Sections

1.0
nibēsīhēd , zand ī pargard ī ǰuddēwdād
2.0
u =š guft ohrmazd kū nē ān ī sagburd nē ān ī wayburd nē ān ī gurgburd nē ān ī wādburd nē ān ī maxšburd nasuš mard nē āstārēnēd kū wināhgār nē
3.0
čē agar awēšān nasā ī sagburd wayburd wādburd mard āstārēnīd būd hē kū mardōm pad ān rāh wināhgār būd hē pad tēzrawšnīh kū tēz būd hē ān ī man harwist ī ox ī astōmand zadxwāstār ī ahlāyīh kū rāh ī ō kār
5.0
xrōsišn dād ō ruwān kū =šān ruwān andar dušox xrōsag ud xwistag būd hē
6.0
tanāpuhragān margarzān būd hēnd az frāyīdīh wināhgārīh ī awēšān nasā kē abar ēn zamīg widerēnd
7.0
pursišn ka nasā tan paydāg ī dānēnd kū nasā dānēnd kū sag ud dad dahmburd ēg =iš pad =iš rēman ud wināhgār ayāb nē
8.0
bawēnd
9.0
ud ka nē dānēnd kū nasā wināhgār ud margarzān bawēnd
10.0
nē
11.0
ka esm ī ātaxš rāy brīnēnd nasā aw =iš gumēxt ēstēd ka dānēnd ayāb nē dānēnd čiyōn bawēd
12.0
passox ka esm zad ā =š ēwbār xūb bē nigerišn
13.0
ka ō kār barēd ā =š se bār xūb bē nigerišn
14.0
ka =š ēdōn kird ēg =iš pad =iš awināh
15.0
az abestāg paydāg se bār ōy ō esm frāz ēw nigerēd se =iz bār ōy ō hamāg pērāmōn ud pad frōdwardišnīh frāz ēw nigerēd
17.0
pursišn dār ī akār kadār
18.0
passox ān kē nasā pad =iš barēnd ud ān kē abar wišōbēnd ān kē mard pad =iš ō dār kunēnd ān kē handām ī zan ī daštān abar rasīd
20.0
ka bē kārēnd šāyēd ayāb nē
21.0
nē
22.0
ka axwēškārīhā bē rōyēd čē kunišn
23.0
passox pad hamāg šāyēd
24.0
pursišn tarr ī rustag ka =š nasā pad =iš gumēxt čiyōn bawēd
25.0
ast dastwar kē ēn guft hād sarāsar bē brīd ud hamāg nasā
26.0
ud ast dastwar kē guft ō ēd hangārēd agar ōh ōgārīd
27.0
ka ōgārīd se pāk
28.0
ud mar bē ka ēk se bē būd u =š se sāl pad =iš bē šud pāk
29.0
čē ān dār frāz dahišn ī az bunīh az =iš bē šawēd
30.0
dādfarrox guft kū agar dār sarāsar nasā bē brīd hamāg bē ō nasā bawēd
31.0
ka šakar aw =iš gumēzēnd sarāsar bē barēd hamāg dānišn pāk bawēd
32.0
ēn wāzag ī dādfarrox pad kār abāyēd dāštan ayāb nē
33.0
nē
34.0
tarr ī rustag ka =š nasā aw =iš pahikafēd čiyōn bawēd
34.5
tis =iz nēst
35.0
hušk ī rustag ayāb brīdag ka =š nasā aw =iš gumēxtēd čiyōn
36.0
passox pad gyāg šōyišn kār
37.0
pursišn tarr ī brīdag kē =š nasā aw =iš gumēxtēd
38.0
passox pad čāštag pad nē kird ēstēd
39.0
az man bē agar ān tarr gyāg
40.0
ēdōn ka frōd kārēnd bē rōyēd ēg =iš dādestān čiyōn
41.0
ān ī rustag agar dār az ān ī ka frōd kārēnd bē nē rōyēd ēg pad sāldrahnā ka =š wārān pad =iš bē būd pad frasp pēšag abārīg kē =š kār nē pad āb ud ātaxš šāyēd
43.0
hušk ka rustag ayāb brīdag u =š nasā andar gumēxtēd čiyōn bawēd
44.0
passox ān ī and gyāg bē tāšišn
45.0
abārīg pad sāldrahnā šōyišn kār
46.0
pursišn tarr ī rustag ka =š hixr aw =iš gumēxtēd čiyōn
47.0
passox sarāsar bē brīd pad gyāg ōgārd dārišn
48.0
pursišn tarr ī brīdag ka =š hixr abar gumēxtēd čiyōn
49.0
passox agar hixr az ān ī pad rustan šāyēd
50.0
ka =š abzāyišn pad =iš būd pad hamāg kār šāyēd
51.0
ud agar dār nē az ān pas pad dar ud frasp pēšag huškwar ī nē pad xwarišn mehmān šāyēd
52.0
hušk ī rustag brīdag ka =š hixr aw =iš gumēxtēd čiyōn
53.0
ānand gyāg bē tāšišn abārīg pāk
54.0
wēšag =ēw kē esm =ēw tāg andar kē nasā aw =iš gumēxt ēstēd nē dānēd kē kadām ud kirbag kirdan zad būd hē dādestān čiyōn
56.0
nē warōmand
57.0
ramag ī gōspand ēd andar kē nasā ǰūd ēstēd nē dānēd kū kadām čiyōn
58.0
nē warōmand
59.0
warōmand nē kunišn
60.0
dar ī hazzān ka =š nasā abar rasīd čiyōn
61.0
pad ham kār šāyēd
62.0
dar ī daštānestān ka =š nasā abar rasīd pad hazzān šāyēd
63.0
dar ī xwēšgāhān ka bē pohēd pad tis =iz šāyēd
64.0
pad xwēšgāhān hazzān daštānestān šāyēd
65.0
ka =š nasā abar rasīd pad hazzān šāyēd
66.0
ka =š daštān abar rasīd pad xwēšgāhān ud daštānestān šāyēd čē ān ī xwārtar pad ān ī garātar šāyēd ud ān ī garātar pad ān ī xwārtar nē šāyēd
69.0
dar ī deh ud dar ī šahrestān ka =š nasā abar rasīd čiyōn
70.0
tā pad ham kār dārēnd šāyēd
71.0
pas ka bē wēzēnd ka =iz pad hamgyāg abāz āguzēnd xāk šāyēd
72.0
dar ī ganǰag šabestān ǰāmagdān ka =š nasā abar rasīd čiyōn
72.5
akār
73.0
dar ī srāy ka =š nasā abar rasīd čiyōn
74.0
ēdōn čiyōn sōšyans guft nē šāyēd
75.0
ēdōn čiyōn kayādurbōzēd guft šāyēd
76.0
az man bē agar srāy ān kē =š kadagxwadāy dahlīz ēk ēdōn bawēd čiyōn dar ī ganǰ ud šabestān
77.0
agar srāy az ān ī kadagxwadāy dōdahlīz ud dar ī dahlīz abāz ō ēk āwurd ēstēd bē ō dar ī deh ud ān ī šahrestān handāzišn
79.0
dar ī bāγ ī ayāb dar ī gumbad ī ātaxšān ka =š nasā ayāb daštān abar rasīd čiyōn
80.0
pad ān ī daštān xwēšgāhān šāyēd
81.0
ka nasā pad tan =ēw bē wišōbēnēd čiyōn bawēd
82.0
ka pad ēwkardagīh bē wišōbēnēd
83.0
sōšyans guft ay ēd nē abāyēd kū dānēd kū sagdīd ayāb nē čē rēman margarzān u =š šōy nēst
85.0
abarg čār tuwān āmār nē kird
86.0
ud gōgušnasp guft ay pad čār ud tuwān
87.0
ka dānēd kū hambun =iz wināh ast ā margarzān
88.0
rōšn guft ay čē =š ōh abāyēd kū sag nē dīd
89.0
nasā paymānag čand
89.5
hambun =iz nē nōit̰ maxsi.bərətō
90.0
ka nasā dō pad band frōd bast ēstēnd wināh ī dō bawēd ayāb ēk
90.5
ān ī ēk
91.0
ǰāmag ī abāg nasā ēwkardag ka =š pad =iš bē ǰumbēnēd čiyōn
91.5
rēman
92.0
nasā ī ō kas =ēw framāyēd kē =š frayādišn nēst pad =iš ēg =iš wināh ud rēmanīh ī pad rāh pardazišn bawēd kunēd
93.5
margarzān ōh bawēd
94.0
ka =š andar kanār murd ēstēd ud pad gyāg bē abganēd rēman nē bawēd
95.0
ka =š murw =ēw azabar frōd abganēd bē pad rāh ī hamkarzagīh tā rēman nē bawēd
96.0
ka murw az ān ī nasuš nē zanēd ā =iz ēdōn bawēd
97.0
ka pad stōr nišānēd pad nigerišn pad nasā bē rāyēnēd nē rēman
98.0
ka pad stōr ēstēd frāz āhanǰēd rōšn guft ay ēdōn bawēd čiyōn pad zōr ī dō mard
100.0
dast ī šabēn pad āb ud ātaxš ud xwarišn ǰāmag čiyōn
101.0
xwadāybūd ī sālīg pad āb ud ātaxš tanāpuhragān guft mādagwar ān ī rēman
102.0
az abestāg paydāg kū dast ī šabīn ō āb ud ātaxš burd ēdōn bawēd čiyōn hixr
103.0
ān ānōh ēdōn paydāg čiyōn ka =š nasā ō mard ī ahlaw burd hē
104.0
pad xwarišn ī tarr ud šōr garā ud ud pad ān ī hušk ǰāmag nē bawēd
105.0
andar hazzān šud čiyōn
106.0
abarg hazzān āmār nē kird ud gōgušnasp ī adānist
107.0
az man bē ǰud agar pad hamnērōgīh andar šawēnd ēwēnīh pad šustan abāyēd
108.0
kē nasānigānīh rāy zamīg kanēd ka ēk ōh kanēd ēk ōh rōbēd čiyōn
110.0
tanāpuhr ēk ōy ud ēk ōy ōh ī xwāhēd
111.0
pas ka kanēd ast bē rōbēd tanāpuhrīh ī kand nē bawēd u =š ān ī ruft ōh bēd
112.0
nasānigānīh pad nasā ī zīndagān bawēd
112.5
nē
113.0
andar must abāz gīrēd nasānigānīh bawēd
113.5
nē
114.0
pad wastarg ī tadag bawēd
114.5
nē
115.0
ka nasā ǰud az wars ud nāxun nigānēnīd bawēd
115.5
ā nē
116.0
ka wars ud nāxun nigānēnīd wars ud nāxun abāg nasā ēg =iš nasānigānīh bawēd
116.5
bawēd
117.0
ka wars ud nāxun ī murdagān pad nasā abāz nīgānīd ka =š pad =iš abāg pahikōbēd rēman bawēd
117.5
bawēd
118.0
ka sag wars ud nāxun wēnēd nasuš zanēd
118.5
nē
119.0
ka pēš az dōsālag kirm bē bawēd ayāb bē pōsēd margarzān bawēd
119.5
nē
120.0
bē harw kirm =ēw rāy ā =š tanāpuhr =ēw wināh
121.0
pad gyāg ī sardsēr kē wafr ud gyāg nasā ǰud agar pad wafr frōd nihēnd ēnyā gyāg nēst ud mardōm widerān bawēnd ān pad wafr frōd nihēnd ayāb čē kunišn
123.0
pad harw dūdag =ēw ā =šān xānag =ēw az mayān ī zamīg mānišn ī mardōmān nawad gām bērōn bē kunišn
124.0
ka pad zamestān mardōm widerān bē bawēnd nasā bē ān gyāg barišn
124.5
barišn
125.0
u =š ēdōn wistarg and kunišn kū agar hixr ud tis =ēw az nasā bē āyēd ō zamīg nē rasēd
126.0
u =š nasā andar ān gyāg barišn čiyōn
126.5
garmīh āyēd murw bē āyēd zamīg bē hōšēd nasā az ān gyāg bērōn bē āwarišn u =š bē ō ī murw dahišn
127.0
drāzā ud pahnā ud bālā ī xānag čand abāyēd
127.5
čand frāz pāy ud dast widārdan ka nišīnēd andar ān zamān ka zīndag bawēd
128.0
ā =š pāy ō fragān sar ō aškōb nē rasēd
129.0
az abestāg paydāg
129.25
čand ān
129.5
nē ka stēndag kū zīndag nišīnišn waγdan abar rasīhēd ma frāz pāy ud ma widārdan dast tar =iš ma pahikafād
131.0
ka meh bawēd u =š tan andar nihēnd ayāb nē nihēnd
131.5
šāyēd ayāb nē
132.0
šāyēd
133.0
