Sections

1.0
šnāyišn ī dādār ohrmazd ī weh abzōnīg ī abzāyēnīdār ī rāyōmand ī xwarrahōmand ud amahrspandān
2.0
āfrīnišnīh ī abēzag wehdēn ī mazdēsnān tandrustīh ud dagrzīyišnīh ud ābādxīrīh ōy rāy kē nibēsēm
3.0
čiyōn az X stūdgar paydāg kū , zarduxšt az ohrmazd ahōšīh xwāst
4.0
ud pas ohrmazd xrad ī harwispāgāhīh ō zarduxšt be nimūd
5.0
u =š wan ēd bun padiš be dīd kē =š čahār azg padiš būd
6.0
ēk zarrēn ud ēk asēmēn ud ēk pōlāwadēn ud ēk āhen abar gumēxt estēd
7.0
ēg =iš pad ēd , dāšt kū pad xwamn dīd
8.0
ka az xwarm bē būd u =š guft zarduxšt kū xwadāy ī mēnōgān ud gētīgān nimāyēd kū =m draxt ēw bun bē dīd kē čahār azg padiš būd
9.0
guft =iš ohrmazd ō spitāmān zarduxšt kū ān draxt ēw bun kē tō dīd ud ān čahār azg ān čahār āwām ast ī rasēd
10.0
ān ī zarrēn ān ka man ud tō ham pursēm wištāspšah dēn bē padīrēd , ud dēwān kālbod be škennēd ō wirēg ud nihānrawišnīh estēnd
11.0
ān ī asēmēn xwadāyīh ardaxšīr ī šah
12.0
ud ān ī pōlāwadēn xwadāyīh anōšagruwān husraw ī kawādān
13.0
ud ān ī āhen abar gumēxt estēd pādixšāyīh dēw ī wizārdwars ī xešmtōhmag ud ka dahom ī sadōzim ī tō sar bawēd spitmān zarduxšt
14.0
pad zand ī wahman yasn ud hordad yasn ud ardwahišt yasn paydāg kū ēd bār gizistag mazdak ī bāmdād wizend dēnpetyārag ō paydāgīh āmad u =šān petyārag pad dēn ī yazadānkird kird
15.0
ud ān anōšagruwān husraw māhdādān nēwšāpūr ī dādohrmazd ī ādurbād ādurmihr ud baxtāfrīd ō pēš xwāhēd
16.0
u =š paymān aziš xwāst kū ēn kēšīhā pad nihān ma dārēd bē pad paywand ī ašmāh zand ma čāšēd
17.0
u awēšān andar husraw paymān kird
18.0
pad zand wahman yasn paydāg kū zarduxšt az ohrmazd didīgar bār ahōšīh xwāst
19.0
u =š guft hād kū zarduxšt andar ēd dāmān ī tō ahlawtar ud kirdārtar ī dādār ka man ahōš be kunē čiyōn wan ī ǰudbēš ud gōbed šah ud yōšt friyān None ud čihrōmēhan ī wištāspān None hād ud pišōtan ī bāmīg
20.0
ast ī ud ka man ahōš be kunē awēšān pad dēn ī tō weh wurrōyēnd kū ōy dēnburdār kē =š abēzag weh dēn ī mazdēsnān az ohrmazd be padīrift ahōš be būd ud ēg awēšān mardōmān pad dēn ī tō weh wurrōyēnd
21.0
guft =iš ohrmazd kū ka tō rāy ahōš be kunam spitāmān zarduxšt tūr ī brādrōš ī X karb ahōš be bawēd
22.0
ristāxēz ud tan ī pasēn kirdan nē šāyēd
23.0
zarduxšt pad menišn dušxwār sahist
24.0
ohrmazd pad xrad ī harwispāgāhīh dānist kū =š čē menīd spitāmān zarduxšt ī ahlaw pāhlom frawahr
25.0
u =š /ān ī zarduxšt dast frāz grift
26.0
u =š ohrmazd mēnōy abzōnīg dādār ī gēhān astōmandān ī ahlaw u =š xrad harwispāgāhīh pad āb kirb abar dast ī zarduxšt kird
27.0
u =š guft kū frāz xwar
28.0
ud zarduxšt az =š frāz xward
29.0
u =š xrad ī harwispāgāhīh frāz pad zarduxšt andar gumēxt
30.0
haft rōzudšabān zarduxšt andar ohrmazd xradīh bawēd
31.0
u =š be dīd zarduxšt pad haft kišwar zamīg mardōmān ud gōspandān kū harw ēk mōy čand tāg pad pušt ud None tāg tāg sar ō kū dārēd
32.0
