazendpadīrišn ī mādarān ud abāz abespārdan ī ō pidarān

244.0

paydāgīh ī dēn pad spandarmad pad ān gāh būd ka frāsyāb āb az ērānšahr abāz dāšt ud āb abāz ānīd kanīgkirbīhā pad xānag ī mānuščihr ī ērānšahr dehbed ud anērān passoxguftār būd ōh paydāgīhist

245.0

u =š paymōxt dāšt rōšnīg paymōzan kē bē frōgīhist ō wispān kustagān hāsr =ēw drahnā ī ast frasang =ēw homānāg

246.0

u =š pad mayān bast dāšt zarrēn kustīg ī xwad būd dēn ī mazdēsnān čē dēn band ast kē =š aw =iš paywastag sīhse band ī abar sīhse wināh kē =š hamāg wināh az =iš baxtag

247.0

kanīgān kē =šān spandarmad bastkustīg dīd hučihr sahistan rāy pas az ān pad bastan ī kustīg taftīg būd hēnd

248.0

ēn =iz būd mādarīh ī pad dēn ī pad spandarmad bē dahīhist pēš az zarduxšt bē ō hampursagīh mad pad 628 sāl ī =šān gōkān az dēn mādayān nibēg ī pēšēnān

249.0

nām ī zarduxšt xwānīhist abar zamīg pēš kē =š hampursagīh pad sesad sāl

250.0

ōwōn paydāg kū andar ān ēw ka tūrān abāz … ērān pad zamīg ī niyābagīh ī hērbedān =iz pahikār būd

251.0

ohrmazd apahikārīh rāy wuzurg gāw =ēw brēhēnīd kē =š sāmān ī ērān andar tūrān pad pštk abar sumb paydāg būd

252.0

pad wēšag =ēw dāšt ēstēd

253.0

hamē ka pahikārīh būd pad ān gāw sāmān bē šnāsīhist tā ka kay us purrkāmagīhā bahr =ēw az zamīg ī tūrān abāz ō ērān griftan kāmag būd

254.0

u =š dīd kū tā ān gāw ast kirdan duščārtar čē abāg pādixšāyīh ī =š būd ā =š nē xwāst kū pad ān gāw sāmān paydāgīhēd

255.0

3 brād būd hēnd ud ān ī seom srid ī seom xwānīhēd pad tan wuzurg pad zōr agrī ud ō kay us pad was dar frayādišnīg u =š andar wāspuhragān būd

256.0

kay us bē ō pēš xwāst u =š framūd kū šaw ān gāw bē ōzan andar wēšag

257.0

srid šud ka =š bē ōzadan kāmist gāw mardōmsaxwanīhā aw =iš pahikārd kū =m bē ma ōzan čē ka =m bē ōzanē ān kē =š frawahr andar hōm ī dūrōš pad zamīg paydāg bawēd kē =š nām zarduxšt ī spitāmān u =t wad kirdan andar gēhān bē gōwēd u =t pad ruwān dušxwārīh ōwōn būd čiyōn pad dēn paydāg kūš

258.0

čiyōn =iš bawēd ōy ī wadag ka =š wattarīh gōwēd u =t hāwandīh bawēd margīh ī az =iš ān ī az margīh abar gumēxtēd kū =š az =iz margīh wattarīh

259.0

srid ka =š ān saxwan āšnūd abāz wašt abāz ō kay us šud u =š az čēēwēnagīh āgāhēnīd

260.0

ēn =iz guft kū gāw pad škeftīh guft kū az harw kē andar zamīg ahlāyīhkāmagtar nūn zanišn framāyēd ō gāw

261.0

ud kay us kāmag abar ardīkkarīh guft kū nē paydāg kū ān kē =š frawahr andar hōm ī dūrōš xwad ast ayāb nē ud agar ast zāyēd ud paydāg bawēd ayāb nē

262.0

u =š pad saxtīh framūd kū šaw u =š bē ōzan

263.0

srid guft kū nē ādūg ham bē ōzadan čē =m az =iš garzišn bē abaxšīh pad dil

264.0

kay us guft kū bē ō wāhmān wēšag šawēd kē pad =iš mānēnd was sar ī parīgān u =t bē brīnēnd abaxšīh az dil

265.0

srid abar šud ō wēšag dīd hēnd wasān parīgān kē =šān zafr wišād dāšt

266.0

u =šān abar xrōsīd kū ōzan ma abaxšā

267.0

u =š bē šud abaxšīh az dil

268.0

abāz šud ō wēšag u =š pad mušt pušt ī gāw pad se gyāg bē škast

269.0

gāw škeft brāmag wāng dāšt

270.0

srid pas az ān ōzadan ī gāw az ān brāmag ī =š āšnūd ēg =iš garān anastīh būd

271.0

abāz šud ō kay us u =š čiyōn būd āgāhēnīd u =š xwāst kū =š bē framāyēd ōzadan čē =š zīndagīh nē abāyišnīg būd

272.0

kay us guft kū man tō bē nē ōzanam čē nē wčylyt az tō

273.0

srid guft kū agar tō man bē nē ōzanē ēg man tō bē ōzanam

274.0

kay us guft kū tō man bē ma ōzan čē dehbed ī gēhān ham

275.0

srid hamē ahunsandīh kird tā =š kay us framūd kū bē ō wāhmān wēšag šaw čē =š parīg =ēw ī sagkirb pad =iš ast u =t bē ōzanēd

276.0

srid bē ō ān wēšag šud u =š ān parīg ī sagkirb dīd

277.0

pas ō parīg zad bē ō dō būd u =š hamē zad tā bē hazār būd hēnd

278.0

u =šān srid abar gyāg ōzad ud darrīd

279.0

abar paydāg būdan ī zarduxštān xwarrah pēš =iz az zāyišn

280.0

ōwōn paydāg kū pēš az čēhelpanǰ sāl ka zarduxšt bē ō hampursagīh mad ka frēnī zarduxšt mād ī =šān dugdō xwānd zād xwarrah pad ātaxšēwēnag az ān ī asarrōšnīh frōd āmad bē ō ān ātaxš gumēxt ī =š pēš būd

281.0

az ātaxš andar ō mādar ī zarduxšt gumēxt

282.0

se šab pad hamāg widārān ud kustag ī xānag pad ātaxš ēwēnag paydāg būd

283.0

rāhwiderān wuzurg rōšnīhā hamē dīd

284.0

ka =iz sālag būd ān xwarrah ī =š pad =iš rāy pad rāh hamē raft ēg =iš payrōg az =iš hamē ōbast

285.0

abar hambōsišn ī yaštfrawahr zarduxšt

286.0

kū =š frawahr andar hōm u =š xwarrah pēm ī gāw bē dahist

287.0

pad frāzxwarišnīh ī pidarān ud mādarān ox bē ō hambōsišn mad čiyōn =iš gōkān andar nibēg ī abar nimūdārīh ī yazišn paydāgēnīd būd

288.0

abar abāz paywandišnīh ī zarduxšt ō ohrmazd pad dō kas ī pahlom az gētīyān ǰam ud az mēnōyān nēryōsang

289.0

tōhmagōšmurišnīh ī zarduxšt

290.0

ēk zarduxšt ī pōrušasp ī fradarasp ī bhʾwltʾsp ī hayčadasp ī čyhšnwš ī pytlsp ī arečataršu ī xarečare spitāmān ī wʾsyšt ī ʾyzym ī plʾh ī arǰ ī dwlslwb ī mānuščihr ī mānušxwarnar ī mānušxwarennāg ī mānuš ī nēryōsang frēstag ī ohrmazd kē =š mād būd ngzyk ī ʾlyk sridag ī bidag ī frazušag ī zušag ī fraguzag ī guzag ī ēriǰ ī frēdōn ī āspīyān

291.0

bowandagīh ī dah āspīyān ī ǰam ī wīwanghān ī ʾynghʾn ī ʾnwšʾn ī hōšyang ī frawāg ī siyāmag ī mašī ī gayōmart

292.0

abar škeftkōxšišnīh ī druz pad zadan ī zarduxšt

293.0

ka =š nazd būd ō zāyišn ahreman tab dēw ud dard dēw ud wād dēw harw ēk abāg 150 dēw bē ō ōzanišn ī zarduxšt frēstād hēnd

294.0

u =š mēnōy frāz ō mādar šud hēnd az tab ud dard ud wād awištābīhist

295.0

ud az ānōh pad ēk frasang ǰādūg =ēw būd stlk nām ī ǰādūg bizišktom būd

296.0

pad ēmēd ī kirdan =iš az gāh abar āxist andar ō rawišn ēstād

297.0

frēstag ī ohrmazd wāng burd kū ma šaw ō ǰādūgān čē =t nē hēnd bēšazēnīdār bē abāz ō xānag šaw ud dast andar māl pad rōgn ī gāw ī abar ātaxš burd esm =iz bōy widāb pad xwēštan ud zahag kē =t pad aškamb

298.0

u =š hamgōnag kird druyist būd

299.0

u =š did abar frēstād wisp hamkārān hamzōrān u =šān nē ayāft čār abāz wašt hēnd

300.0

u =šān guft kū az hamāg kustag ātaxš būdan rāy nē ayāft ham čār

301.0

az harw kē =š ayār frāy hamēmāl ēg =iš abāg nē bawēd

302.0

abar ham šab ī ka zād ahreman spāhbedān wizīd u =š gund ārāst

303.0

ast kē abāg hazār dēw ud ast kē abāg 40000 dēw tazišnīg pahikafišnīg kōxšīd hēnd

304.0

padīragēstišnīh ī yazadān mādagwarīhā xwad xwarrah ī pad ātaxšēwēnag pad ān zāyišn paydāg būd

305.0

u =š brāh ud payrōg dūr gyāg payrōgīhistan rāy ēg =išān nē ayāft hēnd čār

306.0

abdom ahreman akōman abar frēstīd u =š guft kū tō hē mynwktl kē andarōntom hē

307.0

šawē pad frēbišn abar ō zarduxšt menišn u =š wardēn menišn ō amāh kē dēw ham

308.0

ohrmazd wahman padīrag abar frēstīd

309.0

akōman frāz ō pēš āmad frāz ō dar mad būd andar kāmist šud

310.0

wahman čʾlkwylīhā abāz dād u =š bē ō akōman guft kū andar šaw

311.0

akōman handēšīd kū =m nē tis warzišn kē =š ō man guft wahman abāz wašt

312.0

wahman andar šud ō wārom ī zarduxšt gumēxt

313.0

zarduxšt bē xandīd čē wahman ast mēnōyrāmēnīdār

314.0

u =š haft ǰādūg pēš nišastag būd hēnd az rōšnīh ī andar mān brāzišnīgīhā wēnīhist xandīdan ī =š pad zāyišn ī padīrag ān ī abārīg mardōmān kē pad zāyišn bē grīyēnd bē tarsīd hēnd

315.0

u =š pad ham zamān ī zāyišn dastwarīh ī abar dēn az ohrmazd padīrift

316.0

čiyōn gōwīhēd pad dēn kū =š pad zāyišn guft kū čiyōn ox kāmag tō kē zōt hē kū pēšōbāy ī dāmān hē frāz ō man guft kū dastwar bawišn

317.0

čiyōn zarduxšt gētītanīh rāy gētīēwāzīhā guft

318.0

ohrmazd mēnōyīhā mēnōyīh rāy ā =š passox guft kū ēdōn radīhā ēdōn frārōnīhā az ahlāyīh čēgāmizēw frāz ahlawān āgāhīhā gōwēd kū dastwar ham

319.0

didīgar rōz pōrušasp šud u =š az ǰādūgān kē andar gyāg pad āfrāh dāšt hēnd pursīd kū čē ast ka aburnāyīgān pad zāyišn bē grīyēnd ud čē ān ka bē xandēnd

320.0

u =šān passoxēnīd kū grīyistan margōmandīh ī pad frazām dīdan xandīdan ahlawīh ī xwēš dīdan rāy

321.0

abar brādarān ī zarduxšt hamēstārān ī karbān ud usixšān pus ī nylyw\ʾwšstʾlyš būd hēnd