čand zamān andar ān xānag pādixšāy dāštan
134.0
mard =ēw rōz ud māh drahnā
135.0
ud ka wafr bē nē šawēd zamīg bē nē āwāsēd wēš =iz pādixšāy
136.0
az abestāg paydāg
136.5
ēdōn ān ī ul az bōy kē gyān andar nēst u =š tan bē ēd dahēnd andar xānag dōšabag ayāb sešabag ayāb māhdrahnā u =š kār nēst
138.0
ka andar zamīg bē kanēd āšāyēd
138.5
šāyēd
139.0
az abestāg paydāg
140.0
ka andar xānag =ēw bē kunēnd u =š any nasā andar nihēnd šāyēd
141.0
abēr šāyēd
142.0
pas ka mard =ēw bē kanēnd šāyēd
143.0
ka rōzgār abar āyēd ud ān gyāg xwaršēdnigerišn bē nē kunēnd ēg =iš wināh ī nasānigānīh bē bawēd
143.5
bawēd
144.0
čē dēn gōwēd hād agar nē awēšān mazdēsn ān kirb xwaršēdnigerišn kunēnd kū āškārag bē nē kunēnd pad sāldrahnā ān ahlawγenīh ān dēwēzagīh ō bun bawēd
147.0
tā kay ēg =iš ēn wināh hamē rawēd
148.0
tā ka nasā ud hixr bē barēnd ud hazzān bē kanēnd ud nasā bē ō murw dahēnd
149.0
ka bē kunēnd u =š nasā andar nē barēnd pad nišāst ī mardōmān gōspand ud xwarišn ǰāmag =ēw mardōmān šāyēd ayāb nē
150.0
šāyēd
151.0
ka =š az =iš bē barēnd pad ham ān kār šāyēd
152.0
u =š andarōn bērōn hamāg pērāmōn hixr ī garā
153.0
ka nasā az ān gyāg bē āwarēnd čiyōn šāyēd
154.0
ka bē āwarēnd sag ī zardgōš ī čahārdīdag ayāb spēd ī zardgōš bē burdan pad rāh frāz nimūdan abāg xwēš dāštan pad dō mard ō gyāg ī didīgar pardaxtan
155.0
ka =š nasā az ān gyāg bē barēnd ān gyāg čiyōn pāk bē bawēd
156.0
ka =š wārān =ēw ēdōn pad =iš bē būd ī andarōn ud bērōn bē hōšīd pāk
157.0
mard =ēw ka pad sardsēr mānēd u =š ēn xānag nē kird ēstēd ēg =iš wināh bēd ayāb nē
158.0
nē
159.0
ka nasā nigān bē bawēd ā =š wināh ī nasānigānīh andar ēstēd wināhgār ayāb nē
160.0
nē
161.0
ka nabānazdištān nihēnd ud āškārag nē kunēnd awēšān wināh andar ēstēd
162.0
ka az awēšān =ēw didīgar bē rasēd nasā nigān ān ī didīgarān ō bun ayāb ān ī rasēd
163.0
awēšān andar ēstēd ōy abāz nē ēstēd
164.0
ān nabānazdištān dūdagdārān murd ēg =iš dādestān čiyōn
165.0
ka =š nē guft ēstēd kū nasā āškārag kunēd ōy wināh andar ēstēd awēšān abāz nē ēstēd
166.0
ka xwāstag pad xwāstagdārīh frāz gīrēnd ud pādixšāy hēnd ka nasā āškārag nē kunēnd
166.5
nē
167.0
ka xwāstag pad xwāstagdārīh nē gīrēnd pādixšāy hēnd ka āškārag nē kunēnd ayāb nē
168.0
pādixšāy hēnd
169.0
ud ka ōy wināh andar nē ēstēd ā =š andar nē ēstēd
170.0
ka wināh andar ēstēd ā =š abāz nē ēstēd
171.0
ka =š čand andar barēnd šāyēd ayāb nē
172.0
tā =š gyāg bawēd šāyēd
173.0
ka bē āwarēnd ka sag nē nimāyēnd šāyēd ayāb nē
174.0
pēšagsīr pad nē rāst gōwēnd kū ka nē nimāyēnd šāyēd
175.0
az man bē bīm ī padwēšag rāy nē pādixšāy bē ka sag nimāyēnd
176.0
ka nē nimāyēnd u =š padwēšag rāy nē andar ǰahēd ā =š ō bun
177.0
ka pid sar bē grift ud hangām frāz mad u =š nasānigānīh andar ēstād pus bē āškārag bē kirdan wināhgār ā =š tanāpuhr ō bun bawēd
179.0
ka hangām frāz mad margarzān bawēd ayāb nē
180.0
nē
181.0
pas ka pid nasānigānīh andar nē ēstēd frāz rawēd pus dādestān čiyōn
181.5
čiyōn pid
182.0
abārīg xwāstagdārān hamčiyōn pus bawēd
182.5
hamēdōn
183.0
ka =š āškārag bē kunēnd ōy kē =š kand ud nigānd ā =š abāz ēstēd
183.5
ā nē
184.0
ka awēšān āškārag nē kunēnd wināhgār pid ayāb xwāstagdārān
184.5
harw dō
185.0
ka ān bē frōxšēnd ayāb gyāg zamīg bē frōxšēnd ud ān abāz bē frōxšēnd pādixšāy hēnd ayāb nē
186.0
pad ān zamān pādixšāy hēnd ka pad ēk bē frōxšēnd
187.0
ka nē pad ēk bē frōxšēnd ka ā =šān wināh ō bun ud xrīdār pādixšāy dādan
188.0
ka pad ēk bē frōxšēnd ēn wināh kē ō bun ud kē āškārag kunišn awēšān kē xrīnēnd
189.0
ka nē pad ēk bē frōxšēnd drahm bē stānēnd ā =šān dādestān čiyōn
190.0
pad drahm duzz hēnd
191.0
xānag ka =š sar bē nē kunēnd šāyēd
192.0
nē čē =š sar bē kunišn
193.0
astōdān ka =š zamestān sar bē kunēnd šāyēd
194.0
nē
195.0
čē rāy kū xānag šāyēd astōdān nē šāyēd
196.0
ēd rāy čē astōdān bē ka ēwar dānēd kū ka hangām frāz mad nasā āškārag tuwān ham kirdan kunēd
197.0
tā dō sāl sar andar nigānīh bē mānēd margarzān bawēd
198.0
ān ka bē awināhīh bē mānēd margarzān nē bawēd
199.0
hixr ī pad gētī tan nē paydāg čiyōn
200.0
fragān padišwar padišwar ī stōr ud gōspand ud āb ud ātaxš dādestān čē
201.0
pad čāštag ī hamāg tanāpuhragān
202.0
ast kē pad āb yātagān gōwēd
203.0
ēn wārān kē pad hixr ud nasā ud xrafstar ud daštān ud abārīg rēmanīh hamē wārēd ka abar gīrēnd pad gyāg ī tantōhmag dārēnd šāyēd ayāb nē
204.0
nē nē nē
205.0
čē rāy
206.0
ēd rāy čē ohrmazd pad mehdādestānīh ī xwarišn ud xwārišn ī mardōmān gōspand ī hudāg rāy wārēnēd kū =š zīyišn ī parwarišn ī mardōmān gōspand az =iš bawēd
208.0
andar petyāragōmandīh =ēw ēdōn šāyēd wārēnīdan
209.0
ka pad hamāg gyāg bē wārēnīdan mehsūdīh ī mard ī ahlaw ud wāstar ud xwarišn ī gōspandān rāy
210.0
čiyōn pad gōwišn ī zarduxšt paydāg kū guft kū ud āb gīr tō ay tō kē ohrmazd hē abar ō hazzān wāzēnā abar ō nasā wāzēnā tō kē ohrmazd hē abar ō ī hixr ud abar ō ast frāz hilē ud āškārag frāz frōwēnā ō nasā ī nigān sūrāg ī xrafstarān awēšān pad āgenēn frāz frōwēnāy abar ō zrēy ī pūtīg
213.0
u =š guft ohrmazd kū kunēnd ud ālag ī zrēy purr az nasā ud hixr ud xrafstar stān kē pad yōǰdāsrīh az zrēy pūtīg ō zrēy ī frāxkard burd
215.0
yōǰdāsrīh bē kunam ud az =iz ān wan ī huāb tōhm ī hamāg urwarān abar kunam xwarišn xwārišn dārūn darmān ī harwisp ox ī astōmand ud gōspand ī hudāg
217.0
bē wālēnam ud sadēwēnag hazārēwēnag bēwarēwēnag drustīh bēšāzišnīh ō dām baram
218.0
az abestāg paydāg awēšān pad āgenēn bē wārēnam man kē ohrmazd ham
219.0
pas zarduxšt wasrāmišnīh mehsūdīh ēn kār dīd rāy
220.0
ēg =iš guft kū ēn meh ud weh ēn nēktar ēn mehdādestānīhādar čiyōn tō abēzag hē
221.0
u =š mehsūdīh =iz ī az ān ī gannāgmēnōy ka andar dām dwārist
222.0
ud ān wārān ī wuzurg kird ud xrafstarān kē ēn zamīg hamāg se nēzagbālā frāz grift ō zrēy ī ̄*pūtīg ruft
224.0
abāz nimūdan zarduxšt pad =iš hunsand ud rāmišnīg bē kird ī amāh mardōmān
225.0
ka azidahāg ud abārīg petyārag ī gannāg mēnōy čiyōn gurg ud gurgsardag ka pad ātaxš ud āb abāg tuwān dāštan ayāb anēr ka pad ātaxš sōzēnd šāyēd ayāb nē
227.0
abēr abēr abēr šāyēd
228.0
pas dādār ī ohrmazd nē tuwānīg
229.0
kē wināh ī ēdōn garān ī pad nasā ō āb ud ātaxš burd guft ēstēd pad and čāraggarīh abāz nē tuwān dāštan
230.0
kē ān mehsūdīh ī xwarišn ud xwārišn ī mardōmān gōspandān ǰud az ēn kirdan nē tuwān bawēd
231.0
az ān ī ka petyārag ō dām mad andar gētī ēč tis ī abēzag būdan kirdan nē šāyēd
232.0
bē kirbag ān bawēd kē =š mehsūdīh rāy kirbag az wināh wēš ayāb kirbag az
233.0
kirbag meh ayāb wināh az wināh keh
234.0
wināh ān ō bun kē wināh az kirbag meh ayāb wināh az wināh meh
235.0
u =š dādestān ēdōn čārag bē ōzadan rāy tis =ēw ēdōn abd čiyōn rāyēnišn ī kahas kē =š ābādānīh ī gēhān az =iš bē kirdan
237.0
nē rāyēnīdan čāšt āb ud ātaxš az mard ī ahlaw weh nēst
238.0
mard ī ahlaw gandōmand ud pūdōmand ud margōmand ud yaskōmand ud armēšt bē ō pāyag ī zišttom rasēd
239.0
ud ǰādag ī wuzurg mehsūdīh rāy ēn hamāg anāgīh ī mardōmān ō xwēš barēnd
240.0
ud pad abāzabespārišnīh ī ō mēnōy ud ēmēd ī tan ī pasēn pad =iš hunsand ud rāmišnīg ham
242.0
ka wēšag awērān kē pad =iz ud nasā ud warōmand pad ātaxš bē wirāyēnd ud was xrafstar ud murw ud dām ohrmazd ud dām ī ahreman pad ātaxš sōzēnd šāyēd ayāb nē
244.0
arz =ēw ābādānīh ī gētī ī mehsūdīh ī dām ī ohrmazd rāy ēg =iš az ān sōxtan kirbag was bawēd
245.0
pad wēšag ka =š ātaxš aw =iš abganēd dānēd kū nasā gyāg šāyēd ayāb nē
246.0
wēšag warōmand nē pādixšāy kirdan
247.0
ud ān gyāg dānēd wēnēd ēg =iš pāk bē kunišn
248.0
ud ān gyāg kū rāy dānēd aw =iš šudan ud ayāftan nē tuwān ātaxš frāz hilišn
249.0
ka ātaxš frāz hilēnd pad nasā frāz rasēd čiyōn kunišn
250.0
ka =š gyāg čiyōn tuwān būd bē nigerēd
251.0
ka =š nasā bē tuwān burdan ayāb az =iš ātaxš abāg tuwān dāštan
252.0
pad ātaxš andar hištan pad gyāg nigerīdan awināh
253.0
ā =š nasā nasā bē pahrēzišn ud tan rēmanīh margarzānīh nē bawēd
254.0
ud ka pad ātaxš andar hištan ayāb pad gyāg nē nigerīdan wināhgār
255.0
