Sections

1.0
šnāyišn ī dādār ohrmazd ī weh abzōnīg ī abzāyēnīdār ī rāyōmand ī xwarrahōmand ud amahrspandān ,
2.0
āfrīnišnīh ī abēzag ī wehdēn mazdēsnān tandrustīh ud dagrzīyišnīh ud ābādxīrīh ōy rāy kē nibēsīhēm
3.0
čiyōn az stūdgar paydāg kū zardušt az ohrmazd ahōšīh xwāst
4.0
pas ohrmazd xrad ī harwispāgāh ō zardušt be nimūd
5.0
u =š wan ēd bun padiš be dīd kē čahār azg , padiš būd
6.0
ēk zarrēn ud ēk asēmēn ēk pōlāwadēn ud ēk āhenēn abar gumēxt ēstād
7.0
ēg =iš pad ēd dāšt kū X pad xwamn dīd
8.0
ka az xwarm bē būd u =š guft zardušt kū xwadāy ī mēnōyān ud gētīyān nimāyēd kū =m draxt bun dīd kē čahār azg padiš būd
9.0
guft =iš ohrmazd ō spitāmān zardušt kū ān draxt ēw bun kē tō , dīd ud ān čahār azg ān čahār āwām ast ī rasēd
10.0
ān ī zarrēn ān ka man tō ham pursēm wištāspšah dēn bē padīrēd ud dēwān kālbod bē škennēd ō wirēg ud nihānrawišnīh ēstēnd
11.0
ud ān ī asēmēn xwadāyīh ardaxšīr ī kay šah
12.0
ud ān pōlāwadēn xwadāyīh anōšagruwān husraw ī kawādān
13.0
ud ān āhen gumēxt ēstād dušpādixšāyīh dēwān wizārdwars xešmtōhmag ud ka dahom sadōzim hazār tō sar bawēd spitāmān zardušt
14.0
pad zand wahman yasn ud hordad yasn ud aštād yasn paydāg kū tā ēd bār gizistag mazdak ī bāmdādān ī dēnpetyārag ō paydāgīh āmad u =šān petyārag pad dēn ī yazadān kird
15.0
ud ān anōšagruwān husraw ī māhdādān nēwšāpūr dādohrmazd ī ādurbādagān dastwar ud ādurfarrbay ī adrō ud ādurbād ādurmihr ud baxtāfrīd ō pēš xwāst
16.0
ud u =š paymān aziš xwāst kū ēn yasnīhā pad nihān ma dārēd bē pad paywand ī ašmāh zand ma čāšēd
17.0
awēšān andar husraw paymān kird
18.0
pad zand wahman yasn paydāg kū zardušt az ohrmazd didīgar bār ahōšīh xwāst
19.0
guft hād kū zardušt ham andar ēd dāmān ī tō ahlawtar ud kirdārtar d07ād/ār ka man ahōš be [kunēh] čiyōn wan ǰudbēš ud gōbedšah ud yōšt ī friyān None čihrōmēhan ī wištāspān None ī hād pišōtan ī bāmīg ast ka man ahōš be kunēh awēšān pad dēn ī tō weh wurrōyēnd kū ōy dēnburdār kē =š abēzag weh dēn ī mazdēsnān az ohrmazd padīrift ahōš be būd ēg awēšān mardōmān pad dēn ī tō weh wurrōyēnd
20.0
guft =iš ohrmazd kū ka tō ahōš be kunam spitāmān zardušt ēg tūr ī brādrōš ī karb ahōš be bawēd
21.0
ud ka tūr ī brādrōš ī karb ahōš be bawēd ristāxēz ud tan ī pasēn nē šāyēd
22.0
zardušt pad menišn dušxwār abar sahist
23.0
ohrmazd pad xrad ī harwispāgāhīh dānist kū =š čē menīd spitāmān zardušt ī ahlaw frawahr
24.0
aziš ān ī zardušt dast frāz grift , u =š ohrmazd mēnōy abzōnīg dādār ī gēhān astōmandān ahlaw
25.0
u =š xrad ī harwispāgāh pad āb kerb abar dast ī zardušt kird
26.0
u =š guft kū frāz xwar
27.0
ud zardušt az =š frāz xward
28.0
u =š xrad ī harwispāgāh frāz pad zardušt andar gumēxt
29.0
haft rōzudšabān zardušt andar ohrmazd xradīh būd
30.0
u =š be dīd zardušt pad haft kišwar zamīg mardōmān ud gōspandān kū harw ēk mōy čand tāg ud pad pušt None tāg tāg sar ō kū dārēd
31.0
u =š be dīd dār ud draxt kē čē ud čand rēšag ī urwarān pad spandarmad zamīg kū čiyōn rust ēstād kū gumēxt ēstēd
32.0
u =š haftom rōzšabān xrad ī harwispāgāh az zardušt abāz stad
33.0
zardušt pad ēd dāšt kū pad xwamn ī xwaš ī ohrmazddād dīd =im az xwamn nē guhrād ham
34.0
u =š harw dō dast burd ān ī xwēš kirb abāz mālīd kū dēr zamān xuft ēstam nē guhrād ham az ēn xwamn ī xwaš ī ohrmazddād
35.0
guft =iš ohrmazd ō ahlaw zardušt kū čē dīd pad xwamn xwaš ī ohrmazddād
36.0
guft =iš zardušt kū ohrmazd mēnōy ī abzōnīg dādār ī gēhān ī astōmandān ahlaw dādār dīd =im hangad ī wasxwāstag kē pad tan dusraw ud ruwān kirs nizār ud pad dōšox būd u =m nē burzišnīg sahist
37.0
u =m dīd driyōš ī nēstxīr ī ačārag u =š ruwān frabīh pad wahišt kē =m burzišnīg sahist
38.0
