Sections

1.0
šnāyišn dādār ohrmazd rāyānōmand xwarrahōmand harwispāgāh ī dānā tuwānā mahist humat hūxt huwaršt pad menišn gōwišn kunišn hamāg yazadān mēnōyān yazadān gētīyān
2.0
pad nēk ǰahišn xūb murwāyīh xwāham nibišt pad did axtar nēk pad dastwarīh yazadān dastwar hamāgxrad ahlāyīhwarzīdār ī kirbagdōst ī yazadānšnās ī mēnōywēn ī wehānpassānd dastwar dēn ī weh mazdēsnān anōšagruwān spandyād māhwindād rōstom šahryār nibēsā bundahišnīh
3.0
az madan ī tāzīgān ō ērānšahr rawāgēnīd ān =išān dušdēnīh
4.0
dušxwāyīh az kayān hudēnīh az dēnburdārān , āzarmīgišn ānāft
5.0
rāzān būd bawēd az gēhān ǰāgāh ī zofr abdwān čimīhā tisān
6.0
az dānīh ī kunišn rāst čim saxwan az ayādagīh ud dānišn ī pāyram , uzīd
7.0
wadzamānīh rāy ōy =iz ī az dūdag ī abarmānīg kayān ud kayān dēnburdārān ō rām , ud ristag ī awēšān dušdēnān gumēxt
8.0
ud pad abarg ān ī hudēnān saxwan brahm ud paristišn ud kirdag pad āhōg ērang dāšt hēnd
9.0
ōy =iz kē =š pad ēn frahang ud rāz hammōxtan kāmag būd az gyāg gyāg pad harg ud X ī halagīh ō xwēš kirdan šāyēd nē tuwān būd
10.0
ān zandāgāhīh nazdist abar buništīh ohrmazd petyāragīh ī ganāgmēnōy pas abar čiyōnīh ī gēhāndām az bundahišnīh tā frazām čiyōn az dēn ī mazdēsnān paydāg
11.0
pas abar =iz bun az saxwan dārēd pad wizārišn ī čēīh ud čiyōnīh
12.0
pad wehdēn ōwōn , paydāg ohrmazd bālistīg pad harwispāgāhīh ud wehīh zamān ī akanārag andar rōšnīh hamē būd
13.0
ān rōšnīh gāhudgyāg ī ohrmazd ast kē asar rōšnīh gōwēd
14.0
ud ān harwispāgāhīh , ud wehīh zamān ī akanārag čiyōn ohrmazd
15.0
ud gāh ud dēn zamān ī ohrmazd būd hēnd
16.0
ahriman andar tārīgīh pad pasdānišnīh ud zadārkāmīh zofrpāyag būd
17.0
u =š zadārkāmagīh , xām ud ān tārīgīh gyāg ast kē asar tārīgīh gōwēd
18.0
u =šān mayān tuhīgīh būd ast kē wāy kē =š gumēzišn padiš
19.0
ud harw dō hēnd kanāragōmandīh ud akanāragīh
20.0
čē bālistīh ān ī asar rōšnīh gōwēd ud kū nē sarōmand
21.0
ud zofrpāyag ān ī asar tārīgīh
22.0
ud ān ast akanārīh
23.0
ud pad wimand harw dō kanāragōmand kū =šān mayān tuhīgīh ēk ō did nē paywast hēnd
24.0
did harw dōān mēnōy pad xwēštan kanāragōmand
25.0
did harwispāgāhīh ohrmazd rāy harw čē =š andar dānišn ī ohrmazd kanāragōmand čē ān ī harw dō hēnd paymān ānīd
26.0
did bowandagpādixšāy ī dām ohrmazd pad tan ī pasēn tā hamēhamērawišnīh
27.0
ud ān ast akanāragīh
28.0
dām ī ahriman pad ān zamān be abesīhēn , tā ī ka tan ī pasēn bawēd
29.0
ān =iz ast kanāragōmandīh
30.0
ohrmazd pad harwispāgāhīh dānist kū ganāgmēnōy ast abar handāzēd kunēd pad areškkāmagīh čiyōn gumēzēd abar fragān abar frazām pad abar fragān abar ud čand abzārān
31.0
u =š mēnōyīhā ān dām ī pad ān abzār andar abāyēd frāz brēhēnīd
32.0
sēhazār sāl pad dām mēnōyīg estād kū būd hēnd amēnīdār ud arawāg agriftār
33.0
ganāgmēnōy pasdānišnī rāy az hastīh ohrmazd anāgāh būd
34.0
pas az ān zofāyag āxēzist
35.0
ō wimand ī dīdār ī rōšnān mad
36.0
ud ka =š dīd ohrmazd ohrmazd ān rōšnīh agriftār ud frāz padrōd zadārkāmagīh areškgōhrīh rāy pad murnǰīdan widang abar kird
37.0
u =š pas dīd wizīrīh ud abarwēzīh ī farrox az ān ī xwēš
38.0
abāz ō tom dwārist kirrēnīd was dēw ān dām ī murnǰēnīdār niyāz ō ardgarīh
39.0
ohrmazd ka =š dām ī ganāgmēnōy dīd rāy sahist dām sahmgund pūdag ī wadag ud dušīh
40.0
u =š nē burzīd hēnd
41.0
pas ganāgmēnōy dām ī ohrmazd dīd sahist was dām ī zofr ī wan hamāgpursišnīh
42.0
u =š burzīd ān ī ohrmazd dāmdahišnīh X
43.0
ēg ohrmazd abāg =iz čē ēwēnag dānist ī dām ī frazām ī kār ō X padīrag ī ganāgmēnōy āšt abar dāšt guft kū ganāgmēnōy abar ō dām ī man ayārīh bar ud stāyišn dah tā pad ān pāddāšn amarg ud azarmān ud asōhišn apōhišn bawē
44.0
u =š čim ēn kū agar ardīg nē sārēnē xwad nē agārag ud ō =mān harwān sūd-abgārīhā
45.0
u =š drāyīd ganāgmēnōy kū nē baram ō dām =iz tō ayārīh nē daham stāyišn
46.0
bē tō dām =iz ī tō murnǰēnam tā hamēhamērawišnīh
47.0
bē hāzēm harwisp dām ī tō ō adōstīh ī tō dōstīh man
48.0
u =š wizārišn ēn kū =š pad ēd dāšt kū ohrmazd andar ōy ačārag ēd rāy āštīh pēš dārēd
49.0
nē padīrift padist =iz abar burd
50.0
u =š guft ohrmazd kū nē harwispkirdār hā ganāgmēnōy kū =t man nē tuwān murnǰīdan u =š dām =iz man ēdōn nē tuwān , kirdan kū abāz ō xwēšīh man nē rasēnd
51.0
pas ohrmazd pad harwispāgāhīh dānist kū agar zamān kārēzār =iz ī ī =š nē gīram ēg tuwān kirdan pad dām ī man , čiyōn padist abar burd ud kōxšišn gumēzišn ī hamēyīhā
52.0
u =š andar gumēzišn dām nišastan ō xwēš kirdan tuwān čiyōn nūn =iz mardōm andar gumēzišn was kē ačārag , wēš warzīd kū frārōnīh kū kāmag ī ganāgmēnōy wēš hamē warzēnd
53.0
u =š guft ohrmazd ō ganāgmēnōy kū zamāngrift kārēzār pad ēn pašn ō nōhazār sāl frāz abganam
54.0
čē =š dānist kū pad ēn zamāngīr agārēnēd ganāgmēnōy
55.0
ēg , ganāgmēnōy awēnāgfrazāmīh rāy pad ān paymānag hamdādestān būd
56.0
ēdōn čiyōn dō mard hamkōxšišn zamān frāz gīrēnd kū =mān wāhmān rōz tā šab kārēzār kunam ,
57.0
ohrmazd ēn =iz pad harwispāgāhīh dānist kū ē andar nōhazār sēhazār sāl hamāg kāmag ohrmazd rawēd sēhazār sāl gumēzišn kāmag ī ohrmazd ahriman X X X X X X harw dō raft pad ān ī abdom ardīg ganāgmēnōy agār šāyēd pad tan ud az dām petyāragīh abāz dārēd
58.0
pas ohrmazd ahunawar frāz srūd kū =š yatāhūwayryō ud wīstēk mārīg bē guft
59.0
u =š frazāmpērōzīh ī xwēš agārīh ganāgmēnōy ud abesīhišn ī dēwān ud ristāxēz tan ī pasēn apetyārīh dām hamēhamērawišnīh bē ō ganāgmēnōy nimūd
60.0
ganāgmēnōy ka =š agārīh xwēš dīd stard ud abōy būd abāz ō tam ōbast
61.0
ōwōn čiyōn pad dēn gōwēd kū ka =š se ēk =ēw guft būd ganāgmēnōy bīm tan andar hanǰīd ka =š dō bahr guft būd ganāgmēnōy pad šnūg andar ōbast ka =š bowandag guft agār būd ganāgmēnōy az agāragīh pad dāmān ohrmazd kirdan
62.0
sēhazār sāl pad stardīh nibast
63.0
dāmdahišn ī mēnōyīhā gōwam pas gētīyīhā
64.0
ohrmazd pēš az dāmdahišnīh nē bawēd xwadā ud pas az dāmdahišnīh xwadāy ud sūdxwāstār ud frazānag ud ǰudbēš āškārag hamērāyēnīdār ud abzōnīg harwispnigerīdār būd
65.0
u =š nazist dahišn xwadāy dād nēkrawišnīh ān ī mēnōy ī =š tan xwēš padiš weh bē kirdan
66.0
ka =š dāmdahišn menīd čē =š az dāmdahišnīh xwadāyīh būd u =š dīd pad rōšnwēnāgīh ohrmazd kū ganāgmēnōy hagurz az petyārag nē wardēd ān petyāragīh ǰud pad dāmdahišnīh nē agārīhēd ud dām ǰud pad zamān rawāgīh nē bawēd ka zamān brēhēnēd dām =iz ī ahriman rawāg be bawēd
67.0
u =š ačāragīhā petyārag agār kirdan rāy zamān frāz brēhēnīd
68.0
u =š čim ēn kū ganāgmēnōy ǰud pad kārēzār nē agārīhēd
69.0
kārēzār wizārišn ēn kū kār pad X X čārōmandīhā kirdan abāyēd
70.0
pas az zamān akanāragīhā zamān ī dērandxwadāy frāz brēhēnīd dād ast kē zamān kanāragōmand gōwēd
71.0
az zamān dērandxwadāy , asazišnīh frāz dād kū tis ohrmazd nē sazēd
72.0
az asazišnīh ud axwārīh paydāg bawēd kū dēwān xwārag nē rasīd
73.0
az axwārīhgarīhrawišnīh mēnōy abōywardišnīh paydāg būd ān mēnōy kū tis ī ohrmazd ān ī pad bundahišn dād nē wardēd
74.0
ud az mēnōy wardišnīh bowandagkāmag ī dāmgēhān paydāg būd frārōn dāmdahišn hamdādestānōmandīh ,
75.0
ahriman pad abārōn dāmdahišnīh ud adānīh adādestān
76.0
u =š čimwizārišn ēn kū ahriman abāg ohrmazd kōxšīhēd ,
77.0
xwadāyfrazānagīh ud hamagīh pahlomīh X asazišnīh ī ohrmazd ud agārīh ī ud xwaddōšagīh ud apahlomīh pasbawišnīh ī ganāgmēnōy ō paydāgīh mad , ka =š dām dād
78.0
čē zamān =iz ī dērandxwadāy nazist dām ī =š frāz brēhēnīd čē akanārag bawēd pēš az gumēzišnīh
79.0
hamēyīh ī ohrmazd kanāragōmand brēhēnīd az ān akanārag kū az bundahišn ka dām X dād tā ō frazām kū ganāgmēnōy agār bawēd paymānag =ēw dwāzdah-hazār sāl kū kanāragōmand
80.0
pas ō akanāragōmandīh ; gumēzēd ud wardēd kū dām =iz ī ohrmazd abēzīhā abāg ohrmazd hamēyīg bawēnd
81.0
čiyōn gōwēd pad dēn kū zamān ōzōmandtar az harw dōān dāmān dām ī ohrmazd ud ān =iz ī ganāgmēnōy
82.0
zamān handāzag ō kār dādestān zamān pursišnīgtar zamān , ō ayābagān ayābagtar zamān az pursišnīgān pursišnīgtar kū wizīr pad zamān šāyēd kirdan
83.0
zamān ī mān abganīhēd ī brīn pad zamān pēsīdag frāz škihēd
84.0
kas az ōy nē bōxtēd az hangāmdān mardōmān nē ka ō ul wāzēd nē ō nigūnīh čāh =ēw kanēd andar nišīnēd nē ka azēr xān ī ābān ī sard frōd wardēd , ,
85.0
ohrmazd az ān ī xwēš xwadīh az stīrōšnīh kirb ī dāmān ī xwēš frāz brēhēnīd
86.0
ā =š pad ātaxškirb ī rōšn ī spēd gird frāzpaydāg ud az ān mēnōy kē , petyārag ī andar harw dō dām ā =š burdan ast tuwān ast zamān
87.0
ā =š kirb ī wāy weh frāz brēhēnīd čiyōn wāy abāyēd ast kē wāy dagrandxwadāy frāz gōwēd
88.0
ā =š dām pad ayārīh wāy ī dērandxwadāy frāz brēhēnīd , čē ka =š dām =iz dād wāy =iz abzār ē ī =š pad kār andar abāyēd
89.0
ganāgmēnōy az stī tārīkīh ān ī xwēštan dām frāz kirrēnīd pad ān ī kirb ī syāh ī ādurestarōn ī tamarzānīg druwand čiyōn bazagaxwtar xrafstar
90.0
u =š az stī xwaddōšagīh waran ī pāyēd kirb frāz kirrēnīd čiyōn waran abāyēd
91.0
u =š nazdist dēwān xwadīh dād dušrawišnīh ān mēnōy ī =š ganāgīh ī dāmān ī ohrmazd aziš būd
92.0
čē =š az stī tārīkīh ān ī asar tārīkīh drōgōwišnīh frāz būd
93.0
az anāgīh ī ōy ganāgmēnōy paydāg būd
94.0
čē =š ān dām dād ī =š xwēštan pad =iš wattar be kird kū agār be bawēd
95.0
čē az asar ī tārīkīh ān kirb frāz kirrēnīd u =š xwēštan dām az kirb be dād az ān ī xwēš dāmdahišnīh agār bawēd
96.0