ka =š nasā bē tuwān burdan nasā pad ātaxš bē sōzēd rēman margarzān ud hagriz pāk nē bawēd
256.0
ka grōh =ēw xuft ēstēnd u =šān tan =ēw andar mayān bē widerēd hamāg rēman hēnd ayāb hēnd ī rēman ud ast ī pāk
257.0
agar ān tan wehdēn ēdōn čiyōn guft ēstēd kū mard hamāg āsrōn ud sag hamāg pad pasušhorw dārišn
258.0
mardōm =ēw pad hamrēh ud nō ud pad padrēh
259.0
ka sag murd ēstēd ēk pad hamrēh ud haft pad padrēh ī ān ī yāzdahom ka abāg ān ī dahom hamkarzag
260.0
ā =š pad gōmēz ud āb šōyišn ud ka wastarg ēg =iš abāz ēstēd ēg =iš pad xšauuašmā̊ŋhō šōyišn
260.5
ka nē ā =š pad gōmēz āb šōyišn
261.0
ān ī dwāzdahom ka abāg ān ī yāzdahom hamkarzag tan pāk
262.0
ka ǰāmag ā =š pad gōmēz āb šōyišn ud ka nē apāk
262.5
ān ī sēzdahom harw tis =ēw pāka
263.0
ud sag az ēn handāzag kē kust =ēw az hamāg kust
264.0
pad wars ud nāxon ōh bawēd
265.0
ud ka =š tis =ēw ī sag ayāb rōbišnīh ud mayān dō ay pēš nē barēd
266.0
ēwbar ud daštān nisēy ud aburnāyag =ēw pēš barēd
267.0
zan ī ābustan pēš barēd ud agar barēd ēk ayāb dō
268.0
ēk barēd
269.0
kabīg čiyōn u =š daštān rēman ayāb nē
270.0
pad čāštag =ēw mēdōmāhīg ā =š daštān ā =š daštān rēman
271.0
ud ka bē rasēd ēg =iš sag bē nimāyišn
272.0
ud pad čāštag ī abargīg kē bē zanēd ud az ān zanišn bē mīrēd margarzān
273.0
rapsūy rēmanīh kunēd ayāb nē
273.5
rēmanīh nē ǰud agar bē ōzanēd bē drōbēd
274.0
ud ka pad dah mard bē drōbēnd hamāg rēman hēnd
275.0
ud ka ast ōzanēd ast drōbēd ēk =iz nē rēman hēnd
276.0
rōbāh ud rapsūy ud babrag ī ābīg nasā ī zīndagān
277.0
anērān margarzānān dēwēsnān rēmanīh čiyōn
278.0
gyāg frōd nē barišn xānag ud tuhīgīh nē rēman
279.0
mard pad pixag nē šōyišn pad āb
280.0
ātaxš xwardan nigān kirdan hamāg čiyōn nasā ī garā bēd
281.0
ud ān zīndagān anērān margarzānān dēwēsnān ahlomōγān gyāg rēman nē kunēd
282.0
pādyābīh az =iš čiyōn dārišn
283.0
ǰud az nasā ī zīndagān rōbāh ud rōbāh =iz ǰuddādestānīh ēnyā pādyābīh pad se gām dārišn
284.0
rōbāh kē xwārtar guft
285.0
wehšābuhr xwārtar guft
285.5
nēryōsang guft ay harw čē pad tis =ēw nasā pādyābīh az =iš pad se gām dārišn
286.0
ud wehšābuhr ēn =iz ǰud ay harw čē gyāg xānag rēman nē kunēd
287.0
se gām barsom apādyāb nē kunēd
288.0
dādfarrox hamčiyōn nēryōsang guft
289.0
sōšyans harw dād =ēw āmār kird čē =š guft ay harw kē se srōšōčarnām =ēw wināh pad dād zīndag druwand ud murdag margarzān
291.0
amā pad nasā ī awēšān rēman nē bawēm awēšān pad nasā ī amāh rēman ōh bawēnd
292.0
čē awēšān margarzān hēnd čē nasuš nē pad dād šawēd
293.0
kayādurbōzēd guft ay az hamāg dād mardōm ahlaw ōh bawēnd
294.0
amā pad nasā ī awēšān rēman ōh bawēm čē šāyēd būd kū ahlaw hēnd
295.0
awēšān pad nasā ī amāh rēman nē bawēnd čē nasuš pad dād nē šawēd
296.0
ud gōgušnasp guft ay az hamāg dād mardōm ahlaw bawēnd
297.0
andar mān ēd kē yazišn =ēw sāxt ēstēd
298.0
tan =ēw andar widerān bawēd čiyōn kunišn
299.0
ān ī čiyōn zōhr =ēw ud ǰīw =ēw ud parāhōm =ēw ud bōrag =ēw bē ō āb dahišn
300.0
nān ud gōšt ka poxtag ayāb brištag xwardīg akār bē ō sag dahišn
301.0
ud namaksūd ud rōγn ud xormā ud anǰīr ud abārīg xwarišnīg ud tis ī ǰud az xwarišnīg ud tis harw čē andar ān xānag hamāg nō šab ud māhdrahnā andar abāyēd
302.0
pad ǰudxānag wiškar =ēw ēd ud pad šīr ud xwarišn ī sāxtag ī andar se gām hamāg akār ud ān ī nē andar se gām hamāg pāk
304.0
ud ka =š azēr ayāb azabar ēwēnag =ēw paydāgēnīd ēstēd pad ǰudxānag dārišn
305.0
ātaxš agar pēš ī nasā bē šāyēd burdan
306.0
andar se gām ī nasā nē barišn
307.0
ud agar dēwār gilēn dēwār bē sumbišn ud bē barišn
308.0
ka gačēn nē sumbišn bē =š gačestān =ēw andar frōdan nasā bē barēnišn ud pas ātaxš ōh nayišn
309.0
ǰāmag ud payrāyag =ēw mardōm pad tan dārēnd pāk
310.0
xwarišn andar ān gyāg ǰāmag kē pēš az nōšabag bē āwarēnd bē xwarēnd ud kanār framāyēnd ēg =iš dādestān čiyōn
311.0
harw čē andar ān gyāg hixr ī garā ud ān ī ayōxšust ān ī hixr rasēd hamāg apādyāb
312.0
xwarišn ī sāxtag andar se gām hagriz pad kār ī mardōmān nē šāyēd
312.5
ō sag dahišn
313.0
ān =iz ī nē sāxtag pad yazišn ī yazadān kām kunišn
313.5
wehān kem xwarišn
314.0
ǰud ān ī bē az se gām ān ka nōšabag māhdrahnā pad =iš bē šawēd pad yazišn ī yazadān xwardan ī mowbedān mowbed šāyēd
315.0
ātaxš andar nazdīkīh ī nasā ud se gām nēst ud tābišn ō nasā hamē rasēd čiyōn kunišn
315.5
zūd bē barišn
316.0
agar ātaxš ǰud frāz nazdīktar burdan tā bē nē šāyēd burdan ǰāmag ī pēš ī ātaxš abar dārišn kū nazdīkīh rāy tābišn ō nasā nē rasēd ud zūd bē barišn
318.0
ka xānag dō ēk azēr ēk azabar ayāb xānag andar xānag ud andar xānag ī bērōn murd ēstēd čiyōn kunišn
319.0
ka andar ān ī azēr ān ī azēr ī
319.5
ka andar ān ī azabar ān ī azabar
320.0
ka andar ān ī bērōn ān ī bērōn
320.5
ka andar ān ī andarōn ān ī andarōn rēman
321.0
ka andar ān ī azabar sūrāg ī rōzēn frōd ō xānag ī azēr barēd čiyōn
322.0
agar nasā pāy ayāb handām =ēw andar rōzēn ēdōn ī frōd nē šud
323.0
ast ī abāz ō armag ī xānag ī azērēn ēstēd ān ī azērēn =ēw pāk
324.0
agar handām =ēw andar sūrāg frōd šud ēstēd abāz ō armag ēstēd harw dō rēman
325.0
ka andar dargāh murd ēstēd ud dargāh mayān ī dō xānag čiyōn
326.0
ka dar dōgānag az ān kust kē dar frāz šāyēd kirdan az ān kust nē rēman
327.0
agar =iš handām =ēw abāz ō harw dō kust ēstēd harw dō rēman
328.0
ud xānag ka =š handām =ēw ō xānag ud ān xānag kē =š handām abāz aw =iš ēstēd rēman
329.0
ka abāz harw dō ēstēd harw dō rēman
330.0
ud ka azabar sētāg azēr čiyōn
331.0
nēk ī hutuxštar ī pābagān xānag ī rašn xwānēnd
332.0
tuhīgīh čiyōn rēman kunēd
333.0
nēk ī rašn se xānag
334.0
ka andar xānag mīrēd dargāh rēman ayāb nē
335.0
agar dar frāz kird ēstēd dargāh ēwēnag paydāgēnīd ēstēd tā pušt ī dar ud pušt =iz ī dar rēman
336.0
agar =iš ēwēnag paydāgēnīd ēstēd dargāh nē rēman ēn ān gyāg kū dar =ēw ī nē dōgānag
337.0
ud mēdōmāhīg ka =š ēwēnag paydāgēnīd ēstēd u =š handām =ēw abāg nē ēstēd nē rēman
338.0
pad čāštag ī abargīg dargāh nēm =ēw abar ēn xānag ud nēm =ēw abar ān
339.0
az man bē ēn abar ān bawēd ī dar nē āguxt ēstēd u =š ēwēnag nē paydāgēnīd ēstēd
340.0
ka dar dōgānag čē ǰuttar kū ka ēk frāz šāyēd kirdan kē ān kust kū =š handām =ēw abāz aw =iš nē ēstēd nē rēman
341.0
ka =š handām =ēw abāg ōh mān ēstēd az harw dō kust rēman
342.0
ka andar xānag tāgīhā ud andar tāg bē murd ēstēd dādestān čiyōn
343.0
ān tāg =ēw rēman
344.0
gumbad čiyōn bawēd
345.0
agar gumbad az ān ī pad čahār tāg abar ēstēd harw tāg =ēw ēk =ēw gumbad hamgōnag
346.0
ud agar gumbad ǰud az čahār tāg hamāg rēman
347.0
ud agar gumbad ī ātaxšān ātaxš ān gyāg tuhīgīh rēman nē kunēd
348.0
ēdōn bawēd čiyōn wiškar ud kirdan kē gumbad ǰudxānag
349.0
xišt ud sagtun kiš ud xāk ka =š ēwēnag paydāgēnīd ēstēd čiyōn
350.0
ka =š azabar murd ēstēd ānand rēman ud andarōn ud kiš rēman
351.0
ka azēr ī tis =ēw čiyōn talag None =ēw ud kurasp =ēw ud škāf gar =ēw kē abar stadan šāyēd murd ēstēd čiyōn
353.0
ānand rēman
354.0
ud agar ka abar stanēnd wišāyēd kōf ud gyāg pāk
355.0
ud agar ka abar stānēnd andar xānag abāz gumēxtēd
355.5
xānag rēman
356.0
ka andar xānag ud xēmag murd ēstēd čiyōn
356.5
tuhīg gāh rēman
357.0
u =š dārwan madan aškōb hamāg nōšabag māhdrahnā ōh abāyēd
358.0
ka andar wiyān xānag =ēw kird ēstēd andar ān murd ēstēd čiyōn
358.5
xānag rēman
359.0
agar xānag ul stānēd tuhīgīh ēktag bē bawēd hamāg rēman
360.0
ka ān ī meh murd ēstēd ān ī meh rēman ān ī keh pāk
361.0
ka ān ī meh ul stānēd hamāg pāk
362.0
pas ka abāz nihumbēd ud pad hamgyāg aškōb bawēd čiyōn
362.5
pāk
363.0
xānag ka =š aškōb abar stānēd čiyōn
364.0
kē ham pad aškōb abāz nihumbēd čiyōn
365.0
ka ul stānēd pāk
366.0
ka abāz nihumbēd rēman abāz bawēd
367.0
ka ān kē =š ul stānēd pad ǰudgyāg ayāb any dār ud any tis pad any gyāg abāz aškōbēd rēman ud abāz bawēd ayāb nē
368.0
nē
369.0
ka any dō xānag andar xānag =ēw bē rasēd ayāb dēwārag az mān abar gīrēnd čiyōn bawēd
370.0
andar ān xānag kē murd ēstēd rēman
372.0
ka dēwārag =ēw abar kunēnd abāz gumēxtēd harw dō rēman
373.0