u =m dīd škōh wasfrazend u =m burzišnīg sahist
39.0
u =m dīd draxt ēw kē haft azg pad =iš būd
40.0
ēk zarrēn ud ēk asēmēn ud ēk rōyēn ud ēk brinǰēn ud ēk pōlāwadēn ud ēk āhen abar ham gumēxt ēstād ,
41.0
guft =iš ohrmazd kū spitāmān zardušt ēn ō pēš gōwam draxt ī tō dīd ān gētīg ast ī man ohrmazd dād
42.0
ud ān haft , azg tō dīd ān haft āwām ast ī rasēd
43.0
ud ān ī zarrēn xwadāyīh wištāspšah ka man ud tō dēn ham pursēm
44.0
wištāspšah dēn be padīrēd
45.0
ud dēwān kālbod be škennēd
46.0
ud dēwān az āškārīh ō nihānrawišnīh ēstēnd
47.0
ud ahriman ud dēwān abāz ō tam dwārēnd
48.0
ud pahrēz āb ud ātaxš ud urwar ud , spandarmad zamīg paydāg bawēd
49.0
ud ān ī asēmēn xwadāyīh ī ardašīr ī kay ka wahman ī spandyādān xwānīhēd kē dēw az mardōmān ǰudāg kunēd be payrāyēd hamāg gēhān dēn rawāg kunēd
50.0
ud ān ī rōyēn xwadāyīh ī ardaxšīr gēhān ārāstār ud wirāstār ud ān ī šābūr šah ka gēhān ī man ohrmazd dād ārāyēd bōxtagīh pad sāmān ī gēhān rawāg kunēd ud wehīh paydāg be bawēd ud ādurbād ī pērōzbaxt ī dēnrāstwirāstār pad rōy ī passāxtag ēn dēn abāg ǰudristagān abāz ō rāstīh āwarēd
51.0
ud ān ī brinǰēn xwadāyīh ī aškānān šah kē ǰudristagīhā bud az gēhān bē barēd ud ān ī druwand skandgar ī kalīsāgīh az ēn dēn be abesīhēd az gēhān wany ud apaydāg šawēd
52.0
ud ān ī arzizēn xwadāyīh ī wahrām ī gōr šah ka mēnōy ī rāmišn wēnāb paydāg kunēd ud ahriman abāg ǰādūgān abāz ō tār ud tom dwārēnd
53.0
ud ān ī pōlāwadēn xwadāyīh ī husraw ī kawādān šah ka gizistag mazdīk ī bāmdādān ī dēn ī petyārag abāg ǰudristagān ēstēd az ēn dēn abāz dārēd
54.0
ud ān ī āsemān āhen gumēxt ēstād spitāmān zardušt X
55.0
guft =iš zardušt kū dādār ī gēhān ī astōmandān mēnōy ī abzōnīg daxšag =iz ī sadōzim ī dahom , čē
56.0
guft =iš ohrmazd kū ahlaw zardušt rōšn kunam daxšag ī hazārag tō sar bawēd
57.0
ān ī nidom āwām rasēd sad ēwēnag ud hazār ēwēnag , ud bēwar ēwēnag dēwān ī wizārdwars ī xēšmtōhmag
58.0
az kustag ī xwarāsān ān ī wattom tōhmag ud xešm tōhmag ō ērānšahr ; dwārēnd ulgriftdrafš hēnd syā zēn barēnd ud wars wizārd ō pušt dārēnd ud xwurdag ud nidombunīg ud kirrōgkār zanišn pēškār wēš hēnd
59.0
spitāmān zardušt ān ī xešmtōhmag wišūd u =š bun nē paydāg
60.0
pad ǰādūgīh andar dwārēnd ō ēn ērān dehān ī man ohrmazd dād
61.0
čiyōn was tis sōzēnd ud wināhēnd mān az mānīgān ud X az dehgānān ud āzādīh ud wuzurgīh ud dādagānīh ud dēnrāstīh ud paymānīh zēnhār ud rāmišn ud harwisp daxšag ī man ohrmazd dād ēn dēn abēzag ī mazdēsnān ud ātaxš ī wahrām pad dādgāh nišast ēstēd ō nēstīh rasīd X zanišn ud appāragān be ō paydāgīh rasēnd
62.0
ud ān ī wuzurg rōstāg šahr ēw
63.0
ud ān ī wuzurg šahr deh None None ud ān ī wuzurg deh dūdag ēw None None ud ān ī dūdag āstānag ēw bē bawēd ,
64.0
spitāmān zardušt pad anāgīhkāmagīh ud sāstārīh dušpādixšāyīh be barēnd ēn ērān dehān ī man ohrmazd
65.0
awēšān dēwān wizārdwars frēftār hēnd kū ān gōwēnd nē kunēnd ud wattardēn hēnd kū ān ī nē gōwēnd kunēnd
66.0
ud u =šān pašt ud paymān rāstīh nēst ud ēwēnag nēst ud zēnhār nē dārēnd ud pad pašt kunēnd abar nē ēstēnd
67.0
pad frēftār wāz ud dušpādixšāyīh be kanēnd ēn ērān dehān ī man ohrmazd
68.0
andar ān āwām spitāmān zardušt hamāg mardōmān frēftār be bawēnd ud mihr wuzurg ǰudgōnag be bawēd
69.0
ud āzarm ud dōšāram ruwān dōstīh az gēhān bē šawēd
70.0
mihr pid az pus ud brād az brād bē šawēd ud dāmād az xwasrū ǰudkēsag be bawēd ud mādar az duxtar ǰudāg ǰudkāmag be bawēnd
71.0
ka sadōzim ī dahom ī tō sar bawēd spitāmān zardušt xwaršēd rāsttar ud nihangtar ud sāl māh ud rōz kamtar
72.0
ud spandarmad zamīg tangtar ud rāh nihangtar
73.0
ud bar tōhm be nē dahēd
74.0
ud bar ī ǰōrdāyān pad dahhašt be kāhēd ud dō be abzāyēd ud ān ī be abzāyēd spēd nē bawēd