ohrmazd az stī rōšnīh rāstgōwišnīh ud az rāstgōwišnīh abzōnīgīh ī dādār paydāg bawēd dāmdahišnīh
97.0
čē =š asar kirb ī az asar ī rōšnīh frāz brēhēnīd ud dām =iz hamāg andar , āsrōkirbag bē dād āsrōkirbag zamān sazišn ǰudāg būd
98.0
az āsrōkirbag ; ahunawar frāz būd
99.0
mēnōy ī yatāahūwayryō kē =š bēdahišnīh ud frazām ī dām aziš paydāgīh ast dēn čiyōn dēn abāg dāmdahišnīh dahīhist
100.0
az ahunawar , mēnōy sāl frāz būd kē andar gumēzišn nūn nēmrōšn nēmtārīk sēsadudšastīpanǰ rōzšabān kē brīn ī zamān ī dērandxwadā
101.0
u =š harw dō dām pad kōxšišn padiš rawāg būd
102.0
čiyōn guft dām ī ohrmazd pad xwadāyīh ud dastwarīh dādestānōmandīh bālistīh pad xwāhrīgīh estād
103.0
ud dām ganāgmēnōy pad čērīh ud stahmīh ud wināhgārīh zofāyīh pad dušwārīh estād ,
104.0
ohrmazd pad amahrspandān brīnōmand mad
105.0
ka =š dād būd hēnd se rad
106.0
čē =š abāz ō gētī abāyēd , dād u =š nōgtar pad tan ī pasēn anāgīh az =iš bē apaydāg burdan , u =š dām ī mēnōy mēnōyīhā dārēd
107.0
u =š dām gētī mēnōyīhā dād
108.0
u =š did bē ō gētīyīhā dād
109.0
u =š nazdist amahrspandān dād , haft bun pas abārīg
110.0
ān ī haftom xwad ohrmazd
111.0
az dām ī gētī pad mēnōy , dād nazdist šaš
112.0
ān ī haftom xwad būd
113.0
ānōh ohrmazd harw dō ast mēnōy nazdist gētī az amahrspandān
114.0
ud pas az wāy ī dērandxwadāy nazdist wahman frāz brēhēnīd kē =š rawāgīh dām ohrmazd aziš būd
115.0
ganāgmēnōy nazdist mihōxtīhā akōman ud az dām ī gētīyīhā nazdist asmān
116.0
u =š wahman az nēkrawišnīh gētī ī rōšnīh nazdist frāz brēhēnīd kē =š dēn weh ī māzdēsnān abāg būd
117.0
ēn kū ān ī ō dām rasēd tā frašegird ā =š dānist
118.0
pas ardwahišt ud pas šahrewar pas spandarmad pas hordad amurdad brēhēnīd
119.0
haftom xwad ohrmazd ud haštom rāstgōwišnīh nohom srōšahlaw dahom mānsrspand yāzdahom nēryōsang dwāzdahom rad ī buland rahwōbirzid sēzdahom rašn rāst čahārdahom mihr ī frāgōyōt pānzdahom ālišwang weh šānzdahom pārand haftdahom xwēy haštdahom wād nōzdahom dādestānōmandīh wīstom pahikār pēšēmālpasēmālīh āštīhabzōnīgīh
120.0
az dām ī gētī nazdist asmān dudīgar āb sidīgar zamīg čahārom urwar panǰom gōspand šašom mardōm haftom xwad ohrmazd
121.0
u =š dām ī pad ayārīh ī wāy dērandxwadāy frāz brēhēnīd
122.0
čē ka =š wāy ī , dērandxwadāy frāz brēhēnīd ōy =iz abzār =ēw būd ī =š pad dāmdahišnīh andar abāyēd
123.0
ganāgmēnōy pad ān petyāragōmandīh az kamālīgān dēwān nazdist akōman frāz kirrēnīd pas indar pas sāwul pas nāhwyāh ud pas tarōmad pas X tariz ud zēriz pas abārīgān dēwān
124.0
haftom xwad ganāgmēnōy
125.0
hagriz tis ī , frārōn nē menēd nē gōwēd nē kunēd
126.0
u =š nēkīh dām ohrmazd nē abāyēd dām ī ohrmazd nēkīh ī dām ī ahriman nē abāyēd ,
127.0
ohrmazd ān tis nē menēd ī =š kirdan nē tuwān ,
128.0
ganāgmēnōy ān ī =š nē tuwān kirdan menēd pad stēz =iz abar barēm
129.0
dām ī ohrmazd pad mēnōyīh ēdōn parward kū tarrīhīh ēstād amēnīdār agriftār ud arawāg čiyōn šusr homānāg
130.0
ud pas az tarrīgīh gumēzagīh šusr xōn homānāg ,
131.0
pas az gumēzagīh xwurdagīh bawēd gaštag =ēw homānāg
132.0
pas az xwurdagīh , wiškīdagīh ǰān dast ud pāy
133.0
ud pas az wiškīdagīh gabrīh būd čašm ud gōš ud dahān
134.0
pas az gabrīh čandišn būd ka bē ō pēš rōšn ēstād
135.0
nūn =iz pad gētī pad ān hangōšīdag andar aškomb ī mādar hambōšēnd ud zāyēnd ud parwarand
136.0
ohrmazd pad dāmdahišnīh mādarīh ud pidarīh ī dahišn ast
137.0
čē ka =š dām pad mēnōy parward ān būd mādarīh ka =š bē ō gētī dād ān mēnōy būd pidar
138.0
abar dāmdahišnīh ī gētīyīhā
139.0
ka ganāgmēnōy stardīhā agār būd čiyōn =im abar nibišt sēhazār sāl pad stardīh sayist andar ān agārīh ōy ganāgmēnōy
140.0
ohrmazd dām ō gētī brēhēnīd
141.0
čē asar rōšnīh ātaxš ud az ātaxš wād ud az wād āb ud az āb zamīg harwisp astōmandīh gētī frāz brēhēnīd
142.0
čiyōn gōwēd pad dēn kū fradom dām hamāg āb =ēw srešk =ēw bawēd kū hamāg az āb būd ǰud tōhm mardōmān gōspandān čē ān tōhm ātaxštōhm ī
143.0
u =š nazdist asemān dād pad abāzdārišnīh ast kē fradom gōwēd
144.0
didīgar āb dād pad zadan ī tišn druz
145.0
sidīgar zamīg dād harwisp astōmandīh
146.0
čahārom urwar dād ō ayārīh ī gōspand hudahāg panǰom ō gōspand ayārīh mard ahlaw
147.0
šašom mard ī ahlaw , dād ō X zadārīh ud agārīh ganāgmēnōy ud hamist dēwān
148.0
u =š pas ātaxš dād xwarg u =š brāh az asar rōšnīh awi =š paywast
149.0
ēdōn kerb weh čiyōn ātaxš kāmag
150.0
u =š pas wād brēhēnīd pad mardkirb ī ǰuwān ī pānzdahsālag kē ēn āb urwar ud gōspand mard ahlaw harw tis =ēw burd dārēd
151.0
u =šān čiyōnīh gōwam
152.0
nazist asmān dād rōšn paydāgīh abēr dūr ud pasaggāh xwēnāhen ī ast , gōhr almāst nar
153.0
u =š sar bē ō asar rōšn paywast
154.0
u =š dām hamāg andarōn asemān bē dād āwahan homānāg ud drubušt kē =š harw abzār ī pad kōšišn andar abāyēd andarōn nihād estēd ayāb mān mānāg kē harw tis andar mānēd
155.0
fragānbun ī asemān čandīh pahnāy ī =š drahnāy čandīh drahnāy ī =š bālā ud čandīh bālā ī =š zahyā hamōghandāz
156.0
X warzwar homānāg menišnōmand gōwišnōmand , kunišnōmand ud āgāh abzōnīg wizīdār mēnōy asmān
157.0
u =š padīrift drang drubuštīh az ganāgmēnōy kū abāz dwāristan nē hišt
158.0
čiyōn gurd ī artēštār kē zrē paymōxt estēd kū abēbīmīhā az kārēzār bōxtēd mēnōy ī asmān , asemān ēdōn dārēd
159.0
u =š dād ō ayārīh asemān urwāhmenīh
160.0
čē =š urwāhmenīh pad =iš frāz brēhēnīd kē nūn čiyōn gumēzagīh dām pad urwāhmenīh andar ēstēd
161.0
dudīgar az gōhr asmān āb brēhēnīd čand mard =ēw ka dō dast ō zamīg hilēd pad dast , pāy rawēd ā =š tā X X aškomb āb be ēstēd pad ān bālā āb be tazēd
162.0
u =š dād ō ayārīh wād wārān kē muznāh ud snōyān ud snēzag
163.0
sidīgar az zamīg dād gird dūrwidarag ud anišēb anafrāz
164.0
ud hamōg drahnāy abāg pahnā ud pahnā abāg zahyā rāst mayān ī ēn asemān bē winnārd
165.0
čiyōn gōwēd kū =š nazdist seēk ēn zamīg frāz brēhēnīd saxt čiyōn sangdār dudīgar seēk ēn zamīg frāz brēhēnīd ud gardāgand sidīgar seēk ēn zamīg frāz brēhēnīd wēmtangīrag
166.0
u =š gōhr andar zamīg bē dād kōfīhā kē pas az ān waxšīd rust hēnd az zamīg
167.0
u =š dād ō ayārīh zamīg āhen rōy gōgird bōrakiz harwist =iz ān ī saxt zamīgtōhmag ǰud az astdār čē ǰudtōhmag hēnd
168.0
ōwōn saxt brēhēnīd zamīg pad homānāg ī mard =ēw ka =š ǰāmag ǰāmag hamāg kust pad tan saxt andar grift , ēstēd
169.0
azēr ēn zamīg hamāg gyāg āb bē ēstēd
170.0
čahārom urwar dād
171.0
nazdist ō mayānag ī ēn zamīg abar rust čand pay =ēw bālā abē azg abē pōst abē xār ud tarr ud šīrēn
172.0
u =š wisp srīdag zōr ī urwarān andar čihr dāšt
173.0
u =š dād ō ayārīh urwar ud āb ātaxš čē harw ēwan =ēw urwarān āb =ēw , srešk pad sar ātaxš cahār angust pēš pad ān zōr hamē rōyēd
174.0
panǰom gāw ēkdād brēhēnīd andar ērānwēz pad mayānag gēhān pad bārīh rōd ī wehdāytī , kū mayānag ī gēhān sipēd rōšn būd čiyōn māh kē =š bālā se nāy paymānīg
175.0
u =š dād ō ayārīh āb urwar čē =š andar gumēzišn zōr ud waxšišn az ēn bawēd
176.0
šašom gayōmart brēhēnīd rōšn čiyōn xwaršēd
177.0
u =š cahār nāy paymānīg bālā būd pahnā čiyōn bālā rāst
178.0
pad bālā ī rōd ī dāytī kū mayānag gēhān ēstād gayōmart pad hōy ālag ud gāw pad dašn ālag
179.0
u =šān , dūrīh ēk az did dūrīh =iz ī az āb dāytī čand bālā xwēš būd
180.0
čašmōmand gōšōmand uzwānōmand daxšagōmand būd
181.0
gayōmart daxšagōmandīh ēd kū X X mardōm az ōy tōhmag pad ān hangōšīdag zād hēnd
182.0
u =š dād ō ayārīh xwēy āsānīh dādār
183.0
čē ohrmazd ān xwēy frāz brēhēnīd pad mardkirb ī buland ī pānzdahsālag rōšn
184.0
u =š gayōmart abāg gāw az zamīg brēhēnīd
185.0
u =š az rōšnīh ud zargōnīh asmān šusr mardōmān gāwān frāz brēhēnīd čiyōn ēn dō šusr ātaxš tōhmag ud nē āb tōhmag
186.0
pad tan ī gāw ī gayōmart bē dād tā =š purrrawišnīh , mardōmān gōspandān aziš būd
187.0
u =š ēn šaš dahišn pad šaš gāh , gāhānbār be dād pad sāl =ēw hangārd sēsadšastpanǰ rōz dwāzdah māhīgān harw māhīg sī rōz =ēw ud māhīg sīpanǰ rōz harw rōz =ēw nām =ēw amahrspand =ēw pad =iš nihād
188.0
u =š čiyōnīh gōwam
189.0
nazdist asmān brēhēnīd pad čehel rōz čiyōn az rōz ī ohrmazd māhīg frawardīn tā ēn rōz ī ābān māhīg ardwahišt
190.0
panǰ rōz abar pād tā rōz ī day pad mihr
191.0
ān panǰ rōz ī gāhānbār
192.0
u =š nām maydyōzarem
193.0
u =š wizārišn ēn kū mān ī yašt mardōmīh māništ mihr āb ud zargōnīh ō paydāgīh mad
194.0
dudīgar āb dād pad panǰāhpanǰ rōz čiyōn az rōz mihr ī māh ardwahišt tā rōz ābān māh tīr
195.0
panǰ rōz abar pād tā rōz day pad mihr
196.0
ān panǰ rōz gāhānbār
197.0
u =š nām maydyōšem kē =š wizārišn ēn kū =š āb rōšn be kird čē nazist tērag būd
198.0
sidīgar zamīg dād pad haftād rōz čiyōn az rōz mihr māh tīr tā rōz ard māh ī šahrewar
199.0
ud ān ī panǰ rōz abar pād tā rōz anagrān
200.0
ān panǰ rōz gāhānbār
201.0
u =š nām paytišhah
202.0
u =š wizārišn ēn kū pay rawišn ī dāmān pad zamīg paydāg bē kird
203.0
čahārom urwar dād pad wīstpanǰ rōz
204.0
panǰ rōz abar pād tā aštād rōz rōz anagrān
205.0
ud ān panǰ rōz gāhānbār
206.0
u =š nām ayāsrim kē =š wizārišn ēn kū =š walg ud bōy gōnag zargōnīh paydāg būd
207.0
panǰom gōspand dād pad haftādudpanǰ rōz čiyōn az rōz ohrmazd māh ābān tā rōz day pad mihr ī māh ī day
208.0
panǰ rōz abar pād
209.0
ān panǰ rōz gāhānbār
210.0
u =š nām maydyāyr kē =š wizārišn ēn kū hambār zamestān ud dāmān ī xwēš rāy paydāg bē kird
211.0
šašom mardōm dād kū gayōmart X haftād rōz čiyōn az rōz rām ī māh day tā rōz anagrān māh spandarmad
