frazaft pad frazāmēnīd pad drōd šādīh rāmišn

ēn kulāsag pad māh tīr sāl abar ī panǰsadpanǰāhčahār rōz srōš

farrox kē nibišt ēstād irdešīr ī wahman ī rōzweh šāburzēn šāmard kē =š ruwān anōšag bawād

az dastnibēg anošagruwān hērbed hōmāst wahištbahr šādān ī ohrmazd andar šahr sagestān nibišt būd az framānīh awestād hamēhunar mehmādag wehgōhr sazē ī stāyišn kē =š ruwān anōš bawād

māhdād ādur weh az sālār az ān xwēš xwāstag uzēnag pad =iš kird būd pad māhyār ī māhmihr hērbed az hindūgān az učag šahr kē pad kanār ī āb sind kē pad dēnīg wehrōd xwānd

šaš sāl pad nazdīk hērbedān sagestān būd u =š dēn ī tis =ēw hammōxt ō hindūgān mad

u =š ēn daftar ǰuddēwdād abāg zand pad ēn kustag būd u =š az ānōh az ahlawdād windād ēstād

ud ān ī hind ān kustag kē ān rōz būd hēnd spāhbed šāhmard māhyār hērbed šāhmard māhyār ī šāzād ī mihragān ēn kulāsag rāyēnīd drust kird

andar rōz spandarmad māh frawardīn wihēzag kē man dēnbandag rōstem mihrābān ō marzbān šāhwār hērbed kē pad ēn pus hindūgān mad ham u =m ēn paččēn nibišt xwāyišnīh xwēš rāy abestāg ud zand nōzdahom mārīg ī yatāahūwayryō kū drǝgubiiō xwānēnd

nām ī nask ānayēd yywdʾyn hamē xwānānd

harw kē xwānēd kār frāmāyēd dārēd amāh =iz rāy kē nibišt xwāyišnīg ham az xwānīdārān ī ēn nibēg abar xwānēd ud amāh rāy pad ayād kird arzānīg dārānd pad patitīgīh

pas kē widard arzānīg dārānd u =š pad gētī p husraw u =š pad mēnōy ruwān ahlaw bawād

man ī dēnbandag hērbed mihrābān ī kayhusraw ī mihrābān ī spandyād ī mihrābān ī marzbān ī bahrām kē pad en būm hindūgān mad ham u =m ēn paččēn az dastnibēg hērbed rōstem ī mihrābān ī nibišt az ī bahr čāhil sangan kumbāydīg nibišt az bahr ahlāyīh ruwān dōšāram rāy nibišt

čiyōn pad wihēzag wināhwizārišn kirbag mizd ud ruwān dōšāram rāy nibišt harw kē xwānād ud harw kē dārād harw kē kār az =iš kunād harw kē pāččēn az =iš kunād amāh kē nibištār ham xwāyišnīg az ham xwānīdārān ēn nibēg abar xwānēd amāh rāy pad wahišt bahr arzānīg dārānd pad patitīgīh pas az widard arzānīg dārānd ōy kē framūd nibišt ham ēdōn čiyōn guft

anōšag rāy bād hērbed kayhusraw kē =š framān dād pad nibišt

harw kē xwānād ī ōy rāy pad anōšag ruwān arzānīg dārānd

harw kē ēn kulāsag dārād harw kē xwānād čāhil sangan kumbāydīg rāy pad wahišt bahr arzānīg dārānd kē =m az bahr ahlāyīh bē dōšāram rāy framūd nibištan

az =im šud ēn kulāsag andar rōz dēn māh tīr abar sāl šašsadnawādčahār yazadegirdīg šāhānšāh ohrmazdān yazadegird šahriyar

nibišt andar būm ī hindūgān šahr ī kumbāyd man dēnbandag husrawīg yyytom hērbedzād mihrābān ī kayhusraw ēn kulāsag rāyēnīd drust kird ud az bahr ahlāyīh ruwān dōšāram rāy

nāismī daēuuō

nikōham dēw abāg dēwtōhmagān

aēuuō paṇtā̊ yō aṣ̌ahe vīspe aniiaēṣ̌ąm pǝṇtąm

ēk ast rāh ī ahlāyīh awēšān hamē arāhīh

aṣ̌ǝm ahlāyīh