322.0

nylyw\ʾwšstʾlyš az kwhlyt kwhlyt az ešm ud mʾnwšk mānuščihr xwāharzād

323.0

pad ān gāh ka zarduxšt zād panǰ brād būd hēnd kē =šān nām brādarōxš brādarōšan tūr ī brādrōxš ʾzʾn ud sm

324.0

panǰbrādarīh ī awēšān kē ān ī mayānag tūr ī brādrōxš ī zarduxšt būd petyāragtar handāzag ī panǰbrādarīh ī pōrušasp frazendān kē ān ī mayānag zarduxšt būd

325.0

ān čahār brādar ī zarduxšt dō pēš az zarduxšt ī =šān nām ltwštl ud loynzʾtl ud dō pas wtlykʾ ud hndynš

326.0

mayānagbawišnīh ī zarduxšt pad ān čim kū ō mayānag ī pēšēmālān pasēmālān pad ān zamānag ōwōn bē yb yhst kū =š se hazārag pēš mad ud se pas tā pad ān ī būd pad čē ēwēnag bē ō pēšēnānīgān hammōzād ud abar ān ī bawēd čē ēwēnag kunišn =iz bē ō dāmān framāyēd

327.0

čiyōn gōwīhist pad gāhān kū ān ī harw dō az tō pursēm ohrmazd kē =iz mad tā nūn kē rasād az nūn frāz

328.0

abar uzmāyišn ī pad =iš būd kē warzkardīh ī yazadīg ud waxšwarīh nišān pad =iš wēnīhēd

329.0

ōwōn paydāg kū didīgar rōz ka zād pōrušasp az ān panǰ brād ī az karbān tōhmag ēk xwānd u =š guft kū bē niger nišān ud daxšag ī man pus

330.0

šud pēš ī zarduxšt nišast u =š sar ī zarduxšt saxt pēčīd kū tā bē ōzanīhād u =š ǰādūgān az =iš tars ud wišēg abēbīm bawānd passoxēnīd

331.0

ohrmazd čiyōn pad ān dah šab pad mehmānīh frōd ō zamīg frēstād spandarmad ud ardīwsūr ud ardāfraward ī was ēg =iš nē mad ǰuttarīh ud frāz huškdast būd ōy kirb

332.0

ān ǰādūg xwāst az pōrušasp ān ī zarduxšt yān pad ān anāgīh ī =š az xwēš kunišn ǰast

333.0

hamzamān pōrušasp zarduxšt grift u =š ō kirb dād kū čiyōn =it xwēš kāmag pad =iš kird

334.0

ōy stad u =š abgand ō pāy ī gāwān kē pad rāh bē ō āb hamē šud hēnd

335.0

pēšōbāy ī gāwān ī ān ramag pad nazdīkīh bē ēstād u =š 150 gāw ī =š az pas raft hēnd az =iš abāz dāšt

336.0

ud pōrušasp grift u =š abāz ō xānag burd

337.0

u =š didīgar rōz bē ō pāy ī aspān abgand

338.0

pēšōbāy ī aspān pad nazdīkīh ī zarduxšt bē ēstād u =š 150 asp ī =š az pas raft hēnd aziš abāz dāšt ud pōrušasp grift u =š abāz ō xānag burd

339.0

u =š sidīgar rōz esm bē ō ham čīnīhist u =š zarduxšt abar bē dād u =š ātaxš abar abrōxt hambun =iz az =iš nē sōxt u =š ān būd nišān ī passāxtan ī war u =š bōxtišn

340.0

u =š čahārom rōz bē ō āšyān ī gurg abgand

341.0

gurg nē pad āšyān būd

342.0

ka abāz ō sūrāg kāmist šud ka wīstčahār pay mad hamēwēnag ēstād pad gyāg hušk būd

343.0

andar šab wahman ud srōšahlī mēš ī kurušk ī šīrpestān bē ō sūrāg burd u =š tā rōz gōhrag gōhrag šīr bē ō zarduxšt hamē dād

344.0

andar bām mādar ī zarduxšt pad ān ēmēd kū =š ast az sūrāg bē āwurd šāyēd bē ō ān gyāg šud

345.0

ud kurušk bērōn āmad frāz dawīd

346.0

u =š mādar handēšīd kū gurg ast u =š guft kū =t bē ǰūd pad sagrīh az ōy bē hamē pattāy ud frāz šud

347.0

ka =š zarduxšt druyist =iz dīd ēg =iš abar grift u =š guft kū nē daham pad zīyišn ō kas nē ka ēdar harw dō deh bē ō ham rasēnd ray ud nōdar

348.0

čiyōn ēn dō deh andar ādurbādagān andar mēnōyān čiyōn az čēčast pad panǰāh frasang

349.0

zarduxšt az ray ud wištāsp az nōdar būd

350.0

ud ēn dō deh ray pad nām ī glč ī dūrīsraw ī mānuščihr kē =š zarduxšt az =iš tōhmag būd

351.0

ud nōdar pad nām ī nōdar ī mānuščihr kē =š wištāsp az =iš tōhmag būd

352.0

ēn būd nišān ī =š pad zāyišn

353.0

rōz =ēw ēk az ān panǰ brād ī az karbān zarduxšt dīd u =š dagr zamān ul ō abar frōd pad hamāg kustag pad gardišn bē nigerīd

354.0

pōrušasp pursīd kū čē ān ī ka =t ō abar nigerīd čē ān ī ka =t ō frōd čē ān ī ka =t pad hamāg kustag bē nigerīd

355.0

u =š ēdōn passoxēnīd kū ān ī ka =m ō abar nigerīd pad ān čim ka =m dīd kū xwarrah ī im abar ō asmān šawēd az gōwišn ī im ruwān ī mardōmān abar ō wahišt šawēnd

356.0

ān ī ka =m ō frōd nigerīd ā =m dīd kū az kirdan ī im dēw ud druz ud ǰādūg ud parīg azēr zamīgnigān bawēnd stōwīhā abāz ō dušox ōftēnd

357.0

ān ī ka =m ō hamāg kustag bē nigerīd ā =m dīd kū gōwišn ī im pad hamāg zamīg bē ayābēd

358.0

ud ka būd pad dād ī haft kišwarān āš paymōxt dāšt kbʾh ī az haft pōst kē =š xwarrah ī haft amahraspandān pad =iš būd

359.0

tūr ī brādrōxš frāz šud

360.0

ka ō dašn ālag šud zarduxšt ō hōy bē tazīd ka ō hōy ālag šud zarduxšt ō dašn tazīd

361.0

u =š tūr ī brādarōxš pad =iš bē nihumbēd u =š aw =iš nē ayāft

362.0

abar ǰudāhangīh ī =š abāg zādēnīdārān

363.0

ēn =iz paydāg kū dēwān ō hanǰaman ī ǰādūgān ud hamāfrāhān wāng =ēw burd kū ān ī pōrušasp frazend abōy ud harg ud yazadānwināhīdag

364.0

kas az mardān zanān nē menēd ud āfrāh nē padīrēd

365.0

āgāhīh bē ō pōrušasp mad ud pōrušasp bē ō zarduxšt guft kū =m menīd kū =m zād pus kē bawēd āsrōn artēštār ud wāstaryōš

366.0

nūn hlk ud yazadānwināhīdag hē

367.0

raw ō karbān tā bēšāzēnēnd

368.0

zarduxšt passox dād ēd men kū ast ān ī tō pus āsrōn artēštār ud wāstaryōš

369.0

u =š pad framān ī pōrušasp dō asp andar ō wardyōn bast ud abāg pōrušasp šud

370.0

ka ō ān gyāg mad hēnd pōrušasp dādestān čiyōn būd pēš ēk karb ī az ān panǰ brādarān guft

371.0

ōy ǰādūg ǰāmag =ēw stad u =š aw =iš mst u =š guft kū ē xwarēd ēd ī tō pus tā druyist bawēd

372.0

u =š pad ēn dādestān kird kū tā ō hamčihrīh ī awēšān wardād

373.0

zarduxšt bē ō pōrušasp guft kū ō ōy ī =t pānag ud dastwar abāz dahē

374.0

ud āxist ud abāz ō gyāg šud

375.0

zarduxšt andar rāh dō aspān tišnagīh rāy āb dād u =š menīd kū abēsūd būd rawišn ī =m ō dar ī karbān bē ēn ēk ī ka =m pad ābdahišnīh ī aspān ēg =im abzāyēnīd ruwān

376.0

abar andarggōwišnīh ī =š ō wattarān

377.0

ēn =iz paydāg kū rōz =ēw dūrāsraw ī kirb čiyōn az ham panǰ brādarān bē ō xānag ī pōrušasp mad

378.0

pōrušasp šīr ī aspēw ǰāmag pēš nihād u =š guft kū frāz yaz

379.0

zarduxšt ō pōrušasp pahikārd kū nē yazam

380.0

pōrušasp guft kū ōy ēw yazēd ʾpyt ušān tā se bār andarg pahikārd

381.0

ul ēstād zarduxšt u =š ān ī dašn pāy ō ǰāmag pahikōft u =š bē rēxt

382.0

u =š guft kū ʾhldīh yazam ahlawān driyōšān mardān zanān yazam pōrušasp bahr ō ōy rāy kē =š pad =iš arzānīgīh

383.0

ud dūrīsraw bē ō zarduxšt guft kū čiyōn =it fradom ham bahr ud rōzīg bē abgand ham āt ān harw dō ā =š abar baram u =t bē murnǰēnam

384.0

zarduxšt andarg guft kū =t ān pad bowandagmenišnīh pad harw 2 dōysr abar nigeram u =t bē murnǰēnam

385.0

u =šān ēk ō did pad nigerišn =ēw ī tēz dagr zamān hamē nigerīd ud yazadānčihrīh ī zarduxšt abar ǰādūgīh ī ōy čērīhist

386.0

dūrīsraw frāz āšuft u =š asp xwāst ud guft kū =m im rāy ēstād nē tuwān

387.0

abar ō asp nišast

388.0

ka andak =ēw šud būd garān dardīhā az asp bē ōbast ud murd

389.0

u =š frazend ud frazendān frazend pad ham gyāg murd hēnd

390.0

abar az =iš ahlāyīh ārzōgīh

391.0

ēdōn paydāg kū ka sālag būd pusarān ī pwlwšp az pidar bahr xwāst hēnd u =šān pōrušasp bahr pad =iš baxt hēnd

392.0

andar ǰāmagīhā kustīg =ēw būd dōkird ī =š pahnā čahār angust ud se bār pērāmōn kustag frāz āwurdan šāyist

393.0

zarduxšt abar wizīd u =š frāz bast

394.0

ēn būd az parwānagīh ī wahman kē =š pad zāyišn ō wārom bē mad u =š az harw čē nē ēwēnag menišn bē bast u =š pad ān ī ēwēnag taftīg bē kird

395.0

abar abaxšīdārčihrīh bāristānīhā

396.0

ēn =iz paydāg kū rōd =ēw būd u =šān brahnag zan han xwānd pad ān čim kū stabrīh ud tēzīh ī rōd rāy zan bē ka brahnag bē būd tā =š pad =iš widard nē tuwān būd ud mardōm ī pīr čiyōn pad dēn ān kē =š haftād sāl ast han xwānīhēd apadyāwandīh rāy pad xwēš zōrīh pad =iš abāz šudan nē tuwān būd

397.0

zarduxšt pad bār ī āb bē mad az zan ud mardōm ī pīr haft tan mad būd hēnd u =š puhl ēwēnag bē widārd hēnd

398.0

būd nišān ī puhlīh ī kunišngarān kū =šān widārgar ī ō wahišt

399.0

abar az =iš rādčihrīh

400.0

paydāg kū wāstar ī pōrušasp stōrān rāy hambārd ēstād nē andar tangsārīh abar stōrān ī pōrušasp bē pad abaxšišn abar stōrān ī abārīg kē =šān tangsārīh rāy az gurs ēg =išān dumb ēk ān ī did hamē xward ā =šān frāxīhā aw =iš dād

401.0

abar ulšbkwnpšety ī =š gētī ārzōg griftan ī =š ahlāyīh rāh

402.0

ēn =iz paydāg kū ka sālag būd andar akāmagīh ī pid ud mād frāz wašt az xānag bē šud