212.0
panǰ rōz abar pād
213.0
ān panǰ rōz gāhānbār
214.0
ast kē panǰ rōz truftag ud ast kē duzīdag gōwēd
215.0
u =š nām hamaspamādim kē =š wizārišn ēn kū hāmspāhrawišnīh pad gētī paydāg būd čē frawahr ī mardōmān pad hāmspāhīh raft hēnd
216.0
ud nām ān panǰ rōz truftag ast kē panǰ gāh gāhānīg ast kē panǰag ī weh gōwēd
217.0
pad dēnīg ēn ast ahunawaytgāh ī uštawaytgāh spantmatgāh wohušahrgāh wahištōyštgāh
218.0
ān sī rōz ī pad māhīgān ī nihād estēd
219.0
u =š nām rōz ohrmazd wahman ardwahišt šahrewar spandarmad hordad amurdad day ādur ī ābān xwar māh tīr gōš day mihr srōš rašn frawardīn wahrām rām wād day dēn ard , aštād asemān zāmyād māraspand anagrān
220.0
ān dwāzdah māhīgān nām az ham amahrspandān māh frawardīn māh ardwahišt māh hordad māh ī tīr māh amurdad māh šahrewar māh mihr māh ābān māh ādur māh day māh wahman māh ī spandarmad māh
221.0
u =šān , čiyōnīh ēk ēk frāztar gōwam
222.0
abar frāzbrēhēnišnīh rōšnān
223.0
ohrmazd andarag asmān ud zamīg rōšnān frāz brēhēnīd X estēnīd hēnd stārān ī axtarīg ān =iz ī nēaxtarīg pas māh ud pas xwaršēd čiyōn =iš nazdist spihr , brēhēnīd
224.0
u =š az =iš starān axtarīg pad =iš gumārd hēnd mādagwar ēn dwāzdah kē =šān nām warrag gāw dōpahikar karzang šagr hōšag tarāzūg gazdom nēmasp ud wayīg dōl māyīg X kē =šān hambišnīh pad wīst ī haft xwurdagāmārišnīh kē =šān nām ēn ast padēwar pēšparwēz parwēz pahā abesar bašn raxwat taraha X azara naxw mayān abdom māšāha spur husraw srū nūr geln grafša wanand gāw , ǰuγ muri bunza kahtsar kahtmayān kaht
225.0
u =š harwisp bundahišnān ī gētī ud gētī māndān awiš kird hēnd kū ka ēbgat rasēd padīrag hamēmāl xwēš kōxšēnd ud dāmān az awēšān petyārag bōzēnd handāzag ī spāh ud gund kē ō , kārēzār baxt estēd
226.0
harw axtar =ēw az awēšān šašhazārbārhazārudčahārsadhaštādhazār , xwurdagstār pad ayārīh frāz brēhēnīd hēnd ān ī nūn axtar āmārēnd ǰud az ān ī anāmārānīg čiyōn pad hamayārīh awēšān ēstēnd
227.0
pad awēšān axtarān čahār spāhbed pad čahār kust gumārd
228.0
spāhbed =ēw abar awēšān spāhbedān , gumārd
229.0
was amar stārag ī nāmčištīg pad kust kust gyāg gyāg gumārd , pad hamzōrīh nērōg dādār awēšān axtarān
230.0
čiyōn gōwēd kū tištar xwarāsān spāhbed sadwēs nēmrōz spāhbed wanand xwarnifrān spāhbed haftōring abāxtar spāhbed meh gāh kē mēx mayān asmān gōwēd X X X X X X X X X X X X X X X X X X X X , spāhbedān spāhbed
231.0
pārand ud mazdād abārīg ēn mar kustībān , sālār
232.0
ud axtarāmārān ēn stāragān nūn stārag awiyābānīg xwānēnd
233.0
ud meh ud keh ud miyānag rāy gōwēnd kū wuzurgīh naxustēn wuzurgīh , sidīgar
234.0
ēn spihr pad homānāgīh sāl ēw nihād dwāzdah axtar čiyōn dwāzdah māhīgān ud harw axtar =ēw sī sus čiyōn harw māh =ēw sī rōzšabān
235.0
u =š haftōring pad kustag ī abāxtar ānōh , kū ka ēbgat andar dwārīd dušox būd gumārd
236.0
az haft kišwar az harw kišwar =ēw band =ēw awi =š paywast ēstēd winnārdārīh kišwarān andar gumēzišn rāy
237.0
pad ān čim haftōring xwānīhēd
238.0
u =š spihr awēšān axtarān čaxragēwēnag ; nihād kū andar gumēzišn ō rawišn ēstēnd
239.0
ēg azabar awēšān starān agumēzišn ī winnārd kū ka ēbgat rasēd pad kōxšišn , spōzēnd ō abardar gumēxtan nē hilēnd
240.0
u =š xwarrah wehdēn ī māzdēsnān pad awēšān spāhbed ī gumārd
241.0
ānōh X xwānīhēd mādayān ī X razm paydāgīh ī abēzagīh andar gumēzagīh
242.0
ēd rāy star ī agumēzīh ī , xwānīhēd čē ka petyārag abar awēšān nē gumēxt hēnd
243.0
axtarāmārān , xwānēnd spihr ī azabar spihr
244.0
u =š hangārag ud wihēz padiš nēst , čē =šān nē tuwān āmārd gumēzišnīgān tis ī abēzagān
245.0
azabar az ān brēhēnīd māh ī gōspandtōhmag
246.0
azabar ī ān brēhēnīd xwaršēd arwandasp
247.0
u =š māh ud xwaršēd pad sālārīh ī awēšān axtarān ī gumēzišnīg agumēzišnīg gumārd kū =šān hamāg band ō xwaršēd māh ī abar
248.0
azabar xwaršēd brēhēnīd gāh ī amahrspandān ud kē ō asar rōšnīh gāh ī ohrmazd paywast , ēstēd
249.0
ēn =iz ast šaš pay ī šaš dahišn čiyōn šaš dahišn gētī
250.0
ud mayān dam spihr gumārd wād ud abr ud ātaxš wāzišt kū ka ēbgat rasēd pad ān meh mēnōy ān tuxšīdār āb gōspand wārān wārēnd
251.0
u =š band =iz , awēšān ham ō xwaršēd māh ī ud stāragān kird u =š did tištar , xwarāsān spāhbed hamkār ud hamayār ātaxš ī wāzišt ud wād abr
252.0
az awēšān stārān ān ī meh ud čand sang =ēw ī kadagmasā ān ī mayān čand čaxrag ōbadišn ān ī keh čand sar gāw ī kadagīg
253.0
māh čand asprēs =ēw dō hāsr čiyōn harw hāsr =ēw ī padzamīg frasang ī paymānīg homānāg
254.0
xwaršēd andčand , ērānwēz
255.0
tā madan ī ēbgat māh ud xwaršēd awēšān stāragān estād nē raft hēnd
256.0
ud abēzagīhā zamān hamē widārd
257.0
ud hamwār nēmrōz būd ,
258.0
pas az madan ī ēbgat ō rawišn estād hēnd ud tā frazām az ān rawišn nē estēnd
259.0
rawišn ī xwaršēd X mehtar tigr sēparrag ān ī mehtar , mard az ān ī mehtar kamān wihēd
260.0
māhrawišn ōwōn čiyōn sēparrag tīr ī , mayānag ka ān ī mayānag mard az ān ī mayānag kamān wihēd
261.0
starānrawišn čiyōn sēparrag tīr ī keh ka ān ī keh mard az ān ī keh kamān wihēd
262.0
az awēšān axtarān tēzrawišntar hēnd tištar ud bašn trišag ud abarag , ud padispar ud pēšparwēz
263.0
xwaršēd az ān ka axtar =ēw bē hilēd ud tā ān ī did be ayābēd mayān drang andčand māh =ēw se abar gusānēd bē wihēd
264.0
abar čiyōnčim ī dahišnīh dām ō ardīkkarīh
265.0
ohrmazd nām ī sī amahrspand pad ān sī rōz ēdōn nihād kū nazdist ohrmazd pas šaš amahrspand bawēd haft ud haštom day ast dādār ud pas šaš amahrspand bawēd haft ud haštom day ast dādār pas haft amahrspand bawēd hašt ud nōhom day ast , dādār pas haft amahrspand bawēd hašt
266.0
čiyōn nām ī xwēš ī pad čahār gyāg andar māhīgān passāxt ohrmazd ud ān ī se day ēk nām ēk gāh ud ēk dēn ēk zamān kē hamē būd hēnd
267.0
ka ganāgmēnōy ō petyārag mad ohrmazd zamān ī dagrandxwadāy brēhēnīd pad mard kirb ī pānzdahsālag rōšn ī sipēddōysr ī buland amāwand kē =š amāwandīh az hunarāwandīh ī nē az duzīh ud stahmagīh
268.0
u =š xwad paymōzan ī spēd paymōxt ud brā ī āsrōnīh dāšt čē hamē dānāgīh abāg āsrōnān kē ō kasān nimūdār harw kas az =iš hammōxtār hēnd
269.0
ohrmazd =iz xwēškārīh dāmdahišnīh būd
270.0
dām ī pad dānāgīh šāyēd dād
271.0
ēd rāy brahmag ī dānāgān paymōxt ast āsrōnīh
272.0
wāy ī weh ǰāmag ī zarrēn sēmēn gōhrpēsīd ud hargōnagān wasrang paymōxt brahmag ī , artēštārīh čē abarraftār az pas dušmenān pad petyārag zadan ud dām pānagīh kirdan
273.0
čiyōn gōwēd kū wāy ān andar harw dō dām petyār bē barēd xwēškārīh čē =š dād spenāgmēnōy kē =z ganāgmēnōy pad ēn kū kē ardīg sar be gīrēd dām ī ohrmazd hamē abzāyēd ān ganāgmēnōy , abesīhēnēd kē zamānbrēhēnišnīh spihr ud zurwān būd boγbaxtīh
274.0
u =š paymōzan ī xašenēn paymōxt brahmag ī wāstaryōšīh dāšt čē =š nēkbaxtārīh gēhān xwēškārīh ōwōn čiyōn wāstaryōšān gēhān warzīdan , passazagīhā bē dād
275.0
čiyōn ohrmazd mayān harw šaš amahrspand dām ī xwēš passāxt
276.0
dahišn čē mēnōy gētī pad ham ēwēnag dād
277.0
čiyōn mēnōy ohrmazd ud ān šaš amahrspand wahman ardwahišt šahrewar spandarmad hordad ud amurdad , ēdōn =iz asemān šaš pay ī nazist abrpāyag dudīgar spihr ī axtarān , sidīgar star agumēzišnīh čahārom wahišt māh pad ān pāyag estēd panǰom garōdmān kē anagr ī rōšn xwānīhēd ud xwaršēd pad ān pāyag estād šašom gāh amahrspandān ud haftom asar rōšnīh gāh ohrmazd
278.0
ōwōn =iz dām ī , gētī haft brēhēnīd nazdist asmān dudīgar āb sidīgar zamīg čahārom , urwar panǰom gōspand šašom mardōm ud haftom ātaxš kē brā az asar rōšn gāh ohrmazd
279.0
u =š ātaxš andar harwisp dahišn ēdōn bē pargand frāz brēhēnīd čiyōn kadagxwadā =ēw X ka andar xānag šawēd ud ǰāmag ī andar xūb abāz nihād
280.0
u =š framūd ō ātaxš andar ēbgatīh paristag ī mardōm kirdan xwarišn sāxtan ud dard zadan ka az tis tis bē wazēnd bērōn āyēd , ka =z mard abar nihād frāz gīrēd
281.0
u =š harwisp amahrspandān pad hamkārīh ardīkkarīh dām ēdōn gumārd ud estānīd kū ka ēbgat āmad harw kas ān ī xwēš hamēmāl pad kōxšišn frāz grift kū X nōg framān andar nē abāyēd
282.0
u =š čiyōnīh frāztar gōwam
283.0
fradom az mēnōyān ohrmazd ān ī se day
284.0
u =š az gētīyān bun mardōm
285.0
ōy xwad kird
286.0
u =š hamkār ān se day ēk gāh ēk dēn ēk zamān wispdaynām kē kē ast mēnōy harwispāgāh
287.0
u =š mardōm ō xwēš kird dahišn
288.0
u =š mardōm pad panǰ bōzišn frāz dād tan ud ǰān ruwān ēwēnag ud , frawahr čiyōn tan ān gētī
290.0
ud ǰān ān ī abāg wād paywast estēd wēn āwarišn barišn
291.0
ruwān ān ī abāg bōy andar tan āšnawēd wēnēd gōwēd dānēd
292.0
ēwēnag ān ī pad xwaršēdpāyag estēd
293.0
frawahr ān ī pēš ī ohrmazd xwadāy
294.0
pad ān čim ēdōn brēhēnīd kū andar ēbgatīh mardōm , mīrēnd tan ō zamīg ǰān ō wād ēwēnag ō xwaršēd ruwān ō frawahr paywast kū =šān ruwān murnǰēnīdan nē tuwān bawād
295.0
dudīgar az mēnōyān wahman
296.0
u =š az gētīyān daxšag gōspand sardagān ō xwēš padīrift ,
297.0
u =š dād ō ayārīh hamkārīh māh ud gōš ud rām ud spihr xwadāy zurwān ī akanārag zurwān ī dagrandxwadāy
298.0
u =š gōspand pad panǰ bōzišn frāz brēhēnīd tan ǰān ruwān ēwēnag mēnōy kū tā andar ēbgatīh gōšurwan tōhmag gōspandān az māhpāyag padīrift pad ayārīh rām ī weh andar gēhān rawāgēnēd
299.0
ka mīrēnd tan ō gōšurwan ruwān ō rām ēwēnag ō māh mēnōy ō wahman paywast kū daxšag be murnǰēnīdan nē tuwān bād
300.0
sidīgar az mēnōyān ardwahišt