u =š be dīd dār ud draxt kē hāmōyēn =iz rēšag ī urwarān pad spandarmad zamīg kū čiyōn rust estēd kū gumēxt estēd
33.0
u =š haftom rōzšabān xrad ī harwispāgāhīh az zarduxšt abāz stad
34.0
zarduxšt pad ēd dāšt kū pad xwamn ī xwaš ī ohrmazddād dīd
35.0
az xwamn nē winārd ham
36.0
u =š harw dō dast burd ān ī ān ī xwēš kirb abāz mālīd kū dēr zamān xuft estēd ud nē guhrād ham az ēn xwāb ī xwaš ī ohrmazddād X
37.0
guft =iš ohrmazd ō spitāmān X zarduxšt kū čē dīd pad xwamn ī xwaš ī ohrmazddād ,
38.0
guft =iš zarduxšt kū ohrmazd mēnōy ī abzōnīg dādār gēhān ī astōmandān dīd =im hangad ī wasxwāstag kē pad tan husraw ud ruwān kirs ud nizār ud pad dōšox būd u =m nē burzišnīg sahist
39.0
u =m dīd driyōš ī nēstxīr ačārag u =š ruwān frabīh pad wahišt u =m burzišnīg sahist
40.0
u =m dīd tuwānīg nēstfrazend u =m nē burzišnīg sahist
41.0
u =m dīd škōh ī wasfrazend u =m burzišnīg sahist
42.0
u =m dīd draxt ēw kē haft azg pad =iš būd
43.0
ēk zarrēn ēk asēmēn ud ēk rōyēn ud ēk brinǰēn ud ēk arzīzēn ud ēk pōlāwadēn ud ēk āhen abar gumēxt estād
44.0
guft =iš ohrmazd kū spitāmān zarduxšt ēn ō tō gōwam draxt =ēw bun ī tō dīd ān gētīy ast ī man ohrmazd dād
45.0
ud ān haft azg ī tō dīd ān haft āwām ast rasēd
46.0
ud ān ī zarrēn xwadāyīh ī wištāspšah ka man ud tō dēn ham pursēm
47.0
wištāsp šah dēn be padīrēd ,
48.0
ud dēwān kālbod be škennēd
49.0
dēwān wišūdagān abāz ō tār tom dōšox dwārēnd
50.0
ud pahrēz ī āb ud ātaxš ud urwar ud spandarmad zamīg paydāg bawēd
51.0
ān ī asēmēn xwadāyīh ī ardaxšahr ī kay ka wahman ī spandyādān xwānēd kē dēw ī az mardōmān ǰudāg kunēd
52.0
ud ān ī rōyēn xwadāyīh ī ardaxšīr ī gēhān , ārāstār ud wirāstār ud ān ī šābūr šah ka gēhān man ohrmazd dād ārāyēd bōxtagīh pad sāmān ī gēhān rawāg kunēd wehīh paydāg be bawēd ud ādurbād ī pērōzbaxt ī dēnrāstwirāstār pad rōy ī passāxtag ēn dēn abāg ǰudristagān X abāz ō rāstīh āwarēd
53.0
ud ān ī brinǰēn xwadāyīh ī aškānān šah kē ǰudristagīh
54.0
tār ud tom ī dōšox dwārēnd
55.0
ān pōlāwadēn xwadāyīh ī husraw ī kawādān šah ka gizistag mazdīk ī bāmdādān ī dēn petyārag abāg ǰudristagān estēd az ēn dēn abāz dārēd
56.0
ān āhen abar gumēxt estēd spitāmān zarduxšt hazārag sar ī tō ka sadōzim ī dahom ī tō sar bawēd spitāmān zarduxšt
57.0
guft =iš zarduxšt kū dādār ī gēhān ī astōmandān ī abzōnīg daxšag ī sadōzim ī dahom čē bawēd
58.0
guft =iš ohrmazd kū spitāmān zarduxšt rōšn kunam daxšag ī hazāragsar tō bawēd
59.0
ān ī nidom āwām rasēd ēwsad ēwēnag ud hazār ēwēnag ud bēwar ēwēnag dēw ī wizārdwars ī xešmtōhmag
60.0
az kustag xwarāsān ān ī nidom tōhmag ō ērānšahr dwārēnd ulgriftagdrafš hēnd syā zēn barēnd ud wars wizārd ō pušt dārēnd ud xwurdag ud nidombunīg ud kirrōgkār zanišn pēškār wēš hēnd
61.0
spitāmān zarduxšt ān ī xešmtōhmag wišūd u =š bun nē paydāg
62.0
pad ǰādūgīh ul dwārēnd ō ēn ērān dehān ī man ohrmazd dād
63.0