403.0

u =š bē pursīd kū kē ast ahlāyīhkāmagtar driyōšān frawardārtar

404.0

u =šān guft kū ān ī kehist pus ī tūr ī ʾwlwytwydy kē harw rōz ǰāmag ī ʾsnyn ī aspbālāy ast purr az nān ud pēm ud abārīg xwarišn bē ō driyōšān dahēd

405.0

zarduxšt bē ō ān gyāg šud u =š hamayārīh abāg driyōšān parwardārīh rāy čand dō mard ī agrī pad xwarišn frāz ō driyōšān burd ud kār kird

406.0

abar abaxšišnīh ī =š nē ēwāz abar mardōm bē =š abārīg =iz dāmān

407.0

ēn =iz paydāg kū =š sag =ēw dīd kē haft bazzag zād ēstād ud hašt rōz būd tā =š ēč xwarišn nē ayāft

408.0

harw čē =š dīd ēg =iš dahan frāz aw =iš burd ud stard homānāg būd

409.0

zarduxšt čārag kird tēzīhā abar burdan ī nān aw =iš ka =š yblwnpšety bē murd būd

410.0

abar xūbwizīnīh ī zan ārzōg ī xwēš ud kāmag ī pidarān rāy pēš az ān ī sazāg windišnīh xwēš tōhmag nē gumēxtan

411.0

ēn =iz paydāg kū ka pidar ōy rāy zan xwāst zarduxšt bē ō zan pahikārd kū =m rōy bē nimāyē kū tā =š čihrag ēwēnag brahm dīd hād ēn =iz kū =š čihrag huārzōg ayāb nē šnāsīhād

412.0

u =š zan rōy az =iš abar wašt

413.0

ud zarduxšt guft kū kē wēnišn az man abāz kunēd nē warzēd ān ī man tarsagāyīh

414.0

abar padīriftan ī =š āfrāh az =iz wattarān ud bazzagān xwāyišnīhā āšnūdan kē ān and čand sūdōmandīh paydāg ān padīriftan

415.0

ēn =iz paydāg kū bē ō grōh =ēw mad kē andar gyāg pad wēšdānišnīh āšnāgtar būd hēnd

416.0

az =išān pursīd kū čē ast ō ruwān frayādišnīgtar

417.0

u =šān guft kū driyōšān parwardan ud wāstar ō gōspandān dādan esm ō ātaxš burdan ud hōm ō āb rēxtan ud was dēwān pad gōwišn yaštan pad gōwišn ī dēn gōwīhēd

418.0

ēg parward zarduxšt driyōšān ud wāstarēnīd gōspandān ud esm burd ō ātaxš ud hōm hūnīd ō āb

419.0

nē hagriz čēgām =ēw zarduxšt dēwān pad gōwišn yašt hēnd

420.0

abar madan ī =š ō sālagīh

421.0

ōwōn paydāg kū uzīd sīh sāl az bawišn frāz māh spandarmad ud rōz ʾnglʾn pad ān kustag az nōgrōz frāz čēhelpanǰ rōz ǰašn ī wahār būd xwānd ō gyāg =ēw pad nāmčišt paydāg būd kū mardōmān az was kustag bē ō ān ǰašnzār šud hēnd raft ēstād

422.0

zarduxšt čiyōn bē šud ō ǰašnzār pad raft ēstād andar rāh pad dašt =ēw ēwtāk bē xuft

423.0

u =š pad xwamn dīd kū mardōm ī gētī was ārāyišn bē ō abāxtar dāšt tā hamāg mardōm ī pad zamīg pad abāxtar paydāg bē būd hēnd u =š pad tīh ī awēšān mēdōmāh ī ārāstīyān čiyōn ārāstī pōrušasp brād būd pēšōbāy az hamāg mardōm mēdōmāh bē tā pēš ī zarduxšt šud hēnd

424.0

nimūdār bwtr kū fradom mēdōmāh pas harwisp ox ī astōmand hāxtēnd

425.0

abar madan ī =š bē ō hampursagīh

426.0

uzīd ān čēhelpanǰ rōz ī ǰašnzār māh ardwahišt rōz day pad mihr bāmdād zarduxšt hōm hunīdan rāy frāz ō bār ī dāytī āb šud čiyōn hampursagīh ī zarduxšt pad =iš rāy rad ast ī ābān

427.0

āb pad čahār xānag būd ēstād u =š zarduxšt pad =iš bē widard u =š fradom tā zang būd ud didīgar tā ō šnūg ud sidīgar tā ō wizārišn ī tlyn rān ud čahārom tā ō gardan

428.0

ēn nimūdār būd kū =š dēn pad čahār bār ō bālist rasēd kē =š paydāgīh pad zarduxšt ud ōšīdar ud ōšīdarmāh ud sōšyans

429.0

ka =š az āb abar āmad u =š ǰāmag pōšīd ēg =iš dīd wahman amahraspand pad mard ēwēnag ī hučihr ī rōšn ī brāzdāg kē =š wars wčymk dāšt čiyōn wčymk nišān ī dōīh ptmwzn =ēw ī abrēšom homānāg būd paymōxt dāšt kē =š nē būd ēw =iz brīn ud darz pad =iš čē xwad būd rōšnīh u =š būd bālā nō andčand zarduxšt

430.0

u =š pursē az zarduxšt kū kē hē ud az kēān hē u =t čēkāmagtom u =t pad čē ast tuxšišn

431.0

u =š passoxēnīd kū zarduxšt ham ī spitāmān andar axwān ahlāyīhkāmagtar u =m kāmag kū āgāh bawam ān ī yazadān kāmag ud ānand ahlāyīh warzam čand =am nimāyēnd pad ox ī ʾpčyk

432.0

u =š framūd wahman bē ō zarduxšt kū abar raw ō hanǰaman ī mēnōyān

433.0

andčand wahman pad nō gām bē raft zarduxšt pad nawad gām ud ka 90 gām šud būd āš dīd hanǰaman ī haft amahraspandān

434.0

ka bē ō wīstčahār pay ī amahraspandān mad wuzurg rōšnīh ī amahraspandān rāy ēg =iš sāyag ī xwēš pad zamīg nē dīd

435.0

hanǰaman gāh būd andar zīrān ud pad kustag ī mynhn pad bār ī āb ī dāytī

436.0

zarduxšt namāz burd u =š guft kū namāz ō ohrmazd namāz ō amahraspandān ud frāz šud pad gāh ī pursišnīgān bē nišast

437.0

abar frašnpursīdārīh ī zarduxšt

438.0

pursīd az ohrmazd kū kadār ast andar tanōmand gēhān fradom ī pahlomān kadār ud sidīgar kadār

439.0

ohrmazd passoxēnīd kū fradom pāšomīh humat didīgar hūxt sidīgar huwaršt

440.0

pursīd zarduxšt kū kadār ast weh kadār spyltl ud kadār az harwispīn pahlom

441.0

ohrmazd passoxēnīd kū nām ī amahraspandān weh u =šān wēnišn wehtar u =šān framānburdārīh az harwispīn pāšom

442.0

u =š pas nimūd dōīh ī buništān ud ǰudāgīh ī abar harw rāyēnišn

443.0

guft kū az awēšān mēnōyān ā =š dōšīd kē druwand ān ī wattar warzišn

444.0

ahreman ān ī wattar warzišn kāmag būd ahlāyīh mēnōy ī abzōnīg

445.0

ohrmazd ahlāyīh dōšīd

446.0

mādagwarīhā nimūd ǰudāgīh ī abar harw rāyēnišn ī rōšnān az tārān

447.0

u =š guft kū nē amāh mēnōyān nē kāmag nē gōwišn nē kunišn nē dēn nē axwān pad āgenēn kē rōšnīh dōšēnd ā =š gyāg abāg rōšnān kē tārīkīh abāg tārān

448.0

u =š andar ham se rōz xrad ī harwispāgāh abar burd

449.0

andar ham frašn ī naxwistēn bē nimūd asmān pad wuzurg rōšnīh ud bām

450.0

u =š pad nimūdārīh ī abāz dāštan ī tom az wēnišnīh aw =iš padīragēstišnīh ī ān tom rāy

451.0

u =š nimūd xwēš čihrag asmān handāzagīhā ka =š sar pad abardomīh ī asmān dāšt ud pāy pad asmān ī frōd dast ō harw dō ālag ī asmān bē ayāft

452.0

u =š asmān pad ēwēnag ī warr =ēw nihuft dāšt ud šaš amahraspand pad =iš hambašnīh paydāg būd hēnd ōwōn kū padisārīg harw ēk az ān ī did angust =ēw homānāgīh paydāgīhist

453.0

amahraspandān nimūd se ēwēnag passāxt ī pad dēn

454.0

fradom čār ī ātaxšān ud zarduxšt pad humat hūxt huwaršt se gām frāz raft nē sōxt

455.0

didīgar ayōšust ī garm ō war abar rēzīhist pad =iš afsard pad dast ynsbwnpšety ō amahraspandān dāšt

456.0

ohrmazd guft kū pas az abēzagdēnīh ka pahikār ī pad dēn būd ān ī tō hāwišt ō yʾn abar rēzēnd pad dast abar gīrēnd pad ān harwisp ox ī astwand bē wurrawēnd

457.0

sidīgar brīd pad kārd ʾn paydāg būd ī andarōn aškamb tazīd xōn ud pas dast abar mālīhist druyist būd

458.0

ēn nimāyīhist kū tō u =t hamdēnān mkblwnpšety abēzag dēn pad ōstīgān ewwswa ōwōn kū pad čiyōn sōzišn ī ātaxš ud tazišn ī ayōšust ī garm ud brīnišn pad tēx nē wardišn az weh dēn

459.0

abar haft frašn ī dēn handazag ī haft amahraspandān pad haft gyāg būd

460.0

frašn ī fradom ān ī ohrmazdīg būdan rāy zarduxšt

461.0

ohrmazdīg burdār tan bē ō hampursagīh mad pad bār ī āb ī dāytī

462.0

didīgar wahmanīg būdan rāy abāg zarduxšt

463.0

az panǰ ēwēnag gōspand kē gētī daxšag hēnd ī wahman panǰ ō hampursagīh mad hēnd pad hugar ud usind

464.0

pad ān rōz pēš =iz az madan ī =šān bē ō hampursagīh uzwān bē wišāyīhist mardōmsaxwanīhā guft

465.0

az ābīgān māhīg =ēw sardag =ēw ʾlzwʾ nām

466.0

az ūnīgān kākom ī spēd samōr ī spēd

467.0

az wāyendagān karšift murw =iz sēnmurw

468.0

abārīg sardag =ēw az frāxraftārān

469.0

xargōš kē dadān rāhnimūdār ō āb ud az čaragarzānīgān xarbuz ī spēd

470.0

u =šān mardōmsaxwanīhā dēn az ohrmazd padīrift

471.0

pad radīh ī panǰ ēwēnagān gumārd hēnd kū tā hamgōspandān =iz pad xwēš ēwāz čand =išān dānišn ud tuwānnērōgīh dēn ōšmurēnd

472.0

u =š ō zarduxšt azadārīh abēšīdārīh ud hangārišnīh ī panǰ ēwēnag gōspandān =iz dēnškeftandarzīhātar framūd

473.0

sidīgar frašn ardwahištīg būdan rāy mēnōyān ātaxšān abāg zarduxšt bē ō hampursagīh mad hēnd pad tōzān āb

474.0

pad ān frašn abar hangārišnīh ī warahrān ātaxš pahrēz ud šnāyēnīdārīh ī hamāg ātaxšān aw =iš nimāyīhist

475.0

čahārom frašn šahrewarīg būdan rāy mēnōy ī ayōšustān abāg zarduxšt ō hampursagīh mad hēnd pad srāy rōdestāg ī mynhn

476.0

abar hangārišnīh ī ayōšustān rāy dādan ī zay ud zēn ud abzār bē ōh andarzēnīd

477.0

panǰom frašn spandarmadīg būdan lad mēnōy ī kišwarān ud kustagān ud awestāmān ud rōstāgān ud dehān čand abāyišnīg būd abāg zarduxšt bē ō hampursagīh mad hēnd pad sadwēs ī pʾdls dmnnʾn čiyōn xānīg =ēw ast az asnwand kōf bē āyēd bē ō dāytī šawēd