301.0
u =š az dahišn gētī ātaxš ō xwēš padīrift
302.0
u =š dād ō ayārīh hamkārīh ādur srōš ud wahrām nēryōsang pad ān čim kū andar ēbgatīh wahrām ātaxš andar mān nišast winnārd drubuštīh dahēd srōš pānagīh kunēd
303.0
ka be marōbēd az wahrām ō srōš az srōš ō ādur az ādur X abāz ō ardwahišt paywast kū dēwān bē murnǰēnīdan nē tuwān bawād
304.0
čahārom az mēnōyān šahrewar
305.0
u =š az , X dahišn gētī ayōxšust ō xwēš grift
306.0
u =š dād pad ayārīh hamkārīh xwar ud mihr ud asmān anagrān sōg ī weh ardwīsūr ud hōmyazad burzyazad ud dahmān āfrīn
307.0
čē ayōxšust awestwārīh az asmān asemān bungōhr ī X ayōxšust
308.0
u =š winnārišn az anagrān
309.0
anagrān andarag rōšn mān ī zarrēn gōhrpēsīd ī ul gāh ī amahrspandān paywast estēd kū pad ēn hamkārīh dēwān andar ēbgatīh ayōxšust wany kirdan nē tuwān bawād
310.0
panǰom az mēnōyān spandarmad
311.0
u =š az dahišnīh gētī zamīg ō xwēš padīrift
312.0
u =š dād ō ayārīh hamkārīh ābān dēn ard māraspand , ud aršišwang ud ardwīsūr ud anāhīd čiyōn ašōnī mēnōy ī yōǰdahrgar ī zamīg ābān tōhmag
313.0
u =š pēš māraspand mānsrspand gōwišn ī ohrmazd
314.0
ud ard dēn andar xwarrah ī mān ast az aršišwang gōwēd xwarrah ī wahištīg ardāyīh
315.0
ardwīsūr ud anāhīd ud pid ud mād ī ābān pad ēn hamkārīh andar ēbgatīh winnārd estēd ud ēn mēnōyān , hamkār xwarrah wasīh āwarēnd
316.0
šašom az mēnōyān hordad
317.0
u =š az dahišn ī gētī āb ō xwēš padīrift
318.0
dād ō ayārīh hamkārīh tīr wād frawardīn , čiyōn tīr tištar kū andar ēbgatīh ān āb pad ayārīh frawardīn ast ī frawahr ī ahlawān stanēd mēnōyīhā ō wād abespārēd wād ān āb nēwīhā ō kišwarīhā rāyēnēd widārēd pad abr abzār abāg hamkārān winnārēnd ,
319.0
haftom az mēnōyān amurdad
320.0
u =š az dahišn ī gētī urwar ō xwēš padīrift
321.0
u =š dād ō ayārīh ud hamkārīh rašn aštād zāmyād se xwarrah ānōh X pad čīngārpul kē ēbgatīh ruwān ī mardōmān pad nēk ud wad kird āmārēnd
322.0
any amar mēnōy ī dām pad awēšān hamkārīh winnārd estēnd čiyōn ān ī andar , spihr axtarān rāy nibišt
323.0
u =š rōz =iz ī andar mayānagān harw ēk pad panǰ hangām baxt
324.0
harw hangām =ēw mēnōy =ēw pad =iš gumārd čiyōn bāmdād gāh ī hāwan mēnōy , nēmrōz rapihwin mēnōy ēbārag gāh ī uzayrin mēnōy āpādyābān aybisrūsrim mēnōy ušahin gāh xwēšīh dārēnd
325.0
u =š awēšān =iz pad hamkārīh baxt hēnd
326.0
čē =š hāwan ō mihr ud rapihwin ō ardwahišt uzayrin ō burzyazad aybisrūsrim ō ahlawān frawahrān wahrām ušahin ō srōš rašn pad hamkārīh winnārd
327.0
čē =š dānist kū ka ēbgat rasēd rōz pad ēn panǰ hangām baxšīhēd tā pēš ka ēbgat mad hamēšag nēmrōz būd ast rapihwin
328.0
ohrmazd abāg amahrspandān pad rapihwin mēnōy yazišn , frāz sāxt andar yazišn kunišn dām hamāg bē dād
329.0
abāg bōy frawahr ī , mardōmān uskārd xrad ī harwispāgāh pad mardōmān frāz burd guft kū kadār =tān sūdōmandtar sahēd ka tā bē ō gētī brēhēnam ud tanīgirdīhā abāg druz be kōxšēd ud druz be abesīhēnēd u =tān pad frazām , drust anōšag abāz wirāyēm u =tān abāz ō gētī daham hamēyīggāh amarg azarmān abē hamēmāl bawēd ayāb =itān hamēyīgpānagīh ēbgat abāyēd kird
330.0
u =šān dīd frawahr ī mardōmān pad ān xrad ī harwispāgāhīh anāgīh az druz ud ahriman ī andar gētī pad =iš rasēd ud abdom abēhamēmālīh az petyārag drust ud anōšag abāz bawišnīh pad tan ī pasēn tā hamēhamērawišnīh rāy pad šudan hēnd ,
331.0
dwāristan ēbgat ō dām
332.0
gōwēd pad dēn kū ganāgmēnōy ka =š , agārīh xwēš hamist dēwān az mard ī ahlaw dīd stard būd
333.0
sēhazār sāl pad stardīh nibast
334.0
andar ān stardīh kamālīgāndēwān ǰud ǰud dawīd hēnd kū abar āxēz pid amāh čē ān kārēzār kunam ān ī =š ohrmazd amahrspandān tangīh anāgīh aziš
335.0
u =šān ǰud ǰud duškunišnīh ī xwēš gugānīg ōšmurd
336.0
az =iš nē rāmīhist ōy ī druwand ganāgmēnōy ud nē āxist az ān stardīh bīm ī mard ahlaw rāy tā ka ǰeh ī druwand mad pad bowandagīh sēhazār sāl dawīd kū abar āxēz pid ī abāg man andar ān ī kārēzār andčand bēš abar mard ī ahlaw ud gāw warzāg hilam kū kunišn man rāy zīwandīh nē abāyēd u =šān xwarrah bē apparam bēšēm āb bēšēm zamīg bēšēm ātaxš bēšēm ud urwar bēšēm harwisp dahišn ī ohrmazddād
337.0
u =š ān duškunišnīh ōwōn pad gugān ōšmurd kū ganāgmēnōy be rāmīhist az ān stardīh frāz ǰast sar ǰeh abar bōsīd ēn rēmanīh daštān xwānēnd pad ǰeh paydāg būd
338.0
dawīd ganāgmēnōy ō ǰeh kū =t čē kāmag hād xwāh tā =t daham
339.0
ēg ohrmazd pad xrad harwispāgāhīh dānist kū pad ān zamān čē ǰeh xwāhēd ganāgmēnōy ādūg dād
340.0
u =š pad ān meh sūdīh ān ganāgmēnōy kirb ī dīduddēs wazag az =iš mard ǰuwān ī pānzdahsālag homānāg ō ǰeh nimūd ān ī ǰeh menišn awi =š bast
341.0
u =š dawīd ǰeh ō ganāgmēnōy kū mardkāmagīh ō man dah kū =š pad sālārīh andar mān be nišīnam
342.0
u =š dawīd ganāgmēnōy kū tis xwāstan ō tō nē gōwam čē abēsūd ud wad dānē xwāst
343.0
be sazist ān zamān čē ka =š xwāst hād nē ādūg būd hē dādan
344.0
pas āxēzist ganāgmēnōy abāg hamist dēwān abzārān ō padīragīh rōšnān
345.0
u =š ān asmān dīd ī =šān mēnōyīhā nimūd ka nē astōmand dād estēd
346.0
areškkāmagīhā tag abar kird
347.0
asmān pad starpāyag , estād
348.0
frōd ō tuhīgīh āhixt ahy =m ī pad bun nibišt kū andarag buništ ī rōšnān tomīgān būd ōwōn kū X azabar starpāyag az andarōn asmān tā yak se be estād
349.0
u =š mār homānāg asmān azēr ī ēn zamīg bē ǰast frāz xwāst be škast
350.0
māh frawardīn rōz ī ohrmazd andar dwārist nēmrōz
351.0
u =š asmān ēdōn aziš be tarsīd čiyōn gōspand az gurg
352.0
pas ō āb mad ī =m guft kū azēr ī ēn zamīg winnārd estād
353.0
u =š pas mayānag ī zamīg suft andar āyēd
354.0
ō urwar mad
355.0
pas ō gāw gayōmart mad
356.0
pas ō ātaxš abar mad
357.0
magas homānāg pad harwisp dahišn be dwārist
358.0
u =š gēhān pad nēmrōz ōwōn ōsttom be kird čiyōn šab ī tērag homānāg asmān ēr ud azabar zamīg tom grift
359.0
u =š guft mēnōy asmān ō ganāgmēnōy kū bēdom zamān ā =m pānagīh abāyēd kirdan kū =t bērōn be nē hilam
360.0
u =š āb ǰudmizagīh abar burd
361.0
u =š guft mēnōy āb kū dāšn wahman , ordwahišt šahrewar kū ēdōn ō man rasēnīd kū nūn ka petyārag mad ān mazag kūgyāg estēd
362.0
u =š zamīg xrafstarān abar hišt
363.0
ōwōn astōmand aziš be hambūst hēnd xrafstar ī gazāg ī wišōmand čiyōn az ud mār ud gazdum karbāh ud kašawag ud wazag X kū sōzantēx az xrafstarān zamīg nē pargūd
364.0
u =š guft zamīg kū awēšān kēnīgān pad ēn dahišn ī =šān dād kēn man rasād
365.0
u =š urwar zahr ōwōn abar burd hamzamān bē hōšīd
366.0
u =š guft mēnōy urwar kū pad ān ī ōy tarsāgāh ohrmazd urwar waxšēnēd
367.0
u =š āz ud niyāz ud sēǰ dard yask waran būšāsp pad gāw ud gayōmart frāz hišt
368.0
pēš az madan ī ō gāw ohrmazd mang ī bēšāz kē ast ī , banǰ xwānēd ō gāw pad xwardan dād pēš čašm bē mālīd kū tā =š az zanišn bazak wizend dušrāmīh kam bawēd pad ham zamān nizār wēmār , būd ud pēm bē šud frāz widard
369.0
u =š guft gāw kū ān ī gōspandān dahišn awēšān kunišn kār pahlom framāyišn
370.0
pēš az madan ō gayōmart ohrmazd xwēy abar gayōmart frāz burd andčand dranā wezest =ēw bē gōwēd
371.0
čē =š brēhēnīd ohrmazd ān xwēy pad mardkirb ī pānzdah ī sāl ī rōšn ī buland
372.0
ka gayōmart az xwēy frāz būd dīd gēhān tārīk čiyōn šab zamīg čiyōn sōzantēx az dwārišn xrafstarān nē pargūd estēd spihr ō gardišn xwaršēd māh ō rawišn estād ud pattānōmand gēhān az γarrānišn ī māzīgān dēwān kōxšišn ī abāg axtarān
373.0
u =š menīd , ganāgmēnōy kū =m dāmān ī ohrmazd hamāg agārēnīd hēnd ǰud az , gayōmart
374.0
u =š astīwīwihād abāg ēwhazār dēw margīhkirdārān pad gayōmart frāz hišt u =šān zamān tā brīn rāy ōzadan čār rāy ayāft
375.0
čiyōn gōwēd kū pad bun ī dahišn ka ganāgmēnōy ō petyāragīh mad zamān ān ī gayōmart zīwand ī xwadāyīh ō sī sāl brēhēnīd guft čiyōn pas az madan petyārag sī sāl zīwist
376.0
u =š guft gayōmart kū nūn ka , ēbgat mad ud mardōm az tōhm ī man bawēnd tis =ēw ēn weh ka kār kirbag kunēd
377.0
pas ō ātaxš mad u =š ǰudtēragīh andar gumēxt ,
378.0
haftān abāxtarān abāg was dēw =ēw hamkārān ō spihr kōxšišn ī axtarān gumēxt hēnd
379.0
u =š harwisp dahišn ōwōn āhōgēnīd čiyōn ka az ātaxš hamāg gyāg dūd abar āxēzēd ō =z abargān gāh gumēxt hēnd kōxšīd
380.0
nawad rōzšabān mēnōyān yazadān abāg ganāgmēnōy hammis dēwān andar gētī hamkōxšišn būd hēnd tā =šān stōwēnīd ō dušox abganēd
381.0
drubuštīh asmān kirdan kū petyārag awi =š gumēxtan nē tuwān
382.0
dōšox andar mayānag ī zamīg ānōh kū ganāgmēnōy zamīg suft padiš andar dwārist
383.0
čiyōn hamāg xīr ī gētī pad dōīhwardišnīh hamēmāl ud kōxšišn ul , ud frōd ud gumēzišnīh paydāg bawēd
384.0
ēn =iz gōwēd kū ka gāw ēkdād frāz widard pad X dašn dast ōbast gayōmart pas ān ka be widard pad hōy dast
385.0
gōšurwan čiyōn ruwān ī gāw ī ēkdād az tan ī , gāw bērōn āmad pēš gāw be estād
386.0
čand ēkhazār mard ka pad ēk , bār wāng dārēnd ō ohrmazd garzīd kū =t sālārīh ī dām ī pad kē bē hišt ka zamīg wizandag andar sayēd ud urwar hušk āb bēšīd kū hēd ān mard kē =t guft kū daham tā pahrēz bē gōwēd
387.0
u =š guft ohrmazd kū wēmār hē gōšurwan az ān ī ganāgmēnōy wēmārīh ud kēn ī dēwān abar burd hē
388.0
agar ān mard andar ēn zamān frāz šāyēd dād ganāgmēnōy ēn stahmagīh nē būd hād
389.0
ud frāz raft gōšurwan pad starpāyag garzīd hamēwēnag
390.0
frāz tā māhpāyag garzīd hamēwēnag
391.0
tā xwaršēdpāyag hamēwēnag garzīd
392.0
u =šān pas frawahr ī zarduxšt be nimūd kū bē daham ō gētī kē pahrēz bē gōwēd ,