čiyōn was tis sōzēnd ud wināhēnd ud mān az mānīgān ud deh az dehīgān ud āzādīh ud wuzurgīh ud dādagānīh ud dēnrāstīh ud paymān ud zēnhār ud rāmišn ud harwisp dahišn ī man ī ohrmazd dād ēn dēn abēzag ī mazdēsnān ud ātaxš ī warahrān pad dādgāh , nišāst estēd ō nēstīh rasēd zanišn ud appāragān be ō paydāgīh rasēd
64.0
ud ān ī wuzurg rōstāg šahr ēw None None ud ān ī wuzurg šahr deh None None ēw ud ān ī wuzurg deh dūdag ēw None None ud ān ī dūdag āstānag ēw be bawēd
65.0
spitāmān zarduxšt pad anāgīhkāmīh ud sāstārīh , ud dušpādixšāyīh be kanēnd ēn ērān dehān ī man ohrmazd dād
66.0
awēšān dēwān ī wizārdwars frēftār hēnd kū ān ī mēnōy nē kunēnd ud wattardēn hēnd kū ān ī nē gōwēnd kunēnd
67.0
u =šān pašt ud paymān ud rāstīh ud ēwēn nēst zēnhār nē dārēnd ud pad pašt ī kunēnd abar nē estēnd
68.0
pad frēftārīh ud āz ud dušpādixšāyīh be , kanēnd ēn ērān dehān ī man ohrmazd dād
69.0
ud andar ān āwām , spitāmān zarduxšt hamāg mardōm frēftār be bawēnd kū ēk ōy did rāy wad xwāhēnd ud mihr wuzurg ǰudgōnag be bawēd
70.0
ud āzarm ud dōšāram ud ruwān dōstīh az gēhān bē šawēd
71.0
ud mihr ī pid az pus ud brād az brād bē šawēd ud dāmād az xwasrūg ǰudkēsag be bawēd mādar az duxtar ǰudāg ud ǰudkāmag be bawēd
72.0
ka sadōzim ī dahom ī tō zarduxšt spitāmān sar bawēd xwaršēd rāsttar ud nihangtar ud sāl ud māh ud rōz kamtar
73.0
ud spandarmad zamīg tangtar ud rāh nihangtar
74.0
ud bar tōhm be nē dahēd
75.0
ud bar ī ǰōrdāgān pad dah hašt be kāhēd ud dō be abzāyēd ud ān ī be abzāyēd spēd nē bawēd
76.0
ud urwar ud dār ud draxt be kāhēd
77.0
ka sad be stānēd nawad be kāhēd ud dah be abzāyēd ud ān ī be abzāyēd xwārom ud čāšnīg nē bawēd
78.0
mardōm kōdaktar zāyēd u =šān hunar ud nērōg kam ud frēftārtar wattardahišntar bawēnd ud spās ud āzarm ī nān ud namak nē dārēnd
79.0
ud u =šān dōšāram pad X nē dārēnd
80.0
ud andar ān ī wattom āwām ud murw ē āzarm wēš dārēd kū ōy ēr ī dēnburdār mardōm
81.0
u =šān dahišn pad kār kam
82.0
u =šān kār kirbag az dast kam rawēd
83.0
hamāg sardagān ǰudkēšān ō awēšān anāgīh xwāstār , bawēnd
84.0
ud ka hamāg gēhān nasānigānīh ud nasāwistarišn be bawēd ud nasā nigānīdan ud nasā šustan ō āb ud ātaxš burdan ud nasā xwardan pad dād kunēnd ud nē pahrēzēnd pad kār ud kirbag ī wuzurg hangārēnd
85.0
ud druwandīh ud rāh ī X dōšox wirāyēnd
86.0
ud abārōnīh penīh ud wiyābānīh ī xešm ud āz rāy ō dōšox dwārēnd
87.0
ud andar ān ī škaft āwām spitāmān zarduxšt pādixšāyīh xešm ī xrudruš ud dēw ī wizārdwars ī xešmtōhmag ud ān ī nidombunīg pad ērān dehān mardōmān frāz rawēnd
88.0
ud andar bandagān kē ēbyānghan pad kust dārēnd ēg =iš pādišāyīh dāštan nē tuwān čē pad ān ī nidom āwām nasā ud hixr ōwōn was bawēd kū mard gām ō gām be nihēd pad nasā rawēd
89.0
ud ēwāz ka pad baršnūm šōyēd pāy az maγ bē nihēd pad nasā rawēd
90.0
ud ēwāz ka pad nasākadag ī awēšān barsom frāz wistarēd ud drōn frāz yazēd pādixšāy bawēd
91.0