478.0

u =š abar pahrēz ud šnāyēnīdārīh ī zamīg ēn =iz andarzēnīd kū deh gugāh ī wābar ud rōdestāg rōdestāg dādwar ī dādāgāh

479.0

ud awestām awestām mowbed ī rāstkāmag

480.0

ud kustag kustag rad ī abēzag gumārdan

481.0

azabar hamāg mēnōyān andarzbed =ēw mowbedān mowbed =ēw paydāgēnīdan u =š xwadāyīh ī ohrmazd pad =iš winnārdan

482.0

šašom frašn hordadīg būdan rāy mēnōy ī zrēyān rōdān abāg zarduxšt ō hampursagīh mad hēnd pad asnwand kōf

483.0

u =š abar pahrēz ud šnāyēnīdārīh ī āb guft

484.0

haftom frašn amurdadīg būdan rāy mēnōy ī urwarān lwze zarduxšt bē ō hampursagīh mad hēnd pad dlčyn zbār pad bār ī āb ī dāytī ud ǰud gyāg

485.0

u =š abar pahrēz ud šnāyēnīdārīh ī urwarān paydāgēnīd

486.0

ēn 7 frašn andar drahnā ī zamestān nimāyīhist ī ast panǰ māh andar dah sāl

487.0

abar bowandagīh ī dēn

488.0

kū pad sar ī dah sāl mēdōmāh ī ārāstīyān pad zarduxšt āstawān būd

489.0

pas pad ayāft frašn abāz ō hampursagīh ī ohrmazd mad u =š guft kū =m pad dah sāl mard =ēw hāxt

490.0

ohrmazd guft kū bawēd rōzān ka =tān ān and ī nē hāxt ī xwad gēhān dādārīh ī ristāxēz ka bē az dahāg harw kas bē dād ī frašegirdkirdārīh hāxtēd ud dahāg apatitīgīh rāy zanīhēd

491.0

pad ham frašn ka az pēš ī ohrmazd bē mad bē ō spandarmad u =š dēn bowandag pad ōš abar daxšagēnīd

492.0

pas az ān pad dō sāl wištāsp kaygān karbān hamēstārānīh sīhse ʾnʾstk abar =iš guft

493.0

az framān ī wištāsp pad 33 band bast

494.0

ān sīhse ʾnʾstk nimūdār būd ī sīhse dēn ī ō hamēstārīh ī dēn ī yazadān mad

495.0

paydāgīh ī az dēn ān sīhse band nišān ī bastan ī sīhse dād ī wattar pad sīhse kirbag ī pāšom

496.0

gōkān andar dēn tā padīriftan ī wištāsp ī dēn az zarduxšt pas az abāz nimūdārīh dādestānānōmanīhā ud was gōnag waxšwarīh ud mēnōygōhrīh ī abar wēnīhist pad gugāhīh ī se abargōwišnān amahraspandān gētīpaydāgīhā bē ō wištāsp ud hanǰamanīgān darīgān paydāg būd hēnd ī ast wahman ardwahišt ud ādur ī burzēnmihr

497.0

abar ān ī pēš az nēkīh ī zarduxšt wēnīhist čiyōn =iš pad nimūdārīh az ohrmazd ō gēhānīgān nimūd

498.0

kū pad dahsālagīh mēdōmāh hāxtēd pad gōspandestān wēšag kē hzwlya ud warāz gāh

499.0

pad wīstsālagīh hāxtēd kndk ī kwndʾ pus

500.0

pad sīhsālagīh rasēnd xyōn ō ērān dehān wardag gīrēnd ān ī hutōhmagtar az kanīgān

501.0

pad čehelsālagīh zād wahunēm ī ʾwlwštʾlʾn

502.0

pad čehelhaftsālagīh widerēd zarduxšt kē bawēd haftādhaft sāl čēhel rōz ardwahišt māh xwarrōz pad hašt māh wihēzag ō day māh xwarrōz yblwntyīhist čiyōn yazišnīg ham ardwahišt māh

503.0

pad šaštsesālagīh frašōštar bē widerēd

504.0

pad šaštčahārsālagīh ǰāmāsp čiyōn pas az zarduxšt mowbedān mowbed būd

505.0

pad haftādsesālagīh hngwhlwš ī ǰāmāsp pus

506.0

pad haštādsālagīh asmōxwanwad

507.0

pad haštādsālagīh … ī ǰādūg xwānīhist ōzanīhist šaš az dēnwarān ī meh ī ast dō duxt ī zarduxšt kē =šān nām frēn ud srid ud ahlawstūd ī mēdōmāh ud any se kē =šān nāmčišt az dēn

508.0

pad sadsālagīh az wahunēm kē pad čehelsālagīh ī dēn zād gywn zād ud pad sālagīh bē widerēd pad sadhāwištīh

509.0

pad sesadsālagīh andar rōzšabīh bawēd pas dēn āšōbīhēd ud xwadāyīh čandīhēd

510.0

abar se dād ī zarduxšt pad pahlomīh čāšt

511.0

fradom ēn pahikārradīhā pad kasān ma šawēd

512.0

didīgar ka =tān adādestānīhā abar rawānd dādestānānōmandīh pēš dārēd

513.0

sidīgar xwēdōdah ī abēzag tōhmagrawišnīh rāy zīndagān pāšomkunišnān kē ptlʾnyk" ō huzāyišnīh ī frazendān

514.0

abar panǰ xēm ī āsrōnān ud dah andarz kē =š hamāg andarz ī dēn abar paywastag

515.0

ān panǰ xēm fradom awināhīh

516.0

didīgar wizīnkirdārīh ī andarg menišnān ud gōwišnān

517.0

mādayān bē wizīdan ī zanišn az azanišnīh čiyōn xrafstarān az gōspandān ud dahišn az adahišn čiyōn ahlawān arzānīgān az druwandān anarzānīgān

518.0

sidīgar dastwardārīh čiyōn hamē ān ī rad ī dānāgtar ud rāstgōwišntar kē dēnāgāhīhā hammōxtēd ud rāstīhā hammōzēd

519.0

čahārom yazišn čiyōn yazišn ī ohrmazd mādayān pad hamāg wehīh dādārīh xwadāyīh šnāxtan menīdan pad =iš dēn āstawān būdan ud kustīg nišān ī =š dēn rāy bastag čāštan

520.0

yazišn ī rōšnān niyāyišnōmandīhā

521.0

yazišn ī 4ān zahagān ī ast ātaxš wād zamīg ud āb kē kālbodōmand dāmān az =iš passāzīhist pāk yōǰdāsrēnīdan az nasāy ud daštān ud hixr ud abārīg wināhišn dāštan tā čihrān ī az =iš passāzīhēnd druyistčihrtar ud hubōytar ud pāktar ud kamāhōgtar bawēnd

522.0

yazišn ī mardōm rādīhā ī abar dānišn xwāstag

523.0

yazišn ī gōspandān wāstar ud kambēšišnīh ud paymāndārišnīh

524.0

yazišn ī urwarān zlytwnpšetan pazzāftan ō xwarišnīh ī arzānīgān handāxtan

525.0

yazišn ī stāyišnīg hamāg yazadān rōšnān gētīdahišnān husazāgīhā stāyīdan u =šān hamēstār kōxšīdan čiyōn bowandag stāyišnīh pad bowandag ōšmurišnīh ī dēn šāyēd

526.0

yazišn ī kadārizēw xwēšpēšagīhā xwēškārīh čand kamwināhīhātar šāyēd rawāg dāštan

527.0

panǰom rōzānšabān xwāyišnīhā abāg xwēš druz kōxšīdan zīndagīh drahnā az āstawānīh ī dēn bē nē waštan xwēškārīh az dast nē šbkwnty

528.0

ān dah andarz fradom husrawīh ī xwēš sālār ud hammōzgār ud rad ud pt abāyistan rāy husrawīhāraftan

529.0

didīgar dušsrawīh ī xwēšān sālārān nē būdan rāy az dušsrawīh škeft pahrēz būdan

530.0

sidīgar ān ī xwēš hammōzgār pad ān ī darāztar čōb nē zadan ud nē bēšīdan rāy ān ī =š nē āšnūd az xwēš hammōzgār pad =iš nām nē srawēnīdan

531.0

čahārom nāmpaydāgīh az ahlawān nē appurdan rāy čē hammōxt az xwēš hammōzgār rādīhā abāz ō arzānīgān abespārdan

532.0

panǰom rawāgdēnīh rāy kirbakkarān mizd ud bazzakkarān tōzišn pad dād nihādan

533.0

šašom ahlāyīh daxšag andar xwēš mān mehmān kirdan rāy rāh ī wehān ō xānag wišādagīhā dāštan

534.0

haftom druz andar wārom ahōšīhā nē ēstādan

535.0

haštom druz az wārom brīdan rāy kēn az menišn ōgārdan ud az wināh tēz ptykyk būdan

536.0

nowom pēšrawišnīh ud pasrawišnīh ī dēn bē šnāxtan ud pēšrawišnīh ī dēn frāz ō pēš dāštan u =š kār ud bahr pad =iš xwāstan pasrawišnīh ka petyārag bē ō dēn rasēd dēn abāz ō pēš dāštan ud tan pad mkndīh ī dēn dāštan

537.0

dahom srōšdārīh rāy andar xwadā ud rad ud dastwar ī dēnīg huniyōxš būdan

538.0

abar se bazišn ī dēn ī ast hangirdīg ud mayānag ud gwkʾnyk kē =š baxšišn ēk ristag hambrahmīh kū xwad ast ahunawar nišān ī naskān

539.0

pad fradomīh ahunawar baxšīhist ō se paymān čiyōn pad any dar nimūd

540.0

pad hamristag ī gāhāniz ō se ī ast segāh ud čahārgāh ud panǰgāh

541.0

ēdōn =iz naskān ō se ī xwānīhēd gāhānīg ud hādamānsrīg ud dādīg

542.0

pas baxšīhēd ahunawar ō šaš ī nēmgāh xwānēnd ēdōn =iz gāhān ō šaš ī xwānīhēd ahunawargāh ud yasn hafthād ud uštwadgāh ud spandmadgāh ud wahuxšahrgāh ud wahištōštgāh

543.0

ēdōn =iz naskān ō šaš čiyōn gāhān ō dō ī xwānīhēd ēk gāhān ī gāhānīg ī ast yašt ud ēk abārīg gāhān

544.0

hādamānsr =iz ō dō ēk mānsr ī purrdaxšag ī ārāstār ī ast pāzen ud ratuštāytī ud ēk mānsr ī purrdaxšag ī weh ī ast abārīg hādamānsr

545.0

dād =iz ō dō ēk dād ī ǰuddēw ī ast widēwdād ud ēk dād ī zarduxšt ī ast abārīg dād

546.0

pas baxšīhist ō dō =ēw čiyōn ahunawar dō =ēw mārīg ud gāhān dō =ēw ī ast ahunawar ahlāyīhstāyišnīh ud yazadānkirdārīh az yānīmanō tā ō ērman ī āgenēn dō =ēw ud naskān wīstēk

547.0

pas baxšīhist gāhān radhomānāgīhā abar čēīh ud čiyōnīh ī nimūd čiyōn pahikārradestān kē dādīg pahikārišn īg pad =iš paydāg zaxmestān kē =š tōzišn ud zaxm az =iš paydāg ud stōrestān kē =š wināh ud čandtōzišnīh ī rēš abar stōrān gōspandān az =iš paydāg artēštārān kē =š kārēzār az =iš paydāg pasušhorestān kē =š gōspand pad sālārīhēwēnīhā dāštan az =iš paydāg ǰōrdāykārestān kē =š warzīgarīh az =iš paydāg ud warestān kē =š war ud passāxt az =iš paydāg ud abārīg ī hamšōn

548.0

pas baxšīhist gāhān ō 1016 gāh ud naskān ō hazār ēk pargard čiyōn hādōxt rad ast ī naskān ērman ī pahlom gōwišn ī abar ristāxēz rad ast ī pargardān ud abar abārīg lgltʾn ōwōn bē hambūd čiyōn hazār glym ǰōrdā ud wāstar ī bastag ka azabar ān hazār ēk wuzurg bē dahēnd kē harwispīn bē pāyēd az tagarg ud wārān ān ī garm wād ud ān ī sard