393.0
hunsand būd gōšurwan ud padīrift kū dām be parwārēm kū pad , gōspand abāz ō gētī dahišnīh hamdādestān būd
394.0
abar hamēstārīh dō mēnōyān kū čē ēwēnag X mad hēnd mēnōygāh pad hamēstārīh X kamālāgān dēwān ō mēnōyān yazadān čiyōn ahriman ō ohrmazd akōman ō wahman indar ō ordwahišt X sāwul ō šahrewar X nāhāh X kē tarōmad =iz xwānēnd ō spandarmad tawriǰ ō hordad ud zayriǰ ō amurdad xēšm ō srōš drō ud mihōxt ō rāstīh sraw ī ǰādugīh ō mānsr ī abēzag frāybūd ud abēbūd ō , paymānīh ast dēn weh dušhumat dušhūxt dušxwaršt ō humat hūxt huwaršt astīwihād kē wāy wattar xwānīhēd ō rām ī ast wāy ī weh waran ī arāh ō āsnīxrad aškunīh ī ast nigerīdārīh ō x mēnōy ī nigerīdārīh aǰgahānīh ō tuxšāgīh būšāsp ō xwēy kēn ō āštīh bēš ō rāmišn gand ō hubōyīh tārīkīh ō rōšnīh zahr ō anōšag taxlag ō šīrēnīh penīh ō rādīh wanīgarīh ō X wizīdārdāšnīh , zamestān ō hāmīn sard ō garm ī huškīh ō xwēdīh dušoxīgīh ō wahištīgīh druwandīh ō ardāyīh ahlomōγīh ō ahlawīh zarmānīh ō ǰuwānīh šab ō rōz anāmurzīdārīh ō aboxšišnīh ganāgīh ast zadārīh ō abzōnīgīh rēman ō pākīh ī nasruštīh , ō yōǰdahrgarīh ahunsandīh ō hunsandīh abārīg dēwīg waxš ō yazadīg waxš čiyōn dēwān druzān māzenīgān , ō yazadbayān amahrspandān andar =iz gētī tam ō asmān tišn ō āb hixr ud xrafstar wazag ō zamīg sōg ō urwar sūy ud tišn ō gōspandān ud marg ud sēǰ ō X wišēz dard ī ēwēnag ō mardōmān , abespārišn čiyōn X X X X wazišn ō ātaxšān ān ī ka mardōm gōspand sōzēnēd pad huškīh astōmandīhā šēr ud gurg sardagān yōzān ō sagān , gōspandān wazag ō māhīgān būg abāg abārīg xrafstar parrwar ō murwān ahlomōγān ī druwandān ō ahlawān mardān ǰeh ō zanān abārōn zīwōmandīh ō frārōn zīwōmandīh abaxšišnīh druz ō paywandrawišnīg axw ud abārīg gētīyīg druz ō gētīmān yazadān mad hēnd
395.0
andar =iz spihr mihr ī tamīg ō xwaršēd māh ī tamīg ō māh ī , gōspandtōhmag mad hēnd
396.0
u =šān ō rah xwēš bast hēnd pad hampaymānagīh abārīg ǰādūgān parīg abāg ragēn murnǰēnīdārān , abāxtarān axtarān haft ud abāxtarān spāhbedān axtarān čiyōn tīr ō tištar ohrmazd ī abāxtarīg ō haftōring wahrām abāxtarīg ō wanand anāhīd abāxtarīg ō sadwēs kēwān kē abāxtarīgān , spāhbedān spāhbed ō mēx mayān asmān gōčihr =iz ud mūšparīg ī dumbōmand ō xwaršēd ud māh ud stārīgān mad hēnd
397.0
xwaršēd mūšparīg ō rah ī xwēš bast ādūg ud hampaymānagīh kū tā wināh kird kam tuwānist ka harzag bawēd tā abāzgriftan was anāgīh baxšēd
398.0
andar =iz abrpāyag spinǰarūš ō ātaxš ī wāzišt apāwš dēw ō tištar hamkārān ō tā tištar mad
399.0
any hamčašmagān dēwān ō wād wārān kirdārān yazadān mad hēnd
400.0
u =šān gugān dagrang u =šān rawān kōxšišn ō wihēz ud drang pad axtarmārīh =iz paydāg
401.0
abar zayǰ ī gēhān kū čiyōn ǰast
402.0
pad dēn gōwēd kū māh frawardīn rōz ī ohrmazd ī nēmrōz ka rōz ud šab rāst būd petyārag andar dwārist
403.0
ǰānān būd karezang dahnō andar (uncertain) xwurdag azarag (uncertain) dīd
404.0
andar tištar stārag az abāxtarān ohrmazd andar būd
405.0
kisagān šēr brādarān ud hōšag , pedištān tarāzūg kēwān andar ǰast
406.0
frazandān gazdum waštagān nēmasp , dōgihr gōrdumb andar ǰast
407.0
wayōdagān wahīg wahrām andar ǰast
408.0
margān dōl kārdāgān , māhīg anāhīd tīr andar ǰast
409.0
mayānasmān warrag ud mihr andar pad xwurdag , farroxān gāw māh andar dōīhfrehudduš dōpahikar gōzihr sar andar ǰast būd
410.0
awēšān abāxtarān čiyōn pad ēn ēwēnag andar spihr dwārist , hēnd abāg axtarān ō kōxšišn estād hēnd mihr māh tamīg ō xwaršēd māh rōšnān šahryār ohrmazd ō haftōring abāxtar spāhbed anāhīd ō sadwēs ī nēmrōz spāhbed wahrām ō waran ī xwarōfrān spāhbed ud tīr ō tištar ī xwarāsān spāhbed kēwān ō mēx mayān asmān spāhbedān spāh būd
411.0
pad hamēn asmān ham hangōšīdag az abarān tīr xwarāsān spāhbed wahrām xwarōfrān spāhbed , anāhīd nēmrōz spāhbed ohrmazd abāxtar spāhbed kēwān spāhbedān spāhbed mihr māh tamīg šahryār ī tamīgān ǰast hēnd
412.0
gōzihr mayān asmān be ēstād mār mānāg sar pad dōpahikar ud dumb pad nēmasp čiyōn pad mayān ī sar ud dumb harw dēs šaš axtar būd
413.0
u =š dwārišn ō pas harw dah sāl ānōh kū sar dumb ānōh kū dumb sar abāz bawēd ,
414.0
mūšparīg dumbōmand parrwar ǰast xwaršēd ō rah ī xwēš bast kū tā =š wināh kirdan nē tuwān bawād
415.0
ka harzag bawēd tā abāz ō hamčašmānīh xwaršēd mihr ast bast was anāgīh pad gēhān kunēd
416.0
ud az awēšān abāxtarān mihr ī tamīg mūšparīg pad hampaymānagīh azēr xwaršēd andar gumēzišn ō rah ī xwaršēd ud māh tamīg ō rah māh bast ēstād
417.0
abārīg dudīgar ō ham rah ī xwaršēdtan pad dagrangīh ud kastagīh bast estēd
418.0
u =šān az ān paymānag dāštan nē tuwān čē kēwān ohrmazd wahrām harw ēk ēwsadhaštād sus ī az mihr ud X X X X X X tīr pad dōhazārhaštsadpanǰāh lipī X anāhīd pad dōhazārhaštsadsīēk lipī az mihr bast estēd
419.0
ēn abāxtarān andar spihr pad dwāzdah kadag ī axtarān ī harw ēk kadag ī petyārag dwārist , ud nišēb marz e sōg ud dahīg ud šādīh ud bēš ud abārīg was ēwēnag gyāggāh xwēš paydāgēnīd estēd
420.0
hamāg rāyēnišn ī āwām čiyōn band , ō axtarān čiyōn čašmdīd ud paydāg wišōband ud ulfrōdēnd ud kast , abzōn kunēnd
422.0
u =šān rawišn =iz nē čiyōn axtarān čē ast ka tēz ast ī dagrand ud ast ka abāzrawišn ast ka ēstādag hēnd
423.0
u =šān , abāxtarānnāmīh ēd kū nē axtar hēnd
424.0
u =šān ēn rōšnīh aziš paydāg ham rōšnīh ī ohrmazdīg handāzag wattarān kē paymōzan ī spāh paymōz hē čiyōn rōšnīh andar čašm ī xrafstarān
425.0
u =š sūdōmandīh az =iš ēk ēn kū paymōxtan ī ān rōšnīh rāy wināh kirdan kam tuwān ud ēk ēn kū mardōm wēnēnd az =iš nē tarsēnd
426.0
handāzag ēn axtar , homānāg widerēd čē awēšān dēw hēnd zarmānīh ud anāgīh kirdār
427.0
ka andar spihr tazand ān rōšnīh spihr ǰumbīhēd ud paydāg bawēd
428.0
pad dēn gōwēd kū ka kas ān druz be dīd hād gōyān ī čašm bē šud hād
429.0
kōf ī harborz pērāmōn gēhān kōf ī tērag mayān gēhān
430.0
xwaršēd gardišn čiyōn abesar pērāmōn ī gēhān abēzagīh azabar kōf ī harborz pērāmōn ī tērag abāz wardēd
431.0
čiyōn gōwēd kū tērag , harborz kē ān ī man xwaršēd ud māh ud stārag az pas abāz wardēd
432.0
čē , ēwsadhaštād rōzan ast pad xwarāsān ēwsadhaštād pad xwarwarān pad harborz
433.0
xwaršēd harw rōz pad rōzan =ēw andar āyēd pad rōzan =ē bē šawēd
434.0
māh ud axtarān =iz , abāxtarān hamāg band ud rawišn ō ōy
435.0
az harw rōz se kišwar nēm hamē tābēd
436.0
čiyōn čašmdīd paydāg kū harw sāl =ē dō ǰār rōz ud šab rāst
437.0
čē pad bunardīg ka az nazdist xwurdag ī warrag frāz raft rōz šab rāst būd hangām wahār
438.0
ud pas ka ō nazdist xwurdag ī karzang rasēd rōzān mahist be hāmīn
439.0
ka ō xwurdag ī tarāzūg rasēd rōz šab rāst bun ī pādēz
440.0
ka ō xwurdag ī wahīg rasēd , šabān mahist bun ī zamestān
441.0
nōgtar ka ō warrag rasēd šab rōz rāst abāz bawēd čiyōn ka az warrag frāz wardēd tā abāz ō warrag rasēd pad sēsadšast rōz ud ān panǰ rōz ī gāhānīg pad ham rōz be āyēd bē šawēd
442.0
rōz =ē nē guft estēd čē agar bē guft hād dēwān rāz bē dānist , hād ud wizend handāxt hād
443.0
az ānōh kū xwaršēd pad rōz ī mahist abar āyēd tā pad rōz ī keh abar āyēd xwarāsān kišwar arzah
444.0
az ānōh kū pad rōz keh abar āmad , tā pad rōz ī keh bē šawēd kust nēmrōz kišwar ī fradadafš ud wīdadafš
445.0
az ānōh kū pad rōz ī keh andar , šawēd tā pad rōz ī meh andar šawēd xwarōfrān kišwar ī X sawah
446.0
ud az ānōh kū pad rōz ī mahist abar āmad tā pad rōz ī mahist andar šawēd kust ī abāxtar kišwar ī āwarišn wōrūǰaršt
447.0
ka xwaršēd abar āmad abar kišwar ī X arzah ud fradadafš ud wīdadafš nēm =ēw az xwaniras tābēd
448.0
ka pad ān kustag ī tērag andar , šawēd kišwar X sawah āwarišn wōrūǰaršt nēm =ēw az xwaniras tābēd
449.0
ka ēdar rōz ī ānōh šab čē kōf ī tērag rāy šab paydāgīhēd
450.0
pad bun ka ēbgat andar dwārist ōwōn ǰast kū mihr ī ud māh ī tamīg paymānagīh abāg rah , xwaršēd māh rāy wināhgārīh kirdan nē tuwānist
451.0
ud haftōring ud sadwēs az ohrmazd ud anāhīd frāynērōgtar ǰast hēnd u =šān ohrmazd ud anāhīd az wināh kirdan pādīrānīd
452.0
ham čim rāy axtarāmārān awēšān , rāy pad kirbaggar xwānēnd
453.0
wahrām az wanand ud kēwān az mēx ī gāh frāynērōgtar ǰast hēnd u =šān wināhgārīh paydāg
454.0
ēd rāy axtarāmārān , awēšān pad bazaggar ōšmārēnd
455.0
ud tīr ī ast apāwš dēw ō tištar mad
456.0
harw dō hāwandzōr ud hāwandnērōg ǰast hēnd
457.0
ēd rāy axtarāmārān gōwēnd kū tīr abāg kirbaggarān kirbaggar abāg bazaggarān bazaggar ,
458.0
ast kē ēdōn gōwēnd kū apāwš nē tīr
459.0
ham čim rāy gōwēnd kū ohrmazd stārag ī zīwandagīh ud kēwān stārag ī margīh
460.0
čē ohrmazd apādyāwandagīh andar hamēstārīh rāy ān baxšēd ī hamēstār kāmag
461.0
zīwandagīh ud wuzurgīh ud xwāstag dahēd
462.0
kēwān čērīh ī az hamēstār rāy ān kunēd ō ēn petyār , margīh wadagīh ud driyōšīhpazām petyārag
463.0
gōwēd kū anāhīd ābčihrag čē =š hamēstār sadwēs ābčihrag
464.0
ud tīr wādīg gōwēnd čē =š hamēstār tištar ud wād wārānkirdārān
465.0
did ēn kū tā madan petyārag ēd hazār sāl zamān widard estād sēhazār sāl mēnōyīh sēhazār sāl gētīyīh andar abēzagīh
466.0
ud ān šašhazār sāl az warrag tā hōšag ud harw axtar =ēw ēwhazār sāl xwadāyīh kird
467.0
čiyōn hazārag ī xwadāyīh ō tarāzūg mad ast šēbān nišēb ī mihr ī petyārag , az azēr andar dwārist
468.0
kēwān pad tarāzūg ǰast
469.0
pad bālist ī xwēš , būdan ī tarāzūg rāy kēwān hazārag xwadāyīh padīrift