pad čāštag ī pēšagsīr ka =z =iš az =iš abar kunēnd pad dudīgar kunēd hilēnd ānand rēman
374.0
ka dō aškōb azēr ud azabar čiyōn
375.0
ka sūrāg abar nē šawēd ān rēman ka =š andar murd ēstēd
376.0
ka sūrāg abar šawēd andčand sūrāg ān =iz rēman
377.0
ka mān abāz stānēd ka azēr bē mīrēd azabar pāk
378.0
ka azabar bē mīrēd azēr rēman
379.0
ka andar ān ī azabar murd ēstēd ān ī azēr hamag rēman
380.0
ka andar azēr sūrāg nazdīk ka andar ān ī azēr andar sūrāg gāh murd ēstēd u =š tis =iz tar sūrāg abāz nē ēstēd ān ī azabar hamāg rēman
381.0
ān ī azēr sūrāg ud nazdīk ud ka tis =ēw tar sūrāg abāz ēstēd harw dō rēman
382.0
ud ka andar ān ī azabar sūrāg gāh murd ēstēd u =š tis =ēw tar sūrāg abāz nē ēstēd azabar hamāg rēman
383.0
ān ī azēr sūrāg nazdīk ka =š tis tar sūrāg abāz frōd ēstēd harw dō rēman
384.0
ka pad bān ī xānag ī murd ēstēd sag nimūdan ud pahrēxtan čiyōn
385.0
ka pad rāγ ēdōn bawēd čiyōn
386.0
zamīg ka pad dār aškōb sag šāyēd nimūdan bē nimāyišn
387.0
pad dō mard pad hamzōrīh frāz šawišn bē pahrēzišn
388.0
ud ka sag frāz nē šāyēd burdan kū bē wēnēd ǰud agar abāg mard ēdōn gyāg bē ǰumbēd
388.5
nasā bē ǰumbēd pad dō mard ud sag frāz gīrišn
389.0
frāz barišn ud frāz nimāyišn nasā bē pahrēzišn
390.0
ud harw dō xūb ud pad pixag šōyišn
391.0
ud agar gyāg az ān ī šāyēd kirdan sag ī kūčak pad dār =ēw ud tis andar nišānišn tā bē wēnēd
392.0
pas pad dō mard ōh pahrēzišn
393.0
ka pad dār ud draxt =ēw murd ēstēd čiyōn sag nimāyišn čiyōn pahrēzišn
394.0
ka azēr sag nimūdan šāyēd xūb
394.5
pad dō mard ul šawišn ud frōd dārišn
395.0
ud ka ǰuttar pad sang bē abganišn sag nimāyišn ud pad dō mard pahrēzišn
396.0
xānag kē =š nōšabag ī pad zamestān māhdrahnā ī pad hāmīn abāyēd ka pad tēxag ī zamestān ayāb ān ī hāmīn widerān bawēd čiyōn kunēnd
398.0
ka pad hāmīn frāz rawēd sar andar zamestān ī barēd ka māhdrahnā pad hāmīn ayāb nōšabag zamestān pēš šud apāk
400.0
ka pad zamestān frāz rawēd sar andar hāmīn barēd ka az ān ī zamestān hāmīn hammis māhdrahnā pēš šud pāk
402.0
ka nasā pad draxt dūr ud sag nimūdan az azēr nē šāyēd pad sang abgandan nē šāyēd čiyōn kunišn
403.0
ān gyāg kū mardōm wēnēnd sag =iz wēnēd
404.0
ān gyāg kū mardōm nē wēnēd nē dānēd kū nasā ān gyāg ayāb nē ēnyā ka abar šud u =š wēnēd az ān pas mard rēman
405.0
nasā az ān kē tis =ēw ō ān gyāg burd ēstēd abāg =iz ēd kū sag dīd ēwarīh ī abāyēd
405.5
ka mard rēman bē būd ēg =iš dast ud handām ēdōn bē kunišn
406.0
se paywand bawēd āstārag pad ǰāmag =ēw ēdōn frāz gīrēd ī pad se paywand ud ān tāg =ēw bē brīnēd tā bē ōbadēd sag nimāyišn
407.0
ka andar srāy =ēw ī pad bān ayāb andar xānag =ēw bān dar ī bast ēstēd ka abāz kunēd nasā bē ǰumbēnēd čiyōn kunišn
409.0
ka mayān nasā dar pad bastan ayāb dēwār
410.0
agar =iz dar pad bastan ayāb dēwār azēr šāyēd dar wišādan ud sag frāz hištan tā bē wēnēd
411.0
ka ǰuttar ka band =ēw frāz ō sag bandēnd ud sag bē awiš tābēnd dar abāg šāyēd kirdan xūb
412.0
ka ǰuttar ud ān =iz nē šāyēd zanǰīr =ēw ī awestwār andar bandišn tā pad paywand dar bē kišēnd ud dar ēdōn bē kunēnd ī sag andar burdan šāyēd ud sag frāz hilēnd ud kār bē rāyēnēnd
414.0
ēn ān zamān bawēd ka az gyāg =ēw frōd nigerēnd ud wēnēd kū murd ēstēd
415.0
ud murd pad ēwarīh ēnyā ēg =iš ka murd zīndag nē paydāg pad zīndag dārišn ud sag frāz nimāyišn
416.0
ka dō tan xuft ēstēd ēk abar āxēzēd ud bē pēš šawēd ka abāz nigerēd ān ī didīgar murd ēstēd ān mard rēman bawēd ayāb nē
418.0
nē
419.0
čē pad zamān abāyēd dāštan kū murd ēstēd
420.0
ka bē wēnēd tā ēwarīh pad zīndag dārišn
421.0
ka nasā bē burd ud pādyābīh andar ān gyāg barēnd šāyēd ayāb nē
422.0
xwarišn apādyāb nišāst ud xwardan nē pādixšāy ud pādyābīh apādyāb
423.0
kas ka axwēškār andar šawēd dādestān čiyōn
423.5
framān =ēw wināh
424.0
ātaxš ud āb ō ān gyāg burdan wināh čand
425.0
ātaxš tanāpuhr ud abrōxtan tanāpuhr ud pad ǰudgyāg ǰudbār tanāpuhr
426.0
ud āb framānīg gyāg bē rēxtan tanāpuhr pad ǰudgyāg yāt
427.0
panǰom
428.0
zan ī ābustan az ēwmāhag tā dahmāhag ka =š zāyišn zamān gumānīg kū =š andar aškamb murd ēstēd
429.0
āb xwardan abāg zan hamkarzag bawēd čiyōn
430.0
ābustan murdan harw dō pad ēwarīh bawēd
431.0
ud tā gumānīg pādixšāy ka nē pahrēzēd
432.0
ka xōn az =iš āyēd pad čē dārišn
432.5
pad daštān ī gištag kē az =iš āyēd
433.0
ka andar gōmēz abganēnd bē nē widāzēd spēd abāg nē bawēd pad čē dārišn
433.5
pad hixr
434.0
ka gištag =ēw kē kālbod ī mardōmīh nē paydāg ka sag nimāyēnd ud čiyōn nimāyišn
435.0
bē nē škāfišn hamēdōn sag nimāyišn
436.0
pad hixr ī murdagān dārišn ayāb pad zīndagān
437.0
ka paydāg bawēd ka nasā hixr ī pēš az ān ud andar ān gāh ī bē āyēd ka nasā bē pad hixr ī murdagān dārišn
439.0
ān ī nē paydāg kū nasā ēwāz pas az nasā āmad āyēd pad hixr ī zīndagān dārišn
440.0
ka pad zād nē paydāg kū kōdak murd zīndag čiyōn
441.0
hixr ī pēš ān ī abāg bē āyēd čiyōn
442.0
ka nē paydāg kū murd ēstēd pad zīndag dārišn
443.0
ka nāfag brīd ēg ō dānišn nē rasēd kū murd ayāb zīndag ham pāk
444.0
pas ǰud az ān ī abāg kōdak ēwkardag hamāg pad hixr ī zīndagān dārišn
445.0
ud ān ī abāg nasā hixr ī murdagān
446.0
kas kē abāg hamkarzag rēman nē bawēd
447.0
ka paydāg kū murd ayāb nāfag nē brīd ud pas paydāg bawēd kū murd ēstēd ud mād ud gōzīgwar ud ān kē ān hangām ka bē dānist kū murd ēstēd abāg hamkarzag hamāg rēman
449.0
ud ham āb ud xwarišn pādixšāy xwardan
450.0
hixr ī pēš ud pas ǰud az ān ī abāg kōdak ēd pad ān ī zīndagān dārišn
451.0
ka murdagzādag čiyōn dārišn
452.0
ham ān kē =š abāg hamkarzag rēman
453.0
ud hixr ī pēš ud ān =iz ī abāg kōdak pad hixr ī murdagān
454.0
ān ī pas bē āyēd pad hixr ī zīndagān dārišn
455.0
ka dō ēk murdag ēk zīndag zāyēd čiyōn
456.0
ka ān ī zīndag pēš bē āyēd pas ka ān ī murdag āyēd nē rēman
457.0
ka ān ī murdag pēš bē āyēd rēman
458.0
kōdak atuwānīgīh rāy pad gōmēz ud āb šōyišn ud pas ka pēšag šnās bawēd pad pixag šōyišn
459.0
ud mādar hamē rēman
460.0
ud pas ka ān ī zīndag pēš bē āyēd tā ān ī murdag āmad pad ān ī zīndag dārišn
461.0
ud ka ān ī murdag pēš āyēd harw čē pēš abāg ān ī murdag āyēd pad ān ī murdagān dārišn
462.0
ud az ān ī frāz ud ka =iz ān ī zīndag zāyēd hamāg pad ān ī zīndagān dārišn
463.0
ka =š andar tan ārāst ēstēd nē dānēd kū murd ayāb zīndag ayāb ēwar dānēd kū murd ēstēd čiyōn
464.0
bē pādixšāy āhixtan
465.0
pādixšāy ka nē pāyēd kū sag rasēd
466.0
ka nē paydāg kū mīrēd nāfag zūd bē brīnišn
467.0
ka murd zīndag nē paydāg ān kē pas az kemkarzag nē bawēd ham =iz nē rēman
468.0
ka nāfag nē brīd mard dīdār āyēd ham ān kē abāg hamkarzag hamāg rēman
469.0
ka dānēd kū ābustan andar tan apēdag bē bawēd čiyōn
470.0
tis =iz nēst
471.0
ka xwaršēdnigerišn bē bawēd abāz šawēd čiyōn
472.0
ka gumānīg kū zīndag būd ka xwaršēdnigerišn bawēd nē paydāg kū murd ēstēd
473.0
tis =ēw ka ēwar murd kū abāz šawēd ēdōn bawēd kū hambān =ēw purr az nasā
474.0
ud tā bē zād pādyāb az =iš pad se gām dārišn
475.0
ka andar aškamb murd ēstēd bērōn bē nē āyēd čiyōn kunišn
476.0
tā xwaršēdnigerišn bawēd ēg =iš pādixšāy ka az tis =iz nē pahrēzēd
477.0
ka xwaršēdnigerišn bē būd abāg šawēd andar tan bē hōšēd bē nē āyēd čiyōn
478.0
ka čēhel rōz bē būd pad ēd abāyēd dāštan kū andar tan bē pōsīd bē pādixšāy šustan
480.0
ka šust bērōn bē āyēd ēg =iš abāz šōyišn
481.0
ud ǰāmag tis ī =š dast aw =iš burd
482.0
ka =š andar ān zamān dast aw =iš burd ka =š nōšabag bē dāšt pāk
483.0
ān ī abārīg ēdōn čiyōn andar rēmanīh nōšabag
484.0
kē zan zēfān kē pāk bē nē būd gādan dādestān čiyōn
485.0
ka =m gāyēd ēg =iš tanāpuhr ō bun
486.0
ka pāk bē bawēd šāyēd ayāb nē
487.0
nē
488.0
ud ka gāyēd ēg =iš wināh
488.5
ēd kū nē dānam čand =iš
489.0
bē ēn dānam kū ka =š kōdak murd ayāb rīdag kird ēstēd ēg =iš gāyēd pādixšāy
490.0
ka xwaršēdnigerišn būd ud paydāg kū mard abāz šawēd hixr ī ā =š az tan āyēd čiyōn
491.0
pad nasā dārišn
492.0
hixr ī az tan zādag bē āyēd čiyōn
493.0
tā čēhel rōz bē ka ēwar paydāg kū daštān tā pad zēfān dārišn
494.0
pas az čēhel rōz bē ka ēwar paydāg kū zēfān tā pad daštān dārišn
494.5