549.0

ud pas baxšīhist gāhān ō 6666 mārīg naskān =iz hammis 6666 dādestān pad =iš brīdag

550.0

6666 mārīg ī pad gāhān nimūdār ast ī az petyārag ō dām madan tā bē ō frazām ī šaš hazārag harw hazārag =ēw dah sadōzim ī bawēd šašt sadōzim ud harw sadōzim =ēw dah wōyγn kē =š pad =iš rasēd sarmāg ud tangīh ī škeft bawēd šašsad wōyγn ud harw wōyγn =ēw dah sāl ī ǰahēd 6000 sāl

551.0

gāhān šaš mārīg ī fradom nimūdārīh ast ī šaš hazārag ud pas šašt any 60 sadōzim ud pas šašsad any šašsad wōyγn ud pas 6000 any 6000 sāl

552.0

ērman ī ašawahišt hamwāz abar sar ī gāhān ān ī panǰāhhaft sāl ī sōšyans ān =iz rāy ērman az ahlāyīhstāyišnīh ī pad sar ī ērmanyazišnīh hammis panǰāhhaft mārīgān čiyōn ērman wīstčahār ahlāyīhstāyišnīh dō ud ērmanyazišnīh wīstēk hammis panǰāhhaft

553.0

pad nām ī yazadān

554.0

gōwišn ī zādspram ī gušnǰamān

555.0

abar passāzišn ī mardōmān az tan gyān ud ruwān

556.0

kū homānāg ast tan kē =š passāzišnān hēnd gōšt ud astag ud pih ud abārīg ō xānag kē =š passāzišn az gil ud sang ud dār ud abārīg

557.0

frāz waxšēnīdār frawahr kē dast ud pāy waxšēnēd ud narīh ud mādagīh paydāgēnēd ud rahag ud pay passāzēd ud astān ō ham barēd ud rāh ud widarg paydāgēnēd ud dar ud rōzan wišāyēd bē ō rāzkirrōg kē kadag dēsēd

558.0

ud gyān kē tan zīndag dārēd bē ō ātaxš ī andar gumbad abar gāh nišīnānd

559.0

ēd rāy čē čiyōn ātaxš mānišn abar ādurgāh ud pad hamāg kustagān tabišn bē rasēnēd brāh ud payrōg pad dar bē abganēd ō slʾdʾn dīdārīh =it ud xwad pad xwarišn zīyēd ka az xwarišn frāz mānēd nizār apadyāwand šawēd fradom kustagān ī gumbad afsarēnd ka bowandag bē afsard hamāg gumbad sard bawēd ān =iz brāh ud rōšnāgīh ī wēnīhist awēnābdāg bawēd hamgōnag gyān gōhr rōšnīh ud garmīh u =š māništ andar dil čiyōn ātaxš abar ātaxšgāh ud xōn andar rahagān widāxtag hamāg tan garm dārēd brāh ud payrōg abar barēd pad dō rōzan ī abar sar ī xwad hēnd čašmān bē abganēd wēnāgīh ī čašmān ud hambōyāgīh ī wēnīgān ud āšnawāgīh ī gōšān ud mizagdārīh ī dahan ud ptlmʾhʾkīh ī tanān ud ǰumbāgīh ī ēwēnīg az ham čihr

560.0

u =š winnārišn ī zīndagīh pad xwarišnān āb ud ātaxš ī andar tan wizārdag paymānīg pad ān ristag nišāndārh čiyōn ka dēg =ēw xwarišn sāxtan rāy kē =š xwarišn ud āb andar azabar ātaxš nihādak ud ātaxš az bērōn āb az andarōn tābēd tā xwarišn bē ō paymān rasēd ān ī abāyišnīg az dēg bērōn gīrīhēd

561.0

čē kumīg homānāgīh ast dēg ī xwarišn ud āb andarōn dārēd ud pad gyānīg ātaxš ēwēnīhā tābīhēd

562.0

ka ō sāmān ī xwēš mad pad zōr ī čihr ān ī rōšn ī zōrōmand bē ō ǰagar āhenǰēd az ǰagar pad rahagān ud az rahag pad xōn bē ō sar ud abārīg tan sgēnīd ud abar mazg ī sar abzōn bawēd wēnāgīh ī čašmān ud abārīg šnāsagān u =š dast =iz ud pāy az =iš zōr padīrift ud ān ī anabāyšnīg pad zōr ī spōzāgīh bē ō bērōn spōzēd

563.0

abdom frāzwiderišnīh ī gyān axwardārīh wihān ud nizārīh ī gyānīg ātaxš az ham bē afsardan ī dast ud pāy ud ul uzīdan ī az dil ud sard būdan ī hamāg tan ud ǰud būdan ī rōšnāgīh ī čašmān pad ham homānāgīh ī afsardan ī ātaxš

564.0

ud spāhbed ruwān ī xwadā ud rāyēnīdār ī tan mswš xwēš rad buništ pad =iš homānāg ō ātaxšwaxšēnīdār az gumbad pāk druyist pad nigerišn dāštan ud ātaxš abrōxtan andar xwēškārīh

565.0

ud ān ī ka tan xuftag ruwān bērōnīhēd ast ka nazdīk ast ka dūr bē šawēd xīrān nigerēd pad wigrādagīh hangām abāz ō tan šawēd pad ān homānāgīh čiyōn ka ātaxš nihuft dar ī gumbad bast ast ka nazdīk ast ka dūr šawēd

566.0

bē čiyōn ātaxš ī gētīyīg gumbad az passāzišn ī gētīyān ud ātaxšwaxšēnīdār mardōm gyān ī mēnōyīg pad āfurišn ī az dādār rāyēnīdār ī tan ud ruwān ī mēnōyīg

567.0

pad hamāg čim bazišn ud wāspuhragānīh ēwēnag bē kird ud pad =iz āzārīgdānišnīh bē ō čimxwāstārān nimūdan nē šāyēd

568.0

bē mēnōy ō gētīyīgān pad čim ud handāzag homānāg ī nišānag ī nē šāyēd būdan šāyēd nimūdan

569.0

ōwōn čiyōn ka mard =ēw pad būm ī hindūgān klg =ēw ī ēksrū dīd u =š griftan bē ō ērānšahr yyy nē tuwān būd u =š abāz nimūdan ī ō ērānšahrīgān rāy abar dēwār pad pahikār nēk ham homānāg bē nigārd

570.0

abar passāzišn ī mardōmān

571.0

kū =š homānāgīh ōwōn mardīhā čiyōn asmānīg spihr ī gardišnīg ī ast čahār mīh ī harw mīh =ēw se axtar čē hammis passāzišn ī mardōmān mādagwarīhā pad se ī ast tanīg ud gyānīg ud ruwānīg

572.0

harw ēk =ēw se bazišn

573.0

tanīg se ī ast tanīgirdīg ud ābīg ud wādīg

574.0

tanīgirdīg pad haft twb uspurrīgīhist ī ast ān ī andartom mazg ud pērāmōn mazg ast ud pērāmōn ast gōšt ud pērāmōn gōšt pih ud pērāmōn pih rahag ud pērāmōn rahag pōst ud pērāmōn pōst mōy

575.0

ud yyypīhist mazg ō māh kē =š petyārag māh ī abāxtarīg kē čiyōn māhbay pad waxšišn handām druyistčihragīhā ʾptwn abar mazgān kirdyyy māh ī abāxtarīg bē wināhēd andar abāxtarān plsp ī andarōntom dārēd

576.0

azabar māh tīr u =š mehmānīh abar ast

577.0

azabar tīr anāhīd u =š mehmānīh abar gōšt

578.0

azabar anāhīd mihr u =š mehmānīg abar pih

579.0

azabar mihr warahrān u =š mehmānīh abar xōnīg rahag

580.0

azabar warahrān ohrmazd u =š u =š mehmānīh abar pōst hučihrgar ī tanān

581.0

azabar ohrmazd kēwān u =š mehmānīh abar mōy

582.0

u =š ēn ast nigārag

583.0

gardišn ī māh pad māh =ēw tīr pad se māh anāhīd pad šaš māh ud nēm mihr pad sāl =ēw warahrān pad sāl =ēw ud nēm ohrmazd pad dwāzdah sāl kēwān pad sīh sāl

584.0

āb andar tan mādagwarīhā čahār ī ast xōn ud drēm ud wiš ī suxr ud wiš ī syā

585.0

xōn gōhr garm ud xwēd u =š gōn suxr u =š mizag šīrān u =š kadag pad ǰagar

586.0

drēm sard ud xwēd ud gōn spēd ud mizag sōr u =š kadag pad suš

587.0

wiš ī suxr garm ud hušk ud suxr ō zardīh wardišnīg u =š mizag taxl u =š kadag pad zahrag

588.0

wiš ī syā sard ud hušk u =š gōn syā u =š mizag tlwpš u =š kadag pad spurr

589.0

pēšōbāy az āmēzišnān xōn ō ǰagar šawēd ud pas andar ayārdēnišn kaf bē ǰagar abganēd ēg =iš čēnīd ud bē ō blgm gwʾhlēnīd

590.0

pas zahrag ī azabar ǰagar bē ēstēd ān ī bʾlyk ī tēz ul āhenǰēd bē ō wiš ī suxr bawēd

591.0

bʾstʾn dahan wišād dārēd qš ī suxr abar kumīg rēzēd ī xwarišn gugārēd pas stabrīh ī abāz mānēd frōd ō spurr afsānīhēd bē ō wiš ī syā bawēd

592.0

pas az ēn harw čahār āmēzišnān tōhmagān kē pad bālist ī sar andar mazg gāh pad ān rahag pad pušt abar šawēd zōr =ēw ī azharwčahārpassāxtīh rāy paymānagīg abāz ō ǰagar āhenǰēd

593.0

az hamāg kirb ī tan =ēw abar čēnīd andar čihrag ōstīgān bē kunēd pad tōhm ēwēnag frāz rēzīhēd u =š bawišn ud zāyišn ī mardōmān az =iš bawēd

594.0

ān čahār āmēzišn ī ǰudčihrag ǰudkār bē ō čahār pēšag ī mardōm ī hēnd hammōzgār āsrōn ud zadār artēštār ud parwardār wāstaryōš ud plstʾl hutuxš

595.0

tōhmag abar awēšān čiyōn šahryār abar čahār pēšagān

596.0

ēd =iz rāy dehbedān pušt ī ērān xwānīhēd čē čiyōn tōhmag az hamāg kirb ī tanān zōr =ēw ō xwēš āhenǰēd ud pad frāzrēzišnīh daxšag ī kālbod =ēw ham homānāg az =iš dārīhēd ōwōn amaragānīhā kadārizēw ō dād rāh kāmag kunēd ī dehbedān warzēnd

597.0

wād kadag pad dil

598.0

ēdōnčihragīhā nē garm nē sard pad ātaxš ī andar dil kē =š sardīh ud xwēdīh ī az suš abāg āmēxtag hamēwēnag paymānīgīhā bē tābēd ud hamāg tan garm dārēd

599.0

4ān zōrān ī tan ham =iz ōwōn pad =iš frāz rawēnd čiyōn tazāgān āb pad wād

600.0

ka pad tābišn ātaxš ī az dil freh az paymān garm bawēd ān nērōg ī ulāhang pad gōwišn bē ō bērōn tazēd ud az frawahr ī andarwāy xunagīh padīrēd pad plwdāhang abāz ō dil šawēd

601.0

pad padīrišn ud abespārišn ī paymānīg zōr wād ī plwltšn zīndag dārēd tan

602.0

gyānīg se ast gyān bōy frawahr

603.0

ud gyān rōšn garm ud hamgōhr ī ātaxš

604.0

pēšōbāy abāg tōhm ī ātaxštōhmag andar ō gāh šawēd čahārom māh pad tābišn ī pad kālbod ī tan paydāg bawēnd

605.0

fradom čašmān nigārīhēd ud ātaxšīg rōšnīh ī xwēš pad čašmān ō dīdār āwarīhēd pas pad bowandagdahišnīh ī sar pad abardomīh ī mazg gāh gīrēd