470.0
čiyōn tarāzūg ul warrag kēwān xwadāy ī tārīkīh mihr xwadāy ī rōšnīh ō tārīkīh petyārag ōwōn =iz tarāzūg bālist kēwān nišēb ī mihr warrag bālist ī mihr ud nišēb ī kēwān , ǰast
471.0
drāzīh ǰuγ ī kēwān ān =iz ī tarāzūg rāy andar ān hazārag mardōm bulandtar , mahisttar būd hēnd
472.0
xwaršēd =iz xwadāy ī rōšnīh ud azabar ī hamāg axtarān ud kēwān xwadāy ī tārīkīh azabar ī hamāg abāxtarān ēstēd
473.0
pas az ānōh kū xwaršēd frāz raft tā abāz ō ān gyāg mad pad sāl =ēw , hangārēd sēsadšastudpanǰ rōz panǰ zamān ud xwurdag kē harw rōz =ēw wīstčahār zamān ud nēm =ēw tārīk ud nēm =ēw rōšn ast šab ud rōz
474.0
panǰ hangām šabānrōz paydāgīhist
475.0
čiyōn kōxšišn harw dahišn abāg xwēš hamēmāl ōwōn =iz rōz abāg šab čē šaš māh az šab abzāyēd ō rōz padīrag šaš māh abzāyēd az rōz ō šab
476.0
ud abārīg axtarāmārīh paydāg bē gōwizārīhātar ān kē wehdēn , mazdēsnān paydāg
477.0
ēn dahišnag pad asmān kē rāh ī kayusān xwānēnd brāh gōzihr mār čiyōn andar spihr
478.0
ud azabar gugān kird ,
479.0
abar ardīgkunišnīh dahišnān gētī padīrag ganāgmēnōy
480.0
gōwēd pad dēn kū ganāgmēnōy čiyōn andar dwārist ud čimīgdahišnīh dām abarwēzīh , yazadān ud nizōrīh ī xwēš dīd abāz X dwārist kāmist
481.0
mēnōy ī asmān čiyōn ān ī arwand artēštār kē zrēh ī ayōxšustēn dārēd ī xwad ast asmān padīrag ī ganāgmēnōy bē winnārd padist barēd , tā ka ohrmazd drubuštīh saxttar az asmān pērāmōn ī asmān be kird
482.0
u =š frawahr ī artēštārān ī ahlawān gurd asēǰnēzagdast , pērāmōn ī ān drubuštīh ōwōn be gumārd čiyōn homānāgīh mōy abar sar
483.0
hangōšīdag awēšān kē drubuštīh pās pāyēnd ud ān drubuštīh awēšān ahlawān pad =iš estēnd ag ahlawān āgāhīh xwānēnd
484.0
u =š nē ayāft ganāgmēnōy widarg abāzdwārišnīh
485.0
u =š abesīhēnišnīh ī dēwān agārīh xwēš ōwōn rōšn be dīd čiyōn ohrmazd frazām pērōzīh xwēš ud frašegirdkirdārīh dām tā hamēhamērawišnīh
486.0
ēn nazdist ardīg mēnōy ī asmān abāg ganāgmēnōy kird
487.0
dudīgar ardīg āb kird
488.0
az ān čiyōn tištar stārag pad karzang ī ābīg pad xwurdag ī azarag xwānēnd ǰānān būd andar ham rōz ka ēbgat andar , dwārist abāz ō ēbārag pad kust ī xwarōfrān abr ō paydāgīh āmad
489.0
ānōh harw māhīgān =ēw ī xwēšīh axtar =ēw
490.0
māh tīr čahārom māhīgān az sāl ,
491.0
karzang čahārom axtar ī az warrag
492.0
čiyōn xwēšīh karzang kē =š tištar andar ǰast daxšag ī wārānkirdārīh nimūd
493.0
u =š āb ī ul ō abr rawēnīd pad nērō ī wād
494.0
hamkārān abāg tištar ēstād , hēnd wahman hōmyazad pad parwānagīh burzyazad ud pad hamkārīh ardāfraward
495.0
pad paymānwinārišnīh tištar pad se kirb bēwašt mardkirb aspkirb gāwkirb
496.0
sī rōzšabān andar rōšnīh wazīd
497.0
pad harw kirb =ēw dah šab ud rōz wārān kird
498.0
čiyōn axtarāmārān =iz gōwēnd kū harw axtar =ēw se kirb dārēd
499.0
ān wārān harw srešk =ēw čand tašt ēw ī wuzurg ī ābānagān āb abar ud wašt ud hamāg zamīg mardbālāy āb be estād
500.0
ān xrafstarān ī zamīg hamāg pad ān wārān be ōzad
501.0
bērōn huzārag ī parrwar kē pad sūrāx dādestān ī zamīg andar šud hēnd
502.0
pas mēnōy wād čiyōn ast =iz nē gumēxt estād čiyōn gyān andar tan ǰumbēd wād , andarwāyīg frāz ǰumbīhist
503.0
u =š gyān ān āb hamāg bē mušt bē ō kanārag ī zamīg āwurd zrēh frāxkard az =iš būd
504.0
ān xrafstar ī , murdag pad zamīg andar mānd
505.0
u =š wiš ud gandagīh pad zamīg abar gumēxt
506.0
ān wiš az zamīg bē burdan rāy tištar pad aspkirb ī spēd ī drāzdumb , andar zrēh frōd šud
507.0
u =š apāwš dēw pad homānāgīh anasp syā ī kūkdumb padīrag bē tazēd
508.0
u =š ē frasang tištar pad stōwīh bē rāyēnīd
509.0
tištar ōz az ohrmazd xwāst ohrmazd ōzmandīh abar burd
510.0
čiyōn , gōwēd kū tištar pad ham zamān dah asp ī ǰuwān ud dah uštar ī ǰuwān , dah gāw ī ǰuwān ud dah kōf dah rōd ōz abar mad
511.0
u =š ēw frasang apāwš dēw pad stōwīh bē tazēnīd hē
512.0
X rāy pad ān čim tīr abāg tištar hāwendnērōg gōwēnd
513.0
pas pad abrnihumb paymānīg abzār =ēw ī ān kār ēdōn gōwēnd āb abar stanēd
514.0
ud čand škefttar wārēnēd pad srešk ī gāw sar saxt zahā ud must zahā meh =iz ud keh =iz
515.0
andar ān wārānkirdārīh aspanǰarūš ud apāwš kōxšīd hēnd
516.0
ātaxš ī wāzišt gad abar wašt ud āb tābēnīd andar abrān
517.0
aspanǰarūš az ān gadzanišnīh ī karrēnīd wāng kird čiyōn nūn =iz ham ān ardīg pad wārānkirdārīh garrānā ud rōzāg paydāg
518.0
u =š dah šab ud rōz pad ān ēwēnag wārān kird
519.0
ān wiš xrafstarān ī andar zamīg būd hamāg andar ān bē āb bē gumēxt ān āb mahīdar sōr be kird
520.0
čē andar , zamīg be mānd az ān tōhmag xrafstar hamē hambūsēnēnd
521.0
pas wād ān āb pad hamēwēnag tā bandagīh se rōz pad kust kust zamīg abāz nišāst
522.0
se zrēh ī ī meh ud sī zrēh keh az =iš būd
523.0
dō čašmag ī zrēh az =iš ō paydāgīh mad , ēk čēčest ēk sūwar kē =šān bunxān ō čašmag ī zrēh paywast estēd
524.0
u =š az kust ī abāxtar dō rōd bē tazēnīd
525.0
ēk ō xwarāsān ēk ō xwarōrān šud hēnd ī ast ī arwand rōd weh rōd
526.0
čiyōn gōwēd kū pad ān ī angust zahā ī ohrmazd dō ābtazan bē frāz kišt
527.0
ud ān harwdō rōd pad harwdō sar ī zamīg be gardēnd ud pad zrēh Frāxkard abāz ō ham , gumēzēnd
528.0
ud ka ān dō rōd bē tazīd būd pas az ham bunxān ī awēšān haštdah rōd ēwtāg bē tazīd
529.0
pas abārīg ābīhā az ān ud ēwtāgān frāz tazīd hēnd
530.0
awēšān =iz hamāg abāz ō arwand ud weh rēzēnd kē =šān , xwābargarīh gēhān frāyzāyišnīh ī dāmān aziš būd
531.0
ēn fradom ardīg āb abāg ganāgmēnōy X kird
532.0
sidīgar ardīg zamīn kird
533.0
čiyōn , ganāg andar dwārist zamīg be zandīd ān gōhr ī kōf ī andar zamīg dād estād pad wizenišn ud zamīg ham zamān kōf ō rawišn estād nazdist harborz ī baγbaxt pas abārīg kōfān mayān ī zamīg
534.0
čē čiyōn harborz frāz waxšīd harwisp , kōf ō rawišn estād hēnd čē hamāg az rēšag ī harborz frāz waxšīd hēnd
535.0
pad ān zamān az zamīg abar āmad hēnd draxtān homānāg kē , tāg ōy rēšag ō azēr tāzēnīd u =šān rēšag ēk andar did ōwōn be widārd hambandišnīh be winnārd hēnd
536.0
ud pas az ān zamīg pad škeftīh čandēnīdan nē šāyēd
537.0
čiyōn gōwēd pad dēn kū kōf meh band zamīgān
538.0
widarg ī xān ābān andar kōf ī rēšag ī kōfān azēr azabar bē hišt kū =š padiš andar tazēnd ōwōn čiyōn rēšag ī draxtān andar zamīg widerēd hangōšīdag xōn ī andar ragān kē zōr hamāg tan dahēd
539.0
pad āmār ǰud az harborz pad haštdah sāl pad haštdah sālān hamāg kōf az zamīg abar āmad hēnd kē frayādišn ud sūd ī mardōmān az =iš
540.0
čiyōn gōwēd kū frāz dād estēnd pad sūr ō āsrōnān artēštārān wāstaryōšān
541.0
ēn fradom ardīg zamīg abāg ganāgmēnōy kird
542.0
čahārom ardīg urwar kird
543.0
ān ka hušk bē dād amurdad amahrspand čiyōn =iš urwar ī xwēš ān urwar xwurd kōst abāg āb tištar stad be gumēxt
544.0
ud tištar ān āb pad hamāg zamīg bē wārēnīd
545.0
pad hamāg urwar ēdōn bē rust čiyōn mōy pad sar mardōmān
546.0
ud u =š bēwar aziš ēk sardag ī mādagwar frāz rust hēnd pad abāzdārišnīh bēwar wēmārīh ī ganāgmēnōy ō dāmān kirrēnīd
547.0
az ān bēwar ēsadudsīh ī X sardag andar sardag urwar frāz waxšīd hēnd
548.0
az ān hamāg tōhm ī urwarān wan ī wastōhmag frāz dād
549.0
andar zrēh ī frāxkard abar rust kē hamāg , sardag ī urwar ud tōhmag pad ān wan az =iš hamē waxšēnd
550.0
nazdīk ō ān wan gōkirn draxt bē dād pad abāzdārišnīh ī zarmān ī dušpad
551.0
u =š purrfrahixtišn , ī gēhān aziš būd
552.0
ēn fradom ardīg urwar abāg ganāgmēnōy kird
553.0
panǰom ardīg gāw ī ēkdād kird
554.0
čiyōn frāz widard urwarčihrīh rāy az hannāmān ī gāw panǰāhpanǰ sardag ǰōrdāg ud dwāzdah sardag urwar bēšaz az zamīg waxšīd hēnd
555.0
u =šān rōšnīh zōhr ī andar tohm ī gāw būd ō māh abespārd
556.0
ān tōhm pad rōšnīh ī māh be pālūd pad hamāg gōnag gāh be wirāst ǰān andar kird kē az ānōh ǰuxt ēw gāw ēk nar ēk mādag pas az harw sardag ēw dō čiyōn dōsadudhaštāddō sardag pad zamīg dō frasang homānāg kē pad dēn šāzdah hāsr gōwēd frāz paydāg būd hēnd
557.0
gōspandān māništ pad zamīg murwān ō andarwāy ud māhīg ō āb šnāzīd hēnd kē pad , frāyparwālišnīh ī dām aziš būd
558.0
ēn fradom ardīg ī gāw abāg ganāgmēnōy kird
559.0
šašom ardīg gayōmart kird ud az ān čiyōn pad spihr ī gayōmart paydāg būd kū andar ēbgatīh pad kōxšišn ī axtarān abāxtarān sī sāl zīwist
560.0
čiyōn guft zamān pēš az ēbgat kū gayōmart ī tagīg ō sī zamestān zīwandagīh ud xwadāyīh brēhēnīd
561.0
pad madan ī ēbgat ohrmazd stārag pad karzang ī ābīg ǰān ǰast pad bālist ī xwēš
562.0
X pādyāwandīh ī =š andar hamēmāl rāy ō gayōmart zīndagīh ī ǰān brēhēnīd
563.0
ud kēwān stārag ī pad tarāzūg gyāg ī =z pas az kū mēx ī azēr zamīg pad bālist ī xwēš ǰast , abarwēzīh ī ī =š abar hamēstār rāy margīh brēhēnīd
564.0
būdan ī ohrmazd pad bālist ī xwēš pad mēx ī ǰānān abarwēzīh abar kēwān rāy ān margīh az gayōmart bē spōxt tā sī sāl
565.0
ka did kēwān abāz ō tarāzūg mad kū =š bālist xwēš ud pad ān hangām ohrmazd pad wahīg ǰast kū =š nišēb ī xwēš abarwēzīh kēwān abar ohrmazd rāy gayōmart margīh abar mad pad hōy dast ōbast
566.0
andar bēwiderišnīh =ēw tōhm andar ō zamīg šud čiyōn nūn =iz andar widerišnīh =ēw hamāg mardōm tōhm bē rēzand
567.0
az ān čiyōn tan ī gayōmart az ayōxšust kird estād az tan ī gayōmart haft ēwēnag ayōxšust ō paydāgīh mad
568.0
ud ān tōhm andar ō zamīg X šud pad čehel sāl māšē ī , māšānī abar rust hēnd kē =šān purrrawišnīh ī gēhān abesīhēnišn ī dēwān agārīh ī ganāgmēnōy aziš būd
569.0
ēn fradom ardīg gayōmart , abāg ganāgmēnōy kird