ān =iz sāyīdag ǰuttar nēst
495.0
rōšn guft ay tā se rōz harw čē az ōy āyēd bē ān ī ka ēwar dānēd kū az ān tā pad daštān dārišn
496.0
ay čē ōy pusartagīh pēš bē rasēd
497.0
ka zan nasā kunēd ēg =iš xwarišn čē xwarišn
498.0
naxust ān ī gāw ān ī war =ēw ādurestar xwarišn
499.0
u =š pas harw čē āb ud ayāb āb ī namak pad =iš se rōz nē xwarišn
500.0
ud nē pādixšāy xwardan az =iš pahrēzišn rēmanīhā az āb ud ātaxš
501.0
nāmčištīg mard ī ahlaw ī abārīg dāmān ī ohrmazd ō pahrēzišn
502.0
az abestāg paydāg
502.5
None None čē ān kē nārīg fradom az xwarišnān xwarēd
503.0
guft =iš ohrmazd kū ān ī gāw gōmēz ud ān ī ātaxš ādurestar
504.0
gōšt =iz ī pahān ī anāb ud ǰōrdā =iz ī ārdag ī anāb āb =iz ī anāb
505.0
gōmēz =iš ādurestar čand xwarišn
506.0
ka tišnag bē bawēd čē kunišn
507.0
gōmēz =iš ādurestar se āb ǰāmag ud u =š pad tišnagīh pēm ī stōrān gōspandān xwarišn
508.0
az abestāg paydāg
508.5
se āb ǰāmag ayāb šaš ayāb nō ast
508.75
pas ān =iz mard ā šāyēd asp pēm ud ān =iz ī gāw ud mēš ud buz
509.0
agar ēdōn kū pad pēm tišnagīh bē nē nišīnēd zan bē wēmār bawēd u =š bīm ī marg u =š āb pādixšāy xwardan ayāb nē
510.0
pādixšāy
511.0
az abestāg paydāg
512.0
u =š guft ohrmazd kū ēd xwarēd ān kē nāyrīg āb čē ēdōn ān ast mehdādestānīh ka ān gyān bōzēd
514.0
ka āb abāz xward u =š pādixšāy xwardan
515.0
ēg =iš wināh ō bun bawēd
516.0
u =š any tōzišn abāyist kirdan ayāb nē
517.0
bē =š ō dahm ahlaw ud burdan ō dastwar šawišn u =š patitīgīh ud gōwizārīhā ud xūb bē kunišn
519.0
az abestāg paydāg
519.5
bē kadāriz =ēw az dahmān kē dahmīh āgāh hād kū dahm ahlaw hād agar kū mard =ēw ī nēk hād bē šaw ud pēš ōy pad patit bāš
520.0
ka =š tuwān kū āb nē xwarēd u =š pad didīgar tis tišnagīh bē nišāstan abāz xwarēd ēg =iš wināh čand
522.0
ka pad patit bawēd ēg =iš pad abar zanišn abar zanišn aspaštar dewīst srōšōčarnām
522.5
ka nē ēg =iš rāh ō dušox
523.0
az abestāg paydāg
523.5
ka ēdōn ān kē nāyrīg tuwānīhā āb frāz xwarēd ān ī ō ašmāh gōwam kē mazdēsnān hēd nēkīh ī ašmāh rāy kūtā =tān wināh ō bun nē bawād
525.0
ēg =iš tōzišn frāz brēhēnēd kū pādifrāh abar nihēd
526.0
ān guft rad ī xūb hēnd srōšāwarz kū wināh wizārišn dānēd ā =š tōzišn frāz ēd brēhēnēd kū pādifrāh abar ēd nihēd
528.0
ka and man =iz wināh ud pādifrāh ēg =iš pad =iš čē rāy āb abāg xward šāyēd
529.0
ēd rāy čē dō dēw ēk suy ēk tišn ān tan bē xwarēnd
530.0
ēd čim rāy kū ēn dō dēw ān tan bē xwardan nē tuwān bawēd
531.0
az abestāg paydāg
531.5
dādār agar =iz awēšān zyānag ō hamtabāhišn rasēd abar ō tan ī bazagēwēnag kū rēman agar =iz awēšān dō yask ī wattar abar rasēd ēd =iz kē suy ēd =iz kē tišn
533.0
u =š guft ohrmazd kū ēd xwarēd ān kē nārīg āb čē ēdōn ān ast mehdādestānīh kū ān gyān bōzēd
534.0
gōmēz ud ādurestar čiyōn xwarišn
535.0
ka war andar gōmēz kunēnd ayāb gōmēz xwārēd war pas ayāb war xwārēd gōmēz pas
537.0
ka pēš az xwarišn ī hambun =iz xwardan ā šāyēd
538.0
ǰāmag ī zan kē nasā andar ān hangām pad tan dārēd dādestān čiyōn
539.0
šaš bār pad gōmēz bē šōyišn
539.5
harw bār =ēw xāk abar abganišn tā bē hōšēd
540.0
u =š pas pad didīgar gōmēz bē šōyišn
541.0
pas šaš bār pad āb bē šōyišn šaš māh pad rōzēn ēd
541.5
kē wād pad =iš hamē āyēd šawēd bē nihišn
542.0
pas pad armēštānīh pad ēd gyāg ī nišīnēd ayāb zan ī daštān šāyēd
543.0
az abestāg paydāg
544.0
ka andar mān ī mazdēsnān nārīg ī daštān hād ayāb škōh ī zadpēšag ī abar dargāh nišīnēnd aybyānghanīh wišāddwārišnīh pad =iš bawēd ayāb nē
547.0
ka pad ēn ēwēnag pad ēn gōmēz nē šust ēstēd abārīg =iz wastarg pad hixr mēnōy rēman būd ēstēd ēg =iš aybyānghanīh pad =iš nē bēd
549.0
u =š wišāddwārišnīh pad =iš nē kunišn
550.0
ān ī pad gōmēz ud āb pad xšauuašmā̊ŋhō šust ayāb pad hixr ī gētī rēman būd ēstēd ēdōn bawēd čiyōn
551.0
ān ī pad zan ī daštān rēman ud ēwbar būd ēstēd
552.0
ā =š aybyānghanīh pad =iš būd ā =š ham wišāddwārišnīh pad =iš kunišn
553.0
pad čāštag ī pēšagsīr aybyānghanīh pad =iš nē bawēd wišāddwārišnīh pad =iš nē
554.0
rōšn guft ēstēd kē pad nigerišn
555.0
ǰāmag bē akār ayāb rēman kunēd ēg =iš wināh čand
556.0
ka pad nasā akār bē kunēd
557.0
čand xwadāy =ēw pad ēd bār zan abāz āhanǰēd
558.0
ka pad gētī bē nē wizārēd ā =š pad murd ān ī pahlom ox nē baxšēnd
559.0
ka ēdōn rēman kunēd pad xšauuašmā̊ŋhō abāyēd šustan ēg =iš yātīg wināh
560.0
ka ēdōn ī pad gōmēz ud āb ī abāyēd šustan ā =š se stēr wināh
561.0
az abestāg paydāg
562.0
zan ī nasā tā čand nē pādixšāy šustan
563.0
andar sešabag nē pādixšāy
564.0
pas az sešabag hamē ka pāk pādixšāy šustan
565.0
gyāg kē =š tan =ēw pad =iš widerēd ud nasā pad zamīg abāz ēstēd
566.0
ān gyāg čand gāh rēman
567.0
sāldrahnā
568.0
ān kē ān zamīg kār framāyēd wināh čand čiyōn ka =š nasānigān kird hē ā =š tanāpuhr ud ō bun
569.0
ka axwēškārīhā andar ān gyāg šawēnd framān =ēw wināh čē =iz dēn nigēzēd hād
570.0
agar mazdēsn ēn zamīg šud tā ā =š āb abar ī hilēnd
571.0
kē pad ān abar sag ud mard bē widerēd kē andarag ī zamīg
572.0
sāldrahnā pad nasānigānīh pas āstārīhēnd awēšān kē mazdēsn hēnd
573.0
pad ǰudǰud pad gāw bē warzīdan tōhm ī abar abgandan āb frāz hištan ōh bawēd ayāb pad ēw bār bawēd
574.0
dastwarān pad ǰudǰud guft ēstēd
575.0
ud az man bē ka pad gāw bē warzēd tōhm abar abganēd āb frāz hilēd ayāb =iš winzin kunēd ayāb =iš kār =ēw pad =iš kunēd tanāpuhr =ēw ōh bawēd
576.0
ka pad ǰudgāh nam kunēd pad ǰudgāh pad gāw bē kunēd pad ǰudgāh tōhm
577.0
abar abganēd čiyōn bawēd
578.0
se =š tanāpuhr ō bun
579.0
ēwkardagīh ud ǰudkardagīh ī pad ēn dādestān čiyōn
580.0
ēwkardagīh ān ī ka az dārišn bē hilēd u =š abāz aw =iš šawēd u =š kār pad =iš kunēd
581.0
ēn rēmanīh ī gyāg pad kadām tahag bawēd
582.0
pad ān tahag kē gyān bē šawēd
583.0
ka =š gyān bē šawēd az ān gyāg bē wihēzēnd ud didīgar gyāg frōd nihēnd bēd ayāb nē
584.0
ud gōgušnasp guft ay pad ān gyāg tahīg bawēd
585.0
sōšyans guft ay tā sag dīd ōh bawēd
586.0
ka =š wars ud nāxun abāz ō zamīg ēstēd čiyōn
587.0
waddādestāntar rēman
588.0
ēn rēmanīh ī zamīg and čand pad zamīg ēstēd rēman ayāb tanmasā ī hamāg nasā
589.0
ānand rēman kē pad zamīg ēstēd
590.0
ka ēstēd ayāb nišīnēd ayāb pad pāy ayāb pad dār =ēw ayāb gāh =ēw ayāb ward =ēw ayāb pad xafag āguxt ēstēd zamīg rēman bawēd ayāb nē
591.0
ka =š az ōftādan bīm nēst ān gyāg ēstān ēstān rēman ān gyāg nišīnān nišīnān rēman ud ān gyāg nibayān nibayān rēman
592.0
ud ka az ōbastan bīm az ān kūst frōd barišn
593.0
ud ka =š az ōbastan bīm nēst pad ward =ēw ayāb dār =ēw ayāb gāh =ēw murd ēstēd
594.0
frōd nē barēd
595.0
ward ka bē kanēd bē šōyēd pad gyāg pāk
596.0
dār pad sāldrahnā pāk bē bawēd
597.0
ka pad xafag āguxt ēstēd u =š az ōbastan bīm nēst nē rēman
598.0
ka =š tanmasā az ān ī kust kū =š bīm rēman
599.0
ka =š az ōbast bīm nē paydāg kū az kadām kust rēman bawēd ayāb nē
600.0
hamāg pērāmōn rēman
601.0
ka bē āguxt ēstēd u =š handām =ēw abāz ō zamīg ēstēd čiyōn
602.0
ka =š az ōbastan bīm nēst ānand rēman čand =iš handām abāz ēstēd
603.0
ka ǰud =iz ān kust kū =š az ōbastan bīm rēman
604.0
ka abar dār =ēw tarr murd ēstēd čiyōn
605.0
ka pad azg =ēw murd ast
606.0
u =š tis =iz handām abāz ō stūnag ī mayān nē ēstēd frōd nē barišn
607.0
ka handām =ēw abāz ō stūnag mayān ēstēd tanmasā frōd barišn
608.0
pad čāštag ān handām ka tan =iz hušk ayāb nasā abāz ō hušk =ēw ēstēd ān
609.0
hušk ō zamīg paywastag ēnyā agar draxt az ān ī pōst tarr ka handām =iz abāz
610.0
ō stūnag mayān ēstēd pas =iz rēman
611.0
pas ka abar dār =ēw hušk murd ēstēd čiyōn
612.0
ka =š az ōbastan bīm nēst u =š handām abāz ō mādagwar nē ēstēd frōd nē barišn
613.0
ka =š az ōbastan bīm ayāb handām =ēw abāz ō mādagwar frōd barišn
614.0
ka abar gāh =ēw murd ēstēd ud ān gāh dādestān ēdōn ī taxtag pad meh bast ēstēd ayāb nē
615.0
bast ēstēd dādestān čiyōn
616.0
ka taxtag abāg gāh frōd nē grift ēstēd ayāb grift ēstēd
617.0
ēnyā tis =iz abāg ō ān taxtag kē abāg pāy frōd grift ēstēd nē rēman
618.0
ka tis =iz handām abāz ō ān taxtag kē abāg pāy frōd grift ēstēd
619.0