75.0
ud urwar ud dār ud draxt be kāhēd
76.0
ka sad be stānēd nawad be kāhēd ud dah be abzāyēd ud ān ī be abzāyēd xwārom ud čāšnīg nē bawēd
77.0
mardōm kōdaktar zāyēd u =šān hunar ud nērōg kam ud frēftārtar wattardādtar bawēnd ud spās ud āzarm ī nān ud namak nē dārēnd
78.0
ud u =šān dōšāram pad X nē X dārēnd
79.0
ud andar ān ī wattom āwām murw ēd āzarm wēš dārēd kū ōy ēr ī dēnburdār mardōm
80.0
u =šān dahišn pad kār kam
81.0
u =šān kār ud kirbag az dast kem rawēd
82.0
hamāg sardagān ǰudkēšān ō awēšān anāgīh xwāstār bawēnd
83.0
ud hamāg gēhān nasānigānīh wistarišn be bawēd
84.0
ud nasā nigānīdan nasā šustan pad dād sōxtan ō āb ud ātaxš burdan ud nasā xwardan pad dād kunēnd ud nē pahrēzēnd pad kār ud kirbag wuzurg hangārēnd
85.0
ud druwandīh ud rāh dōšox dwārēnd
86.0
ud abārōnīh penīh ud wiyābānīh ī xešm ud āz rāy ō dōšox dwārēnd
87.0
ud andar ān ī škeft āwām spitāmān zardušt pādixšāyīh ī xešm ī xrudrafš ud dēw wizārdwars ī xešmtōhmag ān ī nidom bondag pad ērān dehān xwadāyīh frāz rawēnd
88.0
ud dēnīgān kē ēbyānghan pad kust dārēnd ēg =išān pādyābīh nē tuwān čē pad ān ī nidom āwām nasā ud hixr ōwōn was bawēd kū gām ō gām be nihēd pad nasā rawēd
89.0
ēwāz ka pad baršnūm šōyēd pāy az maγ bē nihēd pad nasāy rawēd
90.0
ēwāz ka pad nasākadag ī awēšān barsom pad frāz wistarēd ud drōn frāz yazēd pādixšāy bawēd
91.0
ēwāz pad ān ī nidom āwām yazišn ī pad dō mard pādixšāy bawēd kirdan tā ēn dēn pad nēstīh ud nizārīh nē rasēd
92.0
pad sad pad hazār pad bēwar ēk ēw bawēd kē pad ēn dēn wurrōyēd ud ān =iz ka kār az =iš nē kunēd
93.0
ud ātaxš ī wēhrām bē ō nēstudnizārīh rasēd
94.0
az ēhazār abāz ō ēk pahrēzēnd ud ān =iz ēsm ud bōy dādīhā pad =iš nē dahēnd
95.0
ēwāz ka mard ēw yašt kird ēstēd ud nērangistān nē dānēd pad wehmenišnīgīh bē abrōzēd pādixšāy bawēd
96.0
xwāstag ī āzarmīg hamāg bē ō ǰudkēšān X ǰudristagān rasēd
97.0
ud kirbakkar ī nēk dūdag ī āzādmardān bē ō X wišāddwārišnīh ēstēnd
98.0
ud xwurdagān duxt ī āzādagān wuzurgān ud mowmardān pad zanīh gīrēnd
99.0
ud āzādagān wuzurgān ud mowmardān bē ō škōhīh bandagīh rasēnd
100.0
ud § ud xwurdag bē ō wuzurgīh ud pādixšāyīh rasēd
101.0
nāčāragān ud xwurdagān bē ō pēšgāhīh rāyēnīdārīh rasēnd
102.0
ud gōwišn ī dēnburdārān ud muhr ī wizurd ud dādwar ī rāst gōwišn ī rāstān ud ān =iz ī ahlawān anspurrīgān bē bawēd
103.0
ud gōwišn ī xwurdagān ud spazgān ud abārōnān afsōsgarān ud ān ī drōdādestānān rāst ud wābar dārēnd
104.0
ud sōgand ī pad drō pad =iš xwarēnd ud zūrgugāhīh padiš dahēnd ud zūrgugāhīh ud anastag abar man ohrmazd gōwēnd
105.0
awēšān kē pad hērbedudhāwištīh nām barēnd ēk ō did rāy wad xwāhēnd ud a-xunak gōwēd ud āhōg abar nigerēnd ,
106.0
u =šān ahreman ud dēwān petyārag abar wēš burd ēstēd
107.0
az wināh ī mardōmān kunēnd az panǰ wināh sē wināh hērbedān ud hāwištān kunēnd
108.0
ud wehān $ dušmen bawēnd kū ēk ōy did rāy wad āhōg pad =iš gōwēnd
109.0
yazišn padīrēnd nē kunēnd
110.0
ud bīm az dušox nē dārēnd
111.0
ud andar ān dahom sadōzim hazārag tō sar bawēd ahlaw zardušt
112.0
hamāg mardōm āzparist ānāstagdēn be bawēnd kū ēk abr ī kāmagkār ud wād ī ardā pad āwām ud zamān ī xwēš wārān kirdan nē šāyēd
113.0
ud hamāg āsmān abr nizm šabēnēd
114.0
ud ān ī garm wād ān ī sard wād rasēd ud bar ud tōhm ī ǰōrdāyān bē barēd
115.0
wārān =iz pad hangām ī xwēš nē wārēd
116.0
ān =iz ī wārēd xrafstar wēš wārēd kū āb
117.0
ud āb ī rōdān ud xānīgān bē kāhēd ud abzāyišn bē nē bawēd
118.0
ud stōr ud gāw gōspand kōdaktar zāyēnd ud wadhunartar ud bār kam stānēnd ud mōy kamtar pōst tanuktar ud šīr nē abzāyēd ud čarbišt kam dārēd
119.0
gāw warzāg nērōg kam ud asp arwand hunar kam pad tāg kam barēd