606.0

didīgar pad ātaxš ēwēnag bē ō dil šawēd u =š ānōh ʾwstʾn ī mādagwar ast

607.0

sidīgar az hambaxšišn ātaxškirbīhā frōd ō kumīg šawēd ānōh gāh =ēw bē gīrēd ud harw se pad hambandīh bē winnārēd čē fradom xwarišnān xwārišnān zīndakkar ī gyānān andar ō kumīg šawēd

608.0

pad pahikār ī hordād amurdad ātaxš bē abrōzēd

609.0

az ānōh brāh abar ō dil šawēd ātaxš ī andar dil zōrōmand bē kunēd ud az dil wād ī garmōg ī ēkčihrag

610.0

gyān pad 3 ātaxš ī andar tan gāh dārēd

611.0

u =šān ǰud ǰud xwēškārīh paydāg

612.0

čē az ān ī andar mazg ī sar baxšīhēnd swhšnʾn ī hēnd wēnāgīh ud āšnawāgīh ud hambōyāgīh ud čaxšāgīh ud ptlmʾhʾkīh

613.0

ud ān ī andar dil mādayān kār pad wād ī ulāhang ud frōdāhang pad ātaxš ī wuzurg tāftan ī hamāg tanān ǰumbišn homānāg az hamzōr

614.0

ud ān ī andar kumīg bē baxt ō čahār zōr ī ast āhenǰāg ud gīrāg ud gugārāg ud spōzāg

615.0

homānāg ast zōr ī ahnčʾk kē xwarišnān xwārišnān andar ō kumīg ī xwēšīg kadag āhenǰēd čiyōn kārframān kē abzār gōšt xwarišnān xrīnēd bē ō xānag frēstēd

616.0

ud gīrāg az sūrāg ī kumīg tābēd ud āb ī rōšn ī zōrōmand abar čēnīd ud ō čahār baxšēd ud xōn ō ǰagar ud drēm ō suš ud wiš ī suxr ō zahrag ud wiš ī syā ō spurr frēstēd ō xwarišnbaxš homānāg

617.0

spōzāg bē ō gyāgrōb

618.0

ud ēn 3 ātaxš ān ī andar sar āsrōn čihrag u =š ādur farnbay ayārtar ān ī andar dil artēštār čihrag u =š ādur gušnasp ayārtar ud ān ī andar kumīg wāstaryōš čihrag u =š ādur burzēnmihr ayārtar

619.0

bōy andar gyān gumēxtag

620.0

gyān mʾlšn wizīdārīhā az bōy wēš abāg ruwān tanīg zōr

621.0

ka tan ēd kunēd gyān andar tan ruwān bērōn ud bōy mayān ī awēšān paygāmbarīh kunēd ud āgāhīh az ruwān padīrēd ud ō gyān nimāyēd gyān ō nigāhbed ōš abespārēd

622.0

ud abdom ka tan widerēd ātaxšsuxrīh rāy ka az zamīg bē ō mēnawišawēd fradom ō ātaxš gumēxtēd ud ān se rōz ī pas az marg pad nazdīkīh ī tan pādag ō kālbod ī tan hamē nigerēd pad =iš grīyēd

623.0

ud ka sag ud way frāz šawēnd ud tan darrēnīd kāmēnd frāz tarsēd ōwōn čiyōn mēš az gurg ud ō sag ud way pahikārēd kū ma ēn ī man kirb frāz xwarēd kē =m ohrmazd abdom =iz abāz kunēd pad tan ī pasēn

624.0

šab ī sidīgar andar bām ruwān ud tan ī druwand ka ēk az did frāz wardēnd ruwān ō bōy pahikārēd kū bē tō bawišawē ō ān ī pāšom axwān bē man ēdar frāz šbkwnty

625.0

agar ahlaw abāg ruwān az yazadān bahr ī kardaggārān bčyhwnyt čiyōn mehāfrāh ud hamdastwar kē pad ardīg frazām abāg spāhbed bē ō dar ī šahryār šawēd ud dāšn ī huāfrāhān windēd

626.0

frāzwaxšēnīdār frawahr abāg tōhm andar ō gāh šawēd ud pad ham gām az tōhmīh bē ō gumēzagīh ud az gumēzagīh bē ō frehxōnīh wardēnēd

627.0

u =š pas =iz čašm ud abārīg handāmān nigārēd ud pas drubuštīhist

628.0

az pušt pahlūg frāz waxšēnēd čiyōn tāgān pad spēzišn az draxt

629.0

ud pas abzārān ī andarōnīg ī aškamb kardag pad xwēškārīh paydāg bē kunēd

630.0

ud pas dast pāy angustān bē rōyēnēd az sar mazg bē ō angustān rawēd čiyōn ān ī afsard ddnʾl

631.0

pas mizag brūg ud mōy nigārēd

632.0

u =š mādagwarīhā kār se ī ast waxšēnīdan abzūdan pādan

633.0

waxšēnīdan ān čiyōn ka dast ud pāy ud abārīg handāmān ī abzārīg pad waxšišn bē ō dīdār āwarēd

634.0

abzūdan ān ī ka handām =ēw abzāyēd tā bē spurrīgīh sāmān

635.0

pādan ān ī ka ōstīgānīhā pad xwēš sāmān gāh pāyēd

636.0

dānišnīg se wīr xwāhēd ōš pāyēd ud xrad wizīnēd

637.0

ruwānīg se ī ast ruwān ī andar tan ruwān ī bērōn ruwān ī pad mēnōyān axwān

638.0

ruwān ī tanīg čiyōn tan =iz xwānīhist čē xwad mēnōy ī tan ast spāhbed homānāg ī ō dušmenān razm frēstīhist u =š hamāg spāh abzārān ristagōmand dāštan xwēškārīh ud im ast kē menēd ud gōwēd ud warzēd kāmag

639.0

ast ī ka =š frārōn pad huīh ud ast ī ka =š abārōn pad dušīh

640.0

ud imiz ast kē pad hukunišnīh pāddāšn ud pad duškunišnīh pādifrāh mēnōyīg hampaymānīhā abāz nimāyēd

641.0

u =š buništ pad dō wihān kū dānišnōmand ud tuwānnērōg bawēd u =š dānišn tuwān nē čimīgīhā bē ō kār burdan ayāb =iš xwāyišn pursišn būd u =š nē xwāst andar adēnīh parwand raft čiyōn mahist parwānag ī ō dušox

642.0

handāzag nha ī nimāyīhēd pad dēn kū ān ī kōdakxrad mardōm xwēš xradīh wattom

643.0

ēn =iz kū hunsandīh ī pad kōdakxradīh parwānag =ēw ast ī ō dušox

644.0

ēn =iz kū az dušdanāgīh ī az dušāgāhīh frahist mardōm druwand bawēnd ud dušoxīg bē kē murd tā nūn bē =iz kē mīrēnd az nūn frāz

645.0

u =šān druz pad dō wihān frēbēd ō xwēš kunēd

646.0

fradom pad ārzōgwizārišnīh ī čihr ud griftan ī andak gētīyīg rāmišn ī gumēxtag abāg wināh ī ruwān

647.0

didīgar ahlawīhā grīw pahrēxtan az ardīg ī ast anayārīh ī abāg razmyōzān

648.0

čihr bowandagīhā wlsdkwnišnīh rāy pad čē kunēd ēraxtag bawēd pad wināhišn ī dāmān

649.0

ahlawīhākunišnīh rāy ērangīg pad anayārīh ī hamgōhrān

650.0

u =š spās =iz kē =š pāddāšn pad =iš windēd pad dō wihān

651.0

fradom pad bowandagmenišnīhā bʾristʾnčihrīhā āz ud waran ud ešm ud kēn andar xwēš čihrag zadan ud nē warzīdan ī asazāg

652.0

didīgar pad tuxšāgīhā abzāyēnīdan ī wehdahišnān ud šnāyēnīdan ī ahlawān

653.0

ka az āwām ī widerāgān frāz rawēd agar ahlaw bōxt pad pērōzīh u =š harwist hamgōhrān ī mēnōyčihragān abāg frāz rawēnd

654.0

pas āmār ī sidōš nēryōsang frēstag bē āyēd gyān bōy frawahr ud ruwān ī astwihād wāy ī wattar abārīg margēnīdārān frāz āšuft az hamzōrīh bē wisānd abāz ō ēk passāzēd ud čihrīgēwēnag bē winnārēd

655.0

ud nēkīh ī ō ruwān rasēd hamhāgān pad =iš hambāy bawēnd ud ēk az did nērōg ud rāmišn padīrēnd

656.0

ud agar druwand gyān bōy frawahr ud ruwān ī andar rāh ud ruwān nigāhbed hamhāgān az =iš frāz wardēnd

657.0

ruwān ān ī tanīg pašēmānīhā ēwtāg bē ō dušox šawēd ōwōn čiyōn widēmušt ēstēd dušmenān

658.0

ruwān ī andar rāh mēnōy ast ī weh ud abēzagčihrag padīrag tan ōwōn winnārd ēstēd ōwōn čiyōn tan kāmagxwarišn xwarēd ud wastarg nihumbēd ān ī ruwān kāmag ka pad tan xwarišn bē ō gursagān wastarg bē ō brahnagān pad rāstīh bē baxšēd dahēd

659.0

čiyōn tan kāmag kū kāmagīhā pad rōz šab bē xufsēd ān ī ruwān kāmag ka pad tan rōzānšabān xrad ī ahlawān xwāhēnd

660.0

ka tan xuftag ruwān ī andar tan bērōnīhēd ruwān ī andar rāh frāz wēnēd ī =š arsōmand garānmenišnīhā pad wināh ī kird čašmgāhēnīd u =š huāfrāhīhā nimāyēd ān ī abēzag rāh ī rāst ud pad harw kār ī =š tan pad =iš āmad kāmēd

661.0

pēšōbāy ruwān ī andar rāh frāz rawēd ō hanǰaman pēš az ʾzk ī tan bē rasēd

662.0

ka awēšān arzānīgān pad xwāyišn frāz šawēnd ruwān ī andar rāh ō ruwān ī pad tan āfrāh gōwēd kū ǰahišn fradom passox gōwē ud ma gōwē ān ī =t hād aǰahišnīh

663.0

ud ka tan ān weh menēd ud gōwēd ud warzēd ruwān ī andar rāh az ham humenišnīh hugōwišnīh ud hukunišnīh paymōg =ēw paymōzēd ud az nēmrōz ālag frāz rawēd ul ō abar šawēd ō tan āfrīn kunēd

664.0

ka ān ī wad menēd gōwēd warzēd az ham dušmenišnīh dušgōwišnīh ud duškunišnīh ā =š paymōg =ēw ī tārīk paymōzēd az abāxtar nēmag frāz rawēd andar tom frōd šawēd ud abar tan nifrīn kunēd

665.0

ruwān ī ān gyāg nigāhbed ud ganǰwar ast ī kirbag baxšēd ō dwāzdah kirbān ud daxšagān ī ast mard kirb ud kanīg kirb ud āb kirb ud urwar kirb ud abārīg

666.0

ēd rāy čē dāmān ī gētī haft hēnd kē =šān baxšišn ō dwāzdah šnāyēnīdārīh ī dwāzdah wehdahišn kirbag ī az ham tan bē bawēd hamdaxšagān mēnōyān bē padīrift ud pād nigāh dārēnd

667.0

hamēstār ī ēn ruwān ast mēnōyīg druz ī dwāzdahkirbīhā andar dušox dwārēnd ud bazzag ī az bēšīdārīh ī wehdahišnān bawēd padīrift padīrag ān dwāzdah mēnōy ī weh hēnd pad homānāgīh duščihr mard ud ǰeh zan ud hlbstlʾn narān ud mādagān ātaxš ī az hamēstārīh ī druzān sōzāg abāxtarīg wād ī gandag ud abārīg wināhišngarān čiyōn guharīg ayōšust kirb ud sang burrišn ī pad tēx ud zanišn ī mnsk guharīg zamīg kirb ud daxšag mān ī andar dušox ī zēndān homānāg padīrag kōf kirb sanggarānīh abar ruwān padīrag āb kirb ud urwar kirb ān ī wattar xwarišnān xwārišnān pad homānāgīh ī tar xwarišnān ī homānāg ō ōsānišn ī az tan