ēwāz pad ān ī nidom āwām yazišn ī pad dō mard pādixšāy bawēd kirdan tā ēn dēn pad nēstīh ud nizārīh nē rasēd
92.0
pad sad pad hazār pad bēwar ēk ēw bawēd kē pad ēn dēn wurrōyēd ud ān =iz ī wurrōyēd kār az =iš nē gīrēd
93.0
ud ātaxš ī warahrām bē ō nēstīh ud nizārīh rasēd
94.0
az ē hazār abāz ō ēk pahrēzēnd ud ān =iz ī ēsm ud bōy dādīhā pad =iš nē dahēnd
95.0
ēwāz ka mard ēw yašt kird estēd ud nērangistān nē dānēd ud pad wehmenišnīgīh be abrōzēd pādixšāy bawēd
96.0
xwāstag ud āzarmīg hamāg bē ō ǰudkēšān ud ristagān rasēd
97.0
ud kirbakkar ī nēk X az dūdag ī āzādmardān az X bē ō wišāddwārišnīh estēnd
98.0
ud xwurdagān duxt ī āzādagān ud wuzurgān mowmardān pad zanīh gīrēnd
99.0
ud āzādagān ud wuzurgān ud mowmardān bē ō škōhīh bandagīh rasēnd
100.0
ud § ud xwurdag bē ō wuzurgīh ud pādixšāyīh rasēd
101.0
ud nāčāragān ud xwurdagān bē ō pēšgāhīh ud rāyēnīdārīh rasēnd
102.0
ud gōwišn ī dēnburdārān ud muhr ī wizurd ud dādwar ī rāst gōwišn ī rāstān ud ān =iz ī , ahlawān anspurrīgān be bawēd
103.0
ud gōwišn ī xwurdagān ud spazgān ud abārōnān ud afsōsgarān ud ān ī drōdādestānān rāst ud wābar dārēnd
104.0
ud sōgand pad drō pad =iš xwarēnd zūrgugāhīh padiš dahēnd wābar ud anast abar man ohrmazd gōwēnd
105.0
awēšān kē pad hērbedīh ud hāwištīh nām barēnd ēk ōy did rāy wadīh xwāhēnd ud āhōg gōwēnd ud āhōg abar nigerēnd
106.0
u =šān ahreman dēwān petyārag abar wēš burd estēd
107.0
az wināh ī mardōmān kunēnd az panǰ wināh sē wināh hērbedān ud hāwištān kunēnd
108.0
ud wehān dušmen bawēnd kū ēk ōy did rāy wad āhōg pad =iš gōwēnd
109.0
ud yazišn padīrēnd nē kunēnd
110.0
bīm az dušox nē dārēnd
111.0
ud andar ī dahom sadōzim ī hazārag ī tō sar bawēd , spitāmān zarduxšt hamāg mardōm āzparistīn ānāstagdēn be bawēnd
112.0
ud abr ī kāmgār ud wād ī ardā pad hangām ud zamān ī xwēš rā wārān kirdan nē šāyēd
113.0
ud ka āsmān ud abr ī nizm šabēnēd
114.0
ud ān ī garm wād ān ī sard wād rasēd ud bar ud tōhm ī ǰōrdāyān bē barēd
115.0
wārān =iz pad hangām ī xwēš nē wārēd
116.0
ān =iz ī wārēd xrafstar wēš wārēd kū āb ī rōdān ud xānīgān bē kāhēd ud abzāyišn be nē bawēd
117.0
ud stōr ud gāw ud gōspand kōdaktar zāyēnd ud wadhunartar ud bār kam stānēnd ud mōy kamtar , ud pōst tanuktar ud šīr nē abzāyēd ud čarbišt kam dārēd
118.0
ud gāw warzāg nērōg kam ud asp ī arwand hunar kam pad tāg kam $ barēd
119.0
ud mardōm pad ān škaft āwām spitāmān zarduxšt kē kustīg pad mayān dārēnd anāgīhxwāstārīh dušpāduxšāyīh ud was ān drōdādestān ī =š abar mad estēd ī =šān zīwandagīh nē abāyēd margīh pad āyaft xwāhēnd
120.0
X gēhān X ud rāmišn az dil abar nē āyēd
121.0
ud ǰašn nihādag ī pēšēnagān ud ustōfrīt ī yazadān ud yašt ud yazišn ud gāhānbār ud frawardīgān gyāg gyāg kunēnd ud ān =iz ī kunēnd pad =iš abēgumānīhā nē wurrawēnd
122.0
ud pādāšn dādīhā nē dahēnd ud dāšn ī ahlawdād nē dahēnd ud ān =iz ī dahēnd abāz abaxšāyēnd
123.0