120.0
ud mardōm pad ān škaft āwām spitāmān zardušt kē kustīg $ pad mayān dārēnd anāgīhxwāstārīh ī dušpādixšāyīh ud was ān ī drōdādestānīh ī =š abar mad ēstēd ī =šān zīwandagīh andar nē abāyēd ud margīh pad āyaft xwāhēnd
121.0
ud ǰuwānān ud aburnāyān pīm menišn bē bawēnd u =šān X X ud rāmišn az dil abar nē āyēd
122.0
ud ǰašn ud nihādag ī pēšēnagān ud ustōfrīt ī yazadān ud yašt ud yazišn ud gāhānbār ud frawardīgān gyāg gyāg kunēnd ud ān =iz ī kunēnd pad =iš abēgumānīhā nē wurrōyēnd
123.0
ud pāddahišn dādīhā nē dahēnd ud dāšn ud ahlawdād nē dahēnd ud ān =iz abāz abaxšāyēnd
124.0
ud ān =iz ī wehdēn mardōm kē ēn dēn ī weh ī mazdēsnān stāyīd ēstēd pad ān ī awēšān rāh ud ristag brahmagrawišn frāz rawēnd u =šān ān ī xwēš dēn nē wurrawēnd
125.0
ud āzād ud wuzurg ud dahīgān ī nēk az deh ud gyāg ī xwēš pad uzdeyīg az bungyāg ud dūdag ī xwēš bē šawēnd az xwurdagān ud wattarān tis pad niyāz xwāhēnd ō driyōšīh ud ačāragīh rasēnd
126.0
ēn mardōm pad dah nō pad kust ī abāxtar bē abesīhēnd
127.0
pad awēšān dušxwadāyīh harw tis ō nēstīh ud ačāragīh ud X ud xwastagīh rasēd
128.0
ud spandarmad zamīg dahan abāz , wišāyēd harw gōhr ud ayōšust ō paydāgīh rasēd čiyōn zarr ud asēm ud rōy ud arzīz ud srub
129.0
ud xwadāyīh ud pādixšāyīh ō anērān bundagān rasēd čiyōn xyōn turk ud xutul ud tōfēd čiyōn andarag kōfyār ud čēnīh ud kābulīh ud subdīg ud hrōmāyīg ud karmag X ud spēd xyōn pad ērān dehān man pādixšāyīh bawēnd framān ud kāmag ī awēšān pad gēhān , rawāg , bē bawēd ,
130.0
pādixšāyīh az awēšān dawālkustīgān ud tāzīgān ud hrōmāyīgān bē ō awēšān rasēd
131.0
awēšān ēdōn dušpādixšāyīhā bē bawēnd kū ka mard ēw ahlaw ī nēk ōzanēnd magas ēw pad čašm awēšān harw dō ēk bawēd
132.0
ud darbās ud hangadīh ud ābādīh ud deh ud dūdag ud xwāstag ud dastgird ud kahas ud rōd xānīg ī ērān wehdēnān ō awēšān anērān rasēd
133.0
ud spāh ud marz ud drafš ō awēšān rasēd ud xešmkāmagīh xwadāyīh pad gēhān rawēnd
134.0
ud āz čašm ī awēšān az xwāstag purr nē bawēd ud xwāstag gēhān gird kunēnd ud azēr ī zamīg nihān kunēnd
135.0
ud druwandīh rāy kūnmarz kunēnd ud daštānmarz was kunēnd ud waran ī abārōn was warzēnd
136.0
ud andar ān ī , škoft āwām šab rōšntar ud sāl māh ud rōz dōēk bē kāhēd spandarmad zamīg abar āyēd sēǰ margīh ud niyāzōmandīh pad gēhān saxttar bawēd
137.0
guft =iš ohrmazd ō sipitāmān zardušt ēn ān ī pēš gōwam
138.0
ōy druwand gannāg mēnōy ka bē abāyēd abesīhīdan stambagtar dušpādixšāyīhtar bawēd
139.0
ēdōn guft ohrmazd ō sipitāmān zardušt kū be sparān ud warm be kunēd zand pāzand ud wizārišn bē čāš
140.0
ō hērbedān ud hāwištān gōw ud pad gēhān frāz gōwēnd
141.0
awēšān kē az sadōzim nē āgāh hēnd ēg =išān gōw tā ēmēd ī tan ī pasēn rāy bōxtārīh ī ruwān ī xwēš rāy harg ud anāgīh petyārag ī awēšān ǰuddēnān ud dēwēsnān abar gīrēnd be barēnd
142.0
u =t ēn =iz gōwam spitāmān zardušt kū kē pad ān āwām tan xwāhēd ruwān bōxtan nē tuwān čē tan fribīh ud ruwān kirs ud nizār pad dōšox kē ruwān xwāhēd tan kirs ud nizār pad gētīy škōh ud driyōš u =š ruwān fribīh pad wahišt ,
143.0
pursīd zardušt az ohrmazd kū ohrmazd mēnōy abzōnīg dādār gēhān astōmandān ahlaw hād ohrmazd pad ahlaw xwānišn , ud abārīg pad stāyišn ast kē dādār ahlaw gōwēd dādār pad ān škoft āwām ahlaw bawēnd ud dēnīgān bawēnd kē , kustīg pad mayān dārēnd ud dēn pad barsom yazēnd u =šān dēn xwēdōdah pad dūdag rawēd ,
144.0
guft =iš ohrmazd ō ī zardušt kū mardān ī pahlom ān bawēd kē andar ān ī , škoft āwām pad mayān dārēd ud dēn pad barsom yazēd nē pad xwadāyīh wištāsp šā
145.0
kē andar ān ī , škoft āwām itāatyazam ašəmwohū ēw be gōwēd warm kird ēstēd ēdōn čiyōn andar xwadāyīh ī wištāsp šā dwāzdahhōmāsp ēw ī pad zōhr None None