570.0
haftom ardīg ātaxš kird
571.0
ān padīrag ī aspanǰarūš bē estād ātaxš ī wāzišt =iz pad wārānkirdārīh ī ādur ī farnbay ud gušnasp burzēnmihr pad gēhānpānagīh ī dāmpādārīh ud abārīg ātaxš čiyōn andar urwar , mardōmān gōspandān pad ǰāndāštārīh waxšēnīdārīh
572.0
u =š winnārdārīh ī gēhān dām aziš būd
573.0
ēn =iz fradom ardīg ātaxš abāg ganāgmēnōy kird
574.0
haštom ardīg axtarān kird padīrag druzān abāxtarān
575.0
harw kas abāg xwēš hamēmāl pad kōxšišn estād padīrag ī hambadīg winnārd hēnd tā frašegird čiyōn =im zayǰag gēhān nibišt
576.0
ēn fradom ardīg axtarān kird abāg ganāgmēnōy X
577.0
nohom ardīg mēnōyān yazadān abāg ganāgmēnōy kird ka =šān zad stōwēnīd ō dōšox abgand
578.0
čiyōn gōwēd X nawad rōz šab axwēb ud ačandišn būd hēnd mēnōyān yazadān pad ān ardīgkirdārīh ;
579.0
dahom starān ī agumēzišn kird , ka =šān tārīk ud X bazzagīh ō abargar gumēxt nē hišt
580.0
čiyōn gōwēd kū xwarrah ī wehdēn ī māzdēsnān pad ēbyāhān homānāg ī ast kustīg homānāg ī starpēsīd ī mēnōyān tāšīd se tāg pad se grih pērāmōn asmān pad ān pāyag be dāšt
581.0
awēšān starān abāg pad , kōxšišn estād hēnd tā fradom čiyōn nibišt
582.0
ānōh mādayān razm barēnd
583.0
abēzagīh andar gumēzagīh xwānīhēd
584.0
abar ēwēnag awēšān dahišnān
585.0
gōwēd pad dēn kū ka ganāgmēnōy andar dwārist nē pad sāl ud māh ud rōz čē tēz pad zamān be mad
586.0
nazdist ō seīēk ī ēn zamīg dudīgar ō panǰēk ī ēn zamīg sidīgar ō ēn zamīg hamāg be mad pas ō urwar
587.0
ast ī ohrmazd ān ī awēšān kirb abar grift abar awēšān stār stārpāyag burd frāz ō stāragān , dād
588.0
YḆLWNt ast rōšnīh awēšān stāragān kē nūn abāz ō gētī tābēnd
589.0
čiyōn gōwēd kū axtarān ī ābčihrag zamīgčihrag urwarčihrag hēnd
590.0
awēšān ābčihragān tištar ud trišag ud abarag padispar ud pēšparwēz ud panǰ stārag kē parwēz xwānēnd awēšān ābsardagān
591.0
ān ī zamīgčihr haftōring ud meh ī mayān asmān awēšān zamīgsardagān
592.0
ud ān ī urwarčihrag abārīg ī ǰud az awēšān
593.0
pas ganāgmēnōy ō gāw mad
594.0
gāw ō nēmrōz ālag pad dašn dast ōbast
595.0
nazdist ān ī dašn pāy ō ham burd
596.0
ohrmazd ān ī gāw kirb ēwēnag gāw abar grift , ō māh abespārd čiyōn ast ēn rōšngar ī māh abāz ō gēhān tābēd ,
597.0
598.0
čiyōn gōwēd kū māh ī gōspandtōhmag kū ēwēnag X gāwān gōspandān pad māhpāyag estēd
599.0
pas ka ō gayōmart mad gayōmart ō nēmrōz rōn hōy ālag ōbast
600.0
nazdist =iz ān ī hōy pāy ō ham burd
601.0
ohrmazd ān ī ōy kirb abar grift ō xwaršēdpāyag abespārd čiyōn ast ēn rōšnīh xwaršēd kē ō gēhān padiš tābēd
602.0
čē gāw ōwōn būd čiyōn māh gayōmart ōwōn būd čiyōn xwaršēd
603.0
ohrmazd pad gētī frāz brēhēnīd ka ēbgat mad
604.0
ud ul ō azabar burd kū tā abāz ō xwēš buništ tābēnd ud dēwān =iz ān xwarrah ō xwēšīh nē rasēd kū padiš pādixšāy bawēnd
605.0
agar nē ēdōn kird hād ān rōšnīh ō gētī nē tēzist hād handāzag ī ātaxš ka brā az asar rōšnīh awi =š paywast estēd ka abrōzēnd rōšn ō azabar dād ō xwēš buništ ī ī =š aziš āmad
606.0
ēn =iz gōwēd kū ka ō gayōmart margīh abar mad nazdist pad ān dašn pāy pad ān ī keh angust ganāgmēnōy frāz dwārist pas ō dil gursagīh padiš frāz hišt
607.0
ohrmazd ud ganāgmēnōy ānōh bē ēstād tā =š gōšt ud rōγn ō gayōmart xwārēnīd kū tā =š dēwān pad axwarišnīh nē kirrēnēnd pad ān čim ǰān andar tan ī gayōmart pad war saxttar be būd
608.0
pas abar suft mad
609.0
pas abar ō bālist sar dwārist
610.0
ud az tan ī gayōmart rōšnīh ōwōn bē šud čiyōn āhen ī garm ī suxr ka =š putak abar zanēnd ud syā be bawēd
611.0
nūn =iz mardōm andar gētī pad hangōšīdag mīrēnd kē nazdist pāy ud pas abārīg hannām ud tā ō kas hōšēd ud pas ǰān andar war saxttar be bawēd xwarišn xwarēd was ka mardōm pad =iš niyāzān bawēnd kū ān tan weh bawēd
612.0
pas zūd mīrēd ka murd gōn be wardēd
613.0
abar čiyōnīh zamīgān
614.0
gōwēd pad dēn kū ast zamīg sīse sardag
615.0
čiyōn ān ī =m pēš pad dar ī zamīg nibišt ka tištar ān wārān kird kē =š zrēyīhā aziš būd hēnd zamīg hamāg gyāg nam be kird
616.0
pad haft pārag bē wisist azērdārišn azabardārišn be bawēd X nišēb
617.0
pārag =ē čand nēm =ēw mayān ud haft pārag pērāmōn
618.0
ān šaš pārag čand xwaniras
619.0
u =š kišwar nām nihād kū kiš be būd
620.0
čiyōn pārag =ē pad kust ī xwarāsān X arzah kišwar pārag =ē pad kust ī xwarōrān X sawah kišwar ud dō pārag =ē pad kust ī nēmrōz fradadafš wīdadafš kišwar ud dō pārag pad kust ī abāxtar wōrūbarišn wōrūǰarišn kišwar xwānēnd
621.0
ud ān ī X X mayān ī awēšān andčand kū awēšān xwaniras xwānēnd
622.0
az kišwar ō kišwar ǰud pad parwānagīh yazadān warzāwandīh tā šudan nē šāyēd
623.0
čiyōn , gōwēd kū mayān ī sewah ud arzah ud xwaniras zrēh dārēd čē bahr =ēw az zrēh ī frāxkard pērāmōn bē dašt
624.0
az mayān ī fradadafš wēšag dārēd
625.0
mayān ī wōrūbarišn wōrūǰarišn kōf ī buland bē rōyēd kū tā az kišwar paywand bē bawād kū tā ēk ō did šudan nē šāyēd
626.0
az ēn šaš kišwar hamāg nēkīh andar xwaniras wēš dād
627.0
ganāgmēnōy ō =z xwaniras wēš kōxšīd ud anāg ō xwaniras wēš kirrēnīd
628.0
zadārīh rāy ī =š aziš wēnēd čē kayān ud wīrān andar xwaniras dahīhēd
629.0
dēn =iz weh ī māzdēsnān pad xwaniras dahīhēd
630.0
pas , ō abārīg kišwar burdan
631.0
sōšāns čiyōn xwaniras zāyēnd kē ganāgmēnōy , abesihēnand ristāxēz ud tan ī pasēn kunēnd
632.0
čiyōn gōwēd kū pargast mardōm andar xwaniras ōzmandtar
633.0
andar kišwar ī xwaniras ēn druz wattom
634.0
ud az ēn awēšān =iz kišwar abdom druz bē burd
635.0
abar čiyōnīh kōfān
636.0
gōwēd pad dēn kū nazdist kōf frāz rust harborz ī baγbōxt ud az ān pas hamāg kōf frāz rust hēnd pad haštdah sāl
637.0
harborz tā bowandagīh haštsad sāl hamē rust dwēsad sāl ō starpāyag ud dwēsad tā ō māhpāyag sesad tā ō xwaršēdpāyag ud dwēsad tā ō bālist asmān
638.0
čiyōn abārīg kōfīhā az harborz frāz rust estēnd pad marag dōhazārdwēsadčehelčahār kōf ī ast hugar ī buland tērag ī harborz čagād ī dāytī arzur garīwag usindām nām kōf kōf abursān kē ast abursān gōwēd kōf ī zərəδaz kē ast kōf manuš kōf ī ēriǰ kōf ī kaf kē ast ī kōf ī ušdāštār kōf ī arwadarbūm kōf ī , rōyišnōmand kōf padišxwār kōf kē mahist xwarrah ud xwārīh kōf =iz xwānēnd kōf ī rēwand kōf ī dārġspəṇti baγgar kōf ud kōf ī wasškuft kōf ī gyāhōmand kōf ī wafrōmand kōf ī spandyād ud kudrawasp kōf asewand kōf ud kandagrāh kōf čahārdah kōf ī andar kangdiz kē āhen yazadānmand awēšān wehxwarrah xwurdag kōf
639.0
u =šān gugān gōwam
640.0
harborz pērāmōn ī ēn zamīg ō asmān paywast estēd
641.0
tērag ī harborz ān kē =š star māh ud xwaršēd padiš andar wardēnd , padiš abāz āyēnd
642.0
hugar ī buland ān kē =š āb ardwīsūr aziš frōdīhēd ēwhazār mard bālā
643.0
usindām kōf ān az xwenāhen az gōhr ī asmān ud mayān ī zrēh ī frāxkard kē =š āb az hugar ī pad =iš frōd rēzēd
644.0
čagād ī dāitī ān ī mayān gēhān ēwsad mard bālāy kē =š činwad puhl padiš estēd ,
645.0
ruwān pad ān gyāg āmārēnd
646.0
arzūr grīwag čagād =ēw pad dar ī dōšox kē =š hāmwār hamdwārišnīh ī dēwān pad =iš kū hamāg dranǰišn ānōh kunēnd
647.0
čiyōn gōwēd kū zamīg kadār gyāg mustōmandtar guft hād arzūr grīwag pad dar dōšox kē =š hamdwārišnīh ī dēwān padiš bawēd
648.0
ēn =iz gōwēd kū ǰud az harborz , abursēn kōf meh ast kū abursēn gōwēd kōf ī hamāg pārs u =š bun ,
649.0
u =š bun pad sīstān u =š sar pad hūzestān pad =iz xwarāsān tēx ast
650.0
dudīgar kōf ī manuš meh ān kōf kē =š manuščihr padiš zād
651.0
abārīg kōfān mārīg kē frahist az awēšān frāz rust hēnd
652.0
čiyōn gōwēd kū frōdābīg ud ābsārīg deh pērāmōn awēšān se kōf wēš ǰast estēd
653.0
kōf ī ēriǰ pad māy ud hamadānōmand xwārizm az kōf ī abursēn rust estēd
654.0
kōf ī manuš pad xwarāsān pad wimand turkestān ō =iz abursēn paywast estēd
655.0
kōf ī kaf X az ham kōf ī abursēn rust estēd
656.0
kōf ī ušdāštār pad sagestān
657.0
arzūr kōf ān ī pad kust ī hrōm
658.0
padišwārgar kōf ān pad tebarestān gēlān
659.0
ud ān kustag rēwand kōf pad xwarāsān kē =š ādur ī burzēnmihr padiš nišīnēd u =š rēwandīh ay kū rāyōmand
660.0
wādgāh kōf ān pad wādišān wimandān
661.0
ān kustag purrdār ud purrdraxt
662.0
baγgar kōf ān ī frāsyāb tūr pad drubuštīh dāšt
663.0
u =š ān mān andarōn kird
664.0
u =š imrōz šahr rāmpērōz bēwar , šahrestān abar abgand estēd
665.0
kōf ī wasškuft ān ī pārs az ham kōf ī abursēn
666.0
kōf ī gyāhōmand kōf ī wafrōmand ān ī =šān kāwul ud ān X kustagīhā aziš rust estēd tā ō kust ī čīn
667.0
spandyād kōf pad war ī rēwand kōf
668.0
kudrawasp kōf pad tūs šahr kē =š war ī sūwar pad sar
669.0
kōykarās kōf pad ērānwēz
670.0
usewand kōf pāyēd pādagān
671.0
rōyišnōmand kōf ān kē urwar pad =iš rust
672.0
būm kōf ān ī hamāg gyāg pad būm būm ud šahr šahr u =š warz ābādānīh padiš kunēnd
673.0
was nām W was marag az ham ēn kōfīhā ī ōšmurd rust estēd čiyōn ān ī =š nām pad ayādgārīhā ud šahrīhā paydāg
674.0
kōf ī wanāft kōf ī aspranǰ kōf ī pahrgar kōf ī dambāwand kōf ī rāzag ī kōf ī zarrēn kōf ī gēsbaxt kōf ī dahnād kōf ī mēzan kōf ī marag kē hamāg az abursān manuš ud abārīg kōfīhā ī ōsmurd rust estēd
675.0
čē dahnād kōf ō hūzestān paywast estēd ham az abursēn kōf
676.0
dambāwand kōf ān ī =š bēwarasp padiš bast estēd
677.0
az ham padišxwar kōf X =iz ī kōmīš gurgān paywast estād čiyōn kōf ī kōmīš ud kōf ī madōfrayād xwānēnd ān kē =š wištāsp arzāsp padiš stōwēnīd
678.0
kōf =ēw mayān dašt az ān kōf ānōh wisist estēd
679.0