ud ān =iz ī wehdēn mardōm kē ēn dēn weh mazdēsnān stāyīd estēd pad ān ī awēšān rāh ud ristag brahmagrawišn frāz rawēnd u =šān pad ān ī xwēš dēn nē wurrawīd
124.0
ud āzād ud wuzurg ud dehīgān ī nēw az deh ud gyāg ī xwēš pad uzdeyīgīh az bungyāg ud dūdag ī xwēš bē šawēnd ud az xwurdagān wattarān tis pad niyāz dahēnd xwāhēnd ō driyōšīh ud ačāragīh rasēnd
125.0
ēn mardōm pad dah nō pad kust ī abāxtar bē abesīhēnd
126.0
pad awēšān dušxwadāyīh harw tis ō nēstīh ud ačāragīh ud X rasēd
127.0
spandarmad zamīg dahan abāz wišāyēd ud harw gōhrēwēnist ō paydāgīh rasēd čiyōn zarr ud asēm ud rōy ud arzīz
128.0
ud xwadāyīh ud pādixšāyīh ō anērān bandagān rasēd čiyōn xyōn turk ud xutul ud tōfēd čiyōn andarag ud kōfyār ud čēnīh ud kābulīh ud subdīg hrōmāyīg ud X ud spēd xyōn pad ērān dehān ī man pādixšāyīh bawēnd framān ī awēšān pad gēhān rawāg bawēd
129.0
pāduxšāyīh kē awēšān ēdōn dawālkustīgān ud tāzīgān halemōγān bē ō awēšān rasēd
130.0
dušpāduxšāyīhīhā bē bawēnd kē mard ēw ī nēk ōzanēnd magas ēw pad čašm ī awēšān harw dō ēk bawēd
131.0
dar ud darbās ud hangadīh ud ābādīh ud deh ud dūdag ud xwāstag ud dastgird ud kahas ud rōd ud xānīg ī ērān wehdēnān ō awēšān anērān rasēd
132.0
ud spāh ud marz ud drafš ō awēšān rasēd ud xešmkāmagīh xwadāyīh pad gēhān rawēnd
133.0
ud āz čašm awēšān =z xwāstagpurr ; nē bawēd ud xwāstag ī gēhān gird kunēnd ud azēr ī zamīg nihān kunēnd
134.0
ud druwandīh rāy kūnmarz ud daštānmarz ī was kunēnd ud waran ī abārōn was warzēnd
135.0
andar ān ī škeft āwām šab rōšntar sāl ud māh ud rōz sēēk ēw be kāhēd , spandarmad zamīg abar āyēd wisp margīh ud niyāzōmandīh pad gēhān saxttar bawēd
136.0
guft =iš ohrmazd ō spitāmān zarduxšt ēn ān ī pēš gōwam
137.0
ōy druwand ganāg mēnōy ka be abāyēd abesīhēnīdan stambagtar dušpādixšāyīhtar bawēd
138.0
ēdōn =iš guft =iš ohrmazd ō spitāmān zarduxšt kū be sparān ud warm be kunēnd pad zand pāzand ud wizārišn bē čāš
139.0
ō , hērbedān ud hāwištān gōw pad gēhān frāz gōwēnd
140.0
awēšān kē az sadōzim nē āgāh hēnd ēg =išān gōwēnd tā , ēmēd tan ī pasēn rāy bōxtārīh ī ruwān rāy halagī ud anāgīh petyārag ī awēšān ǰuddēnān dēwēsnān abar gīrēnd be barēnd
141.0
u =t ēn =iz gōwam sipitāmān zarduxšt kū kē pad ān āwām tan xwāhēd ruwān bōxtan nē tuwān čē tan fribīh ud ruwān kirs ud nizār pad dōšox ud kē ruwān xwāhēd tan kirs ud nizār pad gētīh ud ruwān fribīh pad wahišt
142.0
pursīd zarduxšt az ohrmazd kū ohrmazd mēnōy ī abzōnīg dādār ī gēhān astōmandān ahlawān hād ohrmazd pad ahlaw , xwānišn ud abārīg pad stāyišn ast kē dādār ahlaw gōwēd ud dādār ān ī škeft āwām ahlaw bawēnd ud dēnīg bawēnd kē kustīg pad mayān dārēnd ud dēn pad barsom yazēnd u =šān dēn ī xwēdōdah pad dūdag rawēd
143.0
guft =iš ohrmazd ō spitāmān zarduxšt kū mardān ī pahlom ān bawēd kē andar ān ī škeft āwām kustīg dārēnd ud dēn pad barsom yazēnd nē pad xwadāyīh wištāsp šā
144.0