146.0
ud kē =š yašt kird ēstēd gāhān srūd ēstēd ōwōn čiyōn ka =š xwadāyīh ī wištāsp šā yašt ā =z srūd gāhān yašt bawēd hē
147.0
ahlaw ī ahlawān ī pahlom ān bawēd kē pad wehdēn ī mazdēsnān ēstēd u =š dēn ī xwēdōdah pad dūdag rawēd ,
148.0
guft =iš ohrmazd kū spitāmān zardušt andar ēn nō-hazār sāl ī man ohrmazd dād mardōm andar ān ī škoft āwām škofttar bawēnd
149.0
čē andar dušxwadāyīh ī ažidahāg ī frāsyāb tūr mardōm pad ān ī škoft āwām wehzīyišntar ud X wēšzīwišntar būd , hēnd u =šān petyārag az ahriman ud dēwān kamtar būd ,
150.0
čē andar ān ī awēšān dušxwadāyīh andar ērānšahr , X deh ī awērān nē būd čiyōn ān ka hazārag tō sar bawēd spitāmān zardušt
151.0
čē X hamāg ērān dehān pad asp sumb awēšān bē kanīhēd awēšān drafš andar ō padišxwārgar rasēd ud gāh ud dēn stahm pādixšāyīh az ānōh bē barēnd u =šān zanišn az ān gyāg rasēd
152.0
spitāmān zardušt ēn ān ī pēš gōwam
153.0
kē az astān ēdōn pad yazišn abar ō weh ohrmazd rāy yazišn wēš kunēd ohrmazd āgāh az ahlāyīh čēgāmizēw kū kār kirb mizd pādāšn , ohrmazd āgāh az ahlāyīh dahēd
154.0
hanǰamanīyān ī narān ud mādagān yazam ud amahrspandān kē nar =iz mādag =iz awēšān weh hēnd ,
155.0
pursīd zardušt az ohrmazd kū ohrmazd mēnōy ī abzōnīg dādār gēhān ī astōmandān ahlaw az kū abāz wirāyēnd ēn dēn ī weh ī mazdēsnān ud pad čē abzār bē zanēnd ēn dēwān ī wizārdwars ī xešmtōhmag
156.0
dādār man ōš dah ud āwādagān ī man ōš dah kū ma ēd zīwānd andar ān ī škoft āwām gišnagzīwišnīg dah kū druwandīh ud rāh ī dōšox nē wirāyēnd
157.0
guft =iš ohrmazd kū spitāmān zardušt pas az nišānag syā pādixšāyīh az awēšān xešmtōhmagān az salmān dehān druz ī šēdaspīh ud kalīsāgīh hād , māhwinddād guft kū hrōmāyīg bawēnd ud rōšn guft kū suxrzēn ud suxrdrafš suxrkulāh bawēnd hād ka daxšag awēšān bawēd
158.0
ka be āyēnd sepitāmān zardušt xwaršēd X nizm nišān nimāyēd ud māh gōnag gōnag paydāg bawēd būmčandag was bawēd ud wād stahmbagtar āyēd pad gēhān niyāz ud tangīh ud dušxwārīh wēš ō dīdār āyēd ud tīr ī ohrmazd wattarān rāy pādixšāyīh rāyēnēnd
159.0
ēsadgānag ēhazārgānag bēwargānag bawēnd druz šēdaspīh kalīsāyīh drafš ī suxr dārēnd
160.0
u =šān rawišn was
161.0
tāzand ō ēn ērān dehān man ohrmazddād tā arand bār
162.0
hād bawēd kē frād rōd guft tā ō X X X X X yōnān ī asūrestānmāniš hād yōnān sāxt hamahl
163.0
u =š asūrīgmānišnīh ēd kū mardōm ī asūrīg padiš ōzanēnd ud ān ī awēšān nišēmag
164.0
hād būd kē gilistag ī dēwān guft
165.0
ēdōn bē ōzanēnd ān ī awēšān xešmtōhmagān sad gānag ud hazār gānag ud bēwar gānag abāz wardēnd drafš nišān
166.0
amar spāh ī awēšān dēwān ī wizārdwars be rasēnd ō ēn ērān dehān ī man ohrmazddād kunēnd frāxdawīdār frāxanīg dušmen turk , X X X X X X X X X X X X , X X X X X X X X X X X X X X X
167.0
turk ud dawālkustīg hrōmāyīg ī šēdaspīh ī kalīsāgīh pad hamrasišnīh frāz rasēnd
168.0
ud pad kōxšišnīh pad se gyāg ardīh ī wuzurg se bār būd ud bawēd sipitāmān zardušt
169.0
ēk pad xwadāyīh ī kāwus ka pad ān ī dēwān abāgīh abāg amahrspandān
170.0
ud didīgar ka tō sipitāmān zardušt dēn padīrift ud hampursagīh ī tō wištāsep šā ud arzāsp ī xēšmwišūd pad , kārēzār ī dēn pad hamēkōxšišnīh ī pad spēd razūr hād būd kē andar pārs guft
171.0
ud sidīgar ka hazārag ī tō sar bawēd sipitāmān zardušt ka ān ī harw sē ō ēd gyāg rasēd turk ud tāzīg ud hrōmīg hād būdan , kē dašt nišānag guft ud hamāg ērān dehān ī man ohrmazddād az gāh ī xwēš bē ō padišxwārgar rasēd
172.0
hād būd kē ādur wišnasp pad war ī čēčast ī zafr ī garmāb ī ǰuddēw hād ānōh čiyōn paydāg hād būd kē māhīg guft kū nōg warzand
173.0
ēdōn pad tāzišn bawēd pad ēn ērān dehān ī man ohrmazddād az xešmtōhmagān sipitāmān zardušt kū ēn mardōm ō padišxwārgar ud pārs sūrāgmānīh ud kōfmānīh ud drayāmānīh ēg =iš nihang bē mānēd