668.0

ka tan widard šab ī sidīgar andar bām ōy ī ahlaw fradom wādkirb az nēmrōz ī rōšnān ālag čiyōn hubōytom wād ā =š bē ō padīrag āyēd

669.0

ān wād ast niwēygar ī ō šādīh kē mizdag ī wahištīg dārēd

670.0

pas ābkirb ud urwarkirb pad ēwēnag ī bōyestān homānāg ī ābōmand ī wasnhʾl ī purrškōf bē ēstēd kē =š ruwān andar frāz rawēd

671.0

pas kanīgkirb ud mardkirb ud pas gāwkirb ī spēd nar ud mādag pas ātaxškirb kē =š pad činwadpuhl frāz widārēd ud tom ud tār ī dušoxīg zanēd

672.0

ud pas kōf homānāg bē ēstēd kē =š ruwān pad =iš abāz uzīyēd

673.0

ud pas ayōšustkirb ud sangkirb pad homānāgīh ī gāh ī zarrēnkird

674.0

abdom zamīgkirb kē =š xwad mān bawēd ī ǰāwēdānag

675.0

pas ēn dwāzdah mēnōyān hamkirrōgīhā ō ham passāzīhēnd

676.0

pēšōbāy zamīg mān homānāg bawēd ī waskadag ī bāmīg kē =š kadag andarōn ud bērōn ud aškōb azērīg ud azabarīg čiyōn ō čihr sāzišnīgtom ud ruwān wuzurgurwāhmtom

677.0

ud pas ābkirb ud urwarkirb pad ēwēnag ī bōyestān homānāg bē ēstēd čašmag čašmag aw =iš tāzān az =iš frāz tazēnd

678.0

gōnag gōnag az wisp urwarkirbān gul bōy wahār ud škōf spēzēnd ud bar pazzāmēnd

679.0

u =š ātaxš kirb andar mān pēš frāz waxšēd ud hamēšag bōy ī az hubōyān urwarān az =iš frāz damēnd ud sagkirb ayōšustkirb bē ō wasābīg gōhrān ayōšustān wardēd kē =š mān pad =iš hučihr ud xunyāg bawēd

680.0

ud ǰāmagān ud pērāyagān ī padwasčihragīhā tāšīdag az ham baxšišn andar mān paydāg bawēnd

681.0

gōspandkirb ō panǰ ēwēnag wasān sardagān wardēd

682.0

pad būm čahārpāyān andar āb māhīg ud andar andarwāy murwkirb bawēnd pad wāng ī xwaš ruwān urwāhmenēnd

683.0

ud čiyōn zīndagān az pēm gōšt urwāhmenīh ruwān az gōspandān kirbān pēm frāz dōšīhēd ud rōgn ud abārīg was gōnag az =iš bawēnd ōwōn kū gōspand kirb nē ašādīh ud az gōspandmurwkirbīh bē ō gōštkirbīh az gōštkirbīh abāz ō gōspandmurwkirbīh andar wardišn hēnd

684.0

wād pad wād ēwēnag čihragīhā frāz wāyēd andar mān bōyestān čašmag ī ābān az wisp kustagān bōy ō ruwān barēd

685.0

mard kirb waskirbīhā ō ruwān paydāg bawēd

686.0

ast ī ka pad čihrag ī masādarān čiyōn pid abar frazendān

687.0

ast ī ka pad dād ī mayān čiyōn brād abāg brādarān

688.0

ud ast ī ka pad rāh ī aburnāyīgān čiyōn pus andar pidarān

689.0

ast ī ka pad ēwēnag ī hamsāyagān čiyōn hamāfrāh hammizd

690.0

ēdōn =iz kanīg kirb pad čihr ī kanīgān

691.0

ast ī ka čiyōn mādar ud ast ī ka čiyōn xwāhar ast ī ka čiyōn duxtar ast ī ka čiyōn nārīg ud ast ī ka čiyōn paristišngar ud abārīg rāmēnāgān

692.0

abar mard kirb ud kanīg kirb ī ō padīrag ruwān rasēnd

693.0

kū ēd rāy čē dō axwān ʾnʾspyn ēk ō did pad warzišn ōwōn homānāg čiyōn narān nārīgān hēnd ud zāyišn ī ō gētī widerišn ī az mēnōyān widerišn ī az gētī zāyišn ī ō mēnōy

694.0

čiyōn ka az mēnōy ō gētī hamē zāyēd pad ayārīh ī pidarān ud mādarān ud az tan ī mādarān pad widarg ī tang bē ō bērōn āyēd

695.0

ast ī az mādarān frāz ōftēd ast ī čihrīg zāyīhēd asōhāg agōwāg araftār ud niyāzōmand ō parwardār

696.0

ham pas andar rōzgārān pad wēšgīrišnīh ī gētīyīg zōr saxwanšnās bawēd frāzraftār

697.0

pas az parwardārīh ī mādarān abāz ō hammōzgārīh ī pidarān abespārīhēd

698.0

ud mad ō pornāyīhpēšagān wizīnēd kār pad xwēš pēšag kunēd

699.0

ōwōn =iz ka az gētī bē widerēd ham pad ayārīh ī mard kirb ud kanīg ī šāyēd ō bʾst rasēd ī xwad hēnd pid ud mād ī ruwān

700.0

rōz pas az marg ka ruwān andar bīm handāzag se rōz ī pēš zāyišn ka wād andar tan kōxšīdār

701.0

čahārom rōz kanīg kirb ruwān padīrift u =š pad činwadpuhl ī čēhwidarg ī bīmgen ōwōn bē widārēd čiyōn mādar pad zāyišn ī aburnāyīgān

702.0

ān kē druwand murdag ōwōn homānāg ān ī az tan frāz abganīhēd ud ō dušox ōftēd

703.0

ān kē ahlaw pad ayārīh ī kanīg kirb ō mēnōyān axwān šawēd

704.0

u =š ham kanīg kirb ā =š bawēd parwardār u =š hammōzēd saxwan ī mēnōyān

705.0

u =š pas mardkirb frāz hammōzēd ristag ud nišān ud ēwēnag ud brahmag ī mēnōyīg kārrāyēnišn

706.0

ox ka bawēd hammōxtag ud frahixtag abar wizīnēd pēšagān kē mādayān andar čahār parwand ī hēnd āsrōnīh a artēštārīh ud wāstaryōšīh ud hutuxšīh

707.0

abar čahār pēšagān ud abar did kunēd ī dehbedīh wattarīh

708.0

čiyōn nimūd pad handāzag andar nibēgān ī hambadīgān kū ōy kē =š andar gētī kunišn =ēw ayāb tuwānnērōgīh =ēw ayāb mehīh =ēw ayāb xwēškārīh =ēw pad =iš sazāgīg u =š awiš bandīhēd pad rāstīh ī dārēd pad sūd sazēnīdan ān ēwēnag dānišn tuwānnērōgīh mehīh ud xwēškārīh ō ān ī ōy ruwān paywandēnd u =š pad =iz mēnōy hambrahmagīhā pad =iš bawēd

709.0

čiyōn ǰam abāzdārišnīh ī sahm ud tangīh ud seǰ rāy ruwān ī ōy yazīhēd ud xwānīhēd pad abāzēstišnīh ī dēwānfrāzkirrēnīd hēz =iz awāstār sahm ud seǰ =iz ī nihānrawišn

710.0

ēdōn =iz frēdōn bastan ī az ī dahāg rāy xwānīhēd pad abāzēstišn ī azkirdārān bēš

711.0

ud karsāsp zadan ī rāhdārān ud gaygān rāy xwānīhēd pad abāzēstišnīh ī gaygkirdārān bēš

712.0

abar =iz rāst rād frašōštar

713.0

gōwīhēd kū frašōštar ānōh tō ō rādīh rawišn kū =t rādīh andar garōdmān kunišn

714.0

čiyōn gētīyīhā darandarzbed ī wištāsp būd ān ī mēnōyīg ham darandarzbedīh bawēd paydāgīh az dēn

715.0

abārīg =iz pad ham brahm ud ēwēnag

716.0

ōwōn čiyōn kē pad gētī ābtāzīdār būd ān ī mēnōyīg wārānkirdār

717.0

abar frašegirdkirdārīh

718.0

kū andar dēn ōwōn nimūd ēstēd kū zarduxšt az ohrmazd pursīd kū tanōmandān ī pad zamīg bē widard hēnd pad frašegird tanōmand abāz bawēnd ayāb asāyag homānāgīhā

719.0

ohrmazd guft kū tanōmand abāz bawēnd ʾwzynd

720.0

ud zarduxšt pursīd kū ān kē bē widard sag ud way bē wisānd ud gurg ud dālman bē burd čiyōn abāz ō ham rasēnd

721.0

ohrmazd guft kū ka tō kē zarduxšt hē agar =it kēbūd =ēw ī dārēn kirdan abāyē ā =t pad kirdan čiyōn hugartar bawē ka =t dār nē būd u =t brīdan ud passāxtan abāyēd ayāb ka kēbūd būd u =š taxtag ēk az zwb bē wišuft abāz passāxtan abāyēd

722.0

zarduxšt guft kū ka dār būd hē hugartar būd hē kū ka dār nē būd hē ud ka kēbūd taxtag wišuft hē ā =m hugartar būd hē

723.0

ohrmazd guft kū awēšān dāmān ka nē būd hēnd ā =m brēhēnīdan tuwān būd ud nūn ka būd ud wišuft abāz passāxtan hugartar

724.0

čē =m hēnd panǰān hambārdārān padīriftār ī widardān tanōmandīh

725.0

ēk zamīg kē abarnigāhdāštār ī gōšt ud ast ud pay ī mardōmān

726.0

ēk āb ī nigāhbed ī xōn

727.0

ēk urwar ī dāštār ī wars ī mōy

728.0

ēk rōšnīh ī padīriftār ī ātaxš

729.0

ēk wād ī =m gyān xwāyišn ī dāmān pad frašegird hangām

730.0

abar xwānam zamīg ud az =iš xwāham ast ud gōšt ud pay ī gayōmart ud abārīgān

731.0

gōwēd zamīg kū čiyōn rasēnam ka nē ēn bē dānam kū kadār ān ī ōy ast ī kadār ān ī ōy

732.0

abar xwānam āb ī arwand ī ast daglit az rōdān kū abar rasēn xōn ī ōy ī ristag mardōm

733.0

gōwēd āb kū čiyōn rasēnam ka nē ēn dānam kū kadār ān ī ōy xōn ud kadār ān ī ōy

734.0

abar xwānam urwar ud az ōy xwāham wars ī rist mardōm

735.0

gōwēd urwar kū čiyōn rasēnam ka nē ēn bē dānam kū kadār ān ī ōy wars ud kadār ān ī ōy

736.0

abar xwānam wād ud az ōy xwāham gyān ī ōy ī ristag mardōm

737.0

gōwēd wād kū čiyōn rasēnam ka nē ēn bē dānam kū kadār ān ī ōy gyān ud kadār ān ī ōy

738.0

man kē ohrmazd ham ka abāz nigeram pad zamīg āb urwar rōšnīh ud wād pad rōšndānišnīh bē dānam ēk az did bē šnāsam čē pad wispdānišnīh pad rōšnmenišnīh ēk az did ōwōn wizēham čiyōn ka šīr ī mādagān dōxt ud pad zamīg pad ham ǰōy frāz tazēnd ēk andar did

739.0

ēd kū =m kadār mādag ōwōn bē šnāsam čiyōn ka mard =ēw sīh asp hē harw ēk rāy ǰāmag =ēw ī nišān =ēw pad =iš kū kadār asp rāy ān sīh ǰāmag āgenēn ēstēnd ēg kāmēd dānistan harw ǰāmag =ēw abar gīrēd ud nišān ī pad ǰāmag bē šnāsēd kū =m kadār asp

740.0

abar frēstam ērman frēstag kē =š frazāmkārīh andar xwēškārīh

741.0

bē rasēnēd ast ud xōn ud wars ud rōšnīh ud gyān ī gayōmart ud mašī ud mašyānī

742.0

u =š pēšōbāy abāz passāzam ast ī gayōmart u =š ān ī mašī ud mašyānī hampaywast dašnag ud hōyag bē daham