kē andar ān ī škoft āwām iϑāāt̰yazamaidē u aṣ̌əmvohū , warm kird estēd ēdōn čiyōn andar xwadāyīh wištāsp šā dwāzdahhōmāst ēw ī pad zōhr None
145.0
ud kē =š yašt kird estēd ud gāhān srūd estēd ōwōn čiyōn ka =š pad xwadāyīh wištāsp šā yašt ā =z srūdgāhān bawēd hē
146.0
ahlaw ī ahlawān , pahlom ān bawēd kē pad wehdēn ī mazdēsnān estēd u =š dēn ī xwēdōdahīh pad dūdag rawēd
147.0
guft =iš ohrmazd kū spitāmān zarduxšt andar ēn nōhazār sāl ī man ohrmazd dād mardōm ī andar ān ī škoft āwām škofttar bawēnd
148.0
čē andar dušxwadāyīh az ī dahāg , ud frāsyāb ī tūr mardōm ī andar ān škoft āwām wehzīwišntar ud wēšzīwišntar būd hēnd u =šān petyārag az ahriman dēwān kamtar būd
149.0
čē andar ān ī awēšān dušxwadāyīh andar ērānšahr gyāg ud deh ī awērān nē būd čiyōn ān ī ka hazārag ī tō sar bawēd spitāmān zarduxšt
150.0
čē hamāg ērān dehān pad asp sumb awēšān bē kanīhēd awēšān drafš andar ō padišxwārgar rasēd ud gāh ud sust xām pādoxšāyīh az ānōh be barēnd u =šān zanišn az ān gyāg rasēd
151.0
spitāmān zarduxšt ēn ān ī pēš gōwam
152.0
kē az astān ēdōn pad yazišn abar ō weh kē ohrmazd rāy yazišn wēš kunēd ohrmazd āgāh az ahlāyīh čēgāmizēw kū kār ud kirbag mizd ud pādāšn ahlāyīh dahēd
153.0
hanǰamanīgān narān ud mādagān yazam ud amahrspandān kē nar =iz awēšān weh hēnd
154.0
pursīd zarduxšt az ohrmazd kū dādār gēhān astōmandān , ahlaw az kū abāz wirāyēnd ēn dēn weh ī mazdēsnān ud pad čē abzār bē zanēnd ēn dēw ī wizārdwars ī xešmtōhmag
155.0
dādār man ōš dah ud āwādagān ī man ōš dah kū ma ēd zīwānd andar ī škoft āwām gišnagzīwišnīg dah kū druwandīh ud rāh ī dōšox nē wirāyēnd
156.0
guft =iš ohrmazd kū spitāmān , zarduxšt pas az nišānag ī syāg pādixšāyīh az awēšān xešmtōhmagān az salāmān dehān druz ī šēdaspīh kalīsāyīh hād māhwidād guft kū hrōmāyag bawēnd ud rōšn guft kū suxrkulāh ud suxrzēn ud suxrdrafš bawēnd hād ka , daxšag ī awēšān bawēd
157.0
ka bē āyēnd sepitāmān zarduxšt xwaršēd nizm nišān nimāyēd ud az gōnag wardēd pad gēhān nizm ud tom ud tārīkīh bawēd pad āsemān nišānag ī gōnag gōnag paydāg bawēd ud būmčandag ī was bawēd ud wād stahmbagtar āyēd ud pad gēhān niyāz ud tangīh ud dušxwārīh ō dīdār āyēd tīr ī ohrmazd wattarān rāy pādixšāyīh rāyēnēnd
158.0
ēsadgānag ēhazārgānag bēwargānag bawēnd druz ī šēdaspīh , , ud kalīsāyīh drafš ī suxr dārēnd
159.0
u =šān rawišn was
160.0
tāzēnd ō ēn ērān dehān ī man ohrmazddād tā arand bār
161.0
hād būd kē frāt rōd guft tā ō gawrān ī astarestān mānīh hād yōnān sāxt hamahl
162.0
u =š āsūrīgmānišnīh ēd kū mardōm ī āsūrīg padiš ōzanēnd ud ān ī awēšān daxmag
163.0
hād būd kē gilistag ī dēwān guft
164.0
ēdōn bē ōzanēnd ān ī awēšān xešmtōhmagān sadgānag ud hazārgānag ud bēwargānag abāz wardēnd drafš nišān
165.0
amar spāh ī awēšān dēwān ī wizārdwars be rasēnd ō ērān dehān ī man ohrmazddād ud hēn ī hād pad was maragīh ō ērān dehān čiyōn buš ī asp bē estēd
166.0
turk ī dawālkustīg hrōmāyīg ud šēdaspīh kalīsāgīh pad hamrasišnīh frāz rasēnd