174.0
čē ka šōy xwēš bē tuwān bōxtan ēg =iš zan ud frazand ud xwāstag ayād nē bawēd kū ma zīwēnd ān ī škoft hangām
175.0
zardušt čē ān rōz ka sadōzim hazārag tō sar X ī zarduštān ka ēč =iš druwand az ēn hazārag andar ān hazārag nē šawēd
176.0
pursīd zardušt az ohrmazd kū ohrmazd mēnōy abzōnīg dādār gēhān astōmandān ahlaw ka awēšān ēdōn was marag hēnd pad čē abzār bē šāyēnd || absistan
177.0
guft =iš ohrmazd kū spitāmān zardušt ka dēw ī wizārdwars ud xešmtōhmag ō paydāgīh āyēd pad kust ī xwarāsān nazdist nišān , syā paydāg bawēd
178.0
zāyēd xwaršīdar ī zarduštān pad war ī x hād kaš ō hampursagīh man ohrmazd rasēd spitāmān zardušt kust ī čīnestān guft hād būd kē andar hindūgān guft
179.0
zāyēd kay ēw hād pid ī ōy kay az kayān tōhmag ō zanān bawēd
180.0
u =š zāyēd kay ēw ī dēnīg wahrām ī warzāwand nām xwānīd hād būd kē šāpūr guft
181.0
kū ān šab ka ān kay zāyēd nišān ō gēhān rasēd stārag az āsmān wārēd
182.0
ka ō kay zāyēd stārag nišānag nimāyēd hād , dādohrmazd guft kū ābān māh ud wād rōz pidar ī ōy frazām bawēd pad kanīgān ī šā parwarēnd
183.0
xwadāy zan ēw bawēd ōy kay ka sīsālag bawēd hād bawēd kē āwām guft
184.0
pad amardrafšīh spāh spāh hindūg ud čīnīh ulgriftdrafš hēnd čē drafš ul gīrēnd abrāstagdrafš hēnd ud abrāstagzēn hēnd
185.0
pad tāzišn , ul tāzēnd tā weh rōd būd kē bam deh guft tā andarg baxl bahr ud bahrān spitāmān zardušt
186.0
ka stārag ī ohrmazd ul ō bālist rasēd ud anāhīd rāy frōd abganēd xwadāyīh ō kay rasēd was amar gund zēnāwand ārāstagdrafš hēnd hād būd kē az sīstān ud pārs ud xwarāsān hād būd kē az war ī padišxwārgar guft hād būd kē az harēw kōfestān guft hād būd kē az tabarestān guft
187.0
ud az ān kustag abornāyag ēw xwāstār bē paydāgīh āyēd hād drafš ī ārāstag ud was marag spāh ī padišxwārgar az ērānšahr zēnīgān ud gund ud spāh būd kē =t guft kū kurddiz kirmāndiz xwānēnd rāy paydāg kū pad ham ayārīh hamdrafšīh ō ēn ērān dehān was marag bē ōzanēnd awēšān xešmtōhmagān ī šēdaspīy hēn ī frāxanīg dām gurg ī dōzang ud dēw ī dawālkustīgān
188.0
pad arwand bār sē kārezār kunēnd ēk pad spēdrazūr ud ēk pad dašt ī nišānag
189.0
hād būd kē guft kū pad war ī sētōhmag ud būd kē guft kū andar marw ī šēdān , hād X būd kē andar pārs guft
190.0
ō pušt ī ērān dehān amar spāh ī xwarāsānīh abrāstagdrafš hād kū drafš bawrpōst dārēnd u =šān wād drafš bandōg spēd
191.0
ud amar ul spāh nixwārēnd tā ō gilistag ī dēwān ēdōn bē ōzanēnd kū hazār zan pay mard ēw wēnēnd X bē bōyēnd
192.0
ka zamān sar bawēd , spitāmān zardušt awēšān dušmenān ēdōn bē abesīhēnd čiyōn draxt ēw bun ka pad ēd šab ī zamestān ī sard abar rasēd ud pad ēd šab warg bē abganēd
193.0
ud abāz wirāyēnd ēn ērān dehān ī man ohrmazddād
194.0
ud pad X , dwārišn dwārēd gannāgmēnōy abāg dēwān wattarān tōhmagān ud xešm ī xurīdruš bē ō pušt ud ayārīh ī awēšān dēwēsnān ud xešmwišūdagān rasēd None spitāmān , zardušt
195.0
ud man dādār ohrmazd frēstam nēryōsang yazad srōš ahlaw bē kangdiz ī siyāwaš ī bāmīg kird čihrōmēhan wištāspān kayān xwarrah dēn rāst wirāstār kū ēd pišōtan bāmīg frāz raw ō ēn ērān dehān ī man ohrmazddād ātaxš ābān frāz yaz ī hādōxt dwāzdahhōmāst hād pad ātaxš ābān frāz yaz ān pad ātaxš ī ābān paydāg
196.0
ud rawēd nēryōsang yazad srōš ahlaw az weh čagād ī dāitīy ō kangdiz ī siyāwaš ī bāmīg kird az =iš wāng kunēnd kū frāz raw pišyōtan ī bāmīg čihrōmēhan ī wištāspān kayān xwarrah dēn rāst wirāstār , frāz raw ō ēn ērān dehān ī man ohrmazddād abāz wirā gāh ī dēn xwadāyīh
197.0
awēšān mēnōy abar rawēnd u =šān yazēnd dwāzdahhōmāst pad zōhr
198.0
frāz , yazēd pišōtan ī bāmīg abāg ēksadpanǰāh ahlaw kē hāwišt ī pišōtan hēnd