743.0

u =m ō ham passāxtan ud abāz dādan hugartar dwāzdah dāmān ī =m pad bun bē dād

744.0

fradom ka =m asmān winnārd astūn anabardāštār kē =š az ēč kust nē hēnd gētīyān bē dāštār

745.0

ud didīgar ka =m zamīg winnārd asmān kū ō kadārizēw nēmag nē nazdīktar būd homānāgīh ī zardag ī xāyag mayān xāyag

746.0

ud sidīgar ka =m xwaršēd brēhēnīd čahārom ka =m māh brēhēnīd

747.0

panǰom ka =m andar urwarān wasgōnag rang ud čaxšišn bē būd

748.0

šašom ka =m andar urwar ātaxš pad asōzišnīh bē dād

749.0

haftom ka =m hušk ō zamīg bē burd ud pad hangām ī frāz waxšišn barōmand bawēnd ō xwarišn ī mardōmān ud gōspandān rasēnd

750.0

haštom ka =m …

751.0

nowom ka =m andar mādagān zahag bē winnārd abar nihuft tā bē nē widard u =m ǰud andar ān ārōyišn paydāgēnīd ast xōn mōy drēm pih ud srū

752.0

dahom ka =m tanōmand murwān padparr andar andarwāy wāyēnīd

753.0

yāzdahom ka =m āb pāy ēdōn homānāgīh ī frāzraftār dād

754.0

dwāzdahom ka =m abr dād ul abar burdār ī āb ī wārēnīdār ī wārān

755.0

homānāg bawēd dāmdahišnīh dēnrawāgīh frašegirdkirdārīh ō dēsīdan ī xānag

756.0

čiyōn kadag pad se abzār frazāmīhēd ī ast būm dēwār ud aškōb

757.0

ud ān ī dāmdahišnīh būm dēnburdārīh dēwār frašegirdkirdārīh aškōb

758.0

čiyōn ka mard xānag kāmēd wirāstan ud mard se bē wizīnēd kē ēk pad būm wirāstan ēk pad dēwār āhextan ud ēk pad aškōb kirdan frahixtagtar

759.0

ud ǰud ǰud pad ān kār bē ēstēnēd

760.0

tā būm wirāst dēwār āhextan nē šāyēd

761.0

ōy kē =š xānag framūd rōšn āgāh kū pad čand ō frazām rasēd

762.0

ud pad =iz frahixtkārīh ī ōy ī aškōbkirdār abēgumān būdan rāy dagrwistāx

763.0

ka dēwār ō frazām mad ōy kē =š aškōb andar xwēškārīh aškōbēnīdan ōwōn hugar čiyōn awēšān =iz dō pad kār ī =šān pāymār

764.0

ud did homānāg būd frašegirdkirdārīh ō šab ī tār

765.0

ka šab ō sar šawēd xwaršēd se kanārag ī gēhān uzīd ud abāz ō xwēš gyāg mad ud gardišn frazāmēnēd nōg pad spēzišn bawēd ud tam ud tār zanēd

766.0

homānāg būd ō māh kē pānzdah andar waxšišn pānzdah andar nirfsišn bawēd

767.0

ka bowandag būd awēnābdāg nōg abāz zāyēd az xwaršēd šahryār ī rōšnān pad bām paydāg bawēd

768.0

gēhān ristāxēz abāzdahišnīh pad =iš paydāgīhēd

769.0

homānāg būd ō sāl kē pad wahārān draxt wiškuft bawēnd pad hāmīn bar dahēnd pad pādēz frazām bar dahēnd pad zamestān hušk ud murd homānāg bawēnd

770.0

ka widerišn ī sālān spurrīgīhēd mihr abāz ō gyāg ī naxwistēn mad rōz ud šab hāwand paymān drahnā sʾlyk paymānīg bawēnd

771.0

ud murdāxēz homānāg az huškdārān draxtān nōg warg spēzīhēnd ud nhʾl wiškōfīhēnd

772.0

ōstīgānīh ī abāzdahišnīh rāy harw čihrān frazām ō bun hamhangōšīdag bawēnd čiyōn mardōm kē =šān bawišn az tōhm tazēnd čiyōn urwarān kē =šān bawišn az tōhmag bowandagfrazāmīh pad hamtōhmīh

773.0

pad dēn ōwōn paydāg kū ahreman ka andar ō dām dwārist dušdēn ǰehsardag ōwōn pad hambāz dāšt čiyōn mard zanīhā =ēw hambayān

774.0

ānōh xwad ast ī dēw gāh u =š dušdēn ǰehsardag yyy

775.0

xwad ast sar ī hamāg ǰehhā dēwān garānpetyāragtar ō mard ī ahlaw

776.0

u =š dušdēn ǰahī hamǰuxt āhōgēnīdan ī mādagān rāy abāg hamǰuxtīhist kū tā mādagān āhōgēnād

777.0

ud āhōgēnīdagīh ī mādagān rāy narān āhōgēnānd ud az xwēškārīh wardānd

778.0

u =š pas wizīd spāhbed sālār ī xwad ast āz

779.0

u =š čahār spāhbed pad hamkārīh frāz dād hēnd ī ast ešm ud zamestān ud zarmān ud seǰ pad homānāgīh ī xwarāsān ud xwarofrān ud nēmrōz ud abāxtar spāhbed

780.0

abar wazīd ō āz dašnag sālār ud hōyag sālār ī ast sūy tišn ēdōn =iz zarmān šēwan mōyag ēdōn =iz seǰ frehbūd ud ēbbūd

781.0

pad frašegird fradom čār ī āz xwāhīhēd

782.0

ast ēd rāy čē spāhbed sālār ast ī abārīgān druzān ahreman ī dušdēn nērōg az ōy wēš

783.0

pad =iz bunrawāgīh ī dām ka zurwān wazag kirb paymōg ī tārīk ud ādurestarēn rawāgīh rāy frāz ō ahreman burd pad ēn pašt kū ēn ast ān zay ī ātaxš homānāg sōzišnīg ud hamāg dāmān pad =iš awištābōmand xwad gōhr ī āz dārēd

784.0

ka zamānag ī 9000 sāl bē ō frazām mad ān čē =t pad būm bē padīrift kū bē hāzē harwisp ox ī astōmand ō adōstīh ī ohrmazd dōstīh ī xwēš xwad wurrawišn ī abar ēkbuništagīh kū

785.0

ham ān kē abzāyēnīdār zadār bowandag nē frazāmēnēd pad awēšān zay abāgīh āz ēd ī tō bē ǰōyēd dām ī tō xwad pad sūy frāz mīrēd

786.0

čē nē ayābēd az ohrmazd dāmān xwarišn homānāgīh ī wazag =ēw kē andar āb zīndag ud tā āb hamē āhōgēnīd āš xwad pad =iš hamē zīyēd ud ka =š āb az =iš abāz grift murdag hušk bawēd

787.0

ud āz ēkčihrīhā nē tuwān būd āhōgēnīdan tā dāmān plkndk bawēd

788.0

uš zōrān pad ǰomā rawāg būdan andar dām rāy ō se baxt ī ast čihrīg bē čihr ud bērōn az čihr

789.0

čihrīg ān ka andar xwardārīh kē =š gyān aw =iš bastag

790.0

bēčihrīg kāmagōmandīh ī abar gumēzišn kē xwad waran xwānīhēd kē pad wēnišn ī ō brazy ī andarōn hangēzīhēd ud čihr ī tan awištābīhēd

791.0

bērōn az čihr ārzōg ī ō kadārizēw nēkīh ī wēnēd ayāb āšnawēd

792.0

harw twp =ēw ō dō baxt

793.0

ān ī čihrīg ast sūy tišn

794.0

ān ī bēčihrīg ast rēzāg padīrāg

795.0

ān ī bērōn az čihr ast abarīhā handōxtan pēnīhā bē nē dādan

796.0

ēd ast kē =š wattarīh andar parwand ud paydāg kū abdom čārgarīh ī āz rāy ašawahišt pad hamzōrīh ī ērman frēstag bē ō zamīg āyēd ō dāmān abar garānwināhīh ī gōspandsardagān zadan ud kamsūdīh ī az =iš nimāyēd

797.0

ēn =iz framāyēd kū mard hēd

798.0

ma ēdōn gōspand bē kuštār bawēd čiyōn =tān pēš frāz pad kunišn kušt

799.0

ka nazd ō frašegirdkirdārīh bawēd niyōxšīdārān ī ašawahišt framān az gōspandzadārīh ud gōštxwarišnīh bē wardēnd ud čahārēk nērōg ī āz bē kāhēd nēkīh ī andar tan ī ōy ast bē ānābīhēd tam =iz ud tārbahrīhā zanīhēd mēnōyīgīh ō čihr abērtar paymōzīhēd dānišnān rōšntar ayābīhēd

800.0

frazendān ī az awēšān zāyēnd āz andar tan apadyāwandtar tan kamgandagtar ō yazadān čihr hampaywandtar

801.0

pad hammōxtārīh ī yazadān az pēmxwarišnīh wardēnd ud nēmag nērōg ī āz bē kāhēd

802.0

awēšān =iz zāyišnān axwarišnīh rāy hubōy kamtārīk mēnōyčihr ud azāyišnōmand bawēnd

803.0

ud pas āz dēw nē ayāftan ī nērōg az ohrmazd dāmān rāy bē ō ahreman kē =š pad spāhbedān sālār paydāgēnīd ruzdīhā andar ō dāmān rad pahikārd kū =m sagr hamburd kunēd čē nē ayābam az ohrmazd dāmān xwarišn zōrān

804.0

pad framān ī ahreman dēw ī xwurdag bē abesīhēnīd

805.0

abdom ān čahār spāhbedān frāz mānēnd ud anīy dō ī ahreman ud āz

806.0

frāz ō zamīg āyēnd ohrmazd ahreman srōš āz

807.0

ōy ohrmazd ahreman zanēd

808.0

tā baxtīg būd āz abāg ahreman čār nē ayābēd ān =iz rāy ka ohrmazd wispdādār ī rōšnīh u =š tārīkīh ī ahreman petyārag srōšahlī ī paymānīg ast mēnōy ī paymān u =š frehbūd ud ēbbūdīh ī āz petyārag hambarīhā hēnd pad kōxšišn

809.0

bē čiyōn āz abāg baxtīg la bawēd ahreman ēwtāk u =š hamēmāl se dō ī ǰudgōhr ī ast ohrmazd ud srōš ud ēk ī hamgōhr ī ast āz ī baxtīgtar

810.0

ka =š ayār bē ō hamēmālīh gašt hambadīg pērōzēnīd

811.0

ka panǰāhhaft sāl ō frašegirdkirdārīh abāz ō zāyišn bawēd ī sōšyans ān ī pad spurrīgkarīh ud zarduxšt bē dahīhēd

812.0

abar zarduxšt ōwōn paydāg kū pad sālagīh bē ō hampursagīh ī ohrmazd mad u =š dēn padīrift u =š dādīgīh rawāgēnīd pad panǰāhhaft sāl dēn pad haft kišwar bahragīhā bē mad

813.0

čiyōn dēn ō rawāgīh mad druz az āškāragpaydāgīh bē ō azēr zamīg wirēxt bahrīhā nērōg =išān agārīhist

814.0

ka ān spurrgar frēstag ī ast sōšyans parwānag ī ērman pad zamīg paydāg bawēd pad hamhandāzagīh pad sālagīh bē ō mēnōyān hampursēd

815.0

dād ī frašegirdkirdārīh ham pad panǰāhhaft sāl bowandagrawāgīhā pad haft kišwar bē rawēd pad bowandagrawāgīh anābīhēd druz az dāmān

816.0

ka ēbgad ō dām mad frāz 6000 sāl ī ōšmurdīg ī ast az frawardīn māh ohrmazd rōz tā rōzgār abāz ō frawardīn māh ohrmazd rōz gašt mānd ēstēd ō uspurrīgīh ī 6000 sāl ī wihēzagīg čahār sāl homānāgīh abzāyīhēd čē harw čahār sāl rōz =ēw ī wihēzag nē abzōn pad 6000 sāl čahār sāl homānāg bawēd

817.0

pad ān gāh nišān bawēd ī ristāxēz ud spihr bē ǰumbēd rawišn ī xwaršēd mān starān wnyt ud ēk bawēnd

818.0

Sections