pāy abāg zamīg =ēw frōd grift ēstēd frōd burd
620.0
dārwan nardaggāh ud abārīg tis ī az ēn
621.0
gōnag az abāg zamīg frōd grift ēstēd čiyōn frōd barēd
622.0
ka pad bān murd ēstēd ast čiyōn
623.0
ka =š tis =iz handām abāz ō pillagān nē ēstēd frōd nē barēd
624.0
ka handām =ēw abāz ō pillagān ēstēd
625.0
tanmasā frōd barēd
626.0
xānag andarōn pāk
627.0
ka abar bān ī wārestān murd ēstēd čiyōn
628.0
ka tis =iz handām abāz ō pillagān pillagān nē ēstēd nē rēman
629.0
ud ka =š handām =ēw abāz ō pillagān ēstēd frōd pad =iz āb frōd barēd āb pāk
630.0
ka andar wārestān murd ēstēd čiyōn
631.0
ka =š tis =iz handām abāz ō pillagān nē ēstēd frōd nē barēd
632.0
ka handām =ēw abāz ō pillagān ēstēd tanmasā frōd barēd
633.0
wārestān rēman
634.0
ud agar wārestān az ān ī čārūg u =š ādurestar abāg gumēxt ēstēd bē kanišn
635.0
ka andar xumb murd ēstēd čiyōn
636.0
ka tis =ēw andar nē šawēd u =š handām abāz ō xumb nē ēstēd ā =š ān ī andar rēman xumb pāk
637.0
ka tis az ān ī =š andar āyēd šawēd ayāb tis =iz handām abāz ō xumb ēstēd ān ī =š
638.0
andar rēman
639.0
xumb pad tis =iz kār šāyēd
640.0
pad hušk ēwar šāyēd
641.0
ka bērōn pad xumb murd čiyōn
642.0
xumb rēman ud ān ī =š andar pāk
643.0
ǰud agar andar xumb ud tis ān kē =š andar āyēd šawēd čē ān =iz ī =š andar rēman
644.0
xumb kē =š xrafstar =ēw andar bē mīrēd čiyōn
645.0
mēdōmāhīg paristar ēwtom gōwēnd
646.0
ud ka xumb ud tis =iz andar xrafstar =ēw andar bē mīrēd
647.0
hixr =ēw ud az dumb andar nē hilēd nē rēman
648.0
pad warōmand pad ēd dārēnd kū =š nē hišt
649.0
ud abargīg garzag ǰuttar ud garātar dārēnd čē gōwēnd kū xumb =ēw kē ēč tis
650.0
andar nēst u =š garzag =ēw =ēw andar bē mīrēd pad =iz huškkar nē šāyēd
651.0
abagzand ēn gōwēd yasča mē tauua aδāt̰ yat̰ sarət̰a kaiiā̊ ϑβisrō urunaiiā̊ mēϑrahe
652.0
pas dādestān ī xumb ān kē =š andar čiyōn gōwēnd pad saxttar dārēnd kū pad nasā
653.0
ka pad xišt ud sigad ud xāk ud gač ud čārūg ud ārd mīrēd čiyōn
654.0
frōd nē barēd andčand ēwkardag hamāg rēman ud xāk =iz ēdōn bawēd
655.0
gač =iz ka ō kār burd ēstēd ēdōn bawēd čiyōn zamīg ēdōn =iz xāk ud sigad
656.0
ud čārūg ka ud čārūg az ān ī =š mōy ayāb buš pad =iš āmēxt ēstēd ēg frōd nē barēd
657.0
hangird ēd kū ka pad zamīg frōd grift ēstēd frōd barēd
658.0
ka frōd nē grift ēstēd frōd nē barēd
659.0
čōb ud mōy ud šūk ud ast čiyōn frōd nē barišn
660.0
nay ud ast wēnīdag
661.0
ǰōrdāg ī abāg xāk āmēxt ēstēd abāg zamīg frōd grift ēstēd čiyōn
662.0
ka bē frōd nē barēd
663.0
ka did ēdōnīh ī wizārišnīh zamīg paydāg frōd barēd
664.0
ka mayānag nē dānam zamīg kišt abāyēd
665.0
ka bē nē nigerēd kū nasā ān gyāg ud zamīg nam bē kunēnd ud pad gāw bē warzēnd ud tōhm abar abganēnd čiyōn nē pādixšāy
666.0
ka nasā ud hixr ān gyāg pad zamīg nē nigerēd wināhgār ēg =iš wināh ī nasā
667.0
ud hixr ō āb burdan nigān kirdan ō bun
668.0
az abestāg paydāg
669.0
u =š guft ohrmazd kū ēdōn ōy wināh rāy kūtā nē bawād awēšān kē mazdēsn
670.0
hēnd ēn zamīg bē ēw nigerēnd nasā rāy awēšān ast ud wars ud xōntāg
671.0
mūhriš ud xōntazišnīh az ān gyāg bē barēd
672.0
agar bē nē nigerēd rāy wināhgār ud hixr ud nasā ī ō āb rasīd dādestān čiyōn
673.0
nasā ud hixr ī murdagān ōh bawēd pad abārīg hixr ī garā ud xwārtar wināh
674.0
ōh bawēd
675.0
rēg ud azg ud sargēn ī hušk ī društ xwurd tarr ud hušk kē pad =iš rasīd čiyōn
676.0
rēg ud azg ud sargēn ī hušk ī društ ud tarr ī društ ānand rēman čand =iš nasā
677.0
aw =iš rasīd ēstēd frōd nē barišn
678.0
ast ī hušk ī kē nazd ō xākīh ī gumēxt ī sag ud mardōm kē =š āb aw =iš rasīd wināh
679.0
čand
680.0
pad abestāg paydāg
681.0
az angust ī kehzahā tā ān ī hamāgtan ī mardōmān ǰudǰud pāyag ī wināh guft ēstēd
682.0
ud pōryōtkēšān guft hēnd kū ēk =iz nē xūb čē paymānag ī hixr ud nasā
683.0
hambun =iz nasā pad margarzān hixr ī garā pad tanāpuhr ud ān ī xwārtar pad yāt
684.0
paššinǰišn ud mēzišn pad se stēr guft hēnd
685.0
ud pad čāštag ī sōšyans ud abargīg xūb
686.0
abārīg pōryōtkēšān škoft čāšt ēstēd ka āb ī ō ǰōrdāgkārišnīh ǰōy ud ābtazišn pādixšāy ka nē nigerēd
687.0
ka hixr ud nasā ān gyāg ka nigerēd bē wēnēd ēg =iš čiyōn kunišn
688.0
se bār ǰōy kē =š āb pad =iš barēd ēg =iš ēdōn bē nigerišn ī pad ēwarīh
689.0
ēg =iš az zamīg bē ō sar ābān šawišn u =š āb ōh wišāyišn ud ka nasā ud hixr ī ān
690.0
gyāg ēg =iš naxust nasā ud hixr bē barišn u =š pas āb wišāyišn
691.0
ud ka nē nigerēd nasā ud hixr ān gyāg āb bē ō nasā rasēd rēman margarzān
692.0
ka awināh ī margarzān nē bawēd tanrēmanīh warōmand ud mar bē nē rēman
693.0
ka ǰōy ī hamēšagāb
694.0
mēdōmāhīg pādixšāy ka nē nigerēd
695.0
abargīg hamē ka āb bē abzāyēd u =š nigerīdan abāyēd čiyōn bawēd kū pad ǰōy nē nigerīd wināhgār čiyōn bawēd kū ka nē nigerēd awināh
696.0
ka nē nigerēd awināh ud rēman nē bawēd
697.0
ka se bār ǰōy ī huškān bē nigerīd
698.0
nasā ud hixr ān gyāg nēst ayāb ast bē pahrēzišn awināh
699.0
ka =š pad ǰōy ī hamēšagāb kas bē šawēd āb pad ān ǰōy pādixšāy burdan ayāb nē
700.0
ka =š hambahišn ī gyāg rōdestāg u =š bawēd pādixšāy burdan
701.0
rāh =iz šāh hamčiyōn ēn ka =š hambahišn ī gyāg ud rōdestāg u =š nēst
702.0
pad čāštag ī abargīg nē pādixšāy burdan
703.0
az man tā āb ēkbār
704.0
u =š abāg ōbadēd āb bē šāyēd wardēnīdan šāyēd
705.0
hixr agar nē nigerēd šāyēd ayāb nē
706.0
ud agar nigerīdan abāyēd ēdōn čiyōn ǰōy āb ayāb ǰuttar ǰuttar
707.0
nigerīdan abāyēd u =š nigerīdan ēwbār was u =š ān ēkbār xūb bē nigerišn
708.0
pad zyān pādixšāy ka ān =iz ēkbār bē nē nigerēd
709.0
ka pad xwēškārīh hamē šawēd pad āb ī … frāz rasēd nasā čē kunišn
710.0
az kunišn bē wēzišn u =š ǰāmag abāg kunišn u =š nasā bē āwarišn u =š pad gyāg ī abēbīm bē nihišn
711.0
u =š pas sag bē ōh nimāyišn pad dō mard bē pahrēzišn
712.0
ǰāmag rēman kunēd ayāb nē
713.0
az ǰāmag wēxtan paydāg kū ǰāmag rēman ay kunēd
714.0
pēšagsīr gōwēnd kū ǰāmag rēman nē kunēd
715.0
bē =š ēn ēd rāy guft kū ma agar bē nasā abāz pahikōbēd
716.0
pad dō mard ud sagdīd āwarišn ayāb tan =ēw pādixšāy
717.0
ka sag ud mard mad ēstēd sagdīd pad dō mard āwarišn
718.0
ka nē mad ēstēd pādixšāy
719.0
ka bē hilēd bē šawēd pādixšāy ayāb nē ud az =iš wināh bawēd nē šāyēd
720.0
pad gōwišn ī gōgušnasp tanāpuhr =ēw wināh
721.0
ud pad gōwišnīh ī sōšyans margarzān
722.0
ka dādīhāsālār bē kunēd bē šawēd šāyēd
723.0
kū āb purr tā čē sāmānag pādixšāy šudan
724.0
ka =š bīm pad tan nēst tā ō nasā rasēd ā =š hamē abāyēd šud
725.0
ka nasā andar āb wišuft kardag ǰudǰud būd ēstēd ayāb pad tan pad ēwkardagīh ēstēd čiyōn bē āwarišn
726.0
čand pad harw dō dast ul grift šāyēd ā =š ul gīrišn
727.0
u =š bē ō zamīg hušk āwarišn
728.0
agar nasā ayāb hixr tis =ēw be hilēd bē šawēd ā =š wināh ud margarzānīh ī hixr andar āb bēhilišn bawēd
730.0
ud čand bawēd bawēd nasā hixr ī murdagān andar āb bē hilēd
731.0
wināh margarzānīh ēdōn bawēd čiyōn ka xwad andar āb burd hē
732.0
ka nasā bērōn ēw paydāg
733.0
ka andar āb šawēd nasā kū ēk bē ǰumbēnēd dādestān čiyōn
734.0
ka pad ēd menišn andar šawēd kū agar nasā wēš kū ēk bē āwaram ka bē ǰumbēnēd rēman nē bawēd
735.0
ka nē pad ēd menišn andar šawēd nasā wēš kū ēk ǰumbēnēd rēman
736.0
ka =š andar grift bē šawēd kū abzār =ēw āwaram
737.0
atuwānīg bē u =š abāg šud
738.0
nē tuwān nasā ān gyāg bē mānēd rēman bawēd ayāb nē
739.0
nē
740.0
ka atuwānīg bē nē bawēd ul nē šawēd rēman bawēd ayāb nē rēman
741.0
čiyōn =iš āwarišn
742.0
ēdōn čiyōn =iš weh tuwān pādixšāy āwurdan
743.0
ka =š ēdōn bē nē tuwān āwurd ī ka bē brīnēd kardag kardag bē gīrēd u =š bē āwarišn
744.0
u =š harw bār =ēw dast ud kārd pāk bē kunišn
745.0
ka pārag pārag ōh brīnēd ōh āwarišn ēg =iš kirbag bawēd ayāb =iš nē
746.0
pad harw pārag kirbag ǰudǰud ōh bawēd
747.0
pad nigerišn xwurd bē nē
748.0
pādixšāy kirdan kūtā =m kirbag wēš bawād
749.0
ka pārag pārag hamē kunēd nasā pad brīnišn ō/ān ayāb pārag ī āb bē barēd čiyōn
750.0
ka atuwānīg pad =iš awināh
751.0
ka =š zyān ayāb bīm pādixšāy ka nasā az āb ud ātaxš bē nē āyēd
752.0
az ātaxš pad zyān az āb pad bīm ī warōmand pādixšāy ka nē āwarēd