199.0
pad syā samōr ud ǰāmag pad ī mēnōy ī weh dārēnd ul rawēnd pad humat ud hūxt huwaršt
200.0
ātaxš ī ābān frāz yazēnd hādōxt bāmīg
201.0
frāz stāyēnd man ohrmazd abāg amahrspandān
202.0
ud pas az ān bē škennēd petyārag se ēk ēw
203.0
ud frāz rawēd pišōtan bāmīg abāg ēksadpanǰāh mard kē syā samōr dārēnd
204.0
ud ādur ī xwarrahōmand ī rōšnkirb xwānēnd ī pad dādgāh nišast X ādur ī farnbāy hordad amurdad pērōzgar
205.0
u =š pad hamzōtīh yazišn frāz sāzēnd None barsom frāz wistarēnd ud yazēnd hordad amurdad yasn pad dar ud nērangēstān ī dēnīg
206.0
škennēd petyārag srīšwadag
207.0
frāz rawēd pišōtan ī wištāsbān None hamayārīh farnbay ud ādur gušnasb ud ādur ī burzēnmihr ō uzdēszār ī wuzurg nīšēmag ī druwand gannāg mēnōy None xešm ī xrudruš ud hamāg dēwān ud druzān ud wadtōhmagān ud ǰādūgān ō ān ī zofāytom ī dōšox rasēnd bē kanēnd ān uzdēsčār pad hamkōxšišnīh ī pišōtan ī bāmīg
208.0
ud man dādār ohrmazd abāg amahrspandān ō gar hukiryāt āyam ud framāyom ō amahrspandān kū gōwēnd ō yazadān ī mēnōyān kū rawēd ō ayārīh ī pišōtan ī bāmīg
209.0
mihr ī frāxgōyōd srōš tagīg ud rašn ī rāst ud wahrām ī amāwand ud aštād ī pērōzgar xwarrah ī dēn ī māzdēsnān ud nērōg rāyēnīdār ī gēhān ārāstār pad framān ī man dādār ō pušt rasam ō ayārīh ī pišōtan ī bāmīg bē dēwān ī tomtōhmagān
210.0
wāng kunēd None gannāg mēnōy None ō mihr ī frāxgōyōd kū pad rāstīh ul ēst tō mihr ī frāxgōyōd
211.0
ud pas mihr ī frāxgōyōd wāng kunēd None kū ēn nōhazār sāl pašt ī =š kird tā bun dahāg ī dušdēn ud frāsyāb ī tūr ud alaksandar ī hrōmāyīg ud awēšān dawālkustīg dēwān ī wizārdwars ēhazār , sālān āwām wēš az paymān xwadāyīh kird
212.0
ud stard bawēd ān druwand gannāg mēnōy None ka ēdōn ašnūd
213.0
mihr ī frāxgōyōd bē zanēd xešm ī xurdruš pad stōwīh dwārēd
214.0
ān ī druwand gannāg mēnōy None abāg wišūdagān ud wadtōhmagān , abāz ō ī tārdom ī dōšox dwārēd
215.0
ud wāng kunēd None mihr ī frāxgōyōd ō pišōtan ī bāmīg kū kan bē zan ān uzdēsčār ī dēwān nišēmag raw ō ēn ērān dehān ī man ohrmazddād abāz wirāy gāh dēn xwadāyīh ud abar druwandān ka tō wēnēnd bē škennēnd
216.0
ud abar rasēd None pišōtan ī bāmīg ud ādur farnbāy None ud ādur ī wišnasb None ud ādur ī burzēnmihr None ī pērōzgar bē zanēd ān druz ī was ōz bē kanēd ān uzdēsčār kū nišēmag ī dēwān
217.0
ud yazišn frāz , sāzēnd None barsom frāz wistarēnd ud yazēnd dwāzdahhōmāst ud stāyēnd man ohrmazd abāg amahrspandān
218.0
ēn ān pēš gōwam ,
219.0
frāz rawēd pišōtan ī bāmīg ō ēn ērān dehān ī man ohrmazddād ō arwand ud wehrōd
220.0
ka druwandān ōy wēnēnd bē škennēnd awēšān tomtōmagān nē arzānīgān
221.0
, ān ī wahrām ī warzāwand rāy paydāg kū pad purrxwarrahīh frāz rasēd None ud dēdāhm frāz bandēd pad gāh ī mowbedān mowbedīh None ud gāh ī wizurd rāst ī dēn gumārd abāz wirāyēd ēn ērān dehān ī man ohrmazddād
222.0
ud āz ud niyāz ud kēn ud xešm ud waran ud arešk ud druwandīh az gēhān bē nirfsēd
223.0
ud gurg āwām bē šawēd ud mēš āwām andar āyēd None
224.0
ud ādur ī farnbāy ud ādur ī gušnasp ādur ī burzēnmihr abāz ō gāh ī xwēš nišīnēnd ud ēsm ud bōy None dādīhā bē dahēnd
225.0
ud stard ud abēōš bawēd gannāg mēnōy None druwand abāg dēwān ud tomtōhmagān
226.0
ēdōn gōwēd pišōtan ī bāmīg kū zad bawād dēw
227.0
ud zad parīg zad bawād dēwdruzīh ud wattarīh
228.0
ud zad bawānd tomtōhmagān dēwān
229.0
ud abzāyēd abzāyād xwarrah ī dēn ī mazdēsnān
230.0
ud abzāyād dūdag ī rādān ud rāstān ī huwaršt ud warzīdārān
231.0
ud xūb wirāstār bād gāh ī dēn ud xwadāyīh
232.0
frāz rasēd pišōtan ī bāmīg
233.0
frāz rasēd abāg sadpanǰāh mard ī hāwišt kē syā X samōr dārēnd ud gīrēnd taxt gāh ud dēn ud xwadāyīh xwēš
234.0