gōwēd pad kārēzār ī dēn ka stōwīh pad ērānagān būd az ān kōfīhā bēwisist mayān dašt frōd ōbast
680.0
ērānagān padiš bōxt hēnd u =šān madōfrayād xwand
681.0
wanād kōf pad ham pušt wištāspān ānōh ō rēwand kū mān ādur burzēnmihr , nō frasang ō xwarōrān rōn
682.0
rāzag bašn pad zarābād
683.0
gyāg ast kē zarābād ast kē rāzag bašn ast kē karā xwānēd
684.0
az dō kust kōf ī ud rāh mayān diz ī frōd
685.0
ēd rāy diz kū ānōh kird estēd ast karā diz xwand
686.0
ēn gyāg andar , sirāb būm
687.0
kōf ī aspranǰ azabar ī čīnestān
688.0
gēsbaxt pad pārs
689.0
pahrgar pad xwarāsān
690.0
kōf ī marag pad lārān
691.0
kōf ī zarrēn pad turkestān
692.0
kōf ī behistūn pad spāhān garmēnišān
693.0
abārīg az ēn mar kē pad rawišn hēnd kōf ī būm hangārd
694.0
andar dēn ī māzdēsnān xwurdag kōf ān ī pārag pārag pad gyāg gyāg rust estēd
695.0
abar čiyōnīh zrēyān
696.0
gōwēd pad dēn kū zrēh ī frāxkard pad kust ī nēmrōz kanārag ī harborz seēk =ēw ēn zamīg , dārēd
697.0
ēdōn frāxkird kū =š ēwhazār war andar dāšt estēd
698.0
ast kē čašmagān ardwīsūr ud ast kē xānīgān ī war gōwēd
699.0
harw war =ēw rāy ābxān dō ast kē āb pad =iš abar āyēd andar ō war rēzēd
700.0
harw war =ēw rāy harw ābxān dō andčand pahnāy ud drahnāy ast ka huasp mard tāzēnēd pad čehel rōz šab pērāmōn be gardēd bawēd ēwhazārhaštsad frasang ī meh
701.0
az ān čiyōn ān āb pad X garmīh xwēdīh yōǰdahrīh frāy az abārīg ābān harw rōz az , čašmagān ardwīsūr hamēw tazēnd ō nēmrōz
702.0
ud kōf ī harborz ānōh ēwsad ēwhazār nāyīzag ī zarrēn kird estēd
703.0
ān āb ī pad garmīh ud čihrīg pad ān nāyīzag abar ō hugar ī buland šawēd pad bālist ān war =ēw ast andar ān war rēzēd , yōǰdahr be bawēd pad ǰud nāyīzag ī zarrēn abāz āyēd
704.0
pad ēwhazār mard bālā az ān nāyīzag tāg ī wišādag ī zarrēn frāz ō kōf ī , usindām ǰahēd
705.0
mayān ī zrēh frāxkard az ānōh bahr =ēw yōǰdahr , zrēh rāy frāz ō zrēh rēzēd bahr =ēw pad hamāg ēn zamīg pad nam ud paššinǰag , be rasēd
706.0
hamāg X dahišnān xwēdīh bēšāzēnišnīh az =iš ayābēnd ud huškīh ī andarwāy bē zanēd
707.0
čiyōn gōwēd kū hugar ī buland kē hamāg sūrag zarrēn kē padiš frāz ǰahēd ardwīsūr ī awinast ēwhazār wīr bālā
708.0
zrēyīhā sōr se ast
709.0
mādagwar ī ast ēk gēhān bun
710.0
az harw se pūytīk meh kē purr ud ōgār pad =iš ud ham kust ī zrēh ī frāxkard paywast estēd ,
711.0
mayān ēn zrēh ī frāxkard ān ī pūytīk pahlūg ī zrēh dārēd kē war ī sadwēs xwānēnd
712.0
harw stabrīh ud sūrīh ud nēpākīh az zrēh ī pūytīk ō zrēh frāxkard wurrōyēd šawēd
713.0
pad wād ī wuzurg ī buland az ān war ī , sadwēs abāz zanēd
714.0
harw čē pāk ud rōšn andar ō frāxkard čašmag ī ardwīsūr šawēd ān ī dudīgar abāz ō pūytīk rēzēd
715.0
band ī ēn , zrēh ō māh ud wād paywast estēd pad abzāyišn ud kāhišn
716.0
ul āmad ud frōd šud čē =š gardišn ō nēmrōz
717.0
band =iz ī sadwēs ō sadwēsstārag bast estēd kē =š zrēyīhā kust nēmrōz andar pānagīh ōwōn čiyōn haftōring ud kust ī abāxtar andar pānagīh
718.0
purr ud ōgār rāy gōwēd kū az pēš ī māh harwgāhī dō wād hamēw wazēd kē =šān māništ andar war ī sadwēs
719.0
ēk frōdāhang ud ēk ulāhang xwānēnd
720.0
ka ān ī ulāhang wazēd purr ka ān ī frōdāhang wazēd ōgār bawēd
721.0
pad abārīg zrēyīhā az ān ī čiyōnīh gardišn ī māh pad =iš nēst purr ōgār nē bawēd
722.0
zrēh kamrōdīg ān ī abāxtar pad tabarestān widerēd
723.0
ān gēhānbun pad hrōm
724.0
zrēyān ī keh ān ī wīstom zrēh ī kayānsē čiyōn pad sagestān
725.0
fradom xrafstar ud mār ud wazaγ andar nē būd āb šīrēn
726.0
abārīg =iz zrēh ī keh ast āb šīrēn
727.0
ēn =iz zrēyīhā sōr pad nazdīk gandagīh rāy tā hāsr ō nazd nē šāyist šudan
728.0
and and pad zanišn ī ādur ōy ān gandagīh X sōrīh ānābēd ka frašegird X šīrēn abāz bawēd
729.0
abar čiyōnīh rōdīhā
730.0
gōwēd pad dēn kū ēn dō rōd abāxtar nēmag az harborz ohrmazd frāz tazēnīd
731.0
ēk ō xwarōrān kū hrang ēk ō xwarāsān šud kē weh xwānēnd
732.0
az pas awēšān haštdah rōd az ham bunxān frāz tazīd hēnd
733.0
ud pad ham harborz andar zamīg frōd šud hēnd
734.0
pad xwaniras ō paydāgīh hēnd čiyōn abārīg āb az awēšān pad was marag ī frāz tazīd estēnd
735.0
čiyōn gōwēd kū ēdōn zūd zūd ēk ēk az pas ōy ī did bē tazīd hēnd čiyōn mard =ēw ka ašemwohū =ēw padisār bē gōwēd
736.0
awēšān āb hamāg abāz ō ēn dō rōd gumēzand ī ast hrang rōd wehrōd
737.0
awēšān harw dō pad kanārag ī zamīg gardēnd ud pad zrēyīhā widerēnd
738.0
ud hamāg kišwar xwārēnd az ān zahābīh
739.0
ud pas harw dō pad zrēh ī frāxkard ō ham rasēnd ud abāz ō bunxān rasēnd az =iš bē tazīd hēnd
740.0
čiyōn , gōwēd kū ōwōn čiyōn rōšnīh pad harborz andar āyēd pad harborz bē šawēd
741.0
ēn =iz gōwēd kū mēnōy hrang az ohrmazd xwāst kū fradom harwispīn šnāyēnīdārīh ī kē wehrōd nēkīh az =iš be dah ud pas pad man amargīh be dah
742.0
mēnōy =iz ī wehrōd az ohrmazd arwand rōd X rāy ēdōn xwāst
743.0
dōšāram ayārīh ēk andar ōy ī did rāy pad ham zōrīh frāz tazīd hēnd čiyōn pēš az madan ī ēbgat atazišn būd hēnd
744.0
ud ka druz bē zanēnd atazišn abāz bawēnd
745.0
ān haštdah rōd ī mādagwar ǰud az arwand ud weh abārīg rōdīhā ī az awēšān bē tazīd ān nāmčištīgtar gōwam arand rōd wehrōd diglit rōd kē digtil =iz xwānēnd frād rōd dāytī rōd dargem rōd zand rōd marw rōd hēdōmand rōd axwšīr rōd wataēnī rōd zišmund rōd xwaǰand rōd baxl rōd mihrān , rōd kē hindūgān rōd =iz xwānēnd spēd rōd turd rōd kē kūr =iz xwānēnd ulē rōd kē misragān =iz xwānēnd araz rōd turmid rōd wandīš rōd dārāǰa rōd kāsag rōd šēd rōd paydāgmēhan rōd čihrōmēhan āb makurestān rōd
746.0
u =šān gugān gōwam
747.0
arand rōd ān ī guft kū az harborz bē āyēd pad sūrag būm kē šam =iz xwānēnd ud pad yegiptos būm kē misr =iz xwānēnd bē widerēd
748.0
u =š ānōh rōd ī tag spitōis ; xwānēnd
749.0
wehrōd pad xwarāsān bē widerēd pad sind būm šawēd pad hindūgān ō zrēh rēzēd
750.0
u =š ānōh mihrān rōd xwānēnd hindūgān rōd =iz xwānēnd
751.0
frād rōd bunxān az wimand hrōm pad asūrestān wārēd ō dīlit rēzēd
752.0
u =š frādīh ēd kū abar zamīg xwārišn kunad
753.0
paydāg kū ān ī bunxān manuščihr kand ud āb hamāg abāz ō ēk abgand
754.0
ud čiyōn gōwēd kū yazam frād purrmāhīg kē xwēš ruwān rāy manuščihr kand āb stad , xwārēnīd
755.0
diglit rōd az daylmān bē āyēd pad xūzestān , ō zrēh rēzēd
756.0
dāytī rōd az ērānwēz bē āyēd pad gōwedestān bē šawēd
757.0
az hamāg rōd xrafstar andar ān wēš
758.0
čiyōn gōwēd kū dāytī rōd purrxrafstar
759.0
dargām rōd pad sugud
760.0
zand rōd pad kōf ī panǰestān widerēd abāz ō harēw rōd X rēzēd
761.0
harēw rōd az abursēngar bē tazēd ,
762.0
hēdōmand rōd pad sagestān u =š bun ī xān az abursēngar
763.0
ēn ǰud az ān ī frasyāb spurd
764.0
[rōd] ī axwšīr pad kōmīš
765.0
zišmund rōd pad kust sūt abāz ō xwaǰand rōd rēzēd
766.0
xwaǰand rōd pad mayān ī sumarkand fragān bē šawēd
767.0
u =š rōd =iz X xwānēnd
768.0
marw rōd xwarrahōmand pad xwarāsān az abursēngar bē tazēd
769.0
baxl rōd az abursēn kōf ī , bāmīgān andar āyēd bē ō weh rōd rēzēd
770.0
spēd rōd pad ādurbādagān
771.0
gōwēnd kū dahāg āyaft az ahriman dēwān ānōh xwāst
772.0
turd , rōd kē kōr =iz xwānēnd az zrēyīh sīrāb bē āyēd ō zrēyīh ī gurgān rēzēd
773.0
zahābag ī ān rōd az ādurbādagān bē āyēd pad pārs ō zrēyīh rēzēd
774.0
ulē rōd bunxān az spāhān pad xūzestān bē widerēd frāz ō diglit rōd rēzēd
775.0
u =š pad spāhān misrīgān , rōd xwānēnd
776.0
araz rōd pad tabarestān
777.0
u =š bunxān X az kōf ī dambāwand
778.0
turmid =iz rōd abāz ō weh rōd rēzēd
779.0
wandasiš rōd ān ī pārs kē sagān =iz xwānēnd
780.0
kāsag rōd pad =iz X šahr bē āyēd
781.0
u =š ānōh kasīb rōd xwānēnd
782.0
ud ēn ham rōd ī weh
783.0
ud ānōh kāsag xwānēnd pad =iz sind kāsag xwānēnd
784.0
ud wataēnī rōd pad sagestān bunxān az kayānsē būd
785.0
paydāgmēhan rōd čihrōmēhan āb ī pad kangdiz
786.0
dārāǰa rōd pad ērānwēz kē =š mān ī pōrušāsp ī pidar ī zarduxšt bār būd ,
787.0
abārīg amar āb rōd xānīg ud kahasīhā ast ī az awēšān zahābag frāz xwārīd estēnd
788.0
ēn rōdīhā bun ēk pad šahr šahr gyāg gyāg pad nām nām xwānēnd
789.0
frāsyāb rāy gōwēnd kū =š andar zrēh ī kayānsē ēwhazār xān ābān bē wispurd ī asp zahā ud uštar zahā gāw zahā xar zahā ud meh =iz keh =iz
790.0
u =š wispurd andar ham zrēh =ē xān ī zarrōmand kē hēdōmand rōd taft
791.0
u =š xān wataēnī rōd šaš āb nāydāg andar ham zrē =ē wispurd , ud mardōm nišāst be kird
792.0
pad dēn haftdah sardag āb gōwēd čiyōn , ēk nam ī abar urwarān nišīnēd dudīgar ān ī garān tazišn ast rōdīhā sidīgar ān ī wārānīg āb čahārom ān čāhīg ud ān ī armēšt abārīg ī , anāmčištīg panǰom šusr gōspandān ud mardōmān šašom gōmēz gōspandān mardōmān haftom xayūg gōspandān mardōmān haštom āb ī andar pōst ī gōspandān mardōmān nohom nam ars gōspandān mardōmān dahom xōn ī gōspandān mardōmān yāzdahom rōγn ān ī andar pad harw dō axwān kām dwāzdahom āb ī andar hambowišnīh gōspandān mardōmān sēzdahom xwē ī , gōspandān mardōmān čahārdahom ān ī andar pusyān ī gōspandān mardōmān kē pus pad =iš parwarēnd pānzdahom ān ī azēr ī ēwan ī urwarān čiyōn guft kū harw ēwan =ēw āb =ēw srešk pad tah ātaxš čahār angust pēš šāzdahom ān ī andar urwarān gumēxt estēd kē āb ī tan tōhmag gōwēd haftdahom šīr ī gōspandān mardōmān
793.0
ēn harwisp pad waxšīg ayāb , tanīgardīg abāz ō ēn rōdīhā gumēzēnd X X X X X X X X čē āb ī tanīgardīg waxšīg harw dō ast
794.0
ēn =iz gōwēd kū ēn se rōd marw rōd hēdōmand rōd ahunsand būd