753.0
ka =š zyān ān ī čiyōn
754.0
rōzgār =ēw ud pādīrānīh =ēw ī az kār ī pādixšāy
755.0
ka nē āwarēd pādixšāy ayāb nē
756.0
nē pādixšāy čē ān sūd nē bawēd
757.0
ka =š zyānīg čiyōn dār =ēw ud ǰāmag =ēw kē =š nasā pahrēzēd pādixšāy ayāb nē
758.0
nē
759.0
ka =š bīm ī anērān ayāb ān ī padwēšag ayāb ān ī gurg ī ud zyān ān ī pad tan xwāstag ud zan ud frazend pādīrānīh rāy az =iš bē būd ēwar ī nasā pad āb frōd hilēd šāyēd ayāb nē
762.0
nē
763.0
pad ul kešīdan pādixšāyīh ayāb nē
764.0
pad ān zamān pādixšāy ī ka =š stanēd
765.0
az kust =ēw kešīdan nē šāyēd
766.0
az āb ī stabr ō tanuk az tanuk ō stabr pādixšāy kešīdan ayāb nē
767.0
mēdōmāhīg az stabr ō tanuk pādixšāy ud az tanuk stabr nē pādixšāy
768.0
abargīg harw čiyōn weh tuwān pādixšāy kešīdan
769.0
ka ul stānēd u =š dāštan nē tuwān pas abāz ō āb nihēd šāyēd ayāb nē
770.0
ul stānēd pad ān zamān pādixšāy ka nihēd kū frōd nihēd
771.0
nē abāyēd ka abāz ō āb nihēd rēman
772.0
bē burdan az āb čand pādixšāy
773.0
tā ān ī ka dānēd kū āb ī az nasā ul ō āb nē rasēd
774.0
ka wēš barēd rēman
775.0
pas ka kem barēd āb ī az nasā pad ēwkardagīh ul ō āb rasēd čiyōn rēman margarzān
776.0
ka frōd nihēd pad ēd dārēd kū āb az nasā abāz ō āb rasēd ā =š čē kunišn
777.0
ul stānišn u =š ēdōn dūr bē barišn kū āb ī az nasā abāz ō āb nē rasēd nē rēman
778.0
ka ēdōn tuwān ī bē āyēd pādixšāy ayāb nē
779.0
pad čāštag tar pahnāg ī āb pādixšāy wistan
780.0
rōšn guft ay ānand pādixšāy wistan čand dānēd kū abāz ō āb nē ōbadēd
781.0
ud mardbūd ī dādohrmazd guft ay dūr bē pādixšāy awinast
782.0
ud az az man bē ēdōn dūr bē pādixšāy wistan kū abēgumānīhā āb =iz ī az nasā abāz ō āb nē rasēd
783.0
ka =š ēdōn tuwān ī ka bē wihēd āb pahnā purr ud abāz ō āb ōbadēd
784.0
az ān gyāg abar gīrēd bē āwarēd ayāb az =iz ān gyāg dādestān ēdōn ī ǰud agar bē hilēd ēnyā bē āwurdan nē šāyēd
785.0
pādixšāy wistan ayāb nē
786.0
az āb ī stabr ō āb ī tanuk ham āb pādixšāy wistan
787.0
az tanuk ō stabr ō =iz ǰudāb nē pādixšāy wistan
788.0
az āb ō wārān pādixšāy ayāb nē
789.0
ud az azēr marzāb ō tanuk āb ud wārān pādixšāy ayāb nē
790.0
dastwarān ēdōn guft kū wārān ham nē grift ēstēd kū hamāb ayāb ǰudāb
791.0
ud agar hamāb pādixšāy ud agar ǰudāb nē pādixšāy
792.0
ud marw bē agar nasā pad nihuftag andar āb ō wārān wišādag abganēd ǰudāb
793.0
agar nasā pad wišādag az ān čiyōn =iš wārān =iz abar hamē wārēd ham āb pādixšāy
794.0
az azēr ī marzāb ud ō tanukāb burdan dādestān ān ham ī āb ī andar gawr =ēw abāz ēstēd
795.0
nasā andar dādestān čiyōn
796.0
ka ān nasā nē widāxt ēstēd nasā bē āwarēd u =š hambun =iz āb az =iš ul āhanǰēnd
797.0
ud bē rēzēnd ān ān ī didīgar šāyēd
798.0
hamēdōn čiyōn pēš =iz ud ka =š andar widāxt ēstēd hamāg rēman
799.0
ud ka gawr kūčak u =š dādestān ēdōn =iš ka nasā bē barēd ud abāz gumēxtēd
800.0
āb ī ēwkardag bē bawēd hamāg rēman
801.0
ud ka gawrag wuzurg ud andar šaš gām āb ēdōn abar āhanǰēnd kē nasā bē nē
802.0
ǰumbēnēd pad =iz xwardan šāyēd
803.0
ka pad paymānag bowandag pad =iz pādyābīh šāyēd
804.0
ud ka nasā ul stānēnd ud āb ī ēwkardag abāz bawēd hamāg rēman
805.0
ka hambun =iz ašāyēd apāk
806.0
ud āb =ēw ī pēš az ašāyēd zōhr =ēw ī pēš az ašāyēd kird hamāg rēman
807.0
ǰāmag kē pad =iš ašāyēd pad huškkar šāyēd
808.0
ān āb ka ō warz barēd šāyēd
809.0
pādixšāy burdan dašt ā pahrēz pad ēwkardagīh āb andar šawēd
810.0
nasā az gyāg pad burdan čiyōn
811.0
ēdōn bawēd čiyōn az āb bē burdan
812.0
u =š ul stānišn u =š abāz aw =iš nihišn
813.0
ka andar gawr nasā ud čarbišn andar gumēxt ēstēd čiyōn ī bē yaštan pādyābīh az =iš se gām dārišn
814.0
ud ka bē hušk bē kanišn ō =iš ēwēn gyāg barišn
815.0
ud ān az ī nasā ī gumānīg tā ōh āb frōd šawišn
816.0
hamčiyōn hamē kanēd hamē pahrēzēd tah ī pas widestzahyā
817.0
ka pad waš bē pazzāfēd u =š wārān ēwbār pad =iš bē wārēd pāk
818.0
ud ka tā āb frōd šawēd ka bē hambārēd pad hamāg kār šāyēd
819.0
šašom pargard rāyēnēd ka andar war =ēw bē rasēd dādestān čiyōn
820.0
ka =š handām =ēw abāz ōh war nē ēstēd pāk
821.0
ka tis abāz ō war ēstēd ka dōsēn ā akār
822.0
ādurestarēn čārūg ānand rēman
823.0
sagēn gačēn pad paymānag pāk bē bawēd
824.0
ka andar čāh āb ayāb xānīg =ēw bē rasēd čāh ud xānīg dādestān čē
825.0
čāh ud xānīg tā nasā az =iš bē burdan hamāg rēman
826.0
ka nasā bē burd āb az =iš āhaxt pāk ud hamēdōn čiyōn pēš =iz
827.0
nasā az ān gyāg čiyōn bē āwarišn
828.0
ān kē nasā āwarēd dādestān čiyōn
829.0
ka kas =ēw frōd šawēd pad rasan frāz bandēd ul āwarēd ul āhanǰēd abāz ō bār nihēd
830.0
ast kē ōh gīrēd ast kē ōh bandēd ast kē ōh āhanǰēd ud ēk =iz nē rēman
831.0
u =šān ǰudǰud kirbag bē rasēd
832.0
ka andar čāh abāz ēstēd u =š nasā pad =iš abāz pahikōbēd rēman bawēd ayāb nē
833.0
ka pad ēd menišn abāz ēstēd kū ka abāz ōh čāh ōbadēd abāz gīram ud abāz ōh āb nē hilam rēman nē bawēd
834.0
ka nē pad ēd menišn abāz ēstēd rēman ōh bēd
835.0
ka andar widāxt ēstēd ayāb =iš nasā aw =iš gumēxt ēstēd dādestān čiyōn
836.0
akār
837.0
ka =š pad nazdīkīh čāh pādixšāy burdan
838.0
paymānag =ēw nē guft ud az man bē se gām ōh abāyēd kū pad kanišn āb ī az ān ī ō ān nē šawēd
839.0
ka =š andar widāxt ēstēd āb abar āhixtan šāyēd ayāb nē
840.0
šāyēd u =š kirbag
841.0
čiyōn =iš āhanǰišn pad =iš ān =iz āhanǰišn
842.0
ka =š ul ō bār āwurd ā =š sag bē nimāyišn pad dō tan ōh =iš ēwēn gyāg barišn u =š
843.0
ǰudāgīhā bē rēzišn
844.0
u =š harw bār =ēw tanāpuhr =ēw kirbag
845.0
ka ēk sag nimūd ān ī abārīg hamāg sag nē nimāyēnd šāyēd ayāb nē
846.0
pad čāštag ī sōšyans pad harw ān gyānwar bār sag ōh nimāyišn
847.0
mēdōmāhīg ka ēk dīd ēg =iš hamāg zad ēstēd
848.0
pādyāb andar pattānag ī ān čāh čiyōn dārišn
849.0
ka čāh pad hušk bē šāyēd kirdan
850.0
pādixšāy hamburdan pādixšāy sar nihuftan pādyābīh paymānag =ēw nē abāyēd
851.0
ka pad hušk bē nē šāyēd kirdan
852.0
nē pādixšāy hamburdan nē pādixšāy sar griftan nihuftan pādyābīh az =iš pad se gām dārišn
853.0
āb ī snēxr ī ud tagarg ka =š nasā andar ōbadēd čiyōn
854.0
se gām pērāmōn ī nasā ī harw gyāg =ēw rēman
855.0
ud bē se gām xwardan šāyēd
856.0
ka paymānag bowandag pad =iz pādyābīh šāyēd
857.0
ka bē widāxt čiyōn
858.0
ka =š nasā az =iš bē burd hēnd ud bē widāzēd pāk
859.0
ka =š nasā andar ud bē widāzēd dādestān ēdōn čiyōn abārīg āb kē nasā aw =iš
860.0
gumēxt ēstēd
861.0
ka ast widāxt ēg =iš andar ō baxšišn ud ān bawēd
862.0
ka nasā pas andar ōbadēd tā ka pēš andar kanēd ā ǰuttar nē bawēd kū abārīg
863.0
āb ī tazāg
864.0
kē =š nasā andar ēg =iš dādestān čiyōn
865.0
se gām pēš ī nasā nasāzahyā rēman
866.0
ud se gām pas and se gām nasāzahyā rēman
867.0
se pēš =iš gām kustag kustag ō abāyēd nō gām padīrag ī āb rēman
868.0
ka nasā bē barēnd hamāg pāk
869.0
hixr ī murdagān kadām u =š rēmanīh čiyōn
870.0
hixr ī murdagān pad āb ud ātaxš wināh ī margarzān
871.0
ka ō tan rasēd nēkmādagīhā bē šōyišn
872.0
u =š pas pad āb šōyišn
873.0
ka ō ǰāmag rasēd ānand bē brīnišn
874.0
ka hixr ī hušk ō ǰāmag rasēd pad pādixšāy šōyišn
875.0
hixr ī murdagān ān kē andar ān zamān bē āmad ka wēmār būd az ān wēmārīh
876.0
murd
877.0
bawēd kē guft kū andar serōzag =ēw bē mīrēd ud būd kē =š andar ēwrōzagšabān guft
878.0
ast kē ēdōn gōwēd ay ān bawēd kē =š andar ān zamān bē āmad ka =š gyān az tan bē šawēd
879.0
pad tahag garā bēd
880.0
nasā ī mardōmān ān weh ka gyāg =ēw frōd nihēnd kē =š kār pad dagr bē wišōbēd ayāb ān weh kē zūd bē wišōbīhēd
881.0
ān weh kē bē sag ud way dahēnd ud zūd wišōbīhēd
882.0
az abestāg paydāg
883.0
čiyōn
884.0
ēdōn bē =š abāyēd kirdan kū sag ud murw abar gīrēd
885.0
abāz ābādānīh ud kišt warz ī mard ī ahlaw nē āwarēd
886.0
čiyōn kunišn kū abāz nē āwarēd
887.0
ēdōn kunišn čiyōn čiyōn az abestāg paydāg
888.0
ēdōn ōy wināh rāy kūtā nē bawād awēšān kē mazdēsn hēnd ān rist bē bandišn
889.0
xwēš pāy ud pad ān xwēš wars pad āhanēn ayāb sagēn ayāb sumbēn kū nē
890.0
awēšān sag ī kirbxwar ud way ī kirbxwar awēšān ast ō āb ud urwar pad barišn frāz rasānd
891.0