guft =iš ohrmazd ō spitāmān zardušt ēn ān ī pēš gōwam None
235.0
ka hazārag tō sar bawēd None ōšīdarān bun bawēd None ōšīdar rāy paydāg kū pad ekhazārudšašsad bē zāyēd ud pad sī sālagīh ō hampursagīh ī man ohrmazd rasēd dēn padīrēd None X
236.0
ka az hampursagīh bē āyēd wāng kunēd ō xwaršēd arwandasp kū bē ēst
237.0
bē ēstēd xwaršēd ī arwandasp dah rōzudšabān
238.0
ud ka ēn bawēd hamāg mardōm ī gēhān pad weh dēn mazdēsnān bē ēstēnd None
239.0
mihr ī frāxgōyōd wāng kunēd ō None ōšīdar ī zarduštān kū ōšīdar ī dēn rāst wirāstār wāng kun ō None xwaršēd ī arwandasp kū bē raw čē tārīk ast pad kišwar ī arzah ud sawah ud fradadafš ud dīdadafš ud wōrūbaršt ud wōruǰaršt ud xwanirah bāmīg
240.0
wāng kunēd ōšīdar ī zarduštān , ō None xwaršēd
241.0
wāng kunēd kū kū bē raw
242.0
bē rawēd xwaršēd arwandasp , ī warzāwand ud hamāg mardōm pad weh dēn ī mazdēsnān bē wurrōyēnd
243.0
guft =iš ohrmazd kū spitāmān zardušt ēn ān ī pēš gōwam None kū ēn dām abāz ō astīh ī xwēš ānayēd
244.0
ka nazdīk ī hazārag sar bawēd pišōtan ī wištāspān None ō paydāgīh āyēd xwarrah ī kayān ī pērōzgar bē rasēd None
245.0
ud ān dušmen kē druzīh abar nišast None čiyōn turk ud tāzīg ud hrōmāyag ud wattar mardōm ī ērānag pad čērīh ud stahmagīh ud xwadāy dušmenīh rawēnd ātaxš zanēnd ud dēn zār kunēnd ud amāwandīh pērōzgarīh awiš barēnd
246.0
ud ān ī dād ud dēn harw kē kāmāgīhā padīrēd agar =iš akāmagīhā abar padīrēd None ān ī dād ud dēn hamāg zanēnd tā hamāg hazārag sar bawēd None
247.0
ud pas ka hazārag xwaršēdmāh āyēd pad xwaršēdmāh dām rawāgtar bawēd ud druz āz čihrag bē zanēd ,
248.0
pišōtan ī wištāspān None hamgōnag dastwar ud rad ī gēhān bawēd
249.0
andar ān hazārag ī xwaršēdmāhān mardōm pad bizeškīh ēdōn kirrōg bawēnd
250.0
dārūg ud darmān ēdōn pad kār āwarēnd ud barēnd None ka bē ō margīh ī dādestānīh ēg =iš nē mīrēnd ud ka pad šamšēr ud kārd zanēnd ōzanēnd
251.0
pas ahlomōγān az bahr ī dāsar ī ēwēnagīh xwāhēd wattarīh ahlomōγīh rāy nē dahēnd
252.0
ud ahlomōγ az ān kēn āxēzēd ō abar ān kōf ī dambāwand kē bēwarasp rōn drāyēd kū nūn nōhazār sāl ast frēdōn nē zīndag čim rāy ka tō ēn band bē nē wiyōzēd abar nē āxēzēd kē ēn gēhān purr az mardōm ast
253.0
u =šān az war ī ǰamkird abar ānīdan hēnd
254.0
pas ān ahlomōγ ham čiyōn ēn drāyēd None az ān čiyōn None azidahāg az bīm ī ān ī frēdōn dēsag pad , kirb ī frēdōn pēš ul ēstēd ān fradom nē wiyōzēd tā ka ahlomōγ ān band ud čōb az bun bē wiyōzēd
255.0
ud pas dahāg zōr abzāyēd None
256.0
band az bun bē wiyōzēd
257.0
dwārišn ēstēd ud pad gyāg ahlomōγ abāz ōbārēd
258.0
ud andar gēhān dwāristan wināh kirdan None ud amar wināh ī garān kunēd
259.0
ud az mardōm gāw ud gōspand ī abārīg dām ī ohrmazd pad sēēk abāz ōbārēd
260.0
āb ud ātaxš ud urwar zanēd
261.0
ud wināh ī garān kunēd
262.0
ud pas ud āb ud ātaxš ud urwar pēš ī ohrmazd ī xwadāy pad garzišn ēstēd
263.0
ud garzišn ēn kunēd kū frēdōn zīndag abāz kun tā azidahāg bē ōzanēd
264.0
čē agar tō ohrmazd ēn nē kunē amāh pad gētīg nē šāyēm būdan
265.0
ātaxš gōwēd kū nē waxšēm
266.0
ud āb gōwēd kū nē tazam
267.0
ud pas man ohrmazd ī dādār ō srōš ud nēryōsang yazad gōwam tan sāmān kirsāsp bē ǰombānēnēd tā abar āxēzēd
268.0
pas srōš ud nēryōsang yazad ō kirsāsp šawēnd sē bār wāng kunēnd None čahārom bār abāg pērōzgarīh sām abar āxēzēd ud padīrag ī azidahāg šawēd None X X aziš nē āšnawēd
269.0
u =š gad ī pērōzgar ō sar pahikōbēd ud zanēd ōzanēd
270.0
pas drōšag ud petyārag az ēn gēhān bē šawēd tā hazārag bun kunam None pas sōšāns dām abēzag abāz kunēd ud ristāxēz ud tan ī pasēn bē bawēd
271.0
frazām pad drōd ud šādīh ud § pad yazadān kāmag bawād
272.0
ēdōn bawād ēdōntar =iz bawād
273.0
X X X X X X X
274.0
X X X kē X