167.0
pad hamēkōxšišnīh pad sē gyāg ardīh ī wuzurg sē bār būd bawēd sipitāmān zarduxšt
168.0
ēk pad xwadāyīh ī kāwus ka pad ān ī , dēwān abāgīh , amahrspandān
169.0
ud dudīgar ka tō sipitāmān zarduxšt dēn padīrift ud hampursagīh ī tō wištāsp šā ud arzāsip ī xešmwišūd pad kārēzār ī dēn pad hamēkōxšišnīh ī pad spēd razūr hād būd kē andar pārs guft
170.0
ud sidīgar ka hazārag ī tō sar bawēd spitāmān zarduxšt ka ān harw sē ō ēd gyāg rasēd turk ud tāzīg ud hrōmīg hād būd kē dašt nišānag ī guft hamāg ērān dehān ī man ohrmazddād az gāh ī xwēš bē ō padišxwārgar rasēd
171.0
hād būd ānōh kē ādur ī , gušnasp pad war ī čēčast ī zafr ī garmāb ī ǰuddēw hād čiyōn paydāg hād būd kē māhīg guft ādurag guft kū kurčang
172.0
ēdōn pad tāzišn bawēd pad ēn ērān dehān ī man ohrmazddād az xešmtōhmagān spitāmān zarduxšt kū ēn mardōm ō padišxwārgar ud pārs ud sūrāgmānīh kōfmānī ud drayāmānīh ēg =iš nihang bē mānēd
173.0
čē ka =š šōy xwēš bē tuwān bōxtan ēg =iš zan ud frazand ud xwāstag ayād nē bawēd
174.0
ud pas zarduxšt guft kū dādār man ōš dah
175.0
āwādagān ī man ōš dah kū ma zīwēnd andar ān ī škoft āwām
176.0
zarduxšt čē ān ī ēn ka sadōzim hazārag sar ī zarduxštān ka ēč =iš druwand az ēn hazārag nē šawēd
177.0
pursīd zarduxšt az ohrmazd kū ohrmazd mēnōy abzōnīg dādār gēhān astōmandān ahlaw dādār ka awēšān ēdōn was marag hēnd pad čē abzār bē šāyēd abesīhēnīdan
178.0
guft =iš ohrmazd kū sipitāmān zarduxšt ka dēw ī wizārdwars ī xešmtōhmag ō paydāgīh āyēd pad kust ī xwarāsān nazdist nišān ī syā paydāg bawēd
179.0
zāyēd ōšīdar ī zarduxštān pad war ī frazdān hād kē pad zrēy kayānsēh guft , hād kē pad kārwaristān guft
180.0
pad sī sālagīh ō hampursīh man ohrmazd rasēd spitāmān zarduxšt pad kust ī čīnestān guft hād būd kē andar hindūgān guft
181.0
zāyēd kay ēw hād pid ī ōy kay az kayān tōhmag pad ayārīh ō ōšīdar , ī hindūgān šawēd
182.0
pad ēwsad sālagīh kāmag ō zanān bawēd
183.0
u =š aziš zāyēd kay dēnīg wahrām ī warzāwand nām xwānīd hād bawēd kē šāpūr guft
184.0
kū ān šab ka kay zāyēd nišān nimāyēd hād dādohrmazd guft kū ābān māh ud wād rōz pidar ī ōy kay frazām bawēd pad kayagān ī dāhī parwarēnd
185.0
xwadāy zan bawēd ōy kay ka sīhsālag bawēd
186.0
hād ī būd az āwām guft pad amardrafšīh spāh spāh ī hindūgān čīnīh ulgriftdrafš hēnd čē drafš ul gīrēnd frahistagdrafš hēnd abrāstagzēn hēnd
187.0
pad tāzišn ul tāzēnd tā weh rōd būd kē bumm deh guft tā andarg baxl bahr ī bahrān spitāmān zarduxšt
188.0
ka stārag ī ohrmazd ul ō bālist rasēd ud anāhīd rāy frōd abganēd was amar gund zēnāwand ārāstagdrafš hēnd hād būd kē az sīstān ud pārs ud xwarāsān None hād būd kē az war ī padišxwārgar guft hād būd kē az tabarestān guft
189.0
ud az ān kustag aburnāyīg xwāstār bē ō paydāgīh āyēd hād drafš ī ārāstag
190.0
ud was marag spāh ī padišxwārgar az ērānšahr zēngān ud gund ud spāh bawēnd kē guft kū kurddiz X kirmāndiz xwānēnd rāy paydāg kū pad hamayārīh hamdrafšīh ō ēn ērān dehān was marag bē ōzanēnd awēšān xešmtōhmagān šēdaspīy hēn ī , frāxanīg dām gurg ī dōzang ud dēw ī dawālkustīgān
191.0
pad arwand bār sē kārezār kunēnd ēk pad spēdrazūr ud ēk pad dašt ī nišānag
192.0
hād būd kē guft kū pad war ī sētōhmag ud būd kē andar pārs guft
193.0
kē ō pušt ī ērān dehān amar spāh ī xwarāsānīh abrāstagdrafš hēnd kū drafš ī bubrpōst dārēnd u =šān wād drafš bundōg spēd
194.0
ud amar ul spāh nixwārēnd ō gilistag ī dēwān ēdōn bē ōzanēnd kū hazār zan pay mard ēw wēnēnd bē bōyēnd
195.0
ka zamān sar bawēd None spitāmān zarduxšt awēšān dušmenān X ēdōn bē abesīhēnd čiyōn draxt ēw bun ka pad ēd šab ī zamestān ī sard abar rasēd ud pad ēd šab warg bē abganēd
196.0
ud abāz wirāyēnd ēn ērān dehān ī man ohrmazddād
197.0
ud pad dwārišn dwārēd gannāgmēnōy abāg dēwān wattar kamagān ud xešm ī xurdruš ō pušt ud ayārīh awēšān dēwēsnān ud xešmtōhmagān rasēd None spitāmān , zarduxšt
198.0
ud man dādār ohrmazd frēstam nēryōsang yazad ud srōš ahlaw ī be kangdiz ī siyāwaš ī bāmīg kird be čihrōmēhan wištāspān kayān xwarrah ī dēn rāst wirāstār kū ēd pišōtan ī bāmīg frāz raw ō ēn ērān , dehān ī man ohrmazddād ud ātaxš ābān frāz yaz ud dwāzdahhōmāst hād pad ātaxš ābān yaz ud ān ī pad ātaxš ābān paydāg
199.0
ud rawēd nēryōsang yazad ud srōš ahlaw az weh čagād ī dāitīy ō kangdiz ī siyāwaš ī bāmīg kird u- =iš wāng kunēnd kū frāz raw pišyōtan ī bāmīg , čihrōmēhan ī wištāspān kayān xwarrah ī dēn rāst wirāstār frāz raw ō ēn ērān dehān ī man ohrmazddād abāz wirāy gāh dēn xwadāyīh
200.0
awēšān mēnōyīhā abar rawēnd u =šān yazēnd dwāzdahhōmāst ī pad zōhr
201.0
ud frāz rawēd pišōtan ī bāmīg abāg ēksadudpanǰāh mard ī ahlaw kē hāwišt ī pišōtan hēnd
202.0
pad syā samōr ud ǰāmag pad mēnōy weh dārēnd ul rawēnd pad humat ud hūxt ud huwaršt
203.0
ud ātaxš ī ābān frāz yazēnd hādōxt ud baγānyasn
204.0
frāz stāyēnd man ohrmazd abāg amahrspandān
205.0
ud pas az ān bē škennēd X petyārag sēēkēw
206.0
frāz rawēd pišōtan ī bāmīg abāg ēksadudpanǰāh mard ī ahlaw kē syā samōr dārēnd ō ādur ī xwarrahōmand ī rōšnkirb xwānēnd
207.0
pad dādgāh nišīnēd ādurfarnbay ī , pērōzgar
208.0
u =š pad hamzōtīh yazišn frāz sāzēnd None barsom frāz wistarēnd ud yazēnd hordad ud amurdad ud dēn pad nērang , ud nērangestān ī dēnīg
209.0
ud škennēd petyārag se
210.0
ud frāz rawēd pišōtan ī wištāsbān None pad hamayārīh ādur farnbay ud ādur gušnasb ud ādur ī burzēnmihr ō uzdēszār ī wuzurg nīšēmag ī druwand gannāg mēnōy None xešm ī xrudruš ud hamāg dēwān ud druzān ud wadtōhmagān ō ān ī zofāytom ī dōšox rasēnd bē kanēnd ān uzdēszār pad hamkōxšišnīh ī pišōtan ī bāmīg
211.0
ud man dādār ohrmazd abāg amahrspandān ō gar ī hugiryāt āyam ud framāyom ō amahrspandān kū gōwēnd ō hamāg yazadān ud mēnōyān kū rawēd ud rasēd ō ayārīh ī pišōtan ī bāmīg
212.0
ud mihr ī , , ,