ka =šān ēdōn bē kird ēg =išān xūb wizārd ayāb ǰuttar kunišn
892.0
ān ī tuwānīg ǰuttar čē =š astōdān =ēw bē kunišn kūtā sag ud rōbāh ud gurg bē burdan nē tuwān
893.0
u =š āb =iz ī wārān aw =iš nē rasēd
894.0
az abestāg paydāg
895.0
dādār kū mardān ī ristān ast bē barēnd ī ohrmazd kū =šān kū bē dahānd
896.0
u =š guft ohrmazd kū ul dēsēd ōy rāy bē ē kunānd astōdān =ēw abar az sag
897.0
abar az rōbāh ud abar az gurg ud anabarwārān kū =š aw =iš nē wārēd
898.0
az abardar zamīg az āb ī wārānīg kū =š ul aw =iš nē ēstēd
899.0
agar tuwānīg awēšān mazdēsnān pad drahm ud agar xwāstār hēnd kirrōg
900.0
agar bē paydāgēnīdār hēnd gyāg
901.0
ud agar tuwānīg tuxšīdār sag ud gač
902.0
pas ān ī driyōš čē kunišn
903.0
pad =iš zamīg dahišn
904.0
u =š xāk bālišn kunišn zamīg wistarg ud rōšnīh ud rawišnīh xwaršēdnigerišn bē hilišn
905.0
az abestāg paydāg
906.0
agar nē tuwānīg hēnd awēšān mazdēsnān pad drahm ud agar nē xwāstār hēnd
907.0
kirrōg
908.0
agar nē paydāgenīdār hēnd gyāg
909.0
agar nē tuwānīg tuxšīdār hēnd sag ud gač
910.0
xwēš wistarg kū =š zamīg wistarg ud xwēš bālēn kū kardag bālišn rōšnīh abarwar xwaršēdnigerišn
911.0
ōy abar pad ēn zamīg bē ē dahānd
912.0
ka hazzān bē awērān bawēd u =š wirāyišn abāyēd kirdan čiyōn kunišn
913.0
ka hazzān šahr kird ī nasā was andar dēwār awērān bē bawēd
914.0
sar ī dēwār ān gyāg kū awērān bē tāšišn andarōn ud bērōn hamāg pērāmōn bē tāšišn ud xāk handūd ān ī dēwār tōf =ēw pad gōmēz bē handūdan ud pas pad xišt sabz =ēw ud sag
915.0
nōgwar rōy pad āb pādixšāy nihād
916.0
u =š ēdōn kunišn kū ān gyāg kū nē tāšēd nē handūd ēstēd
917.0
gil pad āb kardag āb ud afsardag aw =iš nē rasēd
918.0
ka ēdōn nē šāyēd kirdan u =š xišt pad xāk andar wizīnišn tā wārān pad =iš bēd
919.0
āb ō xāk rasēd
920.0
pad darzgāh ī frōd šawēd band kunēd
921.0
ka =š ēdōn tuwānīh ǰud agar gil ī padāb ān gyāg frōd gīrēd ēnyā nē šāyēd
922.0
ēg =iš ān gyāg pāk bē rōbišn u =š pad gōmēz bē handāyišn
923.0
ka dar ī astōdān abar dēsīd ēg =iš hamēwēnag kunišn
924.0
astōdān āškārag ud gyāg nasā ēk nihād abāg =iz ēd kū harw gyāg kū =š nasā
925.0
andar barēd ēg =iš andarōn bērōn harw tis =ēw hixr ī garā
926.0
pas =iz bērōn pad āb handūd pādixšāy
927.0
ka astōdān kahwan ud awērān ān weh ka ēk nōg bē kunēnd ayāb ān ī kahwan abāg wirāyēnd
928.0
ka abāz wirāyēnd druz nasuš pad čē zamān abar tan ī widard dwārēd
929.0
pad ān zamān ka =š gyān az tan ī bē āmad
930.0
az abestāg paydāg
931.0
ka ul az tan raft gyān ān druz ī nasuš abar dwārēd
932.0
tā kay ā =š nasuš pad =iš
933.0
tā sagdīd ayāb paristan
934.0
az abestāg paydāg ka ōy sag abar dīd ayāb =iš frāz xward
935.0
ān ī kōr kū =š pōz abar nihēd ayāb way ī tanxwār ōy abar ul vazit̰ kū ā sāyag abar zanēd sār ī gar ud dālman ud warāγ syā
936.0
ān druz ī nasuš abāz dwārēd ō abāxtar nēmag
937.0
ka andar ān tahīg ī ka gyān bē šawēd ēg =iš sag ō pāy bast ēstēd ayāb rāγ =ēw ī ēg =iš pad sar hamē parrēd ēg =iš nasuš abar dwārēd
938.0
andar ān tahīg ēg =iš abar dwārēd pad tēzīh
939.0
ka sag hambun =iz wēnēd ayāb murw =ēw nasuš zanēd azabar parrēd bē zanēd
940.0
ka =š handām =ēw wēnēd ayāb wars ud nāxun wēnēd ēg =iš nasuš zad bawēd ayāb nē
941.0
ān ī mardōmān ka handām =ēw wēnēd ēg =iš zad bawēd
942.0
ka wars ud nāxun wēnēd ā =š nē zad bawēd
943.0
ān ī sag bē ka =š pōz ayāb azēr ī pāy ayāb rēš wēnēd ēg =iš nē zad bawēd
944.0
az man bē ka =š mōy
945.0
ēdōn guft ō bē mōy ī pōst nē paydāg ēnyā =š nasuš zad bawēd
946.0
sag ī kōr ud way ī čiyōn zanēnd
947.0
sag ī kōr ka =š pōz abar nihēd
948.0
way ka =š azabar bē parrīhēd u =š sāyag abar abganēd ā =š zad bawēd
949.0
ka sag ī kōr nimūdan ud abāyēd pad ēk tan pādixšāy ka frāz nayēd
950.0
pōz abar nasā nihēd ayāb čiyōn ud agar dānēd rēman bawēd ayāb nē
951.0
nē
952.0
ēn sag ī kōr pad ačāragīh šāyēd ayāb xwad tā didīgar windēd ān nē šāyēd
953.0
pad mādagwarīh šāyēd
954.0
ka nasā wišuft ast pad kardag kardag ēstēd harw ēk pad ǰudāgīh nimāyišn ayāb ka =š ēk pārag wēnēd ā =š zad bawēd
955.0
pad čāštag ī abargīg ǰudǰud sag ōh nimāyišn
956.0
kayādurbōzēd guft ay ka zad kardag kē =š abdom gyān az =iš bē šawēd wēnēd
957.0
ā =š hamāg zad bēd
958.0
pad mēdōmāhīg ud pēšagsīrīg āmār nē kunēd čē ka ēwkardagīh wēnēd
959.0
hamāg nasuš zad wizīrēnēnd
960.0
sag kē nasūš zanēd way ī kē =š nasuš zanēd kadām
961.0
sag pasušhorw wišhorw wohunazg tarrōg
962.0
sōšānsbrūyohrmazd ān =iz ruwānīg guft
963.0
ud way kē nasuš zanēd sār ī gar ud dālman ud warāγ ī syā ī ud ēč murw ī didīgar
964.0
nasuš nē zanēd
965.0
way čiyōn zanēd
966.0
ka =š azabar bē wāyēd ka =z abr ayāb azabar pōšīd ēstēd
967.0
ka way nasuš zanēd azabar ēdōn ast ī ka nē abr ayāb ud pōšīdagīh rāy ayāb azēr war =ēw būd hē
969.0
ēg =iš asāyag abar ōbast hē ā =š nasuš zad bawēd
970.0
ka azabar bē šawēd ēg =iš zad bawēd ayāb nē
971.0
pad abargīg nē zad bawēd tā agar asāyag abar abganēd
972.0
ka andar āb ābgēnag wēnēd nasuš zanēd nē
973.0
ka nasā andar pusyān nasuš zanēd
974.0
pad čāštag ī pēšagsīr nē zanēd
975.0
abargīg ōh darrišn sag ōh nimāyišn
976.0
mēdōmāhīg tēx =ēw azabar bē abganēnd tā bē darrēd ud sag bē nimāyēnd
977.0
ast kē ēdōn gōwēd ay ēdōn bēd wastarg tadag
978.0
u =š guft kū ka sag nimāyēnd ā =š nasuš zad būd
979.0
ud az man bē čiyōn pušt ī sag ud sar mardōm wēnēd čiyōn
980.0
pad pēšagsīr ka pad ēwkardagīh frāz wēnēd ā =š zad bawēd
981.0
ka nē pad ēwkardagīh bun ī mōy wēnēd u =š zad bawēd
982.0
ud ka nē pad ēwkardagīh ud mōy nihuft ud ō bun ī mōy nē paydāg ēg =iš nē
983.0
zad bawēd
984.0
mardōm ud sag kē =š pad dādestānōmandīh ayāb abēdād ayāb sag ud ayāb dad
985.0
dām bē ōzanēnd ayāb az stān bē gardēd pad tay abāz šawēd ud mīrēd ēg =iš pad čē zamān nasuš
986.0
abar dwārēd
987.0
ān ī ōzad ēstēd harw čē ōzad harw kē ōzad pad harw ēwēnag ī ōzad ōzanēd
988.0
ēg =iš pad gāh ī pēš pad tēx ī naxustēn ēg =iš nasuš abar dwārēd
989.0
az abestāg paydāg u =š guft ohrmazd kū tēz pas =iz ān any ān aradīh ī didīgar pad gyāg ēg =iš ān
990.0
druz ī nasuš abar dwārēd
991.0
hašt ī pad abestāg paydāg sagzad gurgzad ǰādūgānzad bēšzad bīmzad kū az kōf =ēw bē ōbadēd mardōmānzad pad dādestānōmandīh ī zūrzad pad adādestānīh tangzad frāz pad xafag pad radīh ī pēš nasuš abar dwārēd
992.0
ēg =iš handāzag pad =iš ōh āwarišn ayāb nē
993.0
pad čāštag ī gōgušnasp ā =š aw =iš ōh handāzišn
994.0
pad ān ī abarg ēg =iš tis =ēw aw =iš nē handāzišn tā =š gāh ī pēš pad =iš andar āyēd
995.0
ēg =iš dādestān ī sāyag čiyōn
996.0
pad mēdōmāhīg čiyōn nasā ī zīndagān
997.0
ud abargīg dādestān ud xānag ud mard nē zanēd
998.0
pēšagsīr ēdōn bawēd čiyōn nasā ī sagdīd awēšān =iz pad gyāg xānag ud
999.0
mard hamdādestān būd hēnd kūtā gāh ī pēš nē zanēd
1000.0
awēšān kē guft kū =š handāzag pad =iš nē āwarišn
1001.0
ka sag =ēw sag =ēw bē zanēd u =š ham ēdōn wizīrēnēnd
1002.0
hamrēh ud padrēh andar tāyag bawēd ka gāh ī pēš andar āyēd frōd barēd ud tuhīgīh rēman kirdan
1003.0
ud sag nimūdan andar kadām hangām
1004.0
andar ān hangām ka =š gāh ī pēš pad =iš andar āyēd
1005.0
abārīg =iz ud harw tis =ēw kē ēdōn bēd čiyōn nasā ī garā andar ān zamān bawēd
1006.0
wistarg bālišn kē sag ud mard pad =iš bē widerēd rēmanīh čiyōn
1007.0
ān ī azabar ud ān ī azēr ān tōf =ēw hamāg rēman
1008.0
az abestāg paydāg paywastagīh ud ēwkardagīh ud ǰudkardagīh āmār
1009.0
ud agar āmār čiyōn āmār
1010.0
ud harw ān ī paywastag ī ēk nasā aw =iš paywast rēman
1011.0
ān ī ǰudkardag nē rēman
1012.0
ka bōb abāg mih frōd grift ēstēd ayāb nē grift ēstēd
1013.0
čē bōb murd ast dādestān čiyōn
1014.0
ka frōd kird ēstēd mih =iz rēman agar nē ī kird ēstēd mih pāk
1015.0
ka abar bālišn murd ēstēd čiyōn
1016.0
ka nē abāg xwēš frōd grift ēstēd pašm =iz rēman
1017.0
ka abāg pašm frōd nē grift ēstēd pašm pāk
1018.0
ka bālišn ēwčand ul ēk ud did nihād ēstēd čiyōn
1019.0
ān ēk rēman ka nasā aw =iš mad ēstēd
1020.0
ka bālišn ēwčand pad ēk ōy ī did frōd bast ēstēd čiyōn
1021.0
hamāg rēman
1022.0
ān kē pad =iš frōd bast ēstēd čiyōn pāk
1023.0
ka pad ān